ಭಾವನೆಗಳ ಸುಳಿಯಲ್ಲಿ ನಿಮ್ಮ ಗೆಳತಿ ಬೊಗಸೆ ತುಂಬಾ ಪ್ರೀತಿ, ಕಣ್ಣ ತುಂಬಾ ಕಾಳಜಿ

ಮಂತನ

2016-06-02T22:26:00.001-07:00

ಬರೆಯದೇ ತುಂಬಾ ಕಾಲವೇ ಆಗಿದೆಯಲ್ಲ,ನನ್ನೊಳಗಿನ ಸಾಹೀತಿ ಮಲಗೇ ಬಿಟ್ಟ ಹಾಗಿದೆ, ಬಡಿದೆಬ್ಬಿಸಬೇಕಿದೆ....... ಇದೇನು ಇಸೀನಾ...... ನಿದ್ದೆ ಮಾಡಿದವರನ್ನು ಎಬ್ಬಿಸಿದಂಗೆ.......

ಬರಹವನ್ನು ಬಿಟ್ಟು ತುಂಬಾ ದಿನ ಆಗಿರೋದ್ರಿಂದ ಕೈ ಓಡೋದೇ ಇಲ್ಲಾ.......

ಆಫೀಸ್ ಕೆಲಸ, ಮನೆಕೆಲಸ ಗಂಡ ಫ್ರೆಂಡ್ಸ್ ಅಂತ ತುಂಬಾ ಬುಸಿ ಆಗಿಬಿಟ್ಟಿದ್ದೆ even ನಂಗೆ ಅಂತ ಟೈಮ್ ಇರ್ತಿರ್ಲಿಲ್ಲಾ

ಅದರಲ್ಲೂ ಸ್ಮಾರ್ಟ್ ಫೋನ್ ಕೈಯಲ್ಲಿದ್ರೆ ಬೇರೆ ಯಾರು ಕಾಣ್ಸೋದೇ ಇಲ್ಲಾ , hubby ಅಂತಿರ್ತಾರೆ ಯಾವಾಗ್ಲೂ ...... "ಒಂದಿನ ನನ್ನೇ ಮರೆತು ಬಿಟ್ರು ಆಶ್ಚರ್ಯ ಇಲ್ಲ ಅಂತ "..

ಅದಿಕ್ಕೆ ಸದ್ಯಕ್ಕೆ ಸ್ಮಾರ್ಟ್ ಫೋನ್ ಇಂದ ಬಿಡುಗಡೆ ಪಡೆದು ನನ್ನ ಬರಹದತ್ತ ಬಂದಿದ್ದೇನೆ......

ಒಮ್ಮೊಮ್ಮೆ ಯಾಕೇ ಹೀಗೆ........

2014-02-24T23:33:00.001-08:00

ಒಮ್ಮೊಮ್ಮೆ ಯಾಕೇ ಹೀಗೆ........

ಏನು ಬೇಡ ಯಾರು ಬೇಡ ಅನ್ನಿಸೋದು ಯಾಕೆ ? ವಾಟ್'ಸ್ ಅಪ್, ಫೇಸ್ ಬುಕ್, ಮೆಸಜ್ ಕಾಲ್, even ನಮ್ಮ ಅವಿಭಾಜ್ಯ ಅಂಗದಂತಿರುವ ಫೋನ್ ಕೂಡ ಬೇಡ ಅನ್ನಿಸೋಕೆ ಶುರುವಾಗುತ್ತೆ!!!!! ಎಷ್ಟು ಹೊತ್ತಿಗೆ ಕಾಲ್ ಬರತ್ತೋ ಅಂತ ಕಾಯ್ತಾ ಇದ್ದೆ, ಈಗ ಯಾಕಾದರೂ ಕಾಲ್ ಮಾಡ್ತಾರೋ ಅನ್ನಿಸ್ತಾ ಇದೆ. ಮನೆ ಆಫೀಸು ಬಂದು ಬಳಗ ಫ್ರೆಂಡ್ಸ್ ಯಾರು ಬೇಡ ನಾನು ಮಾತ್ರ ಬೇಕು.ಒಂಟಿಯಾಗಿರಬೇಕು, ಕತ್ತಲೆಯಲ್ಲಿ ಮುಖ ಮುಚ್ಚಿ ಬಿಕ್ಕಳಿಸಬೇಕು, ಹೀಗೆ ಏನೇನೂ ಹುಚ್ಚು ಕಲ್ಪನೆ "ಬೆಟ್ಟದ ಮೇಲ್ಲೊಂದು ಮನೆಯ ಮಾಡಿ" ಎಂಬಂತೆ ಒಬ್ಬಂಟಿಯಾಗಿ ಕಾಡು ಮನುಷ್ಯಳಂತೆ ಜೀವಿಸುವ ತವಕ.

ನಿಜವಾಗುವ ಗಳಿಗೆಗೋಸ್ಕರ ಒದ್ದಾಟ, ಕನಸಲ್ಲೂ ನಿಜವಾಗದ ನೈಜ ಕಥೆ............!!!!!!!!!!!!!
ಇಂತ ಎಷ್ಟೋ ಕಥೆಯಂತ ಕನಸುಗಳು, ಕನಸಂತ ನಿಜಗಳು..................

ಸಂಕ್ರಾಂತಿ ಹಬ್ಬದ ಆಚರಣೆಯ ವೈವಿದ್ಯತೆ ಮತ್ತು ಹಿನ್ನೆಲೆ

2014-01-07T22:46:00.001-08:00

ಸಂಕ್ರಾಂತಿ ಮುಖ್ಯವಾಗಿ ದಕ್ಷಿಣ ಭಾರತದಲ್ಲಿ ಆಚರಿಸಲಾಗುವ ಒಂದು ಹಬ್ಬ. ಪೈರು ತೆಗೆಯುವ ಸಂದರ್ಭದಲ್ಲಿ ಆಚರಿಸಲಾಗುವ ಸಂಕ್ರಾಂತಿ ಹಬ್ಬ ಸಮೃದ್ಧಿಯ ಸಂಕೇತ. ಸಂಕ್ರಾಂತಿಯನ್ನು ಧಾರ್ಮಿಕ ತತ್ವಗಳಿಂದ ಸ್ವತಂತ್ರವಾಗಿ ಆಚರಿಸಲಾಗುತ್ತದೆಯಾದರೂ ವೇದಾಂಗ ಜ್ಯೋತಿಷಶಾಸ್ತ್ರದ ತಳಹದಿ ಹೊಂದಿರುವುದರಿಂದ ಮುಖ್ಯವಾಗಿ ಹಿಂದೂ ಧರ್ಮದವರಿಂದ ಆಚರಿಸಲ್ಪಡುತ್ತದೆ. ಕರ್ನಾಟಕ, ಆಂಧ್ರ ಪ್ರದೇಶ ಮತ್ತು ತಮಿಳುನಾಡುಗಳ ಮುಖ್ಯ ಹಬ್ಬಗಳಲ್ಲಿ ಸಂಕ್ರಾಂತಿಯೂ ಒಂದು.

ಸನಾತನ ಹಿಂದೂ ಧರ್ಮದ ಬುನಾದಿಯಾಗಿರುವ ವೇದಗಳ ಅಂಗಗಳೆಂದೇ ಪ್ರಸಿದ್ಧವಾಗಿರುವ ಆರು ವೇದಾಂಗಗಳಲ್ಲಿ ಒಂದಾದ ಜ್ಯೋತಿಷವನ್ನು ವೇದಗಳ ಕಣ್ಣೆಂದು ಗುರುತಿಸುತ್ತಾರೆ. ವೇದದಳ ಕಾಲದಿಂದಲೂ ಶುಭಕಾರ್ಯಗಳಿಗೆ ಮುಹೂರ್ತಾದಿ ಕಾಲವನ್ನು ನಿರ್ಣಯಿಸಿ, ಗ್ರಹಗಳ ಸ್ಥಿತಿ-ಗತಿ, ರಾಶಿ-ನಕ್ಷತ್ರ, ಗ್ರಹಣ, ಅಸ್ತೋದಯಗಳನ್ನು ನಿರ್ಣಯಿಸಿ, ಶುಭಾಶುಭ ಫಲಗಳನ್ನು ತೋರುತ್ತಾ, ಹಬ್ಬ-ಹರಿದಿನಗಳನ್ನು ಋತುಗಳಿಗನುಸಾರವಾಗಿ ಲೆಕ್ಕಾಚಾರ ಹಾಕಿ ಗುರುತಿಸುತ್ತಿದ್ದ ಶಾಸ್ತ್ರವೇ ಜ್ಯೋತಿಷ. ಈ ಶಾಸ್ತ್ರದಂತೆ, ಸೂರ್ಯನು ನಿರಯಣ ಮಕರರಾಶಿಯನ್ನು ಪ್ರವೇಶಿಸಿದಾಗ, "ಮಕರ ಸಂಕ್ರಾಂತಿ"ಯಾಗುತ್ತದೆ. ಈ ಕಾಲವು ಪ್ರತಿವರ್ಷ ಗ್ರೆಗೋರಿಯನ್ ಪಂಚಾಂಗದ ಜನವರಿ ೧೪ರ ಸುಮಾರಿಗೆ ಬೀಳುತ್ತದೆ. ಹಿಂದೆ, ಈ ಕಾಲವೇ ಉತ್ತರಾಯಣ ಅಥವಾ ಸೂರ್ಯನ ಉತ್ತರದಿಕ್ಕಿನ ಪಯಣದ ಆರಂಭವನ್ನು ಸೂಚಿಸುವ ಕಾಲವೂ ಆಗಿತ್ತಾದ್ದರಿಂದ ಭೂಮಿಯ ಉತ್ತರಾರ್ಧಗೋಳದಲ್ಲಿ ಚಳಿ-ಬೆಚ್ಚನೆಯ ವಾತಾವರಣ ಆರಂಭವಾಗಿ, ಬೆಳೆ ಕಟಾವಿನ ಕಾಲವೂ ಆಗಿತ್ತು. ಈಗ ಉತ್ತರಾಯಣ ಡಿಸೆಂಬರ್ ೨೨ಕ್ಕೇ ಆದರೂ, ಹಿಂದಿನಂತೆಯೇ ಜನವರಿ ೧೪ ರಂದು ನಡೆಯುವ ಮಕರಸಂಕ್ರಾಂತಿಯಂದೇ ಉತ್ತರಾಯಣದ ಆಚರಣೆಯೂ ನಡೆಯುತ್ತದೆ.ಮಹಾಭಾರತದ ಕತೆಯಲ್ಲಿ ಇಚ್ಚಾ ಮರಣಿಯಾದ ಬೀಷ್ಮರು ಪ್ರಾಣ ಬಿಡಲು ಉತ್ತರಾಯಣ ಪರ್ವ ಕಾಲವನ್ನು ಕಾದಿದ್ದರು ಎಂಬ ಉಲ್ಲೆಖವಿದೆ.

ಸೂರ್ಯೋದಯ ಪೂರ್ವದಲ್ಲಿ ಮತ್ತು ಸೂರ್ಯಾಸ್ತಮಾನ ಪಶ್ಚಿಮದಲ್ಲಿ ಎಂದು ಹೇಳುವುದಾದರೂ, ಯಾವುದೇ ಸ್ಥಳದಲ್ಲಿ ಕರಾರುವಾಕ್ಕಾಗಿ ಪೂರ್ವದಲ್ಲೇ ಸೂರ್ಯೋದಯವಾಗುವುದು ಮತ್ತು ಪಶ್ಚಿಮದಲ್ಲೇ ಸೂರ್ಯಾಸ್ತಮಾನವಾಗುವುದು ವರ್ಷದಲ್ಲಿ ಎರಡೇ ದಿನಗಳಂದು. ಆ ದಿನಗಳನ್ನು ಈಕ್ವಿನಾಕ್ಸ್ (equinox)ಎಂದು ಕರೆಯುತ್ತಾರೆ. ಅಂದು ಹಗಲಿರುಳುಗಳು ದಿನವನ್ನು ಸಮಪಾಲಾಗಿ, ಅಂದರೆ ೧೨ಗಂಟೆಗಳಾಗಿ ಹಂಚಿಕೊಳ್ಳುತ್ತವೆ. ವರ್ಷದ ಉಳಿದ ದಿನಗಳಲ್ಲಿ ಹಗಲಿರುಳುಗಳ ಪಾಲು ಸಮವಾಗಿರುವುದಿಲ್ಲ. ಬೇಸಗೆಯಲ್ಲಿ ಹಗಲು ಹೆಚ್ಚು, ಇರುಳು ಕಮ್ಮಿ. ಚಳಿಗಾಲದಲ್ಲಿ ಹಗಲು ಕಮ್ಮಿ, ಇರುಳು ಹೆಚ್ಚು.
ಈಕ್ವಿನಾಕ್ಸ್ ದಿವಸಗಳ ಹೊರತಾಗಿ ಸೂರ್ಯನ ಉದಯ ಪೂರ್ವದ ಬಲಕ್ಕೆ (ಅಂದರೆ ಉತ್ತರಕ್ಕೆ) ಅಥವಾ ಎಡಕ್ಕೆ (ಅಂದರೆ ದಕ್ಷಿಣಕ್ಕೆ) ಆಗುತ್ತದೆ. ಚಳಿಗಾಲ (ಅಂದರೆ ಇರುಳಿನ ಪ್ರಮಾಣ)ಹೆಚ್ಚಾದಂತೆ ಸೂರ್ಯನ ಉದಯ ಹೆಚ್ಚು ದಕ್ಷಿಣ ದಿಕ್ಕಿಗೆ ಚಲಿಸುವುದು ಗೋಚರಿಸುತ್ತದೆ. ಕೊನೆಗೆ ಒಂದು ದಿನ ದಕ್ಷಿಣದ ತುತ್ತ ತುದಿಯ ಹಂತವನ್ನು ತಲುಪಿ, ಅಚಲವೆಂಬಂತೆ ಕಂಡು, ಮರುದಿನದಿಂದ ಸೂರ್ಯನ ಉದಯ ಮರಳಿ ವಿರುಧ್ಧ ದಿಕ್ಕಿನಲ್ಲಿ ಆಗುತ್ತಾ ಚಲಿಸುತ್ತದೆ. ಅಂದರೆ ಸೂರ್ಯ ಇನ್ನು ದಕ್ಷಿಣ ದಿಕ್ಕಿನತ್ತದ ತನ್ನ ಚಲನವನ್ನು ನಿಲ್ಲಿಸಿ ಉತ್ತರಕ್ಕೆ ಚಲಿಸಲು ಪ್ರಾರಂಭಿಸುತ್ತಾನೆ. ಈ ದಿನ ಉತ್ತರಾಯಣದ ದಿನ. ಇದು ಚಳಿಗಾಲ ಮುಗಿದು ಮುಂಬರುವ ಬೇಸಗೆಯ ಮುನ್ಸೂಚನೆ. winter solstice ಎಂದೂ ಕರೆಯಲ್ಪಡುತ್ತದೆ. ಸುಮಾರು ಡಿಸೆಂಬರ್ ೨೨ ಈ ದಿನ. ಈ ದಿನವನ್ನು ಮಕರ ಸಂಕ್ರಾಂತಿಯೆಂದು ಗುರುತಿಸಬೇಕಾಗಿದ್ದರೂ ಸಾಂಪ್ರದಾಯಿಕವಾಗಿ ಜನವರಿ ತಿಂಗಳ ನಡುವಿನಲ್ಲಿ ಮಕರ ಸಂಕ್ರಾಂತಿಯನ್ನು ಆಚರಿಸುತ್ತೇವೆ.

ಇಲ್ಲಿಂದ ಸೂರ್ಯೋದಯ ಇನ್ನು ಆರು ತಿಂಗಳು ಉತ್ತರದ ದಿಕ್ಕಿನಲ್ಲಿ ಚಲಿಸುತ್ತಾ ನಡುವೆ ಮತ್ತೆ ಈಕ್ವಿನಾಕ್ಸ್ ದಿನವನ್ನೂ ತಲುಪಿ, ಇನ್ನೂ ಅದೇ ದಿಕ್ಕಿನಲ್ಲಿ (ಉತ್ತರಕ್ಕೆ)ಚಲಿಸುತ್ತಾ ಹೋಗುತ್ತದೆ. ಉತ್ತರಕ್ಕೆ ಹೆಚ್ಚು ಹೋದಂತೆಲ್ಲಾ ಹಗಲಿನ ಪ್ರಮಾಣ ಹೆಚ್ಚಾಗಿ ಇರುಳು ಕಮ್ಮಿಯಾಗುತ್ತಾ ಹೋಗುತ್ತದೆ. ಸೂರ್ಯನ ತಾಪ ಹೆಚ್ಚಾಗುತ್ತಾ ಬೇಸಗೆಯನ್ನು ಅನುಭವಿಸುತ್ತೇವೆ. ಕೊನೆಗೆ ಒಂದು ದಿನ ಉತ್ತರದ ತುತ್ತ ತುದಿಯನ್ನು ತಲುಪಿ, ಅಚಲವೆಂಬಂತೆ ಕಂಡು, ಮರುದಿನದಿಂದ ಸೂರ್ಯನ ಉದಯ ಮರಳಿ ವಿರುದ್ಧ ದಿಕ್ಕಿನಲ್ಲಿ ಆಗುತ್ತಾ ಚಲಿಸುತ್ತದೆ. ಅಂದರೆ ಸೂರ್ಯ ಇನ್ನು ಉತ್ತರ ದಿಕ್ಕಿನತ್ತದ ತನ್ನ ಚಲನೆಯನ್ನು ನಿಲ್ಲಿಸಿ ದಕ್ಷಿಣಕ್ಕೆ ಚಲಿಸಲು ಪ್ರಾರಂಭಿಸುತ್ತಾನೆ. ಇದು ದಕ್ಷಿಣಾಯನದ ದಿನ. ಬೇಸಗೆ ಮುಗಿದು ಮುಂಬರುವ ಚಳಿಗಾಲದ ಮುನ್ಸೂಚನೆ. ಈ ದಿನವನ್ನು ಕರ್ಕಾಟಕ ಸಂಕ್ರಾಂತಿ ಎಂದು ಗುರುತಿಸುತ್ತಾರೆ. summer solstice ಎಂದೂ ಕರೆಯಲ್ಪಡುತ್ತದೆ. ಸುಮಾರು ಜೂನ್ ೨೧ ಈ ದಿನ.

ಹೀಗೆ ಕಾಣುವ ಸೂರ್ಯನ ಚಲನೆಗೆ ಭೂಮಿಯ ಅಕ್ಷರೇಖೆ (axis) ಸುಮಾರು 22 1/2 degree ವಾಲಿರುವುದು ಕಾರಣ. ಯಾವುದಾದರೂ ಒಂದು ನಿಗದಿತ ಜಾಗದಲ್ಲಿ ದಿನಾಲು ನಿಂತು, ದಿನದ ಒಂದೇ ನಿಗದಿತ ಸಮಯದಲ್ಲಿ, ಆಗಸದಲ್ಲಿ ಸೂರ್ಯನ ಸ್ಥಾನವನ್ನು ಗುರುತು ಹಾಕಿಕೊಂಡು, ಈ ರೀತಿ ವರ್ಷವಿಡೀ ಮಾಡಿದರೆ, ಗುರುತು ಹಾಕಿಕೊಂಡ ಆ ಬಿಂದುಗಳೆಲ್ಲಾ ಸುಮಾರು '8'ರ ಆಕೃತಿಯಲ್ಲಿ ಕಾಣುತ್ತವೆ. ಈ ವಿನ್ಯಾಸವನ್ನು analemma ಎನ್ನುತ್ತಾರೆ. '8'ರ ಆಕೃತಿಯ ನೆತ್ತಿಯ ಬಿಂದು summer solstice ದಿನದಂದು ಆಗುತ್ತದೆ. ಆ ಆಕೃತಿಯ ಅಡಿಯ ಬಿಂದು winter solstice, ಅಂದರೆ ಮಕರ ಸಂಕ್ರಾಂತಿಯ ದಿನದಂದು ಆಗುತ್ತದೆ. ನಡುವೆ ರೇಖೆಗಳು ಪರಸ್ಪರ ಹಾದುಹೋಗುವ ಬಿಂದು equinox ದಿನಗಳು. 8 ರ ಆಕೃತಿಯ ನೆತ್ತಿಯಿಂದ ಅದರ ಅಡಿಯ ಬಿಂದುವಿನ ತನಕದ ದಿನಗಳು ವರ್ಷದ ದಕ್ಷಿಣಾಯನದ ದಿನಗಳು. ಆ ಆಕೃತಿಯ ಅಡಿಯಿಂದ ಅದರ ನೆತ್ತಿಯ ಬಿಂದುವಿನ ತನಕದ ದಿನಗಳು ಉತ್ತರಾಯಣದ ದಿನಗಳು.

ಕರ್ನಾಟಕದಲ್ಲಿ ಸಂಕ್ರಾಂತಿಗೆ ಸಂಬಂಧಪಟ್ಟ ಆಚರಣೆಗಳಲ್ಲಿ ಮುಖ್ಯವಾಗಿ ಕಂಡುಬರುವುದು "ಎಳ್ಳು ಬೆಲ್ಲ". ಮನೆಯಲ್ಲಿ ಎಳ್ಳ್ಳು ಬೆಲ್ಲನ್ನು ತಯಾರಿಸಿ ಸುತ್ತಲಿನ ಮನೆಗಳಿಗೆ "ಎಳ್ಳುಹಂಚುವುದು" ಸಂಕ್ರಾಂತಿಯ ಸಂಪ್ರದಾಯಗಳು. ಎಳ್ಳಿನ ಜೊತೆಗೆ ಸಕ್ಕರೆ ಅಚ್ಚುಗಳು,ಹಣ್ಣು,ಮತ್ತು ಕಬ್ಬಿನ ತುಂಡುಗಳನ್ನು ಸಹ ಬೀರುವುದುಂಟು.ಸಣ್ಣ ಸಣ್ಣ ಚೂರುಗಳಾಗಿ ಕತ್ತರಿಸಿದ ಬೆಲ್ಲ, ಒಣ ಕೊಬ್ಬರಿ, ಹುರಿಗಡಲೆ]],ಸಿಪ್ಪೆ ತೆಗೆದ ಕಡಲೇಕಾಯಿ ಬೀಜ ಹಾಗೂ ಹುರಿದ ಬಿಳಿ ಎಳ್ಳನ್ನು ಸೇರಿಸಿ "ಎಳ್ಳು ಬೆಲ್ಲ" ತಯಾರಿಸಲಾಗುತ್ತದೆ.

ತಮಿಳುನಾಡಿನಲ್ಲಿ ಈ ಹಬ್ಬವನ್ನು "ಪೊಂಗಲ್" ಎಂದು ಕರೆಯಲಾಗುತ್ತದೆ. ಇಲ್ಲಿ ಇದು ನಾಲ್ಕು ದಿನಗಳ ಹಬ್ಬ - ಈ ನಾಲ್ಕು ದಿನಗಳು ಮತ್ತು ಆ ದಿನಗಳಲ್ಲಿನ ಆಚರಣೆಗಳು ಹೀಗಿವೆ: ಭೋಗಿ: ಹೊಸ ಬಟ್ಟೆಗಳು, ಪೊಂಗಲ್: ಸಮೃದ್ಧಿಯ ಸಂಕೇತವಾಗಿ ಹಾಲು-ಬೆಲ್ಲಗಳನ್ನು ಪಾತ್ರೆಯಲ್ಲಿ ಕುದಿಸಿ ಉಕ್ಕಿಸಲಾಗುತ್ತದೆ. ಮಾಟ್ಟು ಪೊಂಗಲ್: ಗೋಪೂಜೆ, ಕೆಲವು ಕಡೆಗಳಲ್ಲಿ "ಜಲ್ಲಿಕಟ್ಟು" ಎಂಬ ಗೂಳಿಯನ್ನು ಪಳಗಿಸುವ ಆಟ ನಡೆಯುತ್ತದೆ

ಮಕರ ಸಂಕ್ರಾಂತಿಯಂದು ಕೇರಳದ ಶಬರಿಮಲೆಯಲ್ಲಿ ಕಾಣುವ ಮಕರಜ್ಯೋತಿಗೆ ಹೆಚ್ಚಿನ ಪ್ರಾಧಾನ್ಯತೆ ಇದೆ. ಅಯ್ಯಪ್ಪ ವೃತಾಧಾರಿಗಳಾದ ಜನರು ಶಬರಿಮಲೆಗೆ ತೆರಳಿ ತಮ್ಮ ಸ್ವಾಮಿಯ ಪಾದಕ್ಕೆರಗಿ ಮಕರ ಜ್ಯೋತಿಯ ದರ್ಶನವನ್ನು ಪಡೆದರೆ ಜನ್ಮ ಸಾರ್ಥಕವಾಗುವುದೆಂಬ ನಂಬಿಕೆಯಿಂದಾಗಿ ಲಕ್ಷೋಪಲಕ್ಷ ಜನರು ಈ ಜ್ಯೋತಿಯ ದರ್ಶನಕ್ಕಾಗಿ ವರ್ಷಂಪ್ರತಿ ಶಬರಿಮಲೆ ಸನ್ನಿಧಾನಕ್ಕಾಗಮಿಸುತ್ತಾರೆ."ಮಕರ ವಿಳಕ್ಕು"ಎಂದು ಕರೆಯಲ್ಪಡುವ ಈ ಜ್ಯೋತಿಯು ಶಬರಿಮಲೆಯ ಬೆಟ್ಟದಿಂದ ಮೂರು ಬಾರಿ ಗೋಚರವಾಗುತ್ತಿದ್ದು, ಅಂತೂ ಇದು ವೈಜ್ಞಾನಿಕವಾಗಿಸಾಬೀತಾಗಿಲ್ಲವಾದರೂ, ಪ್ರಸ್ತುತ ಕಾಲದಲ್ಲಿಯೂ ಆಧ್ಯಾತ್ಮಿಕತೆಯ ಕುರುಹನ್ನು ತೋರಿಸುತ್ತದೆ ಎನ್ನುತ್ತಾರೆ ಭಕ್ತರು.ನಮನ ಒಟ್ಟಿನಲ್ಲಿ ಸೂರ್ಯನು ಮಕರ ರಾಶಿಗೆ ಪ್ರವೇಶಿಸಿ ಲೋಕದ ಕಾರಿರುಳನ್ನು ಹೋಗಲಾಡಿಸುವಂತೆ ಜನರು ಈ ಕಾಲದಲ್ಲಿ ಪುಣ್ಯ ಕಾರ್ಯಗಳಲ್ಲಿಯೂ ಆಧ್ಯಾತ್ಮಿಕ ಚಿಂತೆಗಳಲ್ಲಿಯೂ ತಮ್ಮನ್ನು ತೊಡಗಿಸಿಕೊಂಡು ಮುಕ್ತಿ ಮಾರ್ಗದಲ್ಲಿ ಸಾಗುವಂತೆ ಈ ಆಚರಣೆಯು ಪ್ರೇರಣೆಯನ್ನು ನೀಡುತ್ತದೆ.

ಮುಖ್ಯವಾಗಿ ದಕ್ಷಿಣ ಭಾರತದ ಹಬ್ಬವಾದರೂ, ಇತರ ಸ್ಥಳಗಳಲ್ಲಿ ಸಹ ಬೇರೆ ಬೇರೆ ಹೆಸರುಗಳಲ್ಲಿ ಸಂಕ್ರಾಂತಿಯನ್ನು ಆಚರಿಸಲಾಗುತ್ತದೆ. ಗುಜರಾತ್ ಮತ್ತು ಮಹಾರಾಷ್ಟ್ರಗಳಲ್ಲಿ ಸಂಕ್ರಾಂತಿಯ ದಿನದಂದು ಗಾಳಿಪಟಗಳನ್ನು ಹಾರಿಬಿಡುವ ಸಂಪ್ರದಾಯವುಂಟು.

ಮಹಾರಾಷ್ಟ್ರದಲ್ಲಿಯೂ, ಎಳ್ಳು ಮತ್ತು ಸಕ್ಕರೆಯ ಕುಸುರಿಕಾಳನ್ನು ಬಂಧು ಮಿತ್ರರಿಗೆ ಹಂಚುವ ರೂಢಿ ಇದೆ. ಪ್ರಮುಖವಾಗಿ ಅವರು, ಎಳ್ಳಿನ ಉಂಡೆ ಗಳನ್ನು ಹಂಚುತ್ತಾರೆ. ಅದಕ್ಕೆ ಅವರು ಲಡ್ಡು ಎನ್ನುತ್ತಾರೆ. ಪಂಜಾಬ್ ಮತ್ತು ಹರಿಯಾಣಗಳಲ್ಲಿ ಸಂಕ್ರಾಂತಿಗೆ "ಲೋಹರಿ," ಎಂದು ಹೆಸರು.

ಕರ್ನಾಟಕದ ಸಂಪ್ರದಾಯದ ತರಹ ಬಿಡಿಕಾಳುಗಳನ್ನು ಹಂಚುವ ಪದ್ಧತಿಯಿಲ್ಲ. ಹಾ. ಎಳ್ಳುಂಡೆಕೊಡುವಾಗ ತಪ್ಪದೆ, " ತಿಳ್ಗುಳ್ ಘ್ಯಾ, ಅಣಿ ಗೋಡ್ ಗೋಡ್ ಬೋಲ", (ಎಳ್ಳು ಬೆಲ್ಲ ತಿಂದು ಬೆಲ್ಲದಂತೆ ಮಾತಾಡಿ )ಎನ್ನುವ ಮಾತು ಹೇಳುವುದನ್ನು ಮರೆಯುವುದಿಲ್ಲ !

ಮಾಹಿತಿ ಕೃಪೆ : ಗೂಗಲ್

ಇನಿಯಾ ????

2013-11-15T02:01:00.003-08:00

ಇನಿಯಾ ????

ಇರುಳಾ ತಬ್ಬಿರುವ ಮೌನವೇ

ಮಾತಾಡು ಬಾರಾ

ಕೆನ್ನೆಯ ಚುಂಬಿಸಿರುವ ಕಣ್ಣಿರೇ

ನಿನ್ನ ಕಥೆ ಹೇಳು ಬಾರಾ

ಕಾರಿರುಳಾ ಮೌನ ಮಾತಾಗುವ ಮಾತುoಟೇ

ಕಣ್ಣಿರು ಕಥೆ ಹೇಳಿದ ಕಥೆಯುoಟೇ

ದುಃಖ ಮರೆಸುವ ಮನವ ಬಯಸಿದರೆ

ದುಃಖದ ಮಡುವಲ್ಲಿ ಸಾಯುತಿರುವನ ಗೆಳೆತನ ಸಿಕ್ಕಿತೇ????!!!

ಮುಸ್ಸಂಜೆಯ ಇರುಳಲ್ಲಿ ಜಿಟಿ ಜಿಟಿ ಮಳೆಯಲ್ಲಿ

ಮನೆಯ ಮೂಲೆಯಲ್ಲಿ ಗೋಡೆಗಾನಿಸಿ

ಕುಳಿತು ಮನವ ಬರಿದು ಮಾಡಿಕೊಳ್ಳುತಿರುವ

ನಿನ್ನ ದುಃಖಕ್ಕೆ ಈ ಏರುಳೆ ಸಾಕ್ಷಿ!!!!

ಜಲ್ಲನೆ ಮಿಂಚುವ ಮಿಂಚಿಗೆ

ಗಕ್ಕನೆ ಬೆದರಿ ಕಣ್ಣಿರುವರೆಸಿಕೊಳ್ಳುವ

ತನಗೆ ತಾನೇ ಸಮಾಧನಿಸಿಕೊಳ್ಳುವ

ಮನ ಇನಿಯನ ಪ್ರೆತಿಯ ಬಯಸಿತ್ತೆ ???

ಮರಗುಟ್ಟುವ ಚಳಿಯಲ್ಲಿ

ಮೆತ್ತನೆಯ ಶಾಲಹೊದ್ದು

ಗೆಳೆಯನಿಗಾಗಿ ಕಾದ ಚಳಿಗಾಲವೆಷ್ಟೂ

ನೀ ಬರದೆ ಹೋದೆನೆಂದು ಶಪಿಸಲಾರೆ!!!!

ಬೇಸಿಗೆಯ ಬೇಗೆಯಲ್ಲಿ

ನಿನ್ನ ಬೆಸುಗೆಯ ನೆನಪಾಗಿ ಮೈ ಬೆವೆತರು

ಬಿಸಿಲ ಬೇಗೆ ಗೆಂದು ಮನ ಸಮಾದಾನಿಸಿದ

ಗಳಿಗೆಗದರೂ ಮನ ನಿನ್ನ ಹಂಬಲಿಸದೇ ಇನಿಯಾ ????

ಆದ್ರೂ ಅವನೀಲ್ಲದೆ ಅವಳಿಲ್ಲಾ

2013-10-17T22:07:00.001-07:00

‘ಮದುವೆಯಾಗಿ ಎರಡು ವರ್ಷವಾದರೂ ಇನ್ನೂ ನನ್ನನ್ನು ಅರ್ಥ ಮಾಡ್ಕೊಂದಿಲ್ಲಾ ಯಾವಗ ಅರ್ಥ ಮಾಡ್ಕೋತಿಯೋ’ ಎಂದು ಒಂದೇ ಸಮನೆ ರೇಗುತಿದ್ದ. ‘ನೀನು ನನ್ನನೆಸ್ಟು ಅರ್ಥ ಮಾಡ್ಕೊಂಡಿದಿಯಾ?’ ಅಂತಾ ತಿರುಗಿ ಕೇಳಿದವಳ ಕಣ್ಣಲ್ಲೋ ಕಣ್ಣಿರ ಧಾರೆ!

ತಾನು ಅತ್ತರೆ ಗಂಡ ಎದೆಗವಚಿಕೊಂಡು ಸಮಾಧಾನ ಮಾಡಬೇಕು, ಕಣ್ಣಿರನ್ನು ಒರೆಸಿ, ತನ್ನನ್ನು ತಬ್ಬಿಕೊಳ್ಳಬೇಕು, ಎಂಬ ಅವಳ ಆಸೆಗೆ ಮದುವೆಯಾದ ಸ್ವಲ್ಪ ದಿನದಲ್ಲೇ ಮನದಟ್ಟಾಗಿತ್ತು, ಅವನಿಗೋ ಕಣ್ಣಿರನ್ನು ಕಂಡರೆ ಕೆಂಡದಂಥ ಕೋಪ. ತಕ್ಷಣ ಅವಳು ಮುಖ ತೊಳೆದುಕೊಂಡು ಬರಬೇಕು, ಇಲ್ಲಾಂದ್ರೆ ಪುನಃ ಬೈತಾನೆ. ಮುಖ ತೊಳೆಯುವ ನೆಪ ಮಾಡಿಕೊಂಡು ಗಂಟೆಗಟ್ಟಲೆ ಬಾತರೂಮಲ್ಲಿ ಅಳುತ್ತಾ ಕುತಿರ್ತಾಳೆ .

ಸಂಜೆ ಆಫೀಸ್ನಿಂದ ಮನೆ ಬಂದ ನಂತರ ಗಂಡನೊಂದಿಗೆ ಹರಟುವ ಕನಸು ಕಂಡವಳಿಗೆ ಕನಸೊಂದೇ ಜೋತೆಯಾಗಿರತ್ತೆ, ಅವನ ದಿನಚರಿಯೇ ಅದು ಬರೋದು ಲೇಟ್ ಆದ್ರೆ ಟೀವಿ ನೋಡೋದು ಇಲ್ಲಾಂದ್ರೆ ಅವನ ಡೆಲ್ ಲಾಪಿ ಅವನಿಗಾಗಿ ಕಾದಿರತ್ತೆ ಅದನ್ನು ನೋಡಿದವಳಿಗೆ ಮೈಯೆಲ್ಲಾ ಉರಿದು ಹೋಗತ್ತೆ, ಅದಕ್ಕಾಗಿ ಅವಳು ಸಿರಿಯಲ್ಸ್ ನೋಡೋಕೆ ಶುರು ಮಾಡಿದ್ದಾಳೆ , ಇವತ್ತಾಗಿದ್ದು ಅದೇ ಅದಕ್ಕೆ ಈ ಜಗಳ ಹಾಗಂತ ಅವರಿಬ್ಬರಲ್ಲಿ ಪ್ರೀತಿ ಇಲ್ಲಂಥಾ ಅಲ್ಲಾ ಖಂಡಿತಾ ಇದೆ ಬೆಟ್ಟದಷ್ಟು.

ಆದ್ರೆ ಅದರ ಮದ್ಯೆ ಇಗೋ ಬಂದು ನಿಂತಿದೆ . ಅವಳೋ ಭಾವನಾ ಜೀವಿ ಅವನಿಗೆ ಭಾವನೆಗಳನ್ನು ವ್ಯಕ್ತ ಪಡಿಸೋದು ಗೊತ್ತಿಲ್ಲಾ ಅದೇ ಅವರಿಬ್ಬರ ಪ್ರಾಬ್ಲಮ್ . ಆವಳ ಚಿಕ್ಕ ಪುಟ್ಟ ಸಂತೋಷಗಳಲ್ಲಿ ಅವನೂ ಪಾಲ್ಗೊಳ್ಳಬೇಕು, ಸಣ್ಣದೊಂದು ನೋವಾದರೂ ತಬ್ಬಿ ಸಂತೈಸಬೇಕು, ಮಾತು ಮಾತಿಗೂ ರಮಿಸಬೇಕು, ಕೋಪ ಬಂದಾಗ ಪುಟ್ಟದೊಂದು ಚಾಕಲೇಟ್ ಜೋತೆ ಒಲೈಸಬೇಕು, ರಜಾ ದಿನಗಳಲ್ಲಿ ತನಗೆ ಅಂಟಿಕೊಂಡಿರಬೇಕು, ಇಂತಹ ಅದೇಷ್ಟೋ ಮಿನಿ ಆಸೆಗಳು ಇಡೇರುವ ದಿನಕ್ಕಾಗಿ ಕಾಯುತಿದ್ದಾಳೆ,, ಚಾತಕ ಪಕ್ಷಿಯಂತೆ... ವೀಕ್ ಎಂಡ್ಗಳಲ್ಲಿ ಗಂಡ ಪಕ್ಕದಲ್ಲಿದ್ರು, ಕಾಡುವ ಒಂಟಿತನ ಯಾವ ಶತ್ರುಗಳಿಗೂ ಬೇಡ ಎಂದುಕೊಳ್ಳುತ್ತಾಳೆ, ಗಂಡ ಟೀವಿ ನೋಡುತ್ತಿದ್ದರೆ ಪವರ್ ಕಟ್ ಯಾವಾಗ ಮಾಡ್ತಾರೋ ಅಂದುಕೊಳ್ತಾಳೆ, ಅದನ್ನೆಲ್ಲಾ ಅವನಲ್ಲಿ ಹೇಳಿಕೊಂಡಿದ್ದಾಳೆ ಕೂಡ,

ಇಷ್ಟೇಲ್ಲಾ ಆದರೂ ಒಂದೇ ಒಂದು ದಿನ ಅವನನ್ನು ಬಿಟ್ಟೀರಲಾರದಷ್ಟು ಪ್ರೀತಿ “ ಅವನಿಲ್ಲದೇ ಅವಳಿಲ್ಲಾ ’’

ಅವನೊಬ್ಬ ಪರ್ಫೆಕ್ಟ್ ಗಂಡ ಆದರೆ ಅವನಲ್ಲಿ ಸ್ನೇಹಿತನನ್ನು ಹುಡುಕುತ್ತಿರುವ ಅವಳ ಹುಡುಕಾಟಕ್ಕೆ ಕೊನೆಯೆಂದೋ???????

ಮುಂಗಾರು ಮಳೆಯೇ ,,,,,,,,,,,, ಏನು ನಿನ್ನ ಹನಿಗಳ ಲೀಲೆ

2013-08-11T23:44:00.000-07:00

ಈ ಮಳೆಯ ಹನಿಯ ಲೀಲೆಯನ್ನು ಅರಿತವರ್ಯಾರೋ !!!!!!!!!! ಎದೆ ಮುಗಿಲಿನಿಂದ ಮುಂಗರುಮಳೆಯಂತೆ ನೆನಪುಗಳು ರಭಸವಾಗಿ ಸುರಿಯುತ್ತಿವೆ, ಅದಕ್ಕೆ ಮನಸೆಂಬ ಕಾನನದಲ್ಲಿನ ಮರಗಳ ಹೊಯ್ದ್ದಾಟಕ್ಕೆ ದುಃಖ ಒತ್ತರಿಸಿಕೊಂಡು ಬರುತ್ತದೆ . ಕ್ಷುಲ್ಲಕ ಕಾರಣ ಹೇಳಿ ಗೆಳೆತನಕ್ಕೆ ಮಂಗಳ ಹಾಡಿದ್ದು ಮನಸನ್ನು ಹಿಂಡಿ ಹಾಕತ್ತೆ .

ಇಂತಹದೇ ಒಂದು ಮಳೆಗಾಲದಲ್ಲೇ ಅಲ್ಲವೇ ನಾನು ಅವಳು ಒಳ್ಳೆಯ ಗೆಳಯ ಗೆಳತಿಯರಾಗಿದ್ದು, ಒಂದೇ ಕೊಡೆಯಲ್ಲಿ ಕೈ ಕೈ ಹಿಡಿದು ಧಾರವಾಡದ ಬೀದಿ ಬೀದಿ ಸುತ್ತಿದ್ದು, ಪಾನಿಪೂರಿ ಅಂಗಡಿಗೆ ಲಗ್ಗೆ ಇಟ್ಟಿದ್ದು, ನೋಡುಗರ ಕಣ್ಣಿಗೆ ಪ್ರೇಮಿಗಳಂತೆ ಕಾಣಿಸಿದ್ದು , ಫ್ರೆಂಡ್ಸ್ ಸರ್ಕಲ್ ಅಲ್ಲಿ ಅಸೂಯೆಗೆ ಒಳಗಾಗಿದ್ದು, ನಾನೆಷ್ಟೇ ಕಾಡಿದರು, ಕೀಟಲೆ ಮಾಡಿದರೂ , ಸಹಿಸಿಕೊಂಡ “ಸಹನಾ”ಮೂರ್ತಿ. ನನ್ನ ತಪ್ಪುಗಳನ್ನು ತಿದ್ದಿ ಒಳ್ಳೆಯ ಗೆಳತಿಯಾದವಳು. “ಯಾರು ಏನೇ ಹೇಳಲಿ ನೀ ನನ್ನ ಬೆಸ್ಟ್ ಫ್ರೆಂಡ್ ಕಣೋ ಯಾವತ್ತೂ ನಿನ್ನಾ ನನ್ನ ಲೈಫಿಂದ ದೂರ ಮಾಡ್ಕೊಳಲ್ಲಾ ಎಂದವಳು ಹಾಗೆ ದೂರವಾಗಿ ಬಿಟ್ಟಿದ್ದಳು.

ಇದಕ್ಕೆಲ್ಲಾ ಕಾರಣ ಲವ್. ಹೌದು ಅವಳು ಒಬ್ಬನ್ನನ್ನು ತುಂಬಾ ಪ್ರೀತಿಸುತಿದ್ದಳು, ಅವನು ಕೂಡ ಅವಳನ್ನು ಅಷ್ಟೇ ಇಷ್ಟಾ ಪಡ್ತಾ ಇದ್ದ. ಅವನು ಪೊಸೆಸಿವ್ ಕಣೋ ನಾನು ಯಾರ ಹತ್ರಾನೂ ಫ್ರೀಯಾಗಿರೋದು ಅವನಿಗೆ ಇಷ್ಟ ಆಗಲ್ಲ ಬೈತಾನೆ ಅಂದಿದ್ಲು ಹೀಗೆ ಒಮ್ಮೆ ಮಾತಾಡುತ್ತಾ ಕುಳಿತಾಗ ಆನಂತರ ಹೆಚ್ಚು ಬೇಟಿ ಕೂಡ ಆಗಿರಲಿಲ್ಲ . ಸಂತೋಷವನ್ನು ಮಾತ್ರ ಹಂಚಿಕೊಂಡು ಹೆಚ್ಚಿಸಿಕೊಳ್ಳಬೇಕು ದುಃಖನಲ್ಲಾ ಅಂತಿದ್ಲು ಯಾವಾಗಲೂ ಹಾಗೇ ಅವಳ ಹುಡುಗ ನನ್ನ ವಿಷಯಕ್ಕಾಗಿ ಅವಳೊಂದಿಗೆ ಜಗಳವಾಡಿದ್ದನ್ನು ಮುಚ್ಚಿಟ್ಟಿದ್ದಳು ಅವಳ ಗೆಳತಿಯ ಕಡೆಯಿಂದ ನನಗೆ ತಿಳಿಯಿತು.

ಇದೇ ಟೈಮಲ್ಲಿ ಅವಳ ಕಸಿನ್ ಊರಿಂದ ಬಂದಿದ್ದ, ನನಗೂ ಪರಿಚಯಿಸಿದ್ದಳು, ನನಗೋಸ್ಕರ ಏನೆಲ್ಲಾ ಮಾಡಿಲ್ಲ ಅವಳು ಸೋ ಅವಳಿಗಾಗಿ ನನ್ನ ಫ್ರೆಂಡ್ಶಿಪ್ನ ಬಿಟ್ಟಕೊಡಲು ರೆಡಿ ಆಗಿ, ಒಂದು ಪ್ಲಾನ್ ಮಾಡಿದೆ . ಅವಳೊಂದಿಗೆ ಜಗಳ ಮಾಡಿದೆ ನಿನ್ನ ಕಸಿನ್ ಬಂದಾಗಿನಿಂದ ನಂಗೆ ಕಾಲ್ ಮೆಸೇಜ್ ಎಲ್ಲಾ ಕಡ್ಮೆ ಮಾಡಿದಿಯಾ? ಈಗ ನಿಂಗೆ ನಾನು ನನ್ನ ಗೆಳೆತನ ಬೇಡವಾಗಿದೆ ಅಂತೆಲ್ಲಾ ಬೈದೆ, ಪಾಪ ಕಣ್ಣಲ್ಲಿ ನೀರು ತುಂಬಿಕೊಂಡು ‘ಹಾಗೆಲ್ಲ ಹೇಳಬೇಡ ಕಣೋ ತುಂಬಾ ನೋವಗತ್ತೆ ’ ಅಂದಿದ್ಲು.

ನಾನು ಕೇರ್ ಮಾಡದೇ ಮತ್ತೂ ಬೈತಾನೆ ಇದ್ದೆ . ನಂಗೆ ಕಾಲ್ ಮಾಡಬೇಡ, ಮೆಸೇಜ್ ಮಾಡಬೇಡ, ಕಾಂಟಾಕ್ಟ್ ಮಾಡಬೇಡ ಅಂದಿದ್ದೆ . ಅತ್ತುಕೊಂಡು ಹೋಗಿದ್ಲು ಪಾಪ !!!! ಆನಂತರ ಅವನ್ನು ಮೀಟ್ ಮಾಡಿರಲಿಲ್ಲ ಫೋನ್ ಕಾಲ್ , ಮೆಸೇಜ್ ಯಾವುದಕ್ಕೂ ರೆಸ್ಪಾನ್ಸ್ ಮಾಡಿರಲಿಲ್ಲ . ಬೆಕಂತಾನೆ aviod ಮಾಡ್ದೆ, ನನ್ನ ನೋವನ್ನ ಸಹಿಸಿಕೊಂಡೆ .

ಇದೆಲ್ಲಾ ಆಗಿದ್ದು 2009 ರಲ್ಲಿ ಈಗ ಅವಳು ಮದುವೆಯಾಗಿ ಕುಶಿ ಕುಶಿಯಾಗಿದ್ದಾಳಂತೆ, ಮೊನ್ನೆ ಅವಳ ಫ್ರೆಂಡ್ ಸಿಕ್ಕಿದ್ಲು ಫೋರಮ್ ಮಾಲ್ ಅಲ್ಲಿ, ಅವಳು ಹೇಳಿದ್ಲು. ನಾನು ಬಯಸಿದ್ದು ಅದೇ ತಾನೇ !!!!!!!

ಆದರೆ ಮಳೆಹನಿಯೊಂದಿಗೆ ಬರುವ ಅವಳ ನೆನೆಪು ಮನವೆಂಬ ಕಪ್ಪೆ ಚಿಪ್ಪಲ್ಲಿ ಮುತ್ತಾಗಿ ಕುಳಿತಿದೆ

ನಾನಾಗಬಹುದೇ??!!

2011-11-23T21:36:00.000-08:00

ಹಕ್ಕಿಯಂತೆ ಬಾನಲ್ಲಿ ಹಾರಿ
ಚುಕ್ಕಿನ ಮುಟ್ಟಬಹುದೆ?
ಸಮುದ್ರದಾಳಕ್ಕೆ ಈಜಿ
ಕಪ್ಪೆ ಚಿಪ್ಪಲ್ಲಿ ಹುದುಗಬಹುದೇ?

ಕಾನನದ ಹಸಿರೆಲೆಗಳ
ಹಸಿರು ನಾನಾಗಬಹುದೆ?
ಗರಿಬಿಚ್ಚಿ ಕುಣಿಯುವ ನವಿಲ
ನಾಟ್ಯದ ವಯ್ಯಾರ ನಾನಾಗಬಹುದೆ?

ಇಂಪಾಗಿ ಸ್ವರ ಹೊಮ್ಮಿಸುವ
ಕೊಳಲ ದನಿ ನಾನಾಗಬಹುದೆ?
ತಕಧಿಮಿ ತೋಂ ಎಂದು ಕುಣಿವ
ನಾಟ್ಯರಾಣಿಯ ಗೆಜ್ಜೆ ನಾನಾಗಬಹುದೆ?

ಅತ್ತಿಂದಿತ್ತ ಹಾರುವ ಚಿಟ್ಟೆಯ
ರೆಕ್ಕೆಯ ಬಣ್ಣ ನಾನಗಬಹುದೇ?
ಕಣ್ಣ ಕೊಳದಿ ಈಜಾಡುವ
ಬಿಳಿಯ ಮೀನು ನಾನಾಗಬಹುದೆ/

ಪುಟಾಣಿ ಮಗುವಿನ ಹೆಜ್ಜೆಯ
ಒಲಾಟದ ಸೊಗಸು ನಾನಾಗಬಹುದೆ?
ಅದು ನುಡಿವ ತೊದಲು ಮಾತಿನ
ಸವಿ ಸವಿಯಬಹುದೇ?

ಪರಿಸರ

2011-11-22T21:38:00.000-08:00

ನಮ್ಮ ಸುತ್ತಲಿರುವ ಪರಿಸರ ನೀನೆಷ್ಟು ಸುಂದರ

ಹಸಿರ ಉಟ್ಟು ಹೂ ಮೂಡಿದ ನೀ ಸುಮಧುರ

ನೀ ಸಕಲ ಜೀವ ರಾಶಿಗಳೆಲ್ಲದರ ಆಗರ

ನೆನ್ನಲ್ಲಿಹುದು ಖನಿಜ ಸಂಪನ್ಮೂಲಗಳ ಭಂಡಾರ

ನದಿ ಹೊಳೆ - ಹಳ್ಳಗಳೆಂಬ ಹಾರ ತೊಟ್ಟು

ಪಶು - ಪಕ್ಷಿ - ಮನುಷ್ಯರೆಂಬ ಮಕ್ಕಳ ಹೆತ್ತು

ನಿನ್ನ ಜೀವನವನ್ನು ಇವರಿಗಾಗಿಯೇ ಮುಡಿಪಾಗಿಟ್ಟು

ಬದುಕಿರುವಂತಿದೆ ನೋವನೆಲ್ಲ ಮರೆತು ಬಿಟ್ಟು

ಭೂಮಾತೆ ನಿನ್ನ ಕೋಮಲ ಚರಣಗಳಿಗೆ

ವಂದಿಸಿದ್ದರಿಂದಾಯ್ತು ಸಂತಸ ತನುಮನಗಳಿಗೆ

ನಿನ್ನ ನೋಡುತಿದ್ದಂತೆ ನನ್ನ ನಾ ಮರೆತೇ ಒಂದುಗಳಿಗೆ

ಕನಸಿನ ಲೋಕದಲ್ಲಿ ವಿಹರಿಸಿದೆನಾ ಆ ಗಳಿಗೆ

ಹೀಗೊಂದು ಅನಾಮಿಕ ಗೆಳತಿ ?????????

2011-10-04T06:03:00.001-07:00

ಹೌದು ನಾನು ಅವಳು ಬರಿ ಫ್ರೆಂಡ್ಸ್ ಅಲ್ಲ ಆತ್ಮೀಯರು ಆದರೆ ನಾನು ಅವಳನ್ನು ನೋಡೇ ಇಲ್ಲಾ,?????
ಅವಳು ಫೋನ್ ಸುಂದರಿ ಅರ್ಥ ಆಗಿಲ್ವಾ? ಫೋನೂ ಫ್ರೆಂಡ್ ಅಂತ ನಮ್ಮಿಬ್ಬರ ಫ್ರಿಎನ್ದ್ಶಿಪ್ ಬರೆ ಫೋನ್ ನಲ್ಲಿ ಮಾತ್ರ ಊರು ಜಾತಿ ಏನೇನು ಗೊತ್ತಿಲ್ಲ ನಮಗದು ಬೇಕಾಗಿಯೂ ಇಲ್ಲಾ. ಎಲ್ಲಾ ವಿಷಯಗಳನ್ನೂ ಹಂಚಿಕೊಳ್ಳುತ್ತಿವಿ. ಇಬ್ಬರಲ್ಲಿ ಒಬ್ಬರಿಗೂ ನಮ್ಮಿಬ್ಬರ ಖಾಸಗಿ ವಿಷಯಗಳನ್ನು ತಿಳಿದುಕೊಳ್ಳಬೇಕೆಂದು ಅನಿಸಲಿಲ್ಲ. ಇಲ್ಲಿ ಅದು ಮಹತ್ವದ ವಿಷಯವು ಅಲ್ಲ ಬೇಟಿಯಗಬೇಕೆಂದು ಯಾವತ್ತು ಅನಿಸಲಿಲ್ಲ ಮಾತಾಡಿದ ಕೊಡಲೇ ನನ್ನ ಮನಸ್ಸಿಗೆ ಅನ್ನಿಸಿತ್ತು ಯಾವುದು ಜನ್ಮದ ಬಂಧವೆಂದು. ನಮ್ಮ ನೋವು ನಲಿವುಗಳನ್ನು ಸಮಾನವಾಗಿ ಹಂಚಿಕೊಂಡು ಅತ್ತಿದ್ದೇವೆ, ಕುಣಿದು ಕುಪ್ಪಳಿಸಿದ್ದೇವೆ, ಈ ಬಂಧನಕ್ಕೆ ಯಾವ ಹೆಸರಿಡೋಣ ನೀವೇ ಹೇಳಿ?

ಮಳೆಯ(ನದ) ಕಾರ್ಮೋಡ

2011-09-28T21:40:00.000-07:00

ಬಾನಿನ ತುಂಬೆಲ್ಲಾ
ತುಂಬಿಹುದು ಕರಿಮೋಡ
ಅದು ಭೂಮಿಯ ತಂಪು
ಮಾಡುವುದು ನೋಡ???

ಮನದಲ್ಲಿ ತುಂಬಿಹೆ
ಚಿಂತೆಯ ಕಾರ್ಮೋಡ
ಅದು ತೋರುವುದು
ಚಿತೆಗೆ ದಾರಿಯ ನೋಡ!!!!!

ಕರಿ ಮುಗಿಲ ನೋಡು
ಜೊತೆಗೆ ಧ(ರ)ಣಿಯಾ ನಗು
ಕಪ್ಪು ಮೆಘದೊಳಗಿಂದ
ಇನುಕುವನು ಬಿಳಿ ಚಂದ್ರ!!!!!?

ಮನಸು ತಿಳಿಯಾಗಲಿಲ್ಲ
ಬರಿಯ ಯೋಚನೆಯಿಂದ
ಮಂಕಾದ ಮುಖದಲ್ಲಿ
ಇಣುಕಲೂ ಇಲ್ಲ ಕಿರುನಗೆ!!!!!!

ಕಪ್ಪು ಮೋಡದಿಂದ ಮಳೆ
ಚಿಂತೆಯಿಂದ ಕಣ್ಣಿರು
ಮಳೆ ಬಂದರೆ ಕುಣಿವರು ಜನ
ಕಣ್ಣಿರಿಂದೇಕೆ ನೆನೆವುದೋ ಮನ??!!!!!

ಮಳೆ

2011-09-28T21:28:00.000-07:00

ಕತ್ತಲೆಯ ಕಾರ್ಮೋಡ ಕವಿದು
ಆಗಿದೆ ಮನವೆಲ್ಲ ಚಿಂತೆಯ ಗೂಡು
ಹಣ್ಣಾದೆ ನಿನ್ನ ನೆನೆ ನೆನೆದು
ಹೇಗಿರುವೆ ನನ್ನ ಪ್ರಿಯ ವಧು?

ಇರುಳ ಕರಿ ಪರದೆ ಸರಿಸಿ
ಅಮೃತದೊಲವಾ ಹರಿಸಿ
ನಿನ್ನ ಪ್ರಿಯನನ್ನಾಲಂಗಿಸು
ಸಿಹಿ ಮುತ್ತ ನೀಡಿ

ಚಂದ್ರನ ಮುತ್ತಿರುವ ತಾರೆಯಂತೆ
ನಿನ್ನಿ ವದನದ ಸುತ್ತ ಮುಂಗುರುಳು
ಹೂವ ಮುತ್ತಿಕ್ಕುವ ದುಂಬಿಯಂತೆ
ನಿನ್ನ ಮುಖಕ್ಕೆ ನನ್ನೀ ಮುತ್ತುಗಳು

ಹಗಲು ಇರುಳುಗಳು ಪ್ರಕೃತಿಯಾಟ
ನೋವು ನಲಿವುಗಳಲ್ಲಿ ಬಾಳಿನ ಪುಟ
ಹೀಗೆ ಕಳೆದವೆಷ್ಟೋ ಸಂವತ್ಸರ
ನಿನ್ನ ಈ ಎಲ್ಲ ನೆನಪುಗಳು ಅಮರ

ಮಧುರ ನೆನಪು

2011-09-28T21:16:00.000-07:00

ಎದೆಯ ಕಡಲಿನಿಂದ
ಹೊಮ್ಮಿದ ಮಧುರ ನೆನಪು
ಜೀವನದ ಕಹಿ ವೇಳೆಯಲಿ
ಜೊತೆಗಿರುವ ಸಿಹಿ ನೆನಪು

ಸೂರ್ಯ ರಶ್ಮಿ ಸೋಕಿ
ಮಂಜು ಕರಗುವಂತೆ
ನೆನೆಪಿನಾಳದ ನೆನೆಪಿಂದ
ಮರೆಯಿತೊಂದು ಕ್ಷಣ ನೋವು

ನೆನಪ ಎಳೆಯ ಎಳೆದಾಗ
ನೆನಪಾಗುವುದು ಮನದಲ್ಲಿ
ಬಾಲ್ಯದ ತುಂಟಾಟಗಳು
ಮಸುಕಾದ ನೆನೆಪುಗಳು

ಗೆಳೆತಿಯರ ಜೊತೆಗೂಡಿ ಆಡಿದ
ಗೆಳೆಯರ ಜೊತೆ ಜಗಳ ಕಾದ
ಮರೆಯಲಾಗದ ಸವಿನೆನಪುಗಳ
ಸಂಗ್ರಹವೇ ನಮ್ಮ ಬಾಳು

ನಿನ್ನ ನೆನಪು

2011-09-28T20:47:00.001-07:00

ನಿನ್ನ ನೆನಪು ಸ್ಪೂರ್ತಿ ಏನಗೆ
ಬಾಳ ಕಥೆ ಬರೆಯಲು
ನಿನ್ನ ಮಾತು ಅಮೃತ ಸಿಂದು
ಸ್ನೇಹ ಪುಟದಲೂ

ನಿನ್ನ ನೋಟ ಚಿರವು
ಎನ್ನ ಕಣ್ಣಿನೊಳಗು
ನಿನ್ನ ಪ್ರೀತಿ ಅಮರ
ಎನ್ನ ಹೃದಯದೊಳಗೂ

ಮಾತಿನಲ್ಲೂ ಪ್ರೀತಿ ತೋರುವ
ನಿನ್ನ ಕಂದರೆನಗೆ ಒಲವು
ನಮ್ಮಿಬ್ಬರ ಹೃದಯ ಬೆಸೆದರೆ
ನಮ್ಮ ಪ್ರೇಮ ಎಲ್ಲಿರದು

ಆ ತುಟಿಯಂಚಿನ ಕಿರುನಗೆ
ಆ ಕಣ್ಣಂಚಿನ ತುಂಟನೋಟ
ನನ್ನೆದೆಯಲಿ ಅಳಿಯದಿರಲಿ
ನಿನ್ನನೆಂದು ನಾ ಮರೆಯದಿರಲಿ

2011-09-28T08:50:00.001-07:00

" ನಿನ್ನ ಪ್ರೀತಿಗೆ ಅದರ ರೀತಿಗೆ ಕಣ್ಣ ಹನಿಗಳೇ ಕಾಣಿಕೆ "

2011-09-24T02:12:00.000-07:00

ಎಷ್ಟೇ ಬೇಡವೆಂದರೂ ಒತ್ತಿಕೊಂಡು ಬರುವ ನೆನಪಿನ ಮಹಾಪುರವನ್ನು ತಡೆಯಲು ಸಾದ್ಯವೇ? ಹಾಗೆ ಬಂದ ಮಹಾಪುರದಲ್ಲಿ ಒಂದು ಬಿಂದಿಗೆಯಷ್ಟು ನೆನಪನ್ನು ನಿಮ್ಮ ಮುಂದೆ ಸುರಿಯುವ ಚಿಕ್ಕ ಪ್ರಯತ್ನ....

ಕಾಲೇಜಿಗೆ ಹೋಗಬೇಕೆಂಬ ಮಹದಾಸೆ ಹೊಂದಿದ್ದ ನೆತ್ರಕ್ಕನ ಕನಸಿಗೆ ಅವಳಪ್ಪ ತಣ್ಣಿರೆರೆಚಿದ್ದ ಟೈಲರಿಂಗ್ ಕ್ಲಾಸಿಗೆ ಸೇರಿಸಿದ್ದ. ಪಾಲಿಗೆ ಬಂದ್ದದ್ದು ಪಂಚಾಮೃತ ಎಂದುಕೊಂಡು ನೋವನ್ನು ನುಂಗಿಕೊಂಡಿದ್ದಳು. ನಾನು ಅವಳಿಗಿಂತ 2 ವರ್ಷ ಚಿಕ್ಕವಳು. ನನಗಿಂತ ದೊಡ್ಡವಳಾದರೂ, ನನ್ನ ಅತ್ಮಿಯ ಗೆಳತಿಯರ ಸಾಲಿಗೆ ಸೇರಿದ್ದಳು.

ನಮ್ಮ ಸ್ನೇಹಕ್ಕೆ ವಯಸ್ಸಿನ ಅಂತರ ಇರಲಿಲ್ಲ. ಹಾಗೆ 2 ವರ್ಷ ಕಳೆದು ಹೋಯಿತು. ನಾನು ಕಾಲೇಜಿಗೆ ಹೋಗತೊಡಗಿದ್ದೆ. ವಾರಕ್ಕೊಮ್ಮೆ ಮನೆಗೆ ಬಂದಾಗ ತಪ್ಪದೆ ಅವಳನ್ನು ಬೇಟಿಯಾಗಿ ಎಲ್ಲಾ ಘಟನೆಗಳನ್ನು ವಿವರಿಸುತಿದ್ದೆ. ಅದನ್ನು ಕೇಳಿ ಕಾಲೇಜು ಜೀವನದ ಬಗ್ಗೆ ತಿಳಿದು ಕೊಳ್ಳುತ್ತಿದ್ದಳು. ಯಾವುದೇ ಹೊಸ ವಸ್ತು ಖರೀದಿಸಲಿ, ನನಗೆ ತೋರಿಸಿದೆ, ನನ್ನ ಮೆಚ್ಚುಗೆ ಪಡಿಯದೆ, ಉಪಯೋಗಿಸುತ್ತಿರಲಿಲ್ಲ. ಅಷ್ಟರ ಮಟ್ಟಿಗೆ ನಾವಿಬ್ಬರು ಹಚ್ಚಿಕೊಂಡಿದ್ದೆವು.

ಅದೊಂದು "ಕರಾಳ ದಿನ" ಬರದಿದ್ದರೆ,........ ನೆನಸಿಕೊಳ್ಳಲು ಭಯವಾಗತ್ತೆ....

ಹೌದು ಅದೊಂದು ಭಯಂಕರ ದಿನ ನಮ್ಮೆಲ್ಲರ ಪಾಲಿಗೆ, ನಾನಾಗ 2 sem ಡಿಗ್ರಿಯಲ್ಲಿದ್ದೆ ರಜೆಯ ನಿಮ್ಮಿತ್ತ ಮನೆಗೆ ಬಂದಿದ್ದೆ, ನನ್ನ ಪಿ ಯು ಸಿ ಗೆಳೆತಿಯೊಬ್ಬಳು ತುಂಬಾ ದಿನದಿಂದ ಅವಳ ಮನೆಗೆ ಬರುವಂತೆ ಒತ್ತಾಯಿಸುತ್ತಿದ್ದಳು ಸರಿಯೆಂದು ಅವಳ ಮನೆಗೆ ಹೋಗಲು ಸಿದ್ದಳಾಗಿದ್ದೆ. ಹೋಗುವ ಮೊದಲನೇ ದಿನ ಸಾಯಂಕಾಲ ನನ್ನ ಮತ್ತು ನೆತ್ರಕ್ಕನ ಮಾಮೂಲಿ ಜಾಗದಲ್ಲಿ ಬೇಟಿಯಾಗಿ ಗೆಳತಿಯ ಮನೆಗೆ ಹೋಗುವುದಾಗಿ ಹೇಳಿದ್ದೆ. ಹೋಗಿ ಬೇಗ ಹಿಂತಿರುಗಿ ಬಾ ಎಂದಿದ್ದಳು.

ನಾನು ನನ್ನ ಗೆಳತಿಯ ಮನೆಗೆ ಹೋಗಿ ಅವಾಗಾಗಲೇ 2 ದಿನವಾಗಿತ್ತು. 3 ನೇ ದಿನ ಪೇಪರ್ ನೋಡಿದಾಗ ಆಘಾತವಾಗಿತ್ತು. ನನ್ನ ಆಪ್ತ ಸ್ನೇಹಿತೆ ನೆತ್ರಕಳ ದುರ್ಮರಣ ಸುದ್ದಿ ಅವಳ ಫೋಟೋದೊಂದಿಗೆ ಪ್ರಕಟವಾಗಿತ್ತು ನನ್ನ ಗೆಳತಿಯ ಮನೆಯ ಲ್ಯಾಂಡ್ ಲೈನ್ ಫೋನ್ ಹಾಳಗಿತ್ತು ಅದ್ದರಿಂದ ನನಗೆ ವಿಷಯ ತಿಳಿದಿರಲಿಲ್ಲ.ಹೇಗೋ ಆ ಕ್ಷಣ ನಾನು ಮನೆಗೆ ಹೊರಟು ಬಂದೆ ಆದರೆ ಆ ಹೊತ್ತಿಗಾಗಲೇ ಅವಳು ನಮ್ಮನ್ನೆಲ್ಲಾ ಬಿಟ್ಟು ಹೊರಟು ಹೋಗಿದ್ದಳು.

ಅಣ್ಣನ ಜೊತೆ ಗಣೇಶ ಹಬ್ಬಕ್ಕೆಂದು ಹೊಸ ಬಟ್ಟೆ ತರಲೆಂದು ಹೋಗಿದ್ದವಳು ತಿರುಗಿ ಬಂದದ್ದು ನಿರ್ಜೀವವಾಗಿ. ದಾರಿಯಲ್ಲಿ ಕಬ್ಬಿಣದ ಅದಿರು ಸಾಗಿಸುವ ಟ್ರಕ್ ಇವಳಣ್ಣನ ಬೈಕಿಗೆ ಡಿಕ್ಕಿ ಹೊಡೆದಿತ್ತು. ಆ ರಭಸಕ್ಕೆ ಹಿಂದೆ ಕುಳಿತ ಇವಳು ಹಾರಿ ಬಿದ್ದಾಗ ಇವಳ ಗರ್ಭಕೋಶ ಒಡೆದು ಅತಿ ರಕ್ತ ಸ್ರಾವದಿಂದ ನರಳಿ ಆಸ್ಪತ್ರೆಗೆ ಸಾಗಿಸುವ ಸಾವನ್ನಪ್ಪಿದ್ದಳು. ಇದಾಗಿ ಇಂದಿಗೆ 4 ವರ್ಷಗಳೇ ಕಳೆದವು. ಗಣೇಶ ಹಬ್ಬ ಎಂದ ಕೂಡಲೇ ನಮ್ಮೆಲ್ಲರಿಂದ ದೂರವಾದ ಈ ಸ್ನೇಹಿತೆಯ ನೆನಪು ಹೃದಯ ಹಿಂಡುತ್ತದೆ. ನಿನ್ನ ಸ್ನೇಹಕ್ಕೆ ನಾನು ಚಿರಋಣಿ ಗೆಳತಿ.......

" ನಿನ್ನ ಪ್ರೀತಿಗೆ ಅದರ ರೀತಿಗೆ ಕಣ್ಣ ಹನಿಗಳೇ ಕಾಣಿಕೆ "

2011-09-24T02:08:00.001-07:00

ಹೀಗೊಂದು ಪ್ರೇಮ ಕಥೆ

2011-09-20T03:50:00.000-07:00

ಜಿಟಿ ಜಿಟಿ ಸದ್ದಿನೊಂದಿಗೆ ಮುಂಗಾರು ಆಗ ತಾನೆ ಆರಂಭವಾಗಿತ್ತು. ಬೆಳಿಗ್ಗೆಯ ಕಾಫಿ ಕುಡಿದು ಪೇಪರ್ ಮೇಲೆ ಕಣ್ಣಾಡಿಸುವಾಗ ಸಪ್ಲಿಮೆಂಟರಿ ಪೇಪರ್ ನ ಮುಂಗಾರು ಮತ್ತು ಪ್ರೀತಿ ಎಂಬ ತಲೆ ಬರಹದಡಿಯಲ್ಲಿನ ಕವನ ನನ್ನ ಗಮನ ಸೆಳೆಯಿತು. ಮುಂಗಾರಿನ ಮಳೆ ಹನಿಯ ನಿನಾದದೊಂದಿಗೆ, ತುಂತುರು ಹನಿಗಳ ತುಂಟಾಟಗಳೊಂದಿಗೆ, ಬರಡು ಭೂಮಿಯಲ್ಲಿ ಮೊಳಕೆಯೊಡೆಯುವ ಹಸಿರೆಲೆಯಂತೆ ಒಂಟಿ ಬಾಳಲ್ಲಿ, ಬರಿದಾದ ಮನಸಲ್ಲಿ ತಂಗಾಳಿ ತರುತ್ತದೆ, ಈ ಪ್ರೀತಿ. ನನಗೂ ನನ್ನ ಪ್ರೀತಿ ಸಿಕ್ಕಿದ್ದು, ಇಂತಹದ್ದೇ ಒಂದು ಮುಂಗಾರಿನ ಮಳೆಯಲ್ಲೇ ಅಲ್ವಾ?

ಆವತ್ತು ನನ್ನ ಪೋಸ್ಟ್ ಗ್ರಾಜುವೇಶನ್ ಡಿಗ್ರಿಯ ಮೆರಿಟ್ ಸೀಟ್ ಖಾತರಿ ಪಡಿಸಿಕೊಂಡು ಧಾರವಾಡದಿಂದ ನನ್ನೂರಾದ ಕಾರವಾರಕ್ಕೆ ಬರಲು ಬಸ್ ಸ್ಟಾಪ್ ನಲ್ಲಿ ಕಾಯುತ್ತಿರುವಾಗ ನನ್ನವಳ ನೋಡಿದ್ದು ಪ್ರೀತಿ ಆಗಿದ್ದು, ಆಶ್ಚರ್ಯವಾಗುತ್ತಿರಬೇಕಲ್ಲವೇ? ಆದರೆ ಇದು ನಿಜ. "ಲವ್ ಅಟ್ ಫಸ್ಟ್ ಸೈಟ್" ಎನ್ನುವ ಮಾತು ಆವತ್ತು ನಿಜ ಅನಿಸಿತು. ಸ್ನಿಗ್ದ ಚೆಲುವ ಸಿರಿ, ತಿಡಿದ ಹುಬ್ಬು, ಲಿಪ್ ಸ್ಟಿಕ್ ನ ಲೇಪನವಿಲ್ಲದೆಯೇ ಮಿಂಚುತಿರುವ ತುಟಿಗಳು, ಕಾಡಿಗೆ ಹಚ್ಚಿದ ಮೀನು ಕಣ್ಣುಗಳು, ನೀಳ ಕೇಶರಾಶಿ, ಕತ್ತರಿಸಿದ ಮುಂಗುರುಳು ಅವಳ ಕೆನ್ನೆಯನ್ನು ಮುತ್ತಿಡುತಿತ್ತು. ನಾನು ಮಂತ್ರ ಮುಗ್ದನಾಗಿದ್ದೆ.

ಆದರೆ ಅವಳನ್ನು ಎಲ್ಲೋ ನೋಡಿದ ನೆನಪು:-) :-) ;-) ನೆನಪಾಗುತ್ತಿಲ್ಲ. ಅವಳನ್ನೇ ನೋಡುತ ನಿಂತೆ, ಇಲ್ಲ ನೆನಪಗುತ್ತಿಲ್ಲಾ.. ಅರೆ ಅವಳು ನನ್ನೇ ನೋಡಿ ನಗುತ್ತಿದ್ದಾಳೆ. ನನ್ನ ಕಡೆಗೆ ಬರ್ತಿದ್ದಾಳೆ ನನ್ನೆದೆ ನಗಾರಿ ಜೋರಾಗಿ ಬಡಿಯಲಾರಂಬಿಸಿತು. ಅದಕ್ಕೆ ಸಾತ್ ನೀಡುವಂತೆ ಜೋರಾಗಿ ಮಳೆ ಬೇರೆ, ಅವಳನ್ನು ಎದುರಿಸುವ ದೈರ್ಯ ಇಲ್ಲದಾಯಿತು. ಮುಖ ಬೇರೆಡೆಗೆ ತಿರುಗಿಸಿದೆ. ನನ್ನೆದುರಿಗೆ ಬಂದು ಹಾಯ್ ಎಂದಳು. ನಾನು ಸೌಮ್ಯ, ಸೌಮ್ಯವಾಗೆಂದಳು. ಸಾರೀ ಯಾರೆಂದು ಗೊತ್ತಾಗಲಿಲ್ಲ ಎಂದೆ. 'ಏ ಅನಿ ಇಷ್ಟು ಬೇಗ ನನ್ನ ಮರೆತು ಬಿಟ್ಯಾ? ನಾನ್ ಕಣೋ ಸೋನು ಅದೇ ನಿನ್ನ ನಾಗವೇಣತ್ತೆಯ ಮಗಳು' ಎಂದಳು.

ನನಗೆ ಸ್ವರ್ಗಕ್ಕೆ ಮೂರೇ ಗೇಣು. ನನ್ನ ಸೋನು ನನ್ನ ಬಾಲ್ಯದ ಸ್ನೇಹಿತೆ ಸೋನು.. ಬಾಲ್ಯವನ್ನು ನನ್ನೊಟ್ಟಿಗೆ ಕಳೆದವಳು. ಹಿರಿಯರ ಮನಸ್ತಾಪ ನಮ್ಮನು ಬೇರೆ ಮಾಡಿತ್ತು. ಅಲ್ಲಿಂದ ನಮ್ಮ ನಂಟು ಕಳಚಿಹೋಗಿತ್ತು. ಅವರ ಕುಟುಂಬ ದೂರ ಹೊರಟು ಹೋಗಿತ್ತು. ಈಗ ನನಗೆ ನಿದಿ ಸಿಕ್ಕಂತಾಗಿತ್ತು. ಎಲ್ಲಾ ನೆನಪು ಮನದಲ್ಲಿ ಹಾಯ್ದು ಹೋಯಿತು. ಅಷ್ಟರಲ್ಲೇ ನನ್ನ ಬಸ್ ಬಂದಿತ್ತು. ಈ ಬಸ್ ಬಿಟ್ಟರೆ ಬೇರೆ ಬಸ್ ಇರಲಿಲ್ಲ. ಅವಳನ್ನು ಬಿಟ್ಟು ಹೋಗುವ ಮನಸ್ಸು ಇರಲಿಲ್ಲ, ಏನು ಮಾಡುವುದೆಂದು ತಿಳಿಯಲಿಲ್ಲ. 'ನೀನು ಎಲ್ಲಿಗೆ ಹೋಗ್ತಾ ಇದೀಯಾ? ಎಂದು ಕೇಳಿದೆ. ಅವಳು ಕಾರವಾರಕ್ಕೆ ಹೋಗ್ತಿದ್ದೀನಿ ನನ್ನ ಫ್ರೆಂಡ್ ಕಾವ್ಯ ಅಂತಿದಾಳೆ, ಅವಳ ಎಂಗೆಜಮೆಂಟ್ ತುಂಬಾ ಫೋರ್ಸ್ ಮಾಡಿದ್ಲು ಅದ್ಕೆ ಹೋಗ್ತಿದೀನಿ ಎಂದಳು.

ಕಾವ್ಯ ನನ್ನ ಫ್ರೆಂಡ್ ಕಿರಣ್ ನ ತಂಗಿ ಒಹ್ ಎಂತ ಸುಯೋಗ ಎಂದುಕೊಂಡು ಇದನ್ನೇ ಅವಳಿಗೂ ಹೇಳಿದೆ ಇಬ್ಬರು ಬಸ್ ಹತ್ತಿ ಅಕ್ಕ ಪಕ್ಕ ಕುಳಿತು ಹರಟಿದೆವು. ಕಾರವಾರ ತಲುಪುವವರೆಗೂ, ನಮ್ಮ ಬಾಲ್ಯವನ್ನು ಮಗುಚಿ ಹಾಕಿದೆವು. ಇಷ್ಟು ದಿನದ ವಿರಹವನ್ನು ಕಣ್ಣಲ್ಲೇ ವಿನಿಮಯ ಮಾಡಿಕೊಂಡೆವು. 'ನಾನು 'ಅನಿ' ಅಂತ ಹೇಗೆ ಗೊತ್ತಾಯಿತು' ಅಂತ ಕೇಳಿದೆ? ಅದಕ್ಕೆ 'ಮೊನ್ನೆ ತರಂಗದಲ್ಲಿ ನಿನ್ನ ಕವನ ನಿನ್ನ ಫೋಟೋದೊಂದಿಗೆ ಪ್ರಕಟವಾಗಿತ್ತು. ಅದಕ್ಕೆ ಮಾಹಿತಿ ಕೋರಿ ತರಂಗ ಕಚೇರಿಗೆ ಫೋನ್ ಮಾಡಿ ನಿನ್ನ ಬಗ್ಗೆ ತಿಳಿದುಕೊಂಡೆ ಅವರು ಕೊಟ್ಟ ಮಾಹಿತಿಯಿಂದ ನೀನೆ ನನ್ನ "ಅನಿ" ಅಂತ ಗೊತ್ತಾಯಿತು. ಆದರೆ ನಿನ್ನ ಇಷ್ಟು ಬೇಗ ಬೇಟಿ ಆಗ್ತೀನಿ ಅಂದುಕೊಂಡಿರಲಿಲ್ಲ ' ಎಂದಳು.

ನೀನೆ ನನ್ನ "ಅನಿ" ಎಂಬ ಮಾತು ನನಗೆ ರೋಮಾಂಚನ ಮೂಡಿಸಿತು. " ನಾನು ನಿನ್ನ ಎಷ್ಟು ಮಿಸ್ ಮಾಡ್ಕೊಂಡಿದ್ದೆ ಇಷ್ಟು ದಿನ, ಗೊತ್ತಾ ಸೋನು? ಈಗ ನೀನು ಸಿಕ್ಕಿದ್ದು ನನ್ನ ಅದೃಷ್ಟ 'ಆಯ್ ಲವ್ ಯು ಸೋನು', " ಎಂದು ನನಗರಿವಿಲ್ಲದೆ ಹೇಳಿಬಿಟ್ಟಿದ್ದೆ. ನಂತರ ಸೋನು ಒಂದು ಮಾತನಾಡಲಿಲ್ಲ. ಕಿಟಕಿಯಿಂದ ಸುರಿಯುವ ಮಳೆಯನ್ನು ನೋಡುತ್ತಾ ಏನೋ ಯೋಚಿಸುತ್ತಿದ್ದಳು. ನನಗೆ ತುಂಬಾ ಬೇಜಾರಾಯಿತು. ನಾನು ಆತುರ ಪಟ್ಟೆ ಅನಿಸಿತು.

ನಾನು ಇನ್ನೊಮ್ಮೆ ಹೇಳಿದೆ, ಈ ಸೋನೆ ಮಳೆಯ ಆಣೆ ಕಣೆ ನಾನು ನಿನ್ನ ಇಷ್ಟ ಪಡ್ತೀನಿ, ತುಂಬಾ ಪ್ರೀತಿಸ್ತೀನಿ, ನೀನಿಲ್ಲದ ನಾನು ನೀರಿಲ್ಲದ ಮೀನು ಎಂದೆ ಎಮೋಶ್ನಲ್ ಆಗಿ, "ನಂಗು ನೀನಂದ್ರೆ ಇಷ್ಟ ಆದ್ರೆ ಇದೆಲ್ಲಾ ಸಾಧ್ಯನ? ಸ್ವಲ್ಪ ಯೋಚಿಸು ನಮ್ಮ ಅಮ್ಮ ಒಪ್ಪಿದರು ನಿಮ್ಮ ಮನೆಯಲ್ಲ್ಲಿ ಒಪ್ಪಲ್ಲ. ಮೊದಲೇ ನಮ್ಮನು ಕಂಡರೆ ಆಗಲ್ಲ ಅದನ್ನೇ ಯೋಚಿಸುತಿದ್ದೆ '' ಅಂದಳು.

" ನಾವು ಅವರನ್ನು ಒಪ್ಪಿಸೋಣ ದ್ವೇಷದ ಜಗದಲ್ಲಿ ಪ್ರೀತಿ ಮೂಡಿಸೋಣ, ಯಾರೆನೆಂದರೂ ಸರಿ ನಾನಂತು ನಿನ್ನೆ ಮದುವೆಯಾಗೋದು ಇನ್ನೆರಡು ವರ್ಷ M.Sc ಮುಗಿಸಿ ಜಾಬ್ ಮಾಡ್ತೀನಿ ಅಲ್ಲಿವರೆಗೆ ನೀನು ನಿನ್ನ ಓದು ಮುಗಿಸು ಕಡಮೆ ಅಂದ್ರು 3 ರಿಂದ 4 ವರ್ಷ ಟೈಮ್ ಇದೆ " ಎಂದೆ. ಓಕೆ ಆದ್ರೆ ಭಯ ಆಗತ್ತೆ ಎಂದು ನಾಚಿಕೆ ಮಿಶ್ರಿತ ಭಯದಿಂದ ನನ್ನೆದೆಗೊರಗಿದಳು. ನಮ್ಮ ಪ್ರೀತಿಗೆ ಸ್ವರ್ಗ ಲೋಕವೇ ಅಸ್ತು ಎಂದು ಧಾರಾಕಾರ ಮಳೆ ಸುರಿಸಿ ಆಶಿರ್ವದಿಸಿತ್ತು

" ರೀ ರೀ ಏನ್ ಯೋಚಿಸ್ತಿದಿರಾ? '' ಎಂಬ ಸೌಮ್ಯಳ ದ್ವನಿ ಕೇಳಿ, ವಾಸ್ತವಕ್ಕೆ ಬಂದೆ. ಏನಿಲ್ಲಾ ಸೋನು ನೀನು ಧಾರವಾಡದಲ್ಲಿ ಬೇಟಿಯಾದ ಸನ್ನಿವೇಶ ನೆನಸಿಕೊಳ್ಳುತಿದ್ದೆ, ಎಂದು ನಕ್ಕೆ. "ಸರಿ ಆಮೇಲೆ ನಿದಾನವಾಗಿ ನೆನೆಸಿಕೊಳ್ಳುವಿರಂತೆ, ಅಮ್ಮ ಬಸ್ ಸ್ಟ್ಯಾಂಡ್ ಗೆ ಬಂದಾಯ್ತು ಕರೆದುಕೊಂಡು ಬನ್ನಿ" ಎಂದು ನಗುತ್ತಾ ಅಡಿಗೆ ಮನೆಗೆ ಹೋದಳು. ನಮ್ಮ ಮದುವೆಯಾಗಿ ವರ್ಷವಾಗಿದೆ. ಹಿರಿಯರನ್ನು ಒಪ್ಪಿಸಿ, ಅವರ ದ್ವೇಷಕ್ಕೆ ತೆರೆ ಎಳೆದು ನನ್ನ ಸೋನುವನ್ನು ನನ್ನವಳನ್ನಾಗಿ ಮಾಡಿಕೊಳ್ಳುವಲ್ಲಿ ನಾನು ಯಶಸ್ವಿಯಾಗಿದ್ದೆ.

"ರೀ ಹೊರಟ್ರಾ..." ಎಂಬ ಮಾತು ಕೇಳಿ ಬಂತು. "ಹಾಂ ಹೊರಟೆ" ಎನ್ನುತ್ತಾ ಕಾರ್ ಚಲಾಯಿಸಿದೆ.

ಶುಭ ಮುಂಜಾವು....

2011-08-25T04:00:00.003-07:00

ಸೂರ್ಯನ ಕಿರಣ ಭೂಮಿಯನ್ನು ಸೋಕಿದ್ದಾಯ್ತು

ಇಬ್ಬನಿ ಅದರೊಂದಿಗೆ ಲಿನವಾಯ್ತು

ಹಿಕ್ಕಿಗಳೆಲ್ಲವು ಗೂಡು ಬಿಟ್ಟಾಯ್ತು

ನೀವು ಹಾಸಿಗೆಯಿಂದೇಳುವ ಸಮಯವಾಯ್ತು

ಶುಭ ಮುಂಜಾವು ಸ್ನೇಹಿತರೇ.......

ಗೆಳತಿ...

2011-08-25T04:00:00.001-07:00

ಮುಂಗಾರು ಮಳೆಯೇ ..... ಏನು ನಿನ್ನ ಹನಿಗಳ ಲೀಲೆ ...ಈ ಮಳೆ ಹನಿಯ ಲೀಲೆಯನ್ನು ಅರಿತವರು ಯಾರು?

ಎದೆಯ ಮುಗಿಲಿಂದ ಮುಂಗಾರು ಮಳೆಯಂತೆ ನೆನಪುಗಳು ರಭಸವಾಗಿ ಸುರಿಯುತ್ತವೆ. ಅದಕ್ಕೆ ಮನಸೆಂಬ ಕಾನನದ ಮರಗಳು ಹೊಯ್ದಾಡುತ್ತವೆ ದುಃಖ ಒತ್ತರಿಸಿಕೊಂಡು ಬರುತ್ತದೆ ಕ್ಷುಲ್ಲಕ ಕಾರಣವೊಡ್ಡಿ ಗೆಳೆತನಕ್ಕೆ ಕೊನೆ ಹೇಳಿದ್ದು ಮನಸ್ಸನ್ನು ಹಿಂಡಿ ಹಿಪ್ಪೆ ಮಾಡತ್ತೆ.

ಮಳೆಗಾಲದ ದಿನಗಳು, ನಾನು ಅವಳು ಒಳ್ಳೆಯ ಗೆಳೆಯ ಗೆಳತಿಯರಾಗಿ ಒಂದೇ ಕೊಡೆಯೊಳಗೆ ಕೈ ಕೈ ಹಿಡಿದು ಬೀದಿ ಬೀದಿ ಸುತ್ತಿದ್ದು, ಪಾನಿಪೂರಿ ಅಂಗಡಿಗೆ ಲಗ್ಗೆ ಇಟ್ಟದ್ದು, ನೋಡುಗರ ಕಣ್ಣಿಗೆ ಪ್ರೇಮಿಗಳಂತೆ ಕಾಣಿಸಿದ್ದು, ಉಳಿದ ಗೆಳೆಯ ಗೆಳತಿಯರ ಕೆಂಗಣ್ಣಿಗೆ ಗುರಿಯಾಗಿದ್ದು ಇನ್ನು ಎದೆಯಲ್ಲಿ ಹಸಿಯಾಗಿದೆ.

ರಾಂಗ್ ನಂ. ಡೈಲ್ ಮಾಡಿ ಆ ಹುಡುಗಿಯ ಪರಿಚಯ ಬೆಳೆಸಿಕೊಂಡಿದ್ದೆ, ಮೃದು ಸ್ವಬಾವದವಳು, ಹೆಸರು "ಸಹನಾ" ಸಹನಾಮೂರ್ತಿಯೇ ಸರಿ.... ನಾನೆಷ್ಟೇ ಕಾಡಿದರು, ಕಿಟಲೆ ಮಾಡಿದರು ಸಹಿಸಿಕೊಂಡವಳು. ನನ್ನ ತಪ್ಪುಗಳನ್ನು ತಿದ್ದಿ ಒಳ್ಳೆಯ ಗೆಳತಿಯಾದವಳು. 'ಯಾರು ಏನೇ ಹೇಳಲಿ ನೀ ನನ್ನ ಬೆಸ್ಟ್ ಫ್ರೆಂಡ್ ಕಣೋ ಯಾವತ್ತು ಯಾವುದೇ ಕಾರಣಕ್ಕೆ ನಿನ್ನ ನನ್ನ ಲೈಫ್ನಿಂದ ದೂರ ಮಾಡ್ಕೊಳಲ್ಲ' ಎಂದಿದ್ದಳು. ಹಾಗೇ ದೂರವಾಗಿ ಬಿಟ್ಟಿದ್ದಳು. ಅಲ್ಲ ಅಲ್ಲಾ ನಾನಾಗೆ ಅವಳನ್ನು ದೂರ ಮಾಡಿದ್ದೆ, ಅವಳ ಒಳಿತಿಗಾಗಿ ನನ್ನ ಕ್ಷಮಿಸು "ಗೆಳತಿ"

ಇದಕ್ಕೆಲ್ಲಾ ಕಾರಣ ಪ್ರೀತಿ, ಹೌದು ಅವಳೊಬ್ಬನನ್ನು ತುಂಬಾ ಪ್ರಿತಿಸುತಿದ್ದಳು, ಆ ಹುಡುಗನು ಅವಳನ್ನು ಇಷ್ಟ ಪಟ್ಟಿದ್ದ ಅನ್ನಿಸುತ್ತೆ. ನಮ್ಮಿಬ್ಬರ ಸ್ನೇಹದ ಬಗ್ಗೆ ಅವನಿಗೆ ತಿಳಿದು ಅವಳ ಮೇಲೆ ಸಂಶಯ ಪಟ್ಟಿರಲುಬಹುದು ಜಗಳವಾಡಿರಲುಬಹುದು , ಅದನ್ನೆಲ್ಲ ಅವಳು ನನ್ನೊಂದಿಗೆ ಹಂಚಿಕೊಂಡಿಲ್ಲ ಒಳಗೊಳಗೇ ನೋವನ್ನೆಲ್ಲಾ ಬಚ್ಚಿಟ್ಟಿದ್ದಳು. ಆದರೆ ನನಗರ್ಥ ಆಗಿತ್ತು ನನ್ನ ಗೆಳೆತನ ಅವಳ ಪ್ರೀತಿಯನ್ನು, ಅವಳ ವೈವಾಹಿಕ ಜೀವನವನ್ನು ಹಾಳು ಮಾಡಬಹುದೆಂದು. ಅವಳಿಂದ ದೂರವಾಗಲು ಸರಿಯಾದ ಸಮಯಕ್ಕಾಗಿ ಕಾಯುತಿದ್ದೆ.

ಇದೇ ಸಮಯದಲ್ಲಿ ಅವಳ ರೂಂ ಮೇಟ್ ಕಡೆಯಿಂದ ಒಬ್ಬ ಹುಡುಗನ ಪರಿಚಯ ಅವಳಿಗಾಯಿತು. ಅವನನ್ನು ನನಗೂ ಒಮ್ಮೆ ಪರಿಚಯಿಸಿದ್ದಳು, ನನ್ನ ತಲೆಯಲ್ಲಿ ಒಂದು ಮಾಸ್ಟರ್ ಪ್ಲಾನ್ ರೆಡಿ ಆಯಿತು. ಒಂದು ಸ್ವಲ್ಪ ದಿನ ಅವಳನ್ನು ಅವೈಡ್ ಮಾಡ್ದೆ. ಒಂದು ತಿಂಗಳ ಬಿಟ್ಟು ಫೋನ್ ಮಾಡಿ ಮನಸ್ಸಿಲ್ಲದ ಮನಸ್ಸಿನಿಂದ 'ಆ ಹೊಸ ಹುಡುಗನ ಗೆಳೆತನದಿಂದ ನಿನಗೆ ನನ್ನ ನೆನಪಿಲ್ಲ ಅಲ್ವಾ ಈವಾಗ ನಿಂಗೆ ನಾನು ನನ್ನ ಫ್ರೆಂಡ್ಶಿಪ್ ಬೇಡ ಅಲ್ವಾ? ನನಗಿಂತ ಆ ಹುಡುಗನೇ ಹೆಚ್ಚು ನಿಂಗೆ ಅವನ ಜೊತೆ ಊರೆಲ್ಲ ಸುತ್ತಾಡ್ತಿಯ' ಎಂದೆಲ್ಲಾ ಬೈದೆ..

ಕಣ್ಣ ತುಂಬಾ ನೀರು ತುಂಬಿಕೊಂಡು 'ಹಾಗೆಲ್ಲ ಹೇಳಬೇಡವೋ ತುಂಬಾ ನೋವಾಗತ್ತೆ' ಎಂದಿದ್ದಳು ಆದ್ರೂ ನಾನು ಕೇರ್ ಮಾಡದೇ ಬೈತಾನೆ ಇದ್ದೆ. ನಂಗೆ ಕಾಲ್ ಮಾಡಬೇಡ ಮೆಸೇಜ್ ಮಾಡಬೇಡ ನನ್ನ ಕಾಂಟಾಕ್ಟ್ ಇಟ್ಕೋಬೇಡ ಅಂದಿದ್ದೆ. ಪಾಪದ ಹುಡುಗಿ ಅತ್ತು ಕೊಂಡು ಕಾಲ್ ಕಟ್ ಮಾಡಿದ್ಲು ಆನಂತರ ಅವಳ ಸಂಪರ್ಕ ಕಡಿದುಕೊಂಡಿದ್ದೆ. ನನ್ನ ನೋವನ್ನು ಅವಳಿಗೋಸ್ಕರ ಸಹಿಸಿಕೊಂಡಿದ್ದೆ. ದಿನಾ ದೇವರಲ್ಲಿ ಮೊರೆಯಿಡುತಿದ್ದೆ ಅವಳನ್ನು ಚೆನ್ನಾಗಿಟ್ಟಿರು ಅಂತಾ...

ದೇವರಿಗೆ ನನ್ನ ಬೇಡಿಕೆ ಕೇಳಿದೆ ಅನ್ನಿಸುತ್ತೆ ಅವಳು ಗಂಡನ ಜೊತೆ ಆರಾಮಾಗಿದ್ದಾಳಂತೆ. ನಾನು ಬಯಸಿದ್ದು ಅದನ್ನೇ ತಾನೆ....

ಆದರೆ ಮಳೆಯೊಂದಿಗೆ ಬರುವ ಅವಳ ನೆನಪು ಮನವೆಂಬ ಕಪ್ಪೆ ಚಿಪ್ಪಲ್ಲಿ ಮುತ್ತಾಗಿ ಕುಳಿತಿದೆ..

ಪ್ರೀತಿ ಎಂಬ ಕಡಲು

2011-08-25T03:59:00.001-07:00

ಪ್ರೀತಿ ಎಂಬುದೊಂದು ಕಡಲು

ಬಿದ್ದಿದ್ದೆ ಬಾರದೆ ಈಜಲು

ಹವಣಿಸಿದ್ದೆ ದಡ ಮುಟ್ಟಲು

ಪಡೆದಿದ್ದೆ ನಿನ್ನ ಹೆಗಲು

ನಮ್ಮ ಪ್ರೀತಿಯ ಪಯಣ

ಮಾಡಿತ್ತು ಒಲುಮೆಯ ನರ್ತನ

ಹೀಗೆ ಇರಲೆಂದಿತು ಮನ

ಉಳಿಸಿಕೊಂಡರೆ ಜನ್ಮ ಪಾವನ

ಶುರುವಾದದ್ದು ಸ್ನೇಹದಿಂದ

ಮುಗಿಯದಿರಲಿ ಮದುವೆಯಿಂದ

ವರ ಬೇಡಿಹೆನು ದೇವರಿಂದ

ಹಾರೈಸಿರಿ ಒಮ್ಮನಸಿನಿಂದ

ಪ್ರೀತಿ

2011-08-25T03:58:00.001-07:00

ಮೂಡಿತದೆಲಿಂದ ಈ ಪ್ರೀತಿ

ಅರಿಯೆ ನಾ ಅದರ ರೀತಿ

ತುಂಬಿದೆ ಮನದೊಳಗೆ ಭೀತಿ

ನೀ ಮೀಟಿದೆ ಮೊದಲಾ ಶೃತಿ

ದಿನವೆಲ್ಲಾ ನಿನ್ನದೇ ಸ್ತುತಿ

ಕಂಗಳಲಿ ನಿನ್ನದೇ ಮೊರ್ತಿ

ಇರುವೆ ಇಲ್ಲದವರಂತೆ ಮತಿ

ಸಂಗಾತಿಯೆಂದು

2011-08-25T03:57:00.003-07:00

ನಿನ್ನ "ಪ್ರಿಯೆ" ಎಂಬ ನುಡಿ

ಕೇಳಲು ಕಾತರಿಸುತಿದೆ ಮನ

ನನ್ನ ಮನದ ಭಾವನೆಗಳು

ನಿನಗರ್ಥವಾಗುತಿಲ್ಲವೇಕೆ!?

ನಿನ್ನೆ ರಾತ್ರಿಯ ಕನಸುಗಳು

ಇಂದು ನನಸಾಗುತಿಲ್ಲವೇಕೆ!!?

ನಿನ್ನ ತೋಳಿನಾಸರೆ ಪಡೆಯುವ

ಬಯಕೆ ಈಡೇರುವುದೆಂದು ಹೇಳು!!!?

ನನ್ನ ನಿಶ್ಚಲವಾದ ಗುರಿಗಳು

ಬುಡಕಿತ್ತ ಮರದಂತಾದುವೇಕೇ?

ಬೇರು ನೀಡಲಿಲ್ವದಕೆ ಆಧಾರ!!!?

ನೀನಾ, ನನ್ನ ಕಲ್ಪನೆಯ ವೃಕ್ಷದ ಬೇರು!!!!?

ನಿನ್ನ ಅನಿಸಿಕೆಗಳನ್ನು ನನ್ನ

ಜೊತೆ ಹಂಚಿಕೊಳ್ಳಲಿಲ್ಲವೇಕೆ!?

ನಾ ಬರಿಯ ಸ್ನೇಹಿತೆಯೆಂದೆ!!!!?

ಬಿಚ್ಚಿಡು ಮನವ ನಾ ಸಂಗಾತಿಯೆಂದು.....

ಸ್ನೇಹನಾ? ಪ್ರೀತಿನಾ?

2011-08-25T03:57:00.001-07:00

ಸ್ನೇಹನಾ? ಪ್ರೀತಿನಾ?

ಹೀಗೆ ಒಂದು ಪ್ರಶ್ನೆ ಫೇಸ್ ಬುಕ್ ನ ಕನ್ನಡ ಬ್ಲಾಗನಲ್ಲಿ ಕೇಳಲಾಗಿತ್ತು ಸ್ನೇಹ ಮುಖ್ಯನಾ? ಪ್ರೀತಿ ಮುಖ್ಯನಾ? ಅಂತಾ...

ಅದನ್ನು ನೋಡಿ ನಾನು ಯಾಕೆ ಇದರ ಬಗ್ಗೆ ಬರೆಯಬಾರದು ಅಂತಾ ಅನಿಸ್ತು... ಅದ್ಕೆ ಬರೀತಾ ಇದೀನಿ ಇಷ್ಟಾ ಆಯ್ತಾ ಇಲ್ವಾ? ಹೇಳಿ ಪ್ಲೀಸ್.....

ನನ್ನ ಪ್ರಕಾರ ಸ್ನೇಹ ಮತ್ತು ಪ್ರೀತಿ ಎರಡು ಒಂದೇ ನಾಣ್ಯದ ಎರಡು ಮುಖಗಳು. ನಾಣ್ಯದ ಯಾವುದಾದರು ಒಂದು ಮುಖ ಇಲ್ಲಾಂದ್ರೆ ಅದಕ್ಕೆ ಯಾವುದೇ ಮೌಲ್ಯ ಎರಲ್ಲವೋ ಹಾಗೇ ಸ್ನೇಹ ಮತ್ತು ಪ್ರೀತಿ ಎರಡರಲ್ಲಿ ಒಂದು ಇಲ್ಲದೇ ಹೋದರೆ ಜೀವನದಲ್ಲಿ ಆ ವ್ಯಕ್ತಿಗೆ ಅಂತಹ ವೆಲ್ಯು ( ಮೌಲ್ಯ ) ಇರಲ್ಲ ಅಲ್ವಾ?.

ಹಾಗೇ ಈ ಸ್ನೇಹ ಮತ್ತು ಪ್ರೀತಿನ ರೈಲು ಕಂಬಿಗೆ ಹೋಲಿಸಬಹುದು: ರೈಲು ಕಂಬಿಯ ಒಂದು ಬದಿ ಸ್ನೇಹ, ಒಂದು ಬದಿ ಪ್ರೀತಿ ಇದ್ದಾಗ, ಸ್ನೇಹದ ಕಡೆ ನಿಂತವರಿಗೆ ಸ್ನೇಹ ಒಂದು ಕೈ ಮೇಲೆ ಅನ್ನಿಸೋದು ಸಹಜ,ಹಾಗೇ ಪ್ರೀತಿಯ ಕಡೆ ನಿಂತ ಇನ್ಯಾರಿಗೋ ಪ್ರೀತಿ ಒಂದು ಕೈ ಮೇಲೆ ಅನ್ನಿಸಬಹುದು.ಅದೇ ರೈಲಿನಲ್ಲಿ ಪ್ರಯಾಣಿಸುತ್ತಿರುವವರಿಗೆ ಸ್ನೇಹ, ಪ್ರೀತಿ ಎರಡು ಮುಖ್ಯ ಅಲ್ವಾ? ಒಂದು ಹಳಿ ಏರುಪೇರಾದ್ರು ಗತಿ ಏನಾಗಬಹುದು ಊಹಿಸಿ......

ಸ್ನೇಹ ಎಂದು ಅದರ ಬೆನ್ನಟ್ಟಿ ಅದಕ್ಕೇ "ಹೆಚ್ಚಿನ" ಪ್ರಾಮುಕ್ಯತೆ ನೀಡಿದರೆ ನಿಮ್ಮ ಪಾಲಿನ ಪ್ರೀತಿಯನ್ನು, ನಿಮ್ಮನ್ನು ಪ್ರಿತಿಸುವವರನ್ನು ಕಳೆದು ಕೊಳ್ಳಬೇಡಿ. ಅದೇ ರೀತಿ ಪ್ರೀತಿಯ ಹುಚ್ಚು ಹೊಳೆಯಲ್ಲಿ ಈಜುತ್ತ ದಡದಲ್ಲಿರುವ ಸ್ನೇಹಿತರನ್ನು ಮರೆಯಬೇಡಿ. ಸುಳಿಯಲ್ಲಿ ಸಿಕ್ಕಿ ಒದ್ದಾಡುವಾಗ ಕಾಪಾಡಲು ಸ್ನೇಹಿತರೇ ಬೇಕು.. ಪ್ರೀತಿ, ಸ್ನೇಹಾನ ಸಮ ಪ್ರಮಾಣದಲ್ಲಿ ಬೆರೆಸಿಕೊಂಡು ಜೀವನದ ಪಾಯಸದ ಸಿಹಿಯನ್ನು ಸವಿಯಿರಿ ಅದರ ಮಜವೇ ಬೇರೆ.....

ಬೆಳಕಿನಾಟ

2011-08-25T03:56:00.001-07:00

ಬಾಗಿಲಿನಿಂದ ಒಳ ಬಂದ ಬೆಳಗಿನ ಮೊದಲ ಸೂರ್ಯ ಕಿರಣ ಕಂಡಿದ್ದು ಹೀಗೆ ರಾತ್ರಿಯ ಅಲ್ಪ ವಿರಾಮದ ನಂತರ ಬೆಳಗಿನಿಂದ ನಮ್ಮ ಜೀವನ ಹೋರಾಟ ಪುನಃ ಪ್ರಾರಂಭ, ಈ ಹೋರಾಟಕ್ಕೆ ಕತ್ತಿ ಕೊಟ್ಟು ಸನ್ನದ್ದನನ್ನಾಗಿ ಮಾಡುವ ಹಂಬಲ ಇದ್ದರು ಇರಬಹುದೇನೋ ಯಾರು ಬಲ್ಲರು??????? ಈ ಮೂಲಕ ಕಷ್ಟಗಳನ್ನು ಧೈರ್ಯದಿಂದ ಎದುರಿಸು ಎಂದು ಹೇಳುತ್ತಿರಬಹುದೇನೋ ಅನ್ನಿಸುತ್ತೆ ಅಲ್ವಾ???

ಯಾವ ಜನ್ಮದ ನಂಟೋ ಕಾಣೆ ನಾನು

2011-08-25T03:55:00.000-07:00

ಪ್ರೀತಿಗೂ ಮುಂಗಾರಿಗೂ ಎಂಥ ಮಧುರ ಸಂಬಂಧ

ಬಿಡಿಸಲಾಗದಂತದ್ದು ಸಡಿಲಿಸಲಾಗದಂತದ್ದು,

ಬಿಡಿಸಿದರೆ ಮತ್ತೆ ಸೇರಿಸಲಾಗದಂತದ್ದು,

ಅದೆಂಥಾ ನಂಟು ಈ ಮುಂಗಾರಿಗೆ?!!

ಇನಿಯನ ನೆನಪಾಗುವುದು ಮುಂಗಾರಿನಲ್ಲೇ,

ಪ್ರೀತಿಯ ಕೊಂಡಿ ಬೆಸೆಯುವುದು, ಬೆಸೆದದ್ದು;

ಗಟ್ಟಿಯಾಗುವುದು ಮುಂಗಾರಲ್ಲೇ.

ಅದೆಂಥಾ ಮಾಯೆ ಈ ಮುಂಗಾರಲ್ಲಿ?!!!

ಎಲ್ಲೋ ಹೋದಾಗ ಎಂದೋ ನೋಡಿದ

ಅಪರಿಚಿತ ಮುಖವೊಂದು ಪರಿಚಿತವಾಗಿ;

ಪರಿಚಯ ಸ್ನೇಹ/ಪ್ರೇಮವಾಗುವುದು ಮುಂಗಾರಿನಲ್ಲೇ,

ಅದೆಂಥಾ ಶಕ್ತಿ ಈ ಮುಂಗಾರಿಗೆ?!!!!

ಬೋರೆಂದು ಸುರಿವ ಮಳೆಯಲ್ಲಿ

ಇನಿಯನ ತೋಳ್ತೆಕ್ಕೆಯಲ್ಲಿ ಬಂದಿಯಾಗಿ

ಬೆಚ್ಚನೆಯ ಪ್ರೀತಿ ಪಡೆವುದು ಮುಂಗಾರಲ್ಲಿ

ಆಹಾ! ಎಂಥಾ ಸುಖ ಈ ಮುಂಗಾರು ಮಳೆಯಲ್ಲಿ ?!!!!!