JUSTICE DELAYED IS JUSTICE DENIED

International Women's Day Marks 100 Anniversary

noreply@blogger.com (siegex) — Wed, 23 Mar 2011 19:57:00 +0000

بمناسبة الذكرى المائة ليوم المرأة العالمي

الخبر حسب جريدة الغد الاردني: 2137 حالة عنف أسري وجسدي العام الماضي

الإحصاءات المتوافرة للعنف الأسري المبلغ عنه لا تعكس واقع انتشاره

وبين جهشان أن أكثر الوسائل شيوعا في العنف الزوجي ضد المرأة يتراوح بين الركل واللكم والصفع والعض، وبنسة أقل لي المفاصل والأصابع والكسور، لافتا أنه سجلت حالات من الممكن تصنيفها كنمط للتعذيب على شكل تقييد وجلد بالسياط وحرق بالسجائر والكي بالمكواة وبالمعالق والسكاكين، عقب وضعها على النار......0

0_o

____________

وعلى صعيد آخر

International Woman's Day 2009

noreply@blogger.com (siegex) — Sun, 08 Mar 2009 07:36:00 +0000

March 8th

Happy IWD to women all around the world.

Here's a bit of information about the first IWD from International Women's Day official web site, or if you like, here's a longer page on Wikipedia about it, too.

V-DAY (Feb, 14th): A Global Movement To End Violence Against Women And Girls

noreply@blogger.com (siegex) — Sat, 14 Feb 2009 08:32:00 +0000

V-DAY KARAMA 

Karama, Arabic for dignity, supports a regional movement to end violence against women and is led by women activists from eight sectors: politics, economics, health, art/culture, education, media, law, and religion. With headquarters in Cairo and a regional office in Amman, Jordan, V-Day Karama builds networks within and across Egypt, Lebanon, Jordan, Palestine, Morocco, Algeria, Syria, Sudan, and Tunisia, providing a structure for activists in the region to come together and build the movement for women’s equity and rights.   The V-Day Karama Program head office supplies training, funding, and ongoing support to these diverse women’s networks. Multinational conferences and forums take place annually to serve as vehicles for fundraising, visibility, and inspiration.

KARAMA's Official Site

V DAY Official Site

Comic of the Day

noreply@blogger.com (siegex) — Wed, 11 Feb 2009 12:45:00 +0000

بأي عمر بيصير الحط من شأن المرأة شيىء مقبول؟

Congratulations to Jordanian Women: One Step Forward on the Road to Equality

noreply@blogger.com (siegex) — Tue, 10 Feb 2009 20:19:00 +0000

الأردن يلغي تحفظه على الفقرة الرابعة من المادة 15 من اتفاقية سيداو

عمان - الغى الأردن تحفظه على الفقرة 4 من المادة 15 من اتفاقية القضاء على جميع أشكال التمييز ضد المرأة "سيداو"، بحسب الامين العام للجنة الوطنية لشؤون المرأة أسمى خضر.

وتنص هذه الفقرة، التي وافقت رئاسة الوزراء على الغاء تحفظ المملكة عليها أول من أمس، على أن "تمنح الدول الاطراف الرجل والمرأة نفس الحقوق فيما يتعلق بالقانون المتصل بحركة الاشخاص وحرية اختيار محل سكناهم واقامتهم".

اكبس -- لقراءة الخبر

الغد الأردني الرأي الدستور

حملة المساواة دون تحفظ

The Gaza Strip : Israel's Guernica*

noreply@blogger.com (siegex) — Tue, 06 Jan 2009 11:55:00 +0000

NEW NAKBA & REFUGEES!!!!

Guernica is a painting by Pablo Picasso, showing the bombing of Guernica, Spain, by twenty-eight German bombers, on April 26, 1937 during the Spanish Civil War. The attack killed between 250 and 1,600 people, and many more were injured. The Spanish rulers commissioned Pablo Picasso to create a large mural for the Spanish display at the Exposition Internationale des Arts et Techniques dans la Vie Moderne (1937) Paris International Exposition in the 1937 World's Fair in Paris.

Guernica shows the tragedies of war and the suffering war inflicts upon individuals, and in particular, innocent civilians. This monumental work has eclipsed the bounds of a single time and place, becoming a perpetual reminder of the tragedies of war, an anti-war symbol, and an embodiment of peace. On completion Guernica was displayed around the world in a brief tour, becoming famous and widely acclaimed. Within fifteen days of the attack, Pablo Picasso began painting this mural. This tour brought the Spanish civil war to the world's attention.

Sameh A. Habeeb, A Photojournalist, Humanitarian & Peace Activist in Gaza Strip writes:

Day 10 of Israeli War on Gaza

Death toll = 600
Injured = 2800

Download this file to read more about Israeli war crimes on Gaza.

Source

* Guernica on Wiki

Siegex -- This Blog's Address

noreply@blogger.com (siegex) — Sat, 03 Jan 2009 05:26:00 +0000

Different Sieges of Different Types/Rules

It was supposed to be "sieges", but it was taken, tried "siegex" and got it working for me.

Siegex, or siege(x), where x is a variable, is supposed to mean that a siege (as a function) gets its value determined according to applying the value of x under the influence of the function itself, except that the function itself has a no definite or determined rule, i.e. it keeps changing, or, to put it better, the function "siege" takes different types of functions, i.e. different rules.

Let me put it mathematically, it might be easier to be understood than I explained above.

Suppose we have f(x) determined as follows:

f(x)= 2x+1

Now if, for example, x=2, then f(2)=5
if x=4, then f(4)=9

Suppose f(x) changed its rule, to be determined as follows:

f(x)=5x-3

now if, for example, x=2, then f(2)=7
and if x=4, then f(4)=17

We can see from the above that f(2) and f(4) had 2 different values for each, because f(x) was determined in 2 different ways, by 2 different rules.

Now let's drop the math and take an example from reality: "Hijabi girls (who cover their hair by wearing a head cover/the veil) wearing pants" was very much opposed to phenomena when it first started to be seen in the Jordanian society, or at least many families were against allowing their daughters to wear pants just because by culture it was known as a "3aib" for a girl to wear pants, while some other families believed that "Jilbab" is the only Islamic option for women clothing.

But then "the pants phenomena" started to spread more since girls of the "Intifada" were wearing pants because it made it easier for them to run faster after throwing stones when defending themselves against the Israeli settlers.

Seeing that on TV News broadcasts every once in a while made it more accepted in the eyes of some families, I guess. Also some families allowed it on the condition that those pants should fall within Islamic teachings about clothes we should wear, which should have 3 conditions:

1- Not tight.
2- Not transparent.
3- Does not attract attention.

Which is actually the right thing to follow when wearing whatever you're wearing if you're gonna go out of your house.

(Just like some scholars in Saudi Arabia, they were and some are still against this, yet now some say that a clothing that's known as "Bunjabi - I'm not sure of the name or the spelling of the name, but it is some kind of Pakistani women worn clothes" which has 2 pieces of clothes: a wide pant along with a medium to-the-knee long shirt, is O.K. to be worn by women)

But then by the vast spread of this custom - if I may call it so, or maybe because some families weren't that much giving attention to Islamic teachings about clothes, while they were more into (or maybe not much into) what goes on in the society, they did not care much about what their daughter wear as long as they have the headscarf covering their hair.

Add to that, different fashions of different pants - tight and non tight - were in the market and everybody used to pick whatever suits them, then in the following years, fashion in the markets started to follow very few patterns/designs that became less and less, till - just like now - you will find that all pants - and even shirts - in the market, are designed nearly with the same standards, which doesn't help girls to pick what suits their standards because it wasn't designed in the first place!

Now if you see a girl of those who wear pants with tight clothes while covering their heads with what they might call a Hijab, if you ask them, or tell them that that isn't right, you might hear them answering you with a sentence that falls within: All girls are wear clothes like the ones I wear.

Now you see? Different rules, and different restrictions, sometimes even what seems-to-look-like no restrictions at all! Which almost in all cases falls within a siege of some kind -- siege(x).

Putting all that together I meant the blog address to hint something like: "some siege of some type/kind", or, to put it in a more general way: "different sieges of different types/rules that gets determined according to different values/cases".

But who puts the rule for the siege, and who sets the value of x?

Well, usually its the people -- sadly said. Those people might be regular, or ordinary people, or they might be thinkers, or scholars. Might even be husbands, fathers, and brothers... and whoever else.

Those people almost all of the times are affected by cultures, be it anti or pro women. Cultures and common spread believes or thoughts about women - what they're capable of, what's best for them, what they're up to, and what they shouldn't be up to.. etc - and hence it affects the way they think, or interpret their own views and opinions, or religion's views and opinions, about women.

This is - mainly - what this blog is trying to highlight and talk about, simply put:

Different types of sieges that are wrongfully put around women with the claim that this is for the women's best interests and nature bla bla..

The blog also might talk - as much as it could - about Islam's point of view about women and how it gave them, and men too, freedom, according to what's best for humanity and societies, all in all.

And while were at it, this blog complains about the fact that when it's about women, there's almost always sieges - at least one - that are put around them, sieges that keep women from taking a step forward in the right direction, a direction that does not even contradict with Islam's teaching's about women, and the direction that they should follow.

This blog complains about the fact that "women's issues" are, by far, the most argued about, and disagreed upon issues by the above-mentioned-list of people, scholars included, world wide.

This blog complains about the fact that when all arguments about sieges put around women fall apart, they try sexism, it always sells, in this sexist (ruled and/or driven by) world and societies! But some of us realize that sexism is crap, and I - for one - ain't buying it!

Sixty Years!! Long Live Violations!!

noreply@blogger.com (siegex) — Fri, 12 Dec 2008 00:26:00 +0000

ستين خيبة

لا زالت الدول بتحتفل بذكرى مرور 60 سنة على صدور الميثاق العالمي لحقوق الانسان - واللي كان صدورو بتاريخ 10 كانون الثاني 1948

ما بعرف شو الفايدة من هالاحتفالات في ظل انتهاكات صارخة لحقوق الانسان على مستوى دول العالم عامة وبعض الدول المحتلة واللي قائم فيها حروب زي العراق وفلسطين بشكل خاص

وازا كان انتهاك حقوق الانسان على جميع المستويات بيحصل في العراق وفلسطين وبلاد الكونغو وغيرها – ومش قصدي التقليل من فظاعة هاي الانتهاكات - الا انو انتهاك حقوق المرأة مستمر توينتي فور سيفن في جميع بلاد العالم، حتى المتقدمة منها

وللأسف ما في بلد من بلاد العالم الا وفيه انتهاك لحقوق النساء سواء في شأن واحد أو في شؤون مختلفة، فإما إفراط وتفريط في قوانين وضعية، أو تشديد وتضييق في تعاليم الدين

ستين "خيبة" مرت على صدور الاعلان العالمي لحقوق الانسان بس للأسف لا زالت حقوق المرأة بتحتل المرتبة الأخيرة او ما قبل الأخيرة على اجندة الكثير من الدول

وازا ما كانت من ضمن الأولويات الأخيرة على الأجندة بتلاقي انو العمل على دعم المرأة بيتم في خطوات تكاد تكون السلحفاة أسرع في العمل عليها مما بتعمل الدول والمنظمات

أو زي ما هو حال العديد من الدول اللي حقوق المرأة فيها بتكون مجرد حبر على ورق لأنها لسة بتعتبر المرأة مخلوق من الدرجة الثانية أو انها مقتنعة انو حال المرأة عندها هو الحال اللي ارادو الإسلام إلها

حقوق المرأة –للأسف- هي حقوق بنّادي فيها وبندعوا الها عشان نبيّن متحضرين ومتقدمين، بس وقت التطبيق الأغلبية من الرجال بتبلع كلامها و-على رأي المثل- بتحط راسها مع الروس وبتمشي مع حكم المجتمع وثقافتو وعاداتو وتقاليدو المتخلفة عن المرأة

ستين سنة أشبه بستين مليون خيبة، لأنو الدول والحكومات خلال هالستين سنة ما دعمت المرأة زي ما كان المفروض تدعمها حتى تسير مع الرجل في نفس المسار بدل ما تضل متأخرة لحتى هاي اللحظة ولا زالت للأسف عاجزة عن اللحاق بالركب لمجرد عدم تقبل المجتمع الها كانسان مكافىء للرجل ومساوي الو (أما المساواة ف رح اتركها هلأ وبحكي عنها في إنتري تاني ان شاء الله)0

ولو بدي ألوم على اصحاب الستين خيبة – الغرب وميثاقهم والعالم اجمع وتبعيّتو الهم - ف ما بقدر الوم عليهم اكثر مما رح الوم علينا كمسلمين

لأنو بالنسبة للمسلمين الميثاق العالمي لحقوق الانسان صدر قبل ما يقارب 1400 سنة في عهد الرسول صلى الله عليه وسلم ف الستين سنة لميثاق وضعي لا تعتبر شيء مقابل 1400 سنة لميثاق من عند رب العالمين

مقارنة بسيطة بين حقوق المرأة حاليا في مجتمعاتنا وبين حقوق المرأة في عهد الرسول عليه الصلاة والسلام وصحابتو كافية تبيّنلنا الانتهاكات الواضحة لحقوق النساء في عصرنا الحالي

قبل الاسلام ما كان للمرأة شأن يذكر، وما بدي اخوض في هاي المرحلة لأنو بيتهيألي كلنا عارفين سوادها وظلمتها

بعدين اجى الإسلام فأعلى شأن المرأة واعطاها حقوقها وكرّمها ورفع مكانتها

والعجيب جدا انو هاي الجملة عادة بتكون الجملة الإفتتاحية ل اللي بدو يحكي عن حقوق المرأة في الإسلام بس لما تقارنها مع وضع المرأة المسلمة بتلاقي انو في الواقع الحالي المرأة مهضومة الحقوق مضهدة الجانب ومستوطيين حيطتها بإسم الإسلام والإسلام براء من هاي الممارسات المتخلفة وبتلاقي انها يا دوب ا حاصلة على 25% من حقوقها الفعلية في الإسلام

لو رجعنا لحال المرأة في عهد الرسول صلى الله عليه وسلم وصحابتو من بعدو –وحتى في الديانات السماوية السابقة- رح نلاقي انها شاركت في شتى مجالات الحياة ولوجدناها جنبا الى جنب مع الرجل

هادا ازا ما تقدمت على الرجال في بعض الأحيان بعلمها وحكمتها وفطنتها وشجاعتها

فعن الرسول صلى الله عليه وسلم أنه قال: النساء شقائق الرجال

ومع هيك هينا بعد 1400 سنة على هالاعلان وما زلنا بنميّز ضد المرأة، لمجرد انها انثى، تحيض وتحمل وتلد

اختزلنا المرأة ودورها في الحياة ضمن اطار "موذرهوود" وأهملنا أي شيء آخر ضمن مصطلح "وومان هوود" لمجرد انّا مش مستوعبين نشوفها بتقوم بأي دور آخر الى جانب دورها كأم

بعد 1400 سنة من الإعلان العالمي الحقيقي لحقوق المرأة وحقوق الإنسان ولساتنا مش فاهمين انو المرأة انسان كامل الأهلية تماما كما الرجل

أي حديث بعد هادا بنستنى عشان نفهم ونبطل تمييز ضد النساء نفسي أفهم

المرأة في عهد الرسول صلى الله عليه وسلم كانت تخوض شتى مجالات الحياة وتمارس الأعمال كافة بدون ما حدى يحكيلها لأ انتي "مرة" أو "حرمة" أو "ست" أو أي من المصطلحات اللي على هالشاكلة

المرأة في الدين الاسلامي كانت تعمل داخل البيت وخارجو، سواء كانت ام او زوجة او بنت

هاجرت المرأة الى الحبشة وما حدى حكالها ارجعي انتِ امرأة

هاجرت المرأة –عزباء ومتزوجة- الى المدينة لبناء الدولة الاسلامية الأولى وما حدى حكالها ارجعي انتِ امرأة

حملت اسماء بنت ابو بكر - ذات النطاقين - الطعام والسقاية للرسول عليه السلام وصاحبه - ابوها ابو بكر - في رحلة الهجرة ولم تسمع مقولة انتي امرأة

كانت النساء في عهد الرسول عليه الصلاة والسلام بيشهدوا صلاة الفجر وبيحضروا مجالس التعليم والعبادة وعن عائشة انها قالت – بما معناه - رحم الله نساء الأنصار لم يمنعهن الحياء أن يتفقهن في الدين

كانت النساء بتخرج مع الرسول عليه الصلاة والسلام في الغزوات

فمثلا أم عمارة الأنصارية شاركت في القتال يوم أحد وأثنى عليها النبي صلى الله عليه وسلم

وفي حروب الردة شهدت المعارك بنفسها ولما قتل مسيلمة الكذاب رجعت وفيها 10 جروح

أم عمارة نسيبة المازنية تقول غزوت مع الرسول 7 غزوات

ام حرام بنت ملحان طلبت من الرسول ان تركب البحر وشاركت في فتح قبرص (ذات الصواري) والها مسجد هناك

وأم سليم بنت ملحان كان معها خنجر يوم حنين فشافها زوجها وشافها رسول الله عليه الصلاة والسلام فسألها فقالت انها اتخذت الخنجر عشان اذا اقترب منها احد من المشركين تشق بطنو بالخنجر فضحك عليه الصلاة والسلام لما سمعها والحديث في صحيح مسلم

شاركت عائشة وأم سليم يوم أحد وفي الرواية ان الرسول عليه الصلاة والسلام شافها بتحمل القرب على ظهرها لسقاية المسلمين ونفس الشي شاف أم سليم بتحمل القرب على ظهرها وبتسقي الماء في أفواه المسلمين

غزا الرسول عليه السلام ومعه ام سليم ونسوة من الأنصار فكانت النساء بتداوي الجرحى وبتسقي الماء للمحارم والأزواج أما غير المحارم فالمداواة حسب الحاجة وحسب الضابط الشرعي – يعني بدون "لمس" الا حسب الحاجة - وهو نفس الضابط الشرعي لو اراد رجل مداواة امرأة

غرف أمهات المؤمنين كانت مفتوحة على المسجد – وما كان المسجد للعبادة بس

فمثلا كان الحبشة بيلعبوا بالسيف في المسجد وعائشة متكئة على كتف النبي عليه السلام

وكانت الإجتماعات تعقد في المسجد وتستقبل فيه الوفود – وبالتالي النساء ما كانوا عايشين في عزلة عن المجتمع زي ما بنحاول نحبسها في بيتها هاي الأيام بحجة "وقرن في بيوتكن" 0

شاركت المرأة في الحياة السياسية في الإسلام فتمت مبايعة النساء على كل ما بايع الرسول عليه السلام عليه الرجال في بيعة العقبة وفي بيعة الرضوان تحت الشجرة - طبعا مع التزام الضابط الشرعي – بدون مصافحة النساء

ومن هديه عليه الصلاة والسلام انه سمع مشورة امرأة - أم سلمة – لما أشارت عليه انو يتحلل من احرامو بإنو "ينادي حلاقو ويحلق بعدين يذبح الهدي"، وكذلك فعل، هادا في الوقت اللي ما حدا من الرجال من صحابتو عليه السلام سمع أمرو لما أمرهم 3 مرات انهم يتحللوا من إحرامهم على أساس يرجعوا السنة الجاية

أول من لجأ اليه الرسول عليه الصلاة والسلام بعد نزول الوحي كانت امرأة – زوجته خديجة

أول من آمن بالرسول عليه الصلاة والسلام كانت امرأة

وأول من ساند الرسول عليه السلام بالمال والتأييد كانت امرأة

كانت خديجة بتحمل الطعام لزوجها عليه الصلاة والسلام وهو يتعبد في الغار – وهي امرأة

أول شهيد في الإسلام كان امرأة – أم عمار نسيبة بنت كعب

لما مرض علي السلام في مرضه اللي توفاه الله فيه استأذن جميع نساؤه حتى يُمّرّض في بيت عائشة – فهل كان استئذانو من نساؤه عبثا ولا في حكمة بالموضوع؟

ولما توفي عليه الصلاة والسلام توفي في حضن عائشة رضي الله عنها بين سحرها ونحرها – وهي امرأة

قدم القرآن ذكر الأنثى على الذكر في الهبات "يهب لمن يشاء اناثا ويهب لمن يشاء الذكور" وبين الاسلام مقدار الأجر العظيم للأب الذي يلي من أمر البنات شيئا

كل هدول صدف ولا عبث؟ ولا يا ترى في حكمة بالموضوع؟

روت النساء الأحاديث عن الرسول صلى الله عليه وسلم ولم يرو عن أي من الرجال في الصحيح أكثر مما روي عن عائشة رضي الله عنها إلا عن عبد الله بن عمر وأبو هريرة

النساء ما كذبت قط على رسول الله عليه الصلاة والسلام في رواية الأحاديث بينما كذب العديد من الرجال

كانت عائشة من أعلم الناس وأكثرهم معرفة بشعر العرب وطبعا هي تزوجت عن 9 سنين وبالتالي فهي تعلمت الشعر في بيت البنوة لأنو بيت أدب وشعر

حتى انو عائشة كانت أعلم من رجال كتار وقيل انو لو جمعنا علم عائشة الى علم جميع امهات المؤمنين وعلم جميع النساء لكان علمها أفضل

لما سألوه عليه الصلاو والسلام عن أحب الناس اليه قال "عائشة" وما استحى من ذكر اسمها ولا استحى - عليه الصلاة والسلام - انو يحكي عن حبو لزوجتو أمام الرجال

في الحديث النبوي: "قالت النساء للنبي : غلبنا عليك الرجال فاجعل لنا يوما من نفسك, فوعدهن يوما لقيهن فيه فوعظهن وأمرهن" الرسول صلى الله عليه وسلم يستجيب لمطالب النساء؟؟ وين احنا من هالحكي وليش طلبات النساء مهملة؟ على الأقل اللي ما خرج منها عن نص الشارع في القرآن والسنة النبوية الشريفة؟؟

وفي الحديث النبوي عن أم عمارة الأنصارية جاءت الى النبي صلى الله عليه وسلم فقالت:ما أرى كل شيء إلا للرجال وما أرى النساء يذكرن بشيء فنزلت الآية: إن المسلمين والمسلمات والمؤمنين والمؤمنات والقانتين والقانتات والصادقين والصادقات والصابرين والصابرات والخاشعين والخاشعات والمتصدقين والمتصدقات والصائمين والصائمات والحافظين فروجهم والحافظات والذاكرين الله كثيرا والذاكرات أعد الله لهم مغفرة واجرا عظيما – الأحزاب 35

سبحان اللهّ إمرأة بتسأل عن حقوق المرأة والرسول عليه السلام ما بيعترض على سؤالها والله تعالى بيجياوب طلبها ويؤكد حقوق النساء؟؟

وين اللي بينكروا حقوق المرأة من هادا الحكي وشو الإسلام اللي بيتبعوه لما بينكروا على المرأة اللي بتطالب بحقوقها في الإسلام مطالبها؟

قال عمر بن الخطاب رضي الله عنه كنا في الجاهلية لا نعد للنساء امرا حتى انزل الله فيهن ما انزل وقسم لهن ما قسم
وفي رواية تانية قال كنا في الجاهلية لا نعد النساء شيئا فلما جاء الاسلام وذكرهن الله رأينا لهن بذلك حق علينا

اصطفى الله من النساء كما اصطفى من الرجال قال تعالى: إن الله اصطفى آدم ونوحا وآل ابراهيم وآل عمران على العالمين، ذرية بعضها من بعض والله سميع عليم

وقال تعالى: وإذ قالت الملائكة يا مريم إن الله اصطفاك وطهرك واصطفاك على نساء العالمين

في الجاهلية كانوا يدفنوا البنت حية فحرّم الإسلام وأد البنات فامتثل الناس للأمر مباشرة ونفضوا عنهم غبار الجاهلية وثقافتها المسيئة وامتثلوا لتنفيذ أمر الرسول بمجرد سماعهم لأمرو عليه الصلاة والسلام

أما احنا فتعدينا الجاهلية وسبقناها فصرنا نمن على المرأة بالحياة في الوقت اللي وأدناها فيه وأد معنوي وصارت كل خياراتها وقراراتها بإيد الرجال من أقاربها

وما نسيوا يعطوها الخيار الوحيد – الطاعة الطاعة الطاعة

وازا ما اطاعت في حق اختيار الها منحها اياه الدين فبنرفعلها العصا، والعصا بتختلف باختلاف وضعها الإجتماعي

فإما عصا الولي سواء أب أو أخ أوعم أو غيرو من الأقارب أو عصا القوامة ازا كانت متزوجة

وبين العصاتين بنلوّح بانها ناقصة عقل ودين أو بانو شهادة الرجل بامرأتين أو غيرو من الأحاديث اللي وضعناها في غير محلها كسياط عشان نجلد فيها النساء

متناسيين في نفس الوقت انو خيركم خيركم لأهله وانا خيركم لأهلي

ومتناسين انو النساء شقائق الرجال

ومتناسيين رفقا بالقوارير

أما حديث ليسوا أولئك بخياركم فكأنو الرجال ما عمرهم سمعوا فيه

ستين سنة -والأصح 1400 سنة- على الإعلان العالمي لحقوق الإنسان واحنا لساتنا مش قادرين ننفض غبار التخلف عن أنفسنا؟؟

هادا غيض من فيض
والقارىء في كتب السيرة والحديث رح يلاقي التاريخ الإسلامي حافل بمشاركة النساء في الحياة داخل البيت وخارجو

اما ازا بدنا ننهض بالأمة الإسلامية ف ما في نهوض سليم بأجيال المستقبل بدون النهوض بالنص الأهم من المجتمع - المرأة - ولا في نهوض بدون اعطاءها حقوقها كاملة

لأنو ازا بدنا نطالبها بواجبها وعشان تؤديه بشكل صحيح لازم أول نعطيها حقوقها

لأنو ما بصير نطالب الفرد –أي فرد - بإنو يعمل واجبو بدون ما نعطيه حقو اول

The 60th Anniversary of the Universal Declaration of Human Rights

noreply@blogger.com (siegex) — Thu, 11 Dec 2008 05:55:00 +0000

People at the Human Rights Square next to the Eiffel Tower in Paris during a ceremony commemorating the 60th anniversary of the Universal Declaration of Human Rights.

Another march to mark International Human Rights Day was held in the Nicaraguan capital, Managua where a girl runs by a mural that reads in Spanish "Eradicate hunger and poverty".

Source

A Closer Look at Violence in Our Societies

noreply@blogger.com (siegex) — Mon, 01 Dec 2008 20:05:00 +0000

العنف في مجتمعاتنا -- مسلسل مستمر

مش من الخلق منازلة عدو أعزل حتى وان كان رجل
بالإضافة الى انو تعاليم ديننا كمسلمين بتنهى عن قتل المرأة والطفل والشيخ حتى لو في حالة الحرب

والموضوع ما بيتوقف عند هيك، بل انو احنا منهيين عن قطع الشجر او التخريب حتى في حالة الحرب

فما بالنا في حالة السلم؟؟ وما بالنا ازا كان الأشخاص من نفس أهل البيت؟؟

مش من الخلق كمان في حالة حوار او نقاش عادي عن اي موضوع بين طرفين او شخصيتين "عامتين او عاميتين" انو يبدأ واحد منهم برفع الصوت أو إطلاق الشتائم والألقاب على الطرف التاني، وما اعتقد انو في اختلاف بيننا على انو اللي بيعمل هيك هو الطرف الأضعف حجة، أو انو الأضعف قدرة على ايصال حجتو للطرف التاني واقناعو فيها

أما ازا كان هاد هو اسلوب الشخص اياه دايما في كل حوار او نقاش بيدخل فيه، معناتو الموضوع بيتعدى ضعف الحجة والبرهان الى خلل في شخصية وسلوك هاد البني آدم بحيث انو بيلجأ الى رفع الصوت و/او السب و/او الشتم في حالة عجزو عن التعبير عن وجهة نظرو بشكل مقنع للطرف الآخر، حتى انو البعض منّا ممكن يحكي عنو شخص همجي أو بدائي لا يصلح الحوار معو ولا المناقشة

فما بالنا ازا كان النقاش حاصل بين طرفين من نفس البيت؟ وما بالنا ازا كان الموضوع بيتعدى رفع الصوت والشتم والسب الى الضرب باليد والركل بالقدم واستخدام ادوات لتأديب أو الأصح لتعذيب الطرف التاني حتى يقتنع بوجهة نظرنا ورأينا أو يسمع كلامنا؟؟

المفروض ما في بينّا اختلاف على انو استخدام العنف لحل اي خلاف او مشكلة مرفوض كمبدأ
العنف لازم يكون مرفوض في اي حالة ولأي غرض كان، وضد مين ما كان.. سواء كان ضد رجل أو امرأة أو طفل

اوكي في حالات لنساء بتعنّف رجالها، اكيد سمعنا عن بعض هاي الحالات، الا انو الظاهرة الأكتر انتشار على نطاق عالمي هي استخدام العنف ضد النساء والأطفال

وفي الوقت اللي بينهى الاسلام فيه عن ضرب المرأة، واكتر من هيك، في الوقت اللي حضنا الاسلام على الرفق بالقوارير، الا انو ظاهرة استخدام العنف ضد المرأة هي احدى الظواهر الأكتر انتشارا في مجتمعاتنا

هاد عدا عن انو ضرب المرأة الحاصل في الوقت الحالي ما الو دخل بتعريف الإسلام ل "ضرب المرأة في حالة النشوز" لا من قريب ولا من بعيد

وعدا عن انو الاسلام ما اباح الضرب - حتى حسب تعريف الضرب في الاسلام - الا في حالات محددة، وما لازم ننسى انو صلى الله عليه وسلم اضاف في الحديث النبوي: ليس أولئك بخياركم

نرجع للموضوع.. 0

العنف، كظاهرة، منتشر وموجود في مجتمعنا بشكل كبير ولافت للنظر.. حتى انو خلال الأيام القليلة الماضية اطلت علينا اكتر من حالة عنف ومشاجرات في الجامعات الأردينة واللي يفترض انها ارقى منابر للحوار والتعلم والتعليم، ف ازا كان هاد حال المتعلم في مجتمعنا، فما بالنا بغير المتعلمين من باقي المجتمع؟؟

ازا كان هاد حال طلاب متعلمين ومتكافئين في القوة الجسمية، فما بالنا ازا كان الممارس للعنف هو الرجل والطرف المعنّف هو الطرف الأضعف جسما كالزوجة و/أو الأطفال؟؟

وما بالنا ازا كان الرجل بيستخدم العنف لحل كل حالات النقاش والحوار مع اهل بيتو؟؟ ما بالنا ازا صار استخدام العنف عادة دائمة عند هاد الزلمة حتى يقنع اهلو بكلامو؟؟

ما في شك انو هيك "زلمة" بيعاني من خلل أو ضعف في الشخصية والسلوك بتخليه يلجأ لاستخدام العنف ليحصل على مبتغاه ويحقق مرادو على اعتبار انو وجهة نظرو هي وجهة النظر الوحيدة الصحيحة

وازا بتسأل هاد الشخض المريض ليه بيلجأ لاستخدام العنف رح تسمع اجوبة غريبة عجيبة ما الها علاقل بالمنطق السليم

فمثلا ممكن يحكيلك انو "المرة" هي اللي طلّعتو من طورو
أو انها عنيدة ومش راضية تفهم كلامو
أو انو بغير هيك "المرة" ما بتفهم ولا بتقتنع
والتبرير نفسو هاد بينطبق على حالة الأولاد كمان

ونظرا لصعوبة الظروف ممكن المرأة تفقد ثقتها في نفسها زي ما هو فعليا حاصل في الواقع، وبتصير تصدق هالحكي الفاضي وانها كائن بشري من الدرجة الثانية بعد الرجل، وانها فعلا هي السبب في غضب الزوج وفقدانو لسيطرتو على سلوكو

وبتستمر في السكوت متناسية انو لما ابنها بيشوفها بتنضرب قدام عينو رح يقل احترامو الها

طبعا هاد الزوج المريض نفسيا والفاقد للتحكم بسلوكه في حالة الغضب أو الانهزام في النقاش مستعد يعطينا العديد من الأسباب اللي بيلقي فيها اللوم على المرأة والأطفال عشان يبرر سلوكه الخاطىء ومرضو النفسي

حتى ما رح نلاقي انو عندو ادنى استعداد للإعتراف بانو بيعاني من مشكلة عدم التحكم في سلوكه
حتى انو للأسف في اغلب الحالات بيكون مقتنع مليون بالمية بالأسباب والتبريرات الزائفة لسلوكو وهمجيتو

وعلى الغالب التبرير الغالب لسلوكو في هيك حالات بيكون اما نابع من الفهم الخاطى لآية "واضربوهن" 0
او من مشاهدات وممارسات لمسها في سلوك ابوه معو ومع وامو واخوتو اولاد وبنات واستقرت في نفسيتو وعقلو الباطن

لو اخدنا نظرة سريعة على الاحصائيات اللي بتحكي عن حالات العنف الأسري في مجتمعنا رح نلاحظ انها ظاهرة منتشرة وبكثرة
فمثلا في خبر قرأتو في جريدة الغد خليني اقتبس الجزء التالي

وأظهرت أرقام إدارة حماية الأسرة أن مجموع قضايا الاعتداءات الجنسية والجسدية الواقعة على الإناث والتي تعاملت معها ادارة حماية الأسرة للأعوام (2003- 30 /6 /2008 ) 2950 حالة ،تفاوتت ما بين 340 إلى 395 سنويا للأعوام 2003 ولغاية 2006 فيما بلغت 911 حالة في عام 2007 ووصلت حتى حزيران 2008 إلى 530 وتنوعت القضايا من إيذاء جسدي، وفعل مناف للحياء ومواقعه أنثى، وهتك العرض، وشروع بالاغتصاب، واغتصاب

سورس

الواضح انو الأرقام في ازدياد، عالأقل حتى نهاية عام 2007

الا انو في عام 2008 من بدايتو حتى شهر ستة وصل العدد الى 530 حالة حسب ما بيحكي الخبر أعلاه

الا انو طلع خبر تاني بيؤكد انو حالات العنف الأسري في ازدياد، وبرضو خليني اقتبس من الخبر الجزء التالي

عمان- خلف الطاهات - كشف مدير ادارة حماية الاسرة في مديرية الامن العام العقيد محمد الزعبي ان اقسام الادارة تعاملت خلال الشهور العشرة الماضية مع نحو 3640 قضية تتصل بالاسرة،تم معالجة نحو 2210 قضايا عن طريق مكتب الخدمة الاجتماعية فيما تم تحويل القسم الاخر من القضايا الى القضاء والحكام الاداريين

سورس

على كل حال الخبر بيشير الى عدد الحالات اللي تعاملو معها بشكل عام بدون تحديد لعدد حالات الاعتداءات الجنسية او الجسدية اللي وقعت على الإناث
الا انو ما بنقدر ننكر انو الأرقام في ازدياد بشكل عام خاصة من الخبر الأول، وازا كانت وصلت الى 530 حالة لحتى منتصف هاي السنة فهي على الأقل تجاوزت نصف عدد حالات السنة الماضية

طبعا زيادة الأرقام ما بتعني بالضرورة انو الظاهرة اخذه في الازدياد (مع انها ممكن تكون في ازدياد فعلي الا انو ما في داعي لترجيح هيك احتمال حاليا لأنو مش موضوعي هلأ)، باعتقادي المتواضع الزيادة ناتجة عن زيادة الوعي في التبيلغ عن هاي الحالات لا اكتر، لأنو العنف اصلا موجود في مجتمعنا بشكل عميق وراسخ في اذهان الرجال كمبدأ اساسي في التعامل مع المرأة خاصة والأولاد عامة

بس شو السبب وراء انتشار العنف في مجتمع بيتصف انو مجتمع فتي (أغلبه من فئة الأطفال والشباب) زي مجتمعنا؟؟

الموضوع بيبدأ من داخل الأسرة

حديث الأب والأم مع بعضهم بيؤثر في نفسية الأولاد ازا كان حوار غير حضاري بيتخللو رفع الصوت، وبيؤثر بنفسياتهم اكتر ازا حصل سب وشتم خلال الحوار ونفس الشيء ازا انتهى بالضرب والتعذيب وصراخ الأب وبكاء الأم

نفس الشي ازا انتهى حوار بين الأب وابنو او بنتو بالضرب والعقاب الغير مناسب اطلاقا لذنب الطفل لا من حيث حجم الذنب ولا من حيث تناسب العقاب مع عمر الطفل

في هيك حالات جو البيت كلو بيتكهرب ومرة على مرة بتصير الأوضاع تسوء وممكن يكون الضرب خفيف في البداية بعدين يزداد سوء اكتر واكتر

ومن خلال متابعتي في بعض الأحيان لبرنامج الدكتور فِل، خاصة عن المشاكل في داخل الأسرة، احدى البنات (بين 14 -16 سنة اعتقد) كانت بتحكي عن الوضع والخلافات بينها وبين اهلها

كانت بتحكي انو في مرحلة بطلت تقدر فيها تتواصل معهم لأنو ما كان في اسلوب حوار بينهم، وانها صارت تتبنى اسلوب الأب نفسو وتستخدمو معو حتى تورجيه انو طريقتو مش طريقة تواصل ولا حوار...0

المهم بالآخر بتحكي انها صارت لاشعوريا تستخدم هاد الأسلوب لأنو من كتر معايشتو ومن كتر الخلافات صار راسخ في عقلها الباطن

طبعا احنا مجتمعنا بيختلف عن مجتمعهم واسلوب انو البنت ترد على ابوها او اخوها عين بعين وسن بسن هاد مش موجود عنا زي ما هو موجود عندهم

المهم، اللي كنت بدي اوضحو من ال"سيناريو" هو الجزء اللي بيتعلق بانتقال الاسلوب والسلوك نفسو من الأهل الى الأبناء سواء شعوريا او لا شعوريا

في جو اسري مشحون بالخلافات والمشاكل واللي بتنتهي عادة باستخدام العنف مع الطرف الأضعف

بتصير البنت تشوف امها بتنضرب وبتسكت
فتلقائيا بيرسخ في بالها انو السكوت هو رد الفعل المتوقع في هيك حالة

والابن بيشوف إمو بتنضرب وبتسكت وابوه بيعصّب وبيضرب
فتلقائيا بيرسخ في بالو افكار ابوه أو على الأقل سلوكو ويمكن يبدأ بممارسة هيك سلوك على اخواتو البنات خاصة في حالة غياب الاب خارج البيت احيانا

أما ضرب الأولاد انفسهم سواء بنات أو اولاد فعادة بيؤثر في نفسياتهم وسلوكاتهم، حتى انو ممكن يولّد في نفوسهم غضب وكره تجاه الآخرين

بعدين بيكبروا الأولاد وبتيجي مرحلة المراهقة، وعادة بهيك مرحلة لا الأهل بيفهوا على ولادهم وبناتهم ولا الولاد والبنات فاهمين على أهاليهم
وهيك مرحلة عادة بتأدي (تؤدي) لزيادة المشاكل اصلا حتى في حالة وجود اب وأم واعيين ومتفاهمين

فما بالنا والصراع قائم على قدم وساق بين كل الأطراف في البيت؟؟

شوية وفي اقرب فرصة بيزوجوا البنت حتى لو ما انهت تعليمها الأساسي، ومش مهم تكمّل تعليمها او ما تكمّل وعالأغلب بينترك الموضوع لمزاج زوجها

طبعا البنت زغيرة ولسة ما بتفهم اشي بالدنيا، ولا بتعرف تتعامل مع المجتمع الخارجي تعامل سليم لأنها اصلا بهيك عمر بتكون تفكّر تفكير طفولي اكتر من تفكير عاقل

وبعد ما يخلص العسل ازا حصل مشاكل او خلافات بينها وبين زوجها ويمكن لاحقا بوجود طفل او تنين ومع الوقت ممكن ينعاد نفس السيناريو اللي كانت تشوفو بيحصل لما ابوها كان يضرب امها

ف طبعا رح تسكت لأنها كانت تشوف امها بتسكت، أو ازا لجأت لأهلها ف على الأغلب همي ما صدفوا يزوجوها وبالتالي ممكن اكتر اشي يعملولها اياه انو يحكولها ارجعي على بيت زوجك ودبري حالك أو انو ما في بايدنا اشي بنقدر نعملك اياه، ويمكن امها تحكيلها معلش عشان ولادك بدك تتحملي والظروف اصعبة وما في حل ومن هالحكي

اما الولد، سواء تابع تعليمو او ما تابع، بالنهاية رح يتخذ قرار بانو صار وقت يتزوج وينشىء اسرتو الخاصة

وبعد الزواج وبعد ما يخلص العسل ممكن ينعاد نفس السيناريو اللي كان يشوفو لما كان في بيت اهلو

وازا كانت الزوجة جاية من بيت شبيه لحالة بيت اهل زوجها معناتو هي التانية رح تسكت وتتحمل عشان السترة وعشان ولادها أو عشان ما تصير مطلقة وكل هالأعذار السخيفة

طبعا ما في وقت او فترة زمنية محددة بتبدأ فيها المشاكل بين الزوجين، الا انو معروف انو ما في زواج بيخلو من المشاكل بشكل عام
وفي عوامل متعددة ممكن يكونلها دور في زيادة هاي المشاكل او التخفيف منها ومعالجتها بشكل صحيح
وكلو بيعتمد على مدى تفهم الطرفين ومدى رغبتهم في التخفيف من المشاكل أو زيادتها

الا انو العنف ضد المرأة موجود للأسف في كل الطبقات الإجتماعية وحتى في الطبقات الحاصلة على الشهادات الجامعية

الرجل بيمارس العنف، والزوجة بتسكت وبتتحمل.. عشان مجتمع ظالم ما بيرحم الضحية ولا بيتعاطف معها هادا ازا ما شد على ايد المجرم كمان

وهيك بيستمر مسلسل العنف... وبيتقل من جيل للجيل اللي وراه عن طريق ثقافة متخلفة "بتعشش" في النفوس المريضة والمنكوبة

بينما الضحايا بتتساقط يوميا وبتدمي جراحها في صمت مؤلم... على امل انو ينتهي كابوس العنف في القريب العاجل... متناسية انو سكوتها على اللي بيصير معها ما بيزيد المجرم الا اجرام وقسوة وتحجّر، ولا يزيد ابناءها الا معاناة وحزن ومرض

ختام الموضوع رح اقتبسو من جريدة الدستور في واحد من الحوارات مع ضحية معنفة

نسـاء معنفات

كان زوجي يضربني كثيراً ، ولم أكن أعلم عن حماية الأسرة

كان يسكر ويعود ليلا ليضربني

كنت أصطحب أولادي للشارع ، أنام هناك أو على سطح المنزل اوبين السيارات ، ونعود في الصباح

وعندما يسألني أين نمت أخبره بأنني كنت عند أهلي

ويتكرر هذا المشهد يومياً

لكن لم أكن أستطيع اللجوء لأهلي لانني تزوجت به رغماً عنهم ، وهو يكبرني بـ15 سنة. ، وتزوجته وانا في الثامنة عشرة

ما الإساءة التي تعرضت لها؟

كان يحمل عصا ويضربني بقبضة يده على رأسي وكان دائماً يهددني بالقيام بتشويه وجهي

كم عدد أولادك؟

7 أولاد وابنتان

كيف كان شكل العلاقة بينك وبينه؟

مشاكلنا كثيرة ، كنت أغضب منه وأتركه ثم أعود ، ولم أكن أعلم في السابق بأن هناك موانع للحمل ، ووصلت لحماية الأسرة عن طريق ابنتي حورية

هل كان أولادك يشاهدون العنف الذي تتعرضين له؟

نعم كانوا يشاهدون كل شيء ، ولم يستطيعوا عمل شيء

كيف علاقتك به اليوم؟

بيني وبينه المحكمة فنحن نسير بالإجراءات..

وقبل أيام ذهبت معه للمحكمة الشرعية ، فأخبرني انني إذا قمت بالتنازل عن المؤخر فسيقوم بتطليقي

ذهبنا إلى المحكمة وكتب استدعاء بتنازلي عن كل شيء ، ودخلنا على رئيس المحكمة الذي ابلغنا ان الجلسة ستكون بعد شهر

كم ساعدك قسم الارشاد في الجمعية؟

حماية الأسرة اخذوا عليه تعهدا ولكن لم يفد بشيء ، فزوجي لم يتغير

هل أثرت هذه المشاكل على أبنائك في تحصيلهم العلمي ودراستهم ونفسياتهم؟

أبنائي في حالة ضياع بسبب والدهم ، فابني الكبير عمره 24 سنة وأصغر أبنائي عمره ثلاث سنوات ونصف

هل تخرجين بدون علمه؟

قامت جمعية الأسر التنموية بتشغيلي ، وعندما علم زوجي بذلك هددني لكنني لم استمع له

هل وضع زوجك المادي سيىء؟

وضعه المادي جيد لكنه لا يقوم بالصرف على المنزل

كم مضى على زواجك منه؟

24 سنة ولم يتغير شيء فيه

ما دور أهلك؟

أهلي يعاملونني جيدا ، فعندما كنت أتشاجر مع زوجي أذهب للنوم عندهم

والدتي متوفاة ، لذا كنت أذهب لزيارة والدي الذي كان يقوم بإعطائي الدخان لزوجي ومصروفا حتى أقوم بشراء مستلزمات منزلي لإطعام أولادي وزوجي

ماذا عن أهل زوجك ، هل يعلمون بما يقوم به؟

نعم

طلبت الطلاق ، لكن ألم تكوني تعلمين قبل عشر سنوات أن من حقك طلب الطلاق؟

لم أكن أعرف

أين وصلت في الدراسة؟

أنهيت الأول الثانوي وزوجي انهى الثالث الاعدادي ، لكن ابنتي حورية قامت بتعليمي وتفتيح عقلي على امور عديدة لم أكن أعلمها

هل لديك رسالة تريدين إبلاغها للنساء ، لو عدت للخلف ماذا كنت ستفعلين ، وهل ندمت على أمر لم تقومي به أو أمر قمت به

أنا نادمة على كل شيء وما أرغب به أن يصبح زوجي إنسانا جيدا وأن يتعامل معي ومع أولادي بحنان ولطف وأن يدلهم على طريق الخير

فهو يضرب أبنائي وفي احد الايام قام بضرب ابنتي حورية وطردها من البيت الساعة الحادية عشرة ليلا وقال انه لا يريد رؤيتها في البيت ، ولم يكن يعطيها أو يعطي أيا من أبنائي مصروفا للمدرسة ، وكان يشتمهم بأوسخ الشتائم

هل جميع أبنائك في المدارس؟

جميعهم تركوا المدرسة ما عدا ولدين وابنتين ، عندما يكبر الأولاد يقوم بإرسالهم للعمل

سورس

Jordanian Human Rights Activist -- Asma Khader

noreply@blogger.com (siegex) — Mon, 01 Dec 2008 05:19:00 +0000

تهنئـــة

أمان - المركز العربي للمصادر والمعلومات حول العنف ضد المرأة

تم اختيار المنسقة العامة للمعهد الأستاذة أسمى خضر من بين 16 إمرأة ناشطة في الدفاع عن حقوق المرأة والمساهمة في الحد من ظاهرة العنف ضد المرأة

16 Days of Activism Against Gender Violence: November 25 - December 10

noreply@blogger.com (siegex) — Sun, 23 Nov 2008 23:06:00 +0000

Official site

International Day for the Elimination of Violence Against Women -- 25 November

noreply@blogger.com (siegex) — Sun, 23 Nov 2008 22:40:00 +0000

اليوم الدولي للقضاء على العنف ضد المرأة 25 تشرين الثاني

اليوم الدولي للقضاء على العنف ضد المرأة - 25 نوفيمبر/تشرين الثاتي
الموقع الرئيسي

مسؤولو الأمم المتحدة يؤكدون أن العنف ضد المرأة ما زال ممارسة شائعة

في الصورة التالية رابط لموقع
United Nations Secretary-General's Campaign to End Violence Against Women
الحملة هاي بدأت في آذار 2008 وتستمر حتى 2015

شو بتقدر تعمل للمساعدة؟
شارك بتوقيعك لمناهضة العنف ضد المرأة بالضغط على الصورة أدناه بعدين حط توقيعك

أو راجع اللينك الأول وشوف بالسايت بالانجليزي ازا بتحب تساعد اكتر
أو كليك هون

ليش 25 من تشرين الثاني بالزبط؟

القصة بترجع ليوم 25 تشرين الثاني من سنة الف وتسعمية وستين
كان في 3 أخوات: مينيرفا، وماريا تيريزا، وباتريشيا ميرابال (ميرابال سسترز) او حسب ما تم تسميتهم لاحقا باسم "ذي باترفلايز / ذكرى الفراشات" 0

الأخوات التلاتة كانوا من الناشطات في حركة النضال الوطني ضد رافائيل تروجيلو دكتاتور جمهورية الدومينيكان

هاد الدكتاتور حكم الجمهورية 30 سنة تقريبا (1930 – 1961) بدكتاتورية وطمع ووحشية لا توصف

أعوان الدكتاتور رافائيل نصبوا شرك لسيارة الأخوات التلاتة، ووقعن فيه، وبعد ما مسكوا الأخوات تم تعذيب/ضرب كل وحدة منهم بشكل قاس حتى الموت

في شهر تموز سنة 1981 انعقد اول اجتماع للحركة النسائية في أمريكا اللاتينية في دولة كولومبيا واتفق المشاركين في الإجتماع على انو يكون يوم 25 تش2 هو يوم لمحاربة العنف ضد المرأة في أمريكا اللاتينية كتخليد لذكرى الأخوات ميرابيل

في سنة 1994 الكاتبة جوليا الفاريز
كتبت عن الميرابال سيسترز في رواية بعنوان "في ذكرى الفراشات / إن ذي تايم اوف ذي باتارفلايز" أو بالانجليزي الأصلي أوضح

In the Time of the Butterflies

الكاتبة وأهلها كانوا من اللي عاشوا التجربة في الدومينيكان، الا انهم تركوها وهربوا من الموت الوشيك الى امريكا، وكان ابوها مشارك بنفس حركة النضال اللي أنشأتها الأخوات ميرابال وكان مهدد بالقتل الا انو زي ما حكيت هرب من الموت لأمريكا

بعد هيك، وبتاريخ كانون الأول/ديسمبر 1999 اعتمدت الجمعية العامة للأمم المتحدة يوم 25 تشرين الثاني/نوفيمبر كيوم دولي للقضاء على العنف ضد المرأة

لمزيد من المعلومات، أو المصادر، كليك هون، وهون

What's Good for the Goose is Good for the Gander

noreply@blogger.com (siegex) — Sat, 08 Nov 2008 03:04:00 +0000

What's good for the goose is good for the gander is an idiom of equity.

A gander is an adult male goose; an adult female, when distinguished from the gander, is known as a goose. What's good for the goose is good for the gander means that what is good for a man (or husband) is equally good for a woman (or wife).

That phrase was cooked up—reduced, one might say—from what's sauce for the goose is sauce for the gander. Anyone who's not afraid to say boo to a goose—that is, anyone who isn't meek or shy—may be willing to admit that cooked goose is nearly indistinguishable in taste from cooked gander.

Source

ديسكليمر/ توضيح

حتى لا يُساء فهم عنوان البلوغ

يمكن يكون المثل المستخدم أعلاه باين على انو كتير غلط أو مش صحيح، لأنو زي كأنو في تعميم على انو كل اللي بيناسب الرجل هو بطبيعة الحال مناسب للمرأة بالمقابل

وهون احنا بنختلف

لأنو المرأة والرجل أصلا مش زي بعض في كل اشي، وطبيعة المرأة والرجل بيختلفوا عن بعض، وبشكل عام المهام والأدوار في الحياة للمرأة والرجل فيها اختلاف أحيانا

لأنو زي ما حكيت طبيعتهم اصلا مختلفة

يعني مثلا زي الطبيعة الخلقية لكل منهم، هاي الطبيعة رغم انها في احيان كتيرة ما بتعمل اختلاف بينهم في التعامل والعبادات والتكاليف بشكل عام

الا انو في ادوار بتتقنها المرأة اكتر من الرجل وفي أدوار بيتقنها الرجل اكتر من المرأة بطبيعة الخلق، ومش قصدي اعمم هون

يعني مثلا اكيد في نسوة ما بتصلح لدور الأمومة مع انها هي اللي بتحمل وبتخلّف، وفي آباء اصلح لهادا الدور من هاي النسوة في تربية الولاد ورعايتهم

وفي رجال ما بيعرفوا يؤدوا دورهم كآباء بشكل مناسب أو صحيح، وبتكون المرأة أصلح من الرجل في اتخاذ قرارات الأسرة

ف الموضوع نوعا ما فيه تشعبات وفي حالات "خاصة أو شاذة" ما بنقدر نعممها، وبالمقابل ما بنقدر نتجاهلها

الا انو مرجعنا القرآن في هيك حالات

فالمرأة أصلح لرعاية ولادها والأب اصلح للسعي على كسب رزقه ورزق الولاد

هل في هالشي انتقاص أو تكريم لأي من المرأة والرجل هاد موضوع منفصل ما رح أخوض فيه حاليا

إلا انو حتى لو كان فيه تكريم أو تكليف أو تشريف لأي منهم نتيجة لهاي المهام بيضل بالأول وبالآخر قول الله تعالى: "ولا تتمنوا ما فضّل الله به بعضكم على بعض، للرجال نصيب مما اكتسبوا وللنساء نصيب مما اكتسبن، واسألوا الله من فضله، إن الله كان بكل شيء عليما" (1)، وبهيك حالة المسلم ما بيحكي إلا سمعنا وأطعنا

اللي بدي احكيه باختصار، انه المواضيع أو الأشياء بتتاخد على العموم بإنها مناسبة للمرأة والرجل على حد سواء، إلا ازا ورد فيها تخصيص في القرآن أو السنة ف ساعتها بناخود بالتخصيص

زي الحديث المروي عن رسول الله صلى الله عليه وسلم في قوله: "النساء شقائق الرجال"(2)، هاد على العموم

إلا انو في حالات ورد فيها تخصيص زي قوله تعالى" "الرجال قوّامون على النساء"(3)، وبالتالي التخصيص في هاي الحالة معينة بيلغي التعميم السابق ذكرو

___________________________

(1) سورة النساء، آية رقم 32

(2) أن النساء شقائق الرجال، الراوي:- المحدث: الشوكاني - المصدر: الفتح الرباني- الصفحة أو الرقم: 10/4775 - خلاصة الدرجة: صحيح

(3) سورة النساء، آية رقم 34

Document The Silence -- Go RED on October 30th

noreply@blogger.com (siegex) — Tue, 28 Oct 2008 17:49:00 +0000

In Solidarity and Support: Wear RED to Refuse Silence About Violence Against Women Of Color

يوم 30 تشرين الأول/اكتوبر 2008 رح يكون يوم لرفض الصمت والسكوت على العنف والإساءة ل "النساء من العرق الملون/وومين اوف كولور" 0

اظهار الدعم والتضامن رح يكون عن طريق لبس اللون الأحمر في هادا اليوم

موقع حملة دوكيومنت ذي سايلانس

Global Pink Hijab Day -- October 29th 2008

noreply@blogger.com (siegex) — Sun, 26 Oct 2008 03:46:00 +0000

In Support of Breast Cancer Awareness Month

يوم التوعية بسرطان الثدي وحجاب المرأة المسلمة

يعتبر شهر أكتوبر هو شهر التوعية بالنسبة لسرطان الثدي، ولمزيد من نشر الوعي او التوعية بخصوص سرطان الثدي رح تلبس النساء والبنات اللي حابين يشاركوا في نشر التوعية حجاب لونو زهر في يوم 29 من شهر 10 (تشرين ألأول)، الفكرة كانت على أساس نضرب عصفورين بحجر أولا بالنسبة للمعارضين لحجاب المرأة المسلمة في دول العالم غير الإسلامية وتانيا زي ما حكيت عشان نشر التوعية بالنسبة لسرطان الثدي

بالنسبة لفكرة غلوبال بينك حجاب داي وبدايتها وغيرو من معلومات هيها موجودة باختصار في الصورة التالية

أما الموقع الرسمي للحملة فموجود على العنوان التالي: كليك هون

بين النظرية (خرافة/اسطورة) والحقيقة الفعلية:
جدير بالذكر أنو سرطان الثدي لا يقتصر على الإناث بس، فمثلا في الأردن تم تشخيص 10 ذكور بنفس المرض في عام 2005 بالرجوع الى جوردان ناشونال كانسر ريجستري

لمزيد من المعلومات والحقائق كليك هون

السؤال اللي بيطرح نفسو: ليه ما فيه غلوبال بيربيل حجاب داي؟

City of Hope -- 'Hope' for Abused Women in Dubai

noreply@blogger.com (siegex) — Wed, 08 Oct 2008 07:35:00 +0000

إعلانات توعوية -- الآثار المخفية الناتجة عن العنف ضد النساء

ضحايا العنف بشكل عام ما بيحكوا عن وضعهم - يمكن من باب الخجل من مرورهم بهيك تجارب حياتية - ويمكن لأنو الناس أصلا بطبيعتهم بيصدروا أحكام على الشخص سواء كان إلو أو ما إلو إيد باللي بيحصل معو في حياتو - وحتى لو حكوا عن أوضاعهم الا انو من الصعب انو نفهم المعاناة اللي مروا فيها والألم النفسي أو غيرو من الآلام اللي تركت أثر في على نفسياتهم وشخصياتهم

دبي - مدينة الأمل (سيتي اوف هوب) هي مؤسسة بتعمل على توفير الملجأ للنساء والأطفال المعنفين

المؤسسة أصدرت 3 اعلانات رائعة أو بالأحرى فكرة الاعلانات قوية من حيث انها بتوضح انو نتائج العنف مش شرط تكون ظاهرة للناظر او اللي ما مر بنفس التجربة بينما هي فعليا موجودة ولا يمكن إنكارها على الصعيد الداخلي (سواء كان النفسي أو الصحي) للمرأة المعنفة

الخط في الإعلانات زغير وشوية صعب قرائتو ازا كنت مارق عالسريع، عشان تشوف الصورة بحجم أكبر شوية كليك على الصورة

زي ما حكيت سابقا آثار العنف ممكن في أغلب الأحيان ما تكون ظاهرة على الضحية، والإعلانات التلاتة رسمت هاي الصورة بشكل دقيق وتأثير قوي جدا لإيصال الفكرة إياها

نص الإعلان: "أهداني هادا لما تقدملي/في ذكرى زواجنا/في عيد ميلادي"، وبالمقابل في نص تاني عند الكسر الموجود في العظم واللي يا دوب مبيّن بيحكي: "أهداني هذا بلا سبب يذكر على الإطلاق" وهادا للدلالة على انو العنف المنزلي بيصير بدون سبب وبالتالي الدلالة على انو العنف ما في اي عذر او سبب مقبول على الإطلاق لتبريرو والقبول فيه

He gave me this when he proposed.
He gave me this for nothing at all.
There’s no excuse for domestic violence. Talk to someone who cares. City of Hope.

He gave me this on our anniversary.
He gave me this for nothing at all.
There’s no excuse for domestic violence. Talk to someone who cares. City of Hope.

He gave me this for my birthday.
He gave me this for nothing at all.
There’s no excuse for domestic violence. Talk to someone who cares. City of Hope.

Advertising Agency: TBWA\RAAD Abu Dhabi, UAE
Creative Director: Martin Lever
Art Director / Illustrator: Sherif Galal
Copywriters: Martin Lever, Farrukh Naeem
Published: February 2008

اعلان توعوي تاني جميل جدا عن العنف ضد الأطفال

On Violence & Abuse

noreply@blogger.com (siegex) — Sun, 05 Oct 2008 08:07:00 +0000

عن العنف والإساءة

العنف ضد المرأة والإساءة إلها من الظواهر أو السلوكيات المنتشرة بشكل يومي ومتكرر في أنحاء العالم كلو

طالما جنس المولود "أنثى" معناتو على الأغلب الأعم رح تكون صادفت إما عنف أو إساءة وتمييز ضدها في مسيرة حياتها سواء كانت هاي الممارسات قليلة أو كتيرة، لأنو المرأة هي الحلقة الأضعف وتعتبر مخلوق من الدرجة التانية – حسب المفهوم المغلوط السائد - مقارنة بالرجل ودوره في الحياة

وبيتهيألي العنف والإساءة موجودة في مجتمعاتنا العربية اكتر من أي منطقة تانية في العالم لأنو كعرب في عنا عرف وعادات وثقافة بتحكي ب"وصاية" أو يعني "مسؤولية الرجل" على المرأة خاصة ازا كانت المرأة اللي بنحكي عنها هي الزوجة أو الأخت أو البنت، طبعا وصاية الرجل على المرأة أو مسؤوليتو عنها بتفرق كتير لما تكون من منطلق الدين الإسلامي - وعدلو وصيانتو للمرأه وكرامتها وحفظو الها - عن الوضع الحالي اللي هي عليه ومنطلقة منو واللي هو العرف والثقافة اللي إما انها اعراف وثقافات متخلفة اصلا، أو انو بينتج عن الفهم المغلوط الها إساءة استخدام لهاي الوصاية وبالتالي الإساءة الى الزوجة أو الأخت أو البنت وتبرير الإساءة على انها من باب الوصاية والمسؤولية

آخر دراسة في الأردن اشارت الى انو حالات العنف الاسري بتتوزع من حيث الشخص اللي بيمارس العنف كالتالي: 45% منها عن طريق الزوج و23% منها عن طريق الأب و16% منها عن طريق الأخ

هاد بالإضافة الى انو ما في عنا تبليغ (اخر دراستين هاي السنة اشارو انو 91% و97.5% على التوالي هي نسبة الحالات اللي ما بيتم فيها التبليغ او الاتصال بالجهات الأمنية) عن كل حالات الإساءة اللي بتحصل لأنو ثقافة التخلف وال"عيب" المنتشرة عنا بتضغط على المرأة بحيث انها ما تبلّغ خاصة عشان تحافظ على استقرار بيتها والجو النفسي الآمن والمستقر لولادها، وفيما لو بلّغت يمكن تنطرد على بيت أهلها اللي ما رح يتحملوها لوقت طويل (هاد ازا رضيو يستقبلوها اصلا) ويمكن تتطلق أو تنضرب لاحقا هاد طبعا ازا ما خلوها اهلها وبيت حماها ترجع تتنازل وتسحب البلاغ، عدا عن انو التبليغ عن الإساءات ممكن يؤدي لزيادة الوضع سوء لأنو السلطات الحكومية ما بتقدم مساعدة كافية في هيك مواقف... والأهم من كل هاد انو اصلا المرأة عنا بتتربى على هاي الثقافة المتخلفة وبتآمن فيها وما بتكون مدركة للإساءات المتتالية اللي بتحصللها وازا حصل وأدركت بتعتبر انها من الضروريات أو انها يعني من حق الرجل على زوجته انو يأدبها ومن حق الأخ على اختو كمان بنفس المعيار، اضافة الى مفهوم الستيرة الخاطىء الدارج في ثقافتنا

الإساءة للمرأة واستخدام العنف معها تعتبر جرائم في حق الإنسانية وانتهاك لحقوق الإنسان وما في عاقل على وجه الخليقة بينكر هالحكي

من ناحية التعريف أو التفريق بين العنف والإساءة، فالعنف مصطلح بيقوم على الإيذاء البدني، أما الإساءة فهي أشمل من العنف من حيث أنواع الإيذاء، والعنف بيدخل ضمن مفهوم الإساءة أو هو أحد أنواعها

الإساءة للمرأة من حيث نوعها ممكن تكون إيذاء نفسي، أو بدني (اللي هو العنف)، أو لفظي، أو جنسي، أو عاطفي أو حتى مادي / اقتصادي واسمحولي أضيف ذهني/عقلي (مينتال أبيوز) وديني، وممكن تكون اساءة مركبة بمعنى نوعين او اكتر من الاساءات اللي زكرتها سابقا

الإساءة للمرأة من حيث الجهات أو البيئات اللي بيتحصل فيها هاي الإساءات يمكن تقسيها إلى أربع أو خمس جهات رئيسية

فمثلا المحيط العائلي اللي بتعيش فيه المرأة سواء كان بيت أهلها أو بيت زوجها هو احد هاي الجهات وأولها، والملاحظ انو الإساءة اكثر ما بتكون ممارسة في هاي البيئة أو هاد المحيط وبتكون أكتر في إطار الحياة الزوجية (يعني في حالة إساءة الزوج لزوجتو وتعنيفها) مما بتكون فيما ازا كانت الأنثى أخت أو ابنة... وبالتالي فتأثيرها رح يكون أكبر خاصة ازا كانت ممارسات الإساءة بتحصل بشكل يومي.

أما الاحصائيات بشكل عام فبتشير إلى انو إمرأة من بين كل تلات نساء في العالم بتتعرض للإساءة (دوميستيك فايولينس) على الأقل مرة وحدة في حياتها يعني ما نسبته 33% تقريبا من الإساءات للنساء بتحصل في محيط العائلة!!

طبعا هاي النسبة في الحالات اللي بيتم التبليغ عنها، أما الحالات اللي ما بيحصل فيها تبليغ فما تعد ولا تحصي... 0

بعض الأمثلة اللي بتحصل في هاي البيئة: الإساءة النفسية والجسدية والجنسية للإناث في محيط الأسرة و"الأقرباء" - حتى لو كانوا من محارمها – زي الضرب والدفع والجر والرفس والعض والتهديد بالسلاح والإغتصاب والتحرش الجنسي وممارسة الجنس بشكل غير لائق والضرب والرمي والصفع والحرمان من الطعام والضرب بأداة حادة والتحقير والشتم والسب والتحقير

عدا عن سلب الأنثى حقها ورأيها في أشياء الشرع اعطاها الحق في انها تتخذ قرارها بنفسها فيها زي موضوع الزواج مثلا أو منع الالتحاق بالدراسة أو دراسة تخصص معين في الجامعة وما ننسى الزواج المبكر لدرجة انو في بنات بيتم تزويجهم بدون ما يكونوا عارفين ولاّ لما يكون عمرها بين 8 – 12 سنة وزوجها فوق السبعين سنة وفوق هيك ما الها رأي بالموضوع زي ما حصل مؤخرا في السعودية و اليمن

كمان حرمان الإناث من التعليم عشان اخوها يكمل دراستو مثلا، أو أحيانا هو حرمان لمجرد الحرمان بعد ما توصل لمرحلة معينة زي العاشر أو التوجيهي
وازا درست ووصلت للجامعة وانهت تعليمها وتخرجت بيجي دور الشغل اللي يا اما بتنمنع عنو او لازم تترجى اخوها عشان تشتغل وازا اشتغلت ممكن كل يومين تلاتة ييجي على بالو يمنعها عن الشغل وازا ما كانت حالة من هاي الحالات بتلاقي انو ابوها مش راضي يزوجها عشان يضل مستفيد من راتبها (عضل البنات) لأنو ازا تزوجت بيصير راتبها لزوجها!!!!!!!!!

ولا ازا كانت متزوجة وتطلقت!!!!!!!!! يعني رح تعيش حياة يمكن حياة الحيوانات ارحم من حياتها، عدا عن اللي رح يدايقوها بالحكي والنظر الها كمنبوذة سواء من أهلها الذكور ولا الستات في نفس عيلتها وكرههم الها بما انو حيصير في خوف تكون زوجة تانية وخطافة رجال لوحدة منهم

جرائم الشرف خاصة انها كترانة هالأيام ... فمن واحد طاخ اختو لواحد مغرقها في البحر الميت وبعدين حامل جثتها ورايح بنفسو عالمغفر يسلم الجثة - مفتخر بحالو الأخ- وهو بيحكي انو قاتلها عشان يطهر شرف العيلة، وواحد خانق اختو وواحد قاتل بنتو بصعقة كهربائية وواحد طاعنها بالسكينة ولا بأداة حادة أكتر من 10 مرات وواحد أطلق عليها اكتر من خمس رصاصات.. وقصص وأخبار بيقشعر بدن الواحد لما يسمعها

طبعا هاي الجرائم اللي بيتم فيها تثمين جسد الأنثى باعتباره "رمز" الشرف والعفة بيقابلها من ناحية تانية جرائم بيسترخص فيها الواحد جسد بنتو أو جسد قريبتو ليغتصبها أو يتحرش فيها جنسيا، حتى انو الدراسات بتبين انو جرائم الإغتصاب والتحرش الجنسي سبعين بالمية منها بتكون الضحية فيها بتعرف المجرم لأنو بيكون من قرايبها

عدا عن حالات (ما بدي احكي "اغتصاب" الزوجات، بس ما عندي كلمة بديلة حاليا، عشان هيك رح استخدمها نفسها) اغتصاب الزوجات تحت مسمى الزواج والدين في حين انو الدين بريء من هيك ممارسات سقيمة

وجرائم إجهاض الأجنة لما يكون الجنين انثى، زي في الهند كأوضح مثال خاصة انو بيتم اجهاض آلاف –ازا مش ملايين- الأجنة الإناث سنويا

ختان الإناث زي ما بيحصل في مصر تحت مسمى الدين أو أي مسمى آخر والدين بريء من هيك ممارسات براءة الذيب من دم يوسف

كمان بيسمحوا للولد يطلع من البيت ويضل طاشش ليل نهار لوقت ما بدو بدون قيد أو شرط بينما البنت يعني يا دوب للمغرب مع ألف مليون تشديد وتهديد ويا ويلها ازا تأخرت ربع ساعة عن الموعد المحدد

غير عن الخدمة اليومية في البيت وخدمة الأخوة الذكور بشكل خاص وكأنها ما وراها الا انها تسهر عليهم وعلى متابعة امورهم وتلبية طلباتهم ليل نهار

عدا عن مرمطة نساء كتااااار بين بيت الزوج والأهل ف هاد بيطردها لعند أهلها وأهلها ازا استقبلوها مع انها مش هي الغلطانة بيسمعوها كلام في العظم وبيخلوها ترجع لبيت زوجها مكسورة الخاطر وفوق غلبها عند زوجها بتحمل غلب أهلها وتثاقلهم من وجودها عندهم كم يوم وبتصير تسكت عن ظلم الزوج عشانها عارفة انو اهلها ما رح يتحملوها ولا رح يساعدوها، وفوق هاي الإساءات كلها ما بيطلعلها لا تشكي ولا تحكي عن اساءة ولا تحرش ولا ضرب وازا شكت بتلاقي الكل بيلومها وبيضغط عليها عشان تتنازل عن حقها وكلو تحت مفهوم ثقافة العيب والسترة وانو غلب وستيرة ولا غلب وفضيحة ومن هالحكي اللي بيقهر وبيسطح فوق القهر الناتج عن الإساءة الأولية نفسها...0

والولاد... يوم ما يكونوا مناح بيكونوا ولاد أبوهم طبعا لأنو هر اللي عرف كيف يربيهم، ولاّ لمين بدهم يكونوا مناح يعني؟معقول مش لأبوهم؟

ويوم ما يعملوا مشكلة بيكونوا ولاد امهم وتربايتها وبينضربوا وبتنضرب أمهم ومنيح ازا ما بتروّح يومها لبيت أهلها مطرودة بساعة من الساعات الحالكة السواد واللي ما بيعلم فيها غير ربنا

في عندك كمان الوضع الإقتصادي وايكونوميكال أبيوز.. الزوج بيكون محتكر راتبو وبيحاسب مرتو عالتعريفة وين صرفتها بينما هو نازل يصرف ليل نهار على دخان وسجاير و"سم هاري" وكل ما يطلع موبايل جديد بيجيب لحالو من آخر موديل نازل بينما هي لو بدها اشي اضطرتها الضرورةالو سواء الها أو للبيت بيحكيلها معيش مصاري!!!! من وين بدي ألحّق!!! لسة قبل 5 شهور اشتريتي "فستان" ولا "طنجرة" ولا غيرو من لوازم البيت و الأولاد!!!!

على كل حال مليان مصايب واساءات للمرأة واكتر هاي الإساءات بتحصل في محيط العائلة وداخل المنزل نفسو وعشان هيك بتكون عادة أصعب الإساءات من حيث انو الها أثر كبير وكتير سلبي على المرأة ونفسيتها لأنها ممكن تكون بتواجه هاي الإساءات بشكل يومي ومتكرر باستمرار

من الإساءات اللي بعتبر انهابتحصل للنساء بمحيط الأسرة هو تعدد الزوجات (خاصة في الحالات اللي بيكون حكم الشرع فيها للزواج بامرأة تانية حرام أو مكروه – يعني الحالات اللي لازم يكتفي فيها الرجل بزوجة واحدة) في حالة عدم قدرتو على الانفاق على اسرة وحدة ويا دوب يكون وضعهم داحل او قريب من داحل، هون من ناحية الإساءة للمرأة حصلت من الزوج خاصة ازا كانت المرأة مش مقصرة من ناحيتها اتجاهو واتجاه واجباتها نحوو

من ناحية تانية هاي الإساءة بتحص من ناحية الدولة والقانون لأنو بتلاقي الدولة ما عندها سياسة متابعة للموضوع ومخاطرو وآثارو السلبية على المرأة الأولى والثانية وبالتالي على الأسرة الأولى والثانية طالما انو المرأة هي المتابعة الأولى لأمور الأسرة والبيت الأولاد وهي المعنية فيهم في غياب الزوج واهمالو الهم، ولاّ لما يكون الزوج أصلا أبيوسيف هازباند ويروح يتزوج كمان مرة ومرتين وتلاتة!! هاد الزوج ازا الأسرة الأولى مش ماشي حالهم معو كيف بدو يكون مؤهل ليصير عندو زوجة تانية واسرة تانية؟؟ وليه ينسمحلوا يتزوج من اكتر من وحدة فوق مهو يسيء الى الأولى؟ يعني اساءتو لإمرأة وحدة (عدا عن اولادها) ما بيكفي؟؟

نيجي للبيئة التانية اللي بتحصل فيها اساءات للمرأة، وهي الجماعة أو مجموعة الناس (كوميونيتي) اللي بتعيش فيهاالمرأة أو بتنتمي إلها، يعني بالعربي الثقافة السائدة والوضع المعيشي والإقتصادي في بيئة معينة بتنتمي إلها المرأة أو بتعيش فيها، يليها كبيئة تالتة المجتمع، او المحيط المجتمعي (سوساييتي) وثقافتو السائدة وبالتالي المنتشرة ما بين أفرادو، وثقافة المجتمع عادة ممكن تعمل على تغيير ثقافة الكوميونيتي من خلال نشر الوعي مثلا أو حتى مجرد تعزيز أو نبذ الأفكار الموجودة في البيئة المعنية حسب طبيعة الأفكار وايجابيتها أو سلبيتها

وعلى الأغلب كلما تدنى مستوى الكوميونيتي ماديا كلما أدى إلى تخلف أفكارو بشكل أكبر خاصة ازا كانت بيئة فقيرة وما فيها تعليم، طبعا هاد هو الإعتقاد السائد في أذهاننا.. إلا انو الدراسات أثبتت انو الإساءة للمرأة بتحصل في كل الطبقات الإجتماعية والمجتمعية وحتى الطبقات اللي منتشر فيها التعليم بيحصل فيها اساءة للمرأة بمعزل عن الأصول والأعراق والثقافة والظروف الإقتصادية والإجتماعية ووو

باختصار الموضوع موضوع تربية وعادات مكتسبة وثقافة سائدة بتعزز ممارسة العنف ضد المرأة خاصة إنو الأم بتربي بنتها على نفس الأشياء اللي تربت عليها، فبتطفسها وبتريح الولد وبتعزز ثقة زائفة وزايدة عن حدها في نفسو وعادة بتكون على حساب اختو، والأب كمان على نفس المنوال بيربي أولادو على نفس ما تربى هو سابقا

ولو تطلعنا لورا شوية على جدودنا بنلاقي اننا تربينا على نفس الطريقة اللي تربو عليها أو يعني عشان أكون اكتر دقة بالحكي.. ما بنلاقي –للأسف- انو في فرق بين الأب وابنو من ناحية الثقافة والأفكار المغلوطة السائدة عن المرأة واهليتها ووو... حتى بين الجد وحفيدو كمان بتلاقي نفس الوضع للأسف ومابتلاقي انو في فرق ينزكر

الإساءة للمرأة خارج بيتها بتبدأ من لحظة ما تطلع من البيت، عندك التحرش اللفظي والجنسي والإغتصاب في الطريق والشارع والمواصلات والتحرش والتخويف والتهديد والإغتصاب في مؤسسات العمل والجامعات والمؤسسات الحكومية والخاصة ومراكز العمل الحكومية والخاصة

الإساءة للمرأة عن طريق اقصاء النساء عن مراكز السلطة أو المراكز المهمة في اطار العمل، ف بيعطوها أدوار هامشية وروتينية في حين المراكز المرموقة والمهمة عادة بيحتفظوا فيها ل "رجل" عادة بيكون مش فاهم الخمسة من الطمسة بس المهم انو "ذكر"، وللأسف هاي الإساءة موجودة في جميع انحاء العالم مش بس في الدول العربية او الإسلامية

يعني حتى اميركا كمان فيها اقصاء للنساء عن مراكز السلطة والنفوذ، وكلو بيرجع لثقافة متخلفة بس متأصلة في النفوس ويمكن اغلبها بيتمحور في انو اللنساء أقل قدرة من الرجال على المهام الإدارية والمراكز العليا والمرموقة زي مراكز السلطة والنفوذ

مشاكل الطلاق اللي بتضل سنين في المحاكم والزوجة لا هي معلقة ولا هي مطلقة، ولا نفقة ولا ما يحزنون، وازا طلعلها نفقة بتطلع بالتقسيط عدا عن مماطلة طليقها في دفع النفقة، مسؤولية مين هاي القضايا وهدول النساء؟؟ ليه المحاكم بتمطمط هيك قضايا مع انو الأولى حلها والبت فيها بأسرع ما يمكن لأنها رابطة حياة اعدد كبير جدا من النساء!!

كمان من الأمثلة على الإساءات للمرأة، وبنشوفها وبنسمع عنها كتيييير، بتحصل في الإعلام المرئي، ولا زالت الإساءات مستمرة...

زي مثلا انو المذيعة ما تكون محجبة و"فتاة" النشرة الجوية "مش عارفة كيف" لازم يكون منظرها ولبسها وبودي وتايت وأواعي ازا بدنا نوصف البنت اللي لابسيتها بنصفها بأنها كاسية عارية، وبعدين ازا بلّشت هيك على شروطهم وبعدين ربنا هداها للبنت وتحجبت بيروحوا بينقلوها على مؤسسة تانية زي الإذاعة كخيار بديل عن الشاشة المرئية، وبدل ما تكون البرامج الموجهة للمرأة على شاشة التلفزيون برامج طبخ وموضة وبرامج حوارية تافهة ما الها معنى ولا فائدة با ريت لو تكون في برامج هادفة بتعمل على توعية المرأة بحقوقها وبناء تعزيز ثقتها بنفسها كانسان مؤهل الو حق كامل في الحياة بكرامة وعزة نفس تماما زيها زي الرجل شريك حياتها حتى يكون عندها القدرة على تربية جيل واعي ومسؤول وقادر على البناء ومواكبة العصر

الجهة الرابعة واللي هي الجهة المسؤولة بشكل رئيسي سواء كان مباشر أو غير مباشر عن الإساءة للمرأة ضمن حدودها اللي هي الدولة أو اللي بيمثلوها من مجلس الشعب والنواب والأعيان وغيرو من مسؤولين، لأنو المسؤول مسؤول عن الأشياء اللي بيعملها تماما بنفس المقدار والمسؤولية عن الأشياء اللي ما بيعملها

وحتى المسؤولية أكبر عليه من ناحية الأشياء اللي ما بيعملها خاصة في هيك قضية لأنو معروف إنو تغيير ثقافة بلد بدها عقود من الزمن على أقل تقدير فما بالنا لما ينترك الموضوع – سبهللا وعلى الغارب- بدون ما تكون في محاولات جادة وقرارات حازمة وايجابية واصرار على التغيير للأحسن لعقود طويلة؟!! يعني مش رح نكون زي "مكانك سر" حتى! هاد طبعا ازا ما صرنا احنا نرجع لورا والناس تتقدم عنا بخطوات كبيرة وقفزات هائلة للأمام!

أما الأمثلة على الإساءات اللي بتحصل للنساء وتعتبر من ضمن مسؤولية الدولة ف بتبدأ من لحظة ما ينعرف انو الجنين انثى، وبتستمر على طولة مسيرة حياتها – فيما ازا ما تم اجهاضها

بأي ذنب قُتلت؟

PHOTO BY LUNAR

وطالما سيرة وانفتحت خلينا نبدا من عندها – الإجهاض... امرأة تتنكر لجنسها وبتجهض جنين في بطنها لمجرد انو انثى؟؟!! يعني بالله كيف المفروض احس لما اسمع هيك خبر؟!!! عدا عن حالة غضب وقهر واحباط كبير يكفي في هيك حالة قول الله تعالى: "واذا الموؤودة سئلت، بأي ذنب قتلت"

مشكلة سكوت الدولة وتغاضيها عن المشاكل اللي بتحصل بين الرجل وزوجته، يعني مرة قرأت انو في دول عربية قانونها ما بيسمح بالتدخل فيما بين الرجل وزوجته حتى لو ضربها على أساس انو هادا من الدين وانو الو حق يضربها وكتير من هالحكي اللي مليان تشويه للدين الإسلامي ونصوصه فيما بين التطبيق الصحيح والتطبيق الملتوي

العنف والظلم الكبير والواضح اللي ورا جرائم "عدم الشرف" واللي بيدعم الذكر في حالة قتل اختو او زوجتو مع انو ما ثبت انو فعلا البنت عملت اشي بيخل بالشرف حتى لو في 20% من هاي الجرائم المشينة، زي المادة 340 من قانون العقوبات الأردني، أو بالأحرى المادة 98 (ازا انا مش غلطانة برقم المادة) لأنو هاي هي المادة اللي بتعطي العذر المخفف في حالة ثورة الغضب... وبينما العذر مخفف جدا للرجل في هيك جرائم، القانون مااعطى المرأة بالمقابل نفس هادا الحق ولا حتى خمسو، طبعا عدى عن انو ممكن تنقتل البنت لأي سبب ما الو دخل بشرف العيلة بي المهم بدهم يخلصوا من هالبنت يمكن عشان ميراث ويمكن عشانها اصبحت مطلقة أو غيرها من الأسباب الواهية

كمان مثلا التحرش الجنسي وجرائم الإغتصاب، المفروض العقوبة تكون رادعة لمرتكب هيك جرائم، أما السجن كم يوم وبعدها يطلع المجرم يتحرش في بنات الناس من أول وجديد ف هاد حال ما بيرضي لا عدو ولا صديق، هاد أصلا ازا تم اثبات تهمة التحرش ضد المجرم وتسجيلها على انها جريمة، ناهيك طبعا عن قلة الإهتمام بخطورة هاد الموضوع وأهمية معالجة أسبابو ونتائجو

التحرش الجنسي -- حتى باللفظ "اورال هاراسمينتس" لازم يتاخد كموضوع جدي وما لازم يتم التعامل فيه بتهاون فيما ازا حصل تبليغ عن هيك حالات، أما البداية لحل هيك موضوع او يعني للتخلص منو ف بيتهيألي المفروض تكون عن طريق نشر التوعية الملائمة حتى يدرك الذكور ويستوعبو إنو أقل كلمة كتعليق على أنثى بتتصنف فعليا كتحرش جنسي

عدا عن خبر بيثير الإشمئزاز في النفس كنت سمعتو عن قاضي "روسي" (ازا انا مش غلطانة في البلد) حكم في قضية بانو لا بأس بالتحرش الجنسي بالنساء في إطار العمل ومش فاكرة بشو علل الحكم بس بتزكر انو بيتصنف ضمن ما يقال عنو "عذر أقبح من ذنب" 0

برأيي تعتبر الدولة مسؤولة عن السماح بحالات إجهاض الأجنة في حالة ازا كان الجنين أنثى، يعني لو كانت امرأة حامل وواحد بالشارع صدمها ولا خبط فيها ونزلت الجنين وراحت رفعت عليه قضية مش رح تنحسب على الجاني قتل نفس؟ شمعنى حالة قتل الننفس عن طريق الإجهاض بتتغاضى عنها الدول؟؟ والأسوأ انو في بلدان بتدعم اجهاض الأجنة "الإناث" وبتدعو الو!!!!!!

الحالات اللي ما بيسمحوا فيها للنساء بالوصول لمراكز "السلطة" ومراكز اتخاذ القرار، انو يعني عادة بيعطوا النساء دور هامشي بينما الأدوار المرموقة والمراكز المسؤولة بيحتفظوا فيها للرجال، لأنو كل هاي الإساءات بتحصل بسبب الثقافة الرجعية والفكر المتخلف عن المرأة، وانك تغير ثقافة شعب هاد اشي مستحيل يحصل منو لحالو، ولا حتى بنشر التوعية، لأنو الثقافة المتأصلة في النفوس رح تقاوم التوعية بشكل لا ارداي، وحتى لوكان في أمل يحصل فما رح يتم بين ليلة وضحاها ولا في عشرين سنة حتى

ف يعني الموضوع بدو قرارات جاية من فوق ودعم كبير واصرار على تقدم المرأة مع الرجل سايد باي سايد، وحتى لو هاد حصل ودعمتها الدولة ف الثقافة رح تقاوم هاي القارارات لأنو نوعا ما موضوع خارج عن السيطرة السليمة، لأنها لو كانت سيطرة سليمة كان ما خلّت الثقافة السقيمة تعشش في فكر ونفوس أصحابها لبتناقلوها من جيل لجيل على مر الزمن

هاد بالإضافة الى المثال الأهم والدور الكبير للدولة ومؤسساتها في تغيير الثقافة المتخلفة المنتشرة بين أفراد المجتمع بشكل عام، واللي بيتمثل في حملات التوعية بوسائل الإعلام المرئية والمسموعة والمكتوبة بما يتناسب – من حيث الكم والنوع- مع مستوى التخلف المنتشر على مستوى البيئات والأفراد في مجتمع معين ضمن حدود الدولة واللي للأسف واضح للعيان قلة هاي الحملات وعدم انتشارها وتوغلها بشكل مؤثر وفعال للتغيير للأحسن

يعني أقل اشي وين دور الإعلام المرئي؟؟ مهو شعوبنا معروف عنها انها عالتلفزيون ليل نهار وما بتقرأ ولا على بالها والتلفزيون كل شوية بيقطعوا البرامج والمسلسلات السخيفة اللي بتنبث بدعايات ف ليه ما يبثوا "دعايات" توعوية لتغيير الثقافة المتخلفة المنتشرة عن المرأة ودورها في المجتمع وفي الحياة؟؟ مهو كلو بث لأشياء سخيفة وأشياء أسخف ف ليه ما يكون في اشي منيح وايجابي عن المرأة لينبث للمشاهد؟؟ ما انتو باثين باثين فحطوا اشي منيح مرة باليوم مش رح يوخد دقيقتين من وقت البرامج التانية!!

جهة اخرى بيتم من خلالها الإساءة للمرأة بشكل كبير اللي هي الإطار العام الدولي زي لما تصير حروب أو في حالات الهجرة وأشباه هاي الحالات زي الإعتداء على النساء وحالات الإغتصاب في ظل الحروب والخلافات اللي بتحصل في العالم، طبعا غير الدعارة القسرية والبيع والتحرش الجنسي والإساءة الجنسية والتخويف والتهديد والرق وحالات الهجرة أو اللجوء وما شابه

كمان عنا جهة تانية (بس بشكل غير رسمي) بتمارس العنف أو الإساءة بشكل فردي، يعني زي أفراد معينين من المجتمع بس بشكل فردي - أو ممكن يكون بشكل عام نظرا لثقافة متخلفة منتشرة بين أفراد المجتمع- في حالة المعايير المزدوجة واللي للأسف موجودة بشكل كبير جدا في مجتمعاتنا العربية او على الأقل المجتمع الأردني زي ما شفت، يعني مثلا زي مرتكبين جرائم الاغتصاب والتحرش الجنسي، أو بلاش.. اللي بدو يصاحب ويتسلّى مع البنات... بتلاقيه من ناحية شرف عيلتو وأهلو غالي عليه ولو سمع أقل خبر عن أختو على طول مستعد بيطخها عشان "يطهر" شرف العيلة اللي اصلا ما تم تدنيسه

بس من ناحية تانية بنات الناس إشي تانية بالنسبة إلو ازا اجى على بالو يسترخصهم ولا يتحرش فيهم ولا يدايقهم بيعطي نفسو الحق الكامل لهيك إساءات، عدى عن أنو بيبيح لنفسو مع بنات الناس أشياء لا بيقبلها ولا بيبيحها لأختو أو أمو أو أي وحدة من عيلتو، وفي حين إنو ممكن يسترخص لنفسو ويبيحلها جسد إمرأة من بنات الناس لإغتصابها ازا سوّلتلو نفسو بيكون بنفس الوقت بيثمّن شرف عيلتو وما بيقبل إنو تمسو أي شائبة.. هاد اللي بيدنس شرف عيلتو نفسها وشرف عيلات تانية لا من العقل ولا من المنطق انو يكون هو نفسو اللي رح يطهر شرف عيلتو بقتل اختو فيما ازا سمع عنها اشاعة طالعو ولا نازل لأنو هو نفسو عديم شرف وعديم أخلاق!

وبتضل جهة أخيرة بيتهيألي كمان انها مسؤولة بشكل أو بآخر عن الإساءة للمرأة -- اللي هي المرأة نفسها

No Voice = No Human Rights

لأنو في أحيان كتيرة بتلاقي انو المرأة بتمارس الإساءة للمرأة عن طريق تربية بناتها واولادها على قيم متخلفة وعادات جاهلية وبتنقلها لجيل أولادها وبناتها سواء كانت واعية أو غير واعية لهيك ثقافة متخلفة

ومن ناحية تانية المرأة في العادة ما عندها ثقة في كفاءة امرأة تانية بتأدي وظيفة معينة في الحياة، فبتلاقي النساء في أغلب الأحيان بيعيقوا في بعض أو بيحاولوا يعيقوا امرأة معينة عن التقدم، او مثلا بيفضلوا استشارة رجل في وظيفة معينة على استشارة امرأة بنفس الوظيفة، يعني المرأة نفسها بتحط من قدر المرأة بشكل عام

ومن ناحية تالتة بعض النساء بتقبل إساءة الآخرين الها وبتسمحلهم يحطوا من قدرها وبالتالي من قدر جنس النساء بشكل عام، يعني زي المرأة لما تقبل الإساءة والتعامل معها كبني آدم من الدرجة التانية، هاد من ناحية المعاملة كبني آدمين لازم ترفض هيك معيار في التعامل

ومن ناحية تانية في عنا الإساءة في التعامل مع المرأة من ناحية اعتبارها سلعة أو ما شابه، يعني ليه الرقاصة بتقبل تشتغل رقاصة؟ وليه عارضة الأزياء بتقبل تشتغل عارضة أزياء؟ والمذيعة ليه بتقبل تشتغل مذيعة؟ والمضيفة؟ وفتاة الإعلانات/الدعايات؟

ولا القنوات السخيفة اللي المهم تكون في وحدة عالشاشة تتلقى التلفونات وتتغنج بالحكي ومن هالميمعة؟؟؟ الحرة تجوع ولا تأكل بثدييها!! وحتى إساءات اقل من هيك ما لازم تقبلها ولا تسكت عنها بأي حال من الأحوال... لأنو الناس بتحترمك على قدر احترامك لنفسك، فازا بتسمحلهم انهم يتجاوزوا خط الإحترام معناتوا هات تلقى اساءات وحوش عن نفسك "كرات" بتنرمي من كل صوب وحدب...

والنقطة التانية المرتبطة بهاي الفكرة اللي هي مسؤولية المرأة في رفض اساءة الآخرين الها زي ما حكيت سابقا، ومن ناحية تانية انها ما لازم تسكت على الإساءة ولازم ترفضها وما تقبل فيها ولازم تطالب بحقها بالمقابل، وبالتالي لازم تكون واعية وعارفة حقوقها واللي الها واللي عليها لأنو ازا انتي ما بتسألي عن حقك غيرك ما رح يسأل عنو، وزي ما بيحكوا: الحقوق تؤخذ ولا تعطى.. خاصة ازا كان الحكي والأخد والعطى مش نابع من منطلق ديني.. وإلا لو كان المنطلق هو منطلق ديني لكان اعطاء الناس حقوقهم قبل ما تطالب بحقك عليهم أولى.. وبالتالي الزلمة اللي بدو يطالب بحقو على زوجتو لازم يعطيها حقها قبل اي اشي

بتضل النقطة الأخيرة اللي على بالي حاليا وهي انو ما في حدى أدرى من المرأة بقضيتها، وعلى رأي الشاعر: ما جك جلدك مثل ظفرك.. فتولّ أنت جميع أمرك
عشان هيك ازا في حدى رح يجيب للمرأة حقوقها ويعرف كيف يوصل قضيتها فمش رح يكون رجل ومش رح ينجح في حل تعقيدات هيك قضية الا ازا كان امرأة، ومش أي امرأة بتقدر على هالحكي... لانو بيتهيألي المشوار طويل والرحلة شاقة وصعبة...

ازا الدولة ما كان عندها عزم واصرار على النهوض بالمرأة بصفتها نص المجتمع، وهي النص اللي بيربي النصف التاني وبالتالي عمار المجتمع واعدادو اعداد سليم بيبدأ من عند المرأة وكفاءتها ووعيها واعدادها اعدا سليم معناتو مل في اشي رح يتغيّر والوضع رح يضل زي ما هو عليه حاليا في بلادنا ومجتمعنا العربي -- لونغ ليف فايوليشينز

بجميع الأحوال، الله المستعان

October Awareness -- Purple and Pink

noreply@blogger.com (siegex) — Wed, 01 Oct 2008 05:47:00 +0000

Domestic Violence Awareness Month

Breast Cancer Awareness Month

مش عارفة ليش محددين شهر عشرة للتوعية بموضوعين مختلفين

اوكي التوعية بخصوص موضوع البريست كانسر مهمة جدا ما بنختلف، بس اعتقد انو التوعية عن موضوع دمويستيك فايولينس/العنف المنزلي اهم بكتير

أو خليني احط الفكرة بطريقة تانية

التوعية بموضوع بريست كانسر في شهر عشرة صارت بتغطي على التوعية بقضية العنف المنزلي

وصار شهر عشرة بيمر وكل اللي بسمعو فيه بيكون عن بريست كانسر

وفي الوقت اللي اللون الزهر معبي الدنيا والنت والتلفزيون، وكل الايميلات اللي بتوصلني عن سرطان الثدي

بالمقابل يا دوب اشوف اللون البنفسجي/بيربل وما بيوصلني ولا ايميل بخصوص دوميستيك فايولينس

حتى الياهو لما ندوّر علن بريست كانسر بتصير الواجهة بينك، بس لما ندور عن اللعنف المنزلي بيضل لون الواجهة نفسو

هاد مع انو الاحصائيات بتشير الى انو ضحايا العنف المنزلي من النساء اكتر من ضحايا حالات البريست كانسر/سرطان الثدي

وعدد الحالات اللي بتموت فيها النساء نتيجة سرطان الثدي اقل منها في حالات العنف المنزلي

يعني كان بامكانهم يختاروا أي شهر غير شهر التوعية بقضايا العنف المنزلي ويعملوه للتوعية بسرطان الثدي، ولا لأ؟

الا ازا كان الموضوع الو علاقة بأحداث تاريخية ما عندي علم فيها، ف هاد اشي تاني

Happy Eid

noreply@blogger.com (siegex) — Mon, 29 Sep 2008 21:00:00 +0000

Ramadan Kareem

noreply@blogger.com (siegex) — Sun, 31 Aug 2008 21:00:00 +0000

شهــــر رمضـــــان

كــــل عــــام وأنتــــم بخيــــر

شهر رمضان شهر كريم ، ورد ذكره في القرآن، وخصه الله سبحانه وتعالى بعبادة عظيمة القدر، عظيمة الأجر، فيها ليلة عظيمة شريفة، نزل فيها أشرف الملائكة على أشرف الخلق بأشرف كتاب: قال الله سبحانه وتعالى: (إنّا أنزلناه في ليلة القدر، وما أدراك ما ليلة القدر، ليلة القدر خير من ألف شهر، تنزّل الملائكة والروح فيها بإذن ربهم من كل أمر، سلامٌ هي حتّى مطلع الفجر)

شهر رمضان، شهر القرآن، شهر الصيام: قال الله تعالى(شهر رمضان الذي أنزل فيه القرآن هدى للناس وبينّات من الهدى والفرقان فمن شهد منكم الشهر فليصمه)

إنّ مقدار الأجر الذي قد يفوت الإنسان من ترك صيام هذا الشهر كبير ، ففي الحديث القدسي قال الله سبحانه وتعالى (كُلُّ عَمَلِ ابْنِ آدَمَ لَهُ إِلاَّ الصِّيَامَ فَإِنَّهُ لِي وَأَنَا أَجْزِي بِهِ، وَالصِّيَامُ جُنَّةٌ، وَإِذَا كَانَ يَوْمُ صَوْمِ أَحَدِكُمْ فَلاَ يَرْفُثْ وَلاَ يَصْخَبْ، فَإِنْ سَابَّهُ أَحَدٌ أَوْ قَاتَلَهُ فَلْيَقُلْ إِنِّي امْرُؤٌ صَائِمٌ، وَالَّذِي نَفْسُ مُحَمَّدٍ بِيَدِهِ، لَخُلُوفُ فَمِ الصَّائِمِ أَطْيَبُ عِنْدَ اللَّهِ مِنْ رِيحِ الْمِسْكِ، لِلصَّائِمِ فَرْحَتَانِ يَفْرَحُهُمَا:إِذَا أَفْطَرَ فَرِحَ، وَإِذَا لَقِيَ رَبَّهُ فَرِحَ بِصَوْمِهِ).متفق عليه.

في هذا الشهر يمن الله على عباده بأسر ألدّ أعدائه له، الشيطان، فيصبح العبد مقبلاً على طاعة ربه من غير صادٍّ يمنعه عن الخير غير النفس الأمّارة بالسوء، فإن زكّى هذه النفس فقد أفلح وأنجح، ومن أتبعها شهواته فقد خاب وخسر. فعن أبي هُرَيْرَةَ رضي الله عنه يَقُولُ: قَالَ رَسُولُ اللَّهِ صلى الله عليه وسلم :(إِذَا دَخَلَ رَمَضَانُ فُتِّحَتْ أَبْوَابُ الْجَنَّةِ وَغُلِّقَتْ أَبْوَابُ جَهَنَّمَ وَسُلْسِلَتِ الشَّيَاطِينُ)رواه البخاري ومسلم.

ومع تسهيل الربّ عزّ وجلّ لنا سبل الطاعات، نرى أن الرسول صلى الله عليه وسلم يرغبّنا في الإكثار من الباقيات الصالحات بقوله وفعله، فكما ورد في صحيح البخاري فيما يرويه عنه حبر هذه الأمة وابن عمّه: ابن عباس رضي الله عنه فيقول :(كَانَ رَسُولُ اللَّهِ صلى الله عليه وسلم أَجْوَدَ النَّاسِ، وَكَانَ أَجْوَدُ مَا يَكُونُ فِي رَمَضَانَ حِينَ يَلْقَاهُ جِبْرِيلُ، وَكَانَ يَلْقَاهُ فِي كُلِّ لَيْلَةٍ مِنْ رَمَضَانَ فَيُدَارِسُهُ الْقُرْآنَ، فَلَرَسُولُ اللَّهِ صلى الله عليه وسلم أَجْوَدُ بِالْخَيْرِ مِنَ الرِّيحِ الْمُرْسَلَةِ)

أخي المسلم، يبعث الله في أول ليلة من هذا الشهر المبارك منادياً ينادي ويرشد إلى ما يحبّه الله ويرضاه كما جاء في الترمذي عَنْ أَبِي هُرَيْرَةَ رضي الله عنه قَالَ: قَالَ رَسُولُ اللَّهِ صلى الله عليه وسلم:(إِذَا كَانَ أَوَّلُ لَيْلَةٍ مِنْ شَهْرِ رَمَضَانَ صُفِّدَتِ الشَّيَاطِينُ وَمَرَدَةُ الْجِنِّ، وَغُلِّقَتْ أَبْوَابُ النَّارِ، فَلَمْ يُفْتَحْ مِنْهَا بَابٌ، وَفُتِّحَتْ أَبْوَابُ الْجَنَّةِ فَلَمْ يُغْلَقْ مِنْهَا بَابٌ، وَيُنَادِي مُنَادٍ: يَا بَاغِيَ الْخَيْرِ أَقْبِلْ، وَيَا بَاغِيَ الشَّرِّ أَقْصِرْ . وَلِلَّهِ عُتَقَاءُ مِنَ النَّارِ، وَذَلكَ كُلُّ لَيْلَةٍ)

ولا يسعنا إلا أن نذكّر الأخوة أن الكرام أن أحد أبواب الجنة الثمانية قد خصه الله بالصائمين فقط لا يدخله غيرهم. فعَنْ سَهْلِ بْنِ سَعْدٍ رضي الله عنه عَنِ النَّبِيِّ صلى الله عليه وسلمقَالَ (فِي الْجَنَّةِ ثَمَانِيَةُ أَبْوَابٍ، فِيهَا بَابٌ يُسَمَّى الرَّيَّانَ، لاَ يَدْخُلُهُ إِلاَّ الصَّائِمُونَ)رواه البخاري.

وأنهي هذه الكلمة بذكر ثلاث غنائم قد خصها الله تعالى لطائفة من الناس في هذا الشهر الكريم، هذه الطائفة قد بينّها لنا رسول الله صلى الله عليه وسلم في أحاديث ثلاثة متفقٌ على صحتها فقد رواها البخاري ومسلم في صحيحهما:

فعَنْ أَبِي هُرَيْرَةَ رضي الله عنه قَالَ: قَالَ رَسُولُ اللَّهِ صلى الله عليه وسلم:( مَنْ صَامَ رَمَضَانَ إِيمَانًا وَاحْتِسَابًا غُفِرَ لَهُ مَا تَقَدَّمَ مِنْ ذَنْبِهِ)

وعنه أيضاً أَنَّ رَسُولَ اللَّهِ صلى الله عليه وسلم قَالَ ( مَنْ قَامَ رَمَضَانَ إِيمَانًا وَاحْتِسَابًا غُفِرَ لَهُ مَا تَقَدَّمَ مِنْ ذَنْبِهِ)

وأخيراً عنه أيضاً قَالَ: قَالَ رَسُولُ اللَّهِ صلى الله عليه وسلم :(مَنْ يَقُمْ لَيْلَةَ الْقَدْرِ إِيمَانًا وَاحْتِسَابًا، غُفِرَ لَهُ مَا تَقَدَّمَ مِنْ ذَنْبِهِ)

فهذه الطائفة هي من صام أو قام رمضان أو قام ليلة القدر إيماناً بالله مخلصاً له العمل والنية، واحتساباً للأجر عند الله بهذا العمل. هذه الطائفة هي التي تغنم بغفران ما سبق لها من المعاصي والذنوب في الماضي فيخرج المؤمن المحتسب من رمضان كحال المولود الجديد في هذه الدنيا.

وصلّى الله على سيدنا محمد وعلى آله وصحبه وسلم،

وسبحانك اللهم وبحمدك أشهد أن لا إله إلا أنت أستغفرك وأتوب إليك

*منقــــول

August 26th -- Women's Equality Day

noreply@blogger.com (siegex) — Tue, 26 Aug 2008 06:26:00 +0000

Equality does not mean that women are the same as men, but it does mean that they are not inferior.

Some Poetry

noreply@blogger.com (siegex) — Wed, 20 Aug 2008 12:21:00 +0000

ردينة الفيلالي: راهبات الشرق

ولدت ردينة مصطفى الفيلالي الأدبية في طرابلس الغرب في 26/9/1981، ونالت إجازة في الأدب الإنكليزي وبكالوريوس في العلوم السياسية.
تنقلت من بلد إلى بلد مع والدها مصطفى الفيلالي الذي شغل مناصب دبلوماسية كثيرة على مدى 53 عاما.
والدتها لمعان أحمد بن بيه كريمة الشيخ أحمد بن بيه أحد رموز الثورة الثقافية في مدينة طرابلس.

ما تزال ردينة في بداية الطريق لكنها برزت إعلاميا على صعيد الأدب ربما بسبب الوسائد والشراشف والتي سأضعها لاحقا

عن السي دي المصاحب لديوان الشاعرة ردينه مصطفى الفيلالي بعثت لي صديقتي بقصيدتين*

القصيدة الأولى: راهبات الشرق

راهبات الشرق بصوت الشاعرة ردينة

القصيدة الثانية: وسائد وشراشيف

مشغول بأي شيء مشغول

وعطرها يفوح منك كأريج الحقول

فاجأتك أم أني أبكرت الوصول

لتضع يدك على الباب وتمنعني الدخول

لملم كلماتك أيها العابث المسطول

أحمرها في شفتيك على وجهك المبلول

وأزرار قميصك منزوعة وأنت ….. أنت مشغول

متسولة تلك التي معك ، أم بائعة جسد تجول

أم أنك أحضرتها من الطرقات لتثبت

رجولة العجول

أنا التي أفنت العمر معك بكل الفصول

أنا التي أحبتك علمتك ماذا تقول

وجئت اليوم لتكذب علي وتمنعني الدخول

عد إلى أحضانها وأكمل المسرحية بكل الفصول

فمسرحية الخيانة أبطالها

أناس سلبت منهم العقول

يمارسون الحب على الأرصفة

في الحانات بين السهول

لكنك اخترت مكانا وفقا للشريعة والأصول

حيث كنا سويا وكنت في الحب خجول

والآن أراك أسد تصول ..... تجول

وملامحك تدل فعلا أنك مشغول !

العرق يتصبب منك كمحتضر ضعيف

وأنا أتساقط ألما كورق الخريف

لم بعتني واشتريت الغرائز والتخاريف

لم خذلتني ، جمعتنا في هذا الموقف السخيف

الحب أيها الخائن طاهر شريف

وحبك .... حبك وسائد وشراشيف

عد لها وأخبرها أن النساء جنس عفيف

لايبعن جسدا من أجل ماء ورغيف

أخبرها أنك إنسان كفيف

لم يبصر الحب يوما لان ضبابه كثيف

وأعود أنا وجرحي يكسوه النزيف

تاركة ورائي شبابي ..... أيام الخريف

لأدفن بيدي حبي الطاهر الشريف

كما يدفن الشهيد في ديننا الحنيف

وسائد وشراشيف بصوت الشاعرة ردينة

الحبيب الخائن بين نزار وردينة الفيلالي ملامح نقدية

هذه قراءة لقصيدتين حول موضوع مشترك هو ( خيانة الحبيب ) وبعد قرائتي النصين جيداً لا أعلم مالذي جعلني أعتقد أن الشاعرة ردينة الفيلالي تأثرت بنص نزار قباني لكنها صاغته بتجربة شعورية وعمل شعري مختلف وإن تشابه للقارئ من خلال القراءة الأولى بل أظنها فاقت نزاراً على قدره الجليل ومنزلته الأدبية

القصيدتين هما (رسالة من سيدة حاقدة ) لنزار قباني و قصيدة ( وسائد وشراشيف ) لردينة مصطفى الفيلالي .

نزار قباني شاعر عظيم من شعراء العصر الحديث ولن أسهب في تعريفه
ولعلي أعرف بشاعرة شابة كبيرة الموهبة هي :

ردينة مصطفى الفيلالي مواليد 1981م من ليبيا والدها دبلوماسي معروف وجدها أحمد بن بيه الشيخ المعروف بكالوريوس علوم سياسية ونالت إجازة في الأدب الإنجليزي لكنها متيمة بالعربية الفصحى .

( رسالة من سيدة حاقدة )

لا تَدخُلي ...."

وسَدَدْتَ في وجهي الطريقَ بمرفَقَيْكْ

وزعمْتَ لي ....

أنَّ الرّفاقَ أتوا إليكْ ....

أهمُ الرفاقُ أتوا إليكْ ؟

أم أنَّ سيِّدةً لديكْ

تحتلُّ بعديَ ساعدَيكْ ؟

وصرختَ مُحتدِماً .. قِفي !

والريحُ تمضغُ معطفي

والذلُّ يكسو موقفي

لا تعتذِر يا نَذلُ .. لا تتأسَّفِ ....

أنا لستُ آسِفَةً عليكْ

لكنْ على قلبي الوفي

قلبي الذي لم تعرفِ ....

يبدأ المشهد عند نزار بكلمة تتذكرها المرأة كانت بداية شرارة الشك في الرجل ( لا تدخلي.... ) ثم يسد بمرفقيه أفق الرؤية لهذه المرأة المسكينة فكأنه يدير ظهره لها وهكذا تكون ( المرفقين ) مصوبة لوجهها وكذلك ليراقب داخل المنزل حتى لا تمل العشيقة من الانتظار فتخرج من الغرفة فتقع عين المرأة عليها واستدارة الظهر كناية عن تبدل الحال !!

ثم العذر بل ( الكذب ) الرجالي المفضوح في هكذا موقف ( إن الرفاق أتوا إلي ) !! وهل هذا سبب مقنع لكي يمنعها من الدخول .

وتبدأ تقذف حمم الاسئلة لتأكد شكها أن لديه امرأة أخرى احتلت مكانها

هنا بدأت تتأكد أنها عشيقة و جاء وصف حالة الذل المعنوي وعواصف الخيانة التي تشبه ريح الشتاء

وجاءت عبارات المرأة ( لا تعتذر يانذل ) ( لا تتأسف )
وفي محاولة يائسة تستجمع ما بقي من ماء وجهها وحطام ضعفها تتظاهر أنها هي ( ليست اسفة عليه ) وما يرى من هول الصدمة إنما هي ( على قلبها الوفي ) !! ولا أظن المقام يتطلب تبرير خير من هذا التبرير الأنثوي .

أما عند ردينة الفلالي يبدأ المشهد
( وسائد وشراشيف )

مشغول بأي شيء مشغول

وعطرها يفوح منك كأريج الحقول

فاجأتك أم أني أبكرت الوصول

لتضع يدك على الباب وتمنعني الدخول

لملم كلماتك أيها العابث المسطول

تصور وصولها على غير موعد وتلعثم هذا الرجل الخائن بعدم استقبالها وتعذره بأنه ( مشغول )
لكن الأنثى تشم رائحة الخيانة وتعرف أن اليد التي تمنعها من الدخول ليست يد مشغول بأمر محمود بل متستر على جريمة ومشغول بعبث مجهول .
أما شاهد الكذب لديها هو تبعثر الكلمات دون شعور والتلعثم وسوق الاعتذارات والمبررات دون حاجة والهذيان كالسكران .

المشهد الثاني عند نزار قباني

ماذا ؟ لو انَّكَ يا دَني ....

أخبرتَني

أنّي انتهى أمري لديكْ ....

فجميعُ ما وَشْوَشْتَني

أيّامَ كُنتَ تُحِبُّني

من أنّني ....

بيتُ الفراشةِ مسكني

وغَدي انفراطُ السّوسَنِ ....

أنكرتَهُ أصلاً كما أنكَرتَني ....

تواصل هذه المرأة المفجوعة إرسال الا ستفهامات نحو الفضاء وترديد الشتائم بعد ( يانذل ) تأتي ( يادني )
وتحرقها الذكريات فوشوشة الحبيب في أذن المحبوبة والتي من المفترض أن تكون صادقة لقرب القلب من القلب والشفاه من الأذن ووعود الغرام أصبحت كلام في كلام وأنكره هذا المخادع كما أنكرها .

المشهد الثاني عند ردينة الفيلالي

أحمرها في شفتيك على وجهك المبلول

وأزرار قميصك منزوعة وأنت ….. أنت مشغول

متسولة تلك التي معك ، أم بائعة جسد تجول

أم أنك أحضرتها من الطرقات لتثبت

رجولة العجول

تتفحص الأدلة والقرائن على الجرم المشهود وبصمات الجاني في مسرح الجريمة
أولها : أحمر الشفاه – حتى لو كان أزرق – فالحمرة ليست لون الصبغ بل لون الشفاه !!
الثاني : أزرار القميص ( المنزوعة ) كلمة منزوعة لها دلالة أنها فتحت بعنف الشهوة وجنون الشبق وليس مهم من نزعها فهي مبني للمجهول .
ثم تردد المرأة بتهكم عبارته ( مشغول ) فهو مشغول لكن بأي شيء مشغول
وتثور كرامتها بتسديد لكمات الكلمات بأسئلة مسمومة
( متسولة ؟ أم بائعة جسد ؟ أم بنت من الطريق كناية فتيات الليل ) وهل يرضى رجل أن يعاشر واحدة من هذه الأصناف ؟
ثم تتفهم أن الرغبة في إثبات الرجولة هي سبب الجريمة لأن الحب لا يعني الفحش ولأنها لا تمنحه هذا الأمر بحث عنه في نساء احتقرن معنى الأنوثة ليتكسبن من بيع الأجساد .

المشهد الثالث عند نزار قباني

لا تعتذِرْ ....

فالإثمُ يَحصُدُ حاجبَيكْ

وخطوطُ أحمرِها تصيحُ بوجنتَيكْ

ورباطُك المشدوهُ .... يفضحُ

ما لديكَ .... ومَنْ لديكْ ....

يا مَنْ وقفتُ دَمي عليكْ

وذلَلتَني، ونَفضتَني

كذُبابةٍ عن عارضَيكْ

ودعوتَ سيِّدةً إليكْ

وأهنتَني ....

مِن بعدِ ما كُنتُ الضياءَ بناظريكْ

الان بدأت ترصد ملامح الخيانة
الأول : ملامح الذل والخطيئة في وجهه
الثاني : أحمر الشفاه على وجنتيه – لأعلم هل أحمر الشفاه الذي لا يترك أثراً لم يصنع بعد ؟

الثالث : رباطك المشدوه الفاضح وهو رباط ( الروب ) إن صحت التسمية وعدم ربطه جيداً وبإحكام يعلن صراحة أن الرجل قد لبسه بسرعة حالت دون ربطه بإتقان

هي تعبر تتندم على سنين العمر الموهوب له حتى أذلها وشبهت نفسها بالذبابة وتعبر عن تلك المومس ب (السيدة )
فدعوة سيدة أخرى هي إهانة لهذه المرأة فضلا عن ممارسة الرذيلة معها .

المشهد الثالث عن ردينة الفيلالي

أنا التي أفنت العمر معك بكل الفصول

أنا التي أحبتك علمتك ماذا تقول

وجئت اليوم لتكذب علي وتمنعني الدخول

عد إلى أحضانها وأكمل المسرحية بكل الفصول

فمسرحية الخيانة أبطالها

أناس سلبت منهم العقول

يمارسون الحب على الأرصفة

في الحانات بين السهول

لكنك اخترت مكانا وفقا للشريعة والأصول

حيث كنا سويا وكنت في الحب خجول

والآن أراك أسد تصول ..... تجول

وملامحك تدل فعلا أنك مشغول !

العرق يتصبب منك كمحتضر ضعيف

وأنا أتساقط ألما كورق الخريف

لم بعتني واشتريت الغرائز والتخاريف

لم خذلتني ، جمعتنا في هذا الموقف السخيف

الحب أيها الخائن طاهر شريف

وحبك .... حبك وسائد وشراشيف

الان بدأت تستسلم لصرخات الكرامة في داخلها والأسى على الفائت من الأيام وعذب الغرام
الضعف والخجل الذي كان يعتري هذا الرجل حين يكون معها و تحوله إلى أسد في فراش الخيانة تناقض غريب
توجه طعنات متوالية بخنجر الاستفهام كيف باعها واشترى الغريزة ؟ لم خذلها دون مبرر حقيقي ؟
الحب في نظرها طاهر شريف والحب الذي يمارسه حب سريري حب وسائد وشراشيف .

المشهد الختامي لدى نزار قباني

إنّي أراها في جوارِ الموقدِ

أخَذَتْ هنالكَ مقعدي ....

في الرُّكنِ .... ذاتِ المقعدِ

وأراكَ تمنحُها يَداً

مثلوجةً .... ذاتَ اليدِ ....

ستردِّدُ القصص التي أسمعتَني ....

ولسوفَ تخبرُها بما أخبرتَني ....

وسترفعُ الكأسَ التي جَرَّعتَني

كأساً بها سمَّمتَني

حتّى إذا عادَتْ إليكْ

لترُودَ موعدَها الهني ....

أخبرتَها أنَّ الرّفاقَ أتوا إليكْ ....

وأضعتَ رونَقَها كما ضَيَّعتَني

تزفر هذه المجروحة وهي تكرر مشهداً مر بها لكن تغير المرأة و تثبت الكلام والفعل الذي فعله ذلك الرجل الخائن و تضع حقيقة غيبية أنه سيأتي اليوم الذي يقول لها ( إن الرفاق أتوا إليه ) وهي عبارة النهاية والضياع.!

المشهد الختامي لدى ردينة الفلالي

عد لها وأخبرها أن النساء جنس عفيف

لا يبعن جسدا من أجل ماء ورغيف

أخبرها أنك إنسان كفيف

لم يبصر الحب يوما لان ضبابه كثيف

وأعود أنا وجرحي يكسوه النزيف

تاركة ورائي شبابي ..... أيام الخريف

لأدفن بيدي حبي الطاهر الشريف

كما يدفن الشهيد في ديننا الحنيف

ما زالت صورة المرأة ( المومس ) ملتصقة بأي وصف يطال تلك المرأة التي لا تمس لجنس النساء بصلة وكذلك خيانة الرجل الذي أعمته الشهوة عن التفريق بين الحب وبين الغريزة
ثم بانكسار يتهدج صوتها وتسير مثخنة الجراح نازفة الفؤاد قد تركت الأيام والشباب والذكريات عند بابه
وذهبت لتدفن حبها مضمخاً بدمه دون تغسيل وبثيابه دون أكفان كما يدفن الشهيد .

بين نزار وردينة شيء مختلف

- عنوان نزار قباني ( رسالة من سيدة حاقدة ) مدلوله ضعيف عن المحتوى

- عنوان ردينة الفلالي ( وسائد وشراشيف ) رائع جدا وكلمة شراشيف بإثبات الياء ليست فصيحة حسب بحثي فالأفصح شراشف جمع شرشف ويأتي بالجيم جراجف في بعض اللهجات الفصيحة وهو الغطاء المعروف .

- المرأة عند نزار ضعيفة مهزوزة الثقة تفلت منها عبارات الشتائم وتصف نفسها بالذبابة بينما تصف من احتلت مكانها بالسيدة !!!

- المرأة عند ردينة عفيفة تحب بعفة تبذل تضحي لكن تعلم أن المرأة لا تسلم جسدها و أن هناك فرق بين الحب الحقيقي والحب السريري .
- الخاتمة عند نزار ترثي المرأة للمرأة التي سوف يأتي عليها الدور ويخونها مع ثالثة وهذه مثالية زائفة .
- الخاتمة عند ردينة تركيز على أن من ترضى بهذا الوضع وهذا الحب هي مومس لا تمس لجنس النساء مهما كان دافعها وأن الغريزة تعمي عن الحب وأنها ستدفن قلبها النازف بيديها لكن لن تذل و ستمضي تاركة ورائها كل شيء ولن تلتفت للوراء .

في ظني أن الشاعرة الصغيرة كانت أصدق تعبيراً من الأستاذ الكبير في الشعر

* شكرا نونـــا

About "Women's Rights" Currently

noreply@blogger.com (siegex) — Mon, 11 Aug 2008 15:46:00 +0000

واقع قضية المرأة وحقوقها

ازا اجينا نحكي عن المرأة أو قضية المرأة، أو واجباتها، أو حقوقها، ازا اجينا نحكي عن "ما للمرأة وما عليها"، بنلاقي انو المتحاورين عادة مهما تباعدت آراؤهم أو تقاربت رح يكونوا بشكل عام منقسمين الى رأيين ضمن مجموعتين رئيسيتين مختلفتين تماما - او خليني احكي متضاربتين – في الآراء.

واحد من الأصوات عادة رح ينادي بحرية المرأة وان جسمها حق لها وعلى هيك لازم تكون الها حرية القرار بهادا الجسم من حيث الحمل والولادة وفيمينيزم بكل ما تحمل الكلمة من معنى و رح ينادي بالمساواة "التامة" بينها وبين الرجل ومن هالحكي المنافي للعقل والطبيعة الخلقية المختلفة بين المرأة والرجل، طبعا اضافة للعديد من الأمور اللي بالنسبة لمجتمعاتنا كمجتمعات عربية اسلامية لا يمكن بأي حال من الأحوال انو عقولنا تستوعبها او حتى انها تتقبل هاي المبادىء السقيمة اللي بينادو فيها كمجتمعات غربية الها ثقافة ورأي مخالف ومغاير تماما لثقافتنا.

نفس هاد الصوت – أو يمكن كجزء منو، أو أساس الو- بينادي بتحرير المرأة من الظلم والسجن والإنتقاص اللي موجودين تحت شعار الحجاب وقوامة الرجل و انتقاص حقها في الميراث حسب مبادىء الإسلام
أصوات ضد الإسلام وتعاليمه تحت شعار تحرير المرأة بينما هدفهم المخفي هو محاربة الإسلام إما عن عدم فهم – مع اني ما برجّح هالحكي – أو عن فهم صحيح للإسلام مع الخوف من سيادته لأنو ازا ساد رح "يمحق" أصوات الظلم والضلال والمصالح الشخصية من العالم كلو.

صوت تاني عادة بيكون صوت بينادي ب-نوعا ما- عكس الصوت الأول، طبعا هو ما بينادي بالعكس بس لمجرد إنو العكس، لأ هو بينادي بحقوق المرأة من باب أعلى ومبدأ اسمى من المبادىء اللي اخترعتها الإنسانية وأعتبرتها حقوق للمرأة وصارت تطالب فيها حسب الصوت الأول
الصوت التاني عادة بيحكي عن حقوق المرأة في الإسلام على أساس انو ما في دين اعطي المرأة حقوقها أحسن مما أعطاها الإسلام

صراحة ما في أحسن من هيك، واللي بيعرف الإسلام بحق وحقيقة ما رح يعترض على هاد الحكي، لأنو طالما اللي وضع هاي المباديء الإسلامية هو اللي خلق الذكر والأنثى فهو أعلم بكل ما فيه مصلحة الذكر والأنثى، وهو اعلم بالأشياء اللي بيتناسب كل واحد منهم

أما الصوت الأوضح للأغلبية أو الصوت الغالب والسائد بتلاقيه صوت العادات والتقاليد والمفاهيم الخاطئة عن المرأة، صوت المعتقدات اللي بتظلمها نتيجة الجهل والتخلف والفهم الخاطىء لكل ما يتعلق بالمرأة.

طبعا هاي المجموعة بتخلط بين العادات والتقاليد المتخلفة والظالمة للمرأة مع الفهم الخاطىء –واللي غالبا بيكون بدون وعي أو ادراك- لآيات قرآنية وأحاديث نبوية شريفة حتى انو الأمر أحيانا بيوصل للخربطة بين أقوال وأمثال خاطئة عن المرأة على إنها أحاديث نبوية
كمان مرات بيحصل الخطأ في الفهم لأنو الواحد في هاي المجموعة بياخود الآية أو الحديث بالمعنى الظاهر - أو حسب فهمهم الشخصي للآية أو الحديث - وما بيرجع لا لتفسير الآية من أحد التفاسير المعتمدة ولا لتفسير معنى الحديث من مصدر معتمد لتفسير معاني الأحاديث.

وعلى هيك بيعتبروا حالهم في أغلب الأحيان بيحكو من منطلق الدين ومفاهيمو عن المرأة ويمكن عشان هيك بنلاقيهم متشددسن في آرائهم حول المرأة ولا بيرضوا يتنازلوا عن هالآراء ولا عندهم استعداد لتغييرها –لأنهم مفكرين إنهم متبعين الإسلام في اللي حكاه عن المرأة، وبالتالي ما عندهم استعداد انهم يخالفوا تعاليم الإسلام.

أنا هون ما بحكي انهم على خطأ لأنهم مش مستعدين يغيروا تعاليم الإسلام أو يخالفوها، بس همي على خطأ لأنهم مش فاهمين تعاليم الإسلام في اللي حكاه عن المرأة على الوجه الصحيح.

هلأ أنا شخصيا من كل الأصوات اللي ذكرتها ما بيعنيني الصوت الأول ولا بدي ادخل في حديث عما فيه من مبادى وأهداف سواء كانت أهداف ومبادىء مناسبة وصحيحة أو ما كانت، لأنو بصراحة الفيمينيزم وكل من يمثلها وتمثله مش موضوع هاد البلوغ بالمرة، ولا يعنيني الصوت المعادي للإسلام ومبادؤه لأنو هاد الصوت هو والفيمينيزم جايين من جهة وحدة او انو كل واحد منهم متفق مع التاني على تحرير المرأة بمفاهيم اخترعها البشر أنفسهم، وهدفهم ودعوتهم بتدعو الى "تحلل المرأة" مش تحررها زي ما بيكون معنى التحرر بالمفهوم الصحيح.

انا بيعنيني صوت المتحدثين بالإسلام وما أعطاه للمرأة من حقوق وتحرير بالإسلام ومبادؤه، وكلي ثقة انو طالما ربنا سبحانه وتعالى هو اللي قرر للنساء ما لهن وما عليهن –وللبشرية عامة- ازن ما رح يكون في أي ظلم ولا أي ذلة سواء للمرأة أو للرجل.

بس المشكلة انو أحيانا حتى اللي بيحكو عن حقوق المرأة في الإسلام بيكونوا متأثرين ببعض المعتقدات عن المرأة في العادات والتقاليد – سواء أدركوا هالحكي أو ما أدركوه – أو حتى ما بيكونوا فاهمين رأي الإسلام عن المرأة بالشكل الصحيح (يعني فاهمين الرأي غلط)، أو على الأقل ما بيكونوا فاهمين بعض الآيات أو الأحاديث بشكل صحيح صحة تامة.

كمان في مشكلة تانية حصلت ولساتها مستمرة في مجتمعنا، انو بين الرأي الأول (المعادي للإسلام والمنادي بالفيمينيزم) والرأي التاني (صوت المتحدثين بحقوق المرأة في الإسلام) ، وفي مجتمع "منغلق" زي مجتمعنا، بنلاقي انو الرأي الأول بيعمل صدمة - نوعا ما - عند أفراد المجتمع (خاصة الذكور) او يعني بنلاقي المجتمع –والو الحق- رافض وبشدة، وبنفس الوقت بيتجه للرأي التاني وبيحرص على انو يعمل فيه ويحافظ عليه، وطبعا هاد –الرأي التاني- فيما لو كان فعليا هو رأي الإسلام كان لقينا المرأة في مجتمعاتنا بوضع أحسن بكتير من الوضع المزدري الحالي اللي هي عليه، بس المشكلة – وعشان أكون صريحة بكلماتي- انو بعض الناس – أو يمكن أغلبهم – بيتبعوا رأي الإسلام بس بتخلف وفهم خاطىء نتيجة التأثر بالعادات والتقاليد المتخلفة عن المرأة.

برضو اللي صاير انو بنلاقي الفريق الأول والفريق التاني مشغولين ببعض زي لعبة شد الحبل، وكل واحد بيحاول يشد الناس لطرفو، الفريق الأول بيجي يدّعي وجود خطأ في الإسلام او وجود ظلم في حياة المرأة العربية، والفريق التاني بينشغل في الرد عليه على أساس انو المرأة عنّا لها كرامتها وحقوقها وانو اللي بيحصل مش ظاهرة أو قضية اجتماعية، بس هو حالات مفردة وبيدعموا الرد ب-ما يسموه - "دراسات" أو استبيانات بيعملوها على عدد معين من النساء، وبينشغلوا بخطب ومحاضرات من نفس هادا النوع من الردود - وغير عن انو هيك بينسو الشيء الأهم وهو متابعة وضع المجتمع المحلي ومحاولة النهوض فيه وتصحيح مفاهيمو- ويا ريت بيكون الرد مقنع او قريب للواقع لأ بالعكس، لأنو من ناحية بيكون الواقع متناقض تماما مع الرد، ومن ناحية تانية الأسس اللي انبنى عليها الرد بتكون أسس مش مزبوطة.
يعني مثلا بيجي الغرب يحكوا عن القوامة على أساس انو فيها انتقاص للمرأة، أو عن عمل المرأة، وما بعرف هل همي بانيين كلامهم على حالات فردية أو غير هيك، المهم، بيجي الرد زي ما حكي بالأول انو مش ظاهرة اجتماعية ولكنها حالات فردية، والمصيبة لما يعملوا دراسة عشان يدعموا كلامهم، فمثلا بيعملوا استبيان على مجموعة فتيات أو نساء، بعد هيك بتطلع نتيجة الدراسة أو الاستبيان انو مثلا 73 فتاة من أصل 80 بمش معترضات على القوامة ويحكوا انو القوامة للرجل وهو اللي عليه يصرف على البيت وعلى زوجتو وأولادو ( نعممممممممم؟؟؟ يعني في واحد أو وحدة بيآمن بالله ورسوله وبيحكي عكس هالحكي؟؟؟ المشكلة مش في انو القوامة للرجل هاد الحكي ما بيختلف عليه تنين، المشكلة في انو كيف الرجل بيمارس "القوامة"، والمشكلة التانية انو هدول اللي انعمل عليهم دراسة اصلا ما بيكونوا عارفين المعنى الصحيح للقوامة ولا عارفين مفهومها، وحتى مرات بيكونوا ما عندهم خبرة بالحياة أو باللي بيحصل فيها من مشاكل وأحداث اجتماعية، عشان هيك بتكون الإجابة على الإستبيان ايجابية) وانو مثلا 69 فتاة من أصل 80 حكوا انهم ما بدهم يشتغلوا وبدهم يضلوابالبيت (ولا يعني مين اللي بيكون عليها الطبيخ والجلي والتكنيس والمسح والشطف وترتيب الأسرة وغرف النوم والصالون وغرفة الضيوف، والغسيل ونشرو ولمو وترتيبو وترتيب خزاين الأواعي وتنظيف الشبابيك والتعزيل كل اسبوع ولا تنين والأولاد ونضافتهم حمامهم ودراستهم ونومهم ولعبهم وووو ووين جرابتي ومين أخد مشطي وكل هالقصص وهاد صاحي وهاد مريض وهاد بدو يتفرج عالتلفزيون والزغير بيبكي والكبير والوسط بيتخانقوا واحد بدو سبيس تون والتاني بدو ام بي سي ثري.... الخ، وبدو يكون في نفسها تشتغل؟ أي مهي أصلا يا دوب تلاقي ساعة تحط فيها راسها وتنام وترتاح عشان بكرة المشوار نفسو رح يتكرر من أول وجديد!)

يعني مثلا لما تطلع دراسة بتحكي انو 87% من نساء الأردن مع ضرب الرجل لزوجته زي ما انذكر في الكاريكاتور التالي

طب ما هاد أكبر دليل على وجود خطأ في الدراسات اللي بتنعمل، لأنو الواضح اولا انو تقدير المرأة لنفسها واصل للحضيض عشان تصوّت على ضرب الرجل الها، ولأنو واضح انو مش فاهمة مفاهيم الدين اللي بتتعلق بهيك امور بشكل صحيح، لأنو النتيجة مع الضرب مش مع التفاهم مثلا، في حين انو ديننا بيعتبر الضرب حل نهائي بس في حالة النشووووز اضافة الى انو السنة النبوية نهت عن ضرب الرجل لزوجتو

وبآخر الرد بتنطرح اسئلة غريبة عن حال الرجل وانو مثلا في رجال بيخافوا من زوجاهم عشان هيك بيتزوجوا خفية، أو مثلا انو في رجال بتضربهم زوجاتهم، ومن هالحكي اللي عمرو ما كان ظاهرة، (بس هو عادة بيكون طفح الكيل وبطلت المرأة قادرة تتحمل ظلم الرجل، أو هي فعلا حالات فردية، مهو ما في اشي مخبى والكل بيسمع أخبار وشايفين وعارفين)، وبيصير الموضوع كأنو ظاهرة وانو وين حق الرجل الضايع في مقابل حقوق المرأة؟؟؟

طبعا بعد هيك محاضرات وخطب، المرأة في البيت ازا فتحت تمها وحكت بدي حقي، بتصير متمردة ومش عاجبها العجب، وبالآخر ممكن تنضرب على أساس انها نرفزت زوجها وهي اللي جابت الضرب لنفسها!!!!

اللي بدي أحكيه بشكل مبسط أنو لما نيجي نحكي عن المرأة في مجتمعنا على طول رح يكون الجواب بيربط بين المرأة والدين، هادا حلال وهاد حرام، حلال، حرام، حلال، حرام، حلال، حرام، تسوق، ما تسوق، تسوق، ما تسوق، تسوق، ما تسوق، تشتغل، ما تشتغل، تشتغل، ما تشتغل، تشتغل، ما تشتغل، ... ، يعني ما بنعرف الحلال والحرام إلا لما نحكي عن المرأة؟

ويا ريت لو كان هالربط على أساس فهم صحيح للدين كان قلنا فاهمين غلط ومعذورين، لأ المشكلة الأكبر انو بتلاقي أغلب الرأي مع التحريم أو التشديد على المرأة، وحجتهم: سد الذرائع.

يعني اللي بدو يحكي في الدين المفروض يحكي عن ضرورة التزام الرجل والمرأة بالدين على حد سواء، مش بس المرأة لحالها لأنو الدين ما اجى عشان يتطبق عالمرأة في كل نواحي حياتها بينما هو شيء اختياري في نواحي حياة الرجل زي كأنو بوفيه مفتوح بحيث يطبقوا وين ما بيعجبو أو حسب اختيارو لأنو سهل التطبيق، أو بالعربي لأنو ما عليه "شد" ويترك الدين في نواحي تانية عشان العادات والتقاليد اكتر تساهل مع الرجل وأقل ظلم الو من المرأة-أو فعليا هي خالية تماما من ظلم الرجل.

كمان بلاش التضييق على المرأة عشان الرجل يضل ماخد راحتو، يعني أوكي مش القصد من الموضوع انو ينعطى الرجل حرية أكبر، ولا القصد التضييق على المرأة بشكل عام، بس فعليا لما حجة سد الذرائع بتتطبق بس على قضايا المرأة دون الرجل بيصير في تضييق على المرأة وبالتالي في توسعة لمصلحة لرجل سواء كان هالشي بقصد أو بدون قصد.

أسوأ ما في الموضوع انو وقت الحديث عن المرأة في الإسلام بنلاقي الرد غالبا لازم يحتوي على ما يحد من قيمة المرأة ويقلل من شأنها والأسوأ لما يندعم الرد بآيات وأحاديث بفهم خاطىء أو مش صحيح بشكل كامل، زي "الرجال قوامون على النساء بما فضل الله بعضهم على بعض وبما أنفقوا من أموالهم"، و"فرجل وامرأتان"، و"للذكر مثل حظ الأنثيين"، و"ناقصات عقل ودين"،و "ليس الذكر كالأنثى"، و"قرن في بيوتكن"، و"اضربوهن"، ولو كان السجود لغير الله لأمرت المرأة ان تسجد لزوجها- أو كما ورد في الحديث، و وووو وبالنهاية بتطلع المرأة أقل مكانة من الرجل، وهو كأنو أعلى مكانة وأرفع منزلة منها، وبيطلع هو مسؤول عنها بطريقة توحي بأنها غير قادرة على اتخاذ قرارت صحيحة في حياتها الا بتوجيه الرجل وارشاداتو، وبيطلع الرجل معلم المرأة ومؤدبها ومسؤول عن تقويم سلوكها وتصحيحه، طيب بلاش أعلق على "تقويم سلوكها وتصحيحه" بس "مؤدبها"؟؟؟ كمان بتطلع المرأة عاطفية لدرجة انو عاطفتها بتحجب عنها التفكير الصحيح، بتطلع المرأة انسان من الدرجة التانية، وبسبب أو بدون سبب، تعتبر المرأة في النهاية كتابع للرجل وبهيك مفروض عليها تنفذ الأوامر بدون نقاش، برضو في مصطلحات ما رح نسمع فيها الا ازا الحكي كان عن المرأة، ف مثلا ازا اجت سيرة النشوز على طول بينفهم انو الحكي عن المرأة، أما انو يكون الرجل ناشز ف زي كأنو هاد اشي من المستحيلات!!

هلأ لما الغربيين ينتقدوا بعض هاي الآيات والأحاديث، أوكلها، بتصير ردودنا كمسلمين ترفع من قيمة المرأة وتدعم الآيات بالتفاسير والأدلة وشرح لأصل الكلمات الواردة في الأحاديث أو الآيات في اللغة العربية لدرجة بتخلي الواحد يحس فعلا بعظمة الإسلام وانصافه للمرأة، أما لما يكون السائل او اللي بيحكي من بلادنا ولما يتعلق الموضوع بمسائل وقضايا المرأة عنا بترجع الإجابة تشتمل على بعض الآيات و/أو الأحاديث اللي ذكرتهم سابقا (أو على غيرها من الآيات والأحاديث التي ظاهرها يقلل من شأن المرأة حسب فهم العامة) وبترجع الإجابة تتمحور حولين تبعية المرأة للرجل وانو هو القوام عليها والمسؤول عنها ووو

الأسوأ من كل اللي ذكرتو لما نلاقي "رجل" فاهم الآيات والأحاديث اللي بتتعلق بالمرأة بشكل صحيح 100% ومع هيك لما ييجي وقت التطبيق – خاصة ازا كانت المسألة بتتعلق بزوجتو أو أختو أو أي انثى بتقربلو سواء من قريب أو بعيد – بنلاقيه يتبع حكم العادات والتقاليد مع انو أحيانا بيكون من اللي بينادوا بحقوق المرأة في الإسلام عن فهم تام وصحيح لهاي الحقوق.

ما بدي احكي بالموضوع بالموضوع أكتر من هيك لأنو عالأغلب رح أصير ألف وأدور حولين نفس الفكرة/الأفكار السابقة، من ناحية تانية الحكي عن الإسلام والعادات والتقاليد والخلط بين التنين سواء بعلم أو بدون علم ما بينتهي هون وعالأغلب رح أرجع أحكي عنو لاحقا لمجرد توضيح بعض المفاهيم الخاطئة ومحاولة توضيحها حسب مفهومها الصحيح، ونهاية بس بدي أوضح وأشير انو مش قصدي لا انتقد الإسلام ولا شيوخ الإسلام وأعلامو – لا السابقين ولا الحاليين - لأنو الإسلام الو مكانتو بصفتو دين سماوي ناهيك عن انو أعظم الديانات على الإطلاق، ولا قصدي انتقد شيوخ الإسلام وأعلامو فلا علمي بمقدار علمهم ولا معرفتي بتوصل لمعرفتهم لا من قريب ولا من بعيد

About This Blog

noreply@blogger.com (siegex) — Mon, 14 Jul 2008 15:10:00 +0000

بخصوص هاد البلوغ

ياما في بعاداتنا وتقاليدنا اشياء ومفاهيم كتيرة بتدايق وبتظلم المرأة او البنت مهما أختلفت مرحلتها العمرية او حالتها الإجتماعية

كمان في كتير مفاهيم مغلوطة عن ديننا موجودة ومنتشرة بشكل واسع

والمصيبة انو ما حد بينتبه او بيدرك انها مفاهيم مغلوطة إلا عدد قليل من الناس

بهاد البلوغ رح أحاول أكتب عن بعض هاي الأشياء سواء كانت بتتمثل في مواقف حصلت معي او مواقف وقصص سمعت عنها بحياتي اليومية او وجدتها مكتوبة على الإنترنت

كمان ممكن أحط صور كاريكاتيرية ومقالات بتحكي عن وضع المرأة في المجتمع ما بين العادات والتقاليد غير المنصفة وديننا الحنيف

بالمقابل وعشان ما نكون غير منصفين، يمكن في بمجتمعنا أشياء كتير أفضل للنساء من المجتمعات التانية، خاصة المجتمعات الغربية واقرب مثال على هالشي هو تشييء المرأة والموجود بنسبة أقل في مجتمعاتنا العربية مما هو موجود في المجتمعات الغربية

برضو رح أحاول أحكي عن النقاط الإيجابية في مجتمعنا لما يتعلق الموضوع بالمرأة

لو كان عندك أي شيء بتحبي تضيفيه في هاد البلوغ كقصة سمعتيها أو موقف حصل معك أو خبرة إستفدتِ منها أو أي شيء بيدايقك أو بيبسطك كأنثى موجودة في هالمجتمع ابعتيلي على الإيميل التالي: 0

siegex@ymail.com