Одлуката ја донела комисија во состав: професор Мирко Вујисиќ, професор Тони Васиќ и Имер Бајрами.

Во пропишаниот рок на конкурсот, во Министерството за култура пристигнале уште 3 пријави на НУ Национална галерија на Македонија за проектот „Мирисот на лебот“ од авторот Нехат Беќири, на Музејот на град Скопје за проектот „А-Reaction“ од авторката Марија Павловска и самостојниот проект „Че биде“ од авторот Игор Јосифов. Од Министерството велат дека при увидот во пријавите, Комисијата утврдила дека проектот на НУ Национална галерија на Македонија не ги исполнува условите пропишани во конкурсот и токму затоа проектот на Нехат Беќири не бил земен предвид во натамошниот процес на разгледување и одлучување.

За преостанатите три проекти Комисијата констатирала дека се одликуваат со високи уметнички карактеристики, дека се професионално конципирани и ги одразуваат квалитативните параметри нотирани во конкурсот. Сепак, со особено внимание комисијата го издвоила проектот на авторката Нада Прља, кој, според тематската одреденица и методологијата во уметничкиот пристап низ неконвенционалните методи, е актуелен и интернационално референтен проект во културениот контекст и во однос на темата на биеналето.

„Комисијата, исто така, ги зеде предвид и квалитетите и искуството на авторката со учество и изведба на дела со сличен контекст, кои се многубројни и имаат освоено награди и признанија на меѓународната сцена. Истовремено, комисијата изрази уверување дека и соработниците што се вклучени во реализацијата на проектот, во однос на уметничката критика и стручност, имаат големо интернационално искуство, особено во претходните учества на оваа манифестација“, велат од Министерството за култура.

Венециското биенале оваа година ќе се реализира во периодот од 9 мај до 24 ноември. Куратор на годинашното издание на биеналето е Ралф Ругоф, кој ја утврди и генералната тема на манифестацијата: „Може да живееш во интересни времиња“. За претставувањето на проектот на Музејот на современата уметност, Министерството за култура издвои 4.000.000,00 денари.

The post „Субверзија во црвено“ ќе ја претставува Македонија на ликовната изложба во Венеција appeared first on Aktuelno24.com.mk.

На програмата се неговите моќни дела: Увертира за именден оп. 115, Хорска фантазија за пијано, хор и оркестар оп. 80, каде што како солист ќе се претстави македонската истакната пијанистка Нина Костова-Јаневска, како и Симфонијата бр. 2 во Де-дур.

Учество ќе земат и хорот „Драган Шуплевски“ од Факултетот за музичка уметност, како и професионалниот хор „Проарс“ и солистите: Јаворка Витанова и Мартина Нанеска – сопрани, Бојана Јованова – алт, Јане Дунимаглоски и Шинаси Рамадан – тенори и Мартин Блажевски – бас.

Музичкиот Прометеј, Лудвиг ван Бетовен (1770–1827), германскиот композитор што ќе ги направи најхрабрите чекори во музиката, особено во сонатно-симфониската форма, се смета за првиот европски романтичар. Биографите запишале: „Бах го усовршил постојното. Моцарт е најсјајниот момент во историјата на музиката. А Бетовен е моќта! Човекот што успеал да ја удави сопствената судбина“.

Бидејќи бил глув, и самиот знаел да каже дека за неговата професија тоа е најстрашното нешто што можело да му се случи. Но, се победил самиот себеси и формирал сопствена филозофија на животот, која ќе стане инспиративна основа на целокупното негово творештво. За неговиот композиторски стил се карактеристични афористички куси, пластични тематски јадра, од кои органски расте целокупниот материјал. Зад себе оставил најмоќен музички опус во музичката историја: девет симфонии, од кои пет се вбројуваат меѓу 12-те најдобри во историјата, пет ненадминливи клавирски концерти, Концерт за виолина и оркестар, 16 гудачки квартети, 32 сонати за пијано (форма што ќе ја доведе до совршенство), две миси, десет увертири, десет сонати за виолина и пијано, пет сонати за виолончело и пијано, една опера…

The post Македонската филхармонија со концерт посветен на Бетовен appeared first on Aktuelno24.com.mk.

Ова е едно од најпопуларните и најизведувани дела на сите светски сцени по музика на Петар Илич Чајковски.

„Овој балет е ултимативна новогодишно-божикна бајка – мириса на снег, карамела и на цимет. Обоен е во црвено, златно и во бело. Веројатно затоа на публиката никогаш не ѝ е доста од ‘Оревокршачка’ пред и по Нова година, и тоа секоја година“, се вели во најавата за претставата.

Во улогата на Клара настапуваат: Марија Кичевска-Шокаровска (30.1) и Мими Поп Алексова-Атанасовска (2.2), Принц е Бобан Ковачевски, Мала Клара е Бојана Арсовска, истакнати солисти, солисти, целиот балетски ансамбл и ученици од ДМБУЦ – балетски оддел, придружени од оркестарот на Македонската опера и балет. Диригент е Бисера Чадловска.

The post „Оревокршачка“ в среда и в сабота во МОБ appeared first on Aktuelno24.com.mk.

Во форма на прашања и одговори, книгата упатува и одговара речиси на сите прашања покренати од будизмот во текот на изминативе 2500 години. „Книгата може да се смета како општ преглед на будистичките проучувања на Џао Пучу, која на читателите лаици им дава правилен вовед во будизмот, додека пак на научниците има дава инспирација и насоки за навлегување во подлабоко проучување на будизмот. Таа, исто така, на луѓето на коишто кинескиот не им е мајчин јазик, а сакаат да учат за будизмот, особено за кинескиот будизам, им дава сеопфатен преглед“ – пишува Џао Тонг, преведувачот на англиското издание на книгата, во својата белешка на почетокот на книгата во која ги објаснува специфичностите и тешкотиите на преводот на ова дело.

„Основите на будизмот: прашања и одговори“ е плод на долгогодишното проучување на будизмот од страна на Џао Пучу, кој е еден од најголемите експерти за будизмот во Кина. Книгата содржи пет поглавја: Буда и потеклото на будизмот, Суштината на буда дхама и будистичката канонска литература, Сангхата и следбениците на Буда, Подемот, падот и воскреснувањето на будизмот во Индија и Ширењето, развојот и еволуцијата на будизмот во Кина.

Повеќето будистички термини во оваа книга се дадени и на оригиналниот пали јазик и во превод. Некои будистички термини во оригиналниот кинески текст се дадени или на пали или санскрит, но овде, во ова издание, по избор на авторот, се дадени само на пали. Причината за оваа промена е поради тоа што будистичките текстови се појавиле најпрвин на пали, а подоцна на санскрит. Пали јазикот најмногу се користел во државата Магадха во древна Индија, каде што Буда најдолго го проповедал своето учење и некои научници веруваат дека Буда учел на пали јазик. Во времето на царот Ашока (III век пр. н.е.), високопочитуваниот Махинда од својот татко, царот Ашока, бил испратен во Шри Ланка во улога на мисионер, и оттаму ја донесол усната пали Трипитака. Таа подоцна, во I век пред нашата ера, била запишан во пали записот Синхала и е зачувана и се изучува до ден-денес. Оваа пали Трипитака е зачувана непроменета во текот на сите овие 2000 години и претставува најкомплетното, најсистематското и најстарото будистичко канонско богатство во светот. Во текстот се користат двете кратенки: с. (санскрит) и п. (пали).

На крајот на книгата е објавен додаток со будистички термини на пали, македонски и на инески јазик.

The post Објавена книгата „Основите на будизмот“ од Џао Пучу appeared first on Aktuelno24.com.mk.

Посетителоте се туркаат за да стигнат до примерок од книгата, која се продава на неколку пунктви. Откако најомилените јутјубери во Македонија, GP и Stefonator, го објавија видеото „Нашата книга“ на своите „Јутјуб“ канали, информацијата за тоа дека овие момци напишале книга за „Просветно дело“ молскавично одекна насекаде.

Нивното видео достигна над 70.000 прегледи за само 4 дена, а интересот за книгата е толку голем што од издавачката куќа „Просветно дело“ изјавија дека пристигнуваат побарувања секојдневно од сите градови во Македонија.

,,Книгата ја посветивме на сите што веруваа во нас”, изјавија јутјуберите.

The post (Видео) Турканици вo МКЦ за книгата на јутјуберите Џипи и Стефонатор appeared first on Aktuelno24.com.mk.

Покрај улогите во 50-тина претстави на репертоарот на МНТ Славко Нинов ќе остане запаметен по извонредните интерпретации на стихови од македонските поети Петре М. Андреевски, Анте Поповски, Гане Тодоровски, Кочо Рацин, Блаже Конески, како и на делото „За македонцките работи“ од Крсте Петков Мисирков. Неговиот глас ја пренесуваше возбудата од стиховите на бројни странски поети кои учествуваа на Струшките вечери на поезијата, а често беше присутен и на промоциите на делата од македонските автори. Тој беше и еден од основоположниците на културната манифестација „Поетска ноќ во Велестово“.

Првите улоги на сцената на Македонски народен театар Славко Нинов ги остварува во 1965 година во претставите „Дон Цезар од Базан“, „Македонска крвава свадба“, а потоа настапува и во „Ревизор“ (1966), „Случајот во Виши“, „Време од вашиот живот“, „Антигона“, „Сенка“ (1967). Во селективната театрографија ќе ги спомнеме и претставите „Мајка“ (1968), „Печалбари“, „Играта на наредникот Мазгрејв“ (1969), „Венецијанскиот трговец“ (1970), „Херкул и оборите на Авгиј“ (1971), „Животот на Галилеј“ (1972), „Ѕидот водата“, „Деца на сонцето“ (1973), „Потоп“ (1974), „Хемиските потписи на човечките организми во воздухот“ (1975), „Отепвачка“ (1976), „Студенти“ (1977), „Суд“ (1978), „Кенгурски скок“, „Лов на диви пајки“ (1979), „Автобиографија“, „Реферат“, „Беседа“, „Круг“, „Кандид“ (1980), „Молскавици“ (1981), „Граѓанинот благородник“ (1982), „Макавејските празници“ (1983), „Големиот брилијантен валцер“ (1986).
Покрај актерските улоги Нинов направил адаптација на претставата „Македонски монолог“ (1979), а ги преведувал текстовите за претставите „Зора на истокот“ (1991) и „Мартолозот“ (1992).

Учествувал во снимањето на филмовите „Ветар во кутиче кибрит“ (1970) и „Вител“ (1972). Учествуваше и во снимањето на познатата телевизиска серија „Волшебното самарче“ (1975). До крајот на својот живот остана посветен на правилната и вознесена интерпретација на стиховите од македонските поети.

Посмртните останки на Славко Нинов ќе бидат изложени во капелата на гробиштата Бутел на 26 јануари, во 12 часот, а погребот ќе биде во 13 часот.

Македонскиот народен театар сочувствува со болката и ја почитува желбата на семејството последното патување на актерот да не се одбележи со комеморација, што впрочем и беше желба на секогаш скромниот Славко Нинов.Вечна му слава!, соопшти МНТ.

The post Почина актерот Славко Нинов appeared first on Aktuelno24.com.mk.

Во чест на заслужниот македонски уметник беше прикажан неговиот најнаградуван филм „Пред дождот“, кој го освои „Златниот лав“ на Филмскиот фестивал во Венеција, беше номиниран за „Оскар“ и освои уште 30 меѓународни награди, а „Њујорк тајмс“ го вброи во 1 000 најдобри филмови на сите времиња.

Проекцијата на овој класик беше распродадена, а авторот поздравен со неколкуминутен аплауз.

Раководството на фестивалот му подготви пријатно изненадување на Манчевски поканувајќи го на сцената за време на свеченото затворање на фестивалот за да му ја врачат наградата.

„Ме поканија да го одбележиме нивниот 30-годишен јубилеј со ‘Пред дождот’. Мислев дека одам во Италија на разговор со публиката и на добра паста, ама организаторите ми спремиле изненадување со наградата”, рече Манчевски.

The post Манчевски ја доби наградата Eastern star на филмскиот фестивал во Италија appeared first on Aktuelno24.com.mk.

Отворањето на изложбата ќе биде проследено со предавањето „Старата фотографија како инспирација во моите дела“, за време на кое Јанкулоски, директор на Македонскиот центар за фотографија, еминентен познавач на делото на браќата Манаки и актуелен декан на Катедрата за визуелни уметности при Универзитетот за аудиовизуелни уметности ЕСРА во Скопје, ќе направи ретроспектива на неговото дело и ќе говори за старата фотографија како инспирација во неговата работа.

Изложбата ќе биде отворена до 19 февруари во излогот и во просториите на Францускиот институт во Скопје.

Македонскиот визуелен уметник Роберт Јанкулоски е роден во 1969 година во Прилеп. Дипломирал на Факултетот за драмски уметности во Скопје, на Катедрата за камера. Тој има богато искуство, особено во доменот на старата фотографија, која му служи како инспирација за голем дел од неговите фотографии и дела. Во 2016 година фотографски дела на браќата Манаки во контекст на Првата светска војна беа изложени во Меморијалниот музеј на Каен, Франција. Фотографските дела на браќата Манаки, првите кинематографи на Балканот, ги има изложувано и во САД, Белгија, Турција, како и низ повеќе културни институции во Македонија. Јанкулоски е познат по неговата неуморна работа врз дигитализирањето и обработката на стаклените плочи што се чуваат во Подрачното одделение на Државниот архив на Македонија во Битола, по неговото успешно заживување на фотографското наследство на браќата Манаки и возобнувањето на подзаборавените спомени од
битолскиот регион и Македонскиот фронт, од почетокот на дваесеттиот век. Седумнаесет фотографии од браќата Манаки се постојано изложени во Меморијалниот комплекс на Француските воени гробишта во Битола. Има реализирано бројни самостојни изложби во земјава и странство: Турција,
Србија, Црна Гора, Франција, Бугарија, Австрија, а добитник е и на повеќе награди.
Работел и како директор на фотографија на повеќе краткометражни и документарни филмови, а во 2017 година го реализира долгометражниот документарен филм „Манаки, приказна во слики“.
Во 2018 година, овој уметник беше одликуван од страна на амбасадорот на Франција со орденот витез од Редот на уметностите за неговиот придонес во збогатувањето на македонско-француските односи на полето на културата. Основач е на Македонскиот центар за фотографија во 2000 година, а во моментов е професор и декан на Факултетот за филмски уметности на Универзитетот за
аудиовизуелни уметности – ЕФТА Париз-Скопје-Њујорк во Скопје.

The post Изложба на фотографии „Париски перспективи“ на Роберт Јанкулоски appeared first on Aktuelno24.com.mk.

Фестивалот е организиран со поддршка на Град Скопје. Замислен е како зона на концентрирана култура. Програмата опфаќа повеќе настани од различни културни домени во текот на трите фестивалски денови, со што ги пресекува нивниот творечкиот простор и нивната публика. Целосната програма е достапна на сајтот на Бегемот, како и на фејсбук-настанот за фестивалот. Влезот на сите настани е слободен.

The post Почнува фестивалот ArtArea 2 во Скопје appeared first on Aktuelno24.com.mk.

Се работи за детска бајка чиј автор,Т.А.Хофман, дејствието го поврзал со празнувањето на големите празници. Врз основа на бајката, Мариус Петипа го пишува либретото, а музиката ја компонирала Петар Илич Чајковски.

„Ова е едно од најпопуларните и најизведувани дела на сите светски сцени. Се надеваме на радост на нашата најмлада публика, иако претставата е приемчива и за останатите возрасти. Овој балет е ултимативна новогодишно-божиќна бајка – мириса на снег, карамела и на цимет. Обоен е со црвено, златно и со бело. Веројатно затоа на публиката никогаш не ѝ е доста од ‘Оревокршачка’ пред и по Нова година, секоја година“, велат од МОБ.

Во улогата на Клара настапуваат: Марија Кичевска Шокаровска (30.1) и Мими Поп Алексова-Атанасовска (02.2), Принц е Бобан Ковачевски, Мала Клара е Бојана Арсовска, истакнати солисти, солисти, целиот балетски ансамбл и ученици од ДМБУЦ – балетски оддел, придружени од оркестарот на Македонска опера и балет.

Диригент е Бисера Чадловска.

The post „Оревокршачка“ со две изведби во МОБ appeared first on Aktuelno24.com.mk.