SPORTS IN BONGO

SEKRETARIETI YA TFF YAMPELEKA MICHAEL WAMBURA KAMATI YA MAADILI

aboodmsuni@gmail.com (Aboodmsuni) — Wed, 14 Mar 2018 16:17:00 +0300

Kamati ya maadili ya Shirikisho la Mpira wa Miguu Tanzania TFF inakutana leo Jumatano Machi 14,2018 pamoja na mambo mengine kamati hiyo itajadili suala la Makamu wa Rais wa TFF Michael Richard Wambura aliyefikishwa kwenye kamati hiyo kwa masuala ya kimaadili.

Shauri hilo la Wambura limefikishwa kwenye kamati ya Maadili na Sekretarieti ya TFF baada ya Kamati ya Ukaguzi kukutana na kupitia mambo mbalimbali ya ukaguzi na suala hilo la Wambura kuonekana linatakiwa kufika kwenye Kamati ya Maadili.

Kamati ya Maadili imepokea malalamiko yanayomuhusu Wambura ikiwa ni uvunjifu wa kanuni za Maadili Tolea la 2013 na Katiba ya TFF kama ilivyorekebishwa mwaka 2015.

Wito huo umemtaka Wambura kufika mbele ya Kamati ya Maadili baadaye leo na ana hiyari ya kufika kutoa utetezi huo kwa njia ya mdomo,kutuma kwa maandishi,kuleta mashahidi au kutuma muwakilishi akiambatana na barua ya uwakilishi.

Makosa anayoshtakiwa Wambura ni

1.Kupokea/Kuchukuwa fedha za Shirikisho (TFF) za malipo ambayo hayakuwa halali ikiwa ni kinyume na kifungu cha 73(1) cha kanui za Maadili za TFF Toleo la 2013

2.Kughushi barua ya kueleza alipwe malipo ya Kampuni ya JEKC SYSTEM LIMITED huku akijua malipo hayo sio halali ikiwa ni kinyume na kifungu cha 73(7) cha Kanuni za Maadili za TFF Toleo la 2013

3.Kufanya Vitendo vinavyoshusha hadhi ya Shirikisho ikiwa ni kinyume na Ibara ya 50(1) ya Katiba ya TFF (Kama ilivyorekebishwa 2015)

NINJE AKABIDHIWA NGORONGORO HEROES

aboodmsuni@gmail.com (Aboodmsuni) — Wed, 14 Mar 2018 16:12:00 +0300

Kocha Ammy Ninje ameteuliwa kuwa Kocha wa muda wa Timu ya Taifa ya Tanzania ya Vijana chini ya miaka 20(Ngorongoro Heroes)

Ninje atakiongoza kikosi hicho kwakuwa Kim Poulsen na Oscar Mirambo wamebaki na majukumu na kikosi cha Timu ya Taifa chini ya miaka 16 Serengeti Boys kinachojiandaa na mashindano ya Cecafa yatakayoanza Aprili 1-15,2018 nchini Burundi.

Kocha Ninje atakiongoza kikosi cha Ngorongoro Heroes kuanzia kwenye mechi zake za Kirafiki za Kimataifa dhidi ya Morocco Machi 17,2018,dhidi ya Msumbuji Machi 21,2018 na mchezo wa kufuzu fainali za Africa kwa Vijana chini ya miaka 20 dhidi ya DR Congo zote zikichezwa Uwanja wa Taifa.

Mshindi kati ya Tanzania na DR Congo atakwenda kucheza na Mali katika raundi ya pili itakayochezwa mwezi Mei.

Awali Ninje alikuwa kocha msaidizi wa Timu ya Taifa ya wakubwa Taifa Stars ambapo pia alikuwa kocha mkuu wa Kilimanjaro Stars kwenye mashindano ya Kombe la Chalenji yaliyofanyika nchini Kenya.

YANGA WATUA SALAMA GABORONE, LWANDAMINA ANENA

aboodmsuni@gmail.com (Aboodmsuni) — Tue, 13 Mar 2018 18:52:00 +0300

Mabingwa watetezi wa ligi kuu ya vodacom Tanzania Bara, Yanga wamewasili salama jijini Gaborone, Botswana hii leo saa tisa alasiri kwa ajili ya mchezo wa marejeano wa klabu bingwa Afrika dhidi ya Township Rollers jumamosi machi 17 mwaka huu.

Yanga SC wamepokelewa na wapinzani wao Township Rollers katika uwanja wa ndege wa kimataifa wa Sir Seretse Khama. Katika mcheao huo wa marejeano Yanga SC wanahitaji ushindi wa tofauti ya magoli mawili ili wafuzu hatua ya makundi.

Akizungumza na mtandao wa rollersfc.com kocha wa yanga George Lwandamina amesema kuwa hana uhakika na ubora wa miundombinu ya vifaa vya mazoezi, na vile vile amesema kuwa wamekuja na mipango yao na kukiri Rollers walikuwa vizuri katika mchezo wa kwanza.

“Don’t think we have come here to acclimatise, it is all about flight connections, we have better traveling access to Botswana, so we made early travel arrangements. We do not even know if the training facilities infrastructure is good here, so we will assess things over the next couple of days since we have not had an advance party that had come before,” Lwandamina said

“Rollers are a good side that plays organized football. I know Botswana football; my brother played here, the team I saw in the first leg was very organized. But we are planning our own game, in football you always have plans… were are now talking about the second half of the game; I don’t call this second leg, it’s like half time, we are playing the second 45 minutes of the game,” Lwandamina said.

KAGERA SUGAR WAICHAPA MWADUI NA KUSOGEA MPAKA NAFASI YA 12

aboodmsuni@gmail.com (Aboodmsuni) — Tue, 13 Mar 2018 18:31:00 +0300

Mabingwa wa zamani wa kombe la Tusker Kagera Sugar wameendelea kujikongoja kukwepa kushuka daraja baada ya leo kufanikiwa kushinda goli 1-0 na kupelekea kupanda mpaka nafasi ya 12 katika msimamo wa ligi kuu ya vodacom wakifkisha pointi 21.

Vijana hao wa kocha Mecky Mexime hii leo walikuwa weneyeji wa Mwadui FC katika mchezo wa mzunguko wa 22 wa ligi kuu ya vodacom uliochezwa katika uwanja wa Kaitaba, mkoani Kagera.

Goli pekee la Kagera Sugar katika mchezo huo lilifungwa na Japhet Makarai katika dakika 26 ya mchezo.

MSIMAMO WA LIGI KUU BAADA YA MCHEZO HUO WA LEO

NGORONGORO KUWAKABILI MOROCCO WIKIEND HII, STARS KUELEKEA ALGERIA

aboodmsuni@gmail.com (Aboodmsuni) — Tue, 13 Mar 2018 18:18:00 +0300

Timu ya Taifa ya Vijana wenye umri chini ya miaka 20 (Ngorongoro Heroes) inatarajiwa kucheza michezo miwili ya kirafiki ya kimataifa dhidi ya Morocco na Msumbuji kabla ya kuwavaa DR Congo katika mchezo wa kuwania kufuzu kwa Fainali za Mataifa Afrika kwa Vijana (AFCON U20).
Ngorogoro Heroes itacheza na timu ya Taifa ya Vijana ya Morocco Jumamosi Machi 17, 2018 na dhidi ya timu ya Taifa ya Vijana Msumbiji Jumatano Machi 21, 2018 michezo yote ikichezwa katika uwanja wa Taifa jijini Dar es salaam.

Mchezo wa kuwania kufuzu kwa fainali za AFCON U20, Ngorogoro Heroes itacheza dhidi ya DR Congo Machi 31 katika uwanja wa Taifa na mchezo wa marudiano kufanyika baada ya wiki mbili jijini Kinshansha Congo DR.

Ngorongoro Heroes imeingia kambini katika Hoteli ya Ndege Beach iliyopo Mbweni ambapo inajiandaa na michezo hiyo miwili ya kirafiki na mchezo wa kuwania kufuzu kwa Fainali za Vijana Afrika wenye umri chini ya miaka 20.

Wakati huo Taifa Stars inatarajiwa kucheza michezo miwili ya kirafiki katika kalenda ya FIFA inayoanza Machi 19 – 27, 2018 dhidi ya timu za Taifa za Algeria na DR Congo.

Stars itasafiri kuelekea jijini Algiers kucheza mchezo wa kirafiki dhidi ya wenyeji Algeria Machi 22, 2018 na baada ya mchezo huo dhidi ya Algeria, Taifa Stars itarejea nyumbani kucheza mchezo wa kirafiki dhidi ya Congo DR Machi 27, 208 kwenye Uwanja wa Taifa jijini Dar es salaam.

TWIGA STARS WAINGIA KAMBINI KUJIANDAA KUWAVAA ZAMBIA

aboodmsuni@gmail.com (Aboodmsuni) — Tue, 13 Mar 2018 18:13:00 +0300

Timu ya Taifa ya Wanawake (Twiga Stars) imeingia kambini katika Hostel za Makao Makuu ya Jeshi la kujenga Taifa (JKT Mlalakuwa) kujiandaa na mchezo wa kuwania kufuzu kwa Fainali za Mataifa Afrika kwa Wanawake AFCON 2018 nchini Ghana.

Twiga Stars itacheza dhidi ya Zambia (She Polopolo) Aprili 4, 2018 uwanja wa Taifa jijini Dar es salaam na marudiano kufanyika April 8, 2018 jijini Lusaka nchini Zambia.

Mshindi wa jumla kwa raundi hii atacheza na mshindi kati ya Namibia v Zimbabwe mwezi Mei, na atakayeibuka mshindi atafuzu moja kwa moja kwa Fainali hizo za Wanawake Afrika.

SERENGETI WAJIAANDA NA CECAFA, U13 KWENDA UBELGIJI

aboodmsuni@gmail.com (Aboodmsuni) — Tue, 13 Mar 2018 16:16:00 +0300

Timu ya Taifa chini ya miaka 16 Serengeti Boys inaendelea kujiandaa na mashindano ya CECAFA kwa vijana yatakayofanyika Burundi.

Kikosi hicho kipo kambini kwenye hostel za Shirikisho la Mpira wa Miguu Tanzania TFF,Karume-Ilala,Dar es Salaam.

Mashindano hayo ya CECAFA kwa Vijana yataanza April 1 mpaka April 15 huko Burundi.

Wakati huo huo timu ya Taifa ya Vijana wenye umri chini ya miaka 13 (U13) inatarajiwa kushiriki michuano ya vijana itakayozikutanisha timu za vijana za nchi zaidi ya 10 kutoka mataifa mbalimbali yatakayofanyika nchini Ubelgiji mwezi Agosti, 2018.

TFF inaandaa utaratibu sahihi wa kupata kikosi cha timu ya Taifa kwa vijana wenye umri huo ili kuweza kujiandaa na michuano hiyo ya vijana.

Kwa kuanzia kutachezwa mechi kati ya vijana wenye umri chini ya miaka 13 kutoka Tanzania Bara dhidi ya vijana wa Zanzibar katika siku za hivi karibuni ili kutoa nafasi kwa waalimu kuchaguwa wachezaji wenye vipaji watakaounda kikosi hicho cha U13.

KOMBE LA TFF KUENDELEA MWISHONI MWA MWEZI

aboodmsuni@gmail.com (Aboodmsuni) — Tue, 13 Mar 2018 16:02:00 +0300

Robo Fainali ya michuano ya Kombe la Shirikisho (Azam Sports Federation Cup) inatarajiwa kuchezwa mwishoni mwa mwezi Machi katika viwanja vinne tofauti nchini.

Ijumaa Machi 30, 2018 kutakuwa na mchezo mmoja katika uwanja wa Kambarage mjini Shinyanga, ambapo wenyeji Stand United watawakaribisha Njombe Mji saa 10:00 jioni.

Machi 31, 2018 kutakuwa na michezo miwili, Tanzania Prisons watakuwa wenyeji wa JKT Tanzania saa 8:00 mchana Uwanja wa Sokoine jijini Mbeya, huku saa 2:00 usiku Azam FC watakua wenyeji wa Mtibwa Sugar katika uwanja wa Azam Complex, Dar es salaam.

Jumapili Aprili Mosi, 2018 kutakuwa na mchezo mmoja, Singida United watakuwa wenyeji wa Young Africans katika uwanja wa Namfua mjini Singida Aprili Mosi, 2018 mchezo utakaonza saa 10:00 jioni.

KIUNGO WA YANGA MCHEZAJI BORA FEBRUARY

aboodmsuni@gmail.com (Aboodmsuni) — Tue, 13 Mar 2018 15:56:00 +0300

Kiungo wa timu ya Yanga, Papy Tshishimbi Kabamba amechaguliwa kuwa mchezaji bora wa Ligi Kuu ya Vodacom (VPL) kwa mwezi Februari 2018. Tshishimbi ametwaa nafasi hiyo baada ya kuwashinda wenzake wawili alioingia nao katika kinyang’anyiro kwa mwezi Februari, katika uchambuzi uliofanywa na Kamati ya Tuzo iliyokutana Dar es Salaam wiki hii. Kiungo huyo

YANGA YAICHAPA STAND UNITED, YAIKAMATA SIMBA SC

aboodmsuni@gmail.com (Aboodmsuni) — Mon, 12 Mar 2018 19:14:00 +0300

Mabingwa watetezi wa ligi kuu ya vodacom Tanzania Bara Yanga wamefanikiwa kuwafikia Simba SC, baada ya leo kuibuka na ushindi wa goli 3-1 mbele ya Stand united katika muendelezo wa michezo ya ligi kuu ya vodacom/

Yanga SC leo walikuwa wanacheza mchezo wao wa 21 wa ligi kuu ya vodacom, ambapo baada ya kushinda wamefikisha pointi 46 sawa na Sima SC waliocheza michezo 20 ya ligi kuu ya vodacom.

Katika mchezo huo wa leo Yanga walianza kuandika goli la kwanza kupitia kwa Yusuph Mhilu katika dakika ya 6, kabla ya Ibrahim Ajibu kutumia vyema pasi ya Naka Edward kwa kuiandikia yanga goli la pili katika dakika ya 12.

Mabingwa hao wa ligi kuu Tanzania Bara walikwenda mapumziko wakiwa mbele kwa goli 2-0.

Katika dakiak ya 84 Stand united walifanikiwa kuandika goli la kufutia machozi kupitia kwa Tariq Seif kabla ya Obrey Chirwa kuindika Yanga Sc goli la tatu katika dakika ya 86.

MSIMAMO WA LIGI KUU YA VODACOM BAADA YA MCHEZO WA LEO

WATOEKA BENCHI WAIOKOA AZAM FC

aboodmsuni@gmail.com (Aboodmsuni) — Sun, 11 Mar 2018 21:32:00 +0300

Mabingwa wa Afrika mashariki na kati Azam FC hii leo wamefanikiwa kuibuka na ushndi wa goli 2-1 katika mchezo wa ligi kuu ya vodacom uliochezwa katika uwanja wa Azam Complex.

Katika mchezo huo wa mzunguko wa 22, ulishuhudia Azam FC na Mbao FC zikienda mapumziko wakiwa sare ya bila kufungana huku Azam FC wakipoteza nafasi kadhaa za kujipatia goli.

Katika kipinfi cha pili kila timu ilijaribu kutengeneza nafasi, na Azam Fc kuwa wa mwanzo kutumia nafasi katika dakika ya 63 kujiandikia goli la kuongoza kupitia kwa Iddi Kipagwile aliyeingia kuchukuwa nafasi ya Joseph Mahundi katika dakika ya 62.

Wakati Mbao wakijuilza nini kilicho wa kumba walijikuta wanaruhusu goli la pili katika dakika ya 72 kupitia kwa mtokea benchi Bernad Arthur aliyeingia katika dakika ya 60 kuchukuwa nafasi ya Shaban Iddi, akimalizia kazi nzuri ya Salum Abubakari "Sure Boy".

Wakati Mwadini Ally akiamini na leo atatoka bila ya javu zake kuguswa baada ya kufanya hivyo katika michezo miwili iliyopita, alijikuta anaruhusu nyavu zake kuguswa katika dakika ya 90, mfungaji akiwa Emanuel Mvuyekure, na kupelekea mchezo kumalizika kwa Azam FC kushinda goli 2-1.

Matokeo hayo ya leo yanaifanya Azam FC kusogea mpaka nafasi ya pili wakiwa na pointi 44, na kuishusha yanga ambayo wanataraji kucheza hapo kesho dhidi ya Stand United.

MSIMAMO WA LIGI KUU BAADA YA MECHI ZA LEO

MTIBWA SUGAR WACHAPWA, MAJIMAJI WAKITOA SARE

aboodmsuni@gmail.com (Aboodmsuni) — Sun, 11 Mar 2018 18:59:00 +0300

Wakata miwa wa Manungu Mtibwa Sugar leo wamekubali kichapo cha goli 2-1 toka kwa Tanzania Prisons wakati Majimaji FC inayo buluza mkia wakiambulia sare ya bila kufungana toka kwa Lipuli katika mwendelezo wa ligi kuu yavodacom Tanzania Bara.

Katika uwanja wa Sokoine mkoani Mbeya, Tanzania Prisons hii leo walikuwa wenyeji wa Mtibwa sugar ambapo hadi wanakwenda mapumziko matokeo yalikuwa yanasomeka goli 1-1.

Mtibwa Sugar ndio walikuwa wa mwanzo kupata goli kwa mkwaju wa penati uliopigwa na Stamili Mbonde katika dakika ya 32, wakati Tanzania Prisons wakisawazisha goli hilo katika dakika za mwisho wa kipindi cha kwanza kupitia kwa Salum kimenya.

Katika kipindi cha pili Prisons walifanikiwa kufunga goli la pili katika dakika ya 49 kupitia kwa Salum Kimenya na kuipa Prisons ushindi wa goli 2-1.

MATOKEO MENGINE YA MICHEZO YA LEO VPL

MAJIMAJI FC 0-0 LIPULI FC
SINGIDA UNITED 0-0 NDANDA FC
RUVU SHOOTING 2-2 MBEYA CITY

YANAGA YAICHAPA 3 KAGERA, WABAKISHA 3 KUIKAMATA SIMBA SC

aboodmsuni@gmail.com (Aboodmsuni) — Fri, 9 Mar 2018 19:51:00 +0300

Mabingwa watetezi wa ligi kuu ya vodacom Yanga wameendelea kuifukuza Simba SC katika mbio za ubingwa baada ya leo kufanikiwa kupunguza tofauti ya pointi kutoka 6 mpaka kufikia 3, kufuatia kuwafunga Kagera Sugar goli 3-0.

Katika mchezo huo wa ligi kuu ya vodacom uliochezwa katika uwanja wa Taifa, ulishuhudia timu zikienda mapumziko wakiwa sare ya bila kufungana.

Baada ya dakika takribani 700 mshambuliaji wa Yanga aliyesajiliwa msimu huu akitokea Simba SC Ibrahim Ajib alifanikiwa kupata goli hii leo likiwa ni goli la kwanza kwa Yanga SC katika dakika ya 53 kwa mkwaju wa penati.

Yanga waliandika goli la pili katika dakika ya 77 kupitia kwa Yusuph Mhilu na goli la tatu likifungwa na Juma Shemvuni katika dakika ya 88 ya mchezo na kupeleka mchezo kumalzika kwa yanga kushinda goli 3-0.

Ushinfi huu leo kwa Yanga SC umaifanya Yanga SC kufikisha pointi 43 baada ya kucheza michezo 20 sawa na Simba SC wenye pointi 46, huku Azam FC iliyocheza michezo 21 ikiwa ya tatu na point 42.

Kwa upande wa Kagera sugar wanao nolewa na kocha Mecky Mexime hali imeendele kuwa mbay kwa wakiabikwa na point zao 18 wakiwa katika nafasi ya 14 baada ya kucheza michezo 21.

SIMBA YAINGIZA MIL 43 WAKATI YANGA AKIINGIZA MIL 28.8

aboodmsuni@gmail.com (Aboodmsuni) — Fri, 9 Mar 2018 17:36:00 +0300

Mchezo wa Kombe la Shirikisho Barani Africa uliozikutanisha Simba ya Tanzania na Al Masry ya Misri uliochezwa Jumatano Machi 7,2018 kwenye Uwanja wa Taifa umeingiza jumla ya shilingi Milioni Themanini na Tano Elfu Arobaini na Tano(85,045,000).

Mchezo huo uliingiza mashabiki Elfu Kumi na Nne Mia Saba Tisini na Nane(14,798).
VIP A waliingia Watazamaji 250 kwa kiingilio cha Shilingi 20,000 na kupatikana jumla ya shilingi 5,000,000,VIP B na C waliingia Watazamaji 557 kwa kiingilio cha shilingi 15,000 ikapatikana jumla ya shilingi 8,355,000,majukwa ya rangi ya Machungwa,Bluu na Kijani waliingia Watazamaji 13,644 kwa kiingilio ncha shilingi 5,000 imepatikana jumla ya shilingi 68,220,000

Mgawanyo wa mapato
VAT    12,972,966.10
Selcom 5,017,655.00
TFF        3,352,718.94
Uwanja 10,058,156.83
Simba   43,585,346.28
Gharama za mchezo 6,034,894.10
BMT 670,543.79
CAF   3,352,718.94

Na mchezo wa Ligi ya Mabingwa Barani Africa kati ya Young Africans ya Tanzania na Township Rollers ya Botswana uliochezwa Jumanne Machi 6,2018 kwenye Uwanja wa Taifa umeingiza jumla ya shilingi Milioni Hamsini na Sita laki mbili na elfu arobaini na tano(56,245,000).

Mchezo huo uliingiza mashabiki Elfu Tisa Mia Tisa Sitini na Moja(9,961) .
VIP A waliingia Watazamaji Tisini na Tisa(99) kwa kiingilio cha Shilingi 20,000 na kupatikana jumla ya shilingi 1,980,000,VIP B na C waliingia Watazamaji 991 kwa kiingilio cha shilingi 10,000 ikapatikana jumla ya shilingi 9,910,000,majukwa ya rangi ya Machungwa,Bluu na Kijani waliingia Watazamaji 8,871 kwa kiingilio ncha shilingi 5,000 imepatikana jumla ya shilingi 44,355,000

Mgawanyo wa mapato
VAT 8,579,745.76
Selcom 3,318,455.00
TFF        2,217,339.96
Uwanja 6,652,019.89
Young Africans   28,825,419.50
Gharama za mchezo 3,991,211.93
BMT 443,467.99
CAF   2,217,339.96

AZAM WAISHUHSA YANGA, MAJIMAJI HALI MBAYA

aboodmsuni@gmail.com (Aboodmsuni) — Thu, 8 Mar 2018 21:48:00 +0300

Mabingwa wa kombe la mapinduzi Azam FC hii leo wamefanikiwa kuwashusha yanga sc katika msimamo wa ligi kuu ya vodacom kutoka katika nafasi ya pili mpaka ya tatu baada ya kuifunga Mwadui FC goli 1-0 katika mchezo uliochezwa leo usiku katika uwanja wa Azam Complex.

Katika mchezo huo wa leo kama safu ya ushambuliaji ya Azam Fc ingekuwa makini ingetoka na magoli yasiyopunguwa matatu, ambapo walipoteza nafasi hizo kupitia kwa washambuliaji Benard Arthur alieingia kipindi cha pili na Yahya Zaydi.

Katika mchezo huo ulioshuhudia Mbaraka Yusuph akitolewa katika dakika ya 24 baada ya kuumia na nafasi yake ikachukuliwa na Shaban Iddi, Azam FC waliuwanza mchezo kwa kasi na kama Yahya Zayd angekuwa makini angeiandikia Azam Fc goli katika dakika ya 3 ya mchezo baada ya kupoteza nafasi ya wazi.

Yahya Zaydi mchezaji pekee toka Azam FC aliyejumuishwa katika kikosi cha Taifa stars kitakacho cheza na Algeria, aliandika Azam FC goli la kwanza katika dakika ya 5 ya mchezo akitumia vyema makosa ya safu ya ulinzi ya Mwadui FC goli liliodumu dakika zote za mchezo na kuwafanya Azam FC kuibuka na ushindi wa goli 1-0.

Katika mchezo mwingine wa ligi kuu ya vodacom uliochezwa katika uwanja Majimaji mkoani Ruvuma umeshuhuda Majimaji wakiendelea kuwa katika hali mbaya baada ya kupoteza kwa kufungwa goli 1-0 na Ndanda FC.

Goli hilo la Ndanda FC lilifungwa na John George na kuwafanya Ndanda FC kufikisha pointi 21 na kuwaacha Majimaji wakiendelea kubuluza mkia.

Na katika uwanja wa Samora mkoani Iringa Lipuli FC imeendelea kukimbia hatari ya kushuka daraja baada ya kuichapa Njombe Mji goli 2-1. Goli za Lipuli zikifungwa na Jerome Lambele na Adam Salamba huku goli la Njombe Mji likifungwa na David Obash.

MATOKEO YA MICHEZO YA LEO VPL

Stand United 0-0 Tanzania Prisons
Lipuli 2-1 Njombe Mji
Majimaji 0-1 Ndanda SC
Azam FC 1-0 Mwadui FC

MCHEZO WA KESHO VPL

Yanga SC Vs Kagera Sugar

YANGA KUJIULIZA KWA KAGERA SUGAR KESHO

aboodmsuni@gmail.com (Aboodmsuni) — Thu, 8 Mar 2018 17:21:00 +0300

Mabingwa wa ligi kuu ya Tanzania Bara Yanga SC kesho watashuka katika uwanja wa Taifa jijini Dar es salaam kuikabili Kagera Sugar katika muendelezo wa michezo ya ligi kuu ya Tanzania bara inayo dhaminiwa na Vodacom.

Yanga SC katika mchezo huo wa kesho anaitaji ushindi ili kuendelea kuifukuzia Simba SC katika mbio za ubingwa wa ligi.

Akizungumza na waandishi wa habari Afisa Habari wa Yanga Dismas Teni amesema kuwa maandalizi ya mchezo huo wa kesho yako teyari na amewataka mashabiki kujitokeza kwa wingi kuipa sapoti timu yao.

"Kwa ujumla matayarisho ya mchezo wa kesho yamekamilika, ni mechi ya nyumbani na tunahitaji kupata matokeo, nawaomba mashabiki wajitokeze kwa wingi kuja kuisapoti timu, shabiki wa kweli ni yule anayekuja uwanjani kuitazama timu yake" amesema Teni.

Endapo Yanga SC wakishinda kesho atakuwa amepunguza wigo wa pointi baina yake na Simba SC kutoka pointi 6 hadi kufikia pointi 3.

Kagera sugar katika msimu huu wamekuwa na msimu mbaya kwani kwa sasa yupo katika nafasi ya 14 wakiwa na pointi 18 wakiwa wamecheza michezo 20.

Endapo Kagera Sugar akishinda kesho atajisogeza mpaka katika nafasi 11 akiwa na point 21.

NGORONGORO KUJIPIMA NA MOROCCO DAR

aboodmsuni@gmail.com (Aboodmsuni) — Thu, 8 Mar 2018 16:30:00 +0300

Timu ya Taifa ya Tanzania chini ya miaka 20 (Ngorongoro Heroes) wanatarajia kucheza mchezo wa kirafiki wa kimataifa na Morocco ,mchezo utakaochezwa Machi 17, 2018 kwenye Uwanja wa Taifa Dar es Salaam.

Mchezo huo ni wa kujiandaa na mchezo wa kuitafuta tiketi ya kucheza fainali za Africa kwa Vijana dhidi ya DR Congo utakaochezswa Machi 31, 2018.

Morocco wanatarajia kutua Tanzania Machi 14,2018 ikiwa na msafara wa watu 31 wanaojumuisha wachezaji 23 na viongozi 8 wa benchi la ufundi.

Mchezo huo utachezwa saa 10 jioni.

Wakati huo huo Kikosi cha timu ya Taifa chini ya miaka 20(Ngorongoro Heroes) kimeingia kambini kujiandaa na mchezo wake wa raundi ya kwanza ya kuitafuta tiketi ya kucheza fainali za vijana za Africa dhidi ya Congo mchezo utakaochezwa Machi 31, 2018 kwenye Uwanja wa Taifa.

Kikosi kilichoingia kambini makao Makuu ya Shirikisho la Mpira wa Miguu Tanzania (TFF) Machi 6, 2018 ni wachezaji 40 ambao watapunguzwa na kubaki wachezaji 30 baada ya kumalizika wiki ya kwanza ya mazoezi.

Kikosi kilichoingia kambini

1.Ramadhan Kabwili(Young Africans)
2.Abutwarib Mshedi(Mtibwa)
3.Johny Kwiyenda(Makongo)
4.Ally Salim (Simba)
5.Kibwana Ally Shomari(Mtibwa)
6.Ally Hussein Msengi(Mbao)
7.Enrick Vitalis Nkosi(African Lyon)
8.Dikson Job(Mtibwa)
9.Assad Juma(Singida United)
10.Said Mussa Bakary(Young Africans)
11.Ally Ng’anzi(Singida United)
12.Kelvin Nashin Naftal(JKT Tanzania)
13.Shaban Ada(Lipuli)
14.Issa makamba(Singida United)
15.Mohamed Rashid(Singida United)
16.Marko Gerald(JMK)
17.Syprian Mtesigwa(Dodoma FC)
18.Muhsin Makame(Njombe Mji)
19.Yohana Mkomola(Young Africans)
20.Ibrahim Abdallah (Miembeni City)
21.Abdul Suleiman(Ndanda)
22.Nickson Kibabage(Njombe Mji)
23.Mussa Najimu(Changanyikeni)
24.Maziku Aman(Makongo)
25.Hamis Mustafa(Ndanda)
26.Samson Myati(Toto Africans)
27.Said Mohamed(Azam FC)
28.Ayoub Mohamed(Young Africans)
29.Mohamed Mussa(Azam FC)
30.Emanuel Myati(Tz Prisons)
31.Riffat Hamis(Mtibwa)
32.Oscar Masai(Azam FC)
33.Paul Peter(Azam FC)
34.Vitalis Mayanga(African Lyon)
35.Rajab Mohamed(Azam FC)
36.Pontia Ohonya
37.Maka Anthony(Young Africans)
38.Israel Mwenda(Alliance)
39.Hance Msonga(Alliance)
40.Moses Kitandu(Simba)

23 WAITWA KUWAVAA ALGERIA

aboodmsuni@gmail.com (Aboodmsuni) — Thu, 8 Mar 2018 12:14:00 +0300

Kocha mkuu wa timu ya Taifa ya soka ya Tanzania Taifa Stars Salum Mayanga hii leo ametangaza kikosi cha wachezaji 23 kitakocho cheza michezo miwili ya kirafiki mwishoni mwa mwezi huu.

Taifa stars wanataraji kucheza na Algeria machi 22, mchezo utakao chezwa nchini Algeriia, kisha kuja nchini kucheza na DR Congo machi 27.

Mechi zote hizo mbili zipo katika kalendaya shirikisho la soka duniani FIFA, na hiyo ndio inakuwa michezo ya kwanza kwa Taifa stars kucheza tangu mwaka huu uanze.

Wachezaji walio itwa ni Makipa Aisha Aishi manula,Abulrahman Mohammed,Ramadhani Kabwili, mabeki ni Shomari Kapombe,Hassan Kessy,Gadiel Michael,Kelvin Yondani,Abdi banda na Erasto Nyoni.

Viungo ni Hamis Abdallah, Mudathir Yahya, Said Ndemla,Faisal Salum, Abdulazizi Makame, Farid Mussa, Thomas Ulimwengu, Ibrahim Ajibu, Shiza Kichuya na Mohammed Issa na washambuliaji ni Mbwana Samata, Saimon Msuva, John Bocco na Yahya Zayd.

SINGIDA WALAZIMISHA SARE, MBAO WAKICHAPWA SOKOINE

aboodmsuni@gmail.com (Aboodmsuni) — Wed, 7 Mar 2018 22:34:00 +0300

Goli la Kennedy Juma katika dakika ya 74 limeiokoa Singida United kutoka kupoteza mchezo mbele ya Ruvu shooting katika mchezo wa ligi kuu ya vodacom uliochezwa katika uwanja wa Namfua mkoani Singida.

Katika mchezo huo, Ruvu shooting waliandika goli lao la kwanza dakika ya 7 kupitia kwa Issa Kanduru na kupelekea mchezo kwenda mapumzikoRuvu shooting wakiwa mbele kwa goli 1-0.

Singida United walikuja kusawazisha goli hilo katika dakika ya 74 kupitita kwa Kennedy na kupelekea mchezo kumalizika kwa sare ya goli 1-1.

Katika mchezo mwingine wa ligi kuu uliochezwa hii leo umeshuhundi Mbao FC wakiendelea kudidimia baada ya leo kukubali kipigo cha goli 2-1 toka kwa Mbeya City mchezo uliochezwa katika uwanja wa Sokoine mkoani Mbeya.

Magoli ya Mbeya city katika mchezo huo yalifungwa na John Kabanda dakika ya 0 na Eliud Ambokile dakika ya 48 kwa mkwaju wa penati huku la Mbao FC likifungwa na Herbert Lukindo katika dakika ya 63.

AL-MASRY WAAMBULIA SARE KWA SIMBA, PENATI TATU ZAPIGWA

aboodmsuni@gmail.com (Aboodmsuni) — Wed, 7 Mar 2018 22:06:00 +0300

Mchezo wa kombe la shirikisho barani Afrika kati ya Simba SC na Al-masri ya Misri umemealizika kwa sare ya goli 2-2, huku kukishihudia kutolewa kwa penati 3 na mchezo kusimama baada ya taa kuzimika.

Katika mchezo huo uliochezeshwa na mwamuzi Hando Helpus akisaidiwa na Zakjele Thusi na Athenkosi Ndongeni wote kutoka Afrika Kusini, ulibidi usimame latika dakika ya 84 baada ya taa za uwanja wa Taifa kuzimika, na ulisimama kwa takribani dakika 30 kabla ya ku,alizia dakika 6 zilizo kuwa zimesalia.

Simba SC walikuwa wa kwanza kupata goli kwa mkwaju wa penati uliopigwa na John Bocco katika dakika ya 9 ya mchezo, penati hiyo ilitokana na mchezaji wa Al-masry kuushika mpira katika eneo la hatari.

Katika dakika 11 ya mchezo Al-masri walisawazisha goli hilo kupitia kwa Ahmed Goma aliounga krosi kutoka upande wa kushoto wa uwanja.

Iliwachukuwa dakika 15 Al-masry kuziona nyavu za Aish Manula kwa mkwaju wa penati uliopigwa na Ahmed Abdalraof, penati iliyotokana na James Kotei kuushika mpira katika eneo la hatari na kupeleka timu hizo kwenda mapumziko Al-masry wakiwa mbele kwa goli 2-1.

Kipindi cha pili Simba SC walifanya mabadiliko ya kumtoa Yusufu Mlipili na nafasi yake ikachukuliwa na Said Ndemla katika dakika ya 71, huku John Bocco akimpisha Laudit Mavugo katika dakika ya 61.

Mabadiliko hayo yaliimarisha Simba SC katika eneo la kati na kupelekea kupeleka mashambulizi ambapo katika dakika ya 73 walipata penati na Emanuel Okwi kuifungia Simba SC goli la pili.

Wakati Simba SC wakizidisha mashambulizi ya kusaka goli la tatu, katika dakika ya 83 umeme ukazimika uwanja wa taifa huku mvua kubwa ikiwa inanywesha kitendo kilichopelekea baadhi ya mashabiki kudhani huenda mchezo ukashindwa kumalizika hii leo.

Baada ya dakika takribani 30 mchezo uliendelea na kumalizika kwa sare ya goli 2-2 na kuifanya Simba SC kuhitaji ushindi waina yoyote ule ama sare ya kuanzia goli 3-3 ili wa weze kufuzu kwa hatua ya mwisho kabla ya hatua ya makundi.

Kikosi cha Simba SC; Aishi Manula, Nicholas Gyan, Asante Kwasi, James Kotei, Yusufu Mlipili/Said Ndemla dk71, Erasto Nyoni, Jonas Mkude, Shomari Kapombe, Emmanuel Okwi, Shiza Kichuya na John Bocco/Laudit Mavugo dk61.

MAYANGA KUZUNGUMZA NA WAANDISHI KESHO

aboodmsuni@gmail.com (Aboodmsuni) — Wed, 7 Mar 2018 21:31:00 +0300

Kocha wa Timu ya Taifa ya Tanzania Salum Mayanga Alhamis Machi 8, 2018 saa 4 asubuhi atazungumza na Waandishi wa Habari za Michezo kwenye Makao Makuu ya Shirikisho la Mpira wa Miguu Tanzania TFF,Karume,Ilala,Dar es Salaam.

Pamoja na mambo mengine kocha Mayanga pia atazungumzia kuhusu michezo ya kirafiki ya kimataifa dhidi ya Algeria na DR Congo itakayochezwa mwezi huu kwenye tarehe za kalenda ya FIFA.

Mechi dhidi ya Algeria itachezwa nchini Algeria Machi 22, 2018 na ile dhidi ya DR Congo itachezwa Machi 27, 2018 kwenye Uwanja wa Taifa Dar es Salaam.

RAIS WA TFF NDUGU KARIA ATUMA SALAMU ZA POLE CYPRUS

aboodmsuni@gmail.com (Aboodmsuni) — Wed, 7 Mar 2018 21:28:00 +0300

Rais wa Shirikisho la Mpira wa Miguu Tanzania TFF Ndugu Wallace Karia ametuma salamu za pole kwa Chama cha Mpira wa Miguu Cyprus kufuatia kufariki kwa aliyekuwa Rais wa FA Costakis Koutsokoumnis.

Rais wa TFF Ndugu Karia amesema amepokea taarifa hizo kwa masikitiko makubwa kwa kumpoteza mmoja wa viongozi wakongwe wa mpira wa Miguu.

“ Koutsokoumnis alikuwa muhimiri mkubwa kwa soka la Cyprus na amefariki katika wakati ambao Cyprus na mpira kiujumla ulikuwa unamuhitaji,nimesikitishwa na kifo chake na ninatoa pole kwa familia yake,FA ya Cyprus,FIFA na familia ya soka kwa ujumla” Alisema Rais wa TFF Ndugu Karia.

Mpaka mauti yanamkuta Koutsokoumnis alikuwa ndio Rais wa FA ya Cyprus na amekuwa kwenye kamati mbalimbali za FIFA akiwa Makamu Mwenyekiti na alianza kutumikia soka la Cyprus tokea mwaka 1990.

Amewahi kuwa Makamu wa Rais wa FA ya Cyprus kabla ya kuchaguliwa kuwa Rais wa FA hiyo mwaka 2001 nafasi aliyoitumikia mpaka mauti yanamkuta.

Koutsokoumnis amefariki Machi 5, 2018 akiwa na miaka 61 baada ya miezi kadhaa ya kupigana kupona ugonjwa wa kansa uliokuwa unamsumbua

YANGA WACHAPWA NA WABOTSWANA

aboodmsuni@gmail.com (Aboodmsuni) — Tue, 6 Mar 2018 21:52:00 +0300

Mabingwa wa ligi kuu ya Tanzania bara Yanga SC wamejiweka katika mazingira magumu ya kuingia katika hatua ya makundi ya klabu bingwa Afrika baada ya leo kupitea kwa goli 2-1 mbele ya Township Rollers ya Botswana.

Yanga ili wapite katika hatua hii, ns kutings katika hatua ya makundi wanahitaji kushinda mchezo wa marejeano goli 2-0, mchezo utakaochezwa wiki ijayo jijini Gaborone, Botswana.

Katika mchezo wa leo uliochezwa katika uwanja wa Taifa, jijini Dar es salaam ulishuhudia wageni Township Rollers wakiwa wa mwanzo kupata goli kupitia kwa Lemponye Tshireletso katika dakika ya 11, akifunga kwa shuti la umbali wa mita 20.

Alikuwa Obrey Chirwa aliyeisawazishia yanga katika dakika ya 30 akimalzia pasi ya kiungo Papy Kabamba Tshishimbi, na kupelekea mchezo kwenda mapumziko wakiwa sare ya goli 1-1.

Kipindi cha pili Yanga SC waliingia kwa dhamira ya kusaka goli la pili, ambapo walijaribu kutengeneza nafasi kadhaa ambazo walishindwa kuzitumia, kabla ya Motsholetsi Sikele kuifungia Township goli la pili katika dakika ya 83 na kupelekea mchezo kumalizika kwa Yanga kufungwa goli 2-1.

Kikosi cha Yanga SC kilikuwa; Ramadhani Kabwili, Hassan Kessy, Gardiel Michael, Said Juma ‘Makapu’, Kelvin Yondani, Papy Kabamba Tshishimbi, Pius Buswita, Pato Ngonyani, Ibrahim Ajib/Juma Mahadhi dk68, Obrey Chirwa na Emmanuel Martin/Geoffrey Mwashiuya dk64.

Township Rollers; Keeagile Kgosipula, Maano Ditshupo, Mosha Gaolaolwe, Simisani Mathumo, Tshepo Motlhabankwe, Kaone Vanderwesthuisen, Motsholetsi Sikele, Lemponye Tshireletso, Segolame Boy, Mthokozisi Msomi/Ivan Ntege dk44 na Joel Mogorosi.

KOCHA WA ROLLERS TUPO TEYARI

aboodmsuni@gmail.com (Aboodmsuni) — Mon, 5 Mar 2018 16:40:00 +0300

Kocha wa Township Rollers ya Botswana Nikola Kavazonic amesema kuwa watazama michezo minne ya yanga ambayo anaimani itampa kile alichokuja kukipata hapa nchini Tanzania apo kesho katika uwanja wa Taifa jijini Dar es salaam.

Kavazovic amesema kuwa analijua vilivyo soka la Afrika, na anekuwa akilifuatilia vizuri, na timu yake iko vizuri kwa mapambano hapo kesho katika mchezo wa klabu bingwa Afrika.

Township Rollers inacheza na yanga kesho ikitokea kuitoka El-merrekh katika mchezo wa raundi iliyo pita.

Wakati huo huo katibu mkuu wa Yanga Boniface Mkwasa amesema kuwa mchezo wa kesho ni mchezo mkubwa na ushindani na mshindi anaingia moja kwa moja hatua ya makundi ambapo ndipo kwenye hela.

"Hii ni mechi kubwa na ya ushindani, mshindi anakwenda kwenye hatua za makundi. Kama mnavyofahamu hatua ya makundi wanasema ni ‘money zone’ ni eneo ambalo timu inapoingia kuna kuwa hakuna figisu za kutokuwa na pesa.”

“Kufuzu hatua hii kutaleta mafanikio kwenye klabu kwa hiyo kila timu inapambana kufika pale ili kujaribu kupunguza japo gharama za maandalizi kwa sababu mashindano haya yanatumia gharama kubwa sana. Sisi tuna nia ya dhati kabisa kufanya vizuri na tumejipanga.” alisema Mkwasa

Mbio za Tigo Kili Half Marathon zafana mjini Moshi, mkoani Kilimanjaro

aboodmsuni@gmail.com (Aboodmsuni) — Mon, 5 Mar 2018 11:46:00 +0300

Mshindi wa kwanza wa mashindano ya Tigo Kili Half Marathon upande wa wanaume, Gefrey Kipchumba kutoka Kenya akimaliza mbio kwa kutumia saa 1:03 kwenye uwanja wa ushirika mjini Moshi jana.

Mshindi wa kwanza wa mashindano ya Tigo Kili Half Marathoni upande wa wanawake, Grace Kimanzi kutoka Kenya akimaliza mbio kwa kutumia saa 1:13kwenye uwanja wa ushirika mjini Moshi jana

Washiriki wa mashindano ya Tigo Kili Half Marathoni wakiwa katika mashindano hayo mapema jana Mjini Moshi

Babu Joram Mollel katikati akiwa na wafanyakazi wa kampuni ya Tigo, pamoja na Mkurugenzi wao Simon Karikari kwa pamoja na kauli mbiu yao TUMETISHA KAMA BABU.

Mkurugenzi Mkuu wa Tigo Tanzania, Simon Karikari akiwa na mzee Joram Mollel maarufu kama BABU, mara baada ya kumaliza mbio za kilomita 21 zijulikanazo kama Tigo Kili Half Marathon mapema jana.

Mshindi wa upande wa wanawake mashindano ya kilomita 21 Tigo Kili Half Marathon toka Kenya Grace Kimanzi (katikati) akiwa na washindi wa pili toka Tanzania Fainuna Abdi na mshindi wa tatu, Pouline Nkehenya toka Kenya, wakinyanyua mfano wa Hundi juu mara baada ya kutangazwa kushinda mbio hizo. Kushoto ni waziri wa Habari, Utamaduni na Michezo Dkt. Harrison Mwakyembe na Mkurugenzi Mkuu wa Tigo Tanzania, Simon Karikari mapema jana.

Waziri wa Habari, Utamaduni na Michezo, Dkt. Harrison Mwakyembe kulia na Mkurugenzi Mkuu wa Tigo TaKarikari Simon Karikari wakimkabidhi mfano wa hundi kwa mshindi wa kwanza wa mbio za Tigo Kili Half Marathon wanaume, Gefrey Kipchumba toka Kenya leo kwenye viwanja vya Chuo cha Ushirika mjini Moshi.