Urdu Technology News اردو ٹیکنالوجی اخبار

دنیا کا وسیع ترین "وائی میکس" نیٹورک پاکستان میں!۔

2009-05-04T00:13:00.000+06:00

انفارمیشن ٹیکنالوجی اور موبائل کمیونیکیشن کے شعبوں میں پاکستان تیزی سے آگے بڑھ رہا ہے۔ ۔ اسی حولے سے کچھ اپ ڈیٹس حاضر خرمت ہیں۔ مزید تفصیلات کے لیے برائے مہربانی زیل کے ربط پہ جائیں۔

http://techlahore.wordpress.com/2008/12/14/pakistan-has-worlds-largest-wimax-network-will-america-catch-up-wonders-tmcnet/

یا موضوع پہ کلک کریں۔

الیکٹراانک میڈیا نو جوانوں میں ڈپریشن کا باعث، نئی تحقیق

2009-02-03T21:56:00.001+05:00

ایک نئے جائزے سے معلوم ہوا ہے کہ تیرہ سے انیس سال تک کی عمر کے جو نوجوان جتنا زیادہ دیر تک ٹیلی ویژن اور دوسرے الیکٹرانک میڈیا کے سامنے اپنا وقت گزارتے ہیں ان میں ڈپریشن کے مرض میں مبتلا ہونے کا امکان اتنا ہی زیادہ بڑھ جاتا ہے۔اس جائز ے کے نتائج آرکائیوز آف جنرل سائیکیٹری میں شائع ہوئے۔

اس ریسرچ کے محقیقین نے وضاحت کی کہ ڈپریشن دنیا بھر اس معذوری کی ایک بڑی وجہ بن گئی ہے جو جان لیوا نہیں ہوتی ۔ریسرچ کے ماہرین کا کہنا ہے کہ نوجوانی میں ڈپریشن کے پیدا ہونے کی وجہ وہ یعنی وہ جسمانی ، نفسیاتی ،سماجی اور وہ ہمہ جہت عمل ہو سکتا ہے جس پر انسان کے مزاج ، جینیاتی ورثے ، والدین کی پرورش کا انداز ، فکری کمزوریاں ، پریشان کن واقعات مثلاً سانحے یا غربت اور باہمی تعلقات کا اثر ہو تا ہے ۔ محقیقین کاکہنا ہے کہ اس حقیقت کے پیش نظر کہ نوجوانوں کے روزانہ اوسطاً 8 اعشاریہ 5 گھنٹے الیکٹرانک میڈیا کے سامنے گزرتے ہیں تومیڈیا بھی ان میں ڈپریشن کی ایک وجہ ہو سکتا ہے ۔

یونیورسٹی آف پٹس برگ کے اسکول آف میڈیسن کے ڈاکٹر برائن اے پریمیک اور ٹیم نے اس بات کا جائزہ لینے کے لیے کہ الیکٹرانک میڈیا نوجوانوں میں کس حد تک ڈپریشن پیدا کرسکتا ہے، نیشنل لانگی چیوڈنل سروے آف ایڈولسنٹ ہیلتھ کی جانب سے اکٹھے کیے گئے مواد کا جائزہ لیا۔ اس جائزے میں شامل 4142 نوجوانوں کے بارے میں یہ جاننے کی کوشش کی گئی تھی کہ وہ کتنا وقت الیکٹرانک میڈیا کے سامنے گذارتے ہیں۔

محققین کو معلوم ہوا کہ 1995 میں جب یہ مطالعاتی جائزہ شروع کیا گیا تو ان میں سے کوئی بھی نوجوان ڈیپریشن کا شکار نہیں تھا۔ابتدائی سروے میں نوجوانوں سے پوچھا گیا تھا کہ وہ کتناوقت ٹیلی وژن ، ویڈیو ز، کمپیوٹر پر گیمز کھیلنے یا ریڈیو سننے پر صرف کرتے ہیں۔ یہ سروے اس وقت کیا گیا تھا جب ڈی وی ڈیز اور انٹرنیٹ کا استعمال عام نہیں ہواتھا۔اس جائزے سے پتہ چلا تھا کہ وہ نوجوان روزانہ اوسطاً 5.68 گھنٹےالیکٹرانک میڈیا کے سامنے گذارتے تھے۔ جن میں سے وہ 2.3 گھنٹے ٹیلی وژن، 0.62 گھنٹے ویڈیو کیسٹ، 0.41 گھنٹے کمپیوٹر گیمز اور 2.34 گھنٹے ریڈیو سننے پر صرف کرتے تھے۔
جائزے میں شامل ان افراد پر سات سال کے بعد دوبارہ سروے کیا گیا جب ان کی اوسط عمر 21.8 سال ہوچکی تھی۔ ان میں سے 308 نوجوانوں یعنی 7.4 فی صد میں ایسی علامات پیدا ہوچکی تھیں جو ڈپیریشن کے مرض جیسی ہوتی ہیں۔

جائزے کے مصنفین کا کہنا ہے کہ ٹیلی وژن کے سامنے ہر روز گذارے گئے ہر اضافی گھنٹے کے نتیجے میں نوجوانوں میں ڈپپریشن کی علامات کے تناسب میں اضافہ ہوتا گیا۔جائزے سے یہ بھی معلوم ہوا کہ نوجوان لڑکیوں کی نسبت جنہوں نے اتنا ہی وقت الیکٹرانک میڈیا کے سامنے گذارا تھا، نوجوان لڑکوں کی ڈپیریشن پیدا ہونے کے امکانات زیادہ پائے گئے۔
مصنفین کا کہنا ہے کہ الیکٹرانک میڈیا کے ساتھ ساتھ نوجوانوں میں ڈیپریشن پیدا ہونے کے اور بھی اسباب ہوسکتے ہیں۔ ان کا کہنا ہے کہ اگر نوجوان الیکٹرانک میڈیا پر صرف کیے جانے والے وقت کو دوسری سماجی ، تخلیقی یا کھیلوں کی سرگرمیوں پر صرف کریں تو ان میں ڈیپریشن پیدا ہونے کے امکانات میں کمی ہوسکتی ہے۔ وہ کہتے ہیں کہ رات کے وقت میڈیا کے سامنے وقت گذارنے سے نیند میں خلل پڑ سکتا ہے جو معمول کی فکری اور جذباتی نشوونما کے لیے انتہائی اہمیت رکھتی ہے۔

ماہرین کا کہنا ہے کہ یہ بھی ممکن ہے کہ میڈیا کے ذریعے منتقل ہونے والے پیغامات جارحیت یا دوسرے پر خطر طرز عمل پر ابھاریں جس سے ان کی انفرادی شخصت کی نشو و نما متاثر ہوسکتی ہے یا ان میں خوف اور بے چینی پیدا ہوسکتی ہے۔

جائزے کے مصنفین کا کہناہے کہ نوجوانوں کا علاج کرنے والے ماہرین نفسیات ، ڈاکٹروں اور صحت کی دیکھ بھال کے اداروں کے لیے یہ چیز فائدہ مند ہوسکتی ہے کہ وہ اپنے نوجوان مریضوں سے یہ دریافت کریں کہ وہ اپنا کتنا وقت ٹیلی وژن اور دوسرے الیکٹرانک میڈیا کے سامنے گذارتے ہیں۔ اگر انہیں یہ پتہ چلے کہ ان کا مریض کے وقت کا ایک بڑا حصہ الیکٹرانک میڈیا کے سامنے گذرتا ہے تو ان کی نفسیاتی اور سماجی زنذگی کا تفصیلی جائزہ لیا جانا چاہیے۔اور اس کےسا تھ ساتھ انہیں یہ مشورہ بھی دیا جانا چاہیئے کہ وہ دوسری سماجی اور تخلیقی سرگرمیوں میں حصہ لیں تاکہ ان میں ڈیپریشن پیدا ہونے کے امکانات گھٹ جائیں۔

Urdu Technology News اردو ٹیکنالوجی اخبار: مختصرترین سپر کمپیوٹر جسے آپ اپنی جیب میں رکھ سکتے ہیں

2009-01-12T02:44:00.000+05:00

اردو ٹیکنالوجی اخبار: مختصرترین سپر کمپیوٹر جسے آپ اپنی جیب میں رکھ سکتے ہیں

مختصرترین سپر کمپیوٹر جسے آپ اپنی جیب میں رکھ سکتے ہیں

2009-01-12T02:16:00.002+05:00

کیا آپ کسی ایسے کمپیوٹر کا تصور کرسکتے ہیں کہ جو اتنا چھوٹا ہوکہ وہ آپ کی قمیص کی جیب میں آجائے اس کی طاقت آج کل کے سپر کمپیوٹر سے زیادہ ہو؟ ممکن ہے کہ آپ یہ بات سن کر ہنس دیں یا انکار میں سر ہلا دیں لیکن سائنس دانوں کا کہناہے کہ اس صدی کے نصف تک ایسے ہی مختصر ترین کمپیوٹر زندگی کے مختلف شعبوں میں کام کرنے لگیں گے۔

کمپیوٹر کی عمر پچاس سال سے زیادہ نہیں ہے۔ابتدائی دور کے کمپیوٹر اتنے بڑے تھے کہ انہیں نصب کرنے کے لیے کئی بڑے کمرے درکار ہوتے تھے۔اور ان کی طاقت آج کل کے انتہائی معمولی کمپیوٹر کا عشر عشیر بھی نہیں تھی۔پھر وقت گذرنے کے ساتھ ساتھ کمپیوٹر کا سائز چھوٹا اور اس کی کمپیوٹنگ کی طاقت بڑھتی گئی۔

کمپیوٹر کی قوت کا مرکز یا اس کا دماغ مائیکروپروسیسر کہلاتا ہے۔ یہ چھوٹے چھوٹے ٹرانزسٹروں سے مل کر بنتا ہے۔ ٹرانزسٹر کی دریافت صرف 60 سال پہلے ہوئی تھی۔ان دنوں کمپیوٹر میں جو مائیکرو پروسیسر استعمال کیے جارہے ہیں ان میں ٹرانزسٹروں کے لاکھوں سرکٹ موجود ہوتے ہیں۔

اس وقت دنیا میں سب سے زیادہ مائیکرو پروسیسر بنانے والی کمپنی انٹل کے شریک بانی گورڈن براؤن نے 1965ء میں یہ پیش گوئی کی تھی کہ تقریباً ہردو سال بعد کمپیوٹر کے پروسیسر کی قوت دگنی اور حجم نصف ہوتا جائے گا۔کئی عشروں سے ان کی یہ پیش گوئی پوری ہورہی ہے مگر سائنس دانوں کا کہنا ہے کہ اب مائیکروپروسیسر کا حجم اتنا چھوٹا ہوچکاہے کہ روایتی طریقوں سے اس کی قوت میں اضافہ اور جحم میں کمی کرنا مشکل ہے اور اب اس کے لیے متبادل طریقے ڈھونڈنے پڑیں گے۔ سائنس دان اس متبادل طریقے کو ایٹم پروسیسر کا نام دے رہے ہیں۔

فرانس کے نیشنل سائنٹفک ریسرچ سینٹر کے ایک سائنس دان کرسٹین جوکم کا کہنا ہے کہ 1947ءمیں ٹرانزسٹر ایجاد کرنے والے سائنس دانوں کو علم نہیں تھا کہ اس کی مدد سے طاقت ور کمپیوٹر بننے لگیں گے۔ ایٹم کمپیوٹر کے معاملے میں آج ہم بھی اسی مقام پر کھڑے ہیں۔جوکم یورپی سائنسی تحقیقی اداروں کے سائنس دانوں کی اس 15 رکنی ٹیم کے سربراہ ہیں جو مالیکولر ٹرانزسٹر بنانے پر کام کررہی ہے۔اس ٹیم نے اپنی تحقیق کا آغاز 1990ءمیں کیا تھا اور18 سال کے عرصے میں انہیں کئی نمایاں کامیابیاں حاصل ہوچکی ہیں۔

ایک روایتی کمپیوٹر کے مائیکرو پروسیسر میں ٹرانزسٹر برقی سرکٹ بنانے کا بنیادی کام سرانجام دیتے ہیں۔ ایک جدید ترین پروسیسر میں لاکھوں ٹرانزسٹر ہوتے ہیں جن میں ہر ایک کا حجم تقریباً 100 نینو میٹر کے مساوی ہوتاہے۔سائنس دانوں کا کہناہے کہ اب وہ اٹیم کی سطح پر کمپیوٹنگ کے لیے اپنا سفر جاری رکھے ہوئے ہیں۔وہ اس کے لیے نینو اور پی کو ٹیکنالوجی استعمال کررہے ہیں۔ جب ایٹم کی سطح پر کمپیوٹنگ ہونے لگے گی تو اس سے نہ صرف پروسیسر کا حجم بہت ہی مختصر ہوجائے گا بلکہ اس کی قوت میں بھی بے پناہ اضافہ ہوجائے گا،کیونکہ پروسیسر میں موجود الیکٹرانک سرکٹ کی تعداد کروڑوں تک پہنچ جائے گی ۔ پھر گویا آپ اپنی جیب میں ایک سپرکمپیوٹر سے کہیں زیادہ طاقت ور کمپیوٹر رکھ سکیں گے۔

جوکم کی ٹیم کے ارکان ان دنوں ایک ایسے مالیکول کمپیوٹر پر کام کررہے ہیں جو موجودہ کمپیوٹر کی طرح پروسیسنگ کا کام کرسکے گا۔جوکم کا کہنا ہے کہ ہم اس حوالے سے کام کررہے ہیں کہ ایک کمپیوٹر کے لیے ہمیں کتنے ایٹموں کی ضرورت ہوگی۔ ابھی ہمارے پاس اس کا واضح جواب نہیں ہےلیکن ہمارے سامنے اس کی واضح تصویر موجود ہے۔

سائنس دانوں کی اس ٹیم نے 30 ایٹموں کی مدد سے کمپیوٹر کا ایک ایسا الیکٹرانک سرکٹ بنانے میں کامیابی حاصل کرلی ہے جو14 ٹرانزسٹروں کے مساوی کام کرنے کی اہلیت رکھتاہے۔اب وہ ایک مالیکیول کے اندر کمپیوٹر کا نظام قائم کرنے اوراسے دوسرے مالیکولوں کے ساتھ منسلک کرنے کے ڈیزائن اور ٹیکنالوجی پر کام کررہےہیں۔

جوکم ٹیم کے سائنس دانوں ان دنوں دو ماڈلز پر کام کررہے ہیں۔ پہلا کمپیوٹر کا روایتی ماڈل ہے جس میں کمپیوٹر کے تمام حصے روایتی انداز میں کام کرتے ہیں اور دوسرا ماڈل مالیکیول کے اندر وہ قدرتی تبدیلیاں ہیں جس کے تحت الیکٹران حرکت کرتے ہیں۔ سائنس دانوں کا خیال ہے کہ اس حرکت کو کمپیوٹنگ کے لیے استعمال کیا جاسکتاہے۔

سائنس دانوں کا کہناہے کہ وہ ایٹم کے اندر اس کی اپنی قوت سے کام کرنے والے الیکٹرانک سرکٹ بنارہے ہیں جن کا حجم ایک نینو میٹر کے 100 ویں حصے سے بھی چھوٹا ہوگا اورجسے صرف ایٹمی خودر بین کے ذریعے ہی دیکھا جاسکے گا۔
جوکم کا کہناہے کہ ان کا کام اگرچہ بنیادی سطح کا ہے لیکن سائنس دانوں کے حلقوں میں اسے بڑے پیمانے پر سراہا جارہاہے۔اپنی ابتدائی کامیابی کے بعد جوکم کی ٹیم مالیکیول کمپیوٹر کے ایک ایسے ڈیزائن پر کام کررہی ہے جس کی قوت مستقبل کی ضروریات کے مطابق ہوگی۔

اقتباس از اردو وی او اے

نیٹ پارے

2009-01-09T12:49:00.002+05:00

ناراض وقت کو منانے کے لیے، بور لمحے خوش گوار بنانے کے لیے

ادھر ادھر سے، انٹرنیٹ بھر سے رنگارنگ،چٹخارےدار اور کارآمدویب سائٹس

یہ نیٹ پارے اردو وی او اے (urdu voa)
کی ویب سائٹ پردیے گئے ہیں۔ آپ کی خدمت میں صفحے کا ربط حاضر ہے۔

http://www.voanews.com/urdu/net-paare.cfm

علوی نستعلیق

2008-11-03T12:27:00.003+05:00

اردو کی تاریخ میں ایک اہم سنگِ میل ، علوی نستعلیق فونٹ

علوی نستعلیق یونیکوڈ اردو فونٹ ڈاؤن لوڈ کیجیے

Download Alvi Nastaleeq unicode Urdu font

چندریان 1، چاند کی طرف پرواز کر گیا

2008-10-22T10:13:00.004+06:00

لو جی بھارت نے بھی چاند پر کمند پھینک دی ، اے میرے پیارے وطن کے پراپرٹی ڈیلرو! تم کہاں ہو؟ اب دشمن ہمسائے سے بم پھینکنے کے ساتھ اوپر سے بھی گوشمالی کرے گا ، اور ہم ہیں کہ روٹی کو ترس رہے ہیں ۔

انڈیا کے خلائی جہاز چندریان -1 نے بدھ کی صبح ملک کے جنوبی ساحل سے کامیابی سے پرواز کر کے انڈیا کے چاند کے پہلے مشن کا آغاز کر دیا ہے۔

چاند پر بھارت کا یہ پہلا مشن ریاست آندھرا پردیش کے سری ہری کوٹا کے خلائی سٹیشن سے طےگرینچ کے معیاری وقت کے مطابق بدھ کی صبح بارہ بجکر باون منٹ پر شروع ہوا۔

اس سے قبل ایشیا کے دو ممالک چین اور جاپان بھی چاند پر اپنے اپنے مشن بھیج چکے ہیں۔

چندریان -1 کو دو برس کے مشن کے لیے بھیجا جا رہا ہے۔ اس مشن پر اسی ملین ڈالر صرف ہونگے اور اس کے ذریعے چاند کی سطح پر موجود معدنیات ، کمیکل اور زمین کی پرت کے بارے میں معلومات حاصل کی جائیں گی۔

خبر رساں ایجنسی پی ٹی آئی کے مطابق ستیش دھون سپیس سنٹر کے ایسوسی ایٹ ڈائرکٹر ڈاکٹر ایم وائی ایس پرساد کا کہنا تھا کہ اس تاریخی پرواز سے خلائی جہاز میں تینتالیس ٹن پروپلنٹ بھرا جائے گا اور اس کے علاوہ دیگر تکنیکی پہلوؤں کا بھی جائزہ لیا جائے گا۔

سائنسدانوں کا کہنا ہے کہ چندریان -1 چاند کی سطح سے سو کلومیٹراوپر معلق رہے گا۔

اس مشن کے لیے یوروپی خلائی ایجنسی اور امریکی چلائی ایجنسی (ناسا) سے اشتراک کا ایک معاہدہ بھی ہوا تھا۔

گوگل کروم ، نیا انٹرنیٹ براؤزر

2008-09-03T13:26:00.002+06:00

گوگل نے’انٹرنیٹ ایکسپلورر‘ اور ’فائر فوکس‘ کے مقابلے پر ایک ’اوپن سورس‘ ویب براؤزر کروم مارکیٹ میں پیش کیا ہے۔

’ کروم‘ نامی اس براؤزر میں ملٹی میڈیا اورگرافکس پر خصوصی توجہ دی گئی ہے اور اسے مستقبل میں ویب کے استعمال کو مدِ نظر رکھتے ہوئے تیار کیا گیا ہے۔

اس براؤزر کا بِیٹا ورژن فی الحال سو ممالک میں ونڈوز آپریٹنگ سسٹم کے کمپیوٹرز کے لیے جاری کیا گیا ہے جبکہ میکنٹوش اور لینکس نظام کے کمپیوٹرز کے لیے یہ براؤزر مستقبل میں دستیاب ہوگا۔

نئے براؤزر کے حوالے سے گوگل کمپنی میں پراڈکٹ مینجمنٹ کی نائب صدر سندر پچائی نے ایک بلاگ میں لکھا ہے کہ’ ہمیں اس بات کا احساس ہوا کہ ہمیں براؤزر پر نئے سرے سے غور کرنے کی ضرورت ہے‘۔

ان کا کہنا تھا کہ ’ ہمیں جو چیز درکار تھی وہ صرف ایک براؤزر نہیں بلکہ ویب صفحات اور ایپلیکیشنز کے لیے ایک جدید پلیٹ فارم تھا اور اسی کی تیاری کے لیے ہم نے کام کیا۔

گوگل پہلے ہی پکاسا، گوگل ڈاکیومنٹس اور گوگل میپس جیسی ویب اپلیکشنز پیش کر چکا ہے اور اب یہ نیا براؤزر مائیکروسافٹ کی اس میدان میں موجود اجارہ داری ختم کرنے کی کوشش ہے۔ یاد رہے کہ مائیکروسافٹ کے ویب براؤزر’انٹرنیٹ ایکسپلورر‘ کو قریباً اسّی فیصد نیٹ صارفین استعمال کرتے ہیں۔

گوگل لائیولی

2008-08-19T12:40:00.000+06:00

کل میں نے ایک بہت مزے کی شے دریافت کی ہے ، اس کا نام ہے گوگل لائیولی ۔ یہ سیکنڈ لائف کی طرح ہے مگر ابھی ابتدائی دور میں ہے ۔ سیکنڈ لائف کے برعکس یہ سروس مفت ہے ۔ اسے آپ Chat کا 3D روپ کہہ سکتے ہیں ۔

اس میں مختلف کمرے ہوتے ہیں ۔ ہر شخص اپنا کمرہ بنا سکتا ہے ، اسے اپنی مرضی کا ڈیزائن دے سکتا ہے ، اپنی مرضی کی چیزیں اس میں رکھ سکتا ہے ، اپنی پسند کے کپڑے پہن سکتا ہے ۔

ان کمروں میں آپ مختلف لوگوں سے ملتے ہیں اور ان سے گپ لگاتے ہیں ۔ خوشی کا اظہار قہقہ لگا کر کرتے ہیں اور اگر غصہ آ جائے تو اگلے کی "دھلائی" بھی کر سکتے ہیں ۔ اور اس میں کیا کیا مزے ہیں ، یہ تو آپ استعمال کے بعد ہی جان سکتے ہیں ۔

اگر آپ لائیولی استعمال کریں تو میرے کمرے میں ضرور آئیے گا ، اس کا پتہ ہے ۔

http://www.lively.com/dr?rid=5523163078836033862

:p ابھی میں ذرا اس کی سجاوٹ کر رہا ہوں ۔

بلاگر کا نیا ڈیش بورڈ

عمار ضیاء خان

Redie

2008-07-29T12:58:00.001+06:00

عمار ضیاء خان