Xeración Xabarín

Escola de Hip-hop (Coke e Wöyza)

2012-02-06T17:48:00.000+01:00

- Título: Escola de Hip-hop
- Artista: El Puto Coke e Wöyza
- Emitido no programa: Xabarín Club (TVG)

Letra:

Van chegando xa os alumnos até a escola de hip-hop,
nenas, nenos, é o que queren, non queren saber de pop.
Á primeira hora a materia é MC:
Colle un boli, escribe liñas, para no micro cuspir.
Podes rapealo lento,
ou podes rapealo rápido,
falar da túa tristura ou do teu bo estado de ánimo.
Se podes sentir tamén podes improvisar,
proba a rimar iso que pola testa che está a pasar.
Na aula de scratching entre mesas e pratos,
facendo cortes limpos, trucos guapos.
Isto á segunda hora, á terceira o ximnasio,
na clase de breakdance o mestre éche un armario.
O estilo do Mario, as voltas que dá o Fermín,
din por aí que son estrelas, xa saen no Xabarín!
Á cuarta toca graffiti,
ao Pepe quédanlle guai,
plasma o bosquexo na parede coa súa arte en spray.

Escola hip-hop, hip-hop,
(hip-hop, hip-hop)
escola hip-hop, hip-hop,
(a túa escola!)
escola hip-hop, hip-hop,
(hip-hop, hip-hop)
escola hip-hop, hip-hop,
(hip-hop, hip-hop)

Seica todos os rapaces van facendo beat box
para que esa peña vaia rimando co son,
improvisación mentres alto corean "Wo! Wo!",
Wöyza quere hoxe ouvir a nova xeración,
unha escola que che ensina o que noutras non.
Cando cantes ti por riba asubiaremos nós,
sen vergoña, veña, dálle, vai saíndo o flow,
sae de aquí séndoche un todo para o que aquí estudou.

Escola hip-hop, hip-hop,
(hip-hop, hip-hop)
escola hip-hop, hip-hop,
(a túa escola!)
escola hip-hop, hip-hop,
(hip-hop, hip-hop)
escola hip-hop, hip-hop,
(hip-hop, hip-hop)

Cando son bo son moi bo (Ectoplasma)

2012-01-05T23:37:00.001+01:00

- Título: Cando son bo son moi bo
- Artista: Ectoplasma
- Emitido no programa: Xabarín Club (TVG)

Letra:

Nena, son o neno problema
do pupitre de atrás,
pero estou tolo pola túa melena
non podo estudar.

É como se as miñas hormonas estouparan,
sei que agora necesito un bico
pero aínda non sei por que.

Cando son bo son moi bo,
cando son bo son moi bo,
cando son un pillabán son mellor.

Morro por bicarte
como fan papá e mamá
estou perdido, estou confundido,
e sei que ti aínda máis.

Toco a guitarra cando non podo usar palabras.

Papá ten unha nova noiva,
mamá ten a Christian Dior,
ninguén explica todo o que eu sinto,
o que sentimos os dous.

Falo con palabras que rimen co teu nome.

Busquei na Internet que é o que me pasa,
e toda a resposta é o amor.

Cando son bo son moi bo,
cando son bo son moi bo,
cando son un pillabán son mellor.

Cando son bo son moi bo,
cando son bo son moi bo,
cando son un pillabán son mellor.

Cando son bo son moi bo,
cando son bo son moi bo,
cando son un pillabán son mellor.

A festa son eu (Lamatumbá)

2012-01-05T23:31:00.002+01:00

- Título: A festa son eu
- Artista: Lamatumbá
- Emitido no programa: Xabarín Club (TVG)

Letra:

Escoita porco bravo!

Teño unha festa no meu peito
que é o motor da miña vida,
sei que a levo ben adentro
para que non se apague o día.

Se algunha vez chega o inverno
o meu peito fica quentiño,
e así quecen as ideas
e así quentan os sentidos.

Forza que sae do teu peito
é a razón do teu dereito.
Racha coas túas cadeas,
enche de lume as túas veas.

Forza que sae do teu peito
é a razón do teu dereito.
Racha coas túas cadeas,
enche de lume as túas veas.

Teño unha festa no meu peito
a bater cada segundo,
se me cómpre unha viaxe
aquí dentro teño un mundo.

Ao chegar a primavera
o letexo ponse ao mando,
para namorar de novo
e así seguir camiñando.

Forza que sae do teu peito
é a razón do teu dereito.
Racha coas túas cadeas,
enche de lume as túas veas.

Forza que sae do teu peito
é a razón do teu dereito.
Racha coas túas cadeas,
enche de lume as túas veas.

1994 (Moita Leria)

2011-09-16T20:14:00.000+02:00

- Título: 1994
- Artista: Moita leria
- Emitido no programa: Xabarín Club (TVG)

Curiosidades:

- O título da canción, 1994, fai referencia ao ano en que se comezou a emitir o Xabarín Club.

Letra:

Cando xogabamos na escola
a tirar o trompo e á mariola,
ir atrás das mozas levar labazadas,
que chas daban elas por ter as mans largas.

Cambiabamos os cromos,
comentabamos as xogadas
de Son Goku e Hattori,
escoitabamos Heredeiros,

Faciamos cabanas nas praias
até entrar a madrugada
con catro cachopos e un par de pallas.

Amantes do risco en monopatín,
fieis seguidores do Xabarín.
Amantes do risco en monopatín,
fieis seguidores do Xabarín.

Chegar á casa e prender a consola,
un vaso de gasosa e unha merendola,
coller forzas para empezar
a ver a Silvia Superstar,
temendo que marche e ter que estudar.

Amantes do risco en monopatín,
fieis seguidores do Xabarín.
Amantes do risco en monopatín,
fieis seguidores do Xabarín.

Rock Xabarín (Ruxe-Ruxe)

2011-09-16T01:27:00.000+02:00

- Título: Rock Xabarín
- Artista: Ruxe-Ruxe
- Emitido no programa: Xabarín Club (TVG)

Letra:

Onda os ríos, onda as fontes, nos regatos pequenos,
habita un animal ao lado dos ameneiros.
Co fociño alongado e dentellos no peteiro,
é o novo heroe amiguiño dos nenos.

Aí anda o Xabarín, aí anda o Xabarín!
Oink! Oink! Oink!
Aí anda o Xabarín, aí anda o Xabarín!
Oink! Oink! Oink!
Xa vén polas ondas, xa vén cara a aquí,
sintoniza axiña... o Xabarín.

Xogando ao futebol no patio do colexio
ou vestindo mariquiñas á hora do recreo.
No local de ensaio bourando no tambor
ou na clase de historia trabando ao profesor.

Aí anda o Xabarín, aí anda o Xabarín!
Oink! Oink! Oink!
Aí anda o Xabarín, aí anda o Xabarín!
Oink! Oink! Oink!
Xa vén polas ondas, xa vén cara a aquí,
sintoniza axiña... o Xabarín.

E atravesa os roleiros, e sobe aos sabugueiros,
pasa lista ao clube, outea os carreiros.
E coa chupa de coiro e as 'gafas' de sol
no televisor baila o Rock&Roll.

Aí anda o Xabarín, aí anda o Xabarín!
Oink! Oink! Oink!
Aí anda o Xabarín, aí anda o Xabarín!
Oink! Oink! Oink!
Xa vén polas ondas, xa vén cara a aquí,
sintoniza axiña... o Xabarín.

É o Rock Xabarín! É o Rock Xabarín!
Baila cos Ruxe-Ruxe o Rock Xabarín!
É o Rock Xabarín! É o Rock Xabarín!
Canta cos Ruxe-Ruxe o Rock Xabarín!

Don't forget me in the ocean (Pulpiño Viascón)

2011-09-15T23:48:00.009+02:00

- Título: (Don't forget me) In the ocean
- Artista: Pulpiño Viascón
- Emitido no programa: Xabarín Club (TVG)

Curiosidades:

- Este tema foi o gañador do concurso A polo ghit 2006, organizado por Vieiros e a Radio Galega.
- O premio do concurso era, precisamente, gravar un videoclip para ser emitido no Xabarín Club.
- Aínda se pode acceder á web do certame en http://vello.vieiros.com/especiais/apologhit06/
- A letra da canción está nunha mistura entre galego, inglés e castelán.

Letra:

Don't forget me in the ocean,
wow, wow, wow,
in the ocean.

Don't forget me in the ocean,
wow, wow, wow,
in the ocean.

Eres o raio de sol
que entra en mi ventana
a primeira gota que cae
de chuvia de chuvia eres tú...
meu amor.

Hoxe son un grilo e mañá un caimán
podo transformarme en tu almohada
para só durmir, só durmir...
contigo.

Don't forget me in the ocean,
wow, wow, wow,
in the ocean.

Don't forget me in the ocean,
wow, wow, wow,
in the ocean.

Bocata e futbolín (Iván Ferreiro)

2011-09-15T23:24:00.002+02:00

- Título: Bocata e futbolín
- Artista: Iván Ferreiro
- Emitido no programa: Xabarín Club (TVG)

Letra:

No club Xabarín imos celebrar
a festa máis grande que poidas soñar.
Sen parar de cantar, prohibido prohibir,
estás convidado se ti queres vir.

Con Lucas e André, Shin Chan e Krilin,
Mestre Tartaruga, Sarita e David.
Uxía tamén falou con Ten Shin Han
e pronto Son Goku e Son Gohanda.

O adestrador está a organizar
un bo partido das estrelas.
Os nenos, que son os socios do club,
ficharon de árbitro a Xisela.

E din que ti es Bóla do Dragón,
a onda vital que non pode faltar.
Poder merendar metendo algún gol,
facendo un remate de cabeza.

Para para paaa...

A televisión pode ser mellor
se vemos debuxos con Roberto.
Piccoro voou, Antía saltou
coa imaxinación é todo certo.

Debo confesar que me namorei
de Bulma, da súa forma de correr.
O seu pelo azul de Enki Bilal,
desfruto dos cómics tanto coma ti...

No clube Xabarín,
Bóla do Dragón,
bocata e futbolín.

No club Xabarín imos celebrar
a festa máis grande que poidas soñar.
Sen parar de cantar, prohibido prohibir,
estás convidado se ti queres vir.

Ao clube Xabarín,
Bóla do Dragón,
bocata e futbolín.

Se ti queres vir
ao clube Xabarín,
Bóla do Dragón,
Son Goku e Krilin.

Quero xamón (Miguel Costas e Aerolíneas Federales)

2011-06-07T23:56:00.004+02:00

- Título: Quero xamón
- Artista: Miguel Costas e Aerolíneas Federales (Miguel Costas)
- Clip: Imaxes do filme A revolta dos animais (Animal Farm) e de diversas curtametraxes de Tex Avery
- Emitido no programa: Xabarín Club (TVG)

Curiosidades:

- Miguel Costas, Federico Flechini e Silvino D. Carreras montaron en 1981 Aerolíneas Federales.
- Neste tempo, Miguel Costas continuaba a ser o cantante e guitarrista de Siniestro Total.
- Deste proxecto musical formaron parte tamén Silvino Santamaría, Coral Alonso e Rosa Costas.
- O grupo, que desapareceu a finais da década de 90, deixou éxitos como No me beses en los labios.

Letra:

Eu o que quero é xamón,
xamón, xamón, xamón,
xamón, xamón!

Todo o mundo ignoroume,
é a historia da miña vida.
Dende que ao mundo cheguei,
sempre perdo a partida.

Ninguén me fai ningún caso
e eu perdo a paciencia.
Odio os “camaretas”,
odio os “camaretas”.

E eu sigo aquí sentado,
mentras serven aos do lado.
E grito sen contemplación,
que me traian a miña ración.

Xamón, xamón, xamón,
xamón, xamón, xamón,
xamón, xamón, xamón,
curado!

Quero unha ración!

Eu o que quero é xamón,
xamón, xamón, xamón,
xamón, xamón!

Eu non quero Pata Negra,
dáme igual, calquera cousa,
uns cachos deses que sobran
e que serven para facer sopa.

Ninguén me fai ningún caso
e eu perdo a paciencia.
Odio os “camaretas”,
odio os “camaretas”.

E eu sigo aquí sentado,
mentras serven aos do lado.
E grito sen contemplación,
que me traian a miña ración.

Xamón, xamón, xamón,
xamón, xamón, xamón,
xamón, xamón, xamón,
curado!

Quero unha ración!

Eu o que quero é xamón,
xamón, xamón, xamón,
xamón, xamón!

Inmersión (La Marabunta)

2011-06-07T03:30:00.002+02:00

- Título: Inmersión
- Artista: La Marabunta
- Clip: Imaxes das series O Inspector Gadget (Inspecteur Gadget) e As bólas máxicas (Dragon Ball)
- Emitido no programa: Xabarín Club (TVG)

Letra:

Inmersión, inmersión, inmersión,
imos de excursión,
inmersión, oh, oh, oh.

Preparados para a inmersión,
todo o mundo aos seus postos,
o submarino todo está disposto a zarpar.

Abaixo o periscopio,
que alguén peche a escotilla,
ímonos de festa polo fondo do mar.

Baixamos a cen pés, e cruzamos a ría,
cetáceos e crustáceos mergúllanse con nós.
Pagamos a peaxe na autoestrada submarina
onde traballa o gran tiburón.

Inmersión, inmersión, inmersión,
imos de excursión,
inmersión, oh, oh, oh. (x2)

Levamos os torpedos cargados de albariño,
música de baile soa polo sonar.
Somos os fillos gamberros do capitán Nemo,
avante toda baixo o casquete polar.

Buscamos o gran choco gris metalizado,
o mexillón doente, triste, desolado.
levamos alegría até o fondo do mar,
mellor vénte conosco, se non sabes nadar.

Inmersión, inmersión, inmersión,
imos de excursión,
inmersión, oh, oh, oh. (x2)

Son un mexillón, mais estou doente,
quero un 'Optalidón', teño dor de dentes,
tempo de vagar na miña butaca,
apagade ese sonar que teño resaca.

Ide amodiño nese submarino,
coidado coas bateas,
os meus amigos viven nelas.

Inmersión, inmersión, inmersión,
imos de excursión,
inmersión, oh, oh, oh.

Non teño diñeiro (Aerolíneas Federales)

2011-06-05T21:23:00.004+02:00

- Título: Non teño diñeiro
- Artista: Aerolíneas Federales (L. Santamaría / Silvino Díaz)
- Clip: Imaxes das series Ricos e Mocosos (Rugrats), Sherlock Holmes (Meitantei Hōmuzu) e Bule Bules (Beverly Hill Teens)
- Emitido no programa: Xabarín Club (TVG)

Curiosidades:

- Esta canción foi composta por Luís Santamaría e Sivino Díaz.
- Os mesmos autores compuxeron tamén Non podo parar das Incribles Páncreas.
- O guitarrista de Aerolíneas Federales, Miguel Costas, acaba de sacar disco, Condenados a Costas.

Letra:

Non podo comer, nin beber, desfrutar, despilfarrar,
nin comprar, nin gastar, investir, endebedar
producir, estudar ou pagar.

Non teño diñeiro, nin tampouco o quero!

Non podo aforrar, emprestar, enriquecer ou axudar,
apostar, nin crecer, progresar nin prosperar,
relear e cambiar ou pagar.

Non teño diñeiro nin tampouco o quero!
Non, non, non teño diñeiro,
non, non, non teño diñeiro,
non, non, non teño diñeiro,
non, non, non teño diñeiro.

Non podo repartir, asumir, permutar ou enganar,
financiar ou deber, viaxar, especular,
axudar, nin prestar, nin pagar.

Non teño diñeiro nin tampouco o quero!
Non, non, non teño diñeiro,
non, non, non teño diñeiro,
non, non, non teño diñeiro,
non, non, non teño diñeiro.

Non teño diñeiro nin tampouco o quero!

Non teño haber, nin que ter, que farei ou que serei,
non terei nin pesetas, nin duros, nin reais
e non teño avais, que farei?

Non teño tarxetas, nin bonos permutables.
Non, non, non teño diñeiro,
non, non, non teño diñeiro,
non, non, non teño diñeiro,
non, non, non teño diñeiro.

Xa vén o Xabarín (Os Diplomáticos de Monte Alto)

2011-06-05T17:20:00.000+02:00

- Título: Xa vén o Xabarín
- Artista: Os Diplomáticos de Monte Alto (Xurxo Souto)
- Clip: Imaxes da serie A banda do galiñeiro (Chicken Minute)
- Emitido no programa: Xabarín Club (TVG)

Curiosidades:

- Este foi o primeiro videoclip da A Cantar con Xabarín, que se estreou en xuño de 1994.
- O clip montouse con imaxes dunha das primeiras series do Xabarín, A banda do galiñeiro (Chicken Minute).
- Os Diplomáticos de Monte Alto son, despois de La Marabunta, o grupo que máis traballou para o porco bravo.

Letra:

O galiñeiro anda arroutado,
aí vén o porco bravo,
o ghaliñeiro anda doente,
aí vén o rei da xente.

Xa vén o Xabarín! Xa! Xa!
Xa vén o Xabarín! Xa! Xa!
Xa vén o porco bravo!
Aí vén o Xabarín!

Xabarín deixou o monte,
veu para a capital
a tropa da tralla está bailando ská.
Veu para a capital cos colegas enredantes,
moito coidadiño porcos repugnantes.

Xa vén o Xabarín! Xa! Xa!
Xa vén o Xabarín! Xa! Xa!
Xa vén o porco bravo!
Aí vén o Xabarín!

Cheirando a bravío, cheirando a bravú.
Licor de landras, licor landrú.

Xa vén o Xabarín! Xa! Xa!
Xa vén o Xabarín! Xa! Xa!
Xa vén o porco bravo!
Aí vén o Xabarín!

Marica se vas á feira,
cómprame un porco rabelo,
que se mo compras con rabo
non me cabe no cortello.

Marica se vas a feira,
cómprame un porco rabelo,
que se mo compras con rabo
non me cabe no cortello.

Xa vén o Xabarín! Xa! Xa!
Xa vén o Xabarín! Xa! Xa!
Xa vén o porco bravo!
Aí vén o Xabarín!

O soño de viaxar (Manuel Manquiña)

2011-06-05T00:15:00.000+02:00

- Título: O soño de viaxar
- Artista: Manuel Manquiña
- Emitido no programa: Xabarín Club (TVG)

Letra:

Se o teu soño é viaxar
non tes máis que espertar.
Pecha os ollos e verás
como estás noutro lugar.

En marcha os motores,
a nave despegou,
saíndo cara ao espazo estelar,
sen medo alá vou.

Vexo ao lonxe a miña terra,
un punto entre un millón.
E mando unha mensaxe virtual
á altura de Plutón, de Plutón.

Choquei cun gran cometa,
topei cunha osa menor,
queimáronme os raios dun sol,
non podía irme peor.

Dun chimpo desde a lúa,
con éxito aterrei,
agora todos queren saber,
pois pensan que toleei, toleei.

Sabes de onde vés?
De París.
Sabes a onde vas?
A Berlín.
Sabes onde estás?
En Pequín.
E onde aínda non?
En Hong Kong (con King Kong).

Se o teu soño é viaxar
non tes máis que espertar.
Pecha os ollos e verás
como estás noutro lugar.

Choquei cun gran cometa,
topei cunha osa menor,
queimáronme os raios dun sol,
non podía irme peor.

Dun chimpo desde a lúa,
con éxito aterrei,
agora todos queren saber,
pois pensan que toleei, toleei.

Sabes de onde vés?
De París.
Sabes a onde vas?
A Berlín.
Sabes onde estás?
En Pequín.
E onde aínda non?
En Hong Kong (con King Kong).

Se o teu soño é viaxar
non tes máis que espertar.
Pecha os ollos e verás
como estás noutro lugar.

Porco Superstar (Xabarin & Xababanda)

2011-06-04T20:28:00.000+02:00

- Título: Porco Superstar
- Artista: Xabarín & Xababanda (Nicolás Pastoriza / Pablo Novoa)
- Emitido no programa: Xabarín Club (TVG)

Letra:

Estou no cumio, estou ben aquí,
mais pola rúa xa non podo saír,
teño paparazzi pendentes de min,
a xabamanía non parece ter fin.

Pi-pi-uh, agora son,
pi-pi-uh, superstar,
pi-pi-uh, porco superstar.

No clube somos case cen mil,
estou a falar da Xeración Xabarín.
Son o rei da audiencia,
crack da televisión,
a beira mais porca do rock and roll.

Pi-pi-uh, agora son,
pi-pi-uh, superstar,
pi-pi-uh, porco superstar.

Vivo nun pazo chamado Xabaland,
cunha piscina que semella un Xe
falo en terceira persoa
cando se trata de min
e para coidar a voz
viaxo en limousine
XabaGuai, XabaBanda, XabaXira, XabaShow
e agora XabaFilm!

Son o porco multimedia,
son un porco feliz!

Pi-pi-uh, agora son,
pi-pi-uh, superstar,
pi-pi-uh, porco superstar.

Manda Truco (Manda Truco)

2010-12-31T21:06:00.002+01:00

- Título: Manda Truco
- Emitido no programa: Manda Truco (Xabarín Club, TVG)

Letra:

No mundo máxico das mans de Truco,
se queres dar nun tris coa treta
e velo claro nun ves, non ves?
Pensa coas mans e non cos pés.

Pero, manda truco, nas mans de Truco,
ou teñen vida de seu as mans?
Mantén os ollos ben abertos,
saberás quen é o mandamais.

Da man para o pé virache a man,
ser o que máis manda sen chegar ás mans.
Manda truco!
Mándalle outro máis!

Da man para o pé virache a man,
ser o que máis manda sen chegar ás mans.
Manda truco!
Mándalle outro máis!

Iso está mal, iso está mal (Seguriño)

2010-12-31T21:02:00.002+01:00

- Título: Iso está mal
- Artista: Seguriño
- Emitido na curtametraxe: Seguriño (TVG) [E diversos spots da TVG]

Letra:

Seguriño, Seguriño!

Para chegar ao bus a tempo
sen ter que apurar
non fagas o tardón
á hora de almorzar.

Seguriño, Seguriño!

Ten coidado,
respecta os sinais,
camiña con sentido,
non empurres os demais.

Iso está mal, iso está mal,
iso está mal, está moi mal!

Cando chegues á parada
non has de correr,
pois da beirarrúa,
podes caer.

Seguriño, Seguriño!

Diante do bus
non has de cruzar
pois un automóbil
pódete atropelar.

Iso está mal, iso está mal,
iso está mal, está moi mal!

Acolle estes consellos,
ten sentidiño,
son o teu amigo
Seguriño.

Seguriño, Seguriño!

Iso está ben, está moi ben!

Xabaguai (Manqui, Xabarín, Siniestro Total)

2010-12-26T23:34:00.003+01:00

- Título: Xabaguai
- Artista: Xabarín, Manquiña & Siniestro Total (Manolo Romón / Siniestro Total)
- Clip: Imaxes da serie A banda do galiñeiro (Chicken Minute)
- Emitido no programa: Xabarín Club (TVG)

Curiosidades:

- Esta letra é de Manolo Romón, compañeiro de Antón Reixa no Grupo de Comunicación Poética Rompente.

- Manquiña tamén participou noutros vídeos para o Xabarín como Prefiro bailar twist.

- O tema está incluído no álbum de Siniestro Total ¿Quiénes somos? ¿De dónde venimos? ¿A dónde vamos?.

Letra:

Non llo digas nin llo contes a teus pais,
é un misterio é un segredo singular.
Este baile divertido e tan plural
ten un nome que se chama Xabaguai.

Oink-oink-oink...
E ti! Non sexas animal, non o fagas mal!

Se andas amolado e a cousa non che vai,
non me contes o teu conto non o vou tragar.
É mellor non pensalo e deixalo estar.
Veña! Ven bailar connosco o Xabaguai!

Pon fociño de asasino e a xirar,
ergue os lacóns co teu veciño e move as mans,
dálle ao cu e bota un bote para atrás,
xa non poderás parar en todo o verán.

E ti! Non sexas animal, non o fagas mal!

Oink-oink-oink...

Pon fuciño de asasino e a xirar,
ergue os lacóns co teu veciño e move as mans,
dálle ao cu e bota un bote para atrás,
xa non poderás parar en todo o verán.

Oink-oink-oink...

E ti, non sexas animal, non o fagas mal!
Ei ti, non sexas animal, baila o Xabaguai!

Superheroe (Blood Filloas)

2010-12-26T23:32:00.001+01:00

- Título: Superheroe
- Artista: Blood Filloas (Luís M. Calvo / Daniela Alonso)
- Clip: Carlos Alberto Alonso
- Emitido no programa: Xabarín Club (TVG)

Letra:

Era un pequeno sen ninguha diversión,
non me gustaba nin a televisión.
Tan só quería chegar a ser maior,
para ser superheroe de ficción.

Nin os doutores atopaban solución,
para a miña enferma imaxinación:
A humanidade en perigo hei de salvar
se me deixan o meu pai e a miña nai.

O mal chegou,
estades de noraboa.
Poreime en acción...

Superheroe, non penses que vas voar.
Superheroe, non podes vencer o mal.
Superhéroe, os nenos deben xogar,
deixa o traballo para Superman!

Por fin espertei,
deste profundo sono.
Miña nai berrou:

Superheroe, o almorzo debes tomar.
Superheroe, os dentes tes que lavar.
Superheroe, á clase has de chegar,
isto e tarefa para Superman!

Arriba e alá vou!

Vai sendo hora de ir para a casa (Xabarín & Xababanda)

2010-12-26T23:30:00.007+01:00

- Título: Vai sendo hora de ir para a casa
- Artista: Xabarín & Xababanda (Manuel M. Ramón / Julián Hernández)
- Clip: Víctor Luna
- Emitido no programa: Xabarín Club (TVG)

Curiosidades:

- Esta foi a canción coa que Xabarín se despediu da súa tropa desde 1994 até 2000.

- Como bo galego, o porco bravo nunca se despediu cun adeus, senón cun "até a próxima".

- Cantada a ritmo de rock, a letra desta canción vén sendo unha declaración de principios tribais.

Letra:

Vai sendo hora de ir para casa
-carolo en mate-
a ver quen lle conta
-un dous en historia-
esta historia aos meus pais.
Que chungo deixar unha panda tan guai!
En que pouco tempo o mellor rematou, rematou...

Diso nada...
de aquí non marchamos, sen quedarmos para mañá.

- Quedamos ou non!?
- Si!
- Alguén dixo non!?
- Non!
- Dicides que si!?
- Si!
- Escoito un si!?
- Si!
- Máis alto!
- Si! Si!
- Ata mañá!

E ti, xa es do clube?
Afíliate!

O leite mola! (Xabarín & Xababanda)

2010-12-26T23:28:00.005+01:00

- Título: O leite mola!
- Artista: Xabarín & Xababanda (Manuel M. Romón / Julián Hernández)
- Clip: Miguelanxo Prado
- Emitido no spot: Leite Larsa (TVG)

Letra:

Imos satisfeitos
dereito para a cama,
o leite fixo efecto,
o sono xa nos gaña.

O leite mola!
O leite mola!

O leite frío,
o leite quente,
o leite só
ou ben acompañado.

O leite mola!
O leite mola!

O leite fai medrar a xente
a un ritmo moi acelerado.

Sabedes o que?
O leite mola!

Dabondópole (Os Vixilantes do Camiño)

2010-12-26T23:26:00.002+01:00

- Título: Dabondópole
- Artista: Maestro Reverendo e a súa Orquestra Antabús & Ezequiel Oriol (Manuel M. Romón / Ángel Muñoz-Alonso)
- Emitido no filme: Os Vixilantes do Camiño (TVG)

Letra:

Dabondópole é un soño
virtual e diáfano,
coma un cristal de zafiro
"nel mezzo" dun mar de croios.

Unha cidade móbil
onde todo é "posibile".
De noite sempre é de día,
a música soa en clave de cores.

Dabondópole é máxica,
Dabondópole é mística,
mítica,
olímpica!

- Xa lle chega.
- O mesmo digo.

Dabondópole é única.
Dabondópole é única.
Dabondópole é única.

O baile xa comezou (Os Vixilantes do Camiño)

2010-12-26T23:24:00.004+01:00

- Título: O baile xa comezou
- Artista: Xabarín, Siniestro Total, X. M. Budiño, Óscar Fernández, Chelo Díaz, Alonso Franco e Paz Antón (Manuel M. Romón / Julián Hernández)
- Emitido no filme: Os Vixilantes do Camiño (TVG)

Letra:

Vimos dun lugar ao lonxe
agochado nun país
que non sae nunca nos mapas
din que a néboa o está a cubrir.

Pero as árbores só medran
onde hai sol e chuvias mil.
Todo está a punto ata certo punto,
o baile xa comezou.

Se somos os que aínda somos
non será por cambiar,
cada día a cada hora
de maneira de pensar.

É a vella voz da pedra
abalándose ao compás.
Todo está a punto ata certo punto,
o baile xa comezou.

Abur ríos, abur fontes,
é un xeito de falar.
Se tristes as despedidas
que será non verse máis.

De volver sabemos onde,
o corazón ten só un lugar.
Todo está a punto ata certo punto,
o baile xa comezou.

Canción da dornadelta (Os Vixilantes do Camiño)

2010-12-26T23:22:00.005+01:00

- Título: Canción da dornadelta
- Artista: Xurxo Romero, María Rodríguez & Siniestro Total (Manuel M. Ramón / Julián Hernández)
- Emitido no filme: Os Vixilantes do Camiño (TVG)

Letra:

Leonardo e Merlín non se viron nunha tal.
A dorna voou a un rescate deben ir.
Deixan atrás eidos dun mundo feliz.
Directa aí a vai cara ao corazón do mal.

Un branco ronsel pinta polo ceo azul.
A noite caeu negra lúa de papel.
Ao lonxe unha luz brilla como nun solpor.
Destino fatal é o inferno virtual.

Vai, vai, sulcando os ceos vai.
Vai, vai, outra igual non hai.
Vai, vai, sulcando os ceos vai.
Vai, vai, outra igual non hai.

Xuntos e revoltos (Korosi Dansas)

2010-12-26T23:21:00.003+01:00

- Título: Xuntos e revoltos
- Artista: Korosi Dansas
- Emitido no programa: Xabarín Club (TVG)

Curiosidades:

- Korosi Dansas sumouse ao movento Xabarín con dous clásicos do seu rock de batea: Xuntos e revoltos e Os Ghalisáns.

- Con este clip os Korosi Dansas reivindican a rachadura do machismo, e acabar coa marxinación da muller.

- O cantante dos Korosi Dansas é Josito Porto, a quen agora podes ver co quinteto ourensán Magritte.

Letra:

Son unha nena que traballa na batea,
son un neno que cociña na cidade,
son unha nena que colleita patacas,
son un neno que varre xenial.

Semellamos diferentes
pero sempre agarramos as mans,
para cantar!

Somos do Xabarín, somos do Xabarín,
somos do Xabarín, somos do Xabarín,
eu son un xabarín ti es unha xabarín,
nós somos unhas xabaríns,
vós sodes uns xabaríns.

Son un neno que xoga con bonecas
son unha nena que xoga ao guá, guá!!!
Son un neno que rega as flores
son unha nena que conduce un camión,
brommm!!

Somos do Xabarín, somos do Xabarín,
somos do Xabarín, somos do Xabarín,
eu son un xabarín ti es unha xabarín,
nós somos unhas xabaríns,
vós sodes uns xabaríns.

Lúa nacente (Vitorino)

2010-12-26T20:59:00.003+01:00

- Título: Lúa nacente
- Artista: Vitorino
- Emitido no programa: Xabarín Club (TVG)

Letra:

Un día fun pasear
nos verdes campos, cara ao sol poente.
Mirei entre o ceo e o mar,
crebou a luz igual coma quen sente:
todo vai quedar suspenso no vento da tarde
que moi mainiño logo alí soprou...

E a lúa chea
toda triunfante.
Nesa noite entón lembrei
como mirache, interesada,
o xesto que inventei.

Só para ter a túa atención
daba subido aló ben alto ao monte.
Puña nel unha bandeira
coa miña paixón e o teu nome escritos,
en letra bordada, a ouro sobre o azul
do teu ollar que á lúa é tan verde.

Dunha esperanza intensa
de non te perder...
Oh, lúa tan misteriosa!
canto máis sobes
máis a noite me acompaña.

Dunha esperanza intensa
de non te perder...
Oh, lúa tan misteriosa!
Canto máis sobes
máis a noite me acompaña.

Naquel bar (Xutos & Pontapés)

2010-12-26T20:58:00.001+01:00

- Título: Naquel bar
- Artista: Xutos & Pontapés
- Emitido no programa: Xabarín Club (TVG)

Letra:

Cando eu entrei
naquel bar
viña canso
de traballar.

Só quería un grolo
naquel bar
e soñar contigo
outra vez.

Cando entraches
naquel bar
eu non deu creto.

E foi a primeira vez.

Naquela noite
naquel bar
ti estabas linda.

Había unha banda
naquel bar
ollei para ti
e fomos bailar.

Naquela noite
naquel bar
foi onde todo comezou.

E foi a primeira vez.

Cando saín, saín contigo
naquela noite
naquel bar.

E foi a primeira vez.