Yatra Media House

दैलेखमा सातौ साताको सरसफाई अभियान सम्पन्न

noreply@blogger.com (Yatra Media House) — Sat, 19 Feb 2022 14:43:00 +0000

शिवराज सारू मगर दैलेख

विभिन्न ठाउँमा सरसफाई अभियान भएको छ l“सामाजिक रुपान्तरणको अभियानमा, हामी सबैको एक्यवद्धता” “परिवर्तनको हिस्सा बन्नुहोस् राम्रो काम लागि लागि पर्नुहोस्” नाराका साथ पञ्चकोशी ज्वाला युवा प्रतिष्ठानले सो अभियान सुरु गर्दै आएको हो l

यस अभियान प्रत्येक हप्ताको शनिबार विहान ८:०० बजे देखि १०:०० बजे सम्म सुरु भैरहेको छ l यस अभियानको उदेश्य दैलेखलाई सफा,स्वच्छ, आर्कषक र प्रदुषण निवाकरण गर्नु हो l त्यसैले पञ्चकोशी ज्वाला युवा प्रतिष्ठान र दैलेखका युवाहरु लागि परेका हुन l

यो अभियान सुरुको साता देखि नै दैलेख सदरमुकामको विभिन्न ठाउँमा सरसफाई गरि आज सातौ साता सम्म आईपुगेको सरसफाई अभियन्ताहरुले बताएका छन् l

आजको सातामा नारायण नगरपालिका -६ काडाँचौरबाट बसपार्क हुँदै दैलेख चर्चित पर्यटकीय क्षेत्र बेलासपुरमा पुगि सरसफाई अभियान सम्पन्न भएको छ l

अब यस अभियान दैलेख सदरमुकामको वरिपरि रहेको मठ मन्दिर र पानी अन्य सार्वजनिक स्थलमा पुगि सरसफाई अभियान गर्नु पर्ने छ भनि सरसफाई अभियान्ताहरुले बताएका छन् l

नारायण र दुल्लु जोड्ने पक्की पुलको शिलान्यास

noreply@blogger.com (Yatra Media House) — Fri, 18 Feb 2022 14:38:00 +0000

शिवराज सारु मगर दैलेख, दैलेख जिल्लाको नारायण नगरपालिका र दुल्लु नगरपालिका जोड्ने पक्की पुलको शिलान्यास आज विहान भएको छ । नारायण नगरपालिका–९ र दुल्लु नगरपालिका–११ को सिमाना छामघाट खोलामा मोटोरेवल पक्की पुलको शिलान्यास गरिएको हो ।

नारायण र दुल्लु नगरपालिकाको सिमाना छामघाट खोलास्थित लखतडामा पक्कि पुलको शिलान्यास कर्णाली प्रदेश सभाका सदस्य सुशील थापाले गरेका छन् । थापा दैलेख निर्वाचन क्षेत्र २ प्रदेश सभा (क) बाट निर्वाचित प्रदेश सांसद हुन् । त्यसैगरी दुल्लु नगरपाालिकाका अध्यक्ष घनश्याम भण्डारी र नारायण नगरपालिका वडा-९ का वडा अध्यक्ष ढाल ब.थापा लगायत जनप्रतिनिधिहरुको उपस्थितीमा पुलको शिलान्यास गरिएको हो ।

पुलको शिलान्यास गर्दै सांसद थापाले पुल निर्माणमा जनप्रतिनीधि र स्थानीय बासीले सहजिकरण गर्ने र तोकिएकै समयभित्र निर्माणको काम सम्पन्न हुनेमा विश्वस्त रहेको बताएका छन् । उनले लामो समयको प्रयत्नपछि पुल निर्माणको कामले गति लिएको बताए ।

कर्णाली प्रदेश सरकारले ४ करोड ५७ लाख रुपैँया लागतमा पूर्वाधार विकास कार्यालय दैलेख मार्फत पुल निर्माण गर्न थालेको हो । पुलको ११ मिटर चौडाई र ५० मिटर लम्वाई स्टेमेन्ट रहेको छ । पुल निमार्णको ठेक्का सपना आर.बी जेभीले पाएको छ l

तिमिल्सिना नेविसंघको अध्यक्षमा बलियो दाबेदार

noreply@blogger.com (Yatra Media House) — Tue, 15 Feb 2022 15:46:00 +0000

नेपाली कांग्रेसले आफ्ना अधिवेशनको म्याद समाप्त भएका भातृ संगठन विघटन गरे पश्चात् नेपाली कांग्रेसमा अधिवेशन गराउने जिम्मेवारी कस्लाइ दिने भनी बहस सुरु भैसकेको छ। विधानमा ३२ वर्षको उमेर हद लग्नासाथ नेविसंघ नेता ताराप्रसाद तिमिल्सिना पनि दौडमा अगाडि छन । तिमिल्सिनाको पक्षमा कांग्रेस सभापति शेर बहादुर देउवा सकारात्मक देखिएका छन।। नेता तिमिल्सिना लामो समय संगठनमा लागि परेका कर्मठ इमानदार र कर्तव्यनिष्ठ नेताका रूपमा चिनिन्छन । अमृत साइन्स क्याम्पस र नेविसंघ कास्कीमा लामो कार्यसमिति रहेर काम गरेका तिमिल्सिना नैनसिंह महरले राजीनामा दिदा नेविसंघका सहमहामन्त्री पनि मनोनीत भएका थिए । २०६२/६३ को जनआन्दोलन देखि सक्रिय राजनीतिमा रहेका तिमिल्सिना गेरुवा ४ बर्दियामा जन्मिएका हुन विद्यालय जीवन देखि नै उनले नेविसंघको सक्रिय राजनीति गरेका हुन ।

नवराज रिमालले निर्देशन गरेको The death Dreams सार्वजनिक (भिडियो सहित)

noreply@blogger.com (Yatra Media House) — Fri, 11 Feb 2022 15:43:00 +0000

नवराज रिमाल निर्देशित लघु चलचित्र "द डेथ ड्रीम्स" रिलिज भएको छ । नेपालगन्ज को विभिन्न ठाउमा छायांकन भएको चलचित्र The death Dreams को पहिलो भाग आज The catamount युट्युब च्यानल मार्फत प्रदशनमा आएको हो

निर्देशक नवराज रिमालले यश अघि नै चलचित्र भुइ मान्छेको सहाएक निर्देशन समेत गरिसकेको छन भने नेपाली पुरानो कथामा आधारित चलचित्र तुइन मा अभिनय समेत गरिसकेका छन भने यश द देथ ड्रीम्स चलचित्र मा सम्पुर्ण नया अनुहार देख्न सकिन्छ ।

उक्त चलचित्रमा नवराज रिमाल,सचिन उपाध्याय,आभास जङ्ग ठकुरी,विकास बुढा,रामु आचार्य,जेम्स खत्री,असिम आचार्य लगाएतका कलाकार हरु को अभिनय रहेको छ । उक्त चलचित्र बैज्ञानिक को रुपमा देखिएका कलाकार नवराज रिमाल को अभिनय भने तारिफ योग्य छ । उनको यो अभिनय सायदै सबैलाइ मन पर्ने अपेक्षा पनि गर्न सकिन्छ ।

उक्त चलचित्रका निर्देशक तथा निर्माता नवराज रिमाल यात्रा मिडिया का सहकर्मी पनि हुन । उनलाइ आगामी दिनको शुभकामना लघु चलचित्रले सफलता पावस ।

एएफसी महिला एसिया कपको उपाधि चीनलाई

noreply@blogger.com (ChetanTM) — Mon, 07 Feb 2022 14:31:00 +0000

२३ माघ, काठमाडौं। चीनले एएफसी महिला एसियन कप फुटबलको उपाधि जितेको छ । भारतको मुम्बईमा आइतबार भएको फाइनलमा उत्कृष्ट पुनरागमन गर्दै चीनले दक्षिण कोरियालाई ३-२ ले पराजित गर्दै नवौं पटक उपाधि जितेको हो । चीनले दुई गोलले पछि परेको स्थिति उल्टाएर उत्कृष्ट पुनरागमन गर्दै दोस्रो तीन गोल फर्काएको हो।

डीवाई पाटिल स्टेडियममा भएको खेलमा युयी सियाओले ईन्जुरी टाईममा गोल गर्दै चीनलाई उपाधि दिलाइन् । खेलको २७ औं मिनेटमा चोई युरीले गोल गर्दै दक्षिण कोरियालाई अग्रता दिलाएकी थिइन् । पहिलो हाफको इन्जुरी समयमा जी सोयुनले पेनाल्टीमा गोल गरेपछि दक्षिण कोरियाले पहिलो हाफमै दुई गोलको अग्रता बनायो। तर कोरियाले अग्रता कायम राख्न सकेन ।

खेलको ६८ औं मिनेटमा जियाली ताङले गोल गर्दै चीनलाई खेलमा फर्काईन् । ७२औं मिनेटमा लिनयान झाङले गोल गरेपछि चीनले खेल २-२ को बराबरीमा पुर्‍यायो । त्यसपछि युयीले खेलको इन्जुरी समयमा गोल गर्दै चीनलाई ३-२ को जित दिलाइन् । चीनले सर्वाधिक ९ पटक उपाधि जितेको हो ।

स्थानीय निर्वाचन ३० वैशाखमा गर्ने सरकारको निर्णय

noreply@blogger.com (ChetanTM) — Mon, 07 Feb 2022 14:27:00 +0000

२४ माघ, काठमाडौं । सरकारले स्थानीय तहको निर्वाचन ३० वैशाख २०७९ मा गर्ने निर्णय गरेको छ । मन्त्रिपरिषद्को अहिले बसिरहेको बैठकले स्थानीय निर्वाचनको मिति तय गरेको एक मन्त्रीले जानकारी दिए ।

निर्वाचन आयोगले एकै चरणमा गर्ने भए १४ वैशाख र दुई चरणमा गर्ने भए १४ र २२ वैशाखको मिति सिफारिस गरेको थियो । तर सत्तारुढ पाँच दलीय गठबन्धनले जेठ मसान्तभित्र निर्वाचन गर्ने बताएपछि आयोगले ४ जेठ प्रस्ताव गर्‍यो ।

स्थानीय तह निर्वाचन ऐनअनुसार हाल कायम रहेका स्थानीय जनप्रतिनिधिको कार्यकाल ५ जेठ २०७९ मा सकिने छ । साथै संविधानले स्थानीय तह जनप्रतिनिधिविहीन हुने कल्पना गरेको छैन ।

४ जेठमा चुनाव गर्दा केही दिन स्थानीय तह जनप्रतिनिधिविहीन हुने अवस्था आएपछि सरकारले नयाँ मिति प्रस्ताव गरेको हो । स्रोतका अनुसार सोमबार सरकारले निर्वाचन आयोगका पदाधिकारीहरुसँग नयाँ मितिबारे परामर्श गरेको थियो ।

नारायण नगरपालिकाले सुनेन अभियन्ताहरुको आवाज

noreply@blogger.com (Yatra Media House) — Mon, 07 Feb 2022 13:37:00 +0000

✍️ शिव राज सारु मगर यात्रा संवाददाता (दैलेख):

दैलेख जिल्लाको सदरमुकामको बिच भागमा रहेको जिल्लाकै पुरानो नारायण नगरपालिकाले सरसफाई अभियन्ताहरुको पत्रको सुनुवाइ नगरेको पाईएको छ l केही साता अघि देखि सुरु भएको सो अभियान आज पाँचौ साता सम्म आईसक्दा पनि पालिकाले केही चासो नदेखाएको भन्दै नारायण नगरपालिका प्रति अभियन्ताहरुले गुनासो पोखेका छन् l

यो अभियान पौष २४ गते शनिबार देखि सुरु भएको थियो l यस अभियानलाई पञ्चकोशी ज्वाला युवा प्रतिष्ठानले सञ्चालन गर्दै आएको हो l सुरुको दिनमा दैलेख जिल्लाको जिल्ला अस्पतालको प्राङ्गणको वरिपरि सरसफाई गर्दै नारायण नगरपालिका ८ को बजार क्षेत्र तर्ताङ्ग हुँदै सरस्वती विद्राआश्रम सम्म आएर अभियान सम्पन्न गरिएको थियो l त्यस्तै दोस्रो साता माघ १ गते सोही ठाउँबाट सुरु गर्दै दैलेख जिल्लाको पुरानो बसपार्कसम्म सरसफाई गरि अभियानलाई सप्पन्न गरिएको थियो l तेस्रो साता पुरानो बसपार्क देखि सुरु गर्दै दैलेख जिल्लाको सदरमुकाम पुरानो बजार हुँदै धार्मिक तिर्थस्थल श्रिरिस्थान जाने बाटोसम्म आईपुगी अभियानलाई सम्पन्न गरिएको थियो l

चौथो सातामा पनि सोही ठाउँबाट सुरुगर्दै दैलेख जिल्लाको सदरमुकामको लोकतान्त्रिक चोक हुँदै देवकोटा चोकसम्म पुगि अभियानलाई सप्पन्न गरिएको थियो .

यो अभियान प्रत्येक हप्ताको शनिबार बिहान ८ बजेदेखि १० बजेसम्म सञ्चालन हुँदै आएको छ। यो अभियान गत शनिबार बर्षा र हिमपातका कारण हुन सकेको थिएन् l सो अभियान आज भएको छ l सुरुको चरण देखि नै जथाभावी फालिएका प्लास्टिक कागज र फोहोरलाई सफा गर्दै आएका छौ र फोहोर गर्ने जो कोहिलाई जनचेतनाका केही कुराहरु बुझाएका छौ, अभियन्ताहरु बताउछन् l

यस अभियानमा सरसफाई गरिएका सबै फोहोरहरु अभियन्ताहरुले दैलेखको सदरमुकाम भित्रको सडकको कुनै एक निश्चित ठाउँ राखिदिएका छौ र त्यस फोहोरलाई फेरि कुनै एक निश्चित ठाउँमा व्यवस्थापन गरिदिन भनि नारायण नगरपालिकामा पटक-पटक मौखिक रुपमा र एक पटक लिखित रुपमा पनि जानकारी गराउँदा पनि पालिकाले हाम्रो आवाज नसुनेको बताउँछन्

नारायण नगरपालिकाले दिएको समयमा हाम्रो आवाज सुनिदिएको छैन् l अब हामी फेरि एकचोटी पत्राचार गर्छौ र फेरि पनि हाम्रो आवाज सुनुवाई नभएमा हामी अर्को कदम चाल्न बाध्य हुने छौ र त्यसको जवाफदेही नगरपालिकाका स्वयम आफै हुनुपर्ने बताउँछन सरसफाई अभियन्ताहरु l

लता मङ्गेशकरको निधनमा राष्ट्रपति भण्डारीद्वारा शोक व्यक्त

noreply@blogger.com (Yatra Media House) — Sun, 06 Feb 2022 14:33:00 +0000

काठमाडौंः विश्वप्रसिद्ध गायिका लता मङ्गेशरको निधनमा राष्ट्रपति विद्यादेवी भण्डारीले शोक व्यक्त गरेकी छिन्। राष्ट्रपति भण्डारीले मङ्गेशकरले नेपाली गीत सङ्गीतमा दिएको योगदानको स्मरण गर्दै शोक व्यक्त गरेकी हुन भण्डारीले ट्वीटरमार्फत शोक प्रकट गरेकी हुन्।

उनले लेखेकी छिन- “धेरै नेपाली गीतलाई समेत आफ्नो सुमधुर आवाजले सजाउनुभएकी भारतकी प्रख्यात गायिका लता मङ्गेशकरको निधनको खबरले मलाई दुःखी बनाएको छ। असाधारण प्रतिभाकी धनी दिवङ्गत लता मङ्गेशकरप्रति भावपूर्ण श्रद्धाञ्जली।”

गायिका मङ्गेशकरको आज ९२ वर्षको उमेरमा निधन भएको हो।

कर्णाली प्रदेशमा भयो मन्त्रिमण्डल बिस्तार : नवनियुक्त पाँच मन्त्रिले लिए सपथ

noreply@blogger.com (Yatra Media House) — Sun, 06 Feb 2022 14:25:00 +0000

पुष्कर खड्का सुर्खेत : कर्णाली प्रदेश ले मन्त्रिमण्डल बिस्तार गरेको छ । आठ मन्त्रालय रहेको कर्णाली प्रदेशमा मा नेकपा माओवादीले चार मन्त्रालय, समाजवादीले तीन मन्त्रालय र काङ्ग्रेसले मुख्यमन्त्रीसहित तीन मन्त्रालयमा दाबी नछोडेपछि भागबन्डा मिलाउन सकस भएको थियो ।

कर्णाली प्रदेश सरकारले गठन भएको तीनमहिनापछि पूर्णता पाएको छ । जीवनबहादुर शाहीले मुख्यमन्त्रीका रुपमा कात्तिक १६ गते सपथग्रहण गरेपछि तीन महिनापछि पूर्णता दिएका हुन् । नवनियुक्त मन्त्रीहरुले आइतबार नै पद तथा गोपनियताको सपथ लिएका छन् । कांग्रेसबाट दुई, माओवादी केन्द्रबाट दुई र समाजवादीबाट एकजना मन्त्री नियुक्त भएका छन् ।

यज्ञबहादुर बिसि - सामाजिक बिकास मन्त्री, हिमबहादुर शाही -आन्तरिक मामिला तथा कानुन मन्त्री, गणेश प्रशाद सिंह -जलश्रोत तथा उर्जा बिकास मन्त्रालय , छिरिङ डम्डोल लामा(कार्र्चेन) -उद्योग पर्यटन बन तथा बताबरण मन्त्रालय , पदम रोकाया -भौतीक पुर्बाधार तथा शहरि बिकास मन्त्रालयमा रहेका छन । कर्णाली प्रदेशका नवनियुक्त पाँच मन्त्रीले पद तथा गोपनीयताको शपथ लिएका छन् । प्रदेश प्रमुखको कार्यालयमा आयोजित एक कार्यक्रमका बीच नवनियुक्त मन्त्रीहरूले आइतबार साँझ प्रदेश प्रमुख तिलक परियारबाट पद तथा गोपनीयताको शपथ लिएका हुन् ।

गत १६ कातिकमा मुख्यमन्त्री बनेका जीवनबहादुर शाहीले आफ्नै दल नेपाली कांग्रेस, माओवादी केन्द्र र एकीकृत समाजवादीबाट पाँच जना मन्त्री नियुक्त गरेका छन् । मुख्यमन्त्री शाहीले पद तथा गोपनियताको सपथ लिएको तीन महिनापछि मन्त्री परिषद्लाई पूर्णता दिएका हुन ।

यसअघि चारवटा मन्त्रालयको दाबी गर्दै आएको माओवादीले तीन र तीनवटा मन्त्रालयको दाबी गर्दे आएको एकीकृत समाजवादीले दुईवटा मन्त्रालयमा चित्त बुझाएका छन् । गैरसांसद कार्चेन लामालाई माओवादीले मन्त्री बनाएको भन्दै दलभित्रकै नेताहरूले असन्तुष्टि व्यक्त गरिरहेका छन् ।

कर्णाली प्रदेशको मन्त्रिपरिषदले पायो पूर्णता

noreply@blogger.com (Yatra Media House) — Sun, 06 Feb 2022 14:23:00 +0000

कर्णाली प्रदेशको मन्त्रिपरिषदले आज पूर्णता पाउँदैछ। मुख्यमन्त्री जीवनबहादुर शाहीले सपथ खाएको तीन महिनापछि आज मन्त्रिपरिषदलाई पूर्णता दिएका छन । मुख्यमन्त्रीको निजी सचिवालयका अनुसार आज बेलुका ७ बजे देखी पाँच जना मन्त्रीहरूले सपथ लिँरहेका छन्। नेकपा (माओवादी केन्द्र)बाट दुई, नेपाली कांग्रेसबाट दुई र नेकपा (एकीकृत समाजवादी)बाट एकजना मन्त्री बनेका छन। नेपाली कांग्रेसबाट हिमबहादुर शाही आन्तरिक मामिला तथा कानुन मन्त्री बनेका छन भने यज्ञबहादुर बुढा क्षेत्री सामाजिक विकास मन्त्री बनेका छन । बुढाक्षेत्री यसअघि महेन्द्रबहादुर शाही नेतृत्वको सरकारमा पनि सामाजिक विकास मन्त्री थिए।

बुढाक्षेत्री सुर्खेतका हुन् भने शाही दैलेखका हुन्। शाही कांग्रेस कर्णाली प्रदेश सभा दलका सचेतक पनि हुन्। यस्तै माओवादीबाट जाजरकोटका सांसद गणेशप्रसाद सिंह जलस्रोत तथा उर्जा विकास मन्त्री बनेका छन । गैरसांसद छिरिङ डम्डोल लामा (कार्चेन लामा) उद्योग, पर्यटन, वन तथा वातावरण मन्त्री बनेका छन । समाजवादीबाट पदमबहादुर रोकाया भौतिक पूर्वाधार तथा शहरी विकास मन्त्री बन्दैछन्। यसअघि माओवादीबाट विन्दमान बिष्ट अर्थमन्त्री छन् भने समाजवादीबाट प्रदेश सभा दलका नेता चन्द्रबहादुर शाही कृषि मन्त्री छन्। पाँच जना नयाँ मन्त्री थपिएपछि कर्णालीको मन्त्रिपरिषद् आठ सदस्यीय हुने भएको छ ।

बसन्त पञ्चमीको अवसरमा स्वयम्भूमा यसपटक पनि दर्शन गर्नेको संख्यामा कमि आएन

noreply@blogger.com (Yatra Media House) — Sun, 06 Feb 2022 14:21:00 +0000

कोरोना महामारीको बीच मनाइएको वसन्त पञ्चमी पर्व अर्थात सरस्वती पूजाको अवसरमा यसवर्ष पनि दर्शनार्थीको संख्यामा कमि आएको देखिएन। वसन्त पञ्चमी पर्वलाई तिब्बती बज्रयानी तथा हिनयानी बौद्ध सम्प्रदायले मञ्जुश्री आजको दिन नेपाल प्रवेश गरेको दिनको रुपमा मान्ने गर्छन् भने हिन्दु धर्मका अनुयायीहरु आजको दिनलाई देवी सरस्वतीको पूजाअर्चना गरी मनाउने गर्दछन।

आजको दिन राष्ट्रपति हनुमानढोका राजदरबार सवारी भइ बसन्त श्रवण गर्ने प्रचलन रहँदै आएको छ। गणतन्त्र स्थापना हुनुभन्दा अगाडि राजा स्वयं उपस्थित हुने परम्परा थियोे। वसन्त पञ्चमी अर्थात श्री पञ्चमी पर्वको नामले पनि प्रसिद्ध आजको दिन देशभर रहेका विभिन्न विद्यालयहरु लगायत विभिन्न बौद्ध गुम्बाहरुमा शिक्षा आरम्भ गर्ने परम्परा छ।

आजको दिन पढेमा सधैंभरि पढ्नमा मन जाने समेत जनविश्वास रहँदै आएको छ। आजको दिन राजधानी काठमाडौं वरपरका विभिन्न बहाल र महाविहारहरुमा स्थानीय बज्रयानी बौद्ध परम्परा अनुसार बौद्ध स्तोत्र पाठ गर्ने मञ्जुश्री चर्या गाउने चलन समेत छ।

रचनाको स्वरमा ‘न बिर्से तिमीलाई न पाए तिमीलाई’, श्रष्टा देखि दर्शकसम्मको यस्तो आपत्ती

noreply@blogger.com (Yatra Media House) — Sat, 05 Feb 2022 10:03:00 +0000

बर्षौ अगाडी गायिका अन्जु पन्तको स्वरमा फिमेल भर्सन र गायक जगदीश समालको आवाजमा रहेको गजल ‘न बिर्से तिमीलाई न पाए तिमीलाई’ अहिले पनि दर्शक श्रोताको मनमा उत्तिकै कर्णप्रिय रहेको छ । विपिन किरणको शब्द र महेश खड्काको संगीत रहेको गजलले दर्शकको मन जित्न सफल भयो । अहिले पनि यो अन्जु र जगदीशलाई सम्झदा यो गजलको चर्चा हुने गर्दछ ।

यतिबेला किरण क्रिएशन नामक युट्युव च्यानलमा गायिका रचना रिमालको स्वरमा रहेको यहि गजल सार्वजनिक भएको छ । रचना भर्सन भनेर निकालिएको यो गजलमा उनले मिश्रित प्रतिक्रिया पाइरहेकी छिन्। अन्जु पन्तको स्वरसंग तुलना गर्नु आफैमा अन्जुले नेपाली संगीतमा दिएको योगदान प्रति अपमान हुनेछ । उनको साधान र लगावले नेपाली संगीत क्षेत्रमा अतुलनीय योगदान दिएको छ ।

रचनाको स्वरमा यो गजलको रि-रेकर्ड आफैमा चुनौतिपूर्ण बिषय हो । रचनाले आफ्नो तर्फबाट सक्दो न्याय दिने कोशिस गरेकी छिन् । तर यो गजल रि-रेकर्ड गरेर सार्वजनिक गर्दा अन्जु पन्तको नाम कतै उल्लेख गरिएको छैन । यसमा आम दर्शक देखि नेपाली संगीत र चलचित्र क्षेत्रका केहि व्यक्तिले आपत्ति समेत जनाएका छन् ।
गायक राजेश पायल राईले श्रस्टाको हकमा नै लड्ने विपिन किरण जस्तो व्यक्तिले असली गायकको नाम उल्लेख नहुनु आफैमा दुखद्पूर्ण रहेको लेखेका छन्।

राजेशपायल राई लेख्छन्: ‘मलाई नयाँ पुस्तामा धेरै आस राखेको गायिका हुन रचना रिमाल ! र यो पनि था’छ यो उनको गल्ती पनि होइन ! अब कुरो
अरे बाबा बिपिन किरण जस्तो हस्ती जस्ले स्रस्टाको हकको लागि लड्ने मान्छे अनी महेश खड्का नामै काफी जस्को नाम बिना संगीत अधुरो हुन्छ अनी दुई हस्तिले यो गीत रेकर्ड गारिरहदा असली गायक जगदिश ,गायिका अन्जु पन्त लाई सम्झनु पर्दैन विवरणमा ओरिजिनल गायक जगदिश समाल गायिका अन्जु पन्त उल्लेख नगर्नु हामी सबैलाई हानिकारक तर रचना को गाएकी तारिफ योग्य ❤️’

नेपाली चलचित्र क्षेत्रका निर्माता सन्तोष शेनले के हो रचना भर्सन भन्दै आवाज उठाएका छन् । उनले आफ्नो फेसबुकमा स्टाटस लेख्दै, पुन रि रेकर्ड गरेर मौलिक गीतको धज्जी उडाउनु गलत हो। डलरको लोभमा गायिकी र आफ्नै सृजना को हत्या भएको छ।

निर्माता सन्तोष शेन लेख्छन्,’ “न बिर्से तिमीलाई”
बाल,बालिका भर्जन ,केटा भर्जन अनी बाजे भर्जन निकाल्नु…यो रचना भर्जन के हो ..? रचना रिमाल उदाउदी अहिलेका संगीतकार को रोजाईमा पर्ने गायिका मध्यकी एक हुन धेरै गीत गाउछीन पनि .. तर यो कालजय गीत जसमा अन्जु पन्तको जिवन्त गायन छ । यसको इज़्ज़त राख्नुपर्छ.. रियालिटी शो मा गाउनु, कभर गर्नु राम्रो हो .. पुन रि रेकर्ड गरेर मौलिक गीतको धज्जी उडाउनु गलत हो.. डलरको लोभमा गायिकी र आफ्नै सृजना को हत्या भएको छ.. पुन: सिर्जना गर्दा पुरानो सृजना बिर्साउने प्रस्तुति हुनुपर्छ नत्र भने लोभ ले लाभ लाभले विलाभ हुनसक्छ… **भविष्य को तारा हुन रचना यसरी जताभावी उनको प्रतिभालाई गलत प्रयोग नगरौ…#गीतकार #संगीतकार’

यी दुई प्रतिनिधि प्रतिक्रिया मात्र हुन् । आम दर्शकले पनि यो गीतमा ओरिजिनल श्रष्टाको नाम उल्लेख नहुनु दुखद भएको बताएका छन्।

प्युठान जीप दुर्घटना : ज्यान गुमाउने आठ जनाकै पहिचान खुल्यो

noreply@blogger.com (Yatra Media House) — Sat, 05 Feb 2022 09:47:00 +0000

दाङ - प्युठानकाे ओखरपाटामा भएकाे जीप दुर्घटनामा ज्यान गुमाउने आठ जनाकै पहिचान खुलेकाे छ।

दुर्घटनामा ज्यान गुमाउनेमा एक बालिकासहित पाँच महिला र तीन पुरुष रहेका छन्।

मृतक आठ जनामध्ये एकै परिवारका तीन जना समेत रहेका प्रहरीले जनाएकाे छ ।

दुर्घटनामा गौमुखी गाउँपालिका-६ जिनावबाङका ३९ वर्षीय वसन्त खड्का, उहाँकी ३९ वर्षीया श्रीमती वसन्ती खड्का र उनीहरुकी ११ वर्षीया छोरी एलिसा खड्काको ज्यान गएको गौमुखी गाउँपालिकाका अध्यक्ष विष्णु गिरीले जानकारी दिनुभएको छ ।

दुर्घटनामा त्यही वडाका २९ वर्षीया केशरी खड्का, ५० वर्षीय जीप चालक बलबहादुर बुढा मगर, ३२ वर्षीय खिम खत्री र ५० वर्षीया नन्दी खड्काको ज्यान गएको छ । यस्तै नौबहिनी- ६ लुङकी १८ वर्षीया विपना जीसीकाे ज्यान गएकाे प्रहरीले जनाएकाे छ ।

दुर्घटनामा परि बेहुला २५ वर्षीय दानबहादुर खड्का, बेहुली १९ वर्षीया रीमा जीसी, २१ वर्षीय हरि बुढा मगर, १७ वर्षीय नरेश खड्का र २५ वर्षीया सावित्रा जीसी घाइते भएका छन् । घाइतेमध्ये तीन जनाको अवस्था गम्भीर रहेको छ ।

प्युठानका प्रहरी प्रमुख सत्यनारायण थापाका अनुसार बेहुलीको एउटा हात भाँचिएको छ । गम्भीर घाइते बेहुलीसहित तीन जनालाई थप उपचारका लागि बुटवल रेफर गरिएको छ । बेहुला दानबहादुर खड्का र सावित्रा जीसीको जिल्ला अस्पताल बिजुवार प्युठानमा उपचार भइरहेको छ ।

प्युठानमा बेहुली लिएर फर्किँदै गरेको जीप आज बिहान एक बजे दुर्घटना हुँदा ६ जनाको घटनास्थलमै ज्यान गएको थियाे । नौबहिनी गाउँपालिकाको लुङबाट गौमुखी गाउँपालिकाको लिवाङ जाँदै गरेको ग १ ज ५०९२ नम्बरको जीप ओखरपाटामा दुर्घटनामा परेकाे थियाे ।

जीप सडकबाट ३ सय मिटर तल खोल्सामा खसेको थियाे । रातभर पानी परेको र बाटो चिप्लाे भएका कारण जीप दुर्घटना भएकाे डीएसपी थापाले जानकारी दिनुभयो ।

पेरुको नाज्का मरुभूमिमा विमान दुर्घटना

noreply@blogger.com (Yatra Media House) — Sat, 05 Feb 2022 09:42:00 +0000

पेरुको नाज्का मरुभूमिमा पर्यटक बोकेको विमान दुर्घटना हुँदा सात जनाको ज्यान गएको छ ।

पर्यटकहरूलाई नाज्का लाइनहरू देखाउन गइरहेको विमान दुर्घटनामा परेको समाचारसंस्था एएनआईले जनाएको छ ।

नाज्का विशाल भूगोलको विश्वव्यापी रूपमा परिचित समूह हो । नाज्का क्षेत्र जेटबाट राम्रोसँग देख्न सकिन्छ ।

दुर्घटनाग्रस्त विमानमा नेदरल्यान्ड र चिलीका नागरिक रहेका थिए । दुर्घटनाको कारणबारे अनुसन्धान भइरहेको पेरुको सरकारलाई उदृत गर्दै एएनआईले जनाएको छ ।

निर्वाचन आयोगद्वारा मतपत्र डिजाइनका लागि दरखास्त आह्वान

noreply@blogger.com (Yatra Media House) — Sat, 05 Feb 2022 09:39:00 +0000

काठमाण्डाै – निर्वाचन आयोगले चुनावलाई लक्षित गरी मतपत्र डिजाइनका लागि दरखास्त आह्वान गरेको छ । आयोगले आज सूचना प्रकाशित गरेर मतपत्र, लोगो, निर्वाचन चिन्ह तथा निर्वाचन शिक्षा तथा सूचना सामग्री डिजाइनका लागि दरखास्त मागेको हो ।

निर्वाचनको समयमा आयोगले तोकेको अवधिमा काम गर्न चाहने इच्छुक व्यक्तिले सूचना प्रकाशित भएको मितिदेखि ५ दिनभित्र आवेदन दिन सक्ने सूचनामा उल्लेख छ । आवेदन आयोगको कार्यालय वा आयोगको इमेलमा दर्ता गर्न सकिने भनिएको छ । निवेदनको ढाँचा आयोगको मतदाता नामावली तथा निर्वाचन संकलन शाखा वा वेबसाइटबाट प्राप्त गर्न सकिने बताएको छ ।

मान्यता प्राप्त गरेका विश्वविद्यालयबाट चित्रकला र ग्राफिक डिजाइनमा कम्तिमा स्नातक तह उत्तिर्ण गरेको, दृष्टान्त चित्र र ग्राफिक डिजाइन सम्बन्धी कम्तिमा दुई वर्षको अनुभव भएको, रेखा चित्र तथा रङ्गिन चित्र तयार गर्ने सम्बन्धी दक्षता भएको र नेपाली टाइप गर्नसक्ने र मुद्रण तथा प्रि प्रेस सम्बन्धी जानकारी भएकाले आवदेन दिन सक्ने आयोगले जनाएको छ ।

चितवनका भूमिहीनहरूले पाए जग्गाधनी प्रमाणपत्र

noreply@blogger.com (Yatra Media House) — Sat, 05 Feb 2022 09:36:00 +0000

चितवन – सरकारले चितवनका भूमिहीनहरूलाई जग्गाधनी प्रमाणपत्र वितरण गरेको छ । आज शुक्रवार चितवनको साविक इच्छाकामना गा.वि.स.७ र जुटपानी गा.वि.स. ९ का भूमिहीनहरूलाई सरकारले गाउँ ब्लक जग्गाधनी प्रमाण पुर्जा वितरण गरेको हो ।

प्रमाणपत्र वितरण कार्यक्रममा भूमि व्यवस्था, सहकारी तथा गरिबी निवारण मन्त्री शशी श्रेष्ठले लालपुर्जा नहुँदा राष्ट्रियताविहीन भएर बस्नुपरेको अवस्थालाई केन्द्रित गर्दै जग्गाधनी प्रमाणपत्र वितरण गरिएको बताउनुभयो । उहाँले जग्गाधनी प्रमाणपत्र नहुँदा उनीहरूले नागरिकतासमेत नपाएको र संविधानले दिएको अधिकारको उपभोगसमेत गर्न नपाएको बताउनु भयो ।

मन्त्री श्रेष्ठले यसअघिका सरकारले जग्गाधनीहरूलाई लालपुर्जा उपलब्ध गराउने काम प्राथमिकतामा नराखे पनि अहिलेको सरकारले जग्गाधनीहरूलाई लालपुर्जा दिने काम पहिलो प्राथमिकतामा राखेको बताउनुभयो । मन्त्री श्रेष्ठले वास्तविक भूमिहीनहरूलाई अधिकार प्राप्त गर्नबाट वञ्चित गराउन नहुने बताउनुभयो ।

कार्यक्रममा जग्गाधनीको प्रमाणपत्र पाएकाहरूले खुसी व्यक्त गरेका छन् । अहिलेसम्मको सरकारले आफूलाई नेपाली नागरिक नै नठाने पनि यस सरकारले जग्गाधनी प्रमाणपत्र वितरण गरेर आफ्नो अधिकार दिलाएको बताए ।

लाभग्राही मध्येकी एक चममाया मगरले भन्नुभयो, ‘अहिलेको सरकारले दियो खुसी लागेको छ । अब आउने सरकारले दिन्छ दिँदैन, हामी नभए पनि हाम्रा छोरा नातीलाई त भयो नि ।’ लाभग्राहीहरुले कानुनी रूपबाट जग्गाको धनी बनेपछि संविधानले दिएको अधिकार पाउनेमा आशावादी रहेको बताए ।

पल शाहले आइडलकी होस्टलाई जिस्काउँदै सोधे' यति छिटो किन बिहे गर्‍यौ रेश्मा?'

noreply@blogger.com (Yatra Media House) — Sat, 05 Feb 2022 00:17:00 +0000

काठमाडौँ: म्युजिक भिडियो किङ भन्दाभन्दै नायक पल शाह कन्ट्रोभर्सी किङतिर लम्किरहेका छन्। पहिला-पहिला यसो हिरोइनहरूसँग नाम जोडिन्थ्यो उनको। विशेष आँचल शर्मासँग। दुवैले साथी हौँ भनिरहे। मिडियाले अफेयर्स छ लेखिरह्यो। जब अनले बिहे गरिन् अनि बल्ल ए साथी हो रैछ त भन्ने भयो। तर आँचलले बिहे गरेपछि उनी विवादमा आउने मात्र हैन प्ले ब्वायको छवि नै बन्दै गयो। अझ त्यसमा पनि कानुनत नाबालिक गायिका समीक्षा अधिकारीको सम्बन्ध अनि खटपटले पल सङ्कटमै परे।

मनोरञ्जन क्षेत्र प्रेम र बिछोडको कथा सामान्य नै देखिन्छन्। तर समीक्षा र पलको खटपट सामान्य थिएन भन्ने उनको पिआर एजेन्ट समीक्षालाई ड्यामेज गर्ने सामाग्री बोक्दै मिडिया हाउस धाउनु, समीक्षाले पल विरुद्ध प्रहरीमा उजुरी दिन लागेको चर्चा बाहिरिनु अनि एक हुल मनोरञ्जन लेख्ने/ देखाउने पत्रकार समीक्षालाई फकाउन पोखरा पुग्नुले नै देखाएको थियो। वारको माहौल ताती सकेको थियो। पल टिकटकमै आएर आफुविरुद्द षड्यन्त्र भइरहेको छ भन्न थालिसकेका थिए। तर मौसमसँगै अहिले बिस्तारै यो प्रसङ्ग पनि चिसिँदै गएको देखिन्छ।

कलाकार हुन्। इमेजको माया लाग्छ नै। अहिले पल त्यही वारले ड्यामेज बनाएको इमेज बिल्डअपमा सक्रिय हुन थालेका छन्। रियालिटी शोमा देखिन थालेका छन्। शनिवार उनी नेपाल आइडल सिजन फोरको मञ्चमा गेस्टको रूपमा आएर आफ्नो कला यात्रालाई छोटकरीमा राखे। भिज्योल एडिटरहुँदाहुँदै ' हेलो हनी बनी' को म्युजिक भिडियो खेलेपछि कसरी यात्रा अभिनयतिर लम्कियो खुलाए। आइडलको सेटमै प्राविधिकको रूपमा काम गर्ने ८० प्रतिशत त सँगै काम गरेकाहरू रहेको भनेर माहौल हल्का भावुक पनि बनाए। कार्यक्रम सञ्चालक आशिफले सञ्चालिका रेश्मालाई जिस्काइरहन्छन्।

नाम्गेल तामाङको फिल्मी प्रस्तुतिपछि कुरैकुरामा आशिफले रेश्मा पनि म्युजिक भिडियोमा खेल्न सक्छिन् नि भन्दा पल रोमान्टिक हुँदै सायरी पारामा फ्लट गर्दै भने' म हराइसके तिम्रो केसमा, म डुबी सके तिम्रो केसमा, तीमिले यति छिटो किन बिहे गर्‍यौ रेश्मा?' भूपेन्द्र थापा मगरपछि सुमिन पाख्रिनले 'उडायो हावाले' बोलको गीत गाइसकेपछि उनी मञ्चमा गएर रेश्मासँग म्युजिक भिडियोमै अभिनय गरेझैँ भावभङ्गीमा नाच्न थाले।

कलाकार हुन् पल। निम्तो आइरहन्छ। स्टारडम कायम राख्न भिजिबल भइराख्नुपर्छ नै। तै पनि सम्हालिनु पनि उत्तिकै महत्त्वपूर्ण छ नै। झन्डै साख जति हावाले उडाइसकेको थियो। अब त चेत्ने पो होकी ! फ्ल्ट गर्न छाड्ने पो हो कि ! नत्र उडाउला हावाले करिअर, अडाउला हावाले।

आधारभुत हाते कढाई तथा बुटिक तालिम समापन भएको छ

noreply@blogger.com (Yatra Media House) — Fri, 04 Feb 2022 15:44:00 +0000

नेपालगन्ज नेपाल घरेलु तथा साना उधोग महासंघ नेपालगन्ज समितिको आयोजनामा माघ ५ गते देखि सुरू भएको आधारभुत हाते कढाई तथा बुटिक तालिम १५ दिन सम्म संचालन भई माघ २१ गते समापन भएको छ ।

उक्त तालिम समापन कार्यक्रममा नेपालगन्ज उपमहानगरपालिकाकी उप प्रमुख उमा थापा मगको प्रमुख अथित्यता र नेपालगन्ज उपमहानगरपालिका की महिला तथा बालबालिका प्रमुख सोभा साहको पनि उपस्थिति रहेको थियो उत १५ दिने तालिम छोटो भएको सहभागिहरुले बताउनु भयो सहभागिहरु भन्नुहुन्छ धेरै कुरा हामीले सिकेउ अब हामी केहि गनेछाै ।

चट्याङ परेपछि गौतम बुद्ध विमानस्थल बन्द

noreply@blogger.com (Yatra Media House) — Fri, 04 Feb 2022 15:18:00 +0000

गौतम बुद्ध विमानस्थल बन्द भएको छ । शुक्रबार परेको वर्षा, हावा र विमानस्थल नजिकै परेको चट्याङका कारण टावरमा समस्या आएपछि विमानस्थल बन्द गरिएको हो । विमानस्थलका महाप्रवन्धक गोविन्दप्रसाद दाहालका अनुसार दिउँसो ४ बजे टावर नजिकै परेको चट्याङले टावरमा धुवाँ उडेको थियो ।

साथै टावरको तार चुडिएको र रन्वेको पापी (पीएपीआइ) लाईट बिग्रेको कारण विमानस्थल बन्द गरिएको दाहालले बताए ।

'समस्या आएपछि विमानस्थल बन्द गरिएको छ,' उनले भने, 'शनिबार पनि लाईट बने राति अवतरण हुनेछ अन्यथा भिओआर प्रविधिको प्रयोगबाट दिउँसो मात्र विमानस्थल सञ्चालनमा आउने सम्भावना रहेको छ ।'

विमानस्थल बन्द भएपछि भैरहवा विमानस्थलबाट काठमाडौं जान पर्खेका यात्रु र यहाँ आउने यात्रुहरु समस्यामा परेका छन् ।

वडा सदस्य विरुद्ध विशेष अदालतमा मुद्दा दायर

noreply@blogger.com (Yatra Media House) — Fri, 04 Feb 2022 15:00:00 +0000

माघ २१, काठमाडौं ।,घुससहित पक्राउ परेका काठमाडौं महानगरपालिका वडा नं. १४ का सदस्य वसन्त महर्जनविरुद्ध अख्तियार दुरुपयोग अनुसन्धान आयोगमा मुद्दा दायर।

महर्जनले जग्गाको मोहियानी हक नामसारी र नाता प्रमाणित गरी मोही प्रमाणपत्र र मालपोत तथा भूमि व्यवस्था कार्यालय काठमाडौंलाई सिफारिस दिनका लागि सेवाग्राहीबाट २ लाख रुपैयाँ विगोसहित महर्जनविरुद्ध मुद्दा दायर गरेको आयोगले जनाएको छ ।

भण्डारीले आज जारी गरेको विज्ञप्तिमा लेखिएको छ, ‘निजले गरेको उक्त कार्य भ्रष्टाचार निवारण ऐन, २०५९ को दफा ३ को उपदफा (१) को कसुर भएको हुँदा निज बसन्त महर्जनलाई बिगो रु. २,००,००० ।– (दुई लाख रुपैयाँ) कायम गरी सोही ऐनको दफा ३ को उपदफा (१) र दफा ३ को उपदफा (१) देहाय खण्ड (घ) बमोजिम सजाय हुन मागदावी लिई अख्तियार दुरुपयोग अनुसन्धान आयोग ऐन, २०४८ को दफा १८ र ३५ एवं भ्रष्टाचार निवारण ऐन, २०५९ को दफा ३६ बमोजिम विशेष अदालत काठमाडौंमा आरोपपत्र दायर गरिएको छ ।’

उनलाई अख्तियारको टोलीले गत भदौ २१ गते दुई लाख रुपैयाँसहित नियन्त्रणमा लिएको थियो ।

बाँकेका किसानलाई राहत दिन गृह मन्त्रालयसँग रु. ३८ करोड माग

noreply@blogger.com (Yatra Media House) — Fri, 04 Feb 2022 14:37:00 +0000

जनक थापा ,बाँके २१ माघ, २०७८: गत असोज अन्तिम साता परेको बेमौसमी बर्षातले धानबालीमा पुर्याएको क्षतिको विवतरण बाँकेका तीन वटा स्थानीय तहले नपठाउँदै जिल्ला प्रशासन कार्यालय, बाँकेले शुक्रवार गृह मन्त्रालयमा पठाएको छ । स्थानीय तहले क्षतिको विवरण पठाउन ढिलाई गरेपछि प्रारम्भिक तथ्यांकको आधारमा क्षतिको अनुमानित रकम सहितको विवरण गह मन्त्रालयमा पठाएको प्रमुख जिल्ला अधिकारी सूर्यबहादुर खत्रीले बताए ।

उनले पटक–पटक ताकेता गर्दा पनि बैजनाथ, राप्तीसोनारी र नेपालगन्ज उपमहानगरले क्षतिको विवरण नबुझाएको बताए । तीन वटा स्थानीय तहको प्रारम्भिक विवरण समेतलाई समेटेर ३८ करोड रुपैँयाको क्षति विवरण पठाएको उनले जानकारी दिए ।

गृह मन्त्रालयले क्षतिको विवरण पठाउने अन्तिम समय सीमा २० माघसम्म दिएको थियो । ‘स्थानीय तहलाई विवरण बुझाउन पटक–पटक ताकेता गर्दा समेत नदिएपछि उनीहरुले दिएको प्रारम्भिक तथ्यांकलाई आधार मानेर अनुमानित रकम पठायौँ,’ उनले भने ।

श्रीमतीलाई बेचेर सालीसँग बिहे गर्ने पक्राउ

noreply@blogger.com (Yatra Media House) — Fri, 04 Feb 2022 14:32:00 +0000

काठमाडौँ । १२ वर्षअघि श्रीमतीलाई दिल्लीको कोठीमा बिक्री गरेको आरोपमा रुकुमका खगेन्द्र वली पक्राउ परेका छन् । मानव बेचबिखन अनुसन्धान ब्युरोले उनलाई उक्त आरोपमा प’क्राउ गरेको हो ।

१२ वर्षअघि निद्रा लाग्ने औषधी खुवाएर बेहोस बनाई आफूलाई दाङ हुँदै दिल्ली लगिएको पीडितको उजुरीका आधारमा उनी पक्राउ परेका हुन् । पछि दिल्लीमै होटल चलाउने एक नेपालीको सहयोगले आफु कोठीबाट बाहिर आएको उनले बताएकी छिन् ।

पक्राउ परेका वलीले भने आफूले श्रीमतीलाई बिक्री गरेको नभई उनी दिल्लीमा हराएको बताएका छन् । आफूले पटक पटक खोजी गरे पनि नभेटेको उनको दाबी छ । पछि उनले साली नाता पर्ने युवतीसँग बिहे गरेका थिए । एक गैरसरकारी संस्थामा कार्यरत उनले प्रेम गरेर पीडितसँग बिहे गरेकामा उनीहरूका दुई सन्तानसमेत छन् ।

डेढ करोड कमिसनको लागि ३ जनाको हत्या !

noreply@blogger.com (Yatra Media House) — Fri, 04 Feb 2022 14:18:00 +0000

तीन जनाको हत्या आरोपमा पक्राउ परेका अनिलकुमार मण्डलले हत्या जग्गा किनबेच गर्दा आउने कमिसनका कारण भएको प्रारम्भिक बयान दिएका छन् । अपराध महाशाखा काठमाडौं र मोरङ प्रहरीसमक्ष दिएको प्रारम्भिक बयानमा हत्याको कारण जग्गाको बैना वापत आउने कमिसन नै रहेको आरोपीले बताएका हुन् ।

प्रहरी स्रोतका अनुसार यी चारजना जग्गा व्यवसायीको समूहले झापामा ५० करोडको जग्गा बैना गराएको थियो । जग्गा कसले कसलाई गराएको स्पष्ट नभएपनि ५० करोडको जग्गा बैना गराएवापत ३ प्रतिशतले हुन आउने डेढ करोड रुपैयाँ कमिसन आउने पक्कापक्की भएको थियो । तर कमिसनका विषयमा लिम्बुले धेरै भाग खोजेपछि कमिसन एकलौटी पार्ने उद्देश्यका साथ मण्डलले पहिले लिम्बु र पछि अन्य दुई जनाको हत्या गराएका थिए ।

प्रहरी स्रोतका अनुसार जग्गाको कमिसनको विषयमा कुरा नमिलेपछि मण्डलको समूहले मंसिर २८ गते लिम्बुलाई ललितपुरको धापाखेलमा बोलाएर हत्या गरेको थियो । उक्त हत्याकाण्डको पोल खुल्ने डरले पछि मण्डलको समूहले राजेन्द्र कुमार श्रेष्ठलाई पुषको ५ गते र शम्भु चौधरीलाई पुषको ७ गते मोरङमा हत्या गरेका थिए ।

त्यसपछि शव वेपत्ता बनाउन लिम्बुको शव धापाखेलकै एक घरको कम्पाउन्ड र श्रेष्ठ र चौधरीको शव मोरङको धनपालथान गाउँपालिका ७ कमलपुरमा रहेको उखुबारीमा खाल्डो खनेर गाडिएको थियो । छिटो शव गलाउनका लागि उनीहरुले सबै स्थानमा नुनको प्रयोग गरेका थिए ।

हत्याको आरोपमा प्रहरीले तत्काल तीन जनालाई पक्राउ गरेको छ । पक्राउ पर्नेमा सिराहा नगरपालिका वडा नं २१ सिराहा घर भई बल्खु बस्ने ३१ वर्षीय अनिलकुमार मण्डल, जहदा गाउँपालिका ४ सिस्वनी बस्ने वर्ष २९ को अमित साह भनिने दीनानाथ सोनार र धनपालथान गाउँपालिका ७ कमलपुर बस्ने ६२ वर्षीय नासिर आलम छन् । हत्यामा अन्य केही नेपाली तथा भारतीय नागरिकको पनि संलग्नता रहेको र उनीहरु फरार रहेकाले खोजीकार्य भइरहेको प्रहरीले जनाएको छ ।

मण्डलले चारजना भारतीय नागरिकलाई २० लाख रुपैयाँ दिएर श्रेष्ठ र चौधरीको हत्या तथा शव व्यवस्थापन गर्न लगाएको प्रहरीले बताएको छ ।

दाङको घोराही स्थित गुलरीयाबाट खैरो हेरोईन सहित एक जना पक्राउ

noreply@blogger.com (Yatra Media House) — Fri, 04 Feb 2022 12:47:00 +0000

दाङको घोराहीबाट लागूऔषध सहित एक जनालाई प्रहरीले पक्राउ गरेको छ ।

घोरही उपमहानगरपालिका-१७ गुलरीया नजिकै सार्वजनिक बाटोबाट १ ग्राम ३ सय ८० मिलिग्राम अवैध लागूऔषध खैरो हेरोईन जस्तो देखिने धुलो पदार्थ सहित सोही उपमहानगरपालिका-१२ हापुर बस्ने २६ वर्षीय दिपेन्द्र खड्कालाई बुधबार दिउँसो प्रहरीले पक्राउ गरेको छ ।

जिल्ला प्रहरी कार्यालय दाङबाट खटिएको प्रहरीले जाँच गर्नेक्रममा उनलाई उक्त पदार्थ सहित फेला पारी पक्राउ गरेको हो ।

प्रहरी अनुसार खड्काको शरिर खानतलासी गर्दा उनले लगाएको ज्याकेटको भित्री खल्तीमा चुरोटको डिब्बा भित्र रातो प्लाष्टिकको टुक्राहरुमा धागोले बाधेको अवस्थामा ३४ पुडिया खैरो हिरोईन जस्तो देखिने धुलो पदार्थ फेलापारेको हो ।