Big Brother Albania 5

Ermali-Anilës: “Mos u shtir” ; Anila komenton me Gracianon e Albulenën

2012-02-22T13:50:00.000-08:00

Të gjithë banorët janë mbledhur rreth pishinës, ku disa po lahen e një pjesë qëndron duke biseduar. Ermali, Graciano e Erioni qëndrojnë në pishinë e në një moment, Ermali shprehet se Anila qesh fallso, por kjo e fundit reagon menjëherë. Anila kundërpërgjigjet se ajo nuk shtiret asnjëherë dhe është gjithnjë reale.

Ermali thotë se nga mimika e fytyrës së Anilës arriti të kuptojë një të qeshur të shtirur, por ajo këmbëngul se nuk është ashtu e madje shton se Ermali po e bën me nerva me këto që po thotë. Ermali shprehet se e qeshura e Anilës është e tepruar dhe ajo sforcohet në çdo bisedë që bën.

Anila thotë se Ermali nuk mund të dalë në përfundime për t’a gjykuar pasi nuk ka shumë kohë që e njeh, e nuk e di se si është sjellja e saj reale apo e shtirur. Ermali përgjigjet se nuk i gabon intuita dhe e ka vënë re në shumë raste këtë gjë tek Anila.

Më pas Anila i bashkohet Gracianos e Albulenës duke komentuar debatin e mëparshëm me Ermalin, e thotë se është e kënaqur që është afruar me ata të dy (Gracianon e Albulenën), pasi pa ta, nuk do të kishte me kë të rrinte.

Big Brother Albania 5 - Dita 4

2012-02-22T11:31:00.001-08:00

Arjola e Ermali bëjnë batuta me njëri-tjetrin; Genta shijon shërbimet e djemve

2012-02-22T10:46:00.001-08:00

Prova që duhet të bëjnë tre djemtë kundrejt Gentjanës vazhdon, ndërsa në kuzhinë bëhen përgatitjet e fundit të drekës. Arjola është ankuar sepse nuk i ha makaronat dhe në shtëpi çdo ditë kanë gatuar këtë pjatë. Kështu, këtë herë ajo vendos që të gatuajë vetë dhe fillon të bëjë pica. Për këtë, ajo ndihmohet nga Liami dhe Ermali.

Ermali sapo përfundon provën duke i mësuar Gentës se si të sfilojë në një pasarelë mode, rikthehet në kuzhinë dhe gatuan bashkë me Arjolën dhe Liamin. Ky i fundit fillon të ngacmojë Arjolën duke i thënë: “Do t’i them mamit a e pëlqen këtë vajzë?” duke iu referuar faktit se ajo po bën punë shttëpie. Arjola ia kthen: “Po dola para teje nga shtëpia, do t’i them mamit tënd, a të pëlqej?”. Të dy ngacmohen me shaka dhe më pas flasin për reagimin e prindërve për hyrjen e tyre në Big Brother.

Pas një kohe të gjatë më në fund dreka është gati dhe banorët ulen në tavolinën e ngrënies. Nga ana tjetër prova e Gentjanës vazhdon ende. Është radha e Metit, i cili duhet t’i bëjë masazh Gentës, e më pas Ermali që duhet t’i mësojë të notojë.

Fillimi i aventurës Big Brother Albania 5

2012-02-22T09:11:00.002-08:00

Një pjesë e konkurentëve ndodhen në oborrin e shtëpisë dhe bisedojnë duke ngacmuar njëri-tjetrin. Ndërsa një pjesë tjetër ndodhen në kuzhinë duke u marrë me gatimin e drekës.

Graciano vazhdon të imitojë Gentën e cila është e pranishme aty duke bërë që të tjerët të qeshin. Edhe Gentjana nga ana tjetër imiton Gracianon duke përdorur disa shprehje tipike të tij. Duke u ngacmuar, ata fillojnë të kujtojnë momentet e hyrjes në shtëpinë e Big brother. Graciano imiton Gentën në momentin e startimit të edicionit kur Arbana prezantoi Gentën si banorja e parë e BB5. Gentjana imiton Metin dhe fillon të kujtojë momentet e para të futjes së gjithë konkurentëve në shtëpi. “Unë ju prita të gjithëve duke ju uruar mirëseardhjen” thotë Genta. Graciano dhe Anila ia kthejnë me ironi “shyqyr që të kishim ty. Tu shtoftë jeta! Marrsh ditë nga ditët tona në Big Brother” thonë ata duke folur si Genta.

Më pas Graciano kujton edhe një herë momentet e surprizës që Vëllai i Madh i bëri atij duke e njoftuar nga televizori se ai ishte konkurenti i radhës në Big Brother Albania 5. Graciano thotë se ai ishte një moment shumë emocionues për të.
E ndërsa ata kujtojnë emocionet që kanë përjetuar gjatë përzgjedhjes së tyre si konkurentë në Big Brother Albania 5, në kuzhinë gatuhet dreka dhe bisedat zhvillohen rreth ushqimeve.

Imitime dhe të qeshura pa fund

2012-02-22T08:41:00.001-08:00

Mëngjesi i sotëm për Albulenën, Gracianon dhe Anilën ka nisur me të qeshura të mëdha teksa Albulena imitonte Arjolën. Të njëjtën gjë Albulena e vazhdon më tej, por tashmë duket se nuk fokusohet vetëm tek Arjola, por imiton një pjesë të mirë të konkurentëve duke shkaktuar të qeshura të pafundëme tek ata.

Edi, Gjoni, Ermali dhe Liam ndodhen në sauna, ndërsa pjesa tjetër e banorëve kanë dalë në oborr. Albulena fillon që të imitojë Gjonin në mënyrën se si ai flet. Ajo është përballë pjesës tjetër të konkurentëve dhe vazhdon imitimet e saj. Pas Gjonit ajo imiton Ermalin e më pas Edgarin. Ajo imiton edhe banorë të tjerë ndër ta edhe Gentën. Edhe Graciano imiton Gentjanën duke u munduar që të flasë në dialektin e zonës së Devollit. Në imitimet e tyre bashkohet edhe Anila.

Emirjeta dhe Ermali që ndodhen në kuzhinë. Teksa i shohin që nga brenda shtëpisë, komentojnë sjelljen e Albulenës. Emirjeta thotë se ajo imiton shumë bukur dhe pas pak minutash del edhe ajo në oborr duke e dëgjuar Albulenën më nga afër. Aty vijnë edhe djemtë që dalin nga sauna dhe të gjithë qeshin me të madhe me imitimet e Albulenës.

Genta-Metit “Je njeriu më antipatik këtu brenda”

2012-02-22T08:37:00.002-08:00

Gentjana dhe Meti ndodhen në kuzhinë. Në një moment Genta i thotë Metit “ti je njeriu më antipatik këtu brenda” duke iu referuar hatërmbetjes së tij për shkak se ajo e preku në fytyrë. Meti i thotë se ai e ka fytyrën shumë të ndjeshme dhe për këtë arsye nuk lejon askënd që ta prekë. Genta fillon ta ofendojë për të krijuar debat, por Meti ia kthen me ironi.

“Për mendimin tim, mosha jote reale është 15 vjeç” i thotë Genta Metit dhe ai ia kthen “po tash sa kam hy në klasë të parë”. Genta vazhdon me ngacmimet e saj, por Meti fillon e këndon. Gentjana i kërkon që të mos këndojë sepse po e acaron dhe Meti i thotë “mos m’thuj ndalu, se atëherë unë nuk ndalem”. Genta i thotë se ai është personi i vetëm që ajo nuk e duron dot në shtëpi, por Meti qesh dhe fillon të këndojë. Gentjana i thotë Metit se sot do të ankohet te vëllai i Madh që Meti të mos i bëj masazhe. “Masashet e mia të bëjnë që ta mbash trupin drejt” i thotë Meti Gentës. Genta ia kthen “duart e tua nuk kanë asnjë efekt mbi mua” dhe Meti vazhdon më tej “duart e mija kanë efekt magjik”.

Të dy ngacmohen për një kohë të gjatë dhe më pas Genta i propozon që të bëjnë një marrëveshje që për një orë të sillen shumë mirë me njëri-tjetrin dhe pastaj si zakonisht. Meti i thotë se nuk mundet të sillet ndryshe me Gentën. Gentjana i afrohet Metit dhe fillon t’i bëjë masazh dhe kështu debati i tyre përfundon, megjithse ngacmimet e herëpashershme vazhdojnë mes tyre.

Thashetheme e tallje për Arjolën

2012-02-22T05:33:00.001-08:00

Arjola është zgjuar dhe pas një farë kohe shkon në kuzhinë dhe bashkohet në bisedat e konkurentëve të tjerë. Në dhomën e gjumit janë zgjuar të gjithë dhe fillojnë thashethemet edhe aty.

Albulena, Graciano dhe Anila qëndrojnë pranë njëri-tjetrit dhe fillojnë të flasin për Arjolën. Duket se ata nuk e pëlqejnë Arjolën në mënyrën se si flet ajo. Albulena fillon ta imitojë dhe Graciano e Anila qeshin me të madhe. Të tre tallen me mënyren se si flet e sillet Arjola.
Albulena nis t’i tregojë edhe për një zënkë në mënyrë ironike të saj me Arjolën. Ajo thotë se gjatë darkës ishte duke e imituar Arjolën në të folur dhe mimikë në prani të saj. Arjola e kishte parë deri në fund dhe më pas i kishte thënë “Lena përveçse je e bukur, imiton dhe shumë bukur”. Albulena thotë një pjesë të fjalëve nuk ia kishte kuptuar, ndërsa Graciano dhe Anila thonë se Arjola kërkon gjithmonë shkak që të debatojë me të tjerët.

Ndërsa ata të tre flasin për Arjolën, kjo e fundit bashkë me Gentën shkojnë pranë Metit dhe Elvisit për t’i zgjuar nga gjumi.

Edhe Genta ikën këtë javë nga “Big Brother Albania 5”?

2012-02-22T04:51:00.000-08:00

Jeta në mes “katër mureve” në shtëpinë e “Big Brother”-it është bërë e padurueshme. Në fillim ose më mirë në ditën e parë pasi që të njihet me të gjithë iku Besarda, konkuruesja e bukur e shtatëgjatë.Në fillim nga shikuesit e show-it u mendua se kjo është vetëm një lojë e “Vëllaut të madh” por, fatkeqësisht ikja e saj ishte e vërtetë.

Shembullin e shoqes së saj si duket do ta ndjekë këtë javë edhe Gentiana, vajzë kjo që nga shumë banorë brenda u quajt “katunare” me apo pa dashje. Dalja e saj do bëhët në njërën nga ditët e javës njoftojnë disa burime të shkruara. / Revista Grazzi/.

Flori përpiqet të njihet me Arjolën

2012-02-21T14:17:00.000-08:00

Prova e tre djemve kundrejt Gentjanës përfundon dhe banorët hyjnë brenda duke u marrë me gatimin e darkës. Pjesa tjetër që nuk gatuajnë rrinë në sallon dhe bisedojnë duke shkëmbyer edhe shaka të ndryshme mes tyre. Aty ndodhet edhe Floriani dhe Arjola. Flori fillon ta pyesë Arjolën për jetën e saj, për familjen, për qytetin e Pogradecit etj, duke u përpjekur që të njihet më shumë më të.

Pak më parë Arjola u bë objekt bisede mes disa prej konkurentëve, ndër të cilët ishte edhe Flori. Ajo ishte shprehur se harxhonte 500 mijë lekë në muaj në Tiranë dhe djemtë dyshuan, pasi Flori tha se për një studente janë shumë shpenzime duke bërë edhe krahasimin me pagat e ulëta në vendin tonë. Tashmë ai përpiqet që të zbulojë më shumë rreth Arjolës dhe fillon ta marrë në pyetje.

Flori fillon ta pyesë Arjolën me çfarë udhëton për në Pogradec dhe se ku banon konkretisht. Arjola i përgjigjet shkurt pyetjeve të tij duke dhënë përshtypjen se nuk do që të flasë më gjatë, por Florin vazhdon më tej dhe e pyet për punën e prindërve të saj. Arjola i përgjigjet “mami në shtëpi, kurse babi punon në Greqi”. Më pas Flori tenton të vazhdojë bisedën duke bërë edhe pyetje të tjera dhe duke krahasuar jetën e tij me atë të Arjolës.

Edhe banorët e tjerë bisedojnë ku tema më e përdorur është ajo rreth dëborës që ka rënë këtë vit në Kosovë e Shqipëri. Ndërsa përgatitja e darkës vazhdon ende.

Vazhdon prova për Metin, Elvisin dhe Ermalin, kundrejt Gentës

2012-02-21T13:59:00.000-08:00

Banorët qëndrojnë për disa minuta në dhomën e gjumit dhe më pas Ermali u kërkon që të mblidhen të gjithë në sallon, për t’u bërë një njoftim. Ai u jep nga një zarf edhe Elvisit dhe Metit dhe të tre djemtë lexojnë përpara konkurentëve detyrën e radhës që duhet të kryejnë kundrejt Gentjanës.

Siç dihet tashmë, Genta, Konkurentja e parë e Big Brother 5, ka në dorë fatin e tre djemvë për qëndrimin e tyre të mëtejshëm në shtëpi. Kështu edhe për sonte nis prova e radhës për secilin prej tyre. Këtë herë, ashtu si dhe një natë më parë, Genta do të mësojë përsëri notin, modelingun dhe do të përfitojë edhe masazhe, por djemtë kanë ndryshuar detyrat e tyre.

Konkretisht prova do të fillojë me Metin i cili këtë herë do t’i mësojë Gentjanës se si të sfilojë në një pasarelë mode. Pas tij do të vazhdojë Ermali i cili do të përpiqet që t’i mësojë Gentës Notin dhe provën e mbyll Elvisi i cili do t’i bëjë masazhe në ballkonin pranë pishinës.
Prova fillon dhe mbaron me rënien e gongut dhe Vëllai i Madh ka përgatitur çdo që mund të kenë nevojë djemtë në përmbushjen e detyrës së tyre.

Emirjeta dhe Anila debatojnë

2012-02-21T11:34:00.000-08:00

Konkurentët duke ngrënë në kuzhinë, vazhdojnë të bisedojnë për mardhënien që ekziston midis prindërit dhe fëmijës. Gjatë kësaj kohe lind një debat midis Emirjetës dhe Anilës.

Emirjeta në bisedë e sipër shprehet se ajo në një moment të caktuar e ka kuptuar se lidhja e saj me prindërit ka qënë shumë e fortë dhe i ka ndjerë si shok. Kjo shprehje e saj nuk i pëlqen Anilës e cila i thotë se mardhënia me prindërit nuk krijohet në një moment të caktuar, por krijohet që kur njeriu lind. Emirjeta këmbëngul në idenë e saj dhe thotë se ajo vetë kështu e ka ndjerë lidhjen e saj me prindërit, “në një moment të caktuar”. “Ma thuaj se kur ka qënë ky moment” i thotë Anila Emirjetës, por kjo e fundit nuk do të japë detaje dhe i thotë Anilës se nuk ka përse t’i tregojë momente të caktuara të jetës së saj.

Në diskutim e sipër vajzat përdorin një gjuhë paksa ofenduese ndaj njëra-tjetrës dhe flasin me ton gjithnjë e më të lartë. Kështu në një moment Anila i thotë Emirjetës “ti nuk po kupton fare çfarë dua të them” dhe Emirjeta e ironizon duke i thënë “po ku kuptoj unë me zemër, ti je ajo që i kupton të gjitha këtu”.

Pjesa tjetër e banorëve largohet nga tavolina e ngrënies dhe dy vajzat debatojnë për disa minuta duke u ironizuar, për të njëjtin motiv. Si përfundim Emirjeta vendos të largohet nga tavolina e ngrënies dhe kështu debati i saj mbyllet. Edhe pse secila prej tyre brojti idenë e saj, nuk arritën në një përfundim të caktuar.

Arbana: Veshja ime ekstravagante, por ndihem komode

2012-02-21T10:34:00.001-08:00

Moderatorja e reality show-it më të ndjekur në Shqipëri i përgjigjet kritikave dhe thashethemeve për veshjen e saj në mbrëmjen e së shtunës.

Jo vetëm një spektakël si Big Brother Albania por edhe moderatorja e tij, Arbana Osmani kanë qënë në qëndër të thashethemeve në media. Veshja ekstravagante e Arbana Osmanit ka tërhequr jo vetëm vëmendjen e mediave por edhe të opinionit publik. Komentet kritike për moderatoren Arbana Osmani, ka pasur edhe nga kryeredaktorja e revistës Madame Mapo, Iva Tiço e cila ka komentuar veshjen e saj në statusin e saj në facebook.

Në një prononcim për shqiptarja.Com, Osmani thotë se në këtë edicion të pestë të Big Brother Albania, veshjet e saj do të jenë më ekstravagante dhe më të guximshme. “Këtë sezon është menduar nga unë dhe stafi i profesionistëve që më këshillojnë të vesh tendencat e fundit”, thotë Osmani.

Ajo shton se, “ato do të jenë veshje që shumë kujt mund ti duken të çuditshme dhe absurde për tu veshur jashtë ekranit, por që unë ndjehem shumë komode në to. Jo pa qëllim janë zgjedhur veshje nga Alexander Mc queen, Miu Miu etj.

Lidhur me komentet e bëra për veshjen e saj të shtunën në mbrëmje, moderatorja e BB5, Arbana Osmani, ka preferuar mos ti komentojë duke thënë se gjithsecili ka shijet e tij.

“Nuk kam asnjë koment për të bërë në lidhje me veshjen. Shijet e secilit janë personale. Jam e lumtur dhe falenderoj Top – Channel që më mundëson të vesh tendencat e fundit dhe që në këtë drejtim, ashtu si në çdo strukturë tjetër jemi në një hap me kohën.”, u shpreh Osmani.

Në këtë drejtim ajo ka nënvizuar se i falenderon të gjithë ata që e kanë kritikuar sepse në thelb i duan të mirën. I falenderojë dhe i përshëndes të gjithë ata që kanë komentuar, unë e di që ata që më kritikojnë (prej kohësh) thellë thellë me duan veçse të mirën”, ka thënë prezantuesja e reality show-it më të ndjekur në Shqipëri, Arbana Osmani.

Genta: “Djemtë në BB, indiferentë ndaj vajzave”

2012-02-21T09:59:00.001-08:00

Vajzat qëndrojnë në dhomën e gjumit duke u veshur e duke bërë make-up e Graciano i komplimenton. Genta shprehet më shaka se po bëhen të bukura për djemtë sepse ata nuk po rrinë fare me vajzat.

Më pas Genta, Edi, Graciano e Emirjeta qëndrojnë në sallon duke biseduar e Genta shprehet se nuk e pëlqen operën dhe njerëzit e “kollarisur” që e dëgjojnë atë. Graciano e kundërshton këtë mendim të sajin e i thotë: “Kam arritur të kuptoj se për ty e rëndësishme është vetëm të flasësh, jo të kuptosh se çfarë po thua”. Genta përgigjet se nuk i pëlqen njerëzit e pasur, paçka se nuk i ka rënë rasti të qëndrojë me ta. Graciano shton se Genta po bën gabim që po paragjykon një shtresë njerëziash nga një indikator i vetëm.

Genta gjithashtu shpreh pakënaqësi ndaj djemve të shpisë duke i cilësuar si indiferentë ndaj vajzave. Graciano përgjigjet se ajo ka dëshirë të bëjë debat. Genta shprehet se me Edin i ka mbetur hatri pasi ai nuk i është afruar e nuk ka biseduar me të, e Edi përgjigjet se dje ka dashur të qëndrojë vetëm, por ajo nuk duhet të mërzitet me të. Emirjeta e komplimenton Edin për faktin që është i hapur dhe i afrueshëm me konkurentët.

Ndërkohë, Liam, Arjola, Erioni, Gjoni, Flori, Ermali e Meti janë në obor duke luajtur volejboll dhe argëtohen, ku gjate lojës banorët shperthejnjë në ovacione për pikët e fituara.

Arbana Osmani kritikohet për veshjen

2012-02-21T09:19:00.001-08:00

Gazetarja, njëherazi drejtuese e revistës “Madame Mapo”, Iva Tico, ka kritikuar hapur përzgjedhjen e veshjes së moderatores së reality-show-t “Big Brother Albania 5”, Arbana Osmani. Kjo e fundit në puntatën e parë të edicionit te peste te ketij spektakli, te Shtunen ne mbremje mbante veshur nje fustan te shkurtër, të mbyllur para e te hapur pas, të firmës MSGM/ Cruise, ndërsa në këmbë ra në sy per këpucet “alla Lady Gaga”, te firmosura nga Italiani Giuseppe Zanotti, supër të larta me platforme dhe pa take.

“Fustani është shumë i bukur pa Arbanën brenda”, ka thene gazetarja Iva Tico, e cila ka shpjeguar rezervën e saj me argumentin se “Arbana ka veshur modelin e gabuar per nje trup pa shpatulla e qafë”.

Iva Tico nuk eshte ndalur me kaq, ajo ka kritikuar gjithashtu edhe zgjedhjen e kepuceve edhe te vareses, sipas saj ato lloj kepucesh kerkonin “kembe kilometrike”, qe Arbanes i mungojnem varëseja e bënte të dukej pa qafë fare.
Fjoralba Shahaj Gazeta Standard

Genta: “Kam simpati për Metin”

2012-02-21T09:13:00.001-08:00

Banorët ndodhen në kuzhinë duke pregatitur mëngjesin, e Genta kërkon kakao nga banorët, por ata i përgjigjen se nuk ka. Ajo shprehet me shaka se për faj të tyre, do të pijë qumështin pa kakao.

Genta i tregon Liamit se ka parë në ëndërr sikur ai është larguar nga shtëpia e BB, por Liami i përgjigjet i qetë se ëndrrat dalin gjithnjë të kundërtat. Më pas Genta i thotë Ermalit se e ka shumë inat pasi nuk i pëlqen mënyra se si ai shikon.
Në një moment teksa djemtë bisedojnë, Genta i drejtohet atyre me fjalë të pahijshme, dhe ata shtangin. Por Genta e sqaron menjëherë situaten se kur i shan njerëzit, do të thotë që i ka përzemër e ata duhet të shqetësohen nëse ajo i merr me të mirë. Genta shprehet se nga djemtë, më së shumti i pëlqen Elvisi. Ajo thotë se ai e tërheq shumë dhe i duket mjaft simpatik.

Ndërkohë Emirjeta dhe Flori qëndrojnë në oborr duke pirë kafenë e mëngjesit e bisedojnë. Floriani shprehet se i duket sikur ka më shumë kohë që qëndron në shëpinë e BB. Erioni thotë se brenda shtëpisë duhen llogaritur javët që kalojnë e jo ditët.

Më pas Flori shprehet se nuk i pëlqen fakti që e kanë zgjuar në mëngjes pa dëshirën e tij dhe pyet se cili nga banorët ka dashur t’i zgjojë dhe ka bërë zhurmë në dhomë. Erioni i përgjigjet me ironi : “xhaxhi Edi”. Flori shton se shakaja nuk duhet tepruar.

Gjoni tregon për momentet e futjes në BB5

2012-02-20T14:33:00.000-08:00

Pas leximit të zarfeve Genta dhe tre djemtë vazhdojnë provën dhe një pjesë e konkurentëve i ndjekin si spektatorë. Një pjesë e tyre kometojnë provën, ndërsa një pjesë tjetër bisedojnë për gjëra të ndryshme.

Anila, Gjoni dhe Albulena ulen në zonën pranë pishinës dhe bisedojnë për aplikimin e tyre në Big Brother Albania 5. Fillimisht vajzat flasin për Gentën të cilën e konsiderojnë si të privilegjuar, për shkak të provave që i ka dhënë Vëllai i Madh në lidhje me Ermalin, Elvisin dhe Metin.

Më pas ata fillojnë të flasin për futjen e tyre në Big Brother 5. Kështu Gjoni fillon tu tregojë vajzave se si ka aplikuar ai për të qënë pjesë e BB. Ai thotë se ka qënë motra e tij ajo që ka ndikuar shumë dhe e ka nxitur që ai të marrë pjesë. Ai thotë se pasi kanë parë reklamën motra kainsistuar që ai të konkurojë. Gjoni tregon se si ka aplikuar nga Italia për të marrë pjesë në BB në Shqipëri.

Më pas ai tregon edhe detaje të tjera duke kujtuar ditën e aplikimit, intervistat e deri në momentin e hyrjes në shtëpi.
Më pas i pyetur nga Anila Gjoni flet për jetën e tij në Venecia.
Ndërsa Anila, Gjoni dhe Albulena bisedojnë në zonën pranë pishinës, brenda Elvisi vazhdon t’i mësojë Gentës modelingun.

Ermali, Elvisi dhe Meti, detyrimet e radhës ndaj Gentës

2012-02-20T13:19:00.001-08:00

Të gjithë konkurentët shkojnë në dhomën e gjumit dhe fillojnë të bisedojnë për gjëra të ndryshme. Përveç bisedave, ata qeshin, luajnë dhe kërcejnë herë pas here.

Pas një farë kohe në dhomë vjen Ermali me një zarf në dorë. Ai u kërkon vëmendje të gjithëve dhe fillon të lexojë përmbajtjen e zarfit.

Këtë herë Vëllai i Madh udhëzon tre djemtë, Metin, Ermalin dhe Elvisin për detyrimet që ata duhet të shlyejnë ndaj Gentjanës.

Ashtu siç është bërë e ditur edhe në spektakël, Gentjana është në qëndër të provave që duhet të kalojnë tre djemtë, pasi ajo ka në dorë qëndrimin e tyre të mëtejshëm në shtëpinë e Big Brother. Në varësi të sjelljes së djemëve dhe përmbushjes së detyrave që ata do të bëjnë kundrejt Gentjanës, kjo e fundit do të vendosë se cili prej tyre do të lërë shtëpinë dhe cili do të vazhdojë më tej. Këtë herë Vëllai i Madh ka zgjedhur detyra të veçanta për secilin prej djemëve. Kështu Elvisit do t’i duhet që t’i japë Gentës leksione modelingu. Meti do të mundohet që t’i mësojë notin, ndërsa Ermalit do t’i duhet që t’i bëjë masazhe në pishinë.

Secili nga djemtë merr nga një zarf ku ndodhen udhëzimet përkatëse për provën e tyre. Prova do të fillojë dhe mbarojë me rënien e gongut. Pjesa tjetër e banorëve mund të qëndrojnë si spektatorë gjatë provës, por nuk duhet të ndërhyjnë në të as duke folur.

Genta rrëfen historinë e saj të dashurisë

2012-02-20T12:44:00.001-08:00

Gjatë kohës që bisedojnë pranë Pishinës, biseda e Gentës me Metin dhe Elvisin ndërron disa herë. Kështu pas një farë kohe, Genta e pyetur edhe nga dy djemtë, fillon të flasë për historinë e saj të dashurisë.
Genta u tregon Metit dhe Elvisit se ajo ka pasur një lidhje të gjatë dashurie e cila ka nisur që në moshë të vogël, por që fatkeqësisht ka përfunduar përpara disa muajve. “Jam lidhur që 14 vjeçe dhe jemi ndarë para ca muajsh” thotë Genta duke shtuar më tej se ajo e ka vuajtur shumë një gjë të tillë.

Genta thotë se për shkak të vuajtjes ajo tashmë e sheh shumë të vështirë dhe me frikë, krijimin e një raporti të ri dashurie. Meti e pyet Gentën se perse përfundoi historia e saj dhe vajza i thotë që nuk do që të flasë shumë për të, sepse ka frikë se të tjerët do ta përdorin më pas për ta lënduar. Elvisi i thotë se një njeri që luan me dhimbjen e tjetrit, tregon vetëm se është i ulët dhe Genta nis të tregojë disa detaje.

Genta thotë se një nga arsyet e ndarjes së saj kanë qënë dy familjet e të rinjve, pasi as prindërit e saj dhe as prindërit e ish-të dashurit nuk kanë qënë dakort me lidhjen e tyre.

Më pas Genta thotë se ajo ende nuk është e sigurt nëse lidhja e saj ka përfunduar përfundimisht, por nuk beson se do të vazhdojë më tej, pasi është një raport shumë i komplikuar. Genta tregon disa detaje për lidhjen e saj, por shprehet se ka frikë të flasë për të sepse është një nga pikat e saj të dobëta.
Ata flasin për një kohë të gjatë duke komentuar elementët e një lidhjeje siç është ndjenja, respekti, xhelozia etj dhe japin mendimet e tyre në lidhje me to.

Permbledhje Ditore Big Brother Albania 5 / 20 Shkurt 2012

2012-02-20T12:22:00.002-08:00

Pjesa 1:

Pjesa 2:

Pjesa 3:

Genta: “Më marrin për naive”

2012-02-20T11:47:00.001-08:00

Gentjana dhe Elvisi dalin në zonën pranë pishinës për të biseduar, ndërsa të tjerët ndodhen në dhomën e ndenjes duke vazhduar me buxhetin e duke shkëmbyer biseda të ndryshme.

Biseda e Gentës me Elvisin nis që në dhomën e ndenjes, por kur shkojnë pranë pishinës pranë tyre ulet edhe Meti. Genta është e mërzitur pasi mendon se konkurentët e tjerë e shohin si naive. Më parë një gjë të tillë asaj ia ka thënë Ermali dhe vajza është prekur. Ajo pyet Elvisin dhe Metin se çfarë mendojnë ata për Gentën dhe u lutet që të jenë të sinqertë. Elvisi i thotë se ajo është shumë miqësore, e dashur, zemërmirë etj. Po ashtu edhe Meti ndan të njëjtin mendim me të.

Të dy djemtë mundohen që të qetësojnë Gentën duke i thënë se ajo nuk ka përse të mërzitet se si, apo çfarë mendojnë konkurentët e tjerë për të.

Genta shprehet “po më duket se po më marrin për naive, kur tregohem e mirë me të gjithë”. Elvisi e këshillon që ajo të vazhdojë të jetë kështu, sepse këtë do ta vlerësojë publiku jashtë dhe jo konkurentët.
Genta thotë se edhe jashtë shtëpisë e kujtojnë naive dhe mëndjelehtë, por që ajo nuk është e tillë. “Unë kam edhe shumë gjëra të tjera që mund të jap, përveçse e dashur me të gjithë” shton më tej Genta.
Më pas ata flasin edhe për banorët e tjerë. Genta thotë se nga të gjithë banorët Edi është ai që e kupton më mirë. Elvisi e pyet se cila nga vajzat i duket si konkurentë e fortë deri tani dhe Genta i thotë se asnjëra prej tyre dhe thekson se konkurentë më të fortë asaj i duken djemtë. Meti i thotë Gentës se nëse ajo vazhdon të jetë e komunikueshme dhe të vazhdojë lojën e saj, është perfekte.

Debat mes Edgarit dhe Ermalit

2012-02-20T11:36:00.001-08:00

Diskutimet e banorëve për buxhetin e javës janë të gjata dhe shpeshherë banorët nuk bien dakort me idetë e njëri-tjetrit. Albulena dhe Edgari pasi kanë bërë një listë produktesh bashkë me banorët e tjerë, llogarisin edhe kostot për çdo produkt. Pas kësaj Edgari ua bën me dije edhe banorëve të tjerë llogarinë e tij, por kjo nuk u pëlqen të gjithëve dhe si rrjedhojë lindin edhe debate.

Ermali ulet pranë Edgarit dhe i thotë se nuk është dakort me llogarinë e këtij të fundit. Ai sygjeron një tjetër mënyrë llogaritjeje të kostos dhe produkteve që u nevojiten.

Ermali thotë “sipas mënyrës time të të gatuarit, unë them që të llogarisim cmimin e 2 kg patateve në javë, 2 kg specave... në mënyrë që të hamë çdo ditë gatime të ndryshme”. Edgari e kundërshton duke u shprehur se llogaritë e Ermalit janë të gabuara, pasi sasitë që ai sygjeron janë të pakta, në krahasim me numrin e banorëve që janë në shtëpi.
Në diskutim e sipër Ermali i thotë: “nuk po më kupton se ku e kam” dhe kjo ka bërë që Edgari të nervozohet.

“Mos të shkoj nëpër mend se nuk të kuptoj... jam aq tepër inteligjent, sa ty s’ta merr mendja, këtë ngulite” i drejtohet Edi Ermalit. Nga ana tjetër ky i fundit i thotë se nuk e kishte me të keq, por ishte thjesht një mënyrë të shprehuri.
Debati i tyre vazhdon më tej, teksa vazhdojnë edhe llogaritjet për buxhetin e javës.

Përgatisin buxhetin e javës

2012-02-20T11:35:00.000-08:00

Banorët janë mbledhur të gjithë në kuzhinë për të pregatitur buxhetin e javës. Në të vërtetë vetëm Anila mungon, e banorët irritohen duke e thirrur disa herë, pasi të gjithë po presin atë. Pas pak Edgari u lexon letrën me instruksione, e ardhur nga Vëllai i Madh, për pregatitjen me kujdes të buxhetit. Banorët e fillojnë këtë prçedurë duke u ndarë në tre grupe. Sicili prej tyre përgatit listën me produktet që u duhen.

Liam e Gjoni dallojnë nga konkurentët e tjerë, pasi shprehen se të gjithë buxhetin që u takon atyre duan ta shpenzojnë me çokollata dhe shumë mish.
Ashtu si edhe në edicionet e kaluara, porositja e cigareve zë një vend të rëndësishëm në diskutimin e buxhetit.

Gjatë kohës që përgatisin buxhetin, për një kohë të gjatë, banorët diskutojnë për produktet e shumëllojshme që do të marrin për javën në vazhdim. Ata mundohen që përveç produkteve të domosdoshme, të plotësojnë edhe dëshirat e tyre për produkte të ndryshme për të kënaqur shijen e tyre.

Genta: “Ermalit i druhem si konkurent i fortë”

2012-02-20T11:33:00.003-08:00

Një pjesë e madhe e banorëve ndodhet në kuzhinë duke biseduar. Albulena shprehet për Elvisin, pasi ai i ka kërkuar që të japë një mendim për të, se në pamje të parë ai është shumë i rëndë, por kur qëndron me të, është më i shoqërueshëm. Elvisi përgjigjet se ka krijuar të njëjtën mardhënie me të gjithë banorët deri më tani, por shton me shaka: “Genta është shpirti im”. Arjola thërret Gentën për t’i thënë që Elvisi ka bërë komplimentin më të mirë për të.

Genta afrohet pranë tyre dhe shprehet se në çastet e para ka patur me shumë për zemër Metin, pasi i ka bërë përshtypje, por tani është më afër me Liam-in, pasi i ka ndenjur më pranë. Genta shprehet se nëse nuk do të ishte ajo në shtëpi, aty nuk do të kishte gjallëri, por Anila e mohon e i përgjigjet se do të ishin shumë mirë dhe pa të.

Gentiana thotë për Ermalin, se ai është i vetmi personi që ka arritur të kuptojë pikat e saj të dobëta dhe si konkurent e ka frikë. Anila e Graciano kundërshtojnë duke u shprehur se ajo nuk ka biseduar aspak më të tjerët, kështuqë nuk mund të bëjë të tilla diferencime.
Arjola shprehet në këtë çast se deri në këto momente, më së tepërmi ka komunikuar me Erionin.

Pas më vonë, Gentiana qëndron me Anilën dhe Gracianon, ku këta dy të fundit i shpjegojnë asaj që në zënkën që ka ndodhur më parë mes Gentës dhe Anilës. Genta është ofenduar duke menduar se Anila e ka cilësuar pa klas, por në të vërtetë Anila shpjegon se nuk e ka thënë me tendencë këtë gjë, por ka qenë vetëm një shprehje e thënë pa qëllime negative. Të njëjtën gjë pohon dhe Graciano, i cili është në anën e Anilës.

Graciano: “Pjesëmarrja në BB, shumë e rëndësishme për mua”

2012-02-20T11:32:00.001-08:00

Elvisi dhe Graciano qëndrojnë në oborr duke biseduar për pjesëmarrjen e tyre ne Big Brother. Graciano shprehet se është arritje e madhe për faktin që ata janë përzgjedhur për të qenë pjesë e këtij reality show dhe Elvisi pohon.

Elvisi dhe Graciano shprehen se është shumë interesant fakti se publiku do t’i njohë karakteret e tyre e do t’i vlerësojnë, paçka se ata mund të mendojnë se janë pelqyer nga të gjithë, nuk do të jetë kështu. Më pas Elvisi shpreh dëshirën që gjatë javëve të futen të tjera vajza simpatike, por dhe të zgjuara.

Ndërkohë Gjoni e Meti qëndrojnë në dhomën e gjumit duke biseduar për tema të ndryshme, e mes tyre për rëndësinë e komunikimit në internet dhe fasilitetet e kësaj mënyre. Ai i tregon se për të marrë pjesë në BB ka aplikuar përmes internetit. Meti tregon se i ka pëlqyer gjithnjë ky reality shoë dhe e ka ndjekur shumë. Gjithashtu ai shprehet se kur e kanë telefonuar për të konfirmuar se është konkurent i BB, ai është surprizuar shumë.

Zënkë mes Anilës e Gentës; Thashetheme për Anilën

2012-02-20T07:06:00.003-08:00

Elvisi dhe Meti kujdesen për Gentianën duke plotësuar njërën nga detyrat që u është caktuar në lidhje me të. Gentiana shprehet se është njeriu më me fat, teksa djemtë i bëjnë masazh. Elvisi i thotë Gentianës se ajo i duket shumë e drejtpërdrejtë. Ajo i përgjigjet se banorët kanë krijuar një përshtypje se ajo është naive, por në të vërtetë nuk është ashtu.

Më pas sy djemtë mësojnë Gentën sesi të sfilojë duke përmbushur kështu detyrën tjetër, që është t’i japin mësime modelingu. Anila u bashkohet mësimve të djemve për Gentianën, por mes dy vajzave lind një zënkë. Genta shprehet se djemtë kanë për detyrë të mësojnë vetëm atë, jo Anilën. Por nuk mbaron me kaq, teksa Genta i kërkon Metit që t’i mësojë të ecë si femër e vërtetë me klas. Anila thotë në këtë moment: “Me klas duhet të jesh, nuk mund të bëhesh”.
Në këtë moment Genta shpërthen dhe thotë se paçka se nuk është mësuar të ecë me taka, do të donte të mësonte, e shton me ironi se Anila i ka të gjithë, ndërsa ajo vetë jo. Anila përgjigjet se nuk e ka thënë me tendencë ndaj saj atë frazë, e djemtë mundohen t’a shuajë këtë debat.

Genta nuk e lë me kaq dhe i thotë Anilës se nëse nuk i pëlqen t’a shohë atë duke mësuar, duhet të largohet. Anila përgjigjet se e di vetë se ç’duhet të bëjë, e Genta nuk duhet t’i japë urdhra. Dy vajzat e lëmë me kaq, e më pas djemtë i mësojnë të sfilojnë dhe Arjolës, Emirjetës e Albulenës.

Më pas Albulena flet me Gentën për zënkën e mëparshme mes kësaj të fundit dhe Anilës e shprehet se shpreson që Anila mos t’a zhgënjejë pasi është lidhur shumë me të. Ajo shton: “Shumë dyshime kam tek Anila”, duke u bazuar në komentet e saj për Gentianën. Kjo e fundit përgjigjet se i ka ardhur keq nga Anila që ka ndërhyrë kur djemtë po i mësonin asaj të sfionte, për më të tepër që për, ky është një mision.