tag:blogger.com,1999:blog-89896650432675070502022-08-17T03:40:06.979-07:00Sinhala Blog for Sri Lankan Literature, Arts and PoliticsKoombiyahttp://www.blogger.com/profile/05132076975151845412noreply@blogger.comBlogger4351125tag:blogger.com,1999:blog-8989665043267507050.post-51195704690883898902015-06-21T21:42:00.001-07:002015-06-21T21:42:28.286-07:00<img border='0' src=http://www.boondi.lk/CTRLPannel/ArticleImages/RANG/Siriwardhana-Pawula.jpg width=480 height=334 align='center'><BR><span style='font-size:120%;'><BR><b>'සිරිවර්ධන පවුල'</b> බලන්නට යනවාය කී පසු මාගේ හිතවතෙක් කීවේ රාජිතගේ මෙදා පොටේ නාට්‍ය නම් එතරම් හොඳ නැති බව ය. හොඳ සහෘදයකු ලෙස මා තුළ විශ්වාසයක් ඇති ඔහු කී ඒ වදනින් මාගේ බලාපොරොත්තු තරමක් බිඳී ගියේය. ඒ, යුගයේ ප‍්‍රමුඛතම නාට්‍යකරුවකු මෙන්ම කවදාත් වෙනස් වැඩක් කරන්නකු යන <b>රාජිත දිසානායක</b> පළිබඳ අප තුළ ගොඩනැගී තිබූ විශ්වාසය නිසා ය. කෙසේ වෙතත්, බලන්නට කළිං කෘතිය පිළිබඳ විචාරයක් අහන්නට නුවමනා මම මිතුරා එසේ කීවේ මන්දැ'යි ප‍්‍රතිප‍්‍රශ්න නොඅසාම කරබා ගතිමි. <br /> <br />නාට්‍යය නැරඹීමට වාඩි වූ මොහොතේ සිට ම මා මිත‍්‍රයා කියූ දෙය එතරම් සාධාරණ නොවන බව ක‍්‍රමයෙන් වැටහෙන්නට විය. ඔහු කියූ කතාවෙහි කිසියම් සත්‍යයක් තිබුණි නම් ඒ කතාවේ මතුපිට අර්ථයෙන් පමණ ය. කතාවේ මතුපිට අර්ථය කිසියම් සරලභාවයක් පෙන්නුම් කළ ද, ඒ තුළින් ඉඟි කරන සංකේතමය අර්ථයන් පශ්චාත් ධනේශ්වරයේ සහ එහි ම අතුරු පළයක් වන වෙළඳ මාධ්‍යයකරණයේ සියුම් තැන් ගැඹුරින් ස්පර්ශ කරනවා පේන්නට තිබුණි. <br /> <br />රාජිතගේ නාට්‍යය කලාව <b>'අල්පෝත්තිමය'</b> ලක්ෂණයන්ගෙන් හෙබි සුවිශේෂී එකක් ලෙස ආචාර්ය <b>ලියනගේ අමරකීර්ති</b> විසින් හඳුන්වා දී තිබුණේ, ඔහුගේ නාට්‍ය කලාව සතු මතුපිට සරල ලක්ෂණයන් අතික‍්‍රමණය කරන එකී සියුම් හුය වලට ඉඟි කරන්නට ය. ඒ කී හුය නිසි පරිදි දිග හැර පූර්වාපර සංධි ගලපා ගන්නට බැරි වීම හේතුවෙනි මාගේ යට කී මිත‍්‍රයා 'සිරිවර්ධන පවුල' පිළිබඳ ඔහුගේ තක්සේරුවට ඇවිත් තිබුණේ. <br /> <br />වෙළඳ මාධ්‍යයකරණය විසින් නිර්මාණය කර දෙන ලද අවශ්‍යතා හා පරමාදර්ශයන්ට අවනත කෙරුණු පහළ මධ්‍යම ප‍්‍රාන්තිකයැ'යි කල්පනා කළ හැකි පවුලක ඛේදවාචකය මේ නාට්‍යයෙහි උඩු පෙළ ඔස්සේ ගලා යයි. පවුලේ මව ගුරුවරියක වන අතර පියා ද විශ‍්‍රාම ලත් රාජ්‍ය නිළධාරියෙකි. තමන්ට වඩා තම දරුවන් අධ්‍යාපනික වශයෙන් ඉහළ තැනකට ගෙනයෑම ආධ්‍යාශ කොට ගත් ඔහු වාමාංශික නැඹුරුවක් සහ මනා දේශපාලනික සවිඥානයකින් හෙබි අයෙකි. මේ පවුලේ සෙසු සාමාජිකයින් වන්නේ රූමත් තරුණ දියණිය සහ සුපුන් නම් බාල පුතා ය. සම්භාව්‍ය සංගීතයටත්, පියානෝ වාදනයටත් ආධ්‍යාත්මිකව නැඹුරුව සිටි සුපුන් කුමන හෝ හේතුවක් නිසා ඉන් විතැන් කර වානිජ ස්ටාර් තරගයක තරග කරුවකු දිහාවට තල්ලු කර ඇත. කෙසේ වෙතත්, සුපුන් ස්ටාර් තරගයෙන් ජයග‍්‍රහණය කිරීම තම පවුල ගොඩ යෑමේ එකම මාර්ගය බව ඔහුගේ මව මෙන්ම අක්කාද තරයේ විශ්වාස කරති. <br /> <br />වාණිජ රියැලිටියේ ආක‍්‍රමණය කොතරම් බිහිසුණු සහ සූක්ෂ්ම එකක්දැයි පෙන්වා දෙන්නට සරුවපිත්තල වහන්තරාවන්ගෙන් ඈත් වී මහපොළවේ යථාර්ථයත් සමග ජීවත් වන පියෙකු සහ තරමක් හෝ විචාර ශක්තියකින් හෙබියැ'යි සිතිය හැකි <b>'ගුරුවරියක'</b> විසින් මෙහෙය වන මෙවන් පවුලක් තෝරා ගැනීම සුදුස ය. කතාව ආරම්භයේදීම දියණිය තම මවට කියන්නේ මල්ලීගේ ජනප‍්‍රිය වීමත් එක්ක ගෙදර ඇති පරණ පුටු සෙටි එක වෙනුවට අලුත් පුටු සෙටියකුත්, ටීවී එකකුත් මිළ දී ගත යුතු බවය. එසේ නම් ඉන් ඉඟි කරන්නේ මේ රියැලිටි කුණාටුව හඹා ගොස් ඇත්තේ රූපවාහිණී යන්ත‍්‍රයක්වත් භාවිත නොකරන නිවසකට බවද? මේ ධනවාදී වෙළඳ කුණාටුවට ලාංකිකයින් සැබෑවටම කොතරම් හසු වුණේද යත්, එල්ටීටීඊ සංවිධානය තම ගුවන් ප‍්‍රහාරයන් බාධාවකින් තොරව සිදු කිරීමට ලාංකිකයින් රියැලිටි සයුරේ කිමිදුණු රාත‍්‍රීන් තෝරා ගත් බවට ඒ දවස් වල කියැවුණා මතකය. <br /> <br />සුපුන් රියැලිටි තරගයක තරග වදිනවාට පියා මුල්කාලීනව දැඩි සේ විරෝධය දක්වයි. වැඩකට නැති දේවල් නොකර අධ්‍යාපනය කරා යොමු විය යුතු බව ඔහු නිතර අවධාරණය කරයි. ඔහුගේ සිත සෑදිමට මවත් දියණියත් කොතරම් උත්සාහ කළත් ඔහු ඊට කණ් නොදේ. එසේ නමුත් හදිසියේ පිටතදී දැනුණ ප‍්‍රතිචාර ඔහු හාත් පසින් වෙනස් කරයි. මුළු රටම ඔහුගේ පුතා ගැන කතා කරන අතර, වෙනදා කතා නොකරන යාලු මිත‍්‍රයින් පවා වාහන නවතා ඔහු සමග කතාබස් කරයි. ඔහුව බලහත්කාරයෙන් වාහනයට නංවාගෙන ඇරළවයි. වෙනකක් තබා ඔහු අවසන ඔහු එන්නේ කරන්නට ගිය වැඩය ද අමතක කරමිනි. මෙය එක්තරා අතකට, ධනවාදයේ තාවකාලික සංතෝෂම් වලින් උත්තේජනය වී කරන්නට යන රාජකාරිය ද අමතක කර ධනවාදයෙහිම ව්‍යාවෘත වන අද්‍යතන ලාංකික වාමාංශයේ ඛේදනීය ඉරණම සිහි කරවයි. <br /> <br />රටට පරමාදර්ශ ගොඩනඟා දෙන මාධ්‍යයේ එකම පරමාදර්ශය ලාභයයි. මෙතෙක් කල් තම පරමාදර්ශන් ලෙස හුවා දක්වමින් රට හමුවේ තහවුරු කළ ඊනියා පරමාදර්ශයන් ලාභය හමුවේ වෙනස් කරන්නට ඔවුන්ට ගත වන්නේ මොහොතක් පමණි. එහි දී අඩු තරමේ සදාචාරාත්මක විළියක්වත් ඔවුන්ට නොදැනේ. අදාල ආයතනය තම ප‍්‍රධාන ව්‍යාපෘතිය වන සුපුන් සහභාගී වූ රියැලිටි තරගයට එකවැර තාවකාලිකව නවත්වන්නේ ක‍්‍ර‍්‍රිකට් මැච් එක විකාශනය කිරීම ඊට වඩා වාසිසහගත හෙයිනි. වෙනස් පුද්ගලයින් සේ පෙනී ඉඳීම, මොස්තර කිරීම, ඇහැ පිනවීම, ආකර්ශනය සහ රියැලිටිය සිය ධර්මය සේ පෙන් වූ මාධ්‍ය ආයතන නියෝජිතයා වන<b> 'ජයන්ත සර්'</b> එකරැයින් වෙනස් වී කටට දිවට නොදැනෙන්න <b>"ඒවා වැඩක් නැති දේවල්" </b>බව පවසයි. ඔහු පවසන්නේ දැන් තමා කල්පනා කරන්නේ ආධ්‍යාත්මික අතින් ගොඩ යෑමට බවයි. ජීවිතයේ සැබෑ රියලිටිය එය බව ඔහු පවසයි. <br /> <br />ජීවිතයේ සැබෑ රියලිටිය දන්නා මේ ධනවාදී නියෝජිතයා ධනවාදයේ ඇඟිලිකරු අතරින් ගිලිහෙන දෙයක්වත් පිටතට යන්නට ඉඩ නොදේ. ජනතා ආකර්ශනය ලබමින් රියැලිටි තරගයන්ගෙන් දිනන්න නම් හම් සපත්තු කුට්ටම් හතක්වත් තිබිය යුතු බව ඔහු තරගකරුවන්ට නිර්දේශ කරයි. දෙවනුව, තමංම ලෙදර් සපත්තු කඩයක් ආරම්භ කරන ඔහු එයින් සපත්තු ගන්නට ඔවුන් පොළඹවයි. තවත් අතකින්, හිසේ ජෙල් ගා - හම් සපත්තු පැළලඳ ජයගත හැකි ගායන රියැලටි තරගයේ රියැලටිය ගැන මෙහිදී පේ‍්‍රක්ෂකයා තුළ ප‍්‍රබල උත්ප‍්‍රාසයක් මතු කරයි. <br /> <br />කොටට ලස්සනට අලුත් මෝස්තරේට ඇන්දාම හැඩට පේන නිසා ස්ටාර් තාලයේ වැඩසටහන් ඉදිරිපත් කරන්නට ගැලපෙනවායැ'යි කළිං කී සුපුන්ගේ අක්කාටම <b>'ජයන්ත සර්'</b> මේ අධ්‍යාත්මික වැඩසටහන ඉදිරිපත් කරන්නට ආරාධනා කරයි. අවසන එහිදී ඔහු තම පුතා තරුවක් කිරීමේ සිහිනය පසුපස හඹාගොස් රටට ලෝකයට ණය වී හෙම්බත්ව සිටින සිරිවර්ධන පවුලට නිර්දේශ කරන්නේ ආගමක් වැනි හරවත් ආධ්‍යාත්මික මාර්ගයකටත් වඩා මෙරට මාධ්‍ය ආයතන විසින් උදේ හවස අති අවධාරණය කරන (විකුණනු ලබන) ඊනියා ධනාත්මක චින්තන අභ්‍යාසයක් ය. නාට්‍යය අවසන් වන්නේ, තම පවුල ගොඩ ගැනීමේ ඊළඟ විකල්පය මේ කියන ආධ්‍යාත්මික රියලැටිය ලෙස විශ්වාස කරන තරමට සිරිවර්ධන පවුල ධනවාදී මාධ්‍යයේ එකී තහවුරුව ද වැළඳ ගැනීමට සූදානම් වන තැනිනි. <br /> <br />නාට්‍යයේ යටි හුයෙහි ගමන් කරන තවත් වැදගත් චරිත දෙකක් වන්නේ සජිනි සහ ඇයගේ මවයි. සුපුන් පියානෝව ඉගෙන ගන්නේ සජිනිගේ මවගෙනි. ඇගේ නිවස අව්‍යාජ සංගීතමය අසපුවකි. සුපුනුත් සජිනිත් අතර අප‍්‍රකාශිත පේ‍්‍රමයක් දළුලමින් ඇති බව පේනනට තිබේ. මේ අදෘෂ්‍යමාන චරිත දෙක විටින් විට පැමිණ නාට්‍යය එහි මතුපිට තලයේ සිට විවිධ අභ්‍යන්තරික අර්ථයන්ට රැගෙන යෑම සඳහා කවුළු සපය යි. විටෙක ඔවුන් මතුවන්නේ ලාංකීය තාරුණ්‍යය හා සිංහල මනස තුළ අනෙකා පිළිබඳ පවතින අතාර්කික විචාරයන්හි තරම පෙන්වා දෙන්නටය. විටක බටහිර සහ ඉංගීසි භාෂාවට එරෙහිව ඇති ඊනියා ජාතිකත්ව මානසිකත්වයේ හිස්බව පෙන්වා දෙයි. තවත් විටක මොවුන් දෙපෙළ සැබෑ සංගීතයේ හා සංස්කෘතියේ නියෝජනයන් ය. <br /> <br />සුපුන් ස්ටාර් තරගයට සූදානම් වන බොහෝ වේලාවට සජිනි මතක් කරයි. මේ තරගය නවතා නැවතත් පියානෝ පුහුණුවට යා යුතු බව කියයි. තවත් විටක සජිනි ඔහුගේ නිවසටත් මිත‍්‍රයින්ටත් දුරකථන ඇමතුම් ලබා දේ. අවසන ඇය ඔහු නමට ලිපියක් එවයි. සුපුන්ගේ මව ඒ ලිපිය දෙස අවධානය යොමු නොකරම පසෙකට තබයි. මන්ද යත් ඒ වනවිට ඇයගේ අවධානය යොමුව ඇත්තේ <b>'ආධ්‍යාත්මික රියැලිටිය'</b> දෙස හෙවත් වානිජ සංස්කෘතිය තුළින් මවා දුන් දෙය දෙස ය. පෙර කීවා සේ, සජිනි සහ ඇගේ මව නාට්‍යය පුරාවටම ප‍්‍රාග්ධනය මත දුවන එකී වාණිජ සංස්කෘතියත් සැබෑ (සම්භාව්‍ය හෝ ජනප‍්‍රිය) සංස්කෘතියක් අතර ඝට්ඨනය පෙන්වන ප‍්‍රබල රූපකයක් සේ මතුවේ. නොඑසේ නම් සැබෑ කලාවෙත් ප‍්‍රාග්ධනය කෝටි ගණන් යට කරමින් නිෂ්පාදනය කරන වෙළඳ කලාවෙත් පරතරය පෙන්වා දෙයි. සුපුන් තුළ සජිනිට ඇති ඇල්ම, ධනවාදයත් එකී යාන්ත‍්‍රණයටම හසු වූ තම පවුලේ අයගේත් මිත‍්‍රයින්ගේත් බලපෑම මගින් තමාව බලහත්කාරයෙන් ඈත් කර ඇති ඔහුගේ ආධ්‍යාමීය පියානෝවට හෙවත් සැබෑ කලාවට ඇති පේ‍්‍රමයේ රූපකයක් වන්නටත් බැරිද? <br /> <br />දෙවැන්න ධනවාදීය දේශපාලනික සංස්කෘතිය යි. දේවල් පිළිබඳ හිතලු කිවීමෙන් එහා ගිය සැබෑ අවබෝධයක් ඒ තුළින් නොඉල්ලයි. රටේ වැදගත් පැරණි දේශපාලඥයින්ගේ නම් පමණක් දැන හිටියද කම් නැත. එසේ නොවුනා කියා ද ගැටළුවක් නැත. තම යාළුවාගේ සුපිරි සිහිනයෙන් ගොඩ යෑමට බැරි වූ සුපුන්ගේ මිත‍්‍රයාට ඊළඟට ගොඩයෑමට ඉතිරි වන්නේ වයඹ මැතිවරණයට වැඩ කිරීමට ය. රියැලිටි වැඩසටහනට යෑම සඳහා කුළියට ගෙන සුපුන් ඇතුළු පිරිස ගමන් කළ වාහනයෙන් හැප්පෙන්නේ ප‍්‍රාදේශීය සභාවේ සභාපතිගේ ඩ‍්‍රයිවර්ගේ පියා ය. එසේ හෙයින් සුපුන්ලාට ඉන් ගැලවෙන්නට අමාරු බව කියැවේ. දෙවැන්න ඔවුන් කුලියට ගත් වාහනය ප‍්‍රදේශයේ පොලිස් ප‍්‍රධානියකු හයර් එකට දාපු එකකි. රිය අනතුරින් පසු එහි වන්දිය ගන්නට සුපුන්ගේ නිවසට කඩා පනින්නේ උකුස්සාගේ කට්ටියයි. මෙය ලාංකීය ධනවාදී දේශපාලන සංස්කෘතියේ මුහුණක් නැති පාතාලමය ශරීර සංකේතයයි. <br /> <br /><i>මෙම ලිපිය මුල්වරට 2015 ජූනි 14 දින රාවය පුවත්පතේ පල විය. </i><BR><BR><img src='http://www.boondi.lk/CTRLPannel/SupportiveImages/PenIcon.jpg' width='12' height='16' /> ප්‍රසාද් නිරෝෂ බණ්ඩාර<BR></span> <BR><BR><iframe src ='http://www.boondi.lk/CTRLPannel/BlogHitter.php?ArtID=4679' scrolling='no' frameborder='0' style='border:none; overflow:hidden; width:300px; height:30px;' allowTransparency='true'>></iframe><BR><div class="blogger-post-footer">බූන්දි - අකුරු අනුරාගිකයි - විඳීම් ඉන්ද්‍රජාලිකයි</div>BoondiOnLinehttp://www.blogger.com/profile/04246852882496903111noreply@blogger.comtag:blogger.com,1999:blog-8989665043267507050.post-39624285944241873902015-06-20T11:09:00.001-07:002015-06-20T11:09:55.447-07:00<img border='0' src=http://www.boondi.lk/CTRLPannel/ArticleImages/KAVI/Termites-Eaten-Books.jpg width=481 height=333 align='center'><BR><span style='font-size:120%;'><BR>දෙදෙනාගේම වත්කම වූ දෑවැද්ද <br />බඩටත් නොකා උපයා ගත් පොත් පත් ය <br />ඒවායේ තිබිණි මිණි මුතු තැන්පත් ව <br />වේයෝ කෑවෙ එතරම් වටිනා පොත් ය <br /> <br />රම්‍ය මාළිගේ තිබුණේ වනාතේ <br />පේළි ගෙවල් යායට මැදි වෙලානේ <br />ඒ සන්දියෙදි වේයෝ ඇවිදින් තිබුණේ <br />පොත් පත් කා නසන්ටයි වත්කම අපගේ <br /> <br />මහපොළ පොතුයි කතු අස්සන සහිත පොතු යි <br />මුල් කොපි පොතුයි සම්මානිත හොඳම පොතු යි <br />පිට රට වලින් ගෙන්නා ගත් වටින පොතු යි <br />යන මේ සියලු පොත් වේයන්ට කම්මුතුයි <br /> <br />පොත් කියවන්ට කොහි තිබිදැයි වෙලාව <br />වේයන් බඩට විතරයි පොත් පත් උරුම <br /> <br />සුරම්‍ය මාළිගේ තිබුණේ මහරගම <br />තට්ටු ගෙදර හත් වැනි තට්ටුව මතය <br />තට්ටු හතම නැග ආ වේයන් රෑන <br />කිට්ටු කළා සිරියහනේ ලැග ඉන්ට <br /> <br />එක ගෙයි ඉන්න තුන් වැනි වසරේ දී ම <br />රෑ වැඩ වැටුණ දින සති ගාන වැඩි විය <br />නෝනා සිරියහන මත තනි කර යා ම <br />රස්සාවට නිසා උහුලා ඉන්ඩ විය <br /> <br />වේයෝ රෑ කෑවෙ නෝනාගෙ පතිවත <br />දහවල කෑවෙ මා සන්තක පතිනි වත <br />සිරියහනට ම සිදු විය දරුණු පිරිපත <br />එනමුත් රැකුණි රස්සාවෙන් බඩ වියත <br /> <br />හැමනුණ හින්ද රස්සාවල් එක්ක අප <br />මස් පාපය කළෙත් රස්සාවට වගෙ ය <br /> <br />සුබ මාළිගේ කැස්බෑවේ තිබුණාය <br />ඒ ඉන්නා කලේ ඉඩමක් ගත්තාය <br />ගෙවන පදනමට දෙන්නම ගෙව්වාය <br />ගෙයක් හදන හීනය දැක බැලුවාය <br /> <br />එදවස වේයො ආවේ අඟකුත් එක්ක <br />අන්තිම සටන සඳහා සන්නද්ධවය <br />නොයෙකුත් හේතු එක් රැස් වී තිබුණා ය <br />කසාද සහතිකේ වේයෝ කෑවා ය <br /> <br />මනරම් මාළිගේ නොම ඉදි වෙලා ම <br />පර්චස් දහය ඇත වල් වැද පුරා ම <br />ළමයින් නොමැත එය අපගේ වෙලා ව <br />අවුරුදු දහය ඉවරයි වේයන් කෑ ව <br /> <br />නෝනත් මමත් දැන් හතළිහ මුව විට ය <br />වේ උවදුරින් හොඳටම අප අබලන් ය<BR><BR><img src='http://www.boondi.lk/CTRLPannel/SupportiveImages/PenIcon.jpg' width='12' height='16' /> සුරේඛා සමරසේන<BR></span> <BR><BR><iframe src ='http://www.boondi.lk/CTRLPannel/BlogHitter.php?ArtID=4676' scrolling='no' frameborder='0' style='border:none; overflow:hidden; width:300px; height:30px;' allowTransparency='true'>></iframe><BR><div class="blogger-post-footer">බූන්දි - අකුරු අනුරාගිකයි - විඳීම් ඉන්ද්‍රජාලිකයි</div>BoondiOnLinehttp://www.blogger.com/profile/04246852882496903111noreply@blogger.comtag:blogger.com,1999:blog-8989665043267507050.post-50054645666274974732015-06-20T10:49:00.001-07:002015-06-20T10:49:14.997-07:00<img border='0' src=http://www.boondi.lk/CTRLPannel/ArticleImages/KAVI/Eye-camera.jpg width=481 height=334 align='center'><BR><span style='font-size:120%;'><BR>වීදියක, අවන්හල් මේසයක <br />බීර වීදුරු පිරුණු හීනයක <br />'කවිකම'ද ඇතැම් විට පර්යාය පදයක් ය <br />නරුමයෙකු අත රැඳුණු 'අවියකට'... <br /> <br />උඩින් අඩි තිය තියා <br />නරුම ගමනින් ඇවිද <br />කාණුපල්ලක පවා <br />'කවි නිමිති' ඉවකරන; <br />මඩෙන් එපිටහ තැනෙක <br />පණ ගැහෙන කවි සිරුරු ගොඩ ගසන; <br />උපන්තේකට නො විඳි <br />දුක්ඛ සංසාරයක <br />වේදනා කප්පරක් ගැන ලියන; <br />බීර විතකින් යළිදු <br />උගුර - තොළකට තෙමා නිදි වදින <br />මිනිසුන්ද - ගැහැණුන්ද <br />මුළුමහත් ලෝකය ද <br />කවිය උදෙසා තැනුණු බව සිතන; <br />වචන වධ කඳවුරක <br />ගෑස් කාමරවලට <br />පණපිටින් එකී ජීවිත ඔබන... <br /> <br />උපමා ද, රූපක ද <br />අලංකාරද ගසා <br />හුස්ම හිිරකර මැරූ <br />නිහඬ කවි මළසිරුරු <br />එකින් එක, පොත් ලෙසින් මිටි බඳින; <br />වහා ඇවිලෙනු පිණිස <br />මහා බර නම් යොදා ගිණි තියන... <br /> <br />සම්මාන බහුමාන <br />විචාරක පැසසුම් ද <br />මැරූ කවි සිරුරු වෙනුවෙන් ලබන, <br />කවියෙකුට ඇතැම් විට <br />නරුමයෙක් වනු හැකිය; <br />හදවතේ ගැඹුරකට ඇණ ගසන <br />කැඩපතක් දුටු මතින් ගිණි බිඳින... <br />------------------------ <br />කවිකමය කියන්නේ පර්යාය පදයක් ය <br />දෙපාරට මැරිය හැකි අවියකට<BR><BR><img src='http://www.boondi.lk/CTRLPannel/SupportiveImages/PenIcon.jpg' width='12' height='16' /> සෞම්‍ය සඳරුවන් ලියනගේ<BR></span> <BR><BR><iframe src ='http://www.boondi.lk/CTRLPannel/BlogHitter.php?ArtID=4678' scrolling='no' frameborder='0' style='border:none; overflow:hidden; width:300px; height:30px;' allowTransparency='true'>></iframe><BR><div class="blogger-post-footer">බූන්දි - අකුරු අනුරාගිකයි - විඳීම් ඉන්ද්‍රජාලිකයි</div>BoondiOnLinehttp://www.blogger.com/profile/04246852882496903111noreply@blogger.comtag:blogger.com,1999:blog-8989665043267507050.post-3658849727166438232015-06-19T14:14:00.001-07:002015-06-19T14:14:34.466-07:00<img border='0' src=http://www.boondi.lk/CTRLPannel/ArticleImages/COTH/Power-Of-People.jpg width=480 height=334 align='center'><BR><span style='font-size:120%;'><BR><b>‘මහමැතිවරණය හමුවේ පුරවැසි වගකීම’</b> යන මැයෙන් සංවාදශීලී සම්මන්ත්‍රණයක් 2015 ජුනි <b>21 </b>වන ඉරිදා, ප.ව. <b>2.30</b>ට ම<b>තුගම ශ්‍රවණාගාරයේ දී </b>පැවැත්වේ. <br /> <br /><b>කථිකයෝ:</b> <br />රාවය කර්තෘ වික්ටර් අයිවන් <br />සිනමාවේදී ධර්මසිරි බණ්ඩාරනායක <br />මාධ්‍යවේදී චූලානන්ද සමරනායක <br /> <br />මෙම සම්මන්ත්‍රණය සංවිධානය කරනු ලබන්නේ මතුගම පුරවැසි පවුර සංවිධානය විසිනි. <br /> <br />විමසීම්: 077 5583470<BR></span> <BR><BR><iframe src ='http://www.boondi.lk/CTRLPannel/BlogHitter.php?ArtID=4682' scrolling='no' frameborder='0' style='border:none; overflow:hidden; width:300px; height:30px;' allowTransparency='true'>></iframe><BR><div class="blogger-post-footer">බූන්දි - අකුරු අනුරාගිකයි - විඳීම් ඉන්ද්‍රජාලිකයි</div>BoondiOnLinehttp://www.blogger.com/profile/04246852882496903111noreply@blogger.comtag:blogger.com,1999:blog-8989665043267507050.post-54766571855332231792015-06-16T21:37:00.001-07:002015-06-16T21:37:59.956-07:00<img border='0' src=http://www.boondi.lk/CTRLPannel/ArticleImages/CADH/Divorced-Parednts-And-Children.jpg width=480 height=332 align='center'><BR><span style='font-size:120%;'><BR>දෙමාපිය සබඳතා බිඳ නොවැටෙන පරමාදර්ශී සමාජයක ජීවත් වීම ඕනෑම දරුවෙකුගේ පරම බලාපොරොත්තුව විය හැකිය. එහෙත් විවිධාකාර හේතු මත දෙමාපිය සබඳතා බිඳ වැටීම සිදු වන අතර, එමගින් දරුවන් වෙත විවිධ බලපෑම් ඇති වන බවද පරම සත්‍යයකි. බිඳ වැටෙන දෙමාපිය සබඳතා දරුවන් කෙරෙහි ඇතිකරන භාවාත්මක, මනෝවිද්‍යාත්මක, ආර්ථික හා සමාජීය බලපෑම පිළිබද ප්‍රමාණවත් කතිකාවක් ශ්‍රී ලංකාව තුළ තවමත් නොමැති බව පැහැදිලි කරුණකි. <br /> <br />විනිශ්චය කිරීම් බහුල සමාජයක ජිවත් වන අප, බිඳුණු පවුල් වල දරුවන් හුදකලා කිරීමට දායක වනවා මිස සාධාරණ කතිකාවක් හරහා මෙම ප්‍රශ්නය අවම කරගැනීමට උත්සහා නොගැනීම කණගාටුවට කරුණකි. <br /> <br />මේ පිළිබඳව බහු ජනමාධ්‍යයයේ හැසිරීම අතිශය ගැටළුකාරී වේ. සමාජයේ ජනප්‍රිය පුද්ගලයින්ගේ පවුල් සබඳතා බිඳ වැටුණු අවස්ථා වල මාධ්‍යය හැසිරෙන ආකාරයෙන් මෙය පැහැදිලි වේ. මෙවැනි අවස්ථා වල ජාතික මට්ටමේ ජනමාධ්‍යය සහ ඕපාදුප පැතිරීම වෙනුවෙන්ම බිහි වූ වෙබ් අඩවි වල ක්‍රියාකාරිත්වයේ වෙනසක් දක්නට නොමැත. බිඳ වැටුණු සබඳතා පිළිබඳ ඕපාදුප අලෙවි කිරීම හා ප්‍රකෝප කිරීම් හැරුණු කොට ජනමාධ්‍ය හරහා ඉටු වෙන වෙනත් සේවාවක් නොමැති තරම්ය. <br /> <br />වෙන්ව ජීවත් වන දෙමාපියන් අතර දරුවන්ගේ සුබසාධනය උදෙසා සංහිඳීයාවක් ඇති වීම මෙමඟින් වළක්වන අතරම මෙවැනි ඕපාදුප පුවත් හරහා දරුවන්ට අත්වන පිඩාව තවදුරටත් තීව‍්‍ර වේ. කෙසේ වෙතත් ජනමාධ්‍ය හරහා ප්‍රතිනිර්මාණය වන්නේ මේ පිළිබදව අප සමාජයේ ඇති ගතානුගතික මතය බවද පැහැදිලි කරුණකි. <br /> <br />එපමණක් නොව වැඩිහිටියන්ගේ පවුල් සබඳතා හෝ ප්‍රේමසබඳතා හෝ බිඳ වැටීම හරහා එකිනෙකාට ඇති වන චිත්ත පීඩාව පිළිබඳ සාකච්ඡා කෙරෙන සිනමා නිර්මාණ, ටෙලිනාට්‍යය, ගීතරචනා බහුල වුවද, දෙමාපියන් වෙන් වීමේදී දරුවන්ට ඇතිවෙන පීඩනය පිළිබඳව දරුවන්ගේ දෘෂ්ටිකෝණයෙන් සලකා බැලෙන නිර්මාණ අතිශයෙන් දුලබ වේ. <br /> <br />අපේ රටේ ළමුන් වෙනුවෙන් නිර්මාණය වන සාහිත්‍යය නිර්මාණ වල තවමත් ඇත්තේ මව, පියා එක්ව ජිවත් වන සතුටු පවුලේ කතන්දර පමණකි. මෙවැනි පොත්පත කියවන දික්කසාද වූ දෙමාපියන්ගේ හෝ දෙමාපියන් මියගිය හෝ දරුවන්ට ඇතිවන හුදකළා හැඟීම් සොයා බැලීමට අපේ සමාජය තවමත් උත්සාහ නොගන්නා බව පැහැදිළි කරුණකි. එහෙත් ලෝකයේ බොහෝ රටවල විකල්ප පවුල් වලට අදාල කතා අඩංගු ළමා පොත්පත් දක්නට ලැබේ. මෙවැනි පොත්පත් එවැනි විකල්ප පවුල් වල දරුවන්ගේ මානසික සුබසාධනයට උපකාරී වන ලෙස නිර්මාණය වී ඇත. <br /> <br />එසේම මෙම ප්‍රශ්නය පිළිබදව ශ්‍රී ලංකාව තුළ සිදුකළ සමාජ විද්‍යාත්මක සමීක්ෂණ ඇත්තේද අල්පයකි. එසේ නැතහොත් එවැනි සමීක්ෂණ වාර්තා වල අඩංගු කරුණු මහජනතාව අතර ප්‍රචලිත කිරිමට නොහැකි වී ඇත. <br /> <br />විවාහයෙන් පරිබාහිර සබඳතා ඇතිකර ගැනීම සහ එමඟින් පවුල් සබඳතා බිඳ වැටීම අපේ, සංස්කෘතිය, කිසිසේත් අනුමත නොකරයි. මෙවැනි සිද්ධීන් නිසා දරුවන් අත්හැර දමන දෙමාපියන්ට ගල්මුල් ප්‍රහාර එල්ල කිරීමට අපි කිසිසේත් පසුබට නොවෙමු. එහෙත් දික්කසාද වූ යුවලක් දරුවන්ගේ යහපත වෙනුවෙන් සංහිඳීයාවෙන් කටයුතු කරනු දුටු විට එයද අපේ සංස්කෘතියට පටහැනි බව කියමින් ඔවුන්ට පරිභව කිරීමට අපි පසුබට නොවෙමු. <br /> <br />දෙමාපියන් අතර මතබේද අධික හිංසාකාරී පවුල් පසුබිමක ජිවත් වීමට වඩා වෙන්ව ජිවත්වන, එහෙත් දරුවන්ගේ සුබසාධනය පිළිබඳව සහයෝගයෙන් කටයුතු කරන දෙමාපියන් අතර ජිවත් වීම සමහර විට දරුවන්ට පහසුවිය හැකි බව පිළිගැනීමට අපි තවමත් මැළි වෙමු. <br /> <br />ශ්‍රී ලංකාව තුළ මෙම ප්‍රශ්නය පිළිබද පුළුල් කතිකාවක් ඇති නොවීමට බල පෑ සාධකයක් ලෙස, පවුල් ප්‍රශ්න පුද්ගලික ප්‍රශ්න, ලෙස පංගු කිරීම හඳුනා ගත හැකිය. අනෙක් අතට මීට වඩා බරපතල ගැටළු අපේ සමාජය තුළ ඇති බව කෙනෙකු තර්ක කළ හැකිය. එහෙත් රටක අනාගතය දරුවන් වන්නේ නම් මෙම ප්‍රශ්නය පිළිබද සාකච්ඡාවකට අපේ සමාජය තුළ ප්‍රමුකත්වය නොලැබිම අවාසනාවකි. <br /> <br />ලෝකයේ සමහර රටවල මෙම ගැටළුව පිළිබඳව තොරතුරු සොයා බැලෙන සමීක්ෂණ හා සාකච්ඡා සිදු කෙරෙන අතරම, මෙවැනි ගැටළු වලට මැදිහත් වූ දරුවන්ට නොමිළයේ මනෝවිද්‍යාත්මක උපදෙස්, නීති උපදෙස් හා ආර්ථික ආධාර ලබා දීම සමාජ සුබසාධන ක්‍රියාවලියේ ප්‍රධාන අංගයක් බවටද පත්ව ඇත. එසේම පවුල් බිඳ වැටිමේදී දරුවන්ට ඇති වන බලපෑම අවම වන ආකාරයෙන් ක්‍රියා කරන ආකාරය පිළිබඳව දෙමාපියන්ට උපදෙස් ලබා දෙන ආයතනද ක්‍රියාත්මක වේ. <br /> <br /><b>ලන්ඩන් විශ්වවිද්‍යාලය</b> මඟින් පළ කරන ලද සමීක්ෂණ වාර්තාවක සඳහන් ආකාරයට බිඳ වැටුණු පවුල් වල දරුවන් අනෙකුත් පවුල් වල දරුවන්ට සාපේක්ෂව ආර්ථික අහේනියට මුහුණ පෑමට, චර්යා රටාව පිළිබද ගැටළු වලට ලක් වීමට, අධ්‍යපන කටයුතු වල දී අඩු කුසලතා පෙන්වීමට, නිතර වෛද්‍ය ප්‍රතිකාර ගැනීමට සිදු වීමට, අඩු වයසින් පාසල් හැරයාම ආදී දේ සඳහා ලක් වීමට වැඩි අවදානමක් ඇත. එසේම අඩු වයසින් ලිංගික ක්‍රියාකාරකම් වල නියැලීම, අඩු වයසින් ගැබ් ගැනීම, අඩු වයසින් දෙමාපියන් බවට පත් වීම මෙන්ම මනෝවිෂාදයට ලක් වීම, මත්පැන් හා මත්ද්‍රව්‍ය වලට ඇබ්බැහි වීම ආදියට වැඩි අවදානමක් ඇති බවයි. <br /> <br />දික්කසාද වූ දෙමාපියන් නැවත විවාහ වීම දරුවන් වෙත ඇති කරන බලපෑම තීව‍්‍ර කිරීමට හේතුවන බවද සමීක්ෂණ වලින් හෙළි වී තිබේ. <b>මොනෑෂ් විශ්ව විද්‍යාලයේ</b> වෛද්‍ය අධ්‍යපන ආයතනය මඟින් ප්‍රකාශයට පත් කළ සාහිත්‍යය සමීක්ෂණයකට අනුව නොබිඳුනු පවුල් වල දරුවන් හා, දෙමාපියන් දෙදෙනාගෙන් එක් අයෙකු සමඟ ජිවත් වන දරුවන්ට වඩා නැවත විවාහ වූ දෙමාපියන් ගේ දරුවන් අධ්‍යපන කටයුතු වල දී අඩු ප්‍රතිපල ලබාගන්නා බවයි. <br /> <br />දෙමාපියන් වෙන් වූ පසු ආර්ථික අපහසුතා වලට දරුවන් ලක් වීම බොහෝ සමීක්ෂණ වලින් හෙළි වන අතරම ඊට ප්‍රතිවිරුද්ධ ලෙස ආර්ථික බලපෑමට ලක්වන දරුවන්ද සිටින බව පැහැදිළි කරුණකි. දික්කසාද වූ සමහර දෙමව්පියන් (බොහෝ විට දික්කසාද වීමට වගකිවයුතු පාර්ශ්වය) තම වරදකාරී හැඟීම සමනය කර ගැනීම සඳහා දරුවන්ට අනවශ්‍ය තරම් මුදල් ලබා දීම, මිළ අධික ත්‍යාග ලබා දීම සිදුකරයි. එහෙත් මෙමඟින් දරුවන්ට සිදු වන හානිය, ආර්ථික අපහසුතා නිසා ඇතිවන හානියටත් වඩා ප්‍රබල විය හැකිය. <br />එහෙත් දෙමාපියන් තේරුම් ගැනීමට අවශ්‍ය කරුණ වන්නේ දරුවන්ට වඩා වැදගත් වන්නේ දෙමාපියන් ඔවුන් සමඟ කාලය ගත කිරීම මිස මිළ අධික ත්‍යාග නොවන බවයි. <br /> <br />කෙසේ වෙතත් මේ සියළු කරණු පිළිබඳ අප තුළ ඇති පසුගාමී ආකල්පයේ අනිසි ප්‍රතිපලය වන්නේ බිඳ වැටෙන පවුල් වල දරුවන්ට එමඟින් ඇති වන පීඩනය අවම කිරීමට විධිමත් හෝ අවිධිමත් යාන්ත්‍රනයක්‌ බිහි නොවීමයි. එබැවින් මේ පිළිබද සාකච්ඡාවකට මුල පිරිම කාලීන අවශ්‍යතාවකි. <br /> <br /><b>මුලාශ්‍ර:</b> <br />1. Impact of Family Breakdown on Children's' Well- Being, Institute of Education, University of London, London:2009 <br />2. The Well- Being of Children Following Parenting Separation and Divorce Research Consortium- Literature Review- Monash University, Melbourne: 2002 <br />3. <a target='_blank' href='http://www.familyrelationships.gov.au/BrochuresandPublications/Pages/ChildrenAndSeparationBooklet.aspx'>Children and Separation </a> <BR><BR><img src='http://www.boondi.lk/CTRLPannel/SupportiveImages/PenIcon.jpg' width='12' height='16' /> තරංගා ද සිල්වා <BR></span> <BR><BR><iframe src ='http://www.boondi.lk/CTRLPannel/BlogHitter.php?ArtID=4665' scrolling='no' frameborder='0' style='border:none; overflow:hidden; width:300px; height:30px;' allowTransparency='true'>></iframe><BR><div class="blogger-post-footer">බූන්දි - අකුරු අනුරාගිකයි - විඳීම් ඉන්ද්‍රජාලිකයි</div>BoondiOnLinehttp://www.blogger.com/profile/04246852882496903111noreply@blogger.comtag:blogger.com,1999:blog-8989665043267507050.post-23948124784764961822015-06-16T20:25:00.001-07:002015-06-16T20:25:27.727-07:00<img border='0' src=http://www.boondi.lk/CTRLPannel/ArticleImages/KAVI/City-In-The-NIght--By-Leonid-Afremov.jpg width=477 height=334 align='center'><BR><span style='font-size:120%;'><BR>තාර ගෑවුණ අහස මැද <br />රොද බැඳුණු වලා තිරපටිවලට <br />තබා ඇණ ගැසූ තරු කැට <br />නිවී මියයන මොහොතට <br />කොහොම උහුලන් ඉන්නවද මන්දා <br />නුගේගොඩ හන්දිය සති අන්තෙට <br /> <br />මහා ගඟ කොණ මුවදොර <br />අගුළු ලා තිබුනත් ඇස් යට <br />හිත් දෙකක් ඇවිදගෙන ගිය වීදියක <br />එක හිතක් කොහොම ඇවිදන් යන්නද <br /> <br />ඉංග්‍රීසියෙන් අණ්ඩ දැමු <br />සිංහල ගීත කඳු සැණකෙළිය <br />ඩිජිටල් මුහුණු හැඩවලින් පිරුණත් <br />හන්දියේ හදවත තාමත් ගොළුය <br /> <br />රෑ හීනවල අග කොටස <br />බොඳවෙලා යන කණිසමට <br />බීර පෙණ පවා පපු කුහරවල <br />ගිනි ගන්න අළුයමට <br />නෑවිත් උන්නා කියන්නේ කොහොමද <br />ගැහැණු මිරිවැඩි සඟල සටහනක් <br />තාමත් හන්දියේ තියනකොට <br /> <br /><font size='2'>සිතුවම - Leonid Afremov</font><BR><BR><img src='http://www.boondi.lk/CTRLPannel/SupportiveImages/PenIcon.jpg' width='12' height='16' /> ඩොමිනික් චන්ද්‍රසාලි<BR></span> <BR><BR><iframe src ='http://www.boondi.lk/CTRLPannel/BlogHitter.php?ArtID=4675' scrolling='no' frameborder='0' style='border:none; overflow:hidden; width:300px; height:30px;' allowTransparency='true'>></iframe><BR><div class="blogger-post-footer">බූන්දි - අකුරු අනුරාගිකයි - විඳීම් ඉන්ද්‍රජාලිකයි</div>BoondiOnLinehttp://www.blogger.com/profile/04246852882496903111noreply@blogger.comtag:blogger.com,1999:blog-8989665043267507050.post-4032760342752483322015-06-16T20:13:00.001-07:002015-06-16T20:13:58.319-07:00<img border='0' src=http://www.boondi.lk/CTRLPannel/ArticleImages/KAVI/Beauty-In-The-Wind.jpg width=480 height=335 align='center'><BR><span style='font-size:120%;'><BR>අවුල් වෙන හැටි කෙහෙ රැළි <br />බලන් ඉන්නට ආසයි <br />ඇඟිලි තුඩඟින් අල්ලා <br />සවන් තුඩගෙහි එල්ලා <br />කීකරු කරන්නට <br />වෑයම් කරනකොට <br />සුළඟට හෙමින් කොඳුරා <br />යලි හමන්නැයි කියනෙමි. <br /> <br />මට මේ තරම් අවනත <br />පෙම්වතියකුදු නැත <br />අතීතේ කවි කළතා <br />මොන තරම් හෙව්වද.... <br /> <br />ගල් පරේ මා තනිකර <br />ඔබ පනියි වැල්ලට <br />හැරී විමසයි මා රුව <br />"මේ ගල්පරය හැර <br />වෙනත් ගල්පර නැතුවද?" <br /> <br />කෙහෙ රැල් අවුල් කරගෙන <br />මූණත් ඇඹුල් කරගෙන <br />කේන්තිය නම් මඳහස <br />මවා ගන්නට තටමන <br />සුළඟට ඇරුණු නෙත් ඇති <br />එයටම ඇළුණු සිත් ඇති <br />ඔබ වුණත් දැන් හරියට <br />කැමතියි නේද සුළඟට. <br /> <br />දඟකාරකම් උතුරන <br />මේ සොඳුරු සුළඟට <br />සිතිජ රේඛාවද <br />තරග නඟමින් ඉපිලෙයි <br />තරග නඟනා දිය රළ <br />රේඛාවක්ව නවතියි. <br /> <br />හැකිද ඔය අත දෙන්නට <br />ඇද ගන්න මා වැල්ලට. <br /> <br />යන්න යමු අපි ඈතට <br />දෑස ළංවෙන ඈතක <br />ඈත ළංවෙන දෑසට <br />අවනත වෙන්න හිත හිත <br />හිත හදා ගන්නට බලන <br />අවිනීත හිතකට <br />සුළඟ විතරද අවනත? <br /> <br />දෑස දිදුළන දෙය <br />ඈත නැති බව දැනුනම <br />හිස අවුල් කර ගන්නට <br />යළි හැරී එමු මෙතැනට <br />වැලි කැටයක්ව පෙනෙනා <br />මේ ගල් පරය අසලට. <br /> <br />මොහොතක් දෙන්න මට <br />කියා එනකල් සුළඟට <br />හුස්මක් කටක් අරගෙන <br />අලුතින් හමන්නට.<BR><BR><img src='http://www.boondi.lk/CTRLPannel/SupportiveImages/PenIcon.jpg' width='12' height='16' /> මංජුල වෙඩිවර්ධන<BR></span> <BR><BR><iframe src ='http://www.boondi.lk/CTRLPannel/BlogHitter.php?ArtID=4674' scrolling='no' frameborder='0' style='border:none; overflow:hidden; width:300px; height:30px;' allowTransparency='true'>></iframe><BR><div class="blogger-post-footer">බූන්දි - අකුරු අනුරාගිකයි - විඳීම් ඉන්ද්‍රජාලිකයි</div>BoondiOnLinehttp://www.blogger.com/profile/04246852882496903111noreply@blogger.comtag:blogger.com,1999:blog-8989665043267507050.post-34333466102723725332015-06-14T17:25:00.001-07:002015-06-14T17:25:32.465-07:00<img border='0' src=http://www.boondi.lk/CTRLPannel/ArticleImages/KAVI/Sleeping-Beauty-horacio-cardozo.jpg width=480 height=334 align='center'><BR><span style='font-size:120%;'><BR>සමදරා <br />දැන් සියවසක් ගෙවිලා <br />අලුත් මල් පිපිලා <br />අලුත් සුවඳක් දෙතොල් මත තබන්න <br />දැන් ඉතින් එන්න නැගිටලා <br /> <br />මහා සුළි කුණාටු අතර <br />ඔබ උන්නා නිහඬව නිසලව <br />සමදරා දැන් ඇති <br />සිහින අතර හිනැහුනා <br />අලුතේ ජීවිතේ පටන්ගන්න <br />මකුලු දැල් වලින් සුසැදි සයනයෙන් නැගිට <br />සහස්කල් නිද්‍රාවෙන් අවදිව එන්න <br /> <br />හද කුහර තුළ නැගුණු <br />ආදරයේ උණුසුම්ම හැඟුම් <br />තලෙලු සුදු සිරුර මත තෙරපන්න <br />කාලය හරිය <br />මොහොතක පමාවකට ඉඩ නොතබා <br />දැන් ඉතින් අවදි වන්න <br /> <br />රෝස පැහැ දෙතොල් <br />සිනාවෙන් මුවාවෙන කොපුල් මත <br />අලුත් හුස්මක පාට තවරන්න <br />සියවස් නිද්‍රාවට තිත තබා <br />සමදරා දැන් ඉතින් තටු ගසා <br />පියඹලා එන්න <br />අලුත් අහස්කුස තුළ ගැබ්බර වන්න <br /> <br /><font size='2'>සිතුවම- Horacio Cardozo</font><BR><BR><img src='http://www.boondi.lk/CTRLPannel/SupportiveImages/PenIcon.jpg' width='12' height='16' /> භීම<BR></span> <BR><BR><iframe src ='http://www.boondi.lk/CTRLPannel/BlogHitter.php?ArtID=4652' scrolling='no' frameborder='0' style='border:none; overflow:hidden; width:300px; height:30px;' allowTransparency='true'>></iframe><BR><div class="blogger-post-footer">බූන්දි - අකුරු අනුරාගිකයි - විඳීම් ඉන්ද්‍රජාලිකයි</div>BoondiOnLinehttp://www.blogger.com/profile/04246852882496903111noreply@blogger.comtag:blogger.com,1999:blog-8989665043267507050.post-20245405057958597992015-06-14T17:24:00.003-07:002015-06-14T17:24:57.614-07:00<img border='0' src=http://www.boondi.lk/CTRLPannel/ArticleImages/KAVI/Leaving-Autumn-And-Love.jpg width=479 height=333 align='center'><BR><span style='font-size:120%;'><BR>දිගන්තය අතැ’ර දා වසන්තය <br />පැටලිලා දුටු හීන නිලන්තය <br />ඉගිලිලා දුර ගිහින් අතීතය <br />ග‍්‍රීෂ්මය අළුකලා වසන්තය <br /> <br />පිපුනාට සිනා පිරි ඇරඹුම <br />යන ගමනෙ රළු බොරලූු ඇනුනම <br />අමනාප ඔය වුවන දුටුවම <br />නෙත කඳුළු ඉනුවෙ මට නොදැනිම <br /> <br />උදා සළු රිවි කිරණ එලූුවට <br />දවාලක ගිනි දවයි සළු පට <br />නිශා කල සිතිජයට එබුනට <br />එකම හිරු අපේ දුක සතුටට <br /> <br />නුඹ නිසා දුටු හීන බෝමයි <br />පියෙවි ලොව දසුන් අඩමානයි <br />කදෝපැණි රිවි දුටුව සේමයි <br />තේරුනේ දෙනෙත් ඇරුනාමයි <br /> <br />ඇල් පවන මුව සිපින වටාපත <br />විඩාබරිතව පසෙක වැටී ඇත <br />වල දමා උපන් ගෙයි සෙනේ සිත <br />මගෙ නමට ඔබෙ ගිණුම වසා ඇත.. <br /> <br /><font size='2'>සිතුවම : Jeffrey Hull</font><BR><BR><img src='http://www.boondi.lk/CTRLPannel/SupportiveImages/PenIcon.jpg' width='12' height='16' /> ජයන්ත නිමල්සිරි<BR></span> <BR><BR><iframe src ='http://www.boondi.lk/CTRLPannel/BlogHitter.php?ArtID=4658' scrolling='no' frameborder='0' style='border:none; overflow:hidden; width:300px; height:30px;' allowTransparency='true'>></iframe><BR><div class="blogger-post-footer">බූන්දි - අකුරු අනුරාගිකයි - විඳීම් ඉන්ද්‍රජාලිකයි</div>BoondiOnLinehttp://www.blogger.com/profile/04246852882496903111noreply@blogger.comtag:blogger.com,1999:blog-8989665043267507050.post-24756319892837720992015-06-14T17:24:00.001-07:002015-06-14T17:24:17.989-07:00<img border='0' src=http://www.boondi.lk/CTRLPannel/ArticleImages/KAVI/You-Hold-My-Heart.jpg width=481 height=333 align='center'><BR><span style='font-size:120%;'><BR>පරවුනත් මලක නො සිඳෙයි තුරු මුල් දැරූ දුක් කඳ <br />සිරකළත් සඳ ගිර’ගක කිරණ සඟවනු කෙලෙසද <br />පෙරඹරක පින්න අරගෙන රාත්‍රිය සැඟව යන කොට <br />පර නොවුණු කවි වස්සමි ඔබ ඇවිත් ඉන්න අහසට <br /> <br />අමුණා පෙඳෙන් පෙඳ ගෙන දැඩි කළ සුපෙම් විහඟුන්ට <br />සරනා මිසෙක සිත් ගැබ තව සුව වෙත් ද විඳගන්ට <br />මියෙනා ලොවක හැම දෙය පෙමත් අනියතැයි නො කියන්න <br />සිඳුණා වුනත් නියඟෙක ගඟකට හැකිද නවතින්න <br /> <br />නිල් දිය සරැලී නංවා හිම කැටි දියව ගලා යන <br />මල් අරන් දෑතට වසන්තය ඇවිදින් සිනාසෙන <br />මල් පෙති පරව එළඹෙන නිහඬ දවසක උදෑසන <br />සමුගත යුතු නොවෙද අප දෑසම තදින් වසාගෙන <br /> <br />පෙත්තෙන් පෙත්ත පීදෙන රුසිරු ජීවන මල්කම <br />ගෙත්තම් කළේ හෙමිහිට ප්‍රේමයේ හිතවත්කම <br />ඇත්නම් යමක් රැකගත් එක්ව ඇඳි ඒ සිත්තම <br />ඇත්තයි මියෙන මොහොතක ඔබ තමයි මගෙ වත්කම<BR><BR><img src='http://www.boondi.lk/CTRLPannel/SupportiveImages/PenIcon.jpg' width='12' height='16' /> මාලතී කල්පනා ඇම්බ්‍රෝස්<BR></span> <BR><BR><iframe src ='http://www.boondi.lk/CTRLPannel/BlogHitter.php?ArtID=4648' scrolling='no' frameborder='0' style='border:none; overflow:hidden; width:300px; height:30px;' allowTransparency='true'>></iframe><BR><div class="blogger-post-footer">බූන්දි - අකුරු අනුරාගිකයි - විඳීම් ඉන්ද්‍රජාලිකයි</div>BoondiOnLinehttp://www.blogger.com/profile/04246852882496903111noreply@blogger.comtag:blogger.com,1999:blog-8989665043267507050.post-29674274408903066172015-06-14T17:23:00.003-07:002015-06-14T17:23:41.578-07:00<img border='0' src=http://www.boondi.lk/CTRLPannel/ArticleImages/PARI/Abraham-Lincoln.jpg width=479 height=334 align='center'><BR><span style='font-size:120%;'><BR>නියමුවාණෙනි අහෝ මා නියමුවාණෙනි ! අපේ බියකුරු ගමන දැන් අවසන්ය, <br />ගමන් කර ඇත නැව පරයමින් සියලු අනතුරු, අප සෙවූ දිනුම දැන් අප සතුය <br />නැව්තොට නුදුරේය, ඇසේ ඝණ්ටා නාදය, මිනිසුන් නගන සැටි ජයගොස <br />නෙත් හෙලමි නොසෙල්වෙන නැව්තලය දෙස, නිර්භයය සැඩය නෞකාවේ පෙනුම <br /> <br />එනමුදු අහෝ හදවත ! මා හදවත <br />මා නියමුවාණන් ශීතල මළසිරුර <br />වැදහොත් නැව්තලය මත <br />අහෝ ! රතුවන් ලේ බිඳු වැගිරේය <br /> <br />නියමුවාණෙනි අහෝ මා නියමුවාණෙනි ! සවන් දෙනු මැන නැගී ඝණ්ටා නදට; <br />නැගී සිටිනු මැන ඉදින්- මේ ධජය ලෙලෙන්නේ, බියුගලය වැයෙන්නේ නිසා ඔබ වෙනුවෙන්ම, <br />මේ මල් පොකුරු, මල් කලබ- රොද බඳින මේ මිනිස් කැළ නිසා ඔබ වෙනුවෙන්ම, <br />හිසො’සවා බලමින්, ඔබට හඬ ගසමින්, තෙරපෙන ජන ගඟ නිසා ඔබ වෙනුවෙන්ම. <br /> <br />නියමුවාණෙනි, ආදර පියාණෙනි! <br />හිසට යටවූ ඔබේ මේ හස්තය! <br />දකින්නේ මා සිහිනයක්දෝ නැව්තලය මත <br />වැතිර ඇති සැටි ඔබ ශීතල මළසිරුර <br /> <br />පිළිතුරු නොදේ මා නියමුවාණන්, නිසලය සුදුමැලිය ඔහු දෙඅදර <br />නොදැනේ ඔහුට මාගේ ස්පර්ශය, නැවතී ඇත ඔහු හදගැස්ම, සිතිවිලි, <br />ගමන් අවසන් කළ නැව, නැංගුරම් ලා ඇත සුරක්ෂිත ලෙස <br />බියකුරු ගමන නිමවා, සිය අරමුණ දිනා, නැව්තොටට පැමිණ ඇත නැව <br /> <br />අහෝ ජයගොස නගවු මිනිසුනි, නගවු ඝණ්ටා නද ඉතින් ! <br />මා නියමුවාණන් ශීතල මළසිරුර <br />වැදහොත් නැව්තලය මත <br />ඇවිද යමි මම දැඩි සොවින්. <br /> <br /><i><b>*-වෝල්ට් විට්මන් (1819-1892) ගේ 'O Captain! My Captain!' පද්‍යයෙහි සිංහල පරිවර්තනය</b></i> <br /> <br /><b>**********</b> <br /> <br />-<b>ඇමෙරිකා එක්සත් ජනපදයේ</b> දහසයවැනි ජනාධිපතිවරයා වූ <b>ඒබ්‍රහම් ලින්කන්</b> ඝාතනය කොට 2015 අප්‍රේල් 15 වැනිදාට වසර එකසිය පනහක් පිරිණි. වහල් මෙහෙය අවසන් කිරීමට විරුද්ධ වෙමින් දකුණේ ප්‍රාන්ත එකොළහක් ඇමෙරිකා එක්සත් ජනපදයෙන් වෙන්වීමට ගත් තීරණය හේතුවෙන් ඇමෙරිකාවේ උතුරුදිග ප්‍රාන්ත නියෝජනය කළ ඇමෙරිකා එක්සත් ජනපදයත් (United States of America) දකුණු දිග වෙන්වී ගිය ප්‍රාන්ත විසින් පිහිටුවා ගනු ලැබූ <b>ඇමෙරිකා සන්ධාන ජනපදය</b>ත් (Confederate States of America) අතර ඇමෙරිකානු සිවිල් යුද්ධය හටගත්තේය. 1861 සිට 1865 දක්වා පැවැති සිවිල් යුද්ධයේදී, වහල් මෙහෙය අවසන් කළ යුතුය යන මතයේ පිහිටා කටයුතු කළ එක්සත් ජනපදයට නායකත්වය දුන් ලින්කන් 1865 දී සන්ධාන ජනපදය පරදවා සිවිල් යුද්ධය ජයග්‍රහණය කළා පමණක් නොව ඇමෙරිකාව තුළ වහල් මෙහෙයද අවසන් කළේය. 1865 අප්‍රේල් 15 වැනිදා ලින්කන් ඝාතනය කෙරිණි. <br /> <br />ලින්කන්ගේ මරණයෙන් ප්‍රකම්පනයට පත් <b>වෝල්ට් විට්මන්</b> විසින් "O captain! my captain" නමැති මේ කවිය ලියන ලදී. සිවිල් යුද්ධය නමැති අනතුරුවලින් ගහණ සාගරයේ ඇමෙරිකා එක්සත් ජනපදය නමැති නෞකාව පදවා එය ගමනාන්තයට ළඟා කරවූ නියමුවෙකුට ලින්කන් මෙහිදී උපමා කෙරේ. <br /> <br />ඇමෙරිකානු කවීන් අතර ශ්‍රේෂ්ඨතම කවියෙකු වූ වෝල්ට් විට්මන් "නිදහස් පද්‍යයේ" පියා ලෙස සැලකේ. හෙතෙම, එතෙක් විරිතක් අනුයමින් ලියැවුණු ඉංගිරිසි කවිය විරිතකින් තොරව නිදහස් ලෙස රචනා කිරීමේ පුරෝගාමියා විය. වසර හැත්තෑ තුනක් වූ විට්මන්ගේ ජීවිත කාලය ඇතුළත හටගත් වැදගත්ම සිදුවීම වූයේ ඇමෙරිකානු සිවිල් යුද්ධයයි. සිවිල් යුද්ධ වකවානුවේදී හෙතෙම එක්සත් ජනපදයට දැඩි ලෙස සහයෝගය දැක්වීය. මුලදී ඔහු ජනාධිපති ලින්කන් ගැන එතරම් තැකීමක් නොකළ නමුදු යුද්ධය දිනෙන් දින ඇවිලී යත්ම ලින්කන්ට ඇලුම් කරන්නට පටන් ගත්තේය. කෙසේවුවද ඔවුන් දෙදෙනා කිසි දිනෙක එකිනෙකා මුණ ගැසී නැතැයි කියැවේ.<BR><BR><img src='http://www.boondi.lk/CTRLPannel/SupportiveImages/PenIcon.jpg' width='12' height='16' /> වෝල්ටර් විට්මන්<BR><img src='http://www.boondi.lk/CTRLPannel/SupportiveImages/TransIcon.jpg' width='12' height='16' /> පරිවර්තනය - නිලූක කදුරුගමුව<BR></span> <BR><BR><iframe src ='http://www.boondi.lk/CTRLPannel/BlogHitter.php?ArtID=4659' scrolling='no' frameborder='0' style='border:none; overflow:hidden; width:300px; height:30px;' allowTransparency='true'>></iframe><BR><div class="blogger-post-footer">බූන්දි - අකුරු අනුරාගිකයි - විඳීම් ඉන්ද්‍රජාලිකයි</div>BoondiOnLinehttp://www.blogger.com/profile/04246852882496903111noreply@blogger.comtag:blogger.com,1999:blog-8989665043267507050.post-49914400608197689372015-06-14T17:23:00.001-07:002015-06-14T17:23:09.437-07:00<img border='0' src=http://www.boondi.lk/CTRLPannel/ArticleImages/KAVI/Waiting-For-Love.jpg width=480 height=333 align='center'><BR><span style='font-size:120%;'><BR>අවසාන පිය ගැටය මත හිඳ <br />මම තාම මග බලමි කෝ නුඹ <br />නොබලාම මේ ඉසවු මග හැර <br />නුඹ කෝම ගියෙද සිඳ මුතුහර <br /> <br />ක්ෂිතිජ ඉම දැල්වුණ <br />තරු පහන් මුවා කරමින <br />නැගෙත උස් කලු කඩ තිර <br />සොයමි නුඹෙ තරු දෑස දස අත <br /> <br />තැනි මත අතුල සිතුවිලි <br />ගිනි වැද වුවද දුහුවිලි <br />තනි එක බිජුවටක මැසිවිලි <br />නසයි නිහඬතාවේ රුදුරු ගෙරවිලි <br /> <br />උත්තම පූජාවක නොනිමි අවසන <br />දුම් රැළි නගයි තවමත් පහන් තිර පෙළ <br />ඇසි පිය සළන එකමෙක නිමේෂෙක නුඹ <br />පෙනී නොපෙනී යන අරුමය කිම <br /> <br />අනන්තය බෝ දුරය නොම පෙනී <br />වසන්තය රුදුරු සිහිනයකැයි නොම දැනී <br />සරන්නට නොහැකි අත් තටු ඇත සිඳී <br />බලන් ඉමි තවම සිහිනයෙන් නොම මිදී<BR><BR><img src='http://www.boondi.lk/CTRLPannel/SupportiveImages/PenIcon.jpg' width='12' height='16' /> ජගත් ඡේ එදිරිසිංහ<BR></span> <BR><BR><iframe src ='http://www.boondi.lk/CTRLPannel/BlogHitter.php?ArtID=4670' scrolling='no' frameborder='0' style='border:none; overflow:hidden; width:300px; height:30px;' allowTransparency='true'>></iframe><BR><div class="blogger-post-footer">බූන්දි - අකුරු අනුරාගිකයි - විඳීම් ඉන්ද්‍රජාලිකයි</div>BoondiOnLinehttp://www.blogger.com/profile/04246852882496903111noreply@blogger.comtag:blogger.com,1999:blog-8989665043267507050.post-57670744805356240192015-06-14T17:22:00.001-07:002015-06-14T17:22:18.445-07:00<img border='0' src=http://www.boondi.lk/CTRLPannel/ArticleImages/KAVI/Secret-Love.jpg width=480 height=334 align='center'><BR><span style='font-size:120%;'><BR>හිරු සැඟව <br />ගිය බැවිනි <br />ඉඟිබිඟි ද <br />තරු ඇසිනි <br />නල නුරාගී <br />සරිනි <br />සඳ සරාගී <br />මතිනි <br /> <br />බඹර ගුමු ගුමු <br />නදිනි <br />තඹර සුපිපෙනු <br />නො මැති <br />රොනට රොද බැඳ <br />රැයෙහි <br />නඟනු බැරි <br />ගී මිහිරි <br /> <br />ලවන් මී රස <br />ගිහිණි <br />යහන් සදනුව <br />පෙමිනි <br />ලෙවන් ඇස <br />මග හැරෙන <br />පැයේ <br />හමුවනු මැනැවි ! <br /> <br /><font size='2'>සිතුවම - Hiroko Sakai </font><BR><BR><img src='http://www.boondi.lk/CTRLPannel/SupportiveImages/PenIcon.jpg' width='12' height='16' /> විජය නන්දන පෙරේරා<BR></span> <BR><BR><iframe src ='http://www.boondi.lk/CTRLPannel/BlogHitter.php?ArtID=4671' scrolling='no' frameborder='0' style='border:none; overflow:hidden; width:300px; height:30px;' allowTransparency='true'>></iframe><BR><div class="blogger-post-footer">බූන්දි - අකුරු අනුරාගිකයි - විඳීම් ඉන්ද්‍රජාලිකයි</div>BoondiOnLinehttp://www.blogger.com/profile/04246852882496903111noreply@blogger.comtag:blogger.com,1999:blog-8989665043267507050.post-74426665494884425512015-06-12T19:43:00.001-07:002015-06-12T19:48:18.026-07:00<img border='0' src=http://www.boondi.lk/CTRLPannel/ArticleImages/CADH/Selfie-Mania-And-Gappiya-Poson-Cartoon-IMG.jpg width=480 height=334 align='center'><BR><span style='font-size:120%;'><BR>ලංකේය ජාලගත අවකාශය තුළ <b>"ගප්පියා"</b> නොදන්නා කෙනෙකු නැති තරම්ය. ගප්පියා (<b>තරිඳු විජේසේකර</b>) සිය අදහස් පළ කිරීම සඳහා "අමුතු" වීඩියෝ නිර්මාණය කිරීමෙන් උපයා ගන්නා ලද කීර්තියක් ඇත්තෙකි. (බලන්න- <a target='_blank' href='https://www.youtube.com/user/gappiya'>ගප්පියා Youtube Channel</a>) <br /><br />සෙල්ලංකාර, විහිළුකාර <b>ගප්පියා</b> අද ආන්දෝලනාත්මක චරිතයක් වී ඇත. ඊට හේතුව ඔහු අන්තර්ජාලයෙහි පළකල චිත්‍රයකි. විශේෂත්වය නම්, ගප්පියාගේ මෙම චිත්‍රය සහ ඔහු විසින් මීටපෙර පළකර ඇති චිත්‍ර අතර විශාල පරස්පරයක් නොමැති වීමය. ඔහු තමන්ගේ හාස්‍ය ඉපැදවීමේ වීඩියෝ පට සහ චිත්‍ර, කාටූන් සදහා අවශ්‍ය ප්‍රස්තූතයන් සපයාගනුයේ එදිනෙදා ජීවිතයේ අත්දැකීම් තුළිනි. ඒ අතර අපගේ සංස්කෘතිය තුළ ඇති සමහරක් නිශේධනාත්මක කාරණාවන් ද හාස්‍යයට ලක් කෙරෙයි. සංක්‍රමණිකයෙකු ලෙස <b>ඕස්ට්‍රේලියා</b>වේ ගතකරන ජීවිතය තුළින් ලද ලද සුවිශේෂී අත්දැකීම් ද ඒ අතර වෙයි. <br /><br />ගප්පියා ගේ අළුත්ම චිත්‍රය <b>පොසොන් පොහොය දිනය</b> පාදක කොට ගෙන ඩිජිටල්කරණය වූ මනුෂ්‍ය ජීවිත පිළිබඳ අත්දැකීමක් උපහාසයට ලක්කිරීමකි. එහිදී ප්‍රශ්නකොට ඇත්තේ ඩිජිටල්ගත සමාජය මිසෙක <b>බුදුදහම</b> හෝ <b>මිහිඳු හිමියන්</b> නොවේ. මින් කියැවෙන උපහාසයට වඩා අද ඉස්මතුව පෙනෙන්නේ මෙම සිද්ධිය පාදක කොටගෙන ලියැවී අන්තර්ජාල සමාජ ජාල තුල පැතිර ගිය අපහාසජනක විහිළු තහළු හා සංවාද ය. <br /><br />කෙසේ වුවත්, හුදු අපහාසාත්මක චෝදනා හැරුණු විට මෙම සිද්ධිය පාදක කොටගෙන <b>ෆේස්බුක් ජාලය</b> තුළ හටගත් සංවාදය (එය 'වර්චුවල් කලහකාරී' තත්ත්වයකි) එක්තරා ආකාරයකට රසවත් ද විය. මේ සටහන ලියැවෙන්නේ ගප්පියා පිටුවේ පළකර ඇති අදහස් පාදක කරගෙන සිදුකළ නිරීක්ෂණ කිහිපයක් සඳහන් කිරීම සදහාය. <br /><br />මේ ලියන මොහොත වන විට ගප්පියාගේ චිත්‍රය පළ වී දින 2කට වඩා ගතවී ඇත. ඒ අතරතුර කාලය තුළ මෙම එම චිත්‍රය අැතුළත් සටහනට ප්‍රසාද ලකුණු (Likes) 2500කට අධික ප්‍රමාණයක් ලැබී ඇති අතර, අදහස් දැක්වීම් (Comments) 1400කට අධික ප්‍රමාණයක් ලියැවී තිබේ. මෙම සටහන විවිධ අයවළුන් විසින් 278 වතාවක් නැවත පළකර (Share කර) තිබේ. (<a target='_blank' href='https://www.facebook.com/gappiyapictures/photos/a.273477296098300.59002.114523228660375/762087967237228/?type=1&theater'>සබැඳිය</a>) <br /><br />විරෝධය පළකර අදහස් දක්වා තිබූ පිරිස් සමාජජාල සංවාදයක මතු නොව සාමාන්‍ය සංවරශීලී කතාබහක තිබිය යුතු මූලික සදාචාර කොන්දේසි පවා කඩකරමින් සිය අදහස් දක්වා ඇති ආකාරය දක්නට ලැබුණි. (මෙය අන්තර්ජාලයේ අදහස් පළකරන ලාංකිකයන් අතර බොහෝවිට ඉස්මතුවන සුලබ තත්වයක් බවට පත්වී තිබේ.) සමහර විරෝධතාකරුවෝ ගප්පියාගේ චිත්‍රයට විරෝධය පෑමට ඔහුගේ ප්‍රධාන ෆේස්බුක් පිටුවට දමා අැති ලයික්ස්, අන්ලයික් කරන ලෙස ඔහුගේ රසිකයින්ගෙන් ඉල්ලා තිබුණි. අන්තර්ජාලය තුළ යූටියුබ් හා ෆේස්බුක් සමාජ ජාල ප්‍රධානකොට ගෙන සිය රසික පදනම ගොඩනගාගෙන ඇති ගප්පියාට විරෝධය පෑමට තිබූ හොඳම ආකාරය ද මෙයයි. මන්ද එමගින් ඔහු විසින් ගොඩනගාගත් ජනප්‍රියත්වයට දැවැන්ත ප්‍රහාරයක් එල්ලවන බැවිනි. නමුත් සිදුව තිබුණේ දින දෙකක් තුළ දී ඔහුගේ පිටුවට වැටුන ලයික්ස් ප්‍රමාණය සියයට හාරසීයකින් (400%) වැඩිවීමයි. <br /><br />පළකරන ලද විරෝධාත්මක අදහස් බොහෝමයක ඇත්තේ වෛරය හා ක්‍රෝධය දැක්වෙන අදහස්ය. හුදෙක් අපහාසය හා පාගා දැමීමම නොව, ගප්පියාගේ ක්‍රියාව වැරදි බවත් එය නිවැරැදි කරවීමට අවශ්‍ය බවත් විශ්වාස කරන රසිකයින් පිරිසක් ද ඒ අතර සිටින බව පෙනෙයි. එසේ වුවත් <b>බෞද්ධාගම</b>ට සංකේතාත්මක වැදගත්කමක් ඇති පොසොන් පොහොය දිනයේ වෛරයෙන් හා ක්‍රෝධයෙන් විරෝධය පළකිරීම නිවැරැදි නොවේ යයි කියැවෙන ශක්තිමත් අදහස් දැක්වීම ඒ අතරින් ඉස්මතු වී නොතිබුණි. අදහස් දැක්වීම් 1400කට වඩා තිබුණ ද විරෝධතා අදහස් දැක්වීමට දායක වූ පිරිස සංඛ්‍යාත්මකව එතරම් විශාල නොවේ. වෛරයෙන් ඇලලී ගොස් සිටි සමහර පුද්ගලයෝ දස වතාවකටත් වඩා පුන පුනා අදහස් පළකර තිබුණි. ඒ අනුව වැඩි ප්‍රමාණයක් වන විරෝධාත්මක අදහස් උත්පාදනය වී තිබුණේ සුළු පිරිසක් අතිනි. <br /><br />සමාජ ජාලා වෙබ් අඩවි වල ප්‍රතිචාර (Comments) තුලින් අදහස් පළකරන පිරිස් ක්‍රියාකාරී හෝ වාචික (Vocal) පිරිස ලෙස හැඳින්විය හැකි අතර "Like" සහ "Share" කරන පිරිස් හුදු නිරීක්ෂකයින් හෝ නරඹන්නන් (Observers) ලෙස හැඳින්විය හැක. අදහස් පළකරන පිරිස දැනුවත්ව හෝ නොදැනුවත්ව නරඹන පිරිසගේ හැඟීම් වෙත බලපෑමක් සිදු කරති. Like කරන සහ Share කරන පිරිස් වෙතින් කෙරෙන්නේ අන් කිසිවකුගේ පණිවුඩයක් සන්නිවේදනය කිරීමට සහ ප්‍රචාරය කිරීමට දායක වීමයි. Dislike (අකමැත්ත) ප්‍රකාශ කිරීමට ලයික් කිරීම පමණටම ක්ෂණික ක්‍රමවේදයක් ෆේස්බුක් ජාලය තුල නොතිබීම මේ ක්‍රියාවේ දී යම් අාකාරයක සීමාවක් පනවයි. <br /><br />ගප්පියාගේ සටහනට ලැබී ඇති ප්‍රතිචාර නිරීක්ෂණය කිරීමෙන් පෙනීයන තවත් කාරණයක් නම් ඔහුගේ රසිකයින් නොවුණු පිරිස් ද සිය අකමැත්ත ප්‍රකාශ කරමින් අදහස් ප්‍රකාශ කරනු දක්නට ලැබීමයි. මේ අනුව ඩිස්ලයික් කිරීමේ සෘජු ක්‍රමවේදයක් නොවුන ද, මෙම සටහන වෙනුවෙන් විරෝධය දක්වන බොහෝ පිරිස් තමන්ට හැකි මොනයම්ම හෝ ආකාරයකින් සිය විරෝධාකල්ප අදහස් පළකරනවා අැතැයි සිතන්නට පුළුවන. <br /><br />ඉහත නිරීක්ෂණයන්ට අනුව එළැඹිය හැකි එක් නිගමනයක් නම් සැබැවින්ම මෙම චිත්‍රය අගයන පිරිස එය ගරහන පිරිසට වඩා සංඛ්‍යාත්මකව වැඩි බවයි. එහෙත් ගරහන්න්ගේ වෛරී හා අසභ්‍ය ප්‍රකාශයන් පිළිබඳ පිළිකුලෙන් බොහෝ පිරිස් අදහස් දැක්වීමෙන් වැලකුණු බව ද එ් බොහෝ දෙනෙක් තමන්ගේ අනුමැතිය ලයික් එකක් මගින් පමණක් ප්‍රකාශ කර අැති බවද පෙනේ. <br /><br />කිසියම් මතයක් හෝ සිද්ධියක් අරඹයා තමන්ගේ මතවාදයට හෝ විශ්වාසයට අනුකූලව කැමැත්ත හෝ විරෝධය පළ කිරීමට ඇති ඉඩකඩ ප්‍රජාතන්ත්‍රවාදී සමාජයක ලක්ෂණයක් වන අතර, අදහස් දැක්වීමෙන් නොනැවතී ප්‍රචණ්ඩකාරී හා වෛරීසහගත ප්‍රකාශයන් සිදුකිරීම ප්‍රජාතන්ත්‍රවාදී ක්‍රියාවක් ලෙස කිසි ලෙසකින්වත් පිළිගත නොහැකිය. වෛරීසහගත ප්‍රකාශ වලිනුත් එහා ගොස් පෞද්ගලික නින්දා, අපහාස සහ මරණ තර්ජන එල්ලකිරීම නම් සදාචාර විරෝධී පමණක් නොව නිතී විරෝධී ද ක්‍රියාවකි. ජාතිවාදී, වර්ගවාදී අදහස් මූලිකකොට ඇතිවූ තත්ත්වයන් වලදී ෆේස්බුක් සහ බ්ලොග් අඩවි වල මෙවැනි තත්ත්වයක් හට ගැනීම පසුගිය කාලය තුල දිගින් දිගටම දක්නට හැකිවිය. <br /><br />එදිනෙදා සමාජය තුළ සිදුවන ක්‍රියකාරීත්වයක් හා සමපාත කොට මෙම සිදුවීම නිරීක්ෂණය කිරීමේදී ද, බහුතරයක් ප්‍රජාතන්ත්‍රවාදය ආරක්ෂා කරමින්, සදාචාර සීමාවන් බිදනොවැටෙන ලෙසින් ක්‍රියාකරන විටෙක, අධි ක්‍රියාත්මක සුළුතරයක් අනෙක් සියල්ලන්ගේ අයිතීන් ඉක්මවා යමින් හිංසාවාදී හා ප්‍රචණ්ඩකාරී වීමත් දක්නට හැකිවේ. ලාංකික ඉතිහාසයේ කළු අකුරින් සටහන්වූ 1983 <b>කළු ජූලිය</b> හෝ පසුගිය වසරේදී <b>අලුත්ගම, ධර්ගා නගරය</b> ආශ්‍රිතව ඇතිවූ මුස්ලිම් විරෝධී කලකෝලාහල වලදී ද සිදුවූ යේ ද ප්‍රජාතන්ත්‍ර විරෝධී සුළුතර පිරිසක් විසින් සිදු කරන ලද ප්‍රචණ්ඩ ක්‍රියාවල් මගින් නිශ්ශබ්ද සුළුතරයේ ප්‍රජාතාන්ත්‍රික ආස්ථානය බලහත්කාරයෙන් යටපත් කරනු ලැබීමයි. <br /><br />සමාජයේ එදිනෙදා යහපැවැත්ම වෙනුවෙන් පොදුවේ පිළිගත් සදාචාර සීමාවන් පිළිනොගන්නා පිරිස් පාලනය කිරීමට නීති සම්පාදනය කිරීම අත්‍යවශ්‍යව ඇත. ගප්පියාගේ සටහනට එදිරිව අදහස් දැක්වූ පිරිස් මරණ තර්ජන, පුද්ගලික මඩ අපවාද වලට අමතරව, ඔහුට නැවතත් ලංකාවට නොපැමිණෙන ලෙසට ද තර්ජනය කර තිබේ. <br /><br />මෙම සිදුවීම සම්බන්ධයෙන් බොහෝමයක් ජනප්‍රිය ෆේස්බුක් පිටුවලින් ද ප්‍රතිචාර ලැබීම සුවිශේෂී කාරණයකි. මෙම පිටු ගප්පියා පිටුවටත් වඩා වැඩි රසිකයින් ප්‍රමාණයක් සිටි ඒවා වන අතර, එවැනි තත්වයක් යටතේ දී පවා සමහර ජනප්‍රිය සංස්කාරකවරුන් මූලික සදාචාර සීමාවන් ඉක්මවා කටයුතු කිරීම කණගාටුවට කරුණකි. <br /><br />සමාජජාල වෙබ් අවඩියක් යනු වර්චුවල් සමාජයකි. සාමාන්‍ය සමාජයේ සිදුවන කටයුතුම වෙනත් යාන්ත්‍රණයකින් එහිදී ද සිදුවේ. අන්තර්ජාල සමාජජාලයන්ට අාවේණික වූ ද එහි පැවැත්මේ මූලික පදනම ද වූ ප්‍රජාතාන්ත්‍රීය බව සහ බාධාරහිත බව සාමාන්‍ය සමාජය තුල පවත්නා ප්‍රජාතන්ත්‍රවාදී සංකල්පය තීව්‍ර කරවීමට අසාමාන්‍ය දායකත්වයක් ලබා දී තිබේ. ලාංකික බිමේ ප්‍රජාතන්ත්‍රවාදය මායිම් නොකරන තැන් එමට සේම සිංහල ෆෙස්බුක් සමාජය තුළද එවැනි දූපත් ඕනෑතරම් දක්නට ඇත. වඩා ශිෂ්ඨචාර සම්පන්න වන්නේ ප්‍රතිමතවාදීන් ප්‍රචණ්ඩත්වයෙන් පාගාදාමා විනාශ කිරීම නොව සමූහයක් ලෙස එක්වී වඩාත් සාධාරණ සහ නිදහස් සංකල්ප වෙනුවෙන් නැගී සිටීම බව මතක් කර දිය යුතු කාරණයක් නොවේ. <br /><br />නැවතත් ගප්පියා වෙත පැමිණියහොත්, මෙම චිත්‍රය <b>තරිඳු විජේසේකර</b>ගේ (<b>ගප්පියා</b>ගේ) ජීවිතයේ තීරණාත්මක සන්ධිස්ථානයක් සළකුණු කරනු ඇත. ඔහු හුදු විහිළුකාරයෙකුට වඩා යමෙකි. සිය පටු අාකල්ප හා මතවාදයන් හා සමපාත වන තාක් කල් ගප්පියාගේ නිර්මාණ තුල හාස්‍යය පමණක් නොව ප්‍රජාතන්ත්‍රවාදය ද දුටු ලාංකික ෆේස්බුක් ප්‍රජාවේ සමහර ක්‍රියාකාරීන්ට සිය නිර්මාණ ලාබ සමාජ අාකර්ශණය අරභයා කෙරෙන හුදු ‘ජෝක්’ හෝ ‘ෆන්’ ගැනීම් පමණක්ම නොවන බව ඔහු පෙන්වා දී අැත. <br /><br />අවසාන වශයෙන් කලහකාරී සුළුතරයකට ප්‍රජාතාන්ත්‍රික බහුතරය පාගා සිටීමට අප ඉඩදී අැත්තේ අැයි ද යන ප්‍රශ්නය නැවත සිතාබැලිය යුතුමය. නොඑසේ නම් වර්චුවල් සමාජය තුළ පමණක් නොව අප ජීවත් වන මහපොළොව මත ද ප්‍රජාතාන්ත්‍රික ප්‍රතිපත්ති අගයන අප කිසිසේත්ම වගකිව නොයුතු කළු පැල්ලම් අපේ නමින් ලියැවීම නැවතිය නොහැකි වනු ඇත. <br /><br />ගප්පියාගේ චිත්‍රය පිළිබඳව ලියවුණු බොහෝ වෛරී සටහන් තුලින් ඉදිරිපත්කර තිබූ සියළුම ද්වේෂසහගත ප්‍රශ්න වලට පිළිතුරු, ගප්පියාට පක්ෂව ලියවුණු පහත උපුටා දැක්වෙන සටහන්වල ගැබ්වූ අදහස් අතර කැටි වී තිබේ. <br /><br /><i><b>Waruna Sudantha Herath- </b>ගප්පියාගේ ජෝක් එක නොතේරුනු තලේබාන් පන්නයේ ප්‍රතිචාරයන් කියවද්දි දැනුනේ දුකකට වඩා අනාගතය පිළිබඳව බියකි. අවම තරමෙන් ගප්පියා කියන්නේ මොකක්දැයි තේරුම් ගැනීමටවත් උත්සාහ නොකර ඌව කන්නට බුරාගෙන පනින බෞද්ධයින්ගෙ ඇසීමට ඇත්තේ එකම ප්‍රශ්නයකි. අද පොසොන් පෝය දිනයයි. ශ්‍රී ලාංකීක බෞද්ධයින්ට සුවිශේෂම දිනයයි. එදිනටවත් පන්සලකට ගොස් බණක් භාවනාවක් නොකර බුකියේ වයිරය වෑහෙන කමෙන්ට් වැක්කිරීමෙන් බලාපොරොත්තුවන අධ්‍යාත්මික සුවය කුමක්ද? (සිංහල බෞද්ධයින් යැයි කියාගන්නා උඹලා සහ අන්තවාදී මුසල්මානුවන් අතර මට නම් අබැටක තරමකවත් වෙනසක් කිව නොහැකිය.) <br /><br /><b>සුජීව කොකාවල-</b> දැන් මේ පින්තුරේ කරන්නෙත් ගප්පියා කරන දේ මයි. මෙතැනදීත් වෙනත් සාමාජීය කාරනාවක් ගැන උපහාසයකට පොසොන් සංකේත යොදාගන්නවා. කිසිම ආගමික අපහාසයකින් තොරව. මේක ශෙයා කරනවා සිංහල බෞද්ධ කියන බොහෝ දෙනෙක්. ඒක කිසිම අවුලක් නැහැ කාටවත් <br /><br /><b>Bo Sedkid-</b> මම උඹේ හැම post එකක්ම බලනවා. උඹ වගේ කොන්ඩේ පීරුව, රැවුල වැවුව . දැන් සුද්දියෙක් කොහොමහරි හොයාගන්න ඉන්නේ බඳින්න. මට gangsta රත්නේගේ raps කටපාඩම්. හැබැයි මේක.... මගේ හිත පෑරුවා ගප්පියා. උඹ තමා මේ කාලේ පහල වෙච්ච දේවදත්ත. මේක හින්ද බුදුදහම අදින් පස්සේ විනාස වේවි. මොකද අපේ රටේ එවුන් films බලල පොස්ට් කියවල නරක් වෙන්න තරම් බබ්බු. <br /><br /><b>Dishani Bandaranayake-</b> ගප්පියාට බැණ මෙහි කමෙන්ට් දාන "බවුද්දයන්" ගෙන් තරම් මේ පෝස්ට් එකෙන් බුදු දහමට සිදු වන අපහාසයක් නැත! <br /><br /><b>Gayan JB-</b> ගප්පියා කියන්න හැදුවේ අද හැමෝටම සෙල්ෆි මේනියාව තියනවා කියලා හරිම සරලව... ඒක දැකපු විදිහ වැරදි ඇති මිනිස්සු. ගප්පියෝ..... පන්සිල් පද පහ රකින්නේ නැති එවුන් අද බොරුවට කෑ ගහනව උන් රහත් වෙලා වගේ... උඹ තෝරාගත්තු මාතෘකාව වැරදි ඇති.. උඹ ඒකට නිහතමානීව සමාව ගත්තා... ඒත් උඹ දැන් එක දෙයක් මතක තියාගනින්.... මිනිස්සුන්ට හොඳ 1000ක් කරත් වැඩක් නැහැ, එක වැරැද්දක් දැක්කොත් ඒ මිනිස්සු අර හොඳ 1000ම අමතක කරලා එක වැරැද්ද පොලිෂ් කරන්න දන්නවා කියලා.... <br />උඹට පුලුවන් ගප්පියා.... උඹ උඹේ ගමන පලයන්.... <br /><br />A- මචන් ගෙදර කව්රුත් පන්සල් ගිහින්, ගල් භාගයක් තියෙනවා ගහමුද? <br />B- පොඩ්ඩක් ඉඳපන්, මේ ගප්පියා පොසොන් එකට ෆොටෝ එකක් දාල, මුට කුණුහරුපෙන් දෙකක් කියල කමෙන්ට් එකක් දාල එන්නම්... </i><BR><BR><img src='http://www.boondi.lk/CTRLPannel/SupportiveImages/PenIcon.jpg' width='12' height='16' /> සංඛ කිරිඳිවැල<BR></span> <BR><BR><iframe src ='http://www.boondi.lk/CTRLPannel/BlogHitter.php?ArtID=4673' scrolling='no' frameborder='0' style='border:none; overflow:hidden; width:300px; height:30px;' allowTransparency='true'>></iframe><BR><div class="blogger-post-footer">බූන්දි - අකුරු අනුරාගිකයි - විඳීම් ඉන්ද්‍රජාලිකයි</div>BoondiOnLinehttp://www.blogger.com/profile/04246852882496903111noreply@blogger.comtag:blogger.com,1999:blog-8989665043267507050.post-71713373544341618542015-06-12T18:32:00.001-07:002015-06-12T18:32:19.234-07:00<img border='0' src=http://www.boondi.lk/CTRLPannel/ArticleImages/SFTR/Sex-Equaility-In-Prehistoric-Society-By-Hannah-Devlin.jpg width=479 height=333 align='center'><BR><span style='font-size:120%;'>[<a target='_blank' href='http://http://www.theguardian.com/'>The Gaurdian</a> වෙබ් අඩවියේ පළ වූ <a target='_blank' href='http://www.theguardian.com/science/2015/may/14/early-men-women-equal-scientists'>"Early men and women were equal, say scientists"</a> ලිපියේ පරිවර්තනයකි.]<BR><BR>නූතනයේ සිටින සමානාත්මතා පදනමක් යටතේ සංවිධානය වූ <b>දඩකරු- අන්න ගවේශී</b> කණ්ඩායම් පිළිබද කළ අධ්‍යයනයකින් සමාජ අසමතුලිතතාව යනු කෘෂිකාර්මික ජීවන රටාවත් සමග මතුවූ මානව සමාජය නොමග යැවීමක් බව විද්‍යාඥයින් පෙන්වා දෙයි. <br /> <br />අපගේ මුතුන් මිත්තන් නිරන්තරයෙන් නිරූපණය කර ඇත්තේ හෙලි අතින් දරාගත් ම්ලේච්ඡයන් ආකාරයටය. එහෙත් මුල්කාලීන මානව සමාජ සමානාත්මතා මුලධර්මයන් මත සවිඥානිකව සැකසුන බව විද්‍යාඥයින් විසින් දක්වන නවතම මතයන්ට අනුව පැහැදිලිවේ. <br /> <br />මේ පිළිබද කළ අධ්‍යයනයක් මගින් සමකාලීන <b>දඩකරු- අන්න ගවේශී ගෝත්‍ර වල</b> ස්ත්‍රී සහ පුරුෂ යන දෙගොල්ලෝම ඔවුන්ගේ කණ්ඩායම් ජීවිතයට සහ ඔවුන් සමග ජීවත් වූවන්ට සමාන බලපෑමක් කිරීමට පෙළඹවීමක් පැවති පෙන්වා දෙයි. මෙමගින් සොයාගත් සාධක වලින් ලිංගික සමානාත්මතාව යනු මෑත කාලීන සොයාගැනිමක් යන අදහස අභියෝගයට ලක් කරන අතර එයින් ගම්‍ය වන්නේ අපගේ පරිණාමීය ඉතිහාසය මුළුල්ලේම එය මානව ධර්මතාවක් වශයෙන් පැවතුන බවයි. <br /> <br />මෙම අධ්‍යයනය මෙහෙය වූ University College London හි සේවය කරන <b>මාර්ක් ඩිබල්</b> පැවසුවේ <b>"දඩකරු- අන්න ගවේශකයන් යනු හැඩි දැඩි පුරුෂෝත්තමවාදී කොටසක් යන මතය පොදුවේ පිළිගන්නා අදහසක් මෙන්ම එය පැවතියේ කෘෂිකර්මාන්තය සදහා නැඔුරු වීම තෙක් වන අතර මිනිසුන් සම්පත් ඒක රාශී කිරීමට පටන්ගත් පසු සමාජ විෂමතාව සදහා අඩි තාලම වැටුනු බවයි"</b>. <br /> <br />එහෙත් <b>ඩිබ්ල්</b> තවදුරටත් පැසුවේ නවතම සොයාගැනීම් වලින් ලිංගිකත්වයන් අතර පැවති සමානකම් මානව සමාජය සහ පරිනාමීය හැඩගැන්වූ ඒ සදහා ඉතා වැදගත් වූ සහ නොනැසී පැවතීම සදහා ප්‍රයෝජනවත් වූ දෙයක් බවයි. <b>"ලිංගික සමානාත්මතාව, මානව ගතිලක්ෂණයන් වශයෙන් දැක්විය හැකි යුගල බැදීම් විශාල සමාජීය මස්තිෂ්ක සහ භාෂාව වැනි දේ ඇතුළු සමාජීය සංවිධාන වල ඇති වූ ඉතා වැදගත් විපර්යයන් සදහා හේතූ වූ සාධක වලින් එකක්"</b> යනුවෙන් ඒ පිළිබද තවදුරටත් විස්තර කළේය. එය මීට පෙර ඒ පිළිබද කතා බහට ලක්නොවූ වැදගත් දෙයක් බව ද ඔහු සිහිපත් කළේය. <br /> <br />මෙම අධ්‍යයන ප්‍රතිඵල <a target='_blank' href='http://www.sciencemag.org/content/348/6236/796'>Science </a> සඟරාවේ පළවූ අතර එමගින් විමර්ශනය කර තිබුනේ දඩකරු- අන්න ගවේශී සමාජ වල සිටින මිනිසුන් පවුලේ සාමාජිකයින් සමග ජීවත් වීමට වැඩි කැමත්තක් දැක්වුව ද ප්‍රායෝගිකව ඔවුන් ජීවත්වන කණ්ඩායම් වලට ඇතුළත් වන්නේ ඉතා සමීප පුද්ගලයින් පමණක් වීම යන දෘශ්‍යමාන විරුද්ධභාසය ගැන විමර්ශනය කිරීමයි. <br /> <br />විද්‍යාඥයින් විසින් <b>දඩකරු- අන්න ගවේශී</b> කණ්ඩායම් දෙකක ජානමය දත්ත එකතු කළ අතර ඉන් එකක් <b>කොන්ගෝවේ</b> සිටින ගෝත්‍රයක් වන අතර අනික <b>පිලීපීනයේ</b> ජීවත් වන ගෝත්‍රයකි. ඔවුන් විසින් එම ගෝත්‍ර සමග සිය ගණනකට ආසන්නව කළ සම්මුඛ සාකච්ඡා වලින් ඔවුන්ගේ ඥාති සබදතා, කඳවුරු අතර සිදුවන මාරුවීම් සහ ජනාවාස රටාවන් පිළිබද විස්තර ද එකතු කරන ලදී. මෙම‍ ගෝත්‍ර දෙකේ ම සිටින ගෝත්‍රිකයින් උපරිම වශයෙන් පුද්ගලයින් 20 දෙනෙකුගෙන් යුත් කණ්ඩායම් වල ජීවත් වීමට සහ දවස් 10 කට සැරයක් තැනින් තැනට යමින් සතුන් දඩයම් කරමින්, මසුන් මරමින් සහ පළතුරු සහ එළවලු මෙන්ම පැනි එකතු කරමින් ජීවත් වීමට රුචිකත්වයක් දැක්වූහ. <br /> <br />විද්‍යාඥයින් විසින් ඔවුන් කඳවුරු තෝරාගන්නා ආකාරය ගැන පැහැදිලි කරගැනීමට පරිගණක ආකෘතියක් සකස් කරන ලදි. මෙහි දී මිනිසුන් හිස් කඳවුරක නැවතීමට කැමති වන්නේ ඔවුන්ගේ සමීපතම ඥාතීන්, සහෝදර‍සහෝදරියන්, දෙමව්පියන් සහ ළමයින් සමග පමණක් බව යන උපකල්පනය මත එකී සමාකරණය පදනම් විය. <br /> <br />පුරුෂෝත්තමවාදී එඬේර හෝ ගෙවතු වගා කටයුතු සම්බන්ධ සමාජ වල නිරන්තරයෙන් දැකිය හැකි පරිදි එක් ලිංගික කණ්ඩායමක් එකී ක්‍රියාවලිය සම්බන්ධයෙන් බලපෑමක් ඇති කරන විට එකිනෙකාට ඥාතිත්වයක් ඇති තදබදයෙන් යුත් පුද්ගල කේන්ද්‍ර බිහිවිය. කෙසේ හෝ, පුරුෂයන්ට සහ ස්ත්‍රීන්ට සම බලපෑමක් කිරීමට අවස්ථාව පැවති විට එකිනෙකාට ඥාතිත්වයක් දැරූ පුද්ගලයින්ගේ සාමාන්‍ය අගය අඩුවන බව අනුමාන කෙරිනි. මෙය අධ්‍යනයට ලක් කළ ජන කණ්ඩායම් වලට ඉතා සමීප ලක්ෂණ දරයි. <br /> <br /><b>ඩිබ්ල්</b> අදහස් දැක්වූයේ <b>"තමන් ජීවත්වන පුද්ගලයින් කෙරෙහි බලපෑම පුරුෂයින්ට පමණක් සතුවූ විට, ඕනෑම සමාජයක කේන්ද්‍රය සකස් වන්නේ ඉතා සමීප පුරුෂයින්ගෙත් යුත් සංකීර්ණ ජාලයකින් වන අතර ඔවුන්ගේ භාර්යාවන් සැමවිටම සිටින්නේ එහි පරිධියේ වන අතර පුරුෂයින් සහ ස්ත්‍රීන් යන දෙවර්ගයම එය තීරණය කළහොත් එවිට සහෝදරයින් හතර පස්දෙනෙක්ගෙන් යුත් කණ්ඩායමක් එකට ජීවත් වීමට සිදුනොවනු ඇති"</b> බවයි. <br /> <br />මෙම පර්යේෂකයින් විසින් දක්වන්නේ ලිංගික සමානාත්මතාව සෑම පුරාණ මානව සමාජයකම පරිනාමීය ක්‍රියාවලිය සදහා ප්‍රතිලාභයක් වු බවයි. එමගින් ඥාතිත්වයක් නොදැරූ පුද්ගලයින් අතර වඩා සමීප සහයෝගීතාවක් සහ ඔවුන් අතර පැවති සමාජීය ජාලයන් වඩා පුළුල් පරාසයක් දක්වා වර්ධනය කිරීමට පිටිවහලක් වන්නට ඇත. <b>"සහකරුවන් තෝරාගැනීමේ අවස්ථාව පුළුල් වත්ම සමාජීය ජාලයන් වඩා පුළුල් වන අතරම අන්තර්ජනනය කිරීම නොවැදගත් සාධකයක් වනු ඇති"</b> බව <b>ඩිබ්ල්</b> විසින් දැක්වූයේය. <b>"ඔබ පුද්ගලයින් වැඩි දෙනෙක් සමග මුහුවන විට ඔබට නව්‍යසොයාගැනීම් පිළිබද දැනුම හුවමාරු කරගත හැකියි. එය මානවයින් විසින් වඩා වැඩි ප්‍රාගුන්‍යයක් දක්වන කාර්යයක්."</b>ඔහු තව දුරටත් කීය. <br /> <br /><b>ඔක්ස්ෆර්ඩ් විශ්ව විදයාලයේ</b> සිටින චර්යාත්මක විද්‍යාඥයෙකු වන <b>ආචාර්ය ටමාස් ඩේවිඩ් බැරට්</b> (Tamas David- Barrett) මෙම පර්යේෂණ ප්‍රතිඵල හා එකඟ වන අතර ඔහු 'මෙය ඉතා පැහැදිලි ප්‍රතිඵලයක්' වන බව පැවසුවේය. <b>"ඔබට ඔබගේ ඥාතියෙකු සමග සම්බන්ධ වූ විට ඔබගේ සමාජ ජාලය වඩාත් පුළුල් වන අතර ඔබට ඒ සදහා අවශ්‍ය වන්නේ ඉදහිට උත්සවයකට හෝ දෙකකට සහභාගී වීම පමණි".</b> <br /> <br />මෙම අධ්‍යයනය තුළින් තවදුරටත් පැහැදිලි කරන්නේ සමාජ අසමතුලිතභාවය ඇති වූයේ මිනිසුන්ට පෞද්ගලික දේපල ඒකරාශීකරණය ආරම්භ කළ කෘෂිකාර්මික සමාජයේ උදාවත් සමග බවයි. <b>"පුරුෂයින්ට කාන්තාවන්ට වඩා බිරියන් බොහෝ ප්‍රමාණයක් ලබාගෙන ඔවුන්ගෙන් දරුවන් බිහිකර ගැනිමට හැකි වූ බව"</b> ඩිබ්ල් තව දුරටත් දක්වයි. සම්පත් ඒකරාශී කරගෙන ඥාති පුරුෂ පාර්ශවයන් සමග සහයෝගීතාවන් ගොඩනගා ගැනිම සදහා පුරුෂයින්ට වඩා වැඩි ගෙවීමක් කරන ලද බව ද ඔහු සඳහන් කළේය. <br /> <br /><b>ඩිබිල්</b> තවදුරටත් සදහන් කළේ සමානාත්මතා සමාජ යනු අපගේ මුතුන් මිත්තන් අපගේ වානර ඥාතීන්ගෙන් වෙන්කොට හඳුනා ගැනීම සදහා යොදාගත හැකි ඉතා වැදගත් සාධක වලින් එකක් බවයි. <b>"චිම්පන්සීන් ජීවත් වන්නේ පැහැලිව හදුනාගත හැකි ස්ථරායනයන් සහිත පිරිමි සතුන් ප්‍රමුඛ ඉතා ආවේගශීලී සමාජ වලය. එහි ප්‍රතිඵලයක් වශයෙන් ජීවන විධික්‍රමයන් ඉගෙන ගැනීම සදහා ඔවුන්ට වැඩිපුර වැඩිහිටි සාමාජිකයින් ඉතිරි වන්නේ නැත".</b> <br /> <br />අධ්‍යනයට ලක්කළ දඩකරු- අන්න ගවේශී කණ්ඩායම් පිළිබද කළ ගුණාත්මක නිරීක්ෂණයන් තුලින් මෙම සොයාගැනීම් වල වටිනාකම තවත් වැඩි කළේය. පිලිපීන ජනවර්ගය තුළ කාන්තාවන් දඩයම්කිරීම, පැණි එකතු කිරීම යන කටයුතු වල නිරත වූ අතර ශ්‍රම විභජනයක් තිබුන ද සමස්තයක් වශයෙන් පුරුෂයින් සහ කාන්තාවන් කඳවුර පෝෂණය කිරිම සදහා අවශ්‍ය කැලරි ප්‍රමාණය එකතු කිරීම සදහා සමසේ වෙහෙසෙයි. කණ්ඩායම් දෙක තුළම ඒක භාර්යා සේවනය ප්‍රධාන වූ අතර දරුවන් බලා ගැනීමේ කාර්යයන් වලදීද පිරිමි සක්‍රීය විය. <br /> <br />මෙම පර්යේෂණ පත්‍රිකාවේ අනෙක් ජ්‍යෙෂ්ඨ කතුවරයා වූ University College London හි <b>ඇන්ඩ්‍රියා මිගිලානෝ</b> පැවසුවේ <b>"අපගේ පරිණාමීය ඉතිහාසය තුළ ඥාති නොවන පුද්ගලයින් සමග ඇති කරගත් සහයෝගීතාව වැනි ඉතා අනර්ඝ මානව ලක්ෂණයන් අවබෝධ කරගැනීම සදහා මෙම ලිංගික සමානාත්මතාව පිලිබද අදහස් විශාල ආලෝකයක් සපයන"</b> බවයි.<BR><BR>Photograph- Everett Collection / Rex Features<BR><BR><img src='http://www.boondi.lk/CTRLPannel/SupportiveImages/PenIcon.jpg' width='12' height='16' /> හැනා ඩෙව්ලින්<BR><img src='http://www.boondi.lk/CTRLPannel/SupportiveImages/TransIcon.jpg' width='12' height='16' /> පරිවර්තනය - දිනේෂ් ඩී. දේවගේ<BR></span> <BR><BR><iframe src ='http://www.boondi.lk/CTRLPannel/BlogHitter.php?ArtID=4660' scrolling='no' frameborder='0' style='border:none; overflow:hidden; width:300px; height:30px;' allowTransparency='true'>></iframe><BR><div class="blogger-post-footer">බූන්දි - අකුරු අනුරාගිකයි - විඳීම් ඉන්ද්‍රජාලිකයි</div>BoondiOnLinehttp://www.blogger.com/profile/04246852882496903111noreply@blogger.comtag:blogger.com,1999:blog-8989665043267507050.post-41741098236762716412015-06-12T18:31:00.003-07:002015-06-12T18:31:49.696-07:00<img border='0' src=http://www.boondi.lk/CTRLPannel/ArticleImages/RANG/Somalatha-Subasinghe-Sri-Lankan-Dramatist-Actress-1.jpg width=480 height=334 align='center'><BR><span style='font-size:120%;'>ඉකුත් දා අප අතරින් සමුගත් නාට්‍යවේදනිය සෝමලතා සුබසිංහ පිළිබඳ ප්‍රසන්නජිත් අබේසූරිය සැකසූ ලිපියකි. 2015.06.07 දින රාවය පුවත්පතෙහි මෙම ලිපියේ සංක්ෂිප්තයක් පළ විය.<BR><BR>ප‍්‍රතිභාන්විත රංගන ශිල්පිනියක, නාට්‍ය රචිකාවියක, නාට්‍ය අධ්‍යක්‍ෂවරියක, රංගකලා ආචාර්යවරියක, රංගායතන අධ්‍යක්‍ෂිකාවක, නාට්‍ය හා රංගකලා අධ්‍යාපන ක්‍ෂේත‍්‍රයෙ හි උපදේශිකාවක වශයෙන් හා විශ්වවිද්‍යාල බාහිර කථිකාචාර්යවරියක වැනි නන් වැදෑරුම් අංශයන්ගෙන් දෙස් විදෙස් හි ඉටු කලා වූ සුවිශේෂී මෙහෙවර හේතුවෙන් සිංහල නාට්‍ය කලාවෙහි කාන්තා නියෝජනය තුළ අද්විතීය නාමයක් <b>සෝමලතා සුබසිංහ</b> නාට්‍යවේදනියට හිමිවන්නේ ය. <br /> <br /><b>සරච්චන්ද්‍රයන්</b>ගේ ශෛලිගත නාට්‍යයන් හි <b>නාට්‍යධර්මී ශෛලියෙන්</b> රංගනය ආරම්භ කළ ඇය, ස්වභාවිකත්වයට ලංවූ යථාර්ථවාදී ශෛලියෙන් නිර්මිත නාට්‍යවල <b>ලෝකධර්මී ශෛලියෙන්</b> ද එක සේ සාර්ථකව රංගනයේ යෙදුණේ සිංහල නාට්‍ය කලාවට අමරණීය චරිත රැසක් එක් කරමිනි. <br /> <br /><b>එලොව ගිහින් මෙලොව ආවා</b> නාට්‍යයේ <b>කලූහාමි</b>, <b>මූදු පුත්තු</b> නාට්‍යයේ <b>සරා</b>, <b>දිරිය මව</b> නාට්‍යයේ <b>දිරිය මව</b>, <b>චෙරි උයන</b> නාට්‍යයේ <b>රැනවෙස්කයා ආර්යාව</b>, <b>බර්නාඩාගේ සිපිරිගෙය</b> නාට්‍යයේ <b>බර්නාඩා</b> වැනි සංස්කෘතික, භූගෝලීය හා යුගයයන් වශයෙන් හා රංග ශෛලියෙන් එකිනෙකට පරස්පර වූ චරිත රැසක් ඇය වේදිකාව මත ප‍්‍රතිනිර්මාණය කළේ ඇයටම සුවිශේෂ වූ රංග මාධුර්යයක් හා රංග පෞරුෂයක් ද එක් කරමිනි. <br /> <br /><img border='1' src='http://www.boondi.lk/CTRLPannel/ArticleImages/RANG/Somalatha_Subasinghe_Sri_Lankan_Dramatist_Actress_9.jpg' width=586 height=341> <br /> <br />ශී‍්‍ර ලංකාව තුළ සැබෑ ළමා නාට්‍ය කලාවක් ස්ථාපිත කිරීමට ඇය තම පෞද්ගලික ධනය, ශ‍්‍රමය හා කාලය කැපකොට <b>ළමා හා යොවුන් නාට්‍ය ආයතනය</b> ආරම්භකර විශිෂ්ට ගණයේ ළමා නාට්‍ය රැසක් නිර්මාණය කිරීමෙන් ද, අනාගතයේ ශ‍්‍රී ලාංකේය නාට්‍ය කෙත අස්වැද්දීමට දැනුමින් හා දක්‍ෂතාවයෙන් සන්නද්ධ ශිල්පීන් රැසක් බිහි කිරීමෙන් ද ඇය සිංහල නාට්‍ය කලාවට සිදු කළ මෙහෙවර අපිරිමිත ය. වේදිකාව, සිනමාව, ටෙලිනාට්‍ය යන ත‍්‍රිවිධ මාධ්‍යයන්හි නිර්මාණ දායකත්වය සඳහාත්, අධ්‍යාපන ක්‍ෂේත‍්‍රයේ හා සාමාජයීය කාර්යයන්හි ද සිදු කළ මෙහෙවර වෙනුවෙන් ඇය දෙස් විදෙස් හි ගෞරව සම්මානයට හා උපහාරයට ලක් වූ අවස්ථා ගණනාවකි. <br /> <br />1936 වසරේ ජූලි මස 02 වැනි දින <b>ගම්පහ</b> දිස්ත‍්‍රික්කයේ <b>විගොඩ</b> ග‍්‍රාමයෙහි ජන්මය ලත් <b>සෝමලතා සුබසිංහ</b> එකල එම පළාතේ මහත් ගෞරවාදරය දිනා සිටි <b>දිවුලපිටිය පිරිමි පාසලේ</b> මුල්ගුරුවරයා වූ <b>දොන් ජගිලිස් සුබසිංහ</b> මහතාට හා දංකොටුව යෝගියානෙහි විසූ පාසල් ගුරුවරියක වූ <b>අගිදහාමි අමරසිංහ</b> මහත්මියට දාව උපන් තිදරුවන් ගෙන් මද්දුමී වූවා ය. වැඩිමල් සොහොයුරෙකු සහ බාල සොහොයුරියක සමඟ ගැමි පරිසරයක හැදී වැඞීම, සෝමලතා සුබසිංහගේ පසුකාලීන කලා දිවියේ පෝෂණයට මහත් පිටිවහලක් වී ඇත. <br /> <br />දිවුලපිටිය පාසලට ඇතුළත්ව අධ්‍යාපනයේ අත්පොත් තැබූ ඇය, තුන්වන පන්තියට සමත් වූ පසු එම පාසලේ අධ්‍යාපනය අතහැර දැමීමට සිදුවූයේ පියාට ලැබුණු ස්ථාන මාරුවක් හේතුවෙනි. අතිශය සුන්දර ගැමි පරිසරයක මවුපිය සොහොයුරු නෑදෑ සෙනෙහස හා සොබා සෞන්දර්යයේ මිහිර විඳිමින් ජීවත් වූ සෝමලතා දැරිය <b>කොළඹ මියුසියස් බාලිකා විද්‍යාලයේ</b> නේවාසිකාගාර ශිෂ්‍යාවක ලෙස අධ්‍යාපනය ලැබීම ආරම්භ කරනුයේ ඉංගී‍්‍රසි අධ්‍යාපනය කෙරෙහි තම පියාට තිබූ දැඩි උනන්දුව නිසාම ය. <br /> <br />ගැමි පරිසරයේ දී කුඩාකල පටන් චිත‍්‍ර ඇඳීමෙන්, සුරංගනා කතා හා ජන කතා ඇසීමෙන් සෞන්දර්යාත්මක හා නිර්මාණාත්මක චින්තනය අවදිවෙමින් වැඩුණු සෝමලතා ශිෂ්‍යාවට <b>ක්ලේරා මොට්වානි</b> විදුහල්පතිනියගේ පාලනය යටතේ පැවති මියුසියස් විද්‍යාලයේ දී සම්භාව්‍ය විශ්ව සාහිත්‍ය පරිශීලනයට, රසවිඳීමට, මෙන්ම නර්තනය, සංගීතය වැනි විෂයයන් කෙරෙහි අවධානය යොමු කිරීමටත් අවස්ථාව ලැබිණි. <br /> <br /><img border='1' src='http://www.boondi.lk/CTRLPannel/ArticleImages/RANG/Somalatha_Subasinghe_Sri_Lankan_Dramatist_Actress_10.jpg' width=480 height=327> <br /> <br />විශිෂ්ට සාමාර්ථ සහිතව ජ්‍යෙෂ්ඨ අධ්‍යාපන සහතික පත‍්‍ර විභාගයෙන් සමත් වූ ඇය කොළඹ බෞද්ධ බාලිකා විද්‍යාලයෙන් උසස් පෙළ හදාරා සමත්ව 1958 වසරේ දී <b>පේරාදෙණිය සරසවිය</b>ට ඇතුළත් වූවා ය. 1956 සිදු වූ දේශපාලන පෙරළිය හේතුවෙන් මෙරට ආර්ථික, සමාජයීය, සංස්කෘතික හා අධ්‍යාපනික වැනි සෑම ක්‍ෂේත‍්‍රයකම ප‍්‍රබල ප‍්‍රබෝධාත්මක පරිවර්තනයක් සිදුවෙමින් පැවති මෙම යුගයේ පේරාදෙණිය සරසවියට ඇතුළත් වීම ඇයගේ ජීවන මගේ අනාගතය සකස් කිරීමක් විය. 1956 වසරේ <b>මනමේ</b> බිහිවීමත් සමඟ නාට්‍ය කලාවේ නූතන යුගය ඇරඹීමේ පුරෝගාමී මෙහෙවරට උරදුන් <b>මහාචාර්ය සරච්චන්ද්‍රයන්</b>ගේ පර්යේෂණාත්මක නාට්‍ය නිර්මාණයන් වූ <b>"එලොව ගිහින් මෙලොව ආවා"</b> නාට්‍යයේ <b>"කලූහාමි"</b> ලෙසත් <b>"රත්තරන්"</b> නාට්‍යයේ <b>"මැහැල්ල"</b> ලෙසත් රංගනයට දායක වෙමින් ඇය ප‍්‍රසිද්ධ වේදිකා රංගනයට අවතීර්ණ වූවා ය. 1961 වසරේ දී සරසවි අධ්‍යාපනය නිමා කොට ශාස්ත‍්‍රවේ දී උපාධිධාරිනියක ලෙස ඉන් පිටවන්නේ සිංහල නාට්‍ය ක්‍ෂේත‍්‍රයට එක් වූ කුසලතා පූර්ණ රංගන ශිල්පිනියක ලෙසින් පේ‍්‍රක්‍ෂකයන්ගේ ආදරය දිනා ගනිමිනි. එම වසරේ සිට ගුරු වෘත්තියට එක් වූ ඇය තමා උගත් බෞද්ධ කාන්තා විද්‍යාලයේ ම සේවයට එක් වූවා ය. <br /> <br /><img border='1' src='http://www.boondi.lk/CTRLPannel/ArticleImages/RANG/Somalatha_Subasinghe_Sri_Lankan_Dramatist_Actress_5.jpg' width=350 height=445> <br /> <br />විශ්වවිද්‍යාල අධ්‍යාපනය ලද වකවානුවේ සරසවියේ <b>සිංහල නාට්‍ය සංගමයේ</b> සභාපතීත්වය දැරූ එමෙන්ම මනමේ නාට්‍යයේ මුල් නිෂ්පාදනයේ <b>වැදි දෙටු</b>ගේ චරිතය නිරුපණය කළ පසුකාලීනව ශ‍්‍රී ලංකාවේ පරිපාලන ක්ෂේත‍්‍රයේ විශිෂ්ටතම නිලධාරියකු වූ <b>ලයනල් ප‍්‍රනාන්දු</b> මහතා සමඟ ඇය 1962 වසරේදී යුග දිවියට එළඹියා ය. <b>කෞශල්‍යා ප‍්‍රනාන්දු, ශ්‍යාමලිකා ප‍්‍රනාන්දු</b> දියණියන් දෙදෙනාගේ මව වූ සෝමලතා සුබසිංහ තම දරුවන්ට පමණක් නොව පාසල් ගුරුවරියක ලෙසත් රංගකලා ආචාර්යවරියක ලෙසත් බොහෝ දරු දැරියන්ට මවක් වීමට සිය දිවියෙන් වැඩි කාලයක් කැප කළාය. <br /> <br />එදිරිවීර සරච්චන්ද්‍රයන්ගේ නාට්‍යවලින් ආරම්භ කළ ඇයගේ රංගනයෙන් ඔපවත් වූ නාට්‍ය සියල්ලම සිංහල නාට්‍ය ක්‍ෂේත‍්‍රයේ කඩඉම් නාට්‍ය ලෙස ඉතිහාසගත වී ඇත. <b>දයානන්ද ගුණවර්ධන</b>ගේ <b>"නරිබෑනා"</b>, <b>සිදත් ශ‍්‍රී නන්ද ලෝචන</b>ගේ <b>"අත්තක මල් පරව ගියා"</b>, <b>සරච්චන්ද්‍රයන්</b>ගේ <b>"පබාවතී"</b> සහ <b>"කදාවළලූ"</b>, <b>ගුණසේන ගලප්පත්ති</b>ගේ <b>"මූදු පුත්තු"</b> සහ <b>"ලියතඹරා"</b>, <b>ධම්ම ජාගොඩ</b>ගේ <b>"වෙස්මුහුණු"</b>, <b>හෙන්රි ජයසේන</b>ගේ <b>"දිරිය මව"</b>, <b>රංජිත් ධර්මකීර්ති</b>ගේ <b>"හිරු නැති ලොව"</b>, <b>"චෙරි උයන"</b> සහ <b>"අන්ගාරා ගඟ ගලා බසී"</b>, <b>චූලා කාරියවසම්</b>ගේ <b>"සිරිත් විරිත්"</b>, <b>රංජනි ඔබේසේකර</b>ගේ <b>"බර්නාඩාගේ සිපිරි ගෙය"</b>, <b>ෆ‍්‍රිට්ස් බෙනවිට්ස්</b>ගේ <b>"ආඬි රැලේ නාඩගම"</b> ආදී නාට්‍ය අතුරින් මූදු පුත්තු නාට්‍යයේ <b>සරා</b>ගේ භූමිකාව හා දිරිය මව නාට්‍යයේ <b>දිරිය මව</b>ගේ භූමිකාව ඇයගේ වේදිකා නාට්‍ය රංගන ජීවිතයේ සදානුස්මරණීය සිහිවටනයන් වේ. එතෙක් සිංහල වේදිකාවේ දැක නොතිබූ අපූර්වතම චරිතයක් වූ සරාගේ චරිතය රඟමින්, එතෙක් ශෛලිගත නැතහොත් නාට්‍ය ධර්මී ශෛලියෙන් නිර්මාණය වූ නාට්‍යයන්හි නර්තනය හා ගායනය බහුලව භාවිත කරමින් රඟපෑමේ යෙදී සිටි සෝමලතා සුබසිංහ ලෝකධර්මී ශෛලියේ යථාර්ථවාදී රංගනයට ද එකසේ දක්‍ෂතාව දක්වන්නියක බව සනාථ කිරීමට සමත් වූවා ය. <br /> <br /><img border='1' src='http://www.boondi.lk/CTRLPannel/ArticleImages/RANG/Somalatha_Subasinghe_Sri_Lankan_Dramatist_Actress_4.jpg' width=480 height=408> <br /><font size='2'><span style='background-color:#F2F2F2'>දිරිය මව</span></font> <br /> <br />වේදිකා නාට්‍යයේ රංගනයට පමණක් සීමා නොවූ ඇය, සරච්චන්ද්‍රයන්ගේ <b>"මහාසාර"</b>, <b>"කදාවළලූ"</b>,<b>"වෙස්සන්තර"</b> වැනි නාට්‍යයන් හි රංග වින්‍යාස නිර්මාණකරණයට ද දායක විය. විවිධ නර්තන සම්ප‍්‍රදායයන් පිළිබඳ <b>වසන්ත කුමාර, කේ. ඇස්. ප‍්‍රනාන්දු</b> වැනි ගුරුවරුන් යටතේ නර්තනය හැදෑරීමෙන් හා <b>ආනන්ද සමරකෝන්, ඩබ්.ඞී. අමරදේව, රොම්ලස් මාස්ටර්</b> වැනි ගුරුවරුන්ගෙන් සංගීතය ඉගෙනීමෙන් ඇය සතු වූ ප‍්‍රායෝගික දැනුම ඵලදායී ලෙස ඒ සඳහා යොදා ගත හැකි විය. <br /> <br />සිංහල වේදිකා නාට්‍යයේ මහා යුග පුරුෂයා වූ සරච්චන්ද්‍රයන්ගේ නාට්‍යයයෙන් වේදිකාවට ප‍්‍රවේශ වූවා සේම, සිංහල සිනමා රංගනයට සෝමලතා සුබසිංහ එක්වන්නේ සිංහල සිනමාවේ මහා යුග පුරුෂයා වූ <b>ලෙස්ටර් ජේම්ස් පීරීස්</b>ගේ <b>"මඩොල් දූව"</b> චිත‍්‍රපටයෙනි. එතැන් සිට <b>සුනිල් ආරියරත්න</b>ගේ <b>"සිරිබෝ අයියා"</b>, <b>තිස්ස අබේසේකර</b>ගේ <b>"මහගෙදර"</b>, <b>"විරාගය"</b>, <b>"ගුරුගෙදර"</b>, <b>ටී. අර්ජුන</b>ගේ <b>"වසන්තයේ දවසක්"</b>, <b>අශෝක හඳගම</b>ගේ <b>"මේ මගේ සඳයි"</b> වැනි ඉතාමත් සීමිත වූ චිත‍්‍රපට ගණනක ඇය රඟපෑ චරිත සියල්ලම සදා මතකයේ රැදෙන පේ‍්‍රක්‍ෂක ප‍්‍රසාදය දිනාගත් රංගනයන් විය. <b>හොඳම සහය නිළිය</b> ලෙස <b>වසන්තේ දවසක්</b> චිත‍්‍රපටයේ, රංගනය සඳහා <b>ජනාධිපති සම්මානය</b>ත්, <b>විරාගය</b> චිත‍්‍රපටයේ රංගනය සඳහා <b>ස්වර්ණ සංඛ සම්මානය</b>ත් ඇය දිනාගත්තා ය. <br /> <br />සිංහල නාට්‍ය කලාවේ පුරෝගාමී නාට්‍යකරුවන්ගේ නිර්මාණවලට දායකත්වය ලබාදීමෙන් ද <b>චෙකොස්ලෝවැකියාව, හංගේරියාව, බල්ගේරියාව, රුසියාව, නැගෙනහිර ජර්මනිය, එංගලන්තය</b> වැනි ළමා නාට්‍යය කලාව ඉතා උසස් මට්ටමින් පවතින රටවලින් ලද දැනුම ද අත්දැකීම් ද ඇතිව 1980 වසරේදී <b>"ළමා හා යොවුන් රංග පීඨය"</b> ආරම්භ කළ සෝමලතා සුබසිංහ තමන් ලද දැනුම අනාගත පරපුරට දායාද කරනු වස් තම රංගපීඨය මඟින් නාට්‍ය වැඩමුළු පැවැත්වීමටත් එම ශීල්පීන්ගෙන් නාට්‍ය නිෂ්පාදනය කිරීමත් ආරම්භ කළාය. විශේෂයෙන්ම ළමා නාට්‍ය කලාව පිළිබඳ මෙරට කිසිවකුගේ අවධානය යොමු නොවූ කාලයක ළමා මනස වඩාත් හොඳින් අවබෝධ කොටගෙන ළමා මනෝ විද්‍යාවට අනුකූලව සැබෑ ළමා නාට්‍ය කලාවක් බිහිකිරීමට ඇය ඇයගේ රංගන ජීවීතයත්, පෞද්ගලික ජීවීතයේ බොහෝ දේත් කැප කළාය. <br /> <br /><b>"පුංචි අපට දැන් තේරෙයි", "තොප්පි වෙළෙන්දා", "රත්මලී", "ගමරාළ දිව්‍ය ලෝකෙට", "හිමකුමරිය", "වළස් පවුල", "පාර හරහා"</b> වැනි ළමා නාට්‍ය ගණනක් ඇය රචනා කොට නිෂ්පාදනය කළ අතර <b>"කතන්දර දෙකක්"</b> නමින් 1980 දශකයේ සිට අද දක්වා රඟදැක්වෙන <b>"පුංචි අපට දැන් තේරෙයි"</b> හා <b>"තොප්පි වෙළෙන්දා"</b> මෙරට ළමා නාට්‍ය කලාවේ පරමාදර්ශී නිර්මාණ ලෙස විචාරක හා පේ‍්‍රක්‍ෂක අවධානය දිනාගත් නාට්‍ය දෙකකි. <b>"හිම කුමරිය"</b> ඇයගේ ළමා නාට්‍ය නිෂ්පාදන අතර විශිෂ්ටතම නිර්මාණය වේ. <br /> <br /><img border='1' src='http://www.boondi.lk/CTRLPannel/ArticleImages/RANG/Somalatha_Subasinghe_Vikurthi_3.jpg' width=480 height=310> <br /><img border='1' src='http://www.boondi.lk/CTRLPannel/ArticleImages/RANG/Somalatha_Subasinghe_Vikurthi_6.jpg' width=480 height=306> <br /><font size='2'><span style='background-color:#F2F2F2'>විකෘති</span></font> <br /> <br />ඇයගේ නාට්‍ය නිර්මාණ අතර වඩාත් විචාරයට බඳුන් වූ හා ජනපි‍්‍රයත්වය දිනාගත් නාට්‍යය වූයේ <b>"විකෘති"</b> නාට්‍යයයි. 1982 වසරේදී නිර්මාණය වූ "විකෘති" මෙරට යොවුන් තේමාත්මක නාට්‍ය අතර විශිෂ්ටතම වූත් සර්වකාලීන වූත් නිර්මාණයක් ලෙස 1982 වසරේ සිට මේ දක්වා අඛණ්ඩව රඟදැක්වේ. මෙම නාට්‍ය සියල්ල ඉංගී‍්‍රසි බසින් ද මෙරට මෙන්ම විදේශ රටවල් ගණනාවක ද රඟ දැක්වීමට ද අවස්ථාවක් උදාවීමෙන් ඇය මෙරටට ඉමහත් කීර්තියක් අත්කර දුන්නා ය. <br /> <br />අතලොස්සක් වූ සිංහල නාට්‍ය අධ්‍යක්‍ෂවරියන් අතර ප‍්‍රමුඛයෙකු වූ සෝමලතා විදේශීය නාට්‍ය අනුවර්තන හා පරිවර්තන කෘතීන් ද නිෂ්පාදනය කරමින් සම්මානයට පාත‍්‍ර විය. ඒ අතර <b>නුගුගිවා තියන්ගො</b> (Ngũgĩ wa Thiong'o) ගේ <a target='_blank' href='http://www.ligali.org/pdf/The_Trial_of_Dedan_Kimathi_Ngugi_wa_Thiongo.pdf'>The Trial of Dedan Kimathi</a> නාට්‍යය ඉංගී‍්‍රසි භාෂාවෙන් හා එහි සිංහල පරිවර්තනය <b>"යදම්"</b> නමින් ද නිර්මාණය කළ අතර 1993 වසරේ <b>රාජ්‍ය නාට්‍ය උළෙලේ</b> දී වසරේ <b>හොඳම නාට්‍යය</b> ඇතුලූ සම්මාන රැසක් එයට හිමිවිය. <b>සොෆොක්ලීස්</b>ගේ <b><a target='_blank' href='http://en.wikipedia.org/wiki/Antigone_%28Sophocles%29'>"ඇන්ටිගනී"</a></b> නාට්‍යයේ සිංහල පරිවර්තනය නිෂ්පාදනය සඳහා 1994 <b>රාජ්‍ය නාට්‍ය උළෙලේ</b> දී හොඳම නාට්‍ය සඳහා නිර්දේශ වූ අතර සම්මාන කිහිපයක් ද හිමිවිය. <b>බර්ටෝල්ට් බ්‍රෙෂ්ට්</b>ගේ <a target='_blank' href='http://en.wikipedia.org/wiki/Mother_Courage_and_Her_Children'><b>"දිරිය මව"</b></a> සිංහල පරිවර්තනය <b>"මවකගේ සංග‍්‍රාමය"</b> නමින් නිෂ්පාදනය කරමින් එහි මවගේ භූමිකාව රඟ දැක්වී ය. <br /> <br /><img border='1' src='http://www.boondi.lk/CTRLPannel/ArticleImages/RANG/Somalatha_Subasinghe_other_Courage_and_Her_Children_12.jpg' width=480 height=362> <br /><font size='2'><span style='background-color:#F2F2F2'>දිරිය මව</span></font> <br /> <br />කොළඹ විශ්වවිද්‍යාලයෙන් <b>නාට්‍ය හා රංගකලාව පිළිබඳ පශ්චාද් උපාධි ඩිප්ලෝමා පාඨමාලාව</b> හා කැලණිය විශ්වවිද්‍යාලයෙන් <b>ශාස්ත‍්‍රපති උපාධි පාඨමාලාව</b> ද හැදැරූ ඇය ශී‍්‍ර ලාංකේය නාට්‍ය හා රංගකලාව විෂය ක්‍ෂේත‍්‍රයේ ප‍්‍රවර්ධනයට විශාල මෙහෙවරක් කළා ය. <b>ළමා හා යොවුන් රංග පීඨය</b> ආරම්භ කොට එමගින් ශී‍්‍ර ලාංකේය නාට්‍ය කලාවේ අනාගතය පෝෂණය කිරීමට දැනුමින් හා දක්ෂතාවයෙන් පිරිපුන් ශිල්පීන් විශාල ප‍්‍රමාණයක් බිහි කරන්නට සිය ජීවිත කාලයම කැපකළ ඇය, <b>සංස්කෘතික දෙපාර්තමේන්තුවේ රාජ්‍ය රංගකලායතනය, ටවර්හෝල් රඟහල පදනම, ජාතික තරුණසේවා සභාව</b> වැනි ආයතනයන්හි පැවැත්වෙන නාට්‍ය හා රංගකලා පාඨමාලාවන් හි ප‍්‍රධානතම උපදේශිකාවක් බවට පත් වූවා ය. <br /> <br />එමෙන් ම ශී‍්‍ර ලාංකේය පාසල් පද්ධතිය තුළ හා උසස් අධ්‍යාපන ක්‍ෂේත‍්‍රය තුළ නාට්‍ය හා රංග කලාව විෂය හඳුන්වා දීම හා ප‍්‍රවර්ධනය කිරීමේ කාර්යයේ දී විෂය මාලා සංවර්ධන කමිටු උපදේශකවරියක් ලෙස විශාල මෙහෙවරක් ඉටු කළා ය. <br /> <br /><b>මහාචාර්ය සරච්චන්ද්‍රයන්</b> ප‍්‍රමුඛ ශී‍්‍ර ලාංකේය ප‍්‍රශස්ත නිර්මාණකරුවන් හා එක්ව කටයුතු කිරීම, දෙස් විදෙස් නාට්‍ය පාඨමාලාවන් හැදැරීම, දෙස් විදෙස් සම්මන්ත‍්‍රණ සඳහා සහභාගී වී පර්යේෂණ පත‍්‍රිකා ඉදිරිපත් කිරීම, විදේශීය උසස් නාට්‍ය නිෂ්පාදන හා නාට්‍ය ආයතන නැරඹීම යන සියල්ලෙන් ඇය ලබාගත්තා වූ ප‍්‍රායෝගික හා න්‍යායාත්මක දැනුම මෙරට නාට්‍ය හා රංගකලා අධ්‍යාපන ක්‍ෂේත‍්‍රයේ ප‍්‍රවර්ධනයට විශාල ආලෝකයක් විය. රංගන ශිල්පිනියක, නාට්‍ය රචිකාවියක, අධ්‍යක්‍ෂවරියක, ගුරුවරියක, නාට්‍ය හා රංග කලා විෂයයේ උපදේශකවරියක, නාට්‍ය ආයතන අධ්‍යක්‍ෂවරියක, විශ්වවිද්‍යාල බාහිර කථිකාචාර්යවරියක, විෂය මාලා සංවර්ධන කමිටු සම්පත් දායිකාවක ලෙස තම සාමාජීය වගකීම් නොපිරිහෙලා ඉටුකළ අතර ම කාර්යබහුල පරිපාලන නිලධාරියෙකු තම ස්වාමියා වූ බැවින් ආමාත්‍ය ලේකම් බිරිඳක්, ආණ්ඩුකාරවරයෙකුගේ බිරිඳක්, දිසාපතිවරයෙකූගේ බිරිඳක්, තානාපතිවරයෙකුගේ බිරිඳක් වැනි විවිධාකාර වූ සිය වගකීම් ඉටුකරමින් තම දරුවන්ගේ ආරක්‍ෂාව, අධ්‍යාපනය හා ඔවුන්ගේ අනාගතය යහපත් කරන්නට වෙහෙසෙන දයාබර මවක් ලෙස ද ඇය සිය ජීවිත කාලය තුළ, රංග භූමිය මත පමණක් නොව පෞද්ගලික ජීවීතයේ දී ද විවිධ වූ භූමිකාවන් රැසක සාර්ථකව ජීවත් වූවා ය. ඒ සඳහා ඇයට දෙස් විදෙස් ගෞරව උපහාර ඇගයීම් සම්මාන රැසක් හිමි වූ අතර මෙරට රසික ජනතාව ගේ නොමඳ ගෞරවාදරය හා භක්ති පූර්වක ප‍්‍රසාදය ඇයට හිමි වී ඇත. <br /> <br /><img border='1' src='http://www.boondi.lk/CTRLPannel/ArticleImages/RANG/Somalatha_Subasinghe_Sri_Lankan_Dramatist_Actress_11.jpg' width=480 height=301> <br /> <br /><font size='4'><span style='background-color: #FFFFCC'>සෝමලතා සුබසිංහගේ නිර්මාණ දායකත්වය හා අධ්‍යාපන ක්‍ෂේත‍්‍රයේ කාර්යභාරය-</span></font> <br /> <br /><b>සේවා පළපුරුද්ද-</b> <br /> <br />1962-1975 උපාධිධාරී ගුරු- අධ්‍යාපන අමාත්‍යාංශය <br />1973-1975 ප‍්‍රාථමික සෞන්දර්ය අධ්‍යාපන විෂය මාලා කමිටු සභාපති <br />1973-1975 උසස් පෙළ නාට්‍ය හා රංග කලා විෂය මාලා කමිටු සාමාජික- විෂය මාලා සංවර්ධන මධ්‍යස්ථානය <br />1975-1980 සෞන්දර්ය අධ්‍යාපන ඒකකය අධ්‍යාපන දෙපාර්තමේන්තුව <br /> <br /><b>ගූවන් විදුලි වැඩසටහන්-</b> <br /> <br />1962-1980 කාන්තාවන් හා ළමයින් සඳහා ගූවන් විදුලි වැඩසටහන් නිෂ්පාදනය <br />1975-1980 දරුවන් සඳහා ගුවන් විදුලි වැඩසටහන් රචනය හා නිෂ්පාදනය <br /> <br /><b>නාට්‍ය ශිල්පිණියක ලෙස ලැබූ වෘත්තීයමය අත්දැකීම්- </b> <br /> <br />1958 සිට වේදිකා නාට්‍යවල ප‍්‍රධාන භූමිකා රඟපෑම <br />1975 සිට සිනමා හා රූපවාහිනී නිළියක ලෙස කටයුතු කිරීම <br />1979 සිට නාට්‍ය රචනය, අධ්‍යක්ෂණය හා නිෂ්පාදනය <br /> <br /><b>දරන ලද තනතූරු-</b> <br /> <br />1979 සිට ජාත්‍යන්තර ළමා හා යොවුන් නාට්‍ය ආයතනයේ සභාපති <br />1980 සිට ශී‍්‍ර ලංකා ළමා හා යොවුන් රංගායතනයේ ආරම්භක හා අධ්‍යක්ෂක <br />2005 සිට මොරටුව විශ්වවිද්‍යාලයේ පීඨ සාමාජික <br /> <br /><img border='1' src='http://www.boondi.lk/CTRLPannel/ArticleImages/RANG/Kaushalya_Fernando_Somalatha_Subasinghe_Antigone_Sophocles_2.jpg' width=480 height=358> <br /><font size='2'><span style='background-color:#F2F2F2'>ඇන්ටිගනී</span></font> <br /> <br /><b>ස්තන්ත‍්‍ර, පරිවර්තන හා අනුවර්තන රචනා ඇසුරින් අධ්‍යක්ෂණය කළ නාට්‍ය- </b> <br /> <br />1982 විකෘති- ස්වතන්ත‍්‍ර නාට්‍යය <br />1985 පාර හරහා- ස්වතන්ත‍්‍ර නාට්‍යය <br />1986 සඳ කිඳුරු- ගුණසේන ගලප්පත්ති රචනය <br />1990 මූදු පුත්තු- ගාර්ෂියා ලෝකාගේ "යෙර්මා" ඇසුරින් ගුණසේන ගලප්පත්ති හා මහගම සේකර රචනය <br />1990 පවර නුවරක්- සිංහල සම්භාව්‍ය කාව්‍ය ආශ‍්‍රිත අනුවර්තනයකි <br />1991 ඔපෙරා වොන්යොසි- වොලී සොයින්කාගේ රචනය සිංහල, දෙමළ හා ඉංග‍්‍රීසි ත්‍රෛයිභාෂික අනුවර්තනය- කොළඹ විශ්වවිද්‍යාලයේ ඉංග‍්‍රීසි අධ්‍යයන අංශය <br />1992 ද ට‍්‍රයල් ඔෆ් ඩෙඩෑන් කිමති- නුගුගිවා තියොන්ගො හා මිකරෙ ගිතහෙ මුගො රචනය- කොළඹ විශ්වවිද්‍යාලයේ ඉංග‍්‍රීසි අධ්‍යයන අංශය <br />1992 යදම්- නුගුගිවා තියොන්ගො "ද ට‍්‍රයල් ඔෆ් ඩෙඩෑන් කිමති" හි සිංහල පරිවර්තනය <br />1993 ඇන්ටිගනී- සොෆොක්ලීස් ගේ නාට්‍යයේ සිංහල පරිවර්තනය <br />1998 මවකගේ සංග‍්‍රාමය- බර්ට්‍රෝල් බ්‍රෙෂ්ට් ගේ "මදර් කරේජ් ඇන්ඩ් හර් චිල්ඩ්රන්" සිංහල පරිවර්තනය <br /> <br /><img border='1' src='http://www.boondi.lk/CTRLPannel/ArticleImages/RANG/Somalatha_Subasinghe_Thoppi_Welenda_8.jpg' width=480 height=298> <br /><font size='2'><span style='background-color:#F2F2F2'>තොප්පි වෙළෙන්දා</span></font> <br /> <br /><b>ළමා නාට්‍ය-</b> <br /> <br />1979 පුංචි අපට දැන් තේරෙයි <br />1979 තොප්පි වෙළෙන්දා <br />1981 ගමරාල දිව්‍ය ලෝකෙට <br />1981 රත්මලී <br />1988 ඔට්ටුයි <br />1995 හිම කුමරිය <br />2003 වලස් පවුල <br /> <br /><b>නාට්‍ය අධ්‍යාපන අත්දැකීම්-</b> <br /> <br />1980-2013 ළමා හා යොවුන් නාට්‍ය සංවිධානයේ අධ්‍යක්‍ෂ <br />1990-1995 නාට්‍ය හා රංගකලා පශ්චාද් උපාධි ඩිප්ලෝමාව අධ්‍යාපන පීඨය- කොළඹ විශ්වවිද්‍යාලය <br />1980-1990 ලන්ඩනයේ ජාත්‍යන්තර නාට්‍ය ආයතනයේ විභාග පරීක්‍ෂක <br />1991 ඉන්දියාවේ නව දිල්ලි නගරයේ පැවැත් වූ "ආසියා රේන්බෝවීක්" වැඩසටහන සඳහා කණ්ඩායම් පුහුණු කිරීම, යොමු කිරීම සහ සහභාගීත්වය <br />1997 බංගලාදේශයේ, ඩකා නගරයේ පැවැත්වූ ළමා හා යොවුන් නාට්‍ය උළෙලට සහභාගී වීම "වී නෝ ඉට් හා හැට් සෙලර්" නාට්‍ය ශ‍්‍රී ලංකාව නියෝජනය <br />2001 ඉන්දියාවේ ත‍්‍රීවෙන්ඩ‍්‍රම්, චෙන්නායි හා නව දිල්ලි නගරවල "විකෘති" සහ "හැට් සෙලර්" නාට්‍ය ශ‍්‍රී ලංකා ඉන්දියා සංස්කෘතික සහයෝගීතාවයේ 50 වන වසර වෙනුවෙන් රංග ගත කිරීම <br />2001 "විකෘති" සහ "හැට් සෙලර්" නාට්‍ය ඉංග‍්‍රීසි නිෂ්පාදන ඕස්ටේ‍්‍රලියාවේ මෙල්බර්න්, සිඞ්නි හා කැන්බරා නගරවල රංග ගත කිරීම <br />2002 ප‍්‍රංශයේ පැවැත්වූ ජාත්‍යන්තර ළමා නාට්‍ය සමුළුවට සහභාගීවීම සහ "හැට් සෙලර්" නාට්‍ය රඟ දැක්වීම <br />2002 දකුණු කොරියාවේ සෝල් නගරයේ පැවැත්වූ ප‍්‍රාසංගික කලා උළෙලට සහභාගී වීම හා "හැට් සෙලර්" නාට්‍ය රංග ගත කිරීම <br /> <br /><img border='1' src='http://www.boondi.lk/CTRLPannel/ArticleImages/RANG/Somalatha_Subasinghe_Moodu_Puththu_Gunasena_Galappaththi_14.jpg' width=480 height=334> <br /><img border='1' src='http://www.boondi.lk/CTRLPannel/ArticleImages/RANG/Somalatha_Subasinghe_Moodu_Puththu_Gunasena_Galappaththi_13.jpg' width=480 height=232> <br /><font size='2'><span style='background-color:#F2F2F2'>මූදු පුත්තු</span></font> <br /> <br /><b>ප‍්‍රකාශන-</b> <br /> <br />1985 විකෘති <br />2005 පුංචි අපට දැන් තේරෙයි හා තොප්පි වෙළෙන්දා <br />2005 රත්මලී, ගමරාළ දිව්‍ය ලෝකෙට, හිම කුමරිය <br />2008 වලස් පවුල <br /> <br /><img border='1' src='http://www.boondi.lk/CTRLPannel/ArticleImages/RANG/Somalatha_Subasinghe_Sri_Lankan_Dramatist_Actress_7.jpg' width=480 height=292> <br /> <br /><b>සම්මාන-</b> <br /> <br />1980 හොඳම සහය නිළිය- ජනාධිපති සම්මාන උළෙල වසන්තයේ දවසක් චිත‍්‍රපටය සඳහා <br />1987 හොඳම සහය නිළිය- ස්වර්ණ සංඛ සම්මාන උළෙල විරාගය චිත‍්‍රපටය සඳහා <br />1988 කලාසූරී- ජනාධිපති සම්මානය <br />1993 රාජ්‍ය නාට්‍ය උළෙල "යදම්" නාට්‍යය සඳහා හොඳම පරිවර්තන නිෂ්පාදනය, හොඳම පරිවර්තන පෙල හා හොඳම අධ්‍යක්‍ෂණය, හොඳම සහාය නිළිය, හොඳම අංග රචනා <br />1993 රාජ්‍ය නාට්‍ය උළෙලේදී ශ‍්‍රී ලංකා නාට්‍ය කලාව උදෙසා කළ දායකත්වය වෙනුවෙන් එදිරිවීර සරච්චන්ද්‍ර සම්මානය <br />1994 රාජ්‍ය නාට්‍ය උළෙලේ දී "ඇන්ටිගනී" නාට්‍යය සඳහා හොඳම නිළිය, හොඳම සහාය නිළිය, සම්මාන ලැබීම හා හොඳම නාට්‍ය, හොඳම අධ්‍යක්‍ෂණය හා හොඳම පරිවර්තනය සඳහා නිර්දේශ වීම <br />1996 වේදිකාව, සිනමාව, රූපවාහිනිය වෙනුවෙන් කළ දායකත්වය සඳහා "රංග ශිරෝමනී" ජාතික සම්මානය <br />1997 ශ‍්‍රි ලංකා ළමා හා යොවුන් නාට්‍ය වෙනුවෙන් ජපන් තානාපති කාර්යාලයෙන් "බුන්කා" සම්මානය ලැබීම <br />1998 ජාත්‍යන්තර සිංහ සමාජයේ "සොන්ටා" සම්මානය <br />2000 ශ‍්‍රී ලාංකේය නාට්‍ය කලාව වෙනුවෙන් කළ මෙහෙවර සඳහා සහස‍්‍ර සම්මානය <br />2003 සංස්කෘතික අමාත්‍යාංශයේ ජාතික ළමා නාට්‍ය උළෙලේදී ජාතික ඇගයීම් සම්මානය <br />2004 සංස්කෘතික හා ජාතික උරුමය පිළිබඳ අමාත්‍යාංශයේ ශ‍්‍රී ලංකාවේ නාට්‍ය කලාව ප‍්‍රවර්ධනය හා සංරක්‍ෂණය වෙනුවෙන් ජාතික සම්මානය <br />2008 ජාතික ජනමාධ්‍ය සඳහා කළ සේවාව වෙනුවෙන් ගෞරව සම්මානය <br />2012 ගැමි දරුවෝ- පේරාදෙණි සරසවි මිතුරු සංසදයෙන් පිරිනමන ලද ගෞරව සම්මානය<BR><BR><img src='http://www.boondi.lk/CTRLPannel/SupportiveImages/PenIcon.jpg' width='12' height='16' /> ප‍්‍රසන්නජිත් අබේසූරිය<BR></span> <BR><BR><iframe src ='http://www.boondi.lk/CTRLPannel/BlogHitter.php?ArtID=4662' scrolling='no' frameborder='0' style='border:none; overflow:hidden; width:300px; height:30px;' allowTransparency='true'>></iframe><BR><div class="blogger-post-footer">බූන්දි - අකුරු අනුරාගිකයි - විඳීම් ඉන්ද්‍රජාලිකයි</div>BoondiOnLinehttp://www.blogger.com/profile/04246852882496903111noreply@blogger.comtag:blogger.com,1999:blog-8989665043267507050.post-33806539593908786752015-06-12T18:31:00.001-07:002015-06-12T18:31:14.451-07:00<img border='0' src=http://www.boondi.lk/CTRLPannel/ArticleImages/SOTH/Hiru-Youn-Katha-Youth-Literature-By-Jayantha-Kahatapitiya-And-Chaminda-Krishantha-News.jpg width=480 height=334 align='center'><BR><span style='font-size:120%;'><BR><b>ජයන්ත කහටපිටිය, චමින්ද ක්‍රිශාන්ත</b>ගේ <b>"හිරු යොවුන් කතා" පොත්</b> එළි දැක්වීම සහ <b>"හිරු යොවුන් කතා" වෙබ් අඩවිය </b>ජනගත කිරීම, <b>කුරුණෑගල අහස්වියන උත්සව ශාලාවේ දී</b>, 2015 <b>ජූනි 26</b> දින, <b>ප.ව. 2:00</b> සිට පැවැත්වෙයි. <br /> <br /><b>දෙසුම්-</b> සමන් අතාවුදහෙට්ටි, සරත් ධර්මසිරි<BR></span> <BR><BR><iframe src ='http://www.boondi.lk/CTRLPannel/BlogHitter.php?ArtID=4668' scrolling='no' frameborder='0' style='border:none; overflow:hidden; width:300px; height:30px;' allowTransparency='true'>></iframe><BR><div class="blogger-post-footer">බූන්දි - අකුරු අනුරාගිකයි - විඳීම් ඉන්ද්‍රජාලිකයි</div>BoondiOnLinehttp://www.blogger.com/profile/04246852882496903111noreply@blogger.comtag:blogger.com,1999:blog-8989665043267507050.post-22794835675223935392015-06-12T18:29:00.001-07:002015-06-12T18:29:52.483-07:00<img border='0' src=http://www.boondi.lk/CTRLPannel/ArticleImages/RANG/J.H.-Jayawardena-With-Wasantha-Kotuwella-In-Gam-Peraliya-TD.jpg width=480 height=334 align='center'><BR><span style='font-size:120%;'><BR>බටහිර සිනමාවේ මහා සිනමාකරුවෙකු වන <b>ඇල්ෆර්ඩ් හිච්කොක්</b> වරක් ප්‍රකාශ කළේ, නළු නිළියන් යනු 'පණ ඇති රූකඩ' බවත්, එම රූකඩ නිර්මාණාත්මකව හැසිරවීම, සිනමාකරුවන්ගේ කාර්යභාරය බවත්ය. එහෙත් අපේ නළු නිළියන් අධිනිශ්චය වී, රූකඩ රාමුවෙන් එළියට පැමිණ වීර සෙයියාවෙන් අභිෂේක ලබනවා පමණක් නොවේ; මේ වීරකම් උඩ දමා පාර්ලිමේන්තුවට පවා ගොස් ව්‍යාවස්ථාදායක වැඩ වලට පවා හොට දමන්නෝය...! <br /> <br />මේ අතර රූකඩයාගේ කාර්යභාරය අඩුවක් නැතිව, නිවැරදිව සිදු කළ සැබෑ නළුවෙක් පසුගිය දා ජිවිතයෙන් සමුගත්තා. ඔහු <b>ජේ. එච්. ජයවර්ධන</b>. මිය යන විටත් සැබෑ රූකඩයෙක් යන අයිඩෙන්ටිටිය පමණක් ඔහුට තිබුණ නිසා ඔහුගේ මරණය මාධ්‍ය කාලගෝට්ටියක් බවට පත් වුණේ නෑ. මාධ්‍ය කිහිපයක පළ වූ පුංචි මුද්දර ප්‍රමාණයේ හුදකලා පුවත් කිහිපයකින් අනතුරුව අපි ජේ.එච්.ව වළලා දමා අත්දෙක පිහිදා ගත්තා. <br /> <br />සිංහල සිනමාවේ චිත්‍රපට විසි හයකට ජේ. එච්. දායක වෙනවා. ඔහු කැමරාව ඉස්සරහා මුලින්ම රූකඩයෙක් බවට පත් වෙන්නේ 1953 වසරේ <b>"එදා රෑ"</b> චිත්‍රපටියෙන්. ඉන් පසුව <b>ධර්මසිරි බණ්ඩාරනායක</b>ගේ, <b>පතිරාජ</b>ගේ, <b>එච්.ඩී. ප්‍රේමරත්න</b>ගේ, <b>ටයිටස් තොටවත්ත</b>ගේ චිත්‍රපටි වල නිත්‍ය සාමාජිකයෙක් වෙනවා. <br /> <br />ජේ. එච්. යනු නළුවෙක් නොහොත් රූකඩයෙක් නිසා ඔහුට අනන්‍යතා අර්බුද අදාළ වෙන්නේ නෑ. ඒක නිසා <b>ඇගේ වෛරය, ජුරිය ඔබයි</b> වගේ චිත්‍රපට වලත් ඔහු රගපානවා. <br /> <br /><b>ආර්. ආර්. සමරකෝන්</b> තමයි ජේ. එච්.ව නිවැරදිවම අල්ලගන්නේ. එහෙමත් නැතිනම් ආර්.ආර්.ගේ <b>කැළණි පාලම</b> වේදිකා නාට්‍යයේ <b>මැම්බර් මහත්තයා</b> ගේ චරිතය නිසා ජේ.එච්.ට නළුවෙක් කියන සිවිල් අයිඩෙන්ටිටිය හම්බවෙනවා. ජේ.එච්.ට තියන අමුතු උච්චාරණ විලාශය නිසා ඔහු විචාරකයින් ඔහුව හඳුන්වන්නේ අධි තාත්වික රංගන ශිල්පියෙක් විදිහට. ඒත් ජේ.එච්. ගේ මිතුරන් නම් කියා සිටින්නේ ඔහුගේ මේ අධි තාත්වික රංගනය සහ ඔහුගේ සැබෑ ජීවන විලාසය අතර ඇත්තේ ඉතා අල්ප වෙනසක් බවයි. <br /> <br />ජේ.එච්.ගේ අධි තාත්වික රංගන විලාසය සහ කටහඬට නිල නොවන පේටන්ට් බලපත්‍රයක් මේ කාලයේ ඔහුට ලැබෙනවා. ඒත් ජේ.එච්. යනු කැමරා ඉදිරිපිට රූකඩයෙක් වී, අඩියක් පුඩියක් ගසා ගෙදර යන සරල ප්‍රාණියෙක් නිසා ඔහුව වෙළඳ ප්‍රචාරණ ආයතන වලට ක්‍රමානුකුලව විකිණෙන්නේ නෑ. ඔහුගේ තරුණ කාලයේදී ඔහු රඟපාන චරිත ප්‍රතිනිෂ්පාදනය කොට වෙළෙන්ඳන් බඩු විකුණන අතර ඒ නිසා ඔහුගේ සාක්කුවට එබෙන අමතර මොණරු කොළ ඇසුරු සැනින් මිතුරන් අතර දියවෙන මධු සාද බවට පත් වෙනවා. <br /> <br /><b>අමරබන්දු රුපසිංහ</b>ලා ගවන්විදුලියේ රජ කරන කාලයේ ජේ.එච්. ගුවන්විදුලියට ගොඩවදිනවා. ඊට පස්සේ <b>මොණර තැන්න</b> ගුවන් විදුලි නාට්‍යයේ <b>රජ්ජුරුවෝ </b>චරිතයට හඬ කවනවා. ඊට පස්සේ ජේ.එච්.ගේ අමුතු උච්චාරණය ගම්දනවු වල ආයෙත් රැව් පිළිරැව් දෙන්න පටන් ගන්නවා. මේ අසූව දශකයේ. එ්ත් <b>ජේ.ආර්.</b>ගේ දේශපාලනය විසින් හදිස්සියේම අමරබන්දුව ගුවන්විදුලියෙන් එළියට දැම්මම ජේ.එච්.ගේ ගුවන්විදුලියේ රජකම නැතිවෙලා යනවා. <br /> <br /><b>නිහාල් සිල්වා</b> වගේ අය <b>ප්‍රේමදාස</b> දේශපාලනයත් එක්ක ඒ කාලයේ නාට්‍ය කලාවේ අයිතිකාරයෝ වෙනවා. එතකොට ප්‍රතිවිරුද්ධ පැත්තේ ඉන්නේ <b>සුගතපාල ද සිල්වා</b> වගේ අය. <b>සුගත්</b>ලා, <b>රන්ජිත් ධර්මකීර්ති</b>ලා, ජේ.එච්. ගේ මීවිත - හිත මිත්‍ර සගයන්. එ්ත් සුගත්ලා කලාවෙන් දේශපාලනය කරන කොට ජේ.එච්.ලා උදාසීනව ඉන්නවා. එහෙමත් නැතිනම් වේලාසනින් ගෙදර ගොස් නිදිය ගන්නවා. ඒ තමයි ජේ. එච්. <br /> <br />එක දවසක ජේ.එච්.ගේ ගෝලයෙක් වගේ යාළුවෙක් රතුපාට දේශපාලනයේ පන්ති පහටම සහභාගී වෙලා ඔලුගෙඩිය පුරවාගෙන ජේ.එච්. හම්බ වෙන්න එනවා. ගෝල යාලුවා තෙල බෙදන්න පටන්ගන්නවා. පිළිතුරු විදිහට ශුද්ධ සිංහල වචන අහුරක් ජේ.එච්.ගෙන් හම්බ වෙනවා. <br /> <br /><b>"මං හොද ලිබරල් මිනිහෙක් බං..."</b> ජේ. එච්. විහිළුවට වගේ කියනවා. <br /> <br />ඒත් ඒ විහිළු අස්සේ සුන්දර, නොකිලිටි මිනිහෙක් ඉන්නවා. ඒ තමයි හරිම නිදහස් ඇසකින් ලෝකය දකින ජේ.එච්...! <br /> <br />ඒත් ඒ නිදහස් ඇස වසර 1997 දී නොපෙනී යනව. එහෙමත් නැතිනම් <b>ග්ලුකෝමා රෝගය</b> හැදිල ජේ.එච්. ගේ ඇස් දෙකම අන්ධ වෙනවා. ඒ එක්කම මේ දක්ෂ රූකඩයා රඟහලෙන් බැහැල යනවා. එතැන් සිට ඔහු ලෝකය දකින්නේ තම දයාබර බිරිඳ සහ දරුවන්ගේ ඇස් වලින්. <br /> <br />ජේ.එච්.ගේ සමකාලීනයින් බොහෝ දෙනෙක් මේ වෙනකොට ජිවිතයෙන් සමුඅරගෙන. එහෙමත් නැතිනම් ජේ.එච්. දෑස පියාගෙන ඉන්න කාලේදී වීරයෝ වෙලා එක එක අයිඩෙන්ටිටි වලට මාරු වෙලා. එහෙමත් නැතිනම් විවිධ කඳවුරු වල දේශපාලකයින්ගේ දෑත ශක්තිමත් කරන්න ගොස් හිකනල්ලු වගේ දැපනේ වැටිලා. මේ සියළු විසුක දස්සනයන් නොබලන්නට දැස පියාගෙන ඉන්න තරම් එක අතකට ජේ. එච්. වාසනාවන්ත වුනා. <br /> <br />ඔහු දෑස පියාගෙන ඉන්න අවදියේදී ඇස් අරගෙන සිටි මිනිසුන් බොහෝ දේවල් කරන්න පුරුදු වෙලා ඉන්නවා. වේදිකාවෙන් බැස යන්න සුදානම් වෙලා ඉන්න සැදෑ සමයේ කලාකරුවන් කල්ලිවාදින් හෝ දේශපාලකයින් විසින් උපහාර උත්සව නාමයෙන් වේදිකා මතට දක්කාගෙන විත් කයිවාරු ගසා අනතුරුව අධෝමුඛයට පයින් දෙකක් ඇන පැත්තකට කරවීමේ "පාපයට" හසු නොවීමට ඇස් වසාගෙන සිටිය ජේ.එච්.ට පුළුවන් වෙනවා. <br /> <br />දක්ෂ රූකඩයෙක් ලෙස කැමරාව ඉස්සරහට ආපු ජේ.එච්. ජිවිතයෙන් සමුගෙන යන විට තම අයිඩෙන්ටිටිය විතරක් නෙමෙයි ආත්මය පවා රැකගෙන ආපසු යන්න යනවා. <br /> <br />ජේ.එච්. ජිවිතයෙන් පැරදුනත්, ඔබ දිනුම්! <br /> <br />(<i>මුලාශ්‍ර තොරතුරු <b>අරුණ පෙරේරා</b> මහතාගෙනි.</i>) <br /> <br /><font size='2'><b>ඡායාරූපය-</b> ජේ.එච්., වසන්ත කොටුවැල්ල සමග- <b>ගම්පෙරළිය</b> ටෙලි නාට්‍ය දර්ශන තලයේදී.</font><BR><BR><img src='http://www.boondi.lk/CTRLPannel/SupportiveImages/PenIcon.jpg' width='12' height='16' /> සරද සමරසිංහ<BR></span> <BR><BR><iframe src ='http://www.boondi.lk/CTRLPannel/BlogHitter.php?ArtID=4664' scrolling='no' frameborder='0' style='border:none; overflow:hidden; width:300px; height:30px;' allowTransparency='true'>></iframe><BR><div class="blogger-post-footer">බූන්දි - අකුරු අනුරාගිකයි - විඳීම් ඉන්ද්‍රජාලිකයි</div>BoondiOnLinehttp://www.blogger.com/profile/04246852882496903111noreply@blogger.comtag:blogger.com,1999:blog-8989665043267507050.post-33585763303011757752015-05-22T20:11:00.001-07:002015-05-22T20:11:24.858-07:00<img border='0' src=http://www.boondi.lk/CTRLPannel/ArticleImages/SOTH/Nandunana-Geheniya--Diyonis-Devola-Pamula-Sita.jpg width=480 height=334 align='center'><BR><span style='font-size:120%;'><BR><i>වසර 19 කට පසු දියෝනිස් දෙවොල පාමුල සිට නාඳුනන ගැහැණිය හඳුනා ගැනීම</i> <br /> <br /><b>තිලිනා වීරසිංහ ගේ නාඳුනන ගැහැණිය</b> - 1996 <br /><b>නදීකා බණ්ඩාර ගේ දියෝනිස් දෙවොල පාමුල සිට</b> - 2014 <br /> <br />කෘති ද්විත්වය පිළිබඳ සංවාදය <b>2015 මැයි 24 ඉරිදා හවස 3.00 ට මීගමුව ජනාවබෝධ කේන්ද්‍රෙය් දී</b> සිදු කෙරේ. <br /> <br /><b>මූලික අදහස් දැක්වීම්:</b> <br /> <br />කුමාරි කුමාරගමගේ <br />කේ. කේ. සමන්කුමාර <br />මහින්ද නාමල් <br /> <br /><b>සංවිධානය:</b> විණැන කලා හා මාධ්‍ය පදනම <BR></span> <BR><BR><iframe src ='http://www.boondi.lk/CTRLPannel/BlogHitter.php?ArtID=4655' scrolling='no' frameborder='0' style='border:none; overflow:hidden; width:300px; height:30px;' allowTransparency='true'>></iframe><BR><div class="blogger-post-footer">බූන්දි - අකුරු අනුරාගිකයි - විඳීම් ඉන්ද්‍රජාලිකයි</div>BoondiOnLinehttp://www.blogger.com/profile/04246852882496903111noreply@blogger.comtag:blogger.com,1999:blog-8989665043267507050.post-1748977076629988362015-05-21T22:02:00.001-07:002015-05-21T22:02:33.011-07:00<img border='0' src=http://www.boondi.lk/CTRLPannel/ArticleImages/KATH/Burning-City.jpg width=479 height=335 align='center'><BR><span style='font-size:120%;'><BR>මංගල්යාන් අඟහරු ග්‍රහයාගේ උතුරු අර්ධගෝලයේ නිසල පෙදෙසක් වෙත ළඟා වෙමින් තිබිණ. ඒ වූකලී සමස්ත ලෝකයේම අවධානය අඟහරු වෙතටත් වඩා ඉන්දියානු අර්ධද්වීපයට යොමුවෙමින් තිබූ සන්ධ්‍යාවක් විය. මා එවෙලේ සිටියේ මෙවර සතිඅන්ත පුවත්පතේ <b>‘මගේ කොලම’ </b>සඳහා පලකළ යුතු ලිපිය සකස් කරමිනි. <b>'දකුණු ආසියාවේ ආර්ථික අර්බුදය' </b>මැයෙන් මා විසින් සකස් කළ ලිපිය ඒ වන විටත් පැවතියේ අඩකට ආසන්න ප්‍රමාණයක් අවසන්වය. විවිධ ආර්ථික විශ්ලේෂණ දත්ත හා මෑත කාලීන ආර්ථික ප්‍රවණතා මෙන්ම වෙළඳපල හැසිරීම් තුලනාත්මකව විග්‍රහ කරමින් සැලකිය යුතු කරුණු ප්‍රමාණයක් මා විසින් එහි දක්වා තිබිණි. <br /> <br /><b>‘අඟහරු තරණය’</b> සජීව විකාශය රූපවාහිනී නාලිකා සියල්ල ඔස්සේම විකාශය වෙමින් තිබිණ. මංගල්යාන් නිරුපද්‍රිතව අඟහරු මතට ගොඩබට බවත් තව ස්වල්ප මොහොතකින් යානයේ ප්‍රධාන දොරටුව විවෘත කළ පසු ගගනගාමීන් යුවළ අඟහරු මත පය තැබීමට සූදානම් බවත් කුතුහලය වඩවන ස්වරයකින් විස්තර කරනු ඇසුනි. රූපවාහිනියේ හඬ මඳක් අඩු කළ මම යළිත් ලිපිය යතුරු ලියනය කිරීම ආරම්භ කළෙමි. කලාපීය සහයෝගීතාව තුළින් ශක්තිමත් කලාපීය ආර්ථිකයක් ගොඩනැංවීම සඳහා පැරණි පූර්වාදර්ශයන් ලබා ගැනීමේ නම්නතාවන් හා සීමා පිළිබඳ වඩාත් තියුණු ලෙස තර්කයක් ගොඩනැඟීම මගේ බලාපොරොත්තුව විය. පසුගිය සාක් සමුළුවේදී යෝජනා වූ ඇතැම් යෝජනාවන්ගේ ඇති ප්‍රායෝගික දුබලතාවන් මෙන්ම ඒවා වඩාත් ඵලදායක අයුරින් ක්‍රියාවට නැංවිය හැකි ක්‍රමවේදයන් රටවල් තුළින්ම මතු කර ගැනීම පිළිබඳවත් පසුගිය සතිඅන්තයේ මගේ කොලමෙන් ලීවෙමි. කෙසේ වුවද, එම ලිපියේ තරමක මත භේදයට තුඩු දිය හැකි කරුණු ඇතුළත් හෙයින් ප්‍රධාන කර්තෘ මා අමතා ලිපිය පල කිරීමට ප්‍රථම එහි සංශෝධන කිහිපයක් කළ හැකිදැයි විමසුවේය. ලිපියේ මුඛ්‍ය අදහසට හානියක් නොවන පරිදි ඇතැම් තැන් වෙනස් කිරීමට අකමැත්තෙන් වුවත් මම එකඟ වූයෙමි. ඒ අනුව එහි ඇතැම් තැනක යෙදුණු <b>‘සියලුම’</b> යන වචනය වෙනුවට <b>‘ඇතැම්’ </b>යනුවෙන්ද <b>‘නිරන්තරයෙන්’</b> යන්න <b>‘බොහෝ විට’ </b>යනුවෙන්ද වෙනස් කිරීමට සිදුවිය. <br /> <br /><b><i>"ආපහු ඇඳිරි නීතිය දාලලු.."</i></b> බිරිඳ කෝපි කෝප්පයක් පිළිගන්වමින් කීවාය. <br /> <br />නගර කිහිපයක සිදු වූ නොසන්සුන්කාරී තත්වයන් හේතුවෙන් දිවයිනටම බලපවත්වන පරිදි ස්ථාන කිහිපයකට පනවා තිබූ ඇඳිරි නීතිය හෙට පෙරවරු 6 දක්වා දීර්ඝ කළ බව අඟහරු තරණය සජීවී වැඩසටහන අතරතුර විශේෂ ප්‍රවෘත්ති විකාශයෙන් ද මොහොතකට පෙර කියවිණ. ආගමික ස්ථානයකට පහරදීමේ සිද්ධියක් සමඟ ආරම්භ වු අරගලය පැය කිහිපයක් තුළ තදාසන්න නගර ගණනාවකට ද පැතිර ගියෙන් තත්වය පාලනය කිරීමට ඇඳිරි නීතිය පැනවීමට සිදු වූ බව නිවේදනයේ වැඩිදුරටත් දැක්විණ. <br /> <br />මංගල්යාන් යානයේ සිටි නාරායන් චෞද්‍රි සහ අස්රෆ් මලික් යන ඉන්දීය ගගනගාමීන් දෙදෙනා අඟහරු මතට ගොඩබට ආකාරය දැක්වෙන වීඩියෝ දර්ශන අඟහරු සහ පෘථිවිය අතර ස්ථානගත කළ අතරමැදි චන්ද්‍රිකාවක් ඔස්සේ මිනිත්තු කිහිපයක් ඇතුළත පෘථිවිය වෙත සම්ප්‍රේෂණය කළ හැකිවිය. මෙය විසිඑක්වන සියවසේ ලැබූ සුවිශේෂීම ජයග්‍රහණය බවත් මෙය මානව ශිෂ්ටාචාරයේ අලුත් යුගයක් සඳහා තබනු ලැබූ යෝධ පිම්මක් වනු ඇති බවත් නිවේදක විසින් උද්වේගකර ස්වරයකින් යුතුව විස්තර කරන ලදී. <br /> <br /><b>නාරායන් හා අස්රෆ්</b> විසින් අඟහරු මත ඉන්දීය ධජය සිටුවනු ලැබීමෙන් අනතුරුව පස් සාම්පල එකතු කරන ආකාරයත් නිරීක්ෂණ උපකරණ සවි කරන ආකාරයත් වැඩසටහන අතරතුර වරින් වර පෙන්වනු ලැබීය. මා ලියමින් සිටි ලිපියේ කටයුතු මොහොතකට නවතා දමා බිරිඳ විසින් පිළියෙළ කර දුන් කෝපි කෝප්පය තොල ගාමින් <b>‘අඟහරු තරණය’</b> නැරඹීම සඳහා සෝපාව මත හිඳගත්තෙමි. බිරිඳත් පුතුන් දෙදෙනාත් මහත් උනන්දුවකින් අඟහරු තරණය නරඹමින් සිටියහ. දැල්වුණු කුතුහලයෙන් යුතුව රූපවාහිනිය දෙස බලා සිටි දෙටුපුතු හඬ අවදි කළේය. <br /> <br /><b><i>"තාත්තෙ, දැන් අපිටත් අඟහරු වල පදිංචියට යන්න පුළුවන්ද?"</i> <br /> <br /><i>"සමහර විට.."</i> මම කීවෙමි. <br /> <br /><i>"ඉතිං අපිත් යමුකො තාත්තෙ.."</i> <br /> <br /><i>"මේ යන විදියට අපිටත් අඟහරු වලට තමා යන්න වෙන්නෙ"</i></b> බිරිඳ සුසුමක් හෙළමින් කීවාය. <br /> <br />මා සකස් කරමින් සිටි ලිපිය පසුව පළ කර මේ සති අන්ත කොලම සඳහා ඉන්දියානු අඟහරු තරණය පිළිබඳ යමක් ලිවිය යුතු යැයි මට සිතිණ. නැවතත් පරිගණකය ක්‍රියාත්මක කළ මම ඒ සඳහා සුදුසු ප්‍රවේශයක් සොයමින් අන්තර්ජාල පිටු පිරික්සමින් කරුණු රැස්කළෙමි. <br /> <br />ඉන්දියානුවන්ගේ අඟහරු තරණය හුදෙක් ඉන්දියාවට පමණක් නොව දකුණු ආසියාවටත් සමස්ත ලෝකවාසී ජනතාවටම ආඩම්බර විය හැකි කරුණක් බව ඉන්දීය අග්‍රාමාත්‍යවරයා සිය ට්වීටර් පණිවුඩයේ දක්වා තිබිණි. සෑම රටකින්ම පාහේ සුබ පැතුම් ගලා එන්නට වූ අතර අප අසල්වැසි ඉන්දියාව අත්පත් කරගත් ජයග්‍රහණයට සුබ පතමින් ශ්‍රී ලංකා ජනරජයේ අග්‍රාමාත්‍යතුමන් ද සුභාශිංශන පණිවුඩයක් එක්කර තිබිණි. <br /> <br />ඉන්දියාවේ මේ තාක්ෂණික විප්ලවය සැබෑ ඉන්දීය අවශ්‍යතාවක් ද යන ගැටලුව මුල සිටම මා තුළ වූවකි. ඉන්දියාව මේ මොහොතේ ඉටුකරමින් සිටින තාක්ෂණික විප්ලවය බහුතරයක් වූ දුප්පත් එමෙන්ම නූගත් ඉන්දියානු පුරවැසියාගේ සැබෑ අවශ්‍යතාවක්ද? සමස්ත ජනගහනයෙන් හතරෙන් පංගුවක් අන්ත දුගී ජනතාවක් වෙසෙන ඉන්දියාවේ මෙම තාක්ෂණික විප්ලවය හා එමඟින් ලෝක බලවතා වීමට දරන ඊනියා ව්‍යායාමය එරට බොහෝ මධ්‍යස්ථ මතධාරීන්ගේ පවා විවේචනයට තුඩු දුන්නකි. ලෝක බලවතා වීමේ නොසන්සිඳෙන ආශාවෙන් ඉන්දියාව විසින් පසුගිය දශකයක පමණ කාලය පුරා අභ්‍යවකාශ ව්‍යාපෘති සඳහා වැයකළ මුදල සමස්ත ඉන්දියාවේ දිළිඳුකම මුළුමනින්ම පිටුදැකීමට ප්‍රමාණවත් බව ඉන්දීය ආර්ථක විශ්ලේෂකයන් විසින් මංගල්යාන් ව්‍යාපෘතියට එල්ල කළ ප්‍රධාන චෝදනාවක් විය. ඉන්දියාව මීළඟ ලෝක බලවතා වීමේ හැකියාව මෙන්ම නොහැකියාව ද එකවර උසුලන රටක් බව බ්‍රිතාන්‍ය පුවත්පතක් වාර්තා කර තිබුණේ මීට දෙසතියකට ඉහතදීය. <br /> <br />නගර කිහිපයක තත්වය වඩාත් උග්‍ර අතට හැරෙමින් තිබීම නිසා එම ප්‍රදේශ වල ආරක්ෂාව තර කිරීමට විශේෂ කාර්ය බලකාය යෙදවීමට සිදු වූ බව පොලිස් මාධ්‍ය ප්‍රකාශක විසින් සඳහන් කළ බව ප්‍රවෘත්ති විකාශයෙන් කියැවිණ. අන්තවාදී පිරිස් විසින් ගෙනයන කඩාකප්පල්කාරී ක්‍රියාවන්ට සහයෝගය නොදෙන ලෙසත් සාමකාමීව ක්‍රියාකරන ලෙසත් සර්වාගමික නායකයන් විසින් නිවේදනයක් නිකුත් කරමින් දැනුම් දී තිබිණි. තවද අග්‍රාමාත්‍යවරයා විශේෂ ප්‍රකාශයක් කිරීම සඳහා තව ස්වල්ප වේලාවකින් ජාතිය අමතන බවද ප්‍රවෘත්ති විකාශයේ වැඩිදුරටත් සඳහන් විය. <br /> <br />සිද්ධිය පිළිබඳ වැඩිදුර විස්තර දැනගැනීම සඳහා මම එවෙලේම අපගේ ප්‍රාදේශීය වාර්තාකරුවන් කිහිපදෙනෙකු ඇමතුවෙමි. තත්වය සන්සුන් වූ පසු සිද්ධිය අළලා විශේෂාංග තීරු ලිපියක් සැකසීම මගේ සිතුවිල්ල විය. <br /><b> <br /><i>"දැන්ම මුකුත් ලියන්න එපා.. ආණ්ඩුවෙ කීප දෙනෙක්ම වැඩේ පිටිපස්සෙ ඉන්නවා.. මුං හදන්නෙ කොහොම හරි හදිසි නීතිය දාල පාර්ලිමේන්තුව විසුරුවන එක වළක්වන්න.." </i></b>එක් මිතුරෙකුගේ ප්‍රතිචාරය විය. <br /> <br />අලුත් පිටුවක් විවෘත කළ මම ලිපිය යතුරු ලියනය කිරීම ආරම්භ කළෙමි. කිසිදු සංස්කරණයකින් තොරව අපිළිවෙලින් සිතට නැඟුණු අදහස් එපරිද්දෙන්ම සනිටුහන් කරමින් පිටු කිහිපයක්ම එකදිගට යතුරු ලියනය කළෙමි. බිරිඳත් පුතුන් දෙදෙනාත් නින්දට යන බව පවසා තමතමන්ගේ කාමරවලට ගියහ. මධ්‍යම රාත්‍රියට ආසන්නව තිබූ නිසා තරමක වෙහෙසකර ගතියක් දැනෙන්ට වූ හෙයින් මෙහොතකට දෑස් පියාගත් මා යළිත් අවදි වී තිබුණේ අගමැතිගේ ජාතිය ඇමතීමේ කතාවෙනුත් පසුවය. අඟහරු තරණය පිළිබද විශේෂ සජීවී වැඩසටහන දිගටම විකාශය වෙමින් තිබිණි. අඟහරු ජයගැනීම සමරමින් දහස් ගණනින් ඉන්දියානුවන් ඒ මධ්‍යම රාත්‍රියේ වීදි බැස මල්වෙඩි දල්වමින් ප්‍රීතිඝෝෂා කරන අයුරු දක්නට ලැබිණ. <br /> <br />නොදැනුවත්වම නැවතත් නින්දට වැටුණු මා අවදි වූයේ කොපමණ වේලාවකට පසුවද යන්න නිශ්චය කළ නොහැකි විය. ඊළඟ මොහොතේ මා අවදි වන විටත් රූපවාහිනිය ක්‍රියාත්මකව තිබූ අතර කඩසාප්පු සමූහයක් ගිනිගෙන දැවෙන රූපරාමු පෙළක් දර්ශනය වෙමින් තිබිණ. ගොඩනැඟිලි ගණනාවක් මුළුමනින්ම ගින්නෙන් විනාශ වී ඇති අයුරු ද තරුණයින් පිරිසක් පෙට්‍රල් පිරවූ කෑන් අතැතිව විදී පුරා දුවමින් කඩසාප්පු ගිනිබත් කරන ආකාරයද දක්නට ලැබිණි. <br /> <br />මා එවෙලේ සිටින්නට ඇත්තේ නින්දත් නොනින්දත් අතරය. රූපවාහිනියෙන් දුටු ඇතැම් දර්ශන මා සිහිනයෙන්ද දුටු බව මට හොඳින්ම මතකය. ඒ මැදියම් රැයේ සිය ගණනින් මිනිසුන් වීදි බැස කඩසාප්පු ගිනිතබමින් මල්වෙඩි සහ රතිඤ්ඤා දල්වනු මා දුටුවේ සිහිනයෙන් විය යුතුය. නාරායන් සහ අස්රෆ් අඟහරු මත සැහැල්ලුවෙන් ඇවිද යන අයුරුත්, කැමරාවට අත වනන අයුරුත් මා දුටුවේ සිහිනයෙන් ද නැතහොත් රූපවාහිනියෙන්ද යන්න තවමත් මට නිශ්චය කළ නොහැකි විය. <BR><BR><img src='http://www.boondi.lk/CTRLPannel/SupportiveImages/PenIcon.jpg' width='12' height='16' /> දමිත් වැලිකල<BR></span> <BR><BR><iframe src ='http://www.boondi.lk/CTRLPannel/BlogHitter.php?ArtID=4646' scrolling='no' frameborder='0' style='border:none; overflow:hidden; width:300px; height:30px;' allowTransparency='true'>></iframe><BR><div class="blogger-post-footer">බූන්දි - අකුරු අනුරාගිකයි - විඳීම් ඉන්ද්‍රජාලිකයි</div>BoondiOnLinehttp://www.blogger.com/profile/04246852882496903111noreply@blogger.comtag:blogger.com,1999:blog-8989665043267507050.post-74803482481924104472015-05-21T10:26:00.001-07:002015-05-21T10:26:13.674-07:00<img border='0' src=http://www.boondi.lk/CTRLPannel/ArticleImages/COTH/People-Power.jpg width=480 height=334 align='center'><BR><span style='font-size:120%;'><BR><b>හොරණ පුරවැසි පවුර</b> සංවිධානය කරන විවෘත සංවාද පෙලේ දෙවැන්න <b>‘ 19 වන ව්‍යවස්ථා සංශෝධනයෙන් ඔබ්බට- තවදුරටත් නිදියමුද නැගිටිමුද’</b> මැයෙන් <b>2015 මැයි 23 සෙනසුරාදා සවස 2.00 ට හොරණ නගර ශාලාවේ දී </b>පැවැත්වේ. <br /> <br /><b>සංවාදයේ මූලික අදහස් දැක්වීම:</b> <br />ජනාධිපති නීතීඥ ආචාර්ය ජයම්පතී වික‍්‍රමරත්න <br />රයිට්ස් නව් සාමූහිකයේ විධායක අධ්‍යක්ෂ නීතීඥ සුදර්ශණ ගුණවර්ධන <br /> <br />පුරවැසියන් වන සැමට මීට සහභාගී වීමෙන් හා අදහස් දැක්වීමෙන් දායක වන මෙන් විවෘතව ඇරයුම් කෙරේ.<BR></span> <BR><BR><iframe src ='http://www.boondi.lk/CTRLPannel/BlogHitter.php?ArtID=4654' scrolling='no' frameborder='0' style='border:none; overflow:hidden; width:300px; height:30px;' allowTransparency='true'>></iframe><BR><div class="blogger-post-footer">බූන්දි - අකුරු අනුරාගිකයි - විඳීම් ඉන්ද්‍රජාලිකයි</div>BoondiOnLinehttp://www.blogger.com/profile/04246852882496903111noreply@blogger.comtag:blogger.com,1999:blog-8989665043267507050.post-59993017124241520752015-05-20T11:01:00.001-07:002015-05-20T11:01:16.351-07:00<img border='0' src=http://www.boondi.lk/CTRLPannel/ArticleImages/KAVI/Mother-And-Child.jpg width=480 height=334 align='center'><BR><span style='font-size:120%;'><BR>I’ve been remaking Pietà the other way around: <br />mother was dead, <br />the son who wanted to carry her in his arms – segregated, <br />their skins looked the same. <br /> <br />Having this every day dream started as a ritual. <br />Then became an ordeal. <br />Once there was no ache under her breast bone. To end the dormancy, mammary glands <br />had been prepared for the last lassie stiffness. <br /> <br />And then love, <br />once transformed into stones and buried anonymously in ancient Gobekli Tepe <br />where sky burial wasn’t deep enough, reincarnated within her. <br />Blood she lost in labour and blood she turned to breast milk <br />gave him a semblance of altruism on that day we met at first. <br /> <br />He fathered my sons. Their scars were made when the navel-string was snipped. <br />Days later, the stump fell off; shrunken and black. <br />Scars are neither their center of gravity nor the new skin filling it. <br /> <br />I shed my skin the day she left. <br />Closed pores on it <br />deny the breathing. <br /> <br />- May 2015<BR><BR><img src='http://www.boondi.lk/CTRLPannel/SupportiveImages/PenIcon.jpg' width='12' height='16' /> සුභද්‍රා ජයසුන්දර<BR></span> <BR><BR><iframe src ='http://www.boondi.lk/CTRLPannel/BlogHitter.php?ArtID=4653' scrolling='no' frameborder='0' style='border:none; overflow:hidden; width:300px; height:30px;' allowTransparency='true'>></iframe><BR><div class="blogger-post-footer">බූන්දි - අකුරු අනුරාගිකයි - විඳීම් ඉන්ද්‍රජාලිකයි</div>BoondiOnLinehttp://www.blogger.com/profile/04246852882496903111noreply@blogger.comtag:blogger.com,1999:blog-8989665043267507050.post-9000916566125390262015-05-20T10:38:00.001-07:002015-05-20T10:38:04.245-07:00<img border='0' src=http://www.boondi.lk/CTRLPannel/ArticleImages/SOTH/Mahinda-Namal-Soba-Dahame-Dew-Dahama.jpg width=481 height=335 align='center'><BR><span style='font-size:120%;'><BR>මහින්ද නාමල් විසින් රචිත <b>‘‘සොබාදහමේ දෙව්දහම"</b> කෘතිය ජනගත කිරීම <b>2015 මැයි 25 සඳුදා සවස 3.00 ට</b> මරදාන සමාජ හා සාමයික කේන්ද්‍රයේ දී පැවැත්වේ. <br /> <br /><b>අදහස් දැක්වීම:</b> <br />ගරු සරත් ඉද්දමල්ගොඩ පියතුමා <br />පරිසරවේදී රවීන්ද්‍ර කාරියවසම් <br /> <br />‘හරිත හිසක් - හරිත හදක් ඇති කිතුනුවකු වීමට උපතක් ඇති කරන කතිකාවක්‘<b> යන තේමාව ඔස්සේ මේ සංවාදය මෙහෙයවනු ලැබේ. <br /></b> <br />පරිසරයට ආදරය කිරීම, ගරුකිරීම, රැකගැනීම, වැඩිවර්ධනය කිරීම බයිබලීය දේව ධර්මය සමඟ විග්‍රහ කරමින් පාරිසරික දෙව්දහමක් ගොඩනඟන්නට මේ දරන වෑයම ලාංකේය කතෝලික සභාව තුළ ආරම්භක පියවරක් වනු ඇති සේම ඒ සඳහා හොඳ මඟපෙන්වීමක්ද වනු ඇත. <BR></span> <BR><BR><iframe src ='http://www.boondi.lk/CTRLPannel/BlogHitter.php?ArtID=4645' scrolling='no' frameborder='0' style='border:none; overflow:hidden; width:300px; height:30px;' allowTransparency='true'>></iframe><BR><div class="blogger-post-footer">බූන්දි - අකුරු අනුරාගිකයි - විඳීම් ඉන්ද්‍රජාලිකයි</div>BoondiOnLinehttp://www.blogger.com/profile/04246852882496903111noreply@blogger.comtag:blogger.com,1999:blog-8989665043267507050.post-20361058753034822112015-05-19T11:29:00.001-07:002015-05-19T11:29:55.116-07:00<img border='0' src=http://www.boondi.lk/CTRLPannel/ArticleImages/CADH/Pablo-de-Greiff.jpg width=481 height=334 align='center'><BR><span style='font-size:120%;'><BR>පසුගිය වසරේ අවසාන සති කිහිපය තුළ දී, <b>අන්තර්කාලීන පිළිබඳ එක්සත් ජාතීන්ගේ විශේෂ නියෝජිත පැබ්ලෝ ඩි ග‍්‍රීෆ් මහතා</b> ශ‍්‍රී ලංකාවේ සංචාරයක නිරත වූ බව වැඩි දෙනෙක් දන්නේ නැත. නමුත් ඔහු කවුරුන් ද යන්න ගැනත් , එක්සත් ජාතීන්ගේ සංවිධානය සමඟ ඔහුගේ ගණුදෙනුව කවරාකාරයෙන් සිදුවන්නේ ද යන්න ගැනත්, ශ‍්‍රී ලංකාව පිළිබඳ ඔහු විසින් දී තිබෙන ප‍්‍රතිචාර ගැනත් ශ‍්‍රී ලාංකිකයින් දැනගත යුතු ම යි. මක්නිසාද යත්, එය ඒ තරමට ම වැදගත් සාධනීය විවේචනයක් වන බැවිනි. <br /> <br /><b>ඩි. ග‍්‍රිෆ්</b> මහතා හැදී වැඩුනේ ශ‍්‍රී ලංකාව මෙන්ම ප‍්‍රචණ්ඩත්වයේ ගොදුරක් වූ කොලොම්බියාවේය. සමහර ගණනය කිරීම් වලට අනුව එරට යුද්ධය නිසා වසර 55 ක් තුළ මිනිසුන් දෙලක්ෂ විසි පන්දහසක් (2 25 000) මිය ගොස් ඇති අතර අභ්‍යන්තර අවතැන් වූවන් වැඩිම රටවල් අතර ලෝකයේ දෙවැනි ස්ථානයට පත් ව සිටින්නේ ද කොළොම්බියාව ය. <br /> <br /><b>පැබ්ලෝ ඩි ග‍්‍රිෆ් </b>මහතා හිටපු ඇමරිකානු <b>ජනාධිපති ජෝර්ජ් බුෂ් </b>මහතා ද උසස් අධ්‍යාපනය ලැබූ යේල් විශ්ව විද්‍යාලයේ කීර්තිමත් විද්‍යාර්ථියෙකු වන අතර උසස් අධ්‍යාපනය නිම කිරීමෙන් පසුව එක්සත් ජනපදයේ ඉහළම විශ්ව විද්‍යාල තුනෙන් එකක් වන ප‍්‍රින්ස්ටන් විශ්ව විද්‍යාලයේ දර්ශනය පිළිබඳ මහාචාර්යවරයා බවට පත් විය. <br /> <br />කෙසේ වෙතත් ග‍්‍රිෆ් මහතා එක්සත් ජාතීන්ගේ සංවිධානයේ අන්තර්කාලීන යුක්තිය පිළිබඳ විශේෂ වාර්තාකරු ලෙස පසුගිය නොවැම්බරයේ දී කුප‍්‍රකට ග්වන්තනමෝ සිදුවීම් සම්බන්ධයෙන්, විශේෂයෙන් ම වින්දිතයින් සම්බන්ධයෙනුත්, සී අයි ඒ හිංසන සම්බන්ධයෙනුත් එක්සත් ජනපද ජනාධිපති බැරක් ඔබාමාගෙන් විමසනු ලැබීය. <br /> <br />එමෙන් ම ඔහු එහි දී එක්සත් ජනපදය අන්‍යන් වෙන ඉදිරිපත් කරනු ලබන මානව හිමිකම් ප‍්‍රමිතීන් තමනුත් ආරක්ෂා කළ යුතු බව අවධාරණය කරනු ලැබීය. එක්සත් ජාතීන්ගේ විශේෂ නියෝජිතයකු එවැනි ප‍්‍රකාශයක් කරන විට එහි බලපෑම අතිශයින් ම ප‍්‍රබල ය. <br /> <br />එම නිසා විදෙස් කුමන්ත‍්‍රණ ගැන නන් දොඩවන, මානව හිමිකම් බටහිර කුමන්ත‍්‍රණ ලෙස සලකන, මානව හිමිකම් ක‍්‍රියාකාරීන් යනු ජාත්‍යන්තර දේශපාලන ක‍්‍රීඩාවේ පඹයන් ලෙස සලකන ශ‍්‍රී ලාංකීය දේශපාලන න්‍යායාචාරීන්ට පැබ්ලෝ ඩි ග‍්‍රිෆ් සම්බන්ධයෙන් එවැනි විවේචනයක් කරන්නට ද නොහැකි ය. <br /> <br />කෙසේ වෙතත් ඔහු පසුගියදා ශ‍්‍රී ලංකා සංචාරයේ අද්දැකීම් ඇසුරින් ද ශ‍්‍රී ලංකාවේ සංහිදියා ක‍්‍රියාදාමයන් පිළිබඳව සෑහීමකට පත් විය නොහැකි බව ඉස්මතු කර ඇති අතර සාමය හා සංහිදියාව ඇති කිරීම ඉරිදා දිනක බුෙෆ් එකකින් ආහාර බෙදා ගැනීම හා සමාන සරල ක‍්‍රියාවක් නොවන බවත් පියවර වශයෙන් දිගුකාලීන කැපවීමක් සහිතව කළ යුතු කටයුත්තක් බවත් පෙන්වා දී ඇත. ඔහු වඩාත් වැදගත් ලෙස ඉස්මතු කර පෙන්වන්නේ <b>"මිලිටරි ජයග‍්‍රහණ පසෙක ලා ජනතාවට සංහිදියාවෙන් ජීවත් විය හැකි තත්වයක් සාධනය කළ <br />යුතු බව"</b> ය. අන්තර්කාලීන යුක්තිය ඉටු කිරීමේ මාවතක් හැටියට සිදු වී තිබෙන මානව හිමිකම් උල්ලංඝනයන් සම්බන්ධයෙන් යුක්තිය ඉටු කිරීම සිදු කළ යුතු බව ය. <br /> <br />ග‍්‍රිෆ් මහතාට ඉතිහාසය පිළිබඳ හැඟීමක් ඇත. ඔහු ශ‍්‍රී ලංකාව රටක් ලෙස දිනාගෙන තිබුණු ජාත්‍යන්තර කීර්තිනාමය සිහිපත් කරමින් අප රට එම කීර්තිය වර්තමානය තුළ ද අත් පත් කරගත යුතු බව පෙන්වා දෙයි. <br /> <br />යහපාලන නැමියාවක් තිබෙන එය වත්මන් ශ‍්‍රී ලංකාවේ දේශපාලනඥයින්, විටින් විට ප‍්‍රතිපත්ති වෙනස් කරමින් අදූරදර්ශී වැඩ පිළිවෙල කඩින් කඩ ක‍්‍රියාත්මක කිරීමට යාම විවේචනය කරයි. ඔහු පෙන්වා දෙන්නේ කොමිසමක කාර්යයක් වේවා මැතිවරණ ප‍්‍රතිසංස්කරණයක් වේවා රාජ්‍ය ප‍්‍රතිපත්ති සකස් කිරීමේදී එය නිසි මඟ පෙන්වීම් මත නිසි ව්‍යුහාත්මක ගොඩනැංවීම් මත දූරදර්ශී ආකාරයෙන් කල් යල් බලා ඉටු විය යුතු බව ය. ශ‍්‍රී ලංකාවේ දේශපාලන සංස්කෘතිය එවැනි දියුණු තත්වයකට පරිවර්තනය වීමට පසුබට වන බව ඔහුගේ අදහසයි. <br /> <br />ග‍්‍රීෆ් මහතා පවසන්නේ අන්තර්කාලීන යුක්තිය පිළිබඳව වැදගත් ප‍්‍රවේශ 4ක් වන <b>සත්‍ය සෙවීම, වින්දිතයන් සඳහා යුක්තිය ඉටු කිරීම, වන්දි ලබාදීම හා ප‍්‍රතිසන්ධානය </b>වෙනුවෙන් ශ‍්‍රී ලංකාව, ජනතාවගේ සහභාගිත්වය ලබා ගැනීමෙහි ලා උනන්දු විය යුතු බව යි. <br /> <br />එමෙන් ම ඔහු පෙන්වා දෙන්නේ ශ‍්‍රී ලංකාවේ ක‍්‍රියාත්මක කිරීමට තීරණය කරනු ලබන අන්තර්කාලීන යුක්ති ක‍්‍රියාවලියේ ප‍්‍රතිපත්ති සහ යාන්ත‍්‍රණය කුමක් වුවත් එය පදනම් විය යුත්තේ හුදෙක් කාලෙන් කාලට වෙනස් වන ආණ්ඩු ප‍්‍රතිපත්තිය මත නොව, මානව හිමිකම් රැකීම මත පදනම් වූ රාජ්‍ය ප‍්‍රතිපත්ති මත බව ය. <br /> <br />එකී ප‍්‍රතිපත්තිය සකස්වීම දේශපාලකයින්ගේ නිලධාරීන්ගේ මෙන් ම ජනතාවගේ ද අභිමතය මත විය යුතු බව ඔහු වැඩිදුරටත් පෙන්වා දෙයි. ඔහු අවධාරණය කරන්නේ රටක් හැටියට ශ‍්‍රී ලංකාව සංහිඳියාව සඳහා මෙකී ප‍්‍රතිමානයන්ගෙන් තොරව ජාතික සැලැස්ම වැනි තාවකාලික අදූරදර්ශී වැඩ පිළිවෙල හරහා ජාත්‍යන්තරය මුලා කරමින් සිටින බවත්, එය ශ‍්‍රී ලංකාවේ ප‍්‍රතිරූපයට හානිකර වන බවත් ය. <br /> <br />කෙසේ වෙතත් ග‍්‍රීෆ් මහතාගේ විමතිය පළ වන්නේ ඉතා ප‍්‍රජාතන්ත‍්‍රවාදී, සාක්ෂරතාවයෙන් ඉහළ ජනතාවක් සිටින ශ‍්‍රී ලංකාව මානව හිමිකම් සහ යුක්තිය පිළිබඳ විරුද්ධාභාසය වෙත ගමන් කරන්නේ කෙසේද යන්න ගැනයි. එමෙන් ම රාජ්‍යයේ ස්වභාවය රුධිර ගලනයක් ලෙස පිළිගන්නේ කෙසේ ද යන්න ගැන යි. ඔහු පවසන්නේ ගැටුම් නිරාකරණය කරගනිමින් ශ‍්‍රී ලාංකීය ජාතිය ගොඩනැංවීම කෙරෙහි ශ‍්‍රී ලංකාව රාජ්‍ය ප‍්‍රතිපත්ති සකස්කල යුතු බව යි. <BR><BR><img src='http://www.boondi.lk/CTRLPannel/SupportiveImages/PenIcon.jpg' width='12' height='16' /> ඩිලන් පෙරේරා<BR></span> <BR><BR><iframe src ='http://www.boondi.lk/CTRLPannel/BlogHitter.php?ArtID=4649' scrolling='no' frameborder='0' style='border:none; overflow:hidden; width:300px; height:30px;' allowTransparency='true'>></iframe><BR><div class="blogger-post-footer">බූන්දි - අකුරු අනුරාගිකයි - විඳීම් ඉන්ද්‍රජාලිකයි</div>BoondiOnLinehttp://www.blogger.com/profile/04246852882496903111noreply@blogger.comtag:blogger.com,1999:blog-8989665043267507050.post-62262632731914138882015-05-19T09:33:00.001-07:002015-05-19T09:33:07.953-07:00<img border='0' src=http://www.boondi.lk/CTRLPannel/ArticleImages/KAVI/Lonely-Soul.jpg width=480 height=334 align='center'><BR><span style='font-size:120%;'><BR>විපිළිසර කය රැගෙන <br />තතනමින් ඇවිද යමි <br />නිරුත්සාහික්කවම <br />එක්තරා ඉන්ද්‍රජාලික පෙදෙසක <br /> <br />නොදරා කිසි තැතක් <br />ඛේදයේ ගිලෙමින් ඉමි <br />වර්තමානය ජීවිතය ලෙස <br />රවටාගෙන සිත හා මනස <br /> <br />පා පියන් මත කිසිවෙකුගේ හෝ <br />නුපුරුදු ලෙස තබමි මා පය <br />පුරුදුකරුවෙකු මෙන් සෙමෙන් <br />ඒත්තු ගන්වන්නට සුදුස්සෙකු ලෙස <br /> <br />ඇවිටිලි කරමින් යඳිමින් සිඟමන් <br />නවතිනු පිණිස සදහට මෙ පෙදෙස <br />කෙළවරක් නොලදත් ඛේදයේම ගිලෙමි <br />අතිශයින්ම පෙම් කළ බැවින් ඉන්ද්‍රජාලික දිවිය<BR><BR><img src='http://www.boondi.lk/CTRLPannel/SupportiveImages/PenIcon.jpg' width='12' height='16' /> ගයාන් ඉන්දුල කොඩිතුවක්කු <BR></span> <BR><BR><iframe src ='http://www.boondi.lk/CTRLPannel/BlogHitter.php?ArtID=4643' scrolling='no' frameborder='0' style='border:none; overflow:hidden; width:300px; height:30px;' allowTransparency='true'>></iframe><BR><div class="blogger-post-footer">බූන්දි - අකුරු අනුරාගිකයි - විඳීම් ඉන්ද්‍රජාලිකයි</div>BoondiOnLinehttp://www.blogger.com/profile/04246852882496903111noreply@blogger.com