YB

ఇలానేనా నడిపించేది?

2025-11-17T19:36:05.258-08:00

“ఇలానేనా నడిపించేది?”

thought provoking life quations based globetrotter event

#Globetrotter event #SS Rajamouli #God #YBthoughts

2025,నవంబర్ 16న రామోజీ ఫిల్మ్ సిటీలో

వారణాసి మూవీ ట్రైలర్ కోసం భారీ ఈవెంట్ ఏర్పాటు చేశారు. మొదటిసారి ట్రైలర్ చూపించేందుకు పెద్ద స్క్రీన్ సిద్ధమైంది. కానీ రాజమౌళి గారు “ట్రైలర్ ప్లే చేయండి” అన్న వెంటనే పవర్ సమస్య వచ్చి కొద్దిసేపు డిలే అయ్యింది.

ట్రైలర్ తరువాత ప్లే అయినా… ఆయన ముఖంలో బాధ , మాటల్లో నిరాశ స్పష్టంగా కనిపించాయి.

రాజమౌళి గారు మాట్లాడుతూ...

“నాకు దేవుడు మీద పెద్దగా నమ్మకం లేదండి. నాన్నగారు ఇందాక వచ్చి ‘హనుమ' వెనకాలే ఉంటాడు,గుండె తట్టి నడిపిస్తారు అని చెప్పారు. ఇలా అయ్యినవెంటనే కోపం వచ్చింది — ‘ఇలానేనా నడిపించేది?’ అని. నా అవిడకి హనుమంతుడు అంటే చాలా ఇష్టం; ఆమె మీద కూడా కోపం వచ్చింది — ‘ఇదేనా చేసేది?’ అని.”

ఇది మనందరికీ తెలిసిన భావమే.

కష్టపడి ప్లాన్ చేసిన పని ఒక్కసారిగా ఆగిపోయినప్పుడు ఎవరికైనా అలానే అనిపిస్తుంది.

ఈ మాటల్లో ఒక నిజం ఉంది.మనతో మనం లేక మనవాళ్ళు

నమ్మే దేవుడు కూడా ఉండాలి, మన పని సజావుగా జరగాలి అన్న చిన్న ఆశ మనందరిలో ఉంటుంది.

కానీ కొన్ని సందర్భాల్లో ఆ ఆశ ప్రశ్నగా మారుతుంది:

😞ఎంత కష్టపడ్డా ఉద్యోగం రాకపోవడం

😞ఏళ్ల తరబడి పనిచేసినా ప్రమోషన్ రాకపోవడం

😞తప్పు చేయని మనవాళ్లు అనుకోకుండా ప్రమాదంలో పడటం

అప్పుడు మనమూ అనుకుంటాం:

“ఇదేనా దేవుడు నడిపించేది?”

“ఇలానేనా నడిపించేది?”

ఈ ప్రశ్నలు తప్పు కావు.

అవి మన హృదయం నిజం కోసం వెతుకుతున్న సంకేతాలు.

మనలో చాలామంది దేవుణ్ని ఇలా ఊహిస్తాం —

🙍మన సమస్యలకు వెంటనే స్పందించే దేవుడు

🙍మన ప్లాన్‌లను సక్సెస్ చేసే దేవుడు

🙍మన టైమ్‌కు పని చేసే దేవుడు

కానీ ప్లాన్ ఆగిపోతే వెంటనే అడుగుతాం:

“దేవుడు నా జీవితంలో ఎక్కడ?”అని కానీ ప్రశ్న అది కాదు.

“దేవుడు నా కోరికలకే పనిచేయాలా?”“లేదా నా జీవితానికి నేను ఊహించినదానికంటే దేవుడి ప్లాన్ ఉందా?

ఇలాంటి ప్రశ్నలు వచ్చాయంటే

మన హృదయం ,దేవుణ్ని నిజంగా వెతకమని మౌనంగా బోధిస్తుంది.

మిత్రమా ..

నీకు నువ్వు వేసుకోవాల్సిన అసలు ప్రశ్న ఏమంటే

“నాకు నిజంగా దేవుణ్ణి తెలుసుకోవాలని ఉందా❓

నా నిరాశల దాటి…

నా అంచనాల దాటి…

నా కోపం దాటి…

దేవుడి నిజమైన స్వభావం ఏమిటి?

అసలు నా పట్ల ఆయన ప్లాన్ ఏమిటి?

ఇలాంటి ప్రశ్నలే మనల్ని సత్యానికి దగ్గర చేస్తాయి.

మిత్రమా ఏమంటారు? ఆలోచించు...!

మన రక్షకుని శ్రమ (Good Friday poem)

2025-04-18T14:40:00.001-07:00

#Good Friday Poetry

#YBpoetry #Christian Reflection

*మన రక్షకుని శ్రమ*

✝️✝️✝️✝️✝️✝️✝️✝️✝️

కొరడా దెబ్బలతో

దున్నిన భూమిలా

దేహం.

ముళ్ళ కిరీటం వత్తిడికి

రక్తపు ధారల్లో మునిగిన

శిరస్సు.

అందరిలో హేళన చేసి

అవమానపు ఉమ్మి జల్లిన

ముఖం.

బరువైన సిలువను మోసి

గాయాల గీతలతో నిండిన

శరీరం.

లోహపు మేకుల దాడికి

చితకబడిన

చేతులు, కాళ్ళు.

సిలువ కొయ్యకు

రక్తమోడుతున్న వీపు తగిలి,

భరించలేని బాధ

పైకి లాగబడిన ఛాతీ కుహరం

శ్వాస కోసం తపిస్తూ,కొన ఊపిరితో

సొమ్మసిల్లిన ప్రాణం

భూమికి ఆకాశానికి మధ్య

సిలువపై వేలాడుతున్న

మన రక్షకుడిని చూస్తూ

ఏళ్ల తరబడి ప్రేమిస్తున్న పాపాలలో

ఆనందించగలమా?

యేసు త్యాగం ఎదుట

మన హృదయం ద్రవించకపోతే,

ప్రేమకు మనం అర్హులమేనా?

క్రీస్తు శ్రమ ముందు

ప్రతి పాపపు ముల్లు విరగాలి

పశ్చాత్తాపంతో ప్రతి జీవితం మారాలి!

@ Dr.Yerranna B

రివోల్ట్ ఆఫ్ జీసస్ Revolt of Jesus

2025-04-17T23:53:00.001-07:00

#YBarticle #RRRMovie #PassionOfChrist

#goodfriday special

రివోల్ట్ ఆఫ్ జీసస్

Revolt of Jesus

❣️✝️❣️✝️❣️✝️❣️✝️❣️✝️❣️✝️

RRR సినిమాలోని కొమరం భీముడో... అనే

పాట విప్లవాత్మకమైనది. తన గోండు జాతికి చెందిన మల్లి అనే పాపను కాపాడే క్రమంలో బ్రిటిష్ ప్రభుత్వానికి వ్యతిరేకంగా మారిన భీమ్(Jr.NTR)ను అరెస్టు చేసి శిక్షించే సన్నివేశమంలో వస్తుంది పాట.

పాట చూస్తున్నపుడు గూస్ బంప్స్ వస్తాయి. పాట చిత్రీకరణకు బ్రేవ్ హార్ట్ (Brave Heart) అనే హాలీవుడ్ మూవీ స్ఫూర్తి అని డైరెక్టర్ రాజమౌళి ఓ ఇంటర్వ్యూ లో చెప్పారు . ఆ సినిమా లో మరియు పాషన్ ఆఫ్ క్రైస్ట్(Passion of Christ) సినిమాలో అచ్చం కొమరం భీముడో...పాటలాంటి సన్నవేశం ఉంటుంది. మెల్ గిబ్సన్ డైరెక్టర్ చేసిన సినిమాలవి. బ్రేవ్ హార్ట్ ఓ పోరాట యోధుడి కథ.పాషన్ ఆఫ్ క్రైస్ట్ బైబిల్లోని యేసు మరణానికి (గుడ్ ఫ్రైడే) కొన్ని గంటల ముందు జరిగి విషయాలన్ని వివరించే ప్రయత్నం.

RRR లో భీమ్ తన జాతికి చెందిన పాపను బ్రిటిష్ వారినుండి రక్షించడానికి అడవి నుండి ఢిల్లీ కి వస్తాడు. పాషన్ ఆఫ్ క్రైస్ట్ లో పాపము సంకెళ్ళ నుండి మానవాళిని రక్షించడానికి యేసు పరలోకం నుండి భూలోకానికి వస్తారు.

పాషన్ ఆఫ్ క్రైస్ట్, RRR లోని కొమరం భీముడో పాట సన్నివేశాన్ని గమనిస్తే

1.భీమ్ శ్రమలు: యేసు సిలువ

RRR లో పోలీసు అధికారైన రామ్

గాజు రవ్వలు అమర్చిన కొరడాతో భీమ్ని కొట్టినప్పుడు చర్మం చిట్లిపోవడం, రెండు కాళ్లకు బరువు కట్టి వేలడదీయడం చూస్తే బాధేస్తుంది.

ఇక పాషన్ ఆఫ్ క్రైస్ట్ లో ఆ సన్నివేశం ఇంకా హృదయవిదారకంగా ఉంటుంది.

కొరడతో కొట్టినప్పుడు మాంసం ముద్దలుగా ఊడిపడడం,రక్తం ఏరులై పరాడం మనల్ని కలచివేస్తుంది.

రోమ్ ప్రభుత్వం నేరస్తులకు వేసే శిలువ శిక్ష అత్యంత కటినమైంది. సిలువకు కట్టేసి చేతులకు, కాళ్లకు మేకులు కొట్టడం వల్ల క్రమ క్రమంగా ఒక్కో అవయవం క్షీణించి ఊపిరాడక ఏంతో వేదనతో చనిపోతరని డాక్టర్స్ నివేదిక.

యేసు ఏ నేరం చెయలేదని ,ఆది నుండి వాక్యమైవున్న యేసు,మనుషులందరి పాప పరిహార్ద బలిగా తనకు తానే ప్రాణాన్ని సిలువలో పెట్టాడు అని బైబిల్ సెలవిస్తోంది.అందుకే యేసు మరణదినాన్ని శుభ శుక్రవారం(గుడ్ ఫ్రైడే)గా జరుపుకుంటారు.

2. భీమ్ పాట: యేసు మాటలు

రెండూ సన్నివేశాలు బహిరంగగా, ప్రజల సమక్షంలో జరగడం చూస్తాం.భీమ్ తన ప్రజలని చైతన్యవంతులుగా చేసేలా పాట పాడతాడు.అది అర్దం చేసుకున్న ప్రజలు చివర్లో పోలీసులపై తిరగబడతారు.

సిలువ శిక్ష వేయడానికి ముందు నువ్వు యూదుల రాజువా? అని న్యాయాధికారి పిలాతు యేసుని అడగ్గా. మౌనాన్ని విడి నీవన్నట్టే! అని ఒక్క మాట మాత్రమే యేసు సమాధానంగా చెపుతాడు.ఆ మాటలు కొందరికి కోపాన్ని తెప్పిస్తే,చాలా మందికి అర్దం కాలేదు. ఇప్పటికీ కూడ!

ఇక సిలువపై యేసు పలికిన ఏడు మాటలు జాగ్రత్తగా గమనిస్తే అవీ ఎంతో సామాజిక, మానసిక, ఆధ్యాత్మిక చైతన్యానికి కారణమయ్యాయి. ఆ మాటలు వందల కోట్ల మందిని ప్రభావితం చేశాయి. ఇంకా చేస్తున్నాయి.

ఒక్క మాటలో చెప్పాలంటే భీమ్ పాట తిరుగుబాటు విప్లవానికి దారితిస్తే యేసు మాటలు ప్రేమ విప్లవాన్ని సృష్టించాయి.

ప్రియ చదువరి...

భీమ్ మల్లిని రక్షించడం, ఇబ్బందులు పడడం, పాటలు పాడడం అంతా కల్పితం. అది ఓ రైటర్ & డైరెక్టర్లు ఊహతో అల్లిన కథ. కానీ యేసు ఎన్నో శ్రమలు అనుభవించి సిలువ మరణం పొందడం, అత్యుత్తమైన ప్రేమను బోధించడం అనేది చారిత్రక వాస్తవం.

కల్పిత భీమ్ పాత్ర తెలియపోయిన పర్వాలేదు కానీ ప్రపంచ చరిత్ర విభజనకే మూలమైన క్రీస్తు యేసు పుట్టుక (క్రిస్త్మస్), మరణం(గుడ్ ఫ్రైడే ), పునరుద్ధానం (ఈస్టర్) మరియు బోధనల గూర్చి తెలుసుకోవడం, గ్రహించడం ఎంతో ముఖ్యం.

Wishing you a blessed Good Friday

Written by

@ Dr. Yerranna B

కుల అహంకారం Kula Ahamkaram

2024-08-04T00:13:00.001-07:00

#CastePride #Friendship #Equality #YBlife

కుల అహంకారం

👥👥👥👥👥👥👥👥👥👥👥👥👥👥

Year :1995 సంవత్సరం

Place: వడ్డేపల్లి గ్రామం, తెలంగాణ

Time : 6PM కావొస్తుంది.

నేను అప్పుడే బడి నుండి వచ్చి స్నేహితులతో ఆడుకుంటున్నాను.మా ఇంటి పక్కన పెద్దనాన్న (దాదాపు 50 ఏళ్ళు ఉంటాయి) ఇంటి బయట నులక మంచం మీద కూర్చొని ఉన్నారు.రోడ్కి అనుకుకొనే కాంపౌండ్ వాల్ లేకుండా మా ఇల్లు ఉండేవి . అటువైపుగా నడిచి వెళ్ళే వాళ్ళందరు ఆరోగ్యం ఎలా వుంది ? రెస్ట్ తీసుకో అని ఆప్యాయంగా పెద్దనాన్నని పలకరించేవారు.

కాసేపు అయ్యాక ..

ఏదో ప్రమాదం వచ్చినట్టు చట్టుక్కున్న మంచంలో నుండి లేచారు పెద్దనాన్న.

తెల్ల ఖద్దరు చొక్కా వేసుకొని 35 ఏళ్ల వయసున్న ఓ వ్యక్తి ఇద్దరితో కలిసి అటుగా రోడ్ పై నడుచుకుంటూ వెళుతున్నాడు.

పెద్దనాన్నే కాదు మా కాలనీలో అందరు అప్రయత్నంగా లేచి నిలబడిపోతారు అయానోస్తే !

ఎందుకో తెలుసా?

ఆయన ఓ పెద్ద కుల వ్యక్తి , మేమంతా తక్కువ కులం వాళ్ళం కాబట్టి. తన పొలానికి పోవడానికి మా కాలనీ రోడ్ మీదుగా వెళ్లేవాడు.(పల్లెటూరుల్లో కులాల వారిగా కాలనీలు ఉంటాయి)

కాస్త నేను పెద్దయ్యాక మా బంధువులలో ఒకరితో ...

అవసరమా? ఆయన రోడ్ పై పోయోటప్పుడు అలా సడెన్ లేచి ఒంగి దండాలు పెట్టడం ? అని అడిగా

నీకు తెలియదురా...

వాళ్ళు పెద్దోళ్ళు. మనం తక్కువ జాతి వాళ్ళమని సమాధానం.

ఓ సారి ఎవరో ఆయన గారు వస్తున్నారని చూసుకోకుండా నులక మంచం మీద నుండి లేవనందుకు.

ఎమ్ రా...

మా.......(కులం పేరుతో ) నా కొడకల్లారా...

ఎక్కువ చేస్తున్నారట. అసలు మర్యాద ఇవ్వట్లేదట.కళ్ళు నెత్తికెక్కినాయా?

అని తిట్టి వార్నింగ్ ఇచ్చాడట.

ఆ ఖద్దరు అంగీ వ్యక్తియే కాదు

చాలా మంది అగ్ర కులం వారు

కులం పేరుతో తిట్టడం, బూతులు మాట్లాడం

నేను చూశా.

జై భీమ్ సినిమా క్లైమాక్స్ లో

బాధిత మహిళ సినతల్లి బిడ్డ కుర్చీలో కూర్చుని న్యూస్ పేపర్ చేతిలోకి తీసుకుంటుంది. లాయర్ అలా చూడగానే భుజాలు జారవిడిచి వినయం ఉండేందుకు ప్రయత్నం చేస్తుంది. హాయిగా దర్జాగా కూర్చో అన్నట్టు లాయర్ (హీరో సూర్య) ఒక కనుసైగ చేస్తాడు.ఆ బిడ్డ మళ్లీ భుజాలను సవరించి

ఠీవిగా కాలు మీద కాలు వేసుకుని కూర్చొని పేపర్ చదువుతుంది.

ఒక్క డైలాగ్ లేకుండా మనసును పిండే ఆ సన్నివేశాన్ని 2023 సంవత్సరం లో చూసినప్పుడు నా కళ్ళలో నీళ్ళు

తిగిగాయి. మనసు లోలోపల దాగివున్న 1994 నాటి సంఘటనలు గుర్తుకొచ్చి గుండె ద్రవించింది.ఆ క్షణం ఆత్మ విశ్వాసం, సమానత్వం , ప్రజాస్వామ్య భావాలు ఒళ్ళంతా కమ్ముకున్నాయి.

నేటికి అణగారిన జాతుల వారు పడుతున్న కులవివక్ష,అవమానాలు కోకొల్లలు.

త్వరగా కుల నిర్మూలన జరిగి , ఈ కుల అహంకారం కనుమరుగైతె బాగుండు.

నా దేశ ప్రజలంతా స్కూల్ ఫ్రెండ్స్ లా ఉండాలని కాంక్షిస్తూ ......

@ Yerranna B

Happy Friendship Day

ఆ బాలుడి జన్మే లేకపోతే ? What if that boy (Jesus)was never born?

2023-12-23T06:14:00.000-08:00

#Christmas #Jesus_Impact_On_World #YBarticle

ఆ బాలుడి జన్మే లేకపోతే ?*

🎄🎄🎄❤️❤️❤️🎄🎄🎄🎉🎉🎊🎊🎈🎈

ఒకవేళ యేసు పుట్టకపోయి ఉంటే, మన నేటి క్రిస్మస్ సంబరాలలో ఎమైనా తేడా ఉండేదా?

నిజాయితీగా సమాధానం చెపితే చాలా మంది వ్యక్తులకు పెద్ద తేడాను కలిగించదనె చెప్పాలి.క్రిస్మస్ షాపింగ్,వంటలు, డెకరేషన్, శాంతాక్లాస్ మరియు పాటల సంబరంలో ఉంటారు. వారంతా మొదటి క్రిస్మస్ నాటి శిశువు లేకపోయినా అంతాగా మిస్సవరు ఎందుకంటే శిశువు జన్మ ప్రపంచాన్ని ఎంతగా మార్చిందో వారికి తెలియక పోవడమే.

ఈ క్రిస్మస్ సీజన్‌లో యేసు జన్మించకపోతే ప్రపంచం ఎలా ఉండేదో ఆలోచించడం మనకు ఉపయోగకరంగా ఉంటుంది.

*1. చరిత్ర మార్చిన పుట్టుక*

💟💟💟💟💟💟💟💟💟💟💟

మానవ చరిత్రలో యేసు కంటే ఎక్కువ ప్రభావం చూపిన మరొక వ్యక్తి ఉన్నాడా? గత రెండు సహస్రాబ్దాలుగా ఉన్న ఆధారాల ప్రకారం చూస్తే లేడనే సమాధానం.నాగరికత ప్రారంభమైనప్పటి నుండి నేటి వరకు ప్రపంచంలో అత్యంత ముఖ్యమైన వ్యక్తిగా నజరేయుడైన యేసు ప్రసిద్ధికెక్కడు.గూగుల్ లో “జీసస్” అని టైప్ చేయడం ద్వారా దాదాపు 665 బిలియన్ ఫలితాలు వస్తాయి. ఇది ఆధునిక ప్రపంచంలో యేసు యొక్క ప్రాముఖ్యతను తెలియచేస్తుంది.

నేను దేవుణ్ణి నమ్మను కానీ నజరేత్‌కు చెందిన ఓ బోధకుడు చరిత్రకు తిరుగులేని కేంద్రమయ్యడని నేను చరిత్రకారుడిగా ఒప్పు కోవాల్సిసిందే .- హెచ్‌.జి వెల్స్ (చరిత్రకారుడు)

యేసు పుట్టుక చాలా ముఖ్యమైన సంఘటనగా గుర్తించబడింది.చరిత్ర యేసుకు ముందు తరువాతగా విభజించబడింది.జెరూసలేంకు దక్షిణాన కొన్ని మైళ్ల దూరంలో ఉన్న బెత్లెహెం అనే చిన్న గ్రామంలో జన్మించినప్పటికీ, యేసు పేరు ఆయన జీవిత కథ ఇప్పుడు కోట్లాది మంది ప్రజలకు తెలుసు.

ప్రపంచవ్యాప్తంగా దాదాపు 3 బిలియన్ల పైనే ఆయన అనుచరులు ఉన్నారు.దీన్ని బట్టి యేసు జీవితం మరియు ఆయన తీసుకువచ్చిన శక్తివంతమైన సందేశం ప్రపంచన్నీ ప్రభావితం చేసయని స్పష్టమవుతుంది.

క్రీ. శ 100 నాటికి 40కి పైగా వివిధ ప్రాంతాలలో సంఘాలు ఉన్నాయి. 4వ శతాబ్దం నాటికి ఆసియా , ఉత్తర ఆఫ్రికా మరియు దక్షిణ మరియు పశ్చిమ ఐరోపాలో చాలా వరకు క్రైస్తవ్యం వ్యాపించింది. క్రీ. శ 313 లో కాన్‌స్టాంటైన్ చక్రవర్తి క్రైస్తవ మతాన్ని రోమా సామ్రాజ్య అధికార మతంగా శాసనాన్ని జారీ చేశాడు. కేవలం 300 సంవత్సరాలలో వివిధ సామ్రాజ్యలే అనుసరించి, ఆరాధించే స్థాయికి యేసు చేరుకున్నాడు.

కాలక్రమేణా కొంత మంది క్రైస్తవ మత పెద్దల తప్పిదాల వల్ల,వారి స్వార్థ చర్యల వల్ల ప్రజలు చనిపోయారు. అందువల్లే కొంత మంది నాస్తికులు యేసు పుట్టకపోయుంటే బాగుండు అనే అభిప్రయాన్ని వ్యక్తపరుస్తారు కానీ అలా అనడం తొందరపాటు చర్యే అని చరిత్రను చూస్తే అవగతం అవుతుంది.చాలామంది యేసు బోధనలను విస్మరించవచ్చు కానీ చరిత్రపై యేసు చూపిన అసమానమైన ప్రభావాన్ని ఎవరూ కాదనలేరు.

*2. మహిళ సాధికారత*

🩷🩷🩷🩷🩷🩷🩷🩷🩷🩷

ప్రాచీన కాలంలో.... స్త్రీల పట్ల అమానవీయంగా ప్రవర్తించబడిన సంఘటనలు కొకల్లుగా గ అతిథులతో భోజనం చేయడానికి, వారితో సంభాషించడానికి అనుమతిలేదు. రోమ సమాజంలో స్త్రీలు పురుషుల కంటేకనిపిస్తాయి.గ్రీకు దేశంలొ భార్య తన భర్త ఇంట్లో మ తక్కువ అనే నమ్మకం ఉండేది.యూద స్త్రీలు బహిరంగంగా మాట్లాడకుండా నిరోధించబడ్డారు. చట్టం చేసి మరీ మహిళలను తోరాను బిగ్గరగా చదవడాన్ని నిషేధించారు. సినాగోగ్ లో ఆరాధనకు అనుమతే లేదు.ఇక పురుషాధిక్య భారతీయ సమాజంలో మహిలకు జరిగిన అకృత్యాలు మనల్నీ కంటతడి పెట్టేలా చేస్తాయి.

స్త్రీలు కూడా దేవుని స్వరూపంలో చేయబడిన వారని , పురుషులతో సమానంగా విలువైనవారు అని బోధించారు (కోలస్సి 3:11).ఒక పురుషుడు తన భార్యకు కట్టుబడి ఉండాలని మరియు ఆమెను త్యాగపూరితంగా ప్రేమించాలని చెప్పి పెద్ద విప్లమే సృష్టించాడు. ఓ రబ్బీ (బోధకుడు) కి స్నేహితులుగా,పరిచర్య భాగస్వాములుగా స్త్రీలు ఉండడమనే కొత్త సం్కృతికి యేసు నాంది వేశాడు.

బావి వద్ద సమరయ స్త్రీతో యేసు వ్యవహరించిన గౌరవప్రదమైన విధానం, వేశ్య పట్ల ప్రతిస్పందించిన మానవత్వ ధోరణి నేటి ప్రజలకు అసాధారణంగా కనిపించకపోవచ్చు కానీ అదీ చాలా అసాధారణమైనది, రాడికల్ కూడా. మహిళ పట్ల నాటి యూదుల కుంచిత కట్టుబాట్లను ఎండ గట్టాడు.

భారతదేశంలో సతీ సహగమనం అంతానికి, మహిళల విద్య-ఆరోగ్యానికీ క్రైస్తవ మిషనరీలు చేసిన సేవ వెలకట్టలేనిది. స్త్రీని సామాజికంగా, మేధోపరంగా మరియు ఆధ్యాత్మికంగా హీనమైనదిగా నిర్వచించే పురాతన నమ్మకాలకు, ఆచారాలకు యేసు ఆయన అనుచరులు వ్యతిరేకంగా వెళ్ళారు. యేసు ప్రవర్తన మరియు బోధనలు మహిళల స్థితిని , స్థాయిని పెంచాయి. మరో మాటలో చెప్పాలంటే అసలైన మహిళా సాధికారతకు మూలం యేసే !

*3. సామాజిక సేవ*

💟💟💟💟💟💟💟💟

క్రీ.శ. 325లో కౌన్సిల్ ఆఫ్ నైసియా, కేథడ్రల్ (చర్చి) ఉన్న ప్రతి పట్టణంలో తప్పనిసరిగా ఆసుపత్రి కూడా ఉండాలని నిర్ణయించారు. ఈ ఆసుపత్రులలో వైద్యులు, నర్సులు, వైద్య గ్రంథాలయాలు మరియు శిక్షణా పాఠశాలలు కూడా ఉన్నాయి.చాలా ఆసుపత్రులు, సేవ సంస్థలు యేసు బోధలపై పనిచేసే క్రైస్తవులచే ప్రారంభించబడ్డాయి.(ఉదా.రెడ్ క్రాస్ సొసైటీ, మదర్ థెరిసా ఛారిటీ, CMC హాస్పటల్)

యేసు జీవితం మరియు బోధనలు సమాజ నిర్మాణంపై, ముఖ్యంగా అందరిపట్ల ప్రేమ, పేదలు, రోగుల పట్ల కనికరకం , జాతి, కుల , లింగా వివక్ష లెని సమానత్వ అంశాలు గొప్ప ప్రభావన్నీ చూపాయి. ఎందుకంటే ప్రతి మానవుడు దేవుని స్వరూపంలో సృష్టించబడ్డాడని యేసు చూపించాడు ( అది కా. 1:27-28)

*4 రాజకీయం*:

💓💗💓💓💓💓💗💓💗

యేసు రాకముందు భారతదేశంలో సతీ ఆచారం, ఆఫ్రికకన్స్ బానిసలుగా , హక్కులు /విలువలేని కొందరి ఆస్తిగా ఉన్నారు.చైనాలో పిల్లల్ని దేవతలకి బలి ఇచ్చేవారు.రోమ్ లో హింసాత్మక క్రీడలు ప్రబలంగా ఉన్నాయి (ఉదా.గ్లాడియేటర్ ఫైట్స్) నరమాంస భక్షణ మరియు మానవ బలి ప్రపంచవ్యాప్తంగా కొన్ని తెగలలో ఉండేది.

యేసు,ఆయన అనుచరుల వల్ల చట్టలలో మార్పు వచ్చాయి. కొత్త చట్టాలు అయా దేశల్లో వచ్చాయి. కొన్ని దేశాలు యేసు మాటలనే తమ ప్రభుత్వాలకు పునాదిగా ఉపయోగించుకున్నాయి.(ఉదా: అమెరికా) ప్రజాస్వామ్య విలువలకు యేసు ప్రాణం పోశాడు. నీతి- నైతికతలకు ప్రపంచవ్యాప్త ప్రమాణాన్ని సెట్ చేసింది కొండపై క్రీస్తు ప్రసంగం.బానిసలు స్వేచ్ఛగా మార్చబడ్డారు.క్రూరమైన క్రీడలు విడిచిపెట్టబడ్డాయి మరియు మానవ బలులులు నిలిపివేయబడ్డాయి!

పాశ్చాత్య దేశాల రాజ్యాంగం ,సివిల్ కోడ్‌లు మరియు క్రిమినల్ ప్రొసీజర్స్ మరియు సమానత్వ హక్కు చట్టాలు బైబిల్ లోని పది ఆజ్ఞలపై ఆధారంగా ఏర్పడ్డాయి. అందుకే క్రైస్తవం ఆధునిక ప్రజాస్వామ్యానికి మూలం. విలియం విల్బర్‌ఫోర్స్ (William Wilberforce) బానిసత్వాన్ని నిర్మూలించడానికి దోహదపడ్డాడు. UK లో లార్డ్ షాఫ్టెస్‌బరీ( Lord Shaftesbury) ఉద్యోగుల వేధింపులపై పార్లమెంటులో నిబంధనలను ప్రవేశపెట్టాడు. పని గంటలను పరిమితం చేయలని ,వేతనాలను మెరుగుపరచాలని పోరాడాడు.

నేటి రాజకీయ వ్యవస్థ కొన్ని ప్రస్తుత సవాళ్లను ఎదుర్కొంటున్నప్పటికీ, యేసు ఎన్నడూ జన్మించకపోతే, పౌర స్వేచ్ఛలు, ఆర్థిక స్వేచ్ఛ మరియు ప్రజాస్వామ్య గణతంత్రాలు విలువలు ఈ రోజు ఉన్నంత మెరుగుగా ఉనికిలో ఉండే అవకాశం లేదు.

4) విద్య & సైన్స్ అభివృద్ధి:

🧡🧡🧡🧡🧡🧡🧡🧡🧡🧡

మిషినరీల పరిచర్య ఫలితంగా ఐర్లాండ్‌,ఇండియాలో అక్షరాస్యత పెరిగింది. ప్రాచీన భారత దేశంలో అగ్రకులాల పిల్లలకే గురుకులాలు .జాతి, మతం, కులం, ప్రాతం, భాష మరియు లింగా భేదాలు చూడకుండా అన్ని వర్గాల వారిని వేల సంఖ్యలో బెస్ట్ స్కూల్స్, కాలేజీలు స్థాపించి దేశ విద్య అభివృద్ధికి కృషి చేశారు.ప్రాంతీయ భాషకు డిక్షనరీలు, గ్రామర్, ఇంగ్లీష్ విద్య , న్యూస్ పేపర్స్... ఎలా ఎన్నో పెనుమార్పులకు

నడుం బిగించారు.

ఇంగ్లండ్ మరియు అమెరికాలోని దాదాపు అన్ని మొదటి విశ్వవిద్యాలయాలు క్రైస్తవులచే ప్రారంభించబడ్డాయి. (ఉదా. హార్వర్డ్, ఆక్స్ ఫర్డ్).ఆధునిక విజ్ఞాన శాస్తం క్రైస్తవులచే అభివృద్ధి చేయబడింది(ఉదా. చార్లెస్ బాబాజీ కంప్యూటర్, జెనిటిక్స్- జాన్ మెండల్ ).పరిశోధనలు ప్రోత్సహించడానికి క్రైస్తవులు ఇతరుల కంటే ఎక్కువగా కృషి చేస్తున్నారు (ఉదా. నోబుల్ ప్రైజ్ అందుకున్న వారిలో అత్యధికులు క్రైస్తవులు).

గెలీలియో, న్యూటన్, కోపర్నికస్, కెప్లర్, పాస్కల్ వీరందరూ సైన్స్ చేయడానికి విశ్వాసం ద్వారా ప్రేరేపించబడిన వారు .నేడు హ్యూమన్ జీనోమ్ ప్రాజెక్ట్‌కు నాయకత్వం వహించిన ఫ్రాన్సిస్ కోలిన్ యేసును నమ్మే ప్రముఖ శాస్త్రవేత్త.

5) మారిన జీవితాలు

💚💚💚💚💚💚🩵🩵🩵🩵

యేసు తమ జీవితాలు ఎలా మార్చాడో సమాజానికి చెప్పగల వ్యక్తులతో చర్చిల నిండ ఉన్నారు.వ్యక్తిగతంగా నేను మొదట యేసును నా రక్షకునిగా విశ్వసించినప్పుడు, అతను నా హృదయంతరాలను మార్చాడని నేను కచ్చితంగా చెప్పగలను.

యేసు కోట్లాది మంది జీవితాలను మార్చాడు.

17వ శతాబ్దపు చరిత్రకారుడు ఫిలిప్ షాఫ్ ఇలా అన్నాడు.ఈ నజరేత్ యేసు,డబ్బు మరియు ఆయుధాలు లేకుండా , అలెగ్జాండర్, సీజర్, మొహమ్మద్ మరియు నెపోలియన్ కంటే ఎక్కువ మిలియన్ల మందిని జయించాడు.

ఇంకా ఏసుక్రీస్తు వల్ల శిల్ప కళ ,సంగీతం, సాహిత్యం, వైద్యం, ఆర్థిక శాస్త్రం, సామాజిక నైతిక విలువలు, మతం యెక్క చరిత్రలు అంతా మారిపోయాయి.

మానవాళికి సమృధ్ధిని, శాంతిని ఇవ్వడానికి వచ్చారు .మత గురువుల వరుసలో యేసు (రక్షకుడు) మరొక వ్యక్తి అనుకుంటే పొరపాటే. ఆయన దేవుని కుమారుడు. మనందరి రక్షకుడు.అవిదేయులైన మానవాళిని నరకం నుండి రక్షించి పరలోకం వైపు నడిపించడానికి జన్మించాడు.అతనీ పుట్టుక మానవాళికి అవశ్యకం అయ్యింది. . ఆ బాలుడు జన్నే లేకపోతే ప్రపంచంమే అంధకారం అయ్యేదేమో !

#HappyChristmas

Articla written by

Yerranna B

(Published in UESI TS monthly magazine Vidyarthi Velugu.)

మణిపూర్లో మనోళ్లు Manipurlo Manollu

2023-08-19T20:54:00.000-07:00

#మణిపూర్ #manipurvoilance

#బీజేపీ #bjp #YBpoetry

మణిపూర్లో మనోళ్లు

Manipurlo Manollu

------------------------------------

✍️Yerranna B

మోడీ సాబ్...మనోళ్లు

విద్వేషాన్ని చెక్కరలా బుక్కరా ?

మీ ప్రేమ ప్రసంగాలే విన్నారే

అమిత్ షా జి..మనోళ్లు

అసత్యాన్ని నీళ్ళలా తగారా ?

సత్య హరిశ్చంద్రుడు వారసులమన్నారె

బండి బాయ్... మనోళ్లు

హింసనే బిర్యానీలా తిన్నారా ?

అసలైన గాంధేయవాదులమన్నారె

స్మృతి మేడమ్...మనోళ్లు

రాక్షస ఆనందాన్నే తేనెలా జుర్రుకున్నారా ?

ఆదిపరాశక్తి అరాధికులమన్నారే

భారతీయులంతా

నా సోదరులనే వాళ్ళు

రోజూ దేవుణ్ణి మొక్కేటోల్లు

మనోళ్లు !

సంస్కార హీనులుగా

హింసాత్మక వాదులుగా

రేపిస్టులుగా , అహంకారులుగా

ఎలా అయ్యారు?

మణిపూర్లో మనోళ్ల

మానవత్య నాడులు

ఎట్లా చిట్లిపోయాయ్ ?

మనలో ఎవరైనా

ఉన్మాదాన్ని నూరిపోశారా

జై స్వార్దం అంటూ రెచ్చ గొట్టరా?

భరతమాతే

జీవం పోసుకుంటే

మనోళ్ల మొహంపై ఉమ్మీవేయదా!

ఇక భగవంతుడే

బెత్తం పట్టుకొని రావలేమో

ముద్దాయి ప్రభుత్వాలచే

నిజ -నిజాలు కక్కించడాని !

@ Yerranna B

డార్విన్ జీవ పరిణామా సిద్ధాంతం కేవలం ఓ నమ్మకమేనా ?

2023-04-25T20:37:00.001-07:00

*డార్విన్ జీవ పరిణామా సిద్ధాంతం కేవలం ఓ నమ్మకమేనా ?*

🐒🦅🦉🦇🐗🦄🐛🐝🐥🧑🏻‍💼🤔❓

జీవపరిణామవాదులు,జీవ పరిణామ శాస్త్రవేత్తలు (ఎవల్యూషన్ సైంటిస్టులు)

రెండు రకాల జీవసంబంధమైన “పరిణామాన క్రమాన్ని” గుర్తించారు.1. మైక్రో (సూక్ష్మ)

ఎవాల్యూషన్ (ఇది గమనించదగినది)

2.మాక్రో (స్థూల)ఎవాల్యూషన్ (ఇది గమనించదగినది కాదు).

"మైక్రోఎవల్యూషన్" అనేది ఇచ్చిన జాతుల వ్యక్తులలో పరిమిత వైవిధ్యం యొక్క ప్రక్రియ.ఉదా. కుక్కల మధ్య మనం గమనించే వివిద రకాల్ని ఉత్పత్తి తెలియచేస్తుంది. మాక్రో ఎవాల్యూషన్ ఓ అపరిమిత వైవిధ్యం యొక్క ఊహాత్మక ప్రక్రియ. పరిణామవాదులు ఒక రకమైన జీవి ప్రాథమికంగా భిన్నమైన మరో రకం జీవి గా మారుతుందని నమ్ముతారు.

ఉదా.సహజంగానే (నాచురల్ సెలక్షన్ )సరీసృపాలు పక్షులుగా లేదా కోతులు మనుషులుగా మారడం వంటివి. ఈ పరివర్తను పెద్దగా ఎవరూ గమనించలేదు అన్నది వాస్తవం.

ఎవరైనా ప్రతిపాదించే ఏ సిద్ధాంతమైన పరీక్షించదగినది (testable) పరిశీలించదగినది (observable )గాను మరియు

పునరావృతమయ్యే (repeatable) ఆ సంఘటనకు వివరణగా ఇచ్చేది గాను ఉండాలి.ఇది అనుభావిక శాస్త్రం (empirical science) యొక్క అతి ముఖ్యమైన అవసరం.మాక్రో ఎవాల్యూషన్ (స్థూల జీవ పరిణామం) గమనించదగినది కాదు, పునరావృతం చేయదగినది లేదా తిరస్కరించదగినది కాదు మరియు ఓ శాస్త్రీయ వాస్తవంగా లేదా సిద్ధాంతంగా గుర్తింపు పొందే అర్హత కూడా లేదు. *కాబట్టి జీవపరిణామాన్ని నమ్మే వారందరూ(శాస్త్రవేత్తలు,స్కాలర్స్ ,సైన్స్ టీచర్స్ ..) దాని విశ్వాసులు.వారు కేవలం దాన్ని విశ్వాసంతో అంగీకరించాల్సిన పరిస్థితి* .వీరిలో చాలామంది బైబిల్ చెప్పే సృష్టి సిద్ధాంతం యొక్క ఉనికిని ,దేవుని శక్తిని ఖండిస్తున్నారు.అదేవిధంగా, సృష్టి యొక్క బైబిల్ వృత్తాంతం మనిషి గమనించదగినది కాదు, పునరావృతం చేయదగినది కాదు మరియు మనుషులచే తిరస్కరించదగినది కాదు.మనుష్యుల యోచన/ ఊహగానాల కంటే దేవుని మాటలు సత్యమైనవి,బైబిల్ గ్రంధం దైవ ఆవేశం వల్ల వ్రాయబడింది,ఆ దైవమే సర్వశక్తిమంతుడు మరియు సర్వజ్ఙాని ,సృష్టికర్త అని నమ్మేవారు ప్రత్యేక సృష్టి సిద్ధాంతాన్ని విశ్వాసంతో అంగీకరిస్తారు.

*స్థూల జీవ పరిణామం,బైబిల్ చెప్పే సృష్టి సిద్ధాంతం రెండూ విశ్వాసం పై ప్రాధమికంగా ఆధారపడి ఉన్నాయన్నది అందరూ గమనించల్సిన విషయం.*

మైక్రో ఎవాల్యూషన్ కాల క్రమేణా జరిగేది మాక్రో ఎవాల్యూషన్ ఉత్పత్తి చేయడానికె అని పరిణామవాదులు వాదిస్తున్నారు కానీ దానికి మద్దతు ఇవ్వడానికి ఆధారాలు లేవని చాలా మంది జీవ పరిణామ శాస్త్రవేత్తలు అంగీకరిస్తున్నారు.పరిశీలించదగిన ఓ దృగ్విషయం ఎటువంటి ఆధారం లేని ఒక దృగ్విషయంగా మారిందనడానికి కచ్చితమైన ఋజువులు కావాలి .అపరిమితమైన జీవ పరిణామక్రమన్నీ తెలియచెప్పడానికి చాలా వాదనలను వున్నా వాటి నిరూపణలో విఫలమయ్యాయి. *ఇందును బట్టి ఇప్పటికీ జీవ పరిణామ సిద్ధాంతం ఓ శాస్త్రీయ "వాస్తవం” గా ప్రకటించబడలేకపోతుంది.*

కాల క్రమేణా బై ఛాన్స్ మరియు పదార్థం యొక్క అంతర్గత లక్షణాలను బట్టి జీవ పరిణామం జరిగిందనె వివరణ కన్నా

ఇంటెలిజెంట్ డిజైన్ ద్వారా దేవుడే అన్నీ రకాల జీవులను సృష్టించడం అనేది జీవులలో మనం చూసే సమగ్ర సంక్లిష్టత యొక్క మూలానికి చాలా సహేతుకమైన వివరణ అని ప్రొఫెసర్ డేవిడ్ మెంటన్ మరియు సృష్టి సిద్ధాంతాన్ని నమ్మే శాస్త్రవేత్తలు అంటారు.

🐒🦅🦉🦇🐗🦄🐛🐝🐥🧑🏻‍💼

...............................................

Translated by

Yerranna Boggula

Biochemistry Research scholar

University of Hyderabad

Original full article

by Prof. David Menton

Is Evolution a Theory, a Fact, or a Law?—or None of the Above?

https://answersingenesis.org/theory-of-evolution/evolution-theory-fact-or-law/

కులం కుంపటి-ప్రేమ కౌగిలి

2023-02-13T19:42:00.001-08:00

కులం కుంపటి-ప్రేమ కౌగిలి

💓💓💓💓💓💓💓💓💓💓

కోపాన్ని అదుపు చేసుకోలేని ఓ యువకుడి కథే అర్జున్ రెడ్డి సినిమా అనుకుంటామ్ కానీ ప్రీతి నాన్న కులపిచ్చి వల్ల జరిగిన సంఘటనల ఇతివృత్తంగా కూడా చూడవచ్చు. వేరు కులం అనే ఒక్క కారణంగానే పెళ్లికి అంగీకరించడు.

సామాజికంగా , వృత్తి మరియు ఆర్థికంగా ఓ స్థాయి కుటుంబంలోని డాక్టర్ అర్జున్ రెడ్డి కూడా ఇలాంటి పరిస్తితి.

నిజ జీవితంలోనూ ఇలా జరుగుతున్నాయి. అబ్బాయి తాగుబోతా? జాబ్ ఉందా? ఉమెనైజరా ? అనే అంశాల కన్న

ఏ కులం ? అనే ప్రాథమిక ప్రశ్నతో సంబంధాలు చూసే పేరెంట్స్ కోకొల్లలు.

వేరే కులం/గోత్రం వాణ్ణి ప్రేమించిందని కన్న కూతుర్ని చంపేస్తున్నారంటే (పరువు హత్యలు) అర్థమవుతుంది కుల వ్యవస్థ ఎంత ప్రమాదకరమో.

నేటి కుల వ్యవస్థ ఏ ఒక్క ప్రేమ జంట, కుటుంబ, ప్రాంత , వ్యక్తిగత సమస్య కాదు.అది దేశ అతి పెద్ద సమస్య.కుల చరిత్ర తెలిసిన వారికి ఇది సులువుగా అర్థం అవుతుంది.భారత దేశంలో కులాల పుట్టుక, వ్యాప్తిపై ఎంతో పరిశోధన చేసిన డా.అంబేద్కర్ గారు కుల నిర్ములనకు కులాంతర వివాహాలు చక్కటి మార్గమని సూచించారు.

ఒకవేళ ఆంధ్రప్రదేశ్ లో విరివిగా కులాంతర వివాహాలు జరిగితే 50 ఏళ్ల తర్వత

1.రాష్ట్ర కుల రాజకీయాల్లో మార్పు రాదంటారా?

2.పేదరికం, నిరక్షరాస్యత వేగంగా తగ్గుముఖం పట్టదంటరా?

3. సోషల్ మీడియాలో కులం పేరుతో దుషించుకునే యువకుల సంఖ్య తగ్గి సోదర భావం పెరగదా ?

4. విజయవాడలో అందరికీ అద్దెకు ఇల్లు దొరకటం ఈజీ అవుతుంది కదా?

..... ఇలా ఎన్నో విప్లాత్మకమైన మార్పులు

కులాంతర వివాహలు తీసుకరాగలదు!

2016 నాటి ఓ సర్వే ప్రకారం దేశంలో దాదాపు 5% వివాహాలు కులాంతర వివాహాలు జరుగుతున్నట్టు ,అత్యధికంగా మిజోరాంలో (55%) మధ్యప్రదేశ్‌లో అత్యల్పంగా (1%) ఉన్నట్టు తేలింది.పట్టణ ప్రాంతాల (4.9%) కంటే గ్రామీణ ప్రాంతాల్లో (5.2%) , ధనవంతుల (4.0%) కంటే పేదవారిలో (5.9%) కులాంతర వివాహాలు ఎక్కువగా జరుగుతున్నాయని ఇండియన్ స్టాటిస్టికల్ ఇన్‌స్టిట్యూట్ సర్వే సారాంశం.

దేశం నిజమైన ప్రేమలో పడకుండా కుల వ్యవస్థ ఓ విలన్ గా తయారయ్యింది. మనం కులాంతర వివాహాలను ప్రోత్సహించడం ద్వారా ఆ విలన్ని చిత్తుగా ఓడిచగలం.

విలన్ని మొత్తానికే నాశనం చేసే నా ఆలోచన మీతో చెప్పనివ్వండి.

75 ఏళ్ల స్వాతంత్ర భారతంలో కులం ఇప్పటికీ సజీవంగా ఉందంటే కారణం ప్రధానంగా రెండు వర్గాల వారని డా. అంబేడ్కర్ పరిశోధనలో తేలింది.1. కులం దేవుడి సృష్టి అని నమ్మించిన నాటి ఆధిపత్య బ్రాహ్మణ /పురోహిత వర్గం. వీరు దేవుడిని బూచిగా చూపించి కులాల పుట్టుక కారణమయ్యారు.

2. బ్రాహ్మణ వాక్కు దైవ వాక్కుగా భావించిన అయా వర్గాల ప్రజలు కుల కట్టుబాట్లు పాటించి, కులాల వ్యాప్తికి తోడ్పడ్డారు.

అంటే కుల వ్యవస్థ మతం/ దైవంతో ముడిపడి అంశం .కుల వ్యవస్థ కొనసాగడానికి కారణం జనాల్లో దైవం పట్ల ఉన్న అస్పష్ట విశ్వాసాలే అనేది నా ప్రతిపాదన.

దేవుడు అనేవాడు ఉంటే ప్రేమమయుడై వుండాలి కదా?

అంటరాని వారుగా కొందరిని ఎందుకు చేస్తాడు?

మనుషులైన బ్రాహ్మణులు బ్రహ్మ తో ఎలా సమానం అవుతారు?

అలా చెప్పే గ్రంధాలు దైవ గ్రంధాలు అని ఎలా నమ్మాలి?

........లాంటి విసృత తార్కిక అలోచనలకు అధికులు ప్రాధాన్యత ఇవ్వలేదంటే వారి దైవ జ్ఞానాన్ని శంకిచాల్సి వస్తోంది. బ్రాహ్మణుల కుట్రలు , అధిక కులాల అనుకరణ, ముడ భక్తి, విద్య-విజ్ఞాన,సాంకేతిక పరిమితులు,

సామాజిక, సాంస్కృతిక మరియు ఆర్థిక పరిస్థితులు ....లాంటి పలు కారణాలు వారిని ఆ స్థితికి నెట్టివేశయేమో.

కుల నిర్మూలన కోరుకొనే వారందరు

దైవాన్ని, కులాన్ని, పెళ్లి వ్యవస్థని అర్దం చేసుకోవాడానికి విశాల మనసు, తార్కిక బుర్ర పెంపొందించుకోవాలి. చెట్టు, రాయి, ఆవు ఇలా అన్నిటినీ పూజించి అందరూ బాగుండాలని (సర్వేజనా సుఖినో భవంతు) అని కోరుకునే మనం ,అందరూ ప్రేమలో ఎదగాలని ప్రార్ధించాలి, అందరి యెడల ప్రేమ కలిగియుండుట ప్రయాస పడాలి. ఈ పని అంతా ఈజీ కాదు. అలా చేయాలంటే దైవ సాయం అవసరం.

మనిషి ప్రేమ పిపాసేం కాదు ఒట్టి

స్వార్థ పరుడు. తనను తాను ప్రేమించుకున్నట్టు తోటివారిని ప్రేమించలేనంత బలహీనుడు.

ప్రేమకు మూలం , అత్యుత్తమ నిర్వచనం దేవుడే కదా. ఆయన పట్ల సరైన అవగహన (విశ్వాసం), జ్ఞానం ఉంటే మన బలహీనతను అధికమించి అందరినీ నిస్వార్ధంగా ప్రేమించగలం.అప్పుడు కులం జాడలు మటు మాయమవుతాయ్ .విలన్ (కుల వ్యవస్థ) మొత్తానికే కనుమరుగు అవుతాడు.

కులాన్ని హత్తుకున్న దేశాన్ని

ప్రేమ కౌగిళ్లతో ముద్దాడుదాం !

వాలెంటన్స్ డే సందర్భంగా....

మీ

లవర్ @ నెక్లెస్ రోడ్ ? Lover@ Necklace Road

2023-02-08T13:08:00.001-08:00

#Real_Life Love Stories #Feb14th #love

#YBartical ✍️ Based on true story

లవర్ @ నెక్లెస్ రోడ్ ?

Lover@ Necklace Road

💓💓💓💓💓💓💓💓💓💓💓💓💓💓💓

బాబాయ్,

మా బ్యాచ్ లో నా కొక్కడికే గర్ల్ ఫ్రెండ్ లేదు.... అంటూ దీనంగా ఫేస్ పెట్టి వాపోయాడు శేఖర్ (పేరు మర్చా).

సర్లే రా.. లవర్ లేకపోతే ఏమి కాదులే!

ఐనా ఇప్పుడెందుకు అవన్నీ ? బుద్దిగా చదువుకో అంటూ కాసేపు మాట్లాడి పంపించాడు.

10th తర్వాత డిప్లొమా చదివిన శేఖర్

జాబ్ ట్రైల్ చేస్తూ హైదరాబాద్లో ఫ్రెండ్స్ తో ఉంటున్నాడు .

మనసుంటే మార్గం వుంటందని నమ్మడేమో , నాకొక గర్ల్ ఫ్రెండ్ కావాలి అని డిసైడ్ అయ్యాడో తెలియదు గానీ లవర్ కోసం సిరియస్గా వేట స్టార్ట్ చేశాడు. అనుకోకుండా ఓ రోజు ఓ అందమైన అమ్మాయిని నెక్లెస్ రోడ్లో చూసాడు. మనీ చేంజ్ కావాలంటూ మాటలు కలిపి మొత్తానికి ఫోన్ నెంబర్ సాధించాడు.

ఇక చెప్పేదేమంది, ప్రతి రోజు చాటింగ్. వారి

పరిచయం కాస్త చెట్ట-పట్టలేసుకొని ట్యాంక్ బండ్ పై ఐస్ క్రీమ్ తింటూ షికారు చేసేదాక వెళ్లింది.

ఆ అమ్మాయి ఓ ప్రైవేట్ స్కూల్లో టీచర్. శేఖర్ కన్నా వయసులోను, తెలివిలోనూ ఎక్కువే.

ఏదో సరదా కోసం, డబ్బుల కోసం, ఫ్రెండ్ అంటూ తిరిగేది. మనోడెమో అన్నీ ఆమె అన్నట్టు ఊహాలోకంలో పీకల్లోతు ప్రేమలో.

దైర్యం చేసి Feb 14 రోజున ప్రపోజ్ చేశాడు.

నేను కేవలం ఫ్రెండ్ మాత్రమే అంటూ అటునుంచి సమాధానం. తనతో ఇంకాస్త టైం స్పెండ్ చేస్తే ప్రేమను అర్దం చేసుకుంటుందని అనుకున్నాడో లేక సినిమాల్లో లాగా అమ్మాయిలు మొదట అలానే అంటారులే అని భావించడేమో కానీ శేఖర్ మాత్రం నిరాశ పడలేదు.

కొన్ని నెలల తర్వాత గట్టిగా అడిగాడు పెళ్లి చేసుకుందాం అని.నువ్వంటే ఇష్టమే కానీ ప్రేమ, పెళ్లి అంటూ నస పెట్టకు ప్లీజ్. మనం ఫ్రెండ్స్ , నీకు కావాలంటే శరీర సుఖం ఇవ్వడానికి నేను రెడీ అని, ఏవో మాయమాటలు చెప్పి కాలం నెట్టుకొచ్చేది.

చివరికి ఆ అమ్మాయికి వేరే అబ్బాయితో పెళ్లి జరగిపోయింది.ఈ విషయం తెలిసి గుండె పగిలిలెల రోదిస్తూ ...బాధతో తాగుడుకి అలవాటయ్యి , సర్వం కొలిపోయినవాడిలా శేఖర్ 😒

💗💗💗💗💗💗💗💗💗💗💗💗💗💗💗

ఇలా శేఖర్ ఒక్కడే కాదు వేలాది మంది టీనేజర్స్ ప్రేమ విషయాల్లో సతమతమవుతున్నారని సర్వేల సారం.కొందరైతే బాధతో ఆత్మ హత్యలకు పాల్పడుతున్నారు.రేపటి యువత ఇలా చిన్న వయసులోనే సంక్లిష్ట సమస్యల ఉభిలో పడడం భారతదేశానికే ప్రమాదమే !

🇮🇳🇮🇳🇮🇳🇮🇳🇮🇳🇮🇳🇮🇳🇮🇳🇮🇳🇮🇳🇮🇳🇮🇳🇮🇳🇮🇳

1.ఈ రియల్ స్టోరీ విన్నప్పుడు, శేఖర్ని చూసి జాలి పడాలో ఆ అమ్మాయిని నిందించలో నాకేం అర్థం కాలేదు. మీరేమంటారు❓

2.టీనేజీ వయసు పాత్ర ,యువతకి లో ప్రేమ , ఆకర్షణ, పెళ్లి.... లాంటి విషయ పట్ల సరైన అవగహన కల్పించడంలో తల్లిదండ్రుల, టీచర్స్ రోల్ ఏమి లేదంటారా❓

3.పెడదోవ పట్టించేలా సినిమాలు తీసే దర్శక నిర్మాతలు, గర్ల్ ఫ్రెండ్ లేకపోతే చిన్న చూపు చూసే ఫ్రెండ్స్ ఎంత వరకు బాధ్యులు❓

4.ప్రభుత్వ, ప్రైవేట్ సంస్థలు శేఖర్ లాంటి మనస్తత్వం, ప్రవర్తన ఉన్న గ్రామీణ యువకులకై ఎలాంటి మెరుగైన మార్గాలు అవలంభించాలని మీరు అనుకుంటున్నారు?

5.మీరు లేక మీ కుటుంబీకుల టీనేజీ పిల్లలతో ఏ విషయాలు ఎక్కువగా మాట్లాడతారు❓

@ Yerranna B

ఆ బాలుడి జన్మే లేకపోతే ?What If Jesus never born?

2022-12-22T19:32:00.001-08:00

ఆ బాలుడి జన్మే లేకపోతే ?

What If Jesus never born?

ఒకవేళ యేసు పుట్టకపోయి ఉంటే, మన నేటి క్రిస్మస్ సంబరాలలో ఎమైనా తేడా ఉండేదా?

నిజాయితీగా సమాధానం చెపితే చాలా మంది వ్యక్తులకుపెద్ద తేడాను కలిగించదనె చెప్పాలి.క్రిస్మస్ షాపింగ్,వంటలు, డెకరేషన్, శాంతాక్లాస్ మరియు పాటల సంబరంలో ఉంటారు. వారంతా మొదటి క్రిస్మస్ నాటి శిశువు లేకపోయినా అంతాగా మిస్సవరు ఎందుకంటే శిశువు జన్మ ప్రపంచాన్ని ఎంతగా మార్చిందో వారికి తెలియక పోవడమే.

*1. చరిత్ర మార్చిన పుట్టుక*

గూగుల్ లో “జీసస్” అని టైప్ చేయడం ద్వారా దాదాపు 665 బిలియన్ ఫలితాలు వస్తాయి. ఇది ఆధునిక ప్రపంచంలో యేసు యొక్క ప్రాముఖ్యతను తెలియచేస్తుంది.

యేసు పుట్టుక చాలా ముఖ్యమైన సంఘటనగా గుర్తించబడింది.చరిత్ర యేసుకు ముందు తరువాతగా విభజించబడింది.

జెరూసలేంకు దక్షిణాన కొన్ని మైళ్ల దూరంలో ఉన్న బెత్లెహెం అనే చిన్న గ్రామంలో జన్మించినప్పటికీ, యేసు పేరు ఆయన జీవిత కథ ఇప్పుడు కోట్లాది మంది ప్రజలకు తెలుసు.ప్రపంచవ్యాప్తంగా దాదాపు 3 బిలియన్ల పైనే ఆయన అనుచరులు ఉన్నారు.దీన్ని బట్టి యేసు జీవితం మరియు ఆయన తీసుకువచ్చిన శక్తివంతమైన సందేశం ప్రపంచన్నీ ప్రభావితం చేసయని స్పష్టమవుతుంది.

చాలామంది యేసు బోధనలను విస్మరించవచ్చు కానీ చరిత్రపై యేసు చూపిన అసమానమైన ప్రభావాన్ని ఎవరూ కాదనలేరు.

*2. మహిళ సాధికారత*

ప్రాచీన కాలంలో.... స్త్రీల పట్ల అమానవీయంగా ప్రవర్తించబడిన సంఘటనలు కొకల్లుగా కనిపిస్తాయి.గ్రీకు దేశంలొ భార్య తన భర్త ఇంట్లో మగ అతిథులతో భోజనం చేయడానికి, వారితో సంభాషించడానికి అనుమతిలేదు. రోమ సమాజంలో స్త్రీలు పురుషుల కంటే తక్కువ అనే నమ్మకం ఉండేది.యూద స్త్రీలు బహిరంగంగా మాట్లాడకుండా నిరోధించబడ్డారు. చట్టం చేసి మరీ మహిళలను తోరాను బిగ్గరగా చదవడాన్ని నిషేధించారు. సినాగోగ్ లో ఆరాధనకు అనుమతే లేదు.ఇక పురుషాధిక్య భారతీయ సమాజంలో మహిలకు జరిగిన అకృత్యాలు మనల్నీ కంటతడి పెట్టేలా చేస్తాయి.

*3. సామాజిక సేవ*

*4 రాజకీయం*:

యేసు రాకముందు భారతదేశంలో సతీ ఆచారం, ఆఫ్రికకన్స్ బానిసలుగా , హక్కులు /విలువలేని కొందరి ఆస్తిగా ఉన్నారు.

చైనాలో పిల్లల్ని దేవతలకి బలి ఇచ్చేవారు.

రోమ్ లో హింసాత్మక క్రీడలు ప్రబలంగా ఉన్నాయి (ఉదా.గ్లాడియేటర్ ఫైట్స్) నరమాంస భక్షణ మరియు మానవ బలి ప్రపంచవ్యాప్తంగా కొన్ని తెగలలో ఉండేది.

క్రూరమైన క్రీడలు విడిచిపెట్టబడ్డాయి మరియు మానవ బలులులు నిలిపివేయబడ్డాయి!

4) విద్య & సైన్స్ అభివృద్ధి:

మిషినరీల పరిచర్య ఫలితంగా

ఐర్లాండ్‌,ఇండియాలో అక్షరాస్యత పెరిగింది. ప్రాచీన భారత దేశంలో అగ్రకులాల పిల్లలకే గురుకులాలు .జాతి, మతం, కులం, ప్రాతం, భాష మరియు లింగా భేదాలు చూడకుండా అన్ని వర్గాల వారిని వేల సంఖ్యలో బెస్ట్ స్కూల్స్, కాలేజీలు స్థాపించి దేశ విద్య అభివృద్ధికి కృషి చేశారు.ప్రాంతీయ భాషకు డిక్షనరీలు, గ్రామర్, ఇంగ్లీష్ విద్య , న్యూస్ పేపర్స్... ఎలా ఎన్నో పెనుమార్పులకు

నడుం బిగించారు.

5) మారిన జీవితాలు

యేసు కోట్లాది మంది జీవితాలను మార్చాడు.

ఇంకా ఏసుక్రీస్తు వల్ల శిల్ప కళ ,సంగీతం, సాహిత్యం, వైద్యం, ఆర్థిక శాస్త్రం, సామాజిక నైతిక విలువలు, మతం యెక్క చరిత్రలు అంతా మారిపోయాయి.మానవాళికి సమృధ్ధిని, శాంతిని ఇవ్వడానికి వచ్చారు .మత గురువుల వరుసలో యేసు (రక్షకుడు) మరొక వ్యక్తి అనుకుంటే పొరపాటే. ఆయన దేవుని కుమారుడు. మనందరి రక్షకుడు.అవిదేయులైన మానవాళిని నరకం నుండి రక్షించి పరలోకం వైపు నడిపించడానికి జన్మించాడు.అతనీ పుట్టుక మానవాళికి అవశ్యకం అయ్యింది. . ఆ బాలుడు జన్నే లేకపోతే ప్రపంచమే

అంధకారమయ్యేది అనుటలో అతిశయక్తి లేదు

Writien By

Dr.Yerranna boggula

Notes:

1.what if jesus was not born by D . James Kennedy

2. bible.org

3.st.network

And few other internet resources

ఆరోగ్య వాహిని

2022-06-05T01:19:00.001-07:00

#WorldEnvironmentDay2022

#ybtelugupoetry

#savewater

Note: 70 percent of the world is covered by water, only 2.5 percent of it is fresh.Save water.

ఆరోగ్య వాహిని

💦💦💦💦💦💦💦💦💦💦💦💦💦

నేను నీరును

హైడ్రోజన్‌, ఆక్సిజన్‌ల అణుబంధాన్ని

గాలిలోని తేమని ,భూమిలోని చెమ్మని

వాగు ఇసకలో ఉబికె తీయ్యని సెలమని

గల గల పారె నదిని,

జల జల జారే జలపాతాన్నీ

అలుపు - అలక లేక

మైళ్లు మైళ్లు నడిచేదాన్ని

పాడి పంటల కాలువల్లో

పరుగు పరుగున ఉరికె దాన్ని

మీ చిన్నీ గాయాలను శుభ్రంచేసి

కిడ్నీ మహమ్మారి రోగాలకు 'మందు'ను

కంట్లో నలక పడిన

చర్మంపై రంగులంట్టిన ముందోచ్చేదాన్ని

ని ప్రేయసి జలకలాటల సఖిని

మీ పిల్లల స్నానాలాటలకు బొమ్మను

మీ ఒళ్ళు నొప్పులకు

హాయి గొలిపే గోరు వెచ్చని ధారను

తలనొప్పి ఉపశమనానికి

నుదుటిపై ఐస్‌ ముక్కనైయ్యేదాన్ని

ఎక్కిళ్లకు మెడిసిన్ ఐ

జ్వరమొస్తే తడిగుడ్డగా సేవ సేసేదాన్ని

లస్సి,సోడా,మజ్జిగ

టీ,కాఫీలలో మీకై నేనుంటిని

సానిటైజర్లో , ఆవిరి గిన్నెలో

ఉండే ఆరోగ్యా వాహిని నేను !

కానీ మీరు...

బొట్టులెట్టి బోరువేసి,నీళ్లులేని భూమి సేస్తిరి

కలువ పూల కొలనులేవి ,

నా సేపా పిల్లల చెరువులు యడా ?

నీటి చుక్కకై ,నేల తల్లి నెర్రెలిచ్చే

ఎండిపోయిన మట్టి గడ్డలా దేశం !

పడుచు పిల్లలా దేశమంతా పారుతుంటి

డ్యామ్ కట్టి బందీ సేస్తిరి

ఏళ్లనాటి వాగును

పూడ్చి పూడ్చి సాపు సేస్తిరి

కఠిన జలమని కాళ్ళదంత్తిరి

మంచి నీటిని వృథా సేస్తిరి

చెత్త వేస్తిరి,

దేహమంతా కంపు కంపు

మాయగాల్లె మాయగాల్లె

మీ మనుషులంతా మోసాగాళ్ళే !

- Yerranna B

మా మాధవి టీచర్

2022-05-31T11:00:00.001-07:00

#NoTobaccoDay #teacher #YBlife

మా మాధవి టీచర్

👩🏼‍🏫👩🏼‍🏫👩🏼‍🏫👩🏼‍🏫👩🏼‍🏫👩🏼‍🏫👩🏼‍🏫👩🏼‍🏫👩🏼‍🏫👩🏼‍🏫👩🏼‍🏫👩🏼‍🏫

మాధవి టీచర్ కి మేమంటే ఎంతో ఇష్టం. చదువుతో పాటు సంస్కారం నేర్పడానికి ఎక్కువ ప్రయత్నం చేసిది.

ఓ రోజు స్కూల్ లో 5 -6వ తరగతి సైన్స్ లోని క్యాన్సర్ పాఠం గూర్చి చెప్పాక

ప్రేమతో, ఎంతో బరువెక్కిన హృదయంతో

"పిల్లలు , ముఖ్యంగా అబ్బాయిలు నాకో మాట ఇస్తారా అని అడగింది".

అందరూ లేచి నిలబడి

"మేము జీవితంలో చుట్ట, బీడీ ,సిగరెట్.. లాంటివి ముట్టమని ప్రతిజ్ఞ చేయమంది.

మేము ప్రతిజ్ఞ చేశాక మేడం కళ్ళలో ఏదో తెలియని ఆనందం.మేడం చొరవ, దేవుని కృపను బట్టి నేనూ అప్పటి నుండి ఇప్పటి వరకూ ఏ పొగాకు ఉత్పత్తులను ముట్టుకోలేదు .

చుట్ట, బీడీ ,సిగరెట్ తాగి క్యాన్సర్ మహమ్మరి బారినపడే వారి సంఖ్య పెరుగతూనే వుంది.దేశంలో12 కోట్ల మంది స్మొకర్స్ ఉన్నట్టు ,యేటా 7మిలియన్స్ మంది ధూమపానంతో చనిపోతున్నారని సర్వేలు చెపుతున్నాయి. ఇది చాలా బాధాకరము . ఇదీ దేశ సమస్యే.

మొదటినుంచే పిల్లలు చేడు అలవాట్లకు దూరంగా ఉండేలా తల్లిదండ్రులే కాదు మా మాధవి టీచర్ లా సంస్కారం నేర్పే విషయంలో నేటి గురువులు శ్రద్ద వహించాల్సిన అవసరం ఎంతైనా వుంది.

అలాగే ధూమపానం ఆరోగ్యానికి హానికరం అని మొక్కుబడి ప్రకటనలు పరిమితమై పొగాకు ఉత్పత్తుల ద్వారా ఆదాయాన్ని ఆశిస్తున్న ప్రభుత్వాలకు క్లాస్ పీకి "నో టొబాకో " అని ప్రతిజ్ఞ చేయించె గురువులు వస్తే బాగుండు.

Yerranna B

అమ్మ విశ్వాసం (Mom's Belief)

2022-05-21T08:10:00.001-07:00

#mothersdayspecial

అమ్మ విశ్వాసం (Mom's Belief)

🤰🤰🤰🤰🤰🤰🤰🤰🤰🤰🤰

తనకు రెండోసారి కూతురు పుడుతుందని తెలిసిన శ్రీకాంత్,

అబార్షన్ చేయిద్దామ ? ..అని భార్యతో అన్నాడు

ఇది విన్న శ్రీకాంత్ వాళ్ళ చిన్నమ్మ

పరిగెత్తుకుంటూ వచ్చి కోపంతో...

ఏరా,కళ్ళు నెత్తికెక్కాయా?

ఎమ్ మాట్లాడుతున్నావ్?

దేవుడిచ్చిన బిడ్డని గర్భంలోనే చిదిమెస్తవా?

తప్పురా అలా చేయకండి అంటూ మందలించింది.

లింగ నిర్ధారణ పరీక్షల కోసం ఆరాటపడకుండ

ఆరో కాన్పు వరకు అడ పిల్ల కోసం ఆగిన

అమ్మతనం ఆమెది. ఆమె ఎవరో కాదు మా అమ్మ. ఎవరు పుట్టిన వారు దేవుడిచ్చిన బహుమానమే అనేది మా అమ్మ నమ్మకం.

వావ్.. ఎంత పరిణితి చెందిన భావన కదా !

ఆ మహోన్నతమైన నమ్మకానికి

రోజు సాష్టాంగ నమస్కారం చేసిన తక్కువే !! కాదంటారా?

గర్భంలోనే శిశు లింగాన్ని తెలుసుకొని బాలిక అనీ తెలిస్తే అబార్షన్ చేయించే నాగరిక క్రూరత్వన్ని చట్టాలు ఆపలేవేమో కానీ అమ్మ అపగలదు. ఆమెకు బిడ్డల పట్ల వున్న ఉత్తమ విశ్వాసాలు (పిల్లలు దేవుడిచ్చే బహుమానం) దేశంలో తగ్గుతున్న లింగ నిష్పత్తి (2011 జనాభా లెక్కల ప్రకారం 1000:938) ని అరికట్టగలదు.

అమ్మ....

పిల్లల్ని శ్రేష్టమైన నైతిక విలువలను హత్తుకునేలా చేయగలదు.

అమ్మతనం...

చట్టాలకు సాధ్యంకాని విప్లవాత్మకమైన మార్పు

దేశమంతా తీసుకురాగలదు

నా ప్రియ దేశస్తులారా...

ఈ విలువైన సత్యాన్ని గ్రహించుదామ్

అమ్మా ఒడిలో మరిన్నీ పాఠాలు నేర్చుకుందామ్ !!

దేవుడు మనందరికీ సహయం చేయును గాక !!

Yerranna B

షాయర్

2022-01-28T05:35:00.001-08:00

#Yendluri_Sudhakar #telugupoetry

#UniversityofHyderabad

#ఎండ్లూరి_సుధాకర్ #తెలుగుసాహిత్యం

హైదరాబాద్లోని ఇందిరా పార్కులో ప్రేమికుల చేష్టలను

"ఇక్కడ సిగ్గు తీగలకు

దొంగ ముద్దులు పూస్తుంటాయ్"

అంటూ మీ పద ప్రయోగం.😍

....

గబ్బిలమా

దారిలో ముసలి ఫకీరును పలకరించు

రుబాబుగా బతికి నాటి నవాబుల కథలు

కమ్మని కబాబులా వినిపిస్తారు.

పై పంక్తిలో మీ ప్రాస శైలి.👍

......

గబ్బిలమా

రిజర్వేషన్ గాళ్ళు అంటూ

అవమానించిన నాయళ్ల మీద రెట్ట వేసిరా

అంటూ మనువాదుల ఎల్లో రాతలపై మీ నిరసన గళం.✊

......

అక్కడ

నీ గబ్బిలం తాండ

నగర కాలుష్యానికి నిరసనగా

రావి చెట్టు మీద తలకిందులుగా

ధర్నా చేస్తుంది.

అని నగర కాలుష్యం పై మీ సమకాలీన వర్ణన 👌

నా పేరు చెపితే మా అమ్మ మొఖం

క్రిస్మస్ తారలా వెలిగిపోతోంది.

మా అమ్మ జీవితమే ఓ కర్మాగారం

మా అమ్మ బతుకే ఓ సిలువ భారం.

అంటూ మాతృ స్పర్శ ను రగిలించే మీ కలం బలం✍️

పేదరికానికి తెలిసిన ప్రేమల విలువ

పెద్దరికానికి తెలియదురా

గబ్బిలం తమ్మి...

అని నిజాలను వెళ్లబుచ్చిన తీరు👏

ఈ వ్యవస్థలో

నేరస్తులు,మర్యాదస్తులు

తారుమారు అవుతుంటారు

కడుపురగిలి

మానవ హక్కుల గూర్చి మాట్లాడేవు ..

ఖాకీయులు నీ బొక్కలు విరగొట్టి

బొక్కలో వేస్తారు.

ఐనా ...

నిజాన్ని నిర్భయంగా ప్రకటించు

ఉద్యమలే నినాదాలు, ఊపిరి.

యముడు లాఠీ పట్టిన

ధిక్కరించేందుకు విరవకు.

అనే మీ మాటల తూటలు 💙

ఆగ్రహం రాని అక్షరం జ్వలించదు

ఆర్ధత లేని వాక్యం ఫలించదు.ఇది

నా అనుభవం నేర్పిన

కవిత్య పాఠం.

అంటూ కవులకు మీరిచ్చిన సందేశం🙏

సర్...

నేనూ హైదరాబాద్ యూనివర్సిటీలో 6ఏళ్ళు ఉన్న మీతో ఒక్కసారైనా మాట్లాడలేదని ఇప్పుడు బాధపడుతున్న.

మీ మరణం మమ్మల్ని బాధిస్తుంది😔

హిందీ, ఉర్దూ, తెలుగు బాషల్లో మీ ప్రావీణ్యం

సాహితీవేత్తగా మీ సేవలు మరువలేనివి.

హైదరాబాద్ వీధి బడిలో చదివి

హైదరాబాద్ విశ్వవిద్యాలయంలో ప్రొఫెసర్గా ఎదిగిన తీరు మార్గదర్శకం.

మీరు మరణించినా

నేడు కవిత్వం పట్ల మక్కువను రేపుతూ

బాధ్యతయుతంగా కవిత్వం రాయమని

కవిత్వంలో వర్ణన కంటే బరువు పెంచాలని

పాఠలు చెపుతున్న మీకు కృతజ్ఞతలు.

సుధాకర్ సర్...

కవిత్వాన్ని ఇష్టపడే

మాలాంటి కొత్త గబ్బిలాలకీ

మీరో రావి చెట్టు,తుమ్మ చెట్టు.🌳

Thank you sir.

Dr.Yerranna Boggula

University Of Hyderabad

God become Man 🤔 మనిషిగా దేవుడా ?!

2021-12-24T07:41:00.001-08:00

#christmas2021 #YBarticle #God #Human

God become Man 🤔 మనిషిగా దేవుడా ?!

🤔❤️👤🖤🌲🔳✝️🤔❤️👤🖤🌲⬜🔳

నేడు ప్రపంచవ్యాప్తంగా కోట్ల ప్రజలు యేసుక్రీస్తు పుట్టుకను జ్ఞాపకం చేసుకుంటూ డిసెంబర్ 25న క్రిస్మస్ వేడుకలు జరుపుకుంటారు.సుమారు 2000 సంవత్సరాల క్రితం ప్రస్తుత ఇజ్రాయెల్‌ దేశంలోని బెత్లహెమ్ గ్రామంలో కన్య మరియకు యేసుక్రీస్తు జన్మించాడు.

క్రీ.పూ (క్రీస్తు పూర్వం), క్రీ.శ (క్రీస్తు శకం) అని మన చరిత్ర పుస్తకాలలో కనిపించే వ్యక్తి ఈయనే !! యేసు అంటే రక్షకుడు, క్రీస్తు అంటే అభిశిక్తుడు అని మరియు దేవుడే స్వయంగా మానవ రూపంలో మానవుల కొరకు వచ్చాడని హొలీ బైబిల్ చెపుతోంది.

ఇది విన్నప్పుడు

1.అవధులు లేని దేవుడు (సర్వశక్తిమంతుడు,

అనంతుడు... ) తనను తానుగా ఓ మానవుడిగా

పరిమితం చేసుకోవాల్సిన అవసరమేమి?

2.సృష్టికర్త అయిన దేవుడు ఒక సాధారణ మనిషిగా ఎందుకు పుట్టాడు ? అనే తార్కికమైన ప్రశ్నలు మనందరి మదికి ఎదురావుతాయ్ !

అందుకు బైబిల్ ,

తరాలుగా మానవజాతికి ఉన్న పాపం శిక్ష మరియు దేవుని అపారమైన ప్రేమే కారణమంటూ జవాబు ఇస్తోంది.

మానవులందరికి నైతికతను నిష్పక్షపాతంగా

దేవుడే సర్వే చేస్తే మన పాపం (దేవునికి అవిధేయత చూపడం) గుట్టు ఇట్టే తెలిసిపోతుంది కదా ! అంతెందుకు...దైవిక విలువలతో మన రోజువారీ జీవితాన్ని తూకం వేస్తే మనకూ తెలిసిపోతుంది మన అసలు స్వరూపం !!

మనలాగే మొదటి మానవులైన ఆదాము- హవ్వలు కూడా దేవునికి అవిధేయత చూపించారు. అందుకే ఆదాము నుండి అందరూ పాపులే అని బైబిల్ బోధిస్తుంది. దేవుని లేక దైవికతకు విరుద్ధంగా ఏ పాపం(తప్పు) చేయలేదని నిజాయితీగా ఏ ఒక్కరూ అనలేరు !! ఇది జగమెరిగిన నగ్న సత్యం.

మనిషి ఈ పాప కారణాన్ని బట్టే పరిశుద్దుడైన దేవునికి, దైవిక స్వభావానికి దూరమయ్యాడు. అలాగే న్యాయవంతుడుగా దేవుడు విధించే శిక్షకు పాత్రుడయ్యాడు.

కానీ దేవుడు పరిశుద్ధుడు,న్యాయవంతుడు మాత్రమే కాదు అపారమైన ప్రేమగలవాడు కూడా ! అందుకే దేవుడే స్వయంగా భూలోకంలో యేసు(రక్షకుడు)గా పుట్టి , పాపం వల్ల మానవాళి అనుభవించాల్సిన శిక్షను సిలువ మరణం ద్వారా తానే అనుభవించాడు. మరణం దేవుణ్ణి బంధించలేదు గనుక ముడవ రోజున యేసు

పునరుత్థానము పొందాడు.

దేవుడు యేసుగా జననం (క్రిస్మస్), మరణం (గుడ్ ఫ్రైడే), పునరుత్థానము (ఈస్టర్) లాంటి ఘట్టాల ద్వారా తరాల మానవ పాప శిక్ష పరిష్కారం, దేవునికి మానవాళి పట్ల ఉన్న ప్రేమ ప్రదర్శన రెండూ జరిగిగాయి.

క్లుప్తంగా చెప్పాలంటే...క్రిస్మస్ = మనిషిగా దేవుడు !

మానవ రూపంలో

మానవుల కొరకు

మనుషులందరి దేవుడు !!

మన తరతరాల పాప శిక్షకై

దైవం అపారమైన ప్రేమగా

భూలోకం పుట్టడం !!

దేవుడు మనిషి అవ్వడమనే ఈ మహోన్నతమైన దైవ ప్రణాళికకు ఓ మనిషిగా నువ్వు నేను ఎలా స్పందిస్తున్నాం ?

మొట్టమొదటి క్రిస్మస్ రోజున గొర్రెల కాపారులు, తూర్పు దేశపు జ్ఞానులు యేసును రక్షకుడు, ప్రభువని

మెక్కారు. క్రిస్మస్ సంతోషాన్ని అనుభవించారు.

ప్రియ నేస్తమా, మీరూ...

యేసును కలిగి క్రిస్మస్ సంతోషాన్ని అనుభవించాలని ఆశిస్తూ....

యేసును కలిగిన క్రిస్మస్ వేడుకలు జరుపుకోవాలని కోరుకుంటూ.....

మీకు, మీ కుటుంబానికి క్రిస్మస్ శుభాకాంక్షలు తెలియజేస్తూ...

#HappyChristmas

---------

@✍️written by

Yerranna B

Dr.Yerranna B

తనతో లాంగ్ డ్రైవ్.. Long drive with Her .🛵🛵

2021-08-26T22:28:00.001-07:00

Dedicated to all my indian sisters

YB ✍️ #girlsissue #india #special
🛵🛵🛵👫👫❤️🇮🇳🛵👫❤️

తనతో లాంగ్ డ్రైవ్...
🇮🇳❤️👫🇮🇳❤️👫🛵🛵🛵🛵🛵🛵🛵🛵🛵
2021
August 26

ప్రియమైన కాబోయే నా భార్యమణికి,
ప్రేమతో వ్రాయునది. ఇక్కడ నేను క్షేమం. నువ్వు అత్త మామా మరియు చింటూ అందరూ క్షేమంగా ఉన్నారని భావిస్తున్నా , ఉండాలని ప్రార్థిస్తున్న. దేవుని దయవల్ల ఇంటి దగ్గర పెళ్లి పనులు అంతా సజావుగా నడుస్తున్నాయి. నువ్వు నాకోసం డెడికెట్ చేసిన సాంగ్ రోజు వింటున్న.

నీతో ఓ విషయం చెప్పాలని లెటర్ అంతటి వాట్సప్ మెసేజ్ వ్రాస్తున్న . దయచేసి ఓపిక తో మొత్తం చదువు.
యూనివర్సిటీలో చదువుకునేటప్పుడు "సాధ్యమైనంత వరకు ఏ అమ్మాయిని నా బైక్ పైకి ఎక్కించుకోరాదు, నేను ఏ అమ్మాయి స్కూటీ ఎక్కరాదు " అనె నియమం పెట్టుకొంటి. ఏంటో ఆ రోజుల్లో అలా మొండిగా ఉండేవాణ్ణి.

అప్పట్లో అనుకోకుండా ఓ రోజు ,
అప్పుడే ఆటో దిగిన ఓ అమ్మయి దగ్గరికి వెళ్లి "ఒంటరిగా ఎం వెళ్తావులే ?
నీ షాపింగ్ లాగేజితో వెనక కూర్చో !
నిన్ను హాస్టల్ దగ్గర డ్రాప్ చేస్తా ! అంటూ తన చేతుల్లోంచి స్కూటీ కీ లాకున్న.

పేరు రూప. నీలాగే తాను చాలా సంప్రదయమైన అమ్మాయి . 19 ఏళ్లు ఉంటాయి.యూనివర్సిటీ ఇంటిగ్రేటెడ్ ఎంట్రాన్స్ లో ఫస్ట్ ర్యాంక్ కొట్టి జాయిన్ అయ్యింది. మనం ఇష్టపడే వాళ్ళు లేక మనల్ని ఇష్టపడే వారితో మాట్లాడేటప్పుడు బ్రెయిన్ లో ఫిల్టర్స్ లేమి లేకుండా మనస్ఫూర్తిగా మాట్లాడదాం కదా ! అంతటి చనువుగా మాట్లాడే మంచమ్మాయి.

ఆలా గుర్రుగా కోపంగా చూస్తు చదవకు, మా మధ్య ఏమి లేకుండే ! జస్ట్ బాగా తెలిసిన మా ఊరమ్మాయి. ఓ సారి పార్టీలో తాను చీరలో మస్తుగా ముస్తాబై వుంది.మరదలే కదా అని కాస్త ఒరా చూపులతో కళ్ళార్పకుండా చూస్తే , ఒక్కొక్క కంట్లో ఐదు ఐదు జతల పారగన్ చెప్పులు చూపించింది. అప్పడి నుండీ కళ్ళుకు కళ్లెమేసి, ఒళ్ళు దగ్గరపెట్టుకొని తనని చూసేవాణ్ణి. ఫ్రెండ్స్ అంతా పిచ్చాపాటి ముచ్చట్లు చెప్పుకుంటుంటే రూప
లక్ష్మిబాంబ్ లాంటి జోక్ పేల్చింది. ఆనందం ఆపుకోలేక నవ్వుతూ సరదాగా తన జుట్టు నిమిరాను అంతే ... అగ్నిగోళంలా తనకళ్ళు వెలిగిపోయాయి.

రూప ఒంటరిగా ఏ అబ్బాయితో రాసుకొని పూసుకుని మాట్లాడం ,తిరకడం నేను చూడలేదు. కల్తీ ప్రేమలకి, కామ వాంఛల బోగభాగ్యాలకు మరియు విచ్చలవిడి స్వేచ్ఛకు విశ్వవిద్యాలయాల్లో
కొదువుండదు.కోర్కెలు గుర్రాలయ్యే ఆ టీనేజీ వయసులో , పైగా ఈ దారిదప్పిన పోస్ట్ మోడ్రన్ యుగంలో రూప అలా కట్టు దిట్టంగా వుండడం చూసి సంబ్రహ్మచర్యనికి గురయ్య. నీకు తెలుసో లేదో కానీ డబుల్ మీనింగ్ జోక్స్, సెక్సీ చాట్, నగ్న వేడియా కాల్స్ , విస్కీ వాయిస్ తో ఆస్కార్ నటన కలగలిపి బోల్తా కొట్టించే టక్కరి అమ్మాయిలున్న హాస్టల్లో రూప లాగా ఉండడం చాలా కష్టం.

కోప్పడకు భావన,
నేనేం అబ్బాయిలని వెనకేసుకొని రావాట్ల. పురుషాధిక్య పుణ్యమనీ వాళ్ళు అలాంటి విషయాల్లో ఎప్పుడో ఆరితేరారు. తెలుగు అమ్మాయిలు అప్పుడప్పుడే అశ్లిల గీతను నిర్భయంగా దాటుతున్న రోజులవి. రూప మాత్రం వాళ్ళ నాన్నకు ప్రామిస్ చేసిందట ఏ అబ్బాయిని ముద్దు పెట్టుకొనని, ప్రేమ దోమ అంటూ తిరగని. దేవుడు చెప్పాడట కోబోయే వానితోనే కౌగిలింతైన, ఏదైనా..! అంత స్వచ్చంగా ఉన్నందుకు కాబోలు రూపతో చాయ్ తాగిన, కలసి కాసేపు కబుర్లు చెప్పిన నాకు ప్రత్యేకమైన అనుభూతి కలిగేది. మావతో ఫిక్సయ్యింది అనే బద్మష్ గుసగుసలకి అనవసరంగా అవకాశం ఇవ్వకూడదనే తాను నాతో అంటి అంటనట్టు వుండేది.

ఆ రోజు షాపింగ్ చేసి వాడిపోయిన మెహం చూసి
మొట్టమొదటిసారిగా తనతో స్కూటీ ప్రయాణనికి సిద్ధమయ్యా. నువ్వు కావాలననే సడన్గా స్కూటీ బ్రేక్ వేశావని తాను ఎక్కడ తిడుతుందో ,అపార్ధం చేసుకుంటుదో అని బ్రేక్స్ పై ఓ వేలు వేసి ఉంచి జాగత్రగా నడుపుతున్న. మా ఇద్దరి మద్య సీటుపై తన లాగేజి కవర్స్ పెట్టి దిగాలుగా కూర్చొంది. ఏంటి రూప అలా ఉన్నావ్? కొంపతిసి మనసు జలుబు చేసిందా ఏంటి? అంటూ పలకరించా !

ఏమి మాట్లాడలేదు .ఎదో ఆలోచనలో మునిగి తేలుతుంది. పెల్లెటూరు పిట్టలా కిల కిల మాట్లాడేది "పరధ్యాన ఆసనం"లో ఉన్నట్టు ఉంది. కలవరం, కన్నీళ్లు నిండిన తన రెండు కళ్ళను స్కూటీ అద్దంలో చూసాక నా మనసు హఠాత్తుగా ఆగిపోయింది. వెంటనే స్కూటీ ఆఫ్ చేసి ,తన చేతుల్లో ని లాగేజి తీసుకొని రోడ్డుపక్కన చెట్టుకింద ఉన్న దిమ్మపై కూర్చున్నాను.

తనకు అర్థంమైంది, తన మనసులోని భారం వినాడానికి సిద్ధమయ్యానని. ఎవరైనా తనని టీజ్ చేసిన, సీనియర్లు ర్యాగింగ్ చేసిన.. "మా మామయ్యా ఇదే యూనివర్సిటీలో PhD స్కాలర్, స్టూడెంట్ యూనియన్ లీడర్ . తనకి చెపుతా అంటూ బెదిరించేదట ". మా ఊరి అమ్మాయి , పైగా మరదలు .నేను తన విషయాల్లో కాస్త పోసేసివ్ గా టేక్ కెరీర్ లాఉండేవాణ్ణి. నేనంటే తనకు బోలెడు నమ్మకం. ఎప్పుడైనా మనసు జలుబు చేస్తే మా లాబ్ ముందు వాలిపోయేది.

బాధపై భారంగా నడుస్తూ నేను కూర్చున్న దిమ్మపై అటు చివర కూర్చొని లోలోపల దిగులును దిగమింగుతుంతోంది. నేను దగ్గరికి వెళ్ళేసరికి "మావయ్య నాకు పెళ్లొద్దు " అంటూ బోరుగా ఏడ్చింది.

కన్నీళ్ళను తుడుచుకోవడానికి తన చున్నీ అందిస్తూ..
ఏంటి రూప ..ఏమైంది ?
నేనున్నానుగా ! నాతో చెప్పు.
మీ ఇంట్లో నే మాట్లాడతా !! అంటూ ఆదరణగా చూసా .

తాను కాసేపు ఆగి, కాసింత చల్ల గాలి పీల్చుకున్నాక..
నీకు నెస్ట్ వీక్ పెళ్లి చూపులు.సీటిలోనే ఏదైనా డ్రెస్ కొన్నుకొని రా అంటూ నాన్న దగ్గర్నుంచి ఆర్డర్ పాసయ్యింది. అందుకే ఈ షాపింగ్. "మావయ్య నాకు ఇప్పుడే పెళ్లొద్దు" అంటూ వాపోయింది.

ఒకే రూప ఒకే ..కూల్.
ఇదిగో వాటర్ తాగు, ఎలాగూ వచ్చే ఏడాది చదువు ముగుస్తుంది కదా! మీ నాన్నకు నువ్వే సర్వస్వం, అన్ని చూసి, మంచి సంబంధమె తెచ్చిఉంటారు.
పెళ్లి చేసుకోవచ్చుగా !
ఏంటి అబ్బాయి నచ్చలేదా ? అంటూ
సూటిగా కళ్ళలోకి చూసి అడిగా..

ఎదో చెప్పబోయి మళ్ళీ చంటి పిల్లల ఏడ్చింది.
ఉన్నట్టుండి ఒక్కసారిగా నా గుండె వేగంగా కొట్టుకోసాగింది .ఏమి చేయాలో అర్థం కాక ముగపోయాను .అలా 5-6మిషాలు మౌనంగా ఉండిపోయా.
తర్వాత
రూప లే .. హస్టల్ కి పోదాం .మెస్ కి టైం అవుతుంది.అంటూ తన లాగేజి తీసుకొని స్కూటీ స్టార్ట్ చేశా. తనని ఏంటి విషయమని అడిగితె మళ్ళీ ఏడ ఏడుస్తుందో అని సైలెంట్ గా హాస్టల్ వరకు ముగా ప్రయాణం సాగింది. తాను స్కూటీ దిగి హాస్టల్ గేట్ వైపు వెళుతుతుంటే మనసు ఉండబట్టలేక
"రూప ఏంటి ఎందుకు అంతలా భయపడుతున్నావ్ పెళ్లంటే ? అని ఆడిగేసా !

మామయ్య ...
పెళ్లి అన్నప్పుడల్లా ఆ విషయం గుర్తుకు వస్తుంది. నాకు తెలియకుండానే నేను ఓనికిపోతున్న,
గోరంగా భయం వేస్తుంది అంటూ ఏడుస్తూ వెళ్ళిపోయింది.

ఆ మాటలు విన్న వెంటనే నా కళ్ళలో నీళ్ళు తిరిగాయి. స్కూటీ సార్ట్ చేసే మనసు లేక
నిదానంగా కాస్త దూరం నడిపించి చెట్టుకింద అరుగు పై కులబడ్డాను.

రూప ఇంటర్ చదివేటప్పుడు తెలిసిన అబ్బాయే అత్యాచార ప్రయత్నం చేసాడు. ఆ రోజు వాడి కామ ప్రవృత్తి ని చూసినప్పటి నుండి మగాళ్లపై విరక్తి, అసహ్యం, భయం ఆమెను వెంటాడుతున్నాయి. ఆ రాత్రి తానుబడ్డ నరకయాతన గుర్తుకు వచ్చినప్పుడల్లా పాపం కంపించిపోతున్నట్టు ఉంది. అప్పట్లో 6 నెలలు కాలేజీ ఎందుకు వెళ్ళలేదు అడిగితే ఆ పీడ కలను నాతో చెప్పింది.

వాడి మానం పై తన్ని వీర వనిత లా తప్పించుకొన్న నీవు ఝన్షి రాణి, రుద్రమదేవి అంటవి దానవు.
నిలా అలాంటి సమస్య కుండా వెళ్ళిన
సునీత క్రిష్ణన్ ,ఒర్ఫా , ...వారిని ఆదర్శంగా తీసుకొని ధైర్యంగా ఉండు అని చెప్పలనిపించింది. ఏమో భావన ..ఆ రోజు తనతో లాంగ్ డ్రైవ్ వెళ్లాలని ,కాసిన్ని మంచి మాటలతో తన బాధాతప్త హృదయాన్ని తెప్పరిల్లా చేయాలని అనిపించింది.

లైంగిక వేధింపులకు గురైన అమ్మాయిలు నిద్రలేమి, దడ, ఆత్మహత్య ఆలోచనలు కలిగి, స్వీయ హాని చేసుకునే అవకాశం లాంటి ఎన్నో సమస్యలకుండా వెళ్లే అవకాశం ఉంటుందనే డాక్టర్ చెపుతారు. అలాంటి నిజంగా వారి ఘోషకు పరిష్కారమంతా పురుషుల మస్తిష్కాల్లో, చూపుల్లో ఉంది. మహిళను గౌరవించండి అని బస్సులో రాసిన వాక్యాలు హృదయ పలక మీద రోజు దిద్దుకొని వారు రోజు సమాజంలో తిరిగితే బాగుండు.

భారతదేశానికి అతి పెద్ద బలం, సంపద అత్యధిక యువత జనాభా ఉండడం.నేడు పెడదోవ పడుతున్న ఆ యువతను చూస్తే వారి ప్రవర్తనే దేశ అతి పెద్ద సమస్య గా మారుతుందేమో అనే భయం కలుగ తప్పదు. అలాంటి యవనస్తుల మధ్య మనం
ఓ కౌన్సెలింగ్ ఫ్యామిలి గా, దగా పడ్డ మహిళల కొరకు ని గళం ,నా కలం పనిచేయలని, వారి మేలే మన జీవిత ద్యేయంగా సాగాలని ఆశిస్తూ, విన్నవిస్తూ
ఆ భగవంతుడి ప్రార్థిస్తూ...

ఇట్లు
మీకు కాబోయే ❤️

ఒలంపిక్స్ లో ఇండియా

2021-08-11T08:10:00.001-07:00

#ఒలంపిక్స్ #olympics2020 #ybthoughts

#indiainolympics ✍️YB

ఒలంపిక్స్ లో ఇండియా

------------------------------

నేను స్కూల్లో చదివే రోజుల్లో ఒలంపిక్స్ అనే పాఠం ఇంగ్లీష్ పాఠ్యపుస్తకంలో ఉండేది . అవి ప్రపంచంలోనే అతి పెద్ద ఆట-పోటీలు అని మా టీచర్ చెప్పారు. మన దేశ ప్రస్తావనే రాలేదు ఆ రోజు. ఎదో పెద్దోళ్ల ఆటలు, అమెరికా లాంటి అభివృద్ధి చెందిన దేశాలు ఆడే క్రిడలు అన్నట్టుగా పల్లెటూరూ విద్యార్థులముగా అనుకునేవాళ్ళం.

ఆ పై తరగతి లో పి. టి. ఉష గారిపై ఉన్న పాఠం చెపుతూ పి. టి. ఉష లా పరుగెత్తాలి అనే సంభాషణ స్కూల్లో తరచుగా వచ్చేది. తర్వత కరణం మల్లీశ్వరి గారికి ఒలంపిక్స్ మెడల్ వచ్చింది అని న్యూస్ పేపర్ చూపిస్తూ , మా మాస్టరు గర్వంగా చెపుతుంటే చాలా సంతోషం వేసింది.

క్రితం అభినవ్ బింద్రా, గగన్ నారంగ్, మేరీ కోమ్... లాంటి ఉత్తమ ఆటగాళ్లు వల్ల ఒకటి ,రెండో మేడల్స్ వచ్చేవి కానీ నేడు 2020 లో ఏకంగా మొదటిసారిగా ఏడూ ఒలంపిక్స్ మెడల్ (నీరజ్ చోప్రా , మీరబాయి,రవి, లవ్లీనా,పీవీ సింధు, భ‌జ్రంగ్ పూనియా మరియు హాకీ టీమ్) దేశానికి రావడం చాలా సంతోషం . ఒలంపిక్స్ అంటే సరిగ్గా తెలియని నా చిన్నప్పటి లాంటి పరిస్థితులు కాకుండ ఇప్పుడు పతకాలు పట్టికలో నా దేశాన్ని కనీసం ప్రపంచం చూస్తుంది, నా దేశం వాటి గూర్చి మాట్లాడుతుంది . ఇది శుభపరిణామం.

కానీ గత 22 ఏళ్లలో దేశం క్రిడలకు ఇచ్చిన ప్రాధాన్యత తక్కువే.

నిబద్ధతతో దేశ క్రీడఅభివృద్ధి తోడ్పడకుండా వ్యాపారం కోసమే అన్నట్టుగా 4 యెల్లకోసారి అదీ మెడల్స్ వచ్చినప్పుడే స్పాన్సర్ హడావిడి

క్రీడల పేరుతో స్కాం చేసే అధికారులు,ప్రజా ప్రతినిధులు ...

తమ ప్రభుత్వ వ్యక్తుల పెద్ద పెద్ద ఫోటలు వేసుకొని మేమే వారి విజయానికి సర్వం అన్నరీతిలో బిడ్లప్ ఇచ్చేవారు...

ఆటగాళ్ల కులం పేరును గూగుల్ లో వెతికే వారున్న

ఈ నా భారత దేశానికి ఆ కాసిన్ని పతకాలు రావడం గొప్ప విషయంగానే పరిగణించాలి.

నాకు తెలిసి వీరిరందరి విజయానికి ఆయా కాలాల్లో కేంద్ర ,రాష్ట్ర ప్రభుత్వాల అండ దండలు కన్న

వారి కుటుంబాల ప్రోత్సాహం, గురువుల సహకారం,

వారి స్వంత పట్టుదల ఎక్కువగా తోడ్పడ్డాయని నా అభిప్రాయం.

అయ్యో.. దేశానికి పతకాలు రావట్లేదు అని నిరాశ పడడం మానేసి కొంత మందినైనా క్రీడకారులను

ప్రోత్సాహించడం మనం అవలవర్చుకోవాలి.

ఓహో పతకాలు వచ్చాయి. మేర భారత్ మహాన్ అని స్టేటస్ పెట్టడం,సూడో దేశభక్తి ప్రదర్శించడం,ఉరిగె ఉబ్బి పోవడం,డబ్బా కొట్టుకోవడం పెద్దగా ప్రయోజనం ఉండదని గుర్తెరగాలి.

అదేదో తానే దేశానికి పతాకాన్ని తెచ్చి పెట్టినట్టు

మా దేశమోడు, మా ఇండియా అమ్మాయి అని అవసరానికి వరసలు కలిపి మాట్లాడినట్టు దేశ పౌరులు ప్రవర్తించడం సరికాదు .

పూర్వం 7 మేడల్స్ సాధించిన హాకీ టీమ్ ఇప్పుడు

ఎందుకు వెనక పడింది?

అవార్డుల పేర్లు మార్చడం , మొక్కుబడిగా

ట్వీట్స్ చేయడం వల్ల క్రీడ వ్యవస్థకి జరిగే మేలెంత?

క్రికెట్ ఇచ్చిన ప్రాధాన్యత వేరే ఆటలకు దేశయువత ఇవ్వకపోవడానికి కారణాలు ఏంటి?

కోచ్‌లు, కనీస సౌకర్యాలు లేకుండా క్రీడాకారులు

బంగారు పతకాలు సాధించాలి అనుకోవడం న్యాయమేనా?

మట్టిలో పెరిగి, కిలోమీటర్లు నడిచే సామర్థ్యం ఉన్న

పల్లెటూరు బాలబాలికలు కనీసం జిల్లా స్థాయి పోటీల్లో ఉండకుండా అడ్డుపడుతున్నది ఎవరు?

క్రీడకారులను /క్రీడ రంగాన్ని దేశ రాజకీయలు,

రాజకీయ నాయకులు ప్రభావితం చేస్తున్నారా ?

పిల్లలకు అడుకోవడాని ఇచ్చిన క్రికెట్ కిట్లలో కూడా అవినీతికి పాలుపడేంత దిగజారుడు స్వభావం

ప్రభుత్వ అధికారులకు ఎక్కడి నుండి వస్తుంది?

ఇలా ఎన్నో విధాలుగా పలు అంశాలపై

నిశితంగా ఆలోచించెలా దేశమంతా జూమ్ మీటింగ్స్ పెట్టుకోవావాల్సిన ఆవశ్యకత ఎంతైనా ఉంది.

ఒక్క మాటలో చెప్పాలంటే దేశ సామాజిక, సంసృతిక ,ఆర్థికత,రాజకీయ,నైతికత లాంటి పలు అంశాలు దేశస్తుల దేహ దారుధ్యం, నైపుణ్యత, క్రీడ ప్రదర్శన తీరును ప్రభావితం చేస్తున్నాయి అనేది అందరూ గమనించాల్సిన సత్యం. ఒక వ్యక్తి గెలుపు కు వారి నమ్మకాలు, వారి చుట్టు ఉన్నవారి ప్రవర్తన ఎంతో కొంత , డైరెక్టుగా లేదా ఇండైరెక్టు గా పాత్ర వహిస్తాయ్ అని మర్చిపోరాదు.కాబట్టి మనమందరం మన వంతుగా వ్యక్తిగతంగా, సామూహికంగా లోకల్ గాను ,దేశీయంగాను క్రీడ రంగ అభివృద్ధికి కృషి చేద్దాం.

అవినీతి, కల్మషం ఎరుగని హాకీ స్టిక్ , షటిల్ కాక్, బాక్సింగ్ రింగ్‌ , జావెలిన్ త్రో ఈటె లా స్పూర్తితో దేశం పరుగు తీయాలని...

కుల మత ప్రాంతలనూ చూడకుండా విజేత మెడలో

మురిసిపోయే స్వర్ణ , వెండి , కాంస్య పతకాల మాదిరి రాష్ట్ర క్రీడా సంస్థలు మేరవాలని ఆశిస్తూ...

అద్భుత విజయం సాధించిన వారందరినీ అభినందిస్తూ...

2024 ఒలంపిక్స్ లో మరిన్ని పతకాలు నా దేశానికి రావాలని ఆ భవవంతుణ్ణి ప్రార్థిస్తూ....

@Yerranna B

శ్యామ్ , నీకర్థంవుతుందా...?

2021-07-19T07:38:00.001-07:00

#TalkingwithWomen #YBthoughts

శ్యామ్ , నీకర్థంవుతుందా...?

👂👂👂👂👂👂👂👂👂👂👂

అన్నోయ్...

పెళ్లి చూపులకి వెళ్ళావంట! హ్మ్మ్ హ్మ్..

పెళ్లి ఎవర్ని చేసుకుంటున్నావ్

అనే దానికంటే

పెళ్లి ఎందుకు చేసుకోవాలని

ముందు ప్రశ్నించుకోవలని డిబేట్ చేసేవాడిగా !

మరీ...నీ పెళ్లి చూపుల్లో అమ్మాయిని కూడా పెళ్లి ఎందుకు చేసుకుంటున్నావ్ అని అడిగావా ఏంటి ?

అంటూ నవ్వుతూ పంచ్ వేశాడు శ్యామ్.

శ్యామ్, అలా కాంటీన్ వెళ్లి చాయ్ త్రాగుతూ మాట్లాడుకుందాం రా రా అంటూ SB అన్నా పిలిచాడు.

ఒరేయ్ తమ్ముడు,

నిన్ను అడిగినట్టు తనను అడగలేదు కానీ

పెళ్లి ఎందుకు చేసుకోవాలి? అనే

విషయం పట్ల ఆమెకు కనీస సరియైన అవగాహన ఉందో లేదో అని తెలుసుకునేందుకు కొన్ని ప్రశ్నలు

ఇండెరెక్టుగా అడిగాను.

ఎందుకంటే ఈ మధ్యే ఓ పెద్దక్క చెప్పింది..

అమ్మాయిలతో మాట్లాడేటప్పుడు

యదార్థతతో పాటు పాసివ్ వాయిస్లో , మాట్లాడమని !

అమ్మాయిలతో ,అదీ పరిచయం లేని అమ్మాయితో

ఐన్ స్టీన్, పాస్కల్ గారు మాట్లాడుకున్నట్టు (ఎక్కువ తార్కికంగా ) ఇంటర్వ్యూవర్ డెలిగేట్ని అడిగినట్టు (ప్రశ్నలు-సమాధానము) మాట్లాడారాదని !

యేసు క్రీస్తు సమరయ స్త్రీ తో మాట్లాడినట్టు(ఇంటరాక్టీవ్ గా)బోయాజు రూతుతో మాట్లాడినట్టు(మృదువుగా) ఖచ్చితంగా మాట్లాడమని చెప్పింది.

స్త్రీలను భావోద్వేగాల విషయాల్లో పురుషులకంటే భిన్నమైన స్వభావంతో దేవుడు చేసాడు అనే సత్యాన్ని మగవారు గుర్తుకు పెట్టుకుంటే సగానికి సగం కుటుంబ సమస్యలు రావట!

పెళ్లి చూపులకి వెళ్ళడానికి ముందురోజు అక్క ఇవన్ని ఫోన్లో చెపుతుతుంటే ... అవును నిజమే కదా అనిపించింది. మా ఇంట్లో జరిగిన సంఘనట అకస్మాత్తుగా యదను తాకింది. ఓ రోజు మా నాన్న మా అమ్మ మేలుకోరే ఓ విషయం చెప్పారు కానీ ఘాటుగా, కఠినంగా చెప్పారు. దానికి మా అమ్మ కట్టెల పొయ్యి ముందు కూర్చొని లోలోపల ఏడుస్తుంది.

అది గమనించిన నేను తన దగ్గరకు వెళ్లి

అమ్మ ఏడ్వకే , ఆయన గూర్చి నా కన్నా నీకే బాగా తెలుసుగా ...ఐనా నేనుండగా నీ మీద చేయి వేయనిస్తనా...? ఊర్కో మమ్మి ఏడ్వకు !!

అన్నానికి ఎసరు ఉడుకుతుంది. నేను బియ్యం వేస్తా లెయ్యమ్మ...అన్నాను.

వెంటనే అమ్మ మొహం ఏదో వెలుగు కమ్ముకున్నట్టు మెరిసిపోతోంది ! అబ్బా... నిజంగా

ప్రేమపూర్వక మాట తీరులోని మహత్యం వర్ణించలేం !!

ఎంత సేపు వెయిట్ చేయాలి అనే కంటే

నీకోసం వెయిట్ చేస్తున్నా బేబీ అని

నేను ఆఫీస్ నుండి వచ్చేవరకు తినకుండా

వెయిట్ చేయవద్దు అని చెప్పానుగా? అని అరవడం కంటే

హలో హనీ..ఆఫీస్ వర్క్ ఉంది కాస్త లేటు అవుతుంది ఈ రోజు ! నువ్వు, పిల్లలతో కలసి డిన్నర్ కానిచ్చెయ్ అన్నట్టుగా వాట్సాప్ మెసేజ్ చేయడం మగవారు నేర్చుకోవాల్సిందే!

అలా చేయడం ద్వారా ఎంతో మేలు,ఎన్నో మనోహరమైన జ్ఞాపకాలు స్వాగతం పలికినట్టు అవుతుంది. అప్పుడు మన దేశ కుటుంబ వ్యవస్థ డజను పువ్వులు, కేజీ కాయలుగా వర్ధిల్లడం పక్కాగా జరుగుతుంది !

ఒసేయ్, పోయే ,దానికి బుద్ధి లేదు, అది అంతేలే

అని అమర్యాదగా మహిళలను పిలవడం మనకు తెలియకుండానే వారసత్వంగా వచ్చింది. జర జాగ్రత్త పడదాం !! భార్యను ముద్దు పేరుతో కాదు కదా అసలు పేరు పెట్టికూడా పిలవని ప్రబుద్ధులు , బద్దకస్తులు, పురుష అహంకారులు నేటికి వున్నారు.

నేటి తరం కొందరి కుర్రకారు నాలుకలు (వాట్సప్ , ఫేస్ బుక్ ...) అమ్మాయిల గూర్చి ఎలా పలుకుతున్నాయో చూస్తే పురుషులుగా సిగ్గుపడాల్సిన పరిస్థితి. ఇది చాలా విచారకరం, దేశానికి ప్రమాదకరం కూడా !

చివరిగా ఒక్క నగ్నసత్యం చెప్పనివ్వు...

ఆడు వారి మాటలకు అర్ధాలు వేరో కాదో నాకు తెలియదు కాని మగవారి మాటలు మాత్రం

ఆడవారిని ఒళ్లుమరచి తన్మయ లోకంలో విహరించేలా, కట్టుకున్నవాడినైన బ్లాక్ లిస్ట్ లో పెట్టేలా చేసే అఖండ శక్తి దాగివుంది . ఆ శక్తితో సమాజాన్ని,కుటుంబాన్ని కట్టుతున్నామో లేక కూల్చుతున్నామో అని ప్రతి పురుషుడు వారి నరంలేని నాలుకతో జూమ్ మీటింగ్స్ పెట్టి పరిశీలన చేసుకోవాలి.

తమ్ముడు శ్యామ్ , నీకర్థంవుతుందా...

మహిళలల పట్ల మన మాట తీరు

మారాలి ! మారాల్సిందే !!

వామ్మో అన్నా, నేను చాలా విషయాలు తెలుసు కోవాలి , మార్చుకోవాలి .ఏదేమైనా మంచి మాటలు చెప్పారు.థాంక్యూ అన్నా అంటూ క్లాస్ రూమ్ కి బయలుదేరాడు శ్యామ్.

@ Yerranna B

Hyderabad

"భారతీయ క్రైస్తవ దినోత్సవం" అవసరమా?

2021-07-03T02:50:00.001-07:00

First #IndianChristianDay -3rd July 2021.

#YBthoughts for Indian Church

"భారతీయ క్రైస్తవ దినోత్సవం" అవసరమా?

🤔✝️🇮🇳🤔✝️🇮🇳🤔✝️🇮🇳🤔✝️🇮🇳

కొన్ని సంవత్సరాల క్రితం,

ఓ యూట్యూబ్ పాస్టర్ "భారతీయ క్రైస్తవుడను" అంటూ పరిచయం చేసుకుంటూ వీడియోలు చేయడం చూసా.

ఏంటి ? ఈయన భారతీయ క్రైస్తవుడు అంటూ ప్రత్యేకంగా చెప్పుకొంటున్నాడు ? అది అవసరమా ? అని నాలో నేను సనుగుకున్న !

ఆ యూట్యూబ్ పాస్టర్ తో మాట్లాడితే తెల్సింది

అలా పెట్టుకోవడానికి తనని ప్రోద్బలం చేసిన అవమానాలు, తిట్లు, దూషణలు, అసత్య వార్తలు.

రెండు నెలల క్రితం,

మా ఇంటికి కొన్ని పాటల పుస్తకాలు వచ్చాయి.కవర్ పేజీ మీద "భారతీయ క్రైస్తవ పాటలు" అని టైటిల్ ఉంది.ఒకటికి రెండు సార్లు చూసా .ఏంటి ఇలా రాయడం అవసరమా ? క్రైస్తవ గీతాలు అని రాస్తే సరిపోదా ? కొంపతిసి బీజేపీ మరియు దాని అనుబంధ సంస్థల విశృంఖల చేష్టలకు భయపడి క్రైస్తవులు నకిలీ దేశ భక్తిని ఇలా ఒలకపోస్తున్నారా ? అన్న అనుమానం వచ్చింది. వెంటనే ఆ బుక్ పై ఉన్న రచయిత కు ఫోన్ చేసి..

ఏంటి సార్ ..

ఆంధ్ర క్రైస్తవ కీర్తనలు అన్న పేరును ఆదర్శంగా తీసుకొని భారతీయ క్రైస్తవ పాటలు అని పెట్టారా? అవసరమా ? మీకు తెలుసా ఇలా పేర్లు పెట్టడం వల్ల మనసుల మధ్య అంతరాలు వచ్చేఅవకాశం ఉందని అని ప్రశ్నించా !

అది జరిగిన కొన్ని రోజుల తర్వత భారతీయ భాషల పాటల పుస్తకానికి భారతీయ క్రైస్తవ పాటలు అని పెట్టుకుంటే తప్పేంటి .అంతేకాదు అదో రకంగా జాతీయ భావనను వృద్ధి చేస్తుంది కదా ! ఫ్రెంచ్ ఫ్రై, ఇటాలియన్ పిజ్జా, అమెరికన్ పాప్ మ్యూజిక్ , భరత నాట్యం అనే పేర్లు సర్వ సాధారణం కదా ! అలా పెట్టుకోవడం వల్ల ఎవరికి నష్టం లేదు కదా అనే అభిప్రాయనికి వచ్చా !

దాదాపు నెల(జూన్ )క్రితం రక్షణ టీవీ MD గారు "భారతీయ క్రైస్తవ దినోత్సవం" జులై 3న అని ఫేస్బుక్ లో పోస్టు పెట్టడం చూసి దీర్ఘంగా ఆలోచన చేశా .

అసలు ఈ సెలబ్రేషన్స్ ఇప్పుడు ఎందుకు? దాని వల్ల నా దేశానికి ఎమ్ ప్రయోజనం అని ?

ఈ రోజు (జులై 3 )కాస్త భారతీయ క్రైస్తవ చరిత్ర, ఈ సెలబ్రేషన్స్ జరుపుకోవడం వెనక ఉద్దేశ్యాలు (తోమా ద్వారా క్రైస్తవ్యం భారతదేశానికి వచ్చింది అనే చరిత్రక సత్యాన్ని నేటి మరియు భవిష్యత్ తరాలకు తెలియచేయడం,భారతీయ క్రైస్తవుల ఐక్యత కొరకు) , ఓ ఉత్సవం వల్ల జరిగే,జరగబోయే ప్రయోజనాలు , ప్రస్తుత రాజకీయ,భారతీయ క్రైస్తవుల పరిస్థితిని ఓపెన్ మైండ్ తో అర్థం చేసుకునే ప్రయత్నం చేశాక....

అవును !

నిజాలు చెప్పేలా ఉత్సవాలు,

భారతీయ క్రైస్తవ ప్రస్తుత పరిస్థితిని

బైబిల్, మానవవాద, రాజ్యాంగ పరిధిలో పరిశీలన చేసుకోవడం ,దినోత్సవంగాఎంతైనా అవసరం అనిపించింది.కానీ లోక పోకడల మాదిరి ఆ డే ,ఈ డే అని ఆ ఒక్కరోజే ఎదో ఆడవిడి చేయడం, మొక్కుబడిగా ఓ మీటింగ్ పెట్టుకోవడం, దేశ ,స్థానిక సంఘ అవసరాలు గుర్తించకుండా ,కావాల్సిన ప్రక్షాళన కొరకు ప్రణాళికలు రచించకుండా , దైవ శక్తి తో భారతీయ క్రైస్తవ్యన్ని పురిగొల్పక పోతే మాత్రం పెద్దగా ప్రయోజనం వుండదు.

రెండేళ్ల క్రితం,

వాటికన్ సిటీలో యేసు క్రీస్తు శిష్యుయుడైన సెంట్.పీటర్ను చంపిన ప్రాతంలో నేను నడుస్తుంటే ఒళ్ళు జలదరించింది. దుకుడు వాడైన పీటర్ మూడేళ్ల దోస్తు(యేసు) మాటల కోసం "సచ్చేంత ధైర్యం" ఎలా వచ్చిందని !

ఇప్పుడు,

భారతీయ పోస్టల్ స్టాంప్ పై యేసు క్రీస్తు శిష్యుయుడైన తోమా గారిని చూస్తుంటే రోమాలు నిక్కపొడుచుకుంటున్నాయ్.

అనుమానపు తోమ,చీటీలు వేసుకొని అక్కడేక్కడి నుండో వేల కిలోమీటర్లు , నెలల రోజుల కష్టమైన ప్రయాణం చేసి నా దేశానికి రావడానికి కావాల్సిన "కొండత విశ్వాసం" ఆయనకి ఎక్కడిదని !

దేశాల కోసం ,దేవుని కోసం

యేసు క్రీస్తు శిష్యువులు చేసిన తాగ్యపూరిత సేవను స్మరించుకుంటే గుండెలనిండా గుప్పుమంటాయ్ "దైవ ప్రేమ" సువాసనలు. కళ్ళనిండా కమ్ముకుంటయ్ "ఆనందబాష్పాలు".

ఇండియా/భారతదేశ క్రైస్తవులంగా (యేసు క్రీస్తు శిష్యువులు) మనం అలాంటి మాదిరి జీవితాలను అలవర్చుకుందాం ! అప్పుడే మన దేశం నైతిక అభివృద్ధిని ముద్దాడుతుంది.

హృదయ విశ్వసమైన క్రైస్తవ్యన్ని పరాయి మతం, బ్రిటిష్ మతం, హిందు మతాన్ని కాదంటే - కన్న తల్లిని కాలతనట్టే అనే కుంచిత భావనలు, అసత్య ప్రచారాలను హైందవ సోదరులు గమనించాలని నా విజ్ఞప్తి.

దేవుడు మనందరికీ సహాయం చేయును గాక !

క్రైస్తవ దినోత్సవ శుభాకాంక్షలతో..

Yerranna B

పాపం చిత్ర

2021-06-10T23:25:00.001-07:00

photo credit: Unplash

#intercastemarriage #CasteSystem #India

#YBLife Based on a true incident 2021😓

పాపం చిత్ర

--------------

హలో భారతి,

మొన్న చిత్రని చూసా,నాకైతే పట్టలేని సంతోషం.

"హాయ్ మామయ్య" అనే తన పిలుపుతో నన్ను ఉల్లాసం ఆవాహించింది.

మావయ్య,

"మమ్మీ ఎప్పుడు వస్తుంది"? అని తను అడిగేసరికి యద ఎవరో కోసేసినట్టయింది.

ఏంట్రా .. నాన్న చెప్పలేదా ? అంటూ 7 ఏళ్ల చిత్రని ఆప్యాయంగా దగ్గరకు తీసుకుని గుండెలకు హత్తుకున్న.

"మమ్మి..వస్తుంది వస్తుంది" అంటున్నాడు కానీ ఎప్పుడో చెప్పట్లేదు డాడీ అంటూ అలిగి దిగాలుగా అంది.

మీ అమ్మ రానంట్టుంది అని చెప్పనా? లేక అమ్మమ్మ ,తాత తనని రానివ్వట్లేదు అని చెప్పానా? అని నా మనసు తడబడింది. వెంటనే నా హృదయం అది పసిపిల్ల .. దానికెందుకు చెపుతావ్ ? అంటూ మనసును హెచ్చరించింది.

చిత్ర నుదుటిపై ముద్దు పెట్టి

"మమ్మీ వచ్చే వరకు నేను, డాడీ ఉన్నాం కదరా" ! మాతో ఆడుకో అంటూ బుజ్జగించా.

కాసేపు తనకి కబుర్లు చెప్పి,

ఆ నా బ్యాగ్ లో నికిష్టమైన చాక్లెట్ ఉంది వెళ్లి తీసుకో

అని చెప్పి పంపాను.

ఏంటో భారతి,

ఈ ఇంటర్ క్యాస్ట్ మ్యారేజ్ ల వల్ల వచ్చే సమస్యలు నన్ను బాదపెడుతున్నాయ్.అంబెడ్కర్ గారిని పిలిపించి "కులం పుట్టుపూర్వోత్తరాల పాఠాలు" చెప్పించినా మారారేమో ఈ కులం పిచ్చోళ్ళు !

పాపం చిత్ర 😓

Yerranna B

ఆరోగ్యావాహిని

2021-06-05T10:13:00.001-07:00

#WorldEnvironmentDay #water

#ybtelugupoetry

#ప్రపంచ_పర్యావరణ_దినోత్సవం

#ఎర్రన్న_కవితలు #నీరు

ఆరోగ్యావాహిని నేను

-----------------------------

నేను నీరును

హైడ్రోజన్‌, ఆక్సిజన్‌ల అణుబంధాన్ని

గాలిలోని తేమని ,భూమిలోని చెమ్మని

వాగు ఇసకలో ఉబికె తీయ్యని సెలమని

గల గల పారె నదిని,

జల జల జారే జలపాతాన్నీ

అలుపు - అలక లేక

మైళ్లు మైళ్లు నడిచేదాన్ని

పాడి పంటల కాలువల్లో

పరుగు పరుగున ఉరికె దాన్ని

మీ చిన్న గాయాలను శుభ్రంచేసి

కిడ్నీ మహమ్మారి రోగాలకు 'మందు' నయ్యేదాన్ని

కంట్లో నలక పడిన

చర్మంపై రంగులంట్టిన ముందోచ్చేదాన్ని

ని ప్రేయసి జలకలాటల సఖిని

మీ పిల్లల స్నానాలాటలకు బొమ్మను

మీ ఒళ్ళు నొప్పులకు

హాయి గొలిపే గోరు వెచ్చని ధారను

తలనొప్పి ఉపశమనానికి

నుదుటిపై ఐస్‌ ముక్కనైయ్యేదాన్ని

ఎక్కిళ్లకు మెడిసిన్ ఐ

జ్వరమొస్తే తడిగుడ్డగా సేవ సేసేదాన్ని

లస్సి,సోడా,మజ్జిగ

టీ,కాఫీలలో మీకై నేనుంటిని

సానిటీజర్లో , ఆవిరి గిన్నెలో

ఉండే ఆరోగ్యావాహిని నేను !

మీ దేహంలో బాగమైతి ,

తాగుబోతులకు బీరూనైతి !!

ఐతే మీరు...

బొట్టులెట్టి బోరువేసి,నీళ్లులేని భూమి సేస్తిరి

కలువ పూల కొలనులేవి ,

నా సేపా పిల్లల చెరువులు యడా ?

నీటి చుక్కకై ,నేల తల్లి నెర్రెలిచ్చే

ఎండిపోయిన మట్టి గడ్డలా దేశం !

పడుచు పిల్లలా దేశమంతా పారుతుంటి

డ్యామ్ కట్టి బందీ సేస్తిరి

ఏళ్లనాటి వాగును

పూడ్చి పూడ్చి సాపు సేస్తిరి

కఠిన జలమని కాళ్ళదంత్తిరి

మంచి నీటిని వృథా సేస్తిరి

యద పై చెత్త వేస్తిరి, నోట్లో ఉచ్చపోస్తిరి

దేహమంతా కంపు కంపు

శవాలను విసిరి

నన్ను స్మశానం సేస్తిరి

మాయగాల్లె మాయగాల్లె

మీ మనుషులంతా మోసాగాళ్ళే !

*unedited version

- @ Yerranna B

ఏమండీ నాకో సాయం చేస్తారా?

2021-06-01T06:25:00.001-07:00

కిచెన్లో అప్పుడే చేసిన వేడి వేడి దోశను సాలకి తోనే వాళ్ళాయన పేట్లో వేస్తూ...

ఏమండీ నాకో సాయం చేస్తారా? అంది భారతి.

(నింపాదిగా కూర్చొని చట్నీలో దోస అద్దుకొని కొని తింటూ...)
ఓయ్ ...ఏంటి కొత్తగా అడుగుతున్నావ్ ?ఎం సంగతి ? చెప్పు అంటూ భారతి కళ్ళలోకి చూస్తూ అడిగాడు వాళ్ళాయన !

(భారతి ఉషారుగా తన చేతిలోని సాలకి తిప్పుతు వాళ్ళాయనకి ఎదురుగా చైర్లో కూర్చుంటూ..)

జియో బేబీ మేడం ఫోన్ నెంబర్ లేక మెయిల్ ఐడి కాస్త సంపాదించి పెట్టరా... ప్లీజ్ ....

ఆవిడ ఎవరే ...నాకేం తెలియదు పో. అంటూ విస్కున్నాడు.

(భారతి చిరు కోపంతో, సాలకితో బెదిరిస్తూ...)
నిన్న మనం చూసిన గ్రేట్ ఇండియన్ కిచెన్ సినిమా డైరెక్టర్ అండి ! అయ్యో అప్పుడే మరిచిపోయారా...?

ఓ అవును కదా! సారి.. సారి డార్లింగ్ .
ఐనా... అవిడ నెంబర్ ఎందుకే నీకు ?

(గాల్లో సాలకి బాట్మెంట్ రాకెట్లా తిప్పుతూ, ఆత్మ విశ్వాసం వాళ్ళాయన కేసి చూస్తూ ...)

నిన్న సినిమాలో క్లైమాక్స్ ఫైట్ అదిరిపోతోంది అండి. కోపంగా కుడితి నీళ్లనే టీ గా ఇవ్వడం,
తనని కొట్టడానికి వచ్చిన భర్త, మామలపై
సింక్ దగ్గర కంపు కొట్టే కుడితి నీళ్ల బకెట్ గుమ్మరియడం. అబ్బా...ఆ.. ఆలోచనే అద్భుతం !

ఏమండీ మీకు గుర్తుందా...
మీరు కర్నూలో ఉన్నపుడు సమరసింహ రెడ్డి సినిమాలో క్లైమాక్స్ గొడ్డలి ఫైట్ చూస్తూ పూనకంతో ఊగిపోయారనన్నారు. మన పెద్దోడు బాహుబలి 1 సినిమా క్లైమాక్స్ లోని కాలకేయ ఫైట్ చూస్తూ ఊరంతా వినపడేలా గట్టిగా అరిచాడు చూడు.సేమ్ నిన్న నాక్కూడ అంతటి భావోద్వేగం సినిమా చూస్తుంటే ! అంటూ భావోద్వేగానికి లోనై సడన్ గా సైలెంటై చెమ్మగిల్లిన కళ్లతో అలా ఉండిపోయింది.

లోలోపల ఏడుస్తున్న భారతి దగ్గరికి వచ్చి
ఏయ్ భారతి...ఉరుకో ! ఏంటి ..చిన్నపిల్లలా అంటూ ప్రేమగా వెన్ను తట్టాడు.

(తాను తిన్న ప్లేటు తానే కడిగి,పరధ్యానంలో
కూర్చున్న భారతి దగ్గరకు వచ్చి చీర కొంగుతో చెయ్ తుడుచుకోసాగడు)

కాసేపు అయ్యాక భారతి వాళ్ళాయన భుజం పై చేతులు వేసి ..
ఏమండీ , మా మహిళల కిచెన్ కష్టాలు కళ్ళకు కట్టినట్టు ఈ పురుషాధిక్యత సమాజానికి చూపించినందుకు , నా హృదయా లోతుల్లో ఎదో తెలియని కృతజ్ఞత. జియో బేబీ మేడం గారికి థాంక్స్ చెప్పాలని ఉంది. దయచెసి ఫోన్ నెంబర్ లేదా ఇమెయిల్ ఐడి సంపాదించండి.. ప్లీస్ !

భారతిని ఆప్యాయంగా దగ్గరకు తీసుకొని నుదిటిపై
ముద్దు పెట్టి, కచ్చితంగా డార్లింగ్ , నీ కోసం ఆ మాత్రం చేయలేనా .Surely i wil get it అంటూ
టేబుల్ పై ఉన్న లంచ్ బాక్స్ తీసుకొని, ఆఫీస్ కి బయలుదేరాడు.

కర్ణన్ సినిమా : బహుజన ఉద్వేగం

2021-05-18T00:04:00.001-07:00

#YBthoughts on #karananmovie

#mustread artical ! తప్పక చదవాల్సిన వ్యాసం !

కర్ణన్ సినిమా : బహుజన ఉద్వేగం

---------------------------------

హక్కులు మరియు ఆత్మగౌరవం కోసం ఓ కుగ్రామ (పోడియంకుళం) ప్రజలు, కుల అహంకార పోలీసు అధికారికి ఎదురు తిరిగితే ఎలా ఉంటుందో , దాని ఫలితం ఏమిటో చెప్పే ప్రయత్నమె కర్ణన్ సినిమా. డైరెక్టర్ మారి సెల్వమని తమిళనాడులో జరిగిన యదార్థ ఘటన ఆధారంగా సినిమా తెరకెక్కించారు. కర్ణన్ గా ధనుష్ యాక్టింగ్, మ్యూజిక్, సినిమాటోగ్రఫీ ప్రేక్షకుల్ని కట్టిపడేస్తాయి.

గ్రామ ప్రజల వాతావరణం ఒక శక్తివంతమైన సాధనంగా ఆవిష్కరించారు.పందిపిల్లలు, గ్రద్ద, పావురాలు, స్థానిక కుక్కలు, గుర్రం మరియు ఏనుగుతో వారి రోజువారీ జీవితాన్ని చిత్రీకరించిన తీరు అధ్బుతం.అదే సమయంలో చేపలను గాలంతో పట్టె సన్నివేశం, ఒక కుటుంబం పెంచిన కోడిపిల్లపై గద్ద వేటాడే దృశ్యం మరియు పారిపోకుండా

కాళ్ళు కట్టి ఉన్న గాడిద సన్నివేశాల ద్వారా కుల హింస,ఆధిపత్యం , అణగారినవారి విముక్తికి ఓ రక్షకుడి ఆవశ్యకత అద్దం పడుతోంది.

నేటి తరం ప్రేక్షకులు ముఖ్యంగా దళితులు ఈ సినిమాకు అంతగా కనెక్ట్ కారేమో కానీ 1990 కంటే ముందున్న వాళ్ళు కచ్చితంగా కనెక్ట్ అవుతారు. వెనుకబడిన దళితుల సాంస్కృతి, బస్టాప్ లేని పల్లెల దుస్థితి,కరెంటు లేని గుడిసెలు, స్త్రీల వస్త్రధారణ, పురుషులు పడే కష్టాలను ఇలా ఎన్నో హృదయ విధారమైన పల్లెటూరు పేద బతుకుల జీవన విధాన సన్నివేశాలు కన్నీళ్లు పెట్టిస్తాయ్.

సినిమాలో కర్ణన్ (ధనుష్ ) వలె గ్రామ ప్రజల హక్కుల కోసం ఆవేశంతో పోరాడే వాళ్లు నిజజీవితంలో అక్కడ అక్కడ ఉన్నారు కానీ మొత్తంమీద చాలా తక్కువ .నాకు తెలిసి డబ్బుకు అమ్ముడుపోయే వారు, చెంచా గిరి చేసే దళిత సంఘా నాయకులు, ఆత్మాభిమానం పక్కన పెట్టి వ్యక్తిగత స్వార్థం కోసం రాజకీయాలో ,ఆ యా ఉన్నత పదవుల్లో కొనసాగుతున్నా వారే ఎక్కువ.ఇది విచరకరమె కాదు భారత జాతికి ప్రమాదకరం కూడా !

దళిత వాడలను సందర్శించి రాజ్యాంగ బద్దంగా వారికి రావాల్సిన కరెంట్ ,రోడ్లు, నీరు, విద్య, ఆరోగ్యం లాంటి కనీస సౌకర్యాలు అందేలా ఆర్థికంగా నిలదొక్కుకున్న బహుజనులు(SC, ST, BC..) ఎక్కువగా కృషి చేస్తే బాగుంటుంది. పదవుల్లో ఉన్న వారు స్వార్థ ప్రయోజనాలకు పక్కనపెట్టి డాక్టర్ అంబెడ్కర్ , మహాత్మా ఫూలే ,సావిత్రి బాయ్ లాంటి నాయకుల అడుగుజాడల్లో నిజాయితీగా దైర్యంతో నడిస్తే దేశంలో గొప్ప మార్పును చూడవచ్చు. రాజ్యాంగ రిజర్వేషన్ ఫలాలు అనుభవిస్తున్న వారు లేని పోనీ భయలకు స్వస్తి చెప్పి అణగారిన వారికి ఏదైనా అన్యాయం జరిగితే స్పందించడం , సాధ్యమైనంత సహాయం చేయడం అలవాటైపోవాలి. కులం/మతం చుట్టూ తిరిగే రాజకీయ పార్టీలు సమానత్వానికై కృషి చేస్తాయని బహుజన MLA, MPలు భావించడం ,అలాంటి పార్టీలలో కొనసాగడం అనేది బానిసత్వం,అవివేకం.

సినిమాలో ఊరి పెద్ద తన ముందే తలపాగా పెట్టుకున్నాడన్న కోపంతో పోలీసు ఇన్స్పెక్టర్ కన్నబీరన్ (నట్టి) స్టేషన్ కి పిలిచి బూతులు తిడుతూ చవా బాదుతాడు .తనకున్న పేరును బట్టి ఎగతాళి చేస్తాడు.ఇప్పటికీ ముఖ్యంగా గ్రామాల్లో కుల వివక్ష , దళితులంటే చిన్నచూపు చూసే పోలీసులు, ఆధికారులు, మీడియా చానెళ్లు, రాజకీయ నాయకులు ఉన్నారు. దళితులు మంచి పేరు పెట్టుకున్న, దళిత అమ్మాయిలు మోడ్రన్ డ్రెస్ వేసుకున్న , అణచివేయ బడ్డ అడవి బిడ్డలకు ప్రభుత్వ ఉద్యోగం వచ్చిన లోలోపల కుళ్లుకునే అగ్రకులస్తులు, కుల అహంకార విద్యావేత్తలు నేడు లేకపోలేదు.

కర్ణన్ తాత యమన్ (లాల్) ఒక ఆచరణాత్మక శాంతికాముకుడి పాత్ర. సినిమంతా చూపించే ముఖం లేని అతని గోడ పెయింటింగ్ మాజీ తమిళ ముఖ్యమంత్రి కామరాజ్ సన్నిహితుడైన ఇమ్మాన్యువెల్ శేఖరన్ ను సూచిస్తుంది.అతడు ఓ స్వాతంత్ర్య సమరయోధుడు, అణగారిన కులాల యూత్ లీగ్ నాయకుడు మరియు బ్రిటిష్ ఇండియన్ ఆర్మీ సభ్యుడు.1957 లో, కుల ఘర్షణల సమయంలో అతన్ని తేవర్లు హత్య చేశారు.

సాధారణంగా గ్రామంలోని వృద్ధులు మారే అవకాశం లేదు.వారు ప్రతిఘటించటానికి మరియు సర్దుకొని తమ మనుగడ సాగించాలని కోరుకుంటారు.అయితే యువ తరం తరతరాలుగా తిరస్కరించబడిన వాటి కోసం తిరిగి పోరాడాలని కోరుకుంటుంది. సినిమాలో కర్ణన్ మాదిరి నేటి బహుజన యువకులు ఖడ్గం పట్టి హింసాత్మక మార్గంలో వెళ్లి నిమ్నజాతులను ఉద్ధరించాల్సిన అవసరం లేదు కానీ రాజ్యాంగ హక్కుల గురించి బాగా తెలుసుకొని చదువునే ఆయుధంగా ధరించి అశ్వవేగంతో మార్పు దిశగా పరుగెత్తాలి.

మీటింగ్లో, ఫేస్బుక్ లైవ్లో అగ్రకులం వారిని వ్యక్తిగతంగా దూషించడం , శ్రీరామ్ నగర్ అనే వాడల పేర్లు భీంనగర్ కాలనిగా మార్చడం, అంబెడ్కర్ బొమ్మకు రోజు పూజలు చేయడం, బిసన్న మాదిగ, రాజేష్ మాల అని కులం పేరును పేరుకు తగిలించుకుని కాలర్ ఎగరేయడం వల్ల పెద్దగా ప్రయోజము ఉండదు.దానివల్ల మనుషుల మధ్య అంతరాలు మాయమైపోవు. రాజ్యాంగాన్ని ఇంటింటికి పంచిపెట్టండి, ప్రతి ఊరికి గ్రంధాలయలు ఉండేలా చూడండి, అంబెడ్కర్ గారి కష్టాలపై వెబ్ సిరీస్లు,జూమ్ మీటింగ్లు పెట్టి దేశ యువతను మేల్కొలపండి.చదువు గొప్పదనం ,మానవత్వం, నైతిక విలువలు ఆవశ్యకత వాడ వాడల ప్రచారం చేయండి.నియోజన వర్గ అభివృద్ధి గాలికి వదిలి సిగ్గులేకుండా అసెంబ్లీ, పార్లమెంట్ లో తెల్లని బట్టలు వెసుకొని కులుకుతున్న ఎమ్మెల్యే, ఎంపీలను నిలదీయండి. అది సామాజిక, వ్యక్తిగత మార్పుకు కచ్చితంగా తోడ్పడుతుంది.

సినిమా క్లైమాక్స్ లో కర్ణన్- పోలీసు అధికారి కన్నభీరన్ కు ఫైట్ జరిగే సమయంలో కన్నభీరన్ పూర్తిగా ఓడిపోయి , బలహీన పడతాడు. చవడానికి కొన్ని నిమిషాల ముందు కూడా కర్ణన్ జాతి మరియు వారి గ్రామ నాశనాన్ని ఆశించడం చూసి నేనేమి ఆశ్చర్యనికి గురికాలేదు ఎందుకంటే 2021లో కూడా కులపిచ్చి తో కన్న కూతుర్ని కడతేర్చిన కసాయి మనుషుల వార్తలు చూసాను కదా!

భవిష్యత్ లో బడుగు బలహీన వర్గాలన్నీ అంతర్గత కుమ్ములాటలు మాని ,మరింత మేధా సంపత్తితో, తమ హక్కులను,విధులను మరియు ఆత్మగౌరవాన్ని ప్రదర్శించాలని ,ఆర్థికంగా అభివృద్ధి చెందిన వారు వారికి సహాయం సహకారాలు అందించాలని కోరుకుందాం.

ఈ కర్ణన్ సినిమా అమెజాన్ ప్రైమ్ లో ఉంది.తప్పక చూడండి .కుల రహిత ,సమ సామాజ స్థాపనకు తోడ్పడే ఇలాంటి సినిమాలు మరిన్ని రావాలని ఆశిస్తూ...

@Yerranna B

బలహీన భారతదేశం ?

2021-04-26T03:44:00.001-07:00

#india #coronascam #COVID19

#Corruption #lackofoxygen

#lackofmorals #ybthoughts

Did india morally weak?

is it any shortage of values ,ethics in India ?

బలహీన భారతదేశం ?

------------------------------

నాకు తెలిసి చాలామంది భారతీయులు నైతికంగా బలహీనులు. పూజలు ,పండుగలు ,ప్రార్ధనలు కేవలం ఒక ఆనవాయితీ. కోట్ల గుళ్ళు, లక్షల మసీదులు, వేల చర్చిలు వుండిన ఏమి ప్రయోజనం ? దేవుడి పెరిటనే దైవ ఆలయాల్లోనే ఎంతో అవినీతి జరుగుతున్న ఈ రోజుల్లో మిగత ప్రాంతాలో ఇక చెప్పనక్కర్లేదు. అవినీతికి సంబంధించిన సర్వేల్లో నా దేశం ఎప్పడు టాప్ లోనే ఉంటుంది.

నేటి కరోనా కష్టకాలంలో కూడా ఆక్సీజెన్ సిలిండర్లు , రెమొడిసివర్ మెడిసన్ ఎక్కువ రేటుకు బ్లాక్ల్ మార్కెట్ లో అమ్ముతున్నారు .కరోనా టెస్టుల పేరిట దండుకుంనే ఆసుపత్రులు ,వ్యక్తులు ఎన్నో ఎందరో ! కొన్ని సంవత్సరా క్రితం బడా ఆసుపత్రిలో శవాల మీద లంచాలు అడిగే వారిని కళ్లారా చూసాను.మొన్న హైదరాబాద్ లో పేరు మోసిన ఓ ప్రభుత్వ ఆసుపత్రిలోనూ లంచాల పర్వం.

వెల యేళ్లుగా భక్తిబావనాలతో ముడిపడివున్న దేశం,

80%దేవుణ్ణి నమ్మే ప్రజలు ఉన్న భారతదేశంలో ఇలాంటి నీచమైన ప్రవృతిలో అభివృద్ధి చెందడం చూస్తే ఓ ఆస్తికుడిగా సిగ్గుపడాల్సిన స్థితి.అన్నిటికీ ప్రభుత్వలను నిధించలేం.ఇది మానవ హృదయ సమస్య !

నాకు తెలిసిన ఓ కుటుంబం హైదరాబాద్ లో వారి స్కూల్ పర్మిషన్ కొరకు లంచం ఇవ్వకుండా ప్రార్ధన చేసుకొని దేవుడి పై ఆధారపడ్డారు. చాలా సంవత్సరాల తర్వాత లేటుగా పర్మిషన్ వచ్చింది. ఇరిగేషన్ డిపార్ట్మెంట్ లో ఉండి ఒక్క పైసా లంచం తీసుకొని ఆస్తికులని చూసా. వీరికి ఎలా సాధ్యమైంది? చాలా మందికి ఎందుకు అలా ఉండలేకపోతున్నారు? అని ప్రశ్నించుకుంటే వారు దేవుడికి ,నైతిక విలువలకు ఇచ్చే ప్రాధాన్యతే అని అర్థం అవుతుంది.

నైతిక విలువలను పాటించాలనె తీవ్రమైన కాంక్ష ఉన్నవారికి ఆ దేవుడి అండదండలు ఉంటాయి మరియు క్లిష్టమయిన పరిస్థితిని ఎదుర్కొనే ధైర్యం వస్తుంది అని వారు చెపుతుంటే విన్నాను.అలాంటి ఆశా ,కోరికలతో దేశం బతకకపోతే సర్వ మతలతో బతికిన సచ్చినట్టే.విలువలు దేశానికి ఆక్సీజెన్ లాంటివె !

దేశాన్ని నైతికంగా బలోపేతం చేయాడానికి కేంద్ర రాష్ట్ర ప్రభుత్వాలు, ఆయా మత పెద్దలు ,నువ్వు నేను కృషి చేయాలి లేదంటే కరోనా రాకున్నా కారోన వచ్చిందనే లంచగొండులు, నకిలీ వాక్సిన్ ,నాసిరకం D3 విటమిన్ అమ్మే ముఠాలు పుట్టుకొస్తాయి. దేశాన్ని బతికుండే ఎముకల గూడులుగా మారుస్తాయ్.

Yerranna B

సామాజభివృద్ధిలో నేటి క్రైస్తవ సంఘం?*

2021-04-25T23:28:00.001-07:00

#churchrole #socialresponsibility #socialissues #Christ #coronacrisis

*సామాజభివృద్ధిలో నేటి క్రైస్తవ సంఘం?*

---------✝️⛪⛪⛪⛪⛪⛪✝️-----------

ప్రపంచ సంఘ చరిత్ర చూస్తే ఒక వ్యవస్థగా క్రైస్తవ సంఘం అన్ని వేళలా సమాజ మార్పుకు దోహదపడే సానకుల వాతావరణం లేదు.ఈ క్రమంలో జరిగిన రెండు పెద్ద తప్పిదాలు 1.ప్లేటోనిజమ్ 2.మానతా వాదం.

1.ప్లేటోనిజమ్(ఆధ్యాత్మికమే నిజమైన ప్రపంచం పదార్ధం చెడ్డది గనుక శరీరం ఆత్మను బంధించిన ఓ పంజరం మాత్రమే అనే ఓ రకమైన మతాని/శాఖకి దారితీసింది. ఈ మతం సామాజిక సంస్కరణలు పట్టించుకోదు) 2.మానతా వాదం(మనిషి శరీర, సామాజిక అక్కరలు మాత్రమే ప్రముఖ్యమైనవి అని అభిప్రాయపడుతుంది. ఇది సంస్థాగతమైన సంఘం నూతన జీవన్ని గుర్చించి ప్రకటించడంలో విఫలమైన సంధర్బాలున్నాయి.

ఈ కోవకు చెందిన కొంతమంది క్రైస్తవులు ఈ రోజుల్లో అక్కడ అక్కడ కనిపిస్తారు. బహుశా వారి వారి సంఘాలు ఇచ్చిన/నేర్పించిన ప్రాధాన్యతలు కావచ్చు. క్రైస్తవ సంఘాలు ముఖ్యంగా తెలుగు క్రైస్తవ సంఘాలు ఈ రెండూ విషయలకు సమప్రాధాన్యత ఇవ్వలేదనే అభిప్రాయన్నీ పెద్దలు వ్యక్తపరుస్తారు.ప్రార్థన , సహవాసానికి ఇచ్చిన ప్రాధ్యానత సామాజిక ఉద్దరణకు నేటి సంఘాలు ఇవ్వల్సిన అవసరం ఎంతైనా ఉంది.

సామాజిక విషయాల పట్ల కొన్ని క్రైస్తవ సంఘల నిర్లక్ష్యన్నీ ఆసరాగా చేసుకుని క్రైస్తవ్యం లోపమైనది అని చెప్పే ప్రయత్నాలు కొందరు చేస్తున్నారు.సంఘం మనిషి శారీరక, ఆధ్యాత్మిక మరియు సామాజిక అవసరాలు తీరుస్తూ మెలగకపోతే ఆరిపోని దీపంలా,దైదీప్యమానంగా సంఘాన్ని ,దేశాన్ని చీల్చే వారూ ఐక్యమత్యంలో వెలిగిపోతారు.వారు

దేశస్తుల మరియు క్రైస్తవ సంఘ ఐక్యతనే కాల్చిపోతారు.మానవాత వాదం చాటున నాస్తికులు,ఆధ్యాత్మికత ముసుగులో బాబాలు విడి విడిగా పనిచేస్తూనే అనేక మందిని సంఘానికి దూరం చేస్తున్నారు.మనకు కనిపించకుండా ఈ ప్లేటోనిజమ్, మానతావాద భావాలు సంఘాలలో విస్తరించకుండా జాగ్రత పడాలి.

దేవుడు ప్రేమమయుడు అని నమ్మిన క్రైస్తవులు త్యాగానికి, కనికరానికి పెద్ద పీట వేశారు.రెడ్ క్రాస్ సంస్థ ను స్థాపించింది సువార్తికుడైన ఓ విద్యార్థి(హేన్రి డూనాంట్). ప్రపంచంలో అతి పెద్ద అనాధ సంస్థ (బర్మారోడ్స్ హోమ్స్),YMCA, వరల్డ్ విజన్ లాంటి ఎన్నో సంస్థలు..!!క్రిస్టియన్ మిషినరి సొసైటీ వాళ్లే కేవలం ఒక్క తరంలోనే ఆఫ్రికాలో 2 లక్షల మందిని చదివించారు.ఇలా విద్య, వైద్య, ఆరోగ్య ,శాస్త్ర విజ్ఞాన రంగాలలో సామాజాభివృద్ది కోసం నిర్విరామంగా కృషి చేస్తున్నారు.అనేక రాజకీయ, జైలు, శ్రామిక సంస్కరణలు ఆయా దేశాలలో రావడానికి క్రైస్తవులే కారణం.ఆదిసంఘంలో నిర్ధాక్షిణంగా వీధుల్లోకి విసిరి వేయబడుతున్న ప్రజల అవసరాలకు స్పందించిన క్రైస్తవులు,క్రీ. శ 252 లో కోరింథీ పట్టణాన్ని తెగులు నుండి కాపాడారు.

యేసు సంపూర్ణ వ్యక్తి పట్ల పట్టింపు కలిగి యున్నాడు. మనం మనిషికి 'క్రొత్త సూటు' ధరింప జేద్దామా లేక క్రొత్త సూటు లో 'క్రొత్త వ్యక్తి' ని పెడుదమా అన్న సందేహహము అవసరం లేదు .యేసు ఆ రెండింటిని చేసాడు (సువార్తలు చూడండి).మనం సంఘాలుగా యేసులా ,అదిమా సంఘంలా సామాజికభివృదిలోనూ పాలుపంచుకుందాం.పరిశుదాత్మ దేవుడు మనకు సహాయం చేయును గాక.

Yerranna B

Note:ప్రపంచ క్రైస్తవ సంఘ చరిత్ర (గేర జీవరత్నం ) పుస్తకంలోంచి ఎక్కువ విషయాలు సంగ్రహించడం జరిగింది.

కొన్ని ప్రశ్నలు:

1.ఒకవేళ యేసు ఈరోజుల్లో ఉంటే సువార్త చెప్పేవారా లేక కరోనా వచ్చిన వారిని స్వస్థ పరిచేవారా?

2.అపోస్తుడైన పౌలు గారు మీ చర్చి పాస్టర్ గా ఉండి హైదరాబాద్ లో ఓ పబ్లిక్ యూనివర్సిటీ కట్టడానికి డబ్బులు అడిగితే ఎంత ఇచ్చేవారు?

3.ఆదిమ సంఘం సమిష్టిగా పోగు చేసుకున్న ధనం ఇండియాలోని పెదవారికి పంచేద్దాం అని మిమ్మల్ని సలహా అడిగితే ...?

4.క్రైస్తవ సంఘంలో భాగమైన పారచర్చ్ నాయకుడిగా ,సభ్యుడిగా మీ సంఘకాపరి/సంఘాపెద్దలతో ఇ విషయాలు ఎన్ని సార్లు ముచ్చటించారు?

5. క్రైస్తవుడైన నాటి నుంచి భారత దేశ సామాజికభివృదిలో మీ పాత్రకు మీరు ఎన్ని మార్కులు వేసుకుంటారూ?