Veer wunsje uch eine goeie roetsj en alvas de bèste wunsje veur 2026! Nog 2 waeke en dan is 't waer zowiet... De Prinsezitting 2026 mit de oetruiping van de nuuje Prins of misjiens waal Prinsepaar!

Wae wurt de nuuje Prins van de Doale van 2026 en dus de opvolger van Prins Jan II? Sjtöm onger dit berich op diene kandidaat!
Sjteit diene kandidaat neit in de lies? Völ dae naam dan in biej de opsie: "Anders". V'r zulle dae naam dan zo sjnel wie muigelik in de lies d'r biej zètte!

V'r zètte allein serieuze kandidate in de lies!!

[gravityform id="26" title="true" description="true" ajax
="true"]

Het bericht Wae wurt de nuuje Prins? verscheen eerst op Auwt Prinsegarde Lömmerich.

Nog ruim twee weken en dan is het zover: Vastelaovend 2025. Dit jaar organiseert de Auwt Prinsegarde Lömmerich (APL), na het succes van voorgaande jaren, weer de verkoop van “Vastelaoves-eier”. De APL biedt alle inwoners van Limbricht de mogelijkheid om één of meerdere doosje(s) van 10 “Vastelaoves-eier” (10 rood-geel-groen-gekleurde gekookte eieren) te kopen.

De prijs per doosje van 10 eieren bedraagt € 4,50.

Op dinsdag 25 en woensdag 26 februari (vanaf 18 uur) komt de APL met de “Vastelaoves-eier” in Limbricht aan de deur. U krijgt dan de mogelijkheid om één of meerdere doosjes te kopen. Let op: Op=Op! Contant of pinnen is mogelijk.

Wij bieden echter ook de mogelijkheid om de eieren te reserveren. Vervolgens worden de bestelde eieren op eerder genoemde datums bij u thuis afgeleverd. Betaling dient te geschieden bij aflevering. Gereserveerde bestellingen worden gegarandeerd geleverd. U kunt de doosje(s) reserveren door onderstaand formulier in te vullen.

ACTIE ACTIE ACTIE!!

1x doosje Vastelaoves-Eier + 1x fles Auwt Prinse-Bloud (speciaalbier 0,75L) voor slechts 10 euro!

Bestellen is op dit moment niet meer mogelijk.

Hopende op voldoende belangstelling,

Auwt Prinsegarde Lömmerich

Het bericht Verkoop “Vastelaoves-Eier” 2025 verscheen eerst op Auwt Prinsegarde Lömmerich.

Aafgeloupe zaoterdig is, tiejes de Prinsezitting van VV De Doale, Jan Creemesj oetgeroupe tot Prins Jan d’n Tweede. Jan zal same mit zien Prinses Rian, Jeugprinsepaar Loek I en Jeugprinses Luna de kommende Vastelaovend veurop gaon en gaon heerse euver ‘t Doaleriek. Laes wiejer veur meer informasie euver de nuuje Prins, Prinses, Jeugprins en Jeugprinses!

Jan (42 jaor jonk) is eine zoon van os lid Lei I en Christien Creemesj en al jaore ein van de kandidate veur ‘t Prinssjap. Dat bleek auch waal oet de oetsjlaag van de poll dae v'r veurige waek online höbbe geplaats wo hae eindigde in de baoveste regione.

Jan is trompettis van sjötterie Sint Salvius, wo hae greutsj de eesjte pertie sjpeelt. Daonaeve haet d'r in 1995 al mouge pruive aan 't Prinssjap, door es Jeugprins 't Vastelaovessezoen veurop te gaon. Dat Jan ’t Vastelaovesbloud van geine vraeme haet bliek waal es v’r in ozze Auwt Prinse-gallerie truuk kieke. Pap Lei en braor Math ginge haöm al veur es Prins in respektievelik 1980 en 2011. Math zal haöm daonaeve auch gaon assistere es adjudant.

De meiste luuj zulle Jan kènne van zien eige bedrief JC Delight, dat hae al jaore runt. ’t Leich en geluid op meinig feeske in Lömmerich mer auch grote en kleine projekte door ’t ganse landj, waere door Jan ummer tot in de puntjes verzörg.

Prinses Rian (Joosten) is 47 jaor jonk, gebaore in Remunj en al 20 jaor same mit Jan. Auch Rian haet de leifde veur de Vastelaovend al vruig lere kènne. Op de legere sjool waor Rian al Jeugprinses en auch haöre braor haet al es Prins veurop mouge gaon bie de Donderböl in Remunj.

Rian is wirkzaam es kapster en deit dit mit vaöl passie en plezaer. In haöre vrieje tied hilt zie erg van de natuur en geit d’r dan auch gaer op oet, same mit vriendinne en hondj Pixel, om de sjoonste plekskes in Limburg te verkènne.

't Prinselik palies is te vènje op de Graasbrouksjtraot wo Jan en Rian same mit hun kènjer Sanne en Youri en hondj Pixel wone.

Prins Jan II en Prinses Rian, veer wunsje uch ein sjitterend sezoen en heel vaöl sjpas en plezaer! Proficiat!

Jan is de opvolger van Rene II, dae door ein ludieke ek woort opgenomme bènne de Auwt Prinsegarde Lömmerich. Veer heite Rene dan auch van harte welkom en wunsje haöm vaöl plezaer bènne de APL!

Eine daag eerder waor ’t op vriedig auch tied veur ’t bekèndmake van ’t nuuje Jeugprinsepaar. De sjpanning woort opgeveurd en oeteindelik woorte Loek Hellenbrand en Luna Rutjes oetgeroupe tot Jeugprins en Jeugprinses!

Loek is 11 jaor, eine zoon van Auwt Prins Stan I en Auwt Prinses Marielle Hellenbrand en ’t braörke van Auwt Jeugprinses Marke. Hae is lid van V.V. Zwentibold en is geregeld te vènje in ’t Fortuna-stadion wo hae de leidjes nao eige zègge keihel mit zungk. Zien muzikale kwaliteite kènt d’r kwiet bie de Muziekvereiniging en bie de Sjötterie, wo hae es sjlaagwirker op ’t vel huit. Zien Prinselik palies bevindjt zich in de Pastoor Janssesjtraot en hae haet es adjudant gekaoze veur Auwt Prins Guido I.

Luna is 10 jaor en ein dochter van Ruud en Kristie Rutjes. Nao sjooltied deit Luna ’t leifste get meziek loestere en danse bie Jazzdance Lömmerich. Auch is zie gek op daere, in ’t bezunjer op hondj Zora. Zösterke Mila en braörke Sepp zètte de tent gaer op de kop en zulle vas en zeker same mit Luna de Vastelaovend veurop gaon. Luna woont, same mit pap en mam en Mila en Sepp op de Vosdaalsjtraot. Os lid Auwt Prins Davy II zal same mit Michiel Meijers, Luna gaon ongersjteune en funksjonere es adjudant.

Aaftraejend Jeugprins Daan en Jeugprinses Saar woorte op ein grappige manaer opgenomme bènne de Auwt Jeugprins(esse).

De liefsjpreuk van ’t nuuje Jeugprinsepaar luidt es volg:

Veer gaon dit jaor veurop,

En zètte saame de kraom oppe kop!

Profisiat Jeugprins Loek I en Jeugprinses Luna! Veer wunsje uch ein geweldig en onvergaetelik sezoen!

De resepsie van Prins Jan, Prinses Rian, Jeugprins Loek en Jeugprinses Luna vindjt volgende waek zaoterdig (26 jannewari) plaats in gemeinsjapshoes “‘t Waope” van Lömmerich (18 oere 33)

Het bericht 2025: Prins Jan II, Prinses Rian, Jeugprins Loek I en Jeugprinses Luna! verscheen eerst op Auwt Prinsegarde Lömmerich.

Veer wunsje uch eine goeie roetsj en alvas de bèste wunsje veur 2025! Nog 2 waeke en dan is 't waer zowiet... De Prinsezitting 2025 mit de oetruiping van de nuuje Prins of misjiens waal Prinsepaar!

Wae wurt de nuuje (Jubeleijem)Prins van de Doale van 2025 en dus de opvolger van Prins René II? Sjtöm onger dit berich op diene kandidaat!
Sjteit diene kandidaat neit in de lies? Völ dae naam dan in biej de opsie: "Anders". V'r zulle dae naam dan zo sjnel wie muigelik in de lies d'r biej zètte!

V'r zètte allein serieuze kandidate in de lies!!

Sjtömme is op dit moment neit meer muigelik.

Het bericht Wae wurt de nuuje Prins? verscheen eerst op Auwt Prinsegarde Lömmerich.

Nog ruim één week en dan is het zover: Vastelaovend 2024. Dit jaar organiseert de Auwt Prinsegarde Lömmerich (APL), na het succes van voorgaande jaren, weer de verkoop van “Vastelaoves-eier”. De APL biedt alle inwoners van Limbricht de mogelijkheid om één of meerdere doosje(s) van 10 “Vastelaoves-eier” (10 rood-geel-groen-gekleurde gekookte eieren) te kopen.

De prijs per doosje van 10 eieren bedraagt € 4,50.

Op dinsdag 6 en woensdag 7 februari (vanaf 18 uur) komt de APL met de “Vastelaoves-eier” in Limbricht aan de deur. U krijgt dan de mogelijkheid om één of meerdere doosjes te kopen. Let op: Op=Op!

Wij bieden echter ook de mogelijkheid om de eieren te reserveren. Vervolgens worden de bestelde eieren op eerder genoemde datums bij u thuis afgeleverd. Betaling dient te geschieden bij aflevering. Gereserveerde bestellingen worden gegarandeerd geleverd. U kunt de doosje(s) reserveren door onderstaand formulier in te vullen.

Reserveren is op dit moment niet meer mogelijk.

Hopende op voldoende belangstelling,

Auwt Prinsegarde Lömmerich

Het bericht Verkoop “Vastelaoves-Eier” 2024 verscheen eerst op Auwt Prinsegarde Lömmerich.

“Rood, Gael en Gruin is de kleur van Vastelaovend. Rood, Gael en Gruin is de kleur van Karneval!” De teks van ’t leidje van Frans Theunisz is bie alle Vastelaovesgekke in de provinsie waal bekènd en zogauw dit leidje wurt ingezat wurt ’t door jederein mitgezonge. Dat is auch neit zo gek, want de Vastelaoveskleure zeen euveral truuk te zeen in ’t Vastelaovessezoen. De kleijer, de Vastelaoveswages, sjmienk, vlagge aan de gevels, ballonne, konfetti en gank zo mer door: alles kleurt Rood, Gael en Gruin.

De Auwt Prinse zeen veurig jaor gesjtart mit ein nuuj aksie en wellich ein sjoone nuuje tradisie. Mit ’t motto “Veer kleure same de Lömmerichse roete!” woorte alle Doale en Doalinne werm gemaak om hun roet zo sjoon muigelik te versaere. Allemaol om de kleure Rood, Gael en Gruin nog meer nao veure te laote komme en nog meer Vastelaovesgevuil in de Lömmerichse sjtraote te brènge.

Uiteraard woorte de winnaar, de nummer 2 en de nummer 3 beloont mit eine sjoone pries. Auch dit jaor wurt dees aksie waer op touw gezat en de hoofpries zal ein serenaat van de APL-kepel + 44 euro zeen! Op Vastelaovesmaondig veur d’n optoch zal ein jury van de APL ein rundje door ’t dörp make en oet alle deilnummende roete de winnaars bekènd make. Wilt g’r mitdoon aan “Veer kleure same de Lömmerichse roete!”? Sjtuur dan eine ie-meel nao info@auwtprinse.nl en vermeld hie in uche naam en uch adres.

1e Plaats

44 EURO EN EIN SERENAAD VAN DE APL-KEPEL!!

Doot geer auch mit?

VEER KLEURE SAME DE LÖMMERICHSE ROETE 

Het bericht Die roet zuut d’r sjiek oet! verscheen eerst op Auwt Prinsegarde Lömmerich.

Tradisjoneel vink Vastelaoveszaoterdig (10 fibberwari) 't Pletsjkonsaer plaats oppe Pletsj in Lömmerich… De aaftrap van de Lömmerichse Vastelaovend!

De kraem de la kraem op 't gebied van Lömmerichse artieste aangevöld mit get Limburgse toppers zulle uch deze middig gaon vermake veurdat de Vastelaovend offisjeel wurt geaöpend mit 't Maske ophange.
Dit jaor zal auwt LVK-wènnaar Pruuf Mar ein optraeje verzörge, sjus wiej hun kollega's oet Göllepe ‘t duo Sjpringlaevend!
Daonaeve zeen de Auwt Jeugprinse en Jeugprinsesse Lömmerich en de Vraem Veugel uiteraard waer aanwezig om ein optraeje te verzörge en zal 't nuuje trio Angesj dan Angesj hun opwachting make. Vanoet Zitterd kump Cyrille Niel euvergevlaoge en auch KVL-finalis Sam, Saar en Lola höbbe v’r vas weite te lègge.
De Sjwaegelebend, Leymborghkapel, Kapel Jonge Klaore, Kapel Gein Idee en ozze eige APL-kepel zulle de richtige vastelaovessjtömming brènge op en naeve 't podium. Daonaeve zulle, sjus wiej veurig jaor, de Auwt Prinse van Zöstere hun sjoonste leidjes euver de Pletsj laote galme. Op ‘t sjpel sjteit natuurlik de befaamde Pierlala: de pries veur ‘t bèste optraeje van de middig, op 't sjoonste aope-loch evenement van Limburg!
‘T Groot Grolsch Pletsjkonsaer begint om kloksjlaag 13 oere 33 en de entree is uiteraard gratis en veur niks! Pès 10 fibberwari oppe Pletsj in Lömmerich!

Het bericht Groot Grolsch Pletsjkonsaer 2024 verscheen eerst op Auwt Prinsegarde Lömmerich.

Aafgeloupe zaoterdig is, tiejes de Prinsezitting van VV De Doale, Rene Huvenaesj oetgeroupe tot Prins Rene d’n Tweede. Rene zal same mit zien Jeugprinsepaar Daan I en Saar de kommende Vastelaovend veurop gaon en gaon heerse euver ‘t Doaleriek. Laes wiejer veur meer informasie euver de nuuje Prins, Jeugprins en Jeugprinses!

Rene is eine zoon van os lid Jean I en Margriet Huvenaesj en al jaore ein van de kandidate veur ‘t Prinssjap. Dat bleek auch waal oet de oetsjlaag van de poll dae v'r veurige waek online höbbe geplaats. Rene is hie op ruume aafsjtandj baovenaan geëindig! Zowie d’r zellef zaet, haet d'r jaore op dit moment gewach en is d'r klaor veur alle sjoons waat komme geit.

Rene is trompettis van sjötterie Sint Salvius, wo hae de eesjte en de solopertie sjpeelt. Daonaeve haet d'r in 't verleeje bie VV Lömmerich en VV Zwentibold es voetballer op 't veldj gesjtange, wo de driede hèllef 't grootste belang hej. Aangezeen Rene auch jedere maondj eine pubquiz bie Jiri organiseert en hae in 't besjtuur van de Kesjteelbuurt zit, is Rene dus zeker geine onbekènde in 't Lömmerichse. Daonaeve haet d'r in 2005 al mouge pruive aan 't Prinssjap, door es Jeugprins 't Vastelaovessezoen veurop te gaon. 't Prinselik palies is te vènje op de Bornerwaeg wo hae same woont mit zien vrouw Nicole.
Nao de MAVO haet Rene de opleijinge Fysiotherapie en Evenementeorganizasie gevolg mer zien ruiping haet hae pas jaore later gevonje. Bie zörgcentrum Hoogstaete is hae wirkzaam in de auwerezörg.
Rene zal begeleid waere door Auwt Prins Salvian I, dae 't kommende jaor es adjudant van Rene fungeert.

Rene is de opvolger van Patrick I, dae door ein ludieke ek woort opgenomme bènne de Auwt Prinsegarde Lömmerich. Veer heite Patrick dan auch van harte welkom en wunsje haöm vaöl plezaer bènne de APL!

Prins Rene II, veer wunsje dich ein sjitterend sezoen en heel vaöl sjpas en plezaer! Proficiat!

Eine daag eerder waor ’t vriedig auch tied veur ’t bekèndmake van ’t nuuje Jeugprinsepaar. De sjpanning woort opgeveurd en oeteindelik woorte Daan Verboord en Saar Cobben oetgeroupe tot Jeugprins en Jeugprinses!

Daan is 12 jaor en eine zoon van Joeri en Saskia Verboord. Nao sjool geit Daan op Basissjool Loedoes en hae haet auch nog twee braörs, Rens en Lars. Nao sjool voetbalt Daan gaer get mit vrunj en sjpeelt d’r gaer voetbalsjpelkes op de pleej-steesjun. Daan is dan auch lid van V.V. Zwentibold en is geregeld te vènje in ’t Fortuna-stadion. Zien Prinselik palies bevindjt zich in de Baeksjtraot en hae haet es adjudant gekaoze veur Auwt Prins Sven I.

Saar is 11 jaor en ein dochter van Auwt Prins Ralph I en Auwt Bloumekeuningin Yvonne Cobben. Nao sjooltied geit Saar ’t leefste get make-up sjoppe en danse bie Jazzdance Lömmerich of Urban Dance Factory. Daonaeve sjteit Saar same mit Sam en Lola in de finale van 't KVL! Vastelaovend viere zit haör, sjus wiej Daan, in ’t blood en ’t is dan auch eine druim dae oetkump om es Jeugprinses van De Doale veurop te gaon. Saar woont, same mit pap en mam en braörkes Stijn en Jip op de Pesjtoor Janssesjtraot. Os lid Auwt Prins John I zal same mit Auwt Jeugprinses Nynke, Saar gaon ongersjteune en funksjonere es adjudant.

Aaftraejend Jeugprins Nick en Jeugprinses Marke woorte op ein grappige manaer opgenomme bènne de Auwt Jeugprins(esse).

De liefsjpreuk van ’t nuuje Jeugprinsepaar luidt es volg:

Sjnap uch vas en hos mer mit,

Op nao eine vastelaovend wao pit in zit!

Sjpring, dans en roop alaaf,

Nao de vastelaovend zeen veer vas weer braaf 

Profisiat Jeugprins Daan I en Jeugprinses Saar! Veer wunsje uch ein geweldig en onvergaetelik sezoen!

De resepsie van Prins Rene, Jeugprins Daan en Jeugprinses Saar vindjt aansjtaonde zaoterdig (20 jannewari) plaats in gemeinsjapshoes “‘t Waope” van Lömmerich (18 oere 33)

Het bericht 2024: Prins Rene II, Jeugprins Daan I, Jeugprinses Saar! verscheen eerst op Auwt Prinsegarde Lömmerich.

Veer wunsje uch ein gelökkig en gezondj Nuujjaor en de bèste wunsje veur 2024! Nog ongerhauf waek en dan is 't waer zowiet... De Prinsezitting 2024 mit de oetruiping van de nuuje Prins of misjien waal Prinsepaar!

Wae wurt de nuuje Prins van de Doale van 2024 en dus de opvolger van Prins
Patrick I? Sjtöm onger dit berich op diene kandidaat!
Sjteit diene kandidaat neit in de lies? Völ dae naam dan in biej de opsie:
"Anders". V'r zulle dae naam dan zo sjnel wie muigelik in de lies d'r
biej zètte!

V'r zètte allein serieuze kandidate in de lies!!

Sjtömme is op dit moment neit meer muigelik.

Het bericht Wae wurt de nuuje Prins? verscheen eerst op Auwt Prinsegarde Lömmerich.

Aafgeloupe goonsdig (27 desember) haet de jaorlikse Kris, Wanjel en Oriëntasietoch, georganiseerd door de Auwt Prinsegarde Lömmerich, plaats gevonje. Op “3e Kersdaag” koosj men lekker get wanjele mit get doordènkers tösjedoor. Laes gauw wiejer veur eine truukblik!

Tösje 18.30 oer en hauf 19.30 oer koosj d’r waere ingesjreve bie de sjtartplaats, Café Salden. Door middel van ein aantal maeters woort de route bepaald en daonaeve kreegte de groepe vraoge die betrèkking hejje op Lömmerich, algemeine zake en get vraoge/rebusse die langs de route waore te vènje veur gesjoteld. D’r waor dus eine leuke mix van vraoge gemaak en ein aantal daovan bleke echte breinbraekers. Op de pauzeplaats koosj tösjedoor nog ein hepke en ein drenkske waere genuttig.
7 Groepe, mit in totaal zo’n 30 persone, hejje zich om 19.30 oer ingesjreeve. Vol gooije moud woort d’r door de deilnummers begoosj aan de toch en v’r haope dan ouch dat dees deilnummers onger de indruk zeen geraak en dat v’r ze volgend jaor waer mouge begroete!
Rondj de klok van 22.00 oer waore alle deilnummende groepe bènne en vervolgens koosj de balans waere opgemaak.
Oeteindelik wis groep “Mano en de Vrouwluuj” zich te krone tot winnaar van de Kris, Wanjel en Oriëntasietoch 2023. Mit 180 punte bleefte zie groep “Veterane” (173 punte) mit ein kleine veursjprongk veur. De top 3 woort gecompleteerd door groep “Bo en Juul” (170 punte).
Ein dik proficiat aan de winnaars en ein woord van dank aan Café Salden en natuurlik aan alle deilnummers.
Veer wunsje uch eine goeie roetsj en de bèste wunsje veur 2024! Tot volgend jaor op 27 desember tiejes de Kris, Wanjel en Oriëntasietoch 2024!

Volledige oetsjlaag:

1. Mano en de Vrouwluuj - 180 puntje
2. Veterane - 173 puntje
3. Bo en Juul - 170 puntje
4. Kleutjes - 165 puntje
5. Campsklan - 149 puntje
6. Vik en Sem - 50 puntje
7. Jos Peters - 0 puntje

Het bericht Groep “Mano en de Vrouwluuj” Winnaar KWOT 2023! verscheen eerst op Auwt Prinsegarde Lömmerich.