தமிழறிவு பன்னாட்டு மின்னிதழ்

கடவுளுக்குச் சமமானவர்களா? - நூல் விமர்சனம்

2026-02-19T12:54:46.898+05:30

கடவுளுக்குச் சமமானவர்களா? - நூல் விமர்சனம்

சமீபத்தில் புத்தகக் கண்காட்சி ஒன்றில் நான் பங்கேற்றேன். பல்வேறு நூல்களைக்கு மத்தியில் கடவுளுக்குச் சமமானவர்களா? என்ற வித்தியாசமான தலைப்பிட்ட நூலைப் பார்த்ததும், வாங்கி அவசியம் வாசிக்க வேண்டும் என்கிற ஆர்வம் அதிகமானது. வாங்கி ஒரே நாளில் வாசித்து முடித்தேன். நியூ செஞ்சுரி புத்தக நிறுவனம் டிசம்பர் 2025 ஆம் ஆண்டு இந்த நூலை வெளியிட்டு இருக்கிறது. விருதுநகர் மாவட்டம் சாத்தூரைச் சார்ந்த எழுத்தாளர் மு.தமிழ்ச்செல்வன் இந்த நூலை எழுதியிருக்கிறார். வாசிக்க வாசிக்க கட்டுரை தோறும் புள்ளி விவரங்கள் மற்றும் மக்களிடையே சென்று சேகரித்த கள ஆய்வு அனுபவங்கள் என்று உண்மைத் தகவல்கள் தொகுக்கப்பட்டிருந்தன. வாசிப்பவர்களைச் சிந்திக்கத் தூண்டுகிற நூல் இது. தமிழகத்தில் உள்ள சுகாதாரப் பணியாளர்கள் வாழ்வியல் சூழல் எத்தன்மையில் உள்ளது என்பதையும் பணிச்சூழலில் அவர்கள் எதிர்கொள்ளும் சவால்கள் எப்படி அவர்களின் அன்றாட வாழ்க்கையைப் பாதிக்கின்றன என்பதையும் கள அனுபவத்தோடு நேர்காணல் செய்து எழுதியிருந்தார். தினசரி வாழ்க்கை எப்படி அவர்களுக்கு ஒரு நரகமாக இருக்கிறது என்பதைப் பற்றி அவர் தரவுகளோடு சொல்லச் சொல்ல இதயம் கூனிக் குருகியது. இந்த உலகம் மனிதநேயமற்று நரகமாக மாறியிருப்பதை உணரமுடிந்தது. சாதியில் தனக்கு மேலே ஒருவன் இருக்கிறான் என்பதும், தனக்குக் கீழே ஒருவன் இருக்கிறான் என்பதும் ஒருவித மனநோய் என்பார் சட்டமேதை அண்ணல் அம்பேத்கர். மனிதச்சமூகம் பணியாளர்களுள் ஒருதரப்பினரை மட்டும் ஏன் அவமரியாதையாக நடத்துகிறது என்கிற கேள்வியை ஒவ்வொருவருக்குள்ளும் தருகிறது இந்த நூல்.

மகாகவி பாரதி குறிப்பிடுவார் “ஏழை என்றும் அடிமை என்றும் எவனும் இல்லை ஜாதியில் இழிவு கொண்ட மனிதரென்பது இந்தியாவில் இல்லையே, வாழி கல்வி செல்வம் எய்தி மனமகிழ்ந்து கூடியே மனிதர் யாரும் ஒருநிகர் சமானமாக வாழ்வமே” நூலை வாசிக்கும் போது இவ்வரிகள் மனதில் நிழலாடின. நம் நாட்டில்தான் குப்பையை உருவாக்குபவர்கள் தங்களை உயர்ந்தவர்களாகவும், குப்பையைச் சேகரித்து உரிய இடத்தில் கொண்டு சேர்ப்பவர்களைத் தாழ்ந்தவர்களாவும் கருதும் இழிநிலை மனப்பாங்கில் மக்கள் இருக்கிறார்கள். மெய்யாகச் சிந்தித்துப் பார்த்தால், உண்மையில் குப்பைக்காரர்கள் யார்? போடுபவர்களா? கொட்டுபவர்களா? சிந்தித்தோமா நாம். தூய்மைக் காவலர்களாகிய அவர்களும் மதிப்புக்கும் மரியாதைக்கும்உரிய மனிதர்கள்தான் சக மனிதருக்கு இருக்கக்கூடிய அறிவு, மானம், சுயமரியாதை உள்ளிட்ட அத்தனையும் சுகாதாரப் பணியாளர்களுக்கும் உண்டு என்பதை இந்தச் சமூகம் எப்போது உணரப்போகிறது என்று முகத்தில் அறைந்தார் போல் இந்த நூலிலே கூறி இருக்கிறார் நூலாசிரியர். சுகாதாரப் பணியாளர்களுக்குக் கிடைக்க வேண்டிய அரசு உரிமைகள் சலுகைகள் இன்னும் முழுமையாக வந்து சேரவில்லை என்பதை ஒவ்வொரு கட்டுரையிலும் தெளிவுபடுத்தி இருக்கிறார். தூய்மைக் காவலர்களின் வாழ்க்கையைப் பொருத்தமட்டில், ஆட்சிகள் மாறுகின்றன ஆனால் காட்சிகள் மாறவில்லை என்பதை வெட்ட வெளிச்சமாக்கி இருக்கிறார். மதுரை விருதுநகர் திருநெல்வேலி போன்ற பல்வேறு மாவட்டங்களைச் சார்ந்த சுகாதாரப் பணியாளர்களை நேரடியாகக் கள ஆய்வு செய்து அவர்கள் பணித்தளத்தில் எதிர்கொள்ளும் சவால்களை உள்ளது உள்ளவாறு வெளிப்படுத்தி இருப்பது இந்த நூலாசிரியரின் பெரிய முயற்சியையும் உழைப்பையும் காட்டுகிறது. பணியிடங்களில் அவர்கள் எதிர்கொண்ட மிக அருவருக்கத்தக்க அக்கிரமமான சம்பவங்களும், பிற மனிதர்களின் மோசமான நடத்தைகளும் பதிவுசெய்யப்பட்டுள்ளன. அவை இங்கே குறிப்பிடுவதற்குக் கூசுபவை. புத்தகத்தை வாங்கி வாசித்து பாருங்கள் எப்படி எல்லாம் சக மனிதர்கள் சக மனிதர்களிடம் விலங்குகளைப் போல நடந்து கொள்கிறார்கள் என்பது உங்களுக்கு புரியும். பேரிடர் காலங்கள், கொரோனா போன்ற வாழ்க்கை சவாலான காலங்கள் உள்ளிட்ட காலங்களில் மட்டும் சுகாதாரப் பணியாளர்கள் தெய்வங்களைப் போல போற்றப்படுவதும், அவர்களின் பாதங்கள் கழுவி விடப்படுவதும், சுகாதாரப் பணியாளர்களோடு அமர்ந்து சாப்பிடுவதையே பெருமையாகக் கருதி அதைச் செய்தியாக்குவதும் வாடிக்கையாகி விட்டன என்பதையும், போலி அக்கறைவாதிகளால் எப்படிச் சடங்குகள் நடத்தப்படுகின்றன என்பதையும் சுட்டிக்காட்டியிருக்கிறார் இந்நூலாசிரியர். கடவுளுக்குச் சமமானவர்கள் தானே? அப்படியானால் இந்தச் சுகாதாரப் பணியை நீங்களே செய்யலாமே? என்று கேள்வி எழுப்புகிறார் . இது இந்தப் பொதுச் சமூகத்தின் முன் வைக்கும் மிக ஆணித்தரமான கேள்வி. அதே நேரத்தில் சில ஊர்களில், அரசு நிறுவனங்கள் மட்டுமல்லாது பொதுச் சமூகத்தினர் மனிதநேயத்தோடும் மாண்போடும் சரிநிகர் சமானமாக சுகாரதாப் பணியாளர்களை உண்மையில் எவ்வாறு போற்றி மதிக்கிறார்கள் என்பதையும் பல இடங்களில் சுட்டிக்காட்டியுள்ளார். இது வளர்ந்துவரும் நாகரிகமுள்ள பண்பட்ட நடத்தையுள்ள சிறந்த மனிதர்களை நமக்குக் காட்டுகிறது.

புத்தகத்தை வாங்கி கையில் ஏந்தியதும் தலைப்பைப் பார்த்ததும் அந்த தலைப்பிற்கு நேர் எதிரான சிந்தனை மனதில் தோன்றியது. ஆம் அவர்கள் கடவுளுக்கு சமமானவர்கள் தானே என்று அந்தநொடியில் தோன்றினாலும், நூல் முழுமைக்கும் வாசிக்கும் பொழுது தான் இந்த ஆசிரியர் நம்மிடம் வைக்கும் கேள்வி புரிகிறது. இந்தச் சமூகத்தின் சுயநலமுள்ள நியாயங்களின் மீது பகடி செய்திருக்கிறார் என்பது படிக்கப் படிக்க புலப்படும். சுகாதாரப் பணிக்காக ஒடுக்கப்பட்ட மக்களையே பயன்படுத்தக்கூடிய அரசுகள் பிற பிரிவினருக்கும் இந்த வேலையை பகிர்ந்து அளித்து உரிய இட ஒதுக்கீட்டு முறையில் சுகாதாரப் பணியைப் பகிர்ந்து அளித்தால் என்ன என்பது இந்நூலாசிரியர் கேட்கும் கேள்வி. இந்த நூற்றாண்டின் விஞ்ஞானத்தில் அதிநவீன வளர்ச்சியை மனிதர்கள் எட்டி விட்டாலும், இன்னும் கையால் மலம் அள்ளும் தொழிலாளர்களை வைத்திருக்கிறீர்களே? என்று ஆதிக்கம் நிறைந்த நம் சமூகத்தை பார்த்து வினா எழுப்புகிறார். அனைத்துச் சமூகத்தினருக்கும் இப்பணி இடஒதுக்கீட்டின்படி வழங்கப்பட்டால் இன்னும் சில ஆண்டுகளில் அதிநவீன இயந்திரங்கள் வாங்கப்பட்டுவிடும் என்பதை உரக்கப் பேசியுள்ளார். பின்பு ஏன் இந்த அலட்சியம்? என்ற வினா எழுகிறது. ஏனென்றால் இங்கு சுகாதாரப்பணி சாதியப் பின்னலோடு இணைந்திருக்கிறது என்பதுதான் கள நிலவரம்.

பொதுப்புத்தியில் சுகாதாரப் பணியாளர்களை குறைத்து மதிப்பிட்டு அவர்களை நடை உடை நடவடிக்கையில் சாதிசொல்லிப் பகடி செய்யும் அனைவரையும் தன் எழுத்தால் கேள்வி எழுப்பி தலை குனிய வைத்திருக்கிறார் ஆசிரியர். இந்தச் சமூகம் பிற அரசுப் பணியாளர்களைப் போல் சுகாதாரப் பணியாளர்களையும் மதிப்பு மரியாதையுடம் நடத்துவது அரசியலமைப்புச் சட்டப்படி இது அவர்களின் உரிமை என்பதை முன்வைத்திருக்கிறார். குப்பையை அள்ளுவதற்கும் அவர்கள் வருவதற்கும் அதே வண்டி பயன்படுத்தப்படுவதை அரசு தவிர்க்க வேண்டும். இதற்கு முன்னர் தவிர்க்கப்பட்டவர்கள் என்ற தலைப்பில் இந்திய முழுமைக்கும் உள்ள எல்லா மாநிலங்களில் உள்ள சுகாதாரப் பணி செய்யும் இன குழுக்களில் மக்களை கள ஆய்வு செய்து ஒரு ஆய்வு நூல் வெளி வந்திருக்கிறது. தமிழில் அதை பாஷாசிங் எழுதியிருக்கிறார். அது ஒரு தேசிய அளவிலான புள்ளி விவரத்தை உடைய நூல். எழுத்தாளர் மு.தமிழ்ச்செல்வன் எழுதியிருக்கிற இந்த நூல் தமிழ்நாட்டு மாவட்டங்களில் உள்ள சுகாதாரப் பணியாளர்களின் வாழ்வியல் போராட்டங்களைப் புள்ளி விவரத்தோடு அரசுக்குமுன் எடுத்து வைத்துள்ள முதன்மையான நூலாகும் என்று கருதுகிறேன். வாசிப்பை நேசிக்கிற அனைவருக்கும் இந்த நூலை அவசியம் வாசிக்க வேண்டும். மானுடச் சமூகம் இன்னும் மேம்பட கல்வி உதவ வேண்டும்.

“கற்க கசடறக் கற்பவை கற்றபின் நிற்க அதற்குத் தக”.

நன்றி!

நூல் விமர்சனம்:

மதுரை செல்லூர் உபாத்தியாயர்

தமிழறிவு பாரதி

முனைவர் ச.தமிழரசன்

smiletamil@gmail.com

குப்பை - புதுக்கவிதை

2026-02-12T10:31:01.580+05:30

புதுக்கவிதை..

தலைப்பு : குப்பை

குப்பைக்கும்

அதை அள்ளுவோர்க்கும்

ஒரே வண்டியா?

அனைத்துச் சாதியினரும்

அர்ச்சகர் ஆகலாம்

சரிதான்

அனைத்துச் சாதியினரும்

தூய்மைப் பணியாளர்

ஆவது எப்போது?

உண்மையில்

யார் குப்பைக்காரர்

போடுபவரா

அள்ளுபவரா?

By,

Tamilarivu Bharathi,

Madurai.

smiletamil@gmail.com

12.02.2026.

அழகர் கோவிலில் மதுரை வீரன் வழிபாட்டு மரபு

2026-02-07T13:57:56.775+05:30

#மதுரை_அழகர்_கோவிலில்_மதுரைவீரன்_வழிபாட்டு_மரபு.

மதுரை வீரன் 'பதினெட்டாம்படி கருப்பன்' அல்லது பதினெட்டுப் படிகளின் காவலர் என்றும் அழைக்கப்படுகிறார். (பக்.214 - 215.)

நூல்: Thirumalirunjolaimalai (ALAGAR KOVIL) STALA PURANA, 1942, K.N.RADHA KRISHNA,

THIRUMALIRUNJOLAIMALAI

(SRI ALAGAR KOVIL)

STALA PURANA

By K. N. RADHA KRISHNA, B. A., B. L.

with a Foreword by

Sri C. RAJAGOPALACHARIAR

Published by

SRI KALLALAGAR DEVASTANAM

MADURA

PRINTED AT

HARISAMAYA DIVAKARAM PRESS

MADURA

Rights Reserved.]

1942

[Price Rs. 3-8-0]

Madurai-Viran.

"The following story is current about Maduraiviran in the folklore of South India. He was a soldier in the service of the Naick King of Madura, some centuries ago. The King's daughter fell in love with him. So Madurai Viran gave up his position and all his prospects of promotion and went off with the King's daughter. After their death both Madurai Viran and the King's daughter were deified and worshipped.

Madurai Viran is also known as Padinettampadi Karuppan, or the guard of the eigh-teen steps, because, in the courtyard of the Azhagiriswami temple which is one of the richest shrines in all India, there is a flight of eighteen steps, nine of which lead up to a platform on one side while nine lead down from it on the other. On the plat-form is a huge image of Karuppan, twenty feet high, with enormous eyes as big as umbrellas. The image is covered with stears, guns (!) and arms, which people who have made vows come and offer to Karuppan.

The room where the treasures of the temple are kept is locked up every night, and the key instead of being taken away, is placed on the platform in front of the image.

It seems an invitation to burglars; but nobody would ever dare to take the treasure which is guarded by Karuppan. It is said, in the folklore of the country, that some centuries ago, eighteen Mayavis, or magicians, so called from the illusion Maya, which they produce in the minds of the people, came to the shrine of Azhagirl with the intention of carrying away the essence of the sanctity of the shrine and transporting it elsewhere.

Their idea was to carry away the spiritual essence of the god in a wooden cylinder. The god Azhagar, the beautiful one, became aware of the plot to carry away his essence, and so he entered into the body of a small boy, and by his mouth informed the king of the intended outrage and asked him to prevent it.

He also told the king that the Mayavis would render themselves invisible by a black paste which they put on their foreheads. The king consulted Ramanuja who was his family priest, and Ramanuja advised him to shut the doors of the temple and then pour boiling rice water into the courtyard so that the steam arising from it might melt the paste. This was done, and the Mayavis, becoming visible were arrested by the king's soldiers and put to death and each one was buried under one of the eighteen steps leading up to the platform on which the image of Karuppan stands, as a solemn warning to all liars and thieves.

Civil suits in the Madura district are constantly brought to the temple to be settled by reference to Karuppan. If a man will swear in the presence of the image that his claim is a just one, the claim is admitted to be true, as it is supposed that no one would dare to swear falsely before Karuppan."

மதுரை வீரன்

"தென்னிந்திய நாட்டுப்புறக் கதைகளில் மதுரை வீரன் பற்றிப் பின்வரும் கதை நிலவுகிறது. அவர் சில நூற்றாண்டுகளுக்கு முன்பு மதுரை நாயக்க மன்னரின் சேவையில் இருந்த ஒரு வீரர். மன்னரின் மகள் அவர் மீது காதல் கொண்டாள். அதனால் மதுரை வீரன் தனது பதவியையும் பதவி உயர்வுக்கான அனைத்து வாய்ப்புகளையும் விட்டுவிட்டு மன்னரின் மகளுடன் வெளியேறினார். அவர்கள் இறந்த பிறகு, மதுரை வீரனும் மன்னரின் மகளும் தெய்வங்களாகப் போற்றப்பட்டு வழிபடப்பட்டனர்.

மதுரை வீரன் 'பதினெட்டாம்படி கருப்பன்' அல்லது பதினெட்டுப் படிகளின் காவலர் என்றும் அழைக்கப்படுகிறார். ஏனெனில், இந்தியாவின் செல்வந்தமான திருத்தலங்களில் ஒன்றான அழகிரிசாமி (அழகர்) கோவிலின் முற்றத்தில் பதினெட்டுப் படிகள் உள்ளன. இதில் ஒன்பது படிகள் ஒரு மேடைக்கு ஏறிச் செல்லவும், மற்ற ஒன்பது படிகள் அங்கிருந்து கீழே இறங்கவும் உதவுகின்றன. அந்த மேடையில் இருபது அடி உயரமுள்ள கருப்பனின் பிரம்மாண்டமான உருவம் உள்ளது."

குடை போன்ற பெரிய கண்கள் கொண்ட கண்கள். கருப்பனுக்கு வேல், கவன்கள் (!) மற்றும் படைக் கருவிகள், இவற்றை நேர்த்திக்கடன் செய்தவர்கள் வந்து காணிக்கை செய்கிறார்கள். கோவிலின் பொக்கிஷங்கள் வைக்கப்பட்டுள்ள அறை ஒவ்வொரு இரவும் பூட்டப்பட்டு, சாவி எடுத்துச் செல்லப்படுவதற்குப் பதிலாக, சிலைக்கு முன்னால் உள்ள மேடையில் வைக்கப்படுகிறது.

அது திருடர்களுக்கு ஒரு அழைப்பு போலத் தோன்றலாம்; ஆனால் கருப்பனால் பாதுகாக்கப்படும் அந்தப் புதையலை எடுக்க எவரும் துணிய மாட்டார்கள். நாட்டின் நாட்டுப்புறக் கதைகளின்படி, சில நூற்றாண்டுகளுக்கு முன்பு, மாயை என்ற பிரமையை மக்களின் மனதில் உருவாக்குவதால், அந்தப் பெயரால் அழைக்கப்படும் பதினெட்டு மாயாவிகள், அதாவது மந்திரவாதிகள், அழகர் கோவிலின் புனிதத்தின் சாரத்தை எடுத்துச் சென்று வேறு இடத்திற்கு மாற்றும் நோக்கத்துடன் அங்கு வந்ததாகக் கூறப்படுகிறது.

ஒரு மர உருளையில் கடவுளின் ஆன்மீக சாரத்தை எடுத்துச் செல்வதே அவர்களின் திட்டமாக இருந்தது. அழகியவரான அழகர் என்ற கடவுள், தனது சாரத்தை எடுத்துச் செல்லும் சதித்திட்டத்தை அறிந்துகொண்டு, ஒரு சிறுவனின் உடலில் புகுந்து, அவன் வாய் வழியாக அந்தத் திட்டமிடப்பட்ட அக்கிரமத்தைப் பற்றி அரசனுக்குத் தெரிவித்து, அதைத் தடுக்குமாறு கேட்டுக்கொண்டார்.

மாயாவிகள் தங்கள் நெற்றியில் பூசிக்கொள்ளும் ஒரு கருப்புப் பசையின் மூலம் தங்களை மாயமாக்கிக் கொள்வார்கள் என்றும் அவர் அரசனிடம் கூறினார். அரசன் தனது குலகுருவான ராமானுஜரை அணுகி ஆலோசனை கேட்டான். ராமானுஜர், கோயிலின் கதவுகளை மூடிவிட்டு, கொதிக்கும் அரிசி நீரை முற்றத்தில் ஊற்றுமாறும், அதிலிருந்து எழும் நீராவியானது அந்தப் பசையை உருக்கிவிடும் என்றும் ஆலோசனை கூறினார். அவ்வாறே செய்யப்பட்டது. மாயாவிகள் கண்ணுக்குத் தெரிந்ததும், அரசனுடைய வீரர்களால் கைது செய்யப்பட்டு மரண தண்டனை விதிக்கப்பட்டனர். பொய் சொல்பவர்களுக்கும் திருடர்களுக்கும் ஒரு கடுமையான எச்சரிக்கையாக, கருப்பன் சிலை நிறுவப்பட்டிருக்கும் மேடைக்குச் செல்லும் பதினெட்டுப் படிகளில் ஒவ்வொன்றின் கீழும் அவர்கள் ஒவ்வொருவரும் புதைக்கப்பட்டனர்.

மதுரை மாவட்டத்தில் உள்ள சிவில் வழக்குகள், கருப்பனின் தீர்ப்பிற்காகத் தொடர்ந்து கோவிலுக்குக் கொண்டுவரப்படுகின்றன. ஒருவன் அந்தச் சிலையின் முன்னிலையில் தனது கோரிக்கை நியாயமானது என்று சத்தியம் செய்தால், அந்தக் கோரிக்கை உண்மையானதாக ஏற்றுக்கொள்ளப்படுகிறது. ஏனெனில், கருப்பனின் முன் யாரும் பொய் சத்தியம் செய்யத் துணிய மாட்டார்கள் என்று நம்பப்படுகிறது.

தொகுப்பு & மொழிபெயர்ப்பு

மதுரை செல்லூர் உபாத்தியாயர்

தமிழறிவு பாரதி

முனைவர் ச.தமிழரசன்

07பிப்ரவரி2026.

smiletamil@gmail.com

வரலாற்றில் பாகனூர் - மதுரையின் சொத்து.

2026-01-15T12:47:41.340+05:30

பாகனூர் என்று சோழவந்தானைக் குறிப்பிடும் தமிழிக் கல்வெட்டு உள்ள கொங்கர் புளியங்குளம், மதுரை. காலம். 1ஆம் நூற்றாண்டு.

ஏறத்தாழ 2000 ஆண்டுகளுக்கு முன்னர் 50-உக்கும் மேற்பட்ட மாணவர்களை வைத்து உண்டு உறைவிடப் பள்ளி நடைபெற்ற சமணப்படுகைகள் நிறைந்த இடம்.

#tamilreels #tamiltrending #maduraikaran #tamilnadu #madurai #tamil #viralchallenge #jainism #jainbeds

சின்னச் சுருளி அருவியில் குளிக்கத்தடை

2025-12-01T13:27:41.844+05:30

சின்னச் சுருளி அருவியில் குளிக்கத்தடை.

கடந்த வாரம் பெய்த தொடர் மழையால் அருவிக்குச் செல்லும் பாதை மிகுதியாகச் சேதம் அடைந்துள்ளது. அதனால் பொதுமக்கள் குளிக்க அனுமதிக்கப்படவில்லை.

மேகமலையிலிருந்து கீழே விழுந்து மலையின் அடிவாரத்தில் குளிர்ந்த, மின்னும் நீர் குளம் போன்ற தோற்றத்தை உருவாக்குகிறது. தேனியில் இருந்து சுமார் 54 கிலோமீட்டர் தொலைவில், கோம்பைத்தொழு கிராமத்திற்கு அருகில் அமைந்துள்ள சின்ன சுருளி நீர்வீழ்ச்சி அமைந்துள்ளது.

தேனியிலும் அதைச் சுற்றியுள்ள பகுதிகளிலும் பார்க்க ஒரு அழகான மற்றும் அமைதியான இடமாகும்.

நிலவெனும் தூதுவன் - புதுக்கவிதை.

2025-08-05T16:44:00.002+05:30

நிலவெனும் தூதுவன் - புதுக்கவிதை.

நீல வான வீதியில்

மிதந்து செல்லும் வெண்ணிலவே… நீ

கடந்து செல்லும் பாதையில் …

கன்னி என் தேவியின்

காதல் ஓசை கேட்குதா…?

மேகத்தைத் தூது விட்ட

மேதைகளின் பாதையில்

தூது நானும் தொடுத்தேனே…!

விழிக்குள் ஒளியாய்

இதயத்ததுள் துடிப்பாய்

இருந்த நீஏன் தூரமானாய்..!

என்னில் நீயும்

உன்னில் நானும்

செம்மண்ணில் மழையாய்…

கலந்தது பொய்யோ…?

காதல் கனவே!

கனியின் ரசமே!

காலம் கணித்து

கரங்கள் கோர்த்து

பந்தம் உணரும்

தருணத்தில்

பூமி யாவுமே

வாழ்த்தி பாடுமே!

நீல வான வீதியில்

மிதந்து செல்லும் வெண்ணிலவே…

விரைந்து சென்றே சொல்லாயோ?

விருப்பம் கூறி வாராயோ..!

கவிஞர்:

முனைவர் மா.தமிழ்ச்செல்வி

விருதுநகர்

selviravi86@gmail.com

பெரிய அருவி நீர்த்தேக்கம் மலை வலம் காணல் - பயண அனுபவம்

2025-03-24T10:57:00.002+05:30

*கேசம்பட்டி மலை வலம் காணல்*

திண்டுக்கல் மாவட்டம், நத்தம் அருகே கேசம்பட்டி பெரிய அருவி நீர்த்தேக்கம் உள்ளிட்ட பகுதிகளை மலை வளம் காணச் சென்றேன். இப்பயணம் மனதிற்குப் பெரும் புத்துணர்ச்சியைத் தந்தது.

"ஆவாரைப் பூத்திருக்கச் சாவாரைக் கண்டதுண்டா?" - பழமொழி. காணுமிடம் எல்லாம் ஆவாரைச் செடியின் பொன் மலர்கள் பூத்துக் குலுங்கி வரவேற்றன.

இங்குள்ள நீர்த் தேக்கம் 16.10.1962 ஆம் நாளில் அப்போதைய விவசாயத் துறை அமைச்சர் திரு. கக்கன் அவர்களின் தலைமையில் அடித்தளக்கல் நாட்டப்பட்டது என்ற செய்தி அங்குள்ள ஒரு கல்வெட்டில் கிடைக்கப் பெற்றது.

நாள்: 23.03.2025
https://goo.gl/maps/AyxDk3VySvDRkzsT8

பராரி - திரைப்பட விமர்சனம்

2024-11-24T23:47:00.003+05:30

பராரி

இந்தப் படத்தை எடுத்ததற்காக ராஜீ முருகனைக் கட்டி அணைத்து முத்தமிடத் தோன்றுகிறது. வாழ்க நீர் எம்மான் செவ்வணக்கம் என் தோழரே!

நேரில் சந்திக்கும் போது இப்படி ஒரு படம் தந்தமைக்காகக் காலில் கூட விழுவேன். (வசனங்களுக்காக)

ஒரு சமூகத்தின் அறிவுக் கண்ணைத் திறப்பது அவ்வளவு எளிதான காரியமல்ல. அதைச் செய்து இருக்கிறார் என் அன்புத் தோழர் ராஜு முருகன்.

ஏற்கனவே joker வேற லெவல்!

PARARI அதைவிட வேற லெவல்.

ஜோக்கர்+ பரியேறும் பெருமாள்+ நெஞ்சுக்கு நீதி+ அசுரன்+ விடுதலை + வாழை+ மாமன்னன்+ ரயில்+கூழாங்கல்+ நந்தன் = பாராரி என்று வைத்துக் கொள்ளலாம். (இது என் கருத்து மட்டுமே. )

காதலர்களை அம்மணமாக்கிப் பார்க்கும் இந்தச் சாதியக் கொடூர சமூகத்தை சுட்டிக்காட்டி, உண்மையில் எதை அம்மணம் ஆக்கிப் பார்க்க வேண்டும் என்று நெத்திப் பொட்டில் அடித்தது போல கதை சொல்லியிருக்கிறார்.

இந்தச் சமூகச் சூழலுக்குப் பயந்து போடப்படும் வாசகம். " இப்படத்தில் வரும் சம்பவங்கள் காட்சிகள் யாரையும் குறிப்பன அல்ல" என்று. ஆனால் உண்மையில் " இப்படத்தில் வரும் காட்சிகள் சம்பவங்கள் அனைத்தும் நம்மைச் சுற்றி நடக்கும் உண்மைகள்.

பாராரிகளாய் ஆக்கப் பட்ட ஒவ்வொரு குடிமகனும் பார்க்க வேண்டிய படம். மன்னிக்கவும் பாடம். 600 பக்க நாவலை 3மணி நேரப் படமக்கியது போல இருந்தது. தொடங்கியதில் இருந்து கடைசி வரை விறுவிறுப்பு. Climax வசனங்கள் தமிழ் முற்போக்குச் சினிமாவின் உச்சம்!

138 வருடங்கள் கடந்த மாமதுரைச் சின்னம்.

2024-08-08T20:12:00.001+05:30

#மாமதுரைப் போற்றுதும்!

138 வருடங்கள் கடந்த பின்னும் இன்றும் கம்பீரமாய் நிற்கும் #மதுரை ஏவி பாலத்தில் ஒரு மாலை நேர உலா.

#கோரிப்பாளையம் முதல் யானைக்கல் வரை மதுரையின் வடகரையையும் தென்கரையையும் இணைக்கும் நூற்றாண்டு கண்ட பாலம்.

"1857 போருக்குப் பிறகு #பிரிட்டிஷ் ஆட்சியர் #ஆல்பர்ட் விக்டரால் இந்தப் பாலம் மதுரையில் கட்டப்பட்டது, அப்போது அவர்கள் தெப்பக்குளத்தைச் சுற்றியுள்ள பிரிட்டிஷ் குடியேற்றங்களை எதிர்காலத்தில் கலகங்கள் ஏற்பட்டால் பாதுகாப்பிற்காக வடக்குக் கரைக்கு மாற்ற முடிவு செய்தனர். 16 வளைவு தூண் பாலத்தின் கட்டுமானம் 1884 இல் தொடங்கியது மற்றும் பாலம் டிசம்பர் 8, 1886 இல் திறக்கப்பட்டது."

(தகவல்: Vivanesh Parthiban | TNN | Dec 9, 2022, 08:42 IST, டைம்ஸ் ஆப் இந்தியா)

சில சுவாரசியங்கள்:

#இந்தப் பாலம் திறக்கப்படும் பொழுது மகாகவி பாரதியாருக்கு வயது 4.

#மதுரை அமெரிக்கன் கல்லூரி திறக்கப்பட்டு 5 ஆண்டுகள்.

#பிரிட்டிஷ் கிழக்கிந்திய கம்பெனி மதுரைக்கு வந்து 85 ஆண்டுகள் ஆகியிருந்தன.

#பிரிட்டிஷ் லெப்டிநென்ட் பி.எஸ். வார்டு அவர்கள் கொடைக்கானலைக் கண்டறிந்து 65 வருடங்கள் ஆகியிருந்தன.

கீழ்க்காணும் பாலத்தில் உள்ள கல்வெட்டில் உள்ள பெயர். இப்பாலத்தைக் கட்டிய இந்திய வைஸ்ராய்.

Lord Dufferin (1826–1902) was the Governor-General and Viceroy of India (1884-1888).

இப்படிக்கு,

மதுரை செல்லூர் உபாத்தியாயர் டாக்டர் ச.தமிழரசன்.

நாள்: 08.08.2024

நேரம்: மாலை 6 மணி

இடம்: மதுரை ஆல்பர்ட் விக்டர் பாலத்தின் அடியில் உள்ள சாலை.

#மதுரை

#madurai360

#மாமதுரை

#tamilnadutourism

அருப்புக்கோட்டையில் 1000 ஆண்டுக்கு முற்பட்ட கோவில் - கள ஆய்வுப் பயணம்.

2024-06-22T11:35:00.003+05:30

அருப்புக்கோட்டையில் 1000 ஆண்டுக்கு முற்பட்ட கோவில் - கள ஆய்வுப் பயணம்.

கி.பி.1168 ஆண்டு உருவாக்கப்பட்ட வாழவந்தம்மன், திருக்கோவில், அருப்புக்கோட்டை கள ஆய்வுப் பயணம் இன்று வந்துள்ளேன்.

நாள்: 22.06.2024 சனிக்கிழமை.

22.11.1938 இல் இந்தக் கோவிலுக்கு எலக்ட்ரிக் லைட் வசதி கிடைத்துள்ளது பற்றி ஒரு முகப்புக் கல்வெட்டு உள்ளது.

கோவிலில் எடுக்கப்பட்ட படங்கள்:

கோவில் சுவரில் உள்ள சிதைந்த நிலையில் உள்ள கல்வெட்டு.

சிறுதெய்வக் கோவில்கள்

இராக்காயி

இருளப்பன்

இக்கோவிலின் வரலாறு பற்றி அறிந்துகொள்ள கீழே உள்ள இணைப்பைக் காணவும்.

https://shorturl.at/GU9Hg