Welcome to Ban187's Channel

Bota Sot » Opozita: Marrëveshjet nuk janë mes shtetesh, por mes Thaçit e Serbisë

2011-07-04T21:37:00.002+02:00

Bota Sot » Opozita: Marrëveshjet nuk janë mes shtetesh, por mes Thaçit e Serbisë

Zëri • INFO » Ditari » Politikë » S’u besojnë marrëveshjeve

2011-07-04T21:37:00.001+02:00

Zëri • INFO » Ditari » Politikë » S’u besojnë marrëveshjeve

Zëri • INFO » Ekonomi » Ekonomi Vendore » Autostrada Prishtinë-Shkup, proces jo-transparent

2011-07-04T21:37:00.000+02:00

Zëri • INFO » Ekonomi » Ekonomi Vendore » Autostrada Prishtinë-Shkup, proces jo-transparent

Zëri • INFO » Ditari » Ballkan&Botë » LSDM ua ofron kryeministrin shqiptarëve

2011-06-24T17:24:00.001+02:00

Zëri • INFO » Ditari » Ballkan&Botë » LSDM ua ofron kryeministrin shqiptarëve

LSDM ua ofron kryeministrin shqiptarëve

Lidhja Social Demokrate e Maqedonisë (LSDM) është e gatshme që t’ua lë shqiptarëve postin e kryeministrit, nëse dy partitë shqiptare, Bashkimi Demokratik për Integrim (BDI) dhe Partia Demokratike Shqiptare (PDSH) pranojnë që të hynë në koalicion me këtë parti dhe të formojnë qeverinë e re.
Burime partiake thonë për “Lajm” se nëse dy partitë shqiptare do të arrinin kompromis për të formuar bashkë qeverinë, ata do t’i ofronin postin e kryeministrit shqiptarëve.
“Duke ia lënë postin e kryeministrit shqiptarëve do të dëshmonim se në Maqedoni nuk ka probleme ndëretnike si dhe do t’i tregonim botës se edhe ne jemi të emancipuar. Kur mundet që Amerikën ta udhëheqë një person me ngjyrë, pse nuk do të mundej që Maqedoninë ta udhëhiqte një shqiptarë. Ndërkaq, nga ana tjetër do t’i jepnim fund qeverisjes së Nikolla Gruevskit, i cili po e çon Maqedoninë drejt humnerës”, tha i njëjti burim.
Ai sqaron se në këtë mënyrë Maqedonia më shpejt do t’i afrohej Evropës.
Partia e Branko Cërvenkovskit akoma nuk i ka bërë ofertë konkrete dy partive shqiptare, por u ka dërguar atyre vetëm sinjalet e para jozyrtare. Edhe pse oferta është mjaft joshëse, akoma nuk dihet se si do të vepronin dy liderët shqiptarë, Ali Ahmeti dhe Menduh Thaçi.
Para zgjedhjeve parlamentare Ahmeti ka shprehur gatishmëri për të bashkëpunuar me të gjitha partitë shqiptare, ndërsa Thaçi në mënyrë indirekte ka përjashtuar bashkëpunimin me Ahmetin. Megjithatë “ndërhyrjet” e Tiranës dhe Prishtinës zyrtare kanë sjellë zbutjen e toneve mes Ahmetit dhe Thaçit.
LSDM bashkë me koalicionin e partive të majta fitoi 42 mandate deputetësh në zgjedhjet e 5 qershorit, BDI fitoi 15 mandate, ndërsa PDSH 8 mandate deputetësh. Me 65 deputetë ata do të mund të kishin formuar qeverinë e re.
Musa Xhaferi ministër i transportit?
Negociatat mes ish partnerëve të koalicionit VMRO dhe BDI po vazhdojnë. Edhe pse të dyja palët janë marrë vesh që të heshtin, jo zyrtarisht mësohet se Musa Xhaferi do të emërohet Ministër për Transport dhe Lidhje.
Në kombinim me Xhaferin është edhe emri i zëvendës kryeministrit aktual Abdylaqim Ademi, ndërsa emri i Xhaferit përflitet edhe si zëvendës kryeministër i mundshëm.
Vetë Musa Xhaferi tha për “Lajm” se deri më tani nuk është biseduar për çështje kadrovike, ndërsa paralajmëroi se negociatat mund të përfundojnë në fund të kësaj jave.
Mediat kanë spekuluar se VMRO-DPMNE dhe BDI kanë arritur marrëveshje për Ligjin për gjuhët dhe për simbolet, kurse tani diskutohet për rastet e Hagës dhe për statusin e ish pjesëtarëve të UÇK-së.
“Secila pikë që ka qenë pjesë e platformës tonë do të jetë edhe pjesë e platformës së Qeverisë, kurse mbetet të caktohen vetëm detajet”, deklaroi Xhaferi, i cili është pjesë e ekipit negociator të BDI-së. /lajmpress/

Zëri • INFO » Ekonomi » Ekonomi Vendore » Nuk tregojnë vlerën e KEK-ut

2011-06-24T17:13:00.001+02:00

Zëri • INFO » Ekonomi » Ekonomi Vendore » Nuk tregojnë vlerën e KEK-ut

Nuk tregojnë vlerën e KEK-ut

Pavarësisht se është në proces të privatizimit, të dhënat rreth vlerësimit paraprak të çmimit të distribucionit dhe furnizimit të energjisë para privatizimit, vazhdojnë të mbesin sekrete.
Zyrtarë të ministrisë së Zhvillimit Ekonomik thonë se privatizimi i distribucionit dhe furnizimit të energjisë po ec në bazë të dinamikës së paraparë.
Sipas tyre, ministria e ka bërë vlerësimin paraprak, por të dhënat nuk do të publikohen.
“Të dhënat nuk do të publikohen, sepse publikimi i tyre mund të ndikojë në uljen e vlerës së ndërmarrjes”, tha Gëzim Baxhaku, këshilltar politik i ministrit Besim Beqaj.
Baxhaku tha se distribucioni dhe furnizimi i energjisë do të kaloj në duar të kompanisë private. Ndërkaq prodhimi i energjisë sipas tij do të jetë në kuadër të partneritetit publiko-privat.
Por, më shumë se një miliard euro të investuara në Korporatën Energjetike të Kosovës (KEK) nga mbarimi i luftës e deri tash, vështirë se do t’i kthehen prapë Kosovës në procesin e privatizimit, por edhe futjes së sektorit privat përmes partneritetit.
Deri tash për riparim të dëmeve Korporata Energjetike e Kosovës përmes vetëfinancimit dhe kredive ka investuar më shumë se 350 milionë euro.
Ndërkaq, Komisioni Evropian ka Investuar më shumë se 400 milionë euro.
Zëdhënësi i KEK-ut Viktor Buzhala thotë se në vitin 2005 është bëre rivlerësimi dhe korporatizimi i KEK-ut dhe nga data 1 janar i vitit 2005 është regjistruar firma me emërtim Korporata Energjetike e Kosovës KEK sh. a.
Sipas tij, çështjet eventuale të hapura para vitit 2005 i takojnë KEK-ut të vjetër, gjegjësisht KEK Holdingut.
“Auditimi i Pasqyrave financiare nga auditorët e pavarur KEK-u i ka bërë nga viti 2002 e deri me vitin e fundit të përfunduar afarist. Bazuar në të dhëna e tilla të verifikuara dhe të audituara nga auditorët e pavarur të firmave prijëse audituese në nivel botëror investimet sipas viteve kanë qenë rreth 350 milionë euro”, tha ai.
Por, në anën tjetër, përfaqësues të opozitës dhe ekspertë të ekonomisë në vend thonë se menaxhimi jo i mirë në vazhdimësi është duke ua ulur vlerën ndërmarrjeve publike në vend.
Haki Shatri, ish-ministër i Ekonomisë dhe Financave nga radhët e Aleancës për Ardhmërinë e Kosovës, thotë se Korporata Energjetike e Kosovës është një prej kompanive më të rëndësishme në vend.
Sipas tij, në asnjë mënyrë Qeveria nuk mund të ngutet me privatizimit e saj për t’ia ulur vlerën.
“Posta dhe Telekomi i Kosovës po shiten për të mbuluar zbrazëti buxhetore, unë nuk besoj se Qeveria do të veprojë njëjtë edhe me KEK-un”, tha ai.
Edhe Driton Tali thotë se në KEK menaxhimi gjatë gjithë kohës ka vazhduar me avazin e vjetër, ku bordi dhe menaxhmenti ma shumë kanë qenë të interesuar për tenderë se sa ta zhvillojnë kompaninë.
Kjo kulturë e menaxhimit, sipas tij, është instaluar nga koha e UNMIK-ut. “Me këtë tenderë janë kënaqur miqtë, kolegët, militantët partiak”, shprehet Tali. Sipas tij, KEK-u kurrë nuk mund të shitet sa ka investuar qeveria dhe Komisioni Evropian”, tha ai.
Investime në KEK ku përfshihen donacione, vetëfinancim, kredi
2010 108 milionë euro
2009 82,8 milionë euro
2007 28 milionë euro
2006 25,6 milionë euro
2005 19,2 milionë euro
2004 22,4 milionë euro
2003 30,4 milionë euro
2002 25,6 milionë euro
KEK-u
Viti 2000
9500 punëtor
Viti 2011
7684 punëtorë.

Zëri • INFO » Ditari » Politikë » Propagandë e policisë - Pjesa e dytë

2011-06-24T16:57:00.001+02:00

Zëri • INFO » Ditari » Politikë » Propagandë apo huqje e policisë

Propagandë e policisë - Pjesa e dytë

Policia e Kosovës është “habitur”, pasi një ditë pas protestës së Lëvizjes “Vetëvendosje” e ka rritur numrin e pjesëmarrësve në këtë protestë për 3000. Ditën e protestës policia gjithë kohën ka njoftuar se në të kanë marrë pjesë vetëm 1500 protestues, kurse një ditë me vonë kjo shifër është treﬁshuar.
Në raportin ditor të policisë ku njoftohet për zhvillimet e 24 orëve të fundit e që redaksisë i ka mbërritur në orën 15:37 minuta të ditës së enjte, përmes postës elektronike, thuhet se 4.500 protestues kanë protestuar para ndërtesës së Qeverisë së Kosovës.
“Rr. Nëna Terezë, Prishtinë më 22.06.2011-12:00. Raportohet se rreth 4.500 protestues kanë protestuar para ndërtesës së Qeverisë me moton ”Kundër Hajnisë”. Protesta ka qenë e organizuar nga Lëvizja “Vetëvendosje”, ku dhe ka përfunduar në orën 13:20 pa ndonjë incident”, thuhet në raportin e policisë.
Të kontaktuar për të sqaruar për këtë dallim të madh në shifra, policia nuk ka komentuar, madje ka thënë se kjo shifër nuk është e mundur të ketë dalë nga policia. “Mund të jetë një gabim teknik, nuk ka mundësi që kjo shifër të ketë dalë nga policia”, thotë Brahim Sadriu, zyrtar për informim i Policisë së Kosovës.
Policia e Kosovës menjëherë pas kësaj e ka dërguar një sqarim dhe e ka përforcuar deklaratën e një dite më parë se në protestë kanë marrë pjesë vetëm 1.500 protestues.
Për Alma Lamën nga Lëvizja “Vetëvendosje”, një gjë e tillë nuk është e habitshme kur dihet fakti, sipas saj, që Policia e Kosovës varet nga kryeministri i Kosovës, Hashim Thaçi, e protesta ka qenë e organizuar kundër Qeverisë.
“Nëse policia ka dhënë dy shifra ku shihen dallime shumë të mëdha, atëherë tendenca ka qenë që të zvogëlohet numri i protestuesve, pasi policia varet nga kryeministri Hashim Thaçi”, ka thënë ajo.
“Kur flasim për numër protestuesish ato nuk mund të jenë të sakta, por këtu tendenca ka qenë për të dobësuar protestën duke dhënë ﬁllimisht një numër prej 1500 protestuesish”, thekson Lama.

Zëri • INFO » Ditari » Politikë » Propagandë e policisë

2011-06-24T16:49:00.001+02:00

Zëri • INFO » Ditari » Politikë » Propagandë apo huqje e policisë

Propagandë e policisë

Vjedhja skandaloze, që kishte ndodhur para më shumë se dy vjetësh në dhomën e dëshmive në ndërtesën e Policisë së Kosovës, është shndërruar në një lojë pingpongu ndërmjet EULEX-it dhe policisë vendore.
Pas dështimit të institucioneve shtetërore të vendit, për ndriçimin e këtij skandali shtetëror, rastin e kishte marrë në dorë misioni i BE-së për forcimin e sundimit të ligjit në Kosovë- EULEX. Por, njëjtë sikurse vendorët edhe këta dështuan në zbardhjen e kësaj vjedhjeje misterioze. Dhe, sërish pas një kohe mjaft të gjatë rasti shumë shpejt do t’u rikthehet vendorëve.
Për më tepër, sipas ekspertëve të sigurisë, kjo lojë ndërmjet vendorëve e ndërkombëtarëve ﬂet më së miri se asnjëra palë nuk është e interesuar që t’i vejë kapak kësaj pune dhe ta zbardhë rastin.
Hetuesit ndërkombëtarë të EULEX-it, të cilët janë marrë me rastin, për një kohë të gjatë patën çuar shumë “pluhur” se pista e hetimeve tashmë është ngushtuar, madje patën thënë se ka edhe disa të dyshuar. Mirëpo, pavarësisht këtij zotimi, edhe dy vjet pas ndodhjes së vjedhjes në Policinë e Kosovës askush nuk është arrestuar dhe ndjekur penalisht.
Zyrtarë të EULEX-ut thonë se teknikisht janë pezulluar hetimet, në anën tjetër autoritetet policore kosovare pohojnë se janë në pritje të marrjes së rastit.
“Nën mbikëqyrjen e Prokurorisë Speciale të Kosovës, një ekip i përbashkët i Policisë së Kosovës dhe EULEX-it do të vazhdojë hetimin e rastit të ashtuquajtur “Dhoma e provave”. Një numër i madh i pistave të hetimit kanë qenë duke u verifikuar nga policia, mirëpo hetimi fillestar për momentin është teknikisht i pezulluar, por në pritje të përgjigjeve nga kërkesat hetimore”, ka thënë zëdhënësi i EULEX-it, Blerim Krasniqi.
Ndërkaq vetë drejtori i Policisë së Kosovës, Reshat Maliqi, i ka konfirmuar gazetës “Zëri” se është në pritje të marrjes së rastit për vjedhjen në polici, ku në natën e 25 prillit të vitit 2009 ishte vjedhur sasi e madhe e drogës dhe e parave. “Ekziston vullneti nga EULEX-i që rasti shumë shpejt të kalojë sërish në duart e Policisë së Kosovës”, ka thënë kreu i policisë, Reshat Maliqi.
Duke marrë parasysh që edhe pas dy vjetësh nuk ka asnjë rezultat rreth këtij rasti, drejtues të PK-së kanë vendosur që të bëjnë ndërrimin e hetuesve, të cilët do ta marrin përsipër rastin e vjedhjes në dhomën e provave, që ndryshe njihet edhe si skandali më i madh jo vetëm në polici, por edhe në vetë shtetin e pavarur të Kosovës.
“Posa rasti të kalojë te policia e shtetit, menjëherë do të urdhëroj caktimin e hetuesve tjerë, pasi që nuk mund të lejojmë të njëjtit hetues, të cilët nuk kanë arritur të zbardhin rastin, të merren edhe në të ardhmen me të njëjtin hetim”, ka thënë shefi i policisë, Maliqi.
Nga ana e tij, kryetari i Komisionit për Punë të Brendshme dhe Siguri në Kuvendin e Kosovës, Ahmet Isufi, fajëson institucionet shtetërore, të cilat, sipas tij, nuk janë të interesuara që të zbardhin këtë ngjarje skandaloze.
“Mënyra e sjelljes së institucioneve kosovare karshi zbardhjes së këtij skandali flet më së miri për joseriozitetin e tyre. Andaj, me këtë sjellje kjo qeveri po tregon se është futur në krim të organizuar dhe korrupsion”, ka thënë Isufi. Ai po ashtu ka adresuar kritika edhe tek misioni i EULEX-ut, që, sipas tij, nuk ka bërë as hapin më të vogël për të ndriçuar këtë ngjarje. “Deri më tani kemi parë vetëm spektakle nga EULEX-i dhe jo veprime konkrete për luftimin e krimit dhe korrupsionit”, ka thënë ai.
Edhe njohësi i çështjeve të sigurisë, Nuredin Ibishi, fajëson ish-ministrin e Punëve të Brendshme, Zenun Pajaziti, dhe ish-shefin e policisë, Sheremet Ahmeti, që, sipas tij, nuk kanë qenë të interesuar që të zbardhin vjedhjen në polici.
“Barra kryesore për dështimin bie mbi institucionet shtetërore të vendit dhe jo mbi EULEX-in, sepse atëbotë nuk i kishin ndërmarrë veprimet e duhura, të cilat çuan deri te gjithë kjo “mjegull”.
“Ata patën krijuar një Task-Forcë, e cila kurrë nuk dihet se çfarë ka bërë. Prandaj, mendoj se me krijimin e asaj Task-Force, kreu i MPB-së dhe ish-kreu i policisë kanë mënjanuar mundësinë e zbulimit të rastit”, ka thënë Ibishi. Sipas tij, me këtë ngjarje po luhet pingpong dhe vështirë se ndonjëherë mund të rikuperohet ky dështim. “Kjo lojë e pingpongut tregon se ky dështim vështirë se mund të rikuperohet”, ka thënë eksperti Nuredin Ibishi.
Ndryshe, kanë kaluar më shumë se dy vjet nga koha e ndodhjes së skandalit në Policinë e Kosovës, ku në dhomën e dëshmive u patën vjedhur 47 kilogramë e 627 gramë substanca narkotike të llojit heroinë, 7 bimë kanabis, 3 mijë e 828 euro para të gatshme, 520 rupi indianë, 6.5 milionë lira turke, 5 mijë lejë rumunë, 950 lekë shqiptarë dhe një çantë e zezë sportive, por deri më tani nuk ka asnjë të arrestuar.

Zëri • INFO » Ditari » Politikë » Kosova “heq dorë” nga Republika

2011-06-24T16:36:00.001+02:00

Zëri • INFO » Ditari » Politikë » Kosova “heq dorë” nga Republika

Kosova “heq dorë” nga Republika

Lëvizja e lirë, çështja e tregtisë së lirë, çështja e telekomunikacionit, e energjisë, si dhe kthimi i dokumenteve kadastrale dhe civile janë gjashtë çështjet për të cilat Kosova dhe Serbia do të arrijnë marrëveshje gjatë muajit korrik.
Në një intervistë për të përditshmen “Koha Ditore” zëvendëskryeministrja Edita Tahiri, që është edhe udhëheqëse e ekipit kosovar të bisedimeve, ka folur në detaje për secilën marrëveshje. Ajo i ka pranuar edhe lëshimet e Kosovës e edhe të Serbisë. Ka thënë se marrëveshjet janë evropiane dhe se ato e afrojnë Kosovën me BE-në.
Sipas Tahirit, Kosova nuk po bën kompromise dhe të dyja palët po mundohen që të përfitojnë sa më shumë.
Qytetarët kosovarë do të mund të udhëtojnë në Serbi, por vetëm me letërnjoftim. Ata nuk do të kenë nevojë që ta tregojnë pasaportën e tyre në shtetin fqinj. Doganat e Kosovës do të mbajnë vulat “Dogana e Kosovës”, dhe dokumentet përcjellëse nuk do ta kenë fjalën Republikë. Qytetarëve serbë të Kosovës do t`u hiqen tabelat e Serbisë, por do t’u mundësohet mbajtja e tabelave KS të kohës së UNMIK-ut.
Zëvendëskryeministrja Tahiri ka thënë se ky do të jetë një transicion.

Bota Sot » Pacolli po lobon në Afrikë

2011-06-23T22:23:00.001+02:00

Bota Sot » Pacolli po lobon në Afrikë

Pacolli po lobon në Afrikë

Zëvendëskryeministri i parë i Kosovës, Behgjet Pacolli, po zhvillon aktivitete lobuese në Afrikë. Gjatë vizitës në Gana, Pacolli është pritur nga Ministri i punëve të Jashtme i këtij shteti, Lahi Mohamet Mumini i cili i ka premtuar angazhim për njohje të reja të Kosovës.

Zv.Kryeministri, Pacolli ka theksuar se roli i Ghanës në Samitin e Unionit Afrikan është i veçantë për Kosovën.

Pacolli ka kërkuar nga Ministri i Punëve të Jashtme i Ghanës, që të shqyrtoj mundësitë për të bashkëpunuar me Ministrinë e Punëve të Jashtme të Ugandës, në mënyrë që bashkërisht të prezantojnë gjatë Samitit të Unionit Afrikan, çështjen e unifikimit të qëndrimit të vendeve Afrikane, për njohjen sa më të shpejtë të Pavarësisë së Kosovës.

Ky Samit do të mbahet në Kryeqytetin e Guineas Equatoriale, në Malabo, nga 28-30 qershori.

Zëvendëskryeministri, Pacolli, ka udhëtuar për në Nigeri ku do të ketë një darkë pune me presidentin e këtij shteti.

Bota Sot » KQZ: Lulzim Basha, kryetar i Bashkisë së Tiranës

2011-06-23T18:21:00.002+02:00

Bota Sot » KQZ: Lulzim Basha, kryetar i Bashkisë së Tiranës

KQZ: Lulzim Basha, kryetar i Bashkisë së Tiranës
Përfundon rinumërimi i votave të kontestuara, Lulëzim Basha fitues me 95 vota.

Komisioni Qendror i Zgjedhjeve (KQZ) ka përfunduar hapjen e kutive të 11 njësive të bashkisë së Tiranës, ku kandidati i “Aleancës për të qytetarin”, Lulzim Basha kryeson me 95 vota, kundrejt kandidatit të “Aleancës për të ardhmen”, Edi Rama.

Komisioni Qendror i Zgjedhjeve (KQZ) ka zbatuar më shpejt nga çfarë kishte deklaruar më parë, vendimin e Kolegjit Zgjedhor, ku urdhërohej të shikonte të gjitha votat e hedhura në kutitë e gabuara, dhe përfshirjen e tyre në tabelat përfundimtare.

Brenda pesë ditëve, KQZ-ja ka hapur dhe ka rinumëruar votat e hedhura në kutitë e gabuara në 1795 kuti.

Sipas zëdhënësit të KQZ-së, Leonard Olli, ditën e nesërme KQZ do të ketë edhe një tabelë përfundimtare për bashkinë e Tiranës.

Ndërkohë në mbyllje të procesit, kreu i KQZ-së, Arben Ristani ndërsa deklaroi mbylljen e rinumërimit, e quajti atë një proces të vështirë por korrekt. Ai falënderoi të gjithë perfaqesuesit e partive politike, vëzhguesit dhe stafin e KQZ-së.

Në këtë mënyrë, KQZ ka shpallur kandidatin Lulzim Basha, kryetar të Bashkisë së Tiranës.

Bota Sot » Konjufca: Buzhala është mercenar, jo deputet

2011-06-23T17:49:00.001+02:00

Bota Sot » Konjufca: Buzhala është mercenar, jo deputet

Konjufca: Buzhala është mercenar, jo deputet
VV e PDK edhe në Kuvendin e Kosovës kanë vazhduar me akuza

Partia Demokratike e Kosovës (PDK) dhe Lëvizja Vetëvendosje (VV), akuzat e tyre për hajni dhe korrupsion i kanë vazhduar sot edhe në seancën e Kuvendit të Kosovës.

Deputeti nga radhët e PDK-së, Berat Buzhala në emër të Grupit Parlamentar të PDK-së protestuesit e djeshëm i ka quajtur hipokrit. Buzhala tha se askush në Qeverinë e Kosovës nuk është për korrupsion.

Ndërsa, deputeti i Vetëvendosjes'' Glauk Konjufca tha se protestuesit nuk e kanë fyer asnjërin, por kanë thënë të vërtetën se në qeveri ka hajna dhe hajni të mëdha.

Megjithatë debati në Kuvend kaloi edhe në çështje personale dhe çështje tenderësh. Deputeti Berat Buzhala akuzoi udhëheqësit e Lëvizjes Vetëvendosje se po protestojnë kinse kundër hajnisë, ndërkohë që vet janë të implikuar në shumë tenderë të ndryshëm.

Por, deputeti Konjufca, numëroi disa tenderë që sipas tij, janë të implikuar vet deputeti Buzhala dhe krerët e shtetit.

Ndryshe edhe vet Qeveria e Kosovës, protestën e djeshme e ka quajtur si e drejtë qytetare, por ka kërkuar që të mos ketë fyerje.

Bota Sot » Java çame hapet me trëndafilat e Çamërisë (me videoklip)

2011-06-22T03:06:00.001+02:00

Bota Sot » Java çame hapet me trëndafilat e Çamërisë

Java çame hapet me trëndafilat e Çamërisë

Shoqata “Çamëria”, Klubi i Patriotëve të Rinj dhe Partia Drejtësi, Integrim dhe Unitet çelën sot në mjediset e Hotel Tirana, “Javën çame – Trëndafilat e Çamërisë“. Java përkujtimore, që do të përmbajë një sërë aktivitetesh me kulmim në marshimin tradicional çam, në Qaf-Botë të Sarandës më 25 qershor, u çel me poezinë “Trëndafilat e Çamërisë“ të shkruar nga poeti shqiptar i Kosovës, z. Fatmri Muja dhe të performuar nga artisti i mirënjohur, z. Mirush Kabashi.

Fjalën e hapjes së aktivitetit e mbajti kryetari i Partisë Drejtësi, Integrim dhe Unitet, z. Shpëtim Idrizi, i cili theksoi se çështja çame do të gjej rrugën e zgjidhjes dhe parashtroi hapat e ndërmarra dhe që janë në progres në lidhje me këtë çështje.

Më tej ai shtoi se do të krijohet një mekanizëm institucional, që do të grumbullojë të gjithë të dhënat mbi çështjen çame , duke regjistruar komunitetin, historitë personale, pretendimet pronësore, do t’i asistojë ata për zgjidhjen e këtij problemi,në planin juridik, etj.

Theks të veçantë në fjalimin e tij mbajti vendimi i fundit i qeverisë greke për shitjen e pronave në zonat kufitare, ku me shumë gjasa pronat që do të shiten janë pronat e shqiptarëve të Çamërisë.

Ndërkaq ai theksoi se po bashkëpunohet edhe me shqiptarët e mbetur në Çamëri, duke i sqaruar ata se PDIU nuk ka ndërmend të prish paqen sociale të askujt dhe se shqiptarët e Çamërisë duan prej shtetit grek të kërkohet ndjesë për krimet e mëdha që janë kryer dhe zgjidhje juridike për këto krime.

Presidenti i nderit i PDIU-së, z. Tahir Muhedini vlerësoi rolin që ka pasur shoqata “Çamëria” në mbajtjen gjallë të traditave dhe kulturës çame, sikurse edhe në promovimin brenda dhe jashtë vendit të çështjes çame. Kryetari i shoqatës “Çamëria”, z. Ardian Tana vlerësoi rolin që kanë pasur figura të shquara çame në historinë e Çamërisë, të Shqipërisë dhe të mbarë Ballkanit.

“Kjo tokë sigurisht nuk kish lindur vetëm luftatarë, por edhe dhjetëra dijetarë, njerëz të shkencës, mendimit artit e letrave shqipe, duke përmendur humanistin e shenjtorin Maksim Artioti, Hasan Tahsinin e madh, Elena Gjikën, Kolë Idromenon, Mitrush Kutelin e dhjetëra të tjerë. Shqiptarët e Çamërisë ishin pjesëmarrës aktivë në Luftën Antifashiste. Në formacionet luftarake në të dy anët e kufirit morën pjesë mbi 1000 bij e bija të Çamërisë dhe një pjesë prej tyre dhanë edhe jetën , ç’ka hedh poshtë çdo justifikim për barbaritë që hordhitë greke luajtën në shpinë të popullsisë së pambrojtur shqiptare. Në muajt e tmerrit zervistët provuan mbi popullsinë e pafajshme aktet më të tmerrshme të urrejtjes dhe ligësisë njerëzore, për të realizuar atë që ata kishin planifikuar me kohë.” – tha z. Tana. Në aktivitet përshëndeti edhe artisti i mirënjohur nga Kosova, z. Enver Petrovci, i cili deklaroi se tashmë shqiptarët janë të bashkuar për të çuar përpara të drejtat e tyre kombëtare. Java çame do të vijoj nesër paradite në orën 11:00 me çeljen e ekspozitës fotografike jashtë mjediseve të kryesisë së Kuvendit, në bulevardin “Dëshmorët e Kombit”.

Bota Sot » Konsullata e Kosovës në Frankfurt, një “derë e hapur” për studentët shqiptarë

2011-06-22T01:27:00.001+02:00

Bota Sot » Konsullata e Kosovës në Frankfurt, një “derë e hapur” për studentët shqiptarë

Konsullata e Kosovës në Frankfurt, një “derë e hapur” për studentët shqiptarë
Konsulli Zemaj takoi studentet shqiptarë në Frankfurt

Ditë më parë, Konsulli Zemaj ka pritur në Konsullatën e RKS-së në Frankfurt një grup prej rreth 45 studentëve shqiptare (shumica nga Kosova), pjesa dërmuese e të cilëve studiojnë në lëmi të ndryshme në Universitetin Goethe në Frankfurt. Nje iniciative e Konsullit Zemaj për afrimin e intelegjencës së rë kosovare të cilët studiojnë në universitete të ndryshme Gjermane brenda rrethit Konsullor me qellim të bashkëpunimit në fusha të ndryshme me Konsullatën e RKS-se në Frankfurt, ka filluar qe në fillim të etablimit të Konsullatës së RKS-së në Frankfurt në fillim të vitit 2011. në këtë kontekst Konsullata e RKS-se në Frankfurt ka vizituar disa Universitete të ndryshme brenda rrethit konsullor të cilin ajo e mbulon, si dhe ka organizuar disa tryeza të rëndësishme me qellim të promovimit sa me të mire të Republikës së Kosovës dhe instuticioneve të saja në Gjermani. Pas takimeve të ndryshme të Konsullit Zemaj me studente nga universitete të ndryshme deri me tani kane rezultuar me krijimin e dy organizatave studentore të përbashkëta, ndërsa këto ditët e fundit edhe në Frankfurt, është themeluar shoqata studentore ARBERIA. Numri i studenteve të anëtarësuar është tejet i larte të cilët studiojnë nga fusha të ndryshme në Universitetet gjermane në rajon.

Bota Sot » Rexhepi-Sinno, progres në fushën e legjislacionit

2011-06-22T01:26:00.001+02:00

Bota Sot » Rexhepi-Sinno, progres në fushën e legjislacionit

Rexhepi-Sinno, progres në fushën e legjislacionit

Ministri Rexhepi priti Khaldoun Sinno, ushtrues detyre i shefit të Zyrës Ndërlidhëse të Komisionit Evropian në Prishtinë

Ministri i Punëve të Brendshme, Bajram Rexhepi priti në kabinetin e tij, ushtruesin e detyrës së shefit të Zyrës Ndërlidhëse të Komisionit Evropian në Prishtinë, Khaldoun Sinno.

Gjatë këtij takimi u diskutua për implementimin e agjendës Evropiane dhe përgjegjësive që i takojnë Ministrisë së Punëve të Brendshme në këtë fushë.

Ministri Rexhepi e informoi, z. Sinno për progresin e arritur në fushën e legjislacionit, riatdhesimit dhe ri-integrimit, sigurinë e dokumenteve, luftën kundër krimit të organizuar, si dhe Menaxhimin e Integruar të Kufijve.

Ndërsa, Khaldoun Sinno vlerësoi progresin e arritur, duke shprehur interesin që të vazhdohet me dinamikën e deritanishme edhe gjatë muajve të verës, në mënyrë që Raporti i Progresit i ardhshëm të jetë sa më pozitiv për Kosovën.

Bota Sot » Byhler takohet me shefin e ushtrisë serbe, Miletiq

2011-06-22T01:24:00.001+02:00

Bota Sot » Byhler takohet me shefin e ushtrisë serbe, Miletiq

Byhler takohet me shefin e ushtrisë serbe, Miletiq
Trupat ndërkombëtare në Kosovë kanë njoftuar se gjenerali i KFOR-it, Erhard Byhler, është takuar me Shefin e Shtabit të Përgjithshëm të Forcave të Armatosura të Serbisë, Gjeneralin Miloje Miletiq.

Takimi, siç njofton komunikata e KFOR-it, është zhvilluar në Kopaonik, ndërsa ai është në kuadër të kontakteve të rregullta që ka KFOR-i me ushtrinë e Serbisë.

Sipas KFOR-it, “qëllimi kryesor i këtyre takimeve është të bëhet monitorimi, ndërlidhja dhe mënjanimi i konfliktit, në kuadër të përmbushjes së kërkesave të Marrëveshjes Tekniko-Ushtarake, e cila përfshin për shembull, shkëmbimin e informatave lidhur me forcat e sigurisë në të dyja anët e Vijës Kufitare Administrative, ushtrimet dhe operacionet e tyre ose çështjet që kanë të bëjnë me sigurinë në Vijën Kufitare Administrative”.

Komunikata e KFOR-it shkon më tej duke thënë se gjatë takimit, bashkëpunimi në mes të forcave ndërkombëtare dhe ushtrisë së Serbisë, është vlerësuar si “shumë i mirë dhe tejet profesional, i bazuar në respekt të ndërsjellë”.

“Gjenerali Miletiq dhe Gjenerali Byhler u pajtuan që të vazhdojnë dhe të zhvillojnë edhe më shumë bashkëpunimin në mes të dy palëve dhe të rrisin komunikimin në mes të KFOR-it dhe Forcave të Armatosura të Serbisë në nivel të duhur”, thuhet në fund të komunikatës së KFOR-it.

Bota Sot » Prezantohet sistemi i ri kontrollit të sëmundjeve infektive

2011-06-22T01:23:00.001+02:00

Bota Sot » Prezantohet sistemi i ri kontrollit të sëmundjeve infektive

Prezantohet sistemi i ri kontrollit të sëmundjeve infektive

Në Institutin Kombëtar të Shëndetësisë Publike (IKSHP) të Kosovës u bë sot prezantimi i sistemit të ri të mbikëqyrjes dhe kontrollit të sëmundjeve infektive. Ky sistemi i mbikëqyrjes bazohet në një software të sofistikuar që punon në rrjet dhe përcjell sëmundjet ngjitëse që janë të obliguara me ligj të raportohen në Institutin Kombëtar dhe të mundëson kontrollin efektiv dhe me kohë të situatës epidemiologjike si dhe ndërmarrjen në kohë reale të masave profilaktike dhe kundër epidemike.

Ministri i Shëndetësisë i Republikës së Kosovës, Ferid Agani, tha se prezantimi i sistemit të ri të mbikëqyrjes përmes softwerit të ri është pjesë e sistemit të ri të unifikuar të sistemit të informimit shëndetësor.

"Ne besojmë se sistemi unik i informimit shëndetësor do të jetë i implementueshëm që nga 1 janari i vitit 2013 bashkë me sigurimet shëndetësore", tha Ministri Agani.

Ministri Agani tha se moduli që ka të bëjë me sëmundjet ngjitëse është i rëndësisë së veçantë dhe ka të bëjë me situata të veçanta dhe do të mundësojë që të dhënat reale në çdo kohë rreth sëmundjeve të ndryshme të shkojnë në IKSHP. "Asgjë në një shtet nuk është më rëndësishëm se sa shëndeti publik", theksoi Ministri Agani, duke shprehur bindjen se të dhënat që do të fitohen nga ky sistem i mbikëqyrjes dhe kontrollit të sëmundjeve, do të ndihmojnë politikë bërjen në shëndetësi të gjenerojë politika të drejta shëndetësore.

Naser Ramadani, drejtor i IKSHP-së, tha se sistemi i ri i mbikëqyrjes të sëmundjeve infektive përmes rrjetit të zgjeruar mundëson: raportimin nga të gjitha nivelet shëndetësore, raportimin në real time (brenda 24 orëve) nga niveli primar (QKMF dhe punktet e QMF) deri në IKSHP.

"Në këtë mënyrë mund të kemi pasqyrën reale të situatës epidemiologjike brenda ditës. Po ashtu, përmes grumbullimit të rasteve të raportuara, në data base mund të bëhet procesimi i informatave ditore, javore dhe mujore, vjetore ( sipas nevojës)", tha ai, duke theksuar faktin se imunizimi i fëmijëve në shkallë prej mbi 95 për qind dhe paraqitja deri tash e vetëm një rasti me ethe hemorragjike krime Kongo që ka shkuar mirë klinikisht, flet se punonjësit e IKSHP-së, po bëjnë punë të mirë ne teren në parandalimin e shumë sëmundjeve infektive. Epidemiologu Isuf Dedushaj, kryetar i Komitetit Nacional për Sëmundje Ngjitëse tha se në aspektin epidemiologjik në Kosovë janë bërë punë të mëdha dhe eliminimi i nëntë sëmundjeve ngjitëse është një rezultat impresiv.

Ai tha se pavarësisht se brenda vitit në Kosovë regjistrohen rreth një qind mijë raste të sëmundjeve ngjitëse, ato janë prej kategorisë së sëmundjeve që trajtohen me sukses dhe rezultatet janë shumë të mira në parandalimin e sëmundjeve vaksinë preventabile.

Në këtë prezantim, përveç zyrtarëve të MSH-së, IKSHP-së, morën pjesë edhe zyrtarë të OBSH-së e UNICEF-it si dhe profesionistë të shumtë mjekësor, ndërsa prezantimin e i sistemit të ri të mbikëqyrjes dhe kontrollit të sëmundjeve infektive, e ka bërë dr. Ariana Kalaveshi, epidemiologjike.

Bota Sot » SHBA-të donacion prej 2.5 milionë dollarëve për Ministrinë e FSK-së

2011-06-22T01:22:00.001+02:00

Bota Sot » SHBA-të donacion prej 2.5 milionë dollarëve për Ministrinë e FSK-së

SHBA-të donacion prej 2.5 milionë dollarëve për Ministrinë e FSK-së

Sot, më 21 qershor 2011, në ministrinë e Forcës së Sigurisë së Kosovës, u nënshkrua memorandumi i bashkëpunimit në mes MFSK-së dhe Ambasadës së Shteteve të Bashkuara të Amerikës në Prishtinë, për pranimin e një donacioni në vlerë prej 2.5 milionë dollarëve, i dhuruar përmes “Fondit të Mirëbesimit” në Bruksel për FSK-në. Donacioni ka të bëj me sistemin e menaxhmentit informativ.

Duke folur për rëndësinë e këtij donacioni, ministri Çeku u shpreh se “një marrëveshje e tillë dëshmon se FSK-ja ka miq të cilët ndihmojnë që rruga drejt modernizimit të jetë e nivelit sa më të lartë, kjo marrëveshje përshtatet edhe me synimin tonë që FSK-ja të jetë forcë moderne edhe në aspektin e teknologjisë informative”.

Duke falënderuar në emër të ministrisë së FSK-së, zv ambasadorin e ambasadës së SHBA-ve ne Prishtinë, Michael Murphy, ministri Çeku potencoj se ne si Ministri e FSK-së gjithmonë jemi të gatshëm për bashkëpunime të këtilla, ku me veprime konkrete shkohet drejt zhvillimit tonë, dhe në të njëjtën kohë ndihmon shumë edhe në arritjen e Kapaciteteve të Plota Operacionale.

Zv, ambasadori amerikan Michael Murphy duke folur në emër të qeverisë së SHBA-ve u shpreh se: “Unë jam shumë i lumtur që jam këtu sot, dhe ndihem krenar për të njoftuar se Shtetet e Bashkuara kanë dhuruar këtë donacion në vlerë prej 2.500.000 $. Ne jemi të lumtur që po hapim këtë fushë të re të bashkëpunimit, fushë kjo e cila i ofron FSK-së mjetet që i duhen për të ndihmuar vetveten. Është e rëndësishme që të kuptohet, u shpreh ai, se ky donacion, nuk është një dhuratë, ky është një obligim për ne në ngritjen e FSK-së. Ne dëshirojmë të shohim që e ardhmja e FSK-së të jetë integrimi i saj në institucionet rajonale dhe euro-atlantike, dhe unë jam i bindur se FSK-ja në kuadër të mandatit të saj, do të vazhdon zhvillimin e saj edhe më të mirë që të ofron siguri për gjithë popullin e Kosovës. Unë e di se FSK do t'i tregojë komunitetit ndërkombëtar, se ajo është, një partner i besuar dhe plotësisht e aftë për të përmbushur detyrat e përcaktuara me ligjin e Kosovës. Ne jemi shumë të kënaqur që edhe ne kemi kontribuar në përparimin që FSK ka bërë deri tani, dhe besojmë se ky donacion do të kontribuojë shumë në zhvillimin e FSK-së edhe në të ardhmen”.

Zëri • INFO » Ditari » Politikë » Kurti, Kuçit: Alternativa është kjo: Mos vjedh!

2011-06-22T01:06:00.001+02:00

Zëri • INFO » Ditari » Politikë » Kurti, Kuçit: Alternativa është kjo: Mos vjedh!

Kurti, Kuçit: Alternativa është kjo: Mos vjedh!

Lëvizja Vetëvendosje ka njoftuar se të mërkurën do të organizojë protestë paqësore me moton “kundër hajnisë”.

“Në orën 12:00 do të nisemi nga Biblioteka Kombëtare dhe marshuta jonë do të jetë nëpër rrugën ‘Nëna Terezë’ e deri te ndërtesa e Qeverisë. Aty do t’i kemi disa fjalime”, tha në një konferencë për media, lideri i kësaj lëvizje, Albin Kurti.

Protestuesit, tha Kurti, do t’i kenë xhepat e nxjerrë jashtë duke paraqitur kështu simbolikisht varfërinë e qytetarëve për shkak të, siç tha ai, hajnisë së pushtetit. Mjerimi social në Kosovë, sipas tij, nuk është fatkeqësi natyrore, por dashakeqësi politike.

“Janë tri lloje kryesore të hajnisë: manipulimi me tenderët që u jepen zakonisht e kryesisht biznesmenëve që janë miq të Qeverisë; shitja e ndërmarrjeve publike me këtë privatizim të egër që ua mbush xhepat ministrave; dhe, marrëveshjet e paralajmëruara me Serbinë që na e vjedhin territorin e Kosovës”, tha mes tjerash Kurti.

“Siç e dini, kjo qeveri operon tashmë me buxhet të paligjshëm, planifikon t’i shesë lirë dhe shpejt PTK-në, KEK-un e Trepçën dhe mendon t’i bëjë 6 marrëveshje me Serbinë me ç’rast jo vetëm që qytetarët dhe deputetët nuk dinë se çka përmbajnë ato, por edhe platforma e bisedimeve nuk i është dhënë as kryesisë së Kuvendit dhe as kryetarit të Kuvendit”, tha Kurti.

“Në protestë do të ketë edhe policë, pasi që edhe policët janë kundër hajnisë. Ne e kemi njoftuar dje pasdite policinë e Kosovës me njoftim zyrtar me ç’rast ua kemi shpjeguar itinerarin e marshutës protestuese prej vendgrumbullimit e deri te vendi ku përfundon marshi”, tha lideri i Lëvizjes Vetëvendosje.

I pyetur të komentojë deklaratën e zëvendëskryeministrit Hajredin Kuçi, i cili e ka ftuar Lëvizjen Vetëvendosje që të lërë mënjanë ofendimet dhe të ofrojë alternativa konkrete, Kurti është përgjigjur: “Ne e kemi dhënë alternativën tonë në programin tonë politik. Sigurisht që alternativa ndaj vjedhjes është: MOS VJEDH”.

Ndërsa, sa i përket shtyrjes së interpelancës së kryeministrit për dy javë nga kryesia e Kuvendit të Kosovës, Kurti e konsideron një shprehje paniku që ka kapluar qeverinë e Kosovës.

Këtë protestë sipas Lëvizjes Vetëvendosje e kanë mbështetur dhe do të marrin pjesë shumë organizata si p.sh.: Rrjeti i Grupeve të Grave të Kosovës, Sindikata e Punëtorëve të PTK-së, Sindikata e Punëtorëve të Fabrikës së Amortizatorëve, Sindikata e Punëtorëve të Sharrcemit, Sindikata e Bujqve të Kosovës si dhe shumë organizata lokale nga komuna të ndryshme të Kosovës.

Bota Sot » Kurti: Protesta do të jetë e qetë

2011-06-22T00:53:00.001+02:00

Bota Sot » Kurti: Protesta do të jetë e qetë

Kurti: Protesta do të jetë e qetë

Nesër, të mërkurën, më 22 qershor, në Prishtinë do të mbahet protestë paqësore kundër hajnisë. Në orën 12:00 do të nisemi nga Biblioteka Kombëtare dhe marshuta jonë do të jetë nëpër rrugën ‘Nëna Terezë’ e deri te ndërtesa e Qeverisë. Aty do t’i kemi disa fjalime. Protestuesit do t’i kenë xhepat e nxjerrë jashtë duke paraqitur kështu simbolikisht varfërinë e qytetarëve për shkak të hajnisë së pushtetit. Mjerimi social në Kosovë nuk është fatkeqësi natyrore por dashakeqësi politike.

Janë tri lloje kryesore të hajnisë: manipulimi me tenderët që u jipen zakonisht e kryesisht biznesmenëve që janë miq të Qeverisë; shitja e ndërmarrjeve publike me këtë privatizim të egër që ua mbush xhepat ministrave; dhe, marrëveshjet e paralajmëruara me Serbinë që na e vjedhin territorin e Kosovës. Siç e dini, kjo qeveri operon tashmë me buxhet të paligjshëm, planifikon t’i shesë lirë dhe shpejt PTK-në, KEK-un e Trepçën dhe mendon t’i bëjë 6 marrëveshje me Serbinë me ç’rast jo vetëm që qytetarët dhe deputetët nuk dinë se çka përmbajnë ato, por edhe platforma e bisedimeve nuk i është dhënë as kryesisë së Kuvendit dhe as kryetarit të Kuvendit, ka thënë sot në konferencën për gazetarë lideri i Vetëvendosjes, Albin Kurti.

Këtë protestë e kanë mbështetur dhe do të marrin pjesë shumë organizata si p.sh.: Rrjeti i Grupeve të Grave të Kosovës, Sindikata e Punëtorëve të PTK-së, Sindikata e Punëtorëve të Fabrikës së Amortizatorëve, Sindikata e Punëtorëve të Sharrcemit, Sindikata e Bujqve të Kosovës si dhe shumë organizata lokale nga komuna të ndryshme të Kosovës.

Pyetjet e gazetarëve dhe përgjigjet e Albinit:

Në pyetjen se është a janë njoftuar organet e rendit për protestën, Kurit ka thënë se ne e kemi njoftuar dje pasdite policinë e Kosovës me njoftim zyrtar me ç’rast ua kemi shpjeguar itinerarin e marshutës protestuese prej vendgrumbullimit e deri te vendi ku përfundon marshi. Pra, zyrtarisht e kemi nojftuar policinë e Kosovës dhe ajo e ka pranuar dhe e ka protokolluar njoftimin tonë.

Bota Sot » Leonora Jakupi solidarizohet me grevistët (Video)

2011-06-20T23:11:00.003+02:00

Bota Sot » Leonora Jakupi solidarizohet me grevistët (Video)

Leonora Jakupi solidarizohet me grevistët (Video)

Ylli i estradës kosovare, këngëtarja Leonora Jakupi u solidarizua për disa momente me veteranët e luftës që për një muaj po qëndrojnë në grevë në tendat e vendosura afër Qeverisë së Kosovës.

Ajo tha se është vonuar për t’i vizituar këta grevistë për shkak se i priste kolegët e estradës të vinin bashkë.

Gjatë një bisede më grevistët Leonora tha se këto kategori meritojnë shumë më shumë sesa ky trajtim.

“Këta njerëz meritojnë kushte më të mira, trajtim më të mirë, meritojnë të jetojnë si mbretër, për faktin se pa kontributin e tyre, pa gjymtyrët e tyre, që ata dhanë për kombin, për lirinë tonë sot, ne sot nuk do të ishim”, tha ajo për Top Kosova.

Përfaqësuesit e grevistëve e falënderuan këngëtaren për vizitën që u ka bërë atyre dhe për kontributin që ka bërë ajo për këto kategori.

Bota Sot » Pacolli: Njohjet do të vijnë këtë muaj

2011-06-20T23:05:00.001+02:00

Bota Sot » Pacolli: Njohjet do të vijnë këtë muaj

Pacolli: Njohjet do të vijnë këtë muaj

Zëvendëskryeministri i parë Behgjet Pacolli ka paralajmëruar se Kosova së shpejti do të njihet edhe nga disa shtete. “Nuk mund të them se do t’i kemi 50 njohje përnjëherë, por do të kemi shumë njohje, sepse jemi duke e dhënë maksimumin, prandaj edhe procesi do të shkojë përpara. Shumë sinqerisht dhe me përgjegjësi të lartë po ju them se njohje për Kosovën do të ketë në këtë muaj dhe muajt e ardhshëm”, ka thënë Pacolli.

Ai ka treguar se diplomacia kosovare ka një koordinim si asnjëherë më parë edhe me qendrat e fuqishme të lobimit. Në një intervistë për “Epokën e re”, Pacolli u është kundërpërgjigjur edhe kritikave të opozitës. Ai u ka rekomanduar përfaqësuesve opozitarë që në vend se të kritikojnë, të kontribuojnë në shtimin e njohjeve.

Ndërkaq, mungesën e deritanishme të suksesit në lobim, zëvendëskryeministri i parë Behgjet Pacolii, e ka arsyetuar me faktin se Serbia po e përdor dialogun teknik në mes të dy shteteve për t’i penguar njohjet. Pacolli ka bërë me dije se përsëri do ta zhvillojë një turne lobues në Afrikë, nga ku pret rezultate konkrete.

Bota Sot » Edhe një valë e rritjes së çmimeve në Kosovë

2011-06-20T22:53:00.001+02:00

Bota Sot » Edhe një valë e rritjes së çmimeve në Kosovë

Edhe një valë e rritjes së çmimeve në Kosovë
Vendosja e taksës doganore prej 10 për qind për produktet e Serbisë, Bosnjës e Hercegovinës dhe Moldavisë, sipas analistëve të çështjeve ekonomike, do të sjellë edhe një valë të rritjes së çmimeve. Analistët theksojnë se qytetarët, për shkak të interesit të tyre financiar, duhet të përqendrohen në blerjen e produkteve vendore apo të vendeve tjera.

Paralajmërimet e Qeverisë së Kosovës për vendosjen e taksave doganore për 10 për qind për të gjitha produkte që vijnë nga Serbia dhe Bonja e Hercegovina, ka shqetësuar qytetarët e Kosovës dhe ekspertët e ekonomisë.

Këta të fundit, thonë se me aplikimin e kësaj takse doganore, do të ketë rritje të çmimeve.

Arian Zeka, nga Oda Amerikane e Kosovës, thotë se ekzistojnë produkte alternative në treg, të cilat do të mund t’i zëvendësonin produktet të cilat vijnë nga Bosnja e Serbia.

“Si do të duhej të reagonin qytetarët karshi kësaj ngritjeje të çmimeve? Besoj që ekzistojnë produkte alternative në treg, të cilat do të mund t’i zëvendësonin produktet që vijnë nga Bonja e Serbia. Qytetarët, për shkak të interesit të tyre financiar, duhet të përqendrohen në blerjen e këtyre produkteve alternative”, thekson Zeka.

Qytetarët thonë se ngritja e çmimeve të ushqimit do të shtyjë më tepër njerëz në varfëri.

Ata bëjnë thirrje për të luftuar inflacionin, i cili që nga fillimi i këtij viti ka shënuar rritje.

Institucionet e Kosovës kanë deklaruar tashmë se nuk mund të ndikojnë në uljen e çmimeve, por kanë premtuar se do të shqyrtojnë mundësinë për zbutjen e kësaj gjendjeje.

Laura Xhelili, qytetare, thotë se nëse do të ketë rritje të çmimeve për 10 për qind të produkteve që vinë nga Serbia, Bosnja dhe Moldavia, do të preferonte produktet vendore.

Ngjashëm mendon edhe Lavdërie Domi.

“Çka bëri Serbia deri tani, deri kur do të bindet ky popull që Serbia nuk do ta pranojë Kosovën në asnjë mënyrë. Dhe ne t’i përdorim produktet e tyre? Kjo nuk duhet të tolerohet”, thotë ajo.

Të dhënat zyrtare të institucioneve të Kosovës tregojnë se eksporti i Serbisë në Kosovë vazhdon të dominojë.

Gjatë vitit 2010, Serbia dhe Bosnja e Hercegovina, kanë eksportuar mallra në Kosovë me vlerë prej 300 milion eurosh.

Ky trend ka vazhduar edhe gjatë 2011-ës, thonë përfaqësuesit e bizneseve.

Ndërkaq, Arian Zeka nga Oda Ekonomike Amerikane, mendon se për të mos u ballafaquar më këtë rritje të çmimeve, Qeveria e Kosovës do të duhej të aplikonte embargo për produktet që vijnë nga Serbia dhe Bosnja.

“Pas këtij aplikimi të taksës 10 për qind, ne, Oda Ekonomie Amerikane, mendojmë që autoritet kosovare duhet të kalojnë në masë të plotë të reciprocitetit, që është mos pranimi i vulave doganore të këtyre dy vendeve”, thotë ai.

Autoritetet kompetente tashmë kanë deklaruar se është çështje javësh kur do të vendosin masa reciproke ndaj Serbisë dhe Bosnjës, shtete këto, të cilat nga viti 2008 kanë bllokuar të gjitha produktet kosovare.(rel)

Bota Sot » Bisedimet për koalicion, kërkohet zgjidhja e statusit të ish-UÇK-së

2011-06-20T22:43:00.001+02:00

Bota Sot » Bisedimet për koalicion, kërkohet zgjidhja e statusit të ish-UÇK-së

Bisedimet për koalicion, kërkohet zgjidhja e statusit të ish-UÇK-së

Në bisedimet për formimin e qeverisë së re në Maqedoni, diskutohet edhe për mbylljen e statusit të ish-UÇK-së. Nga BDI dhe VMRO-DPMNE, që po negociojnë formimin e ekzekutivit të ri, nuk jepen detaje, ndërsa shoqatat e dala nga lufta, thonë se zgjidhja duhet kërkuar në miratimin e një ligji të veçantë.

Partitë politike fituese të zgjedhjeve të 5 qershorit, VMRO-DPMNE dhe BDI, vazhdojnë negociatat për formimin e qeverisë së re, larg syve të opinionit.

Përveç ndarjes së posteve ministrore dhe të përgjegjësive tjera në ekzekutivin e ri, pjesë e bisedimeve janë edhe disa çështje tjera që kanë mbetur pa zgjidhje që nga nënshkrimi i Marrëveshjes së Ohrit, që i dha fund konfliktit të vitit 2001. Një ndër to është edhe zgjidhja e statusit të ish-pjesëtarëve të UÇK-së.

Drejtues të organizatës së veteranëve të luftës thonë se zgjidhja e vetme e këtij problemi mbetet miratimi i një ligji të veçantë, dhe për këtë, sipas Besim Hodës, duhet të insistojë deri në fund BDI-ja.

“Pikërisht kjo duhet të bëhet, pasi çështja e ligjit të familjeve të dëshmorëve dhe invalidëve të luftës është bërë çështje pazarllëqesh brenda 10 viteve, prandaj ne deklarojmë, në këtë drejtim, se kjo çështje duhet të marrë fund një herë e përgjithmonë dhe të zgjidhet ky problem, duke i dhënë shans Maqedonisë për vazhdim më të sigurt të ekzistimit të saj”.

“Ne mendojmë që subjektet politike, qofshin ato shqiptare apo maqedonase, e kanë marrë mesazhin, se pa zgjidhjen e këtij problemi, që do të jetë edhe fillimi i zgjidhjes së problemeve tjera, do të jetë e vështirë për të ecur përpara”, thotë Hoda.

Çështja e statusit të ish-UÇK-së ka qenë temë e debatit dhe e qëndrimeve të ndryshme gjatë tre viteve të kaluara mes partive që edhe tani po bisedojnë për qeverinë e re, BDI-së dhe VMRO-DPMNE-së.

Derisa BDI-ja angazhohet për miratimin e një ligji të veçantë, VMRO-DPMNE-ja, thotë se një gjë e tillë mund të zgjidhet në kuadër të ligjeve ekzistuese për trajtimin e rasteve sociale.

Organizatat e dala nga lufta, kanë kundërshtuar ashpër një gjë të tillë, duke deklaruar se lufta nuk është zhvilluar për trajtimin e tyre si raste sociale.

Besim Hoda, thotë se përveç zgjidhjes së këtij problemi me ligj të veçantë, në bisedimet për qeverinë e re, duhet të kërkohet edhe mbyllja e problemeve tjera, që, sipas tij, edhe 10 vite pas nënshkrimit të Marrëveshjes së Ohrit, kanë mbetur të hapura..

“Më e rëndësishmja nga gjitha është realizimi i qëllimit për çka u nis lufta e vitit 2001, pra, zgjidhjen e problemit të shqiptarëve në Maqedoni. Në qoftë se kjo nuk realizohet, absolutisht nuk do të ishte relevante vetëm zgjidhja e statusit të familjeve të dëshmorëve, për shkak se qëllimi kryesor i luftës, i jetëve të dhëna, i gjymtyrëve të dhëna, ka qenë zgjidhja e përhershme e problemeve të shqiptarëve në Maqedoni”.

“Vetëm kjo do të nderonte dhe do të rehatonte shpirtrat e dëshmorëve dhe idealeve të njerëzve të cilët atëherë ishin të gatshëm ta sakrifikojnë edhe jetën për një jetë më të mirë të fëmijëve të tyre, familjeve të tyre, por, edhe shqiptarëve në përgjithësi”, shprehet kryetari i OVL-UÇK-së, Besim Hoda.

Bota Sot » Turizmi në Shqipëri është shndërruar në industri

2011-06-20T22:36:00.001+02:00

Bota Sot » Turizmi në Shqipëri është shndërruar në industri

Turizmi në Shqipëri është shndërruar në industri

"Sektori i turizmit në Shqipëri është shndërruar në industri vitet e fundit, këtë e dëshmon edhe numri i madh i turistëve që vijnë në Shqipëri për pushime, si dhe investimet e mëdha që janë bërë në përmirësimin e infrastrukturës rrugore që e çojnë drejt këtyre bukurive natyrore", këtë deklaratë e bëri zëvendës ministri i Turizmit të Shqipërisë, Nikollë Lesi, i cili kërkoi nga pushteti vendor më shumë angazhim për pastrimin e plazheve nga plehrat.

Bota Sot » Strugë: Drejtoresha kërcënon punëtorët

2011-06-20T22:30:00.001+02:00

Bota Sot » Strugë: Drejtoresha kërcënon punëtorët

Strugë: Drejtoresha kërcënon punëtorët

Të punësuarit në Shtëpinë e Shëndetit në Strugë ankohen për presione të papara në punë nga ana e drejtoreshës Vera Poposka.

Ata rrëfejnë se Poposka sillet sikur ata të ishin robër dhe Shtëpia e Shëndetit të ishte pronë e saj.

Punonjësit thonë se janë kërcënuar me largim nga puna dhe me gjoba në rroga, ndonëse, sikurse që thonë, kohët e fundit rrogat u janë ulur deri 20 për qind. “Ne këtu si të punësuar , ne mjekeve sidomos, por edhe të motrave dhe punonjësve tjerë na janë shkelur të drejtat bazë tonat të punëtorit dhe të njeriut. Gati çdo ditë na bëhet mobing, presion psikologjik dhe fizik personal, qoftë në orar pune, në orë pune të tepërta dhe kërcënime të drejt për drejta nga drejtoresha e shtëpisë së shëndetit. Disa muaj kemi punuar edhe orë tepër në muaj nga 10 deri 45 orë dhe të njëjtat nuk na janë paguar por vetëm na janë premtuar se do të merren, por kurrë nuk na janë dhënë as si ditë të lira. Kemi punuar edhe nëpër aktivitetet jashtë ambulatore sportive dhe josportive. Ditët e njëjta po ashtu nuk na janë paguar dhe gjithmonë na janë premtuar por nuk na janë dhënë”, deklaroi Milot Ramadani, mjek në ndihmën e shpejtë.

“Ajo na kërcënohet se me forcë do të na i nxjerr sendet tona që janë brenda. Vazhdimisht jemi nën presionin e drejtoreshës, gjë që na revolton të gjithëve”, u shpreh një infermiere në Shtëpinë e Shëndetit.

Të punësuarit thonë se drejtoresha Poposka i ka detyruar pacientët të paguajnë çmime më të larta për shërbimet nga ajo që është parashikuar. “Nëse një injeksion kushton 30 denarë, ne marrim 100 denarë, nëse një infuzion është 100 ne marrim 300 denarë”, thotë Ramadani.

“Kemi pasur urdhra të drejt për drejta por jo edhe të shkruara që pacientëve tu marrim në mënyrë jashtëligjore pagesa të tepërta participimi qoftë në dhënie të injeksioneve, ampulave, infuzioneve por sidomos edhe pagesa për transport me veturë dhe raste urgjente si dhe udhëzime për në pavione specialistike. Kohëve të fundit kemi pas edhe mungesë të ampulave të cilat pacientët është shumë vështir t’i gjejnë dhe t’i blejnë në barnatore pasi nuk punojnë 24 orë kurse viteve të fundit kemi pas probleme edhe me kërkesë të drejt për drejtë që të bëjmë dhe nënshkruajmë urdhëresa falso për kontroll dhe injeksione me qëllim që të tërheqim më shumë mjete nga fondi shëndetësor”, tha Milot Ramadani, mjek.

Por, akuzat e tilla hidhen poshtë nga Drejtoresha Poposka. “Kjo është një akuzë e rëndë, për të cilat duhen prova. Nuk di nëse mund të quhet mobing nëse menaxheri e thërret dhe i thotë që të korrigjoj sjelljen”, tha Vera Poposka, drejtoreshë e shtëpisë së shëndetit- Strugë.

Të punësuarit ndërkohë ankohen edhe për kushtet në punë. Pohojnë se kanë në disponim parkun e vjetër vozitës, kurse aparatet themelore sikurse që janë Vefibrilatori dhe EKG nuk punojnë.

Ata nuk dinë si do të mund që në kushte të këtilla t'i përgjigjen nevojave të pacientëve dhe fluksit në rritje të turistëve që gjatë sezonit veror në Strugë arrijnë deri më 100 mijë turist. Por edhe këto pretendime hidhen poshtë nga Poposka duke thënë gjithçka është nën kontroll.