Yummy Cooking

Besan kay Pakorey

2011-08-09T10:43:00.001+05:00

Ingredients:

Besan 1/2 kg
Hari mirch (bareek kati hoi) 8 adad
hara dhanya 1 bunch
hari piyaz (bareek kati hoi) 4 adad
Lal mirch (pissi hoi) 1 tbsp
Sabit Dhanya    1 tsp
Safaid zeera     1 tsp
Egg        1 adad
Salt        Hasb-e-zaiqa
Lemon ka ras    2 tbsp
Cooking oil for frying

Method:

- Ek bowl main besan or sarey masaley ache tarah mix karlein aur thori dair k liye aise he chor dein.
- Ab is main lemon ka ras mix karein.
- Ek karahi main oil garam karein. Jab oil garam hojaye to halki anch per pakorey daal kar deep fry karein.
- Mazedar pakorey tayyar hain. Ketchup ya chatni k sath serve karein.

Punjabi Dahi Baray

2011-07-22T09:41:00.001+05:00

Ingredients:

Mong or maash ki dal 1/2 cup
Dahi   1/2 kg
Sugar   3 tbsp
Salt    Hasb-e-zaiqa
Lal mirch pissi hoi 1 tbsp
Zeera   1 tbsp
Lal Mirch sabit  8 adad
Imli ka paani  1 cup
Oil    1 cup

Hara dhanya for garnishing

Method:

- Mong or maash ki daal ko adha ghanta pehly bhigo kar rakh dein or phir usey bareeek pees lein.
- Is main ek tbsp namak or ek tbsp lal mirch mila lein.
- Ab frying pan main oil garam kar k chohti chohti phulkiyan bana kar dalty jayein. or fry kar k ek bowl main pani le kar us main bhigoty jayein.
- Imli k pani main ek tbsp sugar, adha tbsp namak dal kar cholhay per paka kar garha paste bana lein.
- Dahi main 2 tbsp sugar or 1/2 tbsp namak or thora sa pani dal kar pheint lein.
- Zeera or sabit mirch taway per bhon kar pees lein.
- Ab phulkiyan pani se nikal lein or pani nichor kar ek dish main rakhty jayein.
- sari phulkiyan dish main rakhney k bad upar se dahi dal dein or is k bad imli ka paste dahi baron per thorey fasly se dalty jayein or zeera, hara dhanya or sabit mirch chihrk dein.
- Laziz punjabi dahi baray tayar hain.

Murgh Cholay By Chef Rida Aftab

2011-06-01T09:30:00.000+05:00

Ingredients:

Chicken     1/2 kg
Safaid Chanay(boiled)    2 cups
Hara Dhanya    2-3 tbsp
Piyaz(Bareek kati hoi)    1 adad
Adrak lehsan ka paste    1 tsp
Timatar        2 adad
Adrak(kati hoi)    1 adad
Hari mirch    4 adad
Garam masala    1 tsp
Lal mirch powder    2 tsp
Haldi        1/2 tsp
Salt        Hasb-e-zaiqa (1/2 tsp )
Sabit Garam masala    1 tsp
Oil            1/2 cup

Method:

- Ek pan main oil garam kar k us main piyaz fry kar lein yahan tak k golden brown hojaye.
- Ab is main adrak lehsan ka paste shamil kar k kuch seconds bhonain or chicken add kar dein.
- Chicken ko thorey der pakaney k bad is main timatar, namak, lal mirch, sabit garam masala, garam masala, haldi dal kar pakney dein yahan tak k chicken or timatar gal jayein.
- Ab is main boiled chanay dal dein or gravy k liye 2 cup pani dal kar 5-7 minute tak pakayein.
- Phir is main hari mirch , hara dhanya dal kar 3 minute dam dey dein.
- Murgh cholay tayyar hain. Adrak k bareek slices dal kar serve karein.

Mix Daal (Lentil) By Chef Saadat

2011-05-26T09:24:00.000+05:00

Ingredients:

Dal chana     1 cup
Dal mong    1/3 cup
Dal maash    1/3 cup
Dal masoor     1/3 cup
Salt hasb-e-zaiqa
Lal mirch sabit    3-4 adad
HAldi        1/3 tsp
Lal mirch kutti hoi    1 tbsp
Oil        1/2 cup
Zeera        1 tbsp
Piyaz (small size - Baghar k liye)1 adad

Method:

- Tamam dalein pani main dal kar ubal lein. Jab ubaal aney lagy to is main namak, sabit lal mirch, haldi aur kutti hoi lal mirch shamil karein.
- Ab dhakan band kar k halki aanch per pakny dein.
- Jab daal gal jaye agr zarorat ho to mazeed pani dal dein.
- Baghaar k liye oil main piyaz brown kar k zeeray ka tarka lagayein or dal k uper dal dein.
- Mazedar mix dal tayyar hay. Roti ya chawal k sath serve karein.

Bohri Fried Chicken By Chef Sara Riaz

2011-05-20T09:32:00.000+05:00

Ingredients:

Chicken 1 kg (8 pieces)
Haldi     1/4 tsp
Salt    1 tsp
Adrak lehsan ka paste     1 tbsp
Hari mirch pissi hoi     1 tbsp
Bread crumbs (double roti ka chora) 1 cup
Egg    2 adad
Timatar ka paste    2 tbsp
Zeera    bhuna howa(kuta hoa) 1 tbsp
Pani    1/2 cup
Oil hasb-e-zarorat

Method:

- Ek pan main chicken dalein aur is main namak, haldi, adrak lehsan ka paste or pissi hoi hari mirch dal kar mix karein.
- Is k bad bhuna hoa zeera, timatar ka paste or pani dal kar mix kar k isey dhanp dein or 10 minute tak pakayein.
- Ab ye adha gala hoa hoga to is ko kisi bowl main nikal lein or garam chicken per bread crumbs chihrk kar hilayein ta k bread crumbs ache tarah chicken per lag jaye.
- Anday 2 table spoon pani k sath phaint lein.
- Bread crumbs laga chicken anday main dip kar k deep fry kar lein.
- Mazedar bohri fried chicken tayyar hay. Sauce k sath serve karein.

Watermelon Juice (Tarbooz Ka Sharbat) With Lemon By Chef Yasha Siddiqui

2011-05-11T08:29:00.001+05:00

Ingredients:

Tarbooz     10-12 medium size pieces (darmiyaney tukrey)
Lemon ka ras    2 tsp
Red serup    3-4 tbsp
Pani        Hasb-e-zarorat
Baraf        Hasb-e-zarorat
Lemon slices for decoration

Method:

- Juicer blender main tarboz, pani(pani itna dalein k tarboz doob jayein), lemo ka ras or red serup dal k blend karlein.
- Ab baraf dal k blend karein.
- Glass main dalein or lemon k slice k sath saja k serve karein.

Orange Lemonade By Chef Yasha Siddiqui

2011-05-10T08:55:00.000+05:00

Ingredients:

Orange juice    1 cup
Pani        1 cup
Sugar        2 tbsp
Lemo ka ras     2 tbsp
Baraf         Hasb-e-zarorat
Orange slices for decoration

Method:
- Juicer blender main orange juice, lemo ka ras, pani or cheeni dal k blend karlein.
- Ab baraf dal k blend karein. Glass main dalein or orange slice k sath saja kar paish karein.

Mango Souffle by Chef Zubaida Tariq

2011-05-09T09:02:00.001+05:00

Ingredients:

Milk (Imported/Packet)    1 tin
Mango pulp (aam ka gooda)    1 cup
Sugar        4 tbsp
Gelatin powder    1 tbsp
Water        1/4 cup
Pineapple jelly        1 packet

For garnishing:
Mango slices, cherries, badam pista hasb-e-zarorat)

Method:

- Gelatin powder ko 1/4 cup pani main mix karlein
- Pineapple jelly ek cup garam pani main mix kar k ek taraf jamney k liye rakh dein.
- Sarey ingrdeints blender main achi tarah blend karlein.
- Mixture ko bowl main dal dein or 2 hours k liye fridgemain rakh deni. Phir usey ek dosrey plate main nikalein aur aam k slices, cherry or badam pista k sath saja kar serve karein.

Mango Delight

2011-05-06T08:45:00.000+05:00

Ingredients:

Mango (cubes main katy howe) 1 cup
Mango Icecream 1 liter

Method:

- Mango cubes ko mango icecream main shamil kar k mix karlein.
- Phir 3-4 hours k liye refrigerator main rakh dein. Jab ache tarah freeze hojaye to nikal kar serve karein.

Steam Lahori Chops By Chef Sara Riaz

2011-05-03T09:32:00.000+05:00

Ingredients:

Mutton chops 1/2 kg
Adrak lehsan ka paste 1 tbsp
Garam Masala     1/2 tsp
Tandori color     1 chutki
Chili powder    1 tsp
Lemo ka ras    2 tbsp
Jayefal javitri    1/4 tsp
Chohti elaichi    1/4 tsp
Salt        hasb-e-zaiqa
Chat Masala    1 tbsp
Meat Tenderizer    1/2 tsp

For garnishing:
Piyaz or timatar Slices main katy howe

Method:
- Chops ko adrak,lehsan,garam masala,chili powder, tandori color,lemo ka ras, jayefal javitri, choti elaichi aur namak k sath marinate kar k ek hour k liye rakh dein.
- Ab isey steam kar k shallow fry karlein.
- Phir upar se chat masala dal dein.
- Piyaz or timatar k slices se garnish kar k serve karein.

Lakhnawi Kabab By Chef Sara Riaz

2011-04-22T09:12:00.000+05:00

Ingredients:

Qeema    1 pao
Garam masala pissa hoa 1 tsp
Sabit dhanya 1/2 tsp
Sabit Zeera 1/2 tsp
Piyaz 1 adad
Besan (bhuna hoa) 1 tsp
Dahi    1 tsp
Kacha papeeta     1 tsp
Adrak lehsan ka paste    1 tsp
Lal mirch powder    1/2 tsp
Salt Hasb-e-zarorat

Method:

- Qeemay ko ek piyaley main dal dien.
- Ab us main bhuna hoa besan, dahi, papeeta, namak, lal mirch or garam masala shamil kar k ache tarah mix karlein.
- Ab hath geela kar k is mixture ko kebab ka shape dein or shallow fry karlein.
- Imli ki chatni k sath serve karein.

Tomato Chatni by Chef Nadeem

2011-04-19T09:01:00.005+05:00

Ingredients:

Tomato 1/2 kg
Sugar 1/2 cup
Sirka 1/2 cup
Lehsan 1 tsp
Lal mirch powder 1/2 tsp
Corn flour 1 tsp
Salt Hasb-e-zaiqa

Method:

- Timatar ko boil kar k us k chihlkay utaar lein.
- Ab blender main timatar or uper diye gaye sare ingredients dal kar pees lein.
- Mazedar chatni tayar hay. Ab is ko air tight jar main rakh kar mehfoz karlein.

Falooda by Chef Gulzar

2011-04-19T08:43:00.003+05:00

Ingredients:

Milk (garha dodh) 1/2 kg
Sewaiyan 1 cup
Venila icecream 2 cup
Green jelly 1 adad
Takhum balanga 2 tbsp
Badam pista hasb-e-zarorat
Choclate wafers hasb-e-zarorat

Method:

- 2 table spoon red sharbat glass main dalein phir sewaiyan shamil kar k baraf dal dein.
- Ab adha cup garha dodh dal kar icecream shamil kardein.
- Is k baad green jelly dalein, takhum balanga phir dodh or icecream, red sharbat, pista, badam or akhir main choclate wafer shamil kar k serve karein.

Bread ki Kheer

2011-04-18T09:07:00.003+05:00

Ingredients:

Milk (dodh) 1 liter
Bread 4 slices
Egg 3 adad
Sugar Hasb-e-zaiqa
Keowra 1/4 tsp
Dry fruits for garnishing

Method:

-Bread k slices ko halki aanch per seink kar halka lal karlein. Phir in ko masal kar chora karlein.
- Ek degchi main dodh boil karlein..jab ubal ajaye to us main bread ka chora dal dein or tez aanch per pakain. spoon brabar chalaty rahein takey guthliyan na ban jayein.
- Andon ki zardi main sugar dal kar achi tarah phaint lein or dodh main shamil kardein.
- Jab mixture garha hojaye or pak kar yakjan hojaye to keowra k chand drops dal kar cholhay se utar lein.
- Double ki kheer tayar hay. Dry fruits se decorate kar k serve karein

Chapli Kabab By Chef Shireen Anwar

2011-04-15T08:58:00.005+05:00

Ingredients:

Qeema 500 grams
Piyaz (medium size bareek kati hoi) 1 adad
Bareek kata hoa timatar 1 adad
Hari mirch 2 adad
Adrak lehsan ka paste 2 tbsp
Egg 1 adad
Oil for frying
Chapli kabab masala 1 packet

Method:

- Ek piyaley main ye sarey masalay qeemay main dal kar achi tarah mix karlein.
- Phir is k kabab bana kar hasb-e-zarorat oil main fry karlein.
- Ketchup ya chatni k sath serve karein.

Makkai ki Roti By Chef Saadat Siddiqui

2011-04-14T08:55:00.005+05:00

Ingredients:

Chakki ka aata 1/2 cup
Makkai ka aata 1/2 se 1 cup
Salt Hasb-e-zaiqa
Desi ghee/ butter Hasb-e-zaiqa
Pani Hasb-e-zarorat

Method:

- Chakki ka aata, makai ka aata, namak, desi ghee ya makhan ko mix kar k pani ki madad se gondh lein
- Aata gondh kar oper ghee laga k kuch dair rakh dein. Phir halka sa ghee laga k frying pan main ya taway per paka lein.

Khoya Sewaiyan by Chef Zakir

2011-04-13T08:43:00.004+05:00

Ingredients:

Sewaiyan (vermicilies) 1 packet
Khoya 1/2 pao
Sugar Hasb-e-zarorat
Badam 100 gram
Pista 100 gram
Ilaichi powder 1/2 tsp
Keowra Hasb-e-zarorat (2 tsp)
Ghee 1/2 cup
Cream 1 cup

Note: is main dodh(milk) ka istamal nahi hota.

Method:

- Ek packet sewaiyan garam pani main ek minute k liye boil karein aur pani nikal lein.
- Is k bad ek bartan main adha cup ghee karkara kar (garam kar k) is main ye sewaiyan shamil kardein.
- 1 se 2 minute tak bhonnay k bad is main khoya or cream shamil kardein or dobara 1 se 2 minute tak bhonein.
- Bhonnay k bad jab khoya or cream yakjan hojayein to phir is main sugar or ilaichi powder shamil kardein.
- Chand minute is ko pakanay k bad is main bareek katy howe pista, badam or keowra shamil kardien.
- Mazedar khoya sewaiyan tayar hain. Katy howe badam or pistey se saja kar serve karein.

Methi Corn Chicken By Chef Shireen Anwar

2011-04-12T08:50:00.001+05:00

Ingredients:

Chicken (16 pieces) 1 kg
Choti methi 4 gatthi
Piyaz kati hoi 1 cup
Timatar katy howe 1 cup
Dahi 1 cup
Sweet Corn 1 cup
Oil 1/2 cup
Garam MAsala 1 tsp
Haldi 1 tsp
Salt 2 tsp (hasb-e-zaiqa)
Lal mirch pissi hoi 2 tsp
Adrak lehsan ka paste 2 tbsp
Hara Dhaniya 2 tbsp
Khoya 3 tbsp
Fresh cream 4 tbsp

Method:

- Chicken ko dahi, adrak lehsan ka paste, namak, pissi hoi lal mirch aur garam masala se marinate kar k ek hour k liye rakh dein.
- Ab oil garam kar k us main kati hoi piyaz achi tarah fry kar lein.
- Phir is main kati hoi piyaz, choti methi, adrak lehsan ka paste, haldi, pissi hoi lala mirch namak or katy howe timatar shamil kar k 10 minutes tak achi tarah fry karlein.
- Is k bad fry ki hoi chicken dalein or dhak kar galney tak pakayein.
- Ab is main sweet corn, khoya, garam masala, fresh cream or hara dhaniya dal dein.
- Mazedar methi corn chicken tayar hay. Garam garam nan k sath serve karein.

Afghani Kabab

2011-04-11T09:09:00.003+05:00

Ingredients:

Qeema (bareek) 1 kg
Piyaz (medium size) 2 adad
Timatar 1 kg
Ghee/Oil 1/2 cup
Hari Mirch 10 adad
Kali Mirch 1.5 tsp
Salt Hasb-e-zaiqa

Method:

- Piyaz ko bareek kat lein. Kali mirch ko pees lein. 5 adad hari mirch kat lein.
- Qeemay main piyaz, kati hoi hari mirch, pissi hoi kali mirch or namak dal kar achi tarah mix karlein.
- Ab is qeemay k 4 barey pairey bana lein.
- Ab ek barey or phailay howe frying pan main halki si chiknai laga kar qeemay k in pairon ko ache tarah seink lein.
- Jab ache tarah seink jayein to inhain utaar kar thanda kar lein.
- Ab in parion ko bareek bareek kat lein
- Tamataron ko ubaal kar pees lein.
- Ek degchi main halka sa oil garam karein.
- Ab is main bachi hoi hari mirchein, tamatar, pissi hoi kali mirch or namak dal dein. Ab qeemay k qatlon ko tamatar wali degchi main phela kar dalein or halki aanch per dam dein.
- Mazedar afghani kabab tayar hain. Garam garam serve karein

Sausage Kabab by Chef Shireen Anwar

2011-04-09T17:03:00.004+05:00

Ingredients:

Beef Boneless 1/2 kg
Egg 1 adad
Hari mirch (kati hoi) 2-3 adad
Piyaz (bareek kati hoi) 1 adad
Bread slices 3 adad
Pani 1/2 cup
Lal mirch (pissi hoi) 1 tsp
Safaid Zeera 1 tsp
Adrak lehsan ka paste 1 tsp
Salt 1 tsp (hasb-e-zaiqa)
Garam Masala 1/2 tsp
Hara dhanya (kata hoa) 2 tbsp
Oil (garam kia hoa) 2 tbsp
Besan 4 tbsp

Method:
- Boneless beef ko adrak lehsan ka paste or hasb-e-zarorat pani k boil kar lein, yahan tak k pani khushk hojaye or gosht gal jaye.
- Ab gosht ko thandakar k machine main bareek pees lein.
- Is main 3 adad bheegi hoi bread slices, safaid zeera, namak, pissi hoi lal mirch, pissa hoa garam masala, kati hoi har mirch, kata hoa hara dhaniya, bareek kati hoi piyaz, anda or garam oil dal kar achi tarah mix kar lein.
- Ab is k sausage kabab bana kar garam oil main deep fry kar lein. Mazedar sausage kabab tayar hain. Chatni ya ketchup k sath garam garam serve karein.

Chicken Karahi By Chef Zakir

2011-04-07T08:42:00.005+05:00

Ingredients:

Chicken 500 gram (1/2 kg)
Timatar 1 pao
Adrak 2 tbsp
Adrak lehsan ka paste 2 tbsp
Hari mirch 4-5 adad
Lal mirch (Kuti hoi) 1 tbsp
Hara Dhanya 1/2 bunch
Dhanya sokha kuta hoa 1 tsp
Zeera kuta hoa 1 tsp
Haldi 1/2 tsp
Maithi (sokhi hoi) Hasb-e-zarorat
Salt Hasb-e-zaiqa
Oil Hasb-e-zarorat
For garnishing:
Salad k patty, lemon slices, tomato slices, podinay k patty

Method:

- Chicken k chotey pieces karlein.
- 3 timatar kaat kar pees lein.
- 1/4 cup oil main asrak lehsan ka paste, chicken, sabit dhanya, zeera, 3 adad hari mirch or aadha hara dhanya kat kar pan main dal dein. Aur pissa hoa timatar mila kar pakayein.
- ab is main namak, kuti hoi lal mirch, haldi powder dal kar dhak kar 2-3 minut tak pakaiyein phir bhook kar dhak dein,
- Ab is main maithi, hara dhanya or hari mirch shamil kar k 10-12 minute tak pakayein.
- Mazedar chicken karahi tayar hay. Plate k ek taraf salad k patty rakh kar chicken karahi dal dein or podinay k patty, katy howe lemo or hari mirch or timatar k qatlo se saja kar garam garam nan k sath serve karein.

Sindhi Biryani

2011-03-23T12:52:00.006+05:00

Ingredients:

Chicken 1 kg

Basmati Chawal 1kg

Dahi 1 piyali

Lal mirch pissi hoi 1 tbsp

Dhanya pissa hoa 2 tbsp

Haldi 1 tbsp

Lehsan adrak ka paste 1 tbsp

Garam masala pissa hoa 1 tbsp

Salt hasb-e-zaiqa

Aalo bukhar 1 piyali

Hiri mirch 6 adad

Podina (bareek kata hoa) 1 bunch

Lemon 3 adad

Tez patty 3 adad

Aalo 1/2 kg

Tamatar 4 adad

Piyaz (bareek kati hoi) 4 adad

Garam Dodh (milk) 1/2 piyali

Zarday ka rang 1/4 tsp

White sirka 1 tbsp

Oil/ghee 1/2 piyali

- Aalo bukhary ko 1 cup garam pani main bhigo dein.

- Aalo ko halki si bhaap dey kar 4 tukro main kat lein or deep fry karlein.

- Chawal dho kar 20 mintues k liye pani main bhigo dein.

Method:

- Ek baray piyaley main gosht, dahi, garam masala, haldi, mirch, dhanya, namak or adrak lehsan mila kar rakh dein

- Tamatar k bhi 4 piece kar kar shallow fry karlein

- Ek degchi main oil/.ghee garam karein or piyaz ko fry karein. Jab golden brown hojaye to adhe nikal kar akhbar per phela dein takey crisp hojaye or baqi aadhi main masala laga hoa gosht dal dein or halki aanch per dhak kar chor dein or paknay dein.

- Jab pani khushk honay lagy to bheegy howe aalo bukhary k beej nikal kar us main dal dein. Halka sa bhon lein.

- Taley howe aalo or tamatar ko uper rakh kar halka sa dam dein.

- Podina, 3 hari mirch or 2 lemo ka ras dal dein.

- Ab ek alag degchi main pani garam karein or us main hiri mirch, tez patty or podina dal kar boil karein.

- Pani main ab chawal dal dein or sath main namak or sirka dal kar 2 kani ubal lein.

- Jab 2 kani ubal jaye to pani chahn lein.

- Ab chawal wali degchi main nechy thori se chiknai laga kar ek teh chawal ki bichhayein. phir us per gosht ki teh lagayein. Phir thori c piyaz dalein or phir chawalon ki teh lagayein.

- Garam dodh main zarday ka rang mix kar k chawalon per dalein.

- Tali howi piyaz or 2 lemon ka ras dal kar taway per rakh kar tez aanch per dam laga dein.

- 10 mintues bad aanch halki kardein. 10-15 minutes bad cholha band kardein.

- Mazedar sindhi biryani tayyar hian. Raity k sath serve karein

Galawati Pasanday by Chef Shireen Anwar

2011-03-22T08:58:00.007+05:00

Ingredients:

Beef pasandy 1/2 kg
Dahi 1 cup
Oil 1/4 cup
Dhanya pissa howa 1 tsp
Lal mirch pissi hoi 1 tsp
kuti hoi lal mirch 1 tsp
salt hasb-e-zaiqa
Lehsan Adrak ka paste 1 tbsp
Papety ka paste 1 tbsp
Garam masala 1/2 tsp
Besan (Bhuna howa) 2 tbsp
Piyaz (Tali hoi or pissi hoi) 2 tbsp

For garnishing: Piyaz (rings ki shape main katy howe, hiri mirch, podiney k patty)

Method:

- Pasanday main papety ka paste, namak, bhuna hoa besan, tali or pissi hoi piyaz, garam masala, dahi, adrak lehsan ka paste, pissa howa dhanya, pissi or kuti hoi lal mirch mix (marinate) kar k 1 hour k liye rakh dein.
- Ab koely ka dam dein or oil garam kar k is main marinate kiye howe pasanday dal kar halki aanch per 20 minutes tak pakayein, yahan tak k wo gal jayein or fry hojayein.
-Akhir main inhain nikal kar piyaz k rings, hiri mirch or podiney k patton se garnish kar k serve karein.

Chinese Samosay

2011-03-21T09:05:00.004+05:00

Ingredients:

Chicken boneless 1/2 kg
aalo 4 adad
egg 5 adad (boiled-ublay howe)
salt hasb-e-zaiqa
kali mirch hasb-e-zaiqa
samosay ki pattiyan hasb-e-zarorat
ghee/oil for frying

Method:

- Chicken or aalo k choty choty piece kar k kali mirch or namak sath thorey se pani main pakayein.
- Jab pani khushk hojaye or chicken or aalo gal jayein to is aamezay ko achi tarah mix karlein.
- Ab ublay howe eggs k pieces kar k is mixture main shamil karein.
- Ab ye mixture samosay ki patti per rakhein or samoson ki shape dey dein.
- Frying pan ya karahi main oil/ghee garam karein or samosay us main dal dein. Golden brown honey per nikal lein.
- Ketchup ya chatni k sath mazedar chinese samosay serve karein.

Chicken Sandwich by Chef Zakir

2011-03-18T09:03:00.009+05:00

Ingredients:

Chicken boneless 200 gm
Oil 3 tbsp
Lal mirch pissi hoi 1/2 tsp
salt hasb-e-zaiqa
Kali mirch pissi hoi 1/2 tsp
lehsan ka paste 1/2 tsp
egg 3 adad
tomato ketchup 1 cup
Mayonnaise 1 cup
Bread 8 slices
Cheese slice 4 slices
Salad k patty/tamatar(slices) for decoration

Method:

- Boneless chicken k cubes kat lein or ek pan main oil dal kar us main chicken dal dein.
- Jab chicken white honey lagy to us main lehsan paste, pissi hoi lal mirch,kali mirch or namak daal kar bhoon lein.
- Anday phaint lein or thora thora frying pan main daal kar fry karlein.
- Bread k 4 slices ko saink lein or kinary kaat lein
- Ek slice per ketchup lagayein, phir us per anda rakhein phir mayonnaise dalein or phir chicken.Ab is per cheese slice rakh kar tamatar k slice rakhein or phir salad k pattay.
- Dosrey slice per ketchup laga kar is k uper rakhein. Mazedar sandwich tayyar hay.