Tausug Concerning Islam [PAGPASAMPAY IBAN PAGTAYMANGHUD]

HUKUMAN SIN CRISMAS (by: Ustadh Fahad Haris)

2012-12-25T03:46:00.002-08:00

Hiyaram ha sabarang muslim in crismas sabab hiyaram katuh in maningudsingud pa manga satruh sin islam , karnah matarbilang kaw kanila ha sabda sin nabiy Muhammad alayhis salatu wassalam

فقال صلى الله عليه وسلم : { من تشبه بقوم فهو منهم }

Hisiyu-siyu in maningud singud pa manga yahudiy iban nasraniy ( kafir ) in siya yan tarbilang na daying kanila

Laung ibnu taymiyya

قال شيخ الإسلام رحمه الله : "وهذا الحديث أقل أحواله أن يقتضي تحريم التشبه بهم …….. )

In hadis yan in sababah-babah na manunjuki sin haram ha katan muslim maningud-singud ha manga kafir ,

Manga ummat islam sabunnal tuud nanawagtawag in allahu ta’ala pa katan muslim sin dih tuud manjari maningud singud in sabarang muslim pa kakahinang sin manga sila kafir , bang bunnal iban mattan in pag-ka muslim mu anduh sambaga in panawagtawag kaymu sin tuhan mu , karnah hikarayaw kaymu iban hikadawhat mu kasanyangan dain di ha dunya dagpak pa adlaw kiyamat.

HUKUMAN SIN MAG-TUNANG TUNANG (BOYFRIEND and GIRLFRIEND) by: Ustadh Fahad Haris

2012-12-25T03:44:00.000-08:00

Pangadjian daying kan Fatimah Hannah

Assalamu alaykum warahmatu allah wa barakatuhu ,

Manga ukhti muslima wajib ha tiyap-tiyap babai umiran niya tuud in baran niya daing ha manga tamak tauktuk sin kausugan , in mag-tunang tunang bukun dain ha manga pangaddatan sin muslim sartah bukun siya pamanduh sin agama islam , smugawah in yan nakawah sin manga bangsa muslim ha manga kapir , ha tiyap-tiyap bulan atawa kan tahun mag-pinda panda sadya sin tunang , bang sila sumuhun na ha tunang nila yaun brekan nila na , nahinang in kabuhih nila biyah kabuhih sin binatang .Nahinang biyah normal na ha kakahinang nila in salummi-lummi kakahinang yan , hangkan bang dih mapatung iban maayad in babai muslim sambil siya kalaminan da sin sakit yan .hangkan wajib umanib in babai muslima ha parakalah yan sabab in mag-tunang tuning bilang siya sin sarah sin islam daing ha manga zina ha farman sin allah

قال الله تعالى : {ولا تقربوا الزنا إنه كان فاحشة وساء سبيلاً}[الإسراء32]

Ayaw kamu sumuuk pa kakahinang zina , sabab in siya yan salummi-lummi na kakahinang

In maksud sin ayat yan , hiyaram sin allah in katan way ( tiranan ) sin hikahinang mu sin zina , ampa matampal in daing ha manga salagguh laggu tiranan hika hinang zina sin babai iban usug amuna in mag-tunang-tunang , pila na sadya in kitah iban sin diyungug natuh daing ha manga kababaihan sin muslim , aun daing kanila burus na asal ampa nag-tiyaun , aun pa daing kanila mag-kawah-kawah naa muna ampa mag-tiyaun .Unu in sabab niya yan ? hambuuk da tuud in sabab niya pasal nag-tunang-tunang sila .Ukhti muslima unu aun ubat sin sakit jimatu yan ? Tantu tuud aun ubat piyara sin allah iban rasul niya , sarayaw ubat marayaw na sartah magpahalah pa kaw , in ubat niya yan amuna in pag-banah / paghulah-hulah .Allahu akbar ! wayruun na lumagguh ubat bang yagad sin manga kababaihan in wasiyat kanila sin allah iban rasul niya , sabab kaubatan katan sin pag-hulah-hulah , kaubatan niya in zina , sartah kaubatan niya in hulah dain ha kadaluhakaan , in pagbana malaggu tuud in pahalah madawhat sin babai bang karnah sin allahu ta’ala .Bukun isab in pag-iyanun ku dain duun pag-bana bat karnah magdakup kaw atawa kan manguwuh kaw usug bukun bihayan in magsud , sumagwah in maksud ayaw kaw mag-tunang tuning , sartah bang kaw mabahayah na mag-bana wayruun sah niya minsan kaw umiyan ha maas mu sin miki pabana nakaw bang kaw makagaus umiyan ha duwa maas mu .

Tum-tumun natuh in ha sarah sin islam mag-hambuuk ( magkawin ) naa muna ampa mag-lasa bihayan in pamita katuh sin allah iban rasul niya iban bihayan in kakahinang sin manga sahabat kiyridaan sila sin allah , bukun biyah sin manga kapir maglasa na muna ampa maghambuuk .

Mahuli niya mag-maap mayan kaniyu bang sawpama aun nabissara namuh masakit ha atay niyu , managayuh aku kamaapan ha jung-jungan niyu bang mayan kitaniyu parihalaun iban sin akan apuh natuh daing ha kakahing zina allahumma amin!!!

AYATU AL-QURSIY (Ustadh Fahad Haris)

2012-11-28T09:36:00.002-08:00

In ayatu al-qursiy siya na in salagguh-lagguh ayat halaum sin qur’an mahamuliya , laung hi ibnu kathir ha kitab niya tafsir in ayat qursiy siya na in sarayaw-rayaw ayat haluam qur’an sin allahu ta’ah.

Riwayat dain kan ahmad ibn hambal rahima allahu ta’an baytah daing kan Ubay ibn ka’ab kiyaridaan siya sin allahu ta’ala ha sabda sin nabiy in salagguh-lagguh ayat halaum sin qur’an ( ALLAHU LAILAH ILLAH HUWA ) amuna in ayatu al-qursiy.

Damikkiyan kiyabayta hi abu hurayrah sabunnal tuud in ayatul qursiy bang siya nabassa mu sin dum in shaytan dih sumuuk kaymu sahingga maadlaw in hulah.

Iban kiyariwayat daisab bunnal tuud in ayatul qursiy bang mu nabassa sakahabah kaw maubus sumambahayang lima waktu wayruun makaphgang kaymu sumud palum surgah malaingkan kabuhih.

In bay apabila kabassahan sin ayatul qursiy maguy saruun duun halaum niya saytan .

Maytah siya kiyanganan ayatul qursiy?

Duun ha ini kiyabaytah hi imam ahmad iban hi abu daub iban na sin dugaing nila hangkan siya kiyangan sin ngan yaun sabab nasabbut sin nabiy Muhammad salawat iban salam kaniya sin allah , nabangkil duun in duwa dain ha manga ngan sin allahu ta’ala salagguh-lagguh amuna in ( ALLAHU LA ILAHA ILLAH HUWA AL-HAYYU AL-QAYYUM).

اللَّهُ لَا إِلَهَ إِلَّا هُوَ الْحَيُّ الْقَيُّومُ لَا تَأْخُذُهُ سِنَةٌ وَلَا نَوْمٌ لَهُ مَا فِي السَّمَاوَاتِ وَمَا فِي الْأَرْضِ مَنْ ذَا الَّذِي يَشْفَعُ عِنْدَهُ إِلَّا بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلَا يُحِيطُونَ بِشَيْءٍ مِنْ عِلْمِهِ إِلَّا بِمَا شَاءَ وَسِعَ كُرْسِيُّهُ السَّمَاوَاتِ وَالْأَرْضَ وَلَا يَئُودُهُ حِفْظُهُمَا وَهُوَ الْعَلِيُّ الْعَظِيمُ (255)

“ ALLAHU LA ILAHA ILLAH HUWA AL-HAYYU AL-QAYYUM LA TAHKHUDHUHU SINATUH WA LA NAWUM , LAHU MA FIY ASSAMAWATI WA MA FIYR ARD MAN DHA ALLADHI YASHFAU EINDAHU ILLAH BIIDNIHI , YAHLAMU MA BAYNA AYDIHIM WA MA KHALFAHUM WA LAA YUHITUNA BISHAYIN MIN ILMIHI ILLA BIMA SHA’A WASIA KURSIYYUHU ASSAMAWATI WAL ARD , WA LA YAUDUHU HIFDUHUMA HA HUWA AL-ALIYYU AL-ADHIEM."

اللَّهُ لَا إِلَهَ إِلَّا هُوَ

Allah wayruun mapatut pag-ipun iban pagtuhan malaingkan tunggal siya , in lapal ( الله ) in ALLAH lapjul jalala dih siya manjari hi pagngan malangkan tuput kaniya , hatiniya AL- MAHLU in hati sin al-mahlu AL-MAHBUD in mahbud tuhan sin sabarang piyapanjari ha pitung lapis langit iban lupah iban tuhan subay pagtagipunan nila . daing ha sabab yan apabila in muslim umiyan ALLAH in tuhan ku subay siya sumujud kaniya sartah patunggalun in pag-ibadat niya.

In ( لا إله ) ( LAM ) na’fiyya hatiniya payluhan in sabarang tuhan

( إلا هو) ( ILLA HUWA ) istbath hatiniya malingkan tunggal in ALLAH.

الْحَيُّ

In allah siya in ( ALHAYYU ) : in alhayyu daing ha manga ngan sin allah salagguh-lagguh , hati niya nagsisipat siya sin sipat buhih kakkal salama-lama wayruun salih sabanding.

الْقَيُّومُ

In ALQAYYUM daing ha manga ngan sin allahu ta’ala salaggu lagguh nagsisipat siya sin sipat way sabanding dih siya maghajat sin unu-unu na paltulungan hangsulah unu-unu , buhih kakkal salam lama.

لَا تَأْخُذُهُ سِنَةٌ وَلَا نَوْمٌ

In allahu ta’ala dain manga sipat niya , dih pagkaruun iban dih matug salama-lama , amupaka matug , minsan in karuun dih da . niyapihan ( piyayluhan ) sin allahu ta’ala iban biyahtal niya duun ha jat niya in sipat bukun matup ha jat niya daing ha sabab yan ha sabda sin nabiy Muhammad

إن الله لا ينام و لا ينبغي له أن ينام

Bunnal tuud in allahu ta’ala maha sutsi mahatinggi dih siya magtug iban dih tuud manjari kaniya in matug.

لَهُ مَا فِي السَّمَاوَاتِ وَمَا فِي الْأَرْضِ

In katan piyapanjari ha pitung lapis langit iban lupah tag-milik niya , sartah siya in tuput tag-amulahi kanila siya in pag-tuhan sin manga makhluq ha taas langit tuput tunggal siya , damikkiyan niya in katan sabarang ha babaw sin gumi iban sin halaum niya , wayruun daing ha manga unu-unu na piyapanjari malaingkan mamudjih kaniya.

مَنْ ذَا الَّذِي يَشْفَعُ عِنْدَهُ إِلَّا بِإِذْنِهِ

Wayruun maka saapat ha adlaw kiyamat iban ha adlaw pag-hukuman malaingkan daing ha panugut iban ridah niya , muna muna na tuud in sumaapat puas dain ha ijin niya amuna in anabiy Muhammad salawat iban salam kaniya , ampa in sapaatun sin rasul subay sawasah in panawhid pa allahu ta’ala . adapun in manga sila magsisirik palawagun na sila sin tuhan bang hisiyu in maka sapaat kanila , ampa ha adlaw kiyamat mamuasai na in katan magkaniya kaniya na . hisiyu dakuman in sumapaat kaymu bang kaw dih na linguun sin tuhan sabab sin pagsirik mu kaniya.

يَعْلَمُ مَا بَيْنَ أَيْدِيهِمْ وَمَا خَلْفَهُمْ

Kiya iingtan niya in katan parakalah nakauna iban nakahuli , in nakatatampal iban nakatatapuk , iban parakalah jimatuh na iban sin wayruun pa.

وَلَا يُحِيطُونَ بِشَيْءٍ مِنْ عِلْمِهِ إِلَّا بِمَا شَاءَ

Iban wayruun maka abut maun pa panghati nasabbut biyah na sin ( Kiya iingtan niya in katan parakalah nakauna iban nakahuli , in nakatatampal iban nakatatapuk , iban parakalah jimatuh na iban sin wayruun pa ) in ini wayruun maka ingat kaniya malaingkan pa manga rasul iban nabiy piyi ingat niya ha diin diin na kabayaan niya.

وَسِعَ كُرْسِيُّهُ السَّمَاوَاتِ وَالْأَرْضَ

In kursiy sin allahu ta’ala malagguh daing sin pitung lapis langit iban lupah

وَلَا يَئُودُهُ حِفْظُهُمَا

Iban in allahu ta’ala dih siya pag-laulun iban pag-hapusun iban kabuhgatan iban pag-sumuhun mag-parihalah iban mag-amulahi iban magrijjikih ha katan makhluq niya.

وَهُوَ الْعَلِيُّ الْعَظِيمُ

Iban in allah dain ha manga ngan niya AL-ALIY nagsisipat siya sin sipat wayruun sabnding nanaimbabaw siya ha taas sin arash niya dih manjrai sabandingun hantangun upamahun in sipat niya maun pa sipat sin manga piyapanjari niya .damikkiyan niya siya in tuhan AL-ADHIM tuhan wayruun salih sanbanding duun ha skasipat sipatan niya iban ha jat niya.

Amuyan in daing ha manga maniyu tiyuh pag-pasuuk sin maksud sin ayat al-qursiy mura-murahan kiyahatihan natuh , sarath bang mayan hapalun sin kitaniyu katan , sabab malauggu tuud in pahalah niya.

Bang aun kasaaan iban istung duun ha pagsulat in yan dain ha saytan iban dain kakuh .. allahu ahla wa ahlam.

Piyangawaanj kitab

• Tafsir ibn kathir duun ha ayat nasabbut suratul nbaqara ayat 255

• Bada’iut tafsir kitab I ibnul qayyim damikkiyan niya duun ha ayat yan .

• Iban qawaidul muthla kitab hi ibnu uthaymin.

KAKAHINANG LANGGAL SARAH HA A’SHURA (Ustadh Fahad Haris)

2012-11-24T07:17:00.001-08:00

Duwa tumpukan daing ha manusiya mag-hihinang sin langgal sarah ha adlaw ashura

Hika isa tumpukan : amuna in Ar-rafidha , indah siyu sila yan ?

قيل للإمام أحمد : من الرافضي ؟ قال:( الذي يسبّ أبا بكر وعمر )

Naasubu hi imam ahmad ibn hambal ( imam hambaliy ) bang hisiyu in pag-tawagun ar-rafida ? in agi niyu : amuin manukna kan abu bakar iban hi umar .

Hangkan sila kiyangan ar-rafida sabab siyulak nila in baytah kanila hi ZAID IBN ALIY rahima allahu ta’ala anak apu hi alih ibn talib kiyaridaan siya sin allah wayruun nila kiyahagad in himumungan sin hi abu bakar iban hi umar khalifa ( nakurah ) sin manga muslim puas kawapat ha nabiy Muhammad salawat iban salam kaniya sartah nagmunkir sila ha baytah kanila .

In rafida in awal niya daing kan Abdullah ibn sabah munafiq sartah yahudiy , siya in nagpawaun sin tumpukan yan , sartah siya daisab in panagnaan nag-kabatangan Sin HI alih radiya allahu anhu bunnal tuud in siya nabiy .

Daing ha sabab yadtu in manga kaulamaan sin ahlu sunnah , sipat nila in tumpukan yan manusiya wayruun akkal nila , magbaytah sin hadith puting , sila nayan in malagguh kajahilan ha hadith iban parman , sartah manga manusiya putingan . kuntarahun nila in sarayaw-sarayaw ummat amuna in manga sahabat ha pag-unahan nila hi abu bakar iban hi umar kiyaridaan sila katan sin tuhan , sartah lasahun nila in satruh sin islam daing ha yahudiy iban nasraniy hangkan laung hi imam ash-shahbiy kanila

قال فيهم الشُّعبي-رحمه الله-وكان من أعلم الناس بهم-:لو كانوا من البهائم لكانوا حمرا..... ).

Bang sadya nahinang binatang in manga rafida mabiyah sila himar …

Manga ummat islam ingat kamu iban pukaw kamu , bunnal tuud in rafida yaun na ha hulah natuh ha daira zamboanga , ha sug iban ha tawai-tawi …hangkan wajib tuud kitaniyu katan humalli daing kanila yaun , sabab manglaraki iban mamindahi iban manglummui sin pag-agama iban kamurahan sin manga kaanakan natuh ha ngan kunuh sin agama islam sagawah in kasabunnalan niya ha ngan sin agama sin yahudiy iban nasraniy iban majusiy , sila nayan in pagtawagun SHIA ha hulah natuh , nagdara ngan AHLUL BAIT , nag-gugulal malasa kunuh sila pa ahlul bait anak apuh sin nabiy , ampa in kasabunnalan iban ha kamattanan niya puting katan in lasa nila pa ahlul bait , sabab sin kakahinang nila yaun sulang ha pamanduh sin ahlul bait labi awla na tuud sulang siya ha pamanduh sin allahu ta’ala iban sin rasul niya , hangkan in kamudaratan nila yan tumtumun natuh labi dain sin yahudiy iban nasraniy sabab magpanipu sila lagutun kaw nagtataykud , sabab lamud dain ha manga pamanduh nila in TUQYA ( pag-puting ) manjari magputing ha agama nila yaun , in bissara ini bukun namuh hinang hinang , sumagawah guwah dain ha simud sin manga ulama nila iban yanda kiyalukis ha kakaitab kitaban nila , amuna na sadya in maka ulung iban makaluuy manga wayruun pangirab miyamagad ha aqida iban ha pamanduh nila yaun .

Ha hika hangpuh sin muharram nasabil in anak pu sin nabiy Muhammad salawat iban salam kaniya sin allahu ta’ala pag-nganan hi HUSAIN IBN ALIY kiyaridaan sila sin allahu ta’ala , ampa matarrang ha aqida nangangaku muslim sin subay tuud lasahan in anak apuh sin rasul , duun nakan hi hasan iban Husain iban na sin katan panubuh nila bang mayan kiya ulungan sila katan sin tuhan .

Sagawah in paglasa ta kanila subay ta dih lakaran iban labihan in baytah sin kallam sin tuhan iban hadith sin nabiy Muhammad salawat iban salam kaniya sin allah , lasahun ta hi hasan iban Husain kiyaridaan sila sin allahu ta’ala , sartah paratsayaun taniyu in sila duwa yaun panghuh sin manga batah bahgu halaum sin surgah . ampa in paglasa sin manga rafida / shia sulang tuud ha farman sin allahu ta’ala iban sin rasul niya .

Ha adlaw a’shura aun daing ha manga rafida mag-kakal iban maglubak sin baran nila sin puddang iban kadena , in kaibanan daing kanila mag-hilap sin baran nila sin laring , sabab kunuh pag-lasa nila kan Husain kiyaridaan siya sin allahu ta’ala , hipakitah nila kunuh tuud in kasusahan nila ha kasabil hi Husain , hangkan ha adlaw yan paunun nila in salagguh lagguh kasusahan , aun na daing kanila magdangungul tumangis , aun na daing kanila maghilag sin baran , aun na daing kanila magkakal sin kadena iban sin laring ha baran nila , biyah sin kakahinang sin manga nasraniy , wayruun pagduwa ruwa in kakahinang yaun daing ha saytan sartah dih kariridaan sin tuhan iban sin rasul niya

Sabab Biyaytaan kitaniyu sin allahu ta’ala halaum qur’an niya mahamulliya

قال تعالى:{....وَبَشِّرِ الصَّابِرِينَ *الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ* أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ}.

Papagkugkuyaga na in manga magsasabar , indah hisiyu ? amuna in manusiya apabila sila kugdanan sin musiba / aramala in hi pamaung nila INNA LILLAHI WA INNA ILAYHI RAJIUON ( sabunnal tuud in katan baran namuh iban kakahinang namuh allahu ta’ala in tagmilik kaniya , iban sabunnal tuud in kami magbalik da kaniya , nah sila nayan in nakadawhat kabansagan iban rahmat daing ha tuhan nila sartah sila nayan in mattan kiyatunyukan pa kasabunnalan .

Nah! In manga rafida / shia duun ha ayat ini sulang tuud in kakahinang nila ha pamanduh sin allahu ta’ala , damikkiyan nila in kakahinang nila yaun dih kabayaan sin nabiy Muhammad salawat iban salam kaniya sin tuhan iban dih karidaan sin ahlul bait sabab in kakahinang nila yaun mahinang siya tikduhanan hika siksah shirik iban hiksa siksah ha taun nawapat .

عن النبي صلى الله عليه وسلم أنه قال: ((ليس منا من لطم الخدود، وشق الجيوب ، ودعا بدعوى الجاهلية)).

sabda sin nabiy Muhammad salla allahu alayhi wassalam :

bukun na daing kamu hisiyu-siyu in nag-binasa sin baran ha musiba , nagpirit sin badjuh iban magduwa sin duwa sin mnga mushrik

wayruun pagduwa-ruwa duun ha hadith yan sulang tuud in pamanduh iban kakahinang sin manga rafida , sabab dih magrida ha kakahinang yaun in nabiy damikkiyan niya dih daisb magridah in ahlul bait niya .

وقال صلى الله عليه وسلم :(( النائحة إذا لم تتب قبل موتها تقام يوم القيامة ، وعليها سربال من قطران …. )) .

Sabda sin nabiy Muhammad salawat iban salam kaniya sin tuhan , in tau magtangis magkanam ha tau nawapat bang siya wayruun nakapagtawbat ha , patindugun siya ha adlaw kiyamat nagsusulug sin tamungun daing ha narkah

ampa in masub magkanam maglubak sin baran ha ashura amuna in manga rafida / shia in yaun manga ummat islam daing ha manga malagguh dusa pa allahu ta’ala .

hangkan in kakahinang yan bilang sin nabiy daing ha manga kakahinang sin manga tau jahil iban musrik

وقال صلى الله عليه وسلم: ((أربع في أمتي من أمر الجاهلية لا يتركونهن : الفخر بالأحساب ، والطعن في الأنساب، والاستسقاء بالنجوم ، والنياحة على الميت )).

sabda sin nabiy Muhammad salawat iban salam kaniya sin tuhan : upat kakahinang aun daing ha ummat ku dih nila butanan , magbansag sin banuh , magpangbabah-babah sin panubuh , magpangyuh ulan ha tiranan sin bituun , iban magmaadjul / magkanam , magtangis ha kiyamatayan .

nah! Biyaddin na kunuh bang in pagtangis iban sin pagkanam niya yan liyamuran nila pa suknah pa manga kasahabatan , unu na maraih in pakugdanun kanila sin tuhan ? hangkan bang mu kitaun katan in kakahinang sin manga guru sin rafida / shia ha daira zambonga bang mabut na in adlaw ashura atas sila magsukay hotel bang mayan mataabbit nila kaw maghinang sin kakahinang yaun , sambil makasakup kaw aun dain manga guru nila magtangis wayruun luhah gumuwah iban sin pag-iyan liya ugan nila hi husian kiyaridaan siya sin allah .

wayruun pagduwaruwa in hi Husain liyaugan sin manga namuh kaniya sumagawah isab ayaw ta lakaran in qur’an iban sin sunnah , iban ayaw ta suknaan iban lahnatun in manga kasahabatan kiyaridaan sila sin allahu ta’ala , pagka isab yan dugaing in kanila mangliyu lagad sin qur’an iban sunnah iban suknaan in manga sahabat .

hikaruwa tumpukan : lawan sin tumpukan sin manga rafida ha adlaw a’shura kasukupan mu sila magkugkuyag ha masa yattu aun manga madugal kan Husain kiyaridaan siya sin allahu ta’ala lamud na dittu hi hajjaj ibn yusuf atthaqafiy tiawag in mnga tumpukan ini an-nawasib sabab sin paglami lami nila ha kamatay hi husian kiyaridaan siya sin allahu tala’a, maghinang sin inda jinis kakaun karnah pag-lami lami nila ha adlaw yan , in ini wayruun pagduwaruwa sulang ha sarah iban wayruun nahinang sin nabiy Muhammad salawat iban salam kaniya sin tuhan .

adapun in mattan miyamagad ha pamanduh sin allahu ta’ala iban sin rasul niya iban pa pamanduh sin ahlu bait .in hinngun natuh ha adlaw asshura magpuasa kitaniyu sunnat karnah paramatsaya natuh in pagpuassa yaun hika ampun sin dusa natuh hangka tahun limabay , sartah lasahun katan in ahlu bait sin rasul amuin manga sila namamarsaya pa allahu ta’ala iban rasul niya sartah subay natuh lagguun in ahlu bait sin rasul sagawah subay in paglasa natuh ha atulan biyaytah katuh sin nabiy salawat iban salam kaniya , amuin dih natuh sila manjari hinangun nabiy atawa kan tuhan sabab in bihayan paglasa bukun na ha atulan sin sarah .

hangkan wajib ha sabarang muslim magad iban magtaat sila pa allahu ta’ala iban rasul niya sartah aniban nila katan in kakahinang bid’a

ha sabda sin nabiy Muhammad salawat iban salam kaniya sin tuhan

وقال صلى الله عليه وسلم: ((إن خير الكلام كلام الله، وخير الهدي هدي محمد، وشر الأمور محدثاتها، وكل بدعة ضلالة)).

in sarayaw-rayaw kallam amuna in kallam sin allahu ta’ala iban in sarayaw-rayaw pamanduh amuna in pamanduh hi Muhammad , iban in sangih-ngih na kakahinang amuna in kakahinang bahgu ha pag-agama sabab in siya yan bid’a in katan bid’a kalaungan.

Source

Pagselos sin Hurul-Ein ha manga babai mangih kasuddahan ha bana nila (Ustadh Saham)

2012-02-16T13:05:00.000-08:00

ورد في مسند أحمد وسنن الترمذي بإسناد صحيح عن معاذ رضي الله عنه عن رسول الله صلى الله عليه وسلم قال: ( لا تؤذي امرأة زوجها في الدنيا، إلا قالت زوجته من الحور العين : لا تؤذيه قاتلك الله ، فإنما هو دخيل عندك يوشك أن يفارقك إلينا.)

Kiyabaytah ha Musnad hi Imam Ahmad iban ha Sunan hi Imam Tirmidhi ha sanad niya saheeh, dain kan Muadh kiyaridaan siya sin Allahu Ta'ala, Sabda sin Rasulullah sallallahu alayhi wasallam: "Dih mapuhingah (pamung-mungan atawa bissarahan bukun marayaw) sin babai dunya in bana niya di ha dunya malaingkan mamung in asawa niya dain ha manga Hurul-Ein: "Ayaw mu siya puhingaa O kaw biyunuh sin Tuhan! sabunnal tuud in siya yan nanghantih-hantih sadja duun kaymu ha susungun butasan niyara kaw muwih da siya mari kamuh."

RAHMAT/ULUNG SIN ALLAH

2012-02-16T12:54:00.000-08:00

Rahmat/tulung sin Allahu ta'ala. Ha niyat ta sdja solve na kita Alhamdulillah!

عن ابن عباس عن رسول الله صلى الله عليه و سلم فيما يروي عن ربه تبارك و تعالى قال : (إن الله كتب الحسنات والسيئات. ثم بين ذلك, فمن هم بحسنة فلم يعملها كتبها الله عنده حسنة كاملة وإن هم بها فعملها كتبها الله عز و جل عنده عشر حسنات إلى سبعمائة ضعف الى اضعاف كثيرة. و إن هم بسيئة فلم يعملها كتبها الله عنده حسنة كاملة وإن هم بها فعملها, كتبها الله سيئة واحدة.) رواه مسلم .

Riwayat dain kan Ibn Abbas, daing ha Rasul (sallallahu alayhi wa sallam) ha tungod bayta sin Allahu ta'ala kaniya, Sabda sin Rasul (sallallahu alayhi wa sallam): "Tanto tuod in Allahotaala siyusulat niya in mga karayawan iban kangi-an, ampa niya piyasawa, hi siyo siyo in nag-angan angan sin hinang marayaw sakali wala niya nahinang, hisulat sin Allahu ta'ala kaniya tibook karayawan, iban hi siyo siyo in nag-angan angan sin marayaw iban kiyapag-anggawtaan niya hi sulat sin Allahu azza wa jalla kaniya hangpo karayawan sambil pa pitong gatos karayawan sambil paglipat-lipaton pa kaniya maka-mataud, iban hi siyo siyo in nag-angan angan sin mangih sakali wala niya ra nahinang hi sulat sin Allahu ta'ala kaniya tibook karayawan, iban hi siyo in nag-angan angan sin mangih iban kiyapag-anggawtaan niya hi sulat sin Allahu ta'ala kaniya hambuuk kangian." [Rawahu Muslim (131) 207]

PAGPASAWA TUNGUD DAHAN SIN KAMAASAN NATUH KALASAHAN

2012-02-09T07:35:00.000-08:00

Assalamu alaykum warahmatullahi taala wabarakatuhu.

BismillahI wassalatu wassalamu ala Rasulillah.

Mga maas, kampung, lahasiyah, taymanghud namuh ha agama islam First of all magsukul kita nyu pa Maha sutsi ALLAH, damikkiyan hitukbal natuh in pagsarang sukul sin ktanyu pa mga kamaasan natoh nakauna amuin hinang sila sabab sin ALLAHU taala wala ktanyu naKAFIR sabab sin imatu sila pa mga dayuhan milikan, hapon, kastila iban na sin kaibanan tumpukan manglummuh manglarak sdja sin Agama Islam.

Mga ummat Bar-iman,kakasihan, kanungnungan namuh ha agama islam, mangayu aku kamaafan knyu sabab yri naisav aku naghimumungan atawa mangdihil kaniyu pangadjian bukun karna magpasa-ula-ula in aku maingat atawa manghindui kaniyo, sumagawa ha ngan sn pagkasilasa karnah ALLAH, kiyawajib katu taniyu in pagpatumtum dainha hangkatao pa hangkatao.sabab in pagpatumtum amuraini in makarihil kamumpaatan, karayawan katu taniyu katan. Parman cn maha sutsi Allah(swt):

((وَذَكِّرْ فَإِنَّ الذِّكْرَى تَنْفَعُ الْمُؤْمِنِيْنَ)) سورة الذاريات:55

And remind (by preaching the QUR_AN, O Muhammad(saw), for verily, the reminding propits the Believers.magkulang maglabi in mahna cn ayat ini:

"Pagpatumtum kw O Muhammad, sabunnal tuud in pagpatumtum makarihil kamumpaatan ha mga MUHMININ".

Dainha sabab yan mabayah ku sdja e clear/hipasawa misan dakuman maniyuh tiyuh in pagbahasahunBELIEF or DAHAN SIN KAMAASAN, sabab ha masa natuh bihaun mataud in namumulansang, iban pag-ulak, dih na kunuh maambat mag-guwah in mga DAHAN BAHGU or ILMUH BAHGU, PANGADJIH BAHGU nag babatbat na sdja kunuh sin HADITH iban PARMAN iban mag BIBIDA-A sdja kunuh in kaingatan...SUBHANALLAH, ASTAGFIRULLAH...ha bihayni na in kahalan natuh nag-gugulal Muslim, UNU magpasad na sdja kita nyu?UNU-unu in kiyabulatan sin mata natuh amuna sdja yadtu in hinangun natuh? UNU dih na kita nyu mangadjih humati sin agama sabunnal QUR-AN iban HADITH? UNU bahah in pag-iyanun nila ILMUH SABUNNAL? UNU awn pa bahah ILMUH SABUNNAL dugaing dainha QUR-AN iba HADITH?

Adapun ha tungud cn Belief, dahan or pamaugbug sin mga sila kamaasan natuh kalasahan nabahagih pa Tungkabahagi 3.

1. Awn Belief, dahan or pamaugbug nila kimugdan ha sarah sin Agama Islam, - Na subay natuh yadtu kawaun sartah pagmuhut muhutan baugbugan ha kagaus gausan.

2. Awn Belief, dahan or pamaugbug nila nakalabi na dainha Sarah, nah bang ibarat kuku suby tuptupan in naglabi.

Biyah na sin panulak balah, pagmawlud,paghinang pitu etc, duwaa nisfu iban sin kaibanan kakahinang BID-A nasabbut ku ha post ku nakauna. in pangasubu maytah in Belief, dahan or pamaugbug bihayni nakalabi na dainha sarah? IN JAWAB nakalabi siya dainha sarah sabab in mga parkalah yan walah nahinang sin Rasul (saw) damikkiyan wayruun DALIL niya ha QUR-AN. hangkan subay natuh tuptupan or butawanan.

3. Awn belief,dahan or pamaugbug nila nagkulang, na subay pajukupun natuh.

Biyah sin awn belief nila mamuasa siyam(9) adlaw sdja kunuh, bahasa in dalil nila kunuh amun parman sin Allahu taala: KUTIBA ALAYKUM AS- SIYAM..marai in panghati nila in mahna sin AS- SIYAM yaun, siyam (9) adlaw sdja in puasahan..Anduh kailu pangayuan natuh duwaa pa Allahu taala bang mayan sila mga kamaasan natuh ampanun sin Allahu taala..Ya Allah AMPUNA IBAN KAULUNGI IN MGA KAMAASAN NAMUH BIYAH SIN ULUNG NILA KAMUH.

Mataud pa mga belief nila simulang ha aturan sin agama Islam, Biyah na sin magsakat Bud mangayuh ngayuh supaya kunuh dih sukutun sin mga kaapuan, atawa supaya kunuh umuli in sakit..na tumtumun tuud sin kita nyu in mga parkalah yan dih tuud manjary ha Agama ta, sabab amunayan in pagbahasahun SHIRK, pagsakutu pa Maha sutsi Allah. salagguh lagguh dusa sin tao apabila huminang sin pagsakutu..Parman sin Allahu taala : INNALLAHA LA YAGFIRU AN YUSHRAKA BIHY WA YAGFIRU MA DUNA DHALIKA LIMAN YASHA'..magkulang maglabi in mahna niya: Sabunnal dih tuud ampunun sin Allahu taala in himihinang SHIRK pagsakutu Kaniya, sumagawa ampunun sin Allah in kaibanan dusa dugaing dain sin pagsakutu.

Hangkan Mga Kanung nungan, kakasihan ku ha agama Islam SUPAYA KITA NYU DIH MAGSANAW SIN PULAK PULAK ADLAW subay 2m2mun tuud sin kita nyu in Hadith sin Rasul(saw): TALABUL ILMI FARIDATUN ALA KULLI MUSLIM..magkulang maglabi in hati niya: IN PAGPANGADJIH OR PAGTUNTUT ILMUH AGAMA WAJIB HA TIYAP2X MUSLIM (usug iban babae)..damikkiyan Hadith sin Rasul (saw): TARAKTU FIKUM SHAY-AYN, MA IN TAMASSAKTUM BIHIMA LAN TADILLUW BA'DY ABADA' KITABULLAHI WA SUNNATY..magkulang maglabi in hati niyaBININ KU KANIYU IN DUWA PARKALAH, APABILA KIYAPUTAN OR BAUGBUGAN NIYU IN DUWA PARKALAH INI, TANTU TUUD DIH NA KAMU MA LAWNG SALAMA LAMA, IN DUWA PARKALAH INI, AMUNA IN QUR-AN iban SUNNAT KU, or Hadith sin Rasul saw.

WALLAHU A'LAM BISSAWAB.

UNUHUN MUNA IN ANCHAM MU IBAN LINGKAT MU

2012-02-08T09:32:00.000-08:00

عن أبي هريرة قال قال رسول الله صلى الله عليه وسلم : (إن الله لا ينظر إلى أجسامكم ولا إلى صوركم ولكن ينظر إلى قلوبكم وأشار بأصابعه إلى صدره وأعمالكم.) رواه مسلم

Magkulang maglabi in mahna sin Hadith

Dain kan Abiy Huraira in agiy niya, sabda sin Rasuwlullaah (sallallaahu alayhi wa sallam): “Bunnal tu’ud in Allaah di’ umatud pa pamaranan niyu iban pa lupa-ragbus niyu, malaingkan umatud(in Allaah) pa pangatayan niyu, -- iban siminyal sin tudlu’ niya pa daghal niya--, iban kakahinang niyu” (Riwayat dain kan Muslim)

Mga kanung nungan kakasihan namuh ha agama Islam, tumtumun tuud sin kita nyu in maksud sin hadith yan manunjuki pa kalagguan/kahalgaan sin Ekhlas (sincerity) pa Allahu taala, sabunnal tuud bisan pa biyah diin in ancham/Lingkat sin hangkatao, apabila siya dih tumunay sin piyangdaakan (with sincerity and mutabaa), ha susungun in siya pusatun da, iban hitilakboh da pa lawm sin api narkah jahannam..NAUDHUBILLAHI MIN DHALIK.

BANG MAYAN KITA NYU HALAWM HIDAYAT IBAN RAHMAT SIN ALLAHU TAALA.

Ya Allah palayua iban lappasa kmi dainha siksa sin api narkah jahannam, iban pasura kmi pa lawm sin Surgah Mu ya Arhamarrahimeen.

Kalabbiyan sin Pagsambahayang (Part 1)

2012-02-08T07:55:00.001-08:00

Pangasubuh: Unu manjari in pasapah dugaing daing ha Allahu Ta'ala?

2012-02-01T10:14:00.001-08:00

Sambung:

Dih manjari in pagsapah dugaing daing ha Allahu Ta'ala ha sabda sin Rasulullah (sallallahu alayhi wa sallam), "Bukun ba sabunnal tuud in Allahu Ta'ala liyang niya kamu ha sumapah kamu ha kauka amaan sin kamu na hisiyo-siyo in sumapa na subay siya sumapa pa Allahu Ta'ala, atawa humundung na sadjah siya." [Bukhari iban Muslim]

Iban nagsabda daisab in Rasulullah (sallallahu alayhi wa sallam), "Hisiyo-siyo in simapah dugaing ha Allahu Ta'ala na nakapag-kufr na siya atawa na nakapag-shirik na siya." [Tirmidhi iban Abu Dawud]