சினிமா / டிவி

ஷெர்லாக் ஹோம்ஸ் - A Study in Pink

noreply@blogger.com (S. Arul Selva Perarasan) — Sat, 11 May 2013 10:41:00 +0000

ஷெர்லாக் ஹோம்ஸ் நாவல்கள் படித்திருக்கிறீர்களா? அந்த நாவல்களைப் படிக்கும்போது ஏற்படும் அதே பரபரப்பு, BBC தயாரித்து, BBC One மற்றும் BBC HDல் வெளியான "எ ஸ்டடி இன் பிங்க்" (A Study in Pink) ஷெர்லாக் ஹோம்ஸ் -ஐ பார்க்கும் போதும் ஏற்படுகிறது.

இது பிபிசி தயாரிக்கும் "ஷெர்லாக்" என்ற தொடர் நாடகத்தின் முதல் பகுதியாகும். இந்த எபிசோடை ஸ்டீபன் மொபாட் என்பவர் எழுதியிருக்கிறார். பவுல் மெக்கியுகன் என்பவர் இயக்கியிருக்கிறார்.

இந்த நாடகம்வ சர் ஆர்தர் கோனன் டாயல் (Sir Arthur Conan Doyle) எழுதிய "எ ஸ்டடி இன் ஸ்கார்லெட்" (A Study in Scarlet) என்ற நாவலைத் தழுவி, தற்காலச் சூழலுக்கு ஏற்ப மாற்றியமைக்கப்பட்டது.

இனி கதை…

ஷெர்லாக் ஹோம்ஸ் (பெனடிக்ட் கம்பர்பேட்ச்) ஒரு அதிமேதாவி துப்பறியும் நிபுணர். ஒருவரைப் பார்க்கும்பொழுதே, அவரது வரலாற்றையே படிக்கும் திறன் கொண்டவர்.

பரதேசி - வாழவிடுங்க நியாயமாரே!

noreply@blogger.com (S. Arul Selva Perarasan) — Fri, 22 Mar 2013 14:19:00 +0000

"நரகக் குழியில வந்து விழுந்துட்டியே அங்கம்மா" என்ற வசனத்துடன் முடியும் இந்தப்படம் அனைவரின் இதயத்தையும் கனக்கச் செய்யும். தீராத வலியுடனேயே திரையரங்கத்தை விட்டு அகலச்செய்யும். ஒவ்வொரு முறை டீயை உறிஞ்சும் போதும், தேயிலைத் தோட்டத் தொழிலாளர்களின் ரத்தத்தைக் உறுஞ்சுறோம் என்ற நினைவை ஏற்படுத்தும். ஒரு அவலச்சுவை திரைப்படம் இப்படி இரண்டரை மணிநேரம் ஒரு மனிதனைக் கட்டிப்போட்டு வைக்க முடியும் என்றால், அதுதான் பாலாவின் சாதனை.

விஸ்வரூபம் - புடிச்சிருக்கு! ஆனா புடிக்கல!

noreply@blogger.com (S. Arul Selva Perarasan) — Sun, 10 Feb 2013 17:43:00 +0000

நிருபமா (பூஜா குமார்) கணவனைப் பற்றி மருத்துவரிடம் விளக்கும்போது “நான் கெட்டவ இல்ல டாக்டர்” “அவர் மேலயும் தப்பில்லன்னா எனக்கு ரொம்ப கில்டியா இருக்கும்” “இதோ பாருங்க அப்படியே பியூச்சர்ல எனக்கு தீபக் கூட செக்ஸ் குறிச்சு ஒரு ஐடியா இருந்தா என்ன தப்புங்கிறேள். அமெரிக்காவுல மழை பெய்யாது அவ்வுளவுதானே. போய்ட்டுபோறது.” என்று ஒரு இயல்பான அமெரிக்கப் பெண்ணையும், அதேவேளையில் கமல் விரும்பும் முற்போக்கான இந்தியப் பெண்ணையும் பிரதிபலிக்கிறார்.

தனது கணவனின் அலித்தன்மையை விளக்க “அவர் எப்படிப்பட்டவர்"னு நினைக்கும்போது, பின்னணியில் கமலின் தக தக திக தின தின தின என்ற கமலின் குரலுக்கேற்ப முகபாவனைகளைக் காட்டுவதில் அசத்தியிருக்கிறார் பூஜா குமார்.

கடல் - ஆர்ப்பரிக்குமா?

noreply@blogger.com (S. Arul Selva Perarasan) — Thu, 07 Feb 2013 08:28:00 +0000

நாஞ்சில் நாட்டு வட்டார மொழியைப் படம் முழுவதும் கொண்டிருக்கும் தமிழ்த் திரைப்படம் இதுவாகத்தான் இருக்கும் என்று நினைக்கிறேன்.

விமர்சகர்கள் பெரும்பாலும் படம் சரியில்லை என்றே விமர்சனம் செய்திருந்தார்கள். இருந்தாலும் பார்ப்போம், ஜெயமோகன் எழுதியிருக்கிறாரே என்று படத்தைப் பார்த்தேன். ஒரு பதிவு இதுகுறித்து எழுத வேண்டும் என்று தோன்றியது.

கௌதம் கார்த்திக்குக்கும், துளசி நாயருக்கும் அறிமுகப் படம் இது. இரு பெரும் நட்சத்திரங்களின் வாரிசுகள் ஒரு பெரிய இயக்குனரின் படத்தில் அறிமுகமாகியுள்ளனர்.

கிறிஸ்தவ வேத கல்லூரியில் படிக்கும் பெர்க்மென்ஸ் (அர்ஜூன்) மிகவும் கெட்டிக்காரர். ஒரு பாதிரியார் இவரைப் பார்த்து "ஏலே, பெர்க்மென்சு, என்னைவிட, உனக்குத்தாம்லே பைபிள் அதிகம் தெரியும்." என்று சொல்லுமளவுக்குக் கெட்டிக்காரார்.

விஸ்வரூபம் - கமல் - இஸ்லாம்

noreply@blogger.com (S. Arul Selva Perarasan) — Tue, 29 Jan 2013 02:21:00 +0000

இதுவரை கமல் செய்யும் புரட்சிகளை நாம் விமர்சன எண்ணத்துடனேயே பார்த்திருக்கிறோம் (டிடிஎச் உட்பட). இதே வலைப்பூவில் இரண்டு மூன்று பதிவுகள் கூட அவரை விமர்சித்தே இருக்கும். ஆனால் இப்போது அவருக்கு நேரும் கொடுமையைப் பார்த்தால் மனம் இளகத்தான் செய்கிறது.

அவரை இஸ்லாமியார்கள் நண்பராகவே நாம் இதுவரைக் கண்டிருக்கிறோம். மருதநாயகம் டிரெய்லரைப் பார்த்தால் எந்த ஒரு இஸ்லாமியாரும் அவரை ஆரக்கட்டித் தழுவிக் கொள்வார்கள். அந்த டிரெய்லர் வந்த போது, என்னைப் போன்றோர் அச்சத்துடனேயே பார்த்தோம். அவர் மேல் அப்போதும் சிலருக்கு விமர்சனம் இருந்தது. மர்மயோகியும் அதுபோலத்தான் என்றார்கள்.

OMG: Oh My God

noreply@blogger.com (S. Arul Selva Perarasan) — Fri, 18 Jan 2013 08:35:00 +0000

சமீபத்தில் இந்தித் திரைப்படம் OMG: Oh My God பார்க்க நேர்ந்தது. படம் சிந்திக்கத்தூண்டும் வகையில் இருந்ததால் ஒரு பதிவு எழுத நினைத்து ஆரம்பிக்கிறேன்.

காஞ்சிலால் மேத்தா (பரேஷ் ராவல்) ஒரு நடுத்தர வர்க்க இந்து நாத்திகவாதி. வீட்டிலும் சரி வெளியிலும் சரி அவர் நாத்திகம் பேசியே அனைவரையும் கிண்டலடிப்பார். வீட்டில் மனைவி மிகுந்த பக்திமான். கணவர் செய்யும் செயல்களை அவர் பரிதவிப்புடனேயே பார்க்கிறார்.

என் வழி தனி வழி அல்ல புது வழி

noreply@blogger.com (S. Arul Selva Perarasan) — Thu, 10 Jan 2013 10:42:00 +0000

இப்போது அரசாங்கத்திற்கு புது கடமையைத் தந்திருக்கிறார் கமல். இது வரை திருட்டு விசிடியைத் தேடிக் கண்டுபிடித்து தண்டிக்கக் காத்திருக்கும் அரசு, இனி யாராவது ஹோட்டல்களில், மால்களில், திருமண மண்டபங்களில், அல்லது ஏதாவது பொது இடங்களில் டிடிஎச் மூலம் படம் காண்பிக்கின்றார்களா என்பதை ஆராய்ந்து அவர்களுக்கு தண்டனை பெற்றுக் கொடுக்க வேண்டும்.

சரி, இதெல்லாம் விஞ்ஞான வளர்ச்சியில் தடுக்கப்பட முடியாதது என்று வைத்துக் கொள்வோம்.

நடுவுல கொஞ்சம் பக்கத்த காணோம்

noreply@blogger.com (S. Arul Selva Perarasan) — Mon, 07 Jan 2013 15:13:00 +0000

யதார்த்தமான வசனங்கள். யதார்த்தமான நடிப்பு, வசனங்களைக் குறைத்து முகபாவனைகளில் உணர்ச்சியை வெளிக்கொணர்வது என்பன போன்ற அம்சங்களால் இந்தப் படம் துண்டாக மற்ற படங்களிலிருந்து தனியாகத் தெரிகிறது.

கமலா? சிவாஜியா? சிறந்தவர் யார்?

noreply@blogger.com (S. Arul Selva Perarasan) — Wed, 19 Sep 2012 15:05:00 +0000

வலைப்பூக்களை வரிசையாகப் பார்த்துக் கொண்டு வரும்போது ஒரு பதிவரின் பதிவு சற்று யோசிக்க வைத்தது. அந்தப்பதிவிற்கான மறுமொழியை அந்த வலைப்பூவிலும் கொடுத்திருக்கிறேன். அந்த மறுமொழியையே இங்கு பதிவாகவும் கொடுக்கிறேன். நான் மறுமொழி கொடுத்திருக்கும் அந்தப் பதிவின் முகவரி இதோ...

அடுத்த கமல் யார்?

இனி என் மறுமொழி

முகமூடி | சூப்பர் ஹீரோதான்

noreply@blogger.com (S. Arul Selva Perarasan) — Fri, 14 Sep 2012 15:59:00 +0000

எனது முந்தைய பதிவுகளில் ஒன்றான நெஞ்சம் மறப்பதில்லை பதிவில் தேவையில்லாமல் மிஷ்கினைக் குறைத்து சொல்லிவிட்டோமோ என்று முகமூடி படம் பார்த்த பிறகு தோன்றுகிறது. அந்தப் பதிவை எழுதும்போது நான் முகமூடி படம் பார்க்கவில்லையே தவிர படத்தைப் பற்றிய வலைப்பூ பதிவர்களின் விமர்சனங்களைப் படித்திருந்தேன். ஆகா.. படம் அவுட்டா, அதுக்கா இந்த சீன் போட்டாரு மிஷ்கின் என்று நினைத்தேன். அதனால்தான் ஸ்ரீதரைப் பெருமைப்படுத்துவதாக நினைத்து மிஷ்கினை மட்டம் தட்டியிருந்தேன். இதுவரை மிஷ்கின் இயக்கிய படங்களில் யுத்தம் செய், நந்தலாலாவைத் தவிர மற்ற படங்கள் எனக்குப் பிடிக்காது அதனால் பழைய குருடி கதவை திறடி கதையாகிவிட்டதோ என்று எண்ணி அப்படி பதிவிட்டிருந்தேன்.

இன்றுதான் முகமூடி படம் பார்க்க முடிந்தது. படம் பார்த்த பிறகு விமர்சனங்கள் எல்லாம் மிஷ்கினை காழ்ப்புணர்ச்சியுடன் அணுகுவதாகவே எனக்குப் படுகிறது. அவர் காப்பி அடித்தாரோ என்ன செய்தாரோ, ஆனால்... நன்றாக இயக்கியிருக்கிறார். குறிப்பாக அவர் எடுத்திருக்கும் கேமரா கோணங்கள் சூப்பர்.

ஜீவாவை அதிகம் வேலை வாங்கியிருக்கிறார் இயக்குனர் என்பதை ஜீவாவின் தோற்றமே நமக்குச் சொல்கிறது. உடலைத் திறந்து காட்டாமலேயே முறுக்கேறியிருக்கிறார் ஜீவா என்பது நன்றாகத் தெரிகிறது.

கமல்ஹாசன் கவிதை | விமர்சனம்

noreply@blogger.com (S. Arul Selva Perarasan) — Thu, 13 Sep 2012 08:38:00 +0000

முகநூலில் எனது நண்பர் ஒருவர் இந்தக் கவிதையை ஷேர் செய்திருந்தார். அவர் கமலின் தீவிர விசிறி. நானும் கூடத்தான். இருந்தாலும் தீவிரமெல்லாம் கிடையாது. நல்ல படம் என்றால் ரசிப்பேன். என்னை (என் நம்பிக்கையை) அடிக்கிறார் என்றாலும் நல்ல படமாக இருந்தால் ரசிப்பேன். நல்ல படமும் தராமல், சமுதாயத்தை சீரழிக்கும் ஒரு கதையைச் சொல்லி இதை ரசி என்றால் ரசிக்க மாட்டேன். விமர்சிப்பேன்.

எனது நண்பர் ஷேர் செய்திருந்த அந்தக் கவிதையைப் படித்தவுடன் விமர்சிக்கத் தோன்றியது. அதற்குத்தான் இந்த பதிவு. இனி கமல்ஹாசனின் கவிதையைப் பார்ப்போம்.

அழகே வா... அருகே வா... | ஆண்டவன் கட்டளை

noreply@blogger.com (S. Arul Selva Perarasan) — Wed, 12 Sep 2012 13:15:00 +0000

இன்று காலை நான் கேட்ட பழைய பாடல், ஆண்டவன் கட்டளை படத்திலிருந்து அழகே வா… அருகே வா….

அருமையான பாடல். காமம்தான் இருந்தாலும், கதையின் தேவைக்காக இந்தப் பாடல் அற்புதமாகப் பொருந்தியிருக்கும். தேவிகாவின் முகபாவனைகளே காம அழைப்பு விடுக்கும். கண்ணதாசனின் வரிகள் அவ்வளவு அற்புதம், இசைக்குப் பொருந்தும்படியான வார்த்தைகள்.

கொஞ்சம் கதையையும் பார்ப்போமே, அப்போதுதான் இந்தப் பாடலின் அவசியம் புரியும்.

நெஞ்சம் மறப்பதில்லை

noreply@blogger.com (S. Arul Selva Perarasan) — Tue, 11 Sep 2012 14:14:00 +0000

இன்று காலை வேலைக்குக் கிளம்பும் முன் தொலைக்காட்சியில் "நெஞ்சம் மறப்பதில்லை" பாடல் ஒலித்தது. அவசரமாகக் கிளம்பிக் கொண்டிருந்த நான் சற்று நிதானித்து நின்றேன். கண்கள் தொலைக்காட்சியைத் தேட ஆரம்பித்துவிட்டன. காலை முதல் இந்தப் பதிவை எழுதும்வரை அந்தப்பாடலே என் மனதில் ரீங்காரமிட்டுக் கொண்டிருக்கிறது.

ஆகா.. என்ன அற்புதமான பாடல்… எம்.எஸ்.வி. கலக்கியிருந்தார். எத்தனை முறை இந்தப் பாடலைக் கேட்டிருப்பேன்… யோசிக்கிறேன்… ஒரு ஆயிரம் முறை… இல்லை இல்லை அதற்கும் மேலேதான் இருக்கும். இன்றுகூட நகரவிடாமல் நிற்க வைத்துவிட்டதே. காலாகாலத்துக்கும், இன்னும் காலத்தைக் கடந்தும் நிற்கும் பாடல். அதில் மாற்றுக் கருத்தில்லை.

சகுனி

noreply@blogger.com (S. Arul Selva Perarasan) — Mon, 03 Sep 2012 15:47:00 +0000

பாதி காமெடி, பாதி அரசியல் அதுதான் சகுனி.

கமலக்கண்ணன் (கார்த்தி) காரைக்குடியில் ஒரு பெரிய குடும்பத்தில் பிறந்தவன். பெரிய அன்னச்சத்திரமாக விளங்குகிறது அவனது வீடு. அரசாங்கம் அவன் வசிக்கும் பகுதிக்கருகே ஒரு இரயில்வே சுரங்கப்பாதை திட்டத்தைக் கொண்டு வருகிறது. ரியல் எஸ்டேட் காரர்கள் தந்திரத்தால் அந்த திட்டம் நகர்ந்து அவனது வீடு அந்தப்பாதையில் அடிபடுகிறது.

தனது வீட்டைக் காக்க கமலக்கண்ணன் சென்னையில் இருக்கும் அரசியல்வாதி பூபதியைச் (பிரகாஷ் ராஜ்) சந்திக்க செல்கிறான். அங்கே அவன் அவமதிக்கப்படுகிறான். அந்தத் திட்டத்தை மாற்றியதே பூபதிதான் என்பதை அறிகிறான்.

அகோரா | ஸ்பானிய திரைப்படம்

noreply@blogger.com (S. Arul Selva Perarasan) — Sun, 02 Sep 2012 18:09:00 +0000

தமிழ் ஹிந்து வலைத்தளத்தில் திரு.அரவிந்தன் நீலகண்டனின் அகோரா திரைப்பட விமர்சனம் படித்தேன். படம் பார்க்கும் ஆவலைத் தூண்டியது அந்த விமர்சனம்.

வலைத்தளங்களைத் தேடி அந்தப் படத்தை தரவிறக்கம் செய்து பார்த்தேன். அது ஒரு ஸ்பானிய மொழி திரைப்படம். நான் பார்த்தது ஆங்கிலத்தில்...

தற்போது எகிப்தில் உள்ள அலெக்சாண்டிரியா கி.பி.391ல் ரோமானியப் பேரரசின் ஒரு அங்கமாக இருந்தது. தலைவர்களை உருவாக்கும் ஒரு பெரிய கிரேக்க பள்ளியின் ஆசிரியையாகப் பணி செய்கிறாள் பெண் தத்துவஞானி ஹிபாசியா. டாலமிய புவிமையக் கோட்பாட்டை அதிக அக்கறையோடு மறுத்து பயிற்றுவித்து வந்தாள்.

நான் ஈ

noreply@blogger.com (S. Arul Selva Perarasan) — Sun, 02 Sep 2012 07:13:00 +0000

பிந்து (சமந்தா) என்ற மைக்ரோ ஆர்டிஸ்ட் வீட்டிற்கு எதிரில் நானி (நானி) என்ற இளைஞன் வசிக்கிறான். பிந்து ஒரு மைக்ரோ ஆர்ட் பிராஜெட் செய்து கொண்டிருக்கிறாள். நானி பிந்துவைக் காதலிக்கிறான். பிந்து அவனைக் காதலித்தாலும் காட்டிக் கொள்ளாமல் அவனை அலைய விடுகிறாள்.

சுதீப் (சுதீப்) பெண்பித்தம் பிடித்த ஒரு பெரிய கோடீஸ்வர தொழிலதிபர். பணத்திற்காக மனைவியையே கொலை செய்யும் அளவிற்கு கொடுமைக்காரர். ஒரு நாள் பிந்து சுதீப்பின் அலுவலகத்திற்கு நன்கொடை வாங்குவதற்காகச் செல்கிறாள்.