Yuna's Blog

i,ll always love you !

2012-02-13T00:26:00.001+08:00

Ямар гунигтай мэдээ вэ. Өчигдөр зүгээр л Whitney Houston-ы дууг бяцхан Connie Talbot-ын дуулснаар сонсож суунгаа "Гайхалтай хүмүүс үргэлж гайхалтай түүхийг бүтээж, түүнийг нь шинэ үеийнхэн ямагт үргэлжлүүлэн алдаршуулж байх юм даа" хэмээн бодож байсан сан. Whitney i,ll always love you !

Амстердамаас...40

2012-02-11T20:14:00.012+08:00

2011.02.10

Өчигдөр буюу энэ өдөр их онцгой байлаа. Магадгүй блогтоо заавал энэ тухай тэмдэглэл оруулах ёстой байх гэж бодов. Хүйс солих мэс заслынхаа үндсэн гэрээнд гарын үсэг зурлаа. "Би бүхнийг маш сайн ойлгож байна, мэс заслын дараа нэгэнт үгүй болсон өмнөх бие махбодио эргүүлэн олж авах боломжгүйг болон..." гэсэн утга, агуулгатай. Ингээд л тэртээ хол, бүр хүрч хэзээ ч чадахгүй гэж бодож байсан нэгэн оргилынхоо дэргэд нь шахуу ирчихлээ шүү дээ.

Мөн мэс заслын бэлтгэл эмчилгээ маань ч эхэллээ. Мэс засалд орох хүртэл гурван сар тутамд бүх эд эрхтэний шинжилгээнд хамрагдаж байх бөгөөд шинэ эмчилгээний сөрөг ба эерэг үр дагаваруудын талаар тодорхой ойлголттой болов. Тэр нь тодруулбал, дотор муухай оргих, хоолны дуршил багасах, ядрах, бие сульдах, сексийн дур хүсэлгүй болох гэх мэтчилэн үргэлжилж байна.

Юутай ч хүн хүсч бас тэмүүлж чадвал энэ хорвоогийн бүх зүйл болж, бүтэж байхаар бүтээгдсэн гэж би өмнө нь хэлж байсан даа.

...

Хүссэн бүхэн биелээд л, тэвчээртэй, зоригтой байсандаа өөрөөрөө бахархах сэтгэгдэл төрж байна. Хүсээд байсан цас хүртэл ороод Недерланд тэр чигээрээ л цав цагаан. Над шиг "цас, цас" гээд баярлаж дэвхэцсэн хүн ховор байх шиг байсан. Өвөл гоё шүү.

Фээсбүүк дээр Yuna Tungalag нэрээр шинэ хуудас нээсэн. Амьдралынхаа энгийн өдрүүдийн гэрэл зургууд болон үзэл бодлоо бусдад нээлттэй үлдээж байгаа юм. Гол нь бусдыг тэнд урихдаа "лайк" дарах сонголт олгосон нь сэтгэл зүйн үүднээс хүмүүст их сонирхолтой санагдах болов уу. Би Юнаг хүлээн зөвшөөрч байна гэсэн хувийн ойлголт огтхон ч биш. Харин бүхэл бүтэн трансжендэр бэлгийн чиг баримжаа ба тэдгээр охид, хөвгүүд, тэдний ертөнцийг ойлгож, хүндэлдэг, тиймээс "лайк" гэсэн утга санаа цаана нь бий юм шүү.

Өөр нэг заавал тэмдэглэж үлдээх зүйл гэвэл, манай Сарнай Монголд анх удаа трансжендэр эмэгтэйчүүд, эрчүүдийн клубыг байгуулахаар болсон тухай гоё мэдээг өнөөдөр сонссон. Мэдээж клубынх нь хамгийн идэвхтэй гишүүний нэг байх болно. Фээсбүүк дээрхи "Mongolian Transgender Club" хэмээх групд-д элссэнээр тэдэнтэй сэтгэл зүрхээ нэгтгэлээ. Админ нь Сарнай өөрөө юм билээ. Бусад транс охид, залуус ч тэр групп-д нэгдэх хүсэлтээ илгээж болох биз ээ.

MY DAY IN PHOTOS 3

2012-02-07T04:53:00.006+08:00

One photo is worth one thousand words :)

Шинэ ярилцлага

2012-02-05T04:37:00.005+08:00

Өнөөдөр миний шинэ ярилцлага монголын бүхий л томоохон мэдээллийн сайтуудад тавигдсан байхыг олж хараад блогтоо ч мөн адил архив болгов. Ажил хийвэл дуустал, давс хийвэл уустал гэдэг. Нэгэнт эхлүүлсэн зүйлийнхээ эцэст нь хүрье гэж дахин шийдсэн маань энэ. Мэдээж амар, тайван амьдрахыг хүсдэггүй хүн гэж үгүй. Би ч мөн адил хүсдэг. Гэхдээ тэр цаг иртэл өөрийн чадах зүйлийг үргэлжлүүлэн хиймээр санагдав.

Холын энэ орноос хийж чадах зүйл маань үзэл бодлоо илэрхийлэхээс өөр юу байх билээ. Үнэндээ элдэв бусын ярилцлага, өөрийн болсон болоогүй янз бүрийн зураг гэхчилэн олны нүднээс хол байсаар багагүй хугацаа өнгөрчээ. Монголын гялгар сэтгүүлүүд, өдөр тутмын томоохон хэвлэлүүд хамтран ажиллах санал тавьж байсан ч яарахыг урьтал болгоогүй юм. Тэдгээр хэвлэлүүд мэдээж тодорхой хүрээнд л хүрнэ. Жишээ нь, арав хүртэлх буюу түүнээс дээш мянган төгрөгний үнэтэй хэвлэлийг нийгмийн аль хүрээнийхэн худалдан авч уншдаг нь тодорхой.

Гэтэл ард нь хэн үл ойлгогч, үзэн ядагч хэвээрээ үлдэж байна вэ? Тэдэнд би үг, үзэл бодлоо хүргэе гэж хүссэн юм. 500-600 төгрөгний үнэтэй долоо хоног тутмын чөлөөт хэвлэл манай орны өнцөг булан бүрт л хүрдэг. Чөлөөт хэвлэл гар дамжихдаа сайныг ч хэлэх үү автобус, галт тэрэг, аймаг, сум, баг, хөдөө малчны гэрт хүртэл элэгдэж хуучирсан ч мэдээллээ түгээсээр л явдаг шүү дээ. Тэр утгаар нь "Болсон явдал" нэртэй борлуулалтын тоогоороо толгой цохьдог чөлөөт хэвлэлээр дамжуулж нийгмийн тэр хэсэгт хандаж шинэ ярилцлагаа өглөө.

Ядаж мэс засалдаа ортолоо би бусад олон охиддоо урам, дэм хайрлах ёстой. Хэлсэн үг, яриа минь нэг ч атугай хүнд зөвөөр хүрвэл үр дүн нь надад биш бид бүхэнд хэрэгтэй. Юна хөөрхөн, муухай эсвэл тарган, туранхай гэдэгт хүмүүсийн анхаарал битгий сарниасай гэсэндээ өөрийн одоогийн дүр төрхөө ч би сүүлийн хагас жил гаруйн хугацаанд нуусан. Цаашид ч ямар нэгэн шинэ зураг хөрөг минь хаа нэгтээ тараасай гэж хүсэхгүй байна. Интернэтээр дүүрэн хуучин зургууд минь байдгийг олж харлаа. Хүмүүсийн сэтгэлд тэр чигээрээ үлдэж, одоогийн шинэ бүхэнээ зөвхөн өөрийн байлгахыг хүсч байна. Харин дотоод сэтгэлээ урьдын адил хэн бүхэнд нээлттэй дэлгэе, хүмүүс намайг хэрхэн өөрчлөгдөж байгаад бус ганцхан бодол, сэтгэл рүү минь илүүтэй өнгийгөөсэй хэмээн зорьсон юм.

Энэхүү зорилтын минь эхлэлийг тавихад тусалсан П.Мөөг эгчдээ болон "Болсон явдал" сонины хамт олондоо ажлын өндөр амжилт хүсье.

Юна Тунгалаг: Би “өчигдөр” бүхэндээ хайртай

2012-02-04T21:58:00.012+08:00

Одоогоос хэдэн жилийн өмнө би 17 настай нэг залуутай хамт ажилладаг байлаа. Хичээлийнхээ хажуугаар ажилладаг байсан түүнтэй байнга хоолонд орж, хамт хөгжилддөг байсан.

Түүний өмссөн зүүснийг минь шүүмжилж, сайшааж байсан эмэгтэйлэг зан нь дотно нөхөрлөхөд хүргэсэн байж ч болох юм. Түүнээс хойш гурван жилийн дараа түүнтэй холбогдоход түүний дуу, гадаад дүр төрх өөрчлөгджээ. Түүнийг шинэ найзууд нь, шинэ ертөнц нь бүгд л Юна гэж дуудаж нэрлэх болж. Ингээд Юна Тунгалагтай интэрнэтээр (Sкуре)-ээр ярилцсанаа хүргэж байна

-Юнагийн бага наснаас яриагаа эхлэе?

-Би өвөө, эмээгийн хүүхэд. Төрөөд хоёрхон сартайдаа тэднийхээ гар дээр үлдсэн. Ээж минь төгсөх курсын оюутан байхдаа намайг төрүүлсэн болохоор хичээлдээ шамдах ёстой байж л дээ. Тиймээс өвөөгөө аав, эмээгээ ээж шигээ л бодож өссөн. Ээжийгээ бүр”эгч ээ” гэк дууддаг байсан гэсэн. Ерөнхийдөө хүүхэд нас маань хөдөө л өнгерсөн дөө. Аргал түүгээд л, ааруул ээзгий идээд л…

-Одоо өвөө эмээ тань хаана амьдардаг вэ. Өвөө эмээгийн хүүхдүүд хэрсүү байдаг?

-Өвөө минь намайг тавдугаар ангийн сурагч байхад өөд болсон. Би өвөөгөө хүнд эвчтэй хэвтэрт байхад нь чадльнхаа хэрээр асарч байсандаа баярладаг. Өвөө намайг “зөөлхөн гартай” гээд толгойгоо бариулах их дуртай байж билээ. Бас зураг зурах авъяасыг миний өвөө л анх нээж, хөгжүүлсэн. Өвөө өөрөө их гоё зурдаг хүн байсан. Морийг үнэхээр сайхан зурна. Би өвөөгөө санахаараа морь зурах дуртай. Миний эмээ нутагтаа энх мэнд аж төрж байгаа. Хөдөлмөрч, сайхан буурай бий.

-Дархан хотод өнгөрөөсөн сурагч үеэ одоо нэг дурсвал?

-Дунд сургуульд элсэн орсноор би ээжтэйгээ амьдарч эхэлсэн. Зургаан настайдаа сургуульд орж байлаа. Сургуульд орохоос өмнө миний үс бэлхүүсээ өнгөрсөн урт байсан. Мэдээж үсээ халимаг болгоод л сурагч болж таарна. Тэгээд ээжтэйгээ хөтлөлцөөд явж байтал хүмүүс “хүүе танай хүүхэд чинь охин байсан биз дээ” гэж асуугаад байсан гэсэн /инээв/. Би олон жил айлын ганц хүүхэд байсан болохоор ээжээсээ бараг салдаггүй байлаа.

-Хүмүүнлэгийн ухааны их сургуулийг сэтгүүлчээр 18-хан настайдаа төгсч байсан. Оюутан цагийн найзуудтайгаа хэр холбоотой байна?

-Ингээд дунд сургуулиа төгсөж, 15 настайдаа их сургуулийн оюутан болж байсан. Анги алгасаж суралцсан юм. Бусадтай нөхөрсөг, эхлүүлсэн зүйлийнхээ эцсийг үзэж байж санаа амардаг хүүхэд байсан. Их сургуулийн ангийнхан маань надад их дотно санагддаг. Ихэнхтэй нь холбоотой. Фээсбүүк, и-мэйлээр гээд л тааралдах бүртээ сонин сайхнаа хуучилдаг, урьдын л адил найз нөхдийн харилцаатай.

-Сэтгүүлч болох мөрөөдлийг тань юу “өдөөж” өгсөн бэ?

-Сэтгүүлч болох нь миний бүр хүүхэд насны л хүсэл мөрөөдөл. Тэр мөрөөдөлдөө би хүрсэн, мэргэжлээрээ ч оюутан ахуй цагаасаа ажилласан. Өөрийн хоёр ч бүтээлийг хэвлүүллээ. Цаашид ч мэргэжлээрээ ажиллана гэж боддог. Би сониуч хүүхэд байсан. Хүний амьдралын утга учрыг, хорвоо ертөнцийн мөн чанарыг бага байхаасаа л өөрийн өнцгөес хардаг байсан. Ээж маань ч миний хүслийг дэмжсэн.

-Оюутан байхдаа сонинд ажиллаж байсан болохоор “ам бүл наймуулаа, авдаг цалин зуу”-г урдаа гурваар нь давхарлаж тавиад амтархан зооглодогсон…

-(инээв…) Оюутан болсон үеэсээ л биеэ даахыг хичээж, ээжээсээ аль болох “татвар” нэхэхгүйг хичээдэг байлаа. Оюутан хүн л болсон хойно өлсөнө, ядарна. Гэхдээ би сонинд мэдээ, ярилцлага нийтлүүлж олсон мөнгөөрөө өөрийнхөө ходоодыг борлуулчихдаг байснаараа бахархдаг. Нэгдүгээр курс төгссөний дараа оюутны амраптаараа дадлага хийж анх удаа еөрийн хүчээр 2970 төгрөг олж байлаа шүү дээ. Мөнгөө авангуутаа шууд ажлын хажуугийн цайны газраас хуушуур авч идэж байсан маань санаанаас гардаггүй.

-Анхны ном “Өчигдөр”. Та үүндээ бүхий л өчигдрөө багтааж чадсан уу?

-Анх би хоёрдугаар курсын оюутан байхдаа “Үнэн” сонины албан ёсны сурвалжлагч болж байлаа. 16-хан настай байсан. Тэр хамт олны надад өгч байсан итгэлийг одоо ч би хайрлаж явдаг. Ажиллаж эхэлснээсээ хойш маш олон мэдээ, нийтлэлийг хэвлүүлжээ. Анх урлаг, соёлын албанд ажиллаж байхдаа Монголын бараг бүхий л олны танил эрхмүүдтэй ярилцлага хийсэн байсан.

Сургуулиа төгсөх жилдээ тэр ярилцлагуудаа эмхэтгэж “Өчигдөр” нэртэй номоо хэвлүүлж байсан юм. Номынхоо ард МХО-ны “Эрдэм” алтан медальт, Нийслэлийн шилдэг залуу алтан медальт энэ тэр гээд л хамаг цол гуншингаа бичиж байсан (хэ хэ хэ) Одоо эргээд бодоход жаахан ичмээр. Гэхдээ тэр бүхэн миний амьдралын хамгийн гоё дурсамжуудын нэг.

-Ээжээрээ их бахархдаг. Ээжийнхээ тухай яриач?

-Миний ээж дээд боловсролтой, насаараа улсын байгууллагад хөдөлмөрлөсөн, дотроосоо ч, гаднаасаа ч сайхан эмэгтэй бий. Би хүсэл мөрөөделтэй байх, түүнийхээ төлөө тэмцэх, тэвчээртэй байх гээд л маш олон гайхалтай зан чанарыг ээжээсээ суралцсан. Хамгийн гол нь хүн өөрөө өөртөө үнэнч байх ёстойг ээж маань л надад ойлгуулж өгсөн дөө.

-Таны нэг гоё үг байдаг. “Өчигдрөө би өөрөө босгосон учраас маргаашид минь хэн ч хошуу дүрэхийг би зөвшөөрөхгүй” гэж. Өчигдрөө дурсах хэр дуртай вэ. Хэрэв таны өчигдрийг компьютерт оруулаад “delete” хий, эсвэл “continue” хий гэвэл алийг нь сонгох байсан бэ?

-Өнөөдөр бол өчигдрийн үргэлжпэл. Тиймээс би “өчигдөр” бүхэндээ хайртай. Ер нь би өнөөдөртөө сэтгэл хангалуун амьдрахыг л хүсдэг. Хөндлөнгөөс хэн нэгэн миний амьдралд хошуу дүрэхэд дургүй. Яг би өөрөө өөрийнхөөрөө амьдарч байгаа шиг бусад хүмүүс ч өөрийн урдахь амьдралаа л харах ёстой. Гэтэл өөрийгөө яая гэж байж хүн рүү өлийж, өөлдөг хүмүүс олон байдаг шүү дээ. Өчигдрөө үзэн яддаггүй болохоор “delete” хийхгүй.

-Өөрийнхөө трансжендер гэдгийг хэзээнээс, хэрхэн мэдэрсэн бэ?

-Сэтгэл дотроо бол би бүх л цаг үеийн турш эмэгтэй хүн байсан. Манай нийгэм энэ талаархи мэдээлэл, мэдлэг дутмаг учраас яг учрыг нь ололгүй олон жил болсон. Тэгж явсаар 2007 оноос анх би өөртөө үнэнч, өөрийнхөөрөө амьдрах нь чухал юм байна гэж бодож эхэлсэн. Өөрөөр хэлбэл, хүн бусдыг хуурах нь яахав гэж бодъё, хамгийн гол нь өөрийгөө хуурах шиг гутамшиг байхгүй юм байна гэж бодсон. Тэгээд л өөртөө үнэнч байя, хүсэл, зүрх сэтгэлээ дагая гэж шийдсэн.

-Таныг илэн далангүй ярилцаж байгаад баяртай байна. Тэр үедээ гадуур нэг өдөр ч гэсэн эмэгтэй хүн шиг хувцаслаад явахсан гэж бодогддог л байсан байх даа?

-Тэгэлгүй яахав, маш их. Гэхдээ тухайн үед биелэшгүй зүйп мөрөөдөөд байгаа юм шиг л санагддаг байсан. Ерөөсеө одоогийн минь амьдрал миний хувьд хэзээ ч биелэмгүй үлгэр мэт санагддаг байлаа. Заримдаа би өнгөрснөө эргэж хараад гайхах үе олон. Яаж би энд хүрээд ирэв ээ гэж. Тийм ихийг даван туулах эрч хүч, тэвчээр, янз бүрийн доромжлолыг тэсэх сэттэлийн хатхаанаас надад ирж байсан юм бол гэж боддог. Ямар ч байсан би итгэлээрээ гэрэл хийж, мөрөөдлийнхөө төлөө тэвчээртэй алхаад л байснаа мэднэ. Суусан цэцнээс явсан тэнэг дээр гэдэг биз дээ. Хүн гоё мөрөөдөлтэй, түүндээ хүрэх чин хүсэлтэй, бас тэвчээртэй байхад хүрч боломгүй зүйл байдаггүй юм байна гэж бодож байна. Одоо ч би зөндөө мөрөөдөлтэй, түүндээ хүрнэ гээд л тэмцэж байна. Мөрөөдөлтэй, тэмүүлэлтэй байх нь амьдралыг илүү өнгөлөг гоё болгодог юм билээ.

-Тухайн үед гэр бүл болон найз нөхөд, ажлын хамт олон яаж хүлээж авсан бэ?

-Мэдээж анх бүх зүйл хэцүү байсан. Эхлээд би өөрөө өөртэйгээ тэмцсэн, дараа нь гэр бүлийнхэнтэйгээ тэмцсэн, мөн ангийн найзууд, ажлын хүрээнийхэн гээд л тэмцсэн. Эцэстээ бүр бүхэл бүтэн нийгэмтэй тэмцэх шаардлага гарч ирсэн. Өөрийнхөө хэмжээнд өөрийгөө илэрхийлсэн, тэмцсэн, чадах бүхнээ л хийсэн. Гэхдээ хар амиа бодоогүй. Надаас өөр олон ийм охид бий, би үзэл бодлоо илэрхийлснээр тэдэнд бас тус болно гэж бодож байсан. Трансжендэр бэлгийн чиг баримжааны тухай өөрөө ч сайн мэдээлэлгүй хэрнээ Монголын нийгэмд анх энэ талаархи шинэ хуудас нээсэндээ би өөртөө баярладаг.

-Анх ижил хүйстэн залуугаас ярилцлага авахаар явж байсныг санаж байна. Тэр хүнтэй уулзаад л өөрийгөө бүрэн илрүүлсэн байх гэж надад санагддаг?

-Надад давуу талууд байсан. Жишээ нь, би ажлаа хийхийн далимд Монголд цор ганцаараа биш гэдгийг олж мэдсэн. Хамгийн анх гей залуутай ярилцлага хийж байсан тухай та асууж байх шиг байна. Тэр үед би Монголын гей залуучууд болон тэдний дунд ХДХВ, ДОХ-ын өвчлөл их байгаа тухай асуудал хөндсөн нийтлэл бичих даалгавар авчихсан байсан юм. Тэгээд л хайж сурагласаар нэгэн гей залуутай ярилцлага хийх болсон нь ажлын ч, амины ч шинж чанартай уулзалт байсан (инээв).

-Баримтат кинонд та л ганцаараа нүүрээ харуулж, бас өөрийн дуу хоолойгоор ярьж байсан. Яаж тэгж зориглосон бэ?

-Нэгэнт л би цоо шинэ сэдэв, хуудас хөндөж эхлүүлсэн учраас чадал хүрэх бүх зүйлээ Монголын нийгэмд хийнэ гэсэн бодолтой байсан. Хийвэл бүү ай, айвал бүү хий гэдэг. Тэгээд ч өөрийнхөө энэ байдпаас болж ажил төрлөөсөө хүртэл гарчихсан байсан үе. Хэн нэгнээс нуугдаж амьдардгаа төгсгөл болгоё, шууд өөрийгөө илчлэх нь зөв юм байна гэж бодсон. Тэгээд Монголын ЛГБТ төвөөс хийсэн “Эрх чөлөөний цаадахь худал хуурмаг” баримтат кинонд оролцож өөрийн амсаж туулсан доромжлолын тухай нийгэмд хандаж ярьсан.

Тэгснээрээ хүмүүс юу хийж байгаагаа, ямар олон гэм зэмгүй залуусыг ямар ч шалтгаангүйгээр сэтгэл зүйн тамд хашиж байгаагаа ойлгож, ухаараасай гэж хүссэн. Яахав, би шууд л өөрийн эрэгтэй дуу хоолойгоор ярьсан. Угаасаа элдэвлэж, маяглах хүсэл ч байгаагүй. Тэгж суух сэтгэл зүй ч байгаагүй юм. Кино орон даяар цацагдсаны дараа найзууд ээж рүү залгаж намайг эмэгтэй хувцастай зурагтаар ярьж байна гэж хэлснээс эхлээд олон хүн намайг таньсан. Тийм зүйл болох л ёстой байсан, тийм цаг үеийг би давах ёстой байсан.

-Ийм явдал болсны дараах таны сэтгэгдэл?

-Би тэгж зоригтой шийдвэрүүд гаргаж байсан нь миний хайртай, дотны хүмүүст муугаар нөлөөлж байсан. Ганцхан өөрийгөө бустэднийгч бусдын ярианы, тэнэг харцных нь бай болгож байсан. Гэлээ гээд тэд маань надад гомдоллоогүй, харин ч дор бүртээ намайг дэмжиж, өмгөөлж байсанд нь би талархах үүрэгтэй. Яагаад гэвэл миний дотны хүмүүс бүгдээрээ намайг юу ч буруу хийгээгүйг, ерөөсөө үүнд хэн ч буруугүйг ойлгосон.

-Одоо ямар чиглэлээр суралцаж байна вэ. Ангийнхан чинь эмэгтэй гэж боддог байх даа?

-Нидерланд улсад анх хөл тавихдаа л би эмэгтэй хүн байсан. Бүгд намайг эмэгтэй хүний хувиар маань харилцдаг. Бичиг баримтны маань зураг, мэдээллүүд хүртэл эмэгтэй. Би Амстердамын Загварын Академи (Amsterdam Fashion Асаdemу)-дэлсэж орохоор бэлтгэлээ хийж байна.

-Та өөрийгөө Австралид байгаагаар мэдээлдэг байсан?

-Би Австралид байгаагүй. Аюулгүй байдлын үүднээс тийм мэдээлэл өгч байсан юм.

-Таныг гей мисс гэгдээд олонд ил болоод ирэхээр хүмүүс янз янзаар дайрч давшилж байсан. Иймээс эх орондоо нэг хэсэгтээ ирэхгүй юм шиг санагддаг?

-Гей мисс гэдэг тодотгол бол үзэл бодлоо бусдад хүргэхэд ашигласан жижигхэн зүйл л дээ. Ямар нэгэн сонирхол татах зүйлтэй байж л хүмүүс миний ярилцлагыг уншиж, үгийг маань сонсох байсан. Бодсоноор ч болсон. Гол нь би анхнаасаа болох бүх зүйлийг таамаглаж байсан. Тиймээс хүмүүсийн янз бүрийн хандлагыг болох ёстой зүйл мэтээр хүлээж авдаг байлаа. Тэр тусмаа би Монгол хүн гэдгээрээ, Монгол эх орноороо дандаа бахархаж явдаг. Тэр нийгэм надад хүнээрээ амьдрах боломж олгоогүй болохоос эх оронд мааиь буруу юу байх билээ дээ. Арван жилийн дараа ч юм уу очиж амраад буцна гэж боддог.

-Монголчууд хэр байдаг бол, тааралдаж байна уу?

-Недерланд бол хүний эрх талаасаа дэлхийд бараг нэгдүгээрт бичигддэг улс. Ялангуяа ижил хүйстэн хүмүүсийн гэрлэх, ил тод амьдрахыг хуулиараа хүлээн зөвшөөрсөн улс. Ерөнхийдөө Нидерлэндад олон монголчууд байдаг. Анх ирсэн жилээ монголчуудын шинэ жилийн арга хэмжээнд очсон. Бүгд их сайхан хүлээж авсан. Түүнээс байнгын харилцаатай байдаггүй.

-Яагаад нэрээ сольсон бэ?

-Миний бичиг баримтны нэр эмэгтэй л дээ. Би өөрийгөө ээжийнхээ нэрээр нэрлээд бичиг баримтаа авсан. Ээжийн нэр их урт болохоор эндхийнхэн хэлж чадахгүй намайг Юна гээд байсан л даа, анх. Тэрнээс нь би санаа аваад өөрийнхөө товч нэрийг Юна гэх болсон.

-Эрэгтэй амьдралаар амьдарч байхдаа эмэгтэй хүнтэй сексдэж үзсэн үү?

-Охидуудтай их найрсаг байдаг байсан. Мэдээж сексийн харилцаа ч байсан. Гол нь тэднээс сэтгэл ханамж авч байсан уу, үгүй юу гэдэг л чухал шүү дээ.

-Тэгвэл та таашаал авч үзээгүй гэсэн үгүү?

-Өнөөдрийг хүртэл би сексийн замбараагүй харилцаатай байгаагүй. Би өөрийгөө эмэгтэй гэж бодож байсан учраас эмэгтэй хүнтэй бэлгийн харьцаанд ороход өөрийгөө эмэгтэй юм шигээр мэдэрч байсан. Гэхдээ ийм харьцаа олон байгаагүй, олон ч давтагдаагүй. Нэгэнт болсон зүйлийг нуугаад байх шаардлага байхгүй. Би эмэгтэй хүн, би эмэгтэй хүнтэй лесби маягаар харьцсан гэдэг утгаар нь хүлээж авсан.

-Анх гей харьцаанд ороход ямар байсан бэ?

-Мэдээж хэрэг анх би өөрийнхөө эрэгтэй хүнд татагдаад байгаа шалтгааныг гей залуу учраас эрэгтэй хүнд татагдаад байна гэж бодож байсан. Тиймээс гей залуустай найзалдаг байсан. Эргээд харахад би яалт ч үгүй эмэгтэй хүн байсан учраас гей залууд татагдаад байгаагаа мэдэрсэн. Тухайн үед энэ талын ямар нэгэн мэдээлэл байгаагүй учраас, мөн би өөрөө гей учраас эрэгтэй хүнд татагддаг юм байна аа гэж андуурсан байсан. Одоо ч гэсэн надад хамгийн сайн гей найзууд байна. Хамгийн гоё дурсамжуудын нэг гэж боддог.

-Найз залуутай болж амжсан уу?

-Яг одоо ганц биеэрээ амьдарч байна. Уулздаг хүн байгаа ч урдаа тавьсан зорилгодоо хүрэхийн тулд сүүлийн саруудад бүх анхаарлаа хичээл номондоо хандуулна гэж шийдсэн.

-Таныг 15 саяар хүйс солиулах мэс засал хийлгэх гэж байгаа тухай цацагдаж байсан. Үнэн үү?

-Хүйс солих мэс заслын талаар би илүү тодотгож ярих ёстой байх. Учир нь манайхны энэ талаархи бодол үнэхээр буруу. Мөнгө л байвал маргааш гүйж очоод хүйсээ солиулчих юм шиг, тэгээд нөгөөдөр нь гудамжаар гунхаад явж байх юм шигээр төсөөлдөг. Үнэндээ тийм биш. Хөндлөнгөөс сонсоход зүгээр л нэг бэлэг эрхтэнг солиод өнгөрөх юм шиг санагдавч үнэндээ хүнд төрлийн мэс засаллдаа. Хүний бүх эд эрхтэн, эсүүд өөр хоорондоо уялдаатай байдаг учраас нэг эрхтэнд орсон өөрчлөлт бусад бүх эрхтнүүддээ нөлөөлдөг.

Жишээ нь эр бэлэг эрхтнийг эм болгож өөрчилснөер биеийн бусад бүх эрхтэний үйл ажиллагаанд ямар нэгэн байдлаар өөрчлөлт орно гэсэн үг. Тиймээс ямар ч бэлтгэлгүйгээр хүйс солих мэс засалд орсны дараа бусад эрхтнүүд нь шинэ эрхтнээ хүлээж авахгүй байх, ачаалал нь хэт ихсэх зэргээс шалтгаалж маш олон төрлийн хүндрэл үүсэх нь бий.

-Хүйс солихоос өмнөх эмчилгээний үе шатыг тайлбарлах уу?

-Тиймээс хүйс солих мэс заслын өмнө маш удаан хугацааны бэлтгэл эмчилгээ шаардлагатай. Өөрөөр хэлбэл, бие организмыг бүхэлд нь шинэ эрхтнээ хүлээж авахад нь бэлдсэний дараагаар мэс ажилбарыг хийдэг гэсэн үг. Ерөнхийдөө удаан хугацааны гормоны эмчилгээ л дээ. Тэр эмчилгээг хийлгэхгүйгээр мэс ажилбарт орох нь амь насаа алдах, мэс заслын дараахь хүндрэлийг давж чадалгүй амиа хорлох зэрэг олон эрсдэлд хүргэнэ. Ийм харамсалтай тохиолдлууд ч олон.

Миний хувьд эмчилгээний маань үе шат дарааллын дагуу маш амжилттай хийгдэж байгаа. Энэ онд мэс засалдаа орох шийдвэрээ ч бараг авсан.

-Таны бэлэг эрхтэн донор болох боломтой юу?

-Боломж байхгүй. Буцаагаад тэрүүгээр эм бэлэг эрхтэн хийчихдэг. Тиймээс тайрч аваад хаячихдаг юм шигээр ойлгох нь хамгийн буруу л даа.

-Мэс заслын дараа эргээд охин болно гэж гэсэн үг үү?

-Би эрэгтэй хүний амьдралаар амьдарч үзсэн эмэгтэй хүн. Эрэгтэй байж байгаад эмэгтэй болсон юм биш, харин эргээд эмэгтэй хүнийхээ амьдралд эргэн ирсэн бүсгүй гэж өөрийгөө боддог. Би өөртөө байх ёстойг л эргүүлэн авч байгаа юм

-Хүүхэд төрүүлэх боломж бүрдэх үү?

-Янз бүрийн боломж бүрдэж болно. Шинжлэх ухаан эрчимтэй хөгжиж байгаа энэ цаг үе маш их зүйл өөрчлөгдөж хөгжиж байна. Магадгүй нэг өдөр би хүүхэд тээгээд сууж байх ч юм бил үү. Ирээдүйд болох зүйлийг тааж хэлэх аргагүй ээ. Одоогоор тэр тухай яг нарийн бодож төлөвлөсөн юм алга. Ямар ч байсан хүүхэдтэй болно гэж боддог. Ямар аргаар гэдэг нь сонин биш. Ямар ч байсан би зөндөө олон хүүхэдтэй болно гэж боддог.

-Анх гарч ирж байсан трансжендэр охин, одоогийн Юна хоёрын ялгаа?

-Мэдээж би өөрийнхөө өнгөрснийг хардаг л даа. Гурван жилийн өмнө би толгойдоо хиймэл үс зүүчихсэн, нүүрээ аймаар зузаан будаад, янз бүрийн хувцас өмсөөд өөрийгөө гоё харагдаж байна гэж боддог байсан. Одоо би юу гэж бодож байна вэ гэхээр эмэгтэй хүн байна гэдэг чинь гоё даашинз өмсөөд нүүрэндээ баахан будаг нялаад эмэгтэй хүн болчихно гэж байдаггүй юм байна.

Эмэгтэй хүний үнэ цэнэ гэдэг чинь дотроо байдаг юм байна. Харагдах байдал бол ерөөсөө чухал биш гэж би боддог болсон. Өнгөрснөө зурагнаас харахад хичнээн хиймэл үстэй, аймаар будсан ч гэсэн дурсамжиндаа хамгийн их хайртай. Тухайн үед би өөрөө өөртөө таалагдаад л тэгж явж байсан учраас хиймэл үстэй, нүүрээ хуруу зузаан буддаг байсан тэр үеэсээ би ичдэггүй. Хорь гаруй жилийн эрэгтэй хүний амьдралаа өөрчлөхийн тулд үсээ ургуулах, хүний нүдэнд яаж цэвэрхэн харагдах вэ, ямар хувцас өмсөх вэ гэсэн өндөр шаардлага гарсан.

Тийм ч учраас даруухан, гоё эмэггэй болъё гэж бодсон. Миний эргэн тойрон дохь хайрлаж хүндэлдэг эмэгтэйчүүд бүгдээрээ л тийм эмэгтэй. Тухайн үедээ би өөрөө өөртөө таалагдаад явж байсан учраас өнгөрсөндөө би хайртай. Надад маш их хугацаа хэрэгтэй байсан. Тодорхой хугацааны ард гарсан. Надад зөндөө он жилүүд байгаа болохоор би улам л гоё эмэггэй, ухаалаг эмэгтэй болохын төлөө хичээж байгаа.

-Анхны хайрын тухайд?

-Анхны хайр минь гей залуу байсан. Албан ёсоор үерхэж, түүнийг хайраа гэж дуудаж, эрэгтэй хүнээр өөрийгөө хайраа гэж дуудуулсан тэр залуу минь миний анхны хайр байсан. Одоо бодоход тэр гей нь хамаагүй миний хувьд эр хүн л байсан. Миний амьдралын гоё дурсамж учраас.

-Гэрэл зураг таны хобби юу?

-Их сургуульд сурч байхад фото сэтгүүл зүйн хичээл орж байсан. Иймээс өөрийнхөө энгийн өдрийн гэрэл зургийг буулгаад блогтоо оруулж байгаа. Үнэндээ миний шинэ дүр төрх, ямар эмэгтэй болсныг монголчууд олж хараагүй байгаа. Яагаад гэвэл би зурагнуудаа нууцлалтай болгосон доо. Би нэг зүйлийг сонирхуулж яръя гэж бодож байна. Нидерланд улсад загвар өмсөгчийн чиглэлээр ажиллах гараагаа тавьж байгаа. Яагаад гэвэл өндөр хөпжилтэй орнуудад загварын ертөнц трансжендер эмэгтэйчүүдэд нээлттэй байдаг. Хамгийн сүүлд Унгарын алдартай гэрэл зурагчин Szilvi Toth гэдэг эмэгтэйтэй хамтарч ажилласан. Дөнгөж эхлэлээ тавьж байгаа гэхэд азтай байгаадаа баярлаж байгаа. Яг одоогоор бол нэлээн хэдэн удаа загварын агентлагуудтай уулзалт хийгээд явж байна. Тэр дунаас аль нэгэнтэй нь гэрээ байгуулаад цаашдаа хамтарч ажиллах байх. Гэхдээ мэдээж хэрэг зүгээр л миний хобби л доо.

-Гэхдээ таны блогт дэмжсэн хандлага их байсан нь гайхалтай санагддаг?

-Би блог бичдэг болсноор бараг таван жилийн хугацаа өнгөрсөн байна. Блогоороо дамжуулж өөрийнхөө ертөнцийг үзэх үзлийн тухай бодлоо хуваалцъя гэж бодсон. Өнгөрсөн хугацаанд 150 мянга гаруй хүн зочилсон байна билээ. Өдөр болгон тоо нэмэгдээд өдөр болгон Монголын залуучуудын мэдлэгийн хүрээ тэлэгдээд миний ертөнцөөр аялаад намайг ойлгоод дэмжиж байгаад би баяртай байдаг. Миний блогийг уншсанаар надтай холбоо тогтоож байгаа нь зөвхөн надад хэрэгтэй зүйл биш. Олон трансжендэр охидуудад өөрөөрөө дамжуулж маш их буян хийж байгаа гэж би өөрийгөө бодсон.

-Олон эмэгтэй хүн загвар өмсөгч болохыг мөрөөддөг ч тэр бүр боломж олддоггүй. Тэгэхээр та их азтай юм аа?

-Өндөр хөгжилтэй барууны орнуудэд трансжендэр модель охидууд зөндөө амжилттай ажиллаж байгаа. Тэр утгаараа шинэ нийгэм намайг сайхан хүлээн авч байгаа. Гэхдээ би өөрийгөө мэдээж супермодель болсон гэж хэлж чадахгүй, дөнгөж эхлэлээ тавьж байгаа гэхэд би маш их азтай байгаа. Цаашид хичээнэ ээ. Загвар бол залуу насны л ажил гэж би бодож байгаа. Түүнээс биш зохиолч ч юм уу сэтгүүлч болох том том зорилготой байгаа.

-Та төвөнхийн асуудлаа яаж шийдэв?

-Мэдээж эрэгтэй хүний бие организм эмэгтэй хүнээс ялгаатай байдгийг бүгд мэднэ. Харин би азтай, ээжээсээ төрөхдөө эмэгтэйлэг дүр төрхтэй, эмэгтэйлэг бие галбиртай төрчихсөн. Хэрвээ би эрэгтэйлэг байсан бол өнөөдөр маш их мэс засалд орно гээд сууж байх байсан. Төвөнхийг мэс заслын аргаар авахуулсан. Төвөнх авахуулах нь олгойны мэс засалтай адилхан. Мэдээж хялбар гэж хэлж болохгүй байх л даа. Энд бол олгой авахтай адил энгийн гэж ойлгогддог л доо.

-Тэгэхээр Нидерландад авахуулсан хэрэг үү. Ханшийг нь сонирхож болох уу?

-Нидерландад төвөнх авахуулах мэс засал энгийн зүйл. Ямар ч өндөр үнэ өртөг байхгүй. Би хямдхан авахуулсан. Мэдээж үнэ өртөг байлгүй яахав. Нэг зүйлийг хэлмээр байна. Хүмүүс намайг мэс засалд их орсон, тэгээд өөр болсон гэж боддог юм шиг байна. Миний байгаа байдал ээжээсээ төрсөн бие махбодь маань шүү дээ.

-Ээж, дүүгээ их санаж байгаа байх. Тэдэнтэйгээ холбоотой байдаг уу?

-Хорвоо дээрх ганц дүүгээ маш их санадаг, ээжийгээ, эмээгээ, ах нар, эгчийгээ аймшигтай ихээр санадаг. Гэхдээ миний урдаа тавьсан зорилго байгаа учраас зорилгодоо хүрээд маш хүчирхэг эмэгтэй болсны дараа хайртай бүх хүмүүстэйгээ уулзана гэдэгтээ итгэлтэй байдаг. Тиймээс би сэтгэл санаагаар дандаа хүчирхэг байхыг хичээдэг. Нэгдүгээрт дүүгийн маань ойлгох нас болоогүй, жаахан байгаа.

Ойлгуулж байна гээд элдэв бусын юм яриад толгойг нь эргүүлээд байх шаардлагагүй. Миний хайртай хүмүүс намайг байгаагаар минь хүлээн авч чадсан. Миний сэтгэл эмзэглүүлсэн сэдэв ээжийгээ, дүүгээ маш их санаж байна. Ээжийгээ би маш их гомдоосон. Байнга холбоотой байж чаддаггүй. Дандаа холбоотой байхаар сэтгэл зүйн хувьд надад маш их хэцүү байдаг. Би дөнгөж хорь гаруй настай залуу хүн шүү дээ. Жилдээ би цөөхөн удаа л ээж, дүүтэйгээ утсаар ярьдаг. Удахгүй хамгийн том хүсэл мөрөөдлөө биелүүлээд нэг л мэдэхэд ирнэ гэдгээ мэднэ.

-Эрэгтэй байхдаа үл ялиг сахалтай байсан?

-Гормоны эмчилгээ хийлгээд жил гаруй хугацаа өнгөрч байгаа. Миний бүх үс ургалт зогссон. Хүмүүс амар зүйл мэтээр ойлгоод байдаг. Гормон уугаад л энэ ийм өөр болсон гэж хялбараар санаад байдаг нь надад аймаар санагддаг. Яагаад гэвэл би эрүүл мэндийн хувьд маш ихээр хохирч байгаа. Би эрүүл мэндээ бодолгүй уусан болхооор тэрнээс илүү хохирлыг амсч байгаа. Тэгэхгүй бол болохгүй.

-Санхүүгийн асуудлаа яаж шийдэж байна?

-Би яг одоо залуу ядуу хүн шүү дээ. Бусдаас илүү баярхах янз бүрийн юм байхгүй. Нидерландын Засгийн газраас Амстердам хотын төвд байр өгсөн. Тиймээс үнэтэй байранд амьдарч байгаадаа маш их баярладаг. Хоёрдугаарт би оюутны тэтгэлэг авдаг. Тэтгэлгийнхээ мөнгийг бүх зүйлдээ хүргэх шаардлагтай, хүргэж ч амьдарч байна даа.

-Эмэгтэй байхын сайхан нь юу вэ?

-Эмэгтэй хүн болж төрнө гэдэг ерөөсөө үнэлж боломгүй маш том шагнал. Тиймээс өөрөө өөртөө талархаж, өөрийгөө үнэ цэнэтэй байлгаж, өөрийгөө үнэлдэг байх ёстой гэж ойлгодог. Эмэгтэй хүн байна гэдэг өөрөө гайхамшиг шүү дээ. Эмэгтэй хүн, хүн бүтээдэг болохоор бурханаас ил үү.

-Нүүрээр тань их юм гардаг байсан. Гоо сайхандаа хэрэглэдэг бүтээгдэхүүнийг сонирхвол?

-Эмзэг төрлийн арьстай учир сүүлийн үед ойр зуур гарахдаа нүүрээ будахаас татгалздаг болсон. Нүүрээр гардаг асуудалтай гурван жил тэмцлээ. Одоо нүүрэндээ сэтгэл хангалуун байдаг. Нүүрний шингэн энгэсэгийг илүү хэрэглэдэг. Тиймээс Chanel, Clinique, Vichy-r хэрэглэдэг.

-Өмнөх дуу хоолой, одоогийн Юна хоёрын дуу хоолойнд өөрчлөлт орсон байна?

-Мэдээж хүн хооронын харилцаанд хэл яриа гэдэг хамгийн чухал үүрэгтэй. Транс охидын хувьд дуу хоолой гэдэг хамгийн эмзэг сэдэв байдаг. Би чинь бүр телевизийн мэдээ хүртэл уншдаг байсан, нэлээд баргил хоолойтой байсан болохоор дотны маань хүмүүст миний дуу хоолойны өөрчлөлт их содон санагддаг шиг байгаа юм. Гэхдээ бусдад өөрийнхөө үзэл бодлыг ойлгуулж чадаж л байвал үнэндээ арслан шиг архирна уу, хэрээ шиг гуаглана уу, хэнд ч хамаагүй. Миний дуу хоолойны хувьд хүмүүс өөрчлөгдсөн байна гэж хэлдэг л дээ. Гормоны эмчилгээ энэ тэр гээд л нөлөөлөх хүчин зүйлүүд бий учраас тэр юм болов уу даа.

-Эмэгтэй хүний гоо сайхны чухал хэсэг хөх байдаг. Үүнд та хэрхэн анхаарч байна?

-Гормон уухаар гормоны нөлөөгөөр хөх ургадаг. Дунд сургуулийн охидын хөх ургаж эхэлдэг шиг ургаж байгаа. Жил гаруйн хугацаанд тодорхой хэмжээнд ургаж байна.

-Тан шиг ил гарч ирээгүй трансжендэр охиддоо юу хэлэх вэ. Магадгүй таны хариулт тэдэнд чухал байх?

-Сайхан асуулт байна. Монголд мэдээж хэрэг айгаад, аймшигтай нийгэм учраас гадуур цуглаад ил гарч чадахгүй нь зөндөө байгаа. Тэр охидыг над шиг битгий доромжлуулаасай, над шиг өчнөөн cap жилээр битгий шаналасай гэж боддог учраас би өнөөдөр блог хөтөлдөг. Ярилцлага өгдөг, өөрийнхөө амьдралыг дэлгээд тавьсан юм шиг ил байлгадаг. Тэр нь надад ямар ч ашиггүй. Надад 50 төгрөг ч ирээд наалддаггүй шүү дээ. Трансжендэр охидуудаа гоё байгаасай гэж боддог. Тиймээс өөрөө өөртөө итгэлтэй, өөрөө өөртөө үнэнч байж чадах юм бол биелэхгүй зүйл энэ хорвоод байдагтүй юм. Энэ хорвоод бүх зүйл болж бүтээхээр хийгдсэн байгаа. Тиймээс транс охиддоо хандаж, өөрөөрөө л бай, битгий өөртөө стресс хураа гэж хэлмээр байна.

-Цаашдын хүсэл?

-Хөндлөнгөөс харахад хүссэндээ хүрсэн юм шиг. Миний бодлоор миний амьдрал дөнгөж одоо л эхлэх гэж байна. Би өөрийнхөө байх ёстой байр сууринд ирэхийн тулд маш их тэмцлээ, маш их зүйлийн ард гарлаа. Тэр бүхэн минь надад ирж байна. Надад төлөвлөсөн ажлууд, хүсэл мөрөөдөл байгаа. Цаашид маш их мундаг ажил хийнэ. Бусдын төлөө чадах бүх зүйлээ хийх болно. Хүний эрхийн төлөө өөрийнхөө дуу хоолойгоор чадах бүхнээ хийнэ гэж хүсдэг.

-Ярилцсанд их баярлалаа. Танд амжилт хүсье.

Намайг яриагаа буулгөх зуур тэрээр амандаа дуу аялан, цагийг ашиглан хоолоо бэлдэх нь хүртэл яг л нөгөөх хуучин хэвээрээ санагдсан шүү. Хүн зорьсноо заавал бүтээхийн тулд Юна шиг ирмүүн дайчин байх хэрэгтэй. Түүнтэй ярилцаж байхад ирээдүйдээ үнэхээр итгэл төгс байсан нь бахархмаар байлаа.

П.Мөөг
Эх сурвалж: “Болсон явдал”

Анхны цас :)

2012-01-31T01:02:00.002+08:00

Өнөөдөр үнэхээр сэтгэлд таатай өдөр байлаа. Өглөө хичээлдээ явахаар гартал цасан ширхэгүүд бударч байсан. Монголд ордог шиг их биш л дээ, гэхдээ л маш гоё. Бас хүйтэн. Нээх сайхан даараагүй удсан байна шүү ! Дэндүү удаан хүлээлгэсэн энэ цас улам ороосой.

2012-01-26T04:45:00.003+08:00

Ойрд блогтойгоо буу халаагүй юм байна шүү.

Би гэнэт гэгээрчихээд сүүлийн үед амьдралын янз бүрийн өнцөг, булан, тохойн тухай үзэл бодлоо дэлгээд байгаа юм биш л дээ. Амьдрал өөрөө ойлгуулаад байна. 16 настай байхдаа ахмад хүмүүсийн сургаалийг сонсохоор инээд хүрээд байдаг байж билээ. Энэ муу юугаараа илүүрхээд байгаа юм, би нас залуу ч амьдрал мэднэ, ойлгоно энэ тэр гэж...

Үнэндээ бол "илүү оймс элээх"-ийн давуу талыг одоо ойлгож байна, ер нь бацаанууд эхлээд том бол, дараа нь том ярь за гэх мэт.

...

За энэ ч яахав. Монголтой харилцаа, холбоо муутай болоод удлаа. Хуучин мессэнжэр хаягаараа шагайхаа больсон, фээсбүүктээ зөвхөн танил, найзуудаа үлдээж, бусад хүнийг листнээсээ хассан, дахин найзын хүсэлт хүлээж авахгүй байгаа. Монголын талаар мэдлээ, холбоотой байлаа гээд хов, хэрүүл, стресснээс өөр надад юу ч ирж наалдахгүй, цагийн л гарз байдаг юм чинь юуг нь сонирхох вэ дээ. Тиймээс сэтгэл амар хэдэн сар ард хоцорчээ.

Хичээлдээ явсаар. Амьдрал сонирхолтой үргэлжилсээр.

....

2012-01-22T23:10:00.002+08:00

Хэн нэгний өмнө задгайлсан гэж
Үе үе чамайг сандаргах
Хэзээ ч надад байгаагүй
Чиний дуртай улаан даашинз...

Юна.Т, Амстердам, Недерланд 2011

MY DAY IN PHOTOS 2

2012-01-15T03:34:00.007+08:00

Амьдрал гуниггүйгээр илүү гунигтай

2012-01-12T02:09:00.008+08:00

/Найзууддаа зориулав. Бие хол ч сэтгэл хамт байна гэдэг эрхэм, Та нартаа хайртай./

Бэрхшээл гээч нь ерөөсөө төгсгөлгүйгээр бүтээгдсэн тул түүнийг хүлээн зөвшөөрөх нь амжилтад ойртох хамгийн энгийн арга юм уу даа гэж...

Ийм өгүүлбэр өнөөдөр өглөө гэнэт сэтгэлд буулаа. Өмнө нь бас бичиж л байсан юм, Бурхан багшийн 4 үнэний сургааль буюу "зовлон үнэн, зовох нь үнэн, зовлонг гэтлэх нь үнэн, зовлонг гэтлэх замыг олох нь үнэн"-ий тухай.

Маргаашийн талаар байтугай хэд гуравхан мөчийн дараа юу болохыг бидний хэн ч тааж мэдэхгүйгээс хойш жаргаж байгаадаа сайрхаж, зовж байгаадаа туниад яах вэ. Хүн бүр бэрхшээлтэй тулгарсаар, давж гарсаар, дахин тулгарсаар, дахиад давж гарсаар дуусдаг. Бэрхшээлийг томруулдаг шилээр харахын оронд амьдралын салшгүй бүрэлдэхүүн хэсэг гэдэгтэй эвлэрэх нь зөв юмаа гэсэн санаа. Өөрөөр хэлбэл, нөлөөллийн хэлбэрийг нь түүнийг хэрхэн хүлээж авахтай холбоотойгоор өөрчилж болно гэсэн үг.

Гагцхүү хүн өөрийгөө ямагт хайрлах ёстой ба бурхан үнэхээр хүнийг бүтээсэн нь үнэн бол өөрийнх нь бүтээл өөрийгөө хайрлах үйл явцыг тэр лав сайшаана гэх мэт. Хүний сайныг ханилан байж мэднэ гэдэгчлэн амьдралын амтыг амьдарч байж л амтлах юм даа! "Жор үзсэн эмчээс зовлон үзсэн чавганц дээр".

...

Цас хүлээсээр хоёрдугаар сартай золгох нь. Миний анхны цас үзээгүй өвөл. Монголын өвөл хөгжилтэй шүү, мөсөн дээр савж унаад л. Гудамжаар дүүрэн болгоомжлонгуй шогших хүмүүс харагддаг сан. Энд гэтэл өдөр шөнөгүй л бороотой. Энэ их борооны хэсэг нь ч атугай Монголын зунаар шиврээсэй. Шударга бус байгаа биз дээ. Эсвэл шударга бус байдал нь амьдралын ерөнхий зарчмыг тодотгож, хүмүүст амьдрахын үнэ цэнийн тухай цаг ямагт сануулж байдаг байж болох юм.

Өнөөх учир зүйн хэлхээ нь энэ. Амьдрал гуниггүйгээр илүү гунигтай, амьдрал бэрхшээлгүйгээр бүр уйтгартай, Амьдрал яг энэ байгаагаараа л сайхан. Бид өөрийнхөө байгаагаар хайрлагдахыг хичээдэг шиг амьдрал ч бидэнд байгаагаараа л үнэлэгдэхийг хүсдэг байж таарна.

Шинэ өглөөний "философи"

2011-12-30T04:57:00.004+08:00

Шинэ өглөөний "философи": Залуу нас ч бас ганцхан олдоно. Энэ царай зүс, бие хаа, гоо үзэсгэлэн гээч чинь хэмжээ, хугацаатай. Байгаа дээр нь байгаагаа чим, гоёж гангал, буд, өдөр бүр залуу насаа өнгөл, өөрийгөө гайхуул, өрөөл бусадтай танилц, нөхөрлө, хорвоо дээр ганцаараа мэт эрх чөлөөтэй бай, чамаас илүү гоо үзэсгэлэн үгүй гэсэн шиг бардам алх, ганцхан олдох залуу насаа дураараа л эдэл, учир нь чиний залуу нас ирсэн шигээ буцна, энэ чинь цаг хугацаатай, залуу насандаа хийморьлиг бай.

Өөртөө зориулах цаг хугацаагаа үр хүүхэд, өрөөлийн төлөө элээсээр төгсөх тийм нас тэртээ тэргүй бид бүгдэд ирнэ, тэр хүртэлх бүх мөчийг өөртөө зориул, өөдрөг бай.

Амстердам, Недерланд, 2011.12.30

Merry Christmas and Happy New Year 2012!

2011-12-25T06:08:00.000+08:00

I wish you all Merry Christmas and Happy New Year 2012! Have a great time with your family and friends, strong health, a lot of luck and of course, endless love and happiness in 2012! Love u all :)

MY DAY IN PHOTOS

2011-12-14T00:22:00.006+08:00

I have always loved to make things. Sometimes I just didn’t know it.
I have always loved photographs. Sometimes I just didn’t take them.
I have always loved to write. Sometimes I just erase a little too much.

"Анхных"-даа

2011-12-07T05:13:00.004+08:00

"Анхных"-даа зориулав

Тэгэхэд би ногоон байсан-
Шинэхэн янжуурын зөөлөн амт шиг хялбархан ч байсан,
Одоо харин би гашуун болсон
Шунаж тамшаах сархадын чинь аагнаас ч харгис болсон.
Тэр жил л би чамд хайртай байсан,
Тэрнээс хойш чиний гэх бүхэн дээр ус цацсан
Унтраасан...
Хайрыг би аргадахын оронд
Хайртууд намайг царайчилдаг болсон,
Тэгээд чиний төлөө хороосон
Нулимс бүрийнхээ хойноос эмгэнэж
Тэмдэглэлийн дэвтэрээ цуцтал
"Тэгэхэд би сохорсон байсан" гэж томоор бичсэн!

Юна.Т, 2011 Амстердам, Недерланд

2011-11-26T04:55:00.000+08:00

...

2011-11-26T03:19:00.006+08:00

Төгс зүйл гэж огт байдаггүй атал бүгд л төгс болох гэж тааруухан жүжиглэх юм даа. Ямар азаар надад жүжиглэх авъяас огт заяагагүй юм бэ.

Юна.Т, Амстердам 2011

Stay Beautiful

2011-11-25T04:25:00.001+08:00

...

Stay Beautiful
Even if we don’t stay friends
Stay Beautiful
Even if we fall apart
Stay Beautiful
Because you’re going to be someone in life
Stay Beautiful
For me or if not for me
Stay Beautiful
For yourself or for the people you love
Just Stay Beautiful
Because someday you’re going to find the one
You really truly love and she’ll be telling you
To Stay Beautiful too
Stay Beautiful
Because you’re an amazing person and
That’ll never change and
Stay Beautiful
Because you’re one and in a million and
Stay Beautiful
Just to stay the beautiful person
You are today and
Stay Beautiful
Because that’s who you are
You’re Beautiful

Hayley.F

...

Амстердамаас...39

2011-11-22T03:18:00.009+08:00

Дахиад шинэ өвөл...Хуучин өвлөөс хойшхи хэсэгхэн хугацаанд яаж ийм ихийг өөрчилж чадав аа? "Маш их хүс, маш их итгэ, маш ихээр өөртөө итгэ, эцэст нь хүссэн зүгтээ алхаад л бай" гэдэг уриа сэтгэлд буув. Алхаад л байвал хаа нэгтээ хүрч таарна буюу муугаар бодоод мууд хүрлээ гэхэд тэр нь мэдээж дэмий зогссоноос дээр гэх мэт. Өнгөрсөн бүхэн "өнгөрсөн" учраас өөрөө өөрийгөө уучилж сур, учир нь харамсаж шаналлаа гээд өрөөлийн бус өөрийнхөө эд эсийг л хороох ба өнгөрсний төлөө өөрийн биеэ хэмлэх нь адгийн тэнэгийн шинж биш гэж үү зэрэг гоё өнцөгүүдийг ч олж харав.

Амьдрал дэндүү баялаг юмаа. Нэг тиймэрхүү л байх болов уу даа гэсэн бүх төсөөллийг няцааж цоо шинээр өрнөх сонирхолтой маргаашууд. Өрөөл бусдыг хуурч нүглээ зузаалж зориглох ч өөрийгөө хуурах нь байж боломгүй гутамшиг гэдгийг ухаарсан тэр жил. Бараг дөрвөн жил өнгөрчихөж шүү дээ. Итгэмээргүй. Хэнд ч үл захирагдах эрх дархаа тунхаглан сүнгэнэх цаг хугацаа, бас түүний харгис хурд. Амьдралын утга учир энд оршдог юм уу, эсвэл гүйцэж хүчрэмгүй тэр цаг хугацаанд элээгдэх явцдаа амьдрахын утгыг олж харах ёстой ч юм уу.

...

Хичээл эхлээд хоёр сар өнгөрлөө. Өглөөний 07.00 цагт босч, нар буцахтай зэрэгцэн гэрийн бараа харах завгүй хэмнэл. Цоо шинэ хүний байр сууриар нийгэмшинэ гэдэг нь илүү их хариуцлага, заримдаа ч мэдээж төвөгтэй л дээ. Тээршаах хэлбэрийн төвөг гэх гээгүй шүү. Жишээ нь, Монголд "хэн бэ" гэдгээ хэрхэн нуух талаар шаналал тээдэг байсан бол одоо шаардлага гарвал хэрхэн илчлэх вэ гэж бодлогширох. Хачин биз дээ. Амьдрал хааяа хэтэрхий логикгүй санагдана. Миний амьдрал гэж байгаа юм биш л дээ, ерөөсөө амьдрал гээч тэр зүйл бүхэл бүтэнээрээ. Болдог бол логикийн алдааг нь засаад дахин хэвлэчихмээр. Эсвэл энэ нь ханаж цадахаа үл мэдэн даврах хүн гээчээс гарах л ёстой ховдог сэтгэлийн илрэл биз.

Манай ангийнхан олуулаа. Олонхи нь Недерланд эртэй дэр нэгтгэсэн хятад, япон, индонези, америк, австрали, орос, итали бүсгүйчүүд, зарим нэгэн нь ажлын гэрээгээр уригдаж ирэгсэд гэх мэт. Загвар зохион бүтээгч, загварын гэрэл зурагчин, хөл бөмбөгийн дасгалжуулагч, бизнесмэн, энгийн нэгэн гэрийн эзэгтэйгээс эхлээд жирэмсэн хүүхэн, ганц бие эрчүүд, гей залуу, лесби охин гэхчилэн байж болох бүхний төлөөлөл бий. Харин би сургуулийнхаа анхны Монгол сурагч юм гэсэн. Мэдээж анхны транс эмэгтэй байж ч магадгүй гэнэ лээ. Ангийн багш, сургалтын менежер хоёр л миний "нууцыг" мэднэ. Бусдад далан булчирхайгаа дэлгэх шаардлагагүй гэж тэд зөвлөсөн тул ангийнхандаа ам нээгээгүй.

Хаа газрын хүүхнүүд цөм л хэрэгт дуртай байдаг нь жам тул ангийнхан ч адилхан. Нөхөртэй юу, яагаад нөхөрт гараагүй юм бэ, хүүхэдтэй юу, хэдэн хүүхэдтэй болъё гэж бодож байна даа гээд л эхэлнэ. Хааяа ам халцгаагаад ангалзахаар "анхны шөнөө яаж өнгөрүүлсэн бэ, их өвдсөн үү" энэ тэр гэж аальгүйтнэ. Цүнхээ бариад угаалгын өрөө явахад хүртэл "найз чинь" ирчихээ юу гэж үг шиднэ. Хуучин найз залуучуудаа дурсана, нөхөрөө магтана, муулна, бусдынхтай жишнэ. Эгч нар гоё зөвлөмж хэлнэ, магтана, зэмлэнэ. Хүүхнүүдийн ертөнц хөгжилтэй, гэгээлэг, илэн далангүй, илүү дотно, илүү нээлттэй, дулаахан, зөөлөн мөртлөө хатуу, эмзэг атлаа хүчтэй...

Нүүрээ будаад, ганган даашинз л өмсчихвөл гоё бүсгүй болчихно хэмээн эндүүрдэг байжээ. Аль болох зузаан будаж, хамгийн этгээд өмсгөл рүү тэмүүлдэг байж. Харин эмэгтэй хүний нууц, үнэ цэнэ, эмэгтэй хүн байхын утга учир нь зөвхөн дотооддоо оршиж, ямар ч хөөрхөн царай, үнэтэй даашинзад хамааралгүйгээр гоё сайханаа зарлан гайхуулж байдаг юм байна. Хорвоод муухай эмэгтэй хүн байдаггүй гэдэг нь ийм учиртай аж.

Миний өнөөдөр миний мөрөөдөл байсан. Хүрэх боломжгүй мэт тэр мөрөөдлийнхөө дэргэд яаж яваад ирчихэв ээ гэж дахиад л гайхмаар. Ямар ч байсан тэвчээртэй алхаад л байгаа нь үнэн. Тэвчээр үргэлж ялалт дагуулдаг шүү дээ. Өөрийн биеэр мэдэрч байгаа учраас ч тэр үү, үүнд л би итгэдэг.

Завгүй өдрүүд эхэллээ

2011-09-17T01:19:00.006+08:00

"Онцгүй" өдрийн тэмдэглэл

2011-09-10T00:46:00.007+08:00

Жирийн л нэгэн өглөө...

Утасны хонх түгшүүртэй хангинахад цочин сэрэв. Ухаан мэдрэлээ алдсан мэт гүн нойрсжээ. Урьд орой хэрэггүй шахуу улигт бодлууд толгойд эргэлдсээр унтаж чадахгүй тарчилж хэвтсэн сэн. Гэтэл энэ орчлонгоос зуу зуун хором холбоо тасарчихаад ийнхүү буцаад хүрээд ирэх гэж. Сонин шүү, унтах гэдэг. Унтаж байх хооронд юу болж байгааг мэдэхгүй байх нь бүр аймаар. Аан бас, мэдээж утасны хонх ингэж эд эс хямартал чарлахгүй, их аятайхан, намуухан эгшиглэдэг байвал зүгээр тухай хэсэг бодлоо. Нээх гоё жазз юм уу, төгөлдөр хуурын тансаг аялгуу...Тэр аялгуутай хамт хэн нэгний уруул хацар, сормуусыг минь гижигдвэл нойрноосоо тун ч таатай сэрэх биз. Даанч гижигдүүлэх уруулыг хэзээ ч билээ хөөгөөд явуулчихсан.

Ингээд "зөөлөн чихтэй"-гээр нь өнөө муу нөүтбүүкээ л хань татлаа. Хөөрхий, гарын минь аяыг хэр удаан тэсэх бол гэж бодохоор хайрламаар ч юм шиг. Техник гэдэг хийснийхээ хариуг авна гэхгүй амар эд хойно. Pink Floyd-оо хангинуулж аваад л шинэ өглөөгөө угтлаа даа.

Өдөр уулзалтын цагтай. Нүүрээ будах, үсээ угааж янзлах гэсээр хамаг цаг өнгөрчихөж. Зарим нэг и-мэйл илгээх, хувцсаа сонгож өмсөх гээд мунгинасаар цаг үлдэхгүй нь бололтой. Ходоод руугаа жаахан юм чулуудах сан. За тэр ч дүүрчээ. Өлсөж байна уу ходоод минь? Үгүй л биз дээ мэдээж. Эд эрхтнүүдээ үгнээсээ гаргахгүй сургачихсан айхтар эзэн шүү дээ. Тэгэхгүй бол унтмаар байна гэж эвшээгээд, өлсөөд байна гэж хоржигноод байдаг бол хэцүү еэ. Хэрэв тэгээд байвал тэгэхээс тэгэх гэж сэрүүн хоноод, өлөн суугаад байхаар аяндаа сурахгүй хаашаа далд орох вэ, эд нар.

Худалдаж авсанаасаа хойш ганц ч өмсөөгүй даашинзаараа гоёх санаатай байтал гадаа бороо орж байна. Аягүй л бол даарна, дулаан хувцаслая. Хмм, цастай өвлийн хүйтэнд шилэн оймс, өндөр өсгийт, богино банзалтай гүйгээд байдаг атлаа хэдэн дусал хүйтэн хураас гэнэт ингэтлээ бишүүрхэх гэж...Миний энэ тэрслүү занг уу!

Удалгүй Амстердамын ааш муутай чулуун замыг өндөр өсгийтөөрөө тогшин сэрээсээр трамвайн буудал өөд алхаж явна. Уурлаж байхдаа ч инээж л суудаг резинэн нүүрт европчууд үе үе инээмсэглэн өнгөрөх агаад миний нүүр бас ямагт тэгж инээгээд байдаг болчихсоныг эртээд анзаарч билээ. Замд таарах Анна Франкын даруухан даашинзтай хүрэн хөшөө сэтгэлд дулааханаар мишээж, цаашлаад төв талбай, лааны тосон үзмэрүүдээрээ алдартай "Madame Tussauds" ч нөгөө л янзаараа дүнсийнэ. Адал явдал хайгч жуулчин залуус болхи том үүргэвчээ дааж ядан бөөцийж алхах нь хуучин эрин зуун нэвт ханхлах энэ хотын үнэ цэнийг улам тодотгох мэт.

Нэг л мэдэхэд өдөр...

Трамвайн жолооч залуугаас зам асуух зуураа найрсаг харцанд нь зүрхнийхээ хамаг догдлолыг үлдээчихсэн шинжтэй. Зальжин, тачаангуй нүднийх нь тухай бодонгоо усны эрэг даган алхсаар ядарсанаа ч мэдэлгүй хүрэх ёстой газраа ирлээ. Тос даасан гандуу саарал үсээ эв хавгүй сул асгаж, "сайн байна уу хатагтай..." гэсээр гар сунган мэндлэх нүдэнд дулаахан эмэгтэйг Маша гэдэг гэнэ. Орос цус судсаар нь гүйдэг талаар их л онцлон хөгжилтэйгээр хэлэх энэ хүний алиа хошин зан нь бидний дунд сайхан уур амьсгал үүсгэчихэв. Уг нь зүс харж байгаагүй Машатай байр, гэрэл, усны мөнгө гээд л ойрд үүсээд буй асуудлуудаа ярьж албаар бүр ам мурийна гэж төлөвлөж байсныг яана. Гэтэл ингээд миний үс төрөлхийн гоё хар өнгөтэй тухай, Машагийн үсний үндсэн өнгө ямар байсан, ер нь үс арчилгааны тухай гэхчилэн хүүхнүүдийн хэрэггүй гэхээр хэрэгтэй ч юм шиг сэдвүүд дэлгэсээр урт удаан үргэлжлэх ажил хэргийн яриандаа шилжиж сууна. Бүх зүйлд гарц бий болохоор уурлаж, уцаарлахаа урьтал болгоно гэдэг дорой хүний араншин юм даа.

Ярилцлага өндөрлөлөө. Гадаа бороо шивэрсээр угтав. Өвөл, зунгүй л асгарчихна, яасан уйддаггүй тэнгэр вэ! Энэ хэвээрээ үргэлж шивэрвэл гоёмсог ч юм уу. Анх бороо харахаар гуниг нэмээд байх шиг хөндүүрлэдэг байсан ч одоо бол гуниг угаагаад байх шиг сэргэдэг болчихжээ. Тэгээд ч үзмэн ягаан өнгийн ганган шүхрээ дэлгээд алхахад зугаатай, ёстой л үнэтэй бодлууд толгойд орж ирнэ шүү дээ. Хуримаа хийхдээ ямар загвартай даашинз өмсөх талаар хамгийн түрүүнд бодогдоно. Чимхлүүр хийцтэй цагаахан даашинзаа хичээж байгаад өөрөө урлах сан...Бодол дотроо бүжиглээд л, дуулаад л, наргиад л...

Гудамжныхаа үзүүрийн дэлгүүрээс шинэхэн тоор худалдаж авсанаар гэрийн бараа харлаа. Өнөөдөр тоороо идээд унтчихъя. Нэг өдөр болтугай махнаас татгалзаж буян хийе. Орой ч болчихжээ. Ёстой л нүд ирмэх зуур юмаа. Өнгөрч байгаа өнөөдрийнхөө өнгийг эргээд бодлоо, онц гойд зүйл юу хийв, юу бүтээв.

Цаг хугацаа хэнийг ч хүлээхгүйгээрээ харгис, бардам, үнэлж боломгүй аж. Угаасаа цаг хугацаа өөрөө биднийг бүтээдэг юм чинь бид түүний биш тэр бидний үнэ цэнийг хэмжих биз. Хором, мөч бүрийг хайрлаж чадсанаар л бид үнэ цэнэтэй хүн ба үнэ цэнэтэй амьдрагч хэмээн цоллуулна.

Тэгэхээр хүний анхаарал татчих юу ч тохиолдоогүй жирийн л нэгэн энэ өдөр минь эргээд надад олдохгүй учраас онцгой байж таарах нь. Мэдээж маргааш ч гэсэн амьдрал хэмээх гайхамшигаар дахин аялж, өөр нэгэн онцгой өдрийг бүтээж үлдээнэ. Нөгөөдөр ч бас...Ингээд бодонгуут "онц зүйл болоогүй" хэмээн тэмдэглэлийн дэвтрийнхээ хуудсыг харамласан бүх өдрүүд минь онцгой байсан байж таарлаа. Алт эрдэнэс хүнд хүссэн хэмжээгээр олдох ч амьдарч байгаа хором эргэж олдохгүйг ухаарч амьсгалахад агаар хүртэл миний дуртай интоорын шүүс шиг амтагдав.

Өнөө л орон дээрээ, өнөө л янзаараа унтахаар хэвтэж байгаа мөртлөө энэ агшин эргэж олдохгүй гэж бодохоор яагаад ч юм нэг л гоё орон дээр хэвтээд байх шиг, нээх гоё хэвтээд байх шиг. Тэгээд би өдрийн тэмдэглэлийн дэвтэртээ олон зүйл нуршсангүй, зүгээр л "нэгэн гайхалтай өнөөдөр надад зориулагдлаа" гэж бичив.

Юна.Т, 2011

Be here to love me...

2011-09-07T22:00:00.002+08:00

Амстердамаас...38

2011-09-07T20:09:00.006+08:00

Хааяа нэг чатаа нээхээр хүмүүс чиний зураг тэр сайтад байна, энэ сайтад байна гэлцэх юм. Байж л байхаас, тэртээ тэргүй Монголд олонд танигдлаа гээд надад таван цент ирж наалдах биш, хүний нутагт өнөө маргаашаа бүтээх гэж явахад тэр ч лай байна аа. Гэхдээ болсон, болоогүй зургууд тавьж хамаг амьтны хараал зүхлийг над дээр овоолохын оронд ийм трансжендэр эмэгтэй, ийм нэртэй блог хөтлөдөг юмаа гэсэн мэдээ биччихвэл миний эр, эмийг ч ялгаж чадахгүй суугаа хэдэн амьтны нүд нээгдэх сэн. Ингээд бодохоор монголын нийгэм арай л бараан. Нийгмийг соён гэгээрүүлэх ёстой олон нийтийн мэдээллийн цахим хуудсууд нь хүртэл тэнэг зорилгоо ил цагаанаар зарлаад элдэв хараалын үг бүхий сэтгэгдлээр "санхүүждэг" болчихсон. Түүгээр нь шагайх бүү хэл бодоход ч ой гутмаар.

Доромжлууллаа гээд дордохгүй, доромжиллоо гээд баяжихгүйгээс хойш хамар доорхи хагархайгаа хэрэгтэй зүйлд ашиглацгаая !!!

...

Амстердамын тэнгэр уйлсаар л. Гунигийн нулимс биш бололтой. Усан нүдэн гүнж шиг угаасаа уйламхай юм байж л дээ. Анх би уйтгарлаж, ганцаардаад л уйлаад байдаг юм болов уу гэж боддог байлаа.

Ийм бүрхэг өдрүүдэд будаатай цай чанаж уучихаад орондоо өдөржин хэвтэх юм уу, ямар нэгэн зүйл бичихэд гоё доо. Norah Jones-ийн "Feels Like Home" цомог болон Pink Floyd-ийн "Pulse" DVD-г бэлгэнд авсан. Гэхдээ зураг зурах хэрэгсэл хамгийн онцгой бэлэг байлаа. Хайр хүрмээр бийр, будагнууд. Өөрийнхөө хэр хэмжээнд дотоод дахиа дүрслэнэ дээ. Өвөө минь их гоё зурдаг хүн байсан. Түүнийг өөд болсоноос хойш ээж намайг зураач болгохыг хүсдэг байсан ч нэгдүгээрт, би хүсээгүй хоёрдугаарт, авъяас дутах байсан биз. Яахав, одоо ч зурах дуртай хэвээрээ. Ер нь хүн бүр л чадах чадахаараа өөрийн дотоодоо илэрхийлдэг хойно. Би бичиж байхад өөр хэн нэгэн дуулж, нөгөөх нь зурж, эсвэл бүжиглэж ч юм уу.

Усанд сэлэлтийн хичээлд бүртгүүлсэн чинь ирэх хоёрдугаар сард эхэлнэ гэсэн. Идэвхтэй явна аа, лусын дагина болчих ч юм бил үү хэхэ. Бас ирэх долоо хоногт шүдний эмчид цагтай. Хүмүүс яагаад шүдээ янзлуулахаас тэгтлээ их айдаг юм бол? Би лав хулганаас бусад зүйлээс бараг айдаггүй ээ. Хонг Конг ёстой сэжгийн их хулганатай байж билээ.

Гэхдээ мөнхийн зүйл орчлонд байдаггүйн жишгээр айдас ч гэсэн цаг хугацааны уртад эмчлэгддэг шиг санагдсан. Гэртээ цагаан оготно тэжээх өдөр магадгүй ирэх биз.

Lost Someone...

2011-09-04T01:35:00.000+08:00

Салхи шиг...

2011-09-04T01:05:00.002+08:00

Юунд ч торохгүй,
Юунд ч норохгүй,
Юунд ч эмтрэхгүй,
Би яг л салхи шиг.

Юна.Т, 2011

Амстердамаас...37

2011-09-03T22:38:00.007+08:00

Сэтгэл зүйн эмчилгээ маань эхэлсэн. Эмч асууж байна,

-Хэн нэгэн залуу гэнэт гарч ирээд "би чамд маш их хайртай, чамайг байгаагаар чинь хайрлаж чадна, мэс засалд битгий ор л доо" гээд гуйгаад байвал чи шийдвэрээсээ татгалзах уу?

-Үгүй. Учир нь тэр надад хэчнээн хайртай байлаа ч миний өмнөөс нийгмийн харилцаанд оролцож, миний өмнөөс шаналж, гадуурхагдахгүй шүү дээ. Хэзээ ч хэн нэгний хайр миний хүслийг хорьж, бас сэтгэлийн минь зовиурыг анагаахгүй. Ер нь эмч ээ, үнэндээ би хайр дурлалын тухай бодохыг ч хүсэхгүй байна. Өөрийгөө зовоохын л нэмэр байдаг.

-Ойлгомжтой. Тэгвэл яг өнөөдрийн хувьд трансжендэр байдлаасаа мэдэрч байгаа сөрөг тал чинь юу байна вэ?

-Хөршүүдээс маань эхлээд хүмүүс намайг трансжендэр гэж мэддэггүй. Тиймээс тэдэнд үнэнийг хэлэх үү, эсвэл тэдний асуудал биш гээд нуугаад өнгөрөх үү гэдгээ шийдэж чаддаггүй. Ер нь найз нөхдийн хүрээгээ өргөтгөх тоолонд ийм бэрхшээл тулгардаг. Шууд хэлэхэд болохгүй зүйл үгүй мэт санагдавч яг цаг нь тулахаар амаргүй. Өмнө нь би танд хэлсэн, трансжендэр гэж хэлүүлэхдээ дургүй гэж. Ялангуяа танилцъя гэсэн эрчүүдээс аль болох зайгаа барьдаг байсан. Гэхдээ цаашид хэлчихэж байя гэж бодсон.

-Үүнтэй уялдуулаад мэс заслынхаа дараахь зарим сэтгэл зүйн хүндрэлийн талаар бодож үзсэн үү?

-Тийм ээ, олон транс охид мэс заслын дараа нэгэнт 100 хувь эмэгтэй хүн болсон учраас өнгөрсөн амьдралынхаа тухай үнэнийг хэлж зүрхэлдэггүй, тэр нь эргээд бөөн стресс нэмдэг гэж уншсан. Гэхдээ "биологийн хүйс минь эрэгтэй, одоо ч хэвээрээ" гэх болон "биологийн хүйс маань эрэгтэй боловч одоо би эмэгтэй хүн болсон" гэж хэлэх хооронд маш том ялгаа бий. Тийм болохоор мэс засалд орсоныхоо дараа харин ч нүүр бардам өмнөх амьдралаа ярьж чадна.

-Тэгвэл мэс заслын дараахь хамгийн анхны, бас хамгийн гоё мэдрэмж чинь юу байх бол?

-Хонг Конг-д амьдарч байхдаа Мо Ли хэмээх хүйсийн шилжилтэд орсон бүсгүйтэй танилцаж байсан юм. Тэр надад "мэс заслын дараа баярласандаа гудамжинд гараад би эмэгтэй хүн, би эмэгтэй хүн гээд л дэвхцэж орилмоор санагдаж байсан" гэж гайхалтай сэтгэл догдлуулсан дурсамжуудаасаа хуваалцаж байлаа. Мэдээж би ч бас тэгэх байх.

-Сексийн амьдралынхаа тухай мэдээлэл өгөөч?

-Анусаар бэлгийн харьцаанд ороход би таашаал авч байгаагүй ээ. Хүйсийн шилжилтийн дараа л сексийн амьдрал маань идэвхжинэ гэж боддог.

гэх мэт...

Эмч маань 30 эргэм насны болов уу гэмээр, бараг надаас ч өндөр нуруутай, завсрын өнгө голлож нэлээд мэдрэмжтэй хувцасласан царайлаг бүсгүй байлаа. Ярих явцад гар, биеийн хөдөлгөөн, харцыг айхтар шинжих нь жаахан төвөгтэй мэт боловч хэн нэгэнтэй тэгж нээлттэй, бүрэн итгэлцэлд үндэслэн ярилцах нь сайхан санагдав. Сэтгэл зүйн эмчилгээ 12 дугаар сар хүртэл үргэлжлэх ба шинэ он гармагц эмчилгээний дараагийн шатанд шилжих гэнэ. Мөн миний асуудлыг нарийн мэргэжлийн эмч нарын зөвлөлгөөнөөр авч хэлэлцсэн агаад хамгийн нэгдүгээрт шийдвэрлэхээр болсон тухай баяртай мэдээг ч дуулгав. Өөрөөр хэлбэл, бусад транс охид шиг урт удаан хүлээх шаардлагагүй, харьцангуй давуу эрх эдлэх болсондоо сэтгэл хангалуун суулаа.

"Амьдрал өөдрөг сэтгэл, зориг тэвчээрт хамгийн түрүүнд бууж өгөх болно шүү" хэмээн өдрийн тэмдэглэлүүд бүхий дэвтрийн маань эхний нүүрэнд Хүрлээ эгчийн бичиж өгснийг би үргэлж уншиж, урамшдаг. Бид үргэлж байдаг үгүй нь тодорхойгүй бурхан гээчээс хамааралтай амьдарч, ямар нэгэн далдын увдис, хүчинд итгэсээр хамаг насаа бардаг боловч хүн өөрөө өөрийнхөө амьдралыг бүтээгч, хүн өөрөө тэр бурхан нь гэдэгт би итгэдэг.

...

Сүүлийн өдрүүдийг Нам Ин Сүк-ийн "Эмэгтэй хүний амьдрал 20 наснаас эхэлдэг", Шерри Аргов-ын "Эрчүүд яагаад муу эмэгтэйг хайрладаг вэ" гэсэн хоёр номтой хамт өнгөрөөв. Эмэгтэй хүн бүрийн заавал мэдэж байх ёстой суурь мэдлэгийг авч болохоор юм. Минганай маань Монголоос өгч явуулсан тул илүү их шимтэж, бүр дурлан уншиж байгаа байх л даа.

Харин сүүлд Г.Мэнд-Ооёо гуайн "I,m coming to you" нэртэй гайхамшигтай бүтээлийг танил эгчээсээ бэлгэнд авсан нь түүний уран бүтээлийг дахин шинэ өнцөгөөс харах азтай тохиол болов. Төрөлх Монгол хэлний минь цэвэр, сайхныг мэдрүүлэх "Чам уруу би явж байна" шүлгийнх нь дэлхийн 30 хэл дээр орчуулагдсан хувилбар энэхүү номыг бүтээнэ.

Ер нь төв номын санд карт нээлгэснээс эхлээд ойрд номын ертөнцөөр аялаад сонирхолтой байна. Компьютерийн урд удаан суухаар нүүрний арьс ядраад, сөрөг дагавар ихтэй байгаа учраас хэрэглээгээ аль болох багасгасан. Кибер ертөнцөд сүжиггүй болоод байгаа.

Харж мэдрэх зүйл дэндүү их байна. Үзэсгэлэнт Амстердам, би чинь мөрөөдлийн хотын иргэн шүү дээ.