Geeth's Blog

Aalaye Ghatha (ආලයේ ගාථා) - Kasun Kalhara

2016-12-15T21:37:00.002+05:30

ආලයේ ගාථා - සජ්ජායනා කලා

ආලයේ මන්ත්‍ර - සිය වරක් ජප කලා

චණ්ඩාල වශී බන්ධනයෙන් හද බැඳ තබා

සාධු ජන ස්වප්නය ට නිගා දී ඔබ ගියා...

ස්නේහයේ චුම්බනය - නලල මත වගුරුවා

ආලිංගනය සුරස - මතක පොත පුරව්වා

ප්‍රේම ආරාමයේ - කැනි මඩළ බිම හෙලා

සාර තර වසන්තය - නිමා කර ඔබ ගියා...

සුපුෂ්පිත හදවතේ - සුගන්ධය විහිදුවා

සුරක්ෂිත දොරටුවේ - සෙබළ මුළු විසුරුවා

ප්‍රේමයේ....... අභය භුමියේ දි මා නසා

මධුර මධු කුසලාන - කඩා බිඳ ඔබ ගියා...

ආලයේ ගාථා - සජ්ජායනා කලා

ආලයේ මන්ත්‍ර - සිය වරක් ජප කලා

චණ්ඩාල වශී බන්ධනයෙන් හද බැඳ තබා

සාධු ජන ස්වප්නය ට නිගා දී ඔබ ගියා...

Kasun Kalhara

2012න් 2013ට

2012-12-31T19:21:00.000+05:30

2012 වර්ශයේ අතපසුවූ දේ, වැරදුන තැන් බොහොමයි. ඒ වගේම විනෝද වුන අවස්ථා බොහොමයි. ඒ හැම දෙයක්ම අතරින් 2013ට පිවිසෙන්න ඕනෙ ඒ සතුට, විනෝදය හැම දෙයක්ම එක්ක වැරදුන මගහැරුන දේවල් අමතක කරලයි. ගතවුන වසර ගැන ආපසු හැරී බලන විට මගෙ බලාපොරොත්තු 90%ක් විතර හොඳින් නිම කලා කියල හිතෙනව. මේ වසරත් මට ගොඩක් කාර්යබහුල වසරක් වේවි. හැම දෙයක්ම අතරින් ඒ බලාපොරොත්තු ඉටුකරගන්නයි මගෙ අදහස නම්.

ඔබ සැමට මේ ලබන්නාවූ 2013 නව වසර සියලු බලාපොරොත්තු ඉටුවන ප්‍රීතිමත්, සුභම සුභ නව වසරක් වේවි. !

ඩොමේනය නැති විය.. :(

2012-09-09T09:03:00.000+05:30

ආයෙත් ඇබැද්දියක්.!! වසර 2කටත් වඩා වැඩි කාලයක් මගෙ බ්ලොග් එකට භාවිතා කරපු www.geeth.info ඩොමේන් එක Renew කරගන්න බැරිවුන නිසා මට නැති වුනා. Expire වෙලා මාසයකටත් අඩු කාලයක් ඇතුලත ඒක වෙන කෙනෙක් මිලදීගෙන. ඒ වෙනුවට මම www.geeth.net ඩොමේන් එක නැවත මිලදී ගත්ත. දැන් මගෙ බ්ලොග් එ‍කෙ ලිපිනය blog.geeth.net ලෙස වෙනස් වෙලා. මේ නිසා කියවන ඔබට යම් අපහසුතාවක් සිදුවුනානම් සමාවෙන්න. ඒ වගේම ඔයාලගෙ බ්ලොග් වල මගෙ බ්ලොග් එකට තියන ලින්ක් එකක් තියනවනම් ඒක අලුත් ලිපිනයට වෙනස් කරන්න කියල ඉල්ලා සිටිනව. අලුත් ඩොමේන් එක අරන් සති 3ක් විතර වුනත් ලිපියක් ලියන්න බැරි වුනෙ වෙලාවක් තිබුනෙ නැති නිසයි. ඉක්මනින් අලුත් ලිපියකින් හමුවෙමු. ;)

තවත් වෙන්වීමක්.

2012-07-05T14:41:00.001+05:30

මේ තවත් වෙන්වීමක්. පාසලේදී උසස්පෙළින් වෙන්වුනාට වඩා හිතට දැනෙන වෙන්වීමක් මේ. පාසල් අධ්‍යාපනයෙන් පසු වෘත්තීය අධ්‍යාපනයෙ එක් කඩයිමක වෙන්වීමක්.

ඊයෙ (2012 ජූලි 05 වෙනිද) නිල වශයෙන් කාර්මික විද්‍යාලයෙ පාඨමාළාව අවසන් වුනා. ( ICT - N.V.Q. Level 4 ) ඉතාමත් කෙටි කාලයක් එක්ව සිටි අපි එකිනෙකා කෙරේ බොහොමයක් බැඳීමෙන් සතුටින් කටයුතු කලා, අධ්‍යන කටයුතු වල යෙදුන. නමුත් ඒ සතුට අතරින් වෙන්වුන දවසයි ඒ. හමුවීමක් තුල අනිවාර්යෙන්ම වෙන්වීමක් තියෙනව. ඒ නිසා ඒ දුකත් අපි එක්ව බොහෝ වෙලාවක් ක්‍රීඩා පිටිය අසල ගතකරල කාර්මික විද්‍යාලයෙන් නිල වශයෙන් සමුගත්ත. නමුත් විභාගයට නැවත මේ වෙත එකතුවේවි. ඒ වෙනතෙක් මේ රූපය තනිරකීවි.

සූර්ය මංගල්‍යය, වෙසක් කුඩු තරඟ‍, යෞවන දිනය‍, පොසොන් උත්සවය,ඉංග්‍රීසි දිනය, ක්‍රීඩා උත්සව වැනි බොහොමයක් විශයභාහිර ක්‍රියාකාරකම් වලිට සාමූහිකව සහභාගිවෙලා හිටි කාලය ඊයෙන් අවසන්. තව දවස් කිහිපයකින් මේ අය වෙන්වෙලා වෘත්තීය අධ්‍යාපනයේ තවත් එක් කොටසක් වන ආයතනගත පුහුණුව වෙත යොමුවේවි. ඉන් පසු NVQ Level 5 වෙත කොටසක් ගමන් කරන අතරේ තවත් කොටසක් රැකියා වෙත යොමුවේවි. නමුත් එක්ව ගතකල මේ දිවිය කිසිවෙකුට අමතක නොවේවි.

මේතාක් කාලයක් අපහට නිසිමඟ පෙන්වූ විදුහල්පත්, ඉගැන්වූ ගුරැවරුන්, කොරියන් කොයිකා ආයතනයේ කාර්යමණ්ඩලය, සේවක සේවිකාවන් ඇතුලු සැමගෙන් මෙසේ සමුගත්තෙමු ! (ඡායාරූපයට ගුරුවරැන් හා කාර්යමණ්ඩලයේ කිහිපදෙනක් එක්කර ගැනීමට නොහැකීවීමද එක්තාර දුකක්.)

මේ අපෙ ඩිස්නිලන්තය.

ඇන්ජි, ස්කුබී, ඩොටී, සීදේවී, හැලයා, පොඩි ළමය, VD (විකාර), දඟයා, බැබුං, AirFOX, බට්ටා........

මේ පුංචි රටේ ආයෙ කොහෙදි හරි හමුවේවි. මචං කියල කතා කරාවි. කල කී දෑ ගැන කතා වේවි. මතකයන් අලුත් කර කර හිනාවේවි.

දිගු නිහැඬියාවකින් පසු නැවතත් බ්ලොග්කරනයට..

2012-04-24T11:00:00.000+05:30

දිගු කාලයක පසු අද තමයි බ්ලොග් එකේ ලිපියක් ලියන්නෙ. මේ කලාය තුල බොහොමයක් තාක්ෂණ ගැටලු වලට මගෙ බ්ලොග් එක මුහුණ දුන්න. ගොඩක් අය මුණුපොතෙන්, ඊමේල් වලින් ඇහුව ඇයි බ්ලොග් ලියන් නැත්තෙ කියල. මේකයි විස්තරේ ;)

2011 නොවැම්බර් 3 වෙනිද සුපුරුදු විදියට VMware Workstation ගැන ලිපියක් ලීවෙ මගෙ Hosting Account එකෙ ස්ථාපනය කරල තිබුන WordPress Self-hosted බ්ලොග් එකෙ. ඒත් ඒ Server එක හදිසියේ බ්ඳවැටීම නිසා බ්ලොග් එක සහ එහි ස්ථාපනය කරල තිබුන මගෙ සියලුම Web Sites බ්ඳවැටුන. ගොඩක් ආසාවෙන් තමන්ගෙම Server space එකකට blogger.com වල තිබුන බ්ලොගය ගෙන ගියත් මේ සිද්ධියෙන් පසු එකත් එපා වුනා. ඒ නිසා නැවතත් Blogger වෙතට මගෙ ඩොමේන් එක මැප් කරල ගෙන එන්න හැදුවත් Blogger සිට Wordpress වෙත ගෙනයනව තරම් ඒක ලේසි වුනෙ නැ. ඒත් අන්තිමේදි කොහොම හරි දැන් මේ බ්ලොග් එක ආයෙත් තියෙන්නෙ Free Space එකකයි. ඒ කියන්නෙ දැන් මේක තියෙන්නෙ Google Servers වල. හරිම ස්ථායි. බ්ඳවැටීම් නැතිම තරම්. නොමිලේම සේවාව සැපයෙනව. [පසුව Wordpress Selfhosted Blog එකක් නැවත Blogger වෙන ගෙනඑන ආකාරය ලියන්නම්.]

ඉතින් මේ සිද්ධියෙන් පස්සෙ තවමත් මෙහි සමහර පිංතුර නිසිලෙස පෙනෙන්නෙ නැහැ. ඒ වගේම ලිපි වල ලින්ක් එහෙමත් අලුත් වෙලා. ඒ නිසා මම පටුන පිටුවක් එකතු කලා. ඒවගේම වැඩකට නැති චාටර් පරන ලිපිත් ඉවත් කලා. ලිපි 200කට වැඩි ගනනකින් දැන් ඉතිරිවෙලා තියෙන්නෙ ලිපි 103 ක් පමණයි. Clean, Simple Theme එකක් යොදාගත්ත. දැන් ආයෙත් බ්ලොග් ලියන්න පුලුවං . :) දැන්නම් ස්න්ඩිකේටර් වලිනුත් ඉවත් කරල ඇති. ආයෙත් ඇතුල් කරන්න ඕන. සෙවුම් යන්ත්‍රවල Index වුන links එහෙමත්, Ranks එහෙමත් නැති වෙලා ඇති.

ඉතින් මේක අලුත් අවුරුද්දක්, අලුත් ආරම්භයක් නේද ?

VMware Workstation | Virtual පරිගණක සමඟ වැඩකිරීමට

2011-11-03T01:27:00.000+05:30

මා මීට පෙර ලිපියක Virtual Box සමඟින් Virtual පරිගණක කිහිපයක් සාදාගෙන කුඩා Virtual Network එකක් සාදාගන්න හැටි ඉදිරිපත් කළා. ඒ සඳහා යොදාගත්තෙ Virtual Box මෘදුකාංගය. නමුත් එය නොමිලේ ලබා නොදෙන නිසා ඒ ගැන තිබුන අහදස අත්හැර දැමුව. ඒත් පසු දිනෙක මේ ගැන ආසහිතුන නිසා දාල බැලුවම තමා මේකෙ තිබෙන පහසුකම් ගැන දැනගන්න ලැබුනෙ. ඇත්තෙන්ම මේක නියම මෘදුකාංගයක්. VM Ware අඩවියෙන් වීශාල Products ප්‍රමානයක් ඉදිරිපත් කරල තිබෙනව. නමුත් අපිට මේකට අවශ්‍යවෙන්නෙ VMware Workstation විතරයි. මේකෙ අත්හදාබැලීමේ සංස්කරනයක් ඒ අඩවියෙන් නොමිලේ බාගන්න පුලුවන්. (www.vmware.com)

මෙහි එක් එක් Virtual Machines වැඩකරන්නෙ වෙන වෙනම Tab වල. හරියට Firefox හෝ Chrome වැනි Browser එකක අන්තර්ජාලය පිරික්සනව වගේ. ඒ නිසා ක්ෂණිකව අවශ්‍ය මෙහෙයුම් පද්ධතිය ඇති Virtual Machine එක වෙන මාරුවෙන්න පුලුවන්‍‍. අනික තමයි VM වල BIOS Setup එක පවා වෙනස්කම් කරන්නට ලබා දී තිබීමයි. තව මේ වගේ පහසුකම් ගොඩක් VMware Workstation සතුයි.

ඉතින් මේ වගෙ පහසුකම් තියෙද්දි VMware Workstation එක්ක වැඩකකර කාලෙකින් ලිපියක් ලිවුවෙ නැති නිසයි අනිත් අයට දැනගන්නත් එක්ක මේ ලිපිය බ්ලොග් එකට දාන්නෙ. අත්හදා බලල බලන්නකො. මේකෙ SN එහෙම ඕනනම් කමෙන්ට් පාරක් දාන්නකො. හැබැයි Educational Propose Only ;D

වැඩිදුර අධ්‍යනයට, මේ ගැන හැකර්.lk වල සවිස්තර ලිපි 2ක් පලවෙලා තිබුන. මේ තියෙන්නෙ ඒ ලිපි දෙක

පළමු ලිපිය

දෙවන ලිපිය

OS කිහිපයක් ඇති පරිගණකයකින් එක් OS එකක් අයින් කරන්න පුලුවන්ද ?

2011-09-27T23:36:00.000+05:30

ඇත්ත කතාව නම් බැහැ කියන එක තමයි. මොකද සාමාන්‍ය මෘදුකාංගයක් වගේ Operating System එකක් Uninstall කරන්න බැහැ. ඒ වුනාට පොඩි උපක්‍රමයක් භාවිතා කරන අනවශ්‍ය මෙහෙයුම් පද්ධතිය ඉවත් කරගන්න පුලුවන්‍. ගොඩක් දෙනෙක් කරන්නෙ අනවශ්‍ය මෙහෙයුම් පද්ධතියට අදාල ෆයිල්ස් ටික ඩිලිට් කරන දාන එක. ඒත් පරිගණකය බූට් වෙන අවස්ථාවෙ පෙර පරිදිම පද්ඨතිය පනගන්වන්න අවශ්‍ය කුමන මෙහෙයුම් පද්ධතියෙන්ද කියල විමසනව. ඒ ගැටලුවට පිලියමක් තමයි මේ..

මුලින් භාවිතා කරන්න අපේක්ෂිත මෙහෙයුම් පද්ධතියෙන් පරිගණකය පනගන්වාගෙන එහි Boot Loader එකේ පොඩි වෙනස්කමක් කරන්න ඕන. මේක boot.ini යන නමින් මෙහෙයුම් පද්ධතිය ස්ථාපනය කර ඇති partition එකෙහි සැගවීලා තියෙන්නෙ. Folder Option හි Hide Protected Operation System files මගින් මේ ෆයිල් බලාගන්න පුලුවන්. නැතිනම් System Properties වලින් වුනත් කරගන්න පුලුවන්.

මුලින්ම System Properties වල Advanced හි Startup & Recovery යටතේ Settings විවෘත කරගන්න.

එහි Default Operating System එක භාවිතා කරන්න අවශ්‍ය මෙහෙයුම් පද්ධතිය ලෙස තෝරා දෙන්න. Time to display operating systems වලට 1ක් ලබා දෙන්න. නැතිනම් ඒ ඉදිරියෙන් ඇති tick එක ඉවත් කරන්න. දැන් OK කර පරිගණකය Restart කර බලන්න පුලුවන්. ඉන්පසු අනවශ්‍ය මෙහෙයුම් පද්ධතියේ ෆයිල්ස් ඩිලිට් කිරීම කරන්න පුලුවන්.

නමුත් Boot Loader එකෙන් මේ මෙහෙයුම් පද්ධතිය ඉවත් වෙන්නෙ නැ. ඒයින් ඉවත් කරන්න ඉහත Dialog box එකෙන්ම Edit ක්ලික් කර [operating systems] වලට පහලින් අනවශ්‍ය මෙහෙයුම් පද්ධතියට අදාල පාත් එක ඩිලිට් කරන්න.

Eg- XP අනවශ්‍යනම්

multi(1)disk(1)rdisk(2)partition(1)\WINDOWS="Microsoft Windows XP Professional" /noexecute=optin /fastdetect /usepmtimer

යන කොටස ඩිලිට් කර save කරන්න ඕන.

අන්තිමට කියන්න තියෙන්නෙ මෙහෙම කරනවනම් පොඩි risk එකක් ගන්න වෙනව කියල තමා. ඔය Boot Loader එක එඩිට් කරන එක ටිකක් භයාගන වැඩක් !!

WordPress වලට Jet Pack

2011-09-12T00:55:00.000+05:30

Jetpack කියන්නෙ මොකක්ද ?

Jetpack කියන්නෙ Wordpress වලට තියෙන Plugins එකතුවක්. Wordpress.com හි පවත්වාගෙන යන බ්ලොගයක Self-hosted Wordpress Blog එකක නැති පහසුකම් කිහිපයක් දකින්න තියෙනව. Jetpack plugin එකෙන් කරන්නෙ ඔබේ Self-hosted Wordpress Blog එක Wordpress.com හා සම්බන්ධකරල ඒ පහසුකම් සක්‍රීය කර දීමයි.

මේකෙ වාසිය තමයි අපේ Wordpress ස්ථාපනය කරල තියන Server එකෙ Brandwith එක ඉතිරිවීම. ඒ මේ පහසුකම් Wordpress Cloud Servers වල ක්‍රියාකරන නිසයි.

Jetpack වල ඇතුලත් වෙන්නෙ මොනවද ?

Gravatar Hovercards: Find out who’s commenting on your posts with enhanced information for Gravatars (includes full name, bio, other web profiles).

WordPress.com Stats: Keep on top of your traffic with powerful and simple to understand statistics for your site.

Twitter Widget: Keep your readers more up to date by syncing your tweets to your site via a simple widget.

Shortcodes: Quickly add movies, images, and more to your posts and pages with a single line of code.

Shortlinks: Automatically creates an easy to copy/paste mini-url for any post on your site.

: Use the famous markup language to quickly create beautiful mathematical expressions and equations.

Sharedaddy: Your readers can easily share your posts via email or their favorite social networks.

After the Deadline: Your writing will improve thanks to this artificial intelligence based spell, style, and grammar checker.

ඉතින් මේ පහසුකම් ඔබත් දැන්ම අත්විඳින්න.

http://jetpack.me/

Virtual Networking අත්දැකීමක්‍. Virtual Box සමග Dual Monitor භාවිතයෙන්)

2011-08-27T01:58:00.000+05:30

මට මේ ලඟකදි Networking ගැන තිබුන දැනුම ටිකක් අලුත් කරගන්න හිතුන. විශේෂයෙන්‍ම Windows Server 2003 වල Active Directory, Users ල හදන හැටි, ඒ අයට Policies දෙන හැටි, Exchange Server, DHCP Server, වගෙ Domain Network එකක සාමාන්‍ය දේවල් ගැන දැනුම ටිකක් පොලිෂ් කරගන්නයි ඕන වුනෙ. ඉතින් ඕකට Network Cables, Network Switch, තව computers එක්ක පොඩි නෙට්වර්ක් එකක් හදාගන්න එක ටිකක් කරදරයි වගෙ. ආර්ථික වශයෙනුත්, කාල වෙලාව අතිනුත් මට ටිකක් කම්මැලි හිතුන. මේ ගැන හොය‍නකොට තමයි නෙට් එකෙ තිබිල VMware ගැන හොයාගත්තෙ. ඒත් ඒකට සල්ලි දෙන්න වෙනව. අනික VMware Workstation එකත් 500MB විතර තියනව. මම ඔයවගෙ ගැටලු වලට හොද විකල්පයක් යොදාගත්ත. ඊට පස්සෙ හොද Virtual Network එකක් හදාගත්ත.

මේ Virtual Network එක හදාගන්න පාවිච්චිකලෙ VirtualBox මෘදුකාංගය. මේක Free නිසා අවුලක් නැ.

(මෙතනින් ගන්න පුලුවන් - http://www.virtualbox.org/wiki/Downloads) ‍

මම කෙටියෙන් කරපු හැටි විස්තර කරන්නම්.

මුලින්ම Virtual Box බාගෙන Install කරගන්න ඕන.

ඊට පස්සෙ VirtualBox මෘදුකාංගය තුල Windows Server 2003 OS සහිත Virtual Machine හා තවත් Windows XP OS සහිත Virtual Machine එකක් හදාගත්ත.

Virtual Machines Run කරන්න කලින් ඒවගෙ Settings වලින් Network Adepter එකක් Enable කරල ඒක Internal Network විදියට සකස් කරගන්න ඕන. මේක Server 2003 දාන Virtual Machine එකෙයි, Client එකක් විදියට use කරන Virtual Machine එකෙයි 2ම මේ විදියට කරගන්න ඕන.

ඊට පස්සෙ රන් කරල OS දෙක වෙන වෙනම දාගත්ත. පලමුවරට Run කරනකොට OS එක තියන CD එක තියන Drive එක අහනව. එතකොට අපෙ CD/DVD Rom එක දෙන්න පුලුවන්. Next කරල ඉදිරියට ගියාම Virtual Hard Disk හදාගන්න ඕන. මම දුන්නෙ 10GB විතර. කැමති ගානක් දෙන්න පුලුවන්. OS දාල ඉවර වුනාම මේ වගෙ පෙනේවි. අවශ්‍ය Virtual Machines ගනනක් RAM එකෙ හැටියට හදාගන්න පුලුවන්. මමනම් හැදුවෙ එකයි ;)

දැං Virtual Machine දෙකම boot කරන්න. (Start කරන්න) මේ වගේ boot වේවි.

ඒත් මට පොඩි අවුලක් !! එක ඩෙස්ක්ටොප් එකෙ මේ 2ම වැඩ කරන්න පුලුවන් උනත් හිතට හරි නැ.. ඔය වෙලාව තමයි මතක් වුනෙ මගෙ Graphic Card එක ගැන. :) ඒක nVidea GForce 8400 GS එකක්. ඉතින් ඕකෙ DVI Port එකකුත් තියනව. නිකං තියන එකෙ ඔකෙනුත් වැඩක් ගන්න හිතුන නිසා යාලුවෙක්ගෙ LCD මොනිටරයක් අරන් ආව ටික දවසකට. ඒකෙත් DVI Port එකට සම්බන්ධ කරන්න බෑ. ඒ නිසා DVI to VGA Converter එකකුත් හොයාගත්ත වෙන යාලුවෙකුගෙන්.

මේවනම් e-bay වල ඕනතරම්

හරි. දැන් Monitor දෙකම VGA Card එකට සවිකරල ඉවරයි. ඊට පස්සෙ මම nVidea Control Panel වලින් Multiple Monitor Settings හදාගත්ත. NVIDIA nView Desktop Manager වලින් එකම Desktop එක අනිත් Monitor එකටත් Extend කරල Resolution එහෙම හදාගත්ත.

ඊට පස්සෙ ආයෙත් Virtual Machines Run කරල එක Virtual Machines 2 Monitor දෙකට වෙන වෙනම දැම්ම.

ඒ Virtual Machines වල Display Properties වලින් මොනිටරේ Resolution අගයට සමාන අගයක් දීල Virtual Box වලින් define කරල දෙන Host Key + F ඔබල Full Screen කරගත්ත (නැතිනම් Machine -> Switch to Full Screen)

දැන් ඔක්කොම හරි.

මීලඟ පියවර IP Address හදන එක. මම Class C වල IP Address එකක් යොදාගත්ත. (192.168.10.xx)

Network එක වැඩ. !! ඕනනම් Ping කරල බලන්න පුලුවන්.

ඒකට Command Prompt එකෙ Ping <ip_address> ලබාදෙන්න.

eg - ping 192.168.10.2

එතකොට මේ වගෙ Reply එනවනම් Network එක වැඩ. !!

C:\Documents and Settings\Administrator>ping 192.168.10.2

Pinging 192.168.10.2 with 32 bytes of data:

Reply from 192.168.10.2: bytes=32 time<1ms TTL=128
Reply from 192.168.10.2: bytes=32 time<1ms TTL=128
Reply from 192.168.10.2: bytes=32 time<1ms TTL=128
Reply from 192.168.10.2: bytes=32 time<1ms TTL=128

Ping statistics for 192.168.10.2:
Packets: Sent = 4, Received = 4, Lost = 0 (0% loss),
Approximate round trip times in milli-seconds:
Minimum = 0ms, Maximum = 0ms, Average = 0ms

ඔහොමයි මගෙ Virtual Network එක හැදුනෙ. කෙනෙකුට ඕනනම් Monitor 2 ක් නැතිව තියන මොනිටරේම උනත් කරන්න පුලුවන්. (ඉහල තියන Virtual Machines boot වෙන පිංතුරෙ වගෙ) :) ට්‍රයි එකක් දාලම බලන්න. ගැටලුවක් තියනවනම් අහන්නකො.

෴

A/L - SMS

2011-08-06T00:29:00.000+05:30

විබාගෙ කිට්ටුවෙනකොට එක එක විදියෙ SMS හෝ ගාල එනව Forward කරන්න කියල.. ඒකෙන් හිතට අල්ලපු එකක් තමා මේ... ආයෙ ඉතින් ඉස්කෝලෙ යන්නයැ..

අයිසැක් නිවුටන් අපිත් දකින්ඇති

සයන්ස් කරන්ඇති ඒකාලේ...

පාස් වෙන්නට ලකුනු මදි ඇති

ඒකයි තවමත් ඉස්කෝලේ....‍

සයන්ස් කරත් අපි, කොමස් කරත් අපි

එකමයි කෙරුවේ ඒ කාලේ...

‍පිස්සු කෙලින්ඇති, ලවුත් කරන්ඇති

ඒකයි තවමත් ඉස්කෝලේ...

අපේ පවට අපි මොනව කරන්නද

කොමස් බයෝ මැත් මොන තාලේ...

මෙතේ බුදුන් දැක ලබන අගෝස්තුවෙ

ෆිනිෂ් කරමු අපි ඉස්කෝලේ...

මේක එන්නෙ මේ විදියට,

'Isek newton' apith dakinnathi

science karannathi e kale...

pass wennata lakunu madi athi

ekai thawamath iskole...

science karath api commerce karath api

ekamay keruwe ekale...

pissu kelinnethi, loveth karannethi

ekay thawamath iskole...

ape pawata api monawa karannada

commerce bio maths mona thale...

methe budun deka labana agosthuwe

finish karamu api iskole...

(4wrd diz msg 2 ur all fndz....)

පාසල් දිවියේ අවසන් දිනයත් ගෙවී ගියා

2011-07-28T20:21:00.000+05:30

අවුරුදු 13ක පාසල් ජීවිතය අදින් අවසන්. අවසන් වරට A/L මිතුර මිතුරියන් සමගින් සතුටින් පාසලේ ගතකර සුපුරුදු ලෙස අප කළ කණ්ඩායම් ව්‍යාපෘතිය දෙස මදක් බලා සිට සියලුදෙනා‍ගෙන් සමුගෙන, සුපුරුදු පරිදි නිවස බලා ඇති කිලෝමීර් 3 පැමිනෙන අතර සිතට දැනුන දේ, මතකයට ආ දේ අපමනයි. සුලුවෙන් හිතාගෙන හිටියට හිතට ලොකු දුකක්. මුලු පාසල් කාලයම මේ කිලෝමීටර් 3 ඇතුලත මතක් වුනා.. මටම පුදුම ඒ සා/පෙ කාලය ගැන පොඩ්ඩක්වත් මතක් නොවී උ/පෙ ගැන මෙච්චරම දැනෙන්නෙ කියල. මේ අවු.3 දි පන්තියෙ යාලුවන්ට මම නොදැනම ගොඩක් ලං වෙලා. මම හිතන්නෙ ඒච්චරටම සමීප වුනෙ අපේ ව්‍යාපෘතිය නිසා වෙන්න ඇති. ඒ දවස්වල ගොඩක් මහන්සිවෙලා අපි වැඩකලා. හැමදෙයක්ම අමතක කරල. ව්‍යාපෘතිය ඉවර කලා.

අවුරුදු 3කට ආසන්න කාලයක් එකට පිස්සු කෙලපු, එකට ගුටි කාපු, ඕනම වලියකට එකට සෙට් වුන, ඉස්කෝලෙ හොල්ලගෙන හිපටු එක බත්එක බෙදාගෙන එකට කාපු කොල්ලොටික හිටපු, ඒහෙම 16 දෙනෙක් අතරෙ පාසලේ හොදම පන්තිය බවට පත්කරන්න ගොඩක් මහන්සිවුන, වැඩිම ප්‍රතිථල පෙන්නන්න කට්ට කාගෙන පාඩම් කරපු කෙල්ලො ටික හිටපු පංතියට අලුත් ළමයි ඇවිත්. අවු‍රුදු 2ක් අපේ පන්තියෙ ගුරුතුමියට, විශේෂයෙන්ම විදුහල්පතිතුමාට වධයක් වුන, ඉස්කෝලෙ මොන කේස් එක වුනත් ප්‍රින්සිපල් ඉස්සරෝම එන අපේ පන්තිය අදින් පස්සෙ පාසලේ නැ. මේ දේවල් මතක් වෙනකොට හදවතට මාර දුකක්. නොදැනම ඇස් දෙක තෙත්වෙලා. යාලුවො ටික අපේ ගෙදර ආපු දවසට නාන්න යන ඇලෙන් මූන හෝදගෙන ඉතුරු ටිකක් යන්න යන්න තවත් දුක වැඩියි.

මේ කිලෝමීටර් 3 අතරෙ අනිතිම කිලෝමීටරෙ යද්දි මට හිතෙන්නෙ මම ගැන. දන්නෙම නැතුව ජීවිත කාලෙන් ආසන්න වශයෙන් තුනෙන් එකක් ( 3 1/2 ) ඉවර වෙලා. :( ඒයිනුත් අවුරුදු 13කට වඩා ටිකක් විතර වැඩිපුර ඉස්කෝලෙටම ගෙවිල. ඒත් ආපහු හැරිල බලනකොට තමාටම කියල කරගත්ත දෙයක් නැ වගෙයි මට හිතෙන්නෙ.

ඊටත් වඩා අපි පංතියෙ පිස්සු කෙලපු හැටි ගොඩක් මතක් වෙනව. හැම පෝයකටම කොහෙ හරි පංසලකට යන්න උත්සහකරපු අපි, එකිනෙකා සමීප ගම්වල නොසිටියත් පාසල් කාලයෙන් බැහැරව වුනත් එකට එකතු වෙලා හිටිය. යාලුවන්ගෙ මළ ගෙවල්වල ගිහින් උදවු කරපු අපි, පංතියෙ යාලුවන්ගෙ පවුලේ මඟුල් ගෙවල් 2කටම ඇති පදමට මහන්සිවෙලා උදවු කලා. හැම එකාගෙම උපන්දිනේකට රෝලෝ කාපු අපි ඒ හැම එකාගෙම දුකකටත් සහෝදරයෙක් වගේ උදවු කලා. ඕන දේකට එකට හිටිය අපි වලියක් වුනත් ජොලියට අරන් තම තමන් ශ්‍රේණිගතකිරීම් කරල ෆන් එකක් ගත්ත.මේ ශ්‍රේණිගතකිරීම් වලින් එකට එන්න පොරකාපු අපි අපිමත් වෙලාවකට කෙලගත්ත‍. ටියුෂන් පන්තිවල වුනත් එකටම හිටිය අපිට, පංති කට්කර ෆිල්ම් බලපු දවස් අනන්තයි. සතුටට දුකට, මළගෙදරට මඟුල්ගෙදරට වගේම එක එකාගෙ ලවු පලහිලවු වලටත් මාර විදියට උදවු කරගත්ත, ක්‍රීඩා වලදි උනත් අපේ එකෙක් කියල කැගහන්න හිටපු මේ වගේ කොල්ලො ටිකක්, ඇඩ්වයිස් ගත්ත කෙල්ලො ටිකක් එක්ක හිටපු A/L කාලය අවසන් කරන්නත් බෑ වගෙයි. ඒත් ඉතින් මොනව කරන්නද ? Undo කරන්න Ctrl+Z ප්‍රෙස් කරනද ? නැත්තම් System Restore කරන්නද ?? ඒත් මම හිතන්නෙ අපේ මේ තිබුන Friendship එක තව බොහෝ කාලයක් තියෙයි.

අපිව මතක් වෙන්න අපි එකට හිටපු පොටෝ හරි තියේවි. ගිය හැම පංසලකම, හැම උත්සවේකම, හැම විදියෙම ගමනකම පොටෝ ඒ දවස්වල ගත්තෙ මේවගෙ දවසක් එන නිසයි මචන්. අපි ගැන මතක් වෙන වෙලාවට හරි බලන්න ඒවහරි ඉතුරුවේවි. අපේ මේ බැඳීම හින්දම වෙන්න ඇති Technical College එකට එකෙක් Application දැම්මම මමත් එනව මචන් කියල එක එකා සෙට් වුනේ.

අද A/L Admission එක ලැබුන. ඇත්තටම අද වෙනකම් අපි එක්කෙනෙකුටවත් විභාගයක් ගැන තදින් දැනිල තිබුනෙ නැ. ලබන 8 වෙනිදයින් ආරම්භවන විභාගය ගැන මට එතරම් විශ්වාසයක් නොතිබුනත්, ජීවත් වුන මේ සුලු කාලයෙ මගෙ ආදරනීයම, වටීනාම කාලය තමයි උසස්පෙළ අවුරුදු කිහිපය. අමතක කරන්නම බැරි තරම් තදින් හිතට වැදිල තියන මේ දේවල් මතක් වෙන මතක් වෙන හැම වෙලාවෙම ලොකු දුකක් හිතට දැනෙන්නෙ.

මම උඹලගෙ නුවන්.

වෙබ්අඩවියක පිංතුර HTML Tags මගින් Search Engine Optimize කිරීම

2011-07-21T14:07:00.000+05:30

SEO කිරීම කොතරම් වෙබ් අඩවියකට හෝ බ්ලොගයකට වැදගත්ද කියල අමුතුවෙන් කියන්න දෙයක් නැ.. SEO වැඩීවන තරමට වෙබ් අඩවියක වටිනාකම, එයින් ලබල ආදායම, පිවිසෙන්නන් ගනන වැඩිවෙනව වගේම, crawling, indexing, ranking වගේ දේවල් වලටත් තදින් බලපානව. ගොඩක් දෙනා SEO Techniques වලට අනුව තම බ්ලොග SEO කළත් ඒ වෙබ් අඩවි වලට ඇතුලත් කරන පිංතුර SEO කිරීම පිළිබඳ වැඩි අවධානයක් යොමු කරන්නෙ නැහැ. ඒ නිසා මේ ලිපියෙන් බලාපොරොත්තුවෙන්නෙ HTML Tags මගින් වෙබ් අඩවියක ඇති පිංතූර Search Engine වෙත හසුවීමට Optimize කරන ආකාරය පැහැදිලි කිරීමටයි.

සෙවුම් යන්ත්‍රයක් පිංතූර හඳුනාගන්නෙ කොහොමද ?

සෙවුම් යන්ත්‍රයක් වෙබ් අඩවියක ඇති පිංතුර හඳුනගන්න, ඒව වර්ගකරගන්න, රෑන්ක් කරන්න භාවිතාකරන ක්‍රම කිහිපයක් මේ.

වර්ණය, ප්‍රමාණය, විභේදන අගය (Colors, size and image resolution)

ALT attribute (රෑන්ක් වීමට බලපායි) එක සහ TITLE attribute (රෑන්ක් කෙරෙහි බල නොපැවත් වැදගත් වේ) මගින්

පිංතුරයේ නම (File Name)

OCR තාක්ෂණය මගින්

panoramio.com සහ flickr.com වැනි තුන්වන පාර්ෂවයේ වෙබ් අඩවි වල පිංතුර share වීම අනුව

සැම විටම පිංතුරයක ALT Tag එක ඇතුල්කරන්න.

බොහෝ දෙනෙක් පිංතුරයක් වෙබ් අඩවියකට හෝ බ්ලොගයකට ඇතුල් කරන විට එහි HTML කේතයට ALT tag එක ඇතුල් වෙන්නෙ නැහැ. Blogger Blog එකක නම් අපි Manual මේ Tags ඇතුලත් කරන්න ඕන. Wordpress Selfhosted නම් පිංතුරය අප්ලෝඩ් කල පසු Alternate Text ලෙස දැක්වෙන්නෙ මේ ALT ටැග් ඇතුල් කරන ස්ථානයයි. සෙවුම් යන්ත්‍රයකට පිංතුර ඇතුල් වීමට මේ ALT ටැග් කෙලින්ම බලපානව. පිංතුර හරිහැටි ලෝඩ් නොවූ අවස්ථාවක මේ Tags දැකගන්න පුලුවන්.

සාමාන්‍යයෙන් පිංතුරයක් ඇතුල් කල විට HTML tag එක මේ ආකාරයටයි දැක්වෙන්නෙ.

img src="photo_path"

උදා-

img src="http://blog.geeth.info/images/seo-techniques.jpg"

මේ පිංතුරයටම ALT Tag එක ඇතුල් කල පසු

img src="http://blog.geeth.info/images/seo-techniques.jpg" alt=”basic seo techniques”

රතු පැහැයෙන් දැක්වෙන්නෙ ALT Tag එකෙ Content එක. මෙයට ඇතුල් කරන්න ඕන පිංතුරය ගැන විස්තර වෙන Keyword වලින් පොහොසත් කෙටි විස්තරයක්. ඒක keyword ලැයිස්තුවක් වෙන්න බෑ. වචන 25කට අඩුවෙන් යොදන එක සාමාන්‍ය ක්‍රමය (උපරිමට 150ක් විතර හිස්තැන් සමගින්)

TITLE attribute එක භාවිතා කරන්න.

ALT වගේම TITLE එකත් භාවිතය වැදගත් වෙනව. මේ ටැග් එක යම් පිංතුරයක් වෙත Mouse Pointer එක point කල විට Tooltip එකක් විදියට පෙන්නනව. උදාහරනයක් විදියට ඉහල පිංතුරක් point කරල බලන්න.

ඉහත උදාහරනයටම Title Tag එක යොදමු.

img src="http://blog.geeth.info/images/seo-techniques.jpg" title=”Basic SEO techniques in web designing

රතු පැහැයෙන් දැක්වෙන්නෙ title tag එකෙ Content එක.

පිංතුරයෙ ප්‍රමානය HTML Tag එකක් වශයෙන් දක්වන්න.

මීට අමතරව අදාල පිංතුරයේ දිග පලල (height සහ weight) මේක SEO සඳහා ප්‍රභල බලපැමක් දක්වන්නෙ නැති වුනත් Browser rendering (page load speed) සදහා බලපානව.

ඉහත උදාහරනයම සැලකුවොත්,

img src="http://blog.geeth.info/images/seo-techniques.jpg" height=”250″ weight=”100″

පිංතුරයට Keywords වලින් පොහොසත් File Name එකක් ලබාදෙන්න.

වැඩිපුර විස්තර කරන්න අවශ්‍ය නොවන කරුනක්. පිංතුරයට ගැලපෙන නමක් යොදල rename කරන්න කියලයි කියන්නෙ.

මීට අමතරව HTML භාශාවෙහි IMG ටැග් එක සමග යොදන attribute බොහොමයක් තිබෙනව. කීපයක් පමණයි මේ දැක්වුවෙ. අවසානයේ ඉහත ආකාරයට සාර්ථක ලෙස ලියූ HTML කේතය මෙසේ දක්වන්න පුලුවන්.

img src="http://blog.geeth.info/images/seo-techniques.jpg" alt=”basic seo techniques” title=”Basic SEO techniques in web designing” height=”250″ weight=”100″

Wordpress භාවිතාකරන්නන්ට මේ සඳහා මේ ප්ලගිනය භාවිතයෙන් SEO කරගන්න පුලුවන් වේවි.

SEO Friendly Images is a WordPress SEO plugin which automatically updates all images with proper ALT and TITLE attributes for SEO purposes. If your images do not have ALT and TITLE already set, SEO Friendly Images will add them according the options you set. Additionally this makes the post W3C/xHTML valid as well.

DOWNLOAD SEO Friendly Images plugin

මේ වීඩියෝ එකෙනුත් අදහසක් ගන්න පුලුවන් වේවි.

ලිපි කොපිකිරීමෙන් වලක්වාගැනීම හා බලපත්‍ර ලබාගැනීම

2011-06-19T00:15:00.000+05:30

ගොඩක් අයට තියෙන ප්‍රශ්ණයක් තමයි. අපි බොහොම අමාරුවෙන් ලියන ලිපි තවත් කෙනෙක් ලේසියෙන්ම කොපි කරන එක. (Copy, Paste හෝ වෙනත් ආකාරයකින්) ඉතින් මේ කොපි කිරීම වලක්වාගන්න සරල ක්‍රම කිහිපයක් ඉදිරිපත් කිරීමේ අරමුනින් තමයි මේ ලිපිය ලියන්නෙ. අපේ අය ගොඩක් වෙලාවට තමන්ගෙ බ්ලොග් එකට භාවිතාකරන්නෙ Blogger සේවාව හා Wordpress සේවාවයි. මේ සේවාවන් 2ටම තමන්ගෙ ලිපි ආරක්ෂාකරගන්න පොඩි ක්‍රම කීපයක් මේ. පහත පිලිවෙලින් ඉදිරිපත් කරන්නම්.

Blogger Blogs සඳහා

Wordpress Selfhosted Blogs සඳහා

Autoblogs වලින් බේරීම

ලිපිවලට හා Blog එකට බලපත්‍ර හා ලිපි හිමිකම් (CopyRights) ලබාගැනීම.

Blogger Blog සඳහා

මෙකෙදි කරන්නෙ බ්ලොග් එක මත Right Click කරන්න ඉඩදෙන්නෙ නැති එක. එහෙම නැත්නම් Copy Paste Function එක Disable කිරීම.

Copy Paste Function එක Disable කිරීම.

තමන්ගෙ බ්ලොගර් ගිණුමෙ Design-> Edit HTML වෙත ගිහින් “Expand Widget Templates” ස්ථානය සලකුනු කරන්න.

දැන් පහත කේතය තිබෙන ස්ථානය සොයාගන්න

<head>

ඊට පහලින්/පසුව මේ කේතය කොපි කරගෙන පේස්ට් කරන්න.

 <script language='JavaScript1.2'> function disableselect(e){ return false } function reEnable(){ return true } document.onselectstart=new Function ("return false") if (window.sidebar){ document.onmousedown=disableselect document.onclick=reEnable } </script>

දැන් Save Template ක්ලික් කරන්න. වැඩේ හරි‍.

Right Click Function එක Disable කිරීම.

තමන්ගෙ බ්ලොගර් ගිණුමෙ Design හි Page Elements හි Add a Gadget මගින් html/javascript එකක් ලබාගෙන එයට පහත කේතය කොපි කරගෙන පේස්ට් කරන්න.

<script language="JavaScript">  </script>

දැන් html/javascript Gadget එක Save කරන්න. වැඩේ හරි !!

බ්ලොග් එකේ කවුරුහරි Right Click කලොත්, "කණගාටුයි, මෙම පහසුකම අත්හිටුවා ඇත.!" යන

 පනිවිඩය දිස්වේවි. මෙම පනිවිඩය වෙනස් කිරීම ඉහත කේතයේ මේ කොටසට ඇතුල් කර ඇති පනිවිඩය වෙනස් කිරීමෙන් කරන්න පුලුවන්

var message="කණගාටුයි, මෙම පහසුකම අත්හිටුවා ඇත.!";

ඉහත ක්‍රම 2න් එක් ක්‍රමයක් හෝ අවැසිනම් ක්‍රම 2ම වුවත් භාවිත කරන්න පුලුවන්.

Wordpress Selfhosted Blog සඳහා

වර්ඩ්ප්‍රෙස් බ්ලොග් වලට මීට වඩා ලේසියෙන් Plugins මගින් කරගන්න පුලුවන්. මේ සඳහා භාවිතා කරන්න පුලුවන් ප්ලගින් කිපයක් ඉදිරිපත් කරන්නම්.

WP CopyProtect

Page Protection

උදවු - Wordpress Plugins ස්ථාපනය කරන්නේ කොහොමද ?

ලිපි ආරක්ෂා කරගන්න තිබෙන වෙනත් ක්‍රම.

බොහෝ දෙනෙක් දන්නව Autoblogs ගැන. ඒ කියන්නෙ වෙනත් බ්ලොග් කීපයකින් හෝ එකකින් ලිපි ස්වයංක්‍රීයවම ලබා‍‍ගෙන පලකරන බ්ලොග් වර්ගයක්. මේවගෙන් බේරෙන්න Rightclik Disable කරලවති Copy Function එක Disable කරලවත් හැකියාවක් නැ. ඒ වුනාට Autoblog ලිපි ලබාගන්නෙ Feed හරහා නිසා පොඩි උපක්‍රමයක් භාවිතා කරල ලිපියෙ කුඩා කොටසක් පමණක් පෙන්වන්න පුලුවන්. ඒ සඳහා තමන්ගෙ Feeds, Feedburner වගේ සේවාවක් වෙත යොමුකරල එහි තිබෙන Summaryburner පහසුකම සක්‍රීය කරගන්න පුලුවන්. ඒක කරන හැටි මම මීට පෙර ලිපියක ලියල තියෙනව.
- Feedburner සමඟ වැඩ කිරීම

තවත් ක්‍රමයක් තමයි බ්ලොගයේ ලිපි වලට බලපත්‍රයක් ලබාගන්න එක. මේවායෙන් අදාල ලිපි වලට ඔබේ ලිපිහිමිකම (Copyright) තහවුරැ වෙනව. එවන් බලපත්‍ර ලබාදෙන සේවාවන් කිහිපයක් මේ.
- Creative Common License
- MyFreeCopyright
- DM©A - මේ මගින් ඔබට ලිපි කොපි කල බව පැමිණිලි කර ඒවා ඉවත් කිරීමට වුවද හැකියාවක් තියනව.
- copyscape සලකුන පැළඳීම

තවත් විස්තර තිබුනත් ලිපිය දිගවැඩි කියල හිතෙන නිසා මෙතනින් නවත්වන්නම්..

ජය෴

GPS නැතත් මොබයිල් එකෙන් පාර හොයාගන්න

2011-05-25T01:42:00.000+05:30

GPS පහසුකම් තිබෙන ජංගම දුරකථනයකින් හෝ GPS උපකරනයකින් Driving Directions වගේම සිතියම් මගින් නිවැරදිව පාර හොයාගන්න පුලුවන් බව කවුරැත් දන්නව. ඒත් ආසන්න වශයෙන් අප දැනට සිටින ස්ථානය සොයාගන්නට Google Maps මගින් පුලුවන්. Driving Directions ගන්නත් පුලුවන්. මේ ආකාරයට GPS සිග්නල් ග්‍රහනය කරගැනීමට හැකියාවක් නොමැති වුවත් අප සිටින තැන සොයාගන්නෙ අප ජංගම දුරකතනයට සිග්නල් ලැබෙන Tower එකෙන් විස්තර අ‍රගෙනයි.

හැබැයි පොඩි අවුලකට තියෙන්නෙ GPS තිබෙන ජංගම දුරකථනයක මෙන් මෙහිදී ගමන් කරන දිශාව, වේගය වැනි විස්තර පෙන්වන්නෙ නැහැ. ඒ වගේම නිවැරදිම ස්ථානය බලාගන්නත් හැකියාවක් නැහැ. ආසන්න වශයෙන් අප සිටින ස්ථානය නිල් පැහැයෙන් Blink වනව. එම Blink වන ස්ථානයට මීටර් කිහිපයක් අවටින් සිටින බව පහතින් දැනුම් දෙනව.

මෙය කෑගල්ල, වරකපොළ, කොළඹ, නුවර වැනි ප්‍රදේශ කිහිපයක මගේ Sony Ericsson J108i Cedar දුරකථනයෙන් සාර්ථකව අත්හදාබලල තියෙනව. ප්‍රතිථල බොහෝසෙයින් සාර්ථකයි. ඉහත ආසන්නවශයෙන් කීවත් බොහෝවිට නිවැරදි ස්ථානය පෙන්නුම්කරනව. ඒ වගේම J10i , K770i, K530i වැනි බොහෝ Sony Ericsson දුරකථන වලත් Nokia දුරකථනවලත් මෙම සේවය සාර්ථකව ක්‍රියාත්මක කරන්න පුලුවන්. Map View හා Satellite View ව‍ගේම එක් ස්ථානයක සිට තවත් ස්ථානයකට ඇති දුරත් මෙයින්ම බලාගන්න පුලුවන්. Driving Directions ගන්නත් පුලුවන්.

කරන්න තියෙන්නෙ Google Maps Java Application එක ජංගම දුරකථනයට බාගතකරගෙන එහි My Location තේරීම පමණයි. ජංගම දුරකථනයෙන්ම maps.google.com වලට ගිහින් බාගන්න පුලුවන්. නැත්නම් www.getjar.com වලින් Phone Model එක තෝරල බාගන්න.

** මේ සදහා ගාස්තුවක් අයවුනේ නැතත් Map එක Load වීම සදහා වැයවන Data ප්‍රමානයට අදාල ගාස්තුව පමනක් අයවේවි.

Google latitude මගින් ඔබෙ Google Public Location Badge එක ලබාගන්න.

Google latitude මගින් ඔබෙ Google Public Location Badge එක ලබාගන්න.

සැඟවී අන්තර්ජාලය පිරික්සීම [Private Browsing]

2011-05-02T20:39:00.000+05:30

හොරෙන් අන්තර්ජාලය පිරික්සන්න

ඔබ අන්තර්ජාලය පිරික්සනවිට ඔබේ වෙබ් ගවේශකය බොහෝ තොරතුරැ තබාගන්නව. ඔබ ගමන්කල වෙබ් අඩවි, බාගතකල ෆයිලයන් වැනි බොහෝ තොරතුරු මීට අදාලයි. ඔබට මෙම තොරතුරු තබාගැනීම අනවශ්‍යනම් Private Browsing මගින් වෙබ් ගවේශනය කල හැකියි. එහිදී පෙර මෙන් තොරතුරු තබාගැනීමක් සිදුවන්නේ නැහැ.

මෙහිදී ගබඩාකර තබානොගන්නේ මොනවාද ?

ඔබ ගමන්කල වෙබ් පිටු - ඔබේ ගවේශකයේ History තුල ඔබ ගමන්කල වෙබ් පිටු/අඩවි දර්ශනය වීමක් සිදුවන්නේ නැහැ.

Form සහ Search List වල ඇතුලත්කල දත්ත - යම් වෙබ් අඩවියක ඇති Form එකක හෝ Search කිරීමට ඇති ස්ථානයක ඔබ ඇතුල් කල දෙයක් බොහෝවිට ගවේශකයක් විසින් මතකතබාගෙන පසුව එය ඇතුල් කරල විට පෙන්වනවා. නමුත් මෙම Private Browsing මගින් එසේ මතකතබාගැනීමක් සිදුවන්නේ නැහැ.

Passwords (මුරපද) - ඔබ භාවිතා කරන මුරපද ගබඩාවීමක් සිදුකරගන්නේ නැහැ.

බාගත කල ෆයිලයන් - බාගතකරන ෆයිලයන් ලැයිස්තුවට ඔබ බාගතකල ෆයිලයන් ඇතුලත්වන්නේ නැහැ.

Cookies (කුකීස්) - මෙම ෆයිලයන් වෙබ් අඩවි මගින් ඔබේ පරිගණකය පිලිබද විස්තර ගබඩාකරගැනීමට සාදනු ලබයි. මෙම ෆයිලයන්ද Private Browsing කරන විට ගබඩාවෙන්නෙ නැ.

Web Cache Files - ‍ අන්තර්ජාලය පිරික්සීම නිසා ඇතිවන තාවකාලික ෆයිලයන්ද Private Browsing හිදි තැන්පත් වීමක් සිදුවෙන්නෙ නැ.

වැදගත්

‍Private Browsing ඔබව අන්තර්ජාලයතුල නිර්නාමිකයෙක් කරන්නේ නැහැ. ඒ කියන්නෙ ඕනම අඩවියකට ඔබේ IP ලිපිනය, ඔබේ ISP වැනි තොරතුරු ලබාගැනීමට හැකියි. ඒ වගේම වෙබ් අඩවිවලටත් ඔබේ පිටු පෙරලුම් Track කිරීමේ හැකියාවද අහිම්‍ වෙන්නේ නැහැ.

Private Browsing හරහා වෙබ් ගවේශනය කරන්නේ කෙසේද ?

ඔබ Firefox භාවිතා කරයිනම්,

Tools → Start Private Browsing මගින් සක්‍රීය කිරීමද, සක්‍රීය අවසථාවේ Tools → Stop Private Browsing මගින් අක්‍රීය කිරීමද කල හැකියි.

එවිට Firefox හි Title Bar හි Private Browsing යනුවෙන් දිස්වේ.

ඔබ Google Chrome භාවිතා කරයිනම්,

Chrome හි මෙය සඳහා භාවිතාවෙන්නේ Incognito mode යන නමින්. ක්‍රියාත්මක කිරීමට, Tools → New incognito window මෙයින් නව Tab එකක් විවෘත වනඅතර එයභාවිතයෙන් Private Browsing සිදුකල හැක

එවිට පහත ආකාරයේ icon එකක් දක්නට ලැබේවි. මෙයින් Private Browsing සිදුකරන බව සොයාගන්න පුලුවන්.

ඔබ Opera භාවිතා කරයිනම්,

Opera හිදීත් ලබාදෙන්නේ Chrome වගේම Tab එකක්. Opera හි වම්පස ඉහල රතුපැහැති O මත ක්ලික් කර, Tabs and Windows → New Private Tab හෝ Tabs and Windows → New Private Window ‍Private Browsing ආරම්භ කරන්න පුලුවන්.

HAPPY BROWSING...

෴

ගීත රසවින්දනය මට මෙන් විනෝදාංශයකි සැමටම.

2011-04-07T01:22:00.000+05:30

ගීත ඕනතරම් අද හොයාගන්න පුලුවන්. අලුත්, පරන ඕන දෙයක සිතට කාවදින පදවැල්, මිහිරි සංගීතය, හොඳ අර්ථයක් තියෙනවානම් ඒක මම හිතන විදියට හොඳ ගීතයක්. බොහෝ දෙනා එක් එක් හේතුන් මත ගීත රසවිඳිනව. තමන්ගෙ දුක, සතුට බෙදාගන්න ඒ වගේම විනෝදාංශයක් විදියට, පුරුද්දක් විදියට වගේ විවිධ හේතුන් නිසා. සමහර ගීත වල අදාල පසුබිම්වූ සිද්ධිය ‍එක එල්ලේම ඉදිරිපත් කරනව, සමහර ගීත වල එය සැඟවිලා තියෙන්නෙ. ඒක රසවිඳල තේරුම්ගත්ත ඕන. සමහර ගීත තේරුම්ගන්න නම් බොහෝ වෙලාවක් ඒ ගැන හිතන්න ඕන. ඒත් සමහරක් සරලයි, මොනවගේ තේරුමක්ද තියෙන්නෙ, පසුබිම් කතාව මොනවගේද කියල තේරුම්ගන්න පහසුයි.

පැරණි ගීත සහ අද තිබෙන ගීත අතර බොහෝ වෙනස්කම් තියනව. ඒ අද සමාජය තුල තිබෙන විවිධ මත, රුලි, චාරිත්‍ර වාරිත්‍ර, සංස්කෘතීන් වගේ බොහොමයක් හේතුන් නිසා. බොහෝදුරට අද ශ්‍රීලංකාවේ ගීත විදේශ ආරයකට ගමන් කරනව වගෙයි පේන්නෙ. ඒත් අපේ දේ සුරකින අලුත්, පැරණි කොටසකුත් ඉන්නව. හැබැයි එයාල තව තවත් අලුත් නිර්මාණවලට පෙළඹෙන්නෙ නැත්තෙ සමාජයෙන් ලැබෙන ප්‍රතිචාර මත කියලයි මට හිතෙන්නෙ. ප්‍රතිචාර ගොඩක් වැදගත්. බ්ලොග් එකක් ලියන/කියවන අයට ඒක ඉතින් අමුතු දෙයක් නෙවෙයි‍. කොච්චර වැදගත් ලිපියක් වුනත් ඒ ලිපියකට ප්‍රතිචාර නැතිනම් තවත් ලිපියක් ලියන්න හිතෙන්නෙ නැනෙ.. සංගීතයත් ඒ වගෙයි.

කිසිම Music Style එකකට කොටු වෙලා ඉන්නෙ නැතිව ඕනම ගීතයක් මම රසවිඳිනව‍. ඒ වගේම වේගරිද්ම ගීත වලටත් බටහිර (ඉංග්‍රීසි) ගීත වලටත් කැමතියි. හින්දී ගීත හැම එකකටම කැමති නෑ. තෝරාගත්ත හිංදි සිංදු අහනව. හැබැයි ඉතින් පරන සිංදු කන අයටනම් කැමති නැ. හැමෝටම සිංදු කියන්නත් බෑ. හැ‍මෝටම රසවිඳින්නත් බෑ. ඒක් එක් අයගෙ රසවින්දනය වෙනස්. සමහරක් වේගරිද්ම ගීත වලට කැමතියි. සමහරක් ඒවට කැමති නැ. සමාජය විවිධයි.

ගීත රසවිඳින එක විනෝදාංශයක් විදියට කරගෙන යනවනම් බොහොමයක් ප්‍රතිථල ලබාගන්න පුලුවන්. විඩාවට පත්වුනාම හිත සැහැල්ලු කරගන්න හොඳම ක්‍රමයක්. භාවනාවට පමණක් දෙවෙනි වෙනව කියලයි මටනම් හිතෙන්නෙ. කොහොම වුනත් මමනම් බොහෝවිට නිවසේ ඉන්නකොට සිංදුවක් අහන්න කැමතියි.

මේ නිසාවෙන්ම අලුත් පරන ගීත බොහොමයක් මා සතුයි. සී.ටී.ප්‍රනාන්දු, ඇන්ටන් ජෝන්, මිල්ටන් පෙරේරා, මිල්ටන් මල්ලවආරච්චි, එම්.එස් ප්‍රනාන්දු, මොහිදින් බෙග් හා රුක්මනී දේවි, ක්‍රිස්ටෝප(ර්) පෝල්,මිල්ටන් මල්ලවආරච්චි, ක්ලැරන්ස් විජේසූරිය වැනි පැරණි ගායකයන්ගේ මුල් හඬින් ගායනා කල ඒ ඒ දශකවල බොහෝ ගීත මා සතව පවතිනව. ඒ වගේම තවත් පැරණි හා අලුත් Music Albums බොහොමයක් තිබෙනව. අලුතින් ගීතයක් රූපවාහිනියේ හෝ ගුවන්විදුලියෙන් හෝ වෙනයම් ආකාරයකින් ඇසුන විට එය හොඳයිනම් අන්තර්ජාලය තුලින් සොයාගන්නඑක පුරුද්දක්. ඉස්සරනම් Videos ගත්තත් දැන් බොහෝවිට බාගතකරන්නෙ MP3. පැරණි ගායකයන්ගෙ විතරක් නෙවෙයි අලුත් ගායකයින්ටත් කැමතියි. කසුන් කල්හාර, ඉන්ද්‍රචාප ලියනගේ, අරුණ ලියාන්, චාමර වීරසිංහ, Centigradz, ආත්මා ලියනගේ, රාජු බණ්ඩාර, ලක්ෂ්මන් හිල්මි වගේ අලුත් ගායකයන් හැමෝටමත් කැමතියි. මෙකී නොකී ඕනම ගායකයෙක්ගෙ එක සිංදුවකට හරි මම කැමතියි. හැමදාම එකම සිංදු අහන්නෙ නැ. විවිධ ආකාරයේ විවිධ ගීත අහන්නයි කැමති. :)

විවේකය ගතකරන්න හොඳම ක්‍රමයක් තමයි ගීත රසවින්දනය. දැන් තිබෙන විවිධ උපකරණ (MP3/MP4 Players, iPod, Mobile Phones..) නිසාවෙන් ඕනම තැනක ගීත රසවින්දනයට පහසුකම් තිබුනත් Headset භාවිතයෙන් නිතර ශ්‍රවනය කරන එකනම් සෞඛ්‍ය‍ට සුදුසු නෑ.

මේ ලිපියෙන් උත්සහ කලේ ගීත රසවිදින එක ගැන මට හිතෙන හැටි ටිකක් විස්තර කරන්නයි. තාක්ෂණික ලිපි ලියපු මගෙ බ්ලොග් එකත් දැන් අමුතු පැත්තකට යනව වගේ හිතෙනව. ලඟදිම තාක්ෂණික ලිපියකින් හමුවෙමු.෴

පෙරුම් පුරනෙමි මියෙන තුරු මම

2011-03-22T22:38:00.000+05:30

දුර සිට වින්දත් ඔබේ ලස්සන

වරම් නැ මට ලංව ඉන්නට

මා වැනි මෝඩයෙකුට

අකමැතිය ඔබ

ඒ බව දැන දැනත් තවමත් මම

සිතින් පෙම් කරමි සදහටම මම

මතුභවේ හෝ ඔබ ලබන්නට

පෙරුම් පුරනෙමි

මියෙන තුරු මම

෴

•.¸¸.•♥H♥•.¸¸.•

•.¸¸.•*´¨`*•.¸¸.•*´¨`*•.¸¸.•*´¨`*•.¸¸.•

ව්‍යාජ මෘදුකාංග හා ශ්‍රී ලංකාව

2011-03-14T01:27:00.000+05:30

ශ්‍රී ලංකාවේ දැනට වැඩිපුරම භාවිත වෙන්නේ ව්‍යාජ මෘදුකාංගය. මෙරට මේවන් දේ ස‍ඳහා නීතිමය පියවර නොගත්තද වෙනත් බහුතරයක් රටවල බුද්ධිමය දේපල පනත යටතේ නීතිමය පියවර ගනී. බොහෝ දෙනා රැ. 50-100කට වෙළඳපලෙන් මෘදුකාංග මිලදී ගත්තත් ඒවා නිතිවිරෝධී වන්නේ කෙසේද ?? මුදල් දී ලබාගත්තත් හොර බඩුවක් ව‍න්නේ ඇයි. අන්තර්ජාලයේ ඇති සබැඳියකින් නොමිලේ බාගතකරගැනීමේ වරද කුමක්ද ?? අන්තර්ජාලය භාවිතා කරන්නේ, බිල ගෙවන්නේ මේවාටය‍‍.. සැවොම මෙසේ කියයි.. නමුත් කතාව වෙනත් එකකි.

සෑම මෘදුකාංගයකමට අයිතිකරැවෙක්, අයිතිකාර සමාගමක් සිටින්නේය. මොවුන් විශාල පරිස්‍රමයක් දරා දින, සති, මාස, අවුරැදු ගනන් වෙහෙස වී මෘදුකාංග නිපදවා වෙළඳපලට නිකුත් කරයි. ඒ සඳහා ඔවුන් මිලක් නිමය කරයි.. උදාහරනයක් ලෙස Adobe පැකේජයක් රැ 50 000කටත් එහාය! යම් කෙනෙක් මෙයට පිටින් ලාබෙට පහසුවට ‍මෘදුකාංගයක් ලබාගන්නේනම් එය ව්‍යාජ මෘදුකාංගයක්ය. කොටින්ම මෙය මෘදුකාංග මංකොල්ලකෑමකි. මෙසේ මංකොල්ලකන ක්‍රමද බොහොමයක් ඇත.

පිටපත් කර විකිනීමට වඩා දැන් ඇත්තේ Crack සමගින් බාගතකරගත හැකි මෘදුකාංගය. මේවා ලෙහෙසියෙන්ම Torrent මගින් සොයාගත හැක. බ්‍රෝඩ්බෑන්ඩ් අන්තර්ජාල පහසුකම් ඇති අයට ඕනැම මෘදුකාංගයක් නොමිලේය..

නමුත් සත්‍ය මෙයයි. ‍ඇතිවන විශාලම ගැටලුව මෙයට හේතුව කුමක්ද යන්න ‍සොයා බැලීමයි. ඒ වෙන කිසිවක් නොව "දුප්පත්කම"යි. සාමාන්‍ය පරිගණකයක් රැ 50 000කට ලබාගත්තායි සිතමු. මෙයට Windows මෙහෙයුම් පද්ධතියක්, MS Office පැකේජය, Adobe පැකේජය හා තවත් අත්‍යාවශය මෘදුකාංග දැමීමට අවශ්‍ය යයි සිතමු. ඉතින් මෙම මෘදුකාංග ස්වල්පයේම වටිනාකම ලබාගත් පරිගණකයේ වටිනාකම මෙන් කීගුණයක් ද ?? නමුත් නොදියුනු හා දියුනුවන රටවල් වෙත අදාල මෘදුකාංග සමාගම් වලින් විවිධ සහන ද ලබාදී ඇත.

මේවාට පිලියමක් ලෙස විවෘත හා නිදහස් මෘදුකාංග (Free and Open Source Softwears) කරලියට පිවිස ඇත. සෑම වාණිජ මෘදුකාංගයකටම සමාන, එවායින් ඉටුවන කාර්යයන්ම ඉටුකරලීමට හැකි විවෘත හා නිදහස් මෘදුකාංගද අද බිහිව ඇත්තේය. එපමණක් නොව එම මෘදුකාංග භාවිතාකරන්නන් එකතුවී විවිධ සමිතිසමාගම් ද ගොඩනගාගෙන ඇත.

ලෝකයේ වැඩි ප්‍රතිශතයක් Microsoft මෘදුකාංග භාවිතා කරයි. සමහරෙක් Windows මෙහෙයුම් පද්ධතිය බාවිතා කරයි. ඔවුනට කොතරම් විවෘත හා නිදහස් මෘදුකාංග තිබුනද හිතට අල්ලන්නේ නැ. එයට හේතුව ලෙස මා දකින්නේ මයික්‍රොසොෆ්ට් සමාගම එකල සිටම පෙරමුන ගැනීමයි. ඉතින් එකල සිටම මයික්‍රොසොෆ්ට් මෘදුකාංගවල පහස ලබන්නට පුරැදු වූවන්ට FOSS අමුතුම ලෝකයකි. එය ඔවුනට දිවිය ලෝකයෙන් අපායට ගියාක් මෙනි. මේ නිසා බොහෝ දෙනෙක් ව්‍යාජ මෘදුකාංග අකමැත්තෙන් හෝ භාවිතා කරයි. මාගේ මෙම මතය වැරදි නම් FOSS ගැන දැන දැනත් වැඩි දෙනෙක් ව්‍යාජ මෘදුකාංග භාවිතා කරන්නේ ඇයි ? කෑගැසුවාට මමත් මේ වන විට Windows හා Ububtu ස්ථාපනය කරගෙන වැඩි වශයෙන් Windows මත වැඩ කරන්නෙකි. මමත් අකමැත්තෙන් වුව වැට උඩ සිටින්නේ මේ නිසාය.

මෙම ලිපිය මුල සිට කියවන විට මටද හරයක් නොදැනේ.. නමුත් මෙය FOSS වෙත හෝ Windows වෙත මඩ ප්‍රහාරයක්වත් පක්ෂපාතීත්වයක්වත් නොවේ. සිතට ගලා ආ සිතිවිලි සමුහයක් පමණි.

Moneybookers - ලංකාවට මුදල් ගෙනඒමට හා E-Bay සඳහා.

2011-03-08T23:53:00.000+05:30

PayPal මගින් ශ්‍රී ලාංකිකයන්ට e-bay හරහා මුදල් ගෙවා මිලදී ගැනීමට හැකි වුවත් එහි වෙලඳාමට ලාංකිකයන්න නොහැකිවන හේතුව ලෙස PayPal තවමත් ශ්‍රී ලංකාවට සම්පුර්ණ වශයෙන් ක්‍රියාකාරී නොවන නිසා මුදල් ගෙන ඒමට නොහැකිවීම දක්වන්න පුලුවන්. AlertPay ලංකාවට සහය දැක්වුවත් ඒ මගින් e-bay ගණුදෙනු කිරීමට හැකියාවක් නැ.. මෙම ලිපියෙන් ඉදිරිපත් කිරීමට බලාපොරොත්තුවන්නේ Moneybookers ගැන කෙටි හැදින්වීමක් කිරීමටයි.

Paypal, Alertpay මෙන්ම Online Payment Processor එකක් ලෙස Moneybookers හදුන්වන්න පුලුවන්. මෙය ශ්‍රී ලංකාවට මුදල් ගෙනඒමට ලාභදායීම ක්‍රමයක්. ඒ වගේම දැන් e-bay ඔවුන්ගේ ගණුදෙනු කිරීමට හා e-bay තුල භාන්ඩ විකිනීමටද ‍යොදාගන්න පුලුවන් (නමුත් මෙම ක්‍රමය කොතරම් සාර්ථකය යන්න නම් කියන්න බෑ.) Moneybookers ගිණූමක Address Verify කිරීම ඉතාමත් පහසුවෙන් අප ලබාදෙන ලිපිනයට ඔවුන් එවන ලිපිය මගින් කරගන්න පුලුවන් වීම තවත් පහසුකමක්. විශේෂයෙන්ම oDesk මගින් උපයන මුදල් Payoneer Card එකක් මගින් ගෙනඒමට වඩා ලාභදායීව දින කිහිපයක් ඇතුලත බැංකු ගිණුමක් වෙත ලබාගන්නත්, Moneybookers ගිණුම වෙත ඔබගේ Credit Card එක හෝ බැංකු ගිණුම සම්බන්ධකර ඔවු‍න්ගේ සේවය ලබා දෙන ස්ථානවලින් මිලදීගැනීම් කටයුතු වලටත් යොදාගන්න පුලුවන්‍. ඔවුන් පිලිගන්නා සේවාවන් සහිත සබැඳියක් ලිපිය අවසානයේ එක් කරන්නම්.

Moneybookers වෙත බැංකු ගිණුමක් සම්බන්ධකිරීමට අදාල බැංකුවේ SWIFT කේතය හා ගිණුම් අංකය වැනි විස්තර කිහිපයක්. එමෙන්ම Credit Card එකක් එක් කිරීමේදීත් එයට අදාල මූලික විස්තර අසනු ලබනව.

කෙසේවෙතත් මොවුන් පවසන ආකාරයට E-Bay හි ගණුදෙනු කිරීමට ඔවුන්ගේ සේවාව ලබාගන්න පුලුවන්. නමුත් මෙම ක්‍රමය කොතරම් සාර්ථක එකක්ද යන්න නම් කියන්න බැ.. ඒ මෙම ක්‍රමය මා ප්‍රායෝගිකව අත්හදා බලා නොමැති නිසා. නමුත් මෙම ක්‍රමය අත්හදාබලනවානම් හෝ එසේ සාර්ථකව E-Bay හි ගණුදෙනු කල අයෙක් සිටීනම් එම විස්තර අන් අයත් සමග බෙදාගැනීම සැමටම ප්‍රයෝජනවත් වේවි.

සබැඳියන්෴

Moneybookers වෙබ් අඩවිය

Moneybookers හරහා ගණුදෙනු කල හැකි ස්ථාන

Moneybookers හි ගාස්තු

oDeskහි හා Freelancer jobs මගින් මුදල් උපයමු.

මේ ගැන e-bay හි ඇති සටහන්.....

- http://pages.ebay.com/help/pay/methods.html#moneybookers
- http://reviews.ebay.com/HOW-TO-USE-MONEYBOOKERS_W0QQugidZ10000000011713814
- http://pages.ebay.com/help/policies/accepted-payments-policy.html
- http://pages.ebay.com/help/pay/accepted-payment-methods.html#moneybookers

Youtube වලත් මේහා සම්බන්ධ වීඩියෝ දර්ශන තියෙනව

වෙබ්බ්‍රවුසර් යුද්ධය Browser War

2011-02-24T22:09:00.000+05:30

1995 - 1996 වර්ෂවල සිටම Internet Explorer ජනප්‍රියම වෙබ් ගවේශකය බවට පත්ව තිබුනේ එවකට එයත් සමග කරට කර තරඟකල Netscape browser ඉතා හොද තරඟයක් දෙමිනි. මෙයට ප්‍රධානම හේතුව වන්නට ඇත්තේ එවකට බොහෝදෙනා තම පරිගණකයේ මෙහෙයුම් පද්ධතිය ලෙස භාවිත කරමින් තිබූ Windows 95, Windows 98 සමගින් Internet Explorer වෙබ් ග‍වේශන මෘදුකාංගය නොමිලේම ලබා දීමය. එයින් පහර කෑ Netscape වෙබ් ගවේශකය Internet Explorer වෙත කරට කර තරඟකරන්නට සිතා විවිධ උපක්‍රම, පහසුකම් යොදමින් එකිනෙකා පරයා යන්නට උත්සහ දැරුවේය. නමුත් එයින් පලක් නොවිනි. ඒ 1998 දී Netscape Navigator යලි නැවත ‍ගොඩනැගිය නොහැකි සේ පරාජයට ලක් වූයේ මෙම යුද්ධයේ එක් පර්ච්‍-ඡේදයක් ජයග්‍රහනය කරමිනි. මෙහි ප්‍රතිථලයක් වශයෙන් 2002 වනවිට වෙළඳපල Internet Explorer හි කොටස 96%ක් පමණ විය. ඒත් සමග Netscape හා තවත් තරඟකාරී වෙබ් ගවේශක දහයකටත් වැඩි ප්‍රමාණයකට ඉතින් 4% අයිති විය.

වසර ගනනක් පරාජිත ලීලාවෙන් සිටි Netscape වෙබ් ගවේශකය 2008 වසරේ අතහැර දැමුයේ 2008 පෙබරවාරි මස 01 වන දින සිට ඒ වෙත ලබා දුන් තාක්ෂණික සහය නවතා දමමිනි.

මෙසේ අවසන් වූයේ මේ යුද්ධයේ පළමු පර්ච්ඡේදය කියා සැලකුවහොත් එහි දෙවන පර්ච්ඡේදය වශයෙන් මාහට විස්තර කල හැක්කේ Internet Explorer සමග තරඟයට ආ Mozilla Firefox ඇතිවන යුද්ධයයි. Firefox කරලියට පැමිණියේ 1998 දී Netscape හි ක්‍රමලේඛණ සටහන් (Source Codes) නිදහස් හා විවෘත මෘදුකාංග අවසරය සහිතව නිදහස් කලේය. මෙයින් ප්‍රයෝජන ගත් ඇමරිකාවේ ලාබ නොලබන ආයතනයක් වන Mozilla පදනම නිපදවූ Mozilla 1.0 නම් වෙබ් ගවේශකය නිදහස් මෘදුකාංග පරිහරනය කරන්නන් (Free and Open Source Software Users) අතර වේගයෙන් ජනප්‍රිය විය. නමුත් මෙය නොමිලේ ලබා දුන්නේ 2004 වර්ශයේදීයි. ඒ Mozilla Firefox 1.0 ලෙසය. Firefox හි 3 වන සංස්කරනය 2008 ජූනි 17 වනදා නිකුත්කලායින් පසු දිනකට පසු එය බාගතකරගත් පිරිස 8 002 530 ක් (අසූලක්ෂ දෙදහස් පන්සිය තිහක්) වූ හෙයින් එය ගිනස් වාර්තාවක් බව ගිනස් වාර්තා කමිටුව 2008 ජූලි 02 වනදා නිල වශයෙන් දැනුම් දුනි. මේ "මුලින්ම නිකුත් කොට ගෙවී ගිය දිනක කාලයක් තුල ලෝකයේ වැඩිම දෙනෙක් බාගතකරගත් මෘදුකාංගය" යි. (Most Downloaded pieces of software in the first 24 hours)

මෙයින් පසු තරඟයට පැමිණියේ Google Chrome ය. එය 2008 සැප්තැමිබර් 02 දා Google සමාගම ඉදිරිපත් කලේ අභිමානයෙනි. අනික් සෑම වෙබ් ගවේශකයටම වඩා ආරක්ෂාව අතින් ඉදිරියෙන් Google Chrome සිටින බව ඔවුන් පවසයි.

මේ යුධබිමේ ප්‍රභලයින් වන Internet Explorer, Mozilla Firefox හා Google Chrome සමග යුධවැදීමට පැමිණි Opera ලොව වේගවත්ම වෙබ් ගවේශකය කියමින් කලඑලි දුටුවත් ප්‍රභලයන් තිදෙනාටම ඔපෙරාවත් සමග තරගයක් නැත්තේ එයට සිතු තරම් පෙරලියක් කිරීමට ‍නොහැකි වූ නියාවෙන් විය හැක. එහෙත් දැන් Opera ට වඩා ඉදිරියෙන් Safari සිටින බව පෙනේ.

මේ 2011 වසර වන විට වෙබ් ගවේශක අතර යුද්ධය පෙන්වන සටහනකි.

උසස් පෙළ ව්‍යාපෘතිය ගැන මතකයන්..

2011-02-18T02:31:00.000+05:30

පාසල් කාලය සුන්දරයි. නමුත් ඒ කාලයේ කල කී සියලු දේවල් ජීවිතය පුරාම මතක තියේවි. හදිසියේම පාසලෙන් ඉල්ලාසිටි උසස්පෙළ කණ්ඩායම් ව්‍යාපෘති වාර්තාව සාදා අද නිම කර ලබා දුන්නා. ඒ නිසා ඒ ගැන මතකයන් අලුත්වුන වෙලාවෙ ඒ ගැනත් සටහනක් ලියන්න හිතුනා.

සෑම උසස්පෙළ පන්තියක්ම කල යුතු කණ්ඩායම් ව්‍යාපෘතිය හැමෝම කරන්න තීරනය කලා‍. ඒත් මොකක් කරන්නද කොහොම කරන්නද කියල අපේ පංතියෙ සෙට් එකට හරි හැටි අවබෝධයක් නෑ. අනිත් අය වගේ බැම්මක් හදනවද, බිත්ති වල ආදර්ශපාඨ අඳිනවද, එහෙමත් නැත්තම් පඩිපෙල් වල යන එන පැත්ත පේන්ට් කරල ශේප් වෙනවද, බෝඩ් එල්ලනවද ඔය වගේ ගොඩක් දේවල්. ඒත් සෙට් වුන කොල්ලො ටිකට ඔය එකක්වත් හිතට ඇල්ලුවෙ නැ.. ඒ මදිවට ගෑනු ළමයි ටික කියනව මල් පෝච්චි තියමු, ඔසු උයනක් දාමු...... කෝලං කෝටියයි වලි ගොඩයි. ;) ඒ අස්සෙන් ලස්සන පොකුනක් හදමු කියල යෝජනාවක් ආව. මේ අදහසට අලුතෙන් කෑලි එකතුවෙලා ලක්ෂගානක වැඩක් වෙන්න වැඩි වෙලාවක් ගියෙ නැ.

"ලස්සන මියුරල් එකක් හදමු, ඒකට පොකුනකුත් දාමු"

"එහෙම දානවනම් වතුර මලකුත් දාමු. නැත්තං වැඩක් නැ බං. අනිත ආට්, සයන්ස් වලට සෙකන්ඩ් වෙන්නත් බැ බං"

"ඔවු ඔවු කරන එක සුපිරියටම ඉස්කෝලෙම හෙල්ලෙන්න කරන්න ඕන"

ඔය කතාව අස්සෙ ‍කෙල්ලො ටික වලියකට සූදානම්

"එහෙනම් උඹල භුමිකම්පාවක් කරපල්ල එතකොට හෙල්ලෙයි "

"ඇයි සුනාමියත් හොදයි නේද ??"

කොලගුලි උණ්ඩ සමගින් ජල ප්‍රහාර දියත් විය. කේස් ගොඩයි. ඒ ගැන Project Periods කීයක් කතා වෙන්න ඇතිද ? වෙන Periods කීයක් කට් වෙන්න ඇතිද ?? කාටවත් ගානක් නෑ. ප්‍රොජෙක්ට් පිස්සුව හැමෝටම.

කොහොම හරි කට්ටිය කතා වෙලා පොකුනෙ වැඩේ ස්ථිර කරගත්ත. ඒත් ඉතින් කට්ටියට මදි වගේ

" පොකුනක් හැදුවට පේන්නෙ නැ බං, ඕකට පොළව හෑරැවට එබිල බලන්න එපැ. "

" එහෙනම් මියුරල් එකකුත් දාමු.. "

"මියුරල් දැම්මට ඉස්සරහ විතරයිනෙ මචං. පිටිපස්සෙන් බැලුවම තාප්පයක් ගැහුව වගේ අනික පාසලට ඇතුල්වෙන තැන මල් රවුම මැදින් කරනවානම් ඔය බිත්තිය කේස් !!"

"එහෙනම් අපි මොකක් හරි ප්‍රතිමාවක් ගෙනත් තියමු"

"අර සමහර තැන් වල තියෙන්නෙ ලස්සන ගර්ල් කෙනෙක් කලේකින් පොකුනට වතුර දාන සීන් එකක්. ඒ වගේ එකක්"

"උඹල හීන දැකපල්ල කවුද ඕවට සල්ලි දෙන්නෙ.. කියන්නනම් ලේසියි පොඩ්ඩක් නැගිටල පියවි ලෝකෙට වරෙල්ල බං"

"මලා.. ඒ කතාවත් ඇත්ත. හරි ඒ ගැන හොයමු අද දවසෙ. අපි හැමෝම දන්න අයගෙන් විස්තර අහගෙන ඇවිත් හෙට කතා කරමු. යමන් අන්න ආට් එකේ උන් මැච් එකක් සෙට් කරල. ගිය පාර වගේ මේ පාරත් කාල එමු."

බැනුම් කෝටියකි.. තවත් අභ්‍යන්තර ගැටුමකි. කළා වාණිජ ක්‍රිකට් තරඟාවලියෙන් කලා පිල ජය ගත්තේ නරඹන යහලු යෙහෙලියන්ගේ අත්පොලසන් හඬ මැද්දේය. සුපුරැදු පරිදි කෑමකි. ආර් පන්ති 3කි අපේ වාණිජ කොල්ලන් 16 පමණි‍.

දින කීපයකින් කට්ටිය ආයෙත් කතා වෙලා ගොඩක් දේවල් ගැන හිතල තීරනය කලා සරස්වතී පිළිමයක් සහ පොකුණක්, කුඩා ජල මලක් ඉදිකරන්න. ගුරැතුමියගේ නොමද සහය මැදින් අරමුදල් සම්පාදනය ගැන කතා වන්නට විය.

"බුක් මා(ර්)ක් ටිකක් ගහමු බං. අනික ඉතින් ධම්මිකගෙ ප්‍රෙස් එකෙන් කරන්න පුලුවන්නෙ."

සියලු දෙනාගේ කැමැත්ත පරිදි බුක් මා(ර්)ක් ඩිසයින් කිරීම නුවන් (ගීත්) ට පැවරිනි.

"ඒකත් හොද අදහසක් බං, ඒත් පිළිමෙ හදන මෑන්ට හෙන ගානක් දෙන්න වෙයි. "

"හරි එයාට අසූවක් යයි කියමුකො. සිමෙන්ති, ගල්, වැලි තව කොච්චර දේවල් තියද ??"

"මේක කරන්න පුලුවන් මගුලක් නෙවෙයි බං අපිත් සයන්ස් එක වගේ මොකක් හරි පොඩි දෙයක් කරමු. කරල ශේප් වෙමු බං"

"අපෝ බං ඔහොම කතා කරන්න එපා. කරන දෙයක් ඉස්කෝලෙටනෙ මචං.. හොද දෙයක් කාලයක් පවතින දෙයක් කරල යං බං"

"හම්....."

මේ දිනවල පාසල් පාර්ලිමේන්තුවේ උනුසුම දැඩිව දැනෙන්නට විය. මෙයින් වැඩක් ගන්නට සිදූ අප නැවතත් කතාව ඇරඹුවෙමු.

"මුන් සල්ලි දෙයිද බං"

"හරි අපි ෆිල්ම් එකක් පෙන්නමු."

"ෆිල්ම් පෙන්නල මක් කරන්නද වැඩි ගානක් හොයාගන්න බැරි වෙයි බං"

"හිටපංකො කියනකං, අපි ඒකට ඡන්දෙ ඉල්ලන උන්ගෙන් දැන්වීම් ගමු. අරගෙන අර ටීවී එකේ වගේ දාමු. එතකොට උන්ගෙනුත් ගානක් හොයාගන්න පුලුවන්"

"එළ.. මොලේ තමා මොලේ.." පන්තිභාර ගුරැතුමියගේද අනුමැතිය ලැබුන අතර විදුහල්පති තුමාගේද අනුමැතිය ගෙන පරිගණක කාඹරයෙන් වෙළඳ දැන්වීම් භාරගන්නා බවට කුඩා දැන්වීමක් සාදා විදුහල්පති තුමාගේ අත්සනින් අනුමත විය.

"‍කොහෙන්ද ප්‍රොජෙක්ටරයක් ??" "ඉස්කෝලෙ එක නම් රෙපෙයාර් වලට යවන්න දැම්ම මචං ඒක තාම ගෙනියන්න ආවෙත් නැ ඉස්කෝලෙන් ගෙනිච්චෙත් නැ."

ඒ තොරතුරැ තාක්ෂන ඒකකයේ සභාපති නුවන් ගේ හඩයි

"රෙන්ට් එකට ගමු."

"හරි එහෙනම් මේ වාරෙ අන්තිම විභාග ඉවරවෙලා දවසක් ප්‍රින්සිපල් එක්ක කතා කරමු"

"සර් ඉන්නවද ??"

"ඔවු දැන් ටිකකට කලින් පොඩිවුන් ටිකකට ලන්ච් එක දුන්න."

"හික් හික් පවු බං"

"හා හා යමංකො ඔපිස් එකට කවදද විභාග ඉවරවෙන්නෙ කියල කතා කරගන්න."

******************************

එයත් ස්ථිර විය. මේ අතර ගැහැණු ළමුන් වෙනම ව්‍යාපෘතියක් කල යුතුයැයි තීරනයක් ගෙන ඒ ගැන ඔවුනගේ කතාබහට ලක් විය. අප මිතුරාගේ පියාගේ මුදල් පරිත්‍යාගයෙන් නැවත විකුනා ලැබෙන මුදලින් ණය බේරන පොරොන්දුවෙන් බුක් මා(ර්)ක් මුද්‍රනය විය. ඩිසයින් මගෙන් ය. සඳදා දින රැස්වීමේදී විදුහල්පති තුමාගේ නිවේදනයෙන් අලෙවිය ආරම්භ විය.

කාලච්ඡේද කීයක් නාස්ති වෙන්න ඇත්ද ?? කොච්චර විනෝද වෙන්න ඇතිද ?

පාසලේ, නගරයේ, පෞද්ගලික පන්ති වල බුක් මාර්ක් විකිනීමට පිරිමි ළමුන් භාර ගත්තේය. ගැහැනු ළමුන් වෙත පැවරැනු කාර්යය වූයේ තම ගමේ, ය‍හලු යෙහෙලියන් අතරේ බුක්මාර්ක් අලෙවි කිරීමය.

පිරිමි ළමුන් පෞද්ගලික පන්තිවල විකිනීමට, නගර කිහිපයක විකිනීමට ගියහ.. සැවොම කැපවී දායකත්වය ලබා දුන්නේය.

දින කිහිපයකින් පරික්ෂා කල පසු සැලකිය යුතු ප්‍රමානයක් අලෙවි වී නැති බව හැඟී ගියේය. තවත් ගැටලුවකි. සැමගේ යෝජනා වලින් අසල පාසල් වෙතද බුක් මා(ර්)ක් යොමු විය. ඒ අතර පාසල් දින කිහිපයක් ගම්මාන, නගර වෙත, මන්ත්‍රීවරැ, ධනවතුන්, ව්‍යාපාරිකයින් ආදී සැමගෙන් ආධාර එකතු විය. බුක් මා(ර්)ක් ද අලෙවි විය. මේ ගමන් වලට පන්තියේ ගුරැතුමියන් සමග ගැහැනු/පිරිමි සියලු ළමුන් බෙදී ගියහ.

නමුත් සෑහීමකට පත් විය හැකි තරම් අරමුදලක් රැස් කරගැනීමට නොහැකි විය. වාර අවසානය ළඟා විය. වාරාවසාන විභාගයට මුහුන දුන් අපගේ මීලඟ ඉලක්කය චිත්‍රපට සංදර්ශනයයි. G-Force නම් ත්‍රිමාන චිත්‍රපටය හා Shaolin Soccer නම් චිත්‍රපටය ද සංස්කරනය කොට දැන්වීම් ඇතුලත් කිරීමේ කාර්යය මාහටම පැවරුනි. නමුත් මහන්සි වීමට සිදුවූයේ නෑ. හේතුව අප පාසල් පාර්ලිමේන්තු මන්ත්‍රී වරැන්ගේ දැන්වීම් නොලැබීමයි.

"දැන් නම් චාටර් වීගෙන එන්නෙ කොල්‍ලනේ.."

"ඔවු ඔවු. චා වෙන්න බෑ බං අපේ පන්තියෙ මන්ත්‍රිතුමාගෙ ඇඩ් එකවත් දාමු. උගෙන් සල්ලි ගන්න පුලුවන් යැ."

අවසානයේ ඔහුගේ දැන්වීම චිත්‍රපට වලට එක් විය. Multimedia Projector එකක් ලබා දීමට පෞද්ගලික පරිගණක පන්ති පවත්වන ස්ථානයකින් එකඟ විය.

දර්ශනයට පෙර දිනයේ හවස සිටම ප්‍රධාන ශාලාව සූදානම් වූයේ අප අතිනි. එදින හවස ධාරානිපාත වර්ශාව මධ්‍යයේ ඉතිරි වැඩකටයුතු, ශබ්ධ උපකරන, පරිගණකය හා තවත් විවිධ තාක්ෂණික උපකරන කලුවර වන්නට පෙර ගෙන ඒමට හැකි විය. විදුහල්පති තුමාගේ හා මුර සේවක මහතාගේ අවසර ඇතිව ඉතිරි වැඩ නිමකිරීමට සිසුන් කිහිපදෙනෙක් පාසල් ප්‍රධාන ශාලාවේ රැඳිනි. මහ වැසි මධායේ ශාලාව පිලියෙල කෙරිණි. රාත්‍රී 1 පමණ වන විට වැඩ අවසන් වූ හෙයින් සියල්ල පරික්ෂාකර නින්දට ගියේ නොනවතින ධාරානිපාත වර්ශාව මධ්‍යයේය.

පසුදා උදෑසන වන විට වර්ශාව අවසන්ව තිබුනත් පෙ.ව. 6 ට පමන නොසිතූ අන්දමින් විදුලි බලය ඇනහිටියේය. විදුලි උත්පාදක යන්ත්‍රයක් ගෙනා නමුත් එයින් විදුලි බලය ප්‍රමානවත් ‍නොවිය. Multimedia Projector අයිතිකරැ පැමිණ බලා සිටී.

"මචං දැං මොකද කරන්නෙ බං. ටිකට් ගත්ත අය බලාන ඉන්නව. අදනම් ලයිට් එන්නෙ නැ..."

"මොනව කරන්නද... මුන්ගෙ ගමේ මරණාධාර සමිතියෙ ජෙනිය ගෙනාවනම් කරන්ට් එක ඇතිවෙයි."

ගුරැතුමියගේ අවසර මධ්‍යයේ එයද සිදුවිය. පළමු දර්ශනය තිරගත වීමට බොහෝ ප්‍රමාද වූ නිසා දෙවන දර්ශනයට සිසුන් සුලු පිරිසක් සහභාගී වී සිටිනු දැකගත හැකි විය.

සමස්ථයක් වශයෙන් පියවර අසාර්ථක වූ බව පෙනී ගියහ. බලාපොරොත්තු වූ පරිදි අරමුදල් රැස් කරගැනීමට නොහැකි විය.

නැවතත් ඉතිරිවී තිබූ බුක් මා(ර්)ක් විකිනීම ආරම්භ කල අතරම අසල පිහිටි පොලිසිය, ගොවිජන කේන්ද්‍රය වැනි රාජ්‍ය හා පෞද්ගලික ආයතන මෙන්ම ව්‍යාපාරිකයින්, ආදිශිෂ්‍යයින්, පරිත්‍යාගශීලීන් ගෙන් අරමුදල් රැස්කිරීම ඇරඹුනි. මුදල එකතුකිරීමේ හා අනෙකුත් වැඩ වලට පන්තියේ ගැහැණු ළමුන්ගෙන් නොමද සහයක් ලැබුන නිසා ඔවුනද අප ව්‍යාපෘතියට එකතු වූයේ ඔවුන්ගේ ව්‍යාපෘතියද අතහැර දමමිනි.

කෙමෙන් කෙමෙන් ප්‍රමානවත් මුදලක් එක් රැස් වූ හෙයිනුත්, දෙසැම්බර් නිවාඩුවට දින කිහිපයක් තිබෙන නිසාත් දෙසැම්බර් නිවාඩු කාලයේදී ව්‍යාපෘතියේ වැඩ නිම කිරීමට යොදා ගත්තේය.

***********************************

දෙසැම්බර් මාසයේදී වැඩ ආරම්භ විය. කළාකරැවා වැඩ ආරම්භ කලේය. අත්උදවු දීමට අප කිහිප දෙනෙක් සිටියද බොහෝ දිනවල අපේක්ෂා කල පරිදි මිතුරන් පැමිණ සිටියේ නැත. එයින් කම්පා නොවි අප හැකි පමණින් දායකත්වය ලබාදී දෙසැම්බර් මාසය තුල වැඩ නිම කලේ විනෝදයෙන්, අලුත් දේවල් ඉගෙනගනිමින්ය. කලාකරැවාද නියම කොල්ලෙකි. ඔහු විශ්ව විද්‍යාල අධ්‍යාපනය නිම කල තැනැත්තෙකි. එහෙයින් රස කතා බොහෝමයක් ඔහුගෙන් අසා සිනාසුනා මෙන්ම හරවත් දේවල් රැසක්ද දැනගැනීමට හැකි විය. එසේ ඔහුගේ වචනයෙන් අපට කී දෙයක් මෙසේ දක්වමි. මා සිතන ආකාරයට ඔහු මෙම විනාඩි 15කට ආසන්න කාලය තුල අපට පහදාදීමට උත්සාහ කරන්නේ කුමක්ද යන්න ඔබටත් පැහැදේවි.

[audio:http://www.geeth.info/blog/files/audio/dpmv-talk.mp3]

Record 01 (Size: 136 KB, Duration: 2:53)

Record 02 (Size: 578 KB, Duration : 12:20)

[2009-12-10 දින ඔහුටත් හොරෙන් පටිගත කෙ‍රැනු මෙහි ශබ්ධ තත්ත්වය නම් එතරම් ගුනාත්මක නැත‍. ]

කෙසේ හෝ ජනවාරි වනවිට වැඩ නිම විය. ඉතිරි වූයේ පොකුණ පමණි. එය එක්තරා බැංකු ශාකාවක් මගින් ඉදිකර දීමට පොරෙන්දු විය. එහි වැඩ ද සතියකින් අවසන් විය.

අද වන විට වසරකට අධික කාලයක් ගෙවී අවසන්ය.. එහෙත් තවමත් ඒ සිද්ධීන් මතක් කරමින්, ඒ ගැන කතා කරමින් අප සිනා සේ.

මෙම ව්‍යාපෘතියේදී අප පන්තියේ සියලුම දෙනා නන් අයුරින් උදවු කලා‍. පන්තිභාර ගුරැතුමිය හා වාණිජ අංශ‍යේ අනෙකුත් ගුරැ මහත්මීන් හා විදුහල්පති තුමන් වන විජේසිරි ගුරැතුමන් විශේෂයෙන්ම උදවු කලා.

මිතුර මිතුරියන් අතර,

මලිත්, සුජීව, දමිත්, බුද්ධික , ධම්මික, පුබුදු, කසුන්, චන්දන, මහේෂ්, නාලක, සුරංග, නුවන්, අශාන්, කුෂාන්, ඔගස්ටින්, දේවින්ද, රැවනි, අවංකා, දිල්හානි, සචිත්‍රා, බුද්ධිකා, වාසනා, නිමාලි, රූපිකා, තිලිණි, රැවන්තිකා, දර්ශා, නිරෝෂා, චින්තා සිටිය.

මේ අය අඩු වැඩි වශයෙන් උදවු කරල පාසලේ මෙතෙක් සිසුන් විසින් කළ වැඩිම පිරිවැයක් සහිත විශාලතම ව්‍යාපෘතිය නිම වුනා. සැමටම සතුටුයි. දැන් අපගේ බලාපොරොත්තුව පාසලෙන් මෙම වර්ෂයේ(2011) ඉවත්වීමට පෙර නැවත වරක් තීන්ත ආලේප කිරීමටයි.

ඉදිකිරීම් අතරතුර‍‍.....

නන් අයුරින් උපකාර කළ සැමට ස්තුතියි෴

Google latitude මගින් ඔබෙ Google Public Location Badge එක ලබාගන්න.

2011-01-16T21:13:00.000+05:30

ඔබ සිටින ස්ථානය සිතියමක් මගින් පෙන්වීමට අවශ්‍යවුවහොත්, වෙබ් අඩවියකට වැනි දෙයකට ඇතුලත් කර නිවැරදිව ස්ථානය සටහන් කර පෙන්වීමට අවශ්‍යනම් ඒ සඳහා සුදුසුම ක්‍රමය Google latitude මගින් සිතියමක් ආකාරයෙන් ලබාගෙන දැක්වීමයි. Google latitude කියන්නෙත් එක්තරා ආකාරයක සමාජ ජාල (Social Network) වෙබ් අඩවියක්. Facebook සමාජ ජාල වෙබ් අඩවියකට හොඳම උදාහරණයක්. Google latitude මගින් එහි ඔබේ ගිණුමේ සිටින මිතුරන්ගේ ස්ථානයන් (Locations) සොයාගතහැකියි. මෙම සේවාව පරිගණක සඳහා මෙන්ම ජංගම දුරකත (Mobile Phones/Devices) වලටත් එකසේ ක්‍රියාත්මක‍ වනවා. එහි එක් අංගයක් ලෙස Google Public Location Badge එක හඳුන්වන්න පුලුවන්.

පහතින් දිස්වන්නේ මේ ආකාරයෙන් ලබාගත් Google Public Location Badge එකක්, එසේම මෙය මගේ බ්ලොග් එකෙ "About Me | මම ගැන" පිටුවේ යොදාතිබෙන්නේත් මෙම සේවාවෙන් ලබාගත් Badge එකක්.

මෙම සේවාව www.google.com/latitude/ මගින් නොමිලේ ලබාගත හැකියි. එහි Apps යන Tab එක වෙත ගොස් එහි ඇති Google Public Location Badge හි Enable තෝරා Save කල යුතුයි. පසුව පහතින් ඇති Width හා Height වෙත පලල හා උස ද Map type හා Zoom level ද ලබා දී එම පිටුවේම ලබාදෙන කේතයට පහලින් පෙරදැක්මක් (Preview) බලා කේතය අවශ්‍ය තැනට ලබාගත හැකියි.

පහත රූපයෙන් මෙය වඩාත් පැහැදිලි වේවි.

නව වසරේ Dial-Up සිට HSDPA වෙත [3G Signal සෙවූ මෙහෙයුම]

2011-01-05T01:26:00.000+05:30

මුලින්ම ඔබ සැමට ලැබුවා වු 2011 නව වසර සුභම සුභ නව වසරක් වේවා කියලා ප්‍රාර්ථනා කරන්නම්.

වැඩි වේගයක් සහිත අන්තර්ජාල සම්බන්ධතාවක් අවශ්‍ය නම් ලංකාව තුලදී දැනට ‍බොහෝ දෙනෙක් භාවිතා කරන්නේ ADSL සබඳතාවයන්. මීට අමතරව ලංකාව තුල ආයතන කිහිපයක් මගින් WiMAX මගිනුත් වේගවත් අන්තර්ජාල සම්බන්ධතාවන් ලබාදෙනවා. ඒ සඳහාත් යම් සීමා වූ ආවරන කලාපයක් පවතිනවා. එහෙත් එම සබඳතාවන් ලබාගැනීමට බොහෝ විට නොහැකි වන්නේ, ඔවුන්ගේ ආවරන කලාපයක නොසිටීමයි. තවත් ආකාරයකින් පවසනවානම්, ඇති දුර ප්‍රශ්ණය නිසායි. නමුත් අනෙත් අයට ඒ හා සමාන වේගයක් ලබාගැනීමට ඇති හොඳම විකල්පයක් වන‍්නේ HSDPA භාවිතා කිරීමයි. මේ සඳහා 3G, 3.5G, 3.75G වැනි තාක්ෂණ ලංකාව තුල යම් යම් සීමාවන් මධ්‍යයේ භාවිතා වන නිසා පහසුවෙන්ම HSDPA Dongle එකක් මගින් වේගවත් අන්තර්ජාල සම්බන්ධතාවක් ලබාගන්න පුලුවන්. මෙහි වාසියක් වන්නේ ජංගම ලෙස ආවරන කලාපය තුල ඕනැම ස්ථානයක භාවිතාකිරීමට හැකිවීමයි. නමුත් මා මුලින් කියූ අන්තර්ජාල සම්බන්ධතා වර්ග වල ද මෙම HSDPA වලද හොඳ නරක, අඩුපාඩු බොහෝ තිබෙනවා. කෙටියෙන්ම කිවොත් ශ්‍රී ලංකාවේ අයට සෑහීමකට පත්විය හැකි අන්තර්ජාල සම්බන්ධතාවක් තවමත් පැමින නැහැ.

මා බොහෝ කාලයක් භාවිතා කල Dial-Up සම්බන්ධතාව අතහැර HSDPA වලට මාරුවීමට සිතුනමුත් සෑහීමකට පත්විය හැකි Signal ප්‍රමාණයක් ලැබෙන්නේ නැහැ. විවිධ Networks සමග සොයාබැලුවත් EDGE Signals හැර වෙනත් වේගවත් අත්දැකීමක් ලැබීමට හැකිවූයේද නැහැ. ඒ නිසා ඒ අදහස අතහැර සුපුරුදු Dial-Up සමගින් කාලය ගතකරන අතරතුර මිතුරෙකුගේ මාර්ගයෙන් තරමක් දිග Male Female USB ‍Cable එකක් මගින් හදිසියේම ඔහුගේ Dongle එක පරික්ෂාකර බැලීමට හැකිවුනා. පුදුමාකාර අන්දමින් අඩි කිහිපයක් උසට Dongle එක යොමුකල විට Mobile Patner මෘදුකාංගයෙහි WCDMA ලෙස දක්වන නිසා (Connect කල පසු HSDPA) වැඩි වේගයක් අත්දැකීමට පුලුවන්. Signal එකක්වත් නොමැති වුවත් 1.4Mbps දක්වා වේගයක් ලැබූ නිසා කිහිප වරක් පරික්ෂාකර බලා HSDPA Dongle එකක් හා මීටර් 3ක් පමණ දිග Male Female USB ‍Cable එකක් මිලදීගෙන දැන් වේගවත් HSDPA අන්තර්ජාල සම්බන්ධතාවයක් අත්විඳිනවා. උත්සාහය සාර්ථකයි ! :D

කෙසේ වෙතත් කලින් ලැබූ 230kbps (භාගතකිරීමකදී නම් උපරිම ලැබී ඇති වේගය 20-25Kpbs) වැනි වේගය වෙනුවට නව වේගය වැඩිත් තරම්. ඒත් ඉතින් කවුද කොච්චර වේගයක් තිබුනත් වැඩියි කියන්නෙ.. ;) ඒත් ඉතින් යම්කිසි MB ප්‍රමාණයකට සීමා වෙලා ඉන්න එකනම් එපා වෙනව.. මීට පෙර ඉබ්බ වගෙ නිදහසේ සැරිසැරුවත්, දැන් හාව වගේ වේගයෙන් නිදහසේ සැරිසරන්න ලැබෙන්නෙ නැ.. :(

මට දැන් හිතෙන්නෙ සිග්නල් එකක්වත් නැතිව මෙහෙම ස්පීඩ් නම්, සිග්නල් කීපයක්වත් තිබුනොත්...??

෴

සිංහල බ්ලොග්කරුවන් සමග..

2010-12-21T01:52:00.000+05:30

ඒ 19 වෙනි ඉරිදා (දෙසැම්බර්). කලින් දන්වා තිබුන ආකාරයට කොළඹ HDPL ගොඩනැගිල්ලේ පැවැත්වුනු උත්සවයට මමත් සහභාගී වුනා. පෙර දිනයේ (18) සුජිත් අයිය (බ්ලොග් කියවන්නෙක්) අපේ ගෙදර ඇවිත් අපි දෙන්නම 19 උදෙන්ම පිටත් වුනා. පාන්දර 5.00 ට විතර. 7.40ට විතර කොළඹට ලඟාවුනත් කලින් කතාකරගත් විදියට හසිත මල්ලි, කසුන් නදීශන, කණි ඩබල එනකම් අපි කොටුවට වෙලයි හිටියෙ. කොහොමහරි හසිත මල්ලියයි කණිඩබලයි කොටුවෙදි සෙට් වුනේ, තවත් කිහිපදෙනෙක් ඒ සමග හිටිය. අවාසනාවට කසුන් මගහැරුනෙ, එතන හිටිය කට්ටිය යමු කීව නිසයි. මේ සිද්ධියෙන් කසුන් අමනාප වුනාද කියලනම් හරියටම දන්නෙ නැ.කොහොමහරි බහින්න ඕනි තැන මිස් වුනෙ අපේ කට්ටිය නිසාමයි ;) ඊට පස්සෙ තියන හෝල්ට් එකෙන් බැහැල අන්තිමේදි නිවැරදි ස්ථානයට යාගන්න හැකිවුනා. :)

හමුව ගැන කියනවනම්, Microsoft ආයතනයේ අනුග්‍රහයෙන්, සිංහල බ්ලොග්කරුවන්ගේ සංසදය මගින් පැවැත්වුන හමුව මට හිතුන හැටියටනම් ඉතාම සාර්ථකව පැවැත්වුනා‍‍. තමතමන් එකිනෙකා හඳුනාගනිමින් ආරම්භකළ SBU සුහදහමුවේදි එහි ආරම්භය සිදුවූයේ කුමකටද, අරමුණු, ඉදිරියේදී කිරීමට අපේක්ෂිත දේවල් කතාබහ වූ අතර මීට අමතරව සිංහල යුනිකේත / සිංහල Fonts ගැන තාක්ෂණික දෘෂ්ටියකින් යම් ආකාරයකට කතාබහවුනා. මේ දේවල් අතරේදී තමතමන්ගේ අදහස් දැක්වීමට හා ගැටලු, යෝජනා පැමිණ සිටි බ්ලොග් කරුවන් අමතක කලේ නැහැ. හැබැයි ඉතින් මමනම් අදහස් දැක්වු‍යෙ නෑ :( මේ වෙනුවෙන් Microsoft ආයනතය වෙනුවෙන් පැමිණි මහත්මා දැක්වූ සහයෝගය විශිෂ්ඨයි. විශේෂයෙන් ඉදිරි කටයුතු ගැන. අවසානයේ සිංහල බ්ලොග්කරුවන්ගේ සංසදය මගින් සංවිධානයකර තිබූ නිර්මාංශ ආහාරවේලකින් පසුව බ්ලොග් කරුවන් එකිනෙකා හමුවී තම තමන්ගේ අදහස් හුවමාරුකරගත්තා. ඒ අතරේ ඡායාරූපකිහිපයක් ගන්නත් පුලුවන් වුනා.

අවසානයේ මමත් සුජිත් අයියත් ගාලුමුවදොර පිටියේ රුඳි ඉඳල MC එක පැත්තෙ රවුමක් ගහල ගෙදර එන්න සූදානම් වුනත් සුජිත් අයියගෙ ඉල්ලීම නිසා එයාලගෙ ගෙදර ගිහින් අද (20) තමයි ගෙදර ආවෙ ;)

මේ හමුව මම දැකපු ආකාරයට ඉතාමත් සාර්ථක වුනා කියල හිතනව. මින් පෙර දැක නොසිටි අය හමුවීම, කතාබහ කිරීම විශාල සතුටක්. ඒ වගේම මේ වෙනුවෙන් බොහෝ දේ කරන Admin ලා ට අපි හැමෝම ස්තුතිවන්ත වෙන්න ඕනි.

මේගැන මට හිතුන දේවල් ටිකක්, යෝජනා ටිකක් මේ විදියට ඉදිරිපත්කරන්නම්.

‍බො‍හෝ දෙනෙක් සමග කතාකරන්නම් කියල හිතාගෙන ආවත් සමහර දෙනෙක් එක්ක කතා කරන්න නොලැබුන එක ගැන දුකයි :(

මමත් එක්ක කතා කල නොකල හැමෝම දකින්න ලැබීම සතුටත්, ලොකු කණිෂ්ක අයිය, පොඩි කණිෂ්ක අයිය, මාධව අයිය, මංකඩ ලියන දිනුක අයිය, හසිත මලිලි, මුල්ම වරට කතා කරපු හසීය, සජිත් අයිය, කසුන් නදීශන අයිය, පුබුදු අයිය, ගීතික දිල්රුක් අයිය, වගේම මෙතන නම ලියන්න මතක නැති අය, මමත් එක්ක ඇවිත් දිගටම මාත් එක්ක හිටපු සුජිත් අයිය ඔක්කොටෝම බොහොම ස්තුතියි. (නම මෙතන සටහන් කරල නැ කියල තරහවෙන්න එපා. මතක් කලොත් ලිපිය Update කරන්නම්)

හැමෝටම තිබුන හීතල ප්‍රශ්නෙ මටත් තිබුන‍. මේක ෆිජ් එකක්ද කියලත් හිතුන

ඇඩ්මින් වරුන් සමග කතාකරන්න හිතාගෙන හිටියත් අවස්ථාවක් ලැබුනෙ නැ :(

කසුන් නදීශන එක්ක කොටුවෙ ඉන්න වුනෙ නැත් එක ගැන දුකයි :( සමාවෙන්න ඒකට

ආහාරවේලට ‍ස්තුතියි. හොඳටම තිබුන‍‍.

කට්ටය එක්ක එනකොට බල්ලොත් පැන්නුව. ;)

තිස්ස දොඩංගොඩ මහත්තයට පරන සිංදුටිකක් අරගෙන ආවත් ලබාදෙන්න විදියක් තිබුනෙ නැ. කාල ඉවරවෙලා හෙවුවට හොයාගන්න බැරිවුනා.

කණිෂ්ක අයියගෙ CD එකට ගොඩක් ස්තුතියි

ඡායාරූපටික නිල වශයෙන් හොඳ කොලිටියෙන් හැමෝටම ලබාගන්න පුලුවන් විදියට ලබාදුන්නනම් හොඳයි කියල හිතෙනව

පැමිණසිටි අයට තව ටිකක් සමීපව කතාකරන්න, විනෝදවෙන්න පොඩි ක්‍රීඩාවක් වගේ දෙයක් තිබුනනම් හොඳයි කියල හිතුන

කතාබහකෙරුණු කරුණු අතරින්, සංසදයෙ බ්ලොග් වල ගැජට් කෑලි වැඩි නිසා ලෝඩ් වෙන්න පරක්කුයි කියන එක, වැඩි දෙනෙක් විජේසේකර කී බෝඩ් එක භාවිතා කිරීම, යුනිකේත වල ඉදිරිය හා යුනිකේත වලට නව Font styles එක් කිරීම වගේ කරුණු ඊට අමතරව කමෙන්ට් මොඩරේට් කිරීමේ වැදගත්කම වැනි දේ වැදගත් ය

පටන්ගන්න අවස්ථාවේදී තමතමන්ගේ ආගම සිහිකරල පටන් ගත්තනම් හොඳයි කියල හිතෙනව

Online Brodcast එක සහභාගි වෙන්න නොහැකි වූ අයට මහත් පිටුවහලක්.

ඉදිරියේදී බ්ලොග් කියවන අය වැඩියි කියල හිතුනෙ, දැනටමත් බොහෝ දෙනෙක් තමන්ගෙ බ්ලොග් එක ලියන එක නවත්වල දාල කියල හිතුනෙ, තම තමන් හඳුන්වල දෙනකොට බොහෝ දෙනෙක්ගෙ මුවින් පිටවුන කරුණු නිසා.

අනාගතයේදී සිංහල බ්ලොග්කරණය හා අන්තර්ජාලයේ සිංහල යුනි‍කේත ගොඩක් දියුනු වේවි කියල හිතෙනව. එහෙම වෙන්න කියල ප්‍රාර්ථනා කරනව

ලබනවසරේදීත් මේ විදියට හමුවක් පැවැත්වුනොත් අනිවාර්යෙන්ම සහභාගිවෙනව.. මම කවුද කියල හොයාගන්න බැරිවුනනම් ඉහල පිංතූරෙ මැද පේලියෙ, දකුණු පැත්තෙන් 3 වෙනිය. ඒ කිවෙ ලානිල්පාට ශර්ට් එකක් ඇඳගෙන ඉන්න කලු පොඩ්ඩ !

හැමෝටම ගොඩාක් ස්තුතියි !!

Blogger ද ? Wordpress ද ??

2010-12-12T08:13:00.000+05:30

මම, අපි බ්ලොග්කරුවන් !! සිංහල හෝ ඉංග්‍රීසි හෝ වේවා බ්ලොග් ලියන්නනම් මාධ්‍යක් තියෙන්න ඕනි. එනම් බ්ලොග් ලිවීම සඳහා කුමනහෝ Platform එකක් අවශ්‍යයි. මේ අතරින් මම වැඩිපුරම සිංහල බ්ලොග්කරුවන් අතරේ Blogger, Wordpress, Wordpress Selfhosted දුටිමි. මීට අමතරව වෙනත් සේවාවන් භාවිතාකරන බ්ලොග්කරුවන්ද සිටී. දැනටමත් ‍බ්ලොග්කරුවන්ට, නව බ්ලොගයක් ආරම්භකිරීමට බලාපොරොත්තුවෙන් සිටින්නන්ට ඒ සඳහා පැහැදිලි මාර්ගෝපදේශණයක් සැපයීම, එයට වඩාත් සුදුසු මාධ්‍ය කුමක්ද යන්න අවබෝධයකරගැනීමට සහයවීම මෙම ලිපියෙහි අරමුණයි.

මෙම ලිපියෙහි ලොව වඩාත්ම ජනප්‍රිය Platforms වන ඉහත දැක්වූ Blogger, Wordpress හා Wordpress Selfhosted අතර සංසංදනයක්, කිරීමට කැමැත්තෙමි.

: Blogger හි සම්මත සලකුණ

මුලින්ම Blogger සේවාව ගැන කියනවනම්, මේක Google සමාගම මගින් නොමිලේ ලබාදෙන සේවාවක්. බ්ලොග්කරණය ආරම්භකිරීමට යන නවකයෙකුට එය ආරම්භකිරීමට සුදුසුම ස්ථානයක් යැයි කියන්න පුලුවන්. මෙයින් සේවාව ආරම්භකිරීමට අවශ්‍යවන්නේ Gmail ගිණුමක් පමණයි. www.blogger.com වෙත පිවිස ඔබගේ GMail ගිණුමට අදාල පරිශීලික නාමය (User Name) හා මුරපදය (Password) ලබාදී පහසුවෙන් නව බ්ලොගයක් ආරම්භකිරීමට පුලුවන්. නවකයෙකුට වුනත් තේරුම්ගන්න පුලුවන් සරල අතුරුමුහුණතක් (Interface එකක්) Blogger වලට හිමියි. මේ පිළිබඳ සවිස්තරව සටහනක් පහතින් ඇතුලත්කරන්නම්.

WordPress ගැන කියනවානම් මෙය ආකාර 2කින් දකින්න පුලුවන් ඒ,

Wordpress.com හි Sub Domain එකක් මත www.yourName.wordpress.com ආකාරයට(www.wordpress.com)

Wordpress Blog Platform එක බාගතකරගෙන, තමාගේම වෙබ්ඉඩක ස්ථාපනය (Wordpress Selfhosted)

: WordPress හි සම්මත සලකුණ

මේ කුමන ආකාරයට Wordpress Blog එකක් පටන්ගත්තත් සමාන අතුරුමුහුණතක් තමයි දක්නට තියෙන්නෙ ( Interface) Wordpress Selfhosted බ්ලොගයක් හා Wordpress.com බ්ලොගයක් අතර දකින්න තියන ප්‍රධානම වෙනස තමයි, Wordpress.com බ්ලොගයක ප්‍රධාන අවාසියක් තමයි Sidebar එකට JavaScript දාන්න බැරිවීම. මේනිසා ගැජට් භාවිතාකරන එක සීමාවෙලා තියනව. නමුත් තමාගේම වෙබ්ඉඩක ස්ථාපනය කරගත් (Wordpress Selfhosted) Blog එකක මේ කිසිම ප්‍රශ්ණයක් නෑ. මයි කාර්, මයි පැට්‍රල් ;)

මේ සියල්ල පහත පරිදි සටහනකින් දක්වන්නම්,

Blogger හා Wordpress

blogger.com

Wordpress.com

Wordpress SelfHosted

ස්ථාපනය

සාමාන්‍යයෙන් වි.5කින් පමණ සියල්ල අවසන්

බ්ලොගර් වගේමයි,වි.5කින් පමණ සියල්ල අවසන්

Blog Platform එක බාගතකිරීමට හා එය Host එකට Upload කිරීමට යම් කාලයක් ගතවේ. මෙය ඔබ‍ගේ අන්තර්ජාල සම්බන්ධතාව අනුව තීරනය වේ‍‍. Database එකක් සෑදීමට සිදුවේ. ස්ථාපනය කරන ආකාරය ඇති ලින්ක් එකක් මේ ලිපිය අවසානයේ ඇතුලත් කරන්නම්

ඩොමේනය (Domain)

නොමිලේ ලැබෙන YourName.blogspot.com ආකාරයේ Sub Domain එකක්.

නොමිලේ ලැබෙන YourName.wordpress.com ආකාරයේ Sub Domain එකක්.

අවශ්‍ය ඩොමේනය තමාටම තෝරාගන්න පුලුවන්. ඔබ එයට මුදල් ගෙවිය යුතු නිසා

වෙබ් ඉඩ (Hosting)

1GB නොමිලේ ඒක් පිටුවක File Size එක 1MB පමණයි

3GB නොමිලේ

අවැසිතරම් ‍තෝරාගන්න පුලුවන්‍. ඔබ එයට මුදල් ගෙවිය යුතු නිසා

ගැජට්

Bloggeer හි අඩංගු සීමිත ප්‍රමානයට අමතරව අවශ්‍යනම් HTML හෝ JavaScript ආකාරයේ ගැජට් දැමිම හැක.

නොහැක.

අවැසිතරම්, අවශ්‍ය ආකාරයෙන්, මීට ‍නොදෙවෙනි පහසුකම් Plugins මගින් ලබාගත හැක.

අතුරුමුහුණත

ඉතාමත් සරල ලෙස නිර්මානය කර ඇත. නවකයෙකුට උවද භාවිතා කල හැක

තරමක් සංකීර්ණ, පහසුකම් වැඩි අතුරුමුහුණතකි‍

Wordpress.com හි අතුරුමුහුණතම තවත් විශේෂාංග ඇතුලත්කර වැඩිදියුණු කර ඇත.

ප්ලගින සදහා සහය

නැත

සහය දක්වයි. දහස්ගනනක් ප්ලගින අතුරින් අවශ්‍යම ප්ලගිනයක් තෝරාගත හැක.

තේමා (Templates/Themes)

Bloggeer හි අඩංගු සීමිත ප්‍රමානයට අමතරව xml ආකාරයේ තනි File එකක් ලෙස පැමිනෙන තේමා සොයාගත හැක

ලබා‍දෙන අලංතාර/ඕනැමතැනකට සුදුසු තේමා පමනි

දහස්ගනන් තේමා ඇත. php ආකාරයෙන් Files කිහිපයකින් පැමිනේ

තේමා සංස්කරණය

HTML මගින් ලෙහෙසියෙන් කල හැක

සීමා සහිතයි

PHP දැනුව ඇතිනම් අවශ්‍ය ආකාරයට සංස්කරනය කල හැක.

ස්ථාවරත්වය

ගුගල් සර්වර් මත ති‍බෙන නිසා බොහෝවිට ස්ථාවරයි

බොහෝවිට ස්ථාවරයි

ඔබ මිලදීගත් හොස්ටින් ගිණුමේ ස්ථාවරත්වය මත තීරනය වේ.

පිරිවැය

සම්පූර්නයෙන් නොමිලේ

ඔබේ හොස්ට් එකට හා ඩොමේනයට යන පිරිවැය දැරිය යුතුය

කතුවරුන් හා පරිපාලකයින්

කිහිපදෙනෙකු

ලිපි ආරක්ෂාව

නැත

ඔබට ආරකෂාකිරීමට ලිපියක් ඇත්නම් එම ලිපියකට අවශ්‍යනම් මුරපද යෙදිය හැක

කමෙන්ට්ස්

ස්පෑම් ‍වැලැක්වීම් පහසුකම

ස්පෑම් ‍වැලැක්වීම් පහසුකම, සංස්කරනය, IP Tracking

පෙර ඒවාද, spam protection හා බොහෝ පහසුකම් ප්ලගින මගින් ලබාගත හැක.

මගෙන් ලකුනූ (100න්)

35‍%

15%

50%

ඉහත සටහනින් විස්තර කලේ සුලු කොටසක් පමණයි.. මම හිතනව මේ ටික මෙම Blogger හා Wordpress ගැන අවබෝධයක් ලබාගන්න ප්‍රමානවත් වේවි කියල

අමතර පහසුකම් කිහිපයක්

Blogger හි සිට WordPress වෙත

මම කලින් ලීව ලිපියක සවිස්තරව ඉදිරිපත් කලා කොහොමද Blogger Blog එකක් සාර්ථකව සම්පූර්ණයෙන්ම Wordpress Self hosted බ්ලොග් එකක් වෙත ගෙනඑන්නෙ කියල. ඒ ලිපිය මෙතන ක්ලික් කරල බලන්න පුලුවන්.

Blogger හා Wordperss.com තමා‍ගේම ඩොමේනයක (Custom Domain)

ඇයි බැරි.. කරන්න පුලුවන් මේ ගැනත් මම ලීව ලිපියක අඩංගු වුනා ඒ ලිපිය මේ සබැඳුම ක්ලික් කරල බලන්න පුලුවන්.

වටිනා WordPress Plugins කිහිපයක් හා Plugins WP හි ස්ථාපනය කරන ක්‍රම (6)

ආශ්‍රිත ලිපි.

http://pulsed.blogspot.com/2007/07/blogger-wordpress-chart.html

http://blog.indranama.com/2009/10/blogger-vs-wordpress-comparison/