thirai masala

விரைவில்...கோ கோவா கான்

2013-04-25T01:12:00.001-07:00

விரைவில்...கோ கோவா கான் காமெடியும், த்ரில்லரும் கலந்த, வித்தியாசமான திரைக் கதை அம்சத்தை உடைய படம். மூன்று நண்பர்கள், கோவாவுக்கு செல்கின்றனர். அங்கு, அவர்களுக்கு அறிமுகமாகும் ஒரு பெண், அவர்களை, ஒரு தீவுக்கு அழைத்துச் செல்கிறார். அங்கு, நிழல் உலக தாதா நடத்தும் ஒரு பார்ட்டியில், இவர்கள் பங்கேற்கின்றனர். அங்கு ஏற்படும் சில எதிர்பாராத நிகழ்வுகளால், மூன்று நண்பர்களும், பல விளைவுகளை சந்திக்க நேரிடுகிறது. இதில், நிழல் உலக தாதாவாக நடித்திருப்பவர், சயீப் அலி கான். குணால் கெமு, வீர் தாஸ், பூஜா குப்தா போன்றோரும், இந்த படத்தில் நடித்துள்ளனர். அடுத்த மாதம், இந்த படம், திரைக்கு வருகிறது.

அமெரிக்காவுக்கு பறக்கிறார் தமன்னா

2013-04-25T01:11:00.003-07:00

கோடை காலம் வந்தாலும் வந்தது, நடிகைகள், இந்தியாவை விட்டு, குளிர் பிரதேசங்களுக்கு ஓட்டம் பிடிக்க துவங்கியுள்ளனர். நடிகைகளுக்கு, அழகு தான், முக்கியமான விஷயம். இங்கு அடிக்கும் வெயிலில், தங்கள் அழகிற்கு ஏதாவது பாதிப்பு ஏற்பட்டால், அப்புறம் எப்படி வாய்ப்பு கிடைக்கும். எனவே, சுற்றுலா என்ற பெயரில், வெளிநாடுகளுக்கு பறக்கின்றனர், நடிகைகள். இந்த பட்டியலில் லேட்டஸ்ட்டாக இடம் பெற்றிருப்பது, பாலிவுட், கோலிவுட் ரசிகர்களால், மெழுகுச் சிலை என, புகழப்படும், தமன்னா.விரைவில், தன் குடும்பத்துடன், அமெரிக்காவுக்கு பறக்க போகிறார், அவர். அங்கு மூன்று வாரம், ஆசை தீர, ஹாலிவுட் ஸ்டூடியோ, டிஸ்னி லேண்ட், ஸ்கை ரிசர்ட் என, சுற்றிப் பார்த்து, ஆட்டம் போட்டு விட்டு தான், இந்தியா திரும்புவாராம். இதுபற்றி, தமன்னாவிடம் கேட்டால்,"இந்த சுற்றுப் பயணம், ஏற்கனவே திட்டமிட்டது. அந்த நேரத்தில், ஒரு படத்தில் நடிப்பதற்கு வாய்ப்பு வந்ததால், சுற்றுப் பயணத்தை ரத்து செய்து விட்டேன். இப்போது, கேப் கிடைத்துள்ளது, அமெரிக்காவுக்கு ஜூட் விட வேண்டியது தான் என, உற்சாகம் பொங்க பேசுகிறார், தமன்னா.

"அரபு குதிரைமும்பை பாப் பாடகி

2013-04-25T01:10:00.002-07:00

சமீபகாலமாக, மொழி தெரியாதவர்களை பின்னணி பாட வைப்பது, ஒரு பேஷனாகி விட்டது. என்ன தான், தமிழை அவர்கள் கடித்து துப்பினாலும், அது கூட ஒரு அழகு தான் என்று ரசிக்கிறது சினிமா வட்டாரம்.அந்த வகையில், புதிதாக தயாராகி வரும் ஒரு படத்தில், ஒரு குத்துப் பாடலை பாட, மும்பையில் இருந்து பாப் பாடகி ஷிபானி காஷ்யப் என்பவர் வரவழைக்கப்பட்டு, பாடலும் பதிவானது. "அரபுக்குதிரை என்ற வரிகளுடன் துவங்கும், அந்த பாடலை, நடனமாடிக் கொண்டு, அவர் பாடிய விதம் அனைவரையும் கவர்ந்து விட்டது. அதனால், "பாடலுக்கு நீங்களே நடனம் ஆடினால், இன்னும் சிறப்பாக இருக்கும் என்று இயக்குனர் விருப்பம் தெரிவிக்க, உடனே ஓ.கே., சொல்லி அதிரடி ஆட்டமாடி அசத்தியுள்ளாராம் ஷிபானி.

நடிகைகளுக்கு சிபாரிசு செய்கிறேனா? - விக்ரம் பிரபு

2013-04-25T01:08:00.003-07:00

முதல் படத்தில் யானைப் பாகனாக நடித்தீர்கள், அடுத்த படத்தில் என்ன கேரக்டர்?
படத்தின் பெயரே, " இவன் வேற மாதிரியினா பார்த்துக்கோங்க. வித்தியாசமான கேரக்டர். படத்தில், காமெடி, சென்டிமென்ட், பாட்டு, பைட்டுனு ஜனரஞ்சகமான திரைக்கதை. இளைஞர்களுக்கு ஏற்ற மாதிரி இருக்கும். தியேட்டரில் இருக்கும் நேரம், ஜாலியாக கழிய வேண்டும் என்பதே, இன்றைய இளைஞர்களின் விருப்பம். அதற்கு, இந்த படத்தில் உத்தரவாதம் உண்டு.
கதைகளை தேர்வு செய்வதில், தந்தையின் தலையீடு உண்டா?
இல்லை. நான், நடிக்கப் போகும் படங்களுக்கான கதையை, நான் தான், "ஓ.கே., செய்கிறேன். வியாபார ரீதியாகவும், வித்தியாசமாகவும் உள்ள கதையை தேர்வு செய்து நடித்தால் தான், சினிமாவில் நிலைத்து நிற்க முடியும். என்னுடைய படத்தின், "ஷூட்டிங் நடக்கும் இடங்களுக்கு, வரக் கூடாது என, அப்பாவிடம் அன்பு கட்டளை போட்டுருக்கேன்னா பார்த்துக்கோங்க.
லட்சுமி மேனனுடன் மீண்டும் நடிக்கும் எண்ணம் உண்டா?
இயக்குனர்கள், கதையை ரெடி செய்யும்போதே, அந்த கதைக்கு ஏற்ற, ஹீரோயினை தேர்வு செய்து விடுவார்கள். இதில், எனக்கு எந்த வேலையும் இல்லை. நான், இயக்குனரின் நடிகராக இருக்கவே விரும்புகிறேன். அப்போது தான், படம் நினைத்த மாதிரி வரும். நடிகைகளுக்கு சிபாரிசு செய்வது, என் வேலை அல்ல.
இளம் இயக்குனர்கள், உங்களுக்கு கதை சொல்ல தயங்குவதாக கூறப்படுகிறதே?
தயங்க தேவையில்லை. யார் மூலமாக என்னை தொடர்பு கொள்ளலாம் என, திரையுலகில் உள்ளவர்களுக்கு தெரியும். சரியான முறையில் அவர்களை அணுகினால், என்னுடன் பேச, அவர்களுக்கு எந்த தடையுமிருக்காது.
உங்கள் நடிப்புக்கு, வீட்டில் கிடைத்த வரவேற்பு குறித்து?
தாத்தாவும், அப்பாவும் சினிமாவில் நிறைய"ஹிட் படங்களை கொடுத்துள்ளனர். பல வெற்றிகளை தொடர்ந்து பார்த்த என் குடும்பத்தினருக்கு, என் வெற்றி, மிகச்சாதாரணம் தான். எனக்கு வேண்டுமென்றால், இது பிரமாண்ட வெற்றியாக தெரியலாம்.

இளம் நடிகரை நெகிழ வைத்த அஜீத்

2013-04-25T01:08:00.000-07:00

விஷ்ணுவர்த்தன் இயக்கத்தில் நடித்து வந்த அஜீத், அப்படத்தை முடித்து விட்டு, இப்போது, "சிறுத்தை சிவா இயக்கும் படத்தில் இறங்கி விட்டார். தற்போது, ஆந்திராவில் முதல்கட்ட படப்பிடிப்பு நடந்து வருகிறது. இப்படத்துக்கான முதல் நாள் படப்பிடிப்பு துவங்கப்பட்ட போது, டைரக்டர் சிவா, அஜீத்திடம் "முதல் ஷாட்டில் சென்டிமென்ட்டாக நீங்கள் நடித்தால் சரியாக இருக்கும் என்றாராம்.ஆனால், அஜீத்தோ, "என்னை வைத்து, அப்புறம் கூட எடுத்துக் கொள்ளலாம். முதலில் விதார்த் போன்ற, வளர்ந்து வரும் ஸ்டார்களை வைத்து முதல் ஷாட்டை எடுங்கள் என்றாராம். அதைக் கேட்ட விதார்த் மனம் நெகிழ்ந்து போனாராம். ஓடிச்சென்று அஜீத்தை கட்டிக் கொண்டு, "உங்க மனசு யாருக்கும் வராது என்றாராம்.

பாலிவுட்டின் பழம்பெரும் பின்னணி பாடகி மரணம்!

2013-04-25T01:07:00.001-07:00

பாலிவுட்டின் பழம்பெரும் பின்னணிப் பாடகி, ஷம்ஷத் பேகம், 94, உடல் நலக்குறைவால் நேற்று மும்பையில் இறந்தார். இந்தி, பெங்காலி, மராத்தி, குஜராத்தி, பஞ்சாபி மற்றும் தமிழ் மொழிகளில், ஏராளமான பாடல்களைப் பாடியுள்ள ஷம்ஷத், தன் மகள் மற்றும் மருமகனுடன் வசித்து வந்தார். கடந்த சில மாதங்களாகவே உடல் நலக்குறைவால் பாதிக்கப்பட்டிருந்த அவர், நேற்று வீட்டில் இருக்கும் போது இறந்தார்.

கலாசாரத்தை சீரழிக்கின்றனர் : நடிகர் கமல், கவுதமி மீது புகார்!

2013-04-25T01:06:00.002-07:00

கலாசாரத்தை சீரழிப்பதாக, நடிகர் கமல்ஹாசன், நடிகை கவுதமி ஆகியோர் மீது, போலீசில் புகார் செய்யப்பட்டுள்ளது. இந்து மக்கள் கட்சி சென்னை மண்டல தலைவர் முத்து ரமேஷ்குமார், சென்னை போலீஸ் கமிஷனர் அலுவலகத்தில் கொடுத்த புகார் மனு விவரம்:
விஜய் "டிவி சேனலில்," நீங்களும் வெல்லலாம் ஒரு கோடி என்ற நிகழ்ச்சி ஒளிபரப்பப்படுகிறது. கடந்த, 15,16,17, ஆகிய நாட்களில், இந்த நிகழ்ச்சியில், நடிகர் கமல்ஹாசன், நடிகை கவுதமி சிறப்பு விருந்தினர்களாக, கலந்து கொண்டனர். நிகழ்ச்சி தொகுப்பாளரான, நடிகர் பிரகாஷ்ராஜ், நிகழ்ச்சியில் கலந்து கொண்டவர்களிடம், "உங்களுக்கு கமலை பிடிக்குமா? என, கேட்கிறார். எல்லாரும் பிடிக்கும் என்கின்றனர். ஒரு நடுத்தர வயது பெண், "எனக்கு வெறித்தனமாக பிடிக்கும் என்கிறார். அதற்கு பிரகாஷ்ராஜ், "உங்களுக்கு, கமலிடம் நிறைவேறாத ஆசை, என்ன? என, கேட்கிறார்.
அந்த பெண், "கமலை நான் கட்டிப்பிடித்து முத்தம் கொடுக்க வேண்டும் என்கிறார். "இதோ, இப்போதே உங்கள் ஆசையை நிறைவேற்றி கொள்ளுங்கள் என, பிரகாஷ்ராஜ் கூற, நடிகர் கமலை, அந்த பெண் கட்டிப்பிடித்து முத்தம் கொடுத்து, "என் வாழ்வின் லட்சியம் நிறைவேறியது; முத்தம் கொடுக்கும் போது, என் கணவரை வெளியே அனுப்பி விட்டேன் என்கிறார். இந்த நிகழ்ச்சியில், "நடிகை கவுதமிக்கும், உங்களுக்கும் என்ன உறவு? என, பிரகாஷ் ராஜ் கேட்க, "நாங்கள் கணவன், மனைவி அல்ல; பார்ட்னர்; உடலுறவு போன்ற விஷயங்கள் உண்டு என்று கமல் கூறியுள்ளார்.
இதுதவிர, நடிகை திவ்யதர்ஷினி என்பவரும், கமலை கட்டிப் பிடித்து முத்தம் கொடுத்தார்.
குழந்தைகள் முதல் பெரியவர் வரை, குடும்பத்துடன் பார்க்கும் பொது அறிவு நிகழ்ச்சியில், இது போன்ற அடுத்தவர் மனைவி, நடிகரை கட்டிப் பிடித்து முத்தம் கொடுப்பதும், நடிகர், நடிகை இருவரும், கணவன் மனைவியாக இல்லாமல், "உடலுறவில் ஈடுபடுவோம் என்பதும், நம் நாட்டின் பண்பாட்டையும், கலாச்சாரத்தையும் சீரழிப்பதுடன், பாலியல் வன்கொடுமைகளை தூண்டுவதாக உள்ளது. நிகழ்ச்சியை ஒளிபரப்பிய, விஜய் "டிவி நிர்வாகம், நடிகர்கள் கமல், பிரகாஷ்ராஜ், நடிகை கவுதமி மற்றும் நடுத்தர வயது பெண் மீது சட்டப்படி நடவடிக்கை எடுக்க வேண்டும். இவ்வாறு, மனுவில் தெரிவிக்கப்பட்டுள்ளது.

இனி ஆபாசமில்லாத படமெடுப்பேன்- டைரக்டர் சாமி உறுதிமொழி

2013-04-03T01:32:00.001-07:00

உயிர், மிருகம்,சிந்துசமவெளி போன்ற காமம் சம்பந்தப்பட்ட படங்களை இயக்கியவர் சாமி. இதில் சிந்துசமவெளி படத்தில் மாமனார், மருமகளின் கள்ள உறவைப்பற்றி அவர் படமெடுத்ததற்கு பெருவாரியான பொதுமக்களும், பெண்கள் அமைப்புகளும் எதிர்ப்பு தெரிவித்தன. அதோடு அவர் வீட்டில் கல், சோடா பாட்டிலை வீசி பலரும் தங்களது எதிர்ப்புகளை வெளிப்படுத்தினர். அதன்காரணமாக, அந்த படமும் மக்களால் புறக்கணிக்கப்பட்டு தியேட்டர்களில இருந்தே வெளியேற்றப்பட்டது.

அதனால் அடுத்தபடியாக சாமிக்கு யாரும் படம் கொடுக்கவே முன்வரவில்லை. அதையடுத்து தான் இயக்கி ஏற்கனவே கிடப்பில் போட்டிருந்த சரித்திரம் படத்தை மீண்டும் எடுக்கப்போவதாக சொன்னார். ஆனால் அந்த படத்தின் நாயகிக்கு திருமணமாகி விட்டது. அதனால் இனிமேல் அப்படம் சாத்தியப்படாது என்கிற நிலையாகி விட்டது.

அதனால் இப்போது தனது பாணியில் இருந்து முற்றிலுமாக மாறி படமெடுக்க முடிவு செய்திருக்கிறார் சாமி. அதாவது இனி ஆபாசத்தையே எனது படங்களில் பார்க்க முடியாது. முற்றிலும் குடும்ப பாங்கான படமெடுக்கப்போகிறேன் என்று கூறும் அவர், கங்காரு என்றொரு படத்திற்கான கதையை ரெடி பண்ணி விட்டு அடுத்தக்கட்ட வேலைகளில் தீவிரமடைந்திருக்கிறார். அதோடு, சிந்து சமவெளியில் எனக்கு எதிர்ப்பு தெரிவித்த தமிழக ரசிகர்கள், கங்காரு படத்திற்கு பிறகு என்னை கொண்டாடுவார்கள் என்று நம்பிக்கையுடன் சொல்கிறார்.

ஒரு ஆண்டு ஓய்வு அமிதாப் அறிவிப்பு

2013-04-03T01:31:00.003-07:00

பாலிவுட் சூப்பர் ஸ்டாரான அமிதாப், ஏராளமான ஹிட் படங்களில் நடித்தவர். வயதானாலும், தொடர்ந்து படங்களில் நடித்து வருகிறார். சில ஆண்டுகளுக்கு முன், இவர் நடித்த, "பா என்ற படம், அமிதாப்பின் நடிப்பு திறமை, இன்னும் மங்கி விடவில்லை என, நிரூபித்தது. தற்போது, சத்யகிரஹா என்ற படத்தில் நடித்து வருகிறார். இதற்கு பின், மன அமைதிக்காக, ஒரு ஆண்டு, ஓய்வு எடுக்கப் போவதாக அவர் தெரிவித்துள்ளார்.இதுகுறித்து, தன்னுடைய "பிளாக்கில், அமிதாப், "வயதாகி விட்டது. எனவே, தொடர்ந்து படங்களில் நடிப்பதிலிருந்து, சற்று ஓய்வும், மன அமைதியும் தேவைப்படுகிறது. இதற்காக, அடுத்த ஒரு ஆண்டுக்கு, எந்த படத்திலும் நடிப்பதில்லை என, முடிவு செய்துள்ளேன். ஆஸ்திரேலியாவில் நடக்கவுள்ள, ஒரு விழாவில், என்னை கவுரவிக்க உள்ளனர். அந்த விழாவில் பங்கேற்ற பின், அமெரிக்கா செல்லவுள்ளேன். அதற்கு பின், ஒரு ஆண்டுக்கு ஓய்வு தான் என, எழுதியுள்ளார்.

அருந்ததியை கவர்ச்சி மழையில் நனைய வைத்த இயக்குனர்!

2013-04-03T01:31:00.000-07:00

அம்முவாகிய நான் என்ற படத்தை இயக்கியவர் பத்மாமகன். அதையடுத்து ஒரு நல்ல படததை இயக்க வேண்டும் என்று ஒரு ஏழு வயது சிறுவனை ஹீரோவாக வைத்து ஒரு கதை பண்ணி விட்டு கம்பெனி கம்பெனியாக ஏறி இறங்கியிருக்கிறார். ஆனால் ஏழு வயது பையன் ஹீரோ என்றால் எப்படி படத்தை விற்க முடியும் என்று யாரும் படத்தை தயாரிக்க முன்வரவில்லையாம்.

இதனால் ஏற்பட்ட வெறுப்பில், பல ஆண்டுகளாக வீடே கதியென்று கிடந்தாராம் பத்மாமகன். இருப்பினும் எப்படியேனும் படம் இயக்கியே தீரவேண்டும் என்ற வெறி ஏற்பட, தனது மனைவியின் கம்மலை அடகு வைத்து வெறும் 10 ஆயிரத்தை கையில் வைத்துக்கொண்டு கூத்து என்ற பெயரில் ஒரு படத்தை ஆரம்பித்திருக்கிறார். நல்ல படம் ஓடாது என்று பலரும சொன்னதால், கூத்தடிப்போம் என்று தானும் களமிறங்கியதாக சொல்லும் அவர், இப்போது விமல், பிரசன்னா, அருந்ததி, நந்தகியை வைத்து அந்த படத்தை தயாரித்து இயக்கி விட்டார்.

ஆனால் கூத்து என்ற டைட்டீலை வேறொருவர் தான் பதிவு செய்து வைத்திருப்பதாக சொல்ல, அந்த தலைப்பை இப்போது நேற்று இன்று என மாற்றி விட்டார். மேலும், இன்றைய தருவாயில் படத்தை ஓட வைப்பது சாதாரண விசயமல்ல என்கிற காரணத்தாலேயே, படத்தில் நாயகியாக நடிக்கும அருந்ததியை அதிரடி கவர்ச்சி நடிகையாக இறக்கி விட்டிருக்கிறார். காட்டுப்பகுதியில் தன்னைச் சுற்றியிருக்கும் 6 இளவட்ட பையன்களுடன் நடித்துள்ள அருந்ததி, தான் குளிக்க, அதை அவர்கள் சுற்றி நின்று ரசிப்பது போன்ற கிளுகிளுப்பான காட்சியிலும் நடித்துள்ளார். ஆக, தனது கதைக்காக இல்லேன்னாலும், அருந்ததியின் கவர்ச்சிகாகவாவது படம் ஓடும் என்ற நம்பிக்கையில் இருக்கிறார் பத்மாமகன்.

தெலுங்கு, மலையாளத்திலும் நயன்தாரா அலை ஓயவில்லை!

2013-04-03T01:29:00.003-07:00

இரண்டாவது இன்னிங்சில் ஆடிக்கொண்டிருக்கும் நயன்தாராவுக்கு தற்போது தமிழில்தான் பெரிய படங்கள் உள்ளன என்றால், மலையாளத்தில் மம்மூட்டியுடனும், தெலுங்கில் நாகார்ஜூனாவுடனும் தலா ஒரு படத்தில் தற்போது நடித்துக்கொண்டிருக்கிறார். இந்த படங்களில் எல்லாம் அவருக்கும் கதையில் முக்கிய பங்கு உள்ளதாம். முன்பெல்லாம் நயன்தாரா என்றாலே கவர்ச்சிக்கண்ணோட்டத்தில் மட்டுமே பார்த்து வந்த சினிமா உலகம், இப்போது அவரை பர்பாமென்ஸ் ஆர்ட்டிஸ்டாக பார்க்கத் தொடங்கியிருக்கிறது. இதற்கு காரணம் நயன்தாரா நடித்த ஸ்ரீராமராஜ்ஜியம் என்ற படம் கொடுத்த பெயர்தான். அதனால் அதை தக்க வைத்துக்கொள்ளும் வகையில் தரமான கேரக்டர்களாக பார்த்து செலக்ட் பண்ணி வருகிறார் நயன்.

மேலும், காஜல்அகர்வால், அனுஷ்கா, தமன்னா போன்ற நடிகைகள் போன்று இப்போதும் நயன்தாராவுக்கு பீல்டில் மவுசு இருக்கிறது. அதனால் அவரது படக்கூலியும் ஒரு கோடிக்கு மேல் எகிறி நிற்கிறது. மலையாளத்தில் இது சாத்தியமில்லை என்றாலும், அவருக்கு தமிழ், தெலுங்கில் இருக்கிற மார்க்கெட்டை புரிந்து கொண்டு அங்கு தரும் சம்பளத்தில் அதிகப்படியாகவே கொடுத்திருக்கிறார்களாம். அதனால் தனக்கு தமிழைப்போலவே மற்ற மொழிகளிலும் இருக்கிற வரவேற்பை பார்த்த நயன்தாரா, முன்னணி நடிகர், இயக்குனர்களின் படங்களுக்கு கூடுதல் முக்கியத்தும் கொடுத்து மார்க்கெட்டை மேலும் உயர்த்தும் முயற்சியில் கவனம் செலுத்தத் தொடங்கியிருக்கிறார்.

பாலாவின் அடுத்த படத்தில் விக்ரம்?

2013-04-03T01:29:00.000-07:00

இயக்குனர் பாலாவின், "சேது படத்தின் மூலம், தமிழ் சினிமாவில் மறு வாழ்வு பெற்றவர், நடிகர் விக்ரம். சேதுவுக்கு முன்பே, பல படங்களில் அவர் நடித்திருந்தாலும், இந்த படம் தான், அவரின் நடிப்பு திறமையை, தமிழ் திரையுலகிற்கு நிரூபித்தது. இதனால், பாலாவின் மீது, மதிப்பும், அன்பும் வைத்துள்ளார், விக்ரம்.சமீபத்தில், "பரதேசி படத்தை தியேட்டரில் பார்த்த, விக்ரம், அதிகம் உணர்ச்சி வசப்பட்டாராம். தியேட்டரிலிருந்து நேரடியாக, பாலாவின் வீட்டுக்கு சென்று, தன் வாழ்த்துக்களையும், பாராட்டுகளையும் பகிர்ந்து கொண்டார்.இதன்பின், இருவரும், படத்தின் ஒவ்வொரு காட்சியையும் பற்றி, விரிவாக, விவாதித்து, அலசி, ஆராய்ந்தனராம். நீண்ட நேரத்துக்கு பின், வீட்டுக்கு கிளம்பிய, விக்ரம், "நீங்கள், எப்போது விரும்பினாலும், உங்கள் படத்தில் நடிப்பதற்கு, தயாராக இருக்கிறேன். உங்களின் அழைப்புக்காக காத்திருக்கிறேன் என, பாலாவிடம் கூறி, விடை பெற்றுள்ளார். இதனால், பாலாவின் அடுத்த படத்தில், விக்ரம் நடிக்க கூடும் என, கோலிவுட்டில் பேச்சு எழுந்துள்ளது.

ஹன்சிகாவின் தொழில் ரகசியம்!

2013-04-03T01:28:00.000-07:00

தற்போது ஏழு படங்களில் நடித்து வருகிறார் ஹன்சிகா. மொத்த கால்சீட்டாக எந்த படத்திற்கும் கொடுக்காமல், நான்கு நாள், ஐந்து நாள் வீதம் கொடுத்து நடித்து வருகிறார். இதனால் யாருமே அவர் மீது அதிருப்தி அடையாமல் அவர் கால்சீட் கொடுப்பதற்கேற்ப படப்பிடிப்பு நடத்தி வருகிறார்கள். அதேபோல், படாதிபதிகள் சம்பள விஷயத்திலும் தன் மீது அதிருப்தி கொள்ளக்கூடாது என்றும் சில தொழில் ரகசியங்களை கடைபிடித்து வருகிறார் ஹன்சிகா.

அதாவது, ஆளைப்பார்த்து கம்பெனியைப்பார்த்து சம்பளம் வாங்குகிறார். குறிப்பாக, நல்ல கதை நல்ல டைரக்டர் படம் என்றால், சம்பள விசயத்தில் கொஞ்சம் அடக்கியே வாசிக்கிறார். ஆனால், பிரபல கம்பெனி, பிரபல ஹீரோ படமென்றால் சம்பளத்தை தூக்கலாகவே கேட்கிறார். காரணம், பெரிய ஹீரோ படங்கள் என்கிறபோது தனக்கு பர்பாமென்ஸ் ரீதியாக பெரிய அளவில் எதுவும் இருக்காது. பாடல் காட்சிகளில் கவர்ச்சி பொம்மையாக மட்டுமே ஆட விடுவார்கள் என்பதால், நடிப்பில் திருப்தி கிடைக்காது, பணமாவது திருப்தியாக இருக்கட்டுமே என்றுதான அப்படி கேட்கிறாராம்.

ஆனால், மீடியம் பட்ஜெட் கம்பெனி, மீடியமான ஹீரோ படங்கள் என்கிறபோது, கதையில் தனக்கு முக்கியத்துவம் தருவார்கள் என்பதால், கொஞ்சம் அட்ஜஸ்ட் பண்ணிக்கொள்கிறாராம். பட்ஜெட் நிலவரத்தை சொல்லி, இந்த சம்பளம்தான் தர முடியும் என்று படாதிபதிகளை ஓப்பனாக பேசினால், முழுமனதோடு நடித்துத்தர சம்மதிக்கிறாராம் ஹன்சிகா. இதனால் அனைத்துதரப்பு சினிமாக்காரர்களிடமும் தற்போது நல்ல நடிகை என்ற பெயரை சம்பாதித்து வைத்திருக்கிறார் ஹன்சிகா.

பாலாவின் பட்டறைக்குள் செல்ல துடிக்கும் விக்ரம் பிரபு!

2013-04-03T01:27:00.001-07:00

டைரக்டர் பாலாவின் இயக்கத்தில் ஒரு படத்தில் நடித்தாலும் போதும், நாம் முழு நடிகனாகி விடுவோம் என்பது நடிகர்களின் நம்பிக்கையாகி விட்டது. அந்த அளவுக்கு சாதாரண நடிகர்களை கூட தரமான நடிகராக்கி விடுகிறார் பாலா. அதனால்தான் அவர் படங்களில் நடித்து விட்டு வந்த நடிகர்களுக்கு மார்க்கெட்டில் நல்ல மரியாதையும் இருந்து வருகிறது. விக்ரம், சூர்யா, ஆர்யா, விஷாலை அடுத்து இப்போது அதர்வாவும் பாலாவின் படத்தில் நடித்து ஒரு அங்கீகாரத்தை பெற்று விட்டார்.

இந்த நிலையில், பாலா அடுத்து என்ன படம் இயக்கப்போகிறார் என்பதில் கோலிவுட் நடிகர்கள் வட்டாரம் உன்னிப்பாக கவனிக்கத் தொடங்கியிருக்கிறது. அதில் கும்கி படத்தில் நடித்த விக்ரம் பிரபு குறிப்பிடத்தக்கவர். தற்போது இவன் வேற மாதிரி என்ற படத்தில் நடித்து வரும் அவர், அடுத்து பாலாவின் பட்டறைக்குள் பட்டை தீட்டப்பட்டால், கோடம்பாக்கத்தில் நாமும் ஒரு அசைக்க முடியாத நம்பிக்கை நட்சத்திரமாகி விடலாம் என்று பாலா படத்தில் அடுத்து தான் நடித்து விட வேண்டும் என்ற முயற்சி எடுப்பதாக கூறப்படுகிறது.

இவர் மட்டுமின்றி கார்த்திக் மகன் கெளதம் போன்ற மேலும் சில ஹீரோக்களின் கவனமும் தற்போது பாலாவின் பக்கம் திரும்பியிருப்பதாகவும் இன்னொரு தகவல் தெரிவிக்கிறது.

இலங்கை தமிழர்களுக்கு ஆதரவாக நடிகர் சங்கத்தின் உண்ணாவிரதம் துவங்கியது

2013-04-01T22:44:00.001-07:00

இலங்கை தமிழர்களுக்கு ஆதரவாக தென்னிந்திய நடிகர் சங்கம் சார்பில் உண்ணாவிரத போராட்டம் இன்று(02.04.13) துவங்கியது. சென்னையில் உள்ள நடிகர் சங்கம் வளாகத்தில் நடக்கும் இந்த போராட்டத்தில் நடிகர், நடிகையர் கலந்து கொள்ள இருக்கின்றனர். இலங்கையில் நடந்த இனப்படு‌கொலையை கண்டித்தும், இலங்கை அதிபர் ராஜபக்ஷேயை போர்குற்றவாளியாக அறிவிக்க வலியுறுத்தியும் சமீபத்தில் கல்லூரி மாணவர்கள் துவக்கி வைத்த போராட்டம் தமிழகம் மட்டுமல்லாது இந்தியா முழுவதும் ஒரு பெரும் புரட்சியாக வெடித்தது. தொடர்ந்து இயக்குனர்கள் சங்கம் சார்பில் டைரக்டர் அமீர் தலைமையில் கடந்த சில தினங்களுக்கு முன்னர் உண்ணாவிரதம் போராட்டம் நடந்தது. இயக்குனர் சங்கத்தை தொடர்ந்து இலங்கை தமிழர்களுக்கு ஆதரவாக தென்னிந்திய நடிகர் சங்கம் சார்பில் உண்ணாவிரதம் போராட்டம் நடைபெற போவதாக அறிவிக்கப்பட்டது. இதில் அனைத்து நடிகர் சங்க உறுப்பினர்களும் தவறாது கலந்து கொள்ள வேண்டும் என்று தென்னிந்திய நடிகர் சங்கத்தின் தலைவர் சரத்குமார் அழைப்பு விடுத்தார்.

அதன்படி, சென்னை அபிபுல்லா சாலையில் உள்ள தென்னிந்திய நடிகர் சங்கம் வளாகத்தில் இந்த உண்ணாவிரதம் போராட்டம் இன்று துவங்கியது. காலை 9 மணிக்கு ஆரம்பித்த இந்த போராட்டம் மாலை 5 மணி வரை நடக்கிறது. இந்த போராட்டத்தில் நடிகர்கள் ரஜினிகாந்த், கமல், விஜய், அஜீத் போன்ற முன்னணி நடிகர்களும் பங்கேற்க உள்ளனர். இவர்களோடு சேர்ந்து தமிழ் திரைப்பட தயாரிப்பாளர்கள் சங்கம், திரைப்பட இயக்குனர்கள் சங்கம், பெப்சி அமைப்பு, விநியோகஸ்தர்கள் சங்கம், தியேட்டர் உரிமையாளர்கள் சங்கம், சின்னத்திரை கலைஞர்கள் சங்கம் மற்றும் சின்னத்திரை தயாரிப்பாளர்கள் சங்கம், சின்னத்திரை இயக்குனர்கள் சங்கம், பி.ஆர்.ஓ.க்கள் சங்கம் உள்ளிட்டவர்களும் பங்கேற்க உள்ளனர்.

நடிகர் சங்க உண்ணாவிரத போராட்டத்தால் இன்றைய படப்பிடிப்புகள் அனைத்து ரத்து செய்யப்பட்டுள்ளன.

"காதலாவது; கத்திரிக்காயாவது ஆண்ட்ரியா அதிரடி

2013-04-01T22:43:00.000-07:00

"ஒரு மலையாள படத்தில் நடித்த போது, எனக்கும், ஆண்ட்ரியாவுக்குமிடையே காதல் உருவானது என்று சில வாரங்களுக்கு முன்பு தெரிவித்திருந்தார் டைரக்டர் பாசிலின் மகனான பஹத். அதோடு, அவரை திருமணம் செய்து கொள்ளவிருப்பதாகவும் கூறியிருந்தார்.ஆனால், அதைத் தொடர்ந்து ஆண்ட்ரியாவின் அபிமானிகள் அவரை தொடர்பு கொண்டு விசாரித்த போது, எந்த பதிலும் சொல்லாமல் மவுனமாக இருந்த ஆண்ட்ரியா, இப்போது பதில் கொடுத்துள்ளார். அதில், "நடிகர் பஹத், தன் விருப்பத்தை வெளிப்படையாக சொல்லியிருந்தார். காதல், கல்யாணம் என்பது இருவரது விருப்பத்துடன் நடக்க வேண்டும். ஆனால், இதில் எனக்கு சம்மதம் இல்லை என்று கூறியிருக்கும் ஆண்ட்ரியா, "இப்போதைக்கு திருமணம் செய்து கொள்ளும் எண்ணமே எனக்கு இல்லை என்றும் சொல்லி, பஹத்தின் காதலை ஏற்க மறுத்துள்ளார்.

இனி, ஓவரா பேச மாட்டேன் அடக்கி வாசிக்கிறார் அஞ்சலி

2013-04-01T22:42:00.000-07:00

"கலகலப்பு படத்தில், அதிரடி கவர்ச்சிக்கு அடித்தளம் போட்ட அஞ்சலி, "சேட்டை படத்திலிருந்து ஸ்டைலிஷான நடிகையாகமாறியுள்ளார். "இதற்கு முன், நான் நடித்த படங்களில் அதிகமாக பேசியிருப்பேன். ஆனால், இந்த படத்தில் பேச்சைக் குறைத்து, ஸ்டைலிஷான பர்பாமென்சை வெளிப்படுத்தியுள்ளேன் என்கிறார்.மேலும், இதற்கு முன்பு முத்தக்காட்சி என்று வாய் திறந்தாலே டைரக்டர்களை எரித்து விடுவது போல் பார்த்து வந்த அஞ்சலி, இப்படத்தில் ஆர்யாவுடன் முத்தக் காட்சியிலும் நடித்துள்ளார்.அவரிடத்தில், முத்தக் காட்சியில் நடிப்பதை தொடருவீர்களா? என்றால், "அதை நான் முடிவு செய்ய முடியாது. கதைகள் தான் முடிவு செய்ய வேண்டும். கதைக்கும், காட்சிக்கும் அவசியப்படுகிற போது கண்டிப்பாக நடிப்பேன் என்கிறார், அஞ்சலி.

மலையாளத்திலும் நயனுக்கு வரவேற்பு

2013-04-01T22:41:00.003-07:00

"ஸ்ரீ ராமராஜ்ஜியம் படம் கொடுத்த இமேஜை தக்க வைத்துக் கொள்ளும் வகையில், "வலை, மற்றும் ராஜா ராணி, இது கதிர்வேலின் காதல் என்ற மூன்று படங்களிலுமே, பக்கா குடும்ப நடிகையாக திறமை காட்டி வருகிறார் நயன்தாரா. இதைப்பார்த்து, "பில்லாவில் பிகினி நடிகையாக அவர் பிரவேசித்த போது, ஆதரிக்காத மலையாள திரையுலகம், தற்போது மீண்டும் நயன்தாராவுக்கு சிவப்பு கம்பள வரவேற்பு கொடுத்துள்ளது."அரிவாள் சுட்டி நட்சத்திரம் என்ற பெயரில் மலையாளத்தில் தயாராகும் படத்தில், மம்மூட்டிக்கு ஜோடியாக நயன்தாராவைத் தான் ஒப்பந்தம் செய்துள்ளனர். பீரியட் கதையாக உருவாகும் இப்படத்தை நடிகர் பிருதிவிராஜ் தயாரித்து, வில்லனாகவும் நடிக்கிறார். இதில் நயன்தாரா அந்த காலகட்டத்து பெண்மணி போன்று கெட்டப்பை மாற்றி நடிக்க இருக்கிறாராம்.

நரை முக்கியமில்லை கதை தான் முக்கியம்

2013-04-01T22:41:00.000-07:00

"பீட்சா, நடுவுல கொஞ்சம் பக்கத்த காணோம் படங்களை அடுத்து விஜய சேதுபதியின் நடிப்பில் வெளியாகவுள்ள படம், சூது கவ்வும். இதில், 40 வயதை கடந்த வேடத்தில் நடித்துள்ளார் விஜய சேதுபதி. அவரது தலையிலும், மீசையிலும் ஆங்காங்கே நரைமுடி தென்படுகிற வேடம். இதுபற்றி அவர் கூறும் போது, "என்னைப் பொறுத்தவரை, கதைக்குத்தான் முக்கியத்துவம் கொடுக்கிறேன். இளமையாகத்தான் நடிப்பேன் என்று சொல்லாமல், கதை, என்னை எத்தனை வயதுக்காரனாக நடிக்கச் சொல்கிறதோ, அதற்கேற்ப என்னை முழுசாக மாற்றிக் கொண்டு நடிக்க தயாராகியிருக்கிறேன். அது, 40 வயதோ, 60 வயதோ எதுவாக இருந்தாலும் தயங்காமல் நடிப்பேன் என்கிறார், விஜயசேதுபதி.

ஹன்சிகாவுக்கு திருஷ்டி?

2013-04-01T22:40:00.001-07:00

தற்போது ஹன்சிகாவின், கைவசம், "சிங்கம்-2, மற்றும் வாலு, வேட்டை மன்னன், வாலிபன், தீயா வேலை செய்யணும் குமாரு, பிரியாணி, சேட்டை என்று பல படங்கள் உள்ளன. இப்படி அவரதுகால்ஷீட் டைரி நிரம்பி வழிவதைப் பார்த்து சிலர், திருஷ்டி போடுகிறார்களாம். அவர்களிடம்," இந்த இடத்திற்கு வர, நான் எத்தனை வருஷமா, சினிமாவில் போராடியிருக்கேன் தெரியுமா என்று தான் சந்தித்த போராட்டங்களை ஒன்றுவிடாமல் ஒப்புவிக்கிறாராம் ஹன்சிகா.அதோடு, இப்படி வேண்டப்பட்டவர்களே தன் மீது கண் வைப்பதால், தன் மார்க்கெட் தடுக்கி விழுந்து விடக்கூடாது என்பதற்காக, தினமும் படப்பிடிப்பு முடிந்து, வீட்டுக்கு வந்ததும் இஷ்ட தெய்வங்களை வணங்கி விட்டு, அம்மாவை தனக்கு திருஷ்டி சுத்தி போடச் சொல்கிறாராம் ஹன்சிகா.

புஷ்டியான அருந்ததி

2013-04-01T22:39:00.001-07:00

"வெளுத்துக்கட்டு படத்துக்காக பெங்களூரில் இருந்து கோலிவுட்டுக்கு இறக்குமதி செய்யப்பட்டவர் அருந்ததி. முதல் படத்தில், நன்றாக நடித்த போதும், அருந்ததிக்கு, சரியான படங்கள் அமையவில்லை.அதே சமயம், சில படங்களுக்கு அவரை ஒப்பந்தம் செய்த இயக்குனர்கள், அவரது ஒல்லிக்குச்சியான உடல்வாகு கவர்ச்சிக்கு எடுபடாது என்று, பின்னர் நீக்கி வந்தனர்.இதனால், அதிர்ச்சியடைந்த அருந்ததி, இப்போது தன் உடம்பில் எடை போடும் முயற்சிகளில் தீவிரமடைந்துள்ளார். இயற்கையிலேயே, அவரது உடல் கட்டு ஒல்லியானது என்பதால், இரண்டு மாதங்களாக உடம்பில் சதை போடும் உணவுகளை எடுத்து வந்த அருந்ததி, இப்போது தான் ஓரளவு புஷ்டியாகி உள்ளாராம். இதையடுத்து, கிராமிய கதைகளை தவிர்த்து விட்டு மாடர்ன் கதைகளில் நடித்து, கவர்ச்சி கதாநாயகி ஆகப் போகிறாராம் அருந்ததி.

நான் சுகன்யா தங்கச்சி இல்லை - ஹனி ரோஸ்

2013-04-01T03:58:00.001-07:00

மலையாளத்திலிருந்து தமிழுக்கு இறக்குமதியாகியுள்ள, ஹனி ரோஸ், ஏற்கனவே, சில தமிழ் படங்களில் தலை காட்டினார். ஆனாலும், தமிழ் திரையுலகம், அவரை அவ்வளவாக கண்டு கொள்ளவில்லை.கடும் முயற்சிக்கு பின், தற்போது, "காந்தர்வன் உட்பட, ஒரு சில தமிழ் படங்களை கைப்பற்றியுள்ள, ஹனி ரோஸ், ரொம்பவே உற்சாகமாக இருக்கிறார்."வந்தாரை வாழவைக்கும் தமிழ்ச் சினிமா என்னையும் சினிமாவில் உயர வைக்கும். கதை சொல்ல வரும், இயக்குனர்கள், நீங்கள் சுகன்யா தங்கச்சி மாதிரியே இருக்கீங்க என்கின்றனர். உண்மையில், நான் சுகன்யா தங்கச்சி இல்லை. தமிழ் திரையுலகில் ஸ்டிராங்கா அஸ்திவாரம் போட வேண்டும் என்பது தான், என் நோக்கம். தற்போது நடித்து வரும் படங்களில், என் கேரக்டருக்கு நிறைய முக்கியத்துவம் உள்ளது. இந்த படங்கள் வெளிவந்தால், தமிழ் சினிமாவில், ஒரு ரவுண்டு வருவேன் என, நம்பிக்கையுடன் கூறுகிறார், ஹனி ரோஸ்.

இணையதளங்களில் உலாவரும் பிரபல நடிகையின் ஆபாச படங்கள்...!

2013-04-01T03:57:00.001-07:00

பிரபல இந்தி நடிகை மோனா சிங்கின் ஆபாச படங்கள் இணையதளங்களில் வெளியாகி இருப்பது பாலிவுட்டை அதிர்ச்சிக்குள்ளாக்கியுள்ளது. அமீர்கானுடன் 3 இடியட்ஸ் படத்தில் நடித்தவர் இந்தி நடிகை மோனா சிங். ஏராளமான இந்தி படங்களிலும், டி.வி. தொடர்களிலும் நடித்துள்ளார். சமீபத்தில் பில்லா-2, துப்பாக்கி படங்களின் வில்லன் வித்யூத் ஜம்வால் உடன் காதல் கிசுகிசுவில் சிக்கினார் மோனா சிங்.

இந்நிலையில் மோனா சிங் நிர்வாணமாக இருப்பது போன்ற ஆபாச படங்கள் இணையதளங்களிலும், செல்போன்களிலும் உலா வர ஆரம்பித்துள்ளன. இதனால் அதிர்ந்து போய் இருக்கிறார் மோனா சிங். அந்த படங்கள் தன்னுடையது அல்ல என்றும், மார்ப்பிங் முறையில்‌ போலியாக இந்தப்படம் உருவாக்கப்பட்டுள்ளதாகவும், இதுகுறித்து சைபர் கிரைம் போலீசில் புகார் செய்திருப்பதாகவும் மோனா சிங் கூறியுள்ளார். போலீசார் வழக்குபதிவு செய்து வசாரித்து வருகின்றனர்.

மாற்றத்தை உருவாக்குபவராக இருப்போம்! லதா ரஜினிகாந்த் பேச்சு!!

2013-04-01T03:55:00.001-07:00

மாற்றத்தை பற்றி பேசுபவராக இருக்க வேண்டாம், மாற்றத்தை உருவாக்குபவராக இருப்போம் என்று நடிகர் ரஜினிகாந்தின் மனைவி லதா தெரிவித்துள்ளார். சமூக மாற்றத்திற்காக ஐயம் ஃபார் இந்தியா (இந்தியாவுக்காக நான்) என்ற அமைப்பை தொடங்கி இருக்கிறார் லதா ரஜினிகாந்த். நமது நாட்டிற்காகவும், இளைஞர்களுக்காகவும் களம் இறங்கி இருக்கிறார். இதற்கான விழா கடந்த இருதினங்களாக சென்னை ராகவேந்திரா திருமண மண்டபத்தில் நடந்தது. இந்த விழாவில் நமது பாரம்பரியம், தொன்மை, இசை, நடனம், வணிகம், குழந்தைகளுக்கான விளையாட்டுகள் மற்றும் நாட்டுப்புறக் கலைகளின் அரங்கேற்றங்கள் போன்ற பல்வேறு அம்சங்கள் நிறைந்து இருந்தது.

இந்த நிகழ்ச்சியில் பேசிய நடிகை லதா ரஜினிகாந்த், மாற்றத்தை பற்றி பேசிக் கொண்டே இருப்பவராக இல்லாமல், மாற்றத்தை உருவாக்குபராக இருப்போம் என்ற கொள்கையில் அதிக நம்பிக்கை உடையவள் நான். பொதுவாழ்க்கையில் இருந்து கொண்டு பலதரப்பட்ட மக்களுடன் உரையாடுவதையே க‌டமையாக கொண்ட எனக்கு கல்வி, ஆரோக்கியம், உடல்நலம், கலாச்சாரம், பாரம்பரியம் மற்றும் சுற்றுச்சூழல் ஆகியவற்றில் மாற்றத்தை கொண்டு வரவேண்டும், அதுவும் நமது முன்னோர்கள் வாழ்ந்த அந்த உயரிய வாழ்க்கை முறையை திரும்பவும் கொண்டு வரவேண்டும் என்ற தாகம் உள்ளது. அதற்காக இதுபோன்ற நிகழ்ச்சிகளை நடத்துகிறேன் என்றார்.

555-க்காக மொட்டை போட்ட பரத்...!

2013-04-01T03:54:00.001-07:00

தமிழ் சினிமா ரொம்பவே மாறி வருகிறது. எந்த ஒரு காட்சியும் ரியலாக இருக்க வேண்டும் என்பதற்காக ரிஸ்க் எடுத்து நடிக்கவும் தயாராகிவிட்டனர் நம்ம ஹீரோக்கள். அந்த வகையில் சமீபத்தில் நடிகர் அஜீத், விஷ்ணுவர்தன் படத்தில் நடித்தபோது விபத்தில் சிக்கி ஆபரேஷன் செய்யும் நிலைக்கு தள்ளப்பட்டார். மற்றொரு நடிகர் ஷாம் 6 படத்திற்காக ராத்திரி பகல் தூங்காமல் கண்கள் எல்லாம் வீங்கியபடி ரியலாக கொண்டு வந்து நடித்தார். இப்போது அந்தவரிசையில் நடிகர் பரத்தும் சேர்ந்துள்ளார்.

சொல்லாமலே, ரோஜாக்கூட்டம், பூ போன்ற படங்களை இயக்கிய சசி, 555 என்ற படத்தை இயக்கி வருகிறார். இதற்காக பரத் ரொம்பவே கஷ்டப்பட்டுள்ளார். இப்படத்தில் பரத்துக்கு மூன்று கேரக்டராம், அதாவது சாக்லேட் பாய் போன்று ஒரு கேரக்டரும், தாடி-மீசையுடன் ஒரு கேரக்டரும், மொட்டை தலையுடன் ஒரு கேரக்டரும் வருகிறது. இந்த மூன்று தோற்றத்திற்காக பரத் த‌ன்னை தயார்படுத்தி நடித்துள்ளார்.

இதுகுறித்து பரத் கூறியுள்ளதாவது, கடந்த ஒரு வருடமாக தாடி–மீசை மற்றும் தலைமுடியை நீளமாக வளர்த்து வந்தேன். வாழ்க்கையை பறிகொடுத்த தோற்றம் வரவேண்டும் என்பதற்காக, பட்டினி கிடந்தேன். கடந்த ஒரு வருடமாக சரியான சாப்பாடு கிடையாது. ‘ஜிம்’மில் 6 மணி நேரம் கிடந்தேன். மொட்டையுடன் தோன்ற வேண்டும் என்பதற்காக தாடி–மீசையை எடுத்து, தலைமுடியை மொட்டை போட்டுக்கொண்டேன். ஒரு நோயாளி போன்ற தோற்றம் வேண்டும் என்பதற்காக, மொட்டை போடுவதற்கு இரண்டு நாட்கள் முன்பு, தண்ணீர் குடிப்பதைக் கூட நிறுத்தி விட்டேன். இதனால் 75 கிலோவாக இருந்த எனது எடை 64 கிலோவாக குறைந்துவிட்டது என்றார்.