No an no koumen dann emmer méi Restriktiounen. An sou däerfen mer haut nierwt Granaten an Samurai-Schwäerter och keen Waasser an Schnéikuuchelen mat an den Sécherheetsberäich huelen, et keint jo sin dass eppes aanescht dran as oder een déi als Waff benotzt.

An trotzdem koum et Chrëschtdag ‘rëm’ zu engem verschiichten Terroruschlag zu Detroit. Den Mann, deen wuel Verbindung zur Al-Qaeda huet, huet Sprengstoff um Kierper duerch d’Kontrollen an den Fliger bruecht an versicht sain Sprengsaz ze zünden. Et ass glécklecherweis alles glimpflech ausgaang, wéi mer wëssen.

An trotzdem as eng Bomm lassgaange, besser Kontrollen ginn gefuerdert, nei Technologien sollen dobäi hëllefen. Den ‘Nacktscanner’ ass rëm am Gespréich, e Verbuet vun all Elektronik u Bord geeschtert an den Käpp an d’Duty-Free Geschäfter stinn och an der Kritik. Déi Kaart ob där mir während dem ganzen Fluch kucken kennen iwwer wéineg Einöde mir grad fléien soll och net méi gewisen ginn, et kéint een jo domat den Fliger an säin Sprengsaz sekonnengenau zünden.

Waat kennt als nächst? Mussen mer alleguer geröngt ginn, eis dann ausdoen an eis Kleeder duerch ‘Fly-suits’ tauschen, alles während eis Kameraen an Sécherheetsbeamten nokucken? Däerfen mer just nach an d’Fluchhafengebei wann en Iris-Scan bestätegt dass mer ob enger Passagéierlescht stinn? Handbaggage as dann wuel och verbuet an mir mussen eis 8 Stonnen laang schlecht Hollywoodfilmer ukucken an dobäi net vergiessen, dass mer nëmmen eng eenzeg Kéier vun eisem Setz opstoen däerfen.

Menger Meenung sinn déi aktuell Moossnamen ausraichend, ‘Nacktscanner’ bréngen net vill, ganz dovun ofgesi dass daat en enormen Agrëff an d’Privatsphär as. Sprengstoffdetekoren klengen sënnvoll mä fir d’Passagéierzuelen déi duerch d’Kontrollen lafen net emsëtzbaar. D’Terroristen schéngen ëmmer en Wee ze fannen, egal wéi enorm d’Sécherheetsmoossnamen sinn. Vun dohier mussen mer e bëssen un der Qualitéit vun den Sécherheetsmoossnamen schrauwen an net un der Quantitéit. Leit déi motivéiert an opmierksam schaffen sin vill méi effektiv wéi all Passagéier emol virtuell ‘auszedoen’.

No related posts.

Ech sin e bessen méi spéit un fier mäin Reckbleck wéi déi aaner, mee léiwer spéit wéi ni. D’Froen hunn ech vun verschiddenen Lëtzebuerger Blogger geklaut an e bëssen ugepasst.

1) Ofgeholl oder zougeholl?
Ofgeholl, seet zumindest d’Wo.

2) D’Hoer méi laang oder méi kuerz?
E bëssen méi laang, mä gläich wuel rëm bëssen méi kuerz.

3) Méi kuerzsiichteg oder méi wäitsiichteg ginn?
Adleraan wéi ëmmer ;)

4) Méi Suen oder manner?
Manner.

5) Méi oder manner Suen ausginn?
Méi, vill méi.

6) Dech méi oder manner beweegt?
Trotz Auto, sinn ech méi ob den Been gewiergt. Ansonsten och e bëssen méi erëmkomm an der Welt.

7) Deen hirëssegste Plang?
Gudd Fro…

8) Déi schéinsten Plaatz ob der du waars?
San Francisco, ouni Zweiwel. Golden Gate Park, Palace of Fine Arts, Telegraph Hill…

9) De beschte Sex?
말하지 않을

10) Dat deierst wat ech mer kaaft hunn?
E Mini, nee keen Béier an och keng Jupe.

11) Dat beschten Iessen?
Homemade Burger & Sides an Florida. Trotz dem Fakt, dass ech iwwerhaapt keen Fleesch-Fan sinn.

12) Den ergräifendste Film?
Milk an (500) Days of Summer.

13) Déi bescht CD?
Beatles Remastered Discography, okok et ass keng nei Musek, mä trotzdem fir mech den wichtegsten Release vum Joer.

14) E Lidd waars du mat 2009 verbenns?
‘Let’s Dance to Joy Division’, net dass et een speziell gutt Lidd ass oder ech d’Lyrics mat eppes verbannen, mä et erënnert mech iergendwéi un 2009.

15) Dee schéinste Konzert?
Dëst Joer stoungen net vill Konzerten bei mir um Programm, mee Natas Loves You am Exit war richteg gutt, zemools well ech d’Band virdrun just ob myspace gesinn hunn. Net ze vill Leit, schéin Musek, gutt Location.

16) Déi meeschten Zäit verbruecht mat…?
Procrastinéieren an mengen Gedanken.

17) Déi schéinsten Zäit verbruecht mat…?
Reesen.

18) Virherrschend Gefill 2009?
‘Ech hätt sollen … ‘

19) 2009 fir déi éischte Kéier gemaach?
Gewielt. (uff awer nach eppes fonnt)

20) 2009 no laanger Zäit erëm gemaach?
An der Staat déi ni schléift geschlof.

21) Dräi Saachen op déi ech gären verzicht hätt?
- Déi Episode am Summer.
- Vun Leit enttäuscht ze gin déi mir eigentlech vill bedeiten.
- Déi däischter Gro Faarf déi verschidden Leit ausstrahlen.

22) Déi wichtegst Saach vun där ech eng Persoun wollt iwwerzeegen?
Net opzeginn an ze weisen, dass een mat bessen Ustrengung baal alles packen kann.

23) 2009 an engem Wuert?
Okay

24) Héi kanns du nach méi Saachen froen.

No related posts.