അപരന്‍

റോജര്‍ ഫെഡരര്‍്ക്കു മാത്രം സാധിക്കുന്നത്

2009-09-15T22:42:00.001-07:00

അല്ലെങ്കില്‍ റോജര്‍ ഫെഡരര്‍്ക്കു സാധിച്ചത് ...

മണ്‍തരി കൊണ്ട് ആനിമെയ്ഷന്‍

2009-08-22T01:03:00.001-07:00

വാമനന്‍ എന്ന തമിഴ് സിനിമയില്‍ നായകന്‍ മണലില്‍ നിമിഷങ്ങള്‍ കൊണ്ട് ചിത്രങ്ങള്‍ മാറ്റി മാറ്റി വരച്ചു നായികയെ ഇംപ്രെസ് ചെയ്യുന്ന രംഗം ഉണ്ട് . വളരെ രസകരമായിരുന്നു ആ കലാ പ്രകടനം . അത് എവിടെ നിന്ന് വന്നു എന്ന് പിന്നീട് ആണ് മനസ്സിലായത്‌

ഉക്രൈനിലെ ഒരു ടി വി ഷോയില്‍ (ഉക്രൈന്‍ ഗോട്ട് ടാലെന്റ്റ്‌ ) എന്ന പ്രോഗ്രാമില്‍ വന്ന പ്രകടനം നോക്കൂ . മണലില്‍ വെറുതെ ചിത്രങ്ങള്‍ മാറ്റി വരക്കുകയല്ല കലാകാരി ചെയ്യുന്നത് . കാഴ്ച്ചക്കാരുടെ ഹൃദയത്തെ തൊടുന്ന ഒരു ചിത്രീകരണം ആണ് അവര്‍ നടത്തുന്നത് . രണ്ടാം ലോക മഹാ യുദ്ധത്തില്‍ ജെര്‍മനി ഉക്രയിനെ ആക്രമിക്കുന്നതാണ് വിഷയം . മണല്‍ തരികളില്‍ എഴുതിയും മായ്ച്ചും അവര്‍ ശാന്തിയും സമാധാനവും പുലര്‍ന്ന രാജ്യം എങ്ങനെ സംഘര്‍ഷത്തിലേക്ക് നീങ്ങുന്നു എന്ന് വിവരിക്കുന്നു

അവസാനം അവര്‍ എഴുതുന്നത്‌ '' നീ ഇപ്പോഴും അരികിലുണ്ട് "എന്നാണ് .

ഇന്നത്തെ ചിത്രം - ഏവെറെസ്റ്റ് കൊടുമുടി

2009-08-06T06:38:00.001-07:00

36,000 അടി ഉയരത്തില്‍ വച്ച് -56 ഡിഗ്രീ സെല്‍ഷിയസ്‌ തണുപ്പില്‍ , ബലൂണില്‍ നിന്ന് എടുത്ത ചിത്രം

ലിങ്ക്

ഈ വര്‍ഷത്തെ ഏറ്റവും നല്ല തട്ടിപ്പ്

2009-08-05T00:59:00.001-07:00

ഐജിയാസ്‌ മെഹബുബ് ഖാന്‍ എന്നൊരു വിരുതന്‍ താന്‍ മഹാത്മാ ഗാന്ധിയുടെ ഉറ്റ സുഹൃത്ത് ആണ് എന്ന് വിശ്വസിപ്പിച്ചു കുറെ പേരുടെ ലക്ഷക്കണക്കിന്‌ രൂപ പറ്റിച്ചതായി വാര്‍ത്ത‍ . ഇദ്ദേഹം തന്റെ വാദത്തിനു തെളിവായി ടൈംസ്‌ ഓഫ് ഇന്ത്യയില്‍ വന്ന വാര്‍ത്തയും ഇവര്‍ക്ക് കാണിച്ചു കൊടുത്തിരുന്നു .

1945 ജൂലൈ 12 എന്ന ഡേറ്റ് ആണ് ഇതില്‍ കാണുന്നത് . തന്റെ സ്വാതന്ത്ര്യ സമര ബന്ധം കാരണം തനിക്കു ധാരാളം സര്‍ക്കാര്‍ കോണ്ട്രാക്റ്റ്കള്‍ കിട്ടുമെന്ന് പറഞ്ഞു വിശ്വസിപ്പിച്ചാണ് മെഹബുബ് ഖാന്‍ പൈസ വാങ്ങിയത്. കൂടാതെ കാശു വാങ്ങിയതിനു തെളിവായി വേറെയും കുറെ കള്ള രേഖകള്‍ ഉണ്ടാക്കി അവര്‍ക്ക് കൊടുത്തിരുന്നു.

ചുള്ളന്റെ ചിത്രം താഴെ . 29 വയസ്സേ ആയിട്ടുള്ളൂ .

ലിങ്ക്

ഒറ്റവരി ആസ്വാദനങ്ങള്‍ - ജൂലൈയില്‍ കണ്ട സിനിമകള്‍

2009-08-03T23:45:00.001-07:00

ഭ്രമരം

കച്ചവട സിനിമയുടെ കടുത്ത ആരാധകരെ പോലും വെറുപ്പിക്കുന്ന സൂപ്പര്‍ താരങ്ങളുടെ അടക്കമുള്ള മലയാളം സിനിമകള്‍ക്കിടയില്‍ നല്ല കഥയും നല്ല അഭിനയവും ഉള്ള , ഒരു വിധം നന്നായി എടുത്ത സിനിമ എന്ന നിലയില്‍ ഭ്രമരം അഭിനന്ദനം അര്‍ഹിക്കുന്നു.

ഈ പട്ടണത്തില്‍ ഭൂതം

ഇക്കാലത്തെ കുട്ടികളെ അണ്ടര്‍ എസ്ടിമൈറ്റ്‌ ചെയ്ത്‌ , അവര്‍ക്ക് മുപ്പതു കൊല്ലം മുമ്പുള്ള കഥയും സാങ്കേതിക വിദ്യയും മതി എന്ന് തീരുമാനിച്ച വിഡ്ഢിത്തം .

പുതിയ മുഖം

ഈ ചിത്രം അതെന്താണോ (വലിയ കഥയൊന്നും ആവശ്യമില്ലാത്ത ബി ഗ്രേഡ് അടിപ്പടം ) ആ രീതിയില്‍ നല്ലൊരു വിജയമാണ് .

നാടോടികള്‍ (ശശികുമാര്‍ , അനന്യ )

നന്നായി എടുത്ത ഒരു സിനിമ , അതിലുപരിയുള്ള ആഘോഷങ്ങള്‍ ഈ സിനിമ അര്‍ഹിക്കുന്നുണ്ടോ എന്ന് ചിന്തിക്കണം

സര്‍വം (ആര്യ , ത്രിഷ, ചക്രവര്‍ത്തി , ഇന്ദ്രജിത്ത് )

21 ഗ്രാമില്‍ (Alejandro González ) നിന്നും കടമെടുത്ത കഥയെങ്കിലും സംവിധായകന്റെ കൈപ്പിടിയില്‍ നില്‍ക്കുന്ന ഈ സിനിമ കുഴപ്പമില്ലാത്ത എന്ടെര്ടയിനെര്‍് ആണ് .

വാമനന്‍ (തമിഴ്‌ - ജയ് , റഹ്മാന്‍ , ലക്ഷ്മി റായ്)

മറ്റൊരു ഹോളിവുഡ് സിനിമയില്‍ നിന്നും പ്രചോദനം കൊണ്ട (Following- Christopher Nolan) ഈ സിനിമയും മോശമല്ലാത്തൊരു സിനിമയാക്കാന്‍ സംവിധായകന് കഴിഞ്ഞിട്ടുണ്ട്

മുദ്ര (ഡാനിയല്‍ ബാലാജി , നിതിന്‍ സത്യ)

ഈ സിനിമ ഏത് സിനിമ കോപ്പി ചെയ്തതാണ് എന്ന് പറയാന്‍ പറ്റില്ലെങ്കിലും മുമ്പ് ധാരാളം കണ്ടിടുള്ള കഥയാണ് എന്ന് തീര്‍ച്ചയായും പറയാന്‍ സാധിക്കും

ടെര്മിനേറ്റര്‍് സാല്‍വേഷന്‍ (ക്രിസ്ടിയന്‍ ബൈല്‍)

പഴയ ടെര്മിനേറ്റര്‍് സിനിമകളെയും ഷ്വാര്സനെഗ്ഗെരിനെയും ഒക്കെ മറന്നു കണ്ടാല്‍ ഈ സിനിമ ഇഷ്ടപ്പെടും

ഏന്ചല്‍്സ് ആന്‍ഡ്‌ ഡെമന്സ് (ടോം ഹാങ്ക് സ്)

ഡാവിഞ്ചി കോഡ്‌ വായിച്ചതും കണ്ടതും ഇഷ്ടപെട്ടതും പണ്ടേതോ കാലത്ത്‌ ആയിരുന്നു എന്ന് തോന്നി പ്പോയി .

വാച്ച് മെന്‍

സൂപ്പര്‍ ഹീറോ കളുടെ കഥ പറയുന്ന ചിത്രം വളരെ ആസ്വാദ്യകരമാണ് .

ഡൂപ്ലിസിറ്റി (ജൂലിയ റോബെര്‍ട്സ് , ക്ലൈവ് ഓവന്‍ )

കോര്‍പ്പറേറ്റ് ചാരന്മാരുടെ കഥ പറയുന്ന ഈ ത്രില്ലെരിന്റെ ക്ലൈമാക്സ്‌ ഒഴികെ എല്ലാം ഇഷ്ടപ്പെട്ടു .

ബട്ടര്‍ ഫ്ലൈ ഓണ്‍ വീല്‍സ് (പിയേര്‍സ് ബ്രോസ്നന്‍, ജെരാള്ഡ് ബട്ലെര്)

മറ്റൊരു ഇംഗ്ലീഷ് സിനിമ

ഷോര്‍ട്ട് കട്ട്‌ ( ഹിന്ദി - അക്ഷയ്‌ ഖന്ന , അര്‍ഷാദ്‌ വാര്‍സി , അമൃത അറോറ)

ഉദയനാണ് താരത്തിന്റെ ഹിന്ദി പതിപ്പ് കാണുമ്പോള്‍ ഇത്രയും മോശമായ അവസ്ഥയിലും മലയാളം സിനിമയെ ഓര്‍ത്തു സന്തോഷം തോന്നി

ഭ്രമരത്തിന്റെ കഥ മോഷ്ടിച്ചത് ?

2009-08-03T00:20:00.001-07:00

ഭ്രമരത്തിന്റെ കഥ ബട്ടര്‍ഫ്ലൈ ഓണ്‍ എ വീല്‍ എന്ന ഹോളിവുഡ് സിനിമയുടെ മോഷണം ആണെന്ന് ഈയിടെ ഒരു ബ്ലോഗിലെ സിനിമാ വിമര്‍ശനത്തില്‍ വായിച്ചു . മാത്രമല്ല മറ്റു വായനക്കാര്‍ ഇത് ബ്ലോഗുകളില്‍ പ്രചരിപ്പിക്കുന്നതും കണ്ടു .

തിയേറ്റ്റുകളില്‍് റിലീസ് ചെയ്യാതെ നേരിട്ട് ടി വി യിലും ഡി വി ഡി യിലും റിലീസ് ചെയ്ത ചിത്രമാണ് ബട്ടര്‍ഫ്ലൈ ഓണ്‍ എ വീല്‍ അഥവാ ഷാട്ടേഡ്(2007). പിയേര്‍സ് ബ്രോസ്നന്‍ (പഴയ ജെയിംസ് ബോണ്ട്‌ ), ജെരാള്‍്ഡ് ബട്ലര്‍ (300) എന്നിവര്‍ അഭിനയിച്ചിരിക്കുന്നു . ഒരു സാധാരണ തട്ടി കൊണ്ട് പോകല്‍ സിനിമയായി തുടങ്ങുന്ന ഈ സിനിമയുടെ ക്ലിമാക്സിലെ ട്വിസ്റ്റ്‌ ആണ് ഇതിനെ വ്യത്യസ്തമാക്കുന്നത് . കാണാന്‍ താല്പര്യമുള്ളവര്‍ക്ക് വേണ്ടി സസ്പെന്‍സ് പൊളിക്കാതെ പറയാം - മറ്റൊരാള്‍ കാരണം താന്‍ അനുഭവിച്ച വേദനകള്‍ അല്‍പനേരമെങ്കിലും അയാളെ കൊണ്ട് അനുഭവിപ്പിക്ക്കാന്‍ ഒരാള്‍ ശ്രമിക്കുന്നതാണ് ഇതിന്റെ കഥ.അതാരാണ് എന്നുള്ളതാണു ഇതിന്റെ ക്ലൈമാക്സ്‌. കഴിഞ്ഞ മാര്‍ച്ചില്‍ ഈ സിനിമ സ്റ്റാര്‍ മൂവിസില്‍ വന്നിരുന്നു.

സമാധാനപരമായി മുന്നോട്ടു പോകുന്ന ഒരു കുടുംബത്തിലേക്ക് ഒരു അപരിചിതന്‍ വന്നു കയറുന്നതോടെ ഉണ്ടാവുന്ന താളം തെറ്റലുകള്‍ എന്ന ഒറ്റ വരി പിടിച്ചു ഇത് മോഷണം ആണ് എന്ന് പറയുന്നതിനെ അംഗീകരിക്കാന്‍ ആവില്ല . ആശയപരമായോ കഥാപരമായോ ഈ സിനിമകള്‍ തമ്മില്‍ യാതൊരു ബന്ധവും ഇല്ല. . പ്രചോദനം എന്ന് പറയാന്‍ പോലും കുറച്ചു ചിന്തിക്കേണ്ടി വരും. സീന്‍ ബൈ സീന്‍ മോഷണങ്ങള്‍ നടക്കുന്ന മലയാളം സിനിമയില്‍ ഇതിനെക്കേറി മോഷണം എന്നെങ്ങിനെ വിളിക്കും

ഭാവനയും കഴിവും തരിമ്പു പോലുമില്ലാത്ത സംവിധായകര്‍ അരങ്ങു വാഴുന്ന മലയാള സിനിമയില്‍ അല്പമെങ്കിലും വ്യത്യസ്തമായ സിനിമകള്‍ അവതരിപ്പിക്കുന്ന സംവിധായകനാണ് ബ്ലെസി. മലയാള സംവിധായകര്‍ തമിഴ് സിനിമ കണ്ടു പഠിച്ചു മലയാളം സിനിമ എടുക്കണം എന്ന് ചിന്തിക്കാത്ത കുറച്ചു സംവിധായകരില്‍ ഒരാളാണ് അദ്ദേഹം എന്ന് തോന്നുന്നു.

ക്വിക്ക് ഗണ്‍ മുരുഗന്‍ - ഇന്ത്യന്‍ ജെയിംസ്‌ ബോണ്ട്‌

2009-07-31T00:11:00.001-07:00

ഓം ശാന്തി ഓമില്‍ ഷാരുഖ്‌ ഖാന്റെ ക്വിക്ക് ഗണ്‍ മുരുഗന്‍ പ്രകടനം ഓര്‍മ്മയില്ലേ ? വര്‍ഷങ്ങള്‍ക്കു മുമ്പ് ചാനല്‍ വി യില്‍ വന്നിരുന്ന ക്വിക്ക് ഗണ്‍ മുരുഗന്‍ എന്ന സൌത്ത് ഇന്ത്യന്‍ കൌ ബോയ്‌ കഥാപാത്രം പ്രധാന താരമായ സിനിമ റിലീസ് ആഗസ്റ്റ്‌ 28 നു റിലീസ് ചെയ്യുന്നു. മുഖ്യമായും തമിഴ് തെലുങ്ക് സിനിമകളെ കളിയാക്കുന്ന രീതിയിലാണ് ഇത് എടുത്തിരിക്കുന്നത് . (വെസ്റ്റേണ്‍ സിനിമകളുടെ സ്പൂഫ് എന്നു പറയുന്നു ) ഫിലിം ഫെസ്ടിവലുകളില്‍ പൊതുവേ വളരെ നല്ല അഭിപ്രായം ആണ് ഈ ചിത്രം നേടി എടുത്തിരിക്കുന്നത് .

കന്നഡ നടന്‍ രാജേന്ദ്ര പ്രസാദ്‌ , രംഭ , നാസര്‍ , റണ്‍വീര്‍ ഷേരോയ്, വിനയ്‌ പഥക്, സന്ധ്യ മൃദുല്‍ തുടങ്ങിയ കഴിവുള്ള അഭിനേതാക്കള്‍ ഈ ചിത്രത്തിലുണ്ട്. ഹിന്ദി , ഇംഗ്ലീഷ് , തമിഴ് , തെലുങ്ക് എന്നീ നാല് ഭാഷകളില്‍ റിലീസ് ചെയ്യാന്‍ ഉദ്ദേശിക്കുന്ന ചിത്രം സംവിധാനം ചെയ്തിരിക്കുന്നത് ശശാങ്ക് ഘോഷ് ആണ് .

ട്രെയിലര്‍ താഴെ - കണ്ടാല്‍ ഇത് സ്പൂഫ് അല്ല ഒറിജിനല്‍ തമിഴ് സിനിമ പോലെ (ചില മലയാളം സിനിമകള്‍ പോലെയും ) എന്നേ തോന്നൂ .

ഒഫീഷ്യല്‍ വെബ്സൈറ്റ്‌

ക്യൂബാ മുകുന്ദന്‍ കേള്‍ക്കണ്ട !

2009-07-28T23:11:00.001-07:00

കമ്മ്യൂണിസ്റ്റ്‌ രാജ്യമായ ക്യൂബയില്‍ കരിഞ്ചന്ത വ്യാപാരം കാര്യമായി നടന്നിരുന്നത് തെരുവുകളില്‍ ആയിരുന്നു (ഇപ്പോഴും). കേട്ട് കേള്‍വി ആണ് പ്രധാന പരസ്യം . എന്നാല്‍ ഇപ്പോള്‍ രെവൊലികൊ .കോം എന്ന ഒരു വെബ്സൈറ്റ്‌ ഇതിന്റെ സ്ഥാനം ഏറ്റെടുത്തിരിക്കുന്നു . ഒരുവിധം എല്ലാ കച്ചവടങ്ങളും ഗവണ്മെന്റ് നിയന്ത്രണത്തില്‍ ആയ , ക്യൂബയില്‍ ഒരല്പം കാശു ഉണ്ടാക്കണമെങ്കില്‍ ഇത് തന്നെ ശരണം.

ക്രയ്ഗ് ലിസ്റ്റ് പോലെ സൌജന്യ ക്ലാസ്സിഫൈഡ് പരസ്യങ്ങള്‍ നല്‍കുന്ന ഒരു വെബ്സൈറ്റ്‌ ആണ് ഇതും .ഈ വെബ്സൈറ്റില്‍ വില്പനയ്ക്ക് വെച്ചിരിക്കുന്ന പലതും നിയമവിധേയമോ അല്ലെങ്കില്‍ അധികാരികള്‍ ശ്രദ്ധിക്കാത്തതോ ആണെങ്കിലും തികച്ചും നിയമവിരുദ്ധമായ പലതും ഇവിടെ ലഭിക്കും. പ്രധാനപ്പെട്ട പരസ്യം ക്യൂബ വിടാനുള്ള സഹായം ചെയ്തു കൊടുക്കും എന്നുള്ളതാണ് . കള്ള വിവാഹം കഴിച്ചു ക്യൂബ വിടാനുള്ള വഴി ശരിയാക്കാം എന്ന രീതിയിലുള്ള പരസ്യങ്ങള്‍ ധാരാളം .

ക്യൂബയില്‍ 1960 നു മുമ്പുള്ള കാറുകള്‍ മാത്രമേ സ്വതന്ത്രമായി കൈമാറ്റം ചെയ്യാന്‍ പറ്റുകയുള്ളൂ. പുരാതന കാറുകളുടെ ധാരാളം പരസ്യങ്ങള്‍ രെവൊലികൊ .കോമില്‍ കാണാം. ഇത് കൂടാതെ മോശമല്ലാത്ത രീതിയില്‍ ലൈംഗിക വ്യാപാരവും ഇതില്‍ നടക്കുന്നു .

ഇന്റര്‍നെറ്റ്‌ വളരെ നിയന്ത്രണത്തില്‍ ഉള്ളതും വേഗം കുറഞ്ഞതുമായ ക്യൂബയില്‍ കമ്പ്യൂട്ടര്‍ ഉപകരണങ്ങള്‍ക്കും (നിയമവിരുദ്ധമായ ) ഇന്റര്‍നെറ്റ്‌ കണക്ഷനും നല്ല ആവശ്യക്കാര്‍ ആണ് . ഇന്റര്‍നെറ്റ്‌ ഉപഭോഗം വളരെ അധികം കുറവുള്ള ക്യൂബയില്‍ ഈ വെബ്‌സൈടിനു പ്രതിമാസം പതിനഞ്ച് ലക്ഷം സന്ദര്‍ശകര്‍ ഉണ്ട് എന്ന് ഉടമകള്‍ അവകാശപ്പെടുന്നു .

മദ്യപാനികളുടെ ഭൂപടം

2009-07-23T04:02:00.001-07:00

ഓരോ രാജ്യങ്ങളിലെയും പ്രതിശീര്‍ഷ മദ്യപാനം അടയാളപ്പെടുത്തിയ ഭൂപടം

ലിങ്ക്

ഓരോ ഇന്ത്യക്കാരനും ഒരുവര്‍ഷം 0.82 ലിറ്റര്‍ മദ്യം (pure alcohol ) കഴിക്കുന്നു എന്നാണ് കണക്കു . അപ്പോള്‍ ഒരു വര്ഷം ഇന്ത്യക്കാര്‍ അകത്താക്കുന്നത് 96 കോടി ലിറ്റര്‍ മദ്യം !

വൈദ്യുതിയും ജനസംഖ്യയും തമ്മിലെന്ത് ?

2009-07-21T05:45:00.001-07:00

ജനസംഖ്യ വളര്‍ച്ച കുറയ്ക്കാന്‍ ഗ്രാമങ്ങളുടെ വൈദ്യുതിവല്‍കരണം സഹായിക്കും എന്ന് ആരോഗ്യ കുടുംബ ക്ഷേമ മന്ത്രി ഗുലാം നബി ആസാദ്‌ പറയുന്നു. വൈദ്യുതി ഇല്ലാത്തപ്പോഴാണ് ജനസംഖ്യ വര്‍ദ്ധിപ്പിക്കല്‍ എന്ന പ്രവൃത്തി അധികം നടക്കുന്നതത്രേ. മാത്രമല്ല. വൈദ്യുതി വന്നാല്‍ ജനങ്ങള്‍ ടി വി കാണുകയും അതില്‍കൂടി നല്ല കാര്യങ്ങള്‍ മനസ്സിലാക്കുകയും ചെയ്യും . മന്ത്രിയുടെ ഓരോ തമാശ എന്നാണോ ? വാര്‍ത്ത ഇവിടെ

മറ്റൊരു വശം നോക്കൂ .തൊണ്ണൂറുകളുടെ തുടക്കത്തില്‍ യു എസ്സില്‍ കുറ്റകൃത്യങ്ങളുടെ വളരെ നിരക്ക് ക്രമാതീതമായി താഴ്ന്നതിനെ കുറിച്ച് ഫ്രീകണോമിക്സ് എന്ന പുസ്തകത്തില്‍ വിവരിക്കുന്നുണ്ട് . മറ്റു നിരവധി കാരണങ്ങള്‍ ചൂണ്ടി കാണിക്കപ്പെട്ടിട്ടുണ്ട് എങ്കിലും 1973 ജനുവരിയില്‍ അമേരിക്കയൊട്ടാകെ ഗര്ഭച്ചിദ്രം നിയമവിധേയം ആക്കിയ സുപ്രീം കോടതിയുടെ വിധിയാണ് ഇത്തരമൊരു മാറ്റത്തിന് കാരണം എന്ന് ഗ്രന്ഥ കര്‍ത്താവ് സമര്‍്ഥിക്കുന്നു. . വിവാഹബന്ധത്തിനു പുറത്തോ അല്ലെങ്കില്‍ കുട്ടികള്‍ക്ക് വളരാന്‍ നല്ല സാഹചര്യം ലഭിക്കാന്‍ ഇടയില്ലാത്ത അവസരങ്ങളിലോ ആണ് അധികമായും ഗര്ഭച്ചിദ്രം നടക്കുന്നത് . ഇങ്ങനെ ജനിക്കുന്ന കുട്ടികള്‍ കുറ്റകൃത്യങ്ങളില്‍ ഏര്‍പ്പെടാന്‍ സാധ്യത ഉള്ള പരിതസ്ഥിതികളില്‍ വളരേണ്ടി വരുന്നു . ക്രിമിനലുകള്‍ ആവാന്‍ സാധ്യത ഉള്ള നിരവധി കുട്ടികള്‍ ഈ വിധി കാരണം ജനിക്കപ്പെടാതെ പോയി എന്നാണ് വാദം.

തിസീസ്‌ ഇവിടെ കിട്ടും

ഗവര്‍മെന്റിന്റെ നയങ്ങളും നിയമങ്ങളും സമൂഹത്തില്‍ ഉണ്ടാക്കുന്ന മാറ്റങ്ങള്‍ നേരിട്ടുള്ളതായിരിക്കണം എന്നില്ല . ചിലപ്പോള്‍ അതിന്റെ പ്രതിഫലനങ്ങള്‍ ഉണ്ടാകുന്നത് തലമുറകള്‍ക്ക് ശേഷം ആയിരിക്കും

ഒബാമയ്ക്ക് പറ്റിയ അബദ്ധം

2009-07-17T07:13:00.001-07:00

അല്പം അബദ്ധം പിടിച്ച ഈ ചിത്രം നോക്കൂ .ഈയിടെ ഇന്റര്‍നെറ്റ്‌ മുഴുവന്‍ പ്രചരിച്ച ഈ ചിത്രം ജി 8 സമ്മിറ്റിലാണു എടുത്തത്‌. ഫ്രഞ്ച് പ്രസിഡണ്ട്‌ നികോളാസ് സാര്‍കോസി ആണ് ഒബാമയുടെ അടുത്ത് നില്‍ക്കുന്നത്

ഇനി ഈ വീഡിയോ കാണൂ

ഷോര്‍ട്ട് കട്ട്‌ - ഒരു സിനിമയുടെ മൂന്നാം (നാലാം?) വരവ്

2009-07-16T03:01:00.001-07:00

ഒരു സിനിമ ഏതൊക്കെ രീതിയില്‍ ഉണ്ടാക്കാം ? ഉദയനാണ് താരത്തിന്റെ ഹിന്ദി റീ മേയ്ക്ക്‌ ആയ ഷോര്‍ട്ട് കട്ട്‌ - ദ കോണ്‍ ഈസ്‌ ഓണ്‍ എന്നാ സിനിമ കണ്ടപ്പോള്‍ മനസ്സില്‍ വന്നതാണ് ഇത് . വര്‍ഷങ്ങള്‍ക്കു മുമ്പ് തിരുവനന്തപുരത്ത് വച്ചു തുടര്‍ച്ചയായി ദിവസങ്ങളില്‍ മൂന്നു സിനിമകള്‍ കണ്ടു . ശ്രീ വിശാഖില്‍ നിന്നും ദി പ്രൊഫഷണല്‍ (ഷീന്‍ റെനോ ) , എസ് എല്‍ കോമ്പ്ലെക്സില്‍ വച്ചു സൂര്യപാര്‍വെ (അര്‍ജുന്‍ ) മറ്റേതോ തിയെറ്റരില് നിന്നും ബിച്ചു (ബോബ്ബി ഡിയോള്‍ , റാണി മുഖേര്‍ജി ) എന്നിവ യാണ് കണ്ടത് . നിര്‍ഭാഗ്യവശാല്‍ മൂന്നു സിനിമയ്ക്കും ഒരേ കഥ ആയിരുന്നു . ദി പ്രൊഫഷണല്‍ എന്ന ഗംഭീരമായ സിനിമ തല്ലിപ്പൊളി സംവിധായകര്‍ തല്ലിപ്പൊളി അഭിനേതാക്കളെ വച്ചു എടുത്താല്‍ എങ്ങിനെ ഇരിക്കും എന്ന് മനസ്സിലാക്കാന്‍ പക്ഷെ സാധിച്ചു .

സ്റ്റീവ് മാര്‍ടിനും എഡ്ഡി മര്‍ഫിയും അഭിനയിച്ച ബോ ഫിംഗര്‍ (1999) എന്ന ചിത്രത്തില്‍ നിന്നും" പ്രചോദനം " നേടിയിട്ടാണ് ഉദയനാണ് താരം ഉദയം കൊണ്ടത് എന്ന് എല്ലാവര്ക്കും അറിയാം . ആ ചിത്രത്തിന്റെ റീ മേയ്കുകള്‍ ആയ വെള്ളിത്തിരയും (തമിഴ് ) ഷോര്‍ട്ട് കട്ടും(ഹിന്ദി ) പിന്നീട് പുറത്തു വന്നു. സാധാരണ പോലെ എഡ്ഡി മര്‍ഫി ഇരട്ട വേഷത്തില്‍ വന്ന ബോഫിംഗര്‍ രസകരമായിരുന്നു. റോഷന്‍ അന്ഡ്രിയുസ് അത് മലയാളികരിച്ചപ്പോള്‍ ശ്രീനിവാസന്റെ തിരക്കഥയുടെയും പ്രകടനത്തിന്റെയും ഒപ്പം സംവിധാനത്തിന്റെയും ഗുണം കൊണ്ട് നല്ലൊരു സിനിമ ആയി . തമിഴില്‍ അധികം മാറ്റം വരുത്താതെ ആണ് ചിത്രീകരിച്ചത് . പ്രധാനമായും സൂപ്പര്‍ സ്റ്റാര്‍ കഥാപാത്രത്തിന്റെ രീതികളില്‍ ആണ് മാറ്റം വരുത്തിയതു . തമിഴില്‍ ഹാസ്യവും അല്പം കുറച്ചു .

ഹിന്ദിയില്‍ അനില്‍ കപൂറിനെ നായകനാക്കി റോഷന്‍ അന്ഡ്രിയുസ് ഈ സിനിമ സംവിധാനം ചെയ്യും എന്നാണ് കേട്ടിരുന്നത് . എന്നാല്‍ ഇപ്പോള്‍ അനില്‍ കപൂര്‍ നിര്‍മ്മിച്ചു നീരജ്‌ വോറ സംവിധായകനായി ആണ് ഈ പടം പുറത്ത് വന്നിരിക്കുന്നത്. പ്രിയദര്‍ശന്റെ സ്ഥിരം എഴുത്തുകാരനും കുറെ തല്ലിപ്പൊളി ചിത്രങ്ങളുടെ സംവിധായകനും ആയ നീരജ്‌ വോറ സിനിമ തരക്കേടില്ലാത്ത രീതിയില്‍ മോശമാക്കിയിട്ടുണ്ട് . കഴിവുള്ള അഭിനേതാക്കള്‍ എന്ന് 'പറയപ്പെടുന്ന' അക്ഷയ്‌ ഖന്നയും അര്‍ഷദ് വാര്സിയും നന്നായി ബോറടിപ്പിക്കുന്നും ഉണ്ട് . കഥ വളരെ ലളിതമാക്കി സ്ഥിരം ഹിന്ദി സിനിമയുടെ ഫോര്‍മാറ്റില്‍ ആക്കി കഥയുടെയും കഥാപാത്രങ്ങളുടെയും കരുത്ത്‌ മുഴുവന്‍ ചോര്‍ത്തി കളയുകയും ചെയ്തു .

വെള്ളത്തില്‍ മുക്കിയാലും കേടാകാത്ത മൊബൈല്‍ ഫോണ്‍

2009-07-14T07:34:00.000-07:00

വെള്ളത്തില്‍ മുക്കിയാലും കേടാകാത്ത നോകിയ 3720 ക്ലാസ്സിക്‌ മൊബൈല്‍ ഫോണ്‍ വരുന്നു .നിലത്തു വീണാലും പൊടി പറ്റിയാലും ഒക്കെ കുഴപ്പമില്ലാതെ പ്രവര്‍ത്തിക്കുന്ന ഈ ഫോണിനു ഏതാണ്ട് 8500 രൂപയോളം വില വരും

ഇന്നത്തെ ചിത്രം - സ്ഫോടനം

2009-07-13T05:06:00.001-07:00

ഇത് എന്താണ് എന്ന് മനസ്സിലായോ ?

റിച്ചാര്‍ഡ്‌ ഹീക്സ്‌ എന്ന ഫോട്ടോഗ്രാഫര്‍ എടുത്ത ഒരു സോപ്പ് കുമിള പൊട്ടുന്ന ചിത്രം ആണിത്. കൂടുതല്‍ ചിത്രങ്ങളും വിവരവും ഇവിടെ

വിശുദ്ധ ബര്‍ഗര്‍

2009-07-09T11:20:00.000-07:00

സ്പെയിനില്‍ വിവാദം സൃഷ്ടിച്ച ബര്‍ഗര്‍ കിംഗ്‌ പരസ്യം , മാംസ്യം കൊണ്ട് ഉണ്ടാക്കിയ ബര്‍ഗെരിന്റെ മുകളില്‍ സരസ്വതി ദേവി ഇരിക്കുന്ന ചിത്രമാണ് പ്രശ്നം ഉണ്ടാക്കിയത് . "വിശുദ്ധമായ ലഘു ഭക്ഷണം " എന്നാണ് തലക്കെട്ട്‌. സാത്ചി & സാത്ചി ആണ് ഈ പരസ്യം ചെയ്തത്. അവര്‍ക്കും ഇത്തരം പരസ്യം ചെയ്തു അടി വാങ്ങിയ ചരിത്രം ഉണ്ട്

അവസാനം സംഗതി വിവാദം ആയപ്പോള്‍ കമ്പനി മാപ്പ് പറഞ്ഞു . അവര്‍ക്ക് വേണ്ട പബ്ലിസിറ്റി കിട്ടിയല്ലോ . ബര്‍ഗര്‍ വില്‍ക്കാന്‍ അവര്‍ ദൈവത്തിന്റെ സഹായം മാത്രമല്ല തേടാറുള്ളതു. അടിമുടി ദ്വയാര്‍ത്ഥം നിറഞ്ഞ ഒരു ബര്‍ഗര്‍ കിംഗ്‌ പരസ്യം താഴെ .

സദ്ദാം ഹുസൈനും ബോംബും നുണ ബോംബും

2009-07-03T23:41:00.001-07:00

തന്റെ കയ്യില്‍ നശീകരണ ആയുധങ്ങള്‍ (Weapons Of Mass Destruction) ഉണ്ടെന്നു സദ്ദാം ഹുസൈന്‍ ഭാവിച്ചതിനു കാരണം ഇറാന് മുമ്പില്‍ ഇറാഖ‌ിന്റെ ആയുധശേഷി കുറച്ചു കാണിക്കാതിരിക്കാന്‍ ആയിരുന്നു എന്ന തിയറി പുറത്തു വന്നിരിക്കുന്നു . യൂ എന്‍ ഉദ്യോഗസ്ഥരെ തന്റെ ആയുധങ്ങള്‍ പരിശോധിക്കാന്‍ അനുവദിച്ചാല്‍ ഇറാഖ‌ിന്റെ ആയുധ ശേഷികുറവ് ലോകത്തിനു മുമ്പില്‍ തുറന്നു കാണിക്കപ്പെടുമെന്നു സദ്ദാം ഹുസൈന്‍ ഭയന്നു. പ്രത്യേകിച്ചും ഇറാന്‍ ഈ സത്യം അറിയരുതെന്ന് സദ്ദാം ആഗ്രഹിച്ചു എന്നാണ് പുതിയ തിയറി പറയുന്നത് .

സദ്ദാം ഹുസ്സൈനിനെ ചോദ്യം ചെയ്ത സംഘത്തിലുണ്ടായിരുന്ന ജോര്‍ജ് പിരോ എന്ന എഫ്‌ ബി ഐ ഉദ്യോഗസ്ഥനാണ് ഒരു ടി വി പ്രോഗ്രാമില്‍ ഈ വിവരങ്ങള്‍ വെളിപ്പെടുത്തിയത് . വാര്‍ത്ത‍ ഇവിടെ .

എന്നാല്‍ സദ്ദാം ഹുസൈന്‍ ഇത്തരം ഒരു മൊഴി നല്‍കിയതായി ജോര്‍ജ് പിരോ പോലും അവകാശപ്പെടുന്നില്ല . മുമ്പ് തന്നെ അമേരിക്കന്‍ ഭരണകൂടം പ്രചരിപ്പിച്ചിരുന്ന ഒരു തിയറി രണ്ടാമതും പൊടി തട്ടി എടുത്തിരിക്കുകയാണ് .മാത്രമല്ല ഇറാഖ‌ില്‍ മാരകശേഷിയുള്ള ആയുധങ്ങള്‍ ഇല്ലെന്നു ഇറാഖ‌ി ഭരണകൂടം വളരെ മുമ്പേ തന്നെ പറഞ്ഞിരുന്നു. അമേരിക്ക കാണിച്ച ഒരു മഹാ അബദ്ധമായ ഇറാഖ് അധിനിവേശത്തോട് ലോക ജനതയ്ക്കുള്ള നിലക്കാത്ത പ്രതിഷേധത്തെ തണുപ്പിക്കാന്‍ ചെയ്യുന്ന ഒരു തെറ്റിദ്ധാരണ പ്രചാരണം ആയിട്ടാണ് പലരും ഇത് കാണുന്നത്

അധികാരം ദുഷിപ്പിക്കുന്നത്

2009-07-01T10:25:00.000-07:00

ഒന്ന് )
ഒരു കേന്ദ്രമന്ത്രി തന്നെ സ്വാധീനിക്കാന്‍ ശ്രമിച്ചു എന്ന് ചെന്നൈ ഹൈക്കോടതിയിലെ ജഡ്ജി ജസ്റ്റിസ് ആര്‍ രഘുപതി ആരോപിക്കുന്നു . എന്നാല്‍ മന്ത്രിയുടെ പേര് പറയാന്‍ ജസ്റ്റിസ് രഘുപതി തയ്യാറായില്ല . ഒരു മാര്‍ക്ക്‌ തിരുത്തല്‍ കേസിലെ ജാമ്യാപേക്ഷ പരിഗണിക്കുമ്പോള്‍ ആണത്രേ കേന്ദ്രമന്ത്രി ഇടപെട്ടത് .

അപ്ഡേറ്റ് :

കേന്ദ്ര മന്ത്രി രാജയ്ക്ക് പ്രതിയുമായി അടുത്ത ബന്ധം ഉണ്ടെന്നു വാര്‍ത്ത . ടി ആര്‍ ബാലുവിനെയും രാജയേയും മന്ത്രിമാര്‍ ആക്കുന്നതിലെ മന്‍മോഹന്‍ സിംഗിന്റെ വൈമനസ്യം കൊണ്ടാണ് കേന്ദ്ര മന്ത്രിസഭാ നിര്‍മാണം പോലും വൈകിയത്. രണ്ടു പേരെയും യൂണിയന്‍ മന്ത്രിമാരക്കാന്‍ കരുണാനിധി കുറെ കളിച്ചു . അവസാനം മൂന്നാം ഭാര്യയുടെ സ്വന്തം ആളായ രാജയെ .മന്ത്രി ആക്കാന്‍ പറ്റി. രാജ ജോലിയും തുടങ്ങി എന്നാണ് തോന്നുന്നത്

രണ്ടു )
ബാങ്ക് മാനേജരെ മുഖത്ത്‌ അടിച്ചതിന്റെ പേരില്‍ നാഗര്കുര്നൂലിലെ കോണ്‍ഗ്രസ്‌ എം പി മണ്ട ജഗന്നാഥിന്റെ പേരില്‍ പോലീസ് കേസ് രജിസ്റ്റര്‍ ചെയ്തു . പട്ടിക ജാതി പട്ടിക വര്‍ഗക്കാരുടെ ലോണ്‍ വിതരണം വൈകിയതിന്റെ പേരിലാണ് താന്‍ അടിച്ചതെന്ന് എം പി പറയുന്നു . സോണിയ ഗാന്ധി വിശദീകരണം ചോദിച്ചിട്ടുണ്ട് എന്ന് വാര്‍ത്ത. എം പിയെ ശിക്ഷിച്ചില്ലെന്കില്‍് പ്രക്ഷോഭം നടത്തുമെന്ന് ബാങ്ക് എംപ്ലോയീസ്‌ യൂണിയന്‍ പ്രഖ്യാപിച്ചിട്ടുണ്ട്

വീഡിയോ

സവിതാഭാഭി .കോം - ഐ ടി ആക്ടിന്റെ ഇര

2009-06-30T06:24:00.001-07:00

കഴിഞ്ഞ ജൂണ്‍ മൂന്നാം തിയ്യതി മുതല്‍ സവിതാഭാഭി.കോം ഇന്ത്യയില്‍ നിരോധിച്ചു എന്ന് വാര്‍ത്ത .

അശ്ലീല സൈറ്റുകള്‍ നിരോധിച്ച രാജ്യങ്ങള്‍ ചുവപ്പ് നിറത്തില്‍ അടയാളപ്പെടുത്തിയിരിക്കുന്നു. (ഉദ്ദേശം)

ഒരവസരത്തില്‍ ഇന്ത്യയില്‍ ഹിറ്റുകളുടെ കാര്യത്തില്‍ നാല്പത്തി അഞ്ചാമത്തെ സ്ഥാനം വരെ എത്തിയിരുന്നു ഈ പോണ്‍ സൈറ്റ്‌ . സംഗതി അശ്ലീലം ആണെങ്കിലും ഒരു സൈറ്റ്‌ നിരോധിക്കുന്നതിന്റെ നടപടി ക്രമങ്ങളെ കുറിച്ചുള്ള നിരവധി ചോദ്യങ്ങള്‍ ഇത് ഉയര്‍ത്തുന്നു . ഒരു വിശദീകരണം പോലും ആവശ്യപ്പെടാതെ ഏതൊരു വെബ്‌സൈറ്റും നിരോധിക്കാനുള്ള അധികാരം പുതിയ ഐ ടി ആക്ട്‌ ഗവര്‍മെന്റിന് നല്‍കുന്നു . മാത്രമല്ല കോടിക്കണക്കിനു അശ്ലീല സൈറ്റുകള്‍ ഉള്ളപ്പോള്‍ ഈ സൈറ്റ്‌ മാത്രം നിരോധിക്കുന്നതിന് പിന്നിലുള്ള യുക്തി എന്തായിരിക്കും ?

ഇത് കൂടി

1. anonymous .org പോലുള്ള സൈറ്റുകള്‍ ഉള്ളപ്പോള്‍ ഈ നിരോധനം എത്ര ഫലവത്താകും ?

2.ഇന്ത്യയില്‍ അശ്ലീല സൈറ്റുകള്‍ അത്ര വിജയമല്ലെന്നു വാര്‍ത്ത .ഏറ്റവും പോപുലറായ ആദ്യത്തെ നൂറു സൈറ്റുകളില്‍ വെറും മൂന്നോ നാലോ പോണ്‍ സൈറ്റുകളേ ഉള്ളൂ അത്രേ .

3.ഇത് കൂടി വായിക്കൂ

ഇന്നത്തെ ചിത്രം - ഗിഗാപിക്സെല്‍് ഫോട്ടോ

2009-06-29T06:46:00.001-07:00

link

വെബ്‌സൈറ്റില്‍ പോയി ചിത്രത്തില്‍ ക്ലിക്ക് ചെയ്തു നോക്കു. ദൂരെയുള്ള കെട്ടിടത്തില്‍ താമസിക്കുന്നവരെ വരെ കാണാം . ഒരു ആറു മെഗാപിക്സല്‍ ക്യാമറയില്‍ എടുത്ത ഫോടോയെക്കാള്‍ നൂറ്റമ്പത് ഇരട്ടി വ്യക്തമായി ഇതില്‍ കാണാം എന്നു പറയുന്നു . കൂടുതല്‍ വിവരങ്ങള്‍ സൈറ്റില്‍

ഭ്രമരവും ന്യൂയോര്‍ക്കും

2009-06-29T03:46:00.001-07:00

അടുത്തടുത്ത ദിവസങ്ങളിലാണ് ഭ്രമരവും (ബ്ലെസി) ന്യൂയോര്‍ക്കും (കബീര്‍ ഖാന്‍ ) കണ്ടത് . ഒരു തരത്തില്‍ പറഞ്ഞാല്‍ ഈ രണ്ടു സിനിമകളുടെയും പ്രധാന വിഷയം തന്നെ ഒന്നാണെന്ന് പറയാം . തെറ്റായ വ്യവസ്ഥിതി കാരണം ശിക്ഷിക്കപെട്ട രണ്ടു നിരപരാധികളുടെ തകര്‍ന്നു പോയ ജീവിതങ്ങള്‍് അവര്‍ തളിര്പ്പിക്കാന്‍ ശ്രമിക്കുമ്പോള്‍ പിന്നെയും തല്ലിതകര്‍ക്കപ്പെടുന്നു. രണ്ടു പേരും പ്രതികരിക്കുന്നത് ഏതാണ്ട് ഒരേ രീതിയിലാണ് . ക്ലൈമാക്സ്‌ വ്യത്യസ്ഥമാണു എങ്കിലും .

രണ്ടു ചിത്രങ്ങളും കാണുമ്പോള്‍ തന്നെ ഈ കഥയുടെ അവസാനം എന്തായിരിക്കും എന്ന് ഊഹിക്കാന്‍ സാധിക്കും.അതോടെ ഒരു ത്രില്ലര്‍ എന്ന നിലയില്‍ അവയുടെ കഥ കഴിഞ്ഞു . അതേ സമയം ഒരു കഥയുടെ കയറ്റിറക്കങ്ങളും കഥാപാത്രങ്ങളുടെ പരിണാമങ്ങളും ആസ്വദിക്കുന്ന ഒരു പ്രേക്ഷകന് ഭ്രമരം ഇഷ്ടപ്പെടും . ഒരു രാഷ്ട്രീയ സിനിമയായി സ്വയം സ്ഥാപിക്കാന്‍ ശ്രമിക്കുന്ന ന്യൂ യോര്‍ക്ക് , പക്ഷെ ശക്തമായ ഒരു നിലപാട് എടുക്കുന്നതില്‍ പരാജയപ്പെടുന്നു . തീവ്രവാദത്തിനു ന്യായങ്ങള്‍ ഇല്ല എന്ന് ( ഇന്ത്യന്‍ മുസ്ലിം) എഫ്‌ ബി ഐ ഓഫീസര്‍ പറയുന്നുണ്ടെങ്കിലും തന്‍റെ നിലപാട്‌ വ്യക്തമാക്കുന്നതില്‍ സംവിധായകന് കാലിടറുന്നു .

ഒരേ സമയം ശാന്തമായിരിക്കുകയും , തിളച്ചു മറിയുകയും ചെയ്യുന്ന മനസ്സിന്നു ഉടമയായ ഭ്രമരത്തിലെ ശിവന്‍കുട്ടി യുടെ കഥാപാത്രം മോഹന്‍ ലാല്‍ മനോഹരമാക്കി. ജോണ്‍ എബ്രഹാം , കത്രീന കെയ്ഫ് , നീല്‍ നിതിന്‍ മുകേഷ് മൂന്നു പേരും അതീവ സൌന്ദര്യമുള്ളവര്‍ (അവരെ നോക്കി ഇരുന്നാല്‍ രണ്ടു മണിക്കൂര്‍ പോകുന്നത് അറിയില്ല ) പക്ഷെ മീടിയൊക്കര്‍് അഭിനേതാക്കള്‍ . അവരില്‍ നിന്നും കൂടുതല്‍ പ്രതീക്ഷിക്കുന്നത് തന്നെ അബദ്ധം .

പോപ്‌ സംഗീതത്തിന്റെ രാജാവ്‌

2009-06-25T20:08:00.000-07:00

മൈക്കേല്‍ ജാക്ക്സണ്‍

ജനനം : 29 ആഗസ്റ്റ്‌ 1958

മരണം :25 ജൂണ്‍ 2009

ഏറ്റവും അധികം വിട്ടഴിക്കപെട്ട 'ത്രില്ലര്‍' എന്ന ആല്‍ബത്തിലെ ഗാനം

വൃത്തികെട്ട സിനിമ

2009-06-25T07:13:00.001-07:00

ഇപ്പോഴൊക്കെ വൈകുന്നേരങ്ങളില്‍ സോണി പിക്സ്‌ ചാനലില്‍ ഇടയ്ക്കിടയ്ക്ക് സ്ലം ഡോഗ് മില്ലിയന്നൈര്‍ന്റെ പരസ്യമാണ് . ഇപ്പോഴാണെങ്കില്‍ പയ്യന്‍ അമിതാഭ് ബച്ചനെ കാണാന്‍ വേണ്ടി മലത്തിലേക്കു ചാടുന്ന രംഗമാണ് സ്ഥിരം കാണിക്കുന്നത് . അറിയാതെ ചാനല്‍ മാറ്റിപ്പോവും. എന്താണ് ചാനലിന്റെ ഉദ്ദേശ്യം എന്ന് അറിയില്ല . ആരെങ്കിലും കാണാന്‍ തീരുമാനിച്ചിട്ടുണ്ട് എങ്കില്‍ അവരെ പിന്തിരിപ്പിക്കാനാണോ ആവോ? (ജൂണ്‍ 28 ഞായറാഴ്ച രാത്രി 9 മണിക്ക് സ്ലം ഡോഗ് മില്ലിയന്നൈര്‍ സോണി പിക്സ്‌ ചാനലില്‍ വരുന്നുണ്ട് )

ഇതിന്റെ കൂടെയാണ് വേറൊരു കാര്യം ഓര്മ വരുന്നത് . ഡാന്നി ബോയിലിന്റെ ട്രെയിന്സ്പോട്ടിംഗ് എന്ന സിനിമയിലും ഇത് പോലൊരു രംഗം ഉണ്ട് . വീണു പോയ മയക്കുമരുന്ന് ഗുളിക എടുക്കാന്‍ വേണ്ടി ഭയങ്കരമായി വൃത്തികെട്ട ഒരു കക്കൂസിന്റെ ഉള്ളിലേക്ക് ചാടുന്ന സീന്‍ . അത് കണ്ടപ്പോള്‍ കുറച്ചു ബുദ്ധിമുട്ടിയെങ്കിലും ആ രംഗത്തില്‍ മുഴുവന്‍ ചോക്ലേറ്റ് ആണ് ഉപയോഗിച്ചത് എന്ന് പിന്നീട് വായിച്ചപ്പോള്‍ കുഴപ്പമില്ല എന്ന് തോന്നി . സ്ലം ഡോഗ് മില്ലിയന്നൈര്‍ലെ സീനില്‍ എന്താണാവോ ഉപയോഗിച്ചിട്ടുണ്ടാവുക?

ബ്ലോഗുകളും വായനയും

2009-06-25T07:02:00.001-07:00

മുഖ്യധാരാ എഴുത്തുകാര്‍ ബ്ലോഗുകളെ അവഗണിക്കുന്നതിനെ പറ്റി ഒരു ചര്‍ച്ച തറവാടി എന്ന ബ്ലോഗ്ഗറുടെ പോസ്റ്റില്‍ കണ്ടിരുന്നു. വളരെ പ്രസക്തമായിരുന്നു ആ ചര്‍ച്ച . എന്നാല്‍ അതോടൊപ്പം തന്നെ ചിന്തിപ്പിക്കുന്ന ഒരു വിഷയമാണ് മലയാളം ബ്ലോഗുകളുടെ ജനകീയത.

ഈ പോസ്റ്റിലെ തന്നെ അഭിപ്രായങ്ങളില്‍ കൊടുത്തിരുന്ന ചില കണക്കുകള്‍ അത്ര ശരിയായില്ല എന്നും പറയണം . കേരളത്തിലെ മൂന്ന് പ്രധാന പത്രങ്ങളുടെ (മലയാള മനോരമ , മാതൃഭൂമി , മാധ്യമം ) വായനക്കാര്‍ മൊത്തം ജനസംഖ്യയുടെ 8.5% ശതമാനം ആണെന്നുള്ളത്‌ അവിശ്വസനീയമാണ് . 2009-ലെ ഐ ആര്‍ എസിന്റെ (ഇന്ത്യന്‍ റീഡര്‍ ഷിപ്‌ സര്‍വേ ) കണക്കു പ്രകാരം മലയാളത്തില്‍ ഏറ്റവും പ്രചാരമുള്ള രണ്ടു പത്രങ്ങളുടെ വായനക്കാരുടെ എണ്ണം കാണുക .

മലയാള മനോരമ : 12,859,000

മാതൃഭൂമി : 9,444,000.

ആകെ :22,303,000 വായനക്കാര്‍

രണ്ടു പത്രങ്ങളും വായിക്കുന്നവര്‍ , പത്രം വായിക്കുന്ന ശീലം ഇല്ലാത്തവര്‍ എന്നീ വിഭാഗങ്ങളെ കണക്കില്‍ എടുത്താല്‍ തന്നെ ഇത് കേരളീയരുടെ (ജനസംഖ്യ - 3.2 കോടി ) 70 ശതമാനത്തോളം വരും . ഇത് രണ്ടു പത്രങ്ങളുടെ മാത്രം കാര്യം . മറ്റു പത്രങ്ങളുടെയും വാരികകളുടെയും കാര്യം എടുത്തു നോക്കൂ .കേരളത്തിലെ ഇന്റര്‍നെറ്റ്‌ ഉപയോഗിക്കുന്നവരുടെ കണക്കു കൂടി അറിയുമ്പോള്‍ ആണ് ഈ വ്യത്യാസം വളരെ പ്രത്യക്ഷമാവുന്നത് . പ്രവാസികളുടെ കണക്കു എടുത്താലും വലിയ വ്യത്യാസം വരില്ല

ബ്ലോഗ്‌ വളരെ ശക്തമായ മാധ്യമമാണ് . മറ്റു മാധ്യമങ്ങളെ അപേക്ഷിച്ച് ധാരാളം ഗുണങ്ങളും ഉള്ളതാണ് . വായനക്കാരെ ധാരാളം ആകര്‍ഷിക്കാന്‍ ഇത്തരം കാര്യങ്ങള്‍ മതിയോ ? വായനക്കാരില്ലെങ്കില്‍ ഈ മാധ്യമം എത്ര ഫലപ്രദമാകും ?

സമൂഹത്തെ സ്വാധീനിക്കാന്‍ കഴിയും വിധം മലയാളത്തില്‍ ബ്ലോഗിങ്ങ് നടത്താന്‍ വായനക്കാര്‍ വേണം . നല്ല രീതിയിലുള്ള ചര്‍ച്ചകള്‍ നടക്കണം . ആ ചര്‍ച്ചകള്‍ ബൂലോഗത്തിനു പുറത്തും എത്തണം .ഇത്തരം കാര്യങ്ങള്‍ ബ്ലോഗിങ്ങിലൂടെ ലോകമെമ്പാടും നടക്കുന്നുണ്ട് . ഇന്ത്യയില്‍ തന്നെ ധാരാളം ഉദാഹരണങ്ങള്‍ ചൂണ്ടി കാണിക്കാന്‍ സാധിക്കും . മലയാളത്തിലും വളരെ ചെറിയ തോതില്‍ ഉണ്ട് എന്നത് നിഷേധിക്കാനാവില്ല മതപരമായതോ രാഷ്ട്രീയ പരമായതോ മറ്റു രീതിയിലുള്ളതോ ആയ ധ്രുവീകരണങ്ങള്‍ , തെറിവിളികള്‍ , സംഘം ചേര്‍ന്ന് ബൂലോഗത്തെ തന്നെ ഹൈജാക്ക് (?) ചെയ്യാനുള്ള ശ്രമങ്ങള്‍ എല്ലാം ബൂലോഗത്തിന്റെ നേരായ ദിശയിലേക്കുള്ള വളര്‍ച്ചയെ ബാധിക്കും

ഇതിന്റെ കൂടെ : ഇന്ത്യയിലെ ഏറ്റവും ജനകീയമായ ബ്ലോഗുകളുടെ ഒരു ലിസ്റ്റ് ഇവിടെ കണ്ടു. മലയാളികള്‍ എഴുതിയ ബ്ലോഗുകള്‍ ഉണ്ടെങ്കിലും മലയാളത്തില്‍ എഴുതിയത് ഒന്നേ കണ്ടുള്ളൂ . 127-)മത്തെ സ്ഥാനത്ത് ബെര്‍ളിത്തരങ്ങള്‍ . (മറ്റൊന്നും കണ്ടെത്താനായില്ല )

അഗ്നിപുഷ്പം - ഇന്നത്തെ ചിത്രം

2009-06-16T23:25:00.000-07:00

ആരാണ് കേമന്‍ ? ഈ സര്‍ദാരോ , അതോ ഇത് ക്ലിക്ക് ചെയ്ത ഫോട്ടോഗ്രാഫറോ ?

ചിത്രം നാഷണല്‍ ജിയൊഗ്രഫികില്‍് നിന്നും

തവളയും വംശീയവിദ്ദ്വേഷവും

2009-06-16T03:23:00.000-07:00

കഴിഞ്ഞ ആഴ്ച്ച ബ്രിട്ടനിലെ പത്രങ്ങളിലെയും വെബ്സൈറ്റുകളിലേയും ഒരു വലിയ വിഷയം കേരളത്തില്‍ കണ്ടെത്തിയ ഒരു തവള ആയിരുന്നു . കൂടെ കൂടെ നിറം മാറുന്ന ഒരു തവളയെ തിരുവനന്തപുരത്തിനു അടുത്ത് രജികുമാര്‍ എന്നൊരാള്‍ കണ്ടെത്തിയെന്നും അത്ഭുതകരമായ ഈ ദൃശ്യം കണ്ടു ജനങ്ങള്‍ തവളയെ ആരാധിക്കാന്‍ തുടങ്ങി എന്നുമാണു വാര്‍ത്ത .

ഈ വാര്‍ത്ത ആദ്യം വന്നത് ദി സണ്‍ എന്ന ബ്രിട്ടീഷ്‌ ടാബ്ലോയിടില്‍ ആണ് . പിന്നീട് മറ്റു പത്രങ്ങളും വെബ്സൈറ്റുകളും ഇന്റര്‍നെറ്റ്‌ ചര്‍്ച്ചാവേദികളും ഇതിനു പ്രചാരം കൊടുത്തു . ഇന്ത്യക്കാരെ പറ്റി വിദേശികള്‍ക്ക് ഉള്ള മുന്‍വിധികള്‍ വച്ച് കൊണ്ട് ചര്‍ച്ചകള്‍ മുന്നേറുകയാണ് . പല ഡിസ്കഷന്‍ സൈറ്റുകളിലും ഇന്ത്യക്കാരെയും ഹിന്ദു മതത്തില്‍ പെട്ടവരെയും അധിക്ഷേപിച്ചുള്ള അഭിപ്രായ പ്രകടനങ്ങള്‍ ധാരാളം വായിക്കാം .

എന്നാല്‍ രെജികുമാര്‍ ഇതെല്ലാം നിഷേധിക്കുന്നു . തവളയെ കണ്ടെത്തി എന്നത് സത്യമാണ് . അതിനെ ഒരു മാസം മുമ്പ് തന്നെ കേരളാ യൂനിവേര്‍്സിറ്റിയിലെ ശാസ്ത്രജ്ഞ്ര്ക്ക് കൈമാറുകയും ചെയ്തു. അല്ലാതെ ആരാധനയും മറ്റും ഉണ്ടായിട്ടില്ലെന്ന് രെജികുമാര്‍ ഉറപ്പിച്ചു പറയുന്നു

മാധ്യമങ്ങളുടെ ഒരു നുണക്കഥയായി മാത്രം ഇതിനെ തള്ളിക്കളയാന്‍ സാധിക്കില്ല . നിറം മാറുന്ന തവളയെ ഒന്ന് ഗൂഗിള്‍ ചെയ്താല്‍ നമ്മള്‍ വഴുതി വീഴുന്നത് നുണ പ്രചരണങ്ങളുടേയും അധിക്ഷേപങ്ങളുടേയും നൂറു കണ്ണികളിലേക്കാണു . ഇതര സംസ്കാരങ്ങളെ പുഛ്ചിക്കാനും പരിഹസിക്കാനുമുള്ള ത്വര വളരെ പ്രത്യക്ഷമാണ് ഇവിടെയെല്ലാം .

ഇന്ത്യക്കാരും ഇക്കാര്യത്തില്‍ മോശമാണെന്ന് പറയാന്‍ പറ്റുമോ ?.