Vilán

noreply@blogger.com (Libraco) — Sat, 28 Jan 2012 18:28:00 +0000

CONSTANCIA

Non sei por que sería, pero vendo este vídeo que aquí vos deixo, non puiden menos que acordarme dos meus alumno/as. Que mos recordaría?

Cantas veces lles falamos de que as cousas non sempre saen á primeira. Cantas veces insistimos na constancia no esforzo para chegar a conseguir algo a pesar das dificultades e dos erros cometidos no camiño. As cousas boas requiren esforzo, e a constancia ten o seu premio, seguro que mellor que o do porquiño do vídeo:

noreply@blogger.com (Libraco) — Sun, 22 Jan 2012 17:06:00 +0000

CONVERSAS NA BIBLIO

Xa sabiamos que os alumnos/as do Club de Lectura deste centro non andaban moi ben da cabeza (A quen se lle ocorre andar a ler libros!??) pero é que ultimamente xa empeza a cousa a ser preocupante: dáselles por afirmar que os libros falan entre eles cando non os vemos, e que incluso están preocupados pola forma de actuar dos lectores. Eu non cría nada disto, pero eles din que deixaron unha cámara oculta e que gravaron o que aquí vedes. Cada un que saque as súas conclusións:

noreply@blogger.com (Libraco) — Tue, 10 Jan 2012 19:23:00 +0000

Celso Emilio Ferreiro

Isaac Díaz Pardo

DÚAS FIGURAS SENLLEIRAS

Estes días de atrás cadraron dúas datas moi importantes para o noso país. Dunha banda tivemos a centenario do nacemento dun dos máis grandes poetas das nosas letras: Celso Emilio Ferreiro, que non só escribiu sobre temas sociais, senón que fixo algunha da máis sentida poesía amorosa da nosa lingua.

Doutra banda abandonounos Isaac Díaz Pardo, un dos últimos pensadores galeguistas, intelectual, artista, creador... Aquí podedes ver un traballo sobre a súa persoa que elaborou o equipo de biblioteca do IES de Elviña. E tamén podedes velo a el mesmo neste vídeo:

noreply@blogger.com (Libraco) — Mon, 26 Dec 2011 11:05:00 +0000

EXPLOSIÓN DE TALENTO

Neste festival de fin de ano no noso insti descubrimos, ou máis ben, deixáronse ver por fin, unha chea de talentos do máis diverso. Sabiamos xa de habilidades en danza e coreografía e tamén tiñamos experiencias estupendas en teatro, tanto de alumnos como de profes. Pero do musical tiñamos poucas mostras nos festivais, a pesar de ter incluso un disco gravado! Só nos deixaban ver unhas pingas en momentos dispersos. Neste festival por fin asistimos a unha maior concentración de músicos e cantantes. De sempre os profes de música (case todos) animaron o "cotarro" (un recordo para Almudena) e Charo non ía ser menos. Esperemos que estes talentos nos sigan deleitando en moitas outras ocasións.

O vídeo do festival é moi longo para colgalo enteiro, aquí vos quedan un par de mostras. Terédelo a disposición na biblio, onde o iremos vendo nos recreos, e quedará permanentemente no Canal Vilán, vale?

A diasfrutar das vacacións!

noreply@blogger.com (Libraco) — Fri, 16 Dec 2011 18:32:00 +0000

LIBROS PARA O NADAL

Hai xa uns días que tedes á vosa disposición a selección de libros, cómics e pelis que recomendamos desde a biblioteca. Aquí debaixo tedes as recomendacións en formato dixital para que poidades picar enriba de cada libro e ter algo máis de información sobre cada un deles.

Sabedes tamén que as nosas recomendacións non son as únicas posibilidades que tedes. Podedes escollar calquera dos fondos que hai nas estanterías, incluídas as novidades máis recentes.

Unha boa tarde de frío e choiva, unha lareira (ou no seu defecto, unha boa calefacción ) e un bo libro... quen da máis??

Open publication - Free publishing - More biblioteca

noreply@blogger.com (Libraco) — Tue, 13 Dec 2011 20:46:00 +0000

VISITA CIENTÍFICA

O pasado venres 18 de novembro, os alumnos e alumnas de 4º de ESO, coñeceron o Instituto de Ciencias Forenses "Luis Concheiro", ubicado na facultade de Medicina da Universidade de Santiago de Compostela, á fronte do cal se atopa o prestixioso xenetista galego Ángel Carracedo Álvarez.

Os rapaces e rapazas recibiron unha charla sobre a importancia da proba de ADN na casuística forense, e sobre o traballo que neste centro se leva a cabo. Ademais, durante a visita guiada polos laboratorios do instituto, achegóuselles ao "día a día" dun equipo de investigación punteiro.

A saída completouse co CESGA (Centro de Supercomputación de Galicia), conseguindo así a interdisciplinariedade da mesma, implicando ao alumnado de Bioloxía e Tecnoloxía.

Seguro que, dentro duns anos, os alumnos e alumnas do insti do futuro irán de visita a algún centro experimental de alto nivel que estará dirixido por algún dos alumnos de hoxe. Quen será?

Científicos de visita on PhotoPeach

noreply@blogger.com (Libraco) — Sun, 11 Dec 2011 11:14:00 +0000

DÍA DOS DEREITOS HUMANOS

63 anos despois da súa proclamación, segue sendo necesario lembrar esta data, 10 de decembro, na que a Asamblea Xeral das Nacións Unidas aprobou a Declaración dos Dereitos Humanos.

Necesario porque nin tan sequera nos países que asinaron esta declaración están garantidos estes dereitos en igualdade de condicións para toda a poboación. Non hai máis que botar unha ollada ao noso arredor, asomarse ás noticias.

Mais aínda así cabe pensar que un outro mundo é posible, que hai arrecendos espallados no ar que nos permiten prender unha candea pola esperanza, por estas xeracións, hoxe nen@s, adolescentes, que medran nas nosas aulas, ao abeiro das nosas Bibliotecas -das súas lecturas, da súa información, da súa formación- nen@s e adolescentes que se implican ilusionad@s e con empeño en proxectos coma "Coñecernos para querernos", nun intercambio persoal e de coñecementos con nen@s dos campamentos saharahuis, para quenes a apertura dunha biblioteca con (o Bubisher) ou sen (O Niño do Bubi) rodas, supón moito máis que un mundo de oportunidades. Para acceder á ilusión, aos soños, á formación, ao coñecemento doutras culturas, doutro idioma.

E con esa candea acesa, brincan faíscas que prenden en case un cento de Bibliotecas Escolares Galegas, que por todo o país escollen cada unha un fermoso álbum ilustrado para agasallar a ese recén estreado Niño do Bubi, porque, coma nas nosas propias Bibliotecas, toda inauguración é unha festa. A esa festa que é a lectura, nesas bibliotecas acubilladas na area, queremos enviar estes álbumes como aves portadoras de boa sorte, como bubishers* cheos de cor, imaxes, historias. Porque as nosas bibliotecas, @s nos@s lectores e lectoras, compartimos co Bubisher, cos lectores e lectoras das súas bibliotecas a crenza firme nos Dereitos Humanos, dende o seu 1º artigo: "Tod@s nascemos libres e iguais en dignidade e dereitos"

* O bubisher (Oenanthe leucopyga e Oenanthe leucura) é un paxariño tímido que vive na Península e tamén en África, aquí chamámoslle collalba negra e no Sáhara o seu nome significa paxaro da boa sorte, no dialecto hassaní é Bubchir بوبشير (o da boa nova) porque adoita aniñar e criar despois das choivas, o que quer dicer que medrará a herba, algo moi importante para quen ten gando.

Bubisher é tamén o nome dun autobús-biblioteca que circula entre os campamentos do Sáhara para levar lectura e información. Ou sexa, unha biblio... pero con rodas!!!

Se queredes unirvos á iniciativa de Álbumes para o Bubisher, só tedes que poñer os vosos datos xunto ao resto das Bibes Galegas.

Música e DDHH

Texto de Maribel Serantes (CEIP Os Casais)

Imaxe atopada aquí

noreply@blogger.com (Libraco) — Thu, 08 Dec 2011 18:33:00 +0000

HOMENAXE MERECIDA

O pasado sábado, durante o descanso do partido, o Club de Balonmán Boya, de Camariñas, tivo a feliz idea de homenaxear ao noso Javier. Non estamos afeitos a que se recoñeza publicamente o noso traballo e foi, para todos nós, unha alegría que alguén recoñecese o labor realizado por Javier durante todos estes anos.

Estou certamente seguro, e penso que non son o único, que o deporte neste concello non sería igual sen a súa presenza, esforzo e constancia. Desde logo, eu non sería igual!

Desde aqueles primeiros anos cambiaron moitas cousas, pero sempre quedarán na memoria as Festas da bicicleta, os equipos de deporte escolar, as primeiras clases de vela, as carreiras de campo a través, o descenso do río en piragua, as clases de esgrima, de escalada, de... Non, rapaz, ideas nunca che faltaron!

noreply@blogger.com (Libraco) — Wed, 30 Nov 2011 18:23:00 +0000

UNHA VIAXE MUSICAL POR EUROPA

Hai uns días tivemos a sorte e o pracer (grazas Charo), de escoitar un trío de música clásica do máis ameno e variado. Non só tocaban ben, ademais aprendemos moitas cousas sobre os países, os compositores e as diferentes épocas e estilos musicais europeos.

Presentado polo noso antigo coñecido Serafín Marcos, que tocou a guitarra clásica, o programa contou coa actuación de Dalibor Sebestik ao violoncelo e de Lucía Bustabad ao piano. Leváronnos de viaxe por diferentes países de Europa, ao tempo que aprendiamos sobre estilos e compositores e tamén, por que non, as súas anécdotas. Alguén pensara algunha vez que unha pinga de auga podía inspirar unha composición musical? Eu tampouco.

Quedamos á espera doutras actuacións... da man do noso virtuoso alumnado!

noreply@blogger.com (Libraco) — Sat, 26 Nov 2011 21:17:00 +0000

CAMARIÑAS DI NON Á VIOLENCIA DE XÉNERO

Onte, en Camariñas, organizado pola Asociación de Mulleres de Camariñas pola Igualdade, xuntámonos un grupo de xente para render unha homenaxe ás mulleres mortas este ano, vítimas da violencia de xénero. Unha vela por cada unha delas, e tamén por aquelas que sofren esta situación a diario e que non saen na prensa. Ou sabemos delas cando xa é demasiado tarde.

É hora de que todos paremos esta barbaridade, que parece impensable en pleno século XXI, nun país que se di civilizado. É hora de que aparezan os homes e os "machos" volvan ás cavernas, que é onde lles corresponde estar.

Unha vela, un recordo, unha dor, por cada unha delas.

noreply@blogger.com (Libraco) — Wed, 23 Nov 2011 16:53:00 +0000

NON Á VIOLENCIA DE XÉNERO

Deixamos aquí un vídeo, realizado polo Instituto asturiano da muller, sobre a prevención da violencia de xénero. Unha curtametraxe de Ángeles Muñiz titulada “Propiedad Privada” na que se aborda a violencia que poden sufrir as mulleres na súa vida cotiá e nas súas relacións afectivas.

Resulta interesante ver como a situación de violencia psicolóxica que se reflexa no vídeo sucede nun ambiente de boa posición social e económica e como, de cara ao exterior, a imaxe ofrecida polo home é toda sorrisos e amabilidade. A tolerancia dos outros, nai, amigas... non axuda a atopar unha saída. Debe esperar máis a protagonista para tomar unha decisión? Que farías se foras ela? Que farías se foras el?

Hai un interesante material didáctico para traballar sobre o tema neste enderezo.

noreply@blogger.com (Libraco) — Sat, 19 Nov 2011 21:37:00 +0000

VÍDEO DAS

BIBLIOS GALEGAS

Este vídeo proxectouse durante o Congreso de Bibliotecas Escolares en Tránsito, do que falamos na entrada anterior, como mostra do facer e do traballo realizado nas bibliotecas escolares galegas.

Unha preciosidade para sentirse orgullosos e un pouco envexosos (con envexa sá), sobre todo polos espazos que teñen algunhas delas. En calquera caso estou seguro de que a nosa seguirá mellorando curso a curso. Hai que saber valorala porque unha cousa teño clara: mellorando ela melloramos todos nós, profes, alumnos e familias. Disfrutade do vídeo:

noreply@blogger.com (Libraco) — Tue, 15 Nov 2011 20:35:00 +0000

BIBLIOTECAS

ESCOLARES

EN TRÁNSITO

Vén de celebrarse en Santiago o Congreso BIBLIOTECAS ESCOLARES en TRÁNSITO, organizado conxuntamentge polo Ministerio de Educación e a Consellería. Alí tivemos a oportunidade de escoitar a algúns dos máis afamados expertos e estudosos das bibliotecas e das súas funcións. Tivemos ocasión de xuntarnos con colegas de moitas das Comunidades Autónomas e ver as cousas que se están a facer por outros lugares, intercambiar experiencias, comentar, ver posibilidades, aprender novas formas de ler...

Coma sempre, a Asesoría de Bibliotecas fixo un traballo excelente (que temos que agradecer) e a calidade dos ponentes foi realmente moi alta.

Efectivamente, puidemos comprobar unha vez máis, que estamos nun momento de tránsito, de cambios profundos que nos afectan e, sobre todo, afectarán aos alumnos que temos hoxe nas aulas.

noreply@blogger.com (Libraco) — Thu, 10 Nov 2011 12:14:00 +0000

ARAOS TINTINEROS

Non podiamos desaproveitar a oportunidade, téndoa tan cerca, de ver a película de Tintín. Así que os Araos despregamos as ás (coa axuda dalgún papá Arao- grazas mil) e marchamos a Cee para poñernos guapos con esas gafas tan molonas que permiten ver en 3D. Hai que agradecer tamén á xerencia dos cines Xunqueira, que nos fixeron prezo especial por ser un Club de Lectura. Vantaxes de ser lectores!

Así pois, sentámonos comodamente nas butacas, acordámonos un momentiño dos que non puideron vir... e escomenzamos a nosa particular sesión de canibalismo: unhas aves (os Araos) coméndose outras aves (os flocos de millo).

Agora só cómpre coñecer máis a fondo a Tintín e ler as súas aventuras na versión orixinal: os cómics. Se queredes ver cales son, e algún exemplo de viñetas podedes visitar esta páxina.

noreply@blogger.com (Libraco) — Sat, 05 Nov 2011 19:34:00 +0000

QUE MEDO ME DÁS!!

Xa temos aquí de novo o certame de micro-relatos de terror deste curso. Temos que felicitar ao alumnado de 4º que este ano ten máis participación que os de 1º ciclo. Felicitamos tamén, e agradecemos, ao profesorado que promoveu nas aulas a participación no certame.

Tedes aquí debaixo os relatos. Todos arrepiantes. Lédeos atentamente e votade polo que máis vos guste. Tedes a enquisa abaixo dos contos. Haberá premios para cada ciclo. E xa postos a votar, quen é capaz de saber que profe escribiu cada un dos catro últimos relatos?

Atentos ao día das lecturas dos gañadores e á entrega de premios.

Que medo me das!! 2011

View more presentations or Upload your own.

Vota nesta enquisa: marca os teus favoritos e preme INTRO.(se non premes non memoriza)<p>&amp;amp;lt;p&amp;amp;gt;&amp;amp;lt;p&amp;amp;gt;&amp;amp;amp;lt;p&amp;amp;amp;gt;&amp;amp;amp;amp;amp;amp;amp;lt;p&amp;amp;amp;amp;amp;amp;amp;gt;&amp;amp;amp;amp;amp;amp;amp;amp;amp;amp;amp;lt;p&amp;amp;amp;amp;amp;amp;amp;amp;amp;amp;amp;gt;&amp;amp;amp;amp;amp;amp;amp;amp;amp;amp;amp;amp;amp;amp;amp;lt;p&amp;amp;amp;amp;amp;amp;amp;amp;amp;amp;amp;amp;amp;amp;amp;gt;&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;lt;p&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;gt;Si ves este mensaje, significa que tu navegador no soporta esta caracter&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;#237;stica o est&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;#225; deshabilitada. Pero puedes acceder a esta informaci&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;#243;n aqu&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;#237; &amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;lt;a href="http://www.encuestafacil.com/RespWeb/Qn.aspx?EID=1113370"&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;gt;Link a la encuesta&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;lt;/a&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;gt;&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;lt;/p&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;gt;&amp;amp;amp;amp;amp;amp;amp;amp;amp;amp;amp;amp;amp;amp;amp;lt;/p&amp;amp;amp;amp;amp;amp;amp;amp;amp;amp;amp;amp;amp;amp;amp;gt;&amp;amp;amp;amp;amp;amp;amp;amp;amp;amp;amp;lt;/p&amp;amp;amp;amp;amp;amp;amp;amp;amp;amp;amp;gt;&amp;amp;amp;amp;amp;amp;amp;lt;/p&amp;amp;amp;amp;amp;amp;amp;gt;&amp;amp;amp;lt;/p&amp;amp;amp;gt;&amp;amp;lt;/p&amp;amp;gt;&amp;amp;lt;/p&amp;amp;gt;</p>

noreply@blogger.com (Libraco) — Sat, 29 Oct 2011 19:55:00 +0000

DÉRONLLE CABAZAS!

Ben, en realidade a cabaza deuna ela.

O que fixo o xurado foi concederlle un premio polo traballo ben feito e por esa pinta de "Dona Rogelia" (para os que recordan a tal "señora") con cara de tomarse o mundo a cachondeo.

Temos algún "cheque" máis esperando aos alumnos que non teñan "medo" de escribir e/ou ilustrar o micro-relato de terror do certame literario deste ano.

Na biblio xa estamos esperando, sedentos de sangue, que chegue o día das lecturas, para chantarlle os nosos "cairos de vampiro" a quen se atreva a entrar alí. Se non me credes mirade este vídeo para ir sabendo o que vos agarda...

Personalize funny videos and birthday eCards at JibJab!

noreply@blogger.com (Libraco) — Tue, 25 Oct 2011 19:05:00 +0000

OS ARAOS SAEN DO CASCARÓN

Por fin nesta semana conseguimos que os Araos do Instituto, os membros do Club de Lectura de Alumnos, saian do cascarón. Os Araos maiores lles gañaron a partida hai uns días, pero agora xa estamos todos en marcha.

Queremos darlle a benvida aos novos araos, que pasan a formar parte do Club este curso. Os máis veteranos xa saben como vai a cousa, e digo eu que se repiten, por algo será...

Saúdos tamén a todos os lectores/as do insti (que os hai, e máis do que parece) que non están no club. Gustarianos telos con nós, pero sabemos que non sempre é posible. A porta sempre estará aberta.

Esperemos que todos poidades encher os vosos carnés cunha chea de libros que vos gusten e vos fagan disfrutar.

Que a lectura vos acompañe!

noreply@blogger.com (Libraco) — Tue, 18 Oct 2011 19:40:00 +0000

QUE MEDO ME DÁS!!

Xa temos aquí cerquiña o Samaín-Halloween. É tempo de pasar medo!
Xa podedes ir afiando os coitelos... para preparar as cabazas. E podedes ir afiando os lapis para escribir eses terroríficos relatos de terror aos que nos tedes acostumados, e para debuxar esas espantosas (porque dan espanto, ollo) ilustracións.

As cabazas hai que entregalas os días 26 e 27 deste mes. Os relatos e debuxos teñen de prazo ata o 4 de novembro, para que teñades tempo de ir afiando os dentes.

En calquera caso podedes ler as bases aquí debaixo. Así que... Ánimo, sen medo!!!

Open publication - Free publishing - More biblioteca

noreply@blogger.com (Libraco) — Sun, 09 Oct 2011 17:27:00 +0000

A RITMO:

sip, sap... boing

Para min foi unha mágoa que só cheguei a tempo de compartir o taller de ritmo cos de 4ºB, pero paseino de medo... Xoán e Álvaro enrróllanse moi ben e teñen, realmente, moito ritmo. Conseguiron en 50 minutos escasos que acabaramos practicamente facendo música cos nosos corpos, cunha axudiña da guitarra de Xoán.

A sorpresa máis grande foi pola tarde, na Casa de Pedra, onde, a pesar de que o local non ten a acústica adecuada, descubrimos un feixe de músicos estupendos, excelentes instrumentistas (Camariñas, terra de músicos), que fan unha música propia, lonxe dos éxitos 'prefabricados' de moitas discográficas internacionais e que mestura con acerto tendencias moi variadas. Quen dixo que a xente nova só sabía facer botellón e xogar coa Wii?

Aquí vos deixo unha mostra do taller e a páxina de Xoán na que podedes ver e escoitar algunha das cousas que disfrutamos no concerto.

noreply@blogger.com (Libraco) — Thu, 29 Sep 2011 19:29:00 +0000

AQUÍ HAI MARCHA!

Que non digan que non hai 'marcha' neste Insti. E que marcha! De Camelle a Laxe, pasando por Traba e Soesto.

Todo o centro en movemento, un día excelente para camiñar, unha paisaxe marabillosa, o sol que aparece ao chegar a Laxe para o baño final... que máis se pode pedir? Home, xa postos... un pincho de tortilla polo camiño! Pois meu dito meu feito. En Soesto apareceu o servicio de 'catering' (léase directora/secretaria) para cumprir colmadamente os nosos desexos.

E que gusto daba vervos a todos/as en marcha (incluso aos que non se deixan fotografar!). Un ano máis queremos agradecerlle a Javier a organización do día e as 'pateadas' previas comprobando tempos e camiños.

Só queda desexarnos a todos que esta 'boa marcha' nos dure todo o curso. Que así sexa!

noreply@blogger.com (Libraco) — Mon, 19 Sep 2011 20:00:00 +0000

FELIZ CURSO !!

Xa estamos aquí outra vez. Se ata parece que non houbo vacacións!!

O día da presentación sempre é un día un tanto especial: a ver con quen me toca, a ver quen é o meu titor/a, a ver como son os novos... Todo está "por estrear". Xúntanse as ilusións e uns gramos de "medo".

Desde a Biblio queremos darvos a todos a benvida e desexarvos que as ilusións se cumpran e os medos se convirtan en desafíos a vencer. Desexamos que cando chegue fin de curso as caras sexan, cando menos, tan alegres coma as de hoxe.

BENVIDOS!

noreply@blogger.com (Libraco) — Wed, 29 Jun 2011 18:25:00 +0000

UNHA DESPEDIDA MOI SENTIDA

Este curso que acaba ten un sentimento especial, moi especial, entre a alegría e a tristeza. Alegría porque queremos desexarlle a Auri o mellor, e porque queremos celebrar con ela todos estes anos de traballo, de dedicación, de saber estar en cada momento, sobre todo nos difíciles, de aprendizaxe, en fin, para tantos de nós, que fumos sabendo que era isto do ensino seguindo os seus pasos.

E estamos tristes porque quedamos, dalgún xeito, orfos. O instituto perde unha gran profesional. Na biblioteca perdemos, ademáis, un dos pilares máis sólidos que tivemos en todos estes anos de funcionamento, primeiro co apoio desde a dirección (anos duros, de crear un ‘instituto’ onde só había un local valeiro) e logo como colaboradora imprescindible e incansable. Sempre disposta a botar unha man, sempre aí cando se lle necesitaba, sacando traballo adiante, en tantas cousas que as veces non se ven desde fora, pero que son as que facilitan que todo funcione.

Podería dicir moitas cousas sobre estes anos, pero ela mesma o di mellor do que podería decilo eu. Estas palabras son súas:

Eran outros tempos, outro século… Hai desto uns corenta anos, tiña 19 anos recén cumpridos. Convenientemente instruída por miña nai, unha excelente mestra, empecei a traballar en Santa Mariña (Camariñas)… Quixera que puidésedes imaxinar aquela escola pechando os ollos. Sobre a corte duns burros (creo que eran 3), nuns bancos corridos, sen respaldo, 75 nenos e nenas mirábanme con curiosidade esperando aprender. Non había televisión e non coñecían a maioría das cousas máis sinxelas que poidades imaxinar… Lémbro o meu primeiro día de clase, con todos aqueles nenos e nenas louros, cos ollos ben abertos, tan asustados coma min. Supoño que lles ensinei algo…, eu aprendín moito con eles. Para min o seu mundo era totalmente alleo, non comprendía nin tan sequera o que falaban (galego), dicían palabras coma caluga, rebuldar, preguiceiro… que eu nunca antes escoitara.

Fun cambiando de destino e seguín aprendendo cos meus alumnos: Ortigueira, Mugardos... e co meu SEAT 600 crucei toda España para chegar ata El Campillo na provincia de Huelva. Acabei volvendo por azar ao principio da miña andaina, no concurso de traslados déronme A Ponte do Porto (ano 1978) e aquí quedeime.

Percorrín as diferentes etapas educativas: infantil, primaria, secundaria e fun coñecendo as innumerables reformas educativas.

Para min o traballo foise convertendo nunha das partes máis importantes da miña vida. Aprendín, xunto cos meus compañeiros, a sacarlle partido a todo o que ocorría arredor da escola… Fun collendo confianza e seguridade e cheguei a disfrutar de traballar en liberdade, con seguridade do que se debe facer o o que non se debe facer nunha clase, e coa liberdade tamén chegou a alegría de vivir unha aventura cos rapaces, de abrirlles portas, de serlles útil, de ... Non acabaría nunca de dicir todo o que os meus alumnos e alumnas me aportaron, a cantidade de cousas que aprendín con todos e cada un eles! O mellor é que aínda hoxe, cada día, aprendo algo novo e teño a ilusión de que tamén eles aprenden comigo.

Voume satisfeita do traballo realizado. Espero que todos vós disfrutedes tanto dun traballo tan fermoso. Prometo non deixarvos de todo e pasar de cando en vez polo instituto, aínda que sei que cada vez me resultará máis difícil.

Querida Auri, disfruta da túa nova vida, pero non nos abandones de todo, aínda te necesitamos. Aínda te necesito. Un bico.

noreply@blogger.com (Libraco) — Sun, 19 Jun 2011 16:53:00 +0000

ENTREGA DE PREMIOS

Estes días non paramos de facer actos na nosa biblioteca. Desta volta a propia biblio, o Dep. de Galego e o de Dinamización veñen de entregar os premios do Certame Literario do Día das Letras Galegas.

Para comenzar houbo un recitado de poesía a cargo dos de 1º. Antía, Carlota, Lara e Laura, de 1ºA leron "Letanía de Galicia" de Uxío Novoneyra. Sara e Laura, de 1ºB, leron "Os ratos" de Celso Emilio Ferreiro.
Logo os diferentes autores premiados leron as súas creacións: os poemas gañadores, de María Canosa e Raquel Lema, ou algún anaco do texto narrativo premiado, de Rui Santalla e Carlota Campaña. Aquí vos deixamos un vídeo con imaxes do acto.

noreply@blogger.com (Libraco) — Thu, 16 Jun 2011 17:22:00 +0000

ROSA ANEIROS E OS CLUBS DE LECTURA

a nosa benquerida Rosa Aneiros, que nos veu visitar o curso pasado ven de inauguar, no mes de abril, a Feira do Libro de Ferrol, e alí adicoulle aos clubs de lectura unhas palabras ben fermosas que non podo deixar de transcribir aquí.
Grazas, Rosa.

"Escoitaron vostedes falar algunha vez dos Morcegos de Canido? Dos pantasmas de papel de Neda? Do Sansaliber de San Sadurniño? Do Segrel de Neda? Dos siareiros de Sofía ou de Saturnino Hermida? Saben vostedes de que lles falo? Fálolles da gran revolución silenciosa que está a sacudir dende hai uns anos as bibliotecas públicas de Galicia, tanto as dos centros de ensino como aquelas municipais.
Falo dos clubs de lectura. Quen se interesa polos libros, dirán? Se á xente nova non lles gusta ler, pertencen á xeración nin-nin que nin estudan nin traballan nin unha cousa nin todo o contrario, esa xuventude tan formada e tan analfabeta para os libros... Trabúcanse. Nunca tanto se leu coma hoxe en día. Nunca houbo adolescentes con tanto acceso nin tanta implicación coa lectura. Actualmente están funcionando douscentos clubs de lectura en centros de secundaria en Galicia.
Estes clubs acollen tanto a alumnado como a pais e nais que participan do coloquio, que comparten a extraordinaria experiencia lectora. Ademais destes douscentos centros están aqueles vinculados a bibliotecas municipais, tamén as que nacen ao abeiro dos centros de primaria. Só nos institutos hai en Galicia máis de cinco mil persoas que semana a semana partillan libros. Cinco mil. Pais, nais, alumnado que se enredan, que aman e odian, que medran, que coñecen a partir das páxinas dos libros. Non se conforman. Sempre queren máis. É por iso que non lles abonda con clubs, pequenos encontros nos centros públicos, nas aulas. Non, queren máis. Todos os clubs reúnense fóra de horario lectivo, nos recreos, nas pausas do xantar, polas tardes... cando poden. Renuncian ao seu lecer privado por falar de libros. De libros! Pero xa non abonda cos libros en xeral, hai clubs de lectura de manga, de novela realista, de misterio, de ciencia ficción, de poesía...
Xa non abonda coas reunións presenciais, teñen blogs nos que van avanzando os progresos nas lecturas, póñenlles música, vídeos, falan de arte, organizan excursións a escenarios literarios. Tampouco abonda xa coa experiencia dos compañeiros e compañeiras de aulas. Deciden reunirse na rúa, nos parques, nas bibliotecas, con membros doutros clubs e partillar escenas, personaxes, cancións, tramas, finais felices ou tristes, citas literarias".

noreply@blogger.com (Libraco) — Mon, 13 Jun 2011 19:50:00 +0000

VERÁN DE LIBRO

Xa tedes publicada a nosa guía de suxestións para este verán. Para saber algo máis sobre cada libro podedes picar nel, na guía que tedes aquí debaixo.
Xa sabedes que aparecen na guía unhas cantas ideas que pode que vos gusten, para pasar un ratiño lendo, pero recordade que nos andeis temos moitos máis libros esperando por vós.
Coma sempre, podedes levar ata 5 libros por persoa, e non esquezades que non é mala idea intercambialos entre vosoutros.
Vén axiña, antes de que collan o que ti querías!

Open publication - Free publishing - More biblioteca