indiaherald.com - RSS Feeds

ఏపీ: విశాఖ స్టీల్ ప్లాంట్ బాధితులకు జగన్ భరోసా..!

Divya — Wed, 10 Jun 2026 18:12:41 GMT

విశాఖ స్టీల్ ప్లాంట్ లో ఇటీవల జరిగిన ప్రమాదం నేపథ్యంలో మాజీ సీఎం, వైసిపి పార్టీ అధినేత విశాఖలోని సెవెన్ హిల్స్ ఆసుపత్రిలో చికిత్స పొందుతున్న బాధితులను కలిసి వారికి భరోసా ఇచ్చారు. తమ ప్రభుత్వం వచ్చిన వెంటనే కోటి రూపాయలు పరిహారం ఇచ్చి ఆదుకుంటుందని తెలియజేశారు. అలాగే ప్రమాదం జరిగిన తీరు చాలా బాధాకరమని, ప్రమాద బాధిత కుటుంబాలకు కోటి రూపాయలు పరిహారం అందించాలని కూటమి ప్రభుత్వాన్ని డిమాండ్ చేశారు. అలాగే ప్రతి బాధిత కుటుంబానికి కూడా ఒక ఉద్యోగం కల్పించాలని తెలియజేశారు.

వైసిపి పార్టీ అధికారం నుంచి దిగిపోయే సమయంలో స్టీల్ ప్లాంట్లో 28 వేల మంది ఉద్యోగాలు పనిచేస్తున్నారని, కూటమి ప్రభుత్వం వచ్చిన రెండేళ్లలోనే 10,500 మందిని తొలగించారంటూ విమర్శలు చేశారు. ఆ ఉపాధి కోల్పోవడంతో స్టీల్ ప్లాంట్ ఉద్యోగుల పరిస్థితి చాలా దారుణంగా మారిపోయిందంటూ తెలియజేశారు. అంతేకాకుండా తమ ప్రభుత్వ హయాంలో ఉద్యోగుల క్వార్టర్స్ లో కేవలం 50 పైసలకే యూనిట్ విద్యుత్ ఛార్జ్ చేసేవారని, కూటమి ప్రభుత్వం వచ్చిన తరువాత రూ. 8.50 పైసలకి పెంచారంటూ మండిపడ్డారు వైసీపీ అధినేత.

సీఎం చంద్రబాబు ,లోకేష్ పైన ఫైర్ అవుతూ ప్రమాదం జరిగిన కనీసం మానవత్వం చూపించాల్సిన ప్రభుత్వం ఇలా వ్యవహరించడం చాలా బాధాకరమంటూ విరుచుకుపడ్డారు. మృతుల కుటుంబాలకు ఇవ్వాల్సిన పరిహారంలో కూడా తండ్రి కొడుకులు పెద్ద డ్రామా చేశారంటూ ఆరోపణలు చేస్తున్నారు. మృతుల కుటుంబాలకు స్టీల్ ప్లాంట్ ఫ్యాక్టరీ నుంచి రూ. 25 లక్షల రూపాయలు ఇస్తూ ఉంటే కూటమి ప్రభుత్వం ఏమి ఇచ్చిందంటూ ప్రశ్నించారు. తమ ప్రభుత్వ హయాంలో జరిగిన ఎల్జి పాలిమర్స్ ప్రమాద ఘటనకు బాధితులకు సైతం కోటి రూపాయలు పరిహారం ఇచ్చామంటూ తెలియజేశారు. కానీ ఇప్పుడు కూటమి ప్రభుత్వం పరిహారం ఇవ్వకపోతే వైసీపీ ప్రభుత్వం వచ్చిన తర్వాత వారికి కచ్చితంగా కోటి రూపాయలు పరిహారం ఇస్తామంటూ హామీ ఇచ్చారు.
]]>

రజనీకాంత్, భారతీరాజా మధ్య వివాదం రావడానికి కారణం..?

Divya — Wed, 10 Jun 2026 17:48:48 GMT

కోలీవుడ్లో దర్శకుడుగా పేరు సంపాదించిన భారతీరాజా ఎన్నో అద్భుతమైన సినిమాలను తెరకెక్కించారు. గడిచిన కొన్ని గంటల క్రితం ఈయన మరణంతో కోలీవుడ్ పరిశ్రమలో విషాదఛాయలు అలుముకున్నాయి. గత కొన్నేళ్లుగా అనారోగ్య సమస్యతో ఇబ్బంది పడుతూ బుధవారం ఉదయం చెన్నైలో తన సొంత నివాసంలో తుది శ్వాస విడిచారు. దీంతో పలువురు సినీ సెలబ్రెటీలు, రాజకీయ నాయకులు కూడా ఆయనకు నివాళులు అర్పించారు. అలాగే సోషల్ మీడియా వేదికగా కూడా ఆయనతో ఉన్న అనుబంధాన్ని గుర్తు చేసుకుంటూ ఎమోషనల్ అవుతున్నారు సెలబ్రిటీస్.

ఇందులో భాగంగా సూపర్ స్టార్ రజినీకాంత్, భారతిరాజా మధ్య ఉన్న వివాదం గురించి ఇప్పుడు చర్చనియంశంగా మారింది. భారతీరాజా దర్శకత్వం వహించిన మొట్టమొదటి చిత్రం 16వయదినిలే (పదహారేళ్ళ వయసు) చిత్రంలో రజనీకాంత్ ప్రధాన పాత్ర లో కనిపిస్తారు.ఈ సినిమా 1977లో విడుదలై భారీ విజయాన్ని అందుకుంది. ఆ తర్వాత పదేళ్లు గ్యాప్ తీసుకొని మరి కోడిపరాకుత్తు చిత్రాన్ని 1988లో ప్రేక్షకుల ముందుకి తీసుకువచ్చారు అలా వీరి కలయికలో రెండు సినిమాలు వచ్చినప్పటికీ వీరిద్దరి మధ్య దాదాపుగా ఐదు దశాబ్దాల నుంచి విభేదాలు ఉన్నాయి.

ఎన్నోసార్లు డైరెక్టర్ భారతీరాజా, రజనీకాంత్ పైన విమర్శలు చేశారు. ముఖ్యంగా రజనీకాంత్ తమిళనాడు వ్యక్తి కాదని కర్ణాటక వ్యక్తి అంటూ చాలాసార్లు ఆరోపణలు చేశారు. 2002 లో జరిగిన కావేరి జల వివాదంలో అప్పటి తమిళ నటులంతా కర్ణాటకకు వ్యతిరేకంగా ఒక దీక్షను చేపట్టారు. అది కూడా భారతీరాజా న్యాయకత్వంలోనే వ్యవహరించారు. శాంతియుతంగా చేపట్టిన ఈ నిరసనలు చివరికి ఘర్షణకు దారితీసాయి. దీంతో పోలీసులపై కొంతమంది దాడి చేయగా ఈ దాడిని రజనీకాంత్ ఖండించారు. అంతేకాకుండా అప్పట్లో తమిళ నటులు చేపట్టిన ఈ దీక్షకు కూడా రజనీకాంత్ మద్దతు ప్రకటించకపోవడంతో భారతీ రాజా రజినీకాంత్ ను తమిళ ద్రోహి అంటూ బహిరంగంగా ఆరోపించారు.

అలాగే రజనీకాంత్ పొలిటికల్ ఎంట్రీ ఇవ్వబోతున్నారనే వార్తలు వినిపిస్తున్న సందర్భంలో కూడా భారతీరాజా చాలానే విమర్శలు చేశారు. కానీ డైరెక్టర్ భారతీరాజాని మాత్రం రజనీకాంత్ ఎప్పుడూ కూడా ఒక విమర్శ కూడా చేయలేదట. అయితే ఒకానొక సందర్భంలో భారతీరాజా కూడా తన మాటలతో రజినీకాంత్ ని ఇబ్బంది పెట్టానంటు ఇంటర్వ్యూలో తెలియజేశారు.
]]>

సినీ ప్రముఖుల చేతుల మీదుగా ‘సిద్ధుగాడి లవ్ స్టోరీ’ టీజర్, ట్రైలర్ లాంచ్

Reddy P Rajasekhar — Wed, 10 Jun 2026 14:04:24 GMT

హైదరాబాద్:
తెలుగు సిల్వ‌ర్ స్క్రీన్‌పైకి బ్యూటీఫుల్ యూత్ ఫుల్ లవ్ స్టోరీ రాబోతోంది. మనోజ్ కుమార్ , మోహన సిద్ధి, , శృతి శంకర్ హీరోహీరోయిన్లుగా, రమేష్ చెరుకూరు దర్శకత్వంలో, సావిత్రమ్మ నిర్మాణంలో, ఎగ్జిక్యూటివ్ ప్రొడ్యూసర్స్ వి. సాంబశివరావు మరియు వేణు గోపాల చారి సారధ్యం లో తెర‌కెక్కుతున్న చిత్రం ‘సిద్ధుగాడి లవ్ స్టోరీ’. ప్రముఖ సినీ దర్శకులు, నిర్మాతలు, నటుల సమక్షంలో ‘సిద్ధుగాడి లవ్ స్టోరీ’ చిత్ర టీజర్, ట్రైలర్‌ను ఘనంగా ఆవిష్కరించారు. ప్ర‌సాద్ ల్యాబ్‌లోజ‌రిగిన ట్రైల‌ర్ విడుద‌ల కార్య‌క్ర‌మంలో ప్రముఖ దర్శకులు ఎ. కోదండరామిరెడ్డి, బి. గోపాల్, దామోదర ప్రసాద్, తెలుగు సినీ దర్శకుల సంఘం అధ్యక్షుడు వి.ఎన్. ఆదిత్య, దర్శకులు వి. సముద్ర, రామ్ ప్రసాద్, నటుడు-నిర్మాత అశోక్ కుమార్, నిర్మాతల మండలి కార్యదర్శి ప్రసన్న కుమార్, రాజేందర్ ప్రసాద్ తదితరులు ముఖ్య అతిథులుగా పాల్గొని చిత్ర యూనిట్‌కు శుభాకాంక్షలు తెలిపారు.

నిర్మాతల మండలి కార్యదర్శి ప్రసన్న కుమార్ మాట్లాడుతూ, “పవన్ కళ్యాణ్ గారి డైలాగ్‌లో వచ్చిన ‘సిద్ధు.. సిద్ధార్థ్ రాయ్’ ఎంతగా ప్రేక్షకులకు కనెక్ట్ అయిందో, అదే విధంగా ఈ సినిమా కూడా ప్రేక్షకులకు బాగా చేరువ అవుతుందని నమ్ముతున్నాను. ఈ వేడుకలో పాల్గొన్న ప్రతి ఒక్కరూ చిత్ర బృందానికి హృదయపూర్వకంగా శుభాకాంక్షలు తెలియజేశారు. డల్లాస్ నుంచి వచ్చి ఈ సినిమాను తెర‌కెక్కించిన దర్శకుడు రమేష్ గారు భవిష్యత్తులో మరెన్నో మంచి సినిమాలు నిర్మించాలని కోరుకుంటున్నాను” అన్నారు.

తెలుగు సినీ దర్శకుల సంఘం అధ్యక్షుడు వి.ఎన్. ఆదిత్య మాట్లాడుతూ, “ఈ చిత్రాన్ని ఆశీర్వదించేందుకు వచ్చిన సినీ పెద్దలందరికీ ధన్యవాదాలు. రమేష్ గారు నన్ను సంప్రదించినప్పుడు ఆయనలో ఉన్న సినిమా పట్ల అభిరుచి, పట్టుదల నాకు అర్థమైంది. అందుకే ఆయనకు పూర్తి సహకారం అందించాను. మా దర్శకుల సంఘ సభ్యుల సినిమాల విడుదలకు సహకరించాలని మేము నిర్ణయించుకున్నాం. ఈ సినిమా చిత్ర బృందాన్ని మరింత ఉన్నత స్థాయికి తీసుకెళ్లాలని, నిర్మాతకు మంచి లాభాలు తీసుకురావాలని కోరుకుంటున్నాను” అన్నారు.

ప్రముఖ నిర్మాత దామోదర ప్రసాద్ మాట్లాడుతూ, “గత పదేళ్లుగా ఎంతో మంది ఎన్ఆర్ఐలు సినీ పరిశ్రమలోకి వస్తున్నారు. అలాంటి వారిలో రమేష్ గారు కూడా ఒకరు. మంచి కథతో తీసిన ఈ చిత్రం విజయవంతం కావాలని కోరుకుంటున్నాను” అన్నారు.

దర్శకుడు వి. సముద్ర మాట్లాడుతూ, “ఇలాంటి మంచి ప్రయత్నాలు తప్పకుండా ప్రేక్షకుల ఆదరణ పొందాలి. నిర్మాత ఇంకా ఎన్నో సినిమాలు నిర్మించాలని కోరుకుంటున్నాను. ట్రైలర్ చాలా బాగుంది. సినిమా పెద్ద విజయం సాధిస్తుందనే నమ్మకం ఉంది” అన్నారు.

ప్రముఖ దర్శకుడు ఎ. కోదండరామిరెడ్డి మాట్లాడుతూ, “కొత్తవారితో మంచి కథను ప్రేక్షకుల ముందుకు తీసుకురావడం అభినందనీయం. టీజర్, ట్రైలర్ ఆసక్తికరంగా ఉన్నాయి. చిత్ర యూనిట్ అంతా ఎంతో కష్టపడి పని చేసినట్లు కనిపిస్తోంది. ఈ సినిమా ఘన విజయం సాధించాలని దేవుడిని ప్రార్థిస్తున్నాను. దర్శకుడు రమేష్ భవిష్యత్తులో మరిన్ని మంచి చిత్రాలు తెరకెక్కించాలని కోరుకుంటున్నాను” అన్నారు.

ప్రముఖ దర్శకుడు బి. గోపాల్ మాట్లాడుతూ, “‘సిద్ధుగాడి లవ్ స్టోరీ’ ట్రైలర్ చాలా బాగుంది. ప్రేమకథకు వినోదం, భావోద్వేగాలు జోడించినట్లు కనిపిస్తోంది. చిత్ర యూనిట్ అందరికీ నా అభినందనలు. సినిమా మంచి విజయాన్ని సాధించి నిర్మాతకు, దర్శకుడికి మంచి పేరు తీసుకురావాలని కోరుకుంటున్నాను” అన్నారు.

నటుడు-నిర్మాత అశోక్ కుమార్ మాట్లాడుతూ, “‘సిద్ధుగాడి లవ్ స్టోరీ’ సినిమా ట్రైలర్ ఆకట్టుకునేలా ఉంది. కొత్తవారితో రూపొందిన ఈ చిత్రం మంచి ఫలితాన్ని అందుకోవాలని కోరుకుంటున్నాను. చిత్ర యూనిట్‌లోని ప్రతి ఒక్కరికీ నా శుభాకాంక్షలు” అన్నారు.

హీరో మనోజ్ కుమార్ , మాట్లాడుతూ, “మా కార్యక్రమానికి విచ్చేసి మమ్మల్ని ఆశీర్వదించిన దర్శక దిగ్గజాలందరికీ నా హృదయపూర్వక కృతజ్ఞతలు. సొంత ఊరిని వదిలి దూర ప్రాంతాలకు వెళ్లిన వారి జీవితాలకు ఈ కథ మరింత దగ్గరగా ఉంటుంది. మా ఇద్దరు హీరోయిన్లు ఇద్దరూ ఎంతో బాగా నటించారు. ఒకరు ఆంధ్రప్రదేశ్‌కు ప్రతీకగా ముద్దపప్పు-ఆవకాయ లాంటి వారు అయితే, మరొకరు తెలంగాణకు ప్రతీకగా బిర్యానీ లాంటి వారు. ప్రేక్షకులకు వినోదంతో పాటు భావోద్వేగాలను అందించే సినిమా ఇది” అన్నారు.

హీరోయిన్ మోహన సిద్ధి,..మాట్లాడుతూ, “మా కార్యక్రమానికి సినీ దిగ్గజాలు రావడం నిజంగా మా అదృష్టం. వారి ఆశీస్సులు మాకు ఎంతో ప్రోత్సాహాన్ని ఇచ్చాయి. ప్రేక్షకులందరికీ ఈ సినిమా తప్పకుండా నచ్చుతుంది” అని చెప్పారు.

మరో హీరోయిన్ శృతి శంకర్ మాట్లాడుతూ, “ఈ సినిమాలో అవకాశం ఇచ్చిన దర్శకుడు రమేష్ గారికి ప్రత్యేక కృతజ్ఞతలు. చిత్ర యూనిట్‌లోని ప్రతి ఒక్కరూ ఎంతో సహకరించారు. మంచి కథతో రూపొందిన ఈ సినిమా ప్రేక్షకుల ఆదరణ పొందుతుందనే నమ్మకం ఉంది” అన్నారు.

దర్శకుడు రమేష్ చెరుకూరు మాట్లాడుతూ, “సినిమా మీద ఫ్యాష‌న్‌తో ఈ రంగంలోకి వ‌చ్చాను. ఐదేళ్ల కోరిక నెర‌వేరిన క్ష‌ణం ఇది. మా ఈ ప్రాజెక్టు ప్రయాణంలో వి.ఎన్. ఆదిత్య గారి సహకారం నాకు ఎంతో ఉపయోగపడింది. ప్రేక్షకులను ఆకట్టుకునే ప్రేమకథతో పాటు మంచి సందేశాన్ని కూడా ఈ సినిమాలో చూపించబోతున్నాం. టీజర్, ట్రైలర్‌కు వస్తున్న స్పందన మాకు మరింత ఉత్సాహాన్ని ఇస్తోంది. త్వరలోనే సినిమా విడుదల తేదీని ప్రకటిస్తాం. ప్రేక్షకులందరూ మా చిత్రాన్ని ఆదరించాలని కోరుకుంటున్నాను” అన్నారు.

ఈ ప్రేమకథలో వినోదంతో పాటు ఒక మంచి సందేశం కూడా ఉంటుందని హీరో తెలిపారు. హీరోయిన్లు తమ పాత్రలపై సంతోషం వ్యక్తం చేశారు. సంగీత దర్శకుడు ఆదిత్య మాట్లాడుతూ చిత్రంలోని పాటలు ప్రేక్షకులను అలరిస్తాయని చెప్పారు. ఈ చిత్రంలో సీనియ‌ర్ న‌టుడు సుమన్, స్నేహ, ఆనంద్ భారతి, సర్కార్, అలీష, చిత్రం శ్రీను తదితరులు ముఖ్య పాత్రలు పోషిస్తున్నారు. ‘సిద్ధుగాడి లవ్ స్టోరీ’ టీజర్, ట్రైలర్‌కు సినీ ప్రముఖుల నుంచి ప్రశంసలు లభిస్తున్నాయి. త్వరలో ప్రేక్షకుల ముందుకు రానున్న ఈ చిత్రం మంచి విజయాన్ని అందుకుంటుందనే నమ్మకాన్ని చిత్ర బృందం వ్యక్తం చేసింది.

సాంకేతిక నిపుణులు:

కథ, దర్శకత్వం: రమేష్ చెరుకూరు
నిర్మాత: సావిత్రమ్మ. సి
ఎగ్జిక్యూటివ్ ప్రొడ్యూసర్: వి. సాంబశివరావు, వేణు గోపాల చారి
ఛాయాగ్రహణం (DOP): దోసడ యాదగిరి
సంగీతం: ఆదిత్య
సాహిత్యం: మధు, స్వామి
మాటలు: మెండెం శ్రీధర్
ఎడిటర్: లక్కీ
డిజిటల్: మమత రెడ్డి కాసం
పీఆర్వో: అశోక్ దయ్యాల
---
]]>