wordsmith sumit

असे हे आपले पुरके सर.. मराठी कविता १०

2023-03-31T12:50:00.002+05:30

असे हे आपले पुरके सर...

खेळ असो ,नृत्य असो ,संगीत असो की असो सूत्रसंचालन विद्यार्थ्यांना घडवीण्यासाठी सतत धडपडणारे

असे हे आपले पुरके सर...

समुद्राच्या तळापेक्षाही खोल त्यांच्या अंतर्मनाची खोली..

अन् पर्वताच्या उंचीपेक्षाही मोठी त्यांची कीर्ती..

समायोजनाचे सूत्र हाती घेवून जीवनातील जबाबदारीचे जणू शिवधनुष्यच पेलणारे

असे हे आपले पुरके सर...

सीनियर ज्युनिअर असा कधी भेदच त्यांनी केला नाही..

अन कुणालाही न दुखवता फक्त

हो सर म्हणूनच सर्वांची मने जिंकणारे

असे हे आपले पुरके सर...

विनोदी, खेळकर,निरागस असे फुलांसारखे त्यांचे व्यक्तिमत्व

जणू लोकनायक परिवारातील

भाऊ कदमच..

असे हे आपले पुरके सर...

कुणाचा अपमान करणे, दुखवणे कुणाची उणीदुणी काढणे

हा मुळात त्यांचा स्वभावच नाही असे निकोप स्वच्छ मनाचे

असे हे आपले पुरके सर...

चित्रपटांन प्रमाणेच आपल्या

सर्वांनाच कार्यरत असतांना

कॉमिक रिलीफ देणारे

असे हे आपले पुरके सर...

सर्वांचा सन्मान करणारे,

सर्वांचा आदर करणारे,

सर्वांना मार्गदर्शन करणारे,

सर्वांना समजून घेणारे

सर्वांना सहकार्य करणारे

असे हे आपले पुरके सर...

कवी:- सुमित अतकुलवार

अंक चार (मराठी कविता नंबर ९)..

2023-03-10T19:48:00.002+05:30

अंक चार

तुमचे पद चार दिवसाचे
तुमची प्रतिष्ठा चार दिवसांची
तुमच्या गर्वाचे आयुष्यही चारच दिवसांचे
तुमची अमीरी चार दिवसांची

तुमची जिंदगी चार दिवसांचीच
तुमचा मृत्यू चार खांद्यांचा
तुमची मालकी चार गज जमीनी पुरतीच
तुमचे जीवनाचे टप्पेही चारच

सासुरवास ही चारच दिवसांचा
तुमच्या मुख्य दिशाही चारच
तुमच्या दिवसाचे प्रहर ही चार
तुम्ही जगतानाही वावरता ते चार चौघातच..

तुम्हाला पडलेला नेहमीचाच प्रश्न चार लोक काय म्हणतील?
आणि शेवटी सर्वात महत्वाचे मानवी पुरुषार्थ ही चारच..

अन् म्हणूनच मनुष्याला पूर्णत्व प्राप्त करून देणारा ही अंक चार, अंक चार, अंक चार..

कवी :- सुमित अतकुलवार

सुधरत नाही माणसे काय करावे बघ? Marathi poem no 8

2022-10-25T14:29:00.002+05:30

सुधरत नाही माणसे काय करावे बघ?

खुद्द परमेश्वरलाही यक्ष प्रश्न पडावा

कशी घडवली मी ती माणसे बघ..

येत नाही अंदाज त्यांचा दिसण्यावरूनही

दुटप्पी कशी वागतात ही माणसे बघ

मुखवट्यावरती चढवती मुखवटे

खरा चेहरा कुठे हरवला हे नकळती त्यांसी बघ

सुधरत नाही माणसे बघ..

ईश्वराने बनविले माणसाला माणूस बघ

पण ती शेवटी जनावरे झाली बघ

सुधरत नाही माणसे बघ...

दिवसा मागे जाती दिवस

काळ्याचे होते पांढरे बघ

पण ना तरीही सुधरती माणसे बघ

अवगुणांना जणू परमेश्वर मानती ते बघ

मग कशी सुधरणार ती माणसे बघ

पण शेवटी प्रश्न तसाची राहतो

सुधरत नाही माणसे काय करावे बघ?

कवी:- सुमित अतकुलवार

काश ! कोरोना नसता तर ?

2021-06-03T14:17:00.002+05:30

काश ! कोरोना नसता तर ?

किती छान झाले असते ..

सर्वाना आपल्या मनासारखे जगता आले असते ...

लॉकडाउन, मास्क, सॅनिटायझर, आणि सोशल डिस्टेनसिंग यांनी

त्रस्त असलेले जीवन वाट्याला आलं नसत...

काश ! कोरोना नसता तर ?

लोकांची खाण्यापिण्याची कुचंबणा झाली नसती ...

रोजमजुरी करून हातावर आणून

पानावरती खाणाऱ्या गरिबांची

आबाळमात्र झाली नसती ...

काश ! कोरोना नसता तर ?

भविष्य घडवू बघणाऱ्या

विद्यार्थ्यांचे शैक्षणिक

नुकसान झाले नसते ..

काश ! कोरोना नसता तर ?

कित्येक मुले आई वडिलांच्या

प्रेमाला मुकली नसती ...

काश ! कोरोना नसता तर ?

कित्येक लोकांना आपले मित्र,

नातेवाईक, आप्तेष्टान पासून दूर

होण्याची वेळ आली नसती ...

काश ! कोरोना नसता तर ?

कित्येक मुलींचे लग्नाचे असलेले

स्वप्न हे छोटे खाणी औपचारिक

सभे सारखे उरकले नसते ..

काश ! कोरोना नसता तर ?

जागतिक वैफल्यग्रस्त , नैराश्यपूर्ण व

भययुक्त वातावरण निर्मिती झाली नसती ..

सुमित अतकुलवार

Various aspects of human relationships and modern technology [ # marathi article]

2020-06-17T16:02:00.002+05:30

मानवी नातेसंबंध विविध पैलू व आधुनिक तंत्रज्ञान

माणूस म्हटलं की तो एक समाजाचा घटक असतो त्या ठिकाणी राहात असताना त्याचे एकमेकांशी काही ऋणानुबंध जुळतात त्यालाच आपण नाते म्हणतो ही एक स्वाभाविक प्रक्रिया आहे यात कुठलेही नाविन्य नाही कारण मनुष्य हा समाजप्रिय प्राणी आहे .त्यामुळे त्याची विविध पैलू असलेले आपणास दिसतात.

नातेही प्रामुख्याने दोन प्रकारची असलेले आपणास दिसून येतात ,पहिलं म्हणजे रक्ताची नाती दुसरे म्हणजे बिन रक्ताची नाती अशा प्रकारची नाती प्रामुख्याने अस्तित्वात असलेले आपणास दिसून येते.

जीवन जगत असताना आपणास विविध गोष्टींशी आपला संबंध येत असतो, त्यावेळेस आपणास काही अडचणींचा सामना करावा लागतो .त्यावेळेस सहकार्य करण्यासाठी नातेसंबंध उपयोगी येताना आपणास दिसून येतात. मानवी जीवन जगत असताना प्रत्येक मनुष्याच्या जीवनात त्याला भाऊ-बहिण, काका - काकू ,आई - वडील मावशी - काका ,आत्या - मामा ,पत्नी ,मित्र इत्यादी अनेक प्रकारचे नाते निर्माण होत असतात.

या मधील सर्वच नातेसंबंधाची भूमिका व त्यांचे सहकार्य ही वेगवेगळ्या प्रकारचे असलेले दिसून येते. यात आपणास आणखी दोन प्रकारचे नातेसंबंध असलेले दिसून येतात त्यात कौटुंबिक व व्यावसायिक या दोन स्तरावर हे संबंध निर्माण होताना आपणास दिसून येतात .यात भाऊ- बहीण, आई- वडील ,काका -काकू, मावशी, आत्या हे सर्व कौटुंबिक नाते संबंध तर डॉक्टर - पेशंट, वकील - क्लाइंट ,दुकानदार आणि ग्राहक इत्यादी स्वरूपाची व्यवसाय स्तरावरती संबंध निर्माण होताना दिसतो.

आज आपण २१व्या शतकात राहतआहो अलीकडे हे नातेसंबंध जोपासण्याची भूमिका किंवा नातेसंबंधांविषयी रुची कमी होत असताना आपणास दिसून येत आहे . सर्वीकडे एक प्रकारचे आभासी विश्वात रममाण होण्यातील रुची अलीकडील समाजजीवनात वाढत असताना आपणास दिसून येत आहे, हे सर्व तंत्रज्ञानाचा वाढलेला वापर हे त्यामागचे कारण आहे . मोबाईल ,कॉम्प्युटर ,टि.व्हि इत्यादी उपकरणांमध्ये माणूस गुरफटलेला असलेले आपणास दिसून येईल.

पूर्वी सर्व लोक एकमेकांसाठी वेळ काढत सणसमारंभ या निमित्य भेटी देत आप्तस्वकीयांन सोबत आपला वेळ आनंदात घालवीत परंतु अलीकडे तसे होताना आपणास दिसून येत नाही. थेट समोरासमोर प्रत्यक्ष मानवी संवाद हा अलीकडे कमी होताना दिसत आहे. आपले सुख- दुःख ,अनुभव या गोष्टी आजकाल पूर्वीपेक्षा कमी प्रमाणात लोक प्रत्यक्षात एकमेकांशी भेटून व्यक्त होताना दिसतात आणि हे सर्व आता फेसबुक व्हाट्सएप इंस्टाग्राम या सारख्या साधनांचा वापर करून होताना दिसत आहे.

या ठिकाणी नेक डाउन (Neck down)संस्कृति म्हणजे मोबाईल संस्कृतीचा उदय झाला असल्याचे आपणास दिसून येते. सर्व क्षेत्रात फक्त संगणक, मोबाईल यावर इंटरनेटचा वापर करण्याचे प्रमाण मोठ्या प्रमाणात वाढलेले दिसते. त्यातल्या त्यात सर्वात प्रिय म्हणजे मोबाईल . तुम्ही बस स्टेशन, रेल्वे स्टेशन ,हॉस्पिटल, कार्यालय अशाप्रकारे कुठलेही ठिकाण असून तिथे मोबाईल वापरतांना बरेच जण तुम्हाला दिसेल . त्यामुळे तेथील होणारा मानवी संवाद हरपलेला दिसेल. मोबाईल व संगणक वरती इंटरनेटचा वापर करणे हे आज चुकीचे आहे असे म्हणता येत नाही कारण प्रत्येक क्षेत्रात त्यामुळे सुधारणा होत आहे . आपले जीवन हे सुसह्य होत आहे . प्रत्येक कार्यास गती प्राप्त झाली आहे परंतु या ठिकाणी मात्र दुसरीकडे या साधनांच्या अतिरेकी वापरामुळे मानवी नातेसंबंध कुठतरी धोक्यात येताना दिसत आहे. मानवी जीवनावर दूरगामी परिणाम होत आहे. याठिकाणी मोबाईल चे व्यसन अनेकांना जडत आहे. त्यामुळे बरेच लोकांचे मानसिक आरोग्य धोक्यात येत आहे . निद्रानाश ,डिप्रेशन यासारख्या समस्या निर्माण होत आहे एवढेच नव्हे तर सर्वात महत्त्वाचे म्हणजे आयुष्यातील तरुणांचा महत्त्वाचा वेळ करियर घडविण्यासाठी आवश्यक आहे तो त्यामुळे वाया जात आहे. टीक टॉक वरचे व्हिडिओ बघने ,तासंतास गेम खेळणे ,चॅट करणे आणि सातत्याने ऑनलाइन राहण्याच्या नादात आपला बहुमूल्य वेळ आपण वाया घालवतो त्यामुळेच याचा वापर मर्यादित व आवश्यक प्रमाणात यथोचित केला तर आपणास भविष्यात मानवी संबंध सुरक्षित ठेवता येईल व आपलं भविष्य आपल्याला घडवता येईल .

-: सुमित अतकुलवार

MARATHI POEM - 7

2020-05-30T13:27:00.000+05:30

संघर्षाच्या वाटेवर थोडा थोडा चालत जा..

संघर्षाच्या वाटेवर थोडा थोडा चालत जा...

एकटा असला तरी धीराने

थोडा थोडा वागत जा..

सोबत नाही कोणी म्हणून,

निराशेच्या छायेतून वाचत जा..

जीवनाच्या वाटेवर चालताना

संघर्षाला पर्याय नाही म्हणून,

संघर्षाच्या वाटेवर थोडा-थोडा चालत जा.

संघर्षाच्या वाटेवर चालताना

तुला बरेच कटू अनुभव येणार

कुणी तुला वेड्यात काढणार

तर कुणी तुझ्यावर हसणार

हे सर्व तू थोड- थोड सहन करत जा

अन् संघर्षाच्या वाटेवर थोडा थोडा चालत जा

संघर्षरुपी जीवनात चालताना

तुझे ध्येय गाठण्यासाठी,

या सर्वांकडे थोड-थोड दुर्लक्ष करीत जा..

अन् संघर्षाच्या वाटेवर थोडा थोडा चालत जा..

संघर्षाची वाट ही नाही कोणासाठी सोपी म्हणून,

या संघर्षाच्या काळातून चालताना

थोडे- थोडे सकारात्मक पाऊल ठेवत जा..

अन् संघर्षाच्या वाटेवर थोडा थोडा चालत जा..

विजय तुझाच निश्चित आहे ,

हे विसरू नको चालत जा..

फक्त थोडा प्रयत्न वाढवून

तुझ्या प्रयत्नरुपी परमेश्वरावर विश्वास ठेवत जा..

अन् संघर्षाच्या वाटेवर थोडा थोडा चालत जा..

सुमित संजय अतकुलवार

MARATHI POEM - 6

2020-05-22T13:42:00.004+05:30

नवी पहाट....

एकदा पुन्हा नव्याने जीवन

चक्र सुरू झाले आहे

एक नवी आशा, नवे विचार

आणि नवी पहाट झाली आहे....

कोरोनामुळे विस्कळीत झालेले जीवन

निसर्ग नियमानुसार पुन्हा अनुकूलन करत आहे...

विधात्याने लिहिलेल्या कोरोनारुपी

संकटाशी दोन हात करत,

दैनंदिन जीवन जगण्यास

लोक कंबर कसून तयार झाले आहे...

मध्यंतरी काही दिवस

काळाने जणू जीवनचक्रच स्तब्ध केले ,

असे दृश्य आपणास दाखविले आहे....

त्यातूनच मग सर्वत्र दिसत होती

ती निराशा ,दुःख, भीती आणि मृत्यूचे भीषण तांडव

परंतु परिवर्तनाच्या निसर्ग नियमानुसार

जणू पुन्हा मानवी जीवनात

नवी पहाट आली आहे....

नवी पहाट आली आहे......

सुमित संजय अतकुलवार

MARATHI POEM - 5

2020-05-14T15:09:00.014+05:30

राजे हो ,माणूस होणे नाही परवडले

राजे हो ,माणूस होणे नाही परवडले

माणसा पेक्षा जनावरेच बरी

कारण जशी ती दिसते तशीच ती आहे खरी

बघा त्या मुंगी कडे एवढीशी ती मुंगी

परंतु तिची शिस्त मोठी,

एका रांगेत चालते परंतु माणूस रस्त्यावरून पळते इकडे तिकडे,

नाही चालत लाईनीत ,नाही पहात सिग्नल, नाही पाळत नियम

म्हणून म्हणतो राजे हो ,माणूस होणे नाही परवडले

माणसापेक्षा जनावरेच बरी

कुत्रा म्हणून माणूस देतो दुसऱ्यास शिवी

पण कुत्रे इतकी इमानदारी कुठे आहेत का त्यांच्या अंगी बरी

कुत्रा ठेवतो उपकाराची जाण

आणि जपतो मालकाची शान

पण माणूस विसरतो सर्व उपकाराचे वाण

म्हणून म्हणतो राजे हो ,माणूस होणे नाही परवडले

माणसापेक्षा जनावरेच बरी

एकदा सरडा परवडला राजे हो

कमीत कमी जीव वाचवाले बदलते देतो तो त्याचा रंग

पण माणूस त्याच्या पेक्षा भारी

स्वार्थासाठी बदलते त्याचा रंग सेकंदा परी

म्हणून म्हणतो राजे हो ,माणूस होणे नाही परवडले

माणसापेक्षा जनावरेच बरी

सापापेक्षा आहे माणसाची जीभ जास्त विषारी

साप डसला तर माणूस एकदाच मरतो.

माणूस मात्र आपल्या जीभेने डसुन वारंवार दुसऱ्याले मारतो

म्हणून म्हणतो राजे हो ,माणूस होणे नाही परवडले

माणसापेक्षा जनावरेच बरी

- सुमित संजय अतकुलवार

MARATHI POEM - 4

2020-05-03T11:58:00.002+05:30

जीवन हे विरोधाभासी आहे

जिथे पाप आहे तिथे पुण्य आहे

जिथे सत्य आहे तिथे असत्य आहे

तसेच जिथे रात्र आहे तिथे दिवस आहे