Telugu Blog of Shirdi Sai Baba,read sai leels,devotees experiences in telugu

శ్రీ సాయిమహరాజ్ ప్రసాదించిన అధ్భుత అనుభవాలు… 8 వ.భాగమ్

noreply@blogger.com (tyagaraju) — Tue, 24 Feb 2026 01:32:00 +0000

24.02.2026 మంగళవారమ్

ఓం సాయి శ్రీ సాయి జయయయ సాయి

సాయి బంధువులకు బాబావారి శుభాశీస్సులు

శ్రీ సాయిలీల ద్వైమాస పత్రిక నవంబరు, డిసెంబరు, 2025 సంచికలో ప్రచురింపబడిన బాబా లీలలు. (సెప్టెంబరు, అక్టోబరు, 2025 సంచికలో ప్రచురింపబడినవాటికి కొనసాగింపు)

శ్రీ సాయి మహరాజ్ ప్రసాదించిన అధ్బుత అనుభవాలు

శ్రీ సాయిబాబా వారి పవిత్రమయిన ఊదీ యదార్ధ సంఘటనల ఆధారంగా జరిగిన ఆధ్యాత్మిక గాధ.

శ్రీ సాయిమహరాజ్ ప్రసాదించిన అధ్భుత అనుభవాలు… 8 వ.భాగమ్

మరాఠీ నుండి ఆంగ్లానువాదం.. షంషాద్ మీర్జా

తెలుగు అనువాదం .. ఆత్రేయపురపు త్యాగరాజు,

నిజాంపేట, హైదరాబాద్,

ఫోన్ -- 9440375411 & 81436267

ఈ మెయిల్.. tyagaraju.a@gmail.com

బయలుదేరేముందుగా సూచనలు, ఆలోచనలు

తిరుగు ప్రయాణంలొ గుఱ్ఱం బండి ఎక్కాము. ఎక్కి కూర్చున్న తరువాత నా మనసులో రెండు ఆలోచనలు కలిగాయి.

1. ఈ రోజు బుధవారం. కొంతమంది నమ్మకం ప్రకారం బుధవారమునాడు బయలుదేరితే తిరిగి రావడం గాని, కలుసుకోవడం గాని జరుగదు అని---

2. నేను కన్నోడ్ కి చేరుకుంటే నేను ప్రతిరోజు సాయిబాబాను పూజిస్తాను…

నా మనసులో మెదిలిన మొదటి ఆలోచన ఎంత త్వరగా ప్రవేశించిందో అంత త్వరగానే మాయమైపోయింది. సమర్ధ సద్గురు సాయినాధుని దృష్టిలో అన్ని రోజులూ మంచివే. రెండవ ఆలోచన నా మనసులో వ్రేళ్లతో మొలకెత్తింది.

మేము షిరిడీ నుండి బయలుదేరాము. ప్రయాణంలో చిన్న చిన్న అడ్దంకులు ఎదురయినప్పటికీ అడుగడుగునా బాబాగారి అనుగ్రహం మా వెంట వస్తూనే ఉంది. గురువారం ఉదయానికి మేము హార్దా చేరుకొన్నాము.

షిరిడీకి తిరిగి రమ్మని పిలుపు … తీసుకురావడం మరచిన ఊదీని తీసుకునివచ్చుట

(సాధూ భయ్య)

మా కుటుంబాన్ని నెమావర్ కి పంపించి నేను సాధూభయ్యా గారిని కలవడానికి వెళ్ళాను. ఆయన నాకు తినుబండారాలను పెట్టి తినమని బలవంతం చేశారు. నేను నా షిరిడీ అనుభవాలను ఆయనతో పంచుకున్నాను.

ఇక నేను ఆయన వద్దనుండి శలవు తీసుకుని వెళ్ళబోతుండగా అకస్మాత్తుగా ఆయన “మాకోసం మీరు ఊదీ తీసుకురాలేదా?” అని అడిగారు.

ఆయన ప్రశ్నకు ఒక్కసారిగా ఉలిక్కిపడి, నా జేబులోనుండి ఊదీ పొట్లాన్ని తీసి ఆయనకిచ్చాను.

ఆయన తనకు అంతా తెలుసునన్నట్లుగా నవ్వుతూ “అందువల్లనే సాయిబాబా తిరిగి మిమ్మల్ని షిరిడీకి వెళ్ళేలా చేసారు”.

అప్పుడే నా కర్ధమయింది. మేము షిరిడీకి బయలుదేరడం ఎందుకని ఆలశ్యమయిందో, రైలు ఎందుకని తప్పిపోయిందో, సైకిల్ ఎందుకని పంక్చర్ అయిందో. సాధూభయ్యా గారికి ఊదీని అందచేయడానికే అంతా సాయిబాబా గారు చేసిన దివ్యమయిన ప్రణాళిక.

నర్మదానది ఒడ్డున పూజా ప్రారంభం…

నేను నెమావర్ కి చేరుకొన్నాను. అక్కడ నర్మదా నదిలో స్నానం చేసి నది ఒడ్డున మవునంగా నిల్చుని ఉన్నాను.

నదిలో నీటిపై తేలియాడుతూ ఉన్న తెల్లని పూలని గమనిస్తూ ఉన్నాను. షిరిడీని విడిచి వెళ్ళేటప్పుడు నాలో కలిగిన భావోద్వేగాలు గుర్తుకు వచ్చాయి. నదిలో తేలుగున్న తెల్లని పూలను సేకరించాను. బాబా ఫోటోను తీసి నది ఒడ్డున పెట్టి ఆ పూలను భక్తితో ఆయనకు సమర్పించి పూజించాను.

నేను నామనసులో బాస చేసుకున్న ప్రకారం ఆ మరుసటిరోజునుండి కన్నోడ్ లో సాయిబాబాకు ప్రతిదినం పూజ చేయడం ప్రారంభించాను.

చివరగా న మనసులో ప్రతిబింబిస్తున్న విషయాలు…..

దారిలో ఎదురయ్యే ప్రతి అడ్డంకికి, ప్రతి మలుపుకి ఒక అర్ధం ఉంది.

ప్రయాణంలో కలిగిన ఆలశ్యం సాయిబాబా గారి నిర్ణయం ప్రకారమే జరిగిందనటంలో ఎటువంటి సందేహం లేదు.

ఆయన జ్వరంతో బాధపడుతున్నా గాని మాకు దర్శనం ఇచ్చారు. ఆయన ఊదీ ద్వారా స్వస్థత కలిగించారు.

పాలుపోసే వ్యక్తి ద్వారా ప్రసాదం సమర్పించుకునేలా చేసారు.

ఊదీని మరచి ప్రయాణమయినపుడు తిరిగి వెనుకకు వచ్చేలా చేసి ఊదీని అందచేసారు.

అంతా సద్గురు సాయిబాబావారి లీల. ఆయన లీలలు చాలా సూక్ష్మంగాను, ఎవ్వరూ ఊహించని విధంగాను ఉండి నిరంతరం పొంగి పొర్లుతూ ఉంటాయి.

ఆయన ప్రేమ అనంతం.

షిరిడీని వీడడమంటే ఇంటికి తిరిగి రావడం.

ఆయనను దర్శించుకోవడానికి చేసే ప్రయాణం మన మనసులోను, ఈ విశ్వంలోను, ఆత్మలోను ముందుగానే లిఖింపబడి ఉంటుంది.

నారాయణ్ పురుషోత్తం అవస్థి…పూనా.

శ్రీ సాయిలీల సం.8 సంచిక 4

(తరువాతి సంచికలో ఇంకా కొనసాగింపు)

సూక్ష్మంగా చూపించిన లీల .... మా స్వీయానుభవమ్ (త్యాగరాజు)

ఈ నెల తొమ్మిదవ తారీకునాడు మేము షిరిడీని దర్శించినపుడు జరిగిన సూక్ష్మమయిన లీల వివరిస్తాను. అవి మనం ఊహించని విధంగా ఉండి పదే పదే ఆయన మహిమలను గుర్తుకు తెస్తూ ఉంటాయి.

మేము ఈ నెల అనగా ఫిబ్రవరి తొమ్మిదవ తారీకున షిరిడీ చేరుకుని ఉదయం పది గంటలకు బాబాను దర్సించుకోవడానికి నేను, నా భార్య, మా పెద్ద కుమార్తె, మా మనవరాలు అందరం బాబా మందిరం వద్దకు చేరుకొన్నాము. అక్కడ బాబాకు సమర్పించడానికి గులాబీ పూల గుత్తులను కొన్నాము. క్యూ వరసలోకి ప్రవేశించాము. భకులందరం క్రమ పద్ధతిలో వెడుతూ ఉండగా, మా అమ్మాయి పూల గుత్తిని పైకి ఎత్తి పట్టుకుని నడవసాగింది. మా మనవరాలు పూలగుత్తిని ఎందుకలా పైకి ఎత్తి పట్టుకుని నడుస్తున్నావు అని అడిగింది. అప్పుడు మా అమ్మాయి ఆ పూలు ఎవరి తలకైనా గాని జుట్టుకి గాని తగిలితె బాబాకి ఇవ్వడానికి నాకు ఇష్టం ఉండదు, అందుకనే అలా పట్టుకున్నాను అంది. ఆ తరవాత వెనకాల ఒకాయన చిన్న పిల్లని చంకలో ఎత్తుకుని ఉన్నారు. ఆయన చంకలో ఉన్న చిన్నపిల్లకు మూడు సంవత్సరాలు ఉంటాయి. ఆ పిల్ల తన తలను మా అమ్మాయి పైకి ఎత్తి పట్టుకున్న పూల గుత్తి మీద తాకించింది. ఇది బాబా చూపించిన లీల కాదా? ఇప్పుడు నాకు పూలగుత్తిని సమర్పిస్తావా లేదా అని పరీక్ష పెట్టడమే. మనం ఇంకొక విధంగా కూడా భావించవచ్చు. ఆ పిల్లలో ఉన్నది కూడా నేనే కదా అని. బాబా సత్ చరిత్రలో అందరిలోను, అన్ని జీవులలోను నన్ను చూడు అని చెప్పారు కదా! ఇటువంటివే సూక్ష్మ లీలలు అంటే. వినడానికి అనుభవించడానికి చాలా చిన్నవే గాని అందులో బాబా లీలలను మనం గ్రహించుకోవాలి.

(సర్వం శ్రీ సాయినాధార్పణమస్తు)

శ్రీ సాయిమహరాజ్ ప్రసాదించిన అధ్భుత అనుభవాలు… 7 వ.భాగమ్

noreply@blogger.com (tyagaraju) — Thu, 19 Feb 2026 01:15:00 +0000

19.02.2026 గురువారమ్

ఓం సాయి శ్రీ సాయి జయయయ సాయి

సాయి బంధువులకు బాబావారి శుభాశీస్సులు

శ్రీ సాయి మహరాజ్ ప్రసాదించిన అధ్బుత అనుభవాలు

శ్రీ సాయిమహరాజ్ ప్రసాదించిన అధ్భుత అనుభవాలు… 7 వ.భాగమ్

మరాఠీ నుండి ఆంగ్లానువాదం.. షంషాద్ మీర్జా

తెలుగు అనువాదం .. ఆత్రేయపురపు త్యాగరాజు,

నిజాంపేట, హైదరాబాద్,

ఫోన్ -- 9440375411 & 81436267

ఈ మెయిల్.. tyagaraju.a@gmail.com

బాబాగారి దివ్య దర్శనమ్

సోమవారం మధ్యాహ్నానికి మేము షిరిడీ చేరుకొన్నాము. మొట్టమొదటగా మేము శ్రీ బి.ఎస్.కాకాసాహెబ్ దీక్షిత్ గారిని కలుసుకున్నాము. ఆయన మాకు వాడాలో ఉండటానికి వసతి కల్పించారు.

ఆ తరువాత మేము పూజా సామాగ్రితో బాబాను దర్శించుకోవడానికి మసీదుకు బయలుదేరాము.

బాబా మవునంగా కూర్చొని ఉన్నారు. బాబా జ్వరంతో బాధ పడుతూ అలసటగా ఉన్నారు. కాని ఆయన సమక్షంలో ఎప్పటిలాగే ఎంతో దివ్యమయిన ప్రశాంతత లభిస్తూనే ఉంది. నేను ఆయన పాదాలకు ప్రణమిల్లాను. నా మనస్సుకి ఎంతో ఆనందం కలిగింది. ఆయనకి ఆరోగ్యం బాగాలేకపోయినా మమ్మల్ని షిరిడీలో ఉండటానికి అనుమతించారు.

ముందుగా అనుకోలేదు, కాని ఆహ్వానం….

ఆ రోజు సాయంత్రం నేను ముక్తారాంజీ గారిని కలుసుకొన్నాను. ఇంతకు మునుపెన్నడూ మేము కలుసుకుని మాట్లాడుకోనప్పటికీ ఆయన నన్ను ఎంతో సాదరంగా ఆహ్వానించారు. “మీరు ఈ సమయంలో ఇక్కడికి రావడం చాలా సంతోషంగా ఉంది.”

నాకప్పుడు ఆయన అన్న మాటలలోని అర్ధం బోధపడలేదు. తరువాత తొందరలోనే నాకర్ధమయింది. మరుసటిరోజు మంగళవారం. మేము షిరిడీలోనే ఉన్నాము.

ఆసమయంలో బాబాగారి అనారోగ్యం మాహృదయాలను కలచివేస్తూ ఉంది. ఆరోజు రాత్రి ఆయన చావడి ఉత్సవానికి రాలేదు. మా తిరుగు ప్రయాణం గడువు రోజు ముగిసిపోయినా మేము షిరిడీలోనే ఉండిపోయాము.

ఆఖరికి బుధవారం ఉదయం షిరిడి నుండి తొందరగానే బయలుదేరదామనుకున్నాము. మా మేనత్తగారు తొందరగా పూర్తయే వంటకాలు బేసన్ భాత్ గాని, దాషామీ గాని (మహారాష్ట్ర వంటకాలు) తయారు చేస్తోంది. (ఈ వంటకాల వీడియోలు ఇచ్చాను, చూడండి, మహారాష్ట్ర వంటకాలు మనకు తెలియవు కాబట్టి వాటిని నేను కూడా తెలుసుకుని మీకు వివరించాలనే నా ప్రయత్నం. దాషామి రోటీ మసాలా మరియు తీపిది కూడా ఉంది. ఉన్నదున్నట్టు రాస్తే ఎటువంటి ప్రయోజనం ఉండదని నా అభిప్రాయం. త్యాగరాజు)

Besan Bhaat I बेसन भात - YouT

(దాషామీ రోటీ)

కాని నేను ఉదయం స్నానం చేసి వస్తూ ఉంటే దారిలో పాలు అమ్మే వ్యక్తి కనిపించాడు.

నేను కొందామనుకున్నదానికంటే చాలా ఎక్కువగానే అతను మాకు పాలు పోసాడు. పాలు ఎక్కువగా వచ్చినందువల్ల మా మేనత్త ముందు అనుకున్న వంటకాల బదులు పాయసం చేద్దామనుకుంది. పాయసంలో సుగంధ ద్రవ్యాలు అన్నీ వేసి బాబాకు సమర్పించింది.

కాస్త పొదుపుగా తయారు చేద్దామనుకున్న వంటకం దివ్యమయిన ప్రసాదంగా మారింది. నిజం చెప్పాలంటే బాబాగారే ఆ మార్పు చేయించారు.

బయలుదేరే ముందుగా సూచనలు, ఆలోచనలు….(తరువాతి సంచికలో)

(సర్వం శ్రీ సాయినాధార్పణమస్తు)

శ్రీ సాయిమహరాజ్ ప్రసాదించిన అధ్భుత అనుభవాలు… 6 వ.భాగమ్

noreply@blogger.com (tyagaraju) — Tue, 17 Feb 2026 06:26:00 +0000

17.02.2026 మంగళవారమ్

ఓం సాయి శ్రీ సాయి జయయయ సాయి

సాయి బంధువులకు బాబావారి శుభాశీస్సులు

శ్రీ సాయి మహరాజ్ ప్రసాదించిన అధ్బుత అనుభవాలు

శ్రీ సాయిమహరాజ్ ప్రసాదించిన అధ్భుత అనుభవాలు… 6 వ.భాగమ్

మరాఠీ నుండి ఆంగ్లానువాదం.. షంషాద్ మీర్జా

తెలుగు అనువాదం .. ఆత్రేయపురపు త్యాగరాజు,

నిజాంపేట, హైదరాబాద్,

ఫోన్ -- 9440375411 & 81436267

ఈ మెయిల్.. tyagaraju.a@gmail.com

సంక్షోభ సమయంలో ప్రయాణ ప్రారంభమ్

అది 1918 వ.సం. పూనా పట్టణమంతా భయం గుప్పిట్లో చిక్కుకుంది. ఫ్లూ అంటువ్యాధి ప్రజలందరి మీదా తన పంజా విసురుతూ అందరినీ భయభ్రాంతులకు గురి చేస్తూ ఉంది. ప్రజలందరూ ప్రాణాలను అరచేతులో పెట్టుకుని రక్షణకోసం పెనుగులాడుతూ ఉన్నారు.

ఇటువంటి పరిస్థితిలో మేము మన్నోడ్ కు బయలుదేరడానికి నిర్ణయించుకున్నాము. అక్కడ మా నాన్నగారు జడ్జీగా పనిచేసారు. ఆ సమయంలో నా మనసులో ఒక ఆలోచన మెల్లగా ప్రవేశించింది. “మనం షిరిడి వెళ్ళి మన సాయిబాబా గారి దర్శనం చేసుకోగలమా?”

కాని నేను కాస్త సంకోచించాను. మా పెదనాన్నగారు మాతో ప్రేమగానే ఉంటారు. అయినప్పటికీ ఆయనది ఖచ్చితమయిన మనస్థత్వం. ఆయనతో మాట్లాడటానికి నాకు ధైర్యం చాలలేదు.

సంతోషకరమయిన విషయం ఏమిటంటె నా మేనత్తలిద్దరూ కూడా ఇదే ఆలోచనతో నా దగ్గరికి వచ్చారు. వాళ్ళకు కూడా షిరిడీ సాయిబాబాగారిని దర్శించుకోవాలని ఉంది. మా పెదనాన్నగారితో ఆ విషయం చెప్పమని నన్నడిగారు. నేను మా పెదనాన్నగారితో మాకు షిరిడి వెడదామని ఉంది అన్నాను. బాబా దయవల్ల ఆయన ఇంకేమీ అడ్డు చెప్పకుండా వెంటనే ఒప్పేసుకున్నారు.

మేము ప్రయాణం ఏవిధంగా చేయాలో ఒక పద్ధతిగా ప్రణాళిక వేసుకున్నాము. సెప్టెంబరు 29, 1918, ఆదివారం సాయంత్రం పూనేనుండి దౌండ్ మీదుగా మన్మాడ్ వెళ్లడానికి టిక్కెట్లు బుక్ చేసుకున్నాము.

మేము అనుకున్న ప్రకారం మా ప్రయాణం ప్రారంభమయింది. కాని రైలు రెండు గంటలు ఆలస్యంగా నడుస్తోంది. మేమెక్కిన బోగీ ప్రయాణీకులతో బాగా కిక్కిరిసిపోయి ఉంది.

మేము దౌండ్ చేరుకునేటప్పటికి రాత్రి పది గంటలయింది. అప్పటికే మేము ఎక్కవలసిన తరువాతి రైలు వెళ్ళిపోయింది. తెల్లవారుజామున మేము మన్మాడ్ వెళ్ళే రైలు ఎక్కినపుడు టికెట్ కలెక్టర్ వచ్చి మేమెక్కిన బోగీ మిలటరీ వాళ్లకోసం ప్రత్యేకించినది అని చెప్పి మమ్మల్ని దించేశాడు.

ఎక్కడికి వెళ్లడానికి లేదు, కూర్చోడానికి ఎక్కడా చోటు కూడా లేదు. ఇక నిరాశతో ఒక నిట్టూర్పు విడిచాను. ఇక షిరిడీకి వెళ్ళే ఆలోచనను విరమించుకుంటె మంచిది అనిపించింది. కాని మనసులో పూర్తిగా ఒక ఆశ మాత్రం మెదులుతూనే ఉంది. ఆశ ఉన్నా గాని ఇక ప్రయాణం మానివేద్దామనే నిర్ణయం తీసుకోవడానికి ముందు, అంతకు ముందు వచ్చిన టికెట్ కలెక్టరే మళ్ళీ మా వద్దకు వచ్చి, “మీ అందరికోసం సీట్లు ఏర్పాటు చేసాను. నాతో రండి మిమ్మల్ని కూర్చోబెడతాను” అన్నాడు.

మమ్మల్ని మరొక కొత్త బోగీ దగ్గరకు తీసుకువెళ్ళి అందులో కూర్చోబెట్టాడు. ఇక మేము హాయిగా ఊపిరి పీల్చుకుని ప్రశాంతంగా కూర్చొన్నాము.

తరువాత బాబాగారి దర్శనమ్….తరువాతి సంచికలో

(సర్వం శ్రీ సాయినాధార్పణమస్తు)

శ్రీ సాయిమహరాజ్ ప్రసాదించిన అధ్భుత అనుభవాలు… 5 వ.భాగమ్

noreply@blogger.com (tyagaraju) — Mon, 09 Feb 2026 03:23:00 +0000

09.02.2026 సోమవారమ్, షిరిడీ నుండి

ఓం సాయి శ్రీ సాయి జయయయ సాయి

సాయి బంధువులకు బాబావారి శుభాశీస్సులు

శ్రీ సాయి మహరాజ్ ప్రసాదించిన అధ్బుత అనుభవాలు

శ్రీ సాయిమహరాజ్ ప్రసాదించిన అధ్భుత అనుభవాలు… 5 వ.భాగమ్

మరాఠీ నుండి ఆంగ్లానువాదం.. షంషాద్ మీర్జా

తెలుగు అనువాదం .. ఆత్రేయపురపు త్యాగరాజు,

నిజాంపేట, హైదరాబాద్,

ఫోన్ -- 9440375411 & 81436267

ఈ మెయిల్.. tyagaraju.a@gmail.com

నమ్మకం వల్లనే ప్రసవవేదననుండి ఉపశమనం

నా స్నేహితుడు శ్రీ వామన్ భికాజీ ప్రధాన్ భార్యకు ఏడవనెల. అకస్మాత్తుగా ఆమెకు పురుటి నొప్పులు ప్రారంభమయ్యాయి. ఆ నెప్పులు చాలా భరింపరానిగా ఉండటంతో నా స్నేహితుడు ఆరోజు ఆఫీసుకు సెలవు పెట్టేశాడు. ఆ మరుసటి రోజు మా ఇంటికి వచ్చి తన భార్య విషయం గురించి ఎంతో బాధ పడుతూ చెప్పాడు.

వాడి బాధను గమనించి నేను వాడికి శ్రీ సద్గురు సాయిబాబా వారి చిన్న ఊదీ పాకెట్ ఇచ్చాను దీనికి మించిన ఔషధం లేదు, ఇంకెటువంటి ప్రయత్నాలు చేయనక్కరలేదని ధైర్యం చెప్పాను.

ఆ రోజు ఆఫీసునుండి సాయంత్రం ఇంటికి వెళ్ళాక తన భార్యకి నేనిచ్చిన ఊదీని ప్రసాదంగా ఇచ్చాడు. ఆమె ఆ ఊదీని ఎంతో భక్తితో స్వీకరించింది.

అరగంటలోనే అధ్భుతం జరిగింది. నొప్పులు పూర్తిగా తగ్గిపోయాయి. నొప్పులు తగ్గిపోవడమే కాదు, అతని భార్యకి ప్రశాంతత లభించి తన శరీరంలోకి ఒక విధమయిన దైవికశక్తి ప్రవేశించినట్లయి మనస్థైర్యం కలిగింది.

ఆ మరుసటిరోజు వామన్ ఆఫీసుకు వచ్చినపుడు నా దగ్గరకు వచ్చి, “నువ్వు నాకిచ్చిన ఊదీలో ఏముంది?” అని అడిగాడు. అతని స్వరంలో ఏదో తెలుసుకోవాలన్న ఆసక్తి ప్రస్ఫుటంగా కనపడింది.

నేను నవ్వుతూనే సమాధానమిచ్చాను…."అది శ్రీ సాయిబాబావారి ఊదీ తప్ప మరేమీ కాదు.”

అప్పటివరకూ వామన్ భికాజీ ఎప్పుడూ షిరిడీ వెళ్ళి ఉండలేదు. బాబాని చూసిందీ లేదు. కాని, ఈ అనుభవం అతనిలో ఎంతో మార్పు తీసుకువచ్చింది.

వెంటనే అతను తన కుటుంబాన్నంతటినీ బాబా దర్శనానికి షిరిడీకి తీసుకు వెళ్ళాడు. ఆ రోజునుండి అతను తన జీవితాంతం సాయిభక్తునిగా మారి తన మనసునీ, సేవనూ శ్రీ సాయిబాబాకు అంకితం చేసుకున్నాడు.

నిశ్చయంగా చెప్పేది ఏమిటంటే, సాయిలీల అనంతమ్

శ్రీ సాయిలీల సం.8 - సంచిక - 3

(ఊదీ లీలలు ఇంకా ఉన్నాయి)

(సర్వం శ్రీ సాయినాధార్పణమస్తు)

శ్రీ సాయిమహరాజ్ ప్రసాదించిన అధ్భుత అనుభవాలు… 4 వ.భాగమ్

noreply@blogger.com (tyagaraju) — Thu, 05 Feb 2026 01:09:00 +0000

04.02.2026 గురువారమ్

ఓం సాయి శ్రీ సాయి జయయయ సాయి

సాయి బంధువులకు బాబావారి శుభాశీస్సులు

శ్రీ సాయిలీల ద్వైమాస పత్రిక నవంబరు, డిసెంబరు, 2025 సంచికలో ప్రచురింపబడిన బాబా లీలలు.

(సెప్టెంబరు, అక్టోబరు, 2025 సంచికలో ప్రచురింపబడినవాటికి కొనసాగింపు)

శ్రీ సాయి మహరాజ్ ప్రసాదించిన అధ్బుత అనుభవాలు

శ్రీ సాయిమహరాజ్ ప్రసాదించిన అధ్భుత అనుభవాలు… 4 వ.భాగమ్

మరాఠీ నుండి ఆంగ్లానువాదం.. షంషాద్ మీర్జా

తెలుగు అనువాదం .. ఆత్రేయపురపు త్యాగరాజు,

నిజాంపేట, హైదరాబాద్,

ఫోన్ -- 9440375411 & 81436267

ఈ మెయిల్.. tyagaraju.a@gmail.com

అది 1924 వ.సంవత్సరం. ఒక ఇంటిలో గణేష్ చతుర్ధి పండుగ జరుగుతున్న రోజున గణపతి సమక్షంలో అత్యంత క్లిష్ట క్షణాలలో శ్రీ సాయిబాబా వారి ఊదీ యొక్క దైవిక శక్తిని మేము కళ్ళారా చూశాము.

కుమార్తె – మంగళకారుడయిన వినాయకుడు

ఇంటిలో గణేష చతుర్ధిని ఎంతో భక్తిశ్రధ్ధలతో జరుపుకుంటూ ఉంటారు. ప్రతి సంవత్సరం విఘ్నేశ్వరుడి ప్రతిమను తీసుకుని వచ్చి రోజున్నరపాటు పూజిస్తూ ఉంటారు. కాని ఈ సారి మాత్రం వారు చేయబోయే పండుగ వేడుకకి బాధాకరమయిన పరిస్థితి వారికి శిరోభారంగా ఉంది.

అన్నగారి కుమార్తెకు నాలుగు సంవత్సరాల వయస్సు. ఆమె ఎప్పటినుంచో అనారోగ్యంతో బాధపడుతూ ఉంది. ఎన్నో రకాల వైద్యాలు చేయించినా ఆమె పరిస్థితిలో ఎటువంటి మార్పు రాలేదు. భాద్రపదశుధ్ధ అయిదవరోజు గణేష్ నిమజ్జనం - ఆరోజున ఆమెకు జ్వరం చాలా హెచ్చుగా ఉండి స్ప్రుహ హ కోల్పోయింది.

పిలిచిన వెంటనే వైద్యుడు వచ్చాడు. పరీక్షించి ఒక భయంకరమయిన విషయాన్ని చెప్పాడు. “ఆమె ఒక గంటన్నర కన్నా బ్రతుకదు”’

కుటుంబ సభ్యులందరి హృదయాలలో ఆవార్త భయోత్పాతాన్ని కలిగించింది. అయినప్పటికి నిరాశ ఆవహించిన సమయంలో ఇక ఎటువంటి దారి లేనపుడు ప్రతి సాయి భక్తుడు చేసేదే మేము కూడా బాబా పాదాలకు శరణాగతి వేడుకున్నాము.

మేము కన్నీటితో మంగళమూర్తి అయిన విఘ్నేశ్వరుడికి, సాయిబాబాకు ప్రార్ధించుకున్నాము.

అప్పుడు అమ్మాయికి ఒక చిటికెడు ఊదీని ఇచ్చాము. ఇచ్చిన మరుక్షణమే ఆమెలో

కాస్త మార్పు కనిపించింది.

జరగబోయే విపరీతానికి సిధ్ధపడి అన్ని ఏర్పాట్లు చేసుకుంటున్నప్పటికీ, అమ్మాయి

పరిస్థితి నిలకడగా ఉంది. మూడురోజుల తరువాత అమ్మాయి ఆరోగ్యం క్రమక్రమంగా మెరుగవసాగింది.

అదృశ్యంగా బాబా గారే వచ్చి అమ్మాయికి వైద్యం చేసి కాపాడారనడంలో ఎటువంటిసందేహం లేదు.

(ఊదీ లీలలు ఇంకా ఉన్నాయి)

(సర్వం శ్రీ సాయినాధార్పణమస్తు)

శ్రీ సాయిమహరాజ్ ప్రసాదించిన అధ్భుత అనుభవాలు… 3 వ.భాగమ్

noreply@blogger.com (tyagaraju) — Mon, 02 Feb 2026 06:38:00 +0000

02.02.2026 సోమవారమ్

ఓం సాయి శ్రీ సాయి జయయయ సాయి

సాయి బంధువులకు బాబావారి శుభాశీస్సులు

శ్రీ సాయి మహరాజ్ ప్రసాదించిన అధ్బుత అనుభవాలు

శ్రీ సాయిమహరాజ్ ప్రసాదించిన అధ్భుత అనుభవాలు… 3 వ.భాగమ్

మరాఠీ నుండి ఆంగ్లానువాదం.. షంషాద్ మీర్జా

తెలుగు అనువాదం .. ఆత్రేయపురపు త్యాగరాజు,

నిజాంపేట, హైదరాబాద్,

ఫోన్ -- 9440375411 & 81436267

ఈ మెయిల్.. tyagaraju.a@gmail.com

జీవితానికి ఆఖరి క్షణాలు - విశ్వనాధ్ కోలుకొనుట

కాని ఈ అధ్భుతాలు ఇంతటితో ఆగలేదు. మా అబ్బాయికి (అంటే నేను, ఎల్.ఎం.ప్రధాన్) వయస్సు తొమ్మిది సంవత్సరాలు.

ఒకరోజున మా అబ్బాయి ఒకే ఒక్క అడుగు ఉన్న చిన్న గోడపైనుంచి కిందపడ్డాడు. పడ్డవెంటనే “నాకు బాగా చలిగా ఉంది” అన్నాడు.

బహుశా అది మలేరియా కావచ్చని నేను నా భార్య మా అబ్బాయిని మంచం మీద పడుకోబెట్టి దుప్పటి కప్పాము. వాడి నిద్రకు భంగం కలగకుండా కనిపెట్టుకుని చూస్తున్నాము. కాని రాత్రి ఏడు గంటలవేళ వాడిని లేపడానికి ప్రయత్నించాము. కాని వాడు స్పృహలో లేడు.

బాగా భయాందోళనకు గురయ్యి వెంటనే వైద్యుడిని పిలిపించాము. వైద్యుడు వచ్చి బాగా పరీక్షించి, “పిల్లవాడికి వాతం వచ్చింది. పరిస్థితి చాలా ప్రమాదకరంగా ఉంది” అన్నాడు.

చాలా మంది వైద్యులను కలిసి అన్ని రకాల వైద్యాలు చేయించాము. కొంతమంది ఆస్పత్రికి తీసుకువెళ్ళమని సలహా ఇచ్చారు. కాని ఎవరూ ఆశాజనకంగా చెప్పలేదు.

నాకా సమయంలో బాబా గుర్తుకు వచ్చారు. “మహా శక్తిమంతుడయిన అసలయిన వైద్యుడు బాబా ఉండగా ఆయన శక్తితో సరిపోల్చదగిన మానవమాత్రుడయిన వైద్యుడు ఎవరూ ఉండరు.”

పిల్లవాడికి ఏమవుతుందోననే భయాందోళనలతో వాతావరణం భారంగా గడుస్తొంది. ఇక పిల్లవాడు ఆఖరిక్షణాలలో ఉన్నాడని భావించి అంత్యక్రియలకి ఏర్పాట్లు మొదలుపెట్టారు. అన్నిటికి సిధ్ధపడి దగ్గరి బంధువులు చుట్టుప్రక్కలవారు అందరూ సమావేశమయ్యారు.

అదేక్షణంలో ఒక గంభీరమయిన స్వరం వినిపించింది. ఆస్వరంలో ఒక స్థిరమయిన నమ్మకం ప్రస్ఫుటంగా ధ్వనించింది.

“ఆందోళనపడకండి….పిల్లవాడు సజీవంగానే ఉన్నాడు.”

ఆ స్వరం మా వదినగారయిన గంగా రూపాబాయిది. ఆమె ధృఢమయిన ఆత్మ విశ్వాసంతో ఒక చెమ్చాతో పిల్లవాడి నోరు తెరచి నోటిలో ఊదీని వేసింది.

ఆ ఊదీ కడుపులోకి వెళ్ళిందా లేదా అన్న విషయం ఇదమిధ్ధంగా తెలియదు, కాని అది జరిగింది. ఒక విధమయిన అధ్బుతం జరిగింది. మూడు రోజులుగా ఉన్నటువంటి అచేతన స్థితికి ముగింపు జరిగింది.

పిల్లవాడి కళ్ళు నెమ్మదిగా తెరుచుకున్నాయి. మొట్టమొదటగా గోడమీద ఉన్న బాబా చిత్రపటాన్ని చూశాడు. వణుకుతున్న చేతులను నెమ్మదిగా పైకెత్తి భక్తిభావంతో బాబాకు నమస్కారం చేసుకున్నాడు.

మొట్టమొదటగా బాబాకు నమస్కారం చేసుకున్న తరువాత గంగా రూపాబాయికి, అక్కడ తన చుట్టూ ఉన్నవారందరికీ నమస్కారం చేసుకున్నాడు. ఖచ్చితంగా మరణించాడనే అనుకుంటున్న దశలో మా అబ్బాయిని బాబాగారే తిరిగి తీసుకువచ్చారనటంలో ఎటువంటి సందేహం లేదు.

బాబాకు ఏవిధంగా మాకృతజ్ఞతలను తెలుపుకోగలం.…అది మాటలకందనిది.

బాబా గారి ఊదీతో కలిగిన అధ్భుతాలను నేనెన్నో సార్లు అనుభవంచాను. కాని, ఈ సారి చేసిన అత్యత్భుతం నాహృదయంలో గాఢమయిన ముద్రవేసింది. కాని, ఇంకా ఇటువంటి అద్భుతాలను అందరితో పంచుకోవాలనుకోవడానికి కాస్త సందేహించాను. ప్రజలు ఏమనుకుంటారో అనే భయం. “లోకాపవాదం” అని అంటాను. లోకులలో అపనమ్మకాలతో కూడిన వ్యర్ధ ప్రేలాపనలు, ఎగతాళి మాటలు.

ఒక విషయం మట్టుకు మీకు వివరించాలి. శ్రీ సాయిలీల క్రిందటి సంచికలు (సం.6, సంచికలు 11-12) చదువుతున్నపుడు నాలో ఒక విధమయిన మార్పు వచ్చింది. అకస్మాత్తుగా నాలో బాబాయే నా హృదయంలో చిన్నగా మాటలాడినట్లుగా ఒక ప్రేరణ.

“నీ అనుభవాలను గురించిన వాస్తవాలను లోకానికి తెలియజేయి”

ఆ ప్రేరణతోనే నేను ఊదీతో నాకు కలిగిన, నేను అనుభవించిన లీలలను వ్రాస్తున్నాను. “ఇది ఊదీ యొక్క అధ్బుత శక్తి”. బాబావారి లీలలు అగాధం అసలుసిసలయిన సాయి భక్తులు మాత్రమే వాటి గొప్పదనాన్ని అర్ధం చేసుకోగలరు.

ఎంతో వినమ్రతతో నేను ఇస్తున్న చివరి వివరణ….

ఒక వాగ్దానంతో నేనీ ఉత్తరాన్ని ముగిస్తున్నాను. ఒకసారి నాకు వచ్చిన ఒక స్వప్నం నాలో ఎంతగానో కలత చెందేలా చేసింది. దానియొక్క అర్ధాన్ని పరమ భక్తుడయిన కీ.శే. ధబోల్కర్ గారు దానిని ఎలా అర్ధంచేసుకోవాలో నాకు తెలియచేసి సహాయం చేసారు. ఆ విషయాన్ని బాబా అనుమతించినట్లయితే దాని గురించి మరింతగా మీకు వివరిస్తాను.

మీ విధేయుడు

ఎల్.ఎం.ప్రధాన్,

తలతి, షహపూర్ జిల్లా, ధానే

29.12.1930

శ్రీ సాయిలీల, సం.8, సంచిక 3

(ఊదీ వల్ల కలిగిన అధ్భుతాలు ఇంకా ఉన్నాయి)

(సర్వం శ్రీ సాయినాధార్పణమస్తు)

శ్రీ సాయిమహరాజ్ ప్రసాదించిన అధ్భుత అనుభవాలు… 2 వ.భాగమ్

noreply@blogger.com (tyagaraju) — Wed, 28 Jan 2026 01:24:00 +0000

28.01.2026 బుధవారమ్

ఓం సాయి శ్రీ సాయి జయయయ సాయి

సాయి బంధువులకు బాబావారి శుభాశీస్సులు

శ్రీ సాయి మహరాజ్ ప్రసాదించిన అధ్బుత అనుభవాలు

శ్రీ సాయిమహరాజ్ ప్రసాదించిన అధ్భుత అనుభవాలు… 2 వ.భాగమ్

మరాఠీ నుండి ఆంగ్లానువాదం.. షంషాద్ మీర్జా

తెలుగు అనువాదం .. ఆత్రేయపురపు త్యాగరాజు,

నిజాంపేట, హైదరాబాద్,

ఫోన్ -- 9440375411 & 8143626744

ఈ మెయిల్.. tyagaraju.a@gmail.com

పిల్లవాడికి కోరినవెంటనే నయమగుట

ఒక ముఖ్య గమనిక:: సాయిబాబా మీద నమ్మకం లేనివారు చదివిన తరువాత దయచేసి హేళనగా వ్యాఖ్యానాలు చేయవద్దని మనవి. మనం ఎవరి గురించయినా పూర్తిగా తెలుసుకున్న తరువాతనే మనం మాట్లాడాలి, అంతే తప్ప మిడిమిడి జ్ఞానంతో వ్యాఖ్యానాలు అనగా కొత్త దేవుడా? అని వ్యాఖ్యానాలు చేయవద్దు. ఆయన దేవుడో, యోగిపుంగవుడో, అవధూతయో, సద్గురువో ఆవిషయాలగురించి నేను అయిదు సంవత్సరాల క్రితం ప్రచురించాను. రామాయణాన్ని తరువాతి కాలాలో ఎంతమంది వ్రాసినా మనకి ప్రామాణికం వాల్మీకి రామాయణం. అలాగే శ్రీ సాయిసత్ చరిత్రకు ప్రామాణికం మరాఠీలో హేమాద్ పంత్ వ్రాసినది, దానికి ఆంగ్లానువాదం చేసిన నగేశ్ వాసుదేవ గుణాజి, తెలుగులోకి అనువాదం చేసిన శ్రీ ప్రత్తి నారాయణరావుగారు, మరాఠీకి తెలుగు అనువాదం ఓవి టు ఓవి తెలుగు అనువాదం చేసిన మణేమ్మగారి సత్ చరిత్రలు మనకు ప్రామాణికాలు. అంతే గాని 2017 సం.లో ఒకామె స్వేచ్చానువాదం చేసిన సత్ చరిత్రలోని కొన్ని వాక్యాలను తీసుకుని దానికి విపరీత అర్ధాలను అంటగట్టి దుష్ప్రచారం చేయడం అవివేకం. బాబా నాచేత భగవద్గీత, ఉపనిషత్తులు, గురుగీత, నారద భక్తి సూత్రాలు, ఉధ్ధవగీత, చదివించి నా సందేహాలను తీర్చారు. బాబా ముస్లిం కాదు, హిందువే అని నిరూపించే వ్యాసాలను కూడా ప్రచురించాను. సాయి అన్న పదం బాబా వచ్చిన తరువాత పుట్టినది కాదు. సాయి అంటే ముస్లిం పేరు అనుకుంటున్నారు. సాయి అంటె భగవంతుడు. దాని గురించి ముందుముందు ఒక వ్యాసాన్ని తయారు చేస్తాను. ఇక చదవండి.

ఒకరోజు రాత్రి 8-15 - 8.30 గంటల మధ్య ఎల్.ఎం. ప్రధాన్ గారింటికి గ్రామాధికారి ఆయన ప్రాణస్నేహితుడు అయిన ఆర్. ఆర్. లక్ష్మణ్ ఖరే గారు వచ్చారు. ఎంతో బాధ గూడు కట్టుకున్న గొంతుకతో “నా దగ్గర పనిచేసేవాడి కొడుకుకి వయస్సు 8 లేక 9 ఏళ్ళు ఉంటాయి. వాడిని ఒక విషజంతువు కరిచింది. నీ దగ్గర దానిని నయం చేసే మందేమయినా ఉందా” అని అడిగాడు.

ప్రధాన్ అపుడే భోజనానికి కూర్చోబోతూ ఉన్నారు. కాని ఆయనలో ఒక విధమయిన నమ్మకం. అదే, నివారణ చేయగల ఔషధం తన వద్ద ఉందనే ప్రగాఢమయిన విశ్వాసంతో భోజనం సంగతి ప్రక్కన పెట్టేశారు.

ఆయన శాంత స్వరంతో తన భార్యతో “బాబా పేరుతో మన పూజా మందిరంలో ఉన్న ఊదీని ఆయనకివ్వు” అన్నారు.

ఆమె వెంటనే ఊదీని తీసుకుని వచ్చి లక్ష్మణ్ రావు ఖరే గారికి ఇచ్చింది. ఆయన ఆ ఊదీని తన పనివాడికి ఇచ్చాడు. పనివాడు ఆ ఊదీని నీళ్ళలో కలిపి తన కొడుకు చేత త్రాగించాడు. ఆ పిల్లవాని కడుపులోకి ఊదీ వెళ్ళిన మరుక్షణమే, బాబాయే స్వయంగా తమ స్వహస్తాలతో ఆ పిల్లవాడిని చుట్టి పొదివిపట్టుకున్నారేమో అనిపించేటంతగా ప్రశాంతంగా నిద్రపోయాడు.

తల్లిదండ్రులిద్దరూ రాత్రంతా నిద్ర పోకుండా తమ పిల్లవాడిని కనిపెట్టుకుని ఉన్నారు.

తెల్లవారింది. ఒక విధమయిన అధ్భుతం జరిగింది. విషప్రభావాలు పూర్తిగా తగ్గిపోయాయి.

అది కాకతాళియం కాదు. అందులో ఎటువంటి సందేహం లేదు. అది బాబా అనుగ్రహం అది ఊదీ ద్వారా సజీవ సాక్ష్యంగా నిరూపితమయింది.

(ఊదీ మహిమలు ఇంకా ఉన్నాయి)

(సర్వం శ్రీ సాయినాధార్పణమస్తు)

బాబా మా ఇంటికి భోజనానికి రమ్మనగానే వచ్చారు

noreply@blogger.com (tyagaraju) — Thu, 22 Jan 2026 01:23:00 +0000

22.01.2026 గురువారమ్

ఓమ్ సాయి శ్రీ సాయి జయజయ సాయి

సాయి బంధువులకు బాబావారి శుభాశీస్సులు

బాబా మా ఇంటికి భోజనానికి రమ్మనగానే వచ్చారు

క్రిందటి వారం బాబా గారు మీ ఇంటికి కూడా వచ్చి ఉండవచ్చు ప్రచురించాను. మీరందరూ చదివే ఉంటారు.

ఈ రోజు బాబా మన ఇంటికి భోజనానికి వస్తారు అనగానే ఏ విధంగా వచ్చారో వివరిస్తాను. 2009 లేక 2010 సం> ఇదే బ్లాగులో ప్రచురించాను. టైటిల్ ఏమి పెట్టానో గుర్తు లేదు. కాని ఇప్పుడు గుర్తుకు తెచ్చుకుని మరలా నా స్వీయానుభవాన్ని మీ అందరితో పంచుకుంటున్నాను..త్యాగరాజు

బహుశ 2009 గాని 2010 సంవత్సరంలో అనుకుంటాను. ఆ రోజు గురువారం. నేను ఆఫీసుకు బయలుదేరేముందు ఉదయం తొమ్మిది గంటలకు భోజనం చేస్తున్నాను. నా భార్య పూజ చేసుకుంటూ శ్రీ సాయి సత్ చరిత్ర పారాయణ చేసుకుంటోంది. తను గురువారము నాడు భోజనం చేయనని ఒక నియమం పెట్టుకుంది. అందుచేత నాకు ఒక్కడికే సరిపడా వంట చేసి బల్ల మీద పెట్టింది. నాకు సరిపడా అన్నం చిన్న గిన్నెతో వండింది.

నేను భోజనం చేస్తూ బాబా గారు ఇవాళ మనింటికి భోజనానికి వస్తారు అని అన్నాను. అపుడు నా భార్య ప్రతిరోజు మనం ఆయనకు నైవేద్యం పెట్టె తింటున్నాముగా, ఎందుకు వస్తారు అంది. నేను మొత్తం భోజనం చేస్తూ గిన్నె లోని అన్నం పూర్తిగా పెట్టేసుకుంటూ, ఈ రోజు బాబా గారు భోజనానికి వస్తే ఈవిడ ఏమి పెడుతుంది అని మనసులో అనుకున్నాను గాని పైకి చెప్పలేదు. కూరలతో సహా ఏమీ మిగలకుండా భోజనం చేసేసాను. గిన్నేలన్నీఖాళీ.

భోజనం పూర్తి అయ్యాక ఆఫీసుకు వెళ్ళిపోయాను. సాయంత్రం నేను ఆఫీసునుంచి వచ్చిన తరువాత నా భార్య ఆరోజు జరిగిన అధ్బుతమైన విషయం చెప్పెంది….అది వినగానే నేను చాలా ఆశ్చర్యపోయాను. నా మనసులోని కోరికను బాబా ఆరోజునే అంత త్వరగా తీర్చినందుకు బాబా ఏమి నీలీల అని మనసులోనె ఆనందించాను. నా భార్య చెప్పిన వివరాలు…

ఆ రోజు ఉదయం పదకొండు గంటలవేళ మా ఇంటికి ఇద్దరు బ్రాహ్మలు వచ్చారు. హాలులో సోపాలో కూర్చొని వేదమంత్ర్రాలు చదివారు. ఆ తరువాత నాభార్యను, నీకు ప్రహ్లాదుడులాంటి మనవడు పుడతాడమ్మా అని దీవించారు. నా భార్య ఇద్దరికీ చెరొక పది రూపాయలు దక్షిణ ఇచ్చింది. అప్పుడు వారిద్దరూ ఇంకొక ఇరవై రూపాయలు ఇవ్వండి హోటల్ లో భోజనం చేస్తాము అన్నారు. నా భార్య ఇద్దరికీ మరలా చెరొక ఇరవై రూపాయలు దక్షిణ ఇచ్చింది. దక్షిణ తీసుకుని వారిద్దరూ వెళ్లిపోయారు.

బాబా గారిని భోజనానికి రమ్మన్నాను. కాని ఇంటిలో ఆయనకు భోజనం పెట్టడానికి అప్పటికప్పుడు ఉంటేగా? మొత్తమంతా నేనే ఖాళీ చేసేసి బాబా గారు వస్తే ఈవిడ ఏమి పెడుతుంది అనుకున్నాను. కాని బాబా ఏమి చేసారు? నా ఇంటిలో భోజనం కుదరదు అని బాబాకు తెలుసుగా. అందుకనే మళ్ళీ మరికొంత మొత్తం తీసుకుని హోటల్ లో భోజనం చేస్తాము అన్నారు.

ఆవిధంగా బాబా నీ ఇంటిలో నువ్వు భోజనంపెట్టడానికి సిధ్ధంగా లేకపోయినా హోటల్ లో భోజనం చేస్తామనడం ఆయన భోజనానికి రావడమే కదా...

ఇక్కడ మీకొక సందేహం రావచ్చు. మరి బాబా గారు ఒక్కరే కాక మరొకాయన కూడా వచ్చారు కదా అని? అది బాబా మనకు పెట్టిన పరీక్ష. మనం ఆయనను గుర్తించగలమా లేదా అని.

ఇప్పుడు మనము శ్రీ సాయి సత్ చరిత్రలోని 46 వ. అధ్యాయములోని ఒక సంఘటనను గుర్తుకు తెచ్చుకుందాము.

దేవుగారింట ఉద్యాపన వ్రతము…టూకీగా ఇస్తున్నాను.

శ్రీ బి.వి. దేవు గారు తన ఇంట ఉద్యాపన రోజున బాబాను భోజనానికి రమ్మని పిలుస్తూ షిరిడీలో ఉన్న బాపూ సాహెబ్ జోగ్ గారికి ఉత్తరం వ్రాసారు. జోగ్ బాబాకు ఆ ఉత్తరం చదివి వినిపించారు. అప్పుడు బాబా “నన్నే గుర్తుంచుకొను వారిని నేను మరువను. నాకు బండి గాని, టాంగా గాని, రైలు గాని, విమానము గాని అవసరము లేదు. నన్ను ప్రేమతో పిలుచువారి యొద్దకు నేను పరిగెత్తిపోయి ప్రత్యక్షమయ్యెదను. అతనికి సంతోషకరమయిన జవాబు వ్రాయుము” “నీవు, నేను, ఇంకొకరు సంతర్పణకు వచ్చెదమని వ్రాయుము” అని అన్నారు. జోగ్ ఆవిధంగానే జాబు వ్రాసి దేవుగారికి పంపించారు. దేవుగారు ఎంతగానో సంతోషించారు. ఆ రోజు ఉద్యాపన రోజున దేవుగారింటికి 12 గంటలకు ఒక సన్యాసి (దేవుగారికి అంతకు ముందు పరిచయమయిన సన్యాసి) ఇద్దరు కుఱ్ఱవాళ్ళతో వచ్చి భోజనం చేసి వెళ్లారు. కాని దేవుగారు గ్రహించలేక బాబా గారు భోజనానికి వస్తానని రాలేదని మాట తప్పారని జోగ్ గారికి ఉత్తరం వ్రాసారు. అప్పుడు బాబా జోగ్ తో “వాగ్దానము చేసి దగా చేసితిని అనుచున్నాడు. ఇద్దరితో కూడా నేను సంతర్పణకు హాజరయితిని . కాని నన్ను పోల్చుకోలేకపోయెనని వ్రాయుము. అట్టివాడు నన్ను పిలువనేల? అతని సంశయము తొలగించుటకే మరిద్దరితో వచ్చెదనంటిని” అన్నారు. ఈ విషయాన్నంతా జోగ్ దేవుగారికి ఉత్తరం ద్వారా తెలియపరిచారు. ఆ ఉత్తరం చదివిన తరువాత దేవు గారు ఎంతో సంతోషించారు. ఆయన కళ్ళవెంట ఆనందభాష్పాలు రాలాయి. అనవసరంగా బాబాను నిందించినందుకు పశ్చాత్తాప పడ్డారు.

దీనిని బట్టి మనం గ్రహించుకోవలసింది, మన అంతరంగంలో బాబా మీద అచంచలమయిన నమ్మకం, ధృఢమయిన భక్తి ఉండాలే గాని ఆయన మన కోరికలను తీరుస్తారు. ఇటువంటి లీలలను ఆయన మనకు ప్రసాదించినపుడు ఆయన మీద మనకు మరింత భక్తి పెరుగుతుంది.

(తరువాత బాబా నాకు పాము గురించి పదే పదే ఎలా చెప్పారో వివరిస్తాను.)

బాబా గారు జీవించి ఉన్న రోజులలో ఆయన వచ్చి భోజనం చేసిన సంఘటనను కూడా త్వరలో మరలా సాయి భక్తులందరికీ అందిస్తాను.

(సర్వం శ్రీ సాయినాధార్పణమస్తు)

శ్రీ సాయి మహరాజ్ ప్రసాదించిన అధ్బుత అనుభవాలు

noreply@blogger.com (tyagaraju) — Mon, 12 Jan 2026 01:49:00 +0000

11.01.2026 సోమవారమ్

ఓం సాయి శ్రీ సాయి జయయయ సాయి

సాయి బంధువులకు బాబావారి శుభాశీస్సులు

శ్రీ సాయిలీల ద్వైమాస పత్రిక సెప్టెంబర్, అక్టోబర్ 2025 సంచికలో ప్రచురింపబడిన బాబా లీలలు.

నేను అనువాదం చేయడం మరచిపోయినా బాబా గుర్తు చేసారు. ఈ రోజు వాటిని ప్రచురిస్తున్నాను.

శ్రీ సాయి మహరాజ్ ప్రసాదించిన అధ్బుత అనుభవాలు

ప్రాపంచిక విషయాలలో బాబా చూపించే దయ

మరాఠీ నుండి ఆంగ్లానువాదం.. షంషాద్ మీర్జా

తెలుగు అనువాదం .. ఆత్రేయపురపు త్యాగరాజు,

నిజాంపేట, హైదరాబాద్,

ఫోన్ -- 9440375411 & 81436267

ఫిరోజ్ షాలో ఈ ఆధ్యాత్మిక చైతన్యం మొదలయిన తరువాత అతనికి మరొక స్వప్నం వచ్చింది. ఆ స్వప్నంలో బాబా దర్శనమిచ్చి”నువ్వు ఎంతో కాలంగా మీ నాన్నగారి పేపర్ మిల్లులో పనిచేస్తున్నావు. ఇకనుండీ నీకు జీతం లభిస్తుంది” అన్నారు.

ఆ మరుసటిరోజే ఒకాయన ఫిరో షా వద్దకు వచ్చి “నువ్వు చాలా కష్టపడి పని చేస్తున్నావు. ఎంత సంపాదిస్తున్నావేమిటీ?” అని ప్రశ్నించాడు.

“ఏమీ లేదు” అని సమాధానమిచ్చాడు ఫిరోజ్ షా.

ఆ సమాధానానికి చలించిపోయి “నీకు ప్రతినెల రూ.200/- జీతం ఇమ్మని మీ నాన్నగారికి చెబుతాను” అన్నాడు ఆయన.

ఆయన అన్నట్లుగానే ఫీరోజ్ షాకి ప్రతినెల జీతం వచ్చే ఏర్పాటయింది. బాబా అనుగ్రహం ఆయన భక్తులపై ఆధ్యాత్మికంగానే కాకుండా ప్రాపంచిక విషయాలకు సంబంధించి కూడా ప్రసరింపబడుతూ ఉంటుంది.

కాలానికి అతీతంగా నివారణ - ఊదీ

కొద్ది రోజులలోనే ఫిరోజ్ షాకి తీవ్రమయిన జ్వరం వచ్చి ప్రమాదకర స్థితిలో ఉంది. వైద్యులు తమకు తెలిసిన వైద్యం అంతా చేసారు గాని ఏ విధంగాను అతని ఆరోగ్యం మెరుగుపడలేదు.

ఆ రోజు రాత్రి అతనికి స్వప్నం వచ్చింది. సాయిబాబా అతనిని ఒక నిచ్చెన మీదకి ఎక్కించి, షిరిడీలోని పవిత్రమయిన మసీదులో దిగబెట్టారు. అక్కడ అతనిని పవిత్రమయిన ఊదీతో అభిషేకించారు. అతని శరీరమంతా ఊదీ రాసారు. ఆ వెంటనే ఫిరోజ్ షాకి వళ్ళంతా చెమటలు పట్టి జ్వరం తగ్గిపోయింది.

మరునాడు డాక్టర్ వచ్చాడు. ఫిరోజ్ షాకి జ్వరం తగ్గిపోవడం చూసి ఆశ్చర్యపోయాడు. అంత తొందరగా తగ్గిపోవడం నమ్మలేని విషయం. క్రితం రోజు అతను చాలా ప్రమాదకరమయిన పరిస్థితిలో ఉన్నాడు. అటువంటిది ఇంత అకస్మాత్తుగా ఎలా ఆరోగ్యవంతుడయ్యాడు?

ఔషధం చేయలేనిది నమ్మకం చేసింది.

ఫిరోజ్ షా ప్రత్యక్షంగా బాబాను ఎప్పుడూ చూడకపోయినా అతనిలో బాబా మీద భక్తి వృధ్ధి చెందుతూ వచ్చింది. బల్లమీద ఉన్న ఏ బాబా ఫోటోనయితే ఎత్తలేకపోయాడో దానిని ప్రతిరోజూ పూజించసాగాడు.

బాబా మీద అతనికున్న గౌరవం కల్మషంలేనిది.

మార్చ్, 15, 1931 న అతను ఘోడ్ బందర్ రోడ్డులో వెడుతూ ఉండగా ‘సాయిబాబా లేన్’ అనే సూచిక బోర్డు కనిపించింది. అతని మనసులో ఏదో తెలియని భావం మెదిలింది. ఆ బోర్డునే గమనిస్తూ ఆ దారి ఎక్కడికి వెడుతుందో చూసుకుంటూ వెళ్ళాడు. చివరికి సాయి ప్రధాన్ బాగ్ అనే ప్రదేశానికి చేరుకొన్నాడు. అంతర్గతంగా బాబా తనకు ఇంకా ఆధ్యాత్మిక దారివైపు నడిపిస్తున్నారన్నట్లుగా ప్రగాఢమయిన నమ్మకం కలిగింది. తాను ఎప్పటినుండో తెలుసుకోవాలనుకుంటున్న సమాచారానికి ఆధ్యాత్మిక సంబంధం దొరికిందని చివరికి తెలుసుకున్నాడు.

ఈ విలువయిన సమాచారాన్ని ఆర్.బి. మోరేశ్వర్ ప్రధాన్ గారు శ్రీ సాయిలీల సంపాదకులయిన శ్రీ ఆర్.ఎ. తర్ఖడ్ గారికి వివరించారు.

మరాఠీ నుండి ఆంగ్లానువాదం షంషాద్ మిర్జా

రాబోయే ద్వైమాస పత్రిక నవంబరు, డిసెంబరు, 2025 సంచికలో కొనసాగింపు ఉంటుంది. అది రాగానే మీకు అందిస్తాను.

(ఈ సంచికలో ఇది సమాప్తం)

(సర్వం శ్రీ సాయినాధార్పణమస్తు)

బాబా నాకు షిరిడీలో చూపించిన మొట్టమొదటి అనుభూతి 2011 వ.సం.లో ఇదే బ్లాగులో ప్రచురించాను. దానిని మరలా సాయిభక్తులకు వాట్స్ ఆప్ ద్వారా పంపిస్తాను.

నమ్మకానికి పరీక్ష

noreply@blogger.com (tyagaraju) — Thu, 08 Jan 2026 01:47:00 +0000

08.01.2026 గురువారమ్

ఓం సాయి శ్రీ సాయి జయయయ సాయి

సాయి బంధువులకు బాబావారి శుభాశీస్సులు

శ్రీ సాయి మహరాజ్ ప్రసాదించిన అధ్బుత అనుభవాలు

నమ్మకానికి పరీక్ష

ఫిరోజ్ షా గారి వాస్తవిక దృష్టి

మరాఠీ నుండి ఆంగ్లానువాదం.. షంషాద్ మీర్జా

తెలుగు అనువాదం .. ఆత్రేయపురపు త్యాగరాజు,

నిజాంపేట, హైదరాబాద్,

ఫోన్ -- 9440375411 & 8143626744

1917 వ.సం. లో బొంబాయి నుండి శ్రీ హార్మున్ జీ పద్మాజీ, పార్శీ దంపతులు షిరిడీ వచ్చి శ్రీ సాయిబాబావారి దర్శనం చేసుకొన్నారు. సాయిబాబాను ప్రత్యక్షంగా దర్శించుకుని ఆయన దీవెనలు అందుకున్న మహదానందాన్ననుభవించి బాబా ఫోటోతో బొంబాయికి తిరిగి వచ్చారు. ఆ ఫోటోని తమ గృహంలో ఎంతో భక్తిభావంతో ఒక బల్ల మీద పెట్టుకున్నారు.

వారి కుమారుడు ఫిరోజ్ షా అప్పట్లో ఇంకా చదువుకుంటున్నాడు. అతను ఆ ఫోటోని చూసి బాబా మీద మీకంత నమ్మకమేమిటని తల్లిదండ్రులని ప్రశ్నించాడు. “ఎంతోమంది సాధువులున్నారు. వారిలో ఎవరు నిజమయిన వారో దొంగ సాధువులో ఎవరికి తెలుసు” అన్నాడు. మనసులో ఇంకా ఆ సంశయంతోటే ఆ రోజు రాత్రి తన గదిలోకి నిద్రించడానికి వెళ్ళాడు. కాని బాబా ఫోటో, తన తల్లిదండ్రులకు ఆయన మీద ఉన్న నమ్మకం, అతని ఆలోచనలలో ఎన్నో సందేహాలు దోబూచులాడుతూ ఉన్నాయి.

మంచం మీద పడుకుని మనసులోనే మవునంగా బాబాతో సవాలు చేసాడు. “నువ్వే కనక నిజమయిన సాధువువయితె, దానిని నిరూపించే విధంగా నాకేదయినా నిదర్శనం చూపించు.”

అంతే, బాబా అతని సవాలుని స్వీకరించి, నిదర్శనం చూపించారు.

ఆ రోజు రాత్రి ఫిరోజ్ షాకి బ్రహ్మాండమయిన కల వచ్చింది. అతని ముందు బాబా కనిపించి సూటిగా అతని కళ్ళలోకి చూస్తూ ”నేను నిజమయిన సాధువునో లేక దొంగ సాధువునో తెలుసుకోవాలనుకుంటున్నావా? రేపు ఉదయాన్నే నా ఫొటో ఉన్న బల్ల వద్దకు వెళ్ళు. ఆ ఫోటోని తీయడానికి ప్రయత్నించు. నువ్వు దానిని కనక లేవనెత్తగలిగినట్లయితే నేను దొంగ సాధువుని, నువ్వు లేవనెత్తలేకపోతే నేను సత్యం.”

ఉలిక్కిపడుతూ లేచాడు. తనకు వచ్చిన కల, కల కాదు ప్రత్యక్షంగా జరిగినట్లుగా ఉంది. కలో నిజమో తెలియనంత అనుభూతి. అతని హృదయ వేగం పెరిగింది. ఎపుడెపుడు తెలవారుతుందా అని ఆతృతతో ఆలోచిస్తూనే ఉన్నాడు.

తెల్లవారింది. ఒక్క ఉదుటున మంచం మీదనించి లేచి బల్ల దగ్గరకు వెళ్ళాడు. బల్ల మీద ఉన్న బాబా ఫోటోని తీయబోయాడు. ఉహూ…తీయలేకపోయాడు. అంత తేలికగా ఉన్న ఫోటోని తను లేవనెత్తలేకపోవడమా? తన శక్తినంతా ఉపయోగించి ప్రయత్నించాడు. ఒక్క అంగుళం కూడా కదపలేకపోయాడు. కాని, విచిత్రం ఏమిటంటే ఆ ఫోటోని తన బలమంతా ఉపయోగించి లేపడానికి ప్రయత్నించినపుడు ఒక విధమయిన దైవిక శక్తి అందులో నిండిపోయినట్లుగా బల్ల మాత్రం పైకి లేచింది. ఫోటో మాత్రం పైకి ఒక్క అంగుళం కూడా లేవలేదు.

ఆ క్షణంలో ఫిరోజ్ షా లోఉన్న అనుమానం కాస్తా పటాపంచలయిపోయింది. అతని హృదయంలో బాబా మీద విశ్వాసం పొంగిపొరలింది. ఫోటోముందు శిరసు వంచి నమస్కరించి సాయిబాబాయే తన అసలయిన గురువు, మార్గదర్శకుడని అంగీకరించాడు.

(తరువాత ఫిరోజ్ షాకు బాబా ఊదీతో వైద్యం చేయుట)

(ముందు ముందు బాబా నాకు ఇచ్చిన అనుభవాలను కూడా ప్రచురిస్తాను. కొన్ని సంవత్సరాల క్రితం ప్రచురించినట్లే గుర్తు. కాని ఎక్కడా దొరకలేదు. మరలా ప్రచురిస్తాను)

(సర్వం శ్రీ సాయినాధార్పణమస్తు)

శ్రీ సాయిబాబా వారి ప్రేరణతో --- ఆయన లీలల రచన - 8 వ.భాగమ్

noreply@blogger.com (tyagaraju) — Tue, 06 Jan 2026 07:15:00 +0000

06.01.2026 మంగళవారమ్

సాయి బంధువులకు బాబావారి శుభాశీస్సులు

శ్రీ సాయిలీల ద్వైమాసపత్రిక సెప్టెంబరు – అక్టోబర్, 2025 సంచికలో ప్రచురింపబడిన బాబా లీలలకు తెలుగు అనువాదం ఎనిమిదవ భాగమ్ ఈ రోజు మీకు అందిస్తున్నాను.

ఆంగ్ల రచయిత ; శ్రీ ధనేష్ జుకార్

తెలుగు అనువాదం ; ఆత్రేయపురపు త్యాగరాజు

నిజాంపేట, హైదరాబాద్,

ఫోన్. 9440375411, 8143626744

శ్రీ సాయిబాబా వారి ప్రేరణతో --- ఆయన లీలల రచన - 8 వ.భాగమ్

శ్రీ సాయి సత్ చరిత్రలో ఎంతోమంది భక్తుల గురించి వివరింపబడింది. అయినప్పటికీ నేను ఈ భక్తులందరి గురించి క్లుప్తంగా పద్య రూపంలో చరణాలను రచిద్దామనే ప్రేరణ కలిగింది కొత్త తరంవారు వాటిని చదివినపుడు వారికి శ్రీ సాయి సత్ చరిత్రను చదవాలనే ఆసక్తి కలిగి సాయిభక్తి ఆరోజుల్లో ఎంత ప్రగాఢంగా ఉండేదో అర్ధం చేసుకొంటారు. నేను నాలో కలిగిన ఈ ఆలోచనని కొంతమంది సాయిభక్తులతో చర్చించినపుడు వారు నన్ను సాయి భక్తుల మీద పద్యాలు వ్రాయమని ప్రోత్సహించారు.

ప్రారంభంలో శ్రీ సాయి సత్ చరిత్రను ఆధారం చేసుకుని షిరిడీ శ్రీ సాయి మందిరంలో ఏ భక్తుల ఫొటోలయితే పెట్టబడి ఉన్నాయో వారి గురించి వ్రాయడానికి నిర్ణయించుకొన్నాను. ‘అమృతధార’, ‘సాయి గెజెట్’, డా.విన్ని గారి పుస్తకాలలో ప్రచురింపబడిన విషయాల ద్వారా సమాచారాన్ని సేకరించాను. ఆ విధంగా ‘శ్రీ సాయి భక్త స్తుతి’ పుస్తకం రూపు దిద్దుకుంది.

వీరందరూ నిజమయిన, స్వచ్చమయిన సాయి భక్తులు. వారు నవవిధ భక్తులను పూర్తిగా ఆచరణలో పెట్టి తమ శరీరాన్ని, మనస్సునూ, జీవితాన్ని సాయికి అంకితం చేసి తమ జీవితాలను ధన్యం చేసుకొన్నారు. వారు సాయి మీద భక్తి కోసం ఎంతగానో శ్రమించి తమ జీవితాన్ని త్యాగం చేశారు. అందువల్లనే వారి జీవితాలు మనకి ఆదర్శప్రాయం. ఒకవేళ అనుకోకుండా పొరబాటున ఏ సాయిభక్తుల పేర్లయినా మర్చిపోయి ఉంటే కనక వారి పాదాలకు నేను వినమ్రంగా క్షమాపణలు వేడుకొంటున్నాను.

సాయి భక్తులను ప్రశంసిస్తూ ఈ విషయాలను వ్రాస్తున్నపుడు భక్తులయొక్క నమ్మకం మరియు సాయిబాబా మీద ప్రేమ ఎల్లవేళలా ప్రతిబింబిస్తూ ఉంటాయి. శ్రీ సాయి సత్ చరిత్రలో చెప్పబడినట్లు “పద్యరచనలో వ్యాకరణ దోషాలతో పద్యాలు అంత బాగాలేకపోయినా, సంకల్పం స్వచ్చమయినది, భక్తి నిజమయినది అయితే సాయి వాటిని ఆమోదిస్తారు.” ఆ ఉత్సాహంతోనే నా ఈ సాయిభక్తి స్తుతి రచనను సాయి చరణాల వద్ద సమర్పిస్తున్నాను. ఇందులో నా కల్పితమయిన తెలివితేటలు ఏమీ లేవు. అంతా సాయి సద్గురువు ప్రేరణ మరియు సాయికి నేను చేసుకుంటున్న సేవ మాత్రమే.

ఆ విధంగా శ్రీ సాయిబాబా వారి కృపను పొందిన భక్తులలాగె మన భావాలు, మరియు సాయి మీద నమ్మకం మరింతగా బలీయమై ఆయన దయ, పాఠకులు, మరియు శ్రోతలందరి హృదయాలలోను పరిమళించు గాక అని ప్రార్ధిస్తాను. నేటి కొత్త తరానికి సాయిభక్తిని అంతర్గత శక్తిగా రూపొందించుకొని, ఆ జ్ఞానానికి విద్యార్ధులుగా రూపొందమని కోరుతున్నాను. ఆ విధంగా మీకు సద్గురు సాయిబాబా వారి అనుగ్రహం ఎల్లవేళలా లభిస్తుంది.

ఈ పుస్తకానికి ఐ ఎస్ బి ఎన్ సంఖ్య తప్పనిసరి కాబట్టి ప్రచురణ కర్త రచయిత పేరు కావాలన్నాడు. నా అహంకారాన్ని నియంత్రించుకునే ఉద్దేశ్యంతో నా పేరు ప్రచురించడానికి నేను ఇష్ట పడలేదు. మరునాడు ప్రచురణ కర్తను కలిసి సాయి నాలో ఏ పేరును ప్రేరేపిస్తారో దానినే చెబుదామని నిశ్చయించుకున్నాను. ఆ విధంగా మరుసటిరోజు నేను ప్రచురణ కర్తను కలవడానికి బయలుదేరుతూ ఇంటి బయటకు రాగానే ఇంటి ముందు నుంచి ఒక లారీ వెడుతోంది. దాని మీద ‘సాయిధాన్’ అని వ్రాయబడి ఉంది. బాబా సూచించినది ఆ పేరే అని గుర్తించి దానినే ప్రచురణ కర్తకి తెలిపాను. అతను కూడా ఆ పేరు బాగుందని అన్నాడు.

ఈ పుస్తకం సాయిభక్తులు వారియొక్క భక్తిని గురించి తెలుపుతుంది. వారియొక్క సాయిభక్తి నిజమయిన ధనం. ‘సాయి భక్తి స్తుతి’ పుస్తక రచనకు కేవలం నేను నిమిత్త మాత్రుడిని. అత్యంత వినయంతో శ్రీ సాయిబాబా వారి దివ్య చరణాలకు నా నమస్కారాలను తెలియచేసుకుంటున్నాను.

దినేష్ జుకర్

(సమాప్తం)

(తరువాతి సంచికలో నేను అనువాదం చేయడం మరచిన పవిత్రమయిన బాబా ఊదీ)

(సర్వం శ్రీ సాయినాధార్పణమస్తు)

శ్రీ సాయిబాబా వారి ప్రేరణతో --- ఆయన లీలల రచన - 7 వ.భాగమ్

noreply@blogger.com (tyagaraju) — Thu, 01 Jan 2026 02:37:00 +0000

01.01.2026 గురువారమ్

సాయి బంధువులకు బాబావారి శుభాశీస్సులు

క్రొత్త సంవత్సరానికి స్వాగతమ్ పలుకుతూ సాయిబంధువులందరికీ బాబా వారు

తమ ఆశీస్సులను అందచేయాలని ప్రార్ధిస్తున్నాను. ఆయనకు కూడా మనమందరం

శుభాకాంక్షలు తెలుపుదాము...ఓమ్ సాయిరామ్

శ్రీ సాయిలీల ద్వైమాసపత్రిక సెప్టెంబరు – అక్టోబర్, 2025 సంచికలో ప్రచురింపబడిన బాబా లీలలకు తెలుగు అనువాదం ఏడవ భాగమ్ ఈ రోజు మీకు అందిస్తున్నాను.

ఆంగ్ల రచయిత ; శ్రీ ధనేష్ జుకార్

తెలుగు అనువాదం ; ఆత్రేయపురపు త్యాగరాజు

నిజాంపేట, హైదరాబాద్,

ఫోన్. 9440375411, 8143626744

శ్రీ సాయిబాబా వారి ప్రేరణతో --- ఆయన లీలల రచన - 7 వ.భాగమ్

ఇటువంటి లీలలు లెక్కలేనన్ని ఎన్నో విషయాలు, సాయిబాబా ఇంకా మనమధ్య అదృశ్యంగా ఉన్నారనే విషయాన్ని తెలియచేస్తాయి. సాయి ఎల్లప్పుడూ మనతోనే ఉంటారనీ, ఆయన అనుగ్రహం మనపై ఎల్లవేళలా ప్రసరిస్తూ ఉంటుందనే విషయాన్ని ఈ లీలలన్నీ మనకు గుర్తు చేస్తూ ఉంటాయి.

సాయిబాబా తన దయను మనపై కురిపిస్తూ ఉన్నారనీ, అనుక్షణం మన యోగక్షేమాలను చూస్తూ మనలను కనిపెట్టుకుని ఉంటారనే విషయం మనకు ఎన్నోసార్లు వెల్లడయింది.

కాని ఇపుడు ఈ వ్యాసం వ్యారడానికి గల ముఖ్యోద్దేశ్యం ప్రత్యేకించి ఒక పుస్తకం గురించి కాబట్టి దీనిలోని ప్రతి పదం బాబావారియొక్క అనుగ్రహం, దయ ఎంతగా వెల్లడి చేస్తూ ఉందో, దానిని మనం భక్తి భావంతో అర్ధం చేసుకుని ఆయనకు కృతజ్ఞతలు తెలుపుకుందాము.

సంవత్సరాలు గడిచే కొద్దీ బాబా మీద నాకున్న భక్తి ఆయనకు సంబంధించిన ఎన్నో పుస్తకాలను చదివేలా చేసింది. బాబా దయవల్ల నేను ఎన్నో భక్తి పాటలను వ్రాయగలిగాను. గొప్ప సంగీతకారులు వాటిని స్వరపరిచారు. పేరుగాంచిన గాయకులు వాటిని పాడారు. వాటినన్నిటినీ ఒక ఆడియో, సి డి రూపంలో తయారుచేసి ప్రేమతో బాబాకు అంకితమిచ్చాను.

ఇవన్నీ కాకుండ, నేనొక గొప్ప సాయిభక్తుడిని కాబట్టే తన గురించి వ్రాయడానికి బాబా నన్ను ఎన్నుకున్నారనే ఒక విధమయిన అహంకారం నన్ను చుట్టుముట్టే ప్రమాదం ఉందనే భయం కొద్ది సంవత్సరాలుగా నన్ను వెంటాడుతూ ఉంది. ఎవరెంత కాదనుకున్నా ఈ రకమయిన అహంకారం మనకు తెలియకుండానే మనలోకి నెమ్మదిగా ప్రవేశిస్తుంది. నేను ఎంతమంచి సాయి భక్తుడినో అని ఆలోచిస్తూ కొన్ని సంవత్సరాలు అహంకారంతో గడిపాననే విషయాన్ని వినయపూర్వకంగా ఒప్పుకుంటున్నాను. కాని అది ఎంత ప్రమాదకరమో నాకు తెలుసు. ఈ అహంభావంనుండి బయట పడటం, గర్వాన్ని వదిలించుకోవడం చాలా కష్టం. అయినప్పటికీ సాయి యొక్క దయ కరుణామయమైనది. ప్రతిరోజు శ్రీ సాయి సత్ చరిత్రను పారాయణ చేస్తూ ఉండటం వలన నాలో వినయం తిరిగి రావడానికి తగిన శక్తి లభించింది. శ్రీ సాయి సత్ చరిత్రలో వివరింపబడిన భక్తులు బాబాకు ఎంతటి సేవ చేసుకున్నారో, శరణాగతి చేసుకున్నారో చదివిన తరువాత నేనింకా ఏ స్థాయిలో ఉన్నానో నాకు శ్రీ సాయి సత్ చరిత్ర గుర్తు చేసింది. అటువంటి మహా భక్తులు శ్రీ సాయిబాబా వారికోసం తమ సర్వస్వాన్ని సమర్పించుకున్నారు. ఆ మహాభక్తులను చూసి మనం నేర్చుకోవలసినది ఎంతో ఉంది.

2018 వ.సం. నుండి శ్రీ సాయి సత్ చరిత్రలో వివరింపబడిన భక్తుల వారసులను కులుసుకునే మహద్భాగ్యం కలిగింది. శ్రీ సాయి సత్ చరిత్రలో పేర్కొన్న ఎన్నో పవిత్రమయిన ప్రదేశాలని సందర్శించి సాయిభక్తి ఎంత ప్రగాఢంగా వ్యాప్తమయి ఉందో అర్ధం చేసుకుంటాను.

(1985 వ.సం.లో శ్రీ ఆంటోనియో రిగోపోలస్ గారు ఆస్ట్రేలియానుండి షిరిడీకి సాయిబాబా మీద పరిశోధన చేయడానికి వచ్చారు. సాయిబాబాను ప్రత్యక్షంగా చూసి, ఆయనతో కలిసి ఇంకా జీవించి ఉన్న భక్తులను కలిసి వారిని ఇంటర్యూ చేసారు. ఆ ఇంటర్యూ విశేషాలను కూడా నేను ఇంతకుముందు అనువాదం చేసి ప్రచురించాను. త్యాగరాజు)

ఇప్పటికీ కొంతమంది అవగాహనా రాహిత్యంతో బాబా ఒక ముస్లిం ఒక ముద్ర వేసి కొంతమందిని తప్పుదోవ పట్టిస్తున్నారు. రెండు మూడు రోజుల క్రితం ఒకామె ఈ విధంగానే బాబా ముస్లిం అని చెప్పడం జరిగింది. శ్రీ సాయి ఎప్పుడూ అల్లా మాలిక్ అనేవారు అనే విషయాన్నే పట్టుకున్నారు తప్ప ఇక మిగిలిన విషయాల మీద ఎటువంటి అవగాహనా లేదు. శ్రీ సాయి సత్ చరిత్రలో పరమ శివుడు పార్వతికి చెప్పిన గురుగీత లోని విషయాలు, ఉపనిషత్తులు, శ్రీ మధ్భగవద్గీతలో శ్రీకృష్ణ పరమాత్మ చెప్పిన విషయాలను క్రోడీకరించి అయిదు సంవత్సరాల క్రితం బాబా నా చేత వ్రాయించుకున్నారు. అది శ్రీ మద్భగవద్గీత ఉపనిషత్తుల సారాంశమే శ్రీ సాయి సత్ చరిత్ర. ఇదే బ్లాగులో ప్రచురించాను...త్యాగరాజు)

ఎవరయినా శ్రీ సాయి సమాధి మందిరంలోకి ప్రవేశించిన తరువాత అక్కడ గోడల మీద చూట్టూతా పెట్టబడి ఉన్న అప్పటి సాయిభక్తుల చిత్రపటాలను చూసినపుడు హృదయం ఎంతగానో ఉప్పొంగుతుంది. సాయిబాబాతో అప్పటి భక్తులందరూ సన్నిహితంగా మెలిగి జీవించి ధన్యులయ్యారు కదా అని ఆలోచిస్తూ ఉంటాను.

వారు ఎప్పుడూ క్రమం తప్పకుండా సాయిబాబా దర్శనం చేసుకుని అప్పుడప్పుడు సాయిబాబా వారు తమ స్వహస్తాలతో ఇచ్చిన ప్రసాదం తీసుకుని, ఆయన స్పర్శను అనుభవించగలిగిన అదృష్టాన్ని పొందగలిగారు. ఆ విధంగా సాయిబాబా జీవించి ఉన్న రోజులను తలచుకుంటూ ఆ కాలంలోకి వెళ్ళిపోయేది నా మనసు.

(ఇంకా ఉంది)

సర్వం శ్రీ సాయినాధార్పణమస్తు)

శ్రీ సాయిబాబా వారి ప్రేరణతో --- ఆయన లీలల రచన - 6 వ.భాగమ్

noreply@blogger.com (tyagaraju) — Tue, 30 Dec 2025 07:16:00 +0000

30.12.2025 మంగళవారమ్

సాయి బంధువులకు బాబావారి శుభాశీస్సులు

ముక్కోటి ఏకాదశి శుభాకాంక్షలు

శ్రీ సాయిలీల ద్వైమాసపత్రిక సెప్టెంబరు – అక్టోబర్, 2025 సంచికలో ప్రచురింపబడిన బాబా లీలలకు తెలుగు అనువాదం ఆరవ భాగమ్ ఈ రోజు మీకు అందిస్తున్నాను.

ఆంగ్ల రచయిత ; శ్రీ ధనేష్ జుకార్

తెలుగు అనువాదం ; ఆత్రేయపురపు త్యాగరాజు

నిజాంపేట, హైదరాబాద్,

ఫోన్. 9440375411, 8143626744

శ్రీ సాయిబాబా వారి ప్రేరణతో --- ఆయన లీలల రచన - 6 వ.భాగమ్

ఇపుడు నేను మరొక స్నేహితురాలి గురించి వివరిస్తాను. ఆమె ఇంటిలో నేను శ్రీ సాయి సత్ చరిత్ర గ్రంధం ఉండటం గమనించాను. ఆమె తన ఉన్నత విద్యాభ్యాసం కోసం విదేశానికి వెడుతూ తన కూడా శ్రీ సాయి సత్ చరిత్రను తీసుకు వెళ్ళింది. ఆ గ్రంధాన్ని తన చెక్కబల్ల సొరుగులో భద్రంగా ఉంచుకుంది. ఒక రోజు రాత్రి ఆమె ఉంటున్న భవనానికి అగ్నిప్రమాదం జరిగింది. రెండు అంతస్తులను అగ్నికీలలు చుట్టుముట్టాయి.

నా స్నేహితురాలి బట్టలు, చదువుకునే పుస్తకాలు ఇంకా ఆమెకు సంబంధించినవన్నీ అగ్నిలో కాలి బూడిదయ్యాయి. కాని బల్లసొరుగులో శ్రీ సాయి సత్ చరిత్ర మాత్రం భద్రంగా ఉంది. సాయియొక్క అనుగ్రహం అత్యంత ముఖ్యమయినదానిని కాపాడింది. ఆమె తన గ్రంధాన్ని ఇంటికి తిరిగి తెచ్చుకుంది. ఎవరయినా ఆ గ్రంధాన్ని పరిశీలిస్తే పుస్తకం మొదటి పేజీలు మాత్రం మంటల వేడికి కాస్త నల్లగా మారాయి. కాని పుస్తకం మొత్తం సవ్యంగా ఉండి పారాయణ చేసుకోవడానికి ఎటువంటి ఇబ్బంది లేని విధంగా ఉంది.

ఇంకా మరొక అధ్బుతమయిన సంఘటన గురించి వివరిస్తాను. నా స్నేహితుని ఇంటిలో ఎన్నో సంవత్సరాలుగా పూజింపబడుతున్న సాయిబాబా ఫొటో ఉంది. వారు తన ఇంటిని మరలా మరమ్మత్తులు చేయించిన కారణంగా పాత ఫోటోని తీసివేద్దామనుకున్నారు. అందువల్ల కుటుంబ సభ్యులందరూ కలిసి ఒక నిర్ణయానికి వచ్చి ఆ ఫోటోని ఎవరికో ఇచ్చేశారు. దాని స్థానంలో కొత్త ఫోటోను పెడదామనుకున్నారు. కాని, వారి ఆశ్చర్యానికి అంతులేని విధంగా ఒక సంఘటన జరిగింది. వారికి బాగా పరిచయం ఉన్నాయన వారి పాత ఫోటోను తీసుకువచ్చారు. తాను దానిని ఒక పాత సామానులు అమ్మే దుకాణంలో కనిపిస్తే పట్టుకొచ్చినట్లు చెప్పాడు. నా స్నేహితుడికి కన్నీళ్ళు ఆగలేదు. తాము ఆ పాత ఫోటోని తీసేసి దాని స్థానంలో కొత్త ఫోటో కొని పెడదామనుకున్నారు కాని ఆపని చేయడం ఆలశ్యమవుతూ వస్తోంది. కాని పాత ఫోటోయే మా ఇంటికి తిరిగి వచ్చింది. దీనిని బట్టి బాబా మా ఇంటిని ఒక్క క్షణం కూడా వీడదలచుకోలేరని అర్ధం అయిందని నా స్నేహితుడు చెప్పాడు. ఎంతో సిగ్గుపడుతూ వినయపూర్వకంగా సాయిబాబాను క్షమించమని వేడుకొని తిరిగి ఆ ఫోటోని పూర్వపు స్థానంలో యధాప్రకారంగా పెట్టారు. దీనిని బట్టి సాయి ఎన్నటికీ మనలను వదలి వెళ్లరనే విషయాన్ని స్పష్టంగా తెలియచేశారు.

(ఇంకా ఉంది)

(సర్వం శ్రీ సాయినాధార్పణమస్తు)

శ్రీ సాయిబాబా వారి ప్రేరణతో --- ఆయన లీల రచన - 5 వ.భాగమ్

noreply@blogger.com (tyagaraju) — Tue, 23 Dec 2025 12:25:00 +0000

23.12.2025 మంగళవారమ్

సాయి బంధువులకు బాబావారి శుభాశీస్సులు

శ్రీ సాయిలీల ద్వైమాసపత్రిక సెప్టెంబరు – అక్టోబర్, 2025 సంచికలో ప్రచురింపబడిన బాబా లీలలకు తెలుగు అనువాదం నాలుగవ భాగమ్ ఈ రోజు మీకు అందిస్తున్నాను.

ఆంగ్ల రచయిత ; శ్రీ ధనేష్ జుకార్

తెలుగు అనువాదం ; ఆత్రేయపురపు త్యాగరాజు

నిజాంపేట, హైదరాబాద్,

ఫోన్. 9440375411, 8143626744

శ్రీ సాయిబాబా వారి ప్రేరణతో --- ఆయన లీలల రచన - 5 వ.భాగమ్

ఆ వృధ్ధుడికి గాని ఆ ఇంటిలోని వారెవరికీ ఆ ఫోటోలొ ఉన్నది సాయిబాబా అని తెలీదు. ఆ వృధ్ధుడు తన అక్కగారిని పిలిచాడు. ఆవిడకి 90 సంవత్సరాలుంటాయి. ఆవిడని పిలిచి ఆఫోటొ గురించిన వివరాలు అడిగాడు. ఆవిడ, “మా ఇంటికి ఎంతోమంది వస్తూ ఉండేవారు. కొద్దిరోజులు ఇక్కడ ఉండి వెడుతూ ఉండేవారు. అహ్మద్ నగర్ లో ఉండే మా దూరపు బంధువులలో ఒకామె కోడలికి ఈ ఫకీరంటే ఎంతో గాఢమైన నమ్మకం ఉండేది.

ఆమె తన వృధ్ధాప్యంలో ఇక్కడికి వచ్చింది. ఇక్కడ ఉండగానే ఆమె మరణించింది. ఈ ఫోటో ఆమె ట్రంకు పెట్టెలో దొరికింది. ఈ ఫకీరు మీద ఆమెకి ఎంతో నమ్మకం, భక్తి ఉండటం వల్ల నేను ఈ ఫొటోని మాత్రమే ఉంచి గోడమీద తగిలించాను. ఆమెకు సంబంధించిన మిగతా సామానంతా బయటివారికి ఇచ్చేశాము. ఇది జరిగి చాలా సంవత్సరాలయింది. ఈ విషయం నేనెవరికీ చెప్పలేదు. నన్నెవరూ అడగలేదు కూడా” అని వివరించింది.

ఆ కుటుంబంలోనివాళ్ళందరూ ఈ విషయం విని నోట మాటలేకుండా శిలా విగ్రహాల్లా నుంచుండి పోయారు.. అసలు ఊహించని ఆ ప్రదేశంలో సాయిబాబా మరొక్కసారి తన ఉనికిని చాటుకున్నారు. బాబా కనిపించిన ఆనందంతో ఇంటికి తిరిగి వచ్చాము. ఈ సంఘటన కారణంగా మా నమ్మకం మరింతగా బలపడింది. ఇది రాస్తున్న సమయంలో నా హృదయంలో ఈ మాటలు ప్రతిధ్వనిస్తున్నాయి. “నేనెక్కడికి వెళ్ళినా నా తోడు నువ్వే”. నిజం చెప్పాలంటే ఈ ప్రపంచంలో సాయి లేని ప్రదేశమే లేదు.

సాయి భక్తి అనేది మరే ఇతర భక్తి కన్నా భిన్నంగా కేవలం సాయిబాబా మందిరాలకు, ఆచారవ్యవహారాలకు మాత్రమే పరిమితం కాదు. అది సాయి భక్తులందరి హృదయాలలో గూడు కట్టుకొని ఉంటుంది. అది తనంతటతానుగా ఊహించని రీతిలో బయటపడుతుంది. సాయి భక్తులు కేవలం బాబా లీలలు ఆయన చేసిన చమత్కారాల గురించే మాట్లాడుకోరు. వారు బాబాతో తమకు కలిగిన అనుభవాలను పంచుకుంటూ ఉంటారు. అంతే కాదు క్షణకాలంలో జరిగిన దివ్యమయిన సంఘటనలను కూడా ఎంతో ఉద్వేగభరితంగా వివరిస్తూ ఉంటారు. సాయిబాబా మీద సాయిభక్తులకు ఉన్న నమ్మకం ధృఢమైనది. చెక్కుచెదరనిది.

అటువంటి అధ్భుతమయిన ఒక సంఘటన నా సన్నిహిత సనేహితురాలు వివరించింది. ఆమెలో ఎంతో ప్రగాఢమైన ఆధ్యాత్మికత నిండి ఉంది. ఆమె గొప్ప సాయి భక్తురాలు. ఆమె లండన్ లో ఉన్నపుడు ఒకరోజున ఒక ఫలహారశాలకు (రెస్టారెంట్) కు వెళ్ళింది. అక్కడ ప్రశాంతంగా కూర్చుని ఉన్న సమయంలో అకస్మాత్తుగా ఆమెకు సాయిబాబాను చూడాలని మనసులో గాఢంగా అనిపించింది. ఏదోవిధంగా సాయి, దర్శనం ఇస్తాడనే భావంతొ ఉంది. కాని లండన్ లో సాయిబాబా మందిరాలు ఏమన్నా ఉంటాయా అని వింతగా ఆలోచిస్తూ ఉంది. అదే సమయంలో ఆమె కూర్చున్న రెండు మూడు బల్లల అవతల ఒక భారతీయ కుటుంబం వారు కూర్చొని ఉన్నారు. కొద్ది నిమిషాలలోనే అక్కడ కూర్చున్నవారిలో ఒకామె మొబైల్ మ్రోగింది. మసక వెలుతురులో ఆమె మొబైల్ తెర వెలిగింది. అందులో ఆమె తన మొబైల్ లో లాక్ స్క్రీన్ గా పెట్టుకున్న సాయిబాబా వారి ఫొటొ మెరుస్తూ కనిపించింది.

నా స్నేహితురాలికి ఎంతో సంతోషం కలిగింది. ఒక విదేశీ గడ్డపై ప్రశాంతంగా ఉన్న ఒక రెస్టారెంట్ లో తను సాయిబాబా గురించి ఆలోచించిన మరుక్షణమే సాయిబాబా దర్శనం కలగడం ఎంతో అధ్భుతం అనిపించింది. ఆమె ఎంతటి ఆనందాన్ని అనుభవించి ఉంటుందో సాయిభక్తులు మాత్రమే ఊహించుకోగలరు. “ఎక్కడయితే భక్తి ఉంటుందో అక్కడ సాయి ఉంటారు.”

(ఇంకా ఉంది)

(సర్వం శ్రీ సాయినాధార్పణమస్తు)

శ్రీ సాయిబాబా వారి ప్రేరణతో --- ఆయన లీల రచన - 4 వ.భాగమ్

noreply@blogger.com (tyagaraju) — Thu, 18 Dec 2025 01:52:00 +0000

18.12.2025 గురువారమ్

సాయి బంధువులకు బాబావారి శుభాశీస్సులు

ఆంగ్ల రచయిత ; శ్రీ ధనేష్ జుకార్

తెలుగు అనువాదం ; ఆత్రేయపురపు త్యాగరాజు

నిజాంపేట, హైదరాబాద్,

ఫోన్. 9440375411, 8143626744

నా నిర్లక్ష్యాన్ని సరిచేసిన బాబా

నేను నిత్యం పారాయణ చేస్తున్న శ్రీ సాయి సత్ చరిత్ర ఫోటోలు చూడండి.

గత సంవత్సరాలుగా పారాయణ గ్రంధం బైండు అట్ట ఊడిపోయి ఉంది. దానికి గమ్ టేపులు వేసి జిగురు పెట్టి అతికించి అలాగె పారాయణ చేస్తు ఉన్నాను. మళ్ళీ అన్నీ ఊడిపోయినా అలాగే పారాయణ చేస్తూ ఉన్నాను. ఎందుకంటే దానికి ఇక సరి చేయడానికి కూడా అనువుగా లేదు. వారం రోజుల క్రితం బాబా నా కలలో ఒక అపరిచిత వ్యక్తి రూపంలో కనిపించి పారాయణ పుస్తకం అట్టలను తీసి పక్కన పడేసి పుస్తకం ఉంచుకోమన్నారు.

రెండు రోజుల తరువాత నేను ఆ అట్టలను తీసేసి పుస్తకానికి మరొక అట్టను వేసాను. ఆ పని ఎప్పుడో చేసి ఉండవలసింది. ఏమిటో అలా చేయకుండా ఊడిపోయిన అట్టతోనే ఇబ్బంది అనుకోకుండా పారాయణ కొనసాగించాను. ఇప్పుడు కొత్తగా అట్ట వేసిన తరువాత చదవడానికి సౌకర్యంగా ఉంది. ధన్యవాదాలు బాబా. (త్యాగరాజు)

శ్రీ సాయిబాబా వారి ప్రేరణతో --- ఆయన లీల రచన - 4 వ.భాగమ్

బాబా గురించి నేను ఆయనకు వివరిస్తుండగానే ఆయన కొడుకు, ఇంకా ఆయన మిగతా కుటుంబ సభ్యులు, బంధువులు మా వద్దకు వచ్చారు. ఆ దర్గాని, వాళ్ళు తాము స్వంతంగా నిర్మించుకున్నది అని చెప్పారు. మరుసటి రోజు మమ్మల్ని వాళ్ళింటికి టీ కి ఆహ్వానించారు.

మేము అలాగే వస్తామని చెప్పాము. తిరిగి వెళ్ళేటప్పుడు ఆయన మాకూడా వచ్చారు. ఆయనతో మాట్లాడుతూ దారి మధ్యలో ఆయనతో నేను యధాలాపంగా “గత సంవత్సరాలనుండి నేటి వరకు నేను ఎక్కడికి వెళ్ళినా సాయి భక్తులని కలుసుకుంటూ ఉన్నాను. అందువల్ల ఇక్కడ కూడా సాయిబాబాతో ఒక విధమయిన సంబంధం ఉందని నాకనిపిస్తోంది” అన్నాను. నేనన్న మాటలకి ఆయననుంచి ఎటువంటి స్పందనా లేదు.

మరుసటి రోజు సాయంత్రం మేము ఆయన ఇంటికి వెళ్ళాము. దానిని ఇల్లు అనేకంటే పెద్ద రాజభవనం అంటే తగినట్లుగా ఉంటుంది. భవనం ఆరుబయట ఫౌంటెన్స్ నాట్యం చేస్తూ కనపడ్డాయి. భవంముందు కార్లు నిలిపే ప్రదేశంలో వింటేజ్ రోల్స్ రాయస్ కార్లు తళతళ మెరుస్తూ ఉన్నాయి. మమ్మల్ని హాలులోకి తీసుకువెళ్లారు. ఆహాలును చూస్తే వారెంతటి ధనవంతులో చెప్పకనే చెబుతోంది. ఖరీదయిన సోఫాలు, హాలు మధ్యలో బిలియర్డ్స్ టేబులు ఉన్నాయి. ఆ వెంటనే ఆయన, వారి కోడలు మాకు టీ, బిస్కెట్లు తీసుకువచ్చారు.

ఆ పెద్ద హాలులో గోడమీద వారి పూర్వీకులయిన తాతముత్తాతల ఫోటోలు, గతించిన వారి ఇతర కుటుంబ సభ్యుల ఫోటోలు తగిలించి ఉన్నాయి. ఇంకా వారి తాతముత్తతలు వేటాడి చంపిన జంతువుల తలలు కూడా వారి శౌర్యానికి గుర్తుగా గోడకి అలంకరింపబడి ఉన్నాయి. ఆ హాలు చూడటానికి ఒక మ్యూజియం లా ఉంది. గోడల మీద విదేశీ ప్రముఖుల చిత్తరువులు, మన దేశానికి సంబంధించిన పేరుపొందిన ప్రముఖుల చిత్ర పటాలు అందంగా అమర్చారు. గోడల మీద అమర్చబడిన విదేశీప్రముఖుల చిత్రపటాలు, మనదేశపు పేరు ప్రఖ్యాతులు పొందిన ప్రముఖుల ఫోటోలను చూస్తూ ఉన్నాను.

అంతలో నా చూపులు ఒక చిన్న ఫోటో మీద పడ్డాయి. ఆ ఫోటో చూడగానే నా కళ్ళల్లోంచి అకస్మాత్తుగా కన్నీళ్ళు ఉబికి రాసాగాయి. ఆ ఫోటో ఆయనే నా సాయిబాబా.

కఫనీ ధరించి ఉన్నారు. భుజానికి గుడ్ద సంచి జోలి వేలాడుతూ ఉంది. మరొక చేతిలో మగ్గు పట్టుకుని షిరిడీలో భిక్ష కోసం వెడుతున్నట్లుగా ఉన్నారు. అన్ని పెద్ద పెద్ద చిత్రపటాల మధ్యలో చిన్న అరచేయంత పరిమాణం మాత్రమే ఉన్న ఫోటో.

ఆనందంతో ఉక్కిరిబిక్కిరి అయ్యి గట్టిగా అరిచేసాను. “చూడండి---ఈయనే సాయిబాబా” అంటూ పెద్ద పెద్ద ఫోటోల మధ్యలో ఉన్న ఆ చిన్న ఫోటోని చూపించాను.

( బాబా చిన్న ఫోటో అక్కడికి ఎలా వచ్చింది?)

(ఇంకా ఉంది)

(సర్వం శ్రీ సాయినాధార్పణమస్తు)

శ్రీ సాయిబాబా వారి ప్రేరణతో --- ఆయన లీల రచన - 3 వ. భాగమ్

noreply@blogger.com (tyagaraju) — Tue, 16 Dec 2025 03:13:00 +0000

16.12.2025 మంగళవారమ్

సాయి బంధువులకు బాబావారి శుభాశీస్సులు

శ్రీ సాయిలీల ద్వైమాసపత్రిక సెప్టెంబరు – అక్టోబర్, 2025 సంచికలో ప్రచురింపబడిన బాబా లీలలకు తెలుగు అనువాదం ఈ రోజు మీకు అందిస్తున్నాను.

ఆంగ్ల రచయిత ; శ్రీ ధనేష్ జుకార్

తెలుగు అనువాదం ; ఆత్రేయపురపు త్యాగరాజు

నిజాంపేట, హైదరాబాద్,

ఫోన్. 9440375411, 8143626744

శ్రీ సాయిబాబా వారి ప్రేరణతో --- ఆయన లీల రచన - 3 వ. భాగమ్

మేము శ్రీ సాయి సత్ చరిత్రను పారాయణ ప్రారంభించి క్రమం తప్పకుండా సాయి ధామాన్ని దర్శించుకుంటున్నాము. మాకు ఎప్పుడు వెళ్ళాలనిపిస్తే అప్పుడు షిరిడీకి వెళ్ళి వస్తున్నాము. ఆ విధంగా జరుగుతూ ఉండటం మాలో నమ్మకాన్ని బలపరచడానికా లేక మాలోని ప్రతికూల ఆలోచనలను దూరం చేయడానికా ఏమో! అంతా బాబాకు మాత్రమే తెలుసు. ఆయన యొక్క దయ స్పష్టంగా ఉంటుంది. దానిని తప్పు పట్టడానికి వీల్లేదు. శరణాగతి అంటే ఏమిటో మాకు అర్ధమయేలా చేశారు.

ఆరోగ్యపరంగా ఎటువంటి సమస్యలు లేనప్పటికీ, వివాహమయి అయిదు సంవత్సరాలయినా మాకు సంతానం కలగలేదు. ఆ తరువాత బాబా అనుగ్రహం వల్ల మాకు అదికూడా ఒక గురువారమునాడు మగపిల్లవాడు జన్మించాడు. గురువారం సద్గురు సాయికి ఇష్టమయిన రోజు. కొద్ది రోజుల తరువాత నాభార్య ప్రశాంతంగా ఒక విషయం చెప్పింది. తను సంతానం కోసం సాయిబాబాను ప్రార్ధించుకున్నానని చెప్పింది.

ఒక మానవ మాత్రుడిని దేవునిగా భావించి పూజించడమేమిటి అనే భావంతొ ఉన్న నా భార్యలో ఎంత మార్పు?

బాబాకు మా ప్రణామాలు అర్పించుకోవడానికి మనసునిండా కృతజ్ఞతా భావాలను నింపుకుని షిరిడీకి చేరుకొన్నాము.

జీవితం ప్రశాంతంగా ముందుకు సాగుతూ ఉంది. మా ఇద్దరిలో ఎంతో ఉత్తేజితమయిన శక్తి నిండి ఉంది. మేమెక్కడికి వెళ్ళినా మాకు సాయి భక్తులు ఎదురవుతూ ఉండేవారు మొదట్లో వారు మాకు అపరిచితులయినా, తొందరలోనే వారు మాకు ఆత్మీయులయేవారు. మొట్టమొదటగా వారు తమకు కలిగిన అనుభవాలను మాకు చెబుతూ ఉండేవారు. అవి విన్నప్పుడు మాలో నమ్మకం ఇంకా బలపడసాగింది. పాతస్నేహితులు క్రమక్రమంగా కనుమరుగై వారి స్థానంలో గురుబంధువులు వచ్చి చేరారు. వారు కేవలం మాకు స్నేహితులుగా కాకుండా మా కుటుంబ సభ్యులుగా మెలగేవారు.

మరొక ఆశ్చర్యకరమయిన విషయం జరగబోతూ ఉంది. మేము ఏ పట్టణానికి వెళ్ళినా అక్కడ ప్రతిచోటా బాబా మాకు ఆహ్వానం పలుకుతున్నారా అన్నట్లుగా సాయిబాబా మందిరం గాని, సాయిబాబా ఫొటో గాని మాకు దర్శనమిచ్చేది. ఈ మధురమయిన క్షణాలని నేను నా స్నేహితులతో చెప్పినపుడు వారు నమ్మేవారు కాదు. కాని నాకు మాత్రం అంతర్గతంగా ఒక ధీమా “మేమెక్కడికి వెళ్ళినా సాయి మాతో ఉన్నారు”.

ఆ విధంగా జరిగిన మరపురాని సంఘటన ఒకటి వివరిస్తాను.

సెలవులలో నేను, నాబార్య, మా అబ్బాయి ముగ్గురం ఊటీ వెళ్ళాము. మొట్టమొదటిసాయిగా అక్కడ మాకు ఆఫీసు బంగళాలో బస చేసే అవకాశం లభించింది. కాని అక్కడికి చేరుకోగానే అనుకోకుండా ఆఫీసు చైర్మన్ గారు రావడం వల్ల బంగళాకు దూరంగా ఉన్న ఒక హోటల్ లో మాకు బస ఏర్పాటు చేసి అక్కడకు వెళ్లమన్నారు. ఉన్నతాధికారుల ఇష్టాఇష్టాల గురించి మనసులోనే గొణుగుకుంటూ నిరాశతో దూరంగా హోటల్ లో ఇచ్చిన బసకు వెళ్ళడానికి అంగీకరించాము. మరి చేసేదేముంది.

ఆ రోజు సాయంత్రం గది కిటికీ తలుపు తెరవగానే ఎదురుగా అందమయిన కొండ మాకు స్వాగతం పలికింది. నిజం చెప్పాలంటే మేము దిగిన హోటల్ అందమయిన కొండల మధ్య ఉంది. ఒక కొండ పైన మిణుకు మిణుకు మంటూ చిన్న దీపం కనిపించింది. మెరుస్తూ వెలుగుతూన్న ఆ దీపం, బయట వీచే చల్లని గాలి తిమ్మెరలు మనసుకి ఎంతో ఆహ్లాదాన్ని కలిగిస్తున్నాయి. ఆ వెలుగుతూన్న దీపం ఏమిటో చూద్దామని ఆసక్తితో బయటకు వచ్చాము. ఆ దీపకాంతులు వెదజల్లుతున్న కొండ దగ్గరకు రాగానే అది ఒక దర్గా అని తెలిసింది.

గౌరవభావంతో ఆ దర్గాకు నమస్కారం చేసుకున్నాము. అంతలో తెల్లటి గడ్డం ఉన్న వృధ్ధుడు మా వద్దకు వచ్చాడు. మాతో మాట్లాడుతూ మేము హిందువులం అని తెలుసుకుని “మీరు హిందువులు కదా! మరయితే ఇక్కడ దర్గాకు ఎలా వచ్చారు?” అని అడిగాడు. అపుడు నేను “మేము అన్ని చోట్లకి వెడతాము. మా గురువు శ్రీ సాయిబాబా. ఆయన అన్ని మతాలు సమానమే అని బోధించారు” అని సమాధానమిచ్చాను. అపుడాయన కొంతసేపాగి, “సాయిబాబా ఎవరు?” అని ప్రశ్నించారు. ఆయన తన జీవితంలో ఎక్కువ కాలం ఊటీ, మైసూరులలో గడిపారు. అందుచేత అవిదాటి బయటి ప్రపంచం గురించి ఆయనకు తెలీదు. ముంబాయికి ఒకటి రెండు సార్లు వెళ్ళారు అంతే.

(సాయిబాబా అంటే తెలియదు అన్న వ్యక్తి దగ్గరకు బాబా ఎలా తీసుకువచ్చారు? చూద్దాం బాబా ఎక్కడన్నా కనిపిస్తారేమో)

(తరువాతి సంచికలో నా నిర్లక్ష్యాన్నిబాబా ఎలా సరి చేసారో వివరిస్తాను)

(ఇంకా ఉంది)

(సర్వం శ్రీ సాయినాధార్పణమస్తు)

శ్రీ సాయిబాబా వారి ప్రేరణతో --- ఆయన లీలల రచన - 2 భాగమ్

noreply@blogger.com (tyagaraju) — Sat, 13 Dec 2025 06:37:00 +0000

13.12.2025 శనివారమ్

సాయి బంధువులకు బాబావారి శుభాశీస్సులు

ఆంగ్ల రచయిత ; శ్రీ ధనేష్ జుకార్

తెలుగు అనువాదం ; ఆత్రేయపురపు త్యాగరాజు

నిజాంపేట, హైదరాబాద్,

ఫోన్. 9440375411, 8143626744

శ్రీ సాయిబాబా వారి ప్రేరణతో --- ఆయన లీలల రచన - 2 భాగమ్

08.12.2025 గురువారమునాడు ప్రచురించిన సాయిబాబా వారి పవిత్రమయిన ఊదీ రెండవ భాగం సమాప్తం చేశాను. కాని బాబా ఊదీని గురించే కాకుండా మరొక అధ్బుతమయిన బాబా లీల కూడా అందులోనే ఉంది. అది ప్రచురితం కాలేదు. నా వల్ల జరిగిన ఈ పొరపాటు రెండు రోజుల క్రితం అంటే ఇపుడు మీరు చదువుతున్న దానికి మొదటి భాగం ప్రచురించకముందు బాబా స్వప్నం ద్వారా తెలియ చేసారు. నేను ఒక విషయం గురించి ఆలోచిస్తూ పడుకున్నాను. నాకు వచ్చిన స్వప్నం వివరాలు ….

“స్వప్నంలో నేను ఒక సాయి భక్తురాలి నివాసానికి వెళ్ళాను. అక్కడినుండి తిరిగి వెళ్ళేటప్పుడు అక్కడ గదిలో బల్ల మీద సాయిబాబా మాసపత్రికలు తెలుగువి ఉన్నాయి. సాయి భక్తులందరికీ పంచగా మిగిలినవి అక్కడ ఉన్నాయి. బల్ల మీద ఆగస్టు, సెప్టెంబరు సంచికలు.

నేను ఆగస్టు, సెప్టెంబరు, రెండు సంచికలు తీసుకుని ఇంకా కొంతమంది సాయిభక్తులతో కలిసి రోడ్డు మీద నడుస్తూ ఉన్నాను.” ఇంత వరకే వచ్చింది స్వప్నం. నేను ఆలోచిస్తూ ఉన్న విషయానికి సమాధానం సాయిలీల మాసపత్రికలలో బాబా ఏమన్నా సూచించారేమోనని మొన్న అనగా పదకొండవ తారీకు నాడు కొన్ని పేజీలు తిరగేసి చూసాను. నా దగ్గిర వున్న శ్రీ సాయిలీల ద్వైమాస పత్రిక జూలై - ఆగస్టు సంచిక చూసాను. ఏమీ కనపడలేదు. తరువాత సెప్టెంబరు - అక్టోబరు సంచిక రెండు మార్లు చూసాను. నేను ఆలోచించిన విషయానికి సమాధానం దొరకలేదు గాని, బాబా ఊదీకి సంబంధించిన విషయానికి కొంత భాగం కనిపించింది. దీనిని నేను అనువాదం చేసినట్లు లేదే అనుకుని నేను వ్రాసిన పుస్తకం చూసాను. దానిని నేను అనువాదం చేయలేదు. బాబా కనక స్వప్నంలో చూపించకపోయి ఉంటే అది మరుగున పడిపోయి ఉండేది. మరి అతి ముఖ్యమయిన బాబా చూపించిన లీల సాయి భక్తులకు అందించాలిగా. అదేమిటంటే సాయి అంటే నమ్మకం లేని ఒక విద్యార్ధి సాయితో చేసిన చాలెంజ్. బాబా నా చేత ఆవిధంగా మాసపత్రికలను మరొకమారు పరిశీలించేలా చేసారు. అందుచేత ఈ వ్యాసం పూర్తయిన తరువాత దానిని ప్రచురిస్తాను. ధన్యవాదాలు సాయి. ఓమ్ సాయిరామ్.

బాబా నా నిర్లక్ష్యాన్ని ఎలా సరి చేసారో తరువాతి సంచికలో వివరిస్తాను,

ఇక బాబా లీల రచన రెండవ భాగమ్

నా భార్య మహారాష్ట్రలో పుట్టింది. ఆమె ఢిల్లీలో పెరిగి అక్కడే తన చదువంతా కొనసాగించింది. ఆమెకు భగవంతుడి పైన భక్తి. విష్ణువు, శివుడు, దేవి, గణపతి దేవాలయాలంటే ఎంతో పూజ్యభావం ఉంది. కాని ఒక గురువు మానవ రూపంలో ఉంటాడనే ఆలోచన ఆమె మనసులో ఒక సంఘర్షణగా ఉండేది. మానవుడినే భగవంతునిగా పూజించడమంటే ఎప్పుడూ వినని విషయం. మానవ రూపంలోఉన్న గురువుని భగవంతుడు అనడం ఆమెకు కొత్తగా అనిపించేది. నేను ముంబాయిలోని సాయి మందిరాలకు వెడుతున్నా గాని నా భార్య ఎప్పుడూ నాతో వచ్చేది కాదు.

అప్పుడే మా జీవితంలో ఒక మలుపు తిరిగిన సంఘటన జరిగింది.

మా వివాహమయిన కొద్ది రోజులకు వేసవికాలంలో షిరిడికి బయలుదేరి మధ్యాహ్న సమయంలో షిరిడికి చేరుకొన్నాము. ముందుగా హోటల్ లో గది తీసుకొని స్నానాలు కానిచ్చి బాబా దర్శనానికి వెడదామనుకున్నాము. హోటల్ కి చేరుకుని స్నానం చేసి గదినుంచి వచ్చిన వెంటనే అకస్మాత్తుగా శరీరంలో విపరీతమయిన వణుకు వచ్చింది. అంత వేడి వేసవి కాలంలో విచిత్రంగా చలి, వణుకు ఎటువంటి కారణం లేకుండానే బాధించసాగాయి. ఇంతకు ముందెప్పుడూ ఆ విధంగా జరగకపోవడం వల్ల మేమిద్దరం చాలా భయపడిపోయాము. ఏమి జరుగుతోందో నా భార్యకు ఏమీ అర్ధం కావడంలేదు. నాతోపాటుగా తను కూడా సాయిబాబాను తీవ్రంగా ప్రార్ధించడం మొదలుపెట్టింది. పది నిమిషాలలోనే నేను మామూలు స్థితికి చేరుకొన్నాను. పూర్తిగా మామూలు మనిషినయ్యాక వేడి వేడి టీ త్రాగిన తరువాత ప్రశాంతంగా మా మనస్సులు ఉత్తేజభరితమయ్యేంతగా బాబా దర్శనం చేసుకొన్నాము. ఆక్షణంనుండి ప్రతీ విషయంలోనూ మాలో మార్పు మొదలయింది. సర్వశ్య శరణాగతి అంటే ఏమిటో అర్ధమయింది. అప్పటినుండి మేమిద్దరం సాయిబాబాను మనస్ఫూర్తిగా, ప్రగాఢమైన విశ్వాసంతో నమ్మసాగాము.

(ఇంకా ఉంది)

(సర్వం శ్రీ సాయినాధార్పణమస్తు)

శ్రీ సాయిబాబా వారి ప్రేరణతో --- ఆయన లీలల రచన - మొదటి భాగమ్

noreply@blogger.com (tyagaraju) — Thu, 11 Dec 2025 07:57:00 +0000

11.12.2025 గురువారమ్

ఓమ్ సాయి శ్రీ సాయి జయజయ సాయి

సాయి బంధువులకు బాబావారి శుభాశీస్సులు

ఆంగ్ల రచయిత ; శ్రీ ధనేష్ జుకార్

తెలుగు అనువాదం ; ఆత్రేయపురపు త్యాగరాజు

నిజాంపేట, హైదరాబాద్,

ఫోన్. 9440375411, 8143626744

శ్రీ సాయిబాబా వారి ప్రేరణతో --- ఆయన లీలల రచన - మొదటి భాగమ్

కొద్ది రోజుల క్రితం దాదర్ ముంబాయిలో ఉన్న శ్రీ సాయి సంస్థాన్ ను దర్శించుకునే విశేషమయిన అవకాశం కలిగింది. శ్రీ సాయి నాద్వారా మరాఠీ భాషలో వ్రాయించుకున్న పుస్తకం “శ్రీ సాయి భక్త స్తుతి” సాయి భక్తులందరికీ ఉచితంగా పంచడానికి సంస్థాన్ వారి కార్యాలయానికి తీసుకు వెళ్ళాను. ఆ పవిత్రమయిన ప్రదేశంలో శ్రీ సాయి సంస్థాన్ కార్యాలయంలోని కార్యవర్గ సిబ్బందిని కలుసుకున్నాను. తరచుగా సాయి భక్తులందరం కలుసుకున్నపుడు ఎంతో ఆనందంగా మనసు విప్పి మాట్లాడుకొంటూ ఉంటాము. ఆ విధంగా వారిని కలుసుకోగానే వారిని ఆప్తులుగా భావించి వారితో మాట్లాడసాగాను. అప్రయత్నంగానే మేము ఒకరినొకరం బాగా అవగాహన చేసుకుంటూ ఎంతో భక్తితో సంభాషించుకున్నాము.

ఎడిటోరియల్ డిపార్టుమెంటు వాళ్ళు కోరిన మీదట మొదటిసారిగా నేను శ్రీ సాయిబాబా వారు నాకు కలిగించిన అనుభవాలను వ్రాయడానికి నిర్ణయించుకున్నాను. ఈ వ్యాసం ద్వారా “శ్రీ సాయి భక్తస్తుతి” పుస్తకం, భక్తి గురించి మాత్రమే కాకుండా సాయి ఆశీర్వాదాలతో సూక్ష్మమయిన అధ్బుతాలు, అంతర్గతంగా జరిగే పరివర్తనలు, నిశ్శబ్దంగా ప్రవహించే శక్తిని మీతో పంచుకోవాలనుకుంటున్నాను.

నేను పాత ముంబాయిలో జన్మించాను. మా గృహం ఆధ్యాత్మిక వాతావరణంతో ఎంతో ప్రశాంతంగా ఉండేది. అటువంటి గృహంలో నేను జన్మించడం నేను పూర్వజన్మలో చేసుకున్న పుణ్యం. మా ఇంటి పై వాటాలో ఒకావిడ ఉండేది. (ఆమెను నేను అత్తా అని పిలిచేవాడిని). ఆవిడకు శ్రీ సాయిబాబా మీద ధృఢమయిన భక్తి. ఆవిడ అమ్మమ్మ గారు సాయిబాబాను ప్రత్యక్షంగా అంటే బాబా జీవించి ఉన్న రోజులలో చూశారు. శ్రీ సాయి సత్ చరిత్రలో మనకు అంధేరీలో నివసించే పాటిల్ కుటుంబం గురించిన ప్రస్తావన వస్తుంది. ఆ కుటుంబంలోని ఆవిడే ఈమె. అందుచేత సహజంగానే ఆమె తల్లి వద్దనుండే ఈమెకు కూడా సాయి అంటే భక్తి కలిగి ఉంది. మా ఇంటిలో ఎవరయినా పరీక్షకు తయారవుతున్నా, లేక కాస్త అనారోగ్యంతొ బాధ పడుతూ ఉన్నా ఆవిడ మంచి నీళ్ళలో కాస్త ఊదీ కలిపి త్రాగమని ఇస్తూ ఉండేది. దాని వల్ల తమకు ప్రయోజనం కలిగిందని ఊదీని సేవించినవారు చెబుతూండేవారు. వారికి సాయి మీద నమ్మకం ఏర్పడి ఊదీ వల్ల కలిగిన అధ్బుతాలను అనుభూతి చెందేవారు.

నా చిన్న వయసులోనే అంటే నాకు ఆరు లేక ఏడు సంవత్సరాల వయసప్పుడు నేను అత్తతో కలిసి షిరిడీ వెళ్ళాను. అప్పట్లో 1980 వ.సం.లో షిరిడీ ఇంకా చిన్న గ్రామం. చాలా కొద్దిమంది భక్తులు మాత్రమే వస్తుండేవారు. అందుచేత భక్తులందరూ ఒకరితో ఒకరు పరిచయం కలిగి ఉండేవారు. ఇప్పుడు ఉన్నట్లుగా ఆ రోజుల్లో తినడానికి గాని, తగిన ప్రయాణ సౌకర్యాలుగాని అంతగా లేవు. కాని ఆ చిన్న గ్రామం అంతటా సాయి భక్తి, నమ్మకంతో నిండి ఉండేది. ఆ వాతావరణం, అక్కడ వీచే గాలి మనసులో అంతులేని ఆనందాన్ని నింపేది. సమాధి మందిరానికి కూడా చాలా సులభంగానే వెళ్ళేవాళ్ళం. ఆరతి సమయంలో బాబా సమాధి మందిరం దగ్గరగా, చేతిలో వింజామరతో కూర్చొని ఉండటం నాకింగా గుర్తు.

నా మనసులో బలంగా నాటుకున్న ఒక జ్ఞాపకం ఉంది. ఒకసారి మా అత్త నాచేయి పట్టుకుని గురుస్థానంలో ఉన్న పవిత్రమయిన వేపచెట్టు చుట్టు 108 ప్రదక్షిణలు చేయించింది. షిరిడీకి దగ్గరలో ఉన్న సాకోరి, నీమ్ గావ్ వంటి ప్రదేశాలకు ద్రాక్షతోటల గుండా గుఱ్ఱపు బండి మీద గాని, ఎద్దుబండి మీద గాని వెడుతూ ఉన్నపుడు ఎంతో ఆహ్లాదకరంగా సాగేది ఆ ప్రయాణం. మంచి మంచి జామపళ్ళు, తీయని రసం కారే పెద్ద పెద్ద ఎండు ద్రాక్షలు తెచ్చుకునేవాళ్ళం.

మా అమ్మగారు అధ్యాపకురాలు. అందువల్ల నా సమయాన్నంతా మా అత్తతో గడిపేవాడిని చాలా మట్టుకు గురువారాలప్పుడు ముంబాయి లామింగ్ టన్ రోడ్డులో ఉన్న సాయిధామానికి వెడుతూ ఉండేవాళ్ళం.

మా నాన్నగారికి కూడా శ్రీ సాయిబాబా అంటే విపరీతమయిన భక్తి. ఆయనకి మనసులో కోరిక జనించగానే మాకు కూడా చెప్పకుండా చాలా తరచుగా షిరిడీకి వెడుతూ ఉండేవారు. చాలా రోజులు గడిచాక తిరిగి వస్తూ ఉండేవారు. నేను మానాన్నగారితో కలిసి శ్రీ సాయి సత్ చరిత్ర రచయిత అయిన ముంబాయి బాంద్రాలో ఉన్న ధబోల్కర్ గారి ఇంటికి కూడా వెళ్ళినట్లు నాకు జ్ఞాపకం. మా నాన్నగారు జ్యోతిష్యశాస్త్రం చదవనప్పటికీ, జనాలు తరచుగా తమ భవిష్యత్ గురించి తెలుసుకోవాలని మా నాన్నగారి దగ్గరకు వస్తూ ఉండేవారు. సాధారణంగా మా నాన్నగారు చెప్పేవి జరుగుతూ ఉండేవి.

నా జీవితం అలా సాగుతూ ఉండగా, కొన్ని సంవత్సరాలపాటు నేను సాయి భక్తికి దూరమయ్యాను. యుక్తవయసు వచ్చిన తరువాత నాలో కలిగిన చంచల మనస్తత్వం, ఇంకా నేను పెద్దవాడిననే ఒక విధమయిన అహంకారం వల్ల, బాబా అంటే ఆసక్తి పోయి సాయి భక్తి మెల్ల మెల్లగా నా దైనందిన జీవితంలోనుంచి కనుమరుగయింది. సాయిబాబా ఎక్కడో దూరంగా ఉన్నారు, ఎవరయినా కష్టాలు వచ్చినపుడు మాత్రమే ఆయనను పిలవాలనే భావంతో ఉండేవాడిని. కాని బాబా శ్రీ సాయి సత్ చరిత్రలో ఈ విధంగా అన్నారు, “సప్త సముద్రాల అవతల ఉన్నా నా భక్తుడిని నేను పిచ్చుక కాలికి దారం కట్టి లాగినట్లుగా నా దగ్గరకు లాక్కుంటాను.”

(ఇంకా ఉంది)

( తరువాతి సంచికలో… వివాహమయిన తరువాత జీవితంలో మలుపు తిప్పిన సంఘటనలు)

శ్రీ సాయిబాబా వారి పవిత్రమయిన ఊదీ - 2 వ భాగమ్ ఊదీ - వైద్యమ్

noreply@blogger.com (tyagaraju) — Mon, 08 Dec 2025 11:30:00 +0000

08.12.2025 సోమవారమ్

ఓమ్ సాయి శ్రీ సాయి జయజయ సాయి

సాయి బందువులకు బాబావారి శుభాశీస్సులు

శ్రీ సాయిబాబా వారి పవిత్రమయిన ఊదీ - 2 వ భాగమ్

ఊదీ - వైద్యమ్

మరాఠీలో ప్రచురింపబడిన దానిని ఆంగ్లానువాదం షమ్షాద్ మీర్జా

తెలుగు అనువాదంః ఆత్రేయపురపు త్యాగరాజు

నిజాంపేట, హైదరాబాద్

ఫోన్. 9440375411 , 8143626744

యదార్ధ సంఘటనల ఆధారంగా జరిగిన ఆధ్యాత్మిక గాధ

సంవత్సరాలు గడిచిపోయాయి. బాబా మాకిచ్చిన ఊదీని సాధారణంగా మేమెప్పుడూ ఉపయోగించలేదు. మేము ఆ ఊదీని ఎంతో జాగ్రత్తగా భద్రపరచుకున్నాము.

1925 వ.సం.లో రచయిత యొక్క భార్య కాలం చేసింది. ఆమె అలమారంతా పూర్తిగా ఊదీతో నిండి ఉంది. ఆ ఊదీ నమ్మకానికి, వైద్యానికి, ప్రేమకి ప్రతిరూపంగా ఆయన భార్య ఇచ్చిన ఒక వీలునామా.

తరువాతి కాలంలో రచయిత షిరిడి సంస్థానానికి కోశాధికారిగా నియమింపబడ్డారు. నలు మూలలనుండి భక్తులు విరాళాలు పంపిస్తూ ఉండేవారు. బాబావారి మాటలను గుర్తు చేసుకుంటూ విరాళాలు పంపినవారందరికీ రశీదుతోపాటుగా బాబా తన స్వహస్తాలతో పంపుతున్న బహుమానమ్ (బాబా స్వయంగా పంపుతున్నది కాకపోయినా) అని మూడు చిటికెల ఊదీని పంపిద్దామనే నిర్ణయానికి వచ్చారు.

పూనానుంచి ఒక ఉత్తరం వచ్చింది. అందులో అసాధారణమయిన వాక్యాలున్నాయి. “మీ చేతుల ద్వారా ఈ ఊదీ జీవించు గాక”.

ఆ ఉత్తరంలోని వాక్యాలు చదవగానే రచయితకు కాస్త బాధ కలిగింది. ఆ వ్యక్తి కాస్త వ్యంగంగా రాసినట్టున్నాడు. కాని ఆయన ఆ ఉత్తరం వ్రాసినాయన మీద ఎటువంటి ద్వేషం పెట్టుకోలేదు. ఆ వ్యక్తి పూలయొక్క సువాసనను అర్ధం చేసుకోలేని అజ్ఞాని అని మనసులోనే నవ్వుకున్నాడు. ప్రేమ నిండిన హృదయంతో రచయిత ఊదీని పంపిస్తూనే ఉన్నాడు.

చివరికి ఊదీ అయిపోవచ్చింది. అందుచేత రచయిత ఇక ఈ సేవకు ముగింపు పలుకుదామని నిర్ణయించుకున్నారు. కాని అప్పుడే ఒక అధ్భుతమయిన సమయం ఆసన్నమయింది. కీర్తిశేషులయిన ధబోల్కర్ గారి కుమారుడు గొప్ప భక్తుడు. రెండు పెట్టెలనిండా ఊదీని పంపించారు. ఆ పెట్టెల మీద “శ్రీ సాయిబాబా వారి దివ్య హస్తాల మీదుగ ఇవ్వబడుతున్న ఊదీ” అని వ్రాసి ఉంది. రచయితకి చాలా ఆశ్చర్యం వేసింది. ఆ ఊదీ మరొక అయిదు సంవత్సరాల దాకా వస్తుంది. ఆ విధంగా జరగడమంటే బాబా భౌతికంగా లేకపోయినా ఇప్పటికీ తన కార్యాన్ని కొంసాగిస్తూనే ఉన్నారనే దానికి సాక్ష్యం.

శరీరానికి అతీతంగా---

శ్రీ సాయిబాబా తమ భౌతిక దేహాన్ని వీడిన తరువాత ధుని 24 గంటలపాటు మాత్రమే అణగారింది. అప్పటినుండి ఆధుని ఇప్పటికీ జ్వలిస్తూనే ఉంది. ఆ ధుని ఆ విధంగా ప్రజ్వరిల్లుతూ ఉండటం ఆయన ఇప్పటికీ అదృశ్యంగా శాశ్వతంగా ఉన్నరన్నదానికి గుర్తు.

సంస్థానం వారి ద్వారా నేటికీ ఊదీ వస్తున్నప్పటికీ దాని ప్రభావం ఏమాత్రం తగ్గలేదు. అది కేవలం బూడిద కాదు -- అది బాబాగారు సజీవంగా మనకు ప్రసాదిస్తున్న ఆశీర్వాదాలు.

వారసత్వపు అనుగ్రహమ్ ---

రచయిత హృదయపూర్వకంగా వినమ్రమయిన పదాలతో ముగిస్తున్నారు.

“ఎవరయితే బాబావారి అనుగ్రహాన్ని, ఆయన ఊదీ ద్వారా అనుభూతి చెంది ఉన్నారో, వారికి ఆ బంధం ఎప్పటికీ కొనసాగుతూనే ఉంటుంది.” అనిశ్చితమయిన ఈ ప్రపంచంలో వారు ఎటువంటి భయం లేకుండా ఎలా జీవించాలో నేర్చుకొంటారు. వారి హృదయాలలో బాబా వారి దివ్య చరణాలను ప్రతిష్టించుకొని ఉందురు గాక. బాబా తన బిడ్డలను ఎప్పటికీ వదలరు.”

బాబా ప్రేమను నమ్మకంతో పొందాలనుకునే వారందరికీ బాబా ఊదీ వ్యాధులను నయం చేస్తూ, రక్షిస్తూ, అనుగ్రహిస్తూ ఉండు గాక.”

ఆర్ . ఎ. తర్ఖడ్

ఎడిటర్ శ్రీ సాయిలీల

బాంద్రా 09.01.1932

(శ్రీ సాయిలీల పుష్యమాసం - మాఘ - శక సం.1853 సం.8 సంచికలు 11 - 12 లో ప్రచురుంపబడిన యదార్ధ సంఘటనలు)

(సమాప్తమ్)

(తరువాత సంచికలో సాయి భక్తి - అనుభవాలు, రెండు రోజులు ఆగాలి)

(సర్వం శ్రీ సాయినాధార్పణమస్తు)

శ్రీ సాయిబాబా వారి పవిత్రమయిన ఊదీ

noreply@blogger.com (tyagaraju) — Sun, 07 Dec 2025 08:35:00 +0000

0712.2025 ఆదివారమ్

ఓమ్ సాయి శ్రీ సాయి జయజయ సాయి

సాయి బందువులకు బాబావారి శుభాశీస్సులు

సంవత్సరంన్నర తరువాత తిరిగి మన బ్లాగులో శ్రీ సాయిబాబావారి లీలలను ప్రచురిస్తున్నాను

ఈ రోజు శ్రీ సాయి లీల ద్వైమాస పత్రిక సెప్టెంబరు – అక్టోబరు 2025 సంచికలో ప్రచురింపబడిన బాబా లీలను ప్రచురిస్తున్నాను.

శ్రీ సాయిబాబా వారి పవిత్రమయిన ఊదీ

మరాఠీలో ప్రచురింపబడిన దానికి ఆంగ్లానువాదం షమ్షాద్ మీర్జా

తెలుగు అనువాదంః ఆత్రేయపురపు త్యాగరాజు

నిజాంపేట, హైదరాబాద్

యదార్ధ సంఘటనల ఆధారంగా జరిగిన ఆధ్యాత్మిక గాధ

శ్రీ విఠల్ లక్ష్మన్ సుబంధ గారు సాయిబాబా వారికి భక్తులు. ఆయన 1931 వ.సం. డిసెంబరు 26 న వ్రాసిన ఉత్తరంలోని ముఖ్యాంశాలు.

“బాబావారి స్వహస్తాలతో పవిత్రమయిన ఊదీని మీరు నాకు పంపినందులకు నేను మీకెంతో కృతజ్ఞుడిని. ఊదీ శక్తికి ఈ ప్రపంచంలో మరేదీ సాటి రాదు.”

ఒక్కసారి సాయిమహరాజ్ ఎదుట నిలచి నిరంతరం వెలుగుతూ ఉండే బాబా ధునిలోని పవిత్రమయిన ఊదీని అందుకున్నవారు మాత్రమే పలికిన ఆ చిన్న పదాలలోనే వారి ప్రేమ, నమ్మకం,అసాధారణమయిన వ్యక్తీకరించలేని సత్యం బోధ పడతాయి.

మొట్టమొదటి దర్శనమ్…

అది 1910 వ.సం. సెప్టెంబరు 6 వ.తారీకు. ఈ రచయిత (రామచంద్ర ఆత్మారామ్ తర్ఖడ్) తన స్నేహితులతో కలిసి మొదటిసారిగా శ్రీ సాయిబాబాను దర్శించుకొన్నారు. షిరిడీలో మసీదులోకి అడుగు పెట్టగానే ఆయన హృదయంలో ఒక విధమయిన అనుభూతి చెలరేగింది. ఆ ఉద్విగ్న క్షణం వర్ణింపనలవి గానిది. తన ఆత్మకు, తన ప్రభువుకు కలిగిన ఆ మధురమయిన కలయిక జీవితాంతం ఒక గుర్తుగా మిగిలిపోతుంది.

అటువంటి అధ్బుతమయిన అనిర్విచనీయమయిన కలయిక అది. కేవలం ఆత్మతోనే అనుసంధానమయిన కలయిక.

షిరిడీలోని వాతావరణం ఆధ్యాత్మికతతో కూడిన విద్యుత్ తరంగాలతొ నిండిఉంటుంది. ప్రతిరోజు వివిధరకాలయిన ఉత్సవాలు జరుగుతూ ఉంటాయి. కొన్ని సార్లు బాబా, “వెళ్ళండి, ఊదీ తీసుకుని వెళ్ళండి. వాడాలో కూర్చోండి” అనేవారు.

ఆయన తరచుగా లేచి ధుని వద్దకు వెడుతూ ఉండేవారు. తన చేతితో ధునిలోని ఊదీని తీసి భక్తుల నుదుటి మీద ఎంతో ప్రేమతో పెట్టేవారు. ఆయన తన బొటనవ్రేలితో ఊదీని పెట్టినపుడు మిగిలిన నాలుగు వేళ్ల మీద అంటుకుని ఉన్న ఊదీ భక్తుల నుదుటి మీద బాబా వల్ల ప్రసాదించబడిన అనుగ్రహమా అన్నట్లుగా కిరణాలలాగా అంటుకునేది.

బాబావారి ఒక్కొక్క స్పర్శ నిశ్సంబ్దంగా సాగే ఒక ప్రార్ధన, వైద్యం, ఒక ఆశీర్వాదం.

భార్యయొక్క నమ్మకమ్ ---

1911 వ.సం. మార్చి నెలలో హోలీ పండుగ సెలవులలో రచయిత మరొక్కసారి షిరిడీకి వెడదామని నిర్ణయించుకున్నారు. ఆయన షిరిడీ బయలుదేరే ప్రయత్నంలో ఉండగా తన భార్య యొక్క విచారగ్రస్తమయిన వదనం చూశారు. ఆమెకు కూడా షిరిడీకి రావాలనే భావం ఆమె మొహంలో వ్యక్తమవుతోంది.

ఆయన ఎంతో మృదువుగా “నీకు కూడా నిజంగా సాయిబాబాను చూడాలని ఉందా?” అని అడిగారు.

షిరిడీలో తినడానికి సరైన ఆహారం, త్రాగడానికి నీరు ఉండదనీ, బహిరంగంగానే స్నానాలు చేయవలసి ఉంటుందని, పడుకోవడానికి కూడా తగిన వసతులు ఉండవని అన్నారు. అందువల్ల చాలా ఇబ్బందులు పడాల్సివస్తుందని ఆమెను హెచ్చరించారు. ఆమె భర్త చెప్పిన ఇబ్బందులనేమీ పట్టించుకోలేదు. ఆమె మనసులో సాయిబాబాను చూడాలనే కోరిక.

కేవలం ఒక చీర, జాకెట్టు, ఒక శాలువా, కాళ్ళకు చెప్పులు కూడా లేకుండా ఆమె తన భర్తను అనుసరించింది. అది శరణాగతికి, ప్రేమకు, నిరాండబరత్వానికి చిహ్నం.

షిరిడీలో ఆమెకు కూడా బాబా తన స్వహస్తాలతో ఊదీని ప్రసాదించారు. ఆమె మరికాస్త ముందుకు బాబాకు దగ్గరగా వెళ్లగానే రచయిత యొక్క హృదయంలో ఆందోళన కలిగింది. బాబా ఆమెను మందలిస్తారా?

కాని బాబా ఆమెవయిపు ఎంతో ప్రేమగా చూస్తూ “నువ్విక్కడ ఇదే స్థితిలో ఉన్నావా?” అని అడిగారు.

ఆమే ఎంతో వినయంగా “బాబా నేను ఊదీ ద్వారా మీదో ఎంతో సన్నిహితంగా ఉన్నాను” అంది.

బాబా నవ్వి, “దీన్ని స్వీకరించు, ఊదీని జాగ్రత్తగా భద్రపరచుకో. అది నీ పిల్లలకి ఎంతగానో ఉపకరిస్తుంది” అన్నారు.

బాబా చిన్న కాగితంలో ఊదీని జాగ్రత్తగా చుట్టి, అనుగ్రహం అనే నాణెంతో దానిని కట్టి పవిత్రమయిన వారసత్వ చిహ్నంగా ఆమె చేతిలో పెట్టారు.

(ఇంకా ఉంది, రేపు ఊదీ - వైద్యం)

(సర్వం శ్రీ సాయినాధార్పణమస్తు)

సాయి అనుగ్రహం అపారమ్ – 12 వ.భాగమ్

noreply@blogger.com (tyagaraju) — Thu, 09 May 2024 12:34:00 +0000

09.05.2024 గురువారమ్

ఓమ్ సాయి శ్రీ సాయి జయజయ సాయి

సాయి బందువులకు బాబావారి శుభాశీస్సులు

శ్రీ సాయిలీల ద్వైమాస పత్రిక నవంబరు, డిసెంబరు 2023 సంచికనుండి గ్రహింపబడినది.

ఆంగ్ల మూలం : డా.క్షితిజ రాణే

తెలుగు అనువాదం ఆత్రేయపురపు త్యాగరాజు, నిజాంపేట, హైదరాబాద్

ఫోన్. 9440375411, 8143626744

సాయి అనుగ్రహం అపారమ్ – 12 వ.భాగమ్

10.03.1998 భావూ మహరాజ్ పరమపదించి 13 వరోజు కార్యక్రమమయిన ‘తెరవ’ కి భక్తులందరూ సమావేశమయ్యారు. ఆ కార్యక్రమం సందర్భంగా సి.బి.డి. బేలాపూర్ లొ ఉన్న శ్రీ జాదవ్ గారి ప్రభుత్వ నివాసం వద పెద్ద పందిరి వేశారు. తమ ప్రియతమ సద్గురుని స్మరించుకునే నిమిత్తం భక్తులందరూ ఆ పందిరిలో ఆశీనులయ్యారు.

13 వ. రోజు జరగవలసిన కార్యక్రమాలన్నీ పూర్తయిన తరువాత బాగా అనుభవమున్న కొంతమంది భక్తులు వేదిక మీద భావూ మహరాజ్ గారి గుణగుణాల గురుంచి చెబుతూ శ్రధ్ధాంజలి ఘటిస్తున్నారు. వారు చెప్పే విషయాలను భక్తులందరూ ఎంతో శ్రధ్ధగా వింటున్నారు. భావు మహరాజ్ గారి ప్రేమ, ఆప్యాయతల గురించిన జ్ణాపకాలు వారందరి హృదయాలను కదిలించాయి.

మాయి, స్మితా తాయి, శ్రీ జాదవ్ గారు ఆయన భార్య వేదికకు ఒక ప్రక్కన నుంచుని భక్తులు చెబుతున్న విషయాలను వింటున్నారు. స్మితాతాయి తన తండ్రి గతస్మృతులను తలచుకుంటూ చాలా దుఃఖిస్తూ ఉంది. “ఇపుడు నా భావాలను ఎవరితో పంచుకోవాలి? అవసరమయినపుడు నేనెవరితో చెప్పుకోవాలి? ఎవరి సలహాలను తీసుకోవాలి” అని మనసులో బాధ పడుతూ ఉంది. సరిగా అదే సమయంలో మహాత్ముడిలా ఉన్న ఒక వ్యక్తి ఆమె దృష్టినాకర్షించాడు. అతను వెలిసిపోయిన కుర్తా, లుంగీ, తలపాగా ధరించి ఉన్నాడు. అతనికి గడ్డం ఉంది. చేతిలో కర్ర ఉంది.

పందిరికి ఒక వైపున వంటశాలను నిర్మించారు. ఆవంట శాలలో ఒక మూలన అతను నుంచుని ఉన్నాడు. పందిరిలోకి ప్రవేశించడానికి ఒకే ద్వారం ఉంది. అది కూడా అవతలి వైపుకు ఉంది. వంటశాలలోకి ప్రవేశించాలంటే పందిరికి అవతలి వైపున ఉన్న ద్వారంలోనుంచే రావాలి. ఆవ్యక్తిని వంటశాలలో చూసినవారందరూ ఆశ్చర్యానికి లోనయ్యారు. ఆ మహాత్ముడు పందిరిలోకి ప్రవేశించి వంటశాలలోకి రావడం ఎవరికంటా పడలేదు. ఆ మహాత్ముడు తాయి దగ్గరకు వచ్చి నేనున్నాను అని అభయమిస్తున్నట్లుగా ప్రేమతో ఆమెని ఆలింగనం చేసుకున్నాడు. అ మహాత్ముడు మాటిమాటికీ అక్కడ ఉన్న సాయిబాబా ఫోటో వైపు చూపిస్తూ తాయితో ఇలా అన్నాడు. “సాయిబాబా నేను ఇద్దరం ఒకరమే, భేదం లేదు. బాధపడకు. ఇకనుంచి నువ్వు సాయిబాబాతో మాట్లాడుతూ ఉండు. నీభాధలను, భావాలను ఆయనకు విన్నవించుకో.” ఆమాటలు వినగానే తాయికి ఎంతగానో ఉపశమనం కలిగింది,. గుండెల్లో గూడు కట్టుకున్న విషాదమంతా క్షణంలో మాయమయిపోయింది.

శ్రీ జాదవ్ గారు ఆ మహాత్ముడిని సత్కరించి తన కృతజ్ణతలు తెలుపుకున్నారు. ఆయనకి భోజనం పెట్టి అతిధి మర్యాదలు చేసారు. కార్యక్రమం పూర్తయేంతవరకు తాను అక్కడే కుర్చీలో కూర్చుని ఉంటాను అని ఆ మహాత్ముడు జాదవ్ గారితో చెప్పారు. కాని కొంతసేపటి తరువాత ఆ కుర్చీలో ఎవరూ లేరు. అందరూ ఆశ్ఛర్యపోయారు. ఆ మహాత్ముడు పందిరిలోనుండి వెళ్ళడం ఎవరూ చూడలేదు. ఆయన వెళ్ళేటట్లయితే అందరి ముందునుంచే వెళ్ళి అవతలి వైపు ఉన్న ద్వారంలోనుండే బయటకు వెళ్ళాలి. ఆయన ఎలా అదృశ్యమయ్యాడో ఎవ్వరికీ అంతుపట్టలేదు.

బహుశ భావు మహరాజ్ తన భక్తులకు “భౌతికంగా మహాత్ములందరూ వేరు వేరుగా కనిపించవచ్చు. కాని వారందరిలోను నివసించేది ఒకే పరమాత్మ” అని జ్ణానబోధ చేయదలచుకుని ఉండవచ్చు.

తాను అశరీరంగా ఉన్నా ఇంకా తన భక్తుల యోగక్షేమాలను చూసుకుంటూ వారిని కాపాడుతూ ఉంటానని భయమిచ్చారు.

ఈ సందర్భంగా శ్రీ సాయిబాబా తన భక్తులకిచ్చిన మాటలని గుర్తు చేసుకుని వివరిస్తున్నాను.

“నామీద విశ్వాసముంచండి నేను లేనని మీరు విచారించవద్ధు. నేను భౌతికంగా లేకపోయినా నా ఎముకలు మాట్లాడతాయి. నా సమాధినుండే మీకు సమాధానము లభిస్తుంది. నాకు సర్వశ్యశరణాగతి చేసిన వారికి నా సమాధినుండే నేను బదులిస్తాను. నన్ను శరణు జొచ్చిన వారి యోగక్షేమాలు నేను చూసుకుంటాను. ఎల్లప్పుడూ నన్ను గుర్తుంచుకోండి. మీకు సర్వశుభాలు చేకూరుతాయి”

---శ్రీ సాయి సత్ చరిత్ర

నా సద్గురు శ్రీ భావు మహరాజ్ గారి కుటుంబ సభ్యులు మరియు సాయిబాబా భక్తులకు కలిగిన కొన్ని సంఘటనలు, అనుభవాలు మీకందరికీ అందించినందుకు, నాకు ఇటివంటి అవకాశాన్ని ప్రసాదించిన శ్రీ సాయిబాబా దివ్య చరణాలకు హృదయపూర్వకంగా నా సాష్టాంగ దండప్రణామాలను అర్పించుకుంటున్నాను.

డా.క్షితిజ రాణే

(సమాప్తం)

(సర్వం శ్రీ సాయినాధార్పణమస్తు)

సాయి అనుగ్రహం అపారమ్ – 11 వ.భాగమ్

noreply@blogger.com (tyagaraju) — Mon, 06 May 2024 13:14:00 +0000

06.05.2024 సోమవారమ్

ఓమ్ సాయి శ్రీ సాయి జయజయ సాయి

సాయి బందువులకు బాబావారి శుభాశీస్సులు

శ్రీ సాయిలీల ద్వైమాస పత్రిక నవంబరు, డిసెంబరు 2023 సంచికనుండి గ్రహింపబడినది.

ఆంగ్ల మూలం : డా.క్షితిజ రాణే

తెలుగు అనువాదం ఆత్రేయపురపు త్యాగరాజు, నిజాంపేట, హైదరాబాద్

ఫోన్. 9440375411, 8143626744

సాయి అనుగ్రహం అపారమ్ – 11 వ.భాగమ్

జాదవ్ గారు హాయిగా ఊపిరి పీల్చుకున్నారు. ఆయనలో అంతవరకు ఉన్న ఆందోళనంతా మటుమాయమయిపోయింది. ఈ వార్త భావూ మహరాజ్ గారితో ఎప్పుడెప్పుడు చెబుదామా అని పట్టరాని సంతోషంతో ఇంటికి చేరుకున్నారు. ఇంటికి చేరుకోగానే ఆయన మొట్టమొదటగా భావూ మహరాజ్ గారి పాదాలకు సాష్టాంగపడ్డారు. భావూ మహరాజ్ ఆయనను ఎంతో వాత్వల్యంతో పైకి లేవనెత్తి ఆయన చెప్పిన విషయమంతా జాగ్రత్తగా ఆలకించారు.

అపుడాయన ఎంతో కరుణతో జాదవ్ గారితో, “సాయిబాబా నీ మెడలో ‘విజయమాల’ను వేసి ఎపుడోనే ఆశీర్వదించారు. మొదటగా ఆయనకి నమస్కారం చేసుకో’ అన్నారు. గుండెలనిండా ఎంతో భక్తిని, వినయాన్ని నింపుకుని సాయిమహరాజ్ పాదాలకు సాష్టాంగ దండ ప్రణామాలను అర్పించుకుని ధన్యవాదాలు తెలుపుకున్నారు.

జాదవ్ గారి కోసం భావూ మహరాజ్ గారి ప్రార్ధనలకు స్పంధించి సాయిబాబా తన అనుగ్రహాన్ని చూపడానికి కారణం జాదవ్ గారు అవినీతిపై చేసే పోరాటం, అందుకు ఆయన తగిన వ్యక్తి కావడమే.

తన అంకిత భక్తులు కోరిన వెంటనే భగవంతుడు వారికి సహాయపడటానికి సిధ్ధంగా ఉంటాడు.

తన మీద అచంచలమైన, సంపూర్ణ విశ్వాసం ఉన్నవారి భక్తుల ప్రార్ధనలకు శిరసావహించి అనుగ్రహిస్తారు. … శ్రీ సాయి సత్ చరిత్ర

భావూ మహరాజ్ 26.02.1998 వ.సం.లో పరమపదించారు. ఆ తరువాతి రోజు 27.02.1998 న ఆయన పార్ధివ దేహాన్ని అంత్యక్రియలకోసం జగదీష్ జాదవ్ గారి గృహంనుండి సి.బి.డి బేలాపూర్ లోని స్మశానానికి తీసుకువెళ్ళే సమయం.

తమ ప్రియతమ సద్గురువుకు ఆఖరి వీడ్కోలు తెలుపడానికి జాదవ్ గారి గృహమంతా భక్తులతో నిండిపోయింది. భావూ మహరాజ్ గారిని చివరి సారిగా దర్శించుకోవడానికి వచ్చిన భక్తులందరూ బరువెక్కిన హృదయాలతో కళ్ళంబట కన్నీరు కారుస్తూ విచార వదనాలతో నిలబడి ఉన్నారు. ఇంటివద్ద జరగవలసిన కార్యక్రమాలన్నీ పూర్తయిన తరువాత శవయాత్ర ప్రారంభమయింది. ఆ సమయంలో విశ్రాంత లెఫ్టినెంట్ కల్నల్, ఎప్పటినుండో ఆయన భక్తుడయిన శ్రీ జై సింగ్ సావంత్ గారికి ఒక అధ్భుత దృశ్యం కనడింది. శ్రీ సాయిబాబా, శ్రీ స్వామి సమర్ధ ఇద్దరూ తమ తమ సగుణ రూపాలతో భావూ మహరాజ్ గారి శవయత్రలో భక్తులందరితోపాటు అనుసరిస్తూ కనిపించారు. దైవసంబంధమయిన ఈ అధ్బుత దృశ్యం శ్రీ సావంత్ గారికి స్మశానవాటిక గేటు వరకు కనిపించింది. బహుశ ఆ మహాత్ములు ఇద్దరూ భావు మహరాజ్ గారి పార్ధివ దేహాన్ని అంత్యక్రియలకు వదలి, ఆయన పవిత్రాత్మను ఇక్కడినుంచే మరొక అత్యుత్తమమయిన కార్యానికి వినియోగించే నిమిత్తం తమతో తీసుకుని వెళ్ళి ఉండవచ్చు. ఈ అసాధారణమయిన అధ్బుతమయిన దృశ్యం ఆధ్యాత్మిక ప్రపంచంలో భావూ మహరాజ్ గారియొక్క ఉన్నతస్థితి ఎటువంటిదో తెలియచేస్తుంది.

భావూ మహరాజ్ తన స్వంత కొడుకులా అభిమానించే శ్రీ జాదవ్ గారు, భావూ మహరాజ్ గారి భార్య శ్రీమతి లీలావతి వాల్కర్, ఆయన కుమార్తె, శ్రీమతి స్మితా మాత్రే, వీరు ముగ్గురూ ఆయన ప్రేమను, ఆయన సాన్నిధ్యాన్ని కోల్పోయారు. ఆయన లేకపోవడం వారికి తీరని లోటు.

(తరువాతి సంచికలో ఆఖరి భాగం)

(సర్వం శ్రీ సాయినాధార్పణమాస్తు)

సాయి అనుగ్రహం అపారమ్ – 10 వ.భాగమ్

noreply@blogger.com (tyagaraju) — Fri, 03 May 2024 14:20:00 +0000

03.05.2024 శుక్రవారమ్

ఓమ్ సాయి శ్రీ సాయి జయజయ సాయి

సాయి బందువులకు బాబావారి శుభాశీస్సులు

శ్రీ సాయిలీల ద్వైమాస పత్రిక నవంబరు, డిసెంబరు 2023 సంచికనుండి గ్రహింపబడినది.

ఆంగ్ల మూలం : డా.క్షితిజ రాణే

తెలుగు అనువాదం ఆత్రేయపురపు త్యాగరాజు, నిజాంపేట, హైదరాబాద్

ఫోన్. 9440375411, 8143626744

సాయి అనుగ్రహం అపారమ్ – 10 వ.భాగమ్

కోర్టులో జాదవ్ గారు హాజరు కావలసిన రోజు. ఆరోజే జడ్జిగారు విచారణ చేసి తీర్పు చెప్పే రోజు. జాదవ్ గారు కోర్టుకు వెళ్లడానికి పోలీస్ యూనిఫారం ధరించి సిధ్ధంగా ఉన్నారు. బయలుదేరేముందు ఆయన సద్గురు భావు మహారాజ్ (భావూ మహరాజ్ తన జీవితంలో గత ఏడు సంవత్సరాలుగా జాదవ్ గారి ఇంటిలోనే ఉన్నారు) ముందు కూర్చున్నారు.

జాదవ్ గారిలోని ఆందోళనను గమనించి కారణం ఏమిటని ప్రశ్నించారు భావు మహరాజ్. భావు గారికి విషయమంతా పూర్తిగా వివరించారు జాదవ్ గారు. అంతా విన్న తరువాత భావుగారు కళ్ళు మూసుకుని ధ్యాన స్థితిలోకి వెళ్ళి ఏదో గొణుగుకోవడం మొదలుపెట్టారు. జాదవ్ గారు కూర్చున్న చోట గోడ మీద సాయిబాబా పటం తగిలించి ఉంది.

అదే క్షణంలో బాబా ఫోటోకి వేసి ఉన్న పూలదండ జాదవ్ గారి మెడలో పడింది. భావూ మహరాజ్ కండ్లు తెఱచి జాదవ్ గారిని దీవిస్తూ, “వెళ్ళు, ఆ ఫైలు ఎక్కడయితే ఉంటుందని అనుకుంటున్నావో అక్కడే వెతుకు. ఖచ్చితంగా నీకాఫైలు అక్కడే దొరుకుతుంది. కోర్టువారు నీమీద ఎటువంటి చర్య తీసుకోరు” అన్నారు. అంతవరకు ఎంతో ఆందోళనతో ఉన్న జాదవ్ గారికి ఒక్కసారిగా హృదయ భారం తీరిపోయింది. భావూ మహరాజ్ గారి పాదాల మీద సాష్టాంగపడి నమస్కారం చేసుకుని వెంటనే సాక్ష్యం సేకరించడానికి బయలుదేరారు.

జాదవ్ గారు త్వరత్వరగా ప్రధాన క్రైం బ్రాంచ్ కార్యాలయానికి చేరుకున్నారు. లోపలికి వెళ్లగానే ఆయన ఆశ్చర్యానికి అంతులేదు. తనకు అంతకు ముందువరకు ఏ విధంగానూ సహకరించని ఆఫీసర్ మరొక కార్యాలయానికి బదిలీ అయి వెళ్ళిపోయాడు. ఆయన స్థానంలో తన చిన్ననాటి స్నేహితుడు చార్జి తీసుకున్నాడు. తన స్నేహితుడిని చూడటం వల్లనే ఆయనకి అంతగా ఆశ్చర్యం కలిగింది. ఖాద్రీయే అసలయిన దోషి అని నిరూపించే సాక్ష్యాన్ని ఎంత తొందరగా వీలయితే అంత తొందరగా కోర్టులో సమర్పించాల్సిన అవసరం ఉంది. అది దృష్టిలో పెట్టుకుని జాదవ్ గారు, ఆయన స్నేహితుడు ఇంకా ముగ్గురు కానిస్టేబుల్స్ అందరూ రికార్డు రూములో కావలసిన ఫైల్ గురించి వెతకడం మొదలుపెట్టారు. అక్కడ ముఫై సంవత్సరాల నాటి రికార్డులు భద్రపరచబడి ఉన్నాయి. ఎంతో శ్రమించి వెతికిన మీదట అదృష్టవశాత్తు సాక్ష్యానికి సంబంధించిన ఫైల్ దొరికింది. బాగా దుమ్ముపట్టి ఉన్న రికార్డులన్నిటినీ తిరగేసి వెదికిన కారణంగా అందరి మీదా బాగా దుమ్ము పడిపోయింది. అయినా గాని వారి పెదవుల మీద సంతోషంతో కూడిన చిరునవ్వువులు నాట్యమాడ సాగాయి. అందరి వదనాలలో ఒక విధమయిన వెలుగు. అనుకున్నది సాధించామన్న ఆనందమ్. వారు పడిన శ్రమ నిజంగా మెచ్చుకోదగ్గది.

జాదవ్ గారు ఆలశ్యం చేయకుండా వెంటనే పైలు పట్టుకుని కోర్టుకు చేరుకున్నారు. కోర్టులో అప్పటికే విచారణ మొదలయింది. జాదవ్ గారు కోర్టుకు రానందువల్ల కేసుని మూసివేయబోతూ ఉన్న సమయం. సరిగా అదే క్షణంలో జాదవ్ గారు వేగంగా పరుతెత్తుకుంటూ వచ్చి తన అడ్వకేట్ కి ఫైలుని అందించారు. అడ్వొకేట్ ఆ ఫైలుని జడ్జిగారి ముందు పెట్టారు. ఒక్క ముంబాయిలోనే ఖాద్రీ మీద నలభై కేసులు రిజిస్టర్ అయి ఉన్నాయనడానికి ఆ ఫైలే ఋజువు. తిరుగులేని సాక్ష్యాధారం. దాని ఆధారంగా శ్రీ జాదవ్ గారు ఎటువంటి తప్పిదం చేయలేదని నిర్ధారిస్తూ సాక్ష్యాలను పరిశీలించిన మీదట ఖాద్రీని అరెస్టు చేయాలని జడ్జీ తీర్పు చెప్పారు.

(ఇంకా ఉంది)

(సర్వం శ్రీ సాయినాధార్పణమస్తు)

సాయి అనుగ్రహం అపారమ్ – 9 వ.భాగమ్

noreply@blogger.com (tyagaraju) — Tue, 30 Apr 2024 14:11:00 +0000

30.04.2024 మంగళవారమ్

ఓమ్ సాయి శ్రీ సాయి జయజయ సాయి

సాయి బందువులకు బాబావారి శుభాశీస్సులు

శ్రీ సాయిలీల ద్వైమాస పత్రిక నవంబరు, డిసెంబరు 2023 సంచికనుండి గ్రహింపబడినది.

ఆంగ్ల మూలం : డా.క్షితిజ రాణే

తెలుగు అనువాదం ఆత్రేయపురపు త్యాగరాజు, నిజాంపేట, హైదరాబాద్

ఫోన్. 9440375411, 8143626744

సాయి అనుగ్రహం అపారమ్ – 9 వ.భాగమ్

ఆ రెండు రోజులలోను జాదవ్ గారు అతని గురించి మరింత సమాచారం సేకరించడానికి ప్రయత్నించారు. అనుమానితుడి పేరు సయ్యద్ ఖాద్రి. అతను హైదరాబాద్ నివాసి. అతని మీద బొంబాయిలో చాలా కేసులు ఉన్నాయి. జాదవ్ గారు తాను సేకరించిన సమాచారం ప్రకారం అనుమానితుడే దోషి అని నిరూపించడానికి ప్రయత్నించినా గాని అతని పై అధికారులు అతను చేసిన ప్రయత్నాలను లక్ష్య పెట్టలేదు.

అనుమానితుడె నేరస్థుడు అని నిరూపించడానికి అన్ని సాక్ష్యాలు ఉన్నాయని పలుమార్లు ఎంత ప్రయత్నం చేసినా గాని, ఎవరూ కూడా అతని మీద కేసు పెట్టి అరెస్టు చేయడానికి సుముఖంగా లేరు. దీనిని బట్టి దోషి అయిన ఖాద్రి ప్రతివారిని తనకు అనుకూలంగా చేసుకున్నాడని జాదవ్ గారికి అర్ధమయిపోయింది. ఇక తన విలువయిన సమయాన్ని ఇతర కేసుల మీద దృష్టి పెట్టడానికి నిర్ణయించుకుని ఆ విషయాన్ని అంతటితో వదిలేశారు.

15 రోజుల తరువాత కోర్టువారు శ్రీ జాదవ్ గారి ఇంటికి ఆయన పేరు మీద సమన్లు పంపించారు. ఎఫ్. ఐ. ఆర్. రిజిస్టర్ చేయకుండా తన మీద అన్యాయంగా చాప్టర్ కేసు పెట్టి తనను పోలీస్ స్టేషన్ కు తీసికెళ్లి అరెస్టు చేసారని జాదవ్ గారి మీద కంప్లెయింట్ చేశాడు ఖాద్రి.

శ్రీ జాదవ్ గారు తన పై అధికారులకి ఈ విషయాన్నంతా చెప్పినా గాని, వారు సహాయం చేయడానికి తమ అశక్తతను వెల్లడించారు. అందుచేత ఆయన ఒక హైకోర్టు అడ్వకేట్ ని సంప్రదించారు. కోర్టులో జడ్జిగారు ఖాద్రి మీద రిజిస్టర్ చేసిన క్రిమినల్ కేసుల సాక్ష్యాలను చూపించాలనీ, లేనట్లయితే జాదవ్ గారు తప్పు చేసారని భావించవలసి ఉంటుందని అన్నారు. సాక్ష్యాలను సేకరించడానికి వారం రోజుల వ్యవధి కావాలని, శ్రీ జాదవ్ గారి అడ్వకేట్ కోర్టునుంచి అనుమతి పొందారు.

ఈ వారం రోజులు జాదవ్ గారు ఖాద్రీయే దోషి అని నిరూపించే సాక్ష్యాలను సేకరించడానికి విశ్వప్రయత్నం చేసారు. కాని, ఆయనకు ఎవరూ సహకరించలేదు. జాదవ్ గారు చేసిన ప్రయత్నాలన్నీ విఫలమయ్యాయి. కోర్టువారు ఇచ్చిన గడువు కూడా ముగిసిపోయింది. జాదవ్ గారు ఒక్క సాక్ష్యం కూడా సంపాదించలేకపోయారు.

(కోర్టుకు వెళ్ళిన రోజు సాయిబాబా చూపిన లీల, తరువాతి సంచికలో)

(సర్వం శ్రీ సాయినాధార్పణమస్తు)

సాయి అనుగ్రహం అపారమ్ – 8 వ.భాగమ్

noreply@blogger.com (tyagaraju) — Sat, 27 Apr 2024 12:22:00 +0000

27.04.2024 శనివారమ్

ఓమ్ సాయి శ్రీ సాయి జయజయ సాయి

సాయి బందువులకు బాబావారి శుభాశీస్సులు

శ్రీ సాయిలీల ద్వైమాస పత్రిక నవంబరు, డిసెంబరు 2023 సంచికనుండి గ్రహింపబడినది.

ఆంగ్ల మూలం : డా.క్షితిజ రాణే

తెలుగు అనువాదం ఆత్రేయపురపు త్యాగరాజు, నిజాంపేట, హైదరాబాద్

ఫోన్. 9440375411, 8143626744

సాయి అనుగ్రహం అపారమ్ – 8 వ.భాగమ్

ఒక్క క్షణం భావూ మహరాజ్ స్థానంలో బాపూకి శ్రీ సాయిబాబా వారి దర్శనమయింది. ఆ అధ్భుత దృశ్యాన్ని తిలకించి బాపూ మ్రాన్పడిపోయాడు. ఆ దివ్యదర్శనం తరువాత భావూ మహరాజ్ మీద నమ్మకం మరింత పెరిగింది. ఆ తరువాత సంవత్సరం బాపూ యొక్క తొమ్మిది లక్షల రూపాయల అప్పు తీరిపోవడమే కాక అతని వ్యాపారం బాగా అభివృధ్ధి చెందింది. భావూ మహరాజ్ అనుగ్రహానికి బాపూ ఎల్లప్పుడూ కృతజ్ణతతో ఉండేవాడు.

రెండవ దృష్టాంతం… శ్రీ జగదీష్ జాదవ్, అసిస్టెంట్ కమీషనర్ ఆఫ్ పోలీస్ (విశ్రాంత అధికారి) వారిది. ఆయన 15 సంవత్సరాలు ఎయిర్ ఫోర్స్ (వాయుసేన) లోను 23 సంవత్సరాలు పోలీస్ ఫోర్స్ లోను పని చేశారు. ఎంతో న్యాయబధ్ధంగా జాతికి సేవ చేసిన తరువాత అసిస్టెంట్ కమీషనర్ ఆఫ్ పోలీస్ (నవీ, బొంబాయి) గా పదవీ విరమణ చేసారు. ‘వటవృక్షచాయ చాయేత్’ పేరుతో ఆయన తన ప్రియ సద్గురు శ్రీ భావు మహరాజ్ గారి జీవిత చరిత్ర వ్రాసారు. ఆయన శ్రీ బావూ మహరాజ్ కి మానస పుత్రుడు.

పన్వెల్, వాసీ ప్రాంతాలలో ఆర్ధిక నేరాలు చాలా పెద్ద ఎత్తున జరిగాయని సమాచారాలు వచ్చాయి. మోసపోయినవారందరూ నిందితుని గురించి ఇచ్చిన వివరాలు అన్నీ ఒకే విధంగా ఉన్నాయి. నేరం జరిగిన ప్రాంతం చుట్టు ప్రక్కల ఉన్నవారందరూ చెప్పిన సమాచారం ఆధారంగా శ్రీ జగదీష్ జాదవ్ నేరపరిశోధన చేసారు. పాన్వెల్ లో ఒక లాడ్జిలో ఒక వ్యక్తిని అరెస్టు చేసి అతని వద్దనుండి మూడు లక్షల రూపాయలు, కొన్ని పత్రాలను స్వాధీనం చేసుకున్నారు. శ్రీ జాదవ్ ఆవ్యక్తిని బాగా (పంచనామా) విచారించారు. ఆ అనుమానిత వ్యక్తి , స్వాధీనం చేసుకోబడిన డబ్బు గురించి గాని, పత్రాల గురించి గాని సంతృప్తికరమయిన వివరాలు ఇవ్వలేకపోయాడు. అందుచేత జాదవ్ అతనిని అరెస్టు చేసి అతని వద్ద ఉన్న డబ్బు, పత్రాలను స్వాధీనం చేసుకున్నారు. అతనిని పోలీస్ స్టేషన్ కి తీసుకువెళ్లారు. ఇంకా మరింతగా వివరాలు రాబట్టాలనే ఉద్దేశ్యంతో శ్రీ జాదవ్ అతనిని పోలీస్ కష్టడీలోనే ఉంచాలనుకున్నారు. కాని ఆయన పై అధికారులు ఆవిధంగా చేయడానికి శ్రీ జాదవ్ గారికి అనుమతి ఇవ్వలేదు.

జాదవ్ గారు ఆ అనుమానితుడిని వదిలిపెట్టదలుచుకోలేదు. తనకు వచ్చిన క్రైమ్ రిపోర్టుల ఆధారంగా తను అరెస్టుచేసిన అనుమానితుడే నేరస్థుడని జాదవ్ గారికి ఖచ్చితమయిన నమ్మకం. అందువల్లనే అతని మీద కేసు పెట్టకుండా తను స్వాధీన చేసుకున్న డబ్బు, పత్రాలతో సహా అనుమానితుడిని చాప్టర్ కోర్టులో ప్రవేశపెట్టారు. కోర్టు అతనిని రెండు రోజులు జైలులో ఉంచి ఆ తరువాత బెయిల్ మీద విడుదల చేసింది.

(ఇంకా ఉంది)

(సర్వం శ్రీ సాయినాధార్పణమస్తు)