அஞ்சான்

இதுதான் காந்தி கண்ட சுதந்திரமோ ?

noreply@blogger.com (ஏகலைவன்) — Sun, 15 Aug 2010 01:42:00 +0000

ஒரு பெண் இரவில் சென்று பாதுகாப்பாக என்று திரும்பி வருகிறாரோ அன்றுதான் உண்மையான சுதந்திரம் என்று தேசத் தந்தை காந்தி சொன்னதாக கேட்டிருக்கிறேன்... கீழே உள்ள காணொலிக்காட்சியை பாருங்கள்.....

சாதியக் கணக்கெடுப்பு சரிதானா?

noreply@blogger.com (ஏகலைவன்) — Sun, 15 Aug 2010 00:49:00 +0000

காங்கிரஸ்,பாஜக உள்ளிட்ட பெரும்பான்மைக்கட்சிகள் சாதி வாரியக் கணக்கெடுப்பு நடத்த ஒப்புதல் தந்துள்ளது. நாடாளுமன்றத்தில் லல்லு பிரசாத் யாதவ்,சரத் யாதவ் போன்ற வட இந்திய தலைவர்கள் பெரும் கிளர்ச்சி செய்த்ததால் காங்கிரஸ் அறை மனதோடு ஒப்புதல் கொடுத்துள்ளது. இந்திய மக்கள் தொகை கணக்கெடுப்பு நடத்துகின்ற இத்தருணத்தில் இக்கணக்கெடுப்பு நடத்த அழுத்தம் கொடுத்ததை மத்திய அரசு ஏற்றுக் கொள்ளவில்லை.

தமிழகத்தில் பாமக நிறுவனர் டாக்டர் இராமதாஸ்,திராவிடர் கழக வீரமணி போன்ற அமைப்புகள் இக்கோரிக்கைக்கு ஆதரவு தெரிவித்து இயக்கமும் நடத்தியது.

இந்துத்துவ அமைப்புகள் இதற்கு எதிர்ப்பு தெரிவித்த தமிழகத்தில் தினமலர் போன்ற இதழ்கள் இவ்வெதிற்ப்புக்கு தூபம் போடவும் செய்த்து.

1931ம் ஆண்டில் வெள்ளையன் ஆதிகத்தில் இருந்த போதே கடைசியாக சாதிவாரியான கணக்கெடுப்பு நடத்தியது.பிறகு நட்த்தப்படவே இல்லை.

இந்தியாவில் சமூக அமைப்பு சாதியால் கட்டப்பட்டுள்ளது. இதில் அந்தஸ்து,புனிதம்,கௌரவம் எல்லாம் அடங்கி இருக்கிறது.

பணம் சொத்து இருந்தாலும் சாதி இழிவை நீர்த்துப் போகவைக்கவில்லை. தாழ்த்தப்பட்ட மக்களுக்கு கல்வி மற்றும் வேலையில் இட ஒதுக்கீடு சட்ட பூர்வமாக கொடுக்கப்பட்டு இருந்தாலும், இன்று வரை பல துறைகளில் அமுல்படுத்தப்படவே இல்லை.

மண்டல் குழு அறிக்கை காங்கிரஸ்,பாஜக கட்சிகள் எதிர்த்து வந்த போதிலும் முன்னாள் பிரத மந்திரி கொடுத்த வாக்குறுதியின் பேரில் எதிர்ப்புகளை மீறி பிற்படுத்தப்பட்ட மக்களுக்கு இட ஒதுக்கீடு அமுல் படுத்தினார். அதுவும் முதலில் கல்வியில் மட்டுமே நடைமுறைக்கு வந்தது.

சாதியின் பெயரால் மறுக்கப்பட்ட உரிமைகளை பெறவேண்டும். அது சாதியின் பெயராலையே பெறப்பட வேண்டும். இதற்கு போதிய அடிப்படை ஆதாராங்கள், சாதிய கணக்கெடுப்பு விவரங்கள் இல்லாமலேயே இந்நாள் வரை ஆண்ட அரசுகள் உழைக்கும் மக்களை ஏமாற்றியே வந்திருக்கின்றன. அரசின் உயர்மட்டத்தில்/பதவியில் உள்ளவர்கள் பெரும்பாலும் வசதி படைத்த பார்ப்பனிய/பனியா போன்ற உயர் சாதியினர் கீழ்த்தட்டு மக்களை ஏமாற்றிக் கொண்டு வருகின்றனர். அண்ணல் அம்பேத்கர், தந்தைப் பெரியார் போன்றத் தலைவர்களின் போராட்டத்தினாலேயே இச்சலுகைகளே கிடைத்தது.

பார்ப்பனர்கள் சாதிய கணக்கெடுப்பு சாதியை ஊக்குவித்த்தாகிவிடும் என்ற கூற்றை பரப்பிவருகிறார்கள்.

சாதி இரண்டு பக்க கூறுகளை கொண்டதாக இருக்கிறது. ஒரு பக்கம் புனிதம் அதிக சலுகைகள் உயர் சாதியினர் மறுபக்கம் இழிவு அவர்கள் கொண்ட அத்துனை உரிமைகளும் மறுக்கப்பட்டவற்கள்..

புனிதத்தை கொண்ட சாதியினர்தான் சாதிகள் இல்லை என்று கூறி வருகின்றனர் அதுவும் அனைத்து உரிமைகளும் பெற்றுக் கொண்டே...

ஆனால் மலம் அள்ளுபவன், பறை அடிப்பவன், உழவுத்தொழில் செய்பவர்களுக்கு உள்ள அதிகாரங்கள் சலுகைகள் மிக மிக குறைவே சலுகைகள் புனிதங்கள் இல்லாதவையே...

இதையே அண்ணல் அம்பேத்கர் “ எல்லோரும் சாதி அமைப்பின் அடிமைகளாகத்தான் இருக்கிறார்கள். ஆனால் இந்த அடிமைகள் எல்லோரும் சம அந்தஸ்தில் சமமாக இருப்பதில்லை “ என்பார்.

சரி அடிமைகளை,சம அந்தஸ்தில் சமமாக இல்லாதவர்களை எப்படி அளவிடுவது?

சமுகத்தில் கல்வி,தொழில்,அந்தஸ்து ,பொருளாதார வாழ்க்கை அடிப்படையாக வைத்துக் கொண்டு கணக்கெடுப்பின் இயக்கத்தை நடத்தப்பட வேண்டும். இத்தகவல்கள் 2-3 சந்த்திக்காவது தகவல்கள் சேகரிக்கப்பட வேண்டும். இக்கணக்கெடுப்பு முடிந்தவுடன் அனைத்து அடிப்படை தகவல்களும் மக்கள் மன்றத்தில் வைக்கப்பட வேண்டும்.

அப்போதுகிடைக்காத விடைகளுக்கு பதில் கிடைத்துவிடும்..

ஆனால் இது நடக்குமா?

நடக்க விடுவார்களா?

கவர்ச்சி மட்டுமே கொண்ட செம்மொழி மாநாட்டு முடிவுகள்.

noreply@blogger.com (ஏகலைவன்) — Sun, 27 Jun 2010 14:55:00 +0000

அலங்கார அணிவகுப்பு, வண்ண விளக்குகள், கோட்டை கோபுர வடிவமைப்புகள் மேடைகளால் செம்மொழி மாநாடு முடிந்தது.

ஒரு நிதிஅறிக்கைப்போல இருக்கும் என முதல்வர் அறிவித்தார். சுப. வீரபாண்டியனைப் போல நானும் தொலைக்காட்சி பெட்டி முன்பு உட்கார்ந்திருந்தேன்.

நான் என் துனைவியாரிடம் சொன்ன தீர்மானங்கள் அறிவிப்பாக வந்தது.

அதாவது 5 தினைகள் பெயரில் பூங்காக்கள் அமைக்கப் போகிறார்கள். மணல் கொள்ளையைப் பற்றி பாலை பூங்காவில் கும்மி அடிக்கலாம்.

முக்கியம் என்னவென்றால் தமிழ்நாட்டில் தமிழ் இருக்கிறதா?

காங்கிரஸ்காரர் தங்கபாலு 10 கோரிக்கையை வைக்கும் அளவுக்கு தமிழக அரசியல் உள்ளது.

அண்டை மாநிலங்களில் தாய் மொழிப்படிக்காமல் அங்கு கல்வி கற்ற இயலாது, வேலை வாங்க இயலாது என்று சுட்டிக் காட்டும் போது கலைஞர் வீரமணியை பார்த்து நகைக்கிறார்.

இன்று முதல்வர் பேசும்போது தமிழை ஆட்சி மொழியாக்க மத்திய அரசிடம் கோரிக்கையினை வைக்கிறார்.

இங்கு என்ன அறிவிப்புக் கொடுக்கிறார் தெரியுமா?

அரசு அலுவலர்கள் மற்றும் பொது மக்கள் தமிழ் நாட்டில் ஆட்சி மொழியாக்க ஒத்துழைப்பு கொடுக்க வேண்டும் என்ற சொற்றொடரை மட்டும் கையாண்டதை கவனிக்க வேண்டும்.

அதாவது தலைமைச்செயலகத்தில் இருந்து வரும் அரசாணைகள் எத்துனை தமிழில் வருகிறது. இவரால் தன் கீழ் பணியாற்றும் அலுவலர்களை சட்ட அதிகாரம் மூலம் செயல் படுத்த முடியவில்லை. அப்புறம் மக்கள் எப்படி ஒத்துழைப்பு கொடுப்பார்கள்.

புற்றீசல் போல வளர்ந்துவிட்ட ஆங்கில வழி கல்வியை தமிழக அரசின் கல்வித்திட்டம் எப்படி எதிர்கொள்ளப்போகிறது.

பெப்பெ... பெப்பே தான் வாழ்க டமில் என்று கத்தலாம்.

அண்ணா சாலை, திருவாண்மியூர் சாலைகள் பேரங்காடிகளில் இருந்து சிறிய பெட்டிக்கடை வரை எங்கே தமிழ்?

நான்காண்டு சாதனைதான் என்ன?

தமிழ் வழியில் படிக்க என்ன நம்பிக்கையை வைத்துள்ளது இச்செம்மொழி மாநாடு?...

விடை எனக்குத்தெரியவில்லை....

உண்டு திளைத்தவர்களின் கொழுப்பும்

noreply@blogger.com (ஏகலைவன்) — Sat, 19 Jun 2010 11:50:00 +0000

உண்டு திளைத்தவர்களின் கொழுப்பும், சுமைத்தூக்கிகளின் சதை திரட்சியும்,

இன்று காலை எடுத்தப்படம்.

தெய்வத்தின் தேர் உலா.

தெய்வத்தின் தேரை இழுக்க உழைக்கும் மக்கள்தான் வரவேண்டும்.

இப்படத்தில் அவர்கள் தான் இழுத்துக் கொண்டு வருகிறார்கள்.

அவர்களை பார்த்து அதிர்ந்து போனேன்.

ஆண்டவனை சுமந்தே அவர்களின் தோள்பட்டையில் திரட்சி உண்டாகி இருக்ககண்டேன்.

அவர்களுக்கு இதற்காக குறிப்பிட்டத் தொகை கொடுக்கப்படலாம்.

வெள்ளை அம்புக்குறி காட்டப்பட்டுள்ள இடத்தில் உள்ளவர் உயர்சாதிக்காரார்.

அவரின் உழைப்பே இந்திய சமூகத்தில் அடையாளம்.

எவ்வளவு கடினமான பணி அவருக்கு.

ஆண்டவனுக்கு மிக மிக அருகில் உள்ளவர். இவரின் மூலதனம் மூளையுழைப்பு.

உடலுழைப்பில் ஈடுபடும் அவருக்கு மூலதனம் உழைப்பு, கீழ் நிலைப்பபணி.

ஆட்டவணுடன் சேர்த்து இந்த பார்ப்பானையும் இவன் இழுக்க வேண்டும்.

இது தான் இந்திய சமூக நிலை.

பார்ப்பானுக்கு உழைக்காமலேயே திரண்ட உடம்பு.

இந்த பொதி சுமப்பவரின் சதை திரட்சி...

வேதனை.. உழைப்பு.. வியர்வை இதானால் தடித்துப் போயுள்ளது.

இந்திய சாதிய இழிவு இந்த படிநிலையிலேயே தான் உள்ளது...

எப்படி முடிகிறது?- கவிதை

noreply@blogger.com (ஏகலைவன்) — Sat, 12 Jun 2010 07:17:00 +0000

முகம் தெரியாத

பையன் பிச்சை எடுப்பதை

பார்த்து

மகனை பொருத்தி

வேதனைப்படும் மனசு.

ஈ மொய்த்து

அனாதையாய் செத்துக் கிடப்பவனை

எனக்கு அறிமுகமானவனாக இருக்குமோ

என்று எட்டிப்பார்த்து

வேதனைப் படும் மனசு.

காய்ந்த தலையோடு

ஒரு முழம் பூவை விற்க

கெஞ்சும் அவளை

என் மகளோடு பொருத்தி

வேதனைப்படும் மனசு.

தூங்காத இரவுகளில்

தலையனை ஈரமாக்கும்

பொழுதுகள்.

எவரையோ காப்பாற்ற

எவரோ சொன்ன தகவலுக்காக

எச்சரிக்கையொலியோடு விரையும் அவசர ஊர்தியை பார்த்து

என் மனது பதட்டப்படுகிறது.

சம்மந்தமில்லாத நிகழ்வுகளை

எல்லாம் சம்பந்தப்படுத்தி

என்னை பாதிக்கும் எல்லா நிகழ்வுகளும்

நடக்காதது போல

பக்கத்து பயணியால்

எப்படி பயணிக்க முடிகிறது.

பளபளக்கும் சமச்சீர்க் கல்வியும், தடுமாறும் தமிழ்வழி கல்வியும்.

noreply@blogger.com (ஏகலைவன்) — Wed, 09 Jun 2010 01:40:00 +0000

இப்படங்கள் தமிழக அரசின் சமச்சீர் கல்விக்காக தயாரிக்கப்பட்ட ஆறாம் வகுப்பு பாட நூல்களே.

காண்வெண்ட் பாடப் புத்தகத் தோற்றம்..

வண்ண வண்ண பக்கங்கள்.. ஓவியர் டிராஸ்கி மருது கொண்டு வடிவமைத்துள்ளார்கள். அவருக்கு ஒரு பாராட்டை கண்டிப்பாக சொல்லியாக வேண்டும்.

பட விளக்கங்கள் அதிகம்...

எழுத்து வடிவங்கள் குறைவு... புத்தக வடிவமைப்பு மாணவர்களை படிக்கத்தூண்டும்.

இதற்காக அமைச்சர் தங்கம் தென்னரசுவை பாராட்டியே ஆகவேண்டும்.

இந்நிலை எந்த அளவுக்கு தமிழக கல்விநிலையை மேம்படுத்தப்போகிறது. 2000ல் படித்த மாணவர்களின் வருகை பட்டியலில் விகிதப்படி ஒப்பீட்டளவில் மிகவும் குறைந்துள்ளது. காரணம்..

ஆங்கில மோகம்.. ஆங்கிலவழிக்கல்வி..

தனியார்கல்வி....

சாதாரண உழைக்கும் கூலித்தொழிலாளி முதற்கொண்டு மேல் நிலையில் உள்ளவர்கள் வரை ஆங்கில வழிக்கல்வியையே நாடுகிறார்கள்.

இதில் வேடிக்கை என்னவென்றால் உச்சநீதிமன்றம் தனியார் பள்ளிகள் தங்கள் விருப்பப்படி கட்டணத்தை வசூலிக்கக்கூடாது என்று தமிழக அரசின் நிலையை உறுதிப்படுத்தியுள்ளது. நடப்பது தலைக்கீழ். தனியார் பள்ளிகள் திறக்கும் முன்பே பெற்றோர்கள் அவர்கள் கேட்கும் பணத்தைக் கொடுத்து தங்கள் பிள்ளைகளின் சேர்க்கையை உறுதி செய்து கொண்டு வருகிறார்கள் என்பதே உண்மை.

அரசுப் பள்ளிகளின் நிலை...

கோடை விடுமுறையில் ஊரகப்பகுதியில் அரசுப் பள்ளிகளின் ஆசிரியர்களின் பணி என்னத்தெரியுமா?

தங்கள் பள்ளிகளுக்கு ஆள்பிடிக்கும் வேலையாக பெற்றோர்களை நாடி அவர்களின் பிள்ளைகளை அரசுப்பள்ளிகளில் சேர்க்க ஆலோசனைகள்,அறிவுரைகள் வழங்கி வருகிறார்கள்.

இதில் ஏன் ஆசிரியர்களுக்கு இவ்வளவு அக்கரை?

எண்ணிக்கை போதுமான இலக்கு இருந்தால் அவர்கள் அந்த பள்ளியில் இருக்கமுடியும் இல்லையென்றால் வேறு இடத்திற்கு மாற்றலுக்கு தயாராக வேண்டியதுதான்.

சரி. இவ்வாசிரியர்களின் பிள்ளைகள் எங்கு படிக்கிறார்கள்?

தனியார்,மெட்ரிக்,சிபிஎஸ்சி கல்வித்திட்டம் கொண்ட தனிப்பயிற்சியும் கொடுக்கும் பள்ளிகளில் இவர்கள் பிள்ளைகள் படிப்பார்கள். பார்க்கும் பொது மக்கள் என்ன நினைப்பார்கள்? சம்பளம் வாங்க அரசுப்பள்ளி.. தங்கள் பிள்ளைகள் படிக்க தனியார் பள்ளி...

ஆங்கில மோகம்...

இக்கவர்ச்சி சமச்சீர்கல்வி மாணவர்களின் வருகையை உயர்த்துமா?

ஆங்கில வழியில் படித்து நுனிநாக்கில் வழிந்தோடும் ஆங்கிலத்தில் வீட்டின் கதவை உயர் ஊதியத்திற்கான வேலை தட்டும் என்பதே?!

வீட்டின் கூறையை பிய்த்துக் கொண்டு பணம் கரன்சியாக கொட்டோ கொட்டும் என்று தமிழக மக்களின் கனவு..

கல்வி வணிகமாகிவிட்டது..

பண இருந்தால் எக்கல்வி வேண்டுமானாலும் படிக்கலாம்?

பணமே இலக்கு.

இவர்கள் சொல்லும் அந்நிய மொழிக்கல்வியில் தேசபக்தி, நட்டுப்பற்று சொல்லித்தருமா?

படிக்கும் போதே அமெரிக்கா,லண்டன், பாரிஸ் கனவுகள்....

வெள்ளைக்காரனின் “மெகாலே” கல்வித்திட்டம் சிறப்பாக வாந்தி எடுப்பவனை நல்ல படிக்கும் மாணவன் என்று முத்திரை குத்துகிறது.

இக்கல்வியின் இலக்கு.. நோக்கு..

கல்வியின் உலகே. மருத்துவருக்கான உலகத்தை நோக்கி...

பொறியாளரின் கனவை நோக்கி இம்மாணவர்களைத் தள்ளுகிறது.

இதில் தான்.. உலகமயம்.. வணிகமயம்...அநியமயம் என்று உழைக்கும் மக்களை கரைத்து நீர்த்துப் போக வைக்கிறது. இந் நிலைதொடர்ந்தால் பல நூற்றாண்டுகளுக்கு எழமுடியாத நிலை ஏற்படும்.

தமிழில்.. தமிழால் முடியுமா?

ஏன் முடியாது?

தமிழ் வழியில் படித்தால் உயர்கல்விக்கு முன்னுரிமை

தமிழ்வழியில் படித்தோருக்கு வேலையில் முன்னுரிமை

நேரடி தேர்வு, நுழைவுத்தேர்வுகளில் தமிழ்வழியில் படித்து வருவோருக்கு சிறப்பு மதிப்பெண்கள்... போன்ற நடவடிக்கைகள்தான் தமிழக கல்வி நிலையை மாற்றும்..

ஏ.ஆர். ரகுமானின் செம்மொழிப்பாடலுக்கு அப்போதுதான் உயிர் கிடைக்கும்...

தமிழில் படித்தால் எல்லாமே கிடைக்கும் என்ற நிலையை தமிழக அரசு உருவாக்குமா?

இவ்வேக்கத்தை செம்மொழிமாநாடு நிறைவேற்றாதவரை மாநாட்டுத்திட்டங்கள் அனைத்தும் கானல் நீரே!....

தமிழ் இயக்குநர்களுக்கு: உல்டா செய்ய ஒரு அருமையானபடம்.

noreply@blogger.com (ஏகலைவன்) — Sat, 05 Jun 2010 00:23:00 +0000

இப்பதிவு ஒரு மறு பதிவே, உயிர்ப்பு தளத்தில் வாசித்ததையே நான் பதிவிடுகிறேன்.

இது ஒரு கொரியன் படம். வயதான பாட்டிக்கும் பேரனுக்கும் உள்ள ஆழமான பாச உறவை காட்டுகிறது.

தன் மகனை தன் தாயிடம் விட்டுச் செல்கிறாள் (பாட்டியிடம்). பேரன் நகரத்தில் வாழ்ந்தவன். நவீனத்தை சுவைத்தவன். பாட்டியுடனான கிராம வாழ்க்கை எப்படி அவனை திருப்பிப்போடுகிறது என்பதே படமாம். படித்தவுடனே கண்களில் கண்ணீர் பணித்தது.

நூடுல்ஸ் வகை சிக்கன், பீசா சாப்பிட்டவனுக்கு பாட்டியின் உணவு எரிசாலூட்டுகிறது. பாட்டியால் தயாரிக்கப்பட்ட சிக்கன் தயாரிப்புக்கூட மறுத்து விடுகிறான். கொண்டுவந்த டிஜிட்டல் கேம் கூட பழுதாகிவிடுகிறது. இந்நிலையில் பாட்டிக்கு அவனுக்கு எப்படி பொழுது போக்க எதை தருவது என்ற கேள்விக்கு விடையளிக்கமுடியவில்லை.

பார்வை சரியில்லாத்தால் ஊசியில் நூலை கோர்த்து தரச் சொல்லுகிறாள்.பேரன் மருத்து விடுகிறான். ஆனால் பாட்டிக்கு பேரன் மீது கோபமில்லை. எப்படி பேரனை மகிழ்வுடன் வைப்பது என்பதே அவளின் நோக்கம்.

இருவரும் அதுவும் பாட்டி மௌன மொழியிலேயே பேசுகிறார்கள். பினக்கு அவர்களை பாசத்தில் அருகருகே கொண்டு வருகிறது. எழுத தெரியாதவளுக்கு கற்றுக் கொடுக்கிறான், நான் சுகவீனமாக உள்ளேன், நான் உன்னை இழக்கிறேன் என்ற சொற்றொடர்களை எழுதக் கற்றுக் கொடுத்து அஞ்சல் செய்யச் சொல்லுகிறான்.

பாசத்தில் இணையும் நேரத்தில் பிரிய நேரம் வந்து விட்டது. பேருந்தில் எந்த ஒரு எதிர்பார்ப்பும் இல்லாமல் கையசைப்புடன் பிரிகிறார்கள்.

இடையில் பாட்டிக்கு நூல் கோர்த்து தர மறுத்தவன் கூட அவளின் தேவையறிந்து சில ஊசிகளில் நூலை கோர்த்து வைத்துவிட்டுச் செல்கிறான்.

எல்லா செண்டிமெண்டும் தமிழக திறைக்குப் பொருந்தும் என்றே எண்ணுகிறேன்.

நான் பலரிடம் இப்படத்தின் கதையை சொல்லியுள்ளேன். படம் பார்க்காமலே அதன் தாக்கத்தை உணர்ந்தார்கள்.

சரி

இதற்கு உயிர்ப்பு வலைத் தளத்திர்கு நன்றி சொல்ல வேண்டும். அவர்தான் அறிமுகப்படுத்தினார். தமிழ் திரையில் வந்தால் எப்படி வரும் என்பது நான் உங்களுக்குச் சொல்லத்தேவையில்லை.

முதலைக் கண்ணீர் ஏன் ?

noreply@blogger.com (ஏகலைவன்) — Fri, 04 Jun 2010 01:53:00 +0000

நம்மிடம் பலர் சொல்லக் கேட்டு இருக்கிறோம். அவன் விடுவது முதலைக் கண்ணீர் என்று?

அப்படின்னா!

போலியான கண்ணீர்!

பாசாங்கு வேடம் என்று நாம் புரிந்து கொள்ளலாம்.

போலி, வேடம் என்பதே இதன் விளக்கமாக ஏற்றுக் கொள்ளலாம்.

இதில் ஒரு அறிவியல் உண்மை இருக்கத்தான் செய்கிறது.

அப்படின்னா முதலை இங்கு எப்படி வந்தது?

கேட்பது புரிகிறது.

‘முதலைக் கண்ணீர்’ என்ற சொல், மோசமான வஞ்சகத்தை விளக்க கையாளபட்ட சொற்றொடரே!,

கடலில் வாழும் ஆமைகள், பாம்புகள் போன்ற ஊர்வனங்கள் கடல் நீரிலேயே வாழ்வதாலும், உப்பு அடர்த்தி உள்ள நீரானது , உணவாகவும் நீராகவும் செல்லுகிறது. இதை அவை எப்படி வெளியேற்றும் என்று நினைக்கிறீர்கள். கண்ணீரித்துளி வழியாகவே வெளியேற்றுகிறது.

ஆம்…

இந்த முதலைக் கண்ணீரின் புதிர் முதலை தானுண்ட உணவிலும் தண்ணீரிலும் உள்ள, தேவைக்கு அதிகமான உப்புக்களை கண்ணீராக வெளியேற்றுகிறது என்பதே உண்மை.

முதலைக்கண்ணீர் உண்மையள்ள என்ற சொற்றொடரே அறிவியலாக நம் பழக்கத்தில் உள்ளது.

சாதியமைப்பில் பெண்ணடிமைத்தனம்-அண்ணல் அம்பேத்கர்

noreply@blogger.com (ஏகலைவன்) — Tue, 25 May 2010 02:07:00 +0000

(தலித்தியமும் தமிழ்த் தேசியமும்- என்ற தமிழ் தமிழர் இயக்க வெளியீட்டில் தியாகு)

சான்றாக ஒன்றைச் சொன்னால், சாதியமைப்பில் பெண்ணடிமைத்தனம் எப்படிச் செயல்படுகிறது என்பதை அம்பேத்கர் விளக்கிக் காட்டினார். உடன்கட்டை என்னும் பெண் கொலைக்கும் சாதி அமைப்பிற்கும் உள்ள தொடர்பை அவர் வெளிப்படுத்தினார். இராசபுத்திரர்கள் படைச்சாதியினர்,போரில் ஈடுபடும் ஆண்கள் இறந்து போவதால் ஆண்-பெண் விகிதம் மாறுகிறது.
ஆண்களை காட்டிலும் பெண்கள் கூடுதலாகி விடுவதால் இயல்பாகவே சாதிக்கு வெளியே உறவு தேடும் நெருக்குதல் தடுப்பதற்காகத்தான் இயன்ற வரை பெண்கள் எண்ணிக்கையைக் குறைக்க உடன்கட்டைப் பழக்கம் ஏற்படுத்தப்பட்டது. அகமண முறையைப் பாதுகாப்பதும் இவ்விதம் சாதியமைப்பை நிலைநிறுத்துமே உடன்கட்டைக் கொடுமையின் நோக்கம் என்பதை அம்பேத்கர் நிறுவினார்.

குருதியில் குளித்து வெறியை தணித்த தாய்மை.

noreply@blogger.com (ஏகலைவன்) — Mon, 17 May 2010 08:45:00 +0000

ஓராண்டாகப் போகிறது. முள்ளிவாய்காளின் ஓலங்கள் முடிந்த பாடில்லை. வெற்றி விழா கொண்டாட்டங்கள் இலங்கை தீவின் முழுவதும் சிங்கள பேரிணவாத அரசு கொண்டாடி வருகிறது. சுமார் இரண்டு இலட்சம் பேர் வீடிழந்து திறந்த வெளிச்சிறையில் உள்ளார்கள்.

இக்கொண்டாட்டங்களின் மூலமே அன்னை சோனியா தான். கணவனை இழந்த துயரத்திற்கு சுமார் 50,000 கைம்பெண்களை உருவாக்கியுள்ளார். ஆம் தன் தாலிக்கு பதிலாக ஒரு இனத்தை பலியிட்டுள்ளார். நோக்கம் பிரபாகரனை கொல்லவேண்டும். புலிகளின் அமைப்பை அழிக்க வேண்டும். திட்டமிட்டு காரியதத்தை முடித்துள்ளார்கள். இன்றும் பதறுகிறது. இதயம் துடிக்கிறது. உண்மையில் கொண்டாட்டம் சோனியாவுக்குத்தான். நல்ல நாடகத்தை காட்சி வாரியாக அறங்கேற்றியது ஒப்பனை செய்தது சோனியாவின் குடும்பம் தான். கதாபாத்திரங்கள் இராஜக்பக்சே, நாராயணன், மேனன், கேரள அந்தோனி, செட்டிநாடு சிதம்பரம், கலைஞர், இந்து ராம்…. இத்தியாதிகள்.

நளினியின் மீது கரிசனமும் ஓனாயின் பாசமும்

நளினியின் தூக்கு தண்டனையை தாய்மை பாசத்தோடு நீக்க பரிந்துரைத்து என்னைப் போன்ற ஏமாளித்தமிழர்களை நம்ப வைத்தார். அந்த தாயின் கபட நாடகத்தில் ஈழ மக்களை சிதைத்தார். தன் கணவனின் படுகொலைக்கு ஒரு இனத்தை சாகடித்தை தமிழ் நாட்டு அரசியல் வாதிகளின் துணையோடு, குறிப்பாக திமுக அரசின் ஆசிர்வாதத்தோடு படுகொலையை நிகழ்த்தி வெற்றிக் கொண்டது காங்கிரஸ்.

அதற்கு அச்சாரமாக நாடாளுமன்றத்தேர்தலில் வெற்றியும் கொண்டது. கொழும்பில் கொண்டாடும் வெற்றிக்களியாட்டங்கள் அனைத்தும் சோனியாவின் உபயம் தான். ஒரே நோக்கத்திற்காக ஓர் இனம் சித்தைக்கப்பட்டுள்ளது.

சீனப்பாசம்-இந்திய நேசம்

ஒன்றை மட்டும் சரியாக செய்தார்கள். போரை இலங்கை நடத்துவதாக மாயையை மட்டும் உலகப் பார்வைக்கு கொண்டுச் சென்றார்கள். தெற்காசிய பேட்டை ரௌடியாக உருபெற்றுவரும் இந்திய வல்லாதிக்க அரசின் அதிகாரத்திற்கு மாற்றாக சீன அரசு தன் பங்கிற்கு அதி நவீன ஆயுதங்களை கொடுத்தது படுகொலைக்கு சகல உதவிகளையும் செய்தது. இப்போக்கு இந்தியாவுக்கு அச்சுறுத்தல் என்றாலும் பிரபாகரன் என்ற மனிதனை கொல்ல சீன ஆக்கிரமிப்பை மனமுவந்து ஏற்றுக் கொண்டது இந்திய அரசு.

தொங்கு அரசை நிலை நிறுத்த தமிழினத்தை பலிக்கொடுக்க தன் பங்கிற்கு உண்ணாவிரத நாடகத்தைக்கூட ஏமாளித்தமிழர்கள் நம்புவார்கள் என்று போர் நிறுத்த?! அறிவிப்பைப் பெற்றார்.

இந்திய அரசு தேசிய இனங்களின் சிறைக்கூடம் என்பதை தமிழர்கள் உணராதவரை சோனியாவின் தமிழ்ப்பாசத்தில் ஈழம் அழிந்து கொண்டுதான் இருக்கும்.

மருத்துவத்தை மறுத்த பார்வதியம்மாளின்

மருத்துவம் மறுக்கப்பட்டு உயிருக்கு போராடும் நிலையில் இலங்கைச் சென்றுள்ளார். சரியாக முடிவெடுத்துள்ளார். விலைப்போகும் தமிழகத்தலைவர்களின் அனுமதி மறுப்பு பிறகு நிபந்தனைகளுடன் கொடுக்க முனைந்த மருத்துவத்தை பார்வதியம்மாள் மறுத்துள்ளதை நாம் வெட்கித் தலைகுனிந்து ஏற்றுக்கொள்ள வேண்டும். இதிலும் சோனியாவின் பங்கை சொல்லாமலே தெறிந்து கொள்ளலாம்.

வழக்கம் போல ஓட்டு அரசியலில் தமிழர்கள் இன உரிமையை மறப்பவர்கள் என்ற நிலை போகுமோ அன்று வரை இரவல் சோனியாவை தாய்யென்று போற்றுவான் தமிழன், சொந்தத்தாய் பார்வதியம்மாளை மறுப்பான்.

தோழர் லெனின் பேசும் காணொலிக்காட்சி.

noreply@blogger.com (ஏகலைவன்) — Wed, 12 May 2010 09:09:00 +0000

விளாடிமீர் இலியிச் இது தான் தோழர் லெனின் அவர்களின் முழுப்பெயர். ஒடுக்கப்பட்ட மக்களின் அடிமை மூச்சுக்கு விடுதலை கொடுத்தவன். மேதை மார்க்சின் த்த்திவத்திற்கு செயல் வடிவம் கொடுத்தவன். போல்சுவிக் கட்சியின் அதிகாரம் அது பாட்டளிகளின் அதிகாரம் என்றவன். தேசிய இன்ங்களின் தன்னுரிமைக்கு விலாசத்தைக் கொடுத்தவன்.

தமிழ்த்தேசியம் என்றாலே பிரிவினை என்று பிதற்றும் இந்திய மார்க்சிஸ்டுகளுக்கு தோழர் லெனின் அவர்களின் தேசிய சுயநிர்ணய உரிமைப்பற்றி கோட்பாட்டை மறந்திருப்பார்கள் அல்லது இங்கு பொருந்தாது எனக் கூறுவார்கள். இக்கோட்பாடுதான் சோவியத் ஒன்றியத்தை கட்டமைத்துக் கொடுத்தது.

தோழர் லெனின் பேசும் காணொலிக்கட்சி இது.

பிறகு. தோழன் சே.

ஆயத்த ஆடைமுதல் அனைத்து விளம்பரம் மற்றும் ஊடக விளம்பரங்களில் சே வருகிறார். பொலிவியாவின் வெளிச்சம் அமெரிக்கா ஏகாதிபத்தியத்தை அச்சப்படவைத்தது. எழுச்சியின் அடையாளம். கிளர்ச்சியின் உயிர்ப்பு. ஏகாதிபத்தியத்தின் எதிர்ப்பு வடிவமே சே. ஆம் கியுபா விடுதலைக்குப் பிறகு மக்கள் அரசு அவருக்கு அமைச்சர் பதவியை தருகிறார்கள். என்ன செய்கிறார் சே. தினமும் குறிப்பிட்ட நேரம் பாட்டாளிகளுடன் உழைக்கிறார். உழவர்களுடன் சென்று கரும்பு வெட்டி இருக்கிறார். இக்காட்சியில் தொழிலாளர்களுடன் ஒரு தொழிற்ச்சாலையில் மூட்டை தூக்கிப்போடுகிறார்.

இன்று ஒரு வட்டச்செயலாளர், கிளைச்செயலாளர் எப்படி இருக்கிறார்.???????

இது தான் சேகுவேராவை தனித்துக் காட்டுகிறது.

நிபந்தனைகள் போதாது பார்வதி அம்மாளுக்கு ?!

noreply@blogger.com (ஏகலைவன்) — Mon, 10 May 2010 16:40:00 +0000

சட்டசபையில் அறிவிப்பு:
தமிழக அரசின் பரிந்துரையை ஏற்று பிரபாகரன் தாயார் பார்வதி அம்மாள் தமிழகத்தில் சிகிச்சை பெற மத்திய அரசு அறிவித்துள்ளது என்று சட்டசபையில் இன்று முதல்வர் கருணாநிதி அறிவித்தார்.
அவர் மேலும், ‘’பார்வதி அம்மாள் மீதான தடையை நீக்கி, அவர் தமிழகம் வந்து சிகிச்சை பெற 6 மாதம் விசா தர முன் வந்துள்ளது மத்திய அரசு. ஆனால் அவர் மருத்துவமனியில் மட்டுமே சிகிச்சை பெற வேண்டும் என்று நிபந்தனை விதிக்கப்பட்டுள்ளது.

அரசியல் கட்சியினர், தடை செய்யப்பட்ட இயக்கத்தினர் சந்திக்கக்கூடாது என்று மத்திய அரசு தடை விதித்துள்ளது’’என்று அறிவித்தார்.

போதுமா நிபந்தனை?

ஏன் அரசியல் கட்சியினருக்கு மட்டும் தடை விதிக்க வேண்டும்?
சிகிச்சை அளிக்கும் மருத்துவர்கள், செவிலியருக்கும் கூட தடை விதிக்கலாமே ? நாம் கூற
மேற்கண்ட பரிந்துறை அனுப்பப்பட்டுள்ளதாக கலைஞர் அறிவித்தாலும் அறிவிப்பார்.
தனது உண்ணாவிரதத்தினால் ஈழத்தில் போர் ஓய்ந்தது என்று சொன்னவர் தானே தமிழினத் தலைவர் கலைஞர்.
நாளை இப்படியும் அறிவிப்பு வரலாம்

அன்னையர் தின விழாவின் பரிசு இது..
.பார்வதி அம்மாளின் நலனுக்குத்தான் என்று தோழர்கள் திருமா, சுபவியும் வரவேற்கலாம்.

மரண தண்டனை தேவையா? – சுப. வீரபாண்டியன். வீடியோ காட்சி.

noreply@blogger.com (ஏகலைவன்) — Sat, 08 May 2010 13:37:00 +0000

காஞ்சிபுரத்தில் முற்போக்கு சமூக நீதிப்பேரவையின் சார்பில் கவிஞர் தணிகைச்செல்வன் அவர்களின் மூன்று நூல்களின் ஆய்வுக்கூட்டம் இன்று 08/05/2010 நடைப்பெற்றது.

கூட்டம் டாக்டர் விமுனா மூர்த்தி தலைமையில் க,கோதண்டன் வரவேற்புரை வழங்கினார். இதில் காஞ்சி அமூதன்,அமுதகீதன்,வெங்கடேசன் ஆகியோர் வாழ்த்துரை வழங்கினர்.

பேராசிரியர் சுப. வீரபாண்டியன், புறப்படல் கோரும் புறப்பாடல் என்ற நூலையும்,எழுத்தாளர் திருநாவுக்கரசு அவர்கள் தமிழின திரட்சியும் தாயக மீட்சியும் என்ற நூலையும், முனைவர் வளர்மதி கற்பு எனப்படுவது என்ற நூலையும் ஆய்வு செய்தனர்.

இதில் பேசிய சுப .வீரபாண்டியன் மரண தண்டனை தேவையா ? என்று கருத்துப்பட பேசிய விடியோ காட்சியின் சிறு தொகுப்பே இது.

இன்று உழைப்பாளர் தின விழாவில்....

noreply@blogger.com (ஏகலைவன்) — Sat, 01 May 2010 08:01:00 +0000

உழைக்கும் மக்களின் உரிமைகளுக்காக உயிர்நீத்த தோழர்களின் நினைவாக, வென்றெடுக்க வேண்டிய உரிமைகளுக்காக போராட்ட வேண்டிய உழைக்கும் மக்களின் அணிவகுப்பாக காஞ்சிபுரத்தில் அனைத்து அமைப்புகளின் சார்பில் மேதின எழுச்சிப் பேரணி நடைப் பெற்றது.

தோழர் டி.ஏ.ஜி. அசோகன், திராவிடர் கழக மாவட்டத்தலைவர் தலைமையில் நடைப்பெற்றது. பறை இசையுடன் எழுச்சி ஊர்வலம் துவங்கியது.

தோழர்கள் நடராசன்,தமிழினியன்,காஞ்சி அமூதன்,பொன்னப்பன், இரவி, குறள் அமிழ்தன், ஜானகிராமன் போன்றோர் பேரணியை வழி நடத்தி சென்றார்கள்.

உழைக்கும் பெண்கள் பலர் ஆர்வத்தோடு பங்கெடுத்தனர். பேரணி துவங்கிபோதும் தந்தை பெரியாரின் சிலைக்கு பெண்கள் மாலை அணிவித்தும், முடியும் போதும் அறிஞர் அண்ணா சிலைக்கு மாலையிட்டதும் சிறப்பு,.

நிகழ்சியில் முற்போக்கு சமூக நீதிப்பேரவையின் நிறுவனர் டாக்டர் விமுனா மூர்த்தி சிறப்புரையாற்றினார்.

நன்றி தோழியர் பச்சையம்மாள் கூற பேரணி முடிந்த்து.

இப்பதிவில் பேரணியில் இசைக்கலைஞர்களின் விடியோவும், டாக்டர் விமுனாமூர்த்தியின் முழக்கத்தின் சிறு பகுதியின் வீடியோவையும் இணைத்துள்ளேன்.

தந்தைப் பெரியாரின் மேதினச் செய்தி

noreply@blogger.com (ஏகலைவன்) — Fri, 30 Apr 2010 16:34:00 +0000

சர்வ தேசங்களிலுமுள்ள தொழிலாளர்கள்- ஆண்களும், பெண்களும் மே மாதம் 1ஆம் தேதியை “தொழிலாளர் தின”மாகக் கொண்டாடி வருகிறார்கள்.

இரஷ்ய சமதர்ம தொழிலாளர்கள், தாங்கள் வெற்றி பெற்றுவிட்டதின் சந்தோசத்தையும், பூரிப்பையும் அதன் பலனையும் எடுத்துக்காட்டுகிற தோரணையில் மேதினத்தை இரஷ்யாவில் கொண்டாடுகிறார்கள்.

பிற தேசங்களில், தொழிலாளர்களின் குறைபாடுகளைப் பகிரங்கப்படுத்திப் பரிகாரம் வேண்டுகிற முறையிலும்; தொழிலாளர்களின் சுபிட்ச வாழ்க்கை, சமதர்ம முறையாலும்,தொழில் நாயக அரசாலும் (Ergotacracy) ,அதாவது தொழிலாளர் குடி அரசாலுமே (Proletarian democracy ) சித்திக்குமெனத் தீர்மானிக்கும் முறையிலுமே “மே தினம்” கொண்டாடப்படுகிறது.

இந்தியாவிலும் சில வருடங்களாக,”மேதினம்” இங்கொரு இடத்திலும் அங்கொரு இடத்திலும் கொண்டாடப்பட்டு வருகிறது. சென்ற வருடத்தில் இந்தியாவில் பல இடங்களில் கொண்டாடப்பட்டது. ஆனால், நமது தமிழ்நாட்டிலோ மே மாதம் முதல் தேதி கொண்டாடப்பட்டது. பின், நமது பிரத்தியெக வேண்டுகோளின்படி மே மாதம் 21ம் தேதி தமிழ் நாடெங்கணும் கொண்டாடப்பட்டது.

சுயமரியாதை வீர்ர்களே! சமதர்மிகளே! தொழிலாளர்களே! தொழிலாளர்களின் தோழர்களே! இந்த வருடத்தில் மே தினத்தை மே மாதம் முதல் தேதியில் தமிழ்நாட்டின் ஒவ்வொரு ஜில்லாவிலும் உள்ள நகரங்கள்தோறும் ஆயிரக்கணக்கான தொழிலாளர்களைத் திரட்டி வெகு விமரிசையாக்க் கொண்டாட வேண்டுகிறேன்.

தேசம், மதம், சாதி என்கின்ற தேசிய உணர்ச்சிகளை மறந்து, உலகத் தொழிலாளர் எல்லாம் ஒரே சமூகமாய் ஒன்றுபட்டு எல்லாத்தேச,மத,சாதிமக்களுக்கும் வாழ்க்கையில் சம உரிமையும் சம சந்தர்ப்பமும் கிடைக்கும்படி கொண்டாட வேண்டும் என்றும்: தொழிலாளர் சமதர்ம ராஜ்யம் ஏற்பட வேண்டும் என்னும் ஒரே அபிப்பிராயம் ஏற்படும்படித் தொழிலாளர்களிடையில் பிரச்சாரம் செய்யவும், வேறு சாதகங்கள் பெறவும் இம்முயற்சியில் ஈடுபடவேண்டும் என்றும் தெரிவித்துக் கொள்ளுகிறேன். (”குடியரசு” அறிக்கை.28.4.1935)

- பெரியார் ஈ.வே.ரா சிந்தனைகள்-முதல் வரிசை-தொகுதி:3,அரசியல்:2 –பக்கம் :1638 பதிப்பாசிரியர் : வே.ஆனைமுத்து.

விடுதலை எங்குண்டோ அது தாய்நாடு !

noreply@blogger.com (ஏகலைவன்) — Thu, 29 Apr 2010 13:40:00 +0000

என்னை நான் எவனுக்கும் விற்கமாட்டேன்!

என்றைக்கும் பிறன்காலை நக்கமாட்டேன்!

தன்மானம் விழத்தலை குனியமாட்டேன்!

தடியர்க்கும் கொடியர்க்கும் பணியமாட்டேன்!

கன்னத்தில் அறைவானைப் பொறுக்கமாட்டேன்!

கயவரைக் களம்காணா திருக்கமாட்டேன்!

முன்பாயும் குண்டுக்கும் ஓடமாட்டேன்!

முதுகில் புண்சமந்துகண் மூடமாட்டேன்!

என்னைப் போல என்பாடல் நிமிர்ந்து நிற்கும்!

எரிமலை நெருப்பைஎன் ஏடுகக்கும்!

பொன்பெற்று நான் பாடல் பொழிவதில்லை!

புலவன் நான் வறுமையால் அழிவதில்லை!

தின்னாமல் இருந்தாலும் சாகமாட்டேன்!

கன்னெஞ்சும் ஒன்றுண்டு!கவிதை உண்டு!

களம்கண்டு தமிழ்செய்தல் என்றன்தொண்டு!

கோலிருக்கும் வேந்தர் ஆனால் என்ன?

கொடும்படை வீரர்தான் என்றால் என்ன?

காலின்கீழ் மனிதனை மிதிப்போன் காலை!

கவிவாளால் வெட்டுதல் என்கை வேலை!

கூலியாய் தொழும்பனாய் வாழ மாட்டேன்!

கூண்டில் நான் கிளிஆகி மாளமாட்டேன்!

வேலிஇல்லா வானம் என்றன் வீடு!

விடுதலை எங்குண்டோ அது தாய்நாடு!

-உணர்ச்சிக் கவிஞர் காசி ஆனந்தன்.

குறட்கூ....

noreply@blogger.com (ஏகலைவன்) — Tue, 27 Apr 2010 08:43:00 +0000

சாதி ஒழிப்பு

வெவ்வேறு குவளை

ஒரே கல்லாப் பெட்டி

காவிரி கடக்க

ஓடம் தேவையில்லை

ஒட்டகம் போதும்.

ஜனநாயகம்

குடி தண்ணீருக்கு காததூரம்

வாக்குச்சாவடி கூப்பிடும் தூரம்

பெண்

முப்பத்திமூன்று என்பது சலூகை

ஐம்பது என்பதே உரிமை.

-கவிஞர் தணிகைச் செல்வன்

(கவிதைகளில் அவன் மானிடன் நூலில் இருந்து)

இந்திய ஜனநாயகத்தின் செல்லப்பிள்ளை கேத்தன் தேசாய்.

noreply@blogger.com (ஏகலைவன்) — Mon, 26 Apr 2010 14:39:00 +0000

1800 கோடி ரூபாய் ரொக்கப்பணம்.

1500 கிலோ தங்கம்....நடுவன் புலனாய்வு துறையால் கைது செய்யப்பட்டுள்ள இந்திய மருத்துவ கழகத்தின் தலைவர் கேத்தன் தேசாயிடமிருந்து கைப்பற்றப்பட்ட தொகையே இது. இது இன்னும் பல மடங்காக உயராலாம்.

ஒரு அரசுத்துறையால் கையாளப்படும் வரவு செலவு கணக்குக்கு கையாளப்படும் தொகை இது.

அடிப்படை உரிமைகளான, நலவாழ்வு கொடுக்கும் நிறுவனத்திற்கு ஏற்பட்ட கதி இதுதான். இங்கு உருவாக்கப்படும் மருத்துவர்கள் தான் சாமானிய மனிதர்களை காப்பாற்றப்போகிறார்கள்.

இன்று(26.4.2010) தமிழோசை நாளிதழின் தலையங்கத்தில் கூட இந்த தேசாயின் அருமை பெருமைகளை கூறியுள்ளது.

ஆம்.

1997ம் ஆண்டு அன்றைய பிரதம பதவியில் இருந்த தேவகவிடா தனக்கு வேண்டப்பட்டவரின் மருத்துவ கல்லூரிக்கு அனுமதிப் பெற இவரின் வீட்டுக்கு சென்றுள்ளார்.

இந்த தேசாய் பல முதல்வர்களின் வீட்டு சமையலரை வரை செல்லும் அதிகாரமிக்கவராம். (மரியாதைக்கு சமையல் அறை என்று கூறியுள்ளார்கள் போலும்).

இந்திய ஜனநாயகம் இவர்களைப்போல பல நபர்களை செல்லப்பிள்ளையாக தத்துப்பிள்ளையாக வளர்த்து வருகிறது..

அர்சத் மேத்தா, கேத்தன் தேசாய், சந்திரா சாமி, சங்கராச்சாரி போன்றோர் அவ்வப்போது தங்களின் முக முடிகளை மாற்றிக்கொண்டு வார்கள்.

40%க்கு குறைவான மக்கள் வறுமைக்கோட்டின் உச்சியில் தொங்கிக் கொண்டு இருக்க இந்த தேசாய்கள் தான் தலைப்பிள்ளை.

நாளைக்கூட இவரை கௌரமான நபர் என விடுவிக்கப்படலாம்.

அல்லது உடல் நலம் சரியில்லை என்று மருத்துவ மனையில் ஓய்வெடுக்கலாம் அல்லது இந்திய மானம் காக்க தற்கொலை செய்து கொள்ளலாம்.

இவரின் வாரிசுகள் பலர் இருக்கிறார்கள்.

இந்திய சட்டம் எல்லோருக்கும் பொதுவானது என என்னையும் உங்களையும் நம்பவைக்க இந்த தேசாய் சிக்க வைக்கப்பட்டுள்ளார்.

பாராளுமன்ற ஜனநாயகம் இவர்களுக்கு படுக்கையறை.இதில் பெற்றெடுக்கும் பிள்ளைகள் இப்படித்தான் இருக்கும்.

இப்பணத்தைப் பார்த்து நாமும் வாயை பிளப்போம்.

சிங்கள இராணுவ அதிகாரிகள் பயிற்சிக்காக சென்னை வழியாக பயணம்.

noreply@blogger.com (ஏகலைவன்) — Mon, 19 Apr 2010 02:59:00 +0000

நேற்று 18.4.2010, காஞ்சிபுரதில் வாக்காளர் விழிப்புணர்வு கூட்டம் நடைப்பெற்றது.

இதில் பழ . நெடுமாறன் எழுதிய மூன்றவது அணிக்கு மக்கள் தயார். அரசியல் கட்சிகள் தயாரா ? என்ற பொருள் குறித்து புத்தக அறிமுக்க் கூட்டம் நடை பெற்றது.

இக்கூடட்த்தில் தேசியத்தலைவர் பிராபாகரன் தாயார் திருப்பி அனுப்பப் பட்டதற்கு திமுக தலைவர் கலைஞர் அவர்களை அறியாமல் நடக்க வாய்ப்பில்லை. மேலும் நானும் வைகோவும் அம்மையாரை வரவேற்க விமான நிலையம் சென்ற போது போலிஸ் உயர் அலுவலர் ஜாங்கிட் தலைமையில் 500 போலிசாருக்கு மேல் என்னை வழி மறித்து தடை செய்தனர். இவர்கள் யாருடைய அதிகாரத்தின் கீழ் வருகிறார்கள்? என்ற கேள்வி எழுப்பினார்.

மேலும் பிராபாகரன் தாயார் திருப்பி அனுப்பப்பட்டதற்கு பின் சிங்கள உயர் இராணுவ அதிகாரிகள், போலிசார் சிறப்புப் பயிற்சிக்காக சென்னை வழியாக சென்றுள்ளதாக செய்திகள் வந்துள்ளதாக கூறினார்.

தமிழனை கொன்றொழித்த சிங்களன் எவ்வித தடையுமில்லாமல் செல்ல வசதி, 80 வயது மூதாட்டி சிகிச்சை பெற இங்கு தடை இதுதான் தமிழனின் ஆட்சியா? என்று கேள்வி எழுப்பினார்.

இக்கூட்டத்தில் தோழர் தமிழினியன் தலைமையில் டாக்டர் விமுனாமூர்த்தி புத்தகத்தை வெளிட்டார். பத்திரிக்கையாளர் டி. எஸ். மணி உள்ளிட்ட பலர் பேசினர். இறுதியில் பழ. நெடுமாறன் மூன்றாவது அணியின் தேவைப் பற்றி விரிவாக பேசினார்.

பெரியாருடன் ஒரு நேர்காணல்- என் பழக்கங்கள்

noreply@blogger.com (ஏகலைவன்) — Sun, 18 Apr 2010 08:23:00 +0000

“ என் உடல் வேண்டுமானால் தளர்ந்திருக்கலாம். ஆனால், நான் அவற்றில் நேரடியாகவே ஈடுபட நினைக்கிறேன். நான் , என்ன சொல்லுகிறேனோ, அதை நானே முன்னின்று செய்தால்தானே நன்றாக இருக்கும்? ஒதுங்கிக் கொள்வது என்பது எனக்குப் பிடிக்காது”.

(தந்தைப் பெரியாரின் அபூர்வமான நேர்காணலை படித்தேன்.பெரியார் ஈ.வெ.ரா. சிந்தனைகள் இரண்டாம் பதிப்பில் பக்கம் 2570-2572 வரை காணப்படுகிறது. பதிப்பாசிரியர் தோழர் வே. ஆனைமுத்து தொகுத்து வெளியிட்டுள்ளார். விலை ரூ.5800, டாலரில் 390. வெளியீடு: பெரியார் ஈ.வெ.ரா. இராமசாமி-நாகம்மை கல்வி, ஆராய்ச்சி அறக்கட்டளை,19, முருப்ப்பா தெரு(மாடி), சேப்பாக்கம். சென்னை.600 005. தொலைப்பேசி : 044-28522862)

கேள்வி : தங்களைப் போல 95 வயது வரையில் வாழ்வதற்கு என்ன செய்யவேண்டும்?

பதில் : எப்போதும்”ஆக்டிவாக”(சுறுசுறுப்பாக) இருக்கவேண்டும்.

கேள்வி: இந்த வயதிலும், தாங்கள் பல மைல் சுற்றுப் பயணம் செய்கிறீர்களே, உடல் நலம் பாதிக்காதா ?

பதில் : வயதிற்கும், இதற்கும் எந்தவிதச் சம்பந்தமும் இல்லை. என்னைப் பொருத்தவரை சும்மா இருக்கப் பிடிக்காது. சுற்றுப் பயணம் செய்தால் தான் நன்றாக இருக்கிறது.

கேள்வி : எத்தனை மணி நேரம் தூங்குகிறீர்கள்?

பதில் : சாதாரணமாக இரவு 8,9 மணிக்குத் தூங்கிவிடுவேன். பொதுக் கூட்டங்கள்,நிகழ்ச்சிகள் இருந்தால், இரவு 11 மணிக்கு, 12 மணிக்கு மேல் தூங்குவேன். எப்படியும்,8 மணி நேரம் தூங்கிவிடுகிறேன்.

கேள்வி : தங்கள் உணவுப் பழக்கம் என்னென்ன ?

பதில் : எப்பொழுதும், காலை 6 மணிக்கு எழுந்துவிடுவேன். 8 மணிக்கு 2 இட்டிலி, ஒரு வாழைப்பழம் சாப்பிடுவேன். முன்பெல்லாம்,4,3 வாழை பழங்கள் சாப்பிட முடிந்தது. ஆனால் இப்போது ஒரு பழத்திற்கு மேல் சாப்பிட முடியவில்லை. அதன் பிறகு, பார்வையாளர்களை சந்திப்பேன், இடையிடையே சிறிது காப்பி, பால் அருந்துவேன். மதியம் 12-1 மணிக்குள் ஒரு கரண்டி சாதம், சிறிதளவு மாமிசம், தயிர் ,குருமா, ஒரு வாழைப்பழம் இதுதான் ஆகாரம்.மாமிசம் சாப்பிடாவிட்டால்,அவ்வளவு திருப்திகரமாக இருக்காது.

கேள்வி : மாமிசம் சாப்பிடுவதால் ஜீரண சக்தி பாதிக்கப்படவில்லையா?

பதில் : என்னை பொறுத்தவரை, மற்ற உணவுப் பதார்த்தங்களைவிட மாமிசம் சாப்பிட்டல் ஜீரணமாகிவிடுகிறது. அதனால் எந்தவித்த் தொந்திரவும் கிடையாது. மாமிசம் இல்லாவிட்டால்தான் தொந்திரவு. இரவு 7 மணியிலிருந்து 8 மணிக்குள் 2 இட்டிலி, ஒரு வாழைப்பழம், ஒரு டம்ளர் பால், அத்துடன் சரி. காப்பியும்,பாலும்தான் முக்கிய உணவு.

கேள்வி ; பொதுக்கூட்டங்கள், மற்ற நிகழ்ச்சிகள் உள்ள நாள்களில் என்ன செய்வீர்கள்?

பதில் : பொதுக்கூட்டங்கள், இரவு 10-11 மணிக்கு முடிந்த்தும் அதன் பின்புதான் சாப்பிடுவேன்.

கேள்வி : ஒருநாள் பொழுதை எப்படிக் கழிக்கிறீர்கள்?

பதில் : முன்பெல்லாம் நிறையப் புத்தகங்கள் படிப்பேன்; எழுதுவேன், ஆனால் இப்போது படிக்க்க் கஷ்டமாக இருக்கிறது. எழுதுவதற்குச் சலிப்பாக இருக்கிறது.

யாராவது கட்டுரைகள் கேட்டால் எழுதித் தருவேன்.அத்துடன் முன்புமாதிரி மூளை தெளிவாக இல்லை. கஷ்டப்பட்டுச் சிந்திக்க வேண்டி இருக்கிறது. முன்பெல்லாம் ஒன்றைப் பற்றித் தொடர்ச்சியாக வரும். ஆனால் இப்போது நினைவாற்றல் குறைந்து வருகிறது.

கேள்வி : மது அருந்தும் பழக்கம் பற்றித் தங்கள் கருத்து என்ன? தங்களுடைய அனுபவத்தை அறிந்துகொள்ள ஆசைப்படுகிறேன்.

பதில் : இதுநாள் வரை நான் மதுவை அருந்தியதே இல்லை. ஆனால் என்னை பொறுத்தவரை பலருக்கு வாங்கிக் கொடுத்து இருக்கிறேன். மது அருந்துவதால் கெடுதி இல்லை. அளவுக்கு மேல் போனால் தான் எதுவுமே கெடுதலே தவிர, அளவோடு இருந்தால் எந்தவிதக் கெடுதலும் இல்லை. 100-க்கு 90 பேர் அளவோடுதான் குடிக்கிறார்கள்.

கேள்வி : முன்பெல்லாம் மாலை நேரங்கலில் கார்மூலம் உலாவப் போவீர்களே , இப்போது போவதுண்டா?

பதில் : என்றைக்காவது ஒரு நாள் போவேன்.முன்பு போல் இப்போது போக முடிவதில்லை. பொழுது போகவே கஷ்டமாகத்தான் இருக்கிறது.அப்படிப்பட்ட சமயங்களில் போவதுண்டு.

கேள்வி : கிளர்ச்சி, போரட்டம் நட்த்த வேண்டும் என்கிறீகளே, அது எப்படி இருக்கும்?

பதில்: என் உடல் வேண்டுமானால் தளர்ந்திருக்கலாம். ஆனால், நான் அவற்றில் நேரடியாகவே ஈடுபட நினைக்கிறேன். நான் , என்ன சொல்லுகிறேனோ, அதை நானே முன்னின்று செய்தால்தானே நன்றாக இருக்கும்? ஒதுங்கிக் கொள்வது என்பது எனக்குப் பிடிக்காது.

கேள்வி: ஒரு குறிப்பிட்ட இனத்தார்மீது தங்களுக்கு வெறுப்பு ஏற்படக் காரணம், தாங்கள் அரசியலில் ஈடுபட்ட சமயத்தில் முதல் முதலாக ஒரு விருந்தில் தாங்காள் அலட்சியமாக நடத்தப்பட்டதுதான் என்று சொல்லப்படுகிறதே, அதுதான் உண்மையா?.

பதில் : எனக்கு, யார்மீதும் வெறுப்பும் கிடையாது. நான் எதையும் இலட்சியம் செய்யாமல், முரட்டுத்தனமாக யதேச்சையாகத் திரிந்தேன். அந்தச் சமயத்தில் எனக்கு ஏற்பட்ட அனுபவங்களும், சமூதாயத்த்இல் இருந்த மூடப்பழக்க வழக்கங்களும் தான் காரணமே தவிர, வேறு காரணம் ஏதுமில்லை. ஆனால், அந்த காலத்தில் விருந்துகளில்கூட நம்மை மிக இழிவாகவும், தர குறைவாகவும் நடத்தி ஒதுக்கியே வந்தார்கள்.

(மாலை முரசு-16.9.1973)

கலைஞர் என்ன தப்பு செய்து விட்டார் ?

noreply@blogger.com (ஏகலைவன்) — Sun, 18 Apr 2010 02:29:00 +0000

தேசியத் தலைவர் பிராபகரினின் தாயார் திருப்பி அனுப்பப்பட்டதற்கு யார் காரணம் ?

விமானத்துறை யாரிடம் உள்ளது ?

கடவுசீட்டு அதிகாரம் யாரிடம் உள்ளது ?

இப்படியும் சொல்லத்தெரியும் எங்களுக்கு.

*******

மானாட மயிலாட நிகழ்சியில் கண்ணீர் விட்டால் தான் கலங்குவார் எங்கள் தமிழினத்தலைவர் !.

கிழவிக்காக ( மன்னிக்கவும் இவ்வார்த்தைக்கு ) பார்த்தால் அன்னை சோனியாவின் மனம் கோனும் தெரியாதா ?
1000ல் ஒரு மலரல்லவா எங்களன்னை. அவர் முகம் வாடலாமா?!

வேண்டுமானால் உடன்பிறப்புக்கு ஒரு கடிதம் எழுதமுடியும்?

யார் செத்தாலென்ன ?

சட்ட மன்ற தேர்தல் முக்கியமல்லவா?

யார் வீழ்ந்தாலென்ன?

செலக்டீவ் அம்னிசியா எம்மக்களுக்கு இருக்கும் வரையில் எனக்கென்ன?

வாழ்வது நானாக இருக்கவேண்டாமா?

இவர்கள் இதற்காக பெருமைப்படுகிறார்கள்...

noreply@blogger.com (ஏகலைவன்) — Wed, 14 Apr 2010 14:56:00 +0000

புதிய பா.ஜ.தலைவர் நிதின் காட்காரி...

தமிழகத்தில் கட்சியை வளர்க்க (?!) சுற்றுப்பயணம் செய்தார். நடு நிலை நாளேடு ‘ தினமலர் ‘ வெளியிட்ட வண்ணப்படமே இது. தினமலர் வெளியீட்டாளர் டாக்டர் லட்சுமிபதி மரியாதை நிமித்தமாக சந்தித்து பேசிய படமே இது.

இப்படத்தை வெளியிட்டமைக்காக பெருமிதம் கொள்வதாக நாம் கொள்ளலாம்.

பாசம்.. இத்துத்துவ பாசம்...

தன் சமூகப்பாசத்தைக்காட்டுகிறது தினமலர்.

ஆனால் தமிழுக்காக, மொழி உணர்வோடு சிறு கூட்டம் கூடினாலேயே....

உடனே அலரும் தினமலர் “ தேசிய ஒருமைப்பாட்டுக்கு குந்தக நடவடிக்கை துவங்கியுள்ளதாக எச்சரிக்கை க் கொடுக்கும்...

தமிழுக்காக மொழிக்காக கூடினால் அது குந்தகம்.

இவர்கள் கூடினால் அது மரியாதை நிமித்தம்.

இவர்களின் நடு நிலைமை இதுதான்...

இதற்காக இவர்கள் பெருமை கொள்கிறார்கள்..

நாம்..

எங்களூர் சேரி வரை

noreply@blogger.com (ஏகலைவன்) — Tue, 13 Apr 2010 02:22:00 +0000

நாளை

ஏப்ரல் 14

உன் பிறந்த நாள் விழா....

நாடாளுமன்ற கட்டிட வளாகத்தில்

சட்டமன்ற வளாகத்தில்

வழக்கமாய் வணங்கப்படுவாய்.

காங்கிரஸின் காரிய கமிட்டியின்

திண்டுகளுக்கு பின்னால்

படமாய் தொங்குகிறாய்.

இந்துத்துவத்தின்

பாஜக இரதத்தில் இராமனுக்கு

பக்கத்தில்..

உன் முகத்தில் தான் வாக்கு கேட்பும் நடக்கிறது.

இந்திய அரசியல் சட்டத்தை

குப்பை என்றாய் நீ...

எரித்தால் முதல் தீ

என்னுடையது என்றாய்..

இந்தியாவின் சட்ட சிற்பியாக

இன்னும் உன்னை தேடிக்கொண்டு இருக்கிறார்கள்.

இந்துத்துவத்தின் “மூலவர்”

சங்கராச்சாரியாரின் ஜன கல்யான் இயக்கத்தின்

பதாகையில் நாளையும் நீ சிரிக்கலாம்.

எம்பி, எம் எல் ஏ சீட்டுகளுக்காக

உன்னை

கரன்சிகளாக்கிவிட்டனர்.

அந்நோட்டுகளில் யாரை எதிரி

என்றாயோ அதே காந்தி சிரித்துக் கொண்டுதான் இருக்கிறார்.

உபியின் மகராணி

தலித் செல்வி மாயாவதியின்

கரன்ஸி 1000 ரூபாய் மாலைகளில்

நீ சிரித்துக் கொண்டு இருக்கிராய்.

பார்ப்பனியமும் முதலாளியமும்

தான் சமூக எதிரி என்று அடையாளம் காட்டினாய்.

ஆம் இவ்விரு சக்திகளும்

உன்னை உள்வாங்கிக் கொண்டன.

பேராசிரியர்கள்

சமூக ஆய்வாளர்கள்

இன்னும் ஆய்வு செய்து கொண்டு இருக்கிறார்கள்

உன்னின் முகமெது?

நீ எதிரி என்று யாரை அடையாளம் காட்டினாய் என்று?

நாளை

நாடாளுமன்ற கட்டிட்த்தில் இருந்து

எங்களூர் சேரி வரை

ஆண்டவனாக வணங்கப்படுவாய்...

மாற்றுக் கருத்தேதுமில்லை...

கருணாநிதிக்கு அடுத்து ஸ்டாலினா? அழகிரியா?

noreply@blogger.com (ஏகலைவன்) — Fri, 02 Apr 2010 15:30:00 +0000

திமுகவில் சலசலப்பு..

முக அழகிரி ஒரு நேர்காணலில் “தலைவர் பதவிக்கு போட்டியிடுவேன் “ என்றார்.

கலைஞர் பார்த்துக் கொள்வார் என்கிறார் ஸ்டாலின்.

வைகோ விவகாரத்தில் அப்போது கலைஞர் சொன்னது , திமுக ஒரு ஜனநாயக கட்சி. அனைத்து மட்டங்களிலும் தேர்தல் மூலம் தான் பிரதிநிதிகள் நியமிக்கப்படுகிறார்கள். பொதுக்குழு, அரசியல் உயர்மட்டக்குழு என்ற பல குழுக்கள் முடிவு செய்யும் என்று அறிவிப்பார்.

எந்தவொரு திமுக உறுப்பினரும் தலைவர் பதவிக்கு போட்டியிடலாம் என்று சட்டவிதி இருக்கையில் அழகிரியின் அறிவிப்பில் என்ன அதிர்வு ஏற்பட்டு விட்டது.

இந்த விவாதம் கூட உண்மைதானா? என்ற சந்தேகம் கூட வருகிறது.

எப்படியோ ஸ்டாலினுக்கு எந்த அளவுக்கு உரிமையுள்ளதோ அதே அளவுக்கு அழகிரிக்கும் உரிமை இருக்கும்.

ஏற்கனவே ஒரு பேச்சு வட தமிழ்நாடு அவருக்கு தென் தமிழ்நாடு இவருக்கு என்று பரவலாக உள்ளது . மேலும் இக்கருத்தை வலுப்படுத்தும் விதமாக இருவரும் தங்களுக்கு விசுவாசியான மாவட்டச்செயலாளர், அமைச்சர் என்று பிரிவுகளாகவே இயங்கி வருகின்றனர்.

ஸ்டாலின்தான் அடுத்த முதல்வர் என்ற தோற்றமே, அழகிரியின் இப்பேச்சு குளத்தில் எரிந்த கல்லாக அதிர்வலைகளை ஏற்படுத்தியுள்ளது.

எப்படியே திமுகட்சியில் இருவரில் ஒருவரே தலைவராகப் போகிறார். திமுக கட்சியில் இருக்கும் சுப்பனோ குப்பனுக்கோ இப்பதவி கிடைக்கப்போவதில்லை.

அதுவும் கலைஞரின் குடும்ப உறுப்பினருக்கே கிடைக்கப்போகிறது என்பதான் உண்மை.

இடுபாடுகளில் நசுங்கும் அகிம்சை....

noreply@blogger.com (ஏகலைவன்) — Sun, 28 Mar 2010 02:38:00 +0000

அன்பு திலீபா...

மீண்டும் மீண்டும்

உறுதிபடுத்துகிறார்கள்...

அகிம்சை கழிப்பறையில் துடைத்துப்போடும்

காகிதம் என்று...

முன்பு

காந்தியின் தேசம்...

அமைதியின் பெயரால்..

உன்னை சாகடித்து

உன் குருதி கொண்டு

அகிம்சையின் அகராதியை

மாற்றி எழுதியது...

இதே காந்தியின் தேசத்தின்

தூதரகம் திறக்க

உன் நினைவுத்தூண் இடிக்கப்படுகிறது.

மீண்டும் மீண்டும்

உறுதிப்படுத்துகிறார்கள்

அகிம்சை கழிப்பறையில் துடைத்துப்போடும்

காகிதம் என்று...