الصراحة العرض قوي حيل، وبدأ الضرب لين معرض انفو كونكت

ياشين الملاقة.

كله بلاكبيري، حسسوني على الإعلان الحين بايعين بورش كايين

موبايل جديد من قوقل اتش تي سي اسمه نكسس ون او نكثث ون، الموبايل راح ينزل ببداية شهر يناير، وبالتحديد 5 يناير والجهاز مواصفاته حسب مااشوفه انها عادية ماعدا ميزة انه قائم على نظام اندرويد، مع 512 ميقابايت رام وروم، ومع الجهاز راح يكون ميموري كارد حجمه 4 قيقا، وكاميرا5 ميقا بيكسل

===

اما المواصفات الثانية مثل الوايرلس والثري جي .. ألخ، ماراح اتكلم عنها، لأن الموبايل بدونها مايسوى شي بهالوقت الحالي

===

السعر: 530 دولار .. غالي على جهاز مواصفاته عادية ومواده اعتقد رخيصة

امس الساعة ٩ ونص، دخلت انا وواحد من الشباب للهفلم، وماكنت ادري انه ينعرض لأول مرة على شاشة ايماكس وثري دي، لأن اخر مرة دشيت فلم جذي كان بالمركز العلمي قبل جم سنة، ووزعوا علينا النظارات ولبسناها حسيت اني عايشة المرطة على هالنظارات المرض، والفلم شقنا شق من طوله، طلعت منه ابجي بسبب النظارات اللي تذبح العين، والترجمة اللي قاطينها بحظني زين زين اقراها، كان المفروض النظارة يكون فيها اختيار تشيل الترجمة او تخليها، مو يحطونها على الشاشة، بعدين فلم بس مخلوقات لونها ازرق، باسوا بعض تقطع اللقطة ليش، للهدرجة خايفين علينا من الانحراف، عاد ياليت تقطيع سنع .. جنه واحد قاعد يحط ايده قبل لاتطلع اللقطة وتصير الشاشة سودة ومانشوف شي.

===

الفلم بمجمله حلو وقصته حلوة حيل، توريكم ان الإنسان شلون طماع ولا يهمه شي الا الطمع، يوريكم شلون البشر يتعاملون مع الكائنات الثانية حتى لو كانوا متشابهين بأغلب الصفات، لكن الطمع يعمي الإنسان للحصول على مايريد بغض النظر عن النتائج، الفلم يستاهل ٩ ونص من ١٠ ويستاهل انك تشوفه بسينما أيماكس بس مو بالكويت، شوفوا لكم ديرة ثانية شوفوه وردوا احسن لكم

المفروض الجريدة تمنع مثل هالأعلانات، احتراماً لقرائها

قام الموقع الإجتماعي الأول بالعالم فيسبوك بتغيير اعدادت الخصوصية لدى مستخدمينه مما يتيح له الصلاحية التحكم في كافة الامور التي تنشر عبر موقعه ويعتبر المعارضون ان الاعدادات الجديدة للموقع تساعد على التعدي على خصوصية المستخدم بشكل اكبر من السابق مما يساهم في التأثير على انتهاك خصوصيات مستخدمي الفيسبوك.

من مساوئ الاعدادات الجديدة التي بأنها تجبر المستخدم على الكشف عن ملفه(بروفايله) و صورته ومكان سكنه وعمله واصدقائه الى العلن والعالم اجمع على عكس الاعدادات القديمة التي تمنع الجميع او فئة معينة من مشاهدة ملفك الخاص في الفيس بوك، فالنصيحة الى الجميع بعدم النقل الى التحديث الجديد من الأعدادات حتى لا يضطروا الى مسح ملفهم الخاص بعد الكشف عن كل شيء للعلن.

الحقيقة افكر جدياً بمسح ملفي الخاص عبر الفيس بوك اذا اجبرت على الاعدادات الجديدة للخصوصية، فلا اريد ان تكشف معلوماتي الى العلن ولا اريد لا لفيسبوك او غيرهم ان يستخدموا الصور الخاصة فيني بأي شكل من الأشكال، رغم وجود هذا الحق لهم قبل هذه الاعدادات الجديدة الا انني لا اعتقد انهم سيكونون وقحين جداً بإستغلالها بدون الإستئذان من صاحب الصورة.

اتوقع بأن سيظهر موقع بديل للفيس بوك مع خصوصية افضل واقوى.

في الأسابيع اللي طافت، ماخليت فيديو عن الأيماك والماك بوك الا وشفته، علشان اتخذ القرار المصيري في حياتي الكمبيوترية، للحين اعتبر القرار غير معروف، ساعات اشوف الماك بوك برو افضل حالياً من الأيماك الـ27 انش، لأن الأخير فيه مشاكل تصنيعية ماادري اذا أبل حلوا هذه المشاكل، وبنفس الوقت انا من النوع اللي مايحب اللابتوبات نهائياً وخصوصاً كيبوردات اللابتوبات، بعد تجربتي الفاشلة مع لابتوب أيسر.

المشكلة أن الأيماك الـ27 انش والماك بوك برو الـ15 انش نفس السعر بالضبط وهو 2399 دولار، يعني 680 دينار تقريباً، اما المواصفات فطبيعي الأيماك اقوى من كل النواحي، لكن مشكلته مثل ماقلت وهي العيوب المصنعية، يعني لاسمح الله طلبت الجهاز وطلع فيه عيب مصنعي، مو اعرف حظي شلون صاير، فتكاليف الشحن الى الكويت راح تكلفني 80 دينار وطالع، فمابالكم اذا رديته مرة ثانية لأمريكا حق الإستبدال أو للإستفادة من الكفالة، والجهاز مو مال اني اطلبه من برا مع هالمشاكل المصنعية.

-

المشكلة الأخرى وهي بالماك بوك برو ان كيبورده مو عربي، حاولت ادور بالمواقع عن كيبورد عربي ماحصلت الا كفر احطه فوق اللابتوب ومجربه هالكفر عند صاحبي ونوعاً ما يبط الجبد حق واحد مثلي، لأني مااحس بالنغمة الحلوة من صوت الكيبورد لمن تطقطق فيه، وتكلفة استبدال الكيبورد بالكويت هني تكلف تقريبا مابين 70 دينار الى 90 دينار، ماادري صانيعهم من ذهب ولا فضة، فتوصلنا الى الحل التالي: اشتري ماك بوك برو حالياً، اذا اعجبني الماك كنظام واستخدام، اشتري الأيماك الـ27 انش، يعني صايدها 

-

=

احلى مافيه حجمه، بس مااعتقد اقدر اتعود عليه لأنه واضح راح اصير ابطأ بالكتابة، بالاضافة الى زيادة عدد البدليات اللي انا مشهور فيها

ولا مرة جربت موبايل مع نظام اندرويد المقدم من قبل شركة قوقل، بس اعتقد راح اجربه مع هالموبايل ولا ان بالخاطر اجرب اكسبيريا 10اكس، لكن انا اكره الموبايل بدون كيبورد، صحيح ان الأيفون فيه برامج تساعدنا بكافة الأوجه وهو الأفضل، لكنه يظل بدون كيبورد ولا ينفع الا حق الوناسة وتضييع الوقت، والجهاز من نزل وانا اجربه، مافيه شي تغير نهائياً اللهم الإسم، كل يوم زايدين له حرف .. لو ضابط جان صار لواء الحين !

نرجع حق صاحبنا درويد، الجهاز تحدي واضح بين موتورولا وبين أبل، والأعلان يوضح هالشي، والجهاز فيه كيبورد وكاميرا 5 ميقابكسل ومعاه ميموري 8 قيقا وفيه جي بي اس وسعره بين الـ500 دولار الى 600دولار، والجهاز نزل بالأسواق الأمريكية بإسم درويد على ان ينزل بالأسواق العالمية بإسم: مايل ستون.

وصلة الإعلان