Zambasulu-ZID

Indonesia mosque suicide attack wounds 26, Indonesia General News - Maktoob News

noreply@blogger.com (Al-azhary) — Sat, 16 Apr 2011 10:56:00 +0000

Indonesia mosque suicide attack wounds 26, Indonesia General News - Maktoob News

Kasalamat ha Ummat ini dain shirik dakula

noreply@blogger.com (Al-azhary) — Tue, 05 Apr 2011 13:34:00 +0000

وروي البيهقي
أخبرنا أبو عبد الله الحافظ حدثنا أبو العباس : محمد بن يعقوب حدثنا محمد بن إسحاق الصغانى حدثنا سعيد بن شرحبيل أخبرنا الليث بن سعد عن يزيد بن أبى حبيب عن أبى الخير عن عقبة بن عامر قال : خرج رسول الله -صلى الله عليه وسلم- يوما فصلى على أهل أحد صلاته على الميت ثم انصرف إلى المنبر فقال :« إني فرطكم ، وأنا شهيد عليكم. إني والله لأنظر الآن إلى حوضي ، وإني قد أعطيت خزائن مفاتيح الأرض أو مفاتيح الأرض ، وإني والله ما أخاف عليكم أن تشركوا بعدى ، ولكني أخاف عليكم أن تنافسوا فيها

Kiyariwayat hi Imam Bayhaqi:

Dain kan Uqba Bin Amir,agi niya: gimuwa in Rasul SAW hambuuk adlaw sarta simambahayang siya ha nagkabuno ha Uhod sin sambahayang patay,ampa siya simakat pa Minbar,sabda niya: Tanto tuud hikabin takamo sarta in ako saksi kaniyo,tanto tuud sapahan ko ha ngan sin Allah imaatod ako bihaun ha Hawd ko,iban tanto tuud kiyadihil na kako in kakunsi-kunsian sin Lubong ha ginlupaan,iban tanto tuud sapahan ko ha ngan sin Allah dih ako mabuga kanioyo in magshirik kamo ha puas ko sumagawa in kabugaan ko kaniyo in mag-agaw iyagawi kamo kaniya.

KALABBIYAN SIN ADLAW JUMAAT-part 1

noreply@blogger.com (Al-azhary) — Thu, 31 Mar 2011 06:37:00 +0000

عن سلمان قال : قال لي رسول الله صلى الله عليه وسلم: ( أتدري ما يوم الجمعة؟ قال قلت : الله ورسوله أعلم. قال: هو اليوم الذي جمع الله فيه بين أبويكم. لا يتوضأ عبد فيحسن الوضوء، ثم يأتي المسجد لجمعة إلا كانت كفارة لما بينها وبين الجمعة الأخرى ما اجتنبت الكبائر)

Dain kan Salman nagbayta siya: Agi kako sin Rasul S.A.W: KAINGATAN MOKA BANG UNO IN ADLAW JUMAAT? agi ko: Allah iban sin Rasul niya in labi makaingat.Agi niya: SIYA NA IN ADLAW AMOIN PIYAPAG HAMBUUK SIN ALLAH IN DUWA MAAS NIYO (ADAM & HAWA) WAYRUUN HAMBUUK IPON MAKAPG AYIL AMPA NIYA PIYARAYAW IN PA AYIL NIYA AMPA SIYA MIYADTO PA MASJID HA KARNA HADJA SUNAMBAHAYANG JUMAAT MALAINGKAN(IN SAMBAHAYANG NIYA YAUN) KIFARAT SIN DUSA NIYA HA ANTARA SIN JUMAAT HIKARUWA,HA SAKAYNO SIYA LAPPAS DAIN HA DUSA DAKULA.

Sulat dain ha Rasul SAW pa Ummat ha jaman ini

noreply@blogger.com (Al-azhary) — Wed, 30 Mar 2011 13:15:00 +0000

عن حذيفة بن اليمان قلت يا رسول الله إنا كنا بشر فجاء الله بخير فنحن فيه فهل من وراء هذا الخير شر؟ قال نعم.

قلت هل وراء ذلك الشر خير؟ قال « نعم ». قلت فهل وراء ذلك الخير شر؟ قال « نعم ». قلت كيف؟ قال « يكون بعدى أئمة لا يهتدون بهداى ولا يستنون بسنتى، وسيقوم فيهم رجال قلوبهم قلوب الشياطين فى جثمان إنس ». قال قلت كيف أصنع يا رسول الله إن أدركت ذلك؟ قال « تسمع وتطيع للأمير وإن ضرب ظهرك وأخذ مالك فاسمع وأطع ». رواه مسلم

Dain kan Huzayfa ibno Yaman,agi ko: Ya Rasulallah: tanto tuud in kami ini in kaawnan namu manusiya sadja sakali piyaratungan kami sin Allah karayawan ha kahalan namu bihaun,uno awn pabaha ha puas sin karayawan ini kangian? Sabda sin Rasul SAW: huun.
Agi ko:uno awn paka baha mapuas sin kangian yadto karayawan? Sabda niya: Huun.agi ko: Uno awn paka baha mapuas sin karayawan yadto kangian? Sabda niya Huun.
Agi ko: biya’diin kaagi?
Sabda niya: maawn ha mapuas ko kanakuraan dih mamandu sin pamandu ko,iban dih magad ha Sunnat ko,ampa na timindug kanila in mga kausugan in pangatayan nila pangatayan sin mga Shaytan ha baran Manusiya. agi ko: uno in hinangun ko Ya Rasulallah bang ako abutan sin mga nasabbot yan? Sabda sin Rasul SAW: dungog kaw sarta pagtaat kaw ha Nakura misan pa lubakon in taykod mo iban kawaun in pangalta mo na taynghog kaw iban pagtaat kaw.

Riwayat hi Imam Muslim

Paghukum ha hambuuk Tau sin ka-Iman iban kaKufur

noreply@blogger.com (Al-azhary) — Sat, 06 Nov 2010 06:55:00 +0000

Alhamdulillahi wassalato wassalamo Ala Rasulillah......waba'd:

In mas-ala paghukum ha hangkatu sin Iman iban Kufur nabahagi nagtuw:
1.Hukuman niya ha Agama
2.Hukuman niya ha court
3.Hukuman niya ha Hadarat sin Allah.

Paghukom ha Agama:
In paghukom kaniya ha Agama biya'na sin magkahinang sin hangkatau dain katuh niyo bang makarungog biya'na sin manuknae ha Allah dain ha hangkatau,wayruun mahinang natu dugaing dain sin hukumon siya ha Kakufor hasupaya kitaniyo dih makasulang ha Shara' iban makasulang ha Agama biya' kaniya.

Paghukom ha Court:
In paghukom kaniya ha court,biya'na sin paghinangon sin Court ha paghukom ha hambuuk tau sarta iban katarrangan ha Shara'.

Paghukom ha hadarat sin Allah:
In paghukom kaniya ha hadarat sin Allah,uno-uno na in kahalan niya ha pakaradjaan yaun iban sin jimajato kaniya daing naman ha pag-Iman iban ha pag-Kufur,sabab in Allahotaala kiyaingatan niya in kamattanan sin pakaradjaan niya sarta wayruun hangsulag uno-uno hikatapok kaniya.

Sumagawa in makasusa sabab sin in kaibanan manusiya dih nila masilang in tuw pakaradjaan ini sarta papaglamuron nila ha sabab sin kajahil nila hakaawn ha ini atawa hasabab sin kasigpitan sila maghinang had iban magpinig kaniya.

Manjari in tuw bahagian ini awn wakto makapagdugaing sila awn wakto makapaghambuuk: Karna awn wakto mahukom natu in hambuuk Tau nakufur ha Agama sabab sin diyungog natuh dain kaniya in kabtangan Kufur biya'na sin panuknae ha Allah, sumgawa dih siya hukumon sin Judge bat in siya nakufur sabab sin wayruun katarrangan timattap duun ha hadarat niya sin in hambuuk Tau yaun nakufor.adapun ha Allahotaala manjari siya Mu'min ha sabab sin in siya taga udjul,biya' sawpama sin in diyungog natu kaniya yadto hat hadja nali'das in dila niya ha way piyagtuuran,manjari ra isab in siya Kafir ha sabab sin wayruun udjul niya tataymaon ha hadarat sin Allah.

Subay natu ingaton sin hangkan kitaniyo makahukom ha hambuuk Tau hasabab sadja sin piyangamdusan natu ha pakaradjaan nakakatampal kaniya,karna in kitaniyo wayruun pangairab natu ha nakakatapok,bang tumampal katu taniyo in pag Iman dain kaniya wajib natuh siya hukumon ha ka Mu'min,bang isab tumampal katuh niyo dain kaniya in kakufor wajib natuh hukumon siya ha kakufur,dain ha sabab yan dimugal in Rasul SAW ha hambuuk Sahabat amoin namuno ha hambuuk usug sin diyungog niya na simabbot sin kalima Shahadat ha puas sin kaawnan niya ha kaShirik,malaingkan hangkan nakapamong siya bihadto ha wakto kita niya na in puddang masuuk na dumagpak mawn kaniya. Manjari ra isab dih matayma in Iman niya ha hadarat sin Allah ha sabab sin hangkan niya piyamong yadto hasupaya hadja dih siya malagot ha wayruun I'tiqad niya ha kamattanan sin Islam,sumagawa in Rasul SAW piyatarrang niya ha Sahabat sin dih niya kaingatan in kamattanan sin I'tiqad niya ha sabab sin wayruun niya nasud in pangatayan,hangkan wajib in hukumon niya ha uno-uno na in timampal kaniya ha pagShahadat sarta dih na siya bunuun.dain ha sabab yan Hukumon sin Judge in kaislam sin Murtad amoin mamong sin kalimatus-shada ha hadarat niya sarta hipatampal in pagbalik niya pa kaislam ha puas sin piyapagtawbat siya iban pamugai kaniya sin bunuun bang siya masi-masi ha kamurtad, malaingkan manjari yadto dih matayma in kaislam niya ha hadarat sin Allah karna hangkan siya nakapamong sabab sin buga niya bunuun bukon ha karna ridah niya ha kaislam.

Damikkiyan subay natuh daisab ingaton sin mahulog hadja in hambuuk tau pa kakufur bang kananaman niya na sin in siya limayo na dain ha agama bunnal, karna sin panghimutingi niya iban pangbabah-babah niya ha agama,hisyo-siyo in dimihil sakuto ha Allahotaala tanto himuting niya na in Agama iban nakasulang na siya sin usul kariasali niya amuna in Tawhid,hisyo-siyo in manghalali ha pagbuno tanto piyuting niya na in agama,sabab sin miyungsi siya ha haram amoin way hambuuk dain ha mga taga akkal in way nakaingat sin in yaun hiyaram sin agama ha kaibanan kahalan. hisyo-siyo in manuknai ha Allah tanto nakapangbabah-babah na siya ha Agama ha pangbabah-babah niya ha liyaggo sin Agama,hisiyo-siyo in mag-angan angan bat in mga cristian nanawhid atawa sataud-taud panawhid dain ha mga Muslim tanto nakapanghimuting na siya ha Agama iban nakasulang na siya ha Shara'.

Ha tungod sin pakaradjaan Agama amoin dih na siya abutan sin akkal awn salassayan niya, hisiyo-siyo in mamungsihi sarta kiyaingatan niya sin in pamungsihi niya yaun sulang ha agama sabab sin kiyaingatan niya sin in kiyabungsihan niya yaun daing tuud ha Agama in siya Kafir ha hadarat sin Allah. bang siya mamungsihi sumagawa wala niya kiyaingatan sin in pamungsihi niya yaun sulang ha agama sabab sin wala niya kiyaingatan sin in kiyabungsihan niya yaun dain ha Agama bukon siya kafir ha hadarat sin Allah,Adapon ha hadarat natu iban ha Court dih kitaniyo manjari humukom malaingakan amura in kikita natu nakakatampal ha pakaradjaan niya, bang in kaawnan sin katampalan sin pakaradjaan niya dih tuud hikatapok sin in kiyabungsihan niya dain ha Agama hukumon natu siya ha Agama sin kakufor,damikkiyan in Court hukumon da isab siya sin kakufor bang tumattap duun ha hadarat niya in kajato sin pamungsihi yadto, sakaino timatampal tuud duun kaniya in pamungsihi subay tuud siya hukumon sin kakufor,sarta dih siya kahagarun bang siya mamaylo sumagawa subay siya papagtawbatun.

Upamahan ha mga nagsakasabbot: nasabbot sin mga Ahlul Ilm ha kakitab-kitaban nila in katan sin hikaguwa sin hambuuk Tau dain ha ka Islam sarta mahulog pa kaKufur,sibuh da ha bissara iban kakahinang iban I'tiqad, liyamod siya ha Bab amoin agon-agon dih tuud malipas ha kakitab-kitaban sin Fiqhi malaingkan nakalamod sadja siya amona in Bab Ar-Ridda(Murtad), way pagduwa-ruwa sin in mga nagpakalukis duun haini biya'na sin Mungsi ha kaharam sin pagbuno,iban pagLiwat(paglakib sin Usug iban Usug),iban mungsi ha pagbuhi sin manusiya ha Adlaw qiyamat(inkar al-baath),iban ha kaawn sin malaikat,
In katan ini dain ha mga pakaradjaan dih hikatapok ha mga tau jahil limalamod ha lawman sin muslim in panulang niya ha agama,subay tuud mahukom sin kakufur in hisiyo-siyo na in Mamungsihi ha hambuuk dain ha nasabbot ini bang in kaawnan niya naghuhula ha lawman ta.

Adapon ha tungod sin magjato ha kaibanan ha paghukom ha hambuuk Tau ha kakufor hat hadja malawng ha mas-ala fiqhi,dain ha mga pag us-us kabubungsihan iban pagpalabi ha paghukom sangih-ngih,subay kitaniyo magpatilibon dain hadto,adapon in nasabbot natu ini bukon bihadto sumagawa biya' sin nasabbot natu nakauna.

Amo ini in kabayaan namu hipatarang hasupaya kaingatan bang ku'no manjari hukumon in hangkatau ha Agama iban ha Court iban ha hadarat sin Allah.

Damikkiyan subay natu daisab ingaton in panghukom sin hangkatau ha hisiyo-siyo na in kakitaan niya jatuhan sin Kakufor bukon in ma'na dusmugan niya bissarahan iyanon Kafir kaw sumagawa ha lawm pangatayan sadja atawa patum-tuman,amorayan in mawajib katuh ha Agama,adapon in pagpatindog sin Had in iyan hinang sin court bukon hinang sin hisiyo-siyo na hadja.

Wallaho A'lam...

Salassayan sin Shirik iban Kufur

noreply@blogger.com (Al-azhary) — Sat, 02 Oct 2010 22:01:00 +0000

Alhamdulillahi wassalato Wassalamo Ala Rasulillah.....Waba'd:

Assalamo Alaikom Warahmatullah...

Ma'na sin Kufur iban Bahagian niya.

معنى الكفر في اللغة : ـ

Ma'na sin Kufor ha bahasa

معناه : التغطية والستر والجحود . وضده الإيمان.
Ma'na sin Kufur:paglukob iban pagtaming iban panulangi.in lawan niya pamaratsaya(Iman).
ويطلق الكفر على جحود النعمة ، فيكون ضد الشكر. قال تعالى:
{ لئن شكرتم لأزيدنكم ولئن كفرتم إن عذابي لشديد (7)} [إبراهيم]
Damikkiyan Hipag Itlaq daisab in Kufur ha panulangi ha Ni'mat, na mahinang siya lawan sin Shukur,farman sin Allah(bang kamo magsukur tanto ganapan ko tuud kaniyo,iban bang kamo isab magkufur tanto in paminsana ko mapangsan.
ويقال : أكفر فلان فلانا ، إذا حكم بكفره
Pagtagon daisab:kiyufor hi kuwan in hi kuwan,apabila niya hukumon sin kakufur
والكفارة : ما يغطي الإثم ، ومنه كفارة اليمين ، والقتل ، والظهار.
In Al-kaffara:Uno-uno na in hikatabun sin dusa,lamod na duun kaniya in pagkifarat sin Yamin(sapa),iban pagbunu,iban pahdzihar.
والتكفير : ستر الذنب وإزالته ، كالتمريض : إزالة المرض.
In At-Takfir: pagtaming sin dusa iban pag-ig kaniya,biya'da sin at-tamreed:pag-ig sin sakit.

معنى الكفر في الشرع : ـ

Ma'na sin Kufur ha Shara'

هو : تكذيب النبي صلى الله عليه وسلم في شئ مما جاء به من ربه.
أو هو : جحود شئ مما يصير به المؤمن مؤمنا . ليشمل التعريف الكافر الخالي من التصديق والتكذيب .
In kufur: siya na in panghimutingi ha Nabi SAW ha hambuuk dain ha uno-uno na naparatong niya dain ha tuhan niya.
Atawa panulangi ha hambuuk dain ha uno-uno na in hikahinang ha mu'min mu'min.hasupaya mara in defeanation sin kafer amon way pamaratsaya iban wayra isab panghimuting.

In Kafir hipagngan ha hisiyo-siyo na in wayruun pag iman niya.makalamod na duun ha ini in katan sin mga Sumunod ini:

1.Hisiyo-siyo in patampalon in pag iman sarta hitapok in kakufur.amona in pagtagon: Munafiq.
2.Hisiyo-siyo in magkufur puas sin Kaislam niya.amona in pagtawagon Murtad.
3.Hisiyo-siyo in mamong duwa in tuhan atawa mataud.amona in pagtawagon Mushrik.
4.Hisyo-siyo in Nag aagama sin agama kiyatabunan na,biya'na sin Yahudi iban sin Nasrani.amona in pagtawagon:Ahlol kitab
5.hisiyo siyo in wayruun tuud pamaratsaya bat awn in tuhan.amona in pagtawagon:Ad-Dahry
6.Hisyo-siyo in Magbalik Islam sumagawa tiyatapok niya in Aqueeda sulang ha kaIslam.amuna in pagtawagon: Zindeeq

Kapahaman ta ha defenation ta ini sin in katan Shirik Kufur sumagawa bukon in katan sin kufur Shirik. Ha bihaun hatihun ta in Kufur amon wayruun nakalamod ha Shirik,hasupaya ta mapinig in pag iyanon Shirik iban Kufur.

Mga bahagian sin Kufur
In Kufur Nabahagi Naduwa:
1.Kufur Akbar(Kufur Dakula):
Makaguwa in himinang kaniya dain ha Kaislam iban mahalal in dugo niya iban sin pangalta niya,sarta kumakkal siya ha Api Narka Jahannam,iban wajib ha katan Muslim in mamantahi kaniya misan pa in kaawnan niya lahasiya.
Upamhan niya: Biya'na sin Mungsi ha pagkanabi sin kanabihan,iban mungsi ha pagbuhi sin tau patay ha lawm Kubul ha adlaw kiyamat(Ba'ath),atawa mangharami ha kiyapagtayakkupan sin katan Muslim in kahalal niya, iban manghalali ha kiyapagtayakkupan na sin katan Muslim in kaharam niya.

2.Kufur Asgar(Kufur Asibi):
Amona in Kufur Amaly(hinang) in ini dih makaguwa in himinang kaniya ha Agama iban dih mahalal in dugo iban pangalta niya,sarta dih siya kumakkal ha api Narka Jahannam,bang siya makasod narka,makasod da siya surga bang maabot na in idda niya.iban dih hikauno in sawmbibihun iban lasahun siya sin mga Bar-iman ha ganta sin tunguran sin pag Iman niya,bang siya isab karugalan dumugal kaniya ha ganta tunguran sin hinang niya ma'siyat.

In upamhan niya:
biya'na sin nasabbot ha ayat amoin timurun ha wakto nagsulang siyulangi in Aws iban Khazraj dain ha mga Sahabat sin Rasul SAW, piyagsabbot nila in mga jimato kanila ha wakto pa sin Kajahilan,sarta nagsayang-siyangi sila sin pakukos,dain ha sabab yan piyaturun sin Allah kanila in Ayat ini:
{ وكيف تكفرون وأنتم تتلى عليكم ءايات الله وفيكم رسوله } [ آل عمران 101]
Biya'diin in kapagkufur niyo sin in kamo pagbassahun kaniyo in Ayat sin Allah sarta yan kaniyo in Rasul niya.
Bukon in maksod duun ha ini bat amon pagkufor pa Allah sumgawa panabuni nila sin uno-uno na duun kanila pagsumadja iban pagkasilasa iban mga ni'mat,sarta wala sila nagsukur ha ni'mat ini.

Ma'na iban Bahagian sin Shirik:

In shirik: siyana in pallingun in uno uno na dain ha mga tibayhuan sin Ibadat madto pa dugaing dain ha Allah amoin hantang dih manjari hitukbal malaingkan subay hadja ha Allah,misan pa in kaawnan sin maksud hasupaya hikasuuk pa Allah,biya'na sin Farman sin niya:

وَالَّذِينَ اتَّخَذُوا مِن دُونِهِ أَوْلِيَاءَ مَا نَعْبُدُهُمْ إِلاَّ لِيُقَرِّبُونَا إِلَى اللهِ زُلْفَى﴾ [الزمر: 3

Iban amuin mga sila kimawa ha dugaing dain ha Allah wali(bagay)-agi nila-way maksud namuh ini piyagtag ipunan malaingkan hasupaya hadja kami makasuuk pa Allah.

Sarta nabahagi Nagduwa:
1.Shirkul Akbar(Shirik Dakula): makaguwa in himinang kaniya dain ha likusan sin Islam, iban mahalal in Dugu niya iban pangalta niya,sarta tumattap siya ha Api Narka jahannam..biya'na sin mag I'tiqad sin Awn tuhan sin Sahaya iban tuhan sin Tigidlum.

2. Shirkul Asgar(Shirik Asibi):dih makaguwa in himinang kaniya dain ha likusan sin Islam iban dih makaba'tal sin hinang malaingkan Amura in maba'tal niya in hinang amun liyamuran niya sin Shirik yaun,iban dih mahalal in dugu iban Alta niya sarta dih siya kumakkal ha Apinarka Jahannam.
Nabahagi siya nagduwa:
1.Shirik Nakakatampal(Shirkun Zhaahir): Maawn siya ha bissara, biya'na sin Magsapa ha dugaing dain ha Allah karna panglaggue kaniya. iban maawn ha kakahinang biya'na sin maggantung ampan ampan buga kuddanan sin Hasad,lamod na in mga Manik.

2.Shirik Nakatatapuk(Shirkun Khafiy): Maawn siya ha Niyat, amuna in Reya'. biya'na sin himinang marayaw hasupaya bantugun sin tau.

Pagpatarrang sin Shirik Dakula:
Awn dain ha mga kaibanan manusiya biyahagi nila in Tawhid pa tuwng kabahagi amuna in Tawhid Ulohiyya Tawhid Rububiyya Tawhid Asma' Wassifat,sarta laong nila wayruun dain ha manusiya simulang ha Tawhid Rububiyya(amoin katunggal sin Allah tag-amulahi ha katan Makhloq)adapun in mga Karasulan iban kanabihan piyara hadja sila ha sabab sin Tawhid Uluhiyya(katunggal sin Allah tukbalan sin Ibadat)sambil hinang nila in mga magtatawassul magtatabarruk iban mangangayu tabang pa mga Tau Salihin in mga yadto piyagtatag-ipunan kuno nila sarta wayruun piyagbiddaan nila iban sin mga Mushrik nagtatag-ipon ha barhala,adapun in pagbahagi ha hantang bihaini Bid'a Dalala Wayruun nahinag sin Rasul SAW iban mga Sahabat niya mabut pa Tabiin iban Tabit Tabiin.hangkan kita nakaiyan Bid'a dalala(kalawngan)sabab dain haini timubod in pangufuri ha kagusuran sin Muslim ha babaw sin dunya,iban pagtaassub sin kaibanan bat sila ra in tumpukan imamo in katan simulang kanila ha lawm kalawngan,iban pagpakay nila sin ngan sin Salaf hasupaya mahambis nila in katan awam dumungug kanila. Ampa hain kaw sila tuih in tuburan sin kahilohalaan mahinang sabab dih hikapag addat iyaddati sin pakaniya-pakaniya,sabab in pangatod sin hambook pa hambuuk ha baran niya siya in nagdara sin kasabunnalan in simulang kaniya yadto ha lawm kalawngan,hangkan malawa na in pag addat niya.

Bunnal in Tawhid nagampong siya sin Tuw ini:
1.Tawhid Uluhiyya:Katunggal sin Allah Tukbalan sin Ibadat.
2.Tawhid Rububiyya:katunggal sin Allah tag-amulahi ha katan piyapanjari
3.Tawhid Asma' wassifat: katunggal sin Allah nagngangan iban nagsisfat sin sifat sampurna.
Sumagawa in tuw ini dih mo manjari butason, Sabab bang kaw nagparatsaya pa Rububiyya subay rakaw magparatsaya ha Uluhiyya iban sin Asma' wassifat,bang ha hambuuk dain ha tuw ini dih mo paratsayahon automatic wayruun panawhid mo. Damikkiyan bang ha hambbuuk dain ha Tuw ini sakutuhan mo wayruun da isab panawhid mo.

Adapun in ayat piyagdaleel sin nagbahagi sin tawhid pa tuwng kabahagi amon laong na nag iiqrar in mga Mushrik ha Rububiyya sin Allah biya'na sin ayat ini:
وَلَئِنْ سَأَلْتَهُمْ مَنْ خَلَقَ السَّمَاوَاتِ وَالْأَرْضَ لَيَقُولُنَّ اللَّهُ
Bang mo sila asubuhun bang hisiyo in nagpapanjari sin langit iban lupa in hipamong nila: Alla.
Dih ini manunjuki bat in sila namamaratsaya ha Rububiyya sin Allah,sabab bang sila namaratsaya dih nila na hinangan limbang in Allah ha Barhala.adpun in pag bayta nila sin Allah in nagpapanjari sin langit iban lupa tupot hadja kiyaingatan nila bukon nila piyaratsaya.

Ha tungod sin Bissara nila bat in mga kaibanan Muslim magpangayu Tabang magtawassul iban magtabarruk pa mga kanabihan iban mga Salihin bat piyag-ibadatan nila in ini hambuuk na isab salaggu-laggu kalawngan. Hasupaya tumarrang tuud katuh in parkala ini subay ta ingaton bang uno in ma'na sin Ibadat ha Shara':

العبادة في الشرع:الخضوع و التذلل لمن يعتقد ربوبيته, فاذا فعل المسلم امرا بخضوع وتذلل ولم يعتقد ربويته لم تكن عبادة شرعا
In ma’na sin ibadat ha shara’: pagpatibaba iban pagpati kupo ha hsiyo-siyo na in kiyakahagad in pagkaruboobiyya niya,bang in hambuuk muslim makahinang hambuuk pakaradjaan pagpatibaba iban pagpatikupo sarta wala siya namaratsaya ha pagkarubobiyya sin piyatibabaan iban piyatikupuan niya yaun dih siya matawag ibadat ha shara’.

-Dain ha sabab yan dih matawag Ibadat in pagsujod sin mga Malaikat kan Apu Adam sabab sin wala sila nag I'tiqad sin pagkarububiyya hi Apu Adam.
-Dih matawag Ibadat in pagsujod sin taymanghod hi Nabi Yousof kaniya sabab sin wala sila nag I'tiqad sin pagkarububiyya hi Nabi Yousof.
-Dih matawag Ibadat in pagtawassul sin kaibanan Muslim pa mga Anbiya iban Salihin sabab wala sila nag I'tiqad sin pagkarububiyya sin Anbiya' iban Salihin.
-Dih matawag Ibadat in pagduwaa sin kamaasan pa Tampat sabab wala sila nag I'tiqad sin pagkarububiyya sin Tau miyamatay yaun,nahinang na hadja siya Haram ha sabab sin wala piyangdaakan sin Shara'.

Dain ha sabab yan timampal katu sin in Ibadat subay hadja siya iyaagaran I'tiqad sin pagkarububiyya. Bang awn hambuuk Tau nangayu duwaa pa Allah sarta nag'tiqad siya bat in Allah dih makagaus dimihil sin piyangayu' niya yaun ba'tal in panawhid niya.
Bang isab awn hambuuk Tau nasakit siya sarta nag paubat siya pa Doctor ha I'tiqad niya bat in Docotor yaun makapauli sakit bukon labay ha Izin sin Allah sumagawa awn kawasa niya ha baran-baran niya magpauli tanto in siya nakapag Shirik na sin Shirk salaggu'-laggu'.
Bang awn hambuuk Tau nangayu Cin kan Amah niya ha I'tiqad niya bat Amah niya in tagagaus magdihil kaniya Cin bukon labay Izin sin Allah tanto nakapagshirik na siya sin Shrik salaggu-laggu.

Wallaho taala A'lam…

In kasabunnalan subay hipamong misan pa inkaawnan niya masakit…

Hukuman sin pagsujod pa Kubul,Pagtawassul,pagtabarruk iban pangufuri ha Billion sin Muslim ha katilingkal dunya

noreply@blogger.com (Al-azhary) — Sun, 12 Sep 2010 05:10:00 +0000

Alhamdulillahi Rabbil Alamin Wassalato wassalamo Ala Ashrafil Anbiyae walmursalen.

In mga kaulamaan sin Ahlussunnah ha Jaman nakauna imaayad tuud sila sin humukom ha pakaniya-pakaniya atawa pa hambuuk Muslim sin kakufur iban kashirik, misan pa in Rafida amon agun piyagtayakkupan na sin Ahlussunnah in kakufur nila ha sabab sin pangjural nila ha mga sahabat iban ummahatul mu'minin awn da dain ha mga Ulama simulang kaniya biya'na kan Eygy ha sabab sadja sin kalagguh sin kalima La ila ha Illallha Muhammad Rasulullah diyara niya. Dain ha mga Upamahan sin pag Ayad sin Kaulamaan nakauna sin pagkufur atawa pag shirik ha hambuuk Muslim yari in mga kabtanagan nila:

1.Kabtangan hi Imam Malik:

Hisiyo siyo in gumuwa dain kaniya in uno uno na ganta hikakufur dain ha kasiyaman tagsiyam tibayhuan sarta in pag iman hambuuk tibayhuan da subay dahun in pakaradjaan niya ha pag Iman.

(Fiqhossunnah)

2.Kabtangan hi Imam Shafie:

Dih ko hisulak in shaada(saksi)sin hangkatau dain ha mga Ahlil Ahwaa malaingkan amura in Khattabiyya karna namamaratsaya sila sin kahalal sin pagputing.

(Sharhol mawaqif liljarjani)

Hati niya wala siya nangufuri ha ahlol ahwa ha jaman niya.

3.kabtangan hi Abu Hanifa:

Nasabbut ha Sharhol Maqasid sin in hi Abu Hanifa wayruun nangufuri hangkatau dain ha Ahluqibla.

4.Kabtangan hi Imam Ash-ary:

Nag ikhtilaf in mga Manusiya ha puas sin Nabi nila ha pakaradjaan mataud,naglawng pakaniya-pakaniya iban nalappas in kaibanan dain ha kaibanan,sambil nahinang sila firaq dih magkugdan iban tumpukan pulakkanat,sumagawa in Islam amon manghambuuki kanila iban mangsamlangi kanila.

(maqalat Islamiyyin)

5.Kabtangan hi Imam Razzi:

Ayaw kaw mangupori hambuuk dain ha Ahlulqibla,karna ha kaawnan niya nag iinkar ha naparatong sin Rasul SAW bukon ma'loom biddarura(bukon wajib paratsayahun ha Agama)

(Al-muhsil)

6.Kabtangan hi Imam Ghazaly:

In subay tangkilingan sin hambuuk Muslim in Umayad siya ha pangupor ha uno-uno na in kabakan niya tikduhanan,karna tanto tuud in mangjarihi umasagdugo iban kumawa sin pangalta dain ha magsasambahayang pa Qiblat amoin limalabtik sin:Lailaha illallah Muhammadurrasulullah kalawngan. In malawng ha hibin in hang-ibo Kafir ha kabuhi maslabi magaan dain sin malawng ha umasag dugo ha hambuuk hadja hijama dain ha Muslim.

(Al-qtisad fil-I'tiqad)

Amoini in mga Kabtangan sin kaulamaan sin Ahlussunnah nakauna sin maayad tuud sila manghukom kakufor ha hambbuk Muslm. Bang kita isab madto pa Hadith sin Rasul SAW maslabi na in paayad katu,karna tiyanto niya tuud sin in Ummat niya lappas dain ha kashirikan dakula,amora in kiyabugaan niya in mag-agaw iyagawi in ummat niya ha parkala dunya, yari in bayta niya:

وري ابن حبان الحديث في صحيحة وكذلك الطبري في المعجم ببعض الزيادة بإسناد صحيح إلي يزيد بن أبي حبيب به
أخبرنا أبو عروبة قال: حدثنا محمد بن وهب بن أبي كريمة قال: حدثنا محمد بن سلمة عن أبي عبد الرحيم عن زيد بن أبي أنيسة عن يزيد بن أبي حبيب عن أبي الخير عن عقبة بن عامر أن النبي صلى الله عليه وسلم صلى على قتلى أحد ثم انصرف وقعد على المنبر فحمد الله وأثنى عليه ثم قال: "أيها الناس إني بين أيديكم فرط وإني عليكم لشهيد وإني والله ما أخاف عليكم أن تشركوا بعدي ولكني قد أعطيت الليلة مفاتيح خزائن الأرض والسماء وأخاف عليكم أن تتنافسوا فيها" ثم دخل فلم يخرج من بيته حتى قبضه الله جل وعلا

Kiyariwayat hi Ibno Habban dain kan Uqba bin Amir tanto tuud in Nabi SAW simambahayang ha mga nagkabuno ha Uhod ampa siya minig sarta limingkod pa Minbar, nanukbali sin pagsarangsukul pa Allah sarta namudji kaniya,ampa siya nagsabda: O kamo mga manusiya tanto tuud in ako ha antara niyo makauna iban tanto tuud in ako sumaksi kaniyo,iban tanto tuud in ako sapahan ko ha ngan sin Allah dih ako mabuga kaniyo sin magshirik kamo ha mapuas ko,sumagawa in ako kiyadihil kako bihaun in kakunsi-kunsian sin lubong ha ginlupaan iban ha langit,sarta in kabugaan ko kaniyo magtaban tiyabani kamo kaniya. ampa na simod sarta wayruun na gimuwa dain ha lawm bay niya sambil kiyawa na siya sin Allah.

Sakali ha masa ta ini magaan na ha dila sin hambuuk Muslim in humukom Kufur atawa Shirik ha taymanghod niya Muslim sambil awn na nakapag Ijma dain ha mga ulama(bukon isab katan) sin Kufur atawa Mushrik na in hangkabillion Muslim ha babaw sin dunya, sah misan isab bihadto wala na sila timundan ha mga kaulamaan nakauna,tartanto wayruun da isab miyagad kanila in kamatauran sin Ulama,karna masi masi pa mataud dain ha mga Ulama sayo dih mamutasi dain ha pamandi sin nakauna dain kanila,dain ha sabab yan yari namo hiklad kaniyo in Fatwa sin kaulamaan labi na dain ha Egypt ha tungod sin Hukuman sin pagsujod pa Kubul,pagduwaa pa tampat,pagtawassul,pagtabarruk iban na sin paghukom Kafir iban mushrik ha billion sin Muslim ha katilingkal dunya.

Mahuli yari in Fatwa sin Darul Ifta sin Egypt,naawn in Fatwa ini ha tungod sin jawab ha pangasubo sin hukoman sin magsujod pa Kubul. Yari in katihabaan niya:

Egypt Darul Ifta:

Tungod ha Hukuman sin pagsujod pa Kubul.

Hasupaya kaingatan ta marayaw in parkala ini subay ta hatihun marayaw in tu usulan amo wajib sin muslim parihalaun:

1-Hikaisa: In kari asali sin katan hinang gumuwa dain ha hambuuk muslim subay dahun pa dih magsulang iban sin usulan sin Tawhid piyamamaratsayahan niya,dih kita makajari mag us-us magtuy humukum ha hangkatau sin kakufur atawa kashirik,karna in kaislam niya imaabay duun kaniya mahugut amoin mahinang sabab mawajib katu dih makaus us humukum kaniya ha kakufur,amo ini in katiluagan undang undang subay sin mga muslim hinangun ha katan kakitaan nila hinang gumuwa dain ha taymanghod nila muslim,in Qaida ini amuna ini in kiyapamong hi imam malik imam sin Darul hijra ha kabtangan niya:(hsiyiyo siyo in gumuwa dain kaniya in uno uno na ganta hikakufur dain ha kasiyaman tagsiyam tibayhuan sarta in pag eiman hambuuk tibayhuan da subay dahun in pakaradjaan niya ha pag Ima).

Dihilan ta in Qaida nasabbut ini upamahan ha kabtangan iban sin kakahinang:

Upamahan sin kabtangan:

in Muslim nagpaparatsaya siya sin in hi Nabi Isa Alaihissalam makabuhi sin tau miyamatay sumagawa dain ha ijin sin Allah iban dih niya yaun kagausan hinangun dain ha ginhawa baran niya sumagawa dain ha gaus sin Allah iban baya niya. in Cristian namamaratsaya sin in hi Nabi Isa makabuhi patay sumagawa in pamaratsaya nila in yaun siya tuud in nagbuhi sarta siya in Allah atawa anak sin Allah.dain ha sabab yan bang awn kadungugan ta hambuuk muslim nagpaparatsaya ha katungal sin Allah mamissara sin in siya(namamaratsaya sin hi Nabi Isa makabuhi patay) sarta biya'da isab hadto in bissara sin hambuuk Cristian,dih ta manjari huna hunaun magtuy bat in hambuuk muslim yaun nagmurtad atawa nagcristian na ha bissara niya,sumagawa dahun ta in bissara niya pa amoin hikatup pa pagkamuslim niya iban pamaratsaya niya ha katunggal sin Allah.

Upamahan sin kakahnang:

In hambuuk muslim nagpaparatsaya sin in Ibadat dih makajari hitukbal malaingkan subay ha Allahutaala tunggal, in Mushrik namamratsaya sin in Ibadat manjari hitukbal ha dugaing dain ha Allah,bang ta kakitaan in hambuuk Muslim piyalling niya pa dugaing dain ha Allah in kakahinang amon dumagbus siya Ibadat, wajib dahun in kakahinang niya duun ha mag atap ha piyamaratsayahan niya bilang hambuuk muslim,karna bang tumattap duun kaniya in kaIslam tartanto dih matangso dain kaniya ha hat hadja pagkutuh-kutuh,dain ha sabab yan ha wakto simujud hi Muaz Ibno Jabal R.A ha Rasul SAW -ha riwayat hi Ibno Majah sarta biyunnal siya hi Ibno Hbban-liyang hadja siya sin Rasul saw,sarta wala siypat in kakahinang niya yadto bat Shirik atawa Kufur,ampa tartanto hi Muaz R.A saingat ingat na ha ummat ini sin Halal iban Haram,bukun wala niya kiyaingatan bat in sujud Ibadat sarta in Ibadat dih manjari hipalling pa dugaing dain ha Allah,sumagawa pagka in sujud awn maksud niya dugaing dain ha Ibadat ha siyujud dih manjari dahun siya pa Ibadat bang mahinang sin hambuuk Muslim atawa kufurun siya magtuy,dain ha sabab yan laong hi Imama Addhahabi:

ألا ترى الصحابة من فرط حبهم للنبي صلى الله عليه وآله وسلم قالوا: ألا نسجد لك؟ فقال: «لا». فلو أذن لهم لسجدوا له سجود إجلال وتوقير لا سجود عبادة، كما قد سجد إخوة يوسف عليه السلام ليوسف، وكذلك القول في سجود المسلم لقبر النبي صلى الله عليه وآله وسلم على سبيل التعظيم والتبجيل لا يكفر به أصلاً، بل يكون عاصيًا، فليعرَّفْ أن هذا منهي عنه، وكذلك الصلاة إلى القبر" اهـ من معجم الشيوخ: ص 56

wala moka kiyaingatan in mga sahabat wayruun dain kanila namahil pahil ha pag lasa Parasul SAW agi nila: Uno dih ka kami sumujod kaymo? in agi sin Rasul SAW:(ayaw).bang hadja tiyugut kanila in sumujud, sumujod sila katan sin sujud panglaggue iban pag patikupu bukun sujud Ibadat,biya' sin pagsujud sin mga tayamanghod hi Nabi Yousof kaniya,damikkiyan biya'da isab hadto bang pagbissarahan in pagsujud ha kubul sin Rasul SAW ha karna panglaggue di' in kari asali niya hikakufur,sumagawa magdusa in himinang kaniya subay pahatihun sin in yaun liyangan, damikkiyan biya'da isab hadto in magsambahayang pa Kubul.

in maghinang sin kakahinang ini amon kufurun magtuy in hambuuk muslim ha kakitaan kakahinang dain kanila,hinang sin mga Khawarij amoin piyasawa hi Ibno Omar R.A sin in yaun lawang sin kalawngan nila, Agi niya:

فقال: "إِنَّهُمُ انْطَلَقُوا إلى آيَاتٍ نَزَلَتْ فيِ الكفار فَجَعَلُوهَا عَلَى المُؤْمِنِينَ" علَّقه البخاري في صحيحه، ووصله ابن جرير الطبري في "تهذيب الآثار" بسند صحيح

Tanto tuud in sila (khawarij) miyadto kimawa pa ayat napaturun pa mga Kafir ampa nila hinang piyaghukum ha mga Muslim.

2-Hikaruwa: Malagguh in piyagbiddaan sin antara sin pagtawassul(pagsuluhan) iban sin Shirik, in Suluhan diyaakan sin Shara farman sin Allah:

﴿يَا أَيُّهَا الَّذِينَ آمَنُوا اتَّقُوا اللهَ وَابْتَغُوا إِلَيْهِ الوَسِيلَةَ وَجَاهِدُوا فِي سَبِيلِهِ لَعَلَّكُمْ تُفْلِحُونَ﴾ [المائدة: 35]

O kamo mga bar-iman pagmabuga kamo pa Allah sarta hinang kamo kaniya suluhan,iban paglugtuh kamo ha dan niya mura murahan in kamo magparuntungan.

piyudji sin Allah in mga sila naghihinang suluhan ha pagduwaa kaniya Farman sin Allah:

﴿أُوْلَئِكَ الَّذِينَ يَدْعُونَ يَبْتَغُونَ إِلَى رَبِّهِمُ الوَسِيلَةَ أَيُّهُمْ أَقْرَبُ وَيَرْجُونَ رَحْمَتَهُ وَيَخَافُونَ عَذَابَهُ إِنَّ عَذَابَ رَبِّكَ كَانَ مَحْذُورًا﴾ [الإسراء: 57]

sila na yadto in magduruwaa sarta bang sila dumuwaa magdawhat sila pa tuhan nila suluhan ha hisiyu siyu na kanila labi in suuk sarta himuhuwat huwat sila sin Ulong sin Allah iban nagmabuga sila ha paminsanah niya karna tanto tuud in paminsana sin tuhan mo pag aayaran.

In hati sin Suluhan ha bahasa: Darajat, pagsugpat iban pagsuuk, bang timpunun in ma'na niya:siyana in pagsuuk pa Allah ha tiyap tiyap uno uno na in siyara'niya,makasud na duun ha ini in paglaggu ha katan uno uno na liyaggu sin Allah dain naman ha tampat, wakto, tau iban sin kahalan,sawpama niya: madto in muslim sumambahayang pa masjidil haram sarta dumuwaa pa Allah duun ha kubul sin Nabi SAW,in ini panglaggue ha liyaggu sin Allah dain ha mga tampat.jumaga sarta sumambahayang ha dum laylatul qadar iban dumuwaa ha wakto mustajab sin Adlaw jumaat, in ini panglaggue ha liyaggu sin Allah dain ha mga wakto.sumuuk pa Allah ha paglasa pa kanabihan iban mga kaawliyaan iban mga Salihin panglaggue ha liyaggu sin Allah dain ha mga Manusiya.dumuwaa ha wakto nagtutulak tulak iban sin sa'bu timutuh in ulan panglaggue ha liyaggu sin Allah dain ha mga Hal,in katan ini makasud pa Farman sin Allah:

﴿ذَلِكَ وَمَن يُعَظِّمْ شَعَائِرَ اللهِ فَإِنَّهَا مِن تَقْوَى القُلُوبِ﴾ [الحج:

ha damikkiyan yadto hisiyo siyo in manglaggue ha Shaa'er(Alamat) sin Allah na tanto tuud in iyan dain ha pagmabuga sin pangatayan.

Adapun in shirik: siyana in pallingun in uno uno na dain ha mga tibayhuan sin Ibadat madto pa dugaing dain ha Allah amoin hantang dih manjari hitukbal malaingkan subay hadja ha Allah,misan pa in kaawnan sin maksud hasupaya hikasuuk pa Allah,biya'na sin Farman sin Allah:

وَالَّذِينَ اتَّخَذُوا مِن دُونِهِ أَوْلِيَاءَ مَا نَعْبُدُهُمْ إِلاَّ لِيُقَرِّبُونَا إِلَى اللهِ زُلْفَى﴾ [الزمر: 3

Iban amuin mga sila kimawa ha dugaing dain ha Allah wali(bagay)-agi nila-way maksud namuh ini piyagtag ipunan malaingkan hasupaya hadja kami makasuuk pa Allah.

Hangkan kita imiyan (amoin hantang dih manjari hitukbal malainkan subay hadja ha Allah) hasupaya makaguwa in katan uno uno na sumulang ha Ibadat ha pagngan kaniya misan pa in kaawnan niya magsibu ha katampalan sin ngan. upamhan niya:

1.In duwaa awn wakto mahinang siya Ibadat pa diyuwaahan biya'na sin Farman sin Allah:

﴿إِن يَدْعُونَ مِن دُونِهِ إِلاَّ إِنَاثًا﴾ [النساء: 117]

(way) piyanginduwaahan nila dugaing dain ha Allah malaingkan amuna in barhala.

awn isab wakto dih mahinang Ibadat,biya'na sin Farman sin Alla:

﴿لاَ تَجْعَلُوا دُعَاءَ الرَّسُولِ بَيْنَكُمْ كَدُعَاءِ بَعْضِكُم بَعْضًا﴾ [النور: 63

Ayaw niyo hinanga in duwaa(tawag)ha Rasul SAW ha antara sin kamo biya' sin pagduwaa(pagtawag)sin kamo pakaniya-pakaniya.

2.In pagpangayo awn wakto mahinang siya Ibadat pa piyangayuan biya'na sin Farman sin Allah:

﴿وَاسْأَلُوا اللهَ مِن فَضْلِهِ﴾ [النساء: 32

Pangayu kamo pa Allah dain ha kalabbiyan niya

Awn isab wakto dih mahinang Ibadat,biya'na sin Farman sin Allah:

﴿لِلسَّائِلِ وَالْمَحْرُومِ ﴾ [المعارج: 25

Ha magangayu iban sin dih.

3.In pagpangayu Tabang awn wakto mahinang siya Ibadat ha piyangayuan tabang biya'na sin Farman sin Allah:

﴿إِيَّاكَ نَعْبُدُ وَإِيَّاكَ نَسْتَعِينُ﴾ [الفاتحة: 5]

Kaymo kami magtag-ipon iban kaymo kami mangayu tabang.

Awn isab wakto dih mahinang Ibadat,biya'na sin Farman sin Allah:

﴿وَاسْتَعِينُوا بِالصَّبْرِ وَالصَّلاةِ﴾ [البقرة: 45]

Pangayu kamo tabang ha kasabar iban ha sambahayang.

4.In Lasa awn Wakto mahinang Ibadat pa liyasa awn isab wakto dih Mahinang,biya'na sin hiyambuuk sin Rasul SAW ha Hadith niya:

«أَحِبُّوا اللهَ لِمَا يَغْذُوكُم مِن نِعَمِهِ، وَأَحِبُّونِي بِحُبِّ اللهِ، وَأَحِبُّوا أَهْلَ بَيْتِي بِحُبِّي» رواه الترمذي وصححه الحاكم

Lasaha niyo in Allah ha uno-uno na in dihil niya kaniyu dain ha Ni'mat niya,iban lasaha niyo ako ha paglasa sin Allah kaku,iban lasaha niyo in Family ko ha paglasa ko kanila.

Ha hawpu bissara in Shirik amona in papagsibuun in paglagguh ha piyapanjari iban sin Allah,biya'na sin Farman sin Allah:

﴿فَلا َتَجْعَلُوا للهِ أَندَادًا وَأَنتُمْ تَعْلَمُونَ﴾ [البقرة: 22]

Ayaw niyo hinangi in Allah sibu/limbang sin in kamu kiyaingatan niyo.

﴿وَمِنَ النَّاسِ مَن يَتَّخِذُ مِن دُونِ اللهِ أَندَادًا يُحِبُّونَهُمْ كَحُبِّ اللهِ وَالَّذِينَ آمَنُوا أَشَدُّ حُبًا للهِ﴾ [البقرة: 165

Awn dain ha mga manusiya huminang sila dugaing dain ha Allah sibu/limbang lasahun nila biya' sin paglasa pa Allah,adapun in mga Bar-iman lando in lasa pa Allah.

Ha duun ha ini timampal katuh in piyagbiddaan sin patawassul(pagsuluhan)iban sin Shirik(pagsakutu)

In Tawassul: Lagguun ta in liyaggu sin Allah,ay bima'na: panglaggue ha liyaggu sin Allah,ampa in panglaggue ha liyaggu sin Allah amuna in panglaggu ha Allah,biya'na sin Farman sin Allah:

﴿ذَلِكَ وَمَن يُعَظِّمْ شَعَائِرَ اللهِ فَإِنَّهَا مِن تَقْوَى القُلُوبِ﴾ [الحج: 32]

Ha damikkiyan yadto hisyo-siyo in manglaggue ha Shaa'er(alamat)sin Allah na!tanto tuud in iyan dain ha pagmabuga sin pangatayan.

Adapun in Shirik: Panglaggue ha piyapanjari biya' sin paglaggu ha Allah,atawa panglaggue ha dugaing dain ha Allah. dain ha sabab yan in kaawnan sin Sujod sin mga malaikat kan Apu Adam Iman iban Tawhid, adapun in Sujod sin mga Musrik pa Barhala Kufur iban Shirik, misan pa in kaawnan sin duwa sujod ini magsibu amona in sujod pa piyapanjari,sumagawa pagka in kaawnan sin sujod sin mga malaikat kan Apu Adam panglaggue ha liyaggu sin Allah iban pardaakan dain ha Allah nahinang siya Suluhan jiyari sin Shara' sarta tutungbasan in himinang kaniya.

Adapun in Sujod sin mga Mushrik pa barhala panglaggue biya' sin paglaggu ha Allah,dain ha Sabab yan nahinang siya Shirik sarta kapatut in himinang kaniya dihilan kabinsanaan.

Duun ha Usulan sin piyagbiddaan sin Tawassul iban sin Shirik ini piyatindug sin kaibanan tumpukan sin mga Ulama in kabtangan nila sin manjari Magsapa(maghalaf) ha amoin liyaggu siya sin Shara' biya'na ha Nabi Muhammad SAW iban sin Islam iban sin Ka'bah, hambuuk na dain kanila hi Imam Ahmad Rahimahullah ha hambuuk kabtangan niya,jiyari niya in magsapa ha Nabi Muhammad SAW ha sabab sin in siya ini hambuuk Rukun sin Shahadat amoin dih masampurna in Shahadat bang wayruun siya,karna wayruun duun haini tibayhuan panglaggue biya' sin paglaggu ha Allah sumagawa lagguun siya ha sabab sin panglaggue sin Allah kaniya.Sarta diya nila in mga kahadith hadithan amoin nanglangi pa magsapa pa dugaing dain ha Allah madto pa uno-uno na mahinang paglaggue biya' sin paglaggu ha Allah, Adapun ha mga Jumhur sin mga Ulama piyanglangan nila ini kawa' ha katampalan sin katiluagan sin panglangi ha pagsapa ha dugaing dain ha Allah.

Ha pagpatarrang sin kawa sin mga nakauna iban pagpaamo nila agi hi Ibnol Munzir Rahimahullah:

Naikhtilaf in mga Ulama ha ma'na sin panglangi ha pagsapa ha dugaing dain ha Allah,agi sin kaibanan Tumpukan: Tupot ha (ayman)pagsapa amoin biya' sin paghinangun sin mga Jahiliya,magsapa sila karna panglaggue ha dugaing dain ha Allah biya'na kan Lat iban hi Uzza iban sin Abaa(kaamaan) in mga ini magdusa in sumapa kaniya sarta wayruun kiparat kaniya. Adapun in amoin uno-uno tuma'wil siya pa liyaggu sin Allah,biya'na sin mamong: Sapahan ko ha kamattan sin Nabi, Islam, Haj, Umra, Al-had'y, Sadaqa, Al-itq iban na sin dugaing dain kanila amoin kamaksuran panglaggu ha Allah iban pagsuuk kaniya bukon lamod dain ha mga liyangan, iban dain ha mga namong ha nasabbot yadto hi Abu Ubaida iban sin mga tumpukan piyagbak namu, in Daleel nila amon mga dimatong dain ha Sahabat dain ha pagsambong nila duun ha Nagsapa ha Al-itq,Al-had'y iban Sadaqa sin in kaawnan nila kiyaingatan nila in panglangi nasabbot,nanunjuki kanila in mga nasabbut yadto bukun ha katiluagan sin panglang, karna bang in kaawnan ha katiluagan tanto nanglangi na sila sarta dih na sila sumambong hambuuk uno-uno.

Bang awn jumato sulang ha puas sin mga nasabbut yadto ha kaibanan ginisan sin pagsuluhan(tawassul) biya'na sin pagtawassul ha mga Salihin iban pagduwaa ha kakubulan nila sawpama, atawa jumato in kalawng dain ha mga kaibanan Muslim ha wayruun na Siyara' ha pagsuluhan biya'na sin magsujod pa Kubul atawa Tumawap kaniya,na! tanto tuud dih natu manjari hilayin in kalawngan yaun atawa in kasulang yaun dain ha likusan sin Pagsuluhan(Tawasassul) madto pa likusan sin Shirik iban Kufur,karna bang natuh hinang yadto tanto piyapaglamod natuh na in antara sin mga pakaradjaan,hinang natuh na in panglaggue ha liyagguh sin Allah biya' sin pagpasibu ha paglaggu ha Allah.Adapun in Allaho taalan nagfarman:

﴿أَفَنَجْعَلُ المُسْلِمِينَ كَالْمُجْرِمِينَ  مَا لَكُمْ كَيْفَ تَحْكُمُونَ﴾ [القلم: 36-35].

Uno hinangun natu in mga Muslim biya' sin mga Criminal,uno isab in kaniyo yan !biya'diin in paghukum niyo!

3-Hikatuw: Tanto tuud awn piyagbiddaan sin antara sin hambuuk uno-uno hiynang hadja siya Sabab iban sin mag I'tiqad kaw kaniya sin makapapanjari siya iban mangbakkasi in ginhawa baran niya,biya'na sin nahinang ta upamahan ha Usol panagnaan amoin mag I'tiqad in hambuuk muslim sin in hi Nabi Isa Alaihissalam sabab ha pagpapanjari labay dain ha ijin sin Allah iban sin Nasrani(Cristian) Mag I'tiqad sin makapapanjari siya hagaus sin baran niya, bang kita makakita hambuuk Muslim magayu atawa mangayu tabang atawa magmuhut-muhut kamumpaatan iban kamudaratan ha dugaing dain ha Allah na! wajib katuh dahun in kakahinang gimuwa dain kaniya yaun pa Sabab sadja hangkan siya himinang bukon ha karna bat amoyaun in mangbakkasi atawa magpapanjari, karna sin kiyaingatan ta in I'tiqad sin katan Muslim in Mumpaat iban Mudarat dain ha Allah tunggal,sarta awn dain ha mga piyapanjari makadihil mumpaat iban Mudarat labay dain ha Izin sin Allah,makapin dakuman bissarahun bang bunnal ka in piyapanjari yaun makadihil mumpaat iban mudarat iban sin dih.

Bang maaply tana in tuw usolan ini na tanto wajib na katu in dahun ta pa pagbissara sin paghukom ha pagtawap ha kubul,bang natu kiyaingatan na sin in kitniyo nagbissara ha kakahinang gumuwa dain ha mga Muslim sarta in mga Muslim yaun magbisita sila pa kakubulan ini karna nag-I'tiqad sila sin in yaun awn karayaw sin ha lawm niya iban masuuk sila pa Allah sarta in pagbisita pa kubul dain ha mga hinang marayaw hikasuuk iban mahinang suluhan pa Allah,sarta in bissara amura in kaibanan makajari iban sin dih gumuwa dain ha mga kakahinang sin mga muslim yaun,sarta in ha kaibanan kakahinang nila piyag-iikhtilapan sin mga Ulama iban in kaibanan lawng tartanto wayruun khilaf niya,bang ta kiyaingatan na in mga yadto katan tanto tumampal na katu sin wayruun panudsod sin Shirik iban Kufur ha paghukum ha mga Muslimin yaun sibu da in tiyu'-tiyu iban mataud,sumagawa amurakuman piyag iikhtilapan in kaiban Suluhan iban sin in kaibanan tartanto lawng ha wayruun mawajib kanila hambuuk uno-uno ha mga nasabbut yadto hikakufur ha hisiyo-siyo na in tumattap in kaislam duun kanila gawgot.

Bang ta bissarahun in mga kabtangan sin mga Ulama ha tungod sin pagtawap ha Kubul kakitaan ta dih na gumuwa dain ha likusan sin Haram iban Makruh, ay, awn na dain kanila in pangatud nila ha pagtawap ha kubul wasila hiyaram magdusa in himinang kaniya,iban awn da isab kanila imiyan sin subay sin muslim tinggalan sumagawa bang niya mahinang dih magdusa in himinang kaniya, in namong sin Makrooh amuna in mga Hanabila biya'na sin nasabbut ha "Kashaf Al-qana"in kahinapusan nanghimattani kaniya hi Allama Al-bahuti. In namong sin Kaharam amona in Jumhur sin mga Ulama,sarta amu ini in Fatwa bihaun.

Adapun bang hijul-jul pa Shirik iban Kufur in mas-ala ini wayruun tuud misan hambuuk tibayhuan niya,Allahumma malaingkan bang in kaawnan sin mga timawap bat piyagtag-ipunan nila in ha lawm sin kubul,atawa nag I'tikad bat makadihil mumpaat iban Mudarat dain ha ginhawa niya,atawa mag I'tiqad in timawap bat in tawap Ibadat siyara' sin Allah biya' sin kashara' sin pagtawap ha ka'ba,in katan ini tukuran hadja bukun tartanto jumato ha hambuuk muslim,hangkan subay sin mga Ulama dahun in katan sin kakahinang nila pa nasabbut nakauna.

Iban dih manjari in mga Muslim ligapun nila in ginhawa baran nila ha Mas-ala bihaini,hinanangun nila case mahinang sabab hikara sin pakukus bissara sin kaibanan pa kaibanan,mahinang siya Jihad ha wayruun lagi,sambil mahinang na siya amoin sabab hikapagapullakkanat sin sapan,iban hikaligap katuh hapagpatindug sin Mayran natuh iban paghambuuk sin Ummat natuh, pangayuun natuh pa Allah bang man hambuukun niya in pangatayan sin katan Muslim ha Kitab iban Sunnah iban karayaw sin pagpaham ha Agama iban ha pag-ingat sin maksod sin Allah ha pagpapanjari niya. Ameeen.

Tikmod in Fatwa.

Manjari mga katawtaymanghuran pagka niyo kiyahatihan na marayaw sin in Parkala pagtawassul,pagtabarruk sambil na pagsujod pa kubul sin wayruun panod sud sin Shirk kanila,sarta in himinang kanila ini bukon da isab labi dain sin mamuno 10000 tau, iban bukon daisab sibu iban mga chines, na tanto tuud in kamo sibu iban sin kami,nagkawapat in kamawmaasan natu ha lawman sin pagduwaa pa tampat, pagka in sila yadto biya'na sin timampal katu bukon da isab nawapat ha kashirikan na ibut kaniyo pangayue niyo duwaa in mga kamawmaasan niyo sabab in sila yadto nawapat ha kalawngan barhajat ha duwaa sin kaanakan nila buhi, iban in duwaa sin anak pa maas dain ha mga Mustajab,mura murahan bang kamo makapanginduwaa kanila lapasan pa sila sin Allahotala dain ha kabinsanaan.

Mahuli bang man magmumpaat pa katan in Fatwa ini.

والله سبحانه وتعالى أعلم

Salassayan sin Iman

noreply@blogger.com (Al-azhary) — Tue, 24 Aug 2010 03:24:00 +0000

Alhamdulillah wassalato wassalamo Ala Rasulillah….

Ma'na sin Iman:

In Iman:siya na in pagparatsaya sin pangatayan ha uno uno na in naparatong sin Nabi Muhammad-Sallallaho Alaihi wassallam- dain ha tuhan niya.sarta In in tampat niya ha lawm pangatayan.
Farman sin Allah ha sura Al-hujurat ayat 7:

وَلَكِنَّ اللَّهَ حَبَّبَ إِلَيْكُمُ الْإِيمَانَ وَزَيَّنَهُ فِي قُلُوبِكُمْ
Sumagawa in Allaho taala piyasub niya kaniyo in pag-iman sarta iyari-arihan niya ha pangatayan niyo.

Adapon in paglabtik sin Shahadat(Lailaha illallah Muhammdurrasulullah) Alamat manunjuki pa pag iman. Sarta in himinang sin kasara saraan dain naman ha himinang sin diyaakan iban sin timinggal ha liyangan in mga ini Sharat ha kasampurnaan sin pag iman,dih malawa in pag iman ha kalawa niya.

In Daleel niya:
1.piyaatap sin Allahotaala ha lawm sin Qur'an in kakahinang pa pag Iman,adapun in atap manunjuki pa magdugaing. Farman sin Allah:
إِنَّ الَّذِينَ آمَنُوا وَعَمِلُوا الصَّالِحَاتِ
Tanto tuud in mga sila namamaratsaya iban mga sila himihinang marayaw.

Ha ayat ini siyabbut sin Allah in kakahinang dugaing dain sin Iman tanda sin in Iman dugaing iban sin kakahinang.

2. Isbat sin Allah ha lawm Qur'an in Iman ampa piyasunod in daakan atawa liyangan, Farman sin Allahutaala ha sura Al-baqara ayat 183:
يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ
O kamo mga Bar-iman piyardo na kaniyo sin Allah in pagpuasa.

Farman sin Allahotaala ha sura Al-imran ayat 130:
يَا أَيُّهَا الَّذِينَ آمَنُوا لَا تَأْكُلُوا الرِّبَا
O kamo mga namamaratsaya ayaw kamo kumaon sin Ribah.

In ayat panagnaan Isbat muna in Iman ampa piyasunod in pardaakan amona in pagpuasa, in ayat hikaruwa Isbat in Iman ampa piyasunod in liyangan amuna in dih kumaun sin Riba.

3. Nasabbut sin Qur'an sin in Iman iban Ma'siyat manjari maghambuuk duun ha hambuuk namamaratsaya. Farman sin Allahutaala ha sura Al-hujurat ayat 9:
وَإِنْ طَائِفَتَانِ مِنَ الْمُؤْمِنِينَ اقْتَتَلُوا فَأَصْلِحُوا بَيْنَهُمَا
Bang in duwa tumpukan dain ha mga Bar-iman makapagbuno papagsuluta niyo sila karuwa.

Nasabbut ha Hadith dain kan Abi Zarrin-Radiyallaho Anho-Agi niya: Nagsabda in Rasul-Sallallaho Alaihi wassallam-:

ما من عبد قال لا اله الا الله ثم مات على ذالك الا دخل الجنة.قلت و ان زنا وا سرق قال وان زنا و ان سرق.ثلاثا ثم قال فى الرابعة رغم انفك ابي ذر.
wayruun dain ha hambuuk ipun makapamong: Lailaha Illallah,ampa iyabutan sin kamatay duun ha kapamong niya yadto malaingkan makasud hadja siya Surga, Agi ko: misan pa siya makajina iban makapanakaw? Sambong niya kako: misan makajina iban misan makapanakaw. Agi ko:misan pa siya makajina iban makapanakaw? Sambong niya kako:misan makajina iban makapanakw.nakatu biyalikan,ampa imiyan sin hikaupat: Ragima Anfok ya abu zar.

In katan ini manunjuki sin in kakahinag Ibadat Shurut sin hikasampurna sin pag Iman, sarta dih malawa in pag Iman sin hambuuk tau bang siya timinggal ha ini.

Kiyabayta dain ha kaibanan mga Salaf magpamong sila sin in Iman: Paratsayahon sin Atay, Sarta hilabtik sin Dila, iban hinangun sin Anggawta. In maga ini dih magsulang iban sin kiyabayta natuh karna wala nila hinang in tuw ini ha hambuuk darajat da. In pagparatsaya siya na in puunan sin Rukun,in paglabtik amuna in mamaytae sin puunan sin Rukun, in hinang marayaw amuna in kakaun sin Iman iban sin bunga niya.

Nagkasabbut ha kahadith-hadithan sin in kaibanan naghihinang ma'siyat dih makasud surga amoin ganta mapaham dainduun sin in himinang sin Shara' dain ha mga Rukun sin Iman, in mga kahadith-hadithan ini bukun manunjuki ha hinang bat shurot sin pag-iman sumagawa in ini pagpakusug paglang iban pagpapalayo dain ha hinang ma'siyat. Biya'na sin hadith: (dih makasud Surga in manglilimot) iban sin(Dih makasud surgah in mamumugtuh pagkasilasa).

Karna in mga magpakahinang sin dusa dakula ha pamaham sin Ahlussunnah in Pagtawag kanila Mu'min magmama'siyat(Mu'min A~si) bang sila magtawbat ampunon sin Allah in dusa nila,bang sila abutan sin kamatay ha wayruun nakapagtawbat in pakaradjaan nila hibugso pa Allah: bang niya kabayaan siksaun niya bang niya kabayaan ampunun niya.

In daleel sin in makahinang Dusa dakula dain ha mga Bar-iman farman sin Allahotaala sura Al-baqara ayat 178:
يَا أَيُّهَا الَّذِينَ آمَنُوا كُتِبَ عَلَيْكُمُ الْقِصَاصُ فِي الْقَتْلَى الْحُرُّ بِالْحُرِّ وَالْعَبْدُ بِالْعَبْدِ وَالْأُنْثَى بِالْأُنْثَى فَمَنْ عُفِيَ لَهُ مِنْ أَخِيهِ شَيْءٌ فَاتِّبَاعٌ بِالْمَعْرُوفِ وَأَدَاءٌ إِلَيْهِ بِإِحْسَانٍ ذَلِكَ تَخْفِيفٌ مِنْ رَبِّكُمْ وَرَحْمَةٌ فَمَنِ اعْتَدَى بَعْدَ ذَلِكَ فَلَهُ عَذَابٌ أَلِيمٌ (178)
O kamo mga Bar-iban wiyajib kaniyo in pagkisas ha pagbunu, in tau limaya pa tau limaya,in tau ipun pa tau ipun,in babae pa babae,na hisiyo-siyo in maapun niya na in taymanghod niya sarta makakawa na siya uno uno na dain ha mga diyat, subay magparyaw in pakaniya pakaniya sin pangaddatan,in mga nasabbut yan pagpaluhay dain ha tuhan niya iban sin ulong niya,na! hisiyo siyo in managnae mapuas daindidto na! kaniya na in tungbas Azab mapangsan.

In ayat ini namayta sin in namuno ha jumlahan da sin mu'min,sarta taymanghod pa ha pag-agama sin mawmaas sin kiysas.

farman sin Allahotaala sura An-nisa ayat 48:
إِنَّ اللَّهَ لَا يَغْفِرُ أَنْ يُشْرَكَ بِهِ وَيَغْفِرُ مَا دُونَ ذَلِكَ لِمَنْ يَشَاءُ وَمَنْ يُشْرِكْ بِاللَّهِ فَقَدِ افْتَرَى إِثْمًا عَظِيمًا
Tanto tuud in Allahotaala dih niya ampunon in hisiyo-siyo na himinang limbang sakuto kaniya,sarta ampunon niya in uno uno na dusa mapuas sin Shirik ha hisiyo siyo na in kabayaan niya Ampunon.

عن عُبَادَةَ بْنَ الصَّامِتِ رَضِيَ اللَّهُ عَنْهُ
وَكَانَ شَهِدَ بَدْرًا وَهُوَ أَحَدُ النُّقَبَاءِ لَيْلَةَ الْعَقَبَةِ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ وَحَوْلَهُ عِصَابَةٌ مِنْ أَصْحَابِهِ بَايِعُونِي عَلَى أَنْ لَا تُشْرِكُوا بِاللَّهِ شَيْئًا وَلَا تَسْرِقُوا وَلَا تَزْنُوا وَلَا تَقْتُلُوا أَوْلَادَكُمْ وَلَا تَأْتُوا بِبُهْتَانٍ تَفْتَرُونَهُ بَيْنَ أَيْدِيكُمْ وَأَرْجُلِكُمْ وَلَا تَعْصُوا فِي مَعْرُوفٍ فَمَنْ وَفَى مِنْكُمْ فَأَجْرُهُ عَلَى اللَّهِ وَمَنْ أَصَابَ مِنْ ذَلِكَ شَيْئًا فَعُوقِبَ فِي الدُّنْيَا فَهُوَ كَفَّارَةٌ لَهُ وَمَنْ أَصَابَ مِنْ ذَلِكَ شَيْئًا ثُمَّ سَتَرَهُ اللَّهُ فَهُوَ إِلَى اللَّهِ إِنْ شَاءَ عَفَا عَنْهُ وَإِنْ شَاءَ عَاقَبَهُ فَبَايَعْنَاهُ عَلَى ذَلِك
Dain kan Ubbada ibn samit R.A in kaawnan niya nakasakup siya ha bunu sin badr iban hambuuk siya dain ha mga panguhanan sin qawman niya ha dum aqaba,sabunnal tuud in rasul S.A.W nagsabda sarta ha katilibut niya tumpukan dain ha mga sahabat niya:"bay-ahe niyu ako duun ha dih kamo sumakutu ha Allahutaala hambuuk unu-unu,iban dih kamo manakaw,iban dih kamo magzina,iban dih kamo mamunu sin kaanakan niyu,iban dih kamo magparatung sin kaputingan hinang-hinangun sin antara sin duwa lima niyu iban siki niyu,iban ayaw kamo sumulang ha hinang marayaw (daakan ko atawa daakan sin nakura niyu mapuas ko), na hisiyu-siyu in tumunay dain kaniyu in pahala niya makawa niya duun ha Allah,hisiyu-siyu in makarugtul dain ha mga nasabbut yadto hambuuk unu-unu ampa siya kiyatungbasan binsanah di ha dunya na in iyan kaffara na kaniya,hisiyu-siyu isab in makarugtul dain ha mga nasabbut yadto hambuuk unu-unu pag ubus tiyamingan siya sin allahutaala na in iyan baya-baya na sin allah,bang siya mabaya maapun niya bang isab siya mabaya tungbasan siya kabinsanaan".manjari biyay-ahan namo na siya duun ha mga nasabbut yadto.

Kiyabayta dain kan Imam Shafie -Rahimahullah-Agi niya: In Iman: siya na in pagparatsaya,iban paglabtaik sin dila, iban paghinang: in maninggali ha panagnaan Munafiq,in ha hikaruwa Kafir,in ha hikatu Fasiq malappas dain ha kumakkal ha narka sarta makasud Surga.

In katan ini manunjuki sin in nasabbut ta dih magsulang iban sin nagkasabbut sin mga Salaf karna in sila wala nila hinang hambuuk da in darajat sin mga ini sumagawa dugaing dugaing in darajat niya.

Pagtaas iban pagbabah sin Iman:

In iman magganap iban sin magdag-dag atawa mataas iban sin magbabah, sumung ha pag hinang marayw atawa pagtaat pa Allah sarta dumagdag ha paghinang ma'siyat kaniya. Farman sin Allah ha sura Al-anfal ayat 2:
إِنَّمَا الْمُؤْمِنُونَ الَّذِينَ إِذَا ذُكِرَ اللَّهُ وَجِلَتْ قُلُوبُهُمْ وَإِذَا تُلِيَتْ عَلَيْهِمْ آيَاتُهُ زَادَتْهُمْ إِيمَانًا
Tanto tuud in mga Bar-iman amoin mga sila bang sumabbut na pa Allah muga in pangatayan nila,bang bassahun kanila in ayat niya sumong in pag iman nila.

Ay bima'na in Iman nila bakas mababah, ha wakto kabassahan sila sin Ayat sin Allah sumong in pag-iman nila.

wallaho a'lam

Ulamaul Umma

noreply@blogger.com (Al-azhary) — Sun, 08 Aug 2010 03:34:00 +0000


Shiekh Ali Jum'a-Mufti sin Egypt

Shiekh Muhammad Tantawi-Shiekhol Azhar nawapat sin tahun 2010

Shiekh Yousof Qardawi-president of International Union for Muslim Scholars

Shiekh Mutawalli Sha'rawi-Mufasser

Shiekh Ramadan Al-buti

Shiekh Wahba Zuhaily

Sauda Binto Jam'ah 2

noreply@blogger.com (Al-azhary) — Wed, 04 Aug 2010 16:33:00 +0000

Hikaruwa Asawa sin Rasul SAW Puas hi Khadija, duun kaniya ini timurun in Ayat pag Hijab.

Ngan niya:
Ummul Mu'minin Sauda Binto Jam'a bin Qayis Bin Abdu Wid Bin Nasr Bin Malik Bin Hasal Bin Amer Bin Luay Al-qurshiyya Al-Ameriyya. in inah niya As-shamoos Binto Qayis Bin Zaid Bin Amr Al-ansariyya.

Pag Islam niya:
Ha wala pa siya naasawa sin Rasul SAW in bakas bana niya pangtungod niya pagtagun hi Sakran Bin Amr,taymanghod hi Suhayil Bin Amr Al-amiry,ha wakto siya simod pa kaislam nagbay'a siya pa Rasul SAW iban banan niya hi Sakran,sarta naglayin sila katan pa Lupa sin Habasha,nakananam sila kasigpitan ha pagkadto kari sambil nawapat in bana niya, kiyabin siya sin bana niya halawm kasusahan way tumabang way usaha sarta in amah niya jungkog na sin kalaas.

Pagbana niya:
Nasabbot ha Hadith kiyabayta hi Aesha dain kan Khawla binto Hakim,hi Khawla binto Hakim As-salamiyya lundang panon hi Sauda naglayin pa Habasha iban sin bana niya hi Uthman Bin Maz-own, ha wakto piyabana na pa Rasul SAW hi Aesha in kaawnan niya bata pa,sarta mabaya in Rasul SAW umasawa sin malaas hasupaya awn magparagan sin pakaradjaan ha Bay niya iban mag-ayopot ha anak niya hi Fatim Az-zahraah.
piyapaasawa hi Khawla ha Rasul SAW hi Sauda karna amoyaun in liyalawag niya babae maummol iban tagapamikil sarta Bar-eman,wayruun pa hi Khawla nakaubos nagbissara tiyayma na magtuy sin Rasul SAW sarta iyasawa niya. naasawa siya sin Rasul SAW awn kaniya Unom Anak. in pagtiyaun nila ha bulan Ramadan ha tahun hikahangpo ha pagka Nabi sin Rasul SAW puas sin kamatay hi Sayda Khadija ha Makka. iyasawa siya sin Rasul SAW ha ungsod 400 Derham.

Kalabbiyan niya:
Maitong hi Sauda Radiyallaho Anha dain ha mga sarayaw-rayaw na babae ha jaman niya,simod siya pa kaIslam,nagbay'a ha Rasul SAW sarta nakahijra pa Lupa sin Habasha.
Naasawa siya sin Rasul SAW sambil naitong siya hambook dain ha salasa-lasa ha pangatayan sin Rasul SAW. natanog siya ha karayaw iban kusug magmabuga,nakariwayat siya ha Rasul SAW hadith mataud,sarta mataud in nakariwayat dain kaniya. nahinang sabab kaniya timurun in ayat paghijab,simujod kaniya hi Ibno Abbas,nabantog siya ha mahaba lima hasabab sin taud sin Sadakka niya karna in kaawnan niya babae masub magsadakka.

Kawapat niya:
Nawapat hi Sayda Sauda ha kahinapusan masa hi Omar ibno Al-hkhattab,ha dugaing bayta nawapat ha Madina ha bulan Shawwal ha ummul 54 ha pagnakuraan hi Muawiya. ha wakto sin kawapat niya simujud kaniya hi Abdullah Ibno Abbas,ha wakto siya iyasubo bang mayta? in agi niya: nagsabda in Rasul SAW(bang kamo makakita ayat sujod kamo) uno pa in salaggu laggu ayat ha kawapat sin asawa sin Rasul SAW?.

Wallaho A'lam.

Khadija Binto Khuwailid 1

noreply@blogger.com (Al-azhary) — Mon, 02 Aug 2010 06:08:00 +0000

Asawa sin Rasul SAW panganaan:

Khadija Binto Khuwailid bin Asad Bin Abdul Uza bin Qusa Al-qurshiyya Al-asadiyya, asawa sin Nabi Muhammad SAW kainaan sin mga Mu'minin. piyag anak ha makka sarta simulig ha bay liyalaggu iban miymulliya iban niyanakura, simulig ha pagpakay sin pangaddatan marayaw, nagsisipat sin katulis sin pamikil iban sin kahumpot kalanu sahingga in pagtawag kaniya ha jaman sin jahiliya hi Tahira(sutsi).

Nakabana siya nakaruwa ha kanakuraan sin Arab ha waypa siya nakabana ha Rasul SAW, in ngan sin Nabana niya hi Ateeq bin A'ez Al-makhzoomi iban hi Abi Haala Hind Bin Zara~rato At-tamimi.

In kaawnan niya babae dayahan iban malaggu usaha imuusaha in kausugan ha usaha niya hipagdagang pa Sham, kiyasuy suyan man siya ha tungod sin pangaddatan hi Muhammad bin Abdillah sin in siya ini dih magpuputing sarta kapangandulan iban kapag amanatan,diyaak niya nag-usaha sin pangalta niya pa hula Sham sarta piyaagaran niya ha hambuuk ipatan niya in ngan hi Maysara.tiyayma sin Nabi Muhammad in daak niya ini sarta miyanaw na sila iban pagbalik nagdara untong dakula,biyaytaan siya hi Maysara sin dayaw pangaddatan sin Nabi Muhammad sarta in pangaddatan niya ini nakabidda dain ha pangaddatan sin katan.dain ha sabab yan napikil niya banahun in Nabi Muhammad,diyaak niya in bagay niya hi Nafisa binto Maniyya nagpahimati sin baya niya kan Nabi Muhammad,sarta tiyama sin Nabi Muhammad sambil nakapatiyaun sila.
In Ummul sin Nabi ha jaman yadto 25 sarta in Ummul niya 40. wayruun nakapag-asawa dugaing in Nabi lugay niya buhi,nakaanak sila 6 hi Qasim, Abdullah, Zainab, Ruqayya, Ummu Kalsoom iban hi Fatima.

Ha wakto in Nabi Muhammad SAW nahinang na Rasul hi Khadija in panagnaan namaratsaya kaniya,nakabalik in Nabi kaniya dain ha Ghar Hira sarta namimidpid,siyuy suyan siya sin jimato kaniya ha panagnaan pagdatong sin Wahi. agi kaniya sin Nabi Muhammad(mabuga ako ha ginhawabaran ko)siyambungan siya hi Khadija sin sasambongan gawgot(tanto tuud huwat huwat ako sin ikaw yan mahinang Nabi sin Ummat ini,sapahan ko ha ngan sin Allah sin dih niya kaw pasaran salama-lama,tanto tuud manugpati kaw sin pagkasilasa iban mamunnali kaw sin kabtangan,magpabuntul kaw sin timbangan iban tumabang ha tagdapo sin kasabunnalan). siyana ini in sampurna asawa sin Rasul SAW amuin magpagam kaniya sin kasigpitan panggubat kaniya sin kawman niya,magpahugot kaniya, kimakahagad kaniya iban magpagam kaniya sin pakaradjaan sin manusiya. in kaawnan sin Nabi Muhammad ha pag asawa kaniya ini yaun na kaniya in sarayaw-rayaw parasahan iban bubutangan iban Wazir(minister).

Piyakuyag siya sin Nabi muhammad SAW sin bay niya ha lawm surga,sarta agi niya in Sarayaw-rayaw babae ha katan Alam: Mariam binto Imran, A~siya binto Mazahim, Khadija binto Khuwailid, Fatima binto Muhammad SAW.

Nawapat siya sin 3 tahun ha waypa in pag hijra ha bulan Ramadan, kiyubul ha Hujoon Makka,lando in susa sin Rasul SAW ha pagkawapat niya.

Ha puas sin kamatay niya daran siya siyasabbut sin Nabi Muhammad SAW sambil imabugho hi Sayda Aesha, agi niya: kiyagantian nakaw sin Allah dain ha maas babae, diyugalan tuud in Nabi muhammad ha bissara niya sambil nakaangan-angan siya sin bangman maig na in dugal sin Rasul SAW sarta dih na dugalan magbalik. agi hi Sayda Aesha: way ako nangabugho ha hambuuk dain ha asawa sin Rasul SAW biya' sin abugho ko kan khadija, wayruun ko siya kita sumagawa daran siya pagsabbuton sin Rasul SAW.marayi' simumbay' siya kambing ampa niya piyag utod-utod ampa niya piyagsadakka pasampay kan Khadija, marayi' nakaiyan ako: biya' sin wayruun na ha babaw sin dunya dugaing dain kan Khadija,agi niya: tanto tuud way na dugaing dain kaniya, in katan sin Anak ko dain kaniya. nagduruhun in abugho hi Sayda Aesha sin hambook adlaw sin nakapamong siya: bukon ka hat hambuuk maas babae kiyagantian nakaw sin Allah labi dain kaniya, diyugalan in Rasul SAW sambil najug-jug in unahan sin buhuk niya sin dugal,ampa siya namong:(Wallahi wayruun giyantian kaku sin Allah labi dain kaniya,namaratsaya kako ha wakto nagkufor in katan manusiya,kimahagad kaku ha wakto ako piyuting sin mga manusiya, tiyabang niya ako sin pangalta niya ha wakto way tumabang kaku dain ha mga manusiya,Ridjikian ako sin Allah dain kaniya anak ha wakto way ako kiyarihilan sin anak sin kaibanan babae).

(Musnad Ahmad 6/118-Ibno Hajar fathol bary 7/140,9/327-Ibno katheer Bidaya wannihaya 3/126)

Wallaho A'lam.

Zambasulu Forum

Kaasawahan sin Rasul SAW

noreply@blogger.com (Al-azhary) — Mon, 02 Aug 2010 06:07:00 +0000

Alhamdulillahi Rabbil Alamin, wassalato wassalamo Ala Ala habibinal Mustafa waala As-hahi Ajmain:

Kaasawahan sin Rasul SAW ummuhaatol Mu'miniin.

1.Khadija Binto Khuwailid
2.Sauda Binto Jam'ah
3.Aesha Binto Siddiq
4.Hafsa Binto Omar
5.Zainab Al-hilaliyya
6.Hind Ummo Salama
7.Zainab Binto Jahsh
8.Juwayriya Binto Al-haris
9.Safiyya binto Huyay
10.Ramla Ummo Habiba
11.Mariya Al-qibtiyya
12.Maymona Binto Al-haris

Zambasulu VS Nick team

noreply@blogger.com (Al-azhary) — Sat, 31 Jul 2010 20:17:00 +0000

Nick team yellow & Zambasulu Read

Players & Philsac officers in Embasy

Add caption

Zambasulu & Ustaz Wahid

with Zambasulu Girls

Misan isab tiyu-tiyu da in Zambasulu Alhamdulillah nakakawa pa 1st Runner up ha lawm sin 6 team

Haylaya Hadji Nasihat

noreply@blogger.com (Al-azhary) — Sat, 31 Jul 2010 20:00:00 +0000

Me & Ustaz Ghams & brothers

Me & Ustaz Ghams

Students & workers

Eid Mubarak

Hailaya Hadji Zambasulu program

Pagkita Bulan iban pagtakwim ha Ramadan

noreply@blogger.com (Al-azhary) — Tue, 27 Jul 2010 16:27:00 +0000

Bismillah Alahmdulillah

Assalamulaykom wa rahmatullah
Ha madzhab sin Imam Shafiey mamukalna taniyo in karatong sin bulan Ramadan labay daing ha kiyasakian atawa kita` sin hambook muslim adil in sahali niya bisan pa in ka awnan kiyatampanan (kiyatampnan sin gabon atawa andum ha mapuas sin pagkita niya ha sahali bulan Ramadan) sibo` da in ka awnan sin langit masawa atawa awn parsababan sin hika hunit sin pagkita` ha sahali bulan,damikkiyan siyurot ha makasaksi atawa makakita` sin sahali bulan Ramadan in subay siya muslim usog akil baligh mahaldika iban adil,bisan ha kalahil sadja sin pagkatao niya mamarahi na,sarta bang siya mamayta subay ha alupan sin Qadiy (huwis ha parinta sin hula Islam) adapon pasalan sin wayroon parinta Islam in hula` taniyo manjari in hibutang nato`ha tampat sin Qadiy amuna in Muftiy.

Bihaini in saparati sin pamung niya

Tartanto kiyasaksian ko atawa kita` ko in sahali sin bulan Ramadan ha puas sin pagshadat niya Lailaha ilallallah Mohammad Rasulullah,mamarahi na yadto bisan siya di` na imiyan in kunsum Ramadan na.

IBAN DI` MAWAJIB IN PAGPUASA HA JUMLAHAN SIN MUSLIMIN BUAT MALAINGKAN SUBAY KARUNGUGAN SIN QADIY ATAWA MUFTIY IBAN TAYMAON NIYA BUNNAL IN PAGNAIK SAKSI SIN MUSLIM NAKAKITA` HA SAHALI SIN BULAN RAMADAN.

Mahuli in hikajawab namo ha pangasubo hi tuan eips biya na sin timampal ha kiyasulat taniyo ha taasan yan,apabila in nakakita` sin bulan ha basilan muslim usog akil baligh adil iban mahardika sarta kiyabayta niya ha tawmaas sin pag-agama biya na sin Muftiy damikkiyan diyungog sin muftiy bisan da koman ha cellphone sarta tiyayma` iban biyunnal niya in pagsaksi sin hambuk muslim nakakita sin sahali damikkiyan piyamahalayak niya na, sapanton ha sambuangan siya sambil pia abot niya in pahati pa sug iban na sin binaybayan sakop niya,ha wakto ini mawajib magpuasa in katan muslim usog babae mukim akil baligh iban wayroon sakit iban wayroon ujol.

Adapon biya sin pangasubo mo ini tuan eips apabila in namayta daing ha basilan harap pa sug sin kita` nila na in sahali bulan Ramadan sumagawa wayroon sila nakabayta ha Muftiy atawa tawmaas sin pag-agama sin kita` nila na in sahali bulan Ramadan,in mga Muslimin ha lupahsug wayroon kiyawajiban mag-puasa damikkiyan di` sila magdusa bisan sila di` makapuasa iban di` sila magkada`,ha pasalan sin wayroon nila kita` in sahali sin bulan Ramadan sabab sin maandum kiyadampugan atawa nagduruwa ruwa sila ha bayta kanila sin daing ha basilan,atawa dimatong pa muftiy in bayta` sin hambook muslim nakakita` sin sahali bulan Ramadan daing ha basilan,sumgawa wayroon tiyayma` iban wayroon biyunnal sin muftiy in pagnaik saksi sin nakakita` ha sahali sahali sin bulan ramadan ha kahalan ini damikkiyan wayroon da isab kiyawajiban magpuasa in mga muslimin ha lupahsug iban di` sila magdusa.

Allaho a`lam …bang awn mabaya daing ha kataymanghuran ganap pangadjian manjari niyo bassahon in kita Alfiqho Ala Almajahib Al-Arba`a

By: Abdeen Muhammad

Tausugnet.com

Niyat ha pagpuasa

noreply@blogger.com (Al-azhary) — Tue, 27 Jul 2010 16:21:00 +0000

Assalamulaykom wa rahmatullahi wa barakatuho

Bismillah Alhamdulillah wa assalato wa assalamo ala Rasulillah wa Ala Alihi wa Ashabihi Attahirina wa Attayyibin wa ba`d…

Mahuli mga kataymanghuran in niyat rokon siya sin puasa amoyan in papanaw sin majhab Shafiey iban majhab Malikiy rahimahumullah,adapon ha papanaw sin majhab hanafiy iban majhab Hanbaliy,in rukon sin puasa kanila hambook da amuna in pagtangka daing ha mga makaba`tal kaniya.

-Majhab sin malikiy,nagsulang sila ha rokon sin puasa,in bayta sin kamatawran daing kanila in puasa duwa in rokon amuna in pagtangka` iban pagniyat,in bayta isab sin kaibanan in pagniyat surot sadja siya ha puasa iban in rokon niya amora in patangka` (Imsak) daing ha makaba`tal kaniya.

-Majhab sin Shafiey,in rokon sin puasa tu: pagtangka` daing ha makaba`tal kaniya,pagniyat, tao nagpuasa.

Manjari niya dihilan taniyo maniyo tiyo lilayan in niyat,in niyat hambook siya rokon sin puasa iban na sin kaibanan ebadat biya na sin sambahayang iban haj,sabda sin rasulullah sallalllaho alayhi wa sallam, انما الأعمال بالنيات in tatkala kakahinang siyartaan sin niyat,ha dalam ini subay in ka awnan sin magpupuasa magniyat siya magpuasa tiyap tiyap diyuman sin Ramadan,ha di` pa dumatong in wakto suboh,biya na sin hadith kiyabayta daing kan Hafsa radiyallaho anha,قالت:قال رسول الله (من لم يجمع الصيام قبل الفجر فلا صيام له) رواه أحمد و أصحاب السنن

Nagbayta in hafsa radiyallaho anha:nagsabda in Rasulullah sallallaho alayhi wa sallam: hi siyo in di` niya matibook in niyat iban sin kug baya ha pagpuasa ba`go magsuboh,wayroon kaniya puasa.

Damikkiyan in niyat bokon na surot in subay siya hi labtik sin dila` kalna in niyat, hinang sin pangatayan wayroon pamu`sugi sin dila` kaniya,iban in hakikat maksod niya amuna in tumunay sin hinang pardaakan sin Allahotaala ha mga eipon niya,iban pag-angot sin rida` niya.

wa Allaho a`lam.

Ganapan da koman sin mga kataymanghuran ha tiranan

liyaton namo in pangadjian yan daing ha kitab alfiqho ala almajahib al-arbaa iban fiqho assunna.

By: Abdeen Muhammad

Tausugnet

Hukuman sin puasa limabay wala kiya bayaran sambil iyabutan sin bulan ramadan hikaruwa

noreply@blogger.com (Al-azhary) — Mon, 26 Jul 2010 00:40:00 +0000

Pangasubu sin hambuuk babae:
Awn dain ha mga adlaw wala ko kiyapuasahan ha Ramadan ha sabab sin pagdugo bulan,pag-ubus kiyagantian kuna ha pagpuas sin Ramadan in kaibanan amora in duwa natahala ako nagganti kaniya sambil iyabutan ako sin hambuuk Ramadan,unu baha in hinangun ko iban unu in kaffara amoin wajib ko hinangun hasupaya ampunun sin Allah in pardusahan ko?

Jawab:
Bismillah,Alhamdulillah,wassalatu wassalamo ala Rasulillah ammaba’d:
In Allahutaala piyapanjari niya in ipun niya sarta halwman niya in kabuhi iban kmatay nila,wayruun kita niyo piyapanjari malaingkan in magtag-ipun kaniya,sakali mayta natau awnun in pag-ibadat pa Allah ha ulihan na sin kagugunahan natu? Pa amoin nangasubu in magtawbat siya pa Allah ha pagtahala niya sin pagganti niya sin kiyatinggalan niya,sarta pagsusunan niya in pagpahil-pahil nahinang niya,iban gawgutun niya ha pangatayan niya in dih nasiya mag-isab-isab ha nahinang niya. Mga taymanghod mag-us-su kitaniyo muasa karna dih natuh kaingatan bang dumatung in adlaw mabut pa kitaniyo pa marum.
In kaibanan dain ha mga Ulama wiyajib nila in magkifarat ha puasa,magpakaun ha tiyap-tiyap hambuuk miskin tunga gantang sakahaba Adlaw amon pagkaun kabiyaksahan sin hula yan biya’na sin bugas,in tupungan niya hangka kilo iban tunga kulang maglabi,atawa maghinang pagkaun ampa tawagun pakaunun in mga miskin,manjari ra isab hidihil in cin pa mga sila kiyawakilan maghihinang pagkaun sarta sabbutun in yaun hipagkiparat sin puasa kiyatinggalan. Sumagawa subay ta tum-tumun in ini dih da hikabayad sin puasa kiyabin malaingkan subay ra siya gantian.

wallahu a'lam

Unu magpuasa in hambuuk tau malamma in pagkatau?

noreply@blogger.com (Al-azhary) — Tue, 20 Jul 2010 12:58:00 +0000

pangasubu?:
Unu magpuasa in hambuuk tau malamma in pagkatau niya?

Jawab:
Bismillah Alhamdulillah,wassalatu wassalamo Ala rasulillah Amma ba’d:
Bukun in kalamma sin pagkatau dain ha mga jiyari sin shara’ in muka ha bulan Ramadan,Manjari in Allahu taala dihilan niya kusug dain kaniya in hambuuk ipun magpuasa(La hawla wala quwwata illa billa:wayruun makapinda ha hambuuk unu-unu iban way labi makusug malaingkan Allah) Pag ubus in subay nato taliun in kamatauran sin bunu ha Islam natikmod siya ha bulan Ramadan, iban In kaawnan sin katan mag-us-us sila ha pagjiharan magpuasa,pag ubus in puasa amo in tulus-ihlasa sin pangatayanha karna Allah iban karna makakawa sin pahala dain ha Allah makaampun ha pardusahan naka una sin ipun,pag ubus in kita niyo dih nato kaingatan bang makaabut paka kita sin Ramadan balik atawa ha waktuyan ha baba na kitaniyo sin Lupa!!! Us-usa in wakto yan pangayo kaw tabang pa Allah ayaw kaw maglamma-lamma.

wallaho A'lam...www.hadielislam.com

Hukuman sin guwaan Mazzey ha bulan Ramadan

noreply@blogger.com (Al-azhary) — Tue, 20 Jul 2010 12:57:00 +0000

Fatwa sin www.hadielislam.com hambuuk dain ha mga website sin Azhar

Mazzey:

In mazzey siya na in magguwa dain ha Awrat ha parsababan sin paglangug-langug iban Asawa.

Pangasubu: unu in bakkas sin mazzey ha puasa?

Jawab hi Ust. Khalid Amr Daaba
Bismillahirrahmanirrahim,walhamdulillahi wassalatu Ala Rasulillah amma ba’d:
Bang guwaan in hambuuk Tau mazzey ha sa’bu siya puasa in puaasa niya sahi,mazhab hi Abu Hanifa iban Imam Shafee sarta pini’ siya hi shiekhul-islam Ibno Taymiyya,ha karna wayruun daleel sin hikaba’tal kaniya. Sumagawa in kamaksuran sin pagpuasa in magtangka sin makakaba’tal dain ha pagguwa sin Fajr sambil tumu’gum in suga, dain hasabab yadto dih manjari in hangkatau amoin simusuuk siya pa Allah ha puasa niya in hiru’ngul niya in ginhawa niya ha mahinang sabab hikaguwa sin mazzey dain kaniya. Manjari in bulan Ramadan bulan hipag uus-us pa maghinang marayaw dain naman ha puasa sambil pa magtahadjud,magbassa qur’an,magpabuka ha nagpupuasa,magsasadaqqa,magzikr iban na sin kaibanan pa amo in hikasunu sin pahala ha kahabaan sin tahun,iban in bulan Ramadan bulan hipagsasabar,hipaglulugto,hipgatatarbiyya sin ginhawa baran hasupaya makadawhat sin darajat matas,bang dih madawhat in mga yadto katan unu pa in kapaidahan sin puasa bang bukun in mahasil nahadja hapdi iban uhaw?

Kifarat sin dih makagaus magpuasa ha bulan Ramadan.

noreply@blogger.com (Al-azhary) — Tue, 20 Jul 2010 12:55:00 +0000

pangasubu

Bismillahirrahmanirrahim,Assalamo Alaiko warahmatullah..
Awn inah ko nasasakit dih makagaus magpuasa dain pa ha limabay tu tahun..pangayuun ko kaniyo baytae niyo ako bang unu in hinangun ko para makifarat ko siya,karna dih siya makagaus magpuasa sarta dih da isab makagaus gumanti sin kiyatinggalan niya, unu makajari ako magsadakka Arta amo in wajib gantian kaniya? Unu in hibayad ko arta atawa pagkaun?atawa hibayad ko pa mga sila kiyawakilan ha ini? Sarta mabaya ko ra isab hipahati sin dih ako makagaus madto pa mga tampat ini iban sin dih ko kaingatan bang haunu? Iban mabaya ko ra isab hipahati sin in ako sakahaba tahun natatarasanggang ako dih ko kaingatan bang unu in hinangun ko,jawabi niyo ako jazaakomollahu Khair.

Jawab:

Bismillah walhamdulillah wassalato Ala rasulillah…amma ba’d:
Bang in kaawnan sin inah mo dih makagaus magpuasa ha sabab sin sakit dih na mahuwat-hwat in kaulian pa,in hinangun niya muka na siya sarta magpakaun siya ha tiyap-tiyap adlaw kiyabukaan niya hambuuk miskin,adapun bang biya’diin in pagtunay kaniya:magpih siya ha antara sin dihilan niya in tiyap-tiyap miskin tunga gantang dain ha pagkaun biya’na sin bugas(kulang maglabi hangka kilo iban tunga)atawa himinang siya pagkaun ampa niya tawagun pakaunun in mga miskin,dih niya manjari bayaran arta in gantaan sin pagkaun ha farman sin Allah ha sura baqara ayat 184:
وَعَلَى الَّذِينَ يُطِيقُونَهُ فِدْيَةٌ طَعَامُ مِسْكِينٍ
Ma’na niya:
ha mga sila dih makagaus magpuasa magfidya na hadja sila,magpakaun ha mga miskin.
Sumagawa manjari ra isab hidihil in arta ha mga sila kiyawakilan maghihinang pagkaun biya’na sin paghinangun sin kaibanan kamasjiran,sarta sabbutun sin in yaun fidya sin wala nakapuasa ha Ramadan.iban subay mag-us-us paguwaan fidya in wala kiyapuasahan ha liyabayan tahun dih siya manjari tahalaon. Wallahu a’lam
www.hadielislam.com

Hangpo` tibayhuan Ka-aunan pag-puasa sin Rasulullah s.a.w ha bulan Ramadan

noreply@blogger.com (Al-azhary) — Tue, 20 Jul 2010 12:55:00 +0000

Alhamdulillahi Rabb`il alameen wa assalato wa assalamo ala kahyri khalqi Mohammad wa alihi attayyibeen attahireena wa ashabihi al-kiram al-muttaqeen…

Hangpo` tibayhuan Ka-aunan pag-puasa sin Rasulullah s.a.w ha bulan Ramadan

1.In ka-aunan sin Rasulullah s.a.w tiyupot niya in bulan Ramadan ha pag-hinang ammal ebadat pa Allahotaala daing ha kaibanan bulan,biya na sin kiyabayta sin Imam Al-bukhari iban hi Imam Al-muslim

"كان النبي - صلى الله عليه وسلم - أجود الناس ، وأجود ما يكون في رمضان ... فلرسول الله - صلى الله عليه وسلم - أجود بالخير من الريح المرسلة" متفق عليه

Hati niya: In ka–aunan sin Rasulullah s.a.w pinaka matuyo` manusiya sarta pinakamatuyo` ha dalam ka-aunan sin bulan Ramadan,iban tanto in Rasulullah s.a.w pinaka matuyo` ha karayawan daing ha hangin dimagsa`

2.In ka-aunan sin pag-puasa sin Rasulullah s.a.w. labay daing ha mag-niyata bulan,biya na sin kiyabayta sin Imam Abo Dawod daing kan Aesha r.a.

كان رسول الله صلى الله عليه وسلم يتحفظ من (هلال) شعبان ملا يتحفظ من غيره , ثم يصوم برؤية رمضان فإن غم عليه عد ثلاثين (يوماً) ثم صام

Hati nita: In ka-aunan sin Rasulullah s.a.w piyaparihala niya marayaw in bulan Sha`ban ha bukon biya sin pag-palihala ha dugaing niya (bulan sha`ban),mahuli mag-puasa siya labay daing ha pag-niyata sin bulan Ramadan iban apabila kadampugan kaniya in bulan Ramadan,bilangon niya katluan adlaw in sha`ban ampa na siya mag-puasa.

3.In ka-aunan pag-puasa sin Rasulullah s.a.w. labay daing ha panaksi-e` iban pangakuhi niya ha bayta sin hambuok muslim adil,biya na sin hadith kiyabayta sin Imam Abo Dawod,daing kan Ibno Omar r.a.

ترآن الناس الهلال فأخبرت رسول الله أني رأيته فصام وأمر الناس بصيامه

Hati niya: nag-niyata in manusiya sin bulan Ramadan sarta biyaytaan ko in Rasulullah s.a.w tanto in ako nakakita sin bulan Ramadan ampa na nag-puasa in Rasulullah s.a.w iban diyaak niya in manusiya sin mag-puasa ha bulan Ramadan

4.ka –aunan sin qaul fiel sin Rasulullah s.a.w. ha wakto siya puasa ha bulan Ramadan,biya na si kiyabayta hadith sin Imam Al-bukhari iban Imam Al-muslim daing kan Ibno Abbas r.a.

أن رسول الله صلى الله عليه و سلم احتجم و هو صائم

Hati niya: Tanto in Rasulullah s.a.w. nag-hijama siya ha kahalan in siya puasa

و قالت عائشة رضي الله عنها كان صلى الله عليه و سلم يقبل بعض أزواجه و هو الصائم:رواه البخاري و المسلم

Iban bayta hi Aesha r.a. in ka-aunan sin Rasulullah s.a.w. pag-siyumon niya in kaibanan ka asawahan niya ha kahalan in siya puasa,,,
In hadith ini kataymanghuran tupot hadja ha Rasulullah s.a.w kalna kapagmilikan niya in hawa nafso niya

كان النبي صلى الله عليه و سلم يكتحل با لاثمد و هو صائم : رواه البيهقي

In ka-aunan sin Rasulullah s.a.w Mag-kuhol siya sin ANTIMUN ha kahalan in siya puasa

و قالت أم سلمة رضي الله عنها كان النبي صلى الله عليه و سلم يصبح جنبا من جماع لا حلم ثم لا يفطر و لا يقضي :رواه البخاري و المسلم

Iban bayta hi ummo Salama r.a. in ka-aunan sin Rasulullah s.a.w. pag-kahina-atan siya ha laum junob labay daing ha pag-suok iban asawa niya bukon amon labay daing ha taga-inop mahuli de` siya mag-buka iban de` siya mag-ganti`.

و قال عامر ابن ربيعة رضي الله عنه رأيته صلى الله عليه و سلم يستاك و هو الصائم ما لا أعد و لا أحصي : رواه أبو داود و الترمذي

Iban bayta hi Amir Ibno Rabeea r.a. kita ko in Rasulullah s.a.w. nag-siwak ha kahalan in siya puasa ha de` kona ma itong iban mabilang.

BY Abden Muhammad
www.tausugnet.com

Bulan Puti` Sampangon Sin Atay Puti`

noreply@blogger.com (Al-azhary) — Sat, 10 Jul 2010 23:27:00 +0000

Bismillahirrahmanirraheem Alhamdulillahi Rabbi`l Alameen wa usalli wa usallim daiman wa Abadan ala saydina wa mawlana mohammad al-mustafa s.a.w. wa ala alihi attayyibeena attahireen wa ashabihi alkirami albararati…amma ba`d..

Mahuli mga kataymanghuran mag-daratong na kato` taniyo in bulan puti iban bulan mulliya daing ha hadarat sin Allahotaala in bulan ini amuna in bulan Ramadan wajib taniyo siya lagguon iban sampangon sin pangatayan puti iban pangatayan mulliya,ha kahalan yadto pangayuon taniyo in kamaapan pa mga sila kataymanghuran nato` amon bakas simakit in pangatayan,labay daing ha nahinang ta kasaan kanila,labi awla pangayuon taniyo in ka-ampunan pa Allahotaala ha mga kasaan iban pardusahan nahinang nato` daing ha manahot pa maaslag,daing ha nakatatapok pa nakatatampal,labay daing ha pagtawbat sin kitaniyo katan

In pag-tawbat ha bahasa,pag-taykod daing ha hinang pardusahan,parman sin Allahotaala ha sura Al-gafir ayat 3 (غَافِرِ ٱلذَّنۢبِ وَقَابِلِ ٱلتَّوۡبِ) hati niya: In Allalhotaala Mangampon pardusahan iban manayma pag-tawbat

In pag-tawbat ha sara`,pag-taykod daing ha kahinang iban kabtangan mange` tudjo pa marayaw,iban in pag-tawbat wajib siya sa mata-mata hi tunay sin sabarang muslim,amon ini kiyapag-mawpakatan sin katan Ulama`,parman sin Allahotaala ha sura An-nur ayat 31 (وَتُوبُوٓاْ إِلَى ٱللَّهِ جَمِيعًا أَيُّهَ ٱلۡمُؤۡمِنُونَ) hati niya: Iban pag-tawbat kamo pa Allahotaala kataan ya kamo mga bar`eiman…in sabab hangkan kitaniyo papagtawbaton sin Allahotaala ha kasamutan pasalan in pagtahala ha parkala pag-tawbat mabista panutugi taniyo ha hinang hiyaram sin Allahotaala

In pag-tawbat bang ha mga Awliya sin Allahotaala amuna in pag-suson ha sabarang pardusan limabay,iban pag-pakakkal ha sabarang hinang kabuntulan,ha bayta sin kaibanan in pag-tawbat amuna in pag-taykod daing ha kataan pakaradjaan,tudjo pa Allahotaala,iban pag-bugto` sin kataan parsugpatan ha antara mo iban ha antara sin puas daing ha Allahotaala,biya na sin parman sin Allahotaala ha sura Al-kahf ayat 110 (فَمَن كَانَ يَرۡجُواْ لِقَآءَ رَبِّهِۦ فَلۡيَعۡمَلۡ عَمَلاً۬ صَـٰلِحً۬ا وَلَا يُشۡرِكۡ بِعِبَادَةِ رَبِّهِۦۤ أَحَدَۢا) hati niya: Iban hi siyo in ka-aunan niya nag-angan angan pag-barharap iban sin Tuhan niya subay siya mag-hinang ammal salih iban de` siya mag-sherik sin pag-ebadat pa tuhan niya ha siyulagan

Ha limahil kabtangan duwa jinisan in pag-tawbat

1.Pag-tawbat sin mga awam: Amuna in pag-taykod daing ha pag-ma`siyat,tudjo pa pag-taat labay daing ha pag-pasad sin donya iban pag-angot sin Ahirat

2.Pag-tawbat sin mga Awliya: Amuna in pag-taykod daing ha pag-angot sin Ahirat Iban Surga iban ne`mat niya,tudjo pa pag-tag-eipon pa Allahotaala pa Jat niya mahasutsi,bukon ha karna sin karayawan iban tutungbasan iban bukon kabuga daing ha ajab

Adapon in pag-bahasahon Tawbat An-nusuh: Siya na in puntukan pag-tawbat,amon pag-iyanon mag-tawbat in hambuok eipon mahuli de` na siya huminang sin pardusahan amon bakas kiyapagtawabatan ha salugay sin kabuhi niya

Surot sin pag-tawbat ha Ahlo As-sunna wa Al-jamaa

a.Pag-suson ha pardusahan limabay

b.Pag-butawan ha pardusahan sa mata-mata

c.Pag-gawgot ha de` na mag-balik huminag sin pardusahan ha kunsumon

d.Pag-tunay sin na anyaya iban hak sin pag-kahi

e.Pag-ganti ha sabarang wala` kiyatunay hinang kiyawajib sin Allahotaala

f.Pag-tunaw sin sabarang unod timubo` daing ha haram,labay daing ha pagtunay sin tibauhuan ebadat

g.Pag-hasil sin pag-kaon iban pag-inom iban pag-tamong daing ha daan halal

h.Pag-sutsi in jantong daing ha pag-pangdupang iban pag-takabbol iban pag-eggil iban pag-jangki.

By: Abden Muhammad
www.tausugnet.com

Pasal pagtapil Luhul ha Sambahayang Jumaat

noreply@blogger.com (Al-azhary) — Thu, 01 Jul 2010 14:42:00 +0000

Assalamo Alaikom warahmatullah...

Alhamdulillahi wassalato wassalamo Ala Rasulillah.

yari ko piost mari in pangasubo hi Tuan Ficks ha Azhareens Group hasupaya magmumpaat pa kaibanan. in pangasubo ini ha tungod sin pagsambahayang Jumaat iban na sin pagtapil Luhul. yari in pangasubo iban jawab:

Pangasubo:
salam mga taimanghud malugay kuna ini piyangasubuh kaniyu bang unu in hikadihil niyu hukuman sharaa duun ha MUKIM MUSTAWTIN kumuddan siya ha sambahayng farduh jumaat pila in jamaa amun jukop siya iban sin durukan duun ha hula yan,iban sin tau amun alim siya amun di nila na hitindug in juhur puas sin jumaat .bang sawpama in duwaa mukim mustawtin jukop siya biya diin in hantang bang siya ha duwa yan nag kulang unu in hinangun namu di ha masjid ,hitindug namu in juhur puas sin jumaat atawa dih na? dihili niyu kamu hadith palman iban sin hukuman mattan,sarta pajukopa niyu kamu bang di niyu kagausan anduh pasampaya niyu kan pah tuwan baki ampa niyu hilukis di ha tampat lungan niyu ini bang unu in lilayan sin maas natu..mahuli magsukol iban sin salam dua duun kaniyu katan nangadji labi allah na kan pah tuwan baki.

Jawab
w.salam tuan FICKS...ha kiyapahaman ko ha pangasubo mo muqeem iban mustawtin amona in Muqeem(duruk hula atawa himhanti ha hula)iban Musafer(nagtutulak tulak..mahuli yari in jajawabn namu kayMO:

In tau nag tutulak tulak wala siya kiyawajiban tumunay sin jumaat,lamod siya dain ha mga taga udjul sibu da siya Alim iban bukon,sumagawa bang siya magad magjumaat dihda isab mauno...adapun in kiyawajiban sin Jumaat amura in mga sila muqeem(himahanti ha hula) damikkiyan sibu da in Alim iban bukon bang man siya akkil balig iban Usug karna in bata bata iban babae wala daisab sila kiyawajiban.

In Fardu jumaat naikhtilaf in mga Ulama pa hapu taglima qawl bang pila in taud sin tau manjari hitindug in Jumaat,adapun in Sahi: manjari hintindug in jumaat misan duwangkatau sadja karna in jumaat wayra piyagbiddaan iban sin kaibanan sambahayang Fardu, bang in sambahayang juhur manjari magjamaa in duwangkatau damikkiyan in jumaat biya'da isab hadto,sabab wayruun hadith tartanto namayta bat awn Had sin taud sin tau magtunay sin jumaat,adapun in mga had nagkasabbut hangpu taglima ijtihad sadja sin mga Ulama.

pag ubos hitindug in jumaat wayruun na ha Shara' in subay pa hitindug in juhur sibu da Alim in sumambahayang iban jahil,sabab amuyan in kakahinang sin Rasul SAW sabda sin Rasul SAW (sallo kama raaytumuniy usalli)sambahayang kamo biya' sin kita niyo pagsambahayang ko. wayruun hambuuk hadith namayta in nagtunay In Rasul SAW sin sambahayang Juhur puas sin Jumaat.

Mura murahan nakawa ko in maksud sin pangasubo mo sarta kiyajawaban ko ha hantang kagunahan mo.

wallaho a'lam...

Pangasubo:
salam magsukol bang awn pa makaganap ditun mga ulama paganapi naa katu kalo isab awn pa biya makasunu ,mag sukol ha mga lalabutan mu tuwan.awn sadja pangasubuh sin tau di bang kunu ha waktu ta timindug sin sambahayng bang masamporna in sambahayng bang wai niyat? bang kita kunu mag niyat ha waktu sin sambahayng jumaat unu na niyat tara in juhur bat nara na pa jumaat? bang kunu biya da siya sin sambahayng juhur in jumaat manjari duwa tao maita bang kita kunu di na makaabut sin sambahayang jumaat di na kita manjari sumambahayng biya sin juhur amun laung na late kita ,in sunnat muakkad kunu biya na sin sambahayang aidel fitre iban iedul adha bang kaw na late na di muna manjari tindugan samabahayng.,hibalik ta madtu pa pangasubuh sin mga taimanghud natu ini,ha waktu sin mihradz in tyukbal amuna lima waktu sambahayng in ini farduh siya di na manjari ganapan iban sin dagdagan bukun ka kunu? unu kunu in bayta sin hadith in juhur samabahayng nara na sin jumaat? ampa in usalli mu kunu ha jumaat amura in niyat mu jumaat hawnu na n niyat mu sin juhur.innal ahmalo binniyati .bukun ka kunu??maap man tuwan..amanat sadja..

Jawab:
w.salam.. tuan Ficks huwat huwat ako kaymo hambuuk kaw tau makahati mapatut magpasampay sin piyangdaakan sin Islam lagi makahati sin Qur'an iban hadith...dain ha sabab yan malaggu in huwat huwat ko kaymo makatabang kaw magpahati ha kamawmaasan ta sin imamo iban wala...in mga pangasubo mo yan atawa piyangasubo kaymo yan katan lando in lingkat lagi amo yan tuud in jimajato ha hula ta..dain ha sabab yan bang man isab mura murahan mahinang kaw sabab makapasawa kanila.

ha tungod sin mga pangasubo yan yari in jajawaban ko:
In Sambahayang dih masampurna bang way niyat sabab in niyat hambuuk dain ha mga Fardo atawa Rukon sin Sambahayang dih masampurna bang way siya.

bang mag niyat ha sambahayang Jumaat dih na hilamod hiniyat in Sambahayang Juhur, sabab in jumaat ganti na ha juhur....hikapasawa ta ra gana gana.

biya' na sin nasabbut ko nakauna naikhtilaf in mga ulama pa 15 Qawl ha tungod sin taud manjari hi tindug in jumaat, adapun in qawl Sahi amona in manjari hi tindug misan duwa tau ha hadith sin Rasul SAW: (Al-ithnan fa ma fawqahuma Jamaa) in duwa sambil pa lumabi siya matawag na siya jamaa.

in sambahayang eid bang kaw makamasbuk pa ha imam amon makaabut kaw ha dih pa sumalam nakaabut pa kaw sin Eid...sah bang kaw dih na makaabut dih dakaw magdusa sabab in Eid sunnat bukon siya Fardo, dain ha sabab yan dih mo manjari hi kiyas in jumaat pa Eid.

ha tungod sin pag dihil sin Allah ha Rasul SAW sin sambahayang ha wakto mi'raj, wayruun nasabbut sin Allah bat in dihil niya ha Rasul SAW Sambahayang: Juhur, Asar, Maghrib, Isha, Subu... in kangan nganan ini way ruun nasabbut ha hadith mi'raj, in nasabbut ha hadith (khamson Salawat iban sin Khamsa Salawat)...in panagnaan dihil sin Allah ha Rasul SAW sambahayang (Khamson Sawlat)kay'man sambahayang sambil lugay piyangayu' niya miyabut 5 lima rakuman...in lima ini wala na Sabbut bat in ngan niya Juhur isha maghrib..sumagawa in juhur asar magrib isha ini ngan sin wakto bukon ngan sin sambahayang,in wakto subu amona in mahinaat, Juhur amona in ganta limikid in Suga, asar amuna simibo in lambong ha taglamong kaniya, in magrib amona in tumu'gom in suga,in isha amona in malawa na in pagiyanun safaqul ahmar..sarta wala nasabbut sin hadith mi'raj bat in wakto sin samabahayang amona ini...kiyaingatan hadja sin Rasul SAW sin in wakto sin sambahayang amona ini subay diyna siya ha dunya, hinduan siya sin jibril sin kawakto waktohan...ha wakto man kiyahinduan in Rasul SAW sin jibril bat in hambuuk wakto duun siya hibutang ha wakto subuh in kaibanan duun ha juhur asar isha magrib amuna in iyagad sin Rasul SAW sarta amona in kangan kaniya sambahayng subuh juhur asar.....ha duun ha ini matampal katuh sin in kiyadihil sambahayang ha wakto nagmi'raj in Rasul SAW lima ra bukon siya unom, sarta in lima ini duun nakabutang ha wakto nagkasabbut ta...ha tungod sin Jumaat nasabbut ha lawm Qur'an sin awn sambahayang jumaat ha Farman sin Allah(iza nudiya lissalati min yawmil jum'ati fas-aw ila zikrillah wazarul bay') bang manawag tawag na pa magsambahayang ha adlaw jumaat kadto kamo panaw magtum tum pa Allah sarta binan niyo in mga dagangan niyo....in ayat ini namaytae sin awn sambahayang jumaat sarta in wakto niya duun ha wakto sin juhur biya' sin kiyabayta iban sin nagkahinang sin Rasul SAW, dain ha sabab yan bang awn simambahayang sin jumaat pag ubus tindug niya pa in juhur nagbalik nakasulang na siya sin pardaakan sin Allah karna hinang niya in sambayang unum sin lima ra in piyardaakan...

mahuli bang man isab masawa na kaymo sarta iban sin nangasubo kaymo.....wallaho A'lam

Pangasubo:
salam magsukol ha mga jajawaban mu ya kakasi awn sadja hi paste ku kaimu kabtangan mu yari siya...

ha tungod sin mga pangasubo yan yari in jajawaban ko:
In Sambahayang dih masampurna bang way niyat sabab in niyat hambuuk dain ha mga Fardo atawa Rukon sin Sambahayang dih masampurna bang way siya.

bang kunu di na kita mag niyat sin juhur bat jumaat na sadja maita siya gumanti? unu kunu in palman iban sin hadith nanugila sin gimanti? laung nila ini bukun gumanti sah dumawhat sin kusug sin juhur in jumaat.pasal kunu tuwan ko in sambahayng jumaat nanawagtawag in tuhan adlaw jumaat hati niya wai tiyugila in waktu basta siya adlaw in bayta sin tuhan ta rabbul alamin.ha dalam niya ya kakasi ustadz in hati niya dipindi in samabahayng bang ta tanam tanamun misan siya ha mga waktu asar manjari pasal wai tugila in waktu di sah sambahayng adlaw jumaat ,hati niya kunu in adlaw nag start siya daing sin mainaat sambil mahapon in ngan nya yan adlaw bukun ka kunu? manjari ya kakasi ustadz in jumaat piyakuddan na sadja ha lisag hangpo tagduwa ha kurang kurang laung ta bihan 30 minute ubus na in khutba hadalam sin bihadtu hati niya pag ubus sin khutba hitindug na in samabahayng jumaat iban sin pag niya ta ussalli fardal jum-ati mamuman naka atawa kan imaman naka.basta bihadtu in niyat niya sumud na siya pa farduh ngiyanan laung ta bihan ha bayta mu ya ustadz.manjari in juhur wai na nakalamud ha niyat sambat mu in yadtu di tana hi manjari hi niyat,in pangasubuh nila di unu kunu in kabtangan yadtu kiyawa siya daing ha hadith? atawa izma sin ulama? hati niya kunu waira isab bayta sin tuhan iban sin nabi nya bat in juhur lamud na siya ha jumaat.sah malanu masawa laung sin tuhan ya muhammad ayaw muna balubaha in janji ta ha puas in tuhan mu iban sin ikaw wai na manjari mag hinang2 sharaa. pa buntula niyu man in araban niya.la yubaddilahu ladayya.pasal kahatihan niyu na in mga imam di kamu kallo iban sin balig maap man sah in pangatayn nila masawa bukun balig iban sin kallo.maap man mga guro namu inut inuta niyu kanila pasawaha hasupaya sila di malaung.bang ha panaima niyu bat kamu in kimuddan .

Jawab:
Assalamo Alaikom....jari niya tuan Ficks pagka biya' naubos na in exam namu yari namuh talusun in jajawaban ha mga pangasubo mo.

Alhamdulillah natangbos tana in hal pagtapil juhur sarta bang man isab natayma mura pa marayaw iban na sin nangasubo kaymo. ha bihayaun pagka biya' masi masi naman awn Subuhat lawagan tanaman isab ubat hikauli sin Subuhat yan,mahuli yari in susunuan:

Yari tuan in kabtangan hi Ibno Rushdi ha kitab niya Bidayatul Mujtahid wanihayatul muqtasid hipaste ko mari kaymo hasupaya mo mabassa:

أما وجوب صلاة الجمعة على الأعيان فهو الذي عليه الجمهور لكونها بدلا من واجب وهو الظهر ولظاهر قوله تعالى: {يَا أَيُّهَا الَّذِينَ آمَنُوا إِذَا نُودِيَ لِلصَّلاةِ مِنْ يَوْمِ الْجُمُعَةِ فَاسَعَوْا إِلَى ذِكْرِ اللَّهِ وَذَرُوا الْبَيْعَ}
وأما شروط الجمعة فاتفقوا على أنها شروط الصلاة المفروضة بعينها: أعني ما عدا الوقت والأذان فإنهم اختلفوا فيهما وكذلك اختلفوا في شروطها المختصة بها. أما الوقت فإن الجمهور على أن وقتها وقت الظهر بعينه: أعني وقت الزوال وأنها لا تجوز قبل الزوال وذهب قوم إلى أنه يجوز أن تصلى قبل الزوال وهو قول أحمد بن حنبل. والسبب في هذا الاختلاف الاختلاف في مفهوم الآثار الواردة في تعجيل الجمعة مثل ما خرجه البخاري عن سهل بن سعد أنه قال ما كنا نتغدى على عهد رسول الله صلى الله عليه وسلم ولا نقيل إلا بعد الجمعة. ومثل ما روى أنهم كانوا يصلون وينصرفون وما للجدران أظلال فمن فهم من هذه الآثار الصلاة قبل الزوال أجاز ذلك ومن لم يفهم منها إلا التبكير فقط لم يجز ذلك لئلا تتعارض الأصول في هذا الباب وذلك أنه قد ثبت من حديث أنس بن مالك أن النبيصلى الله عليه وسلم كان يصلي الجمعة حين تميل الشمس وأيضا فإنها لما كانت بدلا من الظهر وجب أن يكون وقتها وقت الظهر فوجب من طريق الجمع بين هذه الآثار أن تحمل تلك على التبكير إذ ليست نصا في الصلاة قبل الزوال وهو الذي عليه الجمهور

Kahawpuan sin ma'na:
in kahawpuan sin Ma'na niya, Jumhur(kamatauran)sin kaulamaan Fardu Ayin kanila in Jumaat Karna sin in jumaat gimanti siya ha Wajib amuna in Juhur iban ha katampalan sin Ayat(bang manawag tawag na in magbabang pa magsambahayang jumaat panaw kamo magtum tum pa Allah sarta binan niyo in dagangan niyo.
Adapun ha shurut niya tayakkup in katan ulama sin in shurut sin jumaat amura in shurut sin katan sambahayang Fardu,malaingkan in wakto iban sin pagbang karna Naikhtilaf sila duun ha ini....
ha tungod sin Wakto niya in Mazhab sin Jumhur Ulama amuna in wakto sin sambahayang Juhur, amun limikid na in Suga sarta dih siya manjari ha dih pa limikid. Adapun amura in simulang kanila hi Imam Ahmad Ibno Hanbal, in sabab sin kiyasulang niya pasal sin awn dain ha mga Hadith namayta bat in Rasul sallaho Alaihi wasallam nagsambahayang siya jumaat ha wala pa limikid,niya'na sin Hadith(in kaawnan nila sumambahayang sila sarta mag uwi sila ha waypa lambong sin Ad), Adapun ha Jumhur sin Ulama dih manjari bang dih limikid sabab in Hadith amun kiyapahaman nila magsulang iban sin mga Hadith makusug biya'na sin kiyariwat hi Anas sin In Rasul sallallaho alaihi wasallam magsambahayang siya jumaat bang limikid na in Suga...iban na sin ha sabab sin in jumaat Ganti sin sambahayang wajib amuna in Juhur wajib in wakto niya subay pakuddanon ha wakto Juhur, ha tungod sin mga hadith nagkasabbut wajib siya dahun pa mag Early magsambahayang, Amuyan in Mazhab sin Jumhur.

Ganap ko:
Mahuli matampal katu in bayta sin mga Ulama sin in Jumaat Ganti siya sin Jumhur bukon dumawhat kusug sin juhur, ha duun ha ini pagka siya ganti na sin juhur way na pagduwa ruwa ta sin in niyat dih namakalamod in Juhur,hika isa, hikaruwa niya, lumatag kaw ha kakitab kitaban sin mga Ulama wayruun kiyalukis nila in tungod sin niyat sin juhur ha jumat,ha sabab yan manunjuki sin way na niyat sin juhur,bat bang awn dih malipas kanila bang dih madiscuss.

ha tungod sin panulang san Hanbali ha Jumhur sin Ulama in ini wayruun imaaply bihayaun tanda sin majahab sin Jumhur in bunnal,misan in Saudi nagguguwal manzhab sin Hanbali in iyaagaran nila wala da sila iamply ha ini,magsambahayang sila Jumaat ha wakto ra sin Juhur,damikkiyan in kakahinang sin muslim ha katilingkal Alam tumagna dain ha Sahabat sambil na pa bihayaun magsambahayang sila Jumaat ha wakto sin Juhur bukun ha waypa limkid.

mahuli bang man isab masawa na kaymo tuan Ficks...salam kasilasa matun.

Wallaho A'lam
http://www.tausugnet.com/group/azhareeans

In karayawan dain ha Allah inkangian dain ha Manusiya

noreply@blogger.com (Al-azhary) — Thu, 24 Jun 2010 14:53:00 +0000

sura nisah (ayat 78-79)
أَيْنَمَا تَكُونُوا يُدْرِكْكُمُ الْمَوْتُ وَلَوْ كُنْتُمْ فِي بُرُوجٍ مُشَيَّدَةٍ وَإِنْ تُصِبْهُمْ حَسَنَةٌ يَقُولُوا هَذِهِ مِنْ عِنْدِ اللَّهِ وَإِنْ تُصِبْهُمْ سَيِّئَةٌ يَقُولُوا هَذِهِ مِنْ عِنْدِكَ قُلْ كُلٌّ مِنْ عِنْدِ اللَّهِ فَمَالِ هَؤُلَاءِ الْقَوْمِ لَا يَكَادُونَ يَفْقَهُونَ حَدِيثًا (78) مَا أَصَابَكَ مِنْ حَسَنَةٍ فَمِنَ اللَّهِ وَمَا أَصَابَكَ مِنْ سَيِّئَةٍ فَمِنْ نَفْسِكَ وَأَرْسَلْنَاكَ لِلنَّاسِ رَسُولًا وَكَفَى بِاللَّهِ شَهِيدًا (79)

In Ma’na niya:
Haunu-haunu kamo binay bayan abutan kamo sin kamatay misan pa in kaawnan niyo ha lawm kuta mapagun. bang sila kugdanan sin karayawan mamong sila in ini dain ha Allah,bang isab sila kugdanan sin kangian in hipamong nila in ini dain kaymo. Baytae sila o Muhammad: in katan yan dain ha Allah, unu in ha mga tau yan dih misan makahati sin bissara?!!!!!!.(78)
Unu-unu in kumugdan kaymo atawa dumatong kaymo dain ha mga karayawan in iyan dain ha Allah,iban unu-unu isab in kumugdan atawa dumatong kaymo dain ha mga kangian in iyan dain ha ginhawa baran mo,piyara takaw (o Muhammad) daak pa mga manusiya jukop Allaho taala in saksi kaymo.

Tafseer sin ayat:
(Haunu-haunu kamo binay bayan abutan kamo sin kamatay misan pa in kaawnan niyo ha lawm kuta mapagun)
In ayat ini pagpasusa ha mga sila malisu magbuno, sin misan sila magad magbuno iban sin dih magad dagpakan da sila sin kamatay. Damkkiyan bulansang da isab ha mga sila bar-iman ha pagbuno karna pagtuko sin kasabunnalan hasupaya sila maglumba-luma tumuko ha Rasul saw. In ayat masuuk pa ma’na sin ayat ini amon in farman sin Allah:
قُل لَّن يَنفَعَكُمُ الفرار إِن فَرَرْتُمْ مِّنَ الموت أَوِ القتل
Pamungan kanila o Muhammad tantu tuud dih magmumpaat kanila in dagan bang sila dumagan dain ha kamatay atawa dain ha buno.

Farman sin Allah:
قُلْ إِنَّ الموت الذي تَفِرُّونَ مِنْهُ فَإِنَّهُ مُلاَقِيكُمْ
pamungan kanila o Muhammad sabunnal tuud in kamatay amon diyaganan niyo tanto tuud in iyan hipagbag niyo.

In kahawpuan niya misan pa mag-unu in manusiya wayruun tuud tangkisan niya sin kamatay,iyampa niya na layuan gamman niya na hipagbak.

(bang sila kugdanan sin karayawan mamong sila in ini dain ha Allah,bang isab sila kugdanan sin kangian in hipamong nila in ini dain kaymo. Baytae sila o Muhammad: in katan yan dain ha Allah)

Sabab katurun:
In Agi hi Qurtobiy: In ayat ini piyaturun ha mga sila Yahudi iban mga Munafeq,sabab ha wakto in nabi Muhammad SAW iban mga sahabat niya dimatong pa Madina namong na sila:salugay laong na dimatong mari in tau yan himilang na in kabunga-bungahan sin pananum namo iban kimulang na in Ani sin kauma-umahan namo. Manjari piyaturun sin Allah in ayat ini kanila.

In maksud nila namong ha biya’ sin nasabbut ha ayat ini, karna panghina nila ha Nabi Muhammad SAW, ay bima’na bang awn dumatong karayawan dain ha mga daraugan ha buno iban na sin mga ghanima magkakawa nila iban ha ni’mat dumatong kanila in nagparatong hayaun Allah Adapun bang kangian in dumatong dain ha ngih sin pagkatau iban pagnakurah sin nabi Muhammad SAW.(mahasutsi in nabi Muhammad dain ha kabtangan ini)

Dain sabab yadto siyambongan sila sin Allah: baytae sila o Muhammad in katan sin kangian iban sin karayawan dumagpak kanila dain ha pakadaran giyanta kanila sin Mahasutsi Allah.
Ampa na siyugpatan sin Allah in ayat labay ha bungsi kanila sin Allah iban panghina kanila ha farman niya:( unu in ha mga tau yan dih misan makahati makapaham sin bissara?!!!!!!.(78)

(Unu-unu in kumugdan kaymo atawa dumatong kaymo dain ha mga karayawan in iyan dain ha Allah,iban unu-unu isab in kumugdan atawa dumatong kaymo dain ha mga kangian in iyan ha sabab sin kakahinang sin ginhawabaran mo)

In maksud sin karayawan nasabbut ha ayat: unu-unu na in kaluhayan ha manusiya iban hikakuyag niya.

In maksud sin Kangian: unu-unu na in hikakangih ha manusiya iban hikasusa niya.

In tafaseran sin ayat: unu-unu na dumagpak kaymo dain ha mga karayawan in iyan dain ha Tawfek kaymo sin Allah iban pandu niya kaymo pa hikahinang mo sabab hikaratong mo pa marayaw.
Unu-unu isab in dumagpak kaymo dain ha mga kangian in iyan dain ha sabab sin kakahinang pagma’siyat pa Allah,iban pagtinggal mo sin kasabab sababan mahinang sabab hikalappas kaymo dain ha kangian kabinsanaan.

Biya’na sin farman sin Allah:
وَمَآ أَصَابَكُمْ مِّن مُّصِيبَةٍ فَبِمَا كَسَبَتْ أَيْدِيكُمْ وَيَعْفُواْ عَن كَثِيرٍ
Unu-unu in kumugdan kaniyo dain ha manga musiba(kasusahan)in iyan ha sabab sin kakahinang sin duwa lima niyo(kakahinang niyo) adapun in kaampunan sin Allah sataud-taud.

In kamaksuran niya bang kaw kugdanan musibat in iyan piyaratong kaymo sin Allah ha sabab sin kakahinang mo kangian,bang mo kasabalan in musibat piyaratong kaymo yan sarta hibugso mo pa Allah in katan kasusahan dimagpak kaymo,in musiba muyan hikapapas sin pardusahan nagkahinang mo. In daleel niya hadeeth dain kan termizey dain kan abu musa Al-ash-ari radyallaho anhoma:sabda sin rasul SAW:

لا يصيب عبداً نكتة فما فوقها أو دونها إلا بذنب . وما يعفو الله عنه أكثر " قال وقرأ : { وَمَآ أَصَابَكُمْ مِّن مُّصِيبَةٍ فَبِمَا كَسَبَتْ أَيْدِيكُمْ وَيَعْفُواْ عَن كَثِيرٍ }
Dih kugdanan in hambuuk ipun musiba sibih-sibih iban na sin malaggo malaingkan in iyan ha sabab sin pardusahan nahinang niya.adapun in kaampuanan sin Allah sataud-taud.)ampa na biyassa in ayat(Unu-unu in kumugdan kaniyo dain ha manga musiba(kasusahan)in iyan ha sabab sin kakahinang sin duwa lima niyo(kakahinang niyo) adapun in kaampunan sin Allah sataud-taud.)

Manjari in pangasubo biya’diin in pagpahambuuk sin duwa ayat ini? (qul kullun min indillah: baytae sila in katan yan dain ha Allah) iban sin (wama asabaka min hasanatin faminAllah wama asabaka min say-atin famin nafsik: Unu-unu in kumugdan kaymo atawa dumatong kaymo dain ha mga karayawan in iyan dain ha Allah,iban unu-unu isab in kumugdan atawa dumatong kaymo dain ha mga kangian in iyan dain ha ginhawa baran mo)?
Sabab ha ayat panagnaan biyayta dain ha Allah katan in kangian iban karayawan, adapun in ayat hikaruwa Allah rakuman in tagdapo sin karayawan adapun in kangian daing na ha manusiya.

Laog sin mga ulama: in ayat panagnaan kamattanan(haqeeqa) dain ha Allah siya in nagpapanjari iban nagpaawn.

Adapun in ayat hikaruwa:Parail(majaaz)pa manusiya,ay sabab sin kakahinang sin baran mo,wala mo hinang in sabab atawa piyahil-pahil mo,atawa ha sabab sin mga dusa nagkahinang mo.

Laong isab sin kaibanan ulama: in paghamuuk ha faman sin Allah(maa asabaka min hasanati faminallah)iban (qul-kullun min indillah) in duwa kabtangan ini in piyagbissarahan pakadalan dain ha Allah iban sin pagbaya niya.sabab in mga munafeq bang awn karayawan dumatong atawa dumaog in mga mu’minin ha pagbunuan dih nila hitukdug pa nabi in kalabbiya iban karayawan,sah hibugso nila pa allah,in kanila bukun karna pagbugso sin pakadalan pa Allah sumagawa hangkan nila dih hitukdug ha nabi in karayawan sarta bang kangian hitukdug nila hasabab sin pangdihil nila kangian iban bungsi nila ha nabi SAW. Dain ha sabab yan siyambungan sila sin Allah (in katan yan dain ha pakadalan sin Allah iban pag baya niya).

Adapun in farman sin Allah(wamaa asabaka min sayyi-atin famin nafsik)unu-unu in dumatong kaymo kangian dain ha ginhawa mo..in ayat ini in piyagbissarahan paghinag sabab. In kamaksuran niya: hsiyo-siyo in himinang sin sabab sarta magtawakkal pa allah makawa niya in natija atawa bunga sin nahinang niya yaun,adapun bang niya isab dih hinangun in sabab sin hikaratong pa maksod yaun,atawa sumulang siya sin manhaj marayaw hikadatong niya pa maksod,tanto in mkawa niya amon hikakangih kaniya iban in yaun ha sabab sin kakahinang niya.
Ha kahawpuan niya:
In ha panagnaan nagpatarrang ha qadar,in hikaruwa pagpatarrang ha amal(hinang).
wallaho A'lam

Pagbaya sin manusiya ha kakahinang nila

noreply@blogger.com (Al-azhary) — Thu, 24 Jun 2010 14:50:00 +0000

Alhamdulillah wassalato wassalamo ala rasulillah…

Dain pa ha jaman nakauna ha pagguwa sin mga jabariya, asal piyagkhilafan na sin Ahlusunna iban sin sila in parkala ini amuna in pag-iyanon nila Af-alol ibaad, bang siya musayyar ka atawa Mukhayyar.

Laong sin Jabariyya:

in manusiya Musayyar, ay bima’na: wayruun pagbaya’ nila ha kakahinang nila mangih iban marayaw, biya’ sila hantang bul-bul manuk-manuk hilupad sin hangin dahon pakain-pakain karna Allaho taala in tupot tagakawasa iban taga pagbaya.

In daleel nila ha daleel akkal: bang in kaawnan sin manusiya awn gaus niya iban pag pih ha kakahinang niya mahinang awn limbang sin Allah ha pagpapanjari,adapun in iyan mustahil ha ALLAH.sarta siyopurtahan nila ini in kabtangan nila sin ayat ha farman sin Allah:sura an’am ayat 102.

ذَلِكُمُ اللَّهُ رَبُّكُمْ لَا إِلَهَ إِلَّا هُوَ خَالِقُ كُلِّ شَيْءٍ فَاعْبُدُوهُ وَهُوَ عَلَى كُلِّ شَيْءٍ وَكِيلٌ
hati niya: ha damikkiyan yadto Allah in tuhan niyo,waytuhan mattan malaikan siya,Tagpapanjari ha katan uno-uno,na pag tag-ipuni niyo siya,sarta ha katan uno-uni siya in tag-atasan.

Duun ha pamaham sin jabariyya ini way gaus sin manusiya mama’gangi iban himinang sin mangih iban marayaw,sumagawa in katan ini dain ha pakadalalan sin Allah.

Laong sin Ahlussunnah:

In Manusiya Mukhayyar: ay bima’na:makapagpi sila ha kakahinag manjari pagpian, amona in pag iyanon (af-al ikhtiyariyya) biya’na sin himinang iban dih himinang,kumaun iban dih kumaon,minum iban dih minum,umsawa iban dih umasawa,magsambahayang iban dih magsambahayang,magma’siyat iban dih magma’siyat…

Sarta dih sila makapagpih ha kakahinang dih nila kapagpian,amona in pag-iyanon(af-al idtirariyya)biya’na sin mga: kullap sin pilok mata,kubbot sin kuba-kuba,lasa sin pangatayan,iban pagnapas,iban na sin kaibanan pa….karna in mga ini Allahotaala in tagcontrol kaniya.

In daleel sin Ahlussunna ha daleel akkal: bang in kaawnan sin manusiya waruun gaus magpih,sarta way gaus niya duun ha paghinang iban ha pagbin,mahinang in pag taklif sin ALLAH ha manusiya sin Shara’ way kapusan,adapun in Allah mahasutsi dain ha hinang way kapusan. Sarta in manusiya dih na siya mapatut bantugun iban susunon ha kakahinang niya,iban dih na siya mapatut tungbasan sin kasanyangan iban kabinsanaan.

In daleel sin Ahlussunna amona in farman sin Allah ha sura kahf ayat29
فَمَنْ شَاءَ فَلْيُؤْمِنْ وَمَنْ شَاءَ فَلْيَكْفُرْ
Hisiyo-siyo in mabaya mamaratsaya na mamaratasaya na sila,iban hisiyo-siyo in mabaya magkufor na magkufor na sila.

In daleel pa sin Ahlussunna farman sin Allah ha sura zalzala:
فَمَنْ يَعْمَلْ مِثْقَالَ ذَرَّةٍ خَيْرًا يَرَهُ (7) وَمَنْ يَعْمَلْ مِثْقَالَ ذَرَّةٍ شَرًّا يَرَهُ (8)
Hisiyo-siyo in makahinang misan pa in bu’gat niya tini’-tini’ karayawan kakitaan niya ra,iban hisiyo-siyo in makahinang misan pa in bu’gat niya tini’-tini’ kangian kakitaan niyara.

Ha duun ha ini timampal sin in manusiya bukun siya musayyar, sumagawa mukhayyar ha af-al ikhtiyari musayyar ha af-al idtirariy.ay bima’na awn gaus pagbaya sin manusiya dihil sin Allah kanila ha kakaihinang manjari nila pag pian iban way gaus nila ha kakahinang dih nila kapagpian.

Paghidayat iban paglawng:
Ha tungod sin paglawng sin Allah ha hisiyo-siyo in kabayaan niya iban pag hidayat niya ha hisiyo-siyo in kabayan niya. Muna-muna subay ta hatihun naa muna bang unu in ma’na sin (Hidaya), in ma’na sin hidayat: Addilalatol musilato ilal baghya: hati niya: pando manghaturi pa maksod.ay bima’na in hidayat amo yaun in manghaturi atawa manghindue pa kamaksuran sin manusiya.dain ha sabab yan nagfarman in Allahotaala pamaytae ha kamaksuran piyaturun in Qur’an:
(zhaalikal kitabo hudan lilmuttaqiin)hati niya in Qur’an pandu ha mga sila nagmamabuga.
Karna qur’an in manghindue iban manghaturi kato pa kasabunnalan iban pa lawm surgah.

Ha duun ha ini maawn in pangasubo: mayta in hidayatan atawa panduan amon mga muttaqiin(nagmamabuga)?sin asal na nakababatok pa kasabunnalan,bukon in panduan amon mga sila nalalawng sabab sila in wayruun hidayat atawa way nakabatok?

Laong hi sheikh Sha’rawi nagdihil upamahan ha ini:
Bang awn tau ha hambuuk kawman yan kikila sin katan Tau marayaw sarta makusog mag-ibadat wala kiyamamatahan sin katan nakahinang kasaan ampa siya mangasubo bang hauno in dan pa taboh,uno in hijawab kaniya sin tau? Hinduan siya sin dan lawng atawa hinduan siya sin dan buntol? Tanto in jawab niya hinduan siya sin dan buntol karna kalasahan siya sin tau katan hasabab sin dayaw niya.

Bang isab awn tau ha hambuuk kawman yan kikila sin tau katan jaluhaka mag-iinom alak,magkakaginisan,katan sin hikabungsi sin ha pangdaig niya hihinang niya ampa siya mangasubo bang hauno in dan pa taboh uno hinduan baha siya sin mga tau yaon sin dan mabuntol atawa gamman na siya hinduan pa dan kalawngan?
Tanto in jawab gamman na siya hinduan pa dan kalawngan hasabab sin bungsi sin tau kaniya,sambat pa sin kabataan bihayaun manigas ka jan.

Malano masawa kato bang in manusiya marugal iban dih dimihil papanduan ha mga sila jaluhaka,mas labi in Allah in dugal iban dih mamando,karna siya in naglang kato sin dih kita papahinangun sin jaluhaka sumagawa in hipahinang kato amo sadja in marayaw.

Manjari maawn na isab in pangasubo: mayta in Allah nagpapanjari pa sin mangih sin panglangan niya ra,wala na hadja siya nagpapanjari sin marayaw hasupaya mag-umban umban na in manusiya himinang kaniya?

In jawab niya:

Muna-muna Tum-tumon natoh in Allaho taala wayruun nagpapanjari ha katan piyapanjari niya bang bukon awn hikmat iban kamaksuran katan farman sin Allah(wamaa khalaqnassamaa’a wal-arda wama baynahumaa laa’ibiyn)hatin niya: wala kami nagpapanjari sin langit iban lupah bat kalalangugan sadja. ha ayat ini matarrang kato sin in katan piyapanjari bukon kalalangugan in pagpapanjari kaniya sumagawa awn katan maksod,sibu da in maksod niya kiyaingatan ta iban sin wala ta kiyaingtan.

Dain ha mga maksod pagpapanjari sin Allah amon matampal kiyaingatan ta biya’na sin pagpapanjari sin dum iban adlaw,dih sin manusiya kaingatan in dum bang wala piyapanjari in adlaw,damikkiyan dih da isab kaingatan in puti bang way itom,in usog bang way babae,in lano bang way lummih,in langit bang way lupah,in buhi bang way kamtay…dain ha sabab yan dih natoh kaingatan in marayaw bang way sin Allah piyapanjari in mangih,dih nato kaingatan in ibadat bang way ma’siyat,dih nato kaingatan in dih makahilo bang wayruun alak,sumagawa piyapanjari sin Allah in katan ini hasupaya ta kaaniban bukun hasupaya hinangun.

Ha duun haini timampal kato sin dih kaw tuud makatayma hidayat dain ha Allahotaala sakaino mo dih pindahun in ginhawa baran mo dain ha kabingkukan maun pa kabuntulan,karna in ikaw dirihilan sin Allah gaus magpinda iban magpih sin mangih iban marayaw,dain ha sabab yan piyapanjari sin Allah in mangih sarta liyang kaw sin dih papasuukun kaniya karna hasupaya hadja kaingatan mo in marayaw amon hipahinang kaymo.

Hsiyo in hidayatan sin Allah iban hisiyo in lawngon:
Farman sin Allah:
وَمَنْ يُضْلِلِ اللَّهُ فَمَا لَهُ مِنْ هَادٍ (36) وَمَنْ يَهْدِ اللَّهُ فَمَا لَهُ مِنْ مُضِل
Hati niya: hisiyo-siyo in lawngon sin Allah na wayruun na makahidayat makapando kaniya,iban hisiyo-siyo isab in kahidayatan sin Allah na wayruun na makalawng kaniya.

In ayat ini dih natuh manjari pahamon ha katunggalan niya hadja,karna bang mo piyaham ha katunggalan niya hadja dih kaw kumawa ayat dugaing hipagpasawa kaniya,makaiyan hadja kaw in Allahotaala bukon a’dil,pasal mayta niya laongon in kaibanan manusiya iban hidayatan niya isab in kaibanan,mayta bukun niya hidayatan na katan para magsibu-sibu?

Hasupya ta kahatihan marayaw,in ayat (hisiyo-siyo in lawngon sin Allah na wayruun na makahidayat makapando kaniya) kumawa ayat dugaing hipagpaham kaniya,biya’na sin sura ibrahinm ayat27:
وَيُضِلُّ اللَّهُ الظَّالِمِينَ وَيَفْعَلُ اللَّهُ مَا يَشَاءُ (27)
Lawngon sin Allah in mga sila anyaya,sarta hinangun sin Allah in uno-uno na kabayaan niya.

Ay bima’na, in paglawngon sin Awllah amoin mga sila anyaya iban hinangon sin Allah in kabayaan niya duun kanila. adapun in mga sila bukun anyaya wayruun nakalamod dain ha mga lawngon sin Allah.

Sura ghafir ayat 24:
كَذَلِكَ يُضِلُّ اللَّهُ مَنْ هُوَ مُسْرِفٌ مُرْتَابٌ (34)
ha damikkiyan yadto lawngon sin Allaho taala in hisiyo-siyo sila usiba ha pagma’siyat iban nagduruwa-ruwa ha agama niya.

Ay bima’na,in lawngon sin Allah amoin mga sila usiba sarta nagdurawa-ruwa ha pag-agama.adapun in bukon usiba iban bukon nagduruwa-ruwa ha pag agama dih sila lawngon sin Allah.

Sura ghafir ayat73:
كَذَلِكَ يُضِلُّ اللَّهُ الْكَافِرِينَ (74
Damikkiyan yadto lawngon sin Allah in mga sila nagkukufor.

Ay bima’na,in lawngon sin Allah amoin mga sila nagkukufur simusolang sin kabayaan sin Allah.adapun in mga sila namamaratsaya dih sila lawngon sin Allah.

Kapahaman ta ha mga ayat ini katan,amora in lawngon sin Allahotaala in mga sila: anyaya,iban usiba ha pagma’siyat,iban kafer. Adapun in bukun wala nakalamod dain ha mga lawngon sin Allah.

Hasupaya ta isab kahatihan marayaw in ayat (iban hisiyo-siyo isab in kahidayatan sin Allah na wayruun na makalawng kaniya) kumawa kita ayat dugaing hipagpaham kaniya biya’na sin sura Muhammad ayat 17:
وَالَّذِينَ اهْتَدَوْا زَادَهُمْ هُدًى وَآتَاهُمْ تَقْوَاهُمْ (17)
Amoin mga sila piyanduan nila in ginhawa nila(pa kasabunnalan) ganapan sin Allah in hidayat pando kanila sarta dihilan sila pagmabuga.

Ay bima’na,amoin mga sila piyanduan nila in ginhawa nila pakasabunnalan gamnaman ganapan sin Allah in pando kanila,adapun in mga sila nalalawng way sila nakalamod ha pagganap sin pado iban paghidayat.

Sura Yonus ayat 9:
إِنَّ الَّذِينَ آمَنُوا وَعَمِلُوا الصَّالِحَاتِ يَهْدِيهِمْ رَبُّهُمْ بِإِيمَانِهِمْ
Tanto tuud amoin mga sila namaratsaya sarta himinang sila sin marayaw panduan sila sin tuhan nila(pa kabuntulan) ha sabab hadja sin pamaratsaya nila.

Ay bima’na,amora in hidayatan sin Allah amoin mga sila namamaratsaya iban naghihinang marayaw,sarta hangkan sila hidayatan hasabab sin pamaratsaya nila iban paghinang marayaw.adapun in mga sila dih mamaratsaya iban dih maghinang marayaw na malayo sila pa hidayat sin Allah.

Sura Mariam ayat 76:
وَيَزِيدُ اللَّهُ الَّذِينَ اهْتَدَوْا هُدًى
Ganapan sin Allah hidayat in mga sila piyanduan nila ginhawa nila.

Ay bima’na,in ganapan sin Allah hidayat amora in asal-asal namamando pa kabuntulan,adapun in way gam naman sila hirusdus sin Allah.

Ha katiluagan sin ayat ini katan kapahaman ta sin in paglawngon sin Allahotaala amura in mga sila asal nalalawng dih mabaya matok pa kasabunnalan dain ha mga Kafer, anyaya,nagduruwa-ruwa ha pag agama sin agama islam..iban na sin dugaing pa. adapun in mga sila namamaratsaya sin bunnal pamaratsaya sarta hihimihinang sin diyaakan limalayo dain ha liyangan sila yato in pandoan sin Allah pa dan mabuntol sarta ganapan pa in pagkapando kanila.

Ha kahawpuan niya:

In manusiya dirihilan siya gaus sin Allah ha mga kakahinang amoin manjari niya pagpian biya’na sin mamaratsaya pa Allah iban sin magkufor, himinang sin marayaw iban sin lumaggal,timindug sin sambahayang iban sin dih, muasa ha bulan Ramadan iban sin dih,magjakat sin pangalta iban sin dih,mamunoh ha pagkahi iban sin dih,himinang sin jina iban sin dih,timindug mag-usaha iban sin dih,iban na sin dugaing pa.

Dain ha sabab yan,ba’tal in mga sila magbibissara amoin laong na:dih naa ako mag sambahayang bat wala pa ako hidayatan sin Allah. giyanta sin Allah in manakaw ako. hangkan ako nakapagjina iban nag inum alak nagma’siyat bat amona in giyanta kako sin Allah. Karna in mga ini katan awn gaus pagbaya dihil kanila sin Allah himinang iban sin dih.

Damikkiyan subay ra isab kita niyo maayad magpaham ha farman sin Allah,sura an-am ayat 125:
فَمَنْ يُرِدِ اللَّهُ أَنْ يَهْدِيَهُ يَشْرَحْ صَدْرَهُ لِلْإِسْلَامِ وَمَنْ يُرِدْ أَنْ يُضِلَّهُ يَجْعَلْ صَدْرَهُ ضَيِّقًا حَرَجًا كَأَنَّمَا يَصَّعَّدُ فِي السَّمَاءِ
Hisiyo-siyo in kabayaan sin Allah hidayatan pahayangon sin Allah in daghal niya (pangatayan niya) tumayma sin kaislam,iban hisiyo-siyo isab in kabyaan niya lawngon pakiputon sin Allah in daghal niya (pangatayan niya tumayma sin kaislam) biya’ siya hantang sin dumag pa taas langit(in kasubra sin kiput iban kasigpit)

Ha ayat ini bang kita bukun majaga makaiyan kita: bang bihadto in Allah siya in nagbabaya maghidayat iban maglawng kato,wayruun na pagbaya ta,sarta biya’diin in hikatayma ta sin kaislam bang niya pakiputun in pangatayan ta hasupaya hadja dih makatayma.

Sumagawa subay ta pahamon sin in ayat awn sugpat niya amona in farman sin Allah:
كذلك يَجْعَلُ الله الرجس عَلَى الذين لاَ يُؤْمِنُونَ
Ha damikkiyan yadto hinangun sin Allah in lummi duun ha mga sila dih mamaratsaya.
Ay bima’na, ha sabab sin dih sila mamaratsaya iban panulangi nila ha kaislam amo yadto in nahinang sabab kiyahinang sin lummih duun kanila(lummih sin murka iban la’nat) damikkiyan amoyadto in nahinang sabab wala kahidayat kanila sin Allah iban kakiput sin pangatayan nila tumayma sin kaislam.

Mahuli wallaho waliyyottawfeq waa’lam…