Кылъёсыз Владислав Кирилловлэн

Крезьгурез Виталий Шоркинлэн но

Валерий Адаковлэн

Нылашлы кузьмай сяська,
Ӧй но вера гажамме.
Мон малпай: ачиз сяська
Шӧдытоз яратэмме.

Сяськалэн но пиштэмез
Адзӥське сайкыт синмад.
Гажаса но верамме
Юмшась тӧл нуэ дорад.

Улонэз сяськаелэн
Туж вакчи — одӥг дырлы.
Сюлмамы кенжем тыллэн
Гомамез — вань даурлы.

Нылашлы кузьмай сяська,
Ӧй но вера гажамме.
Мон малпай: ачиз сяська
Шӧдытоз яратэмме.

© admin for Удмуртская музыка и удмуртские песни, 2011. | Permalink | No comment | Add to del.icio.us
Post tags: Валерий Адаков, Владислав Кириллов

Feed enhanced by Better Feed from Ozh

Кылъёсыз Гильман Касимовлэн

Крезьгурез Леонид Байковлэн но

Николай Постниковлэн

Яратӥ тонэ тулыс мон,
Яратӥ.
Оскон кыл соку ӧд вера —
Мон вити.

Припев:
Вера, вера, вера, Таня,
Одӥг кыл гинэ.
Вера, вера, оло, вань-а
Выль яратонэд?

Одӥг кыл гинэ тон вера вал
Дыраз.
Сӥзьылозь яратонэд, оло,
Сӥяз?

Припев.

Чебер нылъёслы бен вань меда
Оскон?
Нош кыӵе меда тыныд кулэ
Усьтон?

Припев:
Вера, вера, вера, лӥят
Ӟырдыт сюлэмме,
Кенжем мылкыдме эн сӥят,
Пӧсь яратонэ. Эх!

© admin for Удмуртская музыка и удмуртские песни, 2011. | Permalink | No comment | Add to del.icio.us
Post tags: Гильман Касимов, Леонид Байков, Николай Постников

Feed enhanced by Better Feed from Ozh

Кылъёсыз Гильман Касимовлэн

Крезьгурез Николай Постниковлэн

Сюанмы тодам,
Улонмы тодам.
Тусбуйдэ ялан
Возисько.
Вань дунне парен,
Мон гинэ огнам
Мусо пиналмес
Вордӥсько.

Карто кышноос
Палэнтӥ ортчо
Оскымон чебер
Вамышен.
Кырыжен учко,
Сюлэмме куртчо,
Пал кышно каро –
Валантэм.

Шунтисько огнам
Кезьыт валесме.
Малпанэ уйбыт
Позыртэ.
Уг но тод нокин
Такыр сюресме,
Миндэре гинэ
Весь котме.

Даллашим ке но,
Керетӥм ке но,
Эркияз лушкем
Со монэ.
Бӧрдӥсько ке но,
Курадӟо ке но, —
Бен сыӵе, вылды,
Адӟонэ.

© admin for Удмуртская музыка и удмуртские песни, 2011. | Permalink | No comment | Add to del.icio.us
Post tags: Гильман Касимов, Николай Постников

Feed enhanced by Better Feed from Ozh

Кылъёсыз Гильман Касимовлэн

Крезьгурез Виталий Шоркинлэн

Жингрес гурдэ кисьты, арган!
Гажанэ мед кырӟалоз.
Чебер кылъёс ӧй ке шедьты,
Арганэ мед вералоз.

Шуд, арганэ! Шуд, арганэ!
Веран кылы туж ӟырдыт.
Яратоно ныл туганэн
Кезьыт дыръя но шуныт.

Эх, арганэ! Эх, арганэ!
Вожа, лэся, гажанэ…
Шӧдӥсько мон: сюан бере
Со пыдло ватоз тонэ.

Жингрес гурдэ кисьты, арган!
Гажанэ мед кырӟалоз.
Чебер кылъёс ӧй ке шедьты,
Арганэ мед вералоз.

© admin for Удмуртская музыка и удмуртские песни, 2011. | Permalink | No comment | Add to del.icio.us
Post tags: Гильман Касимов

Feed enhanced by Better Feed from Ozh

Кылъёсыз Илья Зоринлэн

Крезьгурез Геннадий Шаклеинлэн

Гадь бордам ик лякыт ӝиптыса,
Мон тонэ ӟыгыръяй оскыса.
Тон соку мынэсьтым лушкемен
Ас палад берыктӥд сюлэмме.

Припев:
Верен вай сюлэмме,
Верен вай сюлэмме, мусо ныл,
Яке сёт аслэсьтыд,
Яке сёт аслэсьтыд тон мыным.

Тон сое нуныяд, эркияд,
Дыдыкез кадь кутӥд ас кияд.
Сюлэмы, ой, мынам сюлэмы,
Табере тон кие сюремын.

Припев.

Гадь пушкам мӧзмыса со дырысь
Уй-нунал со лоба тон доры.
Ой, малы мынэсьтым сюлэмме
Ас палад берыктӥд лушкемен?

Припев.

© admin for Удмуртская музыка и удмуртские песни, 2011. | Permalink | No comment | Add to del.icio.us
Post tags: Геннадий Шаклеин, Илья Зорин

Feed enhanced by Better Feed from Ozh

Кылъёсыз Алексей Ельцовлэн

Крезьгурез Светлана Яковлевалэн

Поромисько-
Куке усе лымы.
Тӧдьы вальсын кадь
Нош поръяськомы.
Усе, усе, усе
Тӧдьы лымы.

Мон тодӥсько,
Кызьы шуналымы.
Жиптӥськисько:
Ӵошен кадь сюлэммы.
Усе, усе, усе
Небыт мамык.

Мон адӟисько,
Кызьы поръя лымы.
Возьмаськисько:
Ку нош бергаломы?
Монэ coгe, coгe
Тӧдьы лымы.

Мон учкисько,
Кызьы садмы пурӟе.
Ӟыгырскиськом:
Гажан золгес гомӟе.
Поръя мамык, поръя
Быдэс кунмы.

Мон адӟисько,
Кызьы тол вальс берга.
Утчаськисько –
Аслам улон сэргам.
Бамме жуге, жуге
Лэчыт лымы…

© admin for Удмуртская музыка и удмуртские песни, 2011. | Permalink | No comment | Add to del.icio.us
Post tags: Алексей Ельцов, Светлана Яковлева

Feed enhanced by Better Feed from Ozh

Кылъёсыз Алексей Ельцовлэн

Крезьгурез Леонид Душниковлэн

Малы бен сюлэмы весь возьма на? —
Уг вуны, лэся, вож тулыс.
Чупчи но, тылысмы но, возьмы но
Мӧзмо, возьмало, дыр, выльысь.

М&ты бен мылкыды весь бӧрдэ на? —
Согиз кусыпмес выль лымы.
Уг вунэт со, пӧсьтэ но тодэ на,
Тодэ нырысьсэ чупамме.

Малы бен нош йыры поромиз на? —
Малпан сильтӧлэн кадь поръя.
Выльысь-а мур гажан пуромиз на,
Гажан пуроме ке — паръя!

© admin for Удмуртская музыка и удмуртские песни, 2011. | Permalink | No comment | Add to del.icio.us
Post tags: Алексей Ельцов, Леонид Душников

Feed enhanced by Better Feed from Ozh

Кылъёсыз Леонид Душниковлэн

Крезьгурез авторэзлэн

Яратӥмы огмес огмы шӧдтэк шорысь —
Вал тулыс уй, инмын пишто кизилиос,
Тон вал шудо, нош мон эшшо но шудогес,
Кудмы меда ӝожомытӥм яратонмес?

Припев:
Яратонэ, тон тод, та дуннеысь
Нокин уз ляк тэшкам яратонмес,
Ӵошен гинэ, ӵошен гинэ, ӵошен гинэ
Чагыр инмысь шедьтом асьме кизилимес.

Бен тодӥсько ук, гажанэ, куректӥськод,
Ӵошен дырмес ке малпаськод, лулӟылӥськод.
Ачим но бӧрдӥсько, мар ватонэз.
Весь малпасько тулыс уез, чагыр инмез.

Припев.

Тон бур пала кошкид туннэ асьме уйысь,
Нош мон кошки, луоз, одно ик паллянэ.
Но оскисько, вуоз вылез тулыс,
Чылкыт яратонмес кароз со огинэ.

Припев.

© admin for Удмуртская музыка и удмуртские песни, 2011. | Permalink | No comment | Add to del.icio.us
Post tags: Леонид Душников

Feed enhanced by Better Feed from Ozh

Кылъёсыз Леонид Душниковлэн

Крезьгурез авторэзлэн

Бусыын намер уг буды,
Намер будэ куак пӧлын.
Кыл йылын кырӟан уг кылды,
Кырӟан кылдэ сюлэмын.

Ваньмызлы синзэ усьтэ со —
Синмолы но синтэмлы.
Вай, эше, монэн ӵош кырӟа
Дан сӥзьыса кырӟанлы.

Мӧзмонэн, куректонэн но
Герӟаське солэн гурез.
Ӵем дыръя шунды сямен со
Югдытэ пеймыт уез.

Вай, эше, ӵошен пуксём но
Вай кырӟаломы ӟечгес.
Ваче син огпол учком но
Куштомы урод сяммес.

© admin for Удмуртская музыка и удмуртские песни, 2011. | Permalink | No comment | Add to del.icio.us
Post tags: Леонид Душников

Feed enhanced by Better Feed from Ozh

Кылъёсыз Николай Горячев

Крезьгурез авторэзлэн

Возь вылысь ӵуж сяськалы
Мон ӧй оскылы ноку.
Синмаськи чебер ныллы,
Со юаз келяськыкум:

— Тон шедьтод-а, тон ваёд-а,
Егит пи, мыным туннэ
Туймы дурысь арамаысь
Усьтӥськись италмасэз?
— Ӵуж сяська—люкиськонлы, -
Гажанме мон алӥсько.
Шыпытак шуиз:
— Ваёд, монэ ке яратӥськод!

Map карод, кузьмай сяська,
Сюлэмме вӧзаз ватсай.
Сюанмы ортчем бере но
Кузпалы иса на ай:

— Тон шедьтод-а, тон ваёд-а,
Егит пи, мыным туннэ,
Туймы дурысь арамаысь
Усьтӥськись италмасэз?
Мынӥсько возьёс вылтӥ
Тулыс сяська бичаны.
Малы ке сюлэм висе:
Италмас — люкиськонлы.

Нош огпол пичи нылы
«Вешало» шуэмелы
Ас понназ серекъяса
Вазьылӥз исаськыса:

— Тон шедьтод-а, тон ваёд-а
Вешамед понна, атай,
Туймы дурысь арамаысь
Шунды кадь ӵуж италмас?
Мон уг кышка ни, эшъёс,
Возь вылысь италмаслэсь.
Герӟазы уго соос
Яратӥсь сюлэмъёсмес.

Тӥ эн курлалэ, эшъёс,
Возь вылысь сяськаосты.
Юрттозы котьку соос
Яратӥсь сюлэмъёслы.

Кырӟа Михаил Ворончихин

© admin for Удмуртская музыка и удмуртские песни, 2011. | Permalink | No comment | Add to del.icio.us
Post tags: Михаил Ворончихин, Николай Горячев

Feed enhanced by Better Feed from Ozh