Thinking Hindu

ഭാരതീയ സാംസ്കാരിക കേന്ദ്രം, തൃക്കാക്കര!!

2012-06-27T05:18:00.001-07:00

തിരിച്ചറിയാതെ അപരിചിതവും അന്യാധീനവും ആയിക്കൊണ്ടിരിക്കുന്ന ഭാരതീയ സത്തകളുടെ പുനരുജ്ജീവനം!! ഭാരതീയ സാംസ്കാരിക കേന്ദ്രത്തിലൂടെ!!

ധന്യ ആത്മാക്കളെ,

നേരെ ചൊവ്വെ ഒരു തൊടുകുറി ഇടുന്നത് പോലും പഴഞ്ചന്‍ ഏര്‍പ്പാട് എന്ന് കരുതിത്തുടങ്ങിയ ഒരു നവഭാരതത്തിന്റെ സൃഷ്ടിയില്‍ വ്യാപൃതര്‍ ആണല്ലോ ആര്‍ഷഭാരത യുവത്വം!! നാനാത്വത്തിലെ ഏകത്വത്തെ സമ്മാനിച്ച സനാതന വീക്ഷണങ്ങളുടെ ഓമനപ്പേര് വര്‍ഗീയ ഫാസിസം!! ... വേദ ശാസ്ത്രങ്ങളുടെ അത്ഭുത ശക്തി രഹസ്യങ്ങള്‍ അവിടെ നില്‍ക്കട്ടെ, ഭാരതീയമായ ഏറ്റവും പ്രാഥമികമായ ജീവിത വീക്ഷണങ്ങള്‍ പോലും മനസ്സില്‍ ആക്കാതെ, വിശ്വാസങ്ങളുടെ സത്യത്തെ തിരിച്ചറിയാതെ, എല്ലാം 'അന്ധ'വിശ്വാസമെന്ന് പറഞ്ഞു പഠിപ്പിച്ച വൈദേശിക അഹംകാരത്തിന്റെ പിന്നാമ്പുറത്തു സ്വത്വത്തെ കളഞ്ഞിട്ട നമ്മള്‍ ഇനിയെങ്കിലും ഒരു തിരിച്ചു നോട്ടത്തിനു തയ്യാറായെങ്കില്‍!!

എല്ലാം നശിച്ചു പോയിട്ടില്ല.. പോകില്ല!! തൃക്കാക്കര എന്ന കൊച്ചു ഗ്രാമം ഉണര്‍ന്നു എണീല്ക്കുകയാണ്!! വിശ്വമംഗളകാരിണിയായ മഹാഭഗവതിയുടെ നാമത്തില്‍, ഓണത്തിന്റെ ശ്രീമൂല സ്ഥാനമായ വാമനമൂര്‍ത്തി ക്ഷേത്രത്തിനു വിളിപ്പാടകലെ, നാളെ ഭാരത സംസ്കാരത്തെ പഠിക്കാനും അറിയാനുമുള്ള അന്വേഷണങ്ങള്‍ക്ക് ഉത്തരമേകാന്‍ പാകത്തില്‍ ഒരു സമഗ്രമായ സാംസ്കാരിക സ്ഥാപനത്തിന്റെ നിര്‍മാണം ആയിരം മനസ്സുകളിലും തൃക്കാക്കരയുടെ മണ്ണിലും തുടങ്ങിക്കഴിഞ്ഞിരിക്കുന്നു.

പദ്ധതി അതി ബ്രിഹത്താണ്!! സ്ഥലം ഏറ്റെടുക്കലും അടിത്തറയുടെ പണികളും വരെ നാട്ടിലെ ദാനങ്ങള്‍ കൊണ്ടു കഴിഞ്ഞു. മുന്നോട്ടു പോവാന്‍ ദ്രവ്യപരമായ ഒരു പാട് പരാധീനതകള്‍ക്ക് നടുവില്‍ ആണ് ഞങ്ങള്‍. ശ്രേഷ്ഠരായ ഒരു പിടി കാര്യദര്‍ശികളുടെ നേതൃത്വത്തില്‍ സുഗമം ആയി ഈ ഭാരത സാംസ്കാരിക കേന്ദ്ര നിര്‍മാണവും തുടര്‍ പ്രവര്‍ത്തനങ്ങളും നടത്തിക്കൊണ്ടു പോവാന്‍ എല്ലാ നല്ലവരായ ഭാരതീയരോടും അഭ്യര്‍ത്ഥിക്കുന്നു!!

നിങ്ങളുടെ സഹായ വിവരങ്ങള്‍ shreebhagavathy@gmail.com ഇലേക്ക് ഇമെയില്‍ അടിക്കുക, എനിക്കും ഒരു സി സി വെയ്ക്കുക. എന്റെ ഇമെയില്‍ - sasishiju@gmail.com . വിശദ വിവരങ്ങള്‍ക്കായി താഴെ കൊടുത്തിരിക്കുന്ന ചിത്രങ്ങള്‍ ശ്രദ്ധിക്കുക. സംശയങ്ങള്‍ ഉള്ളവര്‍ക്ക് എന്നെയോ അല്ലെങ്കില്‍ സ്ഥലത്ത് എത്തി നേരിട്ടോ കാര്യങ്ങള്‍ പരിശോധിക്കാവുന്നതാണ്.

സ്ഥലത്തെത്താന്‍ - ഇടപ്പള്ളി ടോള്‍ നിന്ന് പൂക്കാട്ടുപടി വഴിയില്‍ തൃക്കാക്കര അമ്പലം കഴിഞ്ഞു മുന്നോട്ട് പോവുമ്പോള്‍ ആദിത്യ കണ്ണ് ആശുപത്രി എത്തുന്നതിനു തൊട്ടു മുന്നേ ഉള്ള ഇടത്തോട്ടുള്ള ചെരുവഴിയില്‍ ആദ്യത്തെ സ്ഥലം. അവിടെ കുറെ പണികള്‍ നടക്കുന്നതും തൂണുകളും പിന്നെ ഒരു ചെറിയ ക്ഷേത്രവും കാണാം .. സഹായിക്കു... ഭഗവതി പ്രസാടിക്കട്ടെ!!

ഭാരതീയന്റെ ഉപയോഗവും ഉപഭോഗവും!!

2012-04-26T10:36:00.000-07:00

ഉപയോഗവും ഉപഭോഗവും

സുഹൃത്തുക്കളില്‍ നിന്നു രാവിലെ കേട്ട രണ്ടു വാക്കുകളിലും ഭാരതീയ ഋഷിമാരുടെ കരവിരുതാണ് ഈയുള്ളവന്‍ പെട്ടെന്ന് കണ്ടത്. ആ വാക്കുകളാണ് "ഉപയോഗവും" പിന്നെ "ഉപഭോഗവും".ഇവയെ ഒന്ന് കീറി മുറിക്കാം?

'ഉപ' എന്ന സംസ്കൃത ധാതുവിന്റെ അര്‍ത്ഥം - അടുത്തേക്ക്‌ എന്നാണ്. അപ്പോള്‍, ഉപയോഗത്തിന്, യോഗത്തിലേക്ക് എന്നും ഉപഭോഗത്തിന്, ഭോഗത്തിലേക്ക് എന്നും അര്‍ത്ഥം സിദ്ധിക്കുന്നു.

ഇനി യോഗം എന്നാല്‍ എന്ത്? - യോഗം എന്നാല്‍ പരമം ആയ ചേര്‍ച്ച. ഒന്നാകുക എന്ന ലക്ഷ്യത്തോടെയുള്ള ചേര്‍ച്ച. യോഗം എന്ന വാക്ക് ഒരു ഭാരതീയ ആധ്യാത്മിക സംജ്ഞയാണ്. നിത്യസത്യമായ ശിവ-ശക്ത്യാത്മകതയിലെക്കുള്ള (വേദാന്ത പ്രകാരം പരമ ആത്മാവ്) ലയം ആണ് യോഗം.

(*** ഓഫ്‌ ടോപ്പിക്ക് - യോഗം എന്ന് പറഞ്ഞപ്പോള്‍ ആണ് ഓര്‍ത്തത്, സൂപ്പര്‍ ബ്രെയിന്‍ യോഗ എന്ന പേരില്‍ സായിപ്പ് പ്രശസ്തം ആക്കി കൊണ്ടിരിക്കുന്ന നമ്മുടെ മഹാഗണപതിക്കുള്ള എത്തമിടീലിനെ പറ്റി ഇതിനോടകം എഴുതിയിരുന്നു. ആ ഒരു ഒറ്റ പോസ്റ്റു കൊണ്ടു തന്നെ ചിലരുടെ അവിശ്വാസം അര്‍ദ്ധവിശ്വാസം ആയി മാറിയെന്നത് സന്തോഷത്തോടെ സ്മരിക്കട്ടെ!! സായിപ്പിന്റെ സാക്ഷ്യത്തിന് പലപ്പോഴും പൈതൃകത്തെക്കാള്‍ ശക്തിയുണ്ട്. "സായിപ്പിനെ കണ്ടാല്‍ കവാത്ത് മറക്കുന്നത്" ഒരു കുറ്റമല്ലെന്നു തോന്നിയ ഒരു സന്ദര്‍ഭം ആണിത്!! ഒരിക്കല്‍ക്കൂടെ ആ ബ്ലോഗ്ഗ് ചേര്‍ക്കുന്നു.. http://thinkinghindu.blogspot.in/2012/04/blog-post_10.html )

പരമ സത്യത്തിലേക്ക് എന്ന അര്‍ത്ഥത്തില്‍ ഉപയോഗം എന്ന ഈ വാക്ക് ഉണ്ടാവാന്‍ സാധ്യതയില്ല. വ്യാവഹാരിക തലത്തില്‍ എന്തായിരിക്കാം ഈ ഉപയോഗം? ഏതൊരു വസ്തുവിനോടും പരമാവധി ചേര്‍ന്ന് നിന്നു, അതിന്റെ സ്പന്ദനങ്ങള്‍ കണ്ടറിഞ്ഞു, വ്യവഹരിച്ചാല്‍ അതായിരിക്കില്ലേ ഉപ"യോഗം"? ഉദാഹരണത്തിന് ഒരാള്‍ ഒരു ഗിറ്റാര്‍ പ്രവര്‍ത്തിപ്പിക്കുന്നു എന്ന് വെയ്ക്കുക. അതിന്റെ രാഗ, താള, ലയ സാധ്യതകളെ പ്രയോജനപ്പെടുത്തി ഗിറ്റാറിന്റെ ആത്മാവിനെ കണ്ടെത്തുന്ന ഒരു സംഗീതജ്ഞന്‍ ഗിറ്റാര്‍ ഉപ"യോഗി"ക്കുകയല്ലേ ചെയ്യുന്നത്? അപ്പോള്‍ ഉപയോഗം എന്നത് കൂടുതല്‍ പവിത്രമാകുന്നു എന്ന് കാണാം.

എന്നാല്‍ ഉപ ഭോഗമോ? ഭോഗമെന്നത് നൈമിഷിക സുഖമെന്ന് ശാസ്ത്രം നിര്‍വചിക്കുന്നു. അപ്പോള്‍ ക്ഷണികമായ ഒരു സുഖം തേടിയുള്ള അന്വേഷണം ആണ് ഒരു വസ്തുവിന്റെ ഉപ"ഭോഗ"ത്തിലേക്ക് ഒരാളെ എത്തിക്കുന്നത് എന്ന് കാണാം.....സിഗരറ്റു വലിയന്മാര്‍ എന്നോട് തര്‍ക്കിച്ചെക്കാം എങ്കിലും ഒരു ഉദാഹരണം പറയട്ടെ... സിഗരറ്റു ഒരു ക്ഷണനേരത്തെ അനുഭൂതി പ്രദാനം ചെയ്യുന്ന വസ്തു ആയതു കൊണ്ടു (ഒരു സിഗരറ്റു കൊണ്ടു സമാധി സൃഷ്ടിക്കുന്ന യോഗീശ്വരന്മാര്‍ ആയ വലിയന്മാര്‍ പൊറുക്കുക :-)) അതിനെ ഉപഭോഗ വസ്തു എന്ന് പറയുന്നതാണ് കൂടുതല്‍ ഉചിതം.. അല്ലെ?

എന്തായാലും, വിശ്വാസം എന്ന അടിസ്ഥാന ഗുണവും മനനം എന്ന സ്വഭാവവും ഉള്ളവര്‍ക്കായി, സനാതന സാഹിത്യ സംഭരണിയിലേക്കും, ഭാരതത്തിലും പുറത്തും നടക്കുന്ന വിപ്ലവകരമായ സംഭവങ്ങളിലേക്കും, ഗുരുക്കന്മാര്‍ തരുന്ന മൊഴി മുത്തുകളിലെക്കും, ഇതെല്ലാം എന്നില്‍ രൂപപ്പെടുത്തുന്ന ചിന്തകളിലേക്കും എല്ലാം കൂടുതല്‍ കൂടുതല്‍ വെളിച്ചവും ആയി ഉടനെ എത്താം. അത് വരേയ്ക്കും നമസ്കാരം....... ജയ് ഭവാനി!!

ഓം ശ്രീ ലളിതാത്രിപുരസുന്ദരീ പാദുകം പൂജയാമി നമ:

Why do Indians perform poojas(rituals) on their tools, vehicles etc?

2012-04-26T00:00:00.000-07:00

Why do we Indians perform poojas(rituals) on their tools, vehicles etc?

Are we crazy to do such silly things? Or is there any justification? Let us explore it a bit.

It is well known that, Indian thought process had given more importance to mukthy(realization), while the other institutionalized religions tried to find ways and means to explain the struggle of worldly life.The pre-requisite for a mukta, or for an aspirant of Mukthi, was to have emotional detachment to everything and to have attachment only towards the supreme knowledge and its experience.

Moreover, the creation is out of vibrations / mantras ( naada brahmam) for us, Hindus. Each object is a spandam(vibration). The frequency of this spandam is as per the evolution of its consciousness. Even a stone has consciousness, however small it may be. To the skeptical minds, it may be surprising to study the similarities in this thought process with the continuously evolving metaphysical domain.

In order to develop a uniform outlook towards all named subjects and objects, Hindus were given a training to revere the consciousness in all of them. Even the minutest particle that we see belongs to the body of the universe. We are just a miniature of this universal body. When we treat even the hair in the body with utmost care, what should be the scale of our respect to the different parts in the 'universal body'!!

We were asked to revere even the floor that is stepped on in the morning!! We found the divine bhoomi devi (goddess of earth) in the otherwise unnoticed floor. This got extended nicely to the working place and tools as well. Whatever tools we used to work with, we learned to treat them in ways that none of the consumerist cultures and religions had even dared to dream of. Tools have heart!! Yes, they are not just dead tools!!

Forget about the fact that Quantum Physics has found some nice sync points in the Upanishads stream of thinking. Just think, how nice it is to treat the tools that bring about positive changes and effects in our life to have a consciousness!! Yes, we are all surrounded by different consciousness at different stages of evolution. Wow!! For all those having a positive frame of mind, this thought will enable them to reap better results as a result of more efficient and "divine" usage of the tools.

This is the principle behind pooja (worship) on vehicles also. Vehicles are also our gods, which help us transcend the limitation of our consciousness in traversing distances. Let reverring vechicles be our starting point in the quest for a spaceless state, the ultimate!!

Om Sadgurubhyo Nama: (Oh my teacher, you are the truth, i am nothing)

Jai Jai Jai Bhavani!! (Let the mother of the universe win over all)

വൈകിയാണെങ്കിലും കിട്ടിക്കൊണ്ടിരിക്കുന്ന സെര്ടിഫിക്കറ്റു വസന്തങ്ങളേ!!

2012-04-23T22:02:00.001-07:00

ഭാരതീയന്റെ ആനന്ദ ലബ്ധിക്കു ഇനിയെന്ത് വേണം?

ധ്യാന പ്രക്രിയകളുടെ ഗുണഫലങ്ങള്‍ ‍ അങ്ങ് അമേരിക്കാക്കായില്‍ അന്ഗീകരിക്കപ്പെട്ട ഒരു ലിങ്ക് കിട്ടിയിരിക്കുന്നു!! അല്പം പഴക്കം ഉണ്ടെങ്കിലും പ്രസക്തി നഷ്ടപ്പെടാത്ത നല്ല ചൂടന്‍ ലിങ്ക്.....

http://www.nature.com/ajh/journal/v22/n12/abs/ajh2009184a.html

അവിടെ ഏതൊക്കെയോ സര്‍വകലാശാലകളിലും മറ്റും കുട്ടികളുടെ ഹൈപ്പര്‍ ടെന്‍ഷനും, രക്ത സമ്മര്‍ദ്ധവും മറ്റും മേടിട്ടെഷന്‍ ചെയ്യുന്ന കുട്ടികളില്‍ (http://www.tm.org/ നോക്കുക) വളരെ കുറയുന്നു എന്ന് സായിപ്പു കണ്ടെത്തിയതോടെ ഇനി ഭാരതത്തില്‍ ധ്യാനവും മനനവും എല്ലാം ചെയ്യുന്നവന് അത് "ആധുനിക" ശാസ്ത്ര പിന്‍ബലത്തോടെ ചെയ്യാമല്ലോ....... വളഞ്ഞ നട്ടെല്ല് ഉയര്‍ത്തിക്കൊള്ളൂ.... സായിപ്പിന്റെ ലാബില്‍ പറഞ്ഞാല്‍ പിന്നെ പിഴക്കില്ല്യാ!!

ഓം സദ്ഗുരുഭ്യോ നമ:

ജയ് ഭവാനി

ഹര ഹര മഹാദേവ

വണ്ടി പൂജിക്കുന്ന മണ്ടന്മാര്‍.!!!

2012-04-21T20:26:00.008-07:00

വണ്ടി പൂജിക്കുന്ന മണ്ടന്‍ ഹിന്ദുക്കളെ ന്യായീകരിക്കുക എന്നതാണ് ഈ അവതാര ഉദ്ദേശ്യം!!

നിലനില്പിന്റെ സമരത്തെക്കാള്‍, പരമ ലയത്തിന്റെ (മുക്തി ) സ്വാധീനം ആയിരുന്നല്ലോ ഭാരതീയ ചിന്തകളില്‍ പ്രാമുഖ്യം നേടിയിരുന്നത്. ലയത്തിന് അത്യാവശ്യം വേണ്ടിയിരുന്നത് സമഭാവന ആയിരുന്നു. എല്ലാത്തിനെയും ഒന്ന് പോലെ കാണുക.

സമഭാവന വളര്‍ത്തിയെടുക്കുവാന്‍ ആയി , സൃഷ്ടമായ എന്തിലും ദൈവത്തെ കാണുക, കാണാന്‍ ശീലിക്കുക എന്നതായിരുന്നു ഭാരതീയനെ കാരണവന്മാര്‍ പഠിപ്പിച്ചിരുന്നത്. അതായിരുന്നു സര്‍വത്തിനോടും ബഹുമാനം പ്രദര്‍ശിപ്പിക്കുന്ന ഒരു ശീലം നമ്മുടെ പൂര്‍വികരില്‍ രൂപപ്പെട്ടിരുന്നതിനു കാരണം. സര്‍വ്വവും ബ്രഹ്മ-മയം എന്ന കാഴ്ചപ്പാടിലേക്ക്‌ എത്താന്‍ ഉള്ള പരിശ്രമം ആയിരുന്നു ഭാരതീയന്റെ ജീവിതം. തന്റെ കര്‍മപഥത്തില്‍ അടുത്തു ബന്ധപ്പെടുന്ന വസ്തുക്കളോട് യാന്ത്രികമായ ബന്ധമല്ല, മറിച്ചു ബോധതലത്തിലുള്ള ഒരു ബന്ധം ആണ് ഭാരതീയന്‍ ഉണ്ടാക്കിയെടുത്തത്.

ഒരു വസ്തു - പിടയ്ക്കുന്നതോ, പിടയ്ക്കാത്തതോ ആയിക്കോട്ടെ; അതിന്റെ നിലനില്പ്, ആകൃതി, പ്രകൃതി ഇവയെല്ലാം ആ വസ്തുവിന്റെ ബോധപരിണാമം ആണ് എന്ന് ഭാരതീയന്‍ ചിന്തിച്ചു. കല്ല്‌, കല്ലിന്റെ ബോധത്തില്‍ കമ്പനം ചെയ്യുമ്പോള്‍ കല്ലെന്ന ദ്രവ്യരൂപം ഉണ്ടായി. വാളും, കോടാലിയും, പുസ്തകവും എല്ലാം ഇങ്ങനെ തന്നെ. ഇത്തരം വസ്തുക്കളെ പൂജിക്കുമ്പോള്‍, ആ വസ്തുക്കളുടെ ബോധത്തെക്കാള്‍, അവ കൈകാര്യം ചെയ്യുന്ന നമ്മുടെ ബോധത്തെ ആണ് നമ്മള്‍ ഈശ്വരീയം ആക്കാന്‍ ശ്രമിച്ചതും, ഇപ്പോളും ശ്രമിക്കുന്നതും. ഇനിയങ്ങോട്ടുള്ള അവയുടെ ഉപയോഗം കൂടുതല്‍ കാര്യക്ഷമം ആക്കാന്‍ ഉള്ള സ്വയ ശാക്തീകരണ പ്രാര്‍ത്ഥനയായിരുന്നു നമ്മുടെ സംസ്കൃതിയുടെ ഭാഗമായ പൂജവെയ്പ്പും മറ്റും. അല്ലാതെ പൂജ ചെയ്തു ഭഗവതി പുസ്തകത്തില്‍ കേറിയിരുന്നു മാജിക്ക് കാണിക്കും എന്ന് ഒരു ഹിന്ദുവും ചിന്തിച്ചിരുന്നില്ല. അങ്ങനെ ചിന്തിച്ചവര്‍ തത്വം അറിഞ്ഞിരുന്നില്ല എന്ന് പറയാം.

ഇതിനോട് അടുത്തുള്ള മറ്റൊരു ആചാരം ആയിരുന്നു വാഹന പൂജ. പണ്ടത്തെ കാളവണ്ടിയായാലും പുഷ്പക വിമാനം ആയാലും, ഇന്നത്തെ ബി എം ടബ്ബ്ലിയു കാര്‍ ആയാലും എല്ലാം മേല്പറഞ്ഞ പോലൊരു ബോധ വികാസത്തിന്റെ പ്രതീകം എന്നോണം മംഗളകരമായ ഒരു പൂജ നടത്തുന്നു. തത്വം അറിഞ്ഞില്ലെങ്കിലും വിശ്വാസത്തിന്റെ ബലം, അതൊരു ബലം ആണ്.

വാഹനപൂജയ്ക്ക് വേറൊരു തലം കൂടി ഉണ്ട്. കാലം, ദേശം ഈ രണ്ടു തോന്നലുകള്‍(മായകള്‍) അടിസ്ഥാനപ്പെടുത്തിയാണ് വ്യാവഹാരിക പ്രപഞ്ചം നില കൊള്ളുന്നത്‌. എല്ലാം ഒന്നെന്ന സമാധി അവസ്ഥയില്‍ രണ്ടില്ലല്ലോ. ഞാന്‍ എന്ന അഹങ്കാരം ഉണ്ടാവുമ്പോള്‍ പ്രകടം ആവുന്ന ആ രണ്ടിനെ ആണ് സെക്കണ്ട് (കാലം - സമയം ) എന്ന് വിളിക്കുന്നത്‌. അനേകകോടി ബോധബിന്ദുക്കളുടെ ( പ്രാണികളും, വസ്തുക്കളും എല്ലാം അടങ്ങുന്ന) സൃഷ്ടിയില്‍ സ്വന്തം ശരീരത്തിന്റെ അതിര്‍ത്തി വെച്ചു 'ഞാന്‍' അവസാനിച്ചപ്പോള്‍ ദേശവും (ദൂരവും) ഉണ്ടായി.

ഇത്തരത്തില്‍ രൂപപ്പെട്ട ദേശഭേദത്തെ അതി ജീവിക്കണം എങ്കില്‍ പരമ ബോധത്തില്‍ എത്തണം. അത് സാധാരണക്കാര്‍ക്ക് സാധ്യമല്ലല്ലോ. അവരെ രണ്ടു ദേശങ്ങള്ക്കിടയിലുള്ള ദൂരം പരിമിതമായ രീതിയില്‍ അതിജീവിക്കാന്‍ സഹായിക്കുന്നത് ആരാണ്? അതെ, സ്വന്തം വണ്ടി തന്നെ. ആ വണ്ടി എന്ന ബോധത്തെ പൂജിക്കുക, സ്വന്തം ബോധം ഉയര്‍ന്നു കൊള്ളും. അതിപ്പോ ടാറ്റയുടെ വണ്ടി മാത്രേ പൂജിക്കൂ എന്ന് വേണ്ട. സായിപ്പിന്റെ വണ്ടിയും പൂജിച്ചോളൂ. നിലവിട്ട പ്രകൃതിയുമായി നടക്കുന്ന അവറ്റകള്‍ക്കും കിട്ടട്ടെ കുറച്ചു പുണ്യം!!

ഓം സദ്‌ഗുരുഭ്യോ നമ:

ജയ് ജയ് ജയ് ഭവാനി

ഹര ഹര മഹാദേവ

ഗുരു അഷ്ടകത്തിനൊരു പരിമിത പരിഭാഷ...

2012-04-20T00:35:00.003-07:00

ഗുരു അഷ്ടകം എന്നത് ഗുരു തത്വത്തിന്റെ മഹനീയത വിളിച്ചോതുന്ന ആദിശങ്കര ആചാര്യ മഹാഗുരുവിരചിതമായ ഒരു സൃഷ്ടിയാണ്. അതിന്റെ ഗഹനത ജ്ഞാനം കൊണ്ടോ അനുഭവം കൊണ്ടോ സിദ്ധിച്ചിട്ടില്ല. എങ്കിലും ഉള്ളത് കൊണ്ടു ഓണം പോലെ ഒരു മലയാള വിവര്‍ത്തനം ചെയ്യാന്‍ ശ്രമിക്കുകയാണ്. നാല് വരി ഘടനയില്‍ ഒതുക്കിയപ്പോള്‍ ചില വാക്കുകള്‍ ഒഴിവാക്കേണ്ടി വന്നിട്ടുണ്ട്. ക്ഷമിക്കുക.. വിലയിരുത്തി അഭിപ്രായങ്ങള്‍ അറിയിക്കുക...

ഓം സദ്ഗുരുഭ്യോ നമ:
ജയ് ജയ് ജയ് ഭവാനി...
ഹര ഹര മഹാദേവ..

ഗുരു അഷ്ടകം

(ഇന്റര്‍നെറ്റില്‍ കിട്ടിയ മൂല രൂപത്തിന്റെ അര്‍ഥം അടക്കം ഉള്ള ഒരു ലിങ്ക് താഴെ ചേര്‍ക്കുന്നു.

http://kathavarta.com/2009/02/21/guru-ashtakam-with-meaning/ )

സുന്ദര രൂപവും, മോഹിനീ പത്നിയും
ശ്രേഷ്ടമാം യശസ്സും ഉഗ്രമീ പ്രൌഡിയും
തവ പാദപദ്മം ഞാന്‍ ചേരാതിതൊന്നുമേ
ഗുണമാവതില്ലെന്നു നിശ്ചയം മമഗുരോ

കളത്ര ധനാദികള്‍, പുത്ര പൌത്രാദികള്

വീടോ, പിന്നെയെന്‍ സര്‍വ ബന്ധങ്ങളും

തവ പാദപദ്മം ഞാന്‍ ചേരാതിതൊന്നുമേ

ഗുണമാവതില്ലെന്നു നിശ്ചയം മമഗുരോ

വേദശാസ്ത്രങ്ങള്‍ എന്‍ ആനനമാകിലും

സുലക്ഷണ ഗദ്യപദ്യങ്ങള്‍ രചിക്കിലും
തവ പാദപദ്മം ഞാന്‍ ചേരാതിതൊന്നുമേ

ഗുണമാവതില്ലെന്നു നിശ്ചയം മമഗുരോ

ദേശവിദേശം‍ വണങ്ങിയെന്നാകിലും

ലോകം എന്നാചാര ശുദ്ധിയെ കാണ്കിലും
തവ പാദപദ്മം ഞാന്‍ ചേരാതിതൊന്നുമേ

ഗുണമാവതില്ലെന്നു നിശ്ചയം മമഗുരോ

പേരാര്ന്ന വിദ്യയാല്‍ മന്നവ ശ്രെഷ്ടരെന്‍

പാദങ്ങളര്‍ച്ചന ചെയ്യുന്നുവെങ്കിലും

തവ പാദപദ്മം ഞാന്‍ ചേരാതിതൊന്നുമേ

ഗുണമാവതില്ലെന്നു നിശ്ചയം മമഗുരോ

ഭോഗയോഗങ്ങളില്‍ സംഗമില്ലെങ്കിലും
പ്രൌടൈശ്വര്യങ്ങളെ പാടെ ത്യജിക്കിലും
തവ പാദ പദ്മം ഞാന്‍ ചേരാതിതൊന്നുമേ
ഗുണമാവതില്ലെന്നു നിശ്ചയം മമഗുരോ

വനത്തില്‍, ഗൃഹത്തില്‍, ജഗത്തില്‍, ധനത്തില്
മരുവാത്ത മനമൊന്നു നേടിയെന്നാകിലും
തവ പാദ പദ്മം ഞാന്‍ ചേരാതിതൊന്നുമേ
ഗുണമാവതില്ലെന്നു നിശ്ചയം മമ ഗുരോ

വേദാന്തിയെക്കാള്‍ താന്ത്രികനായ ശ്രീനാരായണ മഹാഗുരു!!

2012-04-18T19:41:00.001-07:00

http://jagatgurusreenarayanagurudevan.blogspot.in/2009/05/35-kundalinippattu-poem-by-sree.html

കുണ്ടലിനിപ്പാട്ട്

അദ്വൈത വേദാന്ത ചിന്തകള്‍ ധാരാളം പാടിയ ശ്രീ നാരായണ മഹാഗുരുവിന്റെ ‍ഒരു മോഹന സൃഷ്ടി - മലയാളികളുടെ അധികം ചിന്തകള്‍ക്ക് വിധേയം ആവാത്തതെന്നു എനിക്ക് തോന്നിയ ഒരു സൃഷ്ടിയെ മനസ്സിലാക്കാന്‍ ശ്രമിക്കുകയാണ്. ചിന്തിച്ചവര്‍ പലരും ഇതൊരു പാമ്പ് പാട്ട് ആണെന്ന് തെറ്റിദ്ധരിച്ചു വെച്ചിരിക്കുകയുമാണ്. എന്നാല്‍ അദ്വൈത വേദാന്തത്തെക്കാള്‍ അല്പം വിഭിന്നമായ പാതയായ തന്ത്രമാര്‍ഗത്തെ പറ്റിയുള്ള ഒരു കവിത ആണ് കുണ്ടലിനിപ്പാട്ട്.

പരമആത്മാവിലെ മായാവിനോദം ആയി സൃഷ്ടിയെ കാണുന്ന ഒരു രീതിയാണ് അദ്വൈത വേദാന്തം ചെയ്യുന്നത്. പരമാത്മാവ് എന്ന സത്തയില്‍ മായ എന്ന അസത്തു കലരുമ്പോള്‍ ആണ് സൃഷ്ടി എന്ന് അത് പറയുന്നു. എന്നാല്‍ പരമാത്മാവ് (ശിവന്‍) എന്ന സത്തയോട് പരാശക്തി എന്ന സത്ത (ശക്തി - പാര്‍വതി) ചേരുമ്പോള്‍ സംഭവിക്കുന്ന ശിവ-ശക്ത്യാത്മകതയാണ് സര്‍വവും എന്ന് തന്ത്രം പറയുന്നു. പൂര്‍ണനായ പരമ ആത്മാവിനോട് ചേരാന്‍ പൂര്‍ണമായ ഒരു സത്തയ്ക്കെ കഴിയൂ എന്നര്‍ത്ഥം. അതിനെ മായ എന്നല്ല. മായയ്ക്കും അധിപതിയായ മഹാമായ എന്ന് തന്ത്രം വിളിക്കുന്നു. പൂര്‍ണമദ പൂര്‍ണമിദം എന്ന് തുടങ്ങുന്ന മന്ത്രത്തിന്റെ ഗഹനത ശിവ-ശക്ത്യാത്മകതയ്ക്കെ പൂര്‍ണമായി വ്യക്തമാക്കാന്‍ കഴിയൂ ( വിശദമായി വേറൊരു ബ്ലോഗ്ഗില്‍ ഇതിനെ പറ്റി എഴുതാന്‍ ശ്രമിക്കാം.)

മനുഷ്യനില്‍ കുടികൊള്ളുന്ന പരാശക്തിയുടെ പ്രതിനിധിയെ കുണ്ടലിനി എന്ന് വിളിക്കുന്നു. മൂന്നരച്ചുറ്റായി നട്ടെല്ലിന്റെ ഏറ്റവും കീഴ്ഭാഗത്ത് സ്ഥിതി ചെയ്യുന്ന (മയങ്ങിക്കിടക്കുന്ന) ഒരു പെണ്സര്‍പ്പം ആയി ഇതിനെ ചിത്രീകരിക്കുന്നു. സുഷുമ്നാ നാഡിയും അതിന്റെ ഇടതും വലതും ഉള്ള ഇഡ, പിങ്ഗള എന്നീ നാഡികളും പരസ്പരം സന്ധിക്കുന്ന നാഡീ കേന്ദ്രങ്ങളെ ചക്രം എന്നു വിളിക്കുന്നു. സാധകന്റെ വികാസം അനുസരിച്ച് ഏറ്റവും താഴെ നിന്നു മുകളിലേക്ക് വിവിധ ചക്രങ്ങളിലൂടെ (മൂല ആധാരം, സ്വാധിഷ്ടാനം എന്നിങ്ങനെയുള്ള ‍) സംഭവിക്കുന്ന ഊര്‍ജ്ജപ്രവാഹം വ്യതസ്ത ബോധതലങ്ങളിലെക്കുള്ള ആധ്യാത്മിക യാത്രയാണ്. നിഷ്ടയോടെയുള്ള സാധനയിലൂടെ തലച്ചോറിലേക്ക് ഈ ഊര്ജപ്രവാഹത്തെ എത്തിക്കുകയും അവിടെ നിലനിര്‍ത്തുകയും ചെയ്യുന്ന യോഗിയെ തന്ത്രം ശിവന്‍ എന്ന് അഭിസംബോധന ചെയ്യുന്നു. അതായത് ശക്തിയെ പൂര്‍ണമായി അറിയുന്ന ആത്മാവ് ആണ് ശിവന്‍ എന്ന് വിളിക്കപ്പെടുന്നത്. ശിവശക്തി ലയം തിരിച്ചറിയുന്ന അത്തരം യോഗികള്‍ക്ക് ശ്രീ നാരായണ മഹാഗുരുവിനെപ്പോലെ മനുഷ്യപ്രകൃതിക്ക് അതീതമായ കഴിവുകളും ഉണ്ടായിരിക്കും. (അതിബൃഹത്തായ ഒരു മേഖലയാണ് കുണ്ടലിനി, ചക്രങ്ങള്‍ ഇവയെല്ലാം. അതിനെ പറ്റി കുറച്ചു ബ്ലോഗ്ഗുകളിലൂടെ ഘട്ടം ഘട്ടമായി പരിശോധിക്കാം)

നിലനില്പിന്റെ ഭൌതിക സമരങ്ങളില്‍ പെട്ടുഴലുന്ന വികാരവിവശന്‍ ആയ സാമാന്യ മനുഷ്യനെ പശു (മൃഗം എന്ന അര്‍ത്ഥത്തില്‍ ) എന്നും ശവം (ചേതനയറ്റത് എന്ന അര്‍ത്ഥത്തില്‍) എന്നുമെല്ലാം ആണ് തന്ത്രം വിളിക്കുന്നത്‌. ഇങ്ങനെയുള്ള ശവത്തില്‍ നിന്നു ശിവനിലേക്ക് യാത്ര ചെയ്യാന്‍ ഉള്ള ഋഷി കല്പിത പദ്ധതിയാണ് തന്ത്രം.

ആഗ്രഹങ്ങള്‍ കൊണ്ടു പശു ആയവരും, ശക്തിയില്ലാതെ ശവമായവരും ലോകത്തെ മായ എന്ന് പറയുന്നത് അവര്‍ കൂടുതല്‍ മായാബന്ധിതര്‍ ആവാനേ ഉപകരിക്കൂ. മായയും ശക്തിയുടെ ലീല എന്ന തിരിച്ചറിവില്ലാതെ, വെളിച്ചവും ശക്തിയും ബോധവും ആത്മാവും എല്ലാം നഷ്ടപ്പെട്ട്, ഗീതാ ജ്ഞാനയജ്ഞവും അന്നദാന യജ്ഞവും മാത്രം (ഇവകള്‍ രണ്ടും അതി മഹത്തരം തന്നെ, എന്നാല്‍ ഇവ മാത്രമാണോ സനാതന ധര്‍മം? ) ജീവിതമാക്കി നടക്കുന്ന ഹിന്ദുവിന്റെ ശക്തി വീണ്ടെടുക്കാന്‍, ശക്തി ഉപാസനയിലെക്കെത്തിക്കുവാന്‍, എല്ലാവരുടെയും ശ്രദ്ധ ആ മഹാശക്തിയെ പരിചയപ്പെടുത്തുന്ന കുണ്ടലിനിപ്പാട്ടിലേക്ക് ക്ഷണിക്കുന്നു....

ആടുപാമ്പേ! പുനം തേടു പാമ്പേ! യരു...
ളാനന്ദക്കൂത്തു കണ്ടാടുപാമ്പേ!

ഉപാസകനിലെ ശക്തിയുടെ ഉയര്‍ച്ചയെ സര്‍പ്പരൂപിയായി കാണുന്നുവെന്നത് തന്ത്രത്തിലെ ഒരു രീതി ആണെന്ന് കണ്ടുവല്ലോ. അത് തന്നെ ആണിവിടുത്തെ പ്രമേയം. നിലനില്പിനെ പറ്റിയുള്ള ഭയം, കാമനകള്‍, അഹം ഇവയെല്ലാം ഊര്‍ജം ഏറ്റവും താഴെ മാത്രം കേന്ദ്രീകൃതമായിട്ടുള്ള ഒരു ജീവനില്‍ അധികമായിരിക്കും. ഉപാസനയിലൂടെ സംസ്കരിക്കപ്പെടുന്ന ഒരു ഭക്തനില്‍ ഈ ഭയ, വികാരങ്ങള്‍ ഒഴിഞ്ഞു പോകുന്നു. ശിവനിലെക്കുള്ള യാത്രയുടെ അന്ത്യഘട്ടത്തില്‍ ഊര്‍ജം തലച്ചോറില് (സഹസ്രാരം എന്ന് തന്ത്രഭാഷ്യം) ‍ എത്തുമ്പോള്‍ പരാശക്തിയുടെ സ്വന്തമായ ആനന്ദാനുഭവം (ഇന്ദ്രിയ ആനന്ദത്തിന്റെ അനേക ആയിരം മടങ്ങെന്നു ഗുരുക്കന്മാര്‍) സ്വായത്തമാകുന്നു. ശക്തിയെ പൂര്‍ണമായി തിരിച്ചറിയുന്ന ആ ഉപാസകന്‍ ശിവന്‍ തന്നെയാണ്.

അത്തരത്തില്‍ ശിവന്‍ തന്നെയായിരുന്ന ഗുരു ഉപാസകര്‍ക്കായി തന്ന ഒരു സമ്മാനമാണ് ഈ പാട്ട്. ആ പരാശക്തിയുടെ നൃത്തം, സ്വന്തം അഭയ സ്ഥാനം തേടുന്ന ഒരു പാമ്പിന്റെ ആട്ടമായി ഗുരു ഉപമിക്കുന്നു. ആത്മാവിനെ തിരിച്ചറിയുന്ന ആനന്ദം ഒരു കൂത്ത് തന്നെ........മഹാ ഗുരുവേ പ്രണാമം.....!!

തിങ്കളും കൊന്നയും ചൂടുമീശന്‍പദ-
പങ്കജം ചേര്‍ന്നുനിന്നാടുപാമ്പേ!
ചന്ദ്രനേയും കൊന്നപ്പൂവിനെയും ധരിച്ചിരിക്കുന്ന ഭഗവന്‍ ശ്രീ പരമേശ്വരന്റെ പാദം ചേര്‍ന്ന് നിന്നാടുന്ന പാമ്പ് - സര്‍പ്പ രൂപിണിയായ കുണ്ടലിനി നൃത്തമാടുന്നത് മൂലാധാരം അടിസ്ഥാനപ്പെടുത്തിയാണ്. പാദം മുതല്‍ തല വരെയാണല്ലോ ഒരു ശരീരം അസ്തിത്വപ്പെടുന്നത്. കുണ്ടലിനീ ശക്തി പൂര്‍ണമായി ഉണരുമ്പോള്‍ ജീവന്‍ ശിവനായി മാറുമ്പോള്‍ ജീവന്റെ മൂല ആധാരം (ഗുദ മൂലം ) ശിവന്റെ പാദം ആയി ഗണിക്കാം. ഗുരുവേ പ്രണാമം!!

വെണ്ണീറണിഞ്ഞു വിളങ്ങും തിരുമേനി
കണ്ണീരൊഴുകക്കണ്ടാടു പാമ്പേ!

വെണ്ണീരണിഞ്ഞ തിരുമേനി ശിവന്‍ ആണ്. ഒഴുകുന്ന കണ്ണീരോ? അത്യാനന്ദത്തിന്റെ കണ്ണീര്‍ ആണ്.

പരമാത്മാവ് പരാശക്തിയോടുള്ള ചേര്ച്ചയിലൂടെ ആനന്ദത്തെ അറിയുംപോളും പരാശക്തി സാക്ഷീ ഭാവത്തോടെ നിലകൊള്ളുന്നു. എന്നാല്‍ മാത്രം അല്ലെ ആ ആനന്ദക്കണ്ണീര്‍ കാണാന്‍ ഈ പരാശക്തി പ്രതിനിധിയായ കുണ്ടലിനീ ഭഗവതിക്ക് പറ്റൂ? അമ്മെ നാരായണ..... സദ്‌ഗുരുഭ്യോ നമ:

ആയിരം കോടി അനന്തന്‍ നീ ആനന്ദ-
മായിരവും തുറന്നാടു പാമ്പേ!

അനന്ത ആനന്ദം ആണ് കുണ്ടലിനീ ഭഗവതിയുടെ പരമമായ സ്വഭാവം. അതിനെ വര്‍ണിച്ചിരിക്കുന്നു.

ഓമെന്ന് തൊട്ടൊരു കോടി മന്ത്രപ്പൊരുള്‍
നാമെന്നറിഞ്ഞുകൊണ്ടാടു പാമ്പേ!

ഓംകാരത്തില്‍ തുടങ്ങി എണ്ണമറ്റ മന്ത്രങ്ങള്‍ ഉണ്ടായിട്ടുണ്ട്. ഇവയുടെയെല്ലാം പൊരുള്‍ വഹിച്ച ഭഗവതിയാണ് കുണ്ടലിനി.

പുള്ളിപ്പുലിത്തോല്‍ പുതയ്ക്കും പൂമേനിയെ-
ന്നുള്ളില്‍ കളിക്കുമെന്നാടു പാമ്പേ!

പുള്ളിപ്പുളിത്തോല് പുതച്ച പൂമേനി ശിവന്‍ ആണ് (പരമാത്മാവ്). ആ ശിവനെ ഉള്ളില്‍ ആക്കിയിട്ടു കളിക്കുകയാണ് ഭഗവതി. പരാശക്തിയെന്ന തത്ത്വത്തിന്റെ അജയ്യത ഗുരു വിളിച്ചോതുന്ന ഒരു സന്ദര്‍ഭം. അമ്മെ നാരായണ!!

പേയും പിണവും പിറക്കും ചുടുകാട്
മേയും പരമ്പൊരുളാടു പാമ്പേ!

പ്രേത പിശാചുക്കളുടെ ചുടുകാടിനെല്ലാം അധിപതിയായ പരമ്പൊരുള്‍ ആരാണ്? സംഹാര രൂപിയായ ശിവന്‍ തന്നെ.... ആ പരമ്പൊരുള്‍ ആടൂ - എന്ന് പറഞ്ഞാല്‍ ആ പരംപൊരുളുമായി കുണ്ടലിനി ഭേദമില്ലാതെ നിലകൊള്ളുന്നു എന്ന് അര്‍ത്ഥം സിദ്ധിക്കുന്നു. അതായത് ശിവ-ശക്തി സംഗമ സ്വരൂപമാണ് ഇവിടെ ഗുരു പറഞ്ഞിട്ടുള്ളത് എന്ന് അനുമാനിക്കാം.......

പൂമണക്കുംകുഴലാളകം‌പൂകുമാ-
കോമളമേനി കണ്ടാടു പാമ്പേ!

പൂമണക്കും കുഴലാള്‍ മഹാ ഭഗവതിയാണ്. ആ ഭഗവതിയുടെ ഹൃദയത്തില്‍ വസിക്കുന്ന ശ്രീ പരമേശ്വരന്റെ കോമള രൂപം എന്നത് പരാശക്തിയേകിയ ആനന്ദത്തില്‍ അധിവസിക്കുന്ന പരമാത്മാവെന്നു കരുതാം. അതിനെ കണ്ടു കൊണ്ടു ആടൂ - എന്നത് പരസ്പര പൂരകങ്ങളായ പരം തത്ത്വങ്ങളുടെ ലയത്തിന്റെ സൌന്ദര്യം സൂചിപ്പിക്കാന്‍ വേണ്ടിയുള്ള ഗുരുവിന്റെ വാക്കുകള്‍ ആയി കരുതാം.

നാദത്തിലുണ്ടാം നമശ്ശിവായപ്പൊരു-
ളാദിയായുള്ളതെന്നാടു പാമ്പേ!

നമശ്ശിവായ എന്ന നാദത്തിന്റെ പൊരുള്‍ അറിഞ്ഞാല്‍ എല്ലാമായി. ആദിയായ പൊരുള്‍ അത് തന്നെ. ആ പൊരുള്‍ അറിഞ്ഞവന് മാത്രമേ ഈ കുണ്ടലിനീ ആട്ടത്തിനുള്ള യോഗ്യതയുള്ളൂ..... എല്ലാം ശിവ-ശക്ത്യത്മകം......... ശിവ-ശക്ത്യോഹം!! (ഞാന്‍ ശിവ ശക്തി സംഗമം ആകുന്നു )

പൂമലരോനും തിരുമാലുമാരും പൊന്‍-
പൂമേനി കണ്ടില്ലെന്നാടു പാമ്പേ!

തിരുമാള് എന്നത് വിഷ്ണുവിന്റെ ഒരു പേര് ആണ്. പൂമലരില്‍ ഇരിക്കുന്നത് ബ്രഹ്മാവും. ഒരാള്‍ സൃഷ്ടിയുടെ പാലകന്‍. ഒരാള്‍ സൃഷ്ടി ചെയ്യുന്നയാള്‍. രണ്ടും കര്‍മ ബന്ധിതമായ കാര്യങ്ങള്‍. പരമ ആത്മ സ്വരൂപിയായ ശിവനെ പുല്‍കാന്‍ കര്‍മ ബന്ധിതരായ ആര്‍ക്കും സാധ്യമല്ല എന്ന തത്ത്വം മനസ്സില്‍ ആക്കുന്ന ഒരു കഥയുണ്ടല്ലോ നമുക്കു. ശിവന്റെ തുടക്കവും ഒടുക്കവും കണ്ടെത്താന്‍ കഴിയാതിരുന്ന ബ്രഹ്മ-വിഷ്ണുമാരുടെ കഥ. ആ കഥയെ ആണ് ഗുരു ഇവിടെ പറയുന്നത്. കര്‍മ കാലങ്ങള്‍ക്ക് അതീതമായ പരമാത്മ തത്ത്വ ഗ്രഹണം സിദ്ധമായവര്‍ക്ക് മാത്രമല്ലേ പരാശക്തിയെ സിദ്ധിക്കൂ?

ജയ് ജയ് ജയ് ഭവാനി....

കാമനെച്ചുട്ട കണ്ണുള്ള കാലാരി തന്‍
നാമം നുകര്‍ന്നുനിന്നാടു പാമ്പേ!

കാമനെ ചുട്ടത് ശിവന്റെ മൂന്നാം കണ്ണ് ആണല്ലോ. തപസ്സു കൊണ്ടു സിദ്ധമാകുന്ന ജ്ഞാനദൃഷ്ടി കാമത്തെ ജയിക്കുന്നു എന്നത് തത്ത്വം. ആ ശിവന്‍ "കാലാരി" യും ആണ്. (കാലന്റെ അരി കാലത്തിന്റെയും അരി ആണല്ലോ). കാലത്തെ നശിപ്പിക്കുന്നവന്‍ അല്ലെ കാലത്തിന്റെ ശത്രു? ശിവന്‍ കാലത്തെ നശിപ്പിക്കുന്നതെങ്ങനെ? പരമ ആത്മാവില്‍ ലയിക്കാത്തവര്‍ക്കെ കാലം ഉള്ളൂ എന്ന തത്വം ആണ് ഇവിടെ ഗ്രഹിക്കേണ്ടത്. പരമ ആത്മാവിനെ അറിഞ്ഞു കൊണ്ടിരുന്നാല്‍ കാലം അവര്‍ക്ക് അനുഭവവേദ്യം അല്ല തന്നെ.....ആ ശിവനെ അറിഞ്ഞു കൊണ്ടു ആടൂ കുണ്ടലിനീ ഭഗവതീ..

വെള്ളിമലയില്‍ വിളങ്ങും വേദപ്പൊരു‌‌-
ളുള്ളില്‍കളിക്കുമെന്നാടു പാമ്പേ!

വെള്ളിമല - കൈലാസം. വേദപ്പൊരുളായ ഭഗവാനെ ഉള്ളില്‍ ആക്കി കളിക്കുന്ന ഭഗവതിയെ വീണ്ടും സ്മരിച്ചിരിക്കുന്നു..... അമ്മെ നാരായണ.....

എല്ലാമിറക്കിയെടുക്കുമേകന്‍ പദ-
പല്ലവം പറ്റി നിന്നാടു പാമ്പേ!

എല്ലാം ഇറക്കുകയും പിന്നെ എടുക്കുകയും ചെയ്യുന്ന ഏകന്‍ സാക്ഷാല്‍ ശിവന്‍ തന്നെ. ആ ശിവന്റെ പാദങ്ങള്‍ ചേര്‍ന്ന് നിന്നാടിയാലും ഭഗവതീ........... തിങ്കളും കൊന്നയും എന്ന് തുടങ്ങുന്ന വരികളോട് സാമ്യമുള്ള അര്‍ത്ഥം തന്നെ ഇവിടെയും....

എല്ലായറിവും വിഴുങ്ങി വെറും വെളി-
യെല്ലയിലേറി നിന്നാടു പാമ്പേ!

എല്ലാ അറിവും വിഴുങ്ങിയ അവസ്ഥ എന്നത് - എല്ലാത്തിനും ഉപരിയായ അവസ്ഥയാണ്. എല്ലാ തത്വങ്ങള്‍ക്കും ഉപരിയായ തത്വ പ്രതിനിധിയായ കുണ്ടലിനീ ഭഗവതീ, ആട്ടം തുടരുക!!

എല്ലാം വിഴുങ്ങിയെതിരറ്റെഴുന്നൊരു
ചൊല്ലെങ്ങുമുണ്ടു നിന്നാടു പാമ്പേ!

എല്ലാം വിഴുങ്ങി എതിരറ്റതു എന്ന് പറഞ്ഞാല്‍ - എല്ലാത്തിനും മുകളില്‍ നില്കുന്നത് എന്നര്‍ത്ഥം. അങ്ങനെയുള്ള ആ പരമ വാണിയുടെ (പ്രണവ നാദമായ ഓംകാരം, ദേവീ ബീജമായ ഈംകാരം ഇവകള്‍ ഏതുമാകാം) തലത്തില്‍ നിന്നു കൊണ്ടു നൃത്തം തുടരുക പാമ്പേ...........

ചൊല്ലെല്ലാമുണ്ട് ചുടരായെഴും പൊരു‌-
ളെല്ലയിലേറി നിന്നാടു പാമ്പേ!

എല്ലാ ചൊല്ലുകളെയും (നാദങ്ങളേയും) ഉണ്ണുക എന്ന് പറഞ്ഞാല്‍ - എല്ലാ നാദങ്ങളേയും ഭക്ഷണം ആക്കിയത്, അഥവാ എല്ലാ നാദങ്ങളുടെയും ഊര്‍ജത്തെ ഉള്‍ക്കൊണ്ടതു എന്നാണ്. കോടി മന്ത്രങ്ങളെ സൃഷ്ടിച്ച ഓംകാരത്തെ പറ്റി നേരത്തെ തന്നെ ഗുരു പറഞ്ഞിട്ടുണ്ട്. അത്തരത്തിലുള്ള ഒരു പ്രകാശരൂപിയായ (ചുടര് എന്നാല്‍ പ്രകാശം, അഗ്നി എന്നെല്ലാം അര്‍ത്ഥം ) സത്യം ( പൊരുള്‍) ഉണ്ടെങ്കില്‍ അത് ഓംകാരരൂപിയായ പരമ ആത്മാവ് (ശിവന്‍) ആണ്. ആ ശിവനില്‍ ഏറി നിന്നു കൊണ്ടു നൃത്തം തുടരുക മഹാഭഗവതീ...........

നാടും നഗരവുമൊന്നായ് നാവില്‍നി-
ന്നാടു നിന്‍ നാമമോതീടു പാമ്പേ!

നാടും നഗരവും എല്ലാം ഭിന്നത്ത്വങ്ങളെ കുറിക്കുന്നു. കുണ്ടലിനിയുടെ ഔന്നത്ത്യത്തില്‍ (നാവില്‍) ആടുന്നത് ഭിന്നത്വങ്ങളുടെ ശബ്ദം അല്ല. മറിച്ച്‌, ഏകത്വത്തിന്റെ ശബ്ദമായ ഭഗവതീനാമം ആണ്. വേറൊരു രീതിയില്‍ ചിന്തിച്ചാല്‍ സമസ്ത സൃഷ്ടി ജാലവും കുണ്ടലിനീപ്രാപ്തിക്കായി ചെയ്യേണ്ടതിത്ര മാത്രം. ഭഗവതീ നാമ ജപം. അങ്ങനെ ചെയ്യുമ്പോള്‍ ഭിന്ന ഭാവനകള്‍ താനേ അപ്രത്യക്ഷമായിക്കോളും . കുണ്ടലിനീ ജാഗരനത്തിന്റെ ആദ്യപടിയില്‍ നില്‍കുന്ന സാധകര്‍, എല്ലാം എകമെന്നുള്ള ഭാവനയിലെക്കെത്തിയാല്‍ മാത്രമേ മാനുഷിക ചക്രങ്ങള്‍ വിട്ടു മണിപൂരകത്തിലെക്കും അവിടുന്നങ്ങോട്ട് തലച്ചോര്‍ വരെയുള്ള ഊര്‍ജ പ്രവാഹം സാദ്ധ്യം ആകുകയുള്ളൂ എന്നും അര്‍ത്ഥം കല്പിക്കാം.

ദേഹവും ദേഹിയുമൊന്നായ് വിഴുങ്ങീടു-
മേകനുമുണ്ടറിഞ്ഞീടു പാമ്പേ!

ദേഹവും ദേഹിയും ഒന്നാണെന്നും അവകള്‍ പരമാത്മാവില്‍ പരാശക്തി സൃഷ്ടിച്ച പ്രതിബിംബങ്ങള്‍ മാത്രമാണെന്നും ഉള്ള തത്വഗ്രഹണം സിദ്ധിച്ചാല്‍ മാത്രമേ ഈ പാമ്പിനെ കിട്ടൂ. അങ്ങനെ ഉള്ളവരിലെ ഭഗവതി പൂര്‍ണമായി ഉണരൂ.

പേരിങ്കല്‍നിന്നു പേരുവെളിയെന്നല്ല
പാരാദി തോന്നിയെന്നാടു പാമ്പേ!

ആദിമ ശിവശക്തി സംഗമത്തിന്റെ സങ്കല്‍പം കൊണ്ടു തന്നെ (പേര് ചിന്തിക്കുമ്പോള്‍ തന്നെ) ഭൂമിയും ആകാശവും എല്ലാം രൂപം കൊണ്ടെന്നു തോന്നിക്കുന്ന മായ ഇവിടെ രൂപം കൊണ്ടു. നാമം (ശബ്ദം) സൃഷ്ടിക്കു നിദാനമായി എന്ന തത്വം ആണ് പറഞ്ഞിരിക്കുന്നത്. അത്തരത്തില്‍ സൃഷ്ടി മുഴുവന്‍ മായ എന്ന് കരുതുന്ന ഉത്തമ സാധകര്‍ക്ക് മാത്രം ലഭിക്കുന്ന ഭഗവതീ, നൃത്തം തുടരുക!!

ചേര്‍ന്നുനില്‍ക്കുമ്പൊരുളെല്ലാം ചെന്താരൊടു
നേര്‍ന്നുപോമ്മാറു നിന്നോടു പാമ്പേ!

ചേര്‍ന്ന് നില്ക്കുന്ന സമസ്ത അറിവുകളും വസ്തുക്കളും എല്ലാമെല്ലാം ഹൃദയ പദ്മത്തില്‍ ലയിച്ചു നിഷ്കാമ - നിസ്സംഗ ഭാവനയിലെക്കെത്താന്‍ സാധകരെ ഉപദേശിച്ചിരിക്കുന്നു. അത്തരത്തില്‍ ഉള്ള ആത്മാക്കള്‍ക്ക് മാത്രം സിദ്ധിക്കുന്ന മഹാ ഭഗവതിക്ക് പ്രണാമം!!

സമസ്ത പ്രപഞ്ച സാരവും വഹിക്കുന്ന ഒരു മഹാ കാവ്യസൃഷ്ടി ആണിത്. ഇതിനപ്പുറം ഒരു തത്വവും ഇല്ല. എഴുതിയതോ മനസ്സിലാക്കിയതോ ഒന്നും തന്നെ പൂര്‍ണമല്ല. അനുഭവവും പൂര്‍ണമല്ല..... എന്നിരുന്നാലും ഈ മഹാ സൃഷ്ടി ഒരു പാമ്പാട്ടിച്ചിന്തു ആണെന്ന് ചിന്തിക്കുന്ന പലരും ഉണ്ട്. അവരെ തിരുത്താന്‍ ഈ രചന ഉപകരിക്കട്ടെ എന്ന് പ്രാര്‍ഥിക്കുന്നു. മഹാ ഭഗവതിയുടെ ഉപാസനയിലൂടെ മാത്രമേ ഉയരാന്‍ കഴിയൂ, എന്ന ഗുരുവചനത്തെ മനസ്സിലാക്കി, ഭുക്തിയും (ലൌകിക സുഖങ്ങളും ) മുക്തിയും തരുന്ന ആ പരാശക്തി പാദം പുല്‍കാന്‍ എല്ലാ ചിന്തിക്കുന്ന ഹിന്ദുക്കളും മുന്നോട്ടു വരട്ടെ എന്ന് ആത്മാര്‍ത്ഥമായി ആഗ്രഹിക്കുന്നു.... നമസ്കാരം.........

ഓം സദ്ഗുരുഭ്യോ നമ:

ജയ് ജയ് ജയ് ഭവാനി..

ഹര ഹര മഹാദേവ..

ഭാരതീയന്റെ മായ സായിപ്പിന്റെ കോയ!!!

2012-04-16T10:30:00.000-07:00

ഭാരതീയമായ തത്വശാസ്ത്രങ്ങളിലെല്ലാം പ്രപഞ്ചത്തിലെ നിയാമക ശക്തിയുടെ നിഴലായിക്കൊണ്ട് ഭ്രമിപ്പിക്കുന്ന ശക്തിയെ മായ എന്ന് വിളിച്ചു വരുന്നു. പരമ ആത്മാവും അതിലേക്കു വികസിക്കുന്ന ബോധശക്തിയുമാണ് ഭാരതീയ ഋഷിമാര്‍ കണ്ടെത്തിയ സത്യങ്ങള്‍. ഇവകള്‍ക്ക് വിഘാതമായി നില്‍ക്കുന്ന എല്ലാം മായ തന്നെ. മായ എന്നാല്‍ ഇല്ലാത്തത് എന്നതിനേക്കാള്‍ പരമമായ ഉണ്മയിലെക്കുള്ള യാത്രയില്‍ നിന്നു മാര്‍ഗം തെറ്റിക്കുന്നത് എന്ന് കരുതുന്നതത്രേ അഭികാമ്യം..

ചുരുക്കി പറഞ്ഞാല്‍ ഇന്ദ്രിയങ്ങള്‍ കൊണ്ടു ഗ്രഹിക്കുന്ന എന്തും, മനസ്സില്‍ പ്രതിബിംബിക്കുന്ന എന്തും മായാ വിരചിതം തന്നെ. നമ്മുടെ ഭൌതിക മോഹങ്ങളെല്ലാം മായാബന്ധിതം തന്നെ. പൂര്‍ണമായി വികസിക്കാത്ത ബോധം ആണ് നമ്മെ മായാബന്ധിതരായി ജീവിപ്പിക്കുന്നത്‌. പരമ സത്യത്തിലെത്തുന്നത് വരെ കര്‍മ ഫലബന്ധിതമായി മായയെ അതിജീവിക്കാന്‍ പാട് പെടുന്ന ഈശ്വര രൂപികള്‍ തന്നെയാണ് ഈ സൃഷ്ടി നിറയെ..

ഇത് ഭാരതീയ ചിന്ത.

ഇതിനെ പ്രതി ഒരു സിനിമ ചെയ്‌താല്‍ എങ്ങനെ ഇരിക്കും? സിനിമ പത്തു നിലയില്‍ പൊട്ടും അല്ലെ? ഐറ്റം ഡാന്‍സ് ഉണ്ടായാലും രക്ഷപ്പെടില്ല.

എന്നാല്‍ ഉലകം ചുറ്റും വാലിബന്‍ സായിപ്പ് തുനിഞ്ഞു ഇറങ്ങിയാലോ? മായ കോയ ആയി മാറും.... സിനിമ നാലായിരം കോടിയോ അതിലധികമോ സമ്പാദിക്കുകയും ചെയ്യും....അങ്ങനെ ഒരു സിനിമ ഉണ്ട്. പറയാമോ? അതെ അത് തന്നെ... മാട്രിക്സ്.

ജീവിക്കുന്നത് മിഥ്യാ ലോകത്ത്. അവിടുന്ന് അതി സങ്കീര്‍ണ്ണമായ ( ജോസ്‌പ്രകാശിന്റെ കൊള്ളസങ്കേതവിദ്യയല്ല. നല്ല പത്തര മാറ്റ് കമ്പ്യൂട്ടെര്‍ കളികള്‍) പ്രോഗ്രാമുകളിലൂടെ ചെന്നിറങ്ങുന്ന രീലോടെഡ് അവസ്ഥ. ഇത്‌ മായയെ അതിജീവിച്ചു ചെന്നിറങ്ങുന്ന ബ്രഹ്മ അവസ്ഥയുടെ ഒരു വികൃത അനുകരണം അല്ലാതെ മറ്റെന്താണ്? വികൃത അനുകരണം എന്ന് വിളിക്കാതെ ഒരു നിവൃത്തിയില്ല. കാരണം ഈ രീലോടിംഗ് സംഭവിച്ചവരിലും സായിപ്പുമാര്‍ക്കും മദാമ്മമാര്‍ക്കും പേടിക്കും കാമത്തിനും ഒന്നും ഒരു കുറവും ഇല്ല. ബ്രഹ്മ ജ്ഞാനിക്കു പക്ഷെ പേടി ഇല്ലല്ലോ.... നിര്‍ഭയനും നിര്‍വികാരനും ആയ സായിപ്പും മദാമ്മയും സ്ക്രീനില്‍ നിറഞ്ഞാല്‍ പിന്നെ വികാരികള്ക് തീയേറ്ററില്‍ കൊടുക്കുന്ന പൈസ മുതലാവില്ലല്ലോ. :-)

എന്നാല്‍ ഇതേ പോലെ ഉണര്‍ന്ന (പ്രജ്ഞ - ബോധം ഉണര്‍ന്ന ) മാട്രിക്സ് കുട്ടിക്ക് ഒരു സ്പൂണ്‍ ഒന്നും കണ്ടാല്‍ കണ്ണില്‍ പിടിക്കില്ല. സ്പൂണ്‍ ഇല്ലയെന്നും സ്പൂണ്‍ വളയുംപോള്‍ മനസ്സാണ് വളയുന്നതെന്നും എല്ലാം അവന്‍ പറയുന്നും ഉണ്ട്. പുറത്തു കാണുന്ന ലോകത്തിറെ സൃഷ്ടി അകത്തു നടത്തുന്നത് നമ്മള്‍ തന്നെയെന്ന ലളിതചിന്തയെ ആണ് ഇവിടെ ആവിഷ്കരിച്ചത് എന്ന് സുവ്യക്തം.

സായിപ്പിനെ വിടാതെ പിടിച്ചു അധിക്ഷേപിക്കലോന്നും എന്റെ ലക്ഷ്യമേ അല്ല. ഒരു ദിവസം ചായ കുടിച്ചപ്പോള്‍ ആരോ പറഞ്ഞു കെട്ട ഒരു സ്പൂണ്‍ ടയലോഗ് എന്റെ നിരീക്ഷണം ഒന്ന് കൂടി സൂക്ഷ്മമാക്കി. അപ്പോള്‍ എഴുതിപ്പോയതാണ്........

വേദാന്തത്തിന്റെ മൂല വികൃതമായി ചുരണ്ടിയപ്പോള്‍ നാലായിരം കോടിയുടെ സിനിമ ഉണ്ടായി. പാരമ്പര്യത്തിലെ അഹിംസയുടെ ഒരു കൊച്ചു കഷണം ചുരണ്ടിയപ്പോള്‍ ഭാരതത്തിന്‌ സ്വാതന്ത്ര്യവും കിട്ടി. ചുരണ്ടാന്‍ പറ്റുന്ന, ആരും ഇതുവരെ ചുരണ്ടി വൃത്തികേടാക്കാത്ത വേറൊരു മൂല എനിക്കും കാണിച്ചു തരണേ മഹാ മായേ.........

ഓം സദ്ഗുരുഭ്യോ നമ:

ജയ് ജയ് ജയ് ഭവാനി,

ഹര ഹര മഹാദേവ..

വിഷം തീണ്ടാത്തൊരു വിഷുവിനായി....

2012-04-13T09:38:00.003-07:00

സൌവര്‍ണ്ണ നിറമുള്ള കണിക്കൊന്നകള്‍ മാസങ്ങള്‍ക്ക് മുന്നേ വിരിഞ്ഞിരുന്നു. കോലം കെട്ട കാലത്തിന്റെ അത്യുഷ്ണം കണിക്കൊന്നകളെ നേരത്തെ തന്നെ വിരിയിച്ചെടുത്തതാവാം. എന്നാലും വിഷുവിനു കണിയൊരുക്കാന്‍ പറിച്ചോളൂ എന്ന മട്ടില്‍ തലതാഴ്ത്തി കുറെ കൊമ്പുകള്‍ ഇപ്പോളും പലയിടങ്ങളിലും ബാക്കി നിര്‍ത്തിയിട്ടുള്ളത് കാണുമ്പോള്‍ ഒരു പ്രത്യാശ - എല്ലാം നശിച്ചു പോയിട്ടില്ല, പോകില്ല.

പണ്ടെല്ലാം വിയര്‍പ്പൊഴുക്കി പണിയെടുത്തിരുന്നവന് വിഷു പ്രത്യാശയുടെ പുതുവര്ഷ ആരംഭം ആയിരുന്നു. കഴിഞ്ഞു പോയ വര്‍ഷത്തിന്റെ കര്‍മക്ഷയങ്ങളെ, അകര്‍മണ്യതയെ എല്ലാം ഐശ്വര്യത്തിന്റെ കണിക്കാഴ്ചകള്‍ കൊണ്ടു മായ്ച്ച്, കര്‍മസാക്ഷിയായ സൂര്യന്റെ ശുഭമായ രാശിമാറ്റം ഇനിയങ്ങോട്ടുള്ള ഐശ്വര്യത്തിലെക്കുള്ള നാന്ദിയായി മാറട്ടെ എന്ന് ഗുരുവായൂരപ്പനോട് പ്രാര്‍ത്ഥിച്ച്, കുടുംബ അംഗങ്ങളോടോത്തു കിട്ടാവുന്നതില്‍ ഏറ്റവും മെച്ചമായ ഭക്ഷണം കഴിച്ച്, പടക്കങ്ങള്‍ പൊട്ടിച്ച്, കാരണവരില്‍ നിന്നു കൈനീട്ടം വാങ്ങിച്ച്, അങ്ങനെ അങ്ങനെ ...

എന്റെ വിഷു ഓര്‍മ്മകള്‍ പടക്കവും ആയി ബന്ധപ്പെട്ട് ഇരിക്കുന്നു. പുലിവാല്‍ കല്യാണത്തിലെ സലിംകുമാറിനെ പോലെ, പടക്കങ്ങള്‍ എന്നും എന്റെ ഒരു വീക്നെസ് ആയിരുന്നു. പടക്കം എത്താന്‍ വൈകുന്ന സംക്രാന്തി സായാഹ്നങ്ങളിലെ നെഞ്ചിലെ പിടപ്പ് ഇപ്പോളും ഓര്മ ഉണ്ട്. എങ്ങനെയെങ്കിലും രാത്രി ആവുമ്പോളെക്കും അച്ഛന്‍ കുറച്ചു പടക്കമെങ്കിലും എത്തിച്ചിരുന്നു. അതിലെ ഓരോന്നും സൂക്ഷിച്ചു സൂക്ഷിച്ചു ആസ്വദിച്ചു പൊട്ടിച്ചും കത്തിച്ചും തീര്‍ത്തു. ഒരിക്കല്‍ അമ്മായിയുടെ വീട്ടില്‍ ചെന്നപ്പോള്‍ ആണ് പാമ്പിന്‍ ഗുളിക ( കത്തിക്കുമ്പോള്‍ പാമ്പിനെ പോലെ പുളഞ്ഞു ഉയരുന്ന ഒരു സാധനം) കാണുന്നത്..ഓരോ തരം പുതിയ പടക്കവും പുത്തന്‍ ആവേശവും അനുഭവവും സമ്മാനിച്ച ഒരുപിടി വര്‍ഷങ്ങള്‍..

ഇന്നിപ്പോള്‍ സമ്പന്നതയും തിരക്കും ഇടകലര്‍ന്ന നാഗരികതയില്‍ ഭൌതികമായ ഉന്നത നിലവാരം ആഘോഷങ്ങളുടെ മാറ്റ് ഒരുപാട് കുറച്ചിരിക്കുന്നു. മോഡേന്‍ പടക്കഭ്രമം എല്ലാം അടുത്ത തലമുറ ഏറ്റെടുത്തു. അവര്‍ക്ക് പടക്കം എത്തിക്കാന്‍ ഞാന്‍ ശ്രദ്ധിച്ച് തുടങ്ങിയിരിക്കുന്നു. ചൈനക്കാരന്‍ അവിടെയും നുഴഞ്ഞു കയറിയിരിക്കുന്നു. അത്ഭുതം തന്നെ!! ആഗോളവല്‍കരണത്തിന്റെ ശക്തി....

വിശ്വസ്തതയുടെ അവസാനവാക്കായി ഗണിക്കപ്പെട്ടിരുന്ന കരിക്കില്‍ വരെ വിഷം കുത്തിവെച്ചെന്ന് മാധ്യമപ്പട തെളിവ് നിരത്തി കാണിക്കുമ്പോള്‍ തമിഴന്റെ (ഇതൊരു പ്രാദേശിക വാദ സംബന്ധം ഉള്ള പ്രയോഗമല്ല, തമിഴ്നാട്ടിലെ കര്‍ഷകനെ അങ്ങനെ വിളിച്ചു എന്ന് മാത്രം) പച്ചക്കറികള്‍ എങ്ങനെ വിശ്വസിച്ചു കഴിക്കും? വരാപ്പുഴ ചന്തയില്‍ കിട്ടുന്ന കരിമീനും ആന്ധ്രപ്രദേശില്‍ നിന്നുള്ള വരവാണോ എന്തോ? പ്രദേശം എന്തായാലും ഇനി പരിതപിച്ചിട്ട്‌ കാര്യമില്ല. കലി അത്യുച്ഛത്തിലാണ്.

എന്തായാലും "ഉള്ളത് കൊണ്ടു ഓണം പോലെ" ഒരു വിഷു ആഘോഷിക്കാം അല്ലെ? പ്രതീക്ഷകളുടെ ഭാരം ഒരുപാടു ഏറ്റി ക്ഷീണിക്കാതെ, പ്രിയപ്പെട്ടവരോടോത്തു ഉള്ളതില്‍ ഏറ്റവും നല്ല ഒരു കണിയും കണ്ടു, ഒരുമിച്ചു ഊണും കഴിച്ചു നൂറു കിട്ടുമ്പോള്‍ മൂന്നെങ്കിലും സമൂഹത്തിനു കൊടുക്കാന്‍ ഉള്ള മനസ്സും സൃഷ്ടിച്ചു, പരമാവധി വിഷങ്ങളെ പിറകില്‍ തള്ളി, മുന്നോട്ടു നീങ്ങാന്‍ പ്രിയ സഹോദരന്മാരെ, നിങ്ങളെയും ഈയുള്ളവനെയും അമ്മ മഹാമായ പരാശക്തി അനുഗ്രഹിക്കട്ടെ.......

എല്ലാവര്ക്കും ഹൃദയം നിറഞ്ഞ വിഷു ആശംസകള്‍!!

ഓം സദ്ഗുരുഭ്യോ നമ:

ജയ് ജയ് ജയ് ഭവാനി..

ഹര ഹര മഹാദേവ..

...

നായരും ഈഴവനും കൂടി വെച്ച എരിവു കൂടിയ ബിരിയാണി!!!

2012-04-12T04:07:00.001-07:00

വഴികള്‍ മാറിയുള്ള സഞ്ചാരം ആണ്. ഹൈന്ദവ തത്വചിന്താമനനം ഒരു നിമിഷം അഴുക്കു ചാല്‍ രാഷ്ട്രീയത്തില്‍ വീണു. എന്തായാലും ആ അഴുക്കു മനസ്സില്‍ പറ്റാതെ കയറാന്‍ നോക്കാം.

ഉമ്മന്‍ ചാണ്ടിയുടെ പേടിച്ചരണ്ട മന്ത്രിസഭാ അഴിച്ചു പണി നാടകത്തിലെ അപകടങ്ങളെക്കുറിച്ച് ചിന്തിക്കാന്‍ അല്പം സമയവും ഉണ്ട്.. ഈ രാഷ്ട്രീയക്കളിയില്‍ വേദനയും ഉണ്ട്. എന്നാല്‍ പിന്നെ ഇരിക്കട്ടെ ഒരെണ്ണം അതും....

സഖാവ് വി എസ്സില്‍, ദുരിതം കൊണ്ടു വീര്‍പ്പു മുട്ടുന്ന ഹൈന്ദവരുടെ രക്ഷകനെ കാണാന്‍ ഒരിക്കലും സാധിക്കില്ലെങ്കിലും, ചെറിയ അലിക്കുട്ടിമാരോളം വിഷം ഇല്ലെന്നു ആശ്വസിച്ച പല ഗതികെട്ട അസംഘടിത ഹിന്ദുക്കളും ആ ദേഹത്തിനു തന്നെ വോട്ടു കൊടുത്തു. വി എസ്സിന്റെ ഭരണകാലത്തും ഹിന്ദുവിന് ആശ്വസിക്കാന്‍ ഒന്നുമില്ലായിരുന്നു. താലി കെട്ടിയ പെണ്ണ് ഋതു ആവുമ്പോള്‍ നടത്തേണ്ട ബാക്കപ്പ് പദ്ധതികളെപ്പറ്റി പാമര പണ്ഡിതര്‍ പറഞ്ഞ മൊണ്ണത്തരങ്ങള്‍ കേട്ട് ശരാശരി കേരളീയന്‍ നടുങ്ങിയപ്പോള്‍ പ്രതികരിക്കാന്‍ ഉള്ള രാഷ്ട്രീയശേഷി ഉണ്ടായിട്ടും കേട്ടഭാവം പോലും നടിക്കാതെ വിഴുങ്ങിയ അങ്ങേരും അത്ര വെടിപ്പാണെന്നു അറിവുള്ള ആര്‍ക്കും അഭിപ്രായം കാണാന്‍ വഴി ഇല്ല. എന്നാലും എങ്ങനെയോ ചില്ലറ ചില ജനക്ഷേമ പരിപാടികളിലൂടെ, അധികം കറ പുരളാത്ത പ്രവര്‍ത്തനങ്ങളിലൂടെ ഇന്നും കുഴികളില്‍ ജീവിക്കുന്ന പല ഹൈന്ദവരും അങ്ങനെ ഒരു വിശ്വാസം അദ്ദേഹത്തില്‍ വെച്ച് പുലര്‍ത്തിയിരുന്നു. ആ വിശ്വാസം വോട്ടു ആയി മാറുകയും ചെയ്തു.

എന്നാല്‍ ഉള്ള സംഘടിക്കല്‍ കൊണ്ടു തന്നെ അല്‍പ സ്വല്പം ശക്തി ഉള്ള വെള്ളാപ്പിള്ളിയുടെ ഈഴവന്‍ ഏറെക്കുറെ ഒളിച്ചും, സംഘടിച്ചു നിന്ന നായര് ഏറെക്കുറെ മറ്റുള്ളവരെ അറിയിച്ചു കൊണ്ടും, പല പല മണ്ഡലങ്ങളിലും വി എസ്സിനെ പറ്റിച്ചു. തിരുവനന്തപുരം ജില്ല ഏറെക്കുറെ കീശയില്‍ ആക്കിയതിന് ചാണ്ടി ഈ രണ്ടു സമുദായങ്ങളുടെ സ്തുതി പാടണം. കോട്ടയത്തും തൃശ്ശൂരും എല്ലാം ഈര്കില്‍ ഭൂരിപക്ഷത്തിന് എത്ര സീറ്റുകള്‍ വി എസ്സിന് നഷ്ടപ്പെട്ടു?

അങ്ങനെ അറിഞ്ഞു വെച്ചൊരു ബിരിയാണിയുടെ എരിവു ഒരു കൊല്ലം കഴിഞ്ഞപ്പോള്‍ ആണ് നായരുടെ മൊത്തക്കച്ചവടക്കാരനും ഈഴവ രാജാവും അറിഞ്ഞിരിക്കുന്നത്. ഇനിയിപ്പോ ഒരു ആറാം മന്ത്രി വന്നാലും തിരുകേശ സംരക്ഷണ വകുപ്പ് തന്നെ രൂപം കൊണ്ടാലും അല്പം കട്ടന്‍ ചായ കുടിച്ചു ആ എരിവു അങ്ങു സഹിച്ചാ മതി.

ഇത്രയും പറഞ്ഞത് എന്നിലെ വ്രണിത ഹിന്ദുവിന്റെ വേദന.

ഓം നമ: ശിവായ എന്ന മന്ത്രം ഒരു പോലെ തന്നെ എന്ന് ശ്രീ നാരായണ ഗുരുവും ശ്രീ ചട്ടമ്പി സ്വാമികളും തപസ്സു കൊണ്ടും കര്‍മം കൊണ്ടും തെളിയിച്ചതല്ലേ? ഒരേ ഗുരുവില്‍ (അയ്യാ സ്വാമി തിരുവടികള്‍ ) നിന്നല്ലേ ഇരുവരും ഉപാസനാ സമ്പ്രദായത്തില്‍ ഗഹനം ആയി പഠിച്ചത്? അതായത് അവര്‍ രണ്ടു പേരും സാമ്പ്രദായിക സഹോദരര്‍ ആയിരുന്നു. അവരുടെ പ്രതിമകള്‍ ഉയര്‍ത്താന്‍ മത്സരിക്കുന്ന പുതു തലമുറയിലെ ഈഴവനും നായരും ചെയ്ത തൊഴിലുകളിലെ വ്യതാസം വരുത്തിയ തൊലി നിറങ്ങളില്‍ തൂങ്ങി ഭിന്നത്ത്വത്തിനു പുതിയ കാരണങ്ങള്‍ അന്വേഷിച്ചു നടക്കുന്നത് എത്ര മൌഡ്യം?

പ്രിയ നേതാക്കന്മാരെ, കാലത്തിന്റെ ഒഴുക്കില്‍ ഭിന്നിച്ചു പോയ രണ്ടു ശക്തിമത്തായ സമുദായങ്ങളുടെ നേതൃത്ത്വം ആണ് അതേ കാലം തന്നെ നിങ്ങളുടെ കയ്യില്‍ ഏല്പിച്ചിരിക്കുന്നത്. മേല്പറഞ്ഞ മഹാ ഗുരുക്കന്മാരോടും ഭാവി തലമുറകളോടും ഉള്ള കൂറ് തെളിയിക്കേണ്ട ഒരു ചരിത്ര സന്ധി ആണ് ഇന്ന് നിങ്ങള്ക്ക് മുന്നില്‍ ഉള്ളത്..ഹൈന്ദവ മഹാമണ്ഡലം എന്ന ഇതുവരെയും യാഥാര്‍ത്ഥ്യം ആവാത്ത ഒരു മഹാശക്തി ഇവിടെ ഉദയം ചെയ്യാന്‍ ഇനിയും വൈകിക്കൂടാ. കണ്ട അലിക്കുഞ്ഞുമാരുടെ ഉച്ചിഷ്ടം കഴിച്ചാല്‍ തീരുന്നതാണോ ഹിന്ദുവിന്റെ വിശപ്പ്‌? ഹിന്ദു കൊടുത്ത ശിഷ്ടത്തില്‍ നിന്നു നില്കാനും നടക്കാനും കഴിവ് നേടി, ഇപ്പൊ ഹിന്ദുവിന്റെ ചെലവില്‍ ഹിന്ദുവിനെ ഭരിപ്പിച്ചു കൊല്ലിക്കാന്‍ ഇനിയും നിങ്ങള്‍ കൂട്ടു നില്കരുതേ....

ഹൈന്ദവന്‍ കണ്ണില്‍ ഒഴിക്കാന്‍ എടുത്തു വെച്ച എണ്ണയൊഴിച്ച് തെളിച്ചു ഉയര്‍ത്തിയ അമ്പലപ്പറമ്പുകളും കുളങ്ങളും എല്ലാം തരം കിട്ടുമ്പോള്‍ തോണ്ടിയും മാന്തിയും രസിക്കുന്നവരുടെ കൊലവെറികള്‍ ഇനിയും കൂടും. സാഹചര്യത്തിന് അനുസരിച്ച് കൂട്ടു കൂടുന്ന കമ്മ്യൂണല്‍ കമ്മ്യൂണിസവും ഹിന്ദുവിനെ തുണക്കില്ലെന്ന് കാലം എത്രയോ വട്ടം തെളിയിച്ചതാണ്?

ഭൂരിപക്ഷം എന്ന ഭാണ്ഡം പേറി മടുത്തില്ലേ പ്രിയ നേതാക്കന്മാരെ? ഇനിയെങ്കിലും ആ ശക്തി ഒന്ന് അറിയിക്കണ്ടെ? അതേ ആ മഹാ ഐക്യത്തിന് സമയം ആയി. കുങ്കുമം ചുമന്നു നടന്ന കഴുതകള്‍ ആയിരുന്നെന്നു ഭാവി ന്യൂനപക്ഷ ഹിന്ദു മക്കള്‍ നിങ്ങളെ അപഹസിക്കാന്‍ ഇടവരുത്തരുതേ എന്ന് പ്രാര്‍തിച്ചു കൊണ്ടു ഒരു പാവം ഈഴവ ഹിന്ദു അവന്റെ ഈ ഓ ബീ സീ പരിദേവനം ഇവിടെ ഉപസംഹരിക്കുന്നു...

ഓം സദ്‌ ഗുരുഭ്യോ നമ:

ജയ് ഭവാനി....

ഹര ഹര മഹാദേവ...

ഗണപതിക്കൊരു ഏത്തം. തലച്ചോര്‍ തികച്ചും ഫ്രീ!!!...

2012-04-10T11:34:00.000-07:00

സനാതനധര്‍മ വിദ്വേഷികള്‍ക്ക് എതിരെ എടുത്ത വാള്‍ ഉറയിലിടാന്‍ നേരമില്ലാതെ വലയുന്ന നേരത്ത് അതാ മുന്‍പില്‍ ഒരു നല്ല വീഡിയോ ക്ലിപ്പ്. സമയം പാഴാക്കാതെ പേനയെടുത്തു.

കാരണവന്മാര്‍ ഗണപതിക്ക്‌ ഇഷ്ടമുള്ള കറുക മാലയെപ്പറ്റിയും അയ്യപ്പന്‍റെ എള്ളുതിരിയെപ്പറ്റിയും എല്ലാം പറഞ്ഞതിന്റെ കൂട്ടത്തില്‍ ഗണപതി ഭഗവാന്റെ മുന്നില് ചെയ്യേണ്ടുന്ന എത്തവും കാണിച്ചു തന്നിരുന്നു. പൈതൃകത്തില്‍ വിശ്വാസം ഉണ്ടായിരുന്നത് കൊണ്ടും മതേതരന്‍ കളിച്ചു ഗപ്പ് വാങ്ങാന്‍ താല്പര്യമില്ലാതിരുന്നതുകൊണ്ടും ഇതെല്ലാം വിശ്വാസത്തിന്റെ ബലത്തില്‍ (മാത്രം) ചെയ്തു പഠിച്ചു. മുതിര്‍ന്നപ്പോള്‍ ഇങ്ങനെ ഉള്ള ഒരുപാട് സനാതന പ്രതീകങ്ങള്‍ ഭൌതികാര്‍ത്ഥത്തിലും തത്ത്വാര്‍ത്ഥത്തിലും മനസ്സില്‍ ആക്കാനും അവസരം ലഭിച്ചിരുന്നു. വിദ്വേഷികളുടെ വായടിപ്പിക്കാനും അല്പവിശ്വാസിയുടെ നട്ടെല്ലിനു ബലം കൂട്ടാനും സായിപ്പായി കൊണ്ടു തന്ന ഒരു തെളിവ്, ഇതാ സായിപ്പിനെ കാണുമ്പോള്‍ കവാത്ത് മറക്കുന്നവര്‍ക്കായി, അല്ലാത്തവരുടെ എന്റേത് പോലുള്ള ലക്ഷ്യങ്ങള്‍ക്ക് ഉപയുക്ത്തം ആക്കാനായി സമര്പിക്കുന്നു!!

http://www.youtube.com/watch?v=p876UDB8EN4

ഗണപതി ഭഗവാന്റെ മുന്നില്‍ നിഷ്ഠയോടെ നിന്നു തെറ്റുകള്‍ ഏറ്റു പറഞ്ഞു, വൈകിയതില്‍ ക്ഷമ യാചിച്ചു നമ്മള്‍ ചെയ്തിരുന്ന അതെ ഏത്തം, വര്‍ഷങ്ങള്‍ക്കു മുന്നേ തന്നെ പേരുമാറി സൂപ്പര്‍ ബ്രെയിന്‍ യോഗ ആയി മാറിയ വിവരം അല്പം വൈകി ആണ് നിങ്ങളോട് പറയുന്നത്.. ക്ഷമിക്കുക.....കൈകള്‍ പിണച്ചു ചെവികളില്‍ പിടിച്ചു കൊണ്ടുള്ള ആ അഭ്യാസം തലച്ചോറിന്റെ ഇരുവശങ്ങളെയും ഒരു പോലെ ഉദ്ധീപിപ്പിച്ചു ശരിയായ വളര്‍ച്ചയും മാരകം ആയ പല രോഗങ്ങളില്‍ നിന്നുള്ള പരിഹാരവും തരുന്നു എന്ന് പരീക്ഷണ നിരീക്ഷണങ്ങളിലൂടെ വിദേശികള്‍ കണ്ടെത്തിയിരിക്കുന്നു. നമ്മളോ, സ്വന്തം ധര്മത്തെ മറ്റുള്ളവന് ദഹിച്ചില്ലെങ്കിലോ എന്നോര്‍ത്തു മൌനം ഭജിച്ചു സമയവും അവസരവും പാഴാക്കുന്നു.

സായിപ്പിന്റെ ഒരു ഗുണം ധൈര്യം ആണ്. മഞ്ഞും മലയും മറ്റും താണ്ടാന്‍ അവന്‍ കാണിക്കുന്ന ധൈര്യം കണ്ടിട്ടെങ്കിലും സനാതന വിദ്വേഷക്കവാത്തു മറക്കാന്‍ സാധിക്കുന്നുണ്ട് എങ്കില്‍ ഇനിയും അമാന്തിക്കരുതെ. സത്തയായ സത്യത്തിന്റെ മഹാഭണ്ടാഗാരത്തില്‍ നിന്നും ഒരു ഏത്തം എടുത്തപ്പോള്‍ തന്നെ സായിപ്പിനതൊരു സിദ്ധിയായി ഭവിച്ചു. ഇത്തരം അറിവുകള്‍ ഒരു മതത്തിന്റെതല്ല എന്ന് അറിയാനും അറിയിക്കാനും ഇത്തരം ഒരു ധൈര്യം ഭാരതീയര്‍ കാണിച്ചേ മതിയാകൂ. സനാതനധര്‍മം എന്നത് ഒരു ജീവിതരീതി ആണ്. അതിനെ ഒരു മതം ആയി പരിമിതപ്പെടുത്താതെ അതിലെ അറിവുകളെ പറ്റി അഭിമാനം കൊള്ളാനും, കൂടുതല്‍ പഠിക്കാനും, പഠിപ്പിക്കാനും എല്ലാം വിഘ്നെശ്വരന്‍ ശ്രീമഹാഗണപതി എല്ലാ നല്ല ഭാരതീയരിലും ആര്‍ജ്ജവവും ഔല്സുക്യവും നിറയ്കട്ടെ എന്നാണ് എന്റെ പ്രാര്‍ത്ഥന. വിദ്യ കൊണ്ടു വിവേകാനന്ദന്‍ ആവില്ല. അതിനു വിവേകം (തിരിച്ചറിവ്) വേണം. സ്ഥൂലം ആയ ആധുനിക വിദ്യയെക്കാള്‍ വിശ്വാസത്തിലും ആത്മപ്രഭയിലും അധിഷ്ടിതമായ ഭാരതീയ ജ്ഞാനവിജ്ഞാനങ്ങള്‍ നല്‍കുന്ന ഗുരുതത്വ ബലം നമ്മിലേക്ക്‌ പെയ്തിറങ്ങട്ടെ എന്ന് പ്രാര്‍ഥിക്കുന്നു.

ഓം സദ്ഗുരുഭ്യോ നമ:

ജയ് ശ്രീഗണേശാ...

ജയ് ഭവാനി

ഹര ഹര മഹാദേവ

സര്‍വ്വം ബ്രഹ്മമയം - അതെ പിശാചും ദൈവം തന്നെ!!

2012-04-06T07:08:00.000-07:00

ഒരു പാട് കാലം മൌനം ആയിട്ടിരുന്നവര്‍ സംസാരിക്കുമ്പോള്‍ സംഭവിക്കുന്ന കുഴപ്പങ്ങള്‍ എന്റെ ഭാഷണത്തിലും വരുന്നുണ്ടോ എന്നറിയില്ല. എന്തായാലും പരപീഡനം ഈ ഉള്ളവന്റെ നയം അല്ല. സത്യങ്ങളുടെ ഒഴുക്കില്‍ ആര്‍ക്കെങ്കിലും വേദനിച്ചാല്‍ അത് വിധി വിഹിതം ആയി കരുതി ആശ്വസിക്കണേ... നമസ്കാരം!!

പരമം ആയ ദൈവം ഒന്നുള്ളപ്പോള്‍ അന്ധവിശ്വാസികള്‍ ആയ ഹിന്ദുക്കള്‍ പല പല ദൈവങ്ങളെ വിശ്വസിക്കുന്നു. ആയുധങ്ങളും നഗ്നതയും വേണ്ടുവോളം ഉള്ള അപരിഷ്കൃത ദൈവങ്ങള്‍ ആണ് ഹിന്ദുവിന് ഉള്ളത്. ഇവരെ ആരാധിക്കുന്നത് പരിഷ്കൃത സമൂഹത്തിനു ചേര്‍ന്നതല്ല.....ദൈവം എന്നാല്‍ സ്നേഹം ആണ്,സ്ഥൈര്യം ആണ്... കയ്യില്‍ വാള് പിടിച്ചു നില്‍കുന്ന ഒരു ഈശ്വരന്‍ മനുഷ്യന്റെ രക്ഷകന്‍ ആവുന്നതെങ്ങനെ?

ഹൈന്ദവ വിശ്വാസങ്ങള്‍ നേരിടുന്ന പല വിധ ചോദ്യങ്ങള്‍ ആണ് മേല്കൊടുത്തിരിക്കുന്നത്. ഓരോ ചോദ്യം ആയി എടുത്തു നമുക്കു ഉത്തരം കണ്ടെത്താന്‍ ശ്രമിക്കാം? ഈ ചര്‍ച്ച കഴിയുമ്പോള്‍ ചെകുത്താനും ഒരു ദൈവം ആണ് എന്ന ഒരു നിലപാടുമാറ്റം ഞാന്‍ ഭാരതീയ സഹോദരന്മാരില്‍ കാണുന്നു. അതെന്റെ അമിത ആത്മവിശ്വാസം എങ്കില്‍ കാതടപ്പിക്കുന്ന തെറികള്‍ കൊണ്ടു എന്നെ സ്വീകരിച്ചാലും :-)

ബഹുദൈവ വിശ്വാസം

മറ്റു വിശ്വാസധാരകളും ആയി ഹൈന്ദവ ധര്മത്തിന്റെ പ്രധാന വ്യതാസം അതിലെ ദൈവ സങ്കല്പവും സൃഷ്ടിയില്‍ മനുഷ്യര്‍ക്ക്‌ കല്പിച്ചിട്ടുള്ള സ്ഥാനവും ആണ്. ഭാരതീയം ആയ ചിന്തകളില്‍ സൃഷ്ടി എന്നത് പരമ ബോധത്തിന്റെ ഒരു ലീലാ പ്രകടനം മാത്രം ആണ്. ഈ ഒരു സൃഷ്ടിക്കു വേണ്ടി ഈശ്വരന്‍ തിരശീലയ്ക്ക് പിറകില്‍ ഒഴുക്കേണ്ടി വന്ന വിയര്‍പ്പോ കാത്തിരിക്കേണ്ടി വന്ന ദിവസങ്ങളുടെ എണ്ണമോ അദ്ദേഹം നേരിട്ടോ ധ്യാനാവസ്ഥയില്‍ ഉള്ള ഋഷികള്‍ മുഖേനയോ വെളിവാക്കിയതായി അറിവും ഇല്ല. പ്രകടം ആവാന്‍ ഉള്ള പരമ ബോധത്തിന്റെ (ദൈവത്തിന്റെ) ആദിമം ആയ ഒരു ഇച്ഛയുടെ വാലില്‍ തൂങ്ങി മനുഷ്യനും മറ്റു ബോധങ്ങളും നടത്തുന്ന കേളികള്‍ ആണിന്നു കാണുന്ന സൃഷ്ടി വിസ്മയം.. മഹാ ഇച്ചയുടെ സ്ഫോടനം പ്രപഞ്ചത്തെ ഉല്പന്നം ആക്കിയെന്ന നാദബ്രഹ്മ സിദ്ധാന്തം ഇനി എത്ര നാള്‍ കഴിഞ്ഞാല്‍ ആണ് ആധുനിക രാഷ്ട്രീയക്കാര്‍ അന്ഗീകരിക്കുക? ബിഗ്‌ ബാങ്ങ് എന്ന് അവ്യക്തം ആയെങ്കിലും ആരെങ്കിലും പറയുമ്പോള്‍ അത് ഹൈന്ദവ ഋഷിമാര്‍ക്കുള്ള അംഗീകാരം ആയി കരുതുക കൂട്ടരേ.

പ്രകടം ആയി, പിന്നെ തിരിയെ ലയിച്ചു, പിന്നെയും പ്രകടം ആവുന്ന, പിന്നെയും ലയിക്കുന്ന ഒരു ഒളിച്ചും പാത്തും കളി എന്നെ ഹിന്ദുക്കള്‍ സൃഷ്ടിയെ കരുതാവൂ. ഒളിച്ചും പാത്തും കളിയുടെ രചയിതാവിന്റെ മഹാബോധം പ്രതിഫലിക്കുന്ന മായാനിര്‍മിതം ആയ ഒരു ഭൌതിക കോട്ടയുടെ (ശരീരത്തിന്റെ) ഈശ്വരീയ ഉടമകള്‍ ആണ് നമ്മളും. ആ ഈശ്വരീയത കണ്ടെത്തി ഉണര്‍ത്തി വളര്‍ത്തി അതില്‍ ലയിക്കാന്‍ ഉള്ള ഒരു പദ്ധതി ആണ് ഹിന്ദുധര്‍മം. ഈശ്വരനോടൊപ്പം ഇരിക്കുന്നതിനേക്കാള്‍ എത്രയോ ശ്രേഷ്ഠം ആണ് ഈശ്വരന്‍ ആകുക എന്നത്?അല്ലെങ്കില്‍ ഈശ്വരനില്‍ ലയിക്കുക എന്നത്? അതാണ്‌ ഹൈന്ദവ ധര്‍മ സാരം. ആ സാരത്തെ ഗ്രഹിച്ച്, നട്ടെല്ല് ലോകത്തിനും വാരിയെല്ല് സ്ത്രീയ്ക്കും കടം കൊടുക്കാതെ ആ മഹാ ബോധത്തിന്റെ ഭാഗം ആയി മാറാനുള്ള ഹൈന്ദവ ധര്മിഷ്ടരുടെ ശ്രമങ്ങള്‍ക്ക് ഊര്‍ജം പകരുന്നതില്‍ ഇനിയുള്ള എന്റെ വാണിക്ക് എന്തെങ്കിലും ചെയ്യാന്‍ കഴിഞ്ഞാല്‍ അതും പരാല്പര രൂപിണി ആയ അവളുടെ കാരുണ്യം.....

മേല്പറഞ്ഞ പോലൊരു ബോധവികാസത്തിനു അനവധി തടസ്സങ്ങളും ഈ കളിയില്‍ ഒരുക്കിയിട്ടുണ്ട്. ചെയ്യുന്ന കര്‍മങ്ങള്‍ അനുസരിച്ച് ബോധ വികാസവും സങ്കോചവും ഉണ്ടാക്കുന്നത്‌ മനുഷ്യന്‍ തന്നെ. ആദിമം ആയ കര്‍മം തൊട്ടു മുന്നോട്ടു ഉള്ളതെല്ലാം മനുഷ്യന്റെ ഉത്തരവാദിത്ത്വം തന്നെ ( ബോധം കൊണ്ടു ഉയര്‍ന്നു സിദ്ധി നേടിയവരെ തരം തിരിക്കാനും അവരുടെ കര്‍മ കാല ഗണനകള്‍ നിര്‍വഹിക്കാനും ഉള്ള ജ്ഞാനവും ശക്തിയും തല്‍കാലം ഇല്ലാത്തത് കൊണ്ടു അത് വിടുന്നു).. കണ്ണ് കാണാതെ മുന്നില്‍ നടക്കുന്നവനോടും കാല്‍ ഓടിഞ്ഞവനോടും ദൈവം പക്ഷാപാതപരം ആയി പെരുമാറിയില്ലെന്ന് കരുതണമെങ്കില്‍ ‍ സ്വന്തം അവസ്ഥ ഇത് പോലെ സ്വയം നിര്‍മിതം എന്ന് കരുതുന്ന ഒരു ചിന്താധാരയ്ക്ക് മാത്രമേ കഴിയൂ.

ഇത്രയും ഒരു ആമുഖം.. ഇതില്ലാതെ ഒന്നും ഉണ്ടാവില്ല.

ആദ്യം പറഞ്ഞ ഈ പരമ ബോധത്തിനെ നേരിട്ട് മനനം ചെയ്തു ലയിക്കാന്‍ സൃഷ്ടി എന്ന ഈ കളി ജീവനുകളെ അനുവദിക്കില്ല എന്ന് കണ്ടെത്തിയ ഋഷിമാര്‍ ധ്യാനത്തില്‍ കണ്ടെത്തിയ അതീന്ദ്രിയം ആയ നിരവധി ഊര്‍ജമണ്ഡലങ്ങളെ മറ്റു ജനങ്ങള്‍ക്കായി പരിചയപ്പെടുത്തി. ഓരോ തരം കര്‍മം ഓരോ തരം സ്പന്ദനങ്ങളില്‍ നിന്നായത്‌ കൊണ്ടു ഓരോ ദൈവീകഭാവങ്ങള്‍ക്കും അനുസൃതം ആയി ഓരോ മന്ത്രങ്ങള്‍ നിര്‍ദ്ദേശിക്കപ്പെട്ടു. സൃഷ്ടി എന്നത് നാദരൂപം ആണല്ലോ. മനുഷ്യന്‍ അവന്റെ കര്‍മങ്ങള്‍ നല്‍കിയ സ്പന്ദത്തില്‍ നില കൊള്ളുന്നു എങ്കില്‍, ബ്രഹ്മ സ്വരൂപികള്‍ ആയ ദേവതമാര്‍ ശുദ്ധ മന്ത്ര രൂപത്തില്‍ സ്പന്ദിച്ചു കൊണ്ടിരിക്കുന്നു. വെള്ളവും വെളിച്ചവും രണ്ടാണ് എന്നത് പോലെ തന്നെ,പ്രേമത്തിന്റെ മൂര്‍ത്തീ ഭാവം ആയ ദേവതയും യോഗ സമാധിയുടെ മൂര്‍ത്തീ ഭാവം ആയ ദേവതയും സ്പന്ദിക്കുന്നത് വ്യതസ്ത രീതിയില്‍ ആണ്. അങ്ങനെ വ്യതസ്ത മന്ത്രങ്ങള്‍ ഉണ്ടായി. ആ മന്ത്രങ്ങളുടെ നിരന്തര സാധന മനസ്സില്‍ വരച്ച രൂപം അനുസരിച്ച് ഋഷിമാര്‍ കോറിയിട്ട രൂപങ്ങള്‍ ദേവതമാരുടെ ചിത്രങ്ങള്‍ ആയും പ്രചരിച്ചു. ദൈവത്തിന്റെ പ്രേമം പ്രിയമായിരുന്നവര്‍ക്ക് ആ ഭാവത്തില്‍ ഉള്ള ദേവതയും, സമാധി പ്രിയം ആയിരുന്നവര്ക് ആ ഭാവത്തില്‍ ഉള്ള ദേവതയും ശത്രുതാ ഭാവ സംഹാരം പ്രിയം ആയിരുന്നവര്‍ക്ക് (ഇന്നത്‌ ശത്രുവിനെ കൊല്ലല്‍ ആയി പലരും കൊണ്ടു നടക്കുന്നുണ്ട് - ശത്രു സംഹാര പുഷ്പാഞ്ജലി എന്നാല്‍ ശത്രുത എന്ന ഭാവം മനസ്സില്‍ നിന്നു നീക്കം ചെയ്യാന്‍ ഉള്ള ധ്യാനം ആണെന്ന് അവരുണ്ടോ തിരിച്ചറിയുന്നു? എന്താണെങ്കിലും മന്ത്രത്തിന്റെ ശക്തി കൊണ്ടു പല ഗുണങ്ങളും സിദ്ധിക്കുന്നവര്‍ തെറ്റുകള്‍ തുടര്‍ന്നു പോകുന്നു) അതിനുള്ള ദേവതയും നിര്‍ദ്ദേശിക്കപ്പെട്ടു. ഈ അറിവുകള്‍ ലളിതമായ ക്രമങ്ങള്‍ ഉണ്ടാക്കി ഭാവി തലമുറയുടെ പ്രയോജനത്തിനു വേണ്ടി അവതരിപ്പിച്ചപ്പോള്‍ ഉപാസനാ പദ്ധതികളും പരമ്പരകളും രൂപം കൊണ്ടു. ആണ് ഇന്ന് ഹൈന്ദവര്‍ ആരാധിക്കുന്ന ദേവതകള്‍ അധികവും ഋഷിമാരുടെ കണ്ടെത്തലുകള്‍ ആണ്. ഒരു ദൈവം പോലും നേരിട്ട് വന്നു എന്നെ ആരാധിച്ചോളൂ, അല്ലെങ്കില്‍ തട്ടിക്കളയും എന്നൊന്നും പറയാതിരുന്നതും ഹൈന്ദവ ചിന്തകളുടെ തറവാടിത്വത്തിന്റെ മറ്റൊരു തെളിവാണ്.

എല്ലാ ഗുണങ്ങള്‍ക്കും അതീതം ആയ ഒരു അവസ്ഥ ഈ ലോകത്ത് ജീവിച്ചു കൊണ്ടു ഗ്രഹിക്കുക എളുപ്പം അല്ലല്ലോ.... അത് കൊണ്ടു പടി പടി ആയുള്ള ഒരു പദ്ധതി ആണ് ഋഷിമാര്‍ ആവിഷ്കരിച്ചത്.

ഓം നമോ വാസുദേവായ എന്ന മന്ത്രത്തിന്റെ തുടര്‍ച്ചയായ പ്രയോഗത്തിലൂടെ ഒരു ഉപാസകന്റെ മായാപ്രലോഭനങ്ങള്‍ അവസാനിച്ചു തുടങ്ങുന്ന അവസ്ഥയില്‍ അവന്റെ ബോധവും ഓം നമോ ഭഗവതേ വാസുദേവായ എന്ന രീതിയില്‍ സ്പന്ദിച്ചു തുടങ്ങും. ഇത് പൂര്‍ണമായി സാധ്യമാവുംമ്പോള്‍ അവന്റെ ചിത്തത്തില്‍ തെളിയുന്ന മോഹനരൂപം ആണ് നമ്മള്‍ ചിത്രത്തില്‍ കാണുന്ന ഉണ്ണിക്കണ്ണന്റെ രൂപം എന്ന് മനസ്സില്‍ ആക്കുക. അതായത് ഓം നമോ വാസുദേവായ എന്ന മന്ത്രത്തിന്റെ ചിത്രഭാവം ആണ് ഭഗവല്‍രൂപം. ചിത്രം മനസ്സില്‍ കണ്ടു കൊണ്ടു ജപിക്കുന്നതും, ചിത്രം ഒന്നും ഇല്ലാതെ മന്ത്ര പൂര്‍ണ്ണതയില്‍ ചിത്രം വരുന്നതും എല്ലാം ഓരോ രീതികള്‍............അത്ര മാത്രം. എന്തായാലും അസംഖ്യം ചിന്തകളില്‍ പെട്ട് ഉഴലുന്ന മനുഷ്യബോധത്തെ ഏക-ബിന്ദുവില്‍ എത്തിക്കാന്‍ കൃഷ്ണന്‍ ഇനിയും ഇനിയും ലോകരെ തുണയ്ക്കട്ടെ......

ഈ ശ്രീകൃഷ്ണന്‍ സ്വര്‍ഗ്ഗ ആരോഹണം ചെയ്തത് ഒരു വേടന്റെ അമ്പിന് മുന്നില്‍ തല കുനിച്ചാണ്. അനുകൂലം ആയ ഊര്‍ജം ചിന്തകളില്‍ നിറയ്ക്കാന്‍ ആ രൂപം ഉപയുക്ക്തം ആവാത്തതുകൊണ്ടും കര്മാഭിമുഖ്യം ജീവിതം കൊണ്ട് കാണിച്ചു തന്ന മഹാത്മാവിനെ സഹതാപ തരങ്ങത്തിന്റെ കേവല രാഷ്ട്രീയ സാധ്യതകളിലൂടെ കൂടുതല്‍ അപമാനിക്കാതിരിക്കാനും ആവാം, അമ്പ്‌ കൊണ്ടു പുളയുന്ന ചിത്രം ആരാധിക്കാന്‍ ഹിന്ദു ഒരുംപെടാതിരുന്നത്. കയ്യില്‍ ആസക്തിയുടെ മദ്യമാംസ പാത്രങ്ങള്‍ വെച്ചു കൊണ്ടു, പീഡാവിവശന്‍ ആയ കൃഷ്ണന്‍ നമ്മുടെ പാപങ്ങളെ തീര്‍ത്ത്‌ കൊള്ളും, ഇന്ദ്രിയ ഉന്മാദത്തിലും മുക്തി നേടാം എന്ന അബദ്ധം ഹിന്ദുക്കള്‍ കരുതാതിരുന്നത് ഭാഗ്യം ആയെന്നു വേണം പറയാന്‍. അത്തരത്തില്‍ ഉള്ള മൃത, ദുര്‍ബല സങ്കല്‍പ്പങ്ങളാല്‍ ഹൈന്ദവര്‍ തെറ്റിധരിക്കാതെയും ധരിക്കപ്പെടാതെയും ഇരിക്കട്ടെ എന്ന് ഞാന്‍ പ്രാര്‍ഥിക്കുന്നു.

ശ്രീകൃഷ്ണന്റെ കയ്യില്‍ ഉള്ള ചിഹ്നങ്ങളും ഉടയാടകളും എല്ലാം എന്തിനെ കുറിക്കുന്നു എന്നത് വലിയൊരു ഉപന്യാസത്തിന് സാധ്യത ഉള്ള വിഷയം ആയതു കൊണ്ടു അത് പിന്നീട് കുറിക്കാം. എന്താണെങ്കിലും, ലോകത്തെ ആര്‍ത്തിയോടെ തുറിച്ചു നോക്കുംപോളും , ഉള്ളിലേക്ക് അന്ധര്‍ ആയ ജനങ്ങളുടെ പുറത്തേക്കുള്ള നോട്ടത്തെ പ്രേമപൂര്‍ണം ആയി നിലനിര്‍ത്തി കൊണ്ടു തന്നെ ഉള്ളിലേക്കും നോക്കാന്‍ ഭഗവാനോളം സഹായിക്കുന്ന വേറൊരു മൂര്‍ത്തി ഹൈന്ദവര്‍ക്ക് ഉണ്ടോ?

ജ്ഞാനം ആര്‍ജിച്ചു ആര്‍ജിച്ചു മുക്തി മാര്‍ഗത്തില്‍ മുന്നേറാന്‍ സരസ്വതിയും, ശക്തി ആര്‍ജിച്ചു മുക്തി മാര്‍ഗത്തിലെ സൂക്ഷ്മവും സ്ഥൂലവും ആയ തടസ്സങ്ങള്‍ നീക്കാന്‍ ദുര്‍ഗ്ഗയും (മറ്റുള്ള ജീവ ബോധങ്ങളെ മസ്തിഷ്ക പ്രക്ഷാളനം നടത്തി മതത്തിന്റെ കൊടിക്കൂറ ഉയര്‍ത്താന്‍ അല്ല) ഇത്തരം സകല ഉദ്യമങ്ങള്‍ക്ക്‌ മുന്നേയും ഉളള തടസ്സങ്ങളെയും നീക്കുന്ന മഹാഗണപതിയും എല്ലാം സദാ ഹിന്ദുവിനെ സഹായിച്ചു കൊണ്ടേ ഇരിക്കുന്നു. ജനിപ്പിച്ച അമ്മയും അച്ഛനും പഠിപ്പിക്കുന്ന ഗുരുവും സഹായിക്കുന്ന വേലക്കാരനും പത്രം തരുന്ന ജോലിക്കാരനും എല്ലാം കൂടെ കലര്‍ന്നൊരു പൂര്‍ണത ഉണ്ടാവുന്ന പോലെ, പരമ ബോധത്തിന്റെ തന്നെ പ്രതിനിധികള്‍ ആയ ഒരു പിടി ബ്രഹ്മസ്വരൂപി ദേവതകള്‍ ഹൈന്ദവ വിശ്വാസത്തിന്റെ പ്രാണവായു ആയി മാറുന്നു. അതതു ദേവതമാരുടെ മന്ത്രങ്ങള്‍ നമ്മളെ ആ ബോധതലത്തിലേക്കു ഉയര്‍ത്തുന്നു. അവിടെ നിന്നു പരമബോധത്തിലേക്ക്‌ അധികം ദൂരം ഇല്ല എന്ന് ഋഷിമാര്‍ നമ്മളെ പഠിപ്പിക്കുന്നു.

ഗര്‍ഭരക്ഷ ചെയ്യുന്ന അംബികയും വ്യാധികള്‍ മാറ്റുന്ന ദേവിയും എല്ലാം ഹിന്ദുവിനുണ്ട്. ഭിന്ന മനുഷ്യമൃഗ ജാതികളുടെ വിഹാര കേന്ദ്രം ആയ ഈ പ്രപഞ്ചത്തില്‍, പല ബോധ തലങ്ങളില്‍ ഉള്ള അതീന്ദ്രിയ ശക്തികളും ഉണ്ട് എന്ന് ഹിന്ദു എന്നേ മനസ്സില്‍ ആക്കിയിരിക്കുന്നു. ബ്രഹ്മാണ്ഡത്തിന്റെ (വിശ്വം) ഒരു ചെറു തനിപ്പകര്‍പ്പായ മനുഷ്യന്റെ (പിണ്ടാണ്ടം) ഉള്ളിലെ ബോധ,നാഡീ കേന്ദ്രങ്ങളെ ഉത്തേജിപ്പിച്ചു വിശ്വത്തോട് സദൃശം ആക്കുമ്പോള്‍ ( in resonance with corresponding enrgy fields in the universe ) അവനു കാര്യസിദ്ധി ഉണ്ടാവുന്നു. ഒരു ആപ്പീസ് ഉദാഹരണം ആയി എടുക്കുക. അവിടെ ഉള്ള എല്ലാ പണികളും ഒരാള്‍ തന്നെ എടുത്താല്‍ എന്താവും അവസ്ഥ? അയാള്‍ വിയര്‍ത്തു ഇല്ലാതെ ആവും.. എന്നാല്‍ ഒരുമിച്ചു നിന്നാലോ? അതൊരു സ്വര്‍ഗം ആവും.. എന്നാല്‍ ഈ ആപ്പീസിലെ എല്ലാവരുടെയും കൂടെ ഉത്തരവാദി ആയ ഒരു പ്രധാന ആപ്പീസറെ പോലെ പരമബോധം ഗുണാതീതവും കാലാതീതവും ആയി വിരാജിക്കുന്ന സുന്ദര കാഴ്ച ജിജ്ഞാസ ഉള്ള ഏതൊരു ഹിന്ദുവിനും ലഭിക്കുകയും ചെയ്യും.

ദേവതമാരുടെ ആയുധ വിവരണങ്ങളും തത്ത്വ വിചാരവും ഇപ്പോളത്തെ എന്റെ ലക്‌ഷ്യം അല്ല. അത് വളരെ ദൈര്‍ഘ്യം ഏറിയതും ശ്രമകരവും ആയ ദൌത്യം ആണ്. എന്നാലും യാത്രകളില്‍ കേട്ടുപോവുന്ന ഒരു ആരോപണത്തിന്റെ സത്യാവസ്ഥ അറിയാത്തവര്‍ക്ക് വേണ്ടി ചിലത് കുറിക്കട്ടെ......

മനുഷ്യര്‍ മന്ത്ര രൂപികള്‍ ആണെങ്കിലും അവര്‍ക്ക് സ്ഥൂലം ആയ ഒരു തടസ്സം ( ശരീരം) ഉണ്ട് . എന്നാല്‍ ദേവതമാര്‍ സൂക്ഷ്മരൂപികള്‍ ആണ്. അവരുടെ കയ്യില്‍ ഉള്ള ആയുധങ്ങള്‍ പ്രതീകങ്ങള്‍ ആണ്. അല്ലാതെ ദുര്‍ഗാദേവി കയ്യില്‍ ഉള്ള ആയുധങ്ങളെ ഉപയോഗിച്ച് ഇതര മതക്കാരെ കൊല്ലാന്‍ ഉള്ള ഗൂഡാലോചന നടത്തുകയല്ല. അല്ലെങ്കില്‍ അത് വിശ്വാസികളോട് ഉപയോഗിക്കാനും പറയുന്നില്ല. അത്തരം ആയുധങ്ങളെ സൂക്ഷ്മ തലത്തില്‍ ഉപയോഗിച്ച് മനസ്സിലെ, ബോധത്തിലെ തടസ്സങ്ങളെ നീക്കി ആ ഐശ്വര്യത്തിന്റെ ഭാഗം ആവാന്‍ ആഹ്വാനം ചെയ്യുകയാണ്. കഠിനം ആയ സാധനയില്‍ അത്തരം ഒരു രൂപത്തെ കാണുന്ന ഒരു ഭക്തന് ആരെ ആണ് കൊന്നു കഴിവ് തെളിയിക്കേണ്ടത്? കൊന്നും കൊടുത്തും തെളിയിക്കേണ്ടത് രാഷ്ട്രീയക്കാര്‍ക്ക് അല്ലെ?

ഇനി ദേവതാ രൂപങ്ങളിലെ നഗ്നതയെപ്പറ്റി . പണ്ട് ഭാരതത്തിലെ വസ്ത്ര ധാരണ രീതി തന്നെ ശ്രദ്ധിക്കുക. അടിവസ്ത്രമായിട്ടു ഒരു തുണി കൊണ്ടുള്ള നാട (കൌപീനം) ആയിരുന്നു ഉണ്ടായിരുന്നത്. അതിന്റെ ആവശ്യമേ അന്നുള്ളവര്‍ക്ക് ഉണ്ടായിരുന്നുള്ളൂ. അന്നത്തെ പുരുഷന്റെ പൊതു ജനസമ്പര്‍ക്കം ഉള്ള അവസ്ഥയിലെ പെരുമാറ്റം ആ നാടയെ കവച്ചു വെയ്ക്കുന്ന ഒരു വൈകാരിക തലത്തിലേക്ക് അവനെ നയിച്ചിരുന്നില്ല. (ഇതേ കൌപീന ധാരികളുടെ നേതൃത്വത്തില്‍ കേരളത്തില്‍ അരങ്ങേറിയ സംബന്ധ നാടകങ്ങളെ വെള്ള പൂശല്‍ ഈ ഉള്ളവന്റെ ഉദ്ദേശ്യം അല്ലെന്നറിയുക. പക്ഷെ അത് ഋഷിമാരുടെ ഉത്തരവാദിത്വത്തില്‍ നടന്ന കാര്യം അല്ല എന്ന് മനസ്സില്‍ ആക്കുക).. എന്നാല്‍ കാലം പുരോഗമിച്ചു എന്ന് പറയുന്ന ഈ ആധുനിക കാലത്ത് ഒരു കവര്‍ പാല് വാങ്ങാന്‍ പോകണമെങ്കില്‍ പോലും സായിപ്പ് സാക്ഷ്യപ്പെടുത്തിയ ജോക്കിയും ഫ്രെഞ്ചിയും എല്ലാം ഈ ഉള്ളവനും ധരിക്കുന്നുണ്ട്. എപ്പോള്‍ വേണമെങ്കിലും പൊട്ടാവുന്ന വികാര ഭരണികള് ആയ സായിപ്പിന് ‍ഇത്രയും അടഞ്ഞ രീതിയിലെ വസ്ത്രധാരണം ചിട്ടപ്പെടുത്താന്‍ കഴിയൂ. തണുപ്പിനെയും പ്രകൃതിയെയും കുറ്റം പറയാമെന്‍ങ്കിലും സ്ത്രീയെ അല്‍പവസ്ത്ര ധാരി ആയി ചിത്രീകരിച്ച സായിപ്പിന് അവിടെ അധികം ന്യായം ഉണ്ടാവുമെന്ന് തോന്നുന്നില്ല.

ലോകം ചെറുതായപ്പോള്‍ സായിപ്പ് വെടിയുണ്ടയുടെ ബലത്തില്‍ ദൈവം ആയപ്പോള്‍ എന്നോ ഇവിടെയും നമ്മള്‍ കൌപീനം വലിച്ചെറിഞ്ഞു. ധര്‍മം കൊണ്ടു അര്‍ത്ഥ കാമങ്ങളെ തീര്‍ക്കുന്ന ഗാര്ഹസ്ത്യ നാളുകളില്‍ സൌകര്യത്തിന്റെ ജോക്കി ഭഗവാനെ ആശ്രയിക്കുന്നത് കൊണ്ടു കുഴപ്പം ഒന്നും ഉണ്ടെന്നല്ല പറഞ്ഞു വന്നത്. വസ്ത്രങ്ങള്‍ മുറുകിയതും ഇടുങ്ങിയതും വൈകാരികം ആയ അപക്വതയെ മറക്കാന്‍ വേണ്ടി ആണ് എന്നാണ്. നഗ്നതയില്‍ ലൈംഗിക അരാജകത്വം ചാലിച്ച നാട് ആയിരുന്നില്ല പണ്ട് ഭാരതം എന്ന് മനസ്സില്‍ ആക്കാന്‍ വേണ്ടി പറഞ്ഞ ഈ ഉദാഹരണം മറ്റൊരു വിചാര ദിശയിലേക്കു ആരെയും കൊണ്ടു പോവരുതെ....

മനസ്സ് തുറന്നു വെച്ചിരുന്ന കാപട്യമോ കല്മഷമോ ഇല്ലാത്ത വിജ്ഞാനികളും മഹാസിദ്ധരും ആയ ഋഷി സമൂഹത്തിനു ‍ ധ്യാനത്തില്‍ കിട്ടിയ രൂപത്തില്‍ ചില ദേവതകളുടെ അല്പം വസ്ത്രം കുറഞ്ഞു പോയി. ഒരിക്കലും ഒരു ദേവതയും ഞാന്‍ ഇങ്ങനെ ആണേ എന്ന് പറഞ്ഞിട്ടല്ല ഹിന്ദു അവരെ ആരാധിച്ചു തുടങ്ങിയത്. വസ്ത്രം തീരെ കുറഞ്ഞതായി കാണിച്ചിട്ടുള്ളത് ഭദ്രകാളി ദേവിയുടെ ചിത്രങ്ങളില്‍ ആണ്. സങ്കല്‍പം അറിയുന്നവന്‍ മനസ്സില്‍ ആക്കുക - ഭദ്രകാളി എന്നത് കലിയുഗത്തിന്റെ തിന്മകളെ എല്ലാം അമ്മാനം ആടുന്ന ( കാമ ക്രോധ മോഹ ലോഭ മദ മാല്സര്യങ്ങളെ എല്ലാം - ഇവകളെ എല്ലാം നിയന്ത്രിക്കുകയും ഇവകള്‍ കൊണ്ടു ജീവ അഹങ്കാരങ്ങളെ പരീക്ഷിക്കുകയും ചെയ്യുന്ന മായാബോധത്തിന്റെ അധിപതിയും ആയ മഹാ ഭഗവതിക്ക് പ്രണാമം) ഒരു ശക്തി സങ്കല്‍പം ആണ് . സൃഷ്ടിയെ ഗ്രസിച്ചു പ്രളയത്തിലെക്കെത്തിക്കാന്‍ ചുമതലയുള്ള ബ്രഹ്മ പ്രതിനിധി ആയിട്ടാണ് ഹിന്ദുക്കള്‍ ഭഗവതിയെ മനസ്സില്‍ ആക്കേണ്ടത്. അത്തരം ഒരു ബോധത്തിന്റെ രൌദ്രഭാവത്തില്‍ വസ്ത്രമോ ആഭരണമോ ഒന്നും വിഷയം അല്ല.... സാത്വികം അല്ല ദേവിയുടെ ഭാവം. യോഗി എന്ന് അഹങ്കരിക്കുന്നവരെ നിസ്സാരം ആയി ഭോഗി ആക്കി ലീലകള്‍ ആടുന്ന ഭഗവതിയെ ശരണം പ്രാപിച്ചാലേ അഹങ്കാരജന്യം ആയ കാമ ക്രോധ പിശാചുകളുടെ തലയറുത്ത് ബോധശക്തിയുടെ ആനന്ദഅതിരേകത്തിന്റെ ഉന്മാദത്തില്‍ ഈ ജന്മത്തെ ഒരു ലീല ആയി ആഘോഷിക്കാന്‍ (ഭഗവതിയുടെ നൃത്തം പോലെ ) ഹിന്ദുവിന് കഴിയൂ. അത്തരം ഒരു ശക്തി വിലാസം ആണ് ഭഗവതിയുടെ ചിത്രം. ഇത് മനസ്സില്‍ ആക്കി ഭജിക്കുന്നതിനു ഇടയില്‍ ഭഗവതിയുടെ ചിത്രത്തിന്‍റെ നഗ്നതയെ പഴിക്കുന്നവര്‍ അത് ചെയ്യട്ടെ.... അതിനും ആളുകള്‍ വേണം അല്ലോ... എന്നാല്‍ അല്ലെ അവളുടെ കളി പൂര്‍ണം ആകൂ ? :-)

പരമ ബോധത്തിന്റെ വിഭിന്നം ആയ പ്രകട തലങ്ങള്‍ ആണ് ഭാരതീയന്റെ പല ദൈവങ്ങള്‍ എന്ന് മനസ്സില്‍ ആയല്ലോ അല്ലെ? .

സുബ്രഹ്മണ്യ ഭഗവാന്‍ അടക്കം ആറു ബ്രഹ്മ സ്വരൂപികള്‍ ആയ ദേവതമാരെ പറ്റി ആണ് ആരാധനാ യോഗ്യര്‍ എന്ന് ഹിന്ദുക്കള്‍ സാധാരണ കേള്‍ക്കാറുള്ളത് എന്നാല്‍ പ്രാദേശികം ആയി അറിയപ്പെട്ട ചില മഹാവ്യക്തികളെയും കുടുമ്പത്തിലെ കാരനവര്‍മാരെയും ഈശ്വരര്‍ ആയി കണ്ടു ആരാധിക്കാന്‍ ഹിന്ദു മടി കാണിക്കാറില്ല. ബ്രഹ്മ സ്വരൂപികള്‍ അല്ലാത്ത ഇത്തരം മൂര്‍ത്തികളുടെ ഈശ്വര സമാനം ആയ ആരാധന പ്രേത ആരാധനയുടെ ഗണത്തില്‍ പെടുത്താം. പരെതം ആയ ആത്മാക്കള്‍ ആണല്ലോ പ്രേതങ്ങള്‍ ( ഇനിയും ജനിക്കാത്ത, മുക്തി / സ്ഥാനക്കയറ്റം കിട്ടാത്ത). ചുരുക്കി പറഞ്ഞാല്‍ ഹിന്ദുവിന് ചെകുത്താനും ദൈവം തന്നെ. പൂര്‍ണം ആയ മുക്തിക്കു ഈ മാര്‍ഗം ഉപകരിക്കില്ലെന്നു മാത്രം. എന്ത് തന്നെ ആയാലും ചെകുത്താന്‍ എന്നത് ഭാരതീയ ചിന്തയില്‍ ഈശ്വരനോളം സാധ്യത ഉളള തുല്യ ശക്തി ആയ വില്ലന്‍ അല്ല. മറിച്ച്, ഈശ്വരീയ നിലവാരത്തേക്കാള്‍ വളരെ താഴെ മാത്രം സ്പന്ദിച്ചു കൊണ്ടിരിക്കുന്ന മറ്റൊരു "ഉന്നം" തെറ്റിയ ബോധം. അത്ര മാത്രം.......

ഈ സര്‍ഗം അവസാനിപ്പിക്കുകയാണ്. ഉടനെ കാണാം.

ജയ് ഭവാനി!!

ഹരഹര മഹാദേവ!!!!

അടിക്കുറിപ്പ് - ഭാരതീയ ദേവതകളുടെ നാമധേയങ്ങള്‍ മുഴുവനും മന്ത്ര അധിഷ്ടിതം ആണ്. ഹ ര ഹ ര മ ഹാ ദേവ എന്ന് ഒരു തവണ ഉറക്കെ അല്ലെങ്കില്‍ മനസ്സില്‍ അല്ലെങ്കില്‍ മനസ്സിലും സൂക്ഷ്മം ആയി ( ആ ഒരു വിദ്യ പുസ്തകത്തില്‍ കണ്ട പരിചയമേ ഉള്ളൂ, ഈ ഉള്ളവനും അറിയില്ല.. അറിയാന്‍ ശ്രമിക്കുന്നു) പറയുമ്പോള്‍ ഋഷി കണ്ടെടുത്ത ഒരു പാട് നാഡീ കേന്ദ്രങ്ങളില്‍ ഉത്തേജനം ഉണ്ടാവുന്നു. ഈ ഉത്തേജനം ഈശ്വരീയ അന്വേഷണത്തില്‍ മുഴുകിയ ഏതൊരുവനെയും സഹായിക്കും. അതിനു ജാതിയോ മതമോ ഇല്ല. ഭാരതീയ ഋഷിയുടെ തപസ്സില്‍ സംശയം ഉള്ളവര്‍ "ഹ" "ഹ" എന്ന് തുടര്‍ച്ച ആയി ഉച്ചരിക്കുക - അത് കൂടുതല്‍ ആയി ഉത്തേജിപ്പിക്കുന്നത് തൊണ്ടയോട് അടുത്തുള്ള പ്രദേശങ്ങള്‍ അല്ലെ? ര എന്ന് ഉച്ചരിക്കുമ്പോള്‍ കുറെ കൂടെ താഴെയും. ല ആണെങ്കില്‍ പിന്നെയും താഴെ.. അത്തരത്തില്‍ ഉള്ള നാഡീ ഉത്തേജനം സംഭവിക്കുന്ന ഉപാസകന്‍ ഈശ്വരീയ സ്പന്ദ മണ്ഡലങ്ങളില്‍ വിരാജിക്കുവാന്‍ കരുത്തു നേടും എന്ന അതി സൂക്ഷ്മം ആയ ഇത് വരെ ഉണ്ടായതില്‍ ഏറ്റവും വലിയ ഭൌതിക ശാസ്ത്രം ആയി ഈ ഉള്ളവന് തോന്നിയിട്ടുള്ള മന്ത്ര ശാസ്ത്ര അടിസ്ഥാന തത്വ വിചാരം ( ഗഹനം ആക്കാന്‍ ഈ ഞാന്‍ ആരും ആയിട്ടില്ല, പഠിക്കുന്ന മുറയ്ക്‌ കൂടുതല്‍ ചേര്‍ക്കാന്‍ ശ്രമിക്കാം എന്നെ പറയാന്‍ ഒക്കൂ ) ഉടനെ ഒരുക്കാം. സമയം കിട്ടുമ്പോള്‍ ഇത് പോലുള്ള നല്ല വാക്കുകള്‍ (ഹ ര ഹ ര മ ഹാ ദേ വ) പറഞ്ഞും എഴുതിയും കൊണ്ടുള്ള വ്യായാമങ്ങള്‍ ചെയ്യാന്‍ ഭഗവതി ബുദ്ധിയേകട്ടെ എന്ന് പ്രാര്‍ഥിക്കുന്നു. ശബ്ദം എന്നത് ആരുടേയും കുത്തക അല്ലാത്തത് കൊണ്ടും ശബ്ദങ്ങള്‍ കൊണ്ടുള്ള പരിണാമങ്ങള്‍ എല്ലാവരിലും സമമാവും എന്നത് കൊണ്ടും ഈ അധര മനോ വ്യായാമങ്ങള്‍ക്ക് അവകാശി ഈ ലോകം ആണ്, ഒരു മതമോ ജാതിയോ അല്ല. ഓരോ മതത്തിനും വേണ്ടി ഓരോ ബിഗ്‌ ബാങ്ങ് ഇവിടെ നടന്നിട്ടില്ലെന്ന സത്യം എല്ലാവരിലും മുക്തി സ്വപ്നത്തിന്റെ വിത്തുകള്‍ പാകട്ടെ........... യോഗയെ ലോകം അന്ഗീകരിച്ചപ്പോള്‍ മടിയോടെ അതിനെ പറ്റി പഠിക്കുന്ന ഭാരതീയര്‍, മന്ത്ര ശാസ്ത്രത്തെ പറ്റി അതിന്റെ വ്യാവഹാരിക, ആത്മീയ നന്മയെ പറ്റി ഇനി സായിപ്പില്‍ നിന്നു പഠിക്കാന്‍ ഇട വരരുതേ എന്ന ഒരു ആഗ്രഹം ഞാന്‍ നിങ്ങള്‍ സമക്ഷം വെയ്കുന്നു.... അപ്പോള്‍ ശരി.......ഒരു ഭാരതീയന്റെ നമസ്കാരം!!

ഹൈന്ദവ അനൈക്യത്തിന്റെ പൊരുളുകള്‍.....

2012-03-28T10:53:00.001-07:00

ഭൌതികം ആയ നിലനില്പ് ചോദ്യചിഹ്നം അല്ലാത്ത ഒരു സാഹചര്യം ഉണ്ടായിക്കഴിഞ്ഞാല്‍ ഏതൊരു സാമൂഹിക രാഷ്ട്രീയ മത സംവിധാനവും ബോധവല്കരണത്തിന്റെയും ശാക്തീകരണത്തിന്റെയും മാര്‍ഗങ്ങള്‍ തേടാറുണ്ട്. ഇങ്ങനെ ഒരു സാഹചര്യം ഉണ്ടാവുന്ന അവസരത്തില്‍ പോലും ഹൈന്ദവര്‍ ഇത് പോലുള്ള ഐക്യ കാഹളങ്ങള്‍ മുഴക്കാറില്ല.... ചുരുക്കം ചിലര്‍ ഹൈന്ദവരുടെ അനൈക്യത്തെ പറ്റി പരാതി പറയുകയും ഐക്യം ഉണ്ടാവാന്‍ എന്ത് ചെയ്യണം എന്ന് ആലോചിക്കുകയും മറ്റും ചെയ്തിട്ടുണ്ട്, ചെയ്യുന്നും ഉണ്ട്. എന്താണ് ഈ എകത്വത്തിലെ നാനാത്വത്തിന് കാരണം?

കാരണങ്ങള്‍ തിരഞ്ഞാല്‍ നമുക്കു കാണാം - മറ്റു മതങ്ങളിലേത് പോലെ കേന്ദ്രീകൃത രാഷ്ട്രീയം സനാതനധര്‍മം എന്ന് ഋഷിമാര്‍ പാടിയ ഹൈന്ദവധര്മത്തില്‍ ഇല്ല. വ്യക്തിതലത്തിലെ അന്വേഷണങ്ങള്‍ ആണ് ജീവന്റെ സമസ്യകള്‍ക്ക് ഉത്തരം തരേണ്ടത്‌ എന്ന തത്വം ആണ് ഈ ധര്‍മം പിന്തുടര്‍ന്നിരുന്നത്.എല്ലാ അധികാരവും കേന്ദ്രീകരിച്ചിരിക്കുന്ന ഈശ്വരന്റെ ജീവിതശാസനങ്ങളും അദ്ദേഹത്തിന്റെ ആജ്ഞ അനുസരിക്കുന്ന പുരോഹിതവൃന്ദവും എല്ലാം അടങ്ങിയ വ്യവസ്ഥകള്‍ ആണ് മറ്റു പല മതങ്ങളുടെയും ഈശ്വരീയ യാത്രയിലേക്കുള്ള താക്കോല്‍.. ....... . ഈ ഈശ്വരന്‍ എല്ലാം നോക്കി നടത്തുന്ന ശക്തി ആണ്. നമ്മുടെ ജന്മനാ ഉള്ള കുറ്റങ്ങളും കുറവുകളും പോലും സൃഷ്ടാവില്‍ ആരോപിക്കപ്പെടുമ്പോള്‍, ഹൈന്ദവ ധര്‍മം ജീവനെ അതിന്റെ പരിണാമങ്ങള്‍ക്ക് ഉത്തരവാദി ആയി കാണുന്നു. ഒരുവന്‍ കാല്‍ ഇല്ലാതെ ജനിച്ചെങ്കില്‍ അത് അവന്റെ/അവനെ സ്വാധീനിക്കുന്ന (പൂര്‍വികരുടെ) കര്‍മത്തിന്റെ ഫലം ആണ് എന്ന് ഹൈന്ദവ ധര്‍മം എണ്ണുന്നു. ശ്രേഷ്ഠം ആയ കര്‍മങ്ങള്‍ ചെയ്തു ചെയ്തു കര്മാതീതവും ഗുണാതീതവും ആയ ആത്മതലത്തില്‍ എത്താന്‍ ഈ ധര്‍മം നമ്മെ പഠിപ്പിക്കുന്നു.

ഇത്തരം ഒരു കാഴ്ചപ്പാട്, ചുറ്റും ഉള്ളവരോട് സഹവസിക്കുമ്പോള്‍ തന്നെ അന്തര്മുഖം ആയ ഒരു അന്വേഷണത്തിനും ഹിന്ദുവിനെ പ്രേരിപ്പിച്ചു. തലയെണ്ണി ഹിന്ദുവിന് ആത്മീയതലത്തില്‍ ഒന്നും തെളിയിക്കാനും ഉണ്ടായിരുന്നില്ല. തത്വ ഗ്രഹണത്തിന് സഹായിക്കാന്‍ ഗുരുക്കന്മാരെ ആശ്രയിക്കും എങ്കിലും, ദൈവത്തിനോടുള്ള അകലം അനുസരിച്ച് ക്രമീകരിച്ച ഒരു വ്യവസ്ഥാപിത പൌരോഹിത്യ അധികാര ശ്രേണി ഒന്നും ഹിന്ദുവിന് ഉണ്ടായിരുന്നില്ല.ചുരുക്കി പറഞ്ഞാല്‍ ആത്മ അന്വേഷണം വ്യക്തി തലത്തില്‍ ആയിരുന്നു പണ്ട് നടന്നിരുന്നത്.

ഇനി അന്നത്തെ കര്‍മത്തെ പറ്റിയുള്ള വീക്ഷണം ശ്രദ്ധിക്കാം. ഒരുവന്‍ കര്‍മങ്ങള്‍ കൊണ്ടു സമ്പാദിക്കുന്ന വാസനകളും സംസ്കാരങ്ങളും അവന്റെ പുനര്‍ജന്മങ്ങള്‍ക്കും - ചിലപ്പോള്‍ അധപതിച്ചവയ്ക്കും ചിലപ്പോള്‍ ശ്രേഷ്ഠം ആയവയ്ക്കും കാരണം ആകും എന്ന് ഹിന്ദു മനസ്സില്‍ ആക്കിയിരുന്നു. പൂര്‍വ ജന്മങ്ങളിലെ കര്‍മങ്ങള്‍ പുതിയ ജന്മത്തിലെ സംസ്കാരത്തിന്റെ മാറ്റ് തീരുമാനിച്ചു എന്ന് ചുരുക്കം.

ഒരു ബ്രഹ്മ ജ്ഞാനിയുടെ വീട്ടില്‍ ജനിച്ചവന്‍ അതെ വഴി പിന്തുരടാന്‍ സാധ്യത ഏറെ ആണ്. ജന്മം പോലും ഒരു ജീവനാല്‍ പ്രേരിപ്പിക്കപ്പെടുന്ന കര്‍മം ആണല്ലോ. ബ്രാഹ്മണ സ്ത്രീയുടെ ഗര്‍ഭപാത്രം തേടുന്ന ജീവ അഹങ്കാരം ബ്രാഹ്മണന്‍ ആയി കര്‍മം ചെയ്യാന്‍ ആയിരിക്കും അല്ലോ സ്വതവേ താല്പര്യം കാണിക്കുക? ഇത് ക്ഷത്രിയനും ശൂദ്രനും എല്ലാം ബാധകം... ഈ തിരിച്ചറിവ് ആയിരുന്നു വര്ണ ചിന്തകളുടെ ആധാരം. നമ്മള്‍ പിറക്കുന്നത്‌ നമ്മുടെ പൂര്‍വ ജന്മ ആര്‍ജിത സംസ്കാരങ്ങള്‍ക്കു യോജിച്ച സാഹചര്യങ്ങളില്‍ ആണെങ്കില്‍ നമ്മളും ജനിച്ച വീട്ടിലെ വഴി പിന്തുടരും എന്ന സ്വാഭാവിക ന്യായം ആയിരുന്നു ഈ ചിന്തയുടെ കാതല്‍. ( ശൂദ്രന്‍ എന്ന വാക്കിനെ നിന്ദ്യം എന്ന് പലരും കരുതുന്നുണ്ട്. സ്വതവേ മൃഗവാസനകള്‍ പുലര്‍ത്തി ത്വക്കിനും നാവിനും വേണ്ടി ജീവിച്ചു മരിക്കുന്ന ആളുകളെ ആണ് ശൂദ്രര്‍ എന്ന് വിളിച്ചത്. പരിണാമത്തിന്റെ ഒഴുക്കില്‍, ശൂദ്രനും ഒരു നാള്‍ ബ്രഹ്മ ജ്ഞാനം നേടിയേ ഈ ജനന മരണ ചക്രത്തില്‍ നിന്നു വിടുതല്‍ നേടൂ എന്ന് ഈ ധര്‍മം വിശ്വസിച്ചു)

ബ്രാഹ്മണന്‍ തന്റെ ജ്ഞാനം കൊണ്ടും ഭക്തി കൊണ്ടും മോക്ഷ മാര്‍ഗത്തില്‍ ചരിച്ചു. മറ്റുള്ളവരെ ആ മാര്‍ഗത്തില്‍ സഹായിച്ചു. ഭരണ നിപുണര്‍ ആയ ക്ഷത്രിയരെ ഉപദേശം കൊണ്ടു സഹായിച്ചു ഇവര്‍.. . ക്ഷത്രിയര്‍ ഭരണം നിര്‍വഹിച്ചു.

ബ്രാഹ്മണരോളം ജ്ഞാനമോ സിദ്ധിയോ ആത്മീയ കാര്യങ്ങളില്‍ ഇല്ലായിരുന്നെങ്കിലും അവരും ദൈവിക ആരാധന നടത്തിയിരുന്നു. അത് തന്നെ ആയിരുന്നു വൈശ്യ ശൂദ്രരും ചെയ്തിരുന്നത്. കൃഷി, കച്ചവടം, കായിക ജോലികള്‍ ഇവ അനുഷ്ടിക്കുംപോളും അവരുടെ പ്രകൃതിക്ക് അനുയോജ്യം ആയ ആരാധനാ രീതികള്‍ അവര്‍ പിന്തുടര്‍ന്നിരുന്നു. ആര്‍ക്കും അങ്ങോട്ടും ഇങ്ങോട്ടും കലഹമോ മറ്റോ ഉണ്ടായിരുന്നില്ല. ജനിച്ചതു ശൂദ്രന്റെ മക്കള്‍ ആയി എന്ന് കരുതി കര്‍മങ്ങള്‍ കൊണ്ടു ബ്രഹ്മ ജ്ഞാനം നേടാന്‍ ആര്‍ക്കും അയോഗ്യത ഉണ്ടായിരുന്നില്ല.. എത്ര ഋഷിമാര്‍ ആണ് ശൂദ്രകുലത്തില്‍ നിന്നു ഉണ്ടായിട്ടുള്ളത് എന്ന് കാണുമ്പോള്‍ ആണ് അന്ന് ഉണ്ടായിരുന്ന ഫ്ലെക്സിബിളിറ്റിയെപ്പറ്റി നമുക്കു മനസ്സില്‍ ആവുക...

ജന്മം കൊണ്ടേ കര്‍മം തീരുമാനിക്കുന്ന സമ്പ്രദായം ആദ്യ കാലങ്ങളില്‍ യാതൊരു ചൂഷണത്തിനും ഇടകൊടുത്തിരുന്നില്ല. സഗുണ മൂര്‍ത്തീ ഉപാസനയില്‍ പാലിക്കേണ്ട വ്യക്തി ശുചിത്വങ്ങള്‍ക്കും മറ്റും ആയിട്ടല്ലാതെ തൊടല്‍,തീണ്ടല്‍ എന്ന രീതികള്‍ എല്ലാം അന്ന് അന്യം ആയിരുന്നു. ബ്രാഹ്മണന്‍ കദളിപ്പഴം നേദിക്കുന്നതോ ശൂദ്രന്റെ ബലിയോ ഒന്നും മറ്റൊന്നിനെ മോശം ആയി കണ്ടിരുന്നില്ല.... കൃഷിക്കാരന്‍ ഒരിക്കലും പുരോഹിതനെ വെറുക്കുകയോ മറിച്ചോ ഉണ്ടായില്ല. കര്‍മ മേഖലയില്‍ സഹവര്‍ത്തിത്വവും ആത്മീയ മേഖലയില്‍ സ്വതന്ത്ര അന്വേഷണങ്ങളും ആയി ഓരോരുത്തരും വളര്‍ന്നു. സാമൂഹിക സഹവര്‍ത്തിത്വവും വ്യക്തി പരം ആയ ആത്മീയ അന്വേഷണവും എല്ലാം സമാന്തരം ആയി നിര്‍വഹിക്കപ്പെട്ടത്‌ കൊണ്ടു ആരും ഐക്യ - അനൈക്യങ്ങളെ പറ്റി വേവലാതിപ്പെട്ടില്ല...........

...... എന്നാല്‍ കാലം കലര്‍പ്പ് ചേര്‍ക്കാത്ത എന്താണ് ഉള്ളത്? കലിയുഗം ആരെ ആണ് സ്പര്ശിക്കാത്തത്? .......

പുരോഹിതര്‍ ആയവര്‍ ബ്രഹ്മ ജ്ഞാനികള്‍ ആയിരുന്നു ആദ്യ കാലങ്ങളില്‍ എങ്കില്‍, പതിയെ പതിയെ ജ്ഞാനം കുറയുകയും അവകാശങ്ങളും അധികാര ചിഹ്നങ്ങളും സുരക്ഷിതം ആക്കാന്‍ ഉള്ള ബോധപൂര്‍വമായ ശ്രമങ്ങള്‍ നടക്കുകയും ചെയ്തു. കാര്യങ്ങള്‍ നടപ്പില്‍ വരുത്തേണ്ട ക്ഷത്രിയകുലത്തിനു മേല്‍ ഏറ്റവും സ്വാധീനം ഗുരുക്കന്മാര്‍ ഉള്‍പെട്ട ബ്രാഹ്മണര്‍ക്ക് ആയിരുന്നല്ലോ? . അവര്‍ തങ്ങളുടെ അധികാരം അരക്കിട്ട് ഉറപ്പിക്കാന്‍, തത്വത്തെ മറന്നു ബ്രാഹ്മണ്യത്തെ ഒരു അവകാശം ആക്കി മാറ്റി. സ്വഭാവം കൊണ്ടു ശൂദ്ര പ്രകൃതി ഉള്ളവന് വേദങ്ങള്‍ പഠിപ്പിച്ചാല്‍ ദുര്‍വിനിയോഗം ഉണ്ടായേക്കാം എന്ന മനു വാചകം, കര്‍മം കൊണ്ടു ബ്രാഹ്മണ്യ യോഗ്യത നേടിയ ജന്മനാല്‍ ശൂദ്രന്‍ ആയ ഒരുവനെ പോലും പൌരോഹിത്യത്തില്‍ നിന്നു അകറ്റാന്‍ വേണ്ട അകത്തള വേലകളുടെ ശക്തിയില്‍ ദുര്‍വ്യാഖാനത്തിന്റെ ചെളിക്കുഴിയില്‍ വീണു മലിനമായി . അങ്ങനെ ചാതുര്‍ വര്‍ണ്യം കര്‍മ അവകാശത്തേക്കാള്‍ ജന്മ അവകാശം ആക്കി മാറ്റപ്പെട്ടപ്പോള്‍ ഒരു വലിയ സമൂഹം അധ:സ്ഥിതര്‍ ആക്കി നില നിര്‍ത്തപ്പെട്ടു. ചൂഷണം ഹൈന്ദവ ധര്‍മ സംഹിതകള്‍ക്ക് മേല്‍ ആരോപിക്കപ്പെട്ടു.

ഇത് ആദ്യം നമ്മള്‍ കണ്ട സഹവര്തിത്ത്വതിനു നേരെ വിപരീതം ആയ സാഹചര്യം സൃഷ്ടിച്ചു. ശൂദ്രന്‍ എന്നത് അകറ്റി നിര്‍ത്താന്‍ ഉള്ള ഒരു ലേബല്‍ ആക്കി മാറ്റപ്പെട്ടതോടെ അവര്‍ ബ്രാഹ്മണ്യത്തിന്റെ ശത്രുക്കള്‍ ആയി. പക്ഷേ മഹാമായ ആയ മൂല പ്രകൃതിക്ക് പക്ഷാഭേദം ഇല്ലല്ലോ. പൂണൂല്‍ തിരിച്ചറിയാതിരുന്ന അവള്‍ ബ്രാഹ്മണ ഗര്‍ഭപാത്രങ്ങളില്‍ വംശ കര്‍മഫലം എന്നോണം നിരവധി വൈശ്യ-ശൂദ്രന്മാരെ പ്രതിഷ്ടിച്ചപ്പോള്‍ , പതനം പൂര്‍ണം ആയി. എല്ലാവരും "കച്ചവടം" ചെയ്യുന്ന വൈശ്യന്മാരും സ്വന്തം "ഇന്ദ്രിയങ്ങള്‍ക്കു" വേണ്ടി ജീവിക്കുന്ന ശൂദ്രരും ആയി മാറി. ബ്രാഹ്മണ, ക്ഷത്രിയ കര്‍മങ്ങള്‍ ഭൂമിയില്‍ നിന്നു അപ്രത്യക്ഷം ആയി. ചുറ്റും ഒന്ന് നോക്കൂ... നിസ്സംഗം ആയി ജ്ഞാനം ആര്‍ജിച്ചു , പകര്‍ന്നു കൊടുത്ത് ജീവിക്കുന്ന എത്ര ഒറിജിനല്‍ ബ്രാഹ്മണരെ നമുക്കു ഇന്ന് കാണാന്‍ പറ്റും? വിരലില്‍ എണ്ണാന്‍ ഉണ്ടാവുമായിരിക്കും....തന്ത്ര കച്ചവടക്കാരല്ലേ ചുറ്റും? നിസ്വാര്‍ത്ഥമായി ആയി രാഷ്ട്ര സേവനം നടത്തുന്ന എത്ര ക്ഷത്രിയര്‍ ഉണ്ട് നമുക്കു ചുറ്റും?

ഇങ്ങനെ ആത്മീയതയ്ക്ക് വ്യക്തിതല ഉത്തരം തേടിയ ഹിന്ദുവിന്റെ സ്വയംപര്യാപ്തതാ ബോധത്തില്‍ കാലം കൂട്ടിച്ചേര്‍ത്ത കലര്‍പ്പുകള്‍ കൂടുതല്‍ സങ്കീര്‍ണ്ണം ആയ കോമ്പ്ലെക്സുകളും വെറുപ്പും അരക്ഷിതത്ത്വവും മറ്റും അവരുടെ ഇടയില്‍ സൃഷ്ടിച്ചു. അങ്ങോട്ടും ഇങ്ങോട്ടും ആരോടും കടമോ കടപ്പാടോ ഇല്ലാത്ത അവസ്ഥ. അതോടെ ഋഷി നിര്‍ദേശിച്ച വര്ണങ്ങള്‍ (ജാതി) പോലും തെറ്റിദ്ധരിക്കപ്പെട്ടു. ഓരോ ജാതിയും സനാതന ആത്മീയധാര ഉള്കൊള്ളാതെ വൈദേശിക മതങ്ങള്‍ അനുവര്‍ത്തിച്ച ഐക്യ-ശാക്തീകരണങ്ങള്‍ സ്വന്തം ജാതിയില്‍ മാത്രം ആയി പകര്‍ത്തി അടഞ്ഞ ഒരു സമൂഹം ആയി മാറി.

ഇന്നത്തെ കേരളം തന്നെ എടുത്തു നോക്കൂ.. ഓരോ കുലത്തിനും നേതൃത്ത്വം കൊടുക്കുന്നത് കാപട്യ രാഷ്ട്രീയക്കാര്‍ അല്ലെ? അവരവരുടെ നേട്ടങ്ങള്‍ക്ക്‌ വേണ്ടി അങ്ങോട്ടും ഇങ്ങോട്ടും പഴി പറയാന്‍ സനാതന മക്കള്‍ക്ക്‌ ഒരു മടിയും ഇല്ല ഇന്ന്.....സ്വത്വവും തനിമയും നഷ്ടപ്പെട്ട നമ്മള്‍ ഇന്ന് ഭാഗവത സപ്താഹ യജ്ഞങ്ങളിലും അഖന്ട നാമജപ ശബ്ദ മലിനീകരണ യജ്ഞങ്ങളിലും മാത്രം എര്പെട്ടു അന്നദാന കൂട്ടായ്മകളില്‍ രമിച്ചു ജീവിക്കുന്നു.

എന്താണ് ഇതിനു ഒരു പ്രതിവിധി? ഞാന്‍ കാണുന്ന പ്രതിവിധികളെ എണ്ണമിട്ടു അവതരിപ്പിക്കട്ടെ? ഓരോന്നിന്റെയും വിശദ വിവരങ്ങള്‍ പ്രത്യേകം പ്രത്യേകം ബ്ലോഗ്ഗുകളില്‍ ചേര്‍ക്കാന്‍ ശ്രമിക്കാം.

1 . സ്വന്തം ജന്മം രൂപപ്പെട്ടത് സ്വകര്മങ്ങളാല്‍ ആണെന്ന് മനസ്സില്‍ ആക്കുക. ഭൌതിക ആയ പുരോഗതി അല്ല ഹൈന്ദവന്റെ ഏക ജീവിത ലക്‌ഷ്യം എന്ന് ഉറപ്പിക്കുക. ധര്മത്തില്‍ ഊന്നിയ കര്മങ്ങളിലൂടെ നേടുന്ന അര്‍ത്ഥ കാമ പ്രാപ്തികള്‍ കടന്നു ഹിന്ദു മോക്ഷത്തില്‍ എത്തുമ്പോള്‍ മാത്രമേ യാത്ര പൂര്‍ണം ആകൂ. പ്രയോഗം കൊണ്ടു രൂപം കൊണ്ട ഉയര്‍ന്ന ജാതി, താഴ്ന്ന ജാതി ചിന്തകളുടെ വേലികള്‍ പൊളിച്ചു പുറത്തു കടന്നു നല്ലത് ചെയ്യുന്നവരെ അന്ഗീകരിക്കുക. എല്ലാവരും വ്യതസ്തം എന്നെ ഉള്ളൂ. ബ്രഹ്മം കയ്യില്‍ എന്ന് ഭാവിച്ചു കുന്തിച്ചു നടക്കുന്ന ബ്രാഹ്മണന്‍ ബ്രഹ്മജ്ഞാനം ഇല്ലാത്തവന്‍ ആണ്. സാത്വികനായ ഒരു പൂജാരിയെ അവഹെളിക്കുന്നവന്‍ ശൂദ്രന്‍ എന്ന ഋഷി നിര്‍വചനത്തിനും താഴെ ആണെന്നറിയുക....

2 . ക്ഷേത്രങ്ങളെ ശരി ആയി മനസ്സില്‍ ആക്കുക. എല്ലാ പ്രശ്നങ്ങള്‍ക്കും പരിഹാരം ക്ഷേത്ര മതില്‍കെട്ടിനുള്ളില്‍ ലഭിക്കും എന്ന തെറ്റിദ്ധാരണ അകറ്റുക. മറ്റു മതങ്ങളുടെ പ്രാര്‍ഥനാ ഹാള്‍ എന്ന ചിന്തയ്ക്ക് അപ്പുറം ആയ ശാസ്ത്രീയ ആധ്യാത്മിക വീക്ഷണം കൊണ്ടേ ക്ഷേത്രം എന്തെന്ന് മനസ്സില്‍ ആക്കുക സാധ്യം ആകൂ..

3 . വ്യക്തിതലത്തില്‍ ഉള്ള അന്വേഷണങ്ങള്‍ ഊര്‍ജ്ജിതം ആക്കുക. സപ്താഹങ്ങളും നവാഹങ്ങളും നമ്മുടെ ബോധത്തെയും കര്‍മത്തെയും സ്വാധീനിക്കാന്‍ പാകത്തില്‍ സ്വപ്രകൃതിയെ പരുവപ്പെടുത്തുക.......

4 . ശുദ്ധം ആയ കര്‍മങ്ങള്‍ക്ക് പ്രകൃതി നല്‍കുന്ന സ്വാഭാവികം ആയ പ്രതി-പ്രവര്‍ത്തനങ്ങള്‍ മാത്രം ആയി കാര്യ-ദ്രവ്യ സിദ്ധികളെ കാണുക... ഈശ്വരന്‍ നമ്മുടെ സ്വാര്‍ഥത പ്രാപ്തം ആവാന്‍ വഴിവിട്ടു ഇടപെടുന്നവന്‍ അല്ലെന്നറിയുക. മരണത്തെ കാംക്ഷിക്കുന്ന ശവപ്പെട്ടി കച്ചവടക്കാരനും ജീവനെ കാംക്ഷിക്കുന്ന രോഗിയും കൂടി ഒരുമിച്ചു പ്രാര്‍ഥിച്ചാല്‍ ബുദ്ധിമുട്ടുന്ന ഈശ്വരന്‍ അല്ല ഹൈന്ദവന്റെ ഈശ്വരന്‍... സ്വന്തം കര്‍മങ്ങള്‍ക്ക് ഈശ്വരനെ പ്രതി ആക്കരുത്.

5 . സ്വന്തം പ്രകൃതിയെ മെരുക്കാന്‍, ഈ പ്രകൃതിയുടെ മൂല കാരണം ആണെന്ന് ആദിമ ആഗമ ശാസ്ത്രങ്ങള്‍ (തന്ത്ര) പറയുന്ന മൂല പ്രകൃതിയെ - മഹാമായയെ - മഹാഭഗവതിയെ ഉപാസിക്കുക..( മൂല പ്രകൃതി ഉപാസന തത്വ പരിചയവും തന്ത്ര ശാസ്ത്ര ആമുഖ പരിചയവും എല്ലാം വഴി പോലെ ചെയ്യാം... )

അതി വിപുലം ആയ സാധ്യതകള്‍ ഉള്ള ഈ പഠന പദ്ധതിയെ വായനക്കാരന്റെ സൌകര്യം കണ്ടു കൊണ്ടു ചെറിയ ചെറിയ ബ്ലോഗ്ഗുകള്‍ ആക്കാം എന്ന് വിചാരിച്ചത് കൊണ്ടു ഈ ബ്ലോഗ്ഗ്, പൂര്‍ണം ആക്കട്ടെ?

ഒന്ന് ഓര്‍ക്കുക. സത്യം ആയ തത്വം ഒന്നേ ഉള്ളൂ.. അത് സനാതനം ആണ്. ബാക്കി ഉള്ളതെല്ലാം നില നില്പിനെ പറ്റി വേവലാതിപ്പെടുംപോള്‍ ഹൈന്ദവധര്‍മം ലയത്തെ പറ്റി ആണ് കൂടുതല്‍ ചിന്തിക്കുന്നതു. ആ സനാതന ധര്മത്തില്‍ തെന്നിയും ചരിഞ്ഞും ഒക്കെ ആണെങ്കിലും ഇവിടം വരെ തുഴഞ്ഞെത്തിയ സഹോദര ആത്മാക്കളെ ബഹുമാനിച്ചു പറ്റുമെങ്കില്‍ അവര്‍ക്കൊരു കൈ സഹായം കൊടുക്കുക... ആത്യന്തികമായി മുക്തിക്കു ഉപയുക്തം ആകുന്ന ഒരു സഹായം ആകണം അത്.

ഞാന്‍ ജാതിയില്‍ അല്പം കൂടിപ്പോയല്ലോ, ഞാന്‍ കുറഞ്ഞു പോയല്ലോ എന്ന ചിന്തകള്‍ വ്യര്‍ത്ഥം. ശൂദ്രനായ തസ്കരനെ വാല്മീകി ആക്കിയ സംസ്കാരം ആണ് .നമ്മുടേത്‌..തൊലിയുടെ നിറം എന്നും നിലനില്‍ക്കുന്നതല്ലല്ലോ. ഇന്ന് കൂടിയ നിറത്തില്‍ മേടയില്‍ ഇരിക്കുന്നവന്റെ ചിന്തകളില്‍ ഇരുണ്ട നിറം ഉള്ള സഹോദരന്‍ മോശക്കാരന്‍ ആവുമ്പോള്‍ അവന്റെ മനസ്സിന്റെ നിറം നഷ്ടപ്പെട്ടു എന്ന് പറയാം. ആ ചിന്തകള്‍ തുടങ്ങുമ്പോള്‍ നാളെ കൂടുതല്‍ ഇരുണ്ട ഒരു കുപ്പായം തനിക്കു വേണ്ടി പ്രകൃതി തുന്നുന്നുണ്ട് എന്നറിഞ്ഞാല്‍ പിന്നെ ബാഹ്യം ആയ യാതൊന്നും ആരെയും മുന്‍ വിധികള്‍ക്ക് പ്രേരിപ്പിക്കില്ല............. കടങ്ങള്‍ തീര്‍ത്തു, കാമങ്ങള്‍ തീര്‍ത്തു മഹാ സമാധിയിലേക്ക് പോവാന്‍ സ്വയം പ്രാപ്തര്‍ ആകുവാന്‍ ഉള്ള ശ്രമങ്ങള്‍ നടത്തുന്നതിന്റെ കൂടെ നമുക്കു മറ്റുള്ളവരെ സഹായിക്കുക കൂടി ചെയ്യാം...... രാഷ്ട്രീയം ചിന്തിക്കുന്ന നേരത്ത് പത്തു തവണ മന്ത്രം ജപിക്കാന്‍ കഴിഞ്ഞാല്‍ അത്രയും കര്മക്ഷയം ഉണ്ടാക്കാം............മന്ത്ര ജപ പുണ്യവും ഗൌരവം ഉള്ള ഒരു പഠന വിഷയം ആണ്... കൂടുതല്‍ സനാതന ധര്‍മവിവരങ്ങളും വിശേഷങ്ങളും ആയി ഉടനെ കാണാം.....

ജയ് ഭവാനി!!

ഉകാരന്റെ 'ആ..'കാരത്തില്‍ പൊതിഞ്ഞ ഊ....കാരത്തരങ്ങള്‍....

2012-03-22T06:27:00.002-07:00

മലയാളിയുടെ കണ്ണിലെ കോലെടുത്ത് സഹായിക്കാന്‍ എന്ന പേരില്‍ വന്നു കോടാലിയും ഇട്ടിട്ടു പോയ താഴെ കൊടുത്ത പോസ്റ്റിലേക്ക്. കാലപ്പഴക്കം കൊണ്ടു പ്രസക്തി നഷ്ടപ്പെട്ടിരിക്കാം എങ്കിലും തെറ്റി ധരിക്കപ്പെട്ട ആര്കെങ്കിലും പ്രയോജനപ്പെട്ടാല്‍ ആകട്ടെ.......... .

http://malayalam.usvishakh.net/blog/archives/409

*ചൊവ്വാദോഷം എന്ന പ്രയോഗം തെറ്റാണു്. ചൊവ്വദോഷം എന്നു മതി. എങ്കിലും വഞ്ചിതരാകുന്ന മലയാളികളുടെ കണ്ണിലെ വലിയ കോലുകൾ എടുത്തു കളയാൻ ശ്രമിക്കുന്ന ഈ പോസ്റ്റിന്റെ ശീർഷകത്തിൽ ഒരു ചെറിയ കരടെങ്കിലും വേണ്ടേ?

ചൊവ്വ എന്ന ഗ്രഹം കൊണ്ടു ലഗ്നാധിപന് ഉണ്ടാവുന്ന ദോഷത്തെ പ്രതി വലിയൊരു ഭാഷാ സിദ്ധാന്തം ചമയ്കാന്‍ ശ്രമിച്ചത്‌ തന്നെ വിലപ്പോയിട്ടില്ല എന്ന് അറിയിക്കട്ടെ. ചൊവ്വയാല്‍ ഉണ്ടാവുന്ന ദോഷം (ചൊവ്വക്കുള്ള ദോഷം അല്ല) എന്ന അര്‍ത്ഥത്തില്‍ അടുത്തടുത്ത്‌ വന്ന അകാരവും ഒകാരവും ചേരുമ്പോള്‍ ആകാരം ആക്കാം. ആഗമ സന്ധി എന്ന് പറയാം. ഇതില്‍പരം ഒരു ഭാഷാപരം ആയ ഗുഹ്യസത്യം അതില്‍ ഉണ്ടെങ്കില്‍, അതൊന്നു പറഞ്ഞു തരാന്‍ ദയവു ഉണ്ടാവണം. ബോധിച്ചാല്‍ സ്വീകരിച്ചു വലിയൊരു തെറ്റിദ്ധാരണ തിരുത്താം അല്ലോ.....

http://malayalam.usvishakh.net/blog/archives/409

ഭാരതീയ വിശ്വാസ ധാരകളെയാണോ , അതോ, അത് ജീവശ്വാസം ആയി കരുതി പ്രവര്‍ത്തിക്കുന്ന ഗോപാലകൃഷ്ണന്‍ എന്ന വ്യക്തി നടത്തിയ പ്രസംഗ മദ്ധ്യേ ഉള്ള ചില മനുഷ്യ സഹജം ആയ പിശകുകള്‍ മാത്രം പൊക്കിയെടുത്തു അദ്ദേഹത്തെ ആണോ, അതോ ഒന്നിന്റെ മറവില്‍ രണ്ടിനെയും കൂടെ ആണോ എന്ന് തോന്നുമാറു ആണ് ബ്ലോഗ്ഗിന്റെ അവതരണം എന്ന് ഏതു സ്കൂള്‍ കുട്ടിക്കും മനസ്സില്‍ ആകുമല്ലോ. നല്ല സന്ദേശങ്ങള്‍ കൈ മാറാന്‍ ഉപയോഗിക്കാമായിരുന്ന ബ്ലോഗ്ഗിനെ ഇങ്ങനെ വെറുപ്പിന്റെ, വിദ്വേഷത്തിന്റെ ബ്ലോഗ്ഗുകള്‍ക്കുള്ള മറുപടി കൊടുക്കുന്ന വേദി ആക്കിയതിന് ക്ഷമ... നിനച്ചിരിക്കാതെ കണ്ട ഇദ്ദേഹത്തിന്റെയും സഹ പോളിച്ചടുക്കല്‍കാരന്റെയും ഭാഷയില്‍ സത്യം നന്നേ കുറവ് എന്ന് മാത്രം അല്ല, ഒരു പാട് പേരുടെ നേരിനെ നുണ ആക്കാന്‍ ഉള്ള വല്ലാത്തൊരു കുറ്റവാസനയും കണ്ടു. സര്‍വം സംഗ പരിത്യാഗിയോ മുക്തനോ അല്ലെന്നു മാത്രം അല്ല, ഒരു വികാര ജീവി കൂടി ആയ ഈ ഉള്ളവന്‍ ഈ കാരണം കൊണ്ടാണ് പ്രതികരിക്കേണ്ടി വരുന്നത്.

പൊളിച്ചു അടുക്കുന്നതില്‍ വൈദഗ്ധ്യം നേടിയെന്നു സ്വയമേവ വിശ്വസിച്ചു മറ്റുള്ളവരെ വിശ്വസിപ്പിച്ചെന്നു സ്വയമേവ ആശ്വസിച്ചു മേല്പറഞ്ഞ അസംബന്ധ പെരുമഴ എഴുതിയ ഇദ്ദേഹത്തിന്റെ സമശീര്ഷന്‍ ആയ സഹ-പ്രവര്ത്തകന് എഴുതിക്കൂട്ടിയ അബദ്ധങ്ങള്‍ക്കും അസംബന്ധങ്ങള്‍ക്കും അസഭ്യവര്‍ഷത്തിനും എന്നാല്‍ കഴിയുന്ന ഒരു മറുപടി തയ്യാറാക്കി http://thinkinghindu.blogspot.in/2012/03/blog-post.html എന്ന ലിങ്കില്‍ ഇട്ടിരിക്കുന്നത് ആദ്യമേ വായിക്കുമല്ലോ.

ഇനി ഉകാര ചരിതത്തിലേക്ക്....

ഹൈന്ദവസമൂഹത്തിൽ ഉണ്ടായിരുന്ന പല അന്ധവിശ്വാസങ്ങളെയും മിഥ്യാധാരണകളെയും തിരുത്താൻ ശ്രമിക്കുക വഴി ഒരു പുരോഗമനവാദി എന്ന പേരും ആദ്യകാലത്തു് അദ്ദേഹം നേടിയിരുന്നു.

യാതൊരു ശല്യവും ഇല്ലാത്ത ഒരു വാചകം എന്ന് ഒറ്റ നോട്ടത്തില്‍ തോന്നാം. എന്നാല്‍ സംഗതി അതല്ല..... സൂക്ഷിച്ചൊന്നു നോക്കിയേ.....

സുഹൃത്തെ, വിശ്വാസങ്ങള്‍ എന്നും അന്ധം ആയിരിക്കും. വിശ്വാസത്തില്‍ നിന്നു ആചരണവും ആചരണത്തിലൂടെ സിദ്ധിയും നേടിയ ഗുരുക്കന്മാര്‍ ആണ് ഭാരതീയരുടെ മാര്‍ഗദര്ശികള്‍. അത് പോട്ടെ, അദ്ദേഹം തിരുത്തിയ അന്ധവിശ്വാസങ്ങളും മിഥ്യാ ധാരണകളും എന്തെല്ലാം ആണെന്നും ഇനി അദ്ദേഹമോ അല്ലെങ്കില്‍ മറ്റാരെങ്കിലുമോ തിരുത്തേണ്ട മിഥ്യാ ധാരണകള്‍ എന്തൊക്കെ ആണെന്നും ഒരു വിവരണം തരുകയാണെങ്കില്‍ 'താങ്കളുടെ മിഥ്യാ ധാരണകള്'‍ മാറ്റാന്‍ ശ്രമിക്കാം......ഈ മിഥ്യാ ധാരണകളെ പറ്റി പറയുമ്പോള്‍ എണ്ണം ഇട്ടു പറയണം.. ഓരോന്നിനും മറുപടി പറയാം..........

പറഞ്ഞു വരുന്നത് ഹൈന്ദവന്‍ ചെയ്യുന്നതെല്ലാം തനിതങ്കം ആണെന്നല്ല. പ്രകൃത്യാല്‍ ഉള്ള സ്വഭാവത്തെ അനുസരിച്ച് അനുശാസിക്കപ്പെട്ട വര്ണ വ്യവസ്ഥയെ ജന്മാവകാശം ആക്കിയ പ്രഭുത്വം തന്നെ ഹിന്ദുവിന്റെ ഏറ്റവും വലിയ ഒരു കളങ്കം ആണ്. എന്നാല്‍ അത് ഹിന്ദുത്വത്തിന്റെ തത്വപരം ആയ കളങ്കം അല്ല. താങ്കള്‍ പറയാന്‍ പോവുന്ന ഈ മിഥ്യാ ധാരണകള്‍ ഏതു ഗണത്തില്‍ പെടും എന്നതിനെ പറ്റി വിശ്വാസി ആയ എനിക്കും മറ്റു വായനക്കാര്‍ക്കും കൌതുകം ഉണ്ട്... കൃത്യം ആയി എഴുതി സഹകരിക്കും അല്ലോ.... വേറെ ഒരു പണിയും ഇല്ലാതിരിക്കുന്ന സമയങ്ങളില്‍ ഇത്തരം ചര്‍ച്ചകള്‍ എനിക്കും ഗുണം ചെയ്യും.. മറുപടി തരാം.......

Indian Scientific Heritage എന്ന പുസ്തകം അബദ്ധങ്ങൾ നിറഞ്ഞതാണെങ്കിലും

ദാ കിടക്കുന്നു പിന്നേം. അബദ്ധങ്ങള്‍ പറയൂ.....അതായതു അബദ്ധങ്ങള്‍ എന്ന് താങ്കള്‍ക്ക് തോന്നിയ കാര്യങ്ങള്‍ പറയൂ....

പ്രസിദ്ധീകരണങ്ങളും പ്രഭാഷണങ്ങളും വഴി അദ്ദേഹം പ്രചരിപ്പിക്കുന്ന കള്ളത്തരങ്ങളും പ്രതിലോമകരങ്ങളായ ആശയങ്ങളും കണ്ടില്ലെന്നു നടിക്കാന്‍ വയ്യ...

കാണാത്ത(കണ്ടു അറിയാത്ത) കാര്യങ്ങള്‍ കണ്ടില്ലെന്നു നടിക്കുന്നതാണ് നല്ലത് :-) കണ്ടെന്നു നടിച്ചു ആളെക്കൂട്ടി വിഡ്ഢി ആവുന്നതിനേക്കാള്‍ എത്ര നല്ലതാണ് അത്? :-) താഴേക്കു താങ്കള്‍ നിരത്തുന്ന വാദഗതികള്‍ക്ക് ഒരു മുഖവുര ആയിട്ടാവാം ഇത് എഴുതിയിരിക്കുന്നത് എന്നുള്ളത് കൊണ്ടു ഇനി ഒന്നും പറയാന്‍ ഈ ഉള്ളവന്‍ ഒരുമ്പെടുന്നില്ല..........

ഡോ. ഗോപാലകൃഷ്ണൻ നടത്തിയ ഒരു പ്രഭാഷണപരമ്പരയിൽ ഡാർ‌വിന്റെ പരിണാമസിദ്ധാന്തവും ഹൈസൻബെർഗിന്റെ അൺസേർട്ടന്റി പ്രിൻസിപ്പിളും പ്രാചീനഭാരതീയകൃതികളിലുണ്ടെന്നു പറഞ്ഞതിനെ സൂരജ് സയന്റിഫിക് ഉഡായിപ്പ്: ഗോപാലകൃഷ്ണന്റെ ‘വാത’ങ്ങൾ എന്ന പോസ്റ്റിൽ പൊളിച്ചടുക്കിയിരുന്നു.

പിത്രുഗുണം ഉള്ള ഭാരതീയന് ഏതു ദ്രവ്യവും സ്പന്ദം ആണെന്നും മനുഷ്യ മനസ്സിന്റെ സ്പന്ദനം പോലെ സ്ഥാനവും പ്രയാണവും ഒരേ സമയം ഒരു ദ്രവ്യത്തിനും നിര്‍വചിക്കപ്പെട്ടിട്ടില്ല എന്നും മനസ്സില്‍ ആക്കാന്‍ ഒരുപാട് പൊളിച്ചു അടുക്കലുകള്‍ വേണ്ട എന്ന് http://thinkinghindu.blogspot.in/2012/03/blog-post.html എന്ന ലിങ്കിലൂടെ മനസ്സില്‍ ആയി കാണുമല്ലോ...

എന്റെ ആളു നോക്കി മാറുന്ന യോജന എന്ന പോസ്റ്റിൽ ഡോ. ഗോപാലകൃഷ്ണന്റെ മറ്റൊരു കള്ളത്തരത്തെപ്പറ്റി പരാമർശിച്ചിരുന്നു

ഗോപാലകൃഷ്ണന്‍ എന്ന വ്യക്തിയുടെ കള്ളത്തരം പൊളിക്കാന്‍ ഇത്രയും കഷ്ടപ്പെട്ട ഒരു ആത്മാവ് വേറെ കാണില്ല... :-) അഭിനന്ദനങ്ങള്‍.. ആ വഴിക്ക് കുറെ പഠിച്ചു കാണും അല്ലോ...

യോജന മാറിയിട്ടില്ല ഉമേഷ്‌. നോക്കുന്ന ആളുകള്‍ ആണ് മാറിയത്. ഋഷി ഉദ്ദേശിച്ച യോജനയും നിമിഷവും എത്രയെന്നു പല തര്‍ക്കങ്ങളും നിലനില്‍കുമ്പോള്‍ അതില്‍ തര്കിച്ചിട്ടു കാര്യം ഇല്ല. എന്ത് തന്നെ ആണെങ്കിലും പ്രകാശം എന്ന ഒരു ഊര്‍ജ രൂപം സൂര്യനില്‍ നിന്നു പുറപ്പെട്ടു സമയത്തിന്റെ ഏറ്റവും ചെറിയ ഒരു കണം കൊണ്ടു ഒരു പാട് ദൂരം സഞ്ചരിച്ചു ഇവിടെ എത്തുന്നു എന്ന് ഭാരതീയര്‍ക്കു അറിയാം ആയിരുന്നു എന്ന് നമുക്കു അന്ഗീകരിക്കാം അല്ലോ. ഗോപാലകൃഷ്ണന്‍ സാറിനോട് അദ്ദേഹം പ്രമാണം ആയി എടുത്ത ഗ്രന്ഥം ഏതെന്നു ഒരു പത്ര സമ്മേളനം നടത്തി ചോദിച്ചു കൂടെ? എല്ലാ സംശയങ്ങള്‍ക്കും വിരാമം ഇടാം അല്ലോ? :-)

പ്രകാശിക്കുന്ന സൂര്യന്റെ മുഖത്ത് പോലും കറുത്ത പാടുണ്ട്. എന്നാല്‍ നിന്റെ സ്നേഹം അതിനെക്കാള്‍ വിമലം എന്ന് ശ്രീ രാമചന്ദ്രന്‍ ലക്ഷ്മണനോട് പറഞ്ഞതായി വാല്മീകി രേഖപ്പെടുത്തിയത് യുദ്ധ കാന്ടത്തില്‍ ഉണ്ട്. സൂര്യനില്‍ ഉള്ള കറുത്ത പൊട്ടുകള്‍ ശാസ്ത്രം സ്ഥിരീകരിച്ചിട്ടു എത്ര കാലം ആയി എന്നറിയുമ്പോള്‍ ആണ് ഋഷിയുടെ ബുദ്ധിയും സിദ്ധിയും നമ്മള്‍ അറിയുക. ‍ അങ്ങനെ ഉള്ള ഋഷിയുടെ മുന്‍ഗാമികള്‍ ചമച്ച വേദത്തിനും ബുദ്ധി ഉള്ള പിന്മുറക്കാര്‍ ചമച്ച വ്യഖാനങ്ങള്‍ക്കും തെറ്റ് പറ്റില്ലെന്ന് വിശ്വാസികള്‍ ഞങ്ങള്‍ കരുതിക്കോട്ടെ ഉമേഷേ? ഇനി അഥവാ ഇതെങ്ങാനും ഉമേഷ്‌ അന്ഗീകരിച്ചാല്‍ തുടര്‍ന്നു വാല്മീകി തന്നെ പറഞ്ഞ സൂര്യനെ നിരീക്ഷിക്കുന്ന യന്ത്രവിവരണം കൂടെ കണ്ടാല്‍ താങ്കളുടെ സംഖം വാല്മീകിയെ വിശുദ്ധന്‍ ആയി പ്രഖ്യാപിക്കുമോ? വാല്മീകി ഒന്ന് രക്ഷപ്പെട്ടോട്ടെ എന്ന് വിചാരിച്ചാണ് :-)

ജ്യോതിഷം എന്നു പറയുന്ന കപടശാസ്ത്രത്തിന്റെ ശാസ്ത്രീയതയും വിശ്വാസ്യതയും ഊന്നിപ്പറയുകയാണു് ഈ സീരീസിൽ ചെയ്യുന്നതു്.....

ഇതിനു മുമ്പേ ലേഖകന്‍ ഉപയോഗിച്ച ഒരു വാക്കാണ്‌ ഇവിടെ ചേരുക. പ്രതിലോമകരം!!

ഒരു വിജ്ഞാന മേഖല , അതുമായി ബന്ധപ്പെട്ടവരുടെയും അതിന്റെ ഗുണഭോക്താക്കളുടെയും മാത്രം പരിഗണയില്‍ ഉള്ള കാര്യം ആണ്. ഒരു സമൂഹത്തിന്റെയും ധാര്‍മികം ആയ നിലനില്പിന് ഭീഷണി സൃഷ്ടിച്ച/സൃഷ്ടിക്കുന്ന ബോംബു അല്ലാത്തിടത്തോളം കാലം അതില്‍ സിദ്ധി നെടാത്തവനോ അതില്‍ വിശ്വസിക്കാത്തവനോ അഭിപ്രായം പറഞ്ഞിട്ട് ആരെങ്കിലും ഗൌനിക്കും എന്ന് തോന്നുന്നില്ല... ഉദാഹരണത്തിന് - കേരളത്തിലെ ആയുര്‍വേദ ആശുപത്രികളില്‍ / മെഡിക്കല്‍ കോളേജുകളില്‍ പോവുക. ഇവിടുത്തെ അത്യന്താധുനിക അല്ലോപ്പതിയുടെ എണ്ണം അറ്റ ഇരകളെ അവിടങ്ങളില്‍ കാണാം. എനിക്കും വ്യക്തിപരം ആയ അനുഭവം ഉണ്ട്-അമ്മയുടെ നാട് വേദനയും ആയി ബന്ധപ്പെട്ട്. എന്റെ സ്ഥാനത്ത് ലേഖകന്‍ ആയിരുന്നു എങ്കില്‍ അല്ലോപ്പതി ആശുപത്രികള്‍ നിര്‍ത്തലാക്കാന്‍ വേണ്ടി കുറച്ചു കൂലിക്കെഴുത്തുകാര്‍ ബ്ലോഗിങ്ങ് തുടങ്ങിയേനെ......

ജ്യോതിഷത്തില്‍ നിന്നു വൈദ്യത്തിലേക്ക് കൂട് വിട്ടു കൂട് മാറിയതല്ല.... ഒരു ശാസ്ത്രം വികസിച്ചു എല്ലാ മേന്മയോടും കൂടെ ആയിരക്കണക്കിന് വര്‍ഷങ്ങള്‍ നിലനിന്നുവെങ്കില്‍ അഞ്ചു ആറു പേജില്‍ എന്തേലും കുത്തിക്കുറിച്ചത് കൊണ്ടു അതിനു ഒന്നും പറ്റില്ല എന്ന് സമര്തിക്കാന്‍ ശ്രമിക്കുകയാണ്.........

ഒരു പ്രത്യേകഗ്രഹത്തിനു കുറെ കാരകങ്ങളു കൊടുത്തിരിക്കാം. ആരാ കൊടുത്തത്? ഋഷിവര്യന്മാര്. എന്തുകൊണ്ടാ കൊടുത്തത്? അങ്ങനെയുള്ളതാ ഗ്രഹത്തിനെന്തുകൊണ്ടാ കൊടുത്തത്, ഒരൊറ്റ ഉത്തരേയുള്ളൂ. എന്തുകൊണ്ട് ഈ ഗ്രഹത്തിനു ഇങ്ങനെയുള്ള കാരകത്വം കൊടുത്തുയെന്നുള്ളതിനെന്താ ഉത്തരം? മലയാളത്തില് രണ്ടാമത്തെ അക്ഷരം. എന്താ ഉത്തരം? ആ!

നൂറോ അഞ്ഞൂറോ ഏറിയാല്‍ ആയിരമോ തവണ ആവര്‍ത്തിച്ച ഭൌതിക ശാസ്ത്ര പരീക്ഷണങ്ങളില്‍ ഉരുത്തിരിഞ്ഞ കേവല 'സാധ്യതകളെ' നമ്മള്‍ ഒരിക്കലും മാറാത്ത വിശ്വ സത്യങ്ങള്‍ ആയി അംഗീകരിച്ചു ആര്‍ത്തിയോടെ പഠിച്ചിട്ടുണ്ട്. ബോല്സ്മാന്‍, പ്ലാങ്ക്, ഐന്‍സ്റീന്‍, ന്യൂട്ടന്‍ എന്ന പേരുകള്‍ തന്നെ കേള്കുമ്പോ തന്നെ പലര്‍ക്കും കുളിര് ആണ്. ഏതൊരു സൂത്രവാക്യവും (ഇക്വേഷന്‍) രണ്ടോ അതിലതികമോ ചരങ്ങളുടെ (വേരിയബിള്‍)))) മാറ്റങ്ങളുടെ പ്രവണത ആണ് നമ്മളെ പഠിപ്പിച്ചത്. അതിനേക്കാള്‍ എത്രയോ അധികം ചരങ്ങള്‍ മറഞ്ഞു ഇരിക്കുന്നുണ്ടാവാം? അങ്ങനെ കാണാ മറയത് ഇരുന്നു ചിരിക്കുന്ന ചരങ്ങളെ എല്ലാം കൂടി ചേര്‍ത്ത് കറക്കി കുത്തി സായിപ്പ് ഒരു സ്ഥിരാങ്കം ( constant ) ഉണ്ടാക്കി വിഴുങ്ങിക്കൊള്ലാന്‍ പറഞ്ഞപ്പോ വിഴുങ്ങി. എന്നാല്‍ ഗ്രഹങ്ങളുടെ സ്ഥാന പ്രത്യേകതകളില്‍ വരുന്ന ജീവ സ്വഭാവങ്ങളെ ഇതിലും സൂക്ഷ്മം ആയി അനേകരില്‍ പഠിച്ച ഋഷി പറഞ്ഞ കാരകത്വവും ഒരു സ്ഥിരാങ്കം (constant ) തന്നെ ആണെന്ന് പറയുമ്പോ ഉത്തരാധുനികന് മുഖം ചുളിയും......... ഇതിനു മുമ്പ് പറഞ്ഞ പോലെ, സ്വന്തം പൂര്‍വികരെ സന്തോഷത്തോടെ തന്തക്കു വിളിക്കുന്ന ഉളുപ്പില്ലാത്ത ഒരു കൂട്ടം!! കാരകത്വം എന്നത് ഒരു നിര്‍വചിക്കപ്പെട്ട സ്ഥിര സ്വഭാവം ആയി മനസ്സില്‍ ആക്കൂ ബുദ്ധി ഉള്ള ഹിന്ദു ജനങ്ങളെ..

ഇദ്ദേഹത്തിനു സയൻസ് മാത്രമല്ല, ജ്യോതിഷവും അറിയില്ല എന്നു് ഈ പ്രസംഗം വെളിവാക്കുന്നു.

കൂറ് മാറ്റം!!! കൂറ് മാറ്റം!!!.... ജ്യോതിഷം കപട ശാസ്ത്രം എന്ന് ആദ്യം പറഞ്ഞു വെച്ചു. എന്നിട്ടിപ്പോ കപട ശാസ്ത്രം പഠിക്കാത്ത ആളെ തെറ്റി വിളിക്കുന്നോ? ജ്യോതിഷത്തെ കപടം ആക്കിയപ്പോ ഹിന്ദുവിന് ഒരു കൊട്ട്. പിന്നെ ഗോപാല കൃഷ്ണനും. രണ്ടും പക്ഷെ അടുത്തടുത്ത്‌ തന്നെ പറഞ്ഞപ്പോ എന്തോ ഒരു രഹസ്യം മണക്കുന്നു... ആ..... പോട്ടെ........

ഏഡിയും ബീസിയും ആറാം നൂറ്റാണ്ടു തൊട്ടേ ഉപയോഗിച്ചിരുന്നു എന്നതിനു തെളിവുണ്ടു്

അറിവില്ലാത്ത പൈതങ്ങള്‍ക്ക് വേണ്ടി ആ തെളിവ് ഒന്ന് കാണിക്കാമോ? കാപട്യം നിറഞ്ഞ ജ്യോതിഷത്തെ ശരി ആയി സ്ഥാപിക്കുന്നവരോട് മാത്രം അല്ല ഉകാരന് ദേഷ്യം. നിത്യ സത്യങ്ങള്‍ ആയ എ ഡി യും ബി സി യും തെറ്റ് എന്ന് പറയുന്നവരോടും അതെ അളവില്‍ പ്രതിഷേധം ഉണ്ട്. എന്തോ ഒന്ന് മണക്കുന്നുണ്ടല്ലോ... ആ.... പോട്ടെ.....

ഇതു കഴിഞ്ഞു് ഗ്രീനിച്ച് രേഖ അംഗീകരിക്കുന്നതിനു മുമ്പു് ലോകം മുഴുവൻ ഭാരതത്തിലെ ഉജ്ജയിനിയിലൂടെ പോകുന്ന രേഖാംശമാണു് സമയനിർണ്ണയത്തിനുപയോഗിച്ചിരുന്നതു് എന്നും പറയുന്നുണ്ടു്. എന്തൊരു തമാശ!

അപ്പി ഇട്ടാല്‍ നേരെ കഴുകില്ലെങ്കിലും വെടി മരുന്നിന്റെ ബലത്തില്‍ ലോക ചരിത്രം മാറ്റിയെഴുതിയ സായിപ്പ് വിശ്വസിച്ചിരുന്നോ അന്ഗീകരിചിരുന്നോ എന്നറിയില്ല.... എന്തായാലും ലങ്കാ വാത്സ്യപുരാ അവന്തീ സ്ഥാനെശ്വര സുരാലയാന്‍ അവഗാഹ്യ സ്ഥിതാ രേഖാന്‍ ദേശാന്ധര വിധായിനീ എന്ന് ആയിരത്തി അഞ്ഞൂറ് കൊല്ലം മുന്നേ ലഖു ഭാസ്കരീയത്തില്‍ എഴുതി വെച്ചിട്ടുണ്ട്. അതൊന്നു നോക്കി പഠിക്കൂ. ബാക്കി ചര്‍ച്ച എന്നിട്ടാവാം!! എല്ലാം കൂടെ അല്ലേല്‍ പെട്ടെന്ന് തീര്‍ന്നു പോയാല്‍ എനിക്കിനീം കൊറേ ബ്ലോഗ്ഗ് എഴുതാന്‍ ഉള്ളതാ.... തുടങ്ങിയതെ ഉള്ളൂ :-)

ഈ കോപ്പർനിക്കസിന്റെയും ഗലീലിയോയുടെയും ന്യൂട്ടന്റെയും കൂടെ കെൽ‌വിനെ എന്തിനു കൂട്ടിക്കെട്ടി എന്നു മനസ്സിലാകുന്നില്ല. ഒരു പക്ഷേ കെപ്ലറെയായിരിക്കും കെൽ‌വിൻ എന്നു പറഞ്ഞതു്. (കീറ്റ്സ് എന്നു പറഞ്ഞില്ലല്ലോ, ഭാഗ്യം!)

ഉമേഷു മേല്‍ പറഞ്ഞ പോലെ അല്ല, ശരിക്കും ഒരു തമാശ പറഞ്ഞോട്ടെ? :-) തെങ്കാശി പട്ടണത്തില്‍, സലിം കുമാറിന്റെ കഥാപാത്രത്തിനു തന്കപ്പെട്ടന്റെയും ദാസപ്പെട്ടന്റെയും കാര്യം പറഞ്ഞപ്പോള്‍ അറിയാതെ ഒരു ജോസഫ്‌ ചേട്ടന്റെ കാര്യം ഓര്മ വന്നു.... അത് പോലൊരു കെവിന്‍.................................. അങ്ങനെ എടുത്താല്‍ പോരെ? അതിനും കോലാഹലം!!

ഭൂമിയുടെയും സൂര്യന്റെയും ആകൃതി പ്രകൃതികളെ പറ്റി സംശയം തീര്‍ക്കാന്‍ ആര്യഭടീയത്തിനും ഒരു പാട് ഒരു പാട് മുന്നേ ഭാരതീയനു വഴികള്‍ ഉണ്ടായിരുന്നു എന്നറിയുക.... 1 33 8 , 1 123 8 എന്നീ ഋഗ്വേദ സൂക്തങ്ങള്‍ ഒന്ന് പഠിച്ചു വരൂ.. കുറച്ചു വ്യാഖാനങ്ങള്‍ കൂടെ വായിച്ചാല്‍ താങ്കള്‍ ആവശ്യത്തിലധികം തൃപ്തന്‍ ആവും. ധ്രുവ പ്രദേശങ്ങളിലെ ആറു മാസത്തെ പകല്‍ ഇല്ലാത്ത പ്രതിഭാസത്തിനു വരെ വിശദീകരണം തന്ന ഋഷിയോടാണ് ഉകാരന്റെ കളി!!! ഗ്രഹണത്തെ പറ്റി വരെ വേദത്തില്‍ പറഞ്ഞു വെച്ച ഋഷിയുടെ തപസ്സിനോടാണ് കളി.... ധൃതി പിടിക്കേണ്ട... എല്ലാം ഘട്ടം ഘട്ടം ആയി ഞാന്‍ തന്നെ തരുന്നുണ്ട്....

നാലു മൂലകങ്ങൾ അവിടെ പഞ്ചഭൂതങ്ങളായി എന്നു മാത്രം.വൃത്താകൃതിയിലുള്ള നക്ഷത്രക്കൂട്ടത്തിന്റെ നടുക്കു സ്ഥിതി ചെയ്യുന്നതും, ഗ്രഹങ്ങൾ നിറഞ്ഞ ആകാശത്തിന്റെ (ബ്രഹ്മാണ്ഡത്തിന്റെ എന്നാണു ഭാസ്കരൻ ഒന്നാമന്റെ വ്യാഖ്യാനം) മദ്ധ്യത്തിലുള്ളതും, മണ്ണു്, ജലം, അഗ്നി, വായു എന്നിവ നിറഞ്ഞതുമായ ഭൂഗോളം എല്ലായിടത്തും വൃത്താകൃതി ഉള്ളതാണു്.

ചിരിച്ചു ചിരിച്ചു വയ്യാണ്ടാവും അല്ലോ...... രണ്ടു രൂപയ്ക്ക് കിട്ടുന്ന ഏതോ ചെറിയ പൊത്തകത്തില്‍ നിന്നു പരിഭാഷ ഒക്കെ തപ്പി എടുത്തു.... പക്ഷെ ഗുരുത്വം ഇല്ലാത്തത് കൊണ്ടു പറഞ്ഞ കാര്യം സാധൂകരിക്കാന്‍ പറ്റിയില്ല......... സുഹൃത്തെ... ആകാശത്തിന്റെ മധ്യത്തില്‍ എന്ന് പറഞ്ഞപ്പോള്‍ ആയ ആകാശം എന്ന ഭൂതതത്വം കാണാന്‍ കഴിഞ്ഞില്ലേ? അടുത്ത തമാശ.... കവല പ്രസംഗം നടത്തുന്ന വയറ്റത്തടി രാഷ്ട്രീയക്കാരന്റെ മെയ് വഴക്കത്തോടെ ഭൂമിയുടെ ആകൃതിയെ പറ്റി പറഞ്ഞ അതെ ശ്ലോകം ഉപയോഗിച്ച് പഞ്ചഭൂതങ്ങളെ പറ്റിയുള്ള അറിവ് ബാബ്ബിലോനിയക്ക്‌ പതിച്ചു കൊടുത്തു

കളഞ്ഞു.. ഗൊച്ചു ഗള്ളന്‍!!........അന്വേഷണാത്മക പത്ര പ്രവര്‍ത്തകന്റെ പേര് കളഞ്ഞു കുളിച്ചു...... നാല് വേദങ്ങളില്‍ എണ്ണം അറ്റ താളുകളില്‍, പഞ്ച ഭൂതങ്ങള്‍ നിറഞ്ഞു കിടക്കുവല്ലേ.... ഒരു പാട് മുന്നോട്ടു പോവാന്‍ ഉണ്ട് ഉകാരാ!!

ഓഫ്‌ടോപ്പിക്: ഈ ചതുർഭൂതസിദ്ധാന്തം ബാബിലോണിയയിൽ നിന്നു വന്നതാണു്. അനു (അഗ്നി), ഈയ (ജലം) എന്‍‌ലില്‍ (വായു) മാര്‍ദൂക് (ഭൂമി). നാലു ദിക്കുകൾക്കു് അധിപർ. അരിസ്റ്റോട്ടലിന്റെ കാലത്തു് ഇതു “ശാസ്ത്രം” ആയി. മണ്ണു്, ജലം, വായു, അഗ്നി എന്നിവ ക്രമാൽ മുകളിലായി സ്ഥിതി ചെയ്യുന്നുവെന്നും, ഓരോന്നും അതിന്റെ സവിശേഷസ്വഭാവം തേടുന്നു എന്നും, അതിനാൽ വെള്ളത്തിലെ വായു മുകളിലേക്കും, വായുവിലെ അഗ്നി മുകളിലേക്കും, വെള്ളത്തിൽ മണ്ണു കീഴേയ്ക്കും പോകുന്നു എന്നൊരു ഗമണ്ടൻ ഗ്രാവിറ്റി തിയറി അരിസ്റ്റോട്ടിൽ കൊണ്ടുവന്നിരുന്നു! ഇന്ത്യയിൽ ഇതു് എപ്പോഴോ ആകാശവും കൂടെ കൂടി പഞ്ചഭൂതമായി.

എന്റെ ഗീവര്‍ഗീസ്സ് പുണ്യവാളാ!! ഈശ്വര തത്വ സരൂപമായ ഭൂതം ആണ് ആകാശം എന്നത്. തക്ഷശിലയില്‍ പഠിക്കാന്‍ വന്ന ഏതോ മിടുക്കന്‍ അങ്ങോട്ട്‌ എടുത്തപ്പോള്‍ മനസ്സില്‍ ആവാത്ത ആകാശ തത്വം അങ്ങ് ഉപേക്ഷിച്ചു....... സ്ഥൂല ബുദ്ധികള്‍ ആയ മ്ലെച്ഛന്മാര്‍ക്ക് ഭൂമിക്കുള്ളിലെ ആകാശ തത്വം എന്ന് കേട്ടാല്‍ ഉകാരനെ പോലെ ബ ബ്ബ ബ്ബ ബ്ബ അടിക്കും.... അത് കൊണ്ടു അത് സൂത്രത്തില്‍ ഒഴിവാക്കിയതായിരിക്കും ബാബ്ബിലോനിയയില്‍ എത്തിയപ്പോള്‍.. അവിടെ എന്തോ പൊട്ടും പൊടിയും കിടപ്പുണ്ടെന്ന് അറിഞ്ഞപ്പോ പിന്നെ അവിടുന്ന് പഞ്ച ഭൂതങ്ങളെ ഇമ്പോര്‍ട്ട് ചെയ്തത് അല്പം കടന്നു പോയി...അതിനു വേണ്ടി ഭാരതീയ ജ്ഞാനത്തെ ആര്യഭടീയത്തില്‍ വെച്ചു നിര്‍ത്തിയ ആ പുത്തി കൊള്ളാം..... :-) വേദ പഠനം അത്യാവശ്യം ആണ്.... ജെര്‍മനിയില്‍ നിന്നു വേദത്തെ തെറ്റായി വ്യാഖാനിക്കാന്‍ പള്ളി പറഞ്ഞു വിട്ട മാക്സ് മുല്ലെര്‍ മോക്ഷ മുള്ളര്‍ ആയി മടങ്ങിയ പോലെ, എന്തേലും ഒക്കെ നടക്കും :-)

ഭാരതീയർ ഭൂഗോളത്തെ മനസ്സിലാക്കുന്നതു് ഇതിനു ശേഷമാണു്. ആര്യഭടൻ ഭൂമിയും മറ്റു ഗ്രഹങ്ങളും ഗോളാകൃതിയിലാണെന്നു പറയുകയും അവയുടെ വലിപ്പം പ്രസ്താവിക്കുകയും ചെയ്തിട്ടുണ്ടു്. എന്തായാലും, ഇവരാരും തന്നെ ഭൂമി സൂര്യനെ ചുറ്റുന്നു എന്നു പറഞ്ഞിട്ടില്ല

ഭാഗവതം എന്ന ഒരു കൊച്ചു ഗ്രന്ഥം സനാതന സാഹിത്യ സമ്പത്തിന്റെ ഭാഗം ആണല്ലോ..... ഭൂമിയുടെ ഒരു സ്ഥാനത് നിന്നു ഭ്രമണ വേഗതയില്‍ ഭ്രമണത്തിന്റെ വിപരീത ദിശയില്‍ രഥം ഓടിച്ചു എല്ലായിടത്തും സൂര്യനെ ഒരേ രീതിയില്‍ ദര്‍ശിക്കുന്ന കഥ ഋഷി പറഞ്ഞത് സൂര്യന് ചുറ്റും ഭൂമിയുടെ പരിക്രമണത്തെയും ഭ്രമണത്തെയും പറ്റി അറിവില്ലാതിരുന്നത്‌ കൊണ്ടാണല്ലോ അല്ലെ..... :-) :-) എന്താണെങ്കിലും ഞാന്‍ മേല്പറഞ്ഞ ഋഗ്വേദ സൂക്തങ്ങള്‍ കൂടെ വായിച്ചു കഴിയുമ്പോ ഉകാരന്‍, ഈ വ്യാഴം എവിടുന്നു വന്നെടാ എന്നും പറഞ്ഞു നടക്ക്വോ ആവോ.... ആ..........

ഇനി ഇപ്പൊ ഭാഗവതം ഇന്ത്യന്‍ സ്വാതന്ത്ര്യം കഴിഞ്ഞു എഴുതിയതാണെന്ന് പറയുവോ? :-D

ജൈമിനീ സൂത്രത്തില്‍ ചന്ദ്രനിലെ ജലാംശത്തെ പറ്റി സലിലമയെ ശശിനീ.. എന്ന് എഴുതിയത് ചന്ദ്രയാന്‍ അവിടെ ഇറങ്ങിയതിനു ശേഷം ഏതെങ്കിലും പണിക്കനെ കൊണ്ടാണ് എന്ന് പറയുമോ? :-D

“ഭുവനകോശവർണ്ണനം” എന്ന പേരിൽ ഒരെണ്ണമുണ്ടു്. അഞ്ചാം സ്കന്ധത്തിലെ പതിനാറാം അദ്ധ്യായം. ഗുരുവായൂർ ദേവസ്വം പ്രസിദ്ധീകരിച്ച ഭാഗവതം (മൂലം - മലയാളം) പുസ്തകത്തിന്റെ ഉള്ളടക്കത്തിൽ (Table of contents) ഈ അദ്ധ്യായത്തിന്റെ പേരു് “ഭൂഗോളവർണ്ണനം” എന്നാണെന്നു പറഞ്ഞിട്ടുണ്ടു്. (എവിടെയൊക്കെ ആരൊക്കെ കൂട്ടിച്ചേർക്കുന്നുണ്ടു ഭഗവാനേ!) ആ അദ്ധ്യായത്തിന്റെ ശരിയായ പേരു് “ഭുവനകോശവർണ്ണനം” എന്നാണു്.

ഭൂഗോളം, ഭുവന കോശം ഇവ തമ്മില്‍ അജ ഗജ അന്തരം ഒന്നും ഇല്ല.... പരിഭാഷ എന്ന് കണ്ടാല്‍ മതി.... ആശങ്ക മനസ്സില്‍ ആക്കാം.... പക്ഷെ ഇത്രയും ആവശ്യം ഇല്ല :-D

യോ വായം ദ്വീപഃ കുവലയകമലകോശാഭ്യന്തരകോശോ നിയുതയോജനവിശാലഃ സമവർത്തുളോ യഥാ പുഷ്കരപത്രം........

ബ ബ്ബ ബ്ബ ബ്ബാ...... വായില്‍ തോന്നിയത് പറയുന്ന ഉകാരന്റെ അപകട മുഖം ഇവിടെ തുടങ്ങുന്നു..... വായില്‍ തോന്നിയത് പറഞ്ഞപ്പോള്‍ വായം ദ്വീപ എന്ന ഭാഗം കണ്ടില്ലേ? ഈ ദ്വീപു എന്ന വാക്ക് കാണുമ്പോള്‍ അറിയില്ലേ ഇതൊരു ഭൂ ഭാഗത്തെ പറ്റി ഉള്ള പരാമര്‍ശം ആണെന്ന്? കഷ്ടം!! ഈ അദ്ധ്യായം ജംബൂ ധ്വീപിനെയും ഭാരത ദേശത്തെയും പറ്റി ആണ് വര്‍ണന എന്ന് മലയാളം വായിക്കാന്‍ അറിയാവുന്ന നിങ്ങള്ക്ക് മനസ്സില്‍ ആയില്ലേ? അതോ ഭാരതീയന്‍ ‍ ഉരുട്ടിയ ഭൂമിയെ പരത്തിയിട്ട് സായിപ്പിനെ കൊണ്ടു ഉരുട്ടിക്കാന്‍ വേണ്ടി ആണോ ഈ സാമ്പാര്‍ ഇങ്ങനെ വൃത്തികെട്ട രീതിയില്‍ തിളയ്കുന്നത്‌?

ഇവിടെ വെച്ചു നിങ്ങള്‍ ആരാണെന്ന് വ്യക്തം ആയി കഴിഞ്ഞു.... പിന്നെ തെറ്റുകള്‍ വായിച്ചു പഠിച്ചവര്‍ തിരുത്താന്‍ വേണ്ടി മാത്രം തുടരുന്നു!!! ഭാഗവത സംക്ഷിപ്തം എന്ന ലഘു ഗ്രന്ഥം എഴുതിയ ഗോപാല കൃഷ്ണനോടാണ് ഉകാരന്റെ ഭാഗവതം കളി :-)

എട്ടാം നൂറ്റാണ്ടിനു ശേഷം രചിക്കപ്പെട്ട ഭാഗവതത്തിൽ ഭൂമി ഉരുണ്ടതാണെന്നു പറഞ്ഞാലും അദ്ഭുതമില്ല

ഏതു നൂറ്റാണ്ട്? ഒന്നൂടെ പറഞ്ഞേ........എട്ടാം നൂറ്റാണ്ടോ? :-D പുരാണ രചനയുടെ സായിപ്പ് അംഗീകരിച്ച കണക്കുകള്‍ പോലും അവിടെ ഉകാര ലോകത്ത് എത്തിയിട്ടില്ല എന്ന് ചുരുക്കം!!!

ജിജ്ഞാസുക്കള്‍ക്ക് വേണ്ടി ഒരു കുറിപ്പ് - ശാക, ശല്മാളി, പ്ലക്ഷ, ക്രൌന്ച്ച എന്ന് തുടങ്ങുന്ന ഏഴു ദ്വീപുകളുടെ ആകൃതി വിവരണങ്ങള്‍ എല്ലാം ഭാഗവതത്തില്‍ ഉണ്ടായിരുന്നു. ഏഷ്യയുടെ പേര് ജാമ്ബക്കയുടെ ആകൃതിയില്‍ നിന്നു ജംബൂ ദ്വീപു എന്ന് ഋഷി ഇട്ടു.... തെക്കേ അമേരിക്ക യുടെ ആകാശീയം ആയ ആകൃതിയിലെ ഒരു ക്രൌന്ച്ച പക്ഷിയോടുള്ള സാമ്യം മൂലം അതിനു ക്രൌന്ച്ച എന്ന് പേരും കിട്ടി.... പുഷ്പക വിമാനം വെറും കെട്ടു കഥ ആയ ഋഷി എങ്ങനെ ആണാവോ ഈ ദ്വീപുകളുടെ എല്ലാം ആകാശീയ ആകൃതി കണ്ടത്.... ആ........

ഈ പാവപ്പെട്ട ഭാഗവതത്തില്‍ ബ്രഹ്മ ലോകത്തേക്ക് പോയ രാജകുമാരിയുടെയും രാജാവിന്റെയും ആയുസ്സിനു അപകടം സംഭവിക്കാതിരുന്നതും അവിടെ എത്തിയപ്പോള്‍ ഇരുപത്തി ഏഴു ( കൃത്യം എണ്ണം ഓര്മ ഇല്ല) ത്രേതാ യുഗങ്ങള്‍ കഴിഞ്ഞതായി അറിയുകയും ചെയ്തത് എല്ലാം എന്താണ് സൂചിപ്പിക്കുന്നത്? ജീവന്‍ ശരീരത്തില്‍ നിന്നു വേര്‍പെടാന്‍ ഗുരുത്വാകര്‍ഷണവും തല്ഫലം ആയ അപാന ശക്തിയും വേണം എന്ന ഉപനിഷത്ത് വിവരണവും എല്ലാം കൂടെ ചേര്‍ത്ത് ആധുനികന്റെ ടയിം ട്രാവേല്‍ കഥകളെ ഒന്ന് സമീപിക്കൂ.... അതിനേക്കാള്‍ അറിവ് അന്ന് ഋഷിക്ക് ഉണ്ടായിരുന്നു എന്നറിയാന്‍ മെനക്കെട്ട് വായിക്കേണ്ടി വരും എന്ന് മാത്രം.... കാപ്സ്യൂളില്‍ നോക്കി അടിച്ചു കയറ്റിയാല്‍ വേദം മനസ്സില്‍ ആവില്ല.... തന്ത്രവും ഗ്രഹിക്കാന്‍ പറ്റില്ല.. അതിനു ഗുരുത്വം വേണം, വിനയവും വേണം, അങ്ങനെ ഒരു ജന്മം കിട്ടാന്‍ ഭാഗ്യവും വേണം....

പല ഗ്രന്ഥങ്ങളിലും പ്രപഞ്ച മധ്യത്തില്‍ സ്ഥിതി ചെയ്യുന്ന ഭൂമീ എന്ന് അഭി സംബോധന ചെയ്തത് നോക്കുന്ന രീതി വെച്ചാണ്‌..... ഒരു പന്തില്‍ ഇരിക്കുന്ന ഉറുമ്പിനെ പന്തിന്റെ കോടി മടങ്ങ്‌ വലിപ്പം ഉള്ള ഏതു ആകൃതി ഉള്ള മുറിയില്‍ വെച്ചാലും ചുറ്റും അനന്തം ആയ ഒരു ഗോള പ്രതീതി ഉണ്ടാവും..... ഉറുമ്പിനെ സംബന്ധിച്ച് അതിരിക്കുന്ന പന്ത് മധ്യത്തില്‍ ആയി തോന്നുകയും ചെയ്യും........

തുടര്‍ന്നങ്ങോട്ട് ഗോപാലകൃഷ്ണന്റെ പ്രസംഗത്തിലെ അവതരണ ങ്ങളെ പരീക്ഷ പേപ്പര്‍ നോക്കുന്ന അത്ര സൂക്ഷ്മതയോടെ നോക്കി ഇരിക്കുകയാണ്...... എന്താണെങ്കിലും ഭാരതീയം ആയ അറിവിനോട് അധികം അസഹിഷ്ണുത ഇല്ലാത്ത ആ ഭാഗങ്ങളെ പറ്റി ഞാന്‍ അധികം പറയുന്നില്ല...

അതു തലയിൽ വീണപ്പോഴാണു് ന്യൂട്ടൻ ഗ്രാവിറ്റിയുടെ തിയറി ഉണ്ടാക്കിയതു്…

ന്യൂട്ടന്‍ എല്ലാം ചിന്ന പയ്യന്‍........ .. ഭൂഗുരുത്വം പറയുന്നതിന് എത്രയോ മുന്നേ ഭൂമിയുടെ ആകര്‍ഷണബലത്തെ പറ്റി ഇവിടുത്തെ ഋഷിമാര്‍ പറഞ്ഞിരിക്കുന്നു?

ആകൃഷ്ടി ശക്തിസ്തു മഹീ തയാ യത് ഖസ്തം ഗുരു സ്വാഭിമുഖം സ്വ ശക്തയാ .... എന്ന് തുടങ്ങുന്ന ശ്ലോകം എവിടെ ആണ്, അതിന്റെ അര്‍ത്ഥം എന്താണ്? എല്ലാം ഉകാരന്‍ വായിച്ചു ഞങ്ങള്‍ക്ക് പറഞ്ഞു തരണേ :-)

നിസ്സാരം ആയ കാര്യങ്ങള്‍ ഗോപാലകൃഷ്ണന്‍ പര്‍വതീകരിച്ചത്‌ ഉകാരന് ബോധിച്ചിട്ടില്ല എന്ന് പിന്നെ മനസ്സില്‍ ആയി.......പോട്ടെന്നു..... ജീവിച്ചു പോട്ടെ :-)

കടപയാദിയും മൈക്രോസെക്കന്റും കർണ്ണാടകസംഗീതവും… O my!

ഇനി കടപയാദിയിലെ ഉകാരന്റെ കപടയാദിയിലെക്ക് .....

സുഹൃത്തുക്കളെ, പാവങ്ങളെ വട്ടം കറക്കാന്‍ വാക്കുകള്‍ കൊണ്ടൊരു വേണ്ടാത്ത ആചാരം.. അതാണ്‌ നടന്നിരിക്കുന്നത്... കാര്യം ആക്കേണ്ട.... പുതുമന സോമയാജി പൈ യുടെ മൂല്യം കടപയാദി സംപ്രദായത്തില് രേഖപ്പെടുത്തി.... അത് മനസ്സില്‍ ആക്കിക്കാന്‍ വേണ്ടി എടുത്തപ്പോള്‍ മെട്രിക് സമ്പ്രദായത്തിലെ ഒരു ചെറിയ സംഖ്യാ മാറി പ്പോയി.....എന്നാലും അക്ഷരങ്ങള്‍ക്ക് അക്കങ്ങള്‍ മൂല്യം കൊടുത്തു കൊണ്ടുള്ള ക്രിപ്ടോഗ്രാഫിയുടെ ഈ തുടക്ക സമ്പ്രദായം മനസ്സില്‍ ആക്കാന്‍ ആര്‍ക്കും ബുദ്ധിമുട്ടില്ലല്ലോ.... ക, ട, പ, യ എന്നിവയ്ക്ക് ഒന്ന് എന്ന വില, ഖ, രണ്ടാമത്തെ ട ( അത് ടൈപ്പ് ചെയ്യാന്‍ പറ്റുന്നില്ല) എന്നിങ്ങനെ ഉള്ളവയ്കു മൂല്യം രണ്ടു. അങ്ങനെ ഉള്ള ഒരു സമ്പ്രദായം......

ഇതിലെ രാഗ വിസ്താരം ഇശ്ശി ബോധിചൂട്ടോ.....ഒരു ലളിത സംഖ്യാ സമ്പ്രദായത്തിന്റെ നില നില്പിന് വേണ്ടി ഒരു കലാ ശാഖ തന്നെ മാറ്റപ്പെട്ട അത്ഭുത കഥ... എന്റെ ഉമേഷേ.. ഒന്ന്.... (ബാക്കി ഊഹിക്കുക)

ഇനിയാണ് ഉമേഷിന്റെ കൊലയാളി മുഖം പുറത്തു വരുന്ന മറ്റൊരു കാര്യം.....

ഖര ഹര പ്രിയയെ ഹര ഹര പ്രിയ എന്ന് പറഞ്ഞു പോലും.... ഖ യും ഹ യും ഒരു പ്രസംഗത്തില്‍ പറയുന്ന ആള്കോ കേള്‍ക്കുന്ന ആള്കോ മാറിപ്പോകാം................ ഉത്തരം = ഇരുപത്തി രണ്ടു.... ചോദ്യം = ഖര ഹര പ്രിയ.... മാര്‍ഗം = കടപയാദി.... എന്നിട്ടും നേരത്തെ ഭൂമി പരത്തിയ പോലൊരു പരത്തു.......... ഏറ്റില്ല പക്ഷെ :-)

ഗണപതിയെ മാത്രം വരച്ച ക്രിസ്ത്യാനിക്കുട്ടി

ഇതില്‍ അധികം പറയാന്‍ എനിക്ക് താല്പര്യം ഇല്ല...... ഉകാരന്റെ ഇത് വരെയുള്ള പോക്ക് വെച്ചു, പുനര്‍ ജന്മം എന്ന ഭാരതീയ ചിന്താ ഗതിക്കുള്ള ഒരു കൊട്ടും ഇതില്‍ ഉണ്ട് എന്നുള്ളത് കൊണ്ടു, നിങ്ങളുടെ സഹ പോളിച്ചടുക്കല്‍ കാരന്റെ ബ്ലോഗ്ഗിനു കൊടുത്ത മറുപടിയില്‍ ഉള്ള സായിപ്പ് പറഞ്ഞ പുനര്‍ ജന്മ സംഭവം ഒന്ന് ഇരുത്തി വായിക്കാന്‍ മാത്രം ആവശ്യപ്പെടുന്നു....... ആവശ്യം ഉള്ള ആളുകള്‍ക്ക് ഇനിയും അത് പോലെ ഉള്ള അനുഭവ കഥകള്‍ ഇനിയും ഇന്റെര്‍നെറ്റിലും മറ്റും തപ്പി എടുക്കാവുന്നതാണ്...

പിന്നെ ഉള്ളത് ഗോപാലകൃഷ്ണന്റെ ജോല്സ്യ സംബന്ധം ആയ പ്രസംഗത്തെ പഴയ പോലെ ബുക്ക്‌ എടുത്തു വെച്ചു പരീക്ഷ മാര്‍ക്ക്‌ ഇടല്‍ ആണ്... അതിനിനി പ്രതികരിക്കേണ്ട കാര്യം ഇല്ല.. എന്താണെങ്കിലും അവിടെ ജോല്സ്യതെ അധികം തെറി പറയാത്തത് കൊണ്ടു ഞാന്‍ ഒന്നും പറയുന്നില്ല......... ഗോപാലകൃഷ്ണന് മാര്‍ക്ക്‌ ഇടാന്‍ മാത്രം ഞാന്‍ ആയിട്ടും ഇല്ല......

ശാസ്ത്രജ്ഞന്റെ ശാസ്ത്രബോധം!

ജോത്സ്യം എന്നത്, ഏതൊരു വിജ്ഞാനത്തെയും പോലെ , നൈപുന്യത്തിനും ഗുരുത്വതിനും പ്രാധാന്യം ഉള്ള ഒരു മേഖല ആണ്. നൂറു ശതമാനം കൃത്യത ഉള്ള ഗണിതവും ജ്യോതി ശാസ്ത്രവും ഉള്ളപ്പോലും, സിദ്ധി നേടേണ്ട പ്രവചനവും കൂടെ അതില്‍ ഉള്‍പെടുന്നു..... "ഞാന്‍ ഈ ഡോക്ടര്‍ മാമനോട് ഒന്നും പറയില്ല.. വേണേല്‍ എന്റെ രോഗം മാറ്റട്ടെ" എന്ന കൊച്ചു കുട്ടിയുടെ ബാലിശം ആയ വാശി മാത്രം ആണ് ജോല്സ്യനോടുള്ള താങ്കള്‍ പറഞ്ഞ വെല്ലു വിളി.................

തിരിച്ചൊരു വെല്ലു വിളി ഞാനും നടത്തട്ടെ? ഞാന്‍ ഈ സമസ്ത ഭൂമുഖത്തും ഉള്ള ഡോക്ടര്‍മാരെ വെല്ലു വിളിക്കുന്നു........... തപസ്സു പോലെ ഒരുപാട് ജ്ഞാനം ആര്‍ജിച്ചു ഒരു സമൂഹത്തിനു വെളിച്ചം കൊടുക്കാന്‍ യത്നിക്കുന്ന ഒരു ആചാര്യന്റെ വാക്കുകളിലെ പുഴുക്കുത്തു മാത്രം കണ്ടു പിടിക്കാന്‍ നടക്കുന്ന ഒരു ഞരമ്പ്‌ രോഗി.... അയാള്‍ തൊടാന്‍ പോലും സമ്മതിക്കില്ല..... വെറുതെ കണ്ടു, ഏതു ഞരമ്ബിനാണ് അസുഖം എന്ന് ഏതെങ്കിലും ഡോക്ടര്‍ പറയുമെങ്കില്‍, ഉകാരന്‍ പറഞ്ഞ വെല്ലു വിളി ഏറ്റെടുക്കാന്‍ പറ്റുന്ന ജോത്സ്യനെ ഞാന്‍ കണ്ടെത്തി തരാം... ഇതെന്റെ വാക്ക്.... പോരെ? :-)

ഇത്രേം വിശദം ആക്കല്‍ കഴിഞ്ഞപ്പോള്‍ ഉകാരന്‍ ആരാണെന്ന് മനസ്സില്‍ ആയല്ലോ.....

ആ ഉകാരന് വേണ്ടി ഞാന്‍ ഇട്ട തലക്കെട്ട്‌ ഒന്ന് വിശദീകരിക്കാന്‍ നിങ്ങള്‍ വായനക്കാര്‍ എന്നെ സഹായിക്കുമോ?

ജയ് ഭവാനി!!

2012-03-17T02:23:00.000-07:00

ഇക്കിളി വരുന്ന വഴികള്‍

http://www.youtube.com/watch?v=Mu9X3nz1-Lw&feature=share

ഈ വീടിയോവും ആയി യാതൊരു ബന്ധം ഇല്ലാത്ത കാര്യങ്ങള്‍ ആണ് പറയാന്‍ പോകുന്നതെന്ന് അതുമായി ബന്ധം ഉള്ളവര്‍ ധരിച്ചു കൊള്ളണം എന്ന് താഴ്മയായി അറിയിക്കുന്നു. എന്തെങ്കിലും ബന്ധം പിന്നെയും തോന്നുന്നുണ്ടെങ്കില്‍ അത് തികച്ചും സ്വാഭാവികം.. ഒരു സമൂഹത്തിന്റെ വിശ്വാസ സംഹിതകളെ ഇത്ര കണ്ടു തെറ്റിധരിച്ചിട്ടും തെറ്റിധരിപ്പിച്ചിട്ടും ഒരു കോടതിയിലോ ആപ്പീസ്സിലോ പോകേണ്ടി വരാത്തത് ആ വിശ്വാസത്തിന്റെ കരുത്തും തെളിമയും കൊണ്ടു മാത്രം ആണ്.

ലോകാ സമസ്താ സുഖിനോ ഭവന്തു!!

അനാചാരങ്ങള്‍ക്കു എതിരെ മറ്റൊരു പടവാള്‍ .... തത്വം അറിയാത്ത മ്ലെച്ഛനു ഇത് പ്രക്ഷേപണം ചെയ്യാന്‍ ഒരു ഇക്കിളി തോന്നി. അത് പ്രക്ഷേപണം ചെയ്യുമ്പോള്‍ കിട്ടുന്ന മതേതരത്വത്തിന്റെ പിറകില്‍ ഒളിപ്പിച്ച ഹൈന്ദവ ദര്‍ശന നിരാസം തനിക്കു സമ്മാനിക്കാന്‍ പോകുന്ന ഉത്തരാധുനിക ഇമേജിന്റെ തിളക്കം ഉള്ള കുപ്പായം ആ ഇക്കിളി വര്‍ദ്ധിപ്പിച്ചു. ഇത് ഇടുമ്പോള്‍ വാ പൊളിച്ചിരുന്നു പോവുന്ന വിശ്വാസികളുടെയും അറിവില്ലായ്മ കൊണ്ട് ഉണ്ടായ നാണം മറയ്ക്കാന്‍ സത്യം ആയ ആചാരങ്ങളെ തള്ളിപ്പറയുന്ന ആധുനിക ഹിന്ദുക്കളുടെയും, പുഴുക്കുത്തുകളില്‍ സന്തോഷിക്കുന്ന മറ്റു രാഷ്ട്രീയക്കാരുടെയും തല എണ്ണിയ ബന്ധപ്പെട്ട ചാനല് ‍മേധാവിക്കും ഇക്കിളിക്ക് കുറവുണ്ടായില്ല.......

കണ്ടവനുണ്ടോ ഇക്കിളിയ്ക്ക് വല്ല കുറവും? കിട്ടിയ പാടെ എത്ര സുഹൃത്തുക്കള്‍ക്ക് എത്തിക്കാമോ അത്രയും എത്തിച്ചു. എത്ര പേര്‍ ഞാന്‍ കൊടുത്ത വീഡിയോ കണ്ടു എന്നത് ഇക്കിളിയുടെ അളവ് കോല്‍ ആയി എടുത്തവര്‍ ഇക്കിളിയാല്‍ ആര്‍ത്തു ചിരിച്ചു. ചിലര്‍, സ്വന്തം ഇക്കിളി നന്നേ കുറവായിരുന്നു എങ്കിലും മറ്റുള്ളവരുടെ ഇക്കിളി കണ്ടു, ഇതിലെ ഇക്കിളി എനിക്ക് മനസ്സില്‍ ആവാത്തത് ആയിരിക്കും എന്നോര്‍ത്ത് സമകാലീക പ്രവണതയ്ക് ഐക്യധാര്ട്യം പ്രഖ്യാപിച്ചു.....

പ്രസ്തുത ആചാരത്തിലെ ഗഹനം ആയ തത്വചിന്ത അറിയാം എന്നത്, താന്‍ മനസ്സ് അറിഞ്ഞു നേദിച്ച കള്ളും മത്സ്യവും എല്ലാം അനാചാരം ആണ് എന്ന ആധുനിക ശാസ്ത്ര അവബോധം നിറഞ്ഞു വീര്‍പ്പു മുട്ടി തുടങ്ങിയ സമൂഹത്തിന്റെ സദാചാര മുതലക്കണ്ണീരില്‍ തെന്നി വീഴാന്‍ തുടങ്ങുന്ന പാവം ഹിന്ദുവിന്റെ ശങ്കയകറ്റുമ്പോള്‍ കിട്ടുന്ന വീരപരിവേഷത്തെ പറ്റിയുള്ള സ്വപ്നം, പിന്നെയും തോറ്റു കാവിലെ പാട്ട് മത്സരത്തിനു തയ്യാര്‍ എടുക്കുന്ന മതേതര യോദ്ധാക്കളുടെ അവസ്ഥ, ഇവകള്‍ എന്നിലെ ഇക്കിളിയെ കലശല്‍ ആക്കിയപ്പോള്‍ എഴുതാതെ തരം ഇല്ലെന്നായി.

പ്രിയരേ, കുറച്ചു ദിവസങ്ങള്‍ മുന്നേ ഉള്ള ഒരു കേബിള്‍ ടീവീ വാര്‍ത്ത ആണ് വിഷയം. ഡല്‍ഹിയിലെ ഒരു ഭൈരവ ക്ഷേത്രത്തില്‍ വിളമ്പുന്ന കള്ള് ഭാരതീയ സാമൂഹിക സാംസ്കാരിക രാഷ്ട്രീയ സാമ്പത്തിക മേഖലകളില്‍ ഉണ്ടാക്കിയേക്കാവുന്ന പ്രതിസന്ധികള്‍ ആയിരുന്നു വിഷയം.

മദ്യം എന്ന് കേള്‍ക്കുന്ന മാത്രയില്‍ തന്നെ പലരിലും ഒരു ഇക്കിളി ഉണ്ടാവും, പ്രത്യേകിച്ച് കേരളത്തില്‍.. കേരളത്തിലെ അങ്ങോളം ഇങ്ങോളം ഉള്ള ബീവേരെജു ശാലകളിലെ തിരക്ക് മദ്യത്തിന്റെ സ്വാധീനത്തിന്റെ ഒരു തെളിവാണല്ലോ. എന്തിനു, ഈ വാര്‍ത്ത ക്യാമറയില്‍ പകര്‍ത്തിയ ശേഷം ഉള്ള ശരീരക്ഷീണം മാറ്റിയതും ഒരു പക്ഷെ മദ്യം കൊണ്ടാവാം. എന്താണെങ്കിലും, ലളിതം ആയി ചിന്തിക്കുന്ന (കപട)സദാചാരിക്ക് മേല്കണ്ട ക്ഷേത്രവും ആചാരവും എല്ലാം ഒരു പ്രശ്നം ആണ് എന്നതില്‍ ആര്‍ക്കും തര്‍ക്കം ഇല്ല... എന്നാല്‍ പ്രസ്തുത ആചാരത്തിന്റെ പിന്നാമ്പുറത്തേക്ക് നമുക്കൊന്ന് കടന്നാലോ?
സനാതനം ആയ എല്ലാ ആചാരങ്ങളുടെയും ലക്‌ഷ്യം ഈശ്വരനിലേക്കുള്ള ശ്രദ്ധ വര്‍ധിപ്പിക്കുക എന്നതായിരുന്നല്ലോ. സാത്വിക പ്രകൃതിയില്‍ ഉള്ളവര്‍ക്ക് അതായതു മദ്യ-മാംസാദികളില്‍ യാതൊരു താല്‍പര്യവും ഇല്ലാതിരുന്നവര്‍ക്ക് വേണ്ടി ആ പ്രകൃതിയില്‍ ഉള്ള ആചാരങ്ങള്‍ ഉണ്ടായി. എന്നാല്‍ രാജസവും താമസികവും ആയ പ്രകൃതിയില്‍ ഉള്ള ആളുകള്‍ക്കും ഈശ്വര സാക്ഷല്കാരത്തിന് മാര്‍ഗം വേണം അല്ലോ. അവരെ ജന്മ-ജന്മാന്തരങ്ങള്‍ മദ്യ-മാംസങ്ങളില്‍ തളച്ചിടാതെ ഈശ്വര ആഭിമുഖ്യം സൃഷ്ടിക്കാന്‍ അന്നത്തെ ഋഷിമാര്‍ വിഭാവനം ചെയ്ത ഒരു ആചാരത്തിന്റെ അനുകരണം ആണ് ആ ക്ഷേത്രത്തില്‍ നടന്നത്. ഭക്തി മാര്‍ഗത്തിന്റെ ഒരു പ്രധാന ശില ആയ തന്ത്രശാസ്ത്രത്തോടാണ് ഇതിനു നമ്മള്‍ കടപ്പെട്ടിരിക്കുന്നത്.

മദ്യം ഒരുവനെ ഈശ്വരനില്‍ നിന്ന് അകറ്റുന്ന ഖടകം ആണ് എന്നതില്‍ തര്‍ക്കം ഇല്ലല്ലോ. അതിന്റെ പിടിയില്‍ നിന്നു പൂര്‍ണ വിടുതല്‍ കിട്ടാത്തവരോട് നിഷ്ഠയോടെ പരം തത്വതിലേക്ക് ഈ ഇഷ്ട വസ്തു സമര്‍പ്പിക്കുവാന്‍ ഋഷി പറഞ്ഞു. ആ സമര്‍പ്പണം പൂര്‍ത്തിയാക്കിയിട്ടു ബാക്കി വരുന്ന നേദ്യ വസ്തു "ഈശ്വരാ, നിന്നില്‍ നിന്ന് എന്നെ അകറ്റുന്ന ഈ വസ്തുവിനോടുള്ള എന്റെ ആസക്തി ക്രമം ആയി നീ കുറച്ചു തരണേ, ഇപ്പോള്‍ ഞാന്‍ പൂര്‍ണം ആയും മുക്തന്‍ അല്ലാത്തത് കൊണ്ട് നിനക്ക് തന്നതില്‍ ബാക്കി ഞാന്‍ സ്വീകരിക്കുന്നു.." എന്നാ ഭാവനയോടെ സ്വീകരിക്കാന്‍ പറഞ്ഞു.

എത്ര മനോഹരം അല്ലെ? ക്രമേണ ക്രമേണ ആത്മാര്‍ഥത ഉള്ള ആളുകള്‍ക്ക് ഈ മദ്യ ഭ്രമം കുറയും എന്ന് ഉറപ്പാണല്ലോ. പ്രകൃത്യാ ശൂദ്രത്വം പേറുന്ന, എന്നാല്‍ കര്‍മം കൊണ്ടു ബ്രാഹ്മണ്യം ലക്ഷ്യമിടുന്ന (ബ്രാഹ്മണ്യം എന്ന് പറയുമ്പോള്‍ ഉടനെ തന്നെ പൂണൂല്‍ ഇട്ട ചിലര്‍ ചെയ്ത മോശം കാര്യങ്ങളും പൊക്കി കൊണ്ട് വരരുതേ... ബ്രഹ്മജ്ഞാനം നേടിയ ഒരു പാട് നല്ല ബ്രാഹ്മണര്‍ നേതൃത്വം നല്‍കിയ സംസ്കാരം തന്നെ ആണ് സനാതന ധര്‍മം) ധീരന്മാര്‍ക്കു വേണ്ടി ഉള്ള മനോഹരം ആയ ഒരു ആചാരം ആണ് ഇതെന്ന് മനസ്സില്‍ ആകുന്നുവല്ലോ.. അവസാനം മദ്യത്തോടുള്ള ഭ്രമം പൂര്‍ണം ആയി തീര്‍ന്നു കഴിഞ്ഞാല്‍ ഈ ആചാരം അവസാനിപ്പിച്ചു ഭക്തന് അടുത്ത സങ്കീര്‍ണ്ണം ആയ പടവുകള്‍ കയറാവുന്നതാണ്.. ജീവിതാവസാനം വരെ കള്ളു കുപ്പിയും ആയി നടക്കാന്‍ ഋഷി പറഞ്ഞിട്ടില്ല... അങ്ങനെ എത്രപേര്‍ ഭക്തിയുടെ പടവുകള്‍ ഒന്നൊന്നായി കടന്നിരിക്കുന്നു...

എന്നാല്‍ നാവിനു പ്രാണനെ തീറെഴുതിയ ദുര്‍ബലചിത്തര്‍ ആരും കാണാതെ ഈ ആചാരം ഉണ്ടാക്കിയ ഋഷിയെ കൊഞ്ഞനം കുത്തുന്നു. തത്വം ഗ്രഹിക്കാത്ത ചില പാവം വിശ്വാസികള്‍ ഈശ്വരന്‍ കള്ളു കുടിച്ചു സന്തോഷിക്കും എന്ന് വിശ്വസിക്കും. അദ്ദേഹത്തിന് കിക്ക് ആവാന്‍ ഞാന്‍ കള്ളു കൊടുത്താല്‍ അദ്ദേഹം സന്തോഷിച്ചു അവസാനം എന്റെ കാര്യം നടക്കും അല്ലോ എന്നും ആശ്വസിക്കും. ആ ആശ്വാസം അവനു കര്മങ്ങള്‍ക്കുള്ള പ്രേരണ ആയാല്‍ അവന്‍ രക്ഷപ്പെട്ടു. അല്ലേല്‍ പൊഹ......

ചുരുക്കി പറഞ്ഞാല്‍ കള്ളടിച്ചു തൃപ്തന്‍ ആവുന്ന ദൈവത്തിന്റെ ഉന്മാദത്തിലൂടെ കാര്യം കാണുന്ന മൂന്നാം കിട രാഷ്ട്രീയം അല്ല തത്വത്തില്‍ ഉദ്ദേശിച്ചിട്ടുള്ളത്. കള്ളു അടിക്കുന്ന ഈശ്വരന്‍ എന്ന് കരുതുന്നവരുടെ നിഷ്കളങ്കം ആയ ആ ഭക്തി അവര്‍ക്ക് താങ്ങും തണലും ആവുന്നുണ്ട്‌. ആ വീടിയോവില്‍ എത്ര നിഷ്കളങ്കരെ ആണ് ആ വാര്‍ത്ത കൊടുത്ത മ്ലെച്ചന്‍ അഭിമുഖം നടത്തിയത്..എല്ലാര്‍ക്കും പറയാന്‍ ഉള്ളത് ഭൈരവ ഭഗവാന്റെ അപദാനങ്ങള്‍ മാത്രം. എന്നാല്‍ അവന്‍ പറഞ്ഞു വെച്ചത് ഭക്തിയുടെ പ്രസാദം ആയി കിട്ടുന്ന രണ്ടു തുള്ളി മദ്യം കുടിക്കുന്ന കുട്ടി കുടിയന്‍ ആയി പോവുമോ എന്നാണു... ബാറിലേക്കുള്ള വഴി തെറ്റി അമ്പലത്തില്‍ കയറുന്ന തന്തയുടെയും തള്ളയുടെയും മക്കള്‍ അങ്ങനെ പോവും.. എന്നാല്‍ അത് ഭഗവന്‍ ആണ്.... അദ്ദേഹം അധികാരി ആയിട്ടുള്ള ഈ മദ്യത്തിന്റെ പ്രസാദം ഭക്തി പുരസ്സരം അല്പം കഴിക്കണം എന്ന് മക്കളെ പഠിപ്പിക്കുന്ന രക്ഷിതാക്കളുടെ കുട്ടികള്‍ അങ്ങനെ പോവില്ല.. ഇമ്മാതിരി ക്ഷേത്രങ്ങളെ മുതലെടുത്ത്‌ കള്ളും പുട്ടും അടിച്ചു ജീവിക്കുന്നവന് മുക്തി കൊടുക്കുന്ന സോഷ്യലിസ്റ്റ്‌ പ്രസ്ഥാനം അല്ലല്ലോ സനാതന ധര്‍മം. അത് കൊണ്ട് അവരെ നമ്മുടെ ചിന്താ മണ്ഡലത്തില്‍ നിന്നെ ഒഴിവാക്കി കൂടെ?

കള്ള് നേദിക്കുന്നത് കാണുമ്പോള്‍ ഇത് വായിക്കുന്ന ഒരു സനാതന വിശ്വാസിയും കള്ള് ഭഗവാന്റെ ശരീരമോ രക്തമോ അല്ലെങ്കില്‍ വേറെ എന്തെങ്കിലുമോ എന്ന് ധരിക്കാതെ, ആ മ്ലേച്ച വസ്തുവിനോടുള്ള ആസക്തി നിര്‍ത്താന്‍ ഉള്ള ഋഷി വിരചിതം ആയ ഒരു ചടങ്ങ് എന്ന് മാത്രം കരുതി തുടങ്ങിയാല്‍ ഞാന്‍ ക്രുതാര്‍ത്താന്‍ ആയി...

ഈ തത്ത്വം അറിയാതെ, വിശ്വാസത്തെ കളി ആക്കി കൈ അടി നേടുന്ന രാഷ്ട്രീയക്കാര്‍
കള്ളു കുടിക്കുന്ന ഈശ്വരന്‍ എത്ര മ്ലെച്ചന്‍ ആണ്? ഇതിനു പിറകെ പോവുന്ന ആളുകള്‍ എത്ര മണ്ടന്മാര്‍ ആണ് എന്നെല്ലാം ഉറക്കെ ചോദിക്കും.. പത്തു പേരോട് ചോദിക്കാന്‍ ആഹ്വാനം ചെയ്യുകയും ചെയ്യും...

ഇത്രയും ഒക്കെ ആണ് ഈ വീഡിയോയുടെ സംപ്രേക്ഷണ വിതരണ പുനര്‍ വിതരണ കാര്യത്തില്‍ നടന്നത്. എന്നാല്‍ ഏറ്റവും സങ്കടകരം ആയ കാര്യം അതിന്റെ ഇടയില്‍ ഈ വീഡിയോ പിടിച്ച മ്ലെച്ചന്‍ ഇടയ്കിടയ്ക്ക് നിഷ്കളങ്കര്‍ ആയ വിശ്വാസികളോട് "എന്തിനു ഇവിടെ വന്നു, എങ്ങനെ ഉണ്ട് അനുഭവം, വല്ലതും  നടക്കുന്നുണ്ടോ"
എന്ന മട്ടില്‍ എല്ലാം ചോദ്യങ്ങള്‍ ചോദിച്ചു ഉത്തരങ്ങള്‍ നേടുന്നുണ്ടായിരുന്നു. ഇതെല്ലാം ഹിന്ദിയില്‍ ആയിരുന്നു..
എന്നിട്ട് മലയാളത്തില്‍ ഈ വിശ്വാസങ്ങളുടെ അപകടത്തെ പറ്റിവാചാലന്‍ ആവുന്നു..... എത്ര അപകടകരം? അല്പം ഉളുപ്പ് ഉണ്ടായിരുന്നെങ്കില്‍ ചെയ്യേണ്ടി ഇരുന്നത്, എന്തിനാ ഇത് പോലെ അനാചാരങ്ങള്‍ ചെയ്യാന്‍ വരുന്നത്, കള്ളു കുടിക്കുന്ന ഈശ്വരന്‍ മണ്ടനും മ്ലെച്ചനും അല്ലെ എന്നെല്ലാം ആണ് വിശ്വാസികളോട് ചോദിക്കേണ്ടിയിരുന്നത്.... ഒരു പക്ഷെ അനാചാരം, മ്ലെച്ചന്‍ എന്നിവയ്ക്ക് ഉള്ള ഹിന്ദി പടങ്ങള്‍ അറിയാത്തത്  കൊണ്ടായിരിക്കാം. അങ്ങനെ ആണെങ്കില്‍ ഒരു എളുപ്പ വഴി - ഞാന്‍ ഉപയോഗിക്കുന്നത് പറഞ്ഞു തരാം... - അവസാനത്തെ "അം" ശബ്ദം കളഞ്ഞാല്‍ മതി :-) അതായത് "അനാചാര്‍", "മ്ലേച്" എന്നൊക്കെ ഒന്നടിച്ചു നോക്കിയാല്‍ മതി....   ഒത്തു കിട്ടിയാലോ? അതെ അത് തന്നെ... ഉദ്ദേശിച്ചത് നല്ല നാടന്‍ ഡല്‍ഹി തല്ലു തന്നെ... :-D

ഹോ..  അറിയാവുന്ന കാര്യങ്ങളും മാക്സിമം തമാശയും എല്ലാം പറഞ്ഞു എന്ന് തോന്നുമ്പോ എന്തൊരു ഇക്കിളി............. പക്ഷെ ഈ അടുത്ത ദിവസം മാനജെര്‍ വീട്ടില്‍  ഉണ്ടാക്കിയ വൈന്‍ കൊണ്ടു വന്നത് കുറച്ചു കഴിച്ചപ്പോള്‍ ഉണ്ടായ ഇക്കിളി നല്ല ഓര്മ ഉള്ളത് കൊണ്ടു ഒരു കാര്യം ഉറപ്പാണ്.... മേല്‍ പറഞ്ഞ തത്വം ഒരു പാട് ഒരു പാട് ഇനിയും മനനം ചെയ്തു അനുഷ്ടിച്ചു ഈ ഉള്ളവനും പോകുവാന്‍ ഏറെ ദൂരം ഇനിയും ഉണ്ട്... ഇക്കിളികള്‍ക്ക് വിട!!!

ഡല്‍ഹിയിലെ ഞാന്‍ കാണാത്ത ഭൈരവ ഭഗവാനെ, പറശ്ശിനിക്കടവ് മുത്തപ്പാ, നിന്നെ അറിയാതെ കുടിച്ചു പോയ കള്ളു കുപ്പികള്‍ക്ക് ആയിരം ക്ഷമാപണം.... ഇനി എങ്കിലും ആസക്തികള്‍ കുറച്ചു കൈ പിടിച്ചുയര്‍ത്താന്‍ കനിയണേ...

വിഷപ്പുക തുപ്പുന്ന കപട സൂര്യന്മാര്‍ എന്തറിഞ്ഞൂ വിഭോ?

2012-03-16T03:20:00.002-07:00

ബ്ലോഗിങ്ങ് എന്ന സങ്കേതത്തിലേക്ക് ഈ ഉള്ളവന്‍ നിങ്ങളുടെ അനുവാദത്തോടെ കടക്കട്ടെ ... അവതരിപ്പ്ക്കാന്‍ ആഗ്രഹം ഉള്ള അസംഖ്യം തെറ്റിദ്ധരിക്കപ്പെട്ട ഹൈന്ദവ ചിന്താ സരണികള്‍ കൈ എത്തും ദൂരത്തു തന്നെ ഉണ്ട്. ഏതില്‍ തുടങ്ങണം എന്ന് നിശ്ചയം ഇല്ല. ഈ അടുത്ത് ഇടപെട്ടു അത്യാവശ്യം ചീത്ത കിട്ടിയ ഒരു ലേഖകന്റെ മറ്റൊരു ലേഖനത്തോടുള്ള വിയോജനക്കുറിപ്പോടെ തുടങ്ങട്ടെ.... രക്തം കണ്ടു ഇറങ്ങിയാല്‍ ഉള്ള ഈ രംഗത്തെ നില നില്പിന്റെയും പ്രശസ്തിയുടെയും സാധ്യതകള്‍ എന്നെ പ്രചോദിപ്പിക്കുന്നു :-) സോഷ്യലിസ്റ്റ്‌ രാഷ്ട്രീയ മത പ്രസ്ഥാനങ്ങളെ പോലെ എളുപ്പം ദഹിക്കുന്ന ദര്‍ശനങ്ങള്‍ അല്ല എന്നത് കൊണ്ടു തന്നെ ഇവിടുത്തെ പ്രതീകങ്ങള്‍ എന്തെന്ന് മനസ്സില്‍ ആക്കാന്‍ അമ്പലത്തില്‍ നിന്നു വീട്ടില്‍ കയറാത്തവര്‍ക്കു പോലും പലപ്പോഴും പറ്റാറില്ല. അത് കൊണ്ടു തന്നെ മുറി വൈദ്യന്മാരുടെ വിമര്‍ശനങ്ങള്‍ക്ക് നട്ടെല്ല് നിവര്‍ത്തി മറുപടി പറയാന്‍ ഗതി കെട്ട ഹിന്ദുവിന് കഴിയാറില്ല. അങ്ങനെ ഉള്ള ആര്‍ക്കും കൊട്ടാവുന്ന ഹിന്ദു ചെണ്ടകള്‍ക്ക് വേണ്ടി ഞാന്‍ ഈ രചന സമര്‍പ്പിക്കുന്നു.

http://surajcomments.blogspot.in/2010/02/pseudosciencegopalakrishnanindian.html എന്ന ബ്ലോഗ്‌ ആണ് ഇന്നത്തെ ചിന്താ വിഷയം. ഗോപാലകൃഷ്ണന്‍ എന്ന സനാതന ധര്‍മ ചിന്തകന്റെ/പ്രാസങ്ങികന്റെ തെറ്റുകളും കുറവുകളും പ്രതിപാദിച്ചിരിക്കുന്ന ഈ ബ്ലോഗ്ഗിനെ പരിശോധിക്കുന്നതിന് മുന്നേ ചെറുതല്ലാത്ത ഒരു ആമുഖം ചേര്‍ത്തോട്ടെ?

ജന്മം കൊണ്ടു ഹിന്ദു ആയ പല തരം ആളുകള്‍ ഉണ്ട്. . ചിലര്‍ക്ക് ഗുരുക്കന്മാര്‍ പറഞ്ഞത് അപ്പാടെ സ്വീകരിക്കുന്നതിനു ടെസ്റ്റ്‌ ട്യൂബിന്റെ സാക്ഷ്യ പാത്രം വേണ്ടി വരാറില്ല. മറ്റു ചിലര്‍ അല്‍പ വിശ്വാസികള്‍ ആയിരിക്കും. പക്ഷെ അവര്‍ക്ക് വേണ്ട അത്ര വിവരങ്ങള്‍ കിട്ടിയാല്‍ അവരെയും വിശ്വാസത്തിന്റെ അത്ഭുത പാതയില്‍ എത്തിക്കാന്‍ സാധിക്കും. മറ്റു ചിലര്‍ മറ്റു മത വിശ്വാസികളുടെ ഇടയില്‍ സ്വന്തം സ്വീകാര്യത വര്‍ധിപ്പിക്കാന്‍ വേണ്ടി മതേതരം കളിക്കുന്നതിന്റെ കൂട്ടത്തില്‍ അറിയാത്ത കാര്യങ്ങളില്‍ പൂര്‍വികരെ തെറി പറഞ്ഞു പേര് നേടും. സ്വന്തം അപ്പൂപ്പന്റെ അപ്പൂപ്പനെക്കാള്‍ ഭാരതീയന്റെ മനസ്സില്‍ ഭാരതീയതയെ കരി വാരി തേച്ചു എന്ന് അഭിമാനം പൂണ്ട മെക്കാളെ അപ്പൂപ്പനെ ആണ് അവര്‍ക്ക് പഥ്യം. ഒരു തിരുത്തല്‍ വന്നാല്‍ അവരും ഒരു പക്ഷെ സത്യം അന്ഗീകരിക്കും. ഏറ്റവും അപകടകാരികള്‍ ആയ മറ്റൊരു കൂട്ടം ഉണ്ട്. അവര്‍ കഴിവേറിയ( കഴിവ് കൂടിയ) കൊലപാതകികള്‍ ആണ്. അവര്‍ സ്വന്തം കഴിവിനെ നേര്‍വഴിക്കു ഉപയോഗിക്കാതെ സത്യങ്ങളെ വളച്ചൊടിച്ചു തെറിയുടെ തേര്‍വാഴ്ച കാണിച്ചും ആഖ്യാനപ്പെരുമയേക്കാള്‍ ആക്രോശപ്പെരുമയെ ആശ്രയിച്ചും വ്യാജം ആയ ഒരു ആത്മരതി അനുഭവിക്കുന്നു എന്ന് വരുത്തി തീര്‍ത്തു ജീവിക്കും. ഈ അവസാന തരക്കാര്‍ക്കൊഴികെ ആര്‍ക്കും സംവദിക്കാം. തെറിയെ തെറി കൊണ്ടു നേരിടുന്ന രീതിയില്‍ നിന്നു എനിക്ക് രക്ഷ നേടണം എന്നുള്ള ആഗ്രഹം ആണ് ഈ മുന്‍‌കൂര്‍ ജാമ്യത്തിന്റെ കാരണം :-)

സര്‍വസമ്മതം ആയ (well known and widely followed) "ആധുനിക ശാസ്ത്ര" സിദ്ധാന്തങ്ങള്‍ ഈശ്വര തത്വത്തിനു സ്ഥാനം കല്പിക്കാത്തപ്പോള്‍ സനാതന ധര്‍മ സ്ഥാപകര്‍ ആയ ഋഷിമാര്‍ അന്തിമം ആയി ഈശ്വരീയതയില്‍ തന്നെ ഊന്നിയ കാഴ്ചപ്പാടുകള്‍ ആണ് ഭൌതിക വിഷയങ്ങള്‍ കൈകാര്യം ചെയ്ത ‍ ഗ്രന്ഥങ്ങളില്‍ പോലും അവലംബിച്ച് കണ്ടിട്ടുള്ളത്. ശാസ്ത്രം എന്നാല്‍ നിര്ധേശിക്കപ്പെട്ടിട്ടുള്ളത് എന്നെ ഉള്ളൂ. സ്ഥൂലം ആയ കാര്യങ്ങളില്‍ മാത്രം അഭിരമിച്ചിരുന്നത് കൊണ്ടാണ് സൂക്ഷ്മം ആയ തലത്തിലേക്ക് "ആധുനിക ശാസ്ത്രം" നടന്നടുക്കുമ്പോള്‍ അതിനു അല്പം അന്സെര്ടനിട്ടി വരുന്നത്.സ്ഥൂലം എന്നാല്‍ "ആധുനിക" ശാസ്ത്രത്തിനു അളക്കാന്‍ സാധിച്ചിട്ടുള്ളതും സൂക്ഷ്മം എന്നാല്‍ മറിച്ചുള്ളതും എന്നും മനസ്സില്‍ ആക്കുക. പാശ്ചാത്യ ലോകം പ്രാചീന ഭാരതത്തോളം സമ്പന്നം ആയ ഭൂത കാലം ഇല്ലാതെ തന്നെ ഭൌതിക ജീവിതത്തില്‍ വളരെ ഏറെ മുന്നേറിയപ്പോള്‍ പാരമ്പര്യത്തിന്റെ ഊര്‍ജ്ജം കൊടുത്തു ഭാരതീയരില്‍ കൂടി ഉന്നതം ആയ ഭൌതിക വികാസങ്ങള്‍ നേടാന്‍ ഉള്ള ത്വര സൃഷ്ടിക്കാനും‍, ആ വികാസത്തിലൂടെ ആത്മതലത്തില്‍ മുന്നേറാന്‍ ഉള്ള ഊര്‍ജം കൊടുക്കാനും ‍ എല്ലാം അക്ഷീണം കഷ്ടപ്പെടുന്ന ഒരു നിസ്വാര്‍ത്ഥ സേവകന്‍ ആയിട്ടാണ് സനാതന ധര്‍മ വിശ്വാസികള്‍ ഗോപാലകൃഷ്ണന്‍ സാറിനെ കണ്ടിട്ടുള്ളത്. അല്ലാതെ സനാതന ധര്‍മം കൊണ്ടു മാത്രം ആണ് ആധുനിക ലോകം ഇങ്ങനെ ആയതു എന്നും നിലനില്‍ക്കുന്നത് എന്നും സത്യസന്ധത ഉള്ള ഒരു വിശ്വാസിയും കരുതുമെന്ന് തോന്നുന്നില്ല. ഗോപാലകൃഷ്ണന്‍ സാറും അങ്ങനെ തന്നെ.

അദ്ദേഹം യുടുബിലും മറ്റും ഇട്ടിരിക്കുന്ന വീഡിയോകള്‍ ഒരു പ്രബന്ധ/ഗവേഷണ വിവര അവതരണം അല്ല. വിശ്വാസികളെ പ്രസംഗ മാധ്യമത്തിലൂടെ ശാക്തീകരിക്കുമ്പോള്‍ വരാവുന്ന ചെറിയ പിശകുകളെ പര്‍വതീകരിച്ച്, ഒരു സംസ്കൃതിയെ തന്നെ പരോക്ഷം ആയി അധിക്ഷേപിക്കുന്ന ഈ ബ്ലോഗ്‌ ഏറ്റവും ന്യൂനം ആയ പ്രതിപക്ഷ ബഹുമാനം പോലും പുലര്തുന്നില്ലല്ലോ എന്ന് ഓര്‍ത്തു വേദനിച്ചു പോവുന്നു. വിമര്‍ശനം വ്യക്തി തലത്തിലേക്ക് അധിക്രമിച്ചു കയറിയിരിക്കുന്നു. അദ്ദേഹം വിയര്പൊഴുക്കി നേടിയ എല്ലാ വിജ്ഞാനത്തെയും, അവതരിപ്പിച്ച എല്ലാ ആദര്‍ശങ്ങളേയും, എഴുതി പ്രസിദ്ധീകരിച്ച എണ്ണമറ്റ ഗ്രന്ഥങ്ങളെയും എല്ലാം വളരെ മോശം ആയ ഭാഷാ പ്രയോഗങ്ങളോടെ, ന്യായീകരണം കണ്ടെത്താന്‍ കഴിയാത്ത വൈര നിര്യാതന ബുദ്ധിയോടെ, എന്ത് കൊണ്ടു എന്ന് പല സംശയങ്ങളും ജനിപ്പിക്കുന്ന പരസ്പര വിരുദ്ധം ആയ സമീപനങ്ങളോടെ, ഖണ്ഡിച്ചു എന്ന് വരുത്തി തീര്‍ത്തു ചിരിക്കുന്ന അബദ്ധ ജടിലം ആയ ഈ ബ്ലോഗ്‌ കാണുമ്പോള്‍ അടിക്കുവാന്‍ വടി ഉണ്ടായിട്ടും എടുക്കാന്‍ അറിയാത്ത നിസ്സഹായരായ സനാതന വിശ്വാസികളുടെ ബലത്തിനായി അറിയാവുന്ന ചില കാര്യങ്ങള്‍ ചുവടെ ചേര്‍ക്കുന്നു.

ഈ ബ്ലോഗ്ഗില്‍ പലയിടത്തും ചില ഋഷീശ്വരന്മാരുടെ ചിന്തകള്‍ക്ക് സ്കൂള്‍ നിലവാരം മാത്രമേ ഉള്ളൂ എന്ന് ലേഖകന്‍ സഹതപിക്കുന്നുണ്ട്/പുച്ചിക്കുന്നുണ്ട്. "പരബ്രഹ്മം സൂപ്പര്‍ കമ്പ്യൂട്ടറാണോ ആകാശത്ത് എവിടെയോ കത്തുന്ന തീയാണോ എല്ലാ അണുവിലും നിറയുന്ന വല്ല "എനര്‍ജി"യുമാണോ തലേല്‍ മയില്‍ പീലീം വച്ച് ഫ്ലൂട്ട് വായിക്കുന്ന കാമുകനാണോ ലിംഗ-യോനീ കല്ല് കൊത്തുകളില്‍ കുടിയിരിക്കുന്ന സുനാപ്പിയാണോ എന്നതൊന്നും ലേഖകന്റെ വിഷയമല്ല" എന്ന് തന്റെ മറ്റൊരു ലേഖനത്തില്‍ പ്രതികരിച്ച ലേഖകന്റെ യോഗ സൂത്ര നിരൂപണത്തില്‍ ഉള്ള യോഗ്യത ചോദ്യം ചെയ്യേപ്പെടെണ്ടത് തന്നെ ആണ്.

എന്താണെങ്കിലും സ്കൂള്‍ നിലവാരത്തില്‍ ഉള്ള ഋശീശ്വരന്‍ മാരുടെ ചിന്തയുടെ ഒരു ഉദാഹരണം പറയാതെ ഇരിക്കാന്‍ തോന്നുന്നില്ല....പൈതഗോറസ് എന്ന ഗ്രീക്ക് ഗണിതജ്ഞന്‍ ആണല്ലോ നമ്മുടെ കണ്ണില്‍ മട്ട ത്രികോണത്തിന്റെ കര്‍ണ്ണത്തിന്റെ നീളം (length of the hypotenuse = square root of the sum of the squares of base and altitude) ആദ്യം അളന്ന മഹാന്‍. ഇദ്ദേഹത്തിനും നൂറ്റാണ്ടുകള്‍ മുന്‍പേ എന്ന് സായിപ്പിന്റെ കാര്‍ബണ്‍ ടേട്ടിംഗ് കണക്കുകള്‍ പോലും വിഷമത്തോടെ അങ്ങീകരിക്കുന്ന ബൌധായന സുല്ബ സൂത്രങ്ങള്‍ ഇതിനെ പറഞ്ഞു വെച്ചത് എങ്ങനെ എന്നറിയുമോ? ദീര്‍ഖ ചതുരത്തിന്റെ വശങ്ങള്‍ നീളം ഉള്ള സമ ചതുരങ്ങളുടെ വിസ്തീര്‍ണ്ണങ്ങളുടെ തുക ആണ് അതിന്റെ വികര്ണം വശം ആയി വരുന്ന സമചതുരത്തിന്റെ വിസ്തീര്‍ണ്ണം എന്ന്... ( മൂന്നാം ക്ലാസ്സിലെ കുട്ടികള്‍ ഉണ്ടെങ്കില്‍ അവര്‍ക്ക് വേണ്ടി - if a and b are the sides of a rectangle, a^2 and b^2 are the areas of the squares whoses sides are equal to the length and breadth of the rectangle. sq.rt(a^2+b^2) is the diagonal of the rectangle and the area of a square with that much length as side = a^2 + b^2 sq. units. ) ഇതില്‍ നിന്നു പൈതഗോറസ് സിധാന്തതിലേക്ക് എത്താന്‍ എത്ര ദൂരം? :-)

പതഞ്ജലിയുടെ യോഗശാസ്ത്രം ശാസ്ത്രം എന്ന് പറയുന്നത് ശരിക്കും യോഗ സൂത്രങ്ങള്‍ എന്ന സംഹിതയെയാണ് (collected work).ഗണപതിക്ക് വച്ചതേ കാക്ക കൊണ്ടുപോയി ! അത് പോട്ടെ, ബാക്കി നോക്കാം.

യോഗ സൂത്രങ്ങളിലൂടെ നിര്‍ദേശിക്കപ്പെട്ട ഒരു വിജ്ഞാന ശാഖ എന്ന നിലയ്ക്ക് അതിനെ ശാസ്ത്രം എന്ന് വിളിക്കുന്നതില്‍ എന്താണ് തെറ്റ്? ആചാര്യന്മാര്‍ നിര്‍ദേശിക്കുന്ന യോഗ പോലൊരു ശാഖയെ ശാസ്ത്രം എന്ന് വിളിച്ചതിലും വിമര്‍ശനം!!

ആദ്യം പരിണാമ സിദ്ധാന്ത വിവാദത്തിലേക്കു - അതില്‍ എഴുതിയ ആളുടെ പ്രസ്തവങ്ങളിലെ അപകടങ്ങളിലേക്ക്....

ബുദ്ധമതത്തിന്റെ സാംഖ്യപാരമ്പര്യവുമായി സാമ്യം സുവ്യക്തം -

സനാതന ചിന്താ മണ്ഡലത്തിലെ ഷഡ് ദര്‍ശനങ്ങളിലെ ഒന്നായ സാംഖ്യം അല്ലാതെ ബുദ്ധ മതത്തിനു വേറൊരു സാംഖ്യം ഉണ്ടായിരുന്നോ? :-) പ്രസംഗ മദ്ധ്യേ ഒന്നാം അധ്യായം രണ്ടാം വാചകം എന്നത് രണ്ടാം അധ്യായം നാലാം വാചകം എന്ന് പറയുന്നത് കൊണ്ട് ഫലത്തില്‍ ഒന്നും സംഭവിക്കുന്നില്ലല്ലോ.. പക്ഷെ ഇതേ പോലെ ഉള്ള വാചകങ്ങളെ ആണ് തെറ്റിദ്ധരിപ്പിക്കല്‍ എന്ന് പേരിട്ടു വിളിക്കേണ്ടത്....

"സാംഖ്യം+ ഹിന്ദുവിന്റെ അല്ല" എന്നോ മറ്റോ എഴുതി ഗൂഗിള്‍ ഇല്‍ തെരഞ്ഞപ്പോള്‍ ബുദ്ധ മതവും ആയുള്ള സാമ്ഖ്യതിന്റെ ഒരു വാചകമോ മറ്റോ കണ്ടാല്‍ അപ്പോളെ അത് ഹിന്ദുവിന്റെ കയ്യീന്ന് അടിച്ചു മാറ്റിക്കോ.. എന്റെ സുഹൃത്തേ, ബുദ്ധ മതവും സ്വസ്തീകം ആയ വിചാരങ്ങള്‍ പഠിക്കുന്നത് കൊണ്ടു മാത്രം ആണ് താങ്കള്‍ക്ക് ഈ അബദ്ധം എവിടുന്നോ കിട്ടിയത്..... തിരുത്തും അല്ലോ അല്ലെ?

2.(ആന്തരിക) പ്രകൃതിയെ പൂര്‍ത്തീകരിക്കുകവഴി മറ്റൊരു ജന്മരൂപത്തിലേയ്ക്ക് (ജാതി=ജനിച്ച) മാറുന്നു.

ഇത് വരെ വളരെ ശരിയാണ്. കഴിഞ്ഞ ജന്മത്തിലെ കര്‍മങ്ങള്‍ സംഭരിച്ച വാസനകള്‍കും സംസ്കാരങ്ങല്കും അനുസരിച്ച് ഉള്ള പ്രകൃതി പൂര്‍ത്തി ആവുമ്പോ ജാത്യന്തര പരിണാമം ( മറ്റൊരു ജാതിയിലേക്ക് - ഇത് ദേവന്‍ ആവാം, അസുരന്‍ ആവാം, പ്രാണിയും ആവാം മരവും ആവാം അല്ലെങ്കില്‍ മുക്തിയും ആവാം ... എല്ലാം ഈ ജന്മത്തിലെ കര്‍മങ്ങള്‍ കൂടി അനുസരിച്ച് ).. വ്യക്തം ആക്കിയാല്‍ - ഇതിനു മുന്നേ ഉള്ള ജന്മത്തിലെ കര്‍മ സഞ്ചയത്തിന് അനുസരിച്ച് സ്വപ്രകൃതി അനുഷ്ടിക്കേണ്ടത് എല്ലാം ചെയ്തു കഴിഞ്ഞാല്‍ ഈ ജന്മത്തിലെ കര്മങ്ങളെ വഹിച്ചു കൊണ്ടുള്ള ഒരു ജീവ ജാതിയിലേക്ക് ആത്മാവ് കുടിയിരുത്തപ്പെടുന്നു. ഇതില്‍ ഒരു പരിണാമവും കാണാന്‍ പറ്റുന്നില്ല അല്ലെ? :-)

പരിണാമ സിദ്ധാന്തം എന്താണ് ? ഓരോ ജീവ ജാലവും അവ നിലനില്പിനായി ചെയ്യുന്ന പ്രവൃത്തികള്‍ക്ക്‌ അനുസരിച്ച് ശാരീരികം ആയ പരിണാമങ്ങള്‍ക്ക് വിധേയം ആവുന്നു.ഉദാ: ജിറാഫു തല നീട്ടി നീട്ടി അതിന്റെ തല നീണ്ടു വരുന്നു. ഇത് ഒരു ജീവ ജാതിയില്‍ സംഭവിക്കുന്ന പരിണാമവും യോഗ ശാസ്ത്രം പറയുന്നത് ഒരു ജാതിയില്‍ നിന്നു കര്മാനുസാരി ആയി നടക്കുന്ന മറ്റൊരു ജാതിയിലെക്കുള്ള പരിണാമവും ആണ്.

പതിവ് പോലെ, പാശ്ചാത്യ ലോകം ശരീരത്തിനും ഭാരതീയ ചിന്ത ആത്മാവിനും പ്രാധാന്യം കൊടുത്തിരിക്കുന്നു. രണ്ടും പരിണാമങ്ങളെ പറ്റി തന്നെ ആണ് പറയുന്നത്.. ഡാര്‍വിന്‍ ന്റെ പരിണാമം തന്നെ ആണ് യോഗയില്‍ എന്ന് എനിക്ക് തോന്നുന്നില്ല..

യോഗയ്ക്ക് നിലനില്‍കാന് വേണ്ടി, ‍ ഇനിയും പൂര്‍ണം ആയി അന്ഗീകരിക്കപ്പെടാത്ത ഒരു സാധ്യത മാത്രം ആയ ഡാര്‍വിന്‍ ന്റെ പരിണാമത്തിന്റെ സഹായം വേണം എന്ന് തോന്നുന്നില്ല.. ലോകം മുഴുവനും പലയിടങ്ങളിലും വികൃതം ആയിട്ടാണെങ്കിലും യോഗയുടെ പ്രയോജനം അനുഭവിക്കുന്നത് കാണുമ്പോള്‍ സന്തോഷം തോന്നുന്നു.

ഇതില്‍ പരിണാമസിദ്ധാന്തവുമില്ല, ഡാര്‍വിനിസവുമില്ല...

പകുതി ശരിയാണ്. ഇതില്‍ ദാര്‍വിനിസം ഇല്ല. പക്ഷെ പരിണാമ സിദ്ധാന്തം ഉണ്ട്. വേറൊരു തലത്തില്‍. അത് ഉദാത്തം ആയി കാണുന്നവര്‍ അങ്ങനെ എടുത്തോട്ടേ അല്ലെ? ഡാര്‍വിന്‍ പറഞ്ഞ സാധ്യതയെ തൊഴുതോളൂ. സായിപ്പ് പറഞ്ഞ വേറൊരു കഥ പറയട്ടെ? :-)
http://www.soulsurvivor-book.com/ . ഇത് പോലെ അനേകം കഥകള്‍ ഇനിയും ഉണ്ട്. ഉറക്കം നടിക്കാത്ത ബുദ്ധിയും വിലക്കെടുക്കാത്ത യുക്തിയും ഉണ്ടെങ്കില്‍ ഡാര്‍വിന്റെ കഥയെക്കാള്‍ മെച്ചം പതജ്ഞലിയുടെ കഥ തന്നെ എന്ന് മനസ്സില്‍ ആക്കാന്‍ പ്രയാസം ഉണ്ടോ?

ഈ വാചകം 6-ആം അധ്യായത്തിലല്ല. പതഞ്ജലിയുടേതെന്ന് പറഞ്ഞ് പ്രചരിക്കുന്ന യോഗസൂത്രങ്ങളില്‍ ആകെ 4 അധ്യായങ്ങളേ ഉള്ളൂ -സമാധി, സാധന, വിഭൂതി, കൈവല്യം എന്നിങ്ങനെ 4 പാദങ്ങള്‍. ഗോപാലകൃഷ്ണന് പി.എഛ്.ഡികള്‍ സെക്കന്റ് വച്ച് കിട്ടിക്കൊണ്ടിരിക്കുന്നതുകൊണ്ട് ആറോ എട്ടോ അധ്യായമൊക്കെ ആക്കാമാരിക്കും !

നിലവാരം കുറഞ്ഞ വിമര്‍ശനം. പീ എച് ഡീ കളെ വെറുതെ വിടൂ.. ഒരു പ്രസംഗം ആണ്. നോക്കി വായിക്കുന്നതല്ല.. ചെറിയ അക്ഷരതെറ്റുകള്‍ ഒക്കെ ക്ഷമിക്കൂ.. മനുഷ്യത്വം കാണിക്കൂ :-)

ഏക സമയേ ച ഉഭയേ അനവധാരണം - 20.മനസിന് ഒരേ സമയം രണ്ടും ഗ്രഹിക്കാനുള്ള കഴിവില്ല. അതായത്, ബോധത്തെപ്പോലെ മനസിന് ഒരേസമയം സ്വയം തിരിച്ചറിയാനും മറ്റ് വിഷയങ്ങളെ ഗ്രഹിക്കാനും പറ്റില്ല എന്ന് -

കാന്‍സ് ഫെസ്റ്റിവലില്‍ അവാര്‍ഡുകിട്ടിയ സം‌വിധായകന്‍ കമ്പിപ്പടം പിടിക്കാന്‍ പോകുന്നതിനേക്കാള്‍ കഷ്ടമാണ് ഈ പി.എഛ്.ഡികളൊക്കെ കിട്ടിയ ഗോപാലകൃഷ്ണന്‍ ഈ സ്കൂള്‍ നിലവാരത്തിലുള്ള ശാസ്ത്ര തത്വത്തെ ഇങ്ങനെ വ്യഭിചരിക്കുന്നത്

കാന്‍സ്‌ ഫെസ്റ്റിവലും കമ്പിപ്പടവും - കൊള്ളാം. നല്ല പ്രയോഗം. ആ നിലവാരത്തില്‍ തന്നെ ഒരു ഉദാഹരണം പറഞ്ഞോട്ടെ? എട്ട് സുഷിരങ്ങള്‍ ഉള്ള ഓടക്കുഴല്‍ കാണുമ്പോള്‍ തങ്ങളുടെ സ്വഭാവം വെച്ചു അത് വെറും ഒരു ഫ്ലൂട്ടാണ്. പക്ഷെ സാധാരണക്കാരന്‍ ആയ ഒരു ഹൈന്ദവന് അത് ഭഗവാന്റെ ചിഹ്നം ആണ്. അതിനെക്കാള്‍ ഉയര്‍ന്ന തലത്തില്‍ ഉള്ള ഒരു യോഗിക്ക് അത് സപ്ത ചക്രങ്ങളും പിന്നിട്ടു മഹാ ബിന്ദുവിലെ ജീവ - പരമ ആത്മാക്കളുടെ ലയം ധ്വനിപ്പിക്കുന്ന ഒരു സനാതന പ്രതീകം ആണ്. ഒരേ വസ്തു തന്നെ പല ചിതങ്ങളില്‍ പല ചിത്രങ്ങള്‍ ഉണ്ടാക്കുന്നു എന്ന് പതഞ്‌ജലിയും പറഞ്ഞത് ഇതൊക്കെ തന്നെ.... ഗോപാലകൃഷ്ണന്‍ സാറിനെ നേരിട്ടല്ലെങ്കിലും ഒരു പാട് ഗ്രന്ഥങ്ങളിലൂടെ അറിയാവുന്ന, അദ്ധേഹത്തിന്റെ ജ്ഞാനത്തില്‍ ഒരു സംശയവും ഇല്ലാത്ത ഞാന്‍ ആലോചിച്ചപ്പോള്‍ എനിക്ക് കിട്ടിയ ചില അന്സേര്ടനിടി ചിന്തകള്‍ പറയട്ടെ.

അന്സേര്ടനിടി പ്രിന്സിപില്‍ ഇന്നും വളര്‍ന്നു കൊണ്ടിരിക്കുന്ന ക്വാണ്ടം ഫിസിക്സ്‌ ഇന്റെ വളര്‍ച്ചയിലെ ഒരു ആധാരശില ആണ്. ഇന്നും അതൊരു സാധ്യത ആണ്. സാധിക്കാത്ത കാര്യങ്ങളെ നമുക്കു സിദ്ധാന്തം എന്ന് പറയാന്‍ വയ്യ. സിദ്ധിച്ച കാര്യങ്ങള്‍ ആണ് സിദ്ധാന്തങ്ങള്‍. രണ്ടും കൂടെ അളക്കാന്‍ പറ്റില്ല എന്നത് നാളെ മാരിക്കൂടെന്നു എന്താണ് ഉറപ്പ്?

പാതന്ജല യോഗം ചമച്ച ഋഷിയെ അണ്ണന്‍ എന്ന് വിളിച്ചത് മനോഹരം ആയിരിക്കുന്നു. കോടി ജനങ്ങള്‍ക്ക്‌ നന്മ കൊടുത്തതും കൊടുത്തു കൊണ്ടിരിക്കുന്നതും, ഒരു ആധുനിക സാമൂഹിക വ്യവസ്ഥയിലും നിലനില്പിന് ഭീഷണി സൃഷ്ടിക്കാത്തതും ആയ ഒരു ശാസ്ത്ര ശാഖയുടെ രചയിതാവിനെ അണ്ണന്‍ എന്ന് വിളിച്ച അങ്ങയെ ഞാന്‍ തലൈവാ എന്ന് വിളിച്ചോട്ടെ?

അപ്പൊ തലൈവാ, യോഗ സൂത്രങ്ങള്‍ ഒന്ന് ഇരുപത്തി മൂന്നു മുതല്‍ ഇരുപത്തി ഒമ്പത് വരെ നന്നായി വായിച്ചു നോക്കിയാല്‍ അറിയാം മഹര്‍ഷിക്ക് നല്ല മന്ത്ര ജ്ഞാനം ഉണ്ടായിരുന്നു. പതന്ച്ചലിക്കും നൂറ്റാണ്ടുകള്‍ മുന്നേ ഇവിടെ മന്ത്ര ശാസ്ത്രം പ്രബലം ആയി നില നിന്നിരുന്നു എന്നതില്‍ തര്‍ക്കം ഇല്ലല്ലോ?

മന്ത്ര ശാസ്ത്രത്തെ പറ്റി പറഞ്ഞപ്പോള്‍, വിശ്വാസികള്‍ക്കായി ചില നുറുങ്ങുകള്‍.... ധ്യാനത്തിന്റെ പൂര്‍ണതയില്‍ സമാധിയില്‍, മഹാ ഋഷിമാര്‍ കേട്ട, ഉത്തമ ഉപസകര്‍ക്ക് അവരുടെ തപസ്സില്‍ ഇന്നും കേള്‍ക്കാന്‍ കഴിയുന്ന ആദിമ മന്ത്രം ആയ ഓംകാരം തന്നെ അല്ലെ പ്രിയരേ ഈ http://en.wikipedia.org/wiki/Cosmic_background_radiation ? സായിപ്പ് പറയുമ്പോ എന്തെ നമുക്കിത്ര ബഹുമാനം?രക്തക്കുഴലിലൂടെ ഒഴുകുന്ന ശബ്ദം പോലും ഓംകാരം ആണെന്ന് ഋഷി സാക്ഷ്യപ്പെടുത്തുന്നു. അത് കേള്‍ക്കാന്‍ കഴിവില്ലാത്ത സ്ഥൂല ബുദ്ധികള്‍ ശ്രദ്ധിച്ചാല്‍ അറിയാം വയറു നിറയുമ്പോള്‍ വരുന്ന എമ്പക്കത്തില്‍ പോലും ഒരു ഓംകാരം ഉണ്ട്. ജപം കൊണ്ടു ഓംകാരം കേള്‍ക്കാന്‍ ഇത് വരെ കഴിയാത്ത ഒരു ശരാശരി ഹിന്ദുവായ എന്റെ കണ്ടെത്തല്‍ ആണ്. ക്ഷമിക്കണം :-)

അതവിടെ നില്കട്ടെ...മന്ത്ര ശാസ്ത്രം അനുസരിച്ച് പരമ തത്വം (പരമ ആത്മാവ്, ബിന്ദുവില്‍ വിരാജിക്കുന്ന പരാ ശക്തി) ഒഴികെ എല്ലാം മന്ത്ര രൂപങ്ങള്‍ ആണ് ( സ്പന്ദ രൂപങ്ങള്‍ ) ആണ് ഈ സൃഷ്ടിയില്‍. ദേവതകള്‍ പോലും ശുദ്ധ മന്ത്ര രൂപത്തില്‍ സ്പന്ദിച്ചു നില്‍കുന്ന ഊര്‍ജ മണ്ഡലങ്ങള്‍ ആണ്. ബാക്കി പ്രാണികളും വസ്തുക്കളും അവയുടെ കര്‍മ അനുസാരിയായ മന:സ്പന്ദങ്ങള്‍ കൊണ്ട് നില നില്കുന്നു. ഒന്ന് കൂടി വ്യക്തം ആക്കിയാല്‍ തലൈവരും തലൈ വാസല്‍ വിജയും ഞാന്‍ ഉം എല്ലാം സ്പന്ദിക്കുന ഊര്‍ജ രൂപങ്ങള്‍ തന്നെ എന്ന് സാരം. ..മനുഷ്യന്റെ കര്‍മ സിദ്ധം ആയ തനതായ മന:സ്പന്ദങ്ങളുടെ കുരുക്കഴിക്കാന്‍ വേണ്ടി ആണ് ഋഷിമാരുടെ സമാധിയുടെ പല തലങ്ങളില്‍ വെളിവാക്കപ്പെട്ട സാര്‍വ ജനീകവും സംപ്രധയികവും ഒക്കെ ആയ ശുദ്ധ മന്ത്ര ശബ്ദങ്ങളെ ആശ്രയിക്കുന്നത്. അങ്ങനെ ആണ് ഉപാസന പദ്ധതികള്‍ രൂപപ്പെട്ടത്.

ചരിത്രം പറയുമ്പോള്‍ അല്പം നീണ്ടു പോവുന്നു. ആര്കെങ്കിലും മനസ്സില്‍ ആയാല്‍ നല്ലതല്ലേ എന്ന് കരുതി ചിന്തകളും പഠനങ്ങളും മുഴുവന്‍ ഒപ്പി എടുക്കുന്നതാണ്.... ക്ഷമിക്കണം.....

ഈ മന്ത്ര ശാസ്ത്രത്തിന്റെ മേല്‍ പറഞ്ഞ തത്വവും ആധുനിക ശാസ്ത്രം മൂളി തുടങ്ങിയിട്ടുള്ള സ്ട്രിംഗ് തിയറിയും ( http://en.wikipedia.org/wiki/String_theory ) aചേര്‍ത്ത് വായിക്കുക. അദ്ഭുതം തോന്നുന്നു അല്ലെ? എല്ലാര്‍ക്കും തോന്നണം എന്നില്ല.. ആധുനിക ശാസ്ത്രത്തിന്റെ പരിണാമ ദിശ കാണുമ്പോള്‍ എനിക്ക് അത്ഭുതം തോന്നുന്നുണ്ട്....

തലൈവാ, നിങ്ങള്‍ തൊട്ടു മുന്നും പിന്നിലും ഉള്ള വരികള്‍ കൂടെ വെച്ചു അര്‍ത്ഥം വ്യാഖാനിച്ചപ്പോള്‍, ഞാന്‍ ആ കാലഖട്ടത്തിന്റെ സ്വഭാവം അനുസരിച്ച് ഒരു ചിന്തകനില്‍ ഉണ്ടായേക്കാവുന്ന സ്വാധീനത്തെ പറ്റി പഠിച്ചു.. വിഷയം വിട്ടു പോവുന്നില്ല.... ഇതേ പോലെ ഉള്ള മന്ത്ര ശാസ്ത്രം ഉച്ചകോടിയില്‍ നില്‍കുമ്പോള്‍ ആണ് ഈ യോഗ സൂത്രങ്ങള്‍ രചിക്കപ്പെട്ടത്‌.

മന:സ്പന്ദനങ്ങള്‍ എപ്പോളും നടക്കുന്നുണ്ടല്ലോ. മനസ്സിന് സ്വയം തിരിച്ചറിയപ്പെടണം എങ്കില്‍ അതിന്റെ മൂലം ആയ ആത്മാവിനെ തിരിച്ചറിയണം. മറ്റൊരു തരത്തില്‍ പറഞ്ഞാല്‍ മനസ്സ് നിശ്ചലം ആവണം. അല്ലാത്ത സമയങ്ങളില്‍ എല്ലാം മനസ്സിലെ ചിന്തകളുടെ പ്രയാണം ആണ് തിരിച്ചറിയപ്പെടുന്നത്. അതായതു ചിന്തകളുടെ അഭാവത്തില്‍ മനസ്സിന്റെ സ്ഥാനവും ( ആത്മാവും) അല്ലാത്തപ്പോള്‍ ചിന്തകളും തിരിച്ചറിയപ്പെടുന്നു. രണ്ടും കൂടെ ഒരുമിച്ചു നടക്കില്ല.

ഈ ഒരു ചിന്തയുടെ ദ്രവ്യ തലത്തില്‍ ഉള്ള ലളിതം ആയ പുനരാവിഷ്കാരം അല്ലെ ഈ പറയുന്ന അന്സേര്ടനിടി പ്രിന്സിപില്‍? അങ്ങനെ ഒരു സാധ്യത മുന്നോട്ടു വച്ച ഗോപാലകൃഷ്ണന്‍ സാറ് അഭിനന്ദനം അര്‍ഹിക്കുന്നു. ഭാരതീയ തത്വ ശാസ്ത്രവും ആയി ഈ പ്രിന്സിപില്‍ ഇന് നല്ല ബന്ധം ഉണ്ടെന്നു തോന്നിയ ഹൈസന്ബര്ഗ് ഇവിടെ വന്നു ടാഗോറിനെ പോലെ ഉള്ളവരെ കണ്ടു ചര്‍ച്ചകളും നടത്തി, ഭാരതീയ തത്വ ശാസ്ത്രത്തെ പറ്റി. ആ ചര്‍ച്ചകള്കൊടുവില്‍, അത് വരെ ഭ്രാന്തം ആയി തോന്നിയ പല ചിന്തകല്കും നല്ലൊരു വെളിച്ചം കിട്ടി എന്ന് ഹൈസന്ബെര്ഗ് തന്നെ പറഞ്ഞത് നിങ്ങള്‍ക്കറിയുമോ ആവോ?

ഈ ഒരു ചിന്താഗതി മുന്നോട്ട് വെച്ച ഗോപാലകൃഷ്ണന്‍ സര് തെറ്റിദ്ധരിച്ചത് ഇത് കെട്ടു ഔല്‍സുക്യം വളരുന്ന ഭാരതീയ യുവത്വം വേദങ്ങളും ശാസ്ത്രങ്ങളും പരതി, പരീക്ഷണ നിരീക്ഷണങ്ങളില്‍ എര്പെട്ടു പുത്തന്‍ ആവിഷ്കാരങ്ങളിലൂടെ ആധുനിക ഭാരതത്തിനു കൂടുതല്‍ അഭിമാനം പകരും എന്നാണ്. കലിയുടെയും കാളിയുടെയും പോലെ കൂട്ടി നല്‍കുന്നവരുടെ (അര്‍ഹിക്കുന്നതില്‍ കൂടുതല്‍ വിമര്‍ശനങ്ങള്‍ നല്കുനത് എന്ന് അര്‍ത്ഥം) കൂടെ കാലം ആണ് എന്ന് ഗോപാലകൃഷ്ണന്‍ സാറ് ഇനി മനസ്സില്‍ ആക്കട്ടെ....

1976 ഇല്‍ ഡോക്ടര്‍ പീ വീ വര്തകിനു സംഭവിച്ചത് തന്നെ. അദ്ദേഹം ഋഗ്വേദത്തിലെ 1-161-7, 3-60-2, 4-36-4 (ആശ്വത്തില്‍ നിന്നു അശ്വത്തെ ഉണ്ടാക്കിയും പശുവിന്റെ ചര്‍മത്തില്‍ നിന്നു പശുവിനെ ഉണ്ടാക്കിയും ചെയ്ത സമര്പണങ്ങള്‍ ആണ് പ്രതിപാദ്യം - സംശയം ഉള്ളവര്‍ക്ക് വായിച്ചു അഭിപ്രായം രേഖപ്പെടുത്താം. ഞാന്‍ കാത്തിരിക്കുന്നു സംവദിക്കാന്‍) ഇവ ഉദ്ധരിച്ചു കൊണ്ടു പശുവിന്റെ ചര്‍മത്തില്‍ നിന്നു പശുവിനെ ഉണ്ടാക്കാന്‍ ഉള്ള പരീക്ഷണങ്ങള്‍ക്കായി ഭാരതീയ ശാസ്ത്രജ്ഞരെ ആഹ്വാനം ചെയ്തു. അതൊരു വേദ കെട്ടുകഥ എന്ന് ഭാരതത്തിലെ ശാസ്ത്ര ലോകം വിധി എഴുതി, ആ സദസ്സ് അവിടെ സമാപിച്ചു. വേദ പണ്ഡിതര്‍ക്കും ധര്മജ്ഞര്‍ക്കും എല്ലാം ടെസ്റ്റ്‌ ട്യൂബുകളോടോ ഗാല്‍വനോ മീറ്ററുകളോടോ താല്പര്യം ഇല്ലല്ലോ. കുതുകികള്‍ക്ക് വഴി കാണിക്കാന്‍ ശ്രമിക്കുന്ന അവരെ കൊതുകുകള്‍ ആയി തിരിഞ്ഞു കുത്തുക എന്നതാണ് ഇവിടുത്തെ മക്കള്‍ ചെയ്യുന്നത്. ഇതെന്ന് തീരുന്നോ അന്ന് ഭാരതം വീണ്ടും ലോകത്തിന്റെ നെറുകയില്‍ എത്തും. എന്താണെങ്കിലും വരത്തക് തന്നെ ചൂണ്ടിക്കാണിച്ച ഒരു വേദ വിവരണം കൂടെ ലോക നന്മയെ കരുതി അവതരിപ്പിക്കട്ടെ? ഋഗ്വേദം 1-20-4, 1-110-8,4-33-3 ഇവ പഠിക്കുക. ഇതിന്റെ അപ്പുറവും ഇപ്പുറവും പഠിക്കുക- വ്യാഖാനങ്ങള്‍ പഠിക്കുക. ഗുരുക്കന്മാരോട് ചോദിക്കുക. നിരീക്ഷിക്കുക, പരീക്ഷിക്കുക. ഒരു പക്ഷെ യവ്വനതിലെക്കുള്ള തിരിച്ചു പോക്കിന് വേണ്ട സാമഗ്രികളും രീതികളും ആധുനിക ഭാരതീയന്‍ നിങ്ങളിലൂടെ കണ്ടെത്തിയെക്കാം.

ഹൈസന്ബര്ഗ് തന്നെ പറഞ്ഞു വെച്ച ഒരു വാണി മൊഴിഞ്ഞു കൊണ്ടു ഈ അന്സേര്ടനിടി സര്‍ഗം അവസാനിപ്പിക്കട്ടെ - We have to remember that what we observe is not nature herself, but nature exposed to our method of questioning

ഭാരതീയ നവോദ്ധാനം ഭാരതത്തിനു പുറത്താണോ എന്ന് തോന്നിക്കുന്ന രണ്ടു കുരുന്നു വീഡിയോകള്‍ കണ്ടു പിരിഞ്ഞാലോ? നമ്മള്‍ പരസ്പരം പുച്ചിച്ചും തല കീറിയും മരിക്കുന്നതിനു മുന്നേ ബുദ്ധി ഉള്ളവര് കുരുന്നുകളെ കൊണ്ടു ചെയ്യിക്കുന്നത് നമ്മുടെ പിരി മുറുക്കം കുറയ്കാന്‍ സഹായിച്ചാലോ? നല്ലതല്ലേ?

http://www.youtube.com/watch?v=F4kdjHFBvd4&feature=related

http://www.youtube.com/watch?feature=fvwp&NR=1&v=AsY3NVrviiw