Www.Bisedoj.Com

11 biondet më të suksesshme në Shqipëri

bisedoj.com — Mon, 12 Apr 2010 11:35:30 +0000

Për një arsye apo për një tjetër, dihet publikisht që ato janë të suksesshme. Janë bionde, plot sharmë, vishen bukur dhe qëndrojnë në piedestalin e profesioneve në Shqipëri. Ato janë plot 12, dhe pjesën më të mirë të kohës e kalojnë duke dhënë urdhra, duke mbajtur fjalime apo duke u marrë me vartësit e tyre. Parlamenti, Qeveria, Prokuroria, shëndetësia janë institucionet ku femrat bionde janë kurdoherë të pranishme, madje edhe në role drejtuese.

Suksesi i biondeve
E vetmja që përfaqëson gjininë femërore në kabinetin qeveritar është Majlinda Bregu. Biondja 35-vjeçare njihet si femër me gusto, ambicioze, e angazhuar dhe korrekte. Bregu drejton “timonin” e Ministrisë së Integrimit, në një kabinet qeveritar ku 14 ministritë e tjera drejtohen nga meshkuj. Ajo që të bie në sy është se institucioni që drejton Bregu është areduar më me shije se të gjitha ministritë e tjera. Tashmë Bregu ka një sprovë shumë të madhe në dorë: Të përmbushë misionin e marrë në dorëzim para disa vitesh, të realizojë anëtarësimin e Shqipërisë në Bashkimin Evropian. Ndërkaq, institucioni më i rëndësishëm i akuzës, Prokuroria e Përgjithshme, është vënë “nën këmbët” e Silvia Kontit shqiptare, Kryeprokurores Ina Rama. Megjithëse një natyrë e brishtë dhe e padjallëzuar në dukje, Rama po tregon se përtej asaj fytyre, gjendet një femër e fortë, që mund t’i bëjë ballë çdo lloj gjëje. Drejtoria e Institutit të Shëndetit Publik në Shqipëri mban firmën dhe vulën e Elvana Hanës. Biondja rreth të 35-tave udhëheq punën e këtij institucioni, duke mos anashkaluar asnjë gjë. Arta Dade është një ndër eksponentët më të rëndësishme në Partinë Socialiste, fjala e saj ka peshë dhe gjen zbatim. Ajo është përballur me dhjetëra herë me sulmet e deputetëve në sallën e Parlamentit dhe ka ditur t’ia dalë mbanë mjaft mirë. Lajla Përnaska, një zonjë e ëmbël dhe e qeshur gjithë kohës, është deputete e Partisë Demokratike. Ajo njihet për stil në veshje dhe për një komunikim shumë të mirë me kolegë. Edhe deputetja e PS-së, Ermelinda Meksi njihet për një stil të veçantë të saj. Ajo ka vite që dominon në Partinë Socialiste. Imazhi i kësaj partie është përfaqësuar për shumë kohë nga zëdhënësja Mimi Kodheli, e cila tashmë është deputete e PS-së. Bionde të suksesshme mund të cilësojmë edhe deputetet e reja të Parlamentit, të cilat janë zgjedhur nga populli më 28 qershor 2009, si Albana Vokshi, Mesila Dode, Shegushe Ligori, Ledina Aliolli etj. Një femër tjetër e suksesshme është edhe Lindita Nikolla, e cila është anëtare e kryesisë së PS-së dhe një figurë me vendosmëri të lartë.

Probabiliteti
Probabiliteti i bruneve në krahasim me biondet është më i madh. Shumica e femrave që janë pjesë e jetës publike dhe politike të Shqipërisë janë brune. Kështu që ne kemi zgjedhur të nxjerrim në pah aftësitë e pakicës, femrave bionde dhe të suksesshme në Shqipëri.

Biondet e suksesshme

Ina Rama
Majlinda Bregu
Arta Dade
Lajla Përnaska
Mimi Kodheli
Elvana Hana
Lindita Nikolla
Albana Vokshi
Mesila Dode
Shegushe Ligori
Ledina Aliolli

/tiranaobserver/

Dëshironi të bëheni një striptiste, ja disa mësime

bisedoj.com — Mon, 12 Apr 2010 11:22:35 +0000

Qëndrimi

Fillimisht te ju duhet të mbizotërojë shpirti fisnik. Striptizmi në vetvete është lojë shikimesh, joshjeje, aludimi dhe ironie. Nuk është një “zhveshje” vulgare. Gjithmonë duhet të jeni të kujdesshme, të zbaviteni, të mos tregoheni agresive dhe të mërzitshme.

Veshja

Në këtë pikë jeni të lira të luani dhe ta ekzagjeroni sa të doni. Mund të vishni geta rrjetë, korse, bust, taka të larta, dorashka etj. Nuk duhet të prezantoheni në skenë, sikur po shkoni për të bërë ski, por të jeni sa më të bukura, të visheni me rroba të hapura, të vini sa më shumë bizhuteri, që të dukeni më tërheqëse dhe të bini në sy.

Truku dhe paruket

Flokët mund t’i kapni ose t’i mbani gjysmë të kapura, për dy arsye: duke i pasur në dy mënyrat që përmendëm mund të vendosni ndonjë pupël, lule, perlë, ose diçka më të rëndë, si për shembull një kapëse të madhe me gurë të shndritshëm, për të tërhequr sa më shumë vëmendjen e publikut. Edhe një kapele e vogël që kombinon me veshjen është perfekte. Ndërsa për fytyrën mund të përdorni një make-up të rëndë, për t’i dhënë më shumë dritë pamjes, qerpikë fals, një buzëkuq të ndezur. E veshur në mënyrë provokuese dhe e lyer rëndë do të tërhiqni vëmendjen e të gjithë spektatorëve. Përpiquni të mos e ekzagjeroni, sepse pa dashur do të dukeni si kloun.

Muzika

Nuk duhet as shumë e shpejtë, as shumë e ngadaltë. Joshëse, por jo superseksi. Diçka që ju bën të ëndërroni, që ka një domethënie për ju dhe spektaklin tuaj. Shmangini në maksimum këngët e tipit Jessica Rabbit ose në të kundërt do t’i jepnit fund origjinalitetit të surprizës suaj. Jini sa më origjinale, rrëmoni mes disqeve të vjetra, kontrollojeni mirë mp3 dhe “iPod”-in, shikoni ndonjë video në internet për t’u frymëzuar. Mos harroni që një këngë për t’u bërë e famshme duhet të ketë ritëm, në mënyrë që të lëvizni shpejt, duke bërë kuriozë edhe të tjerët.

Atmosfera

Drita e neonit nuk mund të durohet në një piceri, imagjinoni në një dhomë gjumi. Dëshironi të ndiheni më të qetë? Mos e ekzagjeroni, sepse në të kundërt dhurata juaj e vogël nuk do të vlerësohet: e keni menduar ndonjëherë se çfarë ndodh me errësirën? Për të arritur qëllimin tuaj, që spektakli të jetë sa më i bukur dhe të tërheqë vëmendjen e të gjithë publikut, mos përdorni drita të forta, por abazhurë të vegjël të vendosur në çdo cep të dhomës. Bëni ndonjë provë, duke e vendosur pasqyrën në vendin ku do të ulet personi të cilin keni ftuar. Nëse ju nuk e shihni veten tuaj të pasqyrohet në pasqyrë, të jeni të bindur se as ai nuk do t’ju shohë. Hidhini pak parfum dhomës.

Lëvizjet

Vështirësia qëndron në këtë pikë. Përpiquni ta ndihmoni veten me ndonjë lëvizje ose objekt të vogël. Për shembull, karrigia me të cilën luani është perfeke. Mbështetuni dhe rrotullohuni me këmbët e hapura, pastaj shtrini njërën këmbë dhe ulni kokën poshtë, mblidhini këmbët dhe ngrijini lart ngadalë. Kapuni pas karriges dhe lëvizni ngadalë belin, pastaj ngrihuni dhe qëndroni në këmbë para ose pas karriges dhe mbështetni vetëm njërën këmbë mbi ndenjëse. Një ide ua dhamë, pjesa tjetër ju mbetet juve. Keni ndonjë tendë në shtëpi? Atëherë përdoreni për të ngacmuar fantazinë tuaj, fshihuni pas saj dhe zhvishuni ngadalë. Lëvizni mesin, përdorni këmbët dhe duart, shkunduni, futeni barkun brenda për të treguar brinjët, por mos harroni duart. Nuk duhet të jenë copëza të vdekura të lidhura në trup. Ngrijini duart lart ngadalë, bëni lëvizje të ndryshme me krahë, përdorini për të lëvizur flokët, mbështetni njërin gisht mbi buzë, hapni pëllëmbën dhe dërgoni sa më shumë të puthura, sepse në këtë mënyrë do të dukeni vërtet të magjishme. Këshilla e fundit është buzëqeshja. Sado e emocionuar të jeni, sforcohuni që të buzëqeshni gjithmonë.

/gazeta-shqip/

Faqja mashtruese në Facebook tërheq rreth 40.000 viktima

bisedoj.com — Mon, 12 Apr 2010 11:08:32 +0000

Një faqe mashtruese në Facebook që u ofronte një kartë dhuratë në vlerë prej 1.000 dollarë për Ikea, ka tërhequr pothuajse 40.000 viktima gjatë ditës së premte.

Ky është shembulli më i fundit i një trendi të ri dhe të dëmshëm në rrjetet sociale, ku mashtruesit që zakonisht janë tregtar online që kërkojnë të fitojnë përmes gjenerimit të trafikut të webit, kanë pushtuar Facebook-un me këto faqe të kartelave false dhuratë gjatë muajve të fundit.

Në fund të marsit, një kartelë e ngjashme Ikea në vlerë prej 1.000 dolarë mashtroi më shumë se 70.000 viktima, dhe gjithashtu në javën që shkoi një faqe tjetër mashtruese në Facebook ofronte një certifikatë dhuratë në vlerë prej 500 dollarë për “Whole Foods”, mashtroi përdorues tjerë të shumtë.

Mashtrimi i ditës së premte ka kapur më shumë se 37.000 përdorues, duke u ofruar atyre një certifikatë dhuratë në vlerë prej 1.000 dollarë në shkëmbim për promovimin e Ikea-së tek miqtë e tyre. Në atë kohë, faqja ishte duke fituar adhurues të rinj me një shkallë prej 5.000 në orë. Sipas faqes, promovimi i ofruar vlen vetëm për një ditë.

Për të marrë pjesë, përdoruesit duhet të bëhen adhurues të faqes false të Ikea-së, që hostohej Facebook dhe më pas të ftonin të gjithë miqtë e tyre për tu bërë adhurues. Ata më pas drejtohen tek një faqe anëtarësimi marketingu që postohet tek GiftDepotDirect.com, ku atyre u kërkohen informata personale si emri, adresa, data e lindjes dhe numri i telefonit.

Pas këtij hapi, viktimës i thuhet që të abonohet për dy oferta marketingu online, këto me faqe legjitime si Netflix dhe CreditReport.com, në mënyrë që të fitojnë kartën dhuratë.

Karta e premtuar në këto mashtrime asnjëherë nuk u duk. Në fakt, informatat personale të viktimave tani mund të shfrytëzohen vetëm për vjedhje të identitetit apo edhe më keq për të hakuar kompjuterin e tyre. “Pse njerëzit ofrojnë këto informata, nuk mund ta kuptojë, por ata e bëjnë këtë”, tha bashkë-themeluesja e faqes Scambusters, Audri Lanford në një intervistë gjatë të martës për Computerworld, para se të paraqitje faqja më e re mashtruese.

Më herët gjatë kësaj jave, zëdhënësi i Facebook Simon Axten tha se kartat false dhuratë janë një problem i vogël për Facebook, por ai nuk tha sa njerëz janë bërë adhurues të këtyre faqeve mashtruese. Facebook, në anën tjetër është duke zhvilluar një sistem të automatizuar për të larguar faqe, tha Axten. “Ne shpejtë largojmë grupet dhe faqet, madje edhe para se të shpërndajnë viruse”.

/ipko.net/

Ja 20 deputetët, biznesmenët më të fuqishëm në vend

bisedoj.com — Mon, 12 Apr 2010 10:59:27 +0000

PS ka 13 pasanikë, ndërsa PD vetëm pesë, LSI një
Të merresh me politikë medoemos duhet të jesh dhe i pasur ekonomikisht. Më së miri kjo vërtetohet në Parlamentin shqiptar, ku 20 prej të zgjedhurve janë nga bota e biznesit madje me një fuqi ekonomike mjaft të madhe. Fuqia ekonomike e deputetëve biznesmenë mund të krahasohej fare mirë me buxhetin e shtetit shqiptar. Partia Socialiste ka në gjirin e saj numrin më të madh të biznesmenëve në politikë, duke humbur thuajse totalisht identitetin e saj si një parti e shtresave të mesme dhe të varfra të shoqërisë. Deri para pak kohësh biznesmenët qëndronin pranë partive duke i financuar ato, por dhe duke përfituar nga pushteti i tyre në periudha të ndryshme. Kryeministri Berisha me ardhjen në pushtet në vitin 2005, deklaroi me të madhe se do të thyente monopolet që biznesmenë të ndryshëm kishin krijuar në ekonominë e vendit, por ajo që vihet re tashëm është shumë prej syresh ndodhen në tempullin e demokracisë siç është Parlamenti.

E majta me 13 deputetë biznesmenë
13 nga 64 të zgjedhurit e PS-së janë biznesmenë nga më të fuqishmit në vend. Edi Rama në zgjedhjet e kaluara vendosi që shumë prej njerëzve të komunitetit të biznesit, të ishin përfaqësues kandidatë të opozitës për të bindur popullin. Disa nga emrat e njohur të biznesit që u kandiduan nga Partia Socialiste janë Sadri Abazi, Fidel Ylli, Hazir Gashi, Tom Doshi, etj. Edhe pse parti e majtë, Partia Socialiste vitet e fundit thuajse është bërë një strehë e një shtrese mjaft të pasur të shoqërisë. Qysh prej kohës së Fatos Nanos, biznesi kishte marrëdhënie mjaft të mira me këtë parti. Një nga pikat të cilat Sali Berisha si kryetar i opozitës kritikoi mjaft ashpër, ishte praktika e Nanos për afruar biznesmenë rreth partisë. Me ardhjen e Edi Ramës kjo strategji nuk u ndryshua fare, pasi jo vetëm që u mbajtën biznesmenë afër, por ata u shtuan dhe më tepër. Demokratët në pushtet aktualisht, në një nga pikat që e sulmojnë opozitën është fakti që në këtë parti ndodhen shumë biznesmenë të njohur të cilët paralelisht me biznesin e tyre merren dhe me politikë.
Biznesi rreth të djathtës
Ndryshe nga Partia Socialiste, të djathtët në pushtet, nuk kanë numër shumë të madh të biznesmenëve në Parlament, por një mënyrë tjetër është marrëdhënia e saj me biznesin. Shumë emra të biznesit edhe pse nuk janë në Grupin Parlamentar të PD-së, ata ndodhen afër me këtë parti duke financuar dhe fushatën elektorale të kësaj partie. Mazhoranca ka në grupin parlamentar biznesmenë të njohur si, Gjok Uldedaj, Rrahim Çota, Lefter Koka, Gëzim Dibra apo dhe Paulin Sterkaj. Në ideologji, Partia Demokratike është në të drejtën e vet që të jetë afër me shtresën e pasur, por kjo në asnjë rast nuk duhet që të kalojë në abuzim për të ndihmuar disa njerëz, të cilët për faktin se të ndihmojnë financiarisht, t’u krijosh lehtësi në kurriz të disa të tjerëve.

Gjok Uldedaj, PD
Është deputet në qarkun e Shkodrës. Ai është anëtar në disa forume ekonomike kombëtare dhe ndërkombëtare dhe autor i tre librave universitare dhe pasuniversitare në fushën e Marketingut dhe Tregut të Produkteve. Biznesmen i suksesshëm në fushën e karburanteve. Uldedaj përpara se të zgjidhej deputet mbante postin e kryetarit të Dhomës së Tregtisë dhe Industrisë.

Sadri Abazi, PS
Është deputet në qarkun e Dibrës. Abazi është një ndër emrat më të njohur të komunitetit të biznesit. Është për të dytën herë deputet në Kuvendin e Shqipërisë. Pasuria e tij është vendosur gjatë viteve të tranzicionit dhe është vijuar të shtohet edhe gjatë viteve të fundit.

Hazir Gashi
Një tjetër deputet biznesmen i njohur është dhe Hazir Gashi, i cili në zgjedhjet e fundit u kandidua nga Partia Socialsite. Gashi është i njohur në fushën e ndërtimeve në zonën e Durrësit. Ashtu si dhe të tjerë, Hazir Gashi është ndër emrat e njohur të komunitetit të biznesit.

Fidel Ylli, PS
Një tjetër biznesmen i njohur dhe mjaft i suksesshëm në Partinë Socialiste të Edi Ramës është dhe Fidel Ylli. Aktiviteti i tij është i shpërndarë në disa fusha të ekonomisë dhe cilësohet si një ndër biznesmenët potentë në Shqipëri. Ylli është deputet i qarkut të Beratit dhe në zgjedhjet e fundit arriti që bastionin e Ilir Metës siç është Çorovoda, ta kthejë në shumicë për PS-në.

Biznesmnet

Gjok Uldedaj, PD
Ardian Kollozi, PD
Rrahim Çota, PD
Gëzim Dibra, PD
Paulin Sterkaj, PD
Xhemal Qefalia, PS
Dashamir Peza, PS
Artan Gaçi, PS
Sadri Abazi, PS
Hazir Gashi, PS
Skënder Hasa, PS
Vangjel Tavo, PS
Gjovalin Kadeli, PS
Armando Prenga, PS
Tom Doshi, PS
Ndue Kola, PS
Fidel Ylli, PS
Fatmir Toçi, PS
Lefter Koka, LSI
Dashamir Tahiri, PDU

http://tiranaobserver.com.al

Ata ishin dikur ‘Metalarë’

bisedoj.com — Mon, 12 Apr 2010 10:34:44 +0000

E kush nuk e mban mend bujën e tyre në vitet ‘90. Sapo kishte hyrë demokracia dhe së bashku me të kishin lindur dhe dëshirat tek brezi i atyre artistëve modernë për të sjellë një frymë të re në muzikë. Siç të gjithë e dimë, rryma që u përqafua më shpejt në atë kohë ishte ajo “rock”. Për hir të nostalgjisë, po ju sjellim sot këtë foto të vitit 1994, plot 16 vjet nga koha kur eshte realizuar në të cilën janë bashkuar ata që përbënin suksesin në atë kohë. Me stilin e metalarëve, siç nuk i kemi parë më prej kohësh, vijnë sot Dashnor Diko, me mustaqet dhe flokët e tij të gjatë ende të pathinjur, Redon Makashi, me aparencën e një djaloshi simpatik e të këndshëm, i veshur i tëri me të zeza. Gjithashtu në foto nuk mungon dhe Adhurim Demiraj, një nga kënëgtarët me “trendy” të asaj kohe, i cili shijen që e ka karakterizuar gjithmonë na e dëshmon më së miri edhe në këtë pozë. Shikojmë në këtë foto edhe Sandër Gjokën, natyrisht, shumë vite më të ri, me linjat e përsosura trupore, jelekun modern prej lëkure të zezë si dhe me kaçurrelat e tij të gjata qe nuk i ka prere dhe sot e kesaj dite.

(Bluetooth/BalkanWeb)

Vizat, publikohet draft-raporti i ekspertëve të KE-së

bisedoj.com — Mon, 12 Apr 2010 10:25:49 +0000

Bruksel – Pavarësisht hapave të bërë, në Shqipëri ka ende trafik të lëndëve narkotike, qenieve njerëzore si dhe armëve. Kështu shkruhet në raportin e përgatitur nga ekspertët e Komisionit Evropian lidhur me procesin e liberalizimit të vizave për vendin tonë.

Dokumenti në fjalë, flet për bllokun e tretë të udhërrëfyesit: lufta ndaj trafikimit të qenieve njerëzore dhe drogave. “Lufta ndaj krimit të organizuar në Shqipëri vazhdon të jetë një çështje shqetësuese, pavarësisht rezultateve pozitive të arritura në këtë sektor. Shumë sugjerime të bëra në raportin që nxori misioni në muajin mars 2009 (që mbulonte të njëjtat fusha) janë përmbushur. Megjithatë, duke marrë parasysh se ligje të rëndësishme dhe urdhra administrativë janë miratuar në muajt e fundit dhe kanë mbetur në letër: duhet më shumë kohë për të parë ecurinë në zbatimin e tyre”, thuhet në raport.

Ky bllok i udhërrëfyesit është me rëndësi për vizat, pasi ka të bëjë drejtpërdrejt me lehtësimin e lëvizjes së lirë të qytetarëve shqiptarë. “Identifikimi i viktimave mbetet shumë i rëndësishëm, në mënyrë që të fillohet një çështje kundër trafikantëve të organizuar dhe më shumë përpjekje duhen bërë në praktikat e këtij drejtimi”, shkruhet më tej. Megjithatë, raporti vlerëson rënien e kultivimit të lëndëve narkotike.

“Sistemi Memex është instaluar në të gjitha drejtoritë rajonale të policisë dhe drejtoritë e policisë kufitare, çka përbën një hap të rëndësishëm. Megjithatë, më shumë mund të bëhet që të garantohet funksionimi i plotë i këtij sistemi”, thuhet më tej sipas gazetës “Shqip”.

Raporti jep vlerësime edhe në fushën e trafikut të qenieve njerëzore. “Në vitin 2009, statistikat tregonin një rënie të përgjithshme, vetëm pak çështje u dërguan në gjykatë, asnjë nuk fliste për trafikim nga grupe të krimit të organizuar, asnjë për trafikim të minorenëve, asnjë për trafikimin e personave, pesë për trafikimin e femrave. Këto shifra lënë të kuptohet se fenomeni i trafikimit nuk ka përmasa serioze, ndryshe nga sa raportohet në shumë raporte ndërkombëtare, të cilat thonë se grupet e krimit të organizuar shqiptar luajnë një rol të madh në këtë fushë”, shkruhet gjithashtu.

http://www.gazetastart.com/

Sali Berisha fiton turneun e pokerit ne facebook

bisedoj.com — Sun, 11 Apr 2010 17:40:17 +0000

Persidenti i Shqipërisë, Bamir Topi ka menduar mijëra e mijëra metoda se si të sjellë një rrugë reale e të mirë, që të bindë Sali Berishën dhe Edi Ramën që të pajtohen. Edi Rama ka propozuar që të luajnë një lojë poker në facebook, Topi, Rama e Berisha mes tyre, ku nëse do të fitonte Berisha kutitë nuk do të hapeshin, nëse fitonte Rama kutitë do tëhapeshin e nëse fitonte Topi çështja do të mbetej misterioze.

U siguroi dokumentacionin që tregon në detaje se si do të zhvillohet ngjarja, dhe do të shpalosë atë për vizitorët, por sigurisht në shkurtim.

Së pari asnjëri nuk kishte chipsa. Bamir Topi siguroi disa Credit Carta të huaja, dhe bleu për të tre nga një miljon chipsa. Kalo1 orë deri sa e kanë gjetur një tavolinë të lirë. Filluan lojën, dhe Topi kishte një epërsi të lehtë. Pastaj futet një person që donte të luante, dhe 3 protagonistëve iu desh të largoheshin nga tavolina. Pasi u larguan, gjetën një tjetër, ku pas një lufte të ashpër fitoi Berisha. Pas 10 minutave llogaritë u pezulluan, shkaku i transfertave të chipsave, që sipas zyngas konsiderohej ilegale.

Materiali u mor nga revista Humor & Satirë dhe u rishkrua nga stafi i bisedoj.com

Nëse ju pëlqen ky artikull, ju lutemi kopjojeni duke cituar të dyja burimet(Revista Humor & Satirë, Bisedoj.Com), ky artikull nuk gjendet në asnjë website tjetër.

Ja si ndikon duhani në jetën tuaj seksuale

bisedoj.com — Sun, 11 Apr 2010 16:46:26 +0000

Efektet që sjell duhani në jetën seksuale.

Për më shumë shikoni foton

Ja si kanë evoluar logot e markave më të njohura botërore

bisedoj.com — Sat, 10 Apr 2010 14:20:03 +0000

Duke filluar nga BMW e duke perfunduar deri tek logoja e Play Boy.

Le të shikojmë historinë dhe evoluimin e logove më të njohura botërore. Nëse ju jeni një projektues apo dezajner logosh, atëherë ju do të mësoni shumë nga gabimet e tyre, dhe do të vëreni se sa rrugë e gjatë iu është dashur derisa ata kanë arritur hartimin përfundimtar të logove të tyre. Nëse jeni vetëm një njeri i zakonshëm – mos u bëni merak, kjo do të jetë shumë e këndshme për ju, mjafton të shikoni këto logo…
Apple

Le të shikojmë historinë dhe evoluimin e harton logo njohur. Nëse ju jeni një projektuesi logo, unë bet ju do të mësojnë shumë nga gabimet e tyre, dhe një rrugë të gjatë e përmirësimeve derisa ata kanë arritur hartimin përfundimtar. Nëse jeni vetëm një njeri të zakonshëm – mos u bëni merak, kjo do të jetë të paktën shumë i këndshëm për ju.

Audi

Bmw

Canon

Coca Cola

Ibm

Nike

Nokia

Pepsi

Play Boy

Shell

Volkswagen

burimi: bisedoj.com

Gratë që tymosin gjatë shtatëzanisë më shumë e ushqejnë fëmijën e tyre me duhan se sa me qumësht

bisedoj.com — Sat, 10 Apr 2010 13:29:52 +0000

Studimet tregojnë se kimikate të tymit të duhanit janë të transmetueshme nëpërmjet qumështit të gjirit. Pra, gra ndaloni menjeherë pirjen e duhanit gjatë shtatëzanisë.”