TEACHER TamilNadu- Free Mail Registration

டி.இ.டி., தகுதி மதிப்பெண்கள் குறைப்பு இல்லை : தமிழக அரசு அறிவிப்பு

2013-05-23T01:02:00.000-07:00

"டி.இ.டி., தகுதி மதிப்பெண்கள் அளவை குறைக்க வேண்டும்' என, சட்டசபையில், பல்வேறு கட்சிகளின் எம்.எல்.ஏ.,க்கள் வலியுறுத்தியபோதும், அவர்களின் கோரிக்கையை ஏற்க, தமிழக அரசு மறுத்துள்ளது.

டி.இ.டி., தேர்வில் தேர்ச்சி பெற, குறைந்தபட்சம், 60 சதவீத மதிப்பெண்கள் பெற வேண்டும் என, என்.சி.டி.இ., அளவு நிர்ணயித்துள்ளது. எனினும், மாநில அரசுகள் விரும்பினால், இந்த மதிப்பெண்கள் அளவை, ஓரளவு குறைத்துக் கொள்ளலாம் எனவும், என்.சி.டி.இ., தெரிவித்துள்ளது.

பல மாநிலங்களில் சலுகை : அதன்படி, கேரளா உள்ளிட்ட சில மாநிலங்களில், ஆதிதிராவிட, பழங்குடியின மற்றும் பிற்படுத்தப்பட்ட பிரிவைச் சேர்ந்தவர்களுக்கான தகுதி மதிப்பெண்கள் அளவு, 5 சதவீதம் முதல், 10 சதவீதம் வரை குறைக்கப்பட்டுள்ளது.

இதைப் பின்பற்றி, தமிழக அரசும், எஸ்.சி., - எஸ்.டி., - எம்.பி.சி., மற்றும் பி.சி., ஆகிய பிரிவினருக்கு, தகுதி மதிப்பெண்கள் அளவை குறைக்க வேண்டும் என, பல்வேறு அமைப்புகள் வலியுறுத்தி வருகின்றன. இந்த விவகாரம், சமீபத்தில் நடந்து முடிந்த பட்ஜெட் கூட்டத் தொடரிலும் எதிரொலித்தது.

சட்டசபையில் கோரிக்கை : கடந்த, 10ம் தேதி, சட்டசபையில், பள்ளி கல்வித்துறை மானிய கோரிக்கை மீதான விவாதம் நடந்தது. இதில், பல எம்.எல்.ஏ.,க்கள், டி.இ.டி., தகுதி மதிப்பெண்கள் அளவை குறைக்க வேண்டும் என, வலியுறுத்தினர்.

அறுபது சதவீத மதிப்பெண்கள் என்ற அளவால், சமுதாயத்தில் பின் தங்கிய தேர்வர்களால் தேர்வு பெற முடியாத நிலை உள்ளது என்றும், குறிப்பாக, 55 சதவீதம், 58, 59 சதவீதம் மதிப்பெண்கள் எடுக்கும் தேர்வர்கள் கூட, தேர்ச்சி பெற முடியாத நிலை உள்ளது என்றும், எம்.எல்.ஏ.,க்கள் சுட்டிக் காட்டினர். அப்போது, உயர்கல்வி அமைச்சர் பழனியப்பன் பதிலளிக்கையில், "இந்த கோரிக்கை, அரசின் பரிசீலனையில் உள்ளது' என, தெரிவித்தார். இதனால், தகுதி மதிப்பெண்கள் குறைக்கப்படும் என, அனைவரும் எதிர்பார்த்தனர். ஆனால், நேற்று வெளியான, டி.இ.டி., தேர்வு அறிவிப்பில், தகுதி மதிப்பெண்கள் குறைப்பு செய்யப்படவில்லை. வழக்கம் போல், தகுதி மதிப்பெண்களாக, 60 சதவீதம் நிர்ணயிக்கப்பட்டு, அறிவிப்பு வெளியாகி உள்ளது. இது, தேர்வர்கள் மத்தியில், ஏமாற்றத்தையும், அதிர்ச்சியையும் ஏற்படுத்தி உள்ளது.

அரசு தவறு செய்கிறது : இது குறித்து, மார்க்சிஸ்ட் எம்.எல்.ஏ., பாலகிருஷ்ணன் கூறியதாவது:

தமிழக அரசின் அறிவிப்பு, மிகவும் தவறானது. ஆந்திரா உட்பட பல மாநிலங்கள், தகுதி மதிப்பெண்கள் அளவை குறைத்துள்ளன. "தகுதி மதிப்பெண்கள் அளவை, மாநில அரசுகள் குறைத்துக்கொள்ளலாம்' என, என்.சி.டி.இ., அனுமதி வழங்கியுள்ளது. அப்படியிருக்கும்போது, தமிழக அரசு மட்டும், ஏன் இப்படி செயல்படுகிறது என, புரியவில்லை.

ஒரே தகுதியை, அனைத்து தேர்வர்களும் பெற வேண்டும் என்பது சரியல்ல. இதனால், எஸ்.சி., - எஸ்.டி., மற்றும் பிற்படுத்தப்பட்ட, மிகவும் பிற்படுத்தப்பட்ட தேர்வர்கள், கடுமையாக பாதிக்கப்படுவர். எனவே, தகுதி மதிப்பெண்கள் அளவை குறைக்க, தமிழக அரசு முன்வர வேண்டும்.
இவ்வாறு பாலகிருஷ்ணன் தெரிவித்தார்.

ஆசிரியர் தகுதித் தேர்வு-2013 - சில குறிப்புகள்

2013-05-23T01:00:00.001-07:00

1.ரூ.50ஐ நேரடியாக பணமாகசெலுத்தி தமிழகத்தில் உள்ள அனைத்து மேல்நிலைப்பள்ளிகளில், தலைமை ஆசிரியர்களிடமிருந்து 17/06/2013 முதல்
01/07/2013 வரை விண்ணப்பம் மற்றும்விவரக்குறிப்பை பெறலாம்.
2.தேர்வுகட்டணம்:

ஒவ்வொருதாளுக்கும் ரூ.500

எஸ்.சி/எஸ்டி பிரிவினருக்குரூ.250

மாற்றுதிரனாளிகளுக்குரூ.250
3.விண்ணப்பதுடன்கிடைக்கும் வங்கி சலான் மூலம்தேர்வு கட்டணம் செலுத்தப்பட வேண்டும்

4.பாரத்ஸ்டேட் வங்கி,கனரா வங்கி,இந்தியன் ஓவர்சீஸ் வங்கி கிளைகளில் பணம்செலுத்தலாம்,

5டி.ஆர்.பி நகல்என குறிப்பிடப்பட்ட சலான் விண்ணப்பத்துடன் இணைத்துவழங்கப்படவேண்டும்

6.ஓ,எம்,ஆர் எனப்படும்வினண்ணப்பத்தில் மட்டுமே கோரப்பட்ட தகவல்களைசரியாக பூர்த்தி செய்யப்பட வேண்டும்

7.பூர்த்திசெய்யப்பட்ட விண்ணப்பங்கள் மாவட்ட கல்வி அலுவலர்அலுவலகத்தில் 01.07.2013 மாலை 5.30 க்குள்ளாக நேரில் சமர்பிக்கப்பட வேண்டும்.

8.பூர்த்திசெய்யப்பட்ட விண்ணப்பத்தின் ஜெராக்ஸ் நகலில் ,விண்ணப்பம் சமர்பிக்கப்பட்டதற்கானஒப்புகை கட்டாயம் பெற அறிவிக்கப்பட்டுள்ளது.

9.ஆன்லைன்,தபால்,பேக்ஸ்,கூரியர்போன்ற வழிகளிலும்,ஜெராக்ஸ் நகலில் சமர்பிக்கப்படும் விண்ணப்பங்கள்அனைத்தும் (டி ஆர் பிமையம் அல்லது வேறு அலுவலகமுகவரிக்கு அனுப்பப்பட்டால்) நிராகரிக்கப்படும்.
10.B.COM,B.SC(Computer science).BCA, B.A(Economics) WITH B.ED
ARE NOT ELIGIBLE
11. 10+2+3 கல்விமுறை அவசியம்
12. ஓராண்டு படிப்பு பட்டம் தகுதியில்லை

13. தற்போது தனியார் அரசு பள்ளிகளில் பணியாற்றும் ஆசிரியர்கள்- 23/8/2010 அன்றோ அதற்கு பிறகு நியமன ஆனண பெற்றிருப்பின் தேர்வு எழுதி கட்டாயம் 5 ஆண்டுக்குள் தேற வேண்டும்.

14.தற்போது தேர்வில் வெற்றிபெறுவோர் அனைவருக்கும் 7 ஆண்டுகள் செல்லத்தக்க ஆசிரியர் தகுதிசான்று வழங்கப்படும்.

15.தகுதிசான்று பெற்றவர்களுக்கு தனியாக வெயிட்டேஜ் (அரசு ஆணையின் படி)அடிப்படையில் பணிஆணைகள், இடஓதிக்கீடு மற்றும் காலிப்பணியிடத்திற்கு ஏற்ப வழங்கப்படும்.

16.D.T.Ed., தகுதிபெற்றோர் தாள்-1,, B.Ed., தகுதிபெற்றோர் தாள்-2,க்குண்டான தேர்வுகள் எழுதலாம்,

17.இரண்டு தாள்களும் எழுத தகுதி பெற்றோர் ஒவ்வொரு தேர்வுக்கும் தனித்தனி விண்ணப்பங்களில் விண்ணப்பித்து, ஒவ்வொரு தேர்வுக்கும் தனித்தனியே கட்டணம் செலுத்தி தேர்வுகள் எழுத வேண்டும்.

பதவி உயர்வு இல்லாமல் பரிதவிக்கும் பட்டதாரி ஆசிரியர்கள்- தினமலர்

2013-05-22T20:56:00.001-07:00

அரசு பள்ளிகளில் பணிபுரியும் ஆசிரியர்களுக்கு, பணியிட மாறுதல் கலந்தாய்வு நடத்திவரும் நிலையில், தொடக்க கல்வித் துறையைச் சேர்ந்த பட்டதாரி ஆசிரியர்கள், எவ்வித பதவி உயர்வுக்கும் வழியில்லாததால், புலம்பி வருகின்றனர்.

பள்ளி கல்வித்துறை, ஆதிதிராவிடர் நலத்துறை உள்ளிட்ட பல்வேறு துறைகளின் கீழ் பணிபுரியும் ஆசிரியர்கள், கல்வி தகுதிக்கு ஏற்ப, பதவி உயர்வு பெற வழிவகை உள்ளது. குறிப்பாக, பள்ளி கல்வித்துறையில் பணிபுரியும் இடைநிலை ஆசிரியர், தகுதிக்கு ஏற்ப, பட்டதாரி ஆசிரியர், முதுகலை ஆசிரியர், உயர்நிலைப் பள்ளி தலைமை ஆசிரியர், மேல்நிலைப்பள்ளி தலைமை ஆசிரியர் என, பல நிலைகளில் பதவி உயர்வு பெறுகின்றனர்.

இதர ஆசிரியர்களும், இதேபோல், ஒவ்வொரு படியாக, பதவி உயர்வு பெறுகின்றனர். ஆனால், தொடக்க கல்வித் துறையில் பணிபுரியும் பட்டதாரி ஆசிரியர்கள், எவ்வித பதவி உயர்வும் இன்றி, பல ஆண்டுகளாக பணியாற்றும் நிலை உள்ளது.

நடுநிலைப் பள்ளி தலைமை ஆசிரியர்களாக பதவி உயர்வு பெறும் வாய்ப்பு மட்டுமே உள்ளது. அதுவும், ஒவ்வொரு ஆண்டும், கணிசமான நடுநிலைப் பள்ளிகள், உயர்நிலைப்பள்ளிகளாக தரம் உய ர்த்தப்படுவதால், அந்த பதவி உயர்வு வாய்ப்பும் பறிபோவதாக, பட்டதாரி ஆசிரியர்கள் புலம்புகின்றனர்.

நடுநிலைப்பள்ளி, உயர்நிலைப்பள்ளியாக தரம் உயரும்போது, அந்த பள்ளி, பள்ளி கல்வித்துறையின் கீழ் வந்துவிடுகிறது. அந்த பள்ளியில் பணிபுரியும் ஆசிரியர், தரம் உயர்த்தப்பட்ட, அதே பள்ளியில், பணி புரியலாம்.

ஆனால், சம்பந்தப்பட்ட நடுநிலைப்பள்ளி, எந்த தேதியில், தரம் உயர்த்தப்பட்டதோ, அந்த தேதியில் இருந்து தான், அந்த பள்ளி ஆசிரியர்களின் பணிமூப்பு, புதிதாக கணக்கிடப்படும். இதனால், பழைய பணிமூப்பு, கணக்கில் வராது. இதனால், பதவி உயர்வு பெற வழியே இல்லை என, கூறப்படுகிறது.

தமிழ்நாடு பட்டதாரி ஆசிரியர் கூட்டமைப் பின் பொதுச்செயலர் பேட்ரிக் ரெய்மாண்ட் கூறியதாவது: டி.ஆர்.பி., மூலம் தேர்வு பெற்ற பட்டதாரி ஆசிரியர்கள் தான், கடுமையாக பாதிக்கப்பட்டு உள்ளனர். டி.ஆர்.பி., வழங்கிய, "ரேங்க் எண்" அடிப்படையில், பதவி உயர்வு வழங்க வேண்டும் என, பல ஆண்டுகளாக போராடி வருகிறோம். இதை, அரசு கண்டுகொள்ளாமல் உள்ளது.

அனைத்து ஆசிரியர்களும், சொந்த மாவட்டங்களுக்கு செல்வதற்கு வசதியாக, தற்போது கலந்தாய்வு நடக்கிறது. இதனை, நாங்கள் வேடிக்கை மட்டுமே பார்க்க முடிகிறது. இவ்வாறு பேட்ரிக் கூறினார்.

தமிழ்நாடு ஆசிரியர் முன்னேற்ற சங்க தலைவர் தியாகராஜன் கூறியதாவது: கடந்த ஆண்டுகளில், அனைத்து வகை பள்ளிகளும், சம எண்ணிக்கையில், தரம் உயர்த்தப்படும். ஆனால், சில ஆண்டுகளாக, நடுநிலைப் பள்ளிகள், அதிக எண்ணிக்கையில், உயர்நிலைப் பள்ளிகளாக தரம் உயர்த்தப்படுகின்றன.

அந்த அளவிற்கு, ஆரம்ப பள்ளிகள், நடுநிலைப் பள்ளிகளாக தரம் உயர்த்தப்படுவது இல்லை. இதனால், நடுநிலைப் பள்ளிகள் எண்ணிக்கை குறைந்து கொண்டே வருகின்றது. பட்டதாரி ஆசிரியர்களின் நீண்ட கால பிரச்னையாக உள்ள பதவி உயர்வு விவகாரத்தை, தமிழக அரசு கவனிக்க வேண்டும். இவ்வாறு தியாகராஜன் கூறினார்.

இதுகுறித்து, கல்வித்துறை வட்டாரங்கள் கூறுகையில், "துறை மாறும்போது, பணிமூப்பு புதிதாக கணக்கில் எடுத்துக்கொள்ளும் முறை, பல ஆண்டுகளாக நடைமுறையில் இருந்து வருகிறது. டி.ஆர்.பி., "ரேங்க் எண்" அடிப்படையில், பதவி உயர்வு வழங்க வேண்டும் எனில், அரசு தான் உத்தரவிட வேண்டும்" என தெரிவித்தன.

TRB - TN TET 2013 Announced | ஆசிரியர் தகுதித் தேர்வு 2013 அறிவிப்பு

2013-05-22T06:05:00.000-07:00

TET - 2013 EXAM ANNOUNCED.

Paper I - 17.08.2013 Time 10 am to 1 pm

Paper II - 18.08.2013 Time 10 am to 1 pm

Recruitment Post = 13,000 (SGT+BT)

Application Sales Starts From 17.06.2013 to 01.07.2013

முதல் தாள் தேர்வு : 17.08.2013
இரண்டாம் தாள் தேர்வு : 18.08.2013
தேர்வு நேரம் : காலை 10 முதல் 1 வரை ( 3மணி நேரம்)

Application Cost: Rs. 50
Examination Fees: Rs. 500
SC/ST/Disabled Fees: Rs. 250
click here to download the TRB - TN-TET announcement Notification

"திறக்கப்படாத சிப்பிகள்" – தமிழ்வழியில் பயின்ற முதுகலை பட்டதாரி ஆசிரியர்களின் நிலை

2013-05-22T06:02:00.001-07:00

ஆசிரியர் தேர்வு வாரியத்தினால் நடத்தப்பட்ட முதுகலை ஆசிரியர் தேர்வு 2012 க்கான தமிழ் வழியில் படித்து தேர்வு பெற்ற தேர்வர்கள் பணி நியமனம் செய்யப்படாத நிலை குறித்து முழு விளக்கம்
2012 ஆம் ஆண்டு பிப்ரவரி 28 ந் தேதி ஆசிரியர் தேர்வு வாரியத்தினால் முதுகலை ஆசிரியர் தேர்வு நாளிதழ் மற்றும் டி.ஆர்.பி தேர்வு வாரிய ஆன்லைன் வெப்சைட்டில் வெளியிடப்பட்டது.
இதில் தமிழ், ஆங்கிலம், கணிதம், இயற்பியல், வேதியல், தாவரவியல், விலங்கியல்,வரலாறு, புவியியல், பொருளாதாரம், வணிகவியல் மற்றும் இதர மொழிகளுக்கு என தேர்வு அறிவிப்பு மொத்தம் 2895 காலியிடங்கள் அறிவிப்பு வெளிவந்த்து.
காலி பணியிடங்கள் அறிவிப்பில் அனைத்து பாடப் பிரிவுகளிலும் (தமிழ் மற்றும் ஆங்கில பாட பிரிவு நீங்கலாக) முந்தைய ஆட்சியில் வெளியிடப்பட்ட தமிழ் வழியில் பயின்ற மணவர்களுக்க அரசு வேலை வாய்ப்பில் 20 சதவீதம் முன்னுரிமை என்ற அரசாணை 69 நாள் 27.05.2009 ன் படி அனைத்து பாட பிரிவுகளிலும் மொத்தம் 390 பணியிடங்கள் இனவாரியாக அறிவிப்பு கொடுக்கப்பட்டிருந்த்து.
தேர்வு மே 2012 ம் மாதம் நடைபெற்றது.
ஆகஸ்ட் 2012 ம் மாதம் முதல் தேர்வு பட்டியல் வெளியிடப்பட்டது. இதில் சான்றிதழ் சரிபார்ப்பிற்காக தமிழ் வழியில் பயின்ற மாணவர்கள் உட்பட மொத்தம் 3000 நபர்கள் அழைக்கப்பட்டனர்.
தமிழ் வழியில் படித்த்தற்கான முன்னுரிமை கோரி சான்றிதழ் சரி பார்ப்பிற்கு அழைத்த நபர்கள் உரிய கல்வி முறையே 10 வகுப்பு, 12 வகுப்பு, இளநிலை பட்டம், முதுகலை பட்டம் மற்றும் கல்வியியல் பட்டம் என தமிழ் வழியில் படித்த்தற்க்கான சான்றிதழ் சரி பார்ப்பின் போது கொடுக்க வேண்டும் என அறிவுறுத்தப்பட்டிருந்த்து.
இதில் இளநிலை கல்வியியல் பட்டத்திற்கான சான்றிதழ் அவரவர் பயின்ற கல்லுரி முதல்வரிமோ அல்லது பல்கலைகழகத்தின் உரிய அதிகாரியிடம் பெற்று வர தெரிவிக்கப்பட்டிருந்த்து.
மேற்கூறிய படி சான்றிதழ்கள் அனைத்தும் தமிழ் வழியில் பயின்ற தேர்வர்களால் அளிக்கப்பட்டு சான்றிதழ் சரி பார்ப்பு முடிவுற்றது.
இந்நிலையில் உயர்நீதிமன்றத்தில் மேற்கொள்ளப்பட்ட வழக்கின் காரணமாக மேற்கண்ட தேர்வு பட்டியல் மற்றும் சான்றிதழ் சரிபார்ப்பு அனைத்தும் இரத்து செய்யப்பட்டு புதிய பட்டியல் வெளியிட தெரிவிக்கப்பட்டது.
உயர் நீதி மன்ற ஆணைப்படி புதிய பட்டியல் வெளியிடப்பட்டது. அப்போது 6000 நபர்கள் சான்றிதழ் சரிபார்ப்பிற்கு அழைக்கப்பட்டிருந்தனர். அதில் பழைய சான்றிதழ் சரிபார்ப்பிற்கு வந்தவர்கள் வர தேவையில்லை என தெரிவிக்கப்பட்டிருந்த்து.
இரண்டாவது பட்டியலிலும் தமிழ் வழியில் பயின்றதற்கான முன்னுரிமையுடன் தேர்ச்சி பெற்றவர்கள் பட்டியலில் முதல் பட்டியலில் தேர்வானவர்கள் பெயரும் இடம் பெற்று இருந்த்து.
இந்நிலையில் கடந்த 10.12.2012 ந் தேதி சான்றிதழ் சரிபார்ப்பில் இறுதி செய்யப்பட்ட தேர்வு பட்டியல் டி.ஆர்.பி இணையதளத்தில் வெளியிடப்பட்டது.
தேர்வு பட்டியலில் அனைத்து பாடப்பிரிவுகளிலும் தமிழ் வழி முன்னுரிமை அடிப்படையில் சான்றிதழ் சரிபார்ப்பிற்கு அழைக்கப்பட்ட தேர்வாளர்கள் மற்றும் தாரவரவியல் பாடப் பிரிவு தேர்வாளர்களை தவிர மற்றவர்கள் தேர்வு பட்டியல் மட்டும் வெளியிடப்பட்டது.
இது குறித்து அடுத்த நாள் செய்திதாள்களில் தமிழ் வழியில் படித்த நபர்கள் போதுமான அளவு அனைத்து பிரிவுகளிலும் இல்லாத்தால் அது குறித்து முடிவு செய்த தேர்வு முடிவு பின்னர் வெளியிடுவதாக டி.ஆர்.பி அறிவித்த்து.
ஆனால் காலம் கடந்தது. தேர்ச்சி பெற்ற 2300 நபர்களுக்கு மட்டும் கலந்தாய்வு கூட்டம் நடத்தி மாண்புமிகு முதல்வர் அவர்களின் கரத்தினால் பணி நியமன ஆணை வழங்கப்பட்டது.
அதன் பின்னர் எந்தெந்த பல்கலைகழகங்கள் தமிழ் வழி கல்வியை நடத்தி வருகிறது என்ற விபரம் அறிய அந்தந்த பல்கலைகழகங்களுக்கு கடிதம் எழுதி இருப்பதாகவும் அந்த விபரங்கள் பல்கலைகழகங்கள் அளித்த பின்பு தேர்வு முடிவு வெளியிடப்படுவதாக தமிழ் வழியில் தேர்வு பெற்றவர்களுக்கு அறிவிக்கப்பட்டது. தாவரவியல் பாடப்பிரிவு மாணவர்களுக்கு வழக்கு உள்ளதால் வழக்கு முடிவுற்ற பின் வெளியிடப்படும் என்றும் செய்தி நாளிதழில் தெரிவிக்கப்பட்டது.
ஆனால் 18.01.2013 அன்று டி,.ஆர்.பி இரண்டாம் பட்டியல் ஒன்று வெளியிட்டது. அதில் முதுகலை அறிவியல் பிரிவு பாடங்களில் தமிழ் வழியில் இல்லை படிப்பு இல்லையெனவும் ஆனால் வணிகவியல், பொருளாதாரம், மற்றும் வரலாறு பாடங்களில் உள்ளதாகவும் எனவே சான்றிதழ்கள் சரிபார்ப்பிற்கு பின் தேர்வு பட்டியல் வெளியிடப்படும் என தெரிவிக்கப்பட்டிருந்த்து.
தற்போது 27.03.2013 அன்று தாவரவியல் பாடப்பிரிவு தேர்வு பட்டியல் சென்னை டி.ஆர்.பி அலுவலக பலகையில் வெளியிடப்பட்டது. ஆனால் தமிழ் வழி ஒதுக்கீட்டு இடங்களுக்கான பணியிட தேர்வு பட்டியல் வெளியிடப்படாமல் இருந்தது.
தற்போது இளநிலை கல்வியியல் பல்கலைகழகத்திடம் தமிழ் வழியில் பாடம் நடத்தப்பட்டதா? என்று டி.ஆர்.பி சான்று கேட்கப்பட்டதாகவும் அதற்கு பதில் வந்தவுடன் தேர்வு பட்டியல் வெளியிடப்படும் என்றும் நேரிடையாக தேர்வர்களிடம் தெரிவிக்கப்பட்டது.
என்ன காரணத்தினால் தேர்வர்களுக்கு சான்றிதழ் அளிக்கவில்லைஎன தமிழ்நாடு கல்வியியல் பல்கலைகழகத்தின் அதிகாரிகளிடம் தேர்வர்கள் விசாரித்த போது அவர்கள் கூறியதாவது - ”தமிழகத்தில் எந்த தனியார் கல்லுரியும் தமிழ் வழியில் கல்வியியல் நடத்த அனுமதி கேட்கவும் இல்லை அதனால் அனுமதி வழங்கவும் இல்லை. தற்போது இது போன்ற சட்டத்தினால் தான் இந்த வருடத்தில் இருந்து நாங்கள் ””தமிழ் வழி கல்வி”” என்று தனியே வழங்குகிறோம் எனவே அதற்கு முன்னர் பயின்ற அனைவரும் ஆங்கில வழியாகவே கருதப்படுவர் என தெரிவித்துள்ளார்”.
உயர்நிலைப்பள்ளிகள் மற்றும் மேல்நிலைப்பள்ளிகள் கூட இதற்கு முன் மாணவர்கள் எவருக்கும் தமிழ் வழியில் பயின்றதற்கான சான்றுகளை வழங்கவில்லை. காரணம் அதற்கு தேவை ஏற்படவில்லை என்பது தான் உண்மை. ஆனால் இந்த புதிய இட ஒதுக்கீடு சட்டம் நடைமுறைக்கு வந்ததும் மாணவர்களின் நலன் காக்க பள்ளிகள் அனைத்தும் தமிழ் வழியில் பயின்றதற்கான சான்றிதழ்களை வழங்கி உள்ளது. இதேபோல் உரிய பல்கலைகழகங்களும் மாணவர்களின் நலன் கருதி தமிழ் வழியில் பயின்றதற்கான சான்றினை வழங்க வேண்டும் என தேர்வர்கள் பலகட்டமாக முயற்சி செய்து வந்தனர்.
”தேர்வர்கள் பயின்றது தமிழ் வழியில் தான், தமிழ் பள்ளிகளில் தான் ஆசிரியர் பயிற்சி எடுத்தோம், கல்லுரி பதிவேடுகள் அனைத்தும் தமிழில் தான் எழுதி உள்ளோம். இந்த நிலையில் தங்களால் நடத்தப்பட்ட கல்லுரி தேர்வுகளுக்கும் தமிழ் வழியில் தான் வினாத்தாள் இருந்த்து, மேலும் நாங்கள் தமிழில் தான் தேர்வு எழுதி தங்களால் மதிப்பீடு செய்யப்பட்டு தேர்வு பெற்றதாக அறிவிப்பு கொடுத்துள்ளீர்கள்” என விளக்கங்களை கூறியும் முயற்சி செய்து வந்துள்ளனர்.
தற்போது சென்னை உயர்நீதிமன்றத்தில் வழக்கு எண் W.P.No.25835 of 2012 ன் படி தமிழ் வழியில் தேர்வுகள் அனைத்தும் எழுதியிருந்தாலே அவர் தமிழ் வழியில் பயின்றதாகவே கருத வேண்டும். என உத்திரவு வழங்கியுள்ளது.
பாடம் பயிற்றுவித்த கல்லுரிகள் தமிழ் வழியில் பாடம் பயின்றதாக தேர்வர்களுக்கு சான்றிதழ் வழங்கியுள்ளன. ஆனால் பல்கலைகழங்கள் தர மறுத்ததால் தமிழ் நாட்டில் பி.எட்டில் - தமிழ் வழி கல்வியே இல்லை எனும் நிலை ஏற்பட்டது.
தற்போது டி.ஆர்.பி யால் 9.5.2013 அன்று புதிய முதுகலை ஆசிரியர் தேர்வு 2881 காலி பணியிடங்கள் அறிவிக்கப்பட்டுள்ளது. இந்த அறிவிப்பிலும் தமிழ் வழியில் பயின்ற மாணவர்களுக்கு என 20 சதவீதம் ஒதுக்கீட்டு இடங்கள் சுமார் 400 இடங்கள் வரை அறிவிப்பு வரப்பெற்றுள்ளது.
இந்த நிலையில் மீண்டும் 3வது முறையாக தமிழ் வழி முதுகலை பட்டதாரிகளின் அடுத்த கட்ட பட்டியல் வெளியிடப்பட்டு ஏப்ரல் 23,24 ஆகிய தேதிகளில் சான்றிதழ் சாிபார்ப்பு செய்யப்பட இருக்கிறது. முந்தைய சான்றிதழ் சரிபார்ப்பில் பங்கேற்றவர்கள் தற்போது உரிய சான்றிதழ்களை பல்கலைகழகத்திடம் இருந்து பெற்று இருந்தால் அவர்கள் ஏப்ரல் 27 ஆம் தேதி நேரிடையாக டி.ஆர்.பி அலுவலகத்தில் ஒப்படைக்க அறிவுறுத்தப்பட்டுள்ளது.
இந்நிலையில் ஒரு மிகப்பெரிய நல்ல மாற்றம் ஏற்பட்டுள்ளது. டி.ஆர்.பி அதிகாரிகள் மற்றும் தேர்வர்களின் தொடர் முயற்சி காரணமாக சென்னை பல்கலைகழகம், தமிழ்நாடு இளநிலை கல்வியியல் பல்கலைகழகம், பெரியார் பல்கலைகழகம் போன்ற பெரும்பாலான பல்கலைகழகங்கள் முதன் முதலில் தேர்வாகியுள்ள தேர்வர்களும் தமிழ் வழியில் பயின்றுள்ளார்கள் என சான்று வழங்க ஒப்புக்கொண்டு உள்ளதாக தகவல்கள் தெரிவிக்கின்றன.
இவ்வாறு உரிய சான்று பல்கலை கழகத்தால் வழங்கப்படுமாயின் முதல் சான்றிதழ் சரிபார்ப்பில் கலந்து கொண்டவர்களுக்கே நிச்சய பணி வாய்ப்பு கிடைக்கும் சூழ்நிலை உள்ளது.
அப்படியானால் ஏப்ரல் 23, 24 ஆம் தேதிகளில் சரிபார்ப்பில் கலந்துகொள்பவர்களின் நிலை ஏமாற்றமாகி விடக் கூடாது. மற்ற பாடங்களில் வெயிட்டிங் லிஸ்ட்டில் உள்ளவர்களுக்கு இரண்டாம் கட்டமாக கலந்தாய்வு நடத்தப்பட்டு பணி ஆணை வழங்கியது போல் இதுவரை நடந்துள்ள மற்ற சான்றிதழ் சரிபார்ப்புகளில் கலந்து கொண்டு உரிய தகுதியுடன் சரியான சான்றிதழ்களை சமர்பித்த (தாவரவியல் முதுகலை பட்டதாரி ஆசிரியர்கள் உட்பட) அனைவருக்கும் பணி ஆணை வழங்க வேண்டும் என்பதே தேர்வர்களின் விருப்பமாகும். அதுவே அனைவரின் விருப்பமும் ஆகும். விரைவில் அனைவருக்கும் பணி கிடைக்க வாழ்த்துக்கள்.

TNPSC DEPT Exam 2013 Hall Ticket | TNPSC 2013- துறைத் தேர்வுகளுக்கான நுழைவுச்சீட்டு

2013-05-22T05:48:00.004-07:00

CLICK HERE TO DOWNLOAD HALL TICKET FOR DEPARTMENTAL EXAMINATION - MAY 2013

பல்வேறு பல்கலைக்கழங்களால் வழங்கப்படும் பட்டப் படிப்புகள் இணை / இணையற்றதாக கருதி தமிழக அரசு ஆணை வெளியீடு. (TET எழுத உள்ள ஆசிரியர்களின் வசதிகாக அரசால் வழங்கப்பட்ட 9 அரசாணைகள் தொகுத்து வழங்கப்பட்டுள்ளது) .

2013-05-22T05:37:00.001-07:00

click here for GO.(MS) NO.72 HIGHER EDN (K2) DEPT DATED.30.04.2013 - Public Services – Equivalence of Degree – Various educational qualifications possessed by the candidates as equivalent / not equivalent to the courses offered by the various Universities – Recommendation of Equivalence Committee –Orders

click here for DOWNLOAD GO.58 HIGHER EDUCATION (K2) DEPT, DATED.15.04.2013 - Higher Education - Public Services Equivalence of Educational qualification - M,.Sc applied Mathematics and Computer Science awarded by Bharathidasan University as equivalent to M,.Sc Mathematics and B.Sc. Environmental Zoology awarded by Bharathidasan University as equivalent to B.Sc.Zoology -Recommendation of Equivalence Committee Orders

click here for GO.30 HIGHER EDUCATION (K2) DEPT DATED.4.3.2013 - Public Services – Equivalence of Degree – M.Com. (Financial Management), M.Com. (Bank Management), M.Com. (Computer Application), B.Com.(Applied), B.Com. (Bank Management), and B.Com. (Computer Application) awarded by Bharathidasan University, Tiruchirappalli as equivalent to M.Com. and B.Com. degrees respectively – Recommendation of Equivalence Committee –Orders – issued...

click here for GO.29 HIGHER EDUCATION (K2) DEPT DATED.04.03.2013 - Public Services – Equivalence of Degree – B.Com and M.Com., multi branch degree courses awarded by Bharathiar University as equivalent to B.Com., and M.Com., degrees respectively and certain M.Com., multi branch degree course not equivalent to M.Com degrees – Recommendation of Equivalence Committee – Orders – issued...

click here for GO (MS) NO.25 HIGHER EDUCATION (K2) DEPT DATED.22.02.2013 - 5 year Integrated Programmes Offered by Annamalai University - Considered as Equivalent to the Corresponding Under Graduate - Order

click here for GO. (MS) NO.24 HIGHER EDUCATION (K2) DEPARTMENT DATED.13.02.2013

அரசாணை எண்.242 உயர்க்கல்வித்துறை நாள்.18.12.2012

click here for DOWNLOAD GO.(1D) NO.333 HIGHER EDUCATION (H2) DEPARTMENT DATED.27.11.2012

click here TO DOWNLOAD GO.MS.NO.133 SCHOOL EDUCATION (M2) DEPARTMENT DATED.04.06.2012

அரசு / அரசு உதவிப் பெறும் பள்ளிகளில் பணிபுரியும் 9ஆம் வகுப்பு போதிக்கும் ஆசிரியர்களுக்கு முதல் சுற்று 29 & 30, இரண்டாவது சுற்று 31 & 1.6.13 அன்றும் நடக்க உள்ளது

2013-05-22T05:18:00.003-07:00

அரசு / அரசு உதவிப் பெறும் பள்ளிகளில் பணிபுரியும் 9ஆம் வகுப்பு போதிக்கும் ஆசிரியர்களுக்கு முதல் சுற்று 29.05.2013 & 30.05.2013 அன்றும், இரண்டாவது சுற்று 31.05.2013 & 01.06.2013 அன்று அனைத்து பாடங்களுக்கான தொடர் மற்றும் முழுமையான மதிப்பீடு முறை பயிற்சி கீழ்கண்ட நாட்களில் நடைபெற உள்ளது.

முதல் சுற்று -29.05.2013 & 30.05.2013,

இரண்டாவது சுற்று 31.05.2013 & 01.06.2013

9 ஆம் வகுப்பில் ஒரு பாடம் மட்டும் கற்பிக்கும் ஆசிரியர்கள் முதல் சுற்று அல்லது இரண்டாம் சுற்று என இரண்டு நாட்கள் மட்டும் பயிற்சியில் கலந்து கொண்டால் போதும். 9 ஆம் வகுப்பில் 2 பாடங்கள் கற்பிக்கும் ஆசிரியர்கள் முதல் சுற்றில் 2 நாட்களும் , 2ஆம் சுற்றில் 01.06.2013 அன்று மட்டும் என மொத்தம் மூன்று நாட்கள் பயிற்சியில் கலந்து கொள்ள வேண்டும். பிற மாவட்டங்களில் வேலை செய்பவர்களும் மற்ற மாவட்டங்களில் நடைபெறும் பயிற்சியில் கலந்து கொள்ளலாம்.

ஆகஸ்ட் 17, 18ல் ஆசிரியர் தகுதித் தேர்வு

2013-05-22T04:43:00.000-07:00

2013ம் ஆண்டுக்கான ஆசிரியர் தகுதித் தேர்வு குறித்து தமிழ்நாடு ஆசிரியர் தகுதித் தேர்வு வாரியம் அறிவித்துள்ளது. ஜுன் 17ம் தேதி முதல் விண்ணப்பம் விநியோகம் துவங்கும் என்றும் விண்ணப்பங்களை பூர்த்தி செய்து அனுப்ப கடைசி நாள் ஜுலை 1 ம் தேதி ஆகும்.

ஆசிரியர் தகுதி தேர்வு முதல் தாள் ஆகஸ்ட் 17ம் தேதியும், இரண்டாம் தாள் ஆகஸ்ட் 18ம் தேதியும் நடைபெறும் என ஆசிரியர் தேர்வு வாரியம் தகவல் தெரிவித்துள்ளது.

இதற்கிடையே, 1,100 உதவிப் பேராசிரியர் நியமனத்தை முடித்திடவும், டி.ஆர்.பி., திட்டமிட்டு உள்ளது. தமிழக அரசு அறிவித்து, இரு ஆண்டுகள் ஆகியும், இன்னும் இந்தப் பணி நியமனம் நடக்கவில்லை. இந்த விவகாரம், சென்னை, ஐகோர்ட்டுக்கு சென்ற நிலையில், ஒன்பது மாதங்களுக்குள், உதவிப் பேராசிரியர் நியமனத் தேர்வை முடிக்க வேண்டும் என, ஐகோர்ட் உத்தரவிட்டு உள்ளதாகவும், டி.ஆர்.பி., வட்டாரங்கள் தெரிவித்தன.

ஜூன்/ஜூலை 2013-ல் நடைபெறவுள்ள மேல்நிலை சிறப்பு துணைத் தேர்வெழுத 23.05.2013 (வியாழக்கிழமை) முதல் 27.05.2013 (திங்கட்கிழமை) நண்பகல் 12 மணிவரை www.dge.tn.nic.in என்ற ஆன்-லைனில் விண்ணப்பங்கள் வரவேற்கப்படுகின்றன

2013-05-21T19:06:00.001-07:00

ஜூன்/ஜூலை 2013-ல் நடைபெறவுள்ள மேல்நிலை சிறப்பு துணைத் தேர்வெழுத 23.05.2013 (வியாழக்கிழமை) முதல் 27.05.2013 (திங்கட்கிழமை) நண்பகல் 12 மணிவரை www.dge.tn.nic.in என்ற ஆன்-லைனில் விண்ணப்பங்கள் வரவேற்கப்படுகின்றன.

நடைபெற்ற மார்ச் 2013, மேல்நிலைத் தேர்வில் மாணாக்கர் தாம் தேர்ச்சி பெறாத/வருகை புரியாத அனைத்துப் பாடங்களையும் (பாடங்களின் எண்ணிக்கை வரம்பின்றி), எதிர்வரும் ஜூன்/ஜூலை 2013 பருவத்தில் நடைபெறும் சிறப்பு உடனடித் தேர்வில் தேர்வெழுதலாம்.

பள்ளி மாணாக்கராய்த் தேர்வெழுதி தேர்ச்சி பெறாதோர்/வருகை புரியாதோர், ஜூன் பருவத்தில் நடைபெறும் சிறப்பு உடனடித் தேர்வெழுத ஆன்-லைன் மூலம் மட்டுமே விண்ணப்பிக்க வேண்டும் எனவும், S.H வகை விண்ணப்பத்தை எக்காரணம் கொண்டும் வழங்கக்கூடாது எனப் பள்ளித் தலைமையாசிரியர்களுக்குத் தெரிவிக்கப்படுகிறது.

ஆன்-லைனில் விண்ணப்பிக்கும் முறை

பள்ளி மாணாக்கர் www.dge.tn.nic.in என்ற இணையதளத்தில் ஆன்-லைனில் விண்ணப்பித்து, அதில் கோரப்படும் விவரங்களை பதிவு செய்ய வேண்டும். மாணவர் தமது புகைப்படத்தினை ஸ்கேன் செய்ய வேண்டும். State Bank of India சலானை பதிவிறக்கம் செய்ய வேண்டும். அதில் குறிப்பிட்டுள்ள தொகையினை ஸ்டேட் பாங்க் ஆப் இந்தியாவின் (SBI)ன் ஏதேனும் ஒரு கிளையில் 27.05.2013 -ற்குள் செலுத்தவேண்டும். செலுத்தும் நேரம் வங்கியின் விதிகளுக்குட்பட்டது. ஆன்-லைன் விண்ணப்பத்தின் வலதுபக்கத்தில் உரிய இடத்தில் மாணாக்கர் தனது மற்றுமொரு புகைப்படத்தினை ஒட்டி “attestation” (பள்ளித் தலைமை ஆசிரியரிடம் அல்லது Gazetted Officer இடம் ) பெற வேண்டும். பின்னர்,(1) ஸ்கேன் செய்த மாணவரின் புகைப்படத்துடன் கூடிய “Confirmation copy” எனக் குறிப்பிடப்பட்ட ஆன்-லைன் விண்ணப்பம்,(2) தேர்வுக்கட்டணத்தை ஸ்டேட் பாங்க் ஆப் இந்தியாவில் செலுத்திய சலான் (Department Copy) இரண்டையும் இணைத்து மாணாக்கர் தாம் பயின்ற பள்ளித் தலைமையாசிரியரிடம் ஒப்படைக்க வேண்டும்.பள்ளித் தலைமை ஆசியர்கள் விண்ணப்பங்களை பத்து இலக்கம் கொண்ட விண்ணப்ப எண்ணின் ஏறுவரிசையில் அடுக்கிப் மாணாக்கரின் பெயருடன் பட்டியலிட்டு, பட்டியலின் இரு நகல்களுடன் ஆன்-லைன் விண்ணப்பங்களை உரிய முதன்மைக் கல்வி அலுவலர் அலுவலகத்தில் 28.05.2013 –ற்குள் (பகல் 12 மணிக்குள்) தவறாமல் ஒப்படைக்க வேண்டும்.பள்ளிகளால் ஒப்படைக்கப்படும் ஆன்-லைன் விண்ணப்பங்களை கல்வி மாவட்டவாரியாக கட்டி, 29.05.2013 அன்று தேர்வுத் துறை தலைமை அலுவலகத்தில் முதன்மைக் கல்வி அலுவலகங்கள் ஒப்படைக்க வேண்டும்.எனவே. இப்பணியின்பால் சிறப்புக் கவனம் செலுத்திட பள்ளித் தலைமை ஆசிரியர்கள் கேட்டுக்கொள்ளபடுகிறார்கள்.

விண்ணப்பிக்கத் தகுதியானவர்கள்:

1. மார்ச் 2013, மேல்நிலைத் தேர்வினை பள்ளி மாணாக்கராகவோ அல்லது தனித்தேர்வர்களாகவோ தேர்வெழுதியிருக்க வேண்டும்.

2. மார்ச் 2013, மேல்நிலைத் தேர்வில் தேர்ச்சி பெறாத/வருகை புரியாத அனைத்துப் பாடங்களையும் உடனடித் தேர்வில் தேர்வெழுத விண்ணப்பிக்கலாம்.

தேர்வுக் கட்டணம் செலுத்தும் முறை:

மார்ச் 2013 மேல்நிலைத் தேர்வில் தேர்ச்சி பெறாத / வருகை புரியாத ஒவ்வொரு பாடத்திற்கும் ரூ.50/-வீதம் தேர்வுக் கட்டணமும், அதனுடன் இதரக் கட்டணமாக ரூ.35/- ம் செலுத்தவேண்டும். Online மூலம் பதிவிறக்கம் செய்யப்பட்ட State Bank of India challan மூலமே தேர்வுக் கட்டணம் செலுத்த வேண்டும். பதிவிறக்கம் செய்த சலானில் குறிப்பிட்டுள்ள தொகையினை ஸ்டேட் பாங்க் ஆப் இந்தியா வங்கியின் எந்தவொரு கிளையிலும் அரசுத் தேர்வுகள் இயக்குர், சென்னை-6 என்ற பெயரில் தேர்வுத் கட்டணத் தொகையினை செலுத்தலாம். பதிவிறக்கம் செய்த விண்ணப்பத்தில் குறிப்பிட்டுள்ள பத்து இலக்க விண்ணப்ப எண்ணை தவறாமல் குறித்து வைத்துக் கொள்ள வேண்டும். இந்த விண்ணப்ப எண்ணைப் பயன்படுத்தியே எந்தவொரு சந்தேகங்களுக்கும், தேர்வுத் துறையிடம் முறையீடு செய்யவோ அல்லது தேர்வுக் கூட நுழைவுச் சீட்டைப் பெறவோ முடியும். எனவே, பதிவிறக்கம் செய்த விண்ணப்பத்தினை ஒளிநகல் (Photocopy) எடுத்து தனித்தேர்வர்கள் தங்கள் வசம் பத்திரமாக வைத்துக் கொள்ளவேண்டும்.

ஆன்/லைனில் விண்ணப்பிப்பதற்கான தேதிகள் :

தேர்வர்கள் www.dge.tn.nic.in என்ற இணையதளத்தில் 23.05.2013 (வியாழக்கிழமை) முதல் 27.05.2013 (திங்கட்கிழமை) நண்பகல் 12 மணிவரை அனைத்து நாட்களிலும் தங்கள் விண்ணப்பத்தினை ஆன்-லைனில் பதிவு செய்யலாம். பதிவு செய்த விண்ணப்பத்தினையும், தேர்வுக் கட்டணம் செலுத்துவதற்கான SBI சலானையும் 27.05.2013 நண்பகல் 12 மணிவரை வரை மட்டுமே பதிவிறக்கம் செய்து கொள்ள முடியும்.தேர்வுக் கட்டணத்தை ஸ்டேட் பாங்க் ஆப் இந்தியாவின் எந்தவொரு கிளையிலும் செலுத்தவேண்டிய இறுதி தேதி 27.05.2013( திங்கட்கிழமை). செலுத்த வேண்டிய நேரம் வங்கியின் விதிகளுக்குட்பட்டதாகும்.

ஆன்-லைனில் பதிவிறக்கம் செய்த விண்ணப்பத்தினை சமர்ப்பித்தல்:

அ) பள்ளிமாணாக்கர் உடனடித் தேர்விற்கான Confirmation copy எனக் குறிப்பிட்ட ஆன்-லைன் விண்ணப்பத்துடன், தேர்வுக் கட்டணம் செலுத்திய SBI சலானை இணைத்து அவர்கள் பயின்ற பள்ளித் தலைமை ஆசிரியரிடம் 27.05.2013-ற்குள் சமர்ப்பிக்க வேண்டும்.

ஆ) மார்ச் 2013, மேல்நிலைத் தேர்வினை தனித்தேர்வர்களாக தேர்வெழுதி தேர்ச்சி பெறாதோர் உடனடித் தேர்விற்கான Confirmation copy எனக் குறிப்பிட்ட ஆன்-லைன் விண்ணப்பத்துடன், தேர்வுக் கட்டணம் செலுத்திய SBI சலானை இணைத்து அவர்தம் வருவாய் மாவட்டத்திற்குரிய அரசுத் தேர்வுகள் மண்டலத் துணை இயக்குநர் அலுவலகத்தில் நேரடியாக சமர்ப்பிக்க வேண்டும். தபால் மூலம் அனுப்பும் விண்ணப்பங்கள் கண்டிப்பாக நிரரகரிக்கப்படும்.

TNTET Instructions and Study Materials

2013-05-21T06:58:00.001-07:00

TET - India 5 year plans -file 79

TET - Test 2- Ancient India and Medieval India- file 78

TET - Test 1- Ancient India and Medieval India-file 77

TET - நவீன கால இந்திய வரலாற-file 76

TET - இந்திய அரசியலைமைப்பு குறிப்புகள்-file75

Thanks to Mr.B. SRINIVASAN.M.A.,M.Ed.,M.C.A.,M.A(YOGA)

GANGALERI , KRISHNAGIRI - DT

TN Govt GOs

click here for தமிழ அரசின் அரசானை 181-file 74

click here for இடைநிலை ஆசிரியர்களுக்கு தேவையில்லை - செய்தி வெளியீடு 710 -file 73

Central Govt GOs

click here for Qualification Details - file 72
click here for Mark Relaxation for sc/st - file 71
click here for As RTE - TET - file 7-
Tet maths 8 std materials for paper2 - file 69

Tet maths model questions for paper2 - file 68

TEACHER ELIGIBLITY TEST SYLLABUS PAPER - I

click here for TET Paper I - file 67

click here for Child Developement & Pedagory-I - file 66

click here for TAMIL TET PAPER-I -file 65

click here for ENGLISH TET PAPER-I - file 64

click here for MATHS TET PAPER-I - file 63

click here for Environmental Studies and Science-Paper I - file 62

TEACHER ELIGIBLITY TEST SYLLABUS PAPER - II

click here for TET Paper II -file 61

click here for Child Developement & Pedagory-II -file 60

click here for TAMIL TET PAPER-II -file 59

click here for ENGLISH TET PAPER-II -file 58

click here for MATHS AND SCIENCE TET PAPER-II - file 57

click here for Social Science-Paper II file 56

Click here and download...TET - குழந்தை மேம்பாடும் கற்பித்தல் முறைகளும் - Child Development and Pedagogy Question and answers...file 56

Click here and download Child Development and Pedagogy final draft model question papers..file 55

Click Here and Download the Social science...file 54

Click here and download Dinamani Tamil question and answers...file 53

click here for Social Science-file 52 click here for ENGLISH LANGUAGE EDUCATION-file 51

click here for SCIENCE - STD VI-file 50

click here for SCIENCE - STD VII-file 49

click here for SCIENCE - STD VIII-file 48

TNTET PAPER I STUDY MATERIAL

click here to ENGLISH - METHODOLOGY -file 47

click here to CHILD DEVELOPMENT AND PEDAGOGY - PART- I -file 46

click here to CHILD DEVELOPMENT AND PEDAGOGY - PART- II - file 45

click here to TAMIL STD IV,V -file 44

click here to TAMIL STD I, II, III -file 43

click here to EVS - SCIENCE -STD V- file 42

click here to EVS - SCIENCE - STD I-IV- file 41

click here to EVS - SOCIAL SCIENCE - STD V- File 40

click here to EVS - SOCIAL SCIENCE - STD III, IV - file 39

Click here for TET PAPER-1 MODEL QUESTION PAPER 1 --file 39

Click here for TET PAPER 1 MODEL QUESTION PAPER 2-file 38

TET-2012 Full Instructions - Click & Download...File 1

CLICK HERE & DOWNLOAD TET FILE 2

CLICK HERE & DOWNLOAD TET FILE3

CLICK HERE & DOWNLOAD TET FILE 4 Click Here and Download Tamil - TET model Q/A-File 5 Click Here and Download TET EVS- Questions/ Answers-File 6

Click Here and Download TET - English Question and Answers-file 7

TET model Question paper 1 -file 8

TET model Question paper 2- file 9
Click Here and Download TET - Maths Model Q/A-file 10
General Knowledge (GK) - தொகுப்பு 1-file 11
ஆசிரியர் தகுதித் தேர்வு : சமூக அறிவியல் வினா-விடை-file 12
Click here to download the soc. science model question paper -file 13
click here and download TET EVS Q/A models-file 14

Click here and download the Science TET Model Q/A-file 15

click here and download TET _ EVS -file 16

click here and download the s.science file 17
click here and download the social science-file 18
CLICK AND DOWNLOAD THE TET- SOCIAL SCIENCE QNS/ANS-file 19
Click Here and Download TET S.S Qn & Ans...-file 20
TET: தமிழ் வினா-விடை-file 21
டிஇடி : சமூக அறிவியல் வினா-விடை -file 22
Click Here and Download TET தமிழ் Question and Answers -file 23

100 அரசு பள்ளிகளில் 100 சதவீத தேர்ச்சி

2013-05-21T05:52:00.002-07:00

நடந்து முடிந்த பிளஸ்2 தேர்வில் 100 அரசு பள்ளிகளில் 100 சதவீதம் மாணவர்கள் தேர்ச்சி பெற்றுள்ளனர். இதன் மூலம் அரசு பள்ளிகளின் கல்வித் தரம் மற்றும் தேர்ச்சி வீதம் கணிசமாக உயர்ந்திருப்பதாக பள்ளிக் கல்வித் துறை தெரிவித்துள்ளது.

இந்த ஆண்டில் மார்ச் மாதம் பிளஸ் 2 தேர்வு நடந்தது. தேர்வு முடிவுகள் கடந்த 9ம் தேதி வெளியிடப்பட்டது. இந்த தேர்வில் அரசு பள்ளிகளின் மாணவர்களின் தேர்ச்சி நிலை குறித்து தெரிந்துகொள்ள பள்ளி கல்வித்துறை சர்வே நடத்தியது. அதன்படி இந்த ஆண்டு அரசு பள்ளி மாணவர்களின் தேர்ச்சி கடந்த 3 ஆண்டுகளை விட இந்த ஆண்டு உயர்ந்துள்ளதாக தெரியவந்துள்ளது.

பள்ளிக் கல்வித் துறை நடத்திய சர்வேயில் தெரியவந்த விவரங்கள்:

* கடந்த 3 ஆண்டுகளாக கோவை, திண்டுக்கல், ஈரோடு, கன்னியாகுமரி, கிருஷ்ணகிரி, மதுரை, நாகப்பட்டினம், நீலகிரி, பெரம்பலூர், புதுக்கோட்டை, திருநெல்வேலி, திருப்பூர், திருவாரூர், வேலூர், தூத்துக்குடி ஆகிய மாவட்டங்களில் உள்ள அரசுப் பள்ளிகள் தங்களின் தேர்ச்சி வீதத்தை அதிகரித்துக் கொண்டே வந்துள்ளன.

* கோவை, திண்டுக்கல், ஈரோடு, கன்னியாகுமரி, கரூர், கிருஷ்ணகிரி, மதுரை, நாகப்பட்டினம், நீலகிரி, பெரம்பலூர், புதுக் கோட்டை, திருநெல்வேலி, தர்மபுரி, திருவாரூர், வேலூர், தூத்துக்குடி, விருதுநகர், விழுப்புரம், திருச்சி, திருநெல்வேலி, திருவாரூர், சிவகங்கை, சேலம், நாமக் கல், தருமபுரி, சென்னை ஆகிய 27 மாவட்டங்களில் கடந்த ஆண்டைக் காட்டிலும் தேர்ச்சி வீதம் அதிகரித்துள்ளது.

*பிளஸ் 2 தேர்வில் ஒரு பாடத்தில் மட்டும் தோல்வி அடைந்தோர் 42 சதவீதம். 2 பாடத்தில் தோல்வியுற்றோர் 35 சதவீதம்.
* இரண்டுக்கும் மேற்பட்ட பாடங்களில் 23 சதவீதம் பேர் தோல்வி அடைந்துள்ளனர்.
* கடந்த 3 ஆண்டில் மாணவர்களின் மொத்த தேர்ச்சி வீதம் 86 சதவீதத்தில் இருந்து 88 சதவீதமாக உயர்ந்துள்ளது. ஒவ்வொரு ஆண்டும் 1 சதவீதம் உயர்ந்துள்ளது.
* மாணவர்களைவிட மாணவியர் 7 சதவீதம் அதிகமாக தேர்ச்சி அடைந்துள்ளனர்.
* அனைத்து வகை பள்ளிகளை பொறுத்தவரை 2011ல் 892 பள்ளிகளில் 100 சதவீத தேர்ச்சி இருந்தது. 2013ல் அது 1117 ஆக உயர்ந்துள்ளது.
* 2011ல் 35 அரசுப் பள்ளிகளில் மட்டுமே 100 சதவீதம் மாணவர்கள் தேர்ச்சி பெற்றனர். 2013ல் 100 அரசுப் பள்ளிகளை சேர்ந்த மாணவர்கள் 100 சதவீதம் தேர்ச்சி பெற்றுள்ளனர். அதேபோல 2011ஐவிட எஸ்.சி, எஸ்.டி பிரிவு மாணவர்களின் தேர்ச்சி வீதம் கணிசமாக உயர்ந்துள்ளது.

புதிய பணியிடங்களை கலந்தாய்வில் சேர்க்க முதுநிலை பட்டதாரி ஆசிரியர்கள் கோரிக்கை

2013-05-20T23:32:00.001-07:00

ஆசிரியர் கலந்தாய்வின்போது, அரசாணை எண்.16ன் படி, புதிதாக உருவாக்கப்பட்ட பணியிடங்களையும் சேர்க்க வேண்டும், என முதுநிலை பட்டதாரி ஆசிரியர்கள் கோரிக்கை விடுத்துள்ளனர்.

தமிழகம் முழுவதும், முதுநிலை பட்டதாரி ஆசிரியர்களுக்கான பொது மாறுதல் கலந்தாய்வு, அந்தந்த மாவட்டத்துக்குள் 22ம் தேதியும், வெளி மாவட்டங்களுக்கு 23ம் தேதியும் நடக்க உள்ளது. மேல்நிலை தலைமை ஆசிரியர் பதவி உயர்வு கலந்தாய்வுக்கான தேதி அறிவிக்கப்படவில்லை.

இதனால், முதுகலை பட்டதாரி ஆசிரியர்கள், மேல்நிலை தலைமை ஆசிரியராக பதவி உயர்வு பெறும்போது, முதுகலை பட்டதாரி ஆசிரியர் பணியிடங்களில் காலி இடங்கள் ஏற்படும். தமிழகம் முழுவதும் 400க்கும் மேற்பட்ட காலி பணியிடம் உருவாக வாய்ப்புள்ளது.

பதவி உயர்வு மூலமாக ஏற்படும் இந்த காலிப்பணியிடங்களில், மாறுதல் பெறும்போது, பல்வேறு முறைகேடு நடக்க வாய்ப்புள்ளதால், தலைமை ஆசிரியர் பதவி உயர்வு கலந்தாய்வு நடத்திய பின்னர், முதுநிலை பட்டதாரி ஆசிரியர்களுக்கான பொது மாறுதல் கலந்தாய்வை நடத்திட ஆசிரியர்கள் கோரிக்கை விடுத்து, பள்ளிக்கல்வித்துறைக்கு "பேக்ஸ்' அனுப்பியுள்ளனர்.

மேலும், அரசாணை 16ன்படி 1591 முதுநிலை பட்டதாரி ஆசிரியர் பணியிடங்கள் உருவாக்கப்பட்டுள்ளன. கலந்தாய்வின்போது, இந்த பணியிடங்களையும் சேர்க்க வேண்டும், எனவும் வலியுறுத்தப்பட்டுள்ளது.

முதுநிலை பட்டதாரி ஆசிரியர் கழக மாவட்ட செயலாளர் சுப்பிரமணியன் கூறும்போது: அனைத்து ஆசிரியர்களும் முழுமையாக பயனடையும் வகையில், தலைமை ஆசிரியர் பதவி உயர்வுக்கு பின்னர், பொது மாறுதல் கலந்தாய்வு நடத்த வேண்டும். மேலும், புதிதாக உருவாக்கப்பட்ட பணியிடங்களையும் கலந்தாய்வின்போது காட்ட வேண்டும், என தமிழக முதல்வர், கல்வித்துறை இயக்குனர் ஆகியோருக்கு கோரிக்கை விடுக்கப்பட்டுள்ளது, என்றார்

இடைநிலை ஆசிரியர்களின் ஊதிய நிர்ணயப் பிரச்சினை - ஓர் ஆய்வு

2013-05-20T22:49:00.003-07:00

"தமிழ்நாடு திருத்தப்பட்ட ஊதிய விகிதங்கள் 2009" என்ற பெயரில் தமிழக அரசு வெளியிட்ட ஊதியக்குழு அரசாணையைத் தொடர்ந்து புதிய விகிதத்தில் பதவி உயர்வு ஊதிய நிர்ணயம் செய்வதில் இருக்கும் குழப்பங்கள் நாளுக்கு நாள் அதிகரித்துக் கொண்டேதான் செல்கிறதே தவிர இன்னும் தெளிவு கிடைத்தபாடில்லை.

இதனைத் தெளிவிக்கப் பல அரசாணைகளும் பல தெளிவுரைகளும் வெளியானபோதும் இடைநிலை ஆசிரியர்களின் ஊதிய நிர்ணயப் பிரச்சினை - குறிப்பாக 2800 ரூபாய் தர ஊதியம் பெறும் இடைநிலை ஆசிரியர்கள் பதவி உயர்வு பெற்றால் அவரது தனி ஊதியம் ரூ.750 அடிப்படை ஊதியத்துடன் சேர்த்து நிர்ணயம் செய்யப்படும் என்று கூறும் அரசுக் கடிதம் 8764 /சிஎம்பிசி / 2012-1/ 18.04.2012 நிதித் துறை மாதிரிக் கணக்கீடு (illustration) எதையும் இவ்வாணையுடன் இணைக்கவில்லை.

பள்ளிக் கல்வித் துறைத் தணிக்கை அலுவலர் (மதுரை மண்டலம்) அவர்கள் உதயசங்கர் என்னும் இடைநிலை ஆசிரியர் பட்டதாரி ஆசிரியராகப் பதவி உயர்வு பெற்ற நேர்வில் எவ்வாறு ஊதிய நிர்ணயம் செய்வது என்பது குறித்து வழங்கிய தெளிவுரையில் 750 தனி ஊதியத்தை அடிப்படை ஊதியத்துடன் சேர்த்துக் கணக்கிட்டுள்ளார். இதை நாம் ஒரு மாதிரிக் கணக்கீடாக எடுத்துக் கொள்வோம். இதிலும்கூட கூட்டல் தவறாக உள்ளது.

தர ஊதியம் ரூ.2800 + தனி ஊதியம் ரூ.750 பெறும் நேர்வில் இதை ஏற்றுக் கொண்டாலும் 01.01.2006 முதல் தர ஊதியம் ரூ.4200 ஆக நிர்ணயம் செய்யப்பட்டிருந்தால் கிடைக்கும் பணப்பலனை விடக் கூடுதலாக இது உள்ளதால் மூன்று நபர் கமிட்டியின் பரிந்துரைகளின்படி திருத்தப்பட்ட மறுநிர்ணய அரசாணை வெளியிடும்போது ரூ.2800 தர ஊதியம் பெறும் இடைநிலை ஆசிரியர்களுக்கு ரூ.4200 எனத் திருத்தி வெளியிட்டால் மிகையாகப் பெற்ற ஊதியத்தைத் திருப்பிக் கட்ட வேண்டிய சூழல் உருவாக வாய்ப்புள்ளது.

கணக்கீடு:

அடிப்படை ஊதியம் : 14040

தர ஊதியம் (கருத்தியலாக) : 4200

மொத்தம் : 18240

3% பதவி உயர்வு பணப்பலன் : 550

புதிய நிர்ணயம் : ரூ.14590 + 4600 =19190

தணிக்கைத் துறையால் வழங்கப்பட்ட விளக்கத்தின்படி நிர்ணயம் செய்தது : ரூ.19910

அதாவது 4200 தர ஊதியம் இருந்தால் கிடைக்கும் பணப்பலனை விட மாதம் ஒன்றுக்கு ரூ.720 மிகையாக உள்ளது. எதிர்காலத்தில் மொத்தமாகக் கணக்கிட்டு இத்தொகையைத் திருப்பிச் செலுத்த வேண்டும் என உத்தரவு வந்தால் ஏற்கனவே இடைநிலை ஆசிரியர்களின் சம்பளம் குறித்த பிரச்சினையுடன் குழப்பங்களும் மிகும் என்பதே நம் கருத்து.

அரசுக்குக் கூடுதல் செலவை ஏற்படுத்தும் 2800 தர ஊதியத்தையும் 750 தனி ஊதியத்தையும் இரத்து செய்துவிட்டு 4200 தர ஊதியம் வழங்கினால் போதும். அதுவும் 01.01.2006 முதல் வழங்கப்படும் என அரசு உத்தரவிட்டால் போதும். இப்பிரச்சினைகள் முடிவுக்கு வரும். நம்பிக்கையோடு எதிர்பார்ப்போம்

தமிழ் வழி ஒதுக்கீட்டில் 120 முதுகலை பணியிடம்

2013-05-20T22:44:00.002-07:00

கடந்த டிசம்பரில், 2,300க்கும் மேற்பட்ட முதுகலை ஆசிரியர்கள் நியமிக்கப்பட்டனர். இதில், தமிழ் வழியில் படித்தவர்களுக்கு, 20 சதவீத ஒதுக்கீடு இடங்கள் நிரப்பப்படவில்லை.

தற்போது இதில், பொருளியல், வணிகவியல், வரலாறு ஆகிய பாடங்களில், 120 இடங்களை நிரப்ப, வரும், 23, 24 தேதிகளில், சான்றிதழ் சரிபார்ப்பு நடக்கிறது.

சென்னை, சேலம், கோவை, திருச்சி, மதுரை, விழுப்புரம் மற்றும் நெல்லை ஆகிய ஏழு இடங்களில், சான்றிதழ் சரிபார்ப்பு நடக்கிறது. இதற்கு, 3,200 பேர் அழைக்கப்பட்டு உள்ளதாக, டி.ஆர்.பி., வட்டாரங்கள் தெரிவித்தன.

இடைக்கால ஆசிரியர் நியமன முறைக்கு உச்ச நீதிமன்றம் கண்டனம்

2013-05-20T22:41:00.000-07:00

தொடக்கப் பள்ளிகளில் இடைக்கால ஆசிரியர்களை நியமிப்பதில் கல்வித் தகுதி உள்ளிட்ட வரைமுறைகளை மாநில அரசுகள் பின்பற்றாதது குறித்து உச்ச நீதிமன்றம் கடும் கண்டனம் தெரிவித்திருக்கிறது.

கல்வி உதவியாளர் நியமனம் குறித்து குஜராத் அரசு தாக்கல் செய்த முறையீட்டை உச்ச நீதிமன்ற நீதிபதிகள் பி.எஸ்.செüஹான், தீபக் மிஸ்ரா அடங்கிய அமர்வு திங்கள்கிழமை விசாரித்தது. அப்போது நீதிபதிகள் குறிப்பிட்டது:

கல்வி உரிமை சட்டம் நடைமுறைக்கு வந்தபின்பும் இடைக்கால ஆசிரியர் நியமன முறை தொடர்வது எங்களுக்கு அதிர்ச்சியை ஏற்படுத்துகிறது. இதுபோன்ற ஜனரஞ்சகமான திட்டங்கள் நாட்டின் வருங்காலத்தையே பாழாக்குவதை அனுமதிக்க முடியாது. இந்திய அரசியல் சட்டத்தில் கல்வி உரிமையை அளிக்கும் 21-ஏ பிரிவு இருக்கும்போது இதுபோன்ற நடைமுறைகள் இருப்பது அதிர்ச்சி அளிக்கிறது. இதை எப்படி அனுமதிக்க முடியும்? முறையான கல்வித் தகுதி இல்லாதவர்களை இடைக்கால ஆசிரியர்களாக நியமிப்பதால் கல்விகற்பிக்கும் முறையையே பாழடித்துவிடுகிறோம் என்று குறிப்பிட்ட நீதிபதிகள், இடைக்கால முறையில் நியமிக்கப்பட்டவர்கள் குறித்த விவரங்களை தாக்கல் செய்யுமாறு உத்தரவிட்டனர்.

அரசுப் பள்ளிகளில் ஆங்கில வழிக் கல்வி வகுப்புகள்: கல்வி அலுவலர்களுக்கு அதிகாரம்

2013-05-20T22:37:00.000-07:00

தமிழகத்திலுள்ள அரசுப் பள்ளிகளில் இந்த ஆண்டு முதல் 6ஆம் வகுப்பில் ஆங்கில வழிக் கல்வியைத் துவங்க, மாவட்டங்களிலுள்ள முதன்மைக் கல்வி அலுவலர் மற்றும் மாவட்டக் கல்வி அலுவலர்களுக்கு அதிகாரம் வழங்கப்பட்டுள்ளதாக, பள்ளிக் கல்வித் துறை இயக்குநர் டி.தேவராஜன் தெரிவித்தார்.

இதுதொடர்பாக அவர் திங்கள்கிழமை மதுரையில் செய்தியாளர்களிடம் கூறியது:

தமிழகத்தில் இந்த ஆண்டு முதல் அரசு மற்றும் நகராட்சிப் பள்ளிகளில் பணியாற்றும் மேல்நிலைப் பள்ளி தலைமை ஆசிரியர்களுக்கான இட மாறுதல் கலந்தாய்வு ஆன்-லைன் மூலம் நடைபெறுகிறது. முந்தைய ஆண்டு வரை இந்த கலந்தாய்வுக்கு தலைமை ஆசிரியர்கள் சென்னைக்கு வந்து செல்ல வேண்டியிருந்தது. அவர்களின் அலைச்சலைக் குறைக்கும் வகையிலும், வெளிப்படைத் தன்மையுடனும் இந்த நடைமுறையை அரசு கொண்டுவந்துள்ளது. இந்த கலந்தாய்வில் பங்கேற்க 20,203 தலைமை ஆசிரியர்கள் ஆன்லைன் மூலம் விண்ணப்பித்திருந்தனர்.

இவர்களுக்கு அந்தந்த மாவட்டங்களில் முதன்மைக் கல்வி அலுவலர்கள் முன்னிலையில் கலந்தாய்வு நடைபெறுகிறது. முதன்முறையாக மாவட்டங்களில் நடைபெறுவதால், ஒவ்வொரு மாவட்டத்துக்கும் பள்ளிக் கல்வித் துறையில் உயர் அலுவலர்களில் ஒருவரை பார்வையாளராக அனுப்பி வைத்துள்ளோம். அந்த அடிப்படையில் நான் (இயக்குநர்) மதுரையில் நடைபெற்ற கலந்தாய்வை ஆய்வு செய்தேன். இன்னும் பல தலைமை ஆசிரியர்கள் கலந்தாய்வுக்கு விண்ணப்பிக்க வாய்ப்பிருக்கிறது.

ஆங்கில வழி வகுப்புகள்: அரசுப் பள்ளிகளில் ஆங்கில வழிக் கல்வி துவங்க வேண்டும் என பெரும்பாலான பெற்றோர் அரசுக்கு கோரிக்கை வைத்துள்ளனர். இதைப் பரிசீலித்த அரசு, இந்த ஆண்டு முதல் அரசுப் பள்ளிகளில் 6ஆம் வகுப்பில் ஆங்கில வழிக் கல்வி வகுப்புகளைத் துவக்க உத்தரவிட்டுள்ளது. அந்தந்த மாவட்டத்திலுள்ள அரசுப் பள்ளிகளில், எந்தெந்தப் பள்ளியில் ஆங்கில வழிக் கல்வி வகுப்பு துவக்க பெற்றோர்கள் தரப்பில் விருப்பம் தெரிவிக்கப்படுகிறதோ, அந்தப் பள்ளிகளில் 6ஆம் வகுப்பில் ஆங்கில வழிக் கல்வி கற்பிக்கும் வகையில் ஒரு வகுப்பு துவக்கப்படும்.

அதேசமயம், அந்தப் பள்ளிகளிலும் 6ஆம் வகுப்பில் தமிழ் வழிக் கல்வி வகுப்பும் தொடர்ந்து இருக்கும். ஆங்கில வழிக் கல்வி பாடங்களை நடத்துவதற்கு போதுமான தகுதியான ஆசிரியர்கள் பெரும்பாலான பள்ளிகளில் ஏற்கெனவே பணியில் இருக்கின்றனர். ஏதாவது சில பள்ளிகளில் ஆங்கில வழிக் கல்வி போதிக்க ஆசிரியர்கள் தேவைப்பட்டால், அதற்கான ஆசிரியர்களை நியமிக்க பள்ளிக் கல்வித் துறை தயாராக இருக்கிறது. மேலும், விரைவில் டிஆர்பி மூலம் புதிதாக ஆசிரியர்கள் நியமிக்கப்படவுள்ளனர்.
மாவட்ட அதிகாரிகளுக்கு அதிகாரம்: ஆங்கில வழிக் கல்வி வகுப்புகளைத் துவக்க பள்ளிக் கல்வித் துறைக்கு அனைத்து மாவட்டங்களிலிருந்தும் விண்ணப்பித்து, பரிசீலித்து முடிவு எடுப்பதில் கால தாமதம் ஏற்பட வாய்ப்புள்ளது.

இதை தவிர்க்கும் வகையில், அந்தந்த மாவட்டங்களிலுள்ள முதன்மைக் கல்வி அலுவலர்கள், மாவட்ட கல்வி அலுவலர்களே எந்தெந்தப் பள்ளிகளுக்கு ஆங்கில வழிக் கல்வி வகுப்புகள் தேவையோ, அதற்குரிய அனுமதியைப் பரிசீலித்து வழங்க அதிகாரம் வழங்கப்பட்டுள்ளது.

இதன் விவரத்தை கல்வி அதிகாரிகள் பள்ளிக் கல்வித் துறைக்குத் தெரிவிக்கவும் அறிவுறுத்தப்பட்டுள்ளது. பிளஸ் 2 தேர்வு முடிவுகள் முதல்முறையாக ஆன்-லைனில் வெளியிடப்பட்டுள்ளது. இதில், மாணவர்களின் மதிப்பெண் பட்டியலை எப்போது வேண்டுமானாலும் பதிவிறக்கம் செய்ய வசதியாக, பணிகள் நடைபெற்று வருகின்றன. அதேசமயம், பிளஸ் 2 உடனடித் தேர்வுக்கு மாணவர்கள் விண்ணப்பிப்பதில் எவ்விதப் பிரச்னையும் இருக்காது.

கல்லூரிகளுக்குச் செல்லும் மாணவர்களின் 10ஆம் வகுப்பு, பிளஸ் 2 மதிப்பெண் சான்றிதழின் உண்மைத்தன்மை சான்றளிப்புக்கு பள்ளித் தேர்வுத் துறையில் ஏற்படும் கால தாமதத்தைத் தவிர்க்க முயற்சி மேற்கொள்ளப்படும் என்றார்.

பேட்டியின்போது, முதன்மைக் கல்வி அலுவலர் அமுதவல்லி உடன் இருந்தார்.

பிளஸ் 2 உடனடி தேர்வு தேதி விரைவில் அறிவிப்பு

2013-05-20T22:27:00.001-07:00

"பிளஸ் 2 உடனடி தேர்வு தேதி அறிவிப்பு, விரைவில் வெளியாகும்" என பள்ளிக் கல்வித் துறை இயக்குனர் தேவராஜன் கூறினார்.

மேல்நிலைப் பள்ளி தலைமை ஆசிரியர்களுக்கான, மாறுதல் கலந்தாய்வு முதன் முதலில் ஆன்லைனில், நேற்று துவங்கியது. மதுரை இளங்கோ மாநகராட்சி பள்ளியில் நடந்த நிகழ்ச்சியில், தலைமை ஆசிரியர் எட்டு பேருக்கு, பணிமாறுதல் உத்தரவுகளை, தேவராஜன் வழங்கினார்.

பின்னர் அவர் கூறியதாவது: பிளஸ் 2 உடனடி தேர்வு தேதி அறிவிப்பு, விரைவில் வெளியாகும். தற்போது, பிளஸ் 2 மதிப்பெண் பட்டியல் தயாரிப்பு பணி நடக்கிறது. ஆறாம் வகுப்பு முதல், பிளஸ் 2 வரை, மாணவர்களுக்கு சிறப்பு கட்டணம், விரைவில் வழங்கப்படும்.

பெரும்பாலான பள்ளிகளில், இக்கட்டணத்தை செலவிடாமல், 6 லட்ச ரூபாய் வரை வைத்துள்ளனர்; இதுகுறித்து தகவல் சேகரிக்கப்படும். ஆசிரியர்களுக்கு, "உண்மைத் தன்மை சான்று" வழங்குவதில் ஏற்படும் தாமதம், தவிர்க்கப்படும். முதன்மை கல்வி அலுவலர்கள் முடிவின்படி, பள்ளிகளில் மாணவர்களின் எண்ணிக்கைக்கு ஏற்ப, 6 ம் வகுப்பில், ஆங்கில வழிக் கல்வியை துவங்கலாம்.

ஆண்டுதோறும், மத்திய அரசு, அனைவருக்கும் இடைநிலை கல்வி திட்டத்திற்கு (ஆர்.எம்.எஸ்.ஏ.,), நிதி ஒதுக்குவதால், 100 பள்ளிகள் தரம் உயர்த்தப்படும்; இந்த ஆண்டு நிதி கிடைக்காததால், மாநில அரசே முதற்கட்டமாக, 50 பள்ளிகளை தரம் உயர்த்தி உத்தரவிட்டுள்ளது.

மத்திய அரசு நிதி கிடைத்தால், மேலும் 50 பள்ளிகள் தரம் உயர்த்தப்படும். இலவச கட்டாய கல்வி திட்டத்தில், பள்ளிகளில் ஒதுக்கீடு செய்துள்ள, 25 சதவீத இடங்கள் குறித்து, வருவாய் மற்றும் பள்ளி கல்வி அலுவலர் குழுவினர் விசாரிக்கின்றனர்.

ஆசிரியர்கள் மீது எழும் பாலியல் புகார்கள், 50 சதவீதம் வரை, முன்விரோதம் அடிப்படையில் உள்ளன; புகார் உண்மையாக இருக்கும்பட்சத்தில், கடும் நடவடிக்கை எடுக்கப்படும், என்றார்.

முதுகலை ஆசிரியர் தேர்வு: 2.5 லட்சம் விண்ணப்பங்கள் தயார்

2013-05-20T22:25:00.001-07:00

முதுகலை ஆசிரியர் போட்டித் தேர்வுக்காக, 2.5 லட்சம் விண்ணப்பங்களை, டி.ஆர்.பி., அச்சடித்து, 32 மாவட்டங்களுக்கும் அனுப்பி உள்ளது. அரசு மேல்நிலைப் பள்ளிகளில், 2,881 முதுகலை ஆசிரியர் பணியிடங்களை நிரப்ப, ஜூலை, 21ல், வரும் 31ம் ஆசிரியர் தேர்வு வாரியம், போட்டித்தேர்வை நடத்துகிறது.

இதற்காக, வரும், 31ம் தேதி முதல், ஜூன், 14 வரை, அனைத்து மாவட்ட முதன்மைக் கல்வி அலுவலகங்களில், விண்ணப்பங்களை வழங்குகிறது. அதிக எண்ணிக்கையிலான இடங்களுக்கு தேர்வு நடப்பதால், இதில், 2 லட்சத்திற்கும் மேற்பட்ட முதுகலை பட்டதாரிகள் பங்கேற்கலாம் என, டி.ஆர்.பி., எதிர்பார்க்கிறது.

முந்தைய தேர்வை, 1.5 லட்சம் பேர் எழுதினர். இந்த தேர்வுக்கு, விண்ணப்பங்கள் பற்றாக்குறை ஏற்படக்கூடாது என்பதற்காக, 2.5 லட்சம் விண்ணப்பங்களை அச்சடித்து, மாவட்டங்களுக்கு அனுப்பியுள்ளதாக, டி.ஆர்.பி., வட்டாரங்கள் தெரிவித்தன.

டி.ஆர்.பி., வட்டாரங்கள் மேலும் கூறியதாவது: சென்னை, கோவை, தருமபுரி, கன்னியாகுமரி, நெல்லை ஆகிய மாவட்டங்களில் இருந்து,அதிக தேர்வர்கள் பங்கேற்பர் என எதிர்பார்க்கிறோம்.

எனவே, இந்த மாவட்டங்களுக்கு, அதிகளவில் விண்ணப்பங்களை அனுப்பி உள்ளோம். சம்பளத்திற்கே அதிக நிதி தேர்வுக் கட்டணம், 500 ரூபாயை குறைக்கும் எண்ணம், டி.ஆர்.பி.,க்கு இல்லை. டி.ஆர்.பி.,க்கு, இந்த ஆண்டு தான் அதிகபட்சமாக ,2.25 கோடி ரூபாய், நிதி ஒதுக்கீடு செய்யப்பட்டுள்ளது.

இதில், சம்பளத்திற்கே, அதிக நிதி செலவாகிவிடுகிறது.இதர செலவுகளை எல்லாம் ஈடுகட்ட வேண்டிய நிலையில் உள்ளோம். எனவே, தேர்வுக் கட்டணத்தை குறைக்க மாட்டோம். இவ்வாறு, துறை வட்டாரங்கள் தெரிவித்தன.

IGNOU- B.Ed Hall Tickets for June 2013, Term End Examination

2013-05-20T05:52:00.009-07:00

Click here for Hall Ticket June 2013, Term End Examination

பணியில் உள்ள மாற்று திறனாளி ஆசிரியர்களை பணி வரன்முறை படுத்த பொதுக்கல்வி மற்றும் சிறப்புக்கல்வி சான்றுகளை உண்மை தன்மை சான்றுகள் பெற்ற பிறகு பள்ளிக்கல்வி இணை இயக்குனருக்கு விண்ணப்பிக்க வேண்டும்.

2013-05-20T05:49:00.001-07:00

click here to download the DSE proceeding of IED Teachers Regularisation Reg

ஆரம்ப பள்ளிகள் தரம் உயர்வு இல்லை ஆசிரியர்கள், மாணவர்கள் ஏமாற்றம் -Dinamalar

2013-05-19T19:30:00.002-07:00

ஆரம்ப பள்ளிகள் தரம் உயர்த்தப்படாததால் ஆசிரியர்கள், மாணவர்கள் ஏமாற்றம் அடைந்துள்ளனர்.

தமிழகத்தில் 54 புதிய ஆரம்ப பள்ளிகளை துவக்கவும், 50 நடுநிலைப் பள்ளிகளை தரம் உயர்த்தியும், 100 உயர்நிலைப் பள்ளிகளை மேல்நிலைப் பள்ளிகளாக தரம் உயர்த்தியும் முதல்வர் அறிவிப்பு வெளியிட்டுள்ளார். ஆனால் இதில் ஆரம்ப பள்ளிகளை நடுநிலைப் பள்ளிகளாக தரம் உயர்த்தாததால் ஆசிரியர்கள் ஏமாற்றம் அடைந்துள்ளனர். இதனால் அரசு துவக்கப் பள்ளி மாணவர்கள் 6ம் வகுப்புக்கு சேருவதிலும் சிக்கல் ஏற்பட்டுள்ளது.

எனவே, தரம் உயர்த்தப்படும் நடுநிலைப் பள்ளிகளை உடனடியாக அறிவிக்க வேண்டும். புதிய 54 ஆரம்ப பள்ளிகளும் வரும் ஜூன் மாதம் முதல் செயல்பட வேண்டும். இதில் தலைமை ஆசிரியர் மற்றும் இடைநிலை ஆசிரியர் பணியிடத்தை நிரப்ப வேண்டும். தரம் உயர்த்தப்படும் நடுநிலைப் பள்ளிகளுக்கும் தலைமை ஆசிரியர் பணியிடம் தோற்றுவிக்க வேண்டும் என்று தமிழ்நாடு ஆரம்ப பள்ளி ஆசிரியர் கூட்டணி மாநில செயலாளர்கள் முருகேசன், மணிமேகலை, மாவட்ட செயலாளர் சுடலைமணி, மாவட்ட தலைவர் ராஜ்குமார், பொருளாளர் ரமேஷ், மாநில செயற்குழு உறுப்பினர் சுப்பிரமணியன் ஆகியோர் வலியுறுத்தியுள்ளனர்.

அரசு பள்ளிகளில் ஆங்கில வழிக்கல்வி மாற்றத்தை ஏற்படுத்தி கல்வியில் மேம்படுமா? தமிழின் சிறப்பை குறைக்குமா? – வாக்கெடுப்பு முடிவும், கட்டுரையும்

2013-05-19T06:18:00.002-07:00

என்ற இரு கேள்விகளுக்கு 5 நிலைகளிலிருந்து இரண்டு நிலைக்கு வாக்கு அளிக்க கோரியிருந்தோம். அதன் விவரம்:

பள்ளிகள் மேம்படும் : 67%

பள்ளிகள் மேம்படாது : 27%

பள்ளிகள் ஓரளவு மேம்படும் : 26%

தமிழின் சிறப்பு குறையாது : 44%

தமிழின் சிறப்பு குறையும் : 27%

பள்ளிகள் மேம்படும் மற்றும் தமிழின் சிறப்பு குறையாது என்ற நிலைகளுக்கு அதிக வாக்கு பதிவு செய்யப்பட்டிருந்தாலும், அதற்கு முரணான நிலைக்கும் கணிசமான வாக்குகளும் கருத்துகளும், இணையதளத்திலும், Facebookகிலும் பதியப்பட்டிருந்தது கவனத்தில் கொள்ளப்பட வேண்டியதாகும். மேற்கூறிய வாக்கு பதிவிலும், கருத்துப்பதிவிலும் ஈடுபட்ட அனைவருக்கும் நன்றிகள்.

மேற்கூறிய கருத்துக்கள், பல இடங்களில் விவாதங்களாகவும் தொடர்ந்திருந்தது. அத்தகைய விவாதங்களின் கருத்துக்களையே நம் கட்டுரையின் கருவாக அமைத்து கீழே அளித்துள்ளோம்.

அரசுப்பள்ளிகளில் ஆங்கில வழிக்கல்வி, மாணவர் சேர்க்கை விகிதத்தை ஆரம்பத்தில் வெகு சிறிதளவே கூட்டும். அதன் தொடர் முன்னேற்றம், வெற்றி மற்றும் சிறப்பை கொண்டே பிற்காலத்தில் மாணவர் சேர்க்கை விகிதம் அதிகரிக்கும்.

முதல் வகுப்பிற்கு முன் உள்ள முன்பருவக் கல்வியையும் ஆங்கில வழியில் (LKG,UKG) உடன் கொண்டு வருதலும், பலனை சற்று கூட்டும். இதற்கு பாலர் வாடிகளில் போதிய ஆசிரியர்கள், கல்வி சார்ந்த இணைப்பு மற்றும் கண்காணிப்பை தொடக்கப் பள்ளி தலைமையாசிரியர்களுக்கு அளிப்பது போன்றவை மேம்படுத்தும்.

சுவர் இல்லாமல் சித்திரம் வரைய இயலாது. அதன்படி ஆங்கில வழி வெற்றி பெற போதிய ஆசிரியர்கள் மிக முக்கியம். காலிப்பணியிடங்கள் இன்மை என்ற நிலை உருவாக்கவது, நிதியுதவி பள்ளிகளைப் போல் மகப்பேறு விடுப்பின் போது அப்பணியிடத்திற்கு (Leave Vacancy) தற்காலிக விடுப்பு பதிலி ஆசிரியர்களை நியமிப்பதைப் போல் அரசு பள்ளிகளிலும் நியமிப்பது பெரிதும் மேம்படுத்தும்.

பயிற்சிகள், பதிவேடுகள், தகவல்கள் அளிப்பது மற்றும் மாணவர்களுக்கான நலத்திட்ட பொருட்கள் பெற்று தருவது போன்ற சூழல்களால் எப்போதும் கற்றல் கற்பித்தல் சூழல் பாதிக்காத வண்ணம் மாற்று வழிகளை ஆய்ந்து நடைமுறைப்படுத்துவது பெரிதளவு கற்றல் கற்பித்தல் சூழலை மேம்படுத்தும்.

அரசு பள்ளிகளில் உள்ள ஆசிரியர் பெரும்பாலோனோர் ஆங்கிலத்தில் திறனும் ஆர்வமும் உள்ளவர்களாக தற்போது இருந்தாலும், ஆங்கில வழிக்கல்வி என்பதில் சில ஆசிரியர்களுக்கு உள்ள மன தயக்கத்தை இங்கு மறுப்பதற்கு இல்லை. இதற்கு சரியான முழுமையான ஊக்குவிப்பு சார்ந்த தொடர் எளிய பயிற்சியும், சூழலையும் ஏற்படுத்தி, ஆங்கிலம் தமிழை விட எளிது என்ற உணர்வையும் ஆங்கிலம் சார்ந்த தாழ்வுணர்ச்சியையும், மனத்தடையையும் முற்றிலுமாக போக்க வேண்டும்.

பொருளாதாரத்தில் மேம்பட்டவர்களின் பிள்ளைகளும் பயிலும் பள்ளிகளாக அரசு பள்ளிகள் உருவெடுக்க அனைத்து அரசு பள்ளிகளின் அடிப்படை கட்டமைப்பு வசதிகளை மேம்படுத்துவதோடு மாணவர்களின் உடை, சுகாதாரம் மற்றும் சுற்றுப்புற சூழல் போன்றவை மேம்படுத்தப்பட வேண்டும். இதற்கு அரசு, ஆசிரியர்களின் முயற்சி மட்டும் போதாது. பள்ளிகளில் செயல்படும் VEC, SMC, PTA மற்றும் ஒவ்வொரு பெற்றோரும் பங்கெடுக்க வேண்டும்.

இன்று உள்ள இளைய தலைமுறை முதல் அனைவரும் ஆங்கில கலப்போடு தமிழ் பேசுவதை கௌவரவமாக பெருமையாக கருதுவதை பல விவாத மேடைகளில் காண்கிறோம். இத்தகைய சூழலில் ஆங்கில வழிக்கல்வி தமிழை பலவீனப்படுத்தும் என்ற வாதம் முற்றிலுமாக தவிற்பதற்கு இல்லை.

தமிழிலேயே நல்ல தரமான கல்வியை நிச்சயமாக தர முடியும். ஆயினும் இன்றைய சமூக அழுத்தத்தின் காரணமாகவும் அந்த அழுத்தத்தை ஆரம்பத்திலேயே தனியார் பள்ளிகளில் ஆங்கில வழிக்கல்வி கொண்டு வரும் போதே தடுத்திருக்க வேண்டும். தடுக்க விழையாததின் விடை தான் இன்று அரசு பள்ளிகளில் ஆங்கில வழிக்கல்வி.

பல நாட்டுகளின் புவியியல் படையெடுப்பு மட்டுமல்ல மொழிகளின் படையெடுப்பையும் கடந்த தமிழ் தன் கம்பிரத்தை இழக்காமல் தான் உள்ளது. ஆயினும் சில முயல்வுகளை நாம் நிச்சயம் தொடங்குதல் தற்காலத்தின் அவசியமாகும். உலக அளவில் தமிழை முன்னெடுக்க அனைத்து துறை நூல்களையும் சீராந்து எளிய முறையில் பயன்படுத்தும் வகையில் தமிழில் மொழி பெயர்க்க வேண்டும்.

அறிவியல் மற்றும் பிற துறை ஆய்வுக் கட்டுரைகள் தமிழில் வெளியிடுவோரை பல விதங்களில் ஊக்கப்படுத்த வேண்டும். உயர்கல்வியில் உள்ள அனைத்து துறைகளிலும் தமிழ் பிரிவுகளை தொடங்குவது. பள்ளிக்கல்வியில் மட்டுமல்ல உயர்கல்வியிலும் தமிழ் வழியில் பயில்வோர்க்கு வேலை வாய்ப்பில் முன்னுரிமை அளிக்க வேண்டும்.

தமிழில் பேசுதல், எழுதுதல் மேன்மை என்ற உணர்வை காலத்தின் கட்டாயத்தால் வலுவான பிரச்சாரங்கள் மூலம் முன்னெடுக்கப்பட வேண்டும். பேச்சு தமிழிலும் ஆங்கில கலப்பில்லாத தமிழை எளிய இயல்பான நடையில், உணர்வில் பேச மாணவர்களை ஊக்கப்படுத்த வேண்டும், அதற்கு முறையான பயிற்சிகள் அளிக்கப்பட வேண்டும்.

மாதம் தோறும் பள்ளி, ஒன்றியம், மாவட்டம் மற்றும் மாநில அளவில் இலக்கிய மன்றம் மூலம் பேச்சுப்போட்டி, விவாதம், பட்டி மன்றம், நாடகம், பொம்மலாட்டம், வில்லுப்பாட்டு, தமிழறிஞர்களின் உரை போன்றவற்றை செயல்படுத்தி, பரிசுகள் அளித்து அதன் வாயிலாக தமிழ் ஆர்வத்தை மேம்படுத்தலாம். தாய் மொழி என்பது நமது அடையாளம் என்பதை உணர்வுப்பூர்வமாகம் அறிவுப்பூர்கமாகவும் அனைவரையும் உணர வைக்க வேண்டும். இதனால் எந்த மொழியை பயின்றாலும் தன் தாய்மொழி சார்ந்த தெளிவு இருக்கும்.

தாய்மொழியை விட சிறந்த அடிப்படை தொடக்கக்கல்வியை வேறு எந்த மொழியால் தந்துவிட முடியுமா? என்ற கேள்விக்கு, நேர்மையான பதில் “எந்த மொழியாலும் முடியாது” என்பதேயாகும். உலகில் உள்ள எல்லா நாடுகளிலும் அடிப்படை தொடக்கக்கல்வி தாய்மொழியில் தான் கற்பிக்கப்படுகிறது. அதுமட்டுமின்றி உளவியல் மற்றும் மனவியல் அறிஞர்களின் கூற்றான: அடிப்படை புரிதல், மனத்தோற்றம் உருவாக்குதல், அதை தொடர்புப்படுத்தி கற்பனைகள் செய்தல், கருத்தாக்கம் போன்றவை தாய்மொழியாலன்றி வேரொன்றால் தர இயலாது என்பதை யாரால் மறுக்க முடியும்?.

பிற மொழியில் வழங்கப்படும் அடிப்படைக் கல்வி இயந்திரத்தனமானதாக, கற்றல் தடைகள் நிறைந்ததாக இருக்கும் என்ற யதார்தத்தை யார் உணராமல் இருப்பர்?. மேலும் தாய்மொழியை நன்கு அறிந்தவர்களால் தான் பிற மொழிகளை முழுமையாக கற்க முடியும் என்ற கூற்றின் உண்மையை மறுக்க முடியுமா? ஆயினும் டார்வின் கூற்றான , ”சரியோ, தவறோ சூழல் மாற்றத்திற்குட்பட்டு தம்மை தகவமைத்துக்கொள்ளாதது அழிந்து போகிறது” என்ற வரிகள். அரசு பள்ளிகளில் ஆங்கில வழிக்கல்வியின் அவசியத்தை உணர்த்துகிறது.

ஒரே பள்ளியில் தமிழ் மற்றும் ஆங்கில வழுக்கல்வி என்பது எந்த அளவில் நடைமுறைப்படும்? அனைத்து பெற்றோரும் தம் பிள்ளைகளை ஆங்கில வழியிலேயே சேர்க்க விருப்பப்படுவர். அதிக மாணவர்கள் மற்றும் ஆசிரியர்கள் உள்ள பள்ளிகளில் வேண்டுமானால் இரு மொழிக்கல்விப் பிரிவு சாத்தியப்படும். சிறிய பள்ளிகளில் ஆசிரியர்களின் பணிச்சுமையகை கடுமையாக இது கூட்டும். இரு மொழிக்கல்விப் பிரிவுகள் இருப்பினும் மாணவரிடையே எவ்வித சிறு வேறுபாடும் காணாத சூழல் வெகு அவசியம். இல்லையேல் அது தேவையற்ற தாழ்வு மனப்பான்மையையும் சச்சரவுகளையும் ஏற்படுத்தலாம்.

ஒரு கிலோ மீட்டர் தொலைவிலுள்ள ஒரு பெரிய பள்ளி மட்டும் ஆங்கில வழிக்கல்வி கொண்டு வரப்பட்டால் அருகில் உள்ள சிறிய தமிழ் வழிக்கல்வியுள்ள பள்ளிகள் பெரிதும் பாதிக்கப்படும். இத்தகைய சூழல் ஏற்படாத வண்ணம் ஆங்கில வழிக்கல்வியை பள்ளிகளில் கொண்டு வருவது அவசியம். அதேவேளை குறைந்தபட்சம் 10 சதவீதமாவது தமிழ் வழிக்கல்வி பள்ளிகள் இருப்பதும் அவசியம்.

அயல் நாடுகளில் உள்ளதைப்போல் குறிப்பிட்ட பகுதில் உள்ளோர் குறிப்பிட்ட பகுதியில் உள்ள பள்ளியில் தான் பயில வேண்டும் என்கின்ற அருகாமைப்பள்ளி திட்டம் சட்டமாக்கப்பட்டால் அரசுப்பள்ளிகளின் மீது கவனமும் அக்கறையும் கூடி அரசு பள்ளிகள் மேம்படும் என பலர் குறிப்பிட்டிருந்தனர். அரசு ஊழியர்கள், குறிப்பாக ஆசிரியர்கள் தம் பிள்ளைகளை அரசு பள்ளியில் சேர்ப்பார்களா? என கேள்வி பலர் எழுப்பி இருந்தனர்.

ஒவ்வொரு தனி மனிதனும் தன் விருப்போடு சில மாற்றங்கள் மேற்கொண்டால் தான் அது முழுமையும், வெற்றியும் பெறும், சட்டங்களால் எது ஒன்று திணிக்கப்பட்டாலும் இயன்றோர் சட்டத்தின் ஓட்டையை பயன்படுத்துவர் இயலாதோர் சமூக இறுக்கத்தை பெறுவர். எந்த ஒரு ஆசிரியரும் தம்மை சிறந்த கற்பிப்பாளர் என்று பிறர் கூறுவதையே விரும்புவர். அதற்குண்டான சூழலும் வாய்ப்பும் மிக முக்கியம். அதற்கு அரசின் முயற்சி மட்டுமின்றி சமூகத்தின் நல்ல பங்கெடுப்பும் பார்வையும் மிக அவசியம். அரசு ஆசிரியர்கள் மீது இந்த சமூகப்பார்வையினை, ஆசிரியர்களும் மற்றும் இந்த சமூகமும் நேர்மையான முறையில் சுய ஆய்வு செய்யலாம்.

பலர் தனியார் பள்ளியின் ஆங்கிலத்தையும், ஆசிரியர் தரமுமே அதிகம் என்பது போல் வாதிட்டு இருந்தனர். தனியார் பள்ளிகளை அரசு பள்ளிகளோடு ஒப்பிடுவது பெரும் ஆபத்தை விளைவிக்கும். காரணம், அதன் கட்டமைப்பு வசதிகளோடு இப்போது தான் சில அரசு பள்ளிகள் போட்டி போடும் நிலை வந்துள்ளது.

மேலும் அரசு பள்ளிகளும் தனியார் பள்ளிகளை பின்பற்ற தொடங்குவது தரமான கல்வியை, ஆங்கிலத்தை தர இயலாமல் போகும். இன்று சில தனியார் பள்ளிகள் மற்றும் தனியார் பள்ளி ஆசிரியர்களை தவிர்த்து எத்தனை தனியார் பள்ளிகள் நேரடியாக (Direct Method) ஆங்கில மொழியை பயன்படுத்துகிறார்கள்? பெரும்பாலோனோர் பயன் படுத்துவது மொழி பெயர்ப்பு முறையை (Translation Method) தான். இதனால் பெரிதாக ஆங்கில மொழித்திறம் ஏற்பட வாய்ப்பில்லை.

பெரும்பாலான தனியார் பள்ளி ஆசிரியர்கள் வகுப்பறை சூழல் மற்றும் பள்ளி சூழலுக்கு தேவையான சில குறிப்பிட்ட சூழல் பயன்பாட்டு ஆங்கிலத்தை (School Situational English). மட்டுமே அறிந்து வைத்துள்ளனர். புதிய சூழல், புதிய முயற்சி போன்ற சூழல்களில் ஆங்கில பயன்பாட்டில் அவர்களின் செயல்திறம் எவ்வாறு இருக்கும்?. நாம் தனியார் பள்ளி ஆசிரியர்களை குறை கூற இதை கூறவில்லை. அவர்கள் திறன் குறைந்தவர்கள் என்றும் வாதட வரவில்லை. அவர்கள் அது வரை அறிந்திருந்தால் போதுமானது என்று பள்ளிகளின் வரையறை மற்றும் சூழல்களின் காரணமாக தேர்வு வழி மதிப்பெண்களை மட்டுமே நோக்காக செயல்படுவதால் அவர்கள் இதற்கு மேல் செல்ல இயலுவதில்லை. இன்று அரசு பள்ளிகளில் பணியாற்றும் பெரும்பாலான ஆசிரியர்கள் தனியார் பள்ளியில் பணியாற்றியவர்கள் தான் என்பதை நாம் மறக்கலாகாது. சூழல்கள் தான் பலவற்றை நிர்ணயிக்கிறது.

ஒரு தனியார் பள்ளியை நடத்துவதில் உள்ள பல்வேறு சிரமங்கள் மற்றும் சாவல்களை அதன் நிர்வாகிகளுக்கு மட்டுமே தெரியும். ஆயினும் புரிதல், ஆய்தல், பயன்படுத்துதல், புதிய சூழலில் செயல்படுதல், புதிய முயற்சி, புதிய கண்டுபிடிப்பு, கற்பனைத்திறன், மேம்படுத்துதல், தொடங்காற்றல் போன்ற பன்முக ஆளுமைத்திறனுக்கு வாய்ப்பற்று சமூக நிர்ணயமான, மதிப்பான எழுத்து வழித்தேர்வில் அதிக மதிப்பெண்கள் என்பதை மட்டுமே நோக்காக கொண்டு எப்போதும் தேர்வு, திருத்துதல், சில பாடவேளைகளில் எடுக்கப்பட பாடத்திற்கு பல பாடவேளை மனனதிற்கு மட்டுமே பயிற்சி போன்றவையே தனியார் பள்ளிகளில் பெரிதும் நடைபெறுவதால் அந்த இயந்திரதனத்தை அரசு பள்ளிகள் நகலெடுக்கக்கூடாது. மாறாக பன்முகத்திறன் மேம்படும் வகையிலான கல்வியை நேரடி ஆங்கில முறையில் கற்பிக்கும் வகையில் இன்று ஏற்பட்டுள்ள தொழில்நுட்ப உதவியோடு எளிய வகையில் கற்பிக்க கற்க சூழல்கள் ஏற்படுத்தப்பட வேண்டும். அவ்வாறு ஆனால் மதிப்பெண்கள் மட்டுமின்றி சமூக உயர்விற்கும் வழிவகுக்கும்.

அரசு கல்வியில் தற்போது பெரும் கவனத்தை ஆர்வத்தையும் செலுத்தி பல நல திட்டங்களை செயல்படுத்தி வருகிறது. அரசின் இத்தகைய திட்டங்களை முழுமையாக பயன்கொள்ள அதன் நோக்கம் முழுமைப்பெற ஒவ்வொரு தனிமனிதனின் அர்பணிப்பு உணர்வும், ஈடுபாடும், அக்கறையும் இன்றியமையாதது.

இந்த ஆங்கில வழிக்கல்வி வெற்றி பெற பெரும் பங்கு ஆசிரியர்களுடையது தான் என்றால் அது மிகையாகாது. இன்றைய அரசுப்பள்ளி ஆசிரியர்களுக்குள்ள சவால்களை, பல்வேறு பணிச்சுமைகளை, போராட்டங்களை விவரிக்க தனிக்கட்டுரை தேவை. எனினும் இத்தனை தடைகளையும் தாண்டி, சூழல்கள் அற்ற சூழல்களிலும் சூழல்களை உருவாக்கி கல்வியின் தரத்தை மேம்படுத்த ஆசிரியர்களால் தான் முடியும். இதற்கு அரசின் ஊக்குவிப்பும் சமூக ஒத்துழைப்பும் வெகு முக்கியம். இவ்வாறு செயல்பட்டால் ஆங்கில வழிக்கல்வியால் அரசு பள்ளிகள் மேம்படுவதோடு தமிழின் வளர்ச்சியும் ஓங்கும் என நம்புகிறோம்.

மேற்கூறிய கட்டுரை www.teachertn.com இணையதள நண்பர்களின் குழுவால் தொகுத்து வழங்கப்பட்டதாகும். இந்த கட்டுரை சமூக கல்வி வளர்ச்சியின்பால் அக்கறை கொண்டு வரையப்பட்டதாகும். இந்த கருத்துக்களில் ஏதேனும் மறுப்பு, பிழை இருந்தாலோ அல்லது தங்கள் கட்டுரை சார்ந்து புதிய ஆலோசனைகளை, கருத்துக்களை வெளியிட விரும்பினாலோ கீழே உள்ள Comment Boxல் பதியவும். மேலும் இங்கே கிளிக் செய்து facebookலும் உங்கள் கருத்தை பதியலாம். நன்றி…

கலந்தாய்வுக்கு முன்னதாக புதிதாக தரம் உயர்த்தப்பட்ட பள்ளிகளின் பட்டியல் வெளியிடப்படுமா?

2013-05-18T21:45:00.004-07:00

கடந்த வாரம் நடந்த சட்டசபை கூட்டத்தில் மாண்புமிகு முதல்வர் அவர்கள் தமிழகமெங்கும் உள்ள 50 நடுநிலைப் பள்ளிகள் உயர்நிலைப் பள்ளிகளாக தரம் உயர்த்தப்படும். அதேபோல், 100 உயர்நிலைப் பள்ளிகள் மேல்நிலைப் பள்ளிகளாக தரம் உயர்த்தப்படும் என்று அறிவித்துள்ளார்.

தற்போது இன்று முதல் பதவி உயர்வு மற்றும் பணி மாறுதல் கலந்தாய்வு நடைபெற உள்ள சூழ்நிலையில் புதிதாக தரம் உயர்த்தப்பட உள்ள பள்ளிகளின் பட்டியல் வெளியிடப்பட்டு அப்பள்ளிகளின் காலி இடங்களும் கலந்தாய்வில் பட்டியலிடப்பட்டால் மூத்த ஆசிரியர்கள் தங்கள் வசதிக்கேற்ப தேவையான பள்ளிகளை தேர்ந்தெடுக்க ஏதுவாக அமையும் என கலந்தாய்வில் கலந்து கொள்ள இருக்கும் ஆசிரியர்கள் கருதுகின்றனர். எனவே அவர்களின் கோரிக்கையை பள்ளி கல்வி துறை கனிவுடன் பரிசீலிக்க வேண்டும் என ஆசிரியர் சமூகம் விரும்புகிறது.

நாளை (20.05.2013) ஆசிரியர் பொது மாறுதல் கவுன்சிலிங், தென் மாவட்டங்களில் குறைந்த சீட்; அதிக போட்டி

2013-05-18T21:44:00.002-07:00

பள்ளி கல்வித் துறையில், ஆசிரியர் பொது மாறுதலுக்கான கலந்தாய்வு, நாளை (20ம் தேதி) முதல், மாவட்ட முதன்மை கல்வி அலுவலகங்களில், "ஆன்-லைன்' வழியில் நடக்கிறது.

           பட்டதாரி அறிவியல், ஆங்கிலம் மற்றும் சமூக அறிவியல் பாடங்களில், 8,000 காலி பணியிடங்கள் உள்ளன. கணிதம், தமிழ்ப் பாடங்களில், எந்த மாவட்டத்திலும், காலி பணியிடங்களே கிடையாது என, கல்வித் துறை வட்டாரங்கள் தெரிவித்தன. தென் மாவட்டங்களுக்குத் தான் ஆசிரியர்கள் அதிக அளவில் பணி மாறுதல் கேட்கின்றனர். ஆனால், அங்கு மிக சொற்ப இடங்களே காலியாக உள்ளன.

          ஆசிரியர் பொது மாறுதல் கலந்தாய்வு, வழக்கமாக, ஜூன், ஜூலையில் நடக்கும். கல்வி ஆண்டு துவங்கிய பின், கலந்தாய்வு நடத்துவதால், ஆசிரியர்களின் கற்பித்தல் பணி பாதிக்கிறது; அத்துடன், பணியிட மாறுதலில் கவனம் செலுத்துவதால், ஆசிரியர், சரிவர, பள்ளிகளுக்கும் செல்வதில்லை. இதனால், மாணவர்களின் கல்வி பாதிக்கப்படுகிறது.

             இதை மனதில் கொண்டு, பள்ளி திறப்பதற்கு முன்னரே, ஆசிரியர் பணியிட மாறுதல் கலந்தாய்வை நடத்தி முடிக்க, பள்ளி கல்வித் துறை முடிவு செய்தது. அதன்படி, நாளை (20ம் தேதி) முதல், நான்கு நாட்களுக்கு, "ஆன்-லைன்' முறையில், ஆசிரியர் பணியிட மாறுதல் கலந்தாய்வு, 32 மாவட்ட முதன்மை கல்வி அலுவலகங்களில் நடக்கிறது.

               அரசு மற்றும் நகராட்சி மேல்நிலைப் பள்ளி தலைமை ஆசிரியர்களுக்கான கலந்தாய்வு, நாளை காலை, 9:00 மணி முதல் நடக்கிறது. முதலில், மாவட்டத்திற்குள் மாறுதல் பெறவும், பின், மாவட்டம் விட்டு, மாவட்டம் செல்வதற்கான மாறுதலும் நடக்கும்.

              4,000 இடங்கள் காலி:வரும், 21ம் தேதி, அரசு மற்றும் நகராட்சி மேல்நிலைப் பள்ளி தலைமை ஆசிரியர்கள் பதவி உயர்வு கலந்தாய்வு நடக்கும். 22ம் தேதி, அரசு மற்றும் நகராட்சி உயர்நிலைப் பள்ளி தலைமைஆசிரியர்களுக்கான கலந்தாய்வு நடக்கும். 23ம் தேதி, முதுகலை ஆசிரியர்கள் மாறுதலுக்கான கலந்தாய்வு நடக்கிறது.இதில், 4,000 காலி பணியிடங்கள் உள்ளன.

         அனைத்து பாடங்களிலும், காலி பணியிடங்கள் இருப்பதாகவும், தென் மாவட்டங்கள், சென்னை மற்றும் பக்கத்து மாவட்டங்களில், காலி பணியிடங்கள், மிகக் குறைவாக இருப்பதாகவும், துறை வட்டாரங்கள் தெரிவித்தன.

                       பட்டதாரி:பட்டதாரி ஆசிரியரில், 8,000 காலி பணியிடங்கள் உள்ளன. அறிவியலில், 2,000 இடங்கள், ஆங்கிலம் மற்றும் சமூக அறிவியலில், தலா, 3,000 இடங்களும், காலியாக உள்ளன. கணிதம், தமிழ்ப் பாடங்களில், காலி பணியிடங்கள், சுத்தமாக கிடையாது என, துறை வட்டாரங்கள் தெரிவித்தன.அதிலும், 8,000 காலி பணியிடங்கள், விழுப்புரம்,திருவண்ணாமலை, வேலூர், கடலூர், தர்மபுரி உள்ளிட்ட வட மாவட்டங்களில் தான், அதிகளவு உள்ளன. தென் மாவட்டங்களில், மிகக் குறைவு என, கூறப்படுகிறது.

3ம் தேதி பணியில் சேர உத்தரவு:கலந்தாய்வுக்குப் பின், அனைத்து ஆசிரியர்களும், தங்களுக்கு ஒதுக்கப்பட்ட பணியிடங்களில், ஜூன், 3ம் தேதி, பணியில் சேர வேண்டும். பள்ளி திறந்ததற்குப் பின், பணியிட மாறுதல் வழங்கப்படாது. எனவே, பள்ளி திறந்ததற்குப் பின், யாராவது, பணியில் சேராமல் இருந்தால், அவர்கள் மீது கடும் நடவடிக்கை எடுக்கப்படும் என, கல்வித் துறை வட்டாரங்கள் தெரிவித்தன.