indiaherald.com - RSS Feeds

ఏపీలో బంగారు గనులు.. బంగారం ధరలు తగ్గుతాయా..?

Divya — Wed, 24 Jun 2026 17:08:31 GMT

ప్రస్తుతం బంగారం ధరలు చూసి చాలా మంది కొనాలంటే భయపడేలా కనిపిస్తోంది. ఈ మధ్యకాలంలో కొంతమేరకు తగ్గిన కొనడానికి ప్రజలు మాత్రం కొనడానికి మక్కువ చూపడం లేదు. కానీ ఆంధ్రప్రదేశ్లో మాత్రం తరచూ ఈ మధ్యకాలంలో బంగారు గనుల గురించి ఎక్కువగా పేర్లు వినిపిస్తున్నాయి. గతంలో రాయలసీమలోని కదిరి ప్రాంతంలో బంగారుగనులు ఉన్నట్టుగా పేర్లు వినిపించాయి. ఇప్పుడు తాజాగా రాయలసీమలోని కర్నూలు జిల్లా జొన్నగిరి ప్రాంతంలో 1500 ఎకరాలు భూములను కేటాయించారని ప్రస్తుతం 600 ఎకరాల తవ్వకాలు జరుపబోతున్నట్లు తెలుస్తోంది.

అయితే ఈ ప్లాంట్ ద్వారా మొదటి ఏడాది 400 కిలోల బంగారాన్ని ఉత్పత్తి చేసేలా ప్లాన్ చేశారు. వచ్చే ఏడాది నుంచి 900 కిలోల బంగారాన్ని ఉత్పత్తి చేయబోతున్నట్లు తెలుస్తోంది. ఇలా ప్రతి ఏడాది పెంచుతూ రెండు టన్నుల వరకు ఈ బంగారాన్ని ఉత్పత్తి చేసేలా ప్లాన్ చేస్తున్నారు. అలాగే ఈ ప్లాంట్ ద్వారా కూడా సుమారుగా 1000 మందికి పైగా ఉపాధి లభించే అవకాశాలు ఉన్నాయి. ఆంధ్రప్రదేశ్లో ఈ బంగారు గనుల పేరు వినిపిస్తున్నప్పటి నుంచి బంగారం ఉత్పత్తి ప్రారంభమైతే ఏపీలో బంగారం ధరలు తగ్గుతాయి అనే చర్చ కూడా ఇప్పుడు మొదలైంది.

కానీ ఈ విషయం పైన నిపుణులు మాత్రం అలాంటి పరిస్థితులు ఏవి ఉండవంటూ తెలియజేస్తున్నారు. అయితే ప్రస్తుతం ఈ గోల్డ్ ప్రాజెక్టు ద్వారా ఎంత మేర బంగారం ఉత్పత్తి అవుతుందనే విషయం పైన ఇంకా సరైన స్పష్టత అనేది రాలేదు. ప్రతి ఏడాది భారత్ 700 నుంచి 800 టన్నుల బంగారాన్ని విదేశాల నుంచి దిగుమతి చేసుకుంటున్నారు. ఈ డిమాండ్ వల్లే ఇప్పుడు జొన్నగిరి నుంచి బంగారం వెలికి తీయబోతున్నట్లు విశ్లేషకులు తెలియజేస్తున్నారు. దీనివల్ల బంగారం దిగుమతులు కూడా గణనీయంగా తగ్గించే అవకాశం ఉంటుందని, అలాగే ధరల పైన ప్రభావం చూపే అవకాశం కూడా ఉంటుందనే విధంగా విశ్లేషకులు తెలియజేస్తున్నారు. ఏం జరుగుతుందో తెలియాలంటే మరో కొద్ది రోజులు ఆగాల్సిందే.
]]>

13 రోజులు ఆలస్యంగా రుతుపవనాలు.. ముంబై కకావికలం మహారాష్ట్రవ్యాప్తంగా బీభత్సం

Hareesh — Wed, 24 Jun 2026 16:02:00 GMT

ఈ ఏడాది నైరుతి రుతుపవనాలు దాదాపు 13 రోజులు ఆలస్యంగా రావడంతో దేశంలోని పలు ప్రాంతాలు తీవ్ర వాతావరణ సమస్యలను ఎదుర్కొంటున్నాయి. ముఖ్యంగా ముంబై మహానగరం పూర్తిగా కకావికలమైంది. భారీ వర్షాల కారణంగా రహదారులు జలమయమై, రవాణా వ్యవస్థ స్తంభించిపోయింది.

ముంబైలోని పలు ప్రాంతాల్లో నీళ్లు మోకాలి లోతు వరకు నిలిచిపోవడంతో, ప్రజలు తీవ్ర ఇబ్బందులు పడుతున్నారు. అంధేరీ సబ్‌వే నీళ్లతో నిండిపోవడంతో దానిని మూసివేయాల్సిన పరిస్థితి ఏర్పడింది. లోకల్‌ ట్రెయిన్‌ సర్వీసులు పలుచోట్ల ఆలస్యంగా నడుస్తున్నాయి. విమానాల రాకపోకలపై కూడా ప్రభావం పడింది.

మహారాష్ట్రవ్యాప్తంగా రుతుపవనాలు చురుకుగా ముందుకు సాగుతున్నాయని భారత వాతావరణ శాఖ తెలిపింది. వచ్చే 24 గంటల్లో రుతుపవనాలు మరిన్ని ప్రాంతాలకు విస్తరించే అవకాశం ఉందని, పలు రాష్ట్రాల్లో భారీ వర్షాలు కురిసే అవకాశం ఉందని హెచ్చరికలు జారీ చేశారు.

తెలంగాణ, ఆంధ్రప్రదేశ్‌ల్లోనూ తేలికపాటి నుంచి మోస్తరు వర్షాలు నమోదవుతున్నాయి. కొన్ని ప్రాంతాల్లో పిడుగుల ఘటనలు చోటు చేసుకుంటున్నాయని, ప్రజలు అప్రమత్తంగా ఉండాలని అధికారులు సూచిస్తున్నారు. వ్యవసాయ కార్యకలాపాలకు మాత్రం ఈ వర్షాలు ఊపునిచ్చే అవకాశం ఉంది.

ఆలస్యంగా వచ్చిన రుతుపవనాలు తీవ్రతతో కురుస్తుండటంతో, నీటి ఎద్దడి భయంతో ఉన్న రైతాంగానికి కొంత ఊరట లభించినప్పటికీ, పట్టణ ప్రాంతాల్లో మౌలిక సదుపాయాల లోపం మరోసారి బట్టబయలైంది. ముంబై వంటి మహానగరాల్లో ప్రతియేటా పునరావృతమవుతున్న వరద పరిస్థితులపై ప్రభుత్వ ప్రణాళికలు అమలు ఎంత సమర్థంగా జరుగుతున్నాయన్న ప్రశ్నలు తలెత్తుతున్నాయి.

]]>

మెట్రోపై మరో రాజకీయ ప్రకంపన.. రేవంత్‌ సర్కార్‌పై కేటీఆర్‌ తీవ్ర ఆరోపణలు!

Hareesh — Wed, 24 Jun 2026 15:17:36 GMT

తెలంగాణ రాజకీయాల్లో మెట్రో రైలు అంశం మరోసారి కేంద్ర బిందువుగా మారింది. భారత్‌ రాష్ట్ర సమితి వర్కింగ్‌ ప్రెసిడెంట్‌ కేటీఆర్‌ తాజాగా రేవంత్‌రెడ్డి సర్కార్‌పై తీవ్ర ఆరోపణలు చేశారు. హైదరాబాద్‌ మెట్రో రైలుకు సంబంధించిన దాదాపు రూ.30,000 కోట్ల విలువైన ఆస్తులపై ముఖ్యమంత్రి కన్ను పడిందని, దీనిని ‘మెట్రో లూటీ’ అని అభివర్ణిస్తూ కేటీఆర్‌ ప్రశ్నలు సంధించారు.

కేసీఆర్‌ ముఖ్యమంత్రిగా ఉన్న కాలంలో నిర్మించిన హైదరాబాద్‌ మెట్రో ప్రాజెక్టును ప్రస్తుత ప్రభుత్వం దెబ్బతీసేలా వ్యవహరిస్తోందని, అనాలోచిత నిర్ణయాలతో ఉన్న రైలు సేవలే ప్రశ్నార్థకంగా మారాయని ఆయన ఆరోపించారు. మెట్రో రెండో దశ విస్తరణ ప్రణాళికలపై కేంద్రానికి సమర్థంగా లాబీయింగ్‌ చేయడంలో రేవంత్‌ సర్కార్‌ విఫలమైందని, ఢిల్లీకి మూటలు మోయడంలో మాత్రమే ముఖ్యమంత్రి విజయం సాధించారని కేటీఆర్‌ తీవ్ర వ్యాఖ్యలు చేశారు.

కేటీఆర్‌ ఆరోపణలపై అధికార పక్షం నుంచి తీవ్ర ప్రతిస్పందన వచ్చింది. మెట్రో ప్రాజెక్టులో జరిగిన అవకతవకలను ప్రజల ముందుకు తీసుకొస్తామని, గత ప్రభుత్వ హయాంలోనే విలువైన ఆస్తులు తాకట్టు పెట్టబడ్డాయని కాంగ్రెస్‌ నేతలు ఎదురుదాడికి దిగారు. మెట్రో నష్టాలకు మూలకారణం బీఆర్‌ఎస్‌ ప్రభుత్వ నిర్వహణ లోపమేననీ వారు పేర్కొంటున్నారు.

మెట్రో రైలు నగర ప్రజల జీవన విధానంలో అంతర్భాగంగా మారిన నేపథ్యంలో, ఈ రాజకీయ చర్చ సాధారణ ప్రయాణికులపై ఎలాంటి ప్రభావం చూపుతుందనేది ఆసక్తికరంగా మారింది. మరోవైపు, ఆర్టీసీలో ఉద్యోగ సంఘాల ఎన్నికలు, ఫీజు రీయింబర్స్‌మెంట్‌ సమస్యలతో పాటు ఈ మెట్రో అంశం కూడా అధికార పక్షానికి సవాలుగా మారనుందని రాజకీయ విశ్లేషకులు అభిప్రాయపడుతున్నారు.

]]>

తెలంగాణ నిరుద్యోగులకు శుభవార్త.. 14,171 టీచర్ పోస్టులతో మెగా డీఎస్సీ!

Hareesh — Wed, 24 Jun 2026 12:18:45 GMT

తెలంగాణ నిరుద్యోగ యువతకు మరో పెద్ద శుభవార్త అందింది. రాష్ట్రవ్యాప్తంగా ప్రభుత్వ పాఠశాలల్లో దీర్ఘకాలంగా ఖాళీగా ఉన్న ఉపాధ్యాయ పోస్టుల భర్తీపై రేవంత్‌రెడ్డి సర్కార్‌ కీలక ప్రకటన చేసింది. మొత్తం 14,171 టీచర్‌ ఖాళీలను మెగా డీఎస్సీ ద్వారా భర్తీ చేయనున్నట్లు ప్రభుత్వ వర్గాలు వెల్లడించాయి.

రాష్ట్రం ఏర్పడిన నాటి నుంచి ఉపాధ్యాయ నియామకాలు సకాలంలో జరగక విద్యా రంగంలో పెద్ద ఎత్తున ఖాళీలు పేరుకుపోయాయి. చాలా మంది అభ్యర్థులు ఏళ్ల తరబడి టీచర్‌ ఉద్యోగాల కోసం ఎదురుచూస్తున్న పరిస్థితి నెలకొంది. ఈ నేపథ్యంలో మెగా డీఎస్సీ ప్రకటన అభ్యర్థుల్లో ఆశలు రేకెత్తించింది.

ఈ నియామకాల ద్వారా ప్రాథమిక, ఉన్నత పాఠశాలల్లో బోధన నాణ్యతను మెరుగుపరచడంతో పాటు, విద్యార్థి-ఉపాధ్యాయ నిష్పత్తిని కూడా సరిచేయవచ్చని విద్యా శాఖ అధికారులు భావిస్తున్నారు. గత డీఎస్సీలతో పోలిస్తే ఈ సారి పోస్టుల సంఖ్య ఎక్కువగా ఉండటం గమనార్హం.

దరఖాస్తు తేదీలు, పరీక్ష విధానం, సిలబస్‌, ఎంపిక ప్రక్రియ వంటి వివరాలను రాష్ట్ర ప్రభుత్వం త్వరలో అధికారికంగా విడుదల చేయనుందని సమాచారం. డీఎడ్‌, బీఎడ్‌ పూర్తి చేసిన లక్షల మంది అభ్యర్థులు ఈ ప్రకటన కోసం వేచిచూస్తున్న నేపథ్యంలో, దరఖాస్తు ప్రక్రియ ఆన్‌లైన్‌లోనే నిర్వహించే అవకాశం ఉంది.

మరోవైపు, ఇప్పటికే రాష్ట్రంలో పనిచేస్తున్న కాంట్రాక్ట్‌, విద్యా వలంటీర్ల పరిస్థితిపైనా ప్రభుత్వం స్పష్టత ఇవ్వాలని ఉద్యోగ సంఘాలు డిమాండ్‌ చేస్తున్నాయి. మొత్తానికి విద్యా రంగంలో ఈ నియామకాలు పెద్ద మలుపుగా నిలవనున్నాయి.

]]>

ఏపీ: విశాఖ స్టీల్ ప్లాంట్ బాధితులకు జగన్ భరోసా..!

Divya — Wed, 10 Jun 2026 18:12:41 GMT

విశాఖ స్టీల్ ప్లాంట్ లో ఇటీవల జరిగిన ప్రమాదం నేపథ్యంలో మాజీ సీఎం, వైసిపి పార్టీ అధినేత విశాఖలోని సెవెన్ హిల్స్ ఆసుపత్రిలో చికిత్స పొందుతున్న బాధితులను కలిసి వారికి భరోసా ఇచ్చారు. తమ ప్రభుత్వం వచ్చిన వెంటనే కోటి రూపాయలు పరిహారం ఇచ్చి ఆదుకుంటుందని తెలియజేశారు. అలాగే ప్రమాదం జరిగిన తీరు చాలా బాధాకరమని, ప్రమాద బాధిత కుటుంబాలకు కోటి రూపాయలు పరిహారం అందించాలని కూటమి ప్రభుత్వాన్ని డిమాండ్ చేశారు. అలాగే ప్రతి బాధిత కుటుంబానికి కూడా ఒక ఉద్యోగం కల్పించాలని తెలియజేశారు.

వైసిపి పార్టీ అధికారం నుంచి దిగిపోయే సమయంలో స్టీల్ ప్లాంట్లో 28 వేల మంది ఉద్యోగాలు పనిచేస్తున్నారని, కూటమి ప్రభుత్వం వచ్చిన రెండేళ్లలోనే 10,500 మందిని తొలగించారంటూ విమర్శలు చేశారు. ఆ ఉపాధి కోల్పోవడంతో స్టీల్ ప్లాంట్ ఉద్యోగుల పరిస్థితి చాలా దారుణంగా మారిపోయిందంటూ తెలియజేశారు. అంతేకాకుండా తమ ప్రభుత్వ హయాంలో ఉద్యోగుల క్వార్టర్స్ లో కేవలం 50 పైసలకే యూనిట్ విద్యుత్ ఛార్జ్ చేసేవారని, కూటమి ప్రభుత్వం వచ్చిన తరువాత రూ. 8.50 పైసలకి పెంచారంటూ మండిపడ్డారు వైసీపీ అధినేత.

సీఎం చంద్రబాబు ,లోకేష్ పైన ఫైర్ అవుతూ ప్రమాదం జరిగిన కనీసం మానవత్వం చూపించాల్సిన ప్రభుత్వం ఇలా వ్యవహరించడం చాలా బాధాకరమంటూ విరుచుకుపడ్డారు. మృతుల కుటుంబాలకు ఇవ్వాల్సిన పరిహారంలో కూడా తండ్రి కొడుకులు పెద్ద డ్రామా చేశారంటూ ఆరోపణలు చేస్తున్నారు. మృతుల కుటుంబాలకు స్టీల్ ప్లాంట్ ఫ్యాక్టరీ నుంచి రూ. 25 లక్షల రూపాయలు ఇస్తూ ఉంటే కూటమి ప్రభుత్వం ఏమి ఇచ్చిందంటూ ప్రశ్నించారు. తమ ప్రభుత్వ హయాంలో జరిగిన ఎల్జి పాలిమర్స్ ప్రమాద ఘటనకు బాధితులకు సైతం కోటి రూపాయలు పరిహారం ఇచ్చామంటూ తెలియజేశారు. కానీ ఇప్పుడు కూటమి ప్రభుత్వం పరిహారం ఇవ్వకపోతే వైసీపీ ప్రభుత్వం వచ్చిన తర్వాత వారికి కచ్చితంగా కోటి రూపాయలు పరిహారం ఇస్తామంటూ హామీ ఇచ్చారు.
]]>

పర్యావరణ పరిరక్షణలో ప్రతి ఒక్కరూ భాగస్వాములు కావాలి : ఫోక్ యాక్టర్ నజీమ్

Reddy P Rajasekhar — Fri, 05 Jun 2026 15:35:13 GMT

సిద్దిపేట, జూన్ 5: ప్రపంచ పర్యావరణ దినోత్సవం సందర్భంగా ప్రభుత్వ డిగ్రీ కళాశాలలో విశ్వంభర ఫౌండేషన్, నేచర్ గ్రీన్ ఆర్గనైజేషన్ సంయుక్త ఆధ్వర్యంలో, కళాశాల యాజమాన్యం మద్దతుతో మొక్కల నాటే కార్యక్రమం ఘనంగా నిర్వహించారు.

ఈ కార్యక్రమానికి ముఖ్య అతిథిగా హాజరైన ఫోక్ యాక్టర్ నజీమ్ మాట్లాడుతూ పర్యావరణ పరిరక్షణలో ప్రతి ఒక్కరూ భాగస్వాములు కావాలని, భవిష్యత్ తరాలకు స్వచ్ఛమైన వాతావరణాన్ని అందించాలంటే విస్తృతంగా మొక్కలు నాటాలని పిలుపునిచ్చారు. ప్రకృతి పరిరక్షణ ప్రతి పౌరుడి బాధ్యత అని, పర్యావరణ సమతుల్యత కోసం మొక్కల పెంపకం అత్యంత అవసరమని ఆయన పేర్కొన్నారు.

కళాశాల వైస్ ప్రిన్సిపాల్ అయోధ్య రెడ్డి మాట్లాడుతూ ప్రపంచవ్యాప్తంగా గ్లోబల్ వార్మింగ్ ప్రభావం రోజురోజుకూ పెరుగుతున్న నేపథ్యంలో భూభాగంలో అటవీ విస్తీర్ణం 33 శాతానికి తగ్గకుండా ఉండేలా కృషి చేయాల్సిన అవసరం ఉందన్నారు. మొక్కల నాటడాన్ని ప్రతి ఒక్కరూ సామాజిక బాధ్యతగా స్వీకరించి వాటి సంరక్షణకు కూడా కట్టుబడి ఉండాలని సూచించారు.

కార్యక్రమంలో భాగంగా కళాశాల ప్రాంగణంలో పలు రకాల మొక్కలను నాటారు. ఈ సందర్భంగా "ఒక వ్యక్తి – ఒక చెట్టు – ఒక తరం" అనే నినాదాన్ని సంస్థ ప్రతినిధులు ప్రకటిస్తూ పర్యావరణ పరిరక్షణకు కృషి చేయాలని పిలుపునిచ్చారు.

ఈ కార్యక్రమంలో కామర్స్ అండ్ మేనేజ్‌మెంట్ & మ్యాథమాటిక్స్ విభాగాల హెచ్‌వోడి లు
గోపాల. సుదర్శన్, మధుసూదన్, ఇన్‌స్టా ఇన్‌ఫ్లూయెన్సర్ పవన్, విశ్వంభర ఫౌండేషన్ మరియు నేచర్ గ్రీన్ సంస్థల ప్రతినిధులు వంగల సంతోష్, పోచంపల్లి. రాజేష్, రామ్ చందర్ రెడ్డి, నాగ చందర్ రెడ్డి, రాజశేఖర్, అమర్ నాథ్.లింగంపల్లి, శ్రీ వర్ధన్, కళాశాల అధ్యాపకులు, తదితరులు పాల్గొన్నారు.

ఈ వాట్సాప్ నెంబ‌ర్‌కు మీ జిల్లాలో రాజ‌కీయ‌, సామాజిక స‌మ‌స్య‌లు వివ‌రాలు పంపండి..

ఏపీ, తెలంగాణ‌లో వివిధ నియోజ‌క‌వ‌ర్గాల్లో నెల‌కొన్న ప్ర‌జ‌ల స‌మ‌స్య‌లు, రాజ‌కీయ ప‌ర‌మైన అంశాల‌ను మా దృష్టికి తీసుకు రావాల‌నుకుంటున్నారా ? మీ స‌మ‌స్య లేదా మీరు చెప్పే విషయం ఏదైనా క్లుప్తంగా 9490520108 నెంబ‌రుకు వాట్సాప్ ద్వారా తెలియ‌జేయండి.

నోట్ : వ్య‌క్తిగ‌త స‌మ‌స్య‌లు వ‌ద్దు
]]>

రాజ్ అల్లాడ అధ్యక్షుడిగా NATS నూతన కార్యవర్గం

Reddy P Rajasekhar — Tue, 02 Jun 2026 11:51:58 GMT

ఉత్తర అమెరికా తెలుగు సొసైటీ (NATS) 2026-2028 కి గాను, తన నూతన ఎగ్జిక్యూటివ్ కమిటీ (EC)ని ప్రకటించింది. NATS బోర్డ్ ఆఫ్ డైరెక్టర్స్, సంస్థను మరింత అభివృద్ధి దిశగా నడిపించేందుకు, సేవా కార్యక్రమాలను విస్తరించేందుకు మరియు సభ్యులతో అనుబంధాన్ని బలోపేతం చేయేందుకు రాజ్ అల్లాడాను అధ్యక్షుడిగా ఎన్నుకుంది.

అనుభవం, యువ నాయకత్వం, సేవా దృక్పథం కలగలిసిన ఈ నూతన కార్యవర్గంలో అధ్యక్షుడిగా రాజ్ అల్లాడ, వైస్ ప్రెసిడెంట్ (ప్రోగ్రామ్స్)గా రాజేష్ కండ్రు, వైస్ ప్రెసిడెంట్ (ఫైనాన్స్ అండ్ మార్కెటింగ్)గా అనుదీప్ అర్లా, వైస్ ప్రెసిడెంట్ (సర్వీసెస్)గా రాజ్యలక్ష్మి చిలుకూరి, కార్యదర్శిగా సుధీర్ మిక్కిలినేని, ఖజాంచీగా రామ్ నరేష్ కొమ్మనబోయిన, జాయింట్ సెక్రటరీగా భాను లంక, జాయింట్ ట్రెజరర్‌గా వెంకట సాకమూరి బాధ్యతలు చేపట్టనున్నారు. వీరందరూ తమ తమ రంగాల్లో విశేష అనుభవంతో పాటు NATS పట్ల అంకితభావంతో పనిచేస్తూ సంస్థ లక్ష్యాలను ముందుకు తీసుకెళ్లనున్నారు.

న్యూజెర్సీకి చెందిన టెక్నాలజీ ఎగ్జిక్యూటివ్ రాజ్ అల్లాడ 2009 నుంచి NATSలో వాలంటీర్‌గా సేవలందిస్తున్నారు. సంస్థలో పలు బాధ్యతలు నిర్వర్తించడంతో పాటు పలుమార్లు NATS బోర్డ్ మెంబర్ గా వ్యవహరించారు. ముఖ్యంగా సేవా కార్యక్రమాల పట్ల ఆయన చూపిన నిబద్ధత, కమ్యూనిటీకి ఉపయోగపడే కార్యక్రమాలను ముందుకు తీసుకెళ్లాలనే తపన ఆయనను ప్రత్యేకంగా నిలబెట్టాయి.

2023లో డిప్యూటీ కన్వీనర్‌గా బాధ్యతలు స్వీకరించిన రాజ్ అల్లాడ, న్యూజెర్సీలో జరిగిన NATS సంబరాల్లో కీలక పాత్ర పోషించారు. ఆ కార్యక్రమాన్ని విజయవంతంగా నిర్వహించి అందరి ప్రశంసలు అందుకున్నారు. నిధుల సేకరణలో ఆయన చూపిన చొరవ, వాలంటీర్లను ఒకే లక్ష్యంతో ముందుకు నడిపించిన తీరు, సేవా కార్యక్రమాలపై ఉన్న అంకితభావం సభ్యుల్లో విశేష గుర్తింపు తీసుకొచ్చాయి.

దాదాపు రెండు దశాబ్దాలుగా NATSకు అందిస్తున్న సేవలను, ఆయన నాయకత్వ సామర్థ్యాన్ని గుర్తించిన సంస్థ ఇప్పుడు ఆయనను అధ్యక్ష పదవికి ఎంపిక చేసింది. రాజ్ అల్లాడ నాయకత్వంలో NATS మరింత విస్తృతంగా సేవా కార్యక్రమాలు చేపట్టి, సభ్యుల భాగస్వామ్యాన్ని పెంచుతూ, సేవే లక్ష్యంగా ముందుకు సాగుతుందనే విశ్వాసాన్ని సభ్యులు వ్యక్తం చేస్తున్నారు.

ఎంపిక కమిటీ చేసిన సిఫార్సుల ఆధారంగా, పలు అంశాలను పరిశీలించిన అనంతరం NATS బోర్డ్ ఆఫ్ డైరెక్టర్స్ నూతన ఎగ్జిక్యూటివ్ కమిటీని ఎంపిక చేసింది. ఈ సందర్భంగా NATS బోర్డ్ ఛైర్మన్ శ్రీ కిషోర్ కంచర్ల, నూతన అధ్యక్షుడు రాజ్ అల్లాడతో పాటు మొత్తం కార్యవర్గానికి అభినందనలు తెలిపారు. సేవా దృక్పథం, అంకితభావం, స్పష్టమైన లక్ష్యాలతో ఈ బృందం సంస్థను మరింత ముందుకు తీసుకెళ్తుందనే విశ్వాసాన్ని ఆయన వ్యక్తం చేశారు. 2026-2028 లో రాజ్ అల్లాడ నాయకత్వంలోని నూతన కార్యవర్గం విజయవంతంగా పనిచేసి సంస్థకు మరింత పేరు ప్రతిష్ఠలు తీసుకురావాలని NATS బోర్డ్ ఆకాంక్షిస్తూ శుభాకాంక్షలు తెలియజేసింది.
]]>

గొర్రెల కాపరి ఉద్యోగాలు.. నెలకు లక్ష10వేలు జీతం..!

Divya — Thu, 28 May 2026 16:29:55 GMT

చైనాలో జరిగిన ఒక విచిత్రమైన సంఘటన ఇప్పుడు ప్రపంచవ్యాప్తంగా సంచలనంగా మారింది.. అదేమిటంటే కేవలం రెండే రెండు గొర్రెల కాపరి ఉద్యోగాల కోసం పెద్ద చదువులు పూర్తి చేసిన నిరుద్యోగులు సైతం క్యూలో నిలిచిన ఘటన ఇప్పుడు అందరినీ ఆశ్చర్యానికి గురిచేస్తోంది. మంగోలియా సరిహద్దు ప్రాంతంలో గొర్రెలు కాయడానికి ఇద్దరు వ్యక్తులు కావాలి అంటూ జువో జియావోయాంగ్ అనే ఒక ఫామ్ హౌస్ ఓనర్ సోషల్ మీడియాలో కేవలం ఒక యాడ్ మాత్రమే ఇచ్చారు. అయితే అలా ఇచ్చిన కొన్ని గంటలలోనే చైనా ట్విట్టర్లో 5.9 కోట్ల వ్యూస్ రాబట్టింది.

కేవలం రెండు పోస్టుల కోసం ఏకంగా 700 మందికి పైగా అప్లై చేసుకున్నారు. కార్పొరేట్ ఆఫీసులలో వారానికి ఆరు రోజులలో ఉదయం9 నుంచి రాత్రి9 వరకు పని చేయాల్సి ఉంటుంది, అలాగే ఏఐ భయాలు కూడా పెరిగి ఉద్యోగులను ఉక్కిరి బిక్కిరి చేస్తున్నాయి. ఇక ఫ్యాక్టరీలలో పని చేయడం చాలా కష్టంగా మారింది. దీంతో ఈ గొర్రెల కాపరి ఉద్యోగానికి పెద్ద చదువులు చదివిన నిరుద్యోగులు అప్లై చేయడం అందరిని ఆశ్చర్యానికి గురిచేస్తోంది. జీతం కూడా ఈ ఉద్యోగానికి భారీగానే ఉన్నట్లు తెలుస్తోంది. ఒక్కొక్కరికి ప్రతినెల లక్ష పదివేలకు పైగా జీతం ఇవ్వబోతున్నారు.

వీటికి తోడు వసతి, గ్రోసరీస్ కూడా ఉచితమే. చైనాలో పెద్ద యూనివర్సిటీలలో కూడా మాస్టర్ డిగ్రీ పూర్తి చేసిన వారికి సిటీలలో ఈ స్థాయిలో జీతాలు ఇస్తున్నప్పటికీ ఎక్కువగా అద్దె ఇళ్లకే సరిపోతోంది. వేసవికాలంలో 4,900 ఎకరాలు విస్తీర్ణంలో 3000 గొర్రెలను కూడా మేపాల్సి ఉంటుంది. అలాగే శీతాకాలంలో చలిలో కూడా వాటిని క్లీన్ చేస్తూ లోపలే ఉంచాలి. అయితే అన్ని విషయాలను కూడా ఓనర్ జూవో ముందే స్పష్టంగా చెబుతూ ఈ పోస్టులకు సంబంధించిన విధానాలను వివరించారు. అయినప్పటికీ కూడా చాలామంది వీటికి అప్లై చేసుకున్నారు. రెండు గంటలకు మొత్తం నలుగురికి ఉద్యోగంలోకి తీసుకున్నట్లు సమాచారం. అలాగే మరో 40 జంటలను వెయిటింగ్ లిస్టులో ఉంచినట్లు సమాచారం
]]>

ఏపీ: తల్లికి వందన రూ.15 వేలు ఇలా చేయకపోతే రానట్టే..!

Divya — Wed, 27 May 2026 12:35:40 GMT

ఆంధ్రప్రదేశ్లోని విద్యార్థులకు సైతం ఏపీ ప్రభుత్వం తాజాగా కీలకమైన సూచనలు చేసింది. తల్లికి వందనం కింద అందిస్తున్న రూ .15000 రూపాయలు ఈ ఏడాది అందించేందుకు బ్యాంకు ఖాతాను అప్డేట్ చేసుకోవాలని సూచించింది. కూటమి ప్రభుత్వం ఏపీలో అధికారంలోకి వచ్చిన తర్వాత చదువుకుంటున్న ప్రతి విద్యార్థులకు అండగా ఉండేందుకు తల్లికి వందనం పథకాన్ని ప్రవేశపెట్టారు. 2024-2025 విద్యా సంవత్సరం నుండి ఈ పథకాన్ని అమల్లోకి తీసుకువచ్చారు. అయితే ఈ పథకం ఒకటవ తరగతి నుంచి ఇంటర్ చదువుతున్న ప్రతి విద్యార్థి అర్హులే. గత ప్రభుత్వంలో ఒక్కో విద్యార్థికి మాత్రమే ఇచ్చేవారు. కానీ కూటమి ప్రభుత్వం ఇంట్లో ఎంతమంది చదివిన అంతమందికి అందిస్తోంది.

కూటమి ప్రభుత్వం అందిస్తున్న రూ .15000 రూపాయలలో రూ.13వేల రూపాయలు తల్లి అకౌంట్లో జమ చేయగా మిగిలిన రూ .2000 రూపాయలు స్కూళ్ల నిర్వహణ కోసం కేటాయిస్తున్నారు. అయితే వేసవి సెలవులు ముగిసిన వెంటనే జూన్ నెలలో కొత్త విద్యా సంవత్సరం మొదలవుతుంది. ఈ నేపథ్యంలోనే విద్యార్థుల తల్లిదండ్రుల ఖాతాలో నిధులను జమ చేసేందుకు ఏపీ ప్రభుత్వం కసరత్తు చేస్తోంది. ఈ డబ్బులు అకౌంట్లోకి జమ అవ్వాలి అంటే విద్యార్థి తల్లి బ్యాంకు అకౌంట్ కు ఆధార్ అనుసంధానం అవ్వాలని తెలియజేస్తోంది.

గత సంవత్సరం ఇలా బ్యాంకు అకౌంట్ కు ఆధార్ కార్డు లింక్ కాకపోవడం వల్ల చాలామంది విద్యార్థులు అర్హతలు ఉన్నప్పటికీ ఈ నిధులను పొందలేకపోయారు. అందుకే ఈసారి ముందుగానే విద్యార్థుల తల్లులను అలర్ట్ చేసింది ఏపీ ప్రభుత్వం. తమ అకౌంట్ కి ఆధార్ లింక్ ఉందో లేదో చెక్ చేసుకోవాలని ఒకవేళ బ్యాంక్ అకౌంట్కు ఆధార్ లింక్ లేకపోతే వెంటనే చేయించుకోవాలంటు తెలియజేశారు. తల్లికి వందనం పథకం అప్లికేషన్ ఏ దశలో ఉందో తెలుసుకోవాలి అంటే.. అధికారిక వెబ్సైట్ https://bm-sgsw.ap.gov.in/BM/SCHEMEOUT ద్వారా చెక్ చేసుకోవచ్చు.
]]>

గొడ్డలి పార్టీది ఫేక్‌ ప్రచారం.. సీఎం చంద్రబాబు నాయుడు కామెంట్స్ వైరల్!

Reddy P Rajasekhar — Wed, 20 May 2026 07:29:50 GMT

నెల్లూరు జిల్లా తుమ్మలపెంటలో ఘనంగా నిర్వహించిన 'మత్స్యకార సేవలో' బహిరంగ సభలో ఆంధ్రప్రదేశ్ ముఖ్యమంత్రి నారా చంద్రబాబు నాయుడు పాల్గొన్నారు. ఈ సందర్భంగా మత్స్యకారుల సంక్షేమం, వారి భద్రత మరియు ఏపీ తీరప్రాంత రక్షణే ధ్యేయంగా ఆయన పలు కీలక ప్రకటనలు చేయడంతో పాటు అక్రమ బోట్లపై కఠిన హెచ్చరికలు జారీ చేశారు. ముఖ్యమంత్రి ప్రసంగంలోని ముఖ్యాంశాల పూర్తి వివరాలు:

అక్రమ బోట్లపై కఠిన హెచ్చరికలు & శాటిలైట్ నిఘా:
"ఈ తీరం మనది.. బోటు మనది.. వేట మనది" అనే నినాదంతో సీఎం చంద్రబాబు మత్స్యకారుల్లో భరోసా నింపారు. ఆంధ్రప్రదేశ్ సముద్ర జలాల్లోకి అక్రమంగా ప్రవేశించి, ఇక్కడి సముద్ర సంపదను దొంగిలించే పక్క రాష్ట్రాల బోట్లను ఏమాత్రం సహించేది లేదని స్పష్టం చేశారు. ఇందుకోసం అత్యాధునిక శాటిలైట్ (ఉపగ్రహ) నిఘా వ్యవస్థను ఏర్పాటు చేసినట్లు ప్రకటించారు. పరాయి రాష్ట్రాల బోట్లు మన సరిహద్దుల్లోకి రాగానే ఆ సమాచారం నేరుగా జిల్లా కలెక్టర్లు మరియు సంబంధిత అధికారులకు వెళ్తుందని, వెంటనే వాటిపై కఠిన చర్యలు తీసుకుంటారని హెచ్చరించారు. మన వాటా వేటను వేరే వాళ్లకు దక్కనివ్వబోమని హామీ ఇచ్చారు.

భారీ ఆర్థిక సాయం మరియు సబ్సిడీ పథకాలు:
మత్స్యకారుల ఆర్థికాభివృద్ధి కోసం ప్రభుత్వం కట్టుబడి ఉందంటూ వేట విరామ భృతి కింద రాష్ట్రవ్యాప్తంగా ఉన్న 1,30,796 మత్స్యకార కుటుంబాలకు లబ్ధి చేకూర్చారు. ఒక్కో కుటుంబానికి రూ.20,000 చొప్పున మొత్తం రూ.261.50 కోట్ల నిధులను బటన్ నొక్కి నేరుగా వారి ఖాతాల్లోకి విడుదల చేశారు. దీనితో పాటు, మత్స్యకారుల చిరకాల విజ్ఞప్తిని మన్నిస్తూ.. ఏకంగా 60 శాతం భారీ సబ్సిడీతో 200 మెకనైజ్డ్ బోట్లను మంజూరు చేస్తున్నట్లు ప్రకటించారు. మిగిలిన 40 శాతం మొత్తాన్ని కూడా మత్స్యకారులకు భారం కాకుండా బ్యాంకుల ద్వారా రుణాలు ఇప్పించే బాధ్యతను ప్రభుత్వమే తీసుకుంటుందని చెప్పారు. అలాగే, బోట్లకు అవసరమైన డీజిల్ సబ్సిడీ బకాయిలను చెల్లించడంతో పాటు, భవిష్యత్తు డీజిల్ సబ్సిడీ కోసం బడ్జెట్‌లో ప్రత్యేకంగా రూ.50 కోట్లు కేటాయించినట్లు వెల్లడించారు.

ఆధునిక సాంకేతికత మరియు రక్షణ చర్యలు:
సముద్రంలో వేటకు వెళ్లే మత్స్యకారుల ప్రాణాల రక్షణకు ప్రభుత్వం అత్యధిక ప్రాధాన్యత ఇస్తోందని సీఎం తెలిపారు. తుఫానులు, వాతావరణ మార్పుల సమాచారంతో పాటు, సముద్రంలో చేపలు ఎక్కువగా ఎక్కడ లభిస్తాయో ఖచ్చితంగా తెలుసుకునేందుకు వీలుగా 4,550 ట్రాన్స్‌పాండర్లను (Transponders) ఏర్పాటు చేసినట్లు వివరించారు. దీనివల్ల మత్స్యకారుల వేట సులభం కావడమే కాకుండా ప్రమాదాల బారిన పడకుండా ఉంటారు.

పరిశ్రమలపై స్పష్టత & రాజకీయ విమర్శలు:
తీరప్రాంతంలో ఏర్పాటు కాబోతున్న పరిశ్రమల వల్ల మత్స్యకారులకు ఎలాంటి నష్టం జరగదని చంద్రబాబు స్పష్టం చేశారు. పర్యావరణానికి ఇబ్బంది లేకుండా, స్థానిక యువతకు ఉపాధి లభించేలా పరిశ్రమలు వస్తాయన్నారు. కొత్త పరిశ్రమలు మరియు ప్రాజెక్టులపై వైసిపి (YCP) నేతలు చేస్తున్న దుష్ప్రచారాలను, తప్పుడు ఆరోపణలను నమ్మవద్దని ఆయన మత్స్యకార సోదరులకు పిలుపునిచ్చారు. కూటమి ప్రభుత్వం మత్స్యకారుల జీవనోపాధిని దెబ్బతీయదని, వారి ప్రయోజనాలను కాపాడటంలో ఎల్లప్పుడూ ముందుంటుందని సీఎం చంద్రబాబు నాయుడు ఈ సభ ద్వారా నొక్కి చెప్పారు.
]]>

భారీగా నమోదవుతున్న ఉష్ణోగ్రతలు.. ఈ జిల్లాల ప్రజలు జాగ్రత్త పడాల్సిందే!

Reddy P Rajasekhar — Wed, 20 May 2026 07:26:07 GMT

ఆంధ్రప్రదేశ్‌లో భానుడు భగభగలాడుతున్నాడు. రానున్న రోజుల్లో రాష్ట్రంలో రికార్డు స్థాయిలో ఉష్ణోగ్రతలు నమోదయ్యే అవకాశం ఉందని భారత వాతావరణ శాఖ (IMD), రాష్ట్ర విపత్తుల నిర్వహణ సంస్థ తీవ్ర హెచ్చరికలు జారీ చేశాయి. వేసవి తీవ్రత ఊహించని స్థాయికి చేరనుండటంతో ప్రజలు అప్రమత్తంగా ఉండాలని అధికారులు కోరారు.

50 డిగ్రీల మార్కును దాటనున్న ఎండలు
ఈ వారం ముఖ్యంగా గురువారం నాడు పశ్చిమ గోదావరి, పోలవరం జిల్లాల్లోని పలు ప్రాంతాల్లో ఉష్ణోగ్రతలు ఏకంగా 50 డిగ్రీల సెల్సియస్ లేదా అంతకంటే ఎక్కువ నమోదయ్యే ప్రమాదం ఉందని అంచనా వేశారు. అలాగే గుంటూరు, కృష్ణా, ఎన్టీఆర్‌, పల్నాడు, డాక్టర్ బి.ఆర్. అంబేద్కర్ కోనసీమ, బాపట్ల, నంద్యాల జిల్లాల్లో కూడా ఎండ తీవ్రత 49 నుంచి 50 డిగ్రీల వరకు ఉండవచ్చని అధికారులు వెల్లడించారు. మిగిలిన కోస్తాంధ్ర, రాయలసీమ జిల్లాల్లో కూడా సగటున 41 నుంచి 47 డిగ్రీల వరకు ఉష్ణోగ్రతలు నమోదవుతున్నాయి.

వందలాది మండలాలపై వడగాడ్పుల ప్రభావం
రాష్ట్రవ్యాప్తంగా ఎండల తీవ్రత విపరీతంగా పెరగనుంది. విపత్తుల నిర్వహణ సంస్థ అంచనాల ప్రకారం:

తీవ్ర వడగాడ్పులు: రాష్ట్రంలోని దాదాపు 310 మండలాల్లో అత్యంత తీవ్రమైన వడగాడ్పులు వీచే అవకాశం ఉంది.

సాధారణ వడగాడ్పులు: మరో 147 మండలాల్లో సాధారణ వడగాడ్పుల ప్రభావం ఉంటుంది.

వచ్చే ఆదివారం వరకు ఈ తీవ్ర వడగాడ్పుల ప్రభావం ఇలాగే కొనసాగుతుందని వాతావరణ నిపుణులు స్పష్టం చేశారు.

ప్రభుత్వ అప్రమత్తత – నివారణ చర్యలు
ఈ విపత్కర పరిస్థితుల నేపథ్యంలో ప్రభుత్వం మున్సిపల్, ఆరోగ్య శాఖలను అప్రమత్తం చేసింది.

పట్టణ, గ్రామీణ ప్రాంతాల్లో తాగునీటి ఎద్దడి రాకుండా ముందస్తు చర్యలు చేపట్టాలని ఆదేశించింది.

ప్రజల సౌకర్యార్థం బస్టాండ్లు, మార్కెట్లు, ప్రధాన కూడళ్లలో చలివేంద్రాలు, నీడ సౌకర్యాలను ఏర్పాటు చేయాలని సూచించింది.

ఉపాధి హామీ కూలీల పని వేళల్లో మార్పులు చేయాలని స్పష్టం చేసింది.

ప్రజలకు ముఖ్య సూచనలు
జాగ్రత్తలు తప్పనిసరి: ఉదయం 10 గంటల నుంచి సాయంత్రం 4 గంటల వరకు అత్యవసరమైతే తప్ప ప్రజలు ఇళ్ల నుంచి బయటకు రావద్దని అధికారులు కోరారు. ముఖ్యంగా వృద్ధులు, గర్భిణీలు, చిన్న పిల్లలు ఎండ దెబ్బకు గురికాకుండా తగిన జాగ్రత్తలు తీసుకోవాలి. బయటకు వెళ్లాల్సి వస్తే గొడుగు, టోపీ ధరించాలని, ఓఆర్ఎస్ (ORS), మజ్జిగ, కొబ్బరిబొండాలు వంటి ద్రవపదార్థాలను ఎక్కువగా తీసుకోవాలని వైద్యులు సూచిస్తున్నారు.
]]>

నేడు దేశవ్యాప్తంగా మెడికల్ షాపులు బంద్.. అసలు కారణాలు ఇవే!

Reddy P Rajasekhar — Wed, 20 May 2026 07:17:44 GMT

దేశంలో నేడు (ఇవాళ) కెమిస్టులు, డ్రగ్గిస్టులు ఒక రోజు దేశవ్యాప్త బంద్‌కు పిలుపునిచ్చారు. ఆన్‌లైన్ ఫార్మసీలు (ఈ-ఫార్మసీలు) విచ్చలవిడిగా సాగిస్తున్న వ్యాపార శైలిని నిరసిస్తూ, వాటిని నియంత్రించాలనే డిమాండ్‌తో 'ఆల్ ఇండియా ఆర్గనైజేషన్ ఆఫ్ కెమిస్ట్స్ అండ్ డ్రగ్గిస్ట్స్' (AIOCD) ఈ నిరసన కార్యక్రమానికి శ్రీకారం చుట్టింది.

ప్రధాన కారణాలు.. ఆందోళనలు:
ఆన్‌లైన్‌లో కేవలం భారీ డిస్కౌంట్ల కోసమే మందులు కొనుగోలు చేయడం ప్రజల ఆరోగ్యానికి ఎంతో ప్రమాదకరమని వైద్య నిపుణులు, కెమిస్టులు హెచ్చరిస్తున్నారు. ఔషధ నియంత్రణ చట్టం ప్రకారం.. షెడ్యూల్ హెచ్ (యాంటీబయాటిక్స్, పెయిన్ కిల్లర్స్, బ్యాక్టీరియల్ ఇన్‌ఫెక్షన్ మందులు), షెడ్యూల్ ఎక్స్ (నిద్ర మాత్రలు, మత్తు కలిగించే ఔషధాలు) కిందకు వచ్చే మందులను కేవలం అర్హత కలిగిన డాక్టర్ ప్రిస్క్రిప్షన్ ఉంటేనే విక్రయించాలి. అయితే, ఆన్‌లైన్ విక్రయాల ద్వారా ఈ నిబంధనలు తుంగలో తొక్కుతున్నారని, దీనివల్ల మందులు దుర్వినియోగం అయ్యే ప్రమాదం ఉందనే ఆరోపణలు వెల్లువెత్తుతున్నాయి.

ఆన్‌లైన్ ఫార్మసీల వల్ల ప్రజారోగ్యం దెబ్బతినడమే కాకుండా, దేశవ్యాప్తంగా ఉన్న లక్షలాది మంది రిటైల్ వ్యాపారుల ఆర్థిక స్థితిగతులు కూడా తలకిందులవుతున్నాయని అసోసియేషన్ ఆందోళన వ్యక్తం చేస్తోంది.

ప్రభుత్వ హామీ:
ఈ వివాదానికి సంబంధించి ఇటీవలే AIOCD ప్రతినిధులు కేంద్ర డ్రగ్ నియంత్రణ సంస్థతో ఒక కీలక సమావేశాన్ని నిర్వహించారు. ఈ-ఫార్మసీల నియంత్రణకు సంబంధించిన చట్టపరమైన అంశాలన్నింటినీ సమగ్రంగా పరిశీలించి, త్వరలోనే ఒక సరైన నిర్ణయం తీసుకుంటామని కేంద్ర సంస్థ ప్రతినిధులకు హామీ ఇచ్చింది.

బంద్‌కు దూరంగా ఉన్న రాష్ట్రాలు ఇవే:
దేశవ్యాప్త బంద్‌కు పిలుపునిచ్చినప్పటికీ, కొన్ని రాష్ట్రాలు ఈ నిరసనలో పాల్గొనడం లేదు. తాము ఈ బంద్‌లో పాల్గొనబోవడం లేదని స్పష్టం చేస్తూ పశ్చిమ బెంగాల్, కేరళ, పంజాబ్, మహారాష్ట్ర, కర్ణాటక, హర్యానా, ఉత్తరప్రదేశ్, గుజరాత్, ఛత్తీస్‌గఢ్, సిక్కిం, ఉత్తరాఖండ్ రాష్ట్రాల అసోసియేషన్లతో పాటు కేంద్రపాలిత ప్రాంతమైన లడాఖ్ కూడా లేఖలు సమర్పించాయి. ఈ రాష్ట్రాల్లో యథావిధిగా మెడికల్ షాపులు తెరిచే ఉంటాయి.

ముగింపు:
ప్రస్తుతం దేశంలో ఆన్‌లైన్ ఫార్మసీల నియంత్రణ, ప్రజారోగ్య భద్రత, మరియు సాధారణ రిటైల్ వ్యాపారుల జీవనోపాధి.. ఈ మూడు ప్రధాన అంశాల చుట్టూనే ఈ వివాదం నడుస్తోంది. కేంద్ర ప్రభుత్వానికి తమ నిరసన గళాన్ని బలంగా వినిపించేందుకే కెమిస్టులు ఈ ఒక రోజు బంద్‌ను అస్త్రంగా ఎంచుకున్నారు.
]]>

వైఎస్సార్ పేరు చెప్పి ప్యాలెస్ లు కట్టారు.. షర్మిల షాకింగ్ కామెంట్స్ వైరల్!

Reddy P Rajasekhar — Wed, 20 May 2026 07:06:42 GMT

విజయవాడ ఆంధ్రరత్న భవన్‌లో జరిగిన కాంగ్రెస్ పార్టీ విస్తృత స్థాయి సమావేశంలో ఏపీసీసీ అధ్యక్షురాలు వైఎస్ షర్మిల వైఎస్సార్ కాంగ్రెస్ పార్టీ (వైకాపా) అధినాయకత్వంపై అత్యంత తీవ్రస్థాయిలో ధ్వజమెత్తారు. తన తండ్రి, దివంగత ముఖ్యమంత్రి వైఎస్ రాజశేఖరరెడ్డి (వైఎస్సార్) ఆశయాలను, ఆయన పేరును వైకాపా నేతలు తమ స్వార్థ ప్రయోజనాల కోసం వాడుకుంటున్నారని ఆమె ఆరోపించారు. మహానేత పేరు చెప్పుకుని కొందరు ప్యాలెస్‌లు నిర్మించుకున్నారని, రాష్ట్రాన్ని దోచుకోవడమే పనిగా పెట్టుకున్నారని తీవ్ర విమర్శలు చేశారు.

ఈ సందర్భంగా షర్మిల రాజకీయ వారసత్వంపై కీలక వ్యాఖ్యలు చేశారు. కేవలం తాడేపల్లి ప్యాలెస్‌లో కూర్చుని, బటన్లు నొక్కుతూ కాలం గడపడం వల్లనో.. లేదా ఒకప్పుడు పాదయాత్రలు చేసినంత మాత్రానో ఎవరూ వైఎస్సార్‌కు నిజమైన రాజకీయ వారసులు కాలేరని స్పష్టం చేశారు. "ఎవరైతే వైఎస్సార్ ఆశయాలను గుండెల్లో పెట్టుకుని, ఆయన సిద్ధాంతాల కోసం నిజాయితీగా పోరాడతారో.. వారే ఆయన అసలైన వారసులు" అని ఆమె గట్టిగా చెప్పారు. వైఎస్సార్ ఆశయ సాధన కేవలం కాంగ్రెస్ పార్టీ ద్వారానే సాధ్యమని, అందుకే ఆయన ఆశయాలను బతికించుకోవడానికి కాంగ్రెస్‌ను బలోపేతం చేయాల్సిన అవసరం ఉందన్నారు.

గతంలో వైఎస్సార్ ముఖ్యమంత్రిగా ఉన్నప్పుడు ప్రజలకు, పార్టీ కార్యకర్తలకు ఎల్లప్పుడూ అందుబాటులో ఉండేవారని ఆమె గుర్తుచేశారు. కానీ నేటి నాయకులు ప్రజల సమస్యలను పట్టించుకోకుండా, కనీసం సొంత పార్టీ నాయకులను కూడా కలుసుకోలేని స్థితిలో ఉన్నారని ఎద్దేవా చేశారు. రాహుల్ గాంధీని దేశ ప్రధానమంత్రిగా చూడాలన్నదే వైఎస్సార్ చివరి కోరిక అని, ఆ కలని సాకారం చేయడమే తన జీవిత ఆశయమని షర్మిల పునరుద్ఘాటించారు.

రాష్ట్రంలో కాంగ్రెస్ పార్టీని మళ్లీ పూర్వ వైభవానికి తీసుకురావడానికి నాయకులంతా సమిష్టిగా కృషి చేయాలని ఆమె పిలుపునిచ్చారు. ఈ విస్తృత స్థాయి సమావేశంలో కాంగ్రెస్ పార్టీ సీనియర్ నాయకులు ఎన్. రఘువీరారెడ్డి, పళ్లంరాజు, జేడీ శీలం, హర్షకుమార్ సహా పలువురు ముఖ్య నేతలు, భారీ సంఖ్యలో పార్టీ శ్రేణులు పాల్గొన్నారు.
]]>

గాడిదేం పాపం చేసింది.. నారా లోకేశ్ సంచలన వ్యాఖ్యలు వైరల్!

Reddy P Rajasekhar — Wed, 20 May 2026 07:02:46 GMT

ఇంధన ధరల పెరుగుదలకు నిరసనగా వైఎస్సార్ కాంగ్రెస్ పార్టీ (వైకాపా) నేతలు రాష్ట్రంలో చేపట్టిన ఆందోళనల తీరుపై ఆంధ్రప్రదేశ్ ఐటీ, ఐటీసీ శాఖల మంత్రి నారా లోకేశ్‌ తీవ్రంగా ధ్వజమెత్తారు. "యుద్ధం కారణంగా దేశవ్యాప్తంగా ఇంధన ధరలు పెరిగితే, గాడిదేం పాపం చేసిందని దాని రక్తం కళ్లజూశారు?" అంటూ సామాజిక మాధ్యమం 'ఎక్స్' (ట్విటర్) వేదికగా వైకాపా నేతలను గట్టిగా నిలదీశారు. తమ రాక్షస రాజకీయాల కోసం నోరులేని మూగజీవాలను బలిచేయడం వైకాపా సంస్కృతికి నిదర్శనమని ఆయన మండిపడ్డారు.

ఈ సందర్భంగా నిరసనల్లో వైకాపా శ్రేణులు గాడిదలను హింసిస్తున్న విజువల్స్ ఉన్న ఒక వీడియోను ఆయన తన ట్వీట్‌కు జతచేశారు. ఆ వీడియోలో ఒక ద్విచక్రవాహనానికి సంబంధించిన హెడ్‌లైట్, హ్యాండిల్, మరియు సీటును గాడిదపై అమర్చి, దానిని బలవంతంగా లాక్కెళుతూ హింసించడాన్ని లోకేశ్ తీవ్రంగా ఆక్షేపించారు.

రాజకీయ లబ్ధి కోసం, వార్తల్లో నిలవడం కోసం నిరసనల పేరుతో ఇలాంటి వికృత చేష్టలకు పాల్పడటం అత్యంత అమానుషమని లోకేశ్‌ పేర్కొన్నారు. ఇలాంటి చర్యలు వైకాపా నేతల క్రూరత్వానికి మరియు బాధ్యతారాహిత్యానికి అద్దం పడుతున్నాయని విమర్శించారు. కేవలం రాజకీయ స్వార్థం కోసమే ఇలాంటి పనులు చేస్తున్నారంటూ వైకాపా తీరును ఆయన తీవ్రంగా ఎండగట్టారు.

ఈ ఘటనపై సోషల్ మీడియాలో కూడా ప్రజల నుండి మరియు జంతు ప్రేమికుల నుండి తీవ్ర నిరసనలు వ్యక్తమవుతున్నాయి. నిరసనలు తెలపడానికి అనేక ప్రజాస్వామ్య మార్గాలు ఉన్నప్పటికీ, మూగజీవాలపై తమ ప్రతాపం చూపడం వైకాపా దిగజారుడు రాజకీయాలకు పరాకాష్ట అని నెటిజన్లు సైతం విమర్శిస్తున్నారు. జంతువులపై ఇలాంటి క్రూరత్వానికి పాల్పడిన వారిపై కఠిన చర్యలు తీసుకోవాలని పలువురు డిమాండ్ చేస్తున్నారు.

ఈ వాట్సాప్ నెంబ‌ర్‌కు మీ జిల్లాలో రాజ‌కీయ‌, సామాజిక స‌మ‌స్య‌లు వివ‌రాలు పంపండి..

ఏపీ, తెలంగాణ‌లో వివిధ నియోజ‌క‌వ‌ర్గాల్లో నెల‌కొన్న ప్ర‌జ‌ల స‌మ‌స్య‌లు, రాజ‌కీయ ప‌ర‌మైన అంశాల‌ను మా దృష్టికి తీసుకు రావాల‌నుకుంటున్నారా ? మీ స‌మ‌స్య లేదా మీరు చెప్పే విషయం ఏదైనా క్లుప్తంగా 9490520108 నెంబ‌రుకు వాట్సాప్ ద్వారా తెలియ‌జేయండి.

నోట్ : వ్య‌క్తిగ‌త స‌మ‌స్య‌లు వ‌ద్దు
]]>

ఈ ఏడాది వర్షాలు తక్కువగా ఉంటాయా.. ఈ షాకింగ్ విషయాలు తెలుసా?

Reddy P Rajasekhar — Tue, 19 May 2026 07:44:30 GMT

ఈ ఏడాది వర్షపాతంపై వస్తున్న అంచనాలు చూస్తుంటే వ్యవసాయ రంగానికి, సాధారణ ప్రజలకు కాస్త ఆందోళన కలిగించే విషయాలే కనిపిస్తున్నాయి. ప్రతి సంవత్సరం సకాలంలో వచ్చే రుతుపవనాలు ఈసారి కాస్త ముఖం చాటేసే ప్రమాదం ఉందని వాతావరణ నిపుణులు హెచ్చరిస్తున్నారు. ముఖ్యంగా పసిఫిక్ మహాసముద్రంలో చోటుచేసుకుంటున్న కొన్ని భౌగోళిక మార్పుల వల్ల ఎల్ నినో ప్రభావం తీవ్రంగా ఉండే అవకాశం ఉందని, దీనివల్ల దేశంలో సగటు వర్షపాతం గణనీయంగా తగ్గుతుందని విశ్లేషిస్తున్నారు. ఈ మార్పులు కేవలం ఒక ప్రాంతానికే పరిమితం కాకుండా దేశవ్యాప్తంగా వర్షభావ పరిస్థితులకు కారణం కావచ్చు.

సాధారణంగా జూన్ మొదటి వారంలో ప్రారంభం కావాల్సిన రుతుపవనాలు ఈసారి ఆలస్యంగా ప్రవేశించే సూచనలు ఉన్నాయి. ఒకవేళ ప్రవేశించినా కూడా వాటి తీవ్రత ఆశించిన స్థాయిలో ఉండకపోవచ్చని తెలుస్తోంది. జూలై, ఆగస్టు నెలల్లో కురవాల్సిన కీలకమైన వర్షాలు కూడా తగ్గిపోయే ప్రమాదం ఉందని వాతావరణ నివేదికలు చెబుతున్నాయి. దీనివల్ల నదులు, జలాశయాల్లో నీటి మట్టాలు అడుగంటిపోయే పరిస్థితి రావచ్చు. తాగునీటి ఎద్దడితో పాటు సాగునీరు అందక రైతాంగం తీవ్ర ఇబ్బందులు పడే అవకాశం ఉంది. ముఖ్యంగా వర్షాధార పంటలపై ఆధారపడే రైతులు ఈ ఏడాది ప్రత్యామ్నాయ ప్రణాళికలు సిద్ధం చేసుకోవాల్సి ఉంటుంది.

ఇలాంటి పరిస్థితుల్లో ప్రభుత్వాలు, ప్రజలు ఇప్పుటినుంచే అప్రమత్తం కావడం ఎంతో అవసరం. నీటి నిల్వలను పొదుపుగా వాడుకోవడం, భూగర్భ జలాలను సంరక్షించుకోవడం వంటి చర్యలు చేపట్టాలి. రైతులు తక్కువ నీటితో పండే ప్రత్యామ్నాయ పంటల వైపు మొగ్గు చూపడం మంచిది. రాబోయే రోజుల్లో ఎండల తీవ్రత పెరగడంతో పాటు వర్షాలు తగ్గితే ఎదురయ్యే సవాళ్లను తట్టుకోవడానికి ముందస్తు జాగ్రత్తలే ఏకైక మార్గం. వాతావరణంలో వస్తున్న ఈ అనూహ్య మార్పులు భవిష్యత్తులో మరింత క్లిష్ట పరిస్థితులకు దారితీసేలా ఉన్నాయనడంలో ఎలాంటి సందేహం లేదు.

ఈ వాట్సాప్ నెంబ‌ర్‌కు మీ జిల్లాలో రాజ‌కీయ‌, సామాజిక స‌మ‌స్య‌లు వివ‌రాలు పంపండి..

ఏపీ, తెలంగాణ‌లో వివిధ నియోజ‌క‌వ‌ర్గాల్లో నెల‌కొన్న ప్ర‌జ‌ల స‌మ‌స్య‌లు, రాజ‌కీయ ప‌ర‌మైన అంశాల‌ను మా దృష్టికి తీసుకు రావాల‌నుకుంటున్నారా ? మీ స‌మ‌స్య లేదా మీరు చెప్పే విషయం ఏదైనా క్లుప్తంగా 9490520108 నెంబ‌రుకు వాట్సాప్ ద్వారా తెలియ‌జేయండి.

నోట్ : వ్య‌క్తిగ‌త స‌మ‌స్య‌లు వ‌ద్దు
]]>

వాహనదారులకు మరో భారీ షాక్.. మళ్ళీ పెరిగిన పెట్రోల్ ధరలు!

Reddy P Rajasekhar — Tue, 19 May 2026 07:27:41 GMT

నిత్యం పెరుగుతున్న ధరలతో ఇప్పటికే అల్లాడిపోతున్న వాహనదారులకు మరో భారీ షాక్ తగిలింది. అంతర్జాతీయ మార్కెట్‌లో ముడిచమురు ధరల్లో వస్తున్న మార్పుల నేపథ్యంలో దేశీయంగా ఇంధన ధరలు మరోసారి పెరిగాయి. చమురు కంపెనీలు లీటర్ పెట్రోల్ ధరపై తాజాగా మరికొంత భారాన్ని మోపడంతో సామాన్యుడి జేబుకు చిల్లు పడుతోంది. నగరాలు, పట్టణాల తేడా లేకుండా అన్ని ప్రాంతాల్లోనూ ఈ ధరల పెరుగుదల ప్రభావం స్పష్టంగా కనిపిస్తోంది. పండుగలు, శుభకార్యాల సీజన్‌లో ఈ సవరణ జరగడం మధ్యతరగతి ప్రజలను మరింత ఆందోళనకు గురిచేస్తోంది.

గడచిన కొన్ని నెలలుగా స్థిరంగా ఉన్నట్లు కనిపించిన ఇంధన ధరలు, ఇప్పుడు ఒక్కసారిగా ఊపందుకోవడంపై వాహనదారులు తీవ్ర అసంతృప్తి వ్యక్తం చేస్తున్నారు. రవాణా ఖర్చులు పెరగడం వల్ల నిత్యావసర వస్తువుల ధరలు కూడా ఆటోమేటిక్‌గా పెరిగే ప్రమాదం ఉందని ఆర్థిక నిపుణులు హెచ్చరిస్తున్నారు. కూరగాయలు, పాలు, ఇతర కిరాణా సామాగ్రి రవాణాపై ఈ ప్రభావం పడితే, అది సామాన్య కుటుంబాల బడ్జెట్‌ను పూర్తిగా తలకిందులు చేస్తుంది. ముఖ్యంగా ద్విచక్ర వాహనాలపై ఆఫీసులకు, వ్యాపారాలకు వెళ్లే ఉద్యోగులు, చిన్న వ్యాపారస్థులు ఈ తాజా పెంపుతో తీవ్ర ఇబ్బందులు పడుతున్నారు.

మరోవైపు, డీజిల్ ధరలు కూడా ఇదే బాటలో పయనిస్తుండటంతో లారీలు, ఇతర భారీ రవాణా వాహనాల యజమానులు ఆందోళన చెందుతున్నారు. పెరిగిన ఖర్చులకు అనుగుణంగా రవాణా ఛార్జీలను పెంచక తప్పదని వారు చెబుతున్నారు. ప్రభుత్వం వెంటనే జోక్యం చేసుకుని ఎక్సైజ్ సుంకాలు లేదా వ్యాట్ (VAT) తగ్గించడం ద్వారా తమకు ఉపశమనం కలిగించాలని వాహనదారులు డిమాండ్ చేస్తున్నారు. పెట్రోల్ రేట్లు సెంచరీ దాటి ఎక్కడికో దూసుకుపోతుండటంతో, ప్రత్యామ్నాయంగా ఎలక్ట్రిక్ వాహనాల (EV) వైపు మొగ్గు చూపడం మినహా తమకు వేరే దారి కనిపించడం లేదని మరికొందరు అభిప్రాయపడుతున్నారు.

ఈ వాట్సాప్ నెంబ‌ర్‌కు మీ జిల్లాలో రాజ‌కీయ‌, సామాజిక స‌మ‌స్య‌లు వివ‌రాలు పంపండి..

ఏపీ, తెలంగాణ‌లో వివిధ నియోజ‌క‌వ‌ర్గాల్లో నెల‌కొన్న ప్ర‌జ‌ల స‌మ‌స్య‌లు, రాజ‌కీయ ప‌ర‌మైన అంశాల‌ను మా దృష్టికి తీసుకు రావాల‌నుకుంటున్నారా ? మీ స‌మ‌స్య లేదా మీరు చెప్పే విషయం ఏదైనా క్లుప్తంగా 9490520108 నెంబ‌రుకు వాట్సాప్ ద్వారా తెలియ‌జేయండి.

నోట్ : వ్య‌క్తిగ‌త స‌మ‌స్య‌లు వ‌ద్దు
]]>

విజయ్ సీఎం అవ్వడం పై అసూయ లేదు.. రజనీకాంత్ కామెంట్స్..!

Divya — Sun, 17 May 2026 12:17:56 GMT

తమిళనాడు అసెంబ్లీ ఎన్నికలలో టీవీకే పార్టీ అధినేత, హీరో విజయ్ దళపతి భారీ స్థాయిలో విజయాన్ని అందుకున్నారు. తమిళనాడు సీఎంగా ప్రస్తుతం బాధ్యతలు స్వీకరించిన సంగతి కూడా తెలిసిందే. అయితే విజయ్ గెలుపు పైన చాలామంది సెలబ్రిటీలు ఇప్పటికే స్పందించారు. తాజాగా విజయ్ గెలుపు పట్ల తమిళ సూపర్ స్టార్ రజనీకాంత్ ఎయిర్ పోర్టులో మీడియా అడిగిన ప్రశ్నలకు సమాధానాలు చెప్పకుండా వెళ్ళిపోయారు. దీంతో విజయ్ సీఎం అవ్వడంపై రజనీకాంత్ కి ఇష్టం లేదంటు చాలామంది ట్రోలింగ్ కూడా చేశారు.

ఈరోజు మీడియా ముఖంగా రజనీకాంత్ ఈ విషయం పైన స్పష్టత ఇచ్చారు.. రజనీకాంత్ మాట్లాడుతూ రాజకీయాలలో విజయ్ సాధించిన విజయం గతంలో తమిళనాడులో ఎంజీఆర్, అటు ఆంధ్రాలో నందమూరి తారక రామారావు సాధించిన విజయాల కంటే చాలా పెద్దది అంటూ తెలిపారు. ఆ కాలంలో ఆ ఇద్దరు మహా నాయకులు ఎదుర్కొన్న రాజకీయ పరిస్థితుల కంటే ప్రస్తుతం ఉన్న ఈ రాజకీయ పరిస్థితులను విజయ్ ఎదుర్కొని నిలబడడం విశేషం అంటూ తెలియజేశారు.

కమలహాసన్ సీఎం అయితే అసూయపడతానని విజయ్ తనకు సమవుజ్జి కాదని, విజయ్ కి తనకు 25 ఏళ్ల తేడా ఉందని, ఒకవేళ తాను పార్టీ పెడితే కచ్చితంగా గెలిచే వాడినని, తనకు మాజీ సీఎం స్టాలిన్ కూడా మంచి స్నేహితుడే అని అందుకే ఓడిన తర్వాత కూడా వెళ్లి కలిశానని తెలియజేశారు రజనీకాంత్. విజయ్ సీఎం కాకుండా తాను ఎప్పుడూ కూడా అడ్డుపడలేదని అలాంటి నీచ రాజకీయాలను తాను చేయనంటూ కూడా తెలియజేశారు. తమిళనాడు ప్రజలు మార్పు కోరుకున్నారు అందుకే విజయ్ గెలిచారు అంటూ తెలిపారు. గతంలో కూడా రజనీకాంత్ పార్టీ పెట్టాలని అధికారికంగా ప్రకటన కూడా చేశారు. ఈ విషయంపై అక్కడ ప్రజల నుంచి కూడా ఆయనకు మద్దతు భారీగానే లభించింది. అయితే కొన్ని ఆరోగ్య సమస్యల వల్ల పార్టీ ప్రకటన పైన వెనక్కి తగ్గారు రజినీకాంత్.
]]>

ఏపీ: ప్రజలకు భారీ గుడ్.. 200 యూనిట్ల వరకు విద్యుత్ ఉచితం..!

Divya — Sat, 16 May 2026 13:43:14 GMT

ఆంధ్రప్రదేశ్ ప్రభుత్వం తాజాగా బీసీ వర్గాల కోసం, వారి జీవనోపాధి అభివృద్ధి కోసం ప్రత్యేకించి మరి ఉచిత విద్యుత్ పథకాన్ని ప్రవేశపెట్టింది. అర్హులైన బీసీ వర్గాల ప్రజలందరూ కూడా ఈ పథకాన్ని సద్వినియోగం చేయాలని తెలియజేశారు. ఈ మేరకు శుక్రవారం రోజున ఒక ప్రకటనతో విడుదల చేశారు. ఈ పథకం ద్వారా ఎవరెవరికి లబ్ధి పొందుతారు? ఉచిత విద్యుత్ కి ఎలా అప్లై చేసుకోవాలో ఇప్పుడు ఒకసారి తెలుసుకుందాం.

నాయి బ్రాహ్మణులకు.. నెలకు 200 యూనిట్లు వరకు ఉచితంగా ఉంటుంది.

రజకులు-నెలకు -150 యూనిట్ల వరకు ఉచితంగానే ఉంటుంది.

స్వర్ణకారులు నెలకు- 100 యూనిట్ల వరకు ఉచితంగానే ఉంది.

బిపిఎల్ కుటుంబాలకు నెలకు -100 యూనిట్ల వరకు ఉచితంగా ఇవ్వనుంది.

అయితే జిల్లాలో అర్హులైన ప్రతి లబ్ధిదారులకు సైతం ఈ పథకమందించేలా ఏపీ ప్రభుత్వం చర్యలు చేపడుతోంది. ఇందుకు సంబంధించి కలెక్టర్లకు కూడా ఉత్తర్వులను జారీ చేశారు. అర్హత కలిగిన వారందరూ కూడా APSPDCL కార్యాలయానికి దరఖాస్తు చేసుకోవచ్చు అంటూ సూచించారు.

ఇందుకు కావలసినవి ఆధార్ కార్డు, రేషన్ కార్డ్, కుల ధ్రువీకరణ పత్రం అలాగే ప్రస్తుతం ఉన్న విద్యుత్ బిల్లు, ఎస్టాబ్లిష్మెంట్ సర్టిఫికెట్ ఉండాలి.

అత్యంత వెనుకబడిన వర్గాల పరిధిలో వచ్చేవారిలలో దాసరి, జోగి, జంగం, దమ్మలి, ముత్యాలమ్మవాండ్లు మొదలైన 32 ఉపక్లాలకు సంబంధించి లబ్ధిదారులకు ఎలాంటి ఎస్టాబ్లిష్మెంట్ సర్టిఫికేట్ అవసరం ఉండదు. ప్రభుత్వం అందిస్తున్న ఈ అవకాశానికి అర్హులైన ప్రతి ఒక్కరు కూడా సద్వినియోగం చేసుకోవాలని ఆయా జిల్లా కలెక్టర్లు సైతం ఆదేశాలను జారీ చేశారు.

తాజాగా ఏపీలో జనాభా పెరుగుదల విషయం పైన సీఎం చంద్రబాబు మాట్లాడుతూ మూడో బిడ్డకు జన్మనిస్తే ఆ దంపతులకు తక్షణమే రూ .30000 ఆర్థిక సహాయం ఇస్తామని, నాలుగో బిడ్డకు జన్మనిస్తే రూ .40,000 బహుమతి ఇస్తామంటూ ప్రకటించారు. రాబోయే రోజుల్లో భగవంతుడు కరుణిస్తే తల్లికి వందనం పథకాన్ని రూ. 15 వేలు కాస్త పెంచడానికి ప్రయత్నం చేస్తామంటు తెలిపారు చంద్రబాబు.
]]>

బండి భగీరథ్ కు బెయిల్ నిరాకరణ.. అరెస్ట్ అయ్యే ఛాన్స్ ఉందా?

Reddy P Rajasekhar — Sat, 16 May 2026 08:01:53 GMT

కేంద్ర హోంశాఖ సహాయ మంత్రి బండి సంజయ్ కుమారుడు బండి సాయి భగీరథ్‌కు తెలంగాణ హైకోర్టులో గట్టి చుక్కెదురైంది. మైనర్ బాలికపై లైంగిక వేధింపుల ఆరోపణలపై పేట్‌బషీరాబాద్ పోలీసులు నమోదు చేసిన పోక్సో (POCSO) కేసులో ఆయన దాఖలు చేసిన ముందస్తు బెయిల్ పిటిషన్‌పై హైకోర్టులో తీవ్ర వాదోపవాదాలు జరిగాయి. అరెస్ట్ నుంచి తనకు మధ్యంతర రక్షణ కల్పించాలని, లేదా మధ్యంతర బెయిల్ మంజూరు చేయాలని భగీరథ్ తరఫు న్యాయవాది గట్టిగా విజ్ఞప్తి చేసినప్పటికీ, ఈ దశలో ఎలాంటి ఉపశమనం లేదా ముందస్తు ఉత్తర్వులు ఇవ్వలేమని న్యాయస్థానం స్పష్టం చేసింది. అర్ధరాత్రి వరకు సాగిన ఈ విచారణ అనంతరం జస్టిస్ టి. మాధవీదేవి నేతృత్వంలోని ధర్మాసనం తీర్పును రిజర్వ్ చేసింది. ఈ ముందస్తు బెయిల్ పిటిషన్‌పై మే 21న తుది తీర్పు వెలువరించనున్నట్లు కోర్టు ప్రకటించింది. తక్షణ రక్షణ లభించకపోవడంతో బండి భగీరథ్‌కు ఎప్పుడైనా అరెస్ట్ అయ్యే అవకాశాలు స్పష్టంగా కనిపిస్తున్నాయి.

ఈ కేసు తీవ్రతను పరిగణనలోకి తీసుకున్న తెలంగాణ ప్రభుత్వం మరియు పోలీసులు విచారణను మరింత వేగవంతం చేశారు. బాధిత బాలిక మైనర్ కాదని, ఆమె వయసుపై అనుమానాలు ఉన్నాయని భగీరథ్ తరఫు న్యాయవాది వాదించినప్పటికీ, పబ్లిక్ ప్రాసిక్యూటర్ పల్లె నాగేశ్వరరావు బలమైన ఆధారాలను కోర్టు ముందుంచారు. బాధితురాలి పదో తరగతి సర్టిఫికెట్, పుట్టిన తేదీ పత్రాలను సమర్పిస్తూ ప్రస్తుతం ఆమె వయసు 17 సంవత్సరాల 3 నెలలని, ఆమె ముమ్మాటికీ మైనరేనని నిరూపించారు. అంతేకాకుండా మొదట సాధారణ సెక్షన్ల కింద నమోదైన ఈ కేసును, బాధితురాలి పూర్తి స్టేట్‌మెంట్ రికార్డ్ చేసిన తర్వాత మరింత కఠినమైన పోక్సో సెక్షన్లు 5(l) మరియు 6 కిందకు మార్చినట్లు ప్రాసిక్యూషన్ కోర్టుకు వివరించింది. ఇలాంటి సున్నితమైన మరియు తీవ్రమైన కేసుల్లో ముందస్తు బెయిల్ కానీ, అరెస్ట్ నుంచి రక్షణ కానీ ఇవ్వడం సరికాదని ప్రాసిక్యూషన్ చేసిన వాదనలతో కోర్టు ఏకీభవించింది.

ఈ పరిణామాల నేపథ్యంలో బండి భగీరథ్ అరెస్ట్ అయ్యే అవకాశాలు చాలా ఎక్కువగా ఉన్నట్లు చట్టపరమైన వర్గాలు విశ్లేషిస్తున్నాయి. ముఖ్యమంత్రి రేవంత్ రెడ్డి స్వయంగా ఈ కేసును ప్రతిష్టాత్మకంగా తీసుకుని, సమగ్ర విచారణ కోసం ప్రత్యేక బృందాన్ని (SIT) ఏర్పాటు చేయాలని డీజీపీ సీవీ ఆనంద్‌ను ఆదేశించారు. చట్టం ముందు ఎవరూ చుట్టాలు కారని, నిబంధనల ప్రకారం కఠినంగా వ్యవహరించాలని స్పష్టం చేశారు. గత కొన్ని రోజులుగా భగీరథ్ విచారణకు హాజరుకాకుండా మొబైల్ స్విచ్ఛాఫ్ చేసుకుని పరారీలో ఉన్నట్లు కూకట్‌పల్లి డీసీపీ రితిరాజ్ వెల్లడించారు. సైబరాబాద్ పోలీసులు ఇప్పటికే ఆయన కోసం ఢిల్లీ, కరీంనగర్ వంటి ప్రాంతాలకు ప్రత్యేక బృందాలను పంపించి గాలింపు చర్యలు ముమ్మరం చేశారు. హైకోర్టు మధ్యంతర రక్షణ ఇవ్వడానికి నిరాకరించడం, పోలీసులు ఇప్పటికే ఆయన కోసం గాలిస్తుండటంతో, మే 21న కోర్టు తీర్పు రాకముందే పోలీసులు ఆయన్ను అదుపులోకి తీసుకునే చాన్స్ ఉందనే ప్రచారం జోరందుకుంది.
]]>

దేశ ప్రజలకు షాక్.. భారీగా పెరిగిన పెట్రోల్, డీజిల్ ధరలు!

Reddy P Rajasekhar — Fri, 15 May 2026 07:52:17 GMT

దేశవ్యాప్తంగా సామాన్యులపై పెట్రో భారం పడింది. అంతర్జాతీయ మార్కెట్‌లో ముడిచమురు ధరల పెరుగుదల మరియు పశ్చిమాసియాలో నెలకొన్న ఉద్రిక్త పరిస్థితుల నేపథ్యంలో దేశీయ చమురు సంస్థలు పెట్రోల్, డీజిల్ ధరలను భారీగా పెంచుతూ నిర్ణయం తీసుకున్నాయి. శుక్రవారం (మే 15, 2026) ఉదయం 6 గంటల నుంచే ఈ పెరిగిన ధరలు అమలులోకి వచ్చాయి. లీటరు పెట్రోల్‌పై సగటున రూ. 3, డీజిల్‌పై రూ. 3 చొప్పున ధరలు పెరిగాయి. గత కొంతకాలంగా స్థిరంగా ఉన్న ఇంధన ధరలు ఒక్కసారిగా పెరగడంతో వాహనదారులు దిక్కుతోచని స్థితిలో పడ్డారు. ముఖ్యంగా రవాణా ఖర్చులు పెరిగి నిత్యావసర వస్తువుల ధరలు కూడా ఆకాశాన్ని తాకే అవకాశం ఉందని సామాన్యులు ఆందోళన వ్యక్తం చేస్తున్నారు.

తెలుగు రాష్ట్రాల విషయానికి వస్తే, ఆంధ్రప్రదేశ్‌లో పెట్రోల్‌పై లీటరుకు రూ. 3.29, డీజిల్‌పై రూ. 3.14 మేర పెంపు నమోదైంది. తెలంగాణలో కూడా పెట్రోల్, డీజిల్‌పై రూ. 3 చొప్పున ధరలు పెరిగాయి. తాజా పెంపుతో హైదరాబాద్‌లో పెట్రోల్ ధర సుమారు రూ. 110.89కి చేరగా, విజయవాడలో రూ. 113.03గా రికార్డైంది. దేశ రాజధాని ఢిల్లీలో పెట్రోల్ ధర రూ. 97.77కు చేరగా, ముంబయిలో గరిష్ఠంగా రూ. 106.68గా ఉంది. కోల్‌కతాలో పెట్రోల్ రూ. 108.74, చెన్నైలో రూ. 103.67కు పెరిగింది.

అమెరికా-ఇరాన్ మధ్య నెలకొన్న యుద్ధ వాతావరణం వల్ల హార్మోజ్ జలసంధి గుండా చమురు సరఫరాకు ఆటంకాలు కలగడం, అంతర్జాతీయంగా క్రూడ్ ఆయిల్ ధరలు విపరీతంగా పెరగడం వల్లే ఈ నిర్ణయం తీసుకోవాల్సి వచ్చిందని చమురు కంపెనీలు వెల్లడించాయి. దేశంలో ప్రస్తుతం 60 రోజులకు సరిపడా ఇంధన నిల్వలు ఉన్నాయని, కొరత గురించి భయపడాల్సిన అవసరం లేదని ప్రభుత్వం భరోసా ఇస్తున్నప్పటికీ, ధరల పెరుగుదల సామాన్యుడి జేబుకు చిల్లు పెడుతోంది. ఇప్పటికే ద్రవ్యోల్బణంతో సతమతమవుతున్న మధ్యతరగతి కుటుంబాలకు ఈ ఇంధన ధరల పెరుగుదల మరిన్ని ఇబ్బందులను తెచ్చిపెట్టనుంది.
]]>

సీఎం కుర్చీలో దళపతి.. విజయ్ ప్రమాణ స్వీకార వేడుక వైరల్!

Amruth kumar — Sun, 10 May 2026 17:08:57 GMT

రాజకీయాల్లో సరికొత్త శకాన్ని లిఖిస్తూ, దళపతి విజయ్ నేడు (మే 10, 2026) తమిళనాడు ముఖ్యమంత్రిగా ప్రమాణ స్వీకారం చేశారు. చెన్నైలోని జవహర్‌లాల్ నెహ్రూ స్టేడియంలో అశేష జనవాహిని మధ్య జరిగిన ఈ వేడుక ఇప్పుడు దేశవ్యాప్తంగా చర్చనీయాంశమైంది. ఒక స్టార్ హీరో నుంచి రాష్ట్రానికి సారథిగా మారిన విజయ్ ప్రయాణం అభిమానులకే కాకుండా యావత్ సినీ లోకానికి ఒక ఉద్వేగభరితమైన క్షణం.

విజయ్ స్థాపించిన తమిళగ వెట్రి కజగం (TVK) పార్టీ 2026 అసెంబ్లీ ఎన్నికల్లో 108 స్థానాలను గెలుచుకుని అతిపెద్ద పార్టీగా అవతరించింది. కాంగ్రెస్, VCK వంటి పార్టీల మద్దతుతో మొత్తం 120 సీట్లతో విజయ్ ప్రభుత్వాన్ని ఏర్పాటు చేశారు. నేడు ఉదయం 10 గంటలకు గవర్నర్ రాజేంద్ర విశ్వనాథ్ అర్లేకర్ సమక్షంలో విజయ్ సీఎంగా ప్రమాణ స్వీకారం చేశారు. స్టేడియంలో "సి. జోసెఫ్ విజయ్ అను నేను.." అంటూ ఆయన చెప్పిన మాటలకు అభిమానుల కేకలు, ఈలలతో స్టేడియం దద్దరిల్లిపోయింది. ముఖ్యమంత్రిగా బాధ్యతలు స్వీకరించిన వెంటనే విజయ్ మూడు కీలక ఫైళ్లపై సంతకం చేశారు:

ఉచిత విద్యుత్: 500 యూనిట్ల లోపు వినియోగించే గృహాలకు 200 యూనిట్ల ఉచిత విద్యుత్.

మహిళా రక్షణ: రాష్ట్రవ్యాప్తంగా మహిళల భద్రత కోసం ప్రత్యేక రక్షణ దళం ఏర్పాటు.

డ్రగ్ రహిత తమిళనాడు: మాదకద్రవ్యాల నిరోధానికి కఠినమైన యాంటీ నార్కోటిక్స్ యూనిట్.

విజయ్ కోసం తెలుగు స్టార్ల శుభాకాంక్షలు
విజయ్ రాజకీయ విజయంపై మన తెలుగు చిత్ర పరిశ్రమ (టాలీవుడ్) నుంచి కూడా భారీ స్పందన లభించింది.

పవన్ కళ్యాణ్: ఆంధ్రప్రదేశ్ ఉపముఖ్యమంత్రి పవన్ కళ్యాణ్ తన X (ట్విట్టర్) ఖాతా ద్వారా విజయ్‌కు హృదయపూర్వక శుభాకాంక్షలు తెలిపారు. "కొత్త ప్రభుత్వం ప్రజల ఆకాంక్షలను నెరవేరుస్తూ, పారదర్శకమైన పాలనను అందిస్తుందని ఆశిస్తున్నాను" అని పేర్కొన్నారు.

మహేష్ బాబు & ఇతర తారలు: విజయ్ రాజకీయాల్లోకి రావడం, నేడు సీఎంగా బాధ్యతలు చేపట్టడంపై మహేష్ బాబుతో పాటు పలువురు తెలుగు స్టార్స్ సోషల్ మీడియా వేదికగా తమ బెస్ట్ విషెస్ అందించారు.

దేశవ్యాప్తంగా అభినందనలు: రాహుల్ గాంధీ నేరుగా ప్రమాణ స్వీకార కార్యక్రమానికి హాజరు కాగా, ప్రధాని నరేంద్ర మోదీ, ఇతర రాష్ట్రాల ముఖ్యమంత్రులు విజయ్‌కు శుభాకాంక్షలు తెలిపారు.

విజయ్ తన ఫోనులో రాహుల్ గాంధీ మరియు అభిమానులతో కలిసి సెల్ఫీ వీడియో తీయడం, సీఎంగా కుర్చీలో కూర్చున్న ఫోటోలు ప్రస్తుతం ఇంటర్నెట్‌లో విపరీతంగా షేర్ అవుతున్నాయి. అభిమానులు తమ 'దళపతి' ఇప్పుడు 'జన నాయకన్' అయ్యాడంటూ పోస్టులు పెడుతున్నారు. ముఖ్యంగా విజయ్ చివరి సినిమా ‘జన నాయగన్’ (Jana Nayagan) జూన్ నెలలో విడుదల కానుండటంతో, అందులో ఆయనకు ‘ముఖ్యమంత్రి’ హోదాలో టైటిల్ కార్డ్ పడటం ఖాయమని ఫ్యాన్స్ సంబరపడుతున్నారు.

]]>

ఏపీ: ఎఫ్డిసి చైర్మన్గా పి భరత్ భూషణ్..?

Divya — Sun, 10 May 2026 15:05:17 GMT

ఆంధ్రప్రదేశ్ రాష్ట్ర చలనచిత్ర, టీవీ మరియు నాటక రంగ అభివృద్ధి సంస్థ (ఏపీఎఫ్డిసి) చైర్మన్గా భరత్ భూషణ్ ఎంపికయ్యారు. గత 20 సంవత్సరాలుగా డిస్ట్రిబ్యూషన్ చేస్తూ ఎన్నో విజయవంతమైన చిత్రాలను ప్రేక్షకులకు అందించిన ఘనత అందుకున్నారు. అలాగే భరత్ ఇన్ఫ్రా అనే కంపెనీని స్థాపించి ఎంతో మందికి అవకాశాలను కల్పించారు. అదేవిధంగా సినిమాల పైన ఉండే ఇంట్రెస్ట్ తో సినీ పరిశ్రమకు ఆయన వంతు అండగా నిలబడడంతో తెలుగు ఫిలిం ఛాంబర్ ప్రెసిడెంట్ గా ఎంపికయ్యారు.అలాంటి సమయంలోనే సినీ కార్మికుల సమస్యలను డిస్ట్రిబ్యూషన్ల ఇబ్బందులను సైతం తీర్చడంలో ఆయన హస్తం ఉంది.

దీంతో ఆయన సేవలను గుర్తించి ఫిలిం ఫెడరేషన్ ఆఫ్ ఇండియా వైస్ ప్రెసిడెంట్ గా కూడా ఎంపిక చేయడం జరిగింది. ఇప్పుడు ఏపీ ప్రభుత్వం ఆయనకు ఎఫ్డిసి చైర్మన్ బాధ్యతలను కూడా అప్పగించారు. చలనచిత్ర, టీవీ, నాటక రంగాల అభివృద్ధికి సైతం ప్రత్యేకించి దృష్టి సాధించిన ఏపీ ప్రభుత్వం భరత్ భూషణ్ గారిని చైర్మన్గా ఎంపిక చేసుకోవడంలో ఆంధ్రప్రదేశ్లో సినిమాకు సంబంధించి అభివృద్ధి వంటి బాధ్యతలను ఆయనకు అప్పగించారు.

ఈ బాధ్యతలను అప్పగించడం పై సినీ ఇండస్ట్రీ వర్గాలు కూడా అభినందనలు తెలియజేస్తోంది ఏపీ ప్రభుత్వానికి. ఫిలిం ఛాంబర్ ప్రెసిడెంట్ గా భరత్ భూషణ్ నియమితులైన వెంటనే సినీ నటుడు నందమూరి బాలకృష్ణను మర్యాదపూర్వకంగా కలిశారు. ఈ విషయం పైన నందమూరి బాలకృష్ణ కూడా భరత్ భూషణ్ కు అభినందనలు తెలియజేశారు. అంతేకాకుండా సినీ టీవీ ,నాటక రంగాల అభివృద్ధి కోసం కృషి చేయాలని తెలియజేశారు. ఇప్పటికే సినీ అభివృద్ధి కోసం ఎన్నో పనులు చేస్తున్న ఏపీ ప్రభుత్వం పై చాలామంది సినీ ప్రముఖులు ప్రశంసలు కురిపిస్తున్నారు. అలాగే డిప్యూటీ సీఎం గా పవన్ కళ్యాణ్ కూడా సినీ ఇండస్ట్రీ అభివృద్ధి పైన ప్రత్యేకించి మరి దృష్టి పెట్టారు.
]]>

కరోనాను మించిన మరో వైరస్ రాబోతోందా..?

Divya — Thu, 07 May 2026 10:11:19 GMT

ప్రస్తుతం ప్రపంచ దేశాలను భయభ్రాంతులకు గురిచేస్తోంది హంతా వైరస్. ఒక డచ్ క్రూయిజ్ లో ప్రయాణిస్తున్న ముగ్గురు వ్యక్తులు సైతం ఈ వైరస్ బారిన పడి మరణించడంతో ఒక్కసారిగా ఈ విషయం దేశవ్యాప్తంగా సంచలనంగా మారింది. ఈ క్రూయిజ్ లో 23 దేశాలకు సంబంధించి దాదాపుగా 150 మంది ప్రయాణికులు ఉండడం వల్లే ఈ వైరస్ ఇప్పుడు అంతర్జాతీయంగా విస్తరించే అవకాశాలు ఉన్నట్లు వినిపిస్తున్నాయి. మరి ఈ హంతా వైరస్ అంటే ఏమిటి? దీనివల్ల ఇండియాకి ఏదైనా ముప్పు ఉందా అనే విషయం గురించి ఇప్పుడు ఒకసారి చూద్దాం.

ప్రపంచ ఆరోగ్య సంస్థ తెలుపుతున్న ప్రకారం.. హంతా వైరస్ అనేది హంటావీరిడే కుటుంబానికి చెందిన వైరస్ అని ,ఇది ఎక్కువగా ఎలుకలు చిట్టెలుకల ద్వారా వ్యాప్తి చెందుతుందని తెలియజేశారు. ఈ ఎలుకలు మూత్రం, లాలాజలం, మలం వంటి వాటిని తాకినప్పుడు ఇది ఇన్ఫెక్షన్ గా మారినప్పుడు హంతా వైరస్ ఏర్పడుతుందని, ఇది నేరుగా ఊపిరితిత్తులు గుండె పైన చాలా ప్రభావం చూపిస్తుందని అందుకే దీన్ని అత్యంత ప్రమాదకరమైన వైరస్లలో ఒకటని చెబుతున్నారు. 23 దేశాలకు చెందిన 149 మంది ప్రయాణికులు ఉన్న ఈ షిప్ లో స్పెయిన్, బ్రెజిల్, అంగోలా వంటి దేశాల తీరాల మీదుగా ప్రయాణించిందట.

ఆ సమయంలోనే ఈ వైరస్ వల్ల ముగ్గురు మరణించడం తీవ్ర ఆందోళనకు దారితీసిందని మిగిలిన ప్రయాణికులకు కూడా ఈ వైరస్ సోకిందేమో అనే అనుమానాలతో పర్యవేక్షణ పెంచేశారు. హంతా వైరస్ శరీరంలోకి ప్రవేశించిన ఒకటి నుంచి 8 వారాల తరువాతే దీని యొక్క లక్షణాలు బయటపడతాయి. మొదట ఇది జ్వరంలాగే వచ్చిన ,తీవ్రమైన తలనొప్పి ,కండరాల నొప్పులు, వాంతులు, కడుపునొప్పి, శ్వాస తీసుకోవడంలో ఇబ్బంది కలగడం వంటివి కనిపిస్తాయి. అయితే ఈ వైరస్ పట్ల భారతీయులు మాత్రం ప్రస్తుతం భయపడాల్సిన పని లేదంటూ ఆరోగ్య నిపుణులు తెలియజేస్తున్నారు. ఆ క్రూయిజ్ షిప్ ప్రయాణించిన మార్గానికి ఇండియాకి ఎటువంటి సంబంధం లేదని చెబుతున్నారు.
]]>

టీ సిగరెట్ ఒకేసారి కాలుస్తున్నారా? ఎంత ప్రమాదమో తెలుసా..?

Divya — Wed, 06 May 2026 11:53:10 GMT

చాలామంది ఉద్యోగస్తులు కొంత విరామం దొరికితే చాలు టి, సిగరెట్ వంటివి ఎక్కువగా తాగుతూ ఉన్నారు. దీనివల్ల చాలామందికి ఉపశమనం కలుగుతుందని భావిస్తూ ఉంటారు. కానీ ఇటీవల కొంతమంది పరిశోధకులు తెలిపిన ప్రకారం ఈ అలవాటు వల్ల అన్నవాహిక కణాలను దెబ్బతీసి క్యాన్సర్ కు కారణం అవుతుందని తెలియజేస్తున్నారు . వేడి టి అన్నవాహిక లోపల చిన్న గాయాలను కలిగించేలా చేస్తుందని ఆ సమయంలో సిగరెట్ తాగడం కూడా చాలా హానికరం ఆ రసాయన పొగ వల్ల ఆ గాయాల ద్వారా నేరుగా శరీరంలోకి చేరి తీవ్రమైన నష్టాన్ని కలిగిస్తుందంటూ తెలియజేస్తున్నారు.

వేడి టీ తాగినప్పుడు వచ్చే మంటకు సిగరెట్టు పొగ రసాయనాలు తోడైతే మాత్రం అది కణాల నాశనానికి తోడ్పడి క్యాన్సర్ కణాలను అభివృద్ధి చెందేలా చేస్తుంది.

సిగరెట్లు ఉండే ఫార్మల్డిహైడ్, బెంజిన్ అంటే రసాయనాలు గొంతును దెబ్బ తినేలా చేస్తాయి. అలాగే వెంటనే టీ తాగడం వల్ల గొంతు కణజాలం కూడా బలహీనపడి గొంతు క్యాన్సర్ రావడానికి ఆస్కారం ఉంటుంది.

సిగరెట్ పొగాకులో నికోటిన్ రక్తపోటును పెంచితే, టీ లో కెఫిన్ గుండెపైన అదనపు భారాన్ని పెంచేలా చేస్తుంది. ఈ రెండిటి వల్ల గుండెపోటుకి దారి తీసే అవకాశం ఉంటుందని నిపుణులు హెచ్చరిస్తున్నారు.

టీ, సిగరెట్ ఒకేసారి ఖాళీ కడుపుతో తాగితే మాత్రం మెదడుకు రక్తప్రసరణ తగ్గి తలనొప్పి , జ్ఞాపకశక్తి మందగించడం వంటి సమస్యలు ఏర్పడతాయి.

నికోటిన్, కెఫిన్ రక్తనాళాలను సంకోజింప చేసేలా చేస్తాయి. దీని ఫలితంగా రక్త పోటు పెరిగి ధమనులలో రక్తం గడ్డ కట్టే అవకాశాలు ఎక్కువగా ఉంటాయి. దీనివల్ల పక్షవాతానికి కూడా దారితీస్తుందని నిపుణులు హెచ్చరిస్తున్నారు.

అందుకే ఈ రెండు అలవాటులను ఎంత వీలైతే అంత దూరంగా ఉంచడం మంచిదని నిపుణులు తెలియజేస్తున్నారు. ఈ రెండు అలవాట్ల వల్ల జీర్ణ వ్యవస్థలోని లోపలి పొరలను సైతం దెబ్బతీసేలా చేస్తాయని అల్సర్, అసిడిటీ వంటి వాటికీ కూడా గురయ్యేలా చేస్తాయని హెచ్చరిస్తున్నారు.
]]>

తండ్రికి కాదు, త్రిషకి కాదు..ఆ స్ధానం అతడికే..ఊహించని షాక్ ఇవ్వబోతున్న విజయ్..!?

Thota Jaya Madhuri — Wed, 06 May 2026 10:54:35 GMT

టీవీకే పార్టీ అధినేత విజయ్ ఇటీవల జరిగిన ఎన్నికల్లో చెన్నై నగరంలోని పెరంబూర్ మరియు తిరుచిరాపల్లి ఈస్ట్ నియోజకవర్గాల నుంచి పోటీ చేసి, రెండింటిలోనూ ఘన విజయాన్ని సాధించారు. రెండు చోట్ల గెలవడంతో, రాజ్యాంగ ప్రకారం ఆయన ఒక నియోజకవర్గాన్ని తప్పనిసరిగా వదులుకోవాల్సిన పరిస్థితి ఏర్పడింది. ఈ నేపథ్యంలో ఆయన ఏ స్థానాన్ని వదులుకుంటారు? ఆ సీటు ఎవరికి దక్కుతుంది? అనే ప్రశ్నలపై రాజకీయ వర్గాల్లో విస్తృత చర్చ సాగుతోంది. ప్రస్తుతం వస్తున్న సమాచారం ప్రకారం విజయ్ పెరంబూర్ స్థానాన్ని వదులుకునే అవకాశం ఎక్కువగా ఉందని తెలుస్తోంది. అయితే ఆ స్థానాన్ని ఎవరికీ కేటాయిస్తారు అన్నదే అసలు ఆసక్తికర అంశం. మొదట్లో ఈ సీటును ప్రముఖ నటి త్రిషకు ఇస్తారని ప్రచారం జోరుగా సాగింది. కానీ తాజా రాజకీయ సమీకరణాల ప్రకారం టీవీకే పార్టీ కార్యదర్శి బుస్సీ ఆనంద్‌కు ఈ అవకాశం ఇవ్వవచ్చని సమాచారం వినిపిస్తోంది. అయితే దీనిపై ఇప్పటివరకు ఎలాంటి అధికారిక ప్రకటన వెలువడలేదు.

ఇక త్రిష రాజకీయాల్లోకి ఎంట్రీ ఇవ్వాలనే ఆలోచనలో ఉన్నారని చాలా కాలంగా వార్తలు వినిపిస్తున్నాయి. ప్రస్తుతం ఆమె చేతిలో ఉన్న కొన్ని సినిమాలను పూర్తిచేసి, తర్వాత పూర్తిస్థాయిలో రాజకీయాలపై దృష్టి పెట్టాలని భావిస్తున్నట్లు తెలుస్తోంది. గతంలో ఒక ఇంటర్వ్యూలో తాను భవిష్యత్తులో తమిళనాడు ముఖ్యమంత్రి కావాలని ఆశపడుతున్నట్లు కూడా ఆమె వెల్లడించారు. ఈ వ్యాఖ్యలతో ఆమె రాజకీయ ప్రవేశంపై మరింత చర్చ మొదలైంది.ఇలాంటి పరిస్థితుల్లో, టీవీకేలో అనధికారికంగా ప్రభావం చూపుతున్న త్రిష త్వరలోనే పార్టీకి అధికారికంగా చేరవచ్చని, ఆ తరువాత పెరంబూర్ ఉపఎన్నికల్లో పోటీ చేసే అవకాశం ఉందని కొంతమంది విశ్లేషకులు అంచనా వేస్తున్నారు.

ఆమె ఎమ్మెల్యేగా గెలిచి, తమిళనాడు అసెంబ్లీలో అడుగుపెడతారని కూడా ప్రచారం జరుగుతోంది. అయితే ఇవన్నీ ఇప్పటికీ ఊహాగానాలే గానీ, స్పష్టమైన సమాచారం మాత్రం లేదు. మొత్తానికి, విజయ్ తీసుకునే తుది నిర్ణయం ఏదైనా, అది తమిళనాడు రాజకీయాల్లో కొత్త మార్పులకు దారి తీసే అవకాశం ఉందనే అభిప్రాయం వ్యక్తమవుతోంది. పెరంబూర్ సీటు ఎవరికీ దక్కుతుందనే విషయం త్వరలోనే క్లారిటీ వచ్చే అవకాశం ఉంది. అప్పటి వరకు ఈ సస్పెన్స్ రాజకీయ వర్గాల్లో ఆసక్తిని పెంచుతూనే ఉంటుంది.

]]>

విజయ్ విన్నింగ్ ఎఫెక్ట్..ఆ విషయంలో మొదటి భార్య మనసు మార్చుకుందా..!?

Thota Jaya Madhuri — Wed, 06 May 2026 10:40:29 GMT

విజయ్ వ్యక్తిగత జీవితం, రాజకీయ ప్రవేశం, కుటుంబ వ్యవహారాలు అన్ని కలిసిపోయి ప్రస్తుతం పెద్ద చర్చకు దారితీస్తున్నాయి. ముఖ్యంగా ఆయన భార్య సంగీతతో ఉన్న విభేదాలు, విడాకుల ప్రక్రియ, అలాగే ఆయన రాజకీయంగా ఎదుగుతున్న తరుణంలో వస్తున్న పుకార్లు—ఇవి అన్నీ ఒకేసారి సోషల్ మీడియాలో వైరల్ అవుతున్నాయి.ఇప్పటికే సంగీత–విజయ్ మధ్య విడాకుల వ్యవహారం కోర్టు దాకా వెళ్లిన విషయం తెలిసిందే. ఈ కేసును చెంగల్పట్టు ఫ్యామిలీ కోర్టు మే 15వ తేదీకి వాయిదా వేసింది. ఈ నేపథ్యంలో ముఖ్యమంత్రి హోదాలో ఉన్న విజయ్ స్వయంగా కోర్టుకు హాజరవుతారా? లేక న్యాయపరమైన మినహాయింపు కోరుతారా? అన్నదానిపై ఆసక్తి నెలకొంది. ఇది ఒక వైపు సాగుతుండగానే, మరోవైపు వారి వ్యక్తిగత జీవితానికి సంబంధించిన కొత్త ప్రచారాలు వెలుగులోకి రావడం గమనార్హం.

సోషల్ మీడియాలో వినిపిస్తున్న సమాచారం ప్రకారం, విజయ్ ముఖ్యమంత్రి అవుతున్న నేపథ్యంలో తమిళనాడు “ప్రధమ మహిళ” హోదాను కోల్పోవాలనే ఆలోచన సంగీతకు నచ్చడం లేదని చెబుతున్నారు. అందుకే ఆమె తన నిర్ణయాన్ని మార్చుకుని, విజయ్ భార్యగానే కొనసాగేందుకు సిద్ధంగా ఉన్నట్లు సంకేతాలు ఇస్తోందని ప్రచారం జరుగుతోంది. ఇంకా కొన్ని వార్తల్లో, విజయ్ జీవితంలో మరో మహిళ ఉన్నప్పటికీ, తనకు అభ్యంతరం లేదని సంగీత చెప్పినట్లు కూడా ప్రచారం చేస్తున్నారు. అయితే, ఈ వార్తలకు ఎలాంటి అధికారిక ధృవీకరణ లేదు. సంగీత ఇప్పటివరకు ఈ అంశంపై ఎక్కడా స్పందించలేదు. ఆమె సోషల్ మీడియా ఖాతాల్లో కూడా దీనికి సంబంధించిన ఎటువంటి ప్రకటన కనిపించలేదు.

ఇలాంటి పరిస్థితుల్లో కొందరు గాసిప్ సృష్టికర్తలు అసత్య కథనాలను విస్తరించి, విషయాన్ని మరింత క్లిష్టం చేస్తున్నారు. నిజం ఏంటి? అబద్ధం ఏంటి? అన్నది స్పష్టత లేకుండా ప్రజల్లో గందరగోళం సృష్టిస్తున్నారు. ప్రముఖుల వ్యక్తిగత జీవితాన్ని సెన్సేషనల్ చేయడం వల్ల కలిగే ప్రభావం గురించి చాలా మంది చర్చిస్తున్నారు.ఇక కుటుంబ విషయానికి వస్తే, విజయ్ పిల్లల ప్రవర్తన కూడా చర్చనీయాంశమవుతోంది. ఆయన కుమారుడు జేసన్ చాలా కాలంగా తండ్రికి దూరంగా ఉంటున్నట్లు సమాచారం. అంతేకాకుండా, తన పేరులో ఉన్న “విజయ్” అనే భాగాన్ని కూడా తొలగించుకున్నట్లు తెలుస్తోంది. ఇది వారి మధ్య ఉన్న దూరాన్ని సూచిస్తున్నట్లు భావిస్తున్నారు. మరోవైపు, కుమార్తె దివ్య తన తల్లి సంగీతతోనే ఉంటూ, విదేశాల్లో చదువుకుంటోంది.విజయ్ రాజకీయంగా పెద్ద స్థాయిలో ఎదుగుతున్నప్పటికీ, ఆయన పిల్లలు ఇప్పటివరకు ఈ విషయంపై ఎటువంటి స్పందన వ్యక్తం చేయలేదు. సోషల్ మీడియాలో కూడా వారు నిశ్శబ్దంగా ఉండటం గమనించదగ్గ విషయం. కుటుంబ సమస్యలు, వ్యక్తిగత నిర్ణయాలు అన్ని ఇవి బయట ప్రపంచానికి తెలియకుండా ఉంచాలనే ఉద్దేశంతోనే వారు ఇలా వ్యవహరిస్తున్నారేమో అన్న అభిప్రాయాలు వ్యక్తమవుతున్నాయి. మొత్తానికి, విజయ్ వ్యక్తిగత జీవితం ప్రస్తుతం అనేక కోణాల్లో చర్చకు వస్తోంది. కానీ అధికారికంగా ఎవరి నుంచి స్పష్టమైన ప్రకటనలు రాకపోవడంతో, ఈ వార్తల్లో ఎంతవరకు నిజం ఉందో తెలియడం లేదు. ఇలాంటి సందర్భాల్లో వాస్తవాలను తెలుసుకునే వరకు ఆతృత పడకుండా, నిర్ధారణ లేని సమాచారాన్ని నమ్మకుండా ఉండటం మంచిదని చెప్పాలి.
]]>

విజయ్ ఇచ్చిన హామీలీవే.. మొదటి సంతకం ఏ పథకం పై.?

Divya — Tue, 05 May 2026 11:25:32 GMT

తమిళనాడు అసెంబ్లీ ఎన్నికలలో విజయ్ దళపతి ఒక సరికొత్త చరిత్రను సృష్టించారు. 50 ఏళ్ల పాటు డీఎంకే, అన్నడీఎంకేలే తమిళనాడు రాజకీయాలు ఏలుతున్నాయి. కానీ ఇప్పుడు విజయ్ రాకతో సరికొత్త మలుపు తిరిగింది. విజయ్ టీవీకే పార్టీ ఎగ్జిట్ పోల్స్ అంచనాలను సైతం తలకిందులు చేస్తూ సంచలనం సృష్టించింది. తమిళనాడు రాష్ట్రంలో 234 అసెంబ్లీ స్థానాలలో టివీకే పార్టీ పోటీ చేయగా 108 స్థానాలలో ఆదిక్యత ప్రదర్శించింది. ఈమెరకు తమిళనాడులో టీవీకే పార్టీ సింగిల్ లార్జెస్ట్ పార్టీగా నిలిచింది.

అయితే ఎన్నికల ప్రచారంలో భాగంగా విజయ్ చాలా హామీలు ఇచ్చినట్లు తెలుస్తోంది. ఆయన విజయానికి మేనిపోస్ట్ కూడా ముఖ్య పాత్ర పోషించిందని తెలుస్తోంది. ఇక మేనిపోస్ట్ విషయానికి వస్తే..

రాష్ట్రంలో అర్హులైన మహిళలకు ప్రతినెల రూ. 2500 రూపాయలు ఆర్థిక సహాయం అందిస్తామనీ హామీ ఇచ్చారు.

అలాగే వధువుకు పెళ్ళికానుక కింద 8 గ్రాముల బంగారం పట్టు చీర కూడా ఇస్తామని హామీ ఇచ్చారు.

అలాగే నిరుద్యోగులకు గ్రాడ్యుయేషన్ కింద ప్రతినెల రూ
4 వేల రూపాయలు, డిప్లమా చదివిన వారికి రూ .2500 చొప్పున నిరుద్యోగ భృతి.

ఏడాదికి ఉచితంగా 6 గంట గ్యాస్ సిలిండర్లు, అలాగే మహిళలకు ప్రత్యేకంగా భద్రత కోసం కోర్టులు ఏర్పాటు.

మహిళా స్వయం సంఘాల నుంచి రూ .5 లక్షల రూపాయలు వడ్డీ లేని రుణాలు.

పిల్లలను ప్రభుత్వ బడులకు పంపే తల్లులకు ఏడాదికి రూ.15 వేల రూపాయల సహాయం.

ఐటిఐ చదివిన వారు నైపుణ్యం పెంచుకోవడానికి రూ .8వేల రూపాయలు సహాయం.

అలాగే సీఎం పీపుల్ సర్వీస్ అసోసియేషన్ ప్రోగ్రాంలో ఐదు లక్షల మంది గ్రామీణ యువతకు నిర్మించి 18 వేల జీతంతో ఉద్యోగ కల్పన.

ఇంటర్ నుంచి బీహెచ్డీ చదివే విద్యార్థులకు ఎటువంటి కూచి లేకుండా 20 లక్షల వరకు రుణాలు.

అలాగే ఐదు ఎకరాలు లోపు భూమి ఉన్న రైతులకు రుణమాఫీ, పెద్ద రైతులకు 50 శాతం వరకు.

కౌలు రైతులు వ్యవసాయ కూలీలకు ఆర్థిక సహాయం, వ్యవసాయ రంగానికి ఫ్రీ కరెంట్. ఇవే కాకుండా మరికొన్ని మేనిపోస్ట్ లో ఉన్నాయి.

మరి ఇవన్నీ విజయ్ అమలు చేస్తారో లేదో చూడాలి మరి.
]]>

హీరో నుంచి లీడర్.. విజయ్ సక్సెస్‌పై నాని ట్వీట్ సెగలు!

Amruth kumar — Mon, 04 May 2026 16:50:44 GMT

తమిళనాడు రాజకీయాల్లో ఇప్పుడు ఒక ఊహించని రాజకీయ సునామీ కనిపిస్తోంది. దశాబ్దాలుగా సినిమా తెరపై హీరోగా అభిమానుల గుండెల్లో సింహాసనం వేసుకున్న విజయ్, ఇప్పుడు రాజకీయ క్షేత్రంలోనూ అదే మ్యాజిక్ రిపీట్ చేశారు. ‘తమిళగ వెట్రి కళగం’ (TVK) పార్టీతో ఎన్నికల బరిలోకి దిగిన విజయ్, అప్రతిహత విజయాన్ని అందుకుని సింగిల్ లార్జెస్ట్ పార్టీగా నిలవడం చరిత్ర సృష్టించింది. ఒక నటుడిగా లక్షలాది మందికి స్ఫూర్తిగా నిలిచిన విజయ్, ఇప్పుడు పాలకుడిగా బాధ్యతలు చేపట్టే సమయం ఆసన్నమైంది. ఈ విజయం కేవలం ఓట్లు, సీట్ల లెక్క మాత్రమే కాదు.. ఇది ఒక ఎమోషన్!విజయ్ విజయంపై దేశవ్యాప్తంగా సినీ, రాజకీయ ప్రముఖులు స్పందిస్తున్నారు. అయితే, మన టాలీవుడ్ నేచురల్ స్టార్ నాని చేసిన ట్వీట్ మాత్రం సోషల్ మీడియాలో సెగలు పుట్టిస్తోంది. రాజకీయ విశ్లేషకులు కూడా ఆశ్చర్యపోయేలా నాని ఒక బలమైన అభిప్రాయాన్ని వ్యక్తం చేశారు.

నాని తన ట్వీట్‌లో ఇలా పేర్కొన్నారు:

“ముందు సందేహించారు.. తర్వాత కిరీటం పెట్టారు. మన ఇంట్లో జరిగినదే ఇప్పుడు మన పొరుగు ఇంట్లో జరుగుతోంది.”ఈ ఒక్క వాక్యం వెనుక ఎంతో లోతైన అర్థం ఉంది. ‘మన ఇంట్లో జరిగింది’ అని నాని అన్నప్పుడు, అది కచ్చితంగా మన పవర్‌స్టార్ పవన్‌కళ్యాణ్ జనసేన ప్రస్థానాన్ని ఉద్దేశించినదేనని స్పష్టమవుతోంది. ఒకప్పుడు రాజకీయాల్లో కొత్తగా అడుగుపెట్టినప్పుడు ఎవరెవరో ఏవేవో మాట్లాడారని, కానీ చివరికి ప్రజలే పవన్‌ను నమ్మి విజయాన్ని కట్టబెట్టారని నాని గుర్తు చేశారు. సరిగ్గా అదే సీన్ ఇప్పుడు ‘పొరుగున’ ఉన్న తమిళనాడులో విజయ్ విషయంలోనూ పునరావృతమైందని ఆయన విశ్లేషించారు.

నాని తన ట్వీట్‌లో మరో ఆసక్తికరమైన విషయాన్ని పంచుకున్నారు. “అండర్‌డాగ్‌గా భావించిన వ్యక్తి గెలవడం ఎప్పుడూ సినిమా లాంటి అనుభూతినిస్తుంది” అని ఆయన అన్నారు. అవును, అది నిజం! రాజకీయాల్లో ఒక అగ్ర హీరోగా పేరున్నా, పార్టీని స్థాపించి, క్షేత్రస్థాయిలో ప్రజల్లోకి వెళ్లడం అంత సులభం కాదు.విజయ్ ప్రస్థానం కూడా అలాగే సాగింది. పార్టీని ప్రకటించిన తొలినాళ్లలో చాలామంది విమర్శించారు, సందేహించారు. కానీ విజయ్ వాటిని పక్కన పెట్టి, ప్రజల సమస్యలపై ఫోకస్ చేశారు. ఆయన నిలకడ, ఆయన పట్టుదల.. చివరకు ఆయన్ని ఒక అగ్ర నాయకుడిగా నిలబెట్టాయి. ఒక మామూలు వ్యక్తి నుంచి మహా నాయకుడిగా ఎదిగే క్రమం ఏదైనా సరే, అది అద్భుతమైన సినిమా స్క్రీన్‌ప్లేలా అనిపిస్తుంది. అందుకే విజయ్ విజయం రాజకీయాలకు అతీతంగా అందరికీ స్ఫూర్తినిస్తోంది.

విజయ్ విజయం తమిళనాడు రాజకీయాల్లో కొత్త శకానికి నాంది పలుకుతోంది. దశాబ్దాలుగా పాతుకుపోయిన రాజకీయ వ్యవస్థలో ఒక కొత్త గొంతుక వినిపించడం ప్రజలకు కొత్త ఆశలను కల్పిస్తోంది. ముఖ్యంగా యువతలో విజయ్‌కు ఉన్న క్రేజ్, ఆయన తీసుకునే నిర్ణయాలు రాబోయే రోజుల్లో రాష్ట్ర భవిష్యత్తును ఎలా మారుస్తాయనేది ఆసక్తికరంగా మారింది.ప్రజలు ఇచ్చిన తీర్పులో ఎటువంటి సందేహం లేదు. అభివృద్ధి, మార్పు కావాలని కోరుకుంటూ విజయ్‌ని ప్రజలు అత్యధికంగా ఆశీర్వదించారు.గెలుపు అనేది ఒక ఎత్తయితే, గెలిచిన తర్వాత ప్రజల నమ్మకాన్ని నిలబెట్టుకోవడం మరో ఎత్తు. విజయ్ తన రాజకీయ జీవితంలో ఎటువంటి సవాళ్లను ఎదుర్కొంటారు, పాలనలో ఆయన మార్క్ ఎలా ఉంటుంది అనేది ఇప్పుడు అందరూ గమనిస్తున్న విషయం.

దక్షిణాదిలో సినిమా, రాజకీయాలు వేరు కాదు. ఎంజీఆర్, కరుణానిధి, జయలలిత.. ఇలా దిగ్గజాలు నడిచిన బాటలోనే ఇప్పుడు విజయ్ ప్రయాణం మొదలైంది. అయితే, ప్రస్తుత కాలంలో రాజకీయాలు చాలా క్లిష్టంగా మారాయి. ఇలాంటి సమయంలో, నాని చెప్పినట్లుగా ఒక “అండర్‌డాగ్” విజయం సాధించడం, దేశవ్యాప్తంగా సినీ రంగం నుంచి రాజకీయాల్లోకి రావాలనుకునే ఎంతోమందికి ఒక బూస్ట్ ఇచ్చేలా ఉంది.“తమిళనాడు ప్రజలు ఇచ్చిన తీర్పు అద్భుతం. వారి కోసం మంచి జరగాలని, రాష్ట్రం బాగుండాలని ఆశిస్తున్నాను” అని నాని వ్యక్తం చేసిన అభిప్రాయం ప్రతి ఒక్కరి మనసులోని మాట. విజయ్ విజయంతో తమిళనాడు రాజకీయాలు ఇక మీదట ఎలా మలుపు తిరుగుతాయో చూడాలి.

]]>

త్రిష రాజకీయాలలోకి ఎంట్రీ ఇవ్వబోతుందా..?

Divya — Mon, 04 May 2026 16:43:37 GMT

తమిళనాడు రాజకీయాలలో సంచలనంగా మారిన విషయం సినీ హీరో, టీవీకే పార్టీ అధినేత విజయ్ దళపతి 109 స్థానాలలో విజయం కనిపిస్తోంది. విజయ్ గెలుపుతో అటు హీరోయిన్ త్రిష పేరు కూడా ఎక్కువగా వినిపిస్తోంది. ముఖ్యంగా ఈరోజు త్రిష బర్తడే కావడంతో మరింత ఆనంద పడుతున్నారు అభిమానులు. దీంతో రాజకీయాలలో ఈమె పేరు మరింత వైరల్ గా మారింది. దీన్నిబట్టి చూస్తూ ఉంటే త్వరలోనే త్రిష రాజకీయాలలోకి అడుగుపెట్టబోతోందా అనే ప్రశ్నలు కూడా అభిమానులలో తలెత్తుతున్నాయి.

తమిళనాడు అసెంబ్లీ ఎన్నికలలో విజయ్ నేతృత్వంలో టీవీకే పార్టీ ఒక చారిత్రాత్మక విజయాన్ని ఇప్పుడు నమోదు చేసుకున్నట్టు కనిపిస్తోంది. డీఎంకే, ఏఐఏడీఎంకే వంటి పెద్ద పార్టీలను సైతం వెనక్కి నెట్టి మరి మొదటి ప్రయత్నంలోనే ఈ స్థాయి విజయాన్ని అందుకోవడం అందరి రాజకీయ విశ్లేషకులను ఆశ్చర్యానికి గురిచేస్తోంది. త్రిష బర్త్డే రోజున ఎన్నికల ఫలితాలు వెలుపడడం విజయ్ గెలుపు వార్త వినడంతో త్రిషకు మరింత ఆనందాన్ని కలిగిస్తోంది. అంతేకాకుండా ఇటీవలే విజయ్ ఇంటికి వెళ్లి మరి అభినందనలు తెలిపినట్లుగా కొన్ని వీడియోలు కూడా వైరల్ గా మారుతున్నాయి.

త్రిష 43వ పుట్టినరోజు విజయోత్సవం ఇలా జరుపుకోవడం మరింత విశేషంగా మారినట్టు కనిపిస్తోంది. ఎన్నికల ఫలితాలకు ముందు త్రిష తిరుపతి బాలాజీ ఆలయాన్ని కూడా సందర్శించారు. అయితే ఈ దర్శనం కూడా అటు విజయ్ కోసమే అంటూ చాలానే వార్తలు వినిపించాయి. త్రిష ప్రార్థనలు ఫలించాయని అభిమానులు భావించడమే కాకుండా చాలా మంది సెలబ్రెటీలు త్రిష కోరిక తీరింది అంటూ పలు రకాలుగా ట్విట్లు చేస్తూ వైరల్ గా చేస్తున్నారు. సోషల్ మీడియా వేదికగా చాలామంది ప్రియురాలు పుట్టినరోజు కానుకగా రాజకీయ విజయాన్ని అందించారంటూ కామెంట్స్ చేస్తున్నారు.

విజయ్, త్రిష ఆన్ స్క్రీన్ జోడి మాత్రం మంచి పేరు ఉంది. చాలాకాలం తర్వాత జియో సినిమాలో కూడా కలిసి నటించారు. అయితే ప్రస్తుతం మాత్రం వీరి వ్యక్తిగత సంబంధం పైన మాత్రం ఎన్నో ఊహాగానాలు వినిపిస్తున్నాయి. విజయ్ తన భార్య సంగీతతో విడాకుల వ్యవహారం పై వార్తలు వినిపిస్తున్న నేపథ్యంలో త్రిషతో ఉన్న అనుబంధం ప్రాధాన్యత గురించి కూడా పలు వ్యాఖ్యలు వైరల్ గా మారాయి. వీటన్నిటిని చూస్తూ ఉంటే త్రిష రాజకీయాలలోకి రావాలని ఆలోచిస్తోందా ?అంటే సరైన సమాధానం లేదు. కానీ విజయ్ రాజకీయ ప్రయాణంలో మాత్రం త్రిష కీలకమైన పాత్ర పోషించే అవకాశాలు ఉన్నట్లుగా విశ్లేషకులు చెబుతున్నారు. దీంతో ప్రభుత్వంలో ఒకవేళ త్రిష కీలకపాత్ర పోషించే అవకాశాలు ఉన్నాయనే విధంగా వినిపిస్తున్నాయి.
]]>

తమిళనాడు ఎన్నికల రిజల్ట్ : సో ఇందుమూలంగా జనాలు తెలుసుకోవాల్సింది ఏంటంటే..?

Thota Jaya Madhuri — Mon, 04 May 2026 12:35:57 GMT

తమిళనాడు రాజకీయాల్లో ఈసారి ఎన్నికలు అసాధారణ ఆసక్తిని రేకెత్తించాయి. రాష్ట్రంలోని 234 అసెంబ్లీ స్థానాలకు జరిగిన పోలింగ్‌లో 85 శాతం కంటే ఎక్కువ ఓటింగ్ నమోదవడం, ప్రజల్లో రాజకీయాలపై ఉన్న చైతన్యాన్ని స్పష్టంగా చూపించింది. సాధారణంగా రెండు ప్రధాన పార్టీల మధ్య పోటీ జరిగే తమిళనాడులో, ఈసారి త్రిముఖ పోరు నెలకొనడం ఎన్నికలను మరింత ఉత్కంఠభరితంగా మార్చింది. అధికారంలో ఉన్న డీఎంకే, ప్రతిపక్ష అన్నాడీఎంకే మాత్రమే కాకుండా, సినీ నటుడు విజయ్ నేతృత్వంలోని టీవీకే పార్టీ కూడా రంగంలోకి దిగడంతో పోటీ తీరే మారిపోయింది. ఈ మూడు శక్తుల మధ్య జరిగిన పోటీ ప్రజల్లో కొత్త ఆశలను, చర్చలను తీసుకువచ్చింది. ముఖ్యంగా యువతలో రాజకీయాలపై ఆసక్తి పెరగడానికి ఇది ఒక కారణమైంది.ఎగ్జిట్ పోల్స్ విషయానికి వస్తే, చాలా సంస్థలు డీఎంకే కూటమి తిరిగి అధికారంలోకి వస్తుందని అంచనా వేశాయి. అయితే కొన్ని సర్వేలు మాత్రం పూర్తిగా భిన్నంగా స్పందిస్తూ, విజయ్ నేతృత్వంలోని టీవీకే పార్టీ గెలుపు సాధించవచ్చని పేర్కొన్నాయి. దీంతో అసలు ఫలితాలపై ఆసక్తి మరింత పెరిగింది.

డీఎంకే కూటమి విషయానికి వస్తే, ముఖ్యమంత్రి స్టాలిన్ నాయకత్వంలో కాంగ్రెస్, వీసీకే, వామపక్షాలు కలిసి పోటీ చేశాయి. మరోవైపు అన్నాడీఎంకే, పళనిస్వామి నాయకత్వంలో బీజేపీ, పీఎంకే, ఏఎంఎంకే పార్టీలతో కలిసి ఎన్నికల్లోకి దిగింది. విజయ్ మాత్రం తన పార్టీని ఒంటరిగానే పోటీకి దింపడం ఒక సాహసోపేత నిర్ణయం. అదే సమయంలో సీమన్ నేతృత్వంలోని నామ్ తమిళార్ కట్చి కూడా తన ప్రభావాన్ని చూపించేందుకు ప్రయత్నించింది.తమిళనాడులో ప్రభుత్వం ఏర్పాటు చేయాలంటే కనీసం 118 సీట్లు అవసరం. అయితే ఈసారి ఎన్నికల ఫలితాలు చూస్తుంటే, కొన్ని ప్రాంతాల్లో విజయ్ పార్టీకి మంచి స్పందన లభించినట్టు సంకేతాలు కనిపిస్తున్నాయి. కొన్ని విశ్లేషణల ప్రకారం, టీవీకే పార్టీ గణనీయమైన సీట్లను సాధించే అవకాశముందని చెబుతున్నారు. ఇది నిజమైతే, తమిళనాడు రాజకీయాల్లో పెద్ద మార్పుకు నాంది కావచ్చు.

విజయ్‌కు అనుకూలంగా పనిచేసిన కొన్ని ముఖ్య కారణాలు ఉన్నాయి. అతని స్టార్‌డమ్ ప్రజల్లో విపరీతమైన గుర్తింపును తీసుకువచ్చింది. ముఖ్యంగా యువతలో అతనికి ఉన్న ఫాలోయింగ్ ఎన్నికల్లో ఓటుగా మారే పరిస్థితి కనిపించింది. అలాగే ప్రభుత్వ వైఫల్యాలపై అతను తెరపై మాత్రమే కాదు, బయట కూడా ప్రశ్నించడం ప్రజల్లో విశ్వాసాన్ని పెంచింది.అతని ప్రచారం కూడా సాంప్రదాయ పద్ధతులకు భిన్నంగా సాగింది. ఉత్సాహభరితంగా, కొత్తదనంతో నిండిన ప్రచార విధానం ప్రజలను ఆకట్టుకుంది. అతని ప్రసంగాలు కూడా సూటిగా, భావోద్వేగపూరితంగా ఉండటం వల్ల ప్రజలతో కనెక్ట్ అయ్యాయి. కొన్ని వివాదాలు, కేసులు కూడా అతనికి వ్యతిరేకంగా కాకుండా, ప్రజల్లో సానుభూతిని పెంచినట్టుగా విశ్లేషకులు భావిస్తున్నారు.అదనంగా, టీవీకే పార్టీ గుర్తు అయిన ‘విజిల్’ కూడా యువతలో ప్రత్యేక గుర్తింపును సంపాదించింది. ఒంటరిగా పోటీ చేయడం ద్వారా “మేము భిన్నం” అనే సందేశాన్ని బలంగా ఇవ్వగలిగింది. అలాగే వారి మేనిఫెస్టోలో కొత్త ఆలోచనలు ఉండటం కూడా ఓటర్లను ఆకర్షించింది.

ఈ ఎన్నికల ద్వారా ప్రజలు ఒక ముఖ్యమైన సందేశాన్ని ఇస్తున్నట్టుగా కనిపిస్తున్నారు. అదేంటంటే — సంవత్సరాల తరబడి ఒకే పార్టీలకు అవకాశం ఇస్తూ, మార్పు లేకపోతే, కొత్త నాయకత్వానికి కూడా అవకాశం ఇవ్వాలని ప్రజలు భావిస్తున్నారు. “కొత్తవాళ్లకు ఛాన్స్ ఇస్తేనే మార్పు వస్తుంది” అనే ఆలోచన బలపడుతోంది.రాజకీయ విశ్లేషకుల అభిప్రాయం ప్రకారం, ప్రజలు ఈ విధంగా ఆలోచించడం వల్ల రాజకీయ పార్టీలపై ఒత్తిడి పెరుగుతుంది. ప్రజలకు ఉపయోగపడే విధంగా పథకాలు రూపొందించాల్సిన అవసరం వారికి స్పష్టంగా తెలుస్తుంది. లేకపోతే, ప్రజలు ఎప్పుడైనా ప్రత్యామ్నాయాన్ని ఎంచుకునే అవకాశం ఉందని ఈ ఎన్నికలు గుర్తుచేస్తున్నాయి. మొత్తం మీద చూస్తే, తమిళనాడు ఎన్నికలు కేవలం ప్రభుత్వం మార్పు గురించే కాదు, ప్రజల ఆలోచనా విధానంలో వస్తున్న మార్పుకు ప్రతీకగా నిలుస్తున్నాయి. ఈ మార్పు భవిష్యత్ రాజకీయాలను కూడా ప్రభావితం చేసే అవకాశం ఉంది.
]]>

రాజకీయ చరిత్రలోనే విజయ్ సంచలనం..తమిళ తంబీలు మళ్లీ అదే ప్రూవ్ చేశారుగా..!

Thota Jaya Madhuri — Mon, 04 May 2026 12:09:02 GMT

దక్షిణ భారతదేశ రాజకీయాల్లో అత్యంత ప్రాధాన్యత కలిగిన ప్రాంతాలైన తమిళనాడు, కేరళతో పాటు కేంద్రపాలిత ప్రాంతమైన పుదుచ్చేరిలో ఓట్ల లెక్కింపు ప్రక్రియ ఉత్కంఠభరితంగా ప్రారంభమైంది. ముఖ్యంగా తమిళనాడు అసెంబ్లీ ఎన్నికల ఫలితాలు దేశవ్యాప్తంగా ఆసక్తిని రేకెత్తిస్తున్నాయి. ఈ రాష్ట్రంలో జరిగిన పోరు ఈసారి మరింత ప్రత్యేకత సంతరించుకుంది, ఎందుకంటే సంప్రదాయ రాజకీయ శక్తులతో పాటు కొత్త శక్తి కూడా రంగంలోకి దిగింది.తమిళనాడులో మొత్తం 234 అసెంబ్లీ స్థానాలకు ఏప్రిల్ 23న ఎన్నికలు నిర్వహించగా, ఈసారి ఓటర్లు విపరీతంగా స్పందించారు. 85 శాతం కంటే ఎక్కువ పోలింగ్ నమోదవడం ప్రజాస్వామ్యంపై ఉన్న విశ్వాసాన్ని స్పష్టంగా చూపిస్తోంది. ఈ ఎన్నికల్లో ప్రధానంగా త్రిముఖ పోటీ నెలకొంది. అధికారంలో ఉన్న డీఎంకే, ప్రతిపక్ష పార్టీ అయిన అన్నాడీఎంకే, అలాగే ప్రముఖ నటుడు విజయ్ నాయకత్వంలోని టీవీకే మధ్య పోటీ తీవ్రంగా జరిగింది.

ప్రస్తుతం వస్తున్న లెక్కింపు ధోరణులను గమనిస్తే, ఈ మూడు పార్టీలు కూడా గట్టి పోటీ ఇస్తున్నట్లు కనిపిస్తోంది. అయితే ప్రజల్లో చర్చనీయాంశంగా మారిన విషయం ఏమిటంటే, కొత్తగా స్థాపించబడిన టీవీకే పార్టీ అంచనాలకు మించిన ప్రదర్శన చేస్తోంది. కేవలం 14 నెలల క్రితం మాత్రమే రాజకీయ రంగ ప్రవేశం చేసిన ఈ పార్టీ, ఇప్పుడే మెజార్టీ దిశగా పయనిస్తోందన్న వార్తలు వినిపించడం నిజంగా విశేషమే.ముఖ్యమంత్రి ఎం.కే. స్టాలిన్ నాయకత్వంలోని డీఎంకే కూటమిలో కాంగ్రెస్, వీసీకే, అలాగే వామపక్ష పార్టీలు భాగస్వాములుగా ఉన్నాయి. మరోవైపు ఎడప్పాడి కె. పళనిస్వామి నేతృత్వంలోని అన్నాడీఎంకే కూటమిలో బీజేపీ, పీఎంకే, ఏఎంఎంకే వంటి పార్టీలు ఉన్నాయి.ఇక విజయ్ నాయకత్వంలోని టీవీకే పార్టీ మాత్రం ఎటువంటి కూటమి లేకుండా స్వతంత్రంగా పోటీ చేయడం మరింత ఆసక్తిని పెంచింది. అదనంగా సీమన్ ఆధ్వర్యంలోని నామ్ తమిళార్ కట్చి కూడా ఎన్నికల్లో తన శక్తిని పరీక్షించుకుంది.

తమిళనాడులో అధికారాన్ని ఏర్పాటు చేయాలంటే కనీసం 118 స్థానాలు గెలుచుకోవాల్సి ఉంటుంది. ప్రస్తుతం వస్తున్న సమాచారం ప్రకారం టీవీకే పార్టీ ఆ మ్యాజిక్ ఫిగర్ వైపు దూసుకెళ్తుందనే చర్చలు జరుగుతున్నాయి. ఎగ్జిట్ పోల్స్‌లో ఎక్కువ భాగం డీఎంకేకు అనుకూలంగా ఫలితాలు వస్తాయని అంచనా వేసినప్పటికీ, కొన్ని సంస్థలు మాత్రం టీవీకే విజయం సాధిస్తుందని సూచించాయి.మొత్తంగా చూస్తే, ఈ ఎన్నికలు తమిళనాడు రాజకీయాల్లో ఒక కొత్త అధ్యాయానికి నాంది పలికే అవకాశముంది. ఒకవేళ టీవీకే నిజంగా అధికారంలోకి వస్తే, కేవలం 14 నెలల్లోనే ఒక కొత్త పార్టీ రాష్ట్ర రాజకీయాలను పూర్తిగా మార్చేసిన అరుదైన ఉదాహరణగా ఇది నిలుస్తుంది. అదే సమయంలో సంప్రదాయ పార్టీలకు ఇది ఒక పెద్ద హెచ్చరికగా మారవచ్చు. ఇక చివరి ఫలితాలు వెలువడిన తర్వాతే ఎవరు అధికారంలోకి వస్తారో స్పష్టత రానుంది. కానీ ప్రస్తుత పరిస్థితులు మాత్రం తమిళనాడు రాజకీయాల్లో ఉత్కంఠను మరింత పెంచుతున్నాయి. తమిళ ప్రజలు ఎప్పుడు ఒక్కే పార్టీకి ఓటు వేయరు అని జనాలు మాట్లాడుకుంటారు. తాజా రిజల్ట్ తో మళ్లీ అదే ప్రూవ్ అయ్యింది.

]]>

పవన్ వల్ల కానిది విజయ్ చేసి చూపిస్తున్నారు..?

Divya — Mon, 04 May 2026 12:03:21 GMT

తమిళనాడులో 234 అసెంబ్లీ నియోజకవర్గాలకు సంబంధించి ఓట్లు లెక్కింపు ప్రస్తుతం కొనసాగుతోంది. పోస్టల్ బ్యాలెట్ తర్వాత ఈవీఎం హోటల్ లెక్కింపు కూడా ప్రస్తుతం వేగవంతంగానే ముందుకు కొనసాగుతోంది. కోలీవుడ్ హీరో విజయ్ స్థాపించిన తమిళ వెట్రి కజగం పార్టీ(tvk) మొదటి నుంచి దూకుడుగానే కనిపిస్తోంది. తమిళనాడులో ఎన్నో ఏళ్లుగా పాతుకుపోయిన డీఎంకే పార్టీ అధికారాన్ని కోల్పోయే ప్రమాదంలో కనిపిస్తోంది. అలాగే ఏఐఏడీఎంకేదీ పార్టీది కూడా ఇదే పరిస్థితి కొనసాగుతోంది.

ఈ ఎన్నికలలో అతిపెద్ద సంచలనం ఏమిటంటే టీవీకే పార్టీ అద్భుతమైన ప్రదర్శన కనిపిస్తోంది. ఈ ఎన్నికలలో టీవీకే పార్టీ 104 స్థానాలకు పైగా ఆధిక్యతలో కొనసాగుతోంది. ఏఐఏడీఎంకే పార్టీ రెండవ స్థానం డిఎంకె పార్టీ మూడవ స్థానంలో ముందుకు వెళ్తోంది. తమిళనాడులో ఏ పార్టీ అయినా సరే అధికారం దక్కించుకోవాలి అంటే 118 సీట్ల మెజారిటీ రావాలి కానీ ప్రస్తుతం మాత్రం అక్కడ చూస్తూ ఉంటే ఆ మెజారిటీ సీట్లు ప్రస్తుతం లేనట్టుగానే కనిపిస్తోంది. కానీ సింగిల్ పార్టీగా మాత్రం టీవీకే పార్టీ సంచలనంగా నిలుస్తోంది. ఇంకా కౌంటింగ్ కొనసాగుతూ ఉండడంతో సీట్ల సంఖ్య కూడా పెరిగే అవకాశాలు ఎక్కువగానే ఉన్నాయి.

ఎన్నికల ప్రచారంలో భాగంగా ఇచ్చిన హామీల వల్లే విజయ్ మెజారిటీ సీట్లు రావడానికి కారణం అనే విషయం చాలా స్పష్టంగా కనిపిస్తోంది. అయితే ఏపీలో జనసేన పార్టీ పేరుతో పవన్ కళ్యాణ్ పార్టీని స్థాపించినప్పుడు ఈ స్థాయిలో దూకుడు ఎక్కడ కనిపించ లేదు. 2019లో సిపీఎం, సిపిఐ, బీఎస్సీ వంటి పార్టీలతో కలిసి పోటీ చేసినప్పటికీ, కనీస ఓట్లు కూడా పడట్లేదు. కొన్నిచోట్ల డిపాజిట్లు సైతం దక్కలేదు. పవన్ కళ్యాణ్ పోటీ చేసిన గాజువాక, భీమవరం వంటి ప్రాంతాలలో కూడా ఓడిపోయారు. కేవలం రాజోలు ప్రాంతంలో మాత్రమే పవన్ పార్టీ అభ్యర్థి గెలిచారు. ఇక 2024 నాటికి మాత్రం మొదట బిజెపి పార్టీతో పొత్తు ఆ తర్వాత టీడీపీతో పొత్తు పెట్టుకుని డిప్యూటీ సీఎంగా కొనసాగుతున్నారు.

పవన్ కళ్యాణ్ లాగే స్టార్ డం కలిగి ఉన్న విజయ్ మాత్రం పార్టీ పెట్టిన రెండేళ్లలోనే అధికారాన్ని అందుకోవడానికి చేరు అయినట్టుగా కనిపిస్తోంది. తమిళనాడులో సింగిల్ లార్జెస్ట్ పార్టీగా టీవీకే నిలవబోతోంది. ఎన్నికల ప్రచార సమయంలో ఎదురైన ఎన్నో ప్రతికూల సంఘటనలు , వాటిని ధైర్యంగా ఎదుర్కొన్నారు. ముఖ్యంగా అక్కడ హీరో (విజయ్) కీ ఉన్న అభిమానులను ఓట్ల రూపంలో మార్చుకోగలిగారు. కానీ అది పవన్ కళ్యాణ్ వల్ల కాలేకపోయింది, 2024 లో మాత్రం కూటమిలో భాగంగా 21 స్థానాలలో పోటీ చేసి గెలిచారు. మరి 2029లో ఏం చేస్తారో చూడాలి మరి.
]]>

ఆ పని చేయడం వల్లే విజయ్ ఎన్నికల్లో గెలవబోతున్నాడా..? తెర పైకి కొత్త ట్విస్ట్..!

Thota Jaya Madhuri — Mon, 04 May 2026 12:00:07 GMT

తమిళనాడు రాజకీయాల్లో ఈసారి జరిగిన అసెంబ్లీ ఎన్నికలు చాలా ఉత్కంఠభరితంగా మారాయి. మొత్తం 234 స్థానాలకు ఏప్రిల్ 23న పోలింగ్ నిర్వహించగా, ప్రజలు అపూర్వమైన ఉత్సాహంతో పాల్గొన్నారు. 85 శాతం కంటే ఎక్కువ ఓటింగ్ నమోదు కావడం రాష్ట్ర రాజకీయ చరిత్రలోనే ఒక ముఖ్యమైన పరిణామంగా చెప్పుకోవచ్చు. ఈ భారీ పోలింగ్ వల్ల ఫలితాలపై ఆసక్తి మరింత పెరిగింది.ఈసారి ఎన్నికలు సాధారణంగా జరిగే ద్విముఖ పోరాటంలా కాకుండా, త్రిముఖ పోరుగా మారడం ప్రత్యేకత. ఒకవైపు అధికారంలో ఉన్న డీఎంకే, మరోవైపు ప్రధాన ప్రతిపక్షం అన్నాడీఎంకే, ఇక మూడో శక్తిగా సినీ నటుడు విజయ్ నేతృత్వంలోని టీవీకే పార్టీ రంగంలోకి దిగడం రాజకీయ సమీకరణాలను పూర్తిగా మార్చేసింది. ముఖ్యంగా విజయ్ పార్టీ తొలిసారి పెద్ద స్థాయిలో పోటీ చేయడం వల్ల యువతలో, అభిమానుల్లో విపరీతమైన ఆసక్తి కనిపించింది.

ఎగ్జిట్ పోల్స్ విషయంలో కూడా విభిన్న అంచనాలు వెలువడ్డాయి. చాలా సంస్థలు డీఎంకే మళ్లీ అధికారంలోకి వస్తుందని సూచించగా, కొన్ని సర్వేలు మాత్రం ఆశ్చర్యకరంగా విజయ్ పార్టీకి అనుకూలంగా ఫలితాలు చూపించాయి. దీంతో రాజకీయ వర్గాల్లో చర్చలు మరింత వేడెక్కాయి. ముఖ్యమంత్రి స్టాలిన్ నాయకత్వంలోని డీఎంకే కూటమికి కాంగ్రెస్, వీసీకే, వామపక్షాలు మద్దతుగా నిలిచాయి. మరోవైపు పళనిస్వామి నేతృత్వంలోని అన్నాడీఎంకే కూటమిలో బీజేపీ, పీఎంకే, ఏఎంఎంకే వంటి పార్టీలు భాగస్వామ్యం అయ్యాయి. ఇదిలా ఉండగా, విజయ్ నేతృత్వంలోని టీవీకే పార్టీ ఒంటరిగానే పోటీ చేయడం పెద్ద సాహసంగా మారింది. తక్కువ సమయంలోనే పార్టీని బలంగా నిర్మించుకుని, ప్రజల్లో తనకంటూ ప్రత్యేక గుర్తింపు తెచ్చుకోవడం ఆయనకు ప్లస్ పాయింట్‌గా మారింది. 14 నెలల వ్యవధిలోనే భారీ స్థాయిలో ప్రభావం చూపడం అనేక మందిని ఆశ్చర్యానికి గురిచేస్తోంది.

తమిళనాడులో అధికారంలోకి రావాలంటే కనీసం 118 స్థానాలు గెలుచుకోవాలి. ఈ మ్యాజిక్ ఫిగర్ చేరుకోవడానికి విజయ్ ఒక్క అడుగు దూరంలోనే ఉన్నాడు. విజయ్ అభిమానులు మాత్రం తమ నాయకుడు విజయం సాధిస్తాడనే నమ్మకంతో ఉన్నారు. ఆయనపై వచ్చిన విమర్శలు, రాజకీయ ఒత్తిళ్లు, వ్యూహాత్మకంగా చేసిన దాడులు—ఏవీ ఆయనను దారి మళ్లించలేకపోయాయని వారు చెబుతున్నారు. అంతేకాదు, తన నిశ్శబ్దం, నిజాయితీ, ప్రజల పట్ల ఉన్న నిబద్ధతే చివరికి విజయం తీసుకొస్తాయని ఆయన అనుచరులు విశ్వసిస్తున్నారు. ఇప్పుడున్న పరిస్థితుల్లో, విజయ్‌పై ప్రజల్లో పెరుగుతున్న ఆకర్షణ, రాజకీయ వ్యవస్థపై ఉన్న అసంతృప్తి, మార్పు కోరుకునే ఓటర్ల భావజాలం కలిసి ఒక కొత్త రాజకీయ పరిణామానికి దారితీయవచ్చని విశ్లేషకులు అంటున్నారు. ఈ నేపథ్యంలో విజయ్ నిజంగానే చరిత్ర సృష్టించి ముఖ్యమంత్రి పీఠాన్ని అధిరోహిస్తాడా లేదా అనేది ఫలితాల రోజునే తేలనుంది. కానీ ఒక విషయం మాత్రం స్పష్టంగా కనిపిస్తోంది—ఈ ఎన్నికలు తమిళనాడు రాజకీయ దిశను పూర్తిగా మార్చే అవకాశం కలిగి ఉన్నాయి.

]]>

పవన్ కళ్యాణ్ కు జరిగిన శస్త్ర చికిత్స ఏంటో తెలుసా..?

Divya — Sun, 03 May 2026 08:37:53 GMT

సినీ హీరో ,జనసేన పార్టీ అధినేత,ఆంధ్రప్రదేశ్ డిప్యూటీ సీఎం పవన్ కళ్యాణ్ కు ఇటీవల సైనస్ సమస్యతో ఇబ్బంది పడుతూ శస్త్ర చికిత్స చేయించుకున్నట్లు తెలిసిందే. దీని ప్రభావం కంటి మీద కూడా పడినట్లు వినిపిస్తోంది. దీంతో మరో చికిత్స కూడా అవసరమని వైద్యులు తెలియజేస్తున్నట్లు టాలీవుడ్ లో గుసగుసలు వినిపిస్తున్నాయి. అసలు పవన్ కళ్యాణ్ కు ఏ శస్త్ర చికిత్స జరిగింది? ఎందుకు అంత సీరియస్ అంటూ అభిమానులు కూడా తెగ ఆందోళన చెందుతున్నారు.

అయితే పవన్ కళ్యాణ్ కు చేసిన శస్త్ర చికిత్స కు సంబంధించి వైద్యులు మాత్రం అధికారికంగా వివరాలను బయటపెట్టలేదు. ఇటీవలే సీఎం చంద్రబాబు నాయుడు హైదరాబాద్లో పవన్ కళ్యాణ్ విశ్రాంతి తీసుకుంటున్న నివాసానికి వెళ్లి మరి పరామర్శించారు. ఈ భేటీ అనంతరం ఇటీవల బయటకు రాకపోవడానికి గల కారణాలను పవన్ కళ్యాణ్ పూర్తి వివరాలు స్వయంగా ముఖ్యమంత్రికి వెల్లడించినట్లు వినిపిస్తోంది. 15 రోజుల క్రితం తనకు శస్త్ర చికిత్స జరిగిందని, తనకు ఎదురైన సమస్యలన్నిటినీ కూడా పవన్ కళ్యాణ్ వివరంగా చెప్పారు.

మొదట ఇది సాధారణ సైనస్ సమస్యగా ఉండేదని, కానీ అది తీవ్రత ఎక్కువ ఇన్ఫెక్షన్ గా మారిందని తెలిపారు. ఈ ఇన్ఫెక్షన్ కంటి ప్రాంతం పైన ఎక్కువగా ప్రభావం చూపడంతో పరిస్థితి కాస్త పెద్దదైందని దీంతో వైద్యులు శస్త్ర చికిత్స చేయాలని సూచించారని వివరించారు డిప్యూటీ సీఎం. అంతేకాకుండా ఫంక్షనల్ ఎండోస్కోపిక్ సైనస్ సర్జరీ నిర్వహించారని, దీంతో సైనస్ లో పేరుకుపోయిన ఇన్ఫెక్షన్ ని తొలగించి శ్వాస మార్గాలను శుభ్రం చేయడానికి ఈ శస్త్ర చికిత్స చేస్తారని వెల్లడించారు. ఈ శస్త్ర చికిత్స విజయవంతం అయినప్పటికీ ఇంకా కొంతమేరకు నాసల్ బ్లీడింగ్ కొనసాగుతోందని దీంతో మరో వారం రోజుల తర్వాత తాను పూర్తిగా కోలుకుంటానని వైద్యులు చెప్పినట్లు పవన్ కళ్యాణ్ సీఎం చంద్రబాబుకు వివరించారు. సినిమా షూటింగ్లలో కొన్ని యాక్షన్స్ సన్నివేశాలలో నటిస్తున్న సమయంలో తగిలిన గాయాలు కూడా తనకు ఇప్పటికీ నొప్పిని కలిగిస్తున్నాయని గత ఐదేళ్లుగా భుజం దగ్గర మజిల్ గాయం కాగా వాటిని అప్పట్లో పెద్దగా పట్టించుకోలేదు కానీ ఇప్పుడు అవే సమస్యలుగా మారుతున్నాయని తెలిపారట. ఈ విషయాలన్నీ విన్న చంద్రబాబు తన ఆరోగ్యం మీద ప్రత్యేకమైన దృష్టి పెట్టాలని కోరారు వైద్యులు సూచించిన సూచనలు తప్పక పాటించాలని సలహా ఇచ్చారు.
]]>

ఈరోజే దేశంలో ఉండే మొబైల్ ఫోన్లకు సైరన్ అలర్ట్.. ఎందుకంటే..?

Divya — Sat, 02 May 2026 08:59:09 GMT

దేశవ్యాప్తంగా లక్షలాదిమంది మొబైల్స్ ఉపయోగిస్తున్నవారికి ఒకేసారి గట్టిగా సైరన్ మోగినట్టుగా శబ్దం ఈరోజు (మే 2) వస్తుందని కేంద్ర ప్రభుత్వం ఆధ్వర్యంలోనే ఈ ఎమర్జెన్సీ అలర్ట్ సిస్టమును పరీక్షించేందుకు ప్రత్యేక డీల్ నిర్వహించబోతున్నట్లు తెలుస్తోంది. అయితే దీనివల్ల ప్రజలు ఎలాంటి భయాందోళనకు గురికావాల్సిన పనిలేదని అధికారులు తెలియజేస్తున్నారు. ఈ భారీ స్థాయి పరీక్షను టెలికమ్యూనికేషన్ శాఖ, NDMA తో కలసి సంయుక్తంగా చేపడుతోంది. ప్రకృతి ,విపత్తులు లేదా ఇతర అత్యవసర పరిస్థితులలో ప్రజలకు వేగవంతంగా ఇలాంటి సమాచారమైన అందించడానికి ఈ వ్యవస్థ ప్రధాన లక్ష్యం అన్నట్లుగా తెలుస్తోంది.

ప్రభుత్వం దీనికి SACHET అనే పేరుతో పిలవబడుతోంది. అయితే ఏదైనా ముందస్తు హెచ్చరికల ద్వారా ఆస్తి నష్టం, ప్రాణ నష్టం వంటివి జరగకుండా ఉండేందుకు వీటి యొక్క ముఖ్య ఉద్దేశమని చాలా స్పష్టంగా అర్థమవుతుంది. ఈ వ్యవస్థ CAP ఆధారంగా రూపొందించబడుతుంది. దేశంలో ఉండే 36 రాష్ట్రాలు, కేంద్ర పాలిత ప్రాంతాలలో ఇప్పటికీ ఈ వ్యవస్థని అమలులో చేసినట్లుగా తెలుస్తోంది. ఈ టెక్నాలజీ సెల్ బ్రాండ్ కాస్ట్ టెక్నాలజీ ద్వారా పనిచేస్తుందని సమాచారం. ఈ టెక్నాలజీ ద్వారా నిర్దిష్ట ప్రాంతంలో ఉండే వేలాది మంది మొబైల్ సకి ఒకేసారి అలెర్ట్ పంపిస్తుంది.

సాధారణ ఎస్ఎంఎస్ రూపంలో కాకుండా ఒక గట్టి సైరన్ శబ్దంతో స్క్రీన్ పైన ప్రత్యేకమైన సందేశం కూడా కనిపిస్తుందట. అంతేకాకుండా మొబైల్ సైలెంట్ లో ఉన్నా సరే ఈ అలర్ట్ వినిపించేలా డిజైన్ చేసినట్లు సమాచారం. ఈ వ్యవస్థ ప్రత్యేకత ఏమిటంటే ఇది దేశవ్యాప్తంగా అందరికీ కాకుండా కేవలం ప్రమాదం సంభవించే ప్రాంతాలలో మాత్రమే అలర్ట్ అయ్యేలా చేస్తుంది. దీంతో ప్రజలు కూడా అప్రమర్థం అయ్యే అవకాశాలు ఉంటాయి. అయితే ఈ అలర్ట్ చూసి ఎవరూ కూడా ప్రజలు భయపడవద్దని ప్రభుత్వ ప్రయత్నానికి సహకరించాలంటూ సూచిస్తున్నారు. భవిష్యత్తులో కూడా ఈ అలర్ట్ సిస్టం వల్ల మరిన్ని అత్యవసర ప్రభుత్వ ప్రకటనలు , పబ్లిక్ సేఫ్టీ అలర్ట్ వంటివి కూడా పంపించేలా వీటిని అభివృద్ధి చేయనున్నారు.
]]>

ఓరి నాయనో..పానీపూరి తిని 45 మంది ఆసుపత్రి పాలు..!

Divya — Thu, 30 Apr 2026 07:53:35 GMT

పానీపూరి పేరు వినగానే ప్రతి ఒక్కరికి నోరూరుతుంది. ఈమధ్య అన్ని ప్రాంతాలలో కూడా పానీపూరి సెంటర్లు వచ్చేసాయి. తాజాగా జార్ఖండ్ లో జరిగిన ఒక సంఘటన పానీ పూరి తినాలంటేనే ఆందోళనకు గురి చేసేలా చేస్తోంది. జార్ఖండ్ లో పానీపూరి తిని 45 మందికి పైగా తీరమైన కడుపునొప్పి, వాంతులు, విరేచనాలతో హాస్పిటల్ పాలయ్యారు. అయితే ఒకే ప్రాంతంలో పానీ పూరి తిన్న వీరందరూ కూడా అధిక జ్వరం, కడుపునొప్పి, విరేచనాలతో బాధపడ్డారు. ఇందులో ఒక ఆరేళ్ల బాలుడు కూడా మరణించినట్లు తెలుస్తోంది.

దీంతో ఈ వేసవికాలంలో పానీ పూరి తినడం సురక్షితమైనదేనా? అనే ప్రశ్న ఇప్పుడు అందరిలో తలెత్తుతోంది. అసలు వేసవికాలంలో ఇలాంటి సంఘటనలు ఎందుకు జరుగుతున్నాయి అనే విషయంపై నిపుణులు కొన్నిటిని తెలియజేస్తున్నారు. వేసవికాలంలో ఎండ తీవ్రత వల్ల వాతావరణంలో బ్యాక్టీరియా వేగంగా వ్యాపిస్తుంది. పానీపూరి బండి వద్ద ఉపయోగించే నీరు చాలా గంటల తరబడి బయటే ఉంటుంది. ఆ నీరు కలుషితమైన లేదా చింతపండు, మసాలాలు పాడయినా కూడా అవి మన జీర్ణ వ్యవస్థ పైన ప్రభావం చూపిస్తుందని ఇదే ఫుడ్ పాయిజన్ గా మారుతుందని చెబుతున్నారు.

పానీ పూరి నీటి తయారీలో అపరిశుభ్రమైన నీటిని వాడడం వల్ల కూడా కలరా టైఫాయిడ్ వంటి వ్యాధులు సోకే అవకాశం ఎక్కువగా ఉంటుంది. ప్రస్తుతం అధిక వేడి వల్ల మన శరీరంలో ఉండే నీటిని ఎక్కువగా కోల్పోతాం. దీనికి తోడు ఫుడ్ పాయిజన్ వల్ల వాంతులు విరేచనాలు అయితే కచ్చితంగా డిహైడ్రేషన్ కు శరీరం గురవుతుందని చెబుతున్నారు. దీనివల్లే ప్రాణపాయస్థితిలోకి చేరుతారని హెచ్చరిస్తున్నారు నిపుణులు. అంతేకాకుండా కొంతమంది వ్యాపారులు ఉడకబెట్టిన బంగాళదుంపలను,శనగలను మరసటి రోజు కూడా అలాగే ఉపయోగిస్తున్నారని, వేడి వల్ల అవి త్వరగా కుళ్ళిపోయి విషపూరితంగా మారుతున్నాయని నిపుణులు సైతం తెలియజేస్తున్నారు. వేసవికాలంలో ఇలాంటి వాటికి దూరంగా ఉండటం మంచిదని వైద్యులు తెలియజేస్తున్నారు.
]]>

గొడవలు చేస్తే పీకి పారేస్తాం.. చంద్రబాబు ఫైర్!

Amruth kumar — Wed, 29 Apr 2026 17:24:13 GMT

తెలుగుదేశం పార్టీ అధినేత, ముఖ్యమంత్రి చంద్రబాబు నాయుడు తనదైన శైలిలో పార్టీ కేడర్‌ను గాడిలో పెట్టే పనిలో పడ్డారు. అధికారం రాగానే కొందరు నేతలు చేస్తున్న అతి, చిన్న చిన్న విషయాలకే గొడవలు పడటంపై ఆయన తీవ్ర ఆగ్రహం వ్యక్తం చేశారు.సమావేశం ప్రారంభం కావడమే చంద్రబాబు సూటి పోటి మాటలతో మొదలైంది. “కొందరు తాము ఎమ్మెల్యేలయిపోయామని, ఇక తమకు తిరుగులేదని ఫీలవుతున్నారు. కానీ మీరు వన్ టైమ్ ఎమ్మెల్యేలుగా మిగిలిపోతారా? లేక ఎక్కువ కాలం ప్రజల మనసు గెలిచి శాసనసభ్యుడిగా కొనసాగుతారా? అనేది మీరే తేల్చుకోవాలి” అని బాబు నేతలను నిలదీశారు.

గెలిచామన్న అహంకారంతో విర్రవీగితే వచ్చే ఎన్నికల్లో ప్రజలు బుద్ధి చెప్పడం ఖాయమని ఆయన హెచ్చరించారు. ఎంపీలు, ఎమ్మెల్యేలు, ఎమ్మెల్సీలు అందరూ కలిసి పనిచేస్తేనే పార్టీ బలోపేతంగా ఉంటుందని, ఎవరికి వారు గ్రూపు రాజకీయాలు చేస్తే సహించేది లేదని స్పష్టం చేశారు.చాలా చోట్ల ప్రోటోకాల్ విషయంలో, ఫ్లెక్సీల విషయంలో తమ్ముళ్లు కొట్టుకుంటున్న వార్తలు బాబు దృష్టికి వెళ్లాయి. దీనిపై ఆయన ఫైర్ అయ్యారు. “చిన్న చిన్న విషయాలకు గొడవలు పడవద్దు. ఫ్లెక్సీల మీద ఫోటోల దగ్గర వివాదాలు ఏంటి? పార్టీ ఏమైనా పర్లేదు.. నా ఫోటో ఉండాలి అనుకుంటే ఇక కుదరదు. ఇలాంటి పనుల వల్ల పార్టీ ప్రతిష్ట దిగజారుతోంది.”

కేవలం ఎమ్మెల్యేలే కాదు, మంత్రులకు కూడా బాబు సీరియస్ వార్నింగ్ ఇచ్చారు. “కేంద్ర మంత్రులు తప్పు చేస్తే జాతీయ స్థాయిలో, రాష్ట్ర మంత్రులు తప్పు చేస్తే రాష్ట్రస్థాయిలో బ్యాడ్ వార్తలు వస్తాయి. మీ వ్యక్తిగత తప్పులు ప్రభుత్వం మీద పడతాయి. అందుకే ప్రతీ అడుగు జాగ్రత్తగా వేయాలి” అని సూచించారు.క్రమశిక్షణ విషయంలో తాను చాలా క్లియర్ గా ఉన్నానని చంద్రబాబు తేల్చి చెప్పారు. పార్టీ కంటే ఎవరూ ఎక్కువ కాదని, పద్ధతి మార్చుకోని నేతల విషయంలో కఠినంగా వ్యవహరిస్తానని, ఎవరినీ ఉపేక్షించే ప్రసక్తే లేదని అల్టిమేటం జారీ చేశారు.
]]>

ఏపీ: నిరుద్యోగులకు గుడ్ న్యూస్.. 2,645 అంగన్వాడి పోస్టుల భర్తీ..!

Divya — Tue, 28 Apr 2026 12:26:13 GMT

ఆంధ్రప్రదేశ్ నిరుద్యోగులకు ఇప్పటికే ఉగాది కానుక సందర్భంగా జాబ్ క్యాలెండర్ ని విడుదల చేశారు. ఇలా ప్రతి ఏడాది కూడా ఉంటుందని ప్రకటించడం జరిగింది. అయితే ఇప్పుడు తాజాగా ఆంధ్రప్రదేశ్ నిరుద్యోగ మహిళలకు సైతం తాజాగా ఏపీ ప్రభుత్వం గుడ్ న్యూస్ అందించింది. రాష్ట్రవ్యాప్తంగా అంగన్వాడీ కేంద్రాలలో ఖాళీగా ఉన్న పోస్టులను భర్తీ చేయడానికి గ్రీన్ సిగ్నల్ ఇచ్చింది. ఈ మేరకు రాష్ట్ర స్త్రీ శిశు సంక్షేమ శాఖ మంత్రి గుమ్మిడి సంధ్యారాణి ఒక కీలకమైన ప్రకటన ద్వారా తెలియజేశారు. సోమవారం రోజున పార్వతీపురంలో జరిగిన మీడియా సమావేశంలో మంత్రి సంధ్యారాణి మాట్లాడుతూ త్వరలోనే నియామక ప్రక్రియ పూర్తి వివరాలను వెల్లడిస్తామని తెలియజేసింది.

రాష్ట్రవ్యాప్తంగా ఉన్న 5000 మినీ అంగన్వాడికి కేంద్రాలను ప్రభుత్వం ప్రధాన అంగన్వాడి కేంద్రాలుగా అప్గ్రేడ్ చేస్తోందని ఈ మార్పు వల్ల ఆయా కేంద్రాలలో ఇప్పుడు అదనపు సిబ్బంది కూడా కావాల్సి ఉంటుంది. ఈ కేంద్రాలలో కొత్తగా అంగన్వాడి సహాయకులను నియమించేందుకు ఏపీ ప్రభుత్వం అనుమతిచ్చిందని తెలిపారు. మొదటి విడతలో భాగంగా 2,645 కేంద్రాలలో సహాయకులు నియామక ప్రక్రియ ప్రారంభించబడుతుందని తెలియజేశారు మంత్రి సంధ్యారాణి. మిగిలిన కేంద్రాలలో తదుపరి దశలవారీగా భర్తీ చేస్తామని తెలియజేశారు.

ఈ నిమకాలకు సంబంధించి ఆయా జిల్లాలలో కలెక్టర్ నేతృత్వంలోనే జరుగుతాయని,నోటిఫికేషన్ విడుదల చేసి అర్హులైన అభ్యర్థులు ఎవరైనా అప్లై చేసుకోవచ్చని, స్థానిక ప్రకటనల ఆధారంగానే దరఖాస్తు చేసుకోవలసి ఉంటుందట. పారదర్శకంగానే జరుగుతుందంటూ తెలియజేశారు. గత కొన్నేళ్లుగా పెండింగ్లో ఉన్న ఈ పోస్టులను సైతం భర్తీ చేయడానికి అనుమతి లభించడంతో అభ్యర్థుల సైతం ప్రశంసలు కురిపిస్తున్నారు. ముఖ్యంగా గ్రామీణ ప్రాంతంలో ఉండే మహిళలు ఈ నిర్ణయం పై ఆనందాన్ని వ్యక్తం చేస్తున్నారని తెలియజేస్తున్నారు. మరి త్వరలోనే దీనిపైన పూర్తిస్థాయి షెడ్యూల్ ని కూడా విడుదల చేయబోతున్నట్లు మంత్రి సంధ్యారాణి తెలియజేశారు. ప్రస్తుతం ఈ విషయం మాత్రం ఇప్పుడు ఏపీ అంతట వైరల్ గా మారింది.
]]>

ఏపీ: డ్వాక్రా మహిళలకు గుడ్ న్యూస్.. అకౌంట్లో డబ్బు జమ..!

Divya — Sat, 25 Apr 2026 07:40:10 GMT

ఆంధ్రప్రదేశ్ లోని డ్వాక్రా మహిళలు గత కొంతకాలంగా అభయ హస్తం పథకం కింద కొంత సొమ్ముని జమ చేస్తున్నారు. అయితే తాను దాచుకున్న సొమ్మును తిరిగి ఇస్తారో.. ఇవ్వరో అని ఆందోళనలో చాలామంది మహిళలు ఉన్నారు. అయితే వారందరికీ ఇప్పుడు తాజాగా కూటమి ప్రభుత్వం తీపి కబురు అందించింది. ఈ నిధులను వెనక్కి ఇచ్చేందుకు ఆర్థిక శాఖ అధికారికంగా గ్రీన్ సిగ్నల్ ఇచ్చినట్లుగా తెలుస్తోంది.

2009లో అప్పటి ఉమ్మడి ఆంధ్రప్రదేశ్లో డ్వాక్రా మహిళల కోసం అభయ హస్తం అనే పథకం తీసుకువచ్చింది అప్పటి ప్రభుత్వం. ఇది సామాజిక భద్రత పథకం. దీని ప్రకారం మహిళలు రోజుకు ఒక్క రూపాయి చొప్పున ఏడాదికి రూ .365 రూపాయలు ప్రీమియం చెల్లిస్తే చాలు, ప్రభుత్వం తన వాటాగా మరో రూ .365 రూపాయలు జమ చేసి ఇస్తుంది. ఇలా 60 ఏళ్లు నిండిన డాక్రా గ్రూపులో ఉన్న మహిళలకు నెలకు రూ .500 రూపాయలు చొప్పున పెన్షన్ ఇవ్వడం ఈ పథకం ముఖ్య ఉద్దేశం. రాష్ట్రవ్యాప్తంగా సుమారుగా 22 లక్షల మంది మహిళలు గత 12 ఏళ్లుగా ఈ పథకంలో కొనసాగుతూనే ఉన్నారు. దీంతో సుమారుగా రూ.1,194 కోట్ల రూపాయల వరకు పొదుపు అయినట్టుగా తెలుస్తోంది.

నిబంధనల ప్రకారం ప్రభుత్వ వాటా కూడా రూ .1000 కోట్ల రూపాయలు కలిపితే ఈ నిధి మొత్తం సుమారుగా రూ.2,194 కోట్ల రూపాయలు అవుతుంది. అయితే గత ప్రభుత్వం ఈ నిధులను ఇతర అవసరాలకు మళ్ళించారని , కూటమి ప్రభుత్వం ఎన్నికల ముందు హామీ మేరకుగాను మహిళల సొమ్ము వడ్డీతో సహా తిరిగి ఇచ్చేందుకు సిద్ధమయ్యిందని తెలియజేస్తోంది. మహిళల వ్యక్తిగత ఖాతాలో ఈ డబ్బు జమ చేసే ప్రక్రియ కొనసాగుతుందని అలా 22 లక్షల మంది మహిళలకు ఆర్థికంగా వెలుసుబాటు కల్పించబోతున్నట్లు తెలుస్తుంది. ముఖ్యంగా ప్రభుత్వం అమలు చేస్తున్న పథకాలతో పోలిస్తే అభయ హస్తం పెన్షన్ చాలా తక్కువగా ఉండడంతో చాలామంది మహిళలు ఆ డబ్బును వెనక్కి తీసుకోవాలని మక్కువ చూపారు. అందుకే ఈ నేపథ్యంలోనే ప్రభుత్వం నిధులను విడుదల చేయడానికి పెద్దపీట వేసింది.
]]>

“సెన్స్ ఉందా మీకు?” జనసేన నేతలపై నాగబాబు ఫైర్ వైరల్!

Amruth kumar — Fri, 24 Apr 2026 10:37:37 GMT

ఆంధ్రప్రదేశ్ ఉప ముఖ్యమంత్రి, జనసేన అధినేత పవన్ కళ్యాణ్ శస్త్రచికిత్స తర్వాత కోలుకుంటున్నారు. ఆయన ఆరోగ్యంపై అభిమానుల్లో, కార్యకర్తల్లో తీవ్ర ఆందోళన నెలకొన్న తరుణంలో, సోదరుడు కొణిదెల నాగబాబు అందించిన హెల్త్ అప్‌డేట్ అందరినీ ఊరటనిచ్చింది. అయితే, ఇదే సమయంలో పిఠాపురం జనసేన నాయకులతో జరిగిన సమావేశంలో నాగబాబు చూపిన ఆగ్రహం ఇప్పుడు సోషల్ మీడియాలో వైరల్ అవుతోంది.

పవన్ కళ్యాణ్ తీవ్ర అస్వస్థతకు గురవ్వడంతో వైద్యుల సలహా మేరకు ఆయనకు శస్త్రచికిత్స జరిగిన సంగతి తెలిసిందే. ప్రస్తుతం ఆయన విశ్రాంతి తీసుకుంటున్నారు. పవన్ ఆరోగ్యంపై స్పందించిన నాగబాబు.. “పవన్ ఆరోగ్యం ఇప్పుడు చాలా బాగుంది. మరో ఐదు నుంచి ఏడు రోజుల్లో ఆయన మళ్ళీ విధుల్లో చేరుతారు” అని స్పష్టం చేశారు. మెగాస్టార్ చిరంజీవి కూడా ఇప్పటికే పవన్ త్వరగా కోలుకోవాలని ఆకాంక్షిస్తూ ‘ఎక్స్’ (ట్విట్టర్)లో పోస్ట్ పెట్టారు.

పిఠాపురం నియోజకవర్గ నాయకులతో జరిగిన అంతర్గత సమావేశంలో నాగబాబు ఒక్కసారిగా ఉగ్రరూపం దాల్చారు. స్థానిక నాయకులు నియోజకవర్గ సమస్యలు, కమిటీల పనితీరు, పదవుల గురించి నాగబాబు దృష్టికి తీసుకెళ్లారు. పార్టీ విషయాలు, కాంట్రవర్సీల గురించి మాట్లాడుతున్న నేతలను చూసి నాగబాబు తీవ్ర అసహనం వ్యక్తం చేశారు.“నేను ఇక్కడికి వివాదాల గురించి మాట్లాడటానికి రాలేదు. మీరు ఇంతమంది మాట్లాడుతున్నారు కదా.. మీ నియోజకవర్గం కోసం ఇంత కష్టపడుతున్న పవన్ కళ్యాణ్ ఆరోగ్యం ఎలా ఉందని ఒక్కడైనా అడిగారా? మీకు అసలు సెన్స్ ఉందా? ఆయన ఆరోగ్యం గురించి మీకు పట్టదా?” అంటూ నేతలను కడిగిపారేశారు.

నాగబాబు ఆగ్రహంతో ఒక్కసారిగా సమావేశంలో నిశ్శబ్దం ఆవరించింది. పవన్ కళ్యాణ్ పై నాగబాబుకు ఉన్న ప్రేమాభిమానాలను చూసి స్థానిక నేతలు అవాక్కయ్యారు. తమ తప్పు తెలుసుకున్న నాయకులు వెంటనే నాగబాబుకు క్షమాపణలు చెప్పారు. పవన్ కోలుకోవాలని కోరుకుంటున్నామని, విధుల్లో చేరడం కోసం తాము కూడా ఎదురుచూస్తున్నామని తెలిపారు.రాజకీయాల పక్కన పెడితే, పిఠాపురం నియోజకవర్గ అభివృద్ధిపై పవన్ ప్రత్యేక దృష్టి పెట్టారని నాగబాబు గుర్తు చేశారు. గత రెండేళ్లలో దాదాపు రూ.600 కోట్లు ఖర్చు చేశామని, ఎన్నికల హామీలను ఒక్కటొక్కటిగా నెరవేరుస్తున్నామని చెప్పారు. పవన్ పూర్తి స్వస్థత చేకూరడానికి మరికొంత సమయం పడుతుందని, అయితే వారం రోజుల్లో ఆయన అధికారిక పనుల్లో నిమగ్నమవుతారని రాజకీయ కార్యదర్శి హరిప్రసాద్ కూడా ధృవీకరించారు.

పవన్ కళ్యాణ్ త్వరగా కోలుకుని, మళ్ళీ అసెంబ్లీలో గర్జించాలని అటు సినిమా అభిమానులు, ఇటు రాజకీయ అనుచరులు ఆకాంక్షిస్తున్నారు. నాగబాబు ఇచ్చిన ఈ అప్‌డేట్ తో జనసేన శ్రేణుల్లో కొత్త ఉత్సాహం నెలకొంది. డిప్యూటీ సీఎం హోదాలో పవన్ చేయబోయే తదుపరి అభివృద్ధి పనుల కోసం రాష్ట్రం మొత్తం ఆసక్తిగా ఎదురుచూస్తోంది.

]]>