whyxdoll

overall jeans

2012-02-15T12:44:00.000+08:00

又一件重做的，豆丁這個set大受歡迎，在luna身上你地又覺得如何？還算是不錯吧！？

本來預計是會有輕微分別的。結果紙樣預算錯誤....

希望再做會有點新意吧～

還好是穿上ixtee的鞋，感覺良好。

唯一是這個品牌的鞋子偏細的，handmade鞋pukifee勉強穿得下（但很難脫），膠鞋就不能穿，我又給鞋子開刀了，確保穿下去又不傷luna的小腳。雖然有一點猳疪，但ix的鞋的確很美，期望他們可以將鞋做大一點就好了。

Balloon

2012-02-13T08:30:00.000+08:00

謝謝candy的ballon，太可愛了。

用來做場景很好。

配襯我今次做的毛毛衛衣，效果很好呢。

跟上回做的衛衣基本是相同的，只是領口多了蝴蝶結毛球， girlish的效果。

大滿足！

Red coat

2012-02-09T21:29:00.000+08:00

衛衣同牛仔裙已經做過，做細細件都有問題，咁大件都應該冇問題，所以我都係想試做漁夫褸，我冇厚布改左用紅色棉布， >_<車死我la，唔知點解塊布好易爛，一車錯車第二次就穿洞，好慘，做完要係咁用手縫補返d洞。不過件衫真係幾靚，如果可以買到幅好布一定要做過另件。

而家可以做多幾層衫，真係好好玩。

Overall skirt

2012-02-07T17:28:00.000+08:00

又做牛仔裙。基本上同細sizes係一樣既，唔算大驚喜，不過著係luna身一樣咁可愛。

other sizes

2012-02-05T16:16:00.000+08:00

^^又係le個款。冇新意～。

不過呢個pattern真係好靚喎，點多要做返件比luna。

做做下衫比luna....唉～我又想買多隻littlefee啦。唔知點解我真係好中意FL, 又可以換手換面關節又好，睇過其他社既娃，又引唔到我。除左elf隻4分，不過大娃唔會考慮。之前已經打消左買LF既念頭，睇到人地影覺得好靚。e～～～點算好！睇黎到係時候募捐了XD

Check coat

2012-02-03T01:00:00.000+08:00

件褸做到我發左癲。唔知做咩個袖上唔到，嬲爆....

搞左好耐。竟然係因為個車機太多塵，係咁食線@_@

都好彩，成品好睇， pukifee sizes做內膽都ok。滿意！

係咪我少留意yellow sizes，我覺得大家多數是娃娃裝.公主式....做時裝朋友好似唔多喎。luna來到我手中，必定係個fahionable既潮B。我偏愛日本時裝，雖然年紀唔細，開始唔係好啱我，但係BB娃最合適不過啦。 XD又可以揾多d新idea考自己啦～

Blue blouses

2012-02-01T15:41:00.000+08:00

好開心。終於有時間做衫仔比luna。

唔知點解我覺得做細衫好做過大衫.... 太奇怪。

不過呢套衫唔算難，仲有le個藍色我覺得好靚，加左個白色圓領仔︿︿真係唔錯。

要繼續努力呀～～

custom made ~ Castiel

2012-01-30T07:00:00.000+08:00

客人訂造的，原照係Drame(狙魔人）入面既castiel天使。

明珠台晚上播映有看過幾集，所以都大概認得....

OB11咁細身要做咁多層衫，選料要好少心，要夠薄同軟，不過薄料通常都比較難車，好在我今次都不負所望，成功完成。

拍攝時先發覺外套比原圖比例上是短了點, 但ob咁細粒應該係而家咁既長度好看呢 ^U^

整體來看都算有型，希望客人滿意︿︿

Mori girl

2012-01-28T06:00:00.000+08:00

整個collection完成照。

感覺並不完整。失望。

這個系我可用了些時候做資料搜尋的....唉。

其實大家了解森之女嗎？

原來「森之女孩」指打扮和生活態度像從森林走出來的女孩一樣，迷戀北歐童話王國。

喜歡穿著天然素材布料的連身裙、仿傚北歐童話式波希米亞的風格，以及鍾情層次感的Layering穿戴，毛茸茸的小物、碎花或格子Pattern、古董錶飾物、藤籃、藤織帽....也是她們的心頭好。

還要經常隨身帶著相機拍下身邊的事物。喜歡DIY手作.....

。。。。

這些是我總結對mori girl的認知。

可能.....一行4人的系列太熱鬧，好像不太有以上這些感覺

是了，第4套的是舊有衣物配襯，不過舊有的織物也不賴吧︿︿

Mori girl3

2012-01-26T14:00:00.000+08:00

碎花是森之女的特色，找了碎花布碎，加毛布，製作是次作品。

花布我的存量不算多，色調上未能跟整個系一致，但簡約風格令我對這set加了分。

。。。
其實原先3套都跟的的設計上有佷大出入，正進行第3套製作時收到公司的工作，影響製衫心情，胡亂的找了舊製品配襯，就連最後第4套都被我取消製作。
所以這collection，實際上只有3套。就草草了事！

舞獅

2012-01-23T04:30:00.000+08:00

再次恭喜大家發財發財。

咁開心，等lati.W舞下獅助慶先。仲要彩青喎！！

本來都冇諗住再影過年既la，點知年廿九先見到樓下有迷你獅頭賣，都係幾十蚊就買左個黎玩，放係豆丁，又真係好fit。即刻做條紅褲仔比佢，好型呀～～

新年要熱鬧d，拎埋隻pongpong出來，做件新年衫比佢先，不過手工做得好差，算la，趕時間影相丫嘛，遠睇都幾似利是封XD。

上輯pukifee CNY比大師話我新年流流做咩個樣咁慘....今次開心返哂啦！

Happy CNY2012

2012-01-22T15:00:00.000+08:00

恭喜發財。身體健康。龍年進步。

又新一年，時間過得真係快。

而家既生活比以前忙一點，要打點家事，唔可以成日掛住玩公仔。仲要照顧mmk，豆丁，而家又多個yellow sizes，成日好多衫想做，搞到記憶力又再衰退了。

原來上妝之前我仲未正式影過luna。

呢件褸仔做左成個多月，完全唔記得左。

不過係敗作，做細了。仲要入面著冷衫咁厚，真係迫到手都沃唔到。但係認真製作呀，除左窄真係做得唔錯ka。所以都唔理咁多，著來影下相先。

紅噹噹既厚褸，啱哂今年過年。凍呀～大家拜年記得著多件衫，健健康康逗多d利是XD

Mori girl2

2012-01-20T14:00:00.000+08:00

這個又不太有森之女的感覺，反而我倒喜歡她。

裇衫冷外套毛毛背心 legging ＋舊作短衭，還有外購的冷帽毛鞋，

喜歡是真實感重，還有小心製作的毛背心內裡。

整個collection唯一精神作品

Mori girl1

2012-01-19T14:20:00.000+08:00

這是第二個系列。

主題是森之女

原意是家中的小小display，一個動一個靜的collection

前一個介紹了是帶一點街頭味，動態一點。

這個就田園感。

這不是我慣常風格，layer 碎花＋毛毛，

um。。。是比我想想中的差，没有造出我想要的感覺。v＿v"

想這幅薄薄的碎花，造細少的娃衫效果不錯，薄軟可以做出真實感，但郤是難道高的材料。

原先還有一件薄絨的外衣，但未能令整個系列結合，最後只好找舊製作配襯。

嗯。這個是不太滿意的系列，遲點希望有時間再製....

Narrow Alley

2012-01-17T19:01:00.000+08:00

整個collection完成，來一張大合照。

本來想做個Graffiti background,

不過唔想唔做求其上網揾d graffiti圖，驚佢有特別意思我唔明，最後都係用返紅磚場打造後巷氣氛。

原意是滑板加Roller, 可惜揾唔到靚既roller鞋。

改用ixtee買既籃球，好在都似collection。

總結整體效果不錯，戲劇性的壞分子感覺。XD

Narrow alley4

2012-01-16T06:00:00.000+08:00

^^最後一套做左前排好興既露袋短衭。

其實初時見到呢個款都真係覺得幾難睇，不過多人著就開始睇慣左，再著係mmk既model身型就更加好睇啦XD

做內袋外露既款一定要夠細心，要用心做個真袋，再要打磨。不過舊牛仔布用完，呢幅新布好難脫色。搞左好耐先甩少少色，v＿v下次見到好用既薄牛真係要大手入貨。

加多件跌膊，感覺好似有d MK。

不過依然好滿意。

Narrow alley3

2012-01-14T05:00:00.000+08:00

今季捧球褸好似回歸了，打開雜誌經常出現。

第三套，就重做這件外套，只轉了顏色，為切合就個系列的色調，也要帶點sexy，內衣只穿bra top。長褲也是考慮過，不想全collection都是牛仔衭，這大沉悶了，但礙於家中"布庫"没有太多選擇，只得用上不太合適的薄絨。還好拍下來的蠻好看。

Narrow alley2

2012-01-13T16:12:00.001+08:00

這個系列第二件是男裝，

終於捨得用很久前在日本買回來的迷仔拉錬，︿︿滿意這個效果。

unoa boy有點男生女相，這個裝扮會令他man一點嗎？

Narrow alley1

2012-01-12T17:50:00.000+08:00

^^新年快樂呀～

我終於返來啦，希望大家唔會忘記我啦。

新居定下來先有時間影我既新作。

︿︿我又做返mmk啦，一來好多朋友仔同我講比較中意睇mmk，二來想做2個mmk系列放係新家display。

其實做好呢個系列成2個星期先冇時間影，今日終於拎返個相機出來。新家光線更充足有利影公仔，正呀！

講返呢個系列，一共4套。是有點壊分子感覺的街頭服。

今次呢套係照跟dollydolly 6做既，做工比平常細緻，但原來没有影清楚製作的特色位...有時間再補拍。

打後幾天會繼續分享新作，

待續。

Merry X'mas 2011

2011-12-21T22:37:00.000+08:00

早一點跟大家說聲聖誕快樂～

今年的聖誕對我來說是很特別，係一個新開始，希望亦是一個好開始。

等我快d整理好我的工作生活環境，盡快可以幫娃再做衫影娃，luna仲未有件似樣既衫見人呢～

warm

2011-12-13T17:04:00.000+08:00

做比pukipuki的横間外套也做一件給luna。

好可愛，又忍唔住要佢素顏出鏡。

brothersfree exhibition

2011-12-10T14:58:00.000+08:00

呢個鐡人展開左成個月，上次經過發現太夜關門了，今次再經過入去八掛下。

我唔係鐡人粉絲，冇咩特別期望咁入到佢，除左了解到佢12個主角既人物背景之外，仲比我見到佢個仿911場景。好仔細～ like r

其實我屋企都有個鐡人記者money，係送比大師既禮物。

雖然我對佢模型既樣子唔係太有興趣，但佢既配件又真係幾靚既。如果有得單買佢d配件就好lu～ kekee

New sizes

2011-12-07T14:30:00.000+08:00

本來諗住遲下先做衫比luna。但都係忍唔住佢冇衫著，做件簡簡單單連身帽衫。

果然係易做好多。

唔理佢未妝都影住相先la^U^

襯埋前幾日去ixtee買既靚鞋仔，仲有mui－chan wigs，好似日本妹，好可愛呀～

愈來愈中意pukifee。

winter collection 2

2011-12-04T15:02:00.000+08:00

同系列的，做了一件計劃已久的背心款式。

自己都覺得做得好靚。hohohooo～

因為做了花布內膽的，有細緻的效果（又自己讚自已，唔知醜）

內衣也特別做了小小分色，算是不錯，只是牛仔衭是之前做給lati white， white肚腩太大，puki著得有少勉強，除此之外一齊可好。

其實真係好開心，因為做衫比pukipuki，多左唔少訂單，除左贊助我收養多幾個仔女之外，仲有客人特地留言比我話收到貨品的滿意。而家因為工多藝熟，手腳快準左，真係多謝各位。

雖然外國客人大概唔會知我多謝佢地，而小妹的英文實在太爛，所以只好在心中感謝^^

winter collection 1

2011-12-01T14:43:00.000+08:00

想要呢個pattern既娃衫好耐，終於揾到啱用既布。請唔好問我布既來源...

款式係同之前2件一樣，不過依然可愛。

很有聖誕節的感覺，拍一輯聖誕氣氛的就早一點給大家來個吧。