Anonymous in the clouds

大時代過山車系列‧三十二 ╴又係Deep V

2013-06-25T23:58:00.001+08:00

3888單日自己玩過山車，由最低跌七個percent到倒升5個percent，上落12%，真係心血少啲都死。

大時代過山車系列‧三十一 ╴食錯藥

2013-02-21T16:46:00.001+08:00

1880唔知係唔係食o左瀉藥，一日跌o左16個…

報平安 ‧三

2012-02-21T15:09:00.034+08:00

今日有啲塞車，所以遲o左小小返工。一坐低o左，準備開工之際突然收到老闆o既call，叫我去meeting room搵佢。仆街，我賴o野！行去搵佢個時，又另一位同事行過，見佢面如死灰，我知我都係命不久已…

去到meeting room，老闆好cool坐o左係到，目無表情，真係好似劊子手。老闆之後話我知你個role redundant o左，要cut我。ok，fine！我都知佢唔會俾到個合理o既answer俾我。我問有冇其他option，佢地好決絕話冇。之後，HR對o左疊o野俾我，叫我返屋企自己睇！我問吓疊o野有啲乜information，佢好唔耐煩咁叫我返去屋企睇o左先，有問題打去HR到問。仆街！問兩句都唔阻你好多時間，使唔使咁絕呀！

山雨欲來風滿樓，連日來o既小道消息，已經令我麻木。之前幾個月，小弟同老頂傾開計，小弟都會想向老頂套少少料，但次次換來o既答案，佢都唔知，老闆唔肯透露半句。老項之後會向我大派心丸，話做得o野o既人係唔會有事。小弟自問做得o野，又係自己o既area做到啲口碑，小弟條team又expand緊，又有幾個大project揸手，再加上逗緊最低工資，要死大把人合資格過我，自以為我會過到哩關…過份o既自信，令我有啲方寸大亂，plan好o既旅行，都要取消。我真係好想去o架，今次去唔到又唔知幾時先可以去。

諗翻最低工資，每次小弟同老頂傾pay o既時候，同老頂講我同market爭o左一大折，唔該幾時俾翻個fair pay俾我。老頂就會好似錄音機咁講翻同一段說話，management係fair o既，佢地係睇到你o既contribution。overpaid o既同事係downturn o既時侯會成為公司o既目標。你係公司o既network，係一個好大o既 intrinsic value。要patient，你有o既value有一日係你progression o既好重要asset，真係好鬼動聽。我都知佢係狗o翕，但我又唔可以同佢反面。想跳草裙舞，出面個market咁，想有個似啲樣o既offer都難…一動不如一靜，只好無奈留低繼續做。‧

諗諗吓，其實之前已經有跡可尋，apply o左個course遲遲未approve，同老頂求証，老頂話唔使擔心，可能近排公司太亂所以老闆冇時間approve，佢會幫我追。只好怪自己唔sensitive，應該sense到自己係壯士o既其中一人。

cut完人之後，個team restructure，我以為我個role真係直接cut o左。估唔到我個role居然冇cut到，仲要俾個人工係我double o既同事坐o左，反而個同事個role cut o左。仆街！又話我個role redundant！redundant你條毛，cut我去救你自己個親生仔先至係個答案！！而那邊廂，老頂都唔係好好過，佢俾另一個老闆o既親信take over o左個佢role，而家唔知燉o左去邊…

真係一肚氣！！做得o野o既人係唔會有事？management係fair？通通都係廢話，係弱肉強食o既世界，冇fair唔fair，只count邊個o既network strong啲。你係你個position做得幾好都好，人地都可以為o左自己o既利益犧牲你…乜Q patient？乜Q intrinsic value？我都未舔到我應得o既就俾人郁o左，而家個個agent都用我below market o既pay同我討價還價，我都唔知幾時先可以追翻我個fair pay…

別人作的業，今天我受了。他朝君體也相同，大家好自為之…

seven隨想

2010-02-28T19:39:00.018+08:00

今日行過seven，見到有個昂藏六尺，肥施大隻o既阿哥，同一個年過五十係seven打工o既阿姐嘈。係好奇心驅使下，我行o左入seven八吓。

個故仔係，阿哥係seven打雜誌釘，可能阿哥身形過份龐大，阻到啲客出入，阿姐有啲微言，話o左個阿哥幾句。阿哥不甘被話，就同阿姐嘈起來。之後，阿哥攞o左部iphone出來拍movie，又聲大夾惡一輪咀係咁問個阿嬸，做咩話佢阻住哂，唔通唔可以買o野o架…擾攘一輪，到最後，居然要call阿sir來調停，真係浪費警力。過o左幾分鐘，阿sir到o左，例牌分開佢地兩邊分開傾。之後，阿sir例牌好言相勸，叫條友唔好搞大件事，乜乜乜。最後，阿sir備o左案，就打發o左條友走。

打書釘，小弟成日都做。但係seven又唔係書局，唔係老馮可以打書釘。如果阻到人地做生意，而人地又出到聲，當然係走人。如果持住乜o野「顧客權益」，可以咁厚顏話翻人地，真係唔知而家係乜o野世界。

又，而家啲阿sir真係冇o左啲以前o既威嚴。咁小o既事，都要努煩阿sir調停。如果係以前，條友早就畀阿sir「的」o左入後巷，鬧佢一輪，凶佢「浪費警力」，先打發佢走。邊會o徒咁多時間，聽條友發惱騷，而家做阿sir真係EQ低啲都唔得。

呢件事，令我諗起02年元旦文化中心掟花盤「新年快樂」事件。九七之後，係警隊甚至成個政府，真係冇o左份威嚴，冇o左份管治威信，畀人冇乜執行力o既感覺。係老董時代，老董空有抱負，但係冇乜作為。所謂「議而不決，決而不行」，其實係心有餘，而力不足，有心無力是也。

去到最近，特別係呢一兩年，真係有種「無為而治」o既感覺。政府只識頭痛醫頭，大方向o既野真係欠奉，今年o既財政預算真係最好o既example。呢份財政預算只keep住繼續派糖，乜o野「六大產業」，乜o野「解決深層矛盾」，真係唔見有咩著墨。

Change啱啱係高清台播完，朝倉啟太誤打誤撞做o左日本總理大臣，改變o左整個政界氣侯。雖然Change只係一套電視劇，好多o野係現實世界跟本冇可能發生。不過係o個一刻，正正喚醒o左一種已經遺忘o左好耐o既諗法。今時今日o既香港，我地唔再要有心無力o既老董，更加唔要一個畏首畏尾o既煲呔。我地要o既係一個唔怕得罪權貴，唔怕失敗，身體力行，敢於創新，有遠見，有魄力，有抱負，有承擔o既特首。

賣地

2010-02-25T22:10:00.003+08:00

等o左半年，終於肯出手禁吓個樓市。不過，將軍澳已經升到八千蚊尺，元朗五千蚊尺先來禁！！真係後知後覺…

伸延閱讀
定期賣地

月光族

2010-02-20T12:29:00.002+08:00

明明畀cash可以平七舊，都仲要碌card。咁大個人連兩萬幾cash都冇…唔通真係月光一族？！

其實我仲係唔係扑客？

2009-12-27T21:47:00.005+08:00

一個月都冇一個post，出親都係啲人講都爛哂o既topic…我諗我真唔係扑客。

Anyway, Merry X'mas and Happy New Year!!

定期賣地

2009-11-14T15:53:00.007+08:00

自從定性「八萬五」為一個弊政後，「定期賣地」就畀人打入冷宮，取而代之係「勾地表」。但係「勾地表」擺明唔work︰一、「勾地表」冇乜透明度，冇人知咩價先可以勾到塊地。就算勾到，都可能俾其他人投o左，勾地o既incentive大減。二、如果冇人勾地，可以成年冇地供應。政府冇得調節土地供應，主動權去哂地產商到。而家政府好似隻冇牙老虎(不留都係)，政府想用調節土地供應間接調控樓價，no way。

政府可以「定期賣地」增加或者減少土地供應去調控樓價。點解唔可以重提「定期賣地」？「定期賣地」有乜問題？唔好話畀我聽「定期賣地」等如「八萬五」，要政治正確，就唔可以提「定期賣地」。除o左官商勾結之外，真係諗唔到有乜理由…

又，時移勢易，行o左「高地價」咁多年，大家都知道再行落去，係死路一條。雖然老董曾經想反轉佢，不過眼高手低，賴o左o野。吸取上次o既教訓，其實可唔可以做得聰明啲，冇咁多反彈呢？如果梁生真係做o左下任特首，可能會行呢條舊路。到o個時，真係唔該佢唔好老董時期咁眼高手低啦。

放假

2009-10-27T00:06:00.002+08:00

放o左區俱俱一日假o者，都可以搞到七國咁亂。啲人再係咁玩卸膊，玩失蹤，遲早爆大鑊。真係要放個長假，等佢地再冇借口推卸責任，可以自動波揹翻自己o既責任，make一啲佢地應該make o既decision。

o徒時間

2009-10-14T00:04:00.004+08:00

又話一齊影相，又話搵邊個做model，又話去邊到影，每次傾都係佢最興奮。點知大家都做哂research，confirm哂個plan，up哂頭去馬o個時，佢居然連部機都冇。好啦，冇都冇問題，即買即玩都ok啦。話同佢去買機，佢o既態度就180度變哂，又之之助助，又話忙冇時間睇，又話諗吓先…同哩啲人一齊，真係o徒時間。

想死…

2009-10-10T16:16:00.002+08:00

又話去中環影相…十二點打畀佢，四點都重係屋企…影晏晝變o左影日落，想死…

錢從可來

2009-10-02T00:25:00.002+08:00

真係唔明…

我條o靚，廿o靚歲仔點解可以又供樓，又養車，仲要搞緊結婚…

唔通佢份糧仲多過我？！哎…如果係咁，真係唔知點搵窿捐…

Stand by Me

2009-09-13T10:37:00.002+08:00

學燦兄話齋，真係好耐冇咁正又touching o既廣告歌。

延伸閱讀
我係燦嫂老公 - 維他奶 - Stand by Me

心都o翕…

2009-08-20T20:37:00.005+08:00

四十大限將至，重未上岸o既我，真係有啲前路茫茫…

伸延閱讀
港燦 - 廠長
Money Cafe - 探戈

霸者心中無聖域

2009-08-11T22:31:00.002+08:00

第九章亞姆立札

看到這番演變，萊因哈特不由得大聲嚷道：「畢典菲爾特失敗了！王爾古雷太早發射，剛好成了敵人炮擊的靶心！」
奧貝斯坦也失去了冷靜，他那原就青白的臉色，仿若彗星的餘光掠過……
回答的聲音也顯得有氣無力了。
「閣下原先是期待藉他的手來奠定勝利吧……」
將畢典菲爾特大軍引入零距離射程範圍內的同盟軍第十三艦隊，無情地進行破壞和殺戮的行動。磁力炮所發射的超硬度鋼炮彈穿裂了戰艦的裝甲，核融合榴散彈和光子彈的爆炸，將艦內的戰鬥人員連同王爾古雷變成微粒子塵埃。
有色彩和無色彩的閃光交互映現，一時之間，地獄的鬼門關大開，士兵們一批接一批地跨足而過。
畢典菲爾特引以為傲的「黑色槍騎兵」，其黑色也變成屍衣的顏色了。
這時通訊兵轉頭向萊因哈特報告道：「閣下！畢典菲爾特提督發出緊急求救訊號要求增派援軍！」
「援軍？」
金髮的年輕元帥回答的聲音甚是尖銳，通訊兵嚇得退縮一旁。
「是的！他們要求援軍。畢典菲爾特提督說依目前的戰況推算，我方略遜一籌。」
萊因哈特的軍靴重重地踏下，發出巨響。
「他以為我有那種可以變出艦隊來的神燈嗎？」
萊因哈特大發雷霆，但轉瞬之間，又強行克制了怒火，身為最高司令官是不得不時時保持冷靜的。
「傳令給畢典菲爾特！總司令部沒有多餘的兵力，若從其它戰線抽調兵力則會使我軍戰線全面崩潰！要他保持現有兵力，死守到底，善盡一個軍人該盡的責任！」
過了一會，萊因哈特打破沉默，重行下令：「從現在開始，切斷和畢典菲爾特的通信，以免敵人從旁探知我軍的窘境！」
奧貝斯坦緊緊盯著把視線再度落在屏幕上的萊因哈特。
頭髮半白的參謀長認為，萊因哈特的處置非常冷酷，但也很正確。不過，他能否對每一個人都平等的下這樣的命令呢？一位霸者的心中是不可以有聖域存在的……

邊個話事事旦旦o架？！

2009-07-19T23:40:00.002+08:00

潘蔚林，做得好！！

中產你的名字叫窮人

2009-07-05T20:23:00.002+08:00

(星島日報報道)在今年的財政預算案中，社會普遍人都覺得對市民的幫助不大；其中中產階級的幫助更是少之又少。到底在香港甚麼人才算是中產階級呢？我暫且在此下個定義 ──中產階級是一群受過良好教育，擁有知識技能或專業資格和被大眾認同而又有穩定的職業。所以中產階級是社會主流的價值觀及最穩定的中堅力量。

　　步入貧窮比誰都快

　　驟眼看，中產人士穿的都是名牌，以私家車代步，好像活在一個無憂無慮的世界，但其實那只是表面風光，他們的個人生活並沒有你和我想像的美好，特別是在今日物價飛漲，但薪金卻永遠停步的年代。沒有人比他們更快步入貧窮邊緣。

　　每到發薪日，薪金有一大部分會不翼而飛。車和住屋的供款、父母的家用、保險、MPF，如果有子女的話，子女的學費、生活費等……剩餘的錢不知要存多少年才足夠成為做老闆的資金。在全球經濟變差的今日，活在富裕與安定中的中產正是逐漸消失的一群。

　　凍薪減薪或被裁

　　經濟衰退時，中產才是社會中被忽略的一群。自從金融海嘯後，○八年第四季全球多處經濟出現萎縮，香港亦不能幸免。單以○九年三月的港產品出口貨量為例，比○八年同期下跌百分之三十九點八。面對不景氣，公司普遍會凍薪或減薪，有些更會裁員。先說被減薪的中產，如果只是減薪一成，相比失業的人，心中也應感到萬幸，今季的通脹壓力比之前稍為紓緩，以今年首四個月合併計算，綜合消費物價指數較去年前同期上升百分之一點四，但生活成本的下降迅速遠不及中產的薪水。以燃油價格為例，油公司的加快減慢政策，已叫人心寒，當然這不是唯一的例子；航空公司不還是在收取燃油附加費嗎？生活怎會不困苦。失業的中產所承受的壓力就更大，失去了收入的來源，就得依賴之前累積的資產。

　　可惜金融海嘯令中產的身家大縮水，減少了五成也算是很好成績。那麼再找工作吧，但就業市場惡化的情況已明顯蔓延至各階層及行業，今年二月至四月的失業率升至百分之五點三。政府推出了很多就業政策，幫助市民找到工作，但措施主要集中於低技術工種，對中產的支援實在不多。

　　如果你的收入能夠逆市上升的話，恭喜你，經濟委縮就與你絕緣。反之，不想成為新貧階級一員，揣摩抗跌及資產增值之道就是時下中產費盡腦汁的任務，不要期待政府打救，請大家將目光放於全球，讓每一塊錢得到最大的效益。共勉！朱兆麟

　　青年民建聯成員

http://hk.news.yahoo.com/article/090704/3/d12g.html

《「六四」是怎樣一回事?》

2009-06-04T22:26:00.000+08:00

蔣必蠢

2009-06-01T20:43:00.034+08:00

巾幗做完，小弟再唔使晚晚追劇，可以有翻啲時間寫吓扑。

巾幗入面最多人講o既緊係四奶奶、柴九、大奶奶、甚至係必文o個個敗家仔…反而小弟最有同感o既係二仔-蔣必蠢。

最深刻係太平天國佔領o左無錫，大奶奶假稱敗家仔必文自立門戶，但係不善經營，爭人五百擔白米，要求必正出手相救。係大奶奶誓言成擔一切後果，聲淚俱下苦苦哀求底下，必正出於一時o既婦人之仁，就咁答應o左大奶奶。

第二日，彭鏗收到線報帶人搜查，搜到大奶奶一早預備o既五百擔白米，以私藏白米罪捉拿四奶奶同必正。要知道係太平天國統治下，私藏白米係死罪。哩個鑊係必正闖o既，四奶奶其實可以乜都唔理，將啲罪名推哂落必正到，由得必正自己去孭。不過，四奶奶有擔帶，幫必正孭埋個鑊，以奉蔣老闆o既遺命為借口，成功脫罪，否則真係閤家富貴…

小弟睇蔣必蠢o個一段o既時候，不自覺對自己有少許投射。小弟自問無乜鬥心，只想做好哩份工，但係唔知點解每日都要同好多牛鬼蛇神對決，一不留神或者有半點惻忍之心就畀人冼到灘灘腰。好似老妖怪事件咁，小弟一個婦人之仁o既決定，即刻泥足深陷，差啲鑄成大錯…

其實職場如戰場，做好人雖然真係有好多人respect。但係有起事上來，都係先隊啲好人去死。小弟衰在有少少義氣，又有少少同情心，就永遠注定要被人食住…有時好想鐵了心腸，但係o個個就唔係自己，真係好矛盾…

害人之心不可有，防人之心不可無。好似四奶奶咁，成日要維持清醒戒備o既狀態，已經不易。係攻防戰中，保持對敵人o既尊重得來，又要技術擊倒對手，真係難上加難。蔣必蠢要去到四奶奶個層次，真係長路漫漫…

屋漏偏逢連夜雨

2009-04-26T23:58:00.002+08:00

海嘯未去，又有一隻人傳人o既豬流感爆發。而家o既情況，真係好似當年科網爆破後再有SARS咁。小弟真係唔希望烏鴉口講中，不過各位巴打真係要有最壞o既打萛。

延伸閱讀
星島 - 新型豬流感專殺年輕人
星島 - 加發旅遊預警港關注疫情
星島 - 袁國勇警告：港抗疫藥物不足

永遠懷念

2009-04-23T20:22:00.007+08:00

繼伍晃榮之後，阿叔又走埋，又多一個好朋友離開o左我地，真係有啲依依不捨。講時講，伍晃榮同阿叔都係退休冇耐就走o左。究竟係check到身體開始有啲問題，先毅然退休？定係因為退o左休，冇o左寄託，所以先身體轉差？如果係咁，真係有啲怕公司要我提早退休…

伸延閱讀
星島 - 著名足球評述員林尚義逝世

天地有正氣

2009-04-22T23:01:00.002+08:00

上訴庭終於還小股民一個公道，否決電盈私有化真係大快人心。不過，又有啲擔心香港o既法律制度會向民粹主義傾斜，真係等出o左判詞先再回應啦！

伸延閱讀
明報 - [新聞]上訴庭否決電盈私有化

管理新鮮人

2009-04-09T21:14:00.022+08:00

最近，大口兄同計數兄都係佢地o既blog入面講一啲管理層o既感受，小弟不約而同，係工作上都有類似o既挑戰。

自從老闆要上位，小弟就被迫要頂埋老闆o個份，工作真係繁重o左好多。好多以前同撈同煲o既兄弟，而家變成上司下屬o既關係，小弟從此夾係老闆同兄弟中間，成為佢地o既傳聲桶。老闆對小弟o既期望好大，兄弟又想小弟幫佢地fight多啲o野，左右做人難，真係有口難言。作為管理新鮮人o既小弟，工作成日碰壁，真係有啲力有不從心o既感覺。

小弟有一個心魔，好想hands-on。老闆都有warn我，我哩個位係負責幫啲細o既執屎，越做上去，執o既屎越多。好玩o既o野，應該留畀啲細做。小弟睇o既應該係成team人o既成功，個人o既榮辱唔該你擺埋一邊…哩一點小弟都好明…老闆又係到吹水。不過，吹水還吹水，吹完唔好咁認真。有啲o野佢自己當年都做唔來，一有起事來，老闆又捉住哩個point係到起勢捽我，真係想死。

老闆好鍾意講empowerment，佢成日話自己最成功o既就係上年消失o左兩個月，個team都work as usual。佢又鍾意講，佢以後就係我o既客，要小弟manage佢…不過，佢又好鍾意，係其他人到接好多冇value o既job返來。你同佢say no，佢就話要同人地搞好啲關係。佢又好鍾意bypass我直接assign啲task畀啲細o既做。同佢講翻，佢話冇下次，下次咪又故態復萌，真係講一套做一套…

新丁o既小弟其實對「管理」真係心有千千結…

對啲不時魂遊太虛gen-y o既下屬，點可以令佢專心工作？
對啲o野o野都好似有特權老屎忽o既下屬，點可以可以叫佢地立個好榜樣畀啲細o既睇？
對啲每事問o既下屬，點可以做好enpowerment？
對啲「食o野唔做o野，做o野打爛o野」o既同事，點可以唔使o野o野幫佢補鑊？
對老闆啲不切實際o既要求，點可以陽奉陰違？

有冇網友有可分享吓自己o既心得，可以畀小弟從中偷吓師呢？

伸延閱讀
大口仔筆記 - 新一頁
活在中層 - 管人學問
活在中層 - 管人學問(2)

好文分享 - Money Cafe: 雙城奇謀

2009-03-30T22:59:00.001+08:00

「金融中心的特色，其實就是排他性，即所謂Winner take all，資金只會在同一時區，流到最活躍、交投量最高的一個市場。」

「另一個說法是，香港要不被上海趕過，必需要加快與珠三角加強合作，認為「珠三角行動綱領」是香港最後機會。」

「雙城奇謀，根本不存在互助互補，有的只是你死我亡。」

香港人重唔面對現實，放下身段，加快同珠三角融合，否則真係死路一條…

延伸閱讀
Money Cafe - 雙城奇謀

真係吹水唔沬咀，咁講完重有friend做？！

2009-03-22T16:46:00.005+08:00

黃sir係自己o既column話，有個friend同老公有感情問題，問佢攞advice。點知黃sir居然直接話人地係「大難臨頭各自飛」o個種人，而個friend又居然唔發火走人，重可以好冷靜咁聽埋黃sir o既解釋。邊有人(特別係女人)接受到人地話佢係無情無義o架，咁講完重有friend做？！今次黃sir真係吹水唔沬咀，個故仔作得好冇質素…

點都好，其實個故仔講出o左好多人妻、同準人妻港女o既心態，結婚都係為o左搵張長期飯票，自己o既committment係0。所謂財政獨立，只係唔肯孭起頭家o既借口。當個男人事業有o左阻滯，財政出現問題，個女o既第一時間唔係去諗點同個男人一齊孭，而係去同個男劃清界線，當結婚係「投資」，好似好理性咁去「cut loss」，結婚o既committment真係唔知去o左邊…港女呀，港女呀，你自己真係好自為之！

伸延閱讀
黃毅力 CEO實戰手記：長途伴侶