తెలంగాణ నిరుద్యోగులకు శుభవార్త.. 14,171 టీచర్ పోస్టులతో మెగా డీఎస్సీ!

Hareesh — Wed, 24 Jun 2026 12:18:45 GMT

తెలంగాణ నిరుద్యోగ యువతకు మరో పెద్ద శుభవార్త అందింది. రాష్ట్రవ్యాప్తంగా ప్రభుత్వ పాఠశాలల్లో దీర్ఘకాలంగా ఖాళీగా ఉన్న ఉపాధ్యాయ పోస్టుల భర్తీపై రేవంత్‌రెడ్డి సర్కార్‌ కీలక ప్రకటన చేసింది. మొత్తం 14,171 టీచర్‌ ఖాళీలను మెగా డీఎస్సీ ద్వారా భర్తీ చేయనున్నట్లు ప్రభుత్వ వర్గాలు వెల్లడించాయి.

రాష్ట్రం ఏర్పడిన నాటి నుంచి ఉపాధ్యాయ నియామకాలు సకాలంలో జరగక విద్యా రంగంలో పెద్ద ఎత్తున ఖాళీలు పేరుకుపోయాయి. చాలా మంది అభ్యర్థులు ఏళ్ల తరబడి టీచర్‌ ఉద్యోగాల కోసం ఎదురుచూస్తున్న పరిస్థితి నెలకొంది. ఈ నేపథ్యంలో మెగా డీఎస్సీ ప్రకటన అభ్యర్థుల్లో ఆశలు రేకెత్తించింది.

ఈ నియామకాల ద్వారా ప్రాథమిక, ఉన్నత పాఠశాలల్లో బోధన నాణ్యతను మెరుగుపరచడంతో పాటు, విద్యార్థి-ఉపాధ్యాయ నిష్పత్తిని కూడా సరిచేయవచ్చని విద్యా శాఖ అధికారులు భావిస్తున్నారు. గత డీఎస్సీలతో పోలిస్తే ఈ సారి పోస్టుల సంఖ్య ఎక్కువగా ఉండటం గమనార్హం.

దరఖాస్తు తేదీలు, పరీక్ష విధానం, సిలబస్‌, ఎంపిక ప్రక్రియ వంటి వివరాలను రాష్ట్ర ప్రభుత్వం త్వరలో అధికారికంగా విడుదల చేయనుందని సమాచారం. డీఎడ్‌, బీఎడ్‌ పూర్తి చేసిన లక్షల మంది అభ్యర్థులు ఈ ప్రకటన కోసం వేచిచూస్తున్న నేపథ్యంలో, దరఖాస్తు ప్రక్రియ ఆన్‌లైన్‌లోనే నిర్వహించే అవకాశం ఉంది.

మరోవైపు, ఇప్పటికే రాష్ట్రంలో పనిచేస్తున్న కాంట్రాక్ట్‌, విద్యా వలంటీర్ల పరిస్థితిపైనా ప్రభుత్వం స్పష్టత ఇవ్వాలని ఉద్యోగ సంఘాలు డిమాండ్‌ చేస్తున్నాయి. మొత్తానికి విద్యా రంగంలో ఈ నియామకాలు పెద్ద మలుపుగా నిలవనున్నాయి.

]]>

సమంత సినిమాలో విలన్ గా నటించిన స్టార్ కమెడియన్ సోదరుడు

Divya — Wed, 24 Jun 2026 10:18:30 GMT

టాలీవుడ్ హీరోయిన్ సమంత, డైరెక్టర్ నందిని రెడ్డి కాంబినేషన్లో వచ్చిన మూడవ చిత్రం మా ఇంటి బంగారం. ఈ సినిమా జూన్ 19వ తేదీన విడుదలై బాక్సాఫీస్ వద్ద రూ .50 కోట్ల రూపాయలకు పైగా కలెక్షన్స్ రాబట్టింది. అటు ఓవర్సీస్ లో కూడా సమంత సినిమా ఏకంగా 2 మిలియన్ డాలర్ల మార్కుకి చేరుకుంది. ఈ సినిమాతో సమంత మరొకసారి కం బ్యాక్ ఇచ్చిందని అభిమానులు ఆనందపడుతున్నారు. సినిమా సక్సెస్ సెలబ్రేషన్స్ లో కూడా సమంత ప్రెగ్నెంట్ అనే విషయం బయటపడింది ఈ విషయాన్ని డైరెక్టర్ నందిని రెడ్డి కూడా అఫీషియల్ గా తెలియజేశారు.

మా ఇంటి బంగారం చిత్రంలో సమంత నటన , యాక్షన్ సీన్స్ అన్నీ కూడా ఆకట్టుకున్నాయి. ఈ సినిమాలో సమంతతో పాటుగా శ్రీముఖి, గుల్షన్ దేవయ్య, మంజుష, ఆనంద్, తదితర నటీనటులు కీలకమైన పాత్రలో నటించారు. అయితే ఈ చిత్రంలో ఒక నటుడు మాత్రం అందరిని ఆకట్టుకున్నారు. సినిమాలో సమంతను ఫాలో అవుతూ తరచు ఆమెతో తిట్టించుకుంటూ, చివరిలో సమంత ఫైట్ సీన్లో కూడా గరిటతో కొట్టించుకొని మరింత హైలైట్ గా నిలిచారు ఈ యాక్టర్. అయితే ఈ యాక్టర్ మాత్రం ఎవరో తెలిస్తే అందరూ ఆశ్చర్యపోతారు.

అతని పేరు వంశీ అతను ఎవరో కాదు ప్రముఖ జబర్దస్త్ షోలో స్టార్ కమెడియన్ గా పేరు సంపాదించిన ఇమ్మాన్యుయేల్ అన్నయ్య అన్నట్లుగా తెలుస్తోంది. గతంలో కూడా కొన్ని టీవీ షోలలో వంశీ కనిపించినప్పుడు కూడా తన మొదటి సినిమా సమంత సినిమాలో నటించే అవకాశం వచ్చిందని తెలియజేశారు. మా ఇంటి బంగారం సినిమాలో కూడా నెగిటివ్ షేడ్స్ ఉండే పాత్రలలో నటించి ప్రేక్షకులను ఆకట్టుకున్నారు వంశీ. మరి రాబోయే రోజుల్లో వంశీకి విలన్ గా మరిన్ని పాత్రలు వస్తాయేమో చూడాలి మరి. అలాగే ఈ యాక్టర్ డైరెక్టర్ గా కూడా ప్రయత్నాలు చేస్తున్నారని టాక్ వినిపిస్తోంది. మొత్తానికి ఈ విషయం మాత్రం ఇప్పుడు సోషల్ మీడియాలో వైరల్ గా మారింది.

]]>

indiaherald.com - RSS Feeds

తెలంగాణ నిరుద్యోగులకు శుభవార్త.. 14,171 టీచర్ పోస్టులతో మెగా డీఎస్సీ!

సమంత సినిమాలో విలన్ గా నటించిన స్టార్ కమెడియన్ సోదరుడు