كنت إتكلمت في مقال قبل كده عن اللي بيحصل في موضوع السفر بالقطر والمشاكل اللي بنقابلها من الناس اللي بيستخدموا القطر كوسيلة مواصلات زيينا زيهم. إنهارده هتكلم عن بعض مشاكل الهيئة نفسها. هيئة السكك الحديد إحدى الهيئات القادرة على إدخال ربح مهول للبلد دي بشوية مسئولية والعمل على النظافة! ياأخي ده بيبيعوا الباتيه في المحطة اللي بجنيه برة بـ 3.5 جنيه جوة! المهم مش دي مشكلتي.

المشكلة تبتدي يوم الخميس اللي فات وأنا راجع من القاهرة للمنصورة وبسبب مشاكل في سمنود عرفنا إن القطر مش هياخد الطريق الطبيعي وهياخد طريق الزقازيق وده في حد ذاته كان شيء مبهم بالنسبة لنا..طيب كده الوقت هيزيد ولا هيقل ولا إيه؟! المهم ركبنا القطر وقلنا زي ما تيجي المهم هنوصل المنصورة في الآخر. بعد محطة الزقازيق اللي مش المفروض القطر يقف فيها وبعد ماوقف فيها تقريبا ربع ساعة كده..وقف القطر في مكان نائي كده والنور إبتدي يروح وييجي..ويروح وييجي – هبقى أرفع فيديو بعدين بيوضح اللي كان بيحصل في القطر – قلنا واضح إن في مشكلة..هتتحل وهنمشي..فضل القطر واقف فترة على الحال ده لحد مالنور بطل ينور تاني والقطر مشي.. أيوة القطر كمل الطريق للمنصورة من غير نور! القطر المكيف درجة أولى وتانية كمل طريقه من غير ولا لمبة شغالة وأخد 3 ساعات ونصف تقريبا على ما وصل المنصورة.

قلنا الحمد لله وصلنا وقضينا الأجازة والمفروض إننا حاجزين يوم السبت العودة للقاهرة. روحنا المحطة قبل الميعاد بنصف ساعة علشان الحركات اللي مالهاش لازمة والمواعيد اللي مش مظبوطة لأن حصل قبل كده والقطر طلع قبل ميعاده. روحنا للشباك علشان نحجز تذاكر ليوم السبت اللي بعد اللي جاي فنقلاي الموظف الهمام بيقولنا إن النظام واقع ومفيش حجز. قلنا طيب نروح نركب ونبقى نحجز من القاهرة, إكتشفنا إن القطر ميعاده إتلغى بسبب المشاكل المستمرة في سمنود وإن أقرب ميعاد بعدها بساعة ونصف. قلنا طيب نلجأ للحل الأسوأ ونركب ميكروباصات بس نرجع التذاكر الأول. روحنا للشباك تاني علشان نحاول نرجع التذاكر فنلاقي نفس الموظف الهمام بيقولنا مينفعش وطالما التذاكر إتحجزت من القاهرة يبقى ترجع من القاهرة! طيب ياعم إزيا مش كلها سكك حديد ونظام واحد..يقوم يقوللي ماهو أصلا النظام واقع!

طيب الحل؟! لما توصل القاهرة رجع التذاكر وإوعى تسيب حقك وكلام فارغ من ده. قولتولا والله أنا عارف اللي هيحصل في القاهرة هنروح نتخانق والتذاكر مش هترجع! ةقد كان وصلنا القاهرة بعد معاناة ساعة على بال مالاقينا ميكروباص يطلع القاهرة واللي وصل عبود وقال مش هتحرك مع إن المفروض يكمل رمسيس! وبعد خناقات مع سواق الميكروباص..قررت أحاول أكون إيجابي وأشوف موضوع التذاكر. أوصل المحطة في القاهرة وأروح عند شباك التذاكر أحاول أرجع التذاكر فالموظف يقوللي بادئ ذي بدء مرجعتهاش من المنصورة ليه؟! وطبعا الرد في الحالة دي إنتو عارفينه فبلاش نهري! طيب الحل؟!

الموظف: روح عند ناظر المحطة هنا وقوله يقشرلك على التذاكر إن القطر موصلش وإحنا نرجع التذاكر.

أنا: فين طيب مكتب الناظر؟!

الموظف: رصيف 4

روحت للناظر, أنا: حضرتك الناظر يافندم؟!

الناظر: أؤمر؟

أنا: عايزين نرجع التذاكر دي لوسمحت.

الناظر: ياباشا القطر ده دخل المحطة الساعة 8:35.

أنا: نعم؟! إزاي؟! إذا كانوا في المنصورة قالوا إن الميعاد إتلغى؟! وندهوا كده في المحطة هناك؟! وحتى لوكده. أنا ماش ي من المنصورة بعد ميعاد القطر. القطر وصل المنصورة وحمل ووصل القاهرة في ساعتين ونصف بس؟! طيب إزاي؟!

الناظر: والله ياباشا معرفش!

أنا: طيب أنا عايز أشوف سواق القطر دي ياعم.

الناظر: إنت مش مصدقني؟!

أنا: بصراحة لأ! مالموظف اللي زيك قاللي التذاكر ترجع من القاهرة وطلعت ممكن ترجع من المنصورة!

الناظر: طيب ياسيدي شكراً الكلام خلص!

أنا: يعني إيه هو الكلام بيخلص من عندك ولا إيه؟! أنا ليا مشكلة وحضرتك طرف فيها ومهمتك تساعد في حلها!

الناظر: روح الإستعلامات وهما يتأكدوا من محطة المنصورة ويقشرولك على التذكرة!

روحت وأنا في مرحلة عظيمة من العصبية بس حاولت أمسك نفسي على قد ماأقدر علشان محدش يغلط الواحد بس! وحكيت الحكاية من أولها لموظف الإستعلامات اللي بكل بساطة رفع السماعة وإتصل بناظر المحطة وقاللي القطر وصل القاهرة مقدرش أعملك حاجة..شوف مفتش الحركة.

أدور على مفتش الحركة في المحطة كلها لحد مالقيته عن الشباك اللي وصلتله في الأول.

أنا: حضرتك مفتش الحركة؟

مفتش الحركة: أيوة إتفضل.

إستأذنت أدخل لأن المكان ورا الشبابيك ومكنتش محتاج حد يتلكك!

حكيت الحكاية..ولقيت كام معلومة كده. منهم إن التذاكر كان ممكن ترجع من المنصورة فعلاً والموظف اللي هناك غلطان وكان ضروري تتأكد من ناظر محطة المنصورة

أنا: الحل؟!

مفتش الحركة: خلي الذاكر معاك لما ترجع المنصورة وقدم شكوى في الموظف.

بالصدفة كان في موظف قاعد من اللي بيحجزوا التذاكر وكان حصلت معاه مشكلة قبل كده لأنه مكانش موافق يحجز تذاكر لقطر من المنصورة للقاهرة بحجة إني ضروري أحجز من المنصورة.

أنا: عارف إني قدمت شكوى في موظف هنا قبل كده؟! عارف هو فين؟!

مفتش الحركة: فين؟

أنا: السيد اللي قاعد جمب حضرتك ده..فالشكاوي دي كلها هري! متشكرين!

وبكل بساطة لفيت قدام الشباك وحجزت تذاكر ليوم السبت اللي بعد اللي جاي! ومشيت.

كم السخط اللي جواية ملوش حدود! مش محتاج من كل ده حاجة غير:

1. رشيس الوزراء يوم ماركب القطر, قفلوا تكييفات القطر كله ماعدا العربية اللي كان راكب فيها! أنا عايز القطر يكمل الطريق ويوصل في ميعاده منغير ريحة بول من المبولة اللي ممكن يتم فعل ما يفعل فيها في أي حتة في القطر! ومنغير مالنور يقطع!
2. المنظومة العظيمة من الفساد اللي أكيد واضح في كل الكلام اللي فوق من طرمخة الموظفين على بعض تتهد على دماغهم وييجي ناس تحترم البنى آدمين اللي بيقبضوهم فلوسهم!
3. الآدمية يرحمكم الله!

بصوا على الفيديو ده

حنقي وسخطي على البلد بيزيد كل يوم وده بسبب كل الحاجات اللي بتحصل حوالينا بتخلينا نزهق ونفكر نهج من البلد دي زي ماكتير عملوا..بس مش هيحصل..لسه شوية! الموضوع إبتدى من إني بنزل المنصورة كل إسبوع وإسبوع علشان أشوف أهلي وأهل مراتي ونطمن عليهم. ليه كل إسبوع وإسبوع ﻷن السفر مرهق جدا في مصر وده في اﻷساس اللي خلاني أكتب هنا إنهارده.

بضطر أحجز القطر يوم الخميس اللي أنا مسافر فيه قبلها بإسبوعين واللي بيوافق يوم سفري برده بمعنى إني لو ناز يوم الخميس 1 في الشهر بحجز تذاكر قطر يوم الخميس 15 في الشهر كمان وضروري العملية دي تكةن قبل ما أركب القطر ﻷني لو إستنيت على بال ما أوصل المنصورة وأحجز من هناك مش بعيد ملاقيش تذاكر أو ألاقي تذكرة درجة أولى واللي ثمنها تقريبا ضعف ثمن الدرجة الثانية من غير  حسنة تذكر! وطبعا نفس الموضوع في رحلة الرجوع يوم السبت.

مش مشكلة..المشكلة إن في ناس كتير في القطر مالهاش مكان فبتضطر تقف من القاهرة لبنها مثلا بس سفلقة..يعني 99% من المرات اللي بركب فيها القطر..الناس دي مبتدفعش ثمن التذكرة ﻷن المحصل مبيقدرش يعدي من كتر الناس اللي في القطر ولو عدى زي آخر مرة كنت راكب فيها عدى قبل ميعاد القطر ما يطلع بنصف ساعة ولما خلص العربية الناس إبتدت تطلع فكا تقريبا نفس عدد الناس اللي قاعدة ودافعة ثمن التذكرة ركب قده ناس مش دافعة وأخدوا حق الناس اللي دافعة في النفس والمكان!

بحاول كل مرة اتأقلم فيها وأعديها..بالرغم إن ساعات بتلاقي ناس واقفة جمبك ومصدرالك حاجات مش ظريفة..سواء كان الموضوع من ورا أو من قدام ده طبعا غير الشنطة اللي ممكن شخص معندوش دم يحطها عليك على بال مايعدي ويلاقي مكان يقف فيه ومش بعيد يحطها مكان رجلك مثلا!

برده بقول مش مشكلة..أكيد بكرة أحسن والموضوع هيتحسن بالتدريج بس كل ما أفكر في إنه إزاي يتحسن أرجع أقول طيب إزاي؟ إذا كان نصف الناس اللي بتركب مبتدفعش فلوس أصلا؟!

الطبيعي إن القطر علشان يخرج من المحطة الساعة خمسة..إنو أصلا يكون في المحطة قبلها مثلا بنصف ساعة – بس ده بصراحة محصلش طول 3 سنين سفر أهو إلا مرة واحدة المرة اللي فاتت وطلع في ميعاده بالضبط ومتتخيلوش كم السعادة اللي كنت فيها لدرجة إني إتغاضيت عن أي حاجة وقعد أحاول أساعد الناس اللي واقفة إنها تاخد راحتها في الحيز اللي كنت قاعد فيه – ولكن الموضوع ده مبيحصلش..ممكن القطر أصلا يدخل المحطة الساعة 5 وكسر وإنت وحظك بقى ويقعد يملى في بني آدمين لحد مايبقى زي علبة السردين وبعدين يطلع. وبالرغم من كده يوم ماإتأخرت نصف ساعة وكنت رايح أملا إني ألاقيه لسه موجود ملقيتهوش بس متضايقتش إنو طلع في ميعاده – إذا كان يومها طلع في ميعاده – على قد ما إتضايقت إني إتأخرت!

إمبارح كنت في طريق العودة وصلت المحطة قبل ميعاد القطر مايطلع بتقريبا 3 دقايق – ميعاد القطر 5:45 – لقيت القطر بيتحرك. طبعا خدت مراتي في إيدي وجري علشان يمكن نلحقه على بال ماوصلت الرصيف كان مشي..ببص في ساعة المحطة لقيتها 5:43 يعني قبل ميعاده بدقيقتين! ودي ساعة المحطة مش ساعتي! إتضايقت جداً..يعني أبقى حاجز قبلها بإسبوعين وبرده ملحقتوش. مع العلم إني مش الوحيد اللي ملحقتوش..كان في ناس كتير معايا على الرصيف وشوشها كلها مألوفة ﻷنهم تقريبا بياخدوا نفس القطر معايا في الذهاب والعودة.روحت حجزت للأسبوع اللي بعد اللي جاي – برده – وطلعت على السيد المحترم ناظر المحطة اللي إبتديت أشتكيله إن القطر طلع قبل ميعاده فقعد يحاول يقنعني إنه هو اللي سمح للقطر إنو يطلع بعد ميعاده بدقيقتين وإن ميهموش ساعة المحطة ﻷنها ممكن تكون بايظة والمهم ساعته هو! خد اللي في القسمة الحمدلله ومشيت. وهنا تبتدي رحلة تانية من المعاناة مع المواصلات اللي ممكن أتكلم فيها بكرة!

طيب إيه علاقة عنوان الموضوع بالموضوع؟! الفكرة كلها إني حسيت إن أقل حاجة ممكن الإنسان يتمتع بيها في البلد دي هي مجموعة من اﻷحلام العادية جدا! منها مثلا وسيلة المواصلات اللي تحققله إحساسه بالآدمية – وطبعا متعلق بده بنزين وسيلة المواصلات دي -. منها إنو يلاقي شقة يسكن فيها أو أكل ياكله! وأنا واحد بيقابل المشاكل دي كل يوم وبحلم بيها لابني أو بنتي في المستقبل مش حتى ليا! إمتى ييجي اليوم اللي اﻷحلام دي جزء منها يبقى حقيقة؟!

.carousel .item {
-webkit-transition: .7s ease-in-out opacity;
-moz-transition: .7s ease-in-out opacity;
-ms-transition: .7s ease-in-out opacity;
-o-transition: .7s ease-in-out opacity;
transition: .7s ease-in-out opacity;
left: 0 !important;
}

.carousel .active.left, .carousel .active.right {
opacity: 0;
z-index: 2;
}
/* ...and only if you're using the prev/next buttons */
.carousel .next.left, .carousel .prev.right {
opacity: 1;
z-index: 1;
}

If you are a CSS player, you can then change the animation to anything else actually, but the fade effect really looks sexy!

Sometimes you create a block using the Views module and you need to customize the template of this block, to show in a dropdown manner or something. When the block is first normally rendered it shows mostly like this:

<section id="block-views-VIEWSNAME-block-1">
<h2>My block title</h2>
<div><div>[... SOME CODE ...]</div></div>
</section>

To create a template for this block only, you create a new file named

block–views–VIEWSNAME-block-1.tpl.php

and place it in your theme directory and remove the cache and voila! you are there.

Resource

LibreOffice Impress Remote Control Android Application

First, you go to this URL or search for LibreOffice Impress remote on the play store on your android phone, install, it’s about 630Kb. Enable bluetooth on both your mobile phone and the machine the presentation will run on. The application once started will try searching for enabled bluetooth devices around; hence choose your computer, do the pairing thing and you are done.

LibreOffice Impress Remote Control Application

You will be able to start, close, move between slide through the mobile application and one feature that I really like it use is that you can flip between your slide using the volume keys; Up for next slide and Down for the previous one. This is really handy with mobile phone with large screens that would really be difficult to use.

The application is really basic, but it has some features like the ability to connect through wifi, or to show a blank screen on the presenting device. It’s really promising, well done guys! More information can also be found here.

PS: Impress should already be launched on the computer your phone is paired to, this is I think the only way the application would work, it can also be a featture request to have a button to launch impress and choose which presentation to run from the recent opened list of files.

Edit 1: List of features I would like:

• The ability to launch impress from the mobile application, as it should be already launched on the machine the mobile is paired to, to get the mobile application running.
• The ability to choose a presentation to run from the recent opened files list on impress through the mobile phone application.
• A timer that starts with launching the presentation to let the presenter know how long the whole thing has taken since he started.
• A big “Next Slide” button on the application screen just in case people would like to use the touch screen as the touch flipping thing is really fast.

لو كنت متابع لقرارات رئاسة الوزراء اللي صدرت إمبارح عن الإجتماع الخامس عشر لرئاسة الوزراء هتلاقي من ضمن القرارات القرار رقم أربعة اللي بينص على:

فى مجال توفير ادوات نظم قواعد البيانات والبرمجيات تم الموافقة على التعاقد مع شركة ميكروسوفت لشراء الرخص الخاصة بالحاسبات المكتبية و الخوادم المستخدمة فى الحكومة، شاملة صيانة وتحديث البرامج طبقا لجدول اعداد الرخص وذلك بقيمة 43.762.321 دولار و 23 سنت ( ثلاثة واربعون مليون وسبعمائة واثنان وستون الف وثلاثمائة وواحد وعشرون دولار وثلاثة وعشرون سنت) على ان يتم الدفع خلال مدة اربع سنوات مالية طبقا لما ورد بالعرض مع الاستفادة بنسبة 10% من عائد الاستثمار يتم تقديمها فى صورة خدمات وتنفيذ مشروعات من خلال الشركات الوطنية تحت اشراف وزارة الاتصالات وتكنولوجيا المعلومات.

بحسبة صغيرة كده هتلاقي إن الرقم ده بالمصري هيساوي: 262,573,926 جنيه وال 23 سنت هيبقى جنيه و38 قرش..مأئتان وإثنان وستون مليون وخمسمائة ثلاثة وسبعون ألف وتسعمائة سبعة وعشرون جنيه وثلاثة وثمانون قرش.

السؤال بقى: لو في حل هيوفر 9/10 من المبلغ ده؟ بس ممكن ياخد وقت دلوقتي بس هيوفر قدام وقت كتييييييييييييييييييييير وفلوس أكتر مش اﻷولى إن الحكومة تستخدم الحل ده؟! أنا عندي الحل ده أنا وشباب تانية كتير في البلد إعترفوا بمبدأ البرمجيات مفتوحة المصدر أو الـ Open Source Software.

البرمجيات مفتوحة المصدر هي: هي البرمجيات التي يمكن الإطلاع والتعديل على شفرتها البرمجية وهى أكثر مرونه للمستخدم من البرامج الأخرى التي لا تتيح مرونه للمستخدم ولا يستطيع التعديل عليها والتي يسميها البعض بالبرمجيات الاحتكارية.

ما علينا من كل ده بس اﻷهم إن البرامج مفتوحة المصدربتكون في الغالب مجانية  وقد تكون بمقابل مادي في بعض الأحيان وفي أغلب اﻷحيان بيكون المقابل المادي ده علشان الدعم مش كثمن للبرنامج.

من أكبر اﻷمثلة على البرامج دي اللينكس اللي ممكن يستخدم مكان الويندوز كبيئة عمل بشكل يومي أو كخادم.

الحل:

1. تعيين كوادر محترفة وشبه محترفة في قسم يكون موجود في كل وزارة يسمى قسم الدعم الفني.
2. يتم الإستثمار في هؤلاء الكوادر بتدريبهم تدريب قوي يأهلهم لإنهم يقوموا بعملية الدعم اللي ممكن تكون مكلفة مع إنها مش مكلفة قوي يعني – مع ملحوظة بس: ده إذا مكانوش قادرين على ده من قبل التدريب وأنا شخصيا أعرف ناس قادرة على ده من أولى وثانية جامعة -.
3. عمل نقل جزئي تصاعدي لكل لبرامج مغلقة المصدرإلى برامج مفتوحة المصدر – يعني ننقل الناس واحدة واحدة مش مرة واحدة من الآخر -.
4. البدء في تشغيل الكوادر إياهم في معامل بحث وتطوير تابعة للحكومة وطلب أبحاث قيمة منهم كل فترة علشان ميتركنوش.

وبكده هنوفر كتير قوي..بس اللي يسمع! لو حابب وعجبك الكلام إنشره يمكن اللي فوق يسمعوا!

تحديث 1: في وقفة صامتة أمام مجلس الوزراء بخصوص القرار ده