Á sínum tíma þegar ég var að setja upp droboinn minn keypti ég mér bara 3x500gb diska til að byrja með. Droboinn var formataður þannig að hann á að þola 2TB af gögnum. Samkvæmt drobo.com þá segir að þegar droboinn fer yfir þessi 2TB þá á hann að búa til nýtt partition. Þannig að á einum drobo gætu verið 2 partition. Ég ákvað að treysta þessu án þess að treysta þessu almennilega og smellti á FORMAT sem droboinn vildi endilega gera. Í staðin fyrir að formata þetta nýja partition þá formatði hún allan diskinn og þá gat ég breytt honum þannig að hann höndli 16TB. Sem allir ættu að gera strax í upphafi.

Ég á sem betur fer backup af öllu sem var á þessum disk en ef þú treystir drobo algjörlega þá geturðu lent í veseni. Þannig að passaðu þig.

Ég hef aldrei skilið þetta dæmi. Afhverju á að skilja eftir setuna niðri ef það eru kannski 50/50 líkur á því að næsti sem ætlar á klósettið er karlmaður og ætlar að pissa. Ættu þá konur að skilja eftir setuna uppi fyrir okkur karlmennina þegar þær ljúka sér af. Líkurnar eru meiri að einhver setjist á klósettið þar sem að karla og konur gera nr. 2 sitjandi. Konur pissa, flestar, sitjandi en karlmenn standa. Eru konur hræddar um að detta ofan í klósettið ef setan er uppi?

Lausn mín á þessu máli er afskaplega einföld og hreinleg í þokkabót. Hver sá sem notar klósettið lokar því alveg áður en hann sturtar niður. Með því eru ekki bakteríur að þjóta upp úr klósettinu þegar þú sturtar niður. Sérstaklega ef þú geymir tannburstann þinn temmilega nærri klósettinu þá geturðu alveg eins geymt hann á setunni eins og að sturta niður með opið klósett. Síðan opnar fólk bara klósettið eins og hentar í hvert skipti. Með þessu er þetta vandmál úr sögunni. Punktur.

1. Karfan er fyrir! Þegar fólk er komið á kassann og það er verið að afgreiða þá áttu vinsamlegast að drulla körfunni þinni frá svo að næsti maður geti komið sér í stöðu til að dæla matnum sínum í poka. Sumir eru einstaklega slæmir og eru ennþá með kerruna fyrir þegar afgreiðslufólkið er byrjað að afgreiða næsta kúnna.
2. Vertu tilbúin/n með peningana! Fólk getur verið all svakalega að hugsa um sjálfan sig og virðist vera eitt í heiminum. Um leið og það er komið að þér þá áttu að taka upp kortið þitt og vera með það tilbúið. Ekki að byrja að gramsa í töskunni þinni að veskinu og svo kortinu í veskinu þegar afgreiðslufólkið segir þér hvað hlutirnir kosta. Sumir eru einstaklega slæmir og klára að setja draslið sitt í poka áður en það fer í að leita að kortinu.
3. Ekki borga með seðlum! Nýjasta nýtt er að það er hægt að vera með kreditkort og debetkort. Seðlar eru bara fyrir eiturlyfjasala en ekki bjúgukaupandi bónusfólk. Tekur allt of langan tíma að finna til seðla og fá til baka. Sumir eru einstaklega slæmir og eru að telja klink upp úr veskinu sínu. Rauða spjaldið á þá.

Er eitthvað fleira sem ykkur dettur í hug sem mætti vera í reglunum um búðarkaup?

AppBrain forritið geturðu náð í hér með því að skanna strikamerkið.

Fast Web Installer geturðu náð í hér með því að skanna strikamerkið.

Ég get ekki verið minni maður en Sigurjón og er kominn með wordpress app í Nexus One. Keyptum okkur nýja glæsilega Phillips ryksugu um daginn og gamla Exido fékk far á haugana.

Ég ætla ekki að fara að rifja upp allt sem hefur drifið á mína daga síðan ég bloggaði síðast enda líklegast hef ég ekki minni til þess. Held það sé best bara að byrja frá þessum punkti og halda áfram.

Ég var búinn að heyra að þetta væri geðveikt og rosalegt og fólk væri að drepa sig því að þetta væri svo flott. Var líka búinn að heyra að myndin væri ekkert frábær þannig að ég bjóst ekki við neinu frábæru svo sem hvað söguna varðar. Sagan fannst mér bara ágæt. Ágætis vona B-skemmtun sem er ekkert að. En þrívíddin fannst mér alls ekki hress. Stundum var þetta rosalega flott og fínt en yfirleitt var ekkert í fókus, sérstaklega þegar það hreyfðist eitthvað á skjánum. Og það er doldið að gerast í kvikmyndum. Svo fannst mér líka t.d. þegar eitthvað gerðist í litlu rými að fólkið sem var fyrir aftan það sem var í fókus allt of nálægt. Eins og það væri verið að nota 400mm linsu á stað sem það er augljóslega ekki hægt. Skelfilegast fannst mér samt að vera með texta á myndinni. Hann var alltaf í fókus en það meikar ekki sens að vera með eitthvað tvennt í fókus. Sem sagt bæði einhverja persónu í bakgrunni og svo textann í forgrunni.

Herra Kamerún hefði nú alveg mátt eyða eins og 3 árum til viðbótar og gera þetta almennilega.

Fyrirlestur í Ljósmyndasafni Reykjavíkur.
Við Billi héldum fyrirlestur um gerð ljósmyndafrásagna í Ljósmyndasafni Reykjavíkur í samvinnu við safnið og Blaðaljósmyndarafélagið. Max Houghton, ristjóri Foto8 tímaritsins, hélt fyrirlestur á undan okkur. Huga að um 100 manns hafi mætt sem er ansi góð mæting. Það er verið að vinna úr upptökum af þessum tveimur fyrirlestrum og kanna hvort það sé hægt að henda þessu á netið fyrir þá sem ekki komust. Þ.e.a.s. ef það er áhugi fyrir því. Við kynntum líka á fyrirlestrinum vefinn Miro.skara.is sem er ætlaður til að kynna ljósmyndafrásagnir fyrir íslenskum fjölmiðlum og hversu vel virkar að nota svona frásagnir í blöðin. Við erum alveg á því að þetta er það sem fólk vill. Fyrirkomulagið á þessum vef verður þannig að ljósmyndarar senda okkur myndir og síðan fáum við gest í ritstjórn í hverjum mánuði og út kemur eitt nettímarit í hverjum mánuði.

Myndir Ársins og World Press Photo
Tók saman nokkrar myndir bæði fyrir Myndir Ársins og World Press Photo. Myndir Ársins opnar 6.mars 2010 og úrslit verða kunn í World Press Photo einhvern tíman í febrúar held ég.

Nintendo
Fundum í geymslu gömlu Nintendo tölvuna hennar Auðar. Erum með nokkra leiki og þar á meðal Super Mario Bros sem hefur mest verið spilaður. Núna er verið að reyna að grafa upp hvort einhver eigi Super Mario Bros 3.

Rakst á síðu á netinu sem heitir Very Awesome World.com þar sem maður að nafni Dallas Clayton hefur stofnað góðgerðarsamtök sem snúast um það að fá krakka til að lesa og fá krakka til að dreyma. Hann er á ferðalagi um Bandaríkinn og heiminn þar sem fyrir hverja bók sem er seld gefur hann eina bók. Fer í skóla, sjúkrahús og fullt af stöðum þar sem krakkar og fólk getur haft not af bókinni hans. Hægt er að kaupa eintak af bókinni á veryawesomeworld.com. Ég veit ekki með ykkur en ég er búinn að versla mér bók. Látið orðið ganga.

Awesome Book Tour from Dallas Clayton on Vimeo.

Átt þú við kókvandamál að stríða? Hver er aðaldrykkurinn þinn?