Vishwa Hindu Parishad Nepal

वैदिक सनातन हिन्दूराष्ट्र पुनःस्थापनासहित विश्व हिन्दू परिषद् नेपालद्वारा सरकारलाई सुझाव पेश

noreply@blogger.com (Vishva Hindu Parishad Nepal) — Wed, 20 May 2026 19:15:03 +0545

प्रधानमन्त्री तथा मन्त्रिपरिषद्को कार्यालय अन्तर्गत गठित 'संविधान संशोधन सुझाव संकलन कार्यदल–२०८२' ले विश्व हिन्दू परिषद् नेपालसँग नेपालको संविधानमा आवश्यक सुधार तथा संशोधनका सम्बन्धमा संस्थागत धारणासहित लिखित सुझाव माग गरेको थियो। सोही परिप्रेक्ष्यमा विश्व हिन्दू परिषद् नेपालले संविधान संशोधन सम्बन्धी बहसलाई केन्द्रित गर्दै धर्मनिरपेक्षता खारेजी तथा वैदिक सनातन धर्म सापेक्ष हिन्दूराष्ट्र पुनःस्थापनासहितका संस्थागत सुझावहरू सरकारसमक्ष पेश गरेको छ।

परिषद्ले प्रधानमन्त्री तथा मन्त्रिपरिषद्को कार्यालय, सिंहदरबारअन्तर्गतको कार्यदललाई औपचारिक पत्रमार्फत आफ्नो धारणा तथा संशोधन सुझाव बुझाएको छ। परिषद्का राष्ट्रिय अध्यक्ष श्री पुरुषोत्तम भण्डारीद्वारा हस्ताक्षरित पत्रमा नेपालको मौलिक पहिचान, राष्ट्रिय एकता, सनातन संस्कृति तथा सामाजिक सद्भाव संरक्षणका लागि संविधानमा आवश्यक परिमार्जन गर्नुपर्ने उल्लेख गरिएको छ।

परिषद्ले नेपाललाई सनातन (हिन्दू, बौद्ध, किरात) धर्म सापेक्ष हिन्दूराष्ट्र” का रूपमा पुनःस्थापना गर्नुपर्ने सुझाव अघि सारेको छ। हाल संविधानको धारा ४ मा रहेको “धर्मनिरपेक्ष” शब्द हटाई नेपाललाई सनातन मूल्यमा आधारित राष्ट्रका रूपमा परिभाषित गर्नुपर्ने सुझाव दिइएको छ। परिषद्का अनुसार यसले नेपालको ऐतिहासिक, सांस्कृतिक तथा सभ्यतागत पहिचानलाई संस्थागत गर्नेछ।

त्यसैगरी, संविधानको धारा ४ सम्बन्धी स्पष्टीकरण हटाउनुपर्ने प्रस्ताव पनि गरिएको छ। परिषद्ले नेपाललाई स्पष्ट रूपमा हिन्दूराष्ट्र घोषणा गरिसकेपछि धर्मनिरपेक्षताको थप व्याख्या आवश्यक नहुने तर्क प्रस्तुत गरेको छ।

धारा २६ सम्बन्धी सुझावमा धर्म_परिवर्तन नियन्त्रणलाई विशेष प्राथमिकता दिइएको छ। प्रस्तावित संशोधनमा सार्वजनिक स्वास्थ्य, नैतिकता तथा सामाजिक सद्भावमा असर पुग्ने गतिविधि निषेध गरिनुका साथै लोभ, दबाब, प्रभाव वा संगठित गतिविधिमार्फत गरिने धर्म परिवर्तनलाई दण्डनीय बनाउनुपर्ने उल्लेख गरिएको छ। परिषद्ले जबरजस्ती वा प्रलोभनका आधारमा हुने धर्मान्तरणले राष्ट्रिय पहिचान तथा राष्ट्रिय सुरक्षामा दीर्घकालीन असर पार्न सक्ने दाबी गरेको छ।

यसैगरी, सरकारी कामकाज तथा सार्वजनिक सूचनामा देवनागरी लिपिको नेपाली भाषा र #विक्रम संवत् अनिवार्य प्रयोग गर्नुपर्ने सुझाव पनि पेश गरिएको छ। परिषद्का अनुसार सरकारी कार्यालय, सार्वजनिक सूचना तथा आधिकारिक प्रकाशनहरुमा नेपाली भाषा र विक्रम संवतको अनिवार्य प्रयोगले राष्ट्रिय एकता र मौलिक पहिचान सुदृढ हुनेछ।

परिषद्ले आफ्नो सुझाव विस्तृत अध्ययन, छलफल तथा विभिन्न सरोकारवालाको भावना समेटेर तयार गरिएको छ। साथै राष्ट्र र राष्ट्रियताको हितमा प्रस्तुत सुझावहरूलाई संविधान संशोधन प्रक्रियामा सकारात्मक रूपमा समावेश गरिने विश्वास व्यक्त गरेको छ।

काठमाडौं, ६ जेठ २०८३ ।

महाशिवरात्रि पर्व-२०८२ स्वयंसेवक दर्ता फारम

noreply@blogger.com (Vishva Hindu Parishad Nepal) — Mon, 2 Feb 2026 23:40:00 +0545

Loading…

श्रीराम नवमी एवं विश्व हिन्दू परिषद् नेपालकाे १३ औं स्थापना दिवस देशभर भव्यताका साथ सम्पन्न ।

noreply@blogger.com (Vishva Hindu Parishad Nepal) — Wed, 9 Apr 2025 14:06:00 +0545

काठमाण्डौ: विश्व हिन्दू परिषद नेपालले आफ्नो स्थापना दिवस देशभर विविध कार्यक्रम गरी उत्साहपूर्वक मनाएको छ। परिषदको १३औं स्थापना दिवसको अवसरमा आइतबार देशभर वृहत् शोभायात्रा, मोटरसाइकल र्याली, दीप—प्रज्वलन, भजन—सत्संग, सांस्कृतिक प्रस्तुतिहरू तथा अन्य विशेष कार्यक्रमहरूको आयोजना गरिएको थियो।

विश्व हिन्दू परिषद नेपालको स्थापना विक्रम सम्वत २०६८ सालमा श्रीराम नवमीको पावन दिनमा भएको थियो। परिषदले उक्त दिनलाई आफ्नो स्थापना दिवसको रूपमा मान्दै हरेक वर्ष श्रीराम नवमीको अवसर पारेर विशेष कार्यक्रमहरू गर्दै आएको छ।

यस वर्ष पनि परिषदले काठमाण्डौ, विराटनगर, उदयपुर, वीरगञ्ज, जनकपुर, जलेश्वर, सिरहा, सप्तरी, सर्लाही, राैतहट, बारा, नवलपरासी, रुपन्देही, कपिलवस्तु, नेपालगञ्ज, धनगढी, कञ्चनपुर लगायत देशका विभिन्न स्थानहरूमा भव्य शोभायात्रा, दीप—प्रज्वलन, भजन—सत्संग तथा अन्य सांस्कृतिक कार्यक्रमहरूको आयोजना गरी स्थापना दिवस र श्रीराम जन्मोत्सव मनाएको हो।

कार्यक्रमहरूमा स्थानीय जनताको उत्साहजनक सहभागिता देखिएको थियो। साथै, यस उत्सवले नेपाली समाजमा धार्मिक एकता र सांस्कृतिक पहिचानलाई थप मजबुत बनाउने कार्यमा महत्वपूर्ण योगदान पुर्‍याएको छ।

फोटोः

जनकल्याण प्रतिष्ठान (एकल विद्यालय अभियान) को विशेष निमन्त्रणाः पूजनीय दिदी माँ साध्वी ऋतम्भरा ज्यूको ऐतिहासिक नेपाल प्रवास सफलतापूर्वक सम्पन्न

noreply@blogger.com (Vishva Hindu Parishad Nepal) — Sun, 23 Mar 2025 14:07:00 +0545

काठमाडौंमा जनकल्याण प्रतिष्ठान, राष्ट्रिय नगर महिला समितिद्वारा आयोजित विभिन्न कार्यक्रममा सुप्रसिद्ध धार्मिक र आध्यात्मिक व्यक्तित्व पूजनीय दिदी माँ साध्वी ऋतम्भरा ज्यूको ऐतिहासिक नेपाल यात्रा अत्यन्तै प्रभावकारी रह्यो ।

– विशेष परिवार मिलन कार्यक्रम

चैत ८ गते साँझ काठमाडौंको कालिकास्थानस्थित अमृतभोग कम्प्लेक्समा आयोजित विशेष परिवार मिलन कार्यक्रम करिब २०० कार्यकर्ताहरूको उत्साहजनक सहभागितासहित सम्पन्न भयो ।

पूजनीय दिदी माँले धर्म, संस्कार र परम्पराको महत्वमाथि प्रकाश पार्दै, आफ्ना प्रेरणादायी वचनमार्फत सहभागीहरूलाई बलियो आत्मबल र राष्ट्र सेवामा लाग्न उत्प्रेरित गर्नुभयो ।

– वात्सल्य वाणीको महाप्रसाद

चैत ९ गते बिहान ललितपुरस्थित डी.ए.भी. स्कूलको सभाकक्षमा वात्सल्य वाणीको महाप्रसाद कार्यक्रम भव्यताका साथ सम्पन्न भयो।

यस कार्यक्रममा करिब ७०० भन्दा बढी व्यक्तिहरूको भौतिक उपस्थिति रह्यो, जबकि अन्य धेरैजनाले प्रत्यक्ष प्रशारणमार्फत यस ऐतिहासिक पलको अनुभव गरे ।

पूजनीय दिदी माँले धर्म र संस्कृति संरक्षणमा व्यक्तिगत समर्पणको भूमिका बारे गहन र प्रेरणादायी व्याख्यान गर्नुभयो । उहाँको वाणीले सहभागीहरूलाई धर्म, अध्यात्म र सामाजिक योगदानप्रति थप प्रेरित ग¥यो ।

– रक्तदान कार्यक्रम

यस अवसरमा, मानव कल्याण र समाजसेवाको उदाहरणस्वरूप रक्तदान कार्यक्रम पनि आयोजना गरिएको थियो । यसमा धेरैजसो सहभागीहरूले उत्साहका साथ रक्तदान गरे, जसले सहयोग र सेवा भावनालाई अझ उच्च स्तरमा प्रस्तुत ग¥यो ।

– अन्य प्रमुख गतिविधिहरू

कार्यक्रमको अर्को विशेष आकर्षण रूपमा दुई महत्वपूर्ण कार्यहरूको शुभारम्भ गरिएको थियो ः

१. एकल अभियान नेपाल युट्युब च्यानलको उद्घाटन

पूजनीय दिदी माँको कर–कमलबाट उद्घाटन गरिएको यस डिजिटल मञ्चले ग्रामीण क्षेत्रमा संस्कारयुक्त शिक्षा प्रदान गर्ने एकल विद्यालयका कार्यक्रमहरू एवं गतिविधिहरुको प्रवद्र्धन गर्ने लक्ष्य राखेको छ ।

२. माँ यशोदा योजना मोबाइल एप्लिकेसन सार्वजनिक

एकल विद्यालय अभियान संचालनमा आवश्यक सहयोग संकलनका लागि तयार गरिएको यो एपले सेवापात्र योजनाको प्रभावकारी र पारदर्शी व्यवस्थापन सुनिश्चित गर्नेछ ।

पूजनीय दिदी माँको नेपाल प्रवासले धर्म, संस्कृति र समाजसेवाप्रतिको उत्तरदायित्वलाई थप सशक्त बनाएको छ ।

विश्व हिन्दू परिषद् नेपालद्वारा वृहत् घरवापसी

noreply@blogger.com (Rajaram Das ) — Mon, 2 Sep 2024 20:59:00 +0545

विराटनगर । विश्व हिन्दू परिषद नेपाल, देवानगञ्ज (सुनसरी)द्वारा ग्राम शुद्धीकरण महायज्ञ (घरवापसी कार्यक्रम) सम्पन्न गरिएको छ।

भदौ १५ गते देवानगञ्ज (सुनसरी) स्थित श्रीकृष्ण मा.वि. काेखेलमैदानमा सम्पन्न उक्त शुद्धीकरण महायज्ञमा स्वधर्म त्यागेर इसाई लगायतका परधर्मी बनेका २८८ परिवारका १४२१ जना महिला/पुरुष पुनः स्वधर्ममा (घर वापसी) फिर्ता भएको हाे ।

कार्यक्रममा परिषद्का राष्ट्रिय पदाधिकारी, स्थानीय पदाधिकारी, कार्यकर्ता, बुद्धिजीवी, समाजसेवी, राजनितिज्ञ लगायतकाकाे उत्साहजनक सहभागिता रहेको थियो ।

उक्त कार्यक्रमको प्रमुख अतिथि संघीय सांसद किरण साह रहेका थिए । उनले विभिन्न राजनीतिक आस्था, जातजाति र समुदायमा विभाजित मनहरुलाई एकतावद्ध गराउनु र सनातन धर्म संस्कृतिको संरक्षण गरेर अगाडी बढनुपर्ने बताएका छन् । त्यसैगरी कार्यक्रममा कोशी प्रदेशका प्रदेश सभा सदस्य भीम पराजुलीले सनातम धर्म, संस्कृतिलाई संरक्षण गरेर लैजानुपर्नेमा जोड दिए । उनले प्रभाव, दबाब र प्रलोभनमा परेर हाम्रो धर्म र संस्कृतिमाथि ह्रास आइरहेको बताए । ‘कतिपय वाह्य दवाव,प्रभाव,प्रलोभन र सांस्कृतिक अतिक्रमणका कारण केही समयदेखि हाम्रो पूर्वीय दर्शन, हाम्रो धर्म, सनातनीय संस्कारमा ह्रास आएको छ’ उनले भने, ‘अब हामीले हाम्रो धर्म बचाउनु छ । संस्कृतिको रक्षा गर्नु छ ।’

कार्यक्रममा विश्व हिन्दु परिषद नेपाल कोशीका अध्यक्ष देवेन्द्र गुप्ताले विभिन्न धार्मिक कार्यक्रम अघि बढाउन, हिन्दू धर्मको रक्षाका महायज्ञ लगाएको बताए । शिक्षा, संस्कृति, साहित्व र समाजलाई जोगाउनका लागि सबै नागरिक एक ठाउँमा उभिनुपर्ने उल्लेख गर्दै मुलुकको रक्षा हिन्दू धर्म र संस्कृतिले मात्र जोगाउन सक्ने उनले बताए ।

परिषद्ले “हिन्दव: सोदरा: सर्वे, न हिन्दू: पतितो भवेत्. मम दीक्षा हिन्दू रक्षा, मम मंत्र: समानता..” भन्ने ध्येय अनुसार समाज संगठित गर्न विविध कार्यक्रमहरु आयोजना गर्दै आएको छ।

विश्व हिन्दू परिषद् नेपालको राष्ट्रिय कार्य समिति पुनर्गठन

noreply@blogger.com (Rajaram Das ) — Sat, 24 Aug 2024 18:11:00 +0545

विश्व हिन्दू परिषद् नेपालको राष्ट्रिय बैठक विविध सांगठनिक निर्णयका साथ सम्पन्न भएको छ । भदौ ७/८ गते काठमाडौं, ज्ञानेश्वर स्थित माहेश्वरी सदनकाे सभाहलमा सम्पन्न उक्त बैठकले निम्न अनुसारको राष्ट्रिय कार्य समिति पुनर्गठन गरेको छ । राष्ट्रिय समितिको राष्ट्रिय अध्यक्षमा सर्वोच्च अदालत का पूर्व न्यायाधीश श्रीमान् पुरुषोत्तम भण्डारी जी, राष्ट्रिय कार्याध्याक्षमा पूर्व विदेश सचिव तथा राजदूत श्री भगीरथ बस्नेत जी, रा.उपाध्यक्ष मा श्री रघुनाथ साह जी र श्रीमती गीता सत्याल जी, राष्ट्रिय महासचिव श्री जितेन्द्र कुमार सिंह, राष्ट्रिय सङ्गठन सचिव श्री प्रल्हाद रेग्मी जी, राष्ट्रिय सचिवमा पूर्व Dig श्री राजेन्द्र चौधरी जी, श्री राम नारायण ठाकुर जी, श्री राजन उपाध्याय जी राष्ट्रिय कोषाध्यक्ष मा श्री पवन खेतान जी र सह कोषाध्यक्षमा श्री नवीन गट्टानी जी, राष्ट्रिय मातृशक्तिको प्रमुख मा श्रीमती कृष्णादेवी पाण्डे जी, लगाएत 19 सदस्यीय कार्यसमिति गठन भएको छ। निवर्तमान अध्यक्ष श्री टिका बहादुर पहारी जी तथा निवर्तमान उपाध्यक्ष श्री उद्धव घिमिरे जी सल्लाहकार समितिमा रहनु हुनेछ।

एकल विद्यालय फाउण्डेशन अफ नेपालको वार्षिकोत्सव विशेष कार्यक्रम सम्पन्न

noreply@blogger.com (Vishva Hindu Parishad Nepal) — Wed, 22 May 2024 13:51:00 +0545

जेष्ठ २, काठमाण्डौ । एकल विद्यालय फाउण्डेशन अफ नेपालको वार्षिकोत्सव विशेष कार्यक्रम सम्पन्न भएको छ । ललितपुर स्थित डि.ए.भी. स्कुलको सभाहलमा काठमाण्डौ च्याप्टरका अध्यक्ष श्री अनिल कुमार केडियाको अध्यक्षतामा बुधवार आयोजित उक्त कार्यक्रमा भारतका प्रसिद्ध पाश्र्व गायक श्री अभिजीत भट्टाचार्यको प्रमुख आतिथ्य एवं विश्व हिन्दू परिषद्का अन्तर्राष्ट्रिय उपाध्यक्ष तथा श्रीराम जन्मभूमि तीर्थक्षेत्र, अयोध्याधामका महामन्त्री मा. चम्पत रायको विशेष सान्निध्य रहेको थियो साथै हिन्दू स्वयंसेवक संघका राष्ट्रिय संघचालक मा. कल्याण कुमार तिम्सिना, राष्ट्रिय प्रचारक मा. वेद प्रकाश ज्यू, तथा राष्ट्रिय सह–प्रचारक मा. रेवित कुमार ज्यूको विशेष उपस्थिति रहेको थियो ।

कार्यक्रममा फाउण्डेशनका राष्ट्रिय पदाधिकारी सदस्य, नगर महिला समिति पदाधिकारी, सदस्य, एकल युवा टिम सदस्य, विविध संगठनका प्रतिनिधि लगायत एकल विद्यालय अभियानका करिब छ सय सहयोगीहरुको उत्साहजनक उपस्थिति रहेको थियो ।

कार्यक्रमलाई सम्बोधन गर्दै मा. चम्पत रायज्यूले एकल अभियानले भगवानको कार्य गरिरहेको बताउदै सम्पूर्णले आ–आफ्नो स्तरबाट यस पूणित कार्यमा योगदान पु¥याउनुपर्ने बताउनु भयो साथै सम्पूर्ण सहभागीलाई श्रीराम जन्मभूमि दर्शनको लागि आह्वान गर्नु भयो ।

एकल अभियानको तर्फबाट संगठन सचिव श्री प्रल्हाद कुमार, राष्ट्रिय अध्यक्ष श्री विनोद कुमार पोद्धार तथा महासचिव श्री महाविर घिराईया ज्यूले सांगठनिक विषय–वस्तु प्रस्तुत गर्नु भएको थियो । कार्यक्रमको सञ्चालन अभियानका काेषाध्यक्ष श्री सुनिल कुमार अग्रवालले गर्नु भएको थियो ।

विश्व हिन्दू परिषद नेपालको राष्ट्रिय योजना बैठक-२०८१ सम्पन्न

noreply@blogger.com (Vishva Hindu Parishad Nepal) — Fri, 17 May 2024 14:30:00 +0545

काठमाण्डौ । विश्व हिन्दू परिषद नेपालको राष्ट्रिय योजना बैठक सम्पन्न भएको छ । विश्व हिन्दू परिषदका अन्तराष्ट्रिय संगठन महामन्त्रि मा. मिलिन्द पराण्डे ज्यूको नेपाल प्रवासको क्रममा आयोजित सो तीन दिवसीय बैठक काठमाण्डौ मण्डिखाटार स्थित पतंजलि योगपीठ नेपालको मुख्यालयमा वैशाख २९ गते सम्पन्न भएको छ ।

राष्ट्रिय महासचिव श्री जितेन्द्र कुमार सिंहको अध्यक्षता तथा मा.मिलिन्द पराण्डे ज्यूको विशेष आतिथ्यता रहेको उक्त बैठकमा वि.हि.प. नेपालका राष्ट्रिय संगठन सचिव श्री प्रल्हाद कुमार सहित विभाग, सम्भाग तथा राष्ट्रिय स्तरका पदाधिकारी एवं कार्यकर्ताहरुको सहभागिता रहेको थियो ।

बैठकको उद्घाटन सत्रमा हिन्दू स्वयंसेवक संघका राष्ट्रिय संघचालक माननीय कल्याण कुमार तिम्सिना, राष्ट्रिय सह प्रचारक माननीय रेवित कुमार, पतंजलि योगपीठ नेपालका ट्रष्टी शालीग्राम सिंह लगायत विविध संगठनका प्रतिनिधिहरुको उपस्थिति रहेको थियो ।

विविध सांगठनिक योजना सम्बन्धि निर्णय सहित विश्व हिन्दू परिषदका अन्तराष्ट्रिय संगठन महामन्त्रि मा. मिलिन्द पराण्डेज्यूको विशेष उद्वोधन पश्चात बैठकको समापन भएको थियो ।

विश्व हिन्दू परिषद् नेपालद्वारा सामूहिक विवाह सम्पन्न

noreply@blogger.com (Rajaram Das ) — Sat, 20 Apr 2024 06:20:00 +0545

७ वैशाख, काठमाडौं ।

विश्व हिन्दू परिषद् नेपालद्वारा सामूहिक विवाह समारोह २०८१ सम्पन्न भएको छ । विश्व हिन्दू परिषद् नेपालकाे १२ औं स्थापना दिवसको पावन उपलक्ष्यमा शुक्रबार श्री पशुपतिनाथ मन्दिर स्थित हंस मण्डपमा आयाेजित उक्त सामूहिक विवाह समारोहमा विभिन्न समुदायका २१ जाेडी वरवधुलाई शान्तिधाम आश्रमका पूज्य स्वामी ज्यूकाे आशिर्वाद प्राप्त भयाे । साथै नेपाली सिने जगतका प्रख्यात कलाकार एवं विहिपका राष्ट्रिय अध्यक्ष श्री टीका बहादुर पहारी, सुनिल थापा, धिरेन शाक्य, परिषद्का राष्ट्रिय संगठन सचिव प्रल्हाद कुमार, महासचिव जितेन्द्र कुमार सिंह, उपाध्यक्ष उद्धव कुमार घिमिरे तथा काठमाडौं उपाध्यक्ष शान्ता नराल लगायत मारवाडी समुदायका व्यापारी, समाजसेवीहरुकाे विशेष उपस्थिति रहेको थियाे ।

समाजसेवी महेश माेदीकाे संयाेजकत्वमा आयाेजित उक्त विवाह समारोहमा सहभागी बेहुला बेहुलीलाई विवाहका लागि आवश्यक लत्ताकपडा, साैन्दर्य सामग्री, किचन सामग्री लगायत सम्पूर्ण सरसामान नि:शुल्क दिइएको छ। कार्यक्रमकाे सहयोगी भूमिका रहेका संगठन मारवाडी समाजबाट कृष्ण कुमार गाेयल, पिंकु अग्रवाल, नेपाल बसाेबास बस्ती संरक्षण समाजबाट हुकुम बहादुर लामा, जनकल्याण प्रतिष्ठानका महासचिव महावीर घिराईया, जनजाती कल्याण आश्रम नेपालबाट मिलन भट्ट, गाैशाला धर्मशालाबाट प्रमाेद चाैधरी, पशुपति क्षेत्र विकास काेषका सदस्य बाबुशरण सुवेदी तथा राष्ट्रिय नगर महिला समितिका विमला वागडिया, सुनिता अग्रवाल, वन्दना अग्रवाल, रेखा घिराईया लगायतको उपस्थिति रहेको थियोे ।

परिषद् जनकपुरधाममा विगत ५ वर्ष देखि सामूहिक विवाह आयोजना गर्दै आएको हाे भने परिषद्ले काठमाडौंमा पहिलोपल्ट सामूहिक विवाहको आयोजना गरेकोे हाे ।

फाेटाे :

प्रेस विज्ञप्ति : इस्लामिक नारा लगाउदै हिन्दू युवामाथि साँघातिक आक्रमण गर्नेलाई कारवाही नगरिए अवस्था भयावह हुने ।

noreply@blogger.com (Vishva Hindu Parishad Nepal) — Fri, 5 Apr 2024 15:10:00 +0545

नेपाल बहुसंख्यक हिन्दूहरु बसोवास गर्ने देश हो । हिन्दू धर्म ‘बसुधैव कुटुम्बकम’ अर्थात संसार एक परिवार हुन भन्ने मान्यतामा विश्वास गर्ने शान्तिप्रिय धर्म हो । हिन्दू धर्मले कहि कतै हिंसा, भेदभाव, कट्टरता जस्ता कृत्यहरुलाई प्रश्रय दिएको छैन । विश्व आज एक विशेष समुदायको कट्टरताले आतंकित रहेको सर्वविदितै छ ।

यसैबिच मिति २०८० चैत २२ गते सुनसरीको हरिनगर गाउँपालिका स्थित रामनगर भुटाहामा एक हिन्दू युवालाई लक्षित गरी इस्लामिक नारा लगाउदै सामुहिकरुपमा गरिएको साँघातिक आक्रमण गरेको घटना प्रति हाम्रो गम्भिर ध्यानाकर्षण भएको छ ।

SEE परिक्षा दिन रामनगर भुटाहा स्थित बालकृष्ण उच्च माध्यमिक विद्यालय आएकी बहिनीलाई लिन आएका हरिनगर गाउँपालिका– ३ घर भएका जिवन मेहतालाई निर्घात कुटपिट गम्भीर घाईते बनाईएको छ । योजनाबद्ध रुपमा घटाईको उक्त घटनामा घर बनाउन प्रयोग गरिने छड्, बाँसको भाटा, पाईप, हेल्मेट आदिले ज्यानमार्ने गरी कुटपिट गरिएको भिडियोमा सहजै हेर्न सकिन्छ ।

कुटपिट भईरहँदा परिक्षा केन्द्रमा सुरक्षाको लागि खटिएका नेपाल प्रहरी र सशस्त्र प्रहरीले कुनै प्रकारको कदम नचालेको कारण भिड्ले उग्र रुप लिदै मेहतालाई निर्घात कुटपिट गरिएको हो । बिद्यालय अगाडीबाट कुटपिट गर्न सुरु गरेको भिड्ले मेहतालाई घिसार्दै बजारमा लग्दा समेत प्रहरी प्रसाशनले आवश्यक कदम नचाल्नु एवं हाल सम्म घटनामा संलग्न जिहादी अपराधीहरुलाई नियन्त्रण नगरिनुले प्रशासनको आचरणमाथि समेत प्रश्नवाचक चिन्ह खडा भएको छ ।

प्रशासनद्वारा घटनामा संलग्न अपराधीलाई कारवाही नगरी हिन्दू समाजको प्रतिक्रियालाई दबाउने प्रयास गरिए अवस्था भयावह हुने निश्चित छ । घटनाको संवेदनशीलतालाई मध्येनजर गर्दै घटनाका दोषीलाई यथाशीघ्र कडा भन्दा कडा कारवाही गर्न सम्बन्धित निकाय समक्ष विश्व हिन्दू परिषद् नेपाल जोडदार माग गर्दछ ।

सनातन हिन्दू धर्मलाई समाप्त पार्ने मनशायले हिन्दू विरोधी तत्वहरु सक्रिय रहेकाले यस्ता जिहादी तत्वहरुलाई निरुत्साहित गर्न सबैलाई संगठित भई अगाडी बढ्न विश्व हिन्दू परिषद नेपाल आग्रह गर्दछ साथै आपसी एकता कायम राख्दै अपराधीहरूलाई कानुनी दायरामा ल्याउन दवाव सिर्जना गर्न प्रयास गर्न आवाहन समेत गर्दछ । घटनामा परी घाईते भएका जिवन मेहता र गोली लागि घाईते भएका युवाहरुको यथोचित उपचारको व्यवस्था गर्न सम्बन्धित निकायलाई ध्यानाकर्षण गराउदै शीघ्र स्वास्थ्य लाभको कामना गर्दछौं ।

जय श्री राम । नेपाल आमाको जय ।।

विविध संगठनका स्वयंसेवक विश्व हिन्दू परिषद् नेपालद्वारा सम्मानित

noreply@blogger.com (Rajaram Das ) — Sat, 30 Mar 2024 22:40:00 +0545

चैत १७, काठमाडौं ।

विविध सेवामूलक संगठनका स्वयंसेवकहरुलाई विश्व हिन्दू परिषद् नेपाल, काठमाडौंद्वारा सम्मान एवं प्रशंसा पत्र वितरण कार्यक्रम, केशवधाम, गाैरिघाट (काठमाडौं) मा सम्पन्न ।

विश्व हिन्दू परिषद् नेपाल, काठमाण्डौद्वारा महाशिवरात्री पर्व-२०८० को पावन अवसरमा काठमाण्डौ स्थित श्री पशुपतिनाथ मन्दिर क्षेत्र परिसरमा स्वयंसेवक परिचालन लगायतका सेवाकार्यमा अतुलनिय योगदान पुऱ्याउनु हुने विविध संगठनका करिब ३०० जना स्वयंसेवकहरुलाई श्री पशुपतिनाथ मन्दिरका मुख्य पुजारी श्रद्धेय रावल गणेश भट्ट, पशुपति क्षेत्र विकास काेषका सदस्य सचिव श्री राजु खत्री, काेषका सदस्य तथा परिषद्का उपत्यका अध्यक्ष श्री बाबुशरण सुवेदी एवं उपत्यका विभाग सचिव श्री जगन्नाथ सुवेदीद्वारा हस्ताक्षरित प्रशंसा पत्र प्रदान गरी सम्मान गरिएको छ ।

विश्व हिन्दू परिषद् नेपालले देशव्यापी रुपमा विविध सेवामूलक कार्यक्रमहरु सञ्चालन गर्दै आएको तथ्य सार्वजनिक गर्दै परिषद्का राष्ट्रिय संगठन सचिव श्री प्रल्हाद कुमारले सांगठनिक परिचय प्रस्तुत गर्नुभयो ।

कार्यक्रममा परिषद्का उपत्यका विभाग अध्यक्ष श्री बाबुशरण सुवेदीले धार्मिक महाेत्सवहरुमा स्वयंसेवक परिचालनकाे महत्त्व, अपरिहार्यता एवं आवश्यकतालाई मध्येनजर गर्दै आगामी दिनहरूमा थप संगठनलाई स्वयंसेवक परिचालन लगायतका सेवामूलक कार्यहरु सञ्चालन गर्नुपर्नेमा जाेड दिनु भयाे ।

उपस्थित सहभागीलाई परिषद्का पदाधिकारीद्वारा रुद्राक्षकाे माला लगाई प्रशंसा पत्र प्रदान गरिएको थियोे ।

फाेटाे फिचर :

मिलेट म्यान अफ भारत संगकाे विशेष कार्यक्रम सम्पन्न

noreply@blogger.com (Rajaram Das ) — Sat, 30 Mar 2024 11:45:00 +0545

चैत १६, काठमाडौं ।

एकल विद्यालय अभियान नेपाल, नगर महिला समितिकाे आयोजनामा मिलेट म्यान अफ भारत पद्मश्री डा.खादर वलीकाे मिलेट सेवन विधिबारेकाे विशेष कार्यक्रम सम्पन्न भएको छ ।

काठमाडौं, कालिकास्थान स्थित अमृतभाेग क्याटर्सकाे सभाहलमा चैत १६ गते शुक्रबार दिनकाे १० बजे आयाेजित उक्त कार्यक्रममा प्रमुख अतिथि मिलेट म्यान अफ भारत पद्मश्री डा. खादर वली, एकल विद्यालय अभियानका पदाधिकारी, सहयोगी एवं संघ विचार परिवार संगठनका प्रतिनिधि सहित करिब ३०० जनाकाे उपस्थिति रहेको थियोे ।

डा. वलीले मिलेट (काेदाेजन्य) भाेजनले मानव स्वास्थ्यमा पार्ने अनुकुल प्रभाव, राेग निर्मुलिकरण आदि बारे प्रकाश पार्नु भयाे । मिलेट भाेजनलाई विशेष अन्तर्राष्ट्रिय षड्यन्त्रद्वारा हाम्राे दैनिकीबाट टाढा गरिएकोले हामीले पुनः मिलेट भाेजन अपनाउनु पर्नेमा डा. वलीले जाेड दिनु भयाे ।

डा. खादर वली भारतका मिलेट (काेदाेजन्य) बाली अभियन्ता एवं मिलेट म्यान अफ भारतका नामले प्रख्यात छन।

हालै मिलेट भाेजनलाई जनमानसको दैनिकीमा ल्याउने प्रयास गरेकोमा भारत सरकारद्वारा पद्मश्री सम्मानले सम्मानित गरिएको हाे ।

कार्यक्रममा मिलेट (काेदाेजन्य) राेटि, हलुवा, दलिया, पकाैडा, जुस लगायतका विभिन्न परिकारहरु उपलब्ध रहेको थियोे ।

फाेटाे फिचर :

अयोध्यामा राम मन्दिरको प्राणप्रतिष्ठा : पशुपतिमा शंखनाद प्रतियोगिता, दीप प्रज्वलन तस्बिरहरु

noreply@blogger.com (Vishva Hindu Parishad Nepal) — Tue, 23 Jan 2024 12:03:00 +0545

काठमाडौँ । अयोध्यामा राम मन्दिरको स्थापना र रामललाको प्रतिमालाई प्राणप्रतिष्ठा गरेको अवसरमा पशुपतिनाथ मन्दिरमा दीप प्रज्वलन गरिएको छ । सोमबार भारतको अयोध्यामा राम मन्दिरको प्राणप्रतिष्ठा गरिएको हो । सो अवसरमा पशुपतिमा विश्व हिन्दु परिषद् नेपालले दीप प्रज्वलन गरेको छ ।

यस्तै सो अवसरमा गरिएको शंखनाद प्रतियोगितामा श्याममणि खनाल प्रथम भएका थिए ।

विश्व हिन्दू परिषद् नेपालद्वारा सामूहिक विवाह समारोह सम्पन्न

noreply@blogger.com (Vishva Hindu Parishad Nepal) — Tue, 19 Dec 2023 16:40:00 +0545

पुस २, जनकपुरधाम । सीताराम विवाह पञ्चमी महोत्सव सकिएलगत्तै मन्दिर परिसरमा आयोजित सामूहिक विवाह समारोहमा विभिन्न जातजातिका जोडीको विवाह गराइएको विश्व हिन्दू परिषद् नेपाल धनुषाका अध्यक्ष सन्तोषकुमार साहले जानकारी दिए। विश्व हिन्दु परिषद्ले जनकपुरधाममा २५ जोडी वरवधूको निःशुल्क विवाह गराएको छ ।

विश्व जगत्मा जनकपुरस्थित जानकी मन्दिर प्रसिद्ध विवाहस्थलका रूपमा रहेको प्रचार–प्रचारसँगै विकास गर्न र पर्यटन प्रवद्र्धन गर्ने उद्देश्यले सामूहिक विवाह समारोह आयोजना गरिएको अध्यक्ष साहले बताए।

विवाहको नाममा लिने दाईजो (दहेज) प्रथालाई चुनौति दिँदै ती जोडीहरुलाई आदर्श विवाह गरिएको हो । प्रत्येक जोडीको लागि छुटाछुट्टै मण्डप अर्थात मडबा बेदी बनाइएको जनाइएको छ । सामुहिक विवाहको लागि जनकपुरका सहयोगी हातहरुले सहयोग गरेको हो । विश्व हिन्दु परिषद् नेपालका धनुषा जिल्ला अध्यक्षका अनुसार, जन्तीको खानपान, बेहुलाबेहुलीको लुगाफाटो, सरसमान, बेहुलीलाई सुनको मंगलसुत्र सबै सहयोगी हातहरु खोजेर जुटाइएको हो । बाजागाजा सहित रथमा सबार भई दुलहा एवं जन्तीले नगर परिक्रमा समेत गरेका थिए ।

विश्व हिन्दु परिषद् नेपालले गरेको सामुहिक विवाहको आह्वानमा तराई मधेशको विभिन्न जिल्लाका बेहुला बेहुली पक्षले विवाहको लागि फारम भरेका थिए । कानुन अनुसार बेहुला बेहुलीको विवाह गर्ने उमेर पुगेको हुनु पर्ने शर्त राखिएकोले २० वर्ष माथिका बेहुलाबेहुलीहरुको अभिभावकले फाराम भरेको थियो । आवेदन फाराममा वर र बधुको उमेर खुल्ने नागरिकता वा जन्मदर्ता संलग्न गरिएको थियो ।

विश्व हिन्दू परिषद् नेपालले विगत चार वर्षदेखि जनकपुरधाममा विवाह पञ्चमीको भोलिपल्ट सामूहिक विवाह कार्यक्रम गर्दै आएको छ।

परिवार मिलन कार्यक्रम सम्पन्न

noreply@blogger.com (Vishva Hindu Parishad Nepal) — Fri, 29 Sep 2023 13:03:00 +0545

काठमाण्डौ । एकल विद्यालय फाउण्डेशन अफ नेपालद्वारा परिवार मिलन कार्यक्रम सम्पन्न गरिएको छ । विश्व हिन्दू परिषद्, भारतका संयुक्त महामन्त्री माननीय बजरंगलाल बागडा ज्यूको विशेष उपस्थितिमा काठमाण्डौ कालिकास्थान स्थित अमृत भोग कम्प्लेक्सको सभाहलमा असोज ११ गते कार्यक्रम आयोजना गरिएको थियो ।

उक्त कार्यक्रममा बिशिष्ट अतिथि समाबेशी आयोगका पूर्व अध्यक्ष डा. रामकृष्ण तिमिल्सिना, अतिथिगण हिन्दू स्वयंसेवक संघका राष्ट्रिय प्रचारक माननीय वेद प्रकाश जी, राष्ट्रिय सह–प्रचारक श्री रेवित कुमार जी, राष्ट्रिय सह–संघचालक श्री कल्याण कुमार तिमिसीना जी, जनकल्याण प्रतिष्ठानका संरक्षक श्री ओम प्रकाश सराफ जी, राष्ट्रिय अध्यक्ष श्री विनोद कुमार अग्रवाल, महासचिव श्री महावीर घिराईया, कोषाध्यक्ष श्री सुनिल कुमार अग्रवाल, एकल विद्यालय फाउण्डेशन अफ नेपाल काठमाण्डौ च्याप्टरका अध्यक्ष श्री अनिल केडिया जी, नगर महिला समिति पदाधिकारी सहित स्थानीय समिति पदाधिकारी, शुभचिन्तक, दानदाता, संघ परिवार संगठनका प्रतिनिधी एवं पूर्णकालिक कार्यकर्ताहरुको सहभागिता रहेको थियो ।

कार्यक्रम काठमाण्डौमा सञ्चालित एकल विद्यालयका विद्यार्थीहरुको संस्कार पक्ष प्रस्तुति सहित शुरु भएको थियो ।

कार्यक्रममा शुभकामना मन्तव्य राख्दै डा. रामकृष्ण तिमिल्सिनाले एकल विद्यालयले देशका ग्रामिण भेगमा रहेका राष्ट्रका कर्णधार बालवालिकाहरुलाई लक्षित गरी कार्य गरिरहेको प्रति कृतज्ञता व्यक्त गर्नुभयो ।

राष्ट्र विकासमा संस्कारयुक्त शिक्षा अति महत्वपूर्ण रहेको कार्यक्रममा मन्तव्य राख्दै श्री कल्याण कुमार तिमिसीना जीले बताउनु भयो ।

कार्यक्रमलाई सम्बोधन गर्दै माननीय बजरंगलाल बागडा ज्यूले एकल अभियानको विश्व व्यापी स्वरुप, उद्देश्य एवं कार्यशैलीबारे प्रकाश पार्नु भएको थियो । श्री महावीर घिराईयाको धन्यवाद ज्ञापन सहित कार्यक्रमको समापन भएको थियो । कार्यक्रमको सञ्चालन श्री सुनिल कुमार अग्रवाल जीले गर्नु भएको थियो ।

फोटो :

गौहत्या विरुद्ध विहिप नेपालद्वारा देशव्यापी प्रतिक्रिया

noreply@blogger.com (Rajaram Das ) — Wed, 13 Sep 2023 13:36:00 +0545

भाद्र २७, काठमाण्डौ । धरान गौहत्यामा संलग्न अपराधीहरुलाई कडा कानुनी कारवाहीको माग गर्दै विश्व हिन्दू परिषद् नेपालद्वारा देश व्यापीरूपमा दबावमुलक प्रतिक्रियात्मक कार्यक्रमहरु आयोजना गरिएको छ ।

विश्व हिन्दू परिषद् नेपालद्वारा देशैभरिका प्रमुख जिल्ला अधिकारी मार्फत गृहमन्त्रीलाई ज्ञापन पत्र बुझाईएको छ । त्यस्तै काठमाण्डौ, पोखरा, उदयपुर, सर्लाही, जलेश्वरी लगायतका प्रमुख स्थानहरुमा विरोध प्रदर्शनका कार्यक्रमहरु आयोजना गरिएको थियो ।

विश्व हिन्दू परिषद् नेपालले सार्वजनिक प्रेस विज्ञप्तिमार्फत “गाई (गौवंश) नेपालको राष्ट्रिय जनावर मात्र नभई बहुसंख्यक सनातनी हिन्दूहरुको आस्था एवं अन्तर आत्मासंग समेत जोडिएको तथ्य सर्व विदितै छ । हिन्दूहरु गौवंशलाई भगवानको रुपमा पुज्ने गर्दछन । गौवंशको हिन्दू धर्ममा धार्मिक महत्व रहनुका साथै वैज्ञानिक रुपमा समेत विशेष महत्त्व रहेको छ । नेपालको कानुनले गौहत्यालाई पूर्णतः वर्जित गरेको भएता पनि दिनानुदिन गौ हत्याको घटना बढनु गम्भीर एवं चिन्ताजनक विषय हो । कानुनमा गौहत्यालाई दण्डनीय अपराध भनेर उल्लेख गरिएता पनि व्यवहारमा दण्डहीनता मौलाएको देखिन्छ ।

घटनामा संलग्न रहेका अपराधीहरूले सार्वजनिक रूप मैं गौमांसको भोज आयोजना गर्दै भिडियो बनाई सामाजिक सञ्जालमा सम्प्रेषण गर्दा समेत प्रहरी प्रशासन मौन रहनुले प्रहरी प्रशासनको चरित्रमा समेत प्रश्न चिन्ह खडा भएको छ । यसपूर्व धरान स्थिति एक हिन्दू मन्दिरको गरिमा विपरित चर्च स्थापनामा धरानका नगर प्रमुखको मौन समर्थन एवं संलग्नताले धरानमा हिन्दू विरोधी तत्वको मनोबल बढेको देखिन्छ । यस किसिमको घटनाक्रमले बारम्बार हिन्दू समुदायको आस्था एवं भावनामा गम्भीर चोट पुरÞ्याउदै खेलवाड गर्दै आएको छ । गौहत्यामा संलग्न अपराधीहरुलाई समय मै कानुनी दायरामा ल्याईएन भने समाजिक सद्भावमा समेत खलल पुग्ने देखिन्छ ।

नेपालको राष्ट्रिय जनावरको रक्षा एवं बहुसंख्यक जनताको भावनाको कदर गर्दै गौवंश हत्यामा संलग्न अपराधी एवं यस प्रकृतिका अपराधीलाई बचाउन खोज्ने तत्व समेतलाई कडा भन्दा कडा कारवाही गर्न विश्व हिन्दू परिषद नेपाल सम्बन्धित निकाय समक्ष हार्दिक अपिल गर्दछ । कुनै पनि बहानामा यस्ता अपराधीलाई जोगाउने प्रयास गरियो भने हामी कठोर कदम चाल्न बाध्य हुनेछौं र तत्पश्चात सिर्जना हुने परिस्थितिको जिम्मेवार सम्बन्धितपक्ष स्वयं हुनेछ । ” सम्बन्धित पक्षलाई ध्यानाकर्षण गराएको थियो ।

विश्व हिन्दू परिषद नेपालको राष्ट्रिय योजना बैठक सम्पन्न

noreply@blogger.com (Rajaram Das ) — Mon, 14 Aug 2023 12:37:00 +0545

काठमाण्डौ । विश्व हिन्दू परिषद नेपालको राष्ट्रिय योजना बैठक सम्पन्न भएको छ । विश्व हिन्दू परिषदका अन्तराष्ट्रिय महामन्त्रि मा. मिलिन्द पराण्डे ज्यूको नेपाल प्रवासको क्रममा आयोजित सो तीन दिवसीय बैठक चितवन, देवघाट स्थित श्रीहरि किर्तन वैदिक धर्मशालामा श्रावण २८ गते सम्पन्न भएको छ ।

राष्ट्रिय महासचिव श्री जितेन्द्र कुमार सिंहको अध्यक्षता तथा मा.मिलिन्द पराण्डे ज्यूको विशेष आतिथ्यता रहेको उक्त बैठकमा वि.हि.प. नेपालका नगर, जिल्ला, सम्भाग तथा राष्ट्रिय स्तरका पदाधिकारी कार्यकर्ताहरुको सहभागिता रहेको थियो । विविध सांगठनिक योजना सम्बन्धि निर्णय सहित हिन्दू स्वयंसेवक संघ नेपालका राष्ट्रिय प्रचारक मा. वेद प्रकाश ज्यूको विशेष उद्वोधन पश्चात बैठकको समापन भएको थियो ।

प्रेस विज्ञप्ति : प्रचण्डको अराजक एवं हिन्दू विरोधी टिप्पणी प्रति हाम्रो गम्भीर ध्यानाकर्षण

noreply@blogger.com (Vishva Hindu Parishad Nepal) — Sun, 18 Sep 2022 13:01:00 +0545

नेकपा माओवादी केन्द्रका अध्यक्ष पुष्पकमल दाहाल प्रचण्डले शनिबार माओवादी पार्टीको विज्ञान तथा प्रविधि विभागद्वारा आयोजित राष्ट्रिय विज्ञान दिवस कार्यक्रममा हिन्दु धर्मलाई आघात पुग्ने गरी व्यक्त गरेको अराजक टिप्पणी प्रति हाम्रो गम्भीर ध्यानाकर्षण भएको छ । बहुसंख्यक जनताहरूको धार्मिक आस्था एवं मनोभावना माथि ठाडो प्रहार गर्दै अभद्र टिप्पणी गर्नु अक्षम्य, निन्दनीय एवं दुर्भाग्यपूर्ण रहेको छ

उनले समाजमा ३३ कोटी देवतालाई पूजा गर्दै हिँड्ने तर मानिसलाई लात हान्दै हिँड्ने प्रचलन रहेको भनेर समग्र हिन्दु धर्म प्रति आस्थावान नेपाली जनमानसको भावनालाई उपहास गरेका छन । हजारौं नेपालीको हत्या आरोपित माओवादी अध्यक्ष प्रचण्डले हरेक व्यक्तिमा बाहिर एउटा भित्र अर्कै कुरा हुने गरेको भन्दै सम्पूर्ण समाजको चरित्र माथि प्रश्नचिह्न लगाएका छन । माओवादी अध्यक्ष प्रचण्डले हिन्दुत्व सुविचार “सन्तोषं परम् सुखं“ अर्थात मानिसलाई सन्तोष लिन सिकाउने कुराले समाज विकासमा अवरोध गरेको बताएर सन्तोषी हुनुपर्ने सामाजिक आधारलाई भत्काएर उत्तेजना फैलाई देशलाई फेरी द्वन्द्वतिर उन्मुख हुन दुरुत्साहित समेत गरेका छन । हिन्दु धार्मिक आस्था अनुसार सृष्टिमा जीवनको उत्पत्तिबारे स्थापित दशावतारको मान्यतालाई खण्डित हुनेगरी बामपन्थी चिन्तक माक्र्सलाई जीवन विकासको अवधारणाबारे पहिलो दार्शनिक बताएर सनातन सांस्कृतिक आस्थालाई आघात पुर्याएको छ ।

यसैगरि नेपालको साहित्यिक जगतका सुप्रसिद्ध नाटककार बालकृष्ण समबारे कटाक्ष गर्दै ‘ज्ञान मर्दछ हाँसेर, रोई विज्ञान मर्दछ’ भन्ने कवितांशका कारण देश र विज्ञानको विकासमा अवरोध सिर्जना गरेको बताएर ऐतिहासिक भाषा–साहित्य बारे निकृष्ट टिप्पणी गरेका छन ।

कथित राजनेता द्वारा पटक–पटक हिन्दू विरोधी वक्तव्य दिईनुले उनी विधर्मी शक्तिद्वारा परिचालित रहेको समेत स्पष्ट भएको छ । त्यस्ता धर्म संस्कृति विरोधी तत्वहरुलाई साथ दिने जुनसुकै राजनैतिक दलको राजनैतिक अस्तित्व समेत समाप्त पार्न हिन्दू समाज एवं विश्व हिन्दू परिषद नेपाल लगयातका हिन्दू संगठनरू पछि पर्ने छैनन् । नेपालको मौलिक धर्म संस्कृति विरुद्ध चौतर्फी आक्रमण भैरहेको वर्तमान परिस्थितिमा हिन्दू समाज संगठित हुनुको विकल्प छैन । हामी समय मै सावधान भएनौ भने परिस्थिति झन प्रतिकुल हुने निश्चित छ । हाम्रा बिच सक्रिय रहेका असामाजिक हिन्दू विरोधी तत्वहरुको समय मै पहिचान गरी पूर्ण बहिष्कार गर्न सम्पुर्णलाई विश्व हिन्दू परिषद नेपाल हार्दिक अपिल गर्दछ । साथै धार्मिक, सांस्कृतिक र संवैधानिक मर्यादालाई आघात गरेर सामाजिक सद्भाव माथि कुठाराघात हुने प्रयास प्रति सचेत रहन तथा आवश्यक कारवाही हुन सम्बन्धित सबै पक्षसँग समेत अनुरोध गर्दछौँ ।

जय श्रीराम । नेपाल आमाको जय ।।

१७ परिवारका ५० सदस्य पुनः हिन्दू धर्ममा फर्किए

noreply@blogger.com (Vishva Hindu Parishad Nepal) — Fri, 16 Sep 2022 12:15:00 +0545

जनकपुरधाम, ३० भदौ । विश्व हिन्दू परिषद् नेपालले शुद्धीकरण यज्ञ (घरवापसी कार्यक्रम) सम्पन्न गरेको छ । परधर्म अपनाएका स्वजनहरुलाई पुनः स्वधर्ममा स्वागतका लागि अयोजित उक्त कार्यक्रममा विविध कारणले स्वधर्म (हिन्दू धर्म) छोडेर इसाईकरणको षड्यन्त्रमा फसेर धर्मान्तरित भएका हिन्दू समाजका १७ परिवारका ५० जना पुनः स्वधर्ममा (हिन्दू धर्म) ससम्मान फर्किएका छन् । विविध पूजा, हवन एवं यज्ञ प्रज्ज्वलन गरी परधर्ममा गएकाहरुलाई शुद्धीकरण गर्दै पुनः हिन्दू धर्ममा स्वागत गरिएको हो । परिषद्द्वारा आयोजित उक्त कार्यक्रममा महन्थ रामभूषण शरण जी महाराज, परिषद्का ट्रष्टी श्री ओम प्रकाश सर्राफ, जिल्ला अध्यक्ष संतोष साह, उपाध्यक्ष अमन प्रसाद गुप्ता, सचिव बह्मदेव महतो, स्थानीय पदाधिकारी, पूर्णकालिक कार्यकर्ता एवं स्थानीयबासी समेतको उत्साहजनक उपस्थिति थियो । कार्यक्रममा पुनः स्वधर्ममा फर्केकाहरु अत्यन्तै हर्ष व्यक्त गर्दै विहिपलाई योे व्यवस्था मिलाई दिएकोमा आभार व्यक्त गरेका थिए साथै परधर्ममा गएको प्रति पश्चाताप समेत गरेका थिए । विविध षडयन्त्रमा परी परधर्ममा गएका स्वजनहरुलाई पुनः स्वधर्ममा स्वागतका लागि विश्व हिन्दू परिषद् नेपाल सदैव तत्पर रहेको र आगामी समयमा समेत यस किसिमको कार्यक्रमहरुलाई निरन्तरता दिने परिषद्का जिल्ला अध्यक्ष सन्तोष साहले बताए ।

विश्व हिन्दू परिषद् नेपालद्वारा थारू गुरुवा सम्मान कार्यक्रम सम्पन्न ।

noreply@blogger.com (Vishva Hindu Parishad Nepal) — Wed, 24 Aug 2022 16:20:00 +0545

कञ्चनपुर भाद्र ८ गते । विश्व हिन्दू परिषद् नेपाल कञ्चनपुरद्वारा थारू गुरुवा, भगत, भर्रा, भलमनसा सम्मान कार्यक्रम सम्पन्न गरिएको छ । थारु संस्कृति रक्षार्थ विशिष्ट योगदान पु¥यानु हुने व्यक्तित्वहरुलाई परिषद्ले समय–समयमा सम्मान गर्दै आएको छ । यस पूर्व कैलालीका थारु अगुवाहरुलाई सम्मान गरिएको थियो ।

कञ्चनपुरको बेलौरी नगरपालिका स्थित उद्योग बाणिज्य संघको सभाहलमा मंगलबार आयोजित उक्त कार्यक्रममा प्रमुख अतिथि पूज्य श्री लक्ष्मण भारती (बालक बाबा) एवं अतिथिगण श्री देवी भारती, श्री हर्केश विष्ट, श्री राजु चौधरी, श्री बेचनलाल चौधरी, गिरीलाल चौधरी, क्षमानन्द राना, साथिराम राना लगायत थारु अगुवा एवं परिषदका राष्ट्रिय संगठन सचिव श्री प्रल्हाद कुमार सहित स्थानीय कार्यकर्ताहरु समेतको उपस्थिति रहेको थियो ।

कार्यक्रममा वक्ताको रुपमा बोल्दै थारू अगुवाहरुले थारू समुदायमा फैलिदै गएको ईशाइकरणले मौलिक थारु संस्कृति समाप्त पार्दै गएको भन्दै आक्रोश व्यक्त गरे । थारु संस्कृति संरक्षणको लागि ईशाइकरण रोक्न अपरिहार्य रहेकोले समस्त थारू समुदायलाई संगठित हुन आह्वान समेत गर्नु भएको थियो ।

फोटो :

आर्थिक स्वाबलम्बनका लागि विश्व हिन्दू परिषद् नेपालद्वारा सिलाई प्रशिक्षण

noreply@blogger.com (Vishva Hindu Parishad Nepal) — Tue, 23 Aug 2022 15:28:00 +0545

काठमाण्डौ, भाद्र ७ गते । मातृशक्ति (महिला) लाई आर्थिक रूपमा स्वाबलम्बी बनाउने उद्देश्यका साथ विश्व हिन्दू परिषद् नेपालले महोत्तरीको भंगहा नगरपालिकामा सञ्चालन गरेको सिलाई प्रशिक्षण केन्द्रबाट ३० जना प्रशिक्षार्थीले ६ महिने प्रशिक्षण पुरा गरेका छन । आर्थिक रुपले कमजोर महिलालाई लक्षित गरी परिषद्ले निःशुुल्क सिलाई प्रशिक्षणको व्यवस्था गरेको हो । परिषद्ले विभिन्न सत्रमा प्रशिक्षण सञ्चालन गर्दै आएको छ ।

भंगहा नगरपालिकाका विभिन्न वडाहरुबाट सहभागी प्रशिक्षार्थीहरुलाई भाद्र ६ गते एक कार्यक्रम बिच विश्व हिन्दू परिषद् नेपालका ट्रष्टी श्री ओम प्रकाश सर्राफ, महोत्तरी जिल्ला अध्यक्ष श्री वृजेश झा एवं धनुषा जिल्लाका पूर्व अध्यक्ष श्री रघुनाथ साहको हातबाट प्रमाणपत्र प्रदान गरिएको थियो । सफलतापूर्वक सिलाई प्रशिक्षण केन्द्र सञ्चालनका योगदान पु¥यानुुहुने केन्द्रका प्रशिक्षक श्रीमती महिमा सिंह एवं एकल विद्यालय अभियानका स्थानीय संच प्रमुख श्रीमती रामपरी रामलाई सम्मान गर्दै सम्मान पत्र समेत प्रदान गरिएको थियो ।

कार्यक्रममा विश्व हिन्दू परिषद्का तर्फबाट प्रदेश संगठन सचिव श्री धनुषधारी पाण्डे, महिला प्रमुख श्रीमती सुनिता देवी ठाकुर, धनुषा जिल्ला उपाध्यक्ष श्री अमन प्रसाद गुप्ता लगायत स्थानीय कार्यकर्ताहरु सहित करिब १०० जनाको सहभागिता रहेको थियो ।

आगामी दिनमा महोत्तरीको औरही नगरपालिकामा समेत सिलाई प्रशिक्षण केन्द्र सञ्चालन गरिने परिषद्का प्रदेश संगठन सचिव श्री धनुषधारी पाण्डेले बताउनु भयो ।

– राजाराम दास

प्रेस विज्ञप्ति : इस्लामिक संगठन जमियत उलेमा ए नेपालको गतिविधि प्रति हाम्रो ध्यानाकर्षण ।

noreply@blogger.com (Rajaram Das ) — Sun, 26 Jun 2022 15:52:00 +0545

विश्व आज एउटा समुदाय विशेषको कट्टरताले आतंकित रहेको सर्वविदितै छ । फरक विचार राख्ने समुदायलाई विभिन्न तरिकाले प्रताडित गर्ने कट्टर मानसिकता भएको समूह प्रायः सबै देशहरूमा सक्रिय रहेको तथ्य छ ।

आतंकवादलाई बढावा दिएको भन्दै तव्लिगी जमात नामक इस्लामिक जिहादी संगठनमाथि साउदी अरबले प्रतिबन्ध लगाएको कदमलाई विश्वका अनेकौं राष्ट्रहरूले स्वागत गरेका थिए । मानवताको लागि चुनौतीपूर्ण मानिएको यस प्रकृतिका संगठनको काम–कारवाही नेपालमा समेत विस्तार हुदै गएको तथ्य बाहिर आएको छ । यस्ता ईस्लामिक संगठनहरु कै प्रभाव एवं प्रयासमा मदरसाहरुको अनियन्त्रित विस्तार र त्यसमा विदेशी मौलवीहरुको प्रवेशलाई सुरक्षा चूनौतीको रुपमा लिनुपर्ने देखिन्छ ।

हालै उपेन्द्र यादव, समिम मियाँ अन्सारी लगायतका व्यक्तिहरुको सहभागितामा जमियत उलेमा ए नेपाल नामक संगठनद्वारा आयोजित एक कार्यक्रममा प्रस्तुत प्रस्तावहरूमाथि हाम्रो गम्भिर ध्यानाकर्षण भएको छ । उक्त कार्यक्रममा प्रस्तुत अधिकांश प्रस्तावहरू राष्ट्रघाती एवं बहुसंख्यक नेपाली जनताको भावना विपरित रहेको हाम्रो ठहर रहेको छ ।

बक्फ बोर्डमा एक पटक गएको जमिन सरकारले फिर्ता लिन नपाउने । त्यो मुस्लिम समाजकै हुने प्रावधान छ भारतमा । नेपालमा पनि त्यस्तै हजारौ बिगहा जमिन हडप्ने षडयन्त्र हो ।
मुस्लिम धर्मकै जानकार तथा अगुवाका अनुसार आतंकी गतिबिधिमा मुस्लिम लाग्नु पछाडि मदरसामा पढाईने कट्टर पन्थी शिक्षाको नै हो जसले गैर मुस्लिम प्रति द्वेषभाव राख्दछन । अतः मदरसा विधेयक पूर्णरुपेण राष्ट्रघाती हो ।
विभिन्न बाहानमा नेपाल पसेका रोहिङ्गया, बङ्गलादेशी, भारतिय तथा पाकिस्तानी मुस्लिमलाई आधिकारिकता प्रदान गर्न यो सबै षड्यन्त्र हुदैछ । सम्भव त हुन सक्छ तिनिहरुमा आतंककारी पनि हुन सक्छन ।
मुस्लिम परिवार कानुनको माध्यमले बहुविवाह तथा लव जिहादलाई कानुनी मान्यता दिलाई, हिन्दू चेलीवेटीलाई धर्मन्तरण गराउन षड्यन्त्र हो ।
हज हाउस बनाएर विश्व भरिका मुस्लिम धर्मगुरु बोलाएर प्रशिक्षण दिई कट्टरपन्थी भाव भैलाई देशको अमन चयनमा खलल पु¥याउने दुष्प्रयास हो ।

इस्लामिक जिहादीहरूद्वारा गौहत्या, लव जिहादी एवं बहुसंख्यक हिन्दू जनतामाथि बर्बर दमन र आक्रमणहरुका घटनाहरूक्रम तिव्र रहेकै अवस्थामा यस किसिमको संगठनको गतिविधि थप संकास्पद रहेको छ ।

देशको साँस्कृतिक पहिचानमाथि खलल पुर्याउनेमाथि कडा कारवाही एवं अंकुश लगाउन विश्व हिन्दू परिषद नेपाल सम्बन्धित् निकायलाई आवश्यक कदम चाल्न अपिल गर्दछ ।

जय श्रीराम, नेपाल आमाको जय ।

https://www.vhpnepal.org.np/2022/06/blog-post.html

LMN079-2030001

noreply@blogger.com (Vishva Hindu Parishad Nepal) — Sat, 25 Jun 2022 00:31:00 +0545

प्रेस विज्ञप्ति : “देवनागरी लिपिरहितको इम्बोस्ड नम्बर प्लेट लागु गर्ने निर्णय तुरुन्त खारेज गरियोस्”

noreply@blogger.com (Vishva Hindu Parishad Nepal) — Tue, 7 Jun 2022 13:03:00 +0545

सवारी साधनमा प्रयोगमा रहेको नेपाली भाषा र देवनागरी लिपिलाई विस्थापित गरी इम्बोस्ड नम्बर प्लेटको जडान गर्ने सम्बन्धमा सरकारले गरेको असंवैधानिक र अव्यावहारिक निर्णयप्रति विश्व हिन्दू परिषद् नेपाल गम्भीर आपत्ति प्रकट गर्दछ । नेपालको संविधान २०७२ को धारा ७ मा देवनागरी लिपिमा लेखिने नेपाली भाषा नेपालको सरकारी कामकाजको भाषा हुने उल्लेख छ । विगत केही वर्ष अगाडि पनि तत्कालिन सरकारले इम्बोस्ड नम्बर प्लेटको प्रयोग गर्न खोज्दा सम्माननीय सर्वोच्च अदालतले अन्तरिम आदेशमार्फत् इम्वोस्ड नम्बर प्लेटको कार्यान्वयनमा रोक समेत लगाएको थियो । तत्कालीन प्रधानन्यायाधीश गोपाल पराजुलीको इजलासले १० फागुन २०७४ मा इम्बोस्ड नम्बर प्रयोग नगर्न अन्तरिम आदेश दिएको थियो ।

नेपाली भाषा र देवनागरी लिपिलाई कमजोर र धरासायी बनाउने उद्देश्यसहित देवनागरी लिपिको नम्बर प्लेट विस्थापित गरिनु नेपाली भाषामाथिको ठाडो प्रहार हो । देवनागरीमा लेखिएको नम्बर प्लेटलाई हटाएर अनिवार्य रूपमा अङ्ग्रेजी इम्बोस्ड नम्बर प्लेट लादन खोजिनु भनेको नेपाल र नेपालीका लागि अत्यन्तै दुर्भाग्यपूर्ण हो । नेपाल सरकार यातायात विभागको निर्देशनले भने जसरी भए पनि नेपाली भाषालाई विस्तारै विस्थापित गर्ने बाह्य षड्यन्त्रलाई नेपालका वर्तमान सरकारका नेतृत्व गरिरहेका राजनीति नेतृत्वहरूले पूर्ण रूपमा साथ दिनु अत्यन्तै चिन्ताजनक एवं गम्भीर विषय हो ।

निजी स्वार्थसिद्धिका लागि राष्ट्र विरोधी तत्वको प्रभावमा परी देशको भाषा र संविधानको मर्म माथिनै कुठाराघात गरिरहेको तथ्य नेपाली जनतालाई कदापी सह्य हुने छैन तसर्थ जनभावनाको कदर गर्दै यस्तो राष्ट्रहित विपरितको निर्णय तुरुन्त रद्द गरी नेपाली भाषा–देवनागरी लिपिमा नम्बर प्लेट छाप्ने व्यवस्थालाई यथावत् राख्नका लागि विश्व हिन्दू परिषद् नेपाल सरकार तथा सम्बन्धित सबै पक्षको गम्भीर ध्यानाकर्षण गराउँदछ । जय श्रीराम । नेपाल आमाको जय ।

https://www.vhpnepal.org.np/2022/06/embossed.html

विश्व हिन्दू परिषद् नेपालद्वारा अलौकीक कन्यापूजन समारोह सम्पन्न

noreply@blogger.com (Vishva Hindu Parishad Nepal) — Tue, 10 May 2022 12:25:00 +0545

राजाराम दास,

जनकपुरधाम, वैशाख २७ गते । श्री जानकी नवमीको पावन अवसरमा विश्व हिन्दू परिषद् नेपालले देशका विभिन्न स्थानहरुमा अलौकीक कन्यापूजन समारोह सम्पन्न गरेको छ । परिषद्ले विगतका वर्ष झै यस वर्ष पनि धनुषा, पर्सा, नवलपरासी लगायतका जिल्लाहरुमा अलौकीक कन्यापूजन समारोहको आयोजना गरेको छ ।

मंगलवार जनकपुरधाम–७ स्थित जानकी पतञ्जली योग साधना केन्द्रको प्राङ्गणमा आयोजित समारोहमा २५४ कन्याहरु (बालिका) को सहभागिता रहेको थियो । कार्यक्रममा प्रमुख अतिथि विश्व हिन्दू परिषद् नेपालका राष्ट्रिय संगठन मन्त्री श्री प्रल्हाद रेग्मी, विशिष्ट अतिथि प्रद्युम्न उपाध्याय, अतिथिहरु– पवन ठाकुर, सत्यनाराण ठाकुर, ओम प्रकाश सर्राफ, इ.प्रकाशचन्द्र साह, अंकेश्वर यादव, मनोहर साह एवं जिल्ला समतिका पदाधिकारी, कार्यकर्ता सहित स्थानीयवासीहरु समेतको उत्साहपूर्ण सहभागिता रहेको थियो ।

कार्यक्रममा विवाह पञ्चमीको अवसरमा परिषदद्वारा आयोजित सामूहिक विवाह समारोहमा ११ कन्याको कन्यादान गर्नुहुने काठमाण्डौ निवासी श्री सुनिल कुमार अग्रवाल लगायतका सहयोगीहरुको सम्मान समेत गरिएको थियो ।

विश्व हिन्दू परिषद नेपालद्वारा आयोजित अलौकिक कन्या पूजन समारोहको मुख्य उद्देश्य समाजमा व्याप्त महिला हिँसा, भ्रुण हत्या एवं दाईजो प्रथा जस्ता कुरितीहरु उन्मूलन गरी समरस एवं सभ्य समाज निर्माण गर्नु रहेको छ । राष्ट्र, धर्म र समाजहीतका लागि विश्व हिन्दू परिषद नेपालले आगामी दिनहरुमा समेत यस्ता कार्यक्रमहरुलाई निरन्तरता दिईने परिषदका एक अधिकारीले जानकारी दिनु भयो ।

फोटो फ़ीचर :

- https://www.vhpnepal.org.np/2022/05/kanyapujan.html