Welcome To The Poetry Loverss

Teri yaad me zara aankhe bhigo lu

2012-04-27T18:07:00.002-07:00

Teri yaad me zara aankhe bhigo lu.
udas raat ki tanhai me so lu.

Akele ghum ka bojh ab sambhlta nahi.
agar tu mil jaye to tujse lipat kar ro lu.

Kuch apne lub o lehje ko tabdeel wo karta

2012-04-27T18:07:00.000-07:00

Kuch apne lub o lehje ko tabdeel wo karta
Phir hum se bayan ranj ki tafseel wo karta

Yak tarfa takazay to nibae nhai jate
Kuch apne faraaiz ki bhi tameel wo karta,

Ilzamm lagata wo bare sho se par,
Kch apne kiye wadoon ki takmeel wo karta,

Kuch us ko bi ehsas to hota tanhai ka,
Kuch khuwab mere khud me tabdeel wo karta..

Izhaar Kiya Karte Hai

2012-04-27T18:05:00.001-07:00

Har Sham Se Tera Izhaar Kiya Karte Hai

Har Khwab Me Tera Didar Kiya Karte Hai

Diwane Hi To Hai Hum Tere

Jo Har Waqt Tere Milne Ka Intzaar Kiya Karte Hai

Tera Chehra, Teri Aankhen, Tere Lab Yaad Aaye

2012-04-27T18:03:00.005-07:00

Kiya Khazaane Meri Jaan, Hijar Ki Shab Yaad Aaye
Tera Chehra, Teri Aankhen, Tere Lab Yaad Aaye,

Ek Tu Tha Jise Gurbat Mein Pukaara Dil Ne
Warna Bechre Howe Ahbaab To Sab Yaad Aaye,

Hum Ne Maazi Ki Sakhawat Pe Jo Pal Bhar Socha
Dukh Bhi Kiya Kiya Humen Yaaron K Sabab Yaad Aaye,

Phool Khilne Ka Jo Mosam Mere Dil Mein Utraa
Tere Bkhashe Howe Kuch Zakham Ajab Yaad Aaye,

Bhool Jaane Mein Woh Zalim Hai Balaa Ka
Yaad Aane Pe Bhi Aay To Ghazab Yaad Aaye….!

Shoq e safar kahan hai kahan le gea humen

2012-04-27T18:01:00.002-07:00

Shoq e safar kahan hai kahan le gea humen,

Hum jis ko chor ae hain munzil wohi to thi.

Dil hijr k dard se bojhal hai (Ibn-e-Insha)

2012-04-27T17:58:00.000-07:00

Dil hijr k dard se bojhal hai, ab aan milo to behter hai,
Is baat se hum ko kya matlab, yeh kaise ho yeh kyun kar ho?

Ik bheek k donon kaasay hain, ek pyaas k donon pyaase hai,
Hum khaiti hain, tum baadal ho, hum nadiya hain tum saagar ho!

Yeh dil hai k jalte seene mein, ik dard ka phora alhar sa,
Na gupt rahe na phoot bahe, koi marham ho koi nishtar hai,

Hum saanjh samay ki chhaya hain, tum charhti raat k chandar maan
Hum jaate hain, tum aate ho, phir mail ki soorat kyun kar ho!

Ab husn ka rutba aali hai, ab husn se sehra khaali hai,
Chal basti mein banjaara ban, chal nagri mein saudagar ho,

Jis cheez ki tujh ko nisbat hai, jis cheez ki tujh ko chahat hai,
Woh sona hai woh heera hai, woh maati ho ya kankar ho,

Ab Insha ji ko bulana kya, ab pyar k deep jalana kya
Jab dhoop aur chhaya ek se hon, jab din aur raat barabar ho,

Woh raaten chaand k saath gayin, woh baatein chaand k saath gayin,
Ab sukh k sapne kya dekhein, jab dukh ka sooraj sar par ho…

Dukh Dard Ki Soghaat Hai Duniya Teri Kya hai ( Saghar Siddiqui )

2012-04-27T17:54:00.003-07:00

Dukh Dard Ki Soghaat Hai Duniya Teri Kya hai
Ashkon Bhari Barsaat Hai Duniya Teri Kya hai

Kuch log Yahan Noor-e-Seher Dhoond Rahe Hain
Tareek Si Eik Raat Hai Duniya Teri Kya hai

Taqdir Key Chehrey Ki Shikan Dekh Raha Hon
Aayiena e Halaat Hai Dunya Teri Kya hai

Paband e Mashiyet Hai Tanafas Bhi Nazar Bhi
Eik Juzia-e-Lamhaat Hai Duniya Teri Kya hai

Majrooh Hai Taqadas , Taqadas Ki Haqiqat
Roodaad e Kharabaat Hai Duniya Teri Kya hai

“Saghar” Mein Chalaktey Hain Samavaat Key Asraar
Saaqi Ki Karamaat Hai Duniya Teri Kya hai

Ataa Jisay Tera Aks-e-Jamaal Hota Hai (Saghar Siddiqui)

2012-04-27T17:53:00.000-07:00

Ataa Jisay Tera Aks-e-Jamaal Hota Hai
Wo Phool Saaray Gulistaan Ka Laal Hota Hai

Raah-e-Majaaz Mein Hain Manzilain Haqeeqat Ki
Magar Ye Ahl-e-Nazar Ka Khayaal Hota Hai

Talaash Karti Hai Saaye Tumhaare Aanchal Ke
Chaman Mein Baad-e-Sabaa Ka Ye Haal Hota Hai

Bahaar-e-Fitrat Sayyaad Ki Kahani Hai
Ke Iske Dosh Pe Phoolon Ka Jaal Hota Hai

Ye Waardaat Bhee Ab Dil Pe Roz Hoti Hai
Musarraton Mein Bhee Ham Ko Malaal Hota Hai

Ye Bikhray Bikhray Se Gesu, Thaki Thaki Aankhain
Ke Jaisay Koi Gulistaan Nidhaal Hota Hai

Jawaab De Na Sakay Jis Ka Do Jahaan Sagar
Kisi Ghareeb Ke Dil Ka Sawaal Hota Hai

Charaagh-e-Raah Bujha Kia, Ke Rehnumaa Bhi Gaya (Parveen Shakir)

2012-04-27T17:49:00.001-07:00

Charaagh-e-Raah Bujha Kia, Ke Rehnumaa Bhi Gaya
Hawa Ke Saath Musaafir Ka Naqsh-e-Paa Bhee Gaya

Mein Phool Chunti Rahee Aur Mujhe Khabar Na Howi
Wo Shakhs Aa Ke Mere Sheher Se Chala Bhee Gaya

Bohat Azeez Sahee Osko Meri Dildaari
Magar Ye Hai Ke Kubhi Dil Mera Dukha Bhee Gaya

Ab Un Dareechon Pe Gehray Dabaiz Parday Hain
Wo Taank Jhaank Ka Masoom Silsila Bhee Gaya

Sab Aaye Meri Ayaadat Ko, Wo Bhee Aaya Tha
Jo Sab Gaye Tou Mera Dard Aashna Bhee Gaya

Ye Ghurbatain Meri Aankhon Mein Kaisi Utri Hain ?
Ke Khwaab Bhee Mere Rukhsat Hain, Ratjaga Bhee Gaya…!

Ab to mumkin hi nahi un se mulaqat wasi (Washi Shah)

2012-04-27T17:47:00.002-07:00

Ab to mumkin hi nahi un se mulaqat “wasi”
ab to urooj pe puhanchi hai uski zaat “wasi”

wahi wady hain aur rasmon ki zanjiren baqi
kab badalti hain zamany ki riwayat “wasi”

aik wo din thy k ek dosry ko sochty thy hum
ab milty nahi dono k khayalat “wasi”

meri her subha ka aghaz tery naam se ho
teri yadon mai kati meri her aik raat “wasi”

tum kahan aur mery piyar ka miyar kahan
wo kitni sadgi se ker gaya ye baat “wasi

Bheer main chaaron taraf chehre anjane mile

2012-04-26T20:39:00.002-07:00

Bheer main chaaron taraf chehre anjane mile
Mere apne aaj mujh se ban ke begane mile

Tha bharosa doston par itna ke mujh se na pooch
Jin ke hathon main they pathar log pehchane mile

Ban ke marham waqt hi bharta hai har ek zakham ko
Jesey jese waqt beeta zakham purane mile

Kis ke aagay rotay or sunate apni dastaan
Basti thi ujri hui sunsaan thikane mile

Ab na maangen ge Illahi zindagi ki bheekh hum
Ishq main shamma ki yeh kehte hue parwane mile

Dil diya tha naaz se jis jis ne apni jaan ko
Chund tootay dil ke tukray unko nazrane mile

Maazi ki yaad main sab doobay hue thay is qadar
Khawab tere shehar ke sab log deewane mile

Hay Ajeeb Dil Ki Haalat

2012-04-26T20:38:00.001-07:00

Hay ajeeb dil ke halat her shay hoe paraaie
Meray dil main busnay walay teri yad phir say aaye

Tujhay dhoondti hain nazrain tujhay kis jaga main paon
Bardi lumbi ye judaie tou nay bay subub banaie

Parday saaray rung pheekay teri baywafaiyon say
Main jahan jahan say guzra hoe meri jug hunsaie

Meri preet tou nay looti mera chain tou nay cheena
Tujhay raas kyun na aaie barson ke aashnaie

Tujhay aasman bunaya main nay apni zindagi ka
Mujhay kya pata tha hogi teray dil main baywafaie

Jo saza main nay daidi teri aarzo main khud ko
Meray khawb saaray tootay mujhay niend tak na aaie

Main jal k raakh gar hon tou nehi hay iska zaamin
Mujhay jug nay mar dala main nay aag khud lagaie

Ye bharam bhe aaj toota teri dosti ka asher
Tou nay khud he ke mohabat tau saza bhe tou nay paaie

Mehfil Bani Rahi Yuhi Tumhari

2012-04-26T20:35:00.003-07:00

Mehfil Bani Rahi Yuhi Tumhari

Chahe Bikhar Jaye Ye Zindagi Hamari

Deewangi Is Qadar Barh Gayi Hai

K Seh Na Paye Ek Pal Judai Tumhari

Hum Ne Chaha Bohat

2012-04-26T20:34:00.001-07:00

Hum Ne Chaha Bohat Per Izhar Kar Na Sake

Kat Gai Umar Per Pyar Kar Na Sake

Usne Mangi Bhi To Humse Judai Mangi

Aur Hum The Ke Inkar Kar Na Sake

Khona Nahi Chatay

2012-04-26T20:33:00.002-07:00

Aap Ko Paa Kar Ab Khona Nahi Chatay

Itna Khush Ho Kar Ab Rona Nahi Chatay

Yeah Aalam Hai Humara Aap Ki Judai Main

Aankhoon Main Hai Neend Per Sona Nahi Chatay

Dekho Aawaz Dekar

2012-04-26T20:32:00.003-07:00

Dekho Aawaz Dekar, Paas Hamme Paoge

Aaoge Tanha Par Tanha Na Jaoge

Dur Rahkar Bhi Tumhi Par Hai Nazar Meri

Hathon Se Tham Lenge Jab Bhi Thokar Khaoge

joo ajj muj se bichar kar bare sakoon me hain

2012-04-26T20:31:00.001-07:00

joo ajj muj se bichar kar bare sakoon me hain,

Kabhi wo shakhs mere waste azab me tha.

Justajo jis ki thi us ko to na paeya hum ne

2012-04-26T20:30:00.001-07:00

Justajo jis ki thi us ko to na paeya hum ne,

Iss bahane se magar daikh li dunia hum ne.

Qurb K Na Wafa K Hote Hain

2012-04-26T20:28:00.002-07:00

Qurb K Na Wafa K Hote Hain
Saray Jhagray Ana K Hote Hain

Baat Niyat Ki Sirf Hai Warna
Waqt Saray Dua K Hote Hain

Bhool Jate Hain, Mat Bura Kehna
Log Putlay Khata K Hote Hain

Wo Bazahir Jo Kuch Nahi Lagte
Un Se Rishtay Bala K Hote Hain

Wo Humara Hai Is Tarah Se Faiz
Jaisay Banday Khuda K Hote Hain

Dhalte saeon me tere kochee se

2012-04-26T20:26:00.001-07:00

Dhalte saeon me tere kochee se,

Koi guzra ha barha tanha.

Meri Khwahishen

2012-04-26T02:45:00.001-07:00

Khawahishon k angan mein raat din baseray thy…
Titliyan tmhari thien or phool mere thy…

Chand asmanon se jb zameen pe utra tha…
Daikhnay mein raatain thien asal mein saweray thy…

Tere pass basnay ki khai thi kasam leikin…
Shehar bhi praya tha loog bhi luteray thy…

Lut gaye hm dono to qasoor kis ka hy…
Khawahishen bhi teri thien faislay bhi tere thy..

Tumhara pyaar meray char soo

2012-04-26T02:43:00.002-07:00

Tumhara pyaar meray char soo abhi tq hy
Koi hisaar meray char soo abhi tq hy

Bicharty waqt jo tm saunp k gaye thy mujhy
Wo intizar meray char soo abhi tq hy

May ab bhi girty huye paniyon ki qaid may hon
Ik aabshar meray char soo abhi tq hy

Koi gumaan mujhy tm sy door kaisy karay
K aitbaar meray char soo abhi tq hy

Mohabbat Hum Se Kerni Hy

2012-04-26T02:41:00.003-07:00

Mohabbat Hum Se Kerni Hy

Tou Phr Wada Nhi Krna

Ye Waady Hum Ne Dekhy Hyn

k Aksar Tuut Jaty Hyn

Mohabbat Hum Se Krni Hy

Tou Phir Zid Bhi Nhi Krna

Ye Zid Bhi Hum Ne Dekhi Hy

K Saathi Chooth Jaty Hyn

Mohabbat Hum Se Krni Hy

Tou Phir Tohfa Nahi Dena

Ye Tohfey Hum Ne Dekhy Hyn

Bohat Majbuur Kerty Hyn

Mohabbat Hum Se Krni Hy

Tou Shikwa Nhi Krna

Ye Shikwy Hum Ne Dekhy Hyn

Dilo?n Ko Duur Krte Hyn ?

Muhabton me azeyat shanas kitni the

2012-04-26T02:40:00.003-07:00

Muhabton me azeyat shanas kitni the,

Bechartet waq ye ankhen udas kitni thy,

bechr k tuj se kis tor dil behal na saka,

nishania bi teri mere paS kitni tay..

Lagta hai kisi ki mohabbat me phir judaai

2012-04-26T02:39:00.004-07:00

Aaj phir aasmaan siskiyaa’n le le kar ro raha hai,

Lagta hai kisi ki mohabbat me phir judaai ka mod aaya hai….