welcome to kingkalees world

2011-06-12T23:01:00.000-07:00

இலவச ஜோக்குகள்

உங்கள் மொபைலில்

தினமும் பெற

வேண்டுமா.!!!!

உங்கள் மொபைலில்

ON<space>HELLOTAMILA

என 9870807070

என்ற எண்ணுக்கு

அனுப்பவும்.

அல்லது

கீழே உள்ள LINK ஐ

பயன்படுத்தவும்.

CLICK HERE.

சட்டசபை அ.தி.மு.க., தலைவராக ஜெயலலிதா தேர்வு : முதல்வராக பதவியேற்கிறார்

2011-05-15T00:18:00.000-07:00

சென்னை: தமிழக சட்டசபை அ.தி.மு.க., தலைவராக பொதுசெயலர் ஜெயலலிதா தேர்வு செய்யப்பட்டார். இன்று கட்சியின் தலைமை அலுவலகத்தில் நடந்த எம்.எல்.ஏ.,க்கள் கூட்டத்தில் அவர் தேர்வு செய்யப்பட்டதை அடுத்து கவர்னரரை சந்தித்து ஆட்சி அமைக்க உரிமை கோரினார். தொடர்ந்து கவர்னர் விடுத்த அழைப்பின்பேரில் நாளை ( 16 ம் தேதி ) முதல்வராக பதவியேற்கிறார்.

மின் வெட்டு, ஊழல், கட்டப் பஞ்சாயத்து, கட்சியில் ஒரு குடும்ப ஆதிக்கத்தால் நடந்த குளறுபடிகள் என, கடந்த ஐந்து ஆண்டுகளாக நடந்து வந்த சிக்கல்களுக்கு விடிவு ஏற்பட்டுள்ளது. சட்டசபை தேர்தலில் 146 தொகுதிகளில் அமோக வெற்றி பெற்று, அ.தி.மு.க., தனிப் பெரும்பான்மை பெற்றதையடுத்து, இக்கட்சியின் பொதுச் செயலர் ஜெயலலிதா, நாளை காலை தமிழக முதல்வராக பதவியேற்கிறார்.

சென்னை பல்கலை நூற்றாண்டு விழா அரங்கில் நடக்கும் பதவியேற்பு விழாவில், கவர்னர் சுர்ஜித் சிங் பர்னாலா, பதவிப் பிரமாணம் செய்து வைக்கிறார். ஜெயலலிதாவுடன், கட்சியின் மூத்த நிர்வாகிகள் சிலர் அமைச்சர்களாக பதவியேற்றுக்கொள்வர் என்றும் எதிர்பார்க்கப்படுகிறது. ஜெயலலிதா முதல்வராவது இது மூன்றாவது முறை.தமிழக சட்டசபைக்கு, கடந்த ஏப்ரல் 13ம் தேதி தேர்தல் நடந்தது. ஒரு மாதத்திற்குப் பின், நேற்று முன்தினம் நடந்த ஓட்டு எண்ணிக்கையில், அ.தி.மு.க., தலைமையிலான கூட்டணி, 203 இடங்களில் வெற்றி பெற்று பெரும் சாதனை படைத்தது.

160 தொகுதிகளில் போட்டியிட்ட அ.தி.மு.க., 146 தொகுதிகளில் வெற்றி பெற்று, தனிப் பெரும்பான்மை பெற்றது. தே.மு.தி.க., 29 தொகுதிகளிலும், மார்க்சிஸ்ட் கம்யூனிஸ்ட் 10 தொகுதிகளிலும், இந்திய கம்யூனிஸ்ட் ஒன்பது தொகுதிகளிலும் வெற்றி பெற்றன.மேலும், மனிதநேய மக்கள் கட்சி இரண்டு இடங்களிலும், புதிய தமிழகம் போட்டியிட்ட இரண்டு இடங்களிலும் மற்றும் சமத்துவ மக்கள் கட்சி போட்டியிட்ட இரண்டு இடங்களிலும் வெற்றி பெற்றன. தலா ஒரு இடங்களில் போட்டியிட்ட பார்வர்டு பிளாக், கொங்கு இளைஞர் பேரவை மற்றும் குடியரசுக் கட்சி ஆகியவையும் வெற்றி பெற்றன.

தி.மு.க., தலைமையிலான ஆளுங்கட்சி கூட்டணி, வெறும் 31 தொகுதிகளில் மட்டும் வெற்றி பெற்று, மிகப்பெரிய தோல்வியை சந்தித்தது. தி.மு.க., 23 தொகுதிகளிலும், 63 தொகுதிகளில் போட்டியிட்ட காங்கிரஸ் வெறும் ஐந்து தொகுதிகளிலும் வெற்றி பெற்றன. 30 தொகுதிகளில் போட்டியிட்ட பா.ம.க., மூன்று தொகுதிகளில் மட்டும் வெற்றி பெற்றது. கூட்டணியில் இடம் பெற்றிருந்த மற்ற கட்சிகள், காணாமல் போயின.

இன்று காலையில் எம்.எல்.ஏ.,க்கள் கூடினர் : தேர்தலில், தனிப் பெரும் கட்சியாக 146 தொகுதிகளில் அ.தி.மு.க., இமாலய வெற்றி பெற்றதையடுத்து, அக்கட்சி தனித்து ஆட்சி அமைக்கிறது. சென்னை ராயப்பேட்டையில் உள்ள அ.தி.மு.க., தலைமை அலுவலகத்தில், இன்று காலை 9:30 மணிக்கு, அக்கட்சி எம்.எல்.ஏ.,க்கள் கூட்டம் நடந்தது. அதில், அ.தி.மு.க., எம்.எல்.ஏ.,க்கள் ஒன்று சேர்ந்து ஏகமனதாக, சட்டசபை கட்சித் தலைவராக ஜெயலலிதாவை தேர்வு செய்தனர்.அதன் பின், எம்.எல்.ஏ.,க்கள் கையெழுத்திட்ட ஆதரவு கடிதத்துடன், ராஜ்பவனில் கவர்னர் சுர்ஜித் சிங் பர்னாலாவை, ஜெயலலிதா சந்தித்தார். ஆட்சி அமைக்க உரிமை கோரினார். அதைத் தொடர்ந்து, ஆட்சி அமைக்க ஜெயலலிதாவுக்கு கவர்னர் அழைப்பு விடுத்தார். அதன்படி, நாளை நன்பகல் 12. 15 மணிக்கு, சென்னை பல்கலை நூற்றாண்டு விழா அரங்கில் நடக்கும் விழாவில், ஜெயலலிதா மூன்றாவது முறை தமிழக முதல்வராக பதவியேற்கிறார். இவருக்கு, கவர்னர் சுர்ஜித் சிங் பர்னாலா, பதவிப் பிரமாணம் செய்து வைக்கிறார்.

இதற்கான ஏற்பாடுகள் மும்முரமாக நடந்து வருகின்றன. ஜெ., பதவியேற்பு விழாவில், கூட்டணிக் கட்சிகளின் தலைவர்கள், எம்.எல்.ஏ.,க்கள், ஐ.ஏ.எஸ்., - ஐ.பி.எஸ்., உயர் அதிகாரிகள், தொழிலதிபர்கள் உட்பட பலர் கலந்து கொள்கின்றனர். குறிப்பாக குஜராத் முதல்வர் நரேந்திரமோடி, ஆந்திரமாநில தெலுங்குதேச கட்சி தலைவர் சந்திரபாபு நாயுடு, அகில இந்திய அளவிலான இடதுசாரி கட்சி தலைவர்களுக்கு அழைப்பு விடுக்கப்பட்டுள்ளது . பதவி ஏற்பு விழாவில், ஜெயலலிதாவுடன் 26 பேர் அமைச்சர்களாக பதவி ஏற்பர் என தெரிகிறது.
கவர்னர் சந்திப்புக்கு பின் ஜெ., பேட்டி: கவர்னர் சந்திப்புக்கு பின்னர் ஜெ., நிருபர்களிடம் வேனில் இருந்தபடி பேசுகையில்; கடந்த 5 ஆண்டு கால் நலிவடைந்து இருண்ட காலமாகவே இருந்தது. பொருளாதாரம் சீரழிந்து கிடக்கிறது. இது மெல்ல , மெல்ல சீரைடைய வழி செய்யப்படும். மின்வெட்‌டை சரிசெய்‌ய முன்னுரிமை அளிக்கப்படும்.

எடையை குறைக்கணுமா...?

2011-05-15T00:04:00.000-07:00

உங்களுக்கு எதை உண்ணப் பிடிக்குமோ, அதைத் தவிருங்கள். இது கொஞ்சம் கஷ்டம்தான். முதல் நான்கு நாட்கள் மிக கடினம் போல தோன்றும். முழுமையாகத் தவிர்க்க முடியாவிடினும், சிறிது சிறிதாகத் தவிர்க்கப் பாருங்கள். முழுமையாகத் தவிர்த்தபின் உங்கள் ஆர்வம் குறையத் தொடங்கியிருப்பதை நீங்களே உணர்வீர்கள்.
மூச்சுப் பயிற்சி செய்வதன்மூலம் மன இறுக்கத்தைப் போக்கலாம். மனஇறுக்கம்கூட அதிகப்படியான உணவு உண்பதற்கு ஒரு காரணம்.
உடல் தளர்ச்சியின்போது உண்ணும் எண்ணம் தோன்றலாம். அச் சமயங்களில் கதவை அடைத்து, கண்களை மூடி ரிலாக்ஸ் செய்யுங்கள். குறிப்பாக சமையலறை பக்கம் போகாமல் ஏதாவது வேலைகளில் ஈடுபடலாம்!
கொழுப்பு நிறைந்த உணவுகளை உண்ணும் முன் உங்கள் எடையையும் உடலையும் ஒருமுறை நினைத்துப் பாருங்கள்.
இரண்டு தம்ளர் தண்ணீர் மற்றும் 25 கிராம் நட்ஸ் (பாதாம், நிலக்கடலை, வால்நட்) சாப்பிடலாம். இருபது நிமிடங்களில் தீனி உண்ணும் உங்கள் எண்ணத்தை அழித்து உங்கள் உடல் ரசாயனத்தை மாற்றிவிடும்.
(குறிப்பு: உலர் பருப்புகள் உடலுக்கு நல்லதல்ல என்ற தவறான எண்ணம் உண்டு. தினமும் சிறிதளவு உலர் பருப்புகள் எடுத்துக்கொள்வது உடல் எடையைக் குறைக்கும் என்பது ஆய்வில் நிரூபணமாகியுள்ளது.)
கொழுப்பு நீக்கப்பட்ட பாலை உபயோகிக்கவும்.
எப்போதும் வாய் சுத்தமாக இருக்கும்படி பார்த்துக்கொள்ளவும். தேவையெனில் மவுத்வாஷ் உபயோகிக்கலாம். வாய் - சுத்தமாக இருக்கும்போது, கண்டதை உண்ணும் எண்ணம் தோன்றாது.
தீனி உண்ணும் எண்ணம் பத்து நிமிடங்களுக்கு மேல் நீடிக்காது. எனவே அந்த பத்து நிமிடங்கள் உங்கள் மனதை பாட்டு கேட்பதன் மூலமோ, உடற்பயிற்சி செய்வதன் மூலமோ அல்லது தியானிப்புகள் மூலமோ திசை திருப்பலாம்.
பசிக்கும் போதெல்லாம், பப்பாளி, வெள்ளரிக்காய், தக்காளி போன்றவற்றை சாலட் செய்து சாப்பிட்டு, ஒரு டம்ளர் வெதுவெதுப்பான நீர் குடித்து வந்தால் நாளடைவில் உடல் எடை குறையும்.
கல்யாண விருந்துகளைக் கட்டாயம் தவிர்க்கவும். ஒரு வேளை, மிக அவசியமான விருந்து நிகழ்ச்சி என்றால், காய்கறி, கீரை சூப் என பாதி வயிறு நிறைத்துக் கொண்டு செல்லுங்கள். இதனால் ஐஸ்க்ரீம், ஸ்வீட்ஸ் என கண்டபடி சாப்பிடத் தோன்றாது.
உடற்பயிற்சியின் அவசியத்தைப் பற்றி சொல்ல வேண்டியதில்லை. உடலின் ஆரோக்கியத்திற்கும், இளமைக்கும் உடற்பயிற்சி தேவையான ஒன்று. இதற்கென தனியே நேரம் செலவிட இயலாவிடினும் வீட்டுவேலை, படியேறுதல் மற்றும் தோட்டக்கலை போன்றவற்றில் நம்மை ஈடுபடுத்திக்கொள்வதே, சிறந்த உடற்பயிற்சியாகும். இவை எவ்வளவு கலோரிகளை எரிக்கின்றன. எவ்வளவு எடையைக் குறைக்கின்றன தெரியுமா? படியுங்கள் கீழே...!
மன அழுத்தம்கூட உடல் எடை கூட காரணமாகலாம். உடற்பயிற்சியின்போது சுரக்கும் எண்டோர்ஃபின் என்னும் ஹார்மோன் மன அழுத்தத்தைக் கட்டுப்படுத்துகின்றது. மேலும் டிரிப்போஃபேன் என்னும் அமினோ அமிலம் நிறைந்த சோயா பால் பொருட்களும் மன அழுத்தத்தைக் குறைக்கும். இதனால்தான் நாம் டென்ஷனாக இருக்கும்போது காஃபி குடித்தால் சற்று ரிலாக்ஸ்டாக உணர்கிறோம். இப்போது புரிகிறதா?
வேலை எடுத்துக்கொள்ளும் நேரம் செலவழிக்கப்பட்ட கலோரிகள்/ ஒரு வாரத்துக்கு
எடை குறைவு/ ஒரு வருடத்தில் (கிலோ கிராம்)
மதிய உணவுக்குப் 10 நிமிடங்கள்
பின் ஒரு நடை வாரம் 5 முறை 170 1.25
பயிற்சி:
படியேறுதல் 5 நிமிடங்கள்,
வாரம் 5 முறை 225 1.50
வீட்டுவேலை 2 மணிநேரம்
வாரத்துக்கு 408 3.90
குழந்தைகளுடன் 1 மணி நேரம்
விளையாட்டு வாரம் 3 முறை 612 4.50
தோட்ட வேலை 2 மணி நேரம்
வாரத்துக்கு 712 5.00
நடனம் 2 மணி நேரம்,
வாரத்துக்கு 816 6.00

கோடைக்கேற்ற உணவு...

2011-05-15T00:01:00.001-07:00

கோடைக்கேற்ற உணவு வகைகளை சாப்பிட்டால் அந்த நோய் பாதிப்பில் இருந்து தப்பிக்கலாம்.
கோடைக்காலத்தில் நீர்ச்சத்து அதிக அளவில் தேவைப்படும். காய்கறிகளில் நீர்ச்சத்து அதிகம் காணப்படுகிறது. காய்கறிகளை முடிந்தவரை பச்சையாகவோ அல்லது லேசாக வேக வைத்தோ உட்கொண்டால்தான் அதிக அளவிலான நீர்ச்சத்தை நாம் பெற முடியும். காய்கறிகளைப் போன்று பழங்களிலும் நிறைய நீர்ச்சத்து உள்ளது.
காய்கறிகளையும், பழங்களையும் இந்த கோடையில் எவ்வளவுக்கு எவ்வளவு அதிகமாக உட்கொள்கிறோமோ அந்த அளவுக்கு நல்லது. கோடை வெயிலில் சிறிது தூரம் நடந்தாலே வியர்த்துக் கொட்டிவிடும். அப்புறம் என்ன... அரிப்பு தான்! வெங்காயத்தை உணவில் அதிக அளவில் சேர்த்துக் கொண்டால் வெப்பத்தால் ஏற்படக்கூடிய அரிப்பு வராது. வெங்காயத்தில் உள்ள 'குவர்சடின்' என்று வேதிப்பொருள் அதற்கு உதவுகிறது.
இப்போது தர்பூசணி பழங்கள் நிறைய கிடைக்கும். அந்த பழத்தில் இருப்பது 90 சதவீதம் தண்ணீர் தான். தர்பூசணி போன்று வெள்ளரிக்காயிலும் நிறைய நீர்ச்சத்து உள்ளது. அதனால், இவற்றை அதிக அளவில் சாப்பிடுங்கள்.
காய்கறிகளைக் கொண்டு 'சூப்' தயார் செய்து, அதை குளிர வைத்து உட்கொள்வதும் சிறந்தது என்கிறார்கள், அமெரிக்க டாக்டர்கள். வாழைப்பழம் நிறைய சாப்பிடுவதும் கோடைகாலத்தில் நல்ல உடல்நலத்தை தக்கவைக்கும். வெயிலின் தாக்கம் தாங்காமல் நாம், குளிராக எது கிடைத்தாலும் குடிப்போம், சாப்பிடுவோம். நம்முடைய பலவீனத்தைத் தெரிந்து கொண்டுதான் கலர், கலரான குளிர்பானங்களை எல்லாக் கடைகளிலும் விற்கிறார்கள். தாகம் அடங்க வேண்டும் என்பதற்காக, அவற்றை அதிக விலை கொடுத்து வாங்கி உபயோகிக்கிறோம்.
இந்த கலரான குளிர்பானங்களால் உடலில் தேவையற்ற கலோரி தான் சேருமே தவிர, வேறு எந்தவித பலன்களும் கிடையாது என்கிறார்கள் டாக்டர்கள். இப்போதெல்லாம் ஐஸ் காபி, ஐஸ் டீ ஆகியவையும் அமோகமாக விற்பனையாகின்றன. ஆரோக்கியம் கருதி இவற்றை தவிர்ப்பது நல்லது. எண்ணெயில் பொரித்து எடுக்கும் சைவ மற்றும் அசைவ உணவு வகைகளை இந்த கோடையில் முடிந்தவரை தவிர்ப்பது இன்னொரு ஆரோக்கிய ரகசியம்.
வெளியில் வெயிலில் வெளியே செல்ல நேரிட்டால் சுத்தமான குடிநீரை கையோடு கொண்டு செல்லுங்கள். இல்லையென்றால், இயற்கை பானமான இளநீரை வாங்கி குடியுங்கள்.
மோர், எலுமிச்சை பழச்சாறு ஆகியவையும் நல்லதுதான். அதேநேரம், அவற்றில் சேர்க்கப்படும் தண்ணீர் சுத்தமானதாக இருக்க வேண்டும். முடிந்தவரை, அவற்றை நீங்களே வீட்டில் தயார் செய்து உட்கொள்வதுதான் சிறந்தது.
தினமும் 2 டம்ளர் மோர் குடித்து வாருங்கள். வறண்ட சருமம் நீங்கி தோல் பொலிவு பெறும். தோல் நீக்கிய ஆப்பிள் பழத்தை நன்றாக மசித்து, அதனுடன் சிறிது தேன், ஓட்ஸ் பவுடர் ஆகியவற்றை கலந்து, அந்த கலவையை முகத்தில் பூசி சுமார் அரை மணி நேரம் ஊறவிட்டு, முகத்தை கழுவவும். வெயிலின் தாக்கத்தால் பாதிப்புக்குள்ளான உங்கள் வறண்ட சருமம் பொலிவு பெறும்.
தினமும் காலை, மாலை இருவேளை குளியுங்கள். காலைக்குளியலின் போது மட்டும் தலை மற்றும் உடல் முழுவதும் தேங்காய் எண்ணெய் தேய்த்து, நன்றாக ஊறவிட்டு, அதன்பின் குளிப்பது நல்லது. இப்படிச் செய்வதால் உடல்சூடு குறையும். மாலையில் எண்ணைக்குளியல் ஆகவே ஆகாது.
கோடையில் கண்கள் எளிதில் சோர்ந்து போய்விடுவதால் எரிச்சல் கொடுக்க ஆரம்பித்துவிடும். அதைப் போக்க, இரவில் தூங்கும்முன் கண்களை சுற்றி விளக்கெண்ணெயை தடவி விடுங்கள். கண்கள் குளிர்ச்சி பெறும்.

விஜய்யின் வேலாயுதம் படம் ஒரு ஸ்பெஷல் ஹைலைட்ஸ்

2011-05-14T23:45:00.001-07:00

காவலன் படத்தை தொடர்ந்து விஜய் நடிக்கும் 52வது படம் வேலாயுதம். இப்படத்தை ஆஸ்கர் பிலிம்ஸ் ரவிச்சந்திரன் தயாரிக்க, ஜெயம் ராஜா இயக்குகிறார். இப்படத்தை பற்றிய சுவாரஸ்யமான தகவல்கள்:

* மக்களில் ஒருவனாக இருக்கும் ஓர் இளைஞன், மனித நேயப் பண்பால் மக்களுக்கே தலைவன் என்கிற நிலைக்கு உயருவது தான் படத்தின் கதை. சுருக்கமாக சொன்னால் அகரம் ஒன்று சிகரமாய் மாறும் கதை.

*. படம் ஒரு முக்கோண காதல் கதையாக அமைந்துள்ளது. இந்த காதலுடன் அண்ணன் தங்கை பாசத்தையும் மிக அழககாக, புதுவிதமாக சொல்லும் படமாக இயக்கி இருக்கிறார் ராஜா. நடிகர் திலகம் சிவாஜி கணேசன் நடித்த பாசமலர் படத்திற்கு பிறகு இப்படியொரு அண்ணன், தங்கை பாசத்தை எந்தபடத்திலும் சொல்லியிருக்க மாட்டார்கள் என்று கூறுகின்றனர்.

* கிராமமும், நகரமுமாக மாறி, மாறி பயணக்கிறது வேலாயுதம் படத்தின் கதை. கிராமத்துக் கிளர்ச்சியையும், நகரத்து கவர்ச்சியையும் தரிசிக்க வைக்க காட்சி அமைப்புகள் படத்தில் உள்ளன.

* படத்தில் கிராமத்து பால்காரன் வேலுவாக வரும் விஜய் கதையின் நாயகனாகவும், கதாநாயகனாகவும் ஜொலிக்கிறார். அவன் விற்பது பால். ஆனால் அன்பால், நட்பால், பிறரையெல்லாம் தன்பால் ஈர்க்கிறான். அவர் காற்றுமாதிரி இருப்பவன் அந்த ஊருக்கு. காற்றில்லாமல் உயிர் வாழ முடியாது அதுபோலத்தான் ‌இந்த வேலு(விஜய்) அந்த ஊருக்கு. காதலனாக, பாசமுள்ள அண்ணனாக, ஆவேச இளைஞனாக விஜய்க்கு ஜீசல்பந்தி நடத்து வாய்ப்பு இப்படத்தில் கிடைத்துள்ளது.

* படத்தில் இரண்டு நாயகிகள் ஒருவர் பத்திரிகையாளராக வரும் ஜெனிலியா, மற்றொருவர் ஹன்சிகா மோத்வானி. இவர்களுடன் சந்தானம் ‌காமெடியில் தன் பங்கிற்கு அசத்த இருக்கிறார்.

* படத்தில் பாலிவுட்டை சேர்ந்த இரண்டு பிரபல வில்லன்கள் உட்பட 15 வில்லன்கள் நடித்திருக்கின்றனர்.

* படத்தில் ஒன்றரை கோடி ரூபாயில் ஒரு திருமண காட்சியை அமைத்துள்ளனர். இந்த திருமணத்திற்காக ஊரே பந்தல்போட்டு, கோலம் போட்டு, சீரியல் லைட்கடடி, தோரணம் அமைத்து ஊர்திருவிழா போல் அலங்காரம் செய்து ஆராவரம் செய்திருப்பது பிரமாண்டமான முயற்சி. ஊர் கூடி தேர் இழுப்பது போல, ஒரு ஊரே முன்னின்று நடத்தி வைத்துள்ள அந்த திருமணக்காட்சி, இதுவரை தமிழ் சினிமாவில் வேறு எந்த ஒரு படத்திலும் அமைந்ததில்லை.

* வேலாயுதம் படத்திற்காக அந்த ஊரில் ஒரு கிணறு வெட்டி, அதை அன்பளிப்பாக அந்த ஊருக்கே அளித்திருக்கின்றனர்.

* நடிகர்திலகம் சிவாஜி கணேசன், சாவித்திரி நடித்த பாசமலர் படத்தினை புதுபிரிண்ட் போட் அந்த ஊரில் உள்ள டூரிங் டாக்கீஸில் போட்டு காட்டி மக்கள் பார்ப்பது போன்ற காட்சி படமான போது அனைவரும் படத்தில் மூழ்கிக் கிடக்க டைரக்டர் கட் சொல்ல மறந்து விட்டாராம்.

* படத்தில் விஜய்க்கு ஓபனிங் சாங்கை சுமார் ரூ.2 கோடி செலவில் திருமூர்த்திமலையில் படமாகியுள்ளனர். ஏற்கனவே "சிவகாசி", "போக்கிரி" படங்களில் விஜய்க்கு ஓபனிங் சாங்கிற்கு நடனம் அமைத்த அசோக்ராஜ், இப்பாட்டுக்கு நடனம் அமைத்து இருக்கிறார். கிராமத்து தப்பாட்டம், கோலாட்டம், ஒயிலாட்டம், மயிலாட்டம் போன்ற ஏராளமான ஆட்டங்களும் இடம்பெற்றுள்ளன. இதில் 200கிராமத்து நடன கலைஞர்கள் நயம்காட்ட 150 வெளிநாட்டு நடனக்காரர்கள் ஆடி வெளிநாட்டுக்கலை நயம் காட்டியுள்ளனர். படத்தில் விஜய் எப்படி ஒரு பிரம்மாண்டமோ அதுபோல இந்தபாடலும் பலமடங்கு பிரம்மாண்டமாக இருக்குமாம்.

* இப்படத்தின் சூட்டிங்கில் விஜய் நடிக்க தொடங்கியது முதல் முடியும் வரை ஒருநாள்கூட லேட்டாக வந்ததில்லையாம். அவரால் ஐந்து நிமிடம் கூட சூட்டிங் தாமதமானதில்லையாம். படத்தில் ஒவ்வொரு காட்சியையும், உணர்வுடனும், அர்ப்பணிப்பு உணர்வுடன் நடித்து கொடுத்திருப்பதாக கூறும் இயக்குநர், விஜய்க்கு இந்தபடம் உச்சகட்ட ‌காமெடி படமாகவும் அமையும் என்று கூறுகிறார்.

* படத்தின் தூணாக ஒளிப்பதிவாளர் ப்ரியன் அமைந்திருக்கிறார். ஒவ்‌வொரு காட்சியையும் மிக அழகாக படமாக்கி இருக்கிறாராம். இவர் ஏற்கனவே சாமி, திமிரு, போன்ற படங்களுக்கு ஒளிப்பதிவாளராக பணியாற்றியுள்ளார்.

* வேட்டைக்காரன் படத்தை மிஞ்சும் வகையில் இப்படத்தின் இசை வ‌ரவேண்டும் என்பதற்காக கடுமையாக உழைத்து இருக்கிறார் விஜய் ஆண்டனி. படத்தில் விஜய்‌யை பாடவைக்கலாம் என்று முயற்சித்து இருக்கிறார். ஆனால் கடைசியில் விஜய் ஆண்டனியை பாடும்படி செய்துவிட்டார் விஜய்.

* படத்தில் மொத்தம் 5பாடல்கள், 6சண்டைக்காட்சிகளை அமைத்திருக்கின்றனர்.

அழகர்சாமியின் குதிரை >> விமர்சனம்

2011-05-14T23:43:00.000-07:00

வெண்ணிலா கபடிக்குழு படத்தின் மூலம் வித்தியாசமான கதை சொல்லி இயக்குனர் என பெயரெடுத்தவர் சுசீந்திரன். அடுத்த படமான நான் மகான் அல்ல திரைப்படத்தில் கமர்ஷியல் கலாட்டாவில் கால் வைத்து, அந்த வி.க.சொ. இயக்குனர் எனும் பெயரை இருட்டடிப்பு செய்திருந்தார். இப்போது அழகர்சாமியின் குதிரை மூலம் அந்த வித்தியாசமான கதை சொல்லி இயக்குனர் எனும் பெயரை மட்டுமல்ல... அதையும் தாண்டிய நற்பெயரையும் பெற்று நம்பிக்கையை கூட்டியிருக்கிறார் என்றால் மிகையல்ல!
கதைப்படி, அந்த கிராமத்து மக்களின் காவல் தெய்வமாகவும், குல சாமியாகவும் விளங்கும் அழகர்சாமியின் குதிரை வாகனம் காணாமல் போகிறது. பொம்மை குதிரை காணாமல் போன சில நாட்களில் நிஜமான வெள்ளை குதிரை ஒன்று கிராமத்துக்கு எதிர்பாராமல் வந்து சேர, ஊர் மொத்தமும் அது காணாமல் போன அழகர்சாமியின் குதிரைதான் என்று அடித்து சொல்கிறது. நம்புகிறது! நிஜமான குதிரைக்கு சொந்தக்காரரான பக்கத்து கிராமத்து இளைஞன் குதிரையை தேடி வருகிறான். அந்த குதிரை வந்த நாளாய் சுபிட்சமாய் இருக்கும் ஊர் மக்கள், குதிரையை கொடுக்க மறுத்து தேடி வந்த இளைஞனை அடித்து, உதைக்கின்றனர். பொதி சுமந்து, அந்த இளைஞனின் வயிற்றை கழுவ உதவும் அந்த குதிரை திரும்ப கிடைத்தால்தான் அவனுக்காக காத்திருக்கும் அழகான ‌பெண்ணுடன் திருமணம் எனும் நிலையில், இளைஞனுக்கு யார் யாரெல்லாம் உதவுகிறார்கள்? எப்படியெல்லாம் உபத்திரம் செய்கிறார்கள்...? என்பதை பட்டறிவு, பகுத்தறிவு, பக்திசெரிவு இத்யாதி.. இத்யாதிகளுடன் வித்தியாசமாகவும் விறுவிறுப்பாகவும் கதை சொல்லி இருக்கிறார் இயக்குனர் சுசீந்திரன்.
ஊர் திருவிழாவிற்காக கோயில் வரி வசூலிக்க வரும் ஊர் தலைவர்கள் படும் பாட்டில் ஆரம்பமாகும் சைலண்ட் காமெடி, குதிரை சிலையை உள்ளூர் ஆசாரியே திருடி வைத்திருக்கும் திருப்பத்தில் முடிவது வரை ‌தொடர்வது அவ்வப்போது தியேட்டரில் சிரிப்பலையை ஏற்படுத்துவது படத்தின் பெரிய பலம். இந்த பலம் அழகில்லாத ஹீரோ, என்னவோ சாமி குதிரை காணாமல் போச்சாம்... எங்கிருந்தோ நெசமான குதிரை ஒண்ணு வந்துச்சாம்... என்னய்யா ரீல் விடுறீங்க... எனும் ரசிகர்களின் எண்ண ஓட்டங்கள் எல்லாவற்றையும் மழுங்கடிக்க செய்யும் மந்திரம்!
அழகர் சாமியாக அப்புக்குட்டி. படத்தில் அவரது எண்ட்ரீக்கு முன்பிருந்தே மற்றொரு ஹீரோவாக ராமகிருஷ்ணன் எனும் கேரக்டரில் பகுத்தறிவு பேசியபடி காதல் செறிவு காட்சிகளிலும் கல்கி இருக்கும் பிரபாகரன், புரோட்டா சூரி, சப்-இன்ஸ்பெக்டர் அருள்தாஸ், ஊர் பிரசி‌டண்ட்டாக வரும் பிரபல பட அதிபர் அழகன் தமிழ்மணி, தேவராஜ், கண்ணாசாரி பூ.ராமு, உள்ளூர் கோடங்கி தவசி, மலையாள மாந்திரீகர் என நடிகர்கள் எல்லோரும் பாத்திரம் அறிந்து பளிச்சிட்டிருக்கிறார்கள். அதிலும் மைனர் கேரக்டரில் வரும் நடிகர் செம ரசனை! ரகளை!!
நாயகிகளில் அப்புக்குட்டியின் ஜோடியாக வரும் சரண்யா மோகனைக் காட்டிலும் பிரபாகரனுக்கு காதலியாக நடித்திருக்கும் அத்வைதாவிற்கு நடிக்க நிறையவே வாய்ப்பு. அதை அம்மணியும் சவாலாக ஏற்றுக் கொண்டு சரியாக செய்து சபாஷ் வாங்கி விடுகிறார்.
இளையராஜாவின் பின்னணி இசையே பல இனிய பாடல்களுக்கு சமமாக, படம் முடிந்த பின்பும் நம் காதுகளில் ரிங்காரமிடுவதும், தேனி ஈஸ்வரின் ஒளிப்பதிவில் பொட்டல்காடுகளும் கூட சுவிஸ் குளிர் மலைகளாக மிளிர்வதும், பாஸ்கர் சக்தியின் பக்காவான வசனங்களும், மு.காசிவிஸ்வநாதனின் கன கச்சிதமான படத்தொகுப்பும், சுசீந்திரனின் இயல்பான இயக்கத்திற்கு வலு சேர்த்துள்ளன.
மொத்தத்தில் அழகர்சாமியின் குதிரை : அழகான சவாரி குதிரை!

ELECTION 2011 RESULTS

2011-05-14T06:58:00.000-07:00

அதிமுக கூட்டணி	வெற்றி	தோல்வி
அ.தி.மு.க.	147	13
தே.மு.தி.க.,	29	12
மா. கம்யூ.	9	3
இ. கம்யூ.,	9	1
மூ.மு.க.	0	1
ம.ம.க.,	2	1
ச.ம.க.,	2	0
பு.த.,	1	0
பா.பி.,	1	0
இ.கு.க.,	1	0
கொ.இ.‌பே	1	0

திமுக கூட்டணி	வெற்றி	தோல்வி
தி.மு.க.	23	96
காங்.,	5	58
பா.ம.க.,	3	27
வி.சி.	0	10
கொ.மு.க.,	0	7
இ.யூ.மு.லீக்	0	3
மூ.மு.க.,	0	1
பெ.ம.க	0	1

பிளஸ்டூ ரிசல்ட் வெளியீடு : ஓசூர் மாணவி ரேகா முதலிடம்

2011-05-09T06:55:00.000-07:00

சென்னை: பிளஸ்டூ தேர்வு முடிவுகள் இன்று வெளியிடப்பட்டன. இதில், ஓசூர் மாணவி கே.ரேகா 1190 மதிப்பெண்கள் பெற்று மாநிலத்திலேயே முதலிடத்தைப் பிடித்தார். ஓசூர் விஜய வித்யாலயா மேல்நிலைப்பள்ளியைச் சேர்ந்தவரான கே.ரேகா பெற்ற மதிப்பெண்கள் தமிழ் 195, ஆங்கிலம் 196, கணிதம், வேதியியல் இயற்பியல் உயிரியல் தலா 200. 2வது இடத்தில் வேல்முருகன் கள்ளக்குறிச்சி பாரதி மெட்ரிகுலேஷன் பள்ளியில் படித்தவரான வேல்முருகன் 1187 மதிப்பெண்களுடன் 2வது இடத்தைப் பிடித்துள்ளார்.

4 மாணவர்களுக்கு 3வது இடம்

நெல்லை வித்யா சகுந்தலா, பெரியகுளம் ரகுநாதன், நாமக்கல் சிந்து கவி, ஓசூர் பி.எஸ்.ரேகா ஆகியோர் 3வது இடத்தைப் பிடித்துள்ளனர். இவர்கள் தலா 1186 மதிப்பெண்கள் பெற்றுள்ளனர்.

ஜூன் 22 முதல் துணைத் தேர்வு- : இன்று முதல் விண்ணப்பிக்கலாம்

சென்னை: பிளஸ்டூவில் தோல்வி அடைந்த மாணவர்களுக்கான சிறப்புத் துணைத் தேர்வு ஜூன் 22ம் தேதி தொடங்கி, ஜூலை 2ம் தேதி வரை நடைபெறவுள்ளது. இதுகுறித்து அரசுத் தேர்வுகள் இயக்குநர் வசுந்தரா தேவி கூறுகையில், பிளஸ்டூவில் தோல்வி அடைந்தவர்களுக்காக சிறப்புத் துணைத் தேர்வு நடத்தப்படவுள்ளது. ஜூன் 22ம் தேதி இந்தத் தேர்வுகள் தொடங்கி, ஜூலை 2ம் தேதி வரை நடைபெறும்.

இதற்கான விண்ணப்பங்களை இன்று முதல் 13ம் தேதி வரை வழங்கலாம் என அறிவிக்கப்பட்டுள்ளது என்று அவர் தெரிவித்தார்.வெற்றி பெற்ற மாணவர்களைப் போலவே, தோல்வி அடைந்தவர்களும் இந்த கல்வியாண்டிலேயே தங்களது மேல் படிப்பைத் தொடருவதற்கு வசதியாக இந்த சிறப்புத் துணைத் தேர்வை தேர்வுகள் துறை நடத்துகிறது.

சிபிஎஸ்இ தேர்வு முடிவு-தமிழகத்தில் 95% தேர்ச்சி

சென்னை: சிபிஎஸ்இ தேர்வு முடிவுகள் வெளியாகி உள்ளன. தமிழ்நாட்டில் 95.02 சதவீதம் மாணவ, மாணவியர்கள் தேர்ச்சி பெற்றுள்ளனர்.

சென்னை மண்டலத்துக்கான சிபிஎஸ்இ தேர்வு முடிவுகள் இன்று வெளியிடப்பட்டது. இந்த மண்டலத்தில் தமிழ்நாடு , புதுச்சேரி , கேரளா, கர்நாடகா , ஆந்திரா, மகாராஷ்டிரா, லட்சத்தீவு, கோவா, டாமன், டையூ ஆகியவை இடம்பிடித்துள்ளன.இதில் 822 பள்ளிகளை சேர்ந்த சுமார் 54 ஆயிரம் மாணவர்கள் தேர்வு எழுதியிருந்தனர். அவர்களில் 49 ஆயிரத்து 711 பேர் தேர்ச்சி அடைந்துள்ளனர். அதாவது 92.06 சதவீதம் பேர் தேர்ச்சி கண்டுள்ளனர்.

தோல்வியடைந்த மாணவர்களில் 2 ஆயிரத்து 848 பேர் ஒரு பாடத்தில் மட்டும் தோல்வியடைந்தவர்கள். இவர்கள் வரும் ஜூலை மாதம் நடக்கவிருக்கும் மறுதேர்வில் பங்கேற்கலாம். தமிழ்நாட்டில் மட்டும் 5,783 பேர் தேர்வு எழுதி, அதில் 5495 பேர் வெற்றி பெற்றுள்ளனர். தமிழகத்தில் தேர்ச்சி சதவீதம் 95.02 ஆக இருக்கிறது. மற்ற தேர்வு முடிவுகளை போல் இதிலும் மாணவிகள் தான் அதிகம் ஆதிக்கம் செலுத்தி வருகின்றனர்.

மொத்தம் தேர்வு எழுதிய 2411 மாணவிகளில் 2317 பேர் தேர்ச்சி பெற்றுள்ளனர். தேர்ச்சி சதவீதம் 96.10 ஆகும். அதே நேரத்தில் 3372 மாணவர்கள் தேர்வு எழுதியதில் 3178 பேர் வெற்றி கண்டுள்ளனர். மாணவர்களின் தேர்ச்சி சதவீதம் 94.25 ஆகும்.மறுமதிப்பீடுக்கு விண்ணப்பிக்க ரூ. 100 செலுத்தி முதலில் விடைத்தாள்களை வாங்க வேண்டும், பின்னர் அதனுடன் கொடுக்கப்படும் விண்ணபபம் முழுமையாக பூர்த்தி செய்து மறுமதிப்பீட்டுக்கு விண்ணப்பிக்கலாம்.

பிளஸ்டூ தேர்ச்சி வழக்கம் போல மாணவிகளே அதிகம்

சென்னை: பிளஸ்டூ தேர்வில் ஒட்டுமொத்தமாக 85.9 சதவீத மாணவர்கள் தேர்ச்சி அடைந்துள்ளனர்.கடந்த ஆண்டு தேர்ச்சி பெற்ற மாணவ, மாணவியர் விகிதம் 85.15 சதவீதமாகும். மேலும் வழக்கம் போல மாணவிகளே அதிக அளவில் தேர்ச்சி அடைந்துள்ளனர்.இந்த ஆண்டு தேர்வு எழுதிய 7 லட்சத்து 81 ஆயிரத்து 385 மாணவ-மாணவியரில் 6 லட்சத்து 15 ஆயிரத்து 593 பேர் தேர்ச்சி அடைந்துள்ளனர்.

பிளஸ்டூ தேர்வு முடிவுகள் இன்று வெளியிடப்பட்டன. இதில் ஓசூர் மாணவி கே.ரேகா மாநிலத்திலேயே முதல் இடத்தைப் பிடித்தார்.மாநில அளவில் தேர்வு எழுதியவர்களில் மொத்தம் 85.9 சதவீத மாணவ, மாணவியர் வெற்றி பெற்றுள்ளனர்.

'சென்டம்' போட்டவர்கள் : பிளஸ்டூ தேர்வில் கணிதத்தில்தான் அதிக அளவிலான மாணவர்கள் 200க்கு 200 வாங்கியுள்ளனர்.

கணிதத்தில் மொத்தம் 2720 பேர் சென்டம் போட்டுள்ளனர். வேதியியலில் 1243 பேரும், இயற்பியலில் 646 பேரும், உயிரியலில் 615 பேரும், கம்ப்யூட்டர் அறிவியலில் 223 பேரும் சென்டம் போட்டுள்ளனர்.அதேசமயம், தாவரவியலில் வெறும் 4 பேருக்கு மட்டுமே 200க்கு 200 கிடைத்துள்ளது. விலங்கியலில் யாருக்கும் சென்டம் இல்லை .அதேசமயம், விலங்கியல் பாடத்தில் எந்த ஒரு மாணவரும், மாணவியும் 200க்கு 200 எடுக்கவில்லை. இது ஆசிரியர்களிடையே பெரும் ஆச்சரியத்தையும், அதிர்ச்சியையும் ஏற்படுத்தியுள்ளது.

மாணவிகளே அதிக தேர்ச்சி

மாணவ, மாணவியரின் தேர்ச்சி விகிதத்தைப் பொறுத்தவரை மாணவிகளின் தேர்ச்சி விகிதம் 89 சதவீதமாக உள்ளது. அதேசமயம், மாணவர்களின் தேர்ச்சி விகிதம் 82.3 சதவீதம்தான்.ஒவ்வொரு ஆண்டும் மாணவிகளே அதிக அளவில் தேர்ச்சி பெற்று வருகின்றனர். இந்த ஆண்டும் அது அப்படியே நடந்துள்ளது. அதேசமயம், ஒட்டுமொத்த் தேர்ச்சி சதவீதம் கடந்த ஆண்டை விட இந்த ஆண்டு சற்று அதிகரித்திருப்பது குறிப்பிடத்தக்கது.

25ம் தேதி மதிப்பெண் பட்டியல் : விடைத்தாள் நகல், மறு கூட்டலுக்கு 11ம் தேதி முதல் விண்ணப்பிக்கலாம்

சென்னை : பிளஸ்டூ தேர்வு முடிவுகள் வெளியாகியுள்ள நிலையில் மறு கூட்டல் மற்றும் விடைத்தாள் நகல் கோரி விண்ணப்பிக்க விரும்புவோர் வருகிற 11ம் தேதி முதல் 16ம் தேதி வரை அதைச் செய்யலாம் என அறிவிக்கப்பட்டுள்ளது.

இதுகுறித்து அரசுத் தேர்வுகள் இயக்குநர் வசுந்தரா தேவி கூறுகையில், விடைத்தாள் நகல் கோருவோர், மறு கூட்டலுக்கு விண்ணப்பிக்க விரும்புவோர் வரும் 11ம் தேதி முதல் 16ம் தேதிக்குள் அதற்காக விண்ணப்பிக்கலாம்.

அனைத்து முதன்மை கல்வி அதிகாரி அலுவலகங்கள், இணை இயக்குனர் (கல்வி) புதுச்சேரி, அனைத்து மாவட்ட கல்வி அதிகாரி அலுவலகங்கள், அரசு தேர்வு மண்டல துணை இயக்குனர் அலுவலகங்களில் விண்ணப்பங்கள் பெறலாம்.

விடைத்தாள் நகல் பெறுவதற்கு, மொழிப்பாடம் மாற்றும் ஆங்கிலத் தாள் ஒவ்வொன்றுக்கும், தலா, 550 ரூபாயும், மற்ற பாடங்களுக்கு, 275 ரூபாயும் கட்டணம் செலுத்த வேண்டும்.

வருகிற 25ம் தேதி அனைத்துப் பள்ளிகளிலும் மதிப்பெண் பட்டியல் விநியோகிக்கப்படும்.

டாக்டராகி ஏழைகளுக்கு சேவை செய்வேன்: முதலிடம் பிடித்த கே.ரேகா

ஒசூர்: பிளஸ்டூ தேர்வு முடிவுகள் இன்று வெளியிடப்பட்டன. இதில், ஓசூர் மாணவி கே.ரேகா 1190 மதிப்பெண்கள் பெற்று மாநிலத்திலேயே முதலிடத்தைப் பிடித்தார்.

ஓசூர் விஜய வித்யாலயா மேல்நிலைப்பள்ளியைச் சேர்ந்தவரான கே.ரேகா பெற்ற மதிப்பெண்கள், தமிழ் 195, ஆங்கிலம் 196, கணிதம், வேதியியல் இயற்பியல் உயிரியல் தலா 200.

ரேகாவின் தந்தை கேசவன். தனியார் நிறுவன அதிகாரி. தாய் மலர்விழி ஆவலப்பள்ளியில் ஆசிரியையாக பணி புரிகிறார். ரேகாவன் தங்கை கிருத்திகா. 10-ம் வகுப்பு தேர்வு எழுதியுள்ளார். இவர்கள் ஒசூர்-பாகலூர் ரோட்டில் வசித்து வருகின்றனர்.

ரேகா பத்தாம் வகுப்பு தேர்வில் 500-க்கு 479 மதிப்பெண்கள் பெற்று ஒசூர் கல்வி மாவட்டத்தில் முதலிடம் பிடித்திருந்தார். தற்போது மாநிலத்திலேயே முதலிடத்தைப் பிடித்துள்ளார்.

ரேகாவின் ஆசிரியர்களும், உறவினர்களும் அவருக்கு கேக் ஊட்டி வாழ்த்தினர். அவரது தோழிகள் சந்தோஷத்தில் அவரைத் தோழில் வைத்து பள்ளியைச் சுற்றி வந்தனர்.மாணவி ரேகா நிருபர்களிடம் கூறியதாவது,

நான் கவனமாகப் படித்தேன். எனக்கு பெற்றோர், ஆசிரியர்கள் மற்றும் தலைமை ஆசிரியர் என அனைவரும் ஊக்கம் அளித்தனர். மாநிலத்திலேயே முதல் மாணவியாக வந்துள்ளதில் மகிழ்ச்சியாக இருக்கிறது. நானும் மற்ற மாணவிகளைப் போல் தான் படித்தேன். பாடங்களை நன்றாகப் புரிந்து கொண்டு படித்ததால் தான் என்னால் இந்த சாதனையை படைக்க முடிந்தது.

நான் மருத்துவம் படித்து ஏழை, எளிய மக்களுக்கு சேவை செய்வேன். நான் மாநிலத்தில் முதலிடம் பெறுவேன் என்று நினைக்கவே இல்லை. எனக்கு உதவிய அனைவருக்கும் நான் எனது நன்றியை தெரிவித்துக் கொள்கிறேன் என்றார்.

சமஸ்கிருதத்தை முதல் பாடமாக எடுத்ததால் முதலிடத்தை தவற விட்ட மாணவி

சென்னை : பிளஸ்டூவில் 1191 மதிப்பெண்கள் பெற்ற சென்னை குரோம்பேட்டை மாணவி சந்தியாதான் தமிழகத்திலேயே அதிக மதிப்பெண் பெற்றவராவார். ஆனால் அவர் தமிழை முதல் பாடமாக எடுக்காததால் ரேங்கிங் கிடைக்காமல் போய் விட்டது.தமிழக அளவில் ஓசூர் மாணவி கே.ரேகாதான் முதலிடம் பிடித்தவராக அறிவிக்கப்பட்டுள்ளது. இவர் 1190 மதிப்பெண்கள் பெற்றுள்ளார்.

ஆனால் சென்னை குரோம்பேட்டை எஸ்.ஆர்.டி.எஸ். மாணவி சந்தியா 1191 மதிப்பெண் பெற்று முதலிடத்தைப் பெற்றுள்ளார். இருப்பினும் இவர் தமிழை முதல் பாடமாக எடுக்கவில்லை, சமஸ்கிருதத்தை முதல் பாடமாக எடுத்திருந்தார். இதனால் இவருக்கு மாநில அளவிலான ரேங்கிங் கிடைக்கவில்லை.

தமிழை முதல் பாடமாக எடுத்து அதிக மதிப்பெண் பெற்றால்தான் முதலிடம் கொடுக்கப்படுகிறது. எனவே தமிழை முதல் பாடமாக சந்தியா எடுக்காததால் அவருக்கு முதலிடம் நழுவிப் போயுள்ளது.அதே போன்று பிரஞ்சு மொழியை எடுத்து படித்தவர்களில் வித்யோதயா மாணவி ஜெயப்பிரதா 1190 மதிப்பெண்களுடன் முதலிடம் பிடித்துள்ளார்.

3வது இடத்தை பிரெஞ்சு மொழியை முதல் பாடமாக எடுத்துப் படித்தவரான சென்னை அருகே உள்ள கீழ்க்கட்டளையைச் சேர்ந்த எச்.எப்.சி பள்ளி மாணவி மகாலட்சுமி பிடித்துள்ளார். இவர் எடுத்த மதிப்பெண்கள் 1189 ஆகும்.

மார்க்ஷீட் மற்றும் மறு கூட்டல் விண்ணப்பம்

தேர்வு முடிவுகளை பள்ளிக்கூடங்களிலேயே காணவும் ஏற்பாடு செய்யப்பட்டுள்ளது. அங்குள்ள நோட்டீஸ் போர்டுகளில் தேர்வு முடிவுகள் ஒட்டப்படும். அங்கும் மாணவர்கள் தங்களது ரிசல்ட்டைத் தெரிந்து கொள்ளலாம்.

வருகிற 25ம் தேதி அனைத்துப் பள்ளிகளிலும் மதிப்பெண் பட்டியல் விநியோகிக்கப்படும்.

மறு கூட்டலுக்கு விண்ணப்பிக்க விரும்புவோர், விடைத்தாள் ஜெராக்ஸ் ஆகியவற்றை விரும்புவோர் வருகிற 11ம் தேதி முதல் 16ம் தேதி வரை அனைத்து முதன்மை கல்வி அதிகாரி அலுவலகங்கள், மாவட்ட கல்வி அதிகாரி அலுவலகங்கள், அரசுத் தேர்வு மண்டல துணை இயக்குநர் அலுவலகங்களில் விண்ணப்பங்களைப் பெற்றுப் பூர்த்தி செய்து தர வேண்டும் என அறிவிக்கப்பட்டுள்ளது. பிளஸ்டூ தேர்வு முடிவுகளை தினகரன் இணையதளங்களில் காணலாம்.அதற்கான வெப்சைட் முகவரி www.dinakaran.com, மேலும் tnresults.nic.in, www.tnpubliclibraries.gov.in ஆகிய வெப்சைட் முகவரிகளிலும் தேர்வு முடிவுகளை பார்க்கலாம்.

60 ஆயிரம் மாணவர்கள் பெயில் ஆயினர்; மாணவிகள் தேர்ச்சி விகிதம் அதிகரிப்பு

2011-05-09T06:47:00.001-07:00

சென்னை: பிளஸ் 2 தேர்வு எழுதிய மாணவ, மாணவிகளின் முடிவுகள் இன்று காலை வெளியிடப்பட்டன. இதில் மொத்தம் தேர்வு எழுதியவர்களில் 6 லட்சத்து 15 ஆயிரத்து 590 பேர் தேர்ச்சி பெற்றுள்ளனர். இதில் தேர்வு எழுதிய மாணவர்கள் 58 ஆயிரத்து 887 பேர் பெயில் ஆகியுள்ளனர். மாணவிகள் பெயிலானது மொத்தம் 42 ஆயிரத்து 63 பேர் . கடந்த ஆண்டை தேர்ச்சி விகிதம் மிதமாக உயர்ந்திருந்தாலும், மாணவர்களின் தேர்ச்சி விகிதத்தை விட மாணவிகள் தேர்ச்சி விகிதம் அதிகரித்துள்ளது.

இன்றயை ரிசல்ட்டில் மாணவியே முதலிடத்தை பிடித்து அபார சாதனை படைத்துள்ளார். விழுப்புரம் கள்ளக்குறிச்சியை சேர்ந்த மாணவன் வேல்முருகன் இரண்டாமிடத்தை பிடித்தார். 3 வது இடத்தை மாணவ, மாணவிகள் 4 பேர் பிடித்துள்னர்.

3 வது இடத்தை பிடித்த 4 பேர்: வித்தியா சகுந்தலா ( எஸ்.‌ஜே.எஸ்.எஸ்.,‌ஜே மெட்ரிக்., பள்ளி , மகாராஜநகர் , திருநெல்வேலி) ரகுநாத் (டி.எச்.எம்.என்.யு., மேல்நிலப்பள்ளி முத்துதேவன் பட்டி பெரியகுளம்), சிந்துகவி (குறிஞ்சி மெட்ரிக்., மேல்நிலைப்பள்ளி நாமக்கல்) , பி.எஸ்., ரேகா (ஸ்ரீ விஜய்வித்யாலயா மெட்ரிக்., மேல்நிலப்பைள்ளி ஓசூர்). இந்த நான்கு பேரும் ஆயிரத்து 186 மார்க்குகள் பெற்றுள்ளனர்.

கிருஷ்ணகிரி மாவட்டத்தை சேர்ந்த ஒசூர் விஜய்வித்யாலயா மெட்ரிக் மேல்நிலைப்பள்ளி ரேகா என்பவர் ஆயிரத்து 190 மார்க்குகள் பெற்று முதலிடத்தை பிடித்துள்ளார். கணிதத்தில் 2 ஆயிரத்து 720 பேர் 200க்கு 200 மார்க்குகள் பெற்று சாதனை படைத்துள்ளனர்.

பாடவாரியாக 200க்கு 200 மார்க்குகள் பெற்ற மாணவர்களின் எண்ணிக்கை விவரம் வருமாறு: இயற்பியல் : 646, உயிரியியல்: 615 , வணிகவியல்: ஆயிரத்து 166, வேதியியல்: ஆயிரத்து 243 பேர். கம்ப்யூ., சயின்சில் 223 பேர், தவாரவியலில் 14 பேர் விலங்கியலில் யாரும் 200க்கு 200 மார்க்குகள் பெறவில்லை.

தமிழ் மொழிப் பாடத்தில் முதல் 3 இடங்களை பிடித்தவர்கள் பட்டியல் : விழுப்புரம் மாவட்டம் கள்ளக்குறிச்சி ஏ.கே.டி., அகடெமி மெட்ரிக்குலேஷன் பள்ளி மாணவர்கள் தமிழில் மாநில அளவில் முதல் 3 இடத்தையும் பிடித்து சாதனை படைத்துள்ளனர். மாணவன் கோகுலகிருஷ்ணன் 198 மார்க்குகள் பெற்றுள்ளார். அவரது மொத்த மதிப்பெண் 1172. 2வது இடம் பிடித்த மாணவர் எஸ். மகேஸ்வரன் 198 மதிப்பெண்கள் தமிழில் பெற்றுள்ளார். அவரது மொத்த மார்க்குகள் 1156. 3வது இடம் பிடித்த மாணவர் தினகரன் . எம். தமிழில் 198 மார்க்குகள் பெற்றுள்ளார். அவரது மொத்த மதிப்பெண் 1144 ஆகும்.

இன்று வெளியான பிளஸ் 2 தேர்வில் முதலிடத்தை மாணவியும், இரண்டாவது இடத்தை மாணவியும் பிடித்தனர். வழக்கம்போல் மாணவிகளே முந்தி நிற்கின்றனர். இந்த முறை மாணவன் 2 வது இடத்தை பிடித்துள்ளார் . ஆனாலும் தேர்வு எழுதிய 3 லட்சத்து 33 ஆயிரத்து 84 மாணவர்களில் 2 லட்சத்து 74 ஆயிரத்து 197 பேர் தேர்ச்சி ( 82. 3 சதம் ) பெற்றுள்ளனர். பெயிலான மாணவர்கள் 58 ஆயிரத்து 887 பேர். மாணவிகளில் தேர்வு எழுதிய மொத்தம் 3 லட்சத்து 83 ஆயிரத்து 459 பேர்களில் 3 லட்சத்து 41 ஆயிரத்து 396 (89.0 சதம்) பேர் வெற்றி பெற்றுள்ளனர்.பெயிலான மாணவிகள் 42 ஆயிரத்து 063 பேர். ஒட்டுமொத்த தேர்ச்சி சதவீதம், கடந்த ஆண்டை(85.15%) விட ( 85.9 சதம்) அதிகரித்துள்ளன.

+2ம் வகுப்பு தேர்வு முடிவுகளில் யூனியன் பிரதேசமான புதுச்சேரி மற்றும் காரைக்காலில் தேர்ச்சி விகிதம் 83.54 சதவீதமாக பதிவாகி உள்ளதாக பள்ளி கல்வித்துறை இயக்குனர் ஜி. பன்னீர்செல்வம் தெரிவித்துள்ளார். அவர்‌ மேலும் கூறு‌கையில், 11428 மாணவர்கள் தேர்வு எழுதியதில், 9547 பேர் தேர்ச்சி பெற்றுள்ளதாக அவர் தெரிவித்தார்.

தமிழகம் மற்றும் புதுச்சேரியில், மார்ச் 2 முதல், 25ம் தேதி வரை, பிளஸ் 2 தேர்வுகள் நடந்தன. பள்ளிகள் சார்பில், ஏழு லட்சத்து, 23 ஆயிரத்து, 545 மாணவ, மாணவிகளும், தனித்தேர்வு வகையில், 57 ஆயிரத்து, 86 மாணவர்களும் தேர்வெழுதினர். ஆயிரத்து,890 மையங்களில் தேர்வுகள் நடந்தன.

மாணவர்கள் ஆவலுடன் எதிர்பர்த்த இந்த முடிவுகளை இன்று காலை 9.00 மணிக்கு கல்வி துறை இயக்குனர் வசுந்தராதேவி வெளியிட்டார். இதே நேரத்தில், அந்தந்த பள்ளிகளில், மதிப்பெண்களுடன் கூடிய தேர்வு முடிவுகளும் ஒட்டப்பட்டன.

சீன திரைப்பட விழாவில் காவலன்!

2011-05-08T04:50:00.001-07:00

சீனாவின் 14-வது ஷாங்காய் திரைப்பட விழா, அடுத்த மாதம் (ஜுன்) 11-ந் தேதி முதல் 19-ந் தேதி வரை நடைபெற இருக்கிறது. உலகம் முழுவதும் 80 நாடுகளில் இருந்து 2,500 படங்கள், இந்த படவிழாவில் கலந்துகொள்கின்றன.

மலையாளத்தில் வெளியாகி வரவேற்பை பெற்ற 'பாடிகார்ட்' படம் தமிழில் 'காவலன்' என்ற பெயரில் வெளியானது. இப்படத்தில் விஜய், அசின், மித்ரா, வடிவேலு உள்ளிட்ட பலர் நடித்திருந்தனர். சித்திக் இயக்கி இருந்தார். படம் வெளியாகி வரவேற்பை பெற்றது.

ஷாங்காய் பட விழாவுக்கு தென்னிந்தியாவில் இருந்து விஜய் நடித்த 'காவலன்' படம் தேர்வு பெற்றுள்ளது. 'காவலன்' படம் திரையிடப்படும் நாளன்று, விழாவில் கவுரவ விருந்தினராக கலந்துகொள்ளும்படி விஜய்க்கு அழைப்பு விடுக்கப்பட்டுள்ளது.

வானம் விமர்சனம்

2011-05-08T04:47:00.000-07:00

வித்தியாசமான வாழ்க்கைச் சூழலில் சிக்கித் தவிக்கும் ஐவர் ஒரு வானத்தின் கீழ் சந்திக்கும் கதை!
40 ஆயிரம் ரூபாய் திருட முற்படும் 'கேபிள் ராஜா’ சிம்பு, கிட்னி விற்க வந்த சரண்யா, 'முஸ்லிம் தீவிரவாதி’ என்ற சந்தேக முத்திரை சுமக்கும் அப்பாவி பிரகாஷ்ராஜ், ஃப்ரீக்கி இளைஞன் பரத், பாலியல் தொழிலாளி அனுஷ்கா என இந்த ஐந்து பேரும் ஓர் இடத்தில் இணை யும்போது நடக்கும் சம்பவங்கள்தான் க்ளைமாக்ஸ் முடிச்சு!
ஐந்து கதைகளை, அதன் அடர்த்தி குறையாமல், விறுவிறுப்பான காட்சி அமைப்புகளால் நகர்த்தி இருக்கும் வகையில் அறிமுக (தமிழில்) இயக்குநர் க்ரீஷ் அசரடிக்கிறார்.
ஒவ்வொரு கணமும் சந்தேகப் பார்வையை எதிர்கொள்ளும் முஸ்லிம் களின் சங்கட மனநிலை, ஒவ்வொரு நாளையும் அவமானத்தோடும் அவஸ்தை யோடும் நகர்த்தும் திருநங்கை மற்றும் பாலியல் தொழிலாளிகளின் வாழ்க்கை, 'கலாசாரக் காவலர்’களான மத அடிப்படைவாதிகளால் பாதிக்கப்படும் காதலர் கள், ஏழை விவசாயக் குடும்பம் சந்திக்கும் பண நெருக்கடிகள் எனச் சமூகத்தின் பல அடுக்குப் பிரச்னைகளை கமர்ஷியல் சினிமாவின் சுவை குன்றாமல் இயக்குநர் கையாண்டிருக்கும் விதம்... தமிழுக்குப் புதுசு!
ஏழை அடையாளம் மறைத்து, பந்தா ஸீன் போட்டுத் திரியும் சேரி இளைஞன் கேபிள் ராஜாவாக சிம்பு. முதல் பாதியில் டி.ஆரை இமிடேட் செய்து அடுக்கு மொழியில் கலகலக்கவைப்பவர், இரண்டாம் பாதியில் நடிப்பில் கலங்கடித்துவிடுகிறார். மனசாட்சி உறுத்த, தப்பை உணர்ந்து அழும் இடத்திலும், 'என்ன வாழ்க்கைடா இது’ என்று அலுத்துக்கொள்ளும் இடங் களிலும் அநாயாச நடிப்பு. போலீஸிடமும் புரோக்கரிடமும் மாட்டிக்கொண்டதும் 50-50 ஷேர் பேசுவதும், ட்ரீட்மென்ட் கொடுக்கும் டாக்டரிடம் தன்னையே விலை பேசுவதுமாக, கவர்ச்சியை மீறிய நெகிழ்ச்சியில் ஆச்சர்யப்படுத்துகிறார் அனுஷ்கா. திருநங்கையாக நடித்து இருக்கும் நிக்கி, பிரமாதப்படுத்துகிறார். 'ரேடியாவைச் சரியா டியூன் பண்ணாத மாதிரி ஒரு வாய்ஸ் வெச்சிருப்பானே, அவனா?’ என்று கலாய்க்கிற சந்தானத்தின் காமெடி கதையோட்டத்துக்கு ஜாலி லிஃப்ட் கொடுக்கிறது.
நீரவ் ஷா - ஞானசேகரின் ஒளிப்பதிவு, ஐந்து கதைகளுக்குமான ஐந்து நிலப் பகுதிகளைப் பிரமாதமாகப் பிரதிபலிக்கிறது. யுவன்ஷங்கர் ராஜாவின் இசையில் 'எவன்டி உன்னைப் பெத்தான்’, 'நோ மணி’ பாடல்கள் முணுமுணுப்பு ரகம்.
'மத்த தொழில்ல எக்ஸ்பீரியன்ஸ் இருந்தாத்தான் மதிப்பாங்க. ஆனா, விபசாரத்துல எக்ஸ்பீரியன்ஸ் குறைவா இருந்தாதான் மதிப்பாங்க’, 'என்கிட்டே உனக்கு என்ன பிடிக்கும்? நீ பாடுறது!’, 'என்கிட்டே உனக்கு என்ன பிடிக்காது? நீ பாடுறதுதான்!’ போன்ற ஞானகிரி - குபேந்திரனின் வசனங்களில் பளிச் ஃப்ளாஷ்.
சினிமாத்தனமான, எதிர்பார்க்கக்கூடிய க்ளை மாக்ஸ்தான் பலவீனப் பட்டியலில் பலமாக இடம் பிடிக்கிறது. இன்றைய இளைஞர்களிடம் இருக்க வேண்டிய சக மனிதர்களின் மீதான அக்கறை, ஏழைகளுக்குக் கல்வியின் மீது இருக்க வேண்டிய கவனம், அரசு அலுவலர்களுக்கு இருக்க வேண்டிய மதச் சார்பின்மை, திருநங்கைகளின் அடையாளத்தை அங்கீகரிக்க வேண்டிய அவசியம் என வாழ்வியல் மதிப்பீடுகளை அழகாகச் சொன்ன விதத்தில் இந்த வானம்... தமிழ் சினிமா ரசிகர்கள் வரவேற்க வேண்டிய வண்ண வாணம்!

நன்றி:விகடன்.

கோ விமர்சனம்

2011-05-08T04:44:00.000-07:00

பத்திரிகை போட்டோகிராபர் ஜீவா. அவரது நண்பர் அஜ்மல், ‘சிறகுகள்’ என்ற இளைஞர் அமைப்பை துவங்கி அரசியலில் குதிக்கிறார். ஆளுங்கட்சித் தலைவர் பிரகாஷ்ராஜ், எதிர்கட்சித் தலைவர் கோட்டா சீனிவாசராவ் இவர்களால் அஜ்மல் இயக்கத்துக்கு வரும் தொல்லைகளை தனது சாமர்த்தியத்தால் முறியடிக்கிறார் ஜீவா. தேர்தலில் வெற்றி பெற்று அஜ்மல் முதல்வராகிறார். பிறகுதான் அஜ்மலின் இன்னொரு முகம் தெரியவருகிறது. அந்த முகம் என்ன? அதை ஜீவா எப்படி ஜெயிக்கிறார் என்பது மீதிக் கதை. ஒரு பத்திரிகை போட்டோகிராபரால் பெரிய அரசியல் மாற்றத்தை கொண்டுவந்து நாட்டு மக்களின் தலையெழுத்தை மாற்றி எழுத முடியும் என்கிற பரபர ஆக்ஷன் திரைக்கதையில் ராக்கெட்டாய் பாய்கிறது படம்.

ஜீவா படத்துக்கு படம் மெருகேறிக்கொண்டிருக்கிறார். ஆக்டிங் பிளஸ் ஆக்ஷன் இரண்டு ஏரியாவிலும் புகுந்து விளையாடுகிறார். வங்கியை கொள்ளையடித்துச் செல்லும் கும்பலை துரத்தி துரத்தி படம் எடுப்பதும், எந்த நேரமும் விழிப்புடன் இருந்து செயல்படுவதும், டைமிங் சென்சில் எதிராளிகளை திணற வைப்பதும் என்று சுற்றிச் சுழல்கிறார். கார்த்திகாவை காதலிப்பதும், பியாவுடன் நட்பாக இருப்பதும் என்று சென்டிமென்ட் ஏரியாவிலும் கலக்குகிறார். பியாவை கலாய்ப்பதிலேயே காமெடி ஏரியாவையும் நிரப்பி விடுகிறார்.

கார்த்திகா நடிப்பில் அம்மா ராதாவின் பெயரை காப்பாற்றுவார் என்ற நம்பிக்கையைத் தருகிறார். எப்போதும் ஜாலி கேலி, கிண்டல் என்று அரை லூசு பெண்ணாக, பியா பிச்சு உதறுகிறார். கடைசியில் ஜீவாவை, ‘இந்தா நீ வச்சுக்க’ என்று கார்த்திகாவிடம் ஒப்படைத்து அவர் கன்னத்தில் முத்தமிட்டுவிட்டு, ‘இதுக்கெல்லாம் உங்கிட்ட பர்மிஷன் கேட்க முடியாது’ என்று கலங்குகிற காட்சியில் நம் கண்களையும் ஈரமாக்கி விடுகிறார். சமூக கொடுமைகளை கண்டு கொதித்தெழுந்து பேசும் அஜ்மல், அதற்கு எதிரானவராக விசுவரூபம் எடுக்கும்போது அதிர வைக்கிறார். பிரகாஷ்ராஜ் அதிரடி அரசியல்வாதியாக ஏதோ செய்யப்போகிறார் என்று எதிர்பார்க்க வைத்துவிட்டு காணாமல் போகிறார். கோட்டா சீனிவாசராவ் கொஞ்சம் வில்லன் கொஞ்சம் காமெடியன் வேஷம் கட்டியிருக்கிறார்.

ஹாரிஸின் இசையில் பாடல்கள் முணுமுணுக்க வைக்கின்றன. மலை உச்சியிலும், ஆபத்தான இடங்களிலும் ஜீவாவும், கார்த்திகாவும் அபிநயம் பிடிக்கும், ‘என்னமோ ஏதோ...’, ஆல்பத்தில் டாப் இடத்தைப் பிடிக்கிறது. பாடல்களில் அழகையும், ஆக்ஷன் காட்சிகளில் அதிர்வையும் உணர வைக்கிறார் ஒளிப்பதிவாளர் ரிச்சர்ட் எம்.நாதன். கதை எழுதி சில காட்சிகளில் தலைகாட்டியிருக்கும் சுபா, பாராட்டுக்குரியவர். ஒரு பத்திரிகை அலுவலகம் அன்றாடம் சந்திக்கும் பிரச்னைகளை தொட்டிருப்பதிலும், சமூகத்தில் பத்திரிகையின் பங்களிப்பு பற்றி பேசியிருப்பதும் புதிய அனுபவம். சிக்கலான கதையம்சம் கொண்ட படத்தை அழகுணர்ச்சியோடு தந்திருக்கிறார் கே.வி.ஆனந்த்.

பலமிக்க இரு அரசியல்வாதிகளை எதிர்த்து ஓர் இளைஞர் இயக்கம் வளர்வதும், தேர்தலில் ஜெயிப்பதும் அவ்வளவு ஈசியா என்ன? அந்த இயக்கம் ஜெயித்து, அதற்கடுத்து வரும் தொடர் மாற்றங்களில் ஏகப்பட்ட லாஜிக் மிஸ்ஸிங். பியாவின் மரணத்தை முழுவதுமாக உணரவைப்பதற்குள் பாடல் காட்சி என்டர் ஆவது சலிப்பு. இப்படி சின்ன சின்ன குறைகள் இருந்தாலும் குதூகலப்படுத்துகிறது ‘கோ’.
நன்றி:தினகரன்

அல்கொய்தா இயக்கத்தில் பின்லேடனுக்கு உதவியாக இருந்தவர்கள் பற்றிய தகவல்கள்

2011-05-06T04:24:00.000-07:00

கடந்த 10 வருடங்களாக உலகளாவிய தீவிரவாத செயல்பாடுகளில் முக்கியத்துவம் வாய்ந்த இயக்கமாக செயல்பட்ட இயக்கம் அல்கொய்தா. இதன் தலைவனாக இருந்த ஒசாமா பின்லேடன் அமெரிக்காவால் சுட்டு கொல்லப்பட்டான். இருந்தபோதும் இந்த இயக்கத்தில் பின்லேடனுடன் இயக்க செயல்பாடுகளில் உதவியாக இருந்தவர்கள் பற்றிய சில விவரங்கள்:-

1) அபு யஹ்யா அல்-லிபி:

அல்கொய்தா இயக்கத்தில் ஜிஹாத் என்னும் புனித போரில் தீவிர ஈடுபாடு கொண்டிருந்தான். பின்லேடனுடன் அதிகமாக தொடர்பு கொண்டவன். பல வீடியோ காட்சிகளில் தோன்றி அல்கொய்தா இயக்கத்திற்கு ஆதரவு திரட்டியுள்ளான். தனது 40 வயதில் இவ்வியக்கத்தின் செயல்பாடுகளில் அதிக ஈடுபாடு கொண்டு இருந்தான். தற்போது அவன் இருப்பிடம் தெரியவில்லை.

2) அபு பராஜ் அல்_லிபி:

அபு பராஜ் நிலையான, திறமையான மற்றும் பிறரால் எளிதாக கணிக்க முடியாத அளவிற்கு தீவிரமாக இயக்கத்தின் வெளிப்புற நடவடிக்கைகளில் செயலாற்றி வந்துள்ளான். கைது செய்யப்படும் வரை பின்லேடனுக்கு பல வழிகளில் உதவியாக இருந்துள்ளான். கடந்த 2005ல் பாகிஸ்தானில் மர்தான் என்ற இடத்தில் கைது செய்யப்பட்டு தற்போது கவுன்டனாமோ என்ற இடத்தில் உள்ளான்.

3) அபு ஜுபாயத்:

பின்லேடனின் தீவிர ஆதரவாளராக இருந்துள்ளான். ஆனால் தலைமை பதவி எதுவும் வகிக்கவில்லை. அமெரிக்கா இவனை பற்றி சற்று அதிகமாகவே அச்சம் கொண்டிருந்தது என்றால் மிகையல்ல. கடந்த 2002ஆம் ஆண்டு பாகிஸ்தானின் பைசலாபாத்தில் கைது செய்யப்பட்டு தற்போது கவுன்டனாமோ என்ற இடத்தில் உள்ளான்.

4) மொஹம்மத் அடெப்:

அல்&கொய்தா இயக்கத்தின் ராணுவ நடவடிக்கைகளில் தலைமையேற்று நடத்தி சென்றுள்ளான். சிறந்த கமாண்டராக இருந்துள்ளான். கடந்த 1990&ஆம் வருட இறுதியில் மிக தீவிரமாக தனது செயல்பாடுகளில் ஈடுபாடு கொண்டிருந்தான். இந்நிலையில் காபூல் என்னுமிடத்தில் 2001&ஆம் ஆண்டு நவம்பர் மாதம் நடந்த ராக்கெட் தாக்குதலில் கொல்லப்பட்டான். சிறந்த போராளியாகவும் மற்றும் இரக்கமற்றவனாகவும் இருந்த அடெப், ஒசாமா பின்லேடனின் நம்பிக்கைக்கு உரியவனாக விளங்கினான். தற்போது அவன் உயிருடன் இல்லை

5) அய்மன் அல்_ஜவாஹிரி:

தற்போது, பின்லேடனுக்கு அடுத்தபடியாக தலைமை பதவியேற்க தகுதி படைத்தவராக 60 வயதை நெருங்கிய அல்&ஜவாஹிரி கருதப்படுகிறார். எகிப்து நாட்டின் இஸ்லாமிய இயக்கத்தில் தீவிர ஈடுபாடு கொண்டிருந்ததால் அந்நாட்டிலேயே சிறை வைக்கப்பட்டடார். பயிற்சி பெற்ற மருத்துவரான இவர் பின்லேடனின் செயல்பாடுகளில் ஈர்க்கப்பட்டார். பல திட்டங்களை செயல் வடிவம் பெற செய்வதற்கு இவர் அல்&கொய்தாவுடன் சுமார் 15 வருடங்கள் நெருங்கிய தொடர்பு கொண்டிருந்தார் என்றும் கூறப்படுகிறது. தற்போதுள்ள இடம் தெரியவில்லை.

6) காலித் ஷேக் மொஹம்மத்:

அமெரிக்காவில், செப்டம்பர் 11ல் நடைபெற்ற தீவிரவாத தாக்குதலுக்கு திட்டம் தீட்டி கொடுத்தவர்களில் இவனும் ஒருவன். அவ்வப்போது தீவிரவாத செயல்களில் ஈடுபடுவது இவனது வழக்கம். பின்லேடனுடன் நெருங்கிய நட்பொன்றுமில்லை. மேலும், தீவிரவாதத்திற்கான உறுதிமொழி எடுக்க மறுத்து விட்டான். ஆனால் தீவிரவாத செயல்களில் சிறப்பாக செயல்பட்டு வந்தான். திறமையான மற்றும் பிறரை வசீகரிக்கும் ஆற்றல் கொண்டவன். கடந்த 2003&ஆம் ஆண்டு பாகிஸ்தானின் ராவல்பிண்டி என்னுமிடத்தில் கைது செய்யப்பட்டு தற்போது கவுன்டனாமோவில் உள்ளான்.

7) அப்துல் ஹாதி அல்_இராகி:

குர்திஷ் இனத்தை சேர்ந்தவன். பின்லேடனின் நம்பிக்கைக்கு உரியவனாகவும் திறமையான போர் வீரனாகவும் விளங்கியவன். கடந்த 2007&ஆம் வருடம் ஈராக் நாட்டில் அல்கொய்தா இயக்கத்தை வலுப்படுத்துவதற்காக பின்லேடனால் அனுப்பப்பட்டான். எனினும் ஈரான் நாட்டு எல்லையில் கைது செய்யப்பட்டான். தற்போது கவுன்டனாமோவில் உள்ளான். இங்கிலாந்து உள்பட பல்வேறு நாடுகளில் தீவிரவாத செயல்களை நடத்துவதில் பெரும் பங்கு வகித்தான். அவனது கைது இயக்கத்திற்கு பேரிழப்பு ஆகும்.

8) அபு முசாப் அல்_சூரி:

தீவிரவாத இயக்கத்தின் முக்கிய குறிக்கோளான ஜிகாத் என்னும் புனித போருக்கு பல வழிகளில் திட்டம் தீட்டுவதில் வல்லவனாக இருந்துள்ளான். உலகளவில் தீவிரவாதத்தை செயல்படுத்துவதில் ஆலோசனை கூறுவதிலும், தீவிரவாத ஆதரவு பிரசாரம் மேற்கொள்வதிலும் ஈடுபட்டிருந்தான். எனினும், பின்லேடனுடன் எப்போதும் ஒத்து போகவில்லை. மேலும் அதற்கு விருப்பமுமில்லை. கடந்த 2005ல் பாகிஸ்தானில் கைது செய்யப்பட்டு தற்போது அவனது சொந்த நாடான சிரியாவில் சிறை வைக்கப்பட்டுள்ளான்.

9) சயிப் அல்_ஏடல்:

எகிப்து நாட்டின் சிறப்பு படையின் முன்னாள் அதிகாரி. சிறந்த அறிவும், அனுபவமும் வாய்ந்த இவன் 2002ம் ஆண்டில் இருந்து ஈரான் நாட்டு சிறையில் உள்ளான். பின்லேடனுடன் நெருங்கிய தொடர்பிலிருந்தான் என முன்பு கூறப்பட்டாலும் தற்போது எவ்வித தொடர்பும் கிடையாது.

10) அன்வர் அல்_அவ்லாகி:

ஏமன் நாட்டை பூர்விகமாக கொண்ட அன்வர் நியூ மெக்சிகோவில் பிறந்தாலும் ஏமன் நாட்டில் தான் வளர்ச்சி அடைந்தான். 40 வயதை கடந்த இவன் ஆங்கிலம பேசுவதில் புலமை பெற்றவனாதலால் இணையதளங்களில் உரையாடினான். அதன் வழியே தீவிரவாதத்தை உலகெங்கும் பரப்பினான். அல்&கொய்தாவின் சார்பில் வெளியான பத்திரிகை ஒன்றின் செய்திகளில் தனது கருத்துக்களை பகிரங்கப்படுத்தியிருந்தான். பின்லேடன் இருந்தவரையில் அந்த இயக்கத்திற்கு தலைமை ஏற்க இயலாவிடினும் தற்போது பின்லேடனின் மறைவு அன்வருக்கு ஒரு வாய்ப்பாக அமையும் என கருதப்படுகிறது. தற்போதுள்ள இருப்பிடம்: தெரியவில்லை

11) அபு முசாப் அல்_ஜர்கவி:

ஈராக் நாட்டின் அல்கொய்தா இயக்க தலைவனான அபு முசாப் ஜோர்டான் நாட்டை சேர்ந்தவன். சாதாரண உள்ளூர் ரவுடியாக தனது ஆரம்பகாலத்தை தொடங்கிய அபு பின்னாளில் பெரிய தாக்குதல்களில் ஈடுபட்டான். ஷியா பிரிவு முஸ்லிம்களை தாக்குவதும் அவர்களது தலைகளை அறுப்பதும் வீடியோவில் வெளிவந்தபோது பரபரப்பை ஏற்படுத்தினான். அல்கொய்தா இயக்கத்தோடு அதிகமாக தொடர்பு கொண்டிருந்த இவன் கடந்த 2006ல் அமெரிக்க படையினரின் வெடிகுண்டு தாக்குதலில் கொல்லப்பட்டான்.

பின்லேடன் வீழ்த்தப்பட்டப்பின் நடந்த முக்கிய நிகழ்வுகள்

2011-05-06T04:19:00.000-07:00

வாஷிங்டன், மே.3-

பாகிஸ்தானின் தலைநகர் இஸ்லாமாபாத்தில் இருந்து 120 கி.மீ. தொலைவில் உள்ள அபோதாபாத் என்ற இடத்தில் ஒரு பங்களாவில் வசித்து வந்த சர்வதேச தீவிரவாதி ஒசாமா பின்லேடனைஅமெரிக்க ராணுவம் சுட்டுக் கொன்றது. பின்லேடன் கொல்லப்பட்டப்பின் அடுத்த சிலமணி நேரங்களில் நடந்த முக்கிய நிகழ்வுகள் வருமாறு:-

* அமெரிக்க கடற்படை வீரர்களால் பின்லேடன் சுட்டு கொல்லப்பட்டு சுமார் 1/2 மணி நேரத்தில், ஒசாமா தங்கியிருந்த வீட்டிற்க்கு பக்கத்து வீட்டுக்காரரான 50 வயது ஷாம்ரஸ் கான் என்பவர் கைது செய்யப்பட்டதாக கானின் மகனும் அண்டை வீட்டாரும் தெரிவிக்கின்றனர். சம்பவம் நடைபெற்ற போது அவர் பின் லேடன் தங்கியிருந்த வீட்டை கான் கவனித்ததாக தெரிகிறது.

* வட இங்கிலாந்திலுள்ள கம்ப்ரியாவிலுள்ள சீஸ்கேல் நகர் செல்லாபீல்டு அணு மின் நிலையத்திற்கருகில், தீவிரவாத தடை சட்டத்தின் கீழ் 5 பேர் கைது செய்யப்படுகிறார்கள். இவர்களது கைது சம்பவத்திற்கும் பாகிஸ்தானில் பின்லேடன் சுட்டுக்கொல்லப்பட்டதற்கும் தொடர்பு ஏதுமில்லை என கிரேட் மான்செஸ்டர் போலீசார் தெரிவித்துள்ளனர். ஒசாமாவின் மரணத்திற்கு பின் வன்முறைகள் கட்டவிழ்த்து விடப்படலாம் என்பதனால் இங்கிலாந்து மிகவும் எச்சரிக்கையாக செயல்பட வேண்டுமென அந்நாட்டு பிரதமர் டேவிட் காமரூன் கூறினார்.

* பின்லேடன் கொல்லப்பட்டதும், அது குறித்த அறிவிப்பை ஒபாமா தொலைக்காட்சியில் வெளியிட்டதும் உலகம் முழுவதிலுமிருந்து ட்விட்டர் செய்திகளாக குவிந்த வண்ணம் இருந்தது.

* பின்லேடன் தங்கியிருந்த வீட்டை அமெரிக்க படைகளுக்கு அடையாளம் காட்டியவர் தான் பின்லேடனுக்கு கடிதங்கள் கொண்டு செல்பவர் என்றும்; அந்த நபர் பின் லேடனின் முன்னாள் உதவியாளர் என்றும், இரட்டை கோபுர தாக்குதலை திட்டமிட்டவர்களில் ஒருவர் என்றும் தெரியவருகிறது.

* காஸா பல்கலைக்கழக கட்டிடத்திற்கு முன்பாக, ஏறத்தாழ 25 பாலஸ்தீனியர்கள் பின் லேடனின் படங்களை ஏந்தியவாறு அவனுக்கு அஞ்சலி செலுத்தினர். அஞ்சலி செலுத்த கூடியிருந்தவர்கள் பின் லேடனின் ஆதரவாளர்கள் இல்லை என்ற போதிலும், அமெரிக்கா பின் லேடனை கொன்றதை அவர்கள் விரும்பவில்லை என்று கூறப்படுகிறது. எனவே, பின்லேடனை அவர்கள் ஒரு தியாகியாக மதிப்பதாக தெரிவித்துள்ளனர்.

* பாகிஸ்தான் மற்றும் ஆப்கானிஸ்தானுக்கான அமெரிக்காவின் சிறப்பு பிரதிநிதி பத்திரிக்கையாளர்களுக்களித்த பேட்டியில் இது அமெரிக்கா, பாகிஸ்தான் மற்றும் ஆப்கானிஸ்தான் ஆகிய 3 நாடுகளின் கூட்டு முயற்சி என்று கூறியுள்ளார். அவரது இந்த குறிப்பு பின்லேடன் மீதான அமெரிக்காவின் தாக்குதல் குறித்து பாகிஸ்தானும், ஆப்கானிஸ்தானும் முன்பே அறிந்தது தான் என்று கூறுவதற்காகவா அல்லது ஒரு சம்பிரதாயமான வார்த்தைகளா என்பது தெரியவில்லை.

* இதற்கிடையில், குவைத்திலிருந்து வெளியாகும் தி அல் நாபா என்னும் பத்திரிக்கை, பின்லேடன் தனது பிள்ளைகளை அல் கொய்தாவுடன் தங்களை இணைத்து கொள்ள வேண்டாமென அறிவுறுத்தியிருந்ததாக ஒரு செய்தியை வெளியிட்டுள்ளது. இந்த தகவல் அடங்கிய பின்லேடன் கையொப்பமிட்ட உயிலின் நகல் ஒன்றையும் அப்பத்திரிக்கை ஆதாரமாக காட்டியுள்ளது. இந்த உயில் 2001 டிசம்பரில் எழுதப்பட்டதாக தெரிகிறது.

* நாகல் தூசி என்னும் பெண் பத்திரிக்கையாளர் பின்லேடன் தங்கியிருந்த அந்த கட்டிடத்தின் அருகே பார்வையிட்டு அங்குள்ள நிலைமைகளை தனது ட்விட்டரில் வெளியிட்டுள்ளார். ஜன நடமாட்டமின்றியும், எங்கும் இருள் சூழ்ந்து கிடப்பதாகவும், கடைகள் அடைக்கப்பட்டுள்ளதாகவும், ஆயுதம் தாங்கிய போலீசார் காவலில் ஈடுபடுத்தப்பட்டுள்ளதாகவும் அவர் தனது ட்விட்டர் செய்தி குறிப்பில் தெரிவித்துள்ளார். ராணுவத்தின் அனுமதியின்றி அந்த கட்டிடத்திற்குள் செல்ல குழுமியிருந்த பத்திரிக்கையாளர்களுக்கு போலீஸ் அனுமதி மறுத்ததாக அவர் மேலும் கூறியுள்ளார்.

* 1996 இரண்டாவது முறையாக ஒசாமாவை சந்தித்த ராபர்ட் பிஸ்க் என்பவர் கூறுகிறார். இருபுறமும் இரண்டு மகன்களும் நிற்க, ஒசாமாவே எழுந்து வந்து எம்மை வரவேற்கிறார். அவருக்கு அப்போது 40 வயதுதான் என்றாலும் 1993ல் முதல் முறையாக சூடான் பாலைவன பகுதியில் சந்தித்த போது தோன்றியதைவிட வயதானவராக தெரிந்தார். கண்களில் சுருக்கம், டிரிம் செய்யப்பட்ட நீண்ட தாடி ஒல்லியான உருவம், வெள்ளை மேலாடைக்கு மேல் கருப்பு நிறத்தில் கோட், சிவப்பு நிறத்தில் குல்லா அணிந்து மிகவும் களைத்தவரைப்போல் காட்சியளித்தார்.

* ஆப்கானிஸ்தான் பாகிஸ்தான் எல்லையில் காணப்பட்ட தாக்குதலுக்கான அடையாளங்கள் குறித்து எதுவும் பேச மறுத்த அமெரிக்க அதிகாரி ஒருவரிடம் பின் லேடன் இறந்ததற்கான ஆதரங்கள் குறித்து கேட்கப்பட்ட போது, பின் லேடன் கொல்லப்பட்டுவிட்டான். அவ்வளவே! மற்றபடி உங்களுக்கு தெரிந்த கட்டுக்கதைகளை நீங்களே எழுதிக்கொள்ளுங்கள் என்று எரிந்து விழுந்தார்.

* இங்கிலாந்து இளவரசர் வில்லியம் கதே மிடில்டன் தம்பதியினர், பின் லேடன் கொல்லப்பட்ட செய்தியறிந்து பாதுகாப்பு காரணங்களுக்காக, தங்களது தேனிலவு பயணத்தை தள்ளி வைத்துள்ளனர்.

* பின்லேடன் கொல்லப்பட்டதற்கு எதிர்த்தாக்குதல் நடத்தும் நோக்கத்தோடு பாகிஸ்தான் எல்லையை கடந்து ஆப்கானிஸ்தானுக்குள் நுழைய முயன்ற 25 பேர் கொல்லப்பட்டதாக அந்நாட்டு வடகிழக்கு மாகாண கவர்னர் தெரிவித்துள்ளார். கொல்லப்பட்டவர்கள் அரேபியா, செக் குடியரசு மற்றும் பாகிஸ்தானை சேர்ந்தவர்கள் என தகவல்கள் வெளியாகியுள்ளன.

* பின்லேடன் தங்கியிருந்த அந்த வீடு தான் சமீபத்தில் இணையதளத்தில் அதிகம் தேடப்பட்டதாக தெரிய வந்துள்ளது. கூகுள் எர்த், கூகுள் மேப் போன்ற இணைய தள கருவிகள் அதிக அளவில் பயன்படுத்தப்பட்டுள்ளது. ஸ்டீபன் க்ரீன்ஸ் என்பவர் தான் முதன் முதலாக வெற்றிகரமாக இணைய தளத்தில் அந்த வீட்டை அடையாளம் கண்டவர்.

* பின்லேடன் மீதான இந்த தாக்குதலுக்கு ஜெரோமினோ என்று அமெரிக்கா பெயரிட்டிருந்தது. அமெரிக்காவின் அப்பாச்சி என்ற இடத்தில் வசித்து வந்த பழங்குடியினர் அமெரிக்கா மற்றும் மெக்சிகோ காலனி ஆதிக்கத்தை எதிர்த்து போராடியவர்கள். இந்த பழங்குடியினர் ஜெரோமினோ என்பவரது தலைமையில் தான் போரிட்டார்கள். அவரது நினைவாகவே தற்போதைய பின்லேடன் தாக்குதலுக்கு ஜெரோமினோ என அமெரிக்கா பெயரிட்டதாக தகவல்கள் தெரிவிக்கின்றன.

பின்லேடனை வீழ்த்திய 'சீல் டீம் சிக்ஸ்'

அல்-கொய்தா இயக்க தலைவர் பின்லேடன் அமெரிக்க படையினரால் சுட்டு வீழ்த்தப்பட்டார். இந்த தீர செயலை அமெரிக்காவின் சீல் (எஸ்.ஈ.ஏ.எல்.) டீம் சிக்ஸ் ஆனது திறம்பட செய்துள்ளது. கடந்த 1980-ஆம் ஆண்டு டெஹ்ரானில் அமைந்த அமெரிக்க தூதரகத்தில் பிணைக்கைதியாக இருந்த 52 அமெரிக்கர்களை மீட்பதற்காக இந்த கமாண்டோ படை அமைக்கப்பட்டது. சீல் என்ற வார்த்தையில் எஸ்.ஈ. ஆனது கடலையும், ஏ-காற்றையும், எல்-நிலத்தையும் குறிக்கும். அதாவது இந்த வீரர்கள் அனைவருமே கடல், வான், தரை என மூன்று பகுதியிலும் போரிடும் திறமை வாய்ந்தவர்கள். பெரும்பாலானோர் ஒன்றிற்கு மேற்பட்ட பன்னாட்டு மொழிகளில் புலமை பெற்றவர்கள். மேலும், எந்த சூழ்நிலையையும் கையாள தெரிந்தவர்கள். கடுமையான பயிற்சிகள் பெற்ற இக்குழுவினர் பின்லேடனை சுமார் 40 நிமிடத்தில் அவனது இருப்பிடத்தில் சுற்றி வளைத்து தாக்குதல் நடத்தி சுட்டு வீழ்த்தியுள்ளனர். ஹாலிவுட் திரைப்படங்களில் 'பிளாக் ஆப்பரேடிவ்ஸ்' என்ற பெயர் இவர்களை குறிக்கும்

பின்லேடன் கொல்லப்பட்டது குறித்து தற்போது வெளியாகியுள்ள தகவல்கள்:
மனைவி மற்றும் 12 வயது மகள் கண் எதிரே ஒசாமா பின்லேடன் தலை மற்றும் மார்பில் சுட்டு கொல்லப்பட்டார்;
பின்லேடன் நிராயுதபாணியாக இருந்தார்;
பின் லேடனுக்கு பாதுகாப்பாக நின்ற பெண் சுடப்பட்டார் ஆனால் கொல்லப்படவில்லை;
பின் லேடனுக்கு அரணாக நின்ற பெண் அவரது மனைவியல்ல;
ஆப்கானிஸ்தானிலிருந்து, அமெரிக்க படைகள் வெளியேறுவதில் பிரச்சனையில்லை.
பின்லேடனுக்கு மிகவும் பிடித்தமான அவரது மனைவி மற்றும் 12 வயது மகள் கண்ணெதிரேயே அவர் கொடூரமாக சுட்டுக்கொல்லப்பட்டார். அவர்கள் இருவரும் தான் பின்லேடனின் உடலை அமெரிக்க படையினருக்கு அடையாளம் காட்டியவர்கள் என்ற தகவல் தற்போது வெளியாகியுள்ளது.
27 வயது அமல் அல் சடாஹ் என்பவர் தான் பின் லேடனின் இளம் மனைவி. இவர் ஏமன் நாட்டை சேர்ந்தவர். பாதுகாப்பு காரணங்களுக்காக இவரை ஏமனிலேயே இருக்கும்படி பின் லேடன் உத்தரவிட்டிருந்தார். இருப்பினும், இவர் பின் லேடனை பிரியாமல் அவருடனேயே இருந்தார். இவர் காலில் சுடப்பட்டார். உயிருக்கு ஆபத்தில்லை.
சுட்டுக்கொல்லப்பட்ட போது, பின் லேடன் ஏ கே 47 ரக துப்பாக்கி வைத்திருந்ததாகவும் தனது மனைவியை மனித கேடயமாக பயன்படுத்தியதாகவும் அமெரிக்க அதிகாரிகள் முதலில் தெரிவித்திருந்தனர்.
ஆனால், சுட்டுக்கொல்லப்பட்ட போது பின் லேடன் ஆயுதம் ஏதும் வைத்திருக்கவில்லை என்று நேற்றிரவு அமெரிக்க கடற்படை அதிகாரிகள் கூறியுள்ளனர். அதேபோல், மகன் மற்றும் மனைவியும் கொல்லப்பட்டனர் என்ற முரண்பட்ட தகவல்களை அமெரிக்க முதலில் தெரிவித்தது. தற்போது மனைவி உயிருக்கு ஆபத்தின்றி காலில் சுடப்பட்டார் என்ற தகவல் வெளியாகியுள்ளது.
சுட்டுக்கொல்லப்பட்ட பெண் பின் லேடனுக்கு செய்திகள் பரிமாற்றம் செய்த சேக் அபு அஹ்மத்தின் மனைவி என்றும்; சேக் அபு அஹ்மதும் கொல்லப்பட்டார் என்றும் தெரியவந்துள்ளது.
பின் லேடனுடன் அவரது மகன் காலித் என்பவரும் கொல்லப்பட்டதாகவும்; அவரது உடலை அமெரிக்க படையினர் கைப்பற்றி கொண்டு சென்றதாகவும் தகவல்கள் தெரிவிக்கின்றன. பின் லேடனின் குடும்பத்தை சேர்ந்தவர்கள் அனைவரையுமே அமெரிக்க படையினர் தங்களோடு கொண்டு செல்ல விரும்பியதாகவும்; ஒரு ஹெலிகாப்டர் விமானம் சுட்டு வீழ்த்தப்பட்டதனால் அந்த எண்ணத்தை கைவிட்டதாகவும் தெரிய வருகிறது. பின் லேடனிடமிருந்து எதிர்ப்பேதும் இல்லையெனில் அவரை உயிருடன் பிடிக்கவே ஒபாமா உத்தரவிட்டிருந்தார். அமெரிக்க படையினரை கண்டதும் பின் லேடனின் மனைவி அவரை பெயர் சொல்லி அழைத்ததை வைத்துதான் கமாண்டோ வீரர்கள் பின் லேடனை அடையாளம் கண்டுகொண்டதாக தற்போது தெரிய வந்துள்ளது.
பின் லேடனை சரணடைய சொல்லும் அரேபிய வாக்கியங்கள் கமாண்டோ படை வீரர்களுக்கு கற்றுத்தரப்பட்டிருந்தது. இருப்பினும், அதற்க்கான வாய்ப்பு அவர்களுக்கு ஏற்படவேயில்லை.

நன்றி:

அமெரிக்க அதிரடிப்படை நள்ளிரவில் நடத்திய துணிகர வேட்டை!செத்தான் சேகர்!

2011-05-03T06:10:00.000-07:00

இஸ்லாமாபாத் / வாஷிங்டன்:சர்வதேச பயங்கரவாதியும், அல்-குவைதா பயங்கரவாத அமைப்பின் தலைவருமான ஒசாமா பின்லாடன், அமெரிக்க அதிரடிப்படை நள்ளிரவில் நடத்திய துணிகர வேட்டையில் நேற்று சுட்டுக் கொல்லப்பட்டார். இதன்மூலம், பாகிஸ்தான் தலைநகர் இஸ்லாமாபாத் அருகேயுள்ள அப்போதாபாத்தில், அவர் பல ஆண்டுகளாக பதுங்கியிருந்தது அம்பலமாகியுள்ளது.

அமெரிக்காவின் நியூயார்க் நகரில் இருந்த இரட்டை கோபுர கட்டடங்கள், கடந்த 2001ம் ஆண்டு செப்., 11ம் தேதி, விமானங்கள் மூலம் மோதி தகர்க்கப்பட்டன. இந்த தாக்குதல் உட்பட உலக நாடுகள் பலவற்றில் நடந்த பயங்கரவாத தாக்குதல்களுக்கு காரணமாக இருந்தவர் சர்வதேச பயங்கரவாதி ஒசாமா பின்லாடன். அல்-குவைதா பயங்கரவாத அமைப்பின் தலைவரான இவரை, கடந்த 10 ஆண்டுகளுக்கும் மேலாக அமெரிக்கப் படைகள் தேடி வந்தன. இவரைப் பற்றி தகவல் கொடுப்பவர்களுக்கு 115 கோடி ரூபாய் பரிசு வழங்கப்படும் என்றும் அறிவிக்கப்பட்டிருந்தது.

ஆப்கானிஸ்தானில், அமெரிக்கப் படைகள் தாக்குதல் நடத்திய பின், அங்கிருந்து தப்பிய ஒசாமா, பாக்., - ஆப்கானிஸ்தான் எல்லையை ஒட்டிய பழங்குடியின பகுதியில் பதுங்கி இருப்பதாக தகவல்கள் வந்து கொண்டிருந்தன. இதனால், அப்பகுதியில் முகாமிட்டு அமெரிக்கப் படைகள் தீவிரமாக தேடி வந்தன. இந்த தேடுதல் வேட்டையில் பலன் கிடைக்கவில்லை. இருந்தாலும், ஒசாமா எங்கிருக்கிறார் என்பதை கண்டறியும் பணியில் அமெரிக்கப் படையினரும், அந்நாட்டு உளவு நிறுவனங்களைச் சேர்ந்தவர்களும் தீவிரமாக ஈடுபட்டு வந்தனர். ரகசியமாக மேற்கொள்ளப்பட்ட இந்த விசாரணையில், பயங்கரவாதி ஒசாமாவுக்கு செய்திகளைக் கொண்டு செல்லும் வேலையாட்கள் மூலமாக, அவர் மறைந்திருக்கும் இடம் கண்டறியப்பட்டது.

பாகிஸ்தான் தலைநகர் இஸ்லாமாபாத்தில் இருந்து 120 கி.மீ., தொலைவில் உள்ள அப்போதாபாத்தில், பாகிஸ்தான் காகுல் ராணுவ பயிற்சிக் கல்லூரியில் இருந்து சில அடிகள் தூரத்தில் உள்ள ஒரு வீட்டில் தங்கியிருப்பது உறுதி செய்யப்பட்டது. இந்தத் தகவலை அமெரிக்க அதிபர் ஒபாமாவுக்கு தெரிவித்த, அந்நாட்டு ராணுவ அதிகாரிகள், ஒசாமாவை கொல்வதற்கு அனுமதி கேட்டனர். அவரும் தீவிரமாக விசாரித்த பின், அனுமதி வழங்கினார்.
சுட்டுக் கொலை: இதையடுத்து, ஒசாமாவை கொல்வதற்கான திட்டம் தயாரானது. அவர் தங்கியிருந்த வீட்டிற்கு நேற்று அதிகாலை 1.30 மணிக்கு, நான்கு ஹெலிகாப்டரில் சென்று இறங்கிய, அமெரிக்க ராணுவத்தின் சிறப்பு அதிரடிப் படையினர் 25 பேர், தங்களின் அதிரடியை துவக்கினர். அப்போது, ஒசாமாவின் பாதுகாப்புக்கு நின்றிருந்தவர்களுக்கும், அமெரிக்கப் படைவீரர்களுக்கும் இடையே சண்டை நடந்தது. 40 நிமிடங்கள் நீடித்த சண்டையில், ஒசாமா பின்லாடன் சுட்டுக் கொல்லப்பட்டார். அவரின் தலையில் துப்பாக்கிக் குண்டு பாய்ந்து இறந்தார். ஒசாமா கொல்லப்பட்டதன் மூலம், அமெரிக்க ராணுவத்தின் பத்து ஆண்டு கால தேடுதல் வேட்டை முடிவுக்கு வந்துள்ளது. ஒசாமாவுடன் அவருக்கு செய்திகளைக் கொண்டு செல்லும் அவரின் மகனும், மனிதக் கேடயமாக பயன்படுத்தப்பட்ட மற்றொரு பெண்ணும் சுட்டுக் கொல்லப்பட்டனர். அந்த வீட்டில் இருந்த மற்ற எந்த பெண்களுக்கும், குழந்தைகளுக்கும் பாதிப்பு இல்லை.

ஒசாமா தங்கியிருந்த வீட்டை, அமெரிக்கப் படையினர் சுற்றி வளைத்த போது, தனது பாதுகாவலர்களுடன் சேர்ந்து ஒசாமாவும் தாக்குதலில் ஈடுபட்டுள்ளார். ஒசாமா கொல்லப்பட்ட பின், அவரின் உடலை அமெரிக்கப் படையினர் கைப்பற்றினர். இந்தச் சண்டையின் போது, அமெரிக்கப் படையினர் சென்ற ஹெலிகாப்டர் ஒன்று சேதம் அடைந்தது. அதை அமெரிக்கப் படையினர் வெடிமருந்துகள் மூலம் அழித்தனர். சண்டை நடந்து ஒசாமா கொல்லப்பட்டு நான்கு மணி நேரத்திற்குப் பின், அவர் சுட்டுக் கொல்லப்பட்ட தகவலை அமெரிக்க அதிபர் ஒபாமா வெளியிட்டார்.

பயங்கரவாதி ஒசாமா கொல்லப்பட்டதை அடுத்து, அந்தப் பகுதியை சுற்றிவளைத்த பாகிஸ்தான் ராணுவத்தினர், ஒவ்வொரு வீடாக தேடுதல் வேட்டை நடத்தினர். ஒசாமா பதுங்கியிருந்த வீடு, வயல்வெளிகளுக்கு மத்தியில் அமைந்திருந்தது. வீட்டை சுற்றிலும் ஏழு அடி உயரத்திற்கு சுற்றுச்சுவரும், அதன்மீது மின்சார ஒயரும் பொருத்தப்பட்டிருந்தது என, பாகிஸ்தான் செய்தி சேனல்கள் கூறியுள்ளன.

பாகிஸ்தான் காகுல் ராணுவ பயிற்சிக் கல்லூரி அருகேயுள்ள இந்த வீட்டில், ஒசாமா பதுங்கியிருப்பதாக, அமெரிக்கப் படையினருக்கு கடந்த ஆண்டு ஆகஸ்ட் மாதம் தகவல் கிடைத்துள்ளது. அது முதல் அந்த வீட்டை அமெரிக்க உளவு நிறுவனத்தினர் கண்காணித்து வந்துள்ளனர். ஒசாமா தங்கியிருந்த வீட்டில் தொலைபேசி இணைப்பு இல்லை. "டிவி'யும் கிடையாது. வீட்டில் உள்ளவர்கள் பயன்படுத்திய குப்பைகள் எல்லாம் அங்கேயே குழி தோண்டி புதைக்கப்பட்டுள்ளன.

வீட்டின் ஜன்னல்கள் எல்லாம் பெரிய அளவில் இருந்தன. சில வழிகள் மூலமாகவே மட்டுமே அந்த வீட்டிற்குள் செல்ல முடியும். சிலர் மறைந்திருப்பதற்காக கட்டப்பட்டுள்ளது போலவே அந்த வீடு உள்ளது. பாகிஸ்தானின் கைபர் - பக்துங்வா மாகாணத்தைச் சேர்ந்த ஒருவர் அந்த வீட்டை முதலில் ஆக்கிரமித்து, அதன்பின் ஒசாமா பதுங்கியிருக்க ஒப்படைக்கப்பட்டுள்ளது.பின்லாடன் சுட்டுக் கொல்லப்பட்டதில் உரிய நீதியை அமெரிக்க மக்களுக்கு வழங்கியதாக அமெரிக்க அதிபர் ஒபாமா கூறினார். உலகம் முழுவதும் இச்செய்தி பெரும் பரபரப்பை ஏற்படுத்தியுள்ளது.

நன்றி: