www.europenepal.tk

LIVE...SPORTS...!!!!!!

2016-07-12T01:00:00.000-07:00

WATCH LIVE : FOOTBALL - CRICKET : click here :

गाउँगाउँमा गुगल-नेट

2013-06-30T05:47:00.003-07:00

काठमाडौ, असार १५ - म्यागासेसे विजेता महावीर पुनले म्याग्दीको नागीमा वायरलेस इन्टरनेट नपुर्‍याएको भए त्यहाँका बासिन्दा विश्वसँग यति छिट्टै कसरी जोडिन्थे ? एकछिन कल्पना गरौं ।

इन्टरनेटविहीन दुनियाँको । कस्तो हुन्थ्यो होला त्यो संसार ? धेरै पर जानै पर्दैन । पूर्वराजा ज्ञानेन्द्रको निरंकुशताका बेला सञ्चारहीन अवस्थामा तड्पिएको दिन अस्तिजस्तो लाग्छ ।

एकछिन सहरको कुरा गरौं । नेपाल दूरसञ्चार प्राधिकरणले यसै साता सार्वजनिक गरेको तथ्यांकअनुसार नेपालमा इन्टरनेट प्रयोगकर्ताको संख्या कुल जनसंख्यामा २५ दशमलव २३ प्रतिशत पुगेको छ । तीमध्ये ६२ लाखभन्दा बढी प्रयोगकर्ता मोबाइलबाट जीपीआरएस, थ्रीजी र डब्लूसीडीएमए चलाउने छन् ।

मोबाइल सेवा प्रदायक दुई ठूला कम्पनी एनसेल र नेपाल टेलिकमको प्रतिस्पर्धाका कारण इन्टरनेट प्रयोगकर्ताको संख्या निकै बढेको छ । मोबाइल कम्पनीको बाक्लिँदो उपस्थितिले डाटा सेवामा पनि सहयोग पुगेको छ । सहरका हरेकले मोबाइलमा इन्टरनेट चलाउँदा पनि एक चौथाइ जनसंख्याको पहुँचमा मात्रै इन्टरनेट पुगेको छ ।

हरेकको जीवनको अभिन्न अंग बन्दै गएको छ, इन्टरनेट । सञ्चारका क्षेत्रमा त यसले आमूल परिवर्तन नै ल्याएको छ । एसएलसीका विद्यार्थीले रिजल्ट अनलाइनमा हेरे । बैंकका ग्राहकले अनलाइनबाटै रकम लेनदेन, बिल तिर्ने, किनमेल गर्ने गर्छन् । सिनेमा, एयरलाइन्सको टिकट इन्टरनेटबाटै किन्न सकिन्छ ।

यति धेरै सुविधा दिने इन्टरनेटको पहुँचमा बाँकी तीन चौथाइ बासिन्दा कहिले पुग्लान् ? हिमाल, पहाड र तराईमा विभाजित मुलुकमा इन्टरनेटको पूर्वाधार विस्तार त्यति सजिलो कहाँ छ र ? यसको उपाय निकालेको छ चर्चित इन्टरनेट सर्च इन्जिन गुगलको सञ्चालक कम्पनी गुगल इन्कले ।

बेलुनमा इन्टरनेट उपकरण जडान गरेर आकाशमा छाडेको गुगलले सुरु गरेको पाइलट प्रोजेक्ट सफल भयो भने ओलाङचुङगोलादेखि केचनाकलनसम्मका नेपालीले सजिलै इन्टरनेट चलाउन पाउने छन् । गुगलले जमिन/अन्तरिक्षमा पूर्वाधार निर्माणमा हुने अनावश्यक खर्च कम गर्न गजबको आइडिया निकालेको छ, मिसन लुन नाममा ।

न्युजिल्यान्डको साउथ आइल्यान्डस्थित क्राइस्टचर्चमा उसले सुरु गरेको लुन परियोजनामा इन्टरनेट चलाउने उपकरण सबै बेलुनमा जडान गरेर छाडिएको छ । सोलर एनर्जी जडान गरिएको बेलुन करिब २० किलोमिटर उचाइसम्म हावाको दिशामा उड्न सक्छ । गुगलले सुरुमा यस्ता ३० बेलुन छाडेको छ ।

यसले ठूलो क्षेत्रमा इन्टरनेट सुविधा उपलब्ध गराउने गुगलको दाबी छ । कम्पनीका अनुसार एउटा बेलुनले ४० किलोमिटर क्षेत्रभित्र थ्रीजीको स्पिडमा इन्टरनेट उपलब्ध गराउँछ । त्यसले ४८ लाख जनालाई वितरण गर्न पुग्ने हुन्छ, काठमाडौं उपत्यकाको जनसंख्याभन्दा बढीलाई ।

क्राइस्टचर्चमा सन् २०११ मा आएको महाविनाशकारी भूकम्पले सम्पूर्ण सञ्चार सम्पर्क विच्छेद गरेको थियो । यही ठाउँलाई गुगलले पाइलट प्रोजेक्टको परीक्षण गर्न चुनेको छ । यस प्रविधिमा बेलुनको तल्लो भागमा केही विद्युतीय सामग्री झुन्ड्याइन्छ । यसमा रेडियो एन्टिना, एउटा फ्लाइट कम्प्युटर, एउटा हाइट कन्ट्रोलर सिस्टम र सोलर प्यानल हुन्छ ।

यसले पश्चिमबाट पूर्वतिरको दिशामा उड्दै आफ्नो वरिपरि इन्टरनेट सेवा उपलब्ध गराउँछ । यसलाई पृथ्वीमा रहेको बेस स्टेसनसँग जोडिन्छ । त्यसपछि यसले फ्याँक्ने इन्टरनेट सिग्नल घरको एन्टिनामार्फत डिभाइसमा कनेक्सन हुन्छ । बेलुनमा जोडिएको जीपीएस सिस्टमले यसको सही स्थिति बताउनेछ ।

लुन प्रोजेक्टमा काम गरिरहेका गुगल (एक्स) का मुख्य प्रविधि आर्किटेक्ट रिचर्ड डेवाल लुनको विकाससँग नयाँ सिद्धान्त जोडिएको बताउँछन् । 'सबैसँग समान रूपमा प्राप्त हुने चीजले सबैलाई जोड्न सजिलो हुन्छ,' उनको भनाइ छ । गुगलको नयाँ प्रोजेक्ट लुनलाई गुगलको अनौठो चस्मा र ड्राइभरलेस प्रोजेक्ट सञ्चालन गर्ने टिमले विकास गरिरहेको छ । टिमको नयाँ आइडियाले सहरमा फाइबर वायर र ग्रामीण क्षेत्रमा टावर निर्माणमा लाग्ने खर्च निकै घटाउने विश्वास गरिएको छ । सामान्य अवस्थामा इन्टरनेट प्रोभाइड गर्ने काम छँदैछ, यस्ता बेलुनलाई भर्खरै दार्चुला सदरमुकाममा बाढीले सबै संरचना सखाप पारेका बेला अस्थायी रूपमा पुनः सेवा सुचारु गर्न काममा ल्याउन सकिन्छ ।

यसले जंगल, पहाड, गुफाहरूमा समेत सेवा उपलब्ध गराउँछ । गुगलले आगामी वर्ष यसलाई अस्ट्रेलिया, उरुग्वे, चिली र अर्जेन्टिनामा पनि प्रयोग गर्ने भएको छ । गुगलले केही वर्षभित्र यस्ता ३ सय बेलुन छाड्ने योजना बनाएको छ । तिनीहरू पृथ्वीको चारैतर्फ उड्ने छन् । तिनीहरूले दुर्गम स्थानलाई समेत इन्टरनेटसँग जोड्ने छन् ।

गुगलले यस प्रोजेक्टको माध्यमबाट संसारका दुई तिहाइ जनसंख्यालाई इन्टरनेटमा जोड्न सकिने दाबी गरेको छ । विज्ञहरूले भने विश्वभर हावाको रुझानअनुसार धेरै उचाइमा हजारौंको संख्यामा उडाइने यस्ता बेलुनलाई नियन्त्रण गर्न गाह्रो हुने बताएका छन् । स्वतन्त्र रूपमा उड्ने बेलुनलाई सही ठाउँमा ल्याउन साँच्चै समस्या पर्न सक्छ ।

इन्टरनेट सेवा प्रदायक सुविसु केवल नेटवर्कका सञ्चालक सुधीर पराजुली गुगलको परीक्षण सफल भए नेपालको दुर्गमका बासिन्दाले भरमग्दुर फाइदा लिन सक्ने बताउँछन् । 'गुगलको प्रविधि नेपालमा आइपुग्न केही वर्ष लाग्ला,' उनले भने, 'त्यतिखेर हामी सेवा प्रदायकलाई समेत सस्तोमा इन्टरनेट उपलब्ध हुन सक्छ ।'

कामना गरौं, गुगलको प्रोजेक्ट लुन सफल होस् । सबैभन्दा ठूलो सर्च इन्जिन, भिडियो सेयर गर्ने यु-ट्युब, म्याप, अर्थ, मोबाइल अपरेटिङ सिस्टम एन्ड्रोइड, ड्राइभ, ब्लगर, ग्लासलगायतको विकास/उत्पादन गरेको गुगलले नयाँ प्रविधि सुरु गरेर संसारलाई अर्को सेवा उपलब्ध गराउन खोज्दैछ । हाम्रासामु भने यसको प्रतीक्षा गर्नुको विकल्प छैन ।

- See more at: http://ekantipur.com/np/2070/3/10/full-story/371085.html#sthash.OSkSp68G.dpuf

World's largest Thangka to be put up on display in Nepal

2012-09-30T23:05:00.003-07:00

The world's largest 'Thangka' painting is to be put on an exhibition in Nepal on
October 5 and 6, RSS reports. Information about this was given at a press conference organised by the Nepal Buddhism Preservation Committee. The painting was a collective creation of 10,000 volunteers from 16 countries in the world. Earlier, the painting depicting 12 important happenings related to the lifestyle of the Lord Gautam Buddha was displayed in USA, Japan, Mongolia and India. The painting weighing 100 kgs was based on the concept of Dr Surya Thakali and after exhibition; it will be displayed in Thailand next year. Although the painting was made aiming at placing it in Lumbini, Nepal, it is to be taken to Japan due to lack of physical infrastructure here. The painting has been divided into 81 pieces and it takes around two hours to join them for the display. It is said the painting will be brought here until this evening. The objective of putting the painting on display is to spread the message of peace, fraternity and hospitality in Nepal which is presently witnessing violence and gripped by problematic situation, said the Committee. The exhibition will be held at the Dasharath stadium and the entry is free of charge, said the organisers. source : Nepalnews.com

जति गर्न खोजेपनि भएन

2012-09-30T22:14:00.001-07:00

नेपाललाई गुलाब निर्यात गर्ने देश बनाउन लागेका मधु आचार्यको समूह
असहयोगी सरकारी नीतिका कारण आधा बाटोमै रोकियो । मुलुकमा लगानीयोग्य वातावरण बनाउने बताएर कहिल्यै नथाक्ने प्रधानमन्त्री, मन्त्री र सचिवसम्मका उच्च सरकारी अधिकारीहरूले केही वर्षयता ‘कृषिजन्य उद्योग प्रवद्र्धन गर्ने’ नयाँ नारा थपेका छन् । तर, गुलाब निर्यात गरेर मुलुकमा विदेशी मुद्रा भित्रयाउने सोचका साथ कृषि क्षेत्रमा करोडौं लगानी गरेका एभरेष्ट फ्लोरिकल्चर प्रालिका प्रमुख कार्यकारी अधिकृत मधुसूदन आचार्यलाई भने राम्रो सम्भावना हुँदाहुँदै सरकारको नीतिगत दुष्चक्रले थकित बनाएको छ । पर्यटन व्यवसायी आचार्यले हल्यान्डमा गुलाब कारोबार देखेपछि सन् २००२ मा इजरायलको एउटा कम्पनीसँग मिलेर एभरेष्ट फ्लोरिकल्चर स्थापना गरेका थिए । इजरायलीहरूले दुई वर्षमै हात झ्किेपछि आचार्यले केही नेपाली लगानीकर्ताहरूलाई आश्वस्त पार्दै कम्पनीमा ल्याएर काठमाडौं सुन्दरीजलस्थित नयाँ पाटीमा १४५ रोपनी जमिनमा गुलाब खेती अगाडि बढाए । हिमालयन ब्याङ्कको सहवित्तीयकरण अगुवाइमा सात वटा ब्याङ्कबाट रु।२८ करोड ऋण लिएर थालिएको यो परियोजनामा २००७ मा रु।३ करोड ऋण थपेर उत्पादन शुरु गरियो, हल्यान्डबाटै नौ किसिमका बिरुवा ल्याएर । तर, काम गर्ने वातावरण अन्ततः नभए पछि उनी फुल बगैंचा मासेर जग्गा बिक्री गरि ब्याङ्क ऋण चुक्ता गर्नु पर्ने अवस्थामा पुगेका छन् । वार्षिक ७० लाख स्टिम्स ९थुँगा० गुलाब उत्पादन क्षमता भएको कम्पनीले त्यसमध्ये ६० लाख स्टिम्स निर्यात गर्ने र बाँकी स्थानीय बजारमा पठाउने लक्ष्य लिएको थियो । सन् २००८–९ को केही महिना ३० लाख स्टिम्ससम्म निर्यात र ६ लाख स्टिम्स आन्तरिक बजारमा बिक्री पनि भयो । यसबाट कम्पनीले ३ करोड ९० लाख जापानी येन र ३० हजार युरो आम्दानी पनि ग¥यो । “प्रति स्टिम्स ५० अमेरिकी सेन्टमा बिक्री गर्ने लक्ष्यमा सफल भइरहेका थियौँ”, आचार्य भन्छन्, “जापान र युरोपमा हिमाली देशको ‘एभरेष्ट रोज’ को ‘ब्राण्डिङ’मा गरिएको बजारीकरण लोकप्रिय पनि बन्दैथियो ।” असहयोगले मारयो एभरेष्ट फ्लोरिकल्चरले सुन्दरीजलमा गुलाब खेतीका लागि बनाइएको ग्रीन हाउसमा आवश्यकता अनुसार पूर्ण जलवायु सन्तुलन गरिएको छ । फूलहरूको बोटमा पानी, मलखाद र औषधि पठाउने प्रविधि छ । तर, आवश्यक मलखाद, प्याकेजिङ सामग्री र औषधि नै उपलब्ध नभएपछि फूलको गुणस्तर कायम हुन सकेन । चिस्यानका लागि अटुट रूपमा ३५० केभिए बिजुली चाहिने यो उद्यम १४ घण्टासम्मको लोडसेडिङको मारमा परयो । त्यत्रो समय जेनेरेटर चलाउन सम्भव भएन । डलर तिरेर विदेशबाट मगाएको सामान आइपुग्न ३÷४ महिना लागिरहेकै बेला पटक–पटकको उपत्यका बन्दमा फूल बोकेको वातानुकूलित ट्रक सुन्दरीजलबाट ८ किलोमिटर दक्षिणको विमानस्थल पुग्न पनि पाएन । यसबाट एकातिर समुन्द्र पारि जानुपर्ने गुलाब त्यसै थन्कियो भने अर्कातिर ‘एभरेष्ट रोज’को प्रतीक्षा गरिरहेका क्रेता कम्पनीहरूले विश्वास गर्न छाडे । यसबीचमा गुणस्तर सुधार र सञ्चालन खर्चका लागि कम्पनीले ब्याङ्कहरूसँग मागेको थप रु।३ करोड ऋण राष्ट्र ब्याङ्कको नीतिका कारण पाएन । “केन्द्रीय ब्याङ्कको मौद्रिक नीतिले उत्पादनमूलक उद्योगलाई प्रवद्र्धन गर्ने पनि कृषिजन्य उद्योगको संवेदनशीलता नबुझ्ी सबैलाई एउटै डालोमा राखेर हामीलाई पाखा पारियो”, प्रमुख कार्यकारी अधिकृत आचार्य भन्छन्, “त्यतिखेर तीन करोड रुपैयाँ पाएको भए गुणस्तरीय उत्पादन र निर्यात नियमित गर्न सक्थ्यौं ।” पूर्व अर्थमन्त्रीहरू रामशरण महत, सुरेन्द्र पाण्डे र गभर्नर युवराज खतिवडाले ग्रीन हाउसमै पुगेर प्रशंसा गरे पनि नीतिगत सुधारमार्फत कम्पनी सञ्चालनमा सहयोग नगरेको उनको गुनासो छ । कम्पनीले अनुदान हैन, वित्तीय स्रोत जुटाउने नीतिगत सहजता मात्र खोजेको तर, केही गरी कम्पनी डुब्यो भने पनि यसको जग्गाको मूल्य कुल ऋणको तीन गुणा भन्दा बढी भएको तथ्य प्रस्तुत गर्दा समेत सहयोग नभएको आचार्य बताउँछन् । “हामीसँगै १२ करोड चुक्ता पुँजीमा खुल्ने ब्याङ्कहरू अहिले दुई अर्बका भइसके” आचार्य भन्छन्, “मुलुकका लागि नयाँ केही गरौं भन्दा हामी चाहिँ बन्द हुने अवस्थामा पुग्यौं ।” विश्वमा गुलाबको बजार बढिरहेकाले वार्षिक एक लाख डलर खर्च गरेर ३० लाख डलर भन्दा धेरै आम्दानी गर्ने लक्ष्य कम्पनीको थियो । यति धेरै ‘भ्यालु एडिसन’ गलैंचा, पश्मिना लगायत अरू कुनै पनि निर्यातमूलक उद्योगमा छैन । गुलाबमा नियमित उत्पादन शुरु भएपछि विदेशी प्राविधिक, औषधि, मलखाद र कामदारमा मात्र खर्च गरे पुग्ने आचार्य बताउँछन् । तर, अवस्था कस्तो रह्यो भने, बिरुवा बेच्ने हल्यान्डले निःशुल्क प्राविधिक सहयोग दिएको उनको बगैंचामा आफ्नै देशको कृषि मन्त्रालयका कसैले पनि पाइला टेकेन । परिणामस विदेशबाट हाइब्रिड बिरुवा ल्याएर खेती गर्नुपर्ने एभरेष्ट फ्लोरिकल्चर केन्या जस्ता व्यावसायिक भइसकेका मुलुकका उत्पादनसँग प्रतिस्पर्धा गर्नुपर्ने अवस्थामा पुग्यो । यो अवस्थामा सरकारले नीतिगत सहयोग नगर्नु नै असफलताको मूल कारण बनेको आचार्य बताउँछन् । कम्पनीलाई ऋण दिएका ब्याङ्करहरू पनि यस्तो सम्भावनायुक्त उद्योगले रु।७० करोड लगानी पुगेपछि काम गर्न नसक्नुलाई दुर्भाग्य भन्छन् । “हामीले ऋण लगानी गरेका उद्योगमध्ये सर्वाधिक सम्भावना भएको क्षेत्र हो, यो” हिमालयन ब्याङ्कका कार्यकारी प्रमुख अशोक राणा भन्छन्, “तर, मुलुकको औद्योगिकीकरणकै लागि दुर्भाग्य, यो बन्द नै हुन हुन पुग्यो ।” अन्नतः ब्याङ्कको ऋण तिर्न आचार्य जग्गा टुक्राएर बेच्ने प्रकृयामा लागेका छन्

source : himalkhabar

मेची राजमार्गमा पहिरो : पाँच गाडी पुरिए, १४ जना बेपत्ता

2012-09-30T22:01:00.002-07:00

इलाम, असोज १५- मेची राजमार्गको हर्कटे-हाँसपोखरी खण्डमा पहिरो जाँदा पाँच सवारी पुरिएका छन् ।
कोल्बुङ गाविस-१ मा पर्ने यस ठाउँमा करिब पाँच सय मीटरको पहिरो झरेर सवारी पुरिँदा त्यहाँ रहेका १४ जना बेपत्ता रहेको प्रहरीले जनाएको छ । आइतबार राती आठ बजेतिर झरेको पहिरोले मे १ च १२५६ नम्बरको सेन्ट्रो कार बेपत्ता हुँदा कारमा रहेका फिक्कलका शरण श्रेष्ठ, उनकी श्रीमती, वहिनी-ज्वाईं, छोराछोरीलगायत ८ जना बेपत्ता रहेको घटनास्थलमै रहेका सशस्त्र प्रहरी निरीक्षक विष्णुहरि घिमिरेले जानकारी दिए । उनका अनुसार बेपत्ता हुनेमा पाँच भारतीय नागरिक रहेपनि उनीहरुको नाम ठेगाना भने खुल्न सकेको छैन । यस्तै पशुपतिनगरका ११९१ नम्बरको कारका चालक अजित योल्मु पनि बेपत्ता छन् । कारका केही टुक्राहरु भने प्रहरीले फेला पारेको छ । घिमिरेका अनुसार एउट ट्रक र दुई पिकअप, एउटा सेन्ट्रो र अर्काे अल्ट्रोकार पुरिएका हुन् । पुरिएकामध्ये मे १ ज ६८९ र ११९६ नम्बरका दूई पिकअप र को १ ख १६३१ नम्बरको ट्रक राजमार्गका किच्चिएको अवस्थामा छन् । ११९६ नम्बरको पिकअपका सात जनालाई राती नै शसस्त्र प्रहरीले उद्धार गरेको छ । ट्रकमा कति मानिस थिए र उनीहरुको अवस्था के छ भन्ने पत्तो लाग्न नसकेको घिमिरेले जनाए । सवै सवारी झापाबाट इलाम आउँदै गरेका हुन् । ट्रकहरु भने इलाम विब्ल्याँटेका लागि सामान लिएर आउँदै गरेका थिए । पहिरोका कारण इलाम ल्याइएको ३३ केभी प्रशारण लाइनको विद्युतका दुई पोलमा क्षति पुगेपछि इलाम र पाँचथरमै विद्युत अवरुद्ध भएको छ । पहिरोले एउटा पोल ढालेको छ भने एउटा ढल्काएको छ । तारहरु चुट्टिएका छन् । राती करिब साढे १२ बजेदेखि विद्युत नहुँदा सेवाग्राही प्रभावित भएका छन् । हर्कटेमै चट्याङले अर्काे विद्युत पोलमा क्षति गरेको भएपनि विहानसम्म विद्युत प्राधिकरणका कर्मचारी त्यहाँ पुग्न नसकेको स्थानीयले बताएका छन् । पहिरो झरेपछि मेची राजमार्ग अवरुद्ध छ । घटनाको जानकारी पाएपछि फिक्कलस्थित सशस्त्र प्रहरी, जिल्लास्थित सशस्त्रको श्रीअन्तु गुल्म र जिल्ला प्रहरी कार्यालयबाट राती नै प्रहरीको टोली पुगेको छ । तर, राती भने राम्रोसँग उद्धार हुन नसकेपनि विहानैदेखि स्थानीयसहित नेपाल प्रहरी, नेपाली सेना र सशस्त्रको टोली उद्धारमा खटेका छन् । झापाको चारआली, इलामको पशुपतिनगर र आइतबारेबाट पनि प्रहरी, नेपाली सेना र सशस्त्रको टोली घटनास्थल पुगेका छन् । कन्यामदेखि कोल्बुङसम्मका दर्जानौस्थानमा पहिरो झरेकाले यातायात सञ्चालनमा कठिनाई भएको प्रहरीले जनाएको छ ।

source : nagariknews

उधारोमै यार्सागुम्बा

2012-09-30T21:59:00.002-07:00

असोज १५ - दार्चुला घुसा-८ का चन्द्रसिंह कार्कीले गत वर्ष गाउँकै संकलकसँग प्रति किलो दस लाखको दरले
दुई किलो यार्सा किने। उनले दुई लाख नाफा खाएर राजधानीबाट गाउँमा आएका व्यापारीलाई सबै यार्सा बेचे। एक वर्ष बितिसक्दा पनि उनले ती व्यापारीबाट दुई लाख पाउन सकेका छैनन्। गत वर्ष यार्सा किन्ने गाउँ आएका ती व्यापारीले यसपालि मुखै देखाएनन्। आफ्नो दुई लाख नउठेपछि उनले यसपालि यार्सा व्यापार गरेनन्। उनी अचेल गाउँकै महादेव माविमा पढाउँछन्। यार्सागुम्बा व्यापारमा घाटा व्यहोर्ने कार्की एक्ला होइनन्। गाउँका अधिकांश संकलकले एक दशकदेखि उधारोमै यार्सा व्यापार गर्दै आएका छन्। 'व्यापारी आउँछन्, अपुग रकम पछि दिउँला भन्दै यार्सा लिएर फर्किन्छन्,' अपी हिमालको फेदको गाउँबाट कार्कीले मोबाइलमा कुरा गर्दै भने, 'सबैले उधारोमै कारोबार गर्छन, यसो नगर्नेको यार्सा घरमै सड्छ।' एक वर्ष बितिसक्दा पनि यार्चागुम्बा पाइने दार्चुलाका मुख्य दुई गाविस घुसा र खण्डेश्वरीका संकलकले स्थानीय तथा महेन्द्रनगर, धनगढी, नेपालगन्ज र राजधानीका व्यापारीबाट यार्सा बेचेको रकम पाउन सकेका छैनन्। दुवै गाविसका संकलकले व्यापारीबाट लाखौं लिन बाँकी छ। गत वर्षकै रकम पाउन नसकेका संकलकले यो वर्ष उधारोमै व्यापारीलाई यार्सा बेचे। 'व्यापारका लागि संकलक राजधानीसम्म धाउन सक्दैनन्,' कार्कीले भने, 'सबैभन्दा ठूलो चुनौती असुरक्षा हो।' वर्षेनीर् संकलकहरू लुटिने क्रम बढ्दो छ। यस्तो अवस्थामा उनीहरू उधारोमै व्यापार गर्न बाध्य छन। यो वर्ष घुसा खण्डेश्वरीवाट ९१ किलो यार्सा हेलिकोप्टरमा राजधानी लगिएको कार्कीले बताए। 'त्योभन्दा बढी परिमाणमा यार्सा घरमै थन्किएको छ,' उनले भने। संकलक मात्र होइन, गाउँदेखि जिल्ला तथा राजधानीसम्मका व्यापारीले पनि उधारोमै कारोबार गर्दै आएका छन्। उनीहरूको व्यापार चीन, हङकङलगायत देशका व्यापारीमाथि निर्भर छ। सस्तोमा खरिद गरेर ल्ााखौंमा बेची फाइदा लिन खोज्ने व्यापारीबीच समेत यार्चाको उधारो व्यापार हुँदै आएको छ। उधारोमा कारोबार गर्दा यार्चा व्यापार संकटमा परेको छ। लाखौं मूल्य लिन बाँकी रहेको अवस्थामा पनि व्यापारीबीच कारोबार रोकिएको छैन। यार्चाको व्यापार चार चरणमा हुने गरेको छ। संकलकले गाउँका व्यापारीलाई यार्चा बेच्छन्। गाउँका व्यापारीले जिल्लामा कारोबार गर्नेलाई बेच्छन्। जिल्लाका ठूला व्यापारीले राजधानीका व्यापारीसम्म यार्चा पुर्या उँछन्। राजधानीका व्यापारीले विदेशमा पठाउँदा समेत उधारोमै कारोबार हुन्छ। उनीहरू सबैसँग पुँजी नभएकाले उधारो व्यापार चलिरहेको छ। 'यार्सा व्यापार विश्वासमा टिकेको छ,' लामो समयदेखि दार्चुलादेखि राजधानीसम्म यार्सा व्यापार गर्दै आएका धनसिंह जागरीले भने, 'उधारो रकम पाउन सके व्यापारलाई निरन्तरता दिन्छन्, धोका पाए व्यापार नै त्याग्छन्।' यार्साको उधारो व्यापार दार्चुलामा मात्र गरिँदैन। यस्तो जोखिम यार्सा पाइने जिल्लाका संकलक तथा कारोबार गर्ने सबै व्यापारीले उठाउने गरेका छन्। उच्चपहाडी भेगका गाउँमा वर्षेनी खाद्यान्न समस्या हुने गरेको छ। यस्तो परिस्थितिमा संकलकले पछि यार्चा उपलब्ध गराउने सर्तमा खाद्यान्न लगायत सामग्री स्थानीय व्यापारीबाट उधारोमै लिन्छन् । कतिपय व्यापारीले पछि खाद्य सामाग्री र रकम दिने सर्तमा यार्चा किन्ने गरेका छन्। 'संकलकबाट यार्चा लिने सर्तमा उधारो कारोबार गरिन्छ,' घुसाका व्यापारी लोकेन्द्रसिंह लोथ्याल भन्छन्, 'हामी पनि सदरमुकाम र राजधानीका व्यापारीलाई यार्चा उधारोमै बेच्छौं।' सदरमुकाम र राजधानीका व्यापारीले पनि विदेशी व्यापारीलाई पछि रकम चुक्ता गर्ने सर्तमा व्यापार गर्ने गरेको लोथ्यालले बताए। गत वर्ष यार्सा बेचको २० लाख रुपैयाँ नपाएपछि दार्चुला सदरमुकाम खलंगाका एक व्यापारीले व्यापार नै छाडे। 'यार्चामा लगानी गर्नु निकै जोखिम छ, भरपर्दो व्यापार छैन्,' ती व्यापारीले भने, 'व्यापारी खोज्न राजधानी धाउँदैमा लाखौं सिधिन्छ।' राजधानी र विदेशी व्यापारीबाट उक्त रकम असुल गर्न बाँकी नै रहेको उनले बताए। असुरक्षाका कारण बसमा यार्चा लिएर राजधानीसम्म पुग्न गाह्रो छ। असुरक्षित भएकै कारण वर्षेनी हेलिकप्टरमा नै यार्सा ढुवानी गरिन्छ। अपी नाम्पा संरक्षण क्षेत्र कार्यालयको तथ्यांकअनुसार यो वर्ष दार्चुलाबाट ६ पटकसम्म हेलिकोप्टरमा यार्सा ढुवानी गरिएको छ। यसरी ढुवानी गरिँदा व्यापारीले एक पटकमा दुईदेखि तीन लाख रुपैयाँ खर्च व्यहोर्नु पर्छ। source : nagariknews

५ करोड पर्ने घडेरी ७१ लाखमा बिक्री

2012-09-30T21:56:00.002-07:00

नेपालगन्ज, आश्विन १५ - करिब ५ करोड मूल्य पर्ने साझा भण्डारका ६ प्लट जग्गा कर्मचारी मिलेमतोमा
७१ लाख ५१ हजार रुपैयाँमा बिक्री भएको छ । साझा भण्डार निर्माणका लागि किनिएका राजमार्गसँग जोडिएका ती प्लट भूमाफियासँग मिलेमतो गरी चलनचल्तीको मूल्यभन्दा पाँच गुना कममा भदौ २५ गते बिक्री गरेका हुन् । कोहलपुर नगर विकास समिति २३ वर्षअघि साझा भण्डार स्थापनाका लागि सस्तै मूल्यमा ती घडेरी साझालाई दिएको थियो । भण्डारले कोहलपुर ३ 'क' का प्लट नं. ९६२, १२२५, १२२६, १२२७, १२२८ र १२२९ र कित्ता नं. ९६९, १२३२, १२३३, १२३४, १२३५ र १२३६ का घडेरीहरू बाँके रझेना ४ का सुरज गिरीका नाममा रजिस्टे्रसन पास गरिदिएको हो । अहिले प्रतिप्लटको मूल्य ८० लाख रुपैयाँभन्दा बढी पर्छ । मालपोत कार्यालयले प्रक्रिया पूरा गरेकाले जग्गा पास गरेको जनाएको छ । 'सञ्चालक समितिको निर्णयका आधारमा पास गरेका हौं,' अधिकृत नारायणप्रसाद पाण्डेले भने । साझाले अख्तियारी दिएर पठाएका अधिकृत केशव गौतमले बिक्री गरेका हुन् । तर साझा भण्डार सञ्चालक समितिले असार ३१ गते कोहपुरका घडेरी बढाबढ प्रक्रियाद्वारा बिक्री गर्ने निर्णय गरेको थियो । 'एउटा घडेरीलाई ७६ लाख रुपैयाँभन्दा बढ पिर्छ,' कोहलपुर सुधार समाजका अध्यक्ष टेकराज आचार्य र सचिव हेमविक्रम जीसीले भने, 'यहाँ ठूलो हिनामिना भएको छ ।' उनीहरूले छानबिन नगरे अख्तियारमा मुद्दा दायर गर्ने बताए । गोप्य रूपमा घडेरी बिक्री भएपछि एक महिनासम्म चुपचाप बसेका गिरीले ती प्लटहरूमा अस्थायी टहरा बनाएर चिया नास्ता पसल चलाउँदै आएकालाई घर खाली गर्न लगाएका छन् । यता गिरीले टेन्डर प्रक्रियामा प्रतिस्पर्धा गरी घडेरी लिएको दाबी गरे । 'मलाई बदनाम गराउन केही दलालले यसलाई मुद्दा बनाएका छन्,' गिरीले भने, 'साझाले बिक्री गर्‍यो । मैले पैसा लगाएर किनें, मेरो के दोष छ ?' गिरीले भदौको १४ गते काठमाडौं पुगेर टेन्डर दर्ता गराउँदा ती घडेरी आफूलाई परेको बताए । कोहलपुर गाविसले घडेरी बिक्रीका लागि सिफारिस गरेको छ । 'हाम्रो पक्षबाट जग्गा खरिद बिक्री गर्नु गैरकानुनी देखिएको छैन,' गाविस सचिव अमरराज खत्रीले भने, 'सामाजिक हिसाबले गैरकानुनी देखिन्छ । source : kantipur

हलहरुमा हिन्दीमा सिनेमा बन्द

2012-09-30T21:38:00.001-07:00

वैद्य माओवादीको विरोधका कारण हलहरुमा आज सोमबारदेखि हिन्दी सिनेमा प्रदर्शन रोकिने भएका छन्। वैद्य माओवादी दवाबका कारण राजधानीका
क्वुएफएक्सका सबै ६ हल र बिग सिनेमाका २ हल बन्दै भएका छन्। कुमारी (२ वटा) , जयनेपाल सहित सिभिल मलमा ३ हल सञ्चालन गर्ने क्वुएफएक्सले अनिश्चितकालका लागि सबै हल बन्द गर्नुपरेको जनाएको छ। 'हामीले आजदेखि सबै हल बन्द गर्ने निर्णय गरेका छौं', क्वुएफएक्सका ड्रिस्टिबुसन म्यानेजर बसन्त मानन्धनरले नागरिकन्युजसँग भने- 'हामीलाई हलहरु बन्द गर्न दवाब दिइयो।' उनले आफ्नो हल सुहाउँदो गुणस्तरीय नेपाली सिनेमा नहुँदा अनिश्चतकालका लागि बन्द गर्नुको विकल्प नभएको बताए। क्वुएफएक्स नेपालमा गुणस्तरीय अंग्रेजी सिनेमा प्रदर्शन गर्ने हल पनि हो। यसैगरी सिटी सेन्टरका २ वटा हल आजैदेखि बन्द भएका छन्। ‘व्यापार यसै पनि राम्रो छैन', बिग सिनेमाका कन्ट्री म्यानेजर भरत सिंहले भने- ‘हिन्दी सिनेमा बन्द गराउँदा हामीले ठूलो नोक्सानी व्यहर्नुपर्नेछ।' बिग सिनेमाका ३ वटा हलमध्ये एउटा हलमा नेपाली सिनेमा फेसबुक चलिरहेको छ। अन्य २ हल आजदेखि बन्द हुने भएका हुन्। गोपीकृष्ण, गुण सिनेमा सहितका हल मालिकहरु भने के गर्ने भनेर निर्णयमा पुगिसकेका छैनन्। 'हामी के गर्ने भनेर छलफल गरिरहेका छौं', गुण सिनेमाका मार्केटिङ म्यानेजर शम्भु सिटौलाले नागरिकन्युजसँग भने- 'आजै हामी निर्णयमा पुग्छौं।' गोपीकृष्ण मुभिजले भने हल बन्द गर्ने योजना नरहेको जनाएको छ। भारतीय नम्बर प्लेटका गाडी नेपाल भित्र्याउन नदिने आन्दोलनसँगै भारत विरोधी गतिविधि तीव्र पारेको वैद्य माओवादीले हिन्दी फिल्म प्रदर्शनविरुद्ध आन्दोलनलाई चर्काएको हो। राष्ट्रियतासँग जोडेर हिन्दी सिनेमा बन्द गराएको भनिए पनि वैद्यले दिल्लीसँग राजनीतिक बार्गेनिङ गर्न हिन्दी सिनेमालाई हतियार बनाएको बुझाइ सर्वसाधारणको छ। source: nagariknews

'थप्पड हानेकोमा मलाई गर्व छ' :

2011-01-22T09:44:00.000-08:00

मेरो नाम देवीप्रसाद रेग्मी हो । अहिले म ४९ वर्षको भएँ । मेरो घर सुनसरीको भरौल-१ कालाबन्जरमा छ । म
खेती गरेर परिवार चलाउँदै आएको किसान हुँ । मेरा दुई छोरा छन् । उनीहरूलाई दुःख गरेर पढाएँ, तर जागिरका लागि अनेकाँै प्रयास गर्दा पनि नभएर अहिले बेरोजगार छन् । घरपरिवार चलाउन कठिन भएपछि म पछिल्लो समयमा खेतिपातीको मौसममा खेती गर्ने र बाँकी समयमा एमालेका भरौलका कार्यकर्ता राजु अधिकारीले गरेको जग्ग्ाा प्लटिङमा पनि दलालीको काम गर्दै आएको छु ।
छोराहरूलाई पढाउँदा मलाई धेरै ऋण लागेको छ । एमालेले केही गर्ला भनेर पहिलेदेखि नै एमालेलाई समर्थन गर्दै आएँ । भोट पनि दिएकै हो पहिले । पछि यसो पार्टीका नेताहरूको चाल हेर्दा म वाक्क-दिक्क भएँ । छोराहरूलाई जागिर लगाउनका लागि पनि जिल्ल्ााका पार्टी नेताहरूसँग हारगुहार मागँे, तर सुनुवाइ भएन । नेताहरूले केवल जनताका लागि भन्दा आफ्नो स्वार्थ पूरा गर्नका लागि पार्टीलाई प्रयोग गर्दै आए । एमालेले गति नै छाडेपछि मैले माओवादीलाई पनि एकपटक हेराँै न भनेर संविधानसभा निर्वाचनमा भोट हालँे । तर, माओवादीले पनि आफ्नो हैसियत देखाइदियो ।
जनताका नजरमा सकिइसकेका पार्टीका नेताहरूको शिर उच्च बनाउने काम जनताले गरे । तर, त्यसको प्रतिफल केही पाउन सकिएन । नेपालमा के-के न गछार्ंै भनेर सारा जनतालाई यिनै नेताहरूले सडकमा उराले । जनताले जनआन्दोलन-२ मा ज्यान गुमाए पनि । धेरै घाइते भएका छन् । कतिले अहिलेसम्म उपचार पाउन सकेका छैनन् ।
जनताको बलिदानबाट प्राप्त गणतन्त्रलाई बचाउनु साटो यी नेताहरू सत्ताका लागि आपसमा झगडा गरेर जनतालाई पङ्गु बनाइरहेका छन् । नेताहरूको पछिल्लो व्यवहारले ममात्र होइन सारा नेपाली आजित भएका छन् । बिहीबार भएकाले म विद्युत् प्राधिकरणको महसुल तिर्न सुनसरीको झुम्का आएको थिएँ । त्यहाँ आएपछि एमालेकै कार्यकर्ताले आज इटहरीमा झलनाथ खनाल आउँदै छन् भनेपछि म पनि आमसभामा आएको हुँ । मलाई कसैले उचालेर पठाएको होइन । खनाल आउने भनेको सुन्नेबित्तिकै योजना बनाएरै आमसभामा आएको हुँ ।
कार्यकर्ता प्रवेशको नाम लिस्टमा मेलै नाम नचढाईकन मञ्चमा उक्लिएँ । मञ्चमा रहेका युर्थफोर्स केहीले मलाई 'तपाईंको नाम छ ?' भनेर सोधे । मेलै 'छ' भनिदिएँ । त्यसपछि सरासर खनाल भएतिर गएँ । उनले हँसिलो अनुहारमा मलाई रातो टीका लगाउन खोजे, मेलै प्रतिकार गरँे । त्यसपछि उनले हात तल झारे त्यही मौकामा एक थप्पड हानिहालँे । अर्को थप्पड पनि हान्न खोजेको थिएँ, तर सकिनँ ।
देशको अवस्था यस्तो छ । यिनै नेताहरूका कारण नेपाली जनताले दुःख पाएका हुन् । बढ्दै गएको बेरोजगारी जस्ता कुराले मलाई ज्यादै पिरोलिरहेको थियो । सहमतिका नाममा नाटक गर्ने नेताहरूलाई एउटा पाठ हुन्छ भनेरै नेपाली जनताका तर्फबाट आक्रोशस्वरूप मैले उनलाई थप्पड हानेको हुँ । मैले मेरो ज्यानको कुनै पर्वाह नगरी आँट गरेको हुँ । म मरेर के हुन्छ र ? कम्तीमा मैले गरेको कामबाट नेता सुधि्रन्छ भने केही हुन्छ भन्ने लागेर मैले यो काम गरेको हुँ । म बरु गोली खान तयार छु, मलाई मर्न डर छैन । तर, यी नेताहरूले देश र जनतालाई बर्बादीतर्फ लैजान पाउँदैनन् । मैले इटहरीबाट सुरुवात गरेको हुँ । अब प्रत्येक नेपालीले नयाँ संविधान र शान्ति ल्याउनका लागि एकै थलोमा मुख्य दलका नेताहरू नआएसम्म यसरी नै थप्पड हान्नुपर्छ । खनाललाई मात्रै होइन, अब सुशील कोइराला र प्रचण्डलाई पनि थप्पड हान्नुपर्छ । त्यसका लागि अन्य नेपालीले आँट गर्नुपर्छ । नेताले जसो भन्छन् त्यसैको पछाडि कुदेका कारण हाम्रो यो अवस्था भएको हो । अब ठाउँ-ठाउँबाट यसै नगरी नेता ठीक ठाउँमा नआउने भए ।
सही बाटो आऊन् र चलिरहेको नाटक बन्द गरून् भनेर मैले थप्पड हानेको हुँ । म जेलमा सडिन तयार छु । तर, म यिनीहरूका अगाडि झुक्न तयार छैन । मलाई प्रहरीले जस्तोसुकै कारबाही गरे पनि आपत्ति छैन । खनाललाई थप्पड हानेकोमा मलाई गर्व छ । यो म एक्लैले थप्पड हानेको होइन, सारा नेपालीको थप्पड हो भनी सबै दलका नेताहरूले सम्झे हुन्छ ।

source:nayapatrika

HINDI MOVIE - Hostel

2011-01-22T09:41:00.000-08:00

WATCH PART - 1
WATCH PART - 2
WATCH PART - 3
WATCH PART - 4
WATCH PART - 5
WATCH PART - 6

डिल्लीबजार कारागारमा 'ग्याङफाइट'

2011-01-20T12:10:00.000-08:00

काठमाडौं, माघ ७ - डिल्लीबजार कारागारमा रहेका कैदीबीच झडप हुँदा ५ कैदी गम्भीर घाइते भएका छन् । कैदीमध्येकै जेलको
आन्तरिक प्रशासन हेर्ने चौकिदार र त्यसको विपक्षमा रहेको समूहबीच झडप भएको हो । झडपले बुधबार राति डिल्लीबजार जेल तनावग्रस्त बनेको थियो ।
लागूऔषध कारोबारमा सजाय भुक्तान गरिरहेका चौकिदार जीवन चौधरी र उनका समुहका नाइकेहरूको व्यवहारबाट असुन्तुष्ट अर्को समूहबीच झडप भएको जेल प्रशासनले जनाएको छ । जेल प्रशासनले लागूऔषध कारोबारका श्याम वर्णवाल, जलेश्वर साह र मञ्जिल गुरुङको समूहबीच झडप भएको हो । वीरगन्जबाट काठमाडौं तानिएका वर्णवालले कैद सजाय भुक्तान गर्न डेढ वर्ष मात्र बाँकी छ ।
घाइतेहरूको वीर अस्पतालमा उपचार भइरहेको छ । घाइते हुनेमा मूल नाइके दीपेन्द्र राई छन् । उनको टाउकोमा चोट लाग्नुका साथै खुट्टा भाँच्चिएको छ । लागूऔषध ओसारपसार ऐनमा कैद सजाय भुक्तान गरिरहेका राई जेलबाट रिहा हुन चार वर्ष बाँकी छ । चौधरी चौकिदार भएको ४ महिना पनि भएको छैन ।
लागूऔषध कारोबार मुद्दामा पुर्पक्षका लागि थुनामा रहेका महेश अधिकारीको आक्रमणबाट खुट्टा भाँच्चिएको छ । उनी नाइके हुन् । कैद सजाय भुक्तान गर्न अन्तिम फैसला भएपछि मात्र जेल प्रशासनले कैदीको आचरण हेरेर उनीहरूलाई पद दिने गर्छ तर अधिकारीको मुद्दाको अन्तिम फैसला नहुँदै उनी नाइके हुनुले जेल प्रशासनको कैदीहरूसँगको व्यवहारमा विभेद पाइएको एक अधिकृत बताउँछन् ।
लागूऔषध कारोबार ऐनमा जेल परेका भाइ चौकिदार सञ्जय खान, जीउ मास्ने-बेच्ने अभियोगमा जेलमा रहेका हर्क सुनार पनि घाइते छन् । उनको खु्ट्टा र टाउकोमा चोट लागेको छ । लागूऔषध कारोबारमा नै जेल सजाय भुक्तान गरिरहेका दिनेश खतिवडा पनि घाइते भएको प्रहरीले जनाएको छ । झडपमा भात पकाउने चुलोमा प्रयोग हुने भाँडाहरू प्रयोग भएको थियो । 'तरकारी काट्ने चक्कु, पन्यु, डाडु र फलामका पाइप प्रयोग गरेर कुटाकुट गरेका थिए,' जेलरले भने ।
बुधबार राति २ बजे ब्लक 'ए' मा रहेका कैदी कराएका थिए । 'कुटाकुट हुन थालेपछि हामी त्यहाँ पुग्यौं' जेलर ज्ञानराज कोइरालाले भने, 'राति नै झगडा गर्ने समूहमध्ये एउटालाई बाहिर निकाल्यौं ।' दुई समूहबीच झडप भएको हो, कारण छानविन गरिरहेका छौं ।'
'तीन महिनाअघिदेखि दुई पक्षबीच विवाद भइरहेको थियो, जेल प्रशासनको बेवास्ताका कारण घटना घट्यो' एक अधिकारीले भने । जेलर कोइरालाले आफू हाजिर भएदेखि माग राखेर कुनै समूह नआएको दाबी गरे । 'म यहाँ आएको ८ महिना भयो, अहिलेसम्म कुनै उजुरी आएको छैन' उनले भने 'कैदीबीच कुटाकुट हुन थालेपछि मात्र हामीले थाहा पायौं ।'
यो ब्लकमा लागूऔषध, ज्यान मार्ने उद्योग लगायतका कैदी राख्ने गरिन्छ । झगडा भएको मौका पारेर कैदीहरू भाग्न सक्ने आशंका गर्दै प्रहरीले सुरक्षा व्यवस्था कडा गराएको थियो ।
चौकीदार र नाइके कसरी ?
मुद्दा फैसला भएपछि तोकिएको सजायमध्ये ५० प्रतिशत भुक्तान गरिसकेका इमान्दार कैदीलाई जेलरले चौकिदार, नाइके, भाइ नाइके बनाउँछन् । एउटा जेलरले मात्रै जेल व्यवस्थापन गर्न नसक्ने भएका कारण कैदीबाटै आन्तरिक व्यवस्थापन गराउने कारागार ऐन २०१९ र कारागार नियमावली २०२० ले यस्तो व्यवस्था गरेको छ । चौकीदार वा नायिके बनेपछि आर्थिक तथा भौतिक फाइदा दुवै हुने गरेका कारण कैदीहरू यसका लागि प्रतिस्पर्धा गर्छन् ।
चौकीदारलाई कैदीका लागि आवश्यक सामान किन्न बजार जान छुट हुन्छ । एक वर्ष चौकिदार भएपछि तोकिएको सजायमा २ महिना छुट पाउँछन् । यस्तै भाइ चौकिदार र नाइकेले ४५ दिन र भाइ नाइकेले एक महिना छुट पाउने कानुनी व्यवस्था छ । सामान किन्दा आउने कमिसन चौकिदारको ठूलो आयस्रोत हो । जेलभित्र मेस, पसल चलाउने कैदीबाट चौकिदारले आर्थिक लाभ लिन्छन् । चौकिदार, नाइके र भाइ नाइकेलाई कैदीहरूबीचको आन्तरिक व्यवस्थापनको जिममा पनि दिइएको हुन्छ । कदी कैदीबीच झगडा हुन नदिनु, सरसफाइ गर्नु, कैदीको स्वाथ्य स्थितिबारे जेलरलाई जानकारी गराउनु, जेलभित्रको मर्मत सम्भारका बारेका जेलरलाई जानकारी गराउनु उनीहरूको काम हो ।

source:kantipur

एमाले अध्यक्ष खनाललाई थप्पड :

2011-01-20T12:08:00.001-08:00

इटहरी, माघ ६ - पार्टी कार्यक्रममा भाग लिन आएका एमाले अध्यक्ष झलनाथ खनाललाई एक पूर्व कार्यकर्ताले
बिहीबार थप्पड हानेका छन् ।
पार्टीको बैचारिक तथा संगठनात्मक सुदृढिकरण कार्यक्रममा भाग लिन आएका खनाललाई एमाले पूर्व कार्यकर्ता सुनसरी, भरौल निवासी देवीप्रसाद रेग्मीले मञ्चमै पुगेर थप्पड हानेका हुन् । ५२ वर्षिय रेग्मीलाई प्रहरीले तत्काल नियन्त्रणमा लिएर इलाका प्रहरी कार्यालय इटहरीमा राखेको छ ।
नेताहरुले देश बिगारेकाले खनाललाई मौका पारेर थप्पड हानेको रेग्मीले प्रतिक्रिया दिए । 'नेताहरुले देश बर्बाद पारे, मर्नुभन्दा बहुलाउनु निको ठानेर झापड हानेको हुँ,' प्रहरी नियन्त्रणमा रहेका रेग्मीले सञ्चारकर्मीसित भने ।
रेग्मी पार्टी प्रवेश गर्ने कार्यकर्ताको लाइनमा मिसिएर खनाल नजिकै पुगेका थिए । झापड हान्दा खनालको चस्मा झरेको थियो । कार्यक्रममा अन्य दलका झण्डै १ हजार कार्यकर्ता एमाले प्रवेश गरेका थिए ।
एक्कासी भीडबाट थप्पड खाएपछि खनाल रातोपिरो भएका थिए ।

source:kantipur

विद्युत् प्राधिकरणका तीनजनाले खाए दुई दिनमा ४० किलो मासु :

2011-01-19T10:35:00.000-08:00

काठमाडौं, ४ माघ - नेपाल विद्युत् प्राधिकरणको तीन सदस्यीय टोलीले दुईदिने भ्रमणमा ४० किलो मासु खाएको बिल पेस भएको छ । कुलेखानी तेस्रो जलविद्युत् आयोजनाको प्रगति सन्तोषजनक नभएको भन्दै गठित टोलीले पुस १२ र १३ गते स्थलगत भ्रमण गरेको थियो ।

केन्द्रको टोली आउँदा ४० किलो मासु किनिएको भन्दै कुलेखानीका आयोजना प्रमुख श्यामसुन्दर श्रेष्ठले प्राधिकरणमा बिल पठाएका छन् । उनीहरूले दुई किलो काजु र पेस्तालगायतका परिकार खाएको पनि विवरण छ ।

आयोजना निर्माण प्रगति सन्तोषजनक नभएको विषयमा स्थलगत निरीक्षण गरी दुई साताभित्र प्रतिवेदन पेस गर्न प्राधिकरणको सञ्चालक समितिले पुस ७ मा उपसमिति गठन गरेको थियो । उपसमितिको संयोजकमा प्राधिकरण सञ्चालक समितिका संयोजक लेखमानसिंह भण्डारी, ऊर्जा मन्त्रालयका सिनियर डिभिजनल इन्जिनियर पुरुषोत्तम आचार्य र प्राधिकरणका प्रबन्धक नियाज अहमद छन् । १४ मेगावाट क्षमताको आयोजना सरकार र प्राधिकरणको संयुक्त लगानीमा निर्माण भइरहेको छ ।

स्थलगत निरीक्षणका लागि गएका उनीहरूले पुस १२ गते ७ केजी खसीको मासु, १० केजी कुखुराको मासु र ५ केजी माछा खाएका थिए । १३ गते ५ केजी खसी, ५ केजी कुखुराको मासु र ८ केजी माछा खाएका थिए ।

१२ गते खाएको २२ केजी माछा र मासुको ६ हजार ५० र १३ गते खाएको १८ केजी मासुको ४ हजार ८ सय ८० रुपैयाँ गरी जम्मा १० हजार ९ सय ३० रुपैयाँको बिल पेस भएको छ । तीनजनाले दुई दिनमा ४० केजी मासु खाएको बिल पेस भएपछि प्राधिकरणमा यो ठट्टाको विषय बनेको छ । आयोजना स्रोतले नयाँ पत्रिकालाई उपलब्ध गराएको बिलअनुसार दुई दिनमा मासुसहित अन्य परिकार खाँदा ३१ हजार ४ सय ७१ रुपैयाँ खर्च भएको छ ।

टोलीका सदस्यले अतिथि सत्कारको ११ सयको एक केजी काजु, १३ सयको एक केजी पेस्ता, ३ सय ८० को दालमोठ तथा काजु मिक्स, ५ सय २० को दुई प्याकेट रसबरी र ४ सय ८० रुपैयाँको लालमोहन पनि खाएका थिए ।

यस्तै अन्डा, बटर, पाउरोटी, बदाम, दूधलगायतका सामग्रीमा ३ हजार ९ सय ४० रुपैयाँ खर्च भएको बिल भुक्तानीका लागि पेस गरिएको छ । यस्तै परिकार पकाउन प्रयोग गरिएको लसुन, मसला, अजिनोमोटोसहित अन्य खाद्यवस्तुको २ हजार ३ सय ९० रुपैयाँ छ । सुन्तला, स्याउसहितका फलफुलको एक हजार ७० रुपैयाँ, कोकाकोलासहितका अन्य पेयपदार्थको ६ सय रुपैयाँ पनि भुक्तानीका लागि पेस गरिएको छ ।

आयोजनाका एक अधिकारीले टाट पल्टिन लागेको संस्थामा दैनिक रूपमा आर्थिक अनियमितता बढिरहेको बताए । 'स्थलगत निरीक्षणमा गएका व्यक्ति मोजमस्ती गरी फर्केका छन्, यसले प्राधिकरणलाई घाटामा पार्नेबाहेक केही काम भएको छैन,' उनले भने, 'यस्ता किसिमका अनावश्यक खर्च रोक्न कार्यविधि बनाएर कडाइका साथ लागू गरिनुपर्छ ।'

उपसमितिलाई आयोजनाको प्रगति सन्तोषजनक नभएको र आयोजना, सल्लाहकार तथा सिभिल ठेकेदारबीच देखिएको विवाद समाधानका लागि राय-सुझाब पेस गर्न कार्यादेश दिइएको थियो । उपसमितिले प्रतिवेदनलाई अहिले अन्तिम रूप दिइरहेको छ ।

सन् २००९ मा निर्माण सुरु गरिएको आयोजनाको अहिलेसम्म करिब ६० प्रतिशतमात्रै काम सकिएको छ । आयोजनाको निर्माण सन् २०११ भित्र सम्पन्न हुनुपर्नेमा अझै दुई वर्ष लाग्ने बताइएको छ । यसबाट आयोजनाको लागत पनि बढ्नेछ । आयोजनाको अनुमानित लागत २ अर्ब ५० करोड थियो । अहिले आयोजनाको ठेकेदार चिनियाँ कम्पनी सिनो हाइड्रोले ठेक्का सम्झौताभन्दा थप ७२ करोड दाबी पेस गरेको छ ।

उपसमितिका संयोजक लेखमानसिंह भण्डारीले आयोजना समस्यै समस्यामा रहेको बताए । 'बन्द, हडताल तथा वन मन्त्रालयले समयमा रूख काट्न नदिएकाले निर्माणमा ढिलाइ भएको देखिन्छ,' उनले भने । मकवानपुरमा पर्ने इन्द्र सरोवरबाट कुलेखानी पहिलो तथा दोस्रो आयोजना हुँदै आउने पानीबाट भैंसेमा रहेको खानीखोलाको पानीलाई समेत समेटेर सानुटारमा विद्युत्गृह निर्माण हुँदै छ ।

source:nayapatrika

प्रधानमन्त्री नेपाल र अध्यक्ष खनालबीच 'तँतँ-मम' :

2011-01-13T10:10:00.000-08:00

काठमाडौं, पुस २८- प्रधानमन्त्री माधवकुमार नेपाल र अध्यक्ष झलनाथ खनालबीच प्रधानमन्त्री निर्वाचनमा रामचन्द्र पौडेललाई समर्थन गर्ने कि नगर्ने विषयमा सवालजवाफ 'तँ
-तँ र म-मको तहमा' झरेको बैठकमा सहभागीहरुले बताएका छन्। 'दुई नेताबीच यति तल्लो तहमा सवालजवाफ यसअघि भएको थिएन,' स्थायी कमिटीका एक सदस्यले भने।

मंगलबारको स्थायी कमिटी बैठकमा प्रधानमन्त्री माधवकुमार नेपालले कांग्रेसका उम्मेदवार पौडेलको पक्षमा मतदान गर्नुपर्ने प्रस्ताव गर्नेबित्तिकै अध्यक्ष खनालले त्यस्तो कदम पार्टी निर्णयविपरीत हुने जवाफ फर्काए। 'केन्दीय कमिटी बैठकले पौडेलको विपक्षमा मतदान गर्ने निर्णय गरिसकेका कारण यस्तो प्रस्ताव पार्टी निर्णयविपरीत हो,' खनाललाई उद्धृत गर्दै स्थायी कमिटीका एक सदस्यले भने।

खनालको जवाफपछि नेपालले पौडेलको विपक्षमा मतदान गर्ने निर्णय गरेर पार्टीले त्रुटि गरेको जिकीर गरे। 'सबैजना बसेर गरेको निर्णय कसरी गलत हुन्छ? बरु, त्यो निर्णयलाई कार्यान्वयन गर्नेतर्फ लागौं', खनाललाई उद्धृत गर्दै ती नेताले भने। नेपालले अहिलेसम्म कांग्रेसले एमालेलाई साथ दिँदै आएको पृष्ठभूमि बताउँदै कांग्रेसलाई सहयोग गर्न पनि निर्णय सच्याउन माग गरेपछि खनालले हल्का व्यंग्यात्मक जवाफ दिए, 'सच्याए भयो नि!'

खनालले व्यंग्यात्मक जवाफ दिएपछि नेपालले खनाललाई आफू प्रधानमन्त्री बन्नका लागि समस्या उत्पन्न गराएको आरोप लगाए। 'सिहंदरबारमा फोटो झुन्ड्याउने रहरले देशलाई बन्धक बनाउन पाइँदैन,' नेपालले खनाललाई इंगित गर्दै भने। खनालले पनि नेपाललाई सिंहदरबारमा फोटो झुन्ड्याउनेबाहेक केही काम गर्न नसकेको आरोप लगाए। 'तिमीले त सिंहदरबारमा फोटो झुन्ड्याउनेबाहेक के नै गर्‍यौ र?' खनालको प्रश्न थियो।

यही चर्काचर्कीबीच प्रधानमन्त्री नेपालले खल्तीबाट कागज निकाल्दै खनाललाई थमाए जसमा केन्द्रीय कमिटी बैठक बोलाउन माग गर्दै ४५ जना केन्द्रीय सदस्यको नामावली थियो। त्यसमध्ये ३१ जनाको हस्ताक्षर थियो भने बाँकी १४ जनाको नाममात्रै। एमाले केन्द्रीय कमिटी ११६ सदस्यीय छ जसमध्ये मताधिकार भने ८६ लाई मात्र छ, वैकल्पिक केन्द्रीय सदस्यमा यो अधिकार हुँदैन।

क-कसले गरे हस्ताक्षर?

हस्ताक्षर गर्नेमा माधव नेपाल, केपी ओली, विष्णु पौडेल, काशीनाथ अधिकारी, महेन्द्र पाण्डे, छविलाल विश्वकर्मा, विजय सुब्बा, खगराज अधिकारी, थममाया थापा, कृष्णगोपाल श्रेष्ठ, भानुभक्त ढकाल, गुरु बराल, पृथ्वी सुब्बा गुरुङ, रघुजी पन्त, नागेन्द्र चौधरी, कल्याणी खड्का, सुशीला नेपाल, देवराज भार, उर्वादत्त पन्त, देवीप्रसाद ज्ञवाली, गणेश तिमल्सिना, गंगादेवी डाँगी, विनोद श्रेष्ठ, कर्णबहादुर थापा र सत्यनारायण मण्डललगायत छन्। त्यस्तै केन्द्रीय सदस्यहरू शंकर पोखरेल, प्रदीप ज्ञवाली, मुकुन्द न्यौपाने, प्रदीप नेपाल, वंशीधर मिश्र, धर्मनाथ प्रसाद साह, अग्नि खरेल, टुंका हमाल, वीरबहादुर लामा र जितु गौतमको नाम उल्लेख भए पनि हस्ताक्षर छैन।

त्यस्तै वैकल्पिक केन्द्रीय सदस्यहरू टुकराज सिग्देल, रामेश्वर फुयाल, कल्पना चापागाई, जगत विश्वकर्मा, योगनारायण यादव, महिन लिम्बुले पनि हस्ताक्षर गरेका छन् भने वैकल्पिक केन्द्रीय सदस्यहरु अच्युत मैनाली, गौरी वली र गोकुल घर्ती मगरको नाममात्रै उल्लेख छ, हस्ताक्षर छैन।

प्रधानमन्त्री नेपालले केन्द्रीय सदस्यहरूले बैठक बोलाउन माग गरेपछि बोलाउनुपर्ने कानुनी प्रावधान सम्झाए। 'तपाईंले कानुनी कुरा गर्नुभयो। म पनि कानुनी प्रक्रिया अनुसार नै चल्छु', खनालको जवाफ थियो। खनालले त्यहाँ कानुनी प्रक्रियाको विस्तृत व्याख्या भने गरेनन्। 'अध्यक्षले कानुनी प्रावधान भन्नाले ५० प्रतिशत केन्द्रीय सदस्यहरूले लेखेर दिएको तीन साताभित्र बैठक बोलाउनुपर्ने विधानको प्रावधानलाई भन्न खोजेका हुन्,' खनाल पक्षधर एक नेताको व्याख्या छ। सवालजवाफकै क्रममा अध्यक्ष खनालले संविधानसभाको बैठक हुन लागेको भन्दै बैठक टुंग्याएका थिए।

यसअघि बिहान प्रधानमन्त्री निवास बालुवाटारमा नेपाल र ओली पक्षधर नेताले छलफल गरी केन्द्रीय कमिटी बैठक डाक्न प्रस्तावसहितको हस्ताक्षर संकलन गरेका थिए। अध्यक्ष खनाललाई सम्बोधन गरिएको प्रस्तावमा उल्लेख छ, 'यही ०६७ पुस २३ गते डाकिएको केन्द्रीय कमिटीको बैठक बिनाकारण स्थगित गरिएकोमा असहमति जनाउँदै ०६७ पुस २८ गते तोकिएको प्रधानमन्त्री निर्वाचनबारे गम्भीर विषयमा छलफल गर्नुपर्ने महसुस गरी हामी निम्नलिखित केन्द्रीय कमिटीका सदस्यहरु मिति ०६७ पुस २८ गते बिहान ८ बजे केन्द्रीय कमिटी बैठक बोलाउन आग्रह गर्दछौं।' प्रस्ताव तयार गरी हस्ताक्षरका लागि प्रधानमन्त्री नेपालले नै केन्द्रीय सदस्यहरूलाई बालुवाटार बोलाएका थिए।

चक्रीय प्रणालीमार्फत् समाधान निकालः मध्यमार्गी धार

एमालेको मध्यमार्गी धारका पोलिटब्युरो सदस्यहरूको समूहले चक्रीय प्रणालीमार्फत समस्याको समाधान निकाल्न पार्टीका तीन प्रमुख नेता अध्यक्ष झलनाथ खनाल, प्रधानमन्त्री माधवकुमार नेपाल र स्थायी कमिटी सदस्य केपी ओलीलाई दबाब दिएको छ।

मंगलबार साँझ प्रधानमन्त्री निवास बालुवाटारमा खानपिनसहित भएको चारघन्टे छलफलमा नेताहरूले नेपाली कांग्रेससँग छलफल गरी उम्मेदवार फिर्ता लिन लगाउने र चक्रीय प्रणालीअनुसार सरकारको पहिलो नेतृत्व कांग्रेसलाई नै दिएर भए पनि सहमति गर्न आग्रह गरेका हुन्।

'कांग्रेसका रामचन्द्र (पौडेल) जीलाई लेखेर दिएर हुन्छ कि अन्य हिसाबले आश्वस्त पारेर उम्मेदवारी फिर्ता गराउनुहोस्। र, त्यसपछि चक्रीय प्रणालीमार्फत मुलुकको समस्या समाधान गरिदिनुहोस्', पोलिटब्युरो सदस्य समूहले गरेको प्रस्ताव उद्धृत गर्दै बालुवाटारनिकट स्रोतले भन्यो। पार्टीभित्रको यो मध्यमार्गी धारको नेतृत्व गर्दै आएका मुकुन्द न्यौपानेले पनि चक्रीय प्रणाली एमालेकै प्रस्ताव भएको उल्लेख गर्दै नागरिकसँग भने, 'चक्रीय प्रणालीको प्रस्ताव अनुसरण गर्नुहोस् भन्ने सुझाव दियौं।'
न्यौपानेका अनुसार नेताहरूको समूहले पौडेलको उम्मेदवारी फिर्ता गराई चक्रीय प्रणालीअनुसार प्रमुख तीन दल नेपाली कांग्रेस, एकीकृत माओवादी र एमालेले आलोपालो सरकारको नेतृत्व गर्न सुझाव दिएका थिए। 'लडाकुहरूको समायोजन र शान्तिप्रक्रिया पूरा नभइन्जेल माओवादी नेतृत्व हुनुहुँदैन भन्ने एमाले र कांग्रेस दुवैको निर्णय छ। त्यसैले सरकारको पहिलो नेतृत्व गर्ने कांग्रेस र एमालेमध्ये कुनै एक दलले हो,' शीर्षनेताहरूसँगको आग्रह उद्धृत गर्दै न्यौपानेले भने, 'त्यसैले कांग्रेससँग छलफल गरेर उम्मेदवारी फिर्ता गराउनुहोस्।' उनीहरूले कांग्रेसलाई पहिलोपटक नेतृत्व गर्ने अवसर दिए समस्याको समाधान हुने भए त्यसो गर्न पनि नेतृत्वलाई सुझाव दिएका थिए।

नेताहरूको सुझाव सुनेपछि पनि अध्यक्ष खनाल भने चक्रीय प्रणालीबारे मौन रहे। उनले पौडेलको उम्मेदवारी फिर्ता गराउने पार्टीको निर्णय भएकाले त्यसका लागि प्रयास गर्ने जानकारी गराएका थिए। 'पहिले केन्द्रीय कमिटी बैठकको निर्णय कार्यान्वयन गरौं,' खनाललाई उद्धृत गर्दै छलफलमा सहभागी एक नेताले भने, 'पौडेलको विपक्षमा मतदान गर्दैमा कांग्रेससँगको सहमति प्रक्रिया अन्त्य हुँदैन।'

खनालले यस्तो टिप्पणी गरिरहँदा प्रधानमन्त्री नेपाल र नेता ओलीले खासै प्रतिक्रिया जनाएनन्। मध्यमार्गी नेताहरूको प्रयासस्वरूप तीनैजना नेता कांग्रेससँग छलफल गरी निकास निकाल्न भने सहमत भएका छन्। एमाले नेतृत्वले व्यवस्थापिका संसद्मा प्रधानमन्त्रीका लागि सत्रौं चुनाव हुनुअघि छलफल गरी सहमतिको प्रयास गर्ने भएको छ।

बैठकमा मध्यमार्गी समूहबाट न्यौपानेसहित पोलिटब्युरो सदस्यहरू प्रदीप नेपाल, प्रदीप ज्ञवाली, विष्णु रिमाल, वेदुराम भुषाल, काशीनाथ अधिकारी, पृथ्वी सुब्बा गुरुङ, छविलाल विश्वकर्मा, महेन्द्र पाण्डे, नागेन्द्र चौधरीलगायत थिए। यो समूहले माओवादीको नेतृत्वमा सरकार गठन हुन नसक्ने र माओवादी मात्रैको समर्थनमा एमाले नेतृत्वको सरकार गठन हुन नसक्ने कुरा पनि प्रष्टयाएको थियो। मंगलबारको स्थायी कमिटी वैठकमा अध्यक्ष खनाल र प्रधानमन्त्री नेपालबीच चर्काचर्की भएपछि मध्यमार्गी नेताहरूले शीर्षनेताहरूबीच सहमतिका लागि प्रयास गरेका थिए।

स्थायी कमिटी बैठकमा प्रधानमन्त्री नेपालले पौडेलको विपक्षमा मतदान गर्ने भनी केन्द्रीय कमिटीको निर्णयमाथि पुनर्विचारका लागि गरेको आग्रहलाई अध्यक्ष खनालले अस्वीकार गरेका थिए। साथै केन्द्रीय कमिटी बैठक बोलाउन गरेको प्रधानमन्त्री नेपालको आग्रहलाई पनि संस्थापन पक्षले अस्वीकार गरेको थियो ।
केन्द्रीय कमिटी बैठक बोलाउने र नबोलाउनेबीच नेपाल-ओली र संस्थापन पक्षबीच विवाद भएपछि स्थायी कमिटी बैठक निर्णयबिनै स्थगित भएको थियो। बैठक अनिर्णीत भएपछि केन्द्रीय कमिटी बैठकले 'कांग्रेसका रामचन्द्र पौडेललाई प्रधानमन्त्रीको उम्मेदवारी फिर्ता लिन आग्रह गर्ने र निर्णय फिर्ता नलिए विपक्षमा मतदान गर्ने' निर्णय यथावत् रहेको छ। 'केन्द्रीय कमिटीले गरेको निर्णयलाई नै स्थायी कमिटीले अनुमोदन गरेको छ,' बैठकपछि महासचिव ईश्वर पोखरेलले भने, 'मंगलबार कुनै नयाँ निर्णय भएन।' दलहरूबीच सहमति नभए एमालेले केन्द्रीय कमिटीको बैठकको निर्णयअनुसार बुधबारको व्यवस्थापिका संसदमा हुने प्रधानमन्त्री निर्वाचनमा एमालेले पौडेलको विपक्षमा मतदान गर्ने छ। त्यसपछि पनि सहमतिको प्रयत्न हुने एमाले नेताहरुले बताएका छन्।

source:nagarik

ब्रायन एडम्सलाई हेर्न छ हजारको टिकट, सुरक्षाका लागि १५ सयको टोली :

2011-01-13T09:59:00.000-08:00

काठमाडौं, - क्यानाडेली गायक ब्रायन एडम्सको दशरथ रंगशालामा फागुन ७ मा हुने कन्सर्ट हेर्न आयोजकले २ हजार, ३ हजार र ६ हजारको
टिकट बेच्ने भएको छ। बुधबार होटल सोल्टीमा आयोजित पत्रकार सम्मेलनमा जनाइए अनुसार कन्सर्टमा १५ सयभन्दा बढी सुरक्षाकर्मी तैनाथ हुनेछ। कन्सर्ट आगामी फागुन ७ मा हुने हुनेछ।

गरुड सेक्युरिटीका सुबल शाहले प्राइभेट सुरक्षाको जिम्मा लिएका छन्। शनिबार पर्ने कन्सर्टमा निजी र सरकारी सुरक्षाकर्मीले सहकार्य गर्नेछन्।

तीन भागमा विभाजन गरिएको रंगशालाभित्र पाँच सयको हाराहारीमा सुरक्षाकर्मी रहनेछन्। रंगशाला वरपर करिब एक हजारको संख्यामा नेपाल प्रहरी, सशस्त्र र ट्राफिक प्रहरीले सहकार्य गर्नेछन्। पर्यटन वर्ष २०११ को अवसर परेकोले कन्सर्टले नेपाली पर्यटनमा सहयोग गर्ने दावी आयोजक जेपिआर र ओडिसी नेटवर्कको छ।

कन्सर्टका लागि ब्रायन एडम्स फागुन ६ मा काठमाडौं आउँदैछन्। दुई दिनको बसाइँमा उनी काठमाडौं घुम्ने सम्भावना पनि रहेको आयोजकले बताए। कन्सर्टको भोलिपल्ट उनी फर्कनेछन्। कन्सर्टमा करिब १५ हजार दर्शकलाई मात्र प्रवेश दिइने योजना आयोजकको छ। 'रंगशाला क्षमता १८ हजार हो। निर्माण भएको धेरै समय भइसकेको कारण हामीले केवल १५ हजार दर्शक सहभागी गराउनेछौं,' आयोजक सुनिल हमालले भने।

माघ १ मा बिक्री सुरु गरिने टिकट माघ २७ सम्ममा सिद्धिसक्ने आयोजकको अनुमान छ। टिकट मनकामना विकास बैंकमा उपलब्ध हुनेछन्। टिकटको कन्सर्टका लागि भारतबाट अत्याधुनिक साउन्ड समेटिएको 'टोटल प्रोडक्सन'ले स्टेजको डिजाइन गर्नेछ। दर्शकलाई कन्सर्ट हेर्न सहज गराउन रंगशालाभित्र चारवटा स्क्रिन राखिनेछन्। 'यो विश्वस्तरको कन्सर्ट हो। त्यसैले यससँग हाम्रो देशको प्रतिष्ठा गाँसिएको छ,' सुनिलले भने। त्यस दिन दशरथ रंगशालाका सबै गेटहरू खोलिने छन्।

कन्सर्ट हुन लागेकोमा पर्यटनविद् योगेन्द्र शाक्य पनि आशावादी छन्। 'यसले पर्यटनको प्रवर्द्धन गर्छ। यो कन्सर्ट कर्पाेरेट हाउसका लागि अवसर हो, आफ्नो प्रचार गर्न,' उनले भने। यस कन्सर्टलाई उनले शान्ति र संगीतको संज्ञा दिए।

ओडिसीका निर्देशक सीमान्त गुरुङ पनि कन्सर्ट आयोजना गर्न पाउँदा उत्साहित छन्। 'यो नेपालको लागि गौरवको कुरा हो। यो कार्यक्रम सफल भएपछि नेपालमा विदेशी
कलाकार ल्याउने कामलाई हामी निरन्तरता दिन्छौँ,' उनले भने। आयोजकका अनुसार त्यसदिन सम्पूर्ण सवारी टुँडिखेलमा पार्किङ गरिने जानकारी गरायो। 'त्यो दिन रंगशाला छेउको सडक एकतर्फी बनाउनेबारे ट्राफिक प्रहरीसँग सहकार्य हुने सम्भावना छ,' सवलले भने। कन्सर्टमा स्टेज सुरक्षा, स्टिल रेखा र दर्शक चेक गरी तीन समूहमा प्राइभेट सुरक्षाकर्मी खटाइनेछन्।

ब्रायन एडम्सको निजी सुरक्षाकर्मीहरूसँग पनि नेपाली सुरक्षाकर्मीले सहकार्य गर्नेछन्। टिकटको मूल्यले गर्दा अनावश्यक हो-हल्ला गर्ने समूह कन्सर्ट हेर्न नआउने कुरामा आयोजक ढुक्क छ। कन्सर्टको दिन दिउँसो २ बजे नै रंगशालाको ढोका खोलिने छ।

त्यसपछि साँझ ६ देखि ७ बजेसम्म केही नेपाली ब्यान्डले प्रस्तुति दिनेछ। त्यसपछि ब्रायन एडम्सले ७ देखि ९ बजेसम्म आफ्नो एकल कन्सर्ट गर्नेछन्। कन्सर्टका लागि अन्तर्राष्ट्रिय इभेन्ट आयोजक जेपिआर इभेन्टले भव्य स्टेजको निर्माण गर्नेछ।

सन् १९८० को दशकमा 'ब्रायन एडम्स' नामकबाट सांगीतिक क्षेत्रमा लागेका एडम्स २००८ मा 'एलाभेन' रिलिज गरेपछि विश्वव्यापी कन्सर्टतर्फ आकर्षित भएका हुन्। कन्सर्टमै गाएर उनले लाइभ एल्बम निकाल्ने ट्रेन्ड उनले नै सुरू गरेका हुन्। ३२ वर्षको सांगीतिक यात्रामा उनले ग्य्रामी अवार्ड, अमेरिकन म्युजिक अवार्ड र क्यानेडियन ग्य्रामी अवार्ड जितिसकेका छन्। अहिलेसम्म उनको २० वटा एल्बम सार्वजनिक भइसकेको छ। 'समर अफ सिक्टी नाइन', 'एभरी थिङ्स आइ डु' र 'प्लिज फर्गिभ मि' जस्ता उनका गीत लोकप्रिय भएका छन्।

source:nagarik

HINDI MOVIE - Band Baaja Baaraat

2011-01-13T09:56:00.002-08:00

WATCH PART - 1
WATCH PART - 2
WATCH PART - 3
WATCH PART - 4
WATCH PART - 5
WATCH PART - 6
WATCH PART - 7

अमेरिकाद्वारा नेपाल असुरक्षित गन्तव्य भएको जानकारी :

2011-01-13T09:56:00.001-08:00

काठमाडौं, पुस २९ - नेपालले पर्यटन वर्षको औपचारिक सुरुवात गर्ने अघिल्लो दिन अमेरिकाले आफ्ना
नागरिकलाई नेपाल भ्रमणमा सचेत हुन आग्रह गरेको छ। नेपाल भ्रमणबारे अमेरिकी सरकारले आज जारी गरेको 'ट्राभल एड्भाइजरी'मा सुरक्षास्थिति अझै राम्रो नभएकाले सचेत हुन आग्रह गरिएको हो।

२०१० को जुन १५ तारिकमा जारी गरेको भ्रमण सुझावलाई विस्थापित गर्दै जारी गरिएको नयाँ 'एड्भाइजरी'मा पहिलेको तुलनामा सुरक्षास्थितिमा केही सुधार देखिएको भएपनि कुनै पनि समयमा हड्ताल लगायतका कार्यक्रम हुनसक्ने बताउँदै सुरक्षित भ्रमणका लागि आग्रह गरेको हो।
काठमाडौं उपत्यका लगायतका सहरी क्षेत्रहरुमा हत्या, यौनिक हिंसा, लुटपाटका घटनाहरु भइरहेको उल्लेख गर्दै प्रहरीले यस्ता घटना नियन्त्रण गर्न सफल नरहेको उल्लेख गरेको छ।
चितवन, पोखरा, अन्नपूर्ण र ठमेलजस्ता क्षेत्रमा पर्यटकहरु लुटिने गरेको तथा महिला पर्यटकहरुमाथि दुर्व्यवहार भइरहेको उल्लेख गरेको छ। अन्य सुरक्षाका विषयमा पहिले जारी गरेको एड्भाइजरीलाई नै अमेरिकी सरकारले अपडेट गरेको छ। एड्भाइजरीमा माओवादीलाई अझै पनि आतंकवादीको सूचीमै राखेको पुन जानकारी गराएको छ।

source:nagarik

यी हुन् एक्लै ४० डाँका तह लगाउने बहादुर :

2011-01-13T09:50:00.000-08:00

पोखरा, पुस २७ - एक्लै ४० डाँकालाई परास्त गरी थुप्रै यात्रुको धनमाल र युवतीको इज्जत जोगाउन सफल भारतीय सैनिकमा कार्यरत पोखरा, ६ बैदामका बिष्णुप्रसाद श्रेष्ठलाई
भारत तथा स्थानीयस्तरमा सम्मानको ओइरो लागेको छ ।
आफ्नो १७ बर्षे सैनिक सेवाबाट निबृत्त भएर घर फर्किने क्रममा रेलमा आक्रमण गर्ने डाँकालाई परास्त गरेका ३५ वर्षिय श्रेष्ठ यतिबेला गाउँटोल तथा भारतभर चर्चामा छन् । घटनापछि उनी निबृत्तबाट फेरि सेवामा फर्काइएका छन् भने बढुवाको अवसर मिल्दैछ । साथै विभिन्न पदकबाट विभुषित हुँदै लाखौ नगद पुरस्कार पनि हात पर्दैछ ।
भारतको राँचीस्थित भारतीय सेनाको ७/८ गोर्खा रेजिमेन्ट्समा नायक पदबाट रिटायर्ड भै फर्किनेक्रममा गत सेप्टेम्बर २ को मध्यरातमा पश्चिम बंगालको चित्तरंजनमा मौरिना एक्सप्रेसको रेलमा डाँकाहरुले आक्रमण गरेका थिए । डाँकाले यात्रीको नगद, मोबाईलसेटलगायत अन्य सामान लुट्दै श्रेष्ठनजीकै आए । 'मसंग पनि सामान र पैसा मागे, मैले दिन्न भनेपछि थप्पड लगाए', उनले भने, 'प्रतिकारमा एक्लै १० जनालाई ढलाए ।' त्यसपछि डाकाले एक युवतीमाथि बलत्कारको प्रयास गर्न थालेका र मानवीय कर्तब्य संझेर प्रतिकारमा उत्रिएको उनले बताए ।
घटनापछि रिटायर्ड श्रेष्ठलाई अहिले सेवामा हाजिर गराइएको छ । उनलाई भारत सरकारका तर्फबाट दिईने सौर्य चक्र, सर्बोत्तम जीवन रक्षापदक र गोडरे फिलिप्स ब्रेभरी अवार्डकालागि प्रस्ताव गरिएको छ । तिनवटै अवार्डमा छनौट भए उनले कम्तीमा एक करोड भारतीय रुपैयाँ, हवाई तथा रेल यात्रामा विशेष सुविधा, मासिक भत्ता र पेन्सन पनि तीन पुस्ताले पाउनेछन । श्रेष्ठले सौर्य चक्र र सर्बोत्तम जीवन रक्षा पदक लगभग निश्चित भैसकेको र यही २६ जनवरी तथा अगस्ट १५ मा अवार्डको घोषणा हुने बताए ।
बहादुरी काम गरेको भन्दै श्रेष्ठलाई तत्कालै सेवामा प्रवेश गराउँदै कमाण्डिङ अफिसरले ५० हजार नगद र उपहार दिएका थिए । यसकासाथै बैदामको मितेरी नारी समुहले पनि श्रेष्ठलाई हालै सम्मान गर्‍यो । पोखरास्थित भारतीय पेन्सन क्याम्पका अधिकारीले पनि स्याबासी दिएका थिए ।
घटनामा श्रेष्ठले एक डाकालाई रेलकै शौचालयमा थुनिदिएका थिए भने तीन जनाको खुकुरी प्रहारबाट मृत्यु र ८ जना घाईते भएका थिए । उनीहरुबाट ५० ल्यापटप, २० लाख नगद, २ सयथान मोबाईल सेट, एकदर्जन सुनका सिक्री बरामद गर्न श्रेष्ठ सफल भएका थिए ।
डाकाको आक्रमणमा श्रेष्ठको देब्रेहातमा चोट लागेकोमा तीन महिनाको उपचारपछि निको भएको थियो । एक महिना छुट्टीमा आएका श्रेष्ठलाई आउने र जानेक्रममा दुई सुरक्षाकर्मी संगै पठाइएको छ ।
बाबु गोपालप्रसादले छोराले यति ठूलो बहादुरीको काम गर्दा निकै खुशी लागेको भन्दै सर्वसाधारणलाई बचाउनु फौजीको कामै रहेको बताए । श्रीमती सीताले पनि आफु बाँचेर ठूलो काम गर्न सफल भएकोमा खुशी ब्यक्त गरिन् । 'घटनाले परिवारकै नाम र सम्मान् बढेको छ' उनले भनिन् ।

source:kantipur

भिसा बिना कसरी पुगे नेपाली नेदरल्यान्डस् ?

2011-01-13T09:27:00.001-08:00

काठमाडौं, पुस २९- त्रिभुवन अन्तर्राष्ट्रिय विमानस्थलका पाँच वटा सुरक्षा घेराहरुलाई तोड्दै बिना भिसा २९
वर्षीय प्रकाश गुरुङले नेदरल्यान्डसको आम्सटर्डम पुगेर त्यहाँ पाँच महिना हिरासतमा बसेर स्वदेश फर्किएको दावी गरेका छन्। अध्यागमन विभागका महानिर्देशक नारायण सञ्जेल यसलाई असंभव भन्छन् तर गुरुङ आफ्नो फिंगरप्रिन्ट, शरणार्थीको लागि दिएको आवेदन र बयान नेदरल्यान्डसमा रहेकोले दूतावासमार्फत् मगाएर अनुसन्धान गर्न चुनौति दिन्छन्।

भिसा र कागज पत्रविनै प्रकाश त्रिभुवन विमानस्थलबाट आर्केफ्लाइको विमान हुंदै आम्सटर्डम पुगेको घटना जति अपत्यारिलो छ, त्यतिकै रोमाञ्चक पनि। उनले आम्सटर्डमको हिरासतमा भोगेका पीडा उत्तिकै दुखदायी छन्। शरणार्थी बनेर युरोपमा बस्न पाइने लोभमा नेदरल्यान्डसको आम्सटर्डम पुगेका थिए उनी। तर काठमाडौं फर्केपछि उनको दैनिकी युरोप पठाउन सक्रिय समूहलाई बुझाएको साढे ६ लाख रुपैयाँ उठाउन प्रहरी कार्यालय धाउनु बनेको छ।

मंसिरमा आइपुगेका उनले आफ्नो रकम फिर्ता नपाएपछि पुस ११ गते काठमाडौं प्रहरीमा युरेसिया म्यान पावरका अग्नि पौडेल विरुद्ध उजुरी दिएका थिए। उनको उजुरीबाट जोगिन पौडेलले पुनरावेदन अदालत पाटनबाट तत्काल पक्राउ नगर्न निशेधाज्ञा जारी गराएका छन्। प्रकाश सुन्धाराको गेष्ट हाउसमा बसेर रकम उठाउन प्रहरी कार्यालय धाइरहेका छन् ।

पौडेलविरुद्ध गुरुङले दिएको उजुरीका आधारमा महानगरीय प्रहरी परिसरले अनुसन्धान सुरु गरेको छ। उजुरीको प्रकृतिका आधारमा मानव बेचबिखन विरुद्धको कानुन आकर्षित हुने परिसर मुद्धा शाखा प्रमुख लालमणि आचार्यले बताए।

पोखरा निवासी गुरुङका आफन्तले नेदरल्याण्ड्समै बस्ने आफन्तले युरोप पुग्ने यो उपाय बताएपछि उनी बैशाखमा काठमाडौंको बागबजारस्थित युरेसिया म्यानपावर पुगे।

म्यानपावरका पौडेलको नाम र सम्पर्क विवरण उनले नेदरल्याण्ड्सबाटै पाएका थिए।
प्रारम्भमा सहजै भिसा पाइने आश्वासन दिए पनि उनको यात्रा विना भिसा सुरु भयो। 'सुरुमा कानुनी रुपमै पठाउने भन्ठानेको थिए,' उनले नागरिकसँग भने, 'पौडेलले सबै कागजपत्र मिलाउँछु भनेकाले पत्यार पनि लाग्यो।'

गुरुङका अनुसार पौडेलले सेवा शुल्क भन्दै साढे ६ लाख रकम लिएर बैशाख १३ गते बेलुका राहदानीसहित विमानस्थल आउन अह्राए। उनी सामान प्याक गरेर बेलुका सात बजेतिर विमानस्थल पुगे।

प्रकाशजस्तै वीरबहादुर गुरुङ, अमिर गुरुङ, रेशम गुरुङ र युवराज गुरुङसमेत विमानस्थल पुगेका थिए।

प्रकाशका अनुसार विमानस्थल पुगेसम्म उनीहरूको राहदानीमा भिसा लागिसकेको थिएन। 'भिसा खोइ?' भनेर सोध्दा पौडेलले 'भिसाको किन चिन्ता? जान पाए भएन?' भन्दै उनीहरूलाई विमानस्थलको अन्तर्राष्ट्रिय टर्मिनल छिराए।

पौडेलले पाँचैजनालाई किङफिसर एयरलाइन्सको बोर्डिङ्ग र टिकट दिएर विमानस्थल सुरक्षाकर्मीलाई दिल्ली जान लागेको भन्न सिकाएका थिए। सोही अनुसार उनीहरूको ब्यागमा किङफिसर एयरको ट्याग लगाइएको थियो।

पौडेलकै निर्देशनमा उनीहरूले विमानस्थल सुरक्षाकर्मी, अध्यागमनका कर्मचारीलाई दिल्ली जान लागेको बताउँदै प्रहरी, अध्यागमन सुरक्षाकर्मीलाई पार गर्दै यात्रु प्रतिक्षा कक्षमा पाँचै जना पुगे।

'डर लागिरहेको थियो, तर के गर्ने पैसा फसिसकेकाले उनले जे भन भने त्यही भन्यौं,' उनले भने 'उनी अगाडि अगाडि गएर कुरा मिलाउँथे, प्रहरी र अध्यागनका कर्मचारीले यसो हेरे जस्तो गरेर छाडिदिन्थे।'

उनका अनुसार, अन्तर्राष्ट्रिय उडानको यात्रु प्रतिक्षालय पुगेपछि पौडेलले राहदानी सौचालयमा लगेर च्यातेर फ्याक्न लगाएका थिए। त्यसबीचमा उनीहरूको ब्यागमा रहेको किङफिसर एयरको ट्याग समेत निकालिएको थियो।

विमान उडानका लागि तयार भएको जानकारी आएपछि अरु यात्रुहरु टिकट बोकेर विमानतिर लम्किदासम्म उनीहरूको हातमा टिकट आएको थिएन। 'अब फसियो जस्तो लागेको थियो, तर पौडेल केही समयमै हातमा पाँचवटा टिकट लिएर आए,' प्रकाशले भने।
पाँचवटै टिकट डच नागरिकको नामका थिए। उनको टिकटमा पारसोल विस्लरको नाम लेखिएको थियो र सिट नम्बर थियो २६ जी।

गेटमा एक सुरक्षाकर्मी टिकट जाँच गर्दै बसेका भए पनि पौडेलले पाँचै जनाको टिकट एकैचोटी देखाएर विमानस्थलभित्र छिराएको उनले बताए। बाहिर पुगेलगत्तै हतार-हतार बसमा चढे, अनि सहजै आर्के विमानमा उनीहरू पुगे।

आर्के विमान बहराइनमा रोकिएको थियो। विमान आम्सर्टडम पुग्दा बिहानको ६ बजेको थियो। आम्सटर्डम विमानस्थलको अध्यागमनमा पुगेपछि पाँचै जनाले नेपालमा आफूहरू असुरक्षित रहेकाले भागेर आएको दावी गर्दै शरणार्थीका रुपमा बस्न दिन माग गरे।

प्रकाशका अनुसार अध्यागमन कर्मचारीले उनीहरूलाई नियन्त्रणमा लिएर सोधपुछपछि विमानस्थलभित्रै रहेको शरणार्थीसम्बन्धी अनुसन्धान गर्ने सरकारी केन्द्रमा पठाए। पौडेलले भिसा बेगरै नेपालबाट पठाएका थप २ जना नेपाली पनि त्यहाँ भेटिएका थिए।

डच अधिकारीहरूले उनीहरुलाई नेपालबाट भाग्नु परेको कारणबारे तीन दिनसम्म निरन्तर सोधपुछ गरे। प्रत्येक पटक अनुसन्धान अधिकृत परिर्वतन हुन्थे। तर प्रश्न एकै सोध्थे।
'लामो समय पटक-पटक एउटै प्रश्न सोध्दा पहिला के भनिएको थियो भन्ने नै बिर्सिएर हैरान भइयो,' उनले भने 'सबैको थर गुरुङ थियो, उत्तर पनि गोलमाल भएकाले म र वीरबहादुरलाई उनीहरूले विश्वास गरेनन्।'

अन्य तीनजनालाई डच अधिकारीले विश्वास गरी थप छानवीन गर्न शरणार्थीसम्बन्धी 'ओपन क्याम्प'मा पठायो भने उनी र वीरबहादुरलाई 'क्लोज क्याम्प'मा। पाँच महिना क्लोज क्याम्पमा राखेपछि दुबैलाई डच अध्यागमन अधिकारीले आर्के विमानबाटै नेपाल फर्काइदिएका थिए।

नेपाल फिर्ता भए लगत्तै यस्तो प्रक्रियाबाट फर्केकालाई अध्यागमनले नियन्त्रणमा लिएर सोधपुछ गर्ने प्रावधान छ। तर उनले अध्यागमन पुग्नुपरेन। उनी भन्छन् 'हामी ओर्लिएर विमानस्थल आएपछि केही समय एउटा कोठामा राखे। पौडेलले हामीलाई सहजै विमानस्थलबाट बाहिर ल्याएर होटल पठाए।'

पौडेलले प्रकाशको आरोप झूठो रहेको दावी गरे। उनले नागरिकसँग भने 'मैले प्रकाश गुरुङ भन्ने ब्यक्तिलाई चिनेकै छैन।' उनले आफूविरुद्ध प्रहरीसमेतको मिलेमतोका षड्यन्त्र भएकाले सुरक्षाका लागि अदालत गएको दावी गरे। उनले युरेसिया नामको म्यानपावर आफ्नो नभएको र ग्रिनच्यानल नामको ट्राभल एजेन्सी चलाएर बस्ने गरेको बताए।

पौडेलले उजुरीसम्बन्धमा बुधबार काठमाडौं परिसर गएर डिएसपी लालमणि आचार्य र प्रहरी निरीक्षक कृष्ण पंगेनीलाई भेटेको दावीसमेत गरे। दुबै प्रहरी अधिकृतले भने उनी बुधबार प्रहरी कार्यालयमै नआएको दावी गरे। डिएसपी आचार्यले भने 'छलफलका लागि आउनोस् भनेर धेरै पटक बोलाउँदा पनि उनी आएका छैनन्।'

घटना अपत्यारिलो :

प्रकाशको घटना विवरण सुनेलगत्तै अध्यागमन विभागका महानिर्देशक नारायण सञ्जेलले पत्याएनन्। उनले भने 'घटना सुन्दा पत्याउने आधार देखिएन।'

उनका अनुसार विमानस्थलभित्र प्रवेश गरी विमानसम्म पुग्न करिब पाँचवटा सुरक्षा घेरा पार गर्नुपर्छ। भिसा, टिकट र बोर्डिङ पास विना विमानसम्म पुग्न असम्भव रहेको उनले दावी गरे।

त्रिभुवन विमानस्थलका सबै सुरक्षा घेरा छलेर गए पनि नेपाललाई कुनै जानकारी नदिई आम्सटर्डमबाट डिर्पोट हुन नसक्ने उनले बताए। सञ्जेलका अनुसार, गैर कानुनी रुपमा विदेश पुगेका नेपालीबारे सम्बन्धित देशले नेपालको अध्यागमनसँग विवरण मागेर मात्र पूर्व जानकारी पत्र सहित फिर्ता पठाउँछ। उनले भने 'यो घटनाबारे अध्यागमनलाई कुनै जानकारी आएको छैन। जुन सम्भवै छैन।' उनले घटना रोचक भएकाले बिहीबार थप जानकारी लिने बताए

प्रकाशले भने आफू जसरी नै विदेशिएका पाँच नेपाली अहिले आम्सटर्डममा रहेकाले अध्यागमनले चाहेमा अनुसन्धान अगाडि बढाउन सक्ने बताए। उनले भने 'कुनै प्रमाण नलिई म विदेश गए पनि उता मेरा सबै कागजपत्र छन्,' उनले भने, 'मेरो फिंगरप्रिन्ट, शरणार्थीको लागि दिएको आवेदन र बयान त्यहाँ छ। अध्यागमनले चाहेमा दुतावास मार्फत् मागेर अनुसन्धान गर्न सक्छ।'

source:nagarik

बिच क्रिकेट खेल्दै मनीषा :

2011-01-13T09:21:00.000-08:00

पुस २९ (नागरिक) - अभिनेत्री मनीषा कोइराला बिच क्रिकेटको सदभावना दूत भएकी छिन्। होटल र्‍याडिसनमा
बुधबार आयोजित कार्यक्रममा उनलाई एनसेल बिच क्रिकेटको सदभावना दूत नियुक्त गरिएको हो। पर्यटन वर्ष २०११ को अवसरमा आयोजना हुन लागेको बिच क्रिकेटको यो दोस्रो संस्करण हो।

कार्यक्रममा अभिनेत्री मनीषा कोइरालाले भनिन्, 'नेपालमा अन्तर्राष्ट्रिय खेल खेल्न सम्भव छ। यहाँको हावापानी खेलकुद सुहाउँदो छ। अझ बिच क्रिकेट त काठमाडौंमै खेलाउन सकिन्छ। बरू खेल विशेषज्ञले त्यसबारे ध्यान दिनुपर्छ।'

नेपाली युवाहरूमाझ क्रिकेट र फुटबल प्रसिद्ध छ। यसको उदाहरणको रूपमा छोटो समयमै फस्टाएको क्रिकेटलाई उनले उद्धृत गरिन्। उनले खेलमा लाग्नुभन्दा पनि यस क्षेत्रलाई सघाउन इच्छुक रहेको जानकारी गराइन्।

'म खेलका विशेषज्ञलाई सघाउन सक्छु। खेलकुदसम्बन्धी संस्था खोल्ने इच्छा र योजना चाहिँ छैन,' उनले प्रष्ट्याइन्। बलिउड कलाकारहरूले धमाधम क्रिकेट टिम किनिरहेको सन्दर्भमा मनीषाले भने टिम किन्ने सोच नरहेको बताइन्, 'खेलकुदमा रुचि छ भन्नुको मतलब टिम नै किन्छु भन्ने होइन।'

केही समयअघि नेपाली क्रिकेट मैदानको फोटो संकलन गरेर आफूले भारतीय क्रिकेट स्टार सौरभ गांगुलीसँग कुरा गरेको समेत सुनाइन्। 'उनी नेपाली क्रिकेटलाई सहयोग गर्न इच्छुक देखिएका छन्,' उनले भनिन्। एनसेल बिच क्रिकेटमा मनीषाले पनि खेल्ने छिन्।

सांग्रिला क्रिकेट एकेडेमीले एनसेल बिच क्रिकेटको आयोजना गर्न लागेको हो। कार्यक्रममा बोल्दै सांग्रिला क्रिकेटका अमिर अख्तरले भने, 'नेपालको खेलकुद विकासमा मनीषा कोइरालाको सहभागिताले उत्साही बनाएको छ। आगामी दिनमा पनि उनी खेलकुद गतिविधिमा सहभागी हुन चाहन्छिन्,' उनले भने।

अमिरका अनुसार सबैका लागि खेलाइने खेलको सुरुवात मनीषाले गर्नेछिन्। एनसेलकी सूचना अधिकृत सञ्जु कोइरालाले खेलबारे कर्पोरेट हाउसको उत्साह सकारात्मक रहेको बताइन्। अझ मनीषाको सहभागिताले एनसेललाई पनि सहयोग पुगेको उनले जनाइन्।
मनीषाका अनुसार काठमाडौं र पोखराको मौसमले सबै किसिमको काम गर्न साथ दिन्छ। 'मलाई क्रिकेट हेर्दा मज्जा लाग्छ। बिच क्रिकेट एकपटक खेल्छु,' उनले दोहोर्‍याइन्।

नेपालका पूर्व प्रशिक्षक रोय डायसले एकपटक आफूसँग काठमाडौंमा क्रिकेटको राम्रो रंगशाला बनाउन सम्भव रहेको बताएको पनि उनले सुनाइन्।

पर्यटन वर्षको अवसरमा नेपालको पर्यटनलाई प्रवर्द्धन गर्नेतर्फ आफ्नो ध्यान केन्द्रित भएको र उक्त कार्यमा बिच क्रिकेटले सघाउ पुग्ने उनको आशा छ। 'पर्यटन र खेललाई सँगै लान सके नेपालमा दुवै क्षेत्र फस्टाउँथ्यो,' उनले भनिन्।

आगामी फागुन १३ मा धादिङको कुरिनटारमा सुरु हुने एनसेल बिच क्रिकेटमा ३६ टोलीको सहभागिता रहनेछ। यी टोलीहरू अन्तर संस्थान र बैंकमा विभाजित भएर खेल्ने छन्। कुरिनटारस्थित रिभरसाइड स्प्रिङमा सञ्चालन हुने खेलमा फागुन १३ र १४ मा संस्थानले खेल्ने छन्। त्यस्तै फागुन २० र २१ मा बैंकहरूले खेल्नेछन्।

source:nagarik

गुडिरहेको माइक्रोमा आगो लाग्यो :

2011-01-13T09:19:00.000-08:00

काठमाडौं, पुस २९ - राजधानीको बबरमहलमा बिहीबार अपरान्ह गुडिरहेको माइक्रोमा
आगलागी भएको छ ।
यात्रु बोकेर बानेश्वरबाट रत्नपार्क जाँदै गरेको बा १ ज ६३२१ नम्बरको ग्याँसबाट चल्ने माइक्रोमा आगलागी भएको प्रहरी निरीक्षक बीरबहादुर बुढाले जानकारी दिए । चालक सीट नजिकैको तारबाट विद्युत सर्ट भएर आगलागी सुरु भएको प्रहरीको भनाइ छ । आगलागी सुरु भएलगत्तै यात्रुहरु उत्रिएकाले मानवीय क्षति भने भएन ।
बारुण यन्त्रको सहयोगले माइक्रोमा लागेको आगो नियन्त्रणमा लिइएको प्रहरी निरीक्षक बुढाले जानकारी दिए ।

source:kantipur

काठमाडौं जुम्ल्याहा विश्व व्यापार केन्द बन्ने :

2011-01-13T09:17:00.001-08:00

न्युयोर्क, पुस २९ - जुम्ल्याहा विश्व व्यापार केन्द्र भवन । धेरैको कल्पनामा आउँछ, ‘सेप्टेम्बर ११’ अघिको न्युयोर्क शहरको त्यो गगनचुम्बी महल । नेपालमा
कहिले बन्ला त्यस्तो ?
यदि तपाई यो परिकल्पना गर्दै हुनुहुन्छ भने यसले साकार रुप लिने संकेत देखिएको छ । यस बिषयमा बुधबार न्युयोर्कको विश्व व्यापार केन्द्रमा नेपाल र विश्व व्यापार केन्द्र संघबीच प्रारम्भिक हस्ताक्षर सम्पन्न भएको छ ।
ग्राउण्ड जिरोमा अवस्थित विश्व व्यापार केन्द्रको भवनमा आयोजित एक कार्यक्रममा नेपालको तर्फबाट नेपाल उद्योग वाणिज्य महासंघका अध्यक्ष कुश कुमार जोशी र विश्व व्यापार केन्द्र संघका तर्फबाट निर्देशक रोवर्ट जे फुरेले हस्ताक्षर गरेका छन् । भवन निमार्णका लागि प्रस्ताव सहित सदस्यताका लागि प्रारम्भिक हस्ताक्षर भएको हो ।
उद्योग वाणिज्य महासंघका अध्यक्ष जोशीले ईकान्तिपुरसंग कुरा गर्दै भने ‘यो हस्ताक्षर पछि एक महिना भित्र हामीले हाम्रो व्यापारिक परियोजना प्रस्ताव गर्दैछौ । स्वीकृती आएपछि भवन निमार्ण शुरु हुन्छ ।’
भवन काठमाडौंमा निर्माण गरिने छ । हस्ताक्षर कार्यक्रममा नेपाली प्रतिनिधी मण्डल सहित नेपाली दुतावासका कालीप्रसाद पोख्रेलको पनि उपस्थिती थियो । हस्ताक्षर पत्रमा संसारका दुई ठुला अर्थतन्त्र भएका चीन र भारत माझ अवस्थित नेपालमा भवनको निर्माणले विश्व अर्थतन्त्रमा सकारात्मक प्रभाव पर्ने दावी नेपाली पक्षले गरेको छ ।
सन २००२ मा विश्व व्यापार संघको सदस्यता प्राप्त गरेपनि नेपालमा विश्व व्यापार केन्द्र निर्माण हुन सकेको छैन् । जोशीले थपे ‘विश्व व्यापारको सांकेतिक स्वरुप मानिने जुम्ल्याहा भनवको निर्माणले हाम्रो व्यापारिक हैसियतलाई विश्व माझ प्रवाहित पार्नेछ ।’ विश्वका १५ शहरमा भवन स्थापना गर्ने उदेश्य सहित सन् १९७० मा स्थापना भएको विश्व व्यापार केन्द्रको मापदण्ड अनुसार हाल सम्म विश्वका एक सय भन्दा बढी देशमा तीन सय २० वटा व्यापारिक केन्द्रहरु अस्तित्वमा छन् ।
भवन निर्माण विश्व व्यापार केन्द्रको मापदण्ड अनुसार गर्नेपर्नेछ । भवन निमार्णका लागि विश्व व्यापार केन्द्रको स्वीकृत पाएपछि उद्योग वाणिज्य संघले सरकारसंग जग्गाको माग गर्ने योजना रहेको छ । भवनमा सम्मेलन कक्ष, प्रर्दशनी कक्ष सहित पाँच तारे होटल हैसियतको आवास कक्षको निर्माण गरिने योजना छ् । त्यसका अतिरिक्त विभिन्न व्यापारिक नियोगका लागि कार्यालय कक्षको निर्माण गरिने छ ।

source:nagarik

निराश पौडेल, हर्षित दाहाल

2011-01-13T09:16:00.000-08:00

काठमाडौं, पुस २९- बहुमतीय प्रक्रियाबाट पनि छ महिनासम्म प्रधानमन्त्री चुन्न नसक्ने तीन प्रमुख दलका
नेताहरूले प्रक्रिया समाप्त भएपछि पुनः राष्ट्रिय सहमतिको सरकार बनाउने बताएका छन्।

एकीकृत माओवादी अध्यक्ष पुष्पकमल दाहालले धेरै पहिले हुनुपर्ने कुरा अहिले भएको बताए। उनले भने, 'नयाँ प्रक्रियामा सहमति खोज्ने र छिटोभन्दा छिटो प्रधानमन्त्रीको निर्वाचन गर्ने कुरामा सबै पार्टी आइपुगेका छन्।'

उम्मेद्वारी फिर्ता लिने क्रममा देउवाले पनि सहमतिको लागि फिर्ता गरेको बताएको उल्लेख गर्दै दाहालले भने, 'संविधानसभामा व्यक्त जनमत अनुसार सहमतिको सरकार बनोस्। माओवादीले संविधानसभाको ठूलो दलको नाताले सरकारको नेतृत्व पाउनुपर्छ भन्ने दाबी छ।'

कांग्रेस संसदीय दलका नेता रामचन्द्र पौडेलले पनि एमाले र माओवादीसँगका छलफलबाट सहमतिको दिशामा अघि बढ्ने समझदारीअनुसार उम्मेद्वारी फिर्ता गरेको बताए। 'शान्ति र लोकतान्त्रिक संविधान निर्माणको बाटोमा यसरी अघि बढ्दा हुन्छ भन्ने समझदारी बनेपछि हामी उम्मेद्वारी फिर्ता लिन सहमत भयौं', उनले भने।

पौडेलले सहमतिबाटै नयाँ सरकार निर्माण गर्ने सहमति भएको पनि बताए। उनले भने, 'संविधान निर्माणमा भएका असहमति पनि दूर हुन्छन्, अन्मिन गएर पनि क्यान्टोनमेन्ट र हतियारको व्यवस्थापनसम्मका कुरा, शान्ति प्रक्रियालाई टुंगोमा पुर्‍याउने बारेमा पनि हाम्रो बीचमा एउटा समझदारी बन्यो।' अबको सरकारको नेतृत्व कांग्रेसले गर्ने र कांग्रेसका तर्फबाट प्रधानमन्त्रीको उम्मेद्वार आफू नै रहने पनि उनले बताए।

एमाले अध्यक्ष झलनाथ खनालले पनि सदनको तेस्रो ठूलो दलको हैसियतमा एमालेले सरकारको नेतृत्व गर्ने घुमाउरो शैलीमा बताए। 'एमालेले जुन भूमिका खेल्दै आएको छ, मुलुकलाई अगुवाइ गर्नसक्छ', उनले भने।

एमालेले पहिलादेखि भन्दै आएअनुरुप नै राष्ट्रिय सहमतिको प्रयत्नका साथ अघि बढ्छ', उनले भने, 'राष्ट्रिय सहमति नगरी शान्ति र संविधान बनाउन सक्दैनौं। सरकार निर्माण हुँदा सहमतिको सरकार बन्छ कि बहुमतको, यो हामीबीचको समझदारीमा निर्भर गर्छ। हाम्रो सामु अर्जुनदृष्टिका रूपमा शान्ति र संविधानलाई हेर्नुपर्छ। शान्ति र संविधान पूरा गर्ने ग्यारेन्टी दिने कोणबाट हामीले नयाँ सरकार निर्माणको थालनी गर्नुपर्छ।'

नेतृत्व कसले गर्ने भन्ने प्रश्नमा उनले भने, 'जसले सबै पार्टीको चित्त बुझाउन सक्छ, कम्तिमा बहुमतको चित्त बुझाउन सक्छ, त्यसको नेतृत्वमा सरकार बन्ने कुरा सामान्य ज्ञानको कुरा हो।'

source:nagarik

HINDI MOVIE - Isi Life Mein

2011-01-13T07:42:00.000-08:00

WATCH PART - 1
WATCH PART - 2
WATCH PART - 3
WATCH PART - 4
WATCH PART - 5
WATCH PART - 6
WATCH PART - 7
WATCH PART - 8

"जिरे खुर्सानी" - JANUARY - 10 - 2011

2011-01-12T11:54:00.000-08:00