ඇත්තට ඉඩක්..

ආදරය කියන්නේ මොකක්ද?

noreply@blogger.com (Lahiru Dilranga Silva) — Sun, 17 Jul 2011 17:37:00 +0000

ඉතින් කොහොමද, මම අද ඔය ගොල්ලන්ට කියන්න යන්නේ ජිව්තේ ගැන කතාවක් එ වගෙම මෙක අපි ගොඩක් අයට ප්‍රයොජන වත් වෙන ව්දියේ කතාවක්,
ඔන්න ඉතින් එකමත් එක කාලෙක ලමයෙක් හිටියා මේ ලමයට ලොකු ප්‍රස්නයක් තිබුනා එක අපි ගොඩක් අයට පොදු ප්‍රස්නයක් එ තමයි “ආදරය කියන්නේ මොකක්ද කියන එක”,
ඉතින් දවසක් මෙ ලමයා මෙ ප්‍රස්නය එයාගෙ ගුරැවරයාගෙන් ඇහුවා එතකොට
ගුරැවරයා මෙහෙම උත්තරයක් දෙනවා,
ඔයාට ඔකට උත්තරයක් ඔන නම් ඔයා ඉරිගු හෙනකට ගිහිල්ලා ලොකුම ඉරිගු කරල අරගන එන්න ඔන, හැබැයි එක කොන්දේසියක් තියනවා ඔයාට ඉරිගු හෙන හරහා යන්න පුලුවන එක පාරයි, ආපහු හැරෙන්න බැ.
මෙක අහපු ලමයා ඉරිගු හෙනක යනවා, ඉස්සරහම ලොකු ඉරිගු කරලක් තියනවා දැක්කත් තව ඉස්සරහට තව ලොකු ඉරිගු කරල් ඇති කියලා හිතපු ලමයා තව ඉස්සරහට යනවා මේ වගෙ තව ට්ක ට්ක දුරක් ආවට පස්සේ ලමයට තෙරෙනවා දැන් තියන ඉරිගු කරල් ඉස්සල්ලා තිබුන ඉරිගු කරල් වලට වඩා පොඩ්යි කියලා,
එතකොට එයාට තෙරනවා ලොකුම කරල එයාට මගහැරැනා කියලා.නමුත් එයාට ආපහු හැරෙන්න බැ.ඉතින් ලමයා ගොඩක් දුකෙන් ගුරැවරයට වෙච්ච දේ කිව්වා.
එතකොට ගුරැවරයා කියනවා “ඔක තමයි ආදරෙ කියන්නෙ , අපි හැම වෙලාවෙම හොදම දේ හොයනවා නමුත් ඒ දේ අපිට මග හැරැන බව දැන ගන්න කොට පමා වැඩ්යි”
එතකොට ව්වහය කියන්නේ මොකටද ලමයා ඇහුවා,
එතකොට ගුරැවරයා මෙහෙම උත්තරයක් දෙනවා ඔයාට ඔකට උත්තරයක් ඔන නම් ඉස්සල්ලා වගෙම ඔයා ඉරිගු හෙනකට ගිහිල්ලා ලොකුම ඉරිගු කරල අරගන එන්න ඔන, හැබැයි එක කොන්දේසියක් තියනවා ඔයාට ඉරිගු හෙන හරහා යන්න පුලුවන එක පාරයි, ආපහු හැරෙන්න බැ.
ඉතින් ලමයා ආපහු ඉරිගු හෙනක යනවා, ගිහින් ඉස්සල්ලා වැරෑද්ද ආපහු කරන් නැ කියලා සාමාන්‍ය ඉරිගු කරලක් අරගන ගුරැවරයා ලගට යනවා,
එතකොට ගුරැවරයා මෙහෙම කියනවා, මෙපාර ඔයා ගෙනපු ඉරිගු කරල ගොඩක් හොදයි, මෙ ඉරිගු කරල ගෙන්න ඔයාට ව්ස්වාසය හා අඨ්ෂ්ටානය තිබුනා.මෙක තමයි ඔයාට ලැබුන හොදම දේ, මෙකට තමයි ව්වහය කියන්නේ.
බලන්න මේ කතාවෙන් කොච්චර ලස්සනට මෙ දෙක තෙරැම් කරලා දුන්නද කියලා,
අපේ ජිව්තේත් ඉරිගු හෙන වගේ තමයි, අපිට ජිව්තේ හරහා යනන්න පුලුවන් එකම එක පාරක් ව්තරයි එක හින්දා මෙ කතාවෙන් කියන දේ අපේ ජිව්තයට ගොඩක් වැදගත් දැන් ඉතින් හොදට හිතලා බලන්න ඔයාටත් හොදම දේ මග හැරිලද කියලා.

කන්‍යාභාවය….

noreply@blogger.com (Lahiru Dilranga Silva) — Sun, 17 Jul 2011 17:33:00 +0000

මේක බොහොම සන්වාදාත්මක TOPIC එකක්…
මන් අහගෙන මේ ළගදි දවසක දොස්තර මහත්ත්යෙක් කියනවා.. කාන්තවන්ගෙන් 30%කට පමණ උපතින්ම කන්‍යා පටල පිහිටන්නේ නෑ කියලා…ඒක වෙන්න පුලුවන් දෙයක්ද කියන එක මට ලෝක ප්‍රශ්නයක්…
උපදිනකොටම අතේ ඇගිලි අඩුවෙන් උපදින ප්‍රමාණය ප්‍රතිශතයක් වශයෙන් ඔච්චර ලොකුද..?
එතකොට කනක් නැතිව… ඇහැක් නැතිව… නහය නැතිව… අත පය නැතිව…. උපදින ප්‍රමාණය ඔතරම් විශාලද?
ඉතින් ඒ හැමදේම හරියට තිබිලා ඕක විතරක් ඔතරම් ප්‍රමාණයකගේ නැතිව උපදින්න පුලුවන්ද කියන එක මට නම් මහ ලෝක ප්‍රශ්නයක්…
…
සමහරවිට දොස්තර මහත්තයා අපේ කාන්තාවන්ගේ ආරක්ෂාව පතා ඔය වගේ දෙයක් කිව්වද දන් නෑ…
මොකද අපේ සමාජයේ.. තාමත් බොහෝ දෙනා විවාහ වනතුරු කාන්තාව තම කන්‍යා භාවය ආරක්ෂා කර ගත් යුතුයි… කියන තැනනේ ඉන්නේ… ඇයි ඕක පිරිමින් වන අපට වලන්ගු නොවන්නේ… අනික ඕකෙන් කන්‍යාභාවය පිළිබදව… නිර්ණය කරන්න අපහසුයි… ක්‍රීඩා කිරීමේදි..නර්ථනය හැදෑරීමේදී… එදිනෙදා වැඩ කටයුතු වලදී… ඔය කන්‍යා පටලය කියන සියුම් පටලය ඉරී යන්න පුලුවන්… (පිරිමින්ගෙත් ඔහොම පහසුවෙන් කැඩිල යන නූල කියල එකක් තියෙන්නේ)
අනික කන්‍යා භාවයට කිසිම හානියක් කර නොගෙන.. මොන තරම් වනචර වැඩ කරන්න පුලුවන්ද..? එහෙම දහ අට සන්නියම නටලා කන්‍යා භාවය අහිමි කර නොගෙන ඉන්න කෙල්ලෙකුට වඩා… තමා අවන්කවම ආදරය කල ( රැවටිලි කාරයෙකුට) කෙනාට තම කන්‍යා භාවය උදුරා ගැනීමට ඉඩ දුන් අහින්සක කෙල්ලෝ කොච්චර හොදද..?

මටනම් එහෙම කෙල්ලෙක් හොදයි….
ඒත් අහින්සක සහෝදරියනි… තම කන්‍යා භාවය චාටුකාර ආදරවන්තයින්ට… නිකරුනේ බිළි දෙන්න එපා…මේ ලෝකය ඔබලා හිතන තරම් සුන්දර නෑ.. ඔබව බිළී බා ගැනීමට ඕන තරම්.. රකුසන්.. මෙලොව බලා සිටිනවා… ඔබේ අහින්සක භාවයෙන් අයුතු ප්‍රයෝජන ගන්න ඉඩ දෙන්න එපා… නිරතුරුවම සිහි නුවණින් වැඩ කරන්න.. ඔබට ජය වේවා…

මට ඔයාගේ Mobile Number එක දෙනවද ?

noreply@blogger.com (Lahiru Dilranga Silva) — Sun, 17 Jul 2011 17:30:00 +0000

මට ඔයාගේ Mobile Number එක දෙනවද ? සමහර අය කෙලින්ම බැ කියනවා, සමහරැ පස්සේ හිතලා කියන්නම් කියනවා අනිත් අය ඔයාට ව්තරයි දෙන්නේ කියලා කෙලින්ම දෙනවා, ආ තව පොඩ්ඩෙන් අමතක වෙනවා තව කට්ටියක් ඉන්නවා එගොල්ලො කියන්නේ “මම දන්නැ (i Dont Knw)”, තව මොනවා ඇහුවත් ඔච්චරම තමයි ඉතින්,
සරලවම කියනවා නම් කෙල්ල ලස්සන වැඩි වෙන තරමට නම්බර් එක ගන්න අමාරැ වැඩිවෙනවා, මෙක හැබැයි වෙනස් වෙන වෙලාවලුත් ඔන තරම් තියනවා. මට කියන්න ඔන කලේ ඔවා නෙමෙයි, තවත් track එකෙන් පිට පනින්න කලින් ඔන්න මම කෙලින්ම කතාවට බහිනවා.
මෙන්න මෙක තමයි සිද්දිය අපිට පුලුවන්ද මෙ “මට ඔයාගේ Mobile Number එක දෙනවද ? ” කියන ප්‍රශ්නෙට හම්බවෙන උත්තරෙ මත කෙල්ලෙක් හොදයි ද නරකයි ද කියලා කියන්න ? මම මෙ සම්බන්දව කිසිම මතයක් දැනට දරන්නේ නැ, එක නිසා මම දන්න අදුරන අය සෙට් එකක් සම්බන්ද කරගන මම ජනමත ව්චාරයක් පැවැත්තුවා,
දැනට තියන ප්‍රතිචල තමයි පහළ දාල තියෙන්නේ, මෙක ගැන මාව මරන් කන්න හදන්න එපා මෙකට මම සම්බන්ද වෙන්නේ නිරික්ෂකයෙක් විදිහට ව්තරයි.
ඔන්න මම ඔයගොල්ලන්ටත් අවස්ථාවක් දෙනවා මගේ මේ උතුම් සමාජ සත් කියාවට සම්බන්ද වෙන්න, කැමති අය ඔන්න ඔය option වලින් කැමති එකක් තොරලා තමතමන්ගේ මතය ප්‍රකාශ කරන්නකො,
ගැහැණු පිරිම බව හින්දත් අවසාන නිගමනයට බලපැම් ඇතිවෙන්න පුලුවන් නිසා ඔන්න එක ගැනත් සැලකිලිමත් වෙන්න ඔන හරිද??
මෙතෙන්දි අදුරගන දවස් දෙක තුනකට පස්සේ ”මට ඔයාගේ Mobile Number එක දෙනවද ? ” කියන එක ඇහුවට පස්සේ කිසිම අවුලක් නැතුව Nnmber එක දෙන කෙල්ලෙක් ගැන මොකද ඔයගොල්ලන්ගේ මතය??

පිරිමි ඇසකින් ආදරය දැකීම...

noreply@blogger.com (Lahiru Dilranga Silva) — Sun, 17 Jul 2011 17:25:00 +0000

අපේ යාලුවෙක් ලියල තිබුන බස් එකේ යනකොට වෙලා තිබුන අකරතැබ්බෙ ගැන දැකල මටත් හිතුන ආදරය ගැන මම දකින පැත්තක් ඔයාලට කියන්න. මම කොල්ලෙක් නිසා ආදරේ ගැන කොල්ලෙක්ට හිතෙන විදියට ලියන්න අද මම හදන්නෙ.සමහර විට ඔයාල මේ විදියට ආදරේ කලින් දැකල නැතිව ඇති.ඒත් මම මේ කියන දේ ඇහුවට පස්සෙ මේ පැත්ත ගැනත් හිතන්න පටන් ගනී. ගෑනු ලමයිනුත් මේක කියවන්න ඔයාලටත් හිතෙයි මේ කියන එකේ තියන ඇත්ත.
සාමාන්‍යයෙන් අපේ ලංකාවෙ තාම පිරිමි අය හම්බ කරනව, ගෑනු අය ගොඩක් තාමත් ඉන්නෙ ගෙවල් වල, නමුත් දැන් ටික ටික මේ තත්වෙ වෙනස් වේගන එනව. ඒත් තාම මේක මූලික අවධියෙ තියෙන්නෙ, ඒක නිසා කොල්ලනේ හොදට අහගන්න.

මේ තියන සමාජ තත්වෙ හැටියට පිරිමිය තමයි හම්බ කරල පවුලක් නඩත්තු කරන්න ඕන. ඒත් වෙන්න ඒකෙ අනිත් පැත්ත දැන්, ඔයාල දන්නවද දැන් ලංකාවෙ university වලට වැඩියම යන්නෙ ගෑනු ලමයි කියල?? පිරිමි ලමයි යන ප්‍රතිශතය ගෑනු ලමයි යන ප්‍රතිශතයට වඩා අඩුයි. ඒ වගේම උසස් අධ්‍යාපනයට වැඩියෙන්ම නඹුරු වෙන්නෙ ගෑනු ලමයි කියල තමයි ආරංචිය යන්නෙ නම්. ඉතින් මම wrong side යනවනෙ. මම ආදරය ගැනනෙ කියන්න ආවෙ, කියන්නෙ අධ්යාරපනය ගැන, sorry වෙන්න ඕන.
ඉතින් මේ තියන සමාජ තත්වෙ හැටියට පිරිමි ලමයින්ට තමයි අධ්‍යාපනය ඉතාම වැදගත්, හොද job එකක් නැත්නම් අතේ මිල මුදල් නෑ, ගෙයක් දොරක් හදාගන්න විදියක් නෑ.ඒක නිසා ගෑනුලමයින්ගෙ අම්මල තාත්තල කැමතිවෙන්නෙ නෑ.

ඒ උනාට අපේ ඇත්තො මොකද කරන්නෙ, class යන කාලෙ බොක්කෙන් love කරන්න යනව,gel packet වලටයි සුවද ගහන ඒවටයි මාර වියදම්, ඔහොම කරල ගෑනු ලමයෙක් යාලු කරගත්ත කියමුකො,ඊට පස්සෙ එයාට මාරවිදියට වියදම් කරනව. අන්තිමේදි මොකද කරන්නෙ, class cut කරලත් එහෙ මෙහෙ යනව. ඔහොම ගියාම ඉතින් විභාග කාලෙත් එනවනෙ,ආන්න එතකොට තමයි රත්වෙන්න ගන්නෙ. ඉතින් මොකද වෙන්නෙ, exam එකෙන් පස්සෙ අර ගෑනු ලමය සමහර විට campus යනව, එතකොට බොක්ක දුන්න මල්ලිට හුලන් තමයි, මොකද campus ගියාම එයාට වඩා හොද අය meet වෙනවනෙ ගෑනුලමයට. එහෙම නොවුනත් එයාගෙ අම්මල කැමති නෑ, මොකද “ මගෙ දුව සෑහෙන ඉගෙන ගෙන තියනව, degree එකකුත් තියනව, ඔය පුතා ඉගෙන ගෙන වත් නෑ” ,පුතාට sorry තමයි. එක්කො ඒ ගෑනු ලමයගෙ අම්මල කැමති නෑ, “ අපේ දුව A/L දක්වා ඉගෙන ගෙන තියනව, ඒ ලමයත් ඉගෙනගෙන තියනව තමයි A/L වෙනකන්, ඒත් ඒ ලමයට හරියමන් රස්සාවක් නෑ, අපේ දුවව දෙන්නෙ මොකටද දුක්විදින්න , වෙන ඔයිට වඩා හොද එක්කෙනෙකුට බන්දල දෙමු.” ඊට පස්සෙ වෙන කෙනෙක්ව බදිනව ඒ ගෑනු ලමය, ඊට පස්සෙ මල්ලි මොකද ඉතින් කරන්නෙ විරහ සින්දු කිය කිය, බොතලේට ඇබ්බැහි වෙනව.

නැත්නම් හිත හදාගන පොඩි job එකක් හොයාගන්නව ඉගෙනීම අතෑරල දාල. අර ගෑනුලමය හොද කෙනෙක්ව බැදල හොදට සැප විදිනව,ඔයයි ඔයාල ගැන මහ ඉහලින් බලාපොරොත්තු තියාගන හිටපු අමම්ලයි ඔයාලයි දුක් විදිනව.

මේ මම කියන්නෙ එක scenario එකක් විතරයි, සමහර අවස්ථාවල exceptional case තියනව. ඒත් අපිට හැම වෙලාවෙම එහෙම වෙයි කියල කියන්න බෑ නෙ, ඒක නිසා මම නම් කියන්නෙ අපේ ආරක්ෂාවට අපිව පියවර ගත්තොත් හොදයි කියල.
ඒක නිසා මම කතාව මෙහෙම හමාර කරනව, “කොල්ලනේ කෙල්ලෙක්ට හොද මිනිහෙක් අල්ලල බැදගත්තම හරියට හරි, මැරෙනකන්ම සතුටින් ජීවත් වෙන්න පුලුවන් ,ඒත් පිරිමියෙකුට වැරදුනොත් කොයි පෝසත් තාත්ත අම්මවත් එයාලගෙ දුව ඔයාලට දෙන්නෙ නෑ.”

ඔබේ තොරතුරු සදයි දියුණුව රටේ නිරතුරු

noreply@blogger.com (Lahiru Dilranga Silva) — Sun, 17 Jul 2011 17:11:00 +0000

අද සතියේ විමසුම

ජූලි 11ට යෙදුණු ලෝක ජනගහන දිනය හා 2011 ශ්‍රී ලංකා ජන හා නිවාස සංගණනය නිමිත්තෙනි

සංගණනය යනු කුමක්‌ ද?

ඔබ කාගේත් නිවෙස්‌වල ප්‍රධාන උළුවස්‌ස ඉහළින් දැන් රතු පැහැ ලේබලයක්‌ ඇලවී ඇතිවාට සැක නැත. එය සන් කරන්නේ ලංකාවේ පැවැත්වෙන 14 වැනි ජන හා නිවාස සංගණනයට (Census of Population and Housings ඔබ නිවස ද ඇතුළත් වන බව ය. එහි මූලික පියවර දැනටමත් අවසන් අතර වඩාත් වැදගත් සහ තීරණාත්මක ඊළඟ පියවර (එනම් සංගණනයට ලක්‌ කිරීම) ඔක්‌තෝබර් මාසයේ දී සිදු කිරීමට නියමිත ය.

එහෙයින් සංගණනයක්‌ යනු කුමක්‌ ද? එය පැවැත්වෙන්නේ කෙසේ ද? හා එහි ප්‍රතිඵල රටක සංවර්ධනයට දායක වන ආකාරය ආදිය පිළිබඳව විමසීමකට මෙය සුදුසු ම කාලයයි.

සංගණනයක්‌ යනු යම් ජනගහණයකට අයත් සියලු ම සාමාජිකයන් පිළිබඳ තොරතුරු ක්‍රමවත් ලෙස ලබාගෙන ලේඛනගත කර, විශ්ලේෂණය කර, වාර්තා කිරීමේ ක්‍රියාවලිය ලෙස පොතපතෙහි අර්ථගැන්වේ. එහෙත් සරලව විග්‍රහ කරන්නේ නම් සංගණනයක දී සිදු වන්නේ යම් රටක හෝ ප්‍රදේශයක හෝ ජීවත් වන මිනිසුන් සියලු දෙනා ම පිළිබඳ සමාජ-ආර්ථික තොරතුරු එනම් ස්‌ත්‍රී-පුරුෂ බව, වයස, අධ්‍යාපන මට්‌ටම, ආර්ථික මට්‌ටම ආදී විස්‌තර යම් නියමිත කෙටි කාල සීමාවක්‌ තුළ එකවර ලබාගෙන වාර්තාගත කිරීම ය. සාමාන්‍යයෙන් සංගණනයක දී නිවාස සංඛ්‍යාව ද (වෙනත් නිවාස නො වන නවාතැන් ද ඇතුළත් ව) ගණනයට ගනී. එබැවින් මෙය ජන හා නිවාස සංගණනය ලෙසින් හැඳින්වේ.

සංගණනය ජනගහණ විද්‍යාව තුළ භාවිත වන යෙදුමක්‌ වුව ද ඇතැම් විට වෙනත් අවශ්‍යතා සඳහා, ව්‍යාපාරික ආයතන, රථවාහන සංඛ්‍යාවන්, ගොවි බිම් ආදිය ගණනය කිරීම්වල දී ද සංගණනය යන වදන යොදා ගැනේ.

සංගණනයක ප්‍රධාන ලක්‍ෂණ 4ක්‌ හඳුනාගත හැකි ය.

1-Individual Enumeration එනම් සැම තනි පුද්ගලයකු පිළිබඳව ම සැලකිල්ලට ලක්‌ කෙරේ. එක්‌ එක්‌ පුද්ගලයන් පිළිබඳ අදාළ තොරතුරු එක්‌රැස්‌ කෙරේ.

2- Universality- සංගණනයක දී නියම කරගත් ප්‍රදේශය තුළ ඇති සැම නිවසක්‌ ම, සැම පුද්ගලයකු ම ගණනයට ගැනේ. ජනතාව පිළිබඳ විවිධ තොරතුරු අනාවරණය කරගැනීමට සිදු කරන සමීක්‍ෂණ (Survey) වල දී අධ්‍යයනයට ලක්‌ කෙරෙන්නේ මුළු ජනගහනයෙන් තෝරාගත් නියෑදියක්‌ පමණි. එහෙත් සංගනණයක දී එසේ නො වේ. එය සාර්වත්‍ර (Universal) ක්‍රියාවලියකි.

3. Simultaneity - නියම කරගත් ඉතා කෙටි කල සීමාවක්‌ තුළ අදාළ සමස්‌ත භූගෝලීය ප්‍රදේශය ම ආවරණය වන පරිදි සංගණනය එක විට සිදු කෙරේ. එක ම අවස්‌ථාවක දී රට පුරා ගෙන් ගෙට යමින් දත්ත රැස්‌ කිරීම දැඩි සංවිධාන ශක්‌තියක්‌ අවශ්‍ය වන ඉතා සංකීර්ණ ක්‍රියාවලියකි. මෙය දින ගණනාවක්‌ පුරා ගෙන යා නොහැකි ක්‍රියාවලියක්‌ වන්නේ එම කෙටි කාලය තුළ පවා උපත් මරණ සිදු වන සංඛ්‍යාව සුළු වශයෙන් හෝ එහා මෙහා විය හැකි හෙයිනි.

4. Defined Periodicity - නියම කරගත් කාල ප්‍රාන්තරවල දී සංගණනයක්‌ සිදු කෙරේ. එක්‌සත් ජාතීන් ගේ සංවිධානය නිර්දේශ කරන්නේ සැම දස වසරකට ම වරක්‌ රටක සංගණනයක්‌ සිදු කළ යුතු බව ය. රටින් රටට සුළු සුළු වෙනස්‌කම් තිබුණ ද බොහෝ රටවල් මේ නියමය පිළිපදී. එහෙත් විවිධ බාහිර සමාජ-දේශපාලන බලවේග එම චක්‍රීය රටාවට බාධා පැමිණවූ අවස්‌ථා සුලබ ය. ලංකාව ද සැම දශකයකට ම වරක්‌ සංගණනයක්‌ පැවැත්වීමට උත්සාහ ගත්ත ද වරින් වර ඊට බාධා එල්ල වූ බව ඉතිහාසය විමසීමේදී පෙනී යයි. එහෙත් රටක සංවර්ධන සැලසුම් සකස්‌ කිරීම සඳහා ඉතා වැදගත් තොරතුරු මූලාශ්‍රයන් වන සංගණනයක්‌ අවම වශයෙන් දස වසරකට වරක්‌ හෝ සිදු කිරීම අගනේ ය.

සංගණනයේ ඉතිහාසය

මරිය මවුතුමියට ගව ලෙනක දී ඡේසු බිළිඳු ලැබුණේ ඇගේ සැමියා වු ජුසේතුමන් සමග ජන සංගණනයට සහභාගී වීමට යමින් සිටිය දී බව ඔබ අසා ඇත. සංගණන සංකල්පයට ඊටත් ඈතට දිව යන ඉතිහාසයක්‌ ඇත. කිතු උපතටත් බොහෝ කලකට පෙර පාරාවෝ රජ සමයේ ඊජිප්තුවේ ජන සංගණනයක්‌ සිදු වූ බව සඳහන් ය. සංගණනය යන අරුත් දෙන Census නම් ඉංග්‍රීසි වදන Censere යන ලතින් යෙදුමෙන් බිඳී ආවකි. එහි අරුත තක්‌සේරු කිරීම යන්න ය. පුරාතන රෝම ශිෂ්ටාචාරයේ හමුදාව බඳවා ගැනීම සඳහා යෝග්‍ය, වැඩුණු පුද්ගලයක්‌ සංඛ්‍යාවක්‌ පිළිබඳව තක්‌සේරු කිරීමට වරින්වර ජන ගණනයක්‌ සිදු කර ඇත. පසුව බදු එකතු කිරීමේ කටයුතු පහසු කිරීම සඳහා රෝම පාලකයෝ වඩා ක්‍රමවත් සංගණන ක්‍රමවේදයක්‌ බිහි කළ හ.

ලංකාවේ මුල් ම වරට ක්‍රමවත් ජන සංගණනයක්‌ පැවැත්වෙන්නේ 1871 මාර්තු 27 වැනි දා ය. බ්‍රිතාන්‍ය පාලකයන් විසින් ජනගහණය ගණනය කිරීම හා පරිපාලන කටයුතු විධිමත් කිරීම සඳහා පැවැත්වුණු එය දකුණු ආසියා කලාපයේ පැවැත්වුණු පළමු නූතන ජන සංගණනය ලෙස ද ඉතිහාසගත ය. (ඉන් පෙර ලංකාවේ මුළු ජනගහණය තක්‌සේරු කළේ ගම් ප්‍රධානීන් ගෙන් ලබාගත් ඉලක්‌කම් එකතු කිරීමෙනි.) එතැන් පටන් සංගණන 13ක්‌ අප රටේ පවත්වා ඇත. මෙවර සිදු වන්නේ 14 වැන්නයි. ආරම්භයේ දී රෙජිස්‌ට්‍රාර් ජනරාල් දෙපාර්තමේන්තුව සංගණන පැවැත්වීමේ බර කරට ගෙන තිබූ අතර පසුව ශ්‍රී ලංකා ජනලේඛන හා සංඛ්‍යාලේඛන දෙපාර්තමේන්තුව (Department of Census and statistics) ස්‌ථාපනය කිරීමෙන් අනතුරුව සංගණන මෙහෙයවීමේ වගකීම ඒ වෙත පැවරිණි.

1946 වසරට නියම කළ සංගණනය පැවැත්වීමේ වගකීම භාර දීමේ අරමුණින් ම 1944 වසරේ දී සංගණන දෙපාර්තමේන්තුව ඇති කෙරිණි. එය 1948 දී ජනලේඛන හා සංඛ්‍යාලේඛන දෙපාර්තමේන්තුව ලෙසින් යළි නම් කෙරුණු අතර එය ස්‌වදේශ කටයුතු අමාත්‍යංශය යටතේ පවතී. 1871 පටන් 1931 දක්‌වා ම සෑම 10 වසරකට ම වරක්‌ ජන සංගණනය පැවැත්වීමට බලධාරීහු සමත් වූ හ. එහෙත් II වන ලෝක යුද්ධය කරණකොටගෙන 1941ට නියමිත සංගණනය 1946 දක්‌වා කල් ගිය අතර 1953, 1963 වසරවල ද රටාවෙන් බැහැර ව තවත් සංගණන 2ක්‌ පැවැත්විණ. යළි 1971 පටන් දස වසරේ චක්‍රය ආරම්භ වුව ද 1981න් ඉක්‌බිති ඊළඟ සංගණනය පැවැත්වීමට 20 වසරක්‌ කල් මරන්නට සිදු විය. රටේ පැවැති ගැටුම්කාරී වාතාවරණය ඊට හේතු විය.

කෙසේ හෝ 2001 වසරේ දී ජන සංගණනයක්‌ සිදු වුව ද තව දුරටත් රටේ පැවති නොසන්සුන්කාරී බව නිසා එය සම්පූර්ණ සංගණනයක්‌ වූයේ නැත. එහි දී පූර්ණ වශයෙන් ආවරණය වූයේ දිස්‌ත්‍රික්‌ 18ක්‌ පමණි මන්නාරම, වව්නියාව, මඩකලපුව හා ත්‍රිකුණාමලය යන දිස්‌ත්‍රික්‌ක අර්ධ වශයෙන් සංගණනයට ලක්‌ කළ අතර යාපනය, කිලිනොච්චිය හා මුලතිව් දිස්‌ත්‍රික්‌ක සහමුලින් අත්හැර දැමීමට සිදු විය. (එහෙත් එම සංගණනයේ දී අදාළ දිස්‌ත්‍රික්‌ක සඳහා ජනගහණ තක්‌සේරු ඉදිරිපත් කළ අතර ලංකාවේ මුළු ජනගහණය ප්‍රකාශයට පත් වූයේ එම තක්‌සේරුගත ජනගහණය ද එකතු කිරීමෙන් බව සැලකිය යුතු ය). කොටි ත්‍රස්‌තවාදයෙන් රට මුදා ගැනීමෙන් අනතුරුව යළිත් ඒකීය රටක සැම බිම් අඟලක්‌ ම ආවරණය කරමින් පවත්වන පළමු සංගණනය ලෙසින් ද මෙවර සංගනනයට ඵෙතිහාසික වටිනාකමක්‌ උරුම වේ.

1871 පටන් මේ දක්‌වා පැවැති සංගණනවලදී වාර්තා වූ
මුළු ජනගහණයෙන් පහත දැක්‌වේ.

ඔබේ තොරතුරු - සදයි දියුණුව රටේ නිරතුරු

යන්න මෙවර සංගණනයේ තේමාවයි. යළිත් වරක්‌ ඔබ නිවසේ ප්‍රධාන උළුවස්‌ස මත ඇලවී ඇති රතු පැහැ ලේබලය දෙස බලන්න. එහි ද මේ වැකිය සඳහන් ය.

ජන හා නිවාස සංගණනය පිළිබඳව අප දැනුවත් විය යුත්තේ, ඒ සඳහා සක්‍රීය ලෙස සහභාගි විය යුත්තේ ඇයි? රටේ පුරවැසියකු ලෙස ඒ සඳහා නිරවද්‍ය තොරතුරු සැපයීමට ඔබ බැඳී සිටියි. අද ඔබ සපයන තොරතුරු හෙට දිනයේ රටේ සංවර්ධනය වෙනුවෙන් මහෝපකාරී වන බව අප අවධාරණය කරගත යුතු ය.

ප්‍රධාන වශයෙන් රටේ ජනගහණය, එහි සංයුතිය, එමෙන් ම රටේ ජනතාව ගේ ආර්ථික හා අධ්‍යාපන මට්‌ටම් පිළිබඳ මූලික තොරතුරු උකහාගත හැකි හොඳ ම මූලාශ්‍රය සංගණනයක්‌ වේ. එසේ ම මේ දත්ත ඇසුරින් අදාළ අංශයේ අනාගත ප්‍රවණතාවන් පිළිබඳ පෙරැයීම් කීමට ද හැකියාව ලැබේ. (එනම් 2021, 2051 ආදී වසරවල ලංකාවේ ජනගහණය හා ස්‌ත්‍රී පුරුෂ වශයෙන් සංයුතිය ආදිය පිළිබඳ අනාවැකි පළ කිරීම). එම තොරතුරු ජාතික මට්‌ටමින් ප්‍රතිපත්ති සකස්‌ කිරීම, ජාතික හා ප්‍රාදේශීය මට්‌ටමින් සංවර්ධන වැඩසටහන් සැලසුම් කිරීම ආදියට අත්‍යවශ්‍ය වේ. විශේෂයෙන් ම සෞඛ්‍ය, අධ්‍යාපනය, කර්මාන්ත, නිවාස ඉදිකිරීම්, යටිතල පහසුකම් සංවර්ධනය ආදී ක්‌ෂේත්‍ර සැලසුම්කරණයේ දී මේ දත්ත නැති ව ම බැරි ය. සම්පත් බෙදාහැරීම හා ප්‍රමුඛතාව ලබා දීම ආදිය සඳහා මේ දත්ත ගුරු කොට ගත යුතු ම ය.

වෙහෙස මහන්සි වී සංගණනයක්‌ සිදු කළ ද ඇතැම් අවස්‌ථාවල දී සංවර්ධන ව්‍යාපෘති සඳහා එම දත්ත සැලකිල්ලට ලක්‌ නො කරන බව පෙනේ. දේශපාලක උතුමන්ලා ගේ බල මහිමය නිසාවෙන් සම්පත් විශාල වශයෙන් තම තමන් ගේ බල ප්‍රදේශවලට ඇදී යන්නේ නම් මෙබඳු විද්‍යාත්මක ක්‍රමවේදයක්‌ ජාතික සංවර්ධනයට ඵලදායි ලෙස දායක කර ගැනීමේ ඉඩ ප්‍රස්‌ථා ඇහිරී යයි.

ජාත්‍යන්තර සංවිධාන මගින් නිර්ණය කොට ඇති විවිධ සංවර්ධන ඉලක්‌ක කරා රටක්‌ වශයෙන් ගමන් කිරීමේ දී (එක්‌සත් ජාතීන් ගේ සහස්‍ර සංවර්ධන ඉලක්‌ක වැනි) අප ලබා ඇති ප්‍රගතිය තක්‌සේරු කිරීමට ද මේ සංගණණයේ දී අනාවරණය කරගන්නා තොරතුරු යොදාගැනෙනු ඇත. තව ද ජනගහණ විද්‍යාව, වෛද්‍ය විද්‍යාව, ආර්ථික විද්‍යාව හා සමාජ විද්‍යාව ආදී විෂය පථ රැසක පර්යේෂණ හා අධ්‍යයන කටයුතු සඳහා මේ දත්ත යොදා ගැනේ. එබැවින් ඉහත කී තේමාව සත්‍ය බව පැහැදිලි ය.

සංගණන ක්‍රියාවලිය සැකෙවින්

සංගණනය ප්‍රධාන පියවර 3කින් සිදු වේ.

1. ලැයිස්‌තුගත කිරීම - මුළු දිවයින ම ආවරණය කරමින් සියලු ම ගොඩනැඟිලි ලැයිස්‌තුගත කිරිම. මෙහි දී ඒවා ප්‍රධාන කාණ්‌ඩ 3ක්‌ යටතට වර්ගීකරණය කෙරේ.

I. නිවාස II. සමූහ වාසස්‌ථාන III. වාසය සඳහා නො වන ස්‌ථාන.

එහි දී ස්‌ථානවලට අංක ලබා දී ලේබල අලවයි. මේ පියවර ග්‍රාම නිලධාරි විසින් ම සිදු කරනු ලබන අතර අප්‍රේල් මැයි මාසවල දී එය සිදු විණි.

2. තොරතුරු ලබාගැනීම - මෙය ඔක්‌තෝබර් මස සිදු වනු ඇත. සතියක කාලයක්‌ තුළ අදාළ නිවාස හා වාසස්‌ථාන සියල්ල වෙත ගොස්‌ (ස්‌වෙච්ඡා ගණන් ගැනීමේ නිලධාරීන් විසින්) තනි තනි පුද්ගලයන් පිළිබඳ තොරතුරු සවිස්‌තරාත්මකව ලබා ගැනේ. එක්‌ නිලධාරියකුට නිවාස 150ක්‌ පමණ භාර වේ.

3. සංශෝධන වටය - නියම කරගන්නා දිනයක දී යළිත් ඉහත කී සියලු නිවාස හා වාසස්‌ථාන වෙත ගොස්‌ ඒවායේ සිටින සංඛාවන් වෙනස්‌ වී ඇත් දැයි පමණක්‌ විමසා බැලේ.

ඉන්පසු ඉහත කී පරිදි ග්‍රාම නිලධාරි මට්‌ටමින්, ප්‍රාදේශීය ලේකම් කොට්‌ඨාශ හා දිස්‌ත්‍රික්‌ ලේකම් කොට්‌ඨාශ මට්‌ටමෙන් දත්ත සම්පිණ්‌ඩනය කර ජාතික මට්‌ටමට එවනු ලැබේ. අවසානයේ ඒවා විශ්ලේෂණය කර අවසාන වාර්තාව නිකුත් කෙරේ.

මෙවර සංගණනයේ දී නව හඳුන්වා දීම් කිහිපයක්‌ සිදු කිරීමට නියමිත ය.

* දත්ත එක්‌රැස්‌ කරන ලේඛන OCR (Optical character recognition) ක්‍රමයට සකසා ඇත. (එනම් උසස්‌ පෙළ බහුවරණ ප්‍රශ්න පත්‍ර සලකුණු කිරීමේ ක්‍රමය-ස්‌කෑන් යන්ත්‍ර මගින් ඒවා කියවනු ලැබේ).

* විවිධ දත්ත කේතගත කිරීමේ දී (Coding) පරිගණකගත ක්‍රමවේදයේ භාවිතය.

* දත්ත සංශෝධනය කිරීමේ අන්තර්ජාලය හරහා සිදු කිරීම (සංශෝධන වටයේ දී සිදු විය හැකි වෙනස්‌කම්)

සංගණනයේ වගකීම පැවරෙන්නේ කා හට ද?

සංගණන ආඥ පනත අනුව එය පැවැත්වීමට නියම කිරීමේ බලය ඇත්තේ විෂය භාර අමාත්‍යවරයා අත ය. (එනම් මුදල් හා ක්‍රම සම්පාදන ඇමැති). ඒ බලතල ප්‍රකාරව ගරු ජනාධිපති මහින්ද රාජපක්‍ෂ මැතිතුමන් විසින් 2010 මැයි 25 1055/8 දරන ගැසට්‌ නිවේදනයෙන් 2011 සංගණනය පැවැත්වීමට නියම කරනු ලැබී ය. රජය වෙනුවෙන් සංගණනය මෙහෙයවීමේ ප්‍රධාන වගකීම පැවරෙන්නේ සංගණන අධිකාරි ලෙස පත් කරනු ලබන ජනලේඛන හා සංගණන දෙපාර්තමේන්තුවේ අධ්‍යක්‍ෂ ජනරාල් වෙත ය. සංගණන ක්‍රියාදාමය සංවිධානය කිරීමේ හා ක්‍රියාත්මක කිරීමේ වගකීම දිස්‌ත්‍රික්‌ මට්‌ටමින් දිස්‌ත්‍රික්‌ ලේකම්වරුන්ට (සංගණන කොමසාරිස්‌වරුන් ලෙස ඔවුන් පත් කෙරේ) ප්‍රාදේශීය මට්‌ටමෙන් ප්‍රාදේශීය ලේකම්වරුන්ට ද (නියෝජ්‍ය සංගණන කොමසාරිස්‌වරුන් ලෙස ඔවුන් පත් කෙරේ) පැවරෙයි.

බිම් මට්‌ටමේ දී සංගණනයේ දත්ත එක්‌රැස්‌ කිරීම හා ලේඛනගත කර ඉහළ තලවලට යෑවීමේ වගකීම පැවරෙන්නේ ග්‍රාම නිලධාරිවරුන්ට ය. ගෙන් ගෙට ගොස්‌ තොරතුරු එක්‌රැස්‌ කිරීම සඳහා ස්‌වෙච්ඡා ගණන් ගැනීමේ නිලධාරීන් ගේ සහාය ඔවුනට ලැබේ. එනම් දිවයින පුරා ග්‍රාම නිලධාරී කොට්‌ඨාශ මට්‌ටමින් උසස්‌ පෙළ සමත් තරුණ තරුණියන් කණ්‌ඩායම් බැගින් තෝරා දත්ත එක්‌රැස්‌ කිරීම සම්බන්ධව විශේෂ පුහුණුවක්‌ ලබා දී මේ කාර්යයට යොදවාගැනීමට නියමිත ය. "ස්‌වෙච්ඡා" ලෙසින් සඳහන් වුව ද ඔවුන් වෙත යම් ගෙවීමක්‌ ද කරනු ලැබේ. එකතු කර එවන දත්ත ක්‍රමවත් ලෙස ලේඛනගත කර, විශ්ලේෂණය කර ජාතික මට්‌ටමේ බලධාරීන් වෙත යෑවීමේ කාර්යයේ දී ප්‍රාදේශීය ලේකම් කාර්යාල හා දිස්‌ත්‍රික්‌ ලේකම් කාර්යාලවල සංඛ්‍යාලේඛන නිලධාරීන් හා සංඛ්‍යා ලේඛනඥයන් ගෙන් ලැබෙන දායකත්වය ද මතක්‌ කළ යුතු ම ය.

සංගණන ආඥපනත යටතේ මෙහි දී එක්‌රැස්‌ කරගන්නා තොරතුරුවල පූර්ණ රහස්‍යභාවය රැකීමට ඊට සම්බන්ධ සියලු ම තලවල රාජ්‍ය නිලධාරීහු බැඳී සිටිති. ඔබේ පසුම්බියේ බර හෝ කුටුම්භයේ ඇතුළාන්තය හෝ ගැන ඔබ කියන දෑ රටේ සංවර්ධනය උදෙසා අවශ්‍ය සැලසුම්කරණය සඳහා ම මිස වෙනත් කනකට නො යවන බවට මේ සියලු නිලධාරීන් වගබලාගත යුතු බව නීතියේ දැක්‌වෙන බැවින් ඒ පිළිබඳ තොරතුරු නොවලහා සැපයීමට ඔබ බිය විය යුතු නැත. අනෙක සංගණනයේ දී සත්‍ය තොරතුරු ලබා දීමට පුරවැසියකු ලෙස ඔබ නීතියෙන් බැඳී ඇති බව අවධාරණය කළ යුතු ය. ඔබේ දැනුම මට්‌ටමේ හැටියට සංගණනයේ දී විමසන සියලු තොරතුරු අදාළ නිලධාරීන් වෙත ප්‍රකාශ කිරීම නීතිමය වගකීමක්‌ වේ. එසේ නො කරන්නේ නම් ඊට විරුද්ධව නීතිමය ක්‍රියාමාර්ග ගත හැකි බවට ද සංගණන ආඥා පනතේ සඳහන් ය.

කවර නිලධාරින් සිටිය ද සංගණනය සාර්ථක වීමට නම් එහි වගකීම පැවරෙන්නේ මහජනතාව වෙත බව අප සිහි තබා ගත යුතු ය. අදාළ බලධාරින් විසින් දෙනු ලබන උපදෙස්‌ පිළිපදිමින්, අදාළ තොරතුරු නිරවුල්ව හා නිරවද්‍යව සැපයීම එහි දී ඔබ සතු වගකීමයි.

Love කරනවා කියා රැවටෙන්න එපා

noreply@blogger.com (Lahiru Dilranga Silva) — Sun, 17 Jul 2011 17:05:00 +0000

මොන ප්‍රශ්න තිබුණත් පෙම්වතිය පෙම්වතාගේ උණුසුම සොයනවා

ජීවිතය ජීවත් කරන්න ආදරය අවශ්‍යයි. ආදරය කරන්න ජීවිතයක්‌ අවශ්‍යයි. පැතුම් අභිලාස බලාපොරොත්තු පොදි බැඳගෙන ආදරය කරද්දී සමහර විටෙක ජිවිතය අමතක වෙලා යනවා.

ඇයි ඒ? ආදරය පිරි ඉතිරී මුළු කය පුරාම විහිදී යන නිසා. ඒ නිසා ම ජීවිතය පිළිබඳ අනාගත දැක්‌මක්‌ ඔවුනොවුන්ට නොදැනෙන නිසා "මම ඔයාට ආදරෙයි" "මගේ පණ වුණත් ඔයා වෙනුවෙන් පූජා කරන්නම්" "මම මගේ රත්තරන්ට සදා ආදරෙයි" "අපි සැම ආත්මෙකම ඒ ආදරය තුළිsන් එක්‌වෙමු. කියන ප්‍රේමණීය හෝරාවන් කොච්චර නම් ගත කරන්න ඇත්ද? "ඔයා ආවේ නැත්නම් මම තරහයි" ප්‍රේමවන්තයා එසේ කියද්දී ප්‍රේමවන්තිය කල්පනා නොකර "එයා තරහ වුණොත්? " යන ෙච්තනාවෙන් ඔහු කියන ඕනෑම මාලිගාවකට, සිහින ලෝකෙකට යන්නට ලෑස්‌තියි. ඇය දෙවරක්‌ නොසිතයි. ප්‍රේමවන්තිය යනු කාන්තාවකි. ඇය තුන් වරක්‌ සිතිය යුතු වුවත්, තුන්වරක්‌ ප්‍රේමවන්තයාට එබදු තැන් වලට යාමට නොහැකි හේතුව ආදරණීයව පැහැදිලි කළ යුතු වුවත්, එය එසේ ප්‍රේමවන්තයා බාර ගනීද? භාර නොගන්නේ නම් ප්‍රේමවන්තිය ප්‍රේමණීය හෝරාවන් තුළ ඔහු පිළිබඳ අදහස්‌ හා හැඟීම් අවබෝධතාවයකින් යුක්‌තව ගොඩ නගා ගත යුතුය. එසේ නම් ප්‍රේමවන්තයා වර්තමානයේ තරහා වුවත්, අනාගතයේ සුන්දර මතකයන් තුළ ජීවිතය ගෙවන්නට හැකි වනු ඇත. නමුත් තනි වූ සිහින මාළිගාවේ අසුන්දර සිදුවීම් සිදුවුවහොත්, සිදුවීම ආරම්භ වුවහොත් ප්‍රේමවන්තිය ජීවිතය පුරාවටම දුක්‌ විඳිනු ඇත. කනගාටුව, ප්‍රශ්නය තුළ අනාගතයට මුහුණ දීමට සිදුවීම අනිවාර්ය වනු ඇත.

එක්‌ එක්‌කෙනා අනෙකාට වරද පටවා තමා නිවැරදි බව නිර්දෝෂි බව ඔප්පු කිරීමට යත්න දරන අතර ආදරණීය හැඟීම් සොරාගෙන ගොස්‌ය. ඒ මෙතෙක්‌ කල් දෙදෙනාම එක්‌කෙනෙක්‌ විදියට ප්‍රේමණීයව ආදරය කළ දෙදෙනාගෙන්ය. විවාහ වී සති එක, දෙක, තුන , ගලාගෙන යද්දී අතීත සැමරුම් සියල්ල දුක්‌බර අතීතයකට සේන්දු කරයි. ඒ අතීතයේම සිදුවීම මත යෑපෙමින් එක්‌ එක්‌ අයගේ වැරදි වෙනත් දෘෂ්ටිකෝණවලින් බැලීමට සෙවීමට උත්සාහ කරයි. ආදරය හඳුනාගත් දෙදෙනා දැන් යම් පුවත්පතක ලිපිවල ශීර්ෂ පාඨයන්ට බැන ගනිති. රූපවාහිනියේ විකාශනය වන ටෙලිනාට්‍යවලට ගහ ගනිති. දුරකතන ඇමතුම්වලට මරා ගනිති. බිරිඳගේ අම්මා කතා කරන විට ස්‌වාමියාට තරහා යයි. ස්‌වාමියාගේ අම්මා කතා කරන විට බිරිඳ කෝපයෙන් බලයි. මේ දහස්‌වරක්‌ ප්‍රේමණීය හෝරාවන් ගත කළ දෙදෙනාය. මම ඔයාලගේ අම්මාට, මගේ අම්මාට වඩා ආදරය කරන්නම් කියූ දෙදෙනාම නේද?

කුමන ප්‍රශ්නයක්‌ හමුවේ වුවද බොහෝවිට බොහෝ පෙම්වතියන්ට පෙම්වතාගේ උණුසුම නැතිවම බැරිය. ඒ නිසාම ඇයද ඔහු කියන ඕනෑම තැනකට යන්නට, ඕනෑම දෙයක්‌ කිරීමට සූදානම්ය. ඒ සෑම මොහොතක්‌ම තම ජීවිතයේ අඳුරු සෙවනැලි බවට පත්වනවා යෑයි ඇයට නොපෙනේ. පෙනුනත් කළ යුතු යමක්‌ ඇයට නොතේරෙනවා මෙන්ම කළ යුතු යමක්‌ ඇයට දැන් ඉතිරිව නැත. එසේ තම පෙම්වතාට අභීයෝගයක්‌ වුවහොත් තමාගේ ජීවිතයට අනිසි බලපෑම් එල්ල වන බව දැන් ඇය හො¹කාරවම දනී. මෙය පෙර සූදානමක්‌ ලෙස නොසිතුවේ ඇයි? මේ බිය නිසාම පෙම්වතාගේ රූකඩයක්‌ බවට පෙම්වතිය නිතැතින්ම පත්වන්නේය. ඒ ඔහුගේ අත රැඳි අතීත සිදුවීම් නැමති නූල නිසාවෙනි. පෙම්වතිය ඒ අනුව ක්‍රියාත්මක වේ.

විවාහ උත්සවය ජයට ගත්තද තම ආදායමට සරිලන ක්‍රමයක්‌ අනුගමනය නොකිරීම නිසා ප්‍රශ්න කිහිපයක්‌ පැන නඟිනු ඇත. ඒ ප්‍රශ්නවලට පිළිsතුරු සොයන විට තවත් අතුරු ප්‍රශ්න උද්ගත වනු ඇත. එකිනෙක ප්‍රශ්න නිර්මාණය වනු ඇත. අසහනකාරී පීඩාකාරී පරිසරයක්‌ එන්න එන්නම වර්ධනය වනු ඇත. දෙදෙනාගේ ජීවිත තුළට හෙමින් හෙමින් කඳුළ සුසුම කි¹ බසින්නටද පටන් ගන්නේය.

ඔබේ අදහස් කියලා යන්න අපිට

විෂ්ණු අවතාර සහ යක්ඛ සංහාර

noreply@blogger.com (Lahiru Dilranga Silva) — Sat, 16 Jul 2011 17:17:00 +0000

හින්දු ආගමට අනුව බ්‍රහ්ම, විෂ්ණු සහ ඊශ්වර යනු ලොව මැවූ, පවත්වාගෙන යන සහ ලෝකයේ අවසානය තීරණය කරන දෙවිවරු තිදෙනායි (ත්‍රිමූර්තිය). මේ අතරින් විෂ්ණු දෙවියන්ට හෙල ඉතිහාසය සමග මහත් වූ සම්බන්ධයක් පවතින්නේ අදටත් ලංකාවේත්, බුදු සසුනේත් ආරක්ෂකයා ලෙස ඇතැමුන් විෂ්ණු දෙවියන් හදුන්වන බැවිනි. මේ විෂ්ණු වනාහී බෞද්ධ සහ හෙළ ඉතිහාසය තුල මහත් වූ පෙරළියක් කර බොහෝදෙනා විසින් පටලවාගෙන ඇති චරිතයකි. මන්දයත් විෂ්ණු පුරාණයට අනුව විෂ්ණුගේ සැබෑ කාර්ය භාරය හෙළයේ යකුන් විනාශ කිරීම වීමයි.

විෂ්ණු ගේ අවතාර 10 කි.

1. මත්ස්‍ය අවතාරය - මහා ජල ගැල්මක් ඇතිවූ තැන, ලොව ආදිම පුරුෂයා වන මනුට යාත්‍රාවක් තනාගෙන දිවි ගලවාගන්නට උපදෙස් දෙන විෂ්ණු මත්ස්‍ය වෙසක් ගෙන යාත්‍රාව පැදයන්නට උපකාරී වෙයි.

2. කුර්මාවතාරය - නැවතත්, ජලගැල්මකින් නැතිවූ අමෘතය ඇතුළු වටිනා වස්තු රැසක් සමුදුර පත්ලටම කිමිදී සොයාගන්නේ කුර්ම (ඉදිබුවා) අවතාරයයි.

3. වරහ අවතාරය - පෘථිවිය මුහුදු පත්ලටම පෙරලා දමන හිරණ්‍යක (හිරණ්‍යාක්ශ) නම් අසුරයෙකු පරදවා ලෝකය රැකගන්නේද වරහ (ඌරු) වෙස් ගත් විෂ්ණුය.

4. නරසිංහ අවතාරය - හෙළයේ ප්‍රතාපවත් රජකෙනෙකු වන හිරණ්‍ය කාශ්‍යප (මහමන්දාතු) විනාශ කිරීමට මෙවර විෂ්ණු පැමිණෙන්නේ අඩක් මිනිස්, අඩක් සිංහ වෙස් ගෙනය. ඒත් කසුප් රජු ඝාතනය කරනුයේ ද්වන්ධ සටනකින් නොව, උපායශීලීව රජු මතට විශාල කුළුණක් කඩා දමමිනි.

5. වාමන අවතාරය - බලි අසුරයා ධ්‍යාන බලයෙන් මුළු ලෝකයම නතු කරගත් විට වාමන අවතාරයෙන් එන විෂ්ණු විසින් බලි පරාජය කරයි.

6. පරසුරාම අවතාරය - පරසුරාම සිය පියා වූ ජමග්දනී නම් බමුණාව ඝාතනය කල කාර්තවීර්ය රජු ඇතුළු ඔහුගේ පරපුරම කිහිප වරක්ම විනාශ කරයි.

7. රාම අවතාරය - චක්‍රවර්තී රාවනයන් පරාජයට පත්කිරීමට එන අයොධ්‍යාවේ රාමද විෂ්ණු අවතාරයකි. ඔහුද හැංගී සිට දුන්නෙන් විදිනු විනා නියම වීරයෙකු සේ ද්වන්ධ සටනක් කල බවට කිසිදු සදහනක් නැත.

8. ක්‍රිෂ්ණ අවතාරය - කෞරව සංහාරයට යන මහාභාරතයේ ක්‍රිෂ්ණද විෂ්ණු අවතාරයක් ලෙස සැලකේ.

9. ගෞතම බුද්ධ අවතාරය - අමා මහ නිවන් සුව පසක් කොටගෙන සසරින් එතෙර වුණු ගෞතම බුදුන් වහන්සේද විෂ්ණු ගේ එක් අවතාරයකි.

10. කල්කි අවතාරය - මිනිස් ලොව අවසාන ගැලවුම්කරුවා ලෙස හැදින්වෙන අතර, අනාගතයේ මෛත්‍රී බුදුන් වහන්සේ පහල වීමට පෙරාතුව ලොව පහල වන්නට නියමිත අවතාරයක් බවද සදහන් වේ.

ඉහත තොරතුරු වලට අනුව විෂ්ණුගේ අවතාර 10 න් පහක්ම අසුරයන්ට විරුද්ධව නැගී සිට ඇත. මන්දයත් ගෞතම බුදුන් වහන්සේද පෙලහර පා ගිරි දිවයිනට යකුන් පලවාහැරිය බව කියන බැවිනි.

මෙහිදී සලකා බැලිය යුතු වැදගත්ම කරුණ නම් ගෞතම බුද්ධ අවතාරයයි. දුක නැතිකිරීමේ මග ලෙස නැවත ඉපදීම වලකා, කෙලෙස් නසා අනුපාදිසේස නිර්වාණයට පත් බුදුවරයෙකු, කෙලෙස් නොනැසූ දෙවි කෙනෙකු වශයෙන් තවදුරටත් ලංකාව රකින්නේ කෙසේද? එසේ නම් විෂ්ණු පිරිනිවන් පා ඇත. ලංකාව රකින්නට කෙනෙක් නැත. 10 වන අවතාරය වන කල්කි අවතාරයට පහල වීමට කිසිදු අවකාශයක්ද නැත. බැරි වෙලාවත් එසේ පහල වුවහොත්, සාරාසංඛ්‍ය කල්ප ලක්ෂයක් ගෞතම බුදුන් වහන්සේ පිරූ පෙරුමන්ගෙන්ද ඵලක් නැත. මීටත් වඩා විහිළුව, බුදුන් වහන්සේ ලක්දිව සහ බුදු සසුනේ ආරක්ෂාව විශ්ණුට භාර කල බව කීමය. මේ අනුව විෂ්ණු අවතාරයක් වන ගෞතම බුදුන් වහන්සේ ලක්දිවට වැඩම කොට ලක්දිව ආරක්ෂාව විෂ්ණු දෙවියන්ටම භාර දී ඇත. විජය විෂ්ණු අවතාරයක් කරන්න අමතක උනා වත්ද?

මෙම කරුණු සලකා බලන කල පෙනීයන්නේ හින්දු බමුණන් තුල හෙලය විනාශ කිරීමට වූ බලවත් උවමනාව සහ කාලාන්තරයක් ඒ වෙනුවෙන් දියත් කල මෙහෙයුම් නොවේද? මේ සියළු උප්පරවැට්ටි වලට එකම හේතුව අසුරයන්ගේ බල පරාක්‍රමය සහ බමුණන්ගේ ධර්මානුකූල සත්ව ඝාතන වලට යකුන්ගෙන් එල්ල වුණු විරෝධයයි. කාලාන්තරයක් තිස්සේ සැලසුම් සහගතව ඇටවූ උගුලේ වැටුණු, වැටෙමින් සිටින බහුතරයකට අද වනවිට රාවන යනු සල්ලාල අමනුශ්‍යයෙකි, නැතිනම් මිත්‍යා කතාවක එන දුෂ්ඨයෙකි, ලංකාවේ සහ බුදු දහමේ ආරක්ෂක දෙවිනුවර උපුල්වන් දෙවි ඉන්දියාවෙන් පැමිණ යකුන් සංහාරය කල විෂ්ණුය, කුවේණිය යනු අශිෂ්ඨ යකින්නකි, සිංහලයා යනු තිරිසන් සම්භවයක් ඇතිව සිංහයෙකුගෙන් පැවතෙන්නෙ
තවත් මේ සුරංගනා කතා අදහන වෙලාවේ දැන්වත් වැටුණු වලෙන් ගොඩ ඇවිත් ඇත්ත ඉතිහාසය හොයාගෙන ආරක්ෂා කරමුද?

ඔබේ අදහස් කියලා යන්න අපිට

පිරිමින්ගෙන් පලි ගන්නට පස්‌සෙන් පන්නන ගැබිණි හොල්මන

noreply@blogger.com (Lahiru Dilranga Silva) — Sat, 16 Jul 2011 17:05:00 +0000

හොල්මන් අවතාරාදිය පිළිබඳව විශ්වාස නොකරන මේ ලියන මම ද මෙයට වසර ගණනකට පෙර ලද සත්‍ය අත්දැකීමක්‌ මෙසේ ලියා තබමි. පාසල් අධ්‍යාපනයෙන් ඉවත්ව උසස්‌ පෙළ ප්‍රතිඵලයන් ලැබෙන තුරු අතර කාල පරාශය තුළ වයඹ පළාතේ කැලණිය ධනවත් ව්‍යාපාරිකයකු සතු රජයට පවරා ගැනීමට පෙර අක්‌කර දෙසීයක පොල් වත්තක සරත් කරවිට මහතා යටතේ ආධුනික වතු පාලකයකු ලෙස පුහුණුවීමේ කටයුතුවල යෙදුනෙමි. පොල් වත්ත විශාල වූ හෙයින් අභිමාන ස්‌වභාවයක්‌ දිවා කාලයේදී පැවතුන ද කම්කරු සේවක පිරිස්‌ තැනින් තැන විසිරී සිටි හෙයින් යම් තරමක හෝ පාළු ස්‌වභාවය තුරන්ව තිබිණි. එහෙත් රාත්‍රියේදී වතු පාලක බංගලාවට හැරුන විට එකල විදුලිය ද නොතිබිණි. කළුවර පාළු ස්‌වභාවයක්‌ හෙට දින ඉරු පායන තුරු පැවතුනි. එය වඩාත්ම බලපෑවේ වත්ත කෙළවර පිහිටි පොදු සුසාන භූමිය නිසාවෙනි. වේලාසනින් දල්වන පැට්‍රල්මැක්‌ස්‌ ලාම්පුව ද සුළු වේලාවකින් නිවා දැමීමෙන් පසු දල්වන භූමිතෙල් ලාම්පුව තවත් මූසල ගතිය වැඩි කළේය.

මා අසා ඇති ආකාරයට මෙම අක්‌කර දෙසීයක පොල් වත්ත සම්පූර්ණයෙන් ම පෙර කල විදේශිකයකුට අයත් අක්‌කර දහස්‌ ගණනක පෞද්ගලික වත්තක කොටසකි. කාලයාගේ ඇවෑමෙන් වෙන්ව මාගේ කතාවට අයත් අක්‌කර දෙසිය දඟකාර විනෝදයට ලබැඳි තරුණ සුපිරිටැන්ඩන් මහත්මයකුගේ පාලනයට යටත්ව තිබූ බව අද ද පාරම්පරිකව වත්තේ සේවය කරන කම්කරුවන් කියති.

මෙයට වසර පනහකට පෙර මෙම පාලන නිවසේ ඉවුම් පිහුම් කටයුතු සිදුවූයේ වත්තේම සේවයට පැමිණි ඩිංගිරි මැණිකා නම් වූ රූමත් තරුණ කාන්තාවක්‌ අතින් බව ජනමතයේ ඇත. එම තරුණිය සමඟ දඟකාර විදේශීය තරුණ වතු පාලක ආදර සම්බන්ධයක්‌ ඇතිකරගෙන තිබිණි. කාලයාගේ ඇවෑමෙන් ඇය වතු පාලකගේ අනියම් බිරිඳ ලෙසින් ඔහුගේ සියලුම අවශ්‍යතාවන් ඉටු කිරීමට පටන් ගත්තාය. ඇය ඔහුගේ වසඟයට පත්ව සිටි බවයි ගම්මු අදත් අදහස්‌ කරන්නේ.

ප්‍රසිද්ධ රහසක්‌ ලෙසින් පැවැත්වූ එම පෙම් පළහිලව්වේ අවසානය හොර රහසේම ඇය සුද්දාට දාව ගැබිනියක්‌ වීමයි. දුප්පත් මැණිකා විදේශීය වතු පාලකගේ රැවටීම්වලට ලක්‌වූවා පමණක්‌ නොව, වත්තේ අයිතිකාර සුදු පියා ප්‍රශ්නය විසඳුවේ පුතාව කොළඹට ගෙන ගොස්‌ ඩිංගිරි මැණිකාට පවුම් පනහක්‌ දී සුද්දාගේ පුතාගේ ලෙයින් පිලිසිඳුන දරු කළලය පවුම් පනහකට මිල කර ඩිංගිරි මැණිකාව වත්තේ සේවයෙන් ඉවත් කර දැමීමයි. ගම්මුගේ මතකය අනුව ගමට, දෙමාපියන්ට මුහුණ දීමට ලැඡ්ජාවෙන් දරු ගැබ සමගින් ඇය එක්‌ දවසක වත්ත කෙළවර සියඹලා ගසක ගෙල වැළලා ගෙන මියගොස්‌ සිටි බව

පැරැණි ගම්වාසීහු කියති.

මව ගෙල වැළලා ගෙන මිය ගියායින් පසුව කුස තුළ දරුවා ද මියගොස්‌ සිටි බව හදිසි මරණ පරීක්‍ෂණයේදී තීරණය වී තිබිණි. ඩිංගිරි මැණිකා ගෙල වැළලා මියගොස්‌ තුන් මාසයකට පමණ පසු වතු පාලක බංගලාව දෙසින් මැදියම් රැයේ කාන්තාවකගේ විළාප හඬක්‌ ඇසුණු බව ඇතැම් ගැමියන් අතර කසුකුසුවට ලක්‌ව තිබූ කතාන්දරයකි. ඇතැම් අවස්‌ථාවක බංගලාවේ මුළුතැන්ගෙය තුළින් දෙදෙනකු ආදරයෙන් කතා බහ කරන හඬ ද ඇසුන බව බංගලාවේ මුරකරු ලෙස සේවය කළ මර්තේලිස්‌ පවසා තිබිණි. ඇතැම් විටක වළං හට්‌ටි වට්‌ටි පොළොවේ ගසන හඬ ද ඇසුණු බව කියයි. බංගලාවේ ආරක්‍ෂකයා ලෙස සේවය කළ මර්තේරිස්‌ හැඩිදැඩි පිරිමියකු බව කියන ගැමියන් කිසිදු විටක හොල්මන් අවතාර විශ්වාස නොකල ඇතැම් රාත්‍රි කාලයේ වත්ත කෙළවර පිහිටි සොහොන දක්‌වා ඇවිද වත්තට සොරු පැමිණි දැයි විපරම් කිරීම ඔහු රාජකාරියේ අංගයකි.

ගම්මු පවසන කතා තුළ ඩිංගිරි මැණිකාගේ මනෝකාය බංගලාවේ හොල්මන් කරන බව දෙසවනින් ඇසූ අය ද වරෙක මධ්‍යම රැය මර්තේලිස්‌ සමඟ වත්ත කෙළවරදී ඇය කතා කළ බව ද පැවසේ. මෙකී කටකතා නිසා වත්තේ කිසියම් ව්‍යාකූලත්වයක්‌ නිර්මාණය වෙමින් තිබී ඇත. වතු පාලකයකු ලෙස මනසිංහ මහතා පත්ව ඇත්තේ එකී කාල වකවානුවේදී ය. මැදියම් වයස්‌ගත මනසිංහ මහතා දකුණේ අයෙකු වූ හෙයින් හොල්මන්, අවතාර, යන්ත්‍ර මන්ත්‍ර ආදී ගුප්ත බලවේගයන් එතරම් විශ්වාස නොකළේය. එහෙත් ඔහුටද මියගිය තරුණියගේ අද්භූත නිරූපණයන්ට නිරතුරු ගොදුරු වන්නට සිදු වූ බව ගම්මු අදත් කතාන්දර කියති.

තරුණ වතු පාලකවරයාට කිසිදු විටක ඔහුගේ කාමරයේ තිබූ සයනයේ නිදා ගැනීමට ලැබී නැත. ඇතැම් දිනක විළිරුදාවෙන් කෙඳිරි ගාන ගැහැනු කටහඬකට ඔහු නින්දෙන් බිය වී ඇහැරුන බව පසුදින වත්තේ සේවයට පැමිණෙන සේවකයන්ට පවසා තිබේ. ඇතැම් දිනෙක නින්ද ගිය පසු ඔහුගේ ගෙල තදින් ග්‍රහණය කළ බවක්‌ ද, ඔහුගේ නිදන සයනයේ ඔහු සමඟ කාන්තාවක්‌ පැත්තක නිදා ගෙන සිටි බව ද අනාවරණය කර තිබිණි. හිමිදිරියේ තේ කෝප්පයක්‌ සමඟ ඔහු අවදි කළ තරුණ කාන්තාවක්‌ දුටු බව ද පවසා තිබිණි.

මේ අතර කාලය තුළ සරත් කරවිට මහතා නව පාලකවරයා වශයෙන් පත්ව ආයේය. ඔහුගේ සහායකයා ලෙස මට ද එම වත්තේම පුහුණුවීමේ වතු පාලකවරයකු ලෙස සේවය කිරීමට අවස්‌ථාව ලැබුණේ මාගේ උසස්‌ පෙළ විභාගයේ ප්‍රතිඵල නිකුත් වනතුරු නිදැල්ලේ සැරිසැරූ හෙයිනි. අප දෙදෙනාම වාසය කළේ එකම බංගලාවේ කාමර දෙකක ය. සරත් වාසය කළේ එයට පෙර පාලකයන් දෙදෙනකු වූ විදේශීය තරුණයා හා දකුණේ වතු පාලකයන් වාසය කළ කාමරයේ මය. මා වෙනුවෙන් වූයේ ඉදිරිපස කාමරයකි. පෙර සඳහන් කළාක්‌ මෙන් අඳුර වැටුන කල දීප්තිමත් පහන් ආලෝකයක්‌ නැත. පැයක්‌ දෙකක්‌ දැල්වෙන පැට්‍රල් මැක්‌ස්‌ පහන නිවා දැමීමෙන් පසු මුරකරු වූ මර්තේලිස්‌ ද වත්තේ ඉදිරි ගේට්‌ටුවට යැම ඔහුගේ රාජකාරියයි.

පුහුණුවීමේ වතු පාලකයකු වශයෙන් මට ද පැය කීපයක්‌ වත්ත තුළ උණ්‌ඩ සහිත තුවක්‌කුවක්‌ ද රැගෙන පාමුර සංචාරයක යෙදීම අනිවාර්ය රාජකාරියක්‌ විය. ඩිංගිරි මැණිකාගේ හොල්මන් කතා අසා තිබුණ හෙයින් රාත්‍රියේ තනිව ඇවිදීම තරමක චකිතයක්‌ මා තුළ වුවත් නොහැඟවීය. මට මතක විදියට එදා අමාවක දිනයක්‌ විය යුතුය. ඝන අඳුර කෑලි කැපිය හැකි තරමට ම අඳුරු මූසල ගතියකි. ඈතින් ඇසෙන විවිධ සතුන්ගේ හඬට අමතරව නරින්ගේ හූ කීමත්, උල ලේනාගේ හඬත් දැනවූයේ මහා බියකරු පරිසරයකි. හිතට බිය දැනුන ද කළ හැකි දෙයක්‌ නැත. එකම ශක්‌තිය හා පිහිට තුවක්‌කුව පමණි. හිතට දිරිය හා ආත්ම ශක්‌තිය ගෙන ඉදිරියට යන මාහට ඈතින් කිසියම් කෙඳිරිලි හඬක්‌ ඇසෙන්නට විය. හිත තිගැස්‌සුන ද මවාගත් ධෛර්යයෙන් තවත් පාවර කීපයක්‌ ඉදිරියට යන විට මා ඉදිරියට කිසියම් ඡායාවක්‌ පැමිණෙන බව දුටුවෙමි. සුදුම සුදුපාට සාරියකින් ගත සරසා ගත් ගැබිණියකගේ ස්‌වරූපය ගත් කාන්තාවක්‌ මා අභිමුඛයේමය. මා ගත දහදියෙන් පෙඟීමට වැඩි වේලාවක්‌ නොගියා සේම දැඩි මුත්‍රා පහකිරීමේ අවශ්‍යතාවක්‌ ද විය. මා දෑස්‌ විදහා ආයාසයෙන් බැලුවෙමි. ඇය අප සේවය කළ වත්තේ දරුවෙකු ලැබීමට සිටි රන්මලී බව හැඳිනගත් පසුව මගේ හිරවී තිබූ පපුව, කෙළ සිඳී ගිය මුව ප්‍රකෘති තත්ත්වයට පත්විය. අප්පේ රන්මලී මේ රෑ කොහෙද යන්නේ" යෑයි මා ඇසුවේ හිතේ බිය සැක සංකා හංගාගෙන වුවත් හොල්මන් සිතුවිල්ල මගෙන් දුරස්‌ වී නොතිබිණි. එයට වඩාත්ම හේතු වූයේ මා දුටු රන්මලී අපේ මර්තේලිස්‌ මාමගේ දුව නිසාය. "මහත්තය මම තාත්තව හම්බ වෙන්න යන්නයි යන්නේ. අම්ම ගියා කරත්තයක්‌ හොයන්න. මම තාත්තට කියල තාත්තත් අඬගහගෙන යන්නයි කියල."

අපි දැන සිටි විදියට මර්තේලිස්‌ මාමගේ දුව රන්මලීට බබෙක්‌ හම්බවෙන්න හිටිය බවත් ඇත්ත. වත්තේ කෙළවර පිහිටි මුර ගෙදර සිට වත්ත මැදින් පාරට යන බවත් දැන සිටියා. එහෙම නම් මා දුටු රන්මලී හොල්මනක්‌ විය නොහැකිය යන සිතුවිල්ල මගේ බිය දුරු කළේය. ඇය මගෙන් දුරස්‌ වී ගිය බවක්‌ පෙනුණි. කෑලි කැපිය හැකි ඝන අඳුරේ වුව රන්මලිගේ අති සුන්දර මුහුණ පියකරු ලෙස මා දුටුවෙමි. ඇය හොල්මනක්‌ විය හැකිද? තවමත් මා හද තුළ නොවිසඳුන කුතුහලයකි. මම ඇය රන්මලී ම යෑයි විශ්වාස කළෙමි.

එහෙත් මධ්‍යම රාත්‍රියේ පාමුර පරීක්‍ෂණ නිම කර බංගලාවට පැමිණෙන විට සරත් යම් කලබලයකින් බිය වී සිටින බව ඔහුගේ මුහුණින් මා දුටුවෙමි. "මොකද බං මුහුණට දාඩිය දාල හරියට උඹ හොල්මනකට බය වෙලා වගේ මොකද වුණේ? කියා ඇසුවත් උත්තරයක්‌ දීමට තරම් පියවි කල්පනාවක්‌ නොමැති බව මට දැනුනි. ඔහු කුමක්‌ හෝ පටලැවිල්ලකට ලක්‌ වී බිය වී ඇති සෙයක්‌ මට දැනුන හෙයින් වතුර වීදුරුවක්‌ ගෙන මුහුණට ඉස ස්‌වල්පයක්‌ බීමට සැලැස්‌වූ මා ඔහුගේ හිස අතගෑවෙමි

"මොකද බං වුණේ?"

"අනේ මන්දන්නේ නෑ බං මර්තේලිස්‌ මාමගේ දුව ලොකු බඩකුත් උස්‌සගෙන මෙහේ ඇවිත් මගෙන් තාත්තව ඇහැව්ව. තාත්තව එක්‌කල ස්‌පිරිතාලේ යන්න කියල. ඊට පස්‌සේ මම රන්මලීට සල්ලි ටිකක්‌ දෙන්න කියල හිතාගෙන ගෙට ගියා විතරයි ඒකි පස්‌සෙන් ඇවිත් තෝ වගේ එකෙක්‌ හින්ද තමයි මේ බඩට දරුවෙක්‌ ආවෙත්. උන්ගේ තාත්තත් ඌව අරගෙන මාව තනිකරල ගියෙත් කරපු වනචර කුපාඩිකම රුපියල් කොළවලින් වහල අන්තිමට මට සමාජයට අවජාතක දරුවෙක්‌ වදන්න බැරි හින්ද සමාජයට මුහුණ දෙන්න බැරි හින්ද මම මගේ ජීවිතය නැතිකර ගත්තා. මම මැරුණ වගේම මම තෝවත් මරාගෙන මැරෙනව කියල මගේ බෙල්ල මිරිකුව. ඊට පස්‌සෙ මට මොනවද වුණේ කියල මම දන්නේ නැහැ."

පුදුම වැඩක්‌නේ රන්මලි මගෙත් එක්‌කල කතා කරලනේ බං ආවේ. වෙන්න බැරි දෙයක්‌. හොල්මන් ඔහොම කරනවද? උඹගේ විකාර. වරෙන් බලන්න යන්න මර්තේලිස්‌ මාම ඉන්නවද කියල. අපි දෙන්නම ඉදිරි ගේට්‌ටුව වෙත ගියෙමු. මර්තේලිස්‌ මාම කුකුල් නින්දකය. ඔහුට බාධා කර අවදි කළෙමු. අනේ මහත්තයෝ හරි නිදිමතක්‌ ආව. ඩිංගිත්තක්‌ ඇස්‌ පියා ගත්ත විතරයි. බනින්න නම් එපා" යෑයි ආයාචනා කළේ අප ඔහුව පරීක්‍ෂාවට පැමිණියා යෑයි සිතා ගෙනය.

අප සිදුවූ හැම දෙයක්‌ම පැවසූයෙමු. ඔහුට කාරණය අවබෝධ විය. එහෙම වෙන්ඩ බැහැ. මහත්තය රන්මලීට බබා හම්බවෙන්න තව කල් තියෙනව. අනෙක ඒකි කවදාවත් තනියෙන් එන එකියක්‌ නෙමේ. අන්ධකාරයට පුදුම බයක්‌." සිදුවී ඇත්තේ කුමක්‌ද ඔහු ද දැන ගත්තා සේ ය. ඉන්න මහත්තයල දෙන්නම යමු බංගලාවට. අපි හෙට උදේට මොනවද වුණේ කියල කතා කරමු. එසේ කියූ ඔහු අප දෙදෙනා සමඟ බංගලාවට පැමිණ රැය පහන්වන තුරු රැඳී සිටියේය.

පසුදින උදයේ රන්මලී කෙනෙකු නො ආ බවත්, මර්තේලිස්‌ මාමගේ දුව නිවසින් එළියට නොබැසි බවත් අනාවරණය වුවත් සරත් ගේ බෙල්ල පමණක්‌ නියපොතු පහර වලින් තැන තැන තුවාල වී ඇති බව දුටුවෙමු. එදා සිට බදාදා - සෙනසුරාදා කෙම්මුර දවස්‌වල ගොම්මන් යාමේ ඩිංගිරි මැණිකා වතු බංගලාවේ දොරකඩ විලාප දෙන්නටත්, විලිරුදාවෙන් හඬ නඟන මවකගේ හඬින් යටගිරියෙන් කෑ ගසන හඬත් මුළුතැන්ගෙයි හට්‌ටි, වට්‌ටි බිම දමා බිඳින ශබ්දය ඇසුනත් එකද වළං කැබැල්ලක්‌ එහි නොවීය. එහි හොල්මන් සිදුවීම් දිනෙන් දින වැඩිවීම නිසා සරත් සහ මට රැකියාවට සමු දෙන්නට සිදුවූයේ හොල්මන් අද්භූත සිදුවීම් වලට මිනිසුන්ගෙන් පලි ගත හැකි බැවිනි.

ඔබේ අදහස් කියලා යන්න අපිට

මල් - සහොදරියකගෙන් නිර්මාණයක්

noreply@blogger.com (Lahiru Dilranga Silva) — Sat, 16 Jul 2011 06:28:00 +0000

අපි කලින් ලිපියෙදි ඔබට කිව්වා මතකද? මදුෂිකා කෞශල්‍යා සහොදරියගේ නිර්මාණ ඔබේ වෙතට ගෙනෙනවා කියලා.. මෙන්න මදුෂිකා කෞශල්‍යා සහොදරිය විසින් රචනා කරන ලද නිසදෑස් පද්‍ය පන්තියක්...

මල් ගැන ලොව ලියා තිබෙනකවි පදවැල් කඳු ගණන් ය
මල් ගැන එක කවියක්වත්
නො ලියූ එක කවියෙක් වත්
ලොවේ කොතැන හෝ නැත්තෙය

මලෙක මෙලෙක සුවඳ පැහැය
ලලනාවක උවම් පිණිස
පන්හිඳකට තෙලි තුඩකට
අසු නූනොත් එය පුදුමෙකි

මලෙක නමින් ගැහැනු පිරිමි
කොතරම් නම් හැඳින්වේ ද
හිසෙහි රැඳෙන ගෙලෙහි රැඳෙන
නන් පැහැමල් කොතෙක් වේද

මඟුලට මළගමට සුදුසු
මල් නැති වුව මහ අඩුවෙකි
පෙම්වතුනට පින්වතුනට
මලක් ලදොත් මහ සතුටෙකි

මලක් වගේ රැක ගන්නට
දෙන පිළිණය තිළිණයක් ය
මී බී බිඟු කැල දෙන හඬ
කවියන් හට ගීතයක් ය

කවියාණෙනි, මේ අහන්න
සියවස් ගණනක් තිස්සේ
මා ගැන එක කවියක්වත්
නිකමටවත් ලියා ඇද්ද?

සතර අතට ඇදී ගොසින්
පස විනිවිද පොහොර සොයා
ඔබ හට මල් පල දෙන්නට
මා සිදු කළ වැර වෑයම
නිකමටවත් පෙනුණෙ නැද්ද

මුල් නොපෙනෙන මල් පෙනෙනා
‘මිනිස් දහම’ එසේ වුවත්
කවියාණෙනි මේ අහන්න
මා ගැන කවියක් ලියන්න’

ඔබේ අදහස් කියලා යන්න අපිට

තවත් දක්ෂයෙක් ශ්‍රි ලංකාවට

noreply@blogger.com (Lahiru Dilranga Silva) — Sat, 16 Jul 2011 06:12:00 +0000

මම ‍‍අන්තර්ජාලයේ දවසක් තාක්ෂණය ගෑන සොයමින් යනකොට මට හම්බ උනා දක්ෂතා වලින් පිරිපුන් සහොදරියක්ව... මම හිතුවා එයා ගෑන ඔයාලටත් කියන්න..ඇය නමින් මදුෂිකා කෞශල්‍යා ... ඇයගේ වයස 18 ඇය ඉගෙනුම ලබන්නේ බටුවන්ගල මහා විද‍‍යාලයේ... ඇය භාෂාව අතින් නම් දක්ෂතම සොහොයුරියක්.. අපි ඉලග ලිපි වලදි ඇයගේ නිර්මාණ ඔබ වෙතට අරගෙන එන්නම්....

ඔබේ අදහස් කියලා යන්න අපිට

හොල්මන්, අවතාර විශ්වාස කරනවද?

noreply@blogger.com (Lahiru Dilranga Silva) — Fri, 15 Jul 2011 05:18:00 +0000

හොල්මන් අවතාර විශ්වාස කරන්න ආමාරුයි.ඒත් අද සමාජය දෙස බැලුවහම හොල්මන් අවතාර පිළිගන්න අය ජීවත් වෙනවා.අපට හොල්මන් අවතාර ගැන මුලින්ම දැන ගන්නේ අපි පුංචිම කාලයේදී.කොහොම උනත් ඉතින් ලොකු කුඩා කවුරුත් හොල්මන් අවතාර ගැන කථා අහන්න තියෙන්නෙ පුදුම කැමත්තක්නෙ.බොහෝ පොත්පත්වලත් හොල්මන් ගැන සදහන් වෙනවා.

සමහර අය මේ හොල්මන් අවතාර දැකල තියනව කියලත් කියනවනෙ. විද්‍යාත්මකව ඔප්පුකරල නැති උනාට හොල්මන් අවතාර කියල දෙයක් ඇත්තටම තියනව වෙන්නත් පුලුවන්.සමහර ස්ථාන වල හොල්මන් අවතාර තියනව කියල අපිට අහන්න ලැබෙනව. පාලු ගෙවල්, සොහොන් පිටි වගේ තැන්වල හොල්මන් අවතාර ගැවසෙනව කියල බොහෝ දෙනෙක් විශ්වාස කරනවා.ඇත්තෙන්ම මම නම් හිතන්නේ හොල්මන් කියලා දෙයක් නැහැ කියලා.පාලු ගෙවල්,සොහොන් පිටි ළගින් යන කොට සමහර අය කියනවා ඔතන හොල්මන් ඉන්නව කියලා.එතකොට ඒ පුද්ගලයාට ඒ ගැන බය හිතෙනවා.එතනින් යන කොට යන්නේ බයෙන්.ගහක කොළයක් බිමට වැටුණත් ඔය ඉන්නේ හොල්මනක් කියලා බයේ දුවනවා.

මට මේ හොල්මන් අවතාර ගැන ලියන්න හිතුනේ අපේ පැත්තෙත් ඔය වගේ සිද්දියක් වුන නිසා.ඒ ගෙදර අය හොල්මන් දැකලා බය වෙලා.දැන් ඒ අයට හොදයි.මම නම් හිතන්නේ හොල්මන් අවතාර තියෙන්නේ ‍අපේ සිත තමයි කියලා. ඇත්තටම හොල්මන් අවතාර කියලා දෙයක් තියෙනවද?ඔයලා හිතන්නේ කොහොමද?

කුමක්ද? පුනර්ජිවයේ නගරයේ හොදම පාසල...

noreply@blogger.com (Lahiru Dilranga Silva) — Thu, 14 Jul 2011 05:51:00 +0000

පුනර්ජිවයේ නගරය නොහොත් පානදුර නගරයේ හොදම පාසල කුමක්ද? කියන්න ඔබගේ ස්වාධින අදහස්.. පානදුර නගරයේ හොදම, දක්ෂතම පාසල කුමක්ද? ඔබට සිතෙන්න අයුරින් පවසන්න......

ඔබ කෑමතිම පාසල කුමක්ද? පළකරන්න ඔබේ ඡන්දය...

FX | Online Casino | VOTE POLLS | ONLINE CASINO | VIP Casino

පුනර්ජිවයේ නගරය නොහොත් පානදුර නගරයේ හොදම පාසල කුමක්ද?
එයට හේතුව කුමක්ද? ඔබේ අදහසුත් කියලාම යන්න