AABB Happy Travel。遊世界

重出江湖喇!!!💪🏻💪🏻💪🏻

2018-11-30T17:18:00.001+08:00

上個月在facebook更新了，也在這裡更新一次吧

我重出江湖喇!!!💪🏻💪🏻💪🏻
希望大家沒有忘記我啦🙈
對唔住，我消失左幾年……

我係AABB Happy Travel的B小姐

曾經有一段時間我消失了，數下手指原來都好幾年，呢段時間曾有無數讀者pm我，關心我近況，給我鼓勵，叫我唔好放棄，但是當時的我實在有心無力，無論怎樣也提不起勁去更新，甚至乎沒有回應大家的問題，對不起這幾年辜負了大家的期望。你們的心意我通通都收到了，很窩心很溫暖。

自從和A先生分開後，事業愛情失意，迷失了好一段時間。後來在最對的時間遇上了K先生，和他發展，短短幾年間我已經成為了K先生的太太和生了一個很可愛的寶寶。K先生和我是大專時期的同學，可算是識於微時，我倆是很好的朋友，看盡對方的離離合合，經歷高低起跌，誰想到我們會變成了親人。人生嘛，就是那麼峰迴路轉。我而家係遊媽喇，哈哈。

正如我說過人生最重要是享受過程，這幾年間都發生了許多有趣事，旅遊啦、工作啦、家庭啦，好想繼續和大家分享。當初開這個blog的原因都是因為我很喜歡分享，並且認識志同道合的人。

舊網不會再更新，如果大家想繼續睇小妹的愚作，請follow我的新page，謝謝大家。愛你們😘😘😘

Facebook https://www.facebook.com/Travelmamaday

Blog (temporary) https://medium.com/@travelmamaday

Blog (under construction) https://travelmamaday.blogspot.com

Online Shop http://www.travelmamaday.com

(小店專營優質旅遊及親子用品，店主覺得好用嘅貨品就會介紹俾大家，網站上還有其他生活百貨不能盡錄，有興趣歡迎逛逛，謝謝支持^^ )

【台南住宿推薦】民宿篇

2016-02-29T14:20:00.000+08:00

【台南住宿推薦】民宿篇

緩慢文旅 X 台南古根 (開業時間 2015年8月)
Agoda訂房 | Expedia訂房 | Hotels.com訂房
地址：台南市中西區友愛街148號
電話：+886 (0)6 2212288 聯合訂房電話: +886 (0) 916-552-230
網址：www.adagiotravel.com.tw
優點：精品酒店風格，由5層高老屋改建，提供旅人深入探索城市的文化旅館，最啱文青
開幕專案，7-12月，兩人平日2799元+10%，假日3299元+10%

唯樂親子民宿 (開業時間 2015年8月)
Agoda訂房 | Expedia訂房 | Hotels.com訂房
地址：台南市安平區郡平路
電話：+886 917 110 115
網址：www.welove52.pixnet.net/blog
優點：超可愛的親子民宿，有丹麥積木、旋轉木馬、粉紅芭比等主題親子房。

毛屋．漁光島 (開業時間 2012年)
Agoda訂房 | Expedia訂房 | Hotels.com訂房
地址：台南市安平區漁光路113號1樓
電話：+886 (0)6-391-2113
網址：http://www.maowu.tw/
優點：清水泥設計的時空小屋及透明大屋

金毛屋 (開業時間 2015年7月)
Agoda訂房 | Expedia訂房 | Hotels.com訂房
地址：台南市安平區漁光路
電話：+886 (0) 6 391 2113
網址：http://www.maowu.tw/
優點：是「毛屋」的姊妹店系列，同屬清水泥設計的時空小屋

旅.日.人 - 松井家日式民宿 (開業時間 2015年)
Agoda訂房 | Expedia訂房 | Hotels.com訂房
地址：台南市中西區民族路二段57巷9號
電話：+886 6 222 0859
網址：https://www.facebook.com/tabinibito
優點：有如置身於日本民居當中

未艾公寓
Agoda訂房 | Expedia訂房 | Hotels.com訂房
地址：台南市中西區正興街77巷10號
電話：+886 (0)6 222 6696
網址：https://www.facebook.com/welove7710
優點：老屋裏的精緻當代設計，可以同時感受到老房、老民宿、咖啡香

【台南住宿推薦】酒店篇

2016-02-29T14:19:00.000+08:00

【台南住宿推薦】酒店篇

台南酒店，Ｂ小姐住過兩間，其餘就是於資料搜集時找到的。如果想住得靚靚地，舒服方便，以下幾間是不錯的選擇。

家新大飯店
Agoda訂房 | Expedia訂房 | Hotels.com訂房
地址：台南市北區海安路三段287號
電話：+886 (06) 3582188
網址：http://www.jiahsin.com.tw/
優點：便宜，非常近花園夜市，有自助洗衣房　Ｂ小姐入住報告

香格里拉台南遠東國際飯店
Agoda訂房 | Expedia訂房 | Hotels.com訂房
地址：台南市東區大學路西段89號
電話：+886 916 702 8888
網址：http://www.shangri-la.com/tc/tainan/fareasternplazashangrila/about/
優點：最漂亮，景觀極佳，口碑好

HOTEL COZZI 和逸．台南西門館 (開業時間 2015年2月)
Agoda訂房 | Expedia訂房 | Hotels.com訂房
地址：台南市中西區西門路一段658號-2 號
電話：+886 916 702 6699
網址：http://www.hotelcozzi.com/zh-tw/store/index/xm
優點：新酒店，設計簡約　Ｂ小姐入住報告

康橋商旅 - 台南赤崁樓館
Agoda訂房 | Expedia訂房 | Hotels.com訂房
地址：台南市中西區民權路二段97號
電話：+886 (06) 225-3377
網址：http://www.kindness-hotel.com.tw/main_18.asp
優點：便宜，集團口碑好，Ｂ小姐曾住過她高雄的酒店，感覺非常正

【台南．景點】觀夕平台－欣賞超靚夕陽

2016-02-07T16:16:00.000+08:00

K先生曾經講過陪B小姐去睇日落日出一千次，所以難得台南有個觀夕平臺，難得天氣好，我們唔可以錯過漂亮的夕陽。第二天我們去完永康彩繪眷村後，搭巴士到碧海碼頭 / 臺南海事下車 (２個站都要行 )，再步行約10分鐘左右。

下車位置是很荒蕪的空地

看著Google Map步行，很容易吧

到左喇，未夠五點已經聚集左好多人喇。

我們看著咸蛋黃緩緩的落下，天色慢慢變化，由黃－＞橙－＞粉紅，好靚呀！

加埋少少雲，個日落仲靚。

大概5:15pm左右就太陽就淹沒在海平線中。

【台南．景點】永康彩繪眷村(復興老兵文化園區)

2016-02-06T16:15:00.000+08:00

聽說台南有很多彩繪村，從地圖上找到很多個，最後我們選了最近市中心那一個「永康彩繪村」來逛。她位於復興老兵文化園區，我們吃完清代牛肉麵後，靠著Google Map的指引搭巴士＋步行過去的。

『眷村』曾經是沒落社區與老兵聚集的代名詞，被世人遺忘的角落。台灣政府為了令眷村帶來生氣，所以近年許多里長都發起，齊來用繽紛的圖畫來活化漸漸老去的磚牆。一個又一個的「彩繪眷村」就這樣誕生，並成為近年遊台灣之熱門景點。

『眷村』曾經是沒落社區與老兵聚集的代名詞，被世人遺忘的角落。台灣政府為了令眷村帶來生氣，所以近年許多里長都發起，齊來用繽紛的圖畫來活化漸漸老去的磚牆。一個又一個的「彩繪眷村」就這樣誕生，並成為近年遊台灣之熱門景點。

這個理念好好，更難得是市民都樂於參與，色彩豐富的圖畫，都是由志同道合的市民自發性地繪畫上去的，每一幅都守護著老眷村那份真情，每一個『彩繪眷村』都是由愛去建立，值得大家好好珍惜。點解香港無依ｄ嘢嘅呢？

由於彩繪村位於老兵文化園區，有許多退役的老兵住在這裡，所以大家遊覽時候請盡量輕聲一點，唔好打擾到當地的居民吧。

* * * * * * * * * * * * * * * * * * * * * * * * * * * * * * * * * * * * * * * * *

走到最尾，以為已經冇路，原來......後面仲有幾幅超靚隱藏版彩繪的T^T

景點資料：

永康彩繪眷村(復興老兵文化園區)

地址：台南市永康區復興路427號（高雄榮總醫院(台南分院)前面巷子）

費用：免費

（其他彩繪村資料）

善化胡厝寮彩繪村

地址：台南市善化區胡家里(胡厝寮)近陽明國小

費用：免費

關廟北寮彩繪村

地址：台南市關廟區新光里

費用：免費

【台南．景點】安平老街漫步走

2016-02-05T16:18:00.000+08:00

安平老街，是上一次到台南錯過了的景點。聽說這裡很有懷舊氣息，一條充滿故事的老街。第一天到達，吃完伊蕾特布丁之後，日落比想像中快，趕不及到觀夕平台看夕陽，所以慢慢步向安平老街。

就算冇做功課，走在老街上，都不難猜到哪些是這裡的土產。蝦餅、蛋捲、還有一些只有在這裡才見到的手工餅乾，來發掘吧！

除了吃的，還有一些手工藝小店，售賣自家手作得意飾物。

安平劍獅埕，裡面都是充斥著賣土產的小店。在台南，時不時都會見到這隻像獅子又像麒麟的神獸，同沖繩那隻很似樣。一查之下，原來係咁嘅：

安平曾是國姓爺鄭成功所屬水師駐防重鎮。當兵士操練結束後返家，便將獅面盾牌掛於門上，再將刀劍橫插在獅口，這便成了威嚴勇猛的「獅咬劍」。盜賊見了，知是官兵的住宅，便不敢入門偷竊。百姓見這「獅咬劍」圖像，氣勢懾人，能阻嚇盜賊，使之卻步，便紛紛仿傚，以求「獅咬劍」能威鎮八方，震伏百獸，護民安宅。

走到街尾了，感覺這條街很寧靜，有點像南丫島的小街，慢活的感覺。

茶湯會，在街尾見到的，像很好喝。想試試翡翠檸檬但係賣晒T^T

街尾有間三層高的手信店，規模很大啊。

台灣有很多這類的「熊仔餐廳」，從伊蕾特步行至平安老街途中也見到一間，仲有賤熊添。

【酒店優惠】Hotels.com 新年手機優惠碼優惠

2016-02-03T19:03:00.000+08:00

Hotels.com 呢期有一個好吸引既Coupon呀~ 訂單滿HK$1500或以上即可減HK$188。用到盡既話有成12.5% off 添！但記得要用手機上Hotels.com先用得呢個Coupon架！

---Hotels.com 新年手機優惠碼活動---

主題：訂單滿HK$1500或以上即可減HK$188。

優惠碼：MOBCHK

條件：需要以手機版網站使用

訂購時限：2月1日 ~ 2月14日
入住時限：2月1日 ~ 5月14日
訂購連結: http://goo.gl/jVAdKX

【台南．美食】洪瑞珍、同記安平豆花、Cold Stone炒雪糕

2016-02-02T16:15:00.000+08:00

除了之前介紹過的好餐廳，還有幾間小食店想快速地講下。

洪瑞珍－三文治王者
這個嘛，相信香港人應該對這名字好熟悉，賣三文治賣到掀起搶購熱潮，成為水貨客「團購及代購」的入手目標，真係前無古人、後無來者。未食過之前，光是聽「三文治」就帶點鄙視及懷疑的語氣說：「三文治之嘛，會有幾特別呀？」但吃過一口之後就停唔到，狼吞虎嚥一整個！未試過嘅朋友有機會去開台灣可以試下，但如果外賣返嚟就唔好喇，始終三文治應該係新鮮食最好。Ｂ小姐試過幾次都係朋友從台灣帶返來，已經覺得好好味。第一次現場買嚟食，好。食。勁。多！麵包好柔軟，蛋皮同芝士都好香，一口氣食左兩個XD 好幸福啊～

洪瑞珍（台南店）

地址： 704台灣台南市北區公園路375-7號

電話：+886 6 282 5088

營業時間： 09:00–20:00 週一至週六，星期日休息

http://www.hrjcake.com.tw/

----------------------------------------------------------------------------------------------------------

同記安平豆花
跟住要介紹台南好出名嘅古早豆花店，總店在安平老街。本來我們該去試總店的，但是行程趕急又唔順路，我們試了在新光三越地庫那一間快餐式分店，覺得唔係太好食。但見咁出名都提下啦，如果大家有機會去食總店那間，話俾我知好唔好味丫。

同記安平豆花（總店）

地址： 708台灣台南市安平區安北路433號

電話：+886 6 391 5385

營業時間： 08:00–23:00

http://www.tongji.com.tw/

----------------------------------------------------------------------------------------------------------

Cold Stone炒雪糕
這是Ｋ先生推介的，佢每次來台灣都要食這間炒雪糕，味道好又便宜。剛好在新光三越裡有一間，所以Ｋ先生差不多天天都有吃。當日剛好有推廣，只要在買雪糕時說一聲「中華隊加油」，就可享雪糕買一送一。

Cold Stone炒雪糕（小西門新光三越店）

地址：台南市中西區西門路一段658號B2

客席座：室內14席(新光三越百貨台南西門店B2)

電話：+886 303-1328

營業時間：週一~週日11:00-22:00

http://www.coldstone.com.tw/

【台南．美食】依蕾特布丁

2016-01-29T19:07:00.000+08:00

今次嘅遊記食評，唔好味嘅唔介紹喇。依間係重點推介！！！
Ｂ小姐Ｎ年前試過之後一直念念不忘，推介Ｋ先生去試，試完之後都中晒毒，所以今次我地嘅台南之旅絕對唔少得依一站。

依蕾特布丁，聽個名就知係專食布丁啦，初初出嘅時候只係得原味同朱古力味，仲有少少檸檬批之類，得幾款揀，但係而家已經多左好多款式。

我地點了３款：

鮮奶布丁 TWD35
可可奶酪 TWD35
焦糖鮮奶布蕾 TWD40

鮮奶布丁，就是原味的布丁，最底層有焦糖漿，用匙直插到底將布丁混合在放進口係最正統嘅食法。

可可奶酪，朱古力味布丁，個人較喜歡朱古力味，質地一樣咁滑，久違了的味道(心心眼)。
焦糖鮮奶布蕾，質地較杰，奶味較香濃，仲有ｄ溫利拿味，Ｋ先生嘅最愛。

這幾杯布丁有幾好味，睇樣就知，完全係好食到笑出嚟。

我們都不禁展露了幸福的笑容。

依蕾特是HOME MADE的布丁品牌，真的很佩服台灣人，點解可以將一樣咁簡單嘅嘢做到咁出色，甚至揚名海外，例如洪瑞珍。

有關依蕾特的品牌故事：

「以鮮奶替代水」的紮實用料
以作給女兒吃的誠摯心意，製作每一個令人感動的甜點
2000年的夏天，莘莘學子們正埋首苦讀準備七月的大專聯考，
平日善廚的父親看著日夜苦讀的小女兒因為沒有食慾而日漸消瘦，覺得十分心疼，
於是著手細心地調理出乳香濃郁、富水感而又兼具營養的鮮奶布丁，來替代女兒每天的餐點。

而這可口又充滿愛心的布丁不但表達了對女兒的支持與關心，也意外的受到眾多親友的口碑好評，
成為方爸爸「最得意」的甜點作品，「ELATE」英譯為得意的意思，
於是意外的催生了「依蕾特」這個源自HOME MADE的布丁品牌。

每年賣出的布丁疊起來比「台北１０１」還高！！

乘搭公車請在「望月橋」站落車

沿著周氏蝦捲行過少少就到了

依蕾特布丁elate

地址： 708台灣台南市安平區安平路422號

電話：+886 6 226 0919

營業時間：10:30–21:30

網址：www.elate.com.tw

【台南．美食】清代牛肉麵

2016-01-28T20:30:00.000+08:00

嚟台灣點可以唔食牛肉麵？唔知點解，台灣的牛肉麵總是好吃一點，無論是牛肉、湯底還是麵質，在香港是很難吃到那個味道。所以在第二天，我們專程去了一間牛肉麵餐廳吃午飯。

點解係「清代」？原因好簡單，只係因為當日早上去完洪瑞珍之後，我們在Google Map上尋找，最就腳而且評分不錯就是這間。隨心揀，卻沒有令我們失望。

餐廳裝潢很簡單，就是普通台灣食店的樣子。店子面積不算大，但空間舒服整潔。找了一個位置坐下，看看牆上的餐牌，一眼望晒，就是牛肉麵、牛肉湯麵、牛肉拌麵、牛肉冬粉、牛肉拉麵等，牛肉湯麵和牛肉麵價錢相差TWD20，我們問有甚麼分別，原來是一個有牛肉，一個只是牛肉湯＋麵。那我們就點了兩客牛肉麵(TWD80)，及一份水餃(TWD40)。

牆上掛著「以馬內利」的木牌，店子簡介，包括理念、湯頭、及小菜，為何要選用澳洲牛肉也解釋得很清楚。

這裡的湯頭是藥膳口味，跟平時食開的唔同，入口覺得好清甜，不油膩，同埋沒有味精。牛肉煮得好淋同入味，麵條爽滑，好味。

另外小菜水餃也很美味，裡面包著菜肉饀，大小適中，一口一隻，配以微辣豆瓣醬食，很快兩人便清晒成碟20隻。

總結，用心牛肉麵店，誠意推薦，大家有興趣可以試下。

清代牛肉麵

地址：台灣台南市東區長榮路五段23號

電話：+886 6 275 1797

營業時間：週一至五　下午5:00-9:00pm

週六　中午11:30am-2:30pm 下午5:30-8:30pm

週日休息

【台南．美食】卧虎藏龍美味小店「小豆豆」

2016-01-06T08:00:00.000+08:00

【台南．美食】卧虎藏龍美味小店「小豆豆」

有時去旅行試下當地嘅地道餐廳都唔錯，夜晚誤打誤撞搵到間好受當地人歡迎嘅餐廳，叫小豆豆。從HOTEL COZZI (西門館)，步行約13分鐘就到。

店舖是非常低調的裝潢，完全唔起眼，很容易就錯過了。
佢應該唔係遊客會來朝聖的店，但原來在台南都幾出名，真係完全估佢唔到＠＠

上網睇先知平時成日都要排隊，我地好好彩，入去就有位

先點菜及出去買

然後坐返低耐心等候

等一陣就有得食喇

這是最出名的窩燒意麵，湯頭好濃，麵條都被炸過，幾彈牙同埋掛湯。配料有蝦、蜆、火腿、油炸鬼、甜不辣、日式魚旦片，好味道。個湯底好唔錯。

古早味紅茶，估唔到幾好飲，似無奶嘅珍珠奶茶味，但係紅茶

今餐盛惠TWD150，大約港幣三十幾蚊，超抵呀！

小豆豆餐廳

地址： 700台灣台南市中西區樹林街二段105號

電話：+886 6 213 8796

營業時間： 11:30–21:00

【台南．美食】「花園夜市」全台最人氣夜市！

2016-01-05T14:48:00.000+08:00

前言話，嚟台南都係因為「花園夜市」，所以一定要重點介紹一下！據聞「花園夜市」係好早好早之前已經被全台灣人投選的Number１「我最喜愛夜市」，就算之後有新夜市出世，大ｄ規劃好ｄ，都敵唔過「花園夜市」，可想而知佢有幾吸引！

花園夜市開放時間：逢星期四、六、日（晚上）

我地係星期六晚去的，睇完日落就坐的士去夜市，當時大約下午五點半左右，的士司機話夜市已經開左。我地逛下食下(主攻食)，大概行到七點幾八點就閃。感覺真係唔錯，好多特色小食，而好多都係第一次見，在其他夜市未見過的。Ｋ先生好雀躍咁帶我周圍試。

花園夜市街頭小吃

何佳佳蔥油餅

舐舐脷指數: ★★★★★

花園夜市第一檔，Ｋ先生一見到就問：「我可唔可以食呀？」當然可以啦，不過當時心諗：蔥油餅之嘛...有咩咁特別呀？之前喺宜蘭都食過好出名嘅蔥油餅，係好香，但都係唔夠香港果ｄ好食。Ｋ先生買完就問我試唔試，望下個樣，咦，有ｄ唔同喎，上面曬左ｄ椒鹽味粉，咬一啖，好好味呀！

林桑臭豆腐薯條

舐舐脷指數: ★★★★

好得意，以前未食過依ｄ。臭豆腐同薯條都食得多，Mix埋都係第一次見。其實佢係將臭豆腐切成條狀再拎去炸，外脆，裡面保留返豆腐嘅質感，淋淋地，加埋ｄ味粉，都幾好味，可以一試。

冠軍木瓜牛奶

舐舐脷指數: ★★★★★★

超好飲的木瓜奶，忍唔住俾多粒星，唔太甜(佢聲稱冇落糖同埋同靚鮮奶)，飲到啖啖木瓜香，我地忍唔住飲左三杯！

天玥胡椒餅

舐舐脷指數: ★★★

見到好多人排隊，同埋好多訪問，期望好大，胡椒餅即叫即炸，非常新鮮，但熱辣辣，小心燙口。裡面好多肉汁流出嚟，好正，幾好味嘅，不過我同Ｋ先生都覺得唔夠第一次食「帝鈞胡椒餅」時震撼。新鮮嘅帝鈞好食ｄ。

釣蝦

有趣指數: ★★★★

台灣夜市流行小玩意，通常都係撈金魚，但係花園夜市竟然有釣蝦，好搞笑！釣到可以即刻去隔離ＢＢＱ燒嚟食，有得玩又有得食，過癮。

二師兄魯味

舐舐脷指數: （不祥）

路經人頭湧湧的店子，出名魯味。見佢ｄ魯味顏色深啡有光澤，好似好入味。是祖傳秘方炮製，有興趣可以一試。

澎太郎炸飯團

舐舐脷指數: ★★★

日式飯團外面包住粉漿炸到脆卜卜，再淋上美味醬汁。

炸雞翅飯

舐舐脷指數: ★★

唔記得左影相...花園夜市有幾家烤雞翅飯的，我地試左有紅燈籠果檔。賣相好ｏｋ，但食落有點怪怪的，個飯係用糯米，雞翼又唔係好入味。

德國香腸脆皮熱狗

舐舐脷指數: ★★★

Ｋ先生最愛吃這種脆皮熱狗，見到就嚷著要試。點了墨西哥辣醬，原來辣到噴火，Ｋ先生食到流晒汗，最後頂唔順投降。味道ＯＫ，只係揀錯汁啫。

潘荖濃碳烤玉米

舐舐脷指數: ★

花園夜市近門口的檔，中伏了。古老味個汁好奇怪，佢話係燒汁但唔似平時食開果ｄ，同埋條粟米唔甜架，仲燒到好硬......本身好鍾意食粟米但係真係食唔落去。

夜市周邊

依檔幾吸引，好似係西班牙海鮮飯（大鍋版）
但去到嘅時候仲未煮好，所以冇試到

當日唔知係咪有咩喜慶事，隔離上空不停見到煙花。

我地只係行左兩粒鐘左右就離開，結論係「花園夜市」真係好正。
話時話，兩個人嚟講戰鬥力都算低。我發現走嘅時候數返原來只係食左好少嘢。

【優惠】Hotel Club 訂酒店額外八五折

2015-12-17T19:29:00.000+08:00

節日臨近，各大「酒店訂房網」都紛紛推出優惠嚟吸客！繼早前 Hotels.com 推出銀色聖誕酒店優惠之後(優惠到聽日就完)，Hotel Club 隨即緊接出左個 15% Off 嘅Coupon，即係八五折，都幾抵喎！

只要憑推廣代碼於Hotel Club內訂購任何酒店，便可額外獲得85折優惠！

優惠推廣代碼：GIFT15

適用旅遊日期：即日起至 30 Jun 2016

訂購連結：Hotel Club

今期選擇月刊主題係「網上旅遊服務『滴漏式標價』機票總價格含糊不清」，報導指調查報告旅遊服務網站買機票隱藏收費多，例如購買廉航的時候，好多時都係「Default」幫你Tick左揀位、餐費、旅遊保險等，如果你一不留神，就唔覺意買左額外的附加服務。雖然唔係大數目，但係對「慳得一蚊得一蚊」族嚟講，俾多左就即係買貴左，寧願慳返嚟去到先洗仲好啦。

所以，大家訂購酒店嘅時候記得睇清楚包左稅未，用Final Price「Apple-to-Apple」嚟格價。其實真係幾矛盾，自己都做依行，最唔鍾意就係遇著d客同我講價，但係自己訂酒店/機票嘅時候…咪又係死格爛格，都係師奶仔性格啦。哈哈，我覺得而家寫依篇文係同自己作對XD

最後最後，都不厭其煩要提下大家，記得記得買旅遊保險呀！！！仲要唔係臨出發前一日先買，而係一訂左套票，就立即買喇！現時大部份嘅旅遊保險都係出發前90日內就可以買，直至到出發前三小時左右。有d朋友會臨上飛機先買，Sorry呀，只要入左「機場離境」，就算你身在機場，買左旅遊保都失效架。Ｂ小姐親自打過去保險公司問，所以原來以前自己都係做錯左。好多人都唔覺旅遊保險重要，但係每當出事時，大家先發現原來朋友冇買，或者買左一d保障唔夠全面嘅旅遊保險產品。Ｂ小姐溫馨提示：最好大家買旅遊保險都貨比三家，唔係淨係睇邊個平(旅遊保險最好唔好貪平喇)，仲要睇清楚咩條款受保同埋主要不保事項，財物及醫療保障金額，特別係旅遊警示果PART呀。而家有好多保險公司都升級保埋旅遊警示，即係會因為「旅遊警示」於購買保險後+出發前升級為黃色、紅色、黑色，你就可以因為取消行程而獲得賠償。至於賠幾多，點賠法，請大家自己CHECK下相熟嘅保險公司喇。

有用文章參考：

聖誕出走：買旅遊保險　有3點要搞清楚

網上旅遊服務「滴漏式標價」　機票總價格含糊不清

消委會：網站買機票隱藏收費多　隨時買貴飛

消委會：海外碌卡藏魔鬼細節　港幣入帳唔抵

灣仔新開「聰嫂」星級甜品店

2015-12-05T18:00:00.000+08:00

最近灣仔新開左間糖水舖，佢係在坑口和銅鑼灣都好出名嘅「聰嫂甜品」。
自從幾年前食過第一次之後就愛上左，佢個「龍眼冰」真係超好味！！！
每次去都係食依款，冇試過其他XD
不過其實佢其他糖水都好出色架，特別係榴槤及芒果製品：

佢地話榴槤Pancake好出名，我地點左一客share，冇介紹錯，真係好好味，榴槤餡好新鮮好甜，肉同cream嘅比例啱啱好，個皮又好軟熟。因為太好味了，食完先發現唔記得影入面嘅相。

因為冇得食龍眼冰，佢地話ｄ冰未夠硬，所以試左佢地極度推介嘅「芒果奶昔雙皮奶」，估唔到又幾好味。上面ｄ芒果好甜，中間係芒果奶昔打成嘅沙冰，下面係雙皮奶。原本仲驚會怪，但係出嚟味道又幾夾。

榴槤水晶珠，口感似龍眼冰，都係沙冰狀，但依個真係「超．好．味」呀！！！！！
鍾意食榴槤嘅人會好鍾意，以後除左龍眼冰又多個選擇喇^^

同事C點嘅「芒果柚子/荔枝果凍」，上面都有水晶珠，佢笑說話口感好似食緊三文魚籽

紅豆味及綠茶味水晶包，個皮好煙韌，好似食到少少桂花味，不過好似甜左少少

店內位置唔多，略比銅鑼灣店小，卻寬敞一些

聰嫂正確位置在文鼎酒家樓下，因為佢被文鼎酒家集團收購左。

有關《聰嫂的典故》
同事A：「點解叫聰嫂嘅？」
B小姐：「因為佢係阿聰嘅老婆囉」
同事A：「咁佢係點起家架？係咪明星開架？」
B小姐：「好似係坑口開先嘅，可能係將軍澳賣賣下街邊糖水然後出左名開舖卦」
同事C：「唔係唔係，其實聰嫂以前係TVB飯堂做嘅，當時因為TVB飯堂係冇糖水賣，而聰嫂咁啱好鍾意研究糖水，所以自己整左ｄ返嚟派俾ｄ同事食，點食個個食過都讚，後來就夾份在將軍澳開左聰嫂。」
B小姐：「唔怪得個招牌係劉德華提字啦」

因為同事C識朋友在文鼎做，所以我地有幸被邀請試食。正式開業日期為2015年12月14日，依段時間都係試業階段。以後灣仔嘅朋友有口福喇！

聰嫂(灣仔店)
地址：灣仔大王東街21-23號地下
電話：25206363 / 25203777

【行程篇】台南三天兩夜之旅行程表

2015-12-01T15:00:00.000+08:00

台南好味道＠三天兩夜之旅行程表

三日嘅行程我按交通篇、酒店篇、行程篇等分類做左個Summarize，方便大家參考。

飛機篇

華航 (operated by 華信航空)

係2-2細機，幾新淨，寬度適中。因為只飛三日，所以行李超輕便，我地都係孭背囊。機程1:20hr，話咁快就到。

航班時間：
去程 13NOV 香港－台南 10:10-11:30
回程 15NOV 台南－香港 13:10-14:20

飛機餐係一個包仔，一包餅乾同埋一支水。

機場電話卡

台南機場好細，一眼望晒，出左嚟就會見到兩個Counter賣電話卡，最低消費係五天Plan，兩間價錢一樣，都係450TWD 5日無限上網。

行程篇
Day1(Fri) 香港－台南機場－HOTEL COZZI－稻禾烏龍麵－依蕾特布丁－安平老街－小豆豆－Cold Stone
Day2(Sat) 台南洪瑞珍－清代牛肉麵－永康彩繪村－觀夕平台－花園夜市－同記安平豆花
Day3(Sun) 新光三越－台南機場

因為回程係早機，嚴格嚟講只係玩左兩日左右，同去澳門差唔多，所以你見其實好多景點都係食呀食呀食呀。

嚟台南玩，之前都上網做過下功課，點知俾的士司機話我冇做足功課！@@ 司機介紹左兩個景點：奇美博物館、十股文化村。反而司機話七股鹽田沒甚麼好看，竟然！？可能好似我地覺得「幻彩詠香江」冇咩好睇一樣啦。下面係其中一條我plan行程時參考過嘅網址。

【台南全區】台南二日遊行程規劃：三條路線讓你玩遍大台南

http://travel.yam.com/Article.aspx?sn=72979

機場取有用地圖，Download「iTourTainan / 台南旅行」App
機場提供Free Wifi，有個Tourist Information，有職員教你下載台南旅遊局出嘅App「iTourTainan / 台南旅行」，提供台南旅遊資訊。回港後才發現個App只係在台南開先有用。

仲有當然唔少得係取地圖，以下依個好有用！係觀光巴士遊客專線88號安平線及99號台江線。基本上足夠Cover晒大部份嘅台南景點。

美食篇

台南美食出名多，地道又特別，兩三日根本冇可能試得晒。有兩個網址好正，係台南人嘅Openrice，由當地人介紹地道食店，應該更有參考價值吧！

台南市美食美食店家

http://www.ipeen.com.tw/search/tainan/000/1-0-0-0/

春訪台南-微幸福散步甜點新發現

http://www.ipeen.com.tw/focus/1566-%E6%98%A5%E8%A8%AA%E5%8F%B0%E5%8D%97-%E5%BE%AE%E5%B9%B8%E7%A6%8F%E6%95%A3%E6%AD%A5%E7%94%9C%E9%BB%9E%E6%96%B0%E7%99%BC%E7%8F%BE

酒店篇

酒店地點，幾方便，隔離就係新光三越，應該是全台南市最旺嘅地區。酒店開業不足一年，好乾淨，環境好舒服。插蘇位都好貼心，唔需要帶備轉插，仲有ｕｓｂ位添，床頭兩邊都各有一個插頭，方便電話叉電，抵讚。有關酒店詳情，請看【台南．住宿】HOTEL COZZI 和逸．台南西門館

交通篇

由於台南沒有捷運，我們幾天的交通工具主要是的士＋巴士。的士起標８５台幣起，同香港差不多，雖然景點都好近，但每次搭都１８０—２２０TWD，條數都好襟計。搭巴士則每次１８TWD／人，係的士五倍，有時近近地都搭巴士算，時間可能耐少少，但慳返ｄ錢去食嘢好過。巴士線好簡單，同香港一樣站頭已寫晒ｄ站名，如果你部電話有上網功能，仲可以用QR Code嘟一下，即時知道巴士仲有幾耐到，超方便！

AABB小貼士＠教你如何台南搭巴士：

1) 先上Google Map睇下目的地附近嘅巴士站名

2) 睇下巴士站邊條線路有經

3) 確認方向正確

4) Check下巴士幾時到

5) 上車入錢

6) 影低巴士線方便落車

這個方法萬試萬靈，非常適用於沒有鐵路的城市，如台中、台南、嘉義等。Ｂ小姐去新加坡都好鍾意搭巴士，因為有ｄ景點搭地鐵都要行十幾分鐘，搭巴士點到點的確舒服ｄ。

【優惠】Microsoft Store 冬日狂賞! 送旅遊現金券高達$1,000

2015-11-29T14:06:00.000+08:00

如果你本身有打算買手提電腦、遊戲機Xbox、Office軟件等，又好鍾意去旅行，咁就啱喇！

最近新加坡航空(Singapore Airlines)同微軟(Microsoft)合作，凡於微軟(Microsoft)MS Store 網上訂購任何產品超過港幣$3,000，即可獲得新航假期(SIA Holiday)的現金劵價值HK$500；買$7,000，就可以獲HK$1,000，多買多送。首100名惠顧滿HK$7,000的顧客仲可以額外獲得５００星航KrisFlyer miles飛行里數。優惠只限網上訂購架乍！門市並不適用。

點解舊年冇依個優惠架T^T

優惠期: 即日起至到 2016年1月3日
訂購網址: http://bit.ly/1PXoplu

【台南．住宿】HOTEL COZZI 和逸．台南西門館

2015-11-18T10:36:00.000+08:00

從台南返嚟喇！趁記憶猶新，都係決定寫左依個Trip先。

這個旅程真的十分短，以「台南花園夜市」為標題，因為此行的主要目標就是花園夜市。自從7年前飲恨跟花園夜市緣慳一面之後 (因為沒查清楚開放日期)，她便一直存於腦海幻想之中。男朋友年頭和家人去過，佢話好正乜乜乜。佢知道我好想去，所以答應我帶我去。趁著台灣機票減價時搶了兩張，星期五去，星期日返，來個三天速遊。

最近花園夜市的酒店是家新大飯店 (原名: 家新e品會館) (台南市住宿)，就在海安路上，只需步行3分鐘左右就到。台南是一個舊城，想入住漂亮一點的，非台南香格里拉台南遠東國際飯店 (Shangri-La's Far Eastern Plaza Hotel)莫屬。無意中發現HOTEL COZZI在台南開了分店，仲有Early Bird Discount添，埋單都係每晚九百幾左右連早餐。雖然台南嚟講算住得貴，但係難得可以試新嘢，即管試下啦。~~不過其實訂左之後又有點後悔想轉，識住，梗係住民宿啦，有機會再講。~~

這是官網的簡介

HOTEL COZZI
於2015年2月1日正式營運

和逸設施
HOTEL COZZI 和逸．台南西門館秉持著提供旅客舒適悠閒的氛圍，並融入在地文化精神，帶領旅客遊趣鳳凰花城的歷史及新時代的面貌，讓旅客體驗最合意的台南溫暖人情味。除此之外，融入全新的Xbox one主題客房包裝，讓和逸．台南西門館成為煥然一新的休閒度假飯店。

漫步台南府城
台南市歷史核心在中西區，可說是府城最有文化氣息的地方，而位於中西區的全新和逸台南西門館，希望打造一個充滿府城情感的旅宿空間，讓遊客親身感受舊時代的感動結合新文創，因此推出「吃喝玩樂．府城」內含多家台南老店介紹，讓旅客可邊玩樂邊學知識。

交通資訊
座落於台南市中西區，鄰近新光三越新天地百貨公司、新光三越小西門商圈，並可步行抵達城市內的古蹟景點，交通便利，兼具商務與休閒度假的環境與功能。
飯店地址:台南市中西區西門路一段658之2號
聯絡電話：+886 6 702 6699

走廊的隔音好好，靜到耳仔「溫溫」聲

酒店有１３層，我們入住１１樓

一入去感覺好舒服啊

治室用品齊全

風筒

浴缸夠晒大同深

插蘇位都好貼心，唔需要帶備轉插，仲有USB位添

Smart TV

雪櫃內有三罐飲品是免費的

台南美食代購服務

４樓餐廳吃早餐

４樓Check-out Lobby

AABB住後感:
酒店地點，幾方便，隔離就係新光三越，應該是全台南市最旺嘅地區。酒店開業不足一年，好乾淨，環境好舒服。插蘇位都好貼心，唔需要帶備轉插，仲有USB位添，床頭兩邊都各有一個插頭，方便電話叉電，抵讚。

Check-in Lobby在一樓，Check-out在四樓，入住/退房的過程都好快速。因為抵達時只是十二時多，未夠鐘Check-in，所以服務員先替我們辦理登記手續，並給我們便條紙，叫我們兩點半返去取房匙。櫃檯放了蚊怕水免費供住客使用。

大床勁大，應該不只King Size，保守估計約7-8呎，床舖都很舒服，我們連續兩晚都是睇睇下電視就瞓著了，睡眠質素很高。浴室帶點和式風味，浴缸好大好乾淨，水力好夠，浴缸很快被注滿。

代購台南人氣小食
雖然台南唔算大，但係小食店嘅位置不夠集中，下下搭的士都幾金，搭巴士又太慢。酒店提供台南美食代購服務，加少少服務費，佢就可以幫你買返嚟俾你食。度小月擔仔麵、阿堂鹹粥、牛肉湯、牛肉麵等，都可以一次過食到。不過會唔會買返嚟凍晒就唔知喇:P

兒童賽車場
講賽車場是誇張了，其實是酒店四樓平台有一個好像小時候沙田的「交通安全城」，有各式各樣的玩具跑車、電單車俾小朋友玩。最正嘅係架車可以交由父母遙控，我哋喺旁邊睇都好開心。如果有得玩就好了。

超多親子活動
依間係好適合家庭入住的親子酒店，酒店每週都有好多親子活動俾住客參加，有免費的，有收費的，有ｄ應節嘅手工班都幾得意。

早餐
略嫌普通左ｄ，款式唔係太多，味道都一般，沒有驚喜，如果可以加以改善就更好了。

小點心
下午3點至4點有免費下午茶時間，住客可以去四樓餐廳享用。不過我地冇試。

交通
位置在台南心臟，樓下有巴士站，包括旅客觀光線88號，好多地方都去到。

整潔：＊＊＊＊＊
位置：＊＊＊＊＊
服務：＊＊＊＊
早餐：＊＊
設備：＊＊＊＊
價錢：＊＊＊（抵住度）

今次真係復活喇！

2015-11-17T20:04:00.000+08:00

AABB復活喇～2014年休息了差不多一年，成個人冇晒朝氣，旅行照去，但冇晒心機寫Blog，好似抑鬱咁。去年中試寫一排，寫寫下又停左。最近重拾返寫Blog嘅興趣，真係的起心肝寫，補寫完去年台灣遊記。為左連貫ｄ，文章嘅日期承接住2014年繼續落，唔想ｄ讀者睇睇下2014年，突然Day3跳左去2015年，好似好怪咁。睇返以前嘅產量，每年平均都有百幾篇Blog，但2014 & 2015年近乎零，好似消失左咁。

我會加油架喇！希望遲到好過冇到啦。
在此我要好好多謝K先生，非常感謝你，沒有你的支持，可能B小姐有排都企唔返起身。嚟緊會盡力寫多ｄ文，唔敢Promise速度，但我會Try my very very best！

引用一張舊畫作鼓勵自己

充滿鬥志的B小姐上

【酒店優惠】澳門威尼斯人 - 8折住宿優惠

2015-11-17T13:00:00.000+08:00

澳門購物之旅 - 8折住宿優惠

預訂 Venetian Macao Resort Hotel (澳門威尼斯人酒店)「澳門購物之旅」，不僅可尊享豪華住宿、美饌佳餚、時尚服飾、消遣活動，更有機會成為幸運兒，贏取驚喜大抽獎（獎品總額高達港幣195,000元）！

額外獎賞：賓客於2015年11月25日至29日期間入住尊享金沙時尚傾銷展獨家優惠。

立即預訂！

【機票優惠】泰國航空明年3月18日前出發，香港來回曼谷/布吉只需$1070起 (優惠至11月21日)

2015-11-17T12:44:00.000+08:00

泰國節優惠由香港至泰國

嘩，近期泰國機票輪流推出優惠，旅客有福喇！

由即日起至11月21日訂購泰國航空香港來回曼谷及布吉機票，香港往返曼谷只需$1070起，香港往返布吉只需$1770起。最少需要出發日期前七日預訂

出發日期由2015年11月14日至2016年3月18日，不適用於2015年12月19日至2016年1月1日及2月2至14日出發，機票有效期0-14天。以上機票價錢為來回票價，只限由香港出發，價錢未包括任何適用之機場稅及燃油附加費。

訂票連結：http://www.thaiairways.com/zh_HK/plan_my_trip/Special_fare/Offers_Booking/HK_festival.page?

【新航線】香港直航喀比 (香港航空)

2015-11-17T11:52:00.001+08:00

【全新航線，獨家優先搶購！】

香港航空將於2015年11月13日開通香港直航喀比航線。

[去程] 香港-喀比 00:50-03:30 (每天一班)
[回程] 喀比-香港 04:30-08:50 (每天一班)

*飛行時間約3小時40分

全新航線，獨家優先搶購！【香港航空】喀比來回經濟客位機票，出發日期到 2016 年 3 月；透過 EGL Tours 東瀛遊專線 / 電郵 / 分行報名

出發日期：2015年11月13日至 2016年3月21日 (*出發日期不適用於 2015年12月22-26日, 2015年12月30-31日, 2016年1月30日至 2月10日)
Yahoo 團購價： $500 (每位) 參考價：$7,580

平時去Krabi需要在布吉坐4粒鐘車或者曼谷轉機去, 好隔涉。香港航空 x 東瀛遊團購機票優惠HKD500, 雖然時間麻麻, 不過勝在夠平。優惠仲有4日截止, 建議購買優惠券前先向 EGL Tours 東瀛遊查詢機位情況。

訂購詳情: https://hk.deals.yahoo.com/hong-kong/offer/301417?src=todm

【酒店優惠】銀色聖誕至筍酒店優惠

2015-11-17T10:00:00.000+08:00

【銀色聖誕至筍酒店優惠】

臨近年尾，大家要清假期，最好就係去旅行！女仔最鍾意去日本韓國Shopping，咁依個優惠就啱晒大家喇！由即日起至2015年12月18日，凡透過 Hotels.com 訂購日本及韓國指定之酒店，即享高達40%優惠！

酒店優惠: 40% off 低至6折

適用目的地: (日本：東京, 大阪, 京都, 神戶, 沖繩) (韓國：首爾, 釜山, 濟洲島)

訂購日期: Now ~ 18th Dec, 2015

出發日期: 9th Nov ~ 31st March, 2016

訂購連結: http://zh.hotels.com/

全球最大酒店集團將誕生：萬豪122億收購喜達屋

2015-11-16T20:05:00.000+08:00

全球最大酒店集團將誕生：萬豪122億收購喜達屋

華爾街見聞 2015/11/16 19:26

萬豪國際11月116日宣布，將斥資122億美元收購喜達屋酒店及度假村。攝：Andrew Kelly/REUTERS

萬豪國際 (Marriott International) 將支付122億美元收購喜達屋，打造全球最大的酒店運營商。此前報導稱，錦江、海航和中投等三家公司競標收購喜達屋。

萬豪國際集團是一家跨國酒店管理公司，在納斯達克上市。酒店集團由J. Willard Marriott創立，公司現由總裁兼首席執行官Arne Sorenson領導，業務在美國境內外超過80個地區，管理逾4000家酒店，共69萬間客房。總部位於美國華盛頓特區，員工15萬人。

華爾街見聞網站此前提到，另一全球酒店巨頭凱悅和不少中資企業也有意收購喜達屋 (Starwood)。此前《華爾街日報》援引知情人士稱，包括錦江國際、海航集團和中投公司在內，至少有三家大型中資企業向國家提交報告欲競購喜達屋集團。

知情人士們表示，過去兩個月中，這些公司分別向中國政府提交了競購意向書。考慮到此次收購的潛在規模，中國政府希望只有一家中資企業去競價，以免在競購過程中互相提價。
過去幾個月中，喜達屋一直在對收購流程進行戰略性評估，並且聆聽了來自全球各地企業的收購提議，知悉相關流程的人士表示。

喜達屋旗下擁有喜來登 (Sheraton)、威斯汀 (Westin)、瑞吉 (St Regis) 等酒店品牌，在全球擁有超過1200座房屋的產權。今年4月，喜達屋董事會暗示，由於擔心發展速度落後於競爭對手，對被收購持開放態度。

========================================================================
估唔到Marriott咁有錢......講緊係122億，美金！
今次真係酒店界嘅歷史，B小姐都曾經在其中一間Starwood旗下的酒店任職過，都幾鍾意依個品牌。唔知Starwood會唔會改名呢？

【有關Starwood歷史】：喜達屋酒店及度假村國際集團是世界最大的酒店集團之一，於1980年成立，1998年更名為現有名稱。集團總部設於美國紐約，旗下包括九個酒店品牌，在全球皆有直營據點與品牌授權經營，共95個國家擁有超過1000間酒店及度假村。

新加坡航空公司「6星級優質服務」

2015-11-12T17:52:00.000+08:00

前幾個月去新加坡，順道探望一位住在新加坡的朋友，聽他分享星航(新加坡航空)Singapore Airlines的成功之道。星航一向出名服務好、舒服，但係好在哪裡呢？親身感受過就會明白。

我朋友說：「星航的空姐有年齡要求，只會請20-25歲的，一超齡就會調佢去其他崗位工作；所有飛機機齡都係5年內；空服人員一定要笑容好，EQ高。」其實唔單止係星航，新加坡政府都要求市民所有嘅車齡都唔可以超過5年，盡量將碳排放減到最低。如果超過5年，就要賣左架車買新車，舊車會被賣去其他亞洲國家。

星航空姐出名EQ高，舉個例子，朋友說他曾經在飛機上看到一名空姐不小心倒瀉杯水落一位男乘客身上，那名乘客大發雷霆，無論空姐怎樣道歉都無用。最後主管要求該名空姐跪低向佢道歉，仲幫男乘客洗乾淨件西裝外套，第二朝送返去男乘客入住的酒店。聽完我都嘩嘩聲，其實佢地冇必要咁做，只係倒瀉杯水......同埋個空姐都唔係有心嘅，但係星航又真係做到依種質素嘅服務，真心令人佩服。難怪佢越做越好，成為最受歡迎嘅亞洲航空公司，已經聽過唔只一個人話星航好坐。

今日在facebook上看到這篇讚賞文，再次回憶起朋友說的故事，所以想同大家分享。做得好嘅值得廣傳，希望其他航空公司都可以效法，令航空事業更上一層樓。(利申: 小妹搭過一次，覺得架機幾新淨，空姐服務唔錯，同埋RQ seafood meal條魚好好味，杯白酒好好飲。如果有機會都想再坐)

分享完畢，謝謝觀看。
明天出發去台南3日，回來再發文。Bye Bye~

有關「飛行里數免費Upgrade」的懶人包

2015-11-02T11:55:00.002+08:00

因為工作關係，經常遇到客人問有關「飛行里數」upgrade的問題，每次聽到都覺得好頭暈，咁多間公司，真係好難記得晒邊間訂咩Class的Econ位可Upgrade做Business。

雖然我地沒有責任為客人查詢及處理 有關「用飛行里數 Upgrade Business」的問題，除非客人有俾服務費我地幫佢做。但由於太多人會多口問，而這絕對是一門非常高深的學問，去年我把心一橫一次過將有關資料整理好，希望這個懶人包可以幫大家更快搵到答案 (例如要訂咩Econ Class可以upgrade到Business)。**資料只供參考，一切以航空公司官網公佈為準**

亞洲萬里通 Aisa Miles

官網

http://www.asiamiles.com/am/zh/homepage

有關馬可孛羅會 MARCOPOLO CLUB

https://www.cathaypacific.com/cx/zh_HK/frequent-flyers/about-the-club.html

[國泰/港龍咩class可以儲分?]

When you fly in eligible fare classes with Cathay Pacific or Dragonair	You can earn Club miles and Club sectors (% of actual miles or sectors flown)
First Class F, A	150% or 1.5
Business Class C, J, D, I	125% or 1.25
Premium Economy Class W, R, E	110% or 1.1
Economy Class Y, B, H, K, M, L, V	100% or 1

MARCOPOLO 馬可孛羅會會員指南 (國泰/港龍咩Class可以upgrade?)

http://downloads.cathaypacific.com/mpo/mpoguide_tc.pdf

飛行常客禮遇 [咩class可以儲分?]
(國泰航空 / 港龍航空, 柏林航空, 美國航空, 英國航空, 芬蘭航空, 西班牙國家航空, 日本航空, 智利國家航空, 馬來西亞航空, 澳洲航空, 卡塔爾航空, 皇家約旦航空, S7航空, 斯里蘭卡航空, 巴西天馬航空, 全美航空, 曼谷航空, 斐濟航空)
http://www.cathaypacific.com/cx/zh_HK/travel-information/oneworld/frequent-flyer-benefits.html

***************************************************

星空聯盟 Star Alliance

官網

http://www.staralliance.com/hk/

(亞德里亞航空, 愛琴航空公司, 加拿大航空, 中國國際航空, 印度航空, 新西蘭航空, 韓亞航空, 奧地利航空, 哥倫比亞, 深圳航空公司, 克羅埃西亞航空, 埃及航空, 衣索比亞航空營運執行長, 長榮航空, 波蘭航空, 漢莎航空, 北歐航空, 深圳航空公司, 新加坡航空, 葡萄牙航空, 瑞士國際航空公司, 葡萄牙航空, 泰國航空, 土耳其航空, 聯合航空)

Earn & Redeem 賺取里數的實用小提示

http://www.staralliance.com/hk/benefits/earn-and-redeem/

How To Upgrade 星空聯盟升級獎勵 (可以睇到各航空公司的upgrade要求及所需預訂的Class)

http://www.staralliance.com/hk/benefits/earn-and-redeem/how-to-upgrade/

Eligible Booking Class for Economy Class to Business Class Upgrade

http://www.singaporeair.com/en_UK/ppsclub-krisflyer/redeem-airpartners/RedeemMiles_Star/

Participating Carriers	Eligible Booking Class for Economy Class to Business Class Upgrade	Eligible Booking Class for Business Class to First Class Upgrade
Air China	Y, B	C, D
Air Canada	Y, B	N.A.
Air New Zealand	Y, B	N.A.
All Nippon Airways*	Y, B, E	C, D, J, Z
AsianaAirlines	Y, B	C, D
Austrian	Y, B	N.A.
Brussels Airlines	Y, B	N.A.
Continental Airlines	Y, B	N.A.
LOT Polish Airways	Y, B	N.A.
Lufthansa	Y, B	C, D, J
Scandinavian Airlines	S,Y,B	N.A.
SWISS	Y, B, H, M	C, D, Z
TAM Airlines	Y, B	C,D
TAP Portugal	Y, B	N.A.
Thai Airways	Y, B	C, D
Turkish Airlines	Y, B	C, D
United Airlines	Y, B	C, D, J
US Airways	Y, B	N.A.

*Star Alliance Upgrade Award redemptions are not available for All Nippon Airways domestic routes.

***************************************************

#其他聯盟 / 其他航空公司的積分計劃#

天合聯盟 SKYTEAM

https://www.skyteam.com

(我們的會員: 俄羅斯國際航空公司, 阿根廷航空公司, 墨西哥航空公司, 西班牙歐洲航空公司, 法國航空公司, 義大利航空公司, 中華航空公司, 中國東方航空公司, 中國南方航空公司, 捷克航空公司, 達美航空公司, 印尼鷹航空公司, 肯亞航空公司, 荷蘭皇家航空公司, 韓國大韓航空公司, 黎巴嫩中東航空公司 (MEA), 沙烏地阿拉伯航空公司, 羅馬尼亞航空公司, 越南航空公司, 廈門航空公司)

阿聯酋航空 Emirates - Skywards

http://www.emirates.com/hk/chinese/skywards-br/skywards-br.aspx

仲有好多不能盡錄，基本上各Airline都會有佢地自己的會員系統，不過以上兩間比較大的「飛行里數」公司與Airline組成聯盟，令到在不同Airline儲的積分可以集合埋一齊用嚟換機票或upgrade機票 / upgrade會藉等。如有錯誤請更正。

AABB Happy Travel。遊世界

重出江湖喇!!!💪🏻💪🏻💪🏻

【台南住宿推薦】民宿篇

【台南住宿推薦】酒店篇

【台南．景點】觀夕平台－欣賞超靚夕陽

【台南．景點】永康彩繪眷村(復興老兵文化園區)

【台南．景點】安平老街 漫步走

【酒店優惠】Hotels.com 新年手機優惠碼優惠

【台南．美食】洪瑞珍、同記安平豆花、Cold Stone炒雪糕

【台南．美食】依蕾特布丁

【台南．美食】清代牛肉麵

【台南．美食】卧虎藏龍美味小店「小豆豆」

【台南．美食】「花園夜市」全台最人氣夜市！

【優惠】Hotel Club 訂酒店額外八五折

灣仔新開「聰嫂」星級甜品店

【行程篇】台南三天兩夜之旅行程表

【優惠】Microsoft Store 冬日狂賞! 送旅遊現金券高達$1,000

【台南．住宿】HOTEL COZZI 和逸．台南西門館

今次真係復活喇！

【酒店優惠】澳門威尼斯人 - 8折住宿優惠

澳門購物之旅 - 8折住宿優惠

【機票優惠】泰國航空明年3月18日前出發，香港來回曼谷/布吉只需$1070起 (優惠至11月21日)

泰國節優惠 由香港至泰國

【新航線】香港直航喀比 (香港航空)

【酒店優惠】銀色聖誕至筍酒店優惠

全球最大酒店集團將誕生：萬豪122億收購喜達屋

新加坡航空公司「6星級優質服務」

有關「飛行里數免費Upgrade」的懶人包

【台南．景點】安平老街漫步走

泰國節優惠由香港至泰國