අපි වෙනුවෙන් අපි

හඩනගා පවසමි.................: අලුත් මේල් එකක් ගැන.

noreply@blogger.com (Sameera Madusanka) — Mon, 28 Nov 2011 05:33:00 +0000

හඩනගා පවසමි.................: අලුත් මේල් එකක් ගැන.

Today declared as Day to Celebrate Brotherhood by Sri Lanka's SYU

noreply@blogger.com (සමිර මධුසංක) — Wed, 27 Oct 2010 04:21:00 +0000

July 23, Colombo: Sri Lanka's Marxist Janatha Vimukthi Peramuna affiliated Socialist Youth Union (SYU) has declared today (23) as the Day to Celebrate Brotherhood to build bridges between the youth in the South and the North.

The SYU said that even over a year after ending the war in the North, the government has been unable to provide the basic facilities for the people in the North.

Former JVP parliamentarian and SYU Head Bimal Ratnayake said that although the government has taken steps to hold a Cabinet meeting in Kilinochchi, no decisions have been taken for the benefit of the people in the North.

He said the people have not been provided with proper water access. "The water tank in Kilinochchi that was destroyed during the war is being used as a war memorial without considering the fact that people in the area do not have proper drinking water," he said.

He also noted that the government has failed to move towards reconciliation.

Noting that it would be the 28th anniversary of the Black July this year, Ratnayake said the SYU would launch a Day to Celebrate Brotherhood today (23) to build bridges between the youth in the South and the North.

ලංකාව ඉන්දියාවේ "නංගියෙක්" - මහින්ද රාජපක්ෂ

noreply@blogger.com (සමිර මධුසංක) — Mon, 31 May 2010 05:31:00 +0000

ඉන්දියාව ශ්‍රී ලංකාවට සැලකිය යුත්තේ සිය කුඩා නැගණියක ලෙස බව ජනාධිපති මහින්ද රාජපක්ෂ මහතා "ද ටයිම්ස් ඔ‍ෆ් ඉන්ඩියා" පුවත්පතට සම්මුඛ සාකච්ඡාවක් දෙමින් පවසයි. "ශ්‍රී ලංකාව සහ ඉන්දියාව අතර පවතින්නේ ඥාතීත්වයේ බැදීමක්. එම ඥාතීත්වය මේවන විට ඉතා ඉහළ මට්ටමකට පැමිණ තිබෙනවා. අප නිරන්තරයෙන් ඉන්දියාව දෙස ඇස යොමා සිටිනවා. මට හැගෙන ලෙස ඉන්දියාවත් අප ‍දෙස බැලිය යුත්තේ ලොකු අයියා ලෙස සිට නොව සිය කුඩා නැගණියක ලෙසයි."යැයි ජනාධිපතිවරයා එහිදී පවසා තිබේ.

එළඹෙන ජූනි 08 වැනිදා සිදුකිරීමට නියමිත සිය ඉන්දියානු සංචාරය සම්බන්ධයෙන් අදහස් දක්වන ජනාධිපතිවරයා පවසා ඇත්තේ එම සංචාරය තුළදී ශ්‍රී ලංකාවේ ආර්ථික සංවර්ධනය සහ සීපා ගිවිසුම සම්බන්ධයෙන් වැඩි අවධානයක් යොමු කරන බවයි. එම සම්මුඛ සාකච්ඡාවේදී13 වන සංශෝධනය ක්‍රියාත්මක කරන්නේද යන ප්‍රශ්නයට සෟජු පිළිතුරක් නොදෙන ජනාධිපතිවරයා පවසන්නේ පොලිස් බලතල ලබාදීමට තමා පෞද්ගලිකව අකමැති බවයි.

ලංකාව අල්ලේ නැටවීමට ඉන්දියාව සැරසේ

noreply@blogger.com (සමිර මධුසංක) — Mon, 31 May 2010 05:25:00 +0000

හම්බන්තොට සහ යාපනයේ ඉන්දියානු නියෝජ්‍ය මහ කොමසාරිස් කාර්යාල දෙකක් පිහිටවිය යුතු බවට ශ්‍රී ලංකා රජයට බල කිරීමට ඉන්දියාව සූදානමින් සිටින බව ඉන්දීය මාධ්‍ය වාර්තා සදහන් කරයි. ඉන්දීය විදේශ කටයුතු අමාත්‍යංශය පවසන්නේ මේ සම්බන්ධයෙන් නිල සාකච්ඡා ශ්‍රී ලංකා ජනාධිපතිවරයාගේ ඉන්දීය සංචාරය තුළ සිදු කිරීමට සියලු කටයුත සූදානම්කර ඇති බවයි.

මේවන විටත් ඉන්දීය මහකොමසාරිස් කාර්යාලයක් සහ නියෝජ්‍ය මහ කොමසාරිස් කාර්යාලයක් කොළඹ සහ මහනුවර ස්ථාපිත කර ඇත. මීට පෙර ඉන්දියාවේ සංචාරය කරන උතුරුකරයේ ජනතාව සදහා වීසා ලබාදීමට යැයි පවසමින් අමතර කොන්සල් කාර්යාලයක් යාපනයේ ස්ථාපිත කරන ලෙස ඉන්දියාව බලපෑම් කළ අතර දැන් එය නියෝජ්‍ය මහ කොමසාරිස් කාර්යාලයක් දක්වා වර්ධනය කරන ලෙස ඉන්දීයාව පවසයි. එමෙන්ම උතුරු පළාතේ සියලු ව්‍යාපෘති සදහා සෘජුව මැදිහත්වීමේ අයිතිය ඉන්දියාවට ලබා දෙන ලෙසද ඉල්ලීමට ඉන්දියාව සූදානමින් සිටී.

මේ අතර, ජනාධිපතිවරයාගේ සංචාරය තුළදී සාකච්ඡා කිරීමට නියමිත කරුණු රාශියක් ඉන්දියාව මේවන විටත් ශ්‍රී ලංකා රජයට ලබාදී ඇත. මෙම කරුණු සම්බන්ධයෙන් බැසිල් රාජපක්ෂ මහතා සහ විදේශ කටයුතු අමාත්‍යංශ ලේකම් රොමේස් ජයසිංහ මහතා පසුගිය සතියේ ඉන්දියාවේ සිදුකිරීමට නියමිතව තිබූ සංචාරයේදී රාජතාන්ත්‍රික වශයෙන් සාකච්ඡා කිරීමට නියමිතව තිබුණත් බැසිල් රාජපක්ෂ මහතා සහ රොමේස් ජයසිංහ මහතා එම සංචාරය හදිසියේ අවලංගු කිරීම නිසා එය ව්‍යර්ථවී තිබිණි.

ඒ අනුව, ජනාධිපතිවරයා‍ගේ ඉන්දියානු සංචාරය ශ්‍රී ලංකාව සම්බන්ධයෙන් ඉතාමත් තීරණාත්මක සංචාරයක් වනු ඇත.

මෙවර අය වැයෙන් ජනතාවට තවත් බදු බර

noreply@blogger.com (සමිර මධුසංක) — Tue, 25 May 2010 06:07:00 +0000

මෙවර රජය විසින් ඉදිරිපත් කිරීමට නියමිතව ඇති අය-වැය මගින් තවත් බදු ප්‍රමාණයක් හඳුන්වා දී රජයේ ආදායම ඉහළ දැමීම කෙරෙහි අවධානය යොමු වී ඇති බව වාර්තා වේ. රජයේ අභ්‍යන්තර ආරංචි මාර්ග පවසන පරිදි පසුගිය වසරේදී රජයේ ආදායම් විශාල ලෙස පහළ වැටී ඇති බවත්, මෙයින් රජයේ ඉලක්ක ගත ආදායම ද පහළ වැටී ඇත. මේ අනුව බදු ආදායම් කෙරෙහි වැඩි අවධානයක් යොමු කරමින් එම බදු ආදායම ඉහළ නැන්වීම කෙරෙහි රජය වැඩිදුරටත් අවධානය යොමු කර ඇතැයි එම වාර්තා වැඩිදුරටත් පවසයි.

මේ අනුව ලබන ජුනි 29 වැනිදා පාර්ලිමේන්තුවට ඉදිරිපත් කරන 2010 වසරේ රාජ්‍ය අයවැය ලේඛනයෙන් නව බදු රැසක් හඳුන්වාදීමට නියමිත බවත්, මේ සම්බන්ධයෙන් මේ වන විට පත් කර ඇති ජනාධිපති බදු කොමිසම අදාල නිර්දේශ සකස් කර අවසන් බවත්, මේ පිළිබඳ වූ වාර්තාව මේ වන විට ජනාධිපතිවරයාට ඉදිරිපත් කර ඇති බවත් වාර්තා වේ. මේ සම්බන්ධයෙන් ජාත්‍යන්තර මූල්‍ය අරමුදලේ නියෝජිතයින් ද දැනුවත් කර ඇත.

පසුගිය කාලයේදී ජාත්‍යන්තර මූල්‍ය අරමුදලින් ණය ලබාගැනීමේදී ජාත්‍යන්තර මූල්‍ය අරමුදල විසින් ඉදිරිපත් කළ එක් කොන්දේසියක් වූයේ අනිවාර්යයෙන්ම ලංකාවේ අය-වැය පරතරය අඩු කිරීමයි. මේ සම්බන්ධයෙන් ආර්ථික විශේෂඥයින් දිගින් දිගටම පැවසුවේ මෙම කොන්දේසිය රටේ ජනතාව දැඩි අපහසුතාවයට පත් කෙරෙන කොන්දේසියක් වන බවත්, අය-වැය පරතරය අඩු කිරීමට රජයට දැනට ඇති එකම ක්‍රියාමාර්ගය වන්නේ බදු ආදායම ඉහළ දැමීම බවයි.

කෙසේ වෙතත් මෙවර අය වැය සම්බන්ධයෙන් වන අංයේ ආරංචි මාර්ගවලට අනුව දැන් රජය විසින් පෙර ලබාගත් ණය කොන්දේසි ඉටු කිරීම ආරම්භ කර ඇති අතර, එහි මූලික අදියර ලෙස මෙවර අය වැයට‍ අලුත් බදු එකතු වී ජනතාවට තවත් බදු බර පැටවෙනු ඇත.

ඇමෙරිකාව වීසා ගාස්තු නංවයි.

noreply@blogger.com (සමිර මධුසංක) — Tue, 25 May 2010 06:06:00 +0000

සංක‍්‍රමණික නොවන වීසා ගාස්තු ජුනි හතරවැනිදා සිට වැඩි කරන බව ඇමෙරිකාවේ ශ්‍රී ලංකා තානාපති කාර්යාලයය පවසයි. මේ අනුව ව්‍යාපාර, සංචාරක, ශිෂ්‍ය හා ආගන්තුක හුවමාරු සඳහා වන විසා ගාස්තුව ඇමෙරිකා ඩොලර් 140ක් හෙවත් රුපියල් 16100කි. තාවකාලික සේවකයන්, අන්තර් සමාගම් මාරුවීම් ලබන්නන්, සුවිශේෂ හැකියා ඇති ඉල්ලූම් කරන්නන්, රංගන ශිල්පීන්, සංස්කෘතික හුවමාරුවලට සහභාගි වන්නන් හා ආගමික සේවකයන් සඳහා වන වීසා ගාස්තුව ඇමෙරිකා ඩොලර් 150ක් හෙවත් රුපියල් 17300කි.

ගිවිසුම් වෙළෙඳුන්/ ආයෝජකයන් සඳහා වන ගාස්තුව ඇමෙරිකා ඩොලර් 390කි. (රුපියල් 44900කි) ඇමෙරිකා වැසියන් සමග විවාහ ගිවිසගත් අය සඳහා ගාස්තුව ඇමෙරිකා ඩොලර් 350කි (රුපියල් 40300 කි) කොළඹ ඇමෙරිකා තානාපති කාර්යාලයයේ නමට ලියූ බැංකු අණකරයක් මගින් වීසා ගාස්තු ගෙවිය හැකි බව ද තානාපති කාර්යාලයය වැඩිදුරටත් පවසයි.

රක්ෂණ සංස්ථාවත් රාජපක්ෂ පවුලටම

noreply@blogger.com (සමිර මධුසංක) — Tue, 25 May 2010 06:05:00 +0000

ශ්‍රී ලංකා රක්ෂණ සංස්ථාව ද රාජපක්ෂ පවුලේ ප්‍රබලයෙකු වන ගෝඨාභය රාජපක්ෂ මහතා විසින් මිලදී ගැනීමේ සූදානමක් පවතින බව වාර්තා වේ. මෙම ගනුදෙනුව සිදු කිරීමට නියමිතව ඇත්තේ ප්‍රකට ව්‍යාපාරිකයෙකු වන හැරී ජයවර්ධන නමැත්තා හරහාය. ලංකා හොස්පිටල් ( පෙර ඇපලෝ රෝහල) ආයතනයට අයත්ව තිබූ රක්ෂණ සංස්ථාවේ කොටස්වලින් 49% ක් හැරී ජයවර්ධන විසින් මිලදී ගෙන ඇති අතර, ඔහු විසින් මිලදී ගත් මෙම කොටස් ප්‍රමාණය ගෝඨාභය රාජපක්ෂ මහතාට ඉදිරියේදී ලබාදීමට නියමිතය.

මෙම ගනුදෙනුවට අදාල ගිවිසුමට අනුව හැරී ජයවර්ධනට ලංකා ඛනිජ තෙල් නීතිගත සංස්ථාවේ සභාපති ධූරය ලබා දුන්නේය. හැරී ජයවර්ධන ලංකා ඛනිජ තෙල් සංස්ථාවෙන් දැවි තෙල් ලබා ගන්නා ගැනුම්කරුවන් අතුරින් ප්‍රධාන ගැනුම්කරුවෙකු බැවින් මෙසේ ලංකා ඛනිජ තෙල් සංස්ථාවේ සභාපති ධූරය ඔහුට ලබා දීම නීති විරෝධී වුවද ජනාධිපතිවරයාගේ නියෝගය මත දැවි තෙල් ප්‍රධාන ගැනුම්කරු වූ හැරී ජයවර්ධනටම තෙල් සංස්ථාවේ සභාපති ධූරය හිමිවිය. මෙම සභාපතීත්වය ද අදාල ගිවිසුමේ එක් අවස්ථාවක් බව වැඩිදුරටත් වාර්තා වේ.

ගෝඨාභය රාජපක්ෂ මහතා ඇපලෝ රෝහලේ හිමිකාරීත්වය ද තමා සතු කර ගත් බවත්, ඔහු සතු වීමෙන් පසු ඇපලෝ රෝහල 'ලංකා හොස්පිටල්' ලෙසින් නම වෙනස් කළ බවත් මීට පෙර වාර්තා වූ අතර, එයට අමතරව ‍ගෝඨාභය රාජපක්ෂ මහතා විසින්ම ශ්‍රී ලංකා රක්ෂණ සංස්ථාව අයිති කර ගැනීමට ගත් උත්සහයන් ප්‍රමාණයක් ව්‍යර්ථ වූ බව ද වාර්තා විය.

රජයේ ගොඩනැගිල්ලක 'රෝ' ‍කාර්යාලයක්

noreply@blogger.com (සමිර මධුසංක) — Fri, 21 May 2010 07:13:00 +0000

ඉන්දියානු මධ්‍යම රහස් ඔත්තු සේවයේ (RAW - Research and Annalysis wing) ශ්‍රී ලංකා ප්‍රධාන කාර්යාලය පිහිටුවා ඇත්තේ කොළඹ කොටුව ආසන්නයේ පිහිටා ඇති වැදගත්ම රාජ්‍ය ආයතන ගොඩනැගිල්ලක බව බුද්ධි අංශ ආරංචි මාර්ග අනාවරණය කරයි.

පසුගිය කාලයේ කොටි සංවිධානය විසින් මෙම ගොඩනැගිල්ල ඉලක්ක කර විශේෂ ප්‍රහාරයක් ද එල්ල කළ අතර, එහිදි අදාල 'රෝ' සංවිධාන කාර්යාලයේ සිටි පුද්ගලයෙකුද මිය ගොස් ඇත. බුද්ධි අංශ ආරංචි මාර්ගවලට අනුව මෙම පුද්ගලයාගේ මළ සිරුර එම ප්‍රහාරය සිදුවූ දිනට පසු දින ඉන්දියාවට යවා ඇත්තේ වෙන් කරන ලද විශේෂිත ගුවන්යානයකිනි.

මේ පිළිබඳව කළ විමසීමකට පිළීතුරු දුන් ජ්‍යෙෂ්ඨ ආරක්ෂක විශ්ලේශකයෙකු පැවසුවේ විදේශ රටක ඔත්තු සේවා කාර්යාලයක් රජයේ අභ්‍යන්තර කටයුතු සිදු කෙරෙන ගොඩනැගිල්ලක පවත්වාගෙන යන්නේ ලංකාවේ පමණක් බවයි. මෙය රටේ ස්වාධිපත්‍යට බරපතල හානියක් බව පෙන්වා දුන් ඔහු ලංකාවේ ආණ්ඩුක්‍රම ව්‍යවස්ථා සංශෝධනයන්ට ඉන්දියාව පවරා ගැනීම ආදී කරුණු පිළිබඳව අවධාරණය කළේය.

සාම්පූර් ඉන්දියාවට පැවරූ බව තහවුරුයි

noreply@blogger.com (සමිර මධුසංක) — Fri, 21 May 2010 07:05:00 +0000

සාම්පූර් අධිආරක්‍ෂිත කළාපයට අයත් ඉඩම් අක්කර 2000කට අධික ප‍්‍රමානයක් ඉන්දියාවට ස්වාධිපත්‍යයද සහිතව පවරා දී ඇති බව තහවුරු වන බව සති මැද ලංකා පුවත්පත වාර්තාකර තිබේ. එම පුවත්පත වාර්තා කරන ආකාරයට පසුගිය දිනෙක මෙම කළාපය තුලදී නාවික හමුදා සෙබෙලෙක් මියගොස් ඇති අතර ඊට අදාල මහේස්ත‍්‍රාත් පරීක්‍ෂණය සිදුකිරීම සඳහා මුතූර් මහේස්ත‍්‍රාත්වරයාට පවා එම කළාපයට ඇතුලූවීමට අවසර ලබාදී නැත. පසුව මහේස්ත‍්‍රාත්වරයාට ඒ සඳහා අවසර ලැබී ඇත්තේ අධිකරණ ඇමතිවරයාගේ මැදිහත්වීමෙන් බව වාර්තා වේ.

නාවික හමුදා ආරක්‍ෂාව යටතේ ඉන්දීය කම්කරුවන් පමණක් මෙම අධිආරක්‍ෂිත කළාපයේ සේවය කරයි. මීට පෙර ‘ලංකා ඉරිදා’ පුවත්පත වාර්තා කර තිබුනේ සාම්පූර් ප‍්‍රදේශයේ ගොවිපවුල් 1200කට අධික ප‍්‍රමාණයකගේ ඉඩම් සාම්පූර් බලාගාරය ඉදිකිරීම සඳහා ඉන්දියානු සමාගමකට පවරා දී ඇත්තේ කිසිදු විධිමත් වන්දි මුදලක් හෝ ලබා නොදී බවයි. මෙම පිරිස තවමත් ජීව්ත්වන්නේ අනාථ කඳවුරු තුළය.

එසේම මෙම බලාගාරයේ සිට අධිබල විදුලි රැහැන් ඇදීම සඳහා විශේෂ කළාපයක් මේ වනවිට වෙන්කෙරෙමින් ඇති අතර, එම ඉඩම් හිමියන්ට ඉතා සුලූ වන්දි මුදලක් පමණක් ගෙවීමට සූදානම් වනබවද ත‍්‍රිකුණාමල දිස්ත‍්‍රික් ලේකම් කාර්යාල ආරංචි මාර්ග සඳහන් කරයි. එම ආරංචි මාර්ග වැඩිදුරටත් අනාවරනය කරන ආකාරයට මෙහිදී පොල්ගසක් ඉවත්කිරීම වෙනුවෙන් හිමිවන්නේ රුපියල් 700/-ක මුදලක් පමණි.

ජනාධිපති තාර ඉම්බෙ යුද්ධය අවසන් වෙන්න කලින් - ‍ජනරාල් හෙළි කරයි

noreply@blogger.com (සමිර මධුසංක) — Fri, 21 May 2010 07:01:00 +0000

යුද්ධය අවසන් වූ බවට ඉඟි කරමින් විදේශයේ සිට ලංකාවට පැමිණි ජනාධිපතිවරයා තාර පොළොව සිඹිමින් මාධය සංදර්ශනයක් සිදු කළේ යුද්ධය අවසන් වීමට පෙර බවත්, පාර්ලිමේන්තුවේදී ජනාධිපතිවරයාගේ කතාව සිදු කළේද යුද්ධය සම්පූර්ණයෙන් අවසන් වීමට පෙර බවත් ජනරාල් සරත් ‍ෆොන්සේකා මහතා අද හෙළි කළේය. ඒ අද පාර්ලිමේන්තු සංකීරණයේ පැවැති ප්‍රවෘත්ති සාකච්ඡාවට සහභාගී වෙමිනි. මෙහිදී අදහස් දක්වමින් ජනරාල් සරත් ‍‍ෆොන්සේකා මහතා මෙසේ ද පැවසීය.

"අවසන් සටන පැවතුණු සමයේදී මම විදේශ ගත වෙලා හිටයෙ කියල චෝදනා එල්ල වෙනව. මම චීනෙට ගියේ මැයි 11 වෙනිදා. ඒ අවුරුදු දෙකක් තිසේසෙ කෙරුණු ආරාධනාවක් දිගින් දිගටම කල් දාල, අවසානයේ කල් දමන්න බැරි අවස්ථාවකදී තමයි මම චීනයට ගියේ. නැවත මැයි 17 රාත්‍රී 9.00 ට මම ලංකාවට ආව. කටුනායකින් ගෙඩබැස්සේ රෑ 9.00ට.

මැයි 18 පාන්දර 2.00 ට තමයි අවසන් සටන පටන් ගත්තේ. මැයි 18 සවස් වෙන කොට ත්‍රස්තවාදීන් කොටු වෙලා තිබුණ මීටර් 500යේ 500 කෑල්ලකට, නන්දිකඩාල් කලපුව අසල. එතනින් සටන පටන් අරගනිද්දි, ත්‍රස්තවාදීන් වෙනත් තැනකින් අපට පහර දෙන්න පටන් ගත්ත. රෑ 2.30 වෙනකොට සටන තුන්පොළකින් ඇවිළුණා. ඒ සටන මැයි 19 වැනිදා උදේ 9.30 වෙනකොට තමයි අවසන් වුණේ. 19 වැනිදා උදේ 9.30 ට තමයි ප්‍රභාකරන් මියගියේ. ඒක තමයි ප්‍රබාකරන් මිය ගිය අවසන් සටන. ඒ සටනේදී අපි ත්‍රස්තවාදීන්ගේ සිරුරු 400 ක් පමණ සොයා ගත්ත. 19 වැනිදා උදේ අන්තිම සටන සිදුවුණු තැනදි තමයි ප්‍රභාකරන්ගෙ මළ සිරුර හම්බ වුණේ. අන්තිමට මළ සිරුරු 35 ක් අපිට එතනදී හම්බවුණා.

ජනාධිපතිවරයා 19 වැනිදා උදේ පාර්ලිමේන්තුවේදී යුද්ධය අවසන් කියල ප්‍රකාශ කරන‍ කොට යුද්ධය අවසන් නෑ. ඒ උත්සවයට මමත් සහභාගී වූණා. සහභාගී වෙලා ආපහු කාර් එකට නැගල එළියට යනකොට, දියවන්නාව හරහා යන පාර හරියෙදි තමයි මට පනිවිඩය ආවෙ සටන අවසන්, ප්‍රභාකරන්ගේ මළ සිරුර හමුවුණා කියල. මම ජනාධීපතිට කෝල් එකක් දීල කිව්ව ඔන්න දැනුයි යුද්ධෙ ඉවර වුණේ කියල.

නමුත් අර 16 වැනිදා ගුවන්තොටුපොළේ තාර ඉඹින කොට යුද්ධය ඉවරවෙළා නෑ."

මේක සිංහලෙන් කෑගහල ඉංග්‍රීසියෙන් දණ ගහන ආණ්ඩුවක් - ටිල්වින් සිල්වා

noreply@blogger.com (සමිර මධුසංක) — Fri, 12 Mar 2010 09:12:00 +0000

වත්මන් රජය ජනතාවට සියල්ල සඟවා සිංහලෙන් මහ ඉහළින් හඬ නගා, විදේශ රටවල් ඉදිරියේ දණ ගසමින් ඔවුන්ට ඕනැ ආකාරයට කටයතු කරන නිවට ආණ්ඩුවක් බව ජනතා විමුක්ති පෙරමුණේ ප්‍රධාන ලේකම් ටිල්වින් සිල්වා මහතා පැවසීය. ඒ මහතා මේ බව පැවසුවේ අද (12) පැලවත්තේ පිහිටි ජනතා විමුක්ති පෙරමුණේ ප්‍රධාන කාර්යාලයේදී පැවැති මාධ්‍ය සාකච්ඡාවකදී අදහස් දක්වමිනි. මෙහිදී වැඩිදුරටත් අදහස් දැක්වූ ටිල්වින් සිල්වා මහතා මෙසේ ද පැවසීය.

"අපේ රටේ ස්වෛරීභාවයට හානි කරමින් අපේ අභ්‍යන්තර ප්‍රශ්නවලට ඇඟිලි ගැසීම්වලට ජනතා විමුක්ති පෙරමුණ කොන්දේසි විරහිතව විරෝධය පළ කරනව. පසුගිය කාලය පුරාම අපේ රටට සිදුවූ ඇඟිලි ගැසීම්වලට මුලින්ම විරෝධය දැක්වුවේ අපි. ඒ ගැන පසුගිය කාලය පුරාම ඕනෙ තරම් අත්දැකීම් තියෙනව. නමුත් අපි තේරුම් ගන්න ඕනෙ අපි ලෝකෙත් එක්ක ජිවත්වන රටත්. ඒ නිසා අපිට කිසියම් බැඳීම් තියෙනව එක්සත් ජතීන් සමඟ.

නමුත් පසුගිය කාලයේදී ආණ්ඩුව සිදු කළේ දෙබිඩි ප්‍රතිපත්තියක්. සිංහලෙන් එක ප්‍රතිපත්තියකුයි, විදේශිකයින්ට තවත් ප්‍රතිපත්තියකුයි තමයි ආණ්ඩුව අනුගමනය කළේ. විශේෂයෙන්ම මේ මැතිවරණ කාලය නිසා ආණ්ඩුව විදේශයන්ට අවනත වෙන ගමන් සිංහලෙන් මහ ලොකුවට දේශප්‍රේමය තවරගන්න හදනව. ඒ නිසාම තමයි අපි මේ ආණ්ඩුවේ දෙබිඩි පිළිවෙත ගැන හෙළි කරන්නේ.

පළමු කාරණාව තමයි මෑතකදී මතුවූ එක්සත් ජාතීන්ගේ මැදිහත්වීම. ඒ ගැන පසුගිය කාලයේදී ආණ්ඩුව විවිධ ප්‍රකාශ කියල තිබුණා. හැබයි ඒ ඔක්කොම සිංහලෙන්. නමුත් පසුගිය 10 දා එ.ජා. ලේකම්වරයා නිව්යෝර්ක් නුවරදී මාධ්‍ය සාකච්ඡාවක් පවත්වල කිව්ව යුද්ධය අවසන් වූ වහාම එ.ජා. සංවිධානය සහ ආණ්ඩුව අතර ඒකාබද්ධ ප්‍රකාශයක් අත්සන් කළා, ඒ අනුව ආණ්ඩුව කටයුතු කළේ නැහැ කියල තමයි ඔහු එහිදී පැහැදිලිවම කිව්වෙ. ඒ විතරක් නෙමෙයි එක්සත් ජාතීන්ගේ සංවිධානය වෙනුවෙන් ලියන් පැස්කෝ මහතා එවීම සම්බන්ධයෙන් ජනාධිපතිවරයා එකඟතාවය පළ කළා කියත් ඔහු කිව්ව. හැබැයි ජනාධිපති සිංහලෙන් කියනව මම ලොක්කට හොඳට බැන්න කියල. නමුත් ඉංග්‍රීසියෙන් දණ ගහල තියෙනව.

දැන් මෙතන තියන ප්‍රශ්නය තමයි ආණ්ඩුව අත්සන් කරපු මේ ඒකාබද්ධ ප්‍රකාශය ජනවතාවට සැඟවීම. බෑන් කී මූන් මහතා කියන විදියට ලංකාව සහ එ.ජා. සංවිධානය අත්සන් කරපු ගිවිසුමේ ප්‍රධාන කරුණු 3 ක් තිබෙනව.

01. රටේ දේශපාලන සමගි සන්ධානයක් ඇති කිරීම

02. අවතැන්වූවන්ගේ ගැටළු සම්බන්ධයෙන් වගකිවයුතු වැඩපිළිවෙළක් සකස් කිරීම

03. මානව හිමිකම් කඩවීම සම්බන්ධයෙන් ආණ්ඩුව වගවීම

මේ ගැන ආණ්ඩුව කිසිම සඳහනක් කරල නැහැ. තානාපති කාර්යාල ඉස්සරහ උද්ඝෝෂණ කරන දේශපාලන ළදරුවොත් මේ ගැන කිසිවක් කියන්නේන නැහැ. මැතිවරණ වේදිකාවලදී එක්සත් ජාතීන්ගේ සංවිධානයට බැන වදින ආණ්ඩුව හොරෙන්ම විදෙස් මැදිහත්වීම්වලට අවශ්‍ය ඉඩකඩ සකස් කරල දීල.

පසුගියදා නිරූපමා රාඹ් ආව. ඒ සාකච්ඡාවලදී කතා කරපු ප්‍රශ්නවලින් ඇතැම් ප්‍රශ්න අපේ රටේ අභ්‍යන්තර ප්‍රශ්න. ඒ විතරක් නෙමෙයි යාපනයේ කොන්සල්ට් කාර්යාලයක් ඇති කරන ප්‍රථම අවස්ථාව මේක. මේ සාකච්ඡාවලදී ලංකාවේ ව්‍යවස්ථාව පිළිබඳවත් සාකච්ඡා කරල තියෙනව. නමුත් ආණ්ඩුව මේ ගැන කිසිදු ප්‍රකාශයක් කරල නැහැ.

දැන් ආණ්ඩුව කියනව ව්‍යවස්ථාව සකස් කරල අවසන් කියල. ඒ විතරක් නෙමෙයි ආණ්ඩුව ඉන්දියාවට මේ ව්‍යවස්ථාව පෙන්නව. නමුත් ජනතාවට සඟවනව. ජනතාවගෙන් ඉල්ලනව ව්‍යවස්ථා වෙනසකට 2/3 ක් දෙන්න කියල. මේ ගැන ඉන්දියාවට පෙන්න ආණ්ඩුව රටට, රටේ ජනතාවට සඟවනව. අපි පැහැදිලිවම කියනව මේ සම්බන්ධයෙන් බලය ඉල්ලන ආණ්ඩුව මේ ව්‍යවස්ථාව ජනතාවට පෙන්විය යුතුයි. ඒක ඡන්දෙට කලින් සිදුවිය යුතුයි කියලත් අපි අවධාරණය කරනව.

මේක හරියට සතෙක් හදන්න අවස්ථාව ඉල්ලනව වගේ. ආණ්ඩුව ඉල්ලනව ‍සතෙක් හදන්න බලය දෙන්න කියල. අපි දන්නෙ නැහැ ඒ සතා හුරතල් බලු පැටියෙක්ද, නැතිනම් පූස් පැටියෙක්ද, එහෙමත් නැත්නම් භයානක කොටියෙක්ද කියල. ඒ නිසා අපි කියන්නේ මේ ව්‍යවස්ථාව වහාම රටට හෙළි කරන්න ඕනෙ.

ආණ්ඩුව මුලින්ම කෑගැහුවේ GSP+ නිසා අපි හිඟාකන්නේ නැහ, දණ ගහන්නේ නැහැ කියල. හැබැයි ආණ්ඩුව තමන්ගේ කණ්ඩායමක් බ්‍රසල්ස්වලට යවනව GSP+ ඉල්ල. එකපැත්තකින් කෑ ගහල අනෙක් පැත්තෙන් පිරිසක් යවනව. ඒ ගැන ප්‍රචාරයක් දෙන්නේ නැහැ. මේක අවුරුදු 16 ක ආණ්ඩුවක්. නමුත් මේගොල්ලෙ රඟපාන්නේ අද ඊයේ ආව වගේ. අලුතින් රට හදන්න ඉල්ලනව. පසුගිය දේ ගැන කතාකරන්නේ නැහැ. යුද්ධයෙන් පසු ඇතිවූ වාසිය පමණක් පාවිච්චි කරනව.

මේ කරුණූ එකතු කළාම අපිට පැහැදිලියි විදේශ බලපෑමක් ඇතිවෙලා තියෙනව, නමුත් මේ විදේශ බලපෑම්වලට මග කපල තියෙන්නනේ මේ ආණ්ඩුවමයි කියන එක. මානව හිමිකම් කඩකිරීම්, මාධ්‍ය මර්දනය කිරීම්, වි‍රුද්ධ දේශපාලන ක්‍රියකාරීන් මර්දනය කිරීම්, ප්‍රජාතන්ත්‍රවාදය අහිමි කරල මේ පාර කපල තියෙන්නේ මේ ආණ්ඩුවමයි. ඒ නිසා තානාපති කාර්යාලය ඉස්සරහ බෝඩ් උස්සන් ඉන්න දේශපාලන ළදරුවන්ට අපි කියන්නේ ඔය බෝඩ් උස්සන්න තියෙන්නේ අරලියගහ මන්දිරය ඉස්සරහදී. මොකද මේ සියලු මැදිහත්වීම්වලට අවස්ථාව සලසල දීල තියෙන්නේ මේ ආණ්ඩුව නිසා. මේක ඉතාමත් අයහපත් දෙයක්. මේ කරුණු නිසා අපේ රට විදේශ රටවල්වලට යටත් කරමින් ඉන්නව.

ජනතාවට කොළේ වහමින් මේ ආණ්ඩුව කරන ද්විත්ව රංගනය ජනතාව වහාම තේරුම් ගත යුතුයි. ඒයට එරෙහි විය යුතුයි. අපි කියනව සැබෑ ලෙසම අපේ රටට සිදුවන මේ අනවශ්‍ය මැදිහත්වීම් සම්බන්ධයෙන් අවබෝධයෙන් කටයුතු කළ යුතුයි කියල. මේ ප්‍රතිවිරෝධී දෙබිඩි පිළිවෙත අපි රටට හෙළි කරනව. එයට එරෙහිව අපි පෙළ ගැසෙනව. ජනතාවට අපි අවධාරණය කරනව මේ සම්බන්ධයෙන් අපිත් එක්ක එකතු වෙන්න කියල."

මෙම මාධ්‍ය සාකච්ඡාව සඳහා ජනතා විමුක්ති පෙරමුණේ පාර්ලිමේන්තු කණ්ඩායම් නායක අනුර දිසානායක මහතාද සහභාගී වී සිටියේය.

නි.ඇමැතිගේ ඉස්සන් ගොවිපොළෙන් ලංකාවේ විශාලම කුඩු තොගය අල්ලයි

noreply@blogger.com (සමිර මධුසංක) — Fri, 12 Mar 2010 09:11:00 +0000

මීට දින කිහිපයකට ඉහතදී රටින් පැන යාමට උත්සහ කිරීමේදී කටුනායක ජාත්‍යන්තර ගුවන්තොටුපොළේදී අත්අඩංගුවට ගත් මෙරට කුඩු ජාවාරම්කාරයෙකු ලෙස සැලකෙන එක්සත් ජනතා නිදහස් සන්ධානයේ නියෝජ්‍ය අමාත්‍යවරයෙකුගේ සම්බන්ධීකරණ ලේකම්වරයෙකු විසින් ඇමැතිට අයට ඉස්සන් ගොවිපළක සඟවා තිබූ මත් කුඩු තොගයක් අත්අඩංගුවට ගැනීමට පොලිස් මත්ද්‍රව්‍ය නාශක කාර්යාංශ නිලධාරීන් සමත්ව ඇත. මෙසේ අත්අඩංගුවට ගනු ලැබූ කුඩු තොගයේ හෙරොයින් කිලෝ ග්‍රෑම් 42 ක් තිබී ඇති අතර, මෙහි වෙළඳපොළ වටිනාකම කෝටි 50 ඉක්මවන බව පොලිසිය පවසයි.

මෙසේ අත්අඩංගුවට ගනු ලැබූ පුද්ගලයා එක්සත් ජනතා නිදහස් සන්ධානයේ නියෝජ්‍ය ඇමැතිවරයෙකුගේ සම්බන්ධීකරණ ලේකම් ලෙස කටයුතු කරන අතර, ඔහු මුළු දිවයිනටම බලපාන සාමාවිනිසුරුවරයෙකි. පසුගියදා කටුනායක ගුවන්තොටුපොළේදී මොහු අත්අඩංගුවට ගත් අතර, අත්අඩංගුවට ගැනීමෙන් පසු කළ ප්‍රශ්න කිරීමේදී මෙම හොරොයින් තොගය සොයා ගැනීමට හැකිව තිබේ.

සැකකරු මීට මාස කිහිපයකට ඉහතදී මුහුදෙන්, බොට්ටු යොදා ගනිමින් මෙම හොරොයින් තොගය ගෙනැවිත් ඇති අතර, ලංකාවට ගෙන ඒමෙන් පසු අදාල නියෝජ්‍ය ඇමැතිවරයාට අයත් ඉස්සන් කොටුවේ සඟවා ඇත. පසුව කළ විමසීමකදී අනාවරණය වූයේ පොලිසිය වෙත පිළිතුරු දීමේදී හා විශේෂයෙන්ම ‍මාධ්‍ය හමුවේ පිළිතුරුදීමේදී අදාල ඉස්සන් කොටුව අත්අඩංගුවට ගත් සැකකරුගේම බව පවසන ලෙස අදාල නියෝජ්‍ය ඇමැතිවරයා සැකකරුට බලපෑම් කර ඇති බවයි.

පසුගිය කාලයේදී එක්සත් ජාතික පක්ෂයේ සිටි මෙම ඇමැතිවරයා ජනාධිපතිවරයාගේ දෑත් ශක්තිමත් කරන බව පවසා රජයට එක්වූ අතර, පසුව රජයේ නියෝජ්‍ය ඇමැතිවරයෙකු ලෙස කටයතු කළේය. ඒ අතර මෙවර මහ මැතිවරණයට එක්සත් ජනතා නිදහස් සන්ධානයේ අපේක්ෂකයෙකු ලෙස ඉදිරිපත්ව ඇති මෙම නියෝජ්‍ය ඇමැතිවරයා, සිය ව්‍යාපාරය ලෙස මෙම කුඩු ජාවාරම දිගින් දිගටම සිදු කර ඇත. නමුත් රජයේ බලපෑමෙන් ඇමැතිවරයාගේ මෙම කුඩු ජාවාරම නවතාලීමට නොහැකි වී ඇති අතර, ඔහුගේ ප්‍රධාන ගෝලයා වන අත්අඩංගුවට ගත් සැකකරු මාර්ගයෙන් මෙම හොරොයින් තොගය සොයා ගැනීමට හැකිව ඇත.

අපි බෙදුම්වාදය ප්‍රතික්ෂේප කරනවා ව‍ගේම ජාතීන් අතර සහජීවනය තදින් වැළඳ ගන්නවා - සෝමවංශ අමරසිංහ

noreply@blogger.com (සමිර මධුසංක) — Mon, 08 Mar 2010 06:15:00 +0000

යාපනය, වන්නි, මඩකලපුව, ත‍්‍රිකුණාමලය දිස්ත‍්‍රික්කවලට තරග වදින ප‍්‍රජාතන්ත‍්‍රවාදී ජාතික සන්ධානයේ අපේක්‍ෂකයින් දැනුවත් කිරීමේ වැඩමුළුවක් 06 දා වව්නියාවේදී පැවැත් විණි. ජනතා විමුක්ති පෙරමුණේ නායක සෝමවංශ අමරසිංහ මහතා, හිටපු පාර්ලිමේන්තු මන්ත‍්‍රී රාමලිංගම් චන්ද්‍රසේකර් මහතා ඇතුළු නායකයින් පිරිසක් ඊට සහභාගි වූ අතර ඉහත දිස්ත‍්‍රික්කවලට තරග වදින අපේක්‍ෂකයෝද සහභාගි වූහ. එහිදී අදහස් දක්වමින් ජනතා විමුක්ති පෙරමුණේ නායක සෝමවංශ අමරසිංහ මහතා මෙසේ පැවසීය.

"අපේක්‍ෂිකාවන් පිරිසකුත් මේ අවස්ථාවට සහභාගි විය යුතුව තිබෙනවා. නමුත් ඔවුන් අද මෙතැනට ඇවිත් නැහැ. ඔවුන් ඉන්නේ සරණාගත කඳවුරුවල. අපේ රටේ තාමත් කඳවුරු තිබෙනවා. ඒක ඉතාම අවාසනාවන්ත තත්වයක්.

මම වව්නියාවට මුලින්ම ආවේ 1954 අවුරුද්දේ. එතකොට මට අවුරුදු 11යි. ඒ ආවේ දේශපාලනය කරන්න නොවෙයි. අපේ තාත්තා වැඩ කළේ පදවියේ. ඔහු බලන්න යන කොට වව්නියාවේ බැහැලා යන්න ඕන. එතකොට මම දැකපු දෙයක් තිබුණා. මේ ප‍්‍රදේශයේ,වව්නියාවේ සිංහල,දෙමළ,මුස්ලිම් සියලූ දෙනාම එකට සහයෝගයෙන් ජීවත් වුණා. ඊට පස්සේ තත්වයන් වෙනස් වුණා. අවුරුදු 11 ඉඳලා මේ වෙන කොට මේ ප‍්‍රදේශය ගැන මතකයන් ගොඩක් තිබෙනවා. ඒවා අතර සතුටු විය හැකි මතකයනුත් තිබෙනවා. නමුත් වැඩිපුරම තිබෙන්නේ කණගාටුදායක මතකයන්.

මම ඉතිහාසය ගැන කතා කරන්නේ අපට අලූත් දෙයක් කරන්න සිදු වී තිබෙන නිසා. 1953 අවුරුද්දේ, නිදහසින් අවුරුදු පහකට පස්සේ පාලක පංතිය තමන්ගේ බැරිකම පෙන්නුවා. එදා සිංහල, දෙමළ, මුස්ලිම්, බර්ගර්, මැලේ සියලූ දෙනා එකට එක්ව විරෝධය පළ කළා. ඒකට කිව්වේ හර්තාලය කියලා. පාලක පංතිය දක්‍ෂ නම් මේ රටේ ජනතාව එහෙම නැගිටින්නේ නැහැ. ඊළඟට නිදහස ලබා ගෙන අවුරුදු 23කට පස්සේ, 1971 නැගිටීමක් සිද්ධ වුණා. ඒක ගැන පාලක පංතිය මොන කතා කිව්වත්, ඒකත් සිද්ධ වුණේ පාලක පංතියේ බැරිකම, අදක්‍ෂකම නිසා. එහෙම නැතිව නැගී සිටි අයගේ වරදක් නිසා නොවෙයි. ඊළඟට 1975 වන විට උතුරු නැගෙනහිර පළාත්වල තවත් නැගිටීමක් ආරම්භ වුණා. ඒ නැගිටීම සමග අපේ එකඟතාවක් ඇත්තේම නැති වුණත් අපි දකින්නේ ඒකත් පාලක පංතියේ බැරිකම. ඒ නැගිටීම අවුරුදු 30ක් පුරාවට ගියා. ඒ අතර තුර 1983 අපේ පක්‍ෂය තහනම්කර, ප‍්‍රජාතන්ත‍්‍රවාදය අහිමි කර තිබූ තත්වයක් තුළ, ඉන්දියානු හමුදාව පැමිණ සිටි තත්වයක් තුළ අපටත් 87-89 කාලයේ නැගී සිටින්න සිද්ධ වුණා. පාලක පංතිය ආර්ථික, දේශපාලන, සංස්කෘතික ප‍්‍රශ්න විසඳන්න සමත් වුණා නම් මේ වගේ සිදුවීම් ඇති වෙන්නේ නැහැ.

දැන් රටේ අලූත් තත්වයක් තිබෙන්නේ. ඒ තත්වය තේරුම් ගත් පක්‍ෂ සහ පුද්ගිලයින් එකතු වෙලා, සරත් ෆොන්සේකා මහතාත් එකතු වෙලා තමයි ප‍්‍රජාතන්ත‍්‍රවාදී ජාතික සන්ධානය ගොඩ නැගුවේ. අලූත් තත්වයට මුහුණ දෙන්න, රටට ප‍්‍රජාතන්ත‍්‍රවාදය දිනා දෙන්න. ඔබ ඒ පක්‍ෂයේ අපේක්‍ෂකයින්. අපි දිස්ත‍්‍රික්ක 22ටම තරග කරනවා. අද මෙතැනට වැල්වැටිතුරේ, මන්නාරමේ, වව්නියාවේ, ත‍්‍රිකුණාමලයේ, මඩකලපුවේ සිට අපේක්‍ෂකයින් ඇවිත් තිබෙනවා. ඒක විශාල ජයග‍්‍රහණයක්.

බෙදුම්වාදය ගැන කතා කරනවා නම්, අපි ඊට විරුද්ධ වුණේ අද ඊයේ නොවෙයි. වෙනම රාජ්‍යයක් පිළිබඳ සංවාදය ආරම්භ වූ මොහොතේම අපි ඒ සම්බන්ධ අපේ විරෝධය පළ කළා. එය අපේ ප‍්‍රතිපත්ති ප‍්‍රකාශනයට ඇතුළත් කර තිබෙනවා. අපි බෙදුම්වාදයට විරෝධය පළ කරන්නේ නිකම්ම නොවෙයි. අපි බෙදුම්වාදයට විරුද්ධයි වගේම සියලූ දෙනාට එකම නීතියක් ඇති කිරීම, ඕනෑම අයකුට ඕනෑම තැනක පදිංචිවීමට ඇති අයිතිය පිළිගැනීම, තමන්ගේ මව්බසින් කටයුතු කිරීමට තිබෙන අයිතිය පිළිගැනීම ඇතුළුව ජාතික සමගිය, ජාතික සංවර්ධනය, ජාතීන් අතර සහජීවනය තදින් වැළඳ ගන්නවා. සිංහල, දෙමළ, ඉංග‍්‍රීසි භාෂා තුනම රටේ ඕනෑම තැනක කටයුතු කළ හැකි භාෂා ලෙස පිළිගත යුතු යැයි මුලින්ම පිළිගත්තේ අපි. තවමත් වෙනත් කිසිම පක්‍ෂයක් ඒ ප‍්‍රතිපත්තිය පිළිගෙන නැහැ.

අපි සරත් ෆොන්සේකා මහතා සමග එක් වූයේ, මැයි 18 වැනිදායින් පසුව මහින්ද රාජපක්‍ෂ මහතාට මේ රටට දෙන්න බැරි වුණු දේ දිනා දෙන්න. මැයි 18 වැනිදායින් පසු අපේ බලාපොරොත්තුව වුණේ ප‍්‍රජාතන්ත‍්‍රවාදය, ජාතික සංහිඳියාව, සමාන අවස්ථා ඇති කිරීම. ඒ තත්වය ඇති කරන්න කිසිම බාධාවක් තිබුණේ නැහැ. අවශ්‍යතාවය තිබුණා නම් මහින්ද රාජපක්‍ෂ මහතාට ඒක කරන්න තිබුණා.

පසුගිය ජනවාරි 26 වැනිදායින් පසුව, ජනාධිපතිවරණයෙන් පසුව ගෙවී ගිය ඉතාම කෙටි කාලය තුළ මහින්ද රාජපක්‍ෂ පෙන්වා තිබෙනවා මේ රටේ ඇති වෙන්න යන්නේ මොන වගේ පාලනයක්ද කියලා.මේ රටට ප‍්‍රජාතන්ත‍්‍රවාදය ගේන්න කැමැත්තක් තිබෙන කෙනෙක්, කිසිම දවසක විරුද්ධ මත දරන පක්‍ෂවලට තර්ජනය කිරීම් අත්අඩංගුවට ගැනීම් සිදු කරන්නේ නැහැ. ජාතික සමගිය බලාපොරොත්තු වන ජනාධිපතිවරයෙක් කිසිම දවසක ජාතිවාදය අවුස්සන්නේ නැහැ. ජනාධිපතිවරණය වෙලාවේ සිංහල ජාතිවාදය, ආගම්වාදය, කුලවාදය ඇවිස්සුවා. මේ පාලනය ඉතාම නරක, ෆැසිස්ට් ජාතිවාදී පාලනයක්. මේ රටට ඕන දේශපේ‍්‍රමී ජාත්‍යන්තරවාදී පාලනයක්. කිසිවකුගේ දේශභක්තිය සිංහල විරෝධී හෝ දෙමළ විරෝධී හෝ මුස්ලිම් විරෝධී හෝ වෙන්න බැහැ. මේක සියලූ දෙනාගේම රට.

අද ප‍්‍රජාතන්ත‍්‍රවාදය නැති නිසා, ජාත්‍යන්තරය සමග ගනු දෙනු කරන්න දන්නේ නැති නිසා ඒක අපේ රටේ ආර්ථිකයට බල පානවා. ජී එස්. පී ප්ලස්, ජාත්‍යන්තර මූල්‍ය අරමුදලේ ණය මේ සියල්ල ගැට ගැසී තිබෙන්නේ අපේ රට ජාත්‍යන්තරය සමග ඇති කර ගත් ගිවිසුම් සමගයි. නිදහස, මාධ්‍ය නිදහස,සාධාරණ මැතිවරණ, ප‍්‍රජාතන්ත‍්‍රවාදය ඇති විය යුතුයි. ඒ ගිවිසුම් කඩ කළ විට ඒවා ලැබෙන්නේ නැහැ. නමුත් අපි දන්නවා මේ අහිමි වන ඩොලර් කෝටි ගණන් නැවත ලබා ගන්න මේ ආණ්ඩුවට බැහැ. ඒ නිසා අපි ගොඩනැගූ ප‍්‍රජාතන්ත‍්‍රවාදී ජාතික සන්ධානයට තිබෙන ඉඩ විශාලයි, වැඩ විශාලයි. ඒ ඉඩ හා වැඩ අපේ අතට ගනිමු. කුසලානය දිනවමු."

ශ්‍රීපතිගේ බිරිඳ ලෝක වාර්තාවක් පිහිටුවයි

noreply@blogger.com (සමිර මධුසංක) — Mon, 08 Mar 2010 06:06:00 +0000

ශ‍්‍රී ලංකා නිදහස් පක්‍ෂ මහජන පාර්ශ්වයේ හිටපු නියෝජ්‍ය නායක අභාවප‍්‍රාප්ත ශ‍්‍රීපති සූරියආරච්චි මහතාගේ බිරිඳ පැය 48ක් තුල ශ‍්‍රී ලංකාවේ පක්‍ෂ 3ක සාමාජිකත්වය ලබාගනිමින් ලෝක වාර්තාවක් පිහිටුවා ඇත.

ඇය 02 දා ශ‍්‍රී ලංකා නිදහස් පක්‍ෂයේ මහජන පාර්ශ්වයට දොස් නගමින් සිය සැමියාගේ දේශපාලනය විනාශ කළේ මංගල සමරවීර බව කියමින් එම පක්‍ෂයෙන් ඉවත්වී එක්සත් ජාතික පක්‍ෂයේ සාමාජිකත්වය ලබාගෙන එම පක්‍ෂයේ ගම්පහ දිස්ත‍්‍රික් සංවිධායකවරියක් ලෙස කටයුතු කරමින් මහමැතිවරණයට ඉදිරිපත් වූ අතර ඊයේ (04)ජනාධිපති මහින්ද රාජපක්‍ෂ හමුවී ඔහුට සහාය පළකරමින් එම පක්‍ෂයේ සාමාජිකත්වය ලබාගෙන එක්සත් ජාතික පක්‍ෂයේ නියෝජ්‍ය නායක කරූ ජයසූරියට දුරකථනයෙන් කතා කොට තමා එක්සත් ජාතික පක්‍ෂයේ සහ සියලූ තනතුරුවලින් ඉවත්වන බව පවසා ඇත.

මේ අනුව දේශපාලන ඉතිහාසයේ පැය 48 ක් තුළ දේශපාලන පක්ෂ 3 ක සාමාජිකත්වය ලබා ගනිමින් ඇය තැබූ වාර්තාව මෙතෙක් කිසිදු දේශපාලන නායකයෙකු හෝ ක්‍රියාකාරිකයෙකු සිදු කර ඇති බවට වාර්තා වී නොමැති අතර, මේ වන විට දිල්රුක්ෂි සූරියආරචිචි ජනාධිපති මහින්ද රාජපක්ෂගේ දෑත් ශක්තිමත් කරමින් සිටී.

සන්ධාන මැරයෝ කෑගල්ලේ වැඩ අරඹති - කුසලානයට මැර ප්‍රහාරයක්

noreply@blogger.com (සමිර මධුසංක) — Mon, 08 Mar 2010 05:32:00 +0000

ප‍්‍රජාතන්ත‍්‍රවාදී ජාතික සන්ධානයෙන් කෑගල්ල දිස්ත‍්‍රික්කයට තරග වදින,අපේක්ෂක නීතිඥ රංජිත් අබේසිංහ මහතාගේ නිවසට 05දා රාත‍්‍රි 12.30 ට පමණ මැර ප්‍රහාරයක් එල්ල වී ඇත. මෙම මැර ප්‍රහාරය එල්ලවී ඇත්තේ සන්ධානයේ අපේක්ෂකයෙකුගේ ආධාරකරුවන් වූ මැර පිරිසක් විසිනි. ත‍්‍රීරෝද රථයකින් පැමිණ ඇති එක්සත් ජනතා නිදහස් සන්ධානයේ අපේක්ෂක ලලිත් දිසානායකගේ ආධාරකරුවන් වූ මෙම මැර පිරිස විසින් අදාල පහරදීම සිදු කළ බව ප්‍රජාතන්ත්‍රවාදී ජාතික සන්ධානයේ මාධ්‍ය ඒකකය පවසයි. මෙම පහරදීමෙන් විජේසිංහ මහතාගේ නිවසට සහ වාහනයටද අලාභානි සිදුවී තිබේ.

මීට පෙර නාමයෝජනා භාර දුන් දින සවස (පෙබරවාරි 26)ලලිත් දිසානායකගේ මැර පිරිසක් අබේසිංහ මහතාගේ නිවසට පැමිණ තර්ජනය කොට,පසු දින රාත‍්‍රියේ ඔහුගේ නිවසට ගල් මුල් ප‍්‍රහාරයක් ද එල්ල කොට තිබිණි. ඒ සම්බන්ධයෙන් අරණායක පොලිසියට පැමිණිලි කර තිබූ නමුත් මේ වන තුරු මේ සම්බන්ධයෙන් පොලිසිය කිසිදු ක්‍රියාමාර්ගයක් ගෙන නොමැත. මේ අතර ඊයේ සිදුවූ පහරදීම සම්බන්ධයෙන්ද අබේසිංහ මහතා අරණායක පොලිසියට පැමිණිලි කොට ඇත.

ජනරාල්ගේ තීරණයේ වෙනසක් නෑ

noreply@blogger.com (සමිර මධුසංක) — Wed, 24 Feb 2010 07:42:00 +0000

ජනරාල් සරත් ෆෙන්සේකා මහතා සමඟ මෙන්ම ඔහුගේ බිරිඳ අනෝමා ෆොන්සේකා මහත්මිය සමඟ එක්සත් ජාතික පක්ෂ නායක රනිල් වික්‍රමසිංහ මහතා මුණ ගැසී සාකච්ඡා කළ බවත්, මෙහිදී එක්සත් ජාතික පෙරමුණෙන් තරඟ කිරීමට ජනරාල් සරත් ෆොන්සේකා මහතා සිය එකඟතාවය පළ කළ බවත් විවිධ අංශවලින් ආරංචි පැතිරෙන්නට වී ඇත. මෙම පුවත පිළිබඳ ජනරාල් සරත් ෆොන්සේකා මහතාගේ කාර්යාලයෙන් අප කළ විමසීමකදී එම කාර්යාල ප්‍රකාශකයෙකු පැවසුවේ ජනරාල් සරත් ෆොන්සේකා මහතාගේ තීරණයේ කිසිදු වෙනසක් සිදුව නොමැති බවයි.

මීට පෙර එක්සත් ජාතික පක්ෂ නායක රනිල් වික්‍රමසිංහ මහතා සරත් ෆොන්සේකා මහතාට එක්සත් ජාතික පෙරමුණෙන් තරඟ කිරීමට ආරාධනා කළ අවස්ථාවේදී පුළුල් පෙරමුණක් ලෙස "හංසයා" ලකුණින් තරඟ කිරීම සුදුසු බව ජනරාල්වරයා ප්‍රකාශ කළ බවත්, මේ සම්බන්ධයෙන් රනිල් වික්‍රමසිංහ මහතා එකඟතාවය පළ නොකළ බවත් පැවසූ ඒ මහතා මේ වන විට ‍ජනරාල් සරත් ෆොන්සේකා මහතාගේ අදහස වන්නේ පුළුල් පෙරමුණක් ලෙස 'කුසලානය' ලකුණින් තරඟ කිරීම බවයි.

එක්සත් ජාතික පෙරමුණ සිය පක්ෂ ලකුණ බදාගෙන කටයුතු කිරීමත්, පුළුල් පෙරමුණක් ලෙස මහ මැතිවරණයට තරඟ කිරීමේ අදහසට එකඟ නොවීමත් හේතුවෙන් පොදු සන්ධානයක් ලෙස ප්‍රජාතන්ත්‍රවාදී ජාතික සන්ධානයෙන් 'කුසලානය' ලකුණින් තරඟකරන බවත්, එක්සත් ජාතික පක්ෂය මෙම පෙරමුණට සිය එකඟතාවය පළ නොකරන්නේ නම් කුසලානය යටතේ තරඟ කිරීම වෙනුවෙන් ඉදිරි ‍දින දෙක තුළදී නාම යෝජනාවලට අත්සන් කෙරෙනු ඇති බවත් ඒ මහතා වැඩිදුරටත් පැවසීය.

රත්නපුරේ හමුවූ ඡන්ද පත්‍රිකා ගැන සෙවීම මැකෝ අවසානයේ රහස් පොලීසියට පවරයි

noreply@blogger.com (සමිර මධුසංක) — Wed, 24 Feb 2010 07:23:00 +0000

ත්නපුර කාර්මික විදුහල් භූමියේ තිබී හමුවූ බව කියන සලකුණු කළ ජනාධිපතිවරණ ඡන්ද පත්‍රිකා තොගය සම්බන්ධයෙන් පරීක්‌ෂණ පවත්වන ලෙස මැතිවරණ කොමසාරිස්‌ දයානන්ද දිශානායක මහතා රහස්‌ පොලිසියට පැමිණිලි කර තිබේ.

මෙම සිද්ධිය පිළිබඳව මැතිවරණ කාර්යාලය මට්‌ටමින් ජ්‍යෙෂ්ඨ නිලධාරියකු ඇතුළත් කණ්‌ඩායමක්‌ පරීක්‌ෂණ පැවැත්වූහ. රහස්‌ පොලිසියට පැමිණිලි කර ඇත්තේ ඉන් අනතුරුවය.
මේ අතර මේ වන විට ජනාධිපතිවරණ ප්‍රතිඵලවලට එරෙහිව ශ්‍රේෂ්ඨාධිකරණය හමුවේ පෙත්සමක්‌ ගොනු කර ඇති නිසා රත්නපුරයේදී හමුවූ බව කියන ඡන්ද පත්‍රිකා තොගයට අදාළ පැමිණිල්ල සම්බන්ධව පරීක්‌ෂණ පැවැත්වීමට හැකියාව පිළිබඳව රහස්‌ පොලිසිය නීතිපතිවරයාගෙන් උපදෙස්‌ පතා ඇතැයිද වාර්තා වේ.

රත්නපුරයේ ඡන්ද පත්‍රිකා තොගය පිළිබඳව පරීක්‌ෂණ පවත්වන ලෙස ජෙනරාල් සරත් ෆොන්සේකා මහතා විසින් පසුගිය 03 වැනිදා මුලින්ම මැතිවරණ කොමසාරිස්‌වරයා වෙත පැමිණිලි කරන ලදී

ජෙනරාල් සරත් ෆොන්සේකා ඇමරිකිවේදි කල කතාව

noreply@blogger.com (සමිර මධුසංක) — Wed, 11 Nov 2009 06:56:00 +0000

noreply@blogger.com (සමිර මධුසංක) — Wed, 11 Nov 2009 06:46:00 +0000

ජෙනරාල් සරත් ෆොන්සේකා පසුගිය බ‍්‍රහස්පතින්දා (5) යළි ශ‍්‍රී ලංකාවට පැමිණියේ දින කිහිපයක විදේශ සංචාරයකින් පසුවය. ඔහුගෙන් අමෙරිකා එක්සත් ජනපදයේ අභ්‍යන්තර අමාත්‍යංශය මගින් ප‍්‍රශ්න කිරීමට නියමිත බව පසුගිය දිනවල ජනමාධ්‍ය මගින් වාර්තා කෙරුණු අතර බදාදා (4) සන්ධ්‍යාව වන විට එවැනි ප‍්‍රශ්න කිරීමකට මුහුණදෙන්නේ නැතිවම තමන් මවුබිමට පැමිණෙන බව රාජ්‍ය බලධාරීන් වෙත ඔහු විසින් දැනුම් දී තිබිණි. රාත‍්‍රිය වන විට දෙස් විදෙස් ජනමාධ්‍ය වාර්තා මගින් පවා සනාථකර තිබුණේ ජෙනරාල්වරයා අමෙරිකාවේ ප‍්‍රශ්නකිරීම්වලට මුහුණදෙන්නේ නැතිව ම එක්සත් ජනපදයෙන් පිටවූ බවයි. එහෙත් ඔහු ගුවන් තොටුපළට පැමිණෙන විට සාමාන්‍ය රාජ්‍ය නිලධාරියකු පැමිණෙන විට පිළිගන්නා ආකාරයේ පිළිගැනීමක්වත් කරන්නට බලධාරීන් විසින් කටයුතු යොදා නොතිබීම විශේෂත්වයකි. නම ගිය අපරාධකරුවන්ට සහ වෙනත් අවශේෂ පුද්ගලයන්ට විශේෂ පිළිගැනීම් හිමිවෙද්දී ජනමාධ්‍යකරුවන්ගේ සහභාගිත්වයක් ජෙනරාල්වරයාගේ පැමිණීම වෙනුවෙන් සංවිධානය කිරීමට නොහැකි වූයේ ඇයිද යන්න කාගේත් කතාබහට ලක් වූ කරුණක් විය.

පසුගිය කාලයේ මෙරට දේශපාලනයේත් ජනමාධ්‍යයේත් අවධානය ලබාගන්නට සමත් වූ ෆොන්සේකා මහතා පසුගිය 26වැනිදා අමෙරිකා එක්සත් ජනපදය බලා ගියේ සිය පවුලේ සාමාජිකයන් හමු වීමටය. පියා, දිගු කාලයකින් දියණියන් දෙදෙනා සමග සතුටින් සිටින අතර වැඩිමහල් දියණියගේ ස්වාමිපුරුෂයාට දුරකථන ඇමතුමක් ලැබිණි. අමෙරිකානු අභ්‍යන්තර අමාත්‍යංශ නිලධාරීහු, යුද අපරාධ සම්බන්ධයෙන් කෙරෙන සම්මුඛ සාකච්ඡාවකට පැමිණිය යුතු බව ජෙනරාල්වරයාට දැනුම් දුන්හ. ඒ වනවිටත් රජයේ ජනමාධ්‍ය ඔහුගේ සංචාරය පිළිබදව කිසිවක් රටට හෙළිකර නොතිබිණි. ඔහු වොෂින්ටනයේදී කළ කතාව ද රාජ්‍ය ජනමාධ්‍යයන්ට වාර්තා කළ නොහැකි වූයේ ඔහු ආණ්ඩුවේ අවශ්‍යතාවයට අනුව ජනමාධ්‍ය අවධානයෙන් ඉවත්කර ඇති බැවිනි. හමුදා නිලධාරියකු නිල ඇඳුම දරන නිලධාරියකුට දේශපාලනයට එන්නට නම් නිල ඇඳුම ගලවා පැමිණිය යුතු බවත් නොඑසේ නම් ඔහුට විරුද්ධව විනයානුකූලව කටයුතු කරන බවටත් ආරක්ෂක අංශ ප‍්‍රධානින් ප‍්‍රකාශ නිකුත් කරන තරමට ම සරත් ෆොන්සේකා දේශපාලනයට එතැයි ආණ්ඩුවට බිය දැනී තිබිණි.

මොන සරත් කෙනෙකු ආවත් ජනාධිපතිතුමා ඉදිරි ජනාධිපතිවරණයකින් ජයගන්නා බවට ප‍්‍රවෘත්ති සාකච්ඡා පවත්වමින් රටට කියන්නට ඇමැතිවරුන්ට උපදෙස් දී තිබුණු බව පැහැදිලිය. ඇමැතිවරු ලවා එතරම් බාල වර්ගයේ ප‍්‍රචාරයන් ගෙනයන්නට තරම් ආණ්ඩුව කලබල වී ඇත්තේ සරත් ෆොන්සේකා මහතා දේශපාලනයට එන්නට තමන් විසින් තීරණයක් ගෙන නැති බවට ප‍්‍රසිද්ධ ප‍්‍රකාශයක් කරතිබියදීමය. කෙසේ වෙතත් ජෙනරාල්වරයා අමෙරිකා එක්සත් ජනපදයට ගියේ පවුලේ ඥාතීන් හමුවීමටය. ඇත්ත වශයෙන්ම එවැනි අරමුණක් ඇතිව අමෙරිකාවට ගියද වෙනත් කරුණක් ද මේ සංචාරය හා සම්බන්ධ විය.

එනම්, එක්සත් ජනපදයට අයත් හොනලූලූ දූපතේ පැවැති ආරක්ෂක සමුළුවකට ශ‍්‍රී ලංකාව නියෝජනය කරමින් සහභාගිවීමේ අවස්ථාවක් ලැබීමය. එම සමුළුව නොවැම්බර් 9-10 දිනවල හොනලූලූ දූපතේ "වයිකිකි ෂෙරටන්"හෝටලයේ පැවැත්වීමට නියමිතය. ඔක්තෝබර් 26 වැනිදා එක්සත් ජනපදය බලා ගිය ජෙනරාල්වරයා පවුලේ ඥාතීන් හමුවීමෙන් පසුව එම සමුළුවට ද සහභාගි වීමට නියමිත විය.

ශ‍්‍රී ලංකාවේ ආරක්ෂක අංශ ප‍්‍රධානීන්ට සහභාගි විය හැකි අන්තර්ජාතික මට්ටමේ සමුළු දෙකක් පිළිබදව ආරක්ෂක අමාත්‍යංශයට මාස ගණනාවකට පෙර ඇරැයුම් ලැබී තිබිණි. මේ සම්බන්ධයෙන් සලකා බැලීමෙන් පසුව එයින් සෘජු ලෙසම අන්තර්ජාතික මට්ටමෙන් ආරක්ෂක කටයුතුවලට සම්බන්ධ "ආසියා පැසිෆික් හමුදා ප‍්‍රධානින්ගේ 6වැනි සමුළුවට"යැවීමට නිර්දේශ කරන ලද්දේ වත්මන් යුද හමුදාපතිවරයාය. ඒ අනුව ලූතිනන් ජනරාල් ජගත් ජයසූරිය පසුගිය අගෝස්තු 24-27 පැවැති එම සමුළුවට සහභාගි වීය. ආරක්ෂක මෙහෙයුම් පිළිබද සජීවි අත්දැකීම් සහිතවුවත් ආරක්ෂක මාණ්ඩලික ප‍්‍රධානියා අභ්‍යන්තර ආරක්ෂාව පිළිබඳ සමුළුවට සහභාගිකරවීමට ආරක්ෂක අමාත්‍යංශය තීරණය කර තිබිණි. මෙම සමුළුවට සහභාගිවීම සදහා 'වීසා'අයදුම්කරන අවස්ථාවේ ම ඒ පිළිබඳව ගැටලූවක් මතු විය.

එනම්, ශ‍්‍රී ලංකාවේ ආරක්ෂක කටයුතුවල නිරතවූවන් යුද අපරාධ සම්බන්ධයෙන් චෝදනාවට ලක්ව තිබෙන නිසා හොනලූලූ සමුළුවට සහභාගි වන්නේ නම් ඒ පිළිබඳ නිශ්චිත තීරණයක් ගතයුතුව ඇතැයි එක්සත් ජනපදයේ ආගමන විගමන බලධාරින් වශයෙන් දැනුම් දී තිබීමයි. ඒ අනුව ජනරාල්වරයා එක්සත් ජනපදය දක්වා ගියද අපේක්ෂිත සමුළුවට සහභාගිවීමට අවස්ථාවක් නොලැබුවේ මෙරට රාජ්‍යතාන්ත‍්‍රික සබඳතා පැවැත්වීමේ "දක්ෂතා"නිසාය. එම සමුළුවට සහභාගිවීමට උත්සාහ කිරීමේදී මෙම යුද අපරාධ කොන්දේසිය මතු කළ බව ආරක්ෂක අමාත්‍යංශය දැන සිටි බැවින් සරත් ෆොන්සේකා මහතා සමුළුවට සහභාගිකරවන අදහසක් නැතත් රාජ්‍යතාන්ත‍්‍රික ගැටලූවක් ලෙස එහි වැදගත්කම සලකා කටයුතු කිරීමට ආණ්ඩුව සතු වගකීමක් තිබිණි.

අනෙක් වැදගත් කරුණ නම් එක්සත් ජාතීන්ගේ සමුළුවට සහභාගීවීමට ගිය ආරක්ෂක ලේකම් ගෝඨාභය රාජපක්ෂ මහතා ද එක්සත් ජනපද ආගමන විගමන නිලධාරින් විසින් ප‍්‍රශ්න කිරීමකට භාජනය වී ඇති බවට දැන් දැන් අනාවරණය වීමය. ඒ බව පසුගියදා ජනමාධ්‍ය වෙත පවසා තිබුණේ ආණ්ඩුවේම පාර්ශ්වකරුවකු වන විමල් වීරවංශ මන්ත‍්‍රීවරයාය. මන්ත‍්‍රීවරයා පවසන්නේ කෙප්පයක් නොවේ නම්, මෙය අතිශය බරපතළ කරුණකි. එය ඇත්තක් නොවේ යැයි තවමත් ආණ්ඩුව නිවේදනය කර නැත. එවැන්නක් සිදු වූවා නම් ආණ්ඩුවේ බලධාරීන් විසින් රටට හෙළිකළ යුතු කරුණක් දේශපාලන පාර්ශ්වකරුවකු ලවා කියන්නේ කුමන හේතුවක් නිසාද? එවැන්නක් කළ යුතුව තිබුණේ විදේශ ඇමැතිවරයා විසින් හෝ වෙනත් රජයේ නිලධාරියකු හෝ ඇමැතිවරයකු විසින් නොවේද?

වඩාත් බරපතළ ප‍්‍රශ්නය වන්නේ ගෝඨාභය රාජපක්ෂ මහතා මේ රටේ ආරක්ෂක ලේකම්වරයාය. ජනාධිපතිවරයාගේ සහෝදරයා යන කාරණයට වඩා ඔහු රටේ ජනතාවට වගකියන නිලධාරියෙකි. ඔහු විසින් ජාතික ආරක්ෂාව සම්බන්ධයෙන් එක්සත් ජනපද නිලධාරින්ට ලබාදුන් ප‍්‍රකාශයක් ගැන ජනතාව දැනුවත් නොකළේ ඇයි? එහි සැඟවිය යුතු දෙයක් තිබුණාද? බෙදුම්වාදී ත‍්‍රස්තවාදය පරාජය කිරීමට සෘජුව සම්බන්ධ වූ රාජ්‍ය නිලධාරියා වශයෙන් ඔහුට ඇති ගෞරවය ආරක්ෂා විය යුතුය. එසේම ඔහුව ප‍්‍රශ්න කිරීමට විදේශ රටක් කටයුතු කර ඇති බව මේ රටේ ජනතාව දැනගතයුතුය. එය හෙළිදරව් නොකිරීමෙන් ආණ්ඩුව ජනතාව සතු අයිතිය උල්ලංඝනය කර තිබේ. එපමණක් ද නොව, ජෙනරාල් ෆොන්සේකා විසින් මෙරට ආරක්ෂක මෙහෙයුම් පිළිබදව කිසිවක් හෙළි නොකළ යුතු බව ප‍්‍රවෘත්ති සාකච්ඡා පවත්වමින් පැවැසූ නීතිය, ආරක්ෂක ලේකම්වරයා කඩකළ බවක් මෙම අලූත් හැගීමක් ඇති වේ. රාජ්‍යතාන්ත‍්‍රික අවසරය ඇතිව ආරක්ෂක ලේකම්වරයා එක්සත් ජාතීන්ගේ සැසිවාරයට ගිය අවස්ථාවකදී ඔහුගෙන් ශ‍්‍රී ලංකාවේ ආරක්ෂක කටයුතු පිළිබදව ප‍්‍රශ්න කිරීම වැලැක්වීමට ආණ්ඩුව කටයුතු නොකළේ මන්ද? ඔහුට අභ්‍යන්තර ආරක්ෂාව සම්බන්ධව එක්සත් ජනපදයට පිළිතුරු බැදීමට සිදුවන්නේ ඇයි? ප‍්‍රශ්න කළ යුතු මෙවැනි කරුණු ආණ්ඩුවේ දේශපේ‍්‍රමී ඝෝෂාවෙන් යටපත් නොකළ යුතුය.

ආරක්ෂක ලේකම්වරයා මෙන්ම වෙනත් ආණ්ඩුවේ බලවතුන් එක්සත් ජනපදයේ පුරවැසියන්වීම මෙහි තවත් පැත්තක් ලෙස සිතිය හැකිය. ඒ නිසා තම රටේ පුරවැසියන් ඕනෑම අවස්ථාවක නීතිමය කරුණු මත ප‍්‍රශ්න කිරීමේ බලයක් එක්සත් ජනපදයට තිබේ යයි කිසිවකු නීති තර්ක මතුකළ හැකිය. එහෙත් අප කල්පනා කරන්නේ කවර තරාතිරමකට අයත් වුවත් රාජපක්ෂ යනු මේ රටේ රජයට වගකිවයුත්තකු බව ය. ඒ නිසා ආරක්ෂක මෙහෙයුම් සම්බන්ධ මෙරට සාමාන්‍ය ජනතාව පවා නොදන්නා වැදගත් රහස් සම්බන්ධයෙන් ප‍්‍රශ්න කළ විට එක්සත් ජනපදයට අවශ්‍යවූයේ කුමක් දැනගැනීමට ද යන්නත් ඔහු කුමක් පැවැසුවාද යන්නත් දැනගැනීමට මෙරට ජනතාවට අයිතියක් ඇත.

මේ වනවිට ජෙනරාල් සරත් ෆොන්සේකා මෙරටට පැමිණ සිටී. එක්සත් ජනපද නිලධාරින් ඔහුගෙන් ප්‍රශ්න කිරීමට නියමිතවූයේ 4වැනිදා පස්වරු 4.00ටය. එදින පෙරවරුවේම එක්සත් ජනපදයෙන් පිටත්වීම මගින් රාජ්‍යතාන්ත‍්‍රික උගුලෙන් ගැලවීමට ජෙනරාල්වරයා තීන්දු කර තිබිණි. ඒ නිසා ඔහුගෙන් අමෙරිකන් බලධාරීන් දැනගන්නට බලාපොරොත්තු වූ කිසිදු ආරක්ෂක තොරතුරක් එක්සත් ජනපදයට ප‍්‍රකාශ කර නැති බව ඒ අනුව පැහැදිලි වේ.

ආරක්ෂක මාණ්ඩලික ප‍්‍රධානියා "ද්‍රෝහියකු" වන බවට මතයක් හා සැකයක් ඇති කරවන්නට රාජ්‍ය ජනමාධ්‍ය දැරූ උත්සාහය පුස්සක් වී අති නමුත් ආරක්ෂක ලේකම්වරයා එක්සත් ජනපද නිලධාරින්ට ලබා දුන් තොරතුරු හෝ එම ප‍්‍රශ්න කිරීම ගැන අබ ඇටයක් තරම් දෙයක් ලියන්නට ඔවුන් අසමත් වූයේ ඇයිද යන්න මෙහිදී විශේෂ අවධානයට ගත යුතුව තිබේ. සරත් ෆොන්සේකා සම්බන්ධ භීතිකාවක් ආණ්ඩුවට ඇත්දැයි සිතෙන තරමට කරුණු මතු වූ නිසා අප පුවත්පත විසින් ද ඒ සම්බන්ධයෙන් අනාවරණය කිරීම් සිදු කරන ලදී. අප පුවත්පත මේ සම්බන්ධයෙන් කරුණු ඉදිරිපත්කිරීම ආණ්ඩුවේ බලධාරීන්ට කලබලවන්නට හේතු වූ බව දක්නට ලැබිණි.

කතුවරයා හමුවීමට රහස් පොලිසිය පැමිණියේ 16වැනි සිකුරාදා රාත‍්‍රී 9.30ටය. පසුව ‘ලංකා’ කතුවරයාට රහස් පොලිසියට ප‍්‍රකාශයක් ලබාදෙන්නට පැමිණෙන ලෙසට ඔහු වෙත ලිඛිතව දැනුම්දීමක් කර තිබුණේ 18 වැනි ඉරිදා පැමිණෙන ලෙසය. එසේ තිබියදීත් 17 වැනිදා දවස පුරා වසා තිබුණු ‘ලංකා’ කාර්යාලය වටකරන්නටත් හොර රහසේ හෝමාගම ක‍්‍රීඩාපිටියක් ආක‍්‍රමණය කර කතුවරයා අත්අඩංගුවට ගෙන ප‍්‍රශ්න කරන්නටත් එහි අපකීර්තිය භාරගන්නටත් රහස් පොලිසියට සිදු වූයේ කවුරුන් හෝ ඒ සම්බන්ධයෙන් වාර්තාවක් සදුදා වන විට ලබාදෙන ලෙස කරන ලද බලපෑමක් නිසාය. ඒ වනවිට සෑම ජනමාධ්‍යයක්ම ආණ්ඩුව විසින් ජෙනරාල්වරයා සම්බන්ධයෙන් අනුගමනය කරන පිළිවෙත ප‍්‍රශ්නකාරී බව හෙළිකරද්දී අප විසින් කළේ කරුණු සහිතව මුල් පිටුවේ ශීර්ෂපාඨ ලෙස එය රටට හෙළිකිරීමයි.

එක් පැත්තකින් රජයේ ජනමාධ්‍යයන්ට ජෙනරාල්වරයා සම්බන්ධ පුවත් ප‍්‍රචාරය නොකරන ලෙස බලපෑමක් ඇති බව ප‍්‍රවෘත්ති විකාශයන්ගෙන්ම දැකගත හැකි විය. අනෙක් පැත්තෙන් රජයේ නිලධාරියකු ලෙස ජෙනරාල්වරයාට ජනමාධ්‍ය සමග සෘජු ගනුදෙනුවක් කිරීමට අවසරයක් නොමැති බව තේරුම්ගත හැකිය. ඒ සදහා ඔහු අවසර ගතයුතු වන්නේ ද ආරක්ෂක ලේකම් ගෝඨාභය රාජපක්ෂ මහතාගෙනි. ජෙනරාල්වරයා විසින් එවැනි අවසරයක් ඉල්ලා සිටියාද නැද්ද යන්න අප දන්නේ නැත. කෙසේ වෙතත් ජෙනරාල්වරයා සම්බන්ධ පුවත් නිර්මාණය වෙද්දී ඔහුට ඒ සම්බන්ධ නිල වශයෙන් අදහස් දැක්වීමට අවසරයක් ලබාදීම හෝ උපදෙස් දීම කළයුතුව තිබුණේ රජයේ බලධාරීන්මය.

අවසානයේදී ජනමාධ්‍ය විසින් ඒ පිළිබදව පවසන කරුණුවලට රාජ්‍ය මාධ්‍ය යොදාගෙන පිළිතුරුදීමට ආණ්ඩුවේ ඇමැතිවරුන් සහ ආවඩන්නන් යොදවනු දක්නට ලැබිණි.

කලකට පසු

noreply@blogger.com (සමිර මධුසංක) — Wed, 02 Sep 2009 10:46:00 +0000

ඉතින් යලිත් හමුවෙමු අපි වෙනුවෙන් අපි තුලදී

යුද මුක්ත කලාපයෙන් එල්ල කෙරුනු ත්‍රස්ත මිසයිල ප්‍රහාරයක් ගුවන් හමුදාව විසින් සාර්ථක ලෙස ව්‍යර්ථ කෙරේ

noreply@blogger.com (සමිර මධුසංක) — Wed, 25 Mar 2009 10:38:00 +0000

යුද මුක්ත කලාපයේ සිට එල්.ටී.ටී.ඊ. ත්‍රස්තවාදීන් විසින් අද (මාර්තු 25) දින ආරක්ෂක අංශ තුවාල කරුවන් ප්‍රවාහනය කරමින් තිබූ ශ්‍රී ලංකා ගුවන් හමුදාවට අයත් බෙල් - 212 වර්ගයේ හෙලිකොප්ටර් යානා දෙකකට උදෑසන 11 ට පමණ පුතුකුඩිඉරුප්පු ප්‍රදේශයේදී ගුවන්යානා නාශක මිසයිල ප්‍රහාරයක් සිදු කරනු ලැබූ බව ගුවන් හමුදා මාධ්‍ය ප්‍රකාශක වින්ග් කමාන්ඩර් ජනක නානායක්කාර මහතා ප්‍රකාශ කර සිටී.

මෙහිදී ගුවන් නියමුවන් විසින් තුවාලකරුවන් ආරක්ෂා සහිතව ප්‍රවාහනය කිරීමට සමත්ව ඇති බව ජනක නානායක්කාර මහතා වැඩි දුරටත් පැවසීය.

පොට්ටු අම්මාන් ගේ ආරක්ෂිත නිවසක් හමුදාව යටතට

noreply@blogger.com (සමිර මධුසංක) — Wed, 25 Mar 2009 10:35:00 +0000

58 ‍ෙස්නාංකය යටතේ සටන් කරන 20 ගජබා රෙජිමේන්තුවේ සෙබළුන් විසින් මාර්තු මස 24 දින පොට්ටු අමිමාන් සතු‍ව තිබු ආරක්ෂාව සදහා යොදාගත් නිවසක් සොයාගෙන ති‍බේ. ඉරනපාලි වලට දකුණු දෙසින් මුලතිවු යුද භුමියෙදී කෙරෙන සටන් අතර තුර මෙම නිවස සොයාගෙන ඇත.

අපරාධ ගණනාවකට සම්බන්ධ පොට්ටු අමිමාන් හා කපිල් අම්මාන් යන දරුණු ත්‍රස්තවාදීන් විසින් මෙම නිවස පරිහරණය කර ඇති බව ආරක්ෂක වාර්තා සඳහන් කරයි.

මේ අතර ප්‍රදේශයේ සිදුකල සෝදිසි මෙහෙයුමකදී පොට්ටු අමිමාන් විසින් පාවිච්ච් කරනලද බවට විශ්වාස කරන ජීප්රථයක් භට පිරිස් විසින් සොයා ගෙන ඇත. භට පිරිස් විසින් මුදාගත් ප්‍රදේශ වල සිදු කරන සෝදිසී මෙහෙයුම් වලදී පුද්ගල නාශක බෝමිබ රාශියක් සොයාගෙන ඇති බව භූමියෙන් ලැබෙන ‍වාර්තා සඳහන් කරයි.

හමුදා මෙහෙයුම් දිගටම, එල්.ටී.ටී.ඊ. මළසිරුරු 14 ක් සොයාගනී

noreply@blogger.com (සමිර මධුසංක) — Wed, 18 Mar 2009 03:46:00 +0000

වන්නි මානුෂීය මෙහෙයුමේ නිරත භට පිරිස් මාර්තු 16 වන විට කොටි ත්‍රස්‍තවාදීන් වර්ග කි.මී. 35ක තරම් වූ කුඩා බිම් තීරුවකට සීමා කිරීමට සමත් වී ඇති අතර, ත්‍රස්තවාදීන්ට දැඩි ප්‍රහාර එල්ල කරමින් ඉදිරියටම ඇදෙමින් සිටී.

58 වන සේනාංකයට අයත් 9වන ගැමුණු, 10වන ගජබා, 20වන ගජබා, 11 වන පාබල හමුදාව, 7වන සිංහ රෙජිමේන්තුව, 8වන ගජබා, සහ 12 වන ගජබා රෙජිමේන්තු වලට අයත් භට පිරිස් විසින් ත්‍රස්තවාදීන්ට දැඩි ප්‍රහාර එල්ල කරමින් පුතුකුඩිඉරිප්පු හි ඉරණපාලෙයි නැගෙනහිර ප්‍රදේශය දක්වාම තම ආරක්ෂක වළල්ල පුළුල් කිරීමට සමත්වී ඇත.

ඊයේ උදව වරුවේ පැවති ගැටුම් වලින් අනතුරුව ප්‍රදේශයේ සිදුකල සෝදිසි මෙහෙයුම් වලදී එල්.ටී.ටී.ඊ. මළ සිරුරු 13ක්, ටී-56 වර්ගයේ ගිනි අවි 24ක්, පණිවුඩ හුවමාරු යන්ත්‍ර 02ක්, වැඩි දියුණු කරන ලද මෝටාර් 05ක් සහ රිමෝට් කොන්ට්‍රෝල් 02ක් සොයා ගන්නා ලදි. එසේම යුද හමුදා ස්නයිෆර් වෙඩික්කරුවන් විසින් එල්.ටී.ටී.ඊ. ඉලක්ක 16ක් සඳහා සාර්ථක ප්‍රහාර එල්ල කල බව ආරක්ෂක වාර්තා වැඩි දුරටත් සඳහන් කරයි.

මේ අතරතුර පුතුකුඩිඉරිප්පු නැගෙනහිර ප්‍රදේශයේ ස්ථානගතව සිටින 53 වන සේනාංකයේ භට පිරිස් විසින් එක් එල්.ටී.ටී.ඊ. මළසිරුරක් හා පණිවුඩ හුවමාරු යන්ත්‍රයක් සොයා ගැනීමට සමත්වී ඇති අතර, ත්‍රස්කවාදීන්ගේ පණිවුඩ හුවමාරු යන්ත්‍ර වලට සවන් දීමෙන් ත්‍රස්තවාදීන් 09දෙනෙකු ජීවිතක්ෂයට පත්වී තවත් 15 දෙනෙකු තුවාල ලබා ඇති බව තහවුරු කර ගැනීමට හැකිවී තිබේ. එ‍සේම 53 වන සේනාංකය ඉදිරියේ ස්ථානගතවී සිටින යුද හමුදා ස්නයිෆර් වෙඩික්කරුවන් විසින් එල්.ටී.ටී.ඊ. ත්‍රස්තවාදීන් තිදෙනෙකුට සාර්ථක ප්‍රහාර එල්ල කර ඇත.

එක්සත් ජාතීන්ගේ සංවිධානයේ දේශීය නියෝජිතයෙක් බලෙන් එල්.ටී.ටී.ඊ. සංවිධානයට බඳවා ගනී

noreply@blogger.com (සමිර මධුසංක) — Wed, 18 Mar 2009 03:46:00 +0000

පසුගිය සති අන්තයේදී රජය විසින් ප්‍රකාශයට පත්කරන ලද යුද මුක්ත කලාපයේ සිටි එක්සත් ජාතීන්ගේ කාර්ය මණ්ඩලයේ දේශීය නියෝජිතයෙකු සහ ඔහුගේ පවුල්වල සාමාජිකයන් තිදෙනෙකු එල්.ටී.ටී.ඊ. ත්‍රස්තවාදීන් විසින් බලහත්කාරයෙන් ඔවුන්ගේ සංවිධානයට බඳවාගෙන ඇති බව එක්සත් ජාතීන්ගේ ආරංචි මාර්ග පවසයි. මෙහිදී එම කාර්ය මණ්ඩලයේ සේවකයාගේ 16 හැවිරිදි දියණියද මීට ඇතුලත් වන බව ආරංචි මාර්ග වැඩි දුරටත් සඳහන් කරයි.

එක්සත් ජාතීන්ගේ කාර්ය මණ්ඩලයේ සේවකයින් සහ ඔවුන්ගේ පවුල්වල සාමාජිකයින් හෝ කිසිදු අයෙකු මෙසේ ත්‍රස්තවාදී සංවිධානයට බඳවා ගැනීම මෙරට මෙන්ම අන්තර්ජාතික නීතියටද පටහැනි බව පවසා එල්.ටී.ටී.ඊ. සංවිධානයට එරෙහිව විරෝධය පළකර, වහාම ඔවුන්ව නිදහස් කරන ලෙස ශ්‍රී ලංකාවේ සිටින එක්සත් ජාතීන්ගේ නියෝජිතයන් විසින් ඉල්ලා ඇත.

මීට සති දෙකකට පෙරදී තවත් එක්සත් ජාතීන්ගේ දේශීය කාර්ය මණඩලයේ සේවකයෙකු ත්‍රස්තවාදීන් විසින් එම සංවිධානයට බඳවාගෙන ඇති අතර, එක්සත් ජාතීන් විසින් ඔහුව නිදහස් කරන ලෙස ඉල්ලා කරන ලද දැනුම් දීම් නොතකා හැර ඇති බවද එම නිවේදනයේ වැඩි දුරටත් සඳහන් වේ.

එල්.ටී.ටී.ඊ ය අවසන් ස‍ටනේ, ත්‍රස්තවාදීන්ට පරපතල හානි

noreply@blogger.com (සමිර මධුසංක) — Mon, 09 Mar 2009 07:36:00 +0000

මාර්තු 6 දින පැලමත්තලම්, තාමරකුලම සහ පුතුකුඩිරිප්පු ප්‍රදේශ වල සිදුවු ගැටුම් වලින් ත්‍රස්ත‍වාදින් 32 නෙකු මියගොස් දුසිමකට වඩාවැඩි සංඛ්‍යවක් තුවාල ලබා ඇත. හමුදා ප්‍රකාශවලට අනුව වර්ග කිලෝ මිටර් 45 සිමාවි රැදීසිටින එල්.ටී.ටී.ඊ ත්‍රස්තවාදීන් ඔවුන්ගේ බර අවි, මෝටාර් සහ කාලතුවක්කු බතරෝයි යුධමුක්ත කලාපයන් තුලට රැගෙන යමින් සටී.

මේ අතර 8 වන කාර්ය සාධක බලකාය හා 58 වන සේනාංකය එල්.ටී.ටී.ඊ යට බරපතල අලාභහානි කරමින් මලසිරූරූ 15 ක් හා යුධ ආයුධ ගබඩාවක් අත්පත්කරගැනීමට සමත්වී ඇත.

උතුරෙන් 58 වන සේනාංකය ත්‍රස්තවාදින් 11 මරාදමමින් විශාල සංඛ්‍යවකට තුවාල සිදු කරමින් ඉදිරියට ඇදුනු 12 ගැමුණු හේවා බලකාය තමලන්කුලම ප්‍ර‍දේශ‍යේදී පිරිමි මළසිරුරු 10 හා ගැහැණු මලසිරුරු 4 ක් ඇතුලුව ඵල්.ටී.ටී.ඊ මලසිරුරු 14, ටී-56 ගිනි අවි 36, එල්.එමි.ජි අවි 02, අත්බොමිබ 15, පණිවුඩ හුවමාරූ යන්ත්‍ර 06 සහ ටී-56 උණ්ඩ 3000 සොයාගැනීම‍ට සමත් විය. මීට අමතරව 11 ශ්‍රි ලංකා පාබල හමුදා‍ෙවි බට කණ්ඩායමි ත්‍රස්තවාදීන්ගේ තවත් මළසිරුරු සහ ටී-56 අවි 10 ක්, ටී-81 අවියක් ඇතුලුව ජී.පී.ආර්.ඵස් යන්ත්‍රයක්ද සොයාගැනීමට සමත්වී ඇත.