பார்வைகள்

ஆணைக்குழு பரிந்துறைகளை செயற்படுத்த ஐ.தே.க ஒத்துழைக்கும் சபையில் ரணில் அறிக்கை

2012-02-11T19:19:00.001+05:30

"நல்லிணக்க ஆணைக்குழுவிலுள்ள முன்னேற்றகரமான விடயங்களை செயற்படுத்துவதற்கு ஐ.தே.க. தனது ஒத்துழைப்பை வழங்கும். இது குறித்து நாம் ஏற்கெனவே அறிவித்துள்ளோம்" என எதிர்க்கட்சித் தலைவர் ரணில் விக்ரமசிங்க தெரிவித்தார்.

நல்லிணக்க ஆணைக்குழுவின் அறிக்கை தொடர்பான ஐ.தே.க.வின் நிலைப்பாட்டை கடிதம் மூலம் ஜனாதிபதிக்கு அறிவித்துள்ளதாகவும் அவர் கூறினார். பாராளுமன்றத்தில் நேற்று விசேட அறிக்கையொன்றை வெளியிட்ட போதே அவர் மேற்கண்டவாறு கூறினார்.

ஐ.நா. அறிக்கையில் ஏதும் குற்றச்சாட்டுகள் இருந்தால் அது குறித்து அரசாங்கம் கட்டாயம் பதில் வழங்க வேண்டும். அரசாங்கம் நியமித்த நல்லிணக்க ஆணைக்குழு தனது பரிந்துறைகளை வெளியிட்டுள்ளது. இதில் உள்ள நல்ல விடயங்களுக்கு ஒத்துழைப்பு வழங்குவதாக நாம் கடந்த வருடம் அறிவித்திருந்தோம்.

சிறுபான்மை மக்களின் பிரச்சினைக்கு தீர்வு காணப்பட வேண்டும். இந்தப் பிரச்சினைக்கு தீர்வு காண எதிர்க்கட்சியின் ஒத்துழைப்பு அவசியம் என அரசு கூறி வருகிறது. எமது நிலைப்பாட்டிற்கும் நல்லிணக்க ஆணைக்குழு அறிக்கைக்கும் இடையில் சில ஒருமைப்பாடுகள் உள்ளன. சிலர் 13 பிளஸ் பற்றி பேசுகின்றனர். சிலர் அதிகமான ஜனநாயக உரிமைகளை எதிர்பார்க்கின்றனர். சிலரோ அதிக அபிவிருத்தியை எதிர்பார்க்கின்றனர் என்றார்.

ஐ.தே.க. தலைவர் ஜனாதிபதிக்கு அனுப்பியுள்ள கடிதத்தில் நல்லிணக்க ஆணைக்குழுவின் விதந்துரைகளை அமுல்படுத்துமாறு கோரியுள்ளது.

மாலத்தீவில் முன்கூட்டியே தேர்தல்: பதவி இழந்த அதிபருக்கு இந்தியா ஆதரவு

2012-02-11T17:15:00.002+05:30

இந்தியாவின் பக்கத்து நாடான மாலத்தீவில் கடந்த 7-ந்தேதி 'திடீர்' புரட்சி ஏற்பட்டது. எனவே அதிபர் பதவியில் இருந்து முகமது நசீத் பதவி விலகினார். அதை தொடர்ந்து, துணை அதிபராக இருந்த வாகீத் ஹசன் புதிய அதிபராக பொறுப்பு ஏற்றார். அதிபர் தேர்தலுக்கு இன்னும் ஒரு ஆண்டு இருந்த நிலையில் புரட்சி மூலம் அரசியல் மாற்றம் ஏற்பட்டது.

அதாவது சட்டப்படி ஆட்சி மாற்றம் ஏற்படவில்லை. எனவே, முன்கூட்டியே அதிபர் தேர்தல் நடத்தவேண்டும். வாகீத் ஹசன் பதவி விலக வேண்டும். தேர்தல் நடைபெறும் வரை 2 மாதங்களுக்கு பாராளுமன்ற சபாநாயகர் இடைக்கால நிர்வாகி ஆக பதவி வகிக்க வேண்டும் என பதவி இழந்த அதிபர் முகமது நஷீத் போர்க் கொடி தூக்கி உள்ளார். இதையடுத்து முகமது நஷீத்தின் மால்டிவியன் ஜனநாயக கட்சியினர் போராட்டம் நடத்தினார்கள். அவர்கள் கைது செய்யப்பட்டு சிறையில் அடைக்கப்பட்டுள்ளனர்.

எனவே, அவர்களை விடுதலை செய்யக்கோரி முகமது நஷீத் மாலேவில் தனது ஆதரவாளர்களுடன் பேரணி நடத்தினார். இதனால் அங்கு பதட்டம் நிலவுகிறது. இந்த நிலையில் மாலத் தீவில் முன்கூட்டியே தேர்தல் நடத்தவேண்டும் என்ற முகமது நஷீத்தின் கோரிக்கைக்கு இந்தியா ஆதரவு தெரிவித்துள்ளது. ஏனெனில் அதிபர் பொறுப்பு ஏற்றுள்ள வாஹித் ஹசன் சட்டப்படி அப்பதவியை பெறவில்லை என கருத்து தெரிவிக்கப்பட்டுள்ளது.

மாலத்தீவின் மக்கள் தொகை 3 லட்சம். அவர்களில் 29 ஆயிரம் பேர் இந்தியர்கள். இதில் 22 ஆயிரம் பேர் தலைநகர் மாலேவில் தங்கி உள்ளனர். அவர்கள் அனைவரும் பாதுகாப்பாக உள்ளனர். இந்த தகவலை மாலத்தீவுக்கான இந்திய தூதரக உயர் கமிஷன் அதிகாரி தெரிவித்துள்ளார். மாலத்தீவில் உள்ள இந்தியர்களில் பெரும்பாலானவர்கள் ஆசிரியர்களாகவும், டாக்டர்களாகவும் உள்ளனர்.

சர்வதேச நாணய நிதிய கடன் குறித்த அரசின் நிலைப்பாட்டில் மாற்றம்

2012-02-11T17:04:00.001+05:30

சர்வதேச நாணய நிதியம் அங்கீகரித்த 2.6 பில்லியன் டொலர் கடனின் கடைசிக் கொடுப்பனவான 800 மில்லியன் ரூபாவை இலங்கை பெற்றுக்கொள்ளாது என இலங்கை மத்திய வங்கி முன்னர் தெரிவித்திருந்தபோதிலும் இத்தொகையைப் பெற்றுக்கொள்வதற்கு விருப்பம் தெரிவிப்பதற்கான கடிதமொன்றை அடுத்தமாதம் அனுப்புவதற்கு தான் எதிர்பார்த்துள்ளதாக அரசாங்கம் நேற்று தெரிவித்தது.

சர்வதேச நாணய ஒத்துழைப்புக்கு பொறுப்பான சிரேஷ்ட அமைச்சர் சரத் அமுனுகம நாடாளுமன்றத்தில் இதைத் தெரிவித்தார்.சர்வதேச நாணய நிதியத்தின் மேலதிக ஒத்துழைப்பின்றி பொருளாதாரத்தை ஸ்திரப்படுத்திக்கொள்ள முடியும் என அரசாங்கம் நம்பிக்கை கொண்டிருப்பதாக மத்திய வங்கி ஆளுநர் அஜித் நிவாரட் கப்ரால் கடந்த மாதம் தெரிவித்திருந்தார்.

இந்நிலையில் சர்வதேச நாணய நிதியத்துடன் ஆரோக்கியமான உறவைப் பேணுவதற்கு அரசாங்கம் நம்பிக்கை கொண்டிருப்பதாக கலாநிதி அமுனுகம தெரிவித்தார்.

முழுமையான கடனை பெற்றுக்கொள்ளும் நடவடிக்கையிலிருந்து அரசாங்கம் முற்றாக விலகவில்லை. எஞ்சிய தொகையை நாம் பெறுவதென்றால்இ அத்த மாதம் நாம் தனியான கடிதமொன்றில் கையெழுத்திட வேண்டியிருக்கும் என அவர் கூறினார். வெளிநாட்டு நாணய கையிருப்பு அடிப்படையில் இதுதொடர்பாக அரசாங்கம் தீர்மானம் மேற்கொள்ளும் என அவர் தெரிவித்தார்.

இலங்கைக்கான 2.6 பில்லியன் டொலர் கடனை சர்வதேச நாணய நிதியத்தின் 24.06.2009 ஆம் திகதி அங்கீகரித்தது. இவற்றில் 1.8 பில்லியன் டொலரை 7 கட்டங்களில் இலங்கை ஏற்கெனவே பெற்றுக்கொண்டுள்ளது.

இலங்கைத் தமிழர்களுக்கு பிறப்புச் சான்றிதழ் வழங்கும் முகாமில் பரபரப்பு

2012-02-11T16:58:00.002+05:30

இலங்கைத் தமிழர்களுக்கு பிறப்புச் சான்றிதழ் அளிக்கும் சிறப்பு முகாம் இன்று காலை சேலம் மாவட்ட ஆட்சியர் அலுவலகத்தில் இடம்பெற்றுள்ளது.

இதற்காக சென்னையில் உள்ள இலங்கை தூதரக துணை ஆணையர் வடிவேல் கிருஷ்ணமூர்த்தி தலைமையில் 14 பேர் கொண்ட குழு சேலம் சென்றது.

இவர்களது வருகையை முன்னிட்டு அங்கு பலத்த காவல்துறை பாதுகாப்பு போடப்பட்டிருந்தது.
இதையும் மீறி தமிழ்நாடு மக்கள் உரிமை இயக்க மாநிலத் தலைவர் பூமொழி, காமராஜ் ஆகியோர், வடிவேல் கிருஷ்ண மூர்த்தியை முற்றுகையிட்டு, இலங்கைப் போரில் அப்பாவி தமிழ் மக்கள் படுகொலை செய்தபோது எவ்வித நடவடிக்கையும் மேற்கொள்ளாமல் இருந்தது ஏன் என்று போராட்டத்தில் ஈடுபட்டனர். அவர்களை பொலிஸார் கைது செய்து அழைத்துச் சென்றனர்.

இதனால் அவ்விடத்தில் சிறிது நேரம் பரபரப்பு ஏற்பட்டது. அதன்பிறகு பிறப்புச் சான்றிதழ் அளிக்கும் பணி அரம்பமானது.

மாபியா கும்பலின் கடத்தலுக்கான புதிய போக்குவரத்து மத்திய நிலையமாக இலங்கை மாற்றம்

2012-02-11T16:54:00.002+05:30

மாபியா கும்பலின் போலி நாணய கடத்தலுக்கான புதிய போக்குவரத்து மத்திய நிலையமாக இலங்கை மாறியுள்ளதாக தெரிவிக்கப்படுகிறது.

தேசிய புலனாய்வு பிரிவு நடாத்திய விசாரணையில் இந்த அதிர்ச்சி தகவல் தெரியவந்துள்ளது.
போலி நாணயங்கள் பாகிஸ்தானில் அச்சிடப்பட்டு தமிழ்நாடு மற்றும் கேரளாவிற்கு கடல் அல்லது விமானத்தின் மூலம் இலங்கையினூடாக செல்லப்படுவதாக தெரிவிக்கப்படுகிறது.

தமிழ்நாடு மற்றும் கேரளாவில் போலி நாணயங்களின் பாவனையில் அதிகரிப்பு காணப்படுவதாக அறிக்கைகள் மூலம் உறுதிப்படுத்தப்பட்டுள்ளது.

தமிழ்நாட்டில் சமீபத்தில் கைப்பற்றப்பட்ட போலி நாணயங்கள் சில இலங்கை இருந்து கொண்டுவரப்பட்டதாக கண்டுபிடிக்கப்பட்டமை குறிப்பிடத்தக்கது.

இலங்கை தொடர்பான இணையத்தள மனுவில் குறைந்த எண்ணிக்கையிலான கையெழுத்துகள்

2012-02-11T14:47:00.001+05:30

இலங்கையில் இடம்பெற்றதாகக் கூறப்படும் போர்க்குற்றங்கள் தொடர்பில் சுயாதீன விசாரணை இடம்பெறுவதற்கு பிரிட்டிஷ் அரசு ஆதரவளிக்க வேண்டுமென கோரி கடந்த வருடம் ஓகஸ்ட் மாதம் ஆரம்பிக்கப்பட்ட இணையத்தள கோரிக்கை மனுவில் இன்றுவரை 3,472 பேர் மாத்திரமே கையெழுத்திட்டுள்ளனர்.

இவ்விண்ணப்பத்தில் 100,000 பேர் கையெழுத்திட்டிருந்தால் இவ்விடயம் பிரித்தானிய நாடாளுமன்றத்தில் விவாதத்திற்கு எடுத்துக்கொள்ளப்படும்.

பிரித்தானிய அரசாங்கத்தின் உத்தியோகபூர்வ இணையத்தளத்தில் உள்ள இந்த மனு குறித்து குறிப்பிடப்பட்டுள்ளது.

இலங்கையில் கடந்த 2009 ஆம் ஆண்டு இடம்பெற்ற கடைசிக்கட்ட யுத்தத்தின்போது இடம்பெற்ற போர்க் குற்றங்கள், மனிதாபிமானத்திற்கு எதிரான குற்றங்கள் குறித்து, ஐ.நா பொதுச் செயலாளரின் நிபுணர் குழுவின் அறிக்கையில் சிபாரிசு செய்யப்பட்டுள்ளதைப் போல் சுயாதீனமான சர்வதேச விசாரணை இடம்பெறுவதற்கு பிரித்தானிய அரிசின் சுயாதீன ஆதரவு வேண்டுமென கோரப்பட்டுள்ளது.

டாக்டர் அர்ஜுன சிவானந்தனால் ஆரம்பிக்கப்பட்ட மேற்படி இணையத்தள விண்ணப்பமானது எதிர்வரும் ஓகஸ்ட் மாதம் 24 ஆம் திகதி முடிவடைகிறது.

இத்தகைய இணையத்தள மனுக்களில் 100,000 பேர் கையொப்பமிட்டால் பிரித்தானிய பொதுச் சபையில் இம் மனுக்கள் எடுத்துக்கொள்ளப்படுமென direct.gov.uk எனும் இந்த இணையத்தளத்தில் குறிப்பிடப்பட்டுள்ளது.

எனினும் மனுவிலுள்ள விடயம் குறித்து நீதிமன்ற வழக்கு நடைபெற்றுக்கொண்டிருந்தால் அல்லது இதே விடயம் குறித்து நாடாளுமன்ற பொதுச்சபையில் அண்மையில் விவாதம் நடைபெற்றிருந்தால் அல்லது விவாதிப்பதற்கு தீர்மானிக்கப்பட்டிருந்தால் இம்மனு தொடர்பாக விசேட விவாதம் நடத்தப்பட மாட்டாது.

இவ்விண்ணப்ப நடவடிக்கை போர்க்குற்றம் தொடர்பிலான விவாதத்தை சாத்தியாமாக்கமால் போனாலும் இதேதலைப்பில் பிரிட்டிஷ் அரசில் விவாதம் முன்னெடுக்கப்படாலம்.

குறித்த இணையத்தளத்தில் கையொப்பமிடுபவர்களின் மொத்த எண்ணிக்கை காட்சிப்படுத்தப்படும் ஆனால் அதில் கையொப்பமிடுபவர்களின் பெயர் மற்றும் ஏனைய விபரங்கள் வெளியிடப்படமாட்டாது என தெரிவிக்கப்பட்டுள்ளது

அமெரிக்க அதிபர் பாரக் ஒபாமாவை கொலை செய்ய சதித் திட்டம்

2012-02-11T14:42:00.002+05:30

அமெரிக்க அதிபர் பாரக் ஒபாமாவை கொலை செய்ய சதித் திட்டம் தீட்டியதாக, உஸ்பெகிஸ்தான் நாட்டைச் சேர்ந்த மாணவரை குற்றவாளி என அமெரிக்க கோர்ட் தீர்ப்பளித்துள்ளது. அமெரிக்க போலீசார் நடத்திய அதிரடி சோதனையில் அவன் கைது செய்யப்பட்டான்.

அவனிடமிருந்து பெருமளவிலான வெடிபொருட்கள் மற்றும் துப்பாக்கிகள் பறிமுதல் செய்யப்பட்டன. கைது செய்யப்பட்ட உஸ்பெகிஸ்தான் நாட்டைச்சேர்ந்த 22 வயதான உலக்பெக் கோடிரோவ் என்றும், அவன் பயங்கரவாத செயல்களுக்கு உதவி புரிந்தது. அதிபரை கொல்ல சதித்திட்டம் தீட்டியது மற்றும் ஆயுதங்களை சட்டத்திற்கு புறம்பாக வைத்திருந்தது தொடர்பான வழக்குகள் அவன் மீது பதிவு செய்யப்பட்டுள்ளதாக போலீசார் தெரிவித்தனர்.

இலங்கை - ஈரான் உறவை அமெரிக்கா உட்பட எந்த தரப்பினாலும் தடுக்க முடியாது: ஈரான் தூதுவர்

2012-02-11T14:40:00.002+05:30

எந்தவித அழுத்தங்கள் பிரயோகிக்கப்பட்டாலும் இலங்கை மற்றும் ஈரான் ஆகிய நாடுகளுக்கிடையிலான உறவில் பாதிப்பு ஏற்படாது என இலங்கைக்கான ஈரானிய தூதுவர் கலாநிதி நபி ஹசனி பேர் தெரிவித்தார்.

இந்த உறவினை அமெரிக்கா மற்றும் இலங்கையின் எதிர்க்கட்சி உள்ளிட்ட எந்தவொரு தரப்பினராலும் கூட தடுக்க முடியாது என அவர் குறிப்பிட்டார்.

ஈரானில் இஸ்லாமிய புரட்சி ஏற்பட்டு 33 ஆண்டு நிறைவு மற்றும் தேசிய தினம் ஆகியவற்றினை இன்று சனிக்கிழமை ஈரான் கொண்டாடுகின்றது.

இந்நிலையில், உலக நாடுகளுக்கு அமெரிக்காவினால் ஈரானிய எண்ணெய் தொடர்பில் தற்போது விதிக்கப்பட்டுள்ள பொருளாதார தடை தொடர்பில் இலங்கைக்கான ஈரான் தூதுவர் மேற்கண்டவாறு குறிப்பிட்டார்.

அமெரிக்காவின் ஒருதலைபட்சமான இந்த தடையின் ஊடாக சிறிய நாடுகளே பெரிதும் பாதிக்கப்படுகின்றன. இவ்வாறான பொருளாதார தடைகளினை ஐக்கிய நாடுகள் மாத்திரமே விதிக்க முடியும் என அவர் தெரிவித்தார்.

அமெரிக்கா போன்ற ஏனைய நாடுகள் இவ்வாறான ஒருதலைபட்சமான தடைகளை விதிப்பது சட்டவிரோதமான செயலாகும் எனவும் ஈரான் தூதுவர் குறிப்பிட்டார்.

'ஈரான் மீது அமெரிக்கா உள்ளிட்ட ஐரோப்பிய நாடுகளினால் பொருளாதர தடை விதிக்கப்படுவது இன்று நேற்றல்ல. கடந்த 50 வருடங்களாக பொருளாதர தடை விதிப்பு இடம்பெற்று வருகின்றது.

ஆனால் குறித்த பொருளாதார தடைகளுக்கு மாற்றீடான வழிகளை ஈரான் அரசாங்கம் மேற்கொண்டு வருகின்றது. இது போன்றே தற்போது ஈரான் தொடர்பில் உலக நாடுகளுக்கு அமெரிக்காவினால் விதிக்கப்பட்டுள்ள பொருளாதார தடைக்கும் மாற்றுவழி காணப்படும்' என அவர் தெரிவித்தார்.

அமெரிக்காவின் இந்த தடைகளுக்கு மத்தியில் எரிபொருள் மற்றும் தேயிலை ஆகியன தொடர்ச்சியாக இரு நாடுகளுக்குமிடையில் பறிமாறப்பட்டு வருகின்றன என அவர் குறிப்பிட்டார்.

சுமார் 32 வருட நெருங்கிய உறவினை கொண்ட இலங்கை மற்றும் ஈரான் ஆகிய நாடுகளுக்கிடையிலான உறவு தொடர்ந்து நீடிக்கும் என இலங்கைக்கான ஈரான் தூதுவர் மேலும் தெரிவித்தார்.

கடந்த வருடத்தின் தபால்மூல வாக்குகள் இவ்வருட தேர்தலில் எண்ணப்படும்

2012-02-11T14:37:00.001+05:30

புதுக்குடியிருப்பு, மரிச்சியம்பற்று பிரதேச சபைகளுக்கான தேர்தல் கடந்த வருடம் ஒத்திவைக்கப்படுவதற்கு முன்னர் அளிக்கப்பட்ட தபால்மூல வாக்குகளும் எதிர்வரும் மார்ச் 24 ஆம் திகதி நடைபெறவுள்ள இப்பிரதேச சபைகளுக்கான தேர்தலின்போது பயன்படுத்தப்படும் என அதிகாரிகள் தெரிவித்துள்ளனர்.

இம்முறை தேர்தலுக்கு 2011 அம் ஆண்டின் வாக்காளர் பதிவு பயன்படுத்தப்படும் என மேலதிக தேர்தல்கள் ஆணையாளர் ஆர்.எம்.ஏ.எல். ரட்ணாயக்க கூறினாரர். தபால்மூல வாக்குகளுக்கு 2009 ஆம் ஆண்டின் வாக்காளர் பதிவுப்பட்டியல் பயன்படுத்தப்பட்டமை குறிப்பிடத்தக்கது. இவ்விரு பிரதேசபைக்குட்ட பகுதிகளில் 44682 வாக்காளர்கள் உள்ளனர்.

அதிவேக நெடுஞ்சாலையில் கற்களை உருட்டி போக்குவரத்துக்கு தடங்கலை ஏற்படுத்த முயன்ற நால்வர் கைது

2012-02-11T14:35:00.002+05:30

தெற்கு அதிவேக நெடுஞ்சாலையில் கற்களை உருட்டி போக்குவரத்துக்கு இடையூறு விளைவிக்க முயன்றதாக குற்றஞ்சும்பத்தப்பட்ட இளைஞர்கள் நால்வரை எதிர்வரும் 21 ஆம் திகதி வரை விளக்கமறியலில் வைக்குமாறு எல்பிட்டிய நீதவான் சேகர சமரதிவாகர உத்தரவிட்டுள்ளார்.

எல்பிட்டிய பகுதியை வசிப்பிடமாகக் கொண்ட வல்வெதுரகே சந்திரதிலக, ரத்நாயக்க ஆராச்சிகே திலகரத்ன, ரத்னசிறி ஆராய்ச்சிகே பிரேமஸ்ரீ, மற்றும் எம்.பியரத்ன ஆகியோரே இவ்வாறு விளக்கமறியலில் வைக்கப்பட்டுள்ளனர்.

மேற்படி நால்வரும், இந் நெடுஞ்சாலையில் எலிக்கெஹெனவை அண்மித்துள்ள குருந்துகஹத்தெம்ப வீதியில் கற்களை உருட்டி போக்குவரத்துக்களை தடுப்பதற்கு முயற்சித்துள்ளனர்.

எலிப்பிட்டிய பொலிஸ் சிறப்பு பிரிவின் பொருப்பதிகாரி சிறிகாந்தா செனவித்னவின் தலைமையிலான குழுவினர் மேற்படி நால்வரையும் கைது செய்துள்ளதுடன் அவர்களை நீதிமன்றில் ஆஜர்படுத்தியுள்ளனர்.

சமுர்த்தி கொடுப்பனவுகள் மார்ச் மாதம் வழங்கப்படும்: அரசாங்கம்

2012-02-11T14:32:00.001+05:30

சமுர்த்தி பயனாளிகளுக்கான இவ்வருட கொடுப்பனவுகள் இன்னும் வழங்கப்படவில்லை என ஒப்புக்கொண்டுள்ள அரசாங்கம், அவர்களின் முதல் காலாண்டு கொடுப்பனவுகள் எதிர்வரும் மார்ச் மாதத்தில் வழங்கப்படுமென உறுதியளித்துள்ளது.

ஹம்பாந்தோட்டை நாடாளுமன்ற உறுப்பினர் சஜித் பிரேமதாஸ நேற்று நாடாளுமன்றத்தில் எழுப்பிய கேள்விக்கு பதிலளிக்கும்போதே பொருளாதார அபிவிருத்தி பிரதிமைச்சர் லக்ஷ்மன் யாப்பா அபேவர்தன இதனை தெரிவித்துள்ளார்.

சமுர்த்தி பயனாளிகள் எவரும் இவ்விவகாரம் தொடர்பாக இதுவரை எந்தவித போராட்டங்களையும் முன்னெடுக்கவில்லை எனவும் எதிர்வரும் மார்ச் மாதம் இக்கொடுப்பனவுகள் வழங்கப்படுமென பிரதியமைச்சர் கூறினார்.

சமுர்த்தி திட்டத்திற்காக அரசாங்கம் இதுவரை 9.3 பில்லியன் ரூபா பணத்தை செலவிட்டுள்ளதாகவும் 1.5 மில்லியன் குடும்பங்கள் அதனூடாக நன்மையடைந்துள்ளதாகவும் அமைச்சர் மேலும் தெரிவித்துள்ளார்.

எதிர்காலத்தில் சமுர்த்தி உத்தியோகத்தர்களுக்கு ஓய்வூதியம் வழங்க விரைவில் நடவடிக்கை மேற்கொள்ளப்படும் எனவும் அவர் கூறினார்

மொன்ரிசோறி, பாலர் பாடசாலைகளின் தரங்களை உறுதிப்படுத்திக் கொள்ளுமாறு பெற்றோரிடம் கோரிக்கை

2012-02-11T14:28:00.002+05:30

நாட்டிலுள்ள மொன்ரிசோறி பாடசாலைகள், பாலர் பாடசாலைகள், குழந்தை பராமரிப்பு நிலையங்களில் அரைவாசிக்கு மேற்பட்டவை பதிவுசெய்யப்படாமல் உள்ளதால் பெற்றோர்கள் தமது பிள்ளைகளை இவ்வாறான நிறுவனங்களில் சேர்க்கும்போது அவற்றின் தரத்தை உறுதிசெய்துகொள்ள வேண்டும் என சிறுவர் செயலகம் ஆலோசனை வழங்கியுள்ளது.

பதிவுசெய்யப்படாத முன்பள்ளி நிறுவனங்களை நடத்துவோருக்கு எதிராக நடவடிக்கை மேற்கொள்வதற்கு சட்டத்தில் இடமில்லாததால் தம்மால் இது தொடர்பாக எதுவும் செய்யமுடியாதிருப்பதாக சிறுவர் அபிவிருத்தி, பெண்கள் விவகார அமைச்சின் சிறுவர் செயலகத்தின் பிரதிப் பணிப்பாளர் ஜயந்த பீரிஸ் கூறினார்.

தொடக்கநிலை பிள்ளைப்பருவ அபிவிருத்தி சட்டமூலம் ஒன்றரை வருடங்களுக்கு முன்னர் கொண்டுவரப்படவிருந்தது. ஆனால், அது இன்னும் நடைபெறவில்லை என அவர் கூறினார்.

'எம்மால் நடவடிக்கை மேற்கொள்ள முடியாத நிலையில், முன்பள்ளிகளின் ஆசிரியர் தராதரங்கள், கற்பிக்கும் சுற்றாடல் நிலைமைகள், நிறுவனத்தின் ஏனைய தராதரங்களை உறுதிப்படுத்திக்கொள்ள வேண்டுமென பெற்றோர்களிடம் நாம் கோருகிறோம். பல பெற்றோர்கள் தரம் பற்றி கவலைப்படுவதில்லை. இதனால் பாதிக்கப்படுவது பிள்ளைகள்தான்' என அவர் கூறினார்.

தான் அறிந்தவரையில் இலங்iகியல் 16,000 தொடக்கநிலை பிள்ளைப்பருவ நிலையங்கள் உள்ளதாகவும் அவற்றில் அரைவாசிக்கும் குறைந்தவையே சம்பந்தப்பட்ட மாகாண சபைகளில் பதிவுசெய்யப்பட்டள்ளன எனவும் ஜயந்த பீரிஸ் தெரிவித்தார்.

இதேவேளை முன்பள்ளி நிலையங்கள் பலவற்றில் பிள்ளைகள் துஷ்பிரயோகத்துக்கும் துன்புறுத்தல்களுக்கும் ஆளாகிவருவதால் பெற்றோர் அது குறித்தும் விழிப்பாக இருக்க வேண்டும் என பாலர் பாடசாலை ஆசிரியை ஒருவர் தெரிவித்தார்.

பாலகுமார் சொன்னது என்ன?.... அதன் பின் நடந்தது என்ன?...

2012-02-11T02:41:00.001+05:30

முன்னாள் புலி உறுப்பினருக்கு அரச துறையில் வேலை! நாமல் எம்.பி.யால் நியமனம் -

2012-02-10T17:00:00.006+05:30

புலிகள் இயக்கத்தால் பலவந்தமாக பணிக்கமர்த்தப்பட்டிருந்த யுவதி ஒருவருக்கு அம்பாந்தோட்டை மாவட்ட பாராளுமன்ற உறுப்பினர் நாமல் ராஜபக்ஷவின் முயற்சியினால் வீதி அபிவிருத்தி அதிகார சபையில் வேலை வாய்ப்பு கிடைத்திருக்கிறது.

அலரி மாளிகையில் நேற்று நடைபெற்ற நிகழ்வின் போது நாமல் ராஜபக்ஷ எம்.பி சிறிதரன் சுகிர்தா (24 வயது) என்ற குறிப்பிட்ட யூவதிக்கு நியமனக்கடிதத்தை கையளித்தார்.

க.பொ.த. உயர்தர பரீட்சையில் வர்த்தகப்பிரிவில் இரண்டாவது தடவையாக தோற்றுவதற்காக கிளிநொச்சி மத்திய கல்லூரியில் இருந்து வருகை தந்த தம்மை எல்.ரி.ரி.ஈ.யினர் பலவந்தவமாக அழைத்துச் சென்றதோடு தன்னோடு கல்வி கற்ற மேலும் 40 மாணவிகளையும் எல்.ரி.ரி.ஈயினர் பிடித்துச் சென்றதாக அவர் தெரிவித்தார்.
பல்கலைக்கழக அனுமதி கிடைத்து பெற்றோருக்கு உதவிக்கரமாக இருக்க வேண்டுமென்ற எனது கனவு தவிடுபொடியாகியது என அவர் தெரிவித்தார்.

நியமனக் கடிதம் பெற்றுக்கொள்ள வந்த இவர் நிகழ்வில் கலந்து கொண்டவர்களுடன் மகிழ்ச்சியாக உரையாடிய போது

தனது தந்தையும் அண்ணாவும் எல்.ரி.ரி.ஈ.யின் பொலிஸ் பிரிவில் கடமையாற்றினர். நான் எவ்வித அச்சமும் இன்றி படித்துக் கொண்டிருந்த போது அவர்கள் என்னை பலவந்தமாக பிடித்துச் சென்னர். இது என்னால் தாங்கிக் கொள்ள முடியாத வேதனையாக இருந்தது. எனது தந்தையையும் அண்ணனையும் எல்.ரி.ரி.ஈ.யினர் ஏற்கனவே பலவந்தமாக பிடித்துச் சென்ற போதும் என்னையும் அவர்கள் பிடித்து செல்வார்கள் என்று ஒருபோது நினைக்கவில்லை.

எல்.ரி.ரி.ஈ.யினர் ஒரு குடும்பத்தில் நால்வர் இருந்தால் மூவர் எல்.ரி.ரி.ஈ. அமைப்பில் கட்டாயமாக இணைந்து கொள்ள வேண்டும் என்ற நிபந்தனையின் அடிப்படையிலேயே என்னையும் அழைத்துச் சென்றனர்.

இவ்விதம் என்னை அழைத்துச் சென்ற எல்.ரி.ரி.ஈ. அமைப்பினர் அவர்களின் நிர்வாக சேவையில் பணிக்கு அமர்த்தினர். எனினும் நான் எவ்வித ஆயுத பயிற்சியோஇ இராணுவத்தினருக்கு எதிராக ஆயுதப் போராட்டமோ செய்யவில்லை என்றார்.

சமுர்த்தி நிவாரணத்துக்கு மேலும் 300 மில்லியன் ரூபா ஒதுக்கீடு!

2012-02-10T16:57:00.001+05:30

சமுர்த்தி நிவாரண உதவித் தொகை வழங்குவதற்காக இம்முறை மேலதிகமாக 300 மில்லியன் ரூபா ஒதுக்கப்பட்டுள்ளதாக பொருளாதார அபிவிருத்தி பிரதியமைச்சர் லக்ஷ்மன் யாபா அபேவர்தன இன்று பாராளுமன்றத்தில் தெரிவித்தார்.

ஐக்கிய தேசயிக்கட்சி பாராளுமன்ற உறுப்பினர் சஜித் பிரேமதாசவின் வாய்மூலக் கேள்விக்க பதிலளித்துப் பேசும்போதே பிரதியமைச்சர் இதனைத் தெரிவித்தார்.

நாட்டில் 15 லட்சத்து 74 ஆயிரத்து 675 பேர் சமுர்த்தி நிவாரணம் பெற்றுவருகின்றனர். இவர்களுக்கு இரண்டு மாத காலமாக சமுர்த்தி நிவாரணம் வழங்கப்படவில்லை என்று இங்கு சுட்டிக்காட்டப்பட்டது. ஆனால் நாம் மூன்று மாதங்களுக்குமான கொடுப்பனவை மார்ச் மாதம் வழங்க நடவடிக்கை எடுத்துள்ளோம்.

அத்துடன் வரவு செலவூத் திட்டத்தில் குறிப்பிடப்பட்து போன்று கொடுப்பனவுத் தொகையும் அதிகரிக்கப்பட்டுள்ளது. அதற்காகவே மேலதிகமாக 300 மில்லியன் ரூபா ஒதுக்கப்பட்டுள்ளது.

மேலும் சமுர்த்தி உத்தியோகஸ்தர்களுக்கு ஓய்வு+தியத்துடனான நியமனம் வழங்கவும் நடவடிக்கை எடுக்கப்பட்டுவருவதாகவும் பிரதியமைச்சர் கூறினார்.

அதிவேக நெடுஞ்சாலை அபிவிருத்தி அதிகார சபை நிறுவ ஏற்பாடு!

2012-02-10T16:55:00.002+05:30

அதிவேக நெடுஞ்சாலை அபிவிருத்தி அதிகார சபை ஒன்றை நிறுவ அரசாங்கம் உத்தேசித்துள்ளதாக துறைமுகங்கள் மற்றும் நெடுஞ்சாலைகள் பிரதியமைச்சர் நிர்மல கொத்தலாவல இன்று பாராளுமன்றத்தில் தெரிவித்தார்.

தேசிய நெடுஞ்சாலைகள் சட்டமூலம் தொடர்பாக உரை நிகழ்;த்தியபேதே அவர் இவ்வாறு கூறினார்.

தற்போது அமைக்கப்பட்டுள்ள கொட்டாவ- காலி அதிவேக நெடுஞ்;சாலையால் ஒரு நாளைக்கு சுமார் 9000 வாகனங்கள் பயணம் செய்கின்றன. இதன்மூலம் கிடைக்கும் வருமானம் அதன் பராமரிப்புப் பணிகளுக்கு செலவிடப்படுகின்றது.

இதேபோன்று மொத்தம் 300 கிலோ மிற்றர் தூரத்துக்கான அதிவேக நெடுஞ்சாலைகளை அமைக்க அரசாங்கம் திட்டமிட்டுள்ளது.

இத்திட்டத்தின்கீழ் கொழும்பு வெளிப்புற சுற்றுவட்டப்பாதை முதல் கட்டம் 29 கிலே மீற்றர் - இரண்டாம் கட்டம் 26 கிலோ மீற்றர்- மற்றும் கட்டுநாயக்க அதிவேக நெடுஞ்சாலை 26 கிலோ மீற்றர் அமைக்கப்படும்.

2013 ஆம் ஆண்டில் கொட்டாவ- கட்டுநாயக்க அதிவேகப் பாதையை இணைக்க திட்டமிட்டுள்ளோம். இந்த நெடுஞ்சாலைகள் அமைக்கப்படும்போது சாரதிகள் கவனம் திசை திரும்பால் இருக்கவூம் பொது மக்களின் பாதுகாப்பு கருதியூம் பாதைகள் இரு மருங்கிலும் அபிவிருத்திப் பணிகள் இடம்பெறா. விளம்பரங்களுக்கும் இடமளிக்கப்படமாட்டாது.

இங்கு கடமை புரியூம் ஊழியர்கள் மற்றும் பொலிஸார் ஆகியோருக்கு முறையான வசதிகள் வழங்வூவதற்காக சீராக இயங்கக்கூடிய ஒரு நிறவனம் தேவைப்படுகின்றது. அதன் அடிப்படையிலேயே அதிவேக நெடுஞ்சாலை அபிவிருத்தி அதிகார சபை ஒன்றை நிறுவ முடிவூ செய்யப்பட்டுள்ளது

மேலும் இந்த நெடுஞ்சாலைகளில் பயணிக்கும் சாரதிகளிடமிருந்து கட்டணம் அறவிடுவதற்கு சட்டரீதியான அங்கீகாரமும் தேவைப்படுவதால் தேசய நெடுஞ்சாலைகள் சட்டம் ஒன்றின் அவசியம் நிலவூவதாகவூம் பிதியமைச்சர் தெரவித்தார்.

ரயில்பாதை கடவைகளுக்கு 1000 மில்லியன் ரூபா செலவில் பாதுகாப்பு உபகரணம்!

2012-02-10T16:53:00.003+05:30

நாட்டில் உள்ள ரயில்பாதை கடவைகளுக்கு ("பெல் அன்ட் லைட்") பாதுகாப்பு உபகரணம் பொருத்த 1000 மில்லியன் ரூபா ஒதுக்கப்பட்டுள்ளதாக போக்குவரத்து அமைச்சர் குமார் வெல்கம இன்று பாராளுமன்றத்தில் தெரிவித்தார்.

நாடளாவியரீதியில் 230 ரயில் கடவைகள் இந்த பாதுகாப்பு உபகரணங்களைப் பொருத்த உத்தேசிக்கப்பட்டுள்ளது.

கொழும்பு மாத்தறை அதிவேகப் பாதையில் 90 ரயில் கடவைகள் உள்ளன. இவற்றில் 61 கடவைகளுக்கு பாதுகாப்பு உபகரணம் பொருத்தப்படும். ஏனைய 29 ரயில் கடவைகளில் உரிய பாதுகாப்பு ஏற்பாடுகள் ஏற்கனவே மேற்கொள்ளப்பட்டுள்ளன.

ஒரு கடவைக்கு இந்த பாதுகாப்பு உபகரணத்தைப் பொருத்த 60 லட்சம் ரூபா செலவேற்படுகின்றது. கூடிய விரைவில் இந்த உபகரணத்தைப் பொருத்த நடவடிக்கை எடுத்துவருகிறௌம் என்றும் அமைச்சர் தெரிவித்தார்.

பாகிஸ்தான் அரச வங்கி ஏற்றுமதிக் கடனை நீடிப்பதற்கு பாகிஸ்தான் இணக்கம்

2012-02-10T16:48:00.001+05:30

பாகிஸ்தான் அரச வங்கி மூலம் இலங்கைக்கு 200 மில்லியன் அமெரிக்க டொலர் ஏற்றுமதிக் கடனை நீடிப்பதற்கு பாகிஸ்தான் அரசு ஏற்றுக் கொண்டுள்ளது.

இந்த கடன் ஒப்பந்தம் ஜனாதிபதி மஹிந்த ராஜபக்ஷ்வின் தற்போதைய விஜயத்தின் போது கையெழுத்திடப்பட்டதாக அரசாங்க தகவல் திணைக்கள அறிக்கை தெரிவிக்கிறது.

இவ் ஒப்பந்தம் முன்னதாக 2010ஆம் ஆண்டு நவம்பரில் பாகிஸ்தான் ஜனாதிபதியின் இலங்கைக்கு வருகையின் போது செய்து கொள்ளப்பட்டது.

ஜனாதிபதி மஹிந்த ராஜபக்ஷ் இரண்டு நாள் உத்தியோக பூர்வ விஜயம் ஒன்றை மேற்கொண்டு இன்று காலை பாகிஸ்தானுக்கு சென்றார்.

வடமாகாண உற்பத்திகளில் முன்னேற்றம் - ஆளுநர் செயலக அறிக்கை

2012-02-10T16:45:00.002+05:30

வடமாகாணத்தில் நெல், உப உணவுப் பொருட்கள், மரக்கறிகள், பழ வகை, தென்னை ஆகியவற்றின் உற்பத்திகள் குறிப்பிடத்தக்க அளவில் முன்னேற்றம் கண்டுள்ளன என வடமாகாண ஆளுநர் செயலகம் வெளியிட்ட புத்தகக் குறிப்பில் தெரிவிக்கப்பட்டுள்ளது.

இத்தகவலில் வடமாகாணத்தில் 2010, 2011 ஆம் ஆண்டுகளில் பெரும்போக பயிர்ச்செய்கையின் போது 78 ஆயிரத்து 279 கெற்ரேயர் நெற்பயிற்ச்செய்கை மேற்கொள்ளப்பட்டுள்ளது.

இப்புள்ளி விபரங்களின் படி 43 ஆயிரத்து 636 கெற்ரேயர் நிலப்பரப்பில் புதிதாக நெற்செய்கை ஆரம்பிக்கப்பட்டுள்ளது. சிறுதானியப் பயிர்ச்செய்கை 21 ஆயிரத்து 645 கெற்ரேயரில் மேற்கொள்ளப்பட்டுள்ளது.

இதில் 8 ஆயிரத்து 689 கெற்ரேயர் கைவிடப்பட்ட நிலத்தில் புதிய சிறுதானியப் பயிர்ச்செய்கை மேற்கொள்ளப்பட்டுள்ளது. அதேபோன்று 6 ஆயிரத்து 302 கெற்றர் நிலத்தில் மரக்கறிச் செய்கையும், ஆயிரத்து 284 கெற்றரில் பழச் செய்கையும், 15 ஆயிரத்து 793 கெற்றரில் தெங்குப் பயிர்ச்செய்கையும் நடைபெற்றுவருகின்றது.

புதிதாக ஆரம்பிக்கப்பட்டுள்ள பயிர்ச்செய்கைக்கு இலவச விதைகள், மானிய அடிப்படையில் பசளைகள், இலவசமாக பற்றைகள் அழிப்பு, போன்றனவும், உப பயிர்ச்செய்கைக்கு இலவச நீர்ப்பம்பிகள், தென்னைப் பயிர்ச்செய்கைக்கு ஒரு இலட்சம் நாற்றுக்கள் ஆகியன வழங்கப்பட்டமை இப் பயிர்ச்செய்கை அதிகரிப்புக் காரணமாக அமைகின்றன என்று புத்தகக் குறிப்பில் குறிப்பிடப்பட்டுள்ளது.

யாழ் மக்களால் ஒரு மாதத்தில் இலங்கை மின்சார சபைக்கு 93 இலட்சம் ரூபா இலாபம்

2012-02-10T16:43:00.001+05:30

யாழ்ப்பாணத்தில் கடந்த ஜனவரி மாதத்தில் மட்டும் 155 சட்டவிரோத மின் இணைப்புக்கள் குறித்து கண்டுபிடிக்கப்பட்டுள்ளது.

ஜனவரி மாதம் 28ஆம் திகதி தொடக்கம் 31ஆம் திகதி வரையான காலப்பகுதியில் இலங்கை மின்சார சபையின் அவசர அழைப்பு பிரிவு மேற்கொண்ட தேடுதலில் இந்த சட்டவிரோத மின் இணைப்புக்கள் பற்றி தெரியவந்துள்ளது.

இதற்காக அறவிட்ட தண்டப்பணம் மூலம் 93 இலட்சம் ரூபா இலாபமாகப் பெறப்பட்டுள்ளதாக இலங்கை மின்சார சபை தெரிவித்துள்ளது.

இத் தொகையில் 1,550,000 ரூபா நீதிமன்றம் அறவிட்ட தண்டப்பணம் மூலமாக பெறப்பட்டுள்ளதுடன் 7,738,305 ரூபா மின்சார சபை நேரடியாக அறவிட்ட தண்டப்பணம் மூலமாகவும் பெறப்பட்டுள்ளது.

பெரும் சிரமத்தின் மத்தியில் சீருடை பகிர்ந்தளிப்பு - கல்வி அமைச்சு பெருமூச்சு

2012-02-10T16:41:00.002+05:30

பாடசாலை மாணவர்களுக்கான சீருடை மற்றும் பௌத்த பிக்குகளிற்கான சீருடை என்பனவற்றை பகிர்ந்தளிக்கும் நடவடிக்கைகள் பெரும் சிரமத்தின் மத்தியில் நிறைவடைந்துள்ளதாக கல்வி அமைச்சு தெரிவித்துள்ளது.

நாட்டின் பல பாகங்களிற்கும் சீருடைகள் தற்சமயம் பகிர்ந்தளிக்கப்பட்டுள்ளதாக கல்வி அமைச்சு குறிப்பிட்டுள்ளது.

இதன் அடிப்படையில் சுமார் 1,350,000 இற்கும் அதிகமான சீருடைகள் பகிர்ந்தளிக்கப்பட்டுள்ளன.

ஆப்கானில் நேட்டோ தாக்குதல்: 8 குழந்தைகள் பலி- கர்சாய் கண்டனம்

2012-02-10T13:56:00.003+05:30

ஆப்கானிஸ்தானில் நேட்டோ படையினர் நடத்திய வான் தாக்குதலில் 8 எட்டு குழந்தைகள் கொல்லப்பட்டனர் இதற்கு அந்நாட்டு அதிபர் கண்டனம் தெரிவித்துள்ளார். ஆப்கானிஸ்தானில் தலிபான்கள் தாக்குத‌லை ஒடுக்க அமெரிக்காவின் நேட்டோ படைகள் முகாமிட்டு வருகின்றன. அவ்வப்போது பாக்.எல்லையில் வான் தாக்குதலையும் நடத்தி வருகின்றன.

இந்நிலையில் நேற்று ஆப்கானிஸ்தானின் கபீஸா மாகாணத்தின் நெஜ்ராப் மாவட்டத்தில் கியாவாலா கிராமப்பகுதியில் நேட்டோப்படையினர் திடீர் வான் தாக்குதல் நடத்தியதாகவும், இதில் எட்டு குழந்தைகள் பலியானதாகவும், கபீஸா மாகாண கவர்னரின் செய்தி தொடர்பாளர் , அதிபர் ஹமீத் கர்சாயிடம் ‌தெரிவித்தார்.

இது போன்ற தாக்குதல்கள் பல முறை நடந்துள்ளது வருந்தத்தக்கது கண்டனத்திற்குரியது என கர்சாய் தெரிவித்தார். மேலும் இதுவரை நேட்டோ படையினர் நடத்திய வான்தாக்குதல் குறித்து விசாரிக்க குழு ஒன்றை அனுப்பி நேட்டோவிடம் விளக்கம்‌ கேட்க உள்ளதாக தகவல்கள் வெளியாகியுள்ளன.

டான் யாழ்.ஒளியில் வெள்ளிக்கிழமை (10-02-2012) இடம்பெறும் பார்வைகள்

2012-02-09T22:46:00.001+05:30

டான் யாழ்.ஒளியில் வெள்ளிக்கிழமை (10-02-2012) இடம்பெறும் பார்வைகள் நிகழ்ச்சியில் திம்புப் பேச்சுவார்த்தை தொடக்கம் இன்றுவரை தீர்க்க முடியாத கோரிக்கைகளையே தமிழ்த் தரப்பு முன்வைப்பதாக ஜனாதிபதி மகிந்த ராஜபக்ஷ அவர்கள் யாழ்ப்பாணத்தில் தெரிவித்த கருத்து தொடர்பாக டான் தொலைக்காட்சி நேயர்கள் என்ன கருதுகிறார்கள் என்பது குறித்து கருத்துக் கேட்கப்படவிருக்கின்றது.

parvaigal எனும் skype முகவரிக்கு நேரடியாக அழைப்பதன் மூலமாகவோ அல்லது http://www.facebook.com/groups/parvaigal/ எனும் குழுமத்தில் இணைந்து உங்கள் கருத்துக்களை எழுத்துமூலம் பதிவதன் மூலமாகவோ நீங்களும் நிகழ்ச்சியில் இணைந்து கொள்ளலாம். நீங்கள் பதியும் கருத்துக்கள் நிகழ்ச்சியில் சேர்த்துக்கொள்ளப்படும். தொலைபேசியூடாக உங்கள் கருத்துக்களை பதிவுசெய்ய இலங்கை நேரம் இரவு 10.00 மணிமுதல் 12.00 மணி வரை நீங்கள் அழைக்கலாம். (ஐரோப்பிய நேரம் 5.30 முதல் 7.30 வரை )இலங்கையில் நேரடி ஒளிபரப்பாக ஒளிபரப்பாகும் இந்த நிகழ்ச்சி மீண்டும் ஐரோப்பிய நேரம் இரவு 10.00 மணிக்கு ஐரோப்பாவில் ஒளிபரப்பாகும். நிகழ்ச்சியில் கலந்துகொள்ள நீங்கள் அழைக்கவேண்டிய தொலைபேசி இலக்கம்: 0094112667977. இலங்கையில் நேரடியாக நடைபெறும் பார்வைகள் நேரலை நிகழ்ச்சியை பார்வையிட விரும்புபவர்கள் ஐரோப்பிய நேரம் மாலை 5.30 மணிக்கு டான் தொலைக்காட்சியின் இணையத்தளத்தில் Live From Colombo என்ற பகுதியை அழுத்துவதன் மூலம் பார்வையிடலாம்.link : http://www.dantv.tv/index.php?option=com_content&view=article&id=418:dan-tamil-oli-sl&catid=100:live-tv&Itemid=565

அமைச்சர் டக்ளஸ் தேவானந்தா அவர்கள் 08.02.2012ம் திகதி கலந்து கொண்ட சில நிகழ்வுகளின் வீடியோ தொகுப்பு.!...

2012-02-09T20:36:00.001+05:30

ஈழ மக்கள் ஜனநாயகக் கட்சியின் செயலாளர் நாயகமும் பாரம்பரிய கைத்தொழில்கள் மற்றும் சிறுதொழில் முயற்சி அபிவிருத்தி அமைச்சருமான டக்ளஸ் தேவானந்தா அவர்கள் 08.02.2012ம் திகதி கலந்து கொண்ட சில நிகழ்வுகளின் வீடியோ தொகுப்பு.

நட்டமடைந்துள்ள தனியார் நிறுவன சட்டத்திற்கு எதிரான மனு நிராகரிப்பு

2012-02-09T17:26:00.001+05:30

நட்டமடைந்துள்ள தனியார் நிறுவனங்களை அரசு மயப்படுத்தும் சட்டம் அரசியல் அமைப்புக்கு மாறானதென தீர்ப்பளிக்கும்படி தாக்கல் செய்யப்பட்ட மனுமொன்று நிராகரிக்கப்பட்டுள்ளது.

நிஹால் ஸ்ரீ அமரசேகர என்பவரால் குறித்த மனுவை தாக்கல் செய்யப்பட்டிருந்தது.

குறித்த சட்டம் செயற்படுத்தப்பட்டால் நாட்டு மக்களின் உரிமை மீறப்படும் என மனுவில் தெரிவிக்கப்பட்டுள்ளது.

எனினும் குறித்த சட்டம் பாராளுமன்றில் நிறைவேற்றப்பட்டு அமுலில் இருப்பதால் அது குறித்து விவாதிக்க முடியாது என சட்ட மா அதிபர் எதிர்ப்புத் தெரிவித்துள்ளார்.

இந்த கருத்துக்களை விசாரித்த உயர் நீதிமன்றம் மனுவை விசாரணைக்கு எடுத்துக் கொள்ளாது நிராகரித்துள்ளது.