Urdumella

yeah hai merai quaid ka pakistan

2012-01-09T21:52:00.000-08:00

یہ ہے میرے قائد اعظم محمدعلی جناح کا پاکستان

آج پاکستان میں حالات انتہائی کشیدہ ہیں ،عوام اپنے حقوق کیلیئے سراپاءاحتجاج ہیں تو دوسری جانب حکومت وقت ،عدلیہ اور فوج کے خلاف محاذ بنائے دکھائی دیتی ہے۔عوامی مسائل کے حل پر کسی کی توجہ نہیں لیکن عوام کے نام پرسیاست زوروں پر ہے اور اب یہ سیاست نئے صوبوں کے نام پر کی جارہی ہے۔آئیے آج ہم پاکستان کے موجود ہ حالات کے تناظر میں بانی ءپاکستان حضرت قائداعظم( رحمت اللہ علیہ) کی جانب رخ کرتے ہیں اور ان کے فرمودات کے تناظر میں جائزہ لیتے ہیں کہ قائداعظم کس قسم کا پاکستان چاہتے تھے اور ہمارے وردی اور بغیروردی والے حکمرانوں نے پاکستان کا کیا حال کردیا ہے۔

قائداعظم محمد علی جناح پاکستان کو اسلام کی تجربہ گاہ بنانا چاہتے تھے اور انھوں نے فرمایا کہ اگر کوئی چیز اچھی ہے تو وہ عین اسلام ہے اس سے قائداعظم کی اسلام سے محبت کا اندازہ لگایا جاسکتاہے۔قائد اعظم ایک سچے مسلمان اور پکے پاکستانی تھے اور اسی لیئے قائداعظم نے پیغام عید انیس سو پینتالیس کو فرمایا کہ قرآن پاک پاکستان کا منشور ہوگا جو رہتی دنیا تک رشدوہدایت کا منبع ہے اور پاکستان میں قانون سازی قرآن پاک کے احکامات کے مطابق ہوگی۔۔لسانی بنیادوں سمیت ہرقسم کے تعصب کے بھی سخت مخالف تھے ۔ یہی وجہ ہے کہ ڈھاکہ میں اکیس مارچ انیس سو اڑتالیس کو قائداعظم نے فرمایا کہ ہم مسلمان اور پاکستانی پہلے ہیں اور صوبائیت کے تعصب کو قائدمحترم نے ایک زہر قراردیا

As long as you do not throw off this poison (of provincialism) in our body politic, you will never be able to weld yourself, mould yourself, galvanize yourself into a real, true nation. What we want is not to talk about Bengali, Punjabi, Sindhi, Balochi, Pathan, and so on. They are, of course, units. But I ask you; have you forgotten the lesson that was taught to us thirteen hundred years ago?

چوبیس نومبر انیس سو پینتالیس کو قائداعظم نے مردان میں فرمایا کہ وہ ایسا پاکستان چاہتے ہیں جو تعصبات سے پاک اور متحد ہو اور جہاں کے لوگوں میں ایمان ، اتحاد اور تنظیم ہو۔قائداعظم کا وژن یہ تھا کہ وہ پاکستان کو ایک آزاد اور خودمختار اسلامی فلاحی ریاست بنانا چاہتے تھے جہاں اسلامی قوانین پر عمل کیا جاتا ۔
اسی طرح قائداعظم ایک ایسا پاکستان چاہتے تھے کہ جہاں عوام کے حقوق کا تحفظ کیا جاسکے۔قانون ساز اسمبلی کے اجلاس سے قائداعظم نے خطاب میں فرمایا کہ

Everyone of you, no matter what his colour, caste or creed, is first, second or last a citizen of this State with equal rights, privileges and obligations….

قائد اعظم نے گیارہ اکتوبر کو پاکستا ن کی سول اور ملٹری افسران سے خطاب میں واضح طور پر فرمایا کہ پاکستان میں اسلامی قوانین کے مطابق شہریوں کو معاشرتی حقوق کا تحفظ حاصل ہوگا۔
قائداعظم تعلیم کے حق میں تھے اسی لیئے وہ یہ سوچ رکھتے تھے کہ پاکستان نہ صرف اپنے شہریوں بلکہ خطے کے دیگر ممالک کیلیئے بھی تعلیم کا مرکز بنے گا۔

The other and higher aspect of Pakistan is that it would be a base where we will be able to train and bring up Muslim intellectuals, educationists, economists, scientists, doctors, engineers, technicians, etc. who will work to bring about Islamic renaissance

قائداعظم نے چوبیس مارچ انیس سو اڑتالیس کو ڈھاکہ یونیورسٹی میں خطاب کرتے ہوئے واضح طور پر فرما دیا تھا کہ پاکستان کی سرکاری زبان اردو ہوگی ۔

Urdu (is) a language that has been nurtured by a hundred million Muslims of this subcontinent, a language understood throughout the length and breadth of Pakistan and above all, a language with more than any other provincial language, embodies the best in Islam culture and Muslim tradition….in nearest to the language used in order Islamic countries.

قائد اعظم نے چودہ جون انیس سو اڑتالیس کو اسٹاف کالج کوئیٹہ میں خطاب کرتے ہوئے مسلح افواج کے افسران پر واضح کردیا کہ انکی اولین ذمہ داری ملک کی جغرافیائی سرحدوں کا دفاع ہے۔

I solemnly affirm, in the presence of Alimighty God, that I owe allegiance to the Constitution and the Dominion of Pakistan and that I will as in duty bound honestly and faithfully serve in the Dominion of Pakistan Forces and go within the terms of my enrolment wherever I may be ordered by air, land or sea and that I will observe and obey all commands of any officer set over me….

قائداعظم نے قیام پاکستان سے قبل چھ فروری انیس سو انیس کو کریمنل لاءایمرجنسی بل سے متعلق اپنی تقریر میں فرمایا کہ پاکستان میں قانون کی حکمرانی، بنیادی انسانی حقوق اور شہری آزادی حاصل ہوگی۔ قائداعظم اقلیتوں کے حقوق کے زبردست حامی تھے
دہلی میں چودہ جولائی انیس سو سینتالیس کو پریس کانفرنس کرتے ہوئے قائداعظم نے فرمایا

They will have their rights and privileges and no doubt, along with it goes the obligation of citizenship. Therefore, the minorities have their responsibilities also and they will play their part in the affairs of this State. As long as the minorities are loyal to the State and owe true allegiance…. They need have no apprehension of any kind.

آج پاکستان کے مسائل میں اہم کردار بیوروکریسی کا بھی ہے جس کے بارے میں قائداعظم نے واضح طور پرفرمایا کہ بیوروکریسی ملک کی حاکم نہیں بلکہ عوام کی خادم ہے ۔ پچیس مارچ انیس سو اڑتالیس کو قائداع ظم نے چٹاگانگ میں فرمایا

Those days have gone when the country was ruled by the bureaucracy. It is people’s Government, responsible to the people more or less on democratic lines and parliamentary practice….Make the people feel that you are their servants and friends, maintain the highest standard of honour, integrity, justice and fairplay.

Article brain drain

2012-01-09T21:50:00.000-08:00

برین ڈرین کا المیہ

حسین محی الدین القادری
ترقی پذیر ممالک کے با صلاحیت اور تربیت یافتہ ہنر مند افراد کا بہتر مواقع کی تلاش میں ترقی یافتہ ملکوںکا رخ کرنے سے وہاں پیشہ ورانہ اہلیت کے حامل افراد کا ارتکاز ہو جاتا ہے اور تیسری دنیا کے ممالک مزید بحران میں چلے جاتے ہیں، اس المیہ کو برین ڈرین کہا جاتا ہے ۔ہجرت کرنے والوں میں عام طور پر انجیئنرنگ،فنانس اور میڈیکل کے شعبوں کے ماہرین ہوتے ہیں ۔ابتداًزیادہ تر افراد اعلیٰ تعلیم کے حصول کےلئے ہجرت کرتے ہیں اور بعد ازاں مختلف وجوہات کی بنا پر دیار غیر ہی کے ہو کر رہ جاتے ہیں۔کچھ ایسے بھی ہیں جو یہ جاننے کے باوجود کہ ترقی یافتہ ممالک میں ان کی ڈگریوں کے معیار پر سوال اٹھائے جائیں گے، محض خوشحال مستقبل کےلئے ہجرت ہی کو ترجیح دیتے ہیں۔اس تناظر میں انہیں ان ممالک میںیونیورسٹی تعلیم شروع کرنا پڑتی ہے۔ اس راستے کا انتخاب کر نے والوں کو تعلیم جاری رکھنے اور زندگی کی گاڑی چلانے کےلئے دیگر ذرائع پر بھی انحصا ر کرنا پڑتا ہے اس لئے ان کی زندگی مشینی نوعیت کی ہو جاتی ہے۔یہ زائد محنت صرف اور صرف خاندان کی خوشحال زندگی کےلئے ہوتی ہے،یہی وجہ ہے کہ میڈیسن،انجیئنرنگ حتی کہ ڈاکٹریٹ کی ڈگری رکھنے والوں کو بھی ٹیکسی ڈرائیور،گیس سٹیشن کے معاون اور خاکروب تک کی جاب کرنا پڑ جاتی ہے۔چونکہ پروفیشنل جاب حاصل کرنے کےلئے متعلقہ ملک کی تسلیم شدہ ڈگری کی ضرورت ہوتی ہے اس لئے بادل نخواستہ انہیں جو کام بھی میسر آئے، کرنے پر تیار ہو جاتے ہیں۔
برین ڈرین کی یہ صورت ترقی پذیر ممالک کو اچھے پیشہ ورانہ افراد سے محروم کرتی ہے جس کے باعث وہ مزید مشکلات کا شکار ہو جاتے ہیں۔ایسے ممالک جہاں یہ بحران گھمبیر ہوتا جا رہا ہے وہاں وسائل اور مواقع پہلے ہی کم ہیں۔اس صورتحال کاصرف ا یک خوشگوار پہلو ہے کہ جب کبھی یہ افراد اپنے وطن خدمت کے جذبہ سے لوٹتے ہیں تو بہترین تعلیم،اعلیٰ پیشہ ورانہ مہارت اور وسائل بھی ساتھ لاتے ہیں۔وہ مختلف شعبوں کی جدید تعلیم و تحقیق سے آراستہ ہوتے ہیں جن سے ان کے ہم وطنوں کی اکثریت نابلد۔اس طرح وہ اپنے ملک کی ترقی اور پسماندہ عوام کی خوشحالی کےلئے بہتر انداز میں کام کر سکتے ہیں۔
برین ڈرین کے مسئلہ سے نبٹنے کےلئے پہلا کام تو ترقی پذیر ممالک کی حکومتوں کو یہ کرناہو گاکہ وہ سائنس،تحقیق،تعلیم اور صنعت کےلئے زیادہ فنڈز مختص کریں۔اعلیٰ تعلیم یافتہ اور ہنر مند افراد کی حوصلہ افزائی،اچھی تنخواہ اور ان کے محفوظ مستقبل کی ضمانت سے کی جانی چاہےے تاکہ وہ اپنے ملک میں رہنے کو ترجیح دیں۔یہ بھی سچ ہے کہ کسی کو زبردستی تو روکا نہیں جا سکتا البتہ دلوں میں قوم پرستی کے جذبہ کو اجاگر رکھنے کے ساتھ خوشحال زندگی کی ضمانت دی جائے تو بہتر نتائج آ سکتے ہیں۔
ترقی یافتہ ممالک کی بھی ذمہ داری بنتی ہے کہ وہ ترقی پذیر ممالک کی سائنسی تحقیق یا اس کےلئے فنڈز کی فراہمی میں مدد کریں اس طرح بین الاقوامی سطح پرپہلے مرحلے میں اس بحران کو کم ضرور کیا جا سکتا ہے اور باہمی نفرتوں کو ختم کرنے میں بھی بہت زیادہ مدد مل سکتی ہے۔
برین ڈرین سے ترقی یافتہ ممالک ذہین ترین افراد کی صلاحیتوںسے بھر پور استفادہ کر کے ترقی کو مہمیز لگائے جا رہے ہیں مگر تیسری دنیا میں دانش مند پروفیشنل افراد کی کمی ہوتی جا رہی ہے جو یقینا صحت مند عمل نہیں ہے۔سوچنے کی بات یہ ہے کہ ایک تعلیم یافتہ شخص اپنے ملک میں کام کرنے کی بجائے ترقی یافتہ ملکوں میں جا کر نئے سرے سے تعلیمی عمل مکمل کرنے کو کیوں ترجیح دیتا ہے؟ان وجوہات کو تلاش کرنا ہو گا جو تعلیم یافتہ افراد کو اپنے ملک کی خدمت سے روک رہی ہےں۔
پسماندہ ملکوں سے بہتر مستقبل کی تلاش میں ہجرت کرنے والے افراد کی تعداد بہت زیادہ ہے ۔ایک رپورٹ کے مطابق محض ایک سال میں افریقہ سے میڈیکل کے شعبہ میں 23ہزار افراد نے نقل مکانی کی جبکہ وہاں سے ہجرت کرنے والی نرسوں کی تعداد اس سے کہیں زیادہ ہے۔میڈیکل کے شعبہ سے اتنی بڑی تعداد میں ہجرت کے نتیجہ میںترقی پذیرممالک میں جو بحران آیا اسکا اندازہ مذکورہ تعداد سے بخوبی لگایا جا سکتا ہے ۔
اگر ہنر مند افراد کی ہجرت کے عمل کو روکا جائے تو دنیا کے ترقی پذیر ممالک میں طبی نگہداشت سمیت دیگر شعبوں میں مثبت اثرات ضرور مرتب ہوں گے۔پاکستان جیسے ترقی پذیر ملک کےلئے بھی برین ڈرین انتہائی خطرناک ہے جبکہ اسکا ہمسایہ بھارت تعلیم اور ہنر مند افراد کے حوالے سے بہت آگے ہے۔اعلیٰ سطح پر فوراً اس جانب توجہ مبذول کی جائے اور تربیت یافتہ افراد پر مشتمل ٹاسک فورس قائم کی جائے جو برین ڈرین کے اسباب کا تجزیہ کرے اور اسے روکنے کےلئے تجاویز مرتب کرے۔اگر حکومتی سطح پر راست اقدام نہ کئے گئے تو برین ڈرین کا عمل جاری رہے گا اور تربیت یافتہ افرادی قوت کے حوالے سے شدید قحط الرجالی کا سامنا رہے گا۔بدقسمتی سے یہ اہم پہلو حکومتوں کی توجہ حاصل نہ کر سکا۔توقع کی جا سکتی ہے کہ اس معاملہ کا فوری نوٹس لے کر قوم کے وسیع تر مفاد میں اصلاحی اقدام کئے جائیں گے۔ وقت آ گیا ہے کہ مقتدر طبقات اپنے عمل سے ثابت کریں کہ نوجوان نسل ہی ہمارا مستقبل ہے۔

adaat ki by toqiri

2012-01-09T21:48:00.001-08:00

زیر سماعت مقدمات اور حکمرانوں کا کردار

یاسر خان نیازی
اس ملک میں یہی سب کچھ ہر منتخب حکومت نے کیا ہے،اپنی ناکامیاں،کوتاہیاں اوربرے اعمال کا ذمہ دار کسی نہ کسی کو ٹھہرا کر خود کو سیاسی شہید ثابت کر نے کی کوشش کی جاتی ہے۔میمو گیٹ کا معاملہ یو یا پھر این آر او کیس کی سماعت حکومت نے بلا وجہ ہی ان معاملات میں عدالت سے نہ صرف الجھنے کی کوشش کی ہے بلکہ،عدالتی ا حکات اور آرڈرز کی پر یس کانفرنسوں اور بحث مباحثوں کے اندر خوب بے تقیری کی گئی۔یہ سب کچھ پہلی دفع ایک منتخب حکومت کے کرتا دھرتاﺅں کی جانب سے دیکھنے میں آرہا ہے۔چار سال تک حکومت میں رہنے کے بعد بھی پتا نہیں وہ ان مسائل اور بحرانوں کو حل کر نے میں ناکا می کاذمہ دار کس کو ٹھہراتے ہیں۔اپنے ناکردہ گناہوں کا بوجھ سہارنے میں ناکا می کے بعد مختلف عوامل اور اشوز کا بہانہ بنا کر چند ایسے خود ساختہ جواز تراشنے کی کوشش کی جاتی تاکہ مسائل سے توجہ ہٹائی جاسکے۔میمو گیٹ سکینڈل اور این آر او جیسے معاملات ایسے تھے کہ جن کا براہ راست تعلق ملکی سالمیت،خود مختاری اور ملک کو درپیش دوسرے بہت سے اندرونی مسائل اور چیلنجز سے تھا۔جو طریقہ کار مختلف مقدمات سے متعلق عدالتوں کے اندر وضع کیا جاتا ہے،اس طریقہ کار کی پابندی نہ صرف عام آدمی کیلئے ضروری ہے بلکہ حکومت سمیت ملکی تمام ادارے ا س طریقہ کار کے مطابق پا بند ہیں کہ وہ اپنے اوپر لگے الزامات کے سچ یا جھوٹ ثابت کر نے کیلئے عدالت کا دروازہ کھٹکھٹائیں،میمو گیٹ اور این آر اوجیسے نازک معاملات جو کہ سپریم کورٹ میں زیر سماعت ہیں انسے متعلق با ر بار سپریم کورٹ کی جانب سے جواب داخل کر نے اور نوٹس جاری کئے جا نے کے بعد بھی کہنا کہ میو گیٹ سکینڈل کی کسی کاغذکے ٹکڑے سے زیادہ اہمیت نہیں ہے کیا عدالتی احکامات اور فیصلوں کی سراسر تذلیل نہیں ہے۔اگر واقعی حکومت یہ سمجھتی ہے کہ این آر او کی فائل بند ہو چکی یا میمو گیٹ سکینڈل کی اہمیت کا غذکے ایک ٹکڑے سے زیادہ نہیں تو پھر طریقہ کار کے مطا بق انھیں ان سارے الزامات اور معاملات کا کھلے دل سے سامنا کر نا چاہئے۔یوں سیاسی بحث مبا حثوں اور پریس کانفرسوں کے اندر جزباتی لہجے میں خود کو مظلوم ثابت کر نے کی کوئی کوشش شائد عوام کو متاثر نہ کرسکے۔بابر اعوان صاحب نے بحثیت وکیل جس طرح کھلے بندوں محض چند لوگوں کی خوشنودی کے حصول کی خاطر عدالت عالیہ کے فیصلوں سے م متعلق رائے دینے اور ان پر طنز کر نے کا جو سلسلہ شروع کر رکھا ہے کیا وہ توہین عدالت میں نہیں آتا۔اس ملک کا کوئی وکیل یہ سوچ بھی نہیں سکتا کہ وہ یوں عدالتی فیصلوں کو بے توقیر بناتا رہے۔عدالت سے باہر عدالت عظمیٰ کے کردار اور تشکیل دئے گئے معزز بنچ سے متعلق اپنے خدشات اور جزبات کا برملا اظہار کیا عدالتی احکامات اور اسکی عزت و تکریم کی خلاف نہیں ہے۔پیپلز پارٹی کی حکومت نے جان بوجھ کر اس اشو کو ہوا دینے کی کوشش کی ہے اور وہ عدالت میں زیر سماعت براہ راست حکومت سے متعلقہ کیسوں کی سماعت عوام کی توجہ ہٹا نے کی کوشش کر رہی ہے اگر ا ن اشوز سے ہٹ کر بھی دیکھا جاتے تو پھر بھی ہمیں کہیں سے نظر نہیں آتا کہ حکومت نے ان چار سالوں میں کسی شعبے میں ترقی کی منازل طے کی ہوں،مشرف دور میں ورثے میں ملے مسائل اب حل نہ ہو سکنے کی وجہ سے بحرانوں کا روپ دھار چکے ہیں،ملک میں غربت،بیروزگاری،مہنگائی تو اپنی جگہ بر قرار ہیں تو دوسری طرف لوڈ شیڈنگ،بجلی و گیس کا بحران،موثر خارجہ پالیسیاں وضع کر نے میں ناکا می جیسے معاملات ایسے مسائل ہیں کہ جن کے حل کر نے میں حکو مت مکمل طور پر ناکامی سے دوچار نطر آتی ہے،حالت یہ ہے کہ خود پیپلز پارٹی کے جیا لوں نے گزشتہ روز بلاول ہاﺅس کے سامنے مسائل حل نہ ہو نے کی بناءپر دھرنا دیا ہے اور وہ اتنے مشتعل اور غصے میں تھے کہ انھیں منتشتر کر نے کیلئے پولیس کو لاٹھی چارج اور آنسو گیس کا استعمال کر نا پڑا۔ یہ ایسی جماعت کے جیلالے ورکر تھے کہ جس کے اپنے کرتا دھرتا یہ دعوہ کرتے نہیں تھکتے کہ یہی ورکر تو ان کا سرمایہ ہیں۔عدالتی فیصلوں کی اس درجہ بے توقیری کا یہ سلسلہ جا نے کہاں جا کر ٹھہرے مگر ،حالیہ حکومتی ذمہ داران کے رد عمل سے یہ بات بڑی حد تک واضح ہو چکی ہے کہ حکومت عدالت عالیہ میں زیر سماعت مقدمات کا کسی صورت سامنا نہیں کر نا چاہتی۔یہ مثالیں ہمارے سامنے اگر چہ ماضی میں بھی آتی رہیں مگر اس سے کسی کو فائدہ ہو نے کی بجائے ہمیشہ نقصان ہی اٹھا نا پڑا۔جب ہمارے لیڈر اور عوامی خدمت گری کے دعویدار خود عدالت کے فیصلوں کا احترام نہیں کرتے تو پھر عوام کا کیا پوچھنا،یہ ہم کیسی مثالیں اور ریت روائیت قائم کر رہے ہیں ،کیا ہمارا واحد مقصد صرف اور صرف اقتدار بچانا اور کرسی کی خاطر من چاہے فیصلوں پر عملدر آمد ہی رہ گیا ہے۔ہمارے ان دعوںکی اور نعروں کی تصدیق اور سچائی کب اصل روپ اختیار کرے گی۔کیا ہمارے ہر فیصلے پر عوام یوں آنکھیں بند کرکے لبیک کہتی چلی جائے گی نہیں اب وقت اور حالات بدل چکے ہیں،محض کرسی بچانے کی خاطر اداروں کی تزلیل اور عدل و انصاف کو یوں روندنے کی کسی کوشش کا حصہ عوام نہیں بنیں گے،اس ملک کو حکمرانوں کے اقتدار کی خواہشات اور صرف اور صرف ذاتی مفادات کے حصول کی خاطر شخصی فیصلوں نے پہلے بھی بہت نقصان پہنچا یا ہے اور یہ ملک اور اس ملک میں بسنے والے سولہ کروڑ عوام اب ایسی کسی بھی کوشش کو اس ملک میں کامیاسب نہیں ہو نے دیں گے جو اس ملک میں عدل و انصاف کے اداروں کے کردار پر انگلی صرف اس وجہ سے اٹھا تے ہیں کہ ان کے اپنے اور پارٹی مفادات کو زک پہنچتی ہے،اس ملک کا قانون سب کیلئے برابر ہے قانون کی نظر میں سب ایک ہیں ،ہم کیوں آج بھی قانون سے ماوراءعہدے تشکیل دینے کیلئے کوشاں ہیں۔ہم میں کیوں حوصلہ نہیں کہ ہم سچ اور حق کا سامنا کر سکیں۔

Media nai Tareekh lakh raha hay

2012-01-07T22:34:00.001-08:00

میڈیا ئنی تاریخ لکھ رہا ہے"

    آج کے دور میں میڈیا نے جس طرح دنیا بھر کے فیصلہ سازوں اور حکمرانوں کو گرفت میں لیا ہوا ہے۔اس کی مثالیں بکھری پڑی ہیں۔واٹر گیٹ سکینڈل کی خبر نے اس وقت کے امریکی صدر نکسن کو اقتدار سے محروم کر دیا۔ مونیکا لیونسکی کے سکینڈل کی خبر نے ایک اور امریکی صدر کلنٹن کے جھوٹ کو اس طرح ثابت کیا کہ اسے مواخذے سے بچنے کے لیے پوری قوم سے معافی مانگنی پڑی۔وکی لیکس نے تو تیسری دنیا کے تمام حکمرانوں کے پول کھول دئیے۔ پاکستانی میڈیا نے بھی اپنے حکمرانوں کے کرتوت جس طرح نمایاں کرنے شروع کیے ہیں اس کی وجہ سے ہر بد عنوان مقتدر شخص جھنجلاہٹ کا شکار ہے۔ امریکی بزنس اور میڈیا مین منصو ر اعجاز نے میمو گیٹ سکینڈل کو جس طرح نمایاں کیا اس نے پاکستان کی سیاست میں ایک تہلکہ مچا دیا ہے۔ امریکہ میں پاکستان کے سفیر حسین حقانی کو استعفیٰ دینا پڑا اور پوری حکومت سپریم کورٹ کے سامنے جوابدہ ہے۔ ملکی تاریخ میں پہلی بار آرمی چیف اور آئی ایس آئی کے سربراہ بھی عدلیہ عدلیہ کے تابع نظر آ رہے ہیں۔ ان معاملات کی وجہ سے صدر زرداری کا ذہنی دباﺅ کا شکار ہونا کسی سے چھپا ہوا نہیں ہے۔
    ٹیکنالوجی کی ترقی نے میڈیا کے ذریعے دنیا بھر کو ایک مٹھی میں بند کر دیا ہے۔ ٹی وی کا ریموٹ ہو، انٹرنیٹ کا ماﺅس یا موبائل فون یہ سب ایسی علامتیں ہیں جنہوں نے دنیا کو کھول کر رکھ دیا ہے۔ٹی وی ریموٹ کا ایک بٹن دباتے ہی لاکھوں میل دور کی آواز، تصویر اور حرکات آپ کے سامنے ہوتی ہیں۔ ماﺅس کو چھیڑتے ہی علم ،تحقیق اور اخلاقیات کے جدید رجحانات لمحہ بھر میں الیکٹرانک صفحات پر بکھر جاتے ہیں ۔اسی طرح موبائل فون کے ذریعے ہم اپنے پیاروں سے لمحہ بھر میں ہر طرح کی بات کر سکتے ہیں اور اب تو تصویر بھی دیکھی جا سکتی ہے۔آج کے دور میں طرز فکر کو تشکیل دینے اور انسانی رویوں پر اثر انداز ہونے میں ،مٹھی میں بند یہ تین چیزیں اہم کردار ادا کر رہی ہیں۔حقیقت تو یہ ہے کہ جن قوموں کا کنٹرول ان تین چیزوں پرہے، وہی عملاً دنیا پر کمانڈ کر رہی ہیں۔
    آج کے دور میں کوئی قوم یا ملک اس وقت تک عالمی سطح پر اپنی برتری ثابت نہیں کر سکتا جب تک وہ ذرائع ابلاغ یا میڈیا کو دانش مندانہ طور پر استعمال کرنے کی صلاحیت نہ رکھتی ہو۔ جس طرح زمانہ امن میں حکومتوں کو اپنی پالیسیوں اور تجارتی اداروں کواپنی مصنوعات کو مقبول بنانے کے عمل میں میڈیا کی ضرورت محسوس ہوتی ہے اس طرح جنگ کے دوران جدید عسکری صلاحیتیں ہونے کے باوجود دشمن کے مورال کو کمزور کرنے اور اپنی فوج کا حوصلہ بڑھانے کے لیے میڈیا کا کردارانتہائی اہمیت کا حامل ہے۔ کسی بھی ملک یا علاقے پر زمینی قبضے کو مستحکم کرنے کے لیے بھی میڈیا کی مدد درکار ہوتی ہے۔میڈیا جہاں قابض فوجوں کے نقطہ نظر کو عوام میں عام کرتا ہے وہاں مخالف پراپیگنڈے کابھی مقابلہ کرنے میں معاون ثابت ہوتا ہے۔ اسی بنا پر نفسیاتی جنگ میں کامیابی کے لیے میڈیا کو مرکزی حیثیت حاصل ہے۔ افغانستان پر امریکی حملہ ہو یا عراق پر فوج کشی ان ممالک پر حملے سے پہلے امریکہ نے میڈیا کے ذریعے یہ ثابت کرنے کی کوشش کی کہ امریکہ دنیا میں امن کے قیام، دہشت گردی کے خاتمے اور ان ملکوں کے عوام کو جابر قیادتوں سے آزاد کرانے کے لیے یہ اقدامات کر رہا ہے۔ حالانکہ پس پردہ امریکی مقاصد سے سب ہی ذی شعور آگاہ تھے۔
    ہمارے ہاں یہ تاثر عام پایا جاتا ہے کہ سی این این اوربی بی سی خبروں کے معاملے میں بڑی غیر جانبداری کا مظاہرہ کرتے ہیں حالانکہ حقیقت یہ ہے کہ بین الااقومی امور کے بارے میں پینٹاگون جو گائیڈ لائن دیتا ہے سی این این اور دوسرے امریکی ادارے اپنی خبریں اور تبصروں میں اس کی پابندی کرتے ہیں ۔ اس لیے یہ کہنا کہ امریکہ اور برطانیہ کے ذرائع ابلاغ ہر معاملے میں غیر جانبدار رپورٹنگ کرتے ہیں زیادہ درست نہیں۔ تاہم یہ ادارے اپنی خبروں کو اس انداز سے پیش کرتے ہیں کہ بظاہر وہ غیر جانبدار لگتی ہیں خبر میں شامل سلانٹ کا اکثر عام آدمی کو پتہ ہی نہیں چل سکتا ۔ اپنی اس مہارت کی بدولت ان اداروں نے اپنی ساکھ قائم رکھی ۔
    اگر ہم امریکی اور یورپی میڈیا پالیسی کا جائزہ لیں تو یہ بات کھل کر سامنے آتی ہے کہ دنیا سے دہشت گردی ختم کرنے کی میڈیا مہم میں اسلامی ممالک اور مسلمانوں کو ایک سوچے سمجھے منصوبے کے تحت نشانہ بنایا جا رہا ہے۔ اسلامی تعلیمات کو تنگ نظر اور تشددانہ قرار دیا جاتا ہے۔ اور جذبہ جہاد کو دہشت گرد سو چ کے طور پر پیش کیا جاتا ہے۔
    امریکی عزائم پر نظر رکھنے والے تجزیہ نگاروں کا خیال ہے کہ پاکستان کو بھی کسی خوش فہمی میں نہیں رہنا چاہئیے امریکہ کی وسیع تر عالمی سلطنت کے خواب میں وہ کسی بھی اسلامی ملک کو بھر پور فوجی قوت اور ایٹمی طاقت نہیں دیکھنا چاہتا۔ کیونکہ امریکہ کے نئے ورلڈ آرڈر کا اہم مقصد اپنی تہذیب و تمدن کا پھیلاﺅ اور دنیا کے وسائل پر اجارہ داری قائم کرنا ہے۔
    اس وقت اندرونی اور بیرونی طور پر پاکستان کو جن مسائل کا سامنا ہے ان پر مقامی اور قومی سطح پر اتفاق رائے سے حکمت عملی کی تیاری وقت کا اہم تقاضہ ہے۔ روشن خیال یا اعتدال پسندی کا نظریہ ہو ،دینی مدرسوں کی تنظیم نو ہو یا عوام کو پینے کے صاف پانی کی فراہمی، ڈیم تعمیر کرنا، نظام تعلیم یا میڈ یم آف انسٹرکشن(INSTRUCTION )کا مسئلہ ان سب کا حل میڈیا ڈائیلاگ کے ذریعے ہی حاصل ہو سکتا ہے۔
     عدلیہ، انتظامیہ اور پارلیمنٹ کے معاملات ہوں یا ملک کو درپیش چیلنجز کو حل کرنے کے لیے میڈیا سے مدد حاصل کرنا ضروری ہے۔ اعلیٰ عدلیہ میں حکومت کو جس صورتحال کا سامنا کرنا پڑرہا ہے اس کا اگر غیر جانبدارانہ تجزیہ کیا جائے تو یہ بات کھل کر سامنے آتی ہے کہ اگر میڈیا کے حوالے سے حکومت نے پہلے سے ہوم ورک کیا ہوتا تو سیاسی اور ابلاغی منظر نامہ مختلف ہوتا۔ وقت کا تقاضہ ہے کہ کسی بھی اہم فیصلے کو کرتے وقت یہ جائزہ بھی ضروری ہے کہ جب اس معاملے پر عمل درآمد کیاجائے گا تو میڈیا کا ردعمل کیا ہو گا۔ کیونکہ آج کے دور میں" زبان خلق"میڈیا کا نام ہے۔ڈائیلاگ چاہے افراد کے درمیان ہو یا میڈیا کے ذریعے تین نکات بنیادی اہمیت کے حامل ہیں۔
(1    برداشت ، ایک دوسرے کی بات کو تحمل اور رواداری سے برداشت کرنا۔
(2    صبر، ایک دوسرے کے نقطہ نظر کوتنگ آئے بغیر اطمینان سے سننا ۔
(3    گنجائش ، ایک دوسرے کے نقطہ نظرکو سمونے کے لیے گنجائش پیدا کرنا۔
    دنیا بھر میں میڈیا کے منظر نامے کو دیکھنے اور اس کے اثرات کا جائزہ لینے سے یہ بات واضح طور پر سامنے آتی ہے کہ آج کے دور میں میڈیا حکمرنواں اور عوام کا ترجمان ہے۔ میڈیا سے متعلق افراد جو لکھتے اور بیان کرتے ہیں وہ آج کی خبر اور کل کی تاریخ ہوتی ہے اس لحاظ سے میڈیا سے منسلک افراد کی ذمہ داریاں اور بڑھ گئی ہیں۔

٭٭٭٭

Sahafioun Kay Liay Pakistan

2012-01-07T22:33:00.000-08:00

" صحافیوں کے لیے پاکستان ....دنیا کا مہلک ترین ملک "

    صحافیوں کی مقامی اور بین الاقوامی نمائندہ تنظیموں کا کہنا ہے کہ 2011ءمیں پاکستان مسلسل دوسرے برس بھی ذرائع ابلاغ کے نمائندوں کے لیے مہلک ترین ملک ثابت ہوا ہے۔صحافیوں کے امور پر نظر رکھنے والی ایک بین الاقوامی تنظیم دی کمیٹی ٹو پروٹیکٹ جرنلسٹس نے اپنی سالانہ رپورٹ میں کہا ہے کہ سال 2011 میں پاکستان میں صحافتی فرائض کی انجام دہی کی پاداش میں سات صحافی موت کے گھاٹ اتار دئیے گئے۔
    جنوبی ایشیا کے صحافیوں کی نمائندہ تنظیم ساو ¿تھ ایشین فری میڈیا ایسوسی ایشن (سیفما )کے مطابق 2011 کے دوران پاکستان میں بارہ صحافی مارے گئے ہیں، ان میں سے آٹھ ایسے ہیں جنہیں ہدف بنا کر قتل گیا یعنی ان کو طے شدہ منصوبے کے تحت مارا گیا۔ان صحافیوں میں سلیم شہزاد بھی شامل تھے۔
    سیفما کے جنرل سیکرٹری امتیاز عالم کا کہنا ہے کہ 2011ءمیں ہلاک ہونے والے پاکستانی صحافیوں میں سے کسی کے بھی قتل میں ملوث ملزم گرفتار نہیں ہوئے ہیں۔ نیویارک میں قائم صحافیوں کے حقوق کی علمبردار بین الاقوامی تنظیم "کمیٹی ٹو پروٹیکٹ جرنلسٹس" نے اپنی رپورٹ میں کہا ہے کہ پاکستان کا شمار ا ±ن ممالک میں ہوتا ہے جہاں بالعموم صحافیوں کے قاتل سزا سے بچ نکلتے ہیں۔
    کمیٹی ٹو پروٹیکٹ جرنلسٹس کی سالانہ رپورٹ کے مطابق سال 2011 میں دنیا بھر میں کل43 صحافی ہلاک کیے گیے۔ ان میں لیبیا اور عراق میں پانچ پانچ صحافی اور میکسیکو میں تین صحافی ہلاک کیے گئے۔روس، فلپائن اور دوسرے کئی ممالک میں بھی صحافی ہلاک ہوئے۔سن 2011 کے دوران ہلاک ہونے والے 43صحافیوں میں سے 16صحافی خطرناک علاقوں میں کام کرتے ہوئے جاں بحق ہوئے۔ عرب دنیا میں ہونے والے احتجاجی مظاہروں میں بھی صحافیوں کواپنی جانوں سے ہاتھ دھونا پڑا۔یاد رہے دی کمیٹی ٹو پروٹیکٹ جرنلسٹس دنیا کے مختلف ملکوں میں مارے جانے والے پینتیس اور صحافیوں کی ہلاکت کے محرکات کے بارے میں بھی ابھی تحقیقات کر رہی ہے۔اس کمیٹی کے مطابق پاکستان میں پچھلے پانچ سالوں میں 29 صحافی مار ے گئے۔ کمیٹی کی سالانہ رپورٹ کے مطابق مقتول صحافیوں کے قاتلوں کو سزا دینے کے حوالے سے بھی پاکستان دنیا بھر میں سب سے برے ریکارڈ کا حامل ہے۔
    پاکستان فیڈرل یونین آف جرنلسٹس کے مطابق پاکستان میں آج تک سو سے زائد صحافی اپنے فرائض کی انجام دہی کے دوران مارے جا چکے ہیں۔ ان مےن سے کچھ صحافی تو قانون نافذ کرنے والے اداروں کے اہلکاروں، پریشر گروپوں ، فرقہ وارانہ اور شدت پسند تنظیموں کے کارکنوں کے ردعمل کا شکار ہو کر جان کی بازی ہارگئے جبکہ بعض صحافی دہشت گردی کی وارداتوں اور جنگی علاقوں میں ناکافی حفاظتی اقدامات کے تحت فرائض کی انجام دہی کے دوران اپنی جان کھو بیٹھے۔ ان کے بقول صحافیوں کو اغوا، تشدد اور دھمکیوں سمیت کئی قسم کے دباو ¿ کا سامنا رہتا ہے۔ ان کو کبھی خبر نہ دینے اور کبھی غلط خبر دینے پر مجبور کر دیا جاتا ہے ۔
    عدم برداشت والے معاشرے اور جنگی حالات والے اس خطے میں فرائض سرانجام دینے والے صحافیوں کو بعض اوقات تنخواہیں بھی بروقت نہیں ملتیں اور نہ ہی انہیں انشورنس اور حفاظتی سہولتیں میسر ہوتی ہیں۔
    صحافت ایک ایسا شعبہ ہے وہ بیک وقت اطلاعات کی فراہمی کے ساتھ ساتھ قارئین ، ناظرین ا ور فیصلہ سازوں (حکمرانوں) کی راہنمائی کرتا ہے۔ صحافت سے منسلک افراد معاشرے کے اخلاقی ، سماجی ا ور قانونی پہلو ﺅ ں کی پاسداری کے ذمہ دارہونے کے ساتھ ساتھ رول ماڈل بھی بن جاتے ہیں۔
    صحافت کے شعبے سے منسلک افراد خواہ ان کا تعلق پرنٹ میڈیا سے ہو ےا الیکٹرانک میڈیا سے انہیں معاشرے کی جانب سے بڑی اہم ذمہ داری سونپی گئی ہے۔ ان کی تحریر، ان کی تصویر ا ور ان کی قوت اظہار ایک بڑی امانت ہے۔ ان امانت دار لوگوں پر بڑی ذمہ داری عائد ہوتی ہے۔ اس حوالے سے پرنٹ میڈیا کے رپورٹرز ، تجزیہ نگار ، کالم نویس ا ور الیکٹرانک میڈیا کے صحافی ، تجزیہ نگاروں ا ور اینکر مین کی شخصیت ، ان کی علمیت ا ور طرز اظہار پر سیر حاصل بحث کی ضرورت ہے۔
    پاکستان کی ساٹھ سالہ تاریخ میں Investigative Journalism کو Institutional حیثیت حاصل نہ ہو سکی ۔ گاہے گاہے کچھ صحافیوں نے اپنے طور پر کاوشیں کیں ۔ ملک میں جمہوریت نہ ہونے کی بنا پر Investigative Journalism بھی پھل پھول نہ سکا۔ یہ بات انتہائی خوش آئند ہے کہ پاکستان کے پرنٹ اور الیکٹرانک جرنلزم سے منسلک محب وطن صحافیوں نے اپنے انفرادی مفادات حتیٰ کہ اپنی جان کی پرواہ بھی نہ کرتے ہوئے Investigative Journalism کا بیڑہ اٹھا ےا ہے
    تحقیقاتی صحافت کے عمل میں کامیابی کے لیے ایک رپورٹر کی اپنا قیمتی وقت حقائق جاننے کے لیے باقاعدگی سے استعمال کرنا ہوتا ہے۔ اس طرح کی رپورٹنگ کے لیے ایک صحافی اپنے ذاتی Initiative" "سے یا کسی سے حاصل ہونے والے" "Clueکی بنیاد پر اپنے کام کا آغاز کرتا ہے۔ اسے اس عمل میں بیک وقت ایک وکیل کی طرح دلیل اور حقائق ڈھونڈنے ہوتے ہیں۔ ایک آڈیٹر کی طرح اعداد و شمار کو چانچنا اور ایک پولیس مین کی طرح تحقیقاتی حربے بھی استعمال کرنے پڑتے ہیں۔اسے اہم دستاویزات کا تجزیہ اور نتائج بھی اخذ کرنے ہوتے ہیں۔اسے انتہائی پیشہ وارانہ مہارت سے انٹریوز کرتے ہوئے احتسابی نکات تک پہنچنا ہوتا ہے ۔تحقیقاتی رپورٹنگ کی فیلڈ میں آگے بڑھنے کے عزم (Determination)، صبر (Patience) ، احتیاطCarefulness) (اور دیانتHonesty) (کا ہونا ضروری ہے۔ تحقیقاتی رپورٹنگ محض کیچڑ اچھالنے اور کسی کی شہرت کو نقصان پہنچانے کے لیے نہیں ہونی چاہئیے بلکہ عظیم تر قومی مفاد میں سچائی اور حقائق کو سامنے لانے کا نام ہے۔
    تحقیقاتی رپورٹر کو عام صحافی یا رپورٹر کی طرح سامنے نظر آنے والے حقائق ہی بیان نہیں کرنے ہوتے بلکہ اسے سامنے کی سطح کے نیچے چھپی ہوئی حقیقتوں کو ڈھونڈنا ہوتا ہے۔"To see beneath the surface"یعنی کہانی پیچھے چھپی ہوئی کہانیوں اور سکرین پر نظر آنے والی چیزوں کے پیچھے پوشیدہ حقائق کو سامنے لانا ہوتا ہے۔ تحقیقاتی رپورٹر کی آنکھیں اور کان ہمہ وقت کھلے رہتے ہیں اور اس کی قوت مشاہدہ تیز تر ہونی چاہئیے۔ تحقیقاتی رپورٹر کو ملکی قوانین اور ادارہ جاتی قوائد و ضوابط کا احترام کرتے ہوئے آگے بڑھنا ہوتا ہے کیونکہ اگر اس کی رپورٹ جھوٹی ثابت ہو جائے تو اسے سزا وار قرار دیا جاتا ہے۔ ایسے رپورٹر کو اپنا تحقیقاتی کام کرتے ہوئے قانون کو ہاتھ میں لینے کی اجازت نہیں ہوتی بلکہ اسے پل صراط سے گزر کر منزل حاصل کرنا ہوتی ہے۔ تحقیقاتی رپورٹر کو حقائق اور فسانے میں تمیز روا رکھنی ہوتی ہے۔ یعنی"He has to separate facts from fiction" اسے حاصل شدہ حقائق کو مصدقہ قرار دینے کے لیے کئی ذرائع سے ان کی جا نچ پڑتال کرنیچاہئیے تا کہ ان کی تردید نہ ہو سکے بعض اوقات اسے انٹیلی جنس ایجنسیوں کے کارندوں کی طرح Under Cover Investigationبھی کرنا پڑتی ہے لیکن ایسا کردار ادا کرتے ہوئے اسے صحافت کی اخلاقی پہلوﺅں کو نظر انداز نہیں کرنا چاہئیے۔
    حقائق پر مبنی تحقیقاتی رپورٹنگ کی بنیاد پر حیران کن اثرات مرتب ہوتے ہیں۔ اس رپورٹنگ کے نتیجے میں اربوں روپے کی لوٹ مار سے قوم محفوظ ہو جاتی ہے اور اس رپورٹنگ کے نتیجے میں اداروں کی پالیسیوں میں مثبت تبدیلی آتی ہے۔بد عنوان اور کرپٹ افسران اور سیاستدانوں کے ہاتھ پاﺅں بندھ جاتے ہیں۔ملازمت سے برطرفی، تنزلی اور استعفیٰ تک دینے پڑ جاتے ہیں۔ قوانین کو تبدیل کرنا پڑتا ہے تا کہ بد عنوان اور ظالم افسران قوائد و قانون کا سہارا لے کر اپنی جان نہ بچا سکیں۔ اس طرح کی کامیاب رپورٹنگ سے معاشرے میں صحافت اور میڈیا کا مقام اور مرتبہ بڑھتا ہے اور ایسے رپورٹر صحافت کے میدان میں آنے والے نوجوانوں کے لیے آئیڈیل بن جاتے ہیں۔

٭٭٭

Syria situation....Hazrat Khalid bin waleed ka mazar

2012-01-07T22:32:00.000-08:00

"شام کی صورت حال .... حضرت خالد ؓ بن ولیدکے مزار کی بے حرمتی"

    مصر، لیبیا اور یمن کے بعد شام میں حکومت مخالف تحریک زور پکڑ چکی ہے۔اقوام متحدہ کی جانب سے جاری کیے جانے والے اعداد و شمار کے مطابق تازہ ترین چھڑپوں میں 35سے زائد افراد جان بحق ہوئے ہیں۔شام کے صدر بشار الاسد کے خلاف اٹھنے والی اس تحریک میں گزشتہ آٹھ ماہ کے دوران چار ہزار سے زائد افراد ہلاک ہو چکے ہیں۔ حکومت مخالف مظاہرے یوں تو دارالحکومت دمشق سمیت پورے ملک میں ہور ہے ہیںلیکن ان کا اہم ترین مرکز شام کے شہر حمص کو قراردیا گیا ہے۔
    حمص شام کا ایک قدیم تاریخی شہر ہے ۔حمص ہی وہ شہر ہے جہاں تاریخ اسلام کے جلیل القدر صحابی ، عظیم سپہ سالار اور تاریخ ساز فاتح جس کا لقب" سیف اللہ "یعنی "اللہ کی تلوار "تھا ،کا مزار ہے۔دمشق سے تین گھنٹے کی مسافت پران کا مزار شہر کی مرکزی شاہراہ پرایک عظیم الشان مسجد کے احاطے میںواقع ہے۔
    بشار الاسد کی حامی فوجوں نے مظاہرین کے تعاقب میں حمص میں جو کارروائیاں کیں ان میں حضرت خالد ؓ بن ولید کا مزار بھی محفوظ نہیں رہا ہے۔ حکومتی فوجوں کا خیال ہے کہ حکومت مخالف افراد نے مزار کے اندر پناہ لی ہوئی ہے۔حالیہ فوجی کارروائی کے دوران حضرت خالد ؓ بن ولید کے مزار کے بڑے حصے پر گولہ باری بھی کی گئی جس سے مزار اور ملحقہ مسجد کو خاصہ نقصان پہنچا ہے۔
    امریکہ عراق جنگ کی رپورٹنگ کے ایام میں مجھے حضرت خالد ؓ بن ولید کے مزارپر حاضری کا موقع بھی ملا۔مسجد کے صدر دروازے پر دو تختیاں آویزاں ہیں۔ ایک تختی پر بڑے نمایاں حروف میں "مسجد خالد ؓ بن ولید "کندہ ہے ، اسی تختی پر عربی اور انگریزی میں تحریر ہے کہ " یہاںرسول پاک ﷺ کے ساتھی، شمشیرزن،اور عظیم مسلم فاتح جس نے کسی جنگ میں کبھی شکست نہیں کھائی محو خواب ہیں"
    مسجد کے دو اطرف خوبصورت باغیچے ہیں۔ مسجد میں داخل ہوتے ہی بیرونی صحن کے سامنے مسجد کے احاطے میں ایک سکول ہے جہاں بچوں کو جدید علوم کے ساتھ ساتھ دینی تعلیم بھی دی جاتی ہے۔ شہر کے لوگ اس سکول میں بچوں کے داخلے کو ایک اعزاز سمجھتے ہیں۔
    مسجد کے برآمدے سے اندر داخل ہوتے ہی مرکزی ہال کے دائیں جانب حضرت خالد ؓ بن ولید کا مزار ہے۔ مزار کے سامنے نقرئی دروازہ نصب ہے۔ دونوں اطراف کی دیواروں میں سنہری جالیاں لگی ہیں جن سے باآسانی اندر جھانکا جا سکتا ہے ۔
    حضرت خالد ؓ بن ولید584ءمیں مکہ میں پیدا ہوئے۔آپ کا تعلق قریش کے خوشحال اور جنگجو قبیلے بنی مخزوم سے تھا۔ خالد بن ولید ابتدائی عمر سے ہی ایک مضبوط اور مہم جو شخصیت کے طور پر جانے جاتے تھے۔جب اسلام کا ظہور ہوا تو خالد ؓ بن ولید ان لوگوں میں سے تھے ، جنہوں نے اہل اسلام کی شدید ترین مخالفت کی۔انہوںنے صلح حدیبیہ تک اہل اسلام کے خلاف جنگیں لڑیں۔جنگ احد میں ان کا سپاہیانہ کردار حربی تاریخ کا اہم واقعہ ہے۔ اس جنگ میں انہوں نے لشکر اسلام پر عقب سے حملہ کر کے جنگ کا پانسہ پلٹ دیا۔ خالد ؓ بن ولید نے فتح مکہ سے چھ ماہ پہلے حضور ﷺ کے حضور پیش ہو کر اسلام قبول کیا۔
    خالد ؓبن ولید نے اپنی باقی پوری زندگی اسلام کی سر بلندی اور فتح مندی کے لیے وقف کر دی۔ انہوں نے ایک سپاہی اور جرنیل دونوں حیثیتوں میں فیصلہ کن جنگیں لڑتے ہوئے اسلامی فوجوں کو فتح سے ہمکنار کیا۔
    رسول پاک ﷺ کی زندگی میں بھی آپ نے کئی مہمات میں شرکت کی۔ خاص طور پر "جنگ موتہ"میں آپ نے جس بے مثال بہادری ، جرات اور جنگی حکمت عملی سے شام اور عرب کے سرحدی حکمرانوں اور قیصر روم کی امدادی فوجوں کا مقابلہ کیا، اس کی نظیر نہیں ملتی،جنگ موتہ میں لڑتے ہوئے ان کے ہاتھ سے نو تلواریں ٹوٹیں۔ حضرت خالد ؓ بن ولیدنے رسول پاک ﷺ کے حکم پر عمل کرتے ہوئے مشرکین کے سب بڑے بت " عُزی ٰ "کو گرانے کا شرف بھی حاصل کیا۔ حضرت خالد ؓ بن ولید نے خلیفہ اول حضرت ابو بکر صدیق ؓ کے دور میں مرتدوں اور منکرین زکواة کے خلاف جو جنگیں لڑیں وہ بھی تاریخ اسلام کا اہم باب ہیں۔
    حضور ﷺ کی رحلت کے ساتھ ہی عرب کے بعض نو مسلم قبائل سرکشی پر آمادہ ہوئے ۔ کچھ لوگوں نے زکوة دینے سے انکار کر دیا۔ حضرت ابو بکر صدیق ؓ نے ان کی سرکوبی کے لیے حضرت خالد ؓ بن ولید کو نامزد کیا۔ بنی تمیم کو جب یہ خبر پہنچی تو بہت گھبرائے اور اکثر نے توبہ کر لی ۔کچھ لوگ مقابلے پر آئے اور مارے گئے ۔
    حضرت خالد ؓ بن ولید نے642ءمیں وفات پائی ۔وفات کے وقت حضرت خالد ؓ بن ولید نے فرمایا میں نے تقریباً تین سو جنگیں لڑیں ، میرے جسم کے ہر حصے پر تلوار، نیزے اور تیر کا زخم لگا ہے مگر شہادت سے محروم رہا ۔حضرت خالد ؓ بن ولید جیسا شخص جسے رسول پاک ﷺ نے اللہ کی تلوار کا خطاب دیا ہو اسے دنیا کی کوئی تلوار کیسے شہید کر سکتی تھی ۔
    یہ بات کس قدر افسوس ناک ہے کہ بشار الاسد اور اس کے حامی اپنے اقتدار کو بچانے کی خاطر ملت اسلامیہ کی ان درخشاں نشانیوں کی پاسداری بھی نہیں کر رہے۔ حضرت خالد ؓبن ولید کے مزار پر حملہ کسی غیر اسلامی فوج نے نہیں بلکہ شامی افواج نے کیا ہے۔ حکومت مخالف افراد نے اگر وہاں پناہ لی تھی تو ان کو وہاں سے نکالنے اور پکڑنے کے ایسے طریقے بھی اختیار کیے جا سکتے تھے کہ مزار کو نقصان نہ پہنچتا۔یہ بات کس قدر حیرت کی ہے کہ اسلامی امہ ، OIC یا حکومت پاکستان کی جانب سے اس حوالے سے ایک مذمتی بیان تک نہ آیا۔ اس سارے عمل کو ملت اسلامیہ کی بے حسی ہی کہا جا سکتا ہے۔مشرق وسطیٰ میں عراق کے بعد شام ہی وہ ملک ہے جہاں تاریخ اسلام کے آثار سب سے زیادہ ہیں۔جن میں کئی پیغمبران ، صحابہ کرام اور مشاہیر اسلام کے مزارات ہیں۔اس حوالے سے ملت اسلامیہ کو شام کی سیاسی صورت حال پر محض تماشائی بننے کی بجائے اپنا متفقہ نکتہ نظر واضح کرنا چاہئیے۔

٭٭٭

Gas ka Bohran---- Superem Court Notes

2012-01-07T22:30:00.000-08:00

" گیس کا بحران ....سپریم کورٹ نوٹس لے "

    پاکستان اس وقت توانائی کے شدید بحران سے دوچار ہے گرمیوں میں طویل دورانیہ کی بجلی کی لوڈ شیڈنگ معمول بن چکی ہے توسردیوں میں قدرتی گیس کی کھپت میں اضافے کے باعث اس کی قلت بحران کی شکل اختیار کر لیتی ہے اس تمام تر صورتحا ل سے گھریلو صارفین کے لئے چولھا جلانا مشکل ہو جاتا ہے۔ آج کل بھی گیس کے گھریلو صارفین شدید پریشان ہیں باورچی خانوں میں چولہے عین اس وقت بجھ جاتے ہیں جب لوگ دفاتر اور سکول جانے کی تیاریوں میں مصروف ہوتے ہیں یا پھر رات کا کھانا پکنا شروع ہوتا ہے۔
    اس صورتحال سے پریشان لوگ تنگ آ کر احتجاج پر اتر آئے ہیں ملک کے طول وعرض اور خاص طور پر پنجاب ،سندھ اور خیبر پختون خوا کے بڑے شہروں میں پر تشد د احتجاج اور مظاہرے بھی دیکھنے میں آئے یہ صورت حال کسی بھی طرح حکومت کے لیے خوش آئیند نہیں۔
    پاکستان دنیا بھر میں سی این جی کا سب سے بڑا صارف ہے۔ سی این جی اسٹیشن مالکان کی نمائندہ تنظیموں اور ٹرانسپورٹرز کا کہنا ہے کہ اگر حکومت ابتداءمیں ہی گیس سے متعلق پالیسی کا اعلان کرتی تو اتنی بڑی تعداد میں گاڑیاں سی این جی پر تبدیل ہوتیں اور نہ یہ صورتحال ہوتی ۔سی این جی کی قلت اور قیمتوں کے اضافے تک ہی بات ختم نہ ہوئی بلکہ حکومت نے یکم جنوری سے پیڑول کی قیمتوں میں بھی اضافہ کر دیا۔
    سی این جی اسٹیشن مالکان کی نمائندہ تنظیم نے حکومت پر گیس کی مصنوعی قلت پیدا کرنے کا الزام عائد کرتے ہوئے کہا ہے کہ یہ سب متبادل ایندھن مائع پیٹرولیم گیس یا ایل پی جی کے استعمال کو فروغ دینے کے لیے کیا جا رہا ہے۔سردیوں میں تو ایل پی جی زیادہ استعمال ہوتی ہے لیکن گرمیوں میں یہ اتنی نہیں بکتی اس لیے حکومت سی این جی اسٹیشنز کے اتنے بڑے نیٹ ورک کو ایل پی جی فروخت کرنے کے لیے استعمال کرنا چاہتی ہے ۔
    پیٹرلیم مصنوعات کی قیمتوں کے تعین کرنے والے سرکاری ادارے اوگرا کا موقف ہے کہ پیٹرول کی قیمتوں میں دروبدل عالمی سطح پر پیٹرولیم مصنوعات کی قیمتوں میں تبدیلی اور ڈالر کے مقابلے میں پاکستانی روپے کی قدر میں کمی کو مد نظر رکھ کر کیا جاتا ہے۔
    دوسری جانب حکومت کا کہنا ہے کہ حکومت گیس بحران پر قابو پانے کے لیے اندرون ملک گیس کی تلاش کے کئی منصوبوں پر کام کر رہی ہے اس کے ساتھ ساتھ بیرونِ ملک سے گیس کی درآمد کے منصوبوں پر بھی کام ہو رہا ہے۔
    ایندھن کی قیمتیں بڑھنے سے ملک میں مہنگائی کی شرح میں بھی اضافہ ہو رہا ہے ۔ ایک اندازہ کے مطابق پاکستان کی چالیس فیصد آبادی اپنی آمدن کا نصف حصہ خوراک پر خرچ کرتی ہے اورایندھن کی قیمتوں میں اضافے سے یہ طبقہ سب سے زیادہ متاثر ہوتا ہے۔ایندھن مہنگا ہوتا ہے تو نا صرف خوراک مہنگی ہوتی ہے بلکہ ٹرانسپورٹیشن کی لاگت بھی بڑھ جاتی ہے جس کا اثر ہر چیز پر ہوتا ہے۔
    پاکستان کی آبادی کی اکثریت متوسط اور غریب طبقے پر مشتمل ہے ۔اقتصادی سست روی، توانائی کا بحران اور صنعتوں کی بندش سے بے روزگاری کی شرح میں بھی اضافہ ہوا ہے ۔ ایسے میں گیس اور پیٹرول کی قیمتوں میں اضافے کے باعث آنے والے دنوں میں عام آدمی کو مزید مشکل حالات کا سامنا کرنا ہو گا۔
    وفاقی وزیر پیٹرولیم عاصم حسین نے ایران اور خاص طور پر ترکمانستان سے قدرتی گیس کے حصول کے منصوبوں پر اہم پیش رفت کا دعوٰع کیا ہے۔ ترکمانستان کے پاس قدرتی گیس کے دنیا کے چوتھے بڑے ذخائر ہیں۔مجوزہ چار ملکی منصوبے کے تحت 10کھرب مکعب میٹر گیس آئندہ تیس سالوں تک بر آمد کی جا سکے گی اور افغانستان کے راستے اس مقصد کے لیے1700کلو میٹر طویل گیس پائپ لائن بچھائی جائے گی۔وفاقی وزیر کا کہنا ہے کہ گھریلو صارفین کی طلب چونسٹھ اشاریہ سات کروڑ کیوبک فٹ ہے لیکن
سردی کے دنوں میں جب گیزر اور ہیٹر زچلتے ہیں تو یہ طلب ایک ارب کیوبک فٹ تک بڑھ جاتی ہے۔
    یہ تو ہے حکومتی اعداد و شمار اور اس کی تاویلیں لیکن دوسری طرف کچھ حقائق ایسے بھی ہیں جو حکومت عوام کے سامنے نہیںلاتی۔ ایک سروے کے مطابق پاکستان میں گھریلوصارفین میں گیس کی کھپت صرف سات فیصد ہے جبکہ سی این جی اسٹیشنز اور ٹرانسپورٹ کے شعبے میں ساڑھے سترہ فیصد ہے۔ اسی طرح ان دونوں شعبوں میں گیس کی کل کھپت تقریباً ساڑھے چوبیس فی صد ہے ۔ دوسری طرف کیمیائی کھاد کے کارخانے گیس کی کل پیداوار کا ساڑھے ستائیس فی صد صرف کرتے ہیں۔ ان اعداد و شمار سے بخوبی اندازہ لگایا جا سکتا ہے کہ حکومت نے عام آدمی کے گھر کے چولہے اور آمد روفت کے ذرائع بند کر کے بڑے بڑے صنعتکاروں کے کارخانے چلانے کو ترجیح دی ہے۔ ایک اطلاع کے مطابق فرٹیلائزر انڈسٹری میں ایک کارخانہ ملک کے مقتدر اور سب سے با اثر شخص کے دوست کا ہے۔ اس کارخانے کو بغیر کسی معاہدے یا قوائد و ضوابط کے گیس کی فراہمی کی جا رہی ہے۔ حقیقت احوال یہ بھی ہے کہ کیمیائی کھاد کے کارخانوں سے حکومت کا یہ معاہدہ بھی ہے کہ ان کو تین ماہ (سردی کے ایام) کے دوران گیس کی سپلائی نہیں دی جائے گی لیکن اطلاعات کے مطابق اس معاہدے کے باوجود ان کارخانوں کو گیس کی سپلائی جاری ہے۔اس لیے عام صارف کے چولہے اور گاڑیاں بند ہو گئی ہیں۔
    ان حقائق کی روشنی میں گھریلو صارفین اور سی این جی سٹیشنز کے ساتھ سراسرا نا انصافی کی جا رہی ہے۔ جب حکومت عام آدمی کے حقوق کی پاسداری کی بجائی با اثر افراد کو ترجیح دے تو عام آدمی اس مسئلے کے حل کے لیے سپریم کورٹ کی جانب ہی دیکھتا ہے کہ وہی سوﺅ موٹو نوٹس کے تو شایدبات بنے۔

٭٭٭

MEMO NATO NRO

2012-01-07T22:28:00.001-08:00

"میمو سکینڈل؟۔۔۔ نیٹو حملے؟۔۔۔ این آر او؟"

    پاکستان کی سیاسی ،عسکری اور عدالتی تاریخ میں ان دنوں تین اہم واقعات بیک وقت پوری قوم اور ان اداروں کے سربراہوں کے لیے باعث فکرہیں۔ میمو سکینڈل کیس نے ملک کے سیاسی نظام میں ایک تلاطم پیدا کیا ہے تو سلالہ چیک پوسٹ پر نیٹو کے حملے نے پاکستان کی افواج کو اپنی دفاعی حکمت عملی از سر نو ترتیب دینے کا موقعہ دیا ۔ این آر او کیس پر نظر ثانی اپیل کے مسترد ہونے کے بعد وزیر اعظم صاحب کے لیے "نہ جائے رفتن نہ پائے ماندن "ہے۔
    ان تینوں معاملات کا حل صرف اور صرف پاکستانیت اختیار کرنے میں ہے میمو سکینڈل ہو، نیٹو حملے کے بعد کی حکمت عملی یا این آر او نظر ثانی اپیل کے بعد سوئیز حکومت کو خط لکھنا اور کیسز کو کھولنا ان سب کو قومی امنگوں کے مطابق حل کرنے کے لیے ضروری ہے کہ حکومت اور عسکری قیادت صرف اور صرف پاکستان کو مقدم رکھے۔ جماعتی سیاست اور صدر پرستی یا امریکی خوف کو بالائے طاق رکھ کر صرف پاکستان کے مسقبل کو سامنے رکھے تو ہماری قیادت کو انشا ءاللہ کامیابی اور کامرانی ہو گی اورپاکستانی قوم ان کے پیچھے ایک دیوار کی طرح کھڑی ہو گی۔
    یہ بات کس قدر حیرانی اور پریشانی کا باعث ہے کہ ان تینوں معاملات کے پس منظر میں امریکہ ہی نظر آتا ہے۔ میمو سکینڈل میں ایک امریکی شہری منصور اعجاز ملوث ہے۔ نیٹو حملے امریکہ کے ایماءکے بغیرنہیں ہو سکتے، این آر او صدر مشرف سے کروانے میں بھی سابق امریکی وزیر خارجہ کونڈالیزا رائس اور ہال بروک کی حمایت شامل تھی۔
    امریکہ سے دوستی اور تعلق رکھنا کوئی بری بات نہیںلیکن دوست یا تعلق دار کو اپنا" آقا" بنا لینا کسی بھی طرح خود مختار اور آزاد ملک کو زیب نہیں دیتا۔ہماری حکومتوں خاص طور پر ماضی کے فوجی آمر حکمرانوں ایوب خان،یحییٰ خان، ضیا ءالحق اور مشرف نے عملاً امریکہ کو اپنا" آقا" بنا لیا تھا اس کا خمیازہ ہم نصف صدی سے زائد عرصہ سے بھگت رہے ہیں۔ فوجی آمروں کے اس رویے نے ملک کو نا قابل تلافی نقصان پہنچایا لیکن یہ بات کس قدر افسوسناک ہے کہ ایک جمہوری طور پر منتخب حکومت جسے ابتداءمیں پوری حزب اختلاف کی بھر پور حمایت حاصل تھی نے بھی اسی وطیرے کو اپنائے رکھا اور امریکہ کو اپنا "مائی باپ" قرار دیا۔ اگر عوام کی منتخب حکمران قیادت اپنے اقتدار کی بجائے پاکستان کو ترجیح دیتی تو ہمیں یہ دن نہ دیکھنا پڑتا، گستاخی معاف اس وقت پیپلز پارٹی کی حکومت کی حالت اس پنجابی مقولے کے مصداق"پیاز دے نال سو چھتر" یعنی حکومت کو پیاز بھی کھانی پڑرہی ہے اور سو جوتے بھی۔
    میمو سکینڈل ہویا نیٹو حملے یا این آر او کیس حکومت کو وہ سارے کام کرنے پڑ رہے ہیں جن کی شاید ضرورت پیش نہ آتی اگر ابتداءہی میں حب الوطنی کے تقاضوں کو سامنے رکھ لیا جاتا۔میمو سکینڈل کیس جس دن سے سپریم کورٹ میں گیا ہے حکومت اسے ایک سازش قرار دے رہی ہے۔ اگر یہ ایک سازش تھی تب بھی اسے بے نقاب کرنا حکومت کا فرض تھا۔ جس دن حسین حقانی نے استعفیٰ لیا گیا اسی روز ایک با اختیار کمیشن تشکیل دے دیا جاتا تو نوبت یہاں تک نہ آتی، کاش کہ حکومت بابر اعوان کی بجائے اعتزاز احسن سے ہی مشورہ کر لیتی۔اب سپریم کورٹ نے صدر ، آرمی چیف سے 15دنوں میں جواب طلب کیا ہے اور حسین حقانی کا نام ای سی ایل میںڈال دیا گیا ہے۔میمو سکینڈل کی انکوائری کے لیے سابق ڈی جی ایف آئی اے طارق کھوسہ پر مشتمل ایک کمیشن بھی تشکیل دے دیا گیا ہے جسے ہدایت کی گئی ہے کہ وہ شہادتیں اکٹھی کرنے کے بعد تین ہفتے میں رپورٹ پیش کرے۔
    سلالہ چیک پوسٹ پر نیٹو حملے نے پاک فوج کے صبر کا پیمانہ لبریز کر دیا ہے اور دو ٹوک فیصلے کے سوا کوئی چارہ نہ رہا ہے۔ پاکستانی افواج کے کمانڈر انچیف کے فیصلے کو پوری قوم نے سراہا ہے اور پاکستانی عوام میں اعتماد کی ایک نئی کرن پھوٹ آئی ہے۔ کسی بھی جارحیت کی صورت میں پاک افغان سرحد پر تعینات فوجی افسروں اور جوانوں کو منہ توڑ جوابی کارروائی کرنے کا اختیار دے کر بڑا واضح پیغام دیاگیا ہے۔ یہ فیصلہ یقینی اعتبار سے صرف اور صرف پاکستان کے مفاد میں ہے۔ جنرل کیانی کے اس فیصلے نے ان کے قومی وقار میں اضافہ کیا ہے۔ بون کانفرنس میں شرکت نہ کرنے کا فیصلہ بھی ©" پاکستانی فیصلہ "ہے۔ شمسی ائر بیس گیارہ ستمبر تک خالی کروانا بھی ہمارے خود مختار اقتدار اعلیٰ کی نشانی ہے اس فیصلے پر امریکی دباﺅ ماننا حکومت کے لیے تباہ کن ہو گا۔
    معاملہ میمو سکینڈل کا ہو، نیٹو حملے کا یا این آر او نظر ثانی کیس ، ان سب میں ہماری نا عاقبت اندیش قیادت نے معاملات کو اس نہج تک پہنچایا کہ "آبیل مجھے مار"کی کہاوت صادق آتی ہے۔ رہا معاملہ این آر او کیس کا تو اب وزیراعظم پاکستان بند گلی میں ہیں اگر خط لکھتے ہیں تو زرداری ناراض اور نہیں لکھتے تو توہین عدالت، اگر خط لکھیں گے تو زرداری صاحب کا بچنا مشکل اور نہ لکھیں تو وزیر اعظم صاحب توہین عدالت کے مرتکب ہونے کی بناءپر وزارت عظمیٰ اور ساری زندگی سیاست سے فارغ۔
٭٭٭

Pakistan ka Bunyadi Masla

2012-01-07T22:27:00.000-08:00

پاکستان کا بنیادی مسئلہ

    جب تک کسی قوم کا قبلہ درست نہ ہووہ ترقی اور خوشحالی کی منزل تک نہیں پہنچ سکتی۔ پاکستان میں ہم ایسے امور پر غیر معمولی وقت اور ذہنی صلاحیت صرف کردیتے ہیں جن کا ملکی ترقی کے ساتھ کوئی تعلق ہی نہیں ہوتا۔ آجکل میڈیا پر ایسے ٹاک شوز کی بہتات ہے جن میں عارضی نوعیت کے ایشوز پر گرما گرم بحثیں کی جاتی ہیں اور جن کا زیادہ تر تعلق شخصیات یا جماعتوں سے ہوتا ہے۔دکھ تو یہ ہے کہ پاکستان کے عوام بھی ان وقتی اور عارضی بحثوں کو بڑی دلچسپی سے سنتے ہیں۔ پاکستان کے بنیادی مسائل بری طرح نظر انداز ہورہے ہیں ۔ رب کائنات نے اپنے پیارے نبی ﷺ پر پہلی وحی نازل کی تو ارشاد ہوا۔ ”پڑھیے اپنے رب کے نام سے جس نے پیدا کیا انسان کو جمے ہوئے خون سے۔ پڑھیے آپ کا رب بڑا کریم ہے جس نے علم سکھایا قلم کے واسطہ سے۔ اسی نے سکھایا انسان کو جو وہ نہیں جانتا تھا“۔ [العلق :5-1] رب نے انسانوں کو اپنے پہلے ہی حکم میں ترقی کرنے کا گُر سکھادیا۔ جن قوموں نے اس ارشاد ربانی کے مطابق تعلیم کی حکمت اور دانائی کو پالیا وہ چاند و ستاروں کو مسخر کرنے میں کامیاب ہوئے اور جن قوموں نے پیغام ربانی کو نظر انداز کیا وہ ترقی یافتہ جدید دور میں بھی پسماندہ اور غریب ہیں۔محسن انسانیت حضور اکرم ﷺ کی بھی حدیث ہے کہ ”علم حاصل کرو چاہے تمہیں چین جانا پڑے“۔
    پاکستان کا بنیادی مسئلہ تعلیم اور تربیت ہے۔ جو سماجی اور معاشی ترقی کا اہم اور بنیادی عنصر ہے۔ پاکستان کے باقی تمام مسائل جہالت کی وجہ سے پیدا ہوئے ہیں۔ تعلیم ہی ایک ایسا نسخہ کیمیا ہے جس سے سیاسی ، معاشی، سماجی، معاشرتی، آئینی اور عالمی مسائل حل کیے جاسکتے ہیں۔ فن لینڈ چالیس لاکھ آبادی والا ملک ہے جس کے شہری تعلیم یافتہ ہیں ۔ تعلیم کا کرشمہ ملاحظہ فرمائیے کہ فن لینڈ کی صرف ایک کمپنی کی برآمدات پاکستان کی کل برآمدات سے دگنی ہیں۔ 1960ءمیں جنوبی کوریا کی برآمدات کا حجم 30 بلین ڈالر تھا۔ تعلیم پر خصوصی توجہ کی بناءپر 2010ءمیں کوریا کی برآمدات 360 بلین ڈالر تک پہنچ گئیں۔ اسلامی ملک ملائیشیانے 30 سال قبل تعلیم پر جی ڈی پی کا 30 فیصد تعلیم پر خرچ کرنے کا فیصلہ کیا اس کا نتیجہ یہ نکلا ہے کہ آج ملائیشیاایشین ٹائیگر ہے اور اسلامی دنیا کی کل ہائی ٹیک برآمدات کا 85 فیصد برآمد کرتا ہے۔ چین آبادی کے لحاظ سے دنیا کا سب سے بڑا کیمونسٹ ملک ہے۔ اس نے اپنی افرادی قوت پر سرمایہ کاری کرکے اور اسے تعلیم کے زیور سے آراستہ کرکے چین کو دنیا کی دوسری بڑی معاشی طاقت بنادیاہے۔ آج امریکہ چین سے خوف زدہ ہے۔ بنگلہ دیش بھی تعلیم اور صحت کے میدان میں پاکستان کو پیچھے چھوڑ چکا ہے۔
    پاکستان خدا کے فضل سے ایک ایٹمی قوت ہے مگر تعلیم کے میدان میں دنیا کے 132 ممالک میں سے صرف چھ ممالک سے آگے ہے۔ ہر حکومت اقوام متحدہ سے تحریری طور پر وعدہ کرتی رہی ہے کہ تعلیم کے لیے جی ڈی پی کا 4 فیصد بجٹ رکھا جائے گا مگر عملی طور پر صرف 1.8 فیصد بجٹ خرچ کیاجاتا ہے جس میں سے کم و بیش کل تعلیمی بجٹ کا 60 فیصد کرپشن کی نذر ہوجاتا ہے۔ گھوسٹ سکولوں، گھوسٹ اساتذہ کے نام پر ہرسال کروڑوں روپے خرد برد کرلیے جاتے ہیں۔ ہمارا تعلیمی معیار بھی انتہائی ناقص ہے۔ ریاست پر جاگیرداروں کی بالادستی ہے۔ وہ کروڑوں ان پڑھ کسانوں اور کاشتکاروں کا استحصال کر رہے ہیں۔ اسی طرح تاجر اور صنعت کار جاہل مزدوروں کو ان کی محنت کی پوری اجرت نہیں دیتے لہذا وہ سوچی سمجھی حکمت عملی کے تحت تعلیم کے بجٹ میں اضافے کی مخالفت کرتے ہیں۔ ان کے اپنے بچے بیرونی ممالک میں تعلیم حاصل کرتے ہیں نیز پاکستان میں بھی ان کے بچوں کے لیے ایچی سن کالج موجود ہیں۔اس لیے ان کو معیاری سکول اور کالج نہ ہونے سے کوئی فرق نہیں پڑتا۔ صوبائی اور قومی اسمبلی میں کبھی تعلیم پر بحث نہیں کی جاتی کیونکہ پارلیمانی اداروں کے اراکین کی اکثریت کا تعلق اشرافیہ سے ہوتا ہے۔ اگر پاکستان کے 18 کروڑ شہری تعلیم یافتہ ہوتے تو آج پاکستان ترقی یافتہ ملکوں کی صف میں شامل ہوچکا ہوتا۔ تعلیم پاکستان کا بنیادی مسئلہ ہے۔ پاکستان میں تعلیمی ایمر جنسی نافذ کرنے کی ضرورت ہے کیونکہ قومی سلامتی اور پاکستان کا مستقبل تعلیم کے ساتھ وابستہ ہے۔
    پاکستان سے برین ڈریں تیزی کے ساتھ ہورہا ہے۔ بیڈ گورنینس کی وجہ سے پڑھے لکھے باوسائل افراد کا پاکستان سے اعتماد ہی اُٹھتا جارہا ہے کیونکہ پاکستان میں میرٹ کی قدر ہی نہیں کی جاتی یہی وجہ ہے کہ پاکستان میں اچھے مینجرز کا فقدان ہے اور قومی ادارے زوال پذیر ہیں۔ ہمارا نظام تعلیم ناقص ہے۔ انگلش میڈیم، اُردو میڈیم اور مذہبی مدارس تین قسم کے نظام تعلیم بیک وقت چل رہے ہیں۔ ماہرین تعلیم کا اتفاق ہے کہ تعلیمی نظام یکساں اور مساوی ہونا چاہیئے اور قومی زبان اُردو کو ذریعہ تعلیم بنایا جانا چاہیئے تاکہ پاکستانی قوم تشکیل پاسکے اور ہر لحاظ سے ایک معیاری نسل وجود میں آئے جو پورے اعتماد کے ساتھ دوسری قوموں کا مقابلہ کرسکے۔دنیا کی ترقی یافتہ قوموں نے اپنے قومی زبانوں کو تعلیمی اور دفتری میڈیم بنا کر ہی ترقی کی ہے۔ جس سماج میں استاد کا احترام نہ ہو وہ نشونما نہیں پاسکتا۔ جب تک جاگیردارانہ ذہنیت کو ختم نہیں کیا جاتا۔ جمہوریت، تعلیم اور ترقی ایک خواب ہی رہے گی۔ قابل ستائش ہیں وہ لوگ جو حکومت کی جانب دیکھنے کی بجائے اپنے علاقوں میں ارشاد ربانی کے مطابق تعلیم کے فروغ کے لیے خدمات انجام دے رہے ہیں۔ پاکستان کے لاکھوں ریٹائرڈ اساتذہ شرح خواندگی بڑھانے کے لیے اہم کردار ادا کرسکتے ہیں۔ قوم کو اگر ایک ایسا لیڈر میسر آجائے جس کی تعلیم اور صحت کے ساتھ کمٹ منٹ ہوتو پاکستان چند سالوں کے اندر ترقی کی شاہراہ پر گامزن ہوسکتا ہے۔

Mobile Phone per Papendi

2012-01-07T22:23:00.000-08:00

مکتوب امریکہ ۔۔۔ طیبہ ضیاء

موبائل فون پر پابندی !

پنجاب اسمبلی نے صوبہ بھر کے تعلیمی اداروں میںموبائل فون کے استعمال پر مکمل اور فوری پابندی عائد کرنے کی قرارداد منظور کی ہے۔ قرارداد میں کہا گیا ہے کہ سکولوں میں موبائل فون کے بے جا استعمال سے معاشرے میں بگاڑ پیدا ہو رہا ہے۔ موبائل فون کے استعمال سے بچے پڑھائی کی طرف دھیان نہیں دیتے اور سکول میں اپنے دوستوں کو ایس ایم ایس کرنے میں مصروف رہتے ہیں۔ درسگاہوں میں طلبہ کی ایک بڑی تعداد موبائل فون استعمال کرتی ہے۔ پاکستان میں موبائل فون کمپنیوں نے مختلف پیکج متعارف کرائے ہیں جن کے تحت انتہائی کم پیسوں میں طویل بات کی جا سکتی ہے اور یہ پیکج طلبہ میں کافی مقبول ہیں۔ اس کے علاوہ بھی سنجیدہ نوعیت کا ایک مسئلہ درپیش ہے وہ یہ کہ بعض والدین اپنے بچوں کو مہنگے موبائل فون سیٹ خرید کر دیتے ہیں لیکن ایسے والدین بھی ہیں جو اپنے بچوں کو مہنگے موبائل نہیں دلا سکتے اس طرح بچوں میں احساس محرومی پیدا ہوتی ہے۔ پنجاب کے سکولوں میں موبائل فون کے استعمال پر پابندی کی قرارداد کی منظوری سے پہلے یقیناً فائدہ اور نقصان دونوں پہلوﺅں پر غور کیا ہو گا۔ امریکہ میں بھی اس ایشو پر بحث رہتی ہیں۔ نائن الیون کے واقعہ کے بعد سے سکیورٹی ایشو کو مدنظر رکھتے ہوئے سکولوں میں موبائل کے استعمال کے بارے میں لچک کا مظاہرہ کرنا پڑا جبکہ والدین کی ایک بڑی تعداد سکیورٹی ایشو سے زیادہ بچوں کی تربیت کو اہمیت دیتی ہے۔ پاکستان میں بھی سکیورٹی ایشو کی وجہ سے والدین اپنے بچوں کے ساتھ رابطہ میں رہنا چاہتے ہیں۔ اغوا برائے تاوان اور دہشت گردی کے واقعات کے پیش نظر والدین اپنے بچوں کی سکیورٹی کے معاملہ میں متفکر ہیں۔ موبائل فون بند ہو جائے اور بچے کے ساتھ رابطہ منقطع ہو جائے تو والدین خبردار ہو جاتے ہیں کہ کہیں کچھ گڑبڑ ہے۔ جس زمانے میں موبائل فون ایجاد نہیں ہُوا تھا یا پاکستان میں اس کا استعمال عام نہیں ہوا تھا، اس زمانے میں جرائم کی شرح بھی کم تھی۔ اغوا برائے تاوان اور بم دھماکوں کا کلچر نہیں تھا۔ والدین بچوں کی طرف سے بے فکر تھے۔ سکول آنے جانے میں تاخیر ہو جاتی تو والدین اسے بچے کی غفلت سمجھتے مگر آج بچہ چند منٹوں کے لئے بھی ادھر سے ادھر ہو جائے والدین کی جان نکل جاتی ہے اور منفی خیالات آنے لگتے ہیں۔ پاکستان جیسی غیر محفوظ ریاست میں تعلیم و تربیت سے زیادہ بچوں کی زندگی کی فکر لاحق رہنے لگی ہے۔ موبائل فون کا مثبت پہلو والدین کا بچوں کے ساتھ مسلسل رابطہ میں رہنا ہے۔ ہنگامی صورتحال میں بچے اپنے والدین کو مطلع کر سکتے ہیں یا فون بند ہونے کی صورت میں والدین خبردار ہو سکتے ہیں۔ بچوں کا سکولوں میں ”بھی“ موبائل فون کے استعمال میں اہم منفی پہلو وقت کا ضیاع اور پڑھائی سے بے رغبتی ہے۔ دوران امتحان بذریعہ ایس ایم ایس نقل کا خدشہ بھی رہتا ہے۔ بطور مذاق ایس ایم ایس کی جانے والی افواہوں اور دھمکیوں سے بھی بچوں کے ذہنوں پر بُرا اثر پڑ سکتا ہے۔کئی مذاق مہنگے پڑتے ہیں، بعض اوقات سچی خبر کو بھی جھوٹ سمجھ لیا جاتا ہے۔ بچوں میںموبائل فون کے استعمال کے منفی پہلوﺅں میں ایک نقصان دہ پہلو مخالف جنس میں تیزی سے بڑھتی ہوئی رغبت اور تعلقات ہیں جو سرطان کے مرض کی طرح بچوں کے ذہن و دل پر اثر انداز ہو رہے ہیں۔ بچہ اپنی عمر سے پہلے بالغ ہو جاتا ہے جبکہ والدین کی نظرمیں وہ بچہ ہی رہتا ہے۔ فطری جذبات کے اظہار کا آسان اور سستا ذریعہ موبائل فون ہے اس کے بعد انٹرنیٹ پر فیس بک اور چیٹ ہے۔ موبائل پر طے ہونے والی ملاقاتیں اور دیگر معاملات بچوں کو والدین اور اساتذہ کے ساتھ جھوٹ بولنے پر اکساتے ہیں۔ پاکستان میں چونکہ بجلی کی لوڈشیڈنگ کا مسئلہ ہے لہٰذا بچے کمپیوٹر پر زیادہ وقت صرف نہ کر سکنے کی وجہ سے بھی موبائل فون کا زیادہ استعمال کرنے لگے ہیں۔ کمپیوٹر پر والدین کی بھی نظر رہتی ہے مگر موبائل فون ایک ایسا جادو کا آلہ ہے اگر اس کا گلہ دبا دیا جائے تو قریب بیٹھے شخص کو بھی خبر نہیں ہو سکتی۔ ایس ایم ایس کے خطرناک استعمال نے بچوں کو دماغی طور پر غیر حاضر کر دیا ہے۔ اساتذہ اور والدین کی بات سُنی ان سُنی کر دیتے ہیں۔ ان کے دماغ میں ایس ایم ایس گھومتا ہے۔ بچوں کو سبق یاد کرنے میں بھی دقت پیش آتی ہے۔ پڑھائی کی جانب پوری توجہ دینے کی صلاحیت سے محروم ہو جاتے ہیں۔ پاکستان میں احساس کمتری کا مرض بھی عام ہوتا جا رہا ہے۔ مقابلہ کی دوڑ میں مہنگا موبائل فون خریدنا بھی فیشن بن چکا ہے جبکہ امریکہ احساس کمتری کی اس دوڑ میں پاکستان سے ابھی بہت پیچھے ہے۔ اس ملک میں بچوں کی تعلیم کی طرف زیادہ توجہ دی جاتی ہے۔ اٹھارہ سال سے کم عمر بچوں کے موبائل فون اور فیس بُک کے استعمال پر والدین کی کڑی نظر ہوتی ہے۔ صدر اوباما کی اہلیہ مشعل نے اپنی ٹین ایجر بیٹیوں کو اٹھارہ سال کی عمر سے پہلے فیس بُک بنانے کی اجازت نہیں دی ۔ صوبہ پنجاب میں بچوں کے سکولوں میں موبائل فون کے استعمال پر پابندی عائد کرنے کی قرارداد تو منظور ہو گئی مگر اس پر عمل والدین ہی کرا سکتے ہیں۔ والدین سمجھائیں گے تو بچے شاید مان جائیں مگر موبائل فون کے اس استعمال کی قرارداد کس ملک سے منظور کرائی جائے جس کے استعمال سے شیطان بھی پناہ مانگتا ہے۔ مساجد تو درکنار حرم بیت اللہ اور مسجد نبوی کے اندر بھی اس شیطانی آلہ کا استعمال بے دریغ ہو رہا ہے۔ حرمین شریفین کے اندر موبائل فون کے استعمال کے خلاف سعودی حکومت نے قانون بنایا تھا مگر مسلمان فون چھپا کر لے جاتے تھے اور موبائل کے کیمرے سے حرم کے اندرون تصاویر بھی بناتے تھے۔ سعودی قانون جب ناکام ہو گیا تو حرمین کے اندرموبائل لے جانے پر پابندی اٹھا لی گئی البتہ کیمرے والا موبائل لے جانے کی اجازت نہیں دی مگر مسلمان ہر قانون سے بالا ہے موبائل کے واہیات استعمال سے عبادت میں یکسوئی کا تصور بھی ختم ہو تا جا رہا ہے حتیٰ کہ دوران طواف موبائل فون پر بات ہو رہی ہوتی ہے، روضہ اطہر کے سامنے بیٹھ کر فون پر گپ شپ لگ رہی ہوتی ہے۔ یہ لوگ اپنی عبادت اور ثواب تو غارت کر تے ہیں ساتھ بیٹھے ہوئے لوگوں کی عبادت بھی غارت کر تے ہیں۔ موبائل فون کا یہ استعمال مقدس مقامات کی بے حرمتی میں شمار ہوتا ہے۔ موبائل فون زحمت بھی ہے اور رحمت بھی مگر عقل مند انسان وہی ہے جو رحمت کو زحمت بننے اور جائز کو ناجائز بننے سے بچائے اور نہ صرف خود بلکہ اپنے دوستوں اور رشتے داروں کو بھی نعمتوں کا جائز اور درست استعمال کرنا سکھائے۔!

Sitaroon ka hall latest

2012-01-07T22:21:00.000-08:00

حمل (Aries)

اس ہفتے کے ابتدائی دو دنوں میں پراپرٹی یا گاڑی کی خرید کے واضح آثار ہیں اور یہ ڈیل کامیاب ہوگی اور مستقبل میں مفید ثابت ہوگی۔ بدھ سے جمعہ کے دن تک اس برج کے جن افراد کے جاب انٹرویو ہیں انکی سلیکشن یقینی ہے۔ صحت اچھی رہے گی تاہم موسم خنک ہونے کے باعث موسمی اثرات کا سامنا رہے گا۔ مالی حالات مناسب رہیں گے۔ فیملی روابط مستحکم البتہ شریک حیات کے ساتھ بروز اتوار جھگڑے کے امکانات ہیں۔

ثور (Taurus)

اس ہفتے کے آغاز میں آپکے ذریعہ معاش میں بہتری متوقع ہے۔ وہ افراد جو رہائش کے معاملے میں پریشان تھے، بدھ کی رات تک اطمینان میں ہونگے۔ جمعرات کے روز کچھ خاندانی مباحث اور الجھنیں آپ کا دردِ سر بنی رہیں گی۔ جمعہ کے روز نماز جمعہ کے بعد صدقہ دیں۔ ہفتہ یا اتوار کے روز ایک سفر متوقع ہے جو کہ وسیلہ ظفر ثابت ہوگا۔ صحت مناسب جبکہ معاشی حالات اچھے رہیں گے۔

جوزا (Gemini)

سوموار اور منگل کے ایام آپکے لئے مشکل اور کام سے بھرپور ہونگے۔ ایک اسائنمنٹ کو پورا کرنے کیلئے آپکو بے وقت کام کرنا پڑ سکتا ہے۔ اعصابی تناﺅ اور کام کی زیادتی کے باعث بدھ کے روز آپ یقیناً آرام پر ہونگے۔ جمعرات کے روز ایک فون کال یا خط معاشی حالات کے حوالے سے خوشخبری ثابت ہوگا۔ شریک حیات یا محبوب کے ساتھ سفر درپیش ہوگا جو ویک اینڈ کو یقیناً خوشگوار بنا دیگا۔مالی حالات اچھے جبکہ صحت دباﺅ کا شکار ہوگی جو کہ ویک اینڈ تک ختم ہوگا۔

سرطان (Cancer)

اس ہفتے کے ابتدائی تین دنوں میں کمیشن یا ٹریڈنگ سے مالی فوائد حاصل ہونگے۔ یہ فوائد فیملی اور احباب کیلئے باعث مسرت ہونگے۔ جمعرات سے ہفتہ تک فیملی میں مصروفیت کم ہوگی اور بزنس کے معاملات پر زیادہ توجہ ہوگی۔ کچھ جونیئر سٹاف کی جانب سے ٹانگ کھینچنے کی کوشش ہوگی جو کہ اتوار تک ختم ہوجائیگی۔ مالی معاملات بہت اچھے اور صحت بہتر رہے گی اور کیا چاہئے، خدا کا شکر ادا کیجئے۔

اسد (Leo)

سوموار کے روز ایک سینئر ہم پیشہ فرد سے ملاقات سود مند رہے گی۔ انوسٹمنٹ کیلئے اچھا وقت ہے خصوصاً ملنے والے خیرخواہ کی رائے کے مطابق انوسٹمنٹ کرنا مناسب رہے گا۔ بدھ سے جمعہ کے دن تک بزنس میں غیرمعمولی تیزی دیکھنے میں آئیگی۔ ہفتہ کا دن ایک سرکاری کام کی نذر ہوگا۔ یہ ویک اینڈ خواتین کیلئے تھکا دینے والا ہوگا کیونکہ مہمانوں کی آمدورفت متوقع ہے۔ خوشدلی سے مہمانداری کیجئے کیونکہ یہ آپ پر برکت کا دروازہ کھولے گا۔

سنبلہ (Virgo)

اس ہفتے اجتماعی کوششیں اور ٹیم ورک مفید ثابت ہوگا لہٰذا باہم مشورے اور غوروفکر سے اقدام کیجئے۔ بدھ کی شام سے جمعہ کے دن تک روٹین کچھ خاندانی مسائل کے باعث متاثر رہے گی۔ پنچائت یا مصالحت کمیٹی کے ذریعے معاملہ حل ہوسکتا ہے مگر یہ حل فروری سے پہلے متوقع نہیں۔ اس معاملے کی وجہ سے معاشی معاملات بھی اپ سیٹ رہیں گے۔ ویک اینڈ پر سفر درپیش ہوگا۔ دردِ شقیقہ سے بچیں۔

میزان (Libra)

اس ہفتے کے ابتدائی دنوں میں ہونیوالی میٹنگز کے اچھے نتائج کی واضح توقع ہے۔ آپکی قوتِ فیصلہ بھی عروج پر ہے اور ساتھ میں خوش گفتاری بھی لہٰذا فریقِ مخالف کے قائل ہونے کے زیادہ چانس ہیں۔ خاندانی معاملات پر جمعرات کے بعد کی جانیوالی ڈسکشنز فضول اور بے مقصد ثابت ہوگی۔ ویک اینڈ پر ایک سماجی تقریب موڈ کو خوشگوار کرنے کا باعث بنے گی۔ صحت کچھ زیادہ اچھی نہیں رہے گی۔

عقرب (Scorpio)

اس ہفتے بیرون دفتر جاب کرنیوالے افراد مثلاً سیلز اور مارکیٹنگ وغیرہ والوں کیلئے بہت اچھے نتائج مہیا ہونگے۔ اس پیشرفت سے انہیں مالی فوائد کے حصول کی بھی توقع ہے۔ گھریلو حالات خوشگوار رہیں گے۔ صحت اچھی رہے گی تاہم ایک قریبی عزیز کی تعزیت یا عیادت کیلئے بیرون شہر سفر متوقع ہے۔ شماریات یا اکاﺅنٹنگ سے وابستہ ملازمت پیشہ افراد ہوشیار رہیں کیونکہ ہندسے انکی فیور میں نہیں ہیں۔

قوس (Sagitarious)

اس ہفتے کے ابتدائی دن شدید مصروف رہیں گے۔ بزنس مین حضرات کیلئے معاملات ٹف رہیں گے۔ جمعرات کے دن سے صورتحال کی بہتری متوقع ہے۔ جمعہ کے دن ایک دینی محفل میں شرکت کے باعث اطمینان و دلی سکون ہوگا۔ ہفتہ کے روز غیرمتوقع مہمانوں کی آمد باعث آزار ہوگی۔ اتوار کا دن بھی اسی گہماگہمی میں گزریگا۔ معاشی طور پر حالات اوسط رہیں گے، صحت اچھی رہے گی۔

جدی (Capricorn)

اس ہفتے معاشی اور خاندانی معاملات مثالی رہیں گے۔ بزنس میں بڑھوتری ہوگی اور گھر پر اہلیہ اور خاندان کی طرف بھی سپورٹ حاصل رہے گی۔ گرچہ بدھ کے روز سے آپکو کو دفتر میں ابھارا اور اکسایا جائیگا کہ آپ کوئی سخت قدم اٹھائیں مگر ایسا نہ کرنا آپ کیلئے فائدہ مند ہوگا۔ ابھی حالات کو چیلنج کرنا درست نہیں ہوگا، بھلے وقت کا انتظار کریں۔

دلو (Aquarius)

آپکی ایک دیرینہ انوسٹمنٹ اب پھل دینا شروع کریگی۔ سونے کے انڈے لیں، مرغی کو ایک مرتبہ ہی ذبح نہ کریں۔ یہ انوسٹمنٹ لمبے عرصے کیلئے زیادہ سودمند ہے۔ قرضِ حسنہ کے خواہشمند حضرات کی درخواست منظور ہوگی۔ جمعرات کے بعد خصوصاً صحت پر توجہ اور ویک اینڈ پر کسی بھی مشقت طلب کام سے اجتناب کریں، ڈیپریشن مت لیں۔

حوت (Pisces)

اس ہفتے آپکا ایک انشورنس پالیسی یا سیونگ سرٹیفکیٹ لینا لمبے عرصے کیلئے سودمند رہے گا۔ اگر ایسی کوئی سکیم نہ ملے تو پرائز بانڈ یا سونا خرید لیں بصورت دیگر سرمایہ ہاتھ سے ریت کی طرح پھسل جائیگا۔ دوستوں کے ساتھ ویک اینڈ گزارنا اچھی تفریح ثابت ہوگا۔ ملازمت پیشہ افراد کیلئے خوشامد اچھا طریقہ ثابت ہوگی وگرنہ انکریمنٹ وغیرہ میں خاطرخواہ بہتری مشکل ہے۔

٭٭٭

Naye Soboin ka Shosha

2012-01-07T21:52:00.000-08:00

نئے صوبوں کا شوشہ........ !

دو ایک روز پہلے قومی اسمبلی میں ہزارہ اور جنوبی پنجاب کو نئے صوبے بنانے کے معاملے پر زبردست ہنگامہ آرائی ہوئی۔ مسلم لیگ ن اور ایم کیو ایم میں شدید جھڑپ بھی ہوئی جبکہ اے این پی اجلاس سے واک آ ¶ٹ کر گئی۔ اجلاس کے دوسرے روز نئے صوبوں سے متعلق قرارداد ایجنڈے میں نہ شامل ہونے پر ایم کیو ایم کے ارکان بائیکاٹ کر گئے۔ جنوبی پنجاب اور ہزارہ کو صوبہ بنانے کا مطالبہ وہاں کے عوام کا ہے یا بعض سیاسی قوتیں نمبر سکورنگ کیلئے یہ سب کر رہی ہیں اور ان کو لسانی بنیادوں پر نئے صوبوں کے طور پر تقسیم کرنے کی بات کی جا رہی ہے یا پھر انتظامی بنیادوں پر ان کی تقسیم مقصود ہے۔ ان سوالوں کو نظرانداز کر کے ہزارہ اور جنوبی پنجاب کو نئے صوبوں میں تقسیم کرنے کی بات غیر سنجیدگی پر مبنی ہے جس سے ظاہر ہوتا ہے کہ ایسی باتیں کرنے والی سیاسی جماعتیں اور حکومت خود اس معاملے میں سنجیدہ نہیں ہیں کیونکہ وزیراعظم سید یوسف رضا گیلانی خود کہہ چکے ہیں کہ ان کے ہوتے ہوئے سرائیکی صوبہ نہ بنا تو کب بنے گا۔ وزیراعظم نے قومی اسمبلی میں بھی خطاب کرتے ہوئے کہا ہے کہ نئے صوبوں کیلئے کام نہ کیا تو تاریخ ہمیں معاف نہیں کرے گی۔ ہم نئے صوبوں کے حق میں ہیں جبکہ سرائیکی صوبے پر دو تہائی اکثریت حاصل کر چکے ہیں۔ انہوں نے کہا کہ اگر پنجاب اسمبلی میں قرارداد کی اجازت نہ ملے تو قومی اسمبلی میں لائی جائے۔ انہوں نے یہ بھی بتایا کہ ایم کیو ایم نے جنوبی پنجاب اور ہزارہ کو صوبے کا درجہ دینے کے لئے قومی اسمبلی سیکرٹریٹ میں دو قراردادیں جمع کروا رکھی تھیں جن کو بنیاد بنا کر قومی اسمبلی میں ایم کیو ایم نے نئے صوبوں کی بحث شروع کرنی چاہی تو ہنگامہ آرائی شروع ہو گئی اور قائم مقام سپیکر نے بھی کہا کہ ان کو تاحال قرارداد موصول نہیں ہوئی۔ مسلم لیگ ن کا م ¶قف تھا کہ وہ انتظامی بنیادوں پر نئے صوبوں کے قیام کے خلاف نہیں مگر لندن میں بیٹھے شخص کو نئے صوبوں کے نام پر ڈرامہ بازی نہیں کرنے دیں گے۔ اے این پی کے سربراہ اسفند یار ولی نے اجلاس کی کارروائی کا بائیکاٹ کرتے ہوئے کہا کہ اس پر بحث غیر آئینی ہے۔ ایم کیو ایم نئے صوبوں کے نام پر اپنی سیاسی دکانداری چلانا چاہتی ہے۔ اس پر قومی اسمبلی کے اجلاس میں ایم کیو ایم اور اے این پی ایک دوسرے کے خلاف صف آراء ہو گئیں حاالانکہ دونوں جماعتیں حکومتی اتحاد میں شامل ہیں مگر ایم کیو ایم کے غیر لچکدار م ¶قف نے دونوں جماعتوں کو ایک دوسرے کے مدمقابل لاکھڑا کیا۔ کسی بھی صوبے میں نئے صوبے کے قیام کے لئے ضروری ہے کہ وہاں کی صوبائی اسمبلی اسے دوتہائی اکثریت سے منظور کرے اس کے بعد قومی اسمبلی سے بھی اس کی دو تہائی اکثریت کے ساتھ منظوری لی جائے۔ اس کے بعد نئے صوبوں کا قیام عمل میں لایا جا سکتا ہے مگر ایم کیو ایم موجودہ قانون اور آئین سے بالاتر ہو کر تمام زمینی حقائق اور متعلقہ صوبائی اسمبلی کے ارکان کے عوامی مینڈیٹ کا احترام کئے بغیر جنوبی پنجاب اور ہزارہ ڈویژن میں اپنی سیاست چمکانا چاہتی ہے جس کی غرض سے گذشتہ روز قومی اسمبلی کو مچھلی منڈی بنا دیا گیا۔ قومی اسمبلی میں قائد حزب اختلاف چودھری نثار علی خان نے ایم کیو ایم کے اس رویے پر درست کہا ہے کہ کسی کی دادا گیری نہیں چلنے دیں گے۔ لندن میں بیٹھے ایم کیو ایم کی طاقت کو کنٹرول کرنے والی اصل شخصیت دراصل کراچی کو صوبہ بنانا چاہتے ہیں اور اسی مقصد کے لئے ملک بھر میں نئے صوبوں کا شوشہ چھیڑا جا رہا ہے۔ کراچی سندھ کا دارالحکومت ہے اور ایک زمانے میں وفاقی دارالحکومت بھی رہ چکا ہے۔ کراچی اور سندھ میں کسی بھی مقام پر الگ صوبہ بنانے کا کوئی مطالبہ اور تجویز نہیں ہے اگر ایم کیو ایم کراچی کو الگ صوبہ بنانے کی خواہاں ہے تو اس مقصد کی تکمیل بھی عین اسی طرح ناممکن ہے جس طرح ہزارہ اور سرائیکی صوبہ کی تکمیل کے لئے وزیراعظم تک کو کامیابی حاصل نہیں ہو پا رہی۔
اس وقت ہمارے ہاں حکومتی شاہ خرچیوں کا جو شوروغل اور واویلا ہے اور جس طرح صوبائی اور وفاقی کابینہ کے ممبران کے اخراجات کا میڈیا پر تذکرہ کر کے ان کو تنقید کا نشانہ بنایا جاتا ہے‘ نئے صوبوں کا قیام کسی بھی لحاظ سے ایک احسن فیصلہ قرار نہیں دیا جا سکتا۔ زمینی حقائق کے مطابق ہزارہ اور جنوبی پنجاب کے عوام قطعی طور پر اس اکثریت کے ساتھ نئے صوبوں کے قیام کے حامی نہیں ہیں جس قدر تاثر فراہم کیا جاتا ہے۔ ملک بھر کے دیگر صوبوں اور علاقوں کے لوگوں کی طرح ان علاقوں کے عوام کا بھی ایک ہی مسئلہ ہے جس کے حل کے لئے وہ حکمرانوں سے مطالبہ کرتے ہیں اور گاہے گاہے احتجاج کیا جاتا ہے۔ وہ لوگ بھی اپنے بنیادی حقوق تلاش کرتے ہیں اور ان کی خواہش ہے کہ ان کے سروں سے مہنگائی‘ بے روزگاری اور لاقانونیت کے سیاہ سائے ہٹا دئیے جائیں۔ وہ بھی چاہتے ہیں کہ ان کو انسان کی طرح جینے کا حق میسر آسکے اور اگر دیکھا جائے تو انتظامی بنیادوں پر یہ سب وفاقی اور صوبائی حکومتیں ان کو موجودہ انتظامی انفراسٹرکچر کے ذریعے بھی فراہم کر سکتی ہیں اور اگر ایسا نہیں کیا جا سکتا تو پھر حکمران اپنی ناکامیوں اور غلطیوں کا اعتراف کر کے نئے صوبوں کے قیام کی باتیں نہایت ہی غیرضروری ہیں۔کیا حکمران نئے صوبوں کے قیام کا شوشہ چھیڑ کر وطن عزیز اور اس کے عوام پر نت نئے اخراجات اور ٹیکسوں کا بوجھ تھونپنا چاہتے ہیں اور کیا اس کا مقصد اقتدار وڈیروں اور جاگیرداروں کی جھولیوں میں منتقل کرنا ہے۔ جنوبی پنجاب کا نیا صوبہ بننے سے اقتدار ان وڈیروں اور جاگیرداروں کو منتقل ہو جائے گا جو آج تک جنوبی پنجاب کے عوام کے حقوق غصب کرتے رہے ہیں۔ ایم کیو ایم کو آج نئے صوبوں کی یاد ستا رہی ہے کہ وہ صرف ان علاقوں میں اپنی سیاسی مضبوطی کی خواہاں ہے۔ اس کے علاوہ اس کا کوئی مقصد نہیں۔ وزیراعظم بھی سرائیگی صوبے کی جو باتیں کر رہے ہیں‘ وہ سیاسی نمبر سکورنگ کے سوا کچھ نہیں۔ صرف مسلم لیگ ن کا ووٹ بنک تقسیم کرنے کی خواہش میں پنجاب جیسے ملک کی آبادی کے 60 فیصد صوبے کو تقسیم کرنا درست فیصلہ نہیں ہو گا۔ ہزارہ اور جنوبی پنجاب میں نئے صوبوں کا قیام وہاں کے عوام کا خالصتاً مطالبہ نہیں بلکہ طاقتور قوتیں اپنے مخصوص مفادات کے لئے اُچھال رہی ہیں اور مخصوص علاقائی جماعتیں بھی اپنے نیٹ ورک میں اضافے کیلئے اس میں شامل ہو گئی ہیں۔ یہ شوشہ اس وقت نہ چھیڑا جائے تو بہتر ہو گا۔

Hasool Insaf Se Nafee Insaf Tak

2012-01-07T21:48:00.000-08:00

حصول انصاف سے تحقےر انصاف تک

پروفےسر نعےم مسعود

وفاقی حکومت اس وقت اےک طرف بلاواسطہ اور بالواسطہ تےن کےسوں مےں پھنسی ہوئی ہے جن مےں اےن آر او،بھٹو پھانسی کےس اور مےمو گےٹ جےسے اہم مقدمات عدالت عظمیٰ مےں زےر بحث ہےں۔چھوٹے چھوٹے کےس اور بھی ہےں جن مےں پی پی کے اہم رہنماﺅں کے خلاف توہےن عدالت کے کےس بھی موجود ہےں تاہم دوسری طرف حکومت کے اتحادےوں سے بھی حکومت کی بگڑتی دکھائی دے رہی ہے جن مےں فی الوقت اے اےن پی سر فہرست ہے ۔اس بگاڑ کا سبب صوبوں کی بات ہے جن مےں سرائےکی صوبہ ،ہزارہ صوبہ اور بہاولپور صوبہ کے قےام پر ”حلقہ ےاراں مےں ٹھن گئی ہے ۔تاحال صورت حال عجےب و غرےب ہے ،اور کچھ معلوم نہےں کہ ،اونٹ کس کروٹ بےٹھتا ہے ۔پھر اوپر سے پی پی پی کی اےگزےکٹوباڈی نے فےصلہ کےا ہے کہ،صدر آصف علی زرداری کسی انکوائری ،بےان ےا پےشی کے تناظر مےں سوئس ےا لوکل تحقےقاتی کمےشن کے سامنے پےش نہےں ہو گے۔گوےا ان کا وہی موقف ہے کہ ،آئےنی تناظر مےں صدر مملکت کو استثنسیٰ حاصل ہے ۔

سےانے کہتے ہےں کہ،کہےں آئےن اور کہےں آئےنہ دےکھنا ضروری ہے بلکہ دونوں چےزوں کو بےک وقت دےکھنے سے خود احتسابی اور باہمی احتساب کے درےچے کھلے رہتے ہےں ،جس سے بناﺅزےادہ اور بگاڑ کم ہو جاتا ہے ۔لےکن بدقسمتی ےہ ہے کہ،مصلحتوں کی شاہراہ پر چلنے کا دعویٰ کرنے والی حکومت ،مصلحتوں کی راہ پر دکھائی دےتی ہے نہ صراط مستقےم پر ۔عجےب وےرانی سی وےرانی ہے کہ ان کے انداز سےاست کو دےکھ کر ےہ محسوس ہوتا ہے کہ وہ اپنے لےے کسی قانون کی اہمےت نہےں سمجھتے مگر اپنے انداز مےں اپنے تےار کردہ ”جنگل کے قانون“ ہی سے مستفیض اور مستفےد ہونے کے درپے ہےں ۔سےاست اور حکومت مےں جس چشم بےنا‘خوردبےنی فہم اور دور بےنی نظر کی ضرورت ہے اےسی ہرقسم کی نگاہ کا فقدان حکومت مےں عام ملتا ہے ۔اس کا مطلب ےہ ہر گز نہےں کہ،اس صورت حال مےں اپوزےشن بڑی فہم و فراست سے رواں دواں ہے۔سارے سےاسی منظر پر اپوزےشن کی جانب سے بھی ”پکی پکائی تازہ روٹی“پرانحصار کےا جاتا ہے کہ،حکومت ہی کوئی غلطی کرے اور وہ اس بات کو بتنگڑ بنا کر کو د پڑےں ۔اپوزےشن کی اپنی کوئی تحقےق ،اپنا کوئی واضح اےجنڈا ےا واضح پروگرام کہےں وجود نہےں رکھتا کہ،وہ قوم کو مستقبل کی کوئی نوےد سنا سکےں ےا اےسا لائحہ عمل دےں جو واقعی قابل عمل اور قابل استعمال ہو ۔بقول نسےم تقی

ےہاں قانون سے بالا ہے سلطان
نےا فتویٰ سناےا جا رہا ہے

ضرورت اس امر کی تھےں کہ قمر الزمان کائرہ،فردوس عاشق اعوان ،چانڈےو صاحب اور پی پی پی کے قانون سپہ سالار ڈاکٹر بابر اعوان اپنے بےانوںاور پرےس کانفرنسوں مےں بار اور بےنچ کے درمےان عمدہ رواےات کو فروغ دےتے ،تلخی کم کرتے اور قانون پسندی کو رواج پخشتے ۔ےہی نہےں بلکہ پی پی پی کے سےنئےر رہنما خورشےد شاہ تک نے عدالت عظمیٰ کے خلاف پروپےگنڈے کو عروج بخشا،اور عوام کی آنکھوں اور دلوں مےں اےسا تاثر نقش کرنے کی کو شش کی جےسے عدالت جانبداری کا مظاہرہ کرنے والی ہے ۔بابر اعوان جنہےں کئی وزارتےں بھی چھوڑنی پڑےں وہ بھی ،اور پھر گورنر پنجاب لطےف کھوسہ جےسے سےنئےر قانون دان نے کسی موقع پر بھی وہ کردار ادا کرنے کی کوشش نہےں کی جو ان کی پارٹی ،حکومت و ملک و قوم کے لےے خےر کے دروا کرتا ۔کئی سطح اور جگہوں پر لطےف کھوسہ اور بابر اعوان وسعت قلب اور دور اندےشی سے حکومت کو امتحانات سے بچا سکتے تھے مگر ان صاحبان نے تنگی داماں کا مظاہرہ کرتے ہوئے نےم حکےموں کی طرح اپنی ہی حکومت اور پارٹی کو دلدل مےں پھنسا دےا۔
ان سے آگے کی کوئی شے ا نہےں تسلےم نہےں
اپنے پےچھے کے ہےولوں سے انہےں نفرت ہے
رہی سہی کسر محترمہ عاصمہ جہانگےر کی لےنگوئےج اور باڈی لےنگوئےج نے نکال دی ،انہوں نے بھی قانون دان بننے اور لگنے کے بجائے سےاستدان لگنے کو فوقےت دی ،اور ےہ کہہ دےا کہ مےمو گےٹ کی حےثےت اےک کاغذ کے پرزے کے علاوہ کےا ہے ۔حالانکہ ہم تو ےہی سنتے آئے ہیں کہ قلم و قرطاس کی اہمےت عمل تنفس سے کم نہےں ہوتی ۔جن دو حکومتی اراکےن کی کسی پاکستانی ،کسی دانش ور اور حتیٰ کہ پی پی پی کے اپنے ارکان و نمائندگان کو بالکل سمجھ نہےں آتی وہ ڈاکٹر بابر اعوان اور رحمان ملک ہےں ۔حکومت اگر ان دو صاحبان سے جان چھڑالے ےا ان کو کسی ”حدود و قےود “ سے آشنا کردے تو بہت سی مشکلوں کا حل خود بخود نکل آئے گا۔
چودھری شجاعت حسےن ےا پروےز الہیٰ بھی اظہار ےک جہتی کرلےں جب تک پی پی پی کے سنئےر رہنما خود اپنی اداﺅں پر غور نہےں کرتے تب تک مسئلہ حل نہےں سکتا ،وہ دن دور نہےں جب اےم کےو اےم دوبارہ اور اے اےن پی واقعی پی پی پی کو خدا خافظ کہنے والے ہےں ۔عدالت تو عدالت ےہ نئے صوبوں کے قےام کا مسئلہ بھی حکومت کی دھجےاں بکھےرنے والا ہے ۔اےم کےو اےم کے صوبوں کے حوالے سے جمعرات کو قومی اسمبلی کے بحث کے آغاز پر جس طرح اعوان مچھلی منڈی بنا اور جس انداز مےں اے اےن پی نے اسفند ےا ر ولی کی قےادت مےں کاروائی کا بائےکاٹ کےا ۔ےہ اےک بڑی ”کاٹ “ ہے سب جانتے ہےں کہ اے اےن پی والے اسے کم از کم سےاسی حد تک تو اسی طرح زور چاہتے ہےں جس طرح سرائےکی صوبہ اور بہاولپور صوبہ کو ”چاہتے “ہےں”چاہت “کا اےسا انداز ہی وزےر اعظم ےوسف رضا گےلانی کا بھی ہے ۔لےکن ےہ سب انداز تکلم عملی رنگ کم اور زبانی جمع خرچ زےادہ لگتے ہےں ۔پھر اےم کےو اےم نے 20 وےں ترمےم کے آغاز کو عملی جامہ پہنا کر سےاست کے اےوانوں کو اور بھی مشکل مےں پھنسا دےا ہے بظاہر تو لگتا ہت کہ،عمران خان ،مےاں نواز شرےف اور جماعت اسلامی کی عملی سےاسی صورت حال نئے الےکشن کا نقارہ بجا رہے ہےں ۔اگر اےسا ہے تو پھر بہاولپور ،ہزارہ اور سرائےکی حلقوں مےں سارے سےاستدان صوبے بنانے کے منشور اور نعرے لے کر جائےں گے ۔۔۔۔۔آہ! وہ سےاستدان جو ابھی تک اپنے آپ کو جمہوری بنانے سے قاصر ہےں وہ بھلا صوبے اور اعلیٰ رواےات کےسے بنا پائےں گے؟؟؟

کوئی ےہ بتائے کہ،حکومت اگر افواج پاکستان ،عدلےہ اور قوم سے قطع تعلق کی راہےں اپنا کر چلنا چاہے ،تو گڈ گورنس نامی چےز کہاں ہو گی؟؟؟متذکرہ قومی اسمبلی کے اجلاس مےں قائم مقام سپےکر نے بھی جانبداری کا مظاہرہ کےا جو اپنی جگہ اےک غےر پسندےدہ عمل تھا ۔ترقی ےافتہ ممالک مےں سپےکر کی عزت و تو صےف کا ےہ عالم ہوتا ہے کہ آئندہ الےکشن مےں اس کے مقابلہ مےں کھڑا کوئی نہےں ہوتا ،کوشش اور خواہش ہوتی ہے کہ وہ بلا مقابلہ منتخب ہو جائے مگر ےہاں کےا کرےں ۔حکومت کو چاہےے کہ وہ تمام اداروں کو قومی ادارے سمجھے اور خود کو قوم کے حقےقی کارکن ،اسی کا نام جمہورےت ہے ۔اپوزےشن بھی قبل از انتخابات اپنا پروگرام اور اےجنڈا بتائے ،حکومت مےں موجو د تنقےدی پہلو تو عام آدمی کو بھی نظر آرہے ہےں ،اپوزےشن کےڑے نکال کر کےا کمال کر رہی ہے؟حکومت اپنی جگہ وعدل و انصاف کو بالائے طاق رکھنے مےں ہچکچاہٹ محسوس نہےں کرتی ےہ سب کےا ہے؟ ہاں!چار دن رہ گئے ہےں حکومت حصول انصاف کو تحقےر انصاف نہ سمجھے!!!

Strike day

2012-01-03T22:04:00.000-08:00

ملکی مفادات پر ذاتی مفادات کو ترجیح
مکرمی! بھارت کو انتہائی پسندیدہ ملک قرار دینے پر عوام سیاست دان اور دانشور مسلسل اپنی تشویش اور ناپسندیدگی کا اظہار کر رہے ہیں، مگر حکمران کسی کی سننے کے لئے تیار نہیں، بیانات اور تقریروں کے ذریعے اقتصادی فوائد گنوائے جا رہے ہیں مگر سیاسی نقصانات اور خطرات پر ان کی قطعاً نظر نہیں، پیسہ کمانے کی فکر ہے، ملک جائے بھاڑ میں۔ 64برس کی تاریخ تو یہ ہے کہ بھارت نے پاکستان کو کبھی دل سے تسلیم نہیں کیا اور پاکستان کو بدنام کرنے اور نقصان پہنچانے کا کوئی موقع ہاتھ سے جانے نہیں دیتا۔ اقوام متحدہ کی قرار دادوں کے بوجود آج تک اس نے کشمیریوں کو حق خودارادیت نہیں دیا اور الٹا اٹوٹ انگ کی رَٹ لگائے جا رہے ہیں۔ حال ہی میں خبریں شائع ہوئی ہیں کہ بھارتی وزیر خارجہ نے پاکستان پر الزام عائد کیا ہے کہ اس نے کشمیر کے 78 ہزار کلو میٹر حصے پر غیر قانونی اور زبردستی قبضہ کیا ہوا ہے دوسری خبر یہ شائع ہوئی ہے کہ ہمارے دریاﺅں پر دو اور ڈیم بھارت نے مکمل کر لئے ہیں اور پاکستان عالمی عدالت میں جانے کی سوچ رہا ہے۔ ایسی صورت حال میں بھارت کو انتہائی پسندیدہ ملک قرار دینا اور مذاکرات کرنا خود فریبی کے سوا کچھ نہیں۔