Grand Canyon cu Colorado tiva ih sersiam mi horkuam tluan a siih Arizona ramṭhen ih um a si. Leitlun Hurkuam lakih a thuk bik pahnihnak a si. A pakhatnak cu Tibet ih Tsangpo Canyon a si.

Grand Canyon su a sau lam peng 277 , a kau lam peng 18 (a kau bik nak), a thuk lam pi 6000 (pengkhat) tluk a si. Inntek America (Native America) pawl Grand Canyon ih lung kua pawl ah an rak umnak a reipi zo. Europe ihsin Grand Canyon hmaisabik a hmutu cu Spain mi García López de Cárdenas a siih 1540 ah a hmusuak.

Sualnak tuah (or) daan pahbal, a silole sual tuah tu (or) daan pah bal tu cun taksa tuarnak in maw, tangka cawhnak in maw daan tat ding hrimhrim a si. Hlanlai ahcun daan an tat tik ah phu laknak hi a thu pi bik in an rak ret. Tui’h kan san ahcun cuih ruahnak pawl hlon ta hrat in zirhnak pek lam pang in an feh pi vevo thlang.

A tuar tu cun phulak duhnak thinlung thawn daan tat ding in an dil men thei nan a cozah cun sual tuahnak pawl kham thei ding sawn hi a thu pi ah a ret. Phulaknak thawi’h daantat hnak in ruahnak (or) fimnak zirh lam pang in sualnak hi a kham thei sawn.

Daan tatnak ih a thupibik cu sualtuahnak pawl kham theinak ding a sivek in ziangzat tiang daan kan tat ding timi cu tikcu caan, hmun le thil um daan dangdang pawl zoh khawm ih ruahsak ding a si. Sualnak pakhat hrangah veikhat hnih cu zohtthim tlak ding rori ih daan tat a ṭul ko nan cu ti ringring ih daan tat ding cu a si lo. Daan tat tik ah luarzet in daan tat seh la a tuar tui’ hrangah thinnatnak a suah ter ding ih hmuitin mi ngaingai thleng lo in lam a pial thei. Sualtuah tu kha a ṭul mi hnak ih tam deuh thawng sung khumnak in, cu pai’h sunralnak lawng si lo in a cawhtu khal mi sia va a hlawh cih a si. Mi pi khal a sung ih acozah pi hrang khal ah rawl cawmnak ah tam pi a cem ve. Culawng si lo in a innsungsang pawl thil rit phur ter thawn a bang aw ding.

Daantat tikah sual tuah tuih parah huatnak thawn thu ṭhen ding a si lo. Mi dang pawl sual tuah ngam hlah seh ti ih khihhmuh duhnak le sual tuahtu hnen ah sual tuah nawn lo ding in zirhnak tel cih ding sawn a si. Caan rem cang a um tikah sual tuah tu kha a rim ding (or) ruahnak pek ding zat pek ngah zo ti in zumnak neih le ve in kai ṭem nawn lo in a innsungsang, a maih hawikom (rualpi) pawl hnen ah mi ṭha pakhat dinhmun ih ding thei salnak ding in tawl rel sak ding a si.

Daantat tikah sual tuahtu par ah huatnak, phulak duhnak sawn si lo in ruahnak, zirhnak lam sawn her ih feh pi ding a si. A dang lam in sim sile cuih daantatnak in sualtuah tu kha tui’ hnu sual tuah nawn lo ding in, cuvek thotho in sualtuah tum tu pawl hrangah khih hmuh cianak sawn a si ding a thu pi. Cuih daan a pahbal le ziang daantat ding ti ih kai fekfek ding a si hrimhrim lo. A thuhla um daan, a tikcu caan, sual a tuah mi par ah zoh in daan a tam a mal tat ding a si. Curuangah sualtuahnak ah daan ziangtin tat ding ti ih an ngan khum mi cabu pi sungah sual tuah phun mal te siar lo cu a malbik ziangzat ti in ri kaih sak mi a um lo. A tam bik ziangzat tiang ti lawng an ngan.

Ziangah tile thuṭhennak zung in daantatnak ah a parlam ih sim zo bang in thil um daan, sual tuah phun le a dangdang zoh khawm in thu an ṭthen theinak ding ah a si. A dang lam in sim sehla daan tatnak ah thu ṭhennak zung ih hmuhdaan kai hnget ih thu an ṭhen theinak ding ah a si. Curuangah hmuhdaan kai hnget in a ṭul le a ṭul vekin ṭhum asilole ṭhan ih daan that ding a si. Ri khaih cia theih a si lo.

Daantatnak ih a thupibik mi cu sualtuah tu kha rim in, acozah hrang ih fanu, fapa ṭha din hmun in, ra kir sal ih nun thar in a um thei sal ding hi a si. Thil pakhat a tuah sual ruangah thawng tla seh ti men lawng a si lo. Daantat tikah sual tuah tu ih nuntu khuasak daan, a um daan, a ruah dan pawl le a ra lai ding mi a hmai lam caan ah innsang, kiang le kap le rampi hrangih a ṭhahnem mi a si theinak ding tumtahnak thawn dantat a si.

Naunaute

England le Chelsea midfield Frank Lampard cu Tuluk Chinese Super League ih club a si mi Shanghai Shenhua FC (tu Drogba ih umnak) in zarhkhat hlawhman £ 250,000 ($450,000), thla khat £1 million in an duh. Tuluk club thotho a si mi Beijing Guoan tla in thlakhat 1 million pek in a duh ve.

Lampard cu tu kum January thla in Chelsea thawn a contract a cem thlang ding. Chelsea ih policy an neih mi cu kum 30 par lektu pawl cu kum 1 lawng contract lungkimnak a tuah. Tu Lampard cu kum 34 a si. Lampard cu Tuluk club ah a thawn aw a si le kum thum sungah £ 36 Million a ngah ding. Nan Lampard cun peisa hi thil thupibik a si lo tiah a ti.

Leitlun mobile device mawi zetzet ih a suah tu Samsung cu Google thawn kom aw in Tablet thar Nexus Teblet an suah ding. Google le Samsung kom aw ti cu a ropi zet ding. Teblet cu 10.1″ a si ding ih a man 99$ in a thok ding. Ziangtik ah a suak ding, a man ziangzat a si ding ti cu faingih thei a si hrih lo nan tu kum December thla hlan ah cu an suah ding zum a um.

Google le Samsung sung cu tu hlan ah Smartphone ah cu a kom aw nan Tablet ah cu a hmaisabik an kom aw nak ding a si. Nexus 7 tablet cu Asus thawn kom aw ih tuah a si.

Tuluk ram cu kan theih cia bangin mipi an tam ngaingai 1.3 billion lain an um. 2010 in Tuluk cu leitlun mawtaw market tumbik ram, US luan in, ah a cang. A hleice in Khuapi pawl ah cu mawtaw a pin ngaingai, van a tawng.

Mipum tam ih thathnemnak a um vek in a zonziah thlaknak tla cu a tampi ve.

The Ohio State University Marching Band ih mangbangza kekar: Oct 6 2012 OSU le Nebraska American Fottball puai halftime ih nuamsainak ah OSU Marching band in an kekar an hmuh. Hi kekar step cu TV game a si mi Zelda, Halo, Pokemon, Tetris pawl ta lak a si. Minutes 1:25 ih Tetris an tuah mi le Minutes 6 ih rang tlan lai an tuah mi hrimhrim zoh a tha nasa.

Facebook thla tin a hmangtu tan 1,000 (1 billion) an kim ti Facebook in September 14 ah a than. Facebook ah zuk upload mi 265 billion, hla fing 62.6 million tluk a um ih voi 22 billion tluk ngai a si.

Facebook hmang tambik tu ram pawl cu Brazil, India, Indonesia, Mexico and the U.S an si ih, hi ram 5 ih hmangtu (Active User) 500 Million, Facebook hmangtu zate ih a hrek an si. Leitlun ram hrekkhat Syria, Iran, China le North Korea ram pawl ahcun facebook hman cozah in a awi lo.

Spain La Liga ih club tumbik pahnih ti cu zoh an tha nasa. Christian Ronaldo in minutes 23 ah Benzima ih pek mi bawhlung in Real Madrid hrangah mawi zet in a goal. Minutes 31 ah Messi in Barca hrangah goal a ngah ve 1 – 1 in an draw aw. Messi ih goal mi cu Real back pawl in santlaih lo deuh a si.

Minutes 61 ah Messi in free kick in mawi zet in Barca hrangah a goal hnihnak a thun. Messi ih goal ngah a reihlan ah minutes 66 ah Ozil ih pekmi bawhlung in C. Ronaldo in Real hrangah a goal 2 nak a ngah ve. Cutin 2 – 2 a draw aw ta.

Minutes 3 ah Argentina Back W. Samuel ih lukhik in Inter in goal an ngah. Minutes 48 ah Inter back Japan mi Y. Nagatomo Aihre card voihnihnak a ngah ih suah a tur. Milan cun a nor nasa na goal an thun suak ngaingai thei lo si cu.

Arsenal FC ih Share tambik a neitu (30%) Russian Milian Alisher Usmanov in, “Arsenal in Champions League le Premier League ah sil ngah kan duh a si le kan milai pawl kan zuar nawn lo a tul,” tin Arsenal Manager Wenger hnen ah ruahnak a pe.

Arsenal cu 2005 ihsin ziang lawmman hman a hmu lo ih hlei ah tukum ah an rinsanbik lektu pahnih, Robin Van Persie le Alex Song, an zuar fawn. Usmanov cun Wenger ih a lek ter daan (Technique) ah a lung a kim nan thawn-awnak (Transfer) Policy ah cu a lungkim pi lo.

Tu Theo Walcott tla a contract a cem thlang ding Arsenal in contract thar tuah ding hmai an nor lem lo. Usmanov cun Theo Arsenal ih um ter hrih a duh. Tukum Jan Transfer ah mi kan zuar lo ding. A tulmi kan bet sawn ding tiah Russian Millian cu a ti.