Indus Valley News

قدیم چین: علمِ ریاضی، شہنشاہ اور 121 عورتوں سے ہم بستری

2020-05-20T23:13:00.000+05:00

قدیم چین: علمِ ریاضی، شہنشاہ اور 121 عورتوں سے ہم بستری

وقت کو ماپنا ہو یا سمندروں میں جہازرانی کے لیے راستے تلاش کرنا، قدیم تہذیبوں میں ان سب کا انحصار ریاضی پر ہی تھا۔

انسانی تہذیب میں ریاضی کی ترقی کا قدیم مصر، یونان اور میسوپوٹیمیا (آج کے عراق) میں آغاز ہوا، مگر ان تہذیبوں کے زوال کے بعد ریاضی کی ترقی مغرب میں ہی رُک گئی۔

مشرق میں اگرچہ ریاضی کا استعمال اور تحقیق ایک نئ بلندی تک جا پہنچی۔

قدیم چین میں علمِ ریاضی ہی اہم کنجی تھی جس کے ذریعے حساب کتاب لگا کر ہزاروں میل پر پھیلی دیوار چین بنائی گئی۔ اور ریاضی کے اعداد اتنے اہم تھے کہ انھوں نے شاہی دربار کے معاملات کو چلانے میں اہم کردار ادا کیا۔

منصوبہ بندی میں ریاضی کا استعمال

ان ہی اعداد و شمار اور ستاروں کی چال کا حساب کتاب نہ صرف بادشاہوں کے فیصلوں پر اثر انداز ہوتا بلکہ ان کے دن اور رات کے کام کے اوقات کار اور کیلنڈر کا بھی تعین اسی حساب کتاب سے کیا جاتا۔

قدیم شاہی مشیروں نے ایک ایسا نظام ترتیب دیا جس کا مقصد یہ یقینی بنانا تھا کہ شہنشاہ اپنے حرم میں بہت سی خواتین کے ساتھ سو سکیں۔

اس نظام کی بنیاد حساب کے ایک ایسے خیال پر رکھی گئی تھی جسے ’جیومیٹرک پروگریشن‘ کہتے ہیں یعنی ہندسوں میں کسی ایک بنیادی عدد سے ضرب دے کر اضافے کا سلسلہ۔

اس حساب کے تحت یہ سامنے آیا کہ بادشاہ کو 15 راتوں میں 121 خواتین کے ساتھ سونا تھا۔ جن کی تقسیم کچھ یوں بنتی ہے:

ایک ملکہ

تین سنیئر ساتھی

9 بیویاں

27 کنیزیں

81 لونڈیاں

اس حساب سے خواتین کا ہر گروپ پچھلے گروپ سے تین گنا بڑا بنتا تھا۔ لہٰذا ریاضی دانوں کو یہ یقینی بنانا ہوتا تھا کہ 15 راتوں میں بادشاہ ہر عورت کے ساتھ حرم میں ہم بستری کر سکے۔

بادشاہ کی جنسی صلاحیت

پہلی رات ملکہ کے لیے مخصوص ہوتی تھی، اگلی رات تین ساتھی بادشاہ کے حرم میں ہوتیں۔ نو بیویوں کی باری ان کے بعد آتی۔

اور ان کے بعد 27 کنیزوں میں سے نو کو ہر رات کے لیے باری باری چنا جاتا تھا۔ اور آخری نو راتوں میں 81 لونڈیوں کی باری آتی جنھیں 9 کے گروہ میں ہر رات بادشاہ کے حرم میں بھیجا جاتا۔

اس کیلنڈر کے حساب کتاب میں اس بات کو یقینی بنایا جاتا تھا کہ مکمل چاند کے قریبی وقت میں شاہی درجے کی خواتین کو بادشاہ کے ساتھ حرم میں رکھا جائے جب ’یِن‘ یعنی عورت کی جنسی قوت اپنے عروج پر ہو اور وہ مرد یعنی بادشاہ کی جنسی قوت ’یانگ‘ کے برابر ہو سکے۔

حکمران ہونے کی وجہ سے یقینی طور پر انھیں جنسی صلاحیت کی ضرورت ہوتی ہے، لیکن اس کا مقصد واضح تھا کہ سب سے بہتر شاہی وارث حاصل کیا جا سکے گا۔

بادشاہ کے دربار کا انحصار صرف ریاضی پر نہیں تھا بلکہ یہ ریاست کے دیگر معاملات چلانے کے لیے مرکزی حیثیت رکھتا تھا۔

ریاضی میں دلچسپی

قدیم چین کی سلطنت ایک سخت قسم کے آئین کے تحت وسیع سے وسیع تر ہو رہی تھی جس میں ٹیکسوں کا، اوزان کا، پیمائش اور دولت کے ماپنے کا ایک بڑا نظام تھا۔

چین نے ڈیسیمل سسٹم (10 کی بنیاد کے اعدادی نظام) کو مغرب سے 1000 سال پہلے اپنا لیا تھا اور ریاضی کے سوالات کو حل کرنے کے ان طریقوں کو استعمال کیا جا رہا تھا جس کو مغرب نے 19 ویں صدی کی ابتدا میں اپنایا۔

قدیم روایتی داستانوں کے مطابق، چین کے پہلے خود مختار حکمران، یلو بادشاہ اور ان کے ساتھیوں نے 2800 قبل مسیح میں ریاضی کا دیوتا تخلیق کیا تھا اور وہ یقین رکھتے تھے کہ اعداد کائنات پر اثر رکھتے ہیں اور آج تک عام چینی بھی اعداد و شمار کی پراسرار طاقت پر یقین رکھتے ہیں۔

چین کے اعداد و شمار کے علم میں طاق ہندسے مردوں کے لیے، جفت ہندسے عورتوں کے لیے استعمال کیے جاتے ہیں۔ چار کے ہندسے سے ہر صورت میں بچنا ہوتا ہے اور آٹھ کا ہندسہ خوش قسمتی کی علامت سمجھا جاتا ہے۔

قدیم چینیوں نے اعداد کے ایک کھیل ’سدوکو‘ کا اپنا ورژن تیار کر رکھا تھا جس میں وہ اعداد کو خاص ترتیب میں استعمال کرتے تھے۔

چھٹی صدی عیسوی میں علم فلکیات میں ستاروں کی چال دیکھنے کے لیے چینی ’ریسٹ تھیوریم‘ کا استعمال کرتے تھے۔ اور آج بھی اس کے کئی استعمال ہیں۔

انٹرنیٹ کی کرپٹوگرافی یا رمزنویسی کے کوڈز بنانے میں ریاضی کے وہ طریقے استعمال کیے جاتے ہیں جن کی جڑیں چینیوں کی ’ریسٹ تھیوری‘ میں ہیں۔

مسجد الحرام کے داخلی راستوں پر جدید سینیٹائزر اور اسکریننگ گیٹ نصب کردیے گئے نصب کیے گئے ..

2020-05-20T23:09:00.002+05:00

مسجد الحرام کے داخلی راستوں پر جدید سینیٹائزر اور اسکریننگ گیٹ نصب کردیے گئے نصب کیے گئے گیٹ ہر گزرنے والوں کی اسکریننگ کریں گے اور کورونا وائرس کا شکار افراد کی بروقت نشاندہی کریں گے

مکہ مکرمہ مسجد الحرام کے داخلی راستوں پر جدید سینیٹائزر اور اسکریننگ گیٹ نصب کردیے گئے ہیں۔ تفصیلات کے مطابق کورونا وائرس کے پھیلاﺅ کو روکنے کے لیے مسجد الحرام اور مسجد نبوی دونوں مقدس مساجد کی مسلسل صفائی اورفرض نمازوں سے خارج اوقات میں انہیں جراثیم سے پاک صاف رکھنے کی ضرورت کے پیش نظر بند رکھنے کا فیصلہ کیا گیا تھا۔

مسجد الحرام کے داخلی راستوں پر جدید سینیٹائزر اور اسکریننگ گیٹ لگائے گئے ہیں جو ہر گزرنے والوں کی اسکریننگ بھی کریں گے اور کورونا وائرس کا شکار افراد کی بروقت نشاندہی کریں گے۔ مسجد الحرام کی انتظامیہ کی جانب سے کہا گیا ہے کہ ماہ صیام کے آخری عشرے میں نمازیوں کے لیے حرمین شریفین کو کھولے جانے کی خبروں میں کوئی صداقت نہیں ۔

یہ جدید واک تھرو گیٹ مسجد کی انتظامیہ اور سینکڑوں کی تعداد میں کام کرنے والے خادمین کے حوالے سے نصب کیے گئے ہیں۔

سعودی میڈیا کے مطابق ان دنوں سوشل میڈیا پر ایڈوانسڈ سینیٹائزنگ گیٹس کی تصاویر وائرل ہیں. جن میں دعوی کیا جارہا ہے کہ یہ مقدس مساجد کی انتظامیہ نے یہ گیٹ تیار کرائے ہیں تاکہ رمضان کے آخری عشرے میں انہیں حرم مکی کے بیرونی صحنوں میں نصب کیا جاسکے. جنرل پریذیڈنسی کے ترجمان نے مزید کہا کہ سوشل میڈیا پر وائرل وڈیو میں جو ایڈوانسڈ سینیٹائزنگ گیٹس دکھائے جارہے ہیں یہ تجرباتی ہیں۔

مسجد الحرام کے دروازوں اور صحنوں میں ان کا تجربہ ہوگا۔ تجربہ کامیاب ہونے کی صورت میں ان سے استفادہ کیا جا سکے گا۔' 'سوشل میڈیا پر گردش کرنے والے اس دعوے کی کوئی حقیقت نہیں کہ یہ گیٹ رمضان کے آخری عشرے میں زائرین کے لیے نصب کیے گئے ہیں- سوشل میڈیا کا یہ دعویٰ محض افواہ ہے اس پر کان نہ دھرا جائے۔

ملک بھر میں ٹرانسپورٹ پر عائد پابندی ختم ہونے کا امکان، وفاقی حکو مت نے مسافر گاڑیوں کے لئے رہنما اصول جاری کردیے...

2020-05-20T23:07:00.003+05:00

ملک بھر میں ٹرانسپورٹ پر عائد پابندی ختم ہونے کا امکان، وفاقی حکو مت نے مسافر گاڑیوں کے لئے رہنما اصول جاری کردیے.. مسافر گاڑی میں میڈیکل ماسک ا ور ہینڈ سینیٹائزر کا استعمال کیا جائے، گاڑیوں میں ایئر کنڈیشننگ کا استعمال نہیں ہونا چاہئے، ونڈوز اسکرینوں کو تازہ ہوا کے گزر کے لئے کھلا رکھنا ضروری ہے

اسلام آباد ملک بھر میں ٹرانسپورٹ پر عائد پابندی ختم ہونے کا امکان، وفاقی حکو مت نے مسافر گاڑیوں کے لئے رہنما اصول جاری کردیے۔ تفصیلات کے مطابق وفاقی حکو مت نے ٹریفک کے لیے رہنما اصول جاری کرتے ہوئے عوام سے کہا ہے کہ وہ ٹریفک کی سہولت کا استعمال انتہائی ضرورت پڑنے پر کریں، دورا ن سفر احتیاطی تدابیر پر عمل درآمد لازم ہو کریں۔

حکومت نے ہدایت کی ہے کہ ٹرانسپورٹرز سواری بٹھانے سے پہلے اور اُتارنے کے بعد گاڑی کو ڈس انفیکٹ کریں۔ اس کے علاوہ جو ہدایات جاری کی گئی ہیں ان کے مطابق مسافر گاڑی میں میڈیکل ماسک ا ور ہینڈ سینیٹائزر کا استعمال کیا جائے، گاڑیوں میں ایئر کنڈیشننگ کا استعمال نہیں ہونا چاہئے، ونڈوز اسکرینوں کو تازہ ہوا کے گزر کے لئے کھلا رکھنا ضروری ہے۔

حکومت کی جانب سے مزید کہا گیا ہے کہ مسافروں کو ایک دوسرے کے قریب قریب نہیں بٹھائیں، جسمانی حرارتی اسکیننگ کو یقینی بنایا جائے۔ ڈرائیوروں کو سفر کے دوران ماسک اور دستانے پہننے چاہئیں، بسوں کے اندر ٹشو پیپر اور سینیٹائزرکی فراہمی کو یقینی بنایا جائے ۔ اس سے قبل وزیراعظم

عمران خان نے 9 مئی بروز ہفتے سے لاک ڈاؤن کھولنے کا اعلان کردیا۔

انہوں نے کہا کہ تمام شعبوں میں مرحلہ وار لاک ڈاؤن کھول دیں گے، صوبوں کے ساتھ ملکر فیصلہ کیا کہ اب کچھ آسانیاں پیدا کرنی ہیں، پاکستان میں شرح اموات بڑ ھ رہی ہے، لیکن نچلا طبقہ بڑی مشکل میں، حکومت تمام متاثرین کو پیسا نہیں دے سکتی، لہذ اعقلمندی سے لاک ڈاؤن کھولنا ہے۔ انہوں نے قومی رابطہ کمیٹی کے اجلاس کے بعد میڈیا بریفنگ میں بتایا کہ پاکستان میں 26 فروری کو پہلا کورونا کیس رپورٹ ہوا، پھر 13مارچ کو ہم نے قومی سلامتی کمیٹی کے اجلاس میں ملک بھر میں لاک ڈاؤن کا فیصلہ کیا، کیونکہ اس وائرس کی دو تین کوالٹی ہے ، ایک یہ کہ یہ وائرس تیزی سے پھیلتا ہے، اس وائرس کی طرح کوئی دوسرا وائرس اتنی تیزی سے نہیں پھیلتا، دنیا نے سماجی فاصلے کیلئے لاک ڈاؤن کیا، ہم نے بھی دنیا کی طرح پاکستان میں لاک ڈاؤن کیا۔

ہمیں لاک ڈاؤن کرتے وقت خوف تھا کہ ملک میں 80 فیصد طبقہ غریب ، دیہاڑی اور مزدوروں کا کیا بنے گا؟ہم دنیا میں اس کو فالو کررہے تھے، امریکا میں دن میں 2 ہزار ، برطانیہ میں 800 لوگ مررہے تھے، اسی طرح اسپین ، اٹلی میں اموات ہورہی تھی، اس کو دیکھتے ہوئے ہم نے نیشنل کمانڈ کنٹرول آپریشن سنٹر بنایا ، اسد عمر کی سربراہی میں چاروں صوبے روزانہ کی بنیاد پر کورونا کی صورتحال دیکھ کر مستقبل کے فیصلے کرتے ہیں، اللہ کا شکر ہے کہ دنیا کے امیرممالک کی طرح پاکستان پر ویسا دباؤ نہیں پڑا۔

آئی ایم ایف نے پاکستانی قرضوں اور مہنگائی میں کمی کی پیشگوئی کر دی آئندہ سال 2021ء سے پاکستان کے قرضوں، مہنگائی میں کمی شروع ہو جائے گی، 5 سال میں قرضے 90 فیصد سے کم ہوکر جی ڈی پی کے 73 فیصد رہ جائیں گے، عالمی مالیاتی ادارے نے رپورٹ جاری کردی

2020-05-20T23:01:00.002+05:00

آئی ایم ایف نے پاکستانی قرضوں اور مہنگائی میں کمی کی پیشگوئی کر دی آئندہ سال 2021ء سے پاکستان کے قرضوں، مہنگائی میں کمی شروع ہو جائے گی، 5 سال میں قرضے 90 فیصد سے کم ہوکر جی ڈی پی کے 73 فیصد رہ جائیں گے، عالمی مالیاتی ادارے نے رپورٹ جاری کردی

اسلام آباد (اردوپوائنٹ اخبارتازہ ترین۔20 اپریل 2020) عالمی مالیاتی ادارے آئی ایم ایف نے پاکستانی قرضوں اور مہنگائی میں کمی کی پیشگوئی کر دی ہے۔ آئی ایم ایف نے اپنی جاری کردہ رپورٹ میں کہا ہے کہ آئندہ سال 2021ء سے پاکستان کے قرضوں، مہنگائی میں کمی شروع ہو جائے گی، 5 سال میں قرضے 90 فیصد سے کم ہوکر جی ڈی پی کے 73 فیصد رہ جائیں گے۔ رپورٹ کے مطابق مالی سال 2021ء میں پاکستانی قرضے جی ڈی پی کے 87.8 فیصد ہوجائیں گے، مالی سال 2022ء میں قرضے جی ڈی پی کے 83.7 فیصد رہ جائیں گے، 2023ء میں قرضے مزید کم ہوکر جی ڈی پی کے 80.8 فیصد ہو جائیں گے۔

2024ء تک قرضے مزید کم ہوکر 77.4 فیصد رہ جائیں گے۔ 2025ء میں قرضے جی ڈی پی کے 73 فیصد رہ جائیں گے۔ آئی ایم ایف

کی رپورٹ کے مطابق پانچ سال کے دوران مہنگائی 10.5 فیصد سے کم ہوکر 4.8 فیصد رہ جائے گی۔

بتایا گیا ہے کہ مالی سال 2021ء میں مہنگائی کم ہوکر 9 فیصد ہوجائے گی۔ سال 2022ء میں مہنگائی کم ہوکر 8 فیصد رہ جائے گی، 2023 میں مہنگائی 6.1 فیصد تک کم ہوجائے گی۔

مالی سال 2024 میں مہنگائی کی شرح کم ہوکر 4.9 فیصد ہوجائے گی۔ 2025 میں مہنگائی کی شرح کم ہوکر 4.8 فیصد رہ جائے گی۔ یہاں یہ بات یاد رہے کہ اس سے قبل عالمی مالیاتی ادارے نے ورلڈ اکنامک آؤٹ لک رپورٹ جاری کرتے ہوئے پاکستانی معیشت کیلئے خطرے کی گھنٹی بجا دی تھی۔ آئی ایم ایف کا کہنا تھا کہ رواں سال پاکستان کی معاشی شرح نمو منفی 1.5 فیصد رہے گی، جس کے باعث پاکستان میں بے روزگاری اگلے دو سال مسلسل بڑھنے کا خدشہ ہے۔ اس رپورٹ میں کہا گیا تھا کہ پاکستان میں رواں سال بیروزگاری 4.5 فیصد، اگلے سال 5.1 فیصد تک پہنچ جائے گی۔ پاکستان میں گزشتہ مالی سال بے روزگاری کی شرح 4.1 فیصد تھی۔

"وزیراعظم عمران خان فردوس عاشق اعوان پر چیخنے لگے اور غصے میں زور سے ٹیبل پر مکا مارا" فردوس عاشق اعوان کو ہٹائے جانے کی اصل کہانی سامنےآگئی

2020-05-20T22:57:00.000+05:00

"وزیراعظم عمران خان فردوس عاشق اعوان پر چیخنے لگے اور غصے میں زور سے ٹیبل پر مکا مارا" فردوس عاشق اعوان کو ہٹائے جانے کی اصل کہانی سامنےآگئی

اسلام آباد سابق مشیر اطلاعات فردوس عاشق اعوان کو عہدے سے ہٹادیا گیا، انہوں نے بتایا کہ وزیراعظم کے پرنسپل سیکریٹری نے ان سے استعفیٰ مانگا تھا تاہم سینئر صحافی اور اینکر پرسن عمران خان عہدے سے علیحدگی کے قبل کے واقعات اور مبینہ کرپشن کی کہانی سامنے لے ائے جو ان کے عہدے سے ہٹائے جانے کی ممکنہ وجہ بنے ۔

اپنی ویڈیو میں عمران خان کاکہنا تھاکہ"فردوش عاشق اعوان نے فواد چودھری کی جگہ لی تھی،فواد چودھری وزیراعظم پاکستان کی پہلی چوائس تھے اور جب وہ وزیر اطلاعات بنے تو انہوں نے کچھ پریکٹسس کی جن کو میڈیا نے پسند کیا اور کچھ کو نہیں کیا، جتنی بھی ایڈورٹائزنگ ایجنسیاں تھیں ، ان سب کو اپنی پروفائل اور ڈیٹا جمع کرانے کی ہدایت کی گئی ، حکومت ان ایڈورٹائز ایجنسیوں کو اشتہار اور ٌپیسہ دیتی ہے اور یہ ایجنسیز آگے سے چینلز یا اخبارات کو دیتی ہیں اور ان سے اپنا ایک پرسنٹیج رکھ لیتی ہیں، پاکستان میں یہ 30 سے 40 فیصد تک بھی جاتا ہے۔ کچھ صحافیوں، کچھ سیاستدانوں یا پھر سیاستدانوں کے رشتہ داروں نے بتائی ہوئی تھیں جو بھی وزیر اطلاعات آتا تھا اس کے جاننے والے بنا لیتے تھے ، تو ایسے یہ لوگ بے شمار پیسہ ،بے بہا پیسہ کماتے تھے ۔

فواد چودھری نے اس سلسلے کو ختم کرنے کے لیے یہ ایڈورٹائز ایجنسیز جتنی بھی تھیں سب کو بلا لیا۔ ان ایجنسیز کو جب انہوں نے سنا اور ان کا ڈیٹا چیک کیا تو چند چیزیں ان کے سامنے آئیں۔ ایک انہوں نے کہا کہ سٹاف جن کا پراپر ہے اور پرانا ہے، جو تنخواہیں ٹائم پر دیتے ہیں، جن کا سیٹ ایپ پراپر لگا ہوا ہے، جن کے پاس پراپر لائسنس ہے، اور اس کے علاوہ جو پیمنٹ شیڈول بہتر ہے باقی چینلز کے ساتھ یا اخبارات کے ساتھ، ان کو ہی یہ کام ملے گا۔ انہوں نے پورے پاکستان سے 10 ایجنسیاں چن لیں اور ان کا نوٹیفکیشن جاری کردیا اور تھوڑے عرصے کے بعد وہ ہٹادئیے گئے اور فردوش عاشق اعوان صاحبہ آگئیں۔ اب یہ ٹاپ کی 10ایجنسیاں تھیں جن کے پاس یہ کنٹریکٹ تھا یعنی حکومت پاکستان جب بھی اشتہاری مہم چلائے گی تو وہ ان میں سے کسی کو پیسہ دے گی، یا سب کو دے گی تھوڑا تھوڑا، یا ان میں سے چند کو دے گی۔ فردوش عاشق اعوان صاحبہ نے 31 جولائی 2019ءکو 2ایجنسیز اس کے اندر مزید شامل کردیں۔ اب یہ دو ایجنسیز کسی بھی لحاظ سے کرائٹیریا پر پورا نہیں اترتی تھیں جو فواد چودھری یا وزیراعظم پاکستان نے سیٹ کیا ہوا تھا، ان دو ایجنسیز میں سے ایک ایجنسی کا نام ہے ”کام ٹیک“ ہے، یہ منیر گوندل صاحب کی ہے، منیر گوندل فردوش عاشق اعوان کے بہت پرانے واقف ہیں اور ان کے علاقے کے قریب ہی رہنے والے ہیں"۔

عمران خان نے مزید بتایا کہ "منیر گوندل صاحب کی کام ٹیک ایجنسی کو شامل کیا، نوٹیفکیشن دیا اور اس کے بعد سے اب تک حکومت پاکستان نے یا وزارت اطلاعات نے جتنے بھی اشتہارات دئیے وہ سارے کے سارے اشتہارات کام ٹیک نامی اس ایجنسی کے ذریعے سے دئیے گئے، یعنی ان کا فائدہ منیر گوندل صاحب کو ہوا۔ اشتہارات کی قیمت کروڑوں میں بنتی ہے، تقریباً 15کروڑ کے آس پاس یہ اشتہارات تھے، یہ فردوش عاشق اعوان صاحبہ نے 15کروڑ اس ایجنسی کو دلوایا اور 6کروڑ روپے ان کو بچت آئی اور اس میں یہ دو پارٹنر تھے ، آدھے پیسے فردوس عاشق اعوان صاحبہ کے اور آدھے پیسے منیر گوندل صاحب کے جن کی کام ٹیک ایجنسی تھی ، اس طریقے سے انہوں نے مل بانٹ کر یہ پیسہ جو سرکار کا تھا ،اپنی جیب میں ڈالنا شروع کیا۔ ایک تو یہ معاملہ تھا جس کی انکوائری وزیراعظم پاکستان نے کروائی، اور ایک دن پہلے اس کی انکوائری رپورٹ ان کو موصول ہوگئی، اس بنیاد پر انہوں نے فیصلہ کیا لیکن کچھ چیزیں اور بھی تھیں"۔

صحافی عمران خان نے دعویٰ کیا کہ "ایک خاتون سیکرٹری اطلاعات تھیں ، ان کو فردوش عاشق اعوان صاحبہ نے کہا کہ آپ میرے کچن کے اخراجات اٹھائیے اور انہوں نے اس بات کی پرائم منسٹر ہاﺅس میں شکایت کردی جو موجودہ سیکرٹری اطلاعات ہیں ان کے حوالے سے بھی ہے کہ ان کو بھی فردوس عاشق اعوان صاحبہ نے یہی بات کی، تقریباً ایک ماہ سے زائد وقت قبل ارشد خان صاحب جو ایم ڈی پی ٹی وی ہیں ، وہ اس نوکری کا کوئی فائدہ نہیں لے رہے تھے، عمران خان صاحب کے تعلق والے ہیں اور ان کے بقول وہ ان کی مدد کرنے آئے تھے ، وہ ایک میٹنگ میں موجود تھے ، فردوس عاشق اعوان صاحبہ، عمران خان ، ، ڈی جی آئی ایس پی آر ، کچھ ایڈورٹائزنگ ایجنسیوں کے لوگ ،شہباز گل اور کچھ لوگ اے ڈی سی وغیرہ اور اعظم خان جو پرائم منسٹر کے سیکرٹری ہیں وہ سب لوگ موجود تھے۔

اب ان کی موجودگی میں جب ارشد خان صاحب نے بات کرنا شروع کی تو فردوس عاشق اعوان صاحبہ نے ان کو ٹوک دیا تو ارشد خان صاحب نے پرائم منسٹر کو کہا کہ میں کسی لالچ کے لیے یہاں پر نہیں آیا، جب میں نے پچھلی میٹنگ میں بات کی تھی تو فردوس عاشق اعوان صاحبہ نے اس میٹنگ کے بعد میری بہت زیادہ بے عزتی کی تھی اور میں بار بار بے عزتی نہیں کروا سکتا لہٰذا میں اس میٹنگ میں بات نہیں کروں گا تو پرائم منسٹر نے ارشد خان صاحب کو کہا کہ آپ بات کریں اور فردوس صاحبہ کو اشارہ کیا کہ آپ چپ ہوجائیں، جب وہ دوبارہ بات کرنے لگے تو فردوس عاشق اعوان صاحبہ دوسری مرتبہ بولیں، پرائم منسٹر نے ان کو دوسری مرتبہ چپ کروایا ور کہا کہ پی ٹی وی سے آپ کا کوئی تعلق نہیں، کوئی لینا دینا نہیں ہے، ان کو بات کرنے دیں۔ ارشد خان صاحب نے تیسری مرتبہ بات شروع کی فردوس عاشق اعوان صاحبہ تیسری مرتبہ بولیں، تھوڑی دیر بعد تو عمران خان صاحب نے ان کو ڈانٹ کر چپ کروایا ،میٹنگ میں موجود ایک درجن سے زائد لوگوں سے یہ بات کنفرم کی جاسکتی ہے" ۔

ان کامزید کہنا تھاکہ " وزیراعظم نے ان کو منع کیا تو وہ چوتھی مرتبہ دوبارہ بولیں، چوتھی مرتبہ بولیں تو پرائم منسٹرصاحب نے ڈانٹ کر ان کو چپ کروایا ، اور یہ کہا کہ آپ کو خاموش نہیں رہنا تو آپ اٹھ کر باہر چلی جائیں، پھر وہ تھوڑی دیر کے لیے چپ رہیں، لیکن اس کے بعد ایک ارشد خان صاحب نے بات شروع کی تو فردوس عاشق اعوان صاحبہ دوبارہ بولیں تو اس مرتبہ پرائم منسٹر صاحب نے کچھ نہیں کہا بلکہ اونچی آواز میں چلائے وہ، باقاعدہ چلا کر بولا، انہوں نے کہا کہ فردوس اونچی آواز میں، تو یہ سہم کر خاموش ہوگئیں اور اے ڈی سی اپنی جگہ سے ہٹ کر فردوس عاشق اعوان صاحبہ کے قریب آگئے کیونکہ اب ایسی صورتحال تھی کہ اگر پرائم منسٹر اگرزیادہ اریٹیٹ ہوتے ہیں تو فردوس عاشق اعوان صاحبہ کو فزیکلی وہ میٹنگ ہٹانے کے لیے بھی کہا جاسکتا تھا۔

اے ڈی سی جو ایکٹو ہوگئے تھے کہ پرائم منسٹر کا صبر ختم ہورہا ہے اور یہ خاتون بار بار بول رہی ہیں۔ چھٹی مرتبہ یہ خاتون ایک مرتبہ پھر بولیں تو پرائم منسٹر آف پاکستان نے ٹیبل پر مکا بھی مارا اور بجائے ان کا نام لینے کے یا ان کو منع کرنے میں، انہوں نے ایک دم جیسے آواز دیتے ہیں، اِشش، ایسے زور سے پرائم منسٹر آف پاکستان نے ان کو چپ کروایا ور پھر اللہ اللہ کر کے وہ میٹنگ ختم ہوگئی ۔ اس میٹنگ کے بعد فردوس عاشق اعوان صاحبہ نے پرائم منسٹر صاحب سے کہا کہ دو منٹ دیں میں آپ کو ملنا چاہتی ہوں، پھر اس کے بعد نہیں پتہ کہ کیا بات چیت ہوئی کیونکہ وہاں سے کوئی بات باہر نہیں آئی لیکن فردوس عاشق اعوان صاحبہ پرائم منسٹر کے ساتھ اس میٹنگ میں چلی گئیں"۔

عمران خان کے مطابق فردو س عاشق اعوان کو ہٹانے کی وجہ ایک تو یہ بنی ہے کہ جو سیکرٹری اطلاعات سے ان کی ڈیمانڈز ہوتی تھیں، دوسرا مبینہ کرپشن جو ایک رپورٹ کے اندر ثابت ہوگئی اور فردوس عاشق اعوان صاحبہ کو اپنا عہدہ چھوڑنا پڑا، تیسری چیز یہ ہے کہ یہ وزارت اطلاعات کی گاڑیاں استعمال کررہی تھیں تو اس بنیاد پر ان کے اوپر بڑے سنگین الزامات تھے، جن کی وزیراعظم عمران خان صاحب نےانکوائری کی ،جب عمران خان صاحب نے ان کی انکوائری شروع کی تو ان کو بھنک پڑ گئی کہ میرے خلاف انکوائری ہورہی ہے تو انہوں نے فوری طور پر ایک دو ایجنسیز کو مزید تھوڑا سا بزنس دے دیا تاکہ میرے پاس کوئی جسٹیفکیشن آجائے لیکن پھر بھی 90 فیصد بزنس جو اب تک کا فردوس عاشق اعوان صاحبہ کے دور کاتھا، وہ سارے کا سارا منیر گوندل صاحب کی کام ٹیک کو جاتا رہا ہے، ان سب شکایات کے علاوہ پاکستان تحریک انصاف ان کو اوون بھی نہیں کررہی تھیں، ان کے سفارشی بھی بڑے تگڑے تھے،رپورٹ کا انتظار کیا جارہا تھا اور اب یہ رپورٹ آئی ہے اور فردوس عاشق اعوان صاحبہ کو ہٹادیا گیا۔

شبلی فراز کے بعد تو تحریک انصاف خوش ہوگئی ، ان کو لگتا ہے کہ پاکستان تحریک انصاف کا فیس انفارمیشن منسٹر کے طور پر سامنے آیا ہے، اور وہ پاکستان تحریک انصاف کی آواز کو یا عمران خان صاحب کے پیغام کو بہتر انداز میں پارٹی میں اور پارٹی کے باہر اور میڈیا میں پہنچا سکتا ہے، عمران خان کو کئی اور شکایات بھی تھیں، پارٹی کے علاوہ کچھ شکایات تو ایسی تھیں کہ یہ میڈیا والے کرتے تھے کہ یہ رابطہ نہیں کرتیں، یہ خبر نہیں دیتی، یہ خبر کا جواب نہیں دیتی، یہ سوالات کا جواب نہیں دیتیں، اور ان کے اندر بڑا attitude ہے، یہ میڈیا کو پرائم منسٹر سے دور کررہی تھیں ، ایسی کوئی اسیسمنٹ بھی پارٹی کے اندر بڑی سیریس تھی، جب یہ خاتون آئیں تو پرائم منسٹر نے چند لوگوں سے ان کی ملاقات کروائی اور ان سے کہا کہ آپ نے ان کی مدد کرنی ہے، یہ خاتون آئی ہیں، ان کی پارٹی کے اندر بھی مدد کرنا ہے، حکومت کے اندر بھی مدد کرنا ہے، ان کو سپورٹ کرنا ہے۔ جو لوگ ان کو سپورٹ کررہے تھے وہ ایک ایک کر کے پرائم منسٹر ہاﺅس سے رخصت ہوگئے تھے،ان میں سے دو تین لوگوں نے کہا کہ اس بی بی نے ہماری ٹانگیں کھینچیں ہیں ، اور ہمیں تو پتہ ہی نہیں تھا کہ ہم ان کی مدد کررہے ہیں اور یہ ہماری ٹانگیں کھینچ رہی ہیں"۔

جہانگیر ترین نے عمران خان کو پیغام بھجوا دیا جہانگیر ترین نے کہا کہ میں احتساب کے لیے حاضر ہوں لیکن صرف میرا نہیں سب کا احتساب ہونا چاہئیے۔عارف حمید بھٹی

2020-05-20T22:49:00.000+05:00

جہانگیر ترین نے عمران خان کو پیغام بھجوا دیا جہانگیر ترین نے کہا کہ میں احتساب کے لیے حاضر ہوں لیکن .......عارف حمید بھٹی

چینی بحران کی رپورٹ سامنے آنے کے بعد وزیراعظم عمران خان اور اور سینئر پی ٹی آئی رہنما جہانگیر ترین کے درمیان تلخیوں کی خبریں سامنے آئی تھیں۔جہانگیر ترین نے خود بھی یہ اعتراف کیا تھا کہ وزیراعظم عمران خان اور میرے تعلقات اب پہلے جیسے نہیں رہے۔وزیراعظم عمران خان ہر صورت میں لوٹ مار کرنے والوں کو سزا دینا چاہتے ہیں۔

کہا جا رہا تھا کہ کچھ لوگ عمران خان اور جہانگیر ترین کے درمیان تلخیاں کم کرنے کے لیے سرگرم ہیں۔اسی حوالے سے گفتگو کرتے ہوئے سینئر صحافی عارف حمید بھٹی نے دعویٰ کیا ہے کہ جہانگیر ترین نے عمران خان کو پیغام بھجوایا ہے۔جس میں انہوں نے کہا کہ میں حاضر ہوں لیکن صرف میرا نہیں سب کا احتساب ہونا چاہیے۔

جہانگیر ترین نے کہا کہ صرف مجھے ٹارگٹ مت کیا جائے۔

جہانگیر ترین نے اپنے لوگوں کو بھی کچھ دن تک بیانات دینے سے منع کیا ہے۔قبل ازیں بتایا گیا کہ پاکستان تحریک انصاف کے رہنما جہانگیر ترین ایک بار پھر متحرک ہوگئے ہیں۔ان سے مختلف سیاستدانوں نے ملاقات کی ہے۔ملاقات میں موجودہ سیاسی صورتحال پر تبادلہ خیال کیا گیا۔ اس ملاقات میں معاون خصوصی برائے خوراک خرم سہیل لغاری بھی موجود تھے۔اسی حوالے سے عارف حمید بھٹی کا کہنا ہے کہ جہانگیر ترین اور عمران خان کے درمیان بہت اچھا تعلق ہے ،وہ کئی سال تک اکٹھے رہے ہیں۔

لیکن جب جب گندم کا بحران آیا توجہانگیرترین کا خیال تھا کہ وزیراعظم عمران خان کو انکے خلاف بھڑکایا گیا ہے ۔ گزشتہ روز پانچ ایم این اے اور دو ایم پی ایز نے جہانگیر ترین سے ملاقات کی ہے۔ انہوں نے جہانگیر ترین کو اپنے تعاون کی یقین دہانی کروائی۔ان میں سے کچھ تو پریس کانفرنس بھی کرنے جا رہے تھے تاہم جہانگیر ترین نے کہا کہ آپ 25 تاریخ تک خاموش رہیں۔25 تاریخ تک کسی بھی قسم کا کوئی بیان نہ دیا جائے۔جہانگیر ترین سے ملاقات کرنے والے ایم این ایز کا تعلق بہاولپور، فیصل آباد اور ساہیوال سے ہے۔جہانگیر ترین سے معاون خصوصی برائے اوقاف سید رفاقت علی گیلانی نے بھی ملاقات کی۔

واٹس ایپ کا نیا فیچر، صارفین کے لیے اہم خبر آگئی

2020-05-20T22:47:00.000+05:00

واٹس ایپ کا نیا فیچر، صارفین کے لیے اہم خبر آگئی

اٹس ایپ پر خصوصی نظر رکھنے والے ادارے ڈبلیو اے بیٹا انفو کی رپورٹ کے مطابق کمپنی نے واٹس ایپ ویب پر استعمال کرنے والے صارفین کے لیے ڈارک موڈ فیچر پر کام شروع کردیا ہے۔

رپورٹ میں بتایا گیا ہے کہ کمپنی کے ماہرین نے ڈارک موڈ فیچر پر کام مکمل کرلیا ہے البتہ یہ سہولت ابھی تک آزمائش کے لیے بھی متعارف نہیں کرائی گئی اور نہ ہی کمپنی نے اس کی ریلیز کے حوالے سے کوئی اعلان کیا۔

واٹس ایپ ویب پر ڈارک موڈ فیچر بلکل موبائل ایپلی کیشن کی طرح ہی چلے گا، جس کو ان یبل کرنے سے پس منظر سیاہ ہوجائے گا جبکہ اس کی لکھائی کا رنگ سفید ہوجائے گا۔

ڈبلیو اے بیٹا انفو نے واٹس ایپ ویب پر ڈارک موڈ فیچر استعمال کرنے کا طریقہ بھی بتایا اور ساتھ میں آگاہ کیا کہ گوگل کروم کے علاوہ دیگر انٹرنیٹ براؤزر پر فیچر بہت انداز سے کام کررہا ہے۔

امریکا کا لاک ڈاﺅن ختم کرنے کے لیے نئی گائیڈلائنزجاری‘نیویارک کھولنے کی بھی تیاریاں شہریوں کی جانب سے معمولاتِ زندگی کی بحالی کا مطالبہ شدت اختیار کرتا جا رہا ہے.رپورٹ

2020-05-20T22:45:00.000+05:00

امریکا کا لاک ڈاﺅن ختم کرنے کے لیے نئی گائیڈلائنزجاری‘نیویارک کھولنے کی بھی تیاریاں شہریوں کی جانب سے معمولاتِ زندگی کی بحالی کا مطالبہ شدت اختیار کرتا جا رہا ہے.رپورٹ

نیویارک وبائی امراض کی روک تھام کے امریکی ادارے (سی ڈی سی) نے معمولاتِ زندگی کو بحال کرنے کے لیے نئی گائیڈ لائنز جاری کر دی ہیں جسے سامنے رکھ کر ریاستوں میں کاروبار اور تعلیمی ادارے کھولے جا سکیں گے. امریکہ میں کورونا وائرس سے ہلاکتوں اور نئے کیسز میں اضافے کے باوجود شہریوں کی جانب سے معمولاتِ زندگی کی بحالی کا مطالبہ شدت اختیار کرتا جا رہا ہے.

صدر ڈونلڈ ٹرمپ بھی کاروباری سرگرمیوں کی جلد بحالی کے خواہش مند ہیں البتہ کورونا وائرس ٹاسک فورس کے اہم رکن اور وبائی امراض کے ماہر ڈاکٹر انتھونی فاﺅچی مسلسل خبردار کر رہے ہیں کہ پابندیوں میں نرمی کرنے سے وبا مزید شدت اختیار کر سکتی ہے.

سی ڈی سی نے نئی گائیڈ لائنز جاری کی ہیں جس کی مدد سے امریکہ میں سکول، کاروباری مراکز اور ٹرانسپورٹ کا شعبہ کھولا جا سکے گا سی ڈی سی نے ان نئی گائیڈ لائنز کو ”سکس ٹریز“ کا نام دیا ہے جن کے تحت سکول، ریستوران، بارز، ماس ٹرانزٹ، چائلڈ کیئر اور دفاتر کھولے جائیں گے.

یاد رہے کہ امریکی ریاستوں میں کاروباری اور دیگر سرگرمیوں کی بحالی کے فیصلے کا اختیار متعلقہ گورنرز کے پاس ہے سی ڈی سی کے مطابق ”سکس ٹریز“کو اسی وقت ریاستوں میں کھولا جائے گا جب وہاں سماجی دوری اور تمام حفاظتی اقدامات پر عمل درآمد ممکن بنایا گیا ہو.

سی ڈی سی کی جانب سے معمولاتِ زندگی کی بحالی کی یہ گائیڈ لائنز ایسے موقع پر سامنے آئی ہیں جب امریکہ میں کورونا وائرس سے ہلاکتوں کی تعداد 85 ہزار سے تجاوز کر گئی ہے ملک بھر میں 14 لاکھ سے زائد افراد میں وائرس کی تشخیص ہو چکی ہے سی ڈی سی کے ترجمان کے مطابق کاروبار کھولنے کی صورت میں مالکان کو یہ یقینی بنانا ہو گا کہ ان کے ملازمین ماسک پہن رہے ہیں.

اسی طرح عوامی مقامات کو کھولنے کے لیے بھی شہریوں کو ماسک پہننے کی ہدایت پر لازمی عمل کرنا ہو گا انہوں نے کہا کہ کسی بھی ریاست میں ریستوران یا بار کھولنے کا فیصلہ مقامی انتظامیہ کی مشاورت سے ہی کیا جا سکے گا اگر ریستوران اپنے ملازمین کو بیماریوں سے محفوظ رکھنے کے اقدامات کو یقینی بناتے ہیں تو انہیں کھولا جا سکتا ہے. سی ڈی سی کے مطابق ان مقامات کو کھولنے سے قبل ذمہ داران کو سماجی فاصلے، صفائی ستھرائی اور ماسک پہننے جیسی ہدایات پر لازمی عمل کرنا ہو گا سی ڈی سی کا مزید کہنا ہے کہ کاروبار کی بحالی کے لیے ریاستوں کی مدد کے پیش نظر وہ ضرورت پڑنے پر مزید ہدایات جاری کریں گے.

کورونا وائرس سے سب سے زیادہ متاثر ہونے والی امریکی ریاست نیویارک کے گورنر نے پانچ علاقوں میں کاروبار کی بحالی کا اعلان کیا ہے گورنر اینڈریو کومو نے کہا کہ وہ ریاست کے مرکزی علاقے کھولنے کے لیے تیار ہیں ان کا کہنا ہے کہ ریاست کے پانچ علاقوں میں بعض کاروبار کو کھولا جا سکے گا روزانہ کی بریفنگ کے دوران گورنر کومو نے کہا کہ وہ صدر ڈونلڈ ٹرمپ سے بات کر چکے ہیں کہ میٹروپولیٹن ٹرانسپورٹ اتھارٹی کے لیے تین اعشاریہ 9 ارب ڈالر کے وفاقی فنڈ کی فراہمی کا عمل تیز کیا جائے.

واضح رہے کہ نیویارک میں کورونا وائرس سے 27 ہزار سے زائد اموات ہو چکی ہیں اور یہ امریکہ میں کسی بھی ریاست میں ہونے والی ہلاکتوں کے مقابلے میں سب سے زیادہ تعداد ہے نیویارک میں دو ماہ سے زائد عرصے سے تمام کاروبار بند اور لوگ گھروں تک محدود ہیں مقامی انتظامیہ نے شہریوں کو گھروں میں ہی رہنے کی ہدایت کر رکھی ہے.

اسٹیٹ بینک آف پاکستان نے آئندہ دو ماہ کیلئے مانیٹری پالیسی جاری کردی ، شرح سود ایک فیصد کم کرکے 8 فیصد کردیا

2020-05-20T22:40:00.000+05:00

اسٹیٹ بینک آف پاکستان نے آئندہ دو ماہ کیلئے مانیٹری پالیسی جاری کردی ، شرح سود ایک فیصد کم کرکے 8 فیصد کردیا

کراچی اسٹیٹ بینک آف پاکستان نے جمعہ کو آئندہ دو ماہ کیلئے مانیٹری پالیسی جاری کردی ، شرح سود ایک فیصد کم کرکے 8 فیصد مقرر کرنے کا اعلان کردیاگیا ہے جبکہ گزشتہ دو ماہ میں مجموعی طور پر شرح سود میں 5.25 فیصد کمی کی جاچکی ہے،مرکزی بینک کے مطابق خراب زرعی حالات کے سبب خوردنی اشیاء کی قیمت بڑھنے کاامکان ہے، اگلے مالی سال معیشت سست رہی تو مہنگائی مزید کم ہوسکتی ہے۔

مرکزی بینک کی جانب سے جاری کردہ مانیٹری پالیسی بیان کے مطابق رواں برس مہنگائی کی شرح 11 سے 12 فیصد رہنے کی توقع ہے اور اگلے مالی سال مہنگائی کی شرح 7 سے 9 فیصد رہنے کا امکان ہے،جب کہ پیٹرولیم مصنوعات کی قیمتوں میں کمی سے افراط زر کا دباؤ کم ہوا ہے ۔

مرکزی بینک کے مطابق کورونا کے سبب اچھوتے چیلنجز کا سامنا ہے کیونکہ وبا کی نوعیت غیر معاشی ہے، شرح سود میں کمی معاشی سست روی ختم نہیں کرسکتی لیکن رقم کی قلت کا مسئلہ حل کرسکتی ہے۔

اسٹیٹ بینک کی جانب سے جاری بیان میں کہا گیا ہے کہ مارچ اوراپریل میں ٹیکس

آمدن میں 15فیصدکی واضح کمی ہوئی، رواں مالی سال کی چوتھی سہہ ماہی میں خسارے میں بڑے اضافے کاخدشہ ہے،چیلنجزکے باوجودکرنٹ اکاؤنٹ خسارہ قابومیں رہنے کاامکان ہے۔اسٹیٹ بینک کے مطابق مجموعی کھپت اورسروسز سیکٹر قدرے طویل عرصے تک دباؤ میں رہیں گے۔ اسٹیٹ بینک کے مطابق شرح سود کم کرکے لاک ڈاؤن کی وجہ سے معاشی سست روی کو روکنا بھی ممکن نہیں ہوگا جب کہ شرح سود کم ہونے سے کرونا کی وباء پر کوئی اثر نہیں پڑے گا، کرونا کی وباء کے باعث پیدا ہونے والی معاشی صورتحال مانیٹری پالیسی کے لیے چیلنج ہے۔

اسٹیٹ بینک کے مطابق کورونا وائرس کے سبب معاشی چیلنجز کا سامنا ہے، مارچ میں بڑی صنعتوں کی پیداوار میں 23 فیصد کمی ریکارڈ کی گئی اور تجارتی سرگرمیاں بھی متاثر ہوئی۔اسٹیٹ سے جاری اعلامیے میں مزید کہا گیا کہ مہگائی کی توقعات اور شرح نمو میں کمی کے سبب آج مانیٹری پالیسی کمیٹی کا ماننا ہے کہ شرح سود میں کمی سے کورونا وائرس کی وجہ سے ہونے والی بیروزگاری، مہنگائی پر قابو پانے میں مدد ملے گی اور معاشی استحکام کے ساتھ ساتھ گھریلوں صارفین اور کمپنیوں پر قوت خرید اور قرض کا بوجھ کم کرنے میں مدد ملے گی۔

مانیٹری پالیسی کمیٹی نے کہا کہ شرح سود میں کمی سمیت اسٹیٹ بینک کی جانب سے کیے گئے دیگر اقدامات سے مدد ملے گی مثلاً رعایتی شرح سود پر کمپنیوں کو قرض کی فراہمی، بنیادی رقم کی ادائیگی میں ایک سال کی توسیع، قرض کی ادائیگی کی مدت 90دن سے بڑھا کر 180دن کرنا، کورونا وائرس سے نمٹنے کے لئیے ہسپتالوں کو کم شرح سود پر قرض کی فراہمی کی گئی تاکہ یہ اس بحرانی صورتحال میں اپنے ملازمین کو نوکریوں سے نہ نکالیں۔

مانیٹری پالیسی کمیٹی کے اجلاس میں جائزہ لیا گیا کہ مقامی سطح پر سرگرمیوں کے اشاریوں مثلاً ریٹیل سیلز، کریڈٹ کارڈ کے اخراجات، سیمنٹ کی پیداوار، برآمدی آرڈرز، ٹیکس جمع کرنا و دیگر اس بات کی جانب اشارہ کرتے ہیں کہ معیشت حالیہ ہفتوں میں سست روی کا شکار ہوئی ہے۔تاہم اگر مہنگائی کی بات کی جائے تو مارچ اور اپریل کے انڈیکس کے مطابق مہنگائی کے رجحان میں کمی دیکھی گئی ہے۔

اسٹیٹ بینک کے مطابق کورونا وائرس کے دورانیے کی وجہ سے غیریقینی صورتحال انتہا کو پہنچی ہوئی ہے اور شرح نمو میں کمی کے سبب مہنگائی میں اضافے کا خطرہ ہے۔اجلاس میں کہا گیا کہ مالی سال 2020 میں معیشت کے مزید 1.5فیصد سکڑنے کا خطرہ ہے جس کے بعد مالی سال 2021 میں 2فیصد بہتری کا امکان ہے جبکہ مہنگائی کی شرح 11-12فیصد جبکہ اگلے سال کم ہو کر 7-9فیصد رہنے کا امکان ہے۔

تاہم مانیٹری پالیسی کمیٹی نے خدشہ ظاہر کیا کہ اشیا کی ترسیل نہ ہونے یا اس میں رکاوٹ کے نتیجے میں کھانے پینے کی اشیا کی قیمتوں میں اضافے اور مہنگائی کا خدشہ ہے البتہ معیشت کی کمزور حالت کی وجہ سے یہ دوسرے مرحلے میں سنگین اثرات جاری کرنے سے قاصر رہیں گے۔ بیان میں کہا گیا کہ مانیٹری پالیسی کمیٹی کے گزشتہ اجلاس کے بعد عالمی معیشت مزید ابتر صورتحال سے دوچار ہوئی اور گریٹ ڈپریشن کے بعد عالمی معیشت کے سب سے زیادہ تنزلی کا شکار ہونے کا خدشہ ہے اور حال ہی میں آئی ایم ایف کی جاری رپورٹ کے مطابق یہ 2020 میں مزید 3فیصد سکڑ سکتی ہے۔

اسٹیٹ بینک کے مطابق کورونا وائرس کے سنگین اثرات 2009 کی عالمی کساد

بازاری سے بھی زیادہ خطرناک ہوں گے جب معیشت عالمی مالیاتی بحران کے دوران 0.07سکڑ گئی تھی جبکہ مزید سنگین ترین نتائج کا بھی عندیہ دیا گیا ہے۔اس کے ساتھ ساتھ مرکزی بینک نے کہا کہ عالمی معاشی بحران کے ساتھ ساتھ تیل

کی قیمتیں بھی عالمی سطح پر انتہائی کم ہو گئی ہیں اور ماہرین کے مطابق تیل کی قیموتں میں کمی کا یہ سسلہ برقرار رہے گا۔

مانیٹری پالیسی کمیٹی(ایم پی سی) نے اس امر کو اجاگر کیا کہ کورونا وائرس کی وبا نے اپنے غیر معاشی سبب اور اس سے نمٹنے کے لیے درکار معاشی سرگرمی کے عارضی تعطل کی بنا پر زری پالیسی کے لیے منفرد مشکلات پیدا کی ہیں۔ اگرچہ نرم زری پالیسی سے نہ تو وبا کے پھیلنے کی شرح متاثر ہوسکتی ہے اور نہ ہی لاک ڈاؤن کے باعث معاشی سرگرمی میں مختصر مدتی کمی رک سکتی ہے تاہم اس سے گھرانوں اور کاروباری اداروں کے لیے سیالیت کے حوالے سے مدد فراہم ہوسکتی ہے تاکہ وہ معاشی تعطل کے شروع ہونے والے عارضی مرحلے سے گذر سکیں۔

خاص طور پر کئی بار پالیسی ریٹ میں کٹوتیوں اور اسٹیٹ بینک کی بہتر بنائی گئی ری فنانسنگ سہولتوں سے فراہم کردہ خاصے سستے قرضوں سے قرضوں کا بہاؤ برقرار رکھنے، قرض لینے والوں کے کیش فلو کو بڑھانے اور اثاثہ جات کی قیمتوں کو سہارا دینے میں مدد ملی ہے۔ اس سے مالی حالات کی سختی قابو میں رہی ہے جو بصورت ِدیگر معاشی سرگرمیوں میں ابتدائی ضروری سکڑاؤ کی وجہ سے بہت زیادہ بڑھ جاتی۔

ایم پی سی نے بحران کے آغاز کے بعد سے دو ماہ کے اندر زری پالیسی میں 525بیسس پوائنٹس کی بہ سرعت اور مضبوط کمی اور اصل رقم کی واپسی کی مدت میں توسیع، پے رول کی فنانسنگ نیز سیالیت کو سہارا دینے کے اسٹیٹ بینک کے دیگر اقدامات کو نوٹ کیا۔ حکومت کی فعال مالیاتی تحریک بشمول کم آمدنی والے گھرانوں، ایس ایم ایز اور تعمیرات کے شعبوں کے لیے ہدفی سپورٹ پیکیجز نیز بین الاقوامی برادری کی امدادکے ہمراہ ان اقدامات سے نمو اور روزگار کو کافی تقویت ملے گی۔

اس مربوط اور وسیع البنیاد پالیسی اقدام سے ریلیف اور استحکام فراہم ہوا ہے اور وبا کے اثرات کم ہونے پر بحالی کے لیے مدد بھی مہیا ہونے کی امید ہے۔حکومت نے مختلف معاشی شعبوں پر سے پابندیاں مرحلہ وار اٹھانے کا سلسلہ شروع کیا ہے جو آئندہ وبا کی صورت ِحال سے مشروط ہے۔ اگر یہ نرمی مناسب طور پر جاری رہتی ہے تو آئندہ مہینوں میں سرگرمیاں بڑھیں گی۔

ایم پی سی نے نوٹ کیا کہ دوسرے ملکوں سے پہلے لاک ڈاؤن نرم کرنے والے چین اور دیگر ممالک سے حاصل شدہ ابتدائی شواہد کی روشنی میں خدمات اور صًرف کے شعبوں میں، جو ملکی معیشت کا بڑا حصہ ہیں، سرگرمی زیادہ عرصہ پست رہ سکتی ہے۔ایم پی سی کے مطابق جاری کھاتے کا خسارہ مسلسل کم ہورہا ہے حالانکہ کورونا وائرس کی وبا کے بعد درآمدات اور برآمدات دونوں تیزی سے گری ہیں۔

مارچ میں برآمدات 10.8 فیصد (سال بسال) کم ہوگئیں۔ درآمدات جن میں حالیہ مہینوں میں کچھ بحالی دکھائی دی تھی، 19.3 فیصد (سال بسال) گھٹ گئیں۔ پاکستان دفتر شماریات کے اپریل کے اعدادوشمار برآمدات (54 فیصد) اور درآمدات (32 فیصد) دونوں میں اس سے بھی زیادہ کمی کا انکشاف کرتے ہیں۔ اگرچہ ترسیلات ِزر ابھی تک لچکدار رہی ہیں تاہم خصوصاً تیل برآمد کرنے والے ملکوں میں دنیا بھر کی معاشی مشکلات کے پیش نظر ان میں کمی کے ممکنہ خطرات ہیں۔

مرکزی بینک کے مطابق بیرونی شعبے کی طرح مالیاتی شعبہ بھی اس ضروری استحکام کی راہ پر گامزن ہے جس پر وہ کورونا وائرس سے پہلے چل رہا تھا۔ جولائی تا مارچ مالی سال 20ء میں بنیادی توازن میں جی ڈی پی کے 0.4 فیصد کے مساوی فاضل ریکارڈ کیا گیا جبکہ مالی سال 19ء کی اسی مدت میں 1.2 فیصد کا خسارہ ہوا تھا، جو مالی سال 16ء سے اب تک کا پہلا 9ماہی فاضل ہے۔

تاہم مارچ کے بعد سے معاشی سرگرمیوں میں نمایاں کمی سے ٹیکس محاصل کافی متاثر ہوئے ہیں۔ جولائی تا فروری مالی سال 20ء کے دوران 17.5 فیصد (سال بسال) کے اضافے کے بعد مارچ اور اپریل دونوں میں ٹیکس محاصل 15 فیصد (سال بسال) کم ہوگئے۔ مزید برآں، صحت کی نگہداشت، کاروبار، گھرانوں اور معاشرے کے محروم طبقات کو امداد فراہم کرنے کے لیے ہونے والے ضروری اخراجات کے پیش نظر توقع ہے کہ مالیاتی خسارہ چوتھی سہ ماہی میں خاصا بڑھ جائے گا۔

مرکزی بینک کا کہنا ہے کہ غذائی اشیا اور توانائی کی تیزی سے گرتی ہوئی قیمتوں کے باعث جنوری سے اب تک عمومی مہنگائی میں نمایاں کمی ہوئی نیز قوزی مہنگائی (core inflation) بھی گھٹ گئی۔ توقع ہے کہ مستقبل میں قیمتوں کی اس گھٹتی ہوئی فتار کو پیٹرول اور ڈیزل کی قیمتوں میں 30-40 فیصد کی حالیہ کمی سے تقویت ملے گی جس سے آج ریٹ میں مزید کٹوتی کی گنجائش پیدا ہوئی۔

آج کے فیصلے سے پالیسی ریٹ میں مجموعی کمی 525بیسس پوائنٹس ہوگئی ہے جو اس بنا پر ممکن ہوئی کہ پاکستان میں جنوری سے گرتی ہوئی مہنگائی اور آئندہ سال مزید متوقع کمی قابل موازنہ ابھرتی ہوئی مارکیٹوں میں بلند ترین ہیں۔ مانیٹری پالیسی میں کہا گیا ہے کہ اگر معاشی سرگرمی اگلے سال توقع کے مطابق تیز نہ ہوسکی تو مہنگائی توقع سے زیادہ تیزی سے گر سکتی ہے۔ دوسری جانب زراعت کے منفی حالات سے منسلک غذائی قیمتوں کے ممکنہ دھچکوں کی بنا پر اضافے کے خطرات ہیں۔ اگر مالی سال 21ء کی دوسری ششماہی میں معیشت کی رفتار زیادہ تیز ہوئی تو قیمتوں کا دباؤ بھی پیدا ہوسکتا ہے۔ آ ئندہ مہینوں کے دوران قیمتوں کے اور مالی استحکام کو یقینی بنانے کے ساتھ معیشت کو تقویت ملے گی

پاکستان کے کورونا کے1403نئے کیس سامنے آگئے مجموعی تعداد 36 ہزار 788 تک جاپہنچی‘791ہلاکتیں

2020-05-20T22:33:00.000+05:00

پاکستان کے کورونا کے1403نئے کیس سامنے آگئے مجموعی تعداد 36 ہزار 788 تک جاپہنچی‘791ہلاکتیں

اسلام آباد دنیا بھر میں 43 لاکھ سے زائد افراد کو متاثر اور 2 لاکھ 97 ہزار سے زائد اموات کا سبب بننے والا مہلک کورونا وائرس پاکستان میں تیزی سے پھیل رہا ہے اور اب تک ملک میں مجموعی طور پر 36 ہزار 788 کیسز سامنے آچکے ہیں جبکہ 791 اموات بھی ہوچکی ہیں سرکاری سطح پر فراہم کردہ اعداد و شمار کے مطابق آج ابھی تک 1403 نئے کیسز کا اضافہ ہوا ہے.

ملک میں اب تک سب سے زیادہ اموات صوبہ خیبرپختونخواہ میں ہوئی ہیں جن کی تعداد 284 ہے اسی طرح سندھ میں243‘پنجاب میں223‘بلوچستان میں 30‘اسلام آباد میں06‘گلگت بلتستان میں 04 اورآزاد کشمیر میںایک ہلاکت ہوچکی ہے.

26 فروری 2020 کو پاکستان میں کورونا وائرس کا پہلا کیس سامنے آیا تھا، جس کے بعد سے اب تک کے اڑھائی ماہ سے زائد کے عرصے میں کورونا وبا کے پھیلاﺅ میں وقت کے ساتھ ساتھ تیزی دیکھنے میں آئی ہے فروری کے ابتدائی 4 دن کی بات کریں تو اس میں صرف پاکستان میں 4 کیسز تھے جو بعد ازاں مارچ کے مہینے کے آخر تک 2007 تک پہنچ گئے.

ملک میں 18 مارچ کو اس وبا سے پہلی موت کی تصدیق ہوئی تھی اور 31 مارچ تک اموات کی تعداد 26 تھی ماہ اپریل کے آغاز سے کیسز میں اضافہ شروع ہوا اور 30 اپریل تک ملک میں کورونا کے کیسز کی تعداد ساڑھے 16 ہزار سے تجاوز کر گئی جبکہ اسی عرصے میں اموات 385 تک پہنچ گئیں تاہم مئی کا آغاز وبا کے پھیلاﺅمیں ایک نئی لہر کے ساتھ ہوا اور رواں ماہ کے ابتدائی 13 روز یعنی (13 مئی تک) پاکستان میں کورونا کیسز کی تعداد 35 ہزار سے تجاوز کرگئی جبکہ اسی دوران اموات 761 تک جا پہنچی.

گزشتہ روز یعنی 13 مئی کو ملک میں ایک روز میں اب تک کے سب سے زیادہ 2468 نئے کیسز رپورٹ ہوئے آج (14 مئی) کو بھی پاکستان میں کورونا وائرس کے مزید کیسز، اموات اور صحت یاب ہونے والوں کی تصدیق کی گئی ہے ‘سندھ میں کورونا وائرس کے مزید 758 کیسز اور 9 اموات سامنے آگئیں وزیراعلیٰ سندھ مراد علی شاہ نے بتایا کہ صوبے میں گزشتہ 24 گھنٹوں کے دوران 4 ہزار 408 ٹیسٹ کیے گئے جس میں سے 758 مثبت آئے اور مجموعی کیسز کی تعداد 14099 ہوگئی.

انہوں نے بتایا کہ صوبے میں کورونا وائرس سے گزشتہ 24 گھںٹوں کے دوران مزید 9 اموات بھی ہوئیں ترجمان وزیراعلیٰ سندھ

نے اس بات کی تصدیق کی کہ ان اموات کے بعد صوبے میں اموات کی مجموع تعداد 243 تک پہنچ گئی. صوبہ پنجاب میں کورونا وائرس کے مزید 330 کیسز اور 9 اموات سامنے آگئیں ترجمان پرائمری اینڈ سیکنڈری ہیلتھ کیئر کے مطابق صوبے میں ان نئے کیسز کے اضافے کے بعد مجموعی تعداد 13 ہزار 561 تک پہنچ گئی انہوں نے بتایا کہ صوبے میں مزید 9 اموات سے مجموعی تعداد 223 تک پہنچ گئی جبکہ 4636 افراد صحت یاب بھی ہوگئے

ادھر خیبرپختونخواہ میں 171 نئے کیسز اور 9 اموات سامنے آگئیں وزارت صحت خیبرپختونخواہ نے بتایا کہ صوبے میں نئے کیسز کے بعد مجموعی تعداد 5 ہزار 423 ہوگئی یہ بھی بتایا گیا کہ صوبے میں 9 اموات کے بعد مجموعی تعداد 284 ہوگئی. وفاقی دارالحکومت اسلام آباد میں کورونا وائرس کے مزید 63 نئے کیسز کا اضافہ ہوا سرکاری سطح پر قائم ویب سائٹ کے فراہم کردہ اعداد و شمار کے مطابق اسلام آباد میں 63 نئے مریض آئے، جس کے بعد مجموعی کیسز کی تعداد 759 سے بڑھ کر 822 ہوگئی.

محکمہ صحت بلوچستان نے کورونا وائرس کے 71 نئے کیسز کی تصدیق کی جس کے بعد صوبے میں متاثرہ افراد کی تعداد 2310 ہوگئی بیان میں مزید 3 اموات کی بھی تصدیق کی گئی جس کے بعد بلوچستان میں جاں بحق مریضوں کی تعداد 30 ہوگئی ہے. ادھر گلگت بلتستان میں بھی کورونا وائرس کے کیسز میں اضافہ دیکھا گیا اس حوالے سے دستیاب اعداد و شمار کے مطابق گلگت بلتستان میں کورونا وائرس نے مزید 7 افراد کو متاثر کیا جس کے بعد وہاں اب تک کورونا وبا سے متاثر ہونے والے افراد کی تعداد 475 سے بڑھ کر 482 ہوگئی

اسی طرح وائرس سے سب سے کم متاثر علاقے آزاد کشمیر میں بھی مزید 3 افراد متاثر ہوئے جس کے بعد آزاد کشمیر میں اس وبا سے متاثرہ افراد کی تعداد 88 سے بڑھ کر 91 تک جا پہنچی. خیال رہے کہ ملک میں کورونا وائرس کا پہلا کیس 26 فروری 2020 کو کراچی میں سامنے آیا اور 25 مارچ تک کیسز کی تعداد ایک ہزار تک پہنچ چکی تھی تاہم اس کے بعد مذکورہ وائرس نے پاکستان میں اپنے پنجے گاڑنا شروع کردیے اور اب تک 31 ہزار سے زائد افراد وائرس سے متاثر ہوچکے ہیں

ملک میں 18 مارچ کو کورونا وائرس سے پہلی موت خیبرپختونخواہ میں ہوئی جس کے بعد 31 مارچ تک مجموعی اموات 26 تک پہنچیں تاہم یکم اپریل سے لے کر 30 اپریل تک مزید 359 اموات ریکارڈ کی گئیں، بعد ازاں مئی کے آغاز میں ہی ملک میں اموات کی تعداد 600 سے تجاوز کرگئی جو کورونا وائرس سے متعلق تشویشناک صورتحال کو ظاہر کرتی ہے.

کرونا کی عالمگیر وبا: ایک دن میں 5072 افراد ہلاک، 1 لاکھ نئے کیسز

2020-05-20T22:28:00.002+05:00

کرونا کی عالمگیر وبا: ایک دن میں 5072 افراد ہلاک، 1 لاکھ نئے کیسز

کراچی: نئے وائرس کو وِڈ نائنٹین کی عالمگیر وبا 213 ممالک کو لپیٹ میں لے چکی ہے، وبا میں ہلاک ہونے والوں کی تعداد بڑھ کر 3 لاکھ 8 ہزار 645 ہو گئی ہے، وائرس سے اب تک 46 لاکھ 28 ہزار 549 افراد متاثر ہو چکے ہیں۔

تفصیلات کے مطابق انسانیت کے لیے انتہائی مہلک ثابت ہونے والی کرونا وبا سے ہلاکتوں کا سلسلہ جاری ہے، گزشتہ چوبیس گھنٹوں میں دنیا بھر میں 5 ہزار 72 افراد وائرس سے ہلاک ہو چکے ہیں جب کہ 1 لاکھ نئے کیسز سامنے آئے، وائرس سے اب تک 17 لاکھ 58 ہزار سے زائد مریض صحت یاب ہو چکے ہیں۔

کرونا وائرس سے امریکا سب سے زیادہ متاثرہ ملک ہے جہاں اموات کی تعداد سب سے زیادہ ہے۔ گزشتہ چوبیس گھنٹوں کے دوران امریکا میں 1,595 اموات ہوئیں، جس سے امریکا میں کرونا ہلاکتوں کی تعداد 88,507 ہو گئی ہے، جب کہ 14 لاکھ 84 ہزار سے زائد افراد وائرس کا شکار ہو چکے ہیں، امریکا میں گزشتہ چوبیس گھنٹوں کے دوران مزید 26 ہزار سے زائد نئے کیسز سامنے آئے۔ کو وِڈ نائنٹین سے متاثر 3 لاکھ 26 ہزار سے زائد مریض صحت یاب ہو چکے ہیں، تاہم اب بھی 16 ہزار سے زائد مریضوں کی حالت تشویش ناک ہے۔ امریکا میں نیویارک شہر سب سے زیادہ متاثر ہوا جہاں 27,574 ہلاکتیں ہوئیں اور3 لاکھ 56 ہزار سے زائد لوگ متاثر ہوئے۔

برطانیہ ہلاکتوں میں دوسرا بڑا ملک بن چکا ہے، گزشتہ چوبیس گھنٹوں کے دوران 384 نئی اموات کے بعد برطانیہ میں مجموعی اموات 33,998 ہو گئی ہیں، جب کہ متاثرہ افراد کی تعداد بھی 2 لاکھ 36 ہزار سے بڑھ گئی ہے، برطانیہ نے تاحال صحت یاب ہونے والے مریضوں کا ڈیٹا جاری نہیں کیا۔

یورپی ملک اٹلی تیسرا ملک ہے جہاں وائرس سے بے پناہ ہلاکتیں ہوئیں، اب تک یہ وائرس اٹلی میں 31,610 انسانوں کی جانیں لے چکا ہے، اور 2 لاکھ 23 ہزار سے زائد لوگ وائرس سے متاثر ہوئے، جن میں سے 1 لاکھ 20 ہزار مریض صحت یاب ہوئے، اور 800 مریضوں کی حالت اب بھی تشویش ناک ہے۔ اٹلی میں گزشتہ چوبیس گھنٹوں کے دوران242 اموات ہوئیں۔

فرانس اور اسپین بھی شدید متاثرہ ممالک میں سر فہرست ہیں، فرانس میں 27,529 افراد وائرس کا شکار ہو کر مرچکے ہیں جب کہ کیسز کی تعداد 1 لاکھ 79 ہزار سے زائد ہو چکی ہے۔ اسپین میں ہلاکتیں 27,459 ہو چکی ہیں اور مجموعی کیسز کی تعداد 2 لاکھ 74 ہزار سے تجاوز کر گئی ہے۔ برازیل میں بھی بہت تیزی کے ساتھ کرونا ہلاکتوں کی تعداد بڑھتی جا رہی ہے، اب تک وائرس سے 14,962 ہزار افراد ہلاک ہو چکے ہیں جب کہ متاثرہ افراد کی تعداد بھی 2 لاکھ 20 ہزار سے بڑھ چکی ہے، گزشتہ چوبیس گھنٹوں کے دوران برازیل میں 824 اموات ہو چکی ہیں۔

بیلجیئم میں 8,959 مریض، جرمنی میں وائرس سے 8,001 مریض، ایران میں 6,902 مریض، نیدرلینڈز میں 5,643 افراد، کینیڈا میں 5,562 مریض، میکسیکو میں 4,767، چین میں 4,633 (گزشتہ 19 دنوں میں کوئی ہلاکت نہیں)، چین کے شہر ووہان میں دوبارہ ٹیسٹنگ کا آغاز کر دیا گیا ہے، اس سلسلے میں سوشل ڈسٹنسنگ کے ساتھ قطاریں لگ گئی ہیں۔ ترکی میں 4,055، سوئیڈن میں 3,646، انڈیا میں 2,753، ایکواڈور میں 2,594، روس میں 2,418، پیرو میں 2,392، سوئٹزرلینڈ میں 1,878، آئرلینڈ میں 1,518، پرتگال میں 1,190، انڈونیشیا میں 1,076، رومانیا میں 1,070 جب کہ پولینڈ میں 907 کرونا مریض ہلاک ہو چکے ہیں۔

گزشتہ چوبیس گھنٹوں کے دوران اسپین، روس، فرانس، انڈیا، پیرو اور سویڈن میں 100 سے زائد اموات، جب کہ اٹلی، میکسیکو اور ایکواڈور میں 200 سے زائد اموات واقع ہوئیں۔ برطانیہ میں 300 سے زائد، برازیل میں 800 سے زائد اور امریکا میں ڈیڑھ ہزار سے زائد مریض ہلاک ہوئے۔

موبائل گیم صارفین کی تعداد رواں سال 13.3 فیصد بڑھنے،مالیاتی حجم 77.2 ارب ڈالر تک پہنچنے کا امکان

2020-05-20T22:24:00.000+05:00

موبائل گیم صارفین کی تعداد رواں سال 13.3 فیصد بڑھنے،مالیاتی حجم 77.2 ارب ڈالر تک پہنچنے کا امکان

ماسکو دنیا بھر میں کورونا لاک ڈائون کے باوجود موبائل سے گیمز کھیلنے والے صارفین کی تعداد رواں سال 13.3 فیصد بڑھنے سے مارکیٹ کا مالیاتی حجم 77.2 ارب ڈالر تک پہنچ جانے کا امکان ہے۔نیوزو اینالیٹیکل ایجنسی کی جانب سے جاری جائزہ رپورٹ کے مطابق کورونا وائرس سے دنیا بھرمیں پیداواری، کاروباری، سفری اور دیگر سرگرمیاں متاثرہوئی ہیں تاہم لوگوں کے گھروں میں محصور ہونے کی وجہ سے ان میں موبائلگیمز کا رجحان بڑھ رہا ہے۔

ایجنسی کا کہنا ہے کہ لاک ڈائون کے باوجود موبائل گیم صارفین کی تعداد رواں سال 13.3 فیصد بڑھنے کا امکان ہے جس سے اس شعبے کا عالمی مارکیٹ میں حجم بھی بڑھ کر 77.2 ارب ڈالر ہونے کی توقع ہے۔رپورٹ میں بتایا گیا ہے کہ رواں سال موبائل فون، کمپیوٹر اور کنسول گیمز سے ہونے والی مجموعی عالمی آمدنی 9.3 فیصد بڑھ کر 159.3 ارب ڈالر رہنے کا امکان ہے، اس میں موبائل صارفین کی تعداد 13.3 فیصد بڑھ کر 77.2 ارب ڈالر، کنسول گیمز سے 6.8 فیصد بڑھ کر 45.2 ارب ڈالر جبکہ کمپیوٹر سے 4.8 فیصد اضافے کے ساتھ 36.9 ارب ڈالر رہنے کا امکان ہے۔

پاکستان میں حاملہ خواتین میں کورونا وائرس کی شرح خطرناک حد تک زیادہ گجرات میں 300 حاملہ خواتین کے کورونا ٹیسٹ کئے گئے جن میں سے 28 کے کورونا ٹیسٹ مثبت آئے ہیں جبکہ 200 سے زائد کی کورونا رپورٹس آنا باقی ہیں

2020-05-12T00:19:00.002+05:00

پاکستان میں حاملہ خواتین میں کورونا وائرس کی شرح خطرناک حد تک زیادہ گجرات میں 300 حاملہ خواتین کے کورونا ٹیسٹ کئے گئے جن میں سے 28 کے کورونا ٹیسٹ مثبت آئے ہیں جبکہ 200 سے زائد کی کورونا رپورٹس آنا باقی ہیں

پاکستان میں حاملہ خواتین میں کورونا وائرس کی شرخ خطرناک حد تک زیادہ ہو گئی ہے۔ اس حوالے سے گجرات میں موجود گورنمنٹ میٹرنٹی ہسپتال سمیت فتح پور کے ایک مقامی ہسپتال کو اس لئے بند کر دیا گیا ہے کیونکہ وہاں کے عملے اور مریضوں کی بڑی تعداد میں کورونا وائرس کی تصدیق ہو گئی تھی۔ اس حوالے سے بتایا گیا ہے جمعرات کو 300 حاملہ خواتین کے کورونا ٹیسٹ کئے گئے جن میں سے 28 کے کورونا ٹیسٹ مثبت آئے ہیں جبکہ 200 سے زائد کی کورونا رپورٹس آنا باقی ہیں۔

اس حوالے سے ماہرین کی جانب سے تشویش کا اظہار کیا جا رہا ہے کہ اس بات کے واضح امکانات ہیں کہ حاملہ خواتین کی بڑی تعداد کورونا وائرس کا شکار ہو سکتی ہے۔موجود گورنمنٹ میٹرنٹی ہسپتال کو پہلے ہی سیل کر دیاگیا تھا لیکن وہاں موجود حاملہ خواتین میں کورونا

وائرس کی تصدیق کی شرح تشویشناک ہے۔

خیا ل رہے کہ چین کے شہر وہان سے شروع ہونے والے کورونا وائر س نے اس وقت پاکستا ن میں بھی اپنے قدم جما لئے ہیںجس کے بعد ہر گزرتے دن کے ساتھا اس کی تباہی میں اضافہ ہوتا جا رہا ہے۔

پاکستان حکومت کی جانب سے وائرس کو مزید پھیلنے سے روکنے کے لئے ہر ممکن کوشش کی جا رہی ہے لیکن ابھی تک اس میں کسی قسم کی کامیابی سامنے نہیں آئی۔ آج ملک بھر میں جاری لاک ڈاؤن کو بھی ختم کر دیاگیا ہے لیکن لوگوں کو ہدایت کرنے کا کہا گیاہے۔ ۔ اس وقت پاکستا ن کی مجموعی صورتحال کا جائزہ لیا جائے تو اس وقت پاکستان بھر میں کورونا کے متاثرہ افراد کی تعداد 26 ہزار 800 سے زیادہ ہو گئی ہے جبکہ 622 افراد کورونا کا شکار ہو کر جاں بحق ہو گئے ہیں۔

پاکستان میں اب حاملہ خواتین بھی کورونا وائرس سے متاثر ہونے لگ گئی ہیں جس کی تازہ مثال گجرات کی ہے جہاں جمعرات کو 300 حاملہ خواتین کے کورونا ٹیسٹ کئے گئے جن میں سے 28 کے کورونا ٹیسٹ مثبت آئے ہیں جبکہ 200 سے زائد کی کورونا رپورٹس آنا باقی ہیں۔

امریکہ میں گزشتہ چوبیس گھنٹوں کے دوران مزید 1500 سے زائد افراد ہلاک کورونا وائرس سے ہلاک افراد کی تعداد مسلسل اضافے کے بعد 78 ہزار 746 ہو گئی۔ خبر ایجنسی

2020-05-12T00:14:00.000+05:00

امریکہ میں گزشتہ چوبیس گھنٹوں کے دوران مزید 1500 سے زائد افراد ہلاک کورونا وائرس سے ہلاک افراد کی تعداد مسلسل اضافے کے بعد 78 ہزار 746 ہو گئی۔ خبر ایجنسی

امریکہ میں گزشتہ چوبیس گھنٹوں کے دوران مزید 1500 سے زائد افراد ہلاک۔ کورونا وائرس سے ہلاک افراد کی تعداد مسلسل اضافے کے بعد 78 ہزار 746 ہو گئی ہے۔ تفصیلات کے مطابق ریاست ہائے متحدہ امریکہ میں مہلک کورونا وائرس سے ہونے والی ہلاکتوں میں مسلسل اضافہ ریکارڈ کیا جا رہا ہے جس کے باعث دنیا کی سپر پاور امریکہ باقی ممالک کے لیے خوف اور عبرت کی علامت بن کے رہ گئی ہے۔

امریکہ میں گزشتہ چوبیس گھنٹوں میں مزید 1500 سے زائد افراد ہلاک ہو چکے ہیں۔ فرانسیسی خبر رساں ادارے کے مطابق جان ہاپکنز یونیورسٹی کی جانب سے جاری کردہ تازہ اعداد و شمار کے مطابق امریکہ میں پچھلے 24 گھنٹوں میں مہلک کورونا وائرس کے باعث 1568 افراد لقمہ اجل بنے ہیں جس کے بعد ملک بھر میں کورونا سے ہلاک شدگان کی تعداد 78 ہزار 746 ہو گئی ہے۔

کورونا وائرس سے متعلق معلومات فراہم کرنے والے عالمی میٹر کے مطابق امریکہ میں مجموعی طور پر کورونا وائرس سے متاثرہ افراد کی تعداد 13 لاکھ 47 ہزار سے تجاوز کر چکی ہے جن میں سے صحت یاب ہونے والوں کی تعداد 2 لاکھ 38 ہزار سے زائد ریکارڈ کی گئی ہے۔

عالمی میٹر کے مطابق امریکہ میں کورونا کے کل مریضوں میں سے 16 ہزار مریض اس وقت شدید بیماری کی حالت میں مبتلا ہیں۔ دوسری جانب کورونا کی تباہ کاریوں کے بعد امریکہ کے محکمہ لیبر نے کہا ہے کہ کورونا وائرس کے باعث ہونے والے لاک ڈاؤن کی وجہ سے ملک بھر میں صرف اپریل میں 2 کروڑ سے زائد نوکریاں ختم ہوگئیں ہیں جو گزشتہ ایک دہائی میں پیدا ہوئی تھیں۔

متفرق میڈیا رپورٹس کے مطابق امریکہ میں معیشت کو غیر معمولی دھچکے سے بیروزگاری کی شرح 14.7 فیصد تک ہو گئی ہے جو مارچ میں 4.4 تھی۔ اس ساری صورت کے پیش نظر امریکی صدر ڈونلڈ ٹرمپ نے امریکی عوام کو یقین دہانی کروائی ہے ملک میں کورونا وائرس سے بچاؤ کے لیے ضروری سامان کی کوئی کمی نہیں ہے۔ امریکی صدر کا کہنا تھا کہ ہمارے پاس وینٹی لیٹرز اور آکسیجن آلات کی وافر تعداد موجود ہے۔ صدر ٹرمپ نے کورونا بحران کے نتائج کا سامنا کرنے

کے لیے امریکی زرعی شعبے کو مدد فراہم کرنے پر زور بھی دیا ہے

ملک بھر میں کاروباری سرگرمیاں بحال(سندھ میں کل سے نرمی ہوگی)

2020-05-12T00:10:00.000+05:00

ملک بھر میں کاروباری سرگرمیاں بحال(سندھ میں کل سے نرمی ہوگی)

اسلام آباد: لاک ڈائون میں نرمی کے بعد شہریوںکی بڑی تعداد سماجی فاصلے کا خیال رکھے بغیر خریداری میں مصروف ہے‘کراچی،اسلام آباد،راولپنڈی،لاہور، کوئٹہ، پشاور ملک بھر میں ڈیڑھ ماہ بعد کاروباری سرگرمیاں بحال،عید کی تیاریاں شروع، سندھ میں کل سے نرمی ہوگی ،طویل عرصے بعد کاروبار بحال ہونے پر تاجر خوش ہیں جب کہ پبلک ٹرانسپورٹ بند ہونے کے باعث شہریوں کو مشکلات کا سامنا کر نا پڑ ر ہا ہے .

، وزیر اعلیٰ سندھ اور پی ایم اے کا کہنا ہے کہ سندھ میں کوروناکی صورتحال بدتر ہورہی ہے جب کہ پنجاب حکومت نے ہفتے میں 3روز مکمل لاک ڈاؤن کرنے کا فیصلہ کیا ہے ۔تفصیلات کے مطابق اسلام آباد، راولپنڈی، کوئٹہ اور پشاور سمیت ملک کے بیشتر علاقوں میں ہفتے سے کاروبار شروع ہوگیا اور دکانیں کھل گئیں،بازار کھلتے ہی عوام نے عید کی شاپنگ شروع کردی ہے اور بازاروں میں رش بڑھنے سے طے کردہ ضابطہ کار بھی نظرانداز کردیے گئے ہیں تاہم کراچی میں کاروبار بدستور بند ہے جس میں کل سے نر می کی جائے گی۔

وزیراعظم عمران خان کی جانب سے کورونا وائرس کے باعث 45 روز سے نافذ لاک ڈاؤن میں نرمی کے بعد ہفتے سے مختلف علاقوں میں کاروبار زندگی بحال ہونا شروع ہوگیا تاہم پبلک ٹرانسپورٹ بند ہے جس کے باعث لوگوں کو آمد و رفت میں مشکلات کا سامنا ہے۔دن کے آغاز پر بازار اور دکانیں کھل گئیں تاہم بڑے شاپنگ مالز، بڑی مارکیٹیں اور پلازے بند رہے۔ تمام کاروبار فجر سے شام 5 بجے تک کھولے جائیں گے۔ اسپتالوں میں او پی ڈیز، نادرا دفاتر سمیت ضروری خدمات کے ادارے بھی کھلے ہیں اور شاہراہوں پر ٹریفک میں بھی اضافہ ہوگیا۔انتظامیہ دکانوں اور مارکیٹوں میں ایس او پیز پر عملدرآمد کے لیے پر عزم ہیں جبکہ کاروباری مراکز میں کورونا سے بچاؤ کی احتیاطی تدابیر اختیار کرنے میں شہریوں کا ملا جلا ردعمل ہے۔ اہم شاہراہوں پر پولیس اور قانون نافذ کرنے والے اداروں کے جوان تعینات ہیں جبکہ گشت بھی جاری ہے۔

طویل عرصے بعد کاروبار بحال ہونے پر تاجر تو خوش ہیں لیکن ساتھ میں عوام بھی سکھ کا سانس لے رہے ہیں کیونکہ ڈیڑھ ماہ کی بندش سے ضروریات زندگی کا سامان خریدنے میں مشکلات کا سامنا تھا۔راولپنڈی میں بینک روڈ اورصدرکے علاقوں میں کھلی مارکیٹیں بند کرانے پر تاجروں نے احتجاج کیا جب کہ سندھ میں آج بھی کاروباربند رہے گا اور(کل)پیرسے کاروبار کھولا جائے گا۔دوسری جانب پنجاب حکومت نے صوبے میں 3 روز مکمل لاک ڈاؤن اور 4 روز تمام دکانیں کھولنے کا فیصلہ کیا ہے۔

صوبائی وزیر اطلاعات فیاض الحسن چوہان کا کہنا ہے کہ پنجاب میں 3 روز، جمعہ، ہفتہ اور اتوار مکمل لاک ڈاؤن ہوگا جب کہ 4 روز پیر، منگل، بدھ اور جمعرات لاک ڈاؤن میں نرمی ہوگی، نرمی کے دنوں میں ساری دکانیں اور بازار کھلے رہیں گے،بڑے پلازہ اور شاپنگ سینٹر ساتوں روز بند رہیں گے۔

علاوہ ازیںوزیراعلیٰ سندھ مراد علی شاہ نے کورونا وائرس کی صورتحال کے حوالے سے وڈیو بیان جاری کرتے ہوئے کہا کہ سندھ میں صورتحال بدتر ہورہی ہے،سندھ کی تاریخ میں پہلی مرتبہگزشتہ 24 گھنٹے میں صوبے میں 5498 ٹیسٹ کیے تو ریکارڈ 20 فیصد 1080 افراد میں کورونا تشخیص ہوا، جن میں سے کراچی میں 583 کیسز رپورٹ ہوئے جبکہ ایک گاؤں میں 277 کیسز مثبت آئے۔

مراد علی شاہ نے کہا کہ ہم نے کراچی میں مختلف دکانوں اور سبزی فروشوں کے پاس عوام کے ٹیسٹ کیے ہیں تو ان میں سے کچھ دکاندار اور وہاں پر موجود گاہک کے ٹیسٹ مثبت آئے ہیں۔وزیراعلیٰ نے کہا کہ صوبے کی صورتحال دیکھ کر شدید پریشان ہوں، کورونا کیسز میں تیزی سے اضافہ ہورہا ہے، ہم لاک ڈاؤن کے دوسرے مرحلے میں داخل ہوگئے ہیں اور ہمیں مزید احتیاط کی ضرورت ہے۔

ادھر پاکستان میڈیکل ایسوسی ایشن (پی ایم اے) کے سیکرٹری جنرل ڈاکٹر قیصر سجاد نے لاک ڈاؤن میں نرمی کی شدید مخالفت کرتے ہوئے کہا ہے کہ لاک ڈاؤن میں نرمی سے کورونا وبا مزید پھیلے گی، لاک ڈاؤن میں نرمی کر کے کورونا کو پھیلانے کے دروازے کھولے جا رہے ہیں۔ پاکستان میڈیکل ایسوسی ایشن کے ماہرین نے پی ایم اے ہاؤس میں پریس کانفرنس کی۔

ڈاکٹر قیصر سجاد نے کہا کہ ڈاکٹرز اپنی قوم اور مریضوں کے لیے سنجیدہ ہیں۔ انہوں نے کہا کہ ڈاکٹرز کے ضمیر کی بات ہے کہ کسی بات یا دباؤ میں نہیں آئیں گے۔ صدر پی ایم اے سینٹرل ڈاکٹر اکرام نے کہا کہ ہماری نظر میں کوئی ایک بندہ بھوک کی وجہ سے نہیں مرا، پہلے بھی بتایا تھا کہ ڈبلیوایچ او نے کہا کہ لاک ڈاؤن سخت کریں، وزیر اعظم سے کہتے ہیں کہ سائنس کی دنیا کو سمجھنے کی ضرورت ہے۔ انہوں نے کہا کہ لاک ڈاؤن نرم کر رہے ہیں بلکہ دروازے کھول رہے ہیں، لاک ڈاؤن میں نرمی سے بیماری مزید پھیلے گی، ہم کسی بھی دباؤ میں نہیں آئیں گے، ڈبلیو ایچ او کے پروٹوکول کے خلاف چلنا فائدہ مند نہیں۔

انہوں نے کہا کہ مریض ایک سے دوسرے اسپتال گھوم رہے ہیں، گائیڈ لائن نہیں۔ ڈاکٹر اکرام نے بتایا کہ موجودہ صورت حال میں کورونا کا پھیلاؤ کراچی میں بڑھے گا، لاک ڈاؤن ہے لیکن کہیں بھی دیکھ لیںکوئی پابندی نظر نہیں آتی، کچھ تقسیم ہو رہا ہے تو وہاں بھی ہجوم ہیں، ہم موجودہ لاک ڈاؤن سے مطمئن نہیں، نرمی ہوگی تو نہ جانے کیا ہوگا۔ ڈاکٹر سعید اختر نے کہا کہ تمام ڈاکٹرز 8 ہفتے سے یہی بات کہہ رہے ہیں کہ کورونا کیسز میں اضافہ ہوگا۔ انہوں نے کہا کہ کورونا ابھی عروج کی طرف جا رہا ہے، لاک ڈاؤن کھولنا خطرناک ہوگا۔

وزیر صحت سندھ ڈاکٹر عذرا پیچوہو نے وڈیو بیان دیتے ہوئے کہا کہ ہائی ڈپینڈنسی یونٹس (ایچ ڈی یو) میں بیڈز کی تعداد کم ہو رہی ہے، شہریوں کو بہر صورت احتیاط کرنی ہوگی، محکمہ صحت کی طرف سے اسپتالوں میں بستروں کی تعداد بڑھانے اور دیگر انتظامات کا کام جاری ہے، وینٹی لیٹرز پر بھی مریضوں کی تعداد میں اضافہ ہو رہا ہے،کراچی میں بیڈز اور وینٹی لیٹرز کی قلت ہے۔ سندھ حکومت کے ترجمان بیرسٹر مرتضیٰ وہاب نے انفیکشن ڈیزیز اسپتال قائم کرنے کا اعلان کردیا، انفیکشن ڈیزیز اسپتال جلد کراچی میں فعال ہوجائے گا، جس میں کورونا سے نمٹنے کے اقدامات کیے جائیں گے۔

”سنڌ حڪومت ڪورونا بابت انگ اکر وڌائي پيش ڪري رهي آهي“

2020-05-12T00:01:00.003+05:00

”سنڌ حڪومت ڪورونا بابت انگ اکر وڌائي پيش ڪري رهي آهي“

ڪراچي (ويب ڊيسڪ) تحريڪ انصاف اڳواڻ خرم شير زمان سنڌ حڪومت تي الزام هڻندي چيو آهي ته پ پ صوبي ۾ ڪورونا وائرس بابت انگ اکر وڌائي پيش ڪري رهي آهي.

ڪراچي ۾ پريس ڪانفرنس ڪندي تحريڪ انصاف ڪراچي جي صدر خرم شير زمان چيو اسپتال وڃون ٿا ته خبر پئي ٿي اتي ڪورونا وائرس سان ڪا فوتگي ٿي ئي ناهي.

هن چيو وڏي وزير پريس ڪانفرنس ۾ چيو ته صوبي ۾ ڪاروبار بند رکڻ جو فيصلو وزيراعظم جو آهي پر ائين ناهي، سنڌ حڪومت ايس او پيز ٺاهي بنا دير صوبي ۾ مارڪيٽون کولڻ جو بندوبست ڪري.

سندس موجب سنڌ حڪومت وٽ اختيار آهن ۽ وڏو وزير اڃا تائين ڪاروبار کولڻ لاءِ معياري ضابطي ڪار ئي ناهي ٺاهي سگهيو، وزيراعظم 28 ارب رپيا سنڌ جي عوام کي ڏنا آهن، جڏهن ته وڏو وزير رڳو نوٽيفڪيشن ڏئي رهيو آهي.

خرم شير زمان چيو ته پنجاب ترقي ڪري رهيو آهي ۽ خيبر پختونخواهه ۾ بيروزگاري جي شرح گهٽ ٿي آهي، جڏهن ته سنڌ پوئتي وڃي رهيو آهي ۽ سنڌ جو حال موهن جي دڙي جهڙو ڪيو ويو آهي.

تحريڪ انصاف اڳواڻ جو چوڻ هو ته اهي سنڌ ۾ اڄ تائين صفائي جو نظام ٺيڪ ناهن ڪري سگهيا، ڪاش پ پ سنڌ جي اسڪولن ۽ اسپتالن کي ٺيڪ ڪري ڇڏي ها.

افغان طالبان تحریک نے ملا محمد عمرکے بیٹے کوعسکری چیف مقررکردیا ملا محمد یعقوب طالبان کےامیرہیبت اللہ اخوندزادہ کے نائب بھی ہیں، اب عسکری چیف کے ساتھ نائب امیر بھی رہیں گے۔ غیرملکی میڈیا

2020-05-12T00:00:00.000+05:00

افغان طالبان تحریک نے ملا محمد عمرکے بیٹے کوعسکری چیف مقررکردیا ملا محمد یعقوب طالبان کےامیرہیبت اللہ اخوندزادہ کے نائب بھی ہیں، اب عسکری چیف کے ساتھ نائب امیر بھی رہیں گے۔ غیرملکی میڈیا

قندھارافغان طالبان تحریک نے ملا محمد عمر کے بیٹے کو عسکری چیف مقرر کردیا، ملا محمد یعقوب طالبان کے امیر ہیبت اللہ اخوندزادہ کے نائب بھی ہیں، اب عسکری چیف کے ساتھ نائب امیر بھی رہیں گے۔ غیرملکی خبررساں ادارے کے مطابق افغان طالبان تحریک نے امیر ملا محمد عمر کے بیٹے ملا محمد یعقوب کو عسکری چیف مقرر کردیا ہے۔

ملا یعقوب طالبان کے امیر ہیبت اللہ اخوندزادہ کے نائب ہونے کے ساتھ نائب امیر بھی رہیں گے۔ دوسری جانب ترجمان طالبان سہیل شاہین نے ٹویٹر پر بتایا کہ مزید 48 افغان فوجیوں کو رہا کر دیا ہے، قیدیوں کا تبادلہ تمام قیدیوں کی رہائی تک جاری رہے گا۔ اسی طرح کابل انتظامیہ بھی اب تک 900 سے زائد طالبان قیدیوں کو رہا کرچکی ہے۔

یہ رہائی امریکا اور طالبان کے درمیان 29 فروری کو طے معاہدے کا حصہ ہے۔

طالبان کی جانب سے درجنوں افغان سیکیورٹی اہلکاروں کو بھی رہا کیا گیا ہے۔ مزید برآں امریکا کے ڈیفنس سیکریٹری مارک ایسپر نے افغانستان میں سیاسی جمود اور طالبان کی بڑھتی ہوئی کارروائیوں کے باعث امن معاہدے کو درپیش خطرات سے آگاہ کرتے ہوئے کہا ہے کہ افغان حکومت اور طالبان دونوں رواں برس ہوئے معاہدے پر عمل نہیں کررہے ہیں۔ غیرملکی خبررساں ادارے کے مطابق مارک ایسپر نے صحافیوں کے سوالوں کا جواب دیتے ہوئے کہا کہ میرا نہیں خیال کہ

طالبان اپنے وعدے پر عمل کررہے ہیں۔

ان کا کہنا تھا کہ میرا ماننا ہے کہ افغان حکومت بھی اپنی یقین دہانیوں پر پورا نہیں اتررہی۔ معاہدے کے بعد افغانستان میں طالبان کے حملوں میں تیزی دیکھی جارہی ہے جو افغان حکومت کے فورسز تک محدود ہے جبکہ غیر ملکی افواج کو معاہدے کے مطابق نشانہ نہیں بنایا جارہا ہے۔ مارک ایسپر نے کہا کہ افغان حکومت اور طالبان دونوں کو ایک ہونے اور طے کی گئیں شرائط پر عمل کرنے کی ضرورت ہی۔

ہم ان ہاؤس تبدیلی کے حق میں نہیں، نوازشریف کا اسٹیبلشمنٹ کو واضح پیغام آپ عمران خان کو ہی اپنا وزیراعظم رکھیں۔ سینئر صحافی کا انکشاف

2020-05-11T23:55:00.000+05:00

ہم ان ہاؤس تبدیلی کے حق میں نہیں، نوازشریف کا اسٹیبلشمنٹ کو واضح پیغام آپ عمران خان کو ہی اپنا وزیراعظم رکھیں۔ سینئر صحافی کا انکشاف

سینئر تجزیہ کار راؤف کلاسرا نے انکشاف کیا ہے کہ نوازشریف نے اسٹیبلشمنٹ کو واضح پیغام دیا کہ ہم ان ہاؤس تبدیلی کے حق میں نہیں، آپ عمران خان کو اپنا وزیراعظم رکھیں، ہم ان ہاؤس تبدیلی میں کسی کا ساتھ نہیں دیں گے، بس مریم نواز اور حمزہ کو لندن بھجوانے میں ریلیف دیں۔ انہوں نے نجی ٹی وی کے پروگرام میں تبصرہ کرتے ہوئے کہا کہ ایک محاورہ ہے جب سمندر میں طوفان آتا ہے اس سے پہلے مکمل خاموشی ہوتی ہے لگتا ہے سب کچھ بالکل ٹھیک ہے، لیکن یکدم طوفان آتا ہے اور سب کچھ پلٹ دیتا ہے ، عمران خان کی صورتحال بھی کچھ ایسی ہی ہے، عمران خان کی اپنی حکومت ، پارٹی اور وزراء پر گرفت کمزور پڑتی جا رہی ہے۔

البتہ عمران خان نے بڑے سخت پیغام دیے ہیں پنجاب خیبرپختونخواہ میں کچھ بغاوتیں ہوئیں توعمران خان نے ان کو کچل دیا، اس کے باوجود ہمیں لگ رہا ہے کہ پنجاب اور خیبرپختونخواہ میں بڑی خاموشی ہے ، لوگ فی الحال چپ کرگئے ہیں۔

کچھ لوگوں نے پنڈی میں جاکر کچھ لوگوں سے ملنے کی کوشش کی تھی، اس میں کچھ بااثر لوگ ، وفاقی وزراء بھی تھے ، عاطف خان سمیت تین لوگوں کو توسزادی گئی لیکن وفاقی وزراء کو کوئی سزا نہیں دی گئی، ایک وفاقی اور ایک پنجاب کے وزیربھی عاطف خان کے ساتھ گئے تھے، پنجاب کے رکن کو اے ٹی ایم کا درجہ حاصل ہے۔

انہوں نے کہا کہ میری اطلاعات یہ ہیں کہ ابھی طوفان تھما نہیں ہے، بس ایک دوماہ کی خاموشی ہے، چودھری شجاعت بھی عمران خان کو مشورے دے رہے ہیں، عمران خان کے لیے بری خبر یہ ہے کہ بیک ڈور رابطے ابھی جاری ہیں، نوازشریف ، آصف زرداری کے ابھی بھی رابطے ہیں۔نوازشریف نے سے اسٹیبلشمنٹ کو واضح کہا کہ ہم ان ہاؤس تبدیلی کے حق میں نہیں ہیں، مطلب ان کے کہنے کا یہ ہے کہ نوازشریف یا شہبازشریف نے تو وزیراعظم بننا نہیں، اگر ایسے ہی چیزیں چلنی ہیں تو آپ اپنے وزیراعظم عمران خان کو رکھیں، ہمیں کوئی دلچسپی نہیں ہے،ہم کوئی مسائل پیدا نہیں کریں گے۔

نہ ہی کسی دوسری جماعت کے ساتھ ملکر ان ہاؤس تبدیلی میں ساتھ دیں گے۔نوازلیگ کا بس ایک مطالبہ ہے کہ حمزہ شہبازاور مریم نواز دونوں کو رہا کریں اور لندن بھیجیں۔

’قاتل‘ مکھیوں سے امریکا کے بعد برطانیہ اور یورپ بھی خوف زدہ

2020-05-11T23:24:00.003+05:00

’قاتل‘ مکھیوں سے امریکا کے بعد برطانیہ اور یورپ بھی خوف زدہ

لندن: جان لیوا مکھیوں(بھِڑ) کی امریکا میں موجودگی کے بعد برطانیہ اور یورپ کے لیے بھی خطرہ کھڑا ہوگیا۔

غیرملکی خبررساں ادارے کی رپورٹ کے مطابق ماہرین حیاتیات نے خدشہ ظاہر کیا ہے کہ بھڑ برطانیہ اور یورپ بھی پہنچ سکتی ہیں، تاہم اس حوالے سے کوئی ثبوت سامنے نہیں آیا اور نہ ہی حتمی رائے قائم کی جاسکتی ہے۔

ماہرین نے خیال ظاہر کیا ہے کہ بھڑ کے دیگر ممالک میں پھیلاؤ کا خطرہ تاحال

موجود ہے۔

خیال رہے کہ بھڑ عمومی طور پر شہد کی مکھیوں کی دشمن سمجھی جاتی ہیں، ان میں اتنی صلاحیت ہوتی ہے کہ وہ چند منٹ کے اندر اندر مکھیوں سمیت شہد کے چھتوں کو ختم کرسکتی ہیں۔

جان لیوا مکھی کا شکار کیمرے میں قید، کمزور دل افراد نہ دیکھیں

بھڑ کے زہریلے ڈنگ سے انسانوں کی بھی اموات ہوچکی ہیں، عالمگیر وبا کے نتاظر میں بھڑ کی افزائش حکمرانوں کے لیے دوسرا بڑا چیلنج بن سکتا ہے۔ جبکہ امریکا نے اس کے خاتمے کے لیے حکمت عملی تیار کرلی ہے۔کرونا کے بعد جان لیوا مکھیوں کا خطرہ

حالیہ دنوں امریکی دارالحکومت واشنگٹن میں پہلی بار ایشیائی بھڑ کی نئی قسم دیکھی گئی۔ بعد ازاں سوشل میڈیا پر ایسی ویڈیو بھی وائرل ہوئی جس میں ایک بھڑ نے صرف چند سیکند کے اندر چوہے کو ہلاک کردیا۔

ترکی کے جنگی طیاروں نے کس ملک کے آرمی چیف کے فوجی ہیلی کاپٹرکو روک لیا؟ اہم خبر آگئی

2020-05-11T23:18:00.000+05:00

ترکی کے جنگی طیاروں نے کس ملک کے آرمی چیف کے فوجی ہیلی کاپٹرکو روک لیا؟ اہم خبر آگئی

یونان نے ترکی کی جنگی طیاروں کی جانب سے یونانی وزیر دفاع اور آرمی چیف کے ہیلی کاپٹرو کرو روکنے کی کوشش کی شدید مذمت کی ہے۔

غیرملکی خبر رساں اداروں کے مطابق یونانی حکومت کا کہنا تھا کہ ان کا ایک فوجی ہیلی کاپٹر جس پر وزیر دفاع اور آرمی چیف سمیت سینئر افسران سوار تھے بحر ایجہ کے ایک جزیر کے اوپر سے گذر رہا تھا کہ اس دوران ترکی کے جنگی طیاروں نے اسے گھیرنے کی کوشش کی۔

یونانی وزارت دفاع کا کہنا تھا کہ اس واقعے سے قبل ترکی اور یونان کے جنگی طیاروں کے درمیان ٹکرائو کی کیفیت پیدا ہوگئی تھی۔ دونوں ملکوں کے طیاروں کے درمیان مڈ بھیڑ اس وقت ہوئی جب سمندر میں ترک فوج مشقیں کررہی تھی۔

خیال رہے کہ ترکی اور یونان دونوں نیٹو فوجی اتحاد کے رکن ہیں مگر ان دونوں کے آپس میں گہرے اختلافات بھی چلے آ رہے ہیں۔یونانی وزیر دفاع نیکوس بانایوٹوبولوس اور آرمی چیف جنرل کونزانٹیونوس فلورس ایک ہیلی کاپٹر پر اینوسیس جزیرے کو عبور کرکے ترکی کی سرحد کے قریب بنے فوجی اڈوں کامعائنہ کرنے جا رہے تھے۔

ترکی کے دو جنگی طیاروں نے ہیلی وزیر دفاع اور آرمی چیف کو لے جانے والے ہیلی کاپٹر کو 3500 فٹ کے فاصلے سے گھیرنے کی کوشش کی۔ اس کے بعد یہ دنوں جنگی طیارے جزیرے پر صرف 1700 فٹ کی بلندی پر کھڑے ہوگئے۔

یونانی وزارت خارجہ نے ایک بیان میں وزیردفاع کے ہیلی کاپٹر کو روکنے کی کوشش کرنے پر ترکی کی شدید مذمت کی ہے۔ بیان میں کہا گیا کہ وزیر دفاع اور آرمی چیف کے ہیلی کاپٹر کو روکنا کھلی اشتعال انگیزی ہے۔

جنرل (ر) عاصم باجوہ کو کیوں لایا گیا؟

2020-05-11T23:16:00.000+05:00

جنرل (ر) عاصم باجوہ کو کیوں لایا گیا؟

جو لوگ احمد فراز کے فرزند شبلی فراز کو وزیر اطلاعات ونشریات بنائے جانے کے بعد جنرل (ر)عاصم سلیم باجوہ کو وزیراعظم کا معاونِ خصوصی برائے اطلاعات و نشریات تعینات کئے جانے کی منطق نہیں سمجھ پارہے، انہیں شاید معلوم ہی نہیں کہ حکومت کی ترجمانی کس قدر باریک کام ہے۔

تلبیس اطلاعات کے اس پُرفتن دور میں وزارتِ اطلاعات و نشریات کا انتظام وانصرام سنبھالنا کسی ایک فرد کے بس کی بات نہیں۔ ماضی میں بھی اس سے ملتے جلتے بندوبست کے تحت کام چلایا جاتا رہا ہے۔

پاکستان کے پہلے سات وزرائے اعظم وزارت اطلاعات کیا چلاتے، وہ بیچارے تو اپنی وزارت عظمیٰ نہ بچا پائے۔ تاہم پہلے فوجی حکمران جنرل ایوب خان کے دور میںاطلاعات ونشریات کی وزارت پر کماحقہٗ توجہ دی گئی۔ ایوب خان کی پہلی کابینہ میں ذوالفقارعلی بھٹو نے کامرس کیساتھ ساتھ اطلاعات و نشریات کاقلمدان سنبھالےرکھاجبکہ دوسری کابینہ میں خواجہ شہاب الدین وزیر اطلاعات مقرر ہوئےمگرحکومتی بیانیہ متشکل کرنے اور اس کا ڈھنڈورا پیٹنے کے لئےپالیسیاں تشکیل دینے کی ذمہ داری سیکرٹری اطلاعات و نشریات الطاف گوہر نے سنبھال رکھی تھی۔

ایوب خان پروپیگنڈے کی اہمیت سے واقف تھے اس لئے انہوں نے نازی دور میں پروپیگنڈے کیلئے مشہور Svengaliاور Goebblesکو یکجا کرنے کا فیصلہ کیا۔ بریگیڈیئر فضل الرحمٰن خان جو بریگیڈیئر ایف آر خان کے نام سے مشہور ہوئے، کی سربراہی میں’’بیورو آف نیشنل ریسرچ اینڈ ری کنسٹرکشن‘‘کے نام سے پروپیگنڈا سیل قائم کیا۔

شجاع نواز ’’کراس سوارڈز‘‘میں لکھتے ہیں کہ اس سیل کا مقصد معروف صحافیوں کی خدمات حاصل کرنا تھا تاکہ ان کے نام سے اخبارات میں مضامین اور کالم شائع ہوں جن میں حکومتی اقدامات کی تعریف کی جائے۔ اس دور میں وظیفہ خور صحافیوں کو اس سیل کی طرف سے 1ہزارسے 2ہزار روپے ماہانہ مشاہرہ دیا جاتا تھا۔

جنرل یحییٰ خان نے اطلاعات کی وزارت تو اپنے پاس ہی رکھی لیکن معروف بیوروکریٹ روئیداد خان اس دور کے ’’ڈی فیکٹو‘‘ وزیر اطلاعات تھے۔ روئیداد خان نے یہ وزارت اس قدر کامیابی سے چلائی کہ 16دسمبر 1971ء کی شام تک لوگ یہی سمجھ رہے تھے کہ بھارتی فوج کے دانت کھٹے کر دیے گئے ہیں اور سقوط ڈھاکا کی خبر بھارتی ریڈیو سے ملی۔

ذوالفقار علی بھٹو کے دور میں کچھ عرصہ محمد حنیف خان نے وزارت اطلاعات سنبھالے رکھی مگر زیادہ عرصہ حکومتی ترجمانی کے فرائض مولانا کوثر نیازی نے سنبھالے رکھے۔ کوثر نیازی کے ساتھ نسیم احمد سیکرٹری اطلاعات ہوا کرتے تھے اور قیام پاکستان کے بعد پہلی بار ایسا ہوا کہ اطلاعات و نشریات کی وزارت کا مکمل کنٹرول وفاقی وزیر کے پاس رہا۔

ضیاء الحق نے اقتدار پر قبضہ کیا تو انہوں نے آئی ایس پی آر کی موجودگی میں وزارت واطلاعات ونشریات کو غیر ضروری سمجھا۔ 14جنوری 1978ء اور پھر 5جولائی 1978ء کو کابینہ نے حلف اٹھایا تو اطلاعات و نشریات کا قلمدان کسی کو دان نہ کیا گیا۔ 23اگست 1978ء کو ردوبدل کے بعد ایک بار پھر کابینہ نے حلف اُٹھایا تومحمود اعظم فاروقی کو اطلاعات ونشریات کا وزیر بنادیا گیا۔

بظاہر تو محمود اعظم وفاقی وزیر تھے مگر وزارت اطلاعات چلانے کی ذمہ داری سیکرٹری انفارمیشن میجر جنرل مجیب الرحمٰن کے پاس تھی۔ جنرل ضیا کے معتمد جنرل خالد محمود عارف اپنی کتاب ’’ورکنگ وِد ضیا‘‘میں لکھتے ہیں کہ ایک بار کسی ناظر نے سیکرٹری اطلاعات کو ٹیلیفون کرکے کہا، براہ کرم میرا ٹیلی وژن ٹھیک کردیں۔

جنرل مجیب الرحمٰن نے کہا، بھائی ٹی وی خراب ہے تو کسی مکینک کو بلائو۔ ٹیلیفون کرنے والے نے کہا، یہ مکینک کا کام نہیں، آپ ہی میری مدد کر سکتے ہیں۔ ایک مولوی صاحب پنجے جھاڑ کر میرے ٹی وی سیٹ کی اسکرین کے پیچھے پڑ گیا ہے اور یوں چپکا بیٹھا ہے کہ اُترنے کا نام نہیں لے رہا۔

حالات کی ستم ظریفی دیکھیں کہ 2008ء میں پیپلز پارٹی کی حکومت آئی تو اسی جنرل مجیب الرحمٰن جس کے دور میں بھٹو اور بینظیر کیخلاف غلیظ ترین پروپیگنڈا کیا جاتا رہا، کو آصف زرداری نے صدارتی ایوارڈ سے نوازا۔ بہر حال جب محمد خان جونیجو وزیراعظم بنے تو انہوں نے سب سے پہلے جنرل مجیب الرحمٰن کو کھڈے لائن لگایا اور چوہدری شجاعت حسین کو وزیر اطلاعات و نشریات بنایا۔

بینظیر نے بھی وزارت اطلاعات ونشریات کو کچھ خاص اہمیت نہ دی اور پہلے دور حکومت میں یکے بعد دیگرے جاوید جبار اور احمد سعید اعوان کو وزیر مملکت کی حیثیت سے حکومتی ترجمان مقرر کیا۔ دوسرے دور ِحکومت میں خالد احمد کھرل کو اطلاعات ونشریات کا وفاقی وزیر بنایا گیا لیکن ان کی کارکردگی بھی قابل ذکر نہیں رہی۔

نوازشریف اس کام کی باریکی سے واقف تھے اس لئے پہلے دور میں میاںعبدالستار لالیکا، دوسرے دور میں مشاہد حسین جبکہ تیسرے دور میں پرویز رشید کو یہ ذمہ داری سونپی۔ پہلے دور میں حسین حقانی اور دوسرے دور میں پرویز رشید چیئرمین پی ٹی وی کی حیثیت سے میڈیا ٹیم کا حصہ رہے۔ صدیق الفاروق جیسی شخصیات بھی اپنا کردار ادا کرتی رہیں۔

پرویز مشرف دور میں جاوید جبار، جمالی کابینہ میں شیخ رشید، شوکت عزیز کابینہ میں پہلے شیخ رشید اور پھر محمد علی درانی نے وزارت اطلاعات کا قلمدان سنبھالے رکھا مگر ڈی جی آئی ایس پی آر کی حیثیت سے پہلے راشد قریشی اور پھر شوکت سلطان نے اصل مورچہ سنبھالے رکھا۔

گیلانی کی کابینہ میں شیری رحمٰن، پرویز اشرف کے ساتھ قمر زمان کائرہ جبکہ

شاہد خاقان کے دور میں مریم اورنگ زیب نے ترجمانی کے فرائض سرانجام دیے۔

عمران خان وزیراعظم بنے تو فواد چوہدری کو اطلاعات و نشریات کا قلمدان سونپا گیا اور ساتھ بیشمار میڈیا ایڈوائزر، معاونین خصوصی اور ترجمان بنادیے گئے۔ کابینہ میں ردوبدل ہوا تو فردوس عاشق اعوان نے معاون خصوصی کی حیثیت سے یہ وزارت سنبھال لی۔

موجودہ حکومت کے ہاں وفاق اور صوبوں میں ترجمان تو بیشمار ہیں مگر پھر بھی ’’شکریہ‘‘ والا ماحول نہیں بن پا رہا تھا۔ جنرل عاصم سلیم باجوہ نے بطور عسکری ترجمان اپنی ذمہ داریاں نہایت احسن طریقے سے انجام دی تھیں، اسی تجربے کے پیشِ نظر اب انہیں مشیر مقرر کیا گیا ہے۔

لندن میں نوازشریف سے ملاقات کرنےوالی پُراسرارشخصیت کا پتا چل گیا ، سینئر تجزیہ کار ڈاکٹر شاہد مسعود

2020-05-11T23:09:00.001+05:00

لندن میں نوازشریف سے ملاقات کرنےوالی پُراسرارشخصیت کا پتا چل گیا یہ شخص تصویر میں ویسے دکھائی نہیں دے رہے، جیسے حقیقت میں نظر آتے ہے۔ سینئر تجزیہ کار ڈاکٹر شاہد مسعود

سینئر تجزیہ کار ڈاکٹر شاہد مسعود نے کہا ہے کہ نوازشریف سے ملاقات کرنے والی شخصیت ڈپٹی ڈائریکٹر ہیں، یہ شخصیت ایک بڑے سرکاری ادارے کے ڈی سی ہیں،یہ شخص تصویر میں ویسے دکھائی نہیں دے رہے، جیسے حقیقت میں نظر آتے ہے۔انہوں نے نجی ٹی وی کے پروگرام میں تبصرہ کرتے ہوئے کہا کہ لندن پلان توبنے گا کیونکہ نواز شریف جہاں بیٹھے ہیں، وہاں شہبازشریف اور چوہدری نثار بھی ہیں، تو پھر کچھ نہ کچھ توبات کرتے ہی ہوں گے۔

لندن پلان کوئی نہ کوئی تو ہے، ایسے تو یہ لندن میں نہیں بیٹھے ہوئے۔انہوں نے کہا کہ نوازشریف سے لندن میں ملاقات کرنے والی ایک پراسرار شخصیت کی تصویر سامنے آئی ہے، یہ شخص تصویر میں ویسا نظر نہیں آرہا ، جیسی یہ شخصیت حقیقت میں ہے۔

یہ ایک بڑے سرکاری ادارے کے ڈپٹی ڈائریکٹر ہیں، انہوں نے لندن میں نوازشریف سے ملاقات کی ہے۔ لندن میں نوازشریف سے کچھ اور ملاقاتیں بھی ہوئی ہیں۔

واضح رہے گزشتہ روز لندن میں جب شہباز شریف سابق وزیراعظم نواز شریف کی عیادت کے لیے ایون فیلڈ آئے اور انہوں نے اپنے بھائی کے ساتھ چالیس منٹ تک ملاقات کی اور پہلے پانچ منٹ وہ دروازے کے باہر کھڑے رہے، جب دروازہ بند کیا گیا تو انکی جانب سے ڈور بل بھی بجائی گی۔ دروازہ نہ کھلنے پر انہوں نے افضال بھٹی پر برہمی کا اظہار کیا اور کہا کہ فوری طور پر دروازہ کھولا جائے۔

چالیس منٹ کے بعد شہباز شریف

کے ہمراہ سابق وزیرخزانہ اسحاق ڈار بھی ایون فیلڈ سے باہر نکل آئے اورملاقات کے بعد دونوں وہاں سے چلے گئے۔ انکا کہنا ہے کہ بعد ازاں قائد حزب اختلاف شہباز شریف نے ہم سے بات کی، جس کے کچھ دن بعد وہ دوبارہ ایون فیلڈ میں چلے گئے۔ مگر اس دفعہ صورتحال کچھ مختلف تھی کیونکہ اس مرتبہ حسین نواز ان کا استقبال کرنے کے لئے گیٹ پر موجود تھے کہ جونہی وہ گیٹ پر پہنچے تو فوراً وہ اندر تشریف لے جائے اور انتظارنہ کرنا پڑے۔

انھوں نے مزید کہا کہ ہمارے لئے حیران کن بات تو یہ تھی کہ اس دفعہ گاڑی میں سے سابق وزیراعلیٰ پنجاب شہباز شریف اور سابق وزیرخزانہ اسحاق ڈار کے ساتھ ایک تیسرا شخص بھی موجود تھا جس نے اپنا منہ مکمل طور پر ڈھانپا ہوا تھا اور سر پر ٹوپی پہنی ہوئی تھی۔ جس کی 40 منٹ تک سابق وزیراعظم نواز شریف سے ملاقات ہوئی، چالیس منٹ کے بعد میاں شہباز شریف صاحب نے افضال بھٹی کے ہمراہ اپنی گاڑی میں سوار ہوکر ایون فیلڈ کے صدد دورازے سے وہاں سے چلے گئے جس کو اس ویڈیو میں دیکھا جا سکتا ہے۔

دوسری طرف ایون فیلڈ میں موجود مذکورہ شخص کو پچھلے دروازے سے باہر نکالا گیا جو کہ اپنا منہ مکمل طور پر چھپائے ہوتے تھا۔ انھوں نے کہا کہ ہماری جانب سے ان سے پوچھے گئے سوالات کا بھی اس شخص نے کوئی جواب نہ دیا، جب کہ وہ ادھر ادھر جاتے ہوئے موبائل پر مسلسل کسی سے رابطے میں تھا جس پر ان کو ہدایات دی جارہی تھیں کہ انہوں نے کہا آنا ہے۔آخرکار کچھ دیر بعد شہباز شریف نے انکو گاڑی میں بٹھایا اور وہاں سے چلے گئے۔

اٹھارہویں ترمیم کا انجام

2020-05-11T23:04:00.000+05:00

اٹھارہویں ترمیم کا انجام

برادر عزیز ارشاد بھٹی کوئی موقع ہاتھ سے جانے نہیں دیتے۔ گفتگو اور تحریر میں جب اردو سے بات نہ بن پائے تو وہ چوہدری غلام حسین کی طرح پنجابی کا استعمال شروع کر دیتے ہیں مگر چھکے چوکے لگانے سے باز نہیں آتے۔

حال ہی میں انہوں نے ایک ٹویٹ کیا ہے کہ ’’جنرل عاصم باجوہ تو تحریک انصاف میں سیاست کرنے آئے ہیں جبکہ جنرل بٹ، جنرل ناصر جنجوعہ اور جنرل عبدالقیوم (ن)لیگ میں تراویح پڑھانے آئے‘‘۔

ارشاد بھٹی ایک اور سینیٹر کا نام بھول گئے۔ (ن)لیگ کے سینیٹر جنرل صلاح الدین ترمذی بھی سیاست ہی کر رہے ہیں۔ ویسے تو (ن) لیگ نے اپنے مرکز لاہور میں ایک کرنل کو میئر بنایا تھا۔

بات لمبی ہو جائے گی۔ اتنے نام گنوانے کی کیا ضرورت ہے۔ بس جنرل ضیاء کی چھتری کو یاد کر لیں پھر اس کے مشن کو جاری رکھنے والی ’’جمہوری سوچ‘‘ پر غور کر لیں تو ساری صورتحال واضح ہو جائے گی۔

جہاں تک جنرل عاصم سلیم باجوہ کی بات ہے تو انہوں نے فوج کے شعبہ تعلقاتِ عامہ کو بامِ عروج پر پہنچایا یعنی آئی ایس پی آر کو جدید ترین ہتھیاروں سے لیس کیا۔

انہوں نے مشہورِ زمانہ ٹرپل ون بریگیڈ بنائی۔ وہ کور کمانڈر سدرن کمانڈ بھی رہے۔ ان کی صلاحیتوں کا ایک زمانہ معترف ہے۔ مجھے ایک پرانا واقعہ یاد آ گیا ہے۔ اس واقعہ سے آپ کو میاں نواز شریف کی سوچ کا اندازہ بھی ہو جائے گا۔

اس زمانے میں جنرل راحیل شریف آرمی چیف تھے جبکہ ملک کے وزیراعظم میاں نواز شریف۔ گوادر میں ایک تقریب تھی۔ مجھے آئی ایس پی آر والے لے کر گئے تھے۔ جب نواز شریف آئے تو ان کے دو تین چہیتے صحافی بھی ان کے ساتھ تھے مگر وہ لنچ کے وقت کھانے کی مرکزی ٹیبل پر نظر نہ آئے۔

وزیراعظم نواز شریف نے اپنےارد گرد محمود خان اچکزئی، مولانا فضل الرحمٰن اور میر حاصل بزنجو کو بٹھا لیا۔ آرمی چیف بھی ساتھ ہی بیٹھے تھے۔ مرکزی میز پر دیگر سول و عسکری حکام بھی تشریف فرما تھے۔

اس میز کے ایک کونے پر کور کمانڈر جنرل عامر ریاض اور یہ خاکسار محوِ گفتگو تھے۔ اتنے میں جنرل عاصم سلیم باجوہ آ گئے اور انہوں نے اونچی آواز میں میرا نام لیا اور کہنے لگے ’’ہم آپ کو ڈھونڈ رہے ہیں‘‘، اس جملے کے بعد میاں نواز شریف نے میری شکل پر ٹکٹکی باندھ لی۔ کھانا ختم ہوا تو الگ جہازوں میں سب روانہ ہو گئے۔

اس سے اگلے دن میاں نواز شریف اپنے ایک خاص آدمی کو ملے اور کہنے لگے ’’میں تو اسے زرداری کا دوست سمجھتا رہا مگر کل گوادر میں جرنیل اس سے بڑی محبت کا مظاہرہ کر رہے تھے، یہ شاید پنڈی کا آدمی ہے‘‘۔

مجھے جب اس بات کا پتا چلا تو میں نے جواباً پیغام بھجوایا کہ میاں نواز شریف کو بتا دیجئے کہ یہاں کوئی پنڈی، لاہور، ملتان یا کراچی کا نہیں، نہ ہی کوئی پشاور، کوئٹہ یا نواب شاہ کا ہے، ہم سب پاکستانی ہیں اور ہم سب کی محبت پاکستان سے ہے۔ ایک مشکل وقت میں آصف زرداری نے پاکستان کھپے کا نعرہ لگا کر بہت اچھا کام کیا تھا۔

پاکستان کے لیے جو بھی اچھا کام کرے گا، ہم اسے پسند بھی کریں گے، اسے سراہیں گے بھی، ہماری اس پاک وطن کے لیے جان حاضر ہے، ہم شخصیات سے نہیں، وطن سے محبت کرتے ہیں۔ جہاں تک جمہوریت کا سوال ہے ہم نے نوابزادہ نصراللہ کی قیادت میں یہ جنگ لڑی، اس جنگ میں پوری پیپلز پارٹی تھی۔

جاوید ہاشمی، بیگم کلثوم نواز شریف کے علاوہ (ن)لیگ کے چند افراد بھی تھے۔ ہاں میاں صاحب کے چہیتوں نے جنگ نہیں لڑی، کوئی ان کا چہیتا دبئی میں تھا تو کوئی مدینے میں اور کوئی فیض آباد کے پاس گھر میں تھا۔

جنرل عاصم سلیم باجوہ سے پہلے اطلاعات کی معاون ڈاکٹر فردوس عاشق اعوان تھیں، وہ ہماری فیملی ممبر کی طرح ہیں، انہوں نے عورت ہو کر بھی مردانہ وار جنگ لڑی، انہوں نے اپنی بہترین صلاحیتوں کا مظاہرہ کیا اور وہ اب بھی تحریک انصاف کی سیاست میں پوری طرح سرگرم ہیں۔

بدھ کے روز بھی وہ وزیراعلیٰ پنجاب عثمان بزدار کے ساتھ سیالکوٹ میں ایک فنکشن میں نظر آئیں۔ غلط فہمیاں پیدا کرنے کی کوشش نہیں کرنی چاہئے کیونکہ غلط فہمیاں دلوں میں کدورتیں پیدا کرتی ہیں۔

فردوس عاشق اعوان کا تو نام بھی ایک ملنگ درویش سائیں فردوس کے نام پر رکھا گیا تھا۔ ملنگ اکثر ان کی حویلی میں بیٹھا رہتا تھا۔

ڈاکٹر فردوس کے والد ملک عاشق اعوان بھی سیاست کرتے تھے۔ خود ڈاکٹر صاحبہ نے زمانہ طالب علمی سے سیاست کا آغاز کر دیا تھا۔ سیاست بھی عروج و زوال کی داستان ہے۔ اس میں ہار جیت ہوتی رہتی ہے۔

یاد رہے کہ سیاست عہدوں کی محتاج نہیں ہوتی۔ دنیا والوں کی عجیب رسم ہے، جانے والوں پر الزامات کی بارش اور آنے والوں پر پھول نچھاور کرتے ہیں۔

خواتین و حضرات! واقعات کالم کھا گئے، ورنہ آج بودی شاہ کی باتیں بیان کرنا تھیں۔ اب بس تھوڑی سی باتیں بتانا چاہتا ہوں۔ آپ کو پتا تو ہے کہ وہ نخریلا ہے۔ جب بھی آتا ہے تو اس کے کئی بے تکے نخرے برداشت کرنا پڑتے ہیں۔

گزشتہ روز بھی اس کے کئی نخرے برداشت کیے اور پھر وہ بولا ’’تمہیں پتا ہے کہ جو بہت سے لوگوں کو رہائیاں ملی تھیں وہ لین دین کے نتیجے میں ملی تھیں، خاموشی بھی اسی کا ثمر ہے، جو کچھ ہونے جا رہا ہے یہ پہلے طے ہو گیا تھا، بس کورونا اسے بالکل سامنے لے آیا ہے۔

تمہیں پتا ہے کہ گزشتہ دس سالہ حکمرانی میں 24ہزار ارب قرضہ لیا گیا تھا، اتنا ہی قرضہ ساٹھ برسوں میں لیا گیا تھا، تمہیں پتا ہے نا کہ نیب سے کئی لوگ تنگ ہیں، اب نیب قوانین بھی بدلے جا رہے ہیں، اٹھارہویں ترمیم میں بھی تبدیلیاں لائی جا رہی ہیں، بس سمجھو کہ یہ ترمیم تقریباً ختم ہی کی جا رہی ہے اور اپوزیشن کی ایک بڑی پارٹی کے مطالبے پر اٹھاون ٹو بی کی شق بھی بحال کی جا رہی ہے۔

اس سے صدر مملکت کو اسمبلیاں توڑنے کا اختیار مل جائے گا‘‘۔باتیں تو بودی شاہ نے اور بھی بتائی ہیں مگر آپ فی الحال رئیس امروہوی کے شعر سے لطف اُٹھایئے۔

خاموش زندگی جو بسر کر رہے ہیں ہم

گہرے سمندروں میں سفر کر رہے ہیں ہم

وزیراعظم عمران خان نے 16 وزارتوں کو ریڈ لیٹر جاری کردیا

2020-05-11T22:59:00.002+05:00

وزیراعظم عمران خان نے 16 وزارتوں کو ریڈ لیٹر جاری کردیا

اسلام آباد : وزیراعظم عمران خان کی ہدایت پر وفاقی کابینہ کے فیصلوں پر عملدرآمد نہ کرنے پر 16 وزارتوں کو ریڈ لیٹر جاری کرتے ہوئے مزید 21دنوں کی مہلت دی گئی ہے۔

تفصیلات کے مطابق وفاقی کابینہ کےفیصلوں پرعملدرآمد کے معاملے پر وزیراعظم عمران خان کی ہدایت پر 16 وزارتوں کوریڈ لیٹرجاری کردیا گیا، وزیراعظم آفس نے دوسری بار وزارتوں کو ریڈ لیٹر جاری کیا۔

وزیر اعظم آفس کی جانب سے کہا گیا کہ کابینہ نے متعلقہ وزارتوں سےمتعلق 8 فیصلے کئے، وزارتوں نے کابینہ کے 5فیصلوں پر مقررہ وقت تک عمل نہیں کیا، 16 وزارتوں کو مزید 21دنوں کی مہلت دی گئی ہے۔

وزیر اعظم عمران خان نے 21دنوں میں رپورٹ تیارکرنےکی ہدایت کی ہے ، وزیراعظم ڈلیوری یونٹ وفاقی کابینہ کورپورٹ پیش کرےگا، ریڈلیٹر پر عملدرآمد میں کوتاہی وزارتوں کی کارکردگی رپورٹ میں شامل ہو گی۔

وزیراعظم آفس کا کہنا ہے کہ وزیر اعظم نےوزارتوں کی کارکردگی پررپورٹ بھی طلب کررکھی ہے، وزارتوں کوخالی آسامیوں کاڈیٹاایف پی ایس سی کو بھجوانا تھا، وزارتوں کوخالی آسامیوں کیلئے قوائدوضوابط بنانےکاحکم دیاگیاتھا اور

ملازمین کےسنیارٹی مسائل کو حل کرنے اور وزارتوں کوافسران کی ترقی کامعاملہ نمٹانے کی ذمہ داری سونپی گئی تھی

بھارت اچانک طالبان سے روابط استوار کرنے کا خواہشمند کیوں ہوگیا؟

2020-05-11T22:56:00.000+05:00

بھارت اچانک طالبان سے روابط استوار کرنے کا خواہشمند کیوں ہوگیا؟

بھارت ابتدا سے ہی طالبان حکومت کا مخالف رہا ہے، تاہم اب افغانستان میں قیام امن کی بدلتی صورتحال کی وجہ سے بھارت نے ان طالبان کے ساتھ روابط استوار کرنے کا فیصلہ کیا ہے۔

برسوں کی بات چیت کے بعد انتیس فروری ہفتے کے روز قطر کے دارالحکومت دوحہ میں امریکا اور طالبان کے درمیان ایک امن معاہدے پر دستخط ہونے والے ہیں۔

اطلاعات کے مطابق اس تقریب میں شرکت کے لیے بھارت نے بھی اپنا ایک سفیر بھیجنے کا بھی فیصلہ کیا ہے۔

جرمن خبر رساں ادارے کے مطابق گزشتہ روز دفتر خارجہ نے اپنی معمول کی بریفنگ میں اس سے متعلق کچھ بھی کہنے سے گریز کیا تھا، لیکن بھارتی میڈیا میں اب یہ خبر شہ سرخیوں میں ہے کہ بدلتے حالات کے پیش نظر بھارت نے بھی امریکا طالبان امن معاہدے میں شرکت کا فیصلہ کر لیا ہے۔

وزارت خارجہ کے ذرائع کے مطابق قطر نے ہفتے کے روز کی تقریب کے لیے بھارت کو بھی دعوت نامہ بھیجا تھا اور اس مسئلے پر اعلیٰ قیادت سے صلاح و مشورے کے بعد دوحہ میں بھارتی سفیر کو اس میں شریک ہونے کے لیے کہا گیا ہے۔

دوحہ میں یہ پہلاموقع ہوگا جب طالبان کے ساتھ کسی بھی طرح کی میٹنگ میں بھارتی نمائندہ بھی موجود ہوگا۔ افغانستان میں سن 1996 سے 2001 تک طالبان کی حکومت تھی لیکن بھارت نے طالبان کی حکومت کو نہ تو حکومتی اور نہ ہی سفارتی سطح پر تسلیم کیا۔

لیکن بھارت کے اس فیصلے سے لگتا ہے کہ افغانستان میں بدلتی سیاسی صورت حال کے پیش نظر اس نے اپنی پالیسیوں پر نظر ثانی کی ہے اور وہ طالبان کے ساتھ اپنے روابط استوار کرنے کا خواہاں ہے۔

دوحہ میں طالبان اور امریکا کے درمیان ہونے والے امن معاہدے کی تقریب میں بھارت کی موجودگی طالبان اور بھارت کے درمیان ممکنہ سفارتی روابط کے قیام میں پہلا قدم بتایا جا رہا ہے۔

جنوبی ایشیائی امور کے ماہر قمر آغا نے جرمن خبر رساں ادارے سے بات کرتے ہوئے کہا کہ حکمت عملی کے اعتبار سے افغانستان بھارت کے لیے بہت اہم ہے۔ بھارت نے بہت کچھ داؤ پر لگا رکھا ہے اور وہ اس کا تحفظ چاہتا ہے۔

انہوں نے کہا،اب بھارت کے پاس کوئی متبادل نہیں بچا ہے۔ افغان حکومت بھی طالبان کے ساتھ معاہدے پر متفق ہوچکی ہے تو بھارت الگ تھلگ کیسے رہ سکتا ہے۔ بھارت کی کوشش یہ ہے کہ افغانستان میں وہ اپنے اثاثے کسی طرح محفوظ رکھ سکے۔ اس نے وہاں بہت سرمایہ کاری کی ہے وہ ان پر حملے یا ان کی بربادی نہیں چاہتا۔ ایک سوال کے جواب میں قمر آغا نے بتایا کہ علاقائی امور کے تعلق سے اب بھی بھارت اور امریکا کے درمیان کافی اختلافات ہیں اور افغانستان کے بارے میں تو کچھ زیادہ ہی لیکن بھارت کے پاس آپشنز نہیں ہیں۔ انہوں نے کہا، طالبان ہمیشہ بھارت کے مخالف اور بھارت میں عسکریت پسندی کو ہوا دینی والی قوتوں کے حامی رہے ہیں، تو اگر افغانستان میں دوبارہ عدم استحکام ہوتا ہے تو پھر اس سے کشمیر میں بڑے مسائل کھڑے ہوسکتے ہیں اور بھارت ان سے بچنا چاہتا ہے۔

حال ہی میں امریکی صدر کے دورہ بھارت کے دوران بھی افغانستان پر بات چيت ہوئی تھی اور بھارت و امریکا کے مشترکہ بیان میں اس حوالے سے ذکر ملتا ہے۔

چند روز قبل ہی امریکی وزیر خارجہ نے ایک بیان میں کہا تھا کہ افغانستان میں جنگ کے اختتام کے لیے طالبان اور امریکا کے درمیان ایک امن معاہدہ طے ہوگیا ہے جس پر 29 فروری کو دوحہ میں دستخط ہوں گے۔

بھارتی حکومت اور طالبان کے درمیان پہلی بار براہ راست گفتگو مسافر طیارے کی ہائی جیکنگ کے علاوہ کبھی بھی نہیں ہوئی ہے۔ 24 دسمبر سن 1999 میں بعض افراد نے بھارت کی سرکاری فضائی کمپنی انڈین ایئرلائن کے ایک مسافر بردار طیارے آئی سی 814 کو اغوا کر لیا تھا۔ یہ جہاز کھٹمنڈو سے دہلی آرہا تھا جس میں 176 مسافر سوار تھے۔ پہلے یہ جہاز بھارتی شہر امرتسر میں رکا پھر اسے لاہور لے جایا گيا اس کے بعد دبئی میں رکا لیکن آخر ميں اغوا کاروں نے اسے قندہار میں اترنے پر مجبور کیا۔ تب بھارتی حکومت نے مسافروں کی بازیابی کے لیے طالبان سے پہلی بار بات چیت کی تھی اور دہلی کے تہاڑ جیل میں قید بعض شدت پسندوں کی رہائی کے بدلے میں بھارتی مسافر طیارے کو رہا کیا گيا تھا۔

سن 2018 میں افغانستان میں قیام امن کے لیے روس کی قیادت میں بھی طالبان سے ماسکو میں بات چیت ہوئی تھی اور اس میں بھارت کے دو سابق سفیر بطور آبزرور شریک ہوئے تھے لیکن وہ حکومت کے نمائندے نہیں تھے۔