YoungConcious™

Huyu ndie Mzee mwenye watoto 100 anasema ana nia ya kuongeza watoto zaidi

noreply@blogger.com (Young Concious) — Sun, 16 Jul 2017 16:03:00 +0000

Kofi Asilenu mwenye umri wa miaka 80 ni baba wa watoto 100 na wake 12.

Wakati ulimwengu ulipoadhimisha siku ya idadia ya watu duniani mwanamume mmoja alikuwa na sababu 100 za kusherehekea.

Kofi Asilenu mwenye umri wa miaka 80 ni baba wa watoto 100 na wake 12.
Anaishi na familia yake katika kijiji chaAmankrom kilicho umbali wa kilomita 45 kutoka mji mkuu Acca.
Familia yake ni thuluthi moja ya watu 600 katika kijiji hicho.
Anasema kuwa anataka familia kubwa kwa sababu hakuwa na ndugu.

Sina kaka wala shangazi,ndio sababu niliamua kuwa na watoto wengi ndio wapate kunipa maziko yaliyo mazuri nikifa.
Familia hiyo yake hata hivyoy imemgharimu pakubwa. anasema alikuwa mtu mwenye mali, lakini male hiyo ilipungua kutokana na gharama ya kuitunza familia yake kubwa
Kofi Asilenu anaonekama kuwa mwenye afya nzuri na hata anasema kuwa na watoto zaidi.

Wimbo wa Wiz Khalifa wavunja rekodi ya ''Gangnam Style'' YouTube

noreply@blogger.com (Young Concious) — Sun, 16 Jul 2017 15:54:00 +0000

Gangnam Style ilikuwa video inayotazamwa zaidi katika mtandao wa Youtube.

Psy's Gangnam Style sio video inayotazamwa zaidi katika mtandao wa Yutube.

Wimbo huo maarufu kutoka Korea Kusini ulikuwa wimbo uliochezwa sana katika mtandao huo katika kipindi cha miaka mitano iliopita.
Kanda hiyo ya video iliopata umaarufu hadi kuweka rekodi ya wimbo uliochezwa sana katika YouTube, hatua iliofanya kampuni hiyo kuandika alama mpya ya siri ya wimbo huo.
Lakini wimbo huo sasa umepitwa na kanda nyengine ya muziki wa Wiz Khalifa na Charlie Puth see you again.
Wimbo huo sasa umetazamwa mara 2,895,373,709 hivyobasi kuipiku idadi ya watazamaji 2,894,426,475 wa Psys.

Charlie Puth aliandika wimbo See You Again huku Wiz Khalifa khalifa akiongeza mistari

Hiyo inaamanisha kwamba ''See You Again'' imetazamwa kwa jumla ya miaka 21,759.
Iwapo mtu mmoja angesikiza kila wimbo uliotazamwa katika mtandao huo wangeanza kusikiza wakati wa miaka ya barafu.
Wimbo huo uliandikiwa filamu Furious 7 ili kumuomboleza muigizaji Paul Walker aliyefariki katika ajali ya barabarani kabla ya filamu hiyo kukamilishwa.
Ikiwa na maneno ya kumuenzi Paul Walker{("it's been a long day without you my friend/ And I'll tell you all about it when I see you again"), Wimbo huo umekuwa ukipigwa sana katika mazishi nchini Uingereza.

See You Again uliimbwa kumuenzi Paul;a Walker aliyefariki katika ajali ya barabarani

Ulikuwa wimbo uliouza sana duniani 2015 na kupokea tuzo ya wimbo bora katika tuzo za Grammy na Oscars.
Kanda hiyo ya muziki inashirikisha eneo la mwisho la filamu ya Furious 7 ambapo waigizaji nyota Dominic Toretto {Van Diesel na O'Brien O'Conner{ Cody Walker anayechukua mahali pa nduguye Paul} wanaendesha gari sako kwa bako , wakitabasamu kwa mara ya mwisho kabla ya kuelekea katika barabara tofauti.
Huku kamera zikielekezwa juu mbinguni, kuna mshororo unaosoma: ''Ni ya Paul'' na kanda hiyo inaisha.

Je Unataka kuishi miaka mingi!? Zingatia haya

noreply@blogger.com (Young Concious) — Sun, 16 Jul 2017 15:48:00 +0000

Watu wanaokunywa kahawa wanaishi miaka mingi: Utafiti

Ukikunywa vikombe vitatu vya kahawa kwa siku unaweza kuishi miaka mingi, kwa mujibu wa utafiti uliofanyiwa karibu watu nusu milioni kutoka nchi 10 za Ulaya.

Utafiti huo uliochapishwa kwenye jarida na Annals of Internal Medicine, unasema kuwa unywaji wa kahawa unaweza kuongeza maisha ya mtu.

Kijana afariki baada ya kunywa kafeini nyingi kwa haraka

Lakini wataalamau wanasema kuwa ni vigumu kusema kuwa ikiwa ni unywaji kahawa unachangia watu kuishi miaka mingi au ni maisha ya kiafya wanayoishi wanywaji kahawa.
Watafiti kutoka shirika la Agency for Research on Cancer and Imperial College London, wanasema wamegundua kuwa unywaji wa kahawa nyingi unahusiana na hatari kidogo ya kufariki hasa kutokana na magonjwa ya moyo.

Watu wanaokunywa kahawa wanaishi miaka mingi: Utafiti

Waliafikia uamuzi baada ya kuchunguza takwimu kutoka kwa watu walio na umri wa zaidi ya miaka 35 kutoka nchi 10 za Ulaya
Waliawauliza watu wakati wakianza utafiti kuhusu kiasi cha kahawa walikuwa wakinywa kisha wakaangali vifo vilivyotokea katika kipindi cha miaka 16.
Lakini cha kuvunja moyo kwa wanywaji wa kahawa, ni kuwa ugunduzi huu haueleweki vyema.

Coca-Cola ilivyopata jina lake

Kwa mfano haukuonyesha ni kipato cha kiwango gani wanywaji pombe hupata ikilinganishwa na wale wasiokunywa kahawa.
Huenda ikawa labda watu walio na uwezo wa kununu vikombe vitatu vya kahawa kila siku wana pesa zaidi, na kwa njia moja au nyingine huwasaidia kulinda afya zao.

Watu wanaokunywa kahawa wanaishi miaka mingi: Utafiti

STORY ZA SOKA ULAYA LEO

noreply@blogger.com (Young Concious) — Sun, 16 Jul 2017 15:42:00 +0000

Kylian Mbappe

Real Madrid wanafikiria kumuuza mshambuliaji Gareth Bale, 27, ili kupata fedha za kumnunua Kylian Mbappe, 18, kutoka Monaco. (Sunday Express)

Meneja wa Arsenal Arsene Wenger anaamini Kylian Mbappe atabakia Monaco kwa msimu mmoja zaidi. (Sun on Sunday)
Dau la Chelsea la pauni milioni 88 la kumtaka mshambuliaji wa Juventus Gonzalo Higuain, 29, limekataliwa. (Tuttosport)
Kuna wasiwasi kuhusu hatma ya meneja wa Chelsea Antonio Conte, 47, baada ya mazungumzo ya mkataba mpya kusuasua. (Sun on Sunday)
Liverpool wanatarajiwa kupanda dau jipya kutaka kumsajili kiungo wa RB Leipzig, Naby Keita, 22 wiki ijayo, baada ya dau la pauni milioni 57 kukataliwa. (Sunday Mirror)
Kumekuwa na wasiwasi zaidi kuhusiana na mustakbali wa Alexis Sanchez, 28, baada ya kusema anataka kucheza Klabu Bingwa Ulaya. (ESPN)

Alexis Sanche

Manchester City wanaongeza juhudi zao za kutaka kumsajili beki wa kushoto wa Monaco, Benjamin Mendy, 22, kwa pauni milioni 50 hii ni baada ya Tottenham kukataa kuwauzia Danny Rose, 27. (Sunday Express)
Stoke City wanasubiri West Ham kupanda dau la tatu kutaka kumsajili Marko Arnautovic, 28. Stoke wanataka pauni milioni 22.5. (Mail on Sunday)
Meneja wa Arsenal Arsene Wenger amesema kiungo Alex Oxlade-Chamberlain, 23, atabakia Emirates, licha ya Liverpool kumtaka. (Metro)
Leicester City wanataka pauni milioni 40 kumuuza Riyad Mahrez, 26, kwenda Roma. Chelsea na Everton pia wanamtaka winga huyo. (Mail on Sunday)
Riyad Mahrez tayari amekubaliana na Roma. (Mediaset)
Beki wa kulia wa Real Madrid, Danilo, 26, anataka kuhamia Chelsea. (Diario Gol)
Manchester City nao wamejiunga katika mbio za kutaka kumsajili beki wa kulia wa Real Madrid Danilo, 26, ambaye thamani yake ni takriban pauni milioni 21.9. Chelsea na Juventus wanamtaka pia beki huyo kutoka Brazil. (Sunday Times)

Danilo (kulia)

Kiungo wa Manchester United Ander Herera, 27, atasaini mkataba mpya wa miaka minne wa mshahara wa pauni 200,000 kwa wiki kubakia Old Trafford. (Daily Star Sunday)
Andrea Belotti ameiambia AC Milan anataka kujiunga nao, lakini klabu yake, Torino inataka euro milioni 100. Milan wapo tayari kutoa euro milioni 40 pamoja na Gabriel Paletta na M'Baye Niang. (Calciomercato)
Everton wanapanga kutoa pauni milioni 30 kumtaka mshambuliaji wa Arsenal Theo Walcott. (Sunday People)
Winga wa Monaco, Thomas Lemar ameitaka klabu yake ya Monaco kumruhusu kuondoka na kujiunga na Arsenal. (Daily Star).
Mshambuliaji wa Liverpool Daniel Sturridge amekataa kuhamia Beijing Guoan. (Sunday People)
Ivan Perisic ameondoka katika kambi ya mazoezi ya Inter Milan, huku kukiwa na taarifa zaidi kumhusisha na kuhamia Manchester United. (Calciomercato)
Manchester United wanataka Real Madrid imhusishe Toni Kroos katika mkataba wowote wa kumtaka kipa David de Gea. (Daily Mirror)

David de Gea (katikati)

AC Milan wanataka kumsajili Luka Modric, lakini watakabiliwa na kazi ngumu kumshawishi kiungo huyo kuhamia San Siro. (Calciomercato)
Barcelona wapo tayari kuongeza dau hadi euro milioni 30 kumsajili Paulinho kutoka Guangzhou Evergrande. (Mundo Deportivo)
Inter Milan wanataka kuwapiku Liverpool katika kumsajili kiungo wa RB Leipzig Naby Keita. (Calciomercato)
Habari zilizothibitishwa tutakujuza mara zitakapothibitishwa. Kwa orodha kamili ya wachezaji waliokamilisha rasmi usajili bofya link hii: http://www.bbc.co.uk/sport/football/transfers
Tetesi nyingine kesho tukijaaliwa. Jumapili njema.

SOURCE: BBCSwahili

Chelsea: yamsajili Kiungo wa kati Bakayoko

noreply@blogger.com (Young Concious) — Sun, 16 Jul 2017 13:33:00 +0000

Chelsea imemsajili Tiemoue Bakayoko kwa kandarsi ya miaka 5

Chelsea imemsajili kiungo wa kati Tiemoue Bakayoko kutoka klabu ya Ufaransa ya Monaco kwa kitita cha fedha kisichojulikana.

Raia huyo wa Ufaransa mwenye umri wa miaka 22 ametia saini kandarasi ya miaka mitano na mabingwa hao wa ligi ya Uingereza.
Ni mchezaji wa pili kusajiliwa na Chelsea baada ya hapo awali kumsajili beki Antonio Rudiger kutoka Roma.
Bakayoko alijiunga na Monaco kutoka klabu ya ligi ya dara la kwanza Rennes 2014 na kuchezeshwa mara kwanza katika timu ya taifa katika mechi dhidi ya Uhispania mwezi Machi ambapo Ufaransa ilipoteza mwaka huu.
Alikuwa miongoni mwa kikosi cha Monaco kilichofika nusu fainali ya kombe la vilabu bingwa Ulaya msimu uliopita baada ya kubanduliwa na Juventus.
Bakayoko ambaye atavalia jezi nambari 14 akiwa Chelsea alisema:Nafurahi sana kuwa hapa na kujiunga na timu hii.
''Nimekuwa nikiangalia Chelsea.Kusaini mkataba lilikuwa swala la kawaida kwa sababu ni klabu nilioipenda utotoni mwangu''.

SOURCE: BBCSwahili

noreply@blogger.com (Young Concious) — Sun, 16 Jul 2017 13:29:00 +0000

Beyonce hatimaye apiga picha na pacha wake

Beyonce apiga picha na pacha wake

Beyonce hatimaye amesambaza picha ya kwanza aliyopiga na watoto wake pacha kuadhimisha mwezi mmoja tangu wazaliwe.

Msanii huyo wa Marekani alithibitisha kwamba majina yao ni Sir Carter na Rumi ambayo yalitolewa katika uvumi baada yeye na mumwe kuyatumia kama nembo ya biashara.
Picha hiyo inamuoyesha mama huyo mwenye umri wa miaka 35 na pacha hao wakiwa ndani ya shiti la rangi ya zambarau huku yeye mwenye akiwa amevalia vazi la rangi ya buluu

.Ilipata watu milioni mbili walioipenda katika mtandao wa Instagram katika saa moja tu.
Beyonce aliandika: Sir Carter na Rumi wamefikisha mwezi mmoja leo huku akiweka emoji ya mikono ya maombi na mwanamke, mwanamume na watoto wawili.
Mbali na pacha hao ambao ni mvulana na msichana Beyonce na JAY-Z pia ni baba wa mtoto wa miaka mitano Blue Ivy.

Beyonce katika picha aliyotangaza uja uzito wake

Mtindo wa picha hiyo ambapo Beyonce amesimama katika bustani akiwa hana viatu mbele ya eneo lenye maua unafanana na picha aliyopiga akitangaza uja uzito wake katika mtandao huo.
Ulimwengu ulikuwa ukisubiri kwa hamu kuwaona watoto hao tangu vyombo vya habari viliporipoti kwamba mwimbaji huyo wa Lemonade alikuwa amejifungua mwezi uliopita.
Lakini hakuna kati yao aliyethibitisha pacha hao .

Babake Beyonce Martin Knowles alituma ujumbe katika Twitter tarehe 18 mwezi Juni akisema: Ndio hawa 'happy birthday kwa pacha hao''- lakini wakati wa chapisho hilo la Beyonce linaonyesha kuwa watoto hao walizaliwa tarehe 14 mwezi Juni.
Haishangazi kwamba mashabiki walilazimika kusambaza maoni yao katika picha hiyo.
DJ wa BBC radio One Clara Amfo aliandika katika Twitter: Soo extra and I love it.

SOURCE: BBCSwahili

TANZANIA;Usher Raymond azuru mbuga ya Serengeti

noreply@blogger.com (Young Concious) — Sun, 16 Jul 2017 12:57:00 +0000

Usher Raymond akipiga picha na familia yake katika mbuga ya Serengheti nchini Tanzania

Msanii wa Marekani Usher Raymond yuko ziarani nchini Tanzania akitembelea eneo la uhifadhi wa wanyama pori la Serengti National Park.

Bwana Raymond alichapisha baadhi ya picha akiwa na familia yake katika akaunti yake ya Twitter.
Alielezea hali ilivyo katika eneo hilo kama ya kufurahisha .
Ripoti za Usher Raymond kuzuru Tanzania zilisambaa kwa haraka nchini humo.

Usher Raymond

Watu wengine maarufu akiwemo mchezaji wa zamani wa Manchester United na Real Madrid David Becham, aliyekuwa mchezaji wa Liverpool Mamadou Sakho, mchezaji wa Everton Morgan Schneiderlin ni miongoni mwa wale waliozuri katika sehemu mbali mbali za kitalii nchini humo mwaka huu.
Vivutio vya kitalii nchini Tanzania kama vile mbunga ya uhifadhi wa wanyama pori ya Serengeti na mlima Kilimanjaro ni vivutio vinavyoongoza kwa utalii ambapo watu wengi maarufu wametembela.

SOURCE: BBCSwahili

SENEGAL:Watu 8 wamefariki katika mkasa cha kukanyagana nchini

noreply@blogger.com (Young Concious) — Sun, 16 Jul 2017 12:51:00 +0000

Ukuta ulioporomoka ulikuwa umeunganishwa na viti vya kukalia uwanjani

Duru kutoka Senegal, zinasema kuwa watu wanane wameuwawa katika kisa cha kukanyagana, baada ya vurumai kutokea wakati wa mchuano wa mechi ya kandanda, kwenye mji mkuu wa nchi hiyo, Dakar.

Shirika rasmi la habari la serikali ya nchi hiyo- (APS), linasema kwamba mashabiki wa timu mbili za soka, walikabiliana baada ya mchuano wa soka uliochezewa katika uwanja wa michezo wa Demba Diop stadium, kumalizika.
Ukuta uliporomoka wakati ambapo idadi kubwa ya watu walipokuwa wakiondoka kwa kasi uwanjani.

Nyavu ya goli iliyoharibiwa baada ya kutokea kwa rabsha

Idadi kubwa mno ya watu wamejeruhiwa.
Kisa hicho kilitokea wakati wa fainali ya kuwania kombe la ligi kuu nchini humo, kati ya timu ya soka ya Stade de Mbour na Union Sportive Ouakam.
Mapigano yalianza kati ya mashabiki wa timu hizo mbili hasimu, hatua iliyowachochea maafisa wa polisi kuwarushia vitoa machozi. Hatua hiyo ilisababisha taharuki kubwa miongoni mwa mashabiki ambao walianza kukimbia na kusababisha mkanyangano, na kuporomoka kwa ukuta.
Baadhi ya mashabiki walirusha kila aina ya vifaa yakiwemo mawe.

Ramani ya taifa la Senegal

Picha zinazosambazwa mitandaoni, zinaonesha watu wakikurupuka na kujaribu kupanda juu ya ukuta mfupi, huku wakizungukwa na wingu kubwa wa moshi wa vitoa machozi.
Runinga ya taifa ya nchi hiyo, inasema kuwa, magari ya huduma za dharura na vikosi vya zima moto vilifika maeneo ya tukio hilo.

SOURCE:BBCSwahili

BRAZIL:Mwanasiasa atupiwa mayai wakati akifunga ndoa

noreply@blogger.com (Young Concious) — Sun, 16 Jul 2017 12:42:00 +0000

Maria Victoria Barros, 25, ni mbunge huko Panara

Mwanasiasa mmoja nchini Brazil amewakashifu waandamanaji wa mrengo wa kushoto kwa kuwadhulumu wageni wakati wa harusi yake kufuati familia yake kumuunga mkono Rias Michel Temer.

Maria Victoria Barros, 25, ni mbunge huko Panara na bintiye waziri wa afya nchini Brazil
Mamia ya waandamanaji walikusanyika nje ya kanisa ambapo sherehe zilikuwa zikifanyika siku ya Ijumaa jioni.
Waandamanaji hao walirusha mayai na mwanasiasa hiyo akalamizimika kuondoka akitumia gari lisilopenya risasi

Sherehe hiyo ilihuduriwa na wanasiasa wa nchi hiyo, akiwemo babake Ricardo Barros na mamake Cida Barghetti naibu gavana wa Parana.
Takriban wabunge 30 wa nchi hiyo waliakikwa kusafiri kutoka mji mkuu Brasilia kuhudhuria harusi kwenye mji mkuu wa jimbo la Parana Curitiba.
Picha katika mtandao wa You Tube zinaonyesha walinzi walifungua miavuli kuwakinga binti na bwana harusi walipokuwa wakiondoka kanisani.

Babake Maria Victoria Ricardo Barros (kulia), amekuwa katika baraza la mawaziri la Temer tangu Mei 2016

SOURCE: BBCSwahili

Yaliojiri Katika Soka Ulaya :Leo

noreply@blogger.com (Young Concious) — Fri, 23 Jun 2017 14:26:00 +0000

Tetesi za Soka Ulaya Ijumaa 23.06.2017

Paris-Saint Germain wapo tayari kutoa kitita kitakachovunja rekodi ya dunia cha pauni milioni 119 kumsajili Kylian Mbappe, 18, kutoka Monaco (Mirror).

Lakini Arsenal wanajiandaa kutoa dau jipya kumsajili Mbappe, huku Arsene Wenger akiwa na uhakika wa kumpata mchezaji huyo (Metro).
Mbappe hana tatizo la wazo la kwenda Emirates (Telegraph).
Dau la pauni milioni 100 kutoka Liverpool la kumtaka Kylian Mbappe limekataliwa (Marca).

Mbappe inasemekana amekuwa na mazungumzo na meneja wa Real Madrid Zinedine Zidane (L'Equipe).
Meneja wa Chelsea Antonio Conte yuko tayari kumuuza kiungo Nemanja Matic, 28, kwenda Manchester United ili aweze kufanikisha usajili wa kiungo wa Monaco Tiemoue Bakayoko, 22, kwa pauni milioni 42 (The Times).
Real Spciedad wamekubali kulipa pauni milioni 10 kumsajili winga wa Manchester United Adnan Januzaj, 22 (Daily Mail).

Adnan Januzaj

Beki Matteo Darmian wa Manchester United amempigia simu Jose Mourinho na kumuomba amsaidie katika kuhamia Juventus (Sun).
Mwenyekiti wa Stoke City Peter Coates amesisitiza kuwa hana mipango ya kumuuza Xherdan Shaqiri, 25, msimu huu (TalkSport).
Dau la pauni milioni 12 la Stoke kumtaka beki wa Middlesbrough Ben Gibson, 20, limekataliwa. Middlesbrough wanataka zaidi ya pauni milioni 20 (Mirror).
Tottenham wamewasiliana na Fiorentina, kumuulizia kiungo Matias Vecino, 25 (TalkSport).
Tottenham wapo tayari kutoa pauni milioni 17.5 kumsajili winga wa Schalke Max Meyer (Sun).

Spurs pia wanajiandaa kumpa mkataba mpya wa miaka mitano beki wa kulia Kieran Trippier, 26, (Mirror).
Liverpool wameambiwa na Borussia Dortmund kuwa mshambuliaji Pierre-Emerick Aubameyang, 28, atagharimu pauni milioni 63 (Bild).
Liverpool wamekataa dau la pauni milioni 11 kutoka Napoli la kumtaka beki Alberto Moreno 24 (Telegraph).
John Terry anafikiria kwenda Aston Villa, huku akitarajia timu nyingine za Ligi Kuu zitamtaka pia (Guardian).

John Terry alikuwa amehusishwa na kuhamia West Brom

Antonio Conte amewaambia Chelsea kuwa anamtaka Leonardo Bonucci, 30, wa Juventus au Virgil van Dijk, 25 wa Southampton ili kuimarisha safu yake ya ulinzi (Guardian).
Burnley wana matumaini ya kuwakatisha tamaa West Brom katika mbio za kumsajili beki wa kushoto wa Leeds Charlie Taylor, 23 (Burnley Express).
Bayern Munich wapo tayari kumtoa kwa mkopo winga wa zamani wa Arsenal Serge Gnabry, baada ya kumsajili msimu huu, huku wakisaka jina kubwa katika ushambuliaji (SportBild).
Lyon wamekubaliana ada ya pauni milioni 16.7 kumsajili mshambuliaji wa Chelsea Bertrand Traore, 21 (L"Equipe).
Intare Milan wanafikiria kupambana na Juventus katika kumsajili kipa wa Arsenal Wojciech Szczesny, 28 (Evening Standard).
Chelsea wanakaribia kukamilisha usajili wa pauni milioni 100 wa Leonardo Bonucci na Alex Sandro kutoka Juventus (The Sun).

Wojciech Szczesny

Manchester City wanazidi kuamini kuwa wataweza kumsajili Alexis Sanchez, 28, kwa pauni milioni 50. Chelsea nao wanataka kujaribu kupanda dau kumchukua Sanchez na watatoa dau rasmi hivi karibuni (Daily Mirror).

Salah avunja rekodi ya dau la usajili Liverpool

Arsenal wanataka kumfanya Jack Butland kuwa mrithi wa Petr Cech (Daily Star).
Habari zilizothibitishwa tutakujuza mara zitakapothibitishwa. Tetesi nyingine kesho tukijaaliwa. Weekend Njema nyote!!

Source:BBCSwahili

Lionel Messi akwepa kulipa kodi

noreply@blogger.com (Young Concious) — Fri, 23 Jun 2017 14:09:00 +0000

Lionel Messi kulipa maelfu ya pesa kukwepa jela

Lionel Messi alipatikana na hatia 2016

Nyota wa soka duniani Lionel Messi huenda akaamua kulipa faini kukwepa kifungo cha miezi 21 jela ambacho alihukumiwa na mahakama Uhispania kwa kosa la ulaghai wakati wa kulipa kodi, taarifa Uhispania zinasema.

Mwendesha mashtaka wa serikali nchini Uhispania anatarajiwa kubadilisha kifungo hicho kuwa faini ya €255,000 ($285,000; £224,000), ambayo ni sawa na €400 kwa kila siku ambayo angekaa gerezani.
Uamuzi wa mwisho kuhusu kulipwa kwa faini utatolewa na mahakama.
Messi, pamoja na babake Jorge, walipatikana na hatia ya kuilaghai Uhispania jumla ya €4.1m kati ya 2007 na 2009.

Mahakama mjini Barcelona iligundua kwamba walitumia maeneo salama kwa ulipaji kodi Belize na Uruguay ili kukwepa kulipa kodi.
Kando na huku hiyo ya kifungo jela, nyota huyo wa klabu ya Barcelona pia alitozwa faini ya €2m na babake €1.5m.
Walijitolea kulipa €5m "kama malipo ya kufidia", kiasi ambacho ni sawa na kiasi cha kodi ambayo anadaiwa kukwepa kulipa pamoja na riba, Agosti mwaka 2013.
Rufaa ya Messi dhidi ya hukumu hiyo ilikataliwa na Mahakama ya Juu nchini Uhispania mwezi jana, ingawa muda wa babake kusalia gerezani ulipunguzwa kwa sababu alikuwa amelipa kiasi fulani cha kodi.
Hata hivyo, Messi hajawahi kutarajiwa kwenda jela, kwani chini ya mfumo wa mahakama nchini Uhispania, kifungo cha chini ya miaka miwili jela kinaweza kutumikiwa kama kifungo cha nje.

Ufanisi wa Lionel Messi na masikitiko

Alifikisha magoli 500 akiwa na Barcelona Aprili 2017
Mshindi wa tuzo ya mchezaji bora duniani ya Fifa, Ballon d'Or, mara tano ambayo ni rekodi.
Alichaguliwa mchezaji bora zaidi wa Uefa barani Ulaya mara tatu
Ameshinda Ligi ya Klabu Bingwa Ulaya akiwa na FC Barcelona mara nne
Ameshinda ligi Uhispania mara nane akiwa na FC Barcelona
Anashikilia rekodi ya kufunga mabao mengi zaidi La Liga
Alishinda dhahabu ya Olimpiki akiwa na Argentina mwaka 2008
Anaongoza ufungaji mabao Argentina akiwa na mabao 55 timu ya taifa

...masikitiko:

Juni 16 2016: Aliangika daluga zake timu ya taifa Argentina baada ya kushindwa kufunga penalti fainali ya Copa America dhidi ya Chile (alibadilisha uamuzi huo baadaye)
ilikuwa mara ya nne kwa Argentina kushindwa katika fainali kubwa katika miaka tisa
walishindwa pia: Copa America (2015) dhidi Chile (mikwaju ya penalti); Kombe la Dunia 2014 dhidi ya Ujerumani; Copa America (2007) dhidi ya Brazil

Barcelona ''kuamua'' kuhusu kandarasi mpya ya Messi
Guardiola: ''Ni Messi pekee anayemshinda Kevin de Bryne''
Mourinho adaiwa kukwepa kodi Uhispania

Messi hayko peke yake katika matatizo kuhusu kodi Uhispania. Mshindani wake Cristiano Ronaldo pia huenda akashtakiwa. Ronaldo anadaiwa kufanya ulaghai wa jumla ya €15m(£13m) katika ulipaji ushuru kati ya 2011 na 2014.
José Mourinho naye anadaiwa kulaghai maafisa wa kodi €3.3m (£2.9m; $3.6m) alipokuwa meneja wa Real Madrid kati ya 2011 na 2012.

Source:BBCSwahili

Botswana:Rais wa zamani Ketumile Masire afariki akiwa na umri wa miaka 91

noreply@blogger.com (Young Concious) — Fri, 23 Jun 2017 14:00:00 +0000

Sir Ketumile Masire - amechukuliwa na wengi kama mwasisi wa uthabiti wa kisiasa Botswana

Botswana imetangaza siku tatu za maombolezi ya kitaifa kufuatia kifo cha rais wa zamani wa nchi hiyo, Sir Ketumile Masire akiwa na miaka 91.

Sir Ketumile, aliongoza taifa hilo kuanzia 1980 hadi 1998, na amekuwa akisifiwa kwa kuchangia pakubwa katika kuweka msingi imara wa uthabiti wa kisiasa katika taifa hilo, shirika la AFP linasema.
Alishiriki pia katika mikakati ya kufanikisha amani katika mataifa kadha Afrika, ikiwa ni pamoja na kufikisha kikomo vita vya wenyewe kwa wenyewe vya muda mrefu nchini Msumbiji.
Botswana ni moja ya nchi tajiri na thabiti zaidi barani Afrika.
Sir Ketumile alichukua uongozi kufuatia kifo cha rais wa kwanza wa Botswana baada ya uhuru Sir Seretse Khama mwaka 1980.

Hadithi ya mapenzi iliyoshangaza dunia

Alitumikia taifa hilo kama waziri wake wa kwanza wa fedha na baadaye kama makamu wa rais kabla ya kuwa rais.
Sir Ketumile alistaafu 1998 baada ya kuongoza taifa hilo katika kipindi cha ukuaji mkubwa wa kiuchumi na usimamizi mwema wa utajiri wa almasi wa Botswana.
Aidha, alishiriki katika kuunga mkono vita dhidi ya serikali ya ubaguzi wa rangi Afrika Kusini na kuunga mkono pia harakati za kupigania uhuru katika mataifa mengine ya kanda hiyo.
Kama kiongozi mstaafu, alishiriki katika juhudi za upatanisho kote Afrika, ikiwa ni pamoja na nchini Kenya, Lesotho, Swaziland na Jamhuri ya Kidemokrasia ya Congo.
Sir Ketumile alikuwa pia mwenyekiti wa Jopo la Kimataifa la Watu Wastahiki ambalo lilichunguza mauaji ya kimbari ya Rwanda ya mwaka 1994.

Source:BBCSwahili

Je, unamjua Mchezaji alie vunja Dau kubwa la usajili Liverpool!?

noreply@blogger.com (Young Concious) — Fri, 23 Jun 2017 11:46:00 +0000

Salah amepewa jezi namba 11 aliyokua akivaa Roberto Firmino ambae kwa sasa atavaa jezi namba 9

Liverpool wamekamilisha dili la usajili winga Mohamed Salah, kutoka As Roma ya Italia, kwa dau la Pauni million 39.

Usajili wa winga huyu umevunja rekodi ya usajili kwa wachezaji waliowahi sajiliwa na timu hiyo ambapo usajili wa gharama zaidi ulikuwa wa mshambuliaji Andy Carrol, aliposajiliwa kwa dau la pauni milioni 35 mwaka 2011.
Salah raia wa Misri mwenye umri wa miaka 25 amesaini mkataba wa miaka mitano kuweza kutumikia Liverpool.
''Ninafuraha sana kuwepo hapa nitajitoa kwa asilimia mia moja na nitatoa kila kitu kwa ajili ya klabu hii, kiukweli nataka kushinda kitu nikiwa na timu hii", alisema Salah baada ya kukamilisha usajili huo.

John Depp:Atishia kuumua Trump

noreply@blogger.com (Young Concious) — Fri, 23 Jun 2017 11:40:00 +0000

Muigizaji azungumza kuhusu ''mauaji'' ya Trump

Muigizaji wa Caribbean

Muigizaji wa filamu Johny Depp alitishia kumuua rais wa Marekani Donald Trump wakati wa hotuba katika sherehe za Glastonbury.

Je unaweza kumleta Trump hapa? Aliwauliza mashabiki huku akizindua filamu yake ya The Libertine.
Baada ya kuzomwa na mashabiki aliongezea: Hamukuelewa kabisa ni lini muigizaji alimuua rais? Nataka kuweka wazi ,aliongezea.
''Mimi ni muigizaji. Ninadanganya ili kulipwa. ni kitambo nadhani ni wakati''.
Nyota huyo alikiri kwamba matamshi yake ambayo yanafananishwa na mauaji ya rais Abraham Lincoln yaliotekelezwa na muigizaji John Wilkes Booth 1865 yatazua hisia.
''Najua hii itakuwa katika vyombo vya habari na itatisha'',alisema.
''Ni swali tu, sikati tamaa ya mtu yeyote''.
Muigizaji huyo sio wa kwanza kusema kuhusu kumuua rais

Source:BBCSwahili

ISRAEL:Shirika la ndege lakatazwa kutowabadilishia viti wanawake

noreply@blogger.com (Young Concious) — Fri, 23 Jun 2017 11:24:00 +0000

Shirika la ndege lakatazwa kutowabadilishia viti wanawake Israel

Shirika la ndege la Israel EI AI limepigwa marufuku kutowaomba wanawake kubadilisha viti iwapo mwanamume wa kiyahudi atakataa kukaa karibu nao ,mahakama imeamuru.

Abiria Renee Rabinowitz ambaye ana umri wa miaka 80 aliwasilisha kesi dhidi ya shirika hilo la ndege baada ya kutakiwa kuondoka katika kiti ambacho angekaa na mwanamume wa kiyahudi.
Jaji wa Jerusalem alisema kuwa maombi kama hayo ni ya kibaguzi.
Hatahivyo shirika hilo la ndege linasema kuwa haliwalazimishi abiria kubadilishana viti.
Bi Rabinowitz ambaye ni manusura wa Holocaust alikuwa akisafiri kutoka Newark nchini Marekani kuelekea Tel Aviv 2015 wakati alipoombwa na mfanyikazi mmoja wa ndege kubadilisha kiti.
Alisema alihisi kuaibishwa.
Wanaume walio na msimamo mkali kuhusu dini na utamaduni nchini humo hujaribi kujizuia kuwagusa wanawake isipokuwa wake zao pekee ili kutovutiwa na uhusiano wa ziada.
Makundi ya kupigania haki za kibinaadamu nchini Israel ambayo yalikuwa yakimwakilisha bi Rabinowitz katika kesi hiyo walisema kuwa ushindi huo ulikuwa mkubwa katika vita virefu dhidi ya ubaguzi wa kijinsia.

Source:BBCSwahili

Hii ndo Listi ya Vyuo vikuu bora zaidi duniani mwaka 2017

noreply@blogger.com (Young Concious) — Sat, 10 Jun 2017 11:15:00 +0000

Orodha mpya ya kila mwaka ya vyuo vikuu bora zaidi duniani imetangazwa, ambapo chuo kikuu cha Massachusetts Institute of Technology (MIT) cha Marekani bado kinaongoza.

Vyuo vikuu vya Stanford na Harvard - pia kutoka Marekani - kadhalika vimeendelea kushikilia nafasi ya pili na ya tatu mtawalia.
Orodha hiyo ilishirikisha vyuo vikuu karibu 1,000.

Facebook kuwa somo chuo kikuu India

Vyuo vikuu hupimwa kwa mambo kama vile majarida na vitabu vya kisomi vilivyochapishwa, makala zilizonukuliwa, maoni ya wasomi pamoja na waajiri na pia ushiriki wa vyuo vikuu hivyo katika ngazi ya kimataifa.
Chuo kikuu cha Nairobi kimeorodheshwa kuwa kati ya nambari 801 na nambari 1000, kutoka kuanzia nambari 701 hadi 1000mwaka jana, sawa na Chuo Kikuu cha Makerere.

Vyuo vikuu 10 bora zaidi duniani kwa mujibu wa QS World University Rankings

Massachusetts Institute of Technology (MIT)
Stanford
Harvard
California Institute of Technology (Caltech)
Cambridge
Oxford
University College London
Imperial College London
Chicago
ETH Zurich

Chuo Kikuu cha Reading kinapatikana katika 200 bora katika orodha hiyo

Cambridge, Oxford, University College London na Imperial College London ndivyo vyuo vikuu pekee kutoka Uingereza ambavyo vimo kwenye kumi bora.
Kuna vyuo vikuu 76 vya Uingereza katika orodha hiyo ya vyuo vikuu bora, lakini waandalizi wa orodha hiyo wanasema vyuo 51 kati ya hivyo vimeshuka ukilinganisha na nafasi ya mwaka jana.

Vyuo Vikuu 50bora zaidi duniani kwa mujibu waQS World University Rankings
1 Massachusetts Institute of Technology (MIT)
2 Stanford University
3 Harvard University
4 California Institute of Technology (Caltech)
5 University of Cambridge
6 University of Oxford
7 UCL (University College London)
8 Imperial College London
9 University of Chicago
10 ETH Zurich - Swiss Federal Institute of Technology
11 Nanyang Technological University, Singapore (NTU)
12 Ecole Polytechnique Fédérale de Lausanne (EPFL)
13 Princeton University
14 Cornell University
15 National University of Singapore (NUS)
16 Yale University
17 Johns Hopkins University
18 Columbia University
19 University of Pennsylvania
20 The Australian National University
=21 Duke University
=21 University of Michigan
=23 King's College London
=23 The University of Edinburgh
25 Tsinghua University
26 The University of Hong Kong
27 University of California, Berkeley (UCB)
=28 Northwestern University
=28 The University of Tokyo
30 The Hong Kong University of Science and Technology
31 University of Toronto
32 McGill University
33 University of California, Los Angeles (UCLA)
34 The University of Manchester
35 London School of Economics and Political Science (LSE)
=36 Kyoto University
=36 Seoul National University
=38 Peking University
=38 University of California, San Diego (UCSD)
40 Fudan University
=41 The University of Melbourne
=41 KAIST - Korea Advanced Institute of Science & Technology
43 Ecole normale supérieure, Paris
44 University of Bristol
45 The University of New South Wales (UNSW Sydney)
46 The Chinese University of Hong Kong (CUHK)
=47 Carnegie Mellon University
=47 The University of Queensland
49 City University of Hong Kong
50 The University of Sydney

Inakadiriwa kwamba kwa jumla kuna vyuo vikuu kati ya 20,000 na 26,000 kote duniani.

Source:BBCSWAHILI

UTAFITI:Yai kwa siku husaidia kuongeza ukuaji kwa watoto wadogo

noreply@blogger.com (Young Concious) — Sat, 10 Jun 2017 10:57:00 +0000

DERKIEN/GETTY

Kula yai kwa siku kunaweza kuwasaidia watoto wadogo wenye utapiamlo kuongeza urefu kulingana na utafiti wa miezi sita huko Ecuador.

Haijalishi ikiwa ni yale yaliyo chemshwa, au ya kukaanga, na watafiti wanasema ni njia isiyo ghali ya kuzuia kudumaa.

Miaka miwili ya kwanza maishani ni ya muhimu sana kwa ukuaji na maendeleo na kudumaa kunaweza kuleta madhara makubwa.

Lishe duni ni sababu kubwa ya kudumaa, pamoja na maambukizi ya utotoni na magonjwa.

Kwa mujibu wa Shirika la Afya Duniani, WHO, watoto milioni 155 chini ya umri wa miaka mitano wamedumaa (wafupi kwa umri wao).

Wengi wao wanaishi katika nchi zilizo na mapato ya chini na ya kati na wataalamu wa afya wamekuwa wakitafuta njia za kukabiliana na suala hilo.

Lora Iannotti na wenzake walifanya majaribio katika nyanda za vijijini ya Ecuador na kuwapa watoto wadogo sana (wenye umri wa miezi sita hadi tisa) mayai, ili kuona kama yataweza kuwasaidia.

Nusu tu kati ya watoto 160 ambao walishiriki katika majaribio walilishwa yai kila siku kwa muda wa miezi sita - wengine walifuatiliwa tu kwa sababu za ulinganifu.

Kudumaa hakukuonekana sana miongoni mwa wale waliolishwa mayai baada ya majaribio kumalizika. Maambukizi yalikuwa ni asilimia 47 chini ya yale ambao hawakula yai.

Baadhi ya watoto katika kundi lile lingine walikula mayai lakini sio kila siku.

Mtafiti kuu Bi Iannotti alisema: "Sisi tulishangazwa na nafuu iliyoletwa na jaribio hili.

"Na ni vyema sana kuwa ni njia iliyo nafuu sana hasa kwa watu wanaishi katika mazingira magumu au walio na upungufu wa lishe."

Mayai yana mchanganyiko wa madini, ambayo ni muhimu," alisema.

WHO inapendekeza akina mama duniani kote wawanyonyeshe watoto wachanga kwa miezi sita ili wakuwe kikamilifu kiafya. Baada ya miezi sita ya kwanza, watoto wachanga wanafaa kupewa vyakula nyongeza na kuendelea kunyonyeshwa hadi umri wa miaka miwili au zaidi

Lionel Messi:Sitoki Barcelona hadi tamati

noreply@blogger.com (Young Concious) — Sat, 10 Jun 2017 10:36:00 +0000

AFP

Lionel Messi alifunga magoli manne katika mechi ya fainali ya Copa del Rey, na kuwa mchezaji wa kwanza tangu mchezaji wa Athletic Bilbao Telmo Zarra kufanya hivyo mwaka 1950.

Mshambuliaji wa Barcelona Lionel Messi amesema angependa kusalia na klabu yake kwa siku zilizosalia katika taaluma yake.

''Ni kitu ambacho nimekuwa nikikitazamia na ni kitu nilichokuwa nikikitaka," alisema.

Kiungo huyo wa Argentina mwenye umri wa miaka 29 alijiunga na Barcelona akiwa na umri wa miaka 13, akashiriki mechi yake ya kwanza akiwa na umri wa miaka 17 na amefunga zaidi ya magoli 500 akiwa na klabu hiyo.

Messi ameshinda taji La liga mara nane, Ligi ya Klabu Bingwa Ulaya mara nne na tuzo mchezaji bora duniani Ballon d'Or mara tano.

Msimu uliopita chini ya kocha Luis Enrique, Barcelona walikuwa katika nafasi ya pili kwa ligi ya La Liga, alama tatu chini ya mabingwa watetezi wa Ligi ya Klabu Bingwa Ulaya Real Madrid.

Walishindwa 3-0 katika robo fainali Ligi ya Klabu Bingwa Ulaya dhidi ya Juventus.

Enrique alitangaza mwezi Machi, kwamba angeiaga klabu hiyo baada ya mkataba wake wa miaka mitatu kumalizika, mechi yake ya mwisho ilikuwa ni pale Barca walipojinyakulia kombe la Copa Del Rey .

Messi alifunga bao la ufunguzi walipoichapa Alaves mabao 3-0 na kupata ushindi.

Messi ambaye alikuwa wa pili nyuma ya mshambuliaji wa Real, Cristiano Ronaldo katika tuzo ya Ballon d'Or, aliuambia mtandao wa Barcelona lengo lake ni ''kujaribu kuimarika kila msimu hadi mwisho, na hilo ndilo lengo langu la msimu ujao.''

Source:BBCSwahili

Saudi Arabia: Wakuu wa soka waomba radhi waathiriwa wa shambulio Uingereza

noreply@blogger.com (Young Concious) — Sat, 10 Jun 2017 10:24:00 +0000

REUTERS

Timu ya Saudi haikuungana na Timu ya Australia kwa kushikana mikono.

Wakuu wa chama cha soka cha Saudi Arabia wameomba msamaha baada ya timu ya taifa hilo kutoshiriki katika kukaa kimya dakika moja kwa heshima waathiriwa wa shambulio la London Bridge.

Wachezaji wa Australia walishikanisha mikono yao kama ishara ya heshima kabla mechi hiyo ya siku ya Alhamisi ya kufuzu kwa Kombe la Dunia iliyochezewa katika uwanja wa Adelaide Oval uliopo kaskazini mwa Australia.

Wachezaji wa Saudi walionekana kujishughulisha zaidi na kujipangia nafasi uwanjani.

Mbunge mmoja wa Australia ametaja kisa hicho kama ''cha aibu''.

Viongozi wa soka wamesema walikuwa wamearifiwa hapo awali kwamba mila na ''tamaduni za Australia hazikuwa zinaambatana na mila za Wasaudia.''

Chama cha soka cha Saudi Arabia kiliomba radhi siku ya Ijumaa.

''Wachezaji hao hawakuwa na madhumini ya kutoheshimu makumbusho ya waathiriwa ama kusababisha ghadhabu kwa familia zao, marafiki au mtu yeyote aliyeathirika na mkasa huo,'' walisema katika taarifa.

''Chama cha soka cha Saudi Arabia kinalaani vitendo vyote vya kigaidi na kutoa salamu zao za rambirambi kwa familia za waathiriwa, serikali na watu wote wa Uingereza.''

GETTY IMAGES

Uamuzi huo ulishtumiwa nchini Australia

Kimya cha dakika moja kilikuwa kimepangwa na shirikisho la soka la Australia (FFA), waliosema walikuwa wamearifiwa hapo awali kwamba wachezaji wa Saudia ''wangeheshimu mila zetu wakiwa uwanjani.''

Wanasiasa kadhaa wa Australia waliishtumu timu ya Saudia.

Nigeria yahifadhi kombe la mataifa ya Afrika

Nini kufanyika sasa baada ya uchaguzi Uingereza!?

noreply@blogger.com (Young Concious) — Sat, 10 Jun 2017 10:20:00 +0000

GETT IMAGES

Nini hufanyika kukikosekana mshindi wa moja kwa moja katika uchaguzi mkuu?

Chama chenye wabunge wengi ndicho pekee huunda serikali?

Si lazima. Chama chenye wabunge wengi baada ya kura zote kuhesabiwa maeneo yote 650, huwa kinatangazwa mshindi na kiongozi wake huwa waziri mkuu. Lakini hili huenda lisifanyike wakati huu kwa kuwa chama kilichoshinda hakina wingi wa wabunge. Inawezekana kwa chama kilichomaliza cha pili kuunda serikali.

Mtu hushinda vipi uchaguzi?

Njia rahisi zaidi kwa mtu kuwa waziri mkuu ni chama chake kupata wingi wa wabunge katika Bunge la Commons - kuwa na wabunge wengi kuliko wabunge wote wa vyama hivyo vingine wakijumlishwa.

Unahitaji wabunge wangapi kuwa na wingi?

Idadi ya wabunge wanaohitajika ni 326. Wabunge hao watatosha kupitisha sheria mpya bila kushindwa na upinzani. Hilo likikosekana, huwa kuna bunge la mng'ang'anio.

Bunge la mng'ang'anio ni gani?

Ni wakati ambapo hakuna chaka hata kimoja kinachoweza kuwa na wingi wa wabunge kivyake. Hilo lilifanyika wakati wa uchaguzi mkuu wa mwaka 2010.

Kutatokea nini kukiwa na Bunge la mng'ang'anio tena?

Kutakuwa na msururu wa mashauriano kati ya viongozi wa vyama na wajumbe wao, wakijaribu kuunda serikali ya muungano au muungano wa kushindwa, kujaribu kusaidia kiongozi wa Conservative Theresa May au kiongozi wa Labour Jeremy Corbyn (watu wawili pekee kwa sasa walio na nafasi nzuri ya kuunda serikali) kuunda serikali.

Mmoja kati ya wawili hao anaweza pia kuamua kusimama kivyake na kujaribu kuunda serikali ya wachache, kwa kutegemea vyama vidogo anapohitaji kupitisha sheria mpya.

GETTY IMAGES

Nani atapata nafasi ya kwanza kuunda muungano?

Theresa May ataendelea kuwa waziri mkuu akiendelea kujaribu kuunda muungano wenyewe wabunge wengi.

Ikibainika kwamba hawezi, na Jeremy Corbyn anaweza, basi May atatakiwa kujiuzulu. Bw Corbyn naye atakuwa waziri mkuu wakati huo.

Lakini si lazima Corbyn asubiri hadi May amalize njia zake zote za kujaribu kuunda muungano kabla yake kuanza juhudi zake. Anaweza kushauriana na washirika watarajiwa wakati May naye akiendelea na mashauriano yake. Unaweza hata kupata wote wawili wanashauriana na vyama au viongozi sawa.

Hii itachukua muda gani?

Hakuna muda rasmi. Ilichukua siku tano mwaka 2010 kuunda muungano, lakini kawaida huchukua muda mrefu kuliko hivyo.

Mashauriano yanaweza kuendelea milele?

Kwa sasa, muda wa mwisho wa kwanza ni Jumanne tarehe 13 Bunge litakapokutana mara ya kwanza. Bi May ana hadi wakati huo kuunda muungano wa kumuwezesha kusalia madarakani au ajiuzulu, kwa mujibu wa mwongozo kutoka kwa afisi ya Baraza la Mawaziri.

Lakini Bi May lazima awe anafahamu kwamba Jeremy Corbyn anaweza kuunda serikali lakini yeye hawezi.

Na ikitokea iwe kwamba haibainiki iwapo serikali mpya inaweza kuundwa?

Njia pekee ya kufahamu iwapo serikali inaweza kuundwa ni iwapo ina imani na Bunge la Commons. Maana yake ni kwamba, je, serikali inaweza kupitisha sheria mpya zilizopendekezwa kwenye Hotuba ya Malkia? Hotuba ya Malkia inapangiwa kutolewa Jumatatu 19 Juni.

Theresa May anaweza kuamua kusalia na kubahatisha kuona iwapo anaweza kupata kura za kutosha kutoka kwa vyama vingine kupitisha sheria hizo.

Iwapo atakuwa amejiuzulu wakati huo na kumkabidhi Bw Corbyn nafasi, basi utakuwa mtihani kwa kiongozi huyo wa Labour kuonesha iwapo anaweza kuunda serikali.

Iwapo SNP watapata viti ambavyo wamebashiriwa kupata, wanaweza kutekeleza jukumu muhimu.

Msimamo wao umekuwa kwamba hawataunga mkono serikali ya Conservative.

Matokeo ya uchaguzi wa Juni mwaka 2017

Malkia hutekeleza wajibu gani?

Kiongozi wa chama anayeweza kumwambia Malkia kwamba ana idadi ya wabunge wa kutosha kuunda serikali ndiye atakayepewa idhini na Malkia kuunda serikali.

Malkia huwa hajihusishi na siasa, hivyo hakuna vile anavyoweza kumchagua waziri mkuu.

Kumekuwa na mapendekezo kwamba huenda Malkia akakosa kuwasilisha hotuba yake yeye binafsi iwapo kutakuwa na shaka kwamba huenda ikakosa kupitishwa.

Muungano ni nini?

Serikali ya Muungano huwa ni wakati vyama viwili ama zaidi vinashirikiana kuunda serikali moja. Washirika wenye wabunge wachache hugawiwa nyadhifa za mawaziri na pia mpango mmoja wa serikali hutayarishwa.

Serikali ya wachache huwa ni gani?

Chama cha Conservatives au cha Labour kikashindwa kuunda muungano au kujisimamia kivyake kuunda serikali, kinaweza kuunda serikali ya wachache na kuteua mawaziri wake.

Chama hicho hakiwezi kupitisha sheria bila kura kutoka vyama vingine ambavyo havimo serikalini.

Mfano, Labour wanaweza kuunda serikali ya wachache ikiongoziwa na Jeremy Corbyn kama Waziri Mkuu, lakini chama hicho kitahitaji kura kutoka vyama vya Scottish National Party (SNP) na Liberal Democrat kupitisha sheria bungeni.

Chama kinachomaliza cha pili hivyo kinaweza kuunda serikali?

Ndio. Iwapo kuna shaka iwapo umma unaweza kuikubali serikali hiyo.

Kutakwua na uchaguzi mpya?

Awali, kunapoundwa serikali ya wachache, waziri mkuu baadaye huitisha uchaguzi mwingine nafasi nzuri inapojitokeza na kujaribu kupata wingi wa wabunge. Au, upinzani hushurutisha kufanyike uchaguzi mwingine kwa kuwasilisha hoja ya kutokuwa na imani na serikali.

Ndipo uchaguzi mpya ufanyike hata hivyo itahitaji:

Theluthi mbili ya wabunge waunge mkono pendekezo la kuandaa uchaguzi. Hii in maana kwamba itabidi Labour na Conservative waunge mkono.
Kura ya kutokuwa na imani na serikali ipitishwe na wabunge wengi. Uchaguzi unaweza kufanyika katika chini ya siku 14 baada ya hapo serikali isipofanikiwa kushinda kura ya kutokuwa na imani nayo kabla ya muda huo kumalizika.
Source:BbcSwahili

Gervonta Davis: Bondia anayefuata nyayo za Floyd Mayweather kutetea taji Uingereza

noreply@blogger.com (Young Concious) — Sun, 21 May 2017 11:57:00 +0000

Gervonta Davis akisherehekea ushindi katika mojawapo ya mapigano yake

Bondia anayefuata nyayo za aliyekuwa bingwa katika uzani wa Middleweight duniani Floyd Mayweather, Gervonta Davis' atakuwa ulingoni kuzichapa na Muingereza Liam Walsh - mmoja ya mabondia watatu kutoka mji wa Norfolk .

Bondia huyo atakuwa wa kwanza tangu Gervonta Davis kushinda taji lake la IBF huku mechi hiyo ikitarajiwa kuchezwa katika ukumbi wa Copper Box Arena mjini London.
Gervonta Davis ni mzaliwa wa Pennsylvania magharibi mwa Baltimore mji ambao ulikuwa ukikumbwa na mauji siku nenda siku rudi mbali na utamaduni wa magenge.
Floyd Mayweather ambaye ndio anayemsimamia bondi huyo kupitia kampuni yake Mayweather Promotion anasema kuwa nduguze Gervinto walikuwa wakiishi katika chumba kimoja walipokuwa watoto mara nyengine wakiishi bila chakula.

Gervonta alishinda ubingwa baada ya kumshinda pedrazza kwa njia ya Knockout

''Nilichukuliwa kutoka kwa mamangu na babaangu nikiwa na umri wa miaka 4 ama 5 hivi'', alisema Davis anayejulikana kwa jina la utani kama ''Tank' kwa kuwa na kichwa kikubwa alipokuwa mdogo.
Akiwa na urefu wa futi 5 na nchi 6, Gervonta Davis anabeba kumbukumbu za kuwaona wazazi wake wakitumia mihadarati mbali na matatizo ya kuwapoteza marafiki katika magenge ya Baltimore.
Akiwa na umri wa miaka 22 ameaona shida nyingi.
Lakini anaingia katika ulingo wa ndondi kutetea taji lake mjini London kama bingwa akishirikiana na mtu ambaye ameonekana kuwa uso wa ndondi duniani Floyd Mayweather ambaye anasema kuwa Davis ''ni kama mwanawe''.
Floyd Mayweather anakuza kipaji ambacho amekitaja kuwa bingwa wa ndondi wa siku zijazo.

Floyd Mayweather akimshauri Gervonta Davis kabla ya pigano

''Baada ya kumuona baba na mama wakitumia mihadarati....nimeona mengi kwa hivyo hakuna kitu ambacho mtu mwengine anaweza kufanya ili kuniumiza''.
Uchungu mwingi na makovu ya ujana yalimwacha Davis kuwa bondia mzuri ambaye alikuwa amekosa muongozo.
Alipendelea sana masomo akiwa shule, lakini wakati mjombake alipomuona akipigana mtaani alimchukua na kumpeleka katika jumba la mazoezi ya ndondi ili kuanza maisha mapya.
Calvin Ford ambaye alipigana ndondi kwa miaka 10 akiwa jela anasema kuwa yeye na Davis walisaidiana sana wakati maisha nyumbani yalipokuwa mabaya na kumfanya Davis kuishi kwa bibi yake, jumba hilo la mazoezi lilimsaidia kushinda mataji ya kitaifa na kuonja utamu wa ndondi.

Pigano la Davis Gervonta dhidi ya LIam Walsh wa Uingereza

''Hivi sasa ningekuwa jela ama hata marehemu lakini niliamua kukaa katika jumba la mazoezi na miaka kadhaa baadaye nimesajiliwa na bondia maarufu zaidi duniani'', alisema Davis.

Source:BBCSwahili

China:Marufuku Uuzaji wa nyama ya Mbwa

noreply@blogger.com (Young Concious) — Sun, 21 May 2017 11:46:00 +0000

Marufuku ya uuzaji wa nyama ya mbwa yazuia wasiwasi katika hafla ya Yulin China

Sherehe ya kula nyama ya mbwa nchini China ilio na umaarufu kwa ukatili wa wanyama mwaka huu itapigwa marufuku kuuza nyama ya mbwa.

Ulaji wa mbwa nchini China sio haramu na wauzaji wa nyama hiyo tayari wameanza kulalamikia marufuku hiyo wengine wakisema hawajaisikia .
Sherehe hiyo inayofanyika mwezi Juni kila mwaka imekuwa ikivutia pingamizi kubwa kutoka kwa wanaharaki wa wanyama wanaosema kuwa wanyama hao hufanyiwa ukatili.
Inakadiriwa kuwa katika sherehe hiyo ya Yulin iliofanyika miaka michache iliopita, takriban mbwa na paka 10,000 walichinjwa na kufanywa kitoweo wakati wa sherehe hiyo ya siku kumi.
Lakini idadi hiyo imekuwa ikipungua katika siku za hivi karibuni huku pingamizi ikiendelea nchini China na kimataifa.
Wanaharakati kadhaa wa wanyama wanasema kuwa wauzaji na mikahawa wameambiwa kwamba hakuna nyama ya mbwa itakayouzwa wakati na kabla ya sherehe hiyo.
Peter Li, mtaalamu wa sera za China aliambia BBC kwamba mamlaka tayari imejaribu kuwakatisha tamaa wanaotekeleza hatua hiyo ,na kwamba mwaka huu itawapiga faini watakaokiuka marufuku hiyo.

Raia wa China wakila nyama ya mbwa wakati wa sherehe ya Ylin nchini humo

Sheria hiyo itaathiri wauzaji wa nyama ya mbwa, wafanyibiashara na wenye mikahawa.
Lakini marufuku hiyo itakuwa ya muda ikimaanisha kwamba mbwa wengi wanaweza kuchinjwa kabala ya sherehe hiyo.
''Bado kuna pingamizi kutoka kwa wafanyibiashara wa nyama hiyo ya mbwa'', alisema bwana Li.
''Kote nchini walikuza ulaji wa nyama ya mbwa kama utamaduni wa kitaifa pamoja na chakula cha Wachina.
Hilo sio la kweli ,baraza la mji wa Yulin haliweza kufanya kitu kama hicho kwa kuwa kitasababisha wasiwasi mkubwa kwa kijamii.

India: Mwanamke akata uume wa kiongozi wa dini

noreply@blogger.com (Young Concious) — Sun, 21 May 2017 11:42:00 +0000

Mwanamke mmoja wa umri wa miaka 23 nchini India amekata uume ya wa kiongozi mmoja wa dini kwenye jimbo lililo kusini mwa nchi la Kerala, akidai kuwa alimbaka kwa miaka kadha.

Polisi wanasema kuwa kiongozi huyo wa dini kwa jina Gangeshananda Theerthapada, alikuwa akienda kwenye nyumba ya mwanamke huyo kufanya maombi kwa ajili ya afya ya babake.
Hii ni baada ya mamayake kuwa na matumaini kuwa mtu huyo ya Mungu angetatua matatiza ya familia yake.

Waliomtoa mtoto kafara wakamatwa India

Talaka tatu marufuku India

Badala yake binti yake alidai kuwa alimdhulumu kingono kila mara.
Siku ya Ijumaa usiku alichukua kisu na kumshambulia wakati alijaribu kumbaka na kisha kuwaita polisi mwenyewe.

Mwanamke akata uume wa kiongozi wa dini India

Mtuhumiwa huyo wa ubakaji kisha akakimbizwa hospitalini kwa matibabu ya dharura.
Hospitali hiyo ilisema mwanamume huyo wa miaka 54 kutoka Kollam alilazwa kwenye hospitali hiyo .

Likizo ya uzazi India ni miezi 6 !

Uume wake ulikuwa umekatwa kwa asilimia 90 na hakuna uwezekano kuwa ungerudishwa tena..
Madaktari walijaribu kuzuia kufuja kwa damu na kumfanyia upasuaji ili aweze kupitisha mkojo.

Trump: Nataka kuanza kuendesha nchi kwa umakini

noreply@blogger.com (Young Concious) — Fri, 19 May 2017 05:56:00 +0000

Tuhuma ya Urusi kuingilia uchaguzi wa Marekani imegonga vichwa vya habari duniani kwa muda sasa

Rais wa Marekani Donald Trump amesema anataka kuanza kuendesha nchi baada ya utawala wake kugubikwa na utata wa tuhuma za timu yake ya kampeni kushirikiana na Urusi.

Akizungumza katika mkutano na waandishi wa habari Washington, akiwa pamoja na Rais wa Colombia ambae yuko ziarani nchini Marekani, amesema anaheshimu uteuzi wa mchunguzi maalumu, lakini akarudia kusema kuwa sakata hilo linaigawa nchi:
Rais Trump pia amekana kujaribu kuishawishi FBI katika uchunguzi wake kwa kumfuta kazi mkurugenzi wake James Comey.
Amemwelezea Comey kuwa hakuwa chaguo la watu.

New York: Gari lagonga na kujeruhi watu 19

noreply@blogger.com (Young Concious) — Thu, 18 May 2017 21:16:00 +0000

Gari lagonga na kuua mtu 1 na kujeruhi 19 New York

Mtu mmoja ameuawa na wengine 19 kujeruhiwa wakati gari liliendeshwa kuenda sehemu ya kupitia watu eneo la Times Square mjini New York, Marekani.

Dereva wa gari hilo amekamatwa na eneo hilo kufungwa kwa mujibu wa idara ya polisi ya mji wa New York.

Shambulio la New York ni ugaidi

Gari hilo linaripotiwa kuruka vizuizi kwenye mtaa wa 45 katika eneo maarufu la watalii.

Picha kwenye mitandao ya kijamii zilionyesha watu wakiondolewa eneo hilo.

Picha zilionyesha gari nyekundu aina ya Honda likiwa limepinduka huku likifuja moshi

Polisi Marekani yamkamata mshambuliaji

Dereva wa gari hilo mwenye umri wa miaka 26 anafanyiwa uchunguzi wa pombe.

Picha kwenye mitandao ya kijamii zilionyesha watu wakiondolewa eneo hilo.

Anaripotiwa kuwa na historia ya kuendesha gari akiwa mlevi.
Picha kwenye mitandao ya kijamii zilionyesha watu wakiondolewa eneo hilo.

Picha zilionyesha gari nyekundu aina ya Honda likiwa limepinduka huku likifuja moshi

Polisi wanasema kuwa dereva alipoteza mwelekeo na huenda kisa hicho kinaonekana kuwa ajali.
Waliongeza kuwa kisa hicho hakina uhusiano na ugaidi.

Polisi wanasema kuwa dereva alipoteza mwelekeo na huenda kisa hicho kinaonekana kuwa ajali.